བོད་ཡིག

e-texts based on the ACIP/ALL Input

/rnal 'byor pa langs nas kyang mchod pa'i las dang/ 'gro ba la phan gdags pa dang/ dus thams cad du dmigs pa med pa'i shes rab dang mi 'bral ba dang/ thabs kyis snying rje bsgom pa dang/ mi bskyod pa ni ye shes che zhes bya ba'i bstod pa bya ba dang/ thod pa'i rgyan la sogs pa bcang ba dang/ car ti'u dang kha TwAM ga gzung bar bya'o/ /yang na snying po zla bar bya'o/ /aoM a h+ri hUM zhes bya ba bzlas par bya'o/ /de ltar bya ba thams cad rnam par gsang ste/ he ru ka'i brtul zhugs spyad par bya'o/ /gnas dgu ni zhi gnas dur khrod shing gcig dang/ lam mdo brag phug chu 'gram dang/ /ri rtse khang stong ma mo'i gnas/ /'di ni dur khrod sa dgu yin zhes bshad do/ /mtshan mo sgrub pa'i dus ni mtshan mo yin no/ /yon tan kun brtsegs 'od zer can gyi gtsug lag khang chen du/ /dngos grub mchog thob ye shes rim pa'i tshul/ /blo dman nyams chung rgyas par mi nus phyir/ /mdor bsdus 'ga' zhig dran phyir dbye ba byas/ /dpal gsang ba 'dus pa'i rim par phye ba dpal he ru ka'i grub pa'i thabs kyi 'grel ba rdzogs so// / */ (/grol ba'i thig le zhes bya ba slob dpon chen po sangs rgyas la bcom ldan 'jam dbyangs zhes bya rab tu bsgrub par bya/ /dang po mtho rangs snying ga'i dbus su dri med 'od 'phro de nyid bsam/ /bkod nas snying rje can gyis sgo la sogs pa yang dag par yang bya/ /dam pa'i tsan dan sogs bkrus dri zhim me tog bkram pa'i mchog cha la/ /bsam gtan gnas su bde ba'i gnas su 'dug nas dus gsum sangs rgyas rnams/ /dmigs te sna tshogs mchod sprin spro sogs sngon du byas nas blo ldan pas/ /sdig pa la sogs 'di ltar bya'o dge ba 'phel don du/ /thog ma med ldan srid pa'i rgyun la rtogs pas bsags pa'i sdig kun gang/ /snying rje chen po'i mdun rim bzhin te thams cad bshags par bgyi/ /yang dag sangs rgyas byang chub 'phags dang gzhan rnams mdzod pa'i dge ba gang/ /ma lus bdag gis yi rang yang dag de ni byang chub phyir bsngo'o/ /sems rgyas zla ba dri ma med las grub pas mdza' yas snying rje gnas/ /bdag gi yi la gnas pa'i bde bar gshegs la rtag tu skyabs su mchi/ /rtog pa kun las nges grol ma lus dam pa sems dpa' i bkra shis gzhi/ /dngos po kun gyi ngo bor chos la bdag nyid skyabs su mchi/ /bcings pas yang dag spangs pa'i snying rje mchog gis drangs pa'i dpal ldan pa/ /rab dga' la sogs sa la gnas pa dam bcas tshogs la skyabs su mchi/ /bsam pa rnams smin dag pas/ /sgrib kun bag chags ma lus btsom pa ste/ /mos pas rnam par brgyan pa'i sems kyis byang chub sems ni bskyed par bgyi/ /bde gshegs sras bcas lam gcig sbyin sogs bcu po dkar po yon tan ngo bo la/ /rdzogs sangs rgyas dag kun gyi rang bzhin blo yis de ltar bsten par bgyi/ /'jig rten 'di dag lta ba'i dra bas bkab la snying rjes dmigs nas su/ /yang dag byang chub sems kyi gzhal med bsgom rim 'di ni bsngags pas bya/ /stong pa rang bzhin med phyir rgyu 'bras phyir ni rang bzhin mtshan ma med/ /rjes su dpag pa gsal bas ma lus gzhi yi smon pa des bral lo/ /aoM shUn+ya tA dz+nyA na badzra swA b+hA ba At+ma konyahaM/ de 'og ston zla dkar po mdza' med phyogs 'khor gnas pa sna tshogs 'od/ /'phags par gnas pa'i gru gsum nang gi mkha' yi rang bzhin rdo rje 'dzin/ /chos kyi 'byung zhes phyag rgya dbus gnas pad+ma sna tshogs rdo rjes brgyan/ /hUM gis rdo rje rgyan pa'i sa la kun tu bzang po las byung bsgom/ / bruM yig 'khor lo las byung rig ma dang bcas snang mdzad skur gyur pa/ /gsal ba thub dbang dkyil 'khor sna tshogs 'od zer gyis khyab phyogs 'khor kun/ /gru bzhis mnyam pa'i phyir na mchog bzhis bran pa dbang po sgo rnams kyis/ /bsam gtan bzhi'i twa ra Na ting 'dzin mu khyud bzhi yis yongs bskor ba/ /mu khyud de la gnas pa dam pa'i mchod pas 'brel ba'i gzugs rnams rgyun/ /sna tshogs rgyan rnams bkod pa 'gro ba'i bsam pa thams cad yongs rdzogs phyir/ /'dul pas bskyod pa gsung rab yan lag dgu yi dam chos kun 'gro ci yi phyir/ /rlung gis bskyod pa rgyal mtshan phreng dang dril sgras grags pas phyogs sgo kun/ /me long ye shes rtag tu dri med byang chub yan lag me tog spos bkram zhing/ /dra ba dra byed me long me tog phreng ba sna tshogs brgyan pa'i gzugs/ /rnam par thar brgyad rnam par dag pas ka ba brgyad kyis klub pa'i mchog /rdo rje tshul gyis chos kyi 'khor los sgyur phyir rdo rje'i theg ldan la/ /gzugs la sogs pa'i spyod yul dag pas bla med mdza' yas 'dod pa'i yon tan lnga/ /zas lngas brgyan pas rnam par dag pa'i chos kyi dbyings rgyu mthun/ /sna tshogs pad+ma la gnas nyi ma zla bar bcas pa lha yi gdan/ /ma lus rin chen bkod pa'i gzhal yas brtsegs pa de la bsgom/ /bcu drug cha shas sde pa las byung zla ba'i dkyil 'khor pa yi dbus/ /dbus kyi gdan la cho ga bzhin du 'od dpag med bzhi bsam par bya/ /mchog gi dang po'i snying po las byung rdo rje dam pa ye shes gzugs/ / grangs med thug po'i 'od zer phreng bas grub pa'i phyogs sgo kun/ /bsam nas dang po snying por bcas pa'i nga rgyal ldan pas sprul pa mdza' yas kyis/ /'gro ba'i don mchog rab mdzad pa yi thugs mchog rdul phran rnam bkod gzugs brnyan can/ /g.yas g.yon zhal ni gnag dang dmar po zla ba rdzogs ltar dkar ba'i mdog/ gsal ba rnam par bkod pas brgyan pa'i phyag gnyis dam pa'i rig ma 'khyud/ /lhag ma'i phyag zung gnyis brgyan rdo rje ral gri rin chen pad+ma 'dzin/ /'jig rten gsum khong brgyan pa'i 'od zer rnam pa bde 'gro thub pa'i dbang/ /rnam thar gsum dag shes rab bdag nyid snying rje'i mchog gi thabs ldan pas/ /'gro kun de nyid gcig pa rgyal ba skyed byed sku bzhi mngon sum bya/ /mchog tu rjes chags phun sum tshogs pas 'jig rten thams cad 'dul dmigs nas/ /dga' ba'i rdzu 'phrul sgra yis rgyal ba'i tshogs rnams rang gi lus nang gzhug /de ni spyan la sogs pa'i lha mo gzugs sogs yul gyi rang bzhin bas/ / byung nas rig ma thams cad gzhi yi rig ma'i nang du thim par bya/ /de yi pad+ma'i snying po'i dbus su dkyil 'khor dri med zla 'od las byung ba/ /glo yis bsams nas rdzogs par bde la skye bo'i tshogs rnams gzhug par bya/ /daM pa gsang ba'i rdo rje dkyil 'khor rnam snang mdzad sogs rgyal po'i brgyan zhugs nas/ /zla ba zhu ba'i ngo bor gyur pas dbang bskur byas te de 'og tu/ /sa snying phyag na rdo rje nam snying 'jig rten dbang phyug sgrib ba sel/ /dpal ldan kun tu bzang po de dag mig la sogs pa'i grangs su gyur/ /gzugs sgra dri dang ro dang reg bya chos dbyings rdo rje yang/ /sa chu me rlung rang bzhin gyur pa spyan la sogs pa'i grangs su 'gyur ro/ /gzugs dang myong ba mtshan ma de bzhin kho na 'du byed yid brjod pas/ /rnam snang mdzad sogs bde gshegs rnams te de 'og sa bon gyi sa dbyung bya/ /k+ShiM dzaM khaM gaM skaM saM dang brjod pa de dag mig la sogs rnams so/ /myong ba mtshan ma de bzhin kho na 'du byed yid brjod pa/ /rnam snang mdzad sogs bde gshegs dze hUM baM ho khaM raM brjod pas gzugs kyi rdo rje la sogs so/ /laM maM pi taM zhes kyang gsungs pa de bzhin spyan la sogs pa'o/ /bruM aM dzi hUM zhes pas rtag la sogs so/ /aoM Abar du zhugs pa cho ga bzhin/ /pad+ma'i nang nas mnyam med shes rab chags pas zhu ba byed mthong ste/ /de yi 'od kyi mthu yis kyang ni zla bar zhu bar byed mthong ste/ /'di ltar stan la sogs pa'i lha mos dbyangs kyi sgra yis bskul bar bsam// sems can khams na gnas pa'i dbang phyug khyod ni rdo rje'i thugs/ /dga' ba'i yid 'ong don chen 'dod pas bdag la bskyab du gsol/ /mgon po gal te de ring bdag ni gson par mchis bzhed na/ /sems can yab chen gnyen mchog bdag la dgyes par mdzad du gsol/ /rdo rje sku khyod bka' yis 'khor lo sems can kun la phan/ /sangs rgyas don du byang chub mchog sgrub rab tu phan par gzigs/ /mgon po gal te bdag ni de ring gson par mchis bzhed na/ /'dod chags dam tshig chags pas bdag la dgyes par mdzad du gsol/ /khyed ni rdo rje'i gsung ste kun la phan ba'i thugs brtse ba/ /'jig rten dag gi dgongs pa'i don mdzad pa la rtag tu brtson/ /mgon po gal te bdag ni de ring gson par mchis bzhed na/ /spyod pa dri med kun tu bzang pos bdag la dgyes par mdzod/ /khyod ni rdo rje'i 'dod ba dam tshig mchog gi phan don che/ /yang dag rdzogs sangs rgyas kyi gdung mchog mnyam pa nyid gzigs pa/ /mgon po gal te bdag ni de ring gson bar mchis bzhed na/ /yon tan rin chen mang po'i gter gyur bdag la dgyes par mdzod/ /de ltar dbyangs kyis bskul bas sgyu 'phrul dra bar dngos kun legs bsams nas/ /'od zer 'bar bas bskor ba'i gzhi yis sngags kyis lus su rang bsgyur bya/ /de la 'od kyis ma lus lha rnams rgyal ba'i thub dbang rnams/ /nang du thim nas 'od kyi dpal ldan 'jam pa'i rdo rjer gyur par bya/ /gur gum mchog 'od dmar 'dra g.yas g.yon zhal ni gnag dang dkar ba'i mdog/ sna tshogs rgyan gyis brgyan pa'i phyag gnyis dam pa'i shes rab 'khyud/ /gsal ba'i ral gri mda' dang autpal mthing ga gzhu ni mdza' yas 'od/ /ma lus rigs rnams 'phro bas brgyan pa'i mkha' kun dkyil 'khor ldan skyob pa/ /gzung 'dzin bral bas dngos po thams cad ngo bo nyid med shes nas su/ /rnam par byang ba mngon bzhugs zab don byin brlabs 'di ltar bya/ /aoM d+harma d+hA tu swa b+hA ba At+ma konyahaM/ de 'og gzhi yi sa bon 'od kyi ji ltar rang la gang ste mig sogs rnams/ /sa snying la sogs dri med rang snying zla ba'i rdo rje bum pa'i dkyil gnas ba /hUM gi thugs kyi rdo rje mkha' dang mgo la pad+ma 'khor lo'i dkyil du yang/ /a dang phyag 'tshal gnyis kyis gsung gi rdo rje sku yi rdo rje 'ang bsam par bya/ /de thugs 'od zer rgyun gyis rang gi shes rab dang sbyor snang bas kun tu ni/ /rgyal ba'i dbang po rnams la mchod nas thugs kyi rdo rje la sogs byin gyis brlab /dpal ldan thugs kyi rdo rje 'chang/ /rdo rje mi phyed gsum bsgoms pas// de ring bdag la byin brlabs nas/ /thugs kyi rdo rjes mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgom pas/ /de ring bdag la byin brlabs nas/ /thugs kyi rdo rje mdzad du gsol// aoM sarba ta thA ga ta tsit+ta badzra swa b+hA ba At+ma konyahaM/ dpal ldan chos kyi gsung gi lam/ /rdo rje mi phyed gsum bsgoms pas/ /de ring bdag la byin brlabs nas/ /gsung gi rdo rjes mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms nas/ /de ring bdag la byin brlabs nas/ /gsung gis rdo rjes mdzad du gsol/ /aoM sarba ta thA ga ta bA ka badzra swa b+hA ba At+ma konyahaM/ /dpal ldan sku yi rdo rje 'chang/ /rdo rje mi phyed gsum sgoms pas/ /de ring bdag la byin brlabs pas/ /sku yi rdo rje mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms nas/ /de ring bdag la byin brlabs nas/ /sku yi rdo rje mdzad du gsol/ /aoM sarba ta thA ga ta kA ya badzra swa b+hA ba At+ma konyahaM/ rdo rje gsum ni nam mkha' i rang bzhin mtshan ma spangs pa mtshon byas te/ /sems kyi 'od zer rnams kyis bskul nas thams cad tshogs su gyur pa'i thub pa'i sde/ /thub mchog 'od zer las byung rig ma tshogs kyi yang dag 'dzin pa yi/ /bum pa'i ye shes chu yis blugs pas rang rig gtso bo snang bas dbu brgyan gyur/ /de bzhin rang gi lha mo 'dra bar rang gi snying po 'ang bsgoms nas rig mar sprul/ /mig la sogs pa gang nas yig 'bru gsum bkod 'bar ba'i lus ldan ma/ /'og snying lte ba gsang ba de bzhin brla gnyis sogs la de nyid shes par bya/ /aoM hUM swA Ade lnga'i byin brlabs lus ni 'gro gsum khyab pas dam pa'i 'ong tshogs bsam/ /as bskyed rnam par bkod pa'i snying po hUM las sprul pa'i pad+ma 'dab brgyad pa/ /pad+ma'i shes rab rgyu mthun rang bzhin thabs dang bcas par gyur pa yi gzhi'i lus bsngags pa/ /de dang lhan cig bde gshegs rnams la rjes su chags par bgyi zhes brtsams/ /aoM sarba ta thA ga ta a nu rA ga na badzra swa b+hA ba At+ma ko haM/ sems kyi zla ba'i 'od kyis ma lus sangs rgyas tshogs ni bzhugs gnas te/ /hUM gi rdo rje dbyung nas dri med pad+ma la gnas dam pa'i yid kyi gzugs/ /bsams nas rang gi snying pos bskyed pa thams cad gzhi yi dkyil 'khor lha gzugs su/ /cho ga 'di yi sems ni brtan po dag zhes pa nas rA ga rA ti zhes bya yum mchog ni/ /mchog gi rjes su dkar mo zhes par mdza' yas yon tan rin chen ma/ /rin chen dbang phyug dra ba'i dngos po sgrol ba badzra ra ti zhes bskul bas/ /dri med rin chen phreng bas bsgoms pa'i phyogs 'khor byed ma dbang ldan la/ /dam pa'i 'khor lo autpal dmar po pad+ma autpal ser po rnams kyis mtshan/ /de dag gi ni rim pa'i nges pa'i lhag ma'i ji ltar 'dod pa'i phyag bsnams yin/ /dkyil 'khor grwa bzhi dang ni shar gyi sgo gnyis la ni bsam bya ba/ gzugs sogs rdo rje lha mo sku la sogs dang gsum gyis so/ /shar gyi sgo ru grags pa bsam pa thams cad 'grub mdza' yas pas 'jigs pa'i 'od/ /'bar la ya man+ta krita ces pas zang dus drag sprin dkyil 'khor dngos po ste/ /thugs bdag rgyal po mnyam pa'i sku ni du ma'i khro bo rigs kyi 'od phyung ba/ /gshin rje mthar byed ces bya mi zad pa'i sgrub kyis sku brgyan dpal ldan pa'o/ /lho phyogs kyi sgor gnas pa pradz+nyA n+ta krita ces pas bla na med ldan pa/ sku yi dbang phyug bzhin du phyag la sogs pa drag po gzhan gyis mi thub gsal/ /de nas rta mgrin nub kyi phyogs kyi sgo ru 'od zer 'khrigs pas phyogs bskor ba/ /pad+man+ta krita ces pas 'bar ba'i 'jigs pa'i me ltar 'jigs pa'i gzugs/ /gsung gi bzhin du phyag la sogs pa du mas sdang ba 'jigs byed zhal/ /gang sgrogs bzhad pas ri rnams g.yo bar bye ba dang thub pa'i dbang rnams so/ /de nas mi bskyod 'dra ba'i zhal sogs big+han'n+ta krita ces bya byang sgo ru/ /zad dus byin za lta bu 'phags pa bdud rtsi khyil pa dpa' ba' o/ /rnam snang mdzad dang thub dbang snang ba mdza' yas thugs kyi dbang phyug dbu rgyan dang/ /rim par mtho ba be con pad+ma rdo rje la sogs phyag kyang de bzhin no/ /de ltar rdzogs par bskyed par dkyil 'khor mthong nas dngos po thams cad kyis/ /snying po sngags kyi 'od zer lcags kyus bde gshegs spyan drangs bsgom par bya/ /thabs dang shes rab dngos po dri med ting 'dzin las byung dam pa'i bde bas gsang bar ni/ dkyil 'khor bsams te de nas mthar byed la sogs bsrung byas nas/ /rang snying bzlas pa'i dam pa'i tsan dan sogs dang me tog mdzes pa phul te thim/ /rang dang 'dre ba'i cho gas dbang bskur byas nas 'di ltar nan tan mchod par bya/ /pad+ma'i nang gi rang gi sa bon 'od kyis drangs nas gzugs thams cad ni/ /pad+ma'i 'od zer dkyil 'khor yang dag byang chub yod kyi sa bon bsam par bya/ /shes rab so so'i ba spu las byung sna tshogs rnam pa'i 'od zer rgyas pa'i tshogs/ /ma lus khyab pa'i mkha' gzhi thams cad de nas blo dang ldan pas spro bar bya/ /'od zer sgo nas byung ba'i dri med thams cad rgyan gyis shin tu brgyan sku dang/ /me long pi wang dri dang ro yi snod dang na bza' chos 'byung la sogs dang/ /mtshan ma rnams kyi rim pas mdzes pas ldem bag chags ni lo ma 'od dang bcas/ /gsal ba'i 'od zer sprul pa mang po sna tshogs mchod pa'i sprin gyi dra ba rnam 'byung dang/ /sgyu ma la sogs dra ba'i dngos po so so yang dag rig pa'i 'jig rten lta dge dang/ /rtog pa thams cad nges grol mchog gi bde ba 'phyung rgyu'i dngos ldan pa'i// gzugs la sogs pa'i lha mo rnams kyis de bzhin phyi ma'i dri sogs thams cad kyis/ /dbye ba'i rtog pa grol bas rgyal ba'i dbang po rnams la yang dag mchod par bya/ /aoM sarba ta thA ga ta pU dza badzra swa b+hA ba At+ma ko haM/ de yi 'og tu sgra brnyan 'dra bar sgra yul thams cad la ni yod bsams na/ /rang yid rig pa'i lha yi bstod pa'i sgra dang ldan pa'i chos rnams zhes su gsungs/ /gzugs la sogs pa gcig min rdul phran cha yang ma mthong du ma'i gzugs kyang ma yin zhes pa'ang de bzhin no/ /yan lag med pa'i rdul phran nyid la du ma'i rdul phra rab kyis rjes 'brang med phyir dang/ /sa yi dkyil 'khor la sogs gzugs kyi dbye bas de la 'ga' yang mi 'gyur ro/ /de bas 'dzin pa la sogs bral bas rang dbang gzugs la sogs pa kun brtags ngo bo yin/ /ma lus g.yo dang mi g.yo'i dngos po dri za'i grong khyer dag dang 'dra ba yin/ /bdag gir 'dzin pa'i rgyun gyis ngo bos 'khor ba 'di dag ste/ /dag pa yang ni de las ldog pa'i ngo bo tsam la rnam par shes par bya/ /chos nyid kyis ni srid dang zhi ba'i ngo bo 'dir ni dbye ba 'ga' yang med/ /ci'i phyir 'dzin pa la sogs rnam par bral ba rtag tu kun la sgrub pa'i phyir/ /thams cad 'ga' yang med de so sor snang ba'i rang bzhin rtog pa las/ /sems las gzhan du gyur pa'i nga zhes 'ga' yang med de de phyir bdag kyang de/ /gang gi ngo bo gang yin de yi de nyid rtog pa'i gzhi ste ci phyir dngos/ /de bas thams cad dbyer med shes te dngos po thams cad dbyer med pa nyid yin/ /kha cig yul dang kha cig gzhan du snang bar rtogs pa phun sum tshogs pa gang zhig gis/ /de dang de yi bral dang bral ba'i phyis te de phyis thams cad ma yin no/ /dad dang brtson 'grus rnam par dag pa de bzhin dran pa bsam gtan dag pas kyang/ /dam pa'i sgo srung gzugs te shes rab rnam par dag pas thams cad yul du snang/ /mtshan ma med pa'i dag pa thams cad dag pas lha mo tshogs kyi rang bzhin dang/ /thams cad don dang bdag po rnam par rtog pa rab tu 'jug pa rnam par dag pa yis/ /me long la sogs mkha' chen po/ /rdo rje gsum mchog dkyil 'khor gsum/ /rdo rje dbyangs la phyag 'tshal lo/ /rnam par snang mdzad dag pa che/ /rdo rje zhi ba dga' ba che/ /rang bzhin gyi ni 'od gsal mchog /ston pa rdo rje phyag 'tshal lo/ /rin chen rgyal po rab tu bzang/ /rdo rje nam mkha' dri ma med/ /dngos nyid dag pas gos pa med/ /rdo rje sku la phyag 'tshal lo/ /rdo rje mi 'chi 'dod chags che/ /mi rtog nam mkha' i rdo rje 'dzin/ /'dod chags pha rol phyin pa brnyes/ /rdo rje gsung la phyag 'tshal lo/ /don yod rdo rje rdzogs sangs rgyas/ /bsam pa thams cad yongs rdzogs pa'i/ /dag pa ngo bo nyid las byung rdo rje sems la phyag 'tshal lo/ /phyag 'tshal 'bar bas byin gyis brlabs pa'i rlung me'i dkyil 'khor gnas 'bar ba'i/ /bdud rtsi lnga la de nas 'bru gsum bzlas pa'i dkyil nas grangs med thub pa'i dbang/ /ye shes bdud rtsi'i rang bzhin brtsams te yi ge hUM bkod rdo rje dam pa'i lce/ /snying ga'i zla ba'i dbus su ma lus rgyal ba'i dkyil 'khor de yis tshim par bya/ /kun tu 'khrul pa spangs pa'i snying gi 'od zer las byung thug? dbang mdza' yas kyi/ /'gro ba ma lus yang dag sangs rgyas byed pa bzhi yi sngags nang thim par bya/ /gzugs la sogs pa'i rnam par grol bas mngon sum gyis ni mthong min de 'dzin pa/ /gzung ba 'ga' yang med de gzhan yang yod pa ma yin 'brel ba ma mthong bas/ /sim pa la sogs rang gi las kyi 'ga' yang ma mthong de yongs gzung bas na/ /dus gcig 'brel par gyur pa gzugs la sogs pa bzhin du de dag gzung 'dzin med/ / dkar po la sogs gang gis dang por mthong ba de nyid dus gzhan mthong ba min/ /de gnyis phan tshun du yang mi mthun phyir na rtag tu sim la sogs pa bzhin/ /de nas bzlas pa byed 'dod sems kyis dngos kun bdag nyid rang sems bdag por ni/ /byas nas sems kyi 'od zer ldan pa bzhi yi sngags ni mkhas pas bsgom par bya/ /'phro bas sngags kyi rgyal po gsal bar gtong dang dgag pa'i dbang du byas nas bzlas nas su/ /sku la sogs pa rnams kyi spro ba'i rim gyis sam ni dus gcig byas pa yis/ /nam mkha' i nang du sku la sogs pa'i 'od zer rnams kyis bka' bya ste/ /gong ma bzhin du sna tshogs mchod sprin tshogs rnams de nas kun tu dbyung bar bya/ /mchog gi rig ma 'khyung pa bde ba chen po chags pas gzhan dbang mthong nas su/ /rgyas pa thub pa'i dbang po'i rgyun ni rang gi lus la mthar ni thim par bya/ /gzhi yi snying po de nyid sems pas lus nyam zhan bas sems kyi spyod chung ba/ /rig ma mchog gi dbyangs kyi rab tu gsol ba btab nas dkyil 'khor mchod par bya'o/ /dam pa'i sems kyi chu rgyun 'gag pa'i dbugs kyis 'od zer lcags kyus drangs nas su/ /lus nyam chung na cho ga bzhin du sku yi rdo rje sogs la dbab par bya/ /de ltar skad cig 'dug nas gong nas gsungs pa'i cho ga yis ni de bzhin nyid shes pas/ /dam pa'i sngags kyis bzlas pa nyin mtshan med par bya'o/ /sngags kyang ma 'dres pa'o/ /gsungs pa'i stong dang mchod la sogs pa rdzogs par bskyed pa brtson pa'i sngags pa yis/ /phyag 'tshal la sogs bkod pa'i dkyil 'khor sku la sogs par rtog pa bsgoms par bya'o/ /de 'dra'i cho ga 'di nyid mthong bas sems can khams ni des dgrol dmigs nas su/ /snying rjes 'gro la phan don brtan pa'i sems kyis cho ga 'di yis 'jig rten phan pa'i rgyu phyir 'byung bar bya/ /badzra d+h+rika ces bskul nas thugs kyi rdo rje 'gro ba'i don mchog byed pa ni/ /g.yas g.yon zhal ni dkar dmar 'bar ba'i mthing ga dam pa nor bu 'dra ba'i mdog / mchog gi dang po bzhin du phyag dang ldan ga du ma'i mdog gis 'od kyis tshogs/ /'dus nas bdag la blo dang ldan pas dngos po kun gyis thim par bya/ /dzi na dzika ces bskul ba'i rdo rje 'dzin ltar mdog dang zhal sogs ldan/ /shar gyi zla ba pad+ma'i dbus su 'khor sogs mtshan pa de bzhin bsam/ /ratna d+h+rika ces lho ru rin chen dbang phyug zhal rnams gzhon nu'i mdog 'dra ba/ /btso ma'i gser dang 'dra ba margad rin chen la sogs mdzes pa'i phyag drug pa/ /A ra li ka ces pad+ma ra ga bzhin du dmar la zhal gnyis de bzhin te/ /snang ba mdza' yas 'bar ba 'od ldan nub tu pad+ma la sogs mtshan pa'i phyag /mar ta'i nor bu lta bu'i sngon bzhin la sogs phun sum tshogs ldan pa/ /byang du don yod ces pa pradz+nyA na d+h+rika ces ral gri la sogs rnam ldan pa/ /mdzes pa'i ral pa'i dbu rgyan sna tshogs rin chen 'od kyis rab brgyan pa/ /rigs ma dang bcas lus can thams cad nyi ma'i dkyil 'khor la ni bsam par bya/ /me'i phyogs mtshams su ni mo ha ra ti zhes pas lha mo spyan mar gyur/ /bzlas ba rdzogs pa'i dkyil 'khor la gnas mchog gi 'jo sgeg sku yi rdo rje'i mdog /bden bral dag la sgeg mo thugs kyi dbang phyug lta bur mdzes pa'i zhal/ /dwe Sha ra ti zhes pas dga' ba mchog tu spro ba mA ma kI zhes bya/ /ngag dbang dri med sku ni rA ga ra ti zhes ni re zhig bsam pa la/ /sems kyi dri med ngo bo nyid pas sangs rgyas kun gyi gzugs/ / de nyid dag dang sbyor bas dkyil 'khor bdag po nyid du cher gnas de dag go / gzugs sogs 'khrul dang bral bas dri med la sogs dngos grub pa'o/ /ser sna la sogs 'das pas grub pa'i pha rol phyin dang sa dang dkar ba'i chos kyi dbyings/ /rnam par rtog med bdag gzhan 'byung ba'i rkyen nyid rim pa la'o/ /zab cing rgya che nyid kyang thabs dang shes rab bdag nyid du ni sems pa'o/ /don dam par yang dbyer med dbyer med ma yin kha cig 'dod de gzhan phyir na/ /gzhan du gzung ba'i gnas med phyir dang de bzhin dbye sogs rtog pa'i mi 'byor phyir/ /de ltar brtags nas zhi ba'i snying po dri med zla bar gnas pa'i mtshon ma'i dbus gnas pa'i/ /dam pa'i sngags kyi thig le gzugs su rang gi sems ni 'od ldan bsgom par bya/ /sems de'i 'od zer phreng bas sku gsung rdo rje mchog gi lus la gsal byas nas/ /de nas lus nang thams cad gsal bar byas nas kun tu de nyid mdza' yas pas/ /so sor ba spu las byung 'od kyi sde yis sna tshogs kun tu gang byas te/ /slar yang de nyid du ni thim ste ye shes bdud rtsi'i rgyun ni bsgom par bya/ /yang na rang gi phyag mtshan phra mo gsal ba sna rtser gnas par bsgom par bya/ /nang du thub pa'i dkyil 'khor snying rje can gyis nyin mtshan dam pa'i shes rab ldan/ /brtan pa'i mtshan ma mthong nas spro ba de yi 'od zer thub dbang las byung dang/ /rnam pa sna tshogs phyag mtshan rnams kyang yang dang yang du blo dang ldan par bya/ /bsdu ba bsngo dang smon lam rnams ni mngon du bya/ /langs nas dag pa'i sems dpa' rang gi lha yi rnam pa 'dzin pa'i sems ldan pa/ /yul las gsal ba la gnas gong ma bzhin du yongs su bsgoms nas yul rnams kyang/ / sku la sogs pa'i rdo rjer gyur pa go rim rang gi rang bzhin dag ba yis/ /chos nyid kyis ni dpal ldan rdo rje 'dzin pa lta bur gzhan dang gzhan du dbyer med chos/ /thams cad bya ba bya'o phyin ci log pa'i rtog pa las ni grol ba yi/ /thub pa'i dkyil 'khor thams cad mchod pa'i mchog 'di dag gis rtag tu des yis so/ /bza' ba'i dus na snying ga ru ni gzhi yi sa bon rnams ni dmigs nas su/ /byang chub sems dang ldan pa'i rang bzhin kun tu 'od zer 'bar ba bsam par bya/ /thams cad mnyam nyid dag pa'i bza' ba de nyid gsum gyi sngags ni gdab byas te/ /des ni sku yi rdo rje la sogs lta rnams rab tu tshim par bya/ /phyi yi sbyin sreg cho ga rjes su dpag tsam yid las byung ba'i sems nyid de/ /phung po la sogs bud shing bsregs nas ye shes me sbar ba ni bla med gsungs/ /de ltar thams cad 'dod pa rnams kyis bdag la rang rang lha yi gzugs nyid la/ /mchod par bya ba gzhan yang dam ni ba der ni bde bar gshegs rnams 'dod pa yin/ /rjes su rig pa 'gro ba'i don dang bde gshegs kun la mchod pa yang byas te/ /lus la sogs pa'i las kyang de bzhin rtag tu mnyam par bzhag par bya ba yin/ de 'dra'i rnam pa'i sems la 'ga' zhig lus ngag dngos kyi las ni gang yin pa/ /de dag thams cad phyag rgya'i sngags kyis rnam par sangs rgyas kyis ni gsungs pa yin/ /gcig pu kho na'i gzhi la sna tshogs rtogs pas bsags pa'i rnam pa de rnams ni/ /sdug bsngal bde ba grol ba bskyed pa las kyi khyad par ci yi phyir/ /dge dang mi dge'i rnam pas lus la sogs pa sems kyi dbang gi phyir zhes gsungs so/ /bde bas nyes pa thams cad spangs pa'i sems la nag po'i lus su gyur/ /dam tshig zad ma thag tu ji bzhin snying zlar bzhag pa'i rdo rje rgya gram sems/ /dpal ldan dam tshig rdo rje'i sbyor bas rang bzhin rnam dag 'gro ba bsams nas ni/ /sna tshogs pad+ma'i dbus su gong ma'i rim pas dbang bskur ba ni bsgom par bya/ /phyi yis khrus kyi cho ga la yang rim pa 'di dag khyad par du ni bsam srid kyi/ /mtshams la'ang de bzhin mchod pa la sogs sngon du byas nas bzlas byas te/ /sems kyi nang du gnas pa'i 'khor los shes rab snying rjer ldan pas nyal bar bya/ /tho rang langs pa'i dus na lha mo rnams kyi dbyangs kyis bskul nas dpal ldan pas/ /byas nas langs te thub pas bzlas pa la sogs gong ma'i cho ga nyid kyis bya/ /grub pa'i mtshan ma thob pas de nyid gsum gyi mchod pa'i cho ga byas nas zhi sems la/ /gong nas gsungs pa'i dkyil 'khor la gnas pas ni 'dod pa'i dngos grub 'grub/ /bdud rtsi zhes pa'i dkyil 'khor la ni dbang bskur byas te nan tan bzhes bya gang zhig de yi dbus la gnas te gyur pa de ni de yi 'khor lo yin/ /sgyu ma rnam par rtog par gyur las gzhan 'ga' ang srid pa'i sdug bsngal yod pa med/ /de dang mi mthun pa ni de dag sems dpa' mngon sum du ni byang chub shes par bya/ /thams cad? shes rab bdag nyid de la gang yang snang ba ma yin rtog med pas/ /kun rdzob pa las lhag pa gzhan ni med do zhes te grub par sngar byas so/ /gang dag gang zhig mi mthun dus gcig 'gyur ba de gsal mchog gyur ci yi phyir/ /mthong ba goms pa 'phel ba'i phyir na rang gi mi mthun gtan du 'gag pa yin/ /rgyu'i gzhi'i ngo bo rnams la bdag med ldan yang sbyin la sogs pa ni/ /'gog ba ma yin ci'i phyir bden yang de las log par mi byed de/ /de ltar shes nas snying rje ldan pas rdzogs chen ye shes rab tu 'grub pa'i sems/ /dpal ldan kun tu bzang po gzhi yi dngos po gang gis bsgom par mi bya'o/ /dri med blo gros 'od zer gyis ni mun pa thams cad spong bar byed rnams kyis// rnam par mdzad la de ni bdag 'dra'i go skabs ga la yin te bzhag par bya/ /skye bo bla ma'i 'dod pa gang la 'ga' zhig dang por da ni gzung byas nas/ /bcings pa grol 'dod ci yi phyir na de'i phyir bdag gis sems khrel 'di byas so/ /de ltar byas pa las byung dge ba dri med gang yin de yis 'gro yid ni/ /sangs rgyas ye shes mgon po de la gnas pa'i go 'phang rtag tu bsam gyur cig /bsnyen bsgrub yan lag bzhi'i sgrub thabs kun tu bzang mo zhes bya ba/ /dkyil 'khor chen po'i slob dpon sangs rgyas dpal ye shes zhabs kyis mdzad pa rdzogs so// //rgya gar gyi mkhan po smri te dz+nyA na kirtis bsgyur pa'o/ //*/ /rgya gar skad du/ sh+rA he ru ka sA d+ha naM/

CLOSE WINDOW