བོད་ཡིག

e-texts based on the ACIP/ALL Input

/mdor bsdus 'ga' zhig dran phyir dbye ba byas/ /dpal gsang ba 'dus pa'i rim par bye ba dpal he ru ka'i? grub pa'i thabs kyi 'grel ba rdzogs so// / (*/ /grol ba'i thig le zhes bya ba slob dpon chen po sangs rgyas ye shes kyis mdzad pa bzhugs so/ /) //rgya gar skad du/ muk+ti ti la ka na? ma/ bod skad du/ grol ba'i thig le zhes bya ba/ /dpal rdo rje sems dpa' la phyag 'tshal lo/ /dpal ldan 'khrul pa bsal las dri ma med/ /'od zer mdza' yas rigs kyi sprul 'phro ba/ /shes rab yan lag gis 'khyud 'bar zhing mdzes/ /'jam dpal de la dngos kun rab tu 'dud/ /de yi snying dbus gzhom du med pa yi/ /dngos kun ro gcig mi shigs thigs le'i gzugs/ /me bsal gsal ba'i bdag nyid du gnas pa/ /brgyud rims las byung de nyid la 'dud bya/ /de 'dra ston byed zla ba gsum rab mchog /'jig rten gsum khong nang gnas dri ma sel/ /de la me tog snying bkang mgrin dma' bas/ /mdza' med 'khor ba yan chad bar du 'dud/ /dpal ldan gsang ba 'dus pa'i dam pa'i gzhung/ /bla mas gsol btab yid ches brod ldan pas/ /dngos po kun grel mi shig thig le'i don/ /rnal 'byor 'ga' zhig don du bshad par bya/ /dngos po thams cad 'di/ lta ste/ dmyal ba'i gnas dang yi dags dang/ /de bzhin byol song gling bzhi dang/ /lha min rgyal chen bzhi yi gnas/ /sum cu rtsa gsum 'thab bral dang/ /dga' ldan 'phrul dga' gzhan 'phrul gnas/ /tshangs chen tshangs chung 'dun na 'don/ /'od chen 'od gsal tshang med 'od/ /dge chen dge rgyas tshang med dge /sprin med bsod nams 'bras bu che/ /mchi mi gdung shin tu mthong/ /gya nom snang dang 'og min gnas/ /de la gnas pa ji snyed dang/ /nam mkha' mdza' yas rnam par shes/ /ci yang med dang yod min gyi/ /skye mched rgyu dang mi rgyur bcas/ /de sbyong tshogs kyi lam dang ni/ /sbyor ba'i lam dang mthong ba'i lam/ /bsgom pa'i lam dang bar mi chod/ /rnam grol chen po'i lam rnam gro de dag kun gyis rang bzhin ni/ /nam mkha' i dbyings ltar rnam dag pa'i/ /spros pa'i rnam pa kun bral ba/ /zab gsal gnyis med ye shes so/ /thams cad rnam rtog dang bral bas/ /'khor ba zhes bya yod ma yin/ /'on kyang thag pa'i sprul lta bur/ /snang zhing ? ba nyid du 'dod/ /rab rib spangs pas thag pa las/ /gzhan ni cung zad rnyed mi 'gyur/ /de bzhin spros spangs dkyil 'khor la/ /'khor ba cung zad rnyed mi 'gyur/ /des na zab gsal dkyil 'khor pas/ /nga ni rtag tu mya ngan 'das/ /de don skye bo bsam shes pas/ /srid pa'i sdug bsngal gyis gzir ro/ /de nas zab gsal byang chub ni/ /gnyis med rtog pas de grol lo/ /zab mo kha nas rtogs pa min/ /gsal bdag kyang de bzhin no/ /de bzhin thal byung zab mo ni/ /grol 'dod de la de? mi dang/ /de bas gnyis med rang bzhin du/ /rtog pas tshe 'dir 'bras thob des/ /rnam par rtog pa kun bral bas/ /bsam brjod yul las shin tu 'das/ /mkha' bzhin dri med kun 'byung bas/ /brtags bral zab mo nyid ces pa/ /phyag rgya chen po gzugs 'chad ba/ /sgyu ma 'ja' tshon lta bu ru/ /rang dang gzhan gyi rgyud sbyong bas/ /yang dag gsal ba zhes bya'o/ /de gnyis med pa'i rang bzhin mchog /dngos po kun la khyab pa'i bdag /'khor bas rab tu ma zin pa/ /chos kyi dbyings kyi shes ba'o de 'dra rang mchog ye shes ni/ /mngon sum sogs pas mi shes so/ /de bzhin dpyad mkhan gyis mi shes/ /mi shes 'khrul pas rab g.yogs pas/ /nyan thos kyis kyang mi shes so/ /spyod yul bag nyal shes pa yi/ /rang sangs rgyas kyis kyang mi shes/ /dus gsum du ni byol sod dang/ /yi dags dmyal ba lha rnams kyi/ /so so skye bos ga la shes/ /sangs rgyas kun gyi gsang chen 'di/ /nam mkha' nam mkha' i spyod yul lo/ /'di yi don shes pa rgyud pa yi/ /bla ma dam pa rtag bkur bas/ /au duM bar ltar brgya lam na/ /bsod nams can gyi skad cig shes/ /'di yi don shes rnal 'byor pas/ /bya ba'i las ni dkyil 'khor dang/ /bya ba'i las ni gtor ma dang/ bya ba'i las ni sbyin sreg dang/ /bya ba'i las ni bgrang phreng dang/ /bya ba'i skyil mo krung la sogs/ /ngal byed pas ni ci zhig bya/ /dang po pa rnams 'drid phyir ro/ /ci phyir rtogs las sangs rgyas min/ /rang bzhin rnam dag las byung phyir/ /rtog bcas cho ga de dag kun/ /ngal ba la sogs spang par bya/ /rang bzhin las ni byed pa'ang yod/ /rang bzhin las ni bya ba'ang yod/ /rang bzhin yongs su shes pa la/ /byed pa med cing bya ba'ang med/ /dper na mi gang chu klung gi /pha rol tu ni 'gro ba dag /rtswa dang shing sogs bsdu byas nas/ /de las rgal ba'i rdzing byas te/ /'jug tu rab tu brgal byas nas/ /bor nas bde bar 'gro ba ltar/ /de bzhin 'khor ba'i pha rol gyi/ /dngos po de nyid rtogs byas nas/ /rtog bcas chos rnams spangs byas te/ /byang chub bde ba thob pa'o/ /de phyir rnam tog rnam spangs la/ /zab gsal gnyis med tshes spel te/ /de bzhin gshegs pas gsung lam la/ /sngags rig rnam rtog ma byed cig /rnam rtog gti mug chen po ste/ /'khor ba'i ltung ba med pa yi/ /nam mkha' lta bu dri med pa'i/ zab gsal gnyis med ting 'dzin ma nos/ /gnyis kyi dbang po mnyam sbyor bas/ /lus ngag yid gsum rab bsdus nas/ /nga yi snyam pa'i gzi byin bskyed/ /rnam pa kun gyis rab brgyan nas/ /rnal 'byor ldan pas tshe 'di la/ /ye shes rdzogs pa nyid nges 'gyur/ /rdo rje can lus dam tshig pas/ /las byung skyes pa bud med kyi/ /du ma'i gzugs la brnyes mi bya/ /rdo rje sems ldan dam tshig pas/ /ngan par rtog pa bzang por rtog /rang gi sems kyis rang sems la/ /phyi mas snga ma sun mi dbyung/ /rdo rje ngag gi dam tshig pas/ /'dod pa bskyed pa'i tshig rtsub mo/ /phra ma la sogs bde ba yi/ /tshig tu rnam par smra bar bya/ /sha ni rnam par snang mdzad yin/ /rkang ni rdo rje mi bskyod pa/ /khrag ni dkon mchog/ dpal du brjod/ /rus pa 'od dpag med pa yin/ /rtsa yi tshogs ni don yod grub/ /de 'dra'i gsang chen dam pa 'di/ /blo ldan rnams kyis bsten par bya/ /'dod chags zhe sdang gti mug dang/ /sred dang 'du byed 'phel byed pa'i/ /chos lnga skyes mchog rnams kyis gsungs/ /bshad ci khu ba mchil ma khrag /'dzag pa 'byung ba bzhis bsdus pa/ /bsgom pa'i blo gros rtogs pa yis/ /rtag tu bza' zhing sbyin sreg bya/ /dam tshig dang ldan de nyid bsgom/ /myur du srid pa'i 'ching ba la/ /glog gis mun pa bsal ba bzhin/ /skad cig tsam gyis ye shes 'bar/ /de bas de nyid thob byas nas/ /snying rjes sems can kun dmigs nas/ /dgon pa la sogs gnas nas ni/ /rtag tu gnyis med don bsgom bya/ / sdug bsngal gyi rgyu sdug bsngal las/ /grol 'dod rnal 'byor gang yin pas/ /blo gros kyis ni de thabs btsal/ /thabs kyis de bzhin gshegs par 'gyur/ /de bas snying rje 'ba' zhig gis/ /gzhir gyur yon tan thams cad byung/ /snying rje sdong po rtsa ba ni/ /dul ba sems ni grol 'dod pas/ /dga' ba sdong bu yal ga ni/ /bde ba shin tu rgyas par 'dod/ /yal ga 'phel nas gsal 'gyur ba/ /sems kyi de kho na nyid rig /ma dag pa nyid bsal bas dag /thabs ni de dag khyad par du/ /lha nyid kyis ni spyod par byed/ /de don dpyad nas spro skyes pa/ /dga' ba tshim byed zhes bya'o/ /spong ba len pa lo ma ni/ /rgyun mi 'chad par smon lam 'debs/ /tshogs gnyis bsgoms pas zhing gshin ltar/ /byas pas me tog 'bras bu byung/ /rten 'brel rnam pa gnyis byung bas/ /rang rgyud nang du smin byed pa'i/ /sbyor ba me tog mo gsam min/ /gzhan rgyud smin byed sbyor ba ni/ /phyi rol me tog mo gsham min/ /rang gi rgyud ni smin gyur nas/ /de bzhin gzhan rgyud rab smin pa/ /'bras bur shes bya de dag rnams/ /snying rje'i rab tu 'grub par 'gyur/ /tsa ba snying rje med gyur na/ /dka' ba mdzad par mi nus so/ /de bzhin bsod nams spel mi nus/ / sems can do rnams byed mi nus/ /des na bsam pa'i dga' ba bral/ /blo gros kyis ni smon lam med/ /dge ba'i chos ni len mi med/ /'gro ba'i chos la mi 'dzud pa/ /yongs su smin bya las ni bral/ /snying rje med pas re dag tu/ /'phel bas snying rje gzhi rab gzung/ /snying rjes bod pa bsam pa smon/ /skye ba sems can yongs smin byed/ /rtsa ba sdong bu yal ga dang/ /lo ma me tog 'bras bu dang/ /snying rje sdong po 'di dag ni/ /rtsa ba la sogs ngo bo la/ /phyis ni 'bras bu mchog 'gyur ba'i/ /snying rje sems can don la spyod/ /sdug bsngal las ni bde bskyed/ /shin tu rgyas par gyur pa ste/ /bzod pa'i mtshan nyid sdong po ni/ /rgyas pa las ni yal ga 'phel/ /de bas de nyid bsgom pa la/ /don chen rab tu 'dod pa yi/ /btang snyoms kun tu khyab pa ste/ /tshangs chen spyod pa dam pa'o/ /de dag la gnas rnal 'byor pas/ /snying po sangs rgyas sbyod yul mchog /gang de kun bdag la gnas pa'i/ /mdza' yi de nyid bsgom par bya/ /dpral ba la gnas rkang mthing bar/ /thig le ru ni bsdu bar bya/ /byang chub sems dag 'od gsal bas/ /zla ba'i shel dang mnyam pa'i 'od/ /ye shes lnga mi ngo bo nyid/ /tsa na ka yi 'bru tshod tsam/ /de dbus g.yo gnas dkyil 'khor na/ /mi gsal gsal bar yang dag sbyar/ /de gsal mi thigs thig le'i gzugs/ /yungs kar gyi ni 'bru tshod tsam/ /'od zer sna lnga 'bar 'jag pa'i/ /tshul can ? dbus rtag tu gnas/ /de la bltas pas ye shes che/ skad cig tsam gyi rnal 'byor la/ /'bar ba 'di la the tshom med/ /steng gi sna la nges par 'byung/ /phyogs bcu de bzhin gshegs pa yi/ /zhal zhugs snying gi bdud ci blangs/ /rdo rje lam byung 'o ma ltar/ /'dus nas g.yas g.yon rab zhugs te/ /gong gi thig le la gnas te/ /'gog pa'i rdo rje sems nyid du/ /de la nam zhig sus reg pa/ /sangs rgyas kun gyi mchog sbyin pa/ /yid bzhin dpal dang 'dra bar 'gyur/ /yang ni 'dag pa'i thig le las/ /byung bas nor bu rnam par gnas/ /rang gi mtshan ma'i dbus gnas pa/ /gong gi dkyil 'khor ltar bsgoms te/ /de la snang ba'i thig pa las/ /gong gi rim pas spro bsdu bas/ /zhung ste de la reg 'gyur bas/ /rgyud gsungs lnga po yang dag 'byung/ /de byang rjes dran rab bsgoms pas/ /don des kun la khyab par bya/ /yang ni sprul pa'i thig le ni/ /rnam pa bzhi po bsgom par bya/ /spyi bor rlung dbus aoM bsam mo/ /mgrin par chu dbus A? nges par 'byung/ /g.yas 'byung rlung gi dkyil 'khor ni/ /kha dog nag po'i ngo bo ni/ /sku yi rdo rje rang bzhin ni/ /mun pa ru ni shes par bya/ /g.yon 'byung chu yi dkyil 'khor ni/ /kha dog dkar po'i ngo bo nyid/ /gsung gi rdo rje rang bzhin te/ /rdul du rab tu shes par bya/ /gnyi ga drag 'byung me dkyil 'khor/ /kha dog dmar po ngo bo nyid/ /thugs kyi rdo rje rang bzhin te/ /snying stobs su ni shes par bya/ /gnyi ga dal dbyung dbang chen te/ /gser gyi mdog tu bsnang ba ste/ /dga' ba bar ma'i ye shes so/ /re re phyag rgya bzhi bzhi ste/ /'byung ba hUM gi ngo bo yis/ /sangs rgyas la sogs spro bar byed/ de yi dus su gnas pa yis/ /chos kun 'grub par byed pa 'o/ /'jug pa aoM gyi ngo bo yis/ /sangs rgyas la sogs sdud par byed/ /de yi dus su g.yo ba yi/ /chos kun 'grub par byed pa'o/ /gnas pa Ade bzhin g.yo gnas chos rnams kun/ /gnyis med ye shes du 'jug pa'o/ /de la de nyid rab bzung bas/ /ye shes sems dpa' i ngo bo'o/ /de dus tshes kun gnyis med kyi/ /ye shes su ni skad cig zhugs/ /de ltar dbyer med bzlas pa 'di/ /sems can thams cad rab zlo yang/ /rnam rtog rmongs pas rab bsgribs pas/ /de yi ngo bo mi shes te/ /'gro ba ldang ni 'khor bar 'gyur/ /phyag rgya bzhi 'brel re re ni/ /nyis brgya nyi shu rtsa lnga ste/ / de bzhis bsgras pas dgu brgya'o/ /de ni 'pho ba nyi shu bzhis/ /brtsis pa khri phrag gnyis dang ni/ /gcig stong dang ni drug brgya'o/ /de ni rgyud chen gsang dus su/ /klog dang kha ton byed pa dang/ /spro dang bsdu ba'i ngo bo las/ / bzlas pa ru ni bshad ba'o/ /'di 'dra'i bzlas pa ma rtogs pas/ /phyi rol bzlas pa mngon zhen pas/ /yang dag don ni rtogs mi nus/ /de bas rnal 'byor bar chod pa/ /phyi rol bzlas pa spangs byas te/ /rdo rje 'chang ba'i ngo bo mchog/ rang bzhin bzlas pa mchog chen bsgom/ /de bsgoms stobs kyis phyogs rnams kun/ /sgyu ma dang ni smig rgyu dang/ /dri za'i grong khyer dbang po dang/ /chu zla dang ni rmi lam dang/ /sbrul pa dang ni chu bur dang/ / brag ca dang ni gzugs brnyan dang/ /'khrul pa 'gal me 'khor lo ru/ /skad cig sogs pas rab rtogs so/ /de bas thabs de dngos kun gyi/ /de nyid bden pas bsgrub pa'o/ /gnyis med bde ba gsang chen po'o/ /sangs rgyas byang chub sgrub byed pa/ /sangs rgyas kyi ni ngo bo ste/ /zad med mi 'jig rtag pa'o/ /thog ma tha ma med pa'i mchog /yod pa med cing med pa'i med/ /dbang po dang bcas dbang po med/ /'byung po'i ngo bo 'byung ba med/ /gzugs dang bcas shing gzugs med pas/ /sbyor ba'i lam gyis mthong ba'o/ /phyi yi sbyor ba gzugs phung sogs/ /kun rdzob 'byung ba bzhi po dang/ /g.yo dang bcas pa'i chos rnams kun/ /de gcig sogs ni khyab pa ste/ /thams cad sems tsam kho na'o/ /ci phyir sems can thams cad kun /rnam shes phung po kho na'o/ /blun po rmongs pa rnams kyis ni/ /de don cung zad shes mi 'gyur/ /sems dang sems byung ye shes dang/ /shes pa rnam shes gcig pa'o/ /gang tshe lus kyi rkyen nyid 'gyur/ /chos kun chos gcig du 'gyur ba/ /dngos po kun kyang de tshe 'gyur/ /ci yi phyir ni chos rnams ni/ /chu rgyun bzhin du rgya mtsho las/ /tha pa na cig kho na ste/ /mang po ru ni mi snang ngo/ /de yi nang gi sbyor ba ni/ /bla ma dam pa'i zhal nas ni/ /thob kyi de la the tshom med/ /de ni zab gsal gnyis sbyor bas/ /sbyor ba zhes su bshad pa'o/ /rtse gcig pas ni ting nge 'dzin/ /mnyes byed tshim par byed pa ste/ /gtor ma zhes ni rab tu bya/ /sdig pa zhi phyir zhi ba'o/ /bsod nams kun gyis rgyas ba'o/ /chags pa chen pos dbang du 'dod/ /thams cad gsod phyir mngon spyod do/ /rtags chen dgug phyir dgug pa'o/ /nyan thos la sogs chos rnams ni/ /ring du zhi byed bskrad pa'o/ /sngags pa gang gnas rnal 'byor pas/ /rtogs par nus pas bsrung ba'o/ /de shes chos rnams ngo bo kun/ /gnyis med gcig rtogs mig rnon no/ /rnam par rtog pa ma lus rnams/ /ye shes ngo bor de 'gyur pas/ /dug gzhom pa yi cho ga'o/ /phung po la sogs blun pa'i rdzas/ /ye shes mes bsreg sbyin sreg go/ /zab pa dang ni gsal ba yis// chos kun mnyam pas thig gdab po/ /gsal ba'i 'ja' tshon lta bu'i skus/ /nyi shu rtsa gcig chos kun la/ /rang bzhin gyis bzung tshon btab bo/ /de yi ngo bo kun gnas ba/ /slob don slob ma kun zhugs pa'o/ /ming tsam gyis ni log 'byung yang/ /rang rig bde bas rtogs pas na/ /dbang bskur zhes ni bshad pa yin/ /de la sogs pa mdza' yas kyis/ /chos kun ming can de nyid mchog /yan lag thams cad las 'das shing/ / rtog dang rtog pa med las grol/ /gug skyed tsheg drag las 'das pa/ /'di ni dkyil 'khor mchog ces bya/ /chos dang chos min rnam dpyod pa/ /chos rnams thams cad rtogs par snang/ /rnam dag nam mkha' 'dra ba yi/ /dkyil 'khor 'di ni bstan pa yin/ /'dod chags mi chags 'dod chags mnyam/ /chu yi pad+ma dmar po 'dra/ /rang sems 'dod chags shin tu chags/ /'di ni dkyil 'khor mchog yin no/ /gzugs dang gzugs min dri med pa'i/ /gang khams kun la 'jug gyur pa'i/ /sems ni chu dang bskul byed pa'i/ /dkyil 'khor dkyil 'khor zhes bya'o/ /de 'dra'i rang rig dkyil 'khor las/ rtog las rlung byung ma dang ni/ /chu dang sa ste de dag las/ /phyin log phung sogs rab grub pas/ /de 'dra'i dkyil 'khor bsgribs par 'gyur/ /skyes bu gang zhig bla ma che/ /de bzhin nyid shes bkur pa las/ /de yi byin brlabs ye shes che/ /gang gis rtogs pas snga ma yi/ /rim pas bsgrub la shin tu dpa' / /de yis phung phyin log rnams la/ /rim gyis log nas ye shes kyi/ /spros bral dkyil 'khor 'bar bar 'gyur/ /de bas nan tan thams cad kyis/ /mchog gi dkyil 'khor 'di bsgom bya/ /skad cig tsam du dad pa yang/ /myur du rdo rje sems dpar 'gyur/ /de yis theg pa bsam yas kyi/ /tshul khrims sdom pa kun kyang gsungs/ /dkyil 'khor kun tu zhugs pa'o/ /de phyir di yis bsod nams tshogs/ /nam mkha' snod byas shong mi 'gyur/ /ci phyir shAkya thub pa yis/ /grangs med bar du tshogs bsags kyang/ /'di don ma rtogs ni rany+dzar/ /ci'ang mi yin ting 'dzin gnas/ /de tshe bde gshegs kun gyis kyang/ /thal byung blo can de bzlog ste/ /nam mkha' i dbyings ltar rnam dag pa'i/ /zab gsal gnyis med rab bstan te/ /nam phyed dus su brgyal ba ltar/ /de nyid bsgoms pas tho rangs su/ /skad cig gis ni yang dag rtogs/ /byang chub snying por bzhugs byas nas/ /dbung chen bdud rnams rab bcom ste/ /sems can gzung bar bya ba'i phyir/ /chos kyi 'khor lo bskor ba'o/ /de nas bzung ste don mchog 'di/ /skab? pa ldan pa 'ga' zhig la/ /zhag nas zhal dang snyan nas snyan/ /rgyud de nges pa'i don bstan pa'o/ /de don bsgom 'gyur rnal 'byor pa/ /'khor ba nyid na gnas pa'i tshe/ /'khor ba'i nyes pas mi gos so/ / ye shes kyis ni rgyas btab pas/ /nyon mongs rtag tu 'gal 'gyur te/ /sman ni phye mar sbyar ba yis/ /sbrul ni gsod par byed pa bzhin/ /grol ba'i thig le sim byed 'dis/ /tshe 'di nyid la dngos grub thob/ /'di yi stobs/ kyis dgos pa kun/ /skad cig gis ni 'grub par byed/ /gang gis de mthong yang dag blta/ /bdag po chen po rab mchod na/ /de yi ston pa kun mthong ste/ /rgyal ba mchog la mchod par 'gyur/ /srid pa gcod par gyur pa dang/ /'gro ba'i ston pa mchog tu 'gyur/ /de la lha kun mchod byed cing/ /skad cig skad cig phyag kyang byed/ /ji ltar ston pa rdzogs sangs rgyas/ /phan byed 'jig rten skyes gyur pa/ /sna tshogs ye shes rjes bsdus pa/ /rnal 'byor chen po de bzhin 'gyur/ /gang gis dam sdom rnam bsrungs te/ /bde chen rdo rje sems bsgoms na/ /dngos grub chen po nges thob pa'i/ /rdo rje sems dpas rgyas btab bo/ /mi 'grub pa ni cung zad med/ /bde chen phyag rgya chen po yis/ /so so rang rig res las grub/ /de bas 'di bsgoms rnal 'byor pas/ /spyod pa kun la rol par bya/ /rnal 'byor gsum pa'i dus kyi tshe/ /sna tshogs don chen la gzung phyir/ / la lar shin tu dka' bar sbyod/ /la lar khab nas 'byung tshul bya/ /la lar byang chub sems dpa' i tshul/ /la lar lhums su zhugs pa'i tshul/ /la lar skye ba ston pa 'am/ /la lar 'chi ba ston pa 'am/ /la lar sbyod cing rol pa 'am/ /la lar bdud las rgyal ba dang/ /la lar byang chub mngon byang chub /la lar chos kyi 'khor lo bskor/ /la lar sna tshogs 'jug par mdzad/ /la lar dus su mdzes pa'i gzugs/ la lar 'dod gzir bur med gzugs/ /la lar sdug rgan mo'i gzugs/ /la lar gcar bu pad gdangs ma/ /la lar skyes bu rgan po'i tshul/ /res 'ga' dar yab skyes tshul dang/ /la lar lang tsho skyes bu'i tshul/ /la lar dge slong tshul du gnas/ /la lar de bzhin dge slong ma/ /la lar rnal 'byor dbang phyug che/ /la lar phug gnas bsam gtan pa/ la lar rgyal po longs spyod can/ /la lar mtshon thogs skyes bu'i tshul/ /la lar smyon pa brtul zhugs can/ la lar khyi dang bya rog gzugs/ /la lar de bzhir glang chen sogs/ /la lar tshangs pa chen po'i tshul/ /la lar skye dgu bdag po'i tshul/ /la lar 'dod pa'i dbang phyug tshul/ /la lar 'dod pa bral ba'i mchog / la lar zhi ba tshul gnas pa/ /la lar drag po tshul gnas pa/ /la lar srin pa gdon la sogs/ /la lar rtag tu nyal bar byed/ /la lar kun tu rgyug par byed/ la lar kun tu tshig ngan smra/ /de la sogs pa mdza' yas pa/ /rnal 'byor chen pos sprul pa'o/ /thabs deg sems can thams cad kun/ /don gcig la ni gzung phyir ro/ /de 'dra'i spyod pa la gnas pa/ /skad cig gis ni sbyor ba bdun/ /rtogs nas ji srid bar du ni/ /ro myang mtshan nyid brgyad ldan par/ /yang dag ye shes dbang gyur la/ /bya ba byas pa'i dbang phyug che/ /'khor ba'i mdza' yi pha rol son/ /bden pa gnyis med rnal 'byor che/ /khur bor bdag don rjes su rnyed/ /glang po chen po dul ba'o/ /tsher ma dkrugs pa thams cad/ mkhyen/ /de bzhin gshegs pa bcom ldan 'das/ /longs spyod rdzogs sku chos kyi sku/ /sprul pa'i sku zhes bya ba'o/ /sku gsung thugs kyi dkyil 'khor mchog / sprul pa dpag med spyi yi gzugs/ /bdag po rdo rje 'chang ba ste/ /grol ba'i thig les mtshon pa'o/ /dpal dan sangs rgyas kun gyi bdag /rdo rje 'chang ba kun gyi gnas/ /chos rnams kun gyi chos nyid de/ /sangs rgyas kun gyi bsgrub bya'o/ /sangs rgyas rnams kyis chos bstan pa/ /rim pa gnyis la yang dag gnas/ /bskyed pa yi ni rim nyid dang/ /rdzogs pa'i rim pa kho na'o/ /bskyed pa'i rim pa rnam pa gnyis/ /de bzhin rdzogs pa'i rim pa'o/ /rim pa gnyis kyi bye brag gis/ /sngags kyi sku dang ye shes sku/ /ye shes sku la ye shes dang/ /rnam par dag pa'i sku gnyis so/ /rnam par dag pa sbyor ba bdun/ /rdzogs pa'i rim pa'i rdzogs rim ste/ /rnam pa kun gyi mchog ldan pa/ /thams cad mkhyen pa bla med 'gyur/ /don 'di gnas pa'i rnal 'byor che/ /bskyed pa'i rim ba zhal gcig dang/ /zhal gsum nag po la sogs pa// gang dang ba yi nyes mi 'gyur/ /sna tshogs rnam par snang gyur pa'i/ /dag dang ma dag chos rnams kun/ /gsang ba'i don gyi de kho na'o/ /rdo rje sems las byung phyir ro/ /de bas de nyid don dam pa/ /rnal 'byor gang gis rtogs 'dod pas/ /ye shes bla ma mnyes byas te/ /ji bzhin don ni yang dag blang/ /shes rab dri med ma rig sel byed pas/ /rnam par bshad pa bdag 'dras mi gdogs kyang/ /skyes bu dam pa 'ga' zhig gis bzung nas/ /bcings pa grol 'dod phyir na bdag gis kyang/ /de ltar byas pa las byung dge ba des/ /'gro sems phyin ci log las bzlog byas te/ /sangs rgyas ye shes dkyil 'khor 'khor lo yi/ /lam gyis rdo rje 'dzin pa'i sar 'gro shog / grol pa'i thig le zhes bya ba dkyil 'khor chen po'i rdo rje slob dpon sangs rgyas dpal ye shes zhabs kyis zhal snga nas mdzad pa rdzogs so// //rgya gar gyi mkhan po ka ma la gu hya dang/ bod kyi zhu chen gyi lo tsa ba chen po mnga' bdag lha ye shes rgyal mtshan gyis bsgyur cing zhus te gtan la phab pa'o/ / (//bdag sgrub pa la 'jug pa zhes bya ba slob dpon chen po sangs rgyas ye shes kyis mdzad pa bzhugs so//) //*/ /rgya gar skad du /

CLOSE WINDOW