བོད་ཡིག

e-texts based on the ACIP/ALL Input

/ / */ /sbyor ba yan lag drug gi snang ba'i rim pa dpal rnam par snang mdzad rdo rje rjas mdzad pa'o// //*/ /rgya gar skad du/ /kha DaM ga yo gA lo ka kra ma/ bod skad du/ /sbyor ba yan lag drug gi snang ba'i rim pa/ dpal 'jam pa'i rdo rje la phyag 'tshal lo/ /shes rab thabs kyi bdag nyid can/ /thog mar 'jam rdor la btud nas/ /de yi slob ye shes zhabs/ /des brgyud pa la'ang gus bcas nas/ /sman zhabs zhal nas gsungs pa yi/ /yan lag drug pa rab bsgoms na/ /'jam pa'i rdo rje la sogs pa'i/ /rdzogs pa'i rim pa 'grub par 'gyur/ /bskyed pa'i rim pa rnyed 'dod pas/ /yan lag bzhi pa'i rim pa yis/ /mthun pa'i sbyor ba la gnas pas/ / cis kyang rnal 'byor pa yis 'thob/ /rdzogs pa'i rim pa sbyod 'dod pa/ /yan lag drug la goms sbyor na/ /bya ba spros bral rang bzhin gyis/ /dngos grub kyi ni mtshogs sgrub bo/ /so sor bsdud dang bsam gtan dang/ /srog rtsol de bzhin bzung bar dang/ /rjes su dran dang ting nge 'dzin/ /sbyor ba'i yan lag drug ces grags/ /drug po de'i nang nas so sor sdud pa bshad pa ni bde ba rgya mtsho chen po'i gnyid las lha mo bzhis yang dag par bskul nas sang ba'i tshe rang gi snying gar pad+ma dang zla ba la sogs pa'i sa bon rnam par bsams te/ dang por gdong la sogs pa rnam par thar pa'i sgo gsum gyis rnam par dag par byas nas/ yid dang mthun pa'i gnas su mchod pa dang sdig pa bshags pa la sogs pa'i cho ga thams cad bcad nas/ mi la sogs pa'i sa bon las 'od zer gyi dra bas brtan g.yo'i 'gro ba thams cad dngul chus lcags la sogs pa'i gong bu bsgyur pa bzhin du/ /dri ma med pa'i zla ba'i 'od zer lta bu dang/ sgyu ma lta bu'i gzugs su rnam par rtogs nas/ rang gi snying ga'i sa bon gyi thig le la bsdus nas/ rang gi lus dang pad+ma la sogs pa de yang ga pur dengs pa ltar rim gyis thig le nyid du bsgom/ /thig le yang mi shigs pa byang chub sems kyi gzugs stong nyid snying rje'i snying po can la smon lam gyis stobs kyis byin gyis brlabs pas ri mo drang po tsam du bltas pa yang/ /aoM shu n+ya tA dz+nyA na badzra swa b+hA ba At+ma konya hi/ /zhes pa brag ca lta bu'i sngags 'dis byin gyis brlab bo/ /de ma thag tu stong pa nyid la snyoms par zhugs pa'i rnal 'byor pa smon lam gyi stobs kyi rmi lam zad pa lta bur myur du 'gro ba'i don la bsams te/ nA de la rim gyis byung bas sa bon gyi 'od zer gyi dra ba'i rnam 'phrul gyis kun tu khyab pa'i dbus su chos kyi ro byung gnas kyi dbus su sna tshogs rdo rje'i lte bar gnas pa sna tshogs pad+ma'i lte b a la gzhal yas khang gnas pa'i dbus su pad+ma dang zla ba la sa bon gyis mtshan pa'i phyag mtshan yongs su gyur pa las thog mar de bzhin gshegs pa ma lus pa bsdus la rang 'dod pa'i ltas rang dang 'dra ba'i rig ma la 'khyud par blta'o/ /de nas dbang po bcu po rnams kyi bar/ /rang gi 'jug nas thams cad du/ /'dod pa so sor sdud pas na/ /so sor sdud pa zhes pa bshad do/ /zhes pas ni/ /so sor sdud pa'i don te/ tshigs su bcad pa phyi ma de'i don bshad pa ni/ dbang po bcu zhes pa dbang po lnga ni mig gi dbang po la sogs pa rnams dang/ yul gzugs la sogs pa rnams so/ /rang gi 'jug gnas zhes bya ba gzung ba dang 'dzin pa gzugs la brten pa'i yid de mig gi rnam par shes pa la sogs pa'i ngo bo nyid de so sor sdud pa ste zhen pa med par byed pa'o/ /'dod pa so sor sdud pa ni yul rnams la chags pa'i sems bzlog pa'o/ /de 'di ltar bshad par bya ste/ /mig gi dbang po la sogs pa rnams sa'i snying po la sogs pa'i sa bon las bskyed nas thug k a'i sa bon las 'od zer gyi dra ba por ba'i dus su gzugs rdo rje la sogs pa la dzapo la sogs pa dang snyoms par zhugs pa ni don dam par stong pa nyid du ro gcig pas bde ba bskyed par rig pa ni de nyid las/ rnal 'byor so sor sdud zhugs pa/ /stong nyid bsam gtan de la 'jug /dmigs pa med par 'jug pa'i sems/ / gzung dang 'dzin las rnam par ldog / 'di yang dag pa'i gnas skabs su zhes gsungs pas so sor sdud pa ste dang po'o// //da ni bsam gtan bshad par bya ste/ /yan lag dang pos ni 'jug pa'i rnam par shes pa dang ldog pa'i shes pa'i mtshan nyid kyis so sor bsdud pa goms par byas nas nyon mongs pa can gyi yid gnas gyur pa'i mtshan nyid can gyi bsam gtan la spyod par bya'o/ /'dod pa lnga ni mdor bsdus na/ /sangs rgyas lnga ru sbyor ba yis/ /bltas pa bsam gtan zhes bshad de/ /bsam gtan de ni rnam lngar gyur/ /ces pa de'i don bshad pa ni gzugs la sogs pa'i 'dod pa'i yon tan lnga'i yul la mdzad pa dang mi mdzes pa dang btang snyoms dang rang mchog tu mdzes pa dang/ gzhan mchog tu mdzes pas 'dod chags dang zhe sdang dang gti mug dang nga rgyal dang phrag dog gi bdag nyid kyi nyon mongs pa'i sems skyes pas na yul dang sems gcig tu byed pa ni 'dod yon lnga ste/ sems nyid yin no zhes bshad do/ /de yang 'dad pa sems zhes bshad pa ste/ /'dod chags zhe sdang rmongs pa'i dbang/ /nga rgyal phrag dog can bdag nyid/ /yang dag rdzogs pa'i sangs rgyas lnga zhes gsungs so/ /sangs rgyas lnga ru sbyor ba yis/ /brtag pa bsam gtan zhes bshad de/ /zhes pa ni mdzes pa'i gzugs la sogs pa la 'dod chags pa'i sems de ni snang ba mdza' yas kyi rang bzhin no/ /mi mdzes pa la zhe sdang ba'i sems de ni ma bskyed pa'i rang bzhin no/ /btang snyoms la gti mug pa'i sems de ni rnam par snang mdzad kyi rang bzhin no/ /rang mchog tu mdzes pa la nga rgyal ba'i sems de ni rin chen 'byung ldan gyi rang bzhin no/ /gzhan mchog tu mdzes pa la phrag dog pa'i sems de ni don yod grub pa'i rang bzhin no/ /de lta bu'i rang bzhin la brtag pa ni bsam gtan no/ / bsam gtan da yang bye bas rnam pa lngar 'gyur te/ /rtog pa dang dpyod pa dang dga' ba dang/ /de bzhin bde ba nyid dang yang dag ste/ /lnga po de ni bsam gtan bsdu/ /brtag dang bsam dang bsgom pa la/ /bsam gtan zhes ni rab tu bshad/ /bsam btan rnam par mi rtog pa/ /bsam gtan de ni sangs rgyas yul/ /dang po'i rnal 'byor pa rmongs nas/ /gzhan du stong nyid la sems na/ /blo gros shin tu rmongs gyur pas/ /mu stegs lam la 'jug par 'gyur/ /zhes bya bas yul dang yul can gyi shes par snyoms par 'jug pa ni gsang ba gsum las te/ ji ltar gong du bshad pa'i 'dod chags la sogs pa'i sems rnams ni snang ba mdza' yas la sogs pa'i rang bzhin du bsgrubs nas 'dod chags kyi sems la sogs pa phyir ldog par byed pa 'di ni brtag pa'o/ /de la sems nyid tsam du ci rigs par 'jug pa ni dpyod pa'o/ /sems kyi rang bzhin rab tu shes pa gang yin pa ni dga' ba'o/ /de la dga' bas las kyi nus pas thod pa'i lus ji lta ba bzhin du bde ba'o/ /de ltar rtog pa dang rtogs par byed pa med pa de tsam nyid du sems rtse gcig tu gnas pa'i rang bzhin ni kun rdzob dang don dam pa'i bden pa'i ngo bo nyid du zung du 'jug pa'i shes pa ni bsam gtan no/ /de nyid 'di ltar bshad par bya ste/ gal te gzugs la sogs pa la nye bar 'jug pa na/ /de la 'dod chags la sogs skyes na snang ba mdza' yas la sogs pa'i rang bzhin du nges par byas nas mdzes pa la sogs pa'i gzugs la sogs pa dang 'dra ba'i shes rab ma'i ngo bo nyid du dmigs nas snyoms par zhugs pas/ brgyal rdo rje dang snang ba mdza' yas su 'dus par bsam/ /brag dog rdo rje dang mi bskyod par 'dus par bsams nas rdo rje gsum gyi bdag nyid nam mkha' lta bur rtogs nas rang gi lus dang ngag dang yid kyang rdo rje gsum gyi rang bzhin nyid du rnam par bsam zhing ci rigs pa nyid du 'grub pas na yid dga' ba thob pas las kyi nus pa thob pa'i lus kyi bde ba can la/ dpal ldan rdo rje thugs 'chang ba la sogs pa'i tshogs su bcad pas rang gi sems dang/ nam mkhar gnas pa'i rdo rje gsum khyad par med par rtse gcig pa'i mtshan nyid can gyi ting nge 'dzin bsgom par bya ba 'dis ni bsam gtan gyi yan lag lnga pa ste gnyis pa'o/ / //da ni gsum pa srog rtsol gyi yan lag ye shes lnga yid ?? bzhin dbugs/ 'byung ba lnga yi ngo bo nyid/ /gong bu'i gzugs kyis phyung nas ni/ /sna yi rtse mor rab tu brtag /rin chen kha dog sna lnga pa/ /srog dang rtsol ba dran zhes bshad/ /ces bshad pa ni me long lta bu la sogs pa'i ye shes kyi ngo bo'i nyid kyi phyir ye shes lnga yi/ / rang bzhin no/ /'byung ba lnga'i ngo bo nyid ni sa la sogs pa lnga'i dkyil 'khor nas byung ba'i dbugs nges par 'byin pa ni sna rtse ste lha mo'i pad+ma'i sna rtse na gong bu'i gzugs kyis te/ thig le'i gzugs su brtag pa ni rnam par bsam pa'o/ /kha dog lnga ni dkar po dang/ /dmar ba dang/ ljang ba dang/ sngo ba'i rang bzhin no/ /rin chen te rin po che ni mchog go /dran ni dga' ba bskyed pas na rin po che dang/ rnyed dka' ba dang/ 'od rab tu 'bar ba'i phyir ro/ /de yang gyur pas na srog rtsol dran zhes bya'o/ /de nyid 'di ltar bshad par bya ste/ sna bug nang nas phyir 'byung ba'i dbugs 'byung ba chen po lnga'i rang bzhin 'od zer gyi dra ba can kha dog lnga pa ye shes lnga'i bdag nyid kyis nam mkha' kun tu khyab par spros nas 'od zer gyi dra ba de dag thabs dang shes rab gnyis su med par snyoms par 'jug pa'i bde bas sangs rgyas dang byang chub sems dpa' rnams lhan cig skyes dga' i ye shes kyi bdud rtsi'i ro rab tu snang bas ci rigs par bkug nas rang gi sna bug nyid nas gzhug / des rang gi l us kyi yan lag kun la khyab pas bde ba'i rang bzhin du bsgoms nas de'i 'od kyi dra ba dang bde ba dang gnyis su med par gyur nas rdo rje la ma nas byung nas lha ma'i pad+ma'i sna rtse la thig le mu tig rin po che la sindu ras bsgos pas dkar dmar lta bur shin tu mdzes pa'o/ /rang dang 'dra ba'i rig ma la yan lag gis 'khyud pa'i 'jam pa'i rdo rje la sogs pa snying por gyur pa rtag tu bsgom par bya ba ni phra ba'i rnal 'byor dang mtshungs pa ste yan lag gsum pa'o// // da ni yan lag bzhi pa rang sngags snying gar bsams nas ni/ /srog ni thig ler gyur bar bzhag /rang dbang rin chen dgag pa ni/ /gzung pa 'dzin pa yin par bshad/ /sems ni 'gog pa'i rdo rjer gyur/ /mtshan ma nyer 'dzin 'byung bar 'gyur/ /mtshan ma'i khams ni rnam pa lnga/ /byang chub rdo rjes gsungs pa yi/ /smig rgyu 'dra ba dang pa ste/ /du ba lta bu gnyis pa yin/ /mkha' snang 'dra ba gsum pa ste/ /mar me 'bar ba bzhi pa yin/ /sprin med nam mkha' lta bu ni/ / rtag tu snang ba lnga ba'o/ /zhes bya ba bshad pa ni rang sngags snying gar bsams nas ye shes sems dpa' i thugs kar gnas pa'i mtshan ma'i dbus na gnas pa'i maM la sogs pa'i sa bon brtan par byas nas srog de thig le la bcug nas 'od zer lnga dang ldan par bsgom mo/ /rang dbang rin chen dgag pa zhes pa brtan par gyur pas na dgag pa ste/ dbang po dang lhan cig pa'am/ /yang na rang gi dbang po dang lhan cig pas so/ /bzung ba ni phyir 'gro ba zlog par byed pa'i don to/ de ltar sems brtan par gyur pa'i rim pas sa la sogs pa 'byung ba chen po lnga'i dkyil 'khor nas 'byung ba'i dbugs zad pa la mtshan ma'i shes pa 'byung ba ste/ de yang rnam pa lnga las/ dang por smig rgyu lta bus ni sa'i dkyil 'khor nas 'byung ba'i dbugs zad pas na drod kyi gnas skabs so/ /du ba lta bus ni chu'i dkyil 'khor nas 'byung ba'i dbugs zad pas na rtse mo'i mtshan nyid snang ba'i gnas skabs so/ /nam mkha' lta bus ni nam mkha' kun tu khyab pa'am/ /me rtag 'phro ba lta bu me'i dkyil 'khor nas 'byung ba'i dbugs zad pas na/ /bzod pa'i mtshan nyid nad pa mched pa'i gnas skabs so/ /mar me lta bus ni rlung gi dkyil 'khor las byung ba'i dbugs zad pas na chas mchog chen po'i mtshan nyid snang ba thob pa'i gnas skabs so/ /snang ba'i rnam pa yang phyogs dpag tu med pa'i dkyil 'khor thams cad du khyab pa ston ka'i bdud rtsi'i 'od kyis snyoms pa'i rnam pa ni nam mkha' i dkyil 'khor nas 'byung ba'i dbugs zad pas na thams cad du chos kyi dbyings kyi dbyings kyi mtshan nyid nye bar snang ba thob ste/ sa rab tu dga' ba'i bde ba chen por rab tu 'jug pa'i gnas skabs so/ /de nyid 'di ltar bshad par bya ste/ de ma thag tu ye shes sems dpa' snying gar bcug nas mtshan ma'i sa bon las 'od zer gyi dra ba srog rang 'dres par gyur nas rnam par spros par/ /gong ma bzhin du cho ga thams cad rjes su spyad nas yang rang gi snying ga'i mtshan ma'i sa bon gyi thig le la bsdu/ sngags kyi yi ge rnams kyang thig ler bsams nas/ de'i dbus su rang nyid dang rig ma la yan lag gis 'khyud pas bde ba rgya mtshor ro myong ba'i rang bzhin du bdag bsams pa ni/ mchan khung gnyis su lag pa gnyis rab tu bsdams nas/ 'og sgo gnyis kyang bsdams la lce rtse bzlog nas rdo rno skyil krung bcings te/ rim nas rim gyis srog bzung bar bya ba ni thig le'i sbyor bas mchog tu gyur pa'i gdams ngag ste yan lag bzhi pa'o// //de ltar mchog dga' i gnas skabs su nyon mongs pa can gyi yid gnas gyur pa'i mtshan nyid can mthong ba'i lam gyis bar du bstan nas/ da ni dga' bral gyi gnas skabs su yang sngon du gyur pa la dran pa yang dang yang du mngon du bya ba'i mtshan nyid can gyi bsgom pa'i lam gyis rjes su dran pa yan lag lnga pa/ brtan gyur rdo rje lam nas ni/ /nam mkha' khams su spro bar bya/ /rjes dran gang zhig bsgom pa/ /de dang 'dra bar spro bar bya/ /rjes su dran pa zhes bshad do/ /so sor snang ba de las skye zhes bya bar bshad pa ni/ /brtan pa'i mtshan ma'i shes pa byung bar shes pa'i sgo nas brtan pa'i shes pa spro bar bya/ gyur gyi sgras mi brtan na mi spro ba ni rdo rje lam nas so/ /gang nas she nam mkha' nas shes pas chos 'byung nas dang/ /nam mkha' dkyil 'khor nas so/ /rjes su dran pa ste/ gong du sangs rgyas la sogs pa rjes su dran pa de lta bu'i shes pa dran pa'o/ /rang dang gzhan la so sor snang ba dang mnyam pas dkyil 'khor gyi 'khor lo la sogs pa dang 'dra bar shes pa skyes pa'o/ /de nyid 'di ltar bshad par bya ste/ gong du m tshan ma byung ba'i sgo nas sems nges par brtan par gyur par shes rang gi snying ga'i ye shes sems dpa' i thugs ka'i thig le de las 'od zer gyi dra ba thabs shes rab snyoms par zhugs pas sangs rgyas kyi gzugs kyi ngo bo nyid dam yang na mtshan ma'i rang bzhin du spro ba ni/ /rdo rje'i lam nas lha mo'i pad+ma'i nang gi gnas su yud tsam bsgoms la/ /de nas phyi rol du nam mkha' khams kyi 'gro ba ma lus pa dang snyems par 'jug pa'i rang bzhin du byas te rdo rje'i lam nas bsdus pas bde ba'i bdag nyid du yan lag thams cad bde bar bsgrubs te/ /thog ma'i thig le yang 'dus nas bsgom par bya ba ni gdams ngag sde yan lag lnga pa'o/ /da ni mi slob pa'i lam sangs rgyas thob par byed pa'i mtshan nyid lhan cig skyes dga' i rang bzhin can yan lag drug pa/ /thabs dang shes rab snyoms 'jug pas/ dngos po thams cad mdor bsdus pa/ /gong bu'i tshul gyis bsdus nas ni/ /dbus su gzugs de rnam par bsgom/ /yud kyis ye shes rdzogs byed pa/ / ting nge 'dzin ces btags pa yin zhes bshad par bya ste/ thabs dang shes rab snyoms 'jug ni bdag nyid gnyis su med pa'i bde ba'i rang bzhin bsgom/ brtan g.yo dngos po thams cad kyi bdag nyid du rang gi ? sems tsam pa nyid ni thabs dang shes rab kyi bdag nyid yin la/ snyoms 'jug ni gnyis su med pa thob pas na mdor bsdus pa ste gong bu'i rang bzhin sangs rgyas kyi gzugs can no/ /dbus su gzugs ni zhes pa lus kyi dbus su rnam par bsgoms pas 'dres par 'gyur ba'o/ /yung gis? ni yang dag par zhu bar gyur pa la lha mo bzhi'i glus bskul ba'i sgo nas gnyis su med pa'i bde ba ye shes kyi lha'i sku'i rang bzhin can du 'grub par 'gyur ba'i shes pa rdzogs par byed pa'i ting nge 'dzin to/ /de 'di ltar bshad par bya ste/ god gi yan l ag lnga pa nas sems brtan par gyur pa'i rnal 'byor pas rang bzhin so sor snang ba'i dkyil 'khor gyi 'khor lo la sogs pa dang 'dra ba yang dang yang du bskyed par byed nus pas spro ba dang bsdu ba dang dbang du bya ba'i don du rang gis bde ba nyams su myong ba ni sgyu ma lta bu'i rang bzhin gyi 'od zer du ma 'phro ba'i dra bas kun dang snyoms par 'jug pa'i rang bzhin gyis shin tu phra ba du ma'i ngo bo nyid chags thogs med par bsdus nas/ rang nyid zhu bar gyur pa dang 'dres pa'i bde ba sgyu ma lta bu rnam par bsams pa las/ sngon gyi smon lam gyi dbang gis snying rje la sogs pa'i rang bzhin can spyan ma la sogs pa'i lha mo bzhis bskul bas myur du langs te ye shes kyi rang bzhin gyi 'jam pa'i rdo rje la sogs pa rang dang 'dra ba'i lus la 'khyud par bskyed pa'i bdud rtsi'i bcud zag pa'i ro myong bar bsgom pa ni ting nge 'dzin gyi gdams ngag ste yan lag drug pa'o/ / //de la so sor sdud pa grub pas ni sngags rnams thams cad 'grub po/ /bsam gtan gyis ni mngon par shes pa yang 'grub bo/ /srog rtsel gyi ni byang chub sems dpa' i byin gyis rlob po/ /bzung bas ni rdo rje sems dpas byin gyis rlob bo/ /rjes su dran pas ni 'od zer gyi dkyil 'khor spro ba'o/ /bsam gtan gyi dbang gis ni sgrib pa thams cad las rnam par grol pa'o/ /de yang so sor sdud las nges snyed na/ /sngags rnams kun gyis byin gyis brlabs/ /bsam gtan ye shes des 'thob na/ /mngon shes lnga po snyed par 'gyur/ /srog dang rtsol ba la dbang na/ /rdo rje sems dpa' gzigs par mdzad/ /bzung ba'i stobs ni rtag pa la/ /rdo rje sems dpa' i nges par 'jug /rjes su dran pas yang dag par/ /'od zer gyi ni dkyil 'khor bskyed/ /ting nge 'dzin gyi dbang gis ni/ /sgrib pa rnams las nges par grol/ /zhes gsungs so/ /dpal ldan ye shes zhabs kyi sbyor ba'i yan lag drug mdzes par/ /gang gis shin tu dri med bshad pas dge ba de bskrun pa/ /shin tu dag pa de ni rgyal ba'i blo ldan mi gcan la/ /dpal ldan yan lag drug gis chus bkrus yan lag rnam dag shog /bla ma rgyud pa'i rjes 'drangs? shing/ /'jam pa'i rdo rje'i bka' drin las/ dpal? ldan rnam snang rdo rje yis/ /rim par sbyar pas gsal bar phye/ /dpal sman pa'i zhabs kyi zhal snga nas byung ba/ /sbyor ba yan lag drug gi snang ba'i rim pa zhes bya ba/ dpal rnam par snang mdzad rdo rjes mdzad pa rdzogs so/ / //bla ma chen po paN+Tita su n+y+da? sh+rI'i zhal snga nas dang/ /lo tsa ba dge slong g.yung drung 'od kyis bsgyur pa'o// // */ /dpal gsang ba 'dus pa'i 'jam dpal gyi sgrub gsal? dang ?? ?? bzang? po'i zhabs? kyis? mdzad pa'o/

CLOSE WINDOW