བོད་ཡིག

e-texts based on the ACIP/ALL Input

//stabs stabs kyi bkod pa slob dpon chen po sangs rgyas ye shes kyi zhal snga nas mdzad pa rdzogs so// //*/ (/dpal bsang ba 'dus pa'i dkyil 'khor gyi cho ga slob dpon mar me mdzad bzang po'i zhal snga nas mdzad pa bzhugs so// //) !/ /rgya gar skad du/ sh+rI gu hya sa ma dza maN+Da la bi d+hi nA ma/ bod skad du/ dpal gsang ba 'dus pa'i dkyil 'khor gyi cho ga zhes bya ba/ /bcom ldan 'das 'jam dpal ye shes sems dpa' la phyag 'tshal lo/ /shes bya sogs sgrib las nges grol/ /me long ye shes la sogs ldan/ /'jam dpal gsang ba'i 'khor lo mchog /btud de bdag dran phyir de bshad/ dpal ldan 'dus pa'i gzhung dam pa /'khor lo'i man ngag yin pa 'dis/ /chu thog rjes gnang tha ma yis/ /gang zhig dbang bskur de nas blang/ /gsang ba'i 'khor 'dir de nyid thob/ /gsang dang shes rab dbang bskur bas/ /gsang shes rnal 'byor de nyid shes/ /theg gsum dgongs pa'i nyid shes/ /rig dang snying po sngags phyag rgya/ /ting nge 'dzin ni gsum dag dang/ /thun mongs cig shos dngos grub dang/ /rgyud gzhung gi ni rnams dbye shes/ /dam tshig ldan zhing sdom pa gnas/ /shes rab rnal 'byor la rab brtson/ / sngags dang rgyud kyi sbyor ba mkhas/ /sems can don sgrub 'os pa yin/ /gtong brtan la sogs ldan gyur kyang/ /sngar bshad yon tan mi ldan na/ /'di ni 'gro don 'os min te/ /de yi yon tan 'di mchog yin/ /brtsed ldan brtul zhugs bzang zlos ldan/ /dad ldan zab mo de nyid shes/ /rang gi 'khor gnas sngon snyen pa/ /byas nas dkyil 'khor bri bar bya/ /yid dang rjes mthun gnas la lar/ /tsan dan mchog la sogs pas byung/ /me tog dri bzang bcal ? par/ /nang par dang por 'dug nas ni/ /rnam thar sgo ni legs ngag phyir/ /snying gar maM ni 'od 'bar ba/ /bsams nas dge ba mngon 'phel phyir/ /bshags la sogs pa rab tu bya/ /phyogs bcur dus gsum byung ba yi/ /sangs rgyas rnams kyi mdun gnas te/ /snying po'i 'od byung gzugs la sogs/ /mchod pa chog bzhin du bya/ /rang gi lo tog tsam las byung/ /nyes byas dus gsum byas pa rnams/ /rmi lam rmi lam sogs bzhin kun/ /lan gsum ngag 'chags par bgyid/ /rdzogs sangs sras mchog 'phags rnams dang/ /gzhan gyi dge ba dam pa gang/ /ma lus la bdag yi rang zhing/ /rdzogs byang chub tu rjes bsngo bgyi/ /kun 'dod dbugs 'byin stsol mdzad pa'i/ /sangs rgyas kun la bdag bskul ba/ bstan pa nam mkha' i mdza' mnyam pa/ /'jig rten kun sdig med snang mdzod/ /kun rtog ma lus dag gyur cig /rang rig dga' ba thugs chud la/ /rang gzhan don gyi 'bras bu stsol/ /rdzogs sangs rgyas la skyabs su mchi/ /sems mchog dam chos ma lus pa/ /lung dang rtogs pa'i bdag nyid can/ /dam pa'i phun tshogs gnas bsam yas/ /bdag ni yang dag skyabs su mchi/ /mi ldog dbugs 'byin 'thob gyur cing/ /rgyu mthun la sogs 'bras bur ldan/ /gsang pa'i dbang bskur las byung nyid/ /tshogs la'ang bdag nyid skyabs su mchi/ /thub dbang sras kyi lam gyi mchog /spyod pa thogs mdza' med rtogs byed/ /kun sangs rgyas bdag blo mchog gis/ /de bsad ni gnas par bgyi/ /sgrib pa thams cad yang dag gsol/ /ye shes mdza' yas bdud rtsi'i gnas/ /'khrul pa'i lta ba rab rtogs phyir/ /rnam kun byang chub sems bskyed do/ /byang chub sems dang sangs rgyas nyid/ /rgyu dang 'bras bur ma chags nyid/ /so so rang rig chos yin phyir/ /stong pa'i ye shes bdag can bdag /aoM shU n+ya tA dz+nyA na badzra swa b+hA ba At+ma ko haM/ hUM mdzad yang na gtsug tor ram/ /rnam par sna mdzad la sogs nyid/ /khro bo'i 'khor lor gnas srung phyir/ /bsams la bgegs ni rab tu gzhol/ /de nas chos kyi dbyings bsams te/ /zur gsum dkar zhing gyen dkar gnas/ /phyogs kyi 'khor lor sna tshogs 'od/ /mkha' nang 'og par rdo rje gnas/ /der bruM 'khor lo las byung ba'i/ /rig bcas rnam snang las byung ba// sangs rgyas spros tshogs mkha' khyab pa/ /zur bzhi la sogs yang dag ldan/ /sna tshogs pad+ma lha yi gdan/ /zla ba nyi mas legs mnan pa/ /rin chen dam pa kun gyis brgyan/ /gzhal yas khang pa rab bsam bya/ /dbyangs yig mchog dang yang dag ldan/ /ka sogs dpe byad 'od zer can/ /dbus ma'i zla ba gdan la sems/ /ye shes zla ba rnams bsgoms der/ /dang po'i snying las byung rdo rje/ /dmar zhing dang po'i snying por ldan/ /sprul pas 'gro ba'i don byas nas/ /bdag nyid de yi nga rgyal ldan / sku dang zhal mchog shes zla 'dra/ /g.yas pa bsngo la cig shos dmar/ /rnam pa kun mchog rgya che zhing/ /yon tan na bza' brgyan mchog ldan/ /rdo rje skyil krung legs par bzhugs/ /phyag gnyis shes rab mchog la 'khyud/ /phyag g.yas rdo rje ral gri ste/ /g.yon na rin chen pad+mar ldan/ /dpal ldan shes rab thabs bdag nyid/ /'gro ba'i phun tshogs rnams kyi gnas/ /kun tu bzang po 'od 'phro par/ /bdag nyid rnam par bsgom par bya/ /de nas 'dod chags ches 'dul pa'i/ /snod kyis 'jig rten mthong ba dang/ /dga' ba'i sgra yis rang nang du/ /rgyal ba'i tshogs rnams gzhugs par bya/ /de ni spyan sogs rig mchog dang/ /gzugs sogs yul gyi bdag nyid kyi/ /lha mo dgu ru phyung nas ni/ /rang gi rig pa'i nang du gzhug / rang rig pad+ma'i lte ba ru/ /rab dga' las byung dkyil 'khor ni/ /sprul nas 'dir ni 'gro ba kun/ /dbugs phyung phyir ni gzhug par bya/ /mkha' khyab sangs rgyas bshes gnyen mchog /rang rdo rje nang zhu las byung/ /mi ldog phyir dang de nyid kyi/ /ye shes 'bras phyir dbang bskur/ /dbugs phyin 'gro ba da mthong nas/ /de yi dngos dbyung sa bon gyis/ /sems can thams cad phyung nas ni/ /'gro ba sems bdag dngos las byung/ /sa yi snying po la sogs drug / mig sogs rang gi ngo bor byung/ /k+ShiM dzri khaM gaM Sh+kaM/ gzhan yang/ saM ni rim bzhin sa bon yin/ /gzugs kyi rdo rje la sogs drug /phyi nang bdag nyid ngo bor byung/ /dzaspyan la sogs pa'i rigs pa de/ /sa la sogs pa'i ngo bor byung/ /laM mAM baM tAM 'di dag gis/ /'gro chos bdag nyid de nyid skyes/ /rtags pa la sogs rdzogs sangs rgyas/ /gzugs sogs phung po'i ngo bor byung/ /bruM aM dzraM baM hUM rnams kyis/ /chos rnams thams cad yang dag dbyung/ /de nas aoM azhu bar byas/ /bshes mchog ltar snang phyogs lha mo/ /klu yi gsol bas legs par bskul/ /sems can khams na gnas kyi khyod ni dbang phyug rdo rje'i thugs/ /dga' bas yid 'ong don chen 'dod pas bdag la skyab tu gsol/ /mgon po gal te de ring bdag ni gson par mchis bzhed na/ /sems can yab chen gnyen mchog bdag la dgyes par mdzad du gsol/ /rdo rje sku khyod bka' yi 'khor lo sems can kun la phan/ /sangs rgyas don du byang chub mchog don rab tu phan par gzigs/ /mgon po gal te de ring bdag ni gson par mchis bzhed na/ /'dod chags dam tshig chags pas bdag la dgyes par mdzad du gsol/ /khyod ni rdo rje gsung ste kun la phan zhing thugs brtse ba/ /'jig rten dag gis dgos pa'i don mdzad pa la rtag tu brtson/ /mgon po gal te de ring bdag ni gson par mchis bzhed na/ /spyod pa dri med kun tu bzang pos bdag la dgyes par mdzod/ /khyod ni rdo rje 'dod pa dam tshig mchog gi phan don che/ /yang dag rdzogs sangs rgyas kyi gdung mchog mnyam nyid gzigs/ /mgon po gal te de ring bdag ni gson par mchis bzhed na/ /yon tan rin chen mang po'i gter gyur bdag la dgyes par mdzod/ /slong bar byed pa'i dor byas pas/ /zhu ba ? pa ltar mthong ste/ /dngos rnams sgyu ma ltar rig nas/ /rang sngags don du slar yang gyur/ /zhal mchog gur gum lta bu ste/ /g.yas pa sngo la cig shos dkar/ /rgyan dang cha lugs gzhon nu 'dra /shes rab dga' bas cig reM mdzes/ /rang snang shes pa ldan gyur cing/ /phyag gnyis shes rab dam pa 'khyud/ /ral gri 'od ldan mnga' yi mchog /autpal sngon gzhu phyag na bsnams/ /rangs rgyas sprin gyi sprul 'phro bas/ /'gro ba gsum gyi don rdzogs pa/ /rang gi sa bon mtshan las byung/ /'dzaM pa'i rdo rjer rang nyid gyur/ /srid par chags pas mdza' yas shing/ /zhi bar chags na 'byor nyams 'gyur/ /sgyu mas bsnyen pa yang dag byas/ /chos byings bdag nyid can du 'gyur/ /aoM d+harma d+hA tu swa b+hA ba At+ma ko haM/ bshes gnyen dam pas rgyu mthun byas/ /smin las thams cad mkhyen nyid 'gyur/ /de ni mig sogs byin brlab pa/ /nye bar bsgrub pa yin par 'dod/ /sa snying rdo rje can mkha' snying/ /'jig dbang sgrib sel kun tu bzang/ /de nas sa bon rnams kyis ni/ /mig la sogs pa yang dag dgang/ /skyes bu bskyed pa chos longs spyod/ /sprul pa las byung 'gro don nyid/ /thugs kyi gsung sogs byin gyis brlab/ /de bas sgrub pa'i don du 'gyur/ /rang nyid lkog ma spyi bo'i zlar/ /hUM Ardo rje chu skyes 'khor lo yi/ /dbus gnas thugs sogs gsang ba bsgom/ /de thugs shes rab yan lag 'dus/ /'od kyi gzugs ni rdo rje sogs/ /'od kyis phyogs dus kun mchod cing/ /ma lus gtsol khyab par gyur/ /gang zhig snying lkog spyi bor zhugs/ /de yi mdzad don rdzogs par byas/ /de ni thugs kyi rdo rje sogs/ /byin brlab de ni rab tu bsgrub/ /dpal ldan rdo rje'i thugs 'chang ba/ /rdo rje mi phyed gsum bsgoms pas/ /ded bdag byin gyis brlab gnas su/ /rdo rje thugs kyi mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs gnas su/ /rdo rje thugs kyis mdzad du gsol/ /aoM sarba ta thA ga ta tsit+ta badzra swab+hA ba At+ma ko haM/ /chos kyi gsung lam dpal dang ldan/ /rdo rje mi phyed gsum bsgoms pas/ /ded bdag byin gyis brlab gnas su/ /rdo rje gsung gis mdzad du gsol/ /phyogs bcur bzhugs pa'i sangs rgyas rnams/ /rdo rje ma phyed gsum bsgoms nas/ /deng bdag byin gyis brlab gnas su/ /rdo rje gsung gis mdzad du gsol/ /aoM sarba ta thA ga ta bAka badzra mu b+ha ba At+ma ko haM/ /dpal ldan sangs rgyas sku 'chang ba/ /rdo rje mi phyed gsum bsgoms pas/ /dang bdag byin gyis brlab gnas su/ /rdo rje skus ni mdzad du gsol/ /phyogs bcur bzhugs pa'i sangs rgyas rnam/ /rdo rje mi phyed gsum bsgoms pas/ /deng bdag byin gyis brlab gnas su/ /rdo rje skus ni mdzad du gsol/ /aoM sarba ta thA ga ta kA ya badzra swa b+hA ba At+ma ko haM/ /rje dran bcu drug dag pas ni/ /byed pa yin zhes des gsungs pas/ /de ni thugs sogs byin brlabs pa'i/ /gnas skabs min phyir ma bshad do/ /sgyu ma'i shes rab yang dag 'dus/ /gsung ba gsum gyi mtshan nyid blta/ /dbang 'bras chung du rnam dag phyir/ /sgrub pa chen po yin par 'dod/ /ye shes sems thugs snying 'od kyi/ /phyogs bcu'i mgon po yang dag bskul/ /de 'ong las byung rig po rnams/ /bdud rtsi chus bkang bum bsnams pas/ /gtso bo dpal ldan rang dbang bskur/ /rigs dbang cod pan dam pa yin/ /de bzhin rgyu mthun sogs par mas/ /rang gcig shes rab rnam par sbyang/ /spyi bo snying ga lte ba gsang/ /rkang mthar thug pa'i cha re la/ /aoM hUM swA Adga' bar ba/ /hUM a chu skyes 'dab brgyad pa/ /yang dag sbyangs des sogs rgyas rnams/ /hUM gi rdo rje mchog mnyes bya/ /aoM sarba ta thA ga ta a nu rA ga na badzra swa b+ha ba at+ma ko haM/ snying zla'i ral gri snying po'i 'od/ /sangs rgyas dkyil 'khor mkha' khyab pa/ /bdag nyid la bzhugs sems mchog gi /gzugs su rdo rje'i bde legs gnas/ /rgyal ba'i 'khor lo sa bon gyis/ /der bskyed nas ni brtan byas la/ /'gro ba'i mi shes dag bya'i phyir/ /rang gi cho gas dbyung bar bya/ /zhe sdang chen po'i don brgyad rgyal/ /bdag po mi bskyod yang dag bskul/ /badzra d+h+rika ces bya bas dbyung/ /nor bu ain+d+ra nI la'i mdog/ g.yas pa dkar la cig shos dmar/ /dpal mchog dang po'i phyag dang ldan/ / dpal ldan legs bsdus bdag nyid kyi/ /dngos po kun gyis gzhug par bya/ /dzi na dzi ka gis dang po 'dra/ /gti mug chen pos don mdzad gtso/ /'khor lo bzang sogs dpal de bzhin/ /shar gyi zla dkyil dag la bsgom/ /ratna b+haM ga gis rin chen dbang/ /gser mdog mnyam nyid brtson 'grus can/ /mgon po rin chen mchog sogs bsnams/ /gzhon nu'i zhal 'dra lho phyogs su'o/ /A ro laki gis gsung dbang po/ /'dod chags chen pos don mdzad gtso/ /pad+ma dA ga'i mdog pad sogs/ /gzhon nu'i zhal 'dra nub phyogs su'o/ /pradz+nyA dI ka gis don yod dbang/ /gtum chen phrag dog don mdzad pa/ /bai DU rya snang gzhon nu'i zhal/ /ral gri sogs bsnams byang du bsam/ /kun kyang ral pa cod pan bcas/ /rang rig gnyis su med par spyod/ /rgyan dang na bza' mchog kun ldan/ /pad+ma nyi dkyil dag la bsam/ /mo ha ra tis shar lho ru/ /snying rje thabs kyis 'gro don stsol/ /rang gi ngo bo sku dbang 'dra/ /spyan ni zla dkyil dgar ba bsam/ /dwe Sha ra tis lho nub tu/ /byams dang smon lam 'dod stsol ba/ /dgar ldan thugs kyi dbang po 'dra/ /mA ma kI ni zla dkyil bsam/ /rA ga ra tis nub byang du/ /dga' dang stobs dang ting 'dzin stsol/ /gsung gi dbang 'dra don dag bsam/ /gos dkar mo ni zla dkyil bsam/ /badzra ra tis byang shar du/ /btang snyoms ye shes ting 'dzin stsol/ /rang gi ngo bor rin dbang 'dra/ /yid 'ong sgrol ma zla dkyil bsam/ /'di rnams mtshan ma rim bzhin du/ /'khor lo autpal dmar po mchog / pad+ma autpal ser po ste/ /lhag ma dang bdag lta bur bstan/ /me la sogs pa'i mtshams bzhi dang/ /shar sgo yi ni ngos gnyis su/ /de nyid gsum gyi gzugs sogs pa/ /me long sogs bsnams sku sogs 'dra/ /ya mAn+ta krita gyis yams 'joms/ /phung po shes bya rnam 'jig pa/ /thugs kyi dbang 'dra lta rab 'bar/ /shar sgor khro bo'i dkyil mos nas/ /pradzAn+ta krita kyis srid 'joms/ /nyon mongs bdag lta 'jig byed pa/ /gtum zhing 'jigs la kun dbang 'dra/ /gzhan gyis mi thub lho sgor ro/ /pad+man+ta krita kyis 'dod 'joms/ /'chi bdag skyes pa'i tshogs 'jig pa/ /gtum zhing sgra zab gsum dbang 'dra/ /rta mgrin nub kyi sgo ru bsam/ /big+han+ta krita kyis bgegs 'joms/ /bya ba lha yi bdud dag nyid/ /gtum la mi bskyod mdog 'dra ba/ /bdud rtsi 'khyil pa byang sgor bsam/ /smin 'degs dbu skra gyen du 'bar/ /sma ra smin ma spyan dmar ser/ /zhal gdang ljags ni rnam par bskyod mche bar bcas shing rtag tu bzhad?/ /'di rnams phyag na thob drag / dbyug pa pad+ma rdo rje thogs/ /khros pa'i sbrul gyis sku la brgyan/ /rang rig shes rab yan lag lus/ /rdzogs pa'i 'khor lo la bltas nas/ /kun na rang gi dngos po yis/ /snying po'i sa bon 'od lcags kyus/ /sangs rgyas 'khor lo 'dra ba bsdu/ /mthong bar gyur nas bgegs rnams ni/ /kun tu bskrad de mngon bar bsrung/ /zla sogs me tog ldan pa yi/ /gsang sngags mchog bzlas mchod yon dbul/ /'khor lo de 'khor lo la gzhug / mig dang sku sogs byin gyis brlab/ /sngon bzhin dbang bskur de la bsam/ /rgyu mthun la sogs chen po nyid/ /sangs rgyas cod pan mi bskyed pa/ /lhag ma rang bdag dbang bskur ba/ /sku dbang mi bskyod gsung pa po/ /thugs dbang sgo ba rnams la 'dod/ /de ltar dbang bskur rang snying po'i/ /'od kyis shes rab pad der gzhug /gzugs sogs spu khur las byung ba'i/ /gzugs kyi rdo rje sogs 'od ni/ /gzhal yas khang 'od las 'das nas/ /nam mkha' i mdza' ni rab khyab pas/ / thub dbang rang ni legs mched pa'i/ /mchod dang mchod pa'i bdag can gyur/ /aoM sarba ta thA ga ta pU dza badzra swa b+hA ba At+ma ko haM/ chos rnams kun gyi 'khor lo bstod/ /rang gi bdag nyid rdzogs sangs skus/ /ye shes lnga dang phyag rgya dang// rigs brgya lnga dang gsum gyis so/ /mi bskyod rdo rje ye shes che/ /rdo rje dbyings ni mkhas chen po/ /dkyil mchog gi gsum pa yi ge gsum/ /rdo rje dbyangs la phyag 'tshal lo/ /rnam par snang mdzad dag pa che/ /rdo rje zhi ba dga' chen po/ /rang bzhin 'od gsal mchog gi mchog / ston pa rdo rje phyag 'tshal lo/ /rin chen rgyal po rab tu zab/ /rdo rje nam mkha' dri ma med/ /rang bzhin dag pas gos pa med/ /rdo rje'i sku la phyag 'tshal lo/ /rdo rje mi 'chi rgyal po che/ /mi rtog nam mkha' rdo rje 'dzin/ /'dod chags pha rol phyin pa brnyes/ /rdo rje'i gsung la phyag 'tshal lo/ /don yod rdo rje rdzogs sangs rgyas/ /bsam pa thams cad rdzogs mdzad pa/ /rang bzhin dag pa nyid las byung/ /rdo rje sems dpa' phyag 'tshal lo/ /zla ba nyi ma chung dang sman/ /dri ni rlung me'i 'khor lor gnas/ /aoM gyis byin brlabs 'od bcas pa/ /de nyid gsum gyis mngon par bzlas/ /rdo rje'i lce mchog tu hUM bkod pa/ /bsams nas ye shes bdud rtsi blang/ /snying ga'i zlar chud ma lus pa'i/ /'khor lo des ni tshim par bya/ /snying po'i 'od kyis sprul mgon pos/ /rang gi log rtog rnam spangs te/ /'gro ba sangs rgyas bdag nyid byas/ /snying po'i sa bon nang du gzhug /snying gar mtshan ma'i lte nang nas/ /zla snying thig le'i gzugs can du/ /rang yid 'od ldan bsgoms nas ni/ /ye shes sems dpa' rab tu bsgom/ /thugs sung sku yi rdo rje yang/ /'od kyi phreng bas rab sad bya/ /de ni snying gar zhugs bsam pa/ /rang gi ye shes bdud rtsi 'bab/ /de nas nang gi lus thams cad/ /ba spu las byung 'od zer tshogs/ /de yis kun nas snang byas la/ /'gro ba'i don nas rdzogs bya/ /yang na rang rtag phra bsgom pa/ /rig pa'i sna yi rtse mor gnas/ /thug pa'i 'khor lo rang rig pa/ /shes rab dam pa 'dus 'od ldan/ / brtan pa la mtshan ma mthong ba dang/ /der rtogs 'od zer spro bya zhing/ /sna tshogs mtshan ma sangs rgyas ni/ /yang dang yang du spro bar bya/ /sku gsung thugs kyi rdo rje mchog /ye shes lnga yi 'od zer can/ /spros te sngags ni zla bya ba/ /cig car yang na rim gyis so/ /rdo rje gsal chos 'khor lo ste/ /sku gsung thugs kyi rdo rjer gtogs/ /gnas su de ni brtan byas la/ /ye shes sku ni spro zhing bzla/ /brjod cing srog gis spro bya zhing/ /sngags ni rtsol bas bsdu bar bya/ /sku sogs spro dang bsdus pa yis/ /rims bzhin rims bzhin bzlas brjod bya/ /de ltar brjod de mkha' khyab pa'i/ /sku la sogs te rang 'od kyis/ /sngo zhing sna tshogs mchod mchog 'os/ /srog las rig pa'i tshogs rnams spro/ /rig bsgegs pas yongs 'khyud pa'i/ /bde ba babs pas dbang byas la/ /rtsol bas ye shes sangs rgyas tshogs/ /mthar ni rang gi nang la gzhug /thig le phra mo gsang gsum dbyung/ lhag mar mos pa rgyu mthun sogs/ /chung ngu la sogs kyis bya? ltar/ /rnal 'byor bsnyen sogs de bzhin bsgom /rang snying de nyid mchog brtags pas/ /sems kyi 'jug pa zhum gyur na/ spyan sogs tshogs kyi glu yis ni/ /'khor lo gsol gtab mchod par bya/ /spyi bor zla ba aoM rlan can/ /dam pa'i sems kyis chu 'jig pas/ /sku gsung thugs ni tshim byed pa/ /cho ga bzhin du dbab par bya/ /de ltar ngal gso bzlas byas shing/ /mkhas pas mchod la sogs byas nas/ /der nyid gsum bsdus sangs rgyas rnams/ /bzhud pa'i skabs su gshegs su gsol// 'di ni de nyid mthong bar bshad/ /'gro ba ma lus bltas nas kyang/ /snying rje de la phan pa'i phyir/ /smon lam rnams ni mngon du bya/ /ting nge 'dzin las 'das nas kyang/ /bdag po'i nga rgyal mngon du bya/ /'jug par gtogs che rdzogs sangs rgyas/ /yul gyi yang dag mchod par bya/ /'jam dpal rdo rje kun bdag nyid/ /ngo bo nyid kyis yul rjes 'gro/ /de ltar yul rnams bsgom pa ni/ /rang rang dag par rnam par gnas/ /rtag pa la sogs ngo bo de/ /rang rig chos su yang dag gnas/ dpal ldan rdo rje 'chang 'dra bar/ /dag pa'i sems dpar yang dag ldan/ /rang gi log rtog rnam spangs pas/ /bya ba thams cad rdzogs par bya/ /rtag tu tshad med rab sbyor pas/ /'khor lo mchog 'di mdza' yas mchod/ /rang snying zla bar rang 'khor gtso/ /rang gi sa bon rang zas la/ /legs dmigs rang snying de nyid kyis/ /bdud rtsis sangs rgyas kun tshim bya/ /chos nyid kun gyis dag pa dang/ /de nyid gsum gyis mngon bzlas la/ /rang gi lha yi 'khor lo mchog /tshim bya nges ni mchod par bya/ /phyi yi sbyin sreg dge tshul gyis/ /sems can? gyis ni yid kyis bya/ /ye shes me yi phung pos shing/ /bsreg bas 'di ni bla med yin/ /de ltar 'dod pa ma lus pas/ /bdag nyid rang lha'i dngos gyur dang/ /gzhan yang de mchod bya ba yin/ /dam tshig bde gshegs bzhed pa yin/ /lus sems las gang de dang des/ /sangs rgyas thams cad mchod pa dang/ /rjes mthun 'gro ba'i bya ba rnams/ /rtag tu mnyam par bzhag pas bya/ /lus ngag las kyi rang bzhin gang/ /phyag rgya sngags kyi bdag nyid che/ /de dang de yi las sgrub pas/ /sangs rgyas thams cad mchod par bya/ /dngos gcig la yang kun rtog pa/ /rnam pa sna tshogs snang gyur te/ /grol dang sdug bsngal bde bskyed pa'i/ /las ni ma lus 'byung bar 'gyur/ /de bas lus la sogs pa'i las/ /dge dang mi dge rtog las byung/ /rtog pa kun las des grol ba/ /ye shes las ni rtog de ci/ /dam tshig dag las bslang ba ni/ /don yod rdo rje'i 'khor lo bzang/ /snying gar las kyi rdo rje khams/ /bsams nas thams cad bdag dbang bskur/ /bla ma brnyas la sogs nyes pa/ /sbyin dang bcas pa'i rmchod ston bya/ /phyi khrus rang gi 'khor lor gnas/ /dbang bskur ba yi cho gas bya/ /thun mtshams su yang chos la sogs/ /bzlas pa snga ma bzhin dus bya/ /snying gar 'khor lo mchod chud byas/ /shes rab snying rjer ldan pas nyal/ /ldang tshe dpal ldan lha mo yi/ /glu blangs pas ni bskul bar bya/ /nang par langs nas sngar bzhin ni/ / lags 'dod dang po'i las can yin/ /ye shes cung zad babs gyur pas/ /sngags kyi tshul khrims brtul zhugs ldan/ /mig dang sku sogs byin gyis brlab/ /thun mtshams su ni rab bsgrims bzlas/ /rnam pa kun tu rab rdzogs par/ /spro dang bsdu ba byed pa po/ /ye shes dbang ba cung zad 'thob/ /nyin mtshan rnal 'byor yang dag bsten/ /yang dag ye shes dbang thob bsgom/ /khams kyi rdul nang khams gsum mchog /gzugs brnyan bdag nyid sku can gyi/ /'gro ba'i don gyis bya ba byed/ /rnal 'byor mtshan ma dge ba yang/ /du ma thob cing yang dag 'grub/ /de nyid gsum ni cho ga bzhin/ /mchod byas dkyil 'khor bri bar bya/ /rang ngam gzhan gyi gsol btab bam/ /gzhan don 'bad par byed pas kyang/ /'khor lo la gnas tshul bzhin bzlas/ /mtshan ma thob nas yang dag bri/ /'khor lo can sngags 'bum bzlas sam/ /yang na rang gi lha yi 'bum/ /gzhan gyi khri ste yang na ni// 'khor lo can gyi bkas gnang bri/ /'byin pa de nyid gsum dang spel/ /gzhan dag snying po'i sa bon spel/ /ming gi yi ge dang po ni/ /klad kor bcas pas sngags rnams btu/ /sku dang gsung thugs rdo rjer bshad/ /las chod chen po'i bdag nyid can/ /gsang gsum phyag tshig phyag rgya yin/ /sa bon snying po yin par bshad/ /zhi la sogs pa rab bskul bas/ /las rnams byed pa rig par bshad/ /phreng ba'i sngags kyang rig par bshad/ /mkhas pas de rnams kun tu bzla/ /ci rigs par ni bzlas byas dang/ /rang bdag la sogs bka' thob bam/ /'gog pa'i 'khor lo goms pa yis/ /rang sems dag nas bri bar bya/ /ting 'dzin gsum po byas nas ni/ /sangs rgyas la sogs lhag gnas bya/ /bgegs rnams bsal te phur bus gdab/ /gsang byugs sa la gsol ba gdab/ /mchod yon mchod dang gtor sbyin nas/ /sbyin sreg tshim byas mkha' la dgod/ /bgegs med sa ni brkos nas su/ /khung bu dga' ba? rim 'di yin/ /'jam rdo rje bdag rnal 'byor ldan/ /sngon du bsnyan pa rdzogs byas la/ /grogs dang mchod pa dang ldan par/ /dkyil 'khor gnas ni yang dag sbyang/ /bgegs dgra'i 'khor lo'i sbyor la gnas/ /rang gi dbang bskur yang dag blang/ /da ltar gdug pa tshar bcad pa/ /yang na rang lha'i sbyor bas bya/ /aoM b+hu khaM gi sngags kyis ni/ /sa ni nam mkha' gyur par bya/ /hUM laM hUM gis rdo rje'i bdag /sa byas de ni byin gyis brlab/ /aoM me ni badzri b+ha ba badzra band+ha hUM/ sngar bzhin bgegs gzhom sbyor ba'i bdag /bsnyen sogs rjes chags mthar thug pa'i/ /dang po'i sbyor ldan rang 'khor lo'ang/ /rab byung bdud rtsi mthar thug de/ /'khor lo'i rgyal mchog sbyor ba'i bdag /'khor lo'i las na las mchog byed/ /las rgyal mchog gi sbyor ldan pas/ /ting 'dzin gsum po dam pa yin/ /de lta'i sbyor gnas slob dpon ni/ /sangs rgyas kun bdag lus can te/ /ngo bo nyid bdag rdo rje'i bdag /'khor lo'i sa gzhi dbus legs gnas/ /rdo rje dril 'dzin dpa' bo la/ /rdo rje dril mchog 'dzin pa'i grogs/ /rtag sogs bdag nyid gzugs can gyis/ /'khor gsum sprul la gsol ba gdab/ /de bzhin gshegs pa kun zhi ba/ /de bzhin gshegs pa kun gyi gnas// chos kun bdag med med pa'i mchog dkyil 'khor dam pa bshad du gsol/ /mtshan rnams thams cad yang dag rdzogs/ /mtshan min thams cad rnam spangs la/ /kun tu bzang po'i sku yi mchog /dkyil 'khor dam pa bshad du gsol zhi ba'i chos ni mchog las byung/ /ye shes spyod pa rnam sbyor ba/ /kun tu bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dam pa dri ma med/ /kun bzang thugs mchog 'khor lo sgyur/ /dkyil 'khor dam pa bshad du gsol/ /de nas 'gro khams mun nag bsten/ /'jam rgyal khros pas bltas pa ni/ /hUM badzrota tiSh+Thas rang mig dang/ /sbrul pa'i 'khor lo brdeg par bya/ /yi ge ma nas nyi zla'i mig phyogs dus thams cad sbar ba dang/ /blo ldan 'gro la bltas nas ni/ /'khor lo'i sa ni yongs su bskor/ /rkang 'og rdo rje 'bar ba dang/ /rdo rje gsor bas shin tu brtson/ /rol pa'i rdo rje 'gros kyi gar/ /mche ba gtsigs bcas hUM sgrogs shing/ /lha sogs bgegs kyi dkyil 'khor rnams/ /rab gdug bgegs sogs bskrad par bya/ /lus ngag sems la gnas pa yi/ /bgegs kyi tshogs ni thams cad nyon/ /da ni dpal ldan 'jam dbyangs te/ /bsrung ba'i 'khor lo rab sbyor bas/ /gal te bdag bsgo las 'das na/ /rdo rje 'bar ba'i gzugs ldan pas/ /sku gsum 'byung bas dags bya ste/ /'jigs par 'gyur bar gdon mi za/ /sa ni yongs su bzung byas nas// bgegs med phyir ni phur bu gdab/ /bsngags la aoM g+ha g+ha g+hA ta ya/ g+hA ta ya/ sarba duSh+Nan phaT/ ki lA ya kI la ya sarba pA paM phaT phaT/ hUM hUM hUM badzra kI la ya badzra d+ha ro A dz+nyA pa ya ti/ kA ya bAk+tsit+ta badzra ki la ya hUM phaT/ smad du rtse gcig stod? bgegs dgra / bsams nas dbus su phur bus gdab/ phyogs bcu kun tu gnas pa yi/ /bgegs tshogs thams cad gzhom par bya/ /sa ni kun tu bgegs bral zhing/ /'bar ba'i gzer rnos khyab bsams la/ / mtshams dang rab phyogs bcing ba/ /blos byas nas ni lhag gnas bya/ /skyob pa sangs rgyas thams cad kyi/ /spyod pa'i tshul gyi khyad par dang/ /sa dang pha rol phyin pa la/ /lha mo khyod ni dbang du gyur/ /shAkya seng ge skyob pa yis/ /ji ltar bdud kyi sde bcom pa/ /de bzhin bdag gi bdud kyi sde/ phyi par byas te dkyil 'khor bri/ /sa bzhi dri zhim sogs byugs shing/ /me tog sna tshogs sil ma dgram/ /zla sogs 'khor lo can gnas su/ /mkhas pas dkyil 'khor rab tu bya/ /de la 'khor lo spyan drang ba/ /byas nas mtshams la sogs bcings te/ /mchod bstod 'dud rtsi myang byas nas/ /bum pa lhag par gnas par bya/ /mgrin pa gos mchog gis dkris la/ /a mra sogs 'dab kyis kha dgab/ /dkyil 'khor pa yi bum pa ni/ /de yi sngags kyi lhag gnas bya/ /'bru sman rin chen lnga rnams dang/ /dri bzang chu dang 'khor lo'i tshogs/ /me tog phreng btags rdo rje ni/ /ster bzhag 'khor lo'i gtso rgyal la/ mchod yon phul te yang dag mchod/ /me tog dkar po gzhug par bya/ /der ni spos sogs dri bsgos pa'i/ /pad snod dri bzang sogs ldan bya/ /nyin re bzhan du thun gsum du/ /gtor ma byin la de bzhin zla/ /de yang 'khor lo'i phyi mtshams su/ /rnam rgyal 'khor gtso'i g.yas su'o/ /de las mchod yon snod du chu/ /bcug nas de yis dbang bskur na/ /bdag dang slob ma thams cad ni/ /chu yi dbang gis bskur bar 'gyur/ /slar yang 'khor lo mchod byas la/ /lag par bdug spos thogs nas ni/ /blo ldan pus btsugs 'khor lo'i gtso/ /bde gshegs rnams la gsol ba gdab/ /bcom ldan 'jam pa'i rdo rje mchog /rig sngags rgyal la phyag 'tshal lo/ /slob ma rnams la brtse pa dang/ /khyed cag rnams la mchod pa'i phyir/ /thugs rje'i bdag nyid can rnams kyi/ /dkyil 'khor bdag ni 'dri bar 'tshal/ /bcom ldan bdag ni gus pa la/ /de ni gnang ba mdzad pa'i rigs/ /sangs rgyas 'gro 'khor bya don stsol/ /byang chub sems dpa' 'bras gnas dang/ /gang gzhan gsang sngags lha rnams dang/ /'jig rten skyong ba'i lha rnams dang/ /gang yang 'byung po mthu chen dang/ /gang yang lha yi spyan mnga' ba'i/ /sems can bstan la dga' ba rnams/ /bdag la dgongs par mdzad du gsol/ /bdag ming 'di zhes bgyi ba yis/ /dkyil 'khor 'jam dpal 'byung ba ni/ /'gro ba dag par bya ba'i phyir/ /yo byad ci 'byor pas 'dri na/ /deng bdag slob mar bcas pa la/ /thugs ni brtse bar dgongs nas su/ /tshogs pa thams cad dkyil 'khor du/ /byin gyis brlab pa mdzad du gsol/ /de ltar lan gsum de gsol gdab/ /gtso bo mchod la sogs byas te/ /yang dag bsrungs la phyir phyung nas/ /me tog phreng thogs rang slob ma/ /yid gzhungs spro ba che ba dang/ /byas pa bzo zhing nga rgyal med/ /rigs mtho yon tan ldan zhing dang/ /gzugs dang kha dog lang tshor ldan/ /bde bar gshegs pa'i gsang ba ni/ /bsgrub la don gnyer mngon brtson na/ /gzugs ngan yon tan med pa'am/ /dman pa 'ang lhag par gnas par bya/ /dkyil 'khor gyi ni cho ga las/ /'khor bzhi char yang rjes su gnang/ /rang gi bslab dang shin tu ldan/ /theg chen la dga' i bdag nyid can/ /la la gsang sngags sgrub don gnyer/ /'di ni dkyil 'khor 'jug par byed/ /bsod nams 'dod pas de las gzhan gzhan dag 'jig rten gzhan don gnyer/ /'jig rten pha rol don gnyer ba'i/ /dad pa mang du byed pa yis/ /blo ldan dkyil 'khor 'jug bya yi/ /tshe 'di'i 'bras bu 'dod mi bya/ /tshe 'di 'dod par gyur pa la/ /'jig rten pha rol don mi 'gyur/ /'jig rten pha rol don gnyer skyes/ /'jig rten 'di yis 'bras bu rgyas/ /de skad brjod nas slob ma de/ /blo yis rang gi nang du gzhug /sngon bzhin rdo rje chu skyes kyis/ /bdag byas? khyim sgor gsol ba 'deb/ /dga' chen khyod la? bdag ston pa bas/ /slob dpon khyod ni dgongs su gsol/ /byang chub chen po'i tshul brtan pa/ /mgon po chen po bdag 'tshal lo/ /dam tshig de nyid stsal du gsol/ /sangs rgyas chos dang dge 'dun te/ /skyabs gsum dag ni bdag la stsol/ /thar pa chen po grong mchog tu/ /mgon po bdag ni 'jug par 'tshal/ /slob ma des ni lan gsum brjod/ /rab gus bshes gnyen shes nas ni/ /slob ma gtso bo gcig la ni/ /dmigs bcas tshig 'di brjod par bya/ /khyod ni tshul chen snod yin te/ bu chung theg pa chen po yi/ /gsang sngags spyod tshul cho ga 'di/ /khyed la yang dag bstan par bya/ /rdzogs pa'i sangs rgyas gang 'das dang/ /de bzhin gang dag ma byon dang/ /da ltar byung ba'i mgon po rnams/ /'gro la phan phyir bzhugs pa dag /de dag kun gyi gsang sngags kyi/ /cho ga mchog bzang 'di mkhyen nas/ /dpa' bos byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /shAkya seng+ge skyob pa yis/ /bdud sde shin tu mi bzang ba/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig /bshags sogs lan gsum brjod nas ni/ /de nas bla mas byang chub sems/ /ma bskyed pa ni bskyed par bya/ /bskyed pa slar yang dran du gzhug /las kun gyi las? bsrungs nas ni/ /snying ga lkog ma spyi bo ru/ /rdo rje pad+ma 'khor lo dag /hUM Atog mdun du spos/ /mar me dri yang thugs ka ru/ /kun byed bzlas nas gus pa yi/ /slob ma rnams la sbyin par bya/ /a shwata au duM ba ra yi/ /so shing sor ni bcu gnyis pa/ /ma yo ma gas srog chags med/ /rtse mor me tog bcas pa sbyin/ shar ram byang du kha bltas bzhag / bcas nas bltos pa med par ni/ /ba ko tsam ni byug par dor/ /zhi la sogs pa'i dngos grub brtan/ /'thur 'thung skyor chu lan gsum blud/ /phyi rol tu ni nges bzhag ste/ /stan dang sngas phyir ku sha sbyin/ / dpung par skud pas bsrung bar bya/ /skyor chu lan gsum blung pa'i sngags/ /aoM h+ri bi shud+d+ha d+harma sarba pA pa ni tsa sya sho d+ha ya bi kal paM a pa na la hUM/ 'jig rten du ni kun mkhyen nas/ /au duM ba ra'i me tog bzhin/ /brgya lam na ni res 'ga' zhig / 'byung 'gyur yang na mi 'byung ngo/ /gsang sngags sbyod pa'i tshul byung ba/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ skal pa bye ba du ma ru/ /sdig pa bgyis par gyur pa gang/ /de kun dkyil 'khor 'di 'dra ba/ /mthong bas 'byang bar 'gyur lags na/ /grags pa mdza' yas bsngags spyad pa'i/ /tshul la gnas pa smos ci 'tshal/ /skyob pa'i gsang sngags bzlas nas ni/ /go 'phang bla na med par 'gyur/ /gang dag spyod pa mchog 'di la?/ /blo gros shin tu mi g.yo ba/ /de dag gis ni ngan 'gro'i rgyun/ /sdug bsngal kun 'byung rab tu bcas/ /bdag nyid chen po khyed rnams kyis/ /rnyed pa mnyam med de ring rnyed/ /gang phyir rgyal ba sras bcas pa/ /bdag nyid chen po kun gyis ni/ /bstan pa 'di la khyed rnams kun/ /yongs su gzung ste skye bzhin pa/ /de phyir khyed rnams theg chen la/ /sang ni rab tu skye bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams de ring dor bas na?/ /rab byung skal pa chen po pa/ /'jig rten thams cad mkhyen pa yi/ /de bzhin gshegs pa rnams su 'gyur/ /don bshad bsrung ba byas nas ni/ /ku sha'i stan la nyal du gzhug /rmi lam gang dag ci mthong ba/ /de kun nang bar nga la zlos/ /srung dang byin rlabs sogs gang dag / der ni las kun byed pa bzla/ /rigs lnga 'khor lo gsum gyi ni/ /las kun byed pa thab sbyor yin/ /rmi lam bzang ngan dris nas ni/ /mi dge thab sbyor dag gis gzhol/ /slob ma legs bsrungs skal ldan pa/ /de nas sdom pa 'dzin du gzhug / mi ldog 'khor lo'i dbang bskur ba/ /rtsal nas mgon po bdag la ni/ /'khor lo lha yi de nyid dang/ slob dpon gyi ni las rnams dang/ /sangs rgyas kun gyi dam tshig dang/ /sdom pa dang gsang ba dam pa dang/ /sems can kun gyi don gyi phyir/ /rtag tu slob dpon bdag 'gyur gsungs/ /slob ma slob dpon nyid don gnyer/ /sdom pa rnams kyang 'dzin du gzhug /rnal 'byor mnyam gzhag 'khor lo mchog /legs mchog blo yis mkha' la bzhag /rtag pa la sogs dngos 'dra zhing/ /de mdog sa bon las byung ba/ /ye shes lnga ldan srid bu ni/ /nyi shu rtsa lngar rnam phye ba/ /dzani nang du gzhug? / rnam snang la sogs zhugs? ye shes/ /srad bu thams cad byed dang bcas/ /rang gi 'khor lo thig gdab phyir/ /rtag pa'i thig ni stsal du gsol/ /ji srid mi bskyod mthar thug pa/ /'di dag de nyid gsum dang spel/ /a n+yo a ? ?? d+harma? zhes bya sogs dran bya/ /chur ni 'khor lo'i nyes 'gyur la/ /sboms su sgo yi nyi shu'i cha/ /mi 'chi bcu byed dri bzang gis/ /spangs nas kyang ni bsrung bar bya/ /yis gsum chud par rnal 'byor pas/ /thig 'dzin pa dang bsgril par bya/ /dzdza gsum gyis ni de gtang zhing/ /rang yang dzdza dzdza dzdza zhes zlos/ /khu tshur g.yon pas lte bar ni/ /bzung dang nub dang lho phyogs gnas/ /blo ldan nam mkha' i thig gdab ste/ /de bzhin 'og tu thig rab gdab/ /aoM badzra sa ma ya sU tra mA ti kra ma hUM/ /nam mkha' gang ba'i bde gshegs rnams/ /khyod kyi 'gro don mdzad dus lags/ /thig gi sgra yis bskul nas ni/ /de rnams 'di ni gshegs su gsol/ /gnod sbyin yi dags dbang po klu/ phyogs bltas me dang rlung la brten/ /dang po shar dang nub byang lhor/ /phyogs kyi phyi rol srad bu gdab/ /me dang bden bral phyogs gnas te/ /mtshams kyi srad buAng yang dag gdab/ /shar lho nub byang de bzhin du/ /byas pas dkyil 'khor rgyad du 'gyur// thig de nyis rim byas nas ni/ /'khor lo'i dbus su gzhag nas su/ 'khor lo rnam par de rgyab tu/ /rdo rje'i srad bu gnyis kyang gdab/ /dbang ldan las ni lcags ri dag /rang dang rjes mthun g.yas nas bskor/ /mkhas pas thig gis thig btab nas/ /phyogs kun mnyam pa nyid du bya /ltas ngan byung na dngos mi 'grub/ /srad bu chad na bla ma 'chi/ /ring thung khyer nan bar 'gyur/ /phyogs 'khrul slob ma myang bar 'gyur/ /zur bzhi pa la sgo bzhi pa/ /rta babs bzhis ni rnam par mdzes/ /thig bzhi dang ni yang dag ldan/ /ngar dang me tog phreng bas brgyan/ /grwa yi phyogs rnams thams cad dang/ /sgo khyud kyi ni mtshams rnams su/ /rdo rje rin chen spras par ni/ /dkyil 'khor phyi rim thig gdab po/ /de yi nang gi 'khor lo ni// dkyil 'khor brgyad pa 'dra ba la/ /phyi yi 'khor lo'i phyed kyi tshad/ /kun nas yengs su zlum por bya/ /ka ba 'khor lo la sogs sbras/ /rdo rje phreng ba bzang pos bskor/ /de nas hI las khro bo yi/ /blta pas sgo ni rnam par dbye/ /sgo ni 'khor lo'i brgyad cha ste/ /kha khyer med pa nyid du 'dod/ /sgo khyud sgo yi tshad yin te/ /lha yi rnam buAng de yi tshad/ /de phyed kha khyer kun nas bskor/ /'og dang 'bras ni de bzhin te/ /dra ba dra phyed nyi zla dang/ /dar sogs snam bu tshad de bzhin/ /tshon gyis ni de yi phyed/ /rtsa ba'i thig sa'i phyi rol du'o/ /'khor lo la sogs ka ba'i thig /tshon gyi sa dang sa gzhi mnyam/ rta babs sgo yi sum 'gyur te/ /ba dan phreng ba rnams dang ldan/ /dril bu mchog ni rlung gis bskyod/ /ba dan phyi yi mtshams su bya/ /gzhan dag 'khor lo'i rjes mthun par/ /ji ltar mdzes par rnam par brtags/ /rdzogs sangs ye shes sku yin phyir/ /chos sku'i bdag nyid shin tu dag /gsung dbang rdo rje'i rigs su bshad/ /'di ni thug kyi 'khor lo yin/ / sems can bsams ba la brten nas/ /tshad la sogs pa nges mdzad kyi/ /thabs shes las byung dngos grub la/ /tshad sogs nges pas ci zhig bya/ /de ni khru gcig nas brtsams te/ /ji srid khru stong bar du'o/ /de ltar 'khor lo'i de thig gdab/ /tshon la 'bar ba'i lta bas kyang/ /snga ma'i rim gyis ye shes sbar/ /yang dag gzi bskyed gsang sngags bzla/ /aoM badzra tsi tra sa ma ya hUM/ /'di ni chos dbyings dag pa ste/ /sems can khams ni grol byed pa/ /'jam dbyangs rgyal po rang nyid ni/ /de bzhin gshegs pa kun gyi gnas/ /nyes pa kun las rab grol ba'o/ /'khor lo'i nang na yang dag gnas/ /bla mas g.yon pa'i khu tshur gyis/ /dbang ldan phyogs nas brtsams nas ni/ /dkar dang ser dang de bzhin dmar/ /ljang gu dang ni nag po nyid/ /mnyam zhing g.yas bskor rgyun ma chad/ /ma yo bar ni tshon rtsi dgye/ /sgo yi nyi shu cha ru ni/ /ri mo mnyam par dgye bar bya/ /sbom por bkye bas nad kyis 'debs/ /phra mos nor ni rnam par 'jig / yon pas rnam 'gras 'chad pa yis/ /bla ma dang ni slob ma 'chi/ /g.yas bskor min par bkye ba yis/ /tshon rtsi phur bus btab par 'gyur/ /dkar po rdo rje rtse rang bzhin/ /gnyis pa gser la dmigs pa ste/ /pad+ma rA ga'i rang bzhin te/ /de bzhin gzhan dag ma rgad yin/ /nag po nad du shes bya ste/ /'di ni tshon gyi rim par bshad/ /dkar po chen po shar phyogs su/ /lho ru ser dang yang dag ldan/ /nub kyi cha ni dmar po ste/ /byang ni ljang dang yang dag ldan/ /dbus kyi sa gzhi'i cha dag ni/ /ain+d+ra nI la'i 'od gsal 'bar/ /rtag par shes rab thabs bdag nyid/ /shin tu mnyam gzhag legs par bri/ /ri mo phan tshun nas gang gis/ /ma reg par ni bri bar bya/ /bdud rtsi thabs sbyor rdo rje yis/ /gdug pa thams cad rnam par gzhom/ /'di ni rgya chen che bar bshad/ /gdug pa'i dag ste gsang sngags rgyal/ /na ma sa man+ta kA ya bAk+tsit+ta badzrA NAM/ na mo badzra kro d+hA ya ma hA d+haM Sh+To ha kaTa b+hai ra ba ya/ a si mu sa la pa ri shu pA sha ha sta ya/ aM a mri ta kuN+Da li/ kha kha khA hi khA hi/ tiSh+Tha tiSh+Tha/ b+hand+ha b+hand+ha/ ha na ha na/ da ha da ha/ gardzdza gardzdza/ bi sphoT ya bi sphoT ya/ sarba big+hAn pa ni ya kAn mahA ga na pa ti dzI bi ta an+ta ka ra ya hUM phaT/ /de ltar dkyil 'khor kun bris nas/ /zla ba nyi ma'i gdan byas te/ /ral gri sngo bsangs dbus bri ba/ /shin tu rnam dag sogs 'od ldan/ /shar du 'khor lo brtsibs brgyad mchog /me long la sogs yang dag 'bar/ /lho ru rin chen sngo bsangs 'od/ /cha dgu pa mthong mnyam pa nyid/ /nub tu pad+ma 'dab brgyad pa/ /so sor rtog la sogs ldan dmar/ /byang du ral gri dam pa ni/ /bya ba la sogs kyis rab brgyan/ /shar lhor spyan de thabs yin la/ /lho nub rdo rje smon lam ste/ /nub byang kha ni bye ba yi/ /pad+ma sdod bu bcas pa stobs/ /byang shar autpal ye shes te/ /ser dang sprin sngon lta bur mdzes/ /mel sogs pa'i mtshams bzhi dang/ /shar sgo yi ni ngos gnyis su/ /me long de bzhin pi waM dang/ /dri yi dud dang bcud len snod/ /gos dang chos 'byung nyid dag ste/ /sbyin dang tshul khrims sogs pas brgyan/ /dang sogs tho ba dbyig pa dang/ /pad+ma rdo rje bzhi pa yin/ /rnam gsal kun dar shes byas la/ /rang gi 'khor lo rab gsal bsgom/ /sngar bzhin shes rab yang dag 'dug / sangs rgyas rnams ni rang nang gzhug /sems bzang nam mkha' khyab byas pa'i/ /'khor lo'i ngos su gnas bya'o/ /de dang lhan cig 'ongs pa'i bgegs/ /de ni kun bskrad mngon gang bsrung/ /gshin rje'i dgra sogs kyis bkug la/ bcug ste bcings nas dbang du bya/ /mig dang sku sogs byin brlabs la/ /mchod yon dbang bskur mngon mchod pa/ /byas nas bstod de tshim bya zhing/ /rnam bsgoms bzlas bas mnyes par bya/ /sngon bzhin pad snong dam par yang/ /bdud rtsi ye shes bdud rtsir bya/ /phyogs skyong rang rang sbyor la gnas/ /rab tu mchod de dkyil 'khor 'jug /'jig rten gsum las rgyal gyur pas/ /gos dang rgyan ni ji snyed dang/ /'khor lo bskor ba byas nas ni/ /phyag byas sbyin sreg dag gis mchod/ /kun nas sor bzhi dor bar du/ /kha khyer de'i tshad pad kha bye/ /khru phyed pa dang khru gang pa/ /'khor lo lta bu las kun byed/ /ral gri chu dang dbangs su ni/ /sor brgyad sor gcig pa yi tshang/ /thab nang 'khor lo rin chen dang/ /pad+ma ral gri dbus chud bri/ phyi rol rdo rje phreng bas bskor/ /sngags pa shar du kha bltas te/ /kun byed bzlas pas kun tu bsrung/ /mchod yon sogs g.yon de las gzhan/ /yo byas g.yas bzhag bsangs nas ni/ /'jam pa'i rdo rje'i 'byor ba bdag ldan/ /'o ma can shing gis sbyar pa'i/ /me ni yi ge gsum gyi gsang/ /rlung yab g.yabs pas rab sbar la/ /g.yas nas bskor zhing ku sha dgram/ /dang po'i snying byung dgru gsum/ /bdag nas sa bon ri las byung/ /ser zhing zhal ser gsum pa la/ /shes rab yan lag brgyad dang ldan/ /spyi blugs mi 'jigs dbyug pa phreng/ /phyag na bsnams pa 'dir me bsam/ /sngar bzhin de nyid gsum 'don pas/ /ye shes dam pa'i me spyan drang/ /de la bsang gtor la sogs pa/ /byas nas gdan la bzhugs su gsol/ /dgang gzang blugs gzar yu ba khru/ /'og tu rdo rje rin chen bya/ /de steng dgang gzar brgyar sor bzhi/ zabs su sor gnyis nang rdo rje/ /sor bzhi'i mthar ni rdo rje ste/ /bar du pad+ma'i 'dab ma'i dbyibs/ /blugs gzar pad+ma'i dbyibs sor gnyis/ /zabs su sor gcig nang rdo rje/ /dgang gzar blugs gzar kha rang gi /lha yi sa bon rab 'bar bsam/ /de'i khar yi ge raM bkod la/ /de la dgang blugs sbyin par bya/ /me lha 'byor ldan yam shing ste/ /yam shing me la mar dang til/ /ma grugs dur ba 'bras chen zho/ /ku sha cho ga'i rim pa yin/ /de nyid ye shes dam pa'i me/ /thugs zlar maM skyes bdag po ni/ /'khor lo mchog bsams phyi mchod sogs/ /sngon du 'gro bas sbyin sreg bya/ /aoM agna ye swAhA/ mar gyi'o/ /aoM sarba pA ba da ha na badzra ye sarba pA paM da ha swAhA/ til gyi'o/ /badzra puSh+Ta ye swAhA/ 'bras ma grugs pa'i 'o/ /aoM badzra A yu She swAhA/ dur ba'i'o/ /aoM sarba saM pa de swAhA/ /zho dang 'bras chen gyi'o/ /aoM a pra ti ha ta badzra ya swAhA/ ku sha'i'o/ /rgyas dang zhi dang dbang dgug bcing/ /sdang dang bskrad dang mngon spyod la/ /aoM swAhA/ ho dza hUM hUM phaT/ /sngags kyi mthar ni bskul ba'ang bya/ /rang bdag snying ga'i sems dpa' yi/ /lha kun tshim pa nyid du bya/ /zla sogs de las gzhan pa'i rdzas/ /snying zla'i 'khor lo'i ljags kyi mchog /bsgoms nas sngon bzhin tshim par bya/ /mthar ni de bzhin dgang blugs dbul/ /bsang dang 'thor 'thung mchod yon dag /phul nas mchod de gshegs su gsol/ /rnal 'byor pa yi rdzas lhag ma/ me 'phul la de bzhin du/ /cho ga snga mas gshegs gsol la/ /'khor lo mchod de yang dag gzhug /slob ma 'jug pa'i cho ga yis/ /dang por zhugs la rang gi ni/ /dbang bskur bya ba rdzogs byas shing/ /rigs bdag rjes gnang thob pa dang/ /'dod chags che las byung de nyid/ /'khor lo'ang gzugs brnyan lta bu yi/ /grong du slob ma 'jug bya'i phyir/ /bden pa 'di ni bsgrag par bya/ /nam mkha' las byung mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /'jam pa'i rdo rjer deng grub mdzod/ /kun mchog dngos 'grub chen po ste/ /dbang phyugs chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag pa'ang khyod/ /'dod chags kun gyi rjes chags pa/ /'dod chags chen po dga' ba che/ /bcom ldan de nyid kyi grub mdzod/ /shin tu dag pa kun gyi mchog /gdong nas grol ba de bzhin gshegs/ /kun tu bzang po kun bdag nyid/ /byang chub sems dpar bdag grub mdzod/ /dngos grub chen po kun gyi mchog /dbang phyug chen po rgya mchog gis/ /grub pa'i rdo rje cher bstod pa/ /rdo rje bsnyems bdag bdag mdzod cig /sems can kun gyi yid khyab cing/ /sems can kun gyi snying la bzhugs/ /sems can kun gyi lam gyur nyid/ /'dod mchog dam tshig mchog gyur pa'o/ /bden pa gang gis ye shes mchog /shes rab thangs bdag dkyil 'khor yin/ /bden pa de yis mgon bdag la/ /khyod kyi dang por? par? ba rdzogs mdzod/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang pas? las kun tu 'byung/ /de bzhin nyid las nges par skyes/ /bden pa 'di yis dkyil 'khor du/ /gzugs brnyan gsal bar slob ma ni/ /kun gyis dri ma med mthong shog /slob ma ci yi sdom pa dang/ /sngon bzhin sku sogs 'od gsal bya/ /kun byed bum pa'i chu yis ni/ /yol ba'i mthar ni bsang gtor bya/ /de nas gos dmar gyis gdong g.yog / sdug pa khyod ni su zhes dri/ /de nas slob mas tshog tu ni/ /bdag ni skal pa bzang zhes brjod/ /sgor ni phreng thog yang dag mchod/ /de bzhin yon ni phul ba dang/ /rnal 'byor sems ni yang dag bskyed/ /snying gar rdo rje snying po bsam/ /sngags la aoM sarba yo ga tsi ta autpa ta ya mi/ su ra ta/ sa ma ya staM ho/ /sid+d+hi badzra ya thA su khaM/ deng khyod de bzhin gshegs pa thams cad kyis byin gyis brlabs kyis/ de bzhin gshegs pa thams cad kyi mchog tu gsang ba 'di khyod kyis dkyil 'khor ma mthong ba rnams la smra bar ma byed cig / dad pa dang mi ldan pa rnams la yang ma yin no zhes brjod par bya'o/ /gshin rje gshed sogs rang sngags ni/ /dam pas dgug dang gzhug par bya/ /yi ge lnga dang de bzhin du/ /brjod de dam tshig 'dzin du gzhug /deng khyod de bzhin gshegs pa thams cad kyi rigs su zhugs kyis/ /ngas khyod la ye shes gang gis de bzhin gshegs pa thams cad kyi dngos grub kyang thob na/ /dngos grub gzhan lta smos kyang ci dgos te/ /de lta bu'i ye shes bskyed par bya yis/ /khyod kyi dkyil 'khor chen po ma mthong ba rnams la ma smra zhig /dam tshig nyam par gyur ta re/ /de yi snying gar rdo rje bzhag la/ /aoM rdo rje sems dpa' dang khyod kyi// snying la yang dag zhugs par gyur/ /gal te tshul 'di smras na ni/ /de ma thag tu dral nas gshegs/ /pad nas yi ge gsum gyis sbar/ /mi 'chi lnga pa 'thung du gzhug /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrung? na dngos grub ster/ /rdo rje bdud rtsi'i chu 'thung zhig /aoM badzrod ka Tha Tha Tha/ dam bca' ba brtan par 'di skad ces brjod do/ /deng phyin chad khyod kyis phyag na rdo rje ni da yin gyis/ /ngas 'di byos shig ces bsgo ba gang yin pa de yang bya dgos so/ /khyod kyis nga la brnyas par ma byed cig / mi bde ba ma spangs par khyod dus byas nas dmyal bar ltung bar gyur ta re zhes smras la/ /de nas slob ma la 'di skad du/ de bzhin gshegs pa thams cad kyis byin gyis rlobs la/ /rdo rje sems dpa' bdag la 'bab par gyur cig ces smros shig par bsgo'o/ /de skad brjod nas de'i snying gar/ /dbang chen dkyil 'khor mtshams su ni/ /rdo rjes mtshan pa kha dog ser/ /laM las byung ba'i hUM bsgom bya/ /baM byung chu ni kha dog dkar/ /bum pas mtshan cig yongs su zlum/ yaM las byung ba'i g.yo? ba'i rlung/ /ba dan dngos mtshan gzhu yi dbyibs/ /de la sku gsung ha a bsgo/ /rkang 'og dzhai ni rab 'bar ba/ /rlung laM raM byung gru gsum par/ /gnas pas sbar la slob ma dbab/ /a be sha yastaM ba ya ra ra ra ra tsA la ya tsA la ya/ hUM ha a dzhai/ lce la a ni dmar po zhig /bsams te babs la slar yang bsgo/ /'dod chags rdo rje de gnas pa/ /smros shig rdo rje dge mi dge /babs pa de ni brtan bya ba/ /de la tiSh+Tha badzra brjod/ /me tog phreng ba 'khor lor dor/ /pra tits+tsha badzra ho zhes brjod/ /de ni spyi bor bcing bar bya/ /pra ni grih+Na twa mi maM satwa ma hA ba la/ /blangs pa 'am ma blangs pa gnyis ni/ /mtshan 'am mtshan ma nye ba rung/ /babs sam dang kyang de'i sbyor ba/ /skal can nyid la sbyin par bya/ /mig tu 'bar bcas aoM bsams la/ /rdo rje sems dpa' deng khyod kyi/ /mig 'byed par ni brtson par mdzad/ /mig ni thams cad 'byed par mdzad/ /rdo rje'i mig ni bla na med/ /de nas 'khor lo bstan par bya/ /'khor lo'i bdag po nas brtsams te/ / bdud rtsi thab sbyor bar du'o/ /badzra a b+hi Shiny+tsa zhes/ /brjod de spyi bor chus dbang bskur/ /sngon bzhin cod pan gyis rang bdag /lha yi dbang bskur sbyin par bya/ /snying gar rdo rje de 'dzin pa/ /rdo rje yis kyang dbang bskur bya/ /sangs rgyas kun gyi rdo rje'i dbang/ /de ring khyod ni skur bar gyur/ /sangs rgyas kun tu rab grub pa'i/ /rdo rje 'di ni khyod kyis long/ /rdo rje dril bus 'khyud nas ni/ /rang gi bdag pos dbang bskur sbyin/ /aoM badzra a d+hi pa ti twaM a b+hi Shiny+tsa mi ta Sh+Thi badzra sa ma ya stwaM/ spyi bor ming gi ste/ aoM badzra satwa staM a b+hi Shiny+tsa mi badzra nA ma a b+hi She ka ta/ kye che ge mo rdo rje/ rang gi dngos po gang gang snang/ /gtso cher der ni 'jam rgyal rang/ /chos rnams rang bzhin gyis dag pas/ /sangs rgyas ye shes gang yin de/ rang nyid 'khor lo sgyur nyid pas/ /mtshan gyis thog mar dpal gyi sgra/ /kun la'ang bdag po thams cad las/ /kye dang rdo rje mdza' mar sbyar/ /chu khams dag pa mi bskyod pa/ /cod pan mnyam pa'i bdag nyid can/ /rdo rje so sor rtog mchog bdag /bdag po bya sgrub don stsol ba/ /ye shes rig yin 'dir rdo rje/ /rgyu dang rigs kyis dbang byas pa/ /brtul zhugs lung bstan dbugs 'byin pa/ /rigs mang bskur la'ang 'di ming yin/ / 'di de sangs rgyas thams cad de/ /rdo rje sems dpa' i lag na gnas/ /khyod kyis kyang ni rtag tu bcang/ /rdo rje sems dpa' i brtul zhugs brtan/ /aoM sarba ta thA ga ta sid+d+hi badzra sa ma ya tiSh+Tha e Sha twaM d+ha ra yA mi hi hi hi hi hUM/ rdo rje brtul zhugs kun 'byin nas/ /rdo rje de nyid kyis 'dzin gzhug /thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje bsnyems tshul bdag po'i bdag/ dril bu de nyid kyis bzung la/ /chos kyi sgra yi dkrol du gzhug / 'di de sangs rgyas thams cad kyi/ /shes rab sgra yi rjes 'gror bshad/ /khyod kyis kyang ni brtag tu bcang/ /byang chub mchog tu rgyal ba bzhed/ /de chos kyis bkrol du gzhug ste/ /srid pa ngo bo nyid kyi bdag /ngo bo nyid kyis 'gal srid byas/ /rang bzhin gyis dag sems dpa' mchog /srid pa mchog tu byed par 'gyur/ /bsnyan sogs snying por bshad pa yis/ /phyag rgya chen por byin brlabs la/ /gzugs sogs 'dod pa'i dam tshig gis/ /gsang sngags ma ma tshang med par bzla/ /rang gi rig pa'i ngo bo de/ /phyogs bcur dus gsum bzhugs ba de/ /rang gi lha yi sbyor ba yi/ /bdag dang gzhan la mchod par bya bka' thub sdom pa mi bzad pa/ /bsten na mi snang mngon shes dang/ mkha' la rgyu dang lus ngag yid/ /las byung dngos grub 'grub mi 'gyur/ /de bas sangs rgyas sems dpa' mchog /sngags kyi spyod mchog spyod pa rnams/ /'dod pa thams cad bsten pa yis/ /chos kyi yi ge mchog brnyes so/ /bde dang sdug bsngal de bdag min/ /'dod pa'i yon tan lnga rnams bsten/ /ye shes don gnyer 'dod chags can/ /sbyor bas bsgrubs na myur du 'grub/ /sku gsung thugs ni yang dag 'grub/ /gang gzhan sman par bshad pa ni/ /sngags kyis bzlas pas 'grub 'gyur ba/ /sku gsung thugs ni bsgoms pas so/ /de nyid kyis ni rdo rje gzung/ /chos kyi dril bu dkrol bar bya/ /dam tshig gi ni phyag rgya cher/ /byin gyis brlabs nas snying po bzla zhes gang bshad pa de'i phyir de skad ces bshad pa yin no/ /slob ma sdom pa bzung ba dang/ /de bzhin yon ni phul ba yis/ /dbang bskur phyir ni gsol 'debs shing/ /tshigs bcad 'dis kyang phyag bya'o/ /byang chub rdo rje sangs rgyas kyis/ /mchod chen ji ltar gsol ba bzhin/ /bdag kyang rab tu skyab pa'i phyir/ /nam mkha' i rdo rje bdag la stsol/ /'jug sgor pad+ma 'dab brgyad bar/ /rang lha'i sbyor bas khri la gnas/ /dus gsum phyogs kun nam mkha' khyab/ /sangs rgyas 'khor lo rang snying byung/ /rol mo dri la sogs ldan zhes/ /snga ma bzhin du rig dbang bskur/ /rdo rje chen po'i dbang bskur ba/ /tshigs bcad 'dis ni dbang bskur ro/ /rdo rje chen po'i dbang bskur ba/ /khams gsum gyis ni phyag byas pa/ /gsang ba gsum gyi gnas las byung/ /sangs rgyas kun gyis sbyin par bya/ /mi ldog dbang bskur byin nas ni/ /'khor lo de nyid sbyin par bya/ /mi mnyam med pa zur bzhi pa/ /sangs rgyas sangs rgyas mi mnyam nyid/ /lus tshor sems dang chos rnams kyis/ /gcig dang sna tshogs sbyor bral nyid/ /de dran de la dad pa gang/ /shar sgor byang chub phyir 'dod do/ /de nas byung dang 'byung 'gyur ba'i/ /phyin ci log spang ma skyes bya/ /ma skyes skyes pa'i yang dag kyang/ /bskyed pa dang ni gnas bya ba/ /brtson 'grus rnam bzhi lho yi sgo/ /'dun dang spro dang gnas dang blo/ /rdzu 'phrul rkang dang dran pa 'dir/ /nub kyi sgo ni yin par bshad/ /dad dang brtson 'grus dran bsam gtan/ /shes rab dbang stobs mnyam med de/ /ting nge 'dzin yang byang de ltar/ /dran nas dbang po sgo bzhi yin/ /dang po la sogs bsam gtan bzhi/ /rta babs bzhir ni byung ba yin/ /dpa' bar 'gro dang mkha' mdzod sogs/ /ting 'dzin kha khyer yin par bshad/ /lag na mchod thogs g.yon spyo rnams/ /tshigs la sogs pa'i gzung sogs yin/ /gang phyir sna tshogs rgyan ldan pa/ /bsam pa thams cad rdzogs byed pa'o/ /gdul bya bskyod pa'i dam pa'i chos/ /yan lag dgu sgra kun tu sgrogs/ /ba dan sna tshogs rlung gis bskyod/ /rtse mor dril btags sgra sgrogs yin/ /ye shes me long byang yan lag /phyogs kun tu ni 'od rab gsal/ /dra ba dra phyed nyi zla dang/ /rnga yab me long me tog phreng/ /'khor lo rin chen sogs ka ba/ /rnam thar brgyad kyis sbyangs pa yin/ /de yi nang gi 'khor lo de/ /dkyil 'khor brgyad pa lta bu yin/ /phyogs kun dus gsum rdzogs sangs rgyas// rdo rje theg pa rab ston pas/ /kun nas yongs su zlum por ni/ /rdo rje'i thig gis bskor ba yin/ /ye shes kyis 'gro la zhen pas/ /tshon ni rdzogs sangs rgyas lnga yin/ /dbang po don sogs rnam dag pa/ /rang gi mtshan nyid dben pa nyid/ /shes rab ye shes bdud rtsi ni/ /rdo rje can gsol bum pa'ang de/ /tshogs rdzogs pa yi rgyu mthun pa/ /thugs rjes rlan zhing bum pa gang/ /dkyil 'khor gang du me tog spos/ /mar me che dang drir bshad pa/ /byang chub yan lag yid rab tshim/ /chos kyi snang ba grags bsdus yin/ /chos kyi zas ni lta bshos yin/ /ngo tsha khrel yod pa yi gos/ /glu snyan gar dang rol mo rnams/ /bde ba chen po rnam 'phel ba'o/ /grong khyer thar pa'i grong khyer bas/ /dkyil 'khor snying po bsdus pa yin/ /'khor lo'i de nyid legs bstan nas/ /lha yi de nyid bstan par bya/ / dad dang brtson 'grus dran bsam gtan/ /rnam dag sgo srungs mchog gi gzugs/ /sku sogs rnal 'byor 'dzin pa'i sems/ /shes rab dag pas rab dri med/ /sbyin sogs drug pos phyi rol dag /gzugs rdo rje sogs rang bzhin can/ /sa thabs la sogs mtshan med phyir/ /spyan la sogs pa'i ngo bo nyid/ /don dang sems can bdag kun rtog /'jug pa'i shes pa rnam dag pa/ /me long la sogs ye shes ni/ /sangs rgyas kun gyi ngo bo yin/ /ma skyes ye shes sbyor ba yis/ / 'khor lo'i gtso bo lta bur snang/ /gzugs sogs 'khrul ba legs dag pa/ /phung po skye mched khams rnams so/ /ser sna la sogs gnas gyur pa/ /mchog dang ser ni shin tu bstan/ /rang gi ?? gnas ? pa/ /? sogs tshang zhing dri ma med/ /rnam par mi rtog zab pa dang/ /rgya che ba ni rang gzhan 'byung/ /zab dang rgya chen 'di dag nyid/ /shes rab thabs bdag nyid gang ste/ /so so rang rig chos yin phyir/ /dbye yod dbye med sogs mi gnas/ /de ltar spros par gyur pa ni/ /pha rol phyin sogs 'bras bur snang/ /de nas rnal 'byor dam tshig mchog /gzugs dang lang mtsho yon tan ldan/ /sbyor byas slob dpon de 'dug la/ /ye shes dbab pa rab tu brtag /rdo rje chu skyes kha phye la/ /sangs rgyas rang snang gzhug par bya/ /pad+ma la gnas brtan byas te/ /rigs bdag snang ba thob pa dang/ /rdo rje'i bdag nyid rang ming brjod/ /'khor lo'i sbyor bas spro bar bya/ /rdo rje chu skyes sgras sangs rgyas/ /spyan drangs 'khor lo'i phyogs logs su/ / bgegs rnams bsam la yang dag bsrung/ /mchod yon phul la rab tuAng mchod/ /yang dag bstod de sgo bas sgor/ /pas rnams byas nas bsgrub par bya/ /mig dang sku sogs byin brlabs la/ /dbang bskur mchod pa la sogs brtag / dngos grub kun phyir sems can don/ /mdzod cig ces ni gsol ba gdab/ /'khor lo yang dag bris nas ni/ /dang po rab gnas cho ga 'di/ /sku gzugs glegs bam la sogs la/ /skyes bu'i mthar thugs pas dbang bskur/ /bum pa mchod yon bla re sogs// bsrungs nas sbyin sreg sogs bshad gang/ /yi ge sngags gsum sngags mchog gam/ /sngar btus pa yi sngags kyis bya/ /phyi yi khrus ni byas pa dag/ 'khor los sgyur 'dra de rang nyid/ /shes rab thabs kyi bdag nyid gang/ /de nyid mchog ni de nyid yin/ /rgyu mthun chu dang phreng ba ste/ /rnam smin rdo rje'i bdag por bshad/ /skyes 'bras rdzogs sangs kyis dbang bskur/ /dbang 'bras gsang ba'i sbyor ba nyid/ /de nas gzugs sogs yon tan ldan/ /'khor los rnal 'byor shin tu goms/ /dam tshig sdom la gnas pa nyid/ /'khor lo'i phyag rgya 'ang byin gyis brlab/ /thug pa'i dbang tshogs rdo rje'i mthar/ /yang dag dbab ste bde mchog de/ /thu bo tha ma min par bsdam/ /snod gyur sgor ni nges par dbab/ /brtan pa'i blo ldan snod kyis kun/ /rnam snang bdag nyid can 'thungs la/ /sna tshogs bzhin te sna tshogs gyur/ /kye ma shin tu bden tshig brjod/ /shes rab yan lag 'dus dpal ldan/ /de nyid nye bar shes par bya/ /gzungs 'di shin tu yid 'ong ste/ bsten byang sangs rgyas rnams kyis brtags/ /'khor lo'i rim gyis rab sbyor bas/ /bde ba dam pa yang dag spyod/ /rdo rje'i skyil krung nyid dang sems/ /nor ldan khongs su gtogs par bsam/ /dkyil 'khor lha yi de nyid dang/ /slob dpon gyis ni las rnams dag /rab gsang shes rab mchog gi ni/ /dbang bskur de nyid yang dag bshad/ /dbang bskur 'di ni ji lta bar/ /byang chub spyod gzhan de bzhin du/ /dge ba'i tshul ni gzhan gsungs pa/ /sangs rgyas kun sogs 'thob mi 'gyur/ /dam tshig dang ni bsrung ba dang/ /rtag tu sdom pa brkyang bar bya/ /bcud phyed sgrol ma mi 'chi spyad/ /dam tshig gzhan yang bsrung ba ni/ /dkon mchog gnod gzhom bud med kun/ /mchog myang log pa'i dag ma yin/ /'di dag cho ga bzhin bsrung ba/ /rnal 'byor rgyud du gang bshad ba'o/ /de nas de bzhin gshegs gyur la/ /gzengs bstod 'di dang lung bstan te/ /g.yon pa snying gar khu tshur dang/ /chos gos 'dzin tshul g.yas mchog sbyin/ /aoM nga yis 'di ltar lung bstan te/ /rdo rje sems dpa' de bzhin gshegs// srid pa'i mdza' ni grub pa'i phyir/ /srid pa'i ngan 'gro nyid las gton/ /kye de bzhin gshegs pa rdo rje che ge mo zhes bya ba sid+d+hi b+hu ra b+hu ba swabyang chub tu/ /bde gshegs kyis kyang lung bstan mdzad/ /ngo bo nyid kyis sems can rnams/ /ji lta ji ltar 'dul 'gyur ba/ /de lta de ltar chags la sogs/ /gtsang bas sems can don bya'o/ /nyin re bzhin du thun bzhi ru/ /ting 'dzin gsum gyi sbyor ldan par/ /gyur pas thun mong cig shos kyi/ /dngos grub thob pa sgrub par bya/ /mi snang ba ni stong yin te/ /mngon shes ldan pa gnyis stong yin/ /rdo rje can ni 'gro kun bdag/ zhi dang rgyas sogs las gang dang/ /de las gzhan ba ci 'dod pa/ /'khor lo rjes mnyes sbyor pa yis/ /bsgrubs na myur du 'grub par 'gyur/ /de yang rdo rje bdag po thams cad ni/ /'dod chags de nyid don sems pa/ /sems can kun la phan bzhed pa/ /'dod chags las byung byang chub byed/ /de bas byang chub 'dod chags pas/ /lus ngag yid kyi spyod pa rnams/ /thams cad byang chub bar 'dod pas/ /cho ga bzhin du las rnams bya zhes gsungs pa yin no/ /ji bzhin zhugs pa'i slob ma dang/ /phan don gnyer ba rnams la yang/ /gang phyir dbugs 'byin dam tshig gsum/ /cho ga bzhin du sbyin par bya/ /mchog gsang dkyil 'khor dam pa 'di/ /mthong ba dang ni zhugs gyur pas/ /sdig pa kun las nges grol bar/ /khyed rnams de nyid legs par gnas/ /bde chen theg pa 'di las ni/ /slar khyod 'chi ba yod min te/ /mi tshugs pa dang mi song pas/ /cis kyang mi tshugs dga' bar gyis/ /srid pa shin tu dag ba'i phyir/ /srid pa'i sdug bsngal las khyod 'das/ srid pa shin tu grub pa'i phyir/ /ston pa'i mchog tu gyur pa yin/ /dam tshig sdom pa grub pa 'di/ /rtag tu khyod kyis srung bar bya/ /sangs rgyas kun gyis mthun bar gsungs/ /dam pa rtag pa'i bka' yin no/ /gang zhig bskyed pa tsam gyis ni/ /sangs rgyas nyid du dog med pa'i/ /byang chub sems ni btang mi bya/ /phyag rgya rdo rje gang yin pa'o/ /dam pa'i chos ni mi spang zhing/ /nam yang dor bar mi bya'o/ /mi shes pa'am rmongs pa yis/ /tshul chen bstan par mi bya'o/ /bdag nyid yongs su spangs nas su/ /dka' thub kyis ni ma gdungs shing/ /ci bde bar ni bde bar gzung/ /'di ni ma byon rdzogs sangs rgyas/ /rdo rje dril bu'i phyag rgya rnams/ /nam yang yongs su mi 'dor zhing/ /slob dpon spang bar mi bya ste/ 'di ni sangs rgyas kun dang 'dra/ /sangs rgyas tshul mtshungs bla ma yis/ /slob dpon la ni gang smod pa/ /de ni sangs rgyas kun smad pas/ /rtag tu sdug bsngal 'thob 'gyur te/ /rims dang dug dang dbyig dug dang/ /mkha' 'gro rnams kyis gcos pa dang/ /gdon dang log 'dren gtum po yis/ /bsad nas sems can dmyal bar 'gyur/ /de bas nan tan thams cad kyis/ /rdo rje slob dpon blo gros che/ /dge ba rab tu mi sbyoms pa/ /nam yang smad par mi bya'o/ /bla ma la ni gus bcas yon/ /rjes mthun khyod kyis sbyin par bya/ /de nas rims sogs gnod pa rnams/ /phyi zhing 'byung bar mi 'gyur ro/ /rtag tu rang gi dam tshig bsrung/ /rtag tu de bzhin gshegs pa mchod/ /rtag tu bla ma la yang dbul/ /'di ni sangs rgyas kun dang mnyam// de sbyin sangs rgyas thams cad la/ /rtag tu byin pa nyid du 'gyur/ de byin bsod nams tshogs yin te/ /tshogs las dngos grub mchog tu 'gyur/ /gang phyir 'dir ni lags gnas bas/ /deng khyod skye ba 'bras bur bcas/ /dam tshig lha rnams kun mnyam par/ /deng khyod gyur par the tshom med/ /sangs rgyas rdo rje 'dzin bcas la/ /kun gyis deng khyod dbang bskur bas/ /khams gsum gyi ni rgyal po che/ /rgyal po'i bdag por bstan pa yin/ /deng ni bdud las rnam rgyal te/ /grong khyer mchog tu rab tu zhugs/ /khyed rnams kyis ni sangs rgyas nyid/ /deng nyid thob par the tshom med/ /de ltar yid ni rab dang rdo rje nyid du gyis/ /rang gi dam tshig mi bzad bde skyed bsten par gyis/ /der ni 'gro la myur bde rdo rje sems dpa' dang/ /rab tu mnyam zhing rtag pa nyid du gtogs par 'gyur/ /slob ma rab dang mnyes gshin pas/ /bla ma'i zhabs la phyag byas te/ /gtso bos ji skad bka' stsal pa'i/ /gsung ni de bzhin bka' bgyid do/ /gal te 'byor na de rnams kyi/ /mthe po g.yas pa lag g.yon gyis/ /legs par bzung ste re re nas/ /zhi ba cho ga bzhin du bya/ /de nas rgyal po 'am sa bdag phyir/ /sbyin blugs gsum 'am bdun gcig bya'o/ /phyogs skyong bdag nyid zhi bya'i phyir/ / sreg blugs phul la yon bslang ngo/ /nyan pa la sogs re re zhing/ /sems can kun gyi don bya'o/ /sa gzhi rgyal srid gser la sogs/ /yang na rang grub phyir grogs nyid/ /gang de btang nas legs blangs pa'i/ /yon phul bas ni mgu bar bya/ /kha zas dang ni spyod kun gyis/ /rang gzhan 'khor lo mchod par bya/ /legs bzung snod gyur slob ma mchog /sna tshogs che mchog rnams kyis ni/ /tshim byas mu yi mdza' can gyi/ /yi ge gsum gyis yang dag bsdu/ / a kA ro sogs sngags kyis ni/ /dkyil 'khor dam pa dbyi bar bya/ /slong la tshon rtsi cung zad sbyin/ /tshon rnams chu bo chen por dong/ /khung bu 'gengs dang rab gnas dang/ /sbyin sreg dkyil 'khor nor gang yin/ /de kun slob dpon nyid dbang zhes/ / rdo rje mchog ni 'dzin pas gsungs so/ /de ltar dang po'i las can gyi/ /dkyil 'khor cho ga gsal bar bshad/ /ye shes dbab pa legs thob pa/ /sems dpa' dbab pa nyid bshad de/ /lo bcu gnyis lon byis pa dang/ /bu mo dbab byas yang dag mchod// de nyid kyis bris 'khor lo gang/ /thugs la mi bskyod mA ma kI/ dbab yin par ni yang dag bshad/ /gsung la dpag med gos dmar mo/ /sku la rnam snang mdzad dang spyan/ /thugs gsung sku ni legs dbab pas/ /bris pa 'di ni rmad byung yin/ /thugs babs pas ni yongs shes pa/ /gsung babs gsar sngags smra ba'o/ /sku yi babs pas mkha' la gnas/ /dbab dang g.yo ba'i cho ga 'di'o/ /slob dpon slob ma dbang bskur 'dir/ /snga ma'i tshul ni nyid kyis gnas/ /ye shes dbang thob pa yi sems/ /nyid kyi 'khor lo gsum po bya/ /byin rlabs des ni 'khor lo de/ /gang phyir rang bzhin dag la snang/ /'dir ni 'jug dang rjes gnang bas/ /rmi lam gsal ba bzhin du snang/ /gang phyir sems kyi tshul bstan pas/ /de ni mchog tu shes par bya/ /rnal 'byor pa gsum char gyis kyang/ /gsung sku'i gsang ba dag bya'i phyir/ /gsung sku'i 'khor lo'i cho ga ni/ /sngon bzhin gnas der mi bskyod mtshan/ /ye shes las dang po cung zad/ /thob dang yang dag 'thob pas kyang/ /yid kyi cho ga kun bya ste/ /de med par ni 'grub mi 'gyur/ /rdo rje slob dpon slob ma mchog /rgyu mthun la sogs dga' ba'i bdag /yid bshad cho ga mchog yin gyis/ /tshig tsam gyis 'dir ci zhig 'gyur/ /'jug pa tsam gyis 'tshang mi rgya/ /thos tsam gyis kyang mi 'gyur ro/ /ji srid bsams par gyur pa dang/ /bsgoms pa nyid kyis 'gag par 'gyur/ /ji skad du/ /sang sngags smra rnams mang du ni/ /spros te smras pas ci zhig bya/ /khyad par du ni sems bsgrubs te/ /sems las rdzogs pa'i byang chub 'byung zhes gsungs pa dang/ /ji skad du/ byang chub sems kyi 'bras bu gang/ /de ni sangs rgyas ye shes mchog /rdo rje sems dpa' i rang bzhin de/ /chos dang longs spyod sprul pa yin zhes gsungs pa yin no/ /? rnam rtog pa gtogs par/ /srid sogs sdug bsngal gzhan med de/ /de ltar 'di ni sngon 'gag 'di/ /shes rab thabs kyi bdag nyid yin/ /dus chos phyogs kun khyab pa yis/ /ma chags 'khor lor snang ba na/ /rtog de snang bar mi 'gyur na/ /legs par goms pas de ldog 'gyur/ /'di na gang gi lan 'ga' yang/ /mi mthun gyur te rtag pa yin/ /gang gi rgyun ni goms 'gyur las/ /de ni shin tu ldog par 'gyur/ /gzhan dag tha mal gzhom pa ni// 'khor lo mchog la de yod de/ /chos kun bdag nyid 'khor lo mchog /'gro ba yongs dag mngon gyur las/ /mngon sum rgyu las byang chub 'byung/ /skal par rtog 'di 'bras bu med/ /rim gyis sbyin sogs blang bya dang/ / khrims sogs ma chags las zab yin/ /tha mal ma sdangs rgya chen yin/ /dus kyi tshad kyis 'dir byang chub/ /rang gi yul du bdag nyid can/ /mkhas pas tha mal pa ru bshad/ /'gro ba rdzogs byang 'khor lo'i bdag/ skad cig gis 'dir byang chub snod/ /sbyin bya la sogs mi dmigs kyang/ /sbyin sogs tha mal bdag nyid can/ /bdag med tha mal mi 'joms kyi/ /'khor lo mchog la de yod min/ /de bas kun rtog rnam bsal cing/ /kun nas 'od zer rnam 'phro dang/ /bdag nyid kun tu bzang por ni/ /bsgoms pa nyid kyis byang chub 'thob/ /de pas 'khor lo gsum bstan pa/ /chos dang longs spyod sprul pa'o/ /thugs dang gsung dang sku'i gsang ba/ /sku gsum rim pa dag pa nyid/ /ye shes lnga dang sku gsum ni/ /'khor lo'i sbyang bdag nyid kyis 'grub /rnam pa thams cad mkhyen grub na/ /mi 'grub de las gzhan ci yod/ /gang phyir byang chub pha rol phyin/ /gzungs dang sa rnams grub pa dag/ bde chen rnal 'byor 'di las ni/ /rang nyid rjes su grub par 'gyur/ /de ltar rtog pa'i dpal ldan de/ /'phags chos mchog kun bsdus pa yin/ /phra rab kun na'ang 'khor gsum mchog /rang gi yid ni su mi bsgom/ /dam chos ro mchog myong gyur dang/ /thos pa mang po gnas byas pa'i/ /skye mchog tshang mar 'di 'gyur phyir/ /rang sems kyis 'dir nan gyis byas/ /bla ma dam pa'i gzhung gzung ba/ /dad pa yis ni gsal bar byas/ /dad sogs nor ni bsten bya yin/ /bsten 'os skal ldan smad bya min/ /bdag las dman pa 'am mtshungs don yod/ /sems can dam pas legs bshad ni/ /byis pa las kyang blang bya yin/ /de ltar rang sems nyid kyis brtags/ /rim pas brgyud cing yang dag rdzogs/ /'khor lo bris pa'i dge ba gang/ /'dis 'gro 'jam dpal rdo rjer shog /sdeb sbyor byas pa'i tshigs bcad ni/ /bzhi brgya lnga bcu pa nyid du/ /rab byed 'jig rten legs dran phyir/ /dkyil 'khor cho ga 'di byas so/ /dpal gsang ba 'dus pa'i dkyil 'khor gyi cho ga /slob dpon mar me mdzad bzang po'i zhal snga nas mdzad pa rdzogs so so/ / //rgya gar gyi mkhan po pad+ma ka ra warma dang/ /zhu chen gyi lo tsa ba dge slong rin chen bzang pos sgyur cing zhus te gtan la phab pa'o// //!/ (/mdzes pa'i me tog ces bya ba rim pa gnyis pa'i de kho na nyid bsgom pa zhes bya ba zhal gyi lung gi 'grel pa slob dpon chen po bi ta swa ras mdzad pa bzhugs so/

CLOSE WINDOW