བོད་ཡིག

e-texts based on the ACIP/ALL Input

/ //gsang ba 'dus pa'i bshad sbyar snyim pa'i me tog ces bya ba bzhugs so/ /!/ /rgya gar skad du/ ku su mAny+dza le gu hya sa ma dzi band+ha mA na/ bod skad du/ gsang ba 'dus pa'i bshad sbyar snyim pa'i me tog ces bya ba/ bcom ldan 'das gsung gi dbang phyug 'jam dpal gzhon nur gyur pa la phyag 'tshal lo/ /nam mkha' dang mtshungs khyab mdzad pa/ /dpal mchog dang po nyid kyi sku/ /gang las gza' skar bzhin rgyal rnams/ /shar dang nub gyur khyer skyong shog /thub pa rnams kyi sku mchog mkha' 'dra ba/ /gang las nyi zla ltar 'bar mdzes de dag /ye shes rang bzhin sku gnyis rnam 'dzin pa/ /rdo rje 'chang par gang gsungs de la phyag 'tshal lo/ /dngos grub tshul gyi rin chen rgya mtsho yis/ /'dus pa'i don ni bstan par su yis nus/ /de la gus pa'i lcug ma dag las ni/ /bshad sbyar 'di ni snyim pa'i me tog yin/ /'dir le'u bco brgyad dang ldan pa'i dag chen po de la gsang ba 'dus pa'i rnal 'byor gyi rgyud ces bya na/ yang de ji ltar na gsang ba 'dus pa zhes bya/ /ji ltar na rnal 'byor gyi rgyud yin/ 'di'i skyes bu'i don gang/ brjod par bya ba'i dgos pa'i gtso bo ni gang yin/ 'dir nyams su blang bar nus pa dgos pa dang rjes su mthun pa'i thabs ni gang yin 'di dag gi dgos pa'i 'brel pa ni gang yin/ de yang tshad ma rnam 'grel las/ 'grel pa dang ni rjes mthun thabs/ /skyes bu'i don ni rjed byed dang/ /spyad par bya bar 'os pa yin/ /de las gzhan pa spyod 'os min zhes bshad pa yin no/ /gzhan yang gsung rabs yan lag bcu gnyis kyi nang nas 'di gang yin zhe na/ 'di ni zab mo'i don mdor ston pas na mdo'i sde yin no/ /de lta ni 'di'i dgos pa ni gang yin/ bsdus pa'i don ni gang yin/ tshig gi don dang/ mtshams sbyar ba dang/ brgal ba'i lan ni gang yin zhes brjod par bya ste/ ji skad du/ rnam par bshad pa'i rigs pa las/ mdo don smra ba dag gis ni/ /dgos pa bsdus pa'i don bces dang/ /tshig don bcas dang mtshams sbyar bcas/ /brgal lan bcas par bsnyad par bya zhes bshad pa yin no zhe na/ 'dir brjod par bya ste/ de bzhin gshegs pa thams cad kyi gsang ba ni gsum ste/ sku'i gsang ba dang/ gsung gi gsang ba dang/ thugs kyi gsang ba'o/ /gsang ba rnams 'dus shing tshogs pa gang la yod pa ni gsang ba 'dus pa bcom ldan 'das rdo rje 'chang ste/ de la gang dag rag las pa nyid kyi phyir ro/ /de la mdor bsdu na/ sku'i gsang ba ni bcom ldan 'das rnam par snang mdzad la sogs pa'i/ /gsung gi gsang ba ni spyan la sogs pa'o/ /thugs kyi gsang ba ni gshin rje gshed la sogs? pa ste/ gsang ba 'dus pa rjod par byed pa'i gzhung la yang nye bar brtags nas ming de skad ces bya ste/ si ta phregs pa'i snyan dngag bzhin no/ /de skad du yang sku gsung thugs ni rnam pa gsum gsang ba zhes ni bstan pa yin/ /sangs rgyas thams cad ces bya ba/ /tshogs pa 'dus pa yin par bshad ces 'chad par 'gyur ro/ /shes rab dang thabs dag gi snyoms par 'jug pa ste/ rab tu sbyor ba ni rnal 'byor ro/ /nye bar song bas na thabs te/ sems shes rab tu 'jug pa'o/ /de nyid dngos po'i mtshan nyid do/ de de kho na'i ngo bor gyur pa'i phyir ro/ /de yang gyur pa'o ma gtogs par gyur pa med pas sems nyid de/ thabs de nyid gnas dang skyes bu dang ye shes kyang yin no/ / rang bzhin med pa'i ye shes ni shes rab ste/ phul du byung ba'i shes pa yin pas so/ /'dir rang bzhin med pa la yang shes rab ces bya ste/ rig pa dang rig bya dbyer med pas so/ /de kho na nyid bye brag tu mthong bas na lhag mthong yin la sdug par gyur pas na dga' ma yin te/ shes rab dang/ rigs pa dang shes bya yang yin no/ /thabs dang shes rab de dag gnyis su med pa ni rab tu sbyor ba ste rnal 'byor ro/ /rgyud ni rgyun te/ de yang rgyu'i rgyud dang/ 'bras bu'i rgyud dang/ thabs kyi rgyud do/ /de la rigs kyi dbye ba ni rgyu'i rgyud do/ /rigs kyi dbye ba las 'bras bur gyur pa rdo rje 'chang chen po'i rab tu dbye ba ni 'bras bu'i rgyud do/ /rgyud las 'bras bus grub par bya ba'i phyir sngags dang/ phyag rgya dang/ dkyil 'khor la sogs pa'i rkyen ni thabs kyi rgyud yin no/ /rnal 'byor gtso bor gyur pa'i rgyud ni rnal 'byor gyi rgyud do/ /de ston par byed pa nyid yin pas na gzhung la yang de skad ces bya'o/ /de skad du yang shes rab thabs kyi snyoms 'jug pa / rnal 'byor zhes ni bya bar bshad/ /gang zhig dngos med shes rab ste/ thabs ni dngos po'i mtshan nyid do/ /rgyun ni rgyud ces bya bar grags/ /rgyun de rnam pa gsum 'gyur te/ /gzhi dang de bzhin rang bzhin dang/ /spong du med par rab tu phyi/ /rang bzhin sbyang bya'i rgyu yin te/ /de bzhin spang med 'bras bu'o/ /bzhi ni thabs zhes bya ba ste/ /gsum gyi rgyud ni don bsdus pa'o/ /zhes 'chad par 'gyur ro/ /gang gi phyir gsang ba 'dus pa ni rnal 'byor gyi rgyud yin pa de'i phyir rnal 'byor gyi rgyud gzhan dang thun mong gyur pa ni 'di'i gtso bo'i dgongs pa ste/ 'bras bu'i rgyud do/ /thun mong ma yin pa ni gsang ba 'dus pa'i rgyud 'di nyid las gsang ba 'dus pa'i tshul du 'bras bu grub pa'i phyir srid pa dang zhi ba la mi gnas pa'i bcom ldan 'das rdo rje 'chang ni mi zad pa dang mi mnyams pa bla na med pa'i chos thams cad la dbang sgyur ba'i thar pa chen po'i bde ba yin te/ de bas na 'di skyes bu'i don gyi mchog tu rgyur pa yin pas na dgos pa'i gtso bo yin no/ /de ni rang nyid la tha dad pa mi mnga' na yang thabs kyi dbye bas tha dad pas tha snyad du byas pa yin no/ /de la gsang ba 'dus pa zhes bya ba'i thabs ni gzhan de dag thams cad las khyad par du 'phags pa yin no/ / shin tu bde ba dang/ shin tu myur ba nyid du rdo rje 'chang chen po'i go 'phang thob par byed pa'i phyir ro/ /de bas na des thob pa'i 'bras bu gsang ba 'dus pa zhes bya ba yang 'bras bu thams cad kyi mchog tu gyur pa yin par bshad do/ /rgyu'i rgyud dang thabs kyi rgyud na dgos pa'i rjes su mthun pa'i thabs yin te/ de dag thos pa dang/ bsam pa la sogs pa'i mtshan nyid can gyis nyams su blang bar nus pa nyid yin la/ de dag nyams su blangs pas dgos pa 'grub pa'i phyir ro/ /thabs kyang gnas skabs ji lta ba bzhin du gsang ba rnams 'dus pa nyid yin no/ /'brel ba ni tshig dang ngag rnams don gcig la bsdu ba'i phyir bltos pa sngon du sod ba can gyi phan tshun phan 'dogs par byed pa ste/ lnga pa dgu pa nyid dag dang/ bcu bdun pa dang ? gsum pa zhes bya ba la sogs pas 'chad par 'gyur te/ de yang phyis bstan par bya'o/ /dgos pa smras zin to/ /sdus pa'i don kyang 'brel pa bstan pa nyid las shes par bya'o/ /tshig gi don dang/ mtshams sbyar ba dang brgal ba'i lan rnams kyang gnas skabs ji lta ba nyid du bshad par bya'o/ /'di ltar de bzhin gshegs pa'i bsnyen bskur ba yin pa'i phyir thos pa ma lus par yang dag par bsags pa yin pa dang/ thos pa 'dzin pa'i mchog yin par 'jig rten na grags pa yin pas nyan thos kyi sde snod kyi sdud par byed pa ni 'phags pa kun dga' bo yin no/ /de bzhin du byang chub sems dpa' i sde snod kyi sdud pa po ni bcom ldan 'das phyag na rdo rje yin te de ni bskal pa bzang po'i de bzhin gshegs pa rnams kyi gzugs kyi sku dang chos kyi tshogs srung ba'i dbang du byas pa dang/ phyag na rdo rje dbang bskur pa la sogs pa'i mdo las bstan pa gtad par 'byung ba dang/ le'u bcu bdun pa las/ rdo rje chos zhes bya ba dang/ chos kyi dbang phyug gi rgyal po zhes bstan pa gang yin pa der yang phyag na rdo rje nyid la de skad du bstan pa yin te/ rdo rje theg pa ni rdo rje chos dang chos kyi dbang phyug yin la/ de yang de la gtad pa yin pa'i phyir de la de skad ces bya'o/ /de bas na 'di ltar byang chub sems dpa' i sde snod mdza' dag byang chub sems dpa' gcig gis bsdus par gyur pa na sdud pa po dang/ ston pa po dang/ chos kyi bdag nyid che ba yin par shes par bya'i/ /gzhan du ni ma yin no/ /bcom ldan 'das kyis kyang dge slong dag la 'di skad bdag gis thos pa dus gcig na zhes gyi sa la chos bsdu bar bya'o zhes gsungs ba yin no/ /de bas na sdud par byed pa phyag na rdo rjes 'di skad bdag gis zhes pa la sogs pa smras pa yin no/ de yang ston pa po rang nyid mngon par rdzogs par sangs rgyas nas chos rnams ston par mdzad la/ ston pa las thos nas bsdus pa yin pa'i phyir/ thos pa zhes bya ba 'dis ni sdud pa por ston par byed de/ thos pa yin gyi bdag gi mngon par rtogs pa ni ma yin no zhes bya ba'i don to/ /thos pa gcig nas gcig tu brgyud pa ni shin tu dang bar byas pa ma yin pa de bas na/ mngon sum du thos pa nyid ni bdag gis zhes bya ba smos pa yin te/ bdag nyid kyis ston pa po las de thos kyi/ gzhan gyis sam/ de las kyang gzhan pa las thos nas bdag ston pa ma yin no zhes bya ba'i don to/ /mngon sum du thos su zin kyang rnam par thams cad dran pa med pa 'am/ bsnan ba dang phri bas ni yang dag pa'i sdud pa por mi 'gyur ba de bas na yang dag pa nyid yin pa ni 'di skad ces bya ba smos pa yin te/ yi ge dang/ tshig dang/ ngag 'di dag nyid kyis/ gleng gzhi dang skabs la sogs pa'i rim pa'i rnam pa 'di nyid kyis bdag gis thos nas ji lta bzhin du bsdus pa yin gyi/ gzhan du thos gzhan du sdus pa ni ma yin te/ brjed pa 'am/ bsnan pa sogs pa'i bab col gyi skyon yod pa ma yin no/ /zhes bya ba'i don to/ /de ltar byas na 'di skad ces bya ba'i sgra nyid kyi gleng gzhi dang/ skabs dang mdo nye bar bsdu ba la sogs pa'i dag ni bcom ldan 'das kyis gnang ba yin no/ /zhes bya bar khong du chud par bya'o/ /de bas na bstan pa dang mthun pa'i yul du bcom ldan 'das res 'ga' bzhugs pa dang/ rjes su mthun pa'i 'khor 'dus pa la sogs pa ni gleng gzhi yin no/ /de ni dus gcig na zhes bya ba la sogs pa smos te/ dus gcig na bcom ldan 'das bzhugs so/ /zhes bya bar sbyar ro/ /dus ni dus tshod do/ /bcom ldan 'das zhes bya ba la/ dbang phyug la sogs pa phun sum tshogs pa drug ni skal ba ste/ ji skad du/ dbang phyug dang ni gzugs bzang dang/ /dpal dang grag dang ye shes dang/ /brtson 'grus phun sum tshogs pa ste/ /drug po de la ldan bya zhes bshad pa lta bu'o/ /skal ba de 'di la mnga' bas na bcom ldan 'das so/ /'di ltar dbang phyug nyid ni gzhan gyi dbang ma yin pa nyid do/ /de ni bcom ldan 'das kyi phun sum tshogs pa yin te bag chags dang bcas pas mi sgribs thams cad spangs pa'i phyir ro/ /shes bya thams cad la rnam pa thams cad rtag tu thogs pa med pa'i ye shes mnga' bas na ye shes phun sum tshogs pa'o/ /yon tan thams cad kyi gzhir gyur pa nyid kyis phyogs dang phyogs mtshams rnams su sgra rnam par grags pa na/ grags pa phun sum tshogs pa'o/ /'jig rten dang 'jig rten las 'das pa'i phun sum tshogs don rnam kyis brten par bya ba yin pas na dpal phun sum tshogs pa'o/ /dpe med pa'i mtshan dang dpe byad rnams kyis brgyan pa'i sku mnga' bas na gzugs phun sum tshogs pa'o/ /rnam pa thams cad du sems can thams cad kyi bya ba la sogs ldog pa mi mnga' bas na brtson 'grus phun sum tshogs pa'o/ /'dir bcom ldan 'das gang zhig yin zhe na/ dus der ston pa po bcom ldan 'das shAkya thub pa'i skur grags pa'i rdo rje 'chang chen po'o/ /bzhugs pa zhes bya ba ni gnas par mdzad pa'o/ /bzhugs pa'i tshigs ni mnyam par 'jog pa la yang 'jug ste/ sangs rgyas bcom ldan 'das ni rtag tu mnyam par bzhag pa yin no/ /de bas na 'di dang bcom ldan 'das sbyar na sangs rgyas kyi bzhugs pa rnam pa bzhi bstan pa yin la/ lhag ma ni ci rigs par sbyar ro/ /de la sangs rgyas rnams kyi sku'i phrin las gang ci yang rung ba de ni de rnams kyi spyod lam gyis bzhugs pa'o/ /gsung gi 'phrin las gang ci yang rung ba de ni chos 'chad pas bzhugs pa'o/ /ting nge 'dzin las snyoms par 'jug par mdzad pa dang/ rang bzhin gyis mnyam par bzhag pa'i thugs kyi 'phrin las gang ci yang rung ba de ni ting nge 'dzin gyis bzhugs pa'o/ /sangs rgyas kyi spyan gyis sems can rnams la gzigs ba dang/ lha rnams nye bar bsdu bar mdzad pa'i thugs kyi 'phrin las gang yin pa de ni nang du yang dag 'jog gis bzhugs pa zhes bya'o/ /gang na bzhugs zhes na/ de'i phyir de bzhin gshegs pa thams cad kyi zhes bya ba la sogs pa smos te/ chos rnams ji lta ba bzhin du rtogs shing mkhyen pa 'am/ de rnams de bzhin du ston par mdzad pa na de bzhin gshegs pa ste/ sangs rgyas rnams so/ /gshegs pa ni mkhyen pa'i don yin pa'i phyir ram/ nges pa'i tshig gi tshul gyis ?? da ltar byas pa'i phyir ro// de bzhin gshegs pa thams cad kyi sku dang gsung dang thugs de rnams kyi snying po ni don dam pa stong pa nyid de/ de nyid kyi phyir gru gsum nam mkha' lta bu ste/ sku gsung thugs kyi dbye ba yis/ /gru gsum du ni bsgom par bya/ / zhes gsungs pa'i phyir ro/ /rdo rje btsun mo ni rig pa bcu'o/ /de rnams kyi b+ha ga ni pad+ma'o/ /de nyid snying po yin gyi 'di dag bud med nyid ni ma yin no/ /'o na ci bzhin zhe na/ snying po de nyid du nu ma dang/ bzhin ras la sogs pa'i yan lag gi bye brag gi sgo nas rab tu bye ba yin te/ gang zhig dngos med nyid shes rab ces gsungs pa'i phyir ro/ /de bzhin gshegs pa thams cad kyi sku dang gsung dang/ thugs kyi snying po yang de yin la/ rdo rje btsun mo'i b+ha ga yang yin pas na de skad ces bya ste/ chos 'byung ba'i phyag rgya zhes bya ba'i don to/ /de bcom ldan 'das bzhugs pa ni chos 'byung ba'i nang du chud par gzhal ya khang du zhes bya ba'i tha tshig ste/ dper na grong khyer na gnas pa'i phyug po bya ba ni grong khyer kyi nang du gtogs pa'i khang bzang na zhes bya ba'i don yin no/ /ci'i phyir der bzhugs zhe na/ gsang ba 'dus pa bshad par bya'o/ /zhes bstan pa'i phyir de'i skal pa dang ldan pa dang ldan pa drang bar bya ba'i phyir ro/ / gang dang thabs gcig bzhugs zhe na/ byang chub sems dpa' sems dpa' chen po zhes bya ba smos te/ byang chub ni bla na med pa yang dag par rdzogs pa'i byang chub ste/ phul du byung bar rtogs pa'i phyir ro/ /sems pa ni bsam pa ste/ de yang 'dir thob pa'i phyir mngon par sems pa'o/ 'di rnams la byang chub sems dpa' yod pas na byang chub sems dpa' o/ /sems dpa' chen po zhes bya ba ni 'di rnams la shes dpa' chen po yod pas na sems dpa' chen po ste/ sems can thams cad mya ngan las bzla ba'i bsam pa yod pa nyid kyi phyir ro/ /bcos pa'i don gyi sbyor ba ni gsum pa yin te/ de rnams dang thabs gcig tu zhes bya ba'i don to/ /ji snyed cig gang zhe na/ brjod kyi mi lang ba'i yang brjod kyi mi lang ba'i zhes bya ba smos te/ grangs kyi mdza' brjod kyi mi lang ba dang/ de'i mtshan nyid can yang brjod kyi mi lang ba ste/ 'di dag tsam mo zhes bstan par mi nus pa'i phyir ro/ gang dag brjod kyi mi lang ba de dag dang/ brjod kyis mi lang ba'i grangs de dag 'di tsam yin no/ /zhes bya bar brjod par yang mi nus pa zhes bya ba'i don to/ /de ltar na grangs kyis bgrang du med pa de dag dpes bstan par bya ba'i phyir/ sangs rgyas kyi zhing gi zhes bya ba la sogs pa smos pa yin te/ 'jig rten gyi khams ji snyed bar dus cig na sangs rgyas gcig nyid 'byung ba de ni sangs rgyas kyi zhing ste/ stong gi gsum gyi stong chen po'i 'jig rten gyi khams so/ /de yang gling bzhi pa dang/ nyi ma dang/ zla ba dang/ ri rab dang/ 'dod pa'i khams kyi lha rnams dang/ tshangs pa'i 'jig rten gyi bye ba phrag brgya gang yin pa'o/ /de ltar na gling bzhi pa la sogs pa re re zhing stong gang yin pa de ni stong spyi phud kyi 'jig rten gyi khams so/ /stong chung du stong ni/ stong gnyis pa bar ma'i 'jig rten gyi khams so/ /stong gnyis pa stong ni stong gsum gyi stong chen po'i 'jig rten gyis khams te/ mnyam du 'jig cing mnyam du chags so/ /de skad du yang/ gling bzhi pa dang/ nyi zla dang/ /ri rab dang ni 'dod lha dang/ /tshangs pa'i 'jig rten stong la ni/ /steng ni spyi phung yin par 'dod/ /de stong la ni stong gnyis pa/ /bar ma'i 'jig rten khams yin no/ /de stong la ni stong gsum ste/ /mnyam du 'jig cing chags pa yin zhes bshad pa yin no/ /sangs rgyas kyi zhing gi ri rab nyid bye ba brgya phrag gcig ste/ de rnams kyi rdul phra rab kyi rdul de snyed de/ de dang grangs mtshungs pa'o/ /khyad par med par bstan pa rnams kyi khyad par bstan bar bya ba'i phyir/ 'di lta ste/ byang chub sems dpa' sems dpa' chen po dam tshig rdo rje dang/ zhes bya ba la sogs pa gsungs te/ 'dir skyes pa dang bud med kyi lha rnams ni zhi gnas dang lhag mthong yin te/ de bas bzhi gnas dang bcas pa'i de bzhin nyid dang/ de'i rnam pa can gyi yang dag pa'i ye shes ni lhag mthong ngo/ /de'i phyir theg pa chen po'i de kho na nyid ni gnyis te/ de bzhin nyid dang yang dag pa'i ye shes so/ /de kho na nyid de ni mi zad pa'i rin po che yin pas na rdo rje ste/ de'i phyir gdon mi za ba'i mthar thug ba'i lha rnams ni rdo rje'o/ /'di las thams cad thob par 'gyur bas na dam tshig go /dam tshig kyang yin la rdo rje yang yin pas na dam tshig rdo rje ste/ kun tu bzang po'o/ /sku ni gnas te sa nyid gnas pa yin pas na sku ste/ sa'i snying po'o/ /gsung gi chos rnams 'dzin pa'i phyir phyag na rdo rje'o/ /thugs ni nam mkha' i snying po ste/ sems kyi rin po che mnga' ba'i phyir ro/ /ting nge 'dzin ni 'jig rten dbang phyug ste/ sems bstan par byed pa yin pa'i phyir ro/ /sgrib pa las rgyal bar byed pas na rgyal ba ste/ sgrib pa thams cad rnam par sel ba'o/ /sa la sogs pa dang/ chos mthun pa'i phyir sa la sogs pa ni spyan dang/ mA ma kI dang/ gos dkar mo dang sgrol ma ste/ de dag gis go rim bzhin du sems tsam du 'dzin pa'i phyir dang/ gnyis zad par sdud pa'i phyir dang/ mnyan pa nyid nyams su myong ba'i phyir dang/ bsgom pas smin par byed pa'i phyir dang/ thams cad du skyod par byed pa yin pa'i phyir ro/ nam mkha' ni 'byung ba lnga pa'o/ /de nyid ni rdo rje 'chang ste/ /de yang dkyil 'khor ba'i lha skyes pa dang bud med kyi gzugs can rnams stong pa nyid kyi shes rab dang ye shes kyi bdag nyid lhan cig skyes pa'i rig pa dang/ thabs dang ldan pa dag ste/ lha re rer so sor nges par bstan pa ni sbyor ba'i bye brag gis so/ /de dag yang dam tshig rdo rje sogs drug dang/ sa la sogs pa rnam pa lnga zhes gang gsungs pa'o/ /de bas na tshig bzhi po 'am/ tshig gcig gis khro bo bzhi po dag kyang bstan to zhes bya ba ni rig pa yin no/ /de dag brtan pa nyid dang/ bsam gtan dang/ ri mo'i dkyil 'khor dag las gsungs pa'i phyir ro/ /de'i rang bzhin yin pa'i phyir/ dpe med pa'i sangs rgyas kyi sku dang/ gnas dang/ mdza' yas pa'i longs spyod kyi gzugs la sogs pa de dag thams can la gzugs la sogs pa'i sgrar 'dir bshad de/ de rnams kyang mchod pa'i lha mo drug yin la/ 'dir byang chub sems dpa' i tshul du brjod pa'i phyir/ /lha mo rnams la yang skyes pa'i rtags kyi ming du byas pa yin no/ /de dag la sogs pa zhes bya ba ni/ 'di dag gtso bor gyur pa dang ste/ gtso bor gyur pa yang rtag tu de'i dkyil 'khor la/ de dag dkyil 'khor ba nyid yin pa'i phyir ro/ /khro bo'i dkyil 'khor ni rtag tu ma yin te/ srung ba'i don nam 'gog pa'i don du res 'ga' bsgom par bya ba yin pa'i phyir ro/ /de bas na 'dir 'dod pa'i rgyal po la sogs pa drug ni ma gsungs pa yin no/ /dkyil 'khor gyi bdag po la ni nges pa yod pa ma yin te/ res 'ga' ni gcig pu nyid dkyil 'khor gyi gtso bo yin te/ de yang bcom ldan zhes bya ba'i skabs yin no/ /de ltar na byang chub sems dpa' rnams kyi gdul bar bya ba yin pas gsang ba ma yin no/ /de bas na thabs cig tu bzhugs pa bstan nas/ 'dul bar mdzad pa po de bzhin gshegs pa rnams dang thabs gcig tu bzhugs pa ni gsang bar bya ba nyid yin pa'i phyir/ de bzhin gshegs pa la sogs pa phyis smos pa yin te/ nam mkha' i dbyings dang mnyam par bshad cing bstan pa ste/ de yongs su gang ba'i grangs snyed dang zhes bya ba'i don to/ /nyon mongs pa dang/ rnam par rtag pa'i rnams kyis g.yo bar ma nus pas na mi bskyod pa ste/ rnams tshogs pa'i rnam par dag pa'i ye shes kyi ngo bo nyid yin pa'i phyir ro/ /dus gsum gyi sangs rgyas rnams kyi sku bsdus pas rnam par snang mdzad pa nyid kyis na rnam par snang mdzad do/ /dus gsum gyi sangs rgyas rnams kyi gsang ba gsum mnyam pa'i sems bskyed pa'i rin po che ni mnyam pa nyid kyi ye shes te/ de las don thams cad grub pa yin pa'i phyir ro/ /de nyid kyi rtog gi mtshan nyid 'di la mnga' bas na rin po che dpal lo/ /rin po che las so sor rtog pa'i snang ba dpag tu med pa'i rgyur gyur pas na 'od dpag tu med pa ste/ 'od tshad med pa zhes bya ba'i don to/ /sna tshogs pa'i don gyi las rnams don yod par mdzad pas na gdon mi za ba ste/ don yod par grub pa zhes bya'i don to/ /de dag la sogs pa zhes bya ba ni de dag gtso bor gyur pa dang ste/ lnga po nyid dkyil 'khor pa yin pa'i phyir ro/ 'di lta ste zhes bya ba'i ni nam mkha' i dbyings dang mnyam pa nyid du rab tu ston par byed do/ /dper na zhes bya ba ni yongs su gsal bar zhes bya ba'i don to/ /til gyi gang bu zhes bya ba ni til 'bru'i gang bu ste/ dper na de til rnams kyis shin tu gcer te/ yongs su gang ba de bzhin du de bzhin gshegs pa thams cad kyis nam mkha' i dbyings thams cad du shin tu gang bar snang bar gyur to zhes bya ba ni kun nas snang bar gyur pa ste/ de bas 'jig rten gyi khams thams cad du rtogs pa'i gdul bya rnams kyis mthong bar gyur to zhes bya ba'i don to/ /gal te de bzhin gshegs pa rnams kyis nam mkhar mtshams med par gang na byang chub sems dpa' de snyed dam/ sems can rnams kyi go skabs ga la yod/ /gal te rang gis de ltar mthong ba 'am gdan sa gang du 'ong bar 'gyur zhe na/ sangs rgyas dang byang chub sems dpa' de rnams kyi dbang sgyur ba'i mthu ni bsam gyis mi khyab pa yin la/ ston pa'i khyad par can du gyur pa yin pa gang na sangs rgyas dang byang chub sems dpa' mdza' yas pa dang/ bdag nyid chos 'byung gi phyag rgya mdza' yas pa cig gi nang du gdul bya gyod pa med pa nyid kyis yongs su gsal bar mthong ba'i phyir 'di la thos pa mang po dang ldan pa rnams la ngo mtshar du gyur pa ci'ang med do/ de ltar na de tsam nyid ni rgyud kyi gleng gzhi yin la/ de las gzhan pa dag ni rgyud kyi le'u yin no/ /de la le'u dang po ni thabs las byung ba'i rgyud yin te/ bcom ldan 'das thabs las byung ba'i mchog gsang ba 'dus pa ni nges bstan pa yin pa'i phyir ro/ /de skad du yang dpal ldan sangs rgyas kun gyi bdag /rdo rje 'dzin pa chen po'i gnas/ /sangs rgyas kun gyi thabs byung ba/ /de nyid chos kyi chos nyid yin zhes 'tshang par 'gyur ro/ /gnyis pa nas brtsams te/ le'u bcu drug ni thabs kyi rgyud yin no/ /'di ltar thabs ni bzhi ste/ bsnyen po dang nye bar sgrub pa dang/ sgrub pa dang/ sgrub pa chen po'o/ /de la dga' ba can gyi le'u bzhi ni sgrub pa chen po ste/ de ston par byed pa nyid yin pa'i phyir ro/ /rdzogs ldan gyi le'u bzhi ni sgrub pa yin no/ /gnyis ldan gyi le'u bzhi ni nye bar sgrub pa yin no/ /gsum ldan gyi le'u bzhi ni bsnyen pa yin no/ /de skad du yang/ lnga pa dang/ dgu pa dang/ bcu bdun pa dang/ bcu gsum pa dang/ sangs rgyas byang chub sems rnams kyis/ bstan pa dag ni sgrub pa chen/ /bzhi pa dang ni bcu drug pa/ /brgyad pa de bzhin bcu gnyis pa/ /slob dpon spyi yi las dang ni/ /dngos grub brtul zhugs sdom ma yin/ /drug pa dang ni gnyis pa dang/ /bcu pa dang ni bcu bzhi pa// drag spyod rjes su chags pa dang/ /nye bar sgrub pa sdom pa'o/ /bdun pa dang ni gsum pa dang/ /bcu dang gcig dang bcu dang lnga/ /dngos grub zhing dang ltas dang ni/ /bsnyen pa sgrub pa'i sdom pa'o/ /zhes 'og ma nas de bzhin gshegs pa rnams kyis gsungs pa yin no/ /'dir sgrub pa che zhes bya ba ni sgrub pa chen po zhes bya ba'i don to/ /sgrub pa'i sdom pa'i zhes tshigs su bcad pa bzhi pa'i mdza' mar gang gsungs pa de tshigs su bcad pa gnyis pa'i mthar blta bar bya'o/ /bcu dang bdun zhes bya ba ni bcu bdun pa'o/ /drug ces bya ba ni drug pa'o/ /bcu dang gcig ces bya ba ni bcu gcig pa'o/ /bcu dang lnga zhes bya ba ni bco lnga pa'o/ /le'u bcu bdun po 'di dag ni rtsa ba'i rgyud tu byang chub rdo rjes gsungs pa yin no/ /le'u bco brgyad pa ni de bzhin gshegs pa thams cad kyis gsungs pa rgyud phyi ma yin te/ des rtsa ba'i rgyud kyi tshig don sbas pa bsal bar byed pa nyid do/ /de bas na le'u bzhi bzhis thabs re re nye bar sdus pa yin te/ le'u bzhi tshan bzhis thabs bzhi dang/ dang pos thabs las byung ba yin te/ bcu bdun po 'di dag gis ni thabs dang thabs las byung ba dang bcas pa yin la/ bco brgyad pas ni de nyid gsal bar byed pa yin no/ /de ltar na le'u bco brgyad po dag gis thabs dang thabs las byung ba dang bcas pa dang/ gsal bar byed pa bcas pa bsdus pa yin pas na rgyud 'di le'u rnams kyi 'brel pa dang bsdus pa'i don yin no/ /de la gtso bo yin pas le'u dang po'i brjod par bya ba ni thabs las byung ba yin la/ de'i zhar la byung ba sgrub pa dang/ sgrub pa chen po yang bstan pa yin no/ /de ltar na 'dir bcom ldan 'das de bzhin gshegs pa thams cad kyi gsang ba 'dus pa ni thabs las byung ba yin te/ sgrub pa de rnams dang/ de dag gi gsang ba rnams ro gcig pa can du rang nyid kyis mngon par rdzogs par rtogs pa yin la/ rang nyid kyi mngon par rdzogs par rtogs pa nas sgrub pa chen po de dag rab tu rnam par phye ste gzhan dag la yang dag par ston pa yin no/ /de ltar na rang dang gzhan gyi dbye bas gsang ba 'dus pa 'di ni rnam pa gnyis yin pa de'i phyir med na mi 'byung ba nyid yin pas na thabs las byung ba brjod par bya ba'i don du le'u dang por thabs gnyis po yang brjod par bya ba yin no/ /de la bcom ldan 'das ni gleng gzhi dang 'dra bar sgrub pa yang rang gi ngo bo nyid du ston par mdzad pa yin gyi tshig tu ni ma yin no/ /sdud par byed pas kyang de bzhin du mthong zhing sngar ston pa'i byin gyis brlabs nyid kyis ji ltar snang ba'i tshig dang/ yi g e 'di nyid sdud par byed pa yin pa ni des nas bcom ldan 'das de bzhin gshegs pa rdo rje rnam par snang mdzad chen po zhes bya ba nas zhal gsum pa lta bur de bzhin gshegs pa thams cad kyis gzigs par gyur to zhes bya ba'i bar du rgyas par bsdus pa yin no/ /de nas zhes bya ba ni gleng gzhi phun sum tshogs pa'i de ma thag pa'o/ /bcom ldan 'das zhes bya ba ni shAkya thub pa'i rang bzhin can gyi rdo rje can no/ /de bzhin nyid thugs su chud pa'i phyir de bzhin gshegs pa ste rig pa dang bcas zhes bya ba'i don to/ /rdo rje rnam par snang mdzad chen po zhes bya ba la de nyid kyi tshe rang gi byang chub yang dag par ston par mdzad pas na rnam par snang mdzad do/ /rnam pa lnga dag gis de yang dag par ston par mdzad pas na rnam par snang mdzad chen po'o/ /de nyid kyis des 'di yang yin la rdo rje 'chang gi skur kun tu ston par mdzad pas rdo rje yang yin pa'i phyir rdo rje rnam par snang mdzad chen po ste/ zla ba'i dkyil 'khor dang/ dang po'i rdo rje dang/ dang po'i snying po dang/ de'i 'od zer gyis de bzhin gshegs pa thams cad dgug pa dang/ gzhug pa dang/ sngar gyi skur rab tu sbyor ba zhes bya ba rnam pa lngas zhal gsum dang phyag drug pa'i dpal mchog dang po'i sku thugs kar zla ba dang rdo rje dang sngags kyi de kho na nyid kyi byin gyis brlab pa'i tshul du byung ba'o zhes bya ba'i don to/ /de bzhin gshegs pa thams cad kyi 'dod chags chen ? ni 'og nas 'byung ba'i cho gas thams cad zhu bar gyur pa'o/ /tshul ni de'i thabs te dpal mchog dang po rang gi gnyug ma'i rig ma dang sbyor bar ldan pa'i snying ga'i sngags kyi 'od zer gyi sgo la phyogs bcur khyab pa'i sngags kyi lha thams cad spro ba'o/ /de la dmigs pa'i ting nge 'dzin yang de skad ces bya'o/ /zhes bya ba'i sgra ni rab tu gsal ba yin te ming 'di nyid du rab tu gras pa zhes bya ba'i don to/ /ting nge 'dzin la zhes bya ba ni mnyam par bzhag pa ste sems nang du 'jog pa'o/ /snyoms par zhugs nas zhes bya ba ni mngon sum du mdzad nas so/ /bkod pa zhes bya ba ni tshogs so/ /de dag ces bya ba ni phyogs bcur son pa rnams so/ /bzhugs par mdzad de/ zhes bya ba ni sangs rgyas lnga'i sku rang gi sku la sogs pa la bsdus nas de'i sku la sogs pa dang dbyer mi phyed par 'jog par mdzad pa'i phyir ro/ /sku rdo rje la sogs pa'i bdag po yin te/ de la zhugs pas de bdag por gyur pa yin pa'i phyir ro/ /yongs su mnyes par bya ba'i phyir zhes bya ba ni rig pa thams cad la nye bar longs spyod pa'i phyir ro/ /nyid kyi sku zhes pa ni rang nyid kyi sku'i khyad par ro/ /mngon par sprul nas te phyung nas so/ /mngon par byung bar gyur to/ /zhes bya ba ni de dag nyid mthon por gyur pa'o/ /de la zhes bya ba ni dmigs kyi dkar pa'o/ /sangs rgyas ni rnam par snang mdzad de de'i spyan yin gyi nam mkha' i spyan na ma yin no/ /dam tshig ni don yod par grub pa ste sgrol ma yin gyi pad+ma'i sgrol ma yin no/ /kun tu gnas par gyur pa ni yang dag par gnas par gyur pa'o/ /gang du zhe na/ der zhes bya ba gsungs te rdo rje 'chang de'i rig pa la zhes bya ba'i don to/ /gang shes la sogs pa rnams kyi ngo bo nyid de kho na nyid ni gzugs rdo rje la sogs pa'o/ /ci'i phyir dgu pa nyid yin ?/ 'di ltar bcu pa'i nang du bsdu bar bya ba yin te/ 'dod chags chen po'i tshul nyid kyis/ ye shes 'khor lo can rnams bsdu/ /lha mo dgu ni spros nas su/ /sgrub par bya ba'i lus la dgod ces bshad pa yin no/ /rig bya dang rig pa gnyis su med par byas pa'i phyir de nyid ni bcom ldan mi bskyod pa'o zhes bshad do/ /de bzhin gshegs pa thams cad kyi sku dang gsung dang thugs de rnams kyi snying po yang yin zhing rdo rje btsun mo'i b+ha ga yang yin no zhes bya bar tshig bsdu'o/ /rdo rje btsun mo rig pa bcu'o/ /de rnams kyi b+ha ga ni ro gcig par gyur pa rnams kyi ngo gcig par gyur pa'i pad+ma ste de dag gi de'i lte ba'i dbus nas zhes bya ba'i don to/ /dam tshig chen po'i dkyil 'khor zhes bya ba la a yin yang dag par rtogs pa ste/ ye shes sems dpa' o/ /sa ma ni skyed par bya ba don du mtshungs par byon pa gang yin pa ste/ byang chub sems dpar bya ba'i phyir gang zhig byon pa de dam tshig chen po'o/ /de'i dkyil 'khor ni gzhal yas khang ngo/ /sdug bsngal med pa zhes bya ba ni zag pa med pa'o/ /gru bzhi zhes bya ba ni phyi rol gyi rim pa ste/ nang gi rim pa ni zlum po nyid yin no/ /byin gyis brlabs pa zhes bya ba ni lha mo bzhi yongs su gyur pa las sprul pa'o/ /gsal ba ni dri ma med pa'o/ /de'i ngo bo nyid ces bya ba ni dam tshig chen po'i ngo bo nyid do/ /sna tshogs gzugs kyis zhes bya ba ni sgo dang rta babs dang kha khyer gyi lha mo rnams dang ka la sogs pa rnam pa sna tshogs pa can no/ /sangs rgyas yin te 'phro bas so/ /kun tu khyab pa ni sna tshogs par gyur pa'o/ /'od zer 'phro ba mang ma ni 'od zer gyi dra ba ste mgyogs pa'i shugs kyis kun tu khyab pa'o/ /des kun tu 'khrugs pa ni khyab pa'o/ /gsal ba la sogs dkyil 'khor zhes bya ba ni zla ba lnga dang zla ba dang nyi ma'o/ /de bzhin gshegs pa thams cad ni rdo rje 'dzin pa chen po ste de'i'o/ /ji ltar de bzhin gshegs pa thams cad kyi yin zhe na/ de'i rang bzhin gang yin pa ste gnas ni mthar pa'i grong khyer yin pa'i phyir ro/ /de bzhin gshegs pa thams cad kyi dkyil 'khor chen po zhes bya ba la de bzhin ni rang gi lta ji lta ba bzhin no/ /a ka ta ni byon pa'o/ /thams cad ni rnam pa dang tshogs dang 'khor rnams te de rnams rang gi lha ji lta ba bzhin du byon pa 'di la yod pas ni de bzhin gshegs pa thams cad kyi dam tshig chen po'i dkyil 'khor yang yin te de dang lhan cig tu 'ongs pa'i rigs lnga'o/ /mchog tu bsdus pa la byung ba'i lha lnga ste/ de gnyi ga dbus su zhes bya ba nang gi rim par bkod pa'o/ /'dir rdo rje sems dpa' bskyed pa la ni de'i ye shes sems dpa' bkug ste dbus kyi zla ba'i gdan la bkod pa de'i dkyil 'khor chen po pa rnams lha mo lngar bsdus te gos dkar mo gnyis gcig tu byas pas dga' ma gzhir byas te/ ngos bzhi'i zla ba la dgod do/ /gzhan rnams la yang ye shes sems dpa' dbus su bkod la dkyil 'khor chen po rgyal ba lngar bsdus la/ de las gcig ni 'khor lo'i bdag po la bstims la bzhi ni ngos bzhi'i so so'i gdan la dgod do/ /phyag rgya bzhi yis yongs bskor ba/ /dkyil 'khor der ni brtag par bya/ /bdag nyid dbus su gnas bya la/ /'khor lo can kun bsdu bar bya zhes gsungs pa yin no/ /de bas na ye shes sems dpa' de la byang chub kyi sems rnam pa lngas dbang bskur ba sbyin par bya'o/ /de nyid kyi phyir 'dir bcom ldan 'das ni byang chub gyi sems ston par mdzad pa nyid yin pas na byang chub kyi sems rdo rje zhes bshad pa yin no/ /de nas zhes bya ba la sogs pa la de bzhin gshegs ba lnga po thugs la zhugs pa 'di yang byang chub kyi sems zhi ba yin te nang du chung pa nyid kyis byi'i don stong pa nyid yin pa'i phyir ro/ /de bzhin gshegs pa thams cad zil gyis mnan pa ni zhu ba'i tshul gyis ro gcig par gyur pa ste/ byang chub kyi sems 'di ni dngos dang dngos med zad ba po de la dmigs pa'i ting nge 'dzin la de skad bya'o/ /de nyid ni rdo rje ste mi phyed pa'i phyir ro/ /de bzhin gshegs pa thams cad ni dkyil 'khor dang bcas pa'i ye shes sems dpa' o/ /de'i bdag pa ni nor bu'i bum pas dbang bskur bar mdzad pa'i phyir ro/ /gang la snyoms par 'jug pa'i skad cig ma gnyis pa'i nges par 'byung ba ni snyoms par zhugs ma thag tu zhes bya ste/ de lta bur gyur ma thag tu zhes bya ba'i don to/ /nam mkha' i dbyings thams cad ni pad+ma thams cad do/ /de bzhin gshegs pa thams cad kyi rdo rje ni sku gsum mnyam pa nyid de/ de nyid ston ka'i zla ba ltar dkar ba zhu bar gyur pa'o/ /de'i ngo bo ni de yongs su gang ba'o/ /gnas ba'i gyur pa ni rnam par gnas pa ste de ltar na dbang bskur ba dang po'o/ /nam mkha' thams cad ni pad+ma de dag nyid thams cad do/ /de'i dbyings ni zhu ba de nyid do/ /de gnas pa ni kun gnas pa ste de dag nang du yang zhugs pa'i phyir de skad ces bya'o/ /sems can thams cad ces bya ba ni rang dang bdag po'o/ /de ltar na dbang bskur ba ni gnyis pa'o/ /de bzhin gshegs pa zhes bya ba la sogs pa la de bzhin gshegs pa thams cad kyi bde ba dang yid bde ba ni go rim bzhin du lus kyi dang sems kyi tshor ba bde ba'o/ /de thob pa ni rnyed pa'o/ /gyur to zhes bya ba ni rdzogs pa ste rang gi lus zhu ba las byung ba'i 'od kyis de rnams kyang zhu bar gyur pa 'di ni dbang bskur ba gsum ba ste/ zhu ba ni shes rab yin la de nyams su myong zhing rnyed ba ni ye shes so/ /rdo rje sems dpa' i byin gyis brlabs kyis zhes bya ba ni bcas pa'i don gyis gsum pa ste/ de rnams kyis de thob? bar gyur pas rdo rje sems dpa' byin gyis brlabs pa lhan cig tu gyur pa'i don to/ /rdo rje dang rdo rje sems dpa' ni rdo rje sems dpa' ste der byin gyis brlabs pas so/ /de la rdo rje dang rdo rje ni ma dang pha ste byin gyis brlabs ni de dag zhu ba'i 'od kyis rdo rje dag kyang zhu bar gyur ba'o/ /sems dpa' byin gyis brlabs pa ni zhu ba'i 'od spros pas sems can thams cad la dbang bskur ba'o/ /de la bdag po dang bcas pa'i lha rnams bsdus pa las gyur pa'i zhu ba ni gtso bo'i byang chub kyi sems so/ /chos thams cad sdud par byed pa'i yab yum zhu bar gyur pa ni stong pa nyid dang dbyer med pa'i byang chub kyi sems so/ /sems rnams dbang bskur ba ni snying rje dbyer med pa'i sems so/ /de ltar na chos kyi dbyings kyi rang bzhin yin pa'i phyir thog ma dang tha ma med pa'i rang bzhin rnam pa lnga'i rang bzhin du gnas pas sgrib pa dag cing nam mkha' lta bu'i byang chub kyi sems chen po dbus ma'i gdan la gnas bar bsams la de la byang chub tu bsgom bar bya'o/ /de yang thams cad rdo rje'i dngos byas la/ de 'og byang chub bsgom par bya zhes bshad pa yin no/ /ji ltar bsgom par bya zhe na/ lha mo bzhis glu bzhis bskul ba'i rjes thogs la zhu ba bsdus pa las byung bar rang gi gdan la gnas pa'i rang gi lha'i sa bon las de'i mtshan ma rnam par bsgom la de'i lte bar sa bon de nyid phra mo nor bu'i snying po'i thig le dang ldan pa bsams te nor bu de nyid las dkyil 'khor pa'i sprin thams cad kun tu spros la/ de rnams zla ba dang rdo rje dang sngags yang dag par bsdus te yongs su gyur pa las rang gi lha'i gzugs su bsgom pa nyid do/ /'di dag nyid bstan par bya ba'i phyir de nas zhes bya ba la sogs ba gsungs te/ de nas zhes bya ba ni lha mo bzhis bskul ba'i rjes thogs nyid la'o/ /de bzhin gshegs pa ni sgrib ba med pa'i de bzhin nyid thugs su chud pa'i phyir ro/ /byang chub kyi sems rdo rje zhes bya ba ni sgrib pa dang bral zhing dag pa nam mkha' i dbyings kyi ngo bo nyid do/ /de bzhin gshegs pa thams cad kyi sku dang gsung dang thugs rdo rje ni byang chub kyi sems de nyid do/ /de'i dam tshig ni bsdus pa'o/ /de'i 'byung ba ni rang gi gdan la gnas pa'i sa bon te 'di las byung bas na zhes bya ba'i dbang du byas pa'i phyir ro/ /de la dmigs pa'i ting nge 'dzin la de skad ces bya'o/ /rigs pa dang ldan pa'i skyes bu'i rnam pa nyid yin pa'i phyir rig pa'i skyes bu'i gzugs kyang de yin la bla na med pa nyid kyi phyir chen po yang yin pas na'o/ /'di zhes bya ba ni dam tshig chen po'i gzugs can te sku gnyis ka yang zhal gsum pa phyag drug po snyoms bar 'jug pa rang gi lha'i gzugs can zhes bya ba'i don to/ /chen po nyid ni de bzhin gshegs pa thams cad kyi sngags kyi byin gyis brlabs kyi zhes bya ba gsungs pa la de bzhin gshegs pa thams cad/ kyi sngags ni sangs rgyas kyi chos thams cad de mi bskyod pa la sogs pa nas bgegs mthar byed kyi bar du'o/ /de rnams kyis byin gyis brlabs ni rten yin te de'i rang bzhin yin pa'i phyir dang de skyed par byed pa nyid yin pa'i phyir ro/ / byin gyis brlabs so zhes bya ba ni sbrul par gyur pa ste lha mo rnams kyis bskul ba'i glu bzhis snying po bskul ba dang/ des gsum rdo rje'i rang bzhin sems/ ye shes bzhin du lus bsgom mo/ /zhes bshad pa yin no/ /zhal gsum pa ni skabs su bab pa'i byang chub chen po'i phyag rgyar gyur pa'i sku'o/ /lta bur ni de ltar snang ba'o/ /de gzigs par gyur pa ste nges par dngos po thams cad du snang bar ni ma yin te/ sangs rgyas ma yin pa rnams kyi spyod yul ma yin pa? nyid kyi phyir ro/ /de bzhin gshegs pa thams cad kyis zhes bya ba ni 'khor gyi sangs rgyas dang byang chub sems dpa' rnams kyis so/ /ci'i phyir spyod yul ma yin zhe na/ 'di ltar dkyil 'khor gyi bdag po'i sku na byang chub chen po yin la de yang sangs rgyas rnams kyi ngo bo nyid kyi sku yin te/ de ni mchog tu gyur pa'i sangs rgyas kyi chos rnams ro gcig par gyur pa'i tshogs chen po bag chags dang bcas pa'i sgrib pa thams cad las nges pa grol ba yin te/ ji skad du dpal rdo rje rtse mo las/ sangs rgyas rdo rje can rnams ni/ /ngo bo nyid kyi sku yis byung/ /rmad byung chos kyi rgyud chen po/ /thar pa'i mchog tu rtag pa yin/ /zhes gsungs pa lta bu'o/ /de bas na 'di ni byang chub sems dpa' rnams kyi yul ma yin gyi rnam pa thams cad du shes bya thams cad la rtag tu thogs pa med par gzigs pa'i sangs rgyas rnams kyi yul yin par 'dod do/ /'di byang chub sems dpa' rnams kyi yang yul nyid ma yin nam/ 'di ltar sangs rgyas kyi chos rnams las sangs rgyas gzhan ma yin la sangs rgyas kyi chos rnams nyid 'dir dkyil 'khor ba dang 'khor rnams yin no/ /de bas na 'di ltar sangs rgyas kyi yul yin na ji ltar 'khor rnams kyi yul ma yin zhe na/ de ltar ni 'gyur mod kyi 'on kyang dkyil 'khor pa ni sangs rgyas kyi chos thams cad nyid yin la 'khor rnams ni nges pa ma yin/ /lhag ma ni bcu bdun pa dang bco lnga pa las 'chang par 'gyur ro/ /gal te bcom ldan 'das ni thog ma'i sangs rgyas yin la mngon par rdzogs par sangs rgyas zin pas mngon par rdzogs par 'tshang rgya mi dgos so/ /zhe na/ 'di ni ston pa'i mngon par byang chub ston pa yin gyi mngon rdzogs par byang chub pa ni ma yin no/ /sgrub pa bshad zin to/ /sgrub pa chen po rtsom pa'i phyir de nas zhes bya ba la sogs pa gsungs te skad cig ma de la mngon par rtogs par sangs rgyas pa na rnam par snang mdzad do/ /thugs ka nas zhes bya ba ni thugs ka'i mtshan ma la gnas pa'i sa bon las so/ /byung ste zhes bya ba ni spros pa'i tshul du'o/ /ched du brjod pa 'di zhes bya ba ni lus las byung ba'i rlung ste ji ltar de rang gi ngang gis byung ba de bzhin du 'phags pa rnams kyi rmad du byung ba'i chos thugs su chud pa'i dgyes pas kun nas bslang ba'i tshig kyang yin pas de bas na rlung dang chos mthun pa'i phyir ched du brjod pa zhes bya'o/ /'di zhes bya ba ni 'chad par 'gyur ba'o/ /ched du brjod de zhes bya ba ni rjod pa de gyur ba'o/ /ci'i phyir de dag nyid ched du rjod ce na/ de'i thugs ka nas byung ba nyid kyis de'i chos rtogs pa nyid kyi phyir ro/ /e ma'o zhes bya ba ni ngo mtshar du gyur pa'o/ /sangs rgyas thams cad kyi zhes bya ba ni gsang ba 'dus pa'i 'o/ /byang chub sems las rab byung ba zhes bya ba ni zhal gsum pa dang phyag drug pa la sogs pa'i tshul gyis byang chub pa'i ngo bor byung bar gyur pa'o/ /de bzhin gshegs pa kun gyi gsang zhes bya ba ni de bzhin gshegs pa thams dang 'brel ba'i gsang ba gsum mo/ /rab tu mi rtogs ces bya ba ni spros pa dang mtshan ma thams cad du snang ba dang bral ba nyid kyis de bzhin du ro gcig pa nyid kyi phyir shin tu yang rnam par/ rtog pa'i yul ma yin pa'o/ /rtog pa med pa'o zhes bya ba ni sgrib pa thams cad kyi dri ma bag chags dang bcas par zad pa'i phyir mchog tu ngang ba'i thugs kyi bdag nyid can no/ /gang gi phyir de bzhin gshegs pa thams cad yin pa de bas na phyag mtshan lnga 'dzin par mdzad pa'i phyir phyag drug pa'o/ /gang gi phyir gsang ba gsung mnga' ba de bas na zhal gsum pa'o/ /gang gi phyir rab tu mi rtog cing rnyog pa med pa yin pa de'i rig pa dang ldan pa'i skyes bu'i bdag nyid can no/ /de nas zhes bya ba ni skabs su bab pa'i chos la 'dod pa skyed par byed pa'i ched du rjod pa thos pa'i rjes thogs pa'o/ /yang 'dus nas zhes bya ba ni sdir? ni sku'i 'dus pa mdzad pa yin la de ni gsol ba gdab pa'i don du dgongs pa gcig pa'i mtshan nyid can gyi 'dus pa yin no/ /byang chub kyi sems kyang de yin la rdo rje yang yin pas na byang chub kyi sems rdo rje ste rdo rje 'chang gi rnam pa nyid yin pa'i phyir ro/ /de bzhin gshegs pa thams cad kyi mchod pa ni mchod pa po'i snying ga'i sngags las byung ba'i gzugs rdo rje ma la sogs pa'i lha mo rnams so/ /de rnams kyi spros pa'i dam tshig ni 'da' bar mi bya ba dang bla na med pa'i gzugs dang sgra la sogs pa rnam pa sna tshogs pa 'phro ba'i bdag nyid can no/ / de nyid de kho na nyid yin no/ /rin po che ni khyad par du 'phags pa'i de kho na nyid de gnyis su med pa'i bde ba chen po'i ngo bo nyid kyi phyir ro/ /de rnams kyi sprin ni nam mkha' khyab pa'i bkod pa'o/ /phyag 'tshal nas zhes bya ba ni phyag byas nas so/ /'di skad ces bya ba ni ji skad du 'chad par 'gyur ba'o/ /'dus pa gsang ba las byung ba de bzhin gshegs pa kun gyis zhes bya ba la 'di gsang ba rnams kyis byung bas na de skad ces bya ste/ de bzhin gshegs pa thams cad kyi gsang ba 'dus pa zhes bya ba'i don to/ /rdo rje ni de bzhin gshegs pa rnams so de rnams kyi snying po ni nor gyi mchog te chos thams cad do/ /de rnams kyi btus pa ni bsdus pa'o/ /de nyid ces bya ba ni don dam pa ste/ thar pa'i mchog ces bya ba'i don to/ /?? du gsol zhes bya ba ni rdzogs pa'i byang chub kyi rnam par ston ste rnam par phye nas gsungs shig pa'o/ /gsang ba zhes bya ba ni gzhan rnams kyis mngon sum dang rjes su dpag pa la sogs pas mi rtog pa'o/ /gal te 'di ltar gsang ba de ji ltar na bcom ldan 'das kyis kyang bka' stsol bar mdzad pa yin zhe na/ rang gi ngo bo'i sgo nas bstan par bya ba yin no 'o na ci yin zhe na/ de'i rgyu mthun par gyur pa longs spyod rdzogs pa'i skus yang dag par bsdus pa phyag rgya chen po kun nas yang dag par ston pa'i sgo nas yin te/ de skad du/ dpal rdo rje rtse mo'i rgyud las/ de nas ngo bo nyid sku las/ slar yang longs spyod rdzogs skur byung zhes bya ba dang/ gsang ba'i rol mo'i 'khor lo yang/ /longs spyod rdzogs pa'i sku mchog gis zhes gsungs pa dang/ yang ngo bo nyid kyi sku las ni/ mig yong lta bur yang dag byung/ /longs spyod pa yi sku yis ni/ /chos kyi longs spyod 'di lta bur/ /thams cad brjod med gnas pa med/ /zhi phra shin tu blta dga' yin/ /sangs rgyas rjes su thugs brtse bas/ /sangs rgyas rol mo ston par mdzad/ /ces gsungs pa lta bu'o/ /legs so legs so zhes bya ba ni bsngags pa'i sgo nas zhal gyis bzhes par mdzad pa'o/ /'on kyang zhes bya ba'i sgra ni khyad par du byed pa'i don to/ /'di ni zhes bya ba ni gsang ba 'dus pa'i ming can gyis longs spyod rdzogs ba'i sku'o/ /'di dag gis thams cad de bzhin nyid du mthong bas na de bzhin gshegs pa thams cad de bden pa mthong ba'i byang chub sems dpa' rnams so/ de rnams kyang the tshom skyed par byed pa yin no zhes bya ba ni de dag la bstan du zin kyang 'di'i che ba'i bdag nyid nges par mi nus pa nyid kyi phyir ro/ /'dir the tshom ni nges pa tsam yin gyi the tshom nyid ni ma yin te/ de ni bden pa mthong pas spangs pa nyid yin pa'i phyir ro/ /gzhan rnams lta ci smos zhes bya ba ni bden pa ma mthong ba rnams lta smos kyang ci dgos pa'o/ /gal te bden pa ma mthong ba rnams la longs spyod rdzogs pa'i sku ji ltar ston par mdzad ce na/ de ni sangs rgyas kyi longs spyod rdzogs pa'i sku dang cha 'dra bar ston pa yin te sangs rgyas kyi zhing yongs su dag pa ston par mdzad pa lta bu yin no/ /ngo mtshar du gyur pa ni gzhan dag rang gis brtags par mi nus pa nyid kyis so/ /rmad du gyur pa ni shin tu ngo mtshar du gyur pa ste bstan du zin kyang che ba'i bdag nyid nges pa med pa'i phyir ro/ /sangs rgyas rnams mi sangs rgyas kyi chos rnams la ngo mtshar dang rmad du gyur pa mnga' ba yin no/ /'on kyang ngo mtshar dang rmad du gyur pa'i mig dang yan lag gi 'gyur ba thugs rje ston par mdzad pas na ngo mtshar du gyur rmad du gyur te gsol to/ /de bzhin gshegs pa thams cad kyi the tshom thams cad gcod pa ni rdo rje 'chang ste/ de'i go 'phang thob pa nyid kyis de rnams kyi the tshom thams cad gcod pa'i phyir ro/ /'tshang rgya ba nyid ni de la rag las pa yin pa'i phyir de ni de rnams kyi bdag po yin pa 'am/ de bzhin gshegs pa'i gsang ba rnams thams cad du ston par mdzad pa'i phyir chos kyi bdag po yin no/ /de nyid kyis na de dag gis phyag 'tshal nas gsol ba gdab pa btab pa'o/ / de'i phyir kha cig tu ni sku dang gsung dang thugs rdo rje'i bdag po dang sku dang gsung dang thugs rdo rje zhes kyang brjod do/ /gsol to zhes bya ba ni yang gsol ba 'debs pa'o/ /gang zhes bya ba'i sgra ni gang gi tshe zhes bya ba'i don to/ /de zhes bya ba ni de'i tshe zhes bya ba'i don to/ /de bzhin gshegs pa thams cad ni sangs rgyas rnams kyi chos de nyid do/ /de rnams kyi byin gyis brlabs pa ni de rnams gang las byung ba'i 'byung gnas te de yang rang gi rig pa'i chu skyes te? lte ba'i nang du zhu ba spro ba dang bsdu ba las byung ba stan la gnas pa rang gi sa bon yin no/ /de mdzad pa ni bskyed pa ste de yang dag par bstan du gsol ci'i phyir zhe na/ de bzhin gshegs pa zhes bya ba smos pa yin te de bzhin gshegs pa thams cad ni dkyil 'khor ba thams cad do/ /de rnams kyi rdo rje dam tshig 'byung ba ni bkod pa'i khyad par ste de'i don gyi tshig ni badzra d+h+rik ces bya ba la sogs pa'i tshig go /spro ba dang bsdu ba dang rgyas btab pa dang nges par dgod pa zhes bya ba bzhi ni rdo rje dam tshig ste/ gsang ba rnams nye bar sgrub pa'i phyir ro/ /tshig gis zab pa'i che ba'i bdag nyid dang spro ba la sogs pas rgya che ba'i bdag nyid ston pa'i phyir ro/ /zhes bya bar dgongs so/ /de bzhin gshegs pa thams cad kyi bde ba dang yid bde ba gang yin pa de dag myong bar bgyi ba ni de'i rang bzhin dag de rnams kyis mthong ba dang bsgom pas nyams su myong ba'i phyir ro/ /de bzhin gshegs pa thams cad kyi ye shes lnga ste/ me long lta bu'i ye shes dang/ mnyam pa nyid kyi ye shes dang/ so sor rtog pa'i ye shes dang/ bya ba nan tan sgrub pa'i ye shes dang/ chos kyi dbyings rnam par dag pa'i ye shes so/ /mngon par shes pa drug ste/ lha'i mig dang/ lha'i rna ba dang/ gzhan gyi sems shes pa dang/ sngon gyi gnas rjes su dran pa shes pa dang/ rdzu 'phrul gyi bya ba shes pa dang/ zag pa zad pa shes pa'o/ /de dag thob cing rnyed par bgyi ba de nyid ni 'bras bu ste de'i rgyu ni de'i don du'o/ /bar gyi zhes bya ba mthar thug pa? tshig gis ni 'bras bur gyur pa'i sangs rgyas kyi chos rnams bsdus so/ /de bzhin gshegs pa thams cad kyi sku dang gsung dang thugs ste de rnams kyi rdo rje ni ro cig par zhu ba ste/ de'i rang bzhin can nyid yin pas ma de skad ces bya'o/ /zhu ba de nyid ni rig pa dang bcas par dpal mchog dang po'i tshul du mngon par rdzogs par sangs rgyas pas de bzhin gshegs pa'o/ /gsol ba btab pa mkhyen nas zhes bya ba ni gsol ba btab pa'i phyogs gcig gzigs nas te/ rig pa'i chu skyes kyi nang du de bzhin gshegs pa thams cad kyi byin gyis brlabs par 'byin par mdzad nas zhes bya ba'i don to/ /ye shes sgron ma zhes bya ba ni don dam pa gsal bar byed pas na ye shes kyang yin la sgron ma yang yin pas na ye shes sgron ma ste/ shes bya lnga dang ye shes lnga gnyis su med pa'i rnam par shes pa'i phung po ste de nyid bcom ldan 'das mi bskyod pa'o/ /de la dmigs pa'i ting nge 'dzin la yang de skad ces bya'o/ /de nyid ni mi phyed pa'i phyir rdo rje zhes bya'o/ /de la snyoms par zhugs pa ni pad+ma'i nang na gnas pa'i sa bon las rigs spro ba'i tshul gyis mi bskyod par sprul bar bzhed pa'i rnam pa can gyi thugs rtse gcig tu mdzad nas bya ba'i don to/ /zhe sdang gi rigs ni sngags kyi ting nge 'dzin rnams te de rnams kyis mchog ni nam mkha' khyab par yongs su gang ba'o/ /de'i snying po bsdus pa ni bcom ldan 'das mi bskyod pa'o/ /de'i snying po ni de kho na nyid skul bar byed pa'i sngags so/ /nyid kyi sku dang gsung dang thugs rdo rje las phyung ngo zhes bya ba la sku dang gsung dang thugs ni sems dpa' gsum mo/ /rdo rje ni ye shes sems dpa' o/ /phyung ba ni de dag dang lhan cig tu brjod pa'o/ /badzra d+h+rik ces bya ba la sogs pa'i snying po dag gi don ni go rim bzhin du le'u bco brgyad pa las ston par 'gyur ro/ /de bzhin gshegs pa thams cad kyi sku dang gsung dang thugs ni dkyil 'khor gyi bdag po'o/ /de'i rigs pas bskyed pa'i skyes bu ni rig pa'i skyes bu ste lus can gyi rig pa'i pad+ma'i nang du phyung ba'i ye shes lnga zhu ba gang yin pa de ni don dam pa nyid rig pas rig pa'o/ /rig pa bsdus pa la skyed pa'i rang gi stan la gnas pa'i sems kyi bdag nyid kyi sa bon ni skyes bu ste de ni sngar de bzhin gshegs pa thams cad kyi byin gyis brlabs pa'i sgrar gsungs pa gang yin pa'o/ /bcom ldan 'das de nyid bzhugs so/ /zhes bya ba la ji ltar de nyid yin zhe na de'i rang bzhin yin pa'i phyir te zhe sdang gi rigs mchog gi sngags rnams de las spros te bsdus nas mi bskyod pa'i sku phyag rgya chen por byas pa'i phyir ro/ /de bas na mi bskyod pa'i phyag rgya chen po yang zhal gsum pa phyag drug pa thams cad kyi sku yin la sbyor ba yang de dang mtshungs pa'i shes rab kyi sku yin zhing/ mchog gi mchog ni thugs kar nyi ma dang rdo rje dang nyi ma dang zhe sdang gi yi ge hUM ste de dag kun tu snang bar gyur pa nyid kyis bzhugs so/ /phyag rgya chen po 'di ji lta bu sbyor ba ni ji lta bu yin zhe na nag po dang dkar po dang dmar po'i tshul du ste/ sku dang rtsa ba'i zhal ni nag po'o/ /zhal g.yas pa ni dkar po'o/ /zhal g.yon pa ni dmar po'i tshul du'o/ /gang du zhe na de bzhin gshegs pa thams cad kyi sku dang gsung dang thugs rdo rje la zhes bya ba ni dkyil 'khor gyi bdag po de bzhin gshegs pa thams cad kyi bdag nyid can gyi sku dang gsung dang thugs rdo rje la'o/ /go rim bzhin du phyag rgya chen po dang/ sbyor ba dang mchog gi go 'phang dag la bzhugs pa ste mi snang bar gyur ba nyid kyis bzhugs so/ /zhes bya ba'i don to/ /gal te dkyil 'khor gyi bdag po nyid las 'byin pa yin na dkyil 'khor pa thams cad kyi rigs kyang de nyid kyi yin te bdag po'i dbye bas rigs kyi dbye bas thal bar 'gyur ro zhe na/ nyes pa 'di yod pa ma yin te rgyud 'dir bskyed pa'o/ /rigs ni ma yin no/ /'o na ci yin zhe na/ 'di'i rigs dang ldan pa'i byang chub sems dpa' rnams ni gti mug dang zhe sdang dang nga rgyal dang 'dod chags dang phrag dog rigs rnams yin la sangs rgyas rnams kyi ni zhe sdang yin te zhe sdang ni mchog dang po yin no/ /zhes bya ba ni grub pa'i mdza' can no/ /'o na zhe sdang gi rigs kyi sngags kyi mchog de spros pa gang yin pa de gang zhe na/ la la ni mi bskyod pa nyid yin no zhes 'dod do/ /gzhan dag ni de bzhin gshegs pa lnga'i tshogs khro bor gyur pa'o zhes 'dod do/ /gzhan ni khro bo'i rigs dpag tu med pa yin no zhes 'dod do/ /de bzhin du gti mug gi rigs la sogs pa la yang ci rigs par brjod par bya'o/ /de bzhin gshegs pa thams cad kyi dam tshig ni yang dag par rtogs pa ste/ gzugs kyi phung po'i bdag nyid kyis rnam par snang mdzad do/ /de 'byung ba ni skyed pa ste de la dmigs pa'i ting nge 'dzin la de skad ces bya'o/ /lhag ma ni snga ma'i rjes su 'brangs nas shes par bya'o/ /dkar po nag po dmar po'i tshul tu zhes bya ba ni sku dang rtsa ba'i zhal ni dkar po'o/ /zhal g.yas pa ni nag po'o/ /zhal g.yon pa ni dmar po'i tshul du'o/ /spyan sngar bzhugs so/ /zhes bya ba ni byung nas shar phyogs kyi pad+ma dang zla ba la bzhugs pa'o/ /de bzhin gshegs pa thams cad kyi rin po che'i 'byung ba ces bya ba la rin po che'i rnam par byung bas na rin po che 'byung ba'o/ /nor bu ni phra mo ste de yang sku dang thugs dang gsung phra mo mnyam pa nyid las byung ba'i phra mo yang yin la rdo rje dpal yang yin te/ de bas na tshor ba'i phung po'i ngo bo nyid kyi rin chen 'byung ldan te bsams ma thag tu don sna tshogs 'byor pa'i phyir yid bzhin gyi nor bu'i rigs so/ /ser po dang dmar po dang ljang gu dag gi g.yon dang g.yas kyi zhal dkar po dang nag po nyid du sbyar bar bya'o/ /de bzhin gshegs pa thams cad kyi 'dod chags chen po ni rigs pa bzhi yongs su bsdus pa'i gsang ba'i tshogs de nyid la so sor kun tu rtog pa ste de yang 'du shes kyi phung po'i bdag nyid kyi snang ba mdza' yas so/ /rdo rje ni gsang ba'i dam tshig go /de rnams kyi 'dod chags kyi ni rigs rnams so/ /'dod chags de nyid ni kun tu lta bas na gzigs pa ste de'i dbang phyug go / kun tu spyan ras gzigs dbang phyug kyang yin la rig pa chen po'i bdag po yang yin no/ /de bzhin gshegs pa thams cad ni yang dag par rtogs pa'o/ /de rnams kyi gdon mi za ba'i dam tshig ni kun tu 'gro bas 'bras bu dang bcas pa ste de yang 'du byed kyi phung po'i bdag nyid kyi don yod par grub pa'o/ /dam tshig ni kun nas rtogs pa yin la bkug pa ni 'bras bu nye bar byed pa'o/ /de bzhin gshegs pa lnga po'i sdoms ni zhe sdang zhes bya ba la sogs pa gsungs te shes pa dang shes bya gcig tu gyur pa'i rnam par shes pa'i phung po ste bcom ldan 'das mi bskyod pa'o/ /de nyid kyis na tha dad du 'byed pa'i gnyen po yin pas gnyis la zhe sdang ba'o sems tsam nyid kyis ye shes don la mi dmigs pa ni gzugs kyi phung po'i bems po yin pas gti mug ste rnam par snang mdzad do/ /de kho na nyid mtshan ma'i 'du shes kyi phung po ni 'dod chags te 'od dpag tu med pa'o/ /de bzhin zhes bya ba ni ji ltar zhe sdang gti mug dang 'dod chags rnams nyon mongs pa yin pa bzhin du yid bzhin gyi nor bu dang dam tshig kyang ngo/ /yid bzhin gyi nor bu ni ye shes tsam du rig pa'i tshor ba'i phung po'o/ /de yang nga rgyal dang dregs pa ste ngar rlom pa'i rang bzhin yin pa'i phyir ro/ /dam tshig ni 'du byed kyi phung po ste gtong ba dang yang dag par mtshon pa dang bdag nyid can zhes bya ba'i dbang du byas nas lhag ma mi mngon pas de nyid phrag dog go /sngar rtogs pa 'di rnams ni rang rang gi sngags kyi lha rnams kyi rigs yin te rigs su gyur pa rnams zhes bya ba'i don to/ /'di ltar rigs ni dang po'i rgyud do/ /rgyud kyang sngags rnams kyi byang chub kyi sems so/ /de yang dbyer mi phyed pas thog ma dang tha ma med pa'i chos kyi dbyings yin la dbye na rnam pa lnga'o/ gnyis su rtogs pa thams cad nye bar zhi bas na zhi ba'o/ /chos dang chos nyid du snang ba nub pa'i phyir dngos po dang dngos po med par zad pa'o/ /dus gsum gyi sangs rgyas rnams gsang ba ro gcig pa nyid kyis na gtso bo'o/ /yang dag pa la so sor rtog pa'i phyir stong pa nyid mi phyed pa'o/ /sna tshogs pa'i don mdzad pa'i phyir snying rje mi phyed pa'o/ /de skad du yang thog ma tha ma med zhi ba/ /dngos dang dngos med zad pa'i gtso/ /stong nyid snying rje mi phyed pa/ /byang chub sems shes bshad pa yin/ /zhes 'chad par 'gyur ro/ /zhi ba la sogs pa lnga po 'di dag gti mug dang zhe sdang dang/ 'dod chags dang nga rgyal dang phrag dog nyid yin pa de bas na rigs lnga po yin no/ /'dod dang thar pa rab sgrub pa zhes pa ni 'dod chags dang zhe sdang gti mug rang bzhin dang ldan pa sna tshogs la khyab pa'i sems ni 'dod pa'o/ /de yang don yod par grub pa ste 'bad pa dang bcas pa'i thams cad mkhyen pa'o/ /de las 'bad pa med pa'i thams cad mkhyen pa ni thar pa'o/ /de'i rab sgrub pa ni skyed pa'o/ /mdor bsdu na rigs gsum du 'gyur te gti mug dang zhe sdang dang 'dod chags so/ /'dod chags ni shes rab ste de yang bla na med pa'i bde ba'i tshogs nyams su myong ba dang yongs su gcod pa dang kun tu gtong pa'i mtshan nyid kyi phung po gsum mo/ /de la gti mug ni don dmigs su med pas rnam par thar ba'i sgo stong pa nyid do/ /zhe sdang ni smin cing mngon par zhen pa'i gnyen po yin pas smon pa med pa'o/ /'dod chags gsum ni bdag dang gzhan du 'byed pa'i mtshan ma der nus pas mtshan ma med pa'o/ /de ltar gnas pa'i rigs lnga dang rigs gsum gyi de kho na nyid la sku mdog dang zhal gyi rigs pa rnams kyang mnyam par gyis shig /gang gi phyir rmongs pas don la mi dmigs pa'i phyir sems 'ba' zhig snang la 'ba' zhig pa nyid ni dag pa nyid do/ /dag pa nyid ni gtsang ba nyid do/ /gtsang ba dang dkar ba zhes bya ba ni rnam grangs yin pa de'i phyir rnam par snang mdzad ni dkar po yin no/ /gang gi phyir zhe sdang gis ni khams gsum las sems 'dren par byed pa de bas na mi bskyod pa ste 'dren par byed pa'i phyir nag po'o/ /gang gi phyir mnyam pa nyid kyi ye shes kyis ni bde bas sems tshim par byed ba de bas rin chen dpal te tshim par byed pa'i phyir ser po'o/ / gang gi phyir chags pas na sems dngos po la sgyur bar byed pa de bas na 'od dpag tu med pa ni dmar po yin no/ /gang gi phyir dam tshig gis sems can thams cad du 'gro bar byed pa de bas na don yod grub pa ste 'gro bar byed pa'i ljang khu'o/ /de nyid kyi phyir stong pa nyid kyi zhal ni dkar po'o/ /smon pa med pa'i zhal ni nag po'o/ /mtshan ma med pa'i zhal ni dmar po'o/ /ji ltar rig pa bzhin du gti mug la sogs pa skye ba yin pa de ltar na rim pa de nyid kyis sku mdog dang zhal dang ldan pa yin no/ /thams cad kyi rtsa ba'i zhal ni sku dang 'dra ba yin pa'i phyir ro/ /de la dang po gti mug ni dkar po ste de'i zhal dbus ma dkar po yin la g.yas pa ni nag po g.yon pa ni dmar po'o/ /gti mug gi zhal rnams kyi 'brel? pa grub pa yin te thams cad du rigs pa nyid kyis thog ma nyid yin pa'i phyir ro/ /de nas zhe sdang la sogs pa'i zhal dkar po ni gnas 'phrog par byed pa'i gnas su 'pho ba yin te/ zhe sdang nag po de'i nag po ni dkar po'i gnas dbus ma la yin la nag po'i gnas g.yas su ni dkar po yin zhing g.yon pa ni dmar po nyid do/ /ser po dang dmar po dang ljang gu dag gis mtshan ma med pa'i zhal de dag ni go rim bzhin dbus ma dkar po'i gnas la ser po dang dmar po dang ljang khu nyid yin la mtshan ma med pa'i gnas g.yon pa la ni dkar po yin te lhag ma g.yas pa ni nag po'o/ /ji ltar sangs rgyas rnams la zhal gsum mnga' ba de bzhin du de las gzhan rnams kyi yang kha dog de dag yin te/ 'dir tshigs su bcad pa ni/ rgyal ba rnams kyi sku mdog lnga/ /dkar nag ser dang dmar ljang 'gyur/ /sems 'ba' zhig dang 'dren byed dang/ /tshim 'gyur 'tshod dang 'gro bar byed/ /dkar min g.yas dkar dkar ba'i nag /de dag gi ni g.yon pa dmar po ste/ / ser dang dmar dang ljang ba dag gi ni/ /g.yas pa dkar min g.yon pa dkar po yin/ /dkar dang dkar min gzhan rnams rtsa ba'i zhal/ /sku dang 'dra dang g.yas dang g.yon gyi ni/ /sngo dmar dang ni dkar dang dmar po dang/ /sngo dang dkar po dag tu shes par bya/ /gang phyir dkar min dang ni chags can gsum/ /dkar dbus zhal gyis gnas ni 'phrog byed pas/ /gnas 'phrog byed pa'i gnas su 'pho rim pas/ /rgyud la dkar nag zhal ni sbyar bar bya/ /spyan dang mA ma kI'i tshig gi gzhung ni go rim 'tshol bar yod pas na de la spyan gyi gzhung dang po blta bar bya la de'i 'og tu mA ma kI'i gzhung yin par blta bar bya ste gti mug bzhin du gti mug dga' ma yang dang po nyid yin pa'i phyir te/ dper na dris pa'i dkyil 'khor lta bu'o/ /de nas zhes bya ba ni don yod par grub pa bkod pa'i rjes thogs nyid la'o/ /de bzhin gshegs pa thams cad ni gang de bzhin gshegs pa'i sku yin pa de ni de bzhin gshegs pa thams cad de de nyid gti mug rdo rje ste de yang lus mnyam pa nyid du dmigs pa'i zhi gnas so/ /de'i rjes su mnyes par byed pa ni rnam par spyad na sems tsam nyid du mnyam par blta ba'i lhag mthong ste/ de rnams kyi gzugs kyi de kho na nyid la blta ba'i sangs rgyas kyi spyan no/ /de la dmigs pa'i ting nge 'dzin la de skad ces bya'o/ /de nyid ni mi phyed pas na rdo rje'o/ /de bzhin gshegs pa thams cad ni gti mug rdo rje'o/ /de'i btsun mo'i mchog ni sdug pa'i gtso mo ste/ shin tu yang longs spyod du gyur pa'o/ spyan gyi snying po ni 'dir spyan yin pa de nyid kyis na mo ha ra ti zhes bya'o/ /bud med kyi gzugs 'dzin par 'gyur te/ zhes bya ba ni rigs spros pa dang/ bsdus ba dang rgyas btab pa las lha mo can gyi gzugs su gyur te'o/ /gang du zhe na/ shar phyogs kyi grar bzhugs so/ /zhes snga ma dang sbyar te shar gyi de ma thag grwar ni shar gyi grwar te me'i phyogs su shes bya ba'i don to/ /de nas zhes bya ba ni spyan bkod pa'i rdo rjes thogs la'o/ /de bzhin gshegs pa thams cad kyi rdo rje ni sems so/ /de 'dzin pa ni 'dzin par byed pa'i zhi gnas te zhe sdang rdo rje'o/ /de rjes su mnyes pa ni rnam par spyod na 'dzin pa po med pas mnyam pa nyid du lta ba'i lhag mthong ste mA ma kI'o/ /'di ltar sangs rgyas rnams kyi thugs ni bdag ste de la rigs pas na mA ma kI'o/ /de la dmigs pa'i ting nge 'dzin la de skad ces bya'o/ /de nyid ni dam tshig ste 'da' bar bya ba ma yin pa nyid kyi phyir ro/ /bud med kyi gzugs 'dzin par gyur te zhes bya ba ni snga ma bzhin du mA ma kI'i gzugs su gyur te'o/ /gang du zhe na/ lho phyogs kyi grwar bzhugs so zhes 'og ma dang sbyar te lho phyogs kyi de ma thag pa'i grwar ni bden bral gyi phyogs su zhes bya ba'i don to/ /'dod chags ni chos so/ /de la ni zhi gnas te 'dod chags rdo rje'o// de rjes su chags par byed pa ni dag la rnam par spyad pas brjod du med par mnyam par lta ba'i lhag mthong ste/ chos la mkhas pa nyid kyi gos dkar mo'o/ /de bzhin gshegs pa thams cad kyi sku dang gsung dang thugs ni sku la sogs pa mnyam par dmigs pa'i zhi gnas te dam tshig rdo rje shes rab 'dzin pa'o/ /de'i bslu ba ni rnam par spyad na bsdu ba ste rang bzhin med par mnyam par blta ba'i ye shes te lam du brgal bas na sgrol ma'o/ /de la dmigs pa'i ting nge 'dzin la de skad ces bya'o/ /shes rab 'chang ba ni shes rab 'chang ba ste/ dam tshig rdo rje'o/ /sdom pa ni de bzhin gshegs pa thams cad kyi zhes bya ba la sogs pa gsum de bzhin gshegs pa thams cad kyi btsun mo'i mchog nyid phun sum tshogs pa ste/ sku dang gsung dang thugs kyi bde ba'i mchog ces bya ba'i don te gsum gyi bde ba mchog phun sum tshogs zhes gsungs pa'i phyir ro/ /bzhi po 'di dag ni go rim bzhin du sku mdog dkar po dang nag po dang dmar po dang ser po dag yin no/ /rnam par snang mdzad ni de bzhin gshegs pa rtag pa'i sku'o/ /de'i rdo rje ni mi mthun pa'i phyogs thar byed pa'i ye shes so/ /de yang bcom ldan 'das gshin rje gshed de de'i sprul bar bzhed pa'i rnam pa can nyid yin pa'i phyir de la dmigs pa'i ting nge 'dzin la de skad ces bya'o/ /de bzhin gshegs pa thams cad ni sangs rgyas kyi sku dag go /de rnams kyi dkyil 'khor ni mngon par 'dod pa thams cad do/ /de'i byin gyis brlabs pa ni bsrung ba ste gshin rje gshed nyid do/ /de bzhin gshegs pa thams cad bsnyengs par byed pa ni rang gi mi mthun pa'i phyogs 'jigs par byed pa yin la de nyid ni gshin rje bshed do/ /tshul des bzhugs so zhes bya ba ste g.yon brkyang ba'i gnas pas tshar gcod pas bzhugs pa'o/ /de bzhin gshegs pa thams cad kyis mngon par byang chub pa ni thugs so/ /de'i rdo rje ni mi mthun pa'i phyogs zad par byed pa'i ye shes te de yang shes rab mthar byed do/ /de bzhin gshegs pa thams cad kyi dkyil 'khor ni thugs kyi bdag nyid can no/ /rdo rje ni de bzhin gshegs pa rnams so/ /de'i dam tshig ni thugs so/ /de dag bsnyengs par byed pa ni rang gi mi mthun pa'i phyogs skrag par byed pa ste shes rab mthar byed do/ /de bzhin gshegs pa thams cad kyi chos rin po che ni shin tu rnam par dag pa'i gsung ngo/ /de rnams kyi 'byung gnas de'i mi mthun pa'i phyogs mthar byed pa yin pa'i phyir te de yang pad+ma mthar byed pa yin no/ /de bzhin gshegs pa thams cad kyi 'dod chags 'chang ba'i dkyil 'khor ni gsung gi bdag nyid can no/ /de bzhin gshegs pa thams cad kyi gsung gi pad+ma mthar byed do/ /de bzhin gshegs pa thams cad kyi sku dang gsung dang thugs de rnams kyi rdo rje ni bgegs mthar byed do/ /de bzhin gshegs pa thams cad kyi sku dang gsung dang thugs ni bgegs mthar byed de sku dang gsung dang thugs bsrung ba yin pa'i phyir ro/ /sdom ni de bzhin gshegs pa zhes bya ba la sogs pa gsungs te/ de bzhin gshegs pa thams cad kyi sku dang gsung dang thugs de rnams kyis mnyes par byed pa ni rangs par byas pa ste mi mthun pa'i phyogs zad par byed pa'i phyir ro/ /de'i don gyi dkyil 'khor gyi dam tshig sems dpa' ni 'da' bar mi bya ba'i skyes bu yin bzhi po 'di dag ni go rim bzhin du nag po dang dkar po dang dmar po dang nag po yin no/ /de ltar lha bcu gsum po de dag dkyil 'khor 'di la gnas ji lta ba bzhin du dgod par bya'o/ /gzhan gzugs rdo rje la sogs pa mchod pa'i lha mo drug po mtshams drug du dgod par bya ste/ 'di ltar dkyil 'khor chen po ni mchod pa dang bral bar rig pa ma yin no zhes sngon gyi slob dpon dag 'dod do/ /'di ltar le'u bcu drug pa las kyang sku gsung thugs kyi rdo rje mchog /grwa rnams kun tu dgod par bya/ /zhes 'byung ste/ de la sku'i rdo rje'i mchog ma ni spyan no/ /gsung gi rdo rje'i mchog ma ni gos dkar mo'o/ /thugs rdo rje'i mchog ma ni mA ma kI'i/ /sku dang gsung dang thugs rdo rje'i mchog ma ni mchod pa'i lha mo dang sgrol ma ste bdun no/ /gzhan dag na re rtsa ba'i sgo'i ngos gnyis su lha mo dgod pa bzhin du sgo thams cad du yang ste de la sku ni sa'i snying po'o/ /gsung ni 'jig rten dbang phyug go /thugs ni phyag na rdo rje'o/ /rdo rje gsum bsdus pas ni rdo rje ste nam mkha' i snying po dang sgrib pa sel ba dang kun tu bzang po'o/ /mchog ni lta mo bcu ste sku gsung thugs kyi rdo rje mchog gi sgras ni bcu drug gzung ste grwa kun tu dgod par bzung ngo/ /gzhan du na kun zhes smos pa'i don med par 'gyur/ /de dag kyang gleng gzhi'i gzhung dang dkyil 'khor chen po'i bstod pa las nges par byas pa yin no/ /gzugs la sogs pa lnga dang sa'i snying po la sogs pa lnga'i sku'i sku mdog ni de bzhin gshegs pa lnga dang 'dra'o/ /rdo rje 'chang dang chos kyi dbyings dang kun tu bzang po'i yang rnam par snang mdzad kyi dang 'dra'o/ /rgyud 'dir yang lha thams cad phyag drug dang phyag mtshan lnga can te/ le'u bcu gsum pa las rdo rje phyag drug mtshon cha ni/ /bzang po sna tshogs bsnams par bsgom/ /zhes gsungs pa'i phyir ro/ /lha rnams kyi phyag mtshan re re gsungs pa gang yin pa de yang de rnams kyis khyad par gyis phyag mtshan yin par rig te lhag ma bzhi ni rigs pas shes par bya'o/ /de la rigs pas ni 'di yin te/ le'u bcu gsum pa las phyag mtshan rnams kyi dang po bstan pa de ni de rnams kyi gtso bo bsten pa'i don to/ /de yang de bzhin gshegs pa lnga po yin no/ /de bas na de bzhin gshegs pa'i phyag mtshan rnams kyang ci rigs par lha rnams kyi phyag la brje bar bya'o/ /de la mi bskyod pa'i ni chos kyi dbyings kyi ye shes kyi rang bzhin nyid yin pa'i phyir chos kyi dbyings kyang phyag mtshan yin la de'i ye shes kyang yin te/ le'u bcu gsum pa las/ tshogs nyid dang ni ldan pa yis/ /mi bskyod pa yi rgya mchog dang/ /zhes gsungs pa'i phyir ro/ /de bas na de'i phyag mtshan 'di gnyi ga gzhan dag la yang sbyar bar bya ste/ shes rab dang ye shes la brten pa nyid kyis ni shin tu gtso bo nyid yin pa'i phyir ro/ /de bas na thabs kyi rang bzhin gyi lha rnams rtsa ba'i phyag gnyis kyis shes rab la 'khyud pa can yin la shes rab kyi rang bzhin yang de gnyis kyis thabs las 'khyud pa can yin no/ /thams cad kyis g.yas pa'i gnyis pas khyad par gyi phyag mtshan bsnams pa yin la cig shos gsum la ni gsum ste de la g.yas pa'i gsum pas ni ral gri'o/ /g.yon la ni go rim bzhin du nor bu dang pad+ma'o/ /gnas 'phrog par byed pa'i gnas la ni 'khor lo yin te gti mug nyid kyis dang po yin pa'i phyir ro/ /gang dag la khyad par gyi mtshan ma 'khor lo med pa de dag gi thun mong du gti mug gi mtshan ma lus nyid yin no/ /chos kyi dbyings ni ma yin te de dag gi nang nas rtsa ba'i phyag gnyis 'khyud pa nyid kyi phyir ro/ /rdo rje can dag gi g.yas kyi gnyis pa la rdo rje'o/ /chos kyi dbyings kyi ni chos 'byung ba'i phyag rgya ste khyad par gyi phyag mtshan gyi don yin no/ /sku mdog gi rigs pa ni sngar bshad zin to/ /rnam par dag pa'i dbye ba ni la lar rnam pa gzhan du yang 'gyur ro/ /'dir tshigs su bcad pa ni/ /'khor lo nam mkha' i dbyings dang rdo rje dang/ /nor bu 'dam skyes ral gri phyag mtshan yin/ /rtsa ba'i phyag gnyis yid 'ong gis mtshan can/ /g.yas pa'i gnyis pas kyang ni rang phyag mtshan can/ /gsum la cig shos rnams te g.yas ral gri/ /yid 'ong ldan phyir rdo rje nam mkha' min/ /zhal dkar sems kyi dbang phyug 'khor lo ni/ /gnas 'brog byed ba'i gnas su 'gro bar byed/ /snying po mtshan ma sems dang 'dra ba ste/ /ral gri nam mkha' lta bur sngo pa dang/ /nor bu cha dgu pa can ljang gu'i mdog /dung chos nya phyis ri bong can bzhin dkar/ /dang po'i rdo rje dmar ba'i rang bzhin can/ yid rang yid yul rdo rje 'chang dkar po/ /sgo gnas sngo dkar dmar dang sngon po dang/ /sgrol ma gser mdog rnam dag dbye phyir ro/ /zhes bya ba yin no/ /le'u 'di'i bsdus pa'i don ni 'di yin te/ rgyud 'dir bsgom pa dang/ bzlas pa'i d bang thob pa mos pa bstan pa byang chub sems brtan pa dkon mchog gsum la gcig tu skyabs su song ba bla ma dang rdo rje 'chang la tha mi dad par mos pa blo gros dang ldan pa khengs pa med pa snying rje dang ldan pa dngos grub kyi mchog 'dod pa gang yin pa des bsod nams dang ye shes kyi tshogs dag nye bar bsags pa'i phyir dang rnal 'byor dbang du bya ba'i phyir dang por sgrub pa'i sgrub pa chen po la yun ring du mngon par brtson par bya'o/ /gang gi tshe rdo rje sems dpa' i rnal 'byor byed par 'dod na de'i tshe des dang por nang par gyi dus rang gi snying ga'i zla ba la de'i sa bon 'od zer gyi phreng ba can bsams la gdong bkru ba la sogs pa bya'o/ /de'i 'og tu bdud rtsi thabs sbyor gyi sngags kyis gnas dang bdag dang rnal 'byor bsrung ba byas ba bsam gtan gyi khang pa yang tsan dan bzang po la sogs pa dang me tog gi bcal bkram pas gtsang zhing dri zhim par byas pa 'am/ de ltar mos par byas nas bzhugs te/ stan pa de ba la ' dug nas phyogs bcu'i 'jig rten gyi khams thams cad kyi de bzhin gshegs pa byang chub sems dpa' i tshogs dang bcas pa thams cad mngon sum dang 'dra bar bsams te de rnams la dad pa'i nyams rgyun mi 'chad par bskyed de de rnams kyi bla na med pa'i mchod pa rnam pa bdun po sangs rgyas thams cad la lus dang ngag dang yid kyis phyag 'tshal lo/ /sangs rgyas thams cad la mchod pa rgya chen po thams cad kyis mchod par bgyi'o/ /sangs rgyas dang byang chub sems dpa' thams cad la bdag gis sdig pa thams cad so sor bshags par bgyi'o/ /sangs rgyas dang byang chub sems dpa' dang 'phags pa dang so sor skye bo thams cad kyi dge ba thams cad la rjes su yi rang bar bgyi'o/ /mngon par rdzogs par sangs rgyas nas ring po ma lon pa'i sangs rgyas thams cad la chos kyi 'khor lo bskor ba'i phyir bskul bar bya'o/ /yongs su mya ngan las 'das bar bzhed pa'i sangs rgyas la bskal ba mang por bzhugs pa'i phyir gsol ba gdab par bgyi'o/ /bdag gi mchod pa rnam pa drug gi rang bzhin can dang dge ba gzhan gang yin pa de dag thams cad cho ga bzhin du bla na med pa yang dag par rdzogs pa'i byang chub tu bsngo bar bgyi'o/ /zhes bya ba de dag bya'o/ /de nas skyabs su 'gro bar bya ste chos thams cad la dbang sgyur bar sangs rgyas thams cad la byang chub kyi bar du skyabs su mchi'o/ /rnam pa thams cad pa'i theg pa chen po'i chos la skyabs su mchi'o/ /phyir mi ldog pa'i byang chub sems dpa' i tshogs kyi dge 'dun la skyabs su mchi'o/ /de nas byang chub tu sems bskyed par bya te/ kye ma'o bdag gis bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can thams cad kyi don shin tu mya ngan las 'das pa'i mthar thug pa dang de bzhin gshegs pa'i ye shes kyi bar la de dag bzhag par bgyi'o/ /de nas bdag nyid kyi dngos po dbul bar bya ste sangs rgyas dang byang chub sems dpa' thams cad la bdag nyid kyi dngos po 'bul gyis mgon po ji ltar bzhed par mdzad par bya ba'i phyir bdag so sor bzhes su gsol/ de nas lam gnas par bya ba ni 'di lta ste/ de bzhin gshegs pa thams cad kyi gsang ba 'dus pa bla na med pa'i byang chub kyi lam la bdag gnas par bgyi'o/ /de nas 'gro ba'i 'jig rten sdug bsngal gyi rang bzhin du rnam par bsams la de yongs su skyab pa'i bsam pa'i rnam pa can gyi snying rje bsgom par bya'o/ /de nas sems tsam yin no zhes shes par byas la 'khrul pa'i mtshan ma gnyis su snang ba spangs nas gcig tu nam mkha' i mdza' yas pa dri ma med pa lta bur 'gro ba thams cad bltas te/ aoM shU n+ya tA dz+nyA na badzra swa b+hA ba At+ma konyahaM zhes bya ba 'dis kyang bstan par bya'o/ /don dam pa'i byang chub kyi sems 'di ni nyon mongs pa dang rnam par rtog pa'i bgegs ma lus par nges par zlog par byed pa de ni sngags kyi don la thams cad sgom pa'i rnam par dag pa rdzogs par byed pa'i rgyur gyur pa yin no/ /de las kyang lhag par bsrung ba'i don du yi ge b+h+ruM las 'khor lo dmar ser rtsibs bcu rgya che ba'i phyogs kyi rtsibs la sgo srungs rnams dang/ mtshams kyi rtsibs rnams la 'dod pa'i rgyal po dang/ dbyug sngon dang stobs po che dang mi g.yo ba dang steng gi rtsibs la 'khor los sgyur ba dang/ 'og gi rtsibs la gnod mdzes rdo rje dang lte bar rang gi lha la sogs pas byin gyis brlabs pa myur du 'khor bar bsgom par bya zhing khro bo 'bar ba spros pa rnams kyis kyang phyogs thams cad du bgegs kyi rigs kyi tshogs bskrad pa rnam par bsam par bya'o/ /de nas bgegs rnams shin tu mi 'byung bar mos par byas la ston ka'i zla ba ltar dkar ba'i chos 'byung 'og phra zhing stod yangs pa gru gsum pa nam mkha' nang du chud par bsam par bya'o/ /de'i dbus su sna tshogs 'dab ma can gyi pad+ma'i lte ba la gnas pa'i sna tshogs rdo rje de'i lte ba la zla ba dang 'khor lo dang/ yi ge b+h+ruM dang nor bu las spros pa'i ye shes kyi rgya mtsho bsdus pa las byung ba rig pa'i rgyal mo'i tshogs su gyur pa las sna tshogs pa'i 'od zer can nor bu'i rang bzhin gyi gzhal yas khang thar pa chen po'i grong gi rang bzhin can zur bzhi dang bsgo bzhi pa rta babs bzhi yis rnam par brgyan/ /kha khyer bzhi dang yang dag ldan/ /sangs rgyas rigs 'phros dkrugs pa can/ /gar dang glu dang sil snyan la sogs pa'i mchod pa dam pa thogs pa'i lha mo'i tshogs sgeg pa'i mgon dang bcas pa'i kha khyer bzhi dang ldan pa rdo rje phreng bas yongs su bskor ba ka ba brgyad kyis rnam par spras pa zlum po ni nang gi rim pa'o/ /bla re dang dra ba dang dra ba phyed pas mdzes pa rnga yab yid du 'ong ba dang me long dang dar dang me tog gi chun 'phyang gis brgyan pa/ ba dan sna tshogs pa dpyangs pa rlung gis bskyod ba'i dril bu'i sgras phyogs kyis tshogs sgra dang bcas pa can dpe med pa'i mchod pa rnam pa lnga dang/ 'dod pa'i yon tan lngas rnam par mdzes dang 'jig rten gyi khams ma lus pa'i nang na kha dog rnam pa lnga 'phro ba'i 'od kyis gsal bar byed pa lha rnams kyi gnas su sna tshogs pad+ma'i 'dab ma la gnas pa'i zla ba dang nyi mar nye bar brtags pa'i gdan can bsgom par bya'o/ /'dir gti mug spangs pa'i sangs rgyas dang khro bo rnams kyi khyad par du 'od dang gdan ni nyi ma yin/ lhag ma zla ba'i dkyil 'khor ro zhes bshad do/ /de ni 'dir dbus dang mdun du zla ba ste/ logs gsum du ni nyi ma'o/ /mtshams rnams kun tu zla ba ste/ /sgo bzhi dag la nyi ma yin zhes bshad do/ /de nas dbus su gnas pa'i zla ba'i dkyil 'khor la sangs rgyas rnams kyi yon tan gyi sa bon dbyangs kyi yi ge dkar po bcu drug yongs su gyur pa las zla ba'i dkyil 'khor rgyas par gyur pa ni me long lta bu'i ye shes kyi bdag nyid can no/ /de'i dbus s u gsal bya'i yi ge dkar po sum cu rtsa bzhi'i rnam pa sangs rgyas kyi yon tan thams cad kyi yi ge hUM dkar po dang bcas pa yongs su gyur ba byung ba pad+ma rwa ga ltar dmar ba dang po'i rdo rje ni mnyam pa nyid kyi ye shes kyi bdag nyid can no/ /de'i lte ba la yi ge hUM de nyid ni mnyam pa nyid la nges par spyod pa nyid kyi phyir so sor rtog pa'i ye shes kyi bdag nyid can no/ /'od zer des dkyil 'khor pa thams cad kyi mchog spro ba dang bsdus pa ni bya ba nan tan tan bsgrub ba'i ye shes kyi bdag nyid can yin par bsgoms nas zla ba dang rdo rje dang sngags yongs su gyur pa las byung ba'i sku chos kyi dbyings shin tu rnam par dag pa'i ye shes kyi bdag nyid can no/ bcom ldan 'das dang po'i skyes bu ston ka'i zla ba ltar dkar pa zhal dkar ba dang sngo ba dang dmar pa can rtsa ba'i phyag gnyis kyis rang snang ba'i rig pa la yongs su 'khyud pa/ phyag cig shes bzhis rdo rje dang ral gri dang nor bu dang pad+ma bsnams pa ma mchu 'jib pa dmar pos spros pa 'od zer can bdag nyid kyi thugs ka la zla ba dang rdo rje dang sa bon gyis byin gyis brlabs pa mi bskyod pa dang bcas pa'i rin po che'i cod ban lha'i rgyan dang na bza' can bsgom par bya'o de nas 'dod chags/ c hen po'i tshul gyis ting nge 'dzin la snyoms par zhugs te de bzhin gshegs pa thams cad bdag la bcug nas de dag nyid las lha mo spros te rang gi rig pa'i nang du chud par byas la pad+ma'i lte ba'i nang du phyag rgya bzhi yongs su gyur pa'i dam tshig chen po'i dkyil 'khor gyi phyi'i dkyil 'khor dang 'dra ba dbus su sna tshogs pad+ma zla ba'i gdan lnga dang ldan par bsams la/ nam mkha' la yang skye bar 'gyur ba'i rdo rje 'dzin pa'i ye shes sems dpa' de'i rnam pa can rigs lnga'i tshogs kyis yongs su bskor ba bltas la de bkug ste dam tshig chen po'i dkyil 'khor gyi zla ba la dgod do/ /rigs lnga'i tshogs ni dga' ? bsdus la gos dkar mo gnyis gcig tu byas te de'i ngos bzhi'i zla ba la dgod do/ /de nas rang gi snying ga'i de bzhin gshegs pa lnga bzhugs pa zhu bas bdag nyid 'khor dang bcas pa dbang bskur nas ba spu'i bu ga la sogs pa'i khang bu las zhugs pa'i chu des zhu bar gyur la/ de bzhin du dkyil 'khor pa thams cad zhu bar gyur pa de'i 'od kyis yab dang yum dag ro gcig par zhu bar gyur te/ sgrib pa med cing dag pa'i nam mkha' i dbyings kyi rang bzhin can shin tu dkar ba'i zla ba'i dkyil 'khor stug po'i rnam par bdag nyid zla ba'i dkyil 'khor la gnas par bsam par bya'o/ /de'i 'od zer phyogs bcur rnam par 'phros pas sems can gyi 'jig rten ma lus pa dbang bskur te yongs su bskyang bar bya'o/ /da'i 'og tu ting nge 'dzin de las bslang bar bya ba'i phyir 'bad rtsol med par mA ma kI la sogs pa lha mo bzhis bskul ba'i glus bskul bar bsam par bya'o/ /sems can khams ni gnas kyi dbang phyug khyod ni rdo rje'i thugs/ /dga' ba yid 'ong don chen 'dod pas bdag la skyab du gsol/ /mgon po gal te de ring bdag ni gson par mchis bzhed na/ /sems can yab chen gnyen mchog bdag la dgyes par mdzad du gsol/ rdo rje'i sku khyod bka' yi 'khor lo sems can kun la phan/ sangs rgyas don du byang chub don dam rjes su phan don pa/ /mgon po gal te de ring bdag ni gson par mchi bzhed na/ /sems can yab chen gnyen mchog bdag la dgyes par mdzad du gsol/ rdo rje'i sku khyod bka' yi 'khor lo sems can kun la phan/ /sangs rgyas don du byang chub don dam rjes su phan ston pa/ mgon po gal te de ring bdag ni gson par mchis bzhed na/ /'dod chags dam tshig chags pas bdag la dgyes par mdzad du gsol/ /khyod ni rdo rje'i gsung ste kun la phan zhing thugs brtse ba/ /'jig rten dag gis dgos pa'i don mdzad pa la rtag tu brtson/ /mgon po gal te di ring bdag ni gson par mchis bzhed na/ /rab dga' i spyod pa kun tu bzang po bdag la dgyes par mdzad du gsol/ /khyod ni rdo rje'i 'dod pa dam tshig mchog gi phan yon che/ /yang dag rdzogs sangs rgyas kyi gdung mchog mnyam nyid rjes brtse ba/ /mgon po gal te de ring bdag ni gson par mchis bzhed na/ yon tan rin chen mang po'i gter gyur bdag la dgyes par mdzad du gsol/ /de nas glu'i ngor mdzad nas zhu ba bsdus pa las byung ba'i zla ba'i dkyil 'khor la gnas pa'i dang po'i sa bon bsam pa de las byung ba'i dang po'i rdo rje'i de'i snying po can sgoms nas snga ma bzhin du spro ba dang bsdu ba la sogs pa'i rim gyis rig pa dang bcas pa'i rdo rje 'dzin pa'i rnam par bdag nyid gyur par bsam par bya'o/ /rang bzhin dag cing bdag med pa/ /chos kyi dbyings ni gnas med pa/ /rtog pa'i rdo rje las byung ba'i/ /smra bar byed pa smra ma yin/ /zhes bya ba'i tshigs su bcad pa 'dis de'i snying po'i rdo rje mnyam pa nyid du lhag par mos par bya'o/ /de'i 'og tu mig dang/ rna ba dang/ sna dang/ lci dang/ lus dang/ yid la go rim bzhin du k+ShaM dzraM khaM baM/ ShAM saM zhes bya ba'i 'od 'phro ba can de dag gis rnam par sbyangs la/ de yongs su gyur pa'i sa'i snying po dang phyag na rdo rje dang nam mkha' i snying po dang 'jig rten dbang phyug dang/ sgrib pa thams cad rnam par sel ba dang/ kun tu bzang po zla ba'i gdan dang zla ba'i 'od mnga' ba/ go rim bzhin du rnam par snang mdzad dang mi bskyod pa dang rin chen dpal dang gsung gi dbang phyug dang don yod grub pa dang dpal mchog dang po'i rnams dang sku mdog dang zhal dang phyag mtshan mtshungs pa rin po che'i cod pan can rig pa dang bcas pa byin gyis brlabs par bya'o/ /de'i 'og tu thugs ka'i zla ba la rang gi mtshan mdang sa bon yongs su gyur p a las dam tshig sems dpa' i rnam pa can gyi ye shes sems dpa' i thugs ka la zla ba dang rdo rje dang sa bon gyis byin gyis brlabs pa bsams nas de'i 'og tu logs su zla ba'i dkyil 'khor la rdo rje dang sa bon yongs su gyur pa'i thugs rdo r je phyag na rdo rje lta bu thugs kar zla ba dang rdo rje dang sa bon gyis byin gyis brlabs pa bsams nas de bzhin gshegs pa thams cad kyi thugs rdo rje yang dgug pa dang gzhug pa dang bcing ba dang dbang du byas shing des byin gyis brlabs la/ aoM sarba ta thA ga ta tsit+ta badzra swA b+hA ba At+ma konyahaM zhes bya bas nges brtan par bya'o/ /de bzhin du spyi bor zla ba'i dkyil 'khor la 'khor lo dang/ aoM las byung ba'i sku rdo rje sa'i snying po bsams nas de bzhin gshegs pa thams cad kyi sku rdo rje byin gyis brlabs la/ aoM sarba ta thA ga ta k+Sha ya badzra swa b+hA ba At+ma konyahaM zhes bya bas brtan par bya'o/ /de bzhin du lkog mar zla ba dang pad+ma dang/ Ade bzhin gshegs pa thams cad kyi gsung gi rdo rjes byin gyis brlabs la/ aoM sarba ta thA ga tA bAka badzra swa b+hA ba At+ma konyahaM zhes bya bas brtan par bya'o/ /de nas ye shes sems dpa' thugs ka'i sa bon gyi 'od zer gyis yang d ag par bskul ba'i phyogs bcu'i de bzhin gshegs pa thams cad nam mkha' i ngos la byon pa rnams kyi thugs ka'i sa bon gyi 'od zer las byung ba'i rig pa'i lha mo rnams kyis ci rigs par phyag na gdugs dang phyag mtshan dang rol mo dang rin po che'i bum pa la sogs pa thogs pa rnams kyi dri ba med pa'i ye shes kyi chu sa bdag nyid dbang bskur bar gyur pa dang de las byung ba'i rig pa dang bcas pa mi bskyod pa dang bcas pa rin po che'i cod pan bsam par bya'o/ /de'i 'og tu mdun gyi gdan la rigs kyi rig pa thugs ka'i phyag mtshan dang sa bon tsam las bskyed de mngon par phyogs par byas la snga ma bzhin du mig dang lus la sogs pa byin gyis brlabs la/ de bzhin du dbang bskur la chags pa dang bcas shing chags pa dang bcas pa'i mig gis blta ba bsams la rang gi rig pa dang gnyis su med par bya'o/ /de nas de'i spyi bo dang snying ga dang lte ba dang gsang ba dang brla rtse rnams la go rim bzhin du/ a oM hUM swA Atu/ aoM Apar bya'o de nas/ a nu rA ga ya mi hUM zhes brjod la dga' ba brtsam par bya ba dang/ de bzhin gshegs pa thams cad kyi bla na med pa'i bde ba dang yid bde ba mngon sum du byas la/ aoM sarba ta thA ga tA a nu rA ga na badzra swa b+hA ba at+ma konyaM haM zhes bya bas kyang byin gyis brlabs par bya'o/ /de nas 'chad par 'gyur ba'i rnam pas mchod pa dang bstod pa dang bdud rtsi myang ba la sogs pa bya'o/ /de ltar na sgrub pa zhes bya ba'i thabs yin te le'u bco brgyad pa las kyang/ gang zhig thog ma mang dngos rnam dag 'di bsgom pa/ /thabs dang shes rab las byung dpe dang rnam par bral/ /gsang ba dbang bskur brtul zhugs sdom pa sbyor la rtag /byang chub rdo rje 'dra lte de la phyag 'tshal lo zhes 'chad pas 'chad par 'gyur ro/ /sgrub ba chen po la mchod pa dang bstod pa la sogs pa med par sangs rgyas kyi byang chub kyi ngo bo chos kyi dbyings shin tu rnam par dag pa'i mtshan nyid can sangs rgyas kyi chos thams cad ro gcig pa'i bde ba chen po'i rang bzhin ngo bo nyid kyi sku'i bdag nyid can 'di ni dang po'i sbyor ba zhes bya ba'i ting nge 'dzin te dang po'o/ /de ltar dang po'i sbyor ba rdzogs nas don dam pa'i dga' ba gnas pa'i sngags pas dga' ba de nyid/ aoM sarba ta thA ga ta a nu rA ga Na badzra swa b+hA ba at+ma konyahaM zhes bya bas byin gyis brlabs la/ snying po'i sa bon gyi 'od zer rnams kyi de bzhin gshegs pa thams cad bkug la bcug ste rnam par zhu ba'i nor bu'i bu ga nas nor bu'i bu gar zhugs te zla ba zhu ba'i dkyil 'khor du gyur par bsam par bya'o/ /de bsdus pa las byung ba'i rang gi sa bon gdan dang bcas pa rnam par bsams la de nyid las dkyil 'khor pa thams cad re re zhing rdo rje dam tshig gsum gyis bskyed la bzhi pas bzhag par bya'o/ /de la dang por sa bon d e nyid las badzra d+h+rika ces bya ba 'dis khro bo'i rigs ni nam mkha' i gtos thams cad khyab pa can spros nas bsdus pa las byung ba'i mi bskyed pa gcig ain+d+ra nI la lta bur zhal nag po dang dkar po dang dmar po can 'bar zhing mche ba cung zad gtsigs pa ral mthor tshugs rtsa ba'i phyag gnyis kyis rang snang ba'i rig ma la 'khyud pa can/ lhag mas rdo rje ral gri dang nor bu dang pad+ma bsnams pa bsams la de phyung ste bcom ldan 'das kyi sku dang gsung dang thugs la rang gi sku dang gsung dang thugs kyi nang du gzhugs par bya'o/ /de nyid las ji na ji ka ces bya ba 'dis de bzhin gshegs pa'i rigs spro ba dang bsdu ba las byung ba'i rnam par snang mdzad ston ka'i zla ba lta bu zhal dkar po dang nag po dang dmar po can zhi bar snang ba'i rigs las 'khyud pa can/ /lhag mas 'khor lo dang ral gri dang nor bu dang pad+ma bsnams pa rnam par bsams la snga ma bzhin du phyung ste shar phyogs kyi zla ba la dgod par bya'o/ /de nyid las ? d +h+rik ces bya ba 'dis rig pa'i rgyal po'i rigs spro ba dang bsdu ba las byung ba'i rin chen 'byung ldan gser ldan btsom lta bu zhal ser po dang nag po dang dkar po can nor bu dang ral gri dang 'khor lo dang pad+ma bsnams par bsams la lho phyogs kyi nyi ma la dgod par bya'o/ /de gnyis las A ro lik ces bya ba 'dis rig pa'i rgyal mo'i rigs spro ba dang bsdu ba las byung ba'i 'od dpag med pa pad+ma rA ga lta bu zhal dmar po dang nag po dang dkar po can pad+ma dang ral gri dang nor bu dang 'khor lo bsnams par bsams la nub kyi nyi ma la dgod par bya'o/ /de nyid las pradz+nyA d+h+rik ces bya ba 'dis mchod pa'i lha mo'i rigs spro ba dang bsdu ba las byung ba'i gdon mi za bar grub pa nor bu mar gad lta bu zhal ljang khu dang nag po dang dkar po can ral gri dang 'khor lo dang nor bu dang pad+ma bsnams pa bsgom la byang gi nyi ma la dgod par bya'o/ /lnga po de dag ni ral pa'i thor tshugs can yin no/ /de nyid las mo har ti zhes bya ba 'dis de bzhin gshegs b a thams cad kyi sku'i rdo rje'i sprin spros te gti mug dga' na'i gzugs su bsdus pa las byung ba'i spyan ston ka'i zla ba sta bu gtso bo dang rjes su mthun par zhal gsum pa rin po che'i cod pan rtsa ba'i phyag gnyis kyis rang snang ba'i thabs la 'khyud pa can lhag mas 'khor lo dang ral gri dang nor bu dang pad+ma bsnams par bsams la me'i phyogs kyi zla ba la dgod par bya'o/ /de nyid las dwe ka ra ti zhes bya ba 'dis de bzhin gshegs pa thams cad kyi thugs rdo rje sprin spros te zhe sdang dga' ma'i gzugs su bsdus pa las byung ba'i mA ma kI ain+d+ra nI la lta bu/ autpal dmar po dang ral gri dang nor bu dang pad+ma bsnams/ /bden bral gyi phyogs kyi zla ba lar dgod par bya'o/ /de nyid las rA gA ra ti zhes bya ba 'dis d e bzhin gshegs pa thams cad kyi gsung gi rdo rje'i sprin spros te 'dod chags dga' ma'i gzugs su bsdus pa las byung ba'i gos dkar mo pad+ma rA ga lta bu pad+ma dang ral gri dang nor bu dang 'khor lo bsnams pa rlung gi phyogs kyi zla ba la dgod par bya'o/ /de nyid las badzra ra ti zhes bya ba 'dis sku dang gsung dang thugs dam tshig rdo rje'i sprin spros te rdo rje dga' ma'i gzugs su bsdus pa las byung ba'i sgrol ma gser btso ma lta bu lta bu autpal ser po dang/ ral gri dang nor bu dang pad+ma bsnams pa dbang chen gyi phyogs kyi zla ba la dgod par bya'o/ /bzhi po 'di dag ni go rim bzhin du yongs su rtsam pa dang so sor 'bigs pa dang rnam par sbyod pa dang ye shes 'byung ba'i ro 'dod pa ston par byed pa'i bzhin 'dzum pa dang zur gyis lta ba la sogs pa'i rnam par gyur pas nye bar mdzes pa yin no/ /de nyid las/ aoM Arnam pa lnga'i sprin spro ba dang bsdus pa las byung ba'i go rim bzhin du gzugs dang sgra dang dri dang ro dang reg bya dang chos kyi dbyings kyi rdo rje dkar po dang nag po dang ser po dang dmar po dang ljang gu dang dkar po ste/ g.yas pa gnyis su me long dang pi bang dang dung chos dang ro'i snod dang sna tshogs pa'i gos dang chos 'byung ba bsnams pa/ /phyag lhag ma gsum gyi ral gri dang nor bu dang pad+ma bsnams pa rim pa bzhin du rnam par bsgoms la/ go rim bzhin du phyi rol gyi rim pa'i me la sogs pa'i mtshams bzhi dang/ rtsa ba'i sgo'i logs gnyis kyi zla ba'i dkyil 'khor la dgod par bya'o/ /lha mo bcu po de dag kyang rin po che'i cod pan sgeg pa'i nyams kyis rnam par 'gyur zhing rol pa'o/ /rgyal ba lnga ni rdo rje'i skyil krung can lha'i rgyan dang na bza' can no/ /phyogs gzhan ni de kho na nyid gsum po de gnyid kyi lho dang nub dang byang gi sgo'i ngos gnyis kyi zla ba rnams la sa'i snying p o dang phyag na rdo rje dang nam mkha' i snying po dang 'jig rten dbang phyug dang sgrib pa sel ba dang kun tu bzang po ste drag po 'di dag rin po che'i cod pan can dang mdog dang zhal dang mtshon ma rnams 'khor lo sgyur ba drug dang 'dra bar bsam par bya'o/ /de nyid las ya mAn+ta krita pradz+nyAn+ta krit padmAn+ta krit big+h+nA? te krit ces bya bas khro bo'i rigs spro ba dang bsdu ba las byung ba'i go rim bzhin du/ gshin rje mthar byed dang shes rab mthar byed dang pad+ma mthar byed dang bgegs mthar byed dang nag po dang dkar po dang dmar po dang nag po g.yas kyi gnyis pa na rdo rje'i tho ba dang rdo rje'i dbyug pa dang pad+ma 'bar ba dang rdo rje kha gyes pa bsnams pa/ cig shos gsum gyis ral gri dang nor bu dang pad+ma bsnams pa/ pad+ma mthar byed kyi gcig shos gsum gyis ral gri dang nor bu dang 'khor lo bsnams par bsams nas shar phyogs la sogs pa'i sgo'i nyi ma la dgod par bya'o/ /bzhi po de dag ni ha ha zhes bzhad ljags bskyed pa/ mche can smin gnyer gsus pa 'phyang/ /smin ma rdzi ma ag tshoms ser/ /spyan dmar mi thung sbom la drag /dus mdza' i me ltar 'bar ba ste/ /dbu skra khams ser gyen brdzes 'bar g.yon brkyang gis bzhugs sprul gyis brgyan/ /stag gis pags pa'i sham thabs can yin no/ /de ltar rnam pa thams cad rdzogs pa'i dkyil 'khor la rnam par bltas la snying po'i sa bon gyi 'od zer rnams kyis ye shes dkyil 'khor bkug la dam tshig gi dkyil 'khor gyi mdun du gzhug par bya'o/ /de dang lhan cig 'ongs pa'i bgegs kyi rigs sgo srung rnams kyis bskrad la/ de dag nyid kyi snying pos srung ba byas la rang gi gsang sngags bzlas pa'i mchod yon phul nas de sgo srung rnams kyis dgug pa dang gzhug pa dang bcing ba dang mnyes pa rnams bya'o/ /de ltar dam tshig gi dkyil 'khor dang ye shes kyi dkyil 'khor gcig tu byas nas thams cad kyi thugs ka dang dbu dang lkog ma dang thugs kyi gnas su zla ba dang mtshan ma dang zla ba la gnas pa'i ye shes dang sku dang gsung dang thugs kyi sa bon gyis byin gyis brlabs par bya'o/ / //de nas rang gi snying po'i sa bon gyi 'od kyis b kug nas nam mkha' i ngos la bzhugs pa'i phyogs bcu'i sangs rgyas rnams kyi snying po'i sngags kyi 'od zer las byung ba'i rig pa'i tshogs kyis phyag na ye shes kyi chu'i bum pa bsnams pa rnams kyis dbang bskur ba dang de rnams kyi cod pan la 'khor lo sgyur ba re re 'byung bar blta bar bya te/ 'di ltar mi bskyod pa'i rdo rje 'chang ngo/ /rnam par snang mdzad la sogs pa ni mi bskyod pa'o/ /spyan ma la sogs pa ni 'od dpag tu med pa'o/ /gzugs rdo rje la sogs pa'i ni don yod par grub bya'o/ /khro bo rnams kyis ni mi bskyod pa'o/ /yang na mi bskyod pa ma gtogs pa lha thams cad kyi yang mi bskyod pa'o/ /de nas de bzhin gshegs pa de rnams rang gi snying po'i sa bon las byung ba'i rigs kyi rig pa rnams ci rigs par dkyil 'khor gyi bdag po dang de bzhin gshegs pa bzhi la rig pa'i brtul zhugs sbyin par bya'o/ /sgrub pa'i rnal 'byor pas kyang mig la sogs pa byin gyis brlabs pa'i s ngon du snying ga'i sa bon gyi 'od zer rnams kyis ye shes kyi rdo rje 'chang bkug ste mdun gyi nam mkha' i zla ba la bzhag ste bgegs bsal ba dang mchod yon dang zhabs bsil dbul ba byas nas bdag nyid la de dngos po thams cad kyis gzhug par bya'o/ /de nas gzugs la sogs pa thams cad rang gi snying ga'i sa bon gyi 'od zer gyis bkug la/ gong bu'i tshul du bcug ste zhu bar gyur pa pad+ma'i nang du chud par bsam par bya'o/ /de'i rjes la shes rab kyi ba spu'i khung bu r e re nas phyung ba'i 'od zer de'i sgo nas byung ba'i gzugs rdo rje ma la sogs pa'i lha mo drug po bdag nyid ji lta ba bzhin du lha las khyad par du 'phags pa'i gzugs dang sgra dang dri dang ro dang reg bya sna tshogs dang drug pa las mchod pa lnga'i sprin spro ba la mkhas pa rnam pa mang du gyur pa bde ba'i mchog skyed par byed pa rnams kyis nam mkha' i gtos rgyan par gyur par bsams la/ aoM sarba ta thA ga ta pU dza badzra swa b+hA ba At+ma/ zhes bya bas kyang byin gyis brlab par bya'o/ de nas dkyil 'khor pa thams cad kyi zhal nas cig char 'byung ba'i tshigs su bcad pa lnga/ /mi bskyod rdo rje ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum/ /rdo rje dbyings khyod phyag 'tshal lo/ /rnam par snang mdzad dag pa che/ /rdo rje zhi ba dga' ba che/ /rang bzhin 'od gsal mchog gi mchog /ston pa rdo rje khyod phyag 'tshal/ /rin chen rgyal po rab tu zab/ /rdo rje nam mkha' dri ma med/ /rang bzhin dag bgos pa med/ rdo rje sku khyod phyag 'tshal lo/ /rdo rje dpag med rgyal po che/ /mi rtog nam mkha' rdo rje 'dzin/ /'dod chags pha rol phyin pa mnyes/ /rdo rje gsung khyod phyag 'tshal lo/ /don yod rdo rje rdzogs sangs rgyas/ bsam pa thams cad rdzogs mdzad pa/ dag pa'i ngo bo nyid las byung/ /rdo rje sems dpa' khyod phyag 'tshal lo/ /zhes bya bas mngon par bstod par bya'o/ /de nas bdud rtsi lnga po bsam pa 'am dgug pa cho ga bzhin du bskyed la yi ge hUM las rdo rje dkar po phra mo lce'i dbus su bsams pa spro ba'i sbyor bas de'i rang bzhin can gyi lcer byas te/ gtso bo dang bcas pa'i dkyil 'khor snying ga'i zla ba chen po la mos par byas te de tshim par bya'o/ /de nas sangs rgyas rnams kyi ngo bo nyid kyi sku gzhan gyi rig par bya ba ma yin pas n a sangs rgyas kyi chos thams cad ro gcig pa bde ba chen po'i rang bzhin can dkyil 'khor gyi gtso bo'i bdag nyid dang de'i rgyu mthun par gyur pa sangs rgyas thams cad kyi chos longs spyod kyi ngo bo'i dkyil 'khor chen po'i byang chub sems dpa' chen po rnams dang lhan cig kun tu longs spyod par gyur la bde ba chen po 'bebs pas gzhan gyi dbang du gyur ba'i gnyi ga ji srid 'dod kyi bar du bsgom par bya'o/ /de ltar na longs spyod rdzogs pa'i sku'i bdag nyid can dkyil 'khor gyi rgyal po'i mchog ces bya ba ste ting nge 'dzin gnyis pa'o/ / //de nas bdag pos dkyil 'khor pa'i lha thams cad bskul zhing rang gi sku'i sprin spros pas phyogs bcu'i sems can thams cad kyi don mdzad nas rang gi sku'i sprin bdag nyid la bsdu bar bya'o/ /de la rnam par snang mdzad kyi sems can thams cad de bzhin gshegs pa thams cad kyi gzugs kyi de kho na nyid rnam par thar pa'i ting nge 'dzin mchog tu mdzad do/ /rnam par shes pa'i de kho na nyid ni mi bskyod pas so/ /tshor ba'i de kho na nyid ni rin chen 'byung ldan gyis so/ /'du shes kyi de kho na nyid ni 'od dpag tu med pas so/ /'du byed kyi de kho na nyid ni don yod grub pas so/ /gzugs kyi de kho na nyid ni yang dag par mthong ba'i dga' ba ni spyan gyis so/ /rnam par shes pa'i de kho na nyid ni mA ma kIs so/ /chos kyi de kho na nyid ni gos dkar mos so/ /las ni de kho na nyid ni sgrol mas so/ /gzugs kyi de kho na nyid ni thob pa la sgrib pa zad par byed pa ni gshin rje mthar byed kyis so/ /rnam par shes pa'i de kho na nyid ni shes rab mthar byed kyis so/ /chos kyis de kho na nyid ni pad+ma mthar byed kyis so/ /las kyi de kho na nyid ni bgegs mthar byed kyis so/ /mchog tu kha na ma tho ba med pa dang mchog tu nyams dga' ba'i gzugs la sogs pa'i yul sna tshogs dbang du byed pa nyid ni gzugs rdo rje mal sogs pa so/ /sa'i snying po la sogs pas ni gzugs mthong ba la sogs pa la dbang sgyur bar ro/ /dkyil 'khor gyi bdag po'i bdag nyid ni bla na med pa'i byang chub kyi bde ba rtsol bar mdzad do/ /sgrub pa kun las nges grol ba/ /sangs rgyas kun gyi yon tan gnas/ /rtag cing bla na med bde ba/ /rdo rje 'chang pa chen po'i gnas/ /zhes gsungs pa yin no/ /de ni bla na med pa'i byang chub kyi bde ba'o/ /de'i 'og tu bdag dang gzhan gyi don phun sum tshogs pa la dga' ba'i don nyams su myong ba'i phyir khyad par du bde ba dang yid bde ba de gzhan gyi dbang gi bdag nyid 'khor dang bcas pa ji srid 'dod kyi bar du bsgoms par bya'o/ /de ltar na sprul pa'i sku'i bdag nyid can te las kyi rgyal ba'i mchog ces bya ba ste ting nge 'dzin gsum pa'o/ /sgrub pa'i rnal 'byor pas cho ga bzhin du bdud rtsi myong ba'i rjes thogs la rang gi snying ga'i sngags nyid las dkyil 'khor ba thams cad la phan pa'i don snga ma bzhin du byas la de nyid du de rnams yang dag par bsdus te/ phun sum tshogs pa'i bdag nyid mnyam pa med pa'i bde ba dang yid bde ba'i ro gcig pa ngal ba med pa'i bar du bsgoms par bya'o/ /de ltar sgrub pa'i rnal 'byor pa dang sgrub pa chen po'i rnal 'byor pa bsgoms pas dub par gyur na ngal bso ba la bzlas brjod bya'o/ /de la dang por ye shes sems dpa' i thugs ka'i zla ba'i dkyil 'khor gyi dbus na gnas pa'i rang gi mtshan mar yig ngo bo nyid du gyur pa de'i sde ba'i zla ba'i dkyil 'khor la gnas pa'i rang gi sa bon gyi don nyid la nges par brtag par bya'o/ /shes dang shes bya gnyis med pa/ /bdag lus bde ba rdzogs byang chub/ /dang po'i rdo rje dang po'i dbyangs/ /sems dang dag kyang de don yin/ /zhes bya ba yin na/ /de'i 'og tu zla ba'i dkyil 'khor de nyid la rang gi sa bon gyi mdun dang g.yas dang g.yon phyogs kyi cha dag la go rim bzhin du sku dang gsung dang thugs kyi sa bon dang sa bon gyi gdan bzhi bsam mo/ /de la dbus ma gang yin pa de ni rang gi sems te de ni sna tshogs yin la de nyid rdo rje gsum mi phyed pa'i ngo bo nyid yin pas rdo rje'o/ /cig shes gsum po ni de nyid kyi phyir rdo rje gsum mi phyed pa'i ngo bo nyid kyis rang gi sems yang dag par mtshon pas ni rdo rje zla ba zhes bshad de/ sngags kyi don kun bzlas pa ni/ /rdo rje mi phyed gsum gyi mtshan/ /rdo rje dbye ba gsum ni mthar/ /bkod pa rdo rje gsum zhes bya zhes gsungs pa'i phyir ro/ /de la sna tshogs pa las kha dog lnga'i 'od spro zhing dbye ba las kha dog re re'o/ /de nas yi ge bzhi po'i sngags rim pa 'dis bzla bar bya ste/ ye shes kyi snying po brjod pa na dbye ba dang sna tshogs pa rnams rang gi sems tsam nyid du de nyid kyi mos par bya'o/ /byang chub bdag med pa brjod pas na ming dang don dag gi blo bdag med par lhag par mos pas tha snyad nam mkha' lta bu'o/ /sna tshogs pa brjod pa na rang gi sems nyid sna tshogs pa'i ngo bo nyid du mos par byas te/ de nyid las de bzhin gshegs pa thams cad kyi sku dang gsung dang thugs kyi sprin spro ba'i phyir ro/ /dag po brjod pa na mnyam pa nyid du mos par bya ba ste/ sku la sogs pa'i sprin gsum po sna tshogs pa las/ sna tshogs pa'i sprin spros pa gsum dang ro gcig par byed pa'i phyir ro/ /de ltar na re zhig lan dang po la de ltar yin no/ /lan gnyis pa la sogs par ni ye shes kyi snying po brjod cing spros pa rang gi sems tsam du mos par bya bas te/ rang gi sems su sdud pa yin no/ /lhag ma rnams ni lan dang po 'dra pa'o/ /lan gnyis pa la sogs ji ltar bzhin du thams cad kyi phyi ma'i lan yang yin mod kyi 'on kyang sna tshogs pa nyid brjod cing spro par ni mi ba ste dbye ba rnams la yang sna tshogs pa'i bar du dbye ba nyid du mos par bya'o/ /drag po nyid brjod pa na yang spro bar mi bya ste/ dbye ba rnams yang mnyam pa nyid du mos par byas te/ 'di ni 'di'i rdo rje bzlas pa'o/ /de la yang rnam pa gnyis te gang gi tshe dbye ba las dbye ba dang sna tshogs pa las sna tshogs par spra'i nas sna tshogs par sdud pa de'i tshe thams cad las spros pa'i rdo rje bzlas pa'o/ /yang gang gi tshe tshogs pa nyid las dbye ba dang sna tshogs pa yang dag par spros nas dbye ba dag la sdud pa de'i tshe gcig pu nyid las spros pa'i rdo rje bzlas pa ni rnam pa gnyis pas so/ /yang na rang gi sku dang thugs dang gsung gi don de bzhin du dpyad la ye shes sems dpa' i thugs kar rjes su mthun pa'i gnas la snying po'i sngags bzlas te sa bon de nyid la zlum por yongs su bskor ba mgo gyen du blta ba'i sngags kyi yi ge'i phreng ba mar me'i 'phreng ba lta bur 'bar bas g.yas nas bskor bar yid kyis bris la de nyid la nyid mnyam par bzhag ste/ de nyid zlos shing ji srid 'dod kyi bar zla bar bya ste de ni 'gog pa'i bzlas pa'o/ /de ltar bzlas pa dang bsgom pa dag gis dub par gyur na sgrub pa chen po'i rnal 'byor pas mchod pa dang bstod pa la sogs pa cho ga bzhin du byas la/ yi ge gsum gyi dkyil 'khor nye bar bsdu ba byas te/ glo dang bdag med mnyam pa nyid/ /ston pa gsum gyis rim bzhin du/ /sku gsung thugs kyi sa bon la/ /rgyal ba lha mo thar byed bsdu'o/ /de nas stobs ji lta ba bzhin du 'am mdor bsdus nas tshigs su bcad pa gnyis 'dis/ /sangs rgyas kun gyi kun bdag nyid/ /rdo rje 'chang ba chen po'i gnas/ /dge ba 'di yis thob gyur cig /'gro bas kyang ni de thob shog /byang chub phyir ni spyod gang dang// rdzogs sangs rgyas kyi gang yin pa/ /byang chub rdo rjes gsungs pa yi/ /spyod de gnyis bdag spyod shog /ces smon lam gdab par bya'o/ /de nas chos 'byung nam mkha' dang gzhal yas khang no spyi'i sa la sogs pa la thim par bltas la bdag nyid kyi phung po lnga ni sangs rgyas lnga dang skye mched drug ni byang chub sems dpa' drug tu mos par byas la langs nas mos pa'i sbyor de nyid kyis gnas par bya'o/ /'dir brjod par ni 'khor lo'i bdag po dang/ /dpung dbang bcas 'khor lo yin/ /'byung ba lnga ni gnas yin zhes/ /yang yang mos shing gnas par bya/ /gzhan yang/ ting 'dzin gnas kyang rnam bcas pa/ /mthong gang de ni gnyis med pa'i/ /ye shes rgyu mthun nas ye shes te/ sgyu ma lta bu'i mchog tu rtag /ces bshad do/ /sgrub pa'i rnal 'byor pas kyang dkyil 'khor nye bar bsdu ba las gzhan pa 'di dag thams cad bya'o/ /thun mtshams su yang sgrub pa'i rnal 'byor bas de bzhin du bsam gtan gyi khang par zhugs la 'dug ste/ skad cig gis 'byung ba lnga las yongs su gyur pa'i bzhi'i dkyil 'khor de'i dbus ma'i gdan la 'dug pa'i rdo rje sems dpa' bdag nyid pa sems la mig dang sku la sogs pa byin gyis brlabs te/ mi bskyod pa'i gcod pan can rang gi rig pa dang gnyis su mod par gyur pa'i rig kyi rig pa dang yang dag par sbyor ba can dmigs par bya'o/ /sgrub pa chen po rnal 'byor pas ni sngar bsdus ba'i dkyil 'khor pa rnams kyang sku la sogs pa'i sa bon rnams las byung ste gnas ji lta ba bzhin du bkod la ci rigs par sku la sogs pas byin gyis brlab pa dang cod pan gyis dbang bskur ba dang/ rig pa'i brtul zhugs dang ldan par de rnams mos par byas la sdom pa dang mchod pa dang bstang pa dang bdud rtsi myang ba dang bzlas pa la sogs pa yang byas te snga ma bzhin langs la de bzhin du gnas par bya'o/ /thun mtshams tha ma la yang rnam pa 'di nyid yin no/ /khyad par ni 'di yin te/ aoM khyed kyis 'gro ba'i don kun mdzad/ /rjes su mthun par dngos grub stsal/ /sangs rgyas yul du gshegs nas ni/ /slar yang gshegs par mdzad du gsol a oM badzra muchen po mngon sum du byas te 'bad rtsol med par nyal bar bya'o/ /sang ba'i tshe na yang lha mo bzhi'i glus bskul par bsams la de nas langs te zhag snga ma bzhin du thams cad bya'o/ /de ltar nyin re'i thun mtshams sam gnas skabs ji lta ba bzhin du de dag thams cad bya ste/ tshogs bsags pa la ni thun la sogs pa nges pa med pa'i phyir ro/ /nus pa yod na nga ba yod ba nyid de de ni dge ba rnams la rab kyi mthar thug par byed pa nyid kyi phyir ro/ /de lta gom par byed pa nyid kyi dus su sgrom pa 'am bzlas pa grub par 'gyur te/ grub pa de yang de la dmigs pa ma lus par shin tu gsal bar snang ba rgyun mi 'chad pa'i phyir ram lhun gyis grub pa las byung ba'i shugs rgyun mi 'chad pa'i phyir ram nye bar gyur pa'i sgra gsal ba ma thos pa la sogs pa'am/ le'u bco lnga pa las gsungs pa'i rmi lam gyi khyad par rnams kyis yang dag par shes par bya'o/ /yang dag par shes par byas nas bsgom pa dang bzlas pa'i stobs las ji ltar mtshan ma de dag 'byung ba de bzhin du yun ring po mi thogs par 'grub par 'gyur ro zhes nges par byas la dngos grub nye bar byas pa'i phyir sems la dpyad pa dang nam mkha' i rdo rje bsgom par bya'o/ / nga'i lus dang ngag dang yid rten dang brten pa'i dkyil 'khor gyi tshul du snang ba gang yin pa dag ni nga'i sems tsam ste rang gi sems las gzhan snang ba mi rigs pa'i phyir ro zhes bya ba ni sem la dpyad pa'o/ /sems tsam de yang don dam par snang ba tsam gnyis med pa ste/ rnam pa'i dbye ba rnams ni brdzun pa nyid kyi don dam pa mthong ba ma nub pa'i phyir ro zhes bya ba ni nam mkha' i rdo rje 'ba' zhig dri ma med pa nam mkha' mdza' yas lta bu snang ba med pa'i ye shes so/ /de'i 'og tu ri'i phug dang dgon pa chen po dang mtsho'i ngogs dang chu'i dogs la sogs pa skye bo med par rjes su mthun par skye bo dam pa'i grogs dang ldan bar gnas la/ bsnyen pa yan lag drug dang ldan pa la sogs pa'i cho gas dngos grub kyi mchog gi dbang du byas nas bsgrub par bya'o/ /de skad du yang/ gang zhig dngos grub mchog gi thabs ni 'di bsgom pa/ bsnyen par cho ga nye bar sgrub dang sgrub pa dang/ /sgrub pa chen pos blo mi 'gyur ba'i sgrub dbang po/ /byang chub rdo rje 'dra blta ba de la bdag phyag 'tshal/ /zhes gsungs pa yin no/ /gang yang lha gzhan dag gis sbyor bas dngos grub kyi mchog 'dod pa de rnams kyi cho ga 'di rnams thams cad nyid byas te/ sa bon dang sku mdog dang phyag mtshan dang sngags la sogs pa la ni khyad par yod de 'dir tshigs su bcad pa ni/ gzhan gyi sa bon sngags dang rigs/ /de nyid rig pa'am skyes bu/ /de dag rjes su dpag par bya/ /gzhan rnams thams cad bshad pa yin/ /rgyud gzhan las ni bstan pa yi/ /sa bon sku mdog rigs la sogs/ /mtshan ma'am mtshan ma bzhi po dag /de nyid las ni nges par bzung/ /gsungs pa 'am ma bsrungs pa bzhin du/ /gzhan las sa bon sogs bzung bya/ /'dus pa'i cho gas rdo rje rnams/ /thams cad 'dus pa pa yi phyir/ /thugs kyi dkyil 'khor grub pa'i phyir/ /'khor lo can gyi rten gnas kyi/ /gal te rgyal gzhan dbus mar gyur/ /de yi gnas la mi bskyod 'gyur/ / gang tshe 'khor gtso sangs rgyas 'gyur/ /phyung ba de ni bstim par bya/ /byang chub sems dpa' 'khor gcar 'gyur/ /de yi rigs bdag bstim par bya/ /rgyal ba las gzhan dkyil 'khor pa/ /gal te 'khor lo gtso bor byed dbus ma de yang gzhan nyid de/ /rang gnas su yang gzhan de nyid/ /cho gas rnams bsags pa de dag ni/ /tshe 'di nyid la grub phyir ro/ /skye ba gzhan du grub pa'i phyir/ /cung zad bzlas dang bsgom pa 'ang bya/ /de bzhin gshegs pa ces bya ba la sogs pa la de bzhin gshegs pa thams cad kyi sku dang gsung dang thugs gang yin pa de rnams kyi gsang ba ni don dam pa ste rdo rje 'chang ngo/ /de las byung ba cad gsang ba 'dus pa zhes bya ba'i rgyud gang yin pa de la dkyil 'khor ni de bzhin gshegs pa thams cad kyi ting 'dzin gyi rang bzhin can gang yin po yin gyi/ /bris pa'i rang bzhin ni ma yin no/ /de la dkyil 'khor ni snying po yin par len cing 'dzin par byed pas na dkyil 'khor te chos rnams kyi snying po bsdus pa zhes bya ba'i don to/ /de byin gyis brlab pa ni sprul pa ste de gsal bar byed pa'i le'u ni sgra'i tshogs/ /dang po zhes bya ba ni thog ma'o/ /rdzogs zhes bya ba ni mthar thugs pa'o/ /gsang ba 'dus pa'i bshad sbyar sim? pa'i ma tog las/ /le'u dang po'o// //dngos grub mchog la thabs las byung ba ni le'u dang bor bstan la/ /de'i thabs ni bsnyen pa dang nye ba'i sgrub pa dang sgrub pa dang sgrub pa chen po ste bzhi'o/ /de yang bcom ldan 'das kyi le'u 'di nas bzung ste nye ba'i sgrub pa dang/ bsnyen pa dang/ sgrub pa dang/ sgrub pa chen po'i rim gyi le'u lnga pa'i bar du gsungs la/ de bzhin du zhi ba gzhan dag tu yang gsungs so/ /de bas na thab? chags su klag pa'i rim gyi le'u rnams ji lta ba bzhin gyi rim par bzhag pa de'i don gcig nye ba'i sdud pa ni rim pa bzhin yin te/ gang yang le'u bco brgyad pa las/ lnga pa dgu pa nyid dang ni/ bcu gsum pa dang bcu bdun rnams/ /zhes bya ba la sogs pa gsungs so/ /de la nye ba'i sgrub ba ni le'u gnyis pa dang drug pa dang/ bcu pa dang bcu bzhi pa rnams su gtor te gnas pa las de dag gi mngon par rtogs pa'i le'u 'dir dang por bsdus te brjod par bya'o/ /'dir yan lag drug gi bsnyan pa nan tan? du byas pa'i sgrub pa pos/ skye bo med pa'i ri'i thug la sogs par gnas bcas te nang par dus su bsam gtan gyi khang par zhugs la/ lam la gnas pa'i bar gyi chog rjes su bcas nas snying rje chen po bskyed de/ /don dam pa byang chub kyi sems bskred la/ stong pa nyid kyi ye shes kyis byin gyis brlabs nas chos 'byung ba'i don du chud pa'i sna tshogs pad+ma'i lte ba la gnas pa'i sna tshogs rdo rje'i lte bar gnas pa'i gzhal yas khang gi dbus ma'i bstan la 'dug par bdag nyid mo sa par bya'o/ /gal te de mi bskyod pa'i rnal 'byor pa 'am/ de'i rigs kyi rnal 'byor pa yin pa de'i tshe/ snying ka'i nyi ma dang rdo rje'i dbus su rang gi sems nyid mi bskyod pa'i thugs dang de'i sngags kyi rnam par bsam par bya'o/ /sngags de yang yi ge hUM kha dog sngo bar reg bya tsha zhing sgra rtsub mo ste de'i rnam pa'i sems kyis lha thams cad mi bskyod pa'i de kho na nyid du rnam par brtags te/ sems kyi 'od zer spros pa ni snang ba thob pa'i ting nge 'dzin to/ /'od zer des de'i lta'i bkod pa rnams nam mkha' i ngos la khyab par bltas pa ni snang ba mched pa'i ting nge 'dzin to/ /de nas 'od zer des 'di dag thams cad sems nyid do snyam du bsams te lha'i bkod pa de rnams bkug nas sems la bcug pa ni sngags la dmigs pa ste/ de kho na nyid kyi don la phyags gcig pa'i ting nge 'dzin te/ /de nas bzung ba med bas 'dzin pa yang med do/ /snyam ste/ sems de yang sems ma yin par shes pa ni sems la dmigs pa ste bar chad med pa'i ting nge 'dzin to/ / //de nas sngags yongs su gyur pa las bdag nyid mi bskyod pa'i skur bskyod pa na dag la dmigs pa ste mi bskyod pa'i byang chub po/ /mi ba skyod pa'i sku de yang ain+d+ra nI la lta bu zhal ngo po dang dkar po dang dmar po khro po rdo rje sems dpas brgyan pa'i cod pan can nyi ma'i 'od dang nyi ma'i gdan can rdo rje'i skyil mo krung gis bzhugs pa/ phyag gnyis kyis rang dang 'dra ba'i rig ma la 'khyud pa/ lhag ma rnams kyis rdo rje dang ral gri dang nor bu dang pad+ma bsnams ba ste de'i 'og tu dngos po 'di dag ma skyes pas/ chos rnams med cing chos nyid med/ /nam mkha' lta bur bdag med par/ /byang chub tshul ni bstan pa'o/ /zhes bya ba'i tshigs su bcad pas mi bskyod pa'i byang chub rnam par spyad pa ni byang chub kyi sems rags pa'o/ /de'i rjes la sems kyi gnas dang mgo dang mgrin pa'i zla ba rnams la rdo rje dang 'khor lo dang pad+ma rnams bsams te/ de dag gi lta ba rnams su hUM dang rab sngags dang anyid las mtshan ma'i sprin spros te/ rgyu ba dang mi rgyu ba'i tshogs de'i bdag nyid du byas la/ sna tshogs de dag gong bud byas te shin tu phra ba'i nyi ma'i dkyil 'khor gyi rnam par gyur nas mtshan ma'i dbus su bsdus la/ nyi ma der mi bskyod pa'i sa bon mchog tu phra ba bsam pa 'di ni sngags kyis brtags pa dang ting nge 'dzin byang chub sbyor ba ste phra mo'i byang chub kyi sems so/ /de'i 'og tu sems kyi gnas dang mgo dang mgrin pa'i zla ba la gnas pa'i mtshan ma'i yi ge'i rnam pa thugs kyi rdo rje la sogs pa rnams su de'i rigs kyis byin gyis brlabs par byas te/ aoM sarba ta thA ga ta tsit+ta badzra swa b+hA ba At+ma konyahaM/ aoM sarba ta thA ga ta kA ya badzra swa b+hA ba At+ma konyahaM/ aoM sarba ta thA ga ta bA ka badzra swa b+hA ba At+ma konyahaM/ de'i 'og tu sngags kyi dam tshig dang/ dkyil 'khor gyi dam tshig dang/ byang chub dam tshig ces bya ba'i dga' ba'i mchod pa gsum byas te/ de la snying ga na gnas pa'i mtshan ma phra mo las gti mug dang/ zhe sdang dang/ 'dod chags dang/ rdo rje rnams mtshan ma phra mor nam mkha' khyab par spros pa ni sngags kyi dam tshig go /de dag bsdus nas shing tu phra ba'i rang gi sngags kyi gdan la rig ma'i dbang phyug tu bcug ste/ de'i steng du rang gi sngags kyi yi ge chags pa ste zhen pas rig ma'i dbang phyug de la chags pa ste/ zhen pas lta ba 'di ni dkyil 'khor dam tshig go /de nas rig pa'i dbang phyug las rig pa'i sgra'i? sprin thams cad spros te slar de nyid du bsdus pa/ de'i steng na gnas pa'i sngags kyi yi ge las de bzhin gshegs pa'i sku'i sprin thams cad spros te/ slar de nyid du bsdus pa 'di ni byang chub dam tshig go /de nas dga' ba'i mchod pa de nyid/ aoM sarba ta thA ga ta a nur ga badzra swa b+hA ba At+ma konyahaM/ zhes bya bas byin gyis brlab pa'o/ de nas snying ga'i sngags kyi 'od zer gyi sgo rnams la mchod pa'i lha mo drug phyung ste de la lha mo lnga las ni 'dod pa'i yon tan lnga'i sprin spro'o/ /drug pa las ni mchod pa rnam pa lnga'i sprin sprul te de bzhin gshegs pa thams cad yang dag par mchod la/ mchod pa de nyid/ aoM sarba ta thA ga tA pU dza badzra swa b+hA ba At+ma konyahaM/ zhes bya bas byin gyis brlab bo/ /le'u 'di'i don gyis gtso bo ni nye bar sgrub pa yin te/ de las byang chub kyi sems nyid kyi skabs dbye ba'i phyir/ de nas zhes bya ba la sogs pa gsungs te/ sku la sogs pa'i bdag po ni rnam pa kun nas sku la sogs pa dbye ba'i phyir ro/ /mchod pa ni gzugs rdo rje ma la sogs pa rnams kyi yin no/ /'di skad ces bya ba ni gsol ba 'debs pa'i tshig ste/ kye bcom ldan 'das kyis bshad du gsol zhes bya bar 'brel to/ /byang chub la rnam par spyod pa'i sems ni byang chub kyi sems so/ /bla ma ni lhag ma ste 'di las bla mar gyur pa'i lhag pa med pas na bla na med pa'o/ /de ci zhig ce na/ gsang ba ste sku la sogs pa'i gsang ba'o/ /su'i ce na de bzhin gshegs pa thams cad kyi ste dkyil 'khor gyi bdag po rnams kyi'o/ /ji lta bu zhig ce na sku dang gsung dang thugs kyi snying po mchog ste/ sku dang gsung dang/ thugs nam mkha' dang mtshungs pas snying po yon la/ 'khor lo sgyur ba drug gi yin pas na mchog go /'khor lo sgyur ba drug dang 'brel pa de bas na/ byang chub kyi sems 'di ni rnam pa drug yin la yang rags pa dang phra mo'i dbye bas rnam pa bcu gnyis su 'gyur ro/ /'dir tshigs su bcad pa ni/ byang chub rnam spyad byang chub sems/ /rnam pa bcu gnyis dag tu brjod/ /gnyis pa yis ni rags pa drug /phra mo drug ni drug pas so/ /sku la sogs pa'i rdo rje ni bsdus pa ste/ /gsang ba 'dus pa zhes bya ba'i don to/ /mkhyen zhing zhes bya ba ni thugs la bzhag nas so/ /yongs su rtog pa zhes bya ba ni kun tu tshol ba'i yid kyis brjod pa'o/ /rnam par rtog pa mnga' bas na yongs su rtog pa ste tshig tu ma brjod par sems kyi rtog pa'o/ /de mkhyen pa ni sems kyi rnam grangs shes pa'i mngon par shes pas mkhyen pa'o/ /rnam par rtog pa de yang 'dir rnam pa drug ste rgyud gzhan dag las snying gar zla ba'i mtshan ma'i dbus su sngags bkod pa byang chub kyi sems yin pa de bzhin du 'dir yang yin nam zhes bya ba ni rnam par rtog pa dang po'o/ /de ltar na khyad par ci zhig yod nas 'di bla na med pa yin zhes bya ba ni gnyis pa'o/ /'khor lo sgyur ba nyid kyi sku dang gsung dang thugs yin na ni ltar de de bzhin gshegs pa thams cad kyi yin zhes bya ba ni gsum pa'o/ /byang chub kyi sems ni sems nyid yin na ji ltar sku dang gsung dang thugs yin zhes bya ba ni bzhi pa'o/ /ji ste sngags las skyes pa'i sku bzung ba yin na yang byang chub nyid yin gyi byang chub kyi sems ni ma yin no zhes bya ba ni lnga pa'o/ /ji ste yang byang chub la rnam par spyod pa'i sems ni byang chub kyi sems so zhes bya bar 'dod na de ltar na yang sku dang/ thugs la byang chub kyi sems zhes bya bas gsung ni ma yin no zhes bya ba ni drug pa'o/ /'di skad ces bya ba ni byang chub kyi sems bskyed pa'i phyir nye bar bshad pa 'dis rnam par rtog pa rnams bsal ba'o/ /khyed kyis skyed cig ces bya ba la/ sems zhes bya ba ni ji ltar grags pa bzhin du snying ga'i zla ba dang mtshan ma'i dbus su sngags kyi rnam pa'i sems skyed cig ces bya ba'i don to/ /'dis ni rnam par rtog pa dang po gsal to/ /lus lta bu zhes bya ba ni chos gtso bor gyur pa ste/ lus kyi sgras ni lus nyid dang lta bu zhes bya ba'i rnam pa ste de dag tu skyed cig ces bya ba'i don to/ /de la nam mkha' i gtos khyab pa'i de bzhin gshegs pa thams cad kyi gsang ba gsum bsdus pa'i sngags kyi lha'i tshogs ni lus so/ /lus nyid kyis te lus kyi rang bzhin nyid kyis bskyed pa ste/ sems kyi 'od zer rnams kyis de dag bkug nas sems la lus rnams bcug pa'o/ /'di ni sngags la dmigs pa ste bzung ba med pa'i ye shes yin no/ /de la sogs pa'i khyad par bstan pas gnyis pa yang gsal te/ /sems de ni de bzhin gshegs pa thams cad kyi sku dang gsung dang thugs kyi rang bzhin du mngon par brjod pas de dag gi ngag dang bskur yang de 'gyur ba'i phyir gsum pa yang gsal ba yin no/ /lta bu ni rang bzhin te sems gnyis pos stong pa'i rang bzhin du skyed cig pa'o/ /bzung ba med pas 'dzin pa yang bkag pa 'di ni sems la dmigs pa ste 'dzin pa med pa'i ye shes so/ /lus sems kyi rnam pa lta bu zhes bya ba la sems de nyid kyi rnam pa sngags gang yin pa de yongs su gyur pa las sku dang gsung dang thugs rnams nam mkha' i bdag nyid can byang chub kyi mtshan nyid 'khor lo sgyur ba'i skur skyed cig ces bya'o/ /'di ni ngag la dmigs pa'o/ /sems tshig tu brjod pa lta bur zhes bya ba ni mtshan nyid kyi gsum pa ste/ byang chub kyi tshigs su bcad pa brjod nas de'i rnam pa lta bu'i sems kyi byang chub rnam par spyad pa'i sems skyed cig ces bya ba'i don to/ /'dis ni bzhi pa dang/ lnga pa dang/ drug pa yang bsal te/ 'di ltar 'dir dmigs pa rnam pa gsum gyis bsgrubs pa'i sku ni byang chub yin la/ de rnam par spyad pa'i sems ni byang chub kyi sems zhes bya ba'i 'dod pas lus la dmigs pa dang ngag gi rnam dang rnam par spyad pa'i rang bzhin dag yin pa'i phyir sku dang gsung dang thugs nyid do/ / yang na byang chub de nyid sku dang gsung dang thugs nam mkha' lta bu'i mtshan nyid pas sku dang gsung dang thugs yin la/ byang chub de la rnam par spyad pa'i sems kyang sku dang gsung dang thugs zhes bya'o/ /de'i phyir rnam par rtog pa bzhi pa bsal to/ /sngags las skyes pa'i sku la byang chub sems shes bya na byang chub nyid yin gyi sems su ni mi 'gyur ro/ /zhes bya ba dang lus kyi sems la sku dang/ gsung dang/ thugs su 'gyur ro/ /zhes bya ba gnyi ga yang mi 'dod pas der thal bar 'gyur ba med pas rnam par rtog pa lnga pa dang drug pa yang bsal to/ /de nas zhes bya ba ni nye bar bstan pa'i 'og tu'o/ /de dag ces bya ba ni gang gi sngon du rnam par rtag pa skyes pa rnams so/ /byang chub sems dpa' de rnams la yod pa ni byang chub sems dpa' ste snying ga'i zla ba dang mtshan mi dbus su sngags kyi rnam pa'i sems bskyed par gyur to zhes bya ba'i don to/ /de bzhin gshegs pa thams cad ni sngags kyi lha thams cad do/ / de rnams kyi sku la sogs pa'i nam mkha' ni sku la sogs pa'i mi dmigs pa'o/ /de rnams dang lta bu zhes zlas phyed la 'khor lo sgyur ba'i sku bsdu ba'o/ /de dag gi sbyor ba na snying ga'i mtshan mar chung pa'i sems la dmigs pa gsum gyi sbyor ba'o/ /ched du brjod pa zhes bya ba la sogs pa la kun tu bzang po zhes bya ba ni sngags kyi lha thams cad kyi bdag nyid kyi sems so/ /sku la sogs pa'i rdo rje ni dmigs su med pa ste de dang ldan pas rdo rje can no/ /skye ba med pa'i sbyor ba ni skye ba med pa'i rnam par sems pa'i bya bas sbyor ba'o/ /rab tu sgrags pa zhes bya ba ni tshigs su cad pas rnam par spyod pa'o/ /de dag ni byang chub sems dpa' rnams kyi mgrin gcig tu byang chub thun mong du rnam par dpyod pa'o/ /byang chub sems kyi thun mong gi mtshan nyid bstan nas/ rab tu bya ba bstan pa'i phyir de nas zhes bya ba la sogs pa gsungs te tshig drug char la yang dang po'i rdo rje'i sgras ni mtshan ma'i don to/ /gnyis pa ni mi phyed ba'i don to/ /gsum pa ni ting nge 'dzin gyi don to/ /gshegs pa'i sgra dang dang por rnams ni sngags kyi tshig te sangs rgyas zhes bya ba'i sgra bzhin de kho na nyid rtogs pa'o/ /drug char la yang bcom ldan 'das zhes bya ba ni rdo rje 'dzin pa nyid do// de la dang por rdo rje 'dzin pa'i byang chub kyi sems gsungs pa/ de nas zhes bya ba la sogs pa la de bzhin gshegs pa thams cad kyi sku dang gsung dang thugs ni rdo rje 'dzin pa'o/ /de'i rdo rje 'di la yod pas na de skad ces bya ste/ snying ga'i zla bar pad+ma rA ga ltar dmar ba'i sbyor bas so/ /de bzhin zhes bya ba ni de'i rdo rje ji lta ba de bzhin du gshegs shing rtog pa'i sngags 'di la yod pas de bzhin gshegs pa te mtshan ma'i dbus su de'i sngags bkod pa'o/ /sngags de yang yi ge hUM dkar ba dang bsil ba dang snyan pa'i sgra dang ldan pa de gzung ba dang 'dzin pas stong pa'i yid tsam yin pas yi ge gsum ste shes bya dang shes pa bsdus te gnas pa zhes bya ba'i don to/ /de bzhin gshegs pa thams cad ces bya ba ni sngags kyi lha rnams so/ /de rnams kyi mngon par byang chub pa'i tshul de kho na nyid shin tu rnam par dag pa'i chos kyi dbyings kyi ye shes rdo rje 'dzin pa zhes bya ba'i don to/ /de la dmigs pa'i ting nge 'dzin la yang de skad ces bya ste/ de nyid ni mi phyor bas na rdo rje'i snyoms par zhugs pa ni dmigs pa gsum gyis mngon du byas pa ste/ sngags kyi rnam pa'i sems de las kun tu 'od zer spos pa ni snang ba thob pa'i ting nge 'dzin to/ /'od zer de nyid kyis phyogs bcur kun tu khyab par bzhugs pa'i sngags kyi lha rnams kyi bkod pa mthong ba ni snang ba mched pa'i ting nge 'dzin to/ /de rnams des bsdus nas sems kyi nang du bcug pa ni sngags la dmigs pa ste de kho na nyid phyogs gcig pa'i ting nge 'dzin to/ gzung ba med par shes nas de la 'dzin pa yang med par shes pa ni sems las dmigs pa zhes bya ba bar chad med pa'i ting nge 'dzin te 'jig rten las 'das pa'i sems skye ba la bar du bcad par nus pa ni bar chad de/ de 'di la med pas na bar chad med pa'o/ /de nas ngag gi bdag nyid kyis sngags yongs su gyur pa las rdo rje 'dzin pa'i skur bskyed pa ni ngag la dmigs pa'o/ /de ltar dmigs pa gsum gyis rdo rje 'dzin pa la dmigs pa'i ting nge 'dzin la snyoms par zhugs te byang chub kyi sems 'di zhes bya ba la ngag la dmigs pa'i rdo rje 'dzin pa ni byang chub yin la/ de la nye bar spyod pa'i sems ni byang chub kyi sems so/ /dngos po med pa zhes bya ba la sogs pa'i dngos po med pa ni chos kyi dbyings kyi yul lo/ /bsgom pa med ces bya ba la bsgom pa ni dga' ma rnams kyi 'jug pa ste de med pa ni de rnams kyi spyod yul ma yin pa zhes bya ba'i don to/ /bsgom par bya zhes bya ba ni dga' ma rnams te de dag kyang de la bsgom pa ma yin te de dag ni de'i yul can du med pa'i phyir ro/ /'di ltar de rnams ni mngon par brjod pas ro tha dad pa yin la de'i brjod du med pas ro gcig pa'i phyir ro/ /de ltar zhes bya ba ni gang gi phyir bsgom par bya ba bsgom pa min pa dang/ de rnams der ro gcig tu gyur pa'i bde ba'i rang bzhin ni de nyams su myong ba yin pa de'i phyir dngos po bsgom pa min pa dang/ bde ba chen po'i sems bskyed pa don dam par ma skyes pa dang bsgoms pas rnyed pa ma yin zhing dmigs par gyur pa ma yin te/ bsgom pa yang der bkag pa yin pa'i phyir ro/ /zhes bya ba ni rdo rje 'dzin pa nyid kyi byang chub rnam par dpyad pa ste/ bcom ldan 'das kyis de skad ces gsungs pa'o/ /de bzhin gshegs pa thams cad kyi sku dang gsung dang thugs kyi rdo rje ni ting nge 'dzin te de la snyoms par zhugs pa de la de skad ces bya'o/ /de bzhin zhes bya ba ni snyoms par zhugs pa yin la gshegs pa zhes bya ba ni 'khor rnams kyis de bzhin du rtogs pa'o/ /'dir tshigs su bcad pa ni/ /dga' ma rnams ni bsdus pa yis/ /chos dbyings nyams su myong ba bde/ /de ni skye med rnyed med du/ /rdor 'dzin tshigs su bcad pa shes/ /rnam par snang mdzad kyis gsungs pa/ /de nas zhes bya ba la sogs pa la rnam par snang mdzad la sogs pa'i bshad pa ni rdo rje 'dzin gyis rjes su 'brangs nas shes par bya'o/ /bye brag tu gyur pa rnams 'dir bshad par bya ste/ rnam par snang mdzad kyi thugs ka'i zla ba la 'khor lo dkar po rtsibs brgyad pa'i mtshan ma'i nang du rab sngags bkod de/ de yang gdod nas ma skyes pa'i stong pa nyid kyi rang bzhin gyi don du yi ge gsum po 'dis bstan pa yin no/ /de bzhin gshegs pa thams cad kyi mngon par rtog pa ni ma lus par yang dag par thugs su chud pa ste byang chub las ma gtogs pa med pas ma lus par thugs su chud pa yin la/ stong pa nyid kyi rang bzhin yin pas yang dag pa ste/ gdod nas skye ba med pas so/ /des na gdod nas skye ba med pas stong pa nyid kyi rang bzhin gyi ye shes tsam zhes bya ba'i don to/ /rnam par snang mdzad ces bya ba'i bar du'o/ /dngos po thams cad ces bya ba la sogs pa la tshigs su bcad pa 'di ni rkang pa drug pa ste/ yi ge bdun dang bdun dang brgyad dang dgu dang brgyad dang drug gi tshig dag go /dngos po thams cad ces bya ba ni phyi rol gyi sngags kyi lha rnams so/ /bral ba ni mi ldan pa'o/ /bstan pa 'di'i nye bar bshad pa ni phung po zhes bya ba la sogs pa yin te phung po ni sangs rgyas lnga rnams so/ /khams ni spyan ma la sogs pa lnga'o/ /skye mched ni bcu gnyis te sa'i snying po la sogs pa rnams dang gzugs rdo rje ma la sogs pa rnams so/ /mdor bsdus na gzung ba ni gzugs kyi phung po'o/ /'dzin pa ni tshor ba'i phung po la sogs pa'o/ /rnam par ?? pa ni rang rig pa tsam gyis phyir te phung po la sogs pa de rnams rang gi sems yin pas so/ /gnyis kyis stong pa 'di la yod pas na stong pa nyid kyi rang bzhin te stong pa nyid kyis na gdod ma nyid nas ma skyes pa ste/ skyes nas 'gog pa ma yin pas gdong nas skye ba med pa nyid do/ /chos bdag med par mnyam nyid pa zhes chos rnams ni gzung ba dang 'dzin pa rnams so/ /de rnams med pa ni bdag med pa ste dus gsum mnyam pa nyid do/ /'dir tshigs su bcad pa ni/ sangs rgyas 'khor lo 'dir don med/ /de rnams stong pa yid kyi bdag /gdod nas skye med nyid yin zhes/ /brtag pa'i tshigs su bcad pa shes/ /mi bskyod pa yis gsungs pa/ /de nas zhes bya ba la sogs pa la mi bskyod pa'i snying gar nyi ma la mtshan pa rdo rje nag po yid tsam gdengs por 'dug pa'i dbus su de'i sngags yi ge hUM kha dog nag po reg bya tsha ba sgra rtsub mo/ /gzung ba dang 'dzin pa'i stong pa nyid kyi yid yin pas yi ge gsum po 'di ni shes bya dang shes pa nye bar bsdus pa ro gcig tu gyur pa zhes bya ba'i don to/ /de bzhin gshegs pa thams cad kyi mi zad pa zhes bya ba ni bsdus pa'i mthar thugs par bsam gtan lnga pa ste mi bskyod pa shes bya ba'i don to/ /dngos po 'di rnams zhes bya ba ni mdza' yas pa'i sngags kyi lha rnams kyi/ ma skyes pa zhes bya ba ni mnyam par bzhag pa'i sems la mdza' yas pa'i skye ba med pas rgya che ba dang bral te bsdus pas so/ /de lta na ni chos dang chos nyid du gyur te sems/ 'dzin pas na chos te zhi gnas so/ /chos nyid kyi rnam pa dang ldan pas na chos nyid de lhag mthong ngo/ /de dag kyang bzlog par bya ste de la chos gsum po bsam gtan dang po dang/ /chos bzhi pa bsam gtan gnyis pa dang chos nyid bzhi pa ste bsam gtan gsum po dag go / de bas na chos nyid med pa zhes bzlog par sbyor ro/ /chos nyid ni de dag bsdus pa'i sngags kyi thig le bsam gtan bzhi pa'o/ /chos dang chos nyid de dag med pa ni de bsdus pa'i sogs kyi thig le dang sngags kyi thig le gcig tu gyur pa'i bsam gtan lnga pa'o/ /nam mkha' lta bur bdag med pa ni sems zad pas nam mkha' lta bu'o/ /byang chub tshul gyi zhes bya ba ni byang chub la rnam par dpyad pa'o/ /brtan pa ni mi phyed pa'o/ /'dir tshigs su bcad pa ni/ chos dang blo ni 'dor bsdus pa/ /mkha' dang nam mkha' gnyis su med/ /'di ni gsang zad zab mo ste/ /mi bskyod tshigs su bcad pas shes/ /rin chen 'byung ldan gyis gsungs pa/ /de nas zhes bya ba la sogs pa la 'di dang por yang rin chen dpal gyi sgra'i mthar rdo rje'i sgra lta bu'o/ /ji ste rdo rje'i sgra med na yang rin chen gyi sgras rin chen 'byung ldan bstan la/ dpal gyi sgras mtshan ma bstan te snying ga'i nyi ma la nor bu rin po che ljang gu zur dgu pa de'i dbus su yi ge sA'i sngags te/ thams cad ces bya ba sku phra mo dang rdo rje zhes bya ba thugs phra mo dang don gyi rjes su 'gro ba'i gsung phra mo ste/ de rnams ro gcig par sgyur ba'i bsdus pa'i don ni yi ge gsum mo/ /de bzhin gshegs pa thams cad kyi bdag med pa ni rang dang spyi'i mtshan nyid med pa ste de la rang gi mtshan nyid phra mo rnam pa gsum mo/ /spyi'i mtshan nyid ni de dag bsdus pa'o/ /de dag med po ni ro gcig tu gyur pa ste rin chen 'byung ldan zhes bya ba'i don to/ /chos rnams thams cad ces bya ba la sogs pa la chos rnams thams cad ni mdza' yas pa'i sngags kyi lha rnams so/ /de rnams ni dngos po med pa nyid de chos kyi mtshan nyid rnam par spangs pa ste chos rnams kyi rang gi mtshan nyid dang bral ba'i phyir ro/ /chos bdag med pa ni phra mo rnam pa gsum mo/ /kun tu 'byung ba gcig tu gyur pa'o/ /'dir tshigs su bcad pa ni/ /sngags kyi la rnams rang dang ni/ /spyi yi mtshan nyid yongs su zad/ /rin chen gsang gsum dam tshig te/ rigs 'dzin tshigs su bcad pas shes/ /snang ba mdza' yas kyis gsungs pa/ /de nas zhes bya ba la sogs pa la snang ba mdza' yas kyi mtshan ma dmar po 'dab brgyad kyi dbus su sngags yi ge Alta bu nyid ni yi ge gnyis kyi don yin no/ /ye shes ni sngags thams cad do/ /de'i 'bar ba ni mnyam pa nyid kyi ye shes kyi rin po che'o/ /sgron ma ni de la so sor rtog pa ste snang ba mdza' yas zhes bya ba'i don to/ /ma skyes pa zhes bya ba la sogs pa la chos rnams ni sngags thams cad kyi gsang ba rnams te nam mkha' dang 'dra ba ma skyes pa'o/ /ngo bo med de zhes bya ba ni rin chen 'byung ldan te mtshon par bya ba'o/ /bsgom pa med ces bya ba ni de'i bsgom pa'ang med de/ /mtshon par bya ba'i phyir ro/ /nam mkha' i gnas su sbyar ba yis zhes bya ba la gsum po bsdus pa ni nam mkha' yin la bzhi po nye bar bsdus pa ni gnas de dag gi sbyor ba'o/ /de ltar zhes pa ni de'i phyir zhes pa ste dngos po zhes bya ba ni rin chen 'byung ldan no/ /rab tu bsgrags zhes bya ba ni so sor rtog pa'o/ /'dir tshigs su bcad pa ni/ /sngags rnams gsang ba mkha' yin pas/ /mtshon bya mtshan nyid ga la yod/ /de ltar tha snyad mkhar bsdus pas/ /dag dag tshigs su bcad pas shes/ /don yod grub pa yi gsungs pa/ /de nas zhes bya ba la sogs pa la 'di'i 'bras bu dang bcas pas na don yod par grub pa'o/ /de'i snying gar nyi ma la mtshan ma ral gri'i dbus su gnas pa sngags kyi yi ge hA bkod pa ste mgyogs par 'gro ba dang mi g.yo ba ni yi ge gnyis kyi don to/ /de bzhin gshegs pa thams cad kyi zil gyis mnan pa ni sems can thams cad kyi rgyud la gnas pa ste/ /don yod grub pa zhes bya ba'i don to/ /chos rnams zhes bya ba la sogs pa la rang bzhin 'od gsal ba ni chos rnams rang bzhin gyis de bzhin nyid de de dri ma med cing 'od gsal ba zhes bya ba'i don to/ /gdod nas zhes bya ba ni de nyid gdod nas dag pa yin gyi gnyen po'i mthus phyis dag pa ni ma yin no/ /nam mkha' bzhin zhes bya ba ni 'khrul pa'i dri ma rnams de'i rang bzhin ma yin te glo bur pa yin pa'i phyir rang bzhin rnam par dag pa ste ji ltar nam mkha' dud pa dang khug rna dang rdul dang sprin la sogs pa'i rang bzhin ma yin pa bzhin no/ /de nyid kyi na byang chub med pa ste don dam par de rnams sbyangs pas dag pa ma yin pa'i phyir ro/ /mngon rtogs med pa ni dag par byed pa'i lam gyi 'bras bu ma yin pa'i phyir ro/ /'dir tshigs su bcad pa ni/ 'jig rten rang bzhin 'dod gsal bas/ /thams cad du ni sangs rgyas dngos/ /byang chub med cing lam yang med/ /thogs med tshigs su bcad pas shes/ /'dir bsdu ba'i tshigs su bcad par gyur pa ni/ /dang po'i snying sngags lhag mos gnas/ /dmigs pa rnams kyi sngon du bya/ /lus kyi phyag rgya de nyid gang/ /tshigs bcad rnams kyis de dpyad bya/ /phyag rgya che dang tshigs bcad rnams/ /byang chub rigs pa'i rnams dpyad yin/ /phra mo gnas dang sa bon ni/ /byang chub phra mo'i rnam dpyad do/ /de bzhin gshegs pa thams cad kyi sku dang gsung dang thugs kyi gsang ba'i chos nyid kyi de kho na nyid kyi yi ge rnams thos nas zhes bya ba la de bzhin gshegs pa thams cad ni 'khor los sgyur pa drug go / de rnams kyi sku la sogs pa'i gsang ba ste de la dmigs pa gsum gyis bsgrubs pa'i sku ni sku'i gsang ba'o/ /sngags ni gsung gi gsang ba'o/ /sngags kyi rnam pa la dmigs pa'i sems ni thugs kyi gsang pa'o/ / de gsal bar byed pa'i skur ston pa ni de'i chos so/ /de'i de kho na nyid kyi yi ge ni de dag ston par byed pa'i tshigs su bcad pa ni yi ge ste/ thos pa ni nges par bzung ba'o/ /ngo mtshar du gyur pa ni mngon par rtog pa la'o/ /rmad du gyur pa ni byang chub rnam par bcad pa'i tshigs su bcad pa la'o/ /e ma'o sangs rgyas zhes bya ba ni sku'i gsang ba'o/ /e ma'o chos zhes bya ba ni gsung dang thugs kyi gsang ba dbye med pa bstan pa ste/ gang gi phyir 'dir lam gyi chos yin pas na'o/ / de yang gsung dang thugs kyi gsang ba'o/ /chos bshad pa ni ngo mtshar che zhes bya ba'i chos ni byang chub ste chos thams cad kyi phul du gyur pa yin pa'i phyir ro/ /de bshad pa ni byang chub kyi tshigs su bcad pa'o/ /de bas na go rims ji lta ba bzhin du dag dang de nyid don dag don te/ sku'i gsang ba ni ming dang mtshan pa'i dri ma nub pa yin pa dang lam ni de kho na nyid kyi yul can yin pa dang tshigs su bcad pa ni yang dag par rtogs pa brjod pa'i phyir ro/ /sku'i gsang ba la bstod pa gsungs pa/ bdag med pa zhes bya ba la sogs pa la bdag med pa la dmigs pa'i lam la de skad ces bya'o/ /byung ba ni de las skyes pa ste rnam par rtog pa dang bcas pa'i mi dmigs pa'i lam gyis sangs rgyas kyi byang chub rdzogs pa ma yin pas/ sangs rgyas byang chub rdzogs mdzad pa/ /rnam par mi rtogs pa mig su med/ /ces bya ba gsungs so/ /sku'i gsang ba ni rnam par rtog pa dang mi dmigs pas rdzogs pa yin pa'i phyir ro/ /gsung gi gsang ba la bstod pa gsungs pa kun tu bzang po zhes bya ba la sogs pa la 'di nyid ni kun tu bzang po ste/ sangs rgyas thams cad kyi sa bon du gyur pa'i phyir ro/ /chos thams cad kyi de kho na nyid kyi don te de nyid kyi don 'di'i don yin pas na thams cad don no// zla ba rdo rje'i sbyor bas sa bon bskyed pa ni byang chub sems kyi 'jug pa'o/ /de las ni byang chub spyod pa'o/ /de las sgrib pa thams cad 'joms pa ni byang chub rtogs pa ste de nyid kyi phyir gsungs pa/ byang chub sems ni rab bskor ba/ / byang chub spyod pa rdo rje che zhes so/ /thugs kyi gsang ba la bstod pa gsungs pa/ de bzhin gshegs pa zhes bya ba la sogs pa la thugs ni de bzhin nyid rtogs pas gsal ba tsam ste dus gsum gyi sangs rgyas kyi zhes bya ba dang 'brel to// dag ni rang bzhin te dri ma rnams glo bur ba yin pa'i phyir ro/ /de nyid kyi phyir thabs dang shes rab yang dag par sbyor ba'i sa bon dang bcas pa'o/ /gzung ba rnams thim pas na sku 'dzin pa'o/ /'dzin pa rnams thim pas na thugs 'dzin pa'o/ gsung thim pas na gsung 'dzin pa'o/ /rdo rje can du gyur pas ni rdo rje 'dzin pa'o/ /de lta bu'i mngon par rtogs pa'i byang chub tshigs su bcad pas ston par mdzad pas na sangs rgyas byang chub rab ston pa'o/ /de dag thams cad ni byang chub sems kyi gnas skabs yin pas de nas tshigs su bcad pa bzhi char la yang byang chub sems kyi sgra sbyar ba yin no/ /ji ste gang yang theg pa chen po dag las de bzhin nyid dang yang dag pa'i mdza' dang mtshan ma med pa dang don dam pa dang chos kyi dbyings dang chos nyid la sogs pa'i sgra 'di dag gis brjod pa'i don gang yin zhe na/ stong pa nyid yin no/ /de ni 'gyur ba med pas de bzhin nyid du brjod de/ zas su chu za'o zhes bya ba bzhin du bzhin gyi sgras nges par gzung ba ston pas rtag tu de bzhin nyid yin pa'i phyir ro/ /yang dag pa ni de kho na yin te de bzhin nyid do/ /mdza' ni mchog ste de las lhag par gyur pa'i de kho na gzhan med pas 'di la yang dag pa'i mdza' zhes brjod do/ /mi bden par snang ba'i 'khrul pa yin la de la gang snang ba de ni de'i mtshan ma yin te des yul du byas pa'i phyir ro/ /de las bzlog pa ni mtshan ma med pa ste 'khrul pa'i yul ma yin pa'i phyir ro/ /de ni mtshan ma med pa zhes brjod do/ /dam pa ni 'jig rten las 'das pa'i ye shes te/ 'di de'i yul yin pa'i phyir 'di la don dam pa zhes brjod do/ /chos ni 'phags pa rnams kyi chos te/ phul du byung ba'i phyir ro/ /de nyid la dmigs pas de rnams skye bas chos rnams kyi rgyu yin pa'i phyir 'di ni chos kyi dbyings su brjod do/ /de ni chos thams cad kyi rang bzhin yin pa'i phyir chos nyid ces kyang brjod do/ /de ltar na ni gang du rtag pa'i phyir sems kyi skye ba ni gsal bar snang ba tsam yin te/ dper na rtsig pa zhig pas nam mkha' la sogs pa'i skye ba bzhin no zhes bya ba de gang zhig ce na der yang sems zhes pa'i sgra ni stong pa nyid la bya ste/ sems kyi rang bzhin yin pa'i phyir ro/ /ci ste stong pa nyid kyi mtshan nyid la sogs pa mdor bsdus te rnam par bzhag pa gang yin zhe na/ brjod par bya ste/ stong nyid chos rnams thams cad kyi/ /gnyis kyi stong pa gang yin de'o/ /gnyis po med pa'i mtshan nyid pas/ /de ni thams cad ro gcig nyid/ stong pa nyid phyir dngos po 'ang min/ /de rnams dngos phyir dngos med min/ /lus dngos yin phyir gzhan ma yin/ /mtshan nyid kyis ni gzhan min min/ /sems kyi chos nyid rtag pa'i phyir/ /nam mkha' i 'byung ba bzhin de brjod/ /de'i brjod bcas bsgoms pa las/ /nye bar brjod pa kun rdzob yin/ /spros pa med pa'i ye shes kyis/ /dri ma rtsa nas gton gyur pas/ /glo bur dri ma zad pa na/ /rang bzhin dag ces dag pa yin/ /gal te phyi rol don med na/ /sngon po la sogs pa 'di dag /ji ltar snang bar 'gyur zhe na/ /bag chags kyi stobs las skyes pa'i mi bden pa'i don gyis don du snang ste rmi lam gyi shes pa bzhin no/ /bcom ldan 'das kyis kyang/ ji ltar byis pas rnam brtags pa'i/ /don phyir de ni yod ma yin/ /bag chags kyis ni dkrugs pa'i sems/ /don du snang bar 'gyur ma yin/ /zhes gsungs te/ bag chags kyis dkrugs pa ni nyams par byas pa'o/ /ji ste 'di dag shes pa nyid yin gyi phyi rol gyi don ma yin par ga la shes te/ rmi lam gyi shes pa nyid don dang der snang ba bzhin du sang pa nyid na yang ma yin te/ sngon po la sogs pa'i don nyid snang ba yin la dpe tsam gyi don grub pa med do zhe na/ 'dir brjod par bya ste 'di la gsal ba dang snang ba dang myong ba dang/ bems po ma yin pa dang lkog tu gyur pa ma yin pa rnams ni rtog pa'i mtshan nyid yin la/ sngon po la sogs pa rnams kyang nyams su myong ba ni myong ba de ma rtog pa med de de bas na sngon po la sogs pa yang rtogs pa'i ri bor grub la de nyid kyi phyir phyi rol gyi ngo bo ma yin par grub ste/ bems po dang snang ba dag gcig la 'gal ba'i phyir ro/ /'dir dpyod pa can dag na re don gyi chos gsal ba yin zhes bya ba ni bdag nyid kyis myong bas bden na de yang shes pas bya ba yin gyi shes pa'i mtshan nyid ni ma yin no/ /de bas na de ni don gyi chos yin la de gsal bar byed pa'i rgyu shes pa ni skyes bu'i chos yin no zhes zer na/ de yang mi rigs te don gyi rang bzhin ni skyes bu rnams kyi thun mong ma yin te/ 'di ltar rnam bu dmar po chos mkhan nyid la dmar por snang gyi gzhan dag la dkar por snang ba ni ma yin te/ 'o na ci zhe na/ skyes bu thams cad kyi dmar po yin pas 'di ltar gang zhig gis don gyi chos gsal bar byas pa de thams cad kyis mthong bar 'gyur te thams cad kyi snang ba'i chos yin pa'i phyir ro/ /de bas na thams cad kyis mthong ba med pa ma gtogs pa 'ga' zhig gis don 'ga' zhig mthong ba de thams cad du mthong bar 'gyur ro/ /gzhan dag na re bems po ma yin pa dang gsal ba ni rig pa'i mtshan nyid de/ de nyid ni rtogs pa yin la/ de yang skyes bu'i chos yin gyi don gyi chos ma yin te skyes bu'i shes pa des don gyi phyi rol tu rig cing gzung bas rtogs pa yin na/ de bas na don gsal ba yin te/ gsal ba ni shes pas gsal bar byas pa'o zhe na/ de yang rigs pa ma yin te 'di ltar gsal ba'i mtshan nyid sngar bshad pa bzhin nyams su myong ba yin la/ de yang sngon po la sogs pa'i chos ma yin na/ de rang gsal ba ma yin pas gzhan gyis kyang nus pa ma yin te/ rang gi ngang gis gsal ba ma yin pa ni gzhan gyin gsal bar bya bar nus pa ma yin te/ gsal bar byas pas gsal bar gyur pa dang/ gsal ba ma yin pa yang 'gal ba'i phyir ro/ /ji ste bdag nyid kyis mi gsal ba yang gsal ba pos gsal bar byas la skyon ci yod ce na/ de lta na yang gsal bar gyur pa don gyi chos nyid du 'gyur te/ des na dpyod pa po'i lugs khas blangs pa yin la de'i skyon yang sngar bshad zin to/ /de ltar na sngon po la sogs pa ni snang ba'i bdag nyid la snang ba yin pas na gzung ba dang 'dzin pas stong pa'i rnam la shes pa tsam mo zhes bya ba 'dis gnas pa yin no/ /'dir tshigs su bcad pa ni/ /snang ba min pa snang mi 'gyur/ /bzhan gyis kyang ni snang mi nus/ /sngon po la sogs snang ba ste/ /de phyir gnyis med shes pa yin/ /gzhan yang snam bu dang re lde dang rtsig pa la sogs pa snang ba 'di dag gcig gam du ma zhig ji ste gcig yin na thog ma dang tha ma dad dbus kyi cha'i bye brag dmigs par mi 'gyur te bye brag dang bye brag med pa la 'gal ba'i phyir ro/ /de ltar cha shas rnams kyang so sor gcig tu mi rung bas cha shas med pa'i rdul phra rab 'ba' zhig gnas 'grang/ de yang yongs su bskor ba'i rdul rnams kyis phyogs gcig nas sbyor du mi rung ste/ cha shas med pa'i phyir ro/ /thams cad kyi kyang mi rung ste rdul phra mo rnams gcig la gcig zhugs pas ri la sogs pa yang rdul phra mo'i tshad? tsam du thal bar 'gyur ro/ /des na snam bu la sogs pa 'di dag gcig kyang ma yin la du ma yang ma yin te/ de'i phyir sngon po la sogs pa 'di dag rdul phra mor bshig na/ phyi rol gyi don yod pa ma yin te gcig dang du ma dang bral ba'i phyir ro/ /de yang slob dpon dbyig gnyen gyi zhal snga nas/ drug gis char sbyar bas na/ phra rab rdul cha drug tu 'gyur/ /drug po dag ni go gcig na/ gong bu rdul phran tsam du 'gyur/ /zhes gsungs so/ /ji ltar sngon po la sogs pa phyi rol tu khas blangs pa la skyon brjod pa 'di dag ni rnam par shes pa'i bdag nyid kyi sngon po la sogs pa la yang mtshungs te/ thal bar gyur ba la bye brag med pa'i phyir ro/ /don dang rnam pa shes pa bye brag tsam gyis ni cir yang mi 'gyur ro/ /ji ste don gyi rdul phra rab ni phyogs drug nas bskor ba yin la rnam par shes pa'i rdul phra mo ni phyogs bzhi pa'o zhe na/ cha shas dang bcas par mtshungs pa'i phyir des kyang cir yang mi 'gyur ro/ /gcig dang du ma las ma gtogs pa'i dngos por phung po gsum pa gzhan dag kyang med pas sngon po la sogs pa 'di dag ni phyi rol gyis dngos po dang nang gi dngos por ma grub pa brdzun pa nyid do/ /gzhan yang 'di ni sngon po la sogs pa 'di dag cig char nyams su myong ba yin la/ nyams su myong ba de yang rig pa dang gsal ba dang snang ba zhes bya ste/ gsal ba de ni myong ba dang bdag nyid gcig pa nyid yin la/ gsal ba dang gsal ba ma yin par 'gal ba'i phyir dang gsal ba ni gsal ba kho na'i mtshan nyid yin pa'i phyir/ myong ba'i ngo bo nyid yin la/ de ltar gsal ba tsam yin yang bag chags kyis dkrugs pa'i dbang gis med du zin kyang gang zhig gis bdag nyid du snang ste/ bdag nyid de dag ni go rim bzhin du gzhan gyis ma bzhag pa dang/ bzhag pa yang dag pa dang yang dag pa ma yin pa yang yin te/ gsal ba ni gzhan gyis bzhag pa ma yin pa'i phyir brdzun par mi rung ngo/ /gsal ba de yang gsal ba gzhan gyi bzhag pas gsal ba ma yin te thug pa med par thal bar 'gyur ba'i phyir ro/ /de bas na gsal ba 'di ni rang gi bdag nyid kyi mngon sum gyi tshad ma yin te gzhan gyis bzhag pa ni nam mkha' la sgra'i tshigs snang ba bzhin 'khrul pas yin no/ /de nyid kyi phyir gsal ba la gnod par byed pa med pa dang de las lhag pa'i tshad ma 'jig rten na med pa'i phyir ro/ /sngon po la sogs ba la ni gnod pa yod pa kho na ste/ 'di ltar sngon po dang ser po dang dkar po dang ljang gu la sogs pa'i mtshan nyid phan tshun spangs te snang bas na gcig ma yin la de'i bdag nyid snang ba gcig dang 'gal ba'i phyir du ma nyid kyang ma yin no ji ste de'i bdag nyid yin pa'i phyir de dang 'dra bar gsal ba yang tha dad do zhe na/ de dag bdag nyid so sor myong ba'i phyir lhan cig myong ba med pas thams cad la gcig tu myong ba med pa thar bar 'gyur ro/ /de bas na sngon po la sogs pa ni gcig dang du ma bral bas brdzun pa yin te nam mkha' i ngos la snang ba'i sgra'i tshogs bzhin no/ /bcom ldan 'das kyis kyang don 'di/ /ji ltar me long la ni gzugs/ /gcig dang gzhan pa rnams spangs pa/ /snang yang de na yod ma yin/ /de bzhin dngos rnams ngo bo nyid/ /ces gsungs so/ /'dir gzhan pa zhes bya ba ni gcig la bltos pa te du ma'o/ /dngos rnams zhes bya ba ni rnam par rig tsam gyi bdag nyid kyi chos thams cad do/ /ngo bo nyid ces bya ba ni dngos po'i mtshan nyid de sngon po'i lam la sogs pa'o/ /gzhan yang sngon po la sogs pa gsal ba las tha dad dam 'on te tha dad pa ma yin pa zhig yin ji ste tha dad pa yin na ni de mi snang bar 'gyur ro/ /gal te tha dad pa ma yin na ni/ de rnams gsal ba'i bdag nyid yin pas gcig tu gyur pa 'am de yang de rnams dang tha mi dad pas du mar gyur pa des na lhan cig myong ba med par 'gyur ro/ /de bas na sngon po la sogs pa gsal ba las tha dad pa dang/ cig shos kyi rang bzhin dang bral bas me long gi nang du byung ba'i gzugs brnyan bzhin du brdzun pa yin pa'i phyir yang ji ltar me long la ni gzugs zhes bya ba la sogs pa gsungs te/ phyogs 'di la ni gcig dang gzhan pa zhes bya ba ni tha dad pa dang tha dad pa ma yin pa'o/ /ji ste sngon po la sogs pa 'di dag lhan cig myong ba'i phyir gcig yin na zhe na/ ma yin te tha dad par nyams su myong ba'i phyir dang tha mi dad par nyams su myong bar mi nus pas so/ / ji ste yang sngon po la sogs pa 'di dag lhan cig nyams su myong bas ji ltar nyams su myong ba de ltar gcig yin no zhe na/ tha dad pa nyid tha dad pa ma yin no zhes legs par smras par 'gyur ro/ /ji ste blo'i rnam pa'i yang sngon po la sogs pa ni rang nyid la 'khrul pa mi rigs pas brdzun pa ma yin la/ /rang gi snang ba phyi rol gyi don ma yin pa la sngon du mngon par zhen pas bzhag pa'i sngon po la sogs pa ni brdzun pa yin no zhe na/ 'o na ni rang gi snang ba la mngon par zhen ba yin pas de rnam pa thams cad du shes pa nyid du zhen par 'gyur gyi don du ni ma yin te de don ma yin pa'i phyir ro/ /de nyid kyi phyir 'khrul pa yin no zhe na/ 'khrul pa de nyid dpyad par bya ba yin no/ /ji ste don la mngon par zhen pa yin na ni de'i don rnam pa thams cad du yod par 'gyur bas don med bzhin du zhen par mi 'gyur ro/ /de bas na don la yang zhen pa ma yin la shes pa la yang ma yin no/ /'o na ci zhe na/ rnam par rtog pa'i blo'i snang ba ldog pa'i lus gtso bor gyur pa tsam ni brdzun pa yin no de yang nyams su myong ba'i phyir dang blo med na mi 'byung ba'i phyir dang so so'i bdag nyid du myong ba'i phyir/ blo'i bdag nyid yin la don du mngon par zhen pas don du gyur pa yin gyi don yod pas ni ma yin te/ don med kyang 'byung ba'i phyir ro// de las kha cig ni don rnam par 'jog pa yin te don dang 'brel pa'i phyir ro/ /de bas na gang yang sgra rnams ni dngos su dngos po'i don can du mi rigs te 'gal ba'i phyir ro/ /brdzun pa'i don can de ni ji ltar grags pa bzhin rnam par bzhag pa yin gyi de kho na nyid ji lta ba bzhin du ni ma yin no/ /de yang gsungs pa/ de la ngo bo phyi rol dang/ gcig las gzhan las log lta bur/ /snang ba gang yin brtag pa yi/ /yan lag med phyir de nyid min/ /yang gsungs pa/ sgra don 'di ni yod min kyang/ /ji ltar grags pa bzhin du brjod/ /yang ci'i phyir brdzun par snang zhe na/ de yi bdag nyid kyi phyir ro/ /'o na ji ltar bden pa dang brdzun pa 'gal bar gyur pa dag /de'i bdag nyid du rung/ gsal ba las tha mi dad pa'i phyir rnam par brdzun pa yang dngos por 'gyur ba 'am/ rnam par brdzun pa las tha mi dad pa'i phyir/ /gsal ba yang brdzun du 'gyur ro zhe na/ gang yang ji ltar bden pa dang brdzun pa 'gal bar gyur pa dag /de'i bdag nyid du rung zhes bya ba yang mi rigs te/ bdag nyid kyi 'brel pa dngos por gyur na 'gal bar 'gyur gyi brdzun pa la ni ma yin no/ /de bas na brdzun pa'i dbang gis snang ba yang brdzun yin la/ brdzun pa des de'i bdag nyid kyang yin pa la 'gal ba ci yong brdzun pa yang ji ltar grags pa bzhin du rnam par mi bzhag pa ni ma yin no/ /'di ni gdon mi za bar khas blang bar bya ste gzhan du na 'khrul pa rgyun chad par 'gyur ro/ /des na nges pa dang 'jug pa dang phan tshun rtsod pa dang bcings pa dang grol ba la sogs pa med pa thal bar 'gyur ro/ /de bas na gang yang gsal ba las tha mi dad pa'i phyir snang ba brdzun pa yang dngos por 'gyur ro zhes bya ba'i gtan tshigs 'di la/ gal te dngos po'i rang bzhin du tha mi dad do zhe na/ gtan tshigs ma grub par 'gyur ro/ /'on te tha mi dad pa tsam gtan tshigs yin na ni ma nges par 'gyur te/ gzung ba dang 'dzin pa nyid la sogs pa la de med par gtan tshigs yod pas so/ /de nyid kyis gsal ba yang rnam par brdzun pa de la tha mi dad pa'i phyir zhes bya ba la sogs pa yang bshad zin to/ /yang dbu ma pas smras pa/ /kho bo'i ltar na thams cad brdzun yin pa'i phyir dngos po cung zad kyang yod pa ma yin pas gtan tshigs 'di bsgrub bya med par yod pa ma yin no zhe na/ de dag gi ltar na yang bzlog pa la gnod par byed pa'i tshad ma med pas ldog pa na the tshom za ba'i ma nges par 'gyur ro/ /gzhan yang thams cad brdzun pa nyid yin na/ de'i tshe gang gis kyang ci la yang sgro btags pa med par 'gyur te/ bye brag med pa'i phyir ro/ /de'i phyir 'khrul pa rgyun chad par 'gyur la/ sgro ma btags pa la gnod pa byed pa med pas gang gis kyang ci yang brdzun par ma grub po/ /gzhan yang gal te thams cad stong pa nyid kyang brdzun pa yin na don dam par bya ba gang la yod ci ste de ni tshad mas grub pas brdzun pa ma yin no zhe na/ 'o na mi gsal ba yang brdzun du mi 'gyur te/ tshad mas grub pa'i phyir ro/ /'di ltar sngon po la sogs pa'i gsal ba ni thams cad kyi nyams su myong bas grub ste/ de yang rang rig pa la 'khrul pa mi dmigs pas mngon sum nyid yin no/ /sngon po la sogs pa myong ba ni 'khrul pa yin la de dag de las ngo bo gzhan du 'gyur te ji ltar bstan pa'i gnod pa yod pa'i phyir ro/ /sngon po dang gsal ba dag ni shin tu dbyer med de bye brag mi dmigs pa'i phyir ro/ /zhe na de'i tshe tha dad pa med pa tsam du sgrub na ni 'grub par sgrub pa yin no/ /'on te dngos po nyid kyi tha dad pa med pa sgrub na ni ma nges par 'gyur ro/ /de bas na gsal ba'i bdag nyid yang dag pa yang gzhan yin la sngon po la sogs pa brdzun pa yang gzhan yin no/ /gzhan yang thams cad brdzun pa nyid yin na/ 'jig rten las 'das pa'i rnam par mi rtog pa'i ye shes rnams yang skye bar mi 'gyur te/ rtag tu brdzun pa nyams su myong ba'i phyir dang bden pa las so sor rtog pa dang bcad pa yin pa'i phyir ro/ /kha cig na re sems dang sems las byung ba 'gags pa ni 'jig rten las 'das pa'i yang dag pa'i ye shes so/ /zhes zer na de yang mi bden te/ 'di ltar shes rab la sogs pa 'gog pa na ye shes nyid kyang 'gags na yang dag pa'i ye shes lta smos kyang ci dgos/ /kho bo'i ltar na brdzun bar snang la 'gags nas gnyis su med par gsal bar myong ba'i 'jig rten las 'das pa'i ye shes skye ba'i phyir nyes pa ci yang med do/ /de'i phyir thams cad brdzun par smra ba ni rtsod pa la mkhas pa ma yin no/ /'dir brdzun pa ni ngo bo med pa'i phyir btags pa'i yod pa'o/ /gsal ba ni rten cing 'brel par 'byung ba'i phyir rdzas su yod pa'o/ /de gnyis kyis stong pa ni don dam par yod pa ste yang dag pa'i ye shes kyi yul yin pa'i phyir ro/ /de gnyis kyis na sngon po la sogs pa ni ngo bo nyid med pa'i phyir skye bar yang mi 'gyur la 'gag par yang mi 'gyur te 'khrul pa'i dus na ni snang la 'khrul pa log na ni mi snang par zad do/ /de skad du yang slob dpon klu sgrub kyi zhal snga nas dngos rnams skye ba yod med cing/ /'gag ba gang na yod ma yin/ /rkyen nyid 'di rnams kho na ni/ /rkye zhing 'gag par 'gyur ba yin/ /'byung ba che la sogs bshad pa/ /rnam par shes su yang dag 'du/ /ye shes kyis ni de bral na/ /log par rnam brtags cis ma yin/ /gal te de lta na rnal 'byor spyod pa po dang de dag tu bye brag ci zhig yod ce na/ dbu ma pa kha cig dag ni gsal ba'i bdag nyid de yang dbyang mi bzod pas med par khas len na/ de ni rigs pa ma yin te/ sgro ma btags par mngon sum gyis grub bar gyur pa/ spros pa thams cad log par gyur yang rjes su 'brang ba'i gsal ba ni 'jig rten dang 'jig rten las 'das pa'i dpyod pa'i rgya mtsho las brgal ba cig tu dpyad bzod pa'i bdag nyid can yin te/ gnod pa thams cad ni sgro btags pa'i yin pa'i phyir ro/ /gang gis de la gnod pa byas par gyur na de'i rtsa ba can yin pa'i phyir nyams chung bar gyur pa 'am des gnod par 'gyur ro/ /yang kho bo ni dngos po thams cad gsal ba'i bdag nyid kyis bden la/ sngon po la sogs pa'i bdag nyid kyis mi bden pa ni dbu ma nyid kyi lam yin par smras te/ rnal 'byor spyod pa 'di ltar 'dod pa ji lta ba bzhin du/ nA gA rdzu na'i zhal snga nas kyang bzhed de/ grub pa'i mdza' 'di ni gcig pa yin la/ tha dad par 'dod pa gzhan dag ni kha na ma tho ba med pa yin no/ /shin tu spros pas chog go / 'di ni thams cad du gnas par gyur pa te/ 'di ltar chos thams cad snang bar sems bskyed pa gzung ba dang 'dzin pa dag dang bral bas lus dang ngag bzhin du sems can nyid du mos par byas la rnam pa de dag brdzun par rig nas snang bas med par rtogs pa'i sbyor bas spangs te snang ba med pa'i zhi gnas 'di bskyed la/ de nyid gsal bar mthong ba'i lhag mthong dang zung du mjug pa'i bsgom pa rdzogs pa na/ zhi gnas dang lhag mthong gi bdag nyid can 'jig rten las 'das pa'i ye shes snang ba med cing spros pa thams cad dang bral ba skye bar 'gyur ro/ /'dir tshigs su bcad pa gsum yin te/ bden min gnyis su rtogs pa yis/ /'jig rten shes pa rnam par bcas/ /rnam pa dag ni brdzun pa'i phyir/ /de ni rnam pa med par brjod/ /'phags pa bden min mi rtog pas/ /ye shes gnyis med rnam pa can/ /bden min rnam pa spangs nas su/ /mnyam nyid ting 'dzin lhag mthong bcas/ /'jig rten las 'das ye shes ni/ /rnam pa dag ni nub gyur nas/ /spros pa med par gnyis med pas/ /gtso bo snang ba med pa skye/ /byang chub kyi sems gsal bar byed ba'i le'u ni byang chub sems kyi le'u ste/ gsang ba 'dus pa'i bshad sbyar las le'u gnyis pa'o// //mchog gi bsnyen pa ni le'u gsum pa dang bdun pa dang bcu gcig pa dang bco lnga pa ste le'u bzhi rnams su gtor te gnas pa las de'i mngon par rtogs pa ni le'u gsum pa'i don yin la/ de bas na 'di'i dang por de nyid re zhig mdor bsdus te brjod par bya'o/ /'di sgrub thabs kyi dbang du byas pa'i sngags pa tshogs bsags pa'i mtshan ma thob pas me tog dang 'bras bu dri zhim po phun sum tshogs pa gtsang zhing nye bar 'tsho ba med pa'i ri sul la sogs par gnas bcas te sgrub pa'i grogs bzang po dang lhan cig tu mchog gi bsnyen pa rtsom par 'dod pas tho rangs kyi dus su langs la/ lam la brten pa'i bar gyi cho ga nas nyams su blangs te/ sems can thams cad la snying rje mngon du byas nas snang ba med pa'i byang chub kyi sems lhag par mos par byas la/ aoM shU n+ya tA dz+nyA na badzra swA b+ha ba At+ma konyahaM/ zhes bya ba'i sngags kyis byin gyis brlab pa'o/ /de'i rjes la chos 'byung ba'i phyag rgya'i nang du tshud pa'i khang bu brtsegs pa bsgoms la/ gal te rnam par snang mdzad dam/ de'i rigs kyi rnal 'byor pa yi na na/ de'i dbus su gdan zla ba'i dkyil 'khor la rab sngags kyi yi ge zla ba ltar dkar ba bsams la de'i 'od zer gyi nam mkha' khyab pa'i sngags kyi lha rnams bsdus te de nyid du bstims pa las byung ba'i bcom ldan 'das rnam par snang mdzad bsgom par bya ste/ mdog dkar po nag po dmar po'i zhal can/ rtsa ba'i phyag gnyis kyi rang gi 'od kyi rig ma la 'khyud cing ma mchu 'dzin pa/ phyag g.yas gnyis kyis 'khor lo dang ral gri 'dzin cing g.yon gnyis kyis rin po che dang pad+ma bsnams zla ba'i gdan dang/ zla ba'i 'od can /rdo rje'i skyil krung dang/ zhi ba'i nyams dang ldan pa ral pa'i cod pan la mi bskyod pas brgyan pa/ mgo bo dang/ mgrin pa snying ga rnams su zla ba rab bsngags dang/ Agshegs pa'i tshogs spros pas nam mkha' i ngos la g.yog par bsam mo/ /de'i rjes la sbyor ba'i yan lag drug po byas te/ ji skad du le'u bco brgyad pa las/ bsnyen pa'i yan lag drug tshul du/ /byas pa mchog ni bsgrub par bya/ /gzhan dag tu ni bsgrubs gyur na/ /dngos grub mchog tu mi 'gyur ro/ /so sor sdud dang bsam gtan dang/ /srog rtsol de bzhin 'dzin pa dang/ /rjes su dang drang ting 'dzin dang/ /sbyor bas yan lag drug ces bya/ /zhes gsungs te/ de las 'byung ba chen po lnga bsdus pa ni nam mkha' bsams nas de'i dbus su 'byung ba las gyur pa'i dbang po lnga bsdus pa'i rdo rje bsam mo/ /de'i lte bar chos kyi dbyings kyi zla ba'i gdan la gnas pa'i sna tshogs pa bsams la shes dang shes bya de dag tha dad tha dad kyi sbyor ba dang bral bas gdan sna tshogs pa dag dbyer med pa'i nges par bya'o/ /de'i rjes la sna tshogs pa'i gdan zla ba las zla ba dang nyi ma'i rnam pa gzugs dang sgra dang dri dang ro dang reg bya rnams rim bzhin du rdo rje nor bu'i sgo nas byung bas pad+ma'i nang du dbus dang/ shar dang lho dang nub dang byang gi cha rnams su bkod la/ sna tshogs pa nyid las s angs rgyas lnga'i sngags kyi rnam pa aoM hUM swA Agang gi rigs mdza' yas pa dang lhan cig tu 'ongs te bstim mo/ /de ltar dkyil 'khor lnga'i bdag nyid ji srid 'dod kyi bar du bsgom mo/ /de'i rjes la sna tshogs pa'i rang gi gdan la sangs rgyas lnga'i ni gdan lnga bsdu/ bdag nyid la ni sangs rgyas lnga po bsdu ba 'di ni so sor sdud pa zhes bya ba'i yan lag dang po'o/ /de'i rjes la sna tshogs pa las padmo'i lte ba'i grwa gsum du 'khor lo dang pad+ma dang rdo rje rnams spros pa ni bsam gtan dang po rtog pa zhes bya'o/ / de rnams kyi dbus su ral gri spro ba ni bsam gtan gnyis pa dpyod pa zhes bya'o/ /mtshan ma bzhi'i lte ba rnams su/ aoM Agri'i snying po'i lte bar dga' ma rnams bsdus pa las byung ba'i thig le phra mo mu tig gi rdog ma lta bur bsam pa ni bsam gtan bzhi pa bde ba zhes bya ba'o/ /de'i rjes la mtshan ma bsdus pa las byung ba'i bde ba'i thig le nang du chud pa'i sems kyi thig le bsam pa ni bsam gtan lnga pa sems rtse gcig pa zhes bya ba ste/ 'di ni bsam gtan lnga pa zhes bya ba yan lag gnyis pa'o/ /de'i rjes la sna tshogs pa gdan dang bcas pa byung ste bde ba'i thig le dang sems kyi thig le nang du chud pa'i rin chen chen por bsdus pa'i sbyor ba yungs kar ltar phra ba bskyed la/ aoM d+harma d+hA tu swa b+hA ba At+ma konyahaM/ zhes bya ba'i sngags kyis byin gyis brlab bo/ /de nas gyen du drangs te sna'i rtse mor bzhag la bsgom pa 'di ni srog dang rtsol ba zhes bya ba yan lag gsum pa'o/ /de nas snying gar zla ba la rang gi sngags bsams la de'i thig ler rin chen phra mo phab ste/ de nyid du nges pa bsgoms pa de nas rang gi sngags la rab sngags bstims te sku phra mo'i rin chen phra mo la brtag par bya'o/ /de bzhin du Akyis gsang ba gsum po bsdus pa'i rin chen phra mo la bzung bar bya ste/ ji srid du de nyid du sems brtan par gyur gyi bar du gzung ba 'di ni 'dzin pa zhes bya'o yan lag bzhi pa ste/ ji srid du tsa na ka'i 'bru tsam la brtan par ma gyur gyi bar du ni yan lag bzhi pa de nyid kyi sbyor ba bya la/ brtan pa'i mtshan ma nye bar thob nas ni yan lag drug pa rdzogs par bya'o/ /ci ste brtan par gyur na sems kyi rin po che rdo rje nor bur phab la de las byung ba'i 'od kyi thig le pad+ma'i nang du phyung ba las 'khor lo phra mor sprul te sku gnyis dang nam mkha' i ngos la khyab pa'i 'khor lo phra mo spros pa ni sangs rgyas rjes su dran pa'o/ /de bzhin du pad+ma spros pa ni chos rjes su dran pa'o/ rdo rje spros pa ni rdo rje rjes su dran pa'o/ /ral gri spros pa ni rigs rjes su dran pa'o/ /de nas gtsug gtor 'khor lo sgyur ba yid kyis bkug ste bdag nyid la bcug nas rin po cher bsdus te/ rin po che de nyid las de'i 'khor lo spros pa ni/ khro bo rjes su dran pa'o/ /de nyid las 'od kyi thig le rnams las de nyid du mtshan ma lnga spros te/ dbus su ni 'khor lo ser po'o/ /lhag ma rnams ni ngos bzhi ru sprul la de rnams spros pa ni dam tshig rjes su dran pa drug ces bya ba yan lag lnga pa'o/ /de nas sems kyi rin po che snying ga'i sngags kyi thig ler drangs te bzhag la nam mkha' spros pa'i mtshan ma rnams 'od kyi dkyil 'khor gcig tu bsdus te/ rin po che phra mo'i nang du 'khor lo bsgyur ba'i gdan gyi rnam pa ltar yun ring du bsgoms pa 'di ni ting nge 'dzin zhes bya ba'i yan lag drug pa'o/ /ldang ba'i dus su ni tshigs su bcad pa 'di lngas smon lam gdab par bya ste/ sangs rgyas kun gyi sku gang yin/ /phung po lnga yis rab tu gang/ /sangs rgyas sku yi rang bzhin pas/ /bdag kyang de dang 'dra bar shog / rdo rje chos kyi gsung gang yin/ /gsung de des tshig phun sum tshogs/ /bdag gi ngag kyang de 'dra bas/ /chos 'dzin pa dang mtshungs par shog /kun tu bzang po'i thugs gang yin/ /gsang ba'i dbang po'i blo ldan pa/ /bdag gi sems kyang de 'dra bas rdo rje 'dzin dang mtshungs par shog /sems can kun gyi sems gang yin/ /sku dang gsung dang thugs kyis mtshan/ /bdag gi sems kyang de 'dra bas/ /mkha' mtshungs snying po can gyur cig / rdo rje sngags kyi sku gang yin/ /gsung gi sku ni rnam bsgoms te/ /bdag kyang brtag tu de 'dra bar sngags 'dzin pa dang mtshungs par shog /de ltar dngos grub mchog gi sbyor ba'i yan lag drug gi bsnyen pa dam tshig las mi 'da' bar bya'i/ /'dir bsdus pa'i tshigs su bcad pa ni/ /'khor lo bsgyur ba'i rig par bcas/ /khang brtsegs nang du bltas nas su/ /mkha' dang rdo rje gnas na tshogs/ /sbyor ba'i yan lag drug rdzogs byed/ /sems dpa' de yi longs spyod dang/ /ba spus gnyis phra gsum rin po che/ /rin chen bstan nas khyab par spro/ /de nas rin po cher bsdu bya zhes bya ba ste/ bsnyen par mngon par rtogs pa'o// //'di ni 'khor lo sgyur ba'i rnal 'byor pas sbyor ba'i yan lag drug gi rnal 'byor la gnas te/ bsnyen pa'i mngon par rtogs pa bstan pa de las yan lag drug pa ni 'bras bu yin pa'i phyir gtso bo yin la/ de ni rdo rje bkod pa zhes bya ste/ des na re'i le'u'i don gyi skabs dbye ba'i phyir de nas zhes bya ba la sogs pa gsungs te/ de bzhin gshegs pa thams cad kyi sku dang gsung dang thugs ni gsang ba yin la/ de rnams kyi rdo rje ni 'dus pa yin te gsang ba 'dus pa zhes bya ba'i don to/ /gsang ba de dag ji lta ba de bzhin du gsungs pas na de bzhin gshegs pa'o/ /de bzhin gshegs pa thams cad ces bya ba ni yang dag par rtogs pa ste/ 'khor lo dang pad+ma dang rdo rje la sogs pa'o/ /de rnams kyi sprin 'phro ba ni de rnams kyi sprin gyis nam mkha' khyab par g.yogs pa'o/ /de'i bkod pa ni rdo rjer bsdus pa'o/ /de nyid rdo rje ste mi phyed pa'i phyir ro/ /de la dmigs pa'i ting nge 'dzin la de skad ces bya ste/ de la snyoms par zhugs pa ni de ston pa'i rnam par thugs rtse gcig tu mdzad pa'i don to/ /rdo rje bkod pa ni ting nge 'dzin de nyid do/ /de ston par byed pa ni rdo rje bkod pa'i ting nge 'dzin gyi le'u ste/ 'dir so sor sdud pas grub pa'i sku ni gsang ba dang bsam gtan gyi yan lag gis grub pa'i gsung dang/ thugs kyi phra mo rnams gong bur byas pas bskyed pa'i yungs kar phra mo'i sems kyi rin po che ni srog dang rtsol ba ste/ de nyid 'dzin pa'i yan lag gis brtan par byas pa ni rdo rje zhes brjod de/ bye brag tu rtogs pa'i phyir ro/ /ji ltar bye brag tu 'gyur zhe na/ der rdo rje sems dpa' zhugs pa'i phyir ro/ /de yang ji skad du 'dzin pas rtag tu stobs ldan te/ rdo rje sems dpa' yang dag 'jug ces gsungs so/ / de nyid las rdo rje dang 'khor lo la sogs pa'i sprin spros pa ni rjes su dran pa'i yan lag go / de dag ni rdo rje de nyid du bsdus pa ni bkod pa ste de nyid ting nge 'dzin gyi yan lag go /de bas na rdo rje bkod pa'i tshig gis yan lag drug po rdzogs par bstan pa yin la/ des thams cad kyi sngon du bya ba rnams kyang 'phags pa yin te/ de bas nang bar langs nas lam la bsten pa'i bar gyi cho ga nyams su blangs la sems can thams cad la snying rje mngon du byas te/ snang ba med pa'i byang chub kyi sems su lhag par mos pa byas la sngags kyis byin gyis brlab par bya'o/ /zhes bya ba la sogs pa yin te/ sngags de nyid bcom ldan 'das kyis gsungs pa/ aoM zhes bya ba la sogs pa ste/ rnam par shes pa tsam du shes pa ni sngags rnams kyi rgyu yin la/ de nyid ni rab sngags kyi don yin no/ /de bas na rab sngags ni sngags rnams kyi dang por gyur pa yin no/ /gnyis su 'khrul pa'i mtshan ma nub pas/ chos thams cad gnyis kyis stong la/ gcig tu mdza' yas shing nam mkha' dri ma med pa lta bur snang ba med pa ni sangs rgyas rnams kyi shU n+ya tA dz+nyA na'o/ /de nyid ni badzra te sgrib pa thams cad 'bigs pa'i phyir ro/ /de nyid ni swa b+hA ba ste sems bskyed pa'o/ /de'i At+ma konyahaM haM te rang bzhin 'di la yod pas na de skad ces bya'o/ /de nas ci zhig bsgom par bya zhe na/ nam mkha' i zhes bya ba la sogs pa gsungs pa la nam mkha' i dbyings ni chos 'byung ba'i phyag rgya chen po'o/ /de'i dbus ni de'i nang khong stong gi 'og logs na sna tshogs pad+ma rgya che ba gyen du 'phags pa'i lte ba la gnas pa'i sna tshogs rdo rje'i lte ba gang yin pa de la gnas par bsgom par ni'o/ /sangs rgyas dkyil 'khor la sangs rgyas ni yi ge b+h+ruM de yongs su gyur pa'i gzhal yas khang ni dkyil 'khor ro// gang las 'od zer sbyin gyi tshogs chen po 'pho ba chen po de la de skad ces bya'o/ /sangs rgyas nyid 'bar ba ste/ rnam par 'pho ba chen po gang yin pa dang/ 'od de dang mnyam pa med pa ste/ dpe med pa gang la yod pa de la de skad ces bya'o/ /'od zer sna lngas kun tu khyab pa ni gang gi kun tu te/ thams cad khyab cing dkrigs pa de la de skad ces bya'o/ /kun nas yongs su zlum po ste zhes bya ba ni nang gi rim pa zlum por gnas pa ste/ phyi rim ni zur bzhi pa yin no/ /'dod par bya ba yin pas na 'dod pa ste/ gzugs dang sgra la sogs pa'o/ /de nyid ni lnga'o/ /yon tan dang ldan pas na yon tan te/ longs spyod gcig tu dge ba dang/ gcig tu bde ba dang / gcig tu kha na ma tho ba med pa dang/ gcig tu dbang bsgyur ba gang yin pa de dag gis khyab pa'o/ /mchod pa lnga yang de dang 'dra ba nyid do/ /me tog dang/ spos dang/ mar me dang/ dri dang/ lha bshos kyi khyad par te de rnams kyis brgyan pa'o/ /dra ba dang/ rta babs kyis phun sum tshogs pa ni gzhan la blta bar bya'o/ /dbus su zhes bya ba ni dbus ma'i gdan la'o/ /bsgom par bya ba zhes bya ba ni 'khor los sgyur ba'i sngags bsgom pa'o/ /mdor bsdu na zhes bya ba ni sngags kyis nam mkha' khyab pa'i sngags kyi lha'i bkod pa rnams sngags la bsdu ba'o/ /gzugs zhes bya ba ni 'khor lo sgyur ba'i gzugs su bsgom pa'o/ /de nyid kyi khyad par rnam par snang mdzad ces bya ba la sogs pa gsungs pa yin te/ rnam par snang mdzad de'i yid kyi rang bzhin can gyi sku gang yin pa de ni phyag rgya chen po'o/ /de skad du yang yid kyis gzugs ni brtan pa'i phyir/ /phyag rgya dam tshig yin par bshad ces gsungs pa yin te/ nges pa'i tshig gi tshul gyis so/ /de yang sangs rgyas rnams kyis kyang 'da' bar mi mdzad pa dang/ de kho na'i don gyi rjes su mthun pa'i brdar gyur pa dang/ de bzhin gshegs pa'i che ba nyid kyi gzugs brnyan 'phro ba'o de la 'da' bar mi bya ba 'di yang phyag rgya ste/ rgyal po'i phyag rgya bzhin no/ /brde'i don gyis kyang yin te/ nye tshong la lag pa'i brda ston pa lta bu'o/ /gzugs brnyan 'pho ba'i don gyis kyang yin te/ skyes bu'i yid du 'od pa'i gdu bu'i rgyan gyis rdzas bzhin no/ /phyag rgya che ni phyag rgya chen po'o/ /de ltar na che ba yin zhe na/ rnam pa thams cad kyi mchog dang dan pa'i phyir dang/ rgya che ba'i phyir dang/ dga' ba chen por gyur pa'i phyir dang/ de las gzhan pa'i phyag rgya'i rten yin pa nyid kyi phyir ro/ /sku gsung thugs kyis mtshan pa'o/ /zhes bya ba ni snying ga'i dang/ lkog ma dang/ spyi bor yi ge hUM dang/ Ayas khang bsgom pa'i rjes thogs la bsgom par bya'o/ /tshig gsum po 'di dag ni drug char la yang sbyar bar bya'o/ /sku gsung thugs ni rdo rje'i zhes bya ba ni snga ma bzhin te rdo rje 'chang ba zhes bya ba'i don to/ /phyag rgya zhes bya ba ni phyag rgya chen po'o/ /lam zhes bya ba'i sgra ni rnam par rtog pa'i don te drug char la yang sbyar bar bya'o/ /tshogs gnyis ni shes rab dang thabs kyi sku gnyis te/ de dang ldan pa ni zhal bltas te brtan par kun tu sbyor ba de dang de yis so/ / drug char la yang 'di sbyar bar bya'o/ /mi bskyod pa'i rgyal mchog dang zhes bya ba ni phyag rgya chen po'o/ /dkon mchog dpal gyi rgya chen dang zhes bya ba ni rin chen 'byung ldan gyi phyag rgya chen po'o/ /tshe dpag med ces bya ba ni 'od dpag tu med pa'i phyag rgya chen po'o/ /'od byed pa ni nam mkha' khyab pa can gyi 'od spro bar mdzad pa'i phyir te 'di ni drug char la yang sbyar bar bya'o/ /'o na da dag gang du bsgom par bya zhe na/ sangs rgyas dkyil 'khor la bsgom bya zhes gsungs te/ sangs rgyas gang gi gdan gyi dkyil 'khor gang yin pa de la bsgom par bya ste/ dang po'i gnyis kyis ni zla ba'i dkyil 'khor yin la lhag ma rnams kyi ni nyi ma'i dkyil 'khor yin no zhes bya ba'i don to/ 'di rnams kyi sku mdog dang phyag mtshan la sogs pa bstan par bya ba'i phyir sku gsung zhes bya ba la sogs pa gsungs pa la/ sku gsung thugs kyi rdo rje ni sku dang gsung dang thugs snang ba med par byed pa ste/ mi bskyod pa'o/ /'di la ain+d+ra nI la'i kha dog ste mdangs de dang 'dra ba'i kha dog dang rnam pa mnga' bas na de skad ces bya'o/ /de nyid ni sngar sku mdog nag po can du bshad pa nyid kyi phyir ro/ /'di khyab pa nyid kyi phyir rab dang 'bar ba ste/ /'od 'phro ba yod pa nyid kyi phyir rab 'bar che'o/ /'di'i phyag na rdo rje rtse lnga pa bsnams bas na rdo rje ba rnams pa'o/ /rnam par gtsigs la 'jigs 'jigs lta ba ni mche ba cung zad gtsigs pa'i phyir dang/ khro ba'i nyams dang ldan pa nyid kyi phyir dang/ skye bo gdug pa rnams skrag par mdzad pa nyid kyi phyir ro/ /'di la dang ba'i phyir shel dang 'dra ba dang/ dkar por snang ba nyid kyi phyir zla ba'i 'od dang 'dra ba'i sku mdog mnga' ba'i phyir de skad ces bya ste/ rnam par snang mdzad de de nyid ni sngar dkar por bshad pa nyid kyi phyir ro/ /thor tshugs cod pan gyi brgyan pa ni ral pas spras pa'i cod pan des brgyan pa'o/ /'khor lo ni rtsibs brgyad pa'o/ /sna tshogs rgyan ni lha'i rgyan dang gos rnam pa sna tshogs pa ste de dag gis mdzes par brgyan pa'o/ /'dzam bu chu bo'i gser 'od 'dra zhes bya ba ni rin chen 'byung ldan te/ de nyid ni sngar ser por bshad pa nyid kyi phyir ro/ /sangs rgyas rigs kyi sprin gyis te/ sprin spro ba'i tshogs kyis so/ /kun tu dkris zhes bya ba ni sna tshogs khyab pa yin pa de ltar na de skad ces bya'o/ /rdo rje che zhes bya ba ni rtse dgu pa ste/ cha dgu pa can gyi phyag mtshan chen po'o/ /de nyid ni 'di'i phyag mtshan yin no/ /khyad par yang mar gad ces bya ba la sogs pa gsungs pa yin te/ nor bu rin po che ljang gu 'od rgyun mi 'chad pas brgyan pa de'i phyag tu rnam par bsgoms la/ sangs rgyas kyi rigs kyi sprin gyi 'od zer rnams par 'khrug par thams cad du bsgom par bya'o/ /'dod chags 'bar zhes bya ba la/ 'dod chags ni shes rab la'o/ /kha dog lnga'i 'od zer 'di la mnga' bas na 'od zer sna lnga pa'o/ /'od byed pas na 'od de gzi brjid 'bar ba'o/ /de yang sku mdog ljang gu ste sngar de skad du bshad pa nyid kyi phyir ro/ /zhi ba zhes bya ba ni zhi ba dang/ sgegs pa'i nyams dang ldan pa'o/ /phyag gi ral gri bsnams pa ni phyag na ral gri bsnams pa'o/ /de la thor tshugs cod pan gyis brgyan pa/ sna tshogs brgyan gyis mdzes par brgyan/ /sangs rgyas sprin gyis kun tu dkrigs/ /rnam par bsgom zhes bya ba dang/ /de bzhin du 'od zer sna lnga zhes bya ba'i sgra lnga char la yang sbyar bar bya'o/ /de la zhi ba smos pa ni zhi ba la yang ste mi bskyod pa ni drag po'i nyams dang ldan pa nyid kyi phyir ro/ /rdo rje 'dzin pa ni ral pa'i thor tshugs kyis skabs su rin po che'i cod pan te 'dir bye brag ma smos pa'i phyir ro/ /'dir lnga po'i phyag mtshan gsungs pa yin gyi rdo rje 'chang ba'i ni ming nyid kyis bstan pa yin no/ /'di'i sku mdog ni le'u bco lnga pa las/ de ma thag tu yang/ rnam par snang mdzad 'od 'dra zhing/ /rdo rje sems dpa' rgyal po che/ /sangs rgyas sku gsum rdo rje 'dzin/ /zhes 'chad par 'gyur ro/ /de bas na rtsa ba'i phyag mtshan yin te/ de dag ni de dag gi phyag g.yas pa'i gnyis pa la blta bar bya'o/ /thams cad kyang phyag drug dang phyag mtshan lnga dang ldan pa yin no/ /de la sku mdog dang phyag mtshan gyi rigs pa ni bdag gi le'u dang por bshad pa nyid yin no/ /'dir yang ain+d+ra nI la la sogs pa'i tshig dang 'od kyi tshig ni sangs rgyas rnams kyi shin tu rnam par dag pa'i ye shes kyi snang ba'o/ /rdul phra rab kyis bsgrub pa nyid kyi phyir ro/ /'dir tshigs su bcad pa ni mchog tu gsal ba'i phra rab rang bzhin de'i/ /rgyal ba rnams kyi sku mchog 'bar ba gang/ /pad+ma rA ga dang ni margad gser dang ni/ /zla zer ain+d+ra nI la 'od 'gyur gang/ /de phyir nor bu'i 'od kyi dpe bcas nyid/ /mdog sogs rigs pa dang por 'dus byas nas/ /'dir ni lha rnams kyi ni pho brang dang/ /sku dang brgyan dang phyag mtshan dag yin no/ /bcom ldan 'das zhes bya ba ni rdo rje 'dzin pa'o/ /sku dang gsung dang thugs rdo rje zhes bya ba ni/ sku la sogs pa'i tshogs gcig tu 'khregs par gyur pa'o/ /de mdzad pa dang ldan pa'o/ /de'i tshe bcom ldan 'das nyid rig pa'i skyes bu'i sbyor bas bzhugs te/ nam mkhar chud pa'i rdo rje nang du 'dod pa'i yon tan drug po'i gdan la sna tshogs pa bsams nas/ de las pad+ma'i nang du 'dod pa lnga'i gdan dang/ de rnams sngags lnga po spros te sngags kyi 'od zer gyis nam mkha' khyab pa'i rigs lnga'i sprin sngags la bsdus pa ni so sor bsdud pa dang po'o/ /de nas gdan la ni gdan rnam pa sna tshogs pa la sngags rnams bsdus pa ni gnyis pa ste/ 'dir dus gsum gyi sangs rgyas rnams kyi sku de la bsdus pas na sku rdo rje'o/ /de'i rjes la sna tshogs pa las pad+ma'i lte ba'i grwa gsum du 'khor lo dang pad+ma dang rdo rje rnams phyung ba ni bsam gtan dang po'o/ /de rnams kyi dbus ral gri phyung ba ni bsam gtan gnyis po'o/ /mtshan ma bzhi'i lte bar yi ge bzhi phyung ste/ dgod pa ni bsam gtan gsum pa'o/ /ral gri'i lte ba'i snying por yi ge bzhi bsdus pa'o/ /byung ba'i bde ba'i thig le ni bsam gtan bzhi pa ste/ de ni 'dir gsung rdo rje'o/ /de'i dbus su mtshan ma bzhi bsdus pa las byung ba'i sems kyi thig le ni bsam gtan lnga pa ste de ni 'dir thugs rdo rje'o/ /de dag tu mdzad pa dang ldan pas na sku dang gsung dang thugs rdo rje'o/ /de bzhin zhes bya ba ni sku dang gsung dang thugs de nyid do/ /gshegs pa zhes bya ba ni 'khor rnams kyi de ltar mkhyen pa'o/ chos kyi dbyings kyi ngo bo nyid rdo rje zhes bya ba la chos ni yi ge lnga'i bdag nyid kyi bde ba'i thig le gsung phra mo'o/ /de'i dbyings ni ye shes lnga'i rang bzhin sems kyi thig le thugs kyi phra mo ste/ de 'dzin pa'i phyir ro/ /ngo bo ni bdag nyid de dus gsum gyi sangs rgyas rnams kyi skur sna tshogs pa 'dod pa thams cad kyi gdan la gnas pa gang yin pa ste/ de nyid rang gi gdan dang bcas nas sku'i nor bu'i thig ler byung ba sku phra mo ste/ sangs rgyas thams cad kyi rang bzhin yin pas so/ /nyid ces bya ba ni de dag gi ngo bo nyid du gyur pa ste de ni chos kyi dbyings kyi ngo bo nyid do/ /de nyid ni rdo rje ste de la dmigs pa'i ting nge 'dzin la de skad ces bya'o/ /snyoms par zhugs pa zhes bya ba ni de bzhin gshegs pa zhes bya bar sbyar ste/ snyoms par zhugs par gyur pa de lta bur gyur pa de bzhin du mkhyen par gyur pa'o/ /sku dang gsung dang thugs ni phra mo rnam pa gsum mo/ /byin gyis rlob pa ni de'i don gyi sngags so/ /sngags kyi don ni sangs rgyas rnams kyi chos kyi dbyings kyi rang bzhin gang yin pa de nyid bdag nyid yin no zhes bya ba'o/ /'di zhes bya ba ni sngags kyi sngon rol tu gsungs mod kyi de ni sngags kyi 'og rol du blta bar bya ste/ de nas 'di yang gsungs so zhes bya ba'i don to/ /de ltar na sngags gsungs so zhes bya ba na/ aoM la sogs pa'o/ /'di zhes bya ba ni 'di yang ste rin chen zhes bya ba la sogs pa'o/ /kha dog sna lnga ba zhes bya ba ni de bzhin gshegs pa rnams kyi sngags gang du thim pa de ni kha dog sna lnga ste/ gdan drug dang bcas pa'i sna tshogs pa'o/ /des byas pa'i rin po che gong du yang kha dog sna lnga pa ste bar na ni sngags kyi yi ge'o/ /de bzhin du yang kha dog sna lnga pa ste dga' ma rnams dang bde ba dag gang du gnas pa ni kha dog sna lnga ste bde ba'i thig le'i nang du chud pa'i sems kyi thig le'o/ /de dag dang lhan cig tu gyur pas na kha dog sna lnga'o/ /'dir bde ba'i thig le ji ltar sngags yin zhe na/ sngags rnams bsdus pas na sngags so/ /de bzhin du rim pa bzhin du yang yang 'khor lo sgyur ba'i rnal 'byor gyi kha dog dang bcas pas kyang kha dog sna lnga pa ste rin chen po'o/ /yungs dkar sgom po'i tshad tsam 'di la yod pas na de skad ces bya ste/ sna'i rtse mo zhes bya ba ni bsgom zhes bya ba dang 'brel to/ /nan tan du zhes bya ba ni chos kyi dbyings kyi sngags kyi byin gyis brlabs te/ de nas bslangs la sna'i rtse mor bzhag pa'o/ /'di ni srog dang rtsol ba zhes bya ba yan lag gsum pa'o/ /sbyor ba pa yis rtag tu bsgom zhes bya ba la sbyor ba rnams ni rigs pa rnams dang sbyor ba ste/ snying ga'i gdan la rang gi sngags bsams te de'i thig ler rin po che phab la der rig pa rnams dang sbyar nas nges par bsgom pa'o/ /rtag tu zhes bya ba ni ji srid du bstan par gyur pa de srid kyi bar du bsgom par bya ba ste/ 'di ni 'dzin pa'i yan lag bzhi pa'o/ /rjes su dran pa ni spros pa'o/ /re zhig de'i dus gsungs pa rin chen zhes bya ba la sogs pa ste/ phra mo'i brtan pa'i mtshan ma ni kun tu snang ba'i bye brag de dag yin na snang ba'i bye brag de dag 'dir ci 'dra ba zhig snang na mtshan ma spro bar bya ba ste/ sangs rgyas zhes bya ba la sogs pa smos te sangs rgyas ni stong pa nyid kyi nam mkha' gsal bar byed pa yin la/ srin bu me khyer yang de dang 'dra bar nam mkha' gsal bar byed pas de skad ces bya'o/ /'bar ba 'dra ba'i 'od ces bya ba la me mar gyi rtse mo lta bu ste/ kun tu 'od 'bar ba'i phyir ro/ /rab mchog ces bya ba ni smig rgyu lta bu ste rab mchog ces bya ba ni chos can gyi nor bu las byung ba'i phyir ro/ /sprin zhes bya ba ni sprin dang 'dra ba ste du ba lta bu'o/ /'od ces bya ba ni 'od gsal ba ste/ sprin med pa'i nam mkha' ltar snang ba dang bcas pa zhes bya ba'i don to/ /'khor lo zhes bya ba ni de nas rin po che rdo rje nor bur phab ste bzhag la de las pad+ma'i nang du 'od kyi thig le phyung bas sku gnyis kyi nang du khyab par byas te/ ba spu'i bu ga rnams nas 'khor lo la sogs par sprul te spro bar bya'o/ de nyid kyi phyir gsungs pa 'khor lo zhes bya ba la sogs pa ste/ 'khor lo dang rdo rje dang pad+ma dang shugs can zhes bya ba ral gri dang/ mtshon mchog ste gtsug tor 'khor lo sgyur ba'i 'khor lo rnams kyi sprin de dang de dag ni sangs rgyas dang rdo rje dang/ chos dang rigs dang khro bo rjes su dran pa ste lnga'o/ /drug pa ni dam tshig rjes su dran pa'o/ /de nyid gsungs pa/ byang chub sems dpa' i zhes bya ba la sogs pa la byang chub ni gtsug tor gyi mtshan ma dbus na gnas pa'o/ /sems dpa' ni byang chub de'i ngos bzhin gnas pa'i mtshan ma rnams so/ /de rnams kyi cho gas ni sprin no/ /spro ba'i bdag nyid can zhes bya ba ni rin po che dang de las spros pa rnams kyang rnal 'byor pa'i rang gi sems kyi ngo bo nyid ces bya ba'i don to/ /de ltar rjes su dran pa'i rab tu dbye ba drug yongs su rdzogs par bya ba'i phyir gsungs pa/ nam mkha' i zhes bya ba la sogs pa la nam mkha' i dbyings ni nam mkha' ji snyed pa'o/ /de'i dbus na gnas pa'i nam mkha' las 'chad pa 'am lhag pa med par khyab pa zhes bya ba'i don to/ /rdo rje zhes bya ba ni mi bskyod pa'i ste mi bskyod pa'i rnal 'byor pas 'od kyi dkyil 'khor bsgom pa'o/ /bri bar bya zhes bya ba ni bsam par bya ba'o/ /bzlas dang bsgom par bya zhes bya ba ni spro ba dang bsgom pa'o/ /rin chen brtson pa zhes bya ba ni rin chen phra mo'i dran pa ma nyams pas so/ /de bzhin du gsal ba ni rdo rje 'dzin pa'o/ /de'i dkyil 'khor ni gsal ba'i dkyil 'khor te dbus gnas zhes bya ba ni nam mkha' i dbus te/ de'i rnal 'byor pas so/ /de bzhin du 'khor lo ni rnam par snang mdzad do/ /de'i dkyil 'khor ni de'i rnal 'byor pas nam mkha' khyab par spros te bsgom pa'o/ /pad+ma ni snang ba mdza' yas so/ /dkyil 'khor 'dra ba ni kun tu snang ba ste khyab pa zhes bya ba'i don to/ /de bzhin du rin po che'i dkyil 'khor ni rin po che'o/ /sbyor ba ni don yod par grub pa ste 'bras bu la nges par sbyar bas so/ /dkyil 'khor 'byung ba bri ba ces bya ba ni dkyil 'khor bskyed pa bsam pa'o/ /nam mkha' 'dra ba'i gter zhes bya ba ni ma lus pa'i gter du gyur pas so/ /'dir rdo rje 'dzin pa dang rnam par snang mdzad dag gi 'od kyi dkyil 'khor ni zla ba ltar dkar ba'o/ /gzhan dag gi ni nyi ma gzhon nu ltar dmar ba'o/ /de ltar rjes su dran pa'i yan lag brtan nas ting nge 'dzin gyi yan lag gsungs pa/ 'di dag ces bya ba ni bshad ma thag pa'i dkyil 'khor drug go /sangs rgyas rab kyi mchog ces bya ba la khyab pas na rab mchog ste rtogs pa'o/ /ci'i phyir zhe na/ sku gsung thugs ni bsgoms pa yis zhes bya ba ste/ gsang ba gsum po rgyud thams cad khyab par bltas pa 'am bskyed pa'o/ /de nyid kyis na rdo rje las byung ste sems kyi rin po che bstan par gyur nas nang du chud par gyur pa'o/ /thams cad mkhyen pa zhes bya ba ni 'bad pa med par thams cad rtogs shing rigs pas thams cad mkhyen pa nyid du nges par gzung ba'o/ /de'i tshul gang la yod pa de ni rnyed pa ste de 'di rnams la yod pas na thams cad mkhyen pa'i tshul rnyed pa'o/ /tshul de yang nyi ma 'am zla ba'i dkyil 'khor shin tu phra ba'i dkyil 'khor gyi rnam pa ste 'di ni ting nge 'dzin gyi yan lag go /de bzhin gshegs pa thams cad kyi zhes bya ba la sogs pa la de bzhin gshegs pa thams cad ni yang dag par rtogs pa ste/ 'khor lo dang rdo rje dang pad+ma la sogs pa'o/ /de rnams kyi nam mkha' i khams kun tu khyab par spros pa'i dkyil 'khor gyi snang ba rnams bsdus pa ni rdo rje bkod pa'o/ /de nyid ni ting nge 'dzin te/ de gsal bar byed pa'i le'u la ste de skad ces bya'o/ /gsang ba 'dus pa'i bshad sbyar snyim pa'i me tog las le'u gsum pa'o// //dngos grub mchog gi thabs gsum pa ni sgrub pa yin de'i mtshan nyid ni slob dpon spyi'i las dang dngos grub dang brtul zhugs dang sdom pa rnams so/ /mtshan nyid de bstan pa yang sgrub pa'i sdom pa'o zhes bsnyen pa'i tshigs su bcad pa'i mthar gsungs pa yin te/ chos 'byung ba'i nang du chud pa'i gzhal yas khang? gi dbus kyi stan la rang nyid mngon par byang chub pa rnam pa lngas rdo rje 'dzin par bsgyur te/ 'dod chags chen po'i tshul la sogs pa'i rim gyis pad+ma'i nang du dam tshig chen po'i dkyil 'khor sprul te de'i dbus su 'khor lo dang bcas pa'i rang gi lha'i ye shes sems dpa' bkod la/ de la byang chub sems rnam pa lngas dbang bskur ba rnam pa gsum sbyin pa ni slob dpon spyi'i las so/ /de nas rang gi lha'i lus gnyis su bskyed pa la sogs pa nas rigs kyi bdag po'i dbang bskur ba'i bar du ni dngos grub po/ /brtul zhugs ni rigs pa'i brtul zhugs so/ /mchod pa dang bstod pa la sogs pa'i las ni sdom pa'o/ /de dag ni sgrub pa'i sdom pa ces bya ste/ mngon par rtogs pa'i sgrub pa gtan la phab pa'o/ /slob dpon gyi las thams cad dang dngos grub thams cad yongs su shes par bya ba dang/ rig pa'i brtul zhugs bzung ba dang/ bza' ba dang bsrung ba la sogs pa 'di yang sgrub pa'i sdom pa ste/ dam tshig gi sgrub pa'o/ /de la mngon par rtog pa ni le'u dang por bstan la dam tshig ni bzhi pa dang bcu drug dang brgyad pa dang bcu gnyis pa rnams su ston to/ /de gnyis ka le'u gzhan dag las kyang zhar la byung bas ston par rjes su dpag par bya'o/ de la dkyil 'khor bri ba ni slob dpon gyi las nyid yin te/ bcom ldan 'das kyis kyang dkyil 'khor dag dang mi ldan zhing/ /dam tshig rnams ni spangs pa dang/ /gsang ba'i de nyid mi shes pas/ /bsgrubs kyang ci yang mi 'grub bo zhes gsungs pa dang/ gzhan yang dkyil 'khor dag tu ma bzhugs shing/ /dbang bskur ba yang ma thob la/ /byang chub sems dpa' i brtul zhugs dang/ /mtshan ma rnam pa sna tshogs pa/ /sbyin mi bya bar gang gsungs pa/ /de phyir dkyil 'khor bri bar bya/ /zhes gsungs pa yin no/ /de bas na sgrub pa'i dkyil 'khor dang dam tshig gi dkyil 'khor bri bar bya ba'i phyir le'u bzhi pa ni de nas zhes bya ba la sogs pa gsungs te/ yang gi sgra ni le'u dang por gsungs pa'i 'dus pa las ltos pa yin no/ /de bzhin gshegs pa thams cad ni dkyil 'khor gyi dbang phyug go /de rnams kyi sku dang gsung dang thugs ni dkyil 'khor pa rnams so/ /de rnams kyi bdag po ni de ston par byed pa nyid yin pa'i phyir ro/ /yang dag pa'i yon tan brjod pa'i phyir bstod pa'o/ /snying po bsdu ba'i don ni dkyil 'khor gyi don to/ /de la tshigs su bcad pa dang pos ni de bzhin gshegs pa thams cad kyi thugs dang sku dang gsung bsdus pa'i don gyi dkyil 'khor la bstod pa yin no/ /tshigs su bcad pa gsum gyis de bzhin gshegs pa rnams kyi sku dang gsung dang thugs kyi yon tan phun sum tshogs pas snying po'i don dang/ phun sum tshogs pa de dag nyid kyis kun tu bzang po'i sgra re res bcom ldan 'das la yang bstod pa yin no/ /bshad du gsol zhes bya ba ni gsol ba gdab pa'i tshig yin te bstan du gsol zhes bya ba'i don to/ /de bzhin gshegs pa zhes bya ba la sogs pa la gsang ba 'dus pa'i dkyil 'khor gang yin ba de ni de bzhin gshegs pa kun zhi ba'i rang bzhin yin te/ de bzhin gshegs pa lnga'i ngo bo nyid yin pas na shin tu rnam par dag pa rtag pa'i sku yin no/ /de bzhin gshegs pa kun gyi gnas ni chags pa'i gnas te lha mo bzhi'i rang bzhin yin pas na chos kyi longs spyod do/ /de bzhin gshegs pa thams cad kyi sems dang sems las byung ba'i chos rnams ni chos kun no/ /de rnams kyi bdag med pa mchog ni khro bo bzhi'i rang bzhin yin pas na shin tu sems tsam nyid de gnyis su snang ba yongs su zad pa'o/ /mchog ni mchod pa'i lha mo drug gi rang bzhin gyi mchod par bya ba nyid yin pa'i phyir mchog te de bshad du gsol zhes bya ba'i don to/ /mtshan rnams ni sku'i yon tan yang dag par rdzogs pa'o/ /mtshan min thams cad de'i sku'i nyes pa rnams yang dag spangs pa'o/ /sku yi yon tan de dag nyid kyis thams cad du bzang ba nyid kyi phyir kun tu bzang po'o/ /sku'i mchog ni sku'i snying por gyur pa ste de bzhin gshegs pa lnga'i rang bzhin yin pas na zhes bya ba'i don to/ /zhi ba'i chos ni mchog ste sangs rgyas rnams kyi chos kyi dbyings rnam par dag pa'o/ /de las byung ba ni de'i rgyu mthun pa'o/ /ye shes spyod pa ni byang chub sems dpa' rnams kyi byang chub kyi spyod pa'o/ /de rnam par sbyor ba ni de rnam par dag pa'i phyir dmigs pa'o/ /gsung gi yon tan de dag nyid kyis kun tu bzang po'o/ /gsung gi mchog 'di gsung gi snying po ste/ lha mo bzhi'i rang bzhin yin pas zhes bya ba'i don to/ /sems can kun gyi sems chen po ni sangs rgyas thams cad kyi sku gsum de bzhin du ro gcig pa can snang ba med pa'i sems so/ /glo bur ba'i sgrib pa thams cad rnam par dag pas na dag pa'o/ /rang bzhin gyis rnam par dag pa yin pas na rang bzhin dri ma med pa'o/ /thugs kyi yon tan de dag nyid kyis ni kun tu bzang po'o/ /gdul bar 'os pa'i skyes bu rnams yang dag par gdul par mdzad pas na kha lo sgyur ba'o/ /thugs kyi mchog ni thugs kyi snying po ste khro bor bzhi'i rang bzhin yin pas na zhes bya ba'i don to/ /dkyil 'khor dam pa bshad du gsol zhes bya ba ni dkyil 'khor gsungs shig ces bya ba'i don to/ /'di dag gis ni 'di skad du yang ston to/ /dbus kyi bdag po'i rnal 'byor pa slob dpon la phyogs kyi sangs rgyas kyi rnal 'byor pa slob ma bzhis dkyil 'khor bri ba'i phyir bstod pa 'dis gsol ba gdab po zhes slob dpon thams cad bzhed do/ /la la dag ni bsam gtan gyi dkyil 'khor sprul par bya ba'i phyir/ yang de bzhin gshegs pa thams cad rjes su chags par byed pa'i ting nge 'dzin la gnas pa'i rnal 'byor pa la phyogs bcu nas byon pa'i de bzhin gshegs pa rnams kyi 'dus pa gsang ba las byung ba/ de bzhin gshegs pa kun gyi gsang/ /rdo rje snying po bsdus pa nyid/ /de nyid bcom ldan bshad du gsol/ /zhes bya ba'i tshigs su bcad pa gcig gis gsol ba gdab par bya zhing de nas 'di ltar dang po dang bcas pa'i tshigs su bcad pa gsum po 'di dag gis re re nas 'dus pa pa'i dkyil 'khor gsum gyi bdag nyid can du bstod do zhes smra'o/ /gzhan dag na re dkyil 'khor gsum dang po dang bcas pa'i tshigs su bcad pa 'di gsum gyis re re nas bstod par bya'o/ /zhes smras ste/ de ni bden pa ma yin no/ /de ltar na tshigs su bcad pa bzhis gsol ba gdab pas dkyil 'khor sum char yang bri ba dang/ ston pa thob par 'gyur te/ gsum char yang gsol ba 'debs pa'i tshig dang 'brel ba'i phyir ro/ /de nas zhes bya ba la sogs pa la 'di las 'jig rten gsum pa'i sku dang gsung dang thugs kyi dkyil 'khor 'byung bas na 'jig rten gsum ste/ de nyid kyi tshe rang gi sems las dkyil 'khor chen po spros pa'i phyir ro/ /'di las khams gsum po ste/ de rnams nyid kyi khams 'byung bas na khams gsum pa ste/ de las dang po kho nar bri ba dang 'dra ba'i rten gyi dkyil 'khor sprul pa'i phyir ro/ /'jig rten gsum mchog rdo rje gtso bo zhes bya ba ni 'jig rten gsum po de dag nyid ni rdo rje mchog ste mchog gi nang nas mchog re re la bsdus pa'i de'i rang bzhin can gyi mtshan ma rnams so/ /de rnams kyi gtso bo ni mchog ste bdag nyid dbus ma'i gdan la mi bskyod pa'i mtshan ma'i rnam par bsdus nas de dag gi phyag mtshan bsdus pa gnas ji lta ba bzhin du 'jog pa'i phyir ro/ /de ltar mngon sum du bstan pa'i 'jig rten gsum gyi rje la lus thob nas gsung gis ston pa ni 'jig rten gsum mchog ston pas so/ /de bzhin gshegs pa kun gyi thugs zhes bya ba ni sangs rgyas rnams kyi thugs gang yin pa'i ngo bo ste de yang mi bskyod pa'o/ /mi bskyod pa de yang bsam gtan gyi gnas la gnas pa'o/ /de nyid kyi phyir gsungs pa de bzhin gshegs pa kun gyi gnas shes pa'o/ /dkyil 'khor zhes bya ba ni gsang ba 'dus pa'o/ /dkyil 'khor 'dra ba ces pa ni bris pa'i dkyil 'khor 'dra ba'o/ /dkyil 'khor rab tu nyams dga' ba zhes bya ba la zhi gnas kyi cha yi snying po bsdus pas na dkyil 'khor ro/ /lhag mthong gi cha yi dga' ma bsdus pas na nyams dga' ba'o/ /de nas zhes bya ba la sogs pa ni rdo rje 'chang bas gsungs pa yin no/ /de nas zhes bya ba ni de ma thag nyid du'o/ /rab tu bshad par bya ba ste yang dag par rab tu phye ste bshad par bya'o/ /de las zhes bya ba ni gang gi phyir slob dpon gyis dkyil 'khor bris la/ dngos grub bsgrub par bya ba dang/ gzhan rjes su gzung par bya ba yin pa de'i phyir ro/ /thugs kyi dkyil 'khor zhes bya ba ni mi bskyod pa gtso bor byas pa'i dkyil 'khor ro/ /'o na ci'i phyir dkyil 'khor gcig kho na 'chad ce na/ dkyil 'khor gcig bri ba la yang tshigs su bcad pa bzhi gsol ba gdab par bstan pa'i don nyid yin no/ /sku dang gsung dang thugs rnams kyis dkyil 'khor zhes pa ni dkyil 'khor zhes pa ni dkyil 'khor gsum gyi ngo bo nyid do/ /thugs kyi rdo rje rab 'dra ba ces bya ba ni thugs las byung ba'i rdo rje gang yin pa de bstan pa'i phyag mtshan gyi dkyil 'khor te de dang 'dra ba ni mthu mtshungs pa'i phyir ro/ /ji skad du/ dpal sangs rgyas thams cad mnyam par sbyor ba las/ /rdo rje sems sogs lha rnams kyis/ /'khor lo mngon sum mthong ba las/ /bsod nams rtag ba ci 'dra ba/ /phyis bris pa yang de bzhin no/ /zhes gsungs pa lta bu'o/ /lus ngag sems ni bsgoms pa yis/ /zhes bya ba ni/ lus dang ngag dang sems mi bskyod par bdag nyid bsgoms pa'o/ /shes rab can gyi zhes bya ba ni cho ga mthong zhing las rnams las ma rmongs pa ste gzhan dag la yang 'di sbyar bar bya'o/ /thig skud sar pa zhes bya ba ni gzhan du longs ma spyod pa'o/ /legs bkal pa ces bya ba ni yang dag par sgril ba'o/ /tshad ma zhes bya ba ni chur ni dkyil 'khor gyi nyis 'gyur la/ sboms ni sgo'i nyi shu cha'o/ /rab tu mdzes pa yis zhes bya ba ni mdud pa la sogs pa'i nyes pa dang bral bas so/ /khru ni bcu gnyis zhes bya ba ni ngos bzhi 'am ngos re re'i 'o/ /sgrub pa'i dkyil 'khor nges pa yin gyi dam tshig gi dkyil 'khor la ni 'byor pa ji lta ba bzhin du khru gang nas brtsams te khru stong gi bar du'o/ /ngos bzhi zhes bya ba ni phyogs bzhi'i re khA bzhi'o/ /grwa bzhir ldan zhes bya ba ni de rnams kyi gnyi ga'i mdza' phan tshun 'brel pa'i phyir ro/ /sgo bzhi pa ni logs so so'i dbus su sgo dang ldan pa'i phyir ro/ /rab tu brtag ces bya ba ni bri bar bya ba'o/ /de ltar phyi'i dkyil 'khor bris nas de'i dbus su 'khor lo ni dkyil 'khor te bri bar bya'o/ /rab tu zlum po ni kun nas zlum pa'o/ /'dis ni 'di skad du/ zur bzhi pa la sgo bzhi pa/ /rta babs bzhis ni rnam par mdzes/ /thig bzhi dang ni yang dag ldan/ /dar dang me tog phreng bas brgyan/ /grwa yi mtshams ni thams cad dang/ /sgo khyud kyi ni mtshams su yang/ /rdo rje rin chen spros par ni/ /phyi'i dkyil 'khor thig gdab po/ /de yi nang gi 'khor lo ni/ /dkyil 'khor brgyad pa 'dra ba la/ /phyi yi dkyil 'khor phyed kyi tshad/ /kun nas yongs su bzlum par bya/ /ka ba'i rtse mor rdo rjes spras/ /rdo rje'i phreng ba bzang por bskor/ /de nas h+ri dang khro bo yi/ /blta bas sgo ni rnam par dbye/ /sgo ni kha khyer ma gtogs pa'i/ /'khor lo'i brgyad char bshad pa yin// sgo 'khyud sgo yi tshad yin te/ /de bzhin lha yi snam bu dang/ /kun nas kha khyer sgo yi phyed/ /logs dang 'gram dang de bzhin no/ /rtsa ba'i thig sa'i phyi rol tu/ /tshon gyi sa ni de yi phyed/ /kha khyer re khA la brten nas/ /rta babs ka bas phyin tshad du'o/ /dra ba dra phyed nyi zla dang/ /dar sogs snam bu 'ang de bzhin no/ /rdo rje la sogs ka ba'i thig /sa ni mtshon gyi cha dang mnyam/ /ba dan g.yer kha dang ldan pa/ /rta babs sgo yi sum 'gyur te/ /g.yer bcas rlung gis bskyod pa yi/ /ba dan phyi yi mtshams su bya/ /gzhan dag 'khor lo'i rjes mthun par/ /ji ltar mdzes par rnam par brtag ces ston to/ /de nas zhes bya ba la sogs pa la/ de nas zhes bya ba ni bzhi'i dkyil 'khor bris pa'i 'og tu'o/ /las kyi cho ga mthong ba ces bya ba ni de kho na nyid bsdus pa dang rdo rje rtse mo dang dpal mchog dang po la sogs pa dang/ rgyud 'di'i spyi dang khyad par la sogs pa'i tshul ni cho ga yin la cho ga des nges par byas pa ni las kyi cho ga mthong ba'o/ /don ni rgyud 'dir las kyi ji skad gsungs pa gang yin pa de ni de bzhin du gzung bar bya'o/ /ma gsungs pa gang yin pa de ni rigs pa ji lta pa bzhin du rgyud gzhan dag las gzung bar bya'o/ /de las cung zhig blangs pa yang gsang ba 'dus pa'i dkyil 'khor dang rjes su mthun par yongs su bsgyur bar bya'o/ /zhes bya ba yin no/ /'di dag kyang thams cad la sbyar bar bya'o/ /las kyi cho ga mthong ba de yang dkyil 'khor gyi cho ga shin tu rgyas par bya'o/ / phyag rgya dgod par bya zhes bya ba ni yid kyi gzugs brtan pa ting nge 'dzin las byung ba'i sems kyi rnam pa phyag rgya chen po la sogs pa'i dbye bas phyag rgya sna tshogs yod mod kyi 'dir ni phyag mtshan gyi phyag rgya nyid gzung bar bya'o/ / de'i dgod pa ni rang gi gnas rnams su sna tshogs pad+ma la gnas pa'i zla ba dang nyi ma'i dkyil 'khor bris la de'i dbus su bri ba'o/ /de'i zhes bya ba ni dkyil 'khor gyi'o/ /dbus zhes bya ba ni nang gi dkyil 'khor dbus ma'i re'u cha'o/ /rdo rje ni mi bskyod pa'i phyag mtshan no/ /ain+d+ra nI la ni sngo ba'o/ /rtse lnga pa ni cung zad kha gyes pa rtse mo shar du bltas pa'o/ /'jigs pa ni 'jigs par byed pa'o/ /'khor lo zhes bya ba la sogs pa la/ /de'i shar dang lho dang nub dang byang gi re'u cha rnams la rnam par snang mdzad dang rin chen 'byung ldan dang/ 'od dpag med dang don yod bar grub pa'i mtshan ma rtse mo shar la sogs par blta bar bya ste/ go rim bzhin du 'khor lo rtsibs brgyad pa dkar po dang/ rin po che dkar po dang/ rin po che cha dgu pa ljang gu dang pad+ma 'dab ma brgyad pa dmar po dang ral gri nam mkha' ltar sngo bsangs bri bar bya'o/ /'dir tshigs su bcad pa ni/ /phyogs gang gi ni mtshan ma gang/ /de bltas te ni bri bar bya/ /dkyil 'khor bdag po'i mtshan ma ni/ /shar du blta par bri bar bya/ /'dir yang rdo rje 'bar ba la sogs pa'i sgras ni 'bar ba chen po nyid ston to/ /dbus na zhes bya ba la sogs pas ni lha mo bzhi'i phyag mtshan bstan pa'i phyir/ shar zhes bya ba la sogs pa gsungs te shar la sogs pa'i mtshams la shar la sogs pa tha snyad du byas pa yin te shar gyi mtshams yin pas shar gyi phyogs so/ /de bzhin lho dang nub dang byang gi phyogs te me la sogs pa'i mtshams zhes bya ba'i don to/ /spyan zhes bya ba ni mig dkar po la mig 'bras nag po yod pa ste/ 'di ltar dbus na sprin dang 'dra ba'i 'od ces gsungs pa yin te 'di la dbus na sprin dang 'dra ba'i 'od dang ldan pas na zhes bya ba ni 'bru mang po pa'o/ /lho phyogs kyi mtshams gang yin pa der ni rdo rje mA ma kI'i rigs zhe sdang yin te/ de las byung ba ni de'i rang bzhin can yin te/ rtse lnga pa nag po zhes bya ba'i don to/ /kha bye ba ces bya ba ni pad+ma dmar po kha rgyas pa'o/ /sdong bur bcas zhes bya ba ni yu ba dang bcas pa'o/ /mthing ga'i sprin dang 'dra bar bri zhes bya ba ni sgrol ma'i phyag mtshan bri ba'i dkyil 'khor du ni autpa la sngon po nyid yin la ting nge 'dzin gyi dkyil 'khor du ni autpa la ser po 'chad par 'gyur ro/ /sgo srung rnams kyi phyag mtshan ni thob ces bya ba la sogs pa gsungs te/ tho ba ces bya ba ni rdo rje mtshan ma'i tho ba sngon po'o/ /'bar ba rnams kyi 'od gsal ba ni 'bar ba'i 'od gsal ba'o/ /lho phyogs kyi sgo gang yin pa der ni be con dkar po rdo rjes mtshan pa ste/ nyon mongs pa la sogs pa 'jig par byed pa'i 'bar ba ni rdo rje 'bar ba'o/ /sogs pa'i sgra ni rdo rjes mtshan pa ste des 'od bzang ba'o/ /ma dag pa gcod par byed pa'i 'bar ba ni ral gri ltar 'bar ba ste/ des 'od byed pa ni snang bar byed pa'o/ /rdo rje 'khyil pa zhes bya ba ni bdud rtsi 'khyil pa'o/ /de nyid ni rdo rje can te sgrib pa thams cad 'jig par byed pa'i ye shes dang ldan pa'i phyir ro/ /de'i rdo rje ni sngon po ste rtse lnga pa kha gyes pa'o/ /mchod pa'i lha mo rnams kyi mtshan ma ni phyi'i dkyil 'khor gyi me la sogs pa'i mtshams bzhi dang rtsa ba'i sgo logs gnyis la go rim bzhin du me long dang pi bang dang dri'i snod gyi dung dang rol mo'i snod dang gos sna tshogs dang chos 'byung ba bri bar bya ste/ le'u bco brgyad pa las/ me long pi bang dung chos dang/ /de bzhin snod dang sna tshogs ras/ /chos 'byung ba yi phyag rgya drug /rdo rje'i bdag po rdo rje can/ /zhes gsungs pa'i phyir ro/ /yongs su gsal bar zhes bya ba ni yongs su rdzogs pa dang gsal ba'o/ /lus dang ngag sems mchod pa yis/ /zhes bya ba ni lus kyi dang ngag gi dang sems kyi mchod pa rnams kyis so/ / bud med ces bya ba ni 'dod can ma'o/ /'di la mdangs dang ldan pa'i kha dog mdzes pa yod pas na rab tu mdangs bzang po'o/ /lo grangs bcu drug lon zhes bya ba ni lo bcu drug lon pa'o/ /dri dang me tog phreng brgyan te zhes pa ni dri dang phreng ba mang po ni dga' ba'i rgyu yin pa'i phyir ro/ /yon tan ske rags zhes bya ba ni sangs rgyas kyi yon tan la nor bu'i 'og bag byas par mos par bya'o/ /de yang ci'i phyir zhe na/ sangs rgyas kyi yon tan rnams ni chos kyi dbyings rnam par dag pa la brten pa nyid kyi phyir dang rin po cher gyur pa nyid kyi phyir ro/ /mA ma kIr byin gyis brlabs la zhes bya ba ni snying gar zla ba dang/ phyag mtshan la sogs pa'i rim gyis mA ma kI'i gzugs su bskyed pa la mig la sogs pa dang/ sku la sogs pa dang/ rigs kyi bdag pos byin gyis brlabs pa dang/ rigs lnga'i tshogs can du yang byas la'o/ /shes rab can gyis zhes bya ba ni bud med kyi 'du shes sam bdag gi 'du shas skad cig tsam yang mi byed kyi/ /'on kyang gnyis su med pa'i ye shes kyi de kho na nyid la brtson pa des/ de bzhin nyid kyi ngo bo nyid sangs rgyas thams cad kyi thugs su chud pa'i bya ba bsdus pa dang lha'i sku dang chos kyi longs spyod la gnas pa shes pas so/ de'i dbus su mnyes par bya ba ni 'khor lo'i bdag po'i rnal 'byor pa 'khor lo'i dbus su gnas pa'i bdag nyid sangs rgyas thams cad kyi ngo bo yin par mos par byas nas de yang dag par mnyes par bya'o zhes bya ba'i don to/ /de ltar na sku la sogs pa'i gsang ba'i mchod pa yin no/ /sangs rgyas zhes bya ba la sogs pas dkyil 'khor gyi sgrub pa'i gsang ba gsungs pa yin te/ zhi ba ces bya ba ni zla ba zhu ba bskyed pa bsdus pa las byung ba'i mi bskyod pa'i sa bon te byed pa po'o/ /nam mkha' i dbyings ni rab tu brgyan zhes bya ba ni rigs kyi mchog re re spros pas nam mkha' thams cad brgyan pa can no/ /des ci zhig byed ce na/ sangs rgyas gnas spros pa ni mi bskyod pa'i dkyil 'khor te/ rigs kyi tshogs spro ba bsdus pa las bdag nyid ji lta ba bzhin du mi bskyod pa la sogs pa rang rang gi phyag mtshan gyi lte ba la bskyed pa'i phyir ro/ /de yang gsal bas na ma gsungs so/ /de nas de dag gi ye shes kyi dkyil 'khor dgug pa dang gzhug pa dang mig dang sku la sogs pa byin gyis brlabs pa dang/ dbang bskur ba dang rig pa'i brtul zhugs dang sdom pa rnams ji ltar rig par bsam par bya ste/ ma gsungs na yang grub pa yin no/ /gsang ba'i lha bshos ni bshad pa ces bya ba la sogs pa gsungs pa yin te/ rig ma lnga po 'bar ba dang bsred pa dang gsal ba'i gzugs su bsam pa dang bdud rtsi yang dag par bstim pa dang/ ye shes lta'i bdud rtsir byas nas dbul bar bya'o/ /de zhes bya ba ni gang ci yang rung ba ste thams cad ces bya ba'i don to/ /de la sangs rgyas ni lnga po 'di dag gis bsdus pa'o/ /byang chub sems dpa' ni lhag ma rnams so/ /de ltar byas na mnyes shes bya ba ni gsang ba'i mchod pa de dag gis dgyes par gyur pa'o/ ci'i phyir zhe na/ de dag gi bka' las mi 'da' ba' i phyir dang/ zab mo'i de kho na nyid rtogs pa'i phyir ro/ /'dir tshigs su bcad pa ni/ chos kyi longs spyod dam pa ni/ /gsang ba'i mchod pas dbul bar bya/ /byang chub sems 'byung 'khor lo de/ /de ltar des ni sgrub par byed/ /de'i sku gnas phyir rtag tu ni/ /bdud rtsi lnga phul de yi phyir/ /gus pa dang ni de nyid shes/ /bsam pa mkhyen pas rgyal ba mnyes/ /lud pa la sogs bdag cag gis/ /gtsang dang mi gtsang brtags pa gang/ /rnal 'byor zhen pas de rnams nyid/ /tshangs la sogs pas bsgom par bya/ /thams cad chos nyid du bsgom zhing/ /de yang rang bzhin dri ma med/ /de phyir de nyid kun dag ste/ /de bzhin nyid tsam mthong phyir ro/ /dam tshig gis ni sngags 'grub cing/ /skyob pa'i dam tshig 'di yin la/ /sangs rgyas dngos po 'ang dag pa yin/ /thams cad ji bzhin sgrar mi gzung/ /gzhan yang sngon du bsnyen pa byas shing sems brtan par byas pa can gyis sgrub pa'i dkyil 'khor bri bar bya ste/ de'i tshe de la yang bud med kyi 'du shes mi 'byung bdag gi 'du shes mi 'byung 'khrig pa'i 'du shes mi 'byung gi /'on kyang de bzhin nyid dang de bzhin nyin kyi ye shes kyi bdag nyid kyi lha dang gnyis su med pa'i 'du shes dang/ chos kyi longs spyod kyi 'du shes su 'gyur ba de bas na ci'i phyir de sdig pa yin/ 'jig rten gyi kha na ma tho ba yang med de sbas pa'i phyir/ ma brtags pa'i mchod pa yang ma yin te/ de bzhin gshegs pa ni yongs su dag pa nyid kyi phyir dang yongs su sbyor bar byed pa nyid pa'i phyir te dri dang phreng ba la sogs pa'i mchod pa lta bu'o/ /bud med las byung ba'i phung khrol yang yod pa ma yin te/ yid brtan du rung ba'i lha dang mi dang klu la sogs pa'i bu mo 'gugs pa yin pa'i phyir ro/ /bdud rtsi la sogs pa yang rigs pa 'di nyid yin no/ /de la dam tshig pa sdang ba dang cho ga nyams pa ni dngos grub la nyams par 'dra ba yin te/ de skad du/ bcom ldan 'das kyis/ /sangs rgyas sku yi cho ga shes/ /mngon sum bzhin du de mthong dang/ /rang gi gzugs ni mi shes shing/ /sgra yang thos pa med pa'o/ /ji ltar rtogs par mi 'gyur bar/ /thams cad gsang ste bya ba yin/ /gal te rtogs par gyur na ni/ /sangs rgyas kyis kyang mi 'grub po/ /sems can kun gyi sems gang ni/ /dag cing zhi la 'od gsal bas/ /dngos po kun gyis mi gos pa/ /sems zhes bya ba de nyid dngos/ /de bzhin 'dod pa'i cho ga shes/ /de nyid kyis na nye bar spyod/ /gzhan du dge ba 'byung ba yi/ /sngags rnams thams cad 'grub mi 'gyur/ /de bas sngags pa'i khyad par gyis/ /bud med mchog ni dgug par bya/ /gzhan du rdo rje sems dpa' dang/ /de nas byung ba mnyes mi 'gyur/ /de bas spyad bya thams cad kyi/ /longs spyod nyams su blang bar bya/ /gzhan du na ni rmongs pa'i bdag /mnar med nges par 'tshed par 'gyur zhes gsungs pa lta bu'o/ /'on te gang gi tshe 'di dag thams cad rkyen 'ga' zhig gis bya ba ma lcogs pa de'i tshe ji ltar bya zhe na/ de bdag nyid kyis bsam la bya'o zhes sngon gyi slob dpon dag 'dod do/ /le'u bcu gnyis pa las kyang/ sha rnams thams cad med na yang/ /thams cad bsams pas rnam par brtag ces 'chad par 'gyur ro/ /le'u bcu drug pa las kyang/ /bsam gtan yig gsum rdo rje can/ /rang gi phyag rgya 'am sems kyis bsam/ /de ltar sangs rgyas kun mkhyen pa/ /mnyes par 'gyur ba gdon mi za/ /zhes 'chad par 'gyur ro/ /gsang ba ces bya ba ni sba bar bya ba ste/ /ji ltar gyis shes par mi 'gyur bar bya'o/ /rtogs par mi 'gyur ba ni/ gsang mi thub pa la mi bstan pa'o/ yid kyi rang bzhin la ni tshangs par spyod pa ma yin pa'i dogs pa yang yod pa ma yin te/ lus kyis las med pa'i phyir dang rnam par rig pa tsam la mos pa'i stobs dang ldan pa nyid kyi phyir ro/ /'jig rten pa'i kha na ma tho ba'i dogs pa yang yod pa ma yin te/ gang gis ston pa'i bstan pa sun phyung bar gyur na/ /gzhan gyi sems yongs su mi shes pa'i phyir ro/ /gzhan gyi sems shes pas kyang de'i thabs la mkhas pa mthong ba'i phyir mngon par dad pa nyid du 'gyur gyi smod par ni mi byed do/ /'dir la la dag rgol te 'di'i le'u bdun pa las ni sku'i rigs la lo bcu drug pa dang/ thugs kyi rigs la lo bcu gnyis pa'i bu mo gsungs la le'u bco brgyad pa las kyang lo grangs nyi shu pa gsungs te de yang lus po'i 'brel pas gsung gi rigs su 'gyur ro/ /de bas na ci'i phyir le'u 'dir thugs kyi rigs nyid la lo grangs bcu drug pa gsungs zhe na/ nyes pa de yang yod pa ma yin te/ rigs gsum char la yang lo grangs bcu drug pa nyid can bzhed pa'i phyir ro/ /de skad du le'u brgyad pa las/ na chung gzhon nu mig yangs ma/ /gzugs bzang gzhon pas brgyan pa ni/ /lo grangs nyi shu lnga lon rnyed/ /byol song las kyang rab tu brtag ces 'byung ba gang yin pa de la don ni 'di yin te/ bu mo lo grangs nyi shu pa rnyed nas gsung gi rigs la mchod pa rab tu brtag par bya'o/ /rigs lhag ma rnams la ni lo grangs bcu drug pa dang bcu gnyis pa yin gyi rigs re re zhing bu mo gcig nyid ni gdon mi za bar ma yin no/ /'o na ci yin zhe na lnga yin no/ /ji ltar byas nas she na/ byol song las kyang ste/ logs las kyang zhes bya ba'i don to/ /de yang lang tso gtso bor byas nas gsung gi rigs la ni g.yon logs nas zhe'o/ /lo grangs bcu gnyis pa las bcu gsum pa dang bcu gcig pa dang bco lnga pa dang bcu drug pa dang lnga'o/ /sku'i rigs lnga lnga ste lo grangs bcu gcig pa dang bco lnga pa dang bcu drug pa dang g.yon logs nas bzhi'o/ /thugs kyi rigs la ni g.yas logs nas so/ /sku'i rigs la ni logs gnyi ga gnas so/ /de bas na gsung gi rigs la ni lo grangs nyi shu pa dang/ bcu dgu pa dang bco brgyad pa dang/ bcu bdun pa dang bcu drug dag ste bu mo lnga'o/ /thugs kyi rigs la ni lo grangs bcu gnyis pa dang bcu gsum pa dang bcu bzhi pa dang bco lnga pa dang bcu drug pa ste lnga'o/ /sku'i rigs la ni lo grangs bcu bzhi pa dang bco lnga pa dang bcu drug pa dang bcu bdun pa dang bco brgyad pa ste bu mo lnga lngar 'gyur zhes bya ba 'di yin no/ /thugs kyi dkyil 'khor ston bar byed pa'i le'u la de slad? ces bya'o/ /gsang ba 'dus pa'i bshad sbyar snyim pa'i me tog las le'u bzhi pa'o/ / //dngos grub mchog gi thabs bzhi pa ni sgrub pa chen po ste/ de'i mtshan nyid ni sangs rgyas byang chub sems rnams kyi/ /bstan pa dag ni sgrub pa chen po zhes bya ba ste/ dkyil 'khor gyi bdag pos dkyil 'khor pa rnams bstan cing phyug pa'i mngon par rtogs pa ni sgrub pa chen po'o/ /de yang le'u dang po la sogs pa rnams su gsungs so/ /'dir gnyis su med pa'i ye shes ni 'dir byang chub bo/ /de rnyed pa ni sangs rgyas so/ /de la mos pa bstan pa ni byang chub sems dpa' rnams so/ /de rnams kyi bstan pa ni mdzad pa gang yin pa ni shin tu gsang ba'i spyod pa zhes bya ba'i don to/ /de yang dam tshig gi sgrub pa chen po ste thabs chen po yin pa'i phyir ro/ /de yang lnga pa dang dgu pa mdza' dag dang/ bcu bdun pa la sogs pa'i phyogs kyis ston to/ /de las le'u 'di'i don ni kun tu sbyod pa yin te/ de yang le'u bco brgyad pa las gsungs pa/ shes rab thabs las byung ba yi/ /phung po khams dang skye mched lus bya ba nas/ /thams cad sems la gang spyod pa/ /kun tu spyod par bstan pa yin zhes bya ba'i bar du'o/ /de nyid kyi skabs dbye ba'i phyir de nas zhes bya ba la sogs pa gsungs te/ tshig rkang pa drug pa'i tshigs su bcad pa 'dis bcom ldan 'das kyis khyad par bstan pa'i sgo nas lhag par mos pa'i spyod pa gang yin pa de bstan pa yin te/ de bzhin gshegs pa thams cad kyi sku dang gsung dang thugs las byung ba de la de skad ces bya'o/ /'dir sangs rgyas rnams kyi sku ni rdo rje 'dzin pa ste/ de yang nam mkha' yin no/ /gsung ni de nyid rig pa ste nam mkha' i khams so/ /thams cad de dag las skyes pa nyid gang yin pa der lhag par mos pa de la de skad ces bya'o/ /thugs ni thog ma med pa'i sems so/ /sku la sogs pa thugs de las byung ba ni thugs kyi rdo rje ste/ de 'dzin pa ni de bzhin du lhag par mos pas thugs kyi rdo rje 'dzin pa'o/ /rgyal po ni dkyil 'khor gyi dbang phyug go /zhes bya ba la/ phyi rol gyi 'byung ba chen po bzhi'i bdag nyid kyi lha mo bzhi'o/ /gzhal yas khang dang yul drug go /lha mo drug gi yul de dag ni gnas te de'i dbang phyug gi / dkyil 'khor pa gsungs pa/ kun mchog ces bya ba ste/ sangs rgyas dang byang chub sems dpa' rnams kyi mchog 'di la yod pa ste/ sangs rgyas thams cad la bsdus pa'i sangs rgyas lnga ni 'di'i phung po lnga rnams so// byang chub sems dpa' thams cad bsdus pa'i byang chub sems dpa' drug de 'di'i mig la sogs pa skye mched drug yin pas so/ /spyod pa kun ni kun tu spyod pa ste de nyid mchog gi chos te lam gyi dam pa yin pas so/ /de nyid nyams su blangs par bya ba'i don yin pas de skad ces bya'o/ /spyod pa'i mtshan nyid ni kun tu spyod pa'i rang bzhin te/ bka' stsal pa na gsungs par gyur pa'o/ /de ci zhig ce na/ rnam par mi rtog ces bya ba la sogs pa gsungs te/ de bzhin nyid dang yang dag pa'i ye shes kyi bdag nyid kyi lha'i rang bzhin yin pas na rnam par mi rtog pa'o/ /don ni dngos po thams cad do/ /de las byung ba ni gang dag rdzogs pa'i ngo bo nyid du lhag par mos pa la de skad ces bya'o/ /de bas na 'di ni rdzogs pa'i rim pa'o/ /ji ste dngos po gang zhig gang du lhag par mos par bya zhe na/ 'di la pha dang ma ni thabs dang shes rab kyi bdag nyid du'o/ /de dag gi khu ba ni spros pa med pa'i byang chub kyi sems su'o/ bdag nyid ni de yongs su gyur pa'i dkyil 'khor gyi bdag por ro/ /rang gi phung po dang skye mched rnams ni dkyil 'khor ba rnams so/ /de rnams kyi chos nyid ni de rnams kyi rigs rnams su'o/ /gzugs la sogs pa drug ni mchod pa'i lha mo drug gi rang bzhin du'o/ /phyi rol la sogs pa rnams ni lha mo bzhi'i bdag nyid kyi gzhal yas khang chen po'i rang bzhin du lhag par mos par bya'o/ /'dod chags zhe sdang gti mug rig zhes bya ba la/ 'dod chags la sogs pa rnams kyis khyab par yang dang yang du mngon du byas te/ de la bdag nyid kyi phung po dang skye mched rnams dang rang gi rig ma la kun tu 'khyud par mos pas gzugs la sogs pa 'dzin pa ni gti mug go /gnyis kyi rnam par rtog pa rnams nub pa ni zhe sdang ngo/ /gnyis su med pa'i bde ba'i ro myong ba ni 'dod chags so/ /de lta bur gyur pa'i sgrub pa po ni rab mchog sgrub par byed pa ste/ sangs rgyas nyid du sgrub pa'o/ /de ci zhig ce na/ theg pa'i mchog ni bla na med pa ste/ sangs rgyas nyid kyi byang chub kyi lam dam pa sgrub pa chen po zhes bya ba'i don to/ /mnyam par ma bzhag pa'i sems la kun tu spyod pa ma yin nam/ de yang dka' ba yin pa de bas na 'di'i phan yon ci yin zhe na/ rigs ngan zhes bya ba la sogs pa gsungs te de skye ba gcig gam skye ba brgyud pa de ni rigs ngan yin te bsad bya gsod par byed pa'o/ /smig ma mkhan ni smig ma'i las byed pas na mda' mkhan dang mdos las byed pa ste rngon pa'o/ /sogs pa'i sgras ni nya pa la sogs pa 'tsho ba byed pa gzhan dag kyang gzung ngo/ /bud med rnams la chags shing rgyal ba ni bdag nyid gsod pa yin te/ de dag la gsod pa'i don gyi bya ba yod pas gsod pa'i don can te shin tu yang chags pa can zhes bya ba'i don to/ /don ni nor dang bu la sogs pa'o/ /gang la don nyid la sems pa yod pa de ni don gnyer sems dpa' rnams te/ gti mug chen po rmongs pa zhes bya ba'i don to/ /yang gi sgra'i don ni rim pa gzhan du sbyar ba yin te/ rigs ngan smig ma mkhan la sogs kyang ste/ zhe sdang drag pa dang gsod don gnyer sems dpa' yang ste/ 'dod chags dang gti mug drag pa yang grub par 'gyur ro/ /theg chen bla na med pa ste sgrub pa chen po'o/ /theg mchog 'di la te/ dpal gsang ba 'dus pa la kun tu spyod pa nyid kyis de rnams kyi nyon mongs pa'i sgrib pa zad par 'gyur ro zhes bya bar dgongs so/ /sems can mtshams med ces bya ba la sogs pa la/ de ltar na 'phags pa'i chos rnams la sgrib pa ni gsum te de skye ba la gags byed pa'i phyir ro/ /de yang nyon mongs pa'i dbang shin tu drag pa'i nyon mongs pa'i sgrib pa'o/ /mtshams med pa la sogs pa'i las ni las kyi sgrib pa'o/ /dmyal ba la sogs par skye ba ni skye ba'i sgrib pa'o/ /mtshams med pa ni bar du gcod par mi nus pa yin te 'chi ma thag nyid du 'byung ba'i phyir ro/ /mtshams med pa de yang rnam pa lnga ste/ phag sod pa dang/ ma gsod pa dang/ dgra bcom pa gsod pa dge 'dun gyi dben dang/ de bzhin gshegs pa la ngan sems kyi khrag 'byin pa'o/ /sogs pa'i sgras ni dam pa'i chos spong ba la sogs pa dang/ mtshams med pa dang nye ba rnam pa lnga gzung ste ji skad du ma dgra bcom pa sun byas dang/ /byang chub sems dpa' des gnas dang/ /slob dpon gsod dang dge 'dun gyi/ /'du ba'i sgo ni 'phrog pa dag /mtshams med pa dang cha 'dra ste/ /lnga pa mchod rten 'jigs pa yin/ /zhes bshad pa lta bu'o/ /de byed pa'i phyir de skad tha snyad 'dogs so/ /mtshams med pa la sogs pa'i sdig pa chen po byed pa ste/ sdig pa chen po byed pa gang yin pa de dag thams cad kyang gsang ba 'dus pa'i sgrub pa chen po 'di la 'grub par 'gyur te kun tu spyod pa nyid kyis de rnams kyi las kyi sgrib pa zad par byed pa yin no zhes bya bar dgongs so/ /gang yang las rnams bskal pa brgyar yang ni/ /chud mi za ba'ang tshogs dang dus/ /rnyed nas lus can rnams la ni/ /'bras bu nyid du smin par 'gyur// zhes gang gsungs pa de ni 'di lta bu'i gnyen po'i phyogs bsgom pa med pa yin no/ /zhes bya bar shes par bya'o/ /'dis kyang zad par mi 'gyur ba'i las kyi sgrib pa shin tu lci ba gcig nyid yin pa gang yin pa de ni/ /snying nas zhes bya ba la sogs pa gsungs te/ 'dir 'ongs nas spyod pa'i phyir slob dpon te/ gsang sngags kyi theg pa 'di la yang dag par dbang bskur ba dang/ rjes su gnang ba dang yang dag pa gang yin pa de ni slob dpon no/ /'dir gang la sngags sam ting nge 'dzin yang dag pa gcig ston pa gang yin pa de yang de'i slob dpon yin no/ /slob dpon de la yang dang yang du smod par byed pa dang nges kyang dga' bar byed kyi 'gyod par ni mi byed pa dang/ chos bzhin du phyir 'chos par mi byed pa gang yin de ni snying nas slob dpon smod pa ste/ de ni sgrub pa gsum char la yang 'grub par mi 'gyur ro/ /'phags pa'i chos 'di nyon mongs pa dang las kyi sgrib pa zad pa rnams la 'phags pa'i chos skye bar 'gyur gyi ma zad pa la ni ma yin pa ma yin nam/ 'phags pa yang sgrub dang/ nye bar sgrub pa'i 'bras bu yin la de dag kyang rtogs nas phyis sgrub pa po sgrub pa chen po la 'jug par byed pa yin pa de'i phyir de'i nyon mongs pa dang las kyi sgrib pa yod pa ma yin no/ /de bas na ci'i phyir kun tu spyod pas de dag zad pa yin zhes sma ste de ltar ni yin mod kyi tshigs su bcad pa phyed dang gsum pa de dag nyid ni so so'i skye bos kyang tshogs nye bar bsags par bya ba'i phyir nus pa ji lta ba bzhin du kun tu spyod pa la spyad par bya'o/ /zhes bya ba ni thabs kyi phan yon gsal bar byed pa yin par blta bar bya'o/ /'o na ji ltar na kun tu spyod pa sgrub pa chen po yin zhe na/ thabs chen po yin pa'i phyir ro/ /ji ltar na shin tu gsang ba yin zhe na/ bdag nyid kyi nus pa mi shes par sgra ji bzhin par 'dzin pa rnams don dam par byed pas so/ /de ltar yid kyis kun tu spyod pa'i nyon mongs pa rnams kyis ming gis bstan nas da ni lus dang ngag gi nyes pa kun tu spyod pa'i mig gis bstan pa'i phyir srog gcod pa'i zhes bya ba la sogs pa gsungs te/ 'di ni dam tshig rnam pa bzhi ston pa yin no/ /de yang tshigs su bcad pa gsungs pa/ stong nyid stong pa brdzun yin te/ /gzhan dag kyang ni 'di brjod pa/ /rig pa rten dang sems zhu dang/ /zhu ba de nas len ba'o/ /shing dang bod ba la sogs pa lha'i bdag nyid du rnam par rtogs pas mos par byas te snang ba med par byas pa'i phyir srog gcod pa'o/ /rnam par rtog pa'i ngo bo nyid kyis bden pa ma yin pa'i rnam par rtog pa'i don yang dag gi don yin no zhes yang dag par shes pa la smra ba thams cad ni brdzun du smra ba'o/ /de la dga' ba ni mngon par brtson pa'o/ /bdag nyid kyi phung po dang skye mched la sangs rgyas dang byang chub sems dpar mos par byas te de dag la phul nas longs spyod thams cad nye bar longs spyod pa'i phyir gzhan gyi nor la chags pa'o/ /rig pa? la nye bar longs spyod pa ni 'dod par spyod pa'o/ /bshang gci ni bshad ba la sogs pa lnga'o/ /de dag la de dag nyid za bar byed pa'i don yod pas na de skad ces bya ba ste/ bza' bar bya ba thams cad la lngar por mos la ye shes lnga'i bdud rtsi nyid mos par byas nas nang gi dkyil 'khor la de dag sbyin sreg byed pa'i phyir ro/ /de dag ces bya ba la/ de dag nyid snod du 'gyur ba'i sgrub pa'i zhes bya ba ni sangs rgyas nyid du grub pa la skal pa dang ldan pa ste/ skad cig ma re re la bsod nams dang ye shes mdza' yas pa nye bar bsags pa'i phyir dang dam tshig la ma 'das pa'i phyir ro/ /de nas 'dod bya de gang yin zhe na/ ma dad zhes bya ba la sogs pa gsungs pa la mchog dang po'i rig ma ni ma'o/ /lhan cig skyes pa'i rig ma ni sring mo'o/ /dkyil 'khor du spros pa ni bu mo ste/ de dag la mnyes par bya ste/ de'i de dag gi thabs kyi lha nyid du nga rgyal byed cing rang gi rig ma la de rnams bcug pa'i phyir ro/ /theg chen mchog gi chos nyid de/ lam gyi mchog sgrub pa po gang dag la yod pa de dag la de skad ces bya ste/ gsang ba 'dus pa'i sgrub pa chen por zhugs pa zhes bya ba'i don to/ /dngos grub rgya chen zhes bya ba ni byang chub chen po'o/ /thob pa ni rnyed par gyur pa'o/ /des de rnams kyi nang du zhes bya ba'i don to/ /sangs rgyas zhes bya ba ni sangs rgyas rnams so/ /dar gis sgras ni byang chub sems dpa' rnams gzung ngo/ /gtso bo zhes bya ba ni mchog gi bla ma rnams te rig pa'i brtul zhugs dang ldan pa'i rigs kyi rig pa zhes bya ba'i don to/ /yul dag la zhes bya ba ni skyed par mdzad pa la'o/ /rnam par mi rtog blo can gyis zhes bya ba ni de nyid kyi rnam par rtog pa zad pa'i phyir dang yang dag pa'i ye shes nye bar sngags pa'i phyir ro/ /de ni shes rab kyi pha rol tu phyin pa nyid do/ /de la mnyes par byas pa ni bsgom pa nyid yin pa de bas na mi dge ba'i rnam par rtog pa thams cad kyi gnyen po dang yang dag pa'i ye shes kyi rgyu yin no zhes bya bar dgongs so/ /sdig pa rnams kyis kyang mi gos te de nyid kyi sdig pa thams cad zad par byed pa'i phyir ro/ /de nas zhes bya ba ni 'di bstan pa'i rjes thogs la'o/ /sgrib pa ni 'dod pa la 'dun ba dang/ gnod sems dang gnyid dang/ rmugs pa dang/ rgod pa dang/ 'gyod pa dang/ the tshom ste lnga'o/ /de dag thams cad rnam par sel bar mdzad pas na/ /sgrib pa thams cad rnam par sel ba'o/ /rmad du gyur pa ni shin tu ngo mtshar du gyur pa'o/ /'dir ngo mtshar dang rmad du ston pa'i tshig nyid la de skad ces bya'o/ /der gyur pa ni de brjod pa zhes bya ba'i don to/ /de rnams kyi tshig de nyid ni bcom ldan 'das zhes bya ba la sogs pa smos so/ /ci'i slad du'i sgra ni the tshom mo/ /tshig ngan pa ni chos ma yin pa dang ldan pa'o/ /gsung ni bka' o/ /gang la de gsung zhing brjod pa mda' ba de la de skad ces bya ste chos ma yin pa de zhes bya ba'i don to/ /de la de bzhin gshegs pa thams cad kyi bdag po ci'i slad du chos ma yin pa gsung zhes bya ba ni ngo mtshar te/ de lta bu mi srid pa'i phyir ro/ /de yang ci'i slad du de bzhin gshegs pa thams cad kyi 'khor gyi nang du gsungs zhes bya ba ni rmad du gyur pa ste/ de lta bu shin tu mi srid pa'i phyir ro/ /de la so so'i skye bo'i byang chub sems dpa' shin tu mang po the tshom gyi rang bzhin can gyi ngo mtshar dang rmad du gyur pa ste the tshom skye bar 'gyur ro/ /de rnams kyi the tshom gsal bar bya ba'i phyir de'i bsam pa nyid byang chub sems dpa' chen po sgrib pa thams cad rnam par sel ba la sogs pas de skad du gsol ba yin gyi rang nyid de dag la the tshom yod pa yang ma yin la/ ngag gis nyes par spyod pa yang ma yin te/ 'phags pa nyid yin pa'i phyir dang ye shes kyi pha rol tu phyin pas dgongs pa can gyi chos kyi don mkhyen pa'i phyir ro/ /ci'i phyir sgrib pa thams cad rnam par sel ba la sogs pas de skad ces gsol zhe na/ the tshom rnam par sel ba la ni sgrib pa thams cad rnam par sel ba nyid gtso bo yin pa'i phyir ro/ /rigs kyi bu rnams zhes bya ba la de bzhin gshegs pa rnams kyi rigs ni byang chub kyi sems yin te/ de'i rab tu dbye ba ni gti mug la sogs pa'o/ /de las skyes pa ni rigs kyi bu'o/ /thong zhes bya ba ni zlog pa'o/ /'di nyid kyi bshad pa ni de skad ma zer cig ces bya ba ste/ 'di ni chos ma yin no zhes ma smra zhig ces bya ba'i don to/ /'o na 'di ci yin zhe na snying po zhes bya ba la sogs pa gsungs te/ chos ni lam yin la chos kho na nyid de ting nge 'dzin gyi rang bzhin can gyi sgrub pa zhes bya ba'i don to/ /ji skad du de kho na nyid bsdus pa las/ /rdo rje sems dpa' ting 'dzin ni/ /sangs rgyas chos nyid dag tu bshad/ /'di las sangs rgyas sangs rgyas nyid/ /gzhan las sangs rgyas 'gyur ma yin/ /zhes bya ba la sogs pa gsungs pa lta bu'o/ /mi zad pa nyid kyi phyir snying po ye shes can rnams te sangs rgyas kyi chos rnams so/ /de dang ldan pa sangs rgyas rnams kyi chos nyid dag pa ste nyon mongs pa dang las kyi sgrib pa zad par byed pa 'di nyid gang yin pa de ni 'di lta ste kun tu spyod pa'o/ /chos ni le'u lnga pa'o/ /de'i snying po'i don ni rkang du gyur pa ste dgongs pa can ces bya ba'i don to/ /de yang bshad pa nyid yin no/ /de las byung ba ni gnas pa'o/ /de bas na chos ni byang chub spyod pa'i gnas 'di yin te/ byang chub kyi spyod pa'i gnas na gnas kyi gtso bo yin te/ sgrub pa chen po nyid yin pa'i phyir kun tu spyod pa'o/ /zhes bya bar dgongs so/ /le'u 'di'i sgra ji bzhin pa'i don yang ci yin na/ gang chos ma yin pa zhes brjod ce na/ sngags pa bsod nams dang sdig pa tha mi dad par zhen pas rnam par mi rtog pa nyon mongs pas dkrugs pa'i mtshams med pa byed pa dang/ srog gcod pa dang/ ma byin par len pa dang/ 'khrig pa dang/ brdzun du smra ba la dga' ba dang/ bza' bar bya ba ma yin pa za ba dang/ bgrod par bya ba ma yin pa la 'gro ba 'grub par 'gyur ro zhes bya ba 'di la byang chub sems dpa' gang gis 'di chos ma yin no zhes the tshom du gyur pa 'di'i sgra ji bzhin pa'i don yin no/ /byang chub sems dpa' tshig 'di dang sangs rgyas kyi bka' 'di de dag gis thos nas ji ltar gyur pa na de nas yang zhes bya ba la sogs pa gsungs te/ byang chub sems dpa' sems dpa' chen po rnams zhes bya ba ni rang gi byang chub dang sems can thams cad kyi don la smon par byed pa'i phyir ro/ /'jigs pa ni kha na ma tho bas so/ /skrag pa ni ngan 'gro'i dogs pas so/ /rgyal ba ni kun nas brgyal bar gyur pa ste kun nas skrag pa'i phyir ro/ /brgyal ba ni sems stor ba'o/ /sku la sogs pa'i bdag po ni de dag de la rag las pa nyid kyi phyir ro/ /byang chub sems dpa' chen po zhes bya ba ni byang chub chen po la smon lam btab pa can no/ /nam mkha' ni rig pa'i pad+ma'o/ /de dang mnyam pa ni gcig tu gyur pa'o/ /de'i gnyis su med pa'i rdo rje zhes bya ba la/ sangs rgyas thams cad zhu ba ni rdo rje'o/ /gnyis med pa ni rten dang brton pa'i dam tshig chen po'i dkyil 'khor chen po gnyis de nyid du zhu ba'i phyir ro/ /de la dmigs pa'i ting nge 'dzin la de skad ces bya'o/ /'od kyi reg pa tsam gyis zhes bya ba ni byang chub kyi sems k yi bdud rtsi de nyid de'i rang bzhin can gyi 'od zer rdul phra rab so so la zhugs te yang dag par gsos nas lus dang sems tshim par byas pa ni reg pa 'ba' zhig yin gyis bsgom pa dang ldan pa yang ma yin no zhes bya ba ni tsam gyi sgra'i don to/ /de nas zhes bya ba ni rig pa tsam gyi rjes thogs la'o/ /'jig rten las 'das pa'i byang chub kyi sems thob pas na byang chub chen por gyur te/ 'jigs pa rnam pa lnga las 'das pas na rang rang gi stan la ji lta ba bzhin du gnas par gyur to/ /tshigs su bcad pa gsungs pa'i kun tu spyod pa'i che ba'i bdag nyid gang thos pas de dag rgyal ba ni ngo mtshar du gyur ba'o/ /rmad du gyur pa ni gang la 'od kyis reg pa tsam gyis de rnams yang dag par gsos pa dang/ 'phags pa'i sa la 'jug pa'i ting nge 'dzin la'o/ /dgyes pa ni yid bde ba'o/ /khyab pa ni lus kyi bde ba ste lus yongs su gang bas ba spu langs pa'o/ /der gyur pa ni sems can rnams kyi don gyi thabs chen po mthong ba'i phyir ro// 'di skad ces bya ba ni 'chad par 'gyur ba'o/ /chos kyi dbyings zhes bya ba ni chos 'di nyid bstod pa'i dbyangs te rdo rje 'chang ba nyid du rnal 'byor pa'i lus dang ngag dang sems de bzhin du lhag par mos pas kun tu spyod pa'i phyir ro/ de yang don dam par de las tha dad pa ma yin te/ bya ba dang byed pa po tha dad pa med pa'i phyir ro/ /kun rdzob tu ni tha dad pa yin pas de bas na 'dir tshigs su bcad pa gsum gyi sku la sogs pa'i rang bzhin dang bzhi pas ni sku la sogs pa'i phrin las kyi rang bzhin du bstod par bya'o/ /de la dang por gsung gi rang bzhin du bstod pa ni/ e ma'o zhes bya ba la sogs pa gsungs te/ dang por chos kyi sgras ni gsung gi rang bzhin gyi chos bshad pa yin no/ /gnyis pas ni brjod par bya ba'i rang bzhin la khyed la zhes bya ba yin la/ gsum pas ni ye shes kyi rang bzhin yin no/ /chos kyi lam ji ltar bstan pa'i don yang dag par byung ba ni chos kyi don byung ba ste/ gsum pa 'di yang ngo mtshar yin no/ /de bas na chos kyi rgyal po zhes gsungs te gsungs gi rgyal po'o/ /phyag 'tshal 'dud ces bya ba ni lhag ma'o/ /chos ni ye shes kyis rang bzhin no/ /'di las dag pas ni chos dag pas so/ /'di la don te yul bdag med pa yod pas na don bdag med pa'o 'dir chos kyi rgyal po'i sgras ni theg pa chen po ma lus pa 'am rdo rje theg pa dang gsang ba 'dus pa brjod par 'dod do/ /sku'i rang bzhin du bstod pa ni sku dang zhes bya ba la sogs pa gsungs te/ sku dang gsung dang thugs rab tu dag pa ni brjod bya'i rang bzhin gzung ba dang 'dzin pa stong pa nyid kyi phyir sku dang gsung dang thugs rab tu dag pa'o/ /nam mkha' dang mnyam pa nyid kyis de bzhin gshegs pa thams cad kyi sku dang gsung dang thugs dang yang dag par sbyor ba'i ngo bo nyid yin pa'i phyir/ nam mkha' dang ni mnyam nyid gnas so/ /de nyid kyis na de bzhin nyid du ro gcig pa'i phyir rnam par mi 'gyur snang ba med ces bya'o/ /rdo rje'i sku ni sku mi phyed pa nyid kyi phyir ro/ /thugs kyi rang bzhin du bstod pa thugs ni zhes bya ba la sogs pa gsungs te/ 'di de bzhin gshegs pa yin pas na de bzhin gshegs pa'o/ /gtso bo ni mchog tu dbang du gyur pa nyid kyi phyir ro/ /de bzhin gshegs pa rnams ci tsam pa can yin zhe na/ dus gsum ngag gi lam du byung ba ste dus gsum ni dus nyid do/ /de nyid ni lam yin te der byung ba'o/ /de nyid kyis ni go rim bzhin du chos kyi dbyings rnam par dag pa'i ngo bo nyid yin pa'i phyir dbyings su gyur pa'o/ /thugs chen po ni mchog tu rgya che ba nyid kyi phyir ro/ /'di nam mkha' dang 'dra ba'i lam mda' bas nam mkha' lam ste/ rtag pa zhes bya ba'i don to/ / sku la sogs pa las tha dad par byas nas de'i phrin las kyi chul du bstod pa ni nam mkha' zhes bya ba la sogs pa gsungs te/ nam mkha' i sku ni de bzhin nyid du ro gcig pa de bzhin gshegs pa thams cad kyi thun mong du gyur pa'i sku'o/ /de las yang dag byung ba ni yang dag par skyes pa'o/ /bdag med par ston pa'i gsung ni nam mkha' i gsung ngo/ /de rab tu ston pa ni de la rab tu 'jug pa'i phyir ro/ /chos kyi dbyings shin tu rnam par dag pa'i thugs ni nam mkha' i thugs so/ /der chos ni yongs su bskyod pa'o/ /de rnams kyi mchog ste dam pa'o/ /spyod pa ni kun tu spyod pa'o/ /de nyid ni gzhi dang gnas te de nyid la gnas nas sangs rgyas nyid dang sgrub pa yin pa'i phyir/ sems kun la spyod pas na kun tu spyod pa ste/ le'u bco brgyad pa las/ sems kun la ni spyod pa ste/ /kun tu spyod pa zhes bshad do/ /zhes gsungs pa'i phyir ro/ /de'i don du de gtso bor gyur pa ni kun spyod pa mchog gi le'u 'o/ gsang ba 'dus pa'i bshad sbyar snyim pa'i me tog las le'u lnga pa'o// //dngos grub mchog gi nye ba'i sgrub pa ni le'u 'di'i don yin te/ de'i mtshan nyid ni drag shul rjes su chags pa ni/ nye bar sgrub pa'i sdom pa'o/ /zhes bya bas bstan te nye bar sgrub pa gtan la phab pa zhes bya ba'i don to/ /de la mngon par rtogs pa las byin gyis rlob pa'i sngags lnga ni rjes su chags pa ste sems dga' bar byed pa'i phyir ro/ /de rnams kyi mngon du bya ba'i mngon par rtogs pa ni drag shul de/ zab cing phra ba'i dngos po la drag shul gyis yid 'jug par byed pa'i phyir ro/ /drag shul gyi spyod pa ni dam tshig gi drag shul lo/ /nye ba'i longs spyod dang bka' spyod dag ni dam tshig gi rjes su chags pa ste/ de dag gi lha rnams chags par byed pa'i phyir ro/ /de dag thams cad le'u bzhi rnams su ston to/ /de la mngon par rtogs pa ni gtso bo yin te de'i yan lag drug ste/ sngags dgod pa dang/ phyag rgya chen po dang/ de'i spyad pa dang sku dang gsung dang thugs dang ye shes rdo rje rnams dang phra mo'i rnal 'byor rnams dang sku la sogs pa byin gyis brlab pa rnams so/ /yan lag drug pa de rnams las drug pa ni 'bras bu yin pa'i phyir gtso bo yin te/ de bas na de'i sgo nas de'i don ston pa'i mthar le'u'i ming dang/ sku dang gsung dang thugs byin gyis rlob pa'i le'u ste drug pa'o zhes bya ba bstan ste/ rdo rje bkod pa'i le'u zhes bya ba'i don no/ /sku la sogs pa byin gyis rlob pa de'i le'u don gyi gtso bo yin pa'i phyir dang por bstan gyi mngon par rtogs pa'i dang po yin pa'i phyir ni ma yin te/ sku gsung thugs kyis mtshan pa'i chos kyi tshig rnams rab tu brjod ces bya bas mngon par rtogs pa'i mthar gsungs pa'i phyir mi rigs so/ /de nas zhes bya ba la sogs pa la/ 'dir yang bcom ldan 'das rdo rje 'chang ba nyid mi bskyod pa la sogs pa'i rang bzhin can gyi thugs rdo rje la sogs pa'i nga rgyal ston par mdzad pa la mi bskyod pa la sogs pa'i sngar? brjod do/ /de bzhin gshegs pa thams cad kyi sku dang gsung dang thugs kyi gsang ba'i rdo rje gsum mi phyed pa ni bcom ldan 'das thugs rdo rje ste/ des ni thugs byin gyis brlab par bya'o/ /de la dmigs pa'i ting nge 'dzin la yang de skad ces bya'o/ /de nyid ni mi phyed pa nyid kyi phyir rdo rje'o/ /thugs byin gyis brlab pa ni/ rang gi thugs rdo rje dang gnyis su med par byed pa ste de'i don gyi sngags so/ /de bzhin gshegs pa thams cad kyi thugs de nyid shin tu rnam par dag pa nyid kyis phan tshun dbyer mi phyed pa'i phyir ram mi 'phrogs pa nyid kyi phyir rdo rje'o/ /lhag ma ni snga ma bzhin no/ /de bzhin du sku'i byin gyis brlabs pa la sogs pa'i sngags rnams la yang blta bar bya'o/ /rdul dang bral ba'i gnas rdo rje zhes bya ba la rdul ni nyon mongs pa rnams te de dang bral ba'i phyir rdul dang bral ba ni zag pa med pa'i chos rnams so/ /de dag nyid kyi gzhir gyur pas na gnas te/ de'i sa bon gyi gzhir gyur pa yin pa'i phyir ro/ /zag pa dang bcas pa rnams kyi gnas ni ma yin te/ de'i sa bon de zad par byed pa'i phyir ro/ /da ltar na rdul dang bral ba'i gnas ni kun gzhi rnam par shes par gyur pa las grub pa'i me long lta bu'i ye shes so/ /de bzhin gshegs pa thams cad kyi me long lta bu'i ye shes gang yin pa de ni bcom ldan 'das sku rdo rje ste/ des kyang sku byin gyis brlab par bya'o/ /de bzhin gshegs pa thams cad kyi mnyam pa nyid ni nor bu phra mos rig par bya'o/ /de gnyis su med pa ni brjod par bya ba dang rjod par byed pa mi dmigs pas mtshon pa nyid dang tshig yin te/ de bzhin gshegs pa thams cad kyi mnyam pa nyid mi dmigs pa'o/ /de yang bcom ldan 'das gsung rdo rje ste/ des kyang gsung byin gyis brlab par bya'o/ /rdo rje gsum zhes bya ba la sogs pa la/ de bzhin gshegs pa'i gsang zhes bya ba ni 'di lta bu'i de bzhin gshegs pa thams cad kyi gnas te go 'phangs du de rnams kyis byin gyis brlabs par gyur pas bskyed par bya'o/ /gnas rnam par bsgom zhes pa la/ gnas ni snying ga dang/ mgo dang/ mgrin ba rnams te/ de rnams su bsgom pa gang la yod pa de la de skad ces bya'o/ /sngags kyi mtshan gyis shin tu mtshan byas pa zhes byas so sor gsum gsum du sbyar ste/ shin tu mtshan pa ni zla ba'i dkyil 'khor ro/ /mtshan ma ni de'i steng na gnas pa'i mtshan mar gyur pa'o/ /sngags ni de'i lte bar gnas pa'i yi ge'o/ /de dag kyang go rim bzhin du rdo rje dang 'khor lo dang pad+ma'i mtshan ma r nams la yi ge hUM dang rab sngags dang Adga' ba'i mchod pa rnam pa gsum le'u bcu pa las gsungs pa ni ye shes sgrol ma rdo rje zhes bya ste/ de la dmigs pa'i ting nge 'dzin la de skad ces bya'o/ /sngags 'di zhes bya ba ni dga' ba'i mchod pa de dag byin gyis rlob pa'i sngags so/ /sarba ta thA ga ta a nu rA ga Na zhes bya ba ni dga' ba'i mchod pa gsum ste/ swa b+ha ba zhes bya ba rin chen tog gi rang bzhin no/ /grub pa rdo rje gdon mi za ba ces bya ba ni nam mkha' khyab bar spros pa'o/ /de bzhin gshegs pa rnams kyi mchod pa ste/ don yod grub pa'i rang bzhin yin pa'i phyir ro/ /ting nge 'dzin de la dmigs pa de la de skad ces bya'o/ /mchod pa de nyid kyi khyad par gsungs pa rtag tu zhes bya ba la sogs pa la snying ga'i sngags kyi 'od zer gyi sgo las mchod pa'i lha mo drug phyung la/ lha mo lnga'i 'od zer las ni 'dod pa'i yon tan lnga'i sprin spro'o/ drug pa'i 'od zer las ni mchod pa rnam pa lnga spros te sangs rgyas thams cad la thams cad kyi mchod par bya'o/ zhes bya'o zhes bya ba'i don to/ /phan yon bstan pa'i phyir gsungs pa mchod pa zhes bya ba la sogs pa ste/ de ltar sangs rgyas rnams mchod nas sangs rgyas nyid myur du thob par 'gyur ro zhes bya ba'i don to/ /de bzhin gshegs pa thams cad kyi sku dang gsung dang thugs rnams dang rdo rje ste nor bu dang sna tshogs pa yin la de rnams kyi bdag po ni rdo rje 'dzin pa ste/ de'i bka' i sku la sogs pa'i bdag nyid du byin gyis brlab par byed pa'i phyir ro/ /de nas zhes bya ba la sogs pa la bdag po zhes bya ba ni rnam pa thams cad kyi tshul gyis byed pa po yin pa'i phyir ro/ /de bzhin gshegs pa thams cad ni 'khor los sgyur ba drug go /de rnams kyi sngags ni sa bon gyi yi ge'o/ /de'i gsang ba'i zla ba dang rdo rje'i sbyor bas de rnams ji lta ba bzhin du bskyed pa dang/ dmigs pa gsum gyis de rnams kyi skur ji lta ba bzhin du bskyed pa'o/ /sngags la dmigs pa zhes bya ba ni mtshan zhi bstan pa'o/ /lhag mas ni mtshan nyid bstan pa'o/ / lus dang ngag gis yid ni bskul nas su zhes bya ba la/ yid ni zhes bya ba ni gsum pa'i don gyi bdun pa'o/ /ngag dang lus ni shes rab thabs kyi bdag nyid de/ de dag rgyu'i rang bzhin yin no/ /yid ni 'bras bu'i rang bzhin gyis bskyed cing rdzogs pa'o/ /de la snying ga'i zla ba ni shes rab po/ /de dbus su gnas pa'i mtshan ma ni thabs so/ /mtshan ma'i dbus su bkod pa'i sngags kyi rnam pa'i sems ni/ rnam pa gsum po de dag las byung ba ni sems bskyed pa'o/ /bsgrub par bya ba ni zhes bya ba la/ ci zhig bsgrub par bya zhe na/ dngos grub mchog ste byang chub dam pa'o/ /nam mkha' i khongs su khyab par dkyil 'khor pa'i lha'i bkod pa ma lus pa zhes bya ba'i don to/ /ji lta bu zhig gis zhe na/ yid ni dga' zhing mgu ba yis zhes pa ste/ sems kyi 'od zer rnams kyis lha'i bkod pa de dag snang bar byas te bkug la sngags la bcug ste/ 'di dag thams cad ni sems tsam yin no zhes bya ba'i don 'di gang yin pa de dga' zhing mgu la rangs par byed pa yin te/ sngags kyi lha thams cad rang gi sems tsam du bstan pa'i rnam par mthong ba gang yin pa de ni sngags la dmigs pa zhes bya ba'i don to/ sems la dmigs pa zhes bya ba ni mtshan gzhi'o/ /bdag med pa zhes bya ba mtshan nyid do/ /gzung ba med na 'dzin pa yang med pa de lta bas na sems ni sems ma yin pa nyid du mthong ba ni bdag med pa mthong ba ste/ de ni sems la dmigs pa zhes bya ba'i don to/ /ngag dang lus kyang rnam par bsgom zhes bya ba ni dmigs pa zhes bya bar sbyar te/ sems la dmigs pa yang ste/ ngag dang 'brel pa'i phyir yang dag par nges pa yin gyi/ sngags thams cad kyi yang dag pa gnyis su med pa'i ye shes kyi lus su bdag la mthong bar ma yin no/ /de yang gang gi tshe sngags kyis gzugs kyi ngag yongs su gyur nas 'khor los sgyur ba'i lus bdag nyid mthong bar 'gyur te/ sngags yongs su gyur pa las lha'i lus bsgoms pa gang yin pa 'di ni ngag la dmigs pa zhes bya ba'i don to/ /sku de nyid ni byang chub ste de'i rnam par spyad pa ni byang chub kyi sems so/ /de'i phyir gsungs pa nam mkha' bzhin du zhes bya ba la sogs pa sbyor ba rnam pa gsum ni lus dang ngag dang sems rnams sbyor bas 'khor los sgyur ba'i skur bya ba ste/ de nyid ni byang chub po/ /bsgrub par bya zhes bya ba ni byang chub kyi tshigs su bcad pas nges par bya ba'o/ /ji ltar nges par bya zhe na/ nam mkha' bzhin du mnyam pa'i gnas zhes bya ba la/ nam mkha' ni stong pa nyid do/ /de'i mnyam pa ni gsum pa'o/ /des na de rnams kyi gnas te gcig tu gyur zhing sbyar ba'o/ /de nyid kyi phyir gsungs pa lus dang zhes bya ba la sogs pa la/ lus dang ngag dang sems dmigs pa ni stong pa nyid do/ /de dag gi ngo bo ni rang gi mngon nyid de stong pa nyid yin pa'i phyir dmigs su med pa'o/ /de nyid kyi phyir sngags kyi lus su sbyor ba la byang chub med pa ste/ nam mkha' lta bu yin pa'i phyir ro/ / dmigs pa nyid kyis byang chub tu bsgom pa gang yin pa de yang med pa ste/ gnyi ga dmigs su med pa'i phyir ro/ /sku gsung zhes bya ba la sogs pa la/ sku dang gsung dang thugs dang sku gsung thugs rnams te/ sku gsung thugs dang ye shes rdo rje zhes bya ba'i don to/ /ji ltar de dag gi mtshan nyid rnam par dpyad zhe na/ de dag mdor bsdus te sku la sogs pa de dag so sor gdan dang mtshan ma dang sngags rnams su sbyor bas zhes bya ba'i don to/ /de'i rjes la phra mo'i rnal 'byor yin te/ de'i mtshan nyid ni tshigs su bcad pa phyed lhag ma shos kyis bstan to/ /ting nge 'dzin ni mtshan ma phra mo ste de bsgom pa'o/ /byang chub ni zla ba 'am nyi ma'i dkyil 'khor ro/ /de'i nang du chud pa'i sbyor ba gang la yod pa de la de skad ces bya'o/ /sngags ni byang chub la gnas pa'i sa bon no/ /brtags pa ni sbyor ba'o/ /de ltar mtshan nyid bstan nas/ de'i rab tu dbye ba bstan pa'i phyir gsungs pa/ de nas zhes bya ba la sogs pa la/ 'dir dpal ni ye shes kyi gdan no/ /de dang ldan pa ni de dang sbyor ba'i mtshan ma ste dpal ldan no/ /de bzhin gshegs pa ni sngags so/ /kun ni ye shes rdo rje'o/ /des mchod pa ni sngags te/ mtshan ma'i dbus su bkod pa'o/ /de nyid ni sangs rgyas kun te de'i mchog ni thig le'o/ /de la thams cad mkhyen pa yod pa de la de skad ces bya'o/ /'dir thams cad mkhyen pa de ci zhig ce na/ mtshan ma phra mo'i nang gi gdan la gnas pa'i sngags so/ de ltar phra mo la snyoms par zhus nas bka' bstsal zhes bya ba ni rab tu phye ste gsungs pa'o/ /bsgom pa'i mchog ces bya ba la sogs pa la bsgom pa'i mchog ni phra mo'i rnal 'byor ro/ /nam mkha' zhes bya ba la sogs pa la nam mkha' i dbyings ni ye shes te/ rdo rje'i sngags kyi thig le'o/ /de'i dbus su gnas pa ni sangs rgyas kyi gzugs te/ rdo rje 'dzin pa'i sku mtshan ma phra mo'o/ /bsgoms nas zhes bya ba ni bsgom pa byas nas so/ / zla ba'i dkyil 'khor bsgom par bya zhes bya ba ni mtshan ma de'i dbus su zla ba'i dkyil 'khor bsams la/ phra mo'i sbyor pa ste/ rdo rje 'dzin pa'i sa bon bsam par bya ste/ bkod la yun ring du bsam par bya'o/ /de yang dmigs pa gsum gyi bsgrubs pa'i byang chub tshigs su bcad pas rnam par spyad pa'i rdo rje 'dzin rnal 'byor la gnas te bsgom par bya'o zhes bya bar skabs kyis zhes par bya'o/ /gsal bar bya ba'i phyir sna'i rtse mor zhes bya ba la sogs pa gsungs te/ sna las byung pas na sna ste rjes su 'gro ba'i dbyangs zhes bya ba'i don to/ /sna yang yin la rtse mo yang yin pas na sna rtse ste/ ye shes rdo rje'i sngags kyi steng gi char gyur pas so/ /yungs kar zhes bya ba ni yungs kar phra ba'i ye shes kyi thig le zla ba ltar dkar ba'o/ /ji skad du nam mkha' i dbus su de nyid mchog /bdud rtsi thig le'i rang bzhin can/ /zla ba ltar dkar stong de nyid/ /ma zad mi nyams shin tu phra/ /rdo rje sems dpa' mi shigs par/ /bshad pa rnam par bsgom par bya/ /zhe sdang rdo rje bdud rtsi'i rgyud las gsungs pa lta bu'o/ /'gro dang mi 'gro yungs kar la/ /ye shes gnas bsam zhes bya ba ni yungs kar las mtshan ma spros te/ rgyu ba dang mi rgyu ba sna tshogs mtshan ma'i rang bzhin du byas nas yungs kar gyi nang du bsdus pa de nyid ni ye shes kyi gnas te/ de bsgom pa'o/ /ye shes ni 'dir mchog tu phra ba'i dpal mchog dang po'i sa bon no/ /de'i gnas na rten te zla ba'i dkyil 'khor zhes bya ba'i don to/ /nyams dga' ba ni dga' ma'i rang bzhin yin pa'i phyir ro/ /gsang ba ni bra ba'i phyir ro/ /ye shes kyis brtags zhes bya ba ni dpal mchog dang po'i yi ge de nyid kyis mnan ba'i phyir ro/ /sangs rgyas sku yi zhes bya ba ni rdo rje phra mo sngon po rtse mo cung zad gyes pa mi bskyod pa'i rnal 'byor pas sna'i rtse mor bsams la de'i dbus su mtshan ma spro ba dang/ bsdu ba las byung ba'i nyi ma'i dkyil 'khor bsgom par bya'o/ /de'i steng du gnas pa'i ste mi bskyod pa'i sa bon dgod par bya'o/ /de nyid ni hUM zhes bya bas gsungs so/ /'khor lo'i dkyil 'khor zhes bya ba ni rnam par snang mdzad kyi rnal 'byor pas ni 'khor lo'i rtsibs brgyad pa phra mo'o/ /spyan gyi tshul du sbyor ba zhes bya ba la mtshan ma spro ba dang bsdus pa las byung ba'i zla ba'i dkyil 'khor ni spyan te dbus na gnas pa de'i tshul du ste/ mtshan ma phra mo de gnyis sbyor ba rnam par bsgom zhes bya bar sbyar ro/ /pad+ma zhes bya ba ni zla ba de nyid la'o/ /rdo rje zhes bya ba ni sangs rgyas te rnam par snang mdzad kyi sa bon zhes bya ba'i don to/ /rin chen dkyil 'khor zhes bya ba ni rin chen 'byung ldan gyi rnal 'byor pas rin po che phra mo'o/ /dang po'i sbyor ba ces bya ba la dang po ni sa bon te de dang sbyar ba'o/ /de'i steng du zhes bya ba la/ de'i sgra ni bar du gcod pa yin du zin kyang/ nyi ma'i dkyil 'khor la snyegs kyi spyan ni ma yin no/ /pad+ma'i dkyil 'khor zhes bya ba ni 'od dpag tu med pa'i rnal 'byor pas pad+ma phra mo'o/ /'dod chags rdo rje can zhes bya ba ni 'od dpag tu med pa'i sa bon no/ /de'i steng du zhes bya ba ni snga ma dang 'brel pa'i phyir nyi ma'i dkyil 'khor gyi steng du'o/ /'od kyi dkyil 'khor zhes bya ba la/ 'od ni don yod par grub pa'o/ /de'i dkyil 'khor ni mtshan ma te/ don yod par grub pa'i rnal 'byor pas ral gri phra mo'o/ /sangs rgyas tshul ni zhi ba spro zhes bya ba ni don yod par grub pa'i sa bon no/ /'khor zhes bya ba ni sa bon de nyid kyi bzhi ni nyi ma'i dkyil 'khor ro/ /khyad par dag tu zhes bya ba ni mtshan ma spro ba dang bsdu ba las so/ /mtshan ma phra mo'i tshad bstan par bya ba'i phyir autpa la zhes bya ba la sogs pa gsungs te/ 'dra ba ces bya ba ni kha dog go / nas kyi 'bru tsam zhes bya ba ni chur nas 'bru tsam mo/ /khyad par du zhes bya ba ni dbye ba de nyid kyis te/ mi bskyod pa'i rdo rje zhes bya ba'i don to/ /'dab ma brgyad pa zhes bya ba ni pad+ma'o/ /shis zhes bya ba ni sngags pa'o byang chub gzhol bar 'gyur zhes bya ba ni 'di pha rol tu son pa yod pas na de skad ces bya ste/ byang chub don du gnyer ba zhes bya ba'i don to/ /'di dang nyid bsgre bar bya ba'i phyir 'khor lo la sogs pa gsungs pa la/ khyad par du zhes bya ba ni dbyibs kyi bye brag gis so/ /brtag par bya zhes bya ba ni pad+ma dang rdo rje dang yungs kar gyi rjes su 'brang nas dpag par bya ste/ de la 'khor lo ni kun nas zlum pa nyid kyis tshad pad+ma dang 'dra'o/ /ral gri ni chur gnas pa nyid kyis rdo rje 'dra'o/ /rin po che ni zlum pa nyid kyis yungs dkar gyi tshad la zur dgu pa ste/ gcig ni steng yin la brgyad ni ngos yin no/ /bsgom pa'i phan yon ni dngos grub ces bya ba la sogs pa gsungs te/ dngos grub thams cad ni thams cad mkhyen pa nyid do/ /yon tan ni sangs rgyas kyi yon tan rnams so/ /de rnams kyi gnas 'di la yod pas na de skad ces bya ste/ nyams dga' ba ni bla na med pa'i bde ba nyid yin pa'i phyir byang chub nyid gnas yin pas na byang chub gnas so/ 'grub 'gyur ni 'grub par byed par 'gyur ba'o/ /sangs rgyas byang chub gnas rnams ni zhes bya ba ni zla ba dang nyi ma la gnas pa'i sangs rgyas rnams kyi sa bon no/ /de ru mdor na spro bar bya zhes bya ba ni mtshan ma phra mo de rnams la'o/ /'di dag ni phra mo'i byang chub kyi sems te/ 'dis byang chub la rnam par spyod pas so/ /de'i 'og tu sngags lngas sku la sogs pa byin gyis brlab par bya ba yin pas/ de bstan pa'i phyir sku gsum zhes bya ba la sogs pa gsungs te/ sku gsung thugs kyi mtshan pa ni sku la sogs pa nye bar mtshon pa'o/ /chos kyi tshig rnams ni sngags kyi tshig go /rab tu brjod ces bya ba ni brjod par bya'o/ nga rgyal lnga'i mtshan nyid ni ji skad du/ le'u dang por bshad pa lta bu'o/ /nye bar sgrub pa 'di ni bco brgyad pa las/ sems de'i snying gar mtshon par bya zhes bya ba la sogs par bshad par bya zhing de la spyod pa yang bco brgyad pa las ji srid mthong ba de srid du zla ba drug du gnyis su bsgom mo/ /'dod pa kun la longs spyod pas/ /thams cad du ni rtag tu bya/ /gal te zla ba drug gis ni/ /ji skad gsungs pa ma mthong ni/ /ji skad bshad pa'i sa bon dang/ / sdom pas lan gsum brtsam par bya/ /zhes bshad par bya'o/ /sbyod pa de nyid ni de nas zhes bya ba la sogs pa gsungs te/ rnam pa thams cad du yongs su dag pas na dpal ldan no/ /mtshan ma phra mo 'dzin par mdzad pas na rdo rje 'dzin no/ /de nyid ni rdo rje 'dzin pa der gyur pa'i don gang yin pa thams cad ston pa ni/ de nyid don kun ston pa'o/ /spyod pa kun mchog ni dka' spyod dang/ bde ba'i spyod pa'o/ /des legs dag pa ni las kyi sgrib pa la sogs pa zad pa'o/ /bcom ldan 'das kyis kyang spyod pa 'di spyad pa ste/ 'dis ni spyod pa la gus pa bskyed par bstan to/ /gsang ba zhes bya ba ni spyod pa'i mchog sba bar bya'o/ /dam pa zhes bya ba ni don yod pa nyid kyi phyir ro/ /gzugs la sogs pa dang ldan pa ni kha na ma tho ba med pa'i yul la longs spyod pa'o/ /gsang ba'i de nyid ni shes rab kyi ye shes ste/ de nyid mchod pa chen po'o/ /de yis legs par mchod nas bsgom par bya'o/ /ma 'ongs pa'i dus na ka ta rkyen du sbyar te/ kha gdangs nas gnyid logs ces bya ba lta bu ste/ de bsgoms nas kyang mchod par bya ba yin gyi/ /nges par phyi'i lus gnyis kyis byas nas ni ma yin no/ zhes bya ba'i don to/ /gal te rnam par rig pa tsam gyi tshul la phyi'i lus gang yin zhe na/ thun mong gi lus kyis rnam par snang ba'i kun gzhi rnam par shes pa gang yin pa de ni phyi rol gyi lus yin no/ /lags par mchod nas zhes bya ba ni rang gi lus dang ngag dang sems yang dag par bsdus pa'i sangs rgyas thams cad la mchod par bya'o zhes bya ba'i don to/ /gang gi tshe spyod pa 'dis bsgrub pa lan gsum du zhus su zin kyang ma grub pa de'i tshe 'di'i spyod pa gzhan bstan pa'i phyir dngos grub ces bya ba la gsungs te/ dngos grub ni byang chub po/ /de nyid ni 'bras bu ste de nyid 'dod pas so/ /bshang gci zhes bya ba la sogs pas zas kyis bya ba byed pa de nyid kyi phyir de bya ba yin no/ /ci der 'chi? sangs rgyas 'grub par 'gyur ram mi 'gyur zhe na/ sangs rgyas byang chub ces bya ba la sogs gsungs te/ byang chub kyi bdag nyid can gyi sems ni byang chub kyi sems so/ /gnyis su snang ba'i dri ma zad pas na skyon med pa'o/ /don dam pa nyid yin pas na yang dag pa'o/ /'di las gong na gzhan med pas na bla na med pa'o/ /gsang ba ni nam mkha' dang mnyam pa nyid kyi phyir ro/ /dngos grub thams cad ni 'khor los sgyur ba drug gi byang chub rnams so/ /dam pa zhes bya ba ni mchog go /de bza' bar bya'i gzhan ni mi bza' o/ /zas ni kha zas gzhan te/ gal te ma rnyed na zas gzhan yang bza' o/ /rnam pa'i sgra ni smad pa yin te/ bshad bal sogs pa'i tshul du mos pa med pa dang ma sbyangs pa ni 'dir smad pa yin no/ /sbyod pa 'di ni 'jig rten pa rnams la dka' ba yin gyi/ sgrub pa po rnams la ni bsla ba nyid de/ yan lag drug gi bsnyen pas ting nge 'dzin la dbang thob pa de nyid kyis ni bde blag du 'bar ba dang bsregs pa la sogs pa byed pa'i phyir dang gci ba la sogs pa 'gugs par byed pa'i phyir ro/ /bshang gci la sogs pa ci dgar gzung bar ni mi bya ste/ bcom ldan 'das kyis ji skad du bshang gci la sogs drangs nas ni/ zas kyi don du rab tu sbyar zhes gsungs pa lta bu'o/ /de bas na spyod pa 'dis 'di la/ byang chub sems dpa' blo ldan dang/ /sangs rgyas rnams ni mnyes par 'gyur te/ de'i bkas bka' ba spyod pa yin pa'i phyir ro/ /de nas cir 'gyur zhe na 'di lta bu zhes bya ba la sogs pa gsungs te 'dod khams dbang phyug ni phan 'dogs pa dang tshar gcod par nus pa'o/ /go 'phang ni ngag ste nges kyang las byed par 'gyur ro/ /gang du zhe na las de yang 'jig rten te/ 'dod pa'i khams su'o/ /lus kyi ji ltar las byed pa de ni gtso bo zhes bya ba la sogs pa gsungs te/ gzi chen ni lus kyi gzi dang ldan pa'o/ /stobs dang ldan zhes bya ba ni lus kyi stobs dang ngo/ /mthong na yid du 'ong zhes bya ba ni mtshan phun sum tshogs pa'o/ /bskul ba yis zhes bya ba ni btang ba yis so/ /nye bar sgrub pa'i don mdor bsdus pa ni/ 'di zhes bya ba la sogs pa gsungs te/ de dag gis sangs rgyas kyi chos thams cad kyi snying po rtogs shing mngon sum du byed pas sangs rgyas thams cad ste/ dmigs pa gsum las grub pa'i 'khor los sgyur ba rnams so/ /de rnams kyi gsang ba 'di ni mtshan ma phra mo'i rnam pas phra mo'i ye shes so/ /byang chub dam pa ni shin tu phra ba'i gdan gyi rnam pas byang chub kyi mchog go /sngags kyi gsang ba ni mchog tu phra ba'i sa bon gyi rnam pas so/ / de nyid 'di zhes bya ba ni yang dag pa'i ye shes so/ /sku dang gsung dang thugs ni lus dang ngag dang sems su snang ba rnams de las 'da' ba ste/ rdo rjer byed pa'i phyir ro/ /de bzhin gshegs pa rnams kyis sku la sogs pa byin gyis brlab pa ni nye bar sgrub pa'i 'bras bu'o/ /de'i don gyi le'u la de skad ces bya'o/ /gsang ba 'dus pa'i bshad sbyar snyim pa'i me tog las le'u drug pa'o// //le'u 'di'i don ni mchog gi bsnyen pa yin te/ de'i mtshan nyid ni dngos grub dang zhing dang mtshan ma'i bsnyen po'i zhes bya bas bstan te/ dngos grub ni 'khor los sgyur ba'i rnal 'byor ro/ /zhing ni sbyor ba'i yan lag drug ste/ de rnams kyi bdag nyid dngos grub mchog gi zhing du byed pa'i phyir ro/ /mtshan ma ni dam tshig dang rmi ltas kyi khyad par te/ dngos grub kyi rgyur gyur pa dang dngos grub ston par byed pa'i phyir ro/ /de dag nyid ni bsnyen pa ste/ de thams cad le'u bzhi rnams su ston pa de bas na skabs te gsungs pa de nas zhes bya ba la sogs pa la/ sku la sogs pa'i bdag po ni rnam pa thams cad du de rnams bskyed pa dang/ bsrung ba dang ston par byed pas so/ /sngags zhes bya ba ni sbyor ba'i yan lag drug ste/ shes ni skyob pa yin pa'i phyir ro/ /yan lag drug dang rjes su mthun pa'i dam tshig ni spyod pa ste/ sngags dang lhan cig spyod pa ni sngags kyi spyod pa'o/ /'di las byang chub 'ongs pa na dam tshig ste rigs lnga'o/ /de rnams kyi thun mongs gi mtshan nyid rdo rje 'dzin pa ni dam tshig chen po'o/ / drug po 'di dag nyid ni kho na nyid do/ de bas na dam tshig chen po de kho na nyid kyang yin la/ sngags spyod pa yang yin pas na dam tshig chen po'i de kho na nyid kyi sngags spyod pa'o/ /de rnams kyi mchog ni thabs kyi dang po ste bsnyen pa zhes bya ba'i don to/ /mngon par rdzogs par byang chub pa ni de dag ma lus par yang dag par shes pa ste/ de'i don gyi le'u la de skad ces bya'o/ /de la dang po'i tshigs su bcad pa gsum gyis ni byang chub myur du sgrub pa'i rgyu gsum gyi spyod pa gsungs te/ sangs rgyas kyi rjes su gnang ba'i phyir dang/ sangs rgyas mchod pa'i thabs yin pa'i phyir dang/ ting nge 'dzin dang rjes su mthun pa nyid kyi phyir te rim bzhin no/ /la zhes bya ba dang/ ni zhes bya ba dang/ yang ni zhes bya ba nir go rim bzhin du bsdu ba dang/ nges par bzung ba dang/ bye brag tu ston pa yin no/ /'di lta bu zhes bya ba ni/ ni zhes bya bas bsdus pa'i yan lag drug go /myur du zhes bya ba ni 'gyogs par ro/ /'dod pa thams cad ces bya ba ni 'dod pa drug ste/ de rnams kyi longs spyod la nye bar spyod pa nyid kyis so/ /ji ltar 'dod pa zhes bya ba la/ 'dod pa ni ston pa'i bkas gnang ba de las mi 'da' ba ste/ ji ltar na sdug bsngal dang yid mi bde ba 'phel bar 'gyur ba'i dka' bas sgrub pa la sogs pa ma yin pas zhes bya ba'i don to/ /rang gi lha ni rang gi rigs kyi 'khor los sgyur ba'o/ /de'i rnal 'byor ni ting nge 'dzin to/ /rang zhes bya ba ni 'khor los sgyur ba de nyid do/ /gzhan zhes bya ba ni de nyid dus gsum gyis sangs rgyas rnams bsdus pa'o/ /bka' thub sdom pa zhes bya ba'i rgyud las gsungs pa'o/ /sngo chos dang/ sre dang/ bsod snyoms gcig pa dang/ bsod snyoms kyi kha zas la sogs pa dang/ khrus dang mi smra ba la sogs pa'i nges pa ste/ shin tu sdug bsngal ba'i rgyu yin pa'i phyir mi bzod pa'o/ /bsten kyang grub par mi 'gyur zhes bya ba ni de dag goms par bya bas ting nge 'dzin skye bar mi 'gyur ba'o/ /de skad du bcom ldan 'das kyis kyang gsungs pa/ bka' thub sdom pa mi zad pas/ /lus ni skams shing sdug bsngal 'gyur/ /sdug bsngal gyis ni sems g.yengs te/ /g.yengs pas dngos grub gzhan du 'gyur ro/ /bsgoms na zhes bya ba ni rnal 'byor pa'o/ /ni zhes bya ba'i sgra ni 'di nyid kyis ting nge 'dzin skye bar 'gyur ro/ /zhes bye brag tu nges par gzung bar bya ste/ sems bde ba ni ting nge 'dzin du 'gyur ro zhes gsungs pa'i phyir ro/ /le'u 'di'i don sngags dang spyod pa las spyod pa cung zad cig bstan te/ cung zad cig ni 'og nas ston to/ /bar du sngags gsungs pa slong mo zhes bya ba la sogs pa la sngags ni rtsa ba'i sngags te/ sna tshogs pa'o/ /de'i bzlas pa ni rnal 'byor pas spro ba dang bsdu bar bya'o/ yan lag ma nyams pa zhes bya ba ni yan lag dbang po bcu pa dbyer med pa 'di la yod pas na yan lag ma nyams pa te 'byung ba'i dbang po lnga ni pad+mas bsdus pa 'byung ba las gyur pa'i dbang po rnams ni rdo rje ste/ /de dag gis yang dag pas sbyar bas so/ /slong mo za zhing mi bzla ste zhes bya ba la slong mo ni gang gi tshe phyi rol gyi yul lnga la nye bar spyod pa ni srid pa'i dbang gis de dang de dag tu kun tu tshol zhing rgyug pa yin la slong mo'i longs spyod de dag 'dir mi bya'o/ /de bas na rdo rje'i nang du chud pa'i chos kyi dbyings la de don bsdus te spyod do/ /slong la dga' bar mi bya'o zhes bya ba la bslang bar bya ba rnams bsdus pa na slong ba ste/ chos kyi dbyings so/ /dga' ba ni mtshan ma sna tshogs su 'dzin pa ste de mi bya'o/ /'o na ji ltar bya zhen/ der rig bya rnams te rig pa rnams bsdus pa'i yid kyis skye mched sna tshogs pa'i gzugs su bzhag nas so zhes bya ba'i don to/ /de ltar rgyu dgod par byas nas sngags ji ltar bzla zhe na/ 'dod pa kun la longs spyod cing zhes bya ba la/ kun ni sna tshogs pa'o/ /des nye bar spyod pas so so ba ma lus pa dang bsdus pa longs spyod pa ste/ nyams su myong bar byed pa'o/ /sna tshogs pa nyid kyis de rnams spro ba dang/ sdud par byed pa'i phyir ro/ /tshigs su bcad pa gcig gis bstan pa 'di nyid tshigs su bcad pa gnyis kyis bar du chos pa'i lhag ma rnams kyis nye bar bstan par 'gyur te/ so sor sdud pa zhes bya ba'i yan lag dang po'o/ /bsam gtan gyi yan lag tshigs su bcad pa gcig gis gsungs pa/ lus dang zhes zhes bya ba la sogs pa la lus dang ngag dang sems rnams pad+ma'i ze 'bru gsum la 'khor lo dang pad+ma dang rdo rje phyung ba ste bsam gtan dang po'o/ /yang lus dang ngag dang sems te de rnams kyi dbus su ral gri phyung ba ni bsam gtan gnyis pa'o/ /de ltar na lus dang ngag dang sems dang lus dang ngag dang sems rnams te/ gcig lus pa'i sbyor ba bya'o/ /lus dang ngag dang sems kyi mtshan ma bzhi'i nang du bde bar gnas pa ste/ dga' ma rnams bkod pa ni bsam gtan gsum pa'o/ /lus dang ngag dang sems dang bde bar gnas pa dag ni lus dang ngag dang sems bde bar gnas pa ste bzlas dbye ba'i bsdu ba'o/ byang chub yang dag thob ces bya ba la de ltar bsam gtan gsum thob nas ral gri'i lte bar dga' ma rnams bsdus pa las byung ba'i bde ba'i thig le ni theg pa chen po'i don yang dag par rtogs pas na bsam gtan bzhi pa'o/ /de'i yang dag par thob par ni yang dag par thob ste/ mtshan ma bzhi bsdus pa las byung ba'i dga' ba'i thig le nang du chud pa'i sems kyi thig le ste 'di ni bsam gtan lnga pa'o/ /de ltar na ral gri'i lte bar byung ba thig le dang po ni byang chub thob pa yin la/ mtshan ma gsum par ral gri la bsdus te/ de yang phra mor gyur pa'i thig le ni yang dag thob pa'o/ /de bla na med pa'i byang chub kyang nges par rnyed pas 'gyur te/ bsam gtan lnga pa thob pa ni dngos kyi 'bras bu yin la/ brgyud pas thob pa'i byang chub ni brgyud pa'i 'bras bu'o/ /'di'i phan yon tshigs su bcad pa phyed phyi mas gsungs pa gzhan du zhes bya ba la sogs pa la/ dmyal ba ces bya ba ni dmyal ba la sogs pa'o/ nges par zhes bya ba ni gdon mi zab ste bsam gtan lnga pa ma thob na dus ma yin pa'i 'chi ba dang/ ngan 'gror ltung bar 'gyur la thob na ni der nges par 'gro bar mi 'gyur ro zhes bya ba'i don to/ /bsam gtan zhes bya ba'i yan lag gnyis pa'o/ yan lag gnyis kyi dbang du byas pa'i tshigs su bcad pa gsungs pa/ sangs rgyas zhes bya ba la sogs pa la sangs rgyas ni sna tshogs par bsdus pa rnams so/ /byang chub sems dpa' ni sna tshogs yin pa'i gdan la'o/ /sngags kyi spyad pa ni skabs kyi stobs kyi na bde ba'i thig le nang du chud pa'i sems kyi thig le'o/ /de'i spyod pa ni de dang lhan cig tu rgyu ba ste/ gong bu'i sbyor bas phra mor gyur nas snga ma'i thig ler 'gro ba'o/ /de'i mchog ni rtse mo ste/ sna'i rtse mor rgyu zhing gnas pa ste/ srog dang rtsol ba ces bya ba ni yan lag gsum pa'o/ /de lta bur gyur pa de ni chos mi g.yo ba brnyed pa ste/ chos kyi sngags su bshad pa yin zhes gsungs pas na chos nyid yi ge ste nye ba'i stobs kyis na rang gi snying gar sems pa'i sngags kyi yi ge zhes bya ba'i don to/ /de'i brnyes pa ni de'i thig ler bzhag pa'i rin po che nyid la nges par gnas pa'o/ /mchog ces bya ba ni dam pa ste/ rang gi sngags de la rin po che gnas pa de bzhin du sngags kyi yi ge rab sngags dang/ Amed par byas pa ste/ 'dzin pa zhes bya ba ni yan lag bzhi pa'o/ /ji ste phun sum tshogs pa de lta bur gyur pa'i gzhi gang yin zhe na/ 'dod pa thams cad bsten pas so zhes bya ba gsungs te/ thams cad ni sna tshogs pa'o/ 'dod pa bsten pa ni des so so pa dang ma lus pa'i 'dod pa nye bar spyod pa ste de'o/ /de'i bstan pa slong mo zhes bya ba'i tshig bshad pa yin la de'i nye bar bstan pa ni 'og nas 'byung ba'i tshigs su bcad pa brgyad yin te de las gcig gis ni tshogs gnyis kyi rgyu bstan to/ /de'i 'og ma lngas ni so so'i nye bar spyod pa lnga bstan to/ /bdun pas ni de nyid gsal bar byed do/ /brgyad pas ni nye ba'i longs spyod thams cad ston to/ /chags can zhes bya ba ni rnal 'byor pa'o/ /ye shes 'dod pa zhes bya ba ni bsam gtan lnga po don du gnyer ba gang yin pa'o/ /rtag tu 'dod pa lnga rnams bstan zhes bya ba la 'dod pa yang yin la rnam par dag par byed pas yon tan yang ste de ston pa ni bsgom par bya'o/ /rtag tu zhes bya ba ni gnas pa ste de rnams de la dgod pa'i las kyis so/ /mnyes par bya ba dang chags par bya ba ni don cig go /des ni ye shes kyi tshogs kyi rgyu bstan no/ /byang chub sems dpa' zhes bya ba la sogs pa la gsal ba'i las byed pas na nyi ma te/ phyogs dang phyogs rnams ye shes kyi snang ba mdzad pas de dang chos mthun pa'i phyir ro/ /der sbyor bas rtogs pa'i sngags rnams ni byang chub nyi ma ste/ sangs rgyas zhes bya ba'i don to/ /de ni bsod nams kyi tshogs kyi rgyu bstan to/ /gzugs la zhes bya ba la sogs pa la/ 'dis mchod pas na mchod pa ste/ gzugs la sogs pa'i gdan no/ /bdag nyid ces bya ba ni de kho na nyid kyi rang bzhin te chos kyi dbyings zhes bya ba'i don to/ /mchod pa rnams kyi bdag nyid gang la yod pa chos dbyings te/ de nyid las mchod pa rnams spros pa'i phyir ro/ /mchod pa'i bdag nyid kyi rnal 'byor pas spros te/ mchod par bya zhes pa ni byang chub nyi ma zhes bya ba dang 'brel to/ /des ni rigs rnams dang rigs can gyi sangs rgyas rnams la mchod do zhes bya ba'i don to/ /de la rnam par snang mdzad kyi rigs can ni 'khor los sgyur ba mnga' ba'i sangs rgyas rnams ni rigs so/ /ji ltar mchod ce na gzugs la rnam pa gsum zhes byas zhes bya ba la/ gzugs ni gzugs kyi gdan no/ /shes par bya ba ni nyams su myong ba'i bya ba ste/ ji ltar nyams su myong bar bya zhe na/ sems tsam nyid dang chos kyi dbyings las 'byung ba nyid dang rdo rje bu ga las byung ba nyid dang pad+ma'i nang na gnas pa nyid du shes par bya'o/ /rnam pa gsum zhes bya ba ni 'dod chags chen po'i rnal 'byor pa dang/ 'dod chags kyi rnal 'byor pa gsum po dag gis ni sim pa'i rgyur ji ltar rig pa bzhin du bsil ba dang dmar po dag tu'o/ /zhe sdang gi rnal 'byor pas ni gdung ba'i rgyur dmar po dang dro bar 'gyur ro/ /gti mug gi rnal 'byor pas ni bsil ba dang dkar por ro/ /chos kyi dbyings las de dag bskyed nas ji ltar bya zhe na/ bcom ldan 'das zhes bya ba smos te/ bsten par bya zhing bsnyen par bya bas na bcom pa ste lnga'o/ /de de'i la yod pas ni bcom ldan de chos kyi dbyings so/ /de'i phyir de nyid du bsdu bar bya'o/ /'o na sna tshogs pa zhes bya ba gsungs te/ sna tshogs pa zhes bya ba de nyid ces bya ba dang 'brel to/ /chos kyi dbyings nyid sna tshogs pa yin te rig pa dang rig bya dbyer med pa'i sbyor bas so/ /'o na gang la mchod ce na/ sangs rgyas zhes bya ba smos te/ sna tshogs pa de nyid sangs rgyas te de nyid las sngags spros pas na sngags so/ /sngags gang zhig ce na rnam par snang mdzad ces bya ba smos te rab sngags zhes bya ba'i don to/ /ji lta bu zhe na/ gtso bo zhes bya ba smos te/ rnam par snang mdzad kyi rigs mdza' yas pa'i phyogs su khyab pa rnams bkug ste/ rab sngags la bstim pas na rigs kyi dbang po yin pas so/ /rin chen 'byung ldan la sogs pa'i tshigs su bcad pa rnams ni dri dang ro dang reg bya dang sgra rnams dang sbyar te/ gdon par bya'o/ /dbul bar bya zhes bya ba ni mchod par bya ba'o/ /lha rnams zhes bya ba ni rigs dang rigs can rnams la'o/ /shes par bya ba ni rtogs par bya ba'o/ /'dir tshigs su bcad pa ni/ /gzugs dang sgra dang de bzhin dri/ /ro dang reg bya la gnas pa rtag dang mi bskyod rin chen dbang/ /ngag gi bdag po thogs med rnams/ /de bzhin gshegs pa lnga dbus su/ /rang rang sbyor bas gnas par bya/ /rdo rje 'dzin pa'i rnal 'byor bas/ /dbus su mi bskyod dgos par bya/ /rdor 'dzin rtag pa'i rnal 'byor pas/ /'dod pa lnga po bzla bar bya/ /'khor los sgyur ba lhag ma yis/ /nyi ma'i gzugs dang sbyar bar bya/ /rin chen zhes bya ba ni byang chub sems dpa' rnams so/ /de'i 'byung gnas na de'i rigs kyi 'byung gnas su gyur pa rin chen 'byung ldan gyi sngags zhes bya ba'i don to/ /'dod chags chos ni shes rab kyi chos te rig pa'i rgyal mo rnams so/ /des ni rigs rnams bstan la de'i 'byung gnas ni snang ba mdza' yas kyi sngags zhes bya ba'i don to/ / thog med ces bya ba ni don yod grub pa'i sngags so/ /thogs med rdo rje 'dzin zhes bya ba la 'dod par bya bas na rab te 'dod pa rnams so/ /rdo rje ni de'i rigs mdza' yas pa'i phyogs su khyab pa rnams so/ /de bkug ste gzung bas na thogs med rdo rje 'dzin ni thogs med do/ /bcom ldan zhes bya ba ni sna tshogs pa'o/ /rdo rje can zhes bya ba ni mi bskyod pa'i sngags so/ /mi bskyod ba zhes bya ba ni khro bo'i tshul lo/ /bdag nyid mi bskyod pa yin na gzhan dag kyang khro bo'i tshul du bya ba'i don to/ /de mnyes pa ni phyogs bcur khyab pa rnams bkug ste bstim pa'i sbyor bas mi bskyod pa'i sbyor bar mnyes pa'o/ /gzugs sgra zhes bya ba la sogs pa la/ rtog tu zhes bya ba ni bstan pa ste/ zla ba dang nyi ma'i gdan rnams la gnas pas sbyor bar gyur pa'o/ /sems zhes bya ba ni sangs rgyas rnams kyi sngags so/ /gsang ba zhes bya ba ni sems de nyid rdzas chen por gyur pa'i gsang ba'o/ /snying po zhes bya ba yang gsang ba de nyid ston pa ste/ dbang po dang bcas pa'i dpag tu med pa'i rigs kyi snying por gyur pa phun sum tshogs pa'o/ /bsdus pa ni bsags pa ste/ de gang la yod pa de la de skad ces bya'o/ /de dag gis ci zhig bstan par 'gyur zhe na/ gzugs la sogs pa'i rang bzhin zla ba la sogs pa'i gdan la/ sangs rgyas zhes bya ba sangs rgyas rnams kyi sngags kyi rigs mdza' yas pa'o/ /snod du gyur pa'i gtso bor gyur pa rnams sbyor ba zhes pa de dag la bkod pas mchod pa bya'o/ /gzugs sgra dri la sogs zhes bya ba la lha nyid ces bya ba ni sna tshogs pa'o/ /bsgom zhes bya ba ni mnyes par bya'o/ /rtag tu zhes bya ba ni de la dgod pa'i las kyi ste/ sangs rgyas rnams dang gdan rnams dang sna tshogs pa dang gdan la bsdu'o/ zhes bya ba'i don to/ /yang na de la bsgom pa ni zhes bya ba ni mnyes par bya ba'i mthar rigs kyis phye ba'i sngags rnams rnam par bsgom pa ste/ /de la zhes bya ba ni de nyid du mngon du bsdus pa'o/ /'dod pa la nye bar spyod pa'i nye bar bstan pa rnams kyi mthar brjod par rigs na ci'i phyir 'dzin pa'i mthar bstan ce na/ sbyor ba'i yan lag bzhi pa rdzogs par bya ba'i phyir/ sems kyi rin po che la bstan par ma gyur gyi bar du de nyid la gnas par bya ba bstan par bya ba'i phyir ro/ /brtan nas ni sbyor ba'i yan lag drug tu byas te de la yan lag lnga pa rjes su dran pa tshigs su bcad pa gnyis kyis bstan pa'i phyir sangs rgyas rjes su dran pa ces bya ba la sogs pa gsungs te/ rjes su dran par byed pas na rjes su dran pa ste gsal bar shes pa'o/ /rgyu dang yul dang dus kyi rjes su 'gro ba'i dran pa ni rjes su dran pa'o/ /rgyu ni rin po che bstan par gyur pa ste/ de'i rjes su 'gro pa ni de las skyes shing de dang 'dra bar phra ba'o/ /yul gyi rjes su 'gro ba ni spro ba'i sbyor bas sna tshogs par khyab pa'o/ /dus kyi rjes su 'gro ba ni bstan par gyur pas so/ /de nyid ni sbyor ba ste rgyun tu sbyor ba'o/ /bsgoms pas ni yang dang yang goms par byed pa ste/ mang po rnams kyang rigs kyis na gcig gi tshig yin no/ /sbyor bas zhes bya ba ni byang chub thob par 'gyur zhes bya ba dang 'brel to/ /bsgoms pas zhes bya ba ni bsgoms par byas pas so/ /ci ste rjes su dran pas byang chub gang thob ce na/ sku dang gsung dang thugs rnams zhes bya ba smos te gang gi sku la sogs pa'i rdo rje gsum mi phyed pa'i rdo rje can zhes bya ba'i don to/ /rjes su dran pa'i sngon du lhag par bya ba'i rig ma sbyar ba dang dbang po gnyis sbyang ba dang 'od kyis brgyan ba rnams bstan par bya ba'i phyir bud med ces bya ba la sogs pa gsungs te/ gzugs ldan zhes bya ba ni 'od bzang po dang bcas pa'i dbyibs phun sum tshogs pa'o/ /mdangs bzangs zhes bya ba ni kha dog phun sum tshogs pa ste dbyibs dang kha dog tu ldan pa de la de skad ces bya'o/ /byin gyis brlab pa ni bskyed pa'o/ /da'i gnas ni rgyu ste de yang 'dir spyan ma'i tshul gyi rnal 'byor dang rigs lngas dgang ba dang pad+ma dang nor bu sbyang ba'o/ /phyogs gzhan gsungs pa/ de bzhin gshegs pa'i zhes bya ba la sogs pa ste/ rnam par snang mdzad kyi btsun mo'i mchog ste rig pa chen mo sems bstan par gyur pas bsgoms pa'i rig pa dang snyoms par 'jug pa ste/ de yang de las gzhan dang snyoms par 'jug pa dang/ yon tan mtshungs pa'i steng du shin tu skyon med pa'o/ /yi ge hUM dang zhes bya ba la/ rang gi sgras ni Anor bu dang mtshams pa'i bu ga can no/ /yang hUM de nyid kyis rdo rje dmar po thams cad rtse mo shin tu 'byar ba'o/ /de'i rtse mo'i ni nor bu mu tig gi rdog ma ltar dkar pa aoM gyis bsgom par bya'o/ /phaT ni mdog ser po ste gnyi ga'i bu gar khu ba dag pa'i don du'o/ /'khor lo la sogs pa spro ba'i phyir ni ye shes kyi khu ba'o/ /'bar bcas zla 'od bzhin du dkar zhes bya ba ni dkar zhing bsil ba'i 'od dang ldan pa'o/ /de nas ci zhig bya zhe na/ sangs rgyas rjes su dran zhes bya ba la sogs pa smos te/ de la zhes bya ba ni dmigs kyis dkar ba'i bdun pa ste rjes su dran pa de las so/ /ji ltar zhes bya ba ni bdag nyid kyis dris nas bdag nyid kyis lan ston par mdzad pa'o/ /'dir sangs rgyas la sogs pa'i lha rnams kyi sgra ni mtsham ma la gzung bar bya'o/ /kha cig tu ni lha nyid do/ /chos zhes bya ba ni pad+ma'o/ /rdo rje ni rdo rje nyid dang/ /bdag ni rdo rje pad+mar ldan zhes 'og nas 'byung ba de 'di dag kun la sbyar bar bya ste pad+ma dang ldan pa'i rdo rje ste bdun pa'i don gyis gnyis pa yin no/ /b+ha ga ni pad+ma'i lte ba'o/ /ling ga ni sems kyi rin po che'o/ /bzhag pa ni de la bstan par gyur pa'o/ /sangs rgyas gzugs ni gti mug gi mtshan ma 'khor lo phra mo ste/ rin po che las 'dzag pa'i 'od tu bsgom par bya'o/ /de las sangs rgyas kyi sprin te spro ba'i rim gyis lus gnyis 'od kyis khyab par bkang la ba spu rtse mo'i tshogs kyi bu ga las 'khor lo'i tshogs nam mkha' khyab par spro bar bya'o zhes bya ba'i don to/ /chos ni 'dod chags rdo rje'o/ /de nyid rdo rje chos ni de'i mtshan ma pad+ma phra mo zhes bya ba'i don to/ /rdo rje sems dpa' ni zhe sdang rdo rje ste/ rdo rje phra mo zhes bya ba'i don to/ /rigs ni ye shes rdo rje ste/ rigs gsum po bsdus pa'i phyir de nyid ni sangs rgyas te ye shes yin pa'i phyir ro/ /de'i gzugs ni ral gri phra mo'o/ /khro bo ni gtsug tor chen po'o/ /khro bo dbang po zhes bya ba ni ye shes kyi gtsug tor chen po yid las bkug la bdag la bstims te sems kyi rin po cher bsdus la sems kyi rin po che las 'dzag pa'i 'od zer ser po las 'khor lo phra mo rnam par bsgom pa'o/ /dam tshig ni mtshan ma de rnams tshogs pa ste de'i rjes su dran pa ni sangs rgyas rdo rje sems dpa' zhes bya ba la sangs rgyas ni dbus na gnas pa gtsug tor gyi 'khor lo'o/ /rdo rje sems dpa' ni ngos rnams na gnas pa'i 'khor lo dang pad+ma dang ral gri'i mtshan ma rnams so/ /bsgom zhes bya ba 'di ni spro bar bya'o/ /rjes su dran pa drug po de dag ni rjes su dran pa'i yan lag go /de la zhes bya ba la sogs pa la 'di nas gzung ste de la zhes bya ba rnams ni nye ba'i dbang du byas pa'o bdun pa ste/ de'i 'og tu zhes bya ba'i don to/ /dkyil 'khor rjes su dran pa ces bya ba la shes bya thams cad la khyab pa dang dbang du gyur pa'i rjes su 'gro ba'i dran pa ni rjes su dran pa ste gsal bar shes pa'o/ /de'i bsgom pa ni mtshan ma phra mo'i lte bar gdan phra mo'i dkyil 'khor la rgyun gyis 'jug pa'i bsgom pa'o/ /dbang po gnyis ni zhes bya ba la sogs pa la rang gi khu ba ces bya ba ni ye shes kyi khu ba'o/ /ni zhes bya ba ni nges par gzung ba'o/ /'byung zhes bya ba ni bskyed pa ste/ rgyu dang skye ba ni don gcig go zhes 'byung ba'i phyir ro/ /tshul zhes bya ba ni bzlog cing bsdu'o zhes bya ba'o/ /rnal 'byor pa yis rtag tu zhes bya ba la rtog tu 'dzin pa mnyam par bzhag pa'i stobs kyis so/ /mkhas pa zhes bya ba 'bad dang bcas pas rjes su dran pa thams cad ces pa'i stobs can de lta bur gyur pa'i sngags pas so/ /dbang po gnyis mnyam par sbyar te/ zhes bya ba ni snying ga'i sngags kyi thig le la nor bu phra mo yar drangs te bzhag la ye shes kyi khu ba de nyid las dkyil 'khor te/ nam mkha' khyab par spros nas de rnams tshul zhes bya ba nor bu phra mor bsdus te 'byung ces bya ba zla ba phra mo 'am nyi ma'i dkyil 'khor phra mor bskyed par bya ba ste/ 'di ni ting nge 'dzin gyi yan lag go /de la zhes bya ba la sogs pa smon lam gyi rjes su dran pa lnga po 'di dag ni thab pa'i rjes su mthun pa'i smon lam ni rjes su dran pa'o/ sku gang yin pa zhes bya ba la sku zhes bya ba ni sna tshogs pa'o/ /phung po ni so so'i rigs kyi tshogs kyi sngags lnga'o/ /des rab tu rgyas pa ni bye brag tu yongs su gang ba'o/ /ji ltar bye brag yin zhe na/ de dag gi gdan rnams sna tshogs pa'i gdan gyi bsdus pa'o/ /sangs rgyas sku zhes bya ba ni sku rdo rje'o/ /de dang zhes bya ba ni de ji lta ba bzhin du'o/ /rdo rje chos zhes bya ba ni gsung rdo rje'o/ /nges tshig ces bya ba la tshig ni ming dang rnam par rtog pa'o/ /phun sum tshogs pa ni nor bu phra mo gsum mo/ nges pa ni de dag la rnam par grol ba ste de dag mi dmigs pa de ni des tshig phun sum tshogs pa'o/ /chos 'dzin pa dang mtshungs pa zhes bya ba ni rdo rje dang mtshungs pa'o/ /kun tu bzang po zhes bya ba ni thugs rdo rje'o/ / gsang ba pa zhes bya ba ni rig bya ba'o/ /blo zhes bya ba ni rig pa'o/ /rdo rje 'dzin dang mtshungs pa zhes bya ba ni thugs rdo rje lta bur ro/ /sems can zhes bya ba ni ting nge 'dzin la dbang thob pa'i sems te de'i rjes su dran pa'o/ /sems can kun zhes bya ba la/ sangs rgyas thams cad ces bya ba ni dus gsum gyi sangs rgyas kyi'o/ /sku dang gsung dang thugs zhes bya ba de nyid ni gsang ba rnams mnyam par sbyor ba'i srog dang rtsol ba'o/ /mtshan zhes bya ba ni 'dzin pa ste de dag 'di'i yin pas de skad ces bya'o/ /mkha' dang mtshungs pa zhes bya ba ni rjes su dran pa ste/ des thams cad du khyab pa'i phyir ro/ /spyod gyur cig ces bya ba ni snying po bsdus pa ste ting nge 'dzin la de skad bya'o/ /gyur cig ces bya ba ni de dang 'dra bar gyur cig ces bya ba'i don to/ /sngags thams cad ces bya ba ni lha thams cad kyi sngags rnams so/ /gzugs zhes bya ba ni bsags pa ste sa bon gyis de rnams bsdus pa de ni sngags thams cad kyi gzugs so/ /de nyid ni sku dang gsung dang thugs kyang yin te sngags kyi rnam pa'i sems ni gsung dang thugs yin la de yongs su gyur pa'i sku gang yin pa de ni sku'o/ /de lta bu'i sku dang gsung dang thugs 'di la yod pa'o/ /de'i rjes su dran pa'o/ /sngags 'dzin pa dang zhes bya ba ni sngags thams cad kyi bdag nyid 'dzin pa gang yin pa ste/ de dang 'dra ba ni de lta bur gyur cig pa'o/ /de ltar rjes su dran pa bcu gnyis kyis yan lag dang bcas pa'i mngon par rtogs pa bstan nas gzhan bzhis ni de'i dam tshig ston par byed de dam tshig bzhi las brdzun du smra ba ma gtogs pa'i dam tshig go / de'i rjes su dran pa ni yid la byed pa'o/ /de bas na 'di ni yid kyi dam tshig go /dam tshig gis zhes bya ba ni rigs kyi rig ma dang yang dag par sbyar bas so/ /khu ba ces bya ba ni lha dag gi bdud rtsi'o/ /cho ga bzhin zhes bya ba ni lce sbyang ba'i rtse mor rol pas so/ /'bras 'dod pas zhes bya ba ni byang chub 'dod pa dang ldan pas so/ /bsad na zhes bya ba ni bzhugs na'o/ /'dir yang dang por 'khrig dga' i bar du ni/ /bsad dang de rje rku ba ste/ /gsum po 'ang yang dag ma yin par/ /de 'dra brjod phyir de skad brjod/ /brdzun du smra ba ni dam tshig bzhi pa ste de yang de dang 'dra bar brjod pa'i phyir de skad ces bya'o/ /smra ba de yang yid dang brjod pa'i de yang 'chad par 'gyur ba'i rjes su dran pa gnyis yin pa de bas na de gnyi ga brjod pa'i dam tshig yin no/ /rnam par rtog pa'i pha rol dang rnam par dag pa'i pha rol tu byon pa'i shes rab gang yin pa de nyid ni 'dir shes rab kyi pha rol tu phyin par gzung ngo/ /de'i dam tshig ni thams cad khyab pas na shes rab kyi pha rol tu phyin pa'i dam tshig go /de'i rjes su dran pa ni so sor rtog pa dang dam tshig go /thams cad ni sems dang sems las byung ba thams cad do/ /rang bzhin gyis ni 'od gsal ba nyid ni rang bzhin gyis gnyis kyis stong pa'i mtshan nyid can te dri ma rnams med pa'i phyir ro/ /de'i phyir de lta bu yin zhe na/ gang gi phyir ma skyes pa dang zag pa med pa ste de rnams kyi rang bzhin ni de bzhin nyid de rtag tu de bzhin du gnas pa'i phyir ro/ /de bas na des de rnams ma skyed pa yin te gnyis kyi rgyu mtshan du snang pa'i rnam par rtog pa'i mtshan nyid du ma skyes pa'o/ /de bas na de rnams kyi rgyu mtshan dri ma med pa yin no/ /zag pa rnams kyi dri ma yang yod pa ma yin te/ zag pa rnams kyi rnam par rtog pa'i khyad par gyi mtshan nyid yin pa'i phyir ro/ /de bas na sems dang sems las byung ba rnams thog ma med pa nas grub pa'i rang bzhin ni ji skad du bshad pa'i shes rab kyi pha rol tu phyin pa yin no/ /de bas na rang bzhin 'di la byang chub med cing thob par bya ba'i khyad par med pa'i phyir byang chub med na yang mngon rtogs kyang med khams kyang med cing 'byung ba yang med pa ste byang chub kyi las med cing byang chub kyi rigs med la/ byang chub tu sems skyed pa yod pa ma yin no zhes bya ba'i don to/ /rjes su dran pa 'dis ni byang chub kyi lam ma yin pa yang lam du byed do skyes pa ni 'khor ba'o/ /ma skyes pa ni mya ngan las 'das pa'o/ de rjes su dran pa ni dus thams cad du rjes su 'brang ba nyid kyis so sor rtog pa dang dam tshig go /thams cad ces bya ba ni 'dus byas dang 'dus ma byas rnams so/ /'od gsal ba nyid rang bzhin yin te stong pa nyid kyi mtshan nyid can gyi rang bzhin la ni kun nas nyon mongs pa'i dri ma med pa'i phyir ro/ /de yang ci'i phyir zhe na/ gang gi phyir 'di dag thams cad ni mtshan med mi 'gyur ste/ stong pa nyid la ni gnyis kyi rgyu mtshan nas brjod par snang ba med de/ mtshan nyid ji lta ba bzhin du ni bems po'i phyir dang stong pa nyid ni der snang ba'i rnam par rtog pa'i mtshan nyid du ma skyes pa'i phyir rang gi mtshan nyid kyis rtag pa'o/ /de las cir 'gyur zhe na/ gnyis med gnyis su med min zhes bya ba ni gang las rnam par rtog pa'i mtshan nyid can gyi kun nas nyon mongs pa 'dir 'gyur ba'i gnyis su snang ba thams cad med do/ /gnyis su snang ba'i gnyen po'i lam thams cad med de gnod bya med na gnod pa can yang mi rung ba'i phyir ro/ /'o na 'di ci yin zhe na/ zhi zhes bya ba gsungs/ kun nas nyon mongs pa rnams thog ma nas ma skyes pa'i phyir zhi ba ste mya ngan las 'das pa zhes bya ba'i don to/ /gal te 'on kyang ji srid zhi ba med pa de srid du kun nas nyon mongs pa las rang bzhin gyis 'od gsal ba zhes bya ba'i nges par mi 'grub po zhe na/ shin tu dri med ces bya ba gsungs te/ kun nas nyon mongs pa'i ngo bo nyid ni nam yang ma skyes pa de ltar na rtag tu kun nas nyon mongs pa med pa'i phyir shin tu dri ma med pa ste gcig tu rnam par byang ba yin no/ /de bas na nam mkha' bzhin te ji ltar nam mkha' i rang bzhin gyis rnam par dag pa yin gyi sngar kun nas nyon mongs pa yin pa las phyis rnam par dag pa ni ma yin pa de bzhin du thams cad rang bzhin gyis zhes bya ba'i don to/ /rjes su dran pa 'dis ni 'khor ba yang mya ngan las 'das par byed do/ /gal te 'o na shes rab kyi pha rol tu phyin pa rtag pa dang/ mya ngan las 'das pa rtag pa yin na ji ltar sngar rnam par rtog pa dang/ kun nas nyon mongs pa rnam par bzhag ce na/ chos rnams kyi rang gi mtshan nyid la brten pa yin gyi chos nyid la ni ma yin no/ /ci'i phyir chos nyid la ma yin zhe na/ dri ma rnams ni de'i rang bzhin ma yin pa nyid kyis de la glo bur ba nyid yin pa'i phyir te nam mkha' la mun pa dang khug rna la sogs pa lta bu'o/ /'dod pa'i longs spyod thams cad dang mchod pa rjes su dran pa yang skul ba'i dam tshig go/ /lo grangs bcu gnyis zhes bya ba ni zhe sdang gi rigs la ni de nyid thos pa nyid kyi phyir ro/ /gti mug gi rigs la ni lo grangs bcu drug par sngar bshad pa nyid yin no/ /'dod chags kyi rigs la ni nyi shu pa yin par brgyad pa las 'chad par 'gyur ro/ /de yang ji lta bu zhe na/ sems ni rab brtan pa zhes bya ba ni mnyam par bzhag pa'o/ /rigs rnams la sbyor bas de rnams kyi dbye ba ste zhe sdang dga' ma la sogs pa'i sbyor bas bsams la zhes bya ba'i don to/ /rnyed ces bya ba ni 'dir bsam gtan gyis byas pa yang rnyed par bzhed de phyi'i rnyed pa kho nar nges pa ni ma yin no/ /phyi'i rnyed pas nyes pa med pa la ni nges pa med pa'i phyir dang dam tshig las 'da' bar bya ba ma yin pa nyid kyi phyir ro/ /ji ste mchog gi bsnyen pa 'ba' zhig gis ci thob ce na/ 'dis ni zhes bya ba ste/ bsnyen pa nyams su blangs pas so/ /de bzhin gshegs pa'i sku zhes bya ba ni sku rdo rje'o/ /ji ste bsnyen pa'i mthar thug pas dman pa'i dngos grub ji ltar 'grub ce na/ sku dang gsung dang thugs kyang 'grub ces bya ba la sogs pa smos te/ gang gzhan zhes bya ba ni sku la sogs pa bstan ma thag pa las gzhan gang yin pa rnal 'byor dman pa las 'byung bar 'gyur ba gang yin pa de na dman pa la 'byung ste mi snang ba'i dngos grub la sogs pa'o/ /bshad pa'i rnams ni gsungs pa rnams so/ /'grub par 'gyur zhes bya ba ni de rnams 'grub par 'gyur ro/ /zhes bya ba'i don to/ /de zhes bya ba ni bsnyen pa nan tan du byed pa can no/ /ji ltar 'grub par 'gyur zhe na/ rdo rje mi phyed gsum bsgoms te/ bzlas pa le'u gsum pa las 'chad par 'gyur pa gang yin pa des 'grub par 'gyur ro/ /sngags kyi spyod pa nyid mchog ste thabs dang po yin la/ de gsal bar byed pa'i le'u ni sngags kyi spyod pa'i mchog gi le'u'o/ /gsang ba 'dus pa'i bshad sbyar snyim pa'i me tog las le'u bdun pa'o// //thabs gsum po ni sgrub pa po'o/ /de la mchod pa'i chog rgyas pa yang dam tshig yin la de ni le'u 'di'i don yin no/ /de brtsams pa'i phyir de nas zhes bya ba la sogs pa gsungs te/ de las sangs rgyas las la mchod pa ni sbyin pa'i mchog yin te de yang dbang phyug las yin no/ /de la dbang phyug ni dkon mchog dpal lo/ /rdo rje 'chang ba ni dbang phyug dam pa'o/ /de bas na de nyid ni 'di la 'dir gsol ba 'debs pa yin no/ /gang gi phyir de bzhin gshegs pa thams cad kyi sku dang gsung dang thugs kyi bdag po yin pa de nyid kyi phyir dbang phyug dam pa'o/ /de la 'dir bstod pa dang po ni rgyu nyid yin la gnyis pa dang gsum pa ni ma yin te 'bras bu nyid kyis rang gi don dang gzhan gyi don phun sum tshogs pa'i tshul tha dad pa'i phyir ro// bzhi pa ni rgyu dang 'bras bu'i ngo bo nyid kyis so/ /de la sangs rgyas kyi rgyu ni byang chub kyi sems rnam pa lnga ste/ smon pa byang chub kyi sems dang 'jug pa'i byang chub kyi sems dang 'jig rten las 'das pa dang kun tu bzang po dang mchod pa'i mchog go / rdo rje sems dpa' zhes bya ba la rdo rje ni byang chub ste/ dbyer mi phyed pa dang rin che ba nyid kyi phyir ro/ /de la sems dpa' ni dgongs pa'o/ /theg pa che zhes bya ba ni pha rol tu phyin pa la sogs pas 'jug pa chen po'o/ /nam mkha' i spyod pa rnam par sbyong zhes bya ba ni de bzhin nyid du ro gcig pa'i sems kyi spyod pa nam mkha' i mthar thugs pa rnam par sbyong ba'o/ /'di la kun tu bzang po mnga' bas na kun tu bzang po ste/ 'di'i sku thams cad sems can gyi don gyi rgyu yin no zhes bya ba'i don to/ /mchod pa'i mchog ces bya ba ni 'di las sangs rgyas kyi mchod pa'i mchog yin pa de ltar na mchod pa'i mchog go /rgyal ba rnams kyi rgyur gyur pa nyid kyi phyir rgyal mchog go /bshad pa dang gsung ba dang bstan pa zhes bya ba ni bshad du gsol zhes bya ba'i don to/ /nyid kyi don phun sum tshogs pa ni bla na med pa'i byang chub yin te/ de yang mi gnas pa'i mya ngan las 'das pa'o/ /de yang sku dang gsung dang thugs kyi mchog tu rgya che ba dang zab pa yongs su dag pa yin no/ /'dod chags zhe sdang gti mug che zhes bya ba la che zhes bya ba'i sgra ni lhan cig spyod pa yin pa'i phyir gsum char yang sbyar bar bya'o/ /zag pa dang bcas pa'i chos thams cad kyi bag chags zad pa'i phyir dang/ sangs rgyas kyi chos thams cad kyi bag chags rgyas pa nyid kyi phyir kun gzhi rnam par shes pa gnas gyur pas 'bad rtsol med par sku mdza' yas par sprul pa ni gti mug chen po/ /rang bzhin gyis 'od gsal ba chos nyid kyi thugs la blo bur ba'i sgrib pa thams cad zad pa ni zhe sdang chen po'o/ /chos thams cad ro gcig rjes su bstar ba dang/ de'i rgyu mthun pa rnam pa thams cad yongs su gcod pa dang gsung dang g.yo 'gul ni 'dod chags chen bo ste 'di ni rgya che ba'o/ /zab mo'i nam mkha' i dbyings dang mtshungs pa'i mchog ces bya ba gsungs te/ chos kyi dbyings shin tu rnam par dag pa nam mkha' i dbyings dang mtshungs pa'i mchog ste/ dam par gyur pa'i sku de 'di la mnga' pas na de skad ces bya'o/ /de ni'i phyir zhe na/ sangs rgyas rnams ni shin tu rnam par dag pa'i de bzhin nyid kyi mtshan nyid can nyid yin pa'i phyir ro/ /rdo rje theg pa ni ji skad du bshad pa'i byang chub kyi sems so/ /de nyid rab tu ster ba ste/ de'i 'bras bu rab tu rtsol par mdzad pa 'di la mnga' ba nyid kyi phyir rdo rje theg pa rab tu ster ba'o/ /gzhung la la las ni rab tu 'jug pa zhes 'byung ste/ de la ni rdo rje theg pa la 'jug par mdzad pa mnga' bas na zhes par tshig rnam par sbyar ro/ sangs rgyas kyi gnas nyid yin pas na rgyal gzhi'o/ /gzhan gyi don phun sum tshogs pas bstod pa'i phyir thar ba'i zhes bya ba la sogs pa gsungs te/ thar pa'i lam ni theg pa gsum gyi lam yin te byang chub rnam pa gsum ni theg pa gsum yin la de ni thar pa'o/ /de'i lam ni lam du gyur pa'o/ /de thob par byed pa'i 'jig rten las 'das pa'i shes rab ni lam dngos yin la 'dir ni lam gsal bar byed pa'i tshig la lam zhes bya'o/ /de rab tu ston pa ni 'byin par mdzad pa'o/ /theg pa gsum gyi lam la gnas zhes bya ba ni lam dngos la 'jig rten pa 'jug par mdzad pa ste de ston par mdzad pas gdul bya rnams kyi rgyud la tshul de skye ba'i phyir ro/ /de bas na gdul bya rnams la sangs rgyas rnams kyi skal ba bzang po ston pa la dga' ba gang yin pa de byed pa nyid kyi phyir sangs rgyas skal mchog go / dul ba dang ma dul ba rnams la rjes su chags pa dang khong khro ba mi mnga' bas na dag pa'i bdag go /de ltar na skyes bu dam pa'i bla na med pa'i chos dang ldan pas na mi mchog go / byang chub sems zhes bya ba 'di ni brdor brtags pa'i byang chub kyi sems so/ /rgyas pa'i spyan zhes bya ba ni don dam pa byang chub kyi sems des chos thams cad don dam pa'i tshul du gzigs par mdzad pa'i phyir ro/ /'di tsam gyis ni rgyu nyid gsungs pa yin no/ /chos ni lam yin la de nyid ni chos ikyi 'khor lo rab bskor ba ces bya ba yin te/ gdul bya rnams kyi rgyud la 'pho bar byed pa'i don gyis na de nyid ni 'khor lo te 'jig rten du rab tu bskor ba'o/ /'di tsam gyis ni gzhan gyi don phun sum tshogs pa'o/ /'di la sku dang gsung dang thugs rnam pa thams cad du dge ba mnga' bas na de nyid ni 'khor lo te/ 'di tsam gyis ni rang gi don phun sum tshogs pa'o/ /de ltar na sangs rgyas rnams gang gis gshegs pa dang gang du gshegs pa'i lam dang 'bras bu de dag ni theg pa ste mi zad pa'i rin po che nyid yin pas na rdo rje yang de yin la theg pa yang yin pa de ltar na rdo rje theg pa la'o/ /de nas zhes bya ba ni gnyi ga la ste de nas mchod pa bshad do zhes bya bar sbyar ro/ /sus bshad ce na/ rdo rje rin chen 'dzin te mchog dang po'o/ /de yang 'di'i rdo rje ni dga' ba sgrub par byed pa nyid kyi phyir rin che'o/ /rgyal po zhes bya ba la sogs pa'i tshig drug ni 'di nyid kyi khyad par yin no/ /mdzes pas na rgyal po ste rnam par snang mdzad kyi rang bzhin nyid yin pa'i phyir ro/ /mi bskyod pa'i rang bzhin nyid yin pas na rdo rje 'dzin pa'o/ /nam mkha' thams cad 'di la mnga' bas na thams cad nam mkha' ste/ rin chen 'byung ldan gyi rang bzhin nyid yin pa'i phyir ro/ /shin tu mi zad pas na mi 'gyur che ste tshe dpag tu med pa'i rang bzhin nyid yin pa'i phyir ro/ / 'di las thams cad dbang bskur ba'i ye shes kyi 'od zer gyi sprin rnams thams cad kyi don 'byung ba de ltar na dbang bskur gyi don to/ /don yod grub pa'i rang bzhin nyid yin pa'i phyir ro/ /'di dag thams cad kyi bdag nyid 'ba' zhig yin par ma zad kyi/ 'on kyang rgyur gyur pa nyid kyi dbang phyug kyang yin pas na kun dbang ngo/ /'dir mchod pa'i khyad par rnam pa lnga gsungs pa la de bzhin gshegs pa zhes bya ba ni zhing gi khyad par ste de rnams la 'dir mchod pa nyid yin pa'i phyir ro/ /mchog ces bya ba ni 'dir rgya che ba'i khyad par yin te/ thams cad las dam par gyur pa zhes bya ba'i don to/ /rdo rje mi phyed gsum gnas pa zhes bya ba ni zab pa'i khyad par yin te/ 'dir ni mchod pa'i rdzas thams cad ni rdo rje gsum mi phyed pa ste/ sangs rgyas thams cad kyi chos thams cad bsdus par gyur pa/ sku dang gsung dang thugs rdo rje ro gcig pa'i de kho na nyid de bzhin brdar byas pa'i phyir ro/ /de la gnas pa ni de la dmigs pa'i bde ba dang yid bde ba'i ngo bo nyid ces bya ba'i don to/ /sku dang gsung dang thugs skal mchog ces bya ba'i las kyi khyad par te 'di las sangs rgyas kyi sku dang gsung dang thugs kyi skal ba mchog yod cing de tshim par mdzad pas na de skad ces bya'o/ / rgyal ba 'byung bar 'gyur zhes bya ba'i rgyu'i khyad par ste rgyal ba rnams las 'di 'byung ba yin zhing de rnams nyid kyis de ltar mdzad pa'i dam tshig yin pa'i phyir zhes bya ba'i don to/ /yang na 'bras bu'i khyad par ste/ 'di las rgyal ba rnams 'byung ba yin pa'i phyir ro/ /na chung zhes bya ba la sogs pa mchod pa'i gtso bo'i bskabs 'byed pa yin te/ rab tu rtag ces bya ba ni bsgrub par bya ba yin te/ mchod pa zhes bya pa'i skabs dang sbyar ro/ /na chung gzhon nu zhes bya ba ni bud med do/ /lo grangs nyi shu zhes bya ba ni 'dod chags kyi rigs la ni lo nyi shu pa'o/ /gti mug gi rigs la ni lo grangs bcu drug pa dang zhe sdang gi rigs la lo grangs bcu gnyis pa ste/ le'u bdun pa las de skad du gsungs pa nyid kyi phyir ro/ /gzhon nu smos pa ni na tshod gtso bor bstan pa'i don to/ /rigs re re la re re ni ma yin no/ /'o na ci yin zhe na/ lnga zhes bya ba gsungs te de'i phyir byol song las kyang snga bzung bar bya zhes bya ba la sogs pa dag la yang rigs re re la bu mo lnga blongs nas brtag par bya'o/ /zhes bya ba'i don to/ /na chung gzhon nu rnams zhes bya ba ni ji ltar yin zhe na/ don gyi tshig rnam par bsgyur ba'i phyir ro/ /rigs re re zhes bya ba ji ltar yin zhe na/ dud 'gro las kyang zhes bya ba mang po pa'i tshig yin pa'i phyir ro/ /de bas na 'dir na tshod gtso bor gyur pa'i 'dod chags kyi rigs la bu mo lo nyi shu pa dang de'i yang g.yon gyi log la bzhi ste lo bcu drug pa'i bar du'o/ /zhe sdang gi rigs la lo grangs bcu gnyis pa dang de'i yang g.yas kyi logs la bzhi ste lo bcu drug pa'i bar du'o/ /gti mug gi rigs la bu mo lo bcu drug pa dang de'i logs gnyis la bcu bzhi pa dang bco lnga pa gnyis dang bcu bdun pa dang bco brgyad pa gnyis so/ / de ltar byas na rigs gsum la lo grangs bcu drug pa mchog yin no/ /de nyid kyi phyir thugs kyi dkyil 'khor gyi le'u ru bcu drug pa gsungs pa yin no/ dang por gnas dang bdag dang rig pa'i sbyang ba gsungs pas phyogs zhes bya ba ni bsam gtan gyi gnas so/ /gtsang zhing zhes bya ba ni sbyangs pa'o/ /rnam par dben pa zhes bya ba ni skye ba med pa'o/ /rgyal ba nyid skyes zhes bya ba la rgyal ba rnams kyis bdag nyid de bzhin nyid de las skyes pa ste byang chub kyi sems kyi bdag nyid thabs kyi lus zhes bya ba'i don to/ /zhi ba dge ba'i gnas rnams su zhes bya ba la rnam par rtog pa de rab tu zhi ba'i phyir dang/ kun tu bzang po nyid yin pa'i phyir zhi dge ste byang chub kyi sems so/ /de'i gnas ni dmigs par bya ba ste/ de bzhin nyid kyi bdag nyid can gyi shes rab kyi lus zhes bya ba'i don to/ /gsum po de dag la byung bar bya'o/ /'am gyi sgra ni byug pa 'am smos pa ci rigs par ro/ /gang gis she na/ bshang gci la sogs pa bsres pa dag gis so/ /sogs pa'i sgras ni gnyi ga la yang sbyar bar bya ste/ sbyangs pa'i bshang gci la sogs pa nyung du ni dam tshig gi don yin la chu dang tsan dan la sogs pa shin tu mang ba ni dri zhim pa'i don to/ / rtag par zhes bya ba ni nyin re re'o/ /spyan la sogs par bsgoms las rig pa bskyed de sbyang ba gang yin pa de nu ma'i dbus zhes bya ba la sogs gsungs pa la rigs lnga rnams ni zhes bya ba ni rigs lnga po rnams ni'o/ /ci sku'i rang bzhin yin nam ma yin zhe na/ rgyal ba'i sras zhes bya ba gsungs te/ rgyal ba'i bdag nyid skye ba 'di rnams la yod pas na rgyal ba'i sras te rgyal ba'i sa bon las zhes bya ba'i don to/ /cho ga ces pa ni rigs pa shes pa'o/ /de la rigs pa ni 'di yin te spyi gtsug gi mdza' ni spyi bo'i rtse mo te de'i dbus nas nu ma'i dbus kyi bar du yi ge aoM spro ba'i tshul gyis dgod par bya'o/ /nu ma'i dbus ni snying ga ste de'i tshu rol thams cad du zhes bya ba'i don to/ /nu ma'i dbus nas lte ba'i bar la yi ge hUM dgod par bya'o/ /lte ba nas rked pa dang/ gsang ba'i bar la yi ge swA dgod par bya'o/ /rkang pa dang gsang ba nas rkang pa'i bar tshun chad du yi ge Adgod par bya'o/ /'dir rkang pa'i sgras ni rkang pa'i mthil nas bla rtsa'i gang gyi lus kyi yan lag rnams bzung ste dper na rkang pa g.yas pa bskum pa zhes bya ba la sogs pa'i rkang pa'i sgra lta bu'o/ /rkang pa'i nyid las brtsams pa'i bar ni mthar thug pa ste rkang pa'i bar ro/ /pad+ma dang nor bu sbyang ba ni le'u gzhan dag la shes par bya'o/ /byug pa'i rjes thogs nyid la don dam pa byang chub kyi sems la mos par byas la da sngags kyis byin gyis brlabs nas bya ba gang yin pa de ni nam mkha' i zhes bya ba la sogs pa gsungs te nam mkha' i dbyings ni chos 'byung ba'i rnam pa'i rdo rje 'chang ngo/ /de'i dbus su gnas pa ni khong stong thams cad khyab pa'o/ /ye shes rgya mtsho zhes bya ba ni sku dang gsung dang thugs dang rdo rje ste mtshan ma bzhi'i rnam pa'i ye shes kyi sa 'od zer dkod pa'o/ /de nas ye shes kyi rgya mtsho spro bar bya ba'i phyir ci zhig bsgom par bya zhe na/ bdag nyid ces bya ba la sogs pa gsungs te snying gar zhes bya ba ni chos 'byung bar te chos 'byung pa'i nang du chud pa'i sna tshogs pad+ma la gnas pa'i sna tshogs rdo rje'i lte bar zhes bya ba'i don to/ /bdag nyid ces bya ba ni yi ge b+h+ruM gyi rnam pa'i yid de/ yi ge b+h+ruM gyi de nyid las ye shes kyi rgya mtsho spro bar bya'o/ /zhes bya bar dgongs so/ /'di dag thams cad ni sems tsam yin no zhes rtogs pas nam mkhas pa'o/ /bsdu ba dag ces bya ba ni ye shes kyi rgya mtsho'i bsdu ba'o/ /bsdu ba ci 'dra ba zhig ce na zhi ba rdo rje 'dzin 'dod na zhes bya ba ste nam mkha' i dbyings kyi rang bzhin can gyi rdo rje 'dzin pa'i 'dod pa gang yin pa ni sa la sogs pa'i khams bzhi'i lha mo'i rang bzhin zhes bya ba'i don to/ /mtshan ma de rnams lha mo bzhi'i dngos por yongs su bsgyur nas/ bsdu bar bya ste gzhal yas khang gi 'byung ba chen po bzhir gyur pa nyid yin pa'i phyir zhes bya ba'i don to/ /de zhes bya ba ni de ltar bsdus pa'i ye shes kyi rgya mtsho'o/ /gnas te bzhugs gnas su rnam bar bsam mo/ /rdo rje gsum zhes bya ba ni sangs rgyas kyi ste de'i don gyi bzhi pa'o/ /mchod rten la zhes bya ba ni gzhal yas khang la'o/ /rin chen sna bzhi zhes bya ba ni lha mo bzhi'i rang bzhin no/ /'od zer phreng ba ni kha dog lnga ba ste nor bu kha dog sna lnga'i gzugs su yongs su gyur pa 'byung ba bsdus pa'i gzhal yas khang gi rnam par 'jog pa'i phyir ro/ /bdag gi ni dkyil 'khor gyi bdag por gyur pa'i sgrub po rang nyid kyi ste de'i ba spu'i 'o/ /de rnams kyi tshogs ni phung po ste de'i bu ga nas zhes bya ba'i don to/ /mkhas pas zhes bya ba ni sngar bshad pa bzhin no/ /me tog gi mchod pa ni mkhas pas zhes bya ba la sogs pa gsungs te/ 'dir me tog ces bya ba'i ming gis ni lha mo dgu'i nam mkha' i dbyings ston pa yin te/ de ni me tog dang 'dra bar kha bye ba dang zum pa dang sbrang rtsi dang rdul dang dri zhim pa dang shin tu mnyen pa dang ldan pa'i phyir te de la lha mo dgu'i nam mkha' i dbyings me tog ces ni bya bar bshad ces gsungs pa'i phyir ro/ /autpa la dag dang zhes bya ba ni dga' ma bzhi po gang yin pa'o/ /de ji ltar na autpa la yin zhe na/ skyes pa de nyid kyis mtshon par bya ba nyid yin pa'i phyir ro/ /pad+ma rnam pa lngar zhes bya ba ni 'dod pa'i lha mo gang yin pa'o/ / de ji ltar na pad+ma yin zhe na/ gti mug la sogs pa skye ba'i gnas nyid yin pa'i phyir ro/ /gzugs sgra la sogs 'dod pa rnams/ /bde sdub/ /nyis kyi bdag nyid can/ /rtag tu snying las skye bar 'gyur/ /'dod chags zhe sdang mun pa 'byung// zhes bya ba le'u bco brgyad pa las gsungs so/ /shes bya zhes bya ba ni sprul nas so/ /de gnyi ga lha rnams la ni dbul bar bya ste/ rigs kyi dbye bas dbul bar bya'o/ /mkhas pas zhes bya ba ni me tog rang lhan pa rnams yang dag par sbyar bas yang dag par me tog dbul ba'i phyir ro/ /dzA ti zhes bya ba ni pad+ma lnga pa ste 'di las gti mug la sogs pa skye ba'i phyir ro/ /rnam gsum byas na ni zhes bya ba ni bde ba dang sdug bsngal ba dang gnyi ga bskyed pa nyid kyis 'dod chags dang zhe sdang dang gti mug gi rigs la go rim bzhin du dbul bar bya'o/ /autpa la'i grangs ma gsungs pa de ni me tog kar ni ka dang zhes bya ba la sogs pas gsungs te nga la bzhu ba bas nam li ka ni mA ma kI ste de ni me tog yin no zhes bya ba'i don to/ /me tog lhag ma rnams ni dga' ma lhag ma rnams kyi yin te kha dog mthun pa'i phyir ro/ /mchod pa'i dkyil 'khor 'di la mdor bsdus pa la dga' ba rnams kyi phyid tshad mdor bsdus pa dang lha rnams kyi dgod pa bstan pa'i phyir dpag tshad rgya'i zhes bya ba la sogs pa gsungs so/ /'khor lo'i dkyil 'khor zhes bya ba ni rnam par snang mdzad kyi dkyil 'khor ro/ /rigs rnams zhes bya ba ni 'khor los sgyur ba lhag ma rnams kyi'o/ rtag par zhes bya ba ni 'khor gyi dngos por ro/ /na'i sgra ni nges par bzung ba ste rigs nyid ces bya ba'i don to/ /rdo rje sems dpa' i dkyil 'khor la yang 'di ltar dga' ma nyid dgod par mi bya ba ste de rnams mchod pa'i khyad par yin pa'i phyir ro/ /rnam par mkhas pas zhes bya ba ni thams cad dgod pa'i gnas la mkhas pa'o/ /pad+ma zhes bya ba la sogs pa la de bzhin zhes bya ba ni 'khor lo'i dkyil 'khor dang 'dra bar tshad dang lha rnams dgod pa'o/ 'dir pad+ma ni 'od dpag tu med pa'o dkyil 'khor ro/ /rdo rje ni mi bskyod pa 'am rdo rje 'chang gi'o/ /ral gri ni don yod grub pa'i 'o/ /autpa la ni rin chen dpal gyi'o/ /rdo rje'i mchog ni autpa la yin pa'i phyir ro/ /rgya chen po 'dod pa rnams kyi ched du tshad gzhan bstan pa'i phyir ro/ /dpag tshad bye ba'i khyon zhes bya ba la sogs pa gsungs so/ /mchod rten zhes bya ba ni gzhal yas khang ngo/ /mchod pa'i phyir zhes bya ba ni mchod pa'i don du'o/ /lha'i dgod pa dang mchod pa ni snga ma dang 'dra zhing dkyil 'khor gnyi ga la 'ang dkyil 'khor pa dgod pa ni 'dra ba yin te de nyid kyis thams cad bsdus pa'i phyir ro/ /gnas yangs pa nyid ni mchod pa rgya chen pa'i go skabs byed pa'i don to/ /de'i rnam pa ni grwa bzhi zhes bya ba'i dbyings so/ /rin chen sna bzhi zhes bya ba ni lha mo bzhi'i rang bzhin no/ /gsal zhing dri ma med ces bya ba ni chos kyi dbyings rgyu mthun pa yin pa'i phyir ro/ /rigs rnams thams cad ces bya ba ni dkyil 'khor pa rnams la bla na yod pa dang bcas pa'i mchod pa bya ba'i phyir gnas bsgom pa'o/ /de nyid bstan par bya ba'i phyir 'dod pa'i yon tan zhes bya ba la sogs pa smos te de rnams kyi mchod pa'i rgya mtsho brtsam par bya'o/ /rin chen ni rin po che la sogs pa'o/ /sogs pa'i sgras ni gdugs dang rgyal mtshan la sogs pa nam mkha' khyab pas mchod pas so/ /bla na med pa'i mchod pa bstan pa ni mchod pa lnga rnams kyis zhes bya ba la sogs pa gsungs pa yin no/ /na chung zhes bya ba ni phyi'i ste rig pa'i rgyal mor byas pa'o/ /rin chen 'byung gnas zhes bya ba ni rigs kyi tshogs can yin no/ /mchog ces bya ba ni gzugs la sogs pas so/ /sgrub tshe zhes bya ba ni sgrub pa'i thabs so/ /rab tu 'grub pa'i phyir zhes bya ba ni dngos grub mchog gi phyir ro/ /rin po che thams cad ces bya ba ni sangs rgyas thams cad kyi'o/ /zhing 'dir zhes bya ba ni gzhal yas khang ngo/ /rin chen sna bdun ni gser dang dngul dang bai DUrya dang mu sa la garb+ha dang rdo'i snying po dang mu tig dmar po dang bdun pa ni karko ta'o/ /mkhas pa dag gis ni zhes bya ba ni sangs rgyas thams cad kyi zhing gi tshogs nyid du shes pa dag gis so/ /shes rab can ni thabs la mkhas pa'i phyir ro/ /rnal 'byor gang la gnas nas mchod pa de ni bdag po zhes bya ba la sogs pa gsungs pa la/ bdag po'i phyag rgya zhes bya ba ni dkyil 'khor gyi bdag po ste rang gis 'khor los sgyur ba'i phyag rgya chen po'o/ /mnyam bzhag la zhes bya ba ni bdag nyid kyis sems brtan por byas pa'o/ /reg pa'i sbyor ba ces bya ba ni ji skad du bshad pa'i mchod pa rnams kyis bde ba dang ldan par ro/ /sangs rgyas la zhes bya ba ni sangs rgyas byang chub sems dpa' thams cad la bsdus bar gyur pa'i dkyil 'khor ba rnams la'o/ /sangs rgyas rnams mi bde ba mi mnga' zhing yid mi bde ba yang mi mi mnga' la/ de la 'dod chags mi mnga' ba yang ma yin nam de bas na de dag la mchod pa med cing de len par mdzad pa yang mi mnga' o zhe na/ de'i phyir 'dod chags blo can zhes bya ba gsungs te/ 'dod chags dang chos mthun pa'i phyir 'dod chags ni snying rje yin la blo ni ye shes yin te de dag phul du byung ba mnga' ba'i phyir 'dod chags blo can no/ /de la rnam pa thams cad sems can thams cad kyi sdug bsngal bsal ba'i dgongs pa rab kyi mthar phyin pa ni thugs rje phul du byung ba'o/ /zhes bya thams cad kyi rnam pa thams cad la shin tu rnam par dag pa chags pa med pa thogs pa med pa 'jig rten las 'das pa dang dag pa 'jig rten pa'i ye shes ni blo bul du byung ba'o/ /de bas na de dag gi ye shes p hul du byung bas mchod par byed pa dang mchod pa'i dngos po rnams gzigs shing thugs rje phul du byung bas ni 'jig rten las 'das pa'i bde ba dang du len par mdzad cing stobs kyis yid bde ba nyams su bstan par 'gyur ba de ltar na mchod pa len par mdzad pa grub pa yin no/ /bdag po'i sbyor ba 'ba' zhig gis kyang sangs rgyas thams cad la mchod par bya'o zhes bya ba de nam mkha' i dbyings kyi zhes bya ba la sogs pa gsungs pa yin no/ /dkyil 'khor bkod ba zhes bya ba ni gzhal yas khang ngo/ /de bzhin gshegs pa'i bdag ces bya ba ni rang rang gi rigs kyi sngags kyi mchog bsdus pa las byung ba'i de bzhin gshegs pa rnams dang gnyis su med par 'gyur ba'o/ /bdag gi lus zhes bya ba ni de'i dbus ma'i gdan la gnas pa'i rang gi lus so/ /bla ma zhes bya ba ni rang gi 'khor los sgyur ba'i gzugs so/ /bshang dang gci rnams kyis zhes bya ba ni mang po'i mig gis sogs pa bsdus te byug pa la sogs pa sngar bshad pa'i byug pa la sogs pa'i mchod pa rnams zhes bya ba'i don to/ /na chung zhes bya ba ni sngar bshad pa'i bu mo'o/ /de nyid mchod pa ni dga' ba'i mchod pa'o/ /brtan pa'i blo ldan pas zhes bya ba ni bsnyen pa dang nye bar bsgrub pa dag la shes brtan par byas pas so/ /bza' bar bya zhes bya ba ni cho ga bzhin du'o/ sngags rnams zhes bya ba ni sngags kyi lha rnams so/ /ye shes rdo rje can gyi gsang zhes bya ba ni sangs rgyas rnams kyi gsang ba'i rdzas so/ /'di dag gis ni snod ma yin pa rnams la de gsang bar bya'o zhes ston to/ /bshang ba ni 'jug pa yin la gci ba ni 'ching ba ste sgrub pa'o/ /'di ltar sgrub pa la 'jug pa na dngos grub la sgrib pa de las skyob par byed na bshang gci'o/ /de yang yin la 'da' bar mi bya ba nyid kyi phyir dam tshig kyang yin pa de ltar na ji skad bshad pa'i mchod pa'i rgyun ni bshang gci'i dam tshig yin no/ /de gsal bar byed pa'i le'u la de skad ces bya'o/ /gsang ba 'dus pa'i bshad sbyar snyim pa'i me tog las le'u brgyad pa'o// //sgrub pa chen po la mnyam par bzhag pa'i rnal 'byor gyi bdag nyid can gyi dam tshig bstan pa'i phyir le'u dgu pa ni de nas zhes bya ba la sogs pa gsungs te 'da' bar bya ba ma yin pas na dam tshig te bka' o/ /rgyal po nyid kyi bka' las kyang 'da' bar dka' ba yin pa de ltar na rgyal po zhes gsungs so/ khyad par du tshar gcod par mdzad pa yin pa de'i phyir rdo rje 'dzin pa zhes gsungs so/ /de'i dam tshig la gnas pa la yang rang gi byang chub la de rnams dbang phyug nyid du rang dbang du gyur pa nyid kyi sangs rgyas rnams kyi dngos grub gdon mi za bar rtsol ba ma yin nam zhe na/ de'i phyir dbang phyug dam pa zhes bya ba gsungs te sangs rgyas rnams dbang phyug yin pa de bden te de ni de rnams kyi yang dbang phyug yin pas ni dbang phyug dam pa ste de bas na de'i bka' ni rgyal ba rnams kyis kyang 'da' bar bya ba ma yin no/ /zhes bya bar dgongs so/ /ci'i phyir dbang phyug dam pa yin zhe na/ 'di ltar kun don te 'di las don thams cad 'byung bas na kun te sangs rgyas rnams kyi byang chub ni de la rag? las pa yin no zhes bya ba'i don to/ /dam tshig dang spyod pa zhes bya ba ni rnam grangs so/ /de bas ni zhe sdang gi rigs kyi dam tshig brjod par bya ba ma yin la/ bcom ldan 'das kyi spyod pa'i 'bras bu rab tu sgrub par byed pa nyid dang spyod pa la rab tu 'jug par byed pa nyid ni tshigs su bcad pa'i rkang pa gnyis kyis gsungs te/ gsal ba nyid ni thams cad nam mkha' i ste/ shes bya yongs su zad pa'i phyir ro/ /shes pa yongs su zad pa'i mi 'gyur che ste/ chos kyi dbyings shin tu rnam par dag pa'i ye shes yin pa'i don to/ /'di ni zhe sdang gi rigs kyi 'bras bu ste de rab tu sgrub par mdzad pa nyid kyi phyir bcom ldan 'das la de skad ces bya'o/ /lus la sogs pa'i rgyu mtshan gyi dri ma thams cad 'khyud par mdzad cing mi snang bar mdzad pa ni thams cad dbang bskur ro/ /de nyid ni spyod pa yin la de'i mchog ni dang po yin te de la 'jug par byed pa ni thams cad dbang bskur spyod pa'i mchog go /spyod pa de nyid bstan pa'i phyir sku zhes bya ba la sogs pa gsungs te/ sku dang gsung dang thugs la longs spyod pa ni dmigs su med par rab tu bshad ces bya bar sbyar ro/ /ji lta bu zhe na/ rdo rje mi phyed pa gsum dkyil 'khor te sku la sogs pa'i rdo rje gsum po mi phyed cing ro gcig pa'i dkyil 'khor ni snying po bsdus pa ste de bzhin nyid du ro gcig pa'i ye shes zhes bya ba'i don to/ /gsang ba ni gzhan gyis rig par bya ba ma yin pa'o/ /nyams dga' ba ni bla na med pa'i bde ba dang yang dag par ldan pa'i phyir/ /mchog ni 'jig rten las 'das pa nyid yin pa'i phyir ro/ /gang gi zhe na sangs rgyas ye shes can gyi ste mi bskyod pa'i ye shes dang ldan pa'o/ /ji ltar zhe na/ nam mkha' i zhes bya ba la sogs pa gsungs te/ chos 'byung ba'i nang du chud pa'i gzhal yas khang ni 'dir nam mkha' i dbyings te de'i dbus su bdag nyid rdo rje mi bskyod pa khro ba dang bcas pa rab bsgoms nas zhes bya ba'i don to/ /sangs rgyas dkyil 'khor bsgom par bya zhes bya ba ni mi bskyod pa'i dkyil 'khor ba rnams so/ /lag tu zhes bya ba ni thams cad kyi'o/ /rdo rje zhes bya ba ni sgrib pa thams cad 'jigs par byed pa byang chub kyi sems kyi rang bzhin gyi drag pa'i rdo rje'o/ /'od 'phro zhes bya ba ni 'bar ba'o/ /bsgoms nas zhes bya ba ni nam mkha' i ngos la'o/ /longs spyod ni tshogs so/ / brlags pa ni mthong ba med pa ste/ snang ba med par gyur pa zhes bya ba'i don to/ /bsgoms pa yis zhes bya ba ni mi bskyod pa'i rnal 'byor pas so/ /'bras bu ni bsam gtan zhes bya ba la sogs pa gsungs te/ bsam gtan mchog 'di'o/ /thugs kyi dngos grub thob par 'gyur te/ mi bskyod pa'i ye shes sgrub pa'o/ /'di ni rnal 'byor 'di'i mchog go /'phral gyi 'bras bu bstan pa'i phyir rdo rje gsang ba ces bya ba la sogs pa gsungs te gsang ba'i rdo rje zhes bya ba ni gsang ba'i ting nge 'dzin to/ /sems can thams cad bsad na ni zhes bya ba ni 'dod pa tsam gyis gsod par nus par 'gyur ro/ /de dag bsad pas cir 'gyur zhe na/ mi bskyod zhes bya ba la sogs pa gsungs te / rgyal ba rnams kyi thugs ni thugs ka ste chos kyi dbyings so/ /de la dmigs pa na ye shes kyi lus su skyes pa ni rgyal ba'i thugs sras te byang chub sems dpa' zhes bya ba'i don to/ /'di ni zhe sdang gi rigs kyi dam tshig ces bya ba ni nye bar bsdus pa'o/ /'di'i rigs thams cad kyi bya ba ni rigs zhes bya ba la sogs pa gsungs pa la rigs thams cad kyi rgya mtsho ni rgya mtsho chen po ste chu'i thigs pa dang 'dra bar skyes bu grangs med pa nyid kyi phyir ro/ /ji ltar shes par bya zhe na/ rigs thams cad la yang rigs kyi bdag po'i dkyil 'khor gyi dbang phyug khro bo'i rnal 'byor la gnas nas phyag gis khro bo'i dkyil 'khor drag po'i rdo rje 'phan pas snga ma bzhin du sangs rgyas thams cad yang dag par phye mar mdzad pa'i phyir ro/ /de nas zhes bya ba la sogs pa la ye shes ni rang gi lha'i rnam pas rgyas btab pa'i me long lta bu'i ye shes so/ /de'i thar pa ni sgrib pa thams cad las rnam par grol ba'o/ /kun nas nyon mongs pa'i chos rnams kyi bag chags zad pa 'di ni gti mug gi rigs kyi spyod pa'i 'bras bu yin no/ /de rab sgrub pa ni thob par byed pa'o/ /ngo bo nyid kyis dag pa dang mi mthun pa'i phyogs thams cad zad par byed pa nyid kyi phyir gos pa med pa ste/ sangs rgyas kyi chos thams cad kyi rin po che thams cad kyi rgyan gyi phyag rgyal lo/ /de rnams kyi byang chub ni thugs su chud pa ste de ni spyod pa yin la/ de rab tu ston pa ste 'jug par byed pas so/ /sangs rgyas byang chub ni rnam par snang mdzad kyi ye shes so/ /yang dag ces bya ba ni phyin ci ma log pa'i lam mo/ /'khor lo'i dkyil 'khor zhes bya ba ni rnam par snang mdzad kyi dkyil 'khor ba rnams so/ /sangs rgyas thams cad rnam par bsgom zhes bya ba nam mkha' i ngos la'o/ /rin chen kun gyi sbyor ba yis/ /rab tu rtog ces bya ba ni ring po thams cad kyi rgyan dang ldan par bsgom par bya'o/ /rdo rje'i gzugs ni zhes bya ba ni sangs rgyas rnams kyi sku'o/ nor rnams thams cad ces bya ba ni rgyan thams cad do/ /rdo rje gsum du zhes bya ba ni sku dang gsung dang thugs kyis so/ /'phral gyi 'bras bu ni nor gyi zhes bya ba la sogs pa gsungs te/ gang gis 'phrog par 'dod pa de ni nor gyi rgya mtsho gang bar 'gyur ro/ /'phrog par gyur pa gang yin pa de dag sha ni cir 'gyur zhe na/ sangs rgyas zhes bya ba la sogs pa gsungs te/ rnam par snang mdzad kyi sangs rgyas kyi zhing du byang chub sems dpar 'gyur zhes bya ba'i don to/ /'bras bu'i mchog ni thub pa'i zhes bya ba la sogs pa gsungs te/ thub pa'i skyes bu'i mchog ni rnam par snang mdzad kyi ye shes can no/ /lhag ma ni snga ma'i rjes su 'brang bar bya'o/ /de bzhin du dam tshig 'og ma rnams la yang 'bras bu rnam pa gnyis dang/ gzhan gyi don thams cad la ci rigs par sbyar bar bya'o/ /de nas zhes bya ba la sogs pa la 'dod chags ni so sor rtog pa'i ye shes so/ /de'i thar pa ni sgrib pa thams cad rnam par grol ba'o/ 'di ni 'dod chags kyi rigs kyi spyod pa'i 'bras bu ste de'i rab sgrub par byed pa'o/ /sba bar bya ba nyid kyi phyir gsang ba yang de yin la nyes pa med pa nyid kyis na dag pa yang yin la de bzhin nyid la dmigs pa nyid kyis na dmigs pa yang yin te/ lha mo thams cad 'phrog par byed pa'i mtshan nyid can gyi lam mo/ /de la rab tu 'jug pa byed pa nyid kyi phyir gsang ba dag pa dmigs med pas so/ /dkyil 'khor zhes bya ba ni snying po bsdus pa'o/ /bud med lta bu ni bud med kyi rnam par ro/ /dam tshig bzhi'i sbyor ba yis zhes bya ba la dam tshig bzhi ni dga' ma bzhi ste/ thams cad kyang lha mo bzhi'i spyod byas bya'i bud med gzhan gyi sbyor ba ma yin no zhes bya ba'i don to/ /nyon mongs pa med pa rnams nyon mongs ba med pa rnams su ci'i phyir yang dag par sbyor ba 'am/ de yang dag par sbyor bar bsgoms na yang ci'i phyir sdig pa ma yin zhe na/ de'i phyir 'di ni rdo rje tshul mchog go zhes bya ba gsungs te/ 'di ni rdo rje theg pa mchog yin gyi grod? pa'i chos ni ma yin no zhes bya ba'i don to/ /le'u bco brgyad pa las/ gti mug zhe sdang 'dod chags dang/ /rdo rje la dga' rtag par gnas/ /des na sangs rgyas rnams kyi thabs/ /rdo rje'i theg pa zhes bshad do/ /zhes gsungs pa'i phyir ro/ /nye bar spyod ces bya ba ni yid kyis bkug nas so/ /nye bar longs spyod pa de yang de bzhin gshegs pa thams cad dang 'brel ba'i rdo rje theg pa yin no/ /bsgoms pa'i 'bras bu ni 'di ni zhes bya ba la sogs pa gsungs pa la rdo rje thams cad kyi zhes bya ba ni sangs rgyas thams cad kyi'o/ /mi phyed sku gsum ni sku dang gsung dang thugs ro gcig par rnam par mi rtog pa'i bde ba bla na med pa'o/ /de bsgoms pa ni de thob par byed pa'i lam gyi bden pa zhes bya ba'i don to/ /sngags pa rnams kyis zhes bya ba ni rigs thams cad kyi rnal 'byor pa rnams kyis so/ /de nas zhes bya ba la sogs pa la rdo rje ni don yod pa ste/ 'bras bu la sgrib pa thams cad 'joms pa'i phyir ro/ /de'i sngags ni chos thams cad rang bzhin gyis 'od gsal ba'o/ /de'i don ni 'bras bu ste bya ba nan tan gyi ye shes bya ba'i don to/ /'di ni las kyi rigs kyi spyod pa'i 'bras bu ste 'di'i sgrub par byed pa'o/ /ye shes ni sangs rgyas dang byang chub sems dpa' rnams so de 'byung ba ni thams cad du yang dag par 'byung ba ste/ sems can thams cad kyi rgyud la 'pho bar byed pa'o/ /de'i bdag med pa ni med pa ste de ston pa de nyid ni sngags so/ /brdzun du smra ba dang 'dra bas rdzun du smra ba ste 'di ni sangs rgyas kyi rigs kyi? spyod? pa'o/ /de la 'jug par byed pa'i phyir bcom ldan 'das la yang de skad ces bya'o/ /sangs rgyas dkyil 'khor zhes bya ba ni don yod grub pa'i dkyil 'khor ba rnams so/ /sangs rgyas thams cad ces bya ba ni nam mkha' i ngos na gnas pa'i sangs rgyas dang byang chub sems dpa' rnams so/ /sngags de nyid rdzun smra ba dang chos mthun pas na brdzun no/ /don dam pa gsal bar byed pas na rdo rje'i tshig go /yang dang yang du bzlos pas na mang po'i tshig ste thams cad kyis de bzlos par mtshon pa'o/ /gzugs rnams kun zhes bya ba ni dkyil 'khor pa thams cad do/ /rgyal ba'i gnas zhes bya ba ni byang chub sems dpa' o/ /kun zhes bya ba ni nam mkha' i ngos la bsams pa rnams so/ /bslu bar bya zhes bya ba ni bzlas pa des bsgyur ba'o/ /'bras bu ni 'di zhes bya ba la sogs pa gsungs pa la nam mkha' i gsung ste/ zhes bya ba ni de kho na nyid kyi don gyi gsung ste/ dri ma med pa zhes bya ba ni rnam par rtog pa thams cad kyi gnyen por gyur pa nyid kyi phyir ro/ /ye shes blo can ni dag pa'i ye shes kyi tshul du chos thams cad rtogs pa ste de dang ldan pa'o/ /gsang ba ni gsang ba'i rdzas so/ /don ji lta ba bzhin du zhes bya ba ni ci rigs par ro/ /spro bar bya'o zhes bya ba ni rigs thams cad la sbyar bar bya'o/ /de nas zhes bya ba la sogs pa dus gsum gyi sangs rgyas rnams kyi gsang ba gsum sdud par byed pas na rdo rje mi phyed pa gsum mo/ /'dir thim pas na gnas te bde ba'o/ /rgyal ba'i gnas te 'di la yod pas na rgyal gnas te mnyam pa nyid kyi ye shes zhes bya ba'i don to/ /'di ni nor bu'i rigs kyi spyod pa'i 'bras bu'o/ /de sgrub par mdzad pa nyid kyi phyir/ bcom ldan 'das la yang de skad ces bya'o/ /dngos grub ni ye shes de nyid do/ /de'i rdo rje ni rdo rje gsum gyi bzlas pa'o/ /'di ni nor bu'i rigs kyi spyod pa'o/ 'di ni rab ston pa ni rab tu 'jug par byed pa'o/ /dam tshig dkyil 'khor zhes bya ba ni rin chen rtog gi dkyil 'khor pa rnams so/ /gzugs rnams kun gyis 'di dag dgang zhes bya ba ni nam mkha' i dngos su sangs rgyas thams cad kyi khyad par dgang ba'o/ /rten na zhes bya ba ni sangs rgyas de dag nyid hUM aoM Adang chags pa las skyes pa'i phyir ro/ /de la hUM zhes bya ba ni khyed kyi thabs kyi yid gsad pa'o/ /aoM zhes bya ba ni 'byung ba rnams nga'i gan du byon cig pa'o/ /Atshig rtsug la sogs pa bsten na ye shes thob par 'gyur pa ni mnyam pa nyid kyi ye shes thob par 'gyur ro/ /de bzhin gshegs pa thams cad kyi rdo rje ni gsang ba rnams so/ /de rnams kyi bkod pa ni rang gi gsang ba sdud pa'o// de ston pa po la yang de skad ces bya'o/ /'di ni lnga po 'di dag kyang bzlas pa'i rang bzhin yin te/ de la dang po gsum ni spro ba dang bsdus pa'i bdag nyid can yin pa'i phyir ro zhes ston par byed do/ /phyi ma ni ngag tu bzlas pa yin pa'i phyir ro/ /de nas zhes bya ba la sogs pa la de bzhin gshegs pa thams cad kyi dam tshig rdo rje ni sgrib pa thams cad 'jig par byed pa ni dam tshig go /de nyid ni dpal te mtshan ma'o/ /de'i rtse mo thob pa yang yin pa de la de skad ces bya'o/ /de yang bcom ldan 'das sgrib pa thams cad rnam par sel ba'o/ /ngo mtshar du gyur pa ni smad par bya ba ma yin pa ni shar du ngo mtshar te dman pa ma yin pa nyid kyis de thob pa'o/ /de rnams kyi bdag nyid ngo mtshar dang rmad du gyur pa'i rgyu mtshan bcos ma yang dag par ston pa nyid yin pa'i phyir smras pa yin te/ yun ring por chos rnams mngon sum du byas pa de dag ni ngo mtshar dang rmad du gyur pa dag mi rung ba'i phyir ro/ /tshig gi lam ni tshig gi rgyun no/ /de rdo rje'i tshig ni sgra gcig nyid yin pa'i dbyer mi phyed pa'i sgra mang po ste smras so/ /ci'i phyir zhe na de nyid byang chub sems dpa' byis pa shin tu mang po rnams kyi the tshom de bzhin gshegs pas bcad pa'i phyir ro/ /ci'i slad du zhes bya ba ni 'dri ba yin te rang nyid la the tshom med mod kyi the tshom du gyur pa'i byang chub sems dpa' rnams kyi bsam pa la brten nas de bzhin gshegs pa thams cad la 'di zhus pa yin no/ /de bzhin gshegs pa thams cad gsang pa dang rku ba dang bslu ba dang rtsub mo la sogs pa'i chos ma yin pa de nyid chos nyid du ston par mdzad pa mi srid pa nyid kyi phyir rmad du gyur pa'o/ /rmad du gyur pa yang de yin la rnam par rtog pa tsam nyid yin pa'i phyir tshig gi lam yin pas na de skad ces bya'o/ /rnam par rtog pa tsam ni gzung ba dang 'dzin pa dang brjod par bya ba dang rjod par byed par snang ba nyid kyi phyir de bzhin gshegs pa gsod pa la sogs pa shin tu mi srid pa'i phyir ro/ /byang chub la sgrib pa 'jig par byed pa nyid kyi phyir rdo rje yang yin la byang chub thob par byed pa nyid kyi phyir tshig ste des na rdo rje'i tshig go / rmad du gyur ba'i tshig gi laM de yin la rdo rje'i tshig kyang yin te/ rdo rje'i tshig nyid kyis ston par mdzad pa nyid kyi phyir de skad ces bya'o/ k hams gsum po 'di dag 'jig rten gyi khams gzhan thams cad na dar pa dang ldan pa rnams kyis nyams su blang bar mi nus pa nyid kyi phyir khams gsum las 'das shing 'jig rten thams cad las 'das pa'o gzhung la las ni 'das shing 'das pa rnams shes 'byung ste/ der ni mi skabs kyis dam tshig lnga rnams zhes khong du chud par bya'o/ /de la yang tshig gi sgras gzhi mthun pa dang rtags dang grangs kyi dbye ba la yang skyon yod pa ma yin te/ dper na gang rnams smad pa'i gnas mi 'gyur zhes bya ba lta bu'o/ /de dag la yang 'di skad ces bka' stsal to zhes bya ba ni de'i sgo nas the tshom du gyur pa dag la 'di skad ces bka' stsal to/ /dman pa'i 'du shes dang zhes bya ba ni rnam par rtog pa tsam gyi 'du shes te/ rnam par rtog pa tsam ni sangs rgyas kyi theg pa ma yin pa'i phyir ro/ /smad pa'i 'du shes zhes bya ba ni chos ma yin pa'i 'du shes so/ /'du shes gnyis po'i gnyen por go rim bzhin du spyod pa'i mchog dang de bzhin gshegs pa'i spyod pa'o zhes gsungs so/ /sngags kyi spyod pa zhes bya ba ni sngags dang phyag rgya la sogs pa'i rnam pa ste/ rdo rje sems dpa' i ting nge 'dzin thams cad ni sngags te de kho na nyid kyi don shes par bya ba'i phyir dang 'gro ba skyobs pa'i phyir ro/ /sngags kyi spyod pa ni sngags spyod pa'o/ /de la shes pa ni ye shes kyi tshogs yin zhing skyob pa ni bsod nams kyi tshogs yin la/ tshogs gnyis kyi spyod pa nyid ni byang chub kyi spyod pa nyid kyang mchog yin bas na dman pa'i 'du shes ni rig pa ma yin no/ /de bzhin gshegs pa thams cad kyi spyod pa ni mdzad spyod do/ /'phags pa gzhan dag kyang chos ma yin pa la mi spyod na de bzhin gshegs pa rnams la lta smos kyang ci dgos de rnams 'di la spyod par mdzad pa'i phyir smad pa'i 'du shes rig pa ma yin no/ /gal te 'dir bsad par bya ba dang gsod par byed pa dang gsod pa la sogs rnam par rtog pa 'ba' zhig tsam skye bar 'gyur na shes par byed pa yang ma yin zhing skyob par byed pa yang ma yin no/ /'dir rigs kyi bu 'di lta ste dper na zhes bya ba la sogs pa gsungs te/ rjes su song ba ces bya ba ni khyad par gnas pa'o/ /chos thams cad kyang zhes bya ba ni gzugs can gyi rdzas thams cad de nam mkha' nyid la de dag gi go skabs yod pa'i phyir nam mkha' i khongs su rtogs pa ni khyab pa'o/ /chos de dag ces bya ba la sogs pa ni 'dod pa dang gzugs dang gzugs med pa'i khams rnams dang 'byung ba chen po sa dang chu dang me dang rlung ste/ re res gzugs can de dag thams cad du mi gnas te/ 'di dag re re la ma khyab pa nyid kyi phyir ro/ /'on kyang nam mkha' nyid ni thams cad du gnas so/ /de ltar zhes bya ba ni gzugs can thams cad nam mkha' i khongs su gtogs pa dang chos mthun pa'i phyir ro/ /chos thams cad ces bya ba ni sngags thams cad do/ /rjes su rig par bya'o zhes bya ba ni dpag par bya ste/ 'di ltar de rnams kyang nam mkha' lta bu byang chub kyi sems zhes bya ba de bzhin nyid ye shes kyi bdag nyid/ kyi rjes su 'gro ba yin te/ gsal ba ni gsal ba'i bdag nyid du gyur pa nyid kyi phyir dang rang rig pa gnyis kyis stong pa de yang ngo bo nyid kyi de bzhin nyid ye shes nyid yin pa'i phyir ro/ /de nyid la gnas pa'i mthar phyin pa ste/ de nyid la de rnams sangs rgyas thams cad kyis brdar mdzad pa nyid kyi phyir dang/ brda shes pa'i rnal 'byor pa rnams la de rnams de kho na nyid bzhin du snang ba'i phyir ro/ /rnam pa rnams ni brdzun pa nyid du snang ba'i phyir sangs rgyas rnams gyis sku dang gsung dang thugs sam de'i gzhir gyur pas sa dang chu dang me dang rlung gi rdzas rnams kyis de dag gnas pa yang ma yin te de rnams la de dag brdar ma mdzad pa nyid kyi phyir ro/ /gzhan du na ni sngags te de kho na nyid du mi 'gyur te/ de kho na nyid kyi don yongs su mi shes pa'i phyir dang 'gro ba skyob pa'i nus pa dang bral ba'i phyir ro/ /gal te sngags ma yin pa dag kyang sngags kyi theg pa rnam pa mang du ston par mdzad na de ji ltar de bzhin nyid kyi ye shes yin zhe na/ 'di la yang de bzhin gshegs pa rnams ni zhes bya ba la sogs pa gsungs pa la don gyi dbang zhes bya ba ni stobs dang don gyi de kho na nyid do/ /'di lta bu zhes bya ba ni bstan ma thag pa'o mkhyen cing zhes bya ni dgongs pa'o/ /gang dang gang gi zhes bya ba ni zlos pa ste/ bsam par bya ba dang bzla bar bya ba la sogs pa'i chos gang dang 'chad par mdzad pa de dang de ni de bzhin nyid kyi ye shes nyid la de lta bur dgongs nas zhes bya ba'i don to/ /gal te don gyi de kho na nyid gcig pa yin na/ ci'i phyir sna tshogs pa'i chos ston par mdzad ce na de'i phyir sems can thams cad kyi bsam pa mkhyen nas zhes bya ba gsungs te/ sems can ni gdul bya rnams te/ de yang bsam pa sna tshogs par ro/ /de bas na dam tshig ji lta bu bzhin du chos ston par mdzad do/ /gal te 'gyur ba ni bla ste/ de lta na yang dam tshig lnga po de nyid de bzhin nyid kyi ngo bo nyid kyi ye shes kyi ngo bo nyid ma yin no zhe na/ 'dir rigs kyi bu zhes bya ba gsungs te/ 'di la nam mkha' la gnas pa yod pas na nam mkha' i tshig ste/ stong pa nyid la gnas pa byang chub kyi sems rnam pa lnga'o/ /de'i nges pa brjod pa ni rdo rje dam tshig ston pa'i tshul du brjod pa'o/ /des na de dag ste rdo rje'i dam tshig lnga yin par blta bar bya'o zhes bya ba'i don to/ /de ltar na dngos su rdo rje gsum ro gcig pa'i sems nyid ni zhe sdang gi dam tshig go /sangs rgyas kyi chos thams cad ye shes tsam nyid du rtogs pa ni gti mug gi dam tshig go / sangs rgyas thams cad kyi shes pa de bzhin nyid kyi ye shes ni 'dod chags kyi dam tshig go /rang bzhin gyis 'od gsal ba nyid du sems can thams cad sangs rgyas kyi chos rnams dang yang dag par sbyor ba ni las kyi dam tshig go / sangs rgyas thams cad dang bdag nyid mnyam pa nyid du gtogs pa ni rin po che'i dam tshig go /'dir sangs rgyas rnams kyi byon pa dang bzhud pa dang gsod pa dang rku ba la sogs pa yod pa ma yin nam de dag med na ni der snang bar mi rung ba'i phyir ro/ /de ltar na dman pa'i 'du shes ni rig pa nyid yin la gal te rdo rje'i dam tshig brdzun par snang ba de'i tshe de dag gi log par rnam par rtog pa yin pa de ltar ni /de dag las me long lta bu la sogs pa'i yang dag pa'i ye shes skye bar mi 'gyur ba de lta na yang dman pa'i 'du shes rigs pa nyid yin no zhes na/ 'dir rigs kyi bu zhes bya ba la sogs pa gsungs pa la/ gtsug shing ni steng nas bsrubs pa'o/ /bcu pa stan ni 'og gzhi'o/ /bskyod pa ni bya ba'o/ /rkyen gyis zhes bya ba ni tshogs gnas so/ /du ba 'byung zhing me 'byung bar 'gyur mod kyi zhes bya ba ni me nye bar 'byung bar ston pa la me 'byung ba zhes bya ste/ dper na kha ba bsad pa ston pa la kha ba 'joms pa zhes bya ba lta bu'o/ /ston pa ni 'dir bshad pa yin te/ dgos byed med pas nang ni bshad ces bya ba la sogs pa lta bu'o/ /de yang zhes bya ba la yang gi sgra ni bsdu ba yin te du ba de dang me zhes bya ba'i don to/ /de bzhin du zhes bya ba ni tshul 'di nyid kyis so/ /'gro ba dang 'ong ba la sogs pas zhes bya ba ni rang gi rgyu rnams la 'gro ba dang 'ong ba la sogs pa med pa'i rnam pa du ba'i gnas lta bu dang me long lta bu'i ye shes la sogs pa'i 'bras bu me'i gnas lta bu'i nye bar skye ba rnams kyi rjes su rig par bya'o/ /de dag ces bya ba ni sgrib pa rnam par sel ba la sogs pa'o/ /tshig 'di skad ces smras so zhes bya ba ni de bzhin gshegs pas gsungs pa'i don nyid byis pa rnams la gsal bar bya ba'i phyir ro/ /rmad 'byung chen po'i zhes bya ba la sogs pa la/ chos rnams ni zhes bya ba ni sangs rgyas kyi chos rnams te mdor bsdu na me long lta bu dang mnyam pa nyid dang so sor rtog pa dang bya ba sgrub pa dang chos kyi dbyings shin tu rnam par dag pa'i ye shes rnams ni'o/ /rmad 'byung chen po'i zhes bya ba ni mchog tu rgya che ba bstan pa'o/ /nam mkha' dang ni mtshungs pa dang zhes bya ba ni mchog tu zab pa yin te/ spros pa'i rgyu mtshan thams cad dang bral bas 'di dag ni nam mkha' dang mnyam pa nyid yin pa'i phyir ro/ /rgya che ba dang zab pa dag gis ni byang chub kyi sems ma lus pa'i mtshan nyid bstan pa yin no/ /dag pa la zhes bya ba ni sgrib pa dang bral ba te/ gsal bar phye ba zhes pa'i don to/ /kun rdzob tu yang bshad pa mtshar zhes bya la/ dang zhes bya ba ni nges par gzung ba'o/ /ni'i sgra yang nges par gzung ba'i don to/ /sangs rgyas kyi chos zab mo dang rgya chen po nyid gang yin pa de ni kun rdzob kyi yul nyid yin pa'i phyir kun rdzob bo/ /rdo rje dam tshig de ston pa 'dis bshad pa ni bstan pa'o/ /gang nyan thos la sogs pa'i chos rnams kyang ma yin na/ gang nyes par spyod pa'i rgyu mtshan la lta ci zhig smos sangs rgyas kyi chos rnams kun rdzob nyid du ston gyi de dag gi rang gi ngo bo nyid kyi tshul gyi ni ma yin no yang ci'i phyir ma yin zhe na /de'i phyir rnam par me rtag ces bya ba smos te/ de dag ni rnam par rtog pa'i yul yang ma yin na tshig gis lta smos kyang ci dgos de bas na de dag ni kun rdzob nyid du bshad pa yin no/ /de nyid kyi phyir kun rdzob kyi de kho na nyid la rgya che ba'i de kho na nyid ces bya ste/ byis pa'i spyod yul nyid yin pa'i phyir ro/ /don dam pa'i de kho na nyid ni phra mo'i de kho na nyid de 'phags pa rnams kyi spyod yul yin pa'i phyir ro/ /'di ltar kun rdzob kyang rnam pa gsum ste/ brtag pa'i kun rdzob ni chos thams cad brtags pa'i rang bzhin no/ /shes pa'i kun rdzob ni log pa'i shes pa thams cad do/ /brjod pa'i kun rdzob ni sgra dang rtog pas don dam par ston par byed pa'o/ /don dam pa yang rnam pa gsum ste/ de bzhin nyid ni don dam pa'o/ /sgrub pa don dam pa ni yang dag pa'i ye shes so/ /thob par bya ba don dam pa ni mya ngan las 'das pa ste/ ji skad du dbus dang mdza' rnam par 'byed pa las brtags pa dang ni shes pa dang/ de bzhin brjod pa rags pa yin zhes bya ba dang/ don dang thob dang sgrub pa dang/ don dam rnam pa gsum du 'dod ces bshad pa lta bu'o/ /de la rdo rje'i dam tshig 'di dang de las gzhan pa'i sngags thams cad ni brjod pa'i kun rdzob yin te/ /yang dag pa la so sor rtog pa'i bdag nyid can yin pa'i phyir ro/ /yang dag pa la so sor rtog pa yang rnam par rtog pa ma yin zhing rnam par mi rtog pa yang ma yin no/ /ci'i phyir rnam bar rtag pa ma yin zhe na rnam par mi rtog pa skye ba dang rjes su mthun pa nyid kyi phyir ro/ /ci'i phyir rnam par mi rtog pa ma yin zhes na yang dag pa'i don la rnam par rtog pa'i phyir ro/ rnam par mi rtog pa nyid las kyang rnam par me rtog pa skye ba ma yin te/ byis pa rnams la de med pa'i phyir ro/ /tha mal pa'i rnam par rtog pa las skye ba ma yin te/ de ni de'i gnyen po nyid yin pa'i phyir ro// 'on kyang yang dag pa'i don nyid la rnam par 'jog pa'i yid kyis so sor rtog pa rnams de bsgom pa'i rjes su 'gro bas 'bad rtsol med par chos kyi dbyings spros pa med pa la sems mnyam par gzhag par 'gyur ro/ /spros pa med pa de la rnam par mi rtog pa'i ye shes bya'o/ /de skad du yang rnam par mi rtog pa'i 'jug pa'i gzungs las de yang yang dag par sbyor ba yis kun tu bsten pas rjes su 'gro bar byed na bsgoms pas rjes su 'gro bar byed/ mang du byas pas rjes su 'gro bar byed/ yang dag par yid la byed pas rjes su 'gro bar byas na/ mngon par 'du byed ba med cing lhun gyis grub pas rnam par mi rtog pa'i dbyings la reg ste zhes gsungs pa dang/ tshad ma rnam par nges pa las kyang bsam pa'i rang bzhin can nyid kyi shes rab la goms par byas na don dam pa'i ye shes 'khrul pas dben pa dri ma med pa 'jig pa med pa mngon sum du byed par 'gyur ro zhes bshad do/ /de bas bcom ldan 'das kyis gsungs pa'i yang dag pa la so sor rtog pa nyid kyis rnam par mi rtog pa byang chub rtogs par 'dod pa rnams kyis bsten par bya'o/ /zhes bya ba ni grub pa'i mdza' yin no/ /'di la don dam pa'i 'bras bu yod pas na don dam pa ste/ byang chub kyi 'bras bu can yin pa'i phyir ro/ /gsal bar byed pa nyid kyi phyir de kho na nyid lnga'i dag pa'i don gyi yul 'di la yod pas na dag pa'i kho na nyid kyi don to/ /yang dag pa'i rtogs par bya ba yin pa'i phyir dang 'da' bar bya ba ma yin pa'i phyir dam tshig te/ rdo rje dam tshig rnam pa lnga'o/ /don dam pa yang de yin la dag pa de kho na nyid kyi don yang yin pas na de skad ces bya'o/ /de dag kyang yin la dam tshig kyang yin pas na zhes bya ba ni bsdu pa'o/ /de gsal bar byed pa'i le'u la de skad ces bya'o/ /gsang ba 'dus pa'i bshad sbyar snyim pa'i me tog las le'u rig pa'o// //nye bar sgrub pa'i mngon par rtogs pa ni gnyis pa dang drug pa dag tu gsungs pa yin la 'di las kyang mdong bsdus te ston to/ /de la spyod pa gsum dang rjes su mnyes par bya ba ni dam tshig yin te/ le'u bco brgyad pa las ji srid mthong ba de srid du/ rnam nyid zla ba drug du bsgom/ /'dod pa kun la longs spyod pas/ /thams cad du ni rtag tu bya/ /gal te zla ba drug gis ni/ /ji skad gsungs pa ma mthong na/ /ji skad gsungs pa'i cho ga dang/ /sdom par la? gsum pa rnam par bya/ de ltar byas kyang sgrub pa pos/ /mthong ba 'byung bar ma gyur cing/ /gang tshe byang chub ma grub na/ /drag shul sbyor bas bsgrub par bya/ /de tshe de yi ye shes ni/ /sgrub par nges par nye bar 'byung/ /rigs kyi dbye ba'i sbyor bas ni/ /rdo rje phur bus phur bu gdab/ /de nas dbang du bya ba dang/ /bsrung ba'i sbyor ba dag kyang bya/ /zhes 'chad par 'gyur ro/ /de la drug pa las gsungs pa'i spyod pa dang po gnyis ni 'di lta ste/ nye bar longs spyod pa'i spyod pa dang dka' ba'i spyod pa'o/ /gsum pa ni drag shul gyi spyod pa ste/ de dang rjes su mnyes par byas pa bstan pa'i phyir le'u bcu pa ni/ de nas zhes bya ba la sogs pa gsungs te/ dam tshig chen po ni rdo rje can no/ /de'i rdo rje ni sku dang gsung dang thugs so/ /de rnams kyi de kho na nyid ni nam mkha' dang mnyam pa nyid do/ /de'i mngon par rdzogs par byang chub pa ni thugs su chud pa'o/ /de'i don gyi sku dang gsung dang thugs kyi gsang ba ni sku la sogs pa'i gsang ba ste/ gsang ba'i sgras ni 'dir sba bar bya ba yin pas na phur bus bsnun pa gsungs pa yin no/ /de'i bdag nyid yin pa'i phyir dang/ de ston par mdzad pa nyid yin pa'i phyir ro/ bcom ldan 'das la yang de skad ces bya'o/ /sngags ni lha thams cad do/ de rnams kyi snying po ni bdag nyid thams cad do/ /de'i bdag nyid thams cad kun bsdus pa ni 'dis yang dag par bsdus pa'i phyir ro/ /de nyid ni dmigs pa'i gnyen po nyid yin pa'i phyir ro/ /sku dang gsung dang thugs gsang bar sgrags zhes bya ba ni phur bus 'debs pa zhes bya ba'i don to/ /phur bus 'debs pa ji lta bu zhe na/ dngos grub chen po'i tshul gyi mchog ste/ nye bar sgrub pa'i 'bras bu'i thabs phyi mar gyur pa'o/ /de nas zhes bya ba ni gsol ba btab pa'i de ma thag tu'o/ /gsung ni 'di skad ces bya ba ni phur bus 'debs pa'i mdo'i tshigs su bcad pa'o/ /'bar ba ni mi bskyod pa la sogs pa la rab tu khro ba'o/ /khro ba ston pa'i sku dang gsung gi rnam par 'gyur bas drag po'o/ /khro bo nyid kyi spyan yangs pa ste spyan rgya che ba'o/ /gal te nyon mongs pa spangs pa rnams la khro ba ci'i phyir yod ce na/ gsungs pa nyon mongs kun nyid rgya mtsho yin te re re zhing dbye ba mdza' yas pa nyid kyi phyir ro/ /de'i gtso bo ni dbang bsgyur ba ste/ sems can gdul bar bya ba'i phyir 'di dag ji ltar 'dod pa bzhin du yang dag par ston par mdzad pa'i phyir ro/ /rgyal po ni sngags thams cad kyi'o/ /de nyid kyi phyir de dag la yang khro ba yin te khro bo'i gar mdzad pa yin no/ /lus dang ngag ces bya ba la sogs pa la/ lus la sogs pa la sku dang gsung dang thugs te dkyil 'khor ba rnams so/ /rdo rje ni dkyil 'khor ba thams cad kyi bdag po'i/ /de ni de rnams kyi sku yang yin la dag kyang yin zhing thugs kyang yin te/ 'khor lo sgyur ba'i rang gi lus so/ /de bsgom pa ni yid dang ngag gi te/ go rim bzhin du dmigs pa gsum dang/ byang chub kyi tshigs su ?? pas so/ /de mi dmigs pa ni mtshan ma phra mo ste/ ye shes tsam du mi dmigs pas so/ /de mi dmigs pa de rnam par mi rtog pa ni gdan phra mos te ci'i phyir zhe na/ mnyam pa nyid kyi phyir te gnyis su med pa zhes bya ba'i don to/ /de las gang na'ang mi gnas pa ni mchog tu phra ba'i sa bon gyi sngags kyis ste/ don la yang ma yin zhes pa la yang ma yin mnyam pa nyid du gnas pa ni yid lam yin no/ /ting nge 'dzin de lta bu la rang nyid snyoms par zhugs pa bstan pa'i phyir de nas zhes bya ba la sogs pa gsungs te/ rang bzhin gyi dag pa zhes bya ba ni stong pa ste/ dmigs pa gsum gyi bsgrub pa'i de bzhin gshegs pa zhes bya ba ni byang chub kyi tshigs su bcad pa ste/ de ji lta ba bzhin du ston pa'i phyir ro/ /pha rol tu phyin pa'i sngags kyi tshul rdo rje zhes bya ba la pha rol tu phyin pa bzhi ni rigs pa'i rgyal mo bzhi ste/ ye shes kyi pha rol tu phyin pa dang rdo rje'i pha rol tu phyir ba dang/ chos kyi pha rol tu phyin pa dang las kyi pha rol tu phyin pa'o/ /de rnams kyang rang gi gnas ji lta bu bzhin du shin tu phra ba'i mtshan ma'i nang du tshud pa ni shin tu phra ba'i gdams ngag yin no/ /de la rdo rje 'dzin pa'i mtshan ma phra mo ni drug par bshad do/ /de'i nang du pha rol tu phyin pa gnyis pa la mchog tu phra ba'i sngags kyi snying po'o/ /de nyid ni tshul te yang dag par rdzogs pa'i byang chub kyi lam mo/ /de la dmigs pa'i ting nge 'dzin la de skad ces bya'o/ /de nyid ni mi phyed pa nyid kyis ni rdo rje'o/ /snyoms par zhugs nas zhes bya ba ni mngon sum du mdzad pa'o/ /gal te ci'i phyir ting nge 'dzin 'di la snyoms par zhugs par mdzad ce na/ 'di lta bu'i snyoms par zhugs shing de bzhin gshegs pa'i 'dus pa bsgoms nas/ dang por nyes pa bsgrag par byas pa de'i 'og tu drag shul sgrub par byed ces ston pa'i phyir ro/ /de dag ces bya ba ni 'dus pa la zhugs pa'o/ /'di skad ces bka' stsal to zhes bya ba ni 'chad par 'gyur pa'i nyes pa bsgrag pa'o/ /yod ces bya ba ni 'di zhes bya ba'i don te/ /sems can thams cad kyi don ni phan pa'o/ /de'i bya ba ni byed pa'o/ /de'i don du rol pa ni bcos pa'i skyes pa dang bud med kyi rnam pa dang de'i bya ba la sogs pa'o/ /de 'jig rten gyi khams thams cad du ston par mdzad do/ /ci stong gnyis pa 'am stong gsum pa gcig gi 'jig rten gyi khams thams cad du zhe na/ ma yin te phyogs bcu'i zhes bya ba la sogs pa gsungs pa la/ phyogs bcu'i 'jig rten gyi khams kyi stong gsum gyi mthar thug pa gang yin pa de dag ni thams cad du zhes bya ba'i don to/ /'dod pa'i yon tan lnga rnams kyis zhes bya ba ni rol mor gyur pa rnams kyis te/ de lta bu'i skabs yin pa'i phyir ro/ /rol cing zhes bya ba ni bstan pa ste/ bde ba'i skus nyams su bstar ces bya ba'i don to/ /dgyes la yongs su spyod pa zhes bya ba ni bshad pa ste/ yid dang dbang po lngas bde bar spyod ces bya ba'i don to/ /sngags la sbyod pa la mngon par brtson pa rnams la zhes bya ba ni bsnyen pa dang nye bar sgrub pa dag gi zhes skyob dang dam tshig go /de la mngon par brtson pa ni rnam pa thams cad du bya ba dang ldan pa ste/ sgrub pa po 'ga' zhig go /spyan ras kyi mi 'tsho ste zhes bya ba ni ye shes kyi dngos grub stsol ba'i phyir mi gzigs pa 'am gnyis su med pa'i chos nyid blta bar mi mdzad ces bya ba'i don to/ /'dir yang mi bskyod pa la sogs pa 'jig rten gyi khams thams cad du rol pa ston par mdzad pas dbang du gyur pa nyid dang thugs rje chen po dang ldan pa nyid du gsungs pa la/ sngags kyi spyod pa la mngon par brtson pa nyid kyis sgrub pa po thugs rje chen po'i snod nyid du gsungs pa de lta na yang de rnams 'di la spyan ras kyis mi 'tsho zhes bya ba ni nyes pa sprag pa'o/ /de ci'i phyir zhes bya ba ni de rnams kyi nyes pa bsgrag pa de'o/ / bya ba gang gis shes na bya ba ni rdzogs par gyur na zhes bya ba gsungs te/ mthar thug par gyur pa'o/ /gang gi zhe na/ de bzhin gshegs pa thams cad kyi sngags kyi spyod pa'i tshul gyi chos te/ 'dul ba'i lam gang yin pa de la'o/ /lam gang yin zhe na/ yan lag drug gi bsnyen pa'i mthar phyir pa nye bar sgrub pa'i sbyor ba la gnas pas 'dod pa'i longs spyod kyi spyod pa la zla ba drug pa can gyi sgrub pa gsum yin la/ de nas dka' ba'i spyod pa yang zla ba drug pa can gyi sgrub pa gcig yin no/ /de bas na 'di ni rjes su brtse bar bya ba yin pa de ltar rjes su brtse ba la kye ma'i sgra yin no/ /'di ni nyes pa bsgrag par bya ba drag shul gyi spyod pa rigs so/ /zhes ston par byed do/ /bcom ldan 'das kyi 'dra ba ni yin du chug na sgrub pa pos ji ltar nyes pa bsgrag par byed ce na/ des kyang bcom ldan 'das zhes bya ba nas yod kyang zhes bya ba'i bar gyi ngag gi sgrog par byed do/ /de la khyad par ni 'di tsam yod do/ / sngags spyod pa la mngon par brtson pa zhes bya ba de'i 'og tu bdag la zhes bya ba gzhugs pa dang/ ?? mi'o 'di dag ces bya ba byung ba kye ma bdag ces bya ba brjod bar bya'o/ /de skad gsungs nas ci bka' stsal ce na/ de'i phyir de bas na zhes bya ba la sogs pa gsungs te/ de bas na ni de'i de ma thag tu'o/ /sngags pa 'di lta bu gsungs so zhes bya bar sbyar ro/ /sngags 'di mi bskyod pa la sogs pa'i de kho na nyid ston par byed pa'i sgra'o/ /de rnams kyis bsdus pa ni tshogs pa'o/ /ji ltar ston par byed ce na/ tshig gi lam nges par brjod pas te rjod par byed pa'i sgra ni tshig yin la de'i lam ni don to/ /de rnams 'dren par byed pa'i yi ge rnams kyis brjod pa yin te des so/ /de ni le'u gnyis par bshad zin to/ /ci'i phyir gsungs she na skyes bu zhes pa la sogs pa gsungs te/ mi bskyod pa la sogs pa'i skyes bu dam pa de rnams kyis sgrub pa po la spyan ras bca' ba'i phyir ro/ /sngags bsdus pa ji lta bu zhes na/ de bzhin gshegs pa thams cad kyi sku dang gsung dang thugs ni dkyil 'khor pa thams cad de/ /de'i rang bzhin can ni sngags so/ /sngags la dmigs pa yin pas na/ sngags kyang yin la sems la dmigs pas rdo rje yang de yin zhing dag la dmigs pas gsang ba yang de yin pa de la de skad ces bya'o/ /de ltar 'khor los sgyur ba'i sku nyid du gyur nas yang de nyid snying gar gnas pa'i gdan la mtshan ma phra mo'i dbus su gdan phra mo la mchog tu phra ba'i rang gi ngo bor gnas pas na rab tu gsang ba'o/ /sngags thams cad ni 'khor los sgyur ba drug go /de rnams kyi snying po sgrub pa po la spyan ras kyi mi 'tsho ba kun tu skul bar byed pa ni yang dag par sad par byed pa'o/ /ji ltar na de de'i sad par byed pa yin zhe na/ rim pa bzhin gsum po dag las rdo rje lcags kyu la sogs pa spros la cig shos 'khyil pa'i sa bon du sgyur te/ phur bu bskyed do zhes bya ba zhes pa ni de skad ces bya bar grags pa'o/ /de bzhin ni gshegs pa thams cad dang rdo rje 'dzin pa thams cad dang chos 'dzin pa thams cad kyi sgras ni sngags thams cad rigs gsum gyi dbye bar bstan pa yin no/ /de rnams kyis sku dang gsung dang thugs kyi dam tshig ni de rnams kyi ste/ gnas ji lta ba bzhin du gzhag pa'o/ /de la dmigs pa ni skye ba'i gnas so/ /rab tu 'dar zhing zhes pa ni skyed pa ste/ rang gi ting nge 'dzin las bzhengs pa zhes bya ba'i don to/ /rgyal bar gyur zhes bya ba ni phur bus 'debs pa'i 'jigs pa ston pa'o/ /rdo rje sems dpa' rjes su dran zhes bya ba ni bzhengs nas yongs su skyob par gar mdzad pa ston pa'o/ /dam tshig ces bya ba ni rdo rje gsum dang ldan pa'o/ /nam mkha' dbyings kyi dbus na gnas par zhes bya ba ni chos 'byung ba'i nang du chud pa'o/ /bkod pa'i dkyil 'khor zhes bya ba ni gzhal yas khang ngo/ /de'i zhes bya ba ni bkod pa'i dkyil 'khor gyi'o/ /dbus gnas zhes bya ba ni rang gi snying gar chud pa'o/ /yi ge hUM ni shin tu dkar pa'o/ /rang gi gzugs su zhes bya ba ni rang gi mtshan ma ste/ dang po'i rdo rje dang ldan pa de'i dbus na gnas pa zhes bya ba'i don to/ /rang gi stan la gnas zhes bya ba ni ma smras kyang grub pa yin no/ /rab tu brtag ces bya ba ni shes par bya ba'o/ /rdo rje'i 'od zer zhes bya ba ni rdo rje'i 'od dang ldan pa'o/ /cher 'bar ba ces bya ba ni shin tu 'bar ba'o/ /rnam par 'phro bar zhes bya ba ni phyogs bcur khyab par gyur pa'o/ /sangs rgyas kyi ni sku gsung thugs zhes bya ba ni dkyil 'khor chen po'i lha rnams kyi sku'i phyogs su mthong ba'o/ /drangs pa zhes bya ba ni 'od zer de nyid kyis drangs la yi ge hUM du bcug pa'o/ /de ltar na gzung bar bya ba med pa'i ye shes gang yin pa de ni sngags la dmigs pa'o/ /de nas 'dzin pa yang med do zhes sems la sems med pa nyid du shes pa ni sems la dmigs pa'o/ de nas tshigs su bcad pa ni dag la dmigs pa'o/ /sku gsung thugs kyi rdo rje 'dzin ces bya ba ni rdo rje gsum dang ldan pa'i phyir ro/ /rdo rje sems dpa' zhes bya ba la sangs rgyas thams cad kyi rang bzhin gyis sems pa yin la chen po ni dbus ma'i gdan la bzhugs pa'i phyir ro/ kun gyi gtso bo ni byang chub sems dpa' thams cad kyi bdag po nyid yin pa'i phyir ro/ /dbang phyug mchog ni sangs rgyas thams cad kyi gtso bo nyid du gyur pa'i phyir ro/ /rang gi dkyil 'khor zhes bya ba la sogs pa ni rdo rje 'dzin par bshad pa'i cho ga thun mong nyid yin par gsungs pa yin no/ /rang gi dkyil 'khor ni rdo rje dang 'khor lo la sogs rang sngags kyi zhes bya ba ni hUM dang aoM la sogs pa dang ldan pa'o/ /skabs 'dis ni rdo rje sems dpa' la nges par bstan pa'i dmigs pa gsum gyi mtshan nyid can 'di ni skyed bar byed pa'i tshul du 'khor lo sgyur ba drug char 'gyur ro/ /sngags rnams zhes bya ba la sogs pa gsungs pa la/ /sngags thams cad ni sngags kyi lha thams cad do/ /snying po zhes bya ba ni nam mkha' dang mnyam pa ste/ rang gi byang chub kyi tshigs su bcad pa de ltar sgrub pa yin pa'i phyir ro/ /rdo rje bsdus pa yi zhes bya ba ni rdo rje gsum bsdus par gyur pa'o/ /de ltar rdo rje'i dam tshig tshigs su bcad pa bzhi gsungs pa nam mkha' rdo rje'i dam tshig tshigs su bcad ba gcig gis bstan pa'i phyir rang sngags shes pa la sogs pa gsungs te/ /rang sngags skyes bu ni bsten par bya ba 'am/ phur bus gdab par bya ba'i rang gi 'khor los sgyur ba 'am 'debs pa'i bur bu ste/ gsum po gang yang rung ba'o/ /de bsgoms na de dmigs pa gsum dang byang chub kyi tshigs su bcad pas skyed nas so/ /rab tu bsgom pa ni rnam pa dgang bar bya'o/ /gang du gang gi zhes na gnas su te/ mgo dang mgran pa dang sems dang ye shes kyi gnas rnams su shes rab kyi rang bzhin du brtag par bya bas na gzugs kyi tshul te gdan rnams so/ /gzugs de dag la zhal gsum zhes bya ba ni rnam par thar pa'i sgo yin pa'i phyir sku dang gsung thugs so/ /de rnams kyi lta bu ni so so dang bsdus pa ste/ sku dang gsung dang thugs dang ye shes sems dpa' i mtshan ma zhes bya ba'i don to/ /sbyor ba ni de yang dag pa'i sbyor ba ste/ mtshan ma bzhi'i nang du kha dog gsum po gang yin pa ste/ yi ge gsum po gang yin pa so so pa dang/ bsdus pa dang bcas pa dgod pa ste/ sku dang gsung dang thugs dang ye shes sems dpa' rnams kyi sa bon zhes bya ba'i ni don de dag gis dga' ba'o/ /nam mkha' rdo rje'i dam tshig ces bya ba la nam mkha' ni nang ngo/ /dam tshig ni der rdo rje rnams 'dus pa'o/ /de ston par mdzad pas bcom ldan 'das la yang de skad ces bya'o/ /rdo rje'i mchog gi gsang ba ces bya ba la mchog ni mchog tu phra ba'i sa bon no/ /rdo rje ni shin tu phra ba'i mtshan ma'o/ gsang ba ces bya ba ni sngags kyi gdan phra mo ste/ zlas dbye ba'i bsdu ba'o/ /snying ga zhes bya ba ni ye shes kyi sa bon te/ de'i phyogs gcig yin pas de'i thig le yang snying ga'o/ /dkyil 'khor zhes bya ba ni mtshan ma'o/ /yi ge mchog tu gyur pa zhes bya ba ni mchog tu phre ba'o/ /gnas zhes bya ba sngags kyi gdan zhes bya ba'i don to/ /de'i zhe bya ba ni mtshan ma phra mo'i dbus su'o/ /de ltar 'khor los sgyur ba'i rnal 'byor gyi gnas nas de bzhin gshegs pa thams cad phyogs su bltas la de rnams la de'i nyes par sgrags la phur bu'i lha'i rnal 'byor yang byas nas gang zhig bya ba de gsungs pa/ rdo rje chen po zhes bya ba la sogs pa la ye shes kyi bdud rtsi 'khyil pa cho ga bzhin du bkug te bdag la bstims te/ ro gcig par sbyor bas de'i 'og tu rdo rje dang pad+ma mi phyed par mos pas khros bzhin du pad+ma'i nang du bsgrub bya de bsams te/ de'i rigs kyi rdo rje lcags kyu dam tshig gi stobs kyis song nas ye shes kyi bsgrub par bya ba'i snying ga phug la dgug pa dang gzhug pa dang bcing ba'i sbyor ba bsams te/ nam mkhar sen ba'i rdo rje'i nang du 'khyil pa'i sa bon las rdo rje chen po zhes bya ba ni rdo rje'i rang bzhin phra mo'i phur bu ste/ phur bu'i 'og rtse gcig pa'o/ /rtse lnga pa zhes bya ba ni rdo rje rtse lnga pa'o/ /rtag tu zhes bya ba ni yun ring du ste/ 'di ni re zhi rdo rje rigs kyi phur bu yin no/ /'khor lo dang pad+ma'i rigs dag gi yang rnam par bsgom po bya zhes gsungs so / rdo rje ni phur bu'i rigs kyi dbye ba las rdo rje lcags kyu dang 'dra bar khyad par gyis te/ rdo rje dang 'khor lo dang pad+ma'i rigs rnams la rdo rje dang 'khor lo dang pad+ma mgo bor bya'o zhes bya ba'i don to/ /de yi zhes bya ba ni rang gi rigs kyi phur bus so/ /snying gar zhes bya ba ni sgrub pa bya ba'i 'o/ /lha rnams rab tu bskul ba 'am zhes bya ba la 'am gyi sgra ni de srid kyi don te bcu bzhi pa las 'chad par 'gyur ba'i de'i sngags dang phyag rgya dag gis phur bu'i lha de srid kyi bar du bskul bar bya zhing de nas sngags kyi mthar gdab par bya'o zhes bya bar dgongs so/ /'di zhes bya ba ni bshad ma thag pa'i phur bu gdab po/ /de zhes bya ba ni spas pa gang yin pa'o/ /rdo rje thams cad kyis zhes bya ba ni lha thams cad kyi'o/ /sangs rgyas byang chub ni sgrub pa'i 'bras bu'o/ /de'i rab sgrub pa ni khyad par can gyi sgrub ba'o/ /'khor lo pad+ma'i zhes bya ba la sogs pa la 'khor lo'i rigs la sogs pa'i rgyur gyur pas ci rigs par rdo rje lcags kyu la sogs pa gsungs nas 'khor lo dang rdo rje dang pad+ma'i rigs rnams kyis lha rnams dgug par bya ba'i phyir gor mi bzhin du 'khor lo dang rdo rje dang pad+mas mtshan pa'i lcags kyu spo bo dang/ lkog ma dang snying gar gnas pa'i 'khor lo la sogs pa las spros la bsgom par bya ba ngas gsungs pa yin no zhes bya ba'i don to/ /snying ga ru ni bskul bar bya zhes bya ba ni snying kha phug nas dgug pa'o/ /drag shul gyi sgrub pa 'di la nyes byas su 'gyur bar dogs pa gsal bar bya ba'i phyir 'di ni rol mo'i 'byung bde zhes bya ba gsungs te/ rol mo las skyes pa zhes bya ba'i don to/ /'dir sangs rgyas byon pa 'am thugs gar gdab pa yang ma yin gyi/ 'on kyang don med pa la don du snang ba'i rnal 'byor pa'i sems can ni da ltar rtan cing 'brel bar 'byung ba yin pa de bas na rol mo 'byung ba yin pa de bas na rol mo 'byung ba 'di ni bcom ldan 'das de rnams nyid kyi gdul bya rnams la thugs brtse ba'i phyir gsungs pa yin te/ 'di lta bu'i nye bar dmigs pa dka' ba bsgom pa ni nye bar dmigs pa zad par bya ba'i phyir de'i bka' bzhin byed pa'i dang pa dang shes rab 'phel ba'i phyir dngos grub kyi don gyi rdo rje ni byang chub kyi sems te de'i tshul mchog te/ 'di lta bu'i nye bar dmigs pa dga' ba bsgom pa ni nye bar dmigs pa zad par bya ba'i phyir de'i bka' bzhin byed pa'i dang pa dang shes rab 'phel ba'i phyir ba'i phyir dngos grub kyi don gyi rdo rje ni byang chub kyi sems te de'i tshul mchog go / ye shes rdo rje can ni sems brtan pa rnams kyi'o/ /gsal ba ces bya ba ni ngo gcig pa'o/ /grub par 'gyur zhes bya ba ni zhag bdum tsas gyis 'grub par 'gyur/ /rim pa gang gis 'grub par 'gyur zhes na/ mchog stsol ba dag ces bya ba la sogs pa gsungs so/ /yid ni 'jigs shing skrag gyur nas zhes bya ba la 'dir bcom ldan 'das sgrub pa po gtang snyoms su bzhag pas bdag nyid brtse ba med pa'i rtog pa ni 'jigs pa'o/ /dam tshig las 'das pas brdzun du smra ba'i rtog pa ni skrag pa'o/ /yid la zhes bya ba la sogs pa la sems dga' bar phyed pa'i phyir mgu ba ces bya ba'i don to/ /dngos grub rgya chen po ni sku gsum nam mkha' i mtshan nyid can gyi rdo rje gsum mo/ /sngags kyi spyod pa'i mchog sgrub pas zhes bya ba ni sngags kyi spyod pa'i mchog 'di rab tu mdzad pas bas so/ /de nyid kyis na de dag gis bka' 'di dag gal te sgrub pa po 'ga' zhig gis 'da' bar byas na te/ kha nam tho ba'i dogs pas nyams su len par mi byed na ni'o/ /rmongs pa dag ces bya ba ni ma rig pa'i rang bzhin can no/ /gang gi phyir de ni thugs rje chen pos bstan pa dmigs pa'i gnyen po'i rnal 'byor pas kyang gang kha na ma thob dgos par 'gyur ba'i phyir rigs pa'i rjes su 'brang bar bya'i rgyu med par bsgrags par ni mi bya'o/ /de'i zhes bya ba ni 'da' bar byed pa'i 'o/ /srog ces bya ba ni dngos grub kyi gnod nyid 'di ltar dge slong tshul khrims 'chal pa ni bstan pa 'di la shi pa ces brjod do/ /nyan thos kyi 'bras bu'i skal ba med pa'i phyir ro/ /de bzhin du nga yang dngos grub 'di la shi bar 'gyur ba yin te/ skal pa med pa'i phyir ro/ /de ci'i phyir zhe na/ dang po'i spyod pa dag gis ni ma grub pa nyid kyi phyir dang spyod pa 'di la ni rgya ba kyis phyogs pa'i phyir ro/ /gang yang dus ma yin pa 'am cho ga ma yin pas dag shul gyi sbyor ba byed pa 'am gzhan dam tshig med pa la gsang ba 'di ston par byed na de'i nyes pa ni dus ma yin par 'chi ba dang dmyal bar ltung ba la sogs pa 'di yin no/ /drag shul sgrub pa'i tha ma dang sngar gyi sbyod pa la cho ga bzhin du sangs rgyas thams cad rjes su mnyes par bya ba yin pa na de nas zhes bya ba la sogs pas cho ga de dag nyid g sungs te rigs gsum bsdus pa'o lha rnams ni 'jig rten gsum yin la de rnams kyi mchog ni rjes su mthun pa yin zhing sngar bshad pa'i drag shul gyi sbyor bas ston par mdzad pas na 'jig rten gsum mchog ston pa po'o/ 'jig rten gsum mchog nyid kyi mchog gi rdo rje mnyes pa'i cho ga 'chang par 'gyur bas longs spyod dam pa dang mchog tu dgyes par 'gyur ba de ni 'jig rten gsum mchog rdo rje gtso bos so/ /gsung ni zhes bya ba ni rjes su mnyes par bya ba ston pa na'o/ /ci snyed pa zhes bya ba ni sngar bsten nas gang du phur bus gdab pa rang gi rdo rje'i skam pas byung nas ye shes kyi bdud rtsis dbang bskur nas yang snga ma bzhin du bskyed pa'i bar du'o/ /rdo rje gsum gyi ye shes rdzogs zhes bya ba ni spyi bo dang/ lkog ma la sogs par sku dang gsungs dang thugs dang ye shes kyi mtshan ma sngags dang bcas pa byin gyis rlob pa'o/ /dbang po gnyis kyi sbyor ba yis zhes bya ba ni rdo rje dang pad+ma yang dag par sbyar bas so/ /dngos po thams cad brtag par bya zhes bya ba ni de rnams la bya'o zhes bya ba lhag ma'o/ /dngos po thams cad ni longs spyod bzhi ste gti mug dang zhe sdang 'dod chags dang rdo rje'o/ /de rnams rtag par bya ba ni sna tshogs su brtag pa ste/ ye shes kyi mtshan ma las nam mkha' khyab par byed pa spro ba'o/ /'di dag gang yin zhe na/ 'di ni zhes bya ba la sogs pa gsungs te/ sngags de nyid ni longs spyod yin la de rnams kyi dam tshig ni kun tu 'gro ba'o/ /rig ma'i dbang phyug ces bya ba ni ye shes kyi mtshan ma'i? nang du chud pa'i nyi ma dang zla ba'i dkyil 'khor gyi rnam pa can gtso mo'o/ /zhugs pa la zhes bya ba ni de dag nyid la dngos po thams cad bsdu ba'i sbyor bas ro gcig par gyur pa dag la'o/ /rdo rje'i sbyor ba rab bsgom zhing zhes bya ba ni de la gnas pa'i sngags kyi yi ges lhan cig sbyor cid phan tshun chags par bsgom pa'o/ /ji ltar zhe na chags pa zhes bya ba la sogs pa gsungs te/ chags pa ni rig pa'i rgyal me de la tshogs pa'o/ /blta ba ni ye shes te sngags so/ /'di la chags pas blta ba yod pas na de skad ces bya ba ste/ gnyi ga chags pas blta bar bya'o zhes ba ba'i don to/ / de gang zhe na 'di ni dam tshig dkyil 'khor ra zhes gsungs te/ sngags kyi dam tshig de nyid bsdu ba'i sbyor bas snying por bsdu ba'o zhes bya ba'i don to/ /de nas zhes bya bya ba la sogs pa la/ de bzhin gshegs pa kun bdag sras ni byang chub sems rnams so/ /'di las bshad ma thag pa'i byang chub sems dpa' i tshogs spros pa dang bsdus pa la de bzhin gshegs pa kun sras su gyur pas na de skad ces bya'o/ /'di las 'chad par 'gyur ba'i rig ma'i tshogs spros pa dang bsdus pas thams cad dbang bskur ba de ltar na thams cad dbang bskur ro/ /de lta bu yang de yin la sangs rgyas gtso bo yang yin te/ 'di las 'chad par 'gyur ba'i sangs rgyas kyi tshogs spro ba dang bsdus pa'i sangs rgyas rnams mchog yin pa'i phyir ro/ /de byed pa'i phyir rnal 'byor pa la yang de skad ces bya'i de ston par mdzad ba nyid kyi phyir bcom ldan 'das la yang de skad ces bya'o/ /ji snyed yod ces bya ba ni bud med de rig ma ji snyed yod pa'o/ / bshad pa ni bsams pa ste/ mchog tu dga' ba'i rig ma thams cad spro ba'i phyir ro/ /phyag rgya chen po'i sa dang po ni sa bon no/ /de la sbyor ba ni de'i stan la rjes su zhugs pa'o/ /de dag thams cad ces bya ba ni de dag thams cad la'o/ /bye ba grangs med rdo rje can zhes bya ba ni sangs rgyas byed grangs med pa'o/ /mthar bsdu ba ni ma bshad kyang grub pa yin no/ /sangs rgyas gnas ni der zhes bya ba ni der gnas pa'i ye shes kyi sa bon no/ /spro bya zhes bya ba ni mchog tu bde bas so// byang chub kyi dam tshig ces bya ba ni byang chub tu yang dag par sbyor pa 'di nyid ston par mdzad pa de la skad ces bya'o/ /rdo rje zhes bya ba la sogs pas ni 'bras bu gsungs pa yin te gang la rdo rje gsum po mkha' 'dra ba yod pa de la de skad ces bya'o/ /byang chub ni don dam pa mthong ba'o/ /'di la byang chub la gnas pa'i sems yod pas ni byang chub sems dpa' o/ /des bdag nyid sangs rgyas thams cad mnyam pa nyid kyi phyir rgyal ba rgya mtsho'o/ /rdo rje sems dpa' ni byang chub sems dpa' ste/ de rnams kyi mchog ni don dam pa mthong ba'i phyir ro/ /des zhes bya ba ni rnal 'byor pas so/ /de bzhin gshegs pa thams cad kyi snying po bskul ba ni yang dag par sad pa ste/ drag shul gyi sbyor ba'i phyir dang rjes su mnyes pa'i phyir ro/ /de gsal par byed pa nyid kyi phyir le'u la yang de skad ces bya'o/ /gsang ba 'dus pa'i bshad sbyar snyim pa'i me tog ces bya ba las le'u bcu pa'o// //dngos grub mchog ni bsnyen pa ni le'u 'di'i don yin te/ le'u gsum pa dang bdun par sbas pa'i don gsal bar bya ba'i phyir dang zhar las 'ongs pa'i dman pa'i dngos grub kyang brgyad brjod par bya'o/ /ji ltar na zhar las 'ongs pa yin zhe na sbyor ba'i yan lag drug ni dngos su bdag nyid zhing du byed pa yin la de rnams kyis kyang cung zad tsam zhing du byed pa yin pa'i phyir ro/ /de yang sems brtan pa las yin la sems brtan pa de yang yan lag bzhi'i sbyor ba las yin pas de nyid dang por bya'o// de bas na de'i don gyi le'u bstan par 'dod nas zhes bya ba la sogs pa gsungs te/ de bzhin gshegs pa thams cad ces bya ba ni 'khor lo sgyur ba drug pa rnams te/ /de rnams kyi rdo rje skyes bu'i mchog ces bya ba la rdo rje ni byang chub kyi sems so/ /de nyid ni skyes bu ste sems nyid skyes bu'i bya ba byed pas skyes bu yin te de rnams kyi mchog ni rdo rje skyes bu mchog go /ji ltar na mchog yin zhe na/ dus gsum gyi sangs rgyas rnams kyi gsang ba'i dam tshig yin pa dang/ de bzhin du sngags kyi nye bar mtshon pa yin pa'i phyir te ting nge 'dzin de la dmigs pa de la de skad ces bya'o/ de la snyoms par zhugs pa ni de ston pa'i rnam par thugs rtse gcig tu mdzad pa zhes bya ba'i don to/ /de bzhin gshegs pa thams cad kyi sngags rdo rje zhes bya ba ni sngags sa la gnas pa'i rdo rje ste/ sngags dang rig pa dag gi don gcig pa yin pa'i phyir de nyid ni rig pa'i skyes du'o/ /de rnams kyi mchog ni sngar bshad pa bzhin no/ /de gsal bar byed pa'i le'u de'i/ le'u'o/ /rdo rje gsum zhes bya ba la sogs pa la tshigs su bcad pa 'dis ni yan lag bzhi mdor bstan to/ /chen por gyur pa'i phyag rgya ni phyag rgya chen po ste/ phra mo gsum gyi rin chen chen po'o/ de'i bsgom pa ni rnam par dpyad par bya'o/ /ye shes rdo rje zhes bya ba ni ye shes rdo rje snying po ste nges bya ba'o/ /byang chub thams cad ces bya ba ni thams cad mkhyen pa ste/ de'i thob par byed pa ni rgyur gyur pa'o/ /ci ste sngags gang gis de bsgom pa par bya zhe ma rdo rje gsum yig sngags mchog gis te/ rdo rje gsum gyi yi ge ni rab sngags dang/ Absdus pa'o/ /bsam gtan gyi yan lag ni gsung dang thugs bsdus pa'o/ /srog dang rtsol ba ni sku dang gsung dang thugs rnams bsdus pa'i sems kyi rin po che phra mo'o/ /de yang sngags kyi rtse mo'i thig le la de rnam par bkod nas d e nyid la bstan par gnas te sngags kyi mchog de nyid du rim pa bzhin rang sngags dang A'di la goms pas sems kyi rin po che bstan par gyur nas rjes su dran pa dang ba ting nge 'dzin yang bsgom pa ni yan lag drug bo/ /de gnyi ga yang 'khor lo rgyur ba'i phyag rgya chen po sku dang gsung dang thugs kyis mtshan pa bsgom byas nas phyis bsgom par bya'o/ /de la sku la sogs pa rnams kyi rang bzhin don dang 'bras bu rnams bstan la de dag bstan par bzhed nas tshig kang drug pa'i tshigs su bcad pa gsungs pa/ aoM zhes bya ba la sogs pa la 'di sngags rnams kyi rang bzhin gyi sku la sogs pa'o/ /de rnams kyi don ni ye shes la sogs pa'o/ /'bras bu ni rdo rje'i sku la sogs pa'o/ /gdong ma nas skye ba med pa'i stong pa nyid kyi rang bzhin gyi yid ni aoM zhes bya'o/ /de bas na 'di ni ye shes kyi snying po ste des ye shes tsam du dmigs pa'o/ /sangs rgyas rnams kyi sku dang mtshungs par gyur pa ni rdo rje'i sku ste/ de thob par byed pa ni lha rnams kyi phyag rgya chen po gzugs brnyan lta bu dang mnyam par byed pa yin te/ thob par byed pa ni skyes par byed pa'o/ /tha snyad rnams nam mkha' lta bu ni Ama bzhin no/ /gzung ba dang 'dzin pas stong pa'i yid ni hUM zhes bya'o/ /de bas na 'di ni sku gsung thugs yin te/ sku la sogs pa 'dis pa'o/ /gang gi phyir lus la sogs pa sangs rgyas rnams kyi sku la sogs snang ba'i sku la sogs pa dmigs su med de/ de rnams ji ltar snang ba bzhin du mi bden pa'i phyir ro/ /de ltar na sku dang gsung gi gzung ba med pas thugs kyang 'dzin par yod pa ma yin te/ gnyis po mi dmigs pa 'di ni sku dang gsung dang thugs te/ sku la sogs pa dmigs su med pa zhes bya ba'i don to/ /rdo rje gsum mi phyed pa de'i phyir thugs ni rdo rje'o/ /sngags yongs su gyur pa'i skyes bu ni sngags kyi skyes bu ste/ de bzhin gshegs pa thams cad kyi sku la sogs pa rnams kyi tshad ma'i sngags kyi skyes bu de ni sku la sogs pa'i sngags kyi skyes bu'o/ /de ston par mdzod pa la de skad ces bya'o/ /so sor bsdud pa'i dbang du byas nas nam mkha' rdo rje zhes byas pa la sogs pa tshigs su bcad pas gsungs te/ 'byung ba dang 'byung ba bsdus pa las gyur pa'i rnam pa ma bsten pa de nam mkha' rdo rje zhes bya bas bstan te/ pad+ma dang rdo rje zhes bya ba'i don to/ /kun zhes bya ba ni sna tshogs pa'o/ /rdo rje ni stong pa nyid de chos kyi dbyings shes bya ba'i don to/ /rdo rje sku las skyes pa'i dkyil 'khor ni 'dod pa lnga'i longs spyod par bya ba dang nye bar spyod pa'i sangs rgyas rnam pa lnga ste/ nam mkha' rdo rje dbus su bsam zhes bya bar sbyar ro/ /de dag gi rnam pa ni bdun par bshad zin to/ /sdud pa ni nye bar spyod pa'o/ /so so'i sgra ni rnam pa gnyis te so sor rnam par phye ste/ spyod pa dang so sor bsdus pa'o/ /gang gi tshe so sor rnam par phye ba yin pa de'i tshe rdo rje kun las skyes pa'i dkyil 'khor ni nam mkha' i dbus su bsam la gang gi tshe so sor bsdus pa de'i tshe rdo rje kun las skyes par gyur pa rdo rje'i nang du bsdu bar bya'o/ /zhes bya ba'i don to/ /de la dang por de'i rgyu dgod par bya ba ni de ru? zhes bya ba la sogs pa rkang pa gsum pa gsungs pa yin te/ yi ge b+h+ruM sna tshogs pa'i gzugs can bsgom par bya ba'o/ /de la zhes bya ba ni chos kyi dbyings kyi skabs kyi nam mkha' rdo rje dbus zhes bya ba dang 'brel to/ /rnam par bsgyur ba zlog pa'i dbang gis don gzhan gyi skabs su don gzhan du 'gyur te nam mkha' dang ldan pa'i rdo rje chos kyi dbyings kyi gdan la yi ge b+h+ruM dang por lta bar bya ba'i don to/ /b+h+ruM ci lta bu zhig ce na rdo rje sprin ni 'phros pa gnas pa zhes bya ba smos te/ 'di'i so sor bsdus pa gnyis gsal bar byed de/ rdo rje zhes bya ba ni sangs rgyas rnams te/ rtag pa'i sku yin pa'i phyir ro/ /sprin zhes bya ba ni 'dod ma rnams te/ dga' bas dbang bskur bar byed pa'i phyir ro/ /de rnams kyi spror gnas pa ni spro ba dang sdud pa ste/ spro ba ni rnam par phye ste spro ba'o/ /gnas pa ni de nyid nye bar bsdu ba ste/ spro ba yang yin la bsdu ba yang yin no/ /gang gi phyir chos kyi dbyings l gnas pa'i sna tshogs pa la rim bzhin du rdo rje nor bu'o/ lam nas 'dod pa rnam pa lnga po phyung la pad+ma'i dbus su bzhag ste/ de'i rjes la rang nyid las sangs rgyas lnga po rims bzhin du phyung ste/ de rnams su bkod pa ni de rnams kyi spro bar 'gyur ro/ /de'i rjes la pad+ma'i dbus nas 'dod pa lnga po bslangs te/ rdo rje'i lam nas chos kyi dbyings la bsdus la/ de nas sangs rgyas lnga po yang de bzhin du blangs te/ bdag nyid la bsdu ba ni de rnams kyi gnas pa ste/ bsdu bar 'gyur ro/ /de la zhes bya ba ni yan lag bzhi po bstan ma thag pa'o/ /ye shes rdo rje snying po ni b+h+ruM zhes bya ba 'di'o/ /bsam gtan rnams kyi rang gi ngo bo ma bstan pa de bstan par 'dod nas rdo rje dkyil 'khor bya ba la sogs pa tshig rkang drug pa'i tshigs su bcad pa gsungs te/ dkyil 'khor zhes bya ba'i sgra 'og ma gnyis ni mtshan ma'i tshig ste/ mtshan ma de yang gsal ba ces bya ba ni rnam par snang mdzad yin la/ de'i mtshan ma ni 'khor lo chos zhes bya ba ni 'od dpag tu med pa ste/ de'i mtshan ma ni pad+ma'o/ /rdo rje ni rdo rje nyid do/ /pad+ma'i lte ba'i grwa gsum du de rnams byung ba ni bsam gtan dang po'o/ /rdo rje dkyil 'khor zhes bya ba la dkyil 'khor gyi tshig ni ral gri yin te/ ral gri la dkyil 'khor mchog ces zer ba las tshig phyi ma mi mngon par byas pa'o/ /de bas na pad+ma'i lte ba'i dbus su ral gri phyung ba ni bsam gtan gnyis pa'o/ /aoM zhes bya ba ni 'khor lo'i dbus su bsgom par bya ba yin la/ Ate rdo rje dang ral gri dang dbus su rim bzhin du sa bon hUM dang haM gi sa bon dgod pa'o/ /hUM zhes bya ba dbus gnas bya ba dang 'brel te dang zhes bya ba'i don kyang blta bar bya'o/ /don gzhan gyi skabs su don gzhan du yang 'gyur bas hUM dbus gnas bya bar yang 'gyur te/ sa bon hUM gi dbus su yi ge gsum du phral bas au'i gnas su amed pa'i yid de snang ba med pa'i phyir ro/ /zhes bya ba ni haM zhes bya'o/ /sa bon bzhi po 'di dag mtshan ma bzhi'i lte bar dbyung ba ni bsam gtan gsum pa'o/ /rab tu bsgom zhes bya ba ni bye brag tu bsgom pa ste/ gang yang phra? mor bsgoms pas zhes bya ba'i don to/ /de ji ltar zhe na/ ka ra sa zhes bya ba la ka ni bde ba dang chu'o/ /a ran ni sems te myur du 'gro ba'i phyir ro/ /ga dang a ran ni ka ran te zlas dbye ba'i bsdu ba'o/ /dga' ma bsdus pa las byung ba bde bar zhu ba'i thig le mu tig gi rdog ma lta bu ni bsam gtan bzhi pa yin la mtshan ma rnams bsdus pa las byung ba'i sems kyi thig le'i nang du chud pa rang gi 'khor la sgyur ba'i kha dog lta bu ni bsam gtan lnga ba'o/ /srog dang rtsol ba la bskyed pa'i rin po che gsal bar bya ba'i phyir yi ge b+h+ruM gyis zhes bya ba la sogs pa la de bzhin gshegs pa rnams kyi sku dang gsung dang thugs kyi phra mo rnams bsdus pa'i sems kyi rin po che ni rdo rje gsum mo/ de'i 'byung ba ni de bskyed pa ste/ de bsgom par bya ba'o/ /ji lta zhe na/ yi ge b+h+ruM gyi gnas bsgoms te/ zhes bya ba la bsam gtan par grub pa'i phra mo gnyis la khyab pa 'di la yod pas na gnas te/ so sor sdud par grub pa'i yi ge b+h+ruM gdan dang bcas pa gong bur gyur pa'i sbyor ba sku'i phra mo thig le gnyis nang du chud pa 'od gsal bar byas pa ni gnas zhes bya ba'i don to/ /dam tshig gsang ba ces bya ba ni sems kyi rin po che bsdus pa'o/ /de ston pas bcom ldan 'das la yang de skad ces bya'o/ /'dzin pa'i dbang du byas nas tshig rkang drug pa'i tshigs su bcad pa'i snying po zhes bya ba la sogs pa gsungs te/ drug pa'i don gyi lnga pa'o/ /dus gsum sangs rgyas kyi sku gsung thugs zhes bya ba ni dam tshig gsang ba ste/ sems kyi rin po che zhes bya ba'i don to/ /de'i gnyis byed de 'di la yod pa'o/ /de ci zhig ce na snying po ste/ rang gi snying gar bsgoms pa'i 'khor lo sgyur ba'i sa bon no/ /des de dag ji ltar mnyes par byed ce na/ de'i thig le la de dag gi mtshan nyid dmigs pa'i phyir ro/ /de ji ltar snying po yin zhe na/ dam par gyur pas te/ de rnams kyi sngags so/ /ci'i phyir zhe na/ mdor bsdus pa'i phyir ro/ ji skad du bco brgyad pa las drags pa'i sa ni kha dog dbye/ /de bzhin ro'i snying po'o/ /zhes gsungs te/ ro dang snying po dam par gyur pa ni rnam grangs yin no/ /de bas ros snying po dbye ba ste/ snying po'i don gsal bar byas pa zhes bya ba'i don to/ /de nyid kyi phyir de bzhin gshegs pa thams cad kyi sku dang gsung dang thugs kyi snying po dang rdo rje 'dzin pa dang/ chos kyi dbyings kyang yin no/ /khyad par du sgrib pa med pa rnam par dag pas nam mkha' i dbyings so/ /des na sngags kyi mchog gi thig ler yang dag par sbyor bas grub pa'i rig pa'i mchog ste/ mchog ces bya ba ni rdo rje gsum po mi phyed pa'i yang dag par mtshon pa'i phyir ro/ /de nyid bstan pa'i phyir/ aoM zhes bya ba la sogs pa gsungs te/ yi ge aoM rtsa ba'i sngags la thim pas sangs rgyas rnams kyi sku bsdus pa sku phra mo'i nor bu ste/ mtshon pa bya zhes bya ba ni lhag ma'o/ /gang zhe na/ aoM zhes bya ba'o/ /a: thim pas ni sangs rgyas gsung gi lam te/ dus gsum gyi sangs rgyas rnams kyi bsten pa'i don gsum phra mo ste/ /Asems kyi phra mo ste hUM ngo/ /de dag ci zhig yin zhe na/ byang chub tshul mchog ces bya ba la sogs pa smos te byang chub kyi sems kyi rin po che'i mtshan nyid de'i tshul mchog ste/ mchog tu 'dren pa'o/ /'di dag ces bya ba la sogs pas ni nye bar bsdu bstan to/ /'di zhes bya ba ni bstan ma thag pa'i yan lag bzhi po thams cad do/ /bstan pa de dag sangs rgyas kyi byang chub bskyed pa por bstan pa'i phyir thams cad ces bya ba la/ sogs pa smos te/ sangs rgyas thams cad ni 'khor lo sgyur ba rnams so / de rnams kyi sangs rgyas byang chub ni byang chub dam pa ste/ de rab tu sgrub par byed pa'o/ /ji ltar yan lag bzhi'i sbyor ba des byang chub tu 'gyur zhe na/ sangs rgyas rgyu dang 'bras bu 'byung zhes bya ba smos te/ sangs rgyas rnams kyi rgyu ni mtshan ma ste/ byang chub sems kyi khyad par yin pa'i phyir ro/ /'bras bu ni gdan te/ byang chub nyid yin pa'i phyir ro/ /de ltar na mtshan ma spros pa ni rjes su dran pa'i yan lag yin la de bsdus pa las byung ba'i gdan ni ting nge 'dzin gyi yan lag ste/ rjes su dran pas bar du chod pa'i byang chub yan lag bzhi'i sbyor bas/ sgyu pa bo ces bya bar 'gyur ro/ /mtshan ma dang gdan dag ji ltar na rgyu dang 'bras bur zhe na/ bco brgyad pa las rang gi rgyu yis dbang bskur ba/ 'bras bu bzhi yis phye ba nyid ces gsungs so/ /ji ltar mtshan amas dbang bskur yin zhe na/ dam tshig rjes su dran pa las mtshan ma nyid spro ba bstan pa dang/ yang rdo rje'i dbang bskur ba yin pa'i phyir ro/ /gang yang smra ba ye shes su zhu ba'i dbang bskur ba'o/ /zhes bya de ltar na ni rgyu la 'bras bus rgyas btab? cing/ /'bras bu 'ang rgyu yis rgyas btab bsgom zhes bya ba mi 'thad pas mi rung ngo/ /rig pa'i skyes bu nyid sbyar ba'i phyir 'di dag ces bya ba la sogs pa smos te/ 'dzin pas grub pa gang yin pa de ni skyes bu'o/ /de nyid ni sangs rgyas skyes bu yin la sngags kyi skyes bu dang rig pa'i skyes bu zhes bya ste/ /sangs rgyas dang sngags dang rig pa'i sgra rnams ni don gcig pa'i phyir ro/ /skyes bu zhes bya ba'i sgra ni gsum ga la yang sbyar ro zhes kyang bsgrags zhes bya ba ni sgra de las byung bar bsgrags pa'o/ /ji ltar zhe na/ rig pa'i skyes bur bskyed pa ste/ de'i dam tshig gi rin po che bskyed de dang po'i rang gi sa bon dang sbyar ba'o/ /ji ltar bsgrags she na/ rdo rje mi phyed gsum bsgoms te/ /rin po che de nyid du yi ge gsum gyis mtshan pa'i rdo rje gsum mi phyed pas so/ /yan lag bzhi ting nge 'dzin gyi ming gzhan gsungs pa/ de bzhin gshegs pa zhes bya ba la sogs pa ste/ de bzhin gshegs pa thams cad kyi sku dang gsung dang thugs rnams kyi dam tshig ni sems kyi rin po che phra mor bsdu ba'o/ /de'i de kho na nyid kyi ye shes ni sngags bzhi pa'o/ /de nyid ni rdo rje byin gyis rlob pa ste/ rdo rje sems dpa' 'jug pa'i rgyu'o/ /bco brgyad pa las/ 'dzin pa yis ni stobs ldan te/ rdo rje sems dpa' yang 'jug ces gsungs pa'i phyir ro/ /'di nas bzung ste le'u'i mthar thugs pas ni dman pa'i dngos grub brjod par bya ba yin na/ de rnams kyi zhing dang dus tshigs su bcad pa gcig gis gsungs pa/ dben nas zhing zhes phya ba la sogs pa la nyams dga' ba zhes bya ba ni mi tog dang 'bras bu dang chu la sogs pa phun sum tshogs shing nye bar 'tshe ba mid pa'o/ /'di ni zhes bya ba ni 'og nas 'byung ba rnams so/ /zla phyed ni zla ba phyed do/ /'dir yang bsnyen pa'i dus su rdo rje bzhi yin pa ji lta ba de bzhin du sgrub pa'i dus su yang yin te/ bco brgyad las dang po stong pa'i byang chub ste/ gnyis pas sa bon bsdu'o/ /gsum pa gzugs nyid rdzogs pa ste/ bzhi pa la ni yi ge dgod ces gang gsungs pa yin/ / gsal ba'i dkyil 'khor zhes bya ba la sogs pa la/ nam mkha' rdo rje'i dbus gyur ces bya ba ni snang ba med pa'i stong pa nyid kyi ye shes bskyed de sngags kyis byin gyis brlabs pa'i mthus chos 'byung bar gyur pa'i na du de sna tshogs pad+ma la gnas pa'i sna tshogs rdo rje blta ba ni 'dir nam mkha' i rdo rje zhes bya ste/ stong pa nyid kyi byang chub po /de nam mkha' rdo rje de'i dbus su gyur par gsal ba ste/ sku rdo rje'o/ /de'i dkyil 'khor ni sna tshogs pad+ma la gnas pa'i ston ka'i zla ba lta bu gzugs so/ /'dir byang chub sems dpa' rnams kyi gdan yang zla ba'i dkyil 'khor nyid yin te de rnams rigs kyi dbye bas phye ba yin gyi rang gi ni ngo bo ma yin no/ /rang sngags ni sku'i rdo rje'o/ /de'i dam tshig ni phyag rgya chen po bskyed pa'o/ /ji ltar zhe na zla ba'i dkyil 'khor de nyid du rang sngags bltas te/ sangs rgyas rnams spros la de nyid du bsdu ba 'di ni gnyis pa sa bon nye bar bsdu ba'o/ /rab sngags de nyid las phyag rgya chen por bskyed pa 'di ni gzugs rdzogs pa'o/ /aoM ni snying gar bzhag ces bya ba ni snying ga'i zla ba la bzhag pa ste/ yi ge dgod pa'o/ /'od zer lnga'i sprin chen po zhes bya ba ni kha dog lnga'i 'od zer gyi tshogs ste/ rab sngags de nyid las spro bar bya ba lhag ma yin no/ /rnam par snang mdzad mchog tu zhes bya ba ni sangs rgyas lnga'i gtso bor rnam par snang mdzad gyur pa'o/ /bsgom zhes bya ba ni spro ba'o/ /'di zhes bya ba sogs pas ni 'bras bu gsungs te sangs rgyas rnams kyi zhes bya ba ni sku rdo rje'o/ /sku ni sku nyid do/ /rdo rje zhes bya ba ni sangs rgyas rnams so/ /de rnams kyi rnam par brnang mdzad ni mdza' yas pa'i sku'o/ /de rnams kyi rgya mtsho ni tshogs so/ /sangs rgyas sku ni 'dra ba'i 'od ces bya ba la/ 'od ni mtshan dang 'od kyi dkyil 'khor gyis brgyan pa'o/ /de tsam gyis mtshungs pa yin gyi tsha tshed kyis ni ma yin par bstan pa'i phyir ye shes zhes bya ba la sogs pa smos te/ sangs rgyas bsten bzhin pas bskal pa gsum du gnas nas/ phyis tshigs chu dus byang chub sgrub par 'gro'o zhes bya ba'i don to/ /sku rdo rje'i gsang ba ces bya ba ni sgrub thabs de nyid de ston par mdzad pa la yang de skad ces bya'o/ /'od zer gyi bkod pa 'od zer 'phro ba'o/ /de la dmigs pa'i ting nge 'dzin la de skad ces bya'o/ /chos zhes bya ba ni gsung rdo rje'o/ /ngag? gi lam zhes bya ba ni chos kyi ye shes kyi gnas te/ snying gar pad+ma chen pos khyab pa'i ye shes las 'od zer 'phro ba'i don to/ /'jig rten dbang du gces bya ba ni 'od dpag tu med pa'o/ /dam tshig ces bya ba la sogs pa ni 'bras bu bstan te/ /dam tshig ye shes ni gsung rab rnams kyi ye shes so/ /ci lta zhe na/ tshig gi dam tshig spros pa zhes bya ba la tshig bstan par bya'o/ /dam tshig ni don rtogs pa ste/ so sor yang dag par rig pa bzhi'o/ /de'i spros pa ni khyad par du bskyed par byed pa ste/ der bskyed na rdo rje chos te gsung rdo rje dang mtshungs par 'gyur ro/ /chos ni dam tshig ye shes /de nyid yin la tshig gi lam de nyid ni tshig gi dam tshig go /de dag la gnas pa ni rab tu gnas pa ste/ dam tshig ni 'byung ba'i 'od zer 'phro ba'o/ /rdo rje ni thugs kyi rdo rje ste/ rdo rje thugs dang rdo rje dang sku dang gsung dang thugs zhes bya ba ni rnam grangs so/ /sems bya ba ni thugs kar khyab pa'i ye shes te/ dam tshig chen po'o/ /de'i de kho na nyid ni 'od zer 'phro ba'i phyag rgya'o/ /ye shes rdo rje ni thugs ka'i sa bon no/ /rdo rje kun dang rgyal ba ni/ /sangs rgyas kyi 'od zer rnams so/ /gnas ni de nyid de nyid la spro ba dang bsdus pa'i phyir ro/ /ston pa ni sdang ba rnams bdul bas so/ /ye shes ni ting nge 'dzin to/ /yon tan ni mngon par shes pa la sogs pa'o// de rnams kyi rgya mtsho ni tshogs so/ /dam tshig rdo rje zhes bya ba ni kun tu 'gro ba'i 'od zer can no/ /de dag ni sku rdo rje la sogs pa'i dngos grub ste/ sa'i snying po dang/ 'jig rten dbang phyug dang/ phyag na rdo rje rnams kyang de bzhin no// ye shes dang rdo rje chen po dang/ nam mkha' rdo rje dang/ rdo rje ye shes nam mkha' dang/ sku dang gsung dang thugs rdo rje dang nam mkha' i snying po rnams ni rnam grangs so/ /bsgom par bya zhes bya ba ni bsam par bya ba'o/ /lus rnams kun la zhes bya ba ni bsgom par bya zhes pa dang 'brel te/ snying gar bsam pa de las ba spu'i bu ga thams cad du spro ba'o/ /mchod pa ni rab tu bsngags pa'o/ /bsral ba'i dus ni bskal pa chen po'i dus so/ /mi gzigs zhes bya bas ni mi snang ba'i dngos grub tu ston to/ /nam mkha' i rdo rje dam tshig ni spro ba ste/ /de ston par mdzad pa la de la yang de skad ces bya'o/ /mi snang ba zhes bya ba ni khaM ngo/ /de las byung ba ni lus thams cad du byung pa'o/ /de nyid kyi phyir bkod pa'i phreng ba ste/ 'od zer so so'i sprin des gsal ba'i phreng ba'o/ /rdo rje dang dam tshig rdo rje ni sgrib pa rnam par sel ba'o/ /de rjod par byed pa ni rdo rje haM zhes bya ba ste/ haM yang yin la rdo rje yang yin no/ /rnam par bsgom pa ni spro ba ste zhes bya ba lhag ma yin no/ /'jam dpal zhes bya ba la sogs pas ni 'dra ba'i 'bras bu bstan pa yin te/ yid du 'ong bas ni 'jam pa'o/ /dga' ma rnams bsdus pas na dpal dam tshig ste/ de'i longs spyod yod pa de la de skad ces bya'o/ /rdo rje gsum po ro gcig tu gyur pas na sku gsung thugs kyi rdo rje can no/ /sa bcu dag la gnas pa'i byang chub sems dpa' ni rdo rje 'dod pa'o/ /ye shes ni snying ga'i sngags so/ /de'i dam tshig ni 'od zer spro ba'o/ /de'i zla ba ni tshim par byed pa'i phyir ro/ /rdo rje ni mi phyed par byed pa'i phyir ro/ /'byung ba lnga'i rang bzhin yin pa'i phyir nam mkha' i dbyings ni kun tu bzang po'o/ /de nyid ni sangs rgyas thams cad kyi rang bzhin yin pa'i phyir nam mkha' i rdo rje dang rdo rje'i sku'o/ /tshogs kyi sgra ni sku'i don to/ /de nyid mchog gi thabs yin pas na mchog gi mtshon pa'o/ /'dir mtshon cha mchog gi rnal 'byor pa la yang mtshon mchog ces bya ste/ de nam mkha' i rdo rje'i sku dang mtshungs par 'gyur ro/ /ci zhig byas nas zhe na/ thIM bsgoms nas so/ /nam mkha' i dbyings kyi dbus gyur ni/ snying ga'i dbus su gyur par ro/ /'od zer 'bar ba ni 'od zer 'phro ba'o/ /sangs rgyas sku zhes bya ba ni 'od zer spros pa las sangs rgyas kyi sku'i sprin 'phro ba'o/ /sa dang chu dang 'bar ba dang dri'i gzhon pa rnams kyi dbang phyug gi yid ni thlIM zhes bya'o/ /nam mkha' i rdo rje dam tshig gi dkod pa zhes bya ba ni 'od zer 'phro ba'o/ /de nyid kyi gnas la dmigs pa gang yin pa de la de skad ces bya'o/ /byang chub sems dpa' rnams dang 'dra ba'i dngos grub po/ /sangs rgyas mngon shes zhes bya ba la sogs pa la sangs rgyas mngon shes ni rdo rje gsum gyi dngos grub po/ /mchog ni byang chub sems dpa' rnams so/ /de rnams kyi dam tshig ni mngon par rtogs pa ste/ sngar bstan pa dang 'og nas 'byung ba rnams so/ /des mngon shes lnga ste mngon shes lnga grub pa dag dang/ mngon shes lnga po rnyed pas kyang ? mtshungs par 'gyur ba'o/ /sangs rgyas kyi mngon shes kyi skabs gsungs pa 'di de zhes bya ba la sogs pa la/ dngos grub thams cad ni dman pa'i dngos grub thams cad kyi nang na'o/ /sangs rgyas mngon shes ni sangs rgyas kyi rtog pa'o/ /mchog ni rdo rje gsum mo/ /sgrub pa ni sgrub thabs so/ /nam mkha' i dbyings ni nam mkha' i rdo rje ste/ dbyings zhes bya ba ni 'dzin pa ste/ sna tshogs rdo rje'o/ /der dang por sangs rgyas mi bskyod pa rin chen tog dang tshe dpag med dang thogs med rnams te/ de dag nyid rdo rje sems dpa' dang nam mkha' dang 'jig rten dbang phyug dang/ rdo rje autpal dang/ rdo rje dang rin chen dang chos dang dam tshig ces bya ste/ de 'di rnams kyi dkyil 'khor ni nyi ma'o/ /de rnams kyi ting nge 'dzin ston pa'i rdo rje 'dzin pa yang mi bskyod pa la sogs par bstan to/ /rdo rje gsum ni sku la sogs pa rnams so/ /dam tshig ni bsam pa ste/ rab sngags bsams pa des rdo rje gsum po mi bskyod pa la sogs pa dang mtshungs par 'gyur ro/ /de nyid kyi nye bar bstan pa ni mi bskyod pa ces bya ba la sogs pa tshigs su bcad pa gcig yin te/ gsung dang thugs mchog ni gsung dang thugs kyi mchog go /mi bskyod rdo rje zhes bya ba ni mi bskyod pa'i sku rdo rje la sogs pa ste/ de dang ldan pa'o/ /mi bskyod pa'i dam tshig ni yang dag pa'i ye shes so/ /sku ni sku gsum mo/ /de rnams kyi mngon par byang chub pa ni de thob par byed pa'i rgyu ste/ de la de skad ces bya'o/ /dpal ni rin chen tog ste/ 'od ni mdzes pa'o/ /byang chub ni dus gsum gyi sangs rgyas rnams kyi chos thams cad do/ /de'i bdag med pa ni rang dang spyi'i mtshan nyid stong pa nyid do/ /ye shes ni mnyam pa nyid kyi ye shes te/ de'i gsang ba'i gnas ni de bzhin gshegs pa rnams kyi gsang ba bsdus pa'o/ /rin po che'i dam tshig ni mnyam pa nyid kyi ye shes so/ /longs spyod ni sku gsum ste/ de dag thob par byed pa'i rgyu de la de skad ces bya'o/ /theg chen ni bla na med pa'i byang chub po/ /lam ni der bgrod pa'i lam te/ gang las de 'byung ba'o/ /gang las zhe na yang dag pa'i chos bstan pa las so/ /'od dpag tu med pa'i yon tan ni shes rab dang snying rje la sogs pa'o/ /rdo rje ni sku gsum ste/ de'i 'od kyi dpal ni nus pa phun sum tshogs pa ste/ de thob par byed pa de la de skad ces bya'o/ /autpa la zhes bya ba la nye bar sod nas gnas la dmigs pas autpa la lo/ /dpal ldan zhes bya ba ni de rnams nyid spre ba'i phyir ro/ /ye shes mtsho zhes bya ba ni mdza' yas pa'i ye shes kyi rang bzhin yin pa'i phyir ro/ /sems can kun don 'byung bar 'gyur zhes bya ba ni spros pa de rnams kyi don byed pa'o/ /gdon mi za ba'i dam tshig ni thams cad shes pa'o/ /de rnams kyi 'byung ba ni 'od zer de las ye shes kyi mchog 'byung ba des sems can gyi tshogs kyi don gang las 'byung ba de la de skad ces bya'o/ /rnam par snang mdzad dkyil 'khor ni zla ba'i gzugs so/ /sku gsuM aoM ni sku gsum gyi 'byung gnas so/ /ye shes rdzogs byang chub ni ye shes rtsam du thams cad thugs su chung pa ni'o/ /sku gsum mi phyed sgrub phyed pa ni sku dang gsung dag kyang ye shes nyid kyi snang ba yin pas so/ /lus dang ngag nyid dmigs pa ste/ yongs su shes par bya ba'i phyir ro/ /de'i mngon par byang chub pa ni yongs su shes pa ste/ de'i rgyu byed pa de la de skad ces bya'o/ /sangs rgyas rnams dang mnyam pa'i dngos grub po/ /mngon par shes pa'i dngos grub kyi dbang du byas ste/ gsungs pa rnam par dben pa zhes bya ba la sogs pa klung gi chu rnams skye zhing rab tu 'bab pa'o/ /ye shes rdo rje zhes bya ba ni rnam par snang mdzad do/ /sogs pa'i sgras ni rin chen dang/ tshe dpag med dang/ don yod grub pa rnams kyi mngon par shes pa rnams kyang bsdus te/ brtsam pa ni mngon shes lnga'i sbyor ba yis brtsam par bya'o/ /gnas rnams su zhes bya ba ni mig dang rna ba dang sna dang lce dang/ mgo rnams su sangs rgyas mchog gi zhes bya ba la mchog ni dang po ste/ sangs rgyas rnams kyi dang po sa bon las byung ba'i mtshan ma de nang du chud pa bsgom par bya ba'o/ /rdo rje chen po zhes bya ba ni de bzhin gshegs pa rnams kyi mtshan ma'o/ /de'i dam tshig ni sngags dang 'brel ba ste/ sngags las skyes nas sngags kyi nang du mtshan pa'o/ /der rdo rje ni ting nge 'dzin brtan pa ste/ mngon par shes pa mkhyen pa de la de skad ces bya'o/ /mngon shes lnga zhes bya ba ni mi bskyod pa'o/ /rdo rje mngon shes zhes bya ba ni rnam par snang mdzad do/ / de bzhin du rin chen 'byung ldan la sogs pa'i yang ngo/ /mngon par shes pa'i dngos grub po/ /'khor lo zhes bya ba ni bdag nyid b+huM las skyes pa'i gzhal yas khang du bya'o/ /gzhan dag la ni aoM las skyes pa'i 'khor lo dkar po rtsibs brgyad pa yin no zhes zer ro/ /sangs rgyas 'jug pa zhes bya ba ni spro pa dang bsdu bas so/ /sangs rgyas kyi gnas dang mnyam pa'i dngos grub po/ /sangs rgyas dkyil 'khor dbus gnas pa zhes bya ba ni chos 'byung ba'i nang du chud pa'i sna tshogs pad+ma dang sna tshogs rdo rje gnas pa'i sna tshogs pad+ma las sangs rgyas dkyil 'khor to/ zla ba'i gzugs la dbus gnas pa zhes bya ba ji ltar 'byung ba bzhin du bkod pa ste/ bdag gi lus la snang mdzad bzhag ces bya ba yi ge aoM las bdag nyid rnam par snang mdzad du bsgom par bya'o/ /zhes bya ba'i don to/ /sngags la rnam par shes pa bsgom zhes bya ba ni snying gar zla ba'i rab sngags kyi steng du thig le brtan par byas la rnam par shes pa ste/ sems kyi rin po che phra mo'i thig le la bsgom par bya'o zhes bya ba'i don to/ /ji srid du thig le la brtan par gyur pa de srid du de nyid du de brtan pa ni 'gog pa'o/ /brtan par gyur pa de nyid ni rdo rje ste gyur pa ni rnal 'byor ba'i sems der gyur pa thob pa ste/ rnal 'byor pa de ni yid bzhin gyi nor bur 'gyur ba ste/ de nyid ni ji ltar 'dod pa de bzhin du sangs rgyas rnams spro ba dang bsdu bar byed pa'i phyir ro/ /dpal ldan pa ste ting nge 'dzin gyi stobs kyi sku la sogs pa'i phun sum tshogs pa thob pa'i phyir ro/ /sangs rgyas kun gyi mchog ni rdo rje sems dpa' o/ /de 'dzin pa ni der 'jug pa'o/ /de ltar gzhan dag la yang sbyar bar bya'o/ /mi bskyod pa dang snang ba mdza' yas kyi dkyil 'khor ni nyid ma'o/ /sems ni thig ler gyur pa zhes bya ba ni thig le'i bye brag ste/ gyur pa dang bye brag rnams ni rab tu dbye ba'i phyir zhes bya ba gsungs pa'i phyir ro/ /gang du bzhag ces sngags kyi thig le la ste sngar bzhin no/ /dam tshig ces bya ba ni ting nge 'dzin to/ /de rnams kyi mchog gi mchog ni bla ma'i bla ma'o/ /rdo rje mi phyed gsum bsgoms pa zhes bya ba ni de nyid du sems brtan par gyur ba na lus dang ngag kyang mi dmigs pa'i phyir ro/ /'gog pa'i dam tshig ye shes te zhes bya ba ni zhi gnas dang lhag mthong gis 'gog pa la dmigs pa'o/ /sangs rgyas ni rdo rje 'dzin pa'o/ /dngos grub ni de dang 'phra ba'o/ /'gog pa'i rdo rje'i dngos grub po/ /gsal ba ni rnam par snang mdzad do/ /de'i dkyil 'khor ni gdan no/ /bsams na de ni rtog par gnas zhes bya ba la rtog pa ni rnal 'byor te/ rdo rje gsum po mnyam pa'i ye shes kyi thig le zhes bya ba'i don to/ /de gang du bsam zhe na/ snying ga'i sngags ni thig le'o/ /gnas zhes bya ba ni rnal 'byor pa de'i sems brtan par gnas pa ste/ rdo rje gsum gyi rtog pa zhes bya ba ni rdo rje gsum dang bcas pa'o/ /de'i dam tshig ni ye shes te zhi gnas dang lhag mthong ngo/ /'bras bu gsungs pa sku dang zhes bya ba ni sogs ba la klog pa zhes bya ba thos pa'i shes rab kyi bdag nyid kyi don du dad pa bskyed pa'o/ /sems kyang rung zhes bya ba ni bdag nyid kyi bsams pa las byung ba'i shes rab kyi nges pa'o/ /de yang rdo rje 'dra bar 'gyur zhes bya ba ni rdo rje sems dpa' dang 'dra bar 'gyur te/ lha rnams kyi mchod pa dang bsrung ba la sogs par byed pa'i phyir ro/ /kyang gi sgras ni bsgoms pas sems brtan par byas ba rnams kyi sku dang gsung dang thugs de la mnyam par 'gyur ro zhes bya ba'i don to// rdo rje rtog pa'i dngos grub po de bzhin gshegs pa thams cad ni 'khor lo sgyur ba drug go / de rnams kyi sngags kyi dam tshig gi de kho na nyid ni sngags la gnas pa'i gsang ba'i phra mo gsum gyi sems kyi rin po che'o/ /de nyid ni rig pa'i skyes bu mchog ste/ rig pa ni rig ma bzhi'i rang bzhin yin pa'i phyir ro/ /skyes bu ni gsang ba gsum po 'dus pa'i phyir ro/ /de bzhin gshegs pa thams cad kyi sngags kyi dam tshig gi de kho na nyid rig pa'i skyes bu'i mchog go / de gsal bar byed pa'i le'u la de skad ces bya'o/ /gsang ba 'dus pa'i bshad sbyar snyim pa'i me tog las le'u bcu gcig pa'o// //dngos grub mchog gi thabs gsum pa sgrub pa zhes bya ba ni le'u 'di'i brjod par bya ba yin te/ dman pa'i dngos grub yan lag dang bcas pa ni de'i yang dam pa'i tshig yin la lhag ma ni mngon par rtogs pa yin no/ /dman pa'i dngos grub rnams kyi sgrub pa lha rnams kyi phyag rgya sku dang gsung dang thugs kyi rnam pa can yin te/ de dag sgrub pa pos gang de kho na nyid du mthong na 'grub par 'gyur bas na de gsal bar byed pa'i tshigs su bcad pa dang po'i skabs su dbye ba'i phyir de nas zhes bya ba la sogs pa gsungs te/ de nas zhes bya ba ni 'das ma thag pa'o/ /ston pa ni phyag rgya de rnams nyid gsung gis ston par mdzad pa'i phyir ro/ /rdo rje 'dzin pa ni don dang ldan pa'i mtshan no/ /bskyed pa de dag nyid sgrub pa po'i rgyu las bskyed par mdzad pa'i phyir ro/ /ye shes mchog gi bskyed pa de rnams kyi de kho na nyid mkhyen pa'o/ /de sgrub pa ni rdzogs par mdzad pa ste/ tshigs su bcad pa dang po nyid kyis so/ /rdo rje gsum dam tshig de nyid ces bya ba la rdo rje gsum ni phyag rgya de rnams nyid do/ /de'i dam tshig ni ro gcig pa'i thugs su chub pa ste/ de nyid ni yang dag pa'i ye shes nyid yin pa'i phyir ro/ /de gsal bar mdzad pa ni rdo rje gsung la de skad ces bya'o/ /gsung zhes bya ba ni 'chad par 'gyur ba'i tshigs su bcad pa'o/ /de nyid ni rdo rje ste/ yang dag pa'i don can nyid yin pa'i phyir ro dang 'dra bar dbyer mi phyed pa nyid kyi phyir ro/ /bka' stsal zhes bya ba ni gsungs pa'o/ /rdo rje gang zhe nam mkha' dang mtshungs par zhes bya ba la 'di dag ces bya ba 'chad par 'gyur ba'i phyag rgya chen po la sogs pa'i mtshan nyid can gyi lam mo/ /dper na rol mo dga' byed dang lags mi la sogs par snang ba nyid kyang/ ji ltar snang ba ltar med pa nyid snang ba de bzhin du sku la sogs pa snang ba nyid kyi lam 'di yang snang ba de ltar na sgrub pa po la rol mo dang chos mthun pa'i phyir rol mo'o/ /'di dag kyang chos rnams rang bzhin dag par rab tu bsgom pa ste/ rang gi lhan cig 'byung ba'i tshul nyid kyis/ stong pa nyid ston par byed mtshon par byed pa de ltar na rang bzhin de yang dag yin la gnyis su rtog pa med pa'i phyir dag pa yang yin pa de ltar na rang bzhin gyis dag pa'o/ /de lta bu yang de dag yin la lam nyid yin pa'i phyir chos rnams chos kyang yin pa de ltar rang bzhin gyis dag pa ste/ dag ba 'jig rten pa'i lam zhes bya ba'i don to/ /dag pa dang 'jig rten pa'i rig pa'i tshig rkang gnyis pos rim bzhin du gsungs pa/ rnam par mi rtog ngo bo nyid de bdag ni sku las so pa'i rtog pa med pa'i phyir rnam par mi rtog pa yang de yin la sku la sogs pa'i rang gis ngo bo nyid dang tha mi dad par snang ba tsam dang ldan pa'i ngo bo nyid kyang yin pas so/ /sku la sogs pa'i snang ba brdzun pa nyid kyis ji ltar snang ba bzhin du med pa nyid du bsnang ba'i phyir nam mkha' dang mtshungs pa yang de yin la yang dag par rtogs pa nyid kyi phyir dam tshig kyang yin pa de ltar na nam mkha' dang mtshungs pa'i dam tshig go / de nyid kyi dngos po na de'i rang bzhin yin pa de yang dag par dang mtshungs pa dam tshig dngos te de lta bu'i rnam pa can gyi dngos po de dag rab tu bsgom par bya zhing rnam par bzhag par bya'o/ /dag pa 'jig rten pa'i lam 'di yang rnam par mi rtog pa'i ngo bo nyid can dang nam mkha' dngos mtshungs pa'i dam tshig gi ngo bo zhes bya ba'i don to/ /sgrub pa pos rang gi lha'i sku la sogs pa bskyed cing der snang ba rang gi sems tsam ji ltar snang ba bzhin du med pa nam mkha' dang mtshungs par snang ba don dam par na de la mos pas byas nas de bzhin du yun ring du bsgoms na 'grub par 'gyur gyi don dam pa la kun tu rmongs pa ni ma yin no zhes bya ba'i bar du'o/ /le'u 'dir yang dngos grub la la ni snga na med pa nyid du gsungs pa yin la la ni bcu gcig pa las gsungs pa kha skongs pa yin no/ /de la dngos grub kyi zhing ni dgon pa chen po zhes bya ba la sogs pa gsungs so/ /brgyan pa nyid de dben pa ni tshig gcig pa yin te/ ri bo dang 'brel pa'i phyir ro/ /sa phyogs dang 'brel pa la ni mang po'i tshig bya'o/ /mang zhes bya ba la sogs pa la ni 'jam pa'i rdo rje'i ril bu bsgrub pa gsungs pa yin te/ shes bya bsdus pa'i bde ba la chags pa'i phyir 'jam pa yang de yin la/ shes pa bsdus pa'i phyir rdo rje yang yin pa nyid kyi phyir mAM ngo/ /lus dang ngag dang sems rdo rje la zhes bya ba la bdag nyid kyi lus la sogs pa la rdo rje 'jam pa rab tu bsgom pa ste/ stong pa nyid kyi byang chub dang sa bon bsdus pa dang gzugs rdzogs pa dang/ yi ge dgod pas sku la sogs pa bsgom pa'o/ /de la sa bon yi ge ni yi ge mAM ngo/ /lus dang ngag dang sems las zhes bya ba ni yi ge mAM de nyid las so/ /spros pa ni 'od zer yang dag go /grub pa'i bdag nyid ces bya ba rnal 'byor 'dis ril bu bsgrub pa las grub par 'gyur na'o/ /rdo rje 'jam pa'i dam tshig mi snang bar byed pa zhes bya ba rdo rje 'jam pa mchog gi dam tshig ni mchog gi ting nge 'dzin to/ /des mi snang ba de byed pa'o/ /mtshang ba bskang bar bya ba'i phyir rdo rje z hes bya ba la sogs pa gsungs te yi ge Alcags gsum las byung ldan byas te dkris la de bcug nas na'o/ /gang du zhe na/ khar te rang gi kha 'am rig ma'i pad+ma ro/ /sangs rgyas kun gyi thugs ni zhes bya ba ni 'jam pa'i rdo rje zhes bya ba'i don to/ /de la lcags gsum gyi tshad ni ra ti brgya nyi shu rtsa lnga'o/ /de dag gi chab bgo la ni man ngag rnam pa gnyis yod de la la dag na ril bu dkril mdog bzang dang/ zla ba nyi ma ma sha ni gsum bzhi rig byed tshad la ste/ drang srong gsum pa rim pa bzhin skyed/ ces zer ro// gzhan dag na re re lu bkri la gser dang dngul nyi ma/ /ma sha me dang dus dang mda' dag la/ /ra ti cha bcu cha phyed bcas pa dang/ /phyed dang bzhi dang bdun gyi rim bzhin bskyed ces zer ro/ /man ngag ni brjod par bya ste/ dam tshig sdom pa la gnas shing/ rnam sbyangs rta sha longs spyad pa'i rang rig las byung ba de bzhi dang/ /sha bzang zhes bya ba dam tshig lnga/ /de dag blangs nas rnam sbyangs la/ /tsa na ka'i rus pa tsam mam/ ku la tha'i rus pa tsam gyi ril bur byas te/ ji skad du bshad pa'i tshad kyi gser dang dngul dang zangs ma dang 'dab mar byas nas go rim bzhin du dkri bar bya'o/ /dam tshig lnga la ye shes lngar nges par byas te/ yar ngo'i tshes gcig nas brtsams la/ thun bzhir sangs rgyas thams cad la phyi dang nang gi mchod pa byas la ril bu de rang gi kha 'am rig ma'i pad+mar bcug la lag pa g.yon pa 'am rdo rjes bkab la/ 'jam pa'i rdo rje'i dkyil 'khor yang dag par bris pa'i d bus su yid kyis 'jam pa'i rdo rje'i rnal 'byor gyis 'dus la de bzhin du bcom ldan 'das de'i yi ge maM las bskyed pa'i ril bu'i dbus su bsgoms nas yi ge maM bzla bar bya zhing ril bu las kyang du ba 'thul bar mos par byas na de dang por dro bar 'gyur ro/ /de nas du ba 'thul bar 'gyur ro/ /de nas ji skad du bshad pa'i sku mdog dang rnam pa dang mthu dang ldan pa'i mi snang ba'i bdag po 'grub par 'gyur ro/ /dngos grub de yang zhag bdun nas zla phyed dam zla ba gcig gam zla ba phyed dang gnyis sam gzhan dag na re zla ba phyed kyi nang du'o/ /zhes zer te/ phyogs gnyi ga la thun bzhi'i rnal 'byor nyid kyis 'grub par 'gyur te le'u bco brgyad pa las gang zhig thun bzhi'i rdo rje dag ni sgrub byed pa/ mi snang la sogs sna tshogs dman pa'i dngos grub sgrub byed cing zhes gsungs pa'i phyir ro/ /la la zla ba nya la nyin zhag thams cad du nyi ma nub pa nas brtsams te ci srid skya rangs 'char gyi bar du sbyor bas bya ba yin par 'dod do/ /de zhin sgrub pa 'og ma rnams la yang ci rigs par sbyar bar bya'o/ /sku rdo rje la sogs pa'i dngos grub kyi rnam pa gzhan ni 'khor lo zhes bya ba sogs pa gsungs te/ 'khor lo zhes bya ba ni sngags kyi snying po can no/ /rang gi sngags ni yi ge aoM mo/ /sangs rgyas thams cad bzhugs pa'i mnas zhes bya ba ni de bzhin gshegs pa'i rigs spro ba dang/ bsdus pa'i phyir dang de dang ro gcig par gyur pa'i sngags des bdag nyid 'khor lo'i lte ba la rnam par snang mdzad kyi skur bsgoms pa'i phyir ro/ /'khor lo'i dam tshig ni de bzhin gshegs pa'i rigs kyi mnyam pa nyid de la dmigs pa'i ting nge 'dzin to/ /de bzhin du rdo rje dang pad+ma dri? ba rigs dag la yang lta bar bya'o/ rdo rje chen po ni mi bskyod pa'o/ /chos rnams kun ni dpag tu med pa'o/ /'jig par byed ces bya ba ni sems can de snyad do/ /gang du zhe na/ sangs rgyas rdo rje mchog dkyil 'khor te/ sku dang thugs dang gsung gi dkyil 'khor rnams la te/ theg pa chen po thob pa'i phyir ro/ /dag pa'i bdag nyid ces bya ba ni dngos grub 'di nyid kyis yongs su dag pa'i ye shes can no/ /sgrub pa gsum po 'di dag nyid kyi thun mong gi 'bras bu ni ye shes lnga ldan zhes bya ba la sogs pa gsungs te/ don ni snga ma bzhin no/ /gsang ba gsum la bsnyen bkur byed ces bya ba ni sku dang gsung dang thugs mnyes par byed pa'o/ /'khor lo la sogs pa bsdungs pa rnams a shwadtha'i lo ma la sogs pa sgrub pa las rig pa 'dzin pa'i bdag po'i dngos grub ni 'od zer la zhes bya ba la sogs pa gsungs pa la 'od zer zhes bya ba ni re re zhing rang gi rigs spro ba'i phyir ro/ /mdog 'dra ba ces bya ba ni rigs so bsdus nas ro gcig pa'i sngags kyis rnam par snang mdzad la sogs par bskyed pa'i phyir ro/ /rang gi sngags kyis zhes bya ba ni bdag po'i sngags kyis te de bskyed cing de'i snying po can zhes bya ba'i don to/ /ral gri zhes bya ba ni rigs kyi bdag po'i mtshan ma 'o/ /lag na ni zhes bya ba ni mtshan ma grub pa de lag na thogs pa na'o/ rdo rje gsum yang de yin la reg pa 'dzin pa yin pas na rdo rje gsum rig 'dzin par 'gyur ro/ mi gnas gzung ba tshangs pa'i bar de rnams kyi mchog go /gang rnams zhes bya ba ni dngos grub ji lta ba rnams de rang gi don dang gzhin gyi don to/ /sku gsung thugs kyi rdo rje 'dzin ces bya ba ni rdo rje 'chang ba'o/ /de lta bu'i dngos grub ster zhes bya ba la de la zhes bya ba lhag ma'o/ /rdo rje'i thugs las te de'i skad ces ma can gyi mnyam par bzhag pa las so/ mtshan ma thams cad kyi mchog ni ral gri thams cad kyi mchog ste/ de la dmigs pa'i ting nge 'dzin to/ /'dir man ngag ni sgrub pa'i dkyil 'khor gyi dbus su lcags rnon po 'am gser gyi 'am/ dngul gyi 'khor lo a shwadztha'i 'dab mar bzhag la yi ge aoM las 'bar ba dang bcas bar bskyed nas 'bar ba dang bcas pa'i rang nyid kyi snying po can zhag bdun nam zla ba phyed dang zla ba gcig gam/ zla ba byed dang gnyis sam cig srid 'bar bar gyur pa de srid kyi bar du bsgoms bar bya'o/ /de nas rang gi rigs kyi rig ma'i sngags zlos shing blang bar bya'o/ /gang gi tshe de shin tu 'bar bar gyur pa de'i tshe dbang chen gyi dkyil 'khor gyi tshogs mnan la zlog par bya'o/ /de bzhin du yi ge hUM las lcags gsum gyi rang bzhin can gyi rdo rje'o/ /yi ge swA las nor bu marga da dam/ gser gyi rang bzhin gyi rin po che'o/ yi ge a las tsan dan dkar po 'am dmar po'i rang bzhin can nam zangs ma'i rang bzhin can gyi pad+ma 'dab ma brgyad pa'o/ /yi ge hA las lcags rnon po 'am lcags gzhan gyi rang bzhin gyi ral gri ste/ snga ma bzhin no/ /rin po che dang pad+ma ni gos dkar mo'i rig pas blang bar bya ba'o/ /'jam pa'i rdo rje'i ril bu'i dngos grub gsungs pa de bzhin du sku rdo rje la sogs pa'i yang ngo/ /de la khyad par gang yin pa de ni aoM ni zhes bya ba la sogs pa gsungs so/ /byang chub kyi rang bzhin gyi sems pa'i sku rdo rje'o/ /de dang 'od 'dra bar 'gyur zhes bya ba ni gzugs dang 'thu mtshungs pa can du 'gyur ba'o/ /nyi ma shar ba'i 'od 'dra zhing zhes bya ba ni gser gyi kha dog dang 'dra ba'i mdog can no/ /byang chub ye shes ni gsung gi rdo rje'o/ /rdo rje'i rang bzhin can gyi sku na thugs rdo rje'o/ /lag par mtshan ma sgrub pa'i phyir rin ba 'dzin pa'i dngos grub ni nam mkha' i dbyings gsal ba ces bya ba la sogs pa gsungs te/ 'dir mkha' dbyings ni chos 'byung ba'i sna tshogs rdo rje dang pad+ma'o/ /de la gnas pa'i gsal ba la sogs pa ni rigs par zla ba dang nyi ma'i dkyil 'khor ro/ /rab tu bsgom zhes bya ba ni rdo rje bzhi pos so/ /lag tu 'khor lo zhes bya ba ni brdungs pa'am ma brdungs pa ste ba'i/ aoM las bskyed pa'i yi ge aoM gyi snying po can gyi 'khor lo'o/ /ye shes mchog 'di rab bsgrub bya zhes bya ba ni 'khor lo bsgrub pa'o/ /'khor lo chen po'i rigs bsgoms te/ de bzhin gshegs pa'i rigs la gang gi rang gi lha gang yin pa de'i sbyor ba zhes bya ba'i don to/ /ye shes rdo rje dag gis ni/ /sangs rgyas sku mchog rab sbyor zhing zhes bya ba ni rang gi rigs spro ba dang bsdu ba dang/ gcig tu gyur pa'i sngags de nyid ni ye shes rdo rje yin la des bskyed pa'i sangs rgyas kyi sku 'khor lo'i lte bar bsgom par bya'o zhes bya ba'i don to/ /de bzhin du rdo rje la sogs pa'i sgrub pa la yang blta bar bya'o/ /rtse gsum zhes bya ba la sogs pa la rtse gsum ni stobs po che'i 'o/ /ye shes lcags kyu ni 'dod pa'i rgyal po'o/ /sogs pa'i sgras ni zhags pa la sogs pa bsdu'o/ /rdo rje khyad par gyis zhes bya ba ni rigs kyi khyad par te rang gi lha'i rnal 'byor gyi rigs kyi bdag po sna tshogs kyi snying po can gyi rtse gsum la sogs pa sgrub pa'i phyir te snga ma bzhin no/ /sku gsung thugs kyi sgrub pa yis zhes bya ba la thugs ni mtshan ma'o/ / gsung gi sngags so/ /sku ni de la byung ba'i sangs rgyas kyi sku'o/ /dam tshig chen po'i dngos grub rdo rje zhes bya ba la dam tshig chen po mi mtshad ma rnams yin no de rnams kyi dngos grub ni de don can gyi rdo rje ste nyid 'dzin to/ /de ston par mdzad pa nyid kyi phyir de skad ces bya'o/ /rdo rje dgug pa zhes bya ba ni sku la sogs pa'i lcags kyu yin no/ /de'i sgrub pa sangs rgyas la sogs pa'i 'gugs par byed pa'i de ni lam gyi gzhi mdor zhes bya ba la sogs pa gsungs so/ /khyad par gyis zhes bya ba ni rdo rje'i khyad par ram rab kyi mthar thug pas so/ /sbyor gsum rdo rje can rnams kyis zhes bya ba ni rdo rje sems dpa' o/ /sku dang gsung thugs kyi gnas gsum po dag la sngags dang ldan pa'i phyir dang sngags las byung ba'i skyes bu'i gzugs can nyid yin pa'i phyir ro/ /sbyor gsum sngags kyi skyes bu ste 'di lta bur brtsam pa'o/ /kyo ba ces bya ba ni brdungs pa 'am ma brdung pa'i rdo rjes mtshan ma'i lcags kyu yi ge hUM las byung ba dang yi ge hUM gi snying po can lag par bsam par bya'o/ /ji lta bu zhe na/ sku zhes bya ba la sogs pa gsungs te/ hUM de nyid las sangs rgyas rnams kyi sku dang gsung dang thugs rdo rje sku gsum ye shes tsam yin no/ /zhes nges par byas nas de dag yi ge hUM la bsdus pa'i phyir ro/ /'di dag la ye shes tsam nyid kyi blo mnga' ba de ltar na/ sangs rgyas ye shes blo can gyi ste/ de rnams kyi sku dang gsung dang thugs gang yin pa'i phyir de skad ces bya'o/ /rlung gi zhes bya ba la sogs pa la lcags kyu grub pas sangs rgyas dang rdo rje 'dzin pa la sogs pa'i rlung gi dkyil 'khor la gnas ba bkug ste/ rang gi bka' sgo ba la sbyar bar bya'o/ /'di ni dgag pa'i dam pa'o/ /de bzhin du gong bu dgug par bya'o zhes bya ba la sogs pa gzhan dag la yang ngo/ /dam tshig 'byung ba ces bya ba la sogs pa la dam tshig ni bud med rnam so/ /'byung ba phyogs bcu na yod par 'gyur ro// rdo rje ni rdo rje lcags kyu'i ma ye ge hUM nam mkha' i dbyings ni rdo rje 'chang ba'o/ /des dam tshig rnams dang rdo rje rnams dgug pa ni de nyid do/ /rnam par snang mdzad 'khor lo che zhes bya ba la sogs pa ni 'khor los mtshan pa'i lcags kyu'o/ rgyal gnas shes bya ba ni de bzhin gshegs pa'i rigs spro ba dang bsdud pa'i phyir rgyal gnas so/ /lcags kyu ste dam tshig dgug par bya'o zhes sbyar ro/ /rdo rje pad+ma la sogs pas shes dang gi don du rtogs par bya ste/ mi bskyod pa'i ni rdo rjes mtshan pa'i lcags kyu'o/ /'od dpag tu med pa'i ni pad+mas mtshan pa'o/ /rin chen 'byung ldan la sogs pa'i ni rin po che la sogs pas mtshan pa ste/ sogs pa smos pa'i phyir ro/ /khams gsum ni gti mug dang zhe sdang dang 'dod chags yin la de rnams kyi dam tshig ste/ sangs rgyas dang rdo rje 'chang la sogs pa rnams dgug pa yin no/ /'khor lo'i lcags kyu la sogs pa lha'i rnal 'byor ma bstan pas de ni rnam pa'i mchog rnams zhes bya ba la sogs pa gsungs te/ sangs rgyas ni rnam pa snang mdzad la sogs pa'o/ /kyo ba la sogs zhes bya ba ni 'khor lo'i lcags kyu la sogs pa'o/ /'di dag lta bu zhes bya ba ni 'chad par 'gyur pa'o/ /de ni zhes bya ba ni rnal 'byor pa'o/ tshig ni ngag tsam ste/ de nyid kyis dgug pa la sogs pa'i las byed par 'gyur ro/ /rdo rje'i sku zhes bya ba ni rang gi lha'i sku'o/ /rdo rje lce'i sbyor ba ni lce'i nang du chud pa'i zla ba la gsung gi rdo rje bsgom pa'o/ /bsgoms nas zhes bya ba ni rnal 'byor rdzogs par byas pa na te/ rdzogs pa mngon sum bzhin du mthong ba'i phyir ram 'od zer mthong ba'i phyir ro/ /rdo rje gsung gi don yod pa'i gsung can te lce des ji skad smas ba de bzhin du 'gyur ba'o/ /dngos grub rnams bshad zin pa de rnams kyi sgrub pa ni gsang ba'i mchod pa sngon du 'gro ba can yin pa'i phyir de ni gsangs gsum zhe bya ba la sogs pa gsungs te/ gsang gsum ni rdo rje 'dzin pa'o/ /de'i dam tshig ni yang dag pa'i rig pa'o/ /des mchod pa gang yin pa de ni mchog ste/ de gtso bor gyur pa can yin no/ /mchod pas zhes bya ba ni sangs rgyas thams cad kyi mchod pas so/ /mchod nas zhes bya ba ni rjed par byed nas so/ /des sangs rgyas rnams mnyes par byas ba nyid de ni de ni de'i rjed pa yin no/ /rab sgrub ces bya ba ni dngos grub pa'o/ /dngos grub ces bya ba ni sgrub pa'i yan lag rnams so/ /snying po ni gtso bo'o/ /gsang ba bsdus pa yin zhes bya ba ni mchod pa'i gsang ba mdor bsdus pa'o/ /gsang ba chen po ni mchod pa thams cad kyi gsang ba'o/ /de rnams kyi dam tshig ni mdor bsdus pa'o/ /de ston par mdzad pa nyid kyi phyir de skad ces bya'o/ sgrub pa la zhugs pa rnams kyis dngos grub kyi dbye bas dam tshig tha dad pa bsten pa de ni sha chen zhes bya ba la sogs pa gsungs te/ sha chen po la sogs pa nyid dam tshig gi mchog yin no/ /zhes bya ba'i dam tshig bsdu ba'o/ /de bzhin du rta'i sha yang de yin la dam tshig kyang de yin pas na zhes bya bar tshig bsdu ba ba'o/ /dngos grub thams cad 'grub par 'gyur zhes gang du bshad pa der ni tshig gi dngos grub kyi yang de nyid dam tshig yin pa 'am/ /gang rdo rje gsum gyi dngos grub kyi yang ngo/ /sha rnams thams cad med na yang zhes bya ba la sogs pa la ma rnyed pa dang chos ma yin par rnyed pa dang bstan pa la kho na ma tho bar thal bar 'gyur ba ces bya ba rnam pa gsum ni ma rnyed pa yin no/ / de'i tshe thams cad bas mas pas rnam par brtag par bya ba'i dngos grub ni mi yin no/ /'di tha mal pa'i nga rgyal gyis kyang mi bya ste/ 'bras bu med pa nyid kyi phyir ram ngan song gi 'bras bu can nyid yin pa'i phyir ro/ /de bas na rnal 'byor gyi khyad par ni rdo rje'i sbyor bcas bya ba la sogs ba gsungs te/ rdo rje'i sbyor ba ni ye shes lngas byin gyis brlabs pa'i rnal 'byor te/ /'di byas na zhes bya ba ni 'chad par 'gyur ba'o/ /de la rnam pa'i mchog rnams kun ldan pa ces bya ba ni rang gi lha'i rtsa ba'i rnal 'byor te/ /sku gsung thugs kyi rdo rje can zhes bya ba ni sku la sogs pa gsum gyis byin gyis brlabs pa'o/ /snying gar ye shes dam tshig dang zhes bya ba ni ye shes sems dpa' dang/ yang dag par ldan pa ste yang dag par sbyor ba'i phyir ro/ /'di ni byin gyis brlabs pa bzhi pa'o/ /rdo rje mchog ni rang gi rigs kyi bdag po ste de 'dzin pa'o/ /'di ni byin gyis brlabs pa lnga pa'o/ /tshigs su bcad pa'i mthar bsgom mo zhes bya ba ni lhag ma'o/ /sangs rgyas thams cad byin gyis rlob ces gsungs pa de las cir 'gyur zhe na/ sangs rgyas thams cad mnyes 'gyur zhes bya ba gsungs so/ /dam tshig tshul mchog ste zhes bya ba ni dam tshig thams cad pa'i don can te ting nge 'dzin to/ /dam tshig mchog gis zhes bya ba ni de'i longs spyod kyi dang po nyid du'o/ /yang na 'di la dam tshig gi mchog yod pas na dam tshig mchog ste/ des dam tshig la gus par gyur zhes bya ba'i don to/ /dam tshig thams cad ye shes rdo rje ni de bzhin gshegs pa thams cad kyi 'dus pas longs spyod par mdzad pa ste/ de'i don can gyi ting nge 'dzin la de skad ces bya'o/ /de la lce sbyang bar bya ba'i phyir lce zhes bya ba la sogs pa gsungs te/ lce'i dam tshig ni ro gcig par gyur pa'o/ /rdo rje mchog ni yi ge hUM las byung ba'i rdo rje phra mo dkar po spros pa'i rdo rje'i rab ste/ der rdo rje can gyi rang bzhin gyi yi ge hUM de nyid lte bar chud pa bsgom te zhes bya ba'i don to/ /rdzas spyad pa la sogs pa ni bdud rtsi lnga'i zhes bya ba la sogs pa gsungs te/ bdud rtsi lnga'i sbyor ba de nyid kyis stobs lnga'i yang zhes bya ba'i don to/ /de nyid bstan par bya ba'i phyir A: dang zhes bya ba la sogs pa gsungs te/ yi ge Asbyang ba'i thabs dam pa'o/ /'di ni zhes bya ba ni 'bar ba dang/ sreg pa dang/ gsal bar bya ba dang/ gzugs su lta ba dang/ bdud rtsi bstim pa dang/ ye shes lnga dang/ yi ge gsum gyis byin gyis brlab pa'o/ /dam tshig rnams la ye shes kyi 'od zer gyi rdo rje rnams kyi bdud rtsi bstim pa'i phreng ba ni rdo rje dam tshigs bdud rtsi phreng ba ste/ de la dmigs pa'i phyir de dang ldan pa'i ting nge 'dzin to/ /dngos grub phra mo'i mthu'i dbye ba dang/ rdo rje gsum dang/ rdo rje gcig gi dngos grub kyi dbye ba bstan par bya ba'i phyir rdo rje zhes bya ba la sogs pa gsungs pa la/ rdo rje'i dam tshig gsum ni le'u bcu gcig pa las/ sangs rgyas dang mnyam pa nyid pa bstan pa yin no/ /de nyid grub mchog ste/ dngos grub phra mo rnams kyi ngo bo nyid yin pa'i phyir ro/ /de la sku gsum rdo rje can du 'gyur te/ rdo rje gsum thob par 'gyur zhes bya ba'i don to/ /sangs rgyas thams cad kyi nor bu yid bzhin rgya mtshor 'gyur zhes bya bar ni ji ltar 'dod pa bzhin du sangs rgyas 'di dag thams cad spros pa'i phyir/ /yid bzhin gyi nor bu yang de yin la/ ji ltar 'dod pa bzhin du de rnams bdud pa'i phyir rgya mtsho yang yin pas so thams cad du zhes bya ba ni kun du'o/ /rdo rje'i bdag nyid ces bya ba ni rdo rje gsum gyi bdag nyid can no/ /snang bar byed ces bya ba ni 'od zer rnams dang/ sems can rnams kyi don mdzad pa rnams kyis snang bar mdzad par phyir ro/ /'khor lo'i dam tshig grub pa'i mchog gi sgra ni sogs pa'i don yin pas na/ 'khor lo'i dam tshig grub pa zhes bya ba'i sogs pa'i don to/ /'khor lo dang/ rdo rje dang/ pad+ma'i mnyam pa nyid grub na zhes bya ba'i don to/ /sangs rgyas sku dang 'dra ba ni go rim bzhin du/ rnam par snang mdzad la sogs pa'i sku dang/ mnyam pa nyid thob pa'i phyir ro/ /phyogs bcu gaM/ gA glung gi bye ma snyed thams cad du ste/ thams cad dang sna tshogs dang/ 'jig rten gyi khams zhes bya ba ni rnam grangs so/ /kun tu zhes bya ba ni phyogs bcu'o/ /dam tshig mchog nyid kyi zhes bya ba ni ngal bri mchog rnams kyi'o/ /rig pa 'dzin pa'i gtso bor 'gyur zhes bya ba ni rdo rje gsum gyi rig pa 'dzin pa'o/ /mtshan ma'i dngos grub gzhan dang mnyam pa nyid kyi dngos grub ni dam tshig yin la/ de rnams kyi mchog ni tshogs te/ de thams cad yod na sku rdo rje'i mthu yis na'o/ /gang yin zhe na/ ji skad du 'bras bu stong khams gcig ni snang bar byed ces bshad pa dang/ sku yis rdo rje mthu yis ni zhes bya ba nyid kyis 'phrog pa dang/ lha mchog las skyes bu spyod ces bya ba la lha mchog ni lha'i gtso bo'o/ /de las skyes bu'i bu mo nyid do/ /mngon par shes pa grub pa yod na de rnams kyi mthus tshigs su bcad pa re res gsungs pa ni gsang ba gsum nyid ni gnas yin la/ de rnams la bzhugs pa ste/ de'i rang bzhin zhes bya ba'i don to/ /gzugs ldan zhes bya ba la sogs pa la rang gi lag par skyu ru ra bzhag pa bzhin du gsal ba'o/ /zhing rnams na zhes bya ba ni zhing rnams la'o/ /sgra bsgrags pa zhes bya ba ni sgrar brjod pa'o/ /thos pa ni zhes bya ba ni mngon par shes pa ste/ lha'i rna ba'i mngon par shes pa mchog gis rtsa ba'i drung na sgra gcig 'khod pa bzhin du thos pa'o/ /gaM gA'i zhes bya ba la sogs pa'o gam gA'i bye ma snyed kyi zhing rnams na/ sems can kun gyi gang yin pa rnams kyi lus dang ngag dang sems kyi mtshan nyid de rigs pa'o/ /sems zhes bya ba ni rdo rje'i sems so/ /bsgom pa'i mchog ni mngon par shes pa'i mchog go /bskal pa zhes bya ba ni gsal ba rnams su'o/ /'khor ba na gnas pa 'byung ba rnams te/ 'jig pa dang gnas pa dang/ chags pa gang yin ba de rnams zhag gsum pa de bzhin du dran par 'gyur ro/ /'di ni sngon gyi gnas kyi dam tshig yin te sngon gyi gnas rjes su dran pa'i mngon par shes pa'o/ /sangs rgyas sprin ni spros pa 'am ba spu'i khung bu re re la gnas pa'o/ /sogs pa'i sgras ni byang chub sems dpa' la sogs pa'i sprin no/ /rdzu 'phrul rdo rje mchog can ni rdo rje'i rdzu 'phrul te de dang ldan pa'o/ /'gengs zhes bya ba ni nam mkha' khyab pa'o/ /dam tshig mngon par mkhyen pa ni rdo rje mngon par shes pa'o/ /de ston par mdzad pa nyid kyi phyir na de skad ces bya'o/ /mngon par shes pa'i dngos grub yod na rdo rje gcig kyang thob pa yod do zhes bya bstan pa'i phyir/ sangs rgyas mngon shes zhes bya ba la sogs pa la/ sangs rgyas rnams kyi mngon par shes pa rnams kyi don de thabs de yang dag par 'grub na'o/ /dngos grub dman pa'i las dang dam tshig dang mthu rnams bstan zin nas bsnyen pa'i zhes bya ba la sogs pas ni dus der? bya'o ston te bsnyen pa'i dus su'o/ /sbyor ba ni rdo rje bzhi'i sbyor ba ste/ de shes pas nyams su blang zhing sgrub pa'i dus su yang sbyor ba de nyid la gnas te sku rdo rje la sogs pa byin gyi brlab pa'i mtshan nyid nye bar sgrub pa la sogs pa la rgyu rnam la rang rang gi tshigs su bcad pa gnyis kyis gsol ba gdab pa nyams su blang bar bya'o/ /de nas sangs rgyas rnams kyi 'od zer spro ba la sogs pas ji skad du bstan pa'i las rnams nyams su blang ba gang yin pa nyin re thun mtshams su byas na zla ba phyed kyi nang rol du 'grub par 'gyur ro/ /'dis de dang mnyam par byed pas na dam tshig go /'dis las 'byung bar 'gyur bas na 'byung ba'o/ /sgrub pa chen po zhes bya ba yang dam tshig ces bya ba dang 'brel to/ /dngos grub mchog gi thabs bzhi'i mtshan nyid bstan pa'i phyir bsnyen pa zhes bya ba la sogs pa gsungs te/ bsnyen pa'i ting nge 'dzin gyi mthar thugs pa ma lus pa'i sbyor ba ste/ sbyor ba'i yan lag drug ces bya ba'i don to/ /de ni bsnyen pa'o/ /de ji ltar bya zhe na/ byang chub mchog ni bsgom par bya zhes gsungs te/ so sor bsdud pa la sogs pa'i rim gyis sna tshogs snang ba'i rnams ye shes su bsdu pa las byung ba'i rin po che phra mo'i nang du zla ba 'am nyi ma'i byang chub dam pa de bsgom par bya'o/ /nye bar sgrub pa'i mchog ste grub pa'i thabs so/ /de la rdo rje'i skye mched rnam par dpyad par bya ste/ rdo rje ni byang chub kyi sems so/ /de'i skye mched ni de la dmigs pa rnam par dpyad pa ste/ 'dir dmigs pa gsum gyis bsgrub pa'i 'khor lo sgyur ba'i sku ni byang chub rags pa'o/ /byang chub rags pa de ni rnam par dpyad pa ni tshigs su bcad pa'o/ /spro ba dang bsdus pa las byung ba mtshan ma phra mo'i nang du nyi ma dang zla ba'i gzugs ni byang chub phra mo'o/ /de'i rnam par dpyad pa ni de la gnas pa'i mchog tu phra ba'i sngags so/ /de ltar na byang chub rnam par dpyad pa rnam pa gnyis te de'i mtshan nyid ces bya ba'i don to/ /sgrub pa la ni bskul bar gsungs zhes bya ba la bskul ba ni rang gi lha bskyed par bya'o/ /gsungs pa zhes bya ba ni dam tshig chen po'i dkyil 'khor du dbang bskud nas phyi'i dkyil 'khor chen por mngon par byang chub par bya ba bstan pa ste/ de byas pa ni sgrub pa'i mtshan nyid ces bya ba'i don to/ / bskul ba rnam par bshad pa'i phyir sngags zhes bya ba la sogs pa smos pa te/ sngags kyi bdag po ni rang gi lha nyid de dkyil 'khor gyi dbus chos kyi sku'i rang bzhin du bskyed pa'i phyir ro/ /de'i sgom pa ni 'dod chags chen po'i tshul la sogs pa'i rim gyi bskyed la/ mig dang sku la sogs pa byin gyis brlabs nas spyi bor dbang bskur te brtul zhugs dang sdom pa bsam par bya'o/ /sgrub pa chen po byed pa'i tshe zhes bya ba la sogs pa la rdo rje ni gsang ba gsum ste dkyil 'khor pa zhes bya ba'i don to/ /de dang sbyor bas ni rdo rje can te rang sngags nyid rdo rje can no/ /rang sngags rdo rje can gyis gzugs bsams la ye shes rdo rje can gyi gzugs bsam par bya'o/ /ye shes nyid rdo rje can de dam tshig dang ye shes kyi dkyil 'khor dang de'i bdag po dag gnyis su med par bya'o zhes bya ba'i don to/ /de dag nyid gnyis su med par byas pa'i dbu rgyan gyi bdag po bsgom par bya ste/ cho ga ji lta ba bzhin du dbu rgyan du rang rang gi bdag po bsams nas grub pa chen po byed pa'i tshe rnal 'byor pa 'grub par 'gyur te/ de lta bu'i mtshan nyid kyi rnal 'byor ni sgrub pa chen po zhes bya ba'i don to/ /'dir tshigs su bcad pa ni rgyal ba las spros rgyal ba lnga po rnams sprul byed de la thim par rigs pa yin/ sangs rgyas rigs las spros la rgyal yin par/ le'u dang po nyid du grub pa yin/ rgyal ba lta gnas ji ltar spyir bstan pa/ /le'u dang po nyid du grub pa yin no/ /gang zhig dbus su gnas par gyur pa na/ /de'i gnas su sems kyi dbang phyug go / bsnyen pa zhes bya ba la sogs pa 'dis ni mchog gi bsnyen pa rnam par bshad pa yin te/ thams cad ces bya ba ni sna tshogs pa'o/ /rtag tu zhes bya ba ni yan lag drug cur la yang rtag tu'o/ /ye shes bdud rtsi ni sna tshogs pa las byung ba ste/ de nyid kyis bsnyen par bya'o/ /de la so sor sdud pa'i dus su ni ye shes ni sangs rgyas rnams yin la bdud rtsi ni zla ba rnams so/ /bsam gtan gyi dus su ni ye shes ni rdo rje rnams yin la bdud rtsi ni dga' ma rnams kyi bde ba ste/ de rnams ro gcig tu gyur pa'o/ /srog dang rtsol ba'i dus su ni dus gsum gyi sangs rgyas rnams kyi bde ba nyams su myong ba'i sems dpa' i rin po che ni ye shes bdud rtsi'o/ /'dzin pa'i dus su ni sems kyi rin po che de nyid bstan par byed pa'o// rjes su dran pa'i dus su ni spro ba'i sbyor bar sna tshogs de'i rang bzhin du byas pa'o/ /ting nge 'dzin gyi dus su ni de nyid rin po che phra mo'i nang du bsdus pa'o/ /'di ni zhes bya ba ni sna tshogs pa'o/ /sngags rnams thams cad ces bya ba'i sngags kyi lha thams cad kyi'o/ /sngags ni rigs kyi sngags rnams te rab sngags la sogs pa dang dzi na dzi ka ces bya ba la sogs pa'o/ /de rnams kyi don ni so sor bsdud pa la sogs pa'i yan lag drug go /sgrub pa ni de dag gi bskyed pa'o/ /dgon pa chen po zhes bya ba la sogs pa la dman pa'i dngos grub kyi gnas ni sngar bshad zin to/ /mchog gi dngos grub kyi gnas ni rnam pa bzhi ste/ dgon pa chen po dang/ dben pa chen po dang mtsho 'gram chen po dang/ ri su la dang chu ngogs rnams so/ /gnas de rnams su mchog gi dngos grub rtag par thob par 'gyur te/ 'dir sgrub par bya bas na sgrub pa'o/ /sgrub pa chen po ni mchog gi dngos grub kyi sgrub pa'o/ /de nyid gzhan du mi 'gyur bas na rdo rje ste/ de ston par mdzad pa la yang de skad ces bya'o/ /dman pa'i dngos grub kyi rten pa gsungs pa yang na zhes bya ba la sogs pa la brtul zhugs brtan pa ni dam tshig ma nyams pa'o/ /dang po stong nyid byang chub ste gnyis pas bsdus pa yin/ /gsum pa la ni gzugs rdzogs ste/ bzhi pa la ni yig 'bru dgod ces bya ba ni rdo rje bzhi'o/ /rdo rje gsum zhes bya ba ni sogs pas ni don de nyid bstan te gzugs rdzogs pa'i mthar thug pa ni rdo rje gsum mo/ /sngags kyi de kho na nyid ni de kho na nyid gsal bar byed pa'i sngags kyi yi ge dgod pa ste snying ga dang mgo bo dang mgrin pa rnams dang snying ga ru zhes zlas dbye bar bsdu'o/ /bsnyen pa'i dus su cho ga 'dis rang gi lha bsgom par byas na sgrub pa'i dus su dngos grub thob par 'gyur ro/ /dngos grub mchog gi sgrub pa ni le'u bco lnga pa'i dang por rgyas par ston par 'gyur ro/ /de las 'dir cung zad cig brjod par bya ste dus bzhi dag tu zhes bya ba la sogs pa la rab tu sbyor ba ni nges pa'o/ /blo dang ldan pa ces bya ba ni rigs kyi tshogs dgang ba la blta bas mthong bas so/ /gnas lnga zhes bya ba ni rigs kyi rig ma'i mgo dang snying ga dang lte ba dang pad+ma dang rkang pa rnams su'o/ /ye shes rdo rje'i yi ge aoM zhes bya ba la ye shes rdo rje ni hUM gis sbyangs pa'i rdo rje'o/ /aoM ni rab sngags te des sbyangs pa'o/ /bsgoms nas zhes bya ba ni pad+mar gzhug pa'o/ /sdom pa gzhug par bya ba la sdom pa ni bde ba'i mchog ste/ bde ba chen po spro bar bsgom pa'o/ de'i gzhug pa'i rab tu gzhug pa ste de las gzhan mi dmigs pa'o/ /der cir 'gyur zhe na/ zhag bdun zhes bya ba la sogs pa la rdo rje ni bde ba chen po'o/ /de'i dam tshig ni spro ba'o/ /dngos grub ni de las skyes pa'i mchog gi dngos grub po/ /myur ba ni mgyogs par thob par 'gyur ba'o/ /zhag drangs bye brag zhag bdun nas zla ba phyed dang gnyis kyi bar du'o/ /rab tu bskul ba ni bskyod par bya ba'o/ /rgyas par bshad ces bya ba ni mchog gi dngos grub kyi'o/ /dman pa'i dngos grub kyi ji snyed cig ce na/ gsang ba mchog ces bya ba la sogs pa smos te/ gsang ba mchog ni byang chub sems dpa' rnams kyi lus dang ngag dang sems so/ /de las byung ba ni dman pa'i dngos grub ces bya ba'i don to/ /zla ba phyed kyis 'grub par gsungs zhes bya ba ni sku dang gsung dang thugs rnams ni zla ba phyed kyis gdon mi za ba ces gang gsungs pa'o/ /dman pa'i dngos grub kyi sgrub pa gsungs pa de las zhes bya ba la sogs pa la/ de la zhes bya ba ni dman pa'i dngos grub kyis rgyu mtshan la'o/ /'di ni zhes bya ba ni 'og nas 'byung ba'i tshigs bcad gnyis so/ /nye bar sgrub pa zhes bya ba ni sku rdo rjer byin gyis brlab pa'o/ /sgrub pa ni gsung rdo rjer ro/ /sgrub pa chen po thugs rdo rjer ro/ /de dag gi sdom pa ni kun tu gsol ba gsol ba gdab pa ste de'i yul brjod par bya ba 'di la yod pas de skad ces bya'o/ /de dag gis ni nyin re zhing dus tshigs rnams su rdo rje rnam pa bzhis rang gi sbyor ba la gnas te/ rdo rje gcig gi dngos grub la ni ci rigs par tshigs su bcad pa gnyis sdom par bya la/ rdo rje gsum gyi dngos grub la tshigs su bcad pa gnyis pa gsum gyis sdom pa gsum byas pa las rnams byas nas zla ba phyed kyi nang rol tu 'grub par 'gyur ro zhes bstan pa yin no/ /sangs rgyas rnams kyi sku des 'dzin pas na/ sangs rgyas sku 'dzin te sku rdo rje'o/ /dpal dang ldan pa ni rig pa dang sbyor ba'o/ /rdo rje gsum po mi phyed dngos zhes bya ba ni thun mong nyid du grub pa 'di yin pas de skad ces bya'o/ /byin gyis brlab pa nyid gnas te phun sum tshogs pa'o/ /sku'i rdo rje zhes bya ba ni bdag gis sku rdo rje'o/ /phyogs bcur bzhugs pa'i sangs rgyas zhes bya ba ni gang rnams kyi sku rdo rje 'dzin pa'i sku 'dzin pa rnams te/ sku rdo rje 'jug pa na de rnams kyis kyang 'jug pa rnams so/ /de'i zhes bya ba ni sgrub pa'o/ /rdo rje'i gsang ba de'i 'o/ /sku'i mtshan zhes bya ba ni skus nye bar mtshan pa ste nyid kyi sku rdo rje dang bcas pa'i sku yang zhugs pa'o/ /'dir tshigs su bcad pa gnyis ni sdom pa yin la/ tshigs su bcad pa gsum pa ni de'i 'bras bu yin par bshad do/ /'di'i rjes su 'brangs nas tshigs su bcad pa gsum po gzhan dag kyang sbyar bar bya'o/ /chos zhes bya ba ni gsung rdo rje'o/ /gsung lam zhes bya ba ni sangs rgyas thams cad kyi gsung gnas so/ /gsung lam las byung ba ces bya ba ni rang gi gsung gi rdo rje dang rang gi gsung rnams kyis 'jug pa'i phyir ro/ de bzhin gshegs pa thams cad kyi thugs ni rdo rje'i thugs te de 'dzin pa'i phyir rdo rje'i thugs 'dzin pa ni thugs rdo rje'o/ /lam gsum las byung pa ni rang gi thugs rdo rje'i lam gsum dang rang gi sku dang gsung dang thugs kyi ? gsum las byung zhing 'jug pa gang la mnga' ba de dag la de skad ces bya'o/ /nges par byin gyis brlab par mdzad pa'i phyir sangs rgyas zhes bya ba la sogs pa gsungs pa la/ rmongs bdag ces bya ba ni dgongs pa'i mi 'dzin pa'i phyir ro/ tshal bar 'gas pa zhes bya ba ni ji ltar de dag la ni tshal bar 'gas pa mi srid pa de bzhin du shin tu 'da' ba yang zhes bya ba'i don to/ /de ltar rdo rje gsum gyis byin gyis brlab pa yod na yang/ rdo rje gcig nyid kyi mnyam pa nyid du 'grub cing cig shos dag pa ni cha yis yin te/ rdo rje dam tshig rnams ni 'bras bu dang bcas pa nyid phyir gsum po mnyam pa nyid du grub pa na rdo rje gsum gyis dngos grub nyid du 'gyur ro/ /rdo rje sbyor bcas bya ba la sogs pa la rdo rje ni sku rdo rje la sogs pa'o/ /de rnams kyis byin gyis brlabs pa'i phyir gsol ba 'debs pa ni sbyor ba ste rdo rje sbyor ba'o/ /de'i dam tshig rnams ni dman pa'i dngos grub kyis lhag par mos pa'o/ /de dang sgrub pa'i mchog ni dngos grub mchog gi sgrub pa ste rdo rje sbyor ba'i dam tshig dngos grub mchog go / de bstan pa yang yin la le'u yang yin pas so/ /gsang ba 'dus pa'i bshad sbyar snyim pa'i me tog las le'u bcu gnyis pa'o// //le'u 'di'i don ni sgrub pa chen po yin no/ /de las mngon par rtogs pa che gnyis ste rdo rje bzlas pa dang rig pa'i skyes bu bsgom pa'o/ /lhag ma rnams ni zhar las 'ongs pa'o/ /de nas zhes bya ba la sogs pa la bcom ldan 'das zhes bya ba ni gdon par mi bya ste/ tshigs bcad las lhag pa yin pas so/ /ye shes ni sna tshogs pa'o/ /rdo rje ni sku la sogs pa'i rdo rje'o/ /de rnams kyi mchog ni tshogs te yang dang yang du spros pa'o/ /de 'dzin pa ni yang du yang du sdud pa'i phyir te/ de ltar na ye shes rdo rje mchog 'dzin pa'o/ /blo ldan ni ye shes phul du byung ba de nyid rdo rje bzlas pa dang ldan pa'o/ /sems can kun don phan pa'o/ /de'i phyed du yang dag par byung ba ni tshogs pa ste/ 'dus pa mdzad pa zhes bya ba'i don to/ /ston pa ni ston pa po ste/ yang dag pa thams cad ston pa'i mthu dang ldan pas ni ston chen no/ /thams cad yang dag par na nan tan du byed pa'i rten nyid yin pa'i phyir dang 'bras bu nyid yin pa'i phyir na thub pa dang kun don no/ /rdo rje 'chang ni rdo rje 'chang ngo/ /dam tshig ni ye shes rdo rje'o/ /de'i de nyid ni rdo rje gsum mi phyed pa nyid do/ /de mkhyen par mdzad pa de ltar na dam tshig de nyid mkhyen pa'o/ /de la phyag 'tshal nas zhes bya ba ni btud pas so/ /mchod de zhes bya ba ni gzugs rdo rje la sogs pa'i sprin gyis so/ /sgra gcig nyid yin pa'i phyir rdo rje yang de yin la zhal gyi sgo re re nas gsungs pa'i phyir gsung yang yin pa de ltar na rdo rje dbyangs so/ /de yang 'chad par 'gyur ba'i tshigs su bcad pa drug go / de gsungs pa ni bka' stsal pa'o/ /de la dang pos bzlas pa nyid kyi stong pa ni e ma'o zhes bya ba la sogs pa la e ma zhes bya ba ni ngo mtshar ro/ /tshul dang rigs pa dang/ yongs su shes pa ni rnam grangs yin no/ /sangs rgyas tshul re bzang zhes bya ba ni ye shes kyi rdo rje shin tu rnam par dag pa'i de bzhin nyid kyi bdag nyid can gyi chos kyi sku'o/ /de nyid ni sangs rgyas rnams kyi byang chub yin la/ de nyid ni bzang po? yin te nam mkha' dang mnyam pa'i phyir ro/ /nam mkha' i khams thams cad khyab pa'i sangs rgyas thams cad kyi sku dang gsung dang thugs ni sangs rgyas kyi chos rnams yin la de nyid ni sangs rgyas yin zhing de nyid ni sngags yin te/ de rnams bzang ba nyid de chos kyi sku las byung ba nyid du yongs su shes pa ni sangs rgyas tshul re bzang ste/ de yang ye shes rdo rje las rtsa ba'i sngags kyis de rnams spros pa'i phyir ro/ /byang chub tshul gyis mchog ces bya ba ni chos kyi sku'i bdag nyid can gyi byang chub de nyid ni mchog ste sangs rgyas kyi chos kyi mchog rang bzhin nyid du yongs shes pa ni byang chub kyi tshul gyi mchog ste/ de yang rtsa ba'i sngags kyis ye shes rdo rje nyid las spros pa'i ye shes rdo rje rnams dang de rnams ro gcig par byed pa'i phyir ro/ /chos kyi tshul re zhi zhes bya ba ni sangs rgyas kyi chos de rnams nyid zhi ba nyid de gzung bar bya ba'i ngo bo nyid rang gi shes pa tsam nyid du yongs su shes pa ni zhi ba'i chos kyi tshul te/ de yang ye shes kyi snying pos de rnams dbye ba/ gsum po bsdus pa'i phyir ro/ /sngags kyi tshul re bstan zhes bya ba ni sngags de rnams nyid de bstan pa ni snying po de de dag gi shes pa yang yod pa ma yin te/ gzung ba med na 'dzin pa yang med pa'i phyir gnyis kyis stong pa'i mtshan nyid du yongs su shes pa gang yin pa de ni sngags kyi tshul du bstan pa ste/ de yang byang chub bdag med pa'i sngags kyis de rnams de bzhin du nges pa'i phyir ro/ /rdo rje bzlas pa ni rnam pa gnyis te gcig las spros pa dang kun las spros pa'o/ /de ltar dang po la tshigs su bcad pas bstod nas gnyis pa la bstod pa'i phyir/ ma skyes pa'i chos rnams ni zhes bya ba la sogs pa gsungs te nam mkha' i khams thams cad khyab par mdzad pa'i sangs rgyas rnams kyi sku dang gsung dang thugs de dag nyid ni sangs rgyas rnams kyi chos kho na yin pas na chos rnams ni'o/ /de rnams las ye shes 'byung ba ni nges pa bskyed pa'o/ /rab tu bshad pa ni sangs rgyas thams cad kyi rab tu sngags pa'o/ /ji lta bu las she na/ ma skyes pa las te chos kyi sku'i dkyil 'khor la bzhugs pa'i sku gsum pa nyid 'di ltar khyab par byed par snang ba snga na? med pa byung ba ni ma yin no/ /de yang rtsa ba'i sngags kyis dbye ba gsum las rang rang gi rigs spro ba nyid do/ /ji lta bu las she na ngo bo nyid kyi khyad par can las te khyad par ni mchog gi tshul bdag med pa'o/ /de nyid kyis dngos po ni ngo bo nyid de rang bzhin 'di dag la yod pas na de skad ces bya'o/ /de rnams las ye shes 'byung ba de yang zhe sdang gi sngags kyis ye shes rdo rje nyid las spros pa'i ye shes rdo rje rnams dang de rnams ro gcig tu byed pa'i phyir ro/ /yang ji lta bu las she na/ rnam par mi rtog pa las de rnam par brtag par bya ba yin pas na rnam par rtog pa ste/ gzung ba'i ngo bo nyid do/ /de med pas na rnam par mi rtog pa las te 'di ni nga'i? sems tsam yin no zhes bya'o/ /de yang gti mug sngags kyis ye shes rdo rjer de rnams bsdus pa'i phyir ro/ /yang ji lta ba las she na/ yang dag las shes bya ba'i gnyis kyis stong pa'i ngo bo nyid yin pa'i phyir phyin ci ma log pa'i rang bzhin las te de dag ni shes pa yang ma yin te gzung ba med na 'dzin pa yang med pa'i phyir ro/ /de yang de bzhin du bsdus pa de rnams 'dod chags kyis sngags kyis de bzhin du nges pa'i phyir ro/ /de ltar rdo rje bzlas pa la bstod nas de nyan par 'dod pa'i gdul ba rnams la de bstan par bya ba'i phyir/ /bcom ldan 'das la gsol ba btab pa'i tshigs su bcad pa bzhi ni yid 'ong zhes bya ba la sogs pa gsungs te 'dis dga' ba'i don yang dag par shes pa na yid 'ong ngo/ /gti mug dang 'dod chags dang rtsa ba dang zhe sdang gi sngags ni sngags rnams kun no/ /de rnams bsdus pa ni gang las par mchad par brjod pa yod pa'o/ /gang la ye shes che te yongs su shes pa bzhi yod pa'o/ /sku gsum ni dbye ba gsum ste/ ye shes rdo rje mi phyed pa'i dkyil 'khor gang la yod pa la de skad bya'o/ /rdo rje rnams kyis sam rdo rje rnams kyi spro ba dang bsdu ba ni rdo rje bzlas pa'o/ /rdo rje bzlas pa'i skal pa'i 'bras bu'i sangs rgyas ye shes zhes bya ba la sogs pa gsungs te de bzhin gshegs pa thams cad kyi sku dang gsung dang thugs rdo rje gsum po mi phyed pa'i bdag nyid can gyi de kho na nyid ni rang gi ye shes rdo rje'o/ /de bsgom pa ni/ /yang dag par shes pa ste/ rdo rje bzlas pa zhes bya ba'i don to/ /nye ba'i 'bras bu ni rdo rje bzlas pa zhes bya ba la sogs pa gsungs te/ rdo rje rnams gcig tu sbyor ba ni rdo rje'i sbyor ba'o/ /gal te gcig la spros pa ni gsum la sdud pa'i phyir ji ltar rdo rje gcig la sbyor ba yin zhe na/ de nyid las spros pa'i phyir dang de nyid kyi ro gcig par byed pa'i phyir dang de nyid kyi rab tu dbye ba las sdud pa'i phyir ro/ /'di na re zhig lha thams cad kyi thun mong gi sngags bzhi'i don gyi bzlas pa bstan pa'i phyir gsol ba 'debs pa yin no/ /thun mong ma yin pa'i sngags kyi don gyi bzlas pa ni gsang sngags zhes bya ba la sogs pa gsungs te rigs ni de kho na nyid lnga ste/ sangs rgyas rnams so/ /gsang sngags ni khro ba'i nyams la sogs pa'o/ / de rnams kyi sku dang gsung dang thugs mtshan nyid can ni sku la sogs pa'i de kho na nyid yang dag par shes pa'o/ /gsungs zhes bya ba ni ston cig pa'o/ /ye shes rgya mtsho ni ye shes kyi phung po ste 'dis ni 'khor snod du rung ba gsungs pa yin no/ /sku gsung thugs kyi zhes bya ba la sogs pa'i ni rdo rje bzlas pa'i 'grod pa gcig pa nyid gsungs pa yin no/ /rdo rje ni sangs rgyas dang byang chub sems dpa' rnams so/ /de rnams kyi sngags dang sngags rnams kyis so/ /rab bsgom pas ni yang dag par shes pa ste thun mong dang thun mong ma yin pa'i bzlas pa de rnams kyis zhes bya ba'i don to/ /ye shes ni bla na med pa'i byang chub ste mnyam pa med pa de thob par gyur pa'o/ /de nas zhes bya ba ni gsol ba btab pa'i rjes thogs la'o/ /ci'i phyir ston pa yin zhe na/ 'di ltar nam mkha' i rdo rje'i ye shes 'byung nam mkha' dang ni rdo rje ni nam mkha' rdo rje ste/ ye shes kyi 'khor lo'o/ /de'i ye shes ni sngags bzhi'i tshul du'o/ /de 'byung ba ni rtsa ba'i rgyu'o/ /de nyid ni byed pa po yin zhing ye shes kyi dkyil 'khor bskyed pa po yin te/ de las rigs kyi tshogs spros pa'i phyir ro/ /dam pa'i mchog gi gtso bo mdzad pa'i phyir dam pa'i mchog gi gtso bo'o/ /dam pa mchog ni rigs kyi tshogs yin la de rnams kyi gtso bo ni mchog tu byed pa ste/ ye shes mchog gi dkyil 'khor la sdud par mdzad pa'i phyir ro/ /de la dang por ye shes kyi dkyil 'khor gsungs pa sngags kyi don kun zhes bya ste/ ye shes bzhi yongs su shes pa'i de kho na nyid kyis bzlas pa ste/ yang dang yang bzlas par bya ba la bkod pa zhes bya bar sbyar ro/ /ye shes sems dpa' i thugs ka'i zla ba la rnam par bkod pa ni bkod pa'o/ /ji ltar bkod ce na/ rdo rje dbye ba gsum ni mthar ji ltar 'gyur ba ste/ dbye ba gsum ni sku dang gsung dang thugs rdo rje ste ye shes rdo rje'i mthar thug pa'i logs gsum gang yin par bkod pa la de skad ces bya'o/ /bkod pa 'di nyid la rdo rje gsum zhes bya ba ste/ gsum dang rdo rje zhes bya ba'i dbang du byas nas so/ /ji lta bu zhe na/ rdo rje gsum mi phyed mtshan nyid de rdo rje gsum dbyer mi phyed pa'i ye shes kyi mtshan nyid la so sor rtog pa'o/ /kha cig na re sku rdo rje la sogs pas spyi bo dang lkog ma la sogs par byin gyis rlob pa gang yin pa de nyid rdo rje gsum 'di yin mod ces zer mod kyi de ni bden pa ma yin te/ shes zin pa de tshig 'di la rtsol ba mi rung pa'i phyir dang/ rdo rje'i dbye ba gsum gyi mthar gyi sgra ni de'i brjod par byed pa ma yin pa'i phyir dang/ ye shes kyi dkyil 'khor gyi thugs ga las gzhan mi rung ba'i phyir dang/ mnyam par bzhag pa rnams la spro ba dang bsdu ba cig char mi nus pa'i phyir dang/ dkyil 'khor kun gyi logs rnams la zhes logs smos pa'i phyir dang longs spyod kyi dkyil 'khor dang sku la sogs pa byin gyis brlab pa dag kyang bco brgyad pa las rdo rje 'chang ba gang yin pa'i rig pa yod pa'i sbyor ba dang/ bdag byin rlabs sogs de bzhin te/ de'i longs spyod bzhir zhes bya zhes tha dad par gsungs pa'i phyir ro/ /shin tu spros pas mchog go /zhes bya ba ni de skad gsungs pa'i dgos pa'o kyang gsungs so zhes bya ba ni rdo rje'i bzlas pa rgyas par ro/ /rnam pa gsum dag ces bya ba ni sku dang gsung dang thugs tha dad pa'i phyir ro/ /spro ba ni khyad par byed pa'i sprul pa'o/ /ngos rnams su zhes bya ba ni phyogs char te rigs mthun pa nyid yin pa'i phyir dang de rnams nyid la mthar bsdu ba'i phyir ro/ /sangs rgyas thams cad kyi rdo rje gsum gyi thugs dang mtshungs pa 'di la yod pas na rdo rje gsum gyi thugs 'dra ste de rnams sems tsam nyid du yang dag par mthong ba'i phyir ro/ /rnam pa gsum po ni ji lta bu bya ba gzhan yang gang yin zhe na/ sangs rgyas rnams kyi zhes bya ba la sogs pa gsungs te/ bsgoms nas zhes bya ba ni yang dag par spros nas so/ /mchod pa'i mchog brtag pa na mchod pa'i mchog bskyed pa'o/ /de rnams byed pa po gang yin spro ba rnam pa gsum dang mchod par bya ba yin zhe na/ ye shes rdo rje byas na ni'o/ /mchod pa'i rdzas gang gis mchod ce na/ sangs rgyas rnams kyi zhes bya ba la sogs pa gsungs so/ /ye shes rdo rje zhes bya ba ni ye shes rdo rje las spro ba rnam pa gsum gyis so/ /byang chub mchog thob pa'i zhes bya ba ni bdag med par yongs su shes pa'i sangs rgyas kyi chos thams cad khong du chud pa ni byang chub kyi mtshan nyid can yin pa'i phyir ro/ /de ltar gcig las spros pa'i rdo rje'i bzlas pa gsungs nas kun nas spros pa'i rdo rje bzlas par gsungs pa'i phyir yang na zhes bya ba la sogs pa gsungs te/ dbye ba rnam pa gsum gyis shes bya ba ni sku dang gsung dang thugs kyi dbye ba rnam pa gsum gyi byed pa pos so/ /de dag las ji ltar spro zhe na/ so so dag tu ste re re las rigs mthun pa spro ba'i phyir ro/ /mchod pa'i mchog brtag pa ni ye shes rdo rje nyid kyis de bzhin du byas te gnod pa can med pa'i phyir ro/ /'o na sngags gang gis ci zhig spro zhe na/ sku dang gsung dang thugs ni rtsa ba'i sngags kyis so/ /de rnams kyi bdag med pa ni sdang gi sngags kyis zhes bya ba'i don to/ /dang po'i sngags gnyis kyis bsdu'o zhes bya ba ni lus pa las zhes par bya ste/ bco brgyad pa las sangs rgyas sna tshogs rdo rje'i bdag /ye shes sa bon bdag gis bsdu/ /byang chub bdag med sa bon gyis/ /brtul zhugs can gyi bdag med bzung/ /zhes gsungs pa'i phyir ro/ /brjod nas zhes bya ba la sogs pa la ji ltar bden pa rnams dang por mthong ba ni mthong ba'i lam yin pa de bzhin du 'dir brjod nas shes bya ba ste sngags bzhi po dang por brjod nas zhes bya ba'i don to/ /rdo rje zhes bya ba ni sku dang gsung dang thugs ye shes kyi rdo rje'o/ /spro ba ni zhes bya ba ni spro ba nyid yin gyi bsdu ba ni ma yin te/ spro ba ma byas pa la bsdu ba mi rung ba'i phyir ro zhes bya bar dgongs so/ /rdzogs nas shes bya ba ni sngags bzhi po rdzogs par brjod pa ste/ tha ma brjod pa na zhes bya ba'i don to/ /rab tu bsdu bar bya zhes bya ba ni bsdu ba nyid bya'i spro ba ni ma yin no/ /gzhan du na tha ma nyid du mi 'gyur te spro ba rnams nges par bsdu bar bya ba nyid yin pa'i phyir dang de bsdu ba'i phyed du yang brjod par thal bar 'gyur ba'i phyir ro zhes bya bar dgongs so/ /brjod pa lhag ma rnams la ni bsdus nas kyang spro bar bya'o zhes don gyi rnyed par 'gyur ro/ /'on te dang por brjod pa'i sngags dang po dag gis don gang yin zhe na/ dbye ba rnams dang sna tshogs pa'i ye shes tsam dang bdag med pas so/ /phyis brjod pa'i sngags phyi ma dag don gang yin zhe na/ dbye ba nyid kyi rdo rje dbye ba nyid dang rdo rje mnyam pa nyid do/ /'di de zhes bya ba ni khyed gsan par dgyes pa rdo rje bzlas pa'i ye shes che 'di gang yin pa de'o/ /ye shes nyid kyi spyan phye ba ste sgrib pa med pa de rnams la mnga' bas na de skad ces bya'o/ /de ltar thun mong gi rdo rje bzlas pa'i gzhung rgyas pas phyis bya ba gsungs nas lan cig bya ba'i thun mong ma yin pa'i rdo rje bzlas pa bstan pa'i phyir sku'i rdo rje zhes bya ba la sogs pa gsungs te/ de skad du yang bco brgyad pa las/ rang rang gi ni ngo bo nyid/ /snying kar yid kyis rnam bsam ste/ /gsang sngags bzlas pa'i dbye ba yis/ /zlos pa byed cing spro zhing bsdu/ /zhes gsungs pa la/ rang rang gi ni ngo bo nyid ces bya ba ni rang gi sku la sogs pa ji lta ba bzhin gyi de kho na nyid do/ /rnams bsams te zhes bya ba ni nges par dpyad pa'o/ /snying la yin gyi zhes bya ba ni snying gar chud pa'i yid kyis te mnyam par bzhag pas zhes bya ba'i don to/ /de la rigs kyi sngags las skyes pa'i lus ni sku'o/ /ye shes sems dpa' i thugs gar son pa'i mtshan ma'i thugs so/ /mtshan ma'i nang du son pa'i sa bon ni gsung ngo/ /khro bo la sogs pa rnams kyis ni khro bo la sogs pa'i mnyam pa nyid ni thugs so/ /de las byung ba'i sngags dang lus kyi 'gyur ba ni rim bzhin du gsung dang sku'o/ /sangs rgyas rnams kyi sku mnyam pa nyid du bsdus pa ni sku rdo rje'o/ /de'i mngon par byang chub pa ni mngon du byas pa ni sku'o/ /dngos dang dngos med rnam par dpyad pas mi dmigs pa ni thugs so/ /de yang ci zhig yin zhe na/ sangs rgyas sku de nang du gyur pa dang 'khor lo'i rnam pa yin pa'i phyir zhes pa'i tshogs te ye shes kyi 'khor lo zhes bya ba'i don to/ / de ji ltar na dngos dang dngos med dpyad ce na/ lus 'di rnams kyi ma skyes pas lus kyi ngo bo nyid med pa yin la/ ye shes lus su snang bar skyes pas dngos po med pa yang ma yin te/ 'di dag ye shes kyi 'khor lo'i zhes bya ba ni 'khor lo'i nang du zhugs pa'i rang gi ngag aoM zhes bya bas 'khor lo'i don lus te ston par byed pa yin te/ gdod nas ma skyes pas stong pa nyid kyi rang bzhin gyis yid nyid do zhes bya ba ni 'di'i don yin no/ /de ltar gang sku dang thugs dang gsung rnams yang dag par mtshon pa ni sku'i bzlas par bshad pa ste/ rnam par snang mdzad kyi bzlas pa zhes bya ba'i don to/ /sangs rgyas rnams kyi gsung sdud pa ni gsung gi dam tshig go /de'i mngon par byang chub pa ni sku'o/ / sgra dang sgra min rnam dpyad pa ni thugs te/ sangs rgyas rnams kyi gsung ni chos rnams brjod du med pas sgra ma yin no/ /chos nyid gsal bar mdzad pas sgra ma yin pa yang ma yin no/ /ci zhig ce na/ gsung gi rdo rje zhes bya ste/ sangs rgyas thams cad kyi gsung gi mtshan ma pad+ma dmar po'o/ /dmar po ni mtshon pa'i don yin te/ pad+ma ni dag pa'i don te de bas pad+ma'i don gyis sgra ma yin la dmar po'i don gyis ni sgra ma yin pa yang ma yin no zhes bya ba'i don to/ /zhes shes bya ba ni mtshan ma'i don 'di'i lus te/ a zhes bya ba'i rang gi dag gi rab tu ston to/ /tha snyad rnams nam mkha' lta bu ste/ don dang ming dang blo rnams su/ /rnam par mi rtog pa zhes bya ba'i don to/ /de ltar gang sku dang gsung dang thugs rnams yang dag par mtshon pa de ni gsung gi bzlas par bshad de/ snang ba mdza' yas kyi bzlas pa zhes bya ba'i don to/ /sangs rgyas rnams kyi thugs mnyam pa nyid ni thugs kyi dam tshig ste/ de'i mngon par byang chub pa ni sku'o/ /gnas pa'i rdo rje rnam dpyad pa ni thugs te/ gnas pa ni dga' ma rnams so/ /rdo rje ni rig bya rnams so/ /de dag gnyis su med pa ni rnam dpyad pa ste/ 'di la gnas pa yang med la rdo rje yang med pa'o/ /'o na ci zhig ce na/ thugs kyi rdo rje zhes bya ba smos te/ thugs ni mi bskyod pa'o/ /de'i rdo rje nag po rtse lnga pa ste/ de yang thugs 'dren pas na nag po yin la rig bya dang rig pa rnams bsdus na rtse lnga pa'o/ /zhes shes bya ba ni lus te rdo rje'i gzung ba gnas pa dang 'dzin pa rdo rje gnyis su med par gyur pa gzung ba dang 'dzin pas stong pa'i yid tsam ni hUM zhes bya'o/ /de ltar gang sku la sogs pa yang dag par mtshon pa ni sems kyi bzlas par bshad de/ mi bskyod pa'i bzlas pa zhes bya ba'i don to/ /dga' ma rnams ni don yin la/ de'i rjes su 'gro ba ni bde ba'i rang bzhin du ro gcig tu gyur pa'o/ /de nyid ni rang gi dag bas zhes bya ba ni des brjod par bya ba yin pas bzlas pa'o/ /de ji lta bu zhe na ngo bo nyid med pa ste/ ngo bo ni sku bsdus pa'o/ /med pa ni thugs sdus pa'o/ /de dag gnyis su med par gyur pa ni ngo bo nyid med pa rin po che'i rnam pa yin pas na bzang po'o/ /dus gsum sangs rgyas rnam dpyad pa zhes bya ba ni mnyam pa nyid kyi ye shes so/ /de nyid rin chen bzlas pa ste/ rin chen 'byung ldan gyi bzlas pa'o/ /de las sangs rgyas rnams kyi gsang ba gsum po mnyam pa'i bde ba mngon par byang chub pa ni sku'o/ /snying gar chud pa'i yid bzhin gyis nor bu ni thugs so/ /de'i nang na gnas pa'i yi ge swA ni gsung ste/ yi ge gsum gyis ni thams cad rdo rje'i don gyi rjes su 'gro bar bstan to/ /sku'i sprin rnams spro ba ces bya ba ni sangs rgyas kyi zhing rnams thams cad du khyab par 'khor lo lta bu'i rnam par spro ba ste sku'o/ /'gro dang 'gro min rdo rje zhes bya ba la 'gro ba yang de yin la 'gro min yang de yin te/ de'i rdo rje ni mtshan ma te/ des mtshon pa'i phyir ro/ /de nyid rang gi sngags kyis brjod par bya ba'i sgra don yin pas rdo rje don no/ /de bas na 'gro ba dang 'ong ba ma yin pa'i ston pa'i mtshan ni thugs so/ /'gro ba dang 'ong ba ma yin pa'i don ni sngags kyi gsung ngo/ /'di ltar 'di'i mtshan ma ni ral gri ste/ de yang 'debs na thams cad 'gro ba yin la lag par gnas pas na mi 'gro ba yang yin no/ /de bzhin du thogs med spros pas ni kun tu 'gro ba yin la gnas pas mi 'gro ba yin pa'i don te/ yi ge has ston te kun tu 'gro bar gnas pa zhes bya ba'i don to/ /de ltar gang sku dang thugs dang gsung rnams yang dag par mtshon pa 'di ni thogs med kyi bzlas pa ste/ rigs rnams kyi bzlas pa'o/ /yi ge rnams 'dus pa'i tshig ni yi ge'i tshig ste/ de sgrub pa po rang gis gang thos pa'o/ /rang zhes bya ba ni bdag nyid de dam tshig sems dpa' o/ /rdo rje zhes bya ba ni sku dang gsung dang thugs rnams dang ye shes kyi rdo rje rnams so/ /drag po ni lnga po de nyid kyis lhan cig tu gsang mthon por sgrogs pa'o/ /dkyil 'khor zhes bya ba ni sngags rnams kyi snying po bsdus pa ste/ hUM zhes bya ba la sogs pa 'brug gi sgra lta bu sgrogs pa gang la yod pa'o/ /ji ltar sgrogs she na khro bo'i dam tshig ye shes dag gis te/ dam tshig ni smin ma bcum pa la sogs pa'o/ /ye shes ni nyams su myong ba'o/ /de gang sems dpa' rnams kyi sku dang gsung dang thugs rnams yang dag par mtshon pa de ni khro bo'i bzlas pa'o/ /thabs dang bcas pas 'dod pa rnams dang gnyis su med par bsten pa ni 'dod pa'i don to/ /myos par gyur pa ni shin tu chags pa'o/ /kun tu skyob cing phan par dga' zhes bya ba ni sems can rnams la skyob pa dang phan pa don du gnyer ba'o/ /sems can zhes bya ba ni dam tshig sems dpa' la sogs pa lnga'o/ /gti mug gnas zhes bya ba ni rab sngags yin pa bzhag pa ni de dag gis de brjod pa zhes bya ba'i don to/ /de lta bu gang yin pa de ni gti mug gi bzlas pa ste des sku dang thugs dang gsung rnams yang dag par mtshon pa'o/ /nang du reg pa'i ro ni 'dod chags so/ /de las byung ba'i tshig ni yi ge A'o/ /lus dang ngag dang sems ni lus dang ngag dang sems rnams dang lus ngag sems te/ dam tshig sems dpa' la sogs pa'o/ /de rnams kyi mdzad pa ni de rnams kyi mdzad pa'o/ /sems can de rnams te 'dod chags kyis bslang ba'i las kyi las la bzhag pa ste/ bzlas pa gang yin pa de ni 'dod chags bzlas pa'o/ /zhe sdang rdo rje ni gnyis su med pa so sor rtogs par gyur pa'i lus kyi las so/ /de las byung ba'i sems ni dga' ba'o/ /de'i lus la sogs pa la gnas pa zhe sdang gi gnas ni hUM ste/ de la zhan pas sems pa lnga po zlos pa byed pa gzhag pa'i bzlas pa gang yin pa de ni zhe sdang gi bzlas pa'o/ /gti mug la sogs pa gsum po dam tshig gang du bsdus pa'i de kho na nyid ni dam tshig de nyid rdo rje gsum mo/ /de du ma zhes bya ba ni gti mug la sogs pa rnams bri ba med pas 'phel ba yang med pa'o/ /de nyid ces bya ba de bzhin nyid do/ /rdo rje thams cad ces bya ba ni dam tshig sems dpa' la sogs pa lnga po gang du zlos pa de ma ning gi bzlas pa ste/ ma ning ni bud med kyang ma yin la skyes pa yang ma yin pa bzhin 'dir yang gti mug la sogs pa rnams 'phel ba dang 'bri ba'i mtshan nyid kyi skyes pa dang bud med ma yin pas ma ning ngo/ /khro bo la sogs pa'i zlas bdag ni las kyi dbye ba dang lha'i dbye bas rig par bya'o/ rdo rje bdag po rnams ni 'dod pa drug go de thams cad ni 'dod chags de nyid don bsgom pa ste/ 'dod chags kyang yin la don yang yin te/ de la sems pa ni 'dod chags kyi don la sems dpa' o/ /sems can zhes bya ba la sogs pa ni go bla'o/ /'dis ni de'i rnal 'byor pa 'dod pa lnga'i lus gnyis rang gi lus gnyis la bcug ste/ 'dod chags kyi bzlas pa bya'o/ /zhes bya bar 'gyur ro/ /'dod pa rnams kyi don dor brtson zhing bsdus pa'i rnal 'byor pas 'dod pa lnga gnyis su med pa'i sbyor bas 'dod chags kyi bzlas pa bya'o/ /'dod pa'i longs spyod ces bya ba la sogs pas ni spyan la sogs pa'i bzlas pa'i dam tshig bstan to/ /rig pa'i rgyal po ni dam tshig rdo rje la sog p drug ste/ gti mug gi dam tshig yul las skyes bas so/ /de nyid na 'khor lo can no/ /ma ning gi gnas ni gti mug gi bzlas pa ste/ skyes ba dang bud med gnyis su med pa'i don gyis shin tu 'khyud pa'i phyir ro/ /dngos grub ni der gnas pa'i grub pa po/ /zhe sdang gi gnas ni zhes sdang gi rigs so/ /bsad pa ni snang ba med par byed pa'o/ /de bas na de nyid ni zhe sdang 'das pa'o/ /sgrub pa zhes bya ba la sogs pa ni dam tshig gsungs te/ bsad par bya ba gdug pa rnams kyis nam mkha' khyab par bsams na/ hUM zhes bya bas snang ba med par byas pas bsad par bya ba'o/ /mchog gi chos ni dad pa dang shes rab la sogs pa'o/ /skyes bu chen po zhes bya ba ni shin tu khro ba'i skyes bu'i las dang ldan pa ste/ de rnams kyi dam tshig go /de ston par mdzad pa la yang de skad ces bya'o/ /de ltar bzlas pa rgyas par bshad nas bye brag bstan par bya ba'i phyir slar yang gsungs pa yis zhes bya ba la sogs pa la rdo rje gsum pa bkod pa'i tshigs su bcad pa lngar bstan pa de 'dir tshigs su bcad pa phyed dang drug gi gsungs la/ de nas tshig rkang gnyis kyis ni 'od zer spro ba sngar ma bstan pa ston to/ /tshigs su bcad pa lnga'i tshig gsum gsum gyis ni gcig brjod la bzhi bas ni gnyis pa'o/ /ye shes kyang yin la 'khor lo yang yin pas ye shes 'khor lo ste/ de dang ldan pa'i rnal 'byor pa'i snying gar bsgom par bya'o/ /gsang ba'i dkyil 'khor ni zla ba'i dkyil 'khor te dI dbus su gnas par ro/ /de bzhin du ye shes rdo rje can la sogs pa'i snying gar rdo rje la sogs pa nyi ma'i dkyil 'khor la gnas pa'o/ /dbus su 'khor lo'i don bsgom mo zhes bya ba ni 'khor lo de'i dbus su 'khor lo'i don gyi sngags aoM zhes bya ba la sogs pa bsgom pa'o/ /rdo rje'i don bsgom zhes bya ba la rdo rje ni rdo rje'i dbus so/ /de'i don gyi sngags ni yi ge hUM zhes bya ba ste/ de bsgom pa'o/ /rin chen ye shes can zhes bya ba ni rin chen yang yin la ye shes kyang de yin no/ /kun ni sna tshogs pa de/ ye shes sems pa'i thugs gar gnas pa'i sa bon no/ /de'i dkyil 'khor ni gdan no/ /de'i dngos rnams ni shar dang lho dang byang du 'am/ dbang ldan dang/ me mtshams dang/ nub phyogs so/ /sangs rgyas kun zhes bya ba ni sangs rgyas thams cad kyi sku dang gsung dang thugs kyi sa bon yang rang gi stan la dgos par bya'o/ /'od zer lnga zhes bya ba ni kha dog lnga'o/ /spro ba ni spro bar bya'o/ /bye brag gis zhes bya ba ni sna tshogs pa las kha dog rnam pa lnga dang sku la sogs pa'i rdo rje dag las rang gi kha dog go /'od zer spros pa'i mthar sems pa spro ba'o/ /de dag kyang gcig dang thams cad las shes pa rnam pa gnyis su sngar bshad do/ /de nyid kyi phyir gsungs pa sngags thams cad ce bya ba la sogs pa'o/ /gang du bsdu ba ma bstan pa de bstan par bya ba'i phyir sku gsum zhes bya ba la sogs pa gsungs te sku gsum ni sku gsum po dag go / rdo rje ni sna tshogs pa ste/ de'i bye brag gis spros pa nams bsdus te/ gang gi tshe bye brag rnams la spros a'i tshe rdo rjer bsdu'o/ /gang gi rdo rje las spros pa de'i tshe bye brag rnams su'o/ zhes bya ba'i don to/ /de ltar rdo rje gsum po dbyer med pa'i mtshan nyid ni shin tu khyad par du 'phags pa'o/ /bdag med pa las spros pa de gang du spro bar bya zhe na/ lus kyi zhes bya ba la sogs pa gsungs te/ ngo bo nyid ni bdag med pa'i ste/ sna tshogs pa'o/ /de ji ltar sku la sogs pa yin zhe na de dag gang gi phyogs su spros pas so/ /des ni mchod par 'gyur te/ gnyis su med pa'i mchod pa thob par 'gyur ro zhes bya ba'o/ /des sku la sogs pa'i dbye ba sna tshogs pa dang/ gnyis su med par byas pa 'am zhes bya ba'i don to/ /de ltar bzlas pa rgya cher gsungs nas nga ni las kyi tshogs ston la/ de la rnal 'byor ji lta bu la gnas nas las byas pa ni/ dkyil 'khor chen po zhes bya ba la sogs pa gsungs te/ dkyil 'khor chen po lha nyi shu lnga 'am 'khor lo yis te don gyis shugs kyis lha drug gis so/ /nang gi rnam par rdo rje lnga rnams te sangs rgyas rnams bsgom par bya'o/ /ci zhig byas nas she na/ dbus su bdag po bsams nas ni'o/ / gzugs zhes bya ba ni sku'i rnam pa'o/ /gsum ni sku gsum po dag go /sku ni ye shes sems dpa' o/ /rdo rje ni cod pan no/ /lnga po de dag dang ldan a'i phyir/ /gsum sku rdo rje can gyi gzugs/ /rang sngags rdo rje can zhes bya ba ni rang gi lhag pa'i lha'i 'o/ /gzugs ni de nyid do/ /dkyil 'khor pa rnam pa bzhi dag ni zhes bya ba ni chu dang dbang chen dang me dang rlung gi la'o/ /kha dog rnam bzhir kun brtags la zhes bya ba ni go rim bzhin du dkar po dang ser po dang dmar po dang nag por rnam par bsgoms la'o/ /snying gar sngags kyi don bsgoms na zhes bya ba ni rang gi lha'i gzugs de nyid kyi thugs kar sngags kyi don zhi ba la sogs pa'i las ji skad 'chad par 'gyur ba'o/ /chu la sogs pa'i dkyil 'khor ji lta bu yin zhe na / ji skad du rdo rje bdud rtsi'i rgyud las/ zhi la chu yi dkyil 'khor ni/ /zlum zhing kha dog dkar po yin/ /rgyas pa'i las la dbang chen gyis/ /dkyil 'khor gru bzhi ser po yin/ /gdug pa'i las der ma yi ni// dkyil 'khor gru gsum nag por bsam/ /dbang la shin tu dmar bar bsam/ /rlung gi dkyil 'khor gzhu yi dbyings zhes gsungs pa lta bu'o/ /de las chu ni baM las byung ba ste/ logs la bum pas mtshan pa'o/ /dbang chen la ni lam las byung ba ste/ mtshams rnams su rdo rje rtse gsum pas mtshan pa'o/ /me'i ni raM las byung ba ste/ zur rnams su ni raM gyis mtshan pa'o/ /rlung ni yaM las byung ba ste/ zur dag tu rdo rje rgyal mtshan gyis mtshan pa yin no/ / rdo rje rnam pa bzhi zhes bya ba ni kha dog dang stan la sogs pas phye ba 'di nyid kyi rnal 'byor bzhi'o/ /las ni zhi ba la sogs pa'o/ /bsam gtan rdo rje ni ting nge 'dzin brtan pa'o/ /'di ni zhes bya ba ni las 'di ni'o/ /sngags rnams thams cad kyi zhes bya ba ni lha thams cad kyi zhes bya ba'i don to/ /rab tu bzang po yin zhes bya ba ni shin tu rmad du byung ba ste/ yid kyis las nyid yin pa'i phyir ro/ /khyad par gyi lha bzhi po ni zhi ba la ni zhes bya ba la sogs pa gsungs te/ spyan gyi tshul ni rnam par snang mdzad do/ /rdo rje pad+ma can ni gos dkar mo ste de dang ldan pa'i rin chen dpal dang 'od dpag tu med pa zhes bya ba'i don to/ /sku'i sprin gyi tshogs kyi gsal bar mdzad pa'i phyir rnam par snang mdzad de/ don yod par grub pa'o/ /rdo rje ni mi bskyod pa'o/ /khro bo ni drug po nyid kyi phyir ro/ /'di zhes bya ba ni lha bzhi 'di gang yin pa'o/ /de zhes bya ba ni khyad par can no/ /lha thams cad kyi sku gsum ni lha bzhi pa de nyid do/ /bya ba ni zhi ba la sogs pa'i las rnams so/ /de nyid ni rol mo ste/ 'jig rten las 'das pa'i ting nge 'dzin gyi ngo bo nyid yin yang 'jig rten pa'i don dang 'dra ba'i snang ba'i phyir ro/ /de'i mtshan nyid ni rang gi ngo bo'o/ /gsang ba ni sba bar bya ba nyid yin pa'i phyir ro/ /ye shes rdo rje ni byang chub rdo rje'o/ /mngon spyod ni thams cad la bya ba ma yin pas gang dag la bya ba de dag ni ma dad ces bya ba la sogs pa gsungs te/ dkon mchog gsum dang sngags kyi tshul la sogs pa la ma dad pa ni legs pa ma yin no/ / zhes sems can rnams 'dzin par byed pa gang yin pa de dag ni ma dad par smra ba'o/ /sngags kyi tshul la slob dpon gyi dbang bskur ba thob pa can dang yang dag par ston par byed pa gang yin pa de ni rdo rje slob dpon no/ /khyad par du ni gang gi rdo rje slob dpon te de la smod pa gzhan dag gus pa ma yin pa skyes cing smod pa gang yin pa de dag ni rdo rje slob dpon smod pa'o/ /gzhan rnams la zhes bya ba ni dkon mchog gsum la sogs pa'o/ /'ang gi sgra ni skabs la bltos pa yin te ma dad par smra ba rnams la yang zhes bya ba'i don to/ /gdug pa'i sems can zhes bya ba ni gnyi ga yang khyad par yin te/ 'jig rten gyi don chen po las nyams par byed pa dang gnod pa chen po bskyed pa 'am bdag nyid kyang ngan song rgyud mar gzhol bar byed pa zhes bya ba'i don to/ /rab tu bskul ba 'di bya'o zhes bya ba ni 'chad par 'gyur ba'i bya ba'o/ /de nyid ni rdo rje yin te don yod pa nyid kyi phyir ro/ /de 'chad par rtsom pa mdzad pa nyid kyi phyir de skad ces bya'o/ /khams gsum gnas pa'i zhes bya ba ni khams gsum khyab par byed pa'i 'o/ /sangs rgyas skur ni zhes bya ba ni sangs rgyas kyi tshogs kyi ngo bo nyid du'o/ /ci'i phyir zhe na/ de rnams gnod pa chen po byed pa'i bsgrub bya la blta bar bya ba'i phyir ro/ de skad du yang/ sangs rgyas kun la gnod byed par/ /bsams nas rnal 'byor rab tu sbyor zhes 'chad par 'gyur ro/ /kha sbyar dbye bar bsams nas su zhes bya ba ni bsrung ba bsal ba ste/ 'di yang gsal bar ma bshad do/ /de nas zhes bya ba ni de'i rjes thogs la'o/ /las rnams brtsams par bya ba ni mngon spyod kyi cho ga'o/ /ji ltar bya zhe na/ nam mkha' i dbyings kyi zhes bya ba la sogs pa gsungs te/ nam mkha' i dbyings ni me'i dkyil 'khor te gru gsum nyid yin pa'i phyir ro/ /kha bzhi pa zhes bya ba ni kha gyen du bltas pa'i phyogs bzhi'i rtse mo bzhi'o/ /rdo rje de nyid rdo rje sems dpa' rnam par bsgom pa ni mi bskyod pa zhes bya ba'i don to/ /skabs kyis khro zhing bsngo ba'i 'khor dang ldan pa'o/ /dus gsum zhes bya ba la sogs pa la dus gsum dam tshig ni tshogs pa'o/ /sangs rgyas rnams kyi 'khor lo ni tshogs te/ nam mkha' i ngos la rnam bsgoms la'o/ /lag pa zhes bya ba ni lag par gnas pa'i 'bar ba'i rdo rje la'o/ / bya zhes bya ba ni gzhugs par bya'o/ /sangs rgyas sku'i bye brag gis zhes bya ba ni rdo rje'i 'od zer las byung ba'i de bzhin gshegs pa'i khros pa rnams kyis gcig tu byas nas so/ /bsdus te gong bu'i tshul gyis su zhes bya ba ni gcig tu byas pa'o/ /rang gi lus la zhes bya ba ni rang gi snying ga'i nyi ma dang mtshan ma la gnas pa'i sngags kyi thig ler ro/ /sangs rgyas zhe bya ba ni de rnams kyi'o/ /ye shes 'khor lo can zhes bya ba ni ye shes sems pa'i thugs ka'i sa bon las byung ba'o/ /khro bas zhes bya ba ni sangs rgyas de dag nyid spros pa'o/ /bsad pa'i don sems dpa' zhes bya ba la bsad pa nyid kyi don te thabs yin no/ /de sgrub par bya ba'i don sems pa ste/ don phan pa byang chub la mngon par phyogs par byed pa la gzhol bar byed ces bya ba'i don to/ /bar 'di yang bsgrub par bya ba mdun gyi me'i dkyil 'khor la gnas pa gcer pu grol ba yud dmar gyi dbyug pa skyabs med par bsam par bya'o/ /de nas sku gsung thugs kyi sbyor ba la sogs pa'i tshigs su bcad pa gnyis kyis khro bo rnams la bsgo ba sbyin par bya'o/ /gdug pa chen po gsod bar byed ces bya ba ni bsgrub par bya ba gdug pa gsod par byed pa'i khro bo de rnams bsgom par bya zhing rang gis kyang rdo rje bsnun par bya ba zhes bya ba ni lhag ma'o/ /rang nyid dam zhes bya ba ni dngos su te/ gal te 'dir bsgrub par bya ba 'di gang yin pa de rdo rje sems dpa' yin na yang 'gyur ro zhes bya ba'i don to/ /khyad par gsungs pa 'di ni sbyor ba'i mthu bstan pa'i phyir ro// sangs rgyas zhes bya ba ni rdo rje 'chang ba'o/ /rdo rje gsum gyi dkyil 'khor gnas ni mi bskyod pa'i rigs so/ /dngos grub ni sgrub pa po la'o/ /rmongs pa ni bsgrub par bya ba'o/ /'grub mi 'gyur ni bsgrub par bya ba nyid de gso bar mi nus so zhes bya ba'i don to/ /rdo rje mi bskyod pa'o/ /de'i dam tshig ni ye shes kyi sa bon no/ /de'i bka' i 'khor lo ni de las byung ba'i khro bo rnams te de la dmigs pa nyid kyi phyir de skad ces bya'o/ /rdo rje 'bar ba ni rdo rje'i rnam pa lta bu'i 'od do/ /rdo rje sems dpa' i rdo rje bsgom zhes bya bar sbyar ro/ /rdo rje sems dpa' ni sangs rgyas rnams so/ /rdo rje ni 'khor lo 'bar ba ste/ de la de rnams nang du 'dus pa'i phyir gzhi mthun pa yin no/ /rdo rje'i sku'i khyad par gyis zhes bya ba ni 'khor lo'i 'od zer las byung ba'i de bzhin gshegs pa khros pa rnams kyis gcig tu byas nas so/ /rdo rje thams cad kyi zhes bya ba ni sangs rgyas khro bo de rnams nyid kyi'o/ /ye shes mchog gi gnyen gyis zhes bya ba ni ye shes sems dpa' nyid mchog gi gnyen te/ spro bar mdzad pa pos so/ /de la bsgrub par bya ba snga ma bzhin du bsams la tshigs su bcad pa gnyis kyi khro bo rnams la bsgo ba sbyin par bya'o/ /sku gsung thugs zhes bya ba la sogs pa'i tshigs su bcad pa gnyis po 'di nyid kyis ji skad gsungs pa bzhin du sbyor ba snga ma la blta bar bya'o/ /sbyor ba 'di la ni 'khor lo 'dzin pa dang 'khor lo rab tu 'bar ba yis shes brjod par bya'o/ /lhag ma ni mtshungs pa yin no/ /de bzhin du lha gzhan dag la yang ci rigs par shes par bya'o/ /sbyor ba ni ye shes sems dpa' o/ /sku gsum las byung ba ni ye shes sems dpas bskyed pa'o/ /gang gi tshe na zhe na/ gal te zhes bya ba la sogs pa gsungs te/ dam tshig ces bya ba ni bka' bsgo ba ste/ de las 'das na'o/ /dags par bgyis na cir 'gyur zhe na/ zhig par 'gyur ba ces bya ba la sogs pa gsungs so/ /'khor lo ni rnam par snang mdzad do/ /de'i dam tshig ni ye shes kyi sa bon no/ /de bas ni bka' i 'khor lo ste/ bka' bsgo ba blta byed pa'i khro bo'o/ /de la dmigs pa nyid kyi phyir de skad ces bya'o/ /de ltar de bzhin gshegs pa rnams la gnyis gsungs nas khro bo rnams la gcig bstan pa'i phyir sangs rgyas zhes bya ba la sogs pa gsungs te sangs rgyas kyi dkyil 'khor ni cod pan la rnam par snang mdzad kyi gzugs so/ /rdo rje ni sku dang gsung dang thugs dang ye shes sems dpa' ste gnas ji lta ba bzhin du de dang ldan pa'o/ /gshin rje gshed kyang de yin la/ dkyil 'khor chen po dang ldan pa'i phyir 'khor lo chen po yang yin pas na de brtag par bya'o/ /de yang rang gi rdo rje yin par brtag par bya ste/ rang gi rdo rje ni rang gi mtshan ma ste rdo rje tho ba'o/ /de'i phyag na mdzad par grags shing ston pa 'di la mnga' bas na rang gi rdo rje yin par ro/ /sangs rgyas zhes bya ba ni mtshan ma'i nang du chud pa la sogs pa'i rim gyis snga ma bzhin no/ /sku gsum dkyil 'khor ni ye shes sems dpa' i sa bon gyi thig le'o/ /sems can dang zhes bya ba ni yang gi don du rtogs par bya ba ste/ sems can yang de dang 'dra bar spro bar bya'o zhes snga ma dang sbyar bar bya'o/ /dgra bo rnams zhes bya ba ni bsad par bya zhes bya ba 'og ma dang sbyar bar bya'o/ /rdo rje bka' i 'khor lo ni khro bo'i bka' i 'khor lo'o/ /dam tshig tham cad ni sangs rgyas dang sems can rnams so/ /de rnams kyi 'byung ba ni 'jug pa ste/ gshin rje gshed kyi sku gsum gyi ye shes kyi sa bon gang yin pa la'o/ /de bas na bka' i 'khor lo ni bka' i khro bo ste/ de la dmigs pa'i phyir de skad ces bya'o/ /bka' i 'khor lo gsungs nas bsrung ba'i 'khor ni sku zhes bya ba la sogs pa gsungs te/ rang sngags ni rang gi lha nyid do/ /don ni rdo rje 'chang ste 'bras bu'i mchog nyid yin pa'i phyir ro/ /yon tan ni de nyid kyi snying po ste/ rdo rje hUM mdzad ces bya ba'i don te bzlas dbye'i bsdu ba bya'o/ /gtsug ni rgyal ba'i gtsug tor la sogs pa brgyad do/ /de nyid ni 'da' bar bya ba ma yin pa nyid kyi phyir dam tshig go / bcu gcig po de las gang yang rung ba'i sbyor ba dang ldan pas 'khor lo'i lte bar gnas nas bka' i dkyil 'khor sbyar bar bya ste/ bka' ltar byed pa'i 'khor lo ni bka' i 'khor lo'o/ /rtsibs bcur gnas pa'i khro bo bcu por rab tu sbyar bar bya ba de'i dgos pa ni phyogs bcur 'od zer gyi sprin rab tu 'gyed par byed pa'o/ /sngags kun zhes bya ba ni lha thams cad kyi sbyor ba'o/ /ye shes mchog ni nang gi bdag nyid can gyi dkyil 'khor ro/ /rdo rje ni phyi'i dkyil 'khor pa ste rten dang bcas pa dang ldan pas na'o/ /bsrung ba'i don ni bsrung ba'i thabs de bsrung ba'i 'khor los bgegs rnams bsal la cho ga bzhin du rdo rje 'chang ba rnam par bsgoms te/ 'dod chags chen po'i tshul la sogs pa'i rim gyis dang por sbyor ba bsgom par bya'o/ /de nyid kyi cho ga brtan par bya ba'i phyir nam mkha' rdo rje zhes bya ba la sogs pa gsungs te/ chos 'byung ba'i phyag rgya chen po ni nam mkha' dang mnyam pa nyid kyi phyir nam mkha' ste/ nam mkha' la gnas pa'i sna tshogs rdo rje ni nam mkha' rdo rje'o/ /de'i dbus gnas pa ni dbus na 'dug pa'o/ /chos zhes bya ba ni yi ge b+h+ruM mo/ /ji lta bu zhe na/ rnam par snang mdzad sku mchog las byung ba ste/ sna tshogs 'di la snang bar mdzad pa'i phyir rnam par snang mdzad ye shes kyi mtshan ma'o/ /de rnams kyi sku'i mchog ni tshogs chen po ste/ ye shes rgya mtsho zhes bya ba'i don to/ /de 'byung ba ni de la skyes pa yin pas na de skad ces bya'o/ /sku dang gsung dang thugs kyi ro sna tshogs pa dang gro gcig pa'i phung po ni sku gsum ste de nyid ni ye shes kyi rgya mtsho'o/ /de nyid ni lha min bzhi'i rgya mtsho tshul du yongs su gyur pa de'i dam tshig bsdus pa 'di la yod pas ni sku gsum dam tshig go /de lta bu'i yi ge b+h+ruM bsams nas gdan du de rab tu brtag te/ yi ge b+h+ruM de nyid gzhal yas khang rim pa gnyis pa rang gi gdan gyi mgon dang bcas par bya'o/ /zhes bya ba'i don to/ /de'i dbus su chud pa'i mkha' dbyings rnam par bsgom pa ni don gyis na dbus ma'i gdan la gnas pa'o/ nam mkha' ni nam mkha' yin la dbyings ni 'jig rten gyi yin pas nam mkha' i dbyings te zla ba'i dkyil 'khor ro/ /yongs su gang ba ni cha med pa'o/ /sangs rgyas thams cad kyi zhes bya ba ni sangs rgyas thams cad kyi yon tan gyi sa bon gyi rang bzhin can dbyangs kyi yi ge shin tu dkar ma bcu drug la ste/ 'di ni me long lta bu'i ye shes so/ /de'i dbus ni gnas pa'i rang sngags yi ge'i gnas bsgom par bya zhes bya bar sbyar ro/ /rang sngags ni mchog dang po'i snying po'o/ /de yang gsal byed kyi yi ge sum cu rtsa bzhi shin tu rnam par dag pa sangs rgyas thams cad kyi yon tan gyi rang bzhin no/ /de las byung ba ni gnas te/ mtshan ma dang po'i rdo rje'o/ /'di mnyam pa nyid kyi ye shes so/ /de'i dbus su chud pa'i ye shes thugs kyi rnam par te dang po'i snying pa rnam par bsgom par bya ste/ 'di ni so sor rtog pa'i ye shes so/ /yang zhes bya ba ni phyis so/ /thugs kyi rdo rje des bsgoms nas te kun nas bskyed nas sangs rgyas thams cad de nyid du rab tu bsdu bar bya ste/ 'di ni bya ba nan tan gyi ye shes so/ /thugs kyi zhes bya ba ni yi ge hUM de nyid do/ /rdo rjer byas pa'i phyir zhes bya ba ni rig ma dang bcas pa'i mchog dang po'i skur byas pa'i phyir ro/ /'di ni chos kyi dbyings shin tu rnam par dag pa'i ye shes so/ /sku gsum zhes bya ba ni gsum char gyi gnas te rdo rje 'chang ba'i thugs kar zhes bya ba'i don to/ /de dag ces bya ba ni zla ba dang rdo rje dang sngags te gsum mo/ /'dzud ces bya ba ni dgod pa'o/ /nam mkha' zhes bya ba ni chos 'byung bar ro/ /rdo rje'i dam tshig ni rdo rje 'dzin pa rnam pa lngas mtshon par byang chub bo/ /de ston par mdzad pa la yang de skad ces bya'o/ /'di ni ye shes lnga'i go rim mo/ /rdo rje nyid kyi rdo rje 'chang ba'o/ /de'i sngags rin po che ni rab sngags kyi mchog go /de'i rab tu snad bar byed pa ni gsal bar byed pa ste/ sangs rgyas thams cad spro ba dang/ rdo rje 'chang bar bskyed pa dang de'i thugs kar mar me 'bar ba'o/ /de byed pa yin pas na de byed pa'o/ /chu la 'chag pa'i cho ga ni rnam pa'i mchog rnams shes bya ba la sogs pa gsungs so/ /sangs rgyas rim par dkor nas ni zhes bya ba ni snying ka'i sa bon las sangs rgyas phra mo'i spro ba'i sbyor bas rang gi lus kyi rdul phra rab sangs rgyas kyi rang bzhin du bya ba dang/ chu'i phra rab thams cad kyang sangs rgyas kyi rang bzhin du byas te/ ri rab ltar sra zhing mkhregs par bsgom pa'i sbyor bas brtan par bya'o zhes bya ba'i don to/ /sangs rgyas kyi rang bzhin du byas pa nyid kyi phyir chu la rkang pa mnyam par gzhag pa yin pas na/ rkang pa mnyam gzhag sbyor ba yis so/ /gzhung la la las ni rkang pa mnyam nyid sbyor ba yis zhes 'byung ste/ der ni spyi bo dang rkang pa ni sangs rgyas kyi rang bzhin du mnyam pas na rkang pa de'i ste/ de la dmigs pa'i sbyor ba ces bya ba'i don to/ /de nyid kyi phyir sangs rgyas kyi dgod pa rang bzhin dag par bstan pas na ngo bo nyid dag pa'o/ /rdo rje'i bdag nyid can gyi rgya mtsho rkang pas gnon pa 'di la yod pas na de skad ces bya'o/ /tshig gnon pa ni dbang chen zhes bya ba la sogs pa gsungs te/ rtsod pa smra ba'i dus su rang gi lha nyid kyi sbyor ba ser por byas nas so/ /dbus su zhes bya brgol ba'i kha'i dbus su dbang chen gyi dkyil 'khor lam las byung ba zur bzhi pa ser po grwa bzhir rdo rje gsum pas mtshan pa can grwa'i rdo rje de dag nyid kyis bsgrub par bya ba'i rna ba dang lce rtsa dang rkan dang spyi bo phug ste byung nas legs par gnas par bsgoms nas ni'o/ /khro bo'i rigs bzhag la zhes bya ba ni ri bo ser po lta bu'i khro bo nam mkha' bsam nas khro bo gcig gi rnam par sbyar bar bya'o/ /zhes bya ba'i don to/ /ji ltar sbyar bar bya zhe na/ de'i spyi bor bsgom zhes bya ba gsungs te/ bsgrub par bya ba kha bub du 'gyel ba sogs pa med pa de'i mgro? ba'i lhag par bsgom par bya'o zhes bya ba'i don to/ /ci 'dra ba zhig ce na/ las kyi rdo rje'i rkang pa yis gnon par te bsgrub par bya ba'i rtag par dbyangs kyi yi ge tha ma las byung ba'i sna tshogs rdo rje gang yin par de'i rkang pa g.yon pa rkyang pas gnod pa de ltar na de skad ces bya'o/ /dpung gnon pa'i rdo rje zhes bya ba la sogs pa gsungs pa la rdo rje gsum mchog ces bya ba ni dkyil 'khor ba'i tshogs spros te/ rang gi dkyil 'khor ba'i tshogs rnam par snang mdzad la sogs pa spros pa'o/ sku mchog ni ser po yin te/ ge sar mdog 'dra ba ni 'bar ba rnams kyis so/ /spyi bor zhes bya ba ni dpung gi tshogs rnams so sor spyi bor ro/ /khyad par du ni dpa' ba rnams la dbang chen gyi dkyil 'khor la gnas pa'i yab kyi rdo rje steng? rkang pas gnon pa zhes bya ba 'dir yang sbyar bar bya'o/ /'dir man ngag ni gang gi tshe dpung tshogs phar kha bltas/ mgo la gnas pa'i khro bo gnag /phar phyogs bltas pa can bsgoms na/ /de tshe nges par 'bros par 'gyur/ /ser po kha ni phar bltas la/ mngon du kha bltas nges dbang 'gyur/ /dkar po phan tshun bltas pa ru/ /bsgoms pa yis ni rgyal bar 'gyur/ /de bzhin gshegs pa thams cad ni dkyil 'khor gyi bdag po'o/ /de'i sku dang gsung dang thugs ni dkyil 'khor ba rnams so// de rnams 'byung ba ni dpung thams cad kyi spyi bor 'byung ba'o/ /de ston par mdzad pa nyid kyi phyir de skad ces bya'o/ /dgra bo rnams skrag pa de'i dam tshig ni dus te/ bdun pa'i don ni drug pa'o/ /'di zhes bya ba ni 'chad par 'gyur ba'o/ /sangs rgyas dag gis zhes bya ba ni sangs rgyas dag gis kyang ngo zhes bya ba'i don to/ /rdo rje gsum ni zhe sdang ngo/ /de'i dam tshig ni bsam gtan gyi phur bus bsnun pa'o/ /de ston par mdzad pa nyid kyi de skad ces bya'o/ /rtse lnga pa zhes bya ba ni steng gi ste 'og gi rtse gcig pa'o/ /ched du ste zhes bya ba ni sor brgyad pa'i tshad du'o/ /rdo rje phur bu'i bya ba ni las te phur bus 'debs pa zhes bya ba'i don to/ /de yis zhes bya ba ni phur bu yis so/ /snying gar zhes bya ba ni rang gi ming gi yi ge dang po las bskyed pa'i bsgrub par bya ba'i snying gar ro/ /'di ni zhes bya ba ni che ge mo rmongs par gyis shig /song zhig ces gsol ba btab nas rgyal ba nyid du dam 'chi ba nyid du gang bsgom pa'o/ /rab bsgoms na zhes bya ba ni khros pas shes snrel gzhir sbyar te khros pa'i lha'i sbyor bas zhes bya ba'i don to/ /rmongs pa dang gnod pa ni 'jig par 'gyur ba ste/ rgyal ba dang bsad ba zhes bya ba'i don to/ /grong khyer la sogs par nad la sogs pa nye bar zhi ba'i grong ngam zhes bya ba la sogs pa gsungs te / ljongs dag du zhes bya ba ni yul 'khor dag tu'o/ /rab sbyar bya ces bya ba ni 'chad par 'gyur ba'i cho ga gsum gyis so/ /'dis ni zhes bya ba ni bskal ba sreg pa'i sbyor bas so/ /rab tu bsgom zhes bya ba ni bdag nyid dkar zhing zhi ba'i lha nyid kyi rnal 'byor pa'o/ /rdo rje rtse lnga pa ni bar snang dag la zhes bya ba ni grong khyer la sogs pa'i steng du grong khyer la sogs pa khebs par byed ba'i tshad ldan pa rtse mo gyen du bltas pa'i rdo rje dkar po'i yi ge hUM gis mtshan pa'o/ /bskal pa bsreg pa ltar bsams nas zhes bya ba ni rdo rje nyid las 'od zer 'bar ba'i sprin spros pas grong khyer la sogs pa na yod pa'i nad la sogs pa tsam shin tu sreg par byed pa dag gis/ me yis dag pa'i gos kyi tshul du grong dang grong khyer la sogs pa la gnod pa med par 'bar bar bsgoms nas zhes bya ba'i don to/ /slar yang rab tu bsdu bar bya zhes bya ba ni phyis rdo rje de nyid du 'od zer 'bar ba de rnams bsdu bar bya'o/ /spro ba dag ces bya ba ni rdo rje de nyid las byung ste grong la sogs pa khyab par byed pa dag go /rin chen yid bzhin nor bu'i 'od ces bya ba ni rin chen 'byung ldan nyid yid bzhin gyi nor bu ste/ 'di ni rnam pa can gyi 'od do/ /chos kyi sprin ni bsgoms nas kyang zhes bya ba ni rin chen 'byung ldan de yang sangs rgyas thams cad kyi yon tan gyi rang bzhin can no/ /'od zer ser po 'bar ba'i gzugs su bsgom par bya'o zhes bya ba'i don to/ /dbang bskur ba ni zhes bya ba'i 'od zer gyi sprin de dag nyid grong khyer dang grong khyer pa la sogs pa de rnams la bzhugs pa'i phyir ro/ /dbang bskur ba'i 'bras bu ni rdo rje zhes bya ba la sogs pa gsungs pa la dgang dka' ba yang zhes bya ba'i nad la sogs pa sngar shin tu ring pa yang ngo/ /rab tu 'gengs zhes bya ba ni lus rgyas shing yang dag par 'gengs pa'o/ /sbyin pa'i rdo rje sgom byed pa ni byed pa po'o/ /yid bzhin nor bu zhes bya ba ni nor rgyas pa'o/ /chos rgyas pa ni sangs rgyas sprin dang zhes bya ba la sogs pas ste phyis rdo rje de nyid las byung ba'i rnam par snang mdzad dang/ 'od dpag tu med pa dang/ mi bskyod pa'i sprin gsum gyis grong khyer la sogs pa khyad par bya zhes bya ba'i don to/ /sbyor ba'i 'bras bu ni bskal pa zhes bya ba la sogs pa la gsungs pa la byin gyis rlob ces bya ba ni byin gyis brlabs gang gi bskal pa grangs med pa gsum gyi bar du nad la sogs pa 'tshe ba der med par 'gyur ro/ /'di de zhes bya ba ni gang 'di ltar bsgoms pa'i bar snang la gnas pa'i rdo rje'o/ /gsal ba'i sku ni chos kyi sku'o/ /skyon med pa ni shin tu rnam par dag pa'o/ /nad sel ba yang de yin la rdo rje yang yin pas so/ de las byung ba ni sbyor ba gsum mo de la dmigs pa nyid kyi phyir de skad ces bya'o/ /bgegs thams cad bzlog pa ni bsam gtan zhes bya ba la sogs pa gsungs so/ /'di yis ni zhes bya ba ni gang blo la gnas pa'i rdo rje phur bu bsam gtan gyi rdo rje yin gyi shing la sogs pa las byung ba ni ma yin no/ /dam bcas las zhes bya ba ni rtag par rab tu sbyor ba ste nyin re 'am thun re'o/ /bsam gtan sbyor ba ces bya ba ni srung ba'i 'khor lo'i ting nge 'dzin to/ /mnas na zhes bya ba ni gnas de la gnas pa'i sgrub pa po'o/ /sangs rgyas byin gyis rlob ces bya ba ni byin gyis brlabs pa gang gis bgegs med par 'dod pa'i don gyi dngos grub thob par 'gyur ba'o/ /rdo rje bdud rtsi ni bdud rtsi thabs sbyor ro/ /rdo rje phur bu zhes bya ba ni lta ba yan chad ba'i sku'i rnam pa can dang 'og rdo rje rtse gcig pa'i rnam pa can no/ /phyogs bcu'i 'khor lo'i bgegs 'khor dang bcas pa la'o/ /kyang gsungs so zhes bya ba ni blo la gnas pa'i phur bu gang yin de yang gsungs pa'o/ /phyogs bcu'i bgegs gang yin pa de ni 'gro ba yin la/ de 'dul ba 'dul ba mdzad pa'o/ /de bas na zhi ba'i rdo rje ste 'tshe ba thams cad zhi ba dbyer mi phyed pa'o/ /de'i don nyid yin pa'i phyir de skad ces bya'o/ /zhi ba la ni spyan gyi tshul zhes bya ba la sogs pa'i tshigs su bcad pas bstan pa'i sbyor ba bzhi pa rim bzhin du tshigs su bcad pa phyed dang bzhi dang phyed dang lnga dang bzhi dang bzhi dag gis bshad pa'i phyir zhi ba'i zhes bya ba la sogs pa gsungs te/ zhi ba'i dkyil 'khor ni ji skad gsungs pa'i tshul gyi dkyil 'khor ro/ /rnam par snang mdzad ces bya ba de yang thams cad dkar zhing thugs zhi ba'o/ /gzugs ni rang gi sku'o/ /bsams nas zhes bya ba ni zhi ba'i dkyil 'khor de nyid kyi zla ba la gnas pa'o/ /rang gi thugs kar zhes bya ba ni rang gi ye shes sems dpa' i thugs ka'i zla ba la'o/ /'dod pa zhes bya ba ni bsgrub par bya ba ste/ gang la zhi ba'i las bya'o/ /gzhag ces bya ba ni/ aoM dzi ni dzi ka che ge mo shAn+ti ku ru swA hA/ zhes bya ba'i sngags brjod la/ rang gi ming gi yi ge dang po las bskyed par bya'o/ /spyan la sogs pa'i mchog rnams kyis shes bya ba ni de ltar bskyed pa'i bsgrub par bya ba'i snying ga'i zla ba la bzhag par ro/ /aoM ru ru spu ru zhes bya ba la sogs pa'i sngags kyi yi ge'i phreng ba las spros pa'i spyan gyi tshogs rnams kyis so/ /bsdus nas zhes bya ba ni de dag nyid do/ /'od kyi gong bu yis zhes bya ba ni dkar zhing bsil ba'i 'od kyis gong bu'i gzugs kyis so/ /nang pa la ni dbab par bya zhes bya ba ni/ bsgrub par bya ba ni/ bsgrub par bya ba'i lus la dbang bskur ba'i tshul du bzhugs par bya'o/ /sangs rgyas sprin rnams zhes bya ba ni rnam par snang mdzad kyi tshogs so/ /spro zhes bya ba ni bsgrub par bya ba'i lus de nyid las so// dbang bskur zhes bya ba ni de bzhin nyid du 'od zer gyi gong bur gyur pa zhugs pa'i phyir ro/ /nad pa ni bsgrub par bya ba de nyid do/ /lus dbyer mi phyed rdo rje lta bu dang dpal ldan par 'gyur ro/ /skad cig gis zhes bya ba ni ring por mi thogs par ro/ /sangs rgyas ni rnam par snang mdzad yin la de'i dam tshig gi sprin ni thabs dang shes rab kyi sku spros pa'i sprin no/ /sems rnams kyi bkod pa ni nad pa la bsdus pa'o/ /de la dmigs pa nyid kyi phyir de skad ces bya'o/ /zla ba'i dkyil 'khor zhes bya ba la sogs pa la/ 'dir rin chen 'byung ldan nam 'od dpag tu med pa chos 'dzin pa dang rin po che dang chos kyi spras gsungs te kun tu 'gro ba'i chos kyi dbyings 'dzin pa'i phyir ro/ /de yang thams cad ser zhing sku rgyas pa yid dgyes pa dang ldan pa'o/ /dkar mo zhes bya ba la tshogs zhes bya ba ni lhag ma ste/ ye shes sems dpa' i thugs ka'i nyi ma ser po la gnas pa'i bsgrub par bya ba'i snying gar zla ba ser po la aoM ka te bi ka Te zhes bya ba la sogs pa'i sngags kyi yi ge'i phreng ba bkod pa las spros pa'i gos dkar mo ser po rgyas pa'i tshogs kyis zhes bya ba'i don to/ /yid bzhin nor bu rin chen sbyin zhes bya ba ni gos dkar mo zhes bya ba de nyid do/ /de zhes bya ba ni 'od kyi gong bu'o/ /rin chen sprin ni chos pa'i sprin rnams so/ /chos kyi sprin ni zhes bya ba ni chos 'dzin pa'i sprin te/ 'od zer ser po bsgom pa khas blangs pa'i phyir ro/ /dbang bskur ni zhes bya ba ni 'od zer gyi gong bu de nyid kyis snga ma bzhin no/ /sbyin pa nyid rdo rje yin te mi zad pa nyid kyi phyir ro/ /des don bsgrub pa ni sems can rnams la phan pa byed pa'o/ /chos ni chos 'dzin pa'o/ /de'i sprin gyi dam tshig ni thabs dang shes rab kyi sku'i sprid spros pa rnams so/ /de dag gi bkod pa zhes bya ba ni snga ma bzhin no/ /rdo rje rgyal mtshan gyis mtshon pa nyid kyi phyir rdo rje yang yin la/ gzhu'i dbyibs can nyid yin pa'i phyir zla ba phyed pa yang yin pas na rdo rje zla gam mo/ /de bzhin du de'i dkyil 'khor yang yin pas na rdo rje zla gam dkyil 'khor te rlung gi dkyil 'khor zhes bya ba'i don to/ /rdo rje nam mkha' i chos mchog ces bya ba ni don yod par grub pa'o/ /de ltar nam mkha' khyab pa'i ye shes can nyid yin pa'i phyir rdo rje nam mkha' yang de yin la ye shes mchog nyid yin pa'i phyir chos kyi mchog nyid yin pas na de skad ces bya'o/ /de yang thams cad dmar zhing chags thugs can no/ /'dod pa zhes bya ba ni 'gro ba dbang du byed par 'dod pa ste bsgrub bar bya ba'o/ /sangs rgyas byang chub sems dpa' yis shes bya ba ni sngon du byang chub sems dpa' o/ /bsgrub par bya ba snying gar zla ba dmar po la bzhag ste/ sgrol ma'i rig pa'i yi ge phreng ba gzhag pa las spros pas kun tu chags shing dmar ba'i sbyin? la sogs pa'i lha mo bzhi po'am sgrol ma'i sprin gyis zhes bya ba'i don to/ /'od zer lnga'i sbyor ba yis zhes bya ba lha mo de rnams 'od zer lnga po nyid du gyur pa'i phyir ro/ /gzi brjid ces bya ba ni 'od zer de nyid do/ /der ni zhes bya ba ni bsgrub par bya ba'i lus la'o/ phyis ni sangs rgyas rnams kyis bsgrub par bya ba'i lus de nyid las spros pa'i de bzhin gshegs pa lnga'i sprin nam don yod pa'i sprin gyis zhes bya ba'i don to/ /de nas de rnams kyi yang 'od zer lnga'i sbyor ba yis de ni gzigs brjid dbab par bya zhes bya bar sbyor ro/ /de ni zhes bya ba ni bsgrub par bya ba'i 'o/ /sangs rgyas kun dges shing 'jam dpal 'dra bar 'gyur ro/ /sangs rgyas de rnams kyis kyang de la dbang bskur ba stsol bar 'gyur/ /go 'phang las byed par 'gyur zhes bya ni ming gi las byed pa ste/ dbang du bya ba'i phyir gang gi ming nas smos pa de dbang du byed do zhes bya ba'i don to/ /bltas shes bya ba ni dbang du bya ba'i phyir gang la bltas pa ste de rnams kyang dbang du 'gyur ro zhes bya ba'i don to/ /rin po che'i sprin ni sangs rgyas dang byang chub sems dpa' i sprin no/ /lhag ma rnams ni lnga ma bzhin no/ /bka' 'khor lo'i sbyor bas sngar gsungs pa nyid kyi mngon spyod de nyid kyang kha bskang pa'i phyir/ nam mkha' zhes bya ba la sogs pa gsungs pa la/ nam mkha' rdo rje ni nam mkha' thams cad do/ /srin po la sogs pa ni rang gi khro bo'i lha'i ba spu'i bu ga las spros pa rnams kyis te/ khyab pa zhes bya ba ni lhag ma'o/ /dgra bo rnams ni zhes bya ba ni dgra ste ma dad par smra ba la sogs pa zhes bya ba'i don to/ /gnod byed pa zhes bya ba ni bsgrub par bya ba des nam mkha' i ngos khyab pa'i sangs rgyas rnams la gnod par byed pa ste/ dbu sta reng sogs pas gcod par bsgom par bya zhes bya ba'i don to/ /rnal 'byor zhes bya ba ni mngon spyod kyi bsam gtan 'di nyid do/ /mtshon cha sna tshogs thogs pa ni khro bo'i spros pa'o/ /de rnams kyis mnan pa'i dum bur byas pa'o/ /thams cad ni srin po la sogs pas so/ /drangs par bya zhes bya ba ni kun nas drangs par ro/ /bsgoms na zhes bya ba ni sgrub pa pos bsgoms na'o/ /rdo rje dam tshig gi sprin ni kho bo la sogs pa'i sprin spros pa'o/ /de rnams kyi bkod pa ni dum bur gtubs pa'o/ /le'u 'dir mngon spyod ma gsungs pa gang yin pa de ni le'u bco brgyad pa las blta bar bya zhing la sbyar dbye ba la sogs pa ni bla ma'i man ngag nyid las shes par bya'o/ /yid kyi las rnams gsungs nas da ni ting nge 'dzin rnams bshad par bya ba yin la/ de yang cho ga ji lta ba bzhin du sngags las byung ba'i lha'i sku 'khor dang bcas pa'i mtshan nyid can yin no/ /de la de bzhin gshegs pa lnga'i sku mdog dang/ zhal dang/ cod pan dang rtsa ba'i phyag mtshan rnams ni le'u dang po dang gsum pa dag las gsungs pa yin la/ de rnams kyi bdag nyid tshigs su bcad pa phyed dang bzhis nye bar mtshon par gyur pas dran par byed pa dang lhag ma rnams kyis de dag nyid tshigs su bcad pa lnga la sogs pas ston par byed pa dang tshigs bcad pa ba ni ba'i phyed kyis thams cad kyi phyag gi nges pa dang mtshan ma gzhan ston pa byed pa la rnam par snang mdzad zhes bya ba la sogs pa ni ting nge 'dzin rnams kyis bstan pa'o/ /ston ka'i 'dam bu ni yongs su smin pa'i 'dam? bu'o/ /gzhan dag ni ston ka'i sprin lta bu'o/ /zhes zer ro/ /rdo rje can zhes bya ba ni mi bskyod pa ste gang gi 'jig rten gyi khams kun tu 'khrug par byed pa ste drag po nyid kyi phyir ro/ /'dod chags can ni 'od dpag tu med pa'o/ /longs spyod ni 'khor ro/ /de nas cir 'gyur zhe na/ bsgoms na nges par 'grub par 'gyur te/ de zhes bya ba 'am de rnams zhes bya ba ni lhag ma'o/ /g.yas pa'i phyag tu zhes bya ba ni g.yas pa'i phyag gnyis pa la'o/ /rdo rje zhes bya ba ni lha thams cad kyi'o/ /mtshon cha ni bzang ba sna tshogs bsnams zhes bya ba ni phyag mtshan sna tshogs tsam nyid gsungs pa yin gyi rang gi ngo bo nyid ni ma yin te/ sngar gsungs pa nyid kyi phyir ro/ /zhes bya bar dgongs so/ /de bas na de bzhin gshegs pa'i phyag mtshan rnams gtso bo nyid yin pa'i phyir dang sngar gsungs pa nyid kyi phyir de dag nyid lha thams cad kyi phyag drug pa dag la spyi'i tshul du mdzad pa'o/ /bcom ldan 'das mi bskyod pa ni thabs dang shes rab kyi tshogs kyis bsdus pa nyid kyi phyir gnyi ga mtshan mo yin te/ le'u gsum pa las/ tshogs gnyis dang ni ldan pa yis/ /mi bskyod pa yi rgyal mtshog dang/ /zhes gsungs pa yin no/ /de bas na phyag gnyis kyis bzung bar bya ba mi bskyod pa'i mtshon ma thabs dang shes rab ni ci rigs par thams cad kyi rtsa ba'i phyag dag pa yin zhing/ rang gi mtshan ma ni g.yas pa'i gnyis pa la 'gyur ro/ /'khor lo dang nor bu dang pad+ma dang ral gri rnams lhag ma lus par 'gyur ba de rnams dang po'i de bzhin gshegs pa'i gnas dang 'brel par grub pa yin no/ /dang po de yang rnam par snang mdzad do/ de'i g.yas pa'i gnyis pa la 'khor lo'o/ /g.yas pa'i gsum pa la ral gri ste/ ral gri na g.yas pa la nges pa'i phyir ro// cig shos dag la ni ci rigs par nor bu dang pad+ma'o/ /de nas mi bskyod pa ste/ de nas mi bskyod pa'i gnyis pa la rdo rje ste/ thun mong ma yin pa'i mtshan nyid yin pa'i phyir ro/ /zhes rab dang thabs ni thun mong du gyur pa yin te/ de dag ni shes rab kyi ye shes bsgrub pa nyid kyis thams cad kyi nges par bzung bar bya ba yin pa'i phyir ro/ /lhag ma ni snga ma bzhin no/ /de nas rin chen 'byung ldan te de'i 'khor lo'i gnas su nor bu yin no/ /de bas nor bu ri gnas su ni 'khor lo'o/ /lhag ma ni snga ma bzhin no/ /de nas 'od dpag tu med pa ste/ de'i 'khor lo'i gnas su pad+ma'o/ /pad+ma'i gnas su ni 'khor lo'o/ /de nas don yod par grub pa ste/ der 'khor lo'i gnas su ni ral gri'i gnas su ni 'khor lo'o/ /de bzhin du lha gzhan dag la yang shes par bya'o/ /bzang po ni sngags pa'i gzugs te thun mong ma yin pa'i mtshan dang dpe byad ma tshang ba med pa nyid kyi phyir ro/ /sangs rgyas rnams kyi sku ni sems tsam nyid du yang dag par mthong ba de'i phyir rig pa de nyid ni spyan no/ /sangs rgyas rnams kyi thugs rdo rje ni nam mkha' rdo rje'o/ /de'i spyan ni lta ba ste/ mA ma kI zhes bya ba'i don to/ /rgyal mo che ni rig ma'i rgyal ma chen mo'o/ /sangs rgyas rnams kyis gsung rdo rje'i spyan ni lta ba ste/ gos dkar mo zhes bya ba'i don to/ /sangs rgyas rnams kyi rdo rje gsum po ro gcig pa ni ye shes so/ /de'i rang gi autpa la ni rdo rje autpa la'o/ /de 'dzin pa ni rig ma'i sgrol ma zhes bya ba'i don to/ / rab tu gsal ba'i mdangs te 'di'o/ /gsal ba dang mdangs mdzes pas so/ /drag po'i 'od bzang ni 'bar ba'i 'od zer gyi phreng ba can no/ /'jigs pa'i rgyu nyid kyi phyir 'jigs pa'o/ /rnon po ni rab tu gtum po'o/ /rab tu 'phro ni gzi brjid dang ldan pa'o/ /gang gi gdug pa'i zhabs kyis gnon par mdzad pa de la de skad ces bya'o/ /sbyor ba can gyis rtag tu zhes bya ba ni rgyun mi 'chad pa rab tu sbyor bas so/ /rdo rje mi 'chi ni bdud rtsi thab sbyor ro/ /gang la 'od zer 'gro ba'i rab tu 'phro ba'i rab tu 'khrug pa'i mtshan ma thugs mnga' ba ste/ drag po'i thugs de nyid las de rnams 'byung ba'i phyir ro/ /Tak+ki ni Tak+ki'i sgras 'dod pa'i don min pa de bas na 'dod pa rnams 'gugs pa'i phyir 'dod pa'i rgyal po'o/ /de'i de kho na nyid ni 'dod pa'i ye shes te/ 'dod pa rnams la ye shes tsam nyid 'brel pa ste/ yid kyis 'dzin pa'i zhes bya ba'i don to/ /de nyid kyi phyir phyag bzhi pa ste/ longs spyod bzhi dang yang dag par ldan pa ces bya ba'i don to/ /'jigs par byed pa'i mchog ni sangs rgyas thams cad kyi dad nyid/ so bar byed pa'i phyir ro/ /rdo rje ni khro bo chen po nyid yin pa'i phyir ro/ /mun ba ni mi shes pa'o/ /gdug pa thams cad 'joms pa ni 'dul ba'o/ /sems 'dren par byed 'dul bar byed pa'i dbyug pa sngon po'i mtshan ma 'di la yod pas na dbyug sngon ga yin no/ /rdo rje rnams bsdus pa yin pas na rdo rje gsum yang yin la/ 'byung ba yang dag bsdus pa yin pas na 'byung ba yang yin te/ bsam gtan lngas so/ /khro ba'i yin pas na rdo rje'o/ /thugs rin po che mi g.yo bar 'dzin pa'i rnal/ 'byor gyis brtan par byed pa'i phyir mi g.yo ba'o/ /rdo rje las byung zhes bya ba ni rdo rje sems dpa' babs pa'i phyir ro/ /thur gyi blta zhes bya ba ni shin tu chags pas yon por lta ba'i phyir ro/ /zhi ba zhes bya ba ni shin tu sbyangs pa'i bde bas shin tu gzhon sha chags pa nyid kyi phyir ro/ /de nyid kyi 'di ni byis pa'i gzugs can yin no/ /ral gri zhags pa rnams shes bya ba ni rnam par rtog pa'i g.yeng ba gcod pa'i phyir dang bcings nas 'dren pa'i phyir ro/ /de nyid kyi phyir 'di'i rdo rje'i gnas su ral gri bsnams la ral gri'i gnas su ni 'khor lo'o/ /rin po che'i gnas su zhags pa ljang gu bsnams pa yin no/ /yig ge gcig ces bya ba ni yi ge b+h+ruM gi ngo bo nyid yin pa'i phyir ro/ /'khor lo can zhes bya ba ni phyag na 'khor lo bsnams pa'o/ /bsam gtan dkyil 'khor zhes bya ba ni 'bras bu gyur pa'i ting nge 'dzin gyi rang bzhin nyid yin pa'i phyir bsam gtan yang de yin la/ phra mo'i dkyil 'khor gyi rang bzhin nyid yin pa'i phyir dkyil 'khor yang yin la de ltar na bsam gtan dkyil 'khor ro/ /gzhung la la las ni bsam gtan dang dkyil 'khor dag ces 'byung ste/ de la mtshan nyid tha dad pa'i phyir tshig gnyis par byas nas gzhi mthun par bya'o/ /sgrib pa thams cad 'joms pa'i ye shes 'dzin pa'i phyir gnas pa'i ye shes mchog 'dzin pa ste/ gnod mdzes rgyal po'o/ /'jig pa'i rgya mtsho skyed par byed pa'i phyir de dang 'dra ba'i 'od do/ /bsam gtan 'od bzang zhes bya ba ni bsam gtan 'bras bur gyur pa'i ting nge 'dzin de'i don du 'od bzang ba ste/ mtshan ma'i rnam pa can gyi 'od zer thams cad du spro ba'i phyir ro/ /rgyud gzhan dag las lha gsungs pa gang yin pa de dag kyang 'dir bsgoms nas 'grub par 'gyur ba de ltar de'i ting nge 'dzin bstan pa'i phyir gzi brjid phung po zhes bya ba la sogs pa la/ gang gzhan zhes bya ba ni 'di dag dang gsungs pa las gzhan pa'o/ /sngags kyi 'khor lo can zhes bya ba ni sngags ni dpa' bo gcig pa'o/ /'khor lo can ni dkyil 'khor gyi bdag po rnams te/ de yang gtsug tor gyen du 'byung ba dang/ cher 'byung ba la sogs pa khro bo rnams dang blo gros mi zad pa dang/ spobs pa rtsegs pa la sogs pa byang chub sems dpa' rnams dang 'od zer can dang ri khrod lo ma can la sogs pa lha rnams so/ /de dag thams cad kyang dam tshig longs spyod 'di rnams kyis te/ ji skad du bshad pa'i zhal gsum dang phyag drug la sogs pa 'chad par 'gyur chos 'byung ba'i gzhal yas khang du rdo rje 'chang yongs su gyur pa la sogs pa'i ting nge 'dzin 'khor dang bcas pa rnams kyis so/ /so so dag tu zhes bya ba ni gang ji ltar rigs pa dang gang zhig gang gi sngags dang mtshan ma la sogs pa rang rang gi rgyud dang 'gal ba med pa blang bar bya ste/ rgyud sna tshogs las gsungs pa rnams dang nye ba'i rgyud las gsungs pa 'dir ma gsungs pa 'gal ba med pa gzung bar bya'o/ /zhes bya ba'i don to/ /gal te 'o na de rnams kyi sngags de nyid 'dir yang yin la/ phyag rgya chen po la sogs pa la khyad par du byar ci yod ce na/ ting nge 'dzin ni zhes bya ba la sogs pa gsungs so/ /khro bo zhes bya ba ni nye bar mtshon pa'o/ /nam mkha' i zhes bya ba ni nam mkha' khyab pa'i 'o/ /steng du zhes bya ba ni de las kyang lhag pa'o/ /shin tu 'phags pa'i ni khyad par du rtogs pa'o/ /gang zhig ce na/ ting nge 'dzin zhes bya ba ni skabs kyis shes par bya'o/ /ting nge 'dzin rnams ni brtan pa'o/ /de nyid kyi bshad pa ni nam mkha' i dbyings kyi zhes bya ba la sogs pa gsungs te/ chos 'byung ba'i nang du chud pa'i gzhal yas ni nam mkha' i dbyings so/ /de'i dbus na gnas pa ni/ dbus ma'i sna tshogs pad+ma la gnas pa'o/ /gsal ba'i dkyil ni zla ba'i dkyil 'khor ro/ /sangs rgyas gzugs ni rab bsgoms la/ /zhes bya ba ni zla ba'i dkyil 'khor de nyid kyi steng du mngon par byang chub pa rnam pa lnga'i rim gyis zla ba'i gdan dang/ zla ba'i 'od can gyi rdo rje 'chang ba bsgoms la'o/ /rnam par snang mdzad rnam par bsam zhes bya ba 'dod chags chen po'i tshul la sogs pa'i rim gyis thams cad zhu bar byas la/ de bsdus pa las byung ba'i/ sa bon yongs su gyur par bsam par bya'o/ /ji lta bu zhe na/ gsal ba ste dri ma med pa'i phyir ro/ /zhi ba ni zhi ba'i nyams dang ldan pa ste/ gnas ngan len gyi gnas gyur pa'i rang bzhin nyid yin pa'i phyir ro/ /zla ba bzhi ni shin tu dkar ba nyid kyi phyir ro/ /'di las spros pa'i 'od zer kha dog lnga po rnams kyis thams cad du snang ba mdzad pa'i phyir 'od zer sna tshogs 'dra ba'i 'od do/ /me long lta bur yang dag byung zhes bya ba ni me long lta bu'i ye shes kyi ngo bo nyid yin pa'i phyir ro/ /khams gsum dag ni rgyan pa zhes bya ba ni dper na gling ma lus pa'i ston ka'i zla ba rgyas pa lta bu'o/ /gang la rgyan rnams kun te/ do shal dang dpung rgyan la sogs pa dag gis brgyan cing bkod pa yin pa'o/ /byang chub mthong zhes bya ba ni rnam par snang mdzad mngon sum du byed pa'o/ /bsam gtan rdo rje sprin nyid ni rdo rje'i ting nge 'dzin te/ de rab bsgom ni rab kyi mthar thug par bsgom pa'o/ /rnam par snang mdzad kyi dam tshig ni/ phyag rgya chen po'o/ /de 'byung ba ni bskyed pa'o/ /de nyid kyi rnam pa thams cad kyi mchog dang ldan pa nyid kyi phyir mdzes pa'o/ / mi bzad pa nyid kyi phyir rdo rje'o/ /de la dmigs pa nyid kyi phyir de skad ces bya'o/ /rdo rje'i dkyil 'khor ni nyi ma'o/ /sangs rgyas ni rdo rje 'dzin pa'o/ /rdo rje sems dpa' ni mi bskyod pa'o/ /gsal ba'i lus dang 'dra zhes bya ba ni sku'i gzims mdangs dri ma med pa'o/ /de ltar bsgoms pas cir 'gyur zhe na/ /myur du zhes bya ba la sogs pa gsungs pa la/ myur du ni mgyogs par ro/ /rdo rje nyid mi bskyod pa nyid thob par 'gyur ro/ /ji lta bu zhe na/ zhi ba'i ye shes gnas ni mtshan ma'i dri ma rnams zhi bas na zhi ba'o/ /ye shes gnas ni chos kyi dbyings shin tu rnam par dag pa'i ye shes zhes bya ba'i don to/ /bsam gtan 'di yis rab tu bskul ba ni nye bar bstab pa'o/ /dam tshig thams cad kyi rdo rje ni mi bskyod pa ste/ rdo rje gsum gyi dam tshig nyid yin pa'i phyir ro/ /chos kyi dkyil 'khor ni nyi ma'o/ /chos kyi sems dpa' ni 'od dpag tu med pa'o/ /ye shes rgya mtsho ni bde bar gshegs pa'i so so rtogs pa'i ye shes so/ /spyan nyid ni mchog te rig ma'i rgyal mo'o/ /bud med sgyu ma ni dam du 'khyud pas dga' ba ston cing rnam par rol pa'o/ /de rnams kyi mchog ni tshogs so// ji lta bu zhe na/ ye shes thams cad 'grub par byed pa'o/ /'khor lo zhes bya ba ni/ don thams cad sems tsam nyid du snang ba ni dngos grub thams cad yin la/ de byed pa'i ye shes ni de thob par byed pa'i lam mo/ 'khor lo yid bzhin nor bu ste zhes bya ba ni ji ltar 'dod pa'i sangs rgyas kyi 'khor lo sprul pa'i phyir 'khor lo'o/ /yid bzhin gyi nor bu ni me long lta bu'i ye shes te/ sgrub pa po la de rab kyi mthar phyin pa la mchog ster bar byed ces bya ba'i don to/ /spyan gyi dam tshig ni phyag rgya chen po'o/ /de'i phyag gi mchog ni phyag gi gtso bo 'khor lo'o/ /de la dmigs pa nyid kyi phyir/ de dang ldan pa'o/ /rdo rje ni mA ma kI'o/ /chos ni gos dkar mo'o/ /dngos grub ni sgrol ma'o/ /de rnams kyi dkyil 'khor ni gdan te/ zla ba'i dkyil 'khor de dag nyid de byang chub sems dpa' i tshogs su bgrangs pa'i phyir ro/ /nam mkha' i rdo rje mchog ni nam mkha' i rdo rje'i tshul te/ mA ma kI zhes bya ba'i don to/ /nang gi reg bya 'dod pa ston pa nyid kyi phyir ro/ /nam mkha' i phyogs su sgyu ma'i mchog rnam par rol pa'i tshogs ni nam mkha' i sgyu ma'i mchog ste/ de dang ldan pas nam mkha' i sgyu ma'i mchog dang ldan pa'o/ /sangs rgyas byang chub ces bya ba ni mi bskyod pa'i ye shes so/ / mchog ces bya ba ni ye shes khyad par can nyid yin pa'i phyir ro/ /dngos grub rdo rje can gyi zhes bya ba ni sgrub pa po rnams kyi'o/ /autpa la sngon po zhes bya ba ni dbyibs so/ /dmar zhes bya ba ni kha dog go / chos kyi dbyings shin tu rnam par dag pa'i ye shes ni/ nam mkha' dang 'dra ba nyid kyi nam mkha' 'o/ /de'i yul ni bskyed mar gyur pa'i shes rab kyis/ mA ma kI zhes bya ba'i don to/ /de'i 'od kyi sprin des sangs rgyas thams cad kyi thugs rdo rje tshim par byed pa'o/ /de la dmigs pa nyid kyi phyir de dang ldan pa'o/ /rdo rje chos ma ni gos dkar mo'o/ /chos kyis dbyings so sor rig pa yang dag bar mtshon par byed pa'i rang bzhin can gyi 'dod chags nyid mtshan pa'o/ /de yang dag par ston par byed pa'i rnam par rol pa'i sgyu mas mtshan pa'o/ /de'i tshogs ni sgyu mas mtshan pa'i mchog ste/ de las yang dag par byung ba ni ma lus pa'o/ /'dod chags de nyid kyi chags pa'i mchog ni sgrub pa po gang yin pa de'i sdug pa po/ /sangs rgyas thams cad rab bsgoms la ni bsam la'o/ /chos kyi ye shes ni so sor rtog pa'i ye shes so/ / de'i 'byung gnas ni rgyu'o/ /autpa la dmar po zhes bya ba ni/ 'dir autpa la chen po ste/ pad+ma dmar po zhes bya ba'i don to/ /chos kyi de kho na nyid ni so sor rtog pa'i ye shes so/ /de'i mngon par byang chub pa ni shes rab ste/ gos dkar mo'o/ /de nyid ni mi zad pa nyid kyi phyir rdo rje'o/ /de la dmigs pa nyid kyi phyir de skad ces bya'o/ /'dra ba'i 'od ni mdangs dang ldan pa'o/ /bud med sgyu ma ni rnams rol pa'o/ /de rnams kyis rab tu myos par 'dod pa can gyi ye shes skye ba la phyogs pa nyid du ston pa pa zhes bya ba'i don to/ /ser po'i mdog 'dra ba ces bya ba ni ser por snang ba ste/ autpa la ser po mdzes pa zhes bya ba'i don to/ /ji lta bu zhe na/ rdo rje'i ting nge 'dzin las byung zhes bya ba ste/ shes rab kyi ye shes kyi ting nge 'dzin gyi 'bras bu zhes bya ba'i don to/ /dam tshig ni shes rab kyi ye shes so/ /de'i lhan gcig spyod pa ni sgrol ma te/ sgrol par byed pa yin pa'i phyir ro/ /de nyid ni mchog yin la de la dmigs pas na de dang ldan pa'o/ /khro bo chen po yin pa'i phyir rab tu khros pa yang de yin pa'i 'jigs pa chen po skyed par byed pa'i phyir/ 'jigs ba dkyil 'khor yang yin pas na'o/ /phyag na ral gri zhes bya ba ni g.yas kyi phyag gsum pas so/ /sgo srung rnams kyi sku mdog dang rtsa ba'i phyag mtshan ni bri ba'i dkyil 'khor nyid du gsungs zin pa nyid kyi phyir ro/ /gal te de ltar na lha gzhan dang 'dra bar ral gri yang grub pa yin na phyag na ral gri zhes bya ba'i bka' i ci'i phyir zhe na/ sgo bsrungs rnams kyi sngags pa brjod par ral gri nyid dgra ji bzhin par gzung bar bya'o/ gtun shing dang dgra sta dang zhags pa ni ma yin no zhes nges pa'i don to/ /de bas na 'di rnams kyi g.yas pa'i gnyis par tho ba dang/ dbyig pa dang/ pad+ma dang/ rdo rje dang/ g.yas pa'i gsum par ni ral gri'o/ /g.yon gyi gnyis pa dang gsum pa la ni nor bu dang pad+ma'o/ /pad+ma mthar byed kyi ni pad+ma'i gnas su ni 'khor lo'o/ /'dir lha thams cad ni zhal gsum pa nyid dang phyag drug pa nyid dang/ zhabs gnyis nyid dang spyan gnyis nyid yin te/ lha rnams 'chad pa na zhal gsum smos pa'i phyir dang/ sna tshogs mtshon cha thogs pa'i mchog /rdo rje'i phyag ni drug tu bsgom zhes gsungs pa'i phyir dang/ dam tshig longs spyod 'di rnams kyis zhes bya bas ma gsungs ba rnams kyang ston pa yin pa'i phyir ro/ /gnas ni gzugs so/ /bsams na zhes bya ba ni bsgoms zhes bya ba snga ma dang sbyar ro/ /de ltar bsgoms pa las cir 'gyur zhe na/ rdo rje can ni dgyes par 'gyur zhes bya ba gsungs te/ rdo rje can ni khro bo thams cad do/ /ci'i phyir zhe na/ 'di ni zhes bya ba la sogs pa gsungs pa la ye shes rdo rje can zhes bya ba ni ye shes rdo rje las byung ba nam mkha' i gtos khyab par byed pa'o/ /khro bo kun gyi dam tshig ni tshogs pa yin te/ de nyid du de rnams bsdus pa yin pa'i phyir ro/ /gshin rje gshed kyi spro ba'i snang ba ni khro bo thams cad gyi rnam pas nam mkha' khyab pa'i 'od zer gyi sprin no/ /de'i bkod pa ni gshin rje gshed de nyid la bsdus pa'o/ /de la dmigs pa nyid kyi phyir de skad ces bya'o/ /rnam gcig ni mche ba gnyis rnam par gtsigs pa'o/ /zhal? na/ gdangs pa can te zhal gyi ljags bskyod pa can no/ /mi bskyod dam tshig ni gzugs so/ /gzhan gyis mi thub pa'i bkod pa de'i ye shes kyi rdo rje las spros pa'i khro bo thams cad kyang de nyid du bsdus pa'o/ /rta mgrin nyid ni zhes bya ba ni rgyud gzhan las grags pa'i mtshan de 'dir ni bcom ldan 'das rta mgo ni ma yin no/ /sna tshogs mtshon thogs mdzes pa'i mchog ces gsungs pa'i phyir ro/ /des gdul bar bya ba'i gdug pa thams cad ni gdug pa thams cad do/ /de rnams 'di'i zhabs kyis mnan pas na de skad ces bya'o/ /rta mgrin bskyed pa de las 'byung ba ni ye shes kyi khro bo rnams so/ /de'i rnam par bkod pa ni de nyid du bsdus pa'o/ /rdo rje'i sprin ni 'bar pa'i 'od zer gyi sprin no/ /de rnams kyis kun tu 'khrug pa ni thams cad du 'khrug pa'o/ /gang gi phyir de lta bu yin pa des na khro bo 'dzin zhes bya ba khro bo thams cad kyi rang bzhin te/ de nyid ni bcom ldan 'das so/ /rgyu ni 'di ni zhes bya ba la sogs pa gsungs so/ /mi 'chi ba ni bdud rtsi thab sbyor ro/ /'di'i dam tshig ni khro bo thams cad spros pa'i phyir ro/ /de'i 'byung ba'i rdo rje ni nyid du brtan par bsdu ba'o/ /'dod pa'i sems dpa' ni 'dod pa'i rgyal po ste/ 'dod pa rnams la kha phyir phyogs kyi sems nang du 'jog par byed pa'i phyir ro/ /de ltar na Tak+ki ni 'dod pa rnams yin la/ sems pa ni sems nang du 'jog par byed pa yin no/ /bsam gtan rdo rje ni bsam gtan gyi yan lag brtan pa'o/ /de 'byung ba ni rgyu ste/ 'dod pa'i rgyal po'o/ /de la dmigs pa nyid kyi phyir de skad ces bya'o/ /zhags pa 'dzin pa ni nor bur gnas pa'i phyag gis so/ /rdo rje gsum gyi gnas dkyil 'khor zhes bya ba ni dus gsum gyi sangs rgyas rnams kyi gsang ba gsum pa bsdus pas na de'i gnas kyang de yin la dkyil 'khor yang yin te/ chos kyi ro'i snying po gtso bor gyur pa'i phyir te/ tshon po la sha dang ldan pa ces bya ba bzhin no/ /de nyid kyang yongs su rgyas shing stobs dang rdo rje gsum dang ldan pa'i phyir rdo rje stobs can no/ /de nyid kyis na rdo rje gsum gyi stobs po chen po'o/ /de la dmigs pa'i ting nge 'dzin la de skad ces bya'o/ /rdo rje sngon po dbyug sngon can no/ /gzugs ni rab tu gnag la zhes bya ba ni sku mdog go /rno zhes bya ba ni gzi mdangs so/ /de ltar phyag rgya gsungs nas de kho na nyid ni rgya mtsho nag po bskyed par byed ces bya ba gsungs te/ nyon mongs pa thams cad nges par 'joms shing gnyis su med pa'i gting mdza' med pa'i ye shes kyi rgya mtsho nag po rab tu 'phel bar byed pa'o/ / de mchog tu gyur pa'i dbyug pa nyid ni bstan pa nyid kyi phyir/ rdo rje yin la de dang ldan pas na rdo rje dbyug thogs so/ /'dul bar byed pa'i dbyug pa ni tshar gcod par byed pa ste/ nyon mongs pa rnams shin tu tshar gcod par byed pa'i phyir ro/ /rdo rje dbyug pa ni bcom ldan 'das dbyug sngon can no/ /de'i dam tshig ni phyag rgya chen po'o/ /de nyid ni mchog ste dmigs pa de dang ldan pa'o/ /mi g.yo ba ni mchog go /zhags pa bsnams pa ni snga ma bzhin no/ /ral gri bsnams pa ni g.yas pa'i gnyis pas so/ /'khrugs pas ni kun tu zhes pa'o/ /rdo rje bsdus pa'i phyir rdo rje yin la khams bsdus pa'i phyir dbyings yin pas ni rdo rje dbyings te/ bsam gtan gyi yan lag grub pa'o/ /rdo rje dbyings nyid ni dam tshig yin te/ thams cad du gtogs pa'i srog dang rtsol ba'o/ /de gnas te sa bon gyi yig ge gnon pa 'dzin pa'i yan lag gang la yod pa de ni rdo rje dbyings kyi dam tshig gis gnas gnon pa can no/ /de'i ngo bo nyid yin pa'i phyir mi g.yo ba la yang de skad ces bya zhing de la dmigs pa'i ting ne 'dzin la yang de skad ces bya'o/ /'bras bur gyur pa'i sems sgrib pa med pa'i ting nge 'dzin gyi rang bzhin can ni gtsug tor yin te/ rtse mor phyin pa nyid kyi phyir ro/ /'khor lo ni phra mo'i dkyil 'khor 'khor nyid yin pa'i phyir ro/ /gtsug tor 'khor lo ni de bzhin du dbang du gyur pa nyid kyi phyir ro/ /rig pa ni byang chub kyi ngo bo nyid yin pa'i phyir ro/ /de'i rang bzhin can ni khro bo'i rgyal po la yang de skad ces bya'o/ /rig pa'i 'khor lo zhes bya ba ni gtsug 'khor los bsgyur ba'o/ /'khor lo 'bar ba ni rab tu 'bar bas so/ /gtsug tor 'khor lo'i dam tshig ni gzugs so/ /gtsug tor gyi dam tshig nyid ni rig pa yin te/ byang chub nyid yin pa'i phyir ro/ /stobs ni mi mthun pa'i phyogs kyis zil gyis gnon par mi nus pa nyid kyi phyir ro/ /'khor lo ni dkyil 'khor phra mo nyid yin pa'i phyir ro/ /de la dmigs ba'i ting nge 'dzin la yang de skad ces bya'o/ /khro bo yin pa'i phyir rdo rje yang de yin la byang chub kyi sems kyi sgrib pa rnams nges par sel ba'i phyir/ gnod mdzes kyang yin pa de ltar na rdo rje sum b+ha ste/ gnod mdzes rgyal po'o/ /rdo rje sprin can zhes bya ba ni khro bo nag po'o/ /khro bo'i 'od zer 'phro ba'i phyir rdo rje dam tshig kyang de yin la sum b+ha zhes bya ba yang yin no/ /de la dmigs pa'i ting nge 'dzin la yang de skad ces bya'o/ /gzhung la la las ni rdo rje dam tshig 'byung ba zhes 'byung ste/ der ni rdo rje dam tshig ni gnod mdzes rgyal po yin la de 'byung ba ni skye ba yin no zhes bcad par bya'o/ /'dir yang gshin rje gshed ni nag po yin te/ bstan pa las sku mdog nag po zhes gsungs pa'i phyir ro/ /she rab mthar byed dang pad+ma mthar byed dang bgegs mthar byed ni go rim bzhin du dkar po dang dmar po dang/ nag po ste bshad pa las kha dog dkar po dang kha dog dmar po dang nag po zhes gsungs pa'i phyir ro/ /'khyil pa dang dbyug pa sngon po dag ni nag por smos pa yin te/ bsgre ba'i don to/ /de bas na de'i bar na gnas pa 'dod pa'i rgyal po dang/ stobs po che yang nag po yin no/ /mi g.yo ba yang nag po yin par dbyug sngon can gyi rjes su 'brang bar bya'o/ /gnod mdzes rgyal po yang nag po yin te/ sprin can zhes pa'i phyir ro/ /gtsug tor ni ser po yin te/ mtshan rnams thams cad yongs rdzogs zhes gsungs pa'i phyir dang/ gser gtso ma'i mdog kyang skyes bu chen po'i mtshan nyid yin pa'i phyir ro/ /spyan la sogs pa ni dkar po dang/ nag po dang/ dmar po dang/ ser po ste/ de skad du gsungs pa'i phyir dang/ sgo bsrung rnams kyi rtsa ba'i phyag mtshan ni/ bri ba'i dkyil 'khor las grags pa dag yin no/ /'dod pa'i rgyal po ni lcags kyu yin te/ de'i sngags 'gugs pa'i don la dzagsum yin te/ de'i sngags au grwA shu la pa Ni/ zhes gsungs pa'i phyir ro/ /mi g.yo ba'i ni ral gri ste/ ral gri zhags pa bsnams zhes gsungs pa'i phyir ro/ /dbyug sngon gyi ni rdo rje dbyug sngon po ste/ de'i sngags nI la daN+Da badzra daN+De Na swA hA/ zhes gsungs pa'i phyir ro/ /gtsug tor gyi ni 'khor lo yin la/ gnod mdzes rgyal po'i ni rdo rje yin la/ 'khor lo dang phyag na rdo rje gsung pa'i phyir ro/ /de nyid kyis na le'u bco brgyad pa las/ lcags kyu dbyug to rtse gsum dang/ ral gri'i mtshams su rnam par dgod/ /'dod rgyal dbyug sngon stobs mi g.yo/ /steng du 'khor lo'i 'og gnod mdzes/ /zhes 'chad par 'gyur ro/ /'dod pa'i rgyal po dang/ mi g.yo ba gtsug tor ni @369a sgeg pa ste/ de bzhin du rgyan rnams thams cad yongs su rdzogs/ /zhi ba 'od zer mang po 'phro/ /mtshan rnams thams cad yongs su rdzogs/ zhes go rim bzhin du gsungs pa'i phyir ro/ /de bas na gsum po 'di dag kyang sgeg pa legs par tshad dang ldan pa/ mtshan thams cad dang ldan pa/ rin po che'i cod pan la sogs pa rgyan sna tshogs pa can/ na bza' bzang po dang/ ag tshom med pa mche ba cung zad gtsigs pa/ zhal cung zad gdangs pa smin ma 'khyog pa can/ spyan dmar ba khro ba rab tu 'bar ba'i 'od zer can no/ /de dag las gzhan pa rnams ni mtshon po'o/ /mkhrang bag dang ldan pa/ gsus pa 'phyang ba mi thung zhal rnam par gdangs pa/ ljags bskyod pa ha ha zhes sgrogs pa'i sgra can/ ag tshom dang smin ma dang/ dbu skra kham ser smin ma 'khyog pa spyan dmar ba ltag gi lpags pa bsnams pa/ dbu skra gyen du brdzes pa sprul gyis bcings pa/ sbrul gdug pa rnams kyis brgyan pa ste/ sbrul gyis brgyan pa'i ske rags can/ zhes bya ba 'di nye bar mtshon pa nyid yin pa'i phyir ro/ /rnam pa de lta bu can gyi khyad par de rnams ni de dag thams cad dang 'brel pa'i phyir ro/ /la la ni gnod mdzes rgyal po yang sgeg par 'dod de gtsug gtor gyi bshad pa mtshan rnams thams cad yongs su rdzogs @ 369b zhes bya ba'i rjes su 'brang bar bya'o zhes zer ro/ /de ltar na ting nge 'dzin rnams kyi bshad pa dang bstan pa dag yin no/ /'di dag re re zhing dkyil 'khor gyi bdag po'i rnal 'byor yin no/ /dkyil 'khor gyi dgod pa yang 'bras bu dang bcas pa bstan pa'i phyir/ 'gog ba zhes bya ba la sogs pa'i tshigs su bcad pa gsungs te/ gang du khro bo nyid dkyil 'khor pa gang yin pa de ni 'dir khro bo'i 'khor lo yin la/ gang du sangs rgyas nyid yin pa de ni sangs rgyas kyi 'khor lo yin zhing gang du rdo rje nyid yin pa/ rdo rje'i dkyil 'khor te sngags bzhi'i dgod pa'o/ /de la dang pos ni 'gog pa sgrub par byed pa ste/ 'gog pa'i rdo rje zhes bya ba'i don to/ /gnyis pa ni bsnyen pa yin te/ yan lag drug gi bsnyen pa zhes bya ba'i don to/ /gsum pas ni rnam pa gnyis te/ gti mug dang zhe sdang dang 'dod chags dang ye shes rdo rje rnams kyis longs spyod dang sku dang gsung dang thugs dang ye shes rdo rje rnams kyi bzlas pa'o/ /de las snga mas ni ting nge 'dzin grub pa la phyi ma ni rdo rje ye shes te / bzlas pa'i 'bras bu'o/ /de la khro bo'i 'khor lo ni le'u bco brgyad pa las/ kun nas ser ba'i 'khor lo zhes bya ba nas/ mi g.yo ba dang mtshungs par 'khor/ zhes bya ba'i bar gyis 'chad par 'gyur zhing rdo rje dkyil 'khor yang/ gti mug gnyis pa 'dod chags rdo rje chos bcas gang/ /rig pa'i sbyor ba las byung rtag tu rab 'brel bar/ /rnam pa sna tshogs dag pas myos pa'i dngos gyur pa/ /byang chub sems 'dra rgya chen de la phyag 'tshal lo/ /zhes bya bas 'chad par 'gyur ro/ /sangs rgyas kyi 'khor lo ni bdun pa las gzugs la rnam gsum zhes bya ba la sogs pa gsungs pa yin no/ /'o na 'dir dkyil 'khor chen po ci'i phyir ma gsungs she na/ de ni le'u dang po nyid du rgya cher bstan zin pa'i phyir ro/ /rdo rje dam tshig ces bya ba la sogs pa la/ rdo rje ni sku dang gsung dang thugs ye shes rdo rje rnams so/ / de rnams kyi dam tshig bkod pa ni spro ba dang bsdu ba ste/ de dag gi de kho na nyid don gyi bsgom pa dang/ mngon byang chub pa ste/ rig pa'i skyes bu'i bsgom pa ste/ de gsal bar byed pa'i le'u la de skad ces bya'o/

CLOSE WINDOW