བོད་ཡིག

e-texts based on the ACIP/ALL Input

/ //*/ /dpal gsang ba 'dus pa'i dka' 'grel bzhugs so// // */ /rgya gar skad du/ shi gu dya? ma dza tan+ta pany+tsi kA nA ma/ bod skad du/ dpal gsang ba 'dus pa'i rgyud kyi dka' 'grel zhes bya ba/ dpal rnam par snang mdzad la phyag 'tshal lo/ /gang las yang dag skyes pa rtog pa'i dra ba kun bral bde bar gshegs pa rnams/ /chos sku rtag pa yon tan dang ldan so so rang gis rig bya mnyam med pa/ /sems can don phyir tha dad gzugs spyod longs spyod rdzogs dang sprul ba'i skur ldan pa/ /thabs dang shes rab rang bzhin nges par byang sems bdud rtsi de la phyag 'tshal lo/ /pad+ma dang ni sku med rol pa bzhad pas mdzad dang chos kyi myu gu'i gzhung/ /mgrin gsum ? dbang po'i dbyangs snyan skyod las byung dang snying po sbas pas bshad/ /dpal ldan 'dus la gang du gsal chig bshes gnyen ye shes kyis mdzad gzhan yang ste/ /rdo rje slob dpon brgyud pa las ni 'ongs pa de las bdag ni blo dman no/ /'on kyang dpal sde dang ni byis pa nas skyes sman pa la sogs pa/ /dpal ldan ye shes zhabs kyi lam la 'jug pa rnams kyis mang du ni/ /rgyas par byas pas gyur pa gang yin de yi gzhung lugs de nyid ni/ /de ni 'di ru mdo ru bsdus pa 'gro la phan phyir brjod par bya/ /thams cad du rtog pa dang ldan pa rnams dgos pa rtogs te 'jug go /thabs kyang shes shing goms par byed pas 'bras bu ster bar 'gyur te/ mdo 'chad pa rnams kyis dang por 'jug pa'i yan lag tu gyur pa rjes su mthun pa'i thabs dang/ thun mong ma yin pa'i 'bras bu thob pa'i mtshan nyid dgos pa nges par brjod par bya'o/ /de yang 'brel pa la sogs pa ma bstan par bstan par mi nus par phyir don gyis 'brel pa la sogs pa yang bstan par bya ste/ de la bsod nams dang ye shes kyi? rgyu mthun pa chos dang longs spyod rdzogs pa dang sprul pa'i sku'i rang bzhin thugs dang gsung sku'i rigs so sor rdo rje gsum gyi bdag nyid de/ lta ba ngan pa rnams la sbas pa'i phyir gsang ba'o/ /gang de'i rang bzhin gyis de bzhin gshegs pa thams cad gcig tu gyur pa ni bcom ldan gsang pa 'dus pa byang chub kyi dsems rdo rje mi phyed kyang bi ra na'i stan du brjod pa lta bur brjod do/ /gang bco brgyad pa las gsungs pa sku gsung thugs ni rnam pa gsum/ /gsung ba zhes ni bstan pa yin/ /sangs rgyas thams cad ces bya ba/ /tshogs pa 'dus pa yin par brjod ces so/ /de ltar gnyis su med pa'i rnal 'byor gyis bdag nyid rdo rje 'chang chen po rigs gsum gyi ting nge 'dzin gyi dkyil 'khor byin gyis brlabs pa la sogs pa'i rang bzhin ni brjod par bya'o/ /de rtogs par byed pa'i phyir rgyud las yang de skad ces bya ste/ sangs rgyas kyi mdzad pa'i snyan dngags? su bstan pa bzhin no/ /de bzhin du yang dpal sde'i zhal lnga nas gsungs pa 'di rnams rdo rje gsum gyi bdag nyid de/ nyi shu lnga'i rim pa'i dkyil 'khor pa gang de gleng gzhi'i le'u gsungs pa ni/ byang chub sems dpogs kyis ni kun 'grub pa/ /'di ni brjod par bya ba nyid yin la/ /sgra yi bdag nyid rjod par byed pa'i rgyud ces pa'o/ /brjod par bya ba dang rjod? par byed pa 'di dag ni/ brjod bya rjod byed kyi mtshan nyid kyi 'brel pa'o/ /dgos pa yang gdul bya rnams kyi gsum la skyabs su 'gro ba dang/ byang chub kyi sems bskyed pa la sogs pa sngon du song ba'i dkyil 'khor du 'jug pa la s ogs pa sngon du song ba'i thos pa la sogs pa'i rim pas sgrib pa thams cad spangs pa sngon du byed pa khyad par can stob par byed pas yongs su mya ngan las mi 'da' pa'i ngo bo 'gro ba ma lus pas brten par bya ba zag pa med pa'i bde ba'i bdag nyid mngon du byed pa'o/ /'di yang spyi'i rgyud de/ lha thams cad kyi dbang du byas nas gsungs pa'i phyir ro/ /de bzhin du yang gsungs pa de nyid bcu bsdus pa las bstan bcos gang zhig don mang ldan/ /lha rnams thams cad brtag pa yin/ /de yi rgyud ni rgyud yin brjod/ /ci zhes 'di la 'dod pa yin zhes so/ /lha thams cad kyi de nyid kyang bcu drug pa las khong du chud par bya ste/ rdo rje 'dzin mchog gang yin pa/ /dbus su gzugs ni legs bris pas/ /de yis dkyil 'khor gnas su gyur// sku gsung thugs kyi rdo rje skyes/ /zhes gang gsungs pa'o/ /ci'i phyir thun mong ma yin pa zhes bya zhe na/ brjod par bya ste/ 'di ltar thams cad du rang gi dbang gis bdag nyid bde bar 'dod pas 'di ltar rab tu 'jug ste/ 'di ltar yang blang bar bya ba dang dor bar bya ba'i khyad par mi shes nas mu stegs rnams ni re zhig lha dang mi la sogs pa'i bde ba cung zad tsam shin tu 'dod pa'i sems kyis chu dang me la sogs pa rnams su bdag 'jug par byed do/ /nyan thos la sogs pa rnams kyang dngos po'i rang bzhin mi shes te/ phung po med pa mchog tu bde bar shes nas bdag nyid mya ngan las 'da' bar lhur byed par 'gyur ro/ /pha rol tu phyin pa'i theg pa la mdzes pa'i dang tshul can yang sbyin pa la sogs pa la 'jug pa na thams cad rtag tu stong pa nyid du ro gcig pas sa thob pa yang snying rje dman pas/ theg pa dman pa la 'dod par byed do/ /de yang rdo rje rtse mo las gsungs pa/ sa thob pa ni rgyal ba'i sras/ /yid ches par ni mi 'gyur te/ /ji srid sa brgyad pa yi bar/ /theg pa dman? pas de rnams 'jigs/ /gsang ba'i 'khor lo chen po 'dir/ /gang zhugs rgyal ba dag las skyes /yid ches par ni 'gyur ba ste/ /theg pa che la gcig tu gnas zhes so/ /pha rol tu phyin pa'i phyir mi ldog pa'i mthar thug pa thob pas kyang sangs rgyas ma yin te/ sa bcu pa nyid kyis sangs rgyas nyid thob par thal bar 'gyur ba'i phyir ro/ /pha rol tu phyin rnams yongs su rdzogs pa'i rgyu ma yin te/ zab mo'i don sngon du byas pas der sems can gyi don dang bral ba thob pa'i phyir ro/ /'gro ba ma lus pa la phan pa'i mchog nyid thams cad mkhyen pa'i ye shes su 'dod do/ /bdag med par mthar thug par 'jug pa na yang thob par mi nus te/ de rnam par rtog pa tsam gyis gnyen po yin pa'i phyir ro/ /de bzhin du gsungs pa/ thabs dang bral ba dngos med tsam/ /bsgrub par bya ba yin na yang/ /bdag gzhan don la de mthu med/ /med phyir nam mkha' i me tog bzhin zhes so/ /thabs dang bcas pas kyang ji ltar 'gyur zhe na/ de brjod par mi bya ste/ 'gro ba ma lus pa nye bar gso ba 'dod chags chen po'i ngo bo nyid kyis rdzogs pa'i phyir ro/ /gang yang gsungs pa/ rdo rje snying po'i brgyan las/ /'dod chags chen po rnam par dag /bde ba chen po nor chen po/ /khams gsum dbang phyug thob nas ni/ /don byed de ni bstan ba'o zhes so/ /de'i phyir sangs rgyas nyid ni sgrub pa'i rgyu/ /sangs rgyas rnal 'byor kun tu yang/ /rgyu dang 'dra pa'i 'bras bu nyid/ /kun tu mthong ba ma yin nam/ /de yang gsungs pa thams cad gsang ba las/ /sangs rgyas nyid kyang mdor bsdu na/ /ting 'dzin ye shes las nges 'byung/ /sangs rgyas rnal 'byor ma rtogs pa/ /sangs rgyas rnal 'byor pas mi thob ces so/ /'dir sangs rgyas kyi rnal 'byor yang rdo rje sems dpa' i ting nge 'dzin nyid do/ /gang gsungs pa de kho na nyid bsdus pa las/ /rdo rje sems dpa' i ting 'dzin ni/ /sangs rgyas rnams kyi chos nyid gnas/ /'di las sangs rgyas sangs rgyas nyid/ /gzhan las sangs rgyas 'gyur ma yin/ /zhes so/ de nyid kyi phyir gsungs pa/ ye shes zhabs kyi zhal snga nas// de phyir kun tu rtog bsal cing/ /kun tu 'od zer 'phro ba yi/ /kun tu bzang po'i bdag nyid du/ /bsgom pa nyid kyi byang chub snod ces so/ /gzhan yang snang ba med pa'i ye shes mngon du byas pas sangs rgyas nyid du khas len par byed la/ bsod nams kyi tshigs kyi 'bras bu med par 'gyur te/ rtag tu de'i rnam par smin pa ni bde ba nyid yin pa'i phyir ro/ /gang gsungs pa/ snang pa'i rdo rje 'chang ba las/ 'bras bu bde ster bsod nams yin/ /de ni 'gog phyir don med do/ /bsod nams kyis ni bde ba thob/ /bde bas bsod nams thob pa yin/ /byang chub sems las skyes pa'i phyir/ /de yi bsod nams mkha' dang mnyam zhes so/ /de'i phyir byang chub don du gnyer ba rnams kyis thabs dang shes rab kyi bdag nyid bde ba chen po'i ngo bo rdzogs nas bcom ldan 'das kyi bdag nyid kyi ngo bo nyid rdo rje 'dzin pa'o/ /de yang gsungs pa/ bco brgyad pa las/ dpal ldan sangs rgyas kun gyi bdag /rdo rje 'dzin pa chen po'i gnas/ /sangs rgyas kun gyi thabs byung ba/ /de ni chos rnams chos nyid do/ /zhes so/ yang rdo rje rtse mo las gsungs pa/ sangs rgyas kun gyi ye shes gang/ /byang chub sems kyang bstan pa gang/ /de 'dir rdo rje 'dzin rgyal po/ /de bzhin nyid kyang mi 'gyur ba zhes so/ /de'i phyir pha rol tu phyin pa'i tshul gyis kyang brgyud nas byang chub sgrub bar byed pa rdo rje 'dzin pa'i ngo bo'i sgrub thabs 'dir 'jug bar shes par bya'o/ /bya ba dang spyod pa'i rgyud las kyang bde bar sgrub par bya ba yin te/ de las rig pa 'dzin pa'i dngos grub sgrub pa nye bar bstan pa'i phyir ro/ /'on kyang sgro btags pa las byung bas yun ring po gnas pa ma yin no/ /'di ltar phyi rol tu mngon par zhen pas bslad pa'i yid kyis bris sku la sogs pa'i lha'i stobs kyis dngos grub rdzogs nas bde bar 'gyur ro/ /rnal 'byor gyi rgyud la khyad par yang 'di yin te/ de ni rnal 'byor pa rnams rang gi lha'i rnal 'byor sngon du song ba'i bris sku la sogs pa dmigs pas 'dra ba'i dngos grub kyang sgrub par 'gyur ro/ /gang gsungs pa/ dpal mchog dang po las/ re zhig thang ga la bcom ldan phyag na rdo rje rdo rje bsnyems pa bris te/ de'i mdun du rang phyag rgya chen po la gnas nas 'bum bzlas te 'bum rdzogs nas rdo rje sems dpa' nyid thob par 'gyur zhes bya ba la sogs pa'o/ /rnal 'byor bla mar yang dam pa'i bde ba bsgrub par bya bar 'dod de/ 'on kyang 'dir de'i rgyu'i gtso bo dngos sum bshad do/ /dpal gsang ba 'dus pa las gtso bo nyid kyi bsgrub par nus pa thabs dang shes rab gnyis su med pa'i rnal 'byor gyi man ngag las mchog gi skyes bu'i don la mkho ba zag? pa med pa'i bde ba'i rang bzhin rdo rje 'dzin pa chen po nyid rdzogs pa'i phyir thun mong ma yin pa'i rgyu nye bar bstan pa 'di ni bla na med pa'o/ /ji ltar bsgrub par nus par 'gyur zhe na/ brjod par bya ste/ yul la nye bar longs spyod pa legs par goms pa rnams dang ji ltar 'dod pa bzhin du spyod pa 'dis ma bkag ste/ sngags la sogs pas legs par sbyangs pa'i dug la nye bar longs spyod pa bzhin phan pa'i 'bras bu skyed par byed pa'i phyir ro/ /de yang gsungs pa bdun pa las/ /dka' thub sdom pa mi zad pas/ /rten kyang 'grub par mi 'gyur te/ /'dod pa'i longs spyod thams cad la/ /brten na myur du 'grub par 'gyur zhes so/ /mdo don 'chad pa rnams kyis ni/ /dgos pa bsdus pa'i don bcas dang/ /tshig don bcas dang mtshams sbyar bcas/ /brgal lan bcas par bsnyad par bya zhes bya ba las re zhig 'di'i dgos pa ni smras zin to/ /'di'i bsdus don ni ye shes zhabs kyis mdzad pa'i kun tu bzang po'i bsgrub thabs kyi cho ga'o/ /le'u so so'i rim pa'i rgyu dang brgal ba la sogs pa yang ji ltar srid pa bzhin du bstan par bya'o/ /'phral du tshig gi don gyi bshad pa bstan par bya ste/ 'di skad ces bya ba la sogs pa la/ 'dir bsdus pa po ni rdo rje chos yin par brjod de/ de nyid la rgyud 'di gtso bor yang dag par gtad pa'i phyir ro/ /de yang le'u bcu bdun pa las gsungs pa/ khyed kyis 'jig rten gyi khams thams cad du bsgo bar gyis shig ces bya ba la sogs pa 'di gsungs te/ de bzhin gshegs pa thams cad la sogs pa la'o/ /slar yang gsungs pa rigs kyi bu de bzhin gshegs pa thams cad kyi dam tshig gi de kho na nyid zung zhig / khyod kyang de bzhin gshegs pa thams cad kyi chos kyi dbang phyug gi rgyal po zhes bya bar dbang bskur ro/ /de nyid kyi phyir phyag na rdo rje dbang bskur ba'i rgyud la sogs par sbyir bstan pa gtad pa nyid kyi phyir de bzhin gshegs pa thams cad kyi gzugs kyi sku dang dam pa'i chos kyi sku bsrung ba la dbang yang phyag na rdo rje bsdud pa po ma yin no/ /gal te chos kyi dbang phyug gi rgyal po'i sgras phyag na rdo rje nyid ces brjod na/ de'i tshe 'dir de nyid sdud pa por 'gyur ro/ /'di skad brjod do/ /rdo rje chos nyid la dpal gsang ba 'dus pa nyan par 'dod pa'i byang chub sems dpa' rnams kyi bdag dang gzhan la phan pa'i don du zhus pa'o/ /rgyud thams cad kyi don dang gzhung sems la gzung nas?/ 'di skad ces bya ba ni nges pa'i don du brjod pas rang dang rjes su mthun pa'i shes pas gzung ba'i mdo don ma lus pa bstan pa'i ched du 'di skad ces bya bas phyin ci ma log pa nyid du smras pa'o/ /bdag gis zhes bya ba 'dis bdag nyid kyis mngon sum du thob pa'o/ /bdag gis 'di bcom ldan 'das las gzhung dang don mngon sum du gzung ste/ cig nas cig tu ma yin no/ /bdag gis byas pa ma yin te/ 'on kyang 'di skad 'chad par 'gyur ba'i gzhung las/ bcom ldan 'das la thos pa'o/ /bdag gis zhes bya bas mi ldan pa rnam par bcad pa ste/ grangs las 'das pa'i 'khor 'chad par bas so/ /yang na bdag gis zhes bya ba ni bdag mos pa'i dbang gis bdag gis 'di skad re zhig thos kyi gzhan gyis ni gzhan du thos pa'o// gdul bya'i bye brag gi rjes su mthun pa'i phyir bcom ldan 'das kyis gsung ngo/ /gang yang slob dpon ma khol gyis/ gsung gcig gis ni bstan mod kyi/ /du ma nyid du rtogs par byed/ /bdag la nye bar ston to zhes/ /skye bo kun gyis shes par 'gyur zhes gsungs pas so/ /thos pa'i tshig gis ston pa'i dus su bdag byang chub sems par smras la/ des na sdud pa'i dus su yang dag par rdzogs pa'i sangs rgyas su bstan te/ thos pa zhes pa dang 'gal ba med de/ /gang yang gsang ba 'dus pa la ston pa'i dus dang nye ba na bco brgyad las mthong zhing thos la khong du chud pa zhes pa 'dis yang dag par rdzogs pa'i sangs rgyas su bstan pa de ni rigs pa'o/ /'di ltar yang mngon sum du thos pa dang/ rgyud kyi don ma lus par nges par 'dzin pa'i phyir yang sdud pa po bdag nyid tshad ma nyid du bstan pa dang/ slob dpon med par bya ba ma yin no zhes pa dang/ nges par rtogs par bya'o zhes bstan to/ /'di ltar gleng bslang ba byas nas sdud pa'i dus nye ba ma yin ba'i ma 'ongs pa'i 'gro ba yid ches par bya ba'i don du gang gi tshe gang las gang du gang dang lhan cig thos pa de go rim bzhin du bstan te/ dus gcig na zhes bya ba 'dis bdag nyid thos pa mang ba dang/ rgyud rnyed par dka' bar bstan te/ bdag gis lan cig nyid du thos kyi/ gzhan du gzhan yang thos te/ de lta bur gyur pa ni rtag tu ston pa mi srid pa'i phyir ro/ /'di'i bsam pa yang dus thams cad du 'di 'dra ba rmad du byung ba'i chos nyan pa mi srid pa'i khyed rnams kyis 'dir gus par bya'o zhes so/ /gcig kyang nyan pa'i dus na rgyun mi 'chad pa'i ngo bo nyid kyis nyan pa rgyun mi 'chad pa'i phyir ro/ /gzhan du na yi ge dang/ tshig dang /dag 'dzin pa dus tha dad pa'i phyir ji ltar dus gcig tu 'gyur/ yang na skad cig ma gcig ni dus gcig ste/ skad cig ma nyid la de bzhin gshegs pa thams cad kyi dbang gis sam/ bsam gyis mi khyab pa'i rnam par thar pa'i sgo thob pas rgyud thams cad kyi don snang ba'i phyir ro/ /dus zhes bya bar brjod par bya ba yin pa la dam tshig smos pas ni dus ni rdzas ma yin par bshad pa'i phyir ro/ /nyi ma la sogs pa rnams kyis 'di'i 'gro ba'i khyad par skad cig ma la sogs pa'i brdas brjod de/ dus zhes bya ba'i rdzas ci yang yod pa yang ma yin no/ /gang las thos she na/ gsungs pa/ bcom ldan 'das zhes bya ba ni sgrib pa thams cad kyi gnyen po bla na med pa'i shes rab ni bcom pa ste/ 'di gang la yod pa de ni bcom ldan 'das so/ /de bzhin du yang gsungs pa/ rdo rje rtse mo las 'joms pa'i phyir na bcom pa ste/ nyon mongs bdud la sogs 'joms pas/ shes rab nyon mongs de 'joms phyir/ /de phyir shes rab bcom par bshad ces so/ /yang na/ dbang phyug dang ni gzugs bzang dang/ /dpal dang grags dang ye shes dang/ /brtson 'grus phun sum tshogs pa ste// drug po de la ldan zhes brjod ces bya ba 'di dang ldan pas bcom ldan 'das so/ /'di ltar shin tu rnam par dag pa'i ye shes shar bas nyon mongs pa'i gzhan dbang med pa'i phyir dbang phyug phun sum tshogs pa nyid de/ me long lta bu'i ye shes thob pas lta bas chog mi shes pa'i gzugs la sogs pa ston pa'i phyir dang/ 'di ltar yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa zhes pa la sogs pa'i grags pa thob pas gzugs phun sum tshogs pa dang grags pa dang yang ldan pa'o/ /mnyam pa nyid kyi ye shes mthar phyin pa yon tan thams cad kyi rten yin pas yid bzhin gyi nor bu bzhin 'gro ba ma lus pa'i nye bar 'tsho ba yin pa'i phyir dpal ldan no/ /so sor rtogs pa'i ye shes thob pas shes bya'i sgrib pa la sogs pa shin tu bsal nas don ma lus pa'i snang ba'i ye shes thob pa ni ye shes dang ldan pa'o/ /bya ba sgrub pa'i ye shes thob pas thams cad nyid sgrub par byed pa ni brtson 'grus dang ldan pa'o/ / gzhan la de lta bu'i yon tan yod pa ma yin pa 'di ltar gyur pa brjod pas phyin ci ma log par gyur pa'o/ /bcu bdun pa'i mthar 'di skad ces bka' stsal to zhes bya bar 'chad par 'gyur te/ de nyid kyi phyir de nyid las thos so zhes bya bar blta bar bya'o/ /'dis ni ston pa phun sum tshogs pa bstan to/ /gang du gnas nas thos zhe na/ de bzhin gshegs pa thams cad ces bya ba la sogs pa gsungs te/ de bzhin nyid gnyis su med pa'i ye shes kyi ngo bo de'i bdag nyid du zhes pa na/ de bzhin gshegs pa ste/ gtsor chos kyi sku bstan to/ /kun rdzob tu yang sprul pa la sogs pa'i gzugs nyid kyis ji ltar rnam pa gang gis 'jig rten pa la snang ba'i dngos po de nyid mi rtag pa la sogs pa'i ngo bo nyid kyis gshegs pa dang ldan pa dang yongs su spyod pa dang ldan pa dang/ yongs su gsung ba dang ldan pa zhes bya ba ni/ de bzhin gshegs pa ste/ ngag gis lam thams cad las 'das kyang tshig gi spyod yul lta bu dang/ bya ba dang bcas pa lta bur tha snyad byed do/ /de kho na nyid du ni yul gyi dngos po med pas gang du yang ma gshegs pa'o/ /de bzhin gshegs pa yang yin la/ thams cad kyang yin pas de bzhin gshegs pa thams cad de/ rnam par snang mdzad la sogs pa'o/ /de rnams kyi sku la sogs pa yang rigs gsum gyi bdag nyid yin pa'i phyir dang/ nyan thos la sogs pa'i yul ma yin pa'i phyir gsang ba yang yin no/ /de rnams kyi snying po rdo rje ni mi phyed pa'i ye shes kyi bdag nyid rdo rje sems dpa' o/ /de nyid dam pa'i bde ba'i ngo bo nyid kyis dga' ba'i gnas yin pa'i phyir dang/ bag chags dang bcas pa'i nyon mongs pa'i phung po 'joms pas btsun mo'i b+ha ga ste/ sku gsung thugs kyi snying po rnam par dag pa'i rang bzhin grangs ji lta ba bzhin du steng dang 'og tu gnyis dang gcig pa ni gru gsum pa'i rnam pa'o/ /sa bcu gsum pa'i rang bzhin chos 'byung ba'i phyag rgya'o/ /'og dang steng du gnyis pa dang/ gcig gi gru gsum gyi rnam pa zhes kha cig 'dod do/ /'di skad bstan par 'gyur te/ lnga dang gsum dang g cig gi rigs kyi bdag nyid kyi rang gi ngo bo dang rjes su mthun pa'i chos 'byung gi nang gi gzhal yas khang du 'dod chags la spyod pa'i gdul bya'i sems can rjes su gzung pa'i ched du 'khor chen po dang bcas pa'i bcom ldan 'das gang gi tshe bzhugs pa dang ldan pa de'i tshe/ 'di skad bdag gis thos pa zhes bya'o/ /de yang gsungs pa/ gnyis su med par mnyam par rnam par rgyal pa las/ b+ha ga bcom ldan sangs rgyas te/ de na 'dod chags sun mi dbyung/ /gang gzhan dam tshig gsum po rnams/ /de nyid 'di yi nang du 'dus zhes so/ /'dir yang sangs rgyas zhes bya ba ni rdo rje 'chang ste/ sangs rgyas rdo rje 'dzin par bshad ces gsungs pa'i phyir ro/ /de yang gsungs pa bco brgyad pa las/ /longs spyod bzhi dang yang dag ldan/ / rig pa'i skyes bu rdo rje can/ /sku gsung thugs kyi dbye ba yis/ /gru gsum rnams su bsgom par bya zhes so/ /mang po'i tshig ni ston pa'i dus su phyogs bcu na brtan pa dang/ g.yo ba'i dngos po thams cad kyi rdul phra rab so so'i nang du chud pa'i chos kyi 'byung gnas kyi nang gi gzhal yas khang? du dkyil 'khor ba'i lha dang bcas pa dang/ rig pa dang gnyis su med pa'i rang bzhin gyis bcom ldan 'das snang? ba'i phyir ro/ /ye shes zhabs kyis kyang 'di'i don kun tu bzang po las gru gsum gyen? du gnas pa zhes bya ba la sogs pa bstan to/ /bzhugs zhes bya ba ni rnam pa sna tshogs pa'i thabs kyi gdul bya'i 'gro ba rnams kyis yid 'phrog pa dang ldan pas zhes bya ba'i don to/ /'dod pa'i khams su 'dod pa'i 'dod chags la sogs pa la lhag par chags pa rjes su gzung ba'i phyir/ de lta bu'i gnas su sems ting nge 'dzin du 'gyur te/ sems mnyam par bzhag pa yang yang dag pa ji lta ba bzhin du so sor rtog par nus so/ /zhes bya ba gnas phun sum tshogs pa bstan to/ /bcom ldan 'das kyi che ba'i bdag nyid dang/ phan pa chen po mdzad pa dang/ dbang po dang bcas par shes par bya ba'i phyir 'khor 'dus pa chen po nye bar bstan par 'dod pas/ brjod kyis mi lang pa'i yang brjod kyis mi lang zhes bya ba gsungs pa ni thams cad las 'das pa grangs kyi bye brag go / des brjod kyis mi lang bdu rnams she na gsungs pa/ sangs rgyas kyi zhing zhes bya ba la sogs pa ste/ brjod kyis mi lang ba grangs kyis rnam par bcad pa mi nus pa'i phyir brjod kyis mi lang ba'i yang brjod kyis mi lang ba ste/ thams cad kyi grangs las 'das pa zhes bya ba'i don to/ /de nas sangs rgyas kyi zhing zhes bya ba la sogs pa ni dpe tsam du bstan pa'o/ /yang na brjod kyis mi lang ba dag ni sangs rgyas bcom ldan 'das rnams kyi yon tan dang/ gzugs dang/ nus pa la sogs pa ste/ 'dir bstan par mi nus pa'i phyir ro/ /de rnams kyis kyang 'jig rten pa'i grangs kyis bstan par mi nus pa'i phyir/ sangs rgyas kyi zhing zhes bya ba la sogs pa gsungs so/ /gang yang don dam pa chos kyi rang bzhin gyis brjod bya dang rjod byed las 'das pa'i ngo bo rnam par bshad pa ni de 'dir skabs ma yin pa nyid kyis ji lta ba bzhin du ma yin no/ /da ltar ni byang chub sems dpa' rnams kyi rang gi ngo bo bstan pa ni ma yin te 'on kyang gal che ba'o/ /chos kyi dbyings 'di ni byang chub sems dpa' rnams kho na'i ma yin pa nyid de/ 'on kyang dngos po thams cad kyi thun mong pa'i ngo bo nyid kyi phyir 'dir ni byang chub sems dpa' tsha? ba'i bdag nyid du mi 'gyur ro/ /chos dang gang zag la bdag med par rtogs pa las sangs rgyas bcom ldan 'das te de'i zhing ni gang du skye ba bstan pa ste/ stong gsum gyi stong chen po 'jig rten gyi khams de mnyam du 'jig cing mnyam du chags par grags te/ de yang chos mngon pa las/ gling bzhi dang ni nyi zla dang/ /ri rab dang ni 'dod lta dang/ /tshangs pa'i 'jig rten stong la ni/ /stong ni spyi phur yin par 'dod/ 'uM? /de stong la ni stong gnyis pa/ /bar ma'i 'jig rten khams yin no/ /de steng la ni stong gsum ste/ /mnyam du 'jig cing 'chags pa yin zhes gsungs so/ /'dir sangs rgyas kyi zhing zhes bya ba ni spyi'i tshig las sangs rgyas kyi zhing thams cad du bzung ngo/ /yang sangs rgyas thams cad kyi so so'i zhing 'jig rten gyi khams dpag tu med pa rnams so/ /thams cad kyi thams cad du sems can gyi don byed pa la so so'i nus pa la bar chad med pa'i phyir ro/ /sangs rgyas kyi zhing rnams na 'am/ sangs rgyas kyi zhing ni ri rab rnams te/ de rnams kyi rdul ? rab? ni thams cad las phra ba'i yan lag ste/ de dang mnyam pa'i byang chub sems dpa' rnams so/ /byang chub ni rdo rje 'chang chen po nyid do/ /de nyid rnam pa thams cad mngon par rdzogs par byang chub pa'i ngo bo nyid kyi phyir ro/ /gang yang bco brgyad pa las/ mi 'jig rnam par mi shes pa/ /brjod du med dang rtog bral ba/ /sangs rgyas byang chub ces gsungs so/ /yang de nyid las gsungs pa/ /mi 'jig skye ba med gang yin/ /mgon po de nyid yin par brjod ces so/ /de la sems dpa' zhes bya ba ni sems te/ gang rnams kyi yin pa de la de skad ces bya'o/ /bstan pa'i bsam pas sems can gyi phung po chen po'i don byed pa'i phyir/ sems dpa' chen po ste/ de rnams dang lhan cig ces bya ba'i don to/ /byang chub sems dpa' rnams kyi bya ba yongs su mthar ma phyin pa'i phyir 'dir bstan pa la gtso bor gsungs pa dang/ rgyu dang 'bras bu'i rim pa ston pas gang rnams med na/ lha'i rnal 'byor dang/ dkyil 'khor mi rdzogS pa dang/ lha de dag thams cad kyi bdag nyid du gyur pa rnams las re zhig byang chub sems dpa' rnams dang por gsungs pa/ dam tshig rdo rje zhes bya ba la sogs pa la /dam tshig rdo rje ni rdo rje 'chang chen ste /de'i rgyu mthun pa'i phyir yid kyi skye mched byin gyis brlab pa 'dir kun tu bzang por gsungs pa/ /yid bzhin nor bu dam tshig dang /de bzhin zhes bya ba dang po'i tshig las/ don yod pa dang rgyu mthun pa'i phyir sgrib pa thams cad rnam par sel ba yin no/ / zhes kha cig 'dod do/ /sku rdo rje la sogs pa'i sgras rnam par snang mdzad la sogs pa'i rgyu mthun pa'i sa'i snying po dang/ /'jig rten dbang phyug dang/ phyag na rdo rje rnams dang/ lus la sogs pa'i byin gyis brlab pa'i rang bzhin sku rdo rje la sogs pa yang gsungs so/ /ting nge 'dzin rdo rje zhes bya ba ni mnyam pa nyid kyi ye shes kyi bdag nyid rin chen bdag po ste/ byang chub sems dpar skabs kyi tshig las de'i rgyu mthun pa nam mkha' i snying po'o/ /rgyal pa rdo rje zhes bya ba ni nyon mongs pa thams cad las rgyal ba ni sgrib pa thams cad rnam par sel ba'o/ /de yang dgongs pa las gsungs pa/ /rig pa'i skyes bu'i rgyu mthun pa/ /kun tu dam tshig ces bya'o/ /sa snying 'jig rten dbang phyug dang/ /de bzhin phyag na rdo rje gzhan/ /rnam snang mdzad dang snang mdza' yas/ /mi bskyod rgyu mthun gsum 'di rnams/ /mkha' snying sgrib pa rnams la nyid/ /ting nge 'dzin rgyal ba'i ming dag can/ /rin chen don grub rgyu mthun pa/ /dgongs pa las ni bshad pa'o zhes so/ /dam tshig rdo rje la sogs pa'i sgra 'jug pa'i rgyu mtshan ye shes zhabs kyis mdzad pa'i kun tu bzang po'i sgrub thabs kyi rim pa la brten nas dam tshig rdo rje la sogs pa'i sgras sa'i snying po la sogs pa la bstan to/ /zhes 'dir la la 'dod do/ /de'i 'dod pa ni sbyar bar dka' ba'i rtog pa skye ba ma gtogs par cung zad kyang dgos pa med de/ de gang yang khas mi len no/ /ye shes zhabs kyi sgrub thabs kyi rim pa nyid kyi rgyud thams cad kyi don ston pa ma yin no/ /la la ni rgyal ba rdo rje zhes bya ba 'dis kun tu bzang po dang/ gshin rje mthar byed la sogs pa ston par byed do/ /dam tshig dang sdom pa la gnas pa rnams kyis bla na med pa'i sku la sogs pa rdzogs la/ de yang ting nge 'dzin med par mi 'byung ngo/ /ting nge 'dzin nyon mongs pa las rgyal ba dang/ bral ba la med do/ /zhes bstan pa'i phyir dam tshig rdo rje la sogs pa'i sgra 'dis 'di rnams bstan gyi rang gi ming gis ni ma yin no/ /'byung ba rnams ni 'byung ba las gyur pa rnams la gtso bo yin pas nas rdo rje la sogs pa nas rlung rdo rje'i mthar thug pa ste/ dge ba'i 'bras bu yang dag par 'dzin pa dang/ tshim pa dang/ mi dge ba nges par bsregs pa dang/ bsod nams dang ye shes kyi tshogs bsags pa'i rgyus sa la sogs pa'i rang bzhin spyan la sogs pa bzhir bstan to/ /nam mkha' rdo rje zhes bya ba ni 'byung ba rnam par dag pa'i skabs las dmigs pa med pa'i ye shes chos 'byung gi gzugs can rten dang brten par gyur pa'i dngos po ma lus pa'i rang bzhin lha'i 'khor lo'i skabs 'byed pa'i phyir nam mkha' i rdo rje'o/ lha nyid du bstan pa'i phyir 'di yang byang chub sems dpa' rnams kyi nang du bstan to/ /gang yang bco brgyad pa las/ mkha' dbyings dam tshig de nyid ni/ /rdo rje 'dzin pa nyid du dran zhes gsungs so/ /de ni nam mkha' i dbus te nam mkhar ro/ /rdo rje ste rten dang brten par gyur pa de bzhin gshegs pa rnams 'dzin pa 'dir 'jug pa'i rgyu mtshan no/ /chos rnams gzugs brnyan dang/ sgra rnyan gyi rang bzhin du rtog pa dang/ mi g.yo ba dang/ mi stod pa'i dga' ba dang/ dmigs pa dang/ chos kyi dbyings mngon du byed pa'i rang bzhin gzugs rdo rje la sogs pa nas/ chos kyi dbyings rdo rje'i mthar thug pa ni gzugs kyi skye mchod la sogs pa rnam par dag pa'i ngo bo ni gzugs rdo rje la sogs pa rnams su bstan to/ /thams cad nyid byang chub kyi rang bzhin yin pa'i phyir dang/ byang chub sems dpa' rnams dang /rang gi shes pa dang tha mi dad pa'i shes bya'i dkyil 'khor la dmigs pas sems dpa' chen po te/ thabs dang shes rab kyi bdag nyid ces bya ba ni don to/ /'di bdag la sogs pa zhes bya ba ni de dag gtso bor gyur pa'i rang bzhin byang chub sems dpa' rnams dang lhan cig ces bya ba'i don to/ /der byang chub sems dpa' 'ba' zhig yod pa ma yin te/ de bzhin gshegs pa yang gsungs pa/ mi bskyod pa zhes bya ba la sogs pa la/ 'dzin pa la sogs pa'i rnam pa dang bral bas chos kyi dbyings kyi rang bzhin nyid kyis mi mthun pa'i phyogs thams cad kyis g.yo bar mi nus pas mi bskyod pa'o/ /snying po dang/ khong stong med pa dang/ mi phyed pa dang/ 'byed pa'i mtshan nyid byang chub kyi seMs kyi rang bzhin yin pa'i phyir rdo rje yang yin la mi bskyod pa yang yin pas rdo rje mi bskyod pa'o/ /glo bur gyi dri ma thams cad spangs pas rang bzhin gyis 'od gsal ba'i phyir ye shes gzhan gyi rten nyid kyis rnam par snang bas gdul bya'i 'gro ba rnams kyis rgyud la skal pa ji lta ba bzhin du snang ba me long lta bu'i ye shes kyi bdag nyid bcom ldan 'das rnam par snang mdzad do/ /dmigs su med pa'i thugs rje la sogs pa'i bdag nyid kyis rgyud gzhan dang tha dad par mi 'dzin pa yin pa'i phyir dga' ba rgyas pas mnyam pa nyid kyi bdag nyid rin po che zur dgu pa yin pa? de nyid rtog ste/ mtshan ma gang la yod pa de la de skad ces bya'o/ /shes bya thams cad la phyin ci ma log pa'i so sor rtog pa'i ye shes kyi bdag nyid rtag tu mi gnas pa'i mya ngan las 'das pa'i ngo bo nyid kyis tshe dpag tu med pa ste/ snang ba mdza' yas so/ /'gro ba ma lus pa la sna? ba skyed pa'i? rgyus don yod pa dang/ 'gro ba'i don rdzogs par 'grub pa 'di ni bya ba grub pa'i ye shes kyi bdag nyid don yod grub pa'o/ /de dag la sogs pa zhes bya ba ni de'i bdag nyid rnams kyis longs spyod rdzogs pa'i sku rnam par gnas pa'o/ /nam mkha' i dbyings thams cad dang mnyam pa zhes bya ba ni nam mkha' i khams dang mnyam par zhes bya ba ni nam mkha' i khams dang mnyam par dpag tu med pa rnams so/ /'di rnams kyang bar mtshams med par gang bar gsungs pa 'di lta ste zhes bya ba ni go sla'o/ /de ltar ni phyi dang nang rnam par dag pa'i dkyil 'khor ba nyi shu rtsa lngar 'gyur te/ gshin rje mthar byed la sogs pa yang 'dir 'byin pa'i stobs kyis 'byung ba'i phyir dang/ dad pa la sogs pa nyid kyang 'di rnams kyi bya ba'i dbang las 'grub ste/ 'di ltar dang bas? gus? pa dang/ brtson 'grus kyis gzhug pa dang/ dran? pas brtan pa dang/ ting nge 'dzin gyi dga' bar byed pa'o/ /dad pa la sogs pa phung po'i nang du gtogs pa nyid de phung po la sogs pa rnam par dag pa'i rang bzhin gyi lha rnams so/ /de yang gsungs pa/ 'dir na phung po lnga rnams ni /sangs rgyas lngar ni rab tu grags/ /rdo rje skye mched nyid dag kyang/ /byang chub sems dpa' i dkyil 'khor mchog ces so/ /gzhan yang khro bo bcu ni ye shes bcur 'byung ba'i bdag nyid kyis rnam par shes pa'i phung por bsdus pa nyid do/ /'on kyang srung ba'i 'khor lo la sogs pa rnams la nges ba'i yul nyid kyis dkyil 'khor ba ma yin no/ /de la phung po ? par dag pa ni de bzhin gshegs pa rnams so/ /sa'i snying po la sogs pa dang/ gzugs rdo rje la sogs pa ni skye mched rnam par dag pa'o/ /spyan ma la sogs pa ni khams rnam par dag pa'o/ /gshin rje mthar byed la sogs pa ni ? la sogs pa rnam par dag par bstan par khong du chung par bya'o/ /de'i phyir phung po la sogs pa rnams rang gi snang ba las tha mi dang pa'i lha'i gzugs kyis nges par de kho na nyid blang bar bya'o/ /de bzhin du yang gsungs pa/ gzugs la sogs pa stong nyid nam mkha' dang mnyam bsgom/ /phyogs gcig de ni mu stegs pa rnams yin par grags/ /sangs rgyas pas ni rnam dag gnyis med rnal 'byor sbyor/ /gzugs la sogs las tha dad mi smra de nyid du/ /gzugs la sogs ba lngar ni nges par bstan pa yi/ /phung po gang zhig de nyid 'dir ni de bzhin gshegs/ /lha mo bzhin ni nges par khams rnams yin gyur pa /gang zhig sa sogs bzhi ni don dam par 'gyur yin/ /skye mched du ni gnas par rab tu grags pa gang/ /byang chub sems dpa' ma lus don du rten zhes bya'o/ /gsang ba 'dus pa'i dkyil 'khor du ni 'dir gsungs pa/ /gang zhig phung po khams dang skye mched la sogs kun/ /stong nyid mtshan ma med dang smon med ngo bo yin// thog ma med cing 'jig med nges par da ltar yin/ /rang bzhin stong pa ma lus don gyi ngo bo de/ /the tshom med par de ni mchog gi byang chub sems zhes pa/ /'dir phung po'i tshul la re zhig mig la sogs pa la brten cing gzugs la sogs pa la dmigs nas mig gi rnam par shes pa la sogs pa skye ba gzugs la sogs pa nges par snang ba de la rnam par dag pas rnam par snang mdzad do/ /de'i rten dang dmigs pa rnam par dag pa ni sa'i snying po la sogs dang/ gzugs rdo rje la sogs pa byang chub sems dpa' rnams so/ /reg bya'i phyogs gcig rnam par dag par gyur pa ni spyan la sogs pa bzhi yin no/ /gshin rje mthar byed la sogs pa ni 'du byed kyi phyogs gcig yin par blta'o/ /gzhan du na 'di rnams kyi so so'i rnam par dag pa med par 'gyur te/ phung po'i rnam par dag pa nyid kyis rnam par dag pa'i phyir ro/ /tshor ba dang/ 'du shes dang / 'du byed dang/ yid kyi rnam par shes pa ni rin po che tog dang/ snang ba mdza' yas dang/ don yod grub pa dang/ mi bskyod par gsungs so/ /rnam par shes pa'i tshul la yang yul dang yul can dngos la sogs pa'i bag chags rnam par dag pa kun gzhi rnam par shes pa'i phyogs gcig tu gyur ba ni byang chub sems dpa' rnams so/ /bag chags lhag ma rnam par dag pa kun gzhi rnam par shes pa'i bdag nyid ni rnam par snang mdzad do/ /nyon mongs pa can gyi yid dang/ rnam par rtog pa'i sems dang sems las byung ba dang/ 'jug pa'i rnam par shes pa lnga po rnam par dag pa ni rin chen tog la sogs bar 'gyur ro/ /gang yang kun tu bzang bo las gsungs pa/ /sems can don dang bdag dang rnam rtog dang/ 'jug pa'i rnam par shes pa rnam par dag pa yang zhes so/ /sems can don zhes bya ba ni phung po gcig go /yang gi sgras ni sems las byung ba gzung ste/ /de rnam par dag pa don yod par grub pa'o/ /gzhan du na/ gzugs dang tshor ba dang ni 'du shes dang/ 'du byed dang ni rnam par shes bshad pas/ /rnam par snang mdzad la sogs bder gshegs rnams zhes pa dang 'gal bar 'gyur ro/ /yang na dri za'i grong khyer dang 'dra ba tsam gyis dngos po thams cad gnas pas/ ji srid mi mthun pa'i phyogs sgo btags pa de bkag pa nyid kyis de'i gnyen por gyur pa'i stong pa nyid dang tha mi dang pa rnam par snang mdzad la sogs pa rnam par dag par yang dag par brtags pa/ zhal gsum phyag drug gi dkyil 'khor pa'i lha'i rnam pa'i gzugs kyis brtags pa zhes bya ba ni thug pa med pa ma yin no/ /da ni bla ma la rag las pa dngos grub rnams yin te/ nges na slob dpon med par mi bya'o/ /zhes bstan par bya ba'i phyed du dkrugs pa'i rim gyis mngon par rtogs pa'i rim pa la sogs pa gsungs pa/ de nas zhes pa la sogs pa nas/ thugs kar zhugs so/ /zhes bya ba'i bar ni gsol ba 'debs pa gnyis pa dang 'brel to/ /de bzhin gshegs pa thams cad kyi gzugs kyis sems can gyi khams thams cad sbyang ba'i don du tshig bzhi pa gsungs so/ /de nas zhes pa la sogs pa la/ de bzhin gshegs pa thams cad gcig tu bsdus par gyur pa'i phyir/ rnam par snang mdzad ni rdo rje 'dzin pa nyid do/ /'dod chags chen po zhes bya ba ni dam pa'i bde ba'i ngo bo can phun sum tshogs pa thams cad kyi rten du gyur pa? bcom ldan 'das su brjod do/ /de yang gsungs pa 'dod chags chen po bcom ldan 'das/ thams cad dngos grub rjes chags phyir zhes so/ /de bzhin gshegs pa thams cad kyis len cing thob par byed de/ /ting nge 'dzin gang gis mngon du byed pa zhes bya ba'i don to/ /sangs rgyas thams cad kyang bdag mnyam par 'dod pa thabs dang shes rab snyoms par 'jug pa'i gnas pa zhes bya ba'i tha tshig go /yang na de bzhin gshegs pa thamS cad kyi 'dod chags chen po ni thabs dang shes rab gnyis su med par chags pa'i mtshan nyid do/ /de nyid kyi tshul ni thabs dang byed pa ste/ ting nge 'dzin gang la sems rtse gcig pa de la snyoms par 'jug pa zhes bya'o/ /dkrugs pa'i rim pa yang dang por 'dod chags chen po'i ting nge 'dzin nyams su myong ba ston to/ /'di nyid nyon mongs pa'i chags pa spangs pas dam pa'i bde ba zag pa med pa sgrub pa la thabs chen po dang/ bde ba ni 'dod pa'i khams kyi gdul bya'i 'gro ba rnams kyi gzung ba'i ched du'o/ /de yang dpal sangs rgyas thams cad mnyam par sbyor ba las gsungs pa/ sgyu ma dag ni thams cad las/ /bud med sgyu ma khyad par 'phags zhes so/ /bla na med pa'i mchod pas mchod par bya ba dang/ chos thams cad mnyam par bstan pa'i ched du de bzhin gshegs pa rnams bkod pa nam mkha' i phyogs su gnas pa de sgyu ma'i bde ba'i sgra chos kyi brdas bkug la/ ji lta ba bzhin du nyid kyi sku phung po la sogs pa'i bdag nyid la chu dang 'o ma bzhin du nges par gzhug go / de'i rjes la mchog tu rjes su chags pas zhu bar gyur nas/ lam gyi mchod pa'i don 'byung ba'i phyir gsungs pa/ de nas zhes bya ba la sogs pa la/ de bzhin gshegs pa thams cad kyi sku dang gsung dang thugs kyi bdag po ste/ de skyed par byed pa'i phyir ro/ /de mnyes par byed pa'i don du yin te rig ma la zhugs pas skyed pa lhag pa'i bud med yon tan phun sum tshogs pas dga' ba skyed pa'i phyir/ nyid kyi sku bud med kyi gzugs zhes te/ nyid kyi sku ni rang gi gzugs so/ /bud med kyi gzugs su sprul pa ni rang gi rigs dang/ rjes su mthun pa'i gzugs bud med kyi lha'i rnam par byin gyis brlabs te/ de'i phyir gsungs pa/ la la zhes bya ba la sogs pa la/ sangs rgyas ni rnam par snang mdzad de/ spyan dang gzugs rdo rje'i rnam par byung ba'o/ /de bzhin du mi bskyod pa la sogs pa'i yang phyung ste/ bcom ldan 'das kyi rig ma'i nang du zhugs par blta'o/ /gang yang bco brgyad pa las /'dod chags chen po'i tshul zhes bya ba la sogs pas 'di'i don gsal bar byed do/ /gnyis su med pa mnyam pa nyid rnam par rgyal ba las kyang gsungs pa/ de nas bcom ldan 'das phyag na rdo rjes de bzhin gshegs pa de rnams rang gi pa sbu'i bu gang bcug nas thams cad mnyam pa nyid kyi ye shes 'byung pa'i byin gyis brlabs zhes bya ba'i ting nge 'dzin la snyoms par zhugs so/ /snyoms par zhugs pa'i rjes thogs la yang bcom ldan 'das phyag na rdo rjes de bzhin gshegs pa'i rang gi gzugs rnams bud med kyi gzugs su byin gyis brlabs nas de nyid kyi ba spu'i bu ga nas 'thon par gyur to/ /de nas btsun mo de dag thams cad kyis ye shes chen po'i rin po che de la mchod pa thams cad bkod pas yang dag par mchod nas/ nam mkha' gang bar snang bar byas te/ sku dang gsung dang thugs rnams la gnas par gyur to zhes so/ /bdag nyid kyi dngos po lha mor sprul nas de bzhin gshegs pa rnams kyis yang dag par mchod pa ni lha mo dgur gyur pa'o/ /chos kyi dbyings kyi rdo rje min rdo rje 'dzin pa'i rgyu mthun pa'i phyir 'dir mi srid do/ /de brjod pa rnam par snang mdzad la sogs pa de bzhin gshegs pa rnams ji ltar rang rang bud med kyi gzugs kyis phyung ste/ ji lta ba bzhin du phyi'i mchod pa 'di rnams kyis yang dag par mchod nas/ rdo rje 'dzin pa la gsang pa'i mchod pas mchog pa'i ched du rig ma la thim par gyur to zhes so/ /sangs rgyas kyi zhing rnam par sbyangs pa las mngon par rdzogs par byang chub par gyur te/ rnam par sbyang ba yang 'di ltar rten dang brten ba'i dbye bas rnam pa gnyis so/ /bco brgyad pa las/ chos 'byung ba ni ji ltar bsgom zhes bris nas/ longs spyod bzhi dang yang dag ldan zhes bya ba la sogs pa dang/ mi g.yo ba dang mtshungs par 'khor zhes bya ba'i bar du'o/ /rtsa bar yang yi ge b+h+ruM gyi gnas bsgoms te zhes bya ba la sogs pas de dang de'i rnam par dag pa bstan to/ /de yang dkyil 'khor zhes bya ba mchod rten te/ tshogs ni phun sum tshogs dang ldan/ /nye bar rdzogs pa mkhan po dang/ gsang ba gsol la sogs las thob/ /grong? ni dkyil 'khor nyid dang ldan/ /cho ga bzhin du bla mas brtag /dam tshig dam tshig nyid ni thob/ /dngos grub thams cad kyang ni thob ces bya ba'i tshig las dam tshig sbyin pa la sogs pas rten pa rnam par sbyang ba'i phyir brtan pa'i sems kyis bsam gtan gyi dkyil 'khor gsungs pa/ de nas zhes bya ba la sogs pa la thog ma dang tha ma med pa'i chos kyi dbyings kyi rang bzhin nyid kyi phyir mi mthun pa'i phyogs rnams kyis mi bskyod pas mi bskyod pa ni bcom ldan 'das rdo rje 'dzin pa'o/ /btsun mo'i b+ha ga ni 'di rang snang ba'i pad+ma'o/ /gru bzhi ni gnyis su med pa'i ye shes kyi ngo bo yin pa'i phyir sangs rgyas dang sangs rgyas ma yin pa mnyam pa nyid kyis phyi rol gru bzhi pa'o/ /gsum pa las/ 'od zer sna lnga kun tu khyab/ /kun nas yongs su blum por ni zhes bya bas nang gi 'phar ma bstan to/ /rdul med pa zhes bya ba ni kun nas nyon mongs pa med pa'o/ /nyon mongs pa ni dri mar byed par rdul te/ des dkyil 'khor gyi de kho na nyid brjod pa'i sa bon tsam bstan to/ /da gang yin zhe na gsungs pa/ dam tshig chen po'i dkyil 'khor zhes bya ba la/ dam tshig chen po ni rdo rje sems dpa' ste de'i dkyil 'khor raM dam tshig ster bar byed ba'i phyir ro/ /de yang gsungs pa/ dkyil 'khor gzhug cing dbang bskur ba/ /dam tshig dkyil 'khor zhes bya ba/ /gang zhig mdor bsdus gsungs pa ni/ /dkyil '/khor mkhas pa bdag nyid che zhes so/ /yang na dam tshig ni byang chub kyi sems te/ de las byung ba'i phyir de skad ces bya'o/ /la la dag 'dir mi bskyod pa bdag por 'dod pa de ni bden pa ma yin te/ 'dir ni sems can rnams 'dod chags chen po'i tshul la zhen pa'i ched du sprul pa yin la/ mi bskyod pa sprul pa ni zhe sdang la spyod pa'i sems can spyad ba'i phir ro/ /rdo rje 'dzin pa ni de bzhin gshegs pa thams cad kyi ye shes kyi rang bzhin yin pa'i phyir de'i dkyil 'khor gyi sems can thams cad sdud par byed par rigs so zhes so/ /byin gyis brlab pa zhes bya ba ni ye shes kyi bdud rtsi yongs su gyur ba las de bzhin gshegs pa thams cad kyis sprul? pa'i don no/ /gsal ba zhes bya ba ni yid kyi rang bzhin gyis thogs pa med pa'i phyir ram/ de bzhin gshegs pa ma lus pa'i yon tan 'byung ba'i rgyu nyid kyis thams cad/ mkhyen pa'i ye shes kyi rnam pa thob pas gsal ba'o/ /de'i ngo po nyid ces bya ba ni sngar gleng gzhi'i 'khor dang mtshungs pa 'am/ de bzhin gshegs pa thams cad kyi bdag nyid kyi byang chub kyi sems su gyur pa'i phyir bdag po'i rang bzhin no/ /kha dog du ma dang ldan pa nyid kyi phyir sna tshogs gzugs so/ /yang na thabs dang shes rab kyi snang bar gyur pas dran pa dang dbang po la sogs pa mchog tu bde ba'i bzhin bsgoms pa'i mthus gang rnams skyes pa'i chos sna tshogs blo'i rang bzhin gang la yod pa de la de skad ces bya'o/ /sangs rgyas sprin gyis kun tu khyab ces bya ba ni de bzhin gshegs pa la sogs pa'i dkyil 'khor pa rnams kyis khyab pa ste/ rten tsam ma yin zhes bya ba'i don to/ /'od zer 'phro ba mang po/ 'khrugs ces bya ba ni 'od zer du ma dang ldan pa'o/ /gdan rnams nye bar ston pa na/ de bzhin gshegs pa rnams kyi bzhugs pa'i nges pa gsungs pa/ gsal ba zhes bya ba la sogs pa la/ gsal ni gzugs brnyan 'byung ba'i phyir me long lta bu'i ye shes kyi bdag nyid rnam par snang mdzad do/ /de'i gdan yang de'i bdag nyid kyi phyir de skad ces bya'o/ /gang yang bcu bzhi pa las gsungs pa/ rnam par snang mdzad gzugs chen po/ /zla ba'i dkyil 'khor la bsgom bya zhes so// 'di'i don ni rnam par snang mdzad dang por byas nas rang gi gdan dang bcas pa'i de bzhin gshegs pa thams cad kyis khyab pa zhes bya'o/ /de'i phyir de bzhin gshegs pa thams cad kyi gnas ni dkyil 'khor te/ dkyil 'khor gyi ming gi rnam grangs yin pa'i phyir dkyil 'khor gyi sgrar brjod do/ /de bzhin du yang gsungs pa/ de nyid bcu bsdus pa las/ ltas dang khyab bdag de bzhin brten/ /rig pa rigs dang sdig pa sel/ /bde 'byung dang yang skye gnas ni/ /sngags rnams kyi gsang rten dang yang/ /ri dang grong dang dam tshig dang/ /khyim dang grong khyer bzhi dang ni/ /'di rnams dkyil 'khor rnam grangs rnams/ /de rnams yongs su grags pa yin zhes so/ /de yang bsgom par bya ba nyid de las dang po pa rnams gyis goms pa'i don du 'dod do/ /sems bstan pas yang yid kyi sprul pa'i dkyil 'khor du nor med pa'i snod dang ldan pa'i 'gro ba rnams dbang bskur yang nyes pa med do/ /gang yang gsungs pa/ rgyal bas la la? de nyid 'dod/ / yid kyis yang dag dkyil 'khor bya/ /dam pa'i dkyil 'khor bya ba la/ /bla ma slob ma yon tan lhag /yang dag snying rje'i dbang son pas/ /rnam par g.yeng ba'i sems kyis min/ /rdzas la sred pas ma yin te/ /mi bstan brtson pa po yi yang/ /gtso bo rnams kyang gnang ma yin/ /dam tshig phyir yang de ma mthong/ /don min zhi ba'i phyir yang min/ /dal ba 'ba' zhig tu ni zad/ /phyis ni 'gyod par 'gyur ba yin/ /'dod pa'i yin yang ? 'dod/ /mi mkhas pas ni brtags pa'o/ /yid kyi dkyil 'khor zhes bya ba/ /mkhas pa rnams kyis de nyid ma thong zhes bya'o/ /bzhag par gyur to zhes bya ba la/ /sems can thams cad ces blta bar bya ste/ de dbang bskur ba'i don gyi phyir 'dir sprul pa'o/ /dkyil 'khor du gzhug pa yang dbang ma bskur ba rnams la dam tshig mi bstan pa'i phyir dbang gsungs pa/ de nas zhes bya ba la sogs pa la/ byang chub kyi sems rdo rje zhes bya ba ni thabs dang shes rab kyi bdag nyid kyi ye shes byang chub kyi sems so/ /de nyid rdo rje ste gang mi byed pa 'di bcom ldan 'das rdo rje 'dzin pa'o/ /de yang gsungs pa bco brgyad pa las/ /thog ma tha ma med zhi ba/ /dngos dang dngos med zad pa'i gtso/ /stong nyid snying rje mi phyed pa// byang chub sems zhes bya bar bshad ces so/ /thugs la zhes bya ba ni thugs ka'i rdo rje lte ba la rgyal ba rnam pa lnga dbang bskur ba'i don gyi zhugs so/ /la la dag gsang ba'i rdo rje zhes 'dod do/ /dbang bskur ba ni bcu bdun pa las/ /de nas bcom ldan 'das phyag na rdo rje de bzhin gshegs pa 'dod pa thams cad la longs spyod pa'i dpal zhes bya ba'i ting nge 'dzin la snyoms par zhugs so/ /zhes bya ba la sogs pas nges par khong du chud par bya'o/ /da? ni de nas zhes bya ba la sogs pa las/ de nas zhes bya ba nas yang dag par gnas par gyur to/ /zhes bya ba'i mthar thug pa'i tshig gnyis pas gsol ba gdab pa gnyis pa dang 'brel to/ /mngon par byang chub pa rnam pa lnga dang 'brel pa mngon par byang chub pa rnam pa gnyis gsungs pa/ /de bzhin gshegs pa thams cad kyi gang las mngon par te/ thams cad chos dang/ longs spyod rdzogs pa dang/ sprul pa'i ngo bo yin la/ 'byung ba ni skyes pa ste ting nge 'dzin gang la so/ /de yang stong pa nyid dang/ snying rje'i bdag nyid kyis rdo rje ste/ de la snyoms par zhugs pa'o/ /thabs dang shes rab kyi bdag nyid dbyangs dang gsal byed las byung ba zla ba gnyis kyis gzugs mngon du byed pa zhes bya ba'i don to/ /de yang gsungs ba/ rtog pa thams cad bsdus pa las/ /sra zhing brtan la khong stong min/ /mi chod pa dang mi phyed mtshan/ /mi tshig pa dang mi 'jig pas/ /stong nyid rdo rje zhes byar brjod ces so/ /'gro drug 'khor lo spong bar byed/ /nyes byed thams cad gcod byed pa/ /byang chub sems gang rdo rje ste/ /nyon mongs thams cad 'joms ba'o zhes bya'o/ /yang na thams cad de nyid kyi rnam pa la mos pas de bzhin gshegs pa thams cad stong pa nyid du ro gcig pas byang chub kyi sems rdo rje'o/ /de yang gsungs pa dgongs pa las/ gang dang gang gi dngos po las/ /de dang de ni stong par rtogs/ /de bzhin nyid mthong 'brel ba ni/ /thams cad rigs pas de bzhin gshegs zhes so/ /shes rab kyi pha rol tu phyin pa sum brgya pa las kyang gsungs pa/ kye rab 'byor de bzhin gshegs pa zhes bya ba ni de bzhin nyid do zhes bya ba'i tshig las so/ /de zil gyis gnon pa ni ting nge 'dzin las bslang ba ste/ gang sems so sor rtog pa la sogs pa zla ba gnyis kyi gzugs kyis te/ de gang la yod pa de la de skad ces bya'o/ /de la snyoms par zhugs pa'i bcom ldan 'das kyis gang gyur pa gsungs pa/ 'di zhes bya ba la sogs pa la bcu gcig pa las/ yi ge b+h+ruM gyi gnas bsgom ste/ rdo rje gsum 'byung bsgom par bya zhes bya ba'i tshig las chos 'byung ba'i nang du chung ba'i gzhal yas khang gi nang gi yul lo/ /de bzhin gshegs pa thams cad rdo rje'i ngo bor gnas par gyur to/ /zhes bya ba ni dbyangs dang gsal byed las zla ba gnyis kyi ngo bo nyid kyi gnas so zhes bya ba'i don to/ /de yang gsungs pa/ gsang ba'i thig le las/ sdug cing snying po dag pa che/ /nam mkha' bzhin du dri ma med/ /thams cad gnas ngan len las grol/ /rnam par rtog pa spangs pa'i mchog /nyon mongs kun gyi dri ma dag / sngar gyi mthong ba'i zla ba bzhin/ sangs rgyas kun gyi yon tan 'di/ /a la sogs pa'i gzugs kyi 'jug /snying rje chags las yang dag gyur/ /sems can rjes su 'dzin par byed/ /dge pa'i chos kyis yang dag bas// nyon mongs kun las nges par snod/ /zla ba'i dkyil 'khor dbus su ni/ /byang chub zla ba gnyis pa'o/ /dir yang sangs rgyas yon tan rnams/ /ka sogs gzugs kyis yang dag 'jug ces so/ /de nas zhes bya ba la sogs pa nas gyur to// zhes bya ba'i bar gyis tshig lnga pa gsungs pa/ de nas zhes bya ba la sogs pa las/ de nas zhes bya ba ni dbang bskur ba'i rjes la'o/ /thams cad ces bya ba ni dkyil 'khor der zhugs pa'o/ /rdo rje sems dpa' i byin brlabs kyis zhes bya ba ni/ mchog gi dbang bskur ba thob pas de bzhin gshegs pa thams cad kyi bde ba dang yid bde ba thob par gyur pa na sku rdo rje la sogs pa'am/ de'i rgyu thob pas so/ /de nas zhes bya ba la sogs pa la/ de nas zhes bya ba nas/ yang dag par gzigs par gyur to/ /zhes bya ba'i bar gyis tshig gsum pa gsungs pa la/ de nas zhes bya ba ni zla ba gnyis gcig gi dngos por gyur pa'i rjes la'o/ /de bzhin gshegs pa thams cad kyang yin la sku rdo rje la sogs pa yang yin te de rnams kyi dam tshig ni rgyu ste/ dpal rdo rje sems dpa' o/ /gang gi phyir hUM las byung ba'i rdo rje nor bu dmar po dang 'dra ba de nyid kyi rdo rje mi phyed pa'o/ /gang la ting nge 'dzin de mngon du byed pa ste/ de bzhin du yang gsungs pa/ bcu gsum pa las/ nam mkha' i dbyings kyi dbus gnas par/ /rdo rje rtse lnga kha bzhi ba/ /rnam pa kun gyi mchog ldan pa'i/ /rdo rje sems dpa' rnam par bsgom zhes so/ /'di zhes bya ba ni 'chad par 'gyur ba'o/ /rig pa'i skyes bu chen po'i gzugs zhes bya ba ni rigs ni shes rab ste/ de dang lhan cig pa'o/ /gang gis grong khyer 'gengs byed pa/ /de phyir skyes bu zhes brjod do/ /zhes bya ba rdo rje bdud rtsi'i tshig las skyes bu ni thabs yin la/ de'i gzugs ni lus ste/ thabs dang shes rab gnyis med pa zhes bya ba'i don to/ /de bzhin gshegs pa thams cad kyi sngags kyi byin gyi brlabs pa zhes bya ba las/ de bzhin gshegs pa thams cad nyid sngags te/ de rnams kyi byin gyis brlabs pa ni rdul phra rab so so'i nang du gnas pa ji lta ba bzhin du gyur pa'o/ /de ltar byin gyis brlabs pa zhes pa ni rdzogs par byed pa'i zhes bya ba'i don to/ /de nyid ces bya ba ni gang zil gyis gnon pa'i ting nge 'dzin snyoms par zhugs pa de yin no/ /zhal gsum pa zhes bya ba ni dkar po dang/ nag po dang/ dmar po'i rnam pa zhes bya ba'i don to/ /lha rnams kyi phyag dang zhabs mtshan ma'i rnam par bzhag pa ni ye shes zhabs kyi kun tu bzang po las ji ltar nye bar bstan pa/ de bzhin du khong du chud par bya'o/ / de la dkar po dang/ ser po dang/ dmar po dang/ ljang khu rnams kyi zhal g.yas pa nag po'o/ /nag po dang dkar po dag gis g.yon pa dmar po'o/ /ser po la sogs pa'i dkar po ste/ sku yang rtsa ba'i zhal gyi kha dog go /phyag g.yas kyi gnyis pa la rtsa ba'i mtshan ma'o/ /thams cad kyi g.yas dang cig shos kyi mtshan ma dang bral ba'i steng du 'khor lo blta bar bya'o/ /gang gi mtshan ma gsungs pa/ de ni man ngag gis sgyu 'phrul dra pa las shes par bya ste/ gang gi phyir 'dir ye shes zhabs kyis 'jam dpal gyi mtshan ma gsungs pas so/ /la la ni rdo rje 'dzin chen po nag por 'dod de/ de ni bden pa ma yin te/ le'u gsum pa las/ rnam par snang mdzad kyi rdzas? la rdo rje 'dzin pa smos pa ni de kha dog gi don nyid do/ /gzhan du na thams cad kyi bdag po yin pa'i phyir de dang por bstan par 'gyur ro/ /bco lnga pa las gsungs pa/ de ni de ma thag tu yang/ /rnam par snang mdzad 'od 'dra zhing/ /rdo rje sems dpa' rgyal po che/ /sangs rgyas sku gsung rdo rje 'dzin zhes so/ /sdom pa bla ma las gsungs pa/ mchog tu mi 'gyur grub pa'i phyir/ /thams cad las ni rnam par dag /gsang ba'i de nyid dkar ba'i phyir/ /zla ba'i rdo rje kha dog 'dzin zhes so/ /yang gsungs pa/ gsang pa stug po gsungs pa gsungs pa las/ /rdo rje sems dpa' rgya chen mchog /sgeg pa'i longs spyod rol par mdzad/ /sku ni zla ba dri med mtshungs/ /sna tshogs las kyi dbye ba yis zhes so/ /de nas zhes pa la sogs pa nas rnyog ma med ces bya pa'i bar gyis tshig drug pa gsungs pa/ de nas zhes bya ba ni bde ba dang yid bde ba thob pa'i rjes la'o/ /mi bskyod pa la sogs pa zhes bya ba ni mi bskyod pa'i rigs dang ldan pa'i byang chub sems dpa' o/ /de'i dus nyid sangs rgyas / thob par 'gyur pa'i phyir de skad ces brjod pa ste/ de kho na nyid du ni ma yin no/ /gzhan du na sems can thams cad sangs rgyas pa rnams la bstan pa 'bras bu med par 'gyur ro/ /zhes gzhan dag 'dod do/ /gzhan ni de lta ma yin te/ ston pa'i dang nye ba nyid shin tu skal ba dang ldan pa'i phyir dbang bskur pa la sogs pas de bzhin du gyur pa'o/ /gang yang skyil pa dang mi ldan pa'i phyir nye pa ma yin pa de rnams kyi don du 'di ston pa yin pa des na ci'i phyir don med pa yin ci ste de ltar na byams pa la sogs pa yang sangs rgyas par 'gyur te/ de'i dus na yang dag par byung pa'i phyir ro zhe na nyes pa yod pa ma yin te/ tshul 'dis de rnams kyang yang dag par rdzogs par 'dod do/ /gang yang bco brgyad pa las gsungs pa/ de nas byams pa la sogs pa byang chub sems dpa' sems dpa' chen po rnams de bzhin gshegs pa thams cad kyi dbang bskur bas sku dang gsung dang thugs kyi gsang ba bstan pa las yang dngos po thams cad ji lta ba dang/ dus ji lta ba bzhin du mthong zhing thos la khong du chud? nas zhes so/ /'dir gsungs pa'i chos rtogs pa nyid sangs rgyas zhes khas blangs pa'i phyir ro/ /mi bskyod pa la sogs pa bzhin byams pa la sogs pa yin na/ cho thams cad lkog tu ma gyur pa de na the tshom med pa'i phyir bco brgyad pa las gsungs pa'i zhus pa dang/ lan brjod par mi 'gyur bar smra bar nus pa zhes pa ma yin te/ ma 'ongs pa'i gdul bya'i 'gro ba rnams rjes su gzung ba'i phyed du de rab tu 'jug pa'i phyir ro/ / mang du smra ci dgos de'i phyir de kho na nyid du de bzhin gshegs pa nyid du skyes pa zhes bya'o/ /thugs ka nas zhes bya ba ni 'byung ba'i nang du chub pa'i gzhal yas khang nas so/ /ched du brjod pa zhes bya ba ni ma bskul par brjod pa ste/ lhag par rtogs pa'i don gsal pa'i byed pa'i tshig go /ched du brjod do zhes bya ba ni smra pa dang ldan pa ste/ dga' bas 'phangs pa'i sems kyis rang gis rtogs pa ma dris par de ltar gsal bar mdzad pa dang ldan pa zhes bya ba'i don to// e ma'o zhes bya ba la sogs pa e ma'o zhes bya ba ni ngo mtshar to/ /hi zhes bya ba ni gang gis phyir don te/ gang gi phyir byang chub sems ni rab 'jug pa ste/ 'dod chags la sogs pa'i thabs kyis byang chub rdzogs par byed pa'i phyir ro/ /de ni ngo mtshar te/ 'dod chags ni ngan 'gro'i rgyu yin pa'i phyir ro/ /de bzhin gshegs pa kun gyi zhes bya ba ni byang chub sems dpa' la sogs pa ni 'di la mi srid do/ /gsang ba ni rang gi rig pa'i ngo bos gzhan la mi gsal ba'i phyir ro/ /de bas na btags med pas rtogs pa las 'das pa yin pas rtog ge pa rnams kyis spyod yul ma yin pa'i phyir ro/ /yang gsungs pa/ rtog ge'i yul yang ma yin la/ /de bzhin nyan thos rnams kyi yang/ /gang zhig mgon pos gsungs pas ni/ /so sor bdag nyid rtog spyod yul zhes so/ /khams gsum la mi brten pa'i phyir yang gnas med la/ rnyog pa med pa'i tshig la dri ma'i gnas ma yin zhes bya pa'i don to/ /thos pa 'dod pa rnams kyis gsol ba gdab pa mngon du song zhing bsnyen bkur byas nas dam pa'i chos nyan par bya'o/ /zhes bya ba la sogs pa bstan pa'i phyed du de nas zhes bya ba la sogs pa la/ de nas zhes bya ba nas yang dag par bstan du gsol zhes bya ba'i bar gyis dang po gsungs pa/ de nas zhes bya pa ni 'dod chags chen pos 'dul ba'i 'gro ba rnams 'dus pa'i rjes la'o/ /yang 'dus nas zhes bya bas ni mngon par byang chub pa'i dus la bltos nas yang zhes bya ba'i don to/ /de bzhin gshegs pa rnams kyis sam/ de bzhin gshegs pa thams cad nyid mchod pa ste/ gzugs rdo rje la sogs pa 'di las spros pa mdza' yas pa sna tshogs pa'i mchod pa'i yo byang sprul pa'o/ /de nyid dam tshig ste mi 'da' pa'i phyir ro/ /de kho na nyid ni rigs lnga'i bdag nyid kyis phyin ci ma log pa'i phyir ro/ /mchod pa thams cad kyi mchog tu gyur pa'i phyir rin po che 'am/ zag pa med pa'i bde ba'i rdzas su mthun pa'i phyir dga' ba rgyas pas so/ /sprin zhes bya ba ni bar med par nam mkha' thams cad khyab par byed pa'o/ /mchod nas gsol pa gdab pa de'i bstan pa'i phyir/ de nyid bcom ldan 'das bshad du gsol zhes bya ba ni de kho na nyid ni phyin ci ma log pa ye shes kyi bdag nyid rigs lnga'o/ /rdo rje snying po 'dus pa yin zhes bya ba ni rdo ni mi phyed pa dang/ 'byed pa'i phyir gnyis su med pa'i ye shes so/ /de nyid gang rnams kyi snying po yin pa de la de skad ces bya'o/ /rdo rje snying po rnams bsdus pa ni dngos po rnams phung po gcig tu gyur pa gang la yod pa de ni bcom ldan 'das te spros pa med pa'i bdag nyid rdo rje can no/ /nyan thos pa la sogs pa la mi srid pa'i phyir de bzhin gshegs pa kun gyi'o/ /snod dang mi ldan pa rnams la mi bstan pa'i phyir gsang ba'o/ /de gang yin zhe na /gsungs pa/ gsang ba 'dus pa zhes bya ste/ 'dus pa na ni tshogs pa ste/ de bzhin gshegs pa thams cad gcig tu gyur pa'o/ /gsang ba'i ngo bos byung bas na gsang ba las byung ba ste/ rigs gsum gyi bdag nyid do/ zhes bya ba'i don to/ /gang yang bco brgyad pa las /de nyid rigs lngar bstan pa yin/ gsang ba'i rigs ni gsum du bshad ces bya ba dang/ sangs rgyas thams cad ces bya ba tshogs pa 'dus ba yin par brjod ces bya'o/ /'di skad gsungs pa yin te/ rigs lnga dang/ gcig dang/ gsum gyis bdag nyid kyis bcom ldan 'das rdo rje 'chang chen po sgrub par byed pa'i thabs yang dag par ston cig pa'o/ /yang de kho na nyid ni thabs dang shes rab kyi bdag nyid phyin ci ma log pa'i thams cad mkhyen pa'i ye shes so/ /rdo rje de nyid gnyis su med pa'i mthar phyin pa rnams te/ snying por gyur pa'o/ /sangs rgyas kyi chos thams cad mdor bsdus par gyur pa'i phyir/ btus pa'i ngo bo nyid do/ /de bzhin gshegs pa thams cad gcig pa'i ngo bo'i phyir 'dus pa'o/ /'dod chags chen po'i ting nge 'dzin las yang dag par byung ba'i phyir/ gsang ba las byung ba zhes bya'o/ /de ltar rdo rje 'chang chen po rdzogs par byed pa'i thabs ston cig ces gsungs pa yin no/ /da ni de nas zhes bya ba la sogs pa mngon par 'dod pa'i don zhus pa gsal bar bya ba'i phyir legs so legs so zhes gsungs pas na byis pa rnams kyi ma rtogs pas 'di la smod par ma gyur cig ces ston par mi spro ba nyid du ston par byed pa ni 'on kyang zhes rtogs te/ de bzhin gshegs pa thams cad ces bya ba ni/ /de bzhin gshegs pa'i rigs nges pa can gyi byang chub sems dpa' rnams so/ /dus gsum gyi de bzhin gshegs pa thams cad dang mnyam pas da lta ba nyid kyi de bzhin gshegs par khong du chud par bya ste/ byang chub kyi sems bskyed pa nyid kyi phyir ces bya ba'i tshig las so/ /gang zhig de bzhin gshegs pa'i ye shes thob pa ni ma yin te/ de rnams nyon mongs pa'i bdag chags ma lus pa spangs pa'i phyir the tshom med cing de bzhin gshegs pa thams cad la ma mthong ba dang/ ma thos pa dang yongs su ma shes pa dang/ mngon du ma byas pa med par khas blangs pa'i phyir ro/ /de bzhin gshegs pa'i ye shes la tha dad pa med de gang yang gsungs pa/ dbyig gnyen gyi zhal snga nas/ tshogs dang chos kyi sku dang ni/ /'gro ba'i don ni spyod pa yis/ /sangs rgyas thams cad mnyam pa nyid/ /sku tshe rigs dang tshad kyis min zhes so/ /de'i phyir pha rol tu phyin pa'i tshul la sogs par grub pa'i de bzhin gshegs pa rnams de'i tshig tu 'gyur ro zhes/ gang de skad zer ba de ni mi rigs so/ /gzhan rnams lta smos kyang ci dgos zhes pa ni rigs shin tu ma nges pa ste/ shin tu yang zhes pa'i don to/ /de bzhin du yang gsungs pa/ bdag gi chos ni mngon par rtogs/ /de nyid zab mo mthong ba yin/ /log par rtogs pa'i spyod yul can/ byis pa rmongs pas mi shes pa'o zhes so/ /'dis ni skal ba dang mi ldan pa'i 'gro ba rnams la dam pa'i chos bstan par bya ba ma yin no/ /zhes bslab pa'o/ /snang ba rdo rje 'char ba las gsungs pa/ 'di dag rim gyis smin byas na/ /'bad pas dad pa bskyed bya ste/ /mna' la sogs pa byin nas kyang/ /phyi nas 'di nyid bstan par bya/ /gzhan tu slob dpon dag gi ni/ /nyes pa chen por gyur pa nyid/ /'dzin po dmyal bar 'gyur ba yin/ /de yang dam tshig gsungs phyir zhes so/ /'di ni thun mong ma yin te/ sems can mchog gis bsgrub par bya bar shes nas rgyu chen po nyid kyis ngo mtshar thob pa'o/ /'bras bu nyid kyis rmad du gyur pa thob pa'o/ /gang zhes bya ba la sogs pas ston pas thabs gsungs pa/ 'di lta bu'i yon tan khyad par can zhes bya ba ni/ da ltar gyi dad pa la sogs pa'i yon tan dang ldan pas de bzhin gshegs pa'i ye shes 'dzin par nus pa'i 'khor la'o/ /de bzhin gshegs pa thams cad kyi sku dang/ gsung dang/ thugs kyi gsang ba gsum gyi bdag nyid kyi ngo bo gdul bya snod dang mi ldan pa rnams la ston par mi spro ba'o/ /de'i che de bzhin gshegs pa thams cad kyis byin gyis brlabs pa mdzad nas zhes bya ba ni de bzhin gshegs pa'i gzugs su mdzad de/ snod nyid du mdzad la/ /bcom ldan 'das kyis bstan du gsol/ /ji ltar de la bya ba bslab pa gsungs pa/ de bzhin gshegs pa zhes bya ba la sogs pa las/ de bzhin gshegs pa thams cad kyi rdo rje'i dam tshig ni rdo rje 'chang chen po'o/ /de 'byung ba'i gnas ni skyed pa'i gnas te/ byang chub kyi sems kyi mtshan nyid do/ /de ma byin gyis brlab pa mdzad nas zhes bya ba ni sngar gyis bstan du gsol zhes pa dang 'brel lo/ /gang gi phyir sngon du de kho na nyid ma mthong bas rgya che ba'i chos ston pa la mos par mi byed de dkyil 'khor du 'jug pa la sogs pa'i rim pas de kho na nyid rtogs pa la mos par bya zhes bya bar dgongs so/ /'di skad bstan pa yin te/ rang gi rig ma'i pad+ma'i lta ba la gnas pa'i 'khor lor de bzhin gshegs pa thams cad bcug pa/ sngon du song ba'i dbang bskur ba la sogs pa byin pas de dag snod du byas nas yang dag par bstan du gsol zhes so/ /ci'i phyir zhe na gsungs pa/ de bzhin gshegs pa thams cad kyi zhes bya ba la sogs pa la/ de bzhin gshegs pa thams cad kyi bde ba dang/ yid bde ba ni lus dang sems kyi bde ba myong ba'o/ /bar du zhes bya bas bsgom pa'i khyad par gyis sangs rgyas dang rdo rje 'dzin pa la sogs pa yin par gsungs so/ /ye shes ni shin tu rnam par dag pa la sogs pa'o/ /mngon par shes pa ni drug ste/ lha'i mig gis mngon par shes pa dang/ lha'i rna ba'i mngon par shes pa dang/ gzhan gyi sems shes pa'i mngon par shes pa dang/ rdzu 'phrul rnams mngon par shes pa dang/ sngon gyi gnas rjes su dran pa'i mngon par shes pa dang/ zag pa zad pa'i mngon par shes pa yang ngo/ /gzhung 'di tsam gyis ni rang gi don rdzogs par byed pa'i phyir sbyor ba dang po'i ting nge 'dzin gyi mdo tsam zhig gsungs so/ /rang gi don phun sum tshogs pa snying rje dang ldan pas gzhan gyi don bya ba ste/ gzhan gyi don gtso bor dkyil 'khor rgyal po mchog gi ting nge 'dzin gsungs pa/ de nas zhes bya la sogs pa la gsol ba btab pa mkhyen nas zhes bya ba ni dang po'i gsol ba btab pa'o/ /ye shes ni shin tu rnam par dag pa'i ye shes te/ de nyid rang bzhin gyis 'od gsal ba'i phyir dang/ ma rig pa'i mun pa'i gnyen po'i phyogs yin pa'i phyir/ sgrol ma ste sgrol ma bzhin no/ /de nyid rdo rje ste mi phyed pas so/ /gang gi phyir ting nge 'dzin de la snyoms par zhugs pa ni thugs rdo rje 'byin pa'i rnam pa la sems rtse gcig tu mdzad ces bya ba'i don to/ /'di zhes bya ba ni blo la gnas pa'o/ /shin tu gdug cing drag rnams la/ zhi bar nye bar rigs ma yin zhes bya pa'i tshig gis khro bas 'dul ba'i gdul bya'i phyir bcos ma'i khro ba las nye bar byung bzhi sdang gi thugs rnam par dag pa mi bskyod pa'o/ /de nyid rigs te gzhan rnams skyed pa'i rgyu'i phyir ro/ /sngags kyang de kho na nyid gsal bar byed pa ste/ sgra'i ngo bo nyid yin pa'i phyir ro/ /de yang sngags ni sngags zhes brjod pa ste/ de kho na nyid bskul bar gsungs zhes so/ /mchog ces bya ba ni mdza' yas pa'i rigs bsdus pa'i phyir te/ mchog gi rigs ni rnam pa brgya zhes bya ba'i tshig las so/ /de bas na mdor bsdus pa ston pa'i phyir snying po'o/ /'dod pa'i 'bras bu ster bar byed pa'i snying po'o/ /nyid kyi sku dang gsung dang thugs rdo rje las zhes bya ba ni de sku la sogs pa'i mdzad pa'i phyir ram/ de'i bdag nyid yin pa'i phyir te/ phyung ngo zhes bya bar gyur ro/ /badzra d+h+rika ces bya ba la bcom ldan 'das kyis sngags thams cad bco brgyad pa las bshad pa/ de'i phyir de rnams kyi don de nyid las shes par bya'o/ /mi bskyod pa nyid phyag rgya chen po rang snang ba dang yang dag par ldan ba'i phyir sbyor ba'o/ /de yang thabs dang shes rab snyoms par 'jug pa/ sbyor ba zhes ni bshad par bya zhes gsungs so/ /des mdza' yas pa'i rigs sprul pas zhe sdang la spyod pa'i sems can ma lus pa thar ba thob pa'i phyir go 'phang ste/ des 'gro ba rnams kyi don mdzad pa zhes bya ba ni lhag ma'o/ /thar pa yang dag par thob par bya ba'i phyir go 'phang zhes gsungs so/ /nag po dkar po dmar po'i rnam par bzhugs so zhes bya ba ni rdo rje 'dzin pa'i sku dang gsung dang thugs ni zhe sdang la spyod pa rjes su gzung bar bya ba'i phyir rang gi gzugs kyi gnas pa'o/ /de'i gzugs kyi ni ma yin te/ nag po dang dkar po dang/ dmar po'i rnam pa zhes khyad par du byas pa'i phyir dang/ 'di rigs pa gang yin te/ byang chub sems dpa' i dkyil 'khor la yang dkyil 'khor gyi gtso bo'i bdag po dang/ de bzhin gshegs pa rnams dngos su rgya dang 'bras bur gyur pa'o/ /mi snang bar gyur pa nyid yin na/ dkyil 'khor gyi bdag po nyid gtso bo yin par 'gyur ro/ /nges na nges dbang bskur bar de bzhin gshegs pa rnams 'gyur ba yin no/ /'byin pa'i dkyil 'khor de ji ltar yang byang chub sems dpa' nyid du 'gyur zhe na/ de lta bu'i gzugs kyi ting nge 'dzin mngon du byed pa'i phyir yin te/ spyan la sogs pa 'don pa la rnam par snang mdzad la sogs pa'i ting nge 'dzin mngon du byed pa bzhin no/ /ting nge 'dzin gcig gis kyang thams cad 'byin pa yin na/ spyir rgyu dang 'bras bur mi 'gyur te/ rigs gcig pa nyid du thal bar 'gyur ro/ /des na dkyil 'khor thams cad kyi bdag nyid gcig pa'i dbang bskur bas na mang po smra ci dgos/ gti mug la spyod pa'i sems can rnams rjes su gzung ba'i phyir gsungs pa/ de nas zhes bya ba la sogs pa la/ 'dis rtogs par byed cing shes par byed pas dam tshig ste/ dngos po ma lus pa'i gzugs brnyan 'char ba'i gnas yin pa'i me long lta bu'i ye shes so/ /de bzhin gshegs pa thams cad kyi dam tshig 'byung ba rdo rje zhes bya ba ni rdo rje ltar gang la mi phyed pa'i ting nge 'dzin yod pa de la de skad ces bya'o/ /rtog pa'i dra ba thams cad dang bral bas 'jig tshogs la lto ba la sogs pa'i gnyen po yin pa'i phyir chos thams cad mi rtog pa'i ngo bo gti mug ni rnam par snang mdzad do/ /de nyid rigs zhes bya ba la sogs pa ni snga ma bzhin te/ de nyid bcom ldan 'das zhes pa ni gang mi bskyod pa'i gzugs kyi gnas pa de'o/ /spyan sngar bzhugs so zhes bya ba ni dbus kyi dkyil 'khor gyi shar gyi ri'u mig la brten pa'i pad+ma dang zla ba'i dkyil 'khor la bzhugs so// zhes bya ba'i don to/ /sred pa dang nga rgyal la spyod pa rjes su gzung ba'i phyir gsungs pa/ de nas zhes bya ba la sogs pa las/ rin po che ni mnyam pa nyid kyi ye shes te/ de las 'byung bas rin chen 'byung pa'o/ /de nyid mi phyed pas na dpal te/ phyag rgya chen po la sogs pa'i ngo bo phun sum tshogs pa gang la yod pa'i ting nge 'dzin de la dmigs pa'o/ /yid bzhin gyi nor bu zhes bya ba ni mnyam pa nyid kyis sems can thams cad la ji ltar 'dod pa'i don ster bar byed pa'i phyir ro/ de nyid rigs zhes bya ba la sogs pa ni snga ma bzhin no/ /rin chen tog gi phyag rgya chen po'i nam mkha' i gnas zhes bya ba'i tshig las 'di'i don ni khyab par byed pa'i phyir dang/ thogs pa med pa'i phyir dang/ rnam par rtog pa med pa'i phyir nam mkha' bzhin du gnas te/ sprul pa rnams kyis zhes bya'o/ /'dod chags la spyod pa'i sems can rjes su gzung bar bya ba'i phyir gsungs pa/ de nas zhes bya ba la sogs pa las/ de bzhin gshegs pa thams cad kyi 'dod chags ni so sor rtogs pa'i ye shes kyi bzhag pa/ dmigs pa med pa'i snying rje chen po'i rang bzhin te/ de las byung ba ni snang ba mdza' yas so/ /de nyid ni rdo rje zhes bya ba la sogs pa ni snga ma bzhin te/ thams cad du so sor gong ba'i thabs dang shes rab phan tshun shin tu chags pa'i rdo rje 'dod chags so/ /de nyid rigs zhes bya ba la sogs pa ni snga ma bzhin no/ /'jig rten dbang phyug ces bya ba la sogs pa la/ 'jig rten pa la gzigs par byed pas na de'i dbang phyug ste/ dngos po mdza' dag phyin ci ma log pa so sor rtogs pa'i bdag po yin pa'i phyir ro/ /de'i phyir yang rig pa ste/ 'dis thams cad shes shing rig pas shes rab yin la de'i bdag po ste/ thabs dang shes rab kyi ngo bo zhes bya ba'i don to/ /phyag rgya chen po zhes bya ba la sogs pa ni snga ma bzhin no/ /phrag dog gis nyams pa'i sems can rjes su gzung bar bya ba'i phyir gsungs pa/ de nas zhes bya ba la sogs pa la/ gdon mi za ba ni 'bras bu dang bcas pa'o/ /dam tshig ni sems can thams cad kyi don nges par rdzogs par byed pa bya ba grub pa'i ye shes thob pas gang la yod pa de don yod par grub pas de skad ces bya'o/ /dam tshig 'gugs pa zhes bya ba ni dam tshig gi ni bza' ba la sogs pa'o/ /'gugs pa ste dam tshig nyams pa rnams kyi rgyud la ji lta ba bzhin du skyed par byed pa'i phyir dam tshig 'gugs pa'o/ /de la sngags la spyod pa la rjes su 'jug pa rnams la spyi'i dam tshig las nyams pa bshad par bya ste skyabs gsum yongs su spangs pas kyang/ byang chub sems ni rnam spangs dang/ rgyal ba'i sras la sdad pa dang/ /de la dad pa spangs pa dang/ /lus ngag yid kyis kyang smod pa/ /de nyid ched du bsams pa yis/ /bla ma mchod 'os smad pa dang/ /slob dpon la ni ma gus dang/ /mtshams med lnga ni byed pa dang/ /de dang nye lnga byung ba dang/ /mu stegs gshed byed grogs byed dang/ /btags pa'i lha la phyag 'tshal dang/ /chags pas de yi yon tan sgrogs/ /gdug pa'i sems kyis smod byed dang/ /de yi bya ba'i rjes su dga' / /de nyid la yang mngon dga' dang/ /chos 'dod pa dang de bzhin du/ /dam tshig chos kyi sbyin bdag dang/ /dam tshig shes dang dam chos nyan/ /de rnams la yang smod pa dang/ /bla ma mchod 'os 'phags pa dang/ /rgan pa'i phyag sogs len pa dang/ /sku gzugs ras bris mchod rten dang/ /lha yi khang pa dag dang ni/ /dam pa'i chos kyi glegs bam dang/ /byang chub shing dang shing gcig gi /grib ma dag la brnyas pa yis/ /mnan pa nyid dang 'goms pa dang/ /sems can phyag rgya mtshon cha rnams/ /mtshan ma la sogs zos pa dang/ /rmongs pas 'goms pas gyur pa dang/ /bza' dang phreng ba la sogs la'ang/ /'goms sam brdzis par gyur pa dang/ /sngags pa ma yin smra ba dang/ /rig pa dang ni sman chen la/ /phur bus gdang? dang bcad pa dang/ /mi gtsang sogs dang ldan pa yis/ /sngags dang phyag rgyal rab 'jug /'di gnyis dam pa min las la/ /blo yi sogs dang sbyor ga dang/ /bsod nams ma yin bcu po las/ /gcig kyang spong bar mi 'dod dang/ /byed dang bstan la 'khu ba dang/ /log pas 'tsho ba brten pa dang/ /rang gi dbang bskur la 'das dang/ /dge slong la sogs 'tshe ba dang/ /bdag nyid dang ni gzhan rnams kyis/ /bsod nams bar du gcod byed pa// bzhon pa mnan dang khyogs dang ni/ /pad+ma 'goms dang brdzis pa dang/ /ltung ba las ni mi ldang dang/ /nyon mongs skyed las lhag gnas dang/ /slob dpon gyi ni lung med par/ /sngags dang phyag rgya yongs 'dzin dang/ /dbang bskur ba ni ma blangs shing/ /cho ga rtogs pa med pa dang/ /rjes gnang med pa bsgrub bya yi/ /las dang dngos grub rnams spangs so/ /sred pas zil gyis mnan pa yis/ /dkyil 'khor sogs la 'jug pa dang/ /dam tshig thob par ma gyur dang/ /dam tshig las ni nyams pa dang/ /nga rgyal gyis ni sems bcom dang/ /the tshom dag dang bcas pa dang/ /dam tshig la ni ma gus dang/ /mu stegs can la sngags dang ni/ /phyag rgya tshul ni ston pa dag /gal te ched du bsam pas byed/ /mdor na dam tshig rnams la ni/ /rtag tu nyams pa nyid du 'gyur/ /gang yang rgyud kyi khyad par dang/ /sgrub pa'i thabs kyi khyad par las/ /dam tshig sdom pa bshad pa rnams/ /de las 'das kyang nyams par 'gyur/ /zhes gsungs so/ /don yod ba sgrub pa nyid dam tshig thams cad skyed par byed pa la gtso bo yin no/ /de yang gsang ba'i thig le la sogs pa las gsungs pa/ /las kyi rigs mchog chen po la/ /sdom pa thams cad ldan pa ni/ /yang dag nyid du bzung bar gyi/ /mchod pa'i las kyang ci nus bya/ /zhes bya'o/ /ye shes zhabs kyis kyang 'di la dgongs te/ /dam tshig gso ba kun tu bzang po'i sgrub thabs las/ /dam tshig nyams la snying ga'i zla bar ni/ /snying pos sna tshogs rdo rje ji bzhin bsam/ /dpal ldan dam tshig rdo rje rnal 'byor pas/ /'gro ba rang bzhin gyis dag rnams bsams la/ /sna tshogs pad+ma'i 'dab ma'i dbus su ni/ /snon bzhin rim pas dbang bskur kun tu blang/ /zhes so/ de nyid rigs zhes bya ba la sogs pa ni/ /snga ma bzhin no/ /'di rnams kyis bya ba'i sgo nas/ ming gzhan gsungs pa gdug pa can thams cad la rnam par sdang bas na/ zhe sdang ste mi bskyod pa'o/ /gzung ba la sogs pa yang dag par rig pa med pas gti mug ste rnam par snang mdzad do/ /bdag med pa'i chags pas sems can thams cad 'tshed pas na 'dod chags te snang ba mdza' yas so/ /phan par byed pa la ma bltos par thams cad ster bas na/ yid bzhin gyi nor bu ste/ rin chen 'byung ba'o/ /sprul pa sna tshogs pas 'gro ba rnams gdul ba'i ched du nye bar 'gro bas na dam tshig ste don yod grub pa'o/ /gang yang gsungs pa/ zla gsang thig le las/ thams cad ngan song gsum po 'jigs/ / zhes dang phyir na rnam par dag / des na rdo rje can rgyal che/ /zhe sdang zhes ni brjod par bya/ /rnam par rmongs phyir sems can kun/ /ngan song rnams las 'jigs pas na/ /rtag pa nyid ni thug pa mchog /des na gti mug ces gsungs pa'o// chags byed sems can thams cad kyi/ /thabs dang shes rab tshul gyis kyang/ /par can pad+ma sad pa las/ /de nyid 'dod chags ces ni gsungs/ /'dod pa'i phyir na sems can kun/ /sbyin pa'i sbyin ni bde chen pos/ /des na 'dod pa 'dod chen can/ /nam mkha' bde bas yang dag bsdus/ /phrag dog la sogs thob pa dang/ /phrag dog don yod rdo rje blo/ /sna tshogs pad+ma byed pas na/ /de nyid sna tshogs chen po yin/ /zhes so/ des ni 'di nyid legs par bstan pa yin/ /snying rje chen po'i bdag nyid kyis/ /gdug dang drag po rab tu 'joms/ /rdo rje rigs chen 'jig rten la/ /zhe sdang me ni zhi bar mdzad/ /mi bden lta ba rmongs pa che/ /'dam du bying ba'i khams gsum pa/ /de bzhin gshegs pa'i rigs kun gyi/ / gdon par bya phyir kun tu gnas/ /chos la bdag med chags pa yi/ /chags pas 'gro ba 'chod par byed/ /pad+ma chen po'i rigs dag pa/ /nam mkha' bzhin du yang dag gnas/ /ser sna'i dri ma bsal nas ni/ /bsam pa thams cad yongs rdzogs pa// yid bzhin nor bu'i rigs ni mchog / 'byor pa'i phyir ni yang dag gnas/ /gzhan gyi phun sum tshogs la khro/ /'gro ba yun ring lta ba sreng/ /phrag dog dri ma bsal nas gnas/ /las kyi rigs ni de bzhin no/ /dpal ldan gsang ba 'dus rgyud tu/ /snying rje dkris pa'i sems dang ni/ /smon lam dbang du gyur pa yis/ /byang chub rdo rje can gyis gsungs zhes so/ /rigs lngar rtogs pa 'di rnams kyis zhes pa ni/ /'dir mdor bsdus nas rgyu'i dngos pos rigs lnga zhes bya ste/ rnam pa lnga yi dbye bas so/ /de yang zla gsang thig le las gsungs pa/ /'di ltar de'i de nyid cig /de yis lnga nyid ji ltar yin/ /rgyu yi dbye bas phye ba yin/ /'bras bu la ni rigs dbye min/ /zhes bya'o/ 'dod dang thar pa rab sgrub pa zhes bya ba la/ 'dod pa ni gzugs la sogs pa'i yul lo/ /de rnams kyis ji lta ba bzhin du nye bar bstan pas so/ /thar pa ni mi gnas pa'i mya ngan las 'das pa sgrub par byed pa de la de skad ces bya'o/ /de yang gsungs pa bdun pa las sdug bsngal nges par dka' ba yis/ /brtan kyang 'grub par mi 'gyur gyi/ /'dod pa'i longs spyod thams cad la/ /rten nas myur du 'grub par 'gyur/ /zhes so/ de nyid thabs dang shes rab gnyis su med pa'i dngos po goms pa las/ /zhe sdang rdo rje la sogs pa'i rang bzhin gyi chos lnga thar par bskyed par ston to/ /de yang gsungs pa 'khor ba zhi ba'i bdag nyid te/ /nyon mongs byang chub yan lag 'gyur/ /de phyir thabs chen ldan pa las/ /de bzhin gshegs pa bsam mi khyab ces so/ /'jigs pa la sogs pa la rjes gzung bar bya ba'i phyir/ mA ma kI sprul pa gsungs pa de nas zhes bya ba la sogs pa la/ de bzhin gshegs pa thams cad kyi rdo rje ni shin tu rnam par dag pa'i ye shes te/ de ni de'i bdag nyid kyis 'dzin par mdzad pa'i phyir mi skyod pa de la de skad ces bya'o/ /de'i rjes su mnyes par byed pa ni dbu la 'dzin pa la sogs pa'i mtshan nyid do/ /de nyid dam tshig ste gang gi de bzhin du dmigs pa'i ting nge 'dzin de la de skad ces bya'o/ /yang na dkyil 'khor gyi bdag po nyid la ston pa'i dngos po mi snang ba'i bdag nyid du byed pas mnyes pa ste/ lhag ma ni snga ma bzhin no/ /'di zhes bya ba sngags dang lha dag tha mi dad pa'i mA ma kI gsungs pa'o/ /rdo rje 'dzin pa ni mi bskyod pa ste/ de nyid de'i ngo bo yin pa'i phyir btsun mo'i mchog gam/ sgra rdo rje la sogs pa la bltos nas/ rigs kyi gtso bor gyur pa'i phyir ro/ /shar zhes bya ba ni rnam par dbye ba med par bstan pa dang po'i don yang yin te/ 'di'i don ni rdo rje'i rigs 'di gtso bor gyur pa'i phyir dang por gdon pa yin te/ grwa ni rang gi gnas su zhugs par gyur pa'o/ /grwa ni shugs kyi bden bral zhes 'brel to/ /gang gi de ma thag tu spyan lho'i grwar chad par 'gyur te/ le'u bzhi pa las kyang de shar gyi zhes bya ba gsungs pa/ de'i phyir thams cad du shar lho nyid du 'gyur ro/ /gang gi phyir bris pa'i dkyil 'khor ni rdul tshon tsam tha dad par khas blangs pa'i phyir ro/ /mA ma kI der lho phyogs su bshad par bya ste/ 'dir ni grwa tsam du gsungs pa'i de'i phyir lho ri grwa nyid du rigs pa yin no// lcags ma ni ji ltar gsungs pa bzhin gnas pas thams cad legs par gnas pa'o/ /yang na shar gyi grwa gang las yin pas de la shar gyi grwa zhes bya ste/ nub phyogs yin no/ /de bzhin du yang dgongs pa lung ston pa las gsungs pa/ zhe sdang dga' ma zhes bya ba/ /bdag po de bzhin gshegs pa yi/ /zhal gsum pa yi gzugs kyis ni/ /bden bral du ni rnam par gnas/ /zhes so/ nad la sogs pa nye bar zhi bar bya ba'i phyir/ spyan ma gdon pa gsungs pa/ de nas zhes bya ba la sogs pa la/ de bzhin gshegs pa thams cad ni/ rnam par snang mdzad do/ /de'i rjes su mnyes dar byed pa zhes bya ba la sogs pa thams cad snga ma bzhin no/ /lho'i gA? zhes bya ba ni/ gsungs pa'i rigs pas me'o/ /gsungs par dgongs pa la/ mo ha ra ti zhes brjod de/ dga' ma de bzhin gshegs pa yi/ /gsang ba 'dus pa'i sbyor ba yis/ /me yi mtshams su rnam par gnas zhes so/ /kha cig las spyan dang mA ma kA dag ni/ /shar dang lho yi zur du'o/ /zhes bya ba'i tshig yod de/ 'dir de go sla ba'i nyid do/ /nyams chung ba rnams rgyas par bya ba'i phyir/ /gos dkar mo'i ting nge 'dzin gsungs pa/ de nas zhes bya ba la sogs pa la/ de bzhin gshegs pa thams cad kyi 'dod chags 'dzin pa ni snang ba mdza' yas so/ /de'i rjes su chags par byed pa la sogs pa ni snga ma bzhin no/ /nub phyogs kyi grwa zhes bya ba rlung ngo/ /rnam par sdang ba la sogs pa dbang du bya ba'i phyir/ sgrol ma'i rnal 'byor gsungs pa/ de nas zhes bya ba la sogs pa la/ de bzhin gshegs pa thams cad kyi sku la sogs pa ni las kyi rigs yin pa'i phyir don yod par grub pa'o/ /de'i spyi bor 'dzin pa la sogs pa'i sna tshogs pa'i phyir rim pas bslu ba dang/ rang gi dbang du byed pa gang la yod pa de la de skad ces bya'o/ /yang dkyil 'khor gyi bdag po nyid rang gi lus la nang du zhugs pa ste/ lhag ma ni snga ma bzhin no/ /de ni byang phyogs kyi grwa zhes bya ba ni/ dbang ldan du'o/ /de bzhin gshegs pa thams cad kyi btsun mo'i mchog phun sum tshogs pa zhes bya ba la/ de bzhin gshegs pa thams cad ni mi bskyod pa la sogs pa ste/ de nyid btsun mo rnams sam/ de rnams kyi yin te/ mchod pa la sogs pa btsun mor gyur pas so/ /de rnams kyi phun sum tshogs pa 'dir grub pa zhes bya ba'i don to/ /mi mthun pa'i phyogs thams cad zlog pa'i phyir dang/ bsrung ba dang 'gugs pa la sogs pa'i ched du khro bo rnams gsungs pa/ de nas zhes bya ba la sogs pa la/ rnam par snar mdzad rdo rje zhes bya ba ni rnam par snang mdzad la dmigs pa'i phyir ro/ /de bzhin gshegs pa thams cad kyi dkyil 'khor byin gyis brlob pa ni sgo skyong ba nyid kyis bsrung ba'i phyir ram/ ye shes kyi dkyil 'khor nye bar byed pas gshin rje mthar byed de de la skad ces bya'o/ /de bzhin gshegs pa thams cad ni rnam par snang mdzad do/ /de'i de nyid dag shul bsgrub pas sam/ khro bo'i gzugs yin pa'i phyir/ skrag par byed pa'o/ /shes rab mthar byed kyi dbang du byas nas gsungs pa/ de nas zhes bya ba la sogs pa las/ de bzhin gshegs pa thams cad kyi mngon par byang chub pa ni shin tu rnam par dag pa'i chos kyi dbyings kyi bdag nyid mi bskyod pa ste/ lhag ma ni snga ma bzhin no/ /dkyil 'khor byin gyi rlob pa ni 'dir gzhug pa dang yang dag par bsrung ba dag go /rdo rje dam tshig ni mi bskyod pa ste/ lhag ma ni snga ma bzhin no/ /pad+ma mthar gyi dbang du byas te/ gsungs pa/ de nas zhes bya ba la sogs pa la chos rin po che 'byung ba zhes bya ba la chos rin po che ni/ gsung rab yan lag bcu gnyis la sogs pa'i mtshan nyid do/ /de'i 'byung gnas ni ste ba'i gnas yin pas snang ba mdza' yas yin te/ gsung rdo rje'i rang bzhin yin pa'i phyir ro/ /'dod chags 'chad pa'i dkyil 'khor byin gyis brlab pa zhes bya ba ni snying rje'i bdag nyid yin pa'i phyir bcing ba'i rang bzhin gyis so/ /de bzhin gshegs pa thams cad kyi/ gsung ni snang ba mdza' yas te/ de'i rnam pa kha dog la sogs pa'i rnam pa dang ldan pa'i phyir ro/ /bgegs mthar byed gdon pa gsungs pa/ de nas zhes bya ba la sogs pa la/ de bzhin gshegs pa thams cad kyi sku la sogs pa rdo rje ni mi bskyod pa'o/ /sku dang gsung dang thugs kyi rnam pa zhes bya ba ni mi bskyod pa'i kha dog la sogs pa dang ldan pa'i phyir ro/ /'di yang mnyes pa la sogs pa'i byed pas/ de bzhin gshegs pa thams cad kyi dkyil 'khor byin gyis rlob pa zhes khong du chud par bya'o/ /sdom pa gsungs pa/ de bzhin gshegs pa thams cad ces bya ba la sogs pa la/ de bzhin gshegs pa thams cad kyi sku dang gsung dang thugs mnyes par byed pa'i rang bzhin gyi dkyil 'khor la bsgom pa la sogs pa'i bdag nyid dgug pa la sogs pa las mi 'da' bas dam tshig sems dpa' o/ /'di tsam gyis ni gshin rje mthar byed la sogs pa'i mdzad pa gsungs pa'o/ /gzugs rdo rje la sogs pa mchod pa'i rang bzhin yin pa'i phyir 'dir dgod par bya zhes pa khong du chud par bya'o/ /de yang gsungs pa bdun pa las/ gzugs rdo rje sogs sngags pa yi/ /lha nyid du ni rtag tu bsgom zhes so/ /bco brgyad pa las kyang gsungs pa/ gzugs kyi rdo rje la sogs drug /rdo rje bdag po zhes byar dran/ /sku gsung thugs kyi rdo rje las/ /bdag nyid chen po kun tu 'byung/ /zhes so/ sa'i snying po la sogs pa'i 'byin pa med pas med pa yin te/ de'i phyir 'dir dkyil 'khor bcu dgu nyid do/ /de la dad pa dang/ brtson 'grus dang/ dran pa dang/ ting nge 'dzin gyis rang bzhin rnam par thar pa'i sgo gzhi gshin rje mthar byed la sogs pa khro bo bzhi'i ngo bos ma dad pa dang/ le lo dang brjod ngas dang/ rnam par g.yeng ba dang bral nas shes rab kyi thar pa'i grong khyer du 'jug pa'i phyir gzugs brnyan gyi sbyor bas/ bde bar gshegs pa'i gzugs yang dag par bstan to/ /lha'i gzugs mthong ba thob par 'dod pas/ chos rnams gzugs brnyan sta bu ste/ /dag cing gsal la rnyog pa med ces bya ba la sogs pa'i bstan pa'i chos sgra rdo rje ma bstan pa las thos na de rnams la bdag med par mos pa ni dri'o/ /de la gong nas gong du mos pa ni ro'o/ /des kyang snang ba thob pa dang/ snang ba mched pa dang de kho na nyid kyi phyogs gcig la rab tu 'jug pa bar chad med pa'i ting nge 'dzin gyi mtshan nyid nges par 'byed pa'i cha bzhi la rig? pa ni reg bya'o/ /de nas thams cad du 'gro ba stong pa nyid kyi mtshan nyid byang chub sems dpa' i sa dang po mngon du byed pa ni chos kyi dbyings so/ /de nas skad cig ma gnyis pa la sogs pa'i mtshan nyid bskyed pa'i dga' ba'i rang bzhin ni spyan la sogs pa de lha mo'i rang bzhin no/ /de nas rab tu dga' ba las ji ltar mthong ba'i chos kyi dbyings bsgoms pas gti mug dang/ yid bzhin gyi nor bu dang/ 'dod chags dang/ dam tshig gi rigs rtogs pa me long sta bu la sogs pa'i ye shes 'char ba'i phyir ro/ /de bzhin gshegs pa thams cad kyi sku dang gsung thugs rdo rje rtogs par mdzad nas rdo rje 'chang chen po nyid yin no/ /'di las bsgrub par bya ba 'grub ste/ gzhan 'dir bsgom par mi bya zhes bya ba'i don to/ /de'i phyir kun tu bzang po'i sgrub thabs las/ /dad dang brtson 'grus rnam par dag pa dang/ /de bzhin dran dang bsam gtan rnam dag pa'ang/ /sgo bzang srung bar byed pa'i ngo bo nyid/ /shes rab rnam dag ma lus yul du snang/ /mtshan ma med pa'i dga' ba rnam dag pa/ /ma lus lha mo'i tshogs kyi ngo bo nyid/ /sems can don dang bdag dang rnam rtog dang/ /'jug pa'i rnam shes rnam par dag pa yang/ /me long la sogs dri med ngo bo bas/ /sangs rgyas thams cad kyi ni rang bzhin te/ /de bzhin nyid ni rnam dag sbyor ba yis/ /'khor lo'i gtso bo 'dir ni rnam par gnas zhes so/ /de bzhin gshegs pa thams cad kyi sku la sogs ba'i bdag nyid dam/ bdag po yin pa'i phyir/ de bzhin gshegs pa thams cad kyi sku dang gsung dang thugs kyi gsang ba'i gsang ba ni bcom ldan 'das rdo rje 'chang ba'o/ /de'i phyir rdzogs pa zhes bya bar sbyar ro/ /'di gang gi yul yin zhe na/ dpal gsang ba 'dus pa la zhes bya ba ni/ rgyud gzhan du bkag pa yang 'di la mchog tu 'bad pas skye ba 'di la bde blag tu mi gnas pa'i mya ngan las 'das pa thob pa'i phyir rgyud thams cad kyi gtso bo yang yin pas/ 'di dang por dpal gyi sgra'o/ /thams cad ces bya ba la sogs pa ni/ de bzhin gshegs pa thams cad kyi ting nge 'dzin gyis sprul pa'i dkyil 'khor du dbang bskur byin pa la sogs pa snod dang ldan par byed pas de bzhin gshegs pa thams cad kyi ting nge 'dzin gyi dkyil 'khor byin gyis brlab pa'o/ /de nyid gdul bya'i 'gro ba rnams la 'gobs pa dang/ chos mthun pas le'u 'o/ /brjod par bya ba de nyid du len pas zhes bya ba ni le'u ste gzhung yongs su gcod pa'o/ /dang po ni thog mar bstan pa'o/ /rdzogs so zhes bya ba ni yang dag par gzung bar zhes bya ba'i don to/ /dpal gsang ba 'dus pa'i dka' 'grel rgyal pas byin pas mdzad pa las/ le'u dang po'i bshad pa'o/ / //rtogs pa dang ldan pa rnams 'bras bu don du gnyer bas 'jug ste/ dang po rnam pa thams cad kyi mchog dang ldan pa'i 'bras bur gyur pa bcom ldan 'das nges par bstan nas/ de nyid sku la sogs par mngon par zhen pa gsal bas shes rab kyi rang bzhin du gsal bar bya ba'i phyir byang chub kyi sems kyi le'u gsungs pa/ de nas zhes bya ba la sogs pa la/ de nas zhes bya ba ni gdul bya'i skye bo snod du byas pa la sogs pa'i rjes thogs la'o/ /thog ma dang tha ma med pa'i chos kyi dbyings kyi ngo bo nyid kyis brtan pa'i phyir snying po'o/ /sprul pa'i sku la sogs pa'i rang bzhin yin pa'i phyir/ sku dang gsung dang thugs so/ /ye shes kyi sku'i bdag nyid yin pa'i phyir mchog gam 'gro ba thams cad kyi rtan du gyur pa'i phyir ro/ /'di byang chub sems dpa' rnams kyi yang ma yin nam zhe na ma yin te/ gsungs pa de bzhin gshegs pa kun zhes so/ /gzhan rnams kyi spyod yul ma yin pa'i phyir gsang ba'o/ /'di gang yin zhe na/ byang chub kyi sems te/ mi 'jig rnam par mi sems dang/ /brjod bya ma yin rnam rtog min/ /dge ba'i chos kyi sems kyi phyir/ /byang chub sems ni ye shes so/ /gang yang gsungs pa/ thog ma tha ma med zhi ba/ /dngos dang dngos med zad pa'i gtso/ /stong nyid snying rje mi phyed pa/ /byang chub sems zhes bya bar bshad/ /ces so/ /thams cad kyi mchog gi phyir bla na med pa'o/ /de bzhin gshegs pa thams cad kyi gsol ba btab pa'i rjes la/ mkhyen cing zhes bya ba gsungs te/ byang chub sems dpa' rnams kyi don du bdag la 'di rnams kyi gsol ba btab pa yin te/ rang gi don du ni ma yin/ zhes bshad nas te/ de bzhin gshegs pa rnams kyi ma mthong ba dang/ ma thos pa dang/ yongs su ma shes pa dang/ mngon du ma byas pa med do/ zhes bya ba ni grub pa'i mdza' o/ /sems kyi yongs su rtog pa zhes bya ba ni chos thams cad dmigs pa dang bral ba'i de bzhin nyid ces bya ba dang/ ji ltar sku la sogs par 'gyur zhes bya ba ni/ yid kyi brjod pa'o/ /sems nyid mi gsal pa'i phyir sna ba'i rnam par shes pa la sogs pa ni ma yin no/ /de rnams la zhes pa ni gang rnams kyi don du de bzhin gshegs pa rnams kyi gsol ba btab pa la'o/ /skyed par b ya ba de gang yin zhe na gsungs pa sems lus lta bu zhes bya ba ni ji ltar lus 'di gcig dang du ma la sogs pa dang bral ba'i rang bzhin stong pa nyid kyi gzung ba la sogs ba'i ngo bo dang bral ba de bzhin du gnyis su med pa'i rnam pas 'jug pa rnam pa med pa'i rang gis sems skyed cig ces bya bar sbyar ro/ /lus sems lta bu zhes bya ba ni cha shas gyi rdzas la sogs pa de kho na nyid du med ba'i phyir lus dang sems kyi rang bzhin nyid do/ /zhes khyed kyis nges par bzung bar bya ste/ sems las gzhan lus med do/ zhes rtogs par bya'o/ zhes bya ba'i don to/ /de ltar lus dang sems ngag mnyam pa nyid du bstan nas/ de dag nyid dag dang mnyam par gsungs ba tshig don du brjod ba lta bu zhes bya ba ni/ ji ltar tshig tu brjod pa ni ngag 'jug pa ste/ rten cing 'brel par 'byung ba'i phyir gdong ma nas skye ba med pa'i rang bzhin no/ /de ltar sems kyang rgyu dang 'bras bus stong pa nyid kyi phyir rtag tu rang gi rig pa tsam du 'jug go / de yang gsungs pa/ dngos po rang las ma skyes dang/ /gzhan las ma? skyes gnyis las ma ni/ /yod min med min gnyis ka min/ /de ni gang las skye bar 'gyur zhes so/ /yang gsungs ba/ rtag tu rten cing 'brel 'byung phyir/ /rang bzhin 'da' bar dka' ba yin zhes so/ /de'i phyir ngag dang lus ngag kyang mnyam pa nyid du khong du chud bar bya ste/ lus dang sems rang bzhin tha mi dad pa'i phyir ro/ /'dis 'di skad bstan pa yin te/ chad pa la sogs pa'i lta ba bsal nas ji skad gsungs pa bzhin du chos bdag med par mnyam pa nyid kyis sku la sogs pa'i ngo bo gcig pa nyid du lta'o/ /yang na khyed kyi sems bskyed cig ces spyir bya ba la sbyor ba'o/ /bya ba gsungs pas/ lus lta bur ni lus zhes te/ rnam par spyad rang rig da? tsam las ma rtogs pa gzhan lus kyi rnam pa cung zad kyang yod pa ma yin te/ rang rig pa tsam de nyid du lus la bltos zhes bya ba'i don to/ /sems ji ltar blta bar bya zhe na gsungs pa sems sems lta bu zhes bya ba ni/ sngon po la sogs pa snang ba las ma rtogs pa gzhan sems nye bar dmigs pa med pa dang/ snang ba yang rtogs pa las skyes pas de bzhin du rang gi ngo bo ma yin pa'i phyir/ sems kyang rtog pa thams cad kyi dri mas stong pa nyid kyis rab rig pa mthar phyin pa nyid do/ /tshig tu brjod pa zhes bya ba ni/ lus dang sems rang gi ngo bo sgra brnyan gyis sgra rab mnyam pa nyid du skyed cig ces bya ba'i don to/ /'dis ni tshig kyang bdag med par gsungs te/ lus la sogs pa tha mi dang pa'i rang bzhin yin pa'i phyir ro/ /kha cig las dag tshig tu brjod pa zhes brjod pa'i tshig la de la ngag dang sgra brnyan? dang 'dra bar sgra? dngos po med par rtogs shig ces bya ba'i don to/ /de bzhin du bcu gsum pa las gsungs pa/ sku'i rdo rje rdzogs byang chub/ /dngos dang dngos med rnam dpyad pa/ /gsung gi rdo rje rdzogs byang chub/ /sgra dang sgra min rnam dpyad pa/ /thugs kyi rdo rje rdzogs byang chub/ /gnas pa'i rdo rje rnam dpyad pa/ zhes so/ /byang chub sems dpa' rnams kyis 'di'i rtogs pa bsgrub pa gsungs pa/ de nas zhes bya ba la sogs te/ byang chub sems dpa' sems dpa' chen po/ de rnams kyi rdo rje 'chang gi rang bzhin de bzhin gshegs pa thams cad kyi sku la sogs pa nam mkha' lta bur sbyar nas rang bzhin med pa rtog pas ched du brjod pa 'di gsungs so/ /zhes bya ba la sogs pa la/ kun tu bzang po zhes bya ba ni 'dod chags la sogs pa la sbyor ba rnam par dag pa ston pa po'i don dam pa nyid du de bzhin nyid cig gi ngo bo nyid kyis skye ba med pa'o/ /kun rdzob tu gdul bya'i skye bo'i dbang gis rmi lam bzhin du 'dir skye bar bsgrags te bstan to/ /gang skye ba med pa las tha mi dad pa nyid skye ba med pa zhes bya ba ni ngo mtshar ro/ /da ni 'di gang rigs ma nges pa'i dbang du byas na spyi'i byang chub kyi sems 'di gsungs la/ de nyid ma 'ongs pa'i rigs nges pa'i ched du rdo rje sems dpa' la sogs pa'i dbye ba drug bstan te/ rang gi ngo bo la ni dbye ba med do/ /gang yang gsungs pa/ sangs rgyas thams cad las/ /'di ni rang byung bcom ldan 'das/ /gcig pu de ni lhag pa'i lha/ /sangs rgyas rdo rje 'dzin la sogs/ /gdul bya'i dbang gi mdzad pa dran/ /zhes so/ de la re zhig de bzhin gshegs pa thams cad kyi ye shes kyi ngo bo yin pa'i phyir dpal rdo rje 'chad gi byang chub kyi sems nye bar dgod pa gsungs pa de nas zhes bya ba la sogs pa de bzhin gshegs pa thams cad kyi mngon par byang chub pa ni shin tu rnam par dag pa la sogs pa'i ye shes lnga'o/ / de'i tshul ni thabs te/ rdo rje 'chang gi ting nge 'dzin to/ /de nyid rdo rje mi phyed pa'i ting nge 'dzin to/ /gang la snyoms par zhugs pa ni rdo rje 'chang la dmigs pa sems gcig tu mdzad nas/ de nas byang chub kyi sems gsungs so/ / zhes bya ba'i don to/ /dngos po med la sgom pa med/ zhes bya ba ni/ dngos po gang la don zhes bya ba ni/ dngos po ste/ gnyis kyis rnam pa'i sems so/ /dngos po med pas na dngos med de/ /gnyis su med pa'i rnam pa'i sems so/ /de la med pa yin te rnam par rtogs pa thams cad kyang dri ma dang bral ba'i ye shes la'o/ /bsgom pa ni gang zhig rdo rje 'chang snang ba'i mtshan nyid do/ /gang gi phyir don dam pa med pa ste/ de'i phyir 'gro ba'i don du so sor snang ba'i dngos po rdo rje 'chang ba la sogs pa'i gzugs so/ /don dam par skye ba med pa nyid kyis dngos po med par 'gyur ro/ /des na dngos po ni dngos po med par mi 'gyur ro/ /'dis bzung ba la sogs pa'i rnam pa dang bral bas na gang de bsgom par bya ba ste/ de yang sgom ba gnyis su med pa ste/ rang rig pa tsam de kho na nyid ces bya ba'i tha tshig go /yang gsungs pa/ gang la sgom byed cung zad med/ /sgom pa cung zad yod ma yin/ /bsgom par bya ba nyid kyang med/ /de ni 'di nyid bsgom par brjod/ / ces bya'o/ /yang na dngos po rnams la tshad mas gnod pa nyid kyis dngos po med pa nyid la gang bsgom pa chos thams cad stong pa nyid ces pa de'i mngon par zhen pa de'i ngo bo yod pa de/ stong pa nyid kyi dngos po zhes nges par bzung ba'o/ /der lan yang gsungs pa/ bsgom pa nyid ni bsgom pa min/ /zhes bya ba la sogs pa la/ gang yang dngos po stong pa nyid du mngon par zhen pa'i rang bzhin bsgom par brjod na de yang rigs pa ma yin te/ gang rang nyid dngos po med pa yin na/ gang las de'i stong pa nyid du gyur te/ chos can yod pa las chos su 'gyur zhes bya ba'i rig pa las/ de'i phyir zhes pa nye bar bsdu pa'o/ /gang gi phyir 'di ltar de'i phyir dngos po dngos bor mi 'gyur te/ de'i phyir dngos po dang dngos po med par mi 'gyur ro/ /zhes bya'o/ de yang gsungs pa/ stong pa nyid du bsgom bya min/ /mi stong pa yang bsgom bya min/ /stong nyid mi spong rnal 'byor bas/ /mi stong pa yang spang mi bya/ /stong pa mi stong gang 'dzin pa/ /brjod kyis mi lang rtog pa ste/ /rtog pa yongs su spangs pas na/ /de phyir 'di la gnyis ni spangs/ /zhes so/ de'i phyir bsgom par bya ba dang/ bsgom pa yang med do zhes bya bar gsungs pa/ bsgom pa dmigs su med pa'o zhes so/ /gang gi phyir dngos po dang/ dngos po med med pa dang/ dngos po'i dngos po med pa bsgom par bya ba ma yin pa de'i phyir bsgom pa yang med do/ /'dis ni dngos bo thams cad nye bar dmigs pa gsal bar bshad pas smon par bya ba dang/ smon par byed pa dang/ smon lam mi dmigs pas bar chod pa'i 'bras bu bkag pas rang gi sems nyid mngon par byang chub pa yin par bstan to/ /de yang gsungs ba/ sems nyid dngos grub chen po ste/ /sems nyid thub pa chen po yin/ / sems nyid yid bzhin nor bur brjod/ /sems nyid bde ba chen po zhes gsungs so/ /yang na dngos po thams cad rnam pa thams cad du dmigs su med pas na bsgom par bya ba yod pa med pa ste/ chos can la brten pas chos gnas pa'o/ /gang yang rtog pas sbyar ba'i dngos po yang bsgom pa ma yin te/ de yang kho na nyid ma yin pa la brten nas bsgom pa ma yin zhes bya ba'i don to/ /de'i phyir dngos po nyid gnyis su med pa'i ye shes kyi mtshan nyid de thams cad stong pa nyid kyi phyir med par 'gyur te/ 'di'i yang rang bzhin du grub pa'i phyir bsgom pa tha dad pa dmigs su med pa gang gis de bsgom par bya'o/ /de yang gsungs pa thams cad gsang ba las/ dngos po min pa bsgom pa min/ / sgom pa nyid ni bsgom pa min/ /sgom pa dang ni dngos po med/ /rang gi sems kyis yongs su rtags/ /zhes so/ sku la sogs pa skye ba med pa'i ngo bo nyid kyis rnam par snang mdzad kyis byang chub sems nye bar dgod par gsungs pa/ de nas zhes bya ba la sogs pa la/ de bzhin gshegs pa thams cad kyi mngon par rtogs pa ni me long lta bu'i ye shes te/ 'dis zhes par bya ba de kho na nyid lta ba bzhin du mngon par rtog par byed pa ni shes par byed pas so/ /de nyid rdo rje zhes bya ste/ gang la rnam par snang mdzad kyi rnam pa'i ting nge 'dzin la snyoms par zhugs nas gsungs so/ /zhes bya bar 'brel to/ /dngos po thams cad ni bdag la sogs par brtags pa te/ de rnams la tshad mas gnod pa'i phyir de dang 'brel to/ /'on ni phung po la sogs pa'i ngo bor 'gyur ro zhe na/ phung po zhes bya ba la sogs pa la/ phung po ni gzugs la sogs pa lnga'o/ /dbang po dang yul dang rnam par shes pa'i dbye bas khams bco brgyad do/ /dbang po dang yul gyi dbye bas skye mched bcu gnyis so/ /gzung ba ni yul lo/ /'dzin pa ni rnam par shes pa'o/ /de rnams kyis stong pa'i phyir phung po dang khams dang skye mched dang/ gzung ba dang 'dzin pa rnam par spangs pa'o/ /ci'i phyir zhe na/ chos bdag med pa mnyam pa nyid pas zhes te/ chos rnams ni phung po la sogs pa'o/ /bdag med pa'i rnam bar spyad na rang bzhin med pa'o/ /de'i ngo bo nyid kyis gang mnyam pa nyid kyis cig pa'i ngo bo'i sems rgyur gyur pas so/ /rang gi sems ni mthar phyin pa'i rang bzhin no/ rgyu dang 'bras bu stong pa nyid kyi gzhan gyi dbang dang bral ba'i phyir ro/ /gdod ma nas ma skyes pa'o/ /brtags pa'i ngo bo stong pa nyid kyi rang bzhin zhes bya'o/ /yang na dngos po thams cad dang bral ba zhes bya ba ni ma rig pa'i dbang las byung ba'i dngos po ste/ sna tshogs ba'i bdag nyid du brtags ba'o/ /de dang bral ba'i phyir dngos po thams cad dang bral ba de gnyis su med pa'i ye shes so/ /de ltar na phung po la sogs pa rnam par dag pas grub pa yin na ji ltar sangs rgyas dang byang chub sems dpa' 'gyur zhe na/ gsungs pa phung po zhes pa la sogs pa ste/ phung po la sogs pa'i rang bzhin sangs rgyas dang byang chub sems dpa' rnams kyi gzung ba dang 'dzin pa nyid don dam par med pas so/ /des na chos bdag med pa mnyam pa nyid pas/ rang gi sems thog ma nas skye ba med pa stong pa nyid kyi rang bzhin nyid/ 'di ni de bzhin gshegs pa la sogs pa'i ngo bos snang ba'o/ /ci ste gzungs? bral ba'i gang gzhan gyi ngo bor yod pa de ni bdag cag la sogs bas re zhig mngon sum gyis rtogs pa ma yin no gzhan du na de kho na nyid mthong bas grol bar thal bar 'gyur bas so/ /'bras bus kyang mig la sogs pa bzhin dpog pa ma yin te/ gnyis su med pa'i ye shes la 'bras bu med pa'i phyir ro/ /gnyis kyis rnam par snang ba yang/ /ra bdag rwa dang mtshungs pa'i phyir dngos po ma yin no zhe na/ skyon yod pa ma yin te/ 'dzin pa bkag nas nang gis rtogs pa'i ngo bo ma bkag ste/ 'di ltar gang rnam par shes pa las tha dad ba lta bu sngon po la sogs pa'i rtog pa de rnam par dpyad mi bzod bas yod pa'i ngo bo ma yin no/ /des na rnam par shes pa las gzung ba yod pa ma yin pa'i phyir da la bltos pa'i yang rtogs pa'i ngo bo byed pa po yang med de/ byed pa po dang las phan tshun bltos pa dang bcas pa'i phyir ro/ /rtogs pa'i ngo bo ni phan tshun bltas pa dang bcas pa ma yin te/ rang gi ngo bo nyid de bzhin du skyes pa'i phyir ro/ /de'i phyir de nyid kyi ngo bo rang rig pa tsam du rnam par gnas te ji skad du brjod pas bzung 'dzin dang bral ba'i phyir/ gnyis su med pa brjod par bya ste/ chos can bkag pas ma yin no/ /thams cad kyi de kho na nyid mthong ba'i phyir grol bar thal bar 'gyur ba med de/ de nyid bzung ba yang ma bzung ba dang 'dra ba ste/ 'khrul pa'i sa bon dang ldan pas de bzhin du ma rtogs pa'i phyir ro/ /gzhan dag ni de lta bur gyur pas yang chos kyi de kho na nyid du khas mi len pa rnam par shes pa ni dngos po 'dzin pa spangs pa yin te/ yang dag par rdzogs pa'i grong khyer du 'jug pa'i phyir yang dag pa'i kun rdzob kyi lam la brten pa zhes so/ /sems kyi chos thams cad skye ba med pa'i sgo nas mi bskyod pa'i byang chub kyi sems gsungs pa/ de nas zhes bya ba la sogs pa la/ de bzhin gshegs pa thams cad kyi mi zad pa'i chos kyi dbyings kyi ye shes te/ mi zad par mdzad pas zhes bya'o/ /de nyid rdo rje ste ting nge 'dzin gang la mi bskyod pa'i rnam pa 'byor pa de la de skad ces bya'o/ /dngos po 'di rnams ma skyes pas zhes bya ba ni/ mi bskyod ba la sogs pa'i ngo bos so/ /gang gi phyir zhe na/ gsungs pa/ chos dang chos nyid med pa ste/ zhes bya ba la sogs pa la/ rnam par shes pa'i mtshan nyid rnam par shes pa byed pa dang/ rnam par shes par bya ba de kho na nyid kyis med par byed pa'i phyir yongs su gcod par byed pa'i rnam par shes pa med do/ /de'i mtshan nyid kyang skye ba med pa ste/ de'i phyir 'di thams cad mtshan gzhi dang mtshan nyid stong pa nyid gnyis su med pa'i ye shes tsam mo/ /'o na ji ltar zhe sdang gi rigs bskyed pa yin zhe na gsungs pa/ nam mkha' zhes bya ba la sogs pa la/ dper na nam mkha' thogs bar byed pa'i rdzas dang bral ba tsam sna tshogs pa med pa nyid du rnam par gnas pa yang bum pa'i nam mkha' la sogs pa'i sgra so sor snang ba bzhin nye bar bstan te/ de bzhin du zhe sdang gi rigs kyang lta bar bya'o/ /'di zhes bya ba ni gsungs ma thag ba'i kun rdzob dang/ don dam ba'i byang chub kyi sems so/ /byang chub tshul zhes bya ba ni/ yang dag par rdzogs pa'i byang chub thob par byed pa'i thabs so/ /mi mthun pa'i phyogs thams cad kyi skyob par mi nus pa'i phyir bstan pa'o/ /tshor ba la sogs pa skye ba med pa'i phyir rin chen 'byung ba'i byang chub kyi sems gsungs pa/ de nas zhes bya ba la sogs pa la/ de bzhin gshegs pa thams cad kyi bdag med? pa ni mnyam pa nyid kyi ye shes so/ /de nyid rdo rje ste/ mi phyed pas so/ /rin chen 'byung pa'i rnam pa can gyi ting nge 'dzin gang la yod pa de la de skad ces bya'o/ /chos rnams thams cad dngos med cing/ /zhes bya ba ni 'di rnams kyi dngos po med pa ste/ ji ltar brtags pa'i dngos po med pa ste/ rin po che'i rigs kyi lha'i bdag nyid kyi dngos po rnams so/ /gang gi phyir zhe na/ gsungs pa chos kyi mtshan nyid rnam par spangs/ /zhes bya ba ni skye ba la sogs pa spyi'i mtshan nyid dang/ nyams su myong pa la sogs ba khyad par gyi mtshan nyid rnam par spangs pa ste/ rang bzhin dmigs su med pa'i phyir ro/ /ji ltar rin chen ni rigs skyed ce na gsungs pa/ bdag med chos las kun tu 'byung/ /zhes bya ba ste/ chos bdag med pa ste/ mnyam pa nyid kyi ye shes nyid de/ nam zhig na bdag sangs rgyas su gyur nas/ sems can thams cad kyi don bya'o zhes smon lam dang lhan cig pa las gdul bya'i so sor snang ba'i stobs kyis byung ba'o// rtog pa thams cad skye ba med pa'i phyir/ snang ba mdza' yas kyis byang chub kyi sems gsungs pa/ de nas zhes bya ba la sogs pa la/ ye shes ni so sor rtog pa'i ye shes so/ /'od zer dang ldan pa ni 'od chen po dang ldan pas sgrol ma ste gsal bar byed pas sgrol ma'o/ /ye shes nyid shes bya mdza' dag gi sgrib pa'i mun? pa sel bas 'od zer sgrol ma'o/ /de nyid snang ba mdza' yas kyi rnam pas rdo rje ste mi phyed pa'o/ /gang la ting nge 'dzin de mngon sum du mdzad pa de la de skad bya ba'i don to/ /ma skyes pa'i chos rnams la zhes bya ba ni/ snang ba mdza' yas la sogs pa dmigs pa'i mtshan rnams la rnam par dpyad pa mi bzod pa'i phyir de kho na nyid kyis ma skyes par yod pa rnams la'o/ /ngo bo med ces bya ba ni snang ba mdza' yas la sogs par yod par med pa'o/ /sgom pa yang med ces bya ba ni chos rjes su 'jug pa'i sems kyang med ces bya ba ni don to/ /'o na ji ltar snang ba mdza' yas bskyed pa yin zhe na gsungs pa/ nam mkha' zhes bya ba la sogs pa la dngos po med pa yang nam mkha' ste/ ji ltar gnas te sgra dang lhan cig tu 'brel par rtogs pa yin la de bzhin du de rnams kyang bskyed par de kho na nyid ma yin par khong du chud par bya'o/ /yang na nam mkha' dang lhan cig tu rkang pa la sogs pa'i sbyor pas thogs pa med pa'i ngo bo de bzhin du snang ba mdza' yas la sogs pa'i mtshan nyid du dngos por sgrags pa ste/ gzung ba la sogs pa'i rnam pa ni ma yin pa'i don to/ /sems las byung ba thams cad skye ba med pa'i rang bzhin gyis don yod grub pa'i byang chub kyi sems gsungs pa de nas zhes bya ba la sogs pa la/ de bzhin gshegs pa thams cad zil gyis gnon pa ni// sems las byung pa'i chos thams cad dmigs su med pa ste bya ba grub pa'i ye shes te/ sangs rgyas kyi ming yang sgrib pa yin zhes bya ba'i tshig las so/ /de nyid rdo rje ste don yod par grub pa'i ngo bos brtan pa ting nge 'dzin gang la yod pa de la de skad ces bya'o/ /rang bzhin 'od gsal zhes bya ba la/ rang bzhin ni ngo bos dmigs su med pa'i ye shes kyi rang bzhin snang ba'i ngo bo yin pa'i phyir 'od gsal ba'o/ /don yod grub pa la sogs pa chos kyi ngo bo nyid de rgyu gsungs pa/ gdong nas dag pa ste/ rtag tu nyon mongs pa dang/ nye ba'i nyon mongs pa'i dri mas nyon mongs pa med pa'i phyir ro/ /de nyid ji lta bu zhe na gsungs pa/ nam mkha' bzhin zhes bya ste/ nam mkha' bzhin du rang bzhin med pa'i phyir cung zad dang/ sbyor ba ma yin zhes bya ba'i don to/ /des na byang chub med cing mngon rtogs med pa ste/ gnyis su med pa'i ye shes te/ gnas skabs la gnyis yang dag par mi rigs pa'i phyir ro/ /'dis rgyu dang 'bras bu'i dmigs pa gsal bar 'gyur ro/ /de yang gsungs ba/ dngos dang dngos med rnam spyad pas/ zad pa mya ngan las 'das par 'dod ces so/ /da ni byang chub sems dpa' rnams kyi rtogs nas sems dad pas ched du brjod pa'i sngon du sen ba'i bstod pa gsungs pa/ de nas zhes bya ba la sogs pa la/ de bzhin gshegs pa thams cad kyi sku dang gsung dang thugs kyi gsang ba ni bcom ldan 'das rdo rje 'dzin pa'o/ /de'i chos ni phung po la sogs pa rnams so/ /de rnams kyis de kho na nyid kyi yi ge rnams ni rang gi ngo bo rtogs par byed pa'i tshig rnams so/ /e ma'o sangs rgyas zhes bya ba la sogs pa la/ ston pa po dang bstan par bya ba dang/ bstan pa rnyed par dka' bar sten pa'o/ /sangs rgyas byung yang 'di lta bu'i chos nyid bdag cag rnams kyis nam yang thos pa med do/ zhes bya ba ni ngo mtshar du gyur pa dang/ rmad du gyur pa thob pa'o/ /bcu bdun pa las kyang 'di'i chos bstan pa sngon 'byung ba rnams kyis kyang sngar bstan ba ma yin zhes bya ba la sogs pas ston pa yin no/ /dag pa de nyid don dag ston/ /zhes bya ba la sogs pa'i tshogs su bcad pa phyed ci'i byang chub sems dpa' la phyag 'tshal nas/ bdag med chos zhes bya ba la sogs pa tshigs su bcad pa gsum gyi sku dang /gsung dang thugs kyi dbye bas yang/ /de la phyag byas pa'o/ /zhes gzhan bdag 'dod do/ /dag pa ni gnyis pa med pa ste/ de kho na nyid ni/ chos kyi dbyings kyi rang bzhin no/ /gang gi don de la de skad ces bya ste mi bskyod pa'o/ /phyin ci ma log pas dag pa ste/ me long lta bu'i ye shes kyi mthus so/ /gang la don yod pa de la de skad ces bya ste/ rnam par snang mdzad do/ /bdag med chos lam yang dag byung ba ni rin chen tog ste/ mnyam pa nyid kyi ye shes kyi bdag nyid yin pa'i phyir ro/ /dngos po mdza' dag yang dag ji lta ba bzhin so sor rtog pa'i ngo bo nyid yin pa'i phyir gdul bya thams cad kyi/ sangs rgyas byang chub rdzogs mdzad pa ste/ snang ba mdza' yas so/ /dgra dang bshes la sogs pa tha dad par mi rtog par 'gro ba ma lus pa'i don rdzogs par mdzad pas na rnam par mi rtog pa'i don yod grub pa'o/ /de tsam gyis ni byang chub kyi sems kyi ? ye shes lnga'i rang bzhin du gsungs so/ /dmigs pa med pa'i byams pa chen po'i rang bzhin mA ma kI'i? rnam pas 'gro ba rnams la phan pa dang bde ba bskyed ba'i phyir dmigs su med pa'o/ /zhi ba la sogs pa'i las kyi 'jig rten ma lus ba rjes su gzung ba'i phyir spyan gyi rnam pas kun tu bzang po'o/ /sems can thams cad kyi chos dang don rgyas par byed pas dga' ba bskyed pas gos dkar mo'i rnam pa kun gyi don to/ /dbang du byed pas sgrol ma'i rnam par rdzogs pa'i byang chub la sems can rnams sbyor par byed pas/ byang chub sems ni rab skor ba'o/ /sa'i snying po la sogs pa dang/ sku rdo rje la sogs pa'i dbye bas byang chub ni rnam pa thams cad mkhyen pa nyid de/ 'di la spyod pa yod pas byang chub spyod pa yin no/ /dam pa'i shes rab kyi rang bzhin gzugs rdo rje la sogs pa'i ngo bos nyon mongs pa thams cad kyi ngo bo gcod par byed pa'i phyir rdo rje che'o/ /dang pa la sogs pa'i rgyu mthun pa las gshin rje mthar byed kyi rnam pas de bzhin gshegs pa thams cad kyi bsod nams dang ye shes kyi tshogs skyed par byed pas de bzhin gshegs pa'i thugs so/ /brtson 'grus mchog tu gyur pas nyon mongs pa mdza' dag gi dri ma bsal ba'i phyir/ rang bzhin gyis ma mthun pa'i ngo bo'o/ /rnam par dag pa'i dran pa'i rang bzhin gyis 'chi ba'i 'jigs pa bsal nas sku la sogs pa dang tha mi dad pas 'dzin pa'i phyir/ pad+ma mthar byed kyi ngo bos sku dang gsung dang thugs rdo rje 'dzin no/ /dam pa'i ting nge 'dzin gyi rang bzhin gyis rnam par g.yeng ba la sogs pa bgegs mdza' dag gi gnyen por gyur pa'i phyir/ mthar thug pa'i sangs rgyas dang byang chub la sems can rnams khrid bar byed pa bdud rtsi 'khyil pa'i ngo bos sangs rgyas dang byang chub rab tu ston pa'o/ /'ang zhes pas srung ba'i 'khor lo la dbang ba'i khro bo'i tshogs kyi ngo bo dad dpa' bo rdo rje la sogs pa du ma'i rang bzhin gyi snang ba la yang byang chub sems la phyag 'tshal lo/ /zhes khong du chung par bya'o/ /de ltar lha mdza' dag gi bdag nyid nyid du gyur ba byang chub kyi sems kyi ngo bo can rdo rje 'chang chen po la phyag 'tshal bzhi byas pa yin no/ zhes gzhan dag zer ro/ /dpal gsang ba 'dus pa'i dka' 'grel rgyal bas byin pas mdzad pa las gnyis pa byang chub kyi sems le'u bshad pa'o// //byang chub kyi sems bsgom pa mngon du 'gro ba'i lha dgong pa rdzogs pa'i byang chub bskyed par bya ba'i phyir byang chub kyi sems bstan pa'i rjes la rdo rje bkod pa'i le'u gsungs pa/ de nas zhes bya ba la sogs pa la de bzhin gshegs pa thams cad ni rnam par snang mdzad la sogs pa'o/ /de rnams kyi spro ba ni sprul pa du ma mdzad pa'o/ /de nyid sprin te nam mkha' ma lus par khyab par byed pa'i phyir ro/ /bsdus nas dkyil 'khor ba'i lha'i rnam pas rnam par brtags pa'i phyir bkod pa'o/ / 'di zhes bya ba ni rtsom pa'o/ /rdo rje bkod pa zhes bya ba la/ rdo rje ni byang chub kyi sems so/ /de nyid ni rnam par snang mdzad la sogs pa'i khyad par gyis brtags pa'i ting nge 'dzin yin te/ de brjod par bya ba gang la yod pa de la de skad ces bya ste/ de gsungs so zhes bya bar sbyar ro/ /aoM shUn+ya tA dz+nyA na badzra swa b+hA ba At+ma konyahaM/ zhes bya ba ni/ byang chub kyi sems brtan par byed pa'i sngags so/ /de la aoM zhes bya ba ni/ /bas len pa ste/ de ltar 'di yin zhes bya ba'i don to/ /rnam par rtog pa thams cad yang dag pa ma yin pa'i phyir ro/ /shU n+ya tA dz+nyA na te de nyid dbyer med pas na badzra'o/ /de'i swa b+hA b+hA ba ni rnam par rtog pa med pa'o/ /de At+ma rang bzhin gang la yod pa de a haM te bsam gyis mi khyab pa'i ye shes kyi rang bzhin ? yin zhes bya ba'i tha tshig go / yang na dngos po rnams thog ma nas skye ba med pa'i phyir dang /rtog pa dang bral ba'i phyir dang/ sgyu ma lta bu nyid kyis phyir yang aoM zhes bya ste yi ge'i brdas me long lta bu'i ye shes su gsungs so/ / shU n+ya tA zhes bya ba ni mnyam pa nyid kyi ye shes so/ /dz+nyA na zhes bya ba ni/ so sor rtogs pa'i ye shes so/ /badzra zhes bya ba ni spro ba bstan pa'i phyir/ bya ba grub pa'i ye shes so/ /swa b+hA ba At+ma ko zhes bya ba ni/ chos rnams kyi rang bzhin nyon mongs pa med pa'i ngo bo yin pa'i phyir/ shin tu rnam par dag pa'i ye shes so/ /a haM zhes bya ba ni/ ye shes lnga'i bdag nyid rdo rje 'chang chen po'i ngo bos bdag nyid nges par bstan pa'o/ /de ltar ye shes lnga'i bdag nyid du bdag nyid nges bar byas nas/ rang gi lhag pa'i lha bsgom par bya'o/ /zhes ston to/ /de yang dgongs pa las gsungs pa/ aoM zhes bya ba dang por ldan/ /gnyis pa shU n+ya zhes bya/ /gsum pa de bzhin dz+nyA ma'o/ /bzhi pa badzra zhes dbya'o/ /swa b+hA ba At+ma ko rag grags/ /drug pa a haM zhes su brjod/ / de ltar de bzhin gshegs pa'i sku/ /skye bo mchog la bstan pa yin zhes so/ /rten sngon du song ba'i brten pa rnam par bzhag pa'i phyir rten gyi dkyil 'khor nye bar bstan pa gsungs pa/ nam mkha' zhes bya ba la sogs pa la/ nam mkha' i dbyings ni chos kyi 'byung gnas dang/ rdo rje btsun mo'i b+ha ga zhes bya ste/ don gzhan ma yin no/ /de'i dbus su gnas par ni ji ltar 'gyur ba yin pa de bzhin du bsgom pa yin no/ /sangs rgyas kyi dkyil 'khor zhes bya ba ni/ nges/ skyed pa'i phyir ro/ /gang yang gsungs pa/ bcu gsum pa las/ nam mkha' i rdo rje'i dbus gnas par/ /chos kyi snang mdzad sku mchog las/ /byung ba sku gsum dam tshig ste/ /bsam gnas bstan du de rab rtag ces so/ /de'i phyir ye shes zhabs kyi/ brum gyi 'khor lo las byung rig bcas pa'i/ /rnam snang mdzad yan lag las/ yang dag 'byung zhes so/ /'dis ni dkyil 'khor thams cad kyi gsang pa gsungs so/ /'od zer sprin ni sprul pa rnams so/ /bkod pa chen po ni re re las mdza' yas pa sprul pa gang la yod pa de'i 'od kyi sprin gyi chogs chen po'o/ /des na 'di nyid kyi khyad par gzhan bstan pa gsungs pa/ sangs rgyas 'bar ba 'od mnyam med/ /zhes bya ba ni sangs rgyas kyi rnam pas 'bar pa gang la yod ste sangs rgyas 'bar ba ste/ nges na de nyid dang 'od snyam pa med pa'o/ /'od zer sna lngas kun tu khyab ces bya ba ni ma rig pa'i mun pa thams cad sel bar byed pa dang/ chos mthun pas ye shes lnga'i bdag nyid rnam par snang mdzad la sogs pa ste/ de rnams kyis dkar po la sogs pa'i 'od zer gyi rtse mo las ston pa dang ldan pa'i phyir ro/ /gang yang gsungs pa/ ye shes zhabs kyi thub? dbang 'od kyi dkyil 'khor sna tshogs pa'i 'od kyi phyogs mtshams ma lus kyang khyab pa zhes bya'o/ / kun nas yongs su zlum por te/ zhes bya ba ni zlum por te/ 'di yang snying por dkyil 'khor du gsungs so/ /phyi'i? ni yang gru bzhi nyid do/ /gleng gzhi'i le'u las dam tshig chen po'i dkyil 'khor gru bzhi zhes bya bas 'di'i mtshan nyid bstan ba'i phyir phyi'i khyams zlum po mi srid ngo/ /de lta bas na bsgom pa'i dkyil 'khor la rim pa gcig pa bsal lo/ /'dod pa'i yon tan lnga yis khyab ces bya ba 'dod par bya ba ste/ dam pa'i bde ba skyed pa'i rgyu yin pa'i phyir dang/ lha'i gzugs kyi yon tan du byed pas goms par bya ba'i phyir/ 'dod pa'i yon tan lnga ni gzugs rdo rje la sogs pa'o/ /nges khyab pa ni rang gi gnas su rnam par gnas pa dang ldan pa'o/ /mchod pa rnam pa lngas brgyan pa/ zhes bya ba ni khyams la brten pa'i mchod pa'i lha mo'i gzugs rnams kyis brgyan pa'o/ /'dis ni dkyil 'khor ba nyid thams cad bstan pa yin la lhag ma ni ye shes sgrol ma zhes bya ba la sogs pa la gleng gzhir bstan pa'i phyir ro/ /de ltar na brten dang brten pa dang bcas pa bstan pa'o/ /da ni de bzhin gshegs pa thams cad kyi dkyil 'khor la re zhig gtso bo rnams bskyed pa'i kha dog dang mtshon cha nges par bstan pa gsungs pa/ bsgoms nas su zhes bya ba la sogs pa la/ de ltar bstan ma thag pa'i dkyil 'khor la mdor bsdus nas bsgom par byas nas so/ /gzugs ni dbus su bsgom par bya ba ni bdag po'i sku'i dkyil 'khor gyi dbus su ji lta ba bzhin du rdo rje 'chang chen po/ yongs su gyur pa la sngon du song? ba? can bsgom par bya zhes pa'i don to/ /gang bcu gsum pa las/ sangs rgyas gzugs ni rab bsgoms nas/ /rnam par snang mdzad rab tu bsgom/ /zhes bya ba la sogs gsungs pa'i tshig gis so/ /rnam par snang mdzad la sogs pa gzugs tha/ dad pa nyid ston to/ /phyag rgya chen po zhes bya ba ni kha dog dang mtshan ma ldan pa'i phyir ro/ /sku gsung thugs kyis mtshan pa'o/ zhes bya ba ni sku rdo rje la sogs pa byin gyis brlab pa'o /'dis kyang yan lag bzhi bsgom ba'i sa bon gsungs te/ yan? lag bzhi'i rim pa rdzogs par byed pa zhes bya ba 'tshig ste/ 'di yang 'chad par 'gyur pa kun la sbyang ro?/ /sku gsung thugs kyi rdo rje zhes bya ba ni rdo rje 'chang chen po'o/ /mi bskyod pa zhes bya ba ni zhe sdang rdo rje'o/ /tshogS? gnyis dang ni ldan pa yis/ /zhes bya ba ni/ bsod nams dang ye shes kyi rgyu mthun pa thabs dang shes rab snyoms par 'jug go /zhes bya ba'i don to 'di yang snga ma dang phyi ma dag tu 'brel pa'o/ /'ong byed ces bya ba ni ji lta ba bzhin so sor rtogs pa'i ye shes kyi ngo bo nyid yin pa'i phyir mi shes pa'i mun pa sel ba'o/ /sangs rgyas dkyil 'khor zhes bya ba ni/ /sangs rgyas bdag po'i dkyil 'khor la'o/ /rdo rje 'dzin pa'i dkyil 'khor yang sangs rgyas kyi dkyil 'khor te/ /sangs rgyas rdo rje 'dzin par brjod ces bya ba'i tshig las so/ /'dis ni 'dir byang chub sems bdag po'i dkyil 'khor yod do/ /zhes bstan pa yin te/ yang gsungs pa/ bcu drug pa las/ rdo rje 'dzin mchog gang yin pa/ /dbus su gzugs ni legs bris pa/ /de yi dkyil 'khor gnas su 'gyur/ /sku gsung thugs kyi gsang las byung/ /zhes so/ thams cad las mchog yin pa'i phyir/ /'dir dang por rdo rje 'dzin par bstan pa thob pa ma yin nam/ gang rnam par snang mdzad dang/ mi bskyod pa dag gi bar du nye bar bstan zhe na/ de'i kha dog dang mchen ma la sogs pa'i don du'o/ /des na 'di'i rdo rje rtse dgu pa ma yin no/ /rnam par rtsigs pa'i rnam yin pa'i phyir na rnam par rtsigs pa'i ste sku'o/ /gdug pa rnams kyi bzod par mi nus pa'i sngags smra ba ni/ 'jigs pa'i tshig gi bdud rnams thams cad 'joms par byed pa'i dgongs pa mnga' ba'i phyir 'jigs pas te thugs kyis so/ /shes ni rdo'i? ? go /zla ba ni ri bong can no/ /de dag gi 'od ni dang ba dang dkar ba ste/ zla ba'i 'od 'dra bar rnam par snang mdzad bsam zhes bya ba'i don to/ /phyag na 'khor lo zheS bya ba ni 'khor lo la sogs ba'i mtshan ma dang ldan pa'o/ /ral pa'i cod pan gyis rgyan zhes bya ba ni thams cad kyi khyad par ro/ /'dzam bu'i chu po'i gsang 'od 'dra pa zhes bya ba ni/ rnam par dag pa'i gser dang mtshungs pa ste/ rin chen 'byung ldan bsgom par bya'o/ /rtse mo dgu pa pa rdo rje che zhes bya ba ni/ rin po che cha dgu pa la rdo rje cha zhes bya ba ste/ de'i zhes bya ba ni rin chen 'byung ba'o/ /marka ta'i 'od 'dra ba zhes pa ni kha dog ljang gu'o/ /rdo rje 'bar bas rnam par brgyan/ /zhes bya ba ni mi phyed pa'i 'bar bas ye shes su bskor ba'o/ /phyag na rin chen rab bsgoms pa zhes bya ba ni/ de ltar rin chen dbang phyug yongs su rdzogs pa'o/ /kun tu 'bar ba'i sprin zhes bya ba ni/ 'od zer phyogs thams cad du khyab pa'o/ /'di'i don ni rin chen dbang phyug 'od zer dpag tu med pa 'phro ba bsgom ste de'i phyag tu bsgom bar bya/ zhes so/ pad+ma rA ga'i 'od 'dra ba zhes bya ba ni/ 'od zer shin tu dmar po dang ba'i rang bzhin yin pa'i phyir ro/ /'dod chags 'bar ba mnga' zhes bya ba ni/ dmigs pa med pa'i snying rje chen pos chags pa'i rang bzhin yin pa'i phyir ro/ /'od zer sna lnga'i 'od 'dra ba zhes bya ba ni/ kha dog ljang gu don yod grub par lta'o/ /gang yang gsungs pa gleng gzhi'i le'u las ljang gu nag po dkar po'i tshul gyis so/ /zhi ba zhes bya ba dang sgeg pa'i gzugs can te/ de yang mi bskyod pa ma rtogs pa thams cad kyi khyad par ro/ /lha rdzogs pa rnams la rnam par byang bar mngon par zhen pa bsal ba'i phyir chos kyi dbyings ni byin gyis brlabs pa gsungs pa/ de nas zhes bya ba la sogs pa la/ d+harma rnams kyi d+hA tu ni de bzhin nyid do/ /swa b+hA ba At+ma ste gang la yod pa de ni a haM ste de bzhin du'o/ /dang po sbyor ba rdzogs nas/ sems brtan pa'i rnal 'byor pas dkyil 'khor sprul pa la sogs pa bya ste/ gang yang gsungs pa/ de kho na nyid bsdus pa las/ blo ni brtan 'gyur rnal 'byor pas/ /dkyil 'khor mchog ni bri bar bya zhes so/ /sems brtan par bya ba'i phyir/ phra mo'i rnal 'byor sgom pa gsungs pa/ lnga zhes bya ba la sogs pa la/ ye shes lnga'i bdag nyid yin pa'i phyir kha dog dkar po la sogs pa dang ldan pa'o/ /sna'i rtse mo zhes bya ba ni man ngag las pad+ma'i sna ste/ mtshan ma'i nang du rang gi lha'i dkyil 'khor dang bcas pa'o/ /gang yang 'chad par 'gyur ba las/ 'gro dang mi 'gro yungs kar las zhes so/ /nan tan gyis zhes bya ba ni rnam par g.yeng ba med pa'i sems kyis so/ /rnal 'byor pa'i sa zhes bya ba ni/ thabs dang shes rab snyoms par 'jug pas so/ /rtag par zhes bya ba ni/ mtshan ma byung gi bar du'o/ /gang yang gsungs pa/ de kho na nyid bsdus pa las/ rdo rje phra mo bde reg pa/ /mtshan ma nam zhig byung ba na/ ji srid nam mkha' i spyod yul du/ /mtshan ma rnams kyang sgro bar bya/ /zhes so/ mtshan ma thob pa'i mtshan nyid bco brgyad pa las/ smig rgyu lta bu dang po ste/ /zhes bya ba la sogs ston to/ /de nyid 'dir dge ba dang/ mi dge ba'i mtshan ma rnal 'byor pas shes par bya'o/ /gang gsungs pa de bzhin gshegs pa'i dam tshig gi de kho na nyid las rdo rje phra mo'i ting nge 'dzin gyis gang la mtshan ma byung ba ste/ 'das dang da ltar ma 'ongs pa'i/ /de la mthod dang thos pa zhes/ /de la mkha' gnas blo ldan gyi/ /dkar dang ser 'dri'i dkyil 'khor mthong/ /'od zer 'phreng ba ngo mtshar gyur/ /rigs 'di'i kha dog dbye ba yis/ /des na blo ldan bdag nyid kyang/ /yid la brtags par dkar dang dag/ gang zhig nag po mi dge bstan/ /dmar po chags pa rab tu gsungs/ /ser po rgyas par de bzhin no/ /rmongs pa zhes bya chog min/ /sprin gyis sgrabs pa mkhas pa yis zhes so/ /brtan pa zhes pa ni/ bsgoms pas brtan par gyur pa'o/ spro? zhes bya ba ni spro bar bya'o/ /mchog rab ni thams cad las mchog tu gyur pa'i phyir sangs rgyas zhes bya ba'i don to/ /'di ji lta bu yin zhe na gsungs pa/ bar med par nam mkha' khyab pas sprin bzhin no/ /khyad par ci byed gsungs pa 'khor lo zhes bya ba la sogs pa la/ shugs 'dzin pa ni ral gri'o/ /mtshan ma yang dag spro bar bya/ zhes kha cig zer ro/ /sangs rgyas 'ga' zhig ma yin par gsungs pa/ byang chub sems dpa' i sprin chen zhes bya ba ni/ spyan la sogs pa'i sprul pa yang spro bar? bya zhes bya ba'i don to/ /'di skad gsungs pa yin te/ gang sems bstan pas dkyil 'khor sprul par 'dod pa yin na/ de'i tshe rang gi rig ma'i pad+ma'i nang du ji lta ba bzhin lha'i 'khor lo rdzogs par byas nas de nas cho ga bzhin du gdon par bya'o/ /phra mo'i rnal 'byor bsgoms pa'i mtshan ma thob pas sangs rgyas rjes su dran pa bsgom par bya bar ston to/ /zhes kha cig zer ro/ /spros pa bsdus pa'i rnam par bzhag pa gsungs pa/ nam mkha' i zhes bya ba la sogs pa la/ chos 'byung gi nang du chung pa'i gzhal yas khang de'i dbus su gnas pa ji lta ba bzhin du yin no/ /de bzhin rdo rje'i dkyil 'khor bri bar bya zhes bya ba ni bsdus nas mi bskyod pa'i dkyil 'khor bsgom par bya zhes bya ba'i don to/ /bri? bar bya zhes bya ba'i chig gis sgra'i rdul mtshon gyi dkyil 'khor pa'i lha rnams bkod pa yang ji lta ba bzhin du bya zhes bstan pa'o/ /gsang ba'i dkyil 'khor zhes bya ba ni sangs rgyas thams cad kyi yon tan 'byung ba'i rgyu yin pa'i phyir gzhal yas khang ste/ de'i dbus su gnas pa ji lta ba bsgom par bya ste/ de ni gong 'og gnyis gar sbyar ro/ /'khor lo'i dkyil 'khor zhes bya ba ni rnam par snang mdzad bdag po yin pas so/ /pad+ma'i dkyil 'khor 'dra bzhes bya ba ni/ bdag po dang mtshungs pa'i nyams yin pa'i phyir ro/ /de nyid kyi phyir 'chad par 'gyur te/ chags la thams cad 'dod chags bdag ces bya'o/ /'di skad bstan pa yin te/ dkyil 'khor thams cad la rang gi bdag po dang bcas pa'i nyams dang ldan pa de ltar dkyil 'khor pa thams cad bsgom par bya zhes bya ba'i don to/ /zlas pa bsgoms pas zhes bya ba ni lta sgom pa dang/ 'byin pa'i sngags brjod pa ste/ de yang dkyil 'khor thams cad kyi thun mong ngo/ /rin chen brtson pas zhes bya ba ni rin chen 'byung ba'i rnal 'byor dang ldan pa zhes bya ba'i don to/ /'dis ni dkyil 'khor thams cad la bdag po'i rnal 'byor sngon du song bas lha rnams dbyung bar bya zhes ston par byed do/ /nam mkha' nye bar zhes bya ba ni thams cad sgyur bar bya'o/ /sbyong ba'i sgra smos pas 'di ltar shes par bya ste/ ji lta ba bzhin du thabs dang shes rab snyoms par 'jug pa'i pad+ma'i nang du dkyil 'khor rdzogs par byas nas dbyung bar bya zhes bya ba'i don to/ /gzhan dag na re/ 'di rnam par snang mdzad kyi gdan zla ba yin la/ de bzhin gshegs pa gzhan rnams kyi nyi ma yin no/ /zhes zer te/ de ni rigs pa ma yin te/ drug pa las/ nam mkha' dbyings kyi dbus gnas par/ /nyi ma'i dkyil 'khor bsgom par bya/ /zhes bya bas mi bskyod pa'i gdan nyi ma yin par gsungs so/ /de'i rjes su 'brangs shing man ngag dang lhan cig pas rin chen 'byung ldan la sogs pa'i yang de nyid yin par shes par bya'o/ /gsal ba'i dkyil 'khor dbus gnas par zhes bya ba 'dis rnam par snang mdzad kyi gdan zla ba yin par lan du mar gsungs so/ /'di dag sangs rgyas rab kyi mchog ces bya ba ni/ mi bskyod pa la sogs pa dkyil 'khor dang bcas pa'o/ /ci'i phyir zhe na/ sku zhes bya ba la sogs pa sku la sogs pa sgrub pa la sgrub par byed pa dam pa yin pa'i phyir ro/ /de ci'i phyir zhe na/ dkyil 'khor zhes bya ba la sogs pa la/ rdo rje las byung ba yis zhes bya ba ni gnyis su med pa'i ye shes las nges par skyes pa'o// thams cad mkhyen pa'i tshul thob pa zhes bya ba la/ thams cad mkhyen pa'i tshul yod pa ni/ thams cad mkhyen pa gsum pa thob par byed pa'i rgyu'o/ /yang na mchog tu zag pa med pa'i bde ba'i ngo bo nyid ni thams cad mkhyen pa'i tshul thob pa ste/ thams cad las mchog tu gyur pa'i rdo rje 'dzin pa'i go 'phang thos pa zhes bya ba'i don to/ /de yang gsungs pa/ dkyil 'khor snying po bsdus pa ste/ zhes bya ba dang/ de nyid bcu bsdus pa las kyang gsungs pa/ shin tu rdzogs pa thob pa yis/ /rdzogs pa bdud rtsi yin gnas/ /ye shes snying por gyur pa'i phyir/ /dkyil 'khor yongs su brjod par bya/ zhes so/ des na 'di sgom par byed pa yang/ de lta bu'i yon tan dang ldan par bstan to/ /rdo rje bkod pa las dmigs pa'i ting nge 'dzin gyi le'u ste/ de la ni brjod par bya ba nyid du len par byed pa ste/ yongs su gcod par byed pa de la de skad ces bya'o/ /lhag ma ni bshad pa nyid do/ /dpal gsang ba 'dus pa'i dka' 'grel rgyal bas byin pas mdzad pa las le'u gsum pa'i bshad pa'o/ / //da ni ji lta ba bzhin slob dpon gyi go 'phang thob nas rgyud thams cad kyi don yang dag par rtogs pa dang/ phra mo'i rnal 'byor goms pas sgom pa la sems brtan par gyur pas kyang/ dngos grub bsgrub par bya ba'i phyir ram/ /slob ma bsdu ba'i phyir/ dkyil 'khor byed pa snang ba nyid do/ /gang yang gsungs pa/ dkyil 'khor dag dang mi ldan na/ /sngags kyi dngos grub dam pa med/ /ji ltar rlung dang bral ba yis/ /'gro dang 'ong ba la sogs med/ /dkyil 'khor dman par gyur pa dang/ /dam tshig kyang ni spangs pa dang/ /gsang ba'i de nyid mi shes na/ /bsgrubs kyang ci yang mi 'grub po/ /zhes so/ snang ba rdo rje 'chang ba las kyang gsungs pa/ dkyil 'khor dag tu ma zhugs shing/ /dbang bskur ba yang ma thob la/ /byang chub sems dpa' i brtul zhugs dang/ /mtshan ma rnam pa sna tshogs ni/ /sbyin no ma bya bar gang gsungs pa/ /de'i phyir dkyil 'khor bri bar bya'o/ /zhes so/ de nas bdag dang gzhan la bstan par nus pa'i dkyil 'khor yid kyis sprul par mi nus pa rdul tshon gyi dkyil 'khor bri bar nye bar bstan pa gsungs nas/ de nas zhes bya ba la sogs pa la/ bstong pa'i rgyal po 'dis zhes bya ba ni/ 'chang par 'gyur ba'i yang dag pa'i yon tan brjod nas gsol ba btab pa'o/ /de bzhin gshegs pa kun zhes bya ba ni/ de bzhin gshegs pa thams cad kyis byin gyis brlabs pa'i phyir ro/ /zhi ba zhes bya ba la sogs pa tshig gsum gyis chos dang sprul pa dang/ longs spyod rdzogs pa'i sku'i rang bzhin go rim bzhin du thugs kyi dkyil 'khor dang/ sku'i dkyil 'khor dang/ gsung gi dkyil 'khor gsungs so/ zhes kha cig zer ro/ /chos kun bdag med pa'i mchog ces phye la/ de bzhin gshegS pa kun zhes bya ba la sogs pa'i tshig phye nas/ tshig rnam pa lngas ye shes lnga'i bdag nyid kyi dkyil 'khor du gsungs so/ /zhes gzhan dag 'dod ngo bshad du gsol zhes bya ba ni nye bar bstan pa ste/ 'dir ni spyir gsol ba 'debs pa'o/ /sku'i dkyil 'khor la sogs pa'i dbye bas khyad par gsungs pa/ mtshan rnams thams cad ces bya ba la sogs pa las/ mtshan rnams thams cad yongs su rdzogs/ zhes bya ba ni gru bzhi pa la sogs pa'i mtshan nyid thams cad dang ldan pa'o/ /mtshan min thams cad rnam par spangs/ /zhes bya ba ni phra ba dang/ sdom pa dang/ yon po dang/ chad pa la sogs pa'i nyes pa dang bral ba'i ri mo'o/ /kun tu bzang po zhes bya ba ni bod pa'o/ /sku'i mchog ces bya ba ni/ rnam par snang mdzad bdag po yin pas so/ /zhi ba'i chos ni mchog las byung ba zhes bya ba la/ zhi ba'i chos thams cad brtags pa'i dmigs pa med pa gang la yod pa'i so sor rtogs pa'i ye shes de la de skad ces bya'o/ /de'i phyir mchog nyid ni gtso bos yang yang dag par 'byung ba ni/ de'i rgyu mthun pa'i phyir ro/ /ye shes spyod pa rnam spyod pa/ /zhes bya ba ni thams cad mkhyen pa'i ye shes rdzogs par byed pa'i phyir spyod pa yin la/ sngags kyi tshul du bstan pa'i rnam par dag pa skyed par byed pa ste/ der zhugs pa tsam gyi rdzogs pa'i byang chub kyi sgrib pa dri ma spangs pa thob pa'i phyir ro/ /gsung gi mchog ces bya ba ni gsung gi dkyil 'khor yin pa'i phyir ro/ /sems can kun gyi sems chen po/ /zhes bya ba la/ sems can thams cad kyi sems chen po ni/ spros pa thams cad dang bral ba'i ye shes so/ /de nyid 'dir gsungs pa/ dag cing zhes bya ba ni bag chags dang bcas pa'i nyon mongs pa'i dri ma rnams kyi kun nas nyon mongs pa med pa'i phyir/ ci'i phyir zhe na gsungs pa/ rang bzhin dri ma med ces bya ba ni/ rang bzhin gyis yongs su dag pa'i thugs te/ dri ma rnams ni sgro btags pa las byung ba'i phyir ro/ /de ltar na shin tu rnam par dag pa'i ye shes kyi bdag nyid kyi dkyil 'khor bstan pa yin no/ zhes gsungs pa yin no/ /yang na sems can gyi sgras 'dir rdzas kyi tshig ste/ phyi'i dngos po thams cad la chod mas gnod pa'i phyir/ sems can thams cad nyid sems chen po ste/ chen po nyid ni dngos po thams cad la khyab pa'i phyir ro/ /'dis ni bzung ba med par bstan to/ /de bas na 'dzin pa yang med pas bstan par bya ba'i phyir gsungs pa/ dag pa zhes bya ba ni gnyis pa med pa 'ba' zhig ste/ yang dag par rig pa tsam mo/ /'di'i phyir zhe na gsungs pa/ rang bzhin dri ma med pa ces bya ba ni/ bzung ba la sogs pa de kho na nyid la rtag tu med pa'i phyir zhes bya ba'i don to/ /'dis ni 'di skad bstan pa yin te/ ji ltar bcom ldan 'das 'di la dkyil 'khor bri ba la/ de bzhin gshegs pa thams cad kyis gsol ba btab pa lta ba dkyil 'khor nges par 'bri ba la'ang/ slob ma ni rtag pa'i rdo rje la sogs pa'i gzugs rdo rje slob dpon dpal ldan bdag po'i rnal 'byor pa las rtag pa nyid du gsol ba gdab par bya zhes so/ /bsam gtan gyi dkyil 'khor sprul pa'i dus su yang de ltar de bzhin gshegs pa rjes su chags pa'i ting nge 'dzin la gnas pa'i rnal 'byor pa la de bzhin gshegs pa thams cad kyi gsol pa 'debs pa zhes khong du chud par bya'o/ /de nas zhes bya ba la sogs pa la de nas zhes bya ba ni/ gsol ba btab pa'i rjes la'o/ / sngon? pa zhes bya ba ni/ yang dag par rdzogs pa'i byang chub kyi bstan pa ston pas so/ /sa 'og sa stengs sa bla'i rang gi rang bzhin yin pa'i phyir/ 'jig rten gsum mo/ /'dod pa dang/ gzugs dang gzugs med pa'i rang bzhin yin pa'i ? khams gsum pa ste/ 'jig rten pa dang rang gi lung las grags pas de dag gi khyad par gnyis so/ /'jig rten gsum mchog ni sangs rgyas bcom ldan 'das rnams so/ /de rnams kyi rdo rje mchog ste/ me long lta bu'i ye shes la sogs pa'i rang bzhin yin pa'i phyir/ 'jig rten gsum mchog /rdo rje mchog go /'jig rten gsum mchog ni/ tshangs pa la sogs pa'i gsum la ste/ khro bo la sogs pa'i sprul pas ston ? phan pa las spyad bas na/ 'jig rten gsum mchog ston pa pos so/ /nyams dga' bas zhes bya ba ni mthong ba tsam gyis kyang phan pa skyed par byed pa'i phyir ro/ /de bzhin gshegs pa kun gyi thugs zhes bya ba ni/ de bzhin gshegs pa thams cad kyi thabs dang/ shes rab kyi bdag nyid kyi thugs so/ /yon tan thams cad kyi tshogs kyi rten nyid kyis snying po len pas dkyil 'khor ro/ /dkyil 'khor rab 'dra ba zhes bya ba ni/ byang chub kyi sems kyi rgyu mthun pa'i phyir ro/ /de yang gsungs pa/ byang chub sems kyang dkyil 'khor yin zhes so/ /thugs kyi dkyil 'khor bstan par bya ba'i phyir gsungs pa/ de nas zhes bya ba la sogs pa la/ thugs kyi rdo rje rab 'dra ba zhes bya ba ni rdul tshon gyi dkyil 'khor gsum po 'di yang/ ye shes kyi dkyil 'khor dang tshungs te/ de'i yon tan dang/ rnam par smin pa dang/ dbyibs la sogs pa mtshungs pa'i phyir ro/ /de yang gsungs pa/ sangs rgyas thams cad las rdo rje sems sogs lha rnams kyi/ /'khor lo mngon sum mthong ba las/ /bsod nams rtag pa ci 'dra ba/ /phyis bris pa yang de bzhin no zhes so/ /dkyil 'khor gyi thig gdab pa'i cho ga nye bar bstan pa'i phyir gsungs pa/ sar pa zhes bya ba la sogs pa la sar pa ni gzhan du yongs su longs ma spyad pa'o/ /legs bkal ba'i phyir dang/ ye shes kyi thig skud du byas pa'i phyir dang legs par sgril ba'o/ /dkyil 'khor nyis 'gyur gyi ring ba sgo'i nyi shu cha'i sboms ni tshang ma'o/ /rab tu mdzes pa ni mdung pa med pa dang/ lhod pa ma yin pa'o/ /shes rab can zhes bya ba ni dkyil 'khor gyi cho ga shes pa dang/ ri mo'i las la mkhas pa'o/ / lus ngag sems ni bsgom pa yis/ /zhes bya ba ni/ sku la sogs pa'i dkyil 'khor du sku rdo rje la sogs pa bsgom pa sngon du song bas bri bar bya zhes pa'i don to/ /gang gsungs pa/ bco brgyad pa las/ sku gsung thugs ni rdo rje yis/ /sku gsung thugs kyi dkyil 'khor du/ /sku gsung thugs kyi rgyas btab pa/ /ri mo'i dkyil 'khor brtag par bya zhes so/ /khru bcu gnyis zhes bya ba ni/ rten cing 'brel par 'byung ba yan lag bcu gnyis rnam par dag pa'i rang bzhin yin pa'i phyir phyogs so so zheng bcu gnyis so/ /de yang gsungs pa dgongs pa las/ /thugs kyi dkyil 'khor thig gdab pa/ /rten 'brel yan lag bcu gnyis so zhes so/ /ngos re re la khru gsum gsum yin no/ /zhes kha cig zer ro/ /gru bzhi zhes bya ba la sogs pa phyi'i dkyil 'khor gyi rnam pa gsungs so/ /sgo bzhi zhes bya ba ni/ 'khor lo'i brgyad cha gcig gi sgo bzhi dang ldan pa'o/ /de'i dbus su 'khor lo zhes bya ba ni de'i phyed pa'i dkyil 'khor gzhan de'i dbus su bri bar bya ste/ 'khor lo'i dkyil 'khor zhes ni brjod ces bya ba'i tshig las so/ /rab tu zlum zhes bya ba ni/ zlum pa'o/ /yongs su zhes bya ba ni thams cad de rnam par snang mdzad la sogs pa'i gnas kyis 'di yongs su bskor ba yin zhe na kha cig 'chang de/ /de'i gzhung gi khyad par gyi mtshan nyid ma gsungs pas 'di yang gru bzhi pa la sogs pa rigs shing de nang gi yongs su bskor ba'i phyir/ /rta babs med par 'gyur ba'o/ /de nas phyag rgya dgod par bya zhes pa ni de nas nus pa ji lta pa bzhin du bris pa'i dkyil 'khor rdzogs pa la gnas ji lta ba bzhin du nyi ma dang zla ba'i gdan bris la ci rigs par mi bskyod pa la sogs pa'i mtshan ma bri bar bya'o/ /las kyi cho ga mthong ba yis zhes bya ba ni/ gang zhig 'dir ma gsungs pa'i cho ga spyi'i rgyud kyi rjes su 'brangs nas sbyar bar bya'o/ /de yang gsungs pa gang dag tu ni rang nyid kyi/ /las kyi cho ga rnams med pa/ /de ni ci yi rgyud dag la/ /gsungs ba'i cho ga mkhas pas bsten/ /zhes so// cho ga yang dkyil 'khor gyi cho ga rgyas par lta bar bya ste 'dir ma bstan no/ /de nas zhes bya ba la sogs pa la/ phyag rgya dgod par bya ba'i phyir gnas kyi nges par gsungs pa yin te/ de'i dkyil 'khor gyi dbus su rang gi gnas su gnas pa'i mi bskyod pa'i mtshan ma rdo rje 'bar ba nag po rtse lnga pa bri bar bya'o/ /'dis rnam par snang mdzad la sogs pa'i 'ang rang gi gdan la sogs pa'i mtshan ma bris pa gsungs pa/ shar zhes bya ba la sogs pa la/ 'dri'i don ni 'khor lo rtsibs brgyad pa dang/ rin po che cha dgu pa ljang gu dang/ pad+ma dmar po 'dab ma brgyad par dang/ ral gri nam mkha' i mdog can sngo bsangs te/ shar la sogs pa'i phyogs su de bzhin gshegs pa'i gnas kyi rim pa ji lta ba bzhin du bri bar bya zhes so/ /spyan la sogs pa'i mtshan ma dgod pa gsungs pa/ spyan zhes bya ba ni mig gi rnam pa'o/ /dbus na sprin dang mnyam pa'i 'od ces bya ba ni/ sprin bzhin nag po dbus na mnyam pa ste/ zlum po'i 'od yod pa de la de skad ces bya ste/ mig 'bras nag po zhes bya ba'i don to/ /kha cig ni spyan gyi mtshan ma'i skabs yin pas de'i mtshan ma bri bar bya zhes zer te/ sbyin gyi nang gi chu'i rang bzhin nyid kyis dkar po'o/ /de dang mtshungs pa'i 'ong mdzes pa yod pas dbus na sprin dang 'dra ba'i 'od de dkar po ces bya ba'i don to/ /de par? brgyud pa las 'ongs pa ma yin no/ /shar gyi grwa zhes bya ba ni me'i mtshams so/ /mA ma kI'i rigs 'byung ba/ /zhes bya ba ni mi bskyod pa'i rdo rje bri bar bya'o/ /lho phyogs zhes bya ba ni bden bral lo/ /sdong bu dang bcas pa'i autpa la ste/ pad+ma dmar po'o/ /nub phyogs zhes bya ba ni rlung du'o/ /autpal ni sngon po'o/ /kha cig ni ser po'o/ /zhes zer ro/ /byang phyogs zhes bya ba ni dbang ldan gyi grwa'o?/ /thob 'bar ba 'od gsal ba/ /zhes bya ba ni ? pa dang ldan pa'i 'od rdo rje tho pa shar phyogs kyi sgo la gnas bar bya'o/ /rdo rje 'bar ba 'od bzang ba/ be con zhes bya ba ni mi phyed par 'bar bar snang ba'i be con lho phyogs su bri bar bya'o/ /mi mthun pa'i phyogs thams cad gcod par byed pa dang/ chos mthun pas ral gri bzhin 'bar ba de rnams kyi ye shes kyi snang ba byed pas/ ral gri 'bar ba 'od byed pa ste/ 'bar ba dang bcas pa'i pad+ma dmar po nub phyogs su bri bar bya zhes bya ba'i don to/ /rdo rje 'khyil ba rdor can gyi/ /zhes bya ba la/ rdo rje 'khyil pa zhes bya ba ni/ rnam par dbye ba med par bstan pa grub pa'i gcig gis tshig phyis pa'i phyir ro/ /'di'i don ni/ rdo rje 'khyil ba ni bgegs mthar byed kyi rdo rje bri bar bya'o/ /ji ltar yin zhe na gsungs pa rdo rje can gyi zhes bya ba ste/ ji ltar mi bskyod pa'i rdo rje kha gyis? pa sngon po 'ong bzang po ste/ de bzhin du 'di yang yin no/ /zhes bya ba'i don to/ /yang na rdo rje 'khyil pa zhes pa zhes bya ba spyi'i tshig gis nyi ma yang bzung bar 'gyur te/ de yang dbang bskur ba'i 'di yin pa'i phyir ro/ /gang yang de kho na nyid bsdus pa las/ bar snang la rgyu ba'i lha thams cad kyi bdag po la ming sbyin par bya'o/ /'di lta ste bdud rtsi 'khyil pa ni rdo rje 'khyil pa zhes gsungs pa/ de'i phyir 'dis bye brag du byed de rdo rje can zhes pas so/ gnyis su med pa ye shes kyi bdag nyid mi bskyod pa'i rgyu mthun pa zhes bya ba'i don to/ /kha cig na re rdo rje'i steng du rdo rje bri zhes zer ro/ /gzhan ni sna tshigs rdo rje zhes zer ro/ /mtshan ma dang/ skyed pa dang/ 'byin pa'i sngags la sogs pa nges par bstan pa las gzugs rdo rje la sogs pa'i yang 'dir go rim bzhin du me long dang/ pi bang dang/ dri'i dung dang/ ro'i snod dang/ gos sna tshogs dang/ chos kyi 'byung gnas zhes bya ba'i mtshan ma ste/ me dang bden bral dang/ rlung lha dang/ dbang ldan dang/ rtsa ba'i sgo'i dang byang dang/ lho phyogs su go rim bzhin du dgod par bya'o/ /sa'i snying po la sogs pa'i ni 'dir ni dkyil 'khor pa ma yin pa'i phyir med pa'o/ /'dir rnam par snang mdzad ma gtogs pa'i sangs rgyas rnams dang khro bo rnams kyi gdan nyi ma yin la gzhan rnams ni zla ba'i gdan yin no/ zhes khong du chud par bya'o/ /yongs su gsal bar shes zhes bya ba ni kun nas gsal ba ste/ bri ba la sogs pa'i las mthar phyin bar shes par byas nas/ mchod par bya ba zhes bya ba ni cho ga bzhin du bdag po'i rnal 'byor dang ldan pas 'dir nges par ji lta ba bzhin du gsang ba dang/ cig shos kyi mchod pa bya ba'o/ /lus dang ngag sems mchod pa yis/ zhes bya ba ni rang rang gi dkyil 'khor du sku rdo rje la sogs pa dkyil 'khor pa dang bcas par mchod par bya'o/ /de la sku'i dkyil 'khor du re zhig gsang ba'i mchod pa nye bar bstan pa gsungs pa/ bcu drug ces bya ba la sogs pa la/ stong pa nyid bcu drug gi rang bzhin/ shes rab kyi pha rol tu phyin pa'i ngo bo yin pa'i phyir/ lo brgyad gnyis pa'o/ /de yang gsungs pa/ dgongs pa las/ nang la sogs pa'i dbye ba yis/ /stong pa nyid phyir bcu drug la'i/ /skye ba med par gnas gang yin/ /btsun mo zhes ni brjod par bya zhes so/ /rab tu mdangs bzang zhes bya ba ni/ mdzes pa la sogs pa'i yon tan dang ldan pa'o/ /yang na mdangs bzang zhes bya ba ni ming gis phyogs gcig bstan pas zla ba'i mdangs bzung ste/ dper na lhas byin dang/ byin pa zhes bya ba bzhin te/ de'i 'od can gyi rnam pa yin pa'i phyir dkar mo'o/ /de ltar gsung gi dkyil 'khor du gos dkar mo'i tshul du mos par bya'o/ /de'i lo'i nges pa ni brgyad pa las/ na chung gzhon nu mig yangs ma/ /gzugs bzang gzhon pas rgyan pa ste/ /lo grangs nyi shu lnga lon rnyed/ /byol srong las ni rab tu brtag /ces bya ba'i tshig las so/ /thugs kyi dkyil 'khor la yang/ bdun pa las/ bud med brtan pa'i sems ldan pa/ /lo grangs bcu gnyis lon pa la zhes 'chad ngo/ /dri dang me tog phreng gi 'khrugs zhes bya ba ni/ dri zhim pas byug pa dang/ me tog mang po dang ldan pa'o/ /dri ni rnam par snang mdzad de/ 'di'i mtshon pa yin pa'i phyir/ 'dir de bzhin gshegs pa thams cad lta bar bya'o/ /me tog ni btsun mo dgu dang nam mkha' i khams so/ /dri la sogs pa nyid dang/ me tog rnams kyang ste/ de rnams kyis 'khrugs pa ni rdul phra rab so so la zhugs pas mchog tu rten du gyur pa ste/ rnam bar snang mdzad la sogs pa dang/ spyan la sogs pa dang/ gzugs rdo rje la sogs ba kun tu byin gyis rlabs pa zhes bya ba'i don to/ /dri dang me tog ces bya ba ni bdud rtsi lnga'i nye bar mtshon ba'i don 'di dag yin no/ /'dis mnyam par 'khrugs ces bya ba ni dam tshig dang ldan pa thob pa zhes bya ba'i bar du'o/ /'di dag don gsum po 'di 'khyud nas nges par bstan par khong du chud par bya'o/ /de'i dbus zhes bya ba ni dkyil 'khor gyi dbus su blos gnas pa'o/ /byin gyis brlabs zhes bya ba ni rigs lnga'i tshogs dang ldan pa ji srid kyi bar du byas pa'o/ /mA ma kI zhes bya ba ni/ thugs kyi 'khor lo la'o/ /yon tan ska rags zhes bya ba ni skal ba dang ldan pa'o/ /spro ba la sogs pa ni 'dir dkyil 'khor du bsgrub par gsungS pa yin te/ de yang bla ma'i man ngag las shes par bya ste/ bdag gis 'dir ma dris pa'o/ /bshad ba zhes bya ba la sogs pa ni phyi'i mchod pa bstan pa'o/ /'di'i don ni/ bshad ba la sogs pa'i dam tshig pad+ma'i snod du bzhag la/ cho gas ye shes kyi bdud rtsir byas nas/ dkyil 'khor pa dang bcas pa'i dkyil 'khor gyi bdag po la dbul bar bya'o/ /des kyang tha mal pa'i rnam par rtog pa'i gnyen bor gyur pa nyid kyis nges par bya ste/ tha mal pa'i rnam par rtog pa ni byang chub la 'ching pa'i phyir ro/ /gang yang gsungs pa/ rdo rje rtse mo las/ 'jig rten na ni gang zag bzhi/ /bskal pa bye ba brgyar yang ni/ /cung zad mngon par brtson byas kyang/ /cho ga yis kyang 'grub mi 'gyur/ /gang zhig sems ni ma skyes kyang/ /the tsom yod pa nyid kyang yang/ /snang ba thob pa mi phyed de/ /ma dang bas ni mi 'grub bo/ /zhes so/ /gzhan yang dngos po thams cad dang/ mnyam pa nyid rtogs pas sangs rgyas nyid de/ tshogs pa'i 'bras bu 'di bsam gyis mi khyab pa'i cho ga'i ngo bos lta bar bya'o/ /'on kyang yongs su ma smin pa'i sems can rnams la bstan par mi bya'o/ /de yang snang ba rdo rje 'char ba las/ gsungs pa/ las dang po yi sems can la/ /rab tu 'bad de spa? bar bya/ /phyi nas don ni go ba na/ /dogs pa med par bstan par bya/ /zhes so/ /nus pa ma thob pas kyang 'di goms bar byed pa na gsangs te brten par bya'o/ /de bzhin du yang gsungs ba/ ji ltar 'phrigs par mi 'gyur bar/ /mdor na thams cad bya ba ste/ /gal te 'grigs? bar gyur pa na/ /sangs rgyas kyis kyang mi 'grub po/ /sems can kun gyi drang ba yis/ /sems ni zhi zhing 'od gsal ba/ /sna tshogs dngos pos gos pa med/ /sems zhes bya ba de nyid dngos/ /de ltar 'dod pa'i cho ga shes/ /nye bar longs spyod de kho na/ /gzhan du dge la spro ba yis/ /sngags rnams thams cad 'grub mi 'gyur/ /de phyir sngags pas khyad par gyis/ /yan lag mchog las blang bar bya/ /gzhan du? dge las byung ba yi/ /rdo rje sems dpa' mnyes mi 'gyur/ /nye bar longs spyod mnyam spyod pas/ /thams cad nye bar longs spyod bya/ /gal te gzhan du rmongs pa'i bdag /mnar med des par 'tshang par 'gyur/ /zhes so/ /dpal gsang ba 'dus pa'i dka' 'grel rgyal bas byin pas mdzad pa las/ le'u bzhi pa'i bshad pa'o// //de lta bu'i dkyil 'khor du dbang bskur shing rjes su snang ba thob pas mi rtog pa'i spyod pa dang ldan pa ni 'dir snang yin par nye bar bstan pa'i phyir/ spyod pa'i le'u gsungs pa/ de nas zhes bya ba la sogs pa la/ de bzhin gshegs pa thams cad kyi sku dang gsung dang thugs rdo rje ni rdo rje 'dzin pa ste/ de'i bdag nyid kyi mchog sgro mi btags pa'i rang bzhin yin pa'i phyir sku mchog ste/ rin chen 'byung ba'o/ /so sor rtog pa'i ye shes las byung ba'i snying rje chen pos mngon par brlan pas khams gsum gyi sems can khas blangs pa'i phyir snang ba mdza' yas te/ gnas kyi dbang phyug go / spyod pa kun ni sems can ma lus pa/ 'dul ba'i mched du cho gas 'jug pa'o/ /de'i mchog ni gtso bo ste bya ba grub pa'i ye shes kyi rang bzhin yin pa'i phyir/ gang gi de yin pa'i spyod pa kun mchog ni don yod grub pa'o/ /chos don zhes bya ba la/ chos ni sems can la sogs pa rnams te/ de rnams kyi don gyi rang bzhin yin gyi chos kyi dbyings kyi ye shes kyi bdag nyid mi bskyod pa'o/ /gang gi phyir chos kyi dbyings las ma rtogs pa'i chos med do/ zhes bya ba'i tshig las so/ /de ltar rigs lnga'i bdag nyid bcom ldan 'das kyis rigs lnga la brtan pa gsungs pa ni sbyong pa'i mtshan nyid do/ /sbyin pa la sogs pa'i ngo bo las spyod pa mchog ste/ rnal 'byor gyi spyod pa'o/ /de'i don ni de bzhin nyid de/ de'i rang bzhin bcom ldan 'das kyis gsungs so/ /zhes kha cig zer ro/ /rnam par mi rtog don las byung zhes bya ba ni thabs dang shes rab gnyis su med pa'i ye shes las byung ba'o/ /'dod chags la sogs pa'i rigs zhes bya ba ni ? ba mdza' yas la sogs pa'i rigs so/ /dngos grub mchog ces bya ba ni/ sangs rgyas nyid la sogs pa'i mtshan nyid do/ /sgrub par byed pa ni/ rnal 'byor pa rnams las skyed par byed pa'o/ /ci'i phyir zhe na/ gsungs pa/ theg pa'i mchog ni bla na med/ /ces bya ba ni/ shin tu mngon par rtson par skye ba 'di la sangs rgyas nyid thob par byed pa'i phyir 'dir bla na med pa ste/ rdzogs pa'i byang chub kyi lam mo/ /'di skad bstan pa yin te/ gnyis su med pa'i ye shes dang ldan pa nyid kyis sku rdo rje la sogs pa'i dngos grub yin la nges na 'di'i don du gnyer ba rnams kyis rtag tu gnyis su med pa'i ye shes la rnam par gnas par bsgom par bya'o/ /des na rnam par mi rtog don las byung/ /zhes bya ba ni gnyis su med pa'i ye shes la rnam par gnas pas 'dod chags drag po la sogs pa'i nyon mongs pa yang dag par dkrugs pa de dag gis kyang sangs rgyas nyid grub par byed ba zhes bya'o/ /'di'i rgyu gsungs pa/ theg pa'i mchog ni bla na med ces so// shes rab thugs byung dngos grub la/ /rigs la sogs pa'i nges ba ci/ /zhes pa'i bsam pa gsungs pa/ gtum mo zhes bya ba la sogs pa la/ gtum po rab tu grags pa nyid de mdza' skyes so/ /smig ma mkhan zhes bya pa ni/ gtum pa'i bye brag nyid de mda'i las byed par zhes bya bar rab tu grags so/ /sogs pa zhes bya ba ni/ sgras ni zhags pa pa la sogs pa yang bzung ngo/ /de rnams ji lta bu zhe na/ gsungs pa/ gsod pa zhes bya ba la sogs pa la/ gsod don ni rgya la sogs pa rnams kyi yin la/ don du ni 'tsho bar byed pa'i don yin la/ sems dpa' ste gsod don gnyer sems dpa' o/ /mtshams med la sogs zhes bya ba ni/ pha dang ma dang dgra bcom pa gsod pa dang/ dge 'dun gyi dbye na byed pa dang/ de bzhin gshegs pa la ngan sems kyis khrag phyung ba ste/ shi ma thag tu dmyal bar 'gro ba'i rgyu'i phyir/ mtshams med pa lnga'o/ /sogs pa'i sgras ni mtshams med pa dang/ nye ba la sogs pa/ yongs su gzung pa ste/ de la mtshams med pa dang/ nye bar ni/ ma dgra bcom ma sun byas nas/ /byang chub sems dpa' nges gnas dang/ /slob pa gsod dang dge 'dun gyi/ /'du ba'i sgo ni 'phrog pa dag /mtshams med pa dang cha 'dra ste// lnga pa mchod rten 'jig pa yin zhes bya ste/ 'di las gzhan mi dge ba bcu la sogs pa'i las byed pa de las bzlog nas/ ting nge 'dzin gyis nus pas nges par nyams su myong ba'i las kyang spangs te/ 'grub pa ni rdzogs pa'i byang chub ster bar 'gyur ro/ /las rnams cung zad kyang chud za ba med lnga pa mchod rten 'jig pa yin zhes bya ste/ 'di las gzhan mi 'dzin dang bral ba'i dbang du byas nas gsungs pas 'gal ba med do/ /yang gi sgras chos dang ldan pa dang/ tshul khrims rnam par dag pa dang/ 'phags pa'i yul dang/ /rigs su skyes pa 'ba' zhig gis 'grub pa ma yin gyi/ rigs dma' bas kyang ngo/ /gang gis kyang mi 'grub ce na/ /gsungs pa/ snying nas slob dpon smod pa zhes te/ /dam chos klog pa sbyin pa dang/ /'chad byed gdams ngag ston pa dang/ /dbang bskur ba dang las byed pa/ /de rnams slob dpon zhes gsungs so/ /zhes bya'o/ /de bas na 'dir bla ma nyid slob dpon gyi sgras gsungs so/ /de bzhin du yang gsungs pa/ nges par? bstan par yang dag sbyor/ /gzhan rnams dag ni spyod la 'dzud/ /slob ma slob dpon sgra yis ni/ /mkhas pa rnams kyis yang dag bstan zhes so/ /de la smod pa lhur byed pa ni/ brnyas pa la sogs pa byed pa ste/ de rang gi rgyud la shin tu smod dang mi ldan par byas pas 'grub par mi 'gyur te/ bla ma ni phan 'dogs pa'i zhing dang/ yon tan gyi zhing nyid kyis dkon mchog gsum la sogs pa'i ngo bo nyid do/ /gang snang ba rdo rje 'chang ba la sogs pa/ mi shes pa'i rab ring? ni// ye shes spyan gyis rnam par spyod/ /bla ma sangs rgyas bla ma chos/ /bla ma dge 'dun bla ma pha/ /chos kyi sbyin bdag gtso bo ste/ /yid bzhin nor bu bla na med/ /ces so/ sdig pa chen po byed pa bsal bar bya ba'i phyir gsungs pa/ srog gcod pa zhes bya ba la sogs pa la/ bsad pa'i bsam pas srog chags rnams kyi tshe med par byed pa ni/ srog gcod pa'o/ /gzhan slu ba'i bsam pas ji ltar gnas pa'i dngos po'i tshig go ba rnams la gzhan du ston par byed pa ni brdzun du smra ba'o/ /gzhan gyi rdzas su shes pas/ 'du? ba'i blos rkus te/ gzhan gyi rdzas la mngon par dga' ba ni ma byin par len pa'o/ /yul la shin tu chags pa'i sems kyis rtag tu 'dod pa lhur byed pa'o/ /'di'i don ni 'di yon tan thabs dang shes rab kyi ye shes dang ldan pa gzhan la phan pa lhur byed pas mi dge ba bcud las kyi lam yang cho ga bzhin du brten par bya'o/ /de bzhin du yang gsungs pa/ dug gis dug ni sel bar byed/ /sman pas ji ltar bstan pa ltar/ /bya ba ru ni thub pas gsungs/ /sdug bsngal yin yang gzhan phan la/ /gang la dug ni phan gyur na/ /de la dug ni sbyin par bya/ /gang la phan par mi 'gyur na/ /de la mchog kyang sbyin mi bya/ /zhes so/ des na byang pa la ngan song mi srid de/ phan pa'i bsam pa yin pa'i phyir sman pa nyid zug rngu? sel bar byed pa la sogs pa bzhin no/ /de gsungs pa sems dge ba la nyes pa med/ /snying rjer ldan pas brtse bar bya/ /zhes so/ /bshad zhes bya ba la sogs pa la /bshang pa dang gci ba dag kha zas su byed pa ni/ bya ba ste thabs yin pa'i phyir gang rnams kyi don du bshad pa dang gci bzas su byed pa ste/ bza' ba dang mi bza' ba'i spyod pas stong pa zhes bya ba'i don to/ /'di skad bstan pa yin te/ rnam par rtog pa las gtogs pa'i mi gtsang ba la sogs pa gzhan cung zad yod pa ma yin no/ /des na 'dod pa dang mi 'dod pa'i kha zas la mngon par zhen pa med pa'i blos/ rdzogs pa'i byang chub bsgrub pa'i skal ba dang ldan par 'gyur ro/ /de bzhin du yang gsungs pa/ rang bzhin gyis ni yongs su dag pa'i dngos/ /'dod dang mi 'dod rnal 'byor pas mi rtag /kun tu rtog las skyes pa 'di dag ni/ /dngos pos ma brtags cig bu nyams dga' ba'o/ /zhes so/ /thams cad la mnyam pa'i sems nyid kyi dbang du byas nas gsungs pa/ ma zhes bya ba la sogs pa la/ gal te 'di rnams dam tshig dang sdom pa la gnas pa thabs dang shes rab kyi ye shes la mkhas pas de'i tshe rnams dang lhan cig tu rig pa'i brtul zhugs spyad kyang nyes pa yod pa ma yin te/ gnyis su med pa'i ye shes kyi rnal 'byor pas 'jig rten pa'i tha snyad bor ba'i phyir ro/ /de yang gsungs pa/ gang dang gang gi bcings pa yis/ /drag po'i las kyi skye bo rnams/ /thabs dang bcas na de nyid kyis/ /dngos po 'ching bar grol bar 'gyur zhes so/ /dam tshig chen po de kho na nyid las kyang gsungs pa/ thabs dang shes rab mngon par ldan pa yi/ /dam tshig nga yis bstan pa yin/ /gzhan duAng rab tu byed pas na/ de nyid bgrod phyir? gdong ma yin/ zhes so/ /zla gsang thig le las kyang gsungs ba/ thabs dang shes rab sems kyis ni/ /mi bya ba ni ci yang med/ /rtag tu ngogs pa med gyur pas/ /'dod pa lnga ni spyad par bya zhes so/ /'gal ba'i spyod pa 'di la ngan song du 'gro ba'i nus pa med de bstan pa'i dus byas pa'i khyad par las/ gzhan du byas pas sngags la sogs pa nye bar sbyangs pa'i dug gi nus pa brlag par byed pa bzhin du gsungs pa/ mkhas pas chen po byas kyang rnam smin myur du 'phyang/ /mi mkhas sdig chung byas kyang 'og tu 'gro bar 'gyur/ /lcags kyi gong bu chung kyang chu yi gting du 'gro/ /de nyid snod du byas nas steng du 'phyo bar 'gyur zhes so/ /'di dag kyang legs par gsungs pa yin te/ dge slong tshur shog ces bzhin sngags pas 'grub/ /de nyid mthong pa'i stobs las rtogs par bya/ /bsam gyis mi khyab rgyu dang 'bras bu'i dngos/ /gser 'gyur rtsis lcags gser du 'gro ba bzhin/ /sangs rgyas yum zhes bya ba ni/ shes rab kyi pha rol tu phyin ma ste/ shes rab kyi pha rol tu phyin pa ni yum zhes bya ba'i tshig las te/ de? yang gsal bar ma bshad do/ /de lta bu'i las byed ba ci'i phyir sdig pa ma yin zhing sangs rgyas nyid kyang 'grub par 'gyur/ zhe na gsungs pa de'i don ni rnam par mi rtog blo can zhes bya ba mi la sogs pa'i rtog pa dang bral bas so/ /de ltar na phyugs la sogs pas sangs rgyas nyid du 'gyur ba ma yin nam zhe na gsungs so pa/ blo can zhes te/ thabs dang shes rab gnyis su med pa'i ye shes dang ldan pa des na/ gnyis su med pa'i ye shes la gnas pa 'di nyid la rjes su snang ba yin gyi/ gzhan rnams la ma yin par khong du chud par bya'o/ /yang na sems can rnams gzhug pa'i dgongs pas 'di gsungs pa yin te/ 'di'i don ni gtum pa ni zhe sdang mang po rnams so/ /la ni len pa ste ji lta ba bzhin du /rang gi rigs las skyes pa nyid du 'dzin pas na mi bskyod pa'o/ /de nyid snyig? ma mkhan te rang gi rigs skyed par byed pa'i phyir ro/ /sogs pa'i sgras rnam par snang mdzad la sogs pas bzung ngo/ /gsod pa ni gang zag dang chos la bdag med pa'i ye shes te/ sems can du lta ba la sogs pa 'joms par byed pa'i phyir ro/ /de nyid don yin te blang bar bya ba yin pa'i phyir ro/ /des na don te sems can rnams rdzogs pa'i byang chub kyi lam la 'jug par byed pas mtshan nyid de la de skad ces bya'o/ /mtshams med lnga zhes bya ba ni/ /dad pa la sogs pa'i dbang po lnga ni mtshams med pa lnga'o/ /rdzogs pa'i byang chub la mtshams med par gnas pa'i phyir ro/ /sogs pa'i sgras ni dam tshig la sogs pa skyod ba dang/ sbyin pa la sogs pa gzung ngo/ /sdig pa chen po byed yang zhes bya ba ni gnyis su med pa'i ye shes mthong ba'i chos thams cad la skur pa 'debs pa'o/ /srog gcod pa zhes bya ba ni/ shin tu rnam par dag pa'i ye shes bsgoms pas phung po rnams la mngon par chags pa med pa'o/ /sems can zhes bya ba chags par brjod de ming dang gzugs la chags pa'o/ /brdzun du smra ba dga' ba zhes bya ba ni so sor rtogs pa'i ye shes goms pas chos thams cad dngos po med pa brjod kyis mi lang? yang bdag gi spyod yul ma yin pa zhes bya bar nye bar ston pa'o/ /gzhan gyi nor la dga' ba zhes bya ba ni me long lta bu'i ye shes zhes sten ba po'o/ /rtag tu 'dod la dga' ba zhes bya ba ni mnyam pa nyid kyi ye shes kyi rnal 'byor pa'o/ /bshad dang gci ba zas byas don zhes bya ba ni zas su byed pas na te/ sems yul rnams las zlog pa'o/ /bshad dang gci ba dag ni yul dang dbang po dag ste/ bza' ba ni bshang ba dang gci ba'i zas so/ /de'i byed pa ni bya ba ste rjes ? sgrub pa'o/ /gang rnams kyis de nyid las gzhan mi phyed pa'i don de la de skad ces bya ste/ bya ba grub pa'i ye shes goms pas/ bzung ba dang 'dzin pa la mngon par zhen pa bsal ba'i ched du 'jug pa zhes bya ba'i don no/ /de yang gsungs pa/ dgongs pa las/ phung po rnams ni rang bzhin med/ /gang zhig 'di bsgom rnal 'byor pas/ /srog bcod pa ni de yin te/ /theg pa mchog la gnas pa'o/ /gang zhig phyin brten 'brel 'gyur/ /shes pa gnyis po ston pa po/ /de ni brdzun smra dga' ba ste/ /gnas med gnas pa'i rnal 'byor pa'o/ /rdzogs sangs rgyas kyi ye shes gang/ /de ni rdzas su brjod par bya/ /de 'phrog dang tshul gang yin pa/ /gzhan gyi nor la chags par 'dod/ /de bzhin nyid gcig rang bzhin la// de bzhin gnyis med rnal 'byor bas/ /'dod la dga' ba'i sems can te/ /mchog dang gtso bo sgrub byed la/ /bshad ba zhes bya yul du bshad/ /gci ba zhes bya dbang por bshad/ /bza' ba dngos po med pa'o/ /zhes so/ /ma la sogs pa ni 'dir sku gsum gyi rang bzhin gyi shes rab spyan la sogs pa'i lha mo'o/ /chags par bya ba zhes bya ba ni bsgom par bya zhes bya ba'i bar du'o/ /de ni gsungs pa/ shes rab pha rol phyin pa'i yum/ /chos sku gcig pa'i mtshan nyid de/ /gnyis med de bzhin nyid sbyor bas/ /rang bzhin med grangs 'dod spyod pa'o/ /longs spyod rdzogs dang mnyam gang yin/ /de ni srid mo zhes su 'dod/ /sgrub par byed pas sgom pa yang/ /sprul sku'i gzugs can bu mo de/ /de ni 'dod par brjod par bya/ /yang dag ma srid bu mo'o/ /zhes so/ /'dir don gzhan la tshig gzhan ston pa ni thugs rje chen pos sems can rnams gzhug par bya ba'i phyir bcom ldan 'das kyis bstan pa'o/ /legs par goms par byas pa'i gnyis su med pa'i ye shes la ji lta ba bzhin du yin gyi/ las dang po pa'i ched du drang ba'i don nyid do/ /'dir de nyid gsungs pa/ rnam par mi rtog blo ldan pa/ /de ni sangs rgyas nyid 'grub 'gyur/ /zhes so// 'dir gsungs pa/ dpal sde'i zhal snga nas/ 'di ni dpa' bo'i nyams 'di nyid yin te/ /tsham tshom sems can ngan pa'i bdag nyid yin/ /sdig pa'i sngags nyid kyis ni nag bo sprul/ /bskul bar byed pa nges pa nyid yin no zhes so/ /da ni s gra ji lta ba bzhin du mngon par zhen pa dngos po'i rang bzhin ma rig pa ngan song du mi ltung bar bya ba'i phyir sgrib pa thams cad rnam par sel ba la sogs pa rnams kyis ngo mtshar la sogs pa bskyed nas mi 'gal ba'i tshes nyid rtogs ba'i phyir du gsungs pa / de nas zhes bya ba la sogs pa la/ sgrib pa thams cad ni 'dod pa la 'dun pa dang /gnod sems dang smugs pa dang/ gnyid dang /rgod pa dang/ 'gyod dang/ the tshom gyi bdag nyid rnams rnam par sel bas na sgrib pa thams cad rnam par sel ba'o/ /ngo mtshar du gyur zhes bya ba ni/ ngan song gi rgyu las kyang sangs rgyas nyid yang dag par 'byung ba'i phyir ro/ /rmad du gyur pa zhes bya ba ni 'di sngar ma mthong ba dang ma thos pa'i phyir ro/ /yang na ngo mtshar dang rmad du byung ba'i sgra 'di dag rnam grangs so/ /tshig ngan pa gsung zhes bya ba ni/ ngan song gi rgyu nyid du rtogs pa'i phyir ro/ /de skad ma ? zhig ces bya ba ni/ sgra thos pa tsam gyis/ stong par ma byed cig ces bya ba'i don to/ /ci'i phyir mi bya zhe na 'di zhes bya ba la sogs pa la/ chos nyid ni chos rnams kyi rang bzhin te/ de yang rnam par spyad na rang bzhin med pa'o/ /de'i phyir dag pa ste/ kun nas nyon mongs pa'i dri mas gos ba med pa'o/ /snying po ye shes can zhes bya ba ni mngon sum du byas pa ste/ bdag med pa gnyis so/ /'di ni nyan thos la sogs pa las khyad par du byas pa'o/ /snying po chos ni/ chos kyi dbyings kyi ye shes so/ /de nyid don du gnyer bas na don zhes bya'o/ /de las yang dag par byung ba ni/ 'di'i rang bzhin zhes bya ba'i don to/ /byang chub spyod pa'i gnas 'di yin zhes bya ba la 'di'i don te/ byang chub spyod pa'i rten yin no/ /rigs bas rtogs par byas kyang de'i tshig gis go don ma rtogs pa yin te/ chu ngu dang 'bring dang/ chen po'i 'jigs pa'i dbye ba ma 'jigs pa dang/ skrag pa dang/ brgyal bar 'gyur ba gsungs so/ /de nas de'i cho zhes bya ba la sogs pa la/ nam mkha' mnyam pa gnyis su med pa'i zhes bya ba ni/ nam mkha' dang mnyam pa ni/ chos thams cad las tha mi dad pa'i ngo bo de'i ngo bo gnyis su med pa ste/ / thabs dang shes rab kyi bdag nyid gyi thugs gang la yod pa'i ting nge 'dzin de la de skad ces bya'o/ /de'i 'od kyis reg pa tsam gyis zhes bya ba ni/ bsgom pa'i rim pa la ma bltos par de kho na nyid rtogs pa'i phyir ro/ /grub pa'i dngul chu'i sbyor bas lcags gser du gyur pa bzhin/ dri ma mdza' dag gsal ba'o/ /rang rang gi stan la gnas par gyur to/ /zhes bya ba ni gang de kho na nyid la smad pas/ rang gi sa la nyams de dang de la gnas pa'o/ /yang na ye shes des thob pas rnam par snang mdzad la sogs par bsgrubs nas/ rang rang gi gdan zla ba dang/ nyi ma'i gdan rnams la gnas par gyur to zhes bya ba'i don to/ /'od kyis reg pa zhes bya ba'i khyad par man ngag las shes par bya'o/ /e ma'o chos kyi don 'byung ba zhes bya ba ni chos rnams kyi don so sor rtogs pas brjod bya dang rjod byed kyis stong pa'o/ /de la yang dag par byung ba ni/ gdul bya'i 'gro ba'i dbang gis gang la skyed pa gang la gsung rdo rje yod pa de la de skad ces bya'o/ /chos don dag pa bdag med pa zhes bya ba ni/ chos rang bzhin gyis dag pa'i don bdag med pa ste/ rang bzhin med par gang la yang pa de la de skad ces bya'o/ /chos kyi rgyal po zhes bya ba ni/ gsung rdo rje'i sgo nas pos nas phyag byas pa'o/ /sku'i sgo nas gsungs pa/ sku zhes bya ba la sogs pa la/ dngos po thams cad dmigs pa med pa'i phyir ro/ /sku la sogs pa shin tu dag pa'o/ /ci'i phyir zhe na gsungs pa/ nam mkha' dang ni mnyam pa'i gnas/ /zhes bya ba ni nam mkha' dang mnyam pa chos thams cad la gnas te/ gnas pa gang la yod pa de la de skad ces bya'o/ /de nas thog ma dang/ tha ma med pa'i ngo bo nyid kyi phyir 'gyur ba med ba dang/ rtog pa thams cad gyi yul ma yin pa'i phyir snang ba med pa'i yang ma yin no/ /mi gnas pa'i ngo bos 'jigs pa med pa'i ngo bo yin pa'i phyir rdo rje ste/ sku gang la yod pa de la de skad ces bya'o/ /thugs ni de bzhin gshegs pa'i gtso/ /zhes bya ba ni/ byang chub kyi sems yin pa'i phyir ro/ /dus gsum ngag gi lam du byung/ /dbyings gyur zhes bya ba ni/ 'das pa la sogs pa'i dus su theg pa gsum pa gnas nas nyan thos kyi byang chub la sogs pa thob par rgyur gyur pa'i phyir ro/ /de lta bas na thugs rje chen po'i ste/ thams cad mkhyen pa'i ye shes sdud par byed pa'i phyir ro/ /chos kyi dbyings kyi ngo bo nyid kyis nam mkha' dang mnyam pa ste/ thams cad du khyab pa'i phyir dang/ rtag tu gnas pa'i yang phyir nam mkha' i lam mo/ /da ni rigs gsum gyi dbye bas/ rang gi don phun sum tshogs pa la bstod pa gsungs nas gzhan gyi don phun sum tshogs pa la bstod pa gsungs pa/ nam mkha' i sku las yang dag byung/ /zhes bya ba ni/ nam mkha' bzhin du brtag pa'i snying pos sku'i sgo nas/ thams cad du sprul pa bstan pa'i phyir ro/ /nam mkha' i gsung ni rab ston pa zhes bya ba ni/ zhen pa med pa'i don gsal bar byed pa'i phyir ro/ /rnam par mi rtog pa'i ro gcig pa nyid kyis rtag tu thams cad la zhen pa med pa'i phyir nam mkha' lta bu'i thugs kyi chos kyi mchog go / spyod pa'i gnas la phyag 'tshal bstod pa'o/ /'dis ni rnam par mi rtog pa'i spyod pa sngon du song ba nyid gnyis su med pa'i dngos grub bsgrub bya yin no zhes gsungs pa yin no/ /kun tu spyod pa zhes bya ba ni/ kun nas spyod pa ste/ sems can thams cad kyi rab tu spyod pa rnams la rjes su bsgrub pa'o/ /gang yang gsungs pa/ sems kun la gang spyod pa/ kun tu spyod pa zhes bshad do/ /zhes so/ /de rtogs par byed pa'i phyir le'u la yang de skad ces bya'o/ /dpal gsang ba 'dus pa'i dka' 'grel rgyal bas byin pas mdzad pa las le'u lnga pa'i bshad pa'o/ / //de ltar rnam par mi rtog pa'i spyod pa la gnas pas byang chub tu sems bskyed pa la sogs pa'i rim pas lha'i rnal 'byor rdzogs pa'i rnal 'byor pas thugs la sogs pa byin gyis brlab par bya ba'i phyir gsungs pa/ de nas zhes bya ba la sogs pa la/ thugs la sogs pa byin gyis brlab pa'i don du/ mi bskyod pa la sogs pa'i ting nge 'dzin la dmigs nas bya zhes bstan pa'i dus su/ mi bskyod pa la sogs pa'i sgras ston pa bo gsungs so/ /de bzhin gshegs pa thams cad kyi sku dang gsung dang thugs ni mi bskyod pa'o/ /de'i gsang ba'i rdo rje ste/ thugs rdo rje'i gzugs can gang la yod pa'i ting nge 'dzin de la snyoms par zhugs nas/ thugs rdo rje la sogs pa byin gyis brlab po/ /zhes bya ba ni ji lta ba bzhin du rdzogs pa la thugs rdo rje brtan par bskyed pa'i phyir ro/ /de ltar sku la sogs pa byin gyis brlabs pa la sogs pa la yang/ ci rigs par brjod par bya'o/ /rdul dang bral ba'i gnas ni bag chags dang bcas pa'i nyon mongs pa'i dri ma spangs pa'i me long lta bu'i ye shes su gyur pa rnam par snang mdzad do/ /de nyid rdo rje ste sku rdo rje'i ngo bo gang la yod pa de la ting nge 'dzin de la snyoms par zhugs nas zhes sbyar ro/ /de bzhin gshegs pa thams cad mnyam pa nyid mi gnyis pa ni so sor rtog pa'i ye shes kyi ngo bo tha mi dang pa snang ba mdza' yas zhes bya ba'i tha tshig go / de nyid rdo rje ste gsung rdo rje'i ngo bo gang la yod pa'i ting nge 'dzin de la snyoms par zhugs pa'o/ /rdo rje gsum ni sku dang gsung dang thugs rdo rje'o/ /de bzhin gshegs pa las byung pas/ de bzhin gshegs pa'o/ /gsang ba ni rigs gsum gyi bdag nyid yin pa'i phyir sba? bar bya'o/ /gnas ni rang dang gzhan gyi don phun sum tshogs pa rnams kyi yang dag par brten yin pa'i phyir ro/ /gnas kyis rnam par bsgom par bya ba la/ gnas ni sa bon gyi ye shes so/ /rnam par sgom pa ni bskyed pa ste/ gang la de yod pa de la de skad ces bya'o/ /'di ni bya ba'i khyad par te/ sa bon gyi yi ge las rdzogs pa yin pas ji lta ba bzhin du rang skyed bar byed de/ byin gyis brlab par bya zhes bya ba'i don to/ /'di'i zhes bya ba ni gsungs ma thag pa'i thugs la sogs pa'i byin gyis brlab pa'i sngags kyis so ji lta bur gyur pa yin zhe na gsungs pa/ sngags kyi mtshan nyid kyis ni shin tu mtshon byas la zhes bya ba ste/ lam ngan pa thams cad las yid skyob par byed pas na sngags te/ gnyis su med pa'i ye shes so/ /de'i mtshan nyid ni gzung ba la sogs pa dang bral ba'o/ /des mtshon pa ni ldan pa'o/ /yang na sngags ni de rnams kyi yi ge hUM la sogs pa sa bon gyi yi ge ste/ sngags nyid mtshan nyid de/ des chos rnams kyi de kho na nyid bstan pa'i phyir ro/ /'di ltar rgyu dang dpyod pa dang bral ba'i phyir dngos po 'di thams cad sgyu ma lta bu'i zhes te/ hUM ngo/ /thog ma nas skye ba med pa'i phyir chos thams cad rdul dang bral ba zhes bya ba ni a'o/ /thog ma nas zhi ba'i phyir dang/ skye bas stong pa ? chos thams cad dang 'chi ba dang bral ba ni aoM ta lhag ma ni snga ma bzhin no/ /kha cig ni thugs kar zla ba la gnas pa'i mtshan ma la gnas pa'i sa bon gyi mtshan ma zhes zer ro/ /thugs rdo rje la sogs pa rnams kyi dbang bskur ba'i rjes la ji lta ba bzhin rang snang ba'i rig ma bskyed pa dang/ lhan cig gnyis su med pa'i snyoms par 'jug pa'i sgom pas/ gsang ba'i mchod pa bya pa'i phyir gsungs pa/ de nas zhes bya ba la sogs pa las/ sgron ma ni 'dis gsal bar byed las na sgron ma'o/ /ye shes ni chos thams cad mnyam pa nyid kyi mtshan nyid de ye shes sgron ma'o/ /de ni rdo rje ste mi phyed pa'i phyir ro/ /gang la ting nge 'dzin yod pa de la snyoms par 'jug ba ni thabs dang shes rab gnyis su med pa'i snyoms par 'jug pa byas nas zhes bya ba'i don to/ /phyi'i mchod pa nye bar bstan pa'i phyir gsungs pa/ de nas zhes bya ba la sogs pa la/ rtag tu 'dod pa'i yon tan lngas/ sangs rgyas cho ga bzhin tu mchod/ ces bya ba ni 'di'i cho ga ni pad+ma'i nang du rang gi sa bon gyi 'od kyis bkug pa la sogs pa'i kun tu bzang bo'i sgrubs thabs kyis cho ga las gsungS pa bzhin du shes par bya'o/ /yang na mchod pa dang mchod par bya ba dang/ mchod par byed pa'i mngon par zhen pa med pas mchod par bya zhes bya ba'i don to/ gang yang gsungs pa/ dgongs ba lung bstan pa las/ gzugs dang sgra dang de bzhin dri/ /ro dang reg bya'i chos rnams te/ /rang bzhin med bar byas nas kyang/ /rtag tu sangs rgyas mchod pa mchog /ces so/ /dpal snang ba rdo rje 'char ba las kyang gsungs pa/ ji srid gzugs la longs spyod pa/ /gzugs brnyan chos kyi go 'phangs gnas/ /ji srid sgra la longs spyod pa/ /sgra brnyan go 'phangs la gnas bya/ /ji srid dri la longs spyod pa/ /sgyu ma'i chos kyis go 'phangs gnas/ /ji srid ro la longs spyod pa/ /shes rab ye shes go 'phangs gnas/ /ji srid reg la longs spyod ba/ /chos kyi dbyings kyi go 'phangs gnas/ /zhes so/ mchod pa rnam pa lnga rnams kyis/ /zhes bya ba ni zla ba dang nyi ma la sogs pa dang/ phyi'i me tog dang spos la sogs pa rnams kyi'o/ /'dis ni 'di skad gsungs pa yin te/ sbyor ba dang po tsam sgom pa pos kyang bsad pa dang/ cig shos kyi mchod pa byas nas/ bsgom par bya zhes bya ba'i don to/ /da ni rdo rje gsum gyis sngags kyi gsang ba nye bar bstan pa'i phyir gsungs pa/ de nas zhes bya ba la sogs pa la/ sngags la dmigs pa ni gtad pa ste/ de kho na nyid spyod par byed pa zhes bya ba'i bar du'o/ /sngags ni sngags zhes bya bar brjod/ /de nyid bskul bar smra pa'o/ /zhes bya ba'i tshig las so/ /dpal bde ba rtogS ba las kyang gsungs pa/ ma skyes pa dang snang ba med/ /mtshan cha mtshan nyid rnam par spangs/ /gsang ba'i don ni rtogs byed pas/ /'dis na sngags zhes bya bar brjod/ /ces so/ /sngags la dmigs pa ji ltar yin pa de bzhin du lus dang ngag dad yid la zhes ? 'khrugs pas gsum pa'i don la bdun pa ste yid kyis kyang ngo/ /sku rdo rje la sogs pa'i ngo pos lus la sogs pa'i dran pas rnam par bzhag pa'o/ /bsgrub par bya ba ni bskyed par bya ba ste/ dngos grub rab mchog go /yid ni dka' zhing mgu ba yis/ /zhes pa dri? mngon par 'dod pa'o/ /des na de'i rjes su dran pa mngon par bya ba de'i phyir 'di gsungs pa/ sems zhes bya ba la sogs pa la/ sems la dmigs pa ni gzung ba la sogs pas stong pa nyid rang rig pa tsam du'o/ /sems la dmigs pa bzhin bdag med pa gang la yod pa de la de skad ces bya'o/ /gang yin zhe na gsungs ba/ ngag dang lus kyang rnam par bsgoms pa'o/ /dbyibs la sogs ba med pa'i phyir dag dang lus kyang rang rig pa tsam gyis ngo bo'o// nam mkha' bzhin du mnyam pa'i gnas/ /zhes bya ba ni nam mkha' dang mnyam pa de bzhin nyid de'i bdag nyid yin pa'i phyir de la brten ba'o/ /de'i phyir sbyor ba rnam pa gsum bsgrub par bya zhes bya ba ni sku rdo rje la sogs pa gsum yang dag par sbyor ba ste thabs dang shes rab gnyis su med pa nyid do/ /'di nyid rigs pas rtogs bar bya ba'i phyed du gsungs pa/ lus zhes bya ba la sogs pa la/ gang gi phyir lus la sogs ba sku rdo rje la sogs ba'i ngo bor rtogs pa'i rang bzhin sku la sogs pa'i rang bzhin de kho na nyid ma yin no/ /de'i phyir sngags kyi lus su sbyor ba la/ /byang chub med cing sgom pa med pa ste/ /sku dang ldan pas mchog tu sbyor ba ni sku'i sbyor ba ste/ thabs dang shes rab snyoms par 'jug pa'o/ /gsang sngags ni hUM yig la sogs pas byas pa'i lus su sbyor bas te/ de'i ngo bos byang chub ma yin te/ byang chub ni rtog pa thams cad zad pa'i phyir ro/ /de gsungs pa/ de kho na nyid bsdus pa las/ de ni gzugs can ma yin gzugs med yin/ /bden pa ma yin brdzun men mi gtsang min/ /'di ni sangs rgyas byang chub ye shes te/ /'di rtogs pa las rgyal bar 'gyur ba yin/ /zhes so/ /yang gsungs pa/ 'od gsal rtog las rnam par grol/ /'dod la chags sogs nyes dri bral/ /bzung 'dzin med pa'i sems dpa' mchog /de nyid myang 'das go 'phang brjod/ /ces so/ des na sgom pa yang don dam pa yod pa ma yin pa des na 'bras bu la dmigs pa bsal ba yin no/ /mjug bsdu ba gsungs pa/ rnam par spyad ces bya ba la sogs ba la/ gsungs ma thag pa'i lus la sogs pa'i mtshan nyid rtogs pa la gnas te/ sgyu ma lta bur mos pa byas nas/ cho ga bzhin du thabs dang shes rab gnyis su med pa'o/ /sngags kyis brtags pa'i ting 'dzin ni/ /sngags las byung bar bsgom par bya'o/ /zhes kha cig go /yang na/ sngags la dmigs ba'i lus zhes bya ba ni/ snying ga'i sa bon gyi 'od zer las byung ba'i mchod pa'i lha mo'i tshogs kyis so/ /ngag ces bya ba ni/ rdo rje thugs 'dzin zhes bya ba la sogs pa yang dag par bskul pa'i gsung ngo/ /yid la bskul ba zhes bya ba ni/ de bzhin gshegs pa rnams kyis thugs yang dag par bskul ba'o/ /des kyang byin gyis brlabs nas byang chub sgrub par byed do/ /de lta na yang blo yis tha dad par bya ba ma yin no/ /zhes gsungs pa/ sems zhes bya ba la sogs pa la/ sems yang dag par rig pa ni dmigs pa gang yin pa ste/ gsungs ma thag pa'i rim pas dmigs pa'o/ /de'i ngo bo ni bdag med pa'o/ /de'i rjes la ngag gi zhes bya ba ni/ byin gyis brlab pa'i sngags so/ /lus kyang rnam par bsgom zhes bya ba ni/ lus kyi rnam bas sku dang gsung dang thugs rdo rje rnam par bsgom pa ste/ byin gyis brlab cing bskyed par bya'o/ /sbyor ba rnam gsum bsgrub par bya zhes bya ba ni/ sku la sogs pa thabs dang shes rab tu sbyor ro/ /nam mkha' bzhin du mnyam pa'i ngo bor ro/ /gang la lus la sogs pa dmigs pa ste/ rtags pa'i rang bzhin mi dmigs pa'o/ /de bas na sngags kyi lus su sbyor ba ni tha mi dad pa'i rgyur gyur pa'o/ /byang chub med cing bsgom pa med pa ni/ de'i rang bzhin nyid du gyur zhes bya bar dgongs so/ /sngags kyis brtags ba zhes bya ba ni/ gsungs ma thag pa'i rnam pas sngags kyis byin gyis brlab par bya zhes bya bar kha cig 'chad de/ de ltar 'di ni lan gnyis su bzlas par 'gyur te/ gang gi phyir 'di'i don bcu pa las/ rang sngags skyes bu bsgom pa yis/ zhes bya bas drag shul sgrub par byed bzhes bya bas 'chad pa na ston to/ /phra mo'i rnal 'byor bsgoms pas sems brtan cing ting nge 'dzin thams cad mnyam par gsal bar gyur pa'i phyir le'u gsum pa las gsungs ba'i phra mo'i rnal 'byor sgom pa'i rim pa gsungs pa/ de nas zhes bya ba la sogs pa la rdo rje 'dzin zhes bya ba la sogs ba'i tshig lngas bcom ldan 'das ye shes lnga'i bdag nyid du gsungs so/ /nam mkha' i dbyings su dbus gnas par zhes bya ba ni/ chos 'byung gi nang du chud pa'i gzhal yas khang gi dbus kyi gdan la gnas pa'o/ /sangs rgyas sku zhes bya ba ni rdo rje 'dzin pa chen po ste/ sangs rgyas rdo rje 'dzin par gsungs/ zhes tshig gsungs pas so/ /phra mo'i rnal 'byor zhes bya ba ni/ rags pa ma yin pa'i rang bzhin gyi ting nge 'dzin gyi ngo bo nyid kyi phyir ro/ / yungs kar zhes bya ba ni de tsam gyi thig le'o/ /'gro dang mi 'gro yungs kar la/ zhes bya ba ni brtan pa dang/ g.yo ba'i bdag nyid rdo rje 'dzin ba'o/ /ji ltar bsgom bar bya zhe na gsungs pa/ bsgom par bya zhes bya ba la sogs pa la/ ye shes ni rdo rje 'dzin pa chen po'o/ /de'i gnas ni sa bon gyi yi ge'o/ /sa bon gyi yi ge gnas zhes bshad ces bya ba'i tshig las so/ /de nyid nyams dga' ste/ /rnam pa thams cad kyi mchog ldan pa'o/ /gsang ba'i rdo rje 'dzin par sgom pa ste/ lhag pa'i lha ni gsang chen ste/ zhes bya ba'i tshig las so/ /ye shes kyi brtags zhes bya ba ni byang chub kyi sems las yang dag par byung ba'i phyir ro/ /'di skad bstan pa yin te/ snying ga'i sa bon las byung ba'i sangs rgyas rnams kyi 'gro ba ma lus pa rdzogs pa'i sangs rgyas su byas nas rang la 'gro ba ma lus pa bcug ste/ zla ba zhu ba'i ngo bo nyid gyis/ rig ma'i pad+ma'i nang du gzhug par byas la/ de'i pad+ma'i sna'i rtse mor rin po che kha dog sna lnga pa dang/ mtshungs pa'i thig la yungs kar kyi nang du gcig bu 'am/ dkyil 'khor gyi 'khor lo rang gi sa bon las byung ba'i rdo rje 'chang chen po dga' ba bskyed pa'i cho gas gnas pa bsgom par bya zhes bya'o/ /lha thams cad sgom pa'i rnal 'byor pas mngon? pa'i dga' ba'i thig le rang gi mtshan ma'i nang du bsam par bya zhes kha cig zer ro/ /da ni rigs kyi dbye bas phra mo'i rnal 'byor bstan pa'i phyir re zhig lha'i rnal 'byor gsungs pa/ nam mkha' i zhes bya ba la sogs pa la/ sangs rgyas gzugs ni rnam bsgoms nas/ de'i steng du gnas bzhag go /zhes bya ba ni lha mo'i glus bskul ba'i rjas thogs la/ mi bskyod pa'i sa bon nyi ma la gnas pa bsgom par bya'o/ /rdo rje sems pa'i yang sa bon de nyid do/ /gang yang gsungs pa bco lnga pa las/ hUM ni rab tu 'bar dang bcas/ /rdo rje 'bar ba rab tu bsgom/ /phyag na rdo rje rigs la ni/ /gdug pa thams cad 'jigs par bshad ces gsungs so/ /'di ni nye bar mtshon pa ste/ thams cad kyi rang? gi gdan la gnas pa'i rang gi sa bon lta bar bya'o/ /'khor lo'i dkyil 'khor zhes bya ba ni rnam par snang mdzad kyi dkyil 'khor ro /spyan gyi tshul du sbyor ba la zhes bya ba ni/ kha dog dang mtshan ma la sogs pa rnams kyi sngar? gyi rjes su 'brangs? nas rang snang ba dang yang dag par ldan pa'i bdag nyid bsgom par bya'o/ /sbyor ba rtogs par bya ba'i phyir gsungs pa/ /rdo rje pad+ma rnam par bsgom zhes pa ni g.yas g.yon du gnas pa ma yin zhes bya ba'i don to// 'di? ni snga ma dang phyi ma gnyis ka la yang sbyar ro/ /dang po'i sbyor ba zhes bya ba ni/ bsnyen pa la sogs pa nas rjes su chags pa'i ting nge 'dzin gyi bar du'o/ /'di yang snga ma dang phyi ma gnyis kar sbyar ro/ /pad+ma rA ga'i 'od 'dra ba zhes bya ba ni dmar? pho dri? ma med ba ste/ 'di yang lha thams cad kyi rang gi kha dog nye bar mtshon pa'o/ /'od kyi dkyil 'khor zhes bya ba ni/ don yod grub pa'i dkyil 'khor ro/ /sangs rgyas go 'phangs spro zhes bya ba ni/ rang snang ba'i chu skyes su dkyil 'khor sprul zhes bya ba'i ngon du/ cho ga bzhin du sangs rgyas rnams sa bon las skye bar bya'o/ /zhi ba zhes bya ba ni/ zla ba zhu ba las yang dag par byung ba'i phyir ro/ /'khor ni khyad bar zhes bya ba ni/ sa bon de las dkyil 'khor pa mdza' dag gi lha'i gzugs su yongs su gyur pa bsgom bar bya/ zhes bya ba'i tha tshig go /'di ni snga ma las yang sbyar bar bya'o/ /de ltar na dang po'i sbyor pa rnam par bsgom par byas nas/ dkyil 'khor rgyal po mchog bsgom pa sngon du song ba phra mo'i rnal 'byor bsgom pa bya ba gsungs pa/ sngon po zhes bya ba la sogs pa la/ nas kyi 'bru tsam zhes bya ba ni chu zheng nas kyi tshad do/ /'khor lo la sogs pa khyad par du zhes bya ba ni/ mtshan ma zlum po rnams pad+ma dang 'dra bar lta bar bya ste/ /ring po rnams ni rdo rje bzhin no/ /'bras bu gsungs pa/ dngos grub ni byang chub kyi rgyu/ dkyil 'khor gyi 'khor lo la sogs pa'o/ /de ji lta bur gyur pa yin zhe na gsungs pa/ thams cad ces bya ba la sogs pa la/ dngos grub thams cad ni phyag rgya chen po la sogs pa'o/ /de nyid yon tan te goms par bya ba'i phyir ro/ /de rnams kyi gzhi ni gnas so/ /de bsgoms pa'i stobs las phyag rgya chen po mngon du byed pa'i phyir ro/ /de yang gsungs pa/ de kho na nyid bsdus pa las/ de la sogs pa gang cung zad/ /mnyam par bzhag pas bsgom par bya/ /de dag thams cad brtan pa yin/ /ting nge 'dzin ye shes kyis brtags pa'o zhes so/ /spro zhes bya ba la sogs pas ni mtshan ma phra mo'i nang du/ dkyil 'khor bsgom par bya bar ston to/ /chos kyi gnas rnams rab tu spro zhes bya ba ni/ chos thams cad de phung po dang/ khams dang skye mched do/ /gnas ni rten to/ /gang gi de bzhin gshegs pa'i tshogs 'phyin pa ste/ spro bar bya zhes bya ba'i don to/ /'di skad gsungs pa yin te/ phra mo'i rnal 'byor brtan pa'i mtshan ma thob nas de'i 'od zer las sprul pa'i de bzhin gshegs pa la sogs pa rnams spro bar bya zhes bya pa'o/ /da ni phra mo'i rnal 'byor gyi sngon du bsnyen pa la 'jug pa'i cho ga gsungs pa/ de nas zhes bya ba la sogs pa la/ thams cad de nyid don ston pa zhes bya ba ni rdzogs pa'i byang chub kyi lam phyin ci ma log pa ston pa'i phyir ro/ /spyod pa kun mchog sangs rgyas zhes bya ba ni/ sbyod pa thams cad kyi mchog tu gyur pa ni sngags kyi spyod pa'o/ /des rdzogs sangs rgyas te/ bla na med pa'i ye shes mngon du byed pa'o/ /'dis ni bsod nams dang ye shes kyi tshogs rdzogs pa dang/ snying rje dang shes rab dang ldan pa'i bcom ldan 'das bstan to/ /de ston pa ni/ phyin ci ma log pa nyid yin par ston to/ /gzugs dang sgra dang ror ldan pa zhes bya ba ni/ rnal 'byor dang rjes su mthun pa ji ltar rnyed pa'i yul gyis cho ga bzhin du mchod pa'o/ /shes rab can zhes bya ba ni/ de kho na nyid rigs pas so/ /gsang ba'i de kho na nyid mchod chen gyi/ /zhes bya ba ni/ rigs gsum gyi sbyan la sogs pa rnams kyi ji lta ba bzhin du gsang ba'i mchod? ba byas nas/ bsgom par bya zhes pa'o/ /de yang gsungs pa/ de kho na nyid bsdus de las sku ni sku'i rang bzhin dang/ /thugs ni thugs kyi rang bzhin dang/ /gsung ni gsung gis rang bzhin gyis mchod pa thob ba yin no/ /zhes so/ dngos grub 'bras bu thob ba yis zhes bya ba ni dngos grub 'bras bu don? du gnyer ba'o/ /sha yang kha zas don du gnyer zhes bya ba ni/ lus 'tsho bar bya ba'i don du ste/ ji skad gsungs la'i sha la sogs pa cho ga bzhin du nye bar longs spyod pa'o/ /zas gzhan dag ni bza' mi bya/ zhes bya ba ni bza' bar bya ba thams cad der mos pa nyid kyis bza' bar bya zhes bya ba'i don no/ /yang na mig la sogs pa rnams kyis len cing 'dzin pas zas te yul lo/ /de rnams kyi bya ba byed ni nye bar len pa dang/ khas len pa zhes bya ba'i tha tshig go /don gyi sgra ni/ 'dir ldog par bya ba'i tha tshig go / yul la mngon par zhen pa zlog par byed pa'o/ /sha chen dag ni rab brtags nas/ /zhes bya ba ni/ gang zag dang chos la bdag med par bsgom par bya zhes bya ba'i don to/ / ci'i phyir zhe na gsungs pa/ zas gzhan dag ni bza' mi bya/ zhes bya ba la/ ni'i sgra ni rgyu ste/ gang gi phyir bdag med pa las gzhan gyis dmigs pa la chags pa dang bral par byas pa ma yin te/ nges na 'dir bdag med pa nyid bsgom par bya'o/ /de nyid rdo rje rtse mo las/ /chos dang gang zag bdag med pa/ /'dus byas rnams ni 'khrul pa tsam/ /blo dang ldan pas so sor rtogs/ /'dus byas thams cad la mi rmongs zhes so/ /yang gsungs pa/ bde pa dam pa rtogs pa las/ /gang zhig/ dngos po thams cad nyams/ /sha zhes rab tu bstan pa yin/ /dmigs pa med pa'i sbyor ba yis/ /bza' ba nyid du brjod par bya/ /zhes so/ sangs rgyas rnams ni mnyes par 'gyur/ /zhes bya ba ni de'i bka' la yang dag par gnas pa'i phyir ro/ /'di lta bu'i sbyor pa yis/ /zhes bya ba ni/ phra mo'i rnal 'byor bsgom pa'i mtshan nyid kyis so/ /myur du sangs rgyas thob par 'gyur/ /zhes bya ba ni sems dbang du byas pa la ting nge 'dzin skyed pa la nus pa thob pa'i phyir ro/ /'dod khams dbang phyug 'jig rten na/ zhes bya ba ni/ dmyal ba yi dags dud 'gro dang/ /mi rnams dang ni lha rigs drug /'dod pa'i khams so/ /de la 'dod khams dbang phyug ni gtso bo ste/ thabs dang/ shes rab kyi ting nge 'dzin gyi stobs kyis 'dod pa las rgyal nas sems can gyi don la rab tu gnas pa'i phyir ro/ /go 'phang las ni byed par 'gyur/ /zhes bya la/ go 'phang ni ye shes kyi zhi ba la sogs pa'i don du las thams cad byed de/ sems brtan pa'i phyir yid tsam gyis thams cad byed do/ /zhes bya ba'i don to/ /lus ngag sems las 'da' pa'o/ /zhes bya ba ni/ sku rdo rje la sogs pa nyid thob nas tha mal pa'i lus la sogs pa las 'da' bar byed do/ /zhes bya bar 'brel to/ /dpal gsang ba 'dus pa'i dka' 'grel/ rgyal bas byin pas mdzad pa las le'u drug pa'i bshad pa'o// //bya ba dang ldan pa nyid bsgoms pa las 'bras bu phun sum tshogs par 'gyur bas/ /de nas zhes bya ba la sogs pas spyad pa'i le'u bstan te/ de yang gsungs pa/ tshul khrims la gnas skyes bu yi/ /ting nge 'dzin shes rab bsgom par bya/ /sdom pa yang dag bsrung ba yis/ /myur du zad par 'gyur zhes so/ /dam tshig chen po'i de kho na nyid ces bya ba ni/ rigs lnga'i bdag nyid rdo rje 'dzin pa'o/ /de'i sngags kyi spyod pa ni 'dir 'jig rten pa'i lugs thams cad las 'das pa'i dam tshig dang sdom pa la spyod pa'o/ /gang yang bco brgyad pa las gsungs pa/ 'jig rten spyod las rnam grol ba/ /gang bshad dam tshig sdom pa ste/ /rdo rje kun gyi gsungs pas na/ /sngags kyi spyod pa zhes bshad do/ /zhes so/ /de'i mchog mngon par byang chub pa ni yang dag pa'i rjes su bsgrub pa rtogs par byed pa gdal yod pa'i le'u de gsungs so/ /'dod pa'i longs spyod thams cad la'ang/ zhes bya ba la 'dod pa ni gzugs la sogs pa'i yul te/ 'dod par bya bas na 'dod pa/ zhes bya'o/ /de rnams la nye bar longs spyod pa ni nyams su myong ba'i bye brag ngo?/ /de bsten par bya ba ni/ gzugs rdo rje la sogs pa'i ngo bo rjes su myong bar bya bas so/ /ji ltar 'dod pa zhes bya ba ni 'dod pa las mi 'da' bas so/ /de bzhin du yang gsungs pa/ snang ba rdo rje 'char ba las/ /rtag tu rnal 'byor pa rnams kyis/ /dam tshig lnga ni bsten par bya/ /gang zhig sems dang mi mthun pa/ /dam tshig de ni rnam par spang/ /zhes so/ gang gi phyir mi 'dod pa dmigs pa la sems skyo pa yin la/ sems skyo ba na de kho na nyid rig pa ma yin no/ /de yang dpal snang ba rdo rje 'char ba las gsungs pa/ de'i bde ba ting nge 'dzin/ /ting nge 'dzin las don bzhin rig /ces so/ des na 'di nyid 'chad par 'gyur te/ lus ngag sems ni bder gnas na/ /byang chub mdza' dag thob par 'gyur/ /zhes bya pa'o/ /da ni 'dod pa nye bar longs spyod pa'i cho ga gsungs pa/ rang gi lha'i zhes bya ba la sogs pa la/ rang gi lha'i rnal 'byor gyi/ bdag dang gzhan zhes pa ni dkyil 'khor pa'o/ /rnal 'byor pas rang gi lha dang dkyil 'khor gyi 'khor lo las gzhan mi rtogs pa'o/ /yang na gzhan gyi pha rol te/ mchod par bya ba rnams rang gi lha'i gzugs su dmigs pa las mchod par bya'o/ /zlog pa'i sgo nas gsungs pa/ dka' thub ces bya ba ni rang gi sha gcod pa la sogs pa'o/ /zhes bya ba ni lo ma dang/ nas dang/ sre da dang/ zla bar snud? pa'i zas la sogs pa byed pa'o/ /dka' ba zhes bya ba ni/ me lnga dang bsnun pa bsten pa la sogs pa spyod pa'o/ /bsten kyang grub par mi 'gyur zhes bya ba ni/ sdug bsngal gyi rgyu nyid kyis/ 'di ting nge 'dzin gyi yan lag ma yin pa'i phyir ro// de yang gsungs pa/ sdug bsngal gyis ni sems g.yengs pas/ /g.yengs pas dngos grub gzhan du 'gyur/ zhes so/ slong mo bza' zhing mi zla ba ste/ slong la dga' bar mi bya'o/ /zhes bya ba ni gcig la slong ba dang/ du ma la slong ba'i 'dzin pa'i nges pa rnal 'byor pas mi bya ste/ ji ltar rnyed pa'i kha zas kyi lus 'tsho ba'i phyed du bya zhes bya ba'i don to/ /sngags kyi yan lag ma nyams bzlas zhes bya ba ni/ dngos po thams cad las tha mi dad par 'jug pa'i lus yan lag gi lha'i lus su bsgyur ba las ji lta ba bzhin du bzlas par bya ste/ dngos po thams cad kyi rang bzhin du/ bdag nyid mos par bya zhes bya ba'i don to/ /yang na yan lag bzhi'i rnal 'byor rdzogs pa dang ldan pas grong gi chos mdza' dag ma spangs pa ste/ yan lag ma nyams bzlas zhes bya'o/ /dus min 'chi ba zhes bya ba ni/ tshe'i 'du byed pa'i las ma byas kyang phung po gzhan yongs su len pa'o/ /dmyal bas nges par 'tshe bar 'gyur zhes bya ba ni/ thabs ma yin pas 'bras bu 'dod pa de ni mi thob ste/ dam pa'i chos la dmad nas mnar med pa'i dmyal ba la sogs par 'gro bas nyams su myong bar 'gyur ro/ /chos mchog mi g.yo mnyes pa dang/ zhes bya ba ni sku gsum gyi bdag nyid rdo rje 'dzin nyid do/ /rdo rje gsum/ ni mi 'gyur ba zhes bya ba'i tshig las so/ /de yang gsungs pa/ sdom pa bla ma las/ mi 'gyur dga' ba rdo rje can/ /sems can kun gyi don mtshon pas/ zhes so/ mchog ces bya ba ni/ rtag tu bde ba'i rang bzhin nyid kyi phyir ro/ /ji ltar rang gi lhag pa'i lha'i rnal 'byor gyis yul bsten pas de bzhin gshegs pa mchod pa yin zhe na gsungs pa/ bsten pa zhes bya ba la sogs pa la gang gi phyir nye bar spyod pa'i cho ga bzhin du yul rnams la/ ye shes don gnyer 'dod chags can te/ snying rje chen po dang ldan pas sangs rgyas kyi go 'phang thob par 'dod pa'o/ /rtag tu zhes bya ba ni gang dang gang gi tshe yul rnams rjes su bsten pa na'o/ /byang chub sems dpa' mnyes par bya zhes bya ba ni phyi dang nang gi skye mched rnam par dag pa grub pa rnams te/ rgyal ba'i sras po rnams mnyes bar bya ba'o/ /byang chub nyi rnams chags par bya/ zhes bya ba la/ byang chub ni thams cad mkhyen pa gsum gyi ye shes la mun pa thams cad spangs pa'i/ phyir/ nyi ma ste sangs rgyas bcom ldan 'das so/ /de rnams rang gi lus la gnas pa de rnams kyis rjes su chags par byed pa ni las kyi drug pa'o/ /da ni yul rnams la nye bar spyod pa'i cho ga gsungs pa/ gzugS la zhes bya ba la sogs pa la/ gzugs ni mig gi yul te/ 'dod pa'i bye brag gi sman pa dang/ mchog la sogs pa'i rang bzhin du brtags pa'i phyir rnam gsum mo/ /phyi dang nang dang gnyis ka'i bdag nyid mi dmigs pa ste/ stong pa nyid la sogs pa'i rnam par thar pa'i sgo gsum gyi ngo bos rtogs par bya'o/ /de yang gsungs pa/ nang dang de bzhin phyi dang ni/ /gnyi ga yang ni mi dmigs pa'i/ /gzugs la sogs pa'i rnam pa gsum/ lha rnams la ni dbul bar bya zhes so/ /mchod bya mchod pa'i bdag nyid can zhes bya ba ni mchod pa la sogs pa dbyer med pa'i rang gi lhag pa'i lta'i sbyor ba dang ldan pa'i gzugs nyams su myong ba las/ rnam par snang mdzad bsam par bya'o/ /zhes bya ba'o/ de nyid gsungs pa de nyid ces bya ba la sogs pa las sna tshogs zhes bya ba ni ma lus pa'i gzugs kyi rang bzhin rdo rje 'dzin pa chen po nyid do/ /rnam par snang mdzad gnas ni rnam par snang mdzad rten nyid kyi gzugs kyis sku rdo rje la sogs pa'i rang bzhin nyid kyi phyir ro/ /de bzhin du sgra la rnam gsum zhes bya ba la sogs pa yang shes par bya ste/ rang rang gi rnam par dag pa'i rjes su mthun pa'i lha rnams la dbul bar rtogs par bya'o/ /chos kyi brda'i tshig gis 'dir rin chen 'byung ldan la sogs pa'i sgras mi bskyod pa la sogs pa bstan to/ zhes bya ba ni man ngag go /de la sgra ni mi bskyod pa'o/ /dri ni rin chen 'byung ldan no/ /ro ni snang ba mdza' yas so/ /reg ni don yod grub pa'o// yid kyi yul ni rdo rje 'dzin pa chen po'o/ /de nyid kyi phyir/ gzugs sgra ro la sogs pa la/ /rtag tu sems ni sbyar bar bya/ zhes bya ba la yid kyi yul du gyur pa rdo rje 'dzin pa chen por bsgom par bya'o/ /zhes bya ba'i don to/ /yang na thams cad kyi chos kyi dbyings kyi ngo bo nyid kyi phan tshun dbyer med pa yin te zhes thams cad yul rnams la rdo rje 'dzin pa chen po bsgom par bya'o/ /de nyid gsungs pa/ gzugs sgra zhes bya pa smos te/ rnam par thar pa'i sgo gsum gyi rang bzhin kyi gzugs la sogs pa rnams rdo rje 'dzin pa chen por bsgom par bya ste/ de la rdzogs par bya ba'i don to/ /sangs rgyas sogs la dbul bar bya/ zhes pa la sogs pa mdor bstan pa 'dir rgyas par ston pa gsungs pa/ yang na zhes bya ba la sogs pa la/ rigs rnams ni 'khor lo sgyur ba drug go /de rnams kyi rab du dbye ba ni gzugs rdo rje la sogs pa'i mtshan nyid de/ gzugs rdo rje la sogs pa'i rnam pas/ gzugs la sogs pa'i yul la dmigs par bya'o/ /yang na rnam par snang mdzad la sogs pa'i dbye bas/ yul rnams la bsgom par bya'o/ /'di skad gsungs pa yin te/ rnam par snang mdzad la sogs pa'i rnal 'byor pa rnams kyis/ rang gi lha'i rnam par yul rnams la blta bar bya'o/ /de rnams kyi rtag tu rang gi lhar snang ba las ma gtogs pa gzhan du mi dmigs zhes bya'o/ /'dis mnyam par ma bzhag pa'i rnal 'byor bshad do/ /da ni mchod pa bya zhes bya ba la sogs pa'i le'u bzhi par? dkyil 'khor bsgrub pa'i phyir mdor bstan pa gsungs pa'i tshig rnams rjes su dran pa bsgoms pas rgyas par bstan pa gsungs so/ /sangs rgyas rjes su dran par sbyor ba zhes bya ba la sogs pa la/ sangs rgyas rnams kyis bris pa'i dkyil 'khor la rjes su ni phyis te/ dkyil 'khor bsgrub pa'i phyir dran pa'i nges pa ni sangs rgyas rjes su dran pa'o/ /de bzhin du rjes su dran pa la sogs pa'i rjes su dran pa'i sgra'i don bshad do/ de la sangs rgyas ni rnam par snang mdzad do/ /chos ni snang ba mdza' yas so/ /rdo rje ni mi bskyod pa'o/ /rigs ni lhag mar gyur pas rin chen dbang phyug go /khro bor zhes bya ba ni dpal snod? mdzes te/ de nyid kyis mchod pa byed pa'i phyir ro/ /de yang gsungs pa/ khro bo'i rgyal pos bkug nas ni/ /sangs rgyas thams cad mchod par bya/ /zhes so/ de la dam tshig ces bya ba ni/ don yod grub pa ste/ le'u dang por de nyid dam tshig ces bya bar bshad de/ de bzhin dam tshig ces bya ba'i tshig las so/ /lo grangs bcu drug lon ba la/ zhes bya ba ni khyad par gyi ? pa brjod pa'i phyir/ brjod par yang rjes su brjod pa/ slar yang don gzhan la brten nas/ don de nyid ni zlas pa yin zhes bya ba'i tshig las so/ /dben pa zhes bya ba ni snod dang mi ldan pa rnams kyis stong pa'o/ /byin gyis brlabs kyis gnas gsum gyis zhes bya ba ni yi ge gsum byin gyi brlab pa ste/ sngar bshad pa'i cho gas rang gi rig ma dang gnyis su med pa'i rnal 'byor byas la zhes bya ba'i don to/ /spyan yang zhes bya ba ni/ spyan nyid sku'i dkyil 'khor la ste/ de yang sbyor ba bsgoms pa ste/ rdo rje dang pad+ma la legs par sbyang ba sngon du song ba yin pas/ de yang gsungs pa/ yi ge hUM zhes bya ba la sogs pa la 'di skad bstan pa yin te/ yi ge hUM gis ji lta ba bzhin du rdo rje dang pad+ma bskyed de yi ge as ni pad+ma'i lte ba bskyed nas ye shes rdo rje yi ge aoM zhes bya ba'i bcu gnyis pa'i tshig gis yi ge aoM gyis ni/ rdo rje nor bu'i cha byin gyis brlab pa'o/ /gnyi ga la byang chub kyi sems gnas par bya ba'i phyir yi ge phaT ser po bsam par bya'o/ /zla ba'i 'od mtshungs pa zhes bya ba ni zhi ba'i cha byad dkar bo'o/ /'bar dang bcas zhes bya ba ni /'od dang ldan pa'o/ /de de bzhin du rnam par bsgom par bya ste/ sangs rgyas rjes su dran pa la sogs pa'i don du'o/ /thabs dang shes rab snyoms par zhugs pa la sogs pa bsgom par bya zhes bya ba'o/ /de la zhes bya ba la sogs pas mdor bstan pa las rjes su zlas pa byas nas so sor rab tu bstan ba gsungs so/ /rang gi khu ba'i thigs pa yi/ /zhes bya ba ni rang gi rig ma dang gnyis su med pa'i sbyor ba las skyes pa'i byang chub kyi sems yin la de'i thigs pa ste/ de las gyur pa'i gzugs rdo rje la sogs pa rnams kyis ji lta ba bzhin du mchod par bya'o/ /mchod pa ston pa na/ dkyil 'khor rjes su dran pa gsungs pa/ dbang po gnyis zhes bya ba la sogs pa la/ dkyil 'khor gyi tshul du zhes bya ba ni bris pa'i dkyil 'khor gyi tshul gyis so/ /dkyil 'khor gyi 'byung gnas zhes bya ba ni/ tshig la ni dkyil 'khor rgyud pa'i bdag nyid du rtogs par bya'o/ /'dis ni dkyil 'khor gyi sgrub pa gsang ba gsungs so/ /gsal par ni bla ma las so/ /lus la sogs pa byin gyis brlabs pa'i don du rjes su dran pa gsungs pa/ de la zhes bya ba la sogs pa la/ sku ni sku rdo rje ste/ de bzhin gshegs pa zhugs pa las rjes su dran pa yin la/ de bzhin gshegs pa thams cad dang sku mnyam pa nyid du bsam mo/ /de ji ltar bsgom pa yin zhe na/ gsungs pa/ gang zhes bya ba la sogs pa la 'di'i don ni gsung rjes su dran pa la sogs pa la shes par bya'o/ /sku ni longs spyod rdzogs pa la sogs pa ste/ rnam par dag pa'i gzugs kyi phung po la sogs pa dang ldan pa'o/ /sangs rgyas sku'i rang bzhin kyis zhes bya ba ni/ sku rdo rje'i rnam pas so/ /bdag kyang de dang 'drar? gyur cig /ces de bzhin du gyur zhes bya bas sangs rgyas kyi skur 'dod pa'o/ /gsung rjes su dran pa gsungs pa/ gang zhes bya ba la sogs pa la/ chos 'dzin pa'i mchog ni snang ba mdza' yas so/ /gsung zhes pa ni/ chos dang don dang nges pa'i tshig ngag spobs pa so sor yang dag par rig pa rnams te/ nges pa'i tshig las nye par mtshon pa'i phyir ro/ /thugs rjes su dran pas gsungs pa/ thugs rjes yin zhes bya ba la sogs pa la/ kun tu bzang po zhes bya ba ni/ byang chub kyi sems rdo rje'o/ /gsang ba zhes bya ba ni/ nyan thos la sogs pa'i spyod yul ma yin pa nyid kyi phyir ro/ /dbang phyug phun sum tshogs pa dang ldan pa nyid kyis na dbang po yang yin no/ /blo ldan zhes bya ba ni/ /blo ldan zhes bya ba ni/ rtog pa thams cad dang bral ba'i ye shes dang ldan pa'o/ /de 'drar 'gyur/ zhes bya ba ni/ sems can ma lus pa thams cad kyi phun sum tshogs pa yang dag par ster bar bdag kyang gyur cig / ces nga rgyal byed pa'o/ /sems can thams cad mnyam pa nyid rtogs par bya ba'i phyir du/ sems can rjes su dran pa gsungs pa/ gang yin zhes bya ba la sogs pa la/ sangs rgyas bcom ldan 'das gang rnams kyi thugs nam mkha' dang mtshungs par 'jug pa'i ngang tshul de dang 'dra par/ bdag gi yang zhes bya bar sbyar ro/ /ji lta bu zhe na gsungs pa/ sems can kun zhes bya ba? la sogs pa la/ sems can rnams kyi lus la sogs pa'i rang bzhin nyid kyis rang bzhin med pa ste/ spyad mi bzod pa nyid kyi phyir/ gnyis su med pa'i ye shes tsam zhes bya ba'i tha tshig go /gang yang gnyis su med pa'i ye shes ni/ de bzhin gshegs pa'o/ /de'i phyir sems can rnams de kho na nyid du de bzhin gshegs pa rnams so/ /de bzhin yang gsungs pa/ rgyal ba'i yum las gang/ de bzhin gshegs pa rnams kyi de bzhin nyid kyang chos rnams kyi de bzhin nyid de cig pa'i de bzhin nyid 'di la gnyis su med de/ gnyis su byar med do/ /zhes so/ de ltar bdag kyang de 'drar gyur cig /ces sems can rjes su dran pa'o/ /yang na gang sems can thams cad kyi 'khor ba'i sems lus dang ngag dang sems kyi dbye baS nye bar mtshon pa ni brtags pa ste/ de nyid yang dag ma yin pa'i kun tu rtog pa dang bral ba'i de bzhin nyid ro gcig pa'i ye shes ni sangs rgyas rnams kyi'o/ /de'i phyir bdag kyang de dang 'dra bar thugs nam mkha' dang mnyam par rtogs par gyur cig ces bsams te bsgom par bya'o/ /da ni de bzhin du gyur pa'i sku la sogs pa bstan pa'i don du sngags kyi sgo nas rjes su dran pa gsungs pa/ sku gang yin zhes bya ba la sogs pa la/ thabs dang shes rab kyi bdag nyid kyi ye shes ni sngags te/ de nyid sku rdo rje la sogs pa'i ngo bos mi phyed pa'i rdo rje gang la yod pa de la de ces bya ste/ rdo rje 'dzin pa chen po'o/ /gang de gsung gis sku yang rnam bsgoms pas zhes bya ba ni rgyas par 'chad par 'gyur ba'i sngags kyis don sgom pa'i zlas pas sku la sogs pa rjes su dran pa'o/ /de'i ngo bo gzhan gyi sku gang gnyis su med pa'i ye shes tsam du ste de dang 'dra bar bdag gyur cig /ces smon lam btab nas bsgom par bya'o/ /gsang ba'i de nyid mchod chen po/ /zhes le'u drug pa las mdor bstan pa rgyas par bshad pa'i phyir dam tshig ces bya ba la sogs pa la/ dam tshig ni snyoms par zhugs pa'o/ /phyung ba zhes bya ba ni/ rang gi rig ma dang gnyis su med pa'i sbyor pa las spro bar bya'o/ /cho ga bzhin du btung par bya zhes bya ba ni byang chub kyi sems yang dag par phyung ste/ nam mkha' i khams thams cad yongs su bka' ? ste/ rdul phra rab so so snyoms par zhugs pa'i de bzhin gshegs pa'i rnam pa rnams su bsgoms nas bsdus te/ rig ma'i pad+ma'i nang du gzhug go /ji lta ba bzhin du/ ye shes kyi bdud rtsi'i rnam par gyur par ltas nas/ cho ga bzhin du rab tu sbar lo rang bzhin med par dmigs pas mnyes par bya ste/ rang bzhin med par cig sbyor bs/ /mkhas pas cho ga bzhin du btung/ /zhes bya ba'i tshig las so/ /'bras bu 'dod pa zhes bya ba ni/ mngon par 'dod pa'i dngos grub kyi 'bras bu 'dod pas so/ /de bzhin gshegs pa'i tshogs bsang nas/ zhes bya ba ni 'di nyid de bzhin gshegs pa rnams kyis bsad pa ste/ gang yang rang gi rig ma'i pad+mar byang chub kyi sems zhu ba'i rang bzhin gyis rang bzhin med pa nyid do/ /de yang bsad pa dang rang bzhin med par rjod/ bkod pa de bzhin gshegs par 'dod ces gsungs so/ /bsad par bya zhes bya ba ni/ pha dang mar gyur pa'i dbang po gnyis snyoms par 'jug pa la gnas nas/ 'dod chags chen po'i mes zhu bar bya ste/ de yang sbyor ba dang po'i ting nge 'dzin dang sbyar ro/ /zhes la la dag zer ro/ /bsgom pa bsdu ba'i dus su / phung po la sogs pa rnams rang gi mtshan nyid kyis stong par mi snang bar bya'o zhes dgongs nas/ de'i phyir shes rab kyi pha rol tu phyin pa rjes su dran pa gsungs pa/ rang bzhin gyis ni 'od gsal zhes bya ba ni de bzhin nyid kyi rang bzhin nyid kyi phyir ro/ /ma skyes pa zhes bya ba ni/ rang bzhin gyis ma skyes pa'i phyir ro/ /zag ba med pa'i kun nas nyon mongs pa med pa'i phyir ro/ /des na byang chub dang byang chub par bya ba med do/ /de'i phyir sngon rtogs med pa ste/ skyed par byed pa'i lam mo/ /'o na 'khor ba yong? de zhe na/ khams kyang med cing zhes bya ba la sogs pa la/ 'dod pa'i khams la sogs pa snod du gyur pa de kho na nyid du mi skye ste/ de'i phyir 'byung ba med de/ yang dag par na sems can gyi 'jig rten yang mi skye ba ste/ kun rdzob tu ni thams cad yod pa'o/ /zhes bya bar dgongs so/ /bsgoms pa'i gnas skabs na yang/ nye bar dmigs par spyod na/ gnyis su med grub pa med de/ de'i phyir ma skyes pa'i rjes su dran pa gsungs pa/ de la sogs pa bya ba la/ rjes su dran pa zhes bya ba ni/ bsnyen pa la sogs pa yongs su rdzogs pa na rjes su dran pa'o/ /mtshan med ni/ gdod ma nas ma skyes pa'i phyir ro/ /mi 'gyur zhes bya ba ni/ rang bzhin las rab tu nyams pa'i phyir ro/ /gnyis med ces bya ba ni/ de kho na nyid du bzung ba la / sogs pa'i rang bzhin med pa'i phyir/ gnyis su med min zhes bya ba ni kun rdzob tu sgyu ma bzhin du rtogs pa'i phyir ro/ /zhi zhes bya ba ni ma lus pa'i rnam par rtog pa mnyam pa nyid kyi phyir ro/ /'di yang dpes gsal bar ston pa ni shin tu dri med nam mkha' bzhin zhes bya ba ni/ ji ltar nam mkha' i du ba la sogs pa rnams dang/ yang dag par mi ldan pa yang ldan pa bzhin du mthong ste/ de bzhin du yang dag pa ma yin pa'i sgro btags pa'i dbang gis sems kyang tha mi dad par snang ngo/ /yang na sngon gyi rjes su dran pa ni/ /skyed pa'i rim pa'i yul lo/ /'di ni rdzogs pa'i rim pa'i yul lo/ /'dir re zhig ting nge 'dzin gyis de kho na nyid gsungs nas/ da ni mA ma kIr shes rab can gyi byin gyis brlabs la zhes le'u bzhi pa las mdor bstan pa gsungs pa/ lo grangs bcu gnyis lon pa la/ zhes bya ba ni pha rol tu phyin pa bcu gnyis rnam par dag pa'o/ /de yang gsungs pa thams cad gsang ba'i rgyud las/ bu mo lo grangs bcu gnyis pa/ ji ltar bshad pa'i thub mchog gis/ /pha rol phyin pa bcu gnyis mchog /gzhan du brtags pa ma yin no/ /zhes so/ bud med sems ni rab brtan pa/ /zhes bya ba ni rnal 'byor bsgoms pas sems brtan pa'o/ /rigs kyi sbyor bas dbye ba yis /zhes bya ba ni rang gi rigs kyi lha dang sbyor bas gnyis su med pa zhes bya ba'i don to/ /mchod par bya zhes bya ba ni sngar bzhin no/ /yang na bdag med par rnam par dag pa bsgoms pa nyid kyi mchod pas mchod par bya'o/ /de yang gsungs pa/ dgongs pa las/ rang bzhin las ni bdag nyid dag /de ni khu ba zhes su brjod/ /de rnams nyid ni mchod pa'i mchog / shes rab pha rol phyin pa 'dir/ /zhes so/ yang gsungs pa dpal bde ba dam pa rtogs pa las/ gang zhig chos rnams ma skyes pa/ /kun rdzob khu ba'i sgra yis ni/ /de ni ma skyes rtog pa las/ /bza' ba zhes su rnam par bshad ces so/ /'dis ni thabs dang shes rab kyi sbyor ba nyid kyi dngos grub kyi mchog tu gyur par bshad do/ /rjes su dran pa bcu drug po 'di rnams phra mo'i sbyor ba bsgoms pas/ sems brtan por byas pas rig pa'i brtul zhugs spyod pa na bsgom par bya'o/ zhes pa la ? dag 'dod do/ /sngar gyi rjes su dran pa drug yin no/ /zhes la la dag 'dod do/ /tshe 'di nyid la zhes bya ba ni thabs kyi che ba'i bdag nyid rjes su bsgrub pa dang ldan par byas pa ni/ dngos grub du bshad do/ /de yang bya bas 'bras gter 'jig rten la/ /shes pa tsam gyis bde ster min/ /dper na bud med 'dod longs spyod/ /bya ba med na bde ster med/ ces gsungs so/ /gang gzhan smad par bshad pa'i zhes bya ba la/ sman pa ni yongs su ma rdzogs pa'i ting nge 'dzin las skyes pa gang rnams te/ mi snang ba la sogs pa'i dngos grub kyi bye brag rnams so/ /de rnams kyang de'i rnal 'byor pas 'grub pa'o/ /sgom pa med par zlas pas dngos grub med par gsungs pa/ rdo rje mi phyed gsum zhes bya ba la sogs pa la/ lus la sogs pa'i rdo rje dang tha mi dad par bsgoms pa zhes bya ba'i don to/ /dpal gsad ba 'dus pa'i dka' 'grel rgyal bas byin pas mdzad pa las le'u bdun pa'i bshad pa'o/ / //tshogs gnyis rdzogs pa'i phyed du bsam gtan dang po yis phyi dang cig shos kyi mchod pa bya ste mchod par bya'o/ /zhes bya ba la sogs pas le'u bzhi pa las mdor bstan pa/ /gzugS la rnam gsum shes byas nas/ /zhes bya ba la sogs pas kyang/ le'u bdun par rgyas par bstan nas/ da ni rab tu rgyas par bstan par 'dod nas pad+ma'i rigs kyi dam tshig can gyi ni? tshod nges pa'i don du yang/ de nas zhes bya ba la sogs pa/ dam tshig gi le'u gsungs pa/ mnyam pa nyid kyi ye shes bsgoms pas de'i bla na yod pa la sogs pa'i mchod pa rdzogs pas rin chen tog ces smos so/ /rdo rje sems dpa' zhes bya ba la/ rdo rje ni shin tu rnam par dag pa'i ye shes so/ /de las byung ba ni/ sems dpa' ste rdo rje sems dpa' o/ /de yang thams cad gsang ba'i rgyud las/ byang chub mchog gang dam tshig ni/ ye shs 'di ni rdo rjer brjod/ /rdo rje ye shes las byung ba/ /rdo rje sems dpar de brjod bya/ / zhes gsungs so/ /de nyid rten dang brten par bcas pa'i dkyil 'khor la sogs pa'i gzugs kyi mngon sum du bya ba'i phyir dang/ mi gsal ba'i gnas skabs na bgrod par sla ba'i phyir/ theg pa yang yin la chen po yang yin pas theg pa chen po ste lam mo/ /'dis rgyu dang 'bras bu dbye ba med par bstan to/ /de yang thams cad gsang ba'i rgyud las/ rgyu nyid ji ltar mthong ba ni/ /'bras bu de nyid de bzhin no/ /zhes gsungs so/ / nam mkha' zhes bya ba ni/ nam mkha' bzhin du mi gos pa'i mtshan nyid do/ /spyod pa ni chos thams cad la zhugs pa'o/ /des 'dod chags la sogs pa'i dri ma bsal bas sems can rnams rnam par sbyor bar byed pa'o/ /kun tu bzang po zhes bya ba ni kun nas bzang ba ste/ dge ba 'di las yin pa'i phyir kun tu bzang po'o/ /bla na med pa'i mchod pa'i rang bzhin nyid kyis phyir mchod pa'i mchog go /tshig lnga po 'di rnams kyis chos kyi dbyings la sogs pa'i ye shes kyi dbye ba spros pa'i rnam pa bstan to/ /rgyal ba zhes bya ba ni/ mi mthun pa'i phyogs ma lus pa las rgyal ba'i phyir ro/ /de bzhin gshegs pa thams cad kyi ye shes gcig gi ngo bo nyid kyi phyir na/ mchog kyang yin no/ / 'dis kyang bcom ldan 'das tha mi dad pa'i rnam pa nyid du bstan no/ /gsung? rdo rje'i sgo nas yang de nyid gsungs pa/ 'dod chags zhes bya ba sogs pa la/ 'dod chags la sogs pa gsung dang/ thugs dang sku rdo rje rnams te/ rdo rje theg pa ni/ gnyis su med pa'i ye shes so/ /de'i mthar thug pas thabs thams cad kyis rgyas par bstan pas 'jug pa la de skad ces bya ste/ don yod grub pa'o/ /nam mkha' i dbyings dang mtshungs pa'i mchog /ces bya ba ni/ nam mkha' i dbyings dang mnyam pas mnyam pa nyid kyi ye shes so/ /de nyid kyi mchog ni/ gtso bo ni/ gang de ni rin chen 'byung ldan no/ /de bzhin gshegs pa thams cad kyi bdag nyid kyi phyir rgyal ba'i gnas te/ rdo rje 'dzin pa chen po'o/ /de yang dpal sangs rgyas thams cad las/ sems can thams cad sangs rgyas dngos/ /rdo rje sems dpa' rjes su dran zhes gsungs so/ /sku'i sgo nas gsungs pa/ thar pa'i lam zhes bya ba la sogs pa la/ thar pa ni don dam par zag pa med pa'i bde ba'i rang bzhin rdo rje 'dzin pa nyid rdzogs pa'o/ /de'i lam ni dkyil 'khor gyi 'khor lo la sogs pa sgom pa'i mtshan nyid do/ /de byed pa ni rten la sogs pa'i gzugs kyis rdzogs par byed pa rnam par snang mdzad do/ /theg pa gsum zhes bya ba ni/ byang chub gsum mo/ /de'i lam ni thams cad du song ba chos kyi dbyings rtogs pa'i mtshan nyid kyis lam mo/ /der 'jug par mdzad pa ni chos kyi dbyings kyi ngo bos mi bskyod pa'o/ /chos thams cad mnyam par rtogs pas sangs rgyas ni rin chen dbang ngo/ /bskal mchog ces bya ba ni mdzes pa'i skal pa ni shes rab ste/ so sor rtogs pa'i ye shes kyi bdag nyid gang la yod pa de ni skal mchog ste/ de'i dngos po ni skal mchog nyid do/ /de'i sbyor bas ni snang ba mdza' yas te de bzhin du bshad do/ /dag pa'i bdag ces bya ba ni thams cad du sems can thams cad kyi don rdzogs pa'i phyir/ yang gzung ba la sogs pa'i dri mas mi gos pa'i phyir dag pa'i bdag nyid don yod grub pa'o/ /mi mchog ni rdo rje 'dzin pa'o/ /dbyer med kyang gsungs pa/ byang chub sems zhes bya ba la sogs las/ byang chub kyi sems ni ye shes lnga rnams so/ /de rnams kyang nyid thams cad du khyab pa'i phyir ro/ /rgyas pa'i spyan zhes bya ba ste gang gi de bzhin du rdo rje 'dzin pa chen po'o/ /sku dang gsung dang thugs zhes bya ba ni/ sku rdo rje la sogs pa'i gzugs rnams la yang dag par gnyis su med pa'i ye shes kyi spyod pas so/ /shin tu dag pa zhes bya ba ni/ nyas pa thams cad kyis stong pa gang la yod pa de la de skad ces bya'o/ /rdo rje theg pa zhes bya ba ni 'bras bu dang bcas pa'i byang chub sems dpa' i theg pa'i rang bzhin nyid kyi phyir ro/ /'dis ni rigs gsum dang ye shes lnga'i sgo nas ma spros pa'i ngo bos bcom ldan 'das la bstong pa'o/ /de nas zhes bya ba la sogs pa la/ rdo rje ni ye shes lnga rnams te/ de rnams 'dzin pas na gang gi chos kyi sku nyid kyis rdo rje 'dzin pa'o/ /de'i phyir sangs rgyas thams cad kyi ye shes su gyur pa nyid kyi phyir kun dbang ngo/ /chos thams cad kyi bdag po nyid kyi gdul bya'i 'gro ba ma lus pa chags par byed pas na longs spyod rdzogs pa'i sku nyid kyis rgyal po'o/ /de'i phyir thams cad kyi don byed pa ni thams cad kyi don no/ / thams cad kyi go skabs 'byed pa'i phyir sprul pa'i sku'i gzugs kyi thams cad nam mkha' o/ /de'i phyir 'di rnams kyi rang gi dbang gis 'jog par byed pa nyid kyis phyir thams cad kyi dbang phyug go /rtag tu mi gnas pa'i mya ngan las 'das pa'i chos nyid kyi phyir mi 'gyur che'o/ /de'i phyir thabs dang shes rab mi phyed pa'i ye shes rin po che 'dzin pa nyid kyi phyir rdo rje rin chen 'dzin pa ste/ mchod pa bshad ces bya ba dang/ 'brel to/ mchod pa zhes bya ba nang gi'o/ /de bzhin gshegs pa zhes bya ba ni gtso bos de bzhin gshegs pa rnams kyi dbang du byas 'jug pa'i phyir/ de bzhin gshegs pa rnams kyi 'di yin pas de bzhin gshegs pa'i 'o/ bla na med pa'i ye shes bskyed pa'i phyir mchog go / rdo rje mi phyed gsum gnas pa/ zhes bya ba ni sku'i rdo rje la sogs pa rnams kyis mi phyed pas gnas te/ de'i rang bzhin zhes bya ba ni tha tshig go /sku dang gsung dang thugs skal mchog ces bya ba ni sku la sogs pa'i dkyil 'khor mngon par 'dod pa'o/ /rgyal ba 'byung zhes bya ba ni de bzhin gshegs pa rnams 'byung ba'o/ /'dis ni mchod par bya ba dang/ mchod pa po dang/ mchod pa rnams tha mi dad pas mchod par bya'o/ zhes ston no/ /da ni pad+ma'i rigs kyi btsun mo gsungs rnyed ces bya ba la sogs pa la/ gzhon nu ma zhes bya ba ni 'gro ba gzhan gyi nye bar ma spyad pa'o/ /mig yangs ma zhes bya ba ni de kho na nyid la mngon par ma zhen pa'i mig can ma'o/ /byol song las kyang rab tu brtag / ces bya ba ni/ thugs rdo rje la sogs pa rnams kyi ye shes kyi phyogs gcig nyid kyis logs su 'gro ba ste/ de dang 'dra ba zhes bya ba'i tha tshig go /de'i phyir thugs rdo rje la sogs pa'i rigs can rnams ni logs so/ /'dis ni rin chen 'byung ldan la sogs pa rnams kyi dkyil 'khor la 'di'i na tshod kyi rigs dbye bas mchod par bya'o/ zhes bstan pa yin no/ /de yang le'u bdun pa las/ rigs kyi dbye ba'i sbyor ba yis/ /rang gi khu bas mchod par bya/ /zhes so/ gzhan dag ni gal te cho ga bzhin du ma rnyed na/ de'i tshe ji srid du khu ba srid pa de gzung bar brjod do/ /'di'i gzhung lan tshod nges par gsungs pa don med par 'gyur ro/ /klu mo sogs pa las zhes kha cig 'dod de/ 'dir ni khyad par med par gsungs pa na/ klu mo la sogs pa grub pas tshig lhag pa'o/ /gtsang zhing zhes bya ba ni/ sa yongs su gzung ba la sogs pa'i cho gas legs par yongs su gzung ba'o/ /rnam par dben pa 'am zhes bya ba ni bgegs thams cad kyi rgyu dang mngon par bral ba'o/ /la la dag skal pa dang mi ldan pa'i 'gro ba rnams dang bral ba'o/ zhes 'dod do/ /sa'i phyogs zhes bya ba ni bsgoms pa'i gnas so/ /rgyal bdag skys zhes bya ba ni/ rnal 'byor pa'o/ /bdun pa'i don gyi tshig la ni/ gzhal yas khang gi khyad par te/ de'i rnam par snang mdzad kyi sku las byung ba nyid kyi phyir ro/ /nyes pa thams cad zhi ba nyid kyi phyir dang/ dge ba skye ba nyid kyi zhi ba dang/ zhi ba ni rdo rje 'dzin pa chen po'o/ /de'i gnas su ni chos 'byung ba'i gnas su chud pa'i gzhal yas khang la ste/ rgyu mtshan gyi bdun pa'o/ /bshad pa la sogs pa rnams kyi dgos pa'i dkyil 'khor gyi sa la dang po nyid cho ga ji lta ba bzhin du sbyangs pa'i bshang ba la sogs pa rdzas lnga rnams kyi byug par gsungs pa'o/ /'am gyi sgras 'bar ba la sogs pa'i nus pa dang bral ba ni rnal 'byor pa rnams kyi tsan dan la sogs pas sam/ tsam dan la sogs pa dang bsres pa'i rnam par snang mdzad la sogs pa rnams kyis sam/ bsgoms pas byug par shes par bya'o/ /rtag par zhes bya ba ni rgyun mi 'chad pa'o/ /yang na rtag pa'i tshig la mchod pa nye bar mtshon pa'i phyir 'dir rnam par mdzad bzung bar rtogs par bya'o/ /nga ni gsungs pa'i rig ma legs par sbyangs par gsungs pa/ nu ma'i bar nas zhes bya ba la sogs pa ni/ spyi gtsug mdza' nas brtsams te/ nu ma'i phyog kyi bar du yi ge aoM gyis rnam par snang mdzad kyi rang bzhin bsgom par bya'o/ / de bzhin du snying gnas lte ba'i bar du yi ge hUM gis mi bskyod pa'i rang bzhin no/ /lte ba nas gsang ba'i bar du swA las rin chen 'byung ldan gyi rang bzhin no/ /gsang ba la yi ge Aba nas rkang mthil gyi bar du yi ge hA las don yod grub pa'i rang bzhin ni go rim bzhin du bsgom par bya ba'i don no/ /da ni mchod pa'i gnas gsungs pa/ nam mkha' zhes bya ba la sogs pa la/ ye shes rgya mtsho zhes bya ba ni/ phyin ci ma log pa'i ye shes ma lus pa 'byung ba'i mtshan nyid kyi phyir/ me long lta bu'i ye shes kyi bdag nyid rnam par snang mdzad do/ /de yang le'u bcu gcig pa las gsungs pa/ der 'di ye shes snying po b+h+rUM zhes bya bas so/ /bdag nyid zla ba'i dbus gnas par zhes bya ba ni zla ba'i gdan la 'dug pa'o/ /snying gar zhes bya ba ni snying ga'i sa bon te/ 'dir snying ga'i sgras snying ga'i sa bon la 'jug ste/ dper na khri 'bod ces bya ba lta bu'o/ /bsdu ba dag kyang rab tu bya/ zhes bya ba ni spos pa'i de ma thag tu'o/ /'di yang sangs rgyas rjes su dran pa la sogs pa la yang lta bar bya'o/ /b+ha gar ling+ga bzhag nas ni/ zhes bya ba la sogs pa ni 'dir yang sbyar bar bya'o/ /des ni 'di skad gsungs par gyur te/ chos kyi 'byung gnas kyi nang du sna tshogs pad+ma dang/ sna tshogs rdo rje la ji lta ba bzhin du rnam par snang mdzad bsams nas spro ba dang bsdu ba'i rim gyis rim pa gnyis pa'i dkyil 'khor bsgom pa'o/ /la la dag 'dis rang snang ba'i rig ma rdzogs pa de'i snying gar ye shes sems dpa' sgom par yang gsungs par 'dod do/ /gzhan dam tshig sems dpa' i snying gar thams cad du zla ba'i dkyil 'khor can gyi ye shes sems dpa' bsgom par 'dod do/ /'di yang 'brel pa ma yin te/ gang gi phyir phyi rol gyi rig ma legs par sbyangs pa'i skabs nyid du rang snang ba legs par sbyangs pa ste/ de yang rgyas par gsungs pa nyid do/ /snying gar ye shes sems dpa' zhes bya ba'i tshig gis le'u bcu gnyis par ye shes sems dpa' i gnas gsung bar 'gyur ro/ /gzhan yang/ dregs pa yi ni kha dog dbye/ /ro yis de bzhin snying po'o/ /zhes bya ba'i tshig dang/ zhi la zhi ba'i sems zhes bya ba'i tshigs las/ dam tshig sems dpa' bzhin du ye shes sems dpa' yang gdan dang/ rnam par rtog par byed do/ /rin chen sna bzhi'i rang bzhin zhes bya ba ni thugs kyi dkyil 'khor la shar dang lho dang nub dang/ byang gi phyogs su rnam par snang mdzad la sogs pa'i rang bzhin rnams shel dang bu shar ga dang/ pad+ma rA ga dang/ ma ra ka ta dang/ rin po che bzhi rnams kyi rang bzhin nyid kyi phyir rin chen sna bzhi'i rang bzhin no/ /sku'i dkyil 'khor la sogs pa la/ 'di rnams ji ltar srid par sbyar ro/ /mchod rten la zhes bya ba ni/ gzhal yas khang ngo/ /ye shes rgya mtsho zhes bya ba ni sngar bstan pa'i rnam par snang mdzad do/ /dus gsum gyi zhes bya ba la 'das pa la sogs pa'i de bzhin gshegs pa rnams la mchod pa'i don to/ / gnas zhes bya ba ni gnas bsam par bya'o/ /mchod pa'i sprin rnams spro zhes bya ba ni/ de bzhin nyid du rdzogs pa'i dkyil 'khor gyi dbus su sngar legs par byas pa'i btsun mo dang bcas pas dkyil 'khor rjes su dran pa'i sgom pa'i de ma thag tu rang gi ba sbu'i? bu gnas? nam mkha' khyab pa'i mchod pa'i tshogs spro'o/ /zhes bya ba'i don to/ /de bzhin du 'dir yang 'chad de/ bdag po'i phyag rgya yang bsgoms nas zhes bya ba la sogs pa'o/ /mchod pa gsal bar gsungs pa pad+ma zhes bya ba la sogs pa la/ pad+ma ni shes rab autpa la ni thabs so/ /rnam pa lngar zhes bya ba ni/ gzugs la sogs pa'i dbye ba las te/ de nyid gzugs la sogs pa'i yul rnams thabs dang shes rab kyi bdag nyid gzugs rdo rje la sogs pa'i gzugs su bsgoms te/ dbul bar bya zhes bya ba dang 'brel to/ /dzA ti rnam gsum shes byas nas/ zhes bya ba ni/ khrus mkhan mo dang/ gar mkhan mo dang/ gtum mo'i rigs kyi dbye bas dang/ kha dog dkar po dang/ dmar po dang/ nag po'i dbye ba dang/ ji ltar gsungs pa'i na tshod pa'i dbye bas rnam pa gsum mo/ /ji lta ba bzhin du rdzogs par bya ste/ sku rdo rje la sogs pa'i lha rnams la dbul bar bya'o/ /ji ltar dbul bar bya zhe na/ me tog karna kar dang/ zhes bya ba la sogs pa gsungs te/ spyan la sogs pa'i ngo bor zhes bya ba ni man ngag las yin no/ /la la dag 'dir ji ltar grags pa'i pad+ma la sogs par 'dod do/ /mchod pa'i dkyil 'khor bstan par bya ba'i phyir gsungs pa/ dpag tshad rgya'i khyon zhes bya pa la sogs pa la/ rgya smos pa ni rgyas par nye par mtshon pa'i don to/ /'khor lo'i dkyil 'khor zhes bya ba ni/ nang gi dkyil 'khor zlum po zhes bya ba'i don to/ /de'i nang du 'khor lo ni/ kun nas yongs su zlum po zhes bya ba'i tshig las so/ /rigs zhes bya ba la sogs pas de la gnas ji lta ba bzhin de bzhin gshegs pa rnams bsgom par bya ba gsungs so/ /rigs pa'i lha mo rnams dbod? par gsungs pa/ pang? zhes bya ba la sogs pa la 'dir phyag mtshan dang lha ngag gi dbye ba med par bstan pa'i phyir pad+ma la sogs pa'i sgras lha nyid bstan no/ /'di rnams kyis nye bar mtshon pa'i don gyi phyir dkyil 'khor pa thams cad dgong? par lta bar bya'o/ /dpag tshad bye ba'i tshad tsam la zhes bya ba ni phyi'i dkyil 'khor te/ de'i phyir gsungs pa/ gru bzhi zhes bya ba la sogs pas so/ /gzhan ni 'khor lo'i dkyil 'khor ni rnam par snang mdzad kyi dkyil 'khor ro/ /pad+ma la sogs pa'i sgras snang ba mdza' yas la sogs pa'i dkyil 'khor bstan to zhes 'chad do/ /'khor lo'i gnas su ral gri brjod do/ /la la dag ni rin po che'o/ /kha cig ni autpa la'i sgras rin po che brjod do/ /la la dag ral grir brjod do/ /'di yang thams cad dka' ba dang/ 'brel pa'i phyir/ ji lta ba bzhin du ma yin no/ /de bzhin du dkyil 'khor pa thams cad gsal bar shes nas mchod par bya ba gsungs pa/ 'dod pa'i yon tan lnga rnams kyi/ /zhes bya ba la sogs ba ni/ /'dod pa'i yon tan lnga ni bshad zin to// // phyi rol gyi mchod pa nye bar bstan pa gsungs pa/ rin chen na bza' la sogs pa zhes bya ba la/ sogs pa'i sgra las dpag bsam gyi shing la sogs pa gzung ngo/ /mchod pa rnam lnga'i mchog rnams kyi zhes bya ba la sogs pa ni go sla'o/ / rin chen 'byung gnas na chung mchog ces bya ba ni btsun mo thams cad kyi yon tan rin po che thams cad 'byung ba'i gnas su gyur pa ste/ bud med kyi yon tan thams cad dang ldan pa zhes bya ba'i don to/ /de'i phyir gtso bo ste btsun mo thams cad kyi gtso bo'o/ /rin chen kun la dbul bar bya/ /zhes bya ba ni/ sangs rgyas thams cad la zhes bya ba'i don to/ /sgrub chen ces bya ba ni bsgrub pa'i don du'o/ /rin chen sna bdun gyis bya ba ni/ glang po che dang/ rta dang khyim bdag dang/ 'khor lo dang btsun mo dang blon po dang nor bu ste/ rin po che rnams kyi'o/ /sbyin pa'i phyir zhes bya ba ni sbyin? pa'i pha rol tu phyin pa yongs su rdzos pa don du gnyer ba'o/ /bdag po'i phyag rgyar mnyam par bzhag la zhes bya ba la sogS p a gsungs pa la ni rang gi dkyil 'khor la rang gi bdag po'i phyag rgya ma dang bcas pa yang dag par sbyor brtsam? par bsgom par byas nas ji lta ba bzhin rig pa'i lha mo bton nas de yang rang ji lta ba bzhin du sangs rgyas thams cad dang lhan cig tu kun tu sdang ba kun tu bsgom par bya'o/ /zhes rgyas par bstan to/ /'dod chags blo can zhes bya ba ni 'dod chags chen po la shin tu zhen pa'i sems kyis so/ /ji ltar dbul bar bya zhe na gsungs pa/ nam mkha' zhes bya ba la sogS pa la dkyil 'khor bkod pa/ zhes bya ba ni dkyil 'khor rnams kyi tshogs te/ dkyil 'khor thams cad ces bya ba ni tha tshig go /bdag gi lus ces bya ba ni/ rang gi lhag pa'i lha'i bdag nyid do/ /de bzhin gshegs pa'i rang bzhin la zhes bya ba ni/ de bzhin gshegs pa thams cad kyi gzugs te/ rdo rje 'dzin pa'i rnam pa zhe bya ba'i tha tshig go /de'i phyir bla ma zhes bya ba ni/ bdag por gyur pa nyid kyi phyir ro/ /nga ni pad+ma'i rigs kyi sgo nas bla na med pa'i mchod pa gsungs pa/ na chung zhes bya ba ni sngar bstan pa'o/ /skal pa mchog ldan zhes bya ba ni/ dam tshig dang sdom pa la gnas pa'o/ /pad+ma'i 'dab ma la reg pa la sogs pa'i yon tan dang ldan pa'i b+ha gar ldan pa'i phyir/ b+ha ga mchog ces pa la la dag 'dod do/ /bza' bar bya zhes bya ba ni/ lce rdo rje nyid kyis blang bar bya'o/ /gang yang rdo rje bdud rtsi las/ /de phyir gnas las mi blang ste/ /lag gnyis sor mos de bzhin du/ /de ltar byed na rmongs pa ste/ /blangs pa nyid kyis nyams pa'o/ /kha cig tu ni rtag tu sbyin/ /lce yis rol pas de bzhin du'o/ /zhes gsungs so/ /brtan pa'i blo ldan pas zhes bya ba ni/ mi phyed pa'i shes rab dang ldan pa rang bzhin med par mos pas bza' bar bya'o/ /zhes bya ba'i don to/ /'di ni zhes bya ba la sogs pa le'u bzhi par gsungs so/ /sku gsung thugs kyi mchod pa ste/ zhes bya ba'i tshig ni/ de bzhin du brjod par nye bar sdud pa'o/ /sngags rnams dngos grub byed par gsungs zhes bya ba ni/ rang gi lhag pa'i lha rdzogs par byed pa'o/ bsang ba zhes bya ba ni skal ba dang mi ldan pa'i 'gro ba rnams la mi bstan pa'o/ /ye shes rdo rje can gyi zhes bya ba ni gnyis su med pa'i ye shes dang ldan pa'i sangs rgyas zhes bya ba'i tha tshig go /dpal gsang ba 'dus pa'i dka' 'grel rgyal bas byin pas mdzad pa las le'u brgyad pa'i bshad pa'o/ / //de ltar thabs dang shes rab kyi ye shes dang ldan pa'i de bzhin gshegs pa mchod pa lhur byed pas rang gi dam tshig bsrung pa zhes le'u lnga par mdor bstan pa rgyas par bstan pa'i phyed du/ le'u dgu pa gsungs pa/ de nas zhes bya ba la sogs pa la 'di mang du bshad do/ /sku dang gsung thugs yang dag sbyor zhes bya ba ni/ sku la sogs pa rnams kyi yang dag par sbyor ba ste/ thabs dang shes rab snyoms par zhugs pa'o/ /de nyid rdo rje gsum ste/ sku la sogs pa'i rdo rje yin zhing mi phyed dkyil 'khor ni/ de bzhin nyid du ro gcig pa'i ngo bo nyid kyi phyir ro/ /longs spyod ces bya ba'i tshig la na longs spyod ni bdag gir goms par gyur pa ni/ de nyid rdo rje gsum mi phyed pa'i dkyil 'khor bshad pa'o/ /dam pa zhes bya ba ni/ gzhan de dang 'dra ba mi 'thad pa'i phyir ro/ /nyams dga' ba zhes bya ba ni/ yid dang rjes su mthun pa zhes bya ba'i don to/ /gsang ba zhes bya ba ni brtags pa'i yul ma yin pa nyid kyis gzhan la mi bstan pa nyid kyis phyir ro/ /sangs rgyas ye shes can gyis zhes bya ba ni dbang mchog dang ldan pa'i shes rab kyi rnal 'byor ba rnams kyi ste/ sangs rgyas kyi ye shes ni me long lta bu la sogs pa'i ye shes lnga po gang rnams rnam par snang mdzad la sogs pa de rnams kyi zhes pa'i don to/ /de brtan par bya ba'i phyir gsungs pa/ sangs rgyas dkyil 'khor bsgom par bya zhes bya ba la/ sangs rgyas ni mi bskyod pa'i dkyil 'khor te/ sangs rgyas rdo rje 'dzin par brjod ces bya ba'i tshig las so/ /rdo rje dkyil 'khor zhes bya ba'i tshig ni go bar sla ba'o/ /de nyid mi bskyod pa zhes bya ba ni/ srid pa dang zhi ba yis mi bskyod pa'i phyir ro/ /rdo rje yang sngags kyi ngo bo nyid kyi mi phyed pa dang/ 'byed pa nyid kyi phyir ro/ /lag tu zhes bya ba ni/ chos thams cad mi dmigs par len par nus pa'i sems so/ /rdo rje zhes bya ba ni chos thams cad stong pa nyid la? de yang gsungs pa/ mi tshig pa dang mi shigs pa/ /stong pa nyid ni rdo rjer brjod/ /ces bya ba'i tshig las so/ /'ong 'phro ba mang po zhes bya ba ni/ sna tshogs pa'i sprul pa'i rten yin pa nyid kyi phyir ro/ /'od zer zhes bya ba ni/ rang bzhin gyis 'od gsal ba nyid kyi phyir ro/ /'od zer sna lngas rab tu brgyan zhes bya ba ni/ ye shes lnga'i bdag nyid do/ /sangs rgyas zhes bya ba ni bden pa ma yin par sgro btags pa las byung ba'i phung po lnga zhes bya ba'i don to/ /phung po lnga ni mdor bsdus nas/ /sangs rgyas lngar ni rab tu bsgrags/ /zhes bya ba'i tshig las so/ /sangs rgyas bcom ldan 'das ni ma yin no te/ de bzhin gshegs pa ni chos kyi dbyings kyi ngo bo nyid kyis gnod pa thams cad dang bral ba'i phyir ro/ /de yang 'dren pa rnams kyi chos kyi sku zhes gsungs so/ /dus gsum 'byung ba zhes bya ba ni/ 'das pa la sogs pa'i sku la sogs pa brtags pa las byung ba'o/ /bsgoms nas zhes bya ba ni/ thabs dang shes rab kyi ting nge 'dzin la dmigs pa'o/ /rdo rje ni nges pas 'byed pa'i shes rab kyis so/ /de yang gsungs pa/ ngag pa'i blo ni zla ba 'dra/ /rdo rje zhes ni rtogs par bya'o/ /zhes gsungs so/ /phye mar brlag zhes bya ba ni/ brtags pa dang bral zhes bya ba'i don to/ /de yang dgongs pa las 'khor bas mi bskyod pa'i ming de'i sngags ni rdo rje ming/ sems ni lag pa zhes bya ste/ /rang bzhin med pa rdo rje gcig /phun sum tshogs pas rtag pas sangs rgyas rnams/ sku dang gsung dang thugs su phyung/ /de nyid sems can kun tu grags/ /phye mar brlag pa rang bzhin med/ /ces gsungs so/ /de'i phyir gsungs pa/ sku dang gsung thugs longs spyod pa/ /rdo rjes phye mar brlag par byed pa'o/ /yang gsungs pa/ dpal bde ba dam pa rtogs pa las phung po khams dang skye mched rang bzhin gyis/ gang gnas gang dag de nyid mos/ /de rnams thams cad yongs su brtags/ lha zhes su ni yang dag bshad/ gang zhig sems kyis mtshon pa'o/ /zhes gsungs so/ /thams cad gsang ba las kyang gsungs pa/ gsang ba mchog ni rnal 'byor pa/ /ye shes ting nge 'dzin ni mchog /yi ge haM dang hUM med cing/ /rigs dang sngags dang shes pa med ces so/ /bsam gtan mchog ni ces bya ba ni/ dmigs pa med pa'i ye shes so/ /thugs kyi dngos grub mchog thob 'gyur/ /zhes bya ba ni/ mi bskyod pa nyid rdzogs par byed pa'o/ /'dis zhes bya ba ni/ de ma thag tu gsungs pa'i stong pa nyid kyi ye shes kyi rdo rje ste bdag dang gzhan gyi rgyud la gnas pa 'jig tshogs pa lta ba la sogs pa rnam par 'jig pa'o/ /'bras bu gsungs pa/ skye bar 'gyur zhes bya ba la sogs pa la 'di skad brjod de/ bsam gtan rdo rje'i sbyor ba 'dis/ /gang sku dang gsung dang/ thugs mi dmigs pa'i mtshan nyid stong pa nyid kyi ting nge 'dzin bsgoms par 'gyur te/ de rnams mi bskyod pa'i sangs rgyas kyi zhing du skye bar 'gyur zhes so/ /'di bsgoms pas ni rigs thams cad la rtog pa thams cad nges par spang bar gsungs pa/ 'di ni rigs thams cad kyi rgya mtsho las/ zhe sdang gi rigs kyi dam tshig tu shes par bya'o/ /de yang gsungs pa/ rnam rtog rnams la khyad par ci/ dge ba 'am/ gal te mi dge ba/ reg na me yis tshig par byed/ /tsan dan sbar ba yod pas kyang/ /zhes so/ /de'i phyir gnyis su med pa la dmigs pas nges par lha'i bsgom par bya'o/ /yang na zhe sdang rdo rje'i sbyor bas rang gi dkyil 'khor la gnas nas 'bar ba'i rdo rjes 'byin pa'i cho gas sprul pa'i sangs rgyas la sogs pa rnams bcom nas snang ba med par bya'o/ /bsam gtan mchog de bsgoms? pa yis zhes bya ba ni/ dngos po 'di rnams ma skyes pa'i zhes bya ba la sogs pa'i tshigs su bcad pa bstan pa'o/ /de bzhin du le'u bco brgyad pa las/ zhe sdang 'khor lo bskyed nas su/ zhes bya ba nas/ mi'i bud med smos ci dgos/ zhes bya ba'i bar gyi tshig gis 'di'i don gsal bar ston to/ /'dis ni las kyi tshogs gsungs pa/ man ngag gis bshad par bya ste/ rdo rje mi bskyod ces bya ba ni/ rang gi dkyil 'khor la gnas pa shin tu khro ba zhe sdang rdo rje'o/ /lag tu rdo rje zhes bya ba ni lag pa g.yas par ro/ /yang na bde ba ster ba'i rgyu'i phyir lag pa ni gsang ba'i rdo rje'o/ /de la rdo rje zhes bya ba ni hUM gi yi ge las byung ba 'bar ba'i rdo rje'o/ /'od 'phro mang po zhes bya ba ni/ bsgrub par bya ba bzhag sa'i gnas/ rlung gi bskul ba'i ma'i dkyil 'khor gyi 'od zer gyi tshogs so/ / 'od zer sna lngas rab tu gang zhes bya ba ni/ rdo rje la sngon po la sogs pa'i 'od zer gyis brgyan pa'o/ /sangs rgyas kyang zhes bya ba ni shin tu bar gsungs so/ /yang na sangs rgyas zhes bya ba la sogs pa 'dis/ drag shul bsgrub pa la yang 'di'i rab tu sbyor ba ni cho ga ji lta ba bzhin du rtogs par bya'o/ /zhes bstan to/ /'di skad du gsungs par 'gyur te/ bsgrub par bya ba ngan song la mngon par phyogs pa thabs gzhan gyis bzlog par mi nus pa rnams la ji lta ba bzhin tu kha sbyar phye? nas/ skyabs med pa rnams mdun du rlung dang me'i dkyil 'khor la gnas pa bsams nas/ snying rje dang ldan pas dngos po 'di rnams ma skyes pas zhes bya ba la sogs pas mngon du byas nas khro bo'i tshig gi sngags 'don cing/ 'od zer 'bar ba'i phreng ba rang gi ba spu'i bu gnas phyung ste/ sangs rgyas thams cad bskul nas bkug la 'bar ba'i thog gi 'phreng ba bzhin du bsang par bya ba'i mgo bor babs par bsam par bya zhing snying gar rdo rje brdeg go / bsam gtan mchog ces bsgoms nas ni zhes bya ba ni/ de'i 'od zer gyis lus thal bar byas pa rnams kyi rnam par shes pa 'od kyi phung po bzhin du ltas te/ yi ge hUM la sogs pas ji lta ba bzhin du mi bskyod pa'i gzugs su sprul la raM gyi yi ge las byung bar ra skyes dang 'dra ba'i shing rta'i steng du chu skyes dang nyi ma la gnas pa 'og tu yaM las rlung gi dkyil 'khor gyi bteg par bsgoms la/ de nas badzra d+h+rika gi sngags kyi mngon par dga' ba'i 'jig rten gyi khams su btang nas khams gsum gyi chos kyi rgyal po'i stan la bzhag ste/ de bzhin gshegs pa thams cad kyi dbang bskur ba dang/ byin gyis brlab pa bsgoms pas/ de bzhin du de rnams mi bskyod pa'i sangs rgyas kyi zhing du skye'o/ /yang na rang snang ba'i chu skyes kyi nang du sngar gyi bzhin du bsgrub bya bsgoms nas rang gi snying ga las sngags kyi 'phreng ba rang gi zhal nas phyung nas rang snang ba'i zhal du zhugs te/ 'bar ba'i rdo rje'i tshogs dang 'dra ba bsgrub bar bya ba'i mgo bo la lhung bas rang gi lha'i nga rgyal brtan pa dang ldan pas/ 'bar ba'i gsang ba'i rdo rje snga ma bzhin bya'o/ /lhag ma ni bshad zin to/ /de nas zhes bya ba la sogs pas gti mug gi rigs kyi dam tshig gsungs pa/ ye shes thar pa rab bsgrub pa zhes bya ba ni/ ser sna rnam par dag pa'i thabs rjes su bsgrub pas sangs rgyas nyid rdzogs par byed pa'o/ /dam tshig ni 'dir gzhan gyi nor 'phrog pa'o/ /de'i de kho na nyid ni rang gi ngo bo nyid ji lta ba bzhin du rtogs pa ste/ ji lta bar de bya'o/ /'khor lo'i dkyil 'khor zhes bya ba ni rnam par snang mdzad kyi dkyil 'khor ro/ /rdo rje'i dkyil 'khor gyi tshig la phyed pa'i don to/ /rnam par snang mdzad rab sgoms te/ zhes bya ba ni /rang gi dkyil 'khor gyi bdag po'o/ /sangs rgyas thams cad ces bya ba ni/ dkyil 'khor pa rnams so/ /ji ltar sgom zhe na gsungs pa/ kun zhes bya ba la sogs pa la/ yon tan rin po che thams cad 'byung ba'i phyir rin po che kun ni byang chub kyi sems so// de'i mchog gi sbyor ba ni/ thabs dang shes rab gnyis su med pa'i ngo bo nyid do/ /nges rdo rje'i gzugs ni zhes bya ba ni gnyis su med pa'i ye shes kyi gzugs brnyan lta bu'i sangs rgyas dang byang chub sems dpa' zhes bya ba'i don to/ /rab tu brtag ces bya ba ni/ thabs dang shes rab snyoms par 'jug pas/ ji lta ba bzhin du phyung ste/ rang gi dkyil 'khor la rang rang gi gnas rnams su bzhag par bya zhes bya ba'i don to/ /de la ji ltar bya zhe na gsungs pa/ phrogs pa zhes bya ba la sogs pa la/ lus la sogs pa la mngon par zhen pa spangs par bya zhes bya ba'i don to/ /de yang dgongs pa las ye shes sku ni mngon rdzogs pa/ /gang zhig rnam smin dngos med pas/ /de nyid nor ni phrogs par byed/ /sangs rgyas byang chub rab tu gang/ /zhes gsungs so/ /de bzhin du mngon sum du byas pa'i ting nge 'dzin gyis bla na med pa'i sku rab tu thob pa las sems can thams cad kyi 'dod pa'i don steng ba nyid kyis yid bzhin gyi nor bur 'gyur ro/ /ji lta bu zhe na gsungs pa/ nor zhes bya ba la sogs pa la/ phyin ci ma log pa dngos po thams cad kyi rang bzhin gyi snang ba me long lta bu'i ye shes 'dir nor ro/ /de nyid rgya mtsho ste/ thams cad mkhyen pa'i yon tan rin po che 'byung ba'i gnas nyid kyi phyir ro/ /lhag ma ni go sla'o/ /yang na rnam par snang mdzad kyi rnal 'byor pas rang gi dkyil 'khor gyi dbus su gnas te/ pad+ma rA ga la sogs pa ma lus pa'i rin po che'i rgyan gyis brgyan pa'i sangs rgyas dang/ byang chub sems dpa' thams cad sprul la/ de rnams kyi nor thams cad phrogs pa ni ji lta ba bzhin du lus la sogs pas bya zhes bya'o/ /la la dag rang gi dkyil 'khor la gnas pa'i rnam par snang mdzad rang gi rig ma dang gnyis su med par gyur pa rnam par bsgom par bya ste/ ji lta ba bzhin du sangs rgyas thams cad ston nas/ de rnams ni nor 'phrog par bya ba la bzhugs ste/ de nyid rnam par nges par bskyed de/ ain+d+ra nI la la sogs pa'i rin po che'i rnam par nges pa ni rin po che thams cad kyi sbyor ba'o/ /'khor lo la sogs pa ni rang gi phyag mtshan ain+d+ra nI la la sogs pa'i rin po che'i gzugs kyi rab tu brtags nas/ de'i 'od zer rnams kyis nor gyi bdag po ma mthong bar ji ltar phrogs nas len pa zhes par 'dod do// rdo rje gzugs ni rnams bsgoms zhes bya ba ni de rnams yang mdun du sangs rgyas kyi rnam par mos par byas nas/ dngos po thams cad rnam spangs pa'i/ zhes bya ba la sogs pa'i nga rgyal dang ldan pa'o/ /rdo rje gsum zhes bya ba ni lus kyi ji lta ba bzhin rdo rje'i 'od zer gyis tshogs kyis so/ /ngag gis aoM A:dzi na dzika che ge mo'i dra bya A karSha ya hUM dzaser sna can de rnams de'i rjes la ji lta ba bzhin du rnam par snang mdzad du byas nas cho gas dbang bskur ba rnams yid bzhin gyi nor bu bzhin du lan du phan pa la mi bltos par nor rnams thams cad sbyin pa por 'gyur ro/ /de nas zhes bya ba la sogs pa pad+ma'i rigs kyi dam tshig gsungs pa/ 'dod chags thar pa rab bsgrub ces bya ba ni/ 'dod chags rnam par dag pa las thar pa rdo rje 'dzin pa chen po'i go 'phang bsgrub pa ni rnal 'byor pa'i rgyud las rdzogs par byed pa gang yin pa de ni de skad ces bya'o/ /rab tu 'jug ces bya ba ni tshig la rab tu 'jug par byed par bshad do/ /dag pa zhes bya ba ni/ dri ma rnams kyi gnas med pa'i phyir ro/ /chags pa thams cad rnam par gcod pa'i phyir/ dmigs pa med pa'o/ /pad+ma'i dkyil 'khor zhes bya ba ni snang ba mdza' yas kyi dkyil 'khor ro/ /tshe dpag med ni rab bsgoms te/ /zhes bya ba ni dkyil 'khor gyi dbus so/ /sangs rgyas thams cad ces bya ba ni bshad zin to/ /bud med lta bur sbyor ba ni/ zhes bya ba ni rang gi lha mo dang bcas pas bsgom par bya'o/ /dam tshig bzhi'i sbyor ba yis zhes bya ba ni stong pa nyid la sogs pa rnam par thar pa bzhi'i rang bzhin thabs dang shes rab gnyis su med pa'i sbyor ba las byung ba/ ye shes brtan pa'i dngos po nges so/ /longs spyod rdzogs pa dang/ chos kyi sku rnam pa gnyis kyi rtog pa ma yin pa'i dbang po gnyis te/ de'i sbyor bas/ de bzhin nyid sgom zhes bya ba'i don to/ /de yang dgongs pa las/ chos dang longs spyod yang dag sbyor/ /dbang po gnyis ni rab sbyor bas/ /sbyor ba bzhi yi snyoms 'jug gis/ de bzhin nyid ni nyer longs spyad/ /ces so/ /yang na phyag rgya chen po la sogs pa'i sbyor ba'i stobs kyis de bzhin gshegs pa la sogs pa thams cad kyi btsun mo phrogs nas/ rang gi rig ma'i nang du chud par byas la rang gi lha'i nga rgyal gyis ma skyes pa'i chos rnams la zhes bya ba la sogs pa'i tshigs su bcad pa'i don mngon sum du byas nas gnyis su med pa'i sbyor bas nye bar longs spyod do/ /de bzhin du phyi rol gyi bud med rnams dang/ gzhan gyi don dang bstan pa'i don du ltas nas nye bar spyod do/ /'on kyang ji lta ba bzhin du dgug pa la sogs pa'i cho ga byas nas sems kyis spros te/ spyan la sogs pa phyung nas des snga ma bzhin du de bzhin gshegs pa la sogs pa la yang dag par sbyar te/ phyis de rnams las phrogs nas/ rang snang ba'i gzugs su gyur pa nye bar longs spyod par bya'o// tha mi dad pa'i ye shes thob par byed pa'i phyir 'di rdo rje'i tshul lo/ /sku gsum thob par byed pa'i phyir mchog go /sku gsum zhes bya ba sku rdo rje la sogs pa'i rnal 'byor pas kyang de'i bya ba gsungs so/ /de nas zhes bya ba la sogs pas/ don yod grub pa'i rigs kyi dam tshig gsungs pa/ rdo rje tshig gi brdzun smra ba zhes bya ba la/ brdzun ni ngag kun rdzob tu bstan pa'o/ /de nyid rdo rje ste gnyis su med pa'i ye shes so/ /thob par bya ba'i thabs nyid kyi phyir tshig go / de rnams kyi bslu ba ni/ gang zhig chad par lta ba bsal la kun rdzob tsam du thams cad yod de/ 'dir khyad par gyi tshig smras nas mngon du byed pa zhes bya ba'i don to/ /yang na don dam par ma byung ba'i phyir/ brdzun ni 'khrul pa'i chos dngos po thams cad ces bya ba brdzun gyi tshig go / de nyid gnyis su med pa'i ye shes gsal bar byed pa ni rdo rje'i tshig gis te/ de rnams kyi bslu ba ni brtags pa'i chos thams cad spangs pa'o/ /rgyal ba zhes bya ba ni rnam par mdzad la sogs pa la nye bar dmigs pa'o/ /rgyal ba zhes kun gyi gnas zhes bya ba ni/ g.yo ba dang mi g.yo ba'i rdul phra rab kyi nang gi dkyil 'khor rnams so/ /la la dag spyan la sogs pa'i gzugs su 'dod do/ /thams cad du ro gcig pa nyid du bsgom par bya zhes bya ba'i don to/ /yang na rang gi dkyil 'khor ba rnams brdzun pa'i tshig gis 'drid par byed do/ /'dir man ngag ni ji lta ba bzhin du don yod grub pa'i dkyil 'khor la gnas pas dkon mchog gsum la sogs pa la phan pa mthong nas/ rang bzhin gyis 'od gsal ba'i chos la mos pas gzhan la bslu bar bya ba'i phyir brdzun gyi tshig smra ba ste/ de yang thams cad gsang ba'i rgyud las/ gzhan dag bde ba'i phyir dang/ /slob dpon bde ba'i rgyu yi ni/ /dkon mchog gsum la phan pa'i phyir/ /mkhas pas brdzun yang smra bar bya/ /zhes gsungs so/ /de de bzhin du smra ba ni/ brdzun ma yin par smra ba ste/ gzhan la khu ba dang bral ba'i phyir ro/ /de bzhin du yang bden par smras kyang gnod 'gyur na/ /gang zhig smras pas brdzun nyid de/ /bden dang mi bden gang zhig don/ /gang zhig gzhan don byed pa bden/ ? gsungs so/ /dam tshig dkyil 'khor zhes bya ba ni 'jug pa'i rgyu mtshan gyis rin po che tog gi dkyil 'khor ro/ /kun zhes bya ba la sogs pas dkyil 'khor pa gsungs so/ /rtsub pa'i ngag pa sogs pa zhes pa ni/ rtsub pa ni thams cad mi dga' ba ste/ bzung ba la sogs pa'i mngon par zhen pa med pa'i tshig go /sogs pa'i sgras ? ma la sogs pa bzung ngo/ /phra ma ni sems can rnams lam ngan pa las 'byed pa'o/ /tshig 'khyal pa ni rnam par dag pa'i yul las longs spyod pa la sngags pa'o/ /yang na brtan pa la sogs pa'i don du mthong nas/ chos rnams thams cad dngos med cing zhes bya ba la sogs pa'i tshigs su bcad pa nges par byas nas/ rin chen 'byung ldan gyi dkyil 'khor la gnas nas tshig rtsub mo smras pa'o/ /dper na skyes pa dang bud med sbyor ba la shin tu rjes su chags pa'i phyir dag rtsub mo dang/ phra ma dang tshig 'khyal pa la sogs pa smra'o/ /de bzhin du lha rnams nyid/ lhur smra ba bsgom par bya'o/ /zhes la la dag 'dod do/ /de ltar mi dge bcu'i las kyi lam spyad kyang de kho na nyid rigs pas/ ngan song du lhung ba med de/ rgyud yongs su dag pa'i phyir ro/ /de yang las kyi sgrib pa rnam par dag pa'i mdo las/ sems nyon mongs par gyur pa las sems can rnams nyon mongs pa'o/ /sems rnam par dag pa las rnam par dag ces gsungs so/ /sngar nam mkha' gnyis su med pa'i ye shes kyi ting nge 'dzin gyi the tshom thams cad spangs kyang ma 'ongs pa'i spros pa go pa'i gdul bya'i 'gro ba rjes su bzung ba'i don du/ chos kyi de nyid ma rig pa bzhin du byang chub sems dpa' rnams kyi/ de bzhin gshegs pa rnams la zhus pa 'di ci'i slad du zhes bya ba la sogs pa gsungs so/ /de bzhin gshegs pa rnams kyi bsam pas mkhyen nas mi shes pa bzhin du 'gegs te/ de dag la zhes bya ba la sogs pas de rigs pas 'gal ba med pa nyid du rtogs par byed do/ /de bzhin gshegs pa'i spyod pas zhes bya ba ni/ de bzhin gshegs pa'i 'bras bu gtso bor 'dod pa nyid kyi phyir rol? de nyid gsungs pa/ nam mkha' i dpes so/ /dper na nam mkha' rang bzhin med pa de bzhin du chos thams cad ces bya'o/ /de yang dpal sangs rgyas thams cad las/ thams cad nam mkha' i mtshan nyid de/ /nam mkha' la yang mtshan nyid med/ ces gsungs so/ /de nyid don dam par na/ 'dod pa'i khams la sogs pa yod pa ma yin pa nyid kyi phyir de'i rang bzhin ma yin pa'i don to/ /de ltar zhes bya ba ni/ nam mkha' bzhin no/ /gang gi phyir chos thams cad rang bzhin med pa'i dngos po yin pa de'i phyir 'di ston pa ni/ khyed rnams kyi sman pa'i 'du shes la sogs pa mi bya'o zhes bslab po/ /gang de bzhin du yin na skye ba dang 'gag par ji ltar 'gyur zhe na/ gsungs pa/ 'di lta ste zhes bya ba la sogs pa la/ 'di skad gsungs pa yin te/ kun rdzob du skye ba dang 'gag pa ste/ don dam par ni gang yang skye ba dang 'gag pa med do/ /de bzhin du yang gsungs pa/ /de de rnyed nas gang skye ba/ /de ni rang bzhin gyis ma skyes/ /gang zhig rang bzhin gyis ma skyes/ /de ni skye bar ji ltar 'gyur/ /zhes so/ /da ni byang chub sems dpa' de rnams kyis chos kyi de kho na rtogs pa rnyed nas ched du rjod pas rang gi rtogs pa 'bul bar byed pa'o/ /rmad byung? chen po zhes bya ba ni/ rten cing 'brel par 'byung ba nyid kyis nyes pa med pa nyid kyi phyir ro/ /nam mkha' dang ni mtshungs pa dang/ zhes bya ni/ de kho na nyid kyi ngo bo nyid kyis sna tshogs su rtogs pa dang bral ba'i phyir ro/ /rnam par mi rtog ces bya ba ni/ rang bzhin med pa nyid kyi phyir ro/ /dag pa zhes bya ba ni/ rang bzhin gyis 'od gsal ba nyid kyi phyir ro/ /kun rdzob tsam du zhes bya ba ni/ snying rje chen pos thams cad brtags pa rnam par dag pa'i don du bsgoms pa la sogs pa gsungs so/ /zhes bya ba'i don to/ /don yang yin la dam pa yin pas don dam pa'i byang chub kyi sems rdo rje'o/ /de'i rnam par dag pa ni de kho na nyid kyi don te/ ji lta ba bzhin du dam tshig bzhi'i man ngag go / de nyid dam tshig ste/ de'i ming gang la yod pa de la de skad ces bya'o/ /dpal gsang ba 'dus pa'i dka' 'grel rgyal bas byin pas mdzad pa las le'u dgu pa'i bshad pa'o// //ji ltar bshad pa'i dam tshig la gnas pa ji lta ba bzhin rig pa'i brtul zhugs spyad pa'i rnal 'byor pas/ gang gi tshe sgrub pa drug gis kyang ma grub pa de'i tshe nyi ma mdun du de bzhin gshegs pa'i thugs bskul bar bya'o/ zhes te/ de'i phyir de bzhin gshegs pa thams cad kyi thugs bskul ba'i le'u gsungs pa/ de nas zhes bya ba la sogs pa la/ dam tshig chen po rdo rje zhes bya ba ni/ dpal byang chub kyi sems rdo rje ste/ thams cad skyed par byed pa nyid kyi phyir ro/ /de kho na nyid mngon par rdzogs par byang chub pa ste/ rigs lnga ye shes gcig gi ngo bo nyid kyi phyir ro/ /de nyid sku la sogs pa'i gsang ba ste/ gang de la bya ba'i don to/ /de nyid ces bya ba ni/ rigs lnga'i rang bzhin nyid kyi phyir/ hUM la sogs pa'i yi ge lnga rnams so/ /sngags snying kun bsdus pa zhes bya ba ni nges na thams cad kyi rigs dang/ rigs can gyi lha rnams bsdus par gyur pa nyid kyi phyir ro/ /sku dang gsung thugs gsang ba grags zhes bya ba ni re re zhing gsum gsum gyi ngo bo nyid yin pa'i phyir ro/ /dngos grub chen po'i tshul gyis mchog / ces bya ba ni bla na med pa'i ye shes thob pa'i rgyu'o/ /ji lta ba bzhin du nyon mongs pa las rnam par rgyal ba nus pa yod pa'i phyir/ nyon mongs pa kun gyi rgya mtsho gtso zhes bya'o/ /yang na 'dod chags la sogs pa shin tu rnam par dag pa'i rang bzhin gyis nyon mongs pa rnams ni snang ba mdza' yas la sogs pa rnams so/ /de nyid gting dpag dka' bas zab pa'i phyir rgya mtsho'o/ /de rnams kyi skyed par byed pa nyid kyi phyir/ /gtso bo'i nyon mongs pa'i bud shing sreg par byed pa nyid kyi phyir 'bar ba'o/ /gdug pa rnams la 'jigs su rung ba'i gzugs nyid kyi phyir drag po'o/ /da ni sngags kyi de kho na nyid gsungs pa/ lus zhes bya ba la sogs pa la/ gang na'ang mi gnas mnyam pa nyid ces bya ba ni/ gnyis su med pa nyid kyi phyir mi mnyam pas stong pa'o/ /'di skad gsungs pa yin te/ sku la sogs pa'i rdo rje rnams so sor sku la sogs pa bsgom pas rang bzhin med pa'i ngo bo nyid du bya'o/ /pha rol tu phyin pa ni gnyis su med pa'i ye shes te de'i tshul ni gang gis de rnyed pa'o/ /des sangs rgyas nyid kyi 'bras bu rnyed par byed pa'i sa bon lnga'o/ /de nyid rdo rje ste/ gang du ting nge 'dzin mngon du byas pa dang ldan pa'o/ /rig pa du ma zhes bya ba la sogs pas zhi ba la sogs pa'i las kyi dbye bas spyan la sogs pa du ma sprul pas sems can gyi don byed par ston to/ /'dod pa'i yon tan lnga rnams kyis zhes bya ba ni/ sems can smin par bya ba'i don du gzugs la sogs pa'i yul rnams kyis so/ /yang na sbyin pa la sogs pa / pha rol tu phyin pa lnga rnams kyis so/ /de yang gsungs pa/ bu gdug gang bde 'dod yon rnams /sbyin sogs lnga ni sbas pa ste/ /'gro ba'i don byed 'di rnams kyis/ /'dod yon lnga yis byas pa'o/ /rdzogs par gyur to zhes bya ba la sogs pas/ spyan ras kyi mi 'tsho ba'i rgyu gsungs pa/ yongs su rdzogs pa ni grub pa'o/ /ldan pa zhes bya ba ni nges par bzung ba'o/ /'di dag ni zhes bya ba ni sgrub pa po ste mngon par brtson pa'o/ /rgyu 'dis ni btang snyoms spyod pa ste/ spyod mod ce na/ lha'i byin gyis rlabs kyi stong pa sgrub pa pos mi grub po/ /de'i phyir skyes du dam pa'i rnal 'byor pa de rnams spyan ras kyi btsa' ba' i don du sngags thams cad kyi snying po bskul ba ni de bzhin gshegs pa thams cad kyi ye shes yang dag par sad par byed pa ste/ sad par byed pa bskul bar bshad ces bya ba'i tshig las so/ /de bzhin gshegs pa thams cad ces bya ba ni sku rdo rje'o/ /de'i sku dang gsung thugs de nyid de bzhin nyid kyi ye shes las rdzogs pa'i phyir dam tshig la dmigs pa'o/ /rdo rje 'dzin thams cad kyi zhes bya ba ni thugs rdo rje'o/ /chos 'dzin pa thams cad ces bya ba ni gsung rdo rje'o/ /sku la sogs pa ni sngar gyi bzhin du sbyor ro// yang na ji ltar rang gi ye shes kyi phyag rgya ji lta ba bzhin du byin gyis brlab pa rdzogs pa'o/ /de'i phyir go rim bzhin du nu ma'i bar la sogs pa'i byin gyis brlabs pa byed pa 'di ston par 'gyur ro/ /dag gi lam nges par brjod pa zhes bya ba ni/ dag nyid sngags kyi bdag nyid de thar pa'i grong khyer du 'jug pa'i phyir lam mo/ /yang na dag gis rtogs par bya ba nyid kyi phyir ngag gi lam ste/ 'di yod pa'i phyir dag gi lam ni sngags so/ /dag gi tshig ces bya ba'i tshig la ni dag gi rang bzhin gyi tshig ces pa'i don to/ /de'i nges tshig ni nges par brjod pa ste/ chos thams cad ni rgyu dang bral ba zhes bya ba la sogs pa don ston pa las don gyis rjes su 'gro ba'i ngag ces bya ba la sogs pa'i tha tshig go / de nas 'di zhes bya ba la sogs pas ni 'bras bu dang bcas pa'i nus pa bstan to/ /de'i phyir rnal 'byor pa rnams bstan par gyur te/ nges par 'di de bzhin gshegs pa thams cad kyi bskul ba'o /zhes bya ba nas so/ /bskul ba la yang rang gi sngags las rdzogs pa'i rang gi lha'i nga rgyal gyis bya ste/ de'i phyir gsungs pa/ de nas zhes bya ba la sogs pa las/ de'i dbus su yi ge hUM zhes bya ba la/ dkyil 'khor de nyid la yi ge hUM rdo rje 'dzin pa'i rnal 'byor pas ji lta ba bzhin du zla ba'i dbus su gnas par bsam mo/ /zhes bya ba dang 'brel to/ /rang gi gzugs ni rab tu brtags zhes pa ni ji lta ba bzhin du rgyu'i rdo rje 'dzin pa yongs su gyur pa las de nyid de'i bdag nyid kyi gzugs phan tshun du rgyu dang 'bras bur gyur pa'i phyir ro/ /rdo rje 'od zer 'bar ba che/ /zhes bya ba ni/ rdo rje phyag mtshan 'od dang bcas pa'o/ /'od zer 'phro zhes bya ba ni/ nam mkha' i dbyings khyab pa dang ldan pa ste/ 'di ni sa bon gyi khyad par ro/ /sangs rgyas kyi zhes bya ba ni/ ye shes tsam dmigs pa'i 'o/ /drangs par zhes bya ba ni/ de'i 'od zer gyi snang bas bskul nas bsdus te rang gi ye shes las bcug nas ji lta ba bzhin du rang gi lha'i gzugs su bdag nyid rdzogs par bya ba'o/ /de de bzhin du lha thams cad ji lta ba bzhin du rang gi sa bon las gyur pa lha thams cad bsgom par bya'o/ zhes bstan pa yin no/ /'dir rgyu'i rdo rje 'dzin pa'i sa bon dang/ phyag mtshan ni/ 'dis ston pa ma yin te/ de ni rgyas par 'chad par 'gyur pa nyid kyi phyir ro/ /rang gi dkyil 'khor rang sngags kyis/ /skyed par byed pa'i tshul du 'gyur/ /zhes bya ba ni rang snang ba'i rig ma'i pad+ma'i nang du rang gi bdag po'i sa bon gcig nyid kyis gdon pa'i dkyil 'khor sprul bar bya'o/ zhes bya ba'i don to/ /dkyil 'khor sprul pa bshad pa'i don du gsungs pa/ rang sngags skyes bu zhes bya ba la sogs pa la/ rang sngags skyes bu zhes bya bas ni/ rang gi lhag pa'i lha ston pa'o/ /gnas bzhi rnams su zhes bya ba ni/ sangs rgyas zhes phyogs bzhir ro/ /gzugs kyi tshul zhes bya ba ni ji ltar ston pa'i gzugs kyis so/ /de nyid gsungs pa/ zhal gsum tshul du sbyor ba yis/ zhes bya ba ni/ kha dog gsum du bsgom par bya'o/ /snying ga'i dbus su song zhes bya ba ni/ de bzhin gshegs pa thams cad kyi snying por gyur pa nyid kyi phyir rdo rje 'dzin pa'o/ /nye bar gdags pas de'i chos 'byung ba'i gzugs su nges par bstan te/ de'i nang du zhes bya ba'i don to/ /phra mo zhes bya ba ni/ sa ye shes kyi ngo bo nyid kyi phyir ro/ /de'i zhes bya ba ni dkyil 'khor gyi'o/ /yi ge zhes bya ba ni/ sku rdo rje la sogs pa yi ge rnams te/ rdo rje gsum ni yi ge gsum zhes bya ba'i tshig las so/ /mchog du gyur pa'i tshig ces bya ba ni/ sa bon gyi yi ge hUM la sogs pa ste/ 'byin pa'i sngags ni ma yin no/ zhes bya ba'i don to/ /rdo rje chen po rtse lnga pa zhes bya ba ni yi ge hUM las byung ba'o/ /sbyor ba zhes bya ba ni/ thab dang shes rab gnyis su med par snyoms par zhugs pa'o/ /rdo rje gsum ni sku la sogs pa'i rdo rje rnams so/ /rdo rje skyo pa'i khyad par gyis zhes bya ba la/ 'di skad gsungs pa yin te/ sku rdo rje la sogs pa'i bdag nyid kyi rdo rje las ji lta ba bzhin du rdo rje skyo ba bsam mo/ /snying gar btab byas te/ zhes bya ba ni ji lta ba bzhin du gdang pa'o/ /lha rnams rab tu bskul bar bya/ zhes pa ni/ dngos grub mngon du sbyin par byed pa'i don du'o/ /de bzhin du rigs kyi bye brag gi bskul ba'i bya ba gsungs pa/ 'khor lo'o zhes bya ba la sogs pa la snying ga ru ni bskul bar bshad/ ces bya ba ni bdag po yin no/ /zhag bdun par du byas nas zhes bya ba ni 'dis drag shul gyi bsgrub pa'i dus des par byas pa'o/ /'dis gtsor brdeg pa nyid bstan to/ /de yang bla ma'i man ngag las rgyas par shes par bya'o/ /yang na rang gi bka' yi dkyil 'khor la gnas pa'i rnal 'byor pas snying gar de bzhin du nyi ma la gnas pa'i ye shes sems dpa' bsgom par byas nas de'i snying gar ye ge hUM ngo/ /de nyid yi ge mchog du gyur pa'i tshig go /rdo rje zhes bya ba ni/ de yongs su gyur pa las rdo rje chen po rtse lnga pa bsgom par bya'o/ /rdo rje gsum zhes bya ba ni/ yi ge aoM gyi 'khor lo ste sku rdo rje'o/ /a'i yi ge'i pad+ma gsung rdo rje ye'o/ /yi ge hUM ni thugs rdo rje'o/ /rdo rje kyo ba'i khyad par gyi zhes bya ba ni/ de'i rdo rje la sogs pa lag pas lcags kyu 'dzin pa'i lha'i gzugs su bsams par bya'o/ /de yi snying gar btab byas te/ zhes bya ba ni/ de'i sngags bskul bas rang gi snying ga nas byung ste/ de yang bka' gnod par bsams nas rdo rje kyo bas song shig thugs kar thob shig ces pa'o/ /yang lha rnams rab tu bskul bar bya zhes pa ni 'di skad gsungs pa yin te/ sngar bsnyen pa byas nas rig pa'i brtul zhugs spyad pa dang/ tshogs yongs su rdzogs pa bsgrub pa la sogs pa la ji lta ba bzhin du bka' i 'khor lo la gnas nas khro bo rnams phyung ste/ 'di skad smra bar bya ste/ gshegs la phyogs bcu'i 'jig rten gyi khams la gnas pa'i sangs rgyas dang byang chub sems dpa thams cad la 'di skad smros shig che ge mo rdo rje can/ che ge mo'i yul phyogs su bzlas pa yongs su rdzogs pas sgrub pa'i dkyil 'khor 'dri yis/ de ru song la mchod pa la sogs pa blang bar bya ba dang/ dngos grub la sogs pa sbyin par gyis shig ces so/ /de nas khro bo de rnams phyogs bcur song bas bka' stsal pa mthar phyin par byas nas/ slar 'ongs te de rnams kyis gnang bar smra bar lha'o// de nas yongs su mchod de dpal ba lte ba kha dang brla gnyis dang/ rkang ba gsang ba snying ga la gzhug ste/ lus dang thams cad me 'bar ba dang 'dra ba lta/ blo dang ldan pas khro bo'i tshogs dang tha mi dad/ de nas ji lta ba bzhin du gsang ba'i mchod pa byed pa na lha mo'i tshigs byung ste / dkyil 'khor la gnas pa rnams la dbul par bya'o/ /de rnams dbang po gnyis kyis snyoms par 'jug pas gnas par rnam par bsams te/ bstod pa dang/ mchod pa byas nas/ rang gis kyang snyan gsan gsol bar bya'o/ /sang bdag gis bsgrub pa'i dkyil 'khor bri bar bya ste/ de la khyed rnams kyis 'ongs nas mchod pa bzhes te/ dngos grub stsol zhig /gzhan du khyed brdzun zer ba'o/ /'di lta bu snyan gsan gsol nas ye shes kyi dkyil 'khor steng du gdegs par bya'o/ /ji ltar ston pa'i dkyil 'khor rang gi lus la bcug pa'i dkyil 'khor gyis de nyid la mnyam par bzhag pa'i semS kyis nyal lo/ /de bzhin du yang lhag par gnas pa'i cho ga sngon du song ba'i dkyil 'khor bris nas dngos grub bsgrub par bya'o/ /ma grub na yang bla ma'i tshig gis gsal bar byas/ drag shul bsgrubs pa'i cho gas nyi ma bdun gyi bar du/ de bzhin gshegs pa'i thugs bskul bar bya'o/ /'di rnams kyi don gsungs pa/ sku rdo rje la sogs pa dang ye shes sems dpa' i rang gi ngo bo nges par bstan to/ /zhes bya ba rtogs par bya ste/ de la rang sngags skyes bu zhes bya pa ni rang gi sa bon yongs su gyur pa las thugs rdo rje la sogs pa rnams so/ /gnas gzhi rnams su gzugs kyi tshul zhes bya ba ni/ snying ka la sogs pa'i gnas rnams su'o/ /gzugs kyi tshul zhes bya ba ni rang gi rnam pas so// 'di nyid zhal gsum pa la sogs pas nges par bstan to/ /snying ga'i dbus su son pa zhes bya ba ni/ man ngag las phyag mtshan gyi dbus su son pa'i phra mo'i/ /dkyil 'khor rnams ni bsam par bya/ zhes pa ni thugs rdo rje la sogs pa bskyed pa'o/ /'di nyid kyi rgyal bar bstan pa gsungs pa/ de'i zhes bya ba ni phyag mtshan gyi'o/ /rtse mo lnga pa zhes bya ba ni/ rdo rje'i nang du song ba gzhan rdo rje rtse lnga pa phra mo'o/ /'di yang nye bar mtshon pa ste/ de bzhin du phra mo'i pad+ma la sogs pa yang bsgom par shes par bya'o/ /sbyor bas shes pa ni de yang sku rdo rje la sogs pa thams dang shes rab kyi ting nge 'dzin la snyoms par zhugs pa'i lha'i gzugs su gyur pa bsgom par bya'o/ /de ltar skyed pa'i thugs rdo rje la sogs pa byin gyis brlab pa'i don du nam mkha' la gnas pa rnams ji lta ba bzhin du thugs rdo rje la sogs par bsgom par bya'o/ /lha rnams rab tu bskul bar bya/ zhes bya ba ni ji ltar rang gis bskul pa'i tshigs bcad dag gis byin gyis brlab pa'i phyed du gsol ba gdab par bya'o/ /rnam par gzigs zhes bya ba ni dngos grub ster ba la mngon du phyogs par 'gyur ro/ /'jigs shing zhes bya ba la sogs pa'i sbyor ba'i bdag nyid kyi che ba gsungs so/ /rmongs pas 'da' bar byas nas ni zhes pa ni/ gal te de lta na yang mngon du mi 'gyur na de'i tshe/ 'dir rmongs pa'i bdag nyid ni rtog pa thams cad kun tu spangs pa'o/ /de'i srog kyang der zad 'gyur zhes bya ba ni/ 'di las lhag pa'i stong pa yid kyi ting nge 'dzin las blang ba las mi srid pa'i phyir mya ngan las 'das pa la gcig tu nges par gyur pa'i phyir ro/ /yang na rmongs pa ni ji lta ba ma yin pa'i sbyor bas drag shul bsgrub pa nyid kyi phyir rmongs pa'i bdag nyid chogs stong pa'i rnal 'byor pa de dam tshig nyams pa las gdon la sogs pas nye bar 'tshe bas nyams par 'gyur te/ drag shul bsgrub pa'i mdza' nyid du 'chi bar gyur te/ dngos grub ma thob pa nyid du 'chi par 'gyur ro/ /sngags kyi skyes bu zhes bya ba ni/ mi bskyod pa la sogs pa rnams so/ /rdo rje gsum ni sku rdo rje la sogs pa'o/ /ye shes zhes bya ba ni ye shes sems pa'o/ /de rdzogs pa ni ji lta ba bzhin du ldan pa'o/ /ji ltar zhe na gsungs pa/ dbang po gnyis ni sbyor ba yis/ /zhes bya ba ni thabs dang shes rab kyi sbyor bas so/ /dngos po thams cad brtag par bya/ /zhes bya ba ni phung po la sogs pa'i bdag nyid kyang de ltar bsgom par bya'o/ zhes bya ba'i don to/ /de 'di skad gsungs pa yin te/ gang la la 'dir bsgom par bya ba de rnams phyag rgya bzhis rgyas btab pa thabs dang shes rab kyi bdag nyid bsgom par bya'o/ /gzhan dun grub pa ma yin no/ /yang na thams cad g.yo ba dang/ mi g.yo ba'i dngos po thams cad rang gi dkyil/ 'khor lha'i gzugs su bsgom par bya zhes pa'o/ /'dis kyang bskul bar 'gyur ro/ /rig ma dbang phyug ces bya la sogs pa la 'di skad gsungs pa yin te/ spyan la sogs pa la mngon sum du byas te/ de'i rigs kyi bdag po'i sbyor ba dang ldan pas/ de'i pad+ma'i nang du zhugs te/ de'i ye shes kyi lha mo yongs su chags par bya ba ni/ de rnams shin tu dbang du gyur par lte'o/ /de ltar na/ de yang dag par bskul bar gyur pa'o/ /de nas zhes bya ba la sogs pas sbyor ba gzhan gsungs te/ 'di skad gsungs pa yin te/ de'i bdag po'i sbyor ba yis sgrub par bya ba'i lha mo dang snyoms par zhugs pa dang/ de'i rnam pas 'jig rten gyi khams kyi rdul phra rab dang mnyam pa'i lha mo rnams spros nas dbang po gnyis kyi snyoms par 'jug pas nye bar longs spyod par bya'o/ /sangs rgyas rnams ni de spro bya zhes bya ba ni/ sangs rgyas kyi dkyil 'khor spro bar bya'o/ /zhes bya ba ni/ gzhan dag ni rig ma'i dbang phyug ces bya ba la sogs pa ni/ rang snang pa nye bar longs spyad par gsungs so/ /'jig rten khams ni thams cad na/ zhes bya ba la sogs pa rnams kyis rang gi 'dod pa'i lha mo'i sbyor bas rang snang ba'i nang du zhugs pa sngon du song nas/ phyi'i bud med nye bar longs spyad bya ba gsungs so/ /dpal gsang ba 'dus pa'i dga' 'grel rgyal bas byin pas mdzad pa las le'u bcu pa'i bshad pa'o/ / //snying po bskul ba 'di yang yi ge gsum la sogs pas bskyed pa'i lha'i sbyor bas dra ba'i dngos grub la sogs pa yang bya'o/ / zhes rgyas par bstan par 'dod nas le'u bcu gcig pa gsungs pa'o/ /de nas zhes bya ba la sogs pa la/ de bzhin gshegs pa thams cad kyi rdo rje ni/ rnam par snang mdzad la sogs pa rdzogs pa'i rgyu'i phyir yi ge aoM la sogs pa'o /da'i phyir? ni skyes bu'i mchog ces bya ste/ de la dmigs pa'i ting nge 'dzin la 'di skad ces bya'o/ /de la snyoms par zhugs zhes bya ba dang 'brel to/ /de bzhin gshegs pa'i sngags thams cad ni sku rdo rje la sogs pa rnams kyi snying po'o/ /de nyid snying mi phyed pa'i rig pa dang bcas pa'i skyes bu bskyed pa'i gzugs kyi le'u gang du gsungs pa ste/ 'di gsungs so/ /zhes bya ba ni/ gsung ba dang ldan pa'o/ /rdo rje gsum yig sngags kyi mchog ces bya ba la rdo rje gsum gyi yi ge ni aoM la sogs pa rnams so/ /de rnams nyid de bzhin gshegs pa'i rang bzhin nyid kyi phyir mchog go /phyag rgya chen po rnam bsgoms pa zhes bya ba ni/ phyag rgya chen po rang gi 'dod pa'i lha bsgom pa ji lta ba bzhin du bskyed par bya'o/ /ye shes rdo rje dag gis bya zhes bya ba ni zla ba zhu ba la sogs pa'i gzugs kyis sam/ dri za'i sems can lta bu bsgrub par bya ba'i lha'i gzugs kyis sangs rgyas rnams zhugs pas so/ /byang chub thams cad thob byed pa zhes bya ba ni me long lta bu la sogs pa'i ye shes rdzogs par byed pa zhes ba ba'i don to/ /de nyid gsungs pa/ yi ge aoM gyis zhes bya ba la sogs pas so/ /ye shes snying po zhes bya ba ni/ me long lta bu'i ye shes kyi bdag nyid do/ /de'i phyir sku'i rdo rje thob pa rnam par snang mdzad nyid thob byed ba'o/ /byang chub bdag med pa zhes bya ba ni so sor rtog pa'i ye shes kyi bdag nyid kyi phyir snang ba mdza' yas nyid kyi rang bzhin thob par byed pa'o/ /sku dang gsung thugs zhes bya ba ni/ rig pas thugs las gzhan med pa'i phyir thugs nyid sku la sogs pa'i ngo bo'o/ /de'i phyir rdo rje mi phyed pa gsum thob pa ni mi bskyod pa'i gzugs thob par byed pa'o/ /zhes bya ba'i don to/ /gzhal yas khang gi gnas dang/ sa bon bshad par 'dod nas gsungs pa nam mkha' rdo rje zhes bya ba la sogs pas so/ /rdo rje kun skyes zhes bya ba ni/ phyogs thams cad du ste/ phyogs bzhir rdo rje gang la yod pa de la de skad ces bya ste/ sna tshogs rdo rje zhes bya ba'i don to/ /de buM yongs su gyur pa las skyes pa ste/ de'i phyir gsungs pa/ yi ge buM gsum? mo zhes bya'o/ /de la zhes pa ni/ de'i rgyu mtshan du dang por sna tshogs rdo rje la ye ge bum bsam mo/ zhes bya ba'i don to/ /bzlas pa'i tshogs? yi ge gsum dgod ba'i gnas skabs gsungs pa/ rdo rje dkyil 'khor zhes bya ba la sogs pa la 'di skad gsungs pa yin te/ rlung dang chu dang/ me'i dkyil 'khor rnams la go rim bzhin du sku rdo rje la sogs pa'i sa bon gsum mo/ /kun gyi lhag ma yin pa'i phyir/ sa'i dkyil 'khor la gnas pa ye shes sems dpa' i sa bon dang bcas pa bkong te/ ji lta ba bzhin du bzlas par bya'o/ /ji skad du rdo rje gsal chos 'khor lo ste/ /sku gsung thugs kyi rdo rje rtogs// gnas su de ni brtan byas la/ /ye shes sku ni spro zhing zlas/ /zhes gsungs so/ /yang na rang gi dkyil 'khor rang sngags kyis/ skyed par byed pa'i tshul du gyur/ /zhes bya ba le'u bcu par gsungs pa/ rgyas bar bstan par bya ste/ ji ltar rang rnam par snang mdzad la sogs pa'i dkyil 'khor rnams skyed ba'i sa bon gsungs pa/ rdo rje zhes bya ba la sogs pa ni mi bskyod pa'i dkyil 'khor gyi dbus su gnas pa ji lta pa yin pa de bzhin du yi ge hUM gis rnam par bsgom par bya/ zhes gzhan dang 'brel lo/ /lhag ma ni go sla'o/ /yi ge b+h+ruM gyis gnas bsgoms te/ /zhes bya ba la 'di skad gsungs pa yin te/ yi ge b+h+ruM gyis ji lta ba bzhin du dkyil 'khor bskyed nas cho gas sku rdo rje la sogs pa bsgom par bya ste/ 'ba' zhig ni ma yin no/ /snying po dus su sangs rgyas kyi zhes bya ba ni/ thabs dang shes rab kyi bdag nyid man ngag las ho dmar po gnyis so/ /ji lta bu zhe na gsungs pa/ thams cad kyi zhes bya ba la sogs pa la de bzhin gshegs pa thams cad kyi sku rdo rje la sogs pa'i ngo bo yi ge gsum ? dang ma'i bdag nyid kyi rdo rje 'dzin pa'o/ /mnyes pa ni ro mnyam par rtogs pa'o/ /gang gsungs pa drug par rdo rje gsum gnas bsgom zhes bya ba la de la sku la sogs pa'i rdo rje rnams aoM zhes bya ba la sogs pas bskyed pa'i sa bon gsungs pa'o/ /sprul pa ste zhes bya ba la sogs pas ni mi phyed pa'i bsgom pa nyid yang dag par rdzogs pa'i byang chub tho ba pa 'di nyid yin no/ /zhes nges par ston to/ /'di dag sangs rgyas skyes bu ste/ zhes bya ba ni/ sangs rgyas kyi bdag nyid do/ /de'i phyir thabs dang shes rab kyi bdag nyid sngags kyi rig pa zhes bya bar grags so/ /ji ltar na de ltar yin zhe na gsungs pa/ rdzogs pa zhes bya ba la sogs pas? lha dang lha mo thams cad kyi sku la sogs pa rdzogs pa dang byin gyis brlab pa la sogs pa rnams las mi 'da' ba nyid kyi phyir dam tshig dag gi yin te/ tha dad pa yongs su ma bzung ba las mi phyed pa'i ye shes bsgom pa'i rgyas zhes bya'o/ /da ni bstan pa'i sku rdo rje la sogs pa rnams kyi gnas pa dang byin gyis brlabs pa'i cho ga ston pa na ting nge 'dzin dang rjes su mthun pa'i gnas sngon du 'gro ba'i rigs gsum dang 'grel pa'i dra ba'i dngos grub gsungs pa/ dben zhing zhes bya ba la sogs pa la zla ba phyed kyi zhes bya ba ni phra mo'i sbyor bas bsgoms pa la sogs pas dang por sems bstan pas so/ /sngags kyi dam tshig bskyed ces bya ba ni/ sngags gang la gang mi zla ba'i sbyor ba de la snyoms par zhugs zhes bya ba'i don to/ /yi ge aoM ni snying gar gzhag ces bya ba ni/ sku rdo rje thugs ka'i phyag mtshan la'o/ /ji ltar dgod ce na gsungs pa/ 'od zer lnga zhes bya ba la sogs pa la/ rnam par snang mdzad nyid mchog ste/ gtso bor bsgoms pas/ gang rnams dkar po la sogs pa'i 'od zer gyi sprin gang la yod pa de rnams dang bcas pa'i rnam par snang mdzad spro ba la sogs pa dang ldan par dgod do/ zhes bya ba'i don to/ /yang na rnam par snang mdzad kyi mchog ces bya ba ni bdag po ste/ sku rdo rje gang la yod pa de la de skad ces bya'o/ /'bras bu gsungs pa/ 'di yis sangs rgyas rnams kyi sku zhes bya ba ni/ skyes bu chen po'i mtshan sum cu rtsa gnyis dang bcas pa ji srid ting nge 'dzin thob nas rdzogs ba'o/ /'di skad gsungs pa yin te/ ji lta ba bzhin du yi ge aoM gyis rang gi lha'i mgo la bskyed pa ni/ sku rdo rje'i thugs ka'i phyag mtshan la gnas pa'i yi ge aoM gyis sku rdo rje'i tshogs phyung ste/ ji lta ba bzhin du yang dag par mchod nas/ bde ba dang bcas pa gzhan gyi dbang gi rang bzhin du ltas nas gsol ba gdab ste/ de rnams kyis ji lta ba bzhin du rang gi sku rdo rje la bcug ste/ bdag nyid kyi lus byin gyis brlab pa sku byin gyis brlab pa'i dus su bsgom par bya'o/ /dngos grub bsgrub pa la yang dkyil 'khor bris pa'i dbus su 'dug pa'i snying ga'i sa bon las thams cad spro bar bya'o/ zhes bya ba ni khyad par ro/ /de bzhin du gsung dang thugs rdo rje dag la yang lta bar bya'o/ /rdo rje bskal pa gsum du gnas zhes bya ba ni/ rang 'dod pa las so/ /lnga zhes bya ba ni/ 'dod pa'i yon tan lnga rnams so/ /ye shes rnams zhes bya ba ni/ sangs rgyas rnams so/ /sangs rgyas kyis ji ltar longs spyod pa de bzhin zhes bya ba'i don to/ /yang na sangs rgyas nyid ye shes kyi bdag nyid de/ bsten pa ni gus pa bya ba zhes bya ba'i don to/ /de bzhin gshegs pa thams cad kyi sku zhes bya ba ni rnam par snang mdzad de/ de nyid rdo rje 'od zer bkod pa gang la ming de yod pa'i ting nge 'dzin la de skad ces bya'o/ /dag byin gyis brlab pa gsungs pa nam mkha' rdo rje zhes bya ba la sogs pa la/ a ni dag gi lam la bzhag ces bya ba ni dag rdo rje'i snying ga'i mtshan ma la'o/ /ngag gi lam zhes bya ba'i tshig la ni gsung rdo rje'i rang bzhin du shes par bya ste/ kha dog lnga'i 'od zer dang ldan pa'i phyir kha dog lnga'o/ /so sor rtog pa'i ye shes kyi ngo bo nyid yin pa'i phyir rdo rje che'o/ /'jig rten dbang phyug bsgoms pa yis zhes bya ba ni/ snang bar byed bsan/ 'jig rten te so sor rtog pa'i ye shes so/ /de la dbang mchog ni snang ba mdza' yas so/ /lhag ma ni bshad pa dang 'dra'o/ /yi ge a la sogs pa yongs su gyur pa las mgrin pa'i phyogs su ngag rdo rje dam tshig sems dpa' i gzugs bskyed la byin gyis brlab par bya'o/ zhes bya ba'i don to/ /de bzhin du rang rang gi gnas su thugs rdo rje la sogs pa yang shes par bya'o/ /dngos grub bsgrub ba la yang rang gi sa bon gyis rang gi lha skyed la ji lta ba bzhin bsgom ba la sogs pa bya'o/ /tshig gi dam tshig spros byed pa ces bya ba la sangs rgyas kyi gsung gi dam tshig ni g.yas su 'khyil ba'i dung gi nang du chu skyes kyi ? ma lta bu dbyangs kyi yan lag thams cad kyi rten gyi rang bzhin nyid kyi zhal gyi dkyil 'khor khebs pas nus pa'i ljags kyi rnam pa ste/ des mdo'i sde dang/ dbyangs kyi bsnyad pa'i sde dang/ lung bstan pa'i sde dang/ tshigs su bcad pa'i sde dang/ ched du brjod pa'i sde dang/ gleng gzhi'i sde dang/ rtogs pa brjod pa'i sde dang/ de lta bu byung pa'i sde dang/ skyes pa rabs kyi sde dang/ shin tu rgyas pa'i sde dang/ chos rmad du byung ba'i sde dang/ gtan la phab pa ste/ de ltar dbye ba gsung rab rin po che 'jug pa'i phyir spros par byed pa'o// de'i phyir chos kyi tshig gi lam gnas ba zhes bya ba ni theg pa gsum gyi lam nye bar bstan pa nus pa rnyed pa'o/ /nam mkha' i rdo rje zhes bya ba la sogs pas ni/ thugs rdo rje byin gyis brlabs pa gsungs pa ste/ dam tshig chen po 'di nyid ces bya ba ni/ yi ge hUM de rdo rje 'dzin pa'i rang bzhin nyid kyi phyir ro/ /ye shes rdo rjes zhes bya ba ni thugs rdo rje la sogs pa spro bar bya'o/ /rdo rje kun dang rgyal ba'i gnas zhes bya ba ni sdus nas nang du chud pa'i rgyal ba'i tshogs te/ spro ba dang bsdu ba'i bdag nyid de/ dgod pa zhes bya ba'i don to/ /yang nam mkha' i rdo rje'i dbus nyid du/ /'khor lo sangs rgyas 'bar 'od 'dra/ /sangs rgyas 'jug pa rab bsgoms nas/ /sangs rgyas gnas dang mnyam par 'gyur/ /zhes bya ba 'di nyid du 'chad par 'gyur ba'i de ma thag nyid du lta'o/ /de la 'di'i don ni/ ye shes rdo rje zhes bya ba ni rnam par snang mdzad yongs su gyur pas so/ /rdo rje kun zhes bya ba ni sna tshogs rdo rje'o/ /de la rgyal ba'i gnas zhes bya ba ni/ dkyil 'khor gyi 'khor lo bskyed pa zhes bya ba'i don to/ /de nyid bcu gsum par/ nam mkha' i rdo rje'i dbus gnas par/ chos kyi snang mdzad sku mchog las/ /'byung ba sku gsum dam tshig can/ /bsams nas gdan du de rab brtag /ces rgyas bar 'chang bar 'gyur ro/ /rnam par snang mdzad la sogs pa la/ rab tu mos pas sku la sogs pa byin gyis brlab par bya ba dang/ sku la sogs pa'i sgrub pa la ni rang gi dkyil 'khor la gnas nyid du bya'o/ zhes bstan bar 'dod nas chos dang rdo rje'i dkyil 'khor la sogs pa yang gsungs pa'o/ /sa'i snying po dang/ 'jig rten dbang phyug dang/ phyag na rdo rje rnams kyi sgrub thabs kyang 'di nyid yin par shes par bya ste/ gleng gzhir sku rdo rje la sogs pa'i sgra dang/ 'brel par/ de rnams kyi rgyas par bshad pa'i phyir ro/ /'dir 'di rnams kyi sgrub thabs gzhan ni bstan pa ma yin no/ /'on kyang ji ltar rang rang gi k+Shi gaM dzriM zhes bya ba'i sngags kyi sngar bsnyen pa ji lta pa bzhin du byas nas de bzhin du bsgrub par bya'o/ /de bzhin du gzhan la rtogs par bya'o/ /rdo rje chen po zhes bya ba ni/ mnyam pa nyid kyi ye shes kyi ngo bo nyid kyi phyir nam mkha' i snying po'o/ /ye shes dkyil 'khor zhes bya ba ni/ bsgoms pa las byung ba rin chen 'byung ldan gyi dkyil 'khor gyi dbus su'o/ /lus rnams kun la khaM zhes bya ba ni/ sprul pa dang longs spyod dang chos kyi sku dang/ ngo bo nyid kyi sku'i bdag nyid mgo bo dang/ lkog ma dang/ snying ga dang/ ye shes sems dpa' i gnas su yang ngo/ /la la dag lus kyi yan lag thams cad la yi ge khaM ltas nas nam mkha' dang mnyam par rang bsam mo/ zhes zer ro/ /mkha' snyam 'gyur zhes bya ba ni nam mkha' bzhin du rtog pa'i nyes ba thams cad kyi stong pa dang/ mi phyed pa stong pa nyid kyi ye shes te/ gang gi de'i mnyam pa rin chen 'byung ldan dang 'dra bar 'gyur ro/ zhes bya ba'i don to/ /mchod pa zhes bya ba ma skyes pa'i ye shes kyi rang bzhin nyid kyis rab tu rtog pa'i mchod pas so/ /sangs rgyas kyis kyang gzigs mi 'gyur/ zhes bya ba ni/ 'di zhes yongs su gcod par mi nus te/ rang rig pa mthar thug pa'i phyir/ ye shes la gnas pa'o/ /'dis ni mi snang ba'i sbyor ba yang lha thams cad kyi thun mong du bshad pa'o/ /sku la sogs pa'i rdo rje mi mthong bar 'gyur ba gang yin pa'i ting nge 'dzin de las byung bar 'gyur bas nam mkha' i snying po de la de skad ces bya'o/ /de'i bkod pa'i 'phreng ba ni/ spro bas sprul pa ste/ gang la yod pa de la de skad ces bya'o/ /rang sngags 'khor ji lta ba bzhin du kun tu bzang po skyed nas so/ /de'i 'khor ji lta ba bzhin du kun tu bzang po skyed nas so/ /de'i snying gar haM yig rdo rjer grags zhes bya ba ni/ chos thams cad ni rgyu dang bral ba ste/ tha mi dad pa'i ye shes kyi rang bzhin gyi/ bsgoms nas zhes bya bar 'brel bar bya'o/ /byas nas zhes bya ba la sogs pa la/ spro ba la sogs pa la sngon du song bas kun tu bzang por 'gyur ro/ /zhes bshad par 'gyur ro/ /'jam dpal gyi sgras 'dir kun tu bzang bo nyid la 'jug pa'i rgyu mtshan gsungs so/ /sgra gtso po ma yin pa'i brjod pa ni ji ltar gleng gzhir gsungs pa 'dir sgrub par byed pa de bzhin du gzhan yang bsgrub par bya bar rigs kyi dbye bas zhes ston pa'o/ /sa bcu dag la gnas pa'i zhes bya ba ni rab tu dga' ba dang/ dri ma med pa dang/ 'od byed pa dang/ 'od 'phro ba dang/ sbyang dka' ba dang/ mngon du gyur pa dang/ ring du song ba dang/ mi g.yo ba dang/ legs pa'i blo gros dang/ chos kyi sprin gyi mtshan nyid sa bcu dag la gnas par 'gyur ro/ /yang na spyan la sogs pa ni 'dir sa bcu ste de rnams la gnas pa yin la de rnams ji lta ba bzhin du bsnyen par bya zhes bya ba'i don to/ /byang chub sems dpa' rnams kyi ye shes ni sa bcu pa las byung pa'o/ /de dag yang dag par rtogs pa ste/ zla ba dang rdo rje rim pa'i ting nge 'dzin de nyid gang la yod pa de la de skad ces bya'o/ /nam mkha' dbyings kyi dbus su bsam zhes bya ba ni/ rang gi sngags kyi skyes bu dam tshig gi dkyil 'khor gyi dbus su bsam zhes bya ba ni lhag ma'o/ / 'od zer 'bar ba'i yi ge ? snying kar lta bar bya zhes bya'o/ /nyon mongs pa thams cad kyi zhags pa yang dag par gcod pa'i ye shes kyi mtshon cha'i sbyor ba las mchog ste/ sgrib pa thams cad rnam par sel ba'o/ /sku rdo rje zhes bya ba ni mi phyed pa'i ye shes kyi bdag nyid kyi sku rdo rje dang 'dra bas so/ /don yod grub pa dang 'dra par 'gyur ro/ /byang chub sems dpa' i gzugs nyid kyi phyir 'dir thams cad kyi bdag nyid ni ma yin no/ /la la dag 'dir de ma thag pa'i ting nge 'dzin gnyis kyis kyang 'jam dpal gyi sbyor pas bya bar 'dod do/ /gang gsungs pa/ sku la sogs ba byin gyis brlab pa la sogs pa la/ rang sngags skyes bu bsams nas ni/ zhes bya ba la sogs pa gsungs pa de/ da ni mngon par shes pa'i gnas skabs su bstan par bya'o/ /sangs rgyas mngon shes zhes bya ba la sogs pa ni/ sangs rgyas kyi mngon par shes pa ni zag pa zad pa'i ye shes so /de'i dam tshig mchog ni lha'i mig la sogs pa'i mngon par shes pa lnga'o/ /'di dag sngon du song ba nyid kyi phyir sangs rgyas kyi mngon par shes pa'o/ /de'i phyir lha'i mig gis mngon par shes pa la sogs pa nyid dang ldan pa'i phyir mngon par shes pa lnga'o/ /'di ni zhes bya ba ni mngon par shes pa lnga nyid do/ /sangs rgyas mngon shes mchog bsgrub pa zhes bya ba ni rigs kyis mngon par shes pa drug pa rdzogs pa zhes bya ba'i don to/ /da ni mngon par shes pa rdzogs pa'i don gyi rim pa gsungs pa/ nam mkha' i dbyings zhes? bya ba la sogs pa la/ rdo rje sems dpa' zhes bya ba ni/ mi bskyod pa 'am rdo rje 'dzin pa'o/ /ye shes zhes bya pa ni shin tu rnam par dag pa'i ye shes so/ /de'i bdag nyid kyi sku rdzogs par byed pa'i phyir/ de nyid yi ge aoM mo/ /bsgom par bya zhes bya ba ni/ sku byin gyis brlab pa'i don du'o/ /ji lta bu zhe na gsungs pa/ rdo rje dam tshig gsum bsgoms pas zhes bya ba ni ji lta ba bzhin lha'i gzugs nyid kyis zhes bya ba'i don to/ /de yang brjod pa dam tshig sems pa'i gzugs kyi sku rdo rje bskyed pa gsungs pa'i rim pas byin gyis brlab pa la sogs pa bya'o/ /'dis cir 'gyur zhe na gsungs pa/ mi bskyod pa rdo rje gsum zhes bya ba la sogs pa la/ 'di skad gsungs pa yin te/ sku la sogs pa mi bskyod pa dang 'dra bar 'gyur pa'o/ /rnam par snang mdzad ni 'chad par 'gyur ba'o/ /rin chen bdag po re zhig gsungs pa/ nam mkha' i dbyings zhes bya ba la sogs pa la/ nam mkha' bzhin du rdo rje'i ye shes gang la yod pa 'di mnyam pa nyid kyi bdag nyid ni rin chen dbang ngo/ /rin chen aoM ni zhes bya ba ni rin chen 'byung ldan gyi sku skyed pa nyid kyi phyir ro/ /rdo rje gsum zhes bya ba la sogs pa ni bshad pa dang 'dra'o/ /byang chub ni chos thams cad mi dmigs pa nyid kyi rang bzhin gyi dag pa'i blo'o// de nyid bdag med pa'i ye shes kyi gsang ba'o/ de dang 'dra ba ni mnyam pa'o/ /gnas zhes bya ba ni gzhi ste/ de bzhin nyid do/ /mnyam pa nyid kyi ye shes rnyed par 'gyur ro/ /zhes bya ba'i tha tshig go /snang ba mdza' yas kyi sbyor ba gsungs pa/ chos kyi aoM zhes bya ba ni snang ba mdza' yas kyi sku skyed pa'i rgyu nyid kyi phyir ro/ /theg chen lam gyi zhes bya ba ni rang gi rtogs pa'i 'bras bu dang bcas pa'i byang chub sems dpa' i lam bsam pa ji lta ba bzhin gzhan la bstan pa las bskyed pa'i rgyur 'gyur ro/ /'od dpag tu med pa'i sangs rgyas kyi yon tan rnams kyi rdo rje'i mthu ste/ thams cad zil gyis mnan te/ 'jug pa de nyid dpal te/ phun sum tshogs pa'i ting nge 'dzin gang la yod pa de la de skad ces bya'o/ /don yong grub pa'i gsungs pa/ nam mkha' i zhes bya ba la sogs pa la/ autpa la zhes bya ba ni don yod grub pa'o/ /dam tshig aoM zhes bya ba ni don yod grub pa'i sku rnyed pa'o/ /sems can kun don 'byung bar 'gyur/ zhes bya ba ni/ bya ba nan tan gyi ye shes thob pas sems can thams cad kyi don 'byung bar 'di las 'gyur pa de la de skad ces bya'o/ /gdon mi za ba'i dam tshig de'i sku sgrub pa yi ge aoM mo/ /de'i 'od gzer rnams las ye shes kyi mchog nyid kyis/ sku byin gyis brlab pa nyid 'byung ba'i phyir sku zhes de skad brjod do/ /de ston pa'i ting nge 'dzin kyang de skad ces bya'o/ /rnam par snang mdzad kyis sku byin gyis brlab pa gsungs pa/ sku gsum aoM zhes bya ba ni/ sku gsum tha mi dad pa'i ngo bo'i phyir ro/ /ye shes rdzogs byang chub ces bya ba ni/ me long lta bu'i ye shes nyid kyi mngon par byang chub par 'gyur ba nyid do/ /de bzhin du A:hUM zhes bya ba'i sa bon gnyis kyis go rim bzhin thams cad la gsung dang thugs byin gyis brlab pa'i don du/ dam tshig sems dpa' i gzugs nyid kyis gsung rdo rje dang thugs rdo rje bskyed par bya'o/ /de bzhin du skyed pa'i lha'i rnal 'byor pas mngon par shes pa sgrub pa gsungs pa/ mi bskyod pa zhes bya ba la sogs pa la/ ye shes rdo rje zhes bya ba ni rnam par snang mdzad do/ /sogs pa'i sgras ni rin chen 'byung ldan la sogs pa gzung bar bya'o/ /bsgoms nas zhes bya ba ni/ 'di rnams kyis gang yang rung ba'o/ /mngon shes lnga zhes bya ba sogs pa la/ sbyor ba yis zhes bya ba ni/ mngon par shes pa lnga bsgrub pa'i don du mchog tu sbyor bas na sbyor ba ste/ sa'i snying po la sogs pa'i gzugs kyi mig la sogs pa'i skye mched kyis rnam par dag pa bskyed pa'o/ /des na sangs rgyas mchog gi gnas su bsgom zhes bya ba ni sa'i snying po la sogs pa gang rnams la bdag po sangs rgyas mchog yod pa de la de skad ces bya'o/ /'di skad gsungs pa yin te/ mi bskyod pa la sogs pa'i rnal 'byor pas mtshan ma thob nas mig dang/ rna ba dang/ sna dang/ mgo bo dang/ yid rnams la sa'i snying po dang/ phyag na rdo rje dang/ nam mkha' i snying po dang/ sgrib pa thams cad rnam par sel ba dang/ kun tu bzang po rnams sam /de'i bdag po rnams so/ /lha'i mig dang/ lha'i rna ba dang/ sngon gyi gnas rjes su dran pa dang/ rdzu 'phrul dang/ gzhan gyi sems shes pa'i mngon par shes pa'i mngon par shes pa bsgrub ba'i don du ji lta ba bzhin du rtogs par bya ba nas so/ /rang rang gi mtshan las gnas pa'i yi ge aoM brtan pa'i sems kyi ji lta ba bzhin du sgom mo/ /de bzhin du yang gsungs pa/ dril bu'i sgra bzhin mchad pa/ /rna ba g.yon dang g.yas pa la/ /de bzhin yi ge tshig thos pa/ /sems dang bcas pas bsgom bar bya/ /bsgom dang bzlas pa'i sbyor ba yis/ /mngon shes lnga ni rdzogs ba'o/ /zhes so/ /rigs kyi bye brag gis sbyor ba gzhan gsungs pa/ rtse lnga pa zhes bya ba la sogs pa la/ de yang gsungs pa/ rdo rje rigs la sogs pa'i rnal 'byor p as rang gi lha'i sbyor bas mig la sogs pa'i gnas lngar rang gi sngags kyis rdzogs pa las rdo rje la sogs pa'i phyag mtshan 'bar ba lnga dang bcas pa dked de ji lta ba de bzhin du gshegs pa rnams bskul nas byon pa de'i nang du zhugs par byas nas bsgoms nas nges par lha'i mig la sogs pa'i mngon par shes pa rnams mngon du 'gyur ro/ /kha cig rdo rje la sogs pa'i dbus su chud pa'i thlaM? gi yi ge nyid bsgom par bya ba'i mngon par shes pa bsgrub par 'chad do/ /yi ge b+h+ruM gyi de ma thag tu yang re zhig 'khor lo dang gzhal yas khang gi rnam pa gsungs pa/ rdo rje nam mkha' i dbyings zhes bya ba la sogs pa la/ sangs rgyas zhes bya ba ni 'od zer gyis bskul bas sangs rgyas spro ba dang bsdus pas sngon du song pa dang rig ma dang bcas pa rnam par snang mdzad yongs su gyur pa las so/ /sangs rgyas gnas dang 'dra ba zhes bya ba ni/ rten gyi dkyil 'khor bsgom par bya zhes pa'i don to/ /da ni thig le bsgom pa bshad pas mngon par shes pa rdzogs pa yis/ /sbyor ba gzhan gsungs pa/ sangs rgyas dkyil 'khor zhes bya ba la sogs pa la/ 'di skad gsungs pa yin te/ rnam par snang mdzad la sogs pa gang 'dod pa'i rnal 'byor la gns la rang gi ye shes sems dpa' i thugs ka'i sa bon la ji lta ba bzhin du 'gro ba nang du gzhug ste/ sngags tsa na ka'i rus pa tsam gyi thig gzugs phyi dang nang snang ba 'od zer gyi phreng dang ldan pa la yid rtse gcig tu gyur pa bsgoms pa na nye ba'i yul du gyur pa yang mi 'dzin pas 'gog pa'i rdo rjer son bas gang gi tshe de sems rab tu skye ba de'i tshe byang chub mchog bsgrub pa ste/ mngon par shes pa thob pa las te/ mi dmigs pas 'gro ba ma lus pa'i yid kyi shing rta rdzogs par byed pa'i phyir yid bzhin gyi nor bu bzhin du dpal dang ldan par 'gyur ro/ /de yang gsungs pa kun tu bzang po las/ snying po'i 'od zer dpag med kyis sprul pa'i/ /thub las mi shes kun tu nges bsal nas/ /'gro ba ma lus rdzogs sangs rgyas byas to/ /rang gi gsang sngags nang du chud par bya/ /de ltar rtags nas rang snying dri med la/ /zla ba la gnas mtshan ma'i dbus gnas par/ /gsang sngags dam pa thig le'i gzugs su ni/ /rang yid 'od dang ldan bar yongs su bsgom/ sems de 'od zer dri med pas sar ba'i/ /gsung sku rdo rje lus ni mchog 'gyur ba/ /slar yang de nyid du ni nges zhugs shing/ /ye shes bdud rtsi 'bab par bsam bar bya/ /nang gi lus dang de bzhin thams cad kyang/ /de yis kun tu mthar ni snang byas la/ /ba spu re re'i khong nas byung ba yis/ / tshogs kyi sna tshogs kun tu gang bar bya/ /zhes so/ /yang gsungs pa/ sgra ni sems kyi gnas su thim/ /sngags kyi yi ge kun tu dran/ /'byung dang 'byung bas stong pa yang/ /sangs rgyas rnams kyis bsam gtan brjod/ /rlung ni 'gog par byed ba'i lam/ /dang por bsam gtan goms par bya/ /gang tshe rang gi goms pa las/ /rgyun mi 'chad par 'jug pa'o/ /sgra yi bdag nyid thams cad la/ /sgra las thams cad nyan pa ste/ /thos nas dus gsum nyan pa shas/ /gsung dang thugs las byung ba'i mchog / gang tshe snang ba gsal bar mthod/ /nang dang phyi dang dbus su ni/ /mun ba'i nang na gnas pa yang/ /de tshe ring dang mthong dka' mthong/ /sems kyi gzugs su sgro btags la/ /gang tshe mngon sum skye bar bskul/ /sangs rgyas rnams kyis byin brlabs las/ /ring bo nas kyang gzugs rnams mthong/ /phyogs dang phyogs mtshams thams cad son/ /rtogs dka' ba yang mthong ba yin/ /bde gshegs bde gshegs sras kyi mchog /ring na gnas kyang lha de nyid/ / bskal pa'i me dang 'dra bar du/ /'bar te rang gi me nyid kyang/ /bsam gtan las byung mi mthong ste/ /rnal 'byor pa yi rang lus la/ /sngags kyi yi ge nyan par des/ /thig le'i dbus su rnam bsgom pas/ /gang gis mngon sum mthong bas na// de tshe dngos grub rab tu skye/ /rang nyid kyang ni mi shes pa/ /sgra nyid kyang ni des mi thos/ /sems dpa' de ni sgra la gnas/ /ting 'dzin 'bras bu thob par 'gyur/ /'di nyid kyi ni bye 'brag gis/ /thams cad dngos grub 'bras bu 'byung/ /thob don yod grub pa la 'ang/ /snang ba dang bcas yan lag gsal/ /ces so gang gsungs pa/ sku byin gyis brlab pa'i gnas skabs su rdo rje bskal pa gsum du gnas/ /zhes bya ba ni de'i sbyor ba gsungs pa/ rdo rje mkha' zhes bya ba la sogs pa la/ 'di skad gsungs pa yin te/ rnam par snang mdzad la sogs pa'i rnal 'byor pas/ mgo bo dang/ lce'i rtsa ba dang/ snying gang yang zla ba'i dkyil 'khor la gnas pa'i rang gi mtshan ma la gnas pa ji ltr rang gi aoM la sogs pa'i sa bon gser gyi mdog lta bu bsams te/ de'i 'od zer rnams kyi sman thams cad kyi ro dang/ zla ba las bdud rtsi bkug nas bdud rtsi spred ba'i 'od zer gyis yan lag thams cad gang bar bdag nyid bsgom par bya'o/ /de la rnal 'byor 'dir gyur phyin chad na zhes bya ba ni mngon par shes pa'i bsgrub pa la sogs pa'i sbyor ba'i dus nas bstan to/ /klog pa zhes bya ba ni ji lta ba bzhin du bzlas so/ /sems kyang rung zhes bya ba ni/ ji lta ba bzhin bsam pa'o/ /rdo rje 'dzin par 'gyur zhes bya ba ni de'i rigs su 'byung ba nyid kyi phyir ro/ /de bzhin du yang rang gi mtshan nyid nam mkha' bzhin/ skad cig gis dang mi brol te/ /de bzhin sangs rgys thams cad kyis/ /rigs skyes rnams la byin gyis brlab ces gsungs so/ /dpal gsang ba 'dus pa'i dga' 'grel rgyal bas byin pas mdzad pa las/ le'u bcu gcig pa'i bshad pa'o// //ji lta bar bzhin du bkyed pa'i lha'i rnal 'byor gyis thig le la sogs pa sgom pa las mtshan ma thong pas dngos grub thams cad bsgrub par bya ba dang/ ji ltar gsungs pa'i sku la sogs pa byin gyis brlab pa yang tshigs bcad kyis gsol ba gdab pa sngon du song bas bya'o/ /de'i phyir rdo rje'i sbyor ba dam tshig bsgrub pa'i le'u gsungs pa/ de nas zhes bya ba la sogs pa la/ rdzogs pa'i byang chub bsgrub pa'i thabs la 'jug par byed ba'i phyir ston pa'o/ /de'i phyir sems can gyi rgyud sangs rgyas nyid du skyed pa'i phyir skyed ba'o/ /de'i phyir gsungs pa/ ye shes mchog bsgrub pa zhes te/ chos thams cad rang bzhin med pa bsgoms pas byang chub kyi sems rdzogs par byed ba zhes bya ba'i don to/ /dam tshig de nyid rdo rje zhes bya ba ni/ rdo rje gsum rnams kyi dam tshig ni gnyis su med pa rtogs pa'o/ /de nyid de kho na ste/ phyin ci ma log pa nyid kyi phyir ro/ /rtogs par byed pa'i tshig bka' stsal pa zhes bya ba'i don to /nam mkha' dang mtshungs ba'i dam tshig cdes bya ba ni/ nam mkha' dang mtshungs pa'i dam tshig ni/ rang bzhin med pa la sogs pa'i ngo bo dmigs pa med pa'i ye shes gang yin pa de la de skad ces bya'o/ /de'i phyir yang dag pa'i de kho na nyid kyi ngo bos chos thams cad rdzogs pa'o/ /de nyid kyi phyir gsungs pa/ rnam par mi rtog dngos rnams pa zhes so/ /'di gang la zhe na gsungs pa/ gzung ba la sogs pa gang tshe gzung ba la sogs pa'i dri ma dang bral ba'i phyir/ chos rnams rang bzhin dag pa zhes bya'o/ /'o na ji ltar dngos grub bsgrub pa la sogs pa yin zhe na/ gsungs pha rol mo 'di dag rab tu bsgom zhes bya ba la/ 'di skad gsungs pa yin te/ spros pa rang bral ba'i chos nyid la gang dngos grub bsgrub pa la sogs pa ston par byed pa ni kun rtsob tu sngags kyi pyad pas 'dul ba'i 'gro ba rnams gzhung par bya ba'i phyir ro/ /sems rtse gcig pas dngos grub thams cad 'grub par 'gyur bas de'i ting nge 'dzin gyi rjes su mthun pa'i gnas gsungs pa/ dgon pa chen po zhes bya ba la sogs pa ni go sla'o/ /yang na nam mkha' i mtshan nyid sbyor ba yis/ /phung po dgon pa chen por 'dod/ /gnas med gnas kyi sbyor ba yis/ /de bzhin nyid gnas sa phyogs so/ /longs spyod rdzogs pa'i shing zhes pa/ /sna tshogs dngos grub me tog rgyas/ /sprul ba'i yal gas yang dag mdzes/ /yang dag rdzogs pa'i byang chub 'bras/ /rin dben dngos med nyams dga' ba'o/ /chos zhes bya ba der bsgrub bya/ /phung po la sogs yan lag kun/ /dngos grub thams cad bsdus pa'o/ zhes so/ /sngon du bsnyen ba byas pas ril gu la sogs pa dngos grub bsgrub par bya ba yin par gsung bzhed nas/ 'jam dpal gyi ting nge 'dzin gsungs pa/ ma zhes bya ba la sogs pa 'di skad du ston pa yin te/ ji lta ba bzhin du yi ge mi gyi 'jam dpal gyi gzugs kyis bdag nyid bskyed ba'i lus la sogs ba/ bdag nyid rang giye shes sems dpa' i snying gar sa bon la yid rnam par bzhag nas yang dag par ni chos thams cad sgyu ma lta bu la sogs pa/ mngon sum du byas nas/ spro ba la sogs pa'i rim gyis bsgoms bas mtshan ma byung ba rnyed nas/ ril bu'i grub pa yod na 'jam pa'i rdo rje dang mnyam par gyur te/ de'i yon tan rnams thob par la gyur ro/ /dpag tshad ces bya ba ni go sla'o/ /ril bu'i grub pa gsungs pa/ bshad pa zhes bya ba la sogs pa la/ dam tshig lnga zhes bya ba ni nyi ma dang zla ba la sogs pa rnams kyi'o/ /rdo rje mi phyed gsum las byung/ zhes bya ba ni gang rnams la de rnams kyi ye shes lnga'i rang bzhin du byas nas zhes bya ba'i don to/ /lcags gsum las 'byung ldan byas te/ zhes bya ba ni ji lta ba bzhin du lcags gsum dang ldan pa'o/ /man ngag las rdzas kyi tshad gsungs pa/ /gser ni man tsha gsum dag la/ /phyed dang gsum gyi ra ti dang/ /ra ti cig gi brgyad kyi cha/ /thugs kyi rdo rje bdag nyid sbyor/ /sku yi rang bzhin gyi ni rdul/ /de rnams man cha bzhi rnams dang/ /ra ti yi ni bzhi cha gsum/ /brgyad kyi cha yis bcas pa yis/ /zangs ni man cha lnga rnams dang/ /ra ti de ni phyed dang gnyis/ /gang gi ra ti brgya dang ni/ /nyi shu rtsa lnga lhag ma'o/ /rdzas gsum log pas tshang ba ste/ la la? dag gi 'dod pa'o/ /gser dang zla ba nyi ma ni/ /gsum dang bzhi dang rig byed kyi/ /tshad du byas te man cha rnams// ril bu bcing ba rim gyis ni/ /thub pa gsum dang mnga' bdag gi /ra ti lhag ma gzhan gyi gzhung/ /zhes zer ro/ /khar zhes bya ba ni/ shes rab kyi b+ha ga la'o/ /la la dag rang gi khar ro zhes zer ro/ /de'i nang du gzhug pa ni/ de bzhin gshegs pa thams cad kyi bdag nyid 'jam dpal yongs su rdzogs pa'i dkyil 'khor gyi 'khor lo can mi phyed pas bsgoms pas de dang mtshungs par 'gyur ro/ /man ngag las kyang bshad pa rta'i sha ji lta ba bzhin du sdangs pa la sogs pa'i rim pas rdzogs pa yi ge gsum gyi sngags nas rang gi rig pa dam tshig dang sdom pa la gnas pas zang gzhug par bya'o/ /de las byung ba'i bdud rtsi rnam pa lnga blangs nas gser dang dngul dang zangs kyi ril bu ji lta ba bzhin bcing bar bya'o/ /bdud rtsi lnga yang ye shes kyi rang bzhin du rtags nas tshes bco lnga la bsgrub pa'i dkyil 'khor bris nas/ nyi ma nub pa'i dus su ji lta ba bzhin du gsang ba'i mchod pas sangs rgyas la sogs pa mchod de/ rigs ma dang bcas pa'i bdung rtsi myangs te/ ril bu de tsa na ka'i rus pa'i tshed tsam maM rgya shug gi rus pa'i tshang tsam chos 'byung ba'i dbus su gzhug par bya ste/ rang yang dkyil 'khor gyi 'khor lo chos 'byung ba'i ra bar zhugs par lhag mar dmigs nas yi ge maM bzlas te/ yang nas yang du sangs rgyas rnams mngon sum bzhin du dmigs nas/ rdo rjes dag ba pa 'am/ lag pa g.yon pas dag ba bo/ /ril bu'i yi ge maM las skyes pa 'bar bar mos par bsgoms te/ nyi ma shar gyi bar du'o// de nas 'bar ba 'am/ du ba 'am/ dro bar 'gyur te/ 'bar bas ni 'jam dpal dang mnyam pa nyi ma 'char ka dang 'dra ba'i rig pa 'dzin pa'i gtso bor 'gyur ro/ /du bas ni bde byed la sogs pa'i lhas kyang res 'ga' yang mi mthong ngo/ / dro ba 'byung ba ni rkang mgyogs kyi dngos grub thob par 'gyur ro/ /gang yang gsungs pa/ bcu gcig par aoM ni ye shes snying po ste/ sku yi rdo rje thob byed pa/ /zhes bya ba la sogs pa/ de la ji ltar de bzhin sku rdo rje la sogs pa thob par 'gyur ba de ltar da ni rii bu bsgrub pa la sngon du bsnyen pa la sogs pa'i sgo nas gsungs pa rang gi sngags kyis zhes bya ba la sogs pa la/ 'di skad gsungs pa yin te/ klus bskul ba'i de mthag tu yi ge aoM kyis sa bon dang bcas pa'i 'khor lo rtsibs brgyad par bsgoms nas/ spro ba la sogs pa'i rim gyis rnam par snang mdzad du gyur ba'i ting nge 'dzin gsum gyi bar du byas la/ ji lta ba bzhin du dam tshig dang sdom pa la gnas te/ ril bu bsgrub pa'i don du ji srid mtshan ma byung ba la sogs pa de srid du bsgom par bya'o/ /de nas sgrub pa la 'jug par byas te/ gang yang dngos grub grub pa'i mtshan ma mthong nas ni/ de nyid gsum mchod byas nas rang gi sems sngar bshad dkyil 'khor la ni gnas nas su/ 'dod pa'i dngos grub rab tu bsgrub par bya zhes gsungs so/ /de bzhin du rang gi sa bon dang/ mtshan ma rnams kyi gsung dang/ thugs rdo rje dag kyang ji lta ba bzhin du bskyed do/ /de yang nye bar mtshon pa'i don to/ /thams cad du rang gi sa bon dang/ mtshan ma la sogs pa'i rim gyis lha rnams kyis lha rnams pa skyed par lta bar bya'o/ /ral gri la sogs pa'i dngos grub bstan par bya ba'i phyir gsungs pa/ rang gi sngags kyi ral gri sgom zhes bya ba la sogs pa la/ ral gri bsgrub pa'i dus su/ ji lta ba bzhin du rang gi sa bon gyi ral gri skyed la nam zhig grub pa na/ de blang bar bya'o/ /de bzhin du 'khor lo la sogs pa'i dngos grub kyang lta bar bya'o/ /da ni ji skad gsungs pa'i rnam par snang mdzad la sogs pa'i rnal 'byor bas rmi lam la sogs par yang dag pa'i mtshan ma thob pa na sngar gyi ril bu bsgrub pa'i sa bon gyi khyad par gsungs pa/ aoM zhes bya ba la sogs pa la/ tsa na ka'i 'bru tshod tsam zhes bya ba ni ril bu thams cad kyi thun mong ngo/ /byang chub sems dpa' i 'od 'dra ba/ /zhes bya ba ni gsungs ma thag pa'i 'jam dpal la sogs pa'i rnam pa'o/ /'di nyid nyi ma 'char ba la sogs pas gsungs so/ /rdo rje sku ni 'dra ba'i 'od ces bya ba'i tshig la ni/ de bzhin gshegs pa thams cad kyi mtshan dang dan pa'i sku thob pa las rnam par snang mdzad ki bdag nyid ces bya ba'i don to/ /de bzhin du gsung dang thugs rdo rje la sogs pa dag kyang ril bu'i bsgrub pa las ji ltar rang gi sa bon la sogs pa'i khyad par lta bar bya'o/ /thugs gtso bo yin pa'i phyir thams cad du ril bu dang po gser gyi dkri bar bya ba'o/ /de bzhin du ril bu'i bsgrub pa brjod na/ 'khor lo la sogs pa bsgrub pa gsungs pa/ mkha' dbyings zhes bya ba la sogs pa la/ rnam par snang mdzad rab tu bsgom zhes bya ba ni ji lta ba bzhin du sa bon dang mtshan ma'i rim gyis so/ /lag tu 'khor lo rab tu bsgoms nas zhes bya ba la/ 'di skad gsungs pa yin te/ sngar bsnyen pa bya bas ji lta ba bzhin du bsgrub pa'i dkyil 'khor gyi dbus su lcags rnon po'i rang bzhin nam/ gser dang dngul gyi 'khor lo byang chub kyi shing gi 'dab ma la gnas pa yi ge aoM gyis 'bar ba dang bcas pa bskyed la/ ril bu bzhin du de'i nang du song ba'i de bzhin gshegs pa rnams spro ba la sogs pa'i tshigs de srid bsgoms pa dang/ bzlas pa bya ste/ ji srid 'bar ba'i bar du'o/ /'dir yang sngar gyi bzhin 'bar ba la sogs pa'i dngos grub rnam pa gsum du shes par bya'o/ /de nas spyan gyi sngags bzlas shing blang ngo/ / gang gi tshe shin tu steng du 'phar ba de'i tshe/ sa'i dkyil 'khor gyi chogs mnan te/ zlog par bya'o/ /de bzhin du yi ge hUM gis lcags gsum gyi rang bzhin gyi rdo rje'o/ /yi ge swA sa ma rgad dam gser gyi rang bzhin du rin po che'o/ /yi ge As dkar po 'am dmar po'i tsan dan gyi rang bzhin nam/ pad+ma rA ga'i rin po che'i rang bzhin nam/ zangs kyi rang bzhin pad+ma 'dab ma brgyad pa'i pad+ma'o/ /yi ge has lcags rnon po'i rang bzhin nam lcags gzhan gyi rang bzhin la ral gri rdzogs par bya ste/ sngar gyi bzhin du bsgom par bya'o/ /dngos grub kyi mtshan ma mthong nas/ rang rang gi rig ma'i sngags kyis blang bar bya'o/ /rin po che yang de bzhin gshegs pa thams cad kyi rigs kyi yum nyid kyi phyir mA ma kI'i sngags kyis blang bar bya'o/ /yang na nam mkha' rdo rje ma'i sngags blang bar bya ste/ aoM kA ma badzri ni si d+hA sI bi shud+d+ha sI swa b+hA ba ga ga na auta b+hA ba yo ge na sid+d+ha ma pa ra mak+Sha raM/ ta dya thA ga ga na aurb+hA bega ga na bi shud+d+he sarba zi b+hA pra ya pa ri pu ra Ni swAhA/ zhes bya'o/ /yang na rang gi dkyil 'khor la gnas ba'i lag pa g.yas par bzhag la rang gi sngags las byung ba'i 'khor lo la sogs pa rang gi rigs nang du zhugs pa sngon du 'gro ba bsgom par bya ste/ dngos grub kyi mtshan ma ma byung gi bar du'o/ /de bzhin du mtshan m gzhan gyi yang bsgrub par bya ba'i phyir gsungs pa/ rtse gsum zhes bya ba la sogs pa la/ sku rdo rje la sogs pa'i sbyor bas bsgrub par bye ba'i phyir ye shes kyis kyo ba'o/ / 'di nyid rtse gsum la sogs pa rnams kyi yang khyad par ro/ /sogs pa'i sgras ni zhags pa la sogs pa yang gzung ngo/ /de nyid gsungs pa/ rdo rje khyad par gyis bsgrub na/ zhes bya ba la 'di skad gsungs pa yin te/ rdo rje la sogs pa'i bsgrub pa gsungs pa'i chogs rang 'dod pa'i lha'i khyad par sngon du song bas rtse gsum la sogs pa'i bsgrub pas rtse gsum gyi rig pa 'dzin pa la sogs par 'gyur ro/ /yang na tshar gcod pa dang rjes su gzung ba'i las rdzogs par bya ba'i phyir stobs po che la sogs pa'i sbyor bas rtse gsum la sogs pa/ ji ltar gsungs pa'i tshogs bsgrub par bya ba gsungs pa'o/ /sangs rgyas la sogs pa dgug pa'i don du rdo rje kyo ba la sogs pa'i sgrub pa gsungs pa/ lam gyi bzhi mdo zhes bya ba la sogs pa la/ rdo rje dgug pa zhes bya ba ni rdo rje kyo ba'o/ /sbyor gsum sngags kyis skyes bur bsam zhes bya ba ni/ ting nge 'dzin gsum dang bcas pa rdo rje 'dzin pa chen po'i sbyor ba byas nas zhes bya ba'i don to/ /sbyor gsum rdo rje can rnams kyi zhes bya ba ni thugs kar ye shes sems dpa' i rang bzhin no/ /kyo ba dang zhes bya ba ni de'i snying gar yang rdo rje kyo ba phyag na 'dzin ba lha'i gzugs so/ /sku gsung thugs kyi sangs rgyas rnams/ /zhes bya ba ni sku rdo rje la sogs pas byin gyis brlab pa'o/ /kha cig ni yi ge gsum gyi rdzogs ba'o zhes 'dod do/ /rlung gi dkyil 'khor mchog gnas pa/ zhes bya ba la 'di slar brjod pa yin te/ rdo rje 'dzin pa'i sbyor bas mtshan ma thob pas rdo rje bkug pa'i sgrub pa'i don du yang/ lam gyi bzhi mdo la sogs par ji lta ba bzhin du bsgrub pa'i dkyil 'khor yongs su brtags nas/ ting nge 'dzin gsum bsgoms pa'i de ma thag tu ye shes sems dpa' i thugs ka'i zla ba la yi ge hUM gis rdo rje kyi ba bskyed nas/ de yongs su gyur pa las rdo rje 'dzin pa chen po lta bu rtsa ba'i phyag gis rdo rje lcags kyu 'dzin pa sku rdo rje la sogs pas byin gyis brlab pa dang/ mig la sogs pa rnam par dag pa dang/ rdo rje 'dzin ba'i cod pan can khro po'i nyams dang bcas pa de nyid du rdzogs par byas te/ ji lta ba bzhin du gdon pa byas nas mdun du rlung dang zla ba'i gdan la gnas nas bka' nod cing spro ba la sogs pa ji srid du sgom par byed pa/ mngon sum du dmigs par 'gyur ba de srid du'o/ /'di nyid kyi thams cad du sangs rgyas dgug par bya'o/ /zhes gsungs pa/ 'di ni sangs rgyas dgug pa'i mchog ces so/ /'di nyid gsungs pa/ phyogs bcu zhes bya ba la sogs pas/ phyogs bcu'i dam tshig rdo rje 'dzin pa las spros pa'i rnam pa yang dag par 'byung ba rnam par snang mdzad la sogs pa'i gzugs rnams so/ /rdo rje zhes bya ba ni/ rdo rje lcags kyu yin la bkug nas ni bkul nas te/ byon par byas nas nye bar spyod ces bya ba ni dngos grub gter ba la sogs pas so/ /la la dag ni ji ltar 'dod pa'i lha'i bu mo rnams kyang 'dis dgug par bya'o/ /zhes pa'i don 'dir phyogs bcu la sogs pa'i gzhung dang sbyar ro/ /nam mkha' i dbyings kyi dam tshig rdo rje ni rdo rje sems dpa' o/ /de'i dgug pa'i sgrub pa zhes bya ba ni lhag ma'o/ /ji lta bu zhe na/ gsungs pa/ rnam par snang mdzad ces bya ba la sogs pa dang/ rdo rje pad+ma zhes bya ba la sogs pa la/ sogs pa'i sgras naM? rin po che la sogs pa gzung ngo/ /dam tshig dgug pa zhes bya ba ni 'di skad gsungs pa yin te/ rnam par snang mdzad la sogs pa'i ting nge 'dzin gyis bsgrub pa'i 'khor lo'i lcags kyu la sogs pa rnams kyis rdo rje 'dzin pa yang dgug par ro/ /sbyor ba gzhan bshad pa/ sngon du song ba rdo rje kyo ba'i sgrub pa gsal bar bya ba gsungs pa/ rnam kun gyi zhes bya ba la sogs pa smos te/ sangs rgyas sku zhes bya ba ni/ rdo rje 'dzin pa'i sku'o/ /sangs rgyas rdo rje 'dzin par bshad ces bya ba'i tshig las so/ /lag tu zhes bya ba ni/ lag pa g.yas ba'o/ /sku dang gsung dang thugs zhes bya ba ni rdo rje 'dzin pa 'ba' zhig gi sbyor ba ma yin gyi/ rnam par snang mdzad kyi sbyor ba yang bya'o/ zhes bstan to/ /'di skad gsung pa yin te/ mtshan ma thob pa'i rdo rje 'dzin pa la sogs pa'i ting nge 'dzin gyis rang gi dkyil 'khor la gnas pa'i lag pa g.yas par dngos su lcags rnon po las brdungs pa'i lcags kyu 'am/ bsgoms pas yi ge hUM la sogs pa'i sa bon gyis rdzogs nas spro ba la sogs pas de srid du bsgom par bya ste/ ji srid mtshan ma mngon sum du 'bar bar mthong ba'o/ /des gang 'dod pa ste dgug par byed do/ /gang gsungs pa le'u bcu gcig par/ nam mkha' dbyings kyi dbus gnas par/ / sangs rgyas dkyil 'khor dam pa bsam/ /'jig rten dbang phyug rab bsgoms te/ /chos ni aoM ni bsgom par bya/ /zhes pa de ni ngag gi dngos grub la sbyor ba gsungs pa/ 'di dag lta bu'i sbyor ba yis/ /zhes bya ba la sogs pa la/ 'di yis zhes bya ba ni 'chad par 'gyur ba ste/ tshig las byed pa zhes bya ba ni dag tsam nyid kyis thams cad dgug pa la sogs pa'i las byed par 'gyur ro/ /chog gsungs pa/ kun zhes bya ba la sogs pa la/ rdo rje sku zhes bya ba ni rang gi lta sku rdo rjer bdag nyid bsams nas zhes bya ba la sogs pa la/ rdo rje lce ni 'jig rten dbang phyug ste/ de sgom pa zhes bya ba'i don to/ /'di skad gsungs pa yin te/ mtshan ma thob pa'i rnal 'byor pa bsgrub pa'i dkyil 'khor du rang gi lha'i ting nge 'dzin gsum gyi sbyor ba dang ldan pa ji lta ba bzhin du lce 'jig rten dbang phyag tu skyed pa de'i snying gar yi ge aoM 'od zer lnga'i tshogs 'phro ba la sogs pa'i rim gyis de srid du bsgom par bya ste/ ji srid du 'od zer gyi snang ba la sogs pas rtags thob par 'gyur bar ro/ /de'i phyir rdo rje gsung dang 'dra bar 'gyur zhes bya ba ni/ dag nyid rdo rje ste gsungs pa'i don la mi bslu bas/ mi phyed pas gang rnams kyis de bzhin du/ brjod pa ste/ sangs rgyas bcom ldan 'das rnams dang mnyam par 'gyur ro/ /zhes te thogs pa med pa'i ngag tu 'gyur zhes bya ba'i don to/ /kha cig ni gzhung 'di rigs ma rjes su chags pa dang sbyor ro/ /gsang ba dang cig shos kyi mchod pa sngon du song bas dngos grub thams cad bsgrub par bya'o/ /zhes gsungs la/ gsang ba gsum zhes bya ba la sogs pa la/ gsang ba gsum dam tshig ni rang gi lha mo de nyid do/ /mchod pa'i gtso bo byed pa nyid kyis mchod pa'i mchog /ces bya ba ni/ byed pa'i gnyis pa zhes bya ba'i don to/ /mchod pa zhes bya ba ni de bzhin gshegs pa thams cad rjes su chags pa'i ngo bo'o/ /mchod nas zhes bya ba ni/ 'di byas nas zhes bya ba'i don to/ /rab tu bsgrub ces bya ba ni/ dngos grub kyi tshogs su shes par bya ste/ de'i skabs yin pa'i phyir ro/ /'di ni zhes bya ba ni ston par 'gyur ba'o/ /dngos grub thams cad ces bya ba ni/ sku rdo rje la sogs pa'i dngos grub rnams kyi'o/ /dngos grub sna tshogs bsgrub pa la/ dbang ba rnams kyi phyogs gcig tu gsungs pa nyid kyis gsang ba rnams kyi dam tshig bsdus pa rnams so/ /de nyid dngos grub kyi bye brag gi sbyor ba gsungs pa/ sha chen zhes bya ba la sogs pa ni/ go sla'o/ /'di dag kyang sems can rnams bsang pa ma yin par lha bar bya ste/ snying rje rtsa ba nyid las rdzogs pa'i byang chub yin pa'i phyir ro/ /'di yang rdo rje bdud rtsi las gsungs pa/ brtsan thabs kyis bsad nags nas rnyed/ /sha chen yang dag zas su za/ /mdud la btsugs dang sbyangs pa dang/ /g.yul dang rgyal pos bsad pa dag / zab cing brtan pas zas zos nas/ /nad med tshe ni 'phel bar 'gyur zhes bya ba la sogs pa'o/ /yang na gnyis su med pa'i rnal 'byor bsgom pa nyid dam tshig thams cad bsgrub pa ste/ gang yang dpal bde ba dam pa rtogs pa las/ khrag dang khu ba de bzhin sha /dri chen dri chu nyid dang ni/ /gang zhig gsang ba bdag gis bshad/ /dam tshig ces bya 'bad pa yis/ /de bzhin gshegs pa de thams cad/ /mi gsal ba'i tha snyad las/ /dam tshig ces ni gsungs pa yang/ /sems can la phan 'jug pas so/ /de yi sems ni khrag yin te/ /gang tshe sems can yod ma yin/ /'di yi don ni rtogs pa yis/ /khrag ces pa ni zos par 'gyur/ /zas su zab khrag chen po/ /de ni snang ba mdza' yas 'gro/ /gal? zhig chos rnams ma skyes pa/ /khu ba yis ni sgra yis rjod/ /de ni rjes su ma skyes rtogs/ /bza' b zhes ni brjod pa'o/ /gang zhig dngos po mnyam pa yang/ /sha zhes su ni rab tu grags/ /mi dmigs pa yi sbyor ba yi/ /bza' ba zhes su mngon par brjod/ /gang tshe shin tu sbyangs pa'i tshe/ /mnyam pa'i don du rab tu sbyor/ /gci ba'i sgra yis brjod pa'o/ /de 'gyur las kyi sbyor ba las/ /ci yang med pa'i gang zhig sems/ /gnas pa yang ni mi rtogs pa/ /de ni dri chen dag tu bshad/ /bza' ba mngon par rtogs pa'o/ /zhes gsungs so/ /ma rnyed na ji ltar bya zhe na gsungs pa/ thams cad med na zhes bya ba la sogs pa la/ 'dis de kho na nyid du dngos po thams cad rang bzhin med ces gsungs pa'o/ /ji ltar 'di rten zhe na gsungs pa/ 'di byas na zhes bya ba la ni/ de ma thag tu ston par 'gyur bas so/ /rdo je sbyor ba zhes bya ba ni/ ye shes kyi bdud rtsir byin gyis brlabs pa'i ting nge 'dzin te/ de nyid gsungs pa/ rnam pa kun zhes bya ba la sogs pa la/ sku gsung thugs kyi rdo rje can zhes bya ba ni mi bskyod pa 'am/ rdo rje 'dzin bsgom par lta'o/ /snying gar ye shes dam tshig dang zhes bya ba ni/ de nyid ye shes sems dpa' i ngo bo'o/ /dbu rgyan rdo rje 'dzin pa'i mchog /ces bya ba ni bdag po'o/ /sangs rgyas thams cad mnyes par 'gyur zhes bya ba ni snying ga'i dkyil 'khor la gnas pa'o/ /sangs rgyas thams cad kyang tshim par bya ba 'chad par 'gyur ba'i cho gas bya'o/ /zhes bya ba'i don ni/ lce zhes bya ba la sogs pa ste/ 'di skad gsungs pa yin te/ lce'i gnas su zla ba la gnas pas hUM las byung ba'i hUM gis yi ges byin gyis brlabs pa rdo rje dkar po rtse mo lnga pa bsgoms pas so/ /yi ge hUM las byung ba ni/ bar snang la gnas bsam par bya/ /a las byung ba'i pad+ma ni/ /de yi 'og tu bsgom par bya/ /aoM gyis mtshan pa'i bdud rtsi ni/ /de'i dbus su bzhag par bya/ /rdo rje pad+ma mnyam sbyor bas/ /sbar nas rnal 'byor pas spro bya/ /shel dang mtshungs par snang 'gyur zhing/ /ye shes nyi bzhin gzhan yin no/ /phyogs bcu'i 'jig rten gzhan rnams kyis/ /mtshon cha mchog gis drangs nas ni/ /ye shes bdud rtsi der phab nas/ /der bza' bar ni nges pa yin zhes bya ba ste/ bdud rtsi rnam pa lnga'i sbyor bas zos na rdo rje gsum nyid thob par 'gyur ro/ /'di thams cad snang ba mdza' yas la sogs pa'i sbyor bas kyang bya'o/ /zhes nges par bstan pa gsungs pa/ A:dang aoM gyis dam tshig kyang zhes bya ba ni/ y i ge Azhes bya ba'i don to/ /rdo rje mi phyed 'dra bar 'gyur zhes bya ba ni 'di yi ge gnyis su med pa'i sbyor ba sngon du song goms pa'i che ba'i bdag nyid las rdo rje sems dpa' dang 'dra bar 'gyur zhes bya ba'i don to/ /dam tshig ni ji skad gsungs pa yin la/ de nyid rdo rje bdud rtsi ste/ gnyis su med pa'i ye shes thob par byed pa'i phyir ro/ /de nyid rgyun mi 'chad pa'i rim pa bshad pa'i rim pas 'phreng ba ste de gang la yod pa'i phreng ba nyid kyi ming grang la yod pa de la de skad ces bya'o/ /bshad ma? thag pa'i dngos grub rnams kyis 'bras bu'i phan yon gsungs pa/ rdo rje gsum zhes bya ba la sogs pa la/ rdo rje gsum gyis dngos grub ni sku rdo rje la sogs pa'i dngos grub bo/ /'khor lo'i dam tshig grub mchog la ces bya ba ni/ 'khor lo la sogs pa'i dngos grub pas so/ /sangs rgyas kun la 'phrog pa dang/ zhes bya ba ni de'i yon tan bskyed pa'i don du zhes bya ba'i don to/ /yan lag bzhi pa'i lha'i sbyor ba mngon du song bas dngos grub thams cad yin pas de mdor bstan pa la sogs pa gsungs pa/ bsnyen pa'i dam tshig sbyor ba zhes bya ba la sogs pa la/ bzhi po 'di ni mdor bstan pa'i tshig yin no/ /rdo rje'i bye brag ces bya ba ni/ me long lta bu'i ye shes la sogs pa'i ye shes lnga'i bdag nyid rigs lnga'i bye brag gi rang gi ye shes kyi lha rdzogs pa las so/ /yang bskyed pa'i rim pas bye brag gis so/ /chung du dang 'bring dang chen po'i bye brag gi zhes pa la la ngag 'dod do/ /de nas zhes bya ba ni rdzogs pa'i de ma thag tu'o/ /las rnams zhes bya ba ni dpal gsang ba 'dus par gsungs pa 'am/ gzhan gyi rgyud du rnyed pa ste/ rang dang gzhan gyi don byed pa'i mtshan nyid rnams so/ /de ni mdor bstan pa'i tshig 'grel pa'i phyir gsungs pa/ bsnyen pa zhes bya ba la sogs pa la ting nge 'dzin zhes bya ba ni/ sems rtse gcig par gyur pa ste/ 'dir ting nge 'dzin ni byang chub kyi sems so/ /de nyid sbyor ba ste thabs dang shes rab kyi bdag nyid rang gi lha'i gzugs so/ /byang chub mchog ni bsgom par bya zhes bya ba ni de yang chos kyi dbyings kyi rang bzhin du bsgom par bya zhes bya ba'i don to/ /nye bar sgrub pa'i yan lag gsungs pa/ nye bar sgrub pa zhes bya ba la sogs pa la/ rdo rje rnams ni de bzhin gshegs pa rnams so/ /de rnams kyi sems dang sems las byung ba'i skye ba'i sgor gyur pa'i phyir skye mched rnams so/ /de rnams kyi dpyad pa ni sa'i snying po la sogs pa'i gzugs kyi mig la sogs pa drug dang/ gzugs rdo rje la sogs pas/ gzugs la sogs pa drug dang/ spyan la sogs pa'i rang bzhin gyis sa bon la sogs pa rnams dang/ rnam par snang mdzad la sogs pa'i bdag nyid kyis bzugs la sogs pa'i phung po lnga rnams la nges par byed pa'o/ /sgrub pa'i yan lag gsungs pa/ sgrub pa'i zhes bya ba la sogs pa la/ ji lta ba bzhin du 'od zer rnams dang/ tshigs bcad kyis thugs rdo rje la sogs pa bskul ba'o/ /sngags kyi bdag po bsgoms pa yis/ zhes bya ba ni ji lta ba bzhin du thugs rdo rje la sogs pa'i dam tshig sems pa'i gzugs rnams rdzos pa'o/ /sgrub pa chen po'i yan la gsungs pa/ sgrub pa chen po zhes bya ba la sogs pa la/ bsgrub pa chen po'i dus zu? ni/ /rang sngags rdo rje can ni rang gi lha rnams so/ /bdag po ni gzugs te/ phyag rgya chen po'i gzugs kyis cod pan du bsgoms nas so/ /ye shes rdo rje can 'grub 'gyur/ /zhes bya ba ni/ thabs dang shes rab kyi ye shes dang ldan pa zhes bya ba'i don to/ /bsnyen pa'i ye shes bdud rtsi dag /ces bya ba ni skad cig la rab tu bsgrubs pa thabs dang shes rab kyi bdag nyid lha'i sbyor pas zhes bya ba'i don to/ /thams cad ces bya ba ni thams cad las so/ /rtag tu zhes bya ba ni/ thun mtshams kyi nges pa med pa'o/ /'di skad gsungs pa yin te/ ji lta ba bzhin du rdzogs pa'i rim pa'i sbyor bas thabs dang shes rab kyi ye shes rdzogs pa g.yo ba dang mi g.yo ba'i bdag nyid nges pas rgyu mi 'chad pa'i rim pas sbyor bas bsgom pa yongs su rdzogs pa'i bsnyen pa la sogs pa'i yan lag bzhi bya'o/ /bskyed pa'i rim pa gsungs pa/ yang na zhes bya ba la sogs pa la/ dang po'i yan lag zla ba zhu ba'i gzugs nyid kyis stong pa nyid kyis byang chub bo/ /gnyis pa lha mo'i glus bskul ba sngon du song ba rang gi lha'i sa bon dang phyag mtshan gyi gzugs su zhu ba bsdus pa'i tshogs kyi rang bzhin no/ /gsum pa phyag rgya chen po'i gzugs kyis gzugs rdzogs ba'o/ /bzhi pa chos kyi dbyings su mos pa'o/ /'di ni rdo rje bzhis lha rdzogs pa'o/ /yang na mngon du bsnyen pa byas te/ brtul zhugs brtan pa zhes bya ba ni/ mi phyed pa'i rig pa'i brtul zhugs la gnas pas so/ /sku gsum dam tshig de nyid kyis/ /zhes bya ba ni sku gsum gyi dam tshig rnams te/ sku rdo rje la sogs pa de rnams kyis byin gyis brlab pa'o/ /dus bzhi dag tu rab sbyor bas/ /zhes bya ba ni thun bzhi'i rim gyis so/ /gnas lngar zhes bya ba ni/ rigs lnga tshogs pa nyid shes rab tu brjod do/ /ye shes rdo rje yi ge aoM zhes bya ba ni/ rdo rje nor bu'i cha aoM gyis yi ges bskyed nas shes rab kyi gnas skabs bsgom pa'i don du dran par bya'o zhes so/ /la la dag de nas rdo rje bzhi dag gis zhes bya ba'i gzhung ni/ dkyil 'khor gyi don rdzogs pa la sbyar ro/ /zhag bdun zhes bya ba la sogs pa la/ sngon du bsnyen pa byas pa la sogs pa gang gi tshe sgrub pa la 'jug ste/ zhugs pas ma grub na yang bsgrub pa don du gnyer bar 'gyur ro/ /de'i tshe de bzhin gshegs pa rnams byin gyis brlab pa'i don du ji lta bar bskul bar ston to/ /de nyid kyi dgongs pa gsungs pa/ de la 'di ni zhes bya ba la sogs pa la/ bsgrub par bya ba ni/ sku rdo rje nyid 'dis bsgrub pas sku rdo rje la sogs pa 'di nyid byin gyis brlabs pa'i de nyid mngon par byang chub pa'i rgyu nyid kyis nye bar rgyur pa nyid kyis phyir nye bar sgrub pa'o/ /sku'i nyes pa thams cad sdom pa nyid kyi phyir na sdom pa'o/ /de'i yul ni gsol ba btab pas sku rdo rje la sogs pa rnams mngon sum du byas pa'o/ /de nyid gsungs pa/ sangs rgyas sku 'dzin zhes bya ba la sogs pa mi phyed pa'i ye shes kyi bdag nyid de'i sku de'i bdag nyid du 'dzin par byed pas na sku rdo rje 'dzin pa ste/ de sku rdo rje'o// yongs su rdzogs pa'i bsod nams dang ye shes kyi phun sum tshogs pa'i sbyor ba las dpal ldan no/ /rdo rje gsum rnams ni/ sku rdo rje la sogs pa rnams so/ /mi phyed pa ni gnyis su med pa'i de kho na nyid do/ /de'i ngo bo nyid kyis 'byung ba'i ngang tshul gyis bdag nyid ni bdag gi rnal 'byor pa'i 'o/ /sgom pas zhes bya ba'i tshig la ni rdzogs pa'i sku'i rdo rje 'dzin pa'o zhes sbyor ro/ /byin gyis brlabs pa ni sku rdo rje nyid la sogs pa rdzogs pa'o/ /deng zhes bya ba ni da lta ste/ rdo rje sku zhes bya ba ni sku rdo rjes ste byin gyis brlab pa'i don du gsol ba 'debs pa'o/ /de ltar bye brag tu gsol ba btab nas/ sangs rgyas thams cad kyis byin gyis brlab pa gsol ba gdab pa'i don du gsungs pa/ phyogs bcu na zhes bya ba la sogs pa la ni go sla'o/ /de bzhin du bskul ba las nges par byin gyis rlob par go bar byed pa gsungs pa/ phyogs bcu na zhes bya ba la sogs pa la de'i zhes bya ba ni sngags pa'i 'o/ /sku yis mtshan pas zhes bya ba ni mtshan dang dpe byad kyis brgyan pa nyid kyi phyir mdzes par snang ba'o/ /ngag rdo rje byin gyis brlab pa'i tshigs su bcad pa de'i rjes su 'brangs nas rtogs par bya ste/ bstan par ma yin to/ /de bzhin byas na nges par byin gyis brlab pa gsungs pa/ sangs rgyas sam zhes bya ba la sogs pa la tshal par 'gas pa zhes bya ba ni gnyis su bsgrub pa las nyams par 'gyur ro zhes bya ba'i don to/ /de bzhin gshegs pa thams cad kyi rdo rje 'dzin pa chen po la sogs pa rnams yin la/ de rnams kyi sbyor ba thabs dang shes rab kyi bdag nyid can gyi gzugs rdzogs pa'o/ /de yang mi 'da' ba' i rgyu nyid kyis bsgrub pa'i mchog go /yi ge aoM la sogs pa'i sa bon rnams de rnams kyi nges par bstan pa la gang yod pa de la de skad ces bya ste/ de yang le'u 'di'o/ / dpal gsang ba 'dus pa'i dka' 'grel rgyal bas byin pas mdzad pa las le'u bcu gnyis pa'i bshad pa'o/ / //de ltar chung ngu dang 'bring dang chen po'i bsnyen pa la sogs pa yan lag bzhi'i rim gyis bskyed pa'i lha la sogs ba'i sbyor ba rnams kyis sku rdo rje la sogs pa'i bzlas pa dang/ ran gi lha'i bsgrub pa dang/ las kyi tshogs rjes su bsgrub par bya'o/ /de nas rdo rje bkod pa'i dam tshig de kho na nyid kyi don du sgom pa'i ting nge 'dzin gyi le'u gsungs pa/ de nas zhes bya ba la sogs pa la/ ye shes rdo rje mchog 'dzin pa/ zhes bya ba la/ ye shes ni gnyis su med pa'i rnam pa ste/ de nyid mi phyed pa dang 'byed par byed pa'i phyir rdo rje'o/ /nyan thos thams cad kyi ye shes las gtso bo nyid kyi phyir mchog go / de 'dzin par byed pa ni ye shes ni rdo rje mchog 'dzin par byed pa ste/ sangs rgyas bcom ldan 'das so/ /sems can kun don ni/ thabs dang shes rab kyi ye shes rdzogs pa las byung ba'o/ /sems can kun gyi longs spyod mchog ces bya ba'i tshig la ni/ sems can kun te/ byang chub sems dpa' rnams so/ /de rnams kyis chos la sogs pa la longs spyod cing nye bar spyod pa'o/ zhes 'chang par 'gyur ro/ /'dis rang gi don dang/ gzhan gyi don grub pa phun sum tshogs par gsungs bar 'gyur ro/ /de 'ba' zhig ni ma yin te/ byang chub sems dpa' dang bcas pas so/ /blo ldan zhes bya ba ni/ rab tu rtogs pa la mkhas pa zhes bya ba'i don to/ /ston pa chen po zhes bya ba ni yod pa dang med pa las 'das pa'i don ji lta ba bzhin du rten cing 'brel bar 'byung ba ston pa'i phyir ser skya la sogs pa'i ston pa thams cad kyi mchog nyid kyi phyir ston pa chen po ste/ yang dag par mchod par bya'o/ zhes bya ba dang 'brel to// sku la sogs pa thub pa'i phyir thub pa'o/ /don kun zhes bya ba ni phung po la sogs pa rnams yin la/ de nyid rdo rje ste de bzhin gshegs pa'i rang bzhin dang de'i bdag nyid gang la yod pa de ni kun rdo rje can no/ /thog ma dang tha ma med pa'i chos kyi dbyings kyi ye shes kyis phyir dam tshig ni de kho na nyid mkhyen pa'o/ /rdo rje dbyangs ni rdo rje bzlas pa'i don gsal bar byed pa'i tshigs gsung ba dang ldan pa'o/ /de ji ltar yin zhe na/ e ma'o zhes bya ba la sogs pa gsungs te/ e ma'e zhes bya ba ni ngo mtshar ba'o/ /sangs rgyas ni 'dir sku rdo rje'o/ /de'i tshul ni bzlas pa'i mtshan nyid kyis lam mo/ /don dam par bzlas pa la sogs pa rnams mi dmigs pa'i phyir tha snyad kyis rab tu shes par byas pas bzang ba'o/ /la la dag mi gnas pa'i mya ngan las 'das pa'i mtho ris su 'byung ba'i phyir bzang po'o/ /zhes 'dod do/ /byang chub ces bya ba ni/ so sor rtog pa'i ye shes kyi mtshan nyid kyi phyir dag rdo rje nyid do/ /de'i tshul kyis mchog ces bya ba ni ji lta ba bzhin du brtson 'grus brtsams pas skye ba 'di la rdzogs pa'i phyir ro/ /chos zhes bya ba ni dngos po thams cad kyi rang bzhin nyid kyi phyir/ de bzhin nyid kyi ye shes kyi bdag nyid kyi ye shes sems dpa' ste de'i tshul lo/ /zhi ba zhes bya ba ni mi dmigs pa thams cad kyi nye bar 'tshe ba dang bral bas so/ /gcig tu 'khor ba dang mya ngan las 'das par ltung bar byed pa nyid las yid skyob par byed pa'i phyir sngags ni thugs ste de'i tshul lo brtan zhes bya ba ni brtags pa thams cad kyis mi phyed pa'i phyir ro/ /ci'i phyir ngo mtshar ba yin zhe na ma skyes pa zhes pa la sogs pa la de bzhin nyid kyi mtshan nyid kyi dngos po thams cad kyi rang bzhin las 'das pa'i phyir po'o nyid kyi khyad par can yang ma yin no/ /yang dag pa zhes pa la de ltar chos thams cad la ye shes nyid/ sku rdo rje la sogs pa'i gzugs kyi 'byung bar bshad ces bya bar rab tu bstan pa'o/ /de'i phyir 'di'i ngo bo nyid lha thams cad kyi thun mong ba nyid kyis mdor byas pa lta bu bstan pa'i phyir/ sngags rnams kun bsdus pa bshad du gsol/ zhes pa dang 'brel to/ /gang yin zhe na gsungs pa/ rdo rje zhes bya ba la sogs pa la/ rdo rje rnams kyi sku rdo rje la sogs pa rnams kyis bzlas par bya'o/ /ye shes chen po zhes bya ba ni thams cad mkhyen pa'i ye shes rdzogs pa'i rgyur gyur pa'i phyir ro/ /sku gsum mi phyed dkyil 'khor dang/ zhes bya ba ni sprul pa la sogs pa'i sku'i rang bzhin sku la sogs pa dang mi byed pa'i dkyil 'khor ni lus te gong du bzlas pa de zhes bya ba'i don to/ /dkyil 'khor lus su gsungs pa ste/ zhes bya ba'i tshig las so/ /'bras bu gsungs pa thob par 'gyur zhes bya ba la sogs pa la/ 'di skad gsungs pa yin te/ rang gi dkyil 'khor gyi dbus su rang gi bdag po'i rnal 'byor gyis gnyis su med pa'i mos pa'i 'chad par 'gyur ba'i tshul gyis bzlas par bya ba ni me long lta bu'i ye shes la sogs pa 'byung bas zhes sbyir gsol ba btab pa'o/ /bye brag gsungs pa/ rigs dang zhes bya ba la sogs pa la/ rigs ni snang ba mdza' yas la sogs pa'o/ /'dod chags zhe sdang gti mug dang/ /de bzhin dam tshig nor bu ste/ /rigs ni rnam pa lnga ru bshad/ /ces gsungs pas so/ /sngags zhes bya ba ni/ thabs dang shes rab kyi ye shes kyis mdzes pa'i phyir byang chub sems dpa' rnams so/ /sku dang gsung dang thugs kyi mtshan zhes bya ba ni/ don dam pa gnyis su med pa'i ye shes kyi ngo bo'o/ /ji skad du le'u drug pa las/ sku dang gsung dang thugs dmigs nas/ ngo bo nyid ni dmigs su med/ ces gsungs so/ /ye shes rgya che bas ye shes rgya mtsho ste/ sangs rgyas la sogs pa rnams so/ /rdo rje sngags zhes bya ba la sogs pas sangs rgyas nyid kyi rgyu gzhan ma yin par gyur pa ste/ rdo rje sngags ni rab bsgoms pa zhes gsungs pas so/ /'dis sgom pa dang bral bas de kho na nyid yod kyang sangs rgyas nyid thob pa ma yin pa nyid du gsungs so/ /bzlas pa rgyas par bstan pa gsungS pa/ kun zhes bya ba la sogs pa la/ sdig pa thams cad don dam par bzlas pa rnams la'o/ /rdo rje gsum rnams kyi mi phyed pa gnyis su med pa'i ngo bo nyid dpyod par byed pa nyid bzlas pa zhes bya ba'i don to/ /de yang gsungs pa rdo rje snying po'i rgyan las/ snying ga mgrin pa mchu dang lce/ /rkan dang mgo bo yang ma yin/ /nang dang phyi dang ma yin te/ /gnyis ka dbus kyang ma yin no/ /chos kyang 'ba' zhig yin pa ste/ /bzlas pa'i sgra la mi brten to/ /zhes so/ /'dis ni rnal 'byor gyis bzlas pa bshad pa'o/ /gzugs kyi bzlas pa'i dbang du byas nas gsungs pa/ rdo rje dbye ba zhes bya ba la sogs pa la/ dbye ba gsum gyis rdo rje'i mthar thug pa gang du bkod pa de ni rdo rje gsum du brjod do/ /'di ni gsal bar ma bshad do/ /gsum po rnams kyis rim pa dang/ rim pa ma yin pa'i bye brag gis gang spro ba sngon du song ba'i bsdu ba de rdo rje'i mdza' o/ /rang gi gnas su dgod par bya ba'i phyir 'dir bkod pa'o/ /sku la sogs pa bdag med sgo nas rdo rje gsum rdzogs par byed pa nyid kyi phyir rdo rje gsum mo/ /'dis spro ba la sogs pa bzhin bstan to/ zhes la la dag 'dod do/ /rnam pa gsum zhes bya ba la sogs pas/ gzugs kyi bzlas pa la rim gyis re zhig spro ba gsungs pa/ sku gsung thugs dang nye ba ru zhes bya ba la/ ji lta ba bzhin du sku rdo rje la sogs pa rnams kyi mtshan ma'i sa bon gyi yi ge las/ go rim ji lta ba bzhin du sku rdo rje la sogs pa spro bar bya'o/ zhes bya ba'i don to/ /'di nyid sangs rgyas kyi sku dang gsung dang thugs su bsgoms pas gzugs? rdo rje la sogs pa'i lha mo rnams spro ba'i gzugs kyis mchod pa rab tu brtag ces de rnams la bya'o/ /ye shes rdo rje zhes bya ba ni dmigs pa med pa'i ye shes kyis so/ /phyogs gzhan cig car du spro ba gsungs pa/ yang na zhes bya pa la sogs pa la/ so sor sku dang gsung dang thugs rnams las cig car nyid du sku rdo rje la sogs pa rnams spro bar bya ste de rnams las gzhan yin la de las kyang gzugs rdo rje la sogs pa rnams dang de'i dkyil 'khor thams cad spro bar bya'o/ / ye shes sems dpa' dag gis 'grub ces bya ba ni/ rnam par dag pa'i 'dod chags dang bcas pa'i sems kyis brten pa dang ldan pa rnams la mngon par byang chub pa'i 'bras bu ster bar 'gyur ro/ /'dod pa sems su bshad pa dang/ /'dod chags zhe sdang rmongs ldan pa/ /zhes bya ba'i tshig las so/ /gti mug dam tshig las byung ba/ /zhes pa ni rnam par snang mdzad la sogs pa'i nang gi skye mched nyid kyis 'byung ba rnams so/ /rdo rje rig pa'i rgyal po can zhes bya ba ni/ sa'i snying por/ sogs pa rnams so/ /ma ning dag ni gnas grub pa zhes bya ba ni gnyis su med pa'i ye shes bsgoms pas rdzogs pa rnams yod pa'o/ /dngos grub dam pa rab tu ster/ /zhes bya ba ni phyag rgya chen po'i dngos grub po/ /sangs rgyas nyid grub sangs rgyas nyid/ /dngos grub mchog tu gsungs pa yin zhes bya ba'i tshig las so/ /khro bo zhe sdang gnas las skyes zhes bya ba ni gdug pa 'dul ba'i don du skyes pa'o/ /gsod la rtag tu brtson pa dag ces bya ba ni gdug pa gsod pa'i las don du gnyer ba'o/ /de'i phyir de rnams kyi bzlas pa yang de bzhin du gyur pa'i las byed par bsgom par bya'o/ /zhes gsungs pa/ sgrub pa zhes bya ba la sogs pa la/ mchog gi chos can zhes bya ba ni thabs dang shes rab kyi ye shes dang ldan pa'o/ /sku'i bzlas pa la sogs pa rang gi sngags gsang ba sngon du song bas bya bar gsungs pa/ snying ga zhes bya ba la sogs pa la/ ye shes 'khor lo can rnams kyi zhes bya ba ni rnam par snang mdzad kyi rnal 'byor pa rnams kyi'o/ /'khor lo'i don bsgom zhes bya ba ni 'di skad brjod pa yin te/ rang gi dkyil 'khor la gnas pa rnam par snang mdzad kyi rnal 'byor pas/ rang gi snying ga'i zla ba la yi ge aoM 'khor lo'i lte ba la bkod nas ma skyes pa dang/ rtog pa dang bral ba dang/ sgyu ma lta bu nyid kyis chos thams cad brtags pas sku'i bzlas pa bya'o/ /de bzhin du mi bskyod pa'i rnal 'byor pas kyang ye shes sems dpa' i snying ga'i nyi ma'i dkyil 'khor gyi dbus su gnas pa'i rdo rje bltas nas rdo rje bzlas pa bya bar gsungs pa rdo rje zhes bya ba la sogs pa ste/ rdo rje dkyil 'khor ni nyi ma'i dkyil 'khor ro/ /rdo rje sngags don bsgom par bya zhes bya ba ni/ rgyu dang rtog pa dang/ 'chi ba dang bral ba chos thams cad ces bya ba'i don gsal bar byed pa ni rdo rje la yi ge hUM bsgoms nas rdo rje'i bzlas pa bya'o zhes bya ba'i don to/ /de bzhin du rin chen 'byung ldan la sogs pa yang dang gi ye shes sems dpa' i snying ga'i mtshan ma la yaM gyi yi ge bkod nas rang gi rnam par mos par rang gi bzlas pa bya zhes pa ni snying ga'i dbus su song ba rin chen zhes bya bas rtogs par bya'o/ /de yang gsungs pa'i cho gas shes par bya ba ste ma bshad do/ /la la dag thig le'i sbyor ba 'dis bshad do zhes 'dod do/ /de ni ma yin te snying gar yi ge aoM bsams nas/ sngags kyi rnam par shes pa sgom zhes bya ba la sogs pa de le'u bcu gcig par gsungs pa'i phyir ro/ /dkyil 'khor kun gyi ngos rnams su zhes bya ba ni rnam par snang mdzad la sogs pa rnams kyi dkyil 'khor rnams kyi logs bzhi rnams su'o/ /sangs rgyas lnga rnams zhes bya ba ni/ rnam par snang mdzad la sogs pa bzhag pa ste/ 'dis ni bdag po nges pa med par bstan to/ /'od zer lnga'i bye brag gis zhes bya ba ni me long lta bu'i ye shes la sogs pa rnams kyi bye brag gis so/ /de'i phyogs gcig tu gyur pa spyan la sogs pa dkyil 'khor ba'i lha'i tshogs rnams dgod par bya'o zhes bya ba'i tha tshig go /spros na byang chub thob par 'gyur zhes bya ba la 'di skad gsungs pa yin te/ ji lta ba bzhin du dkyil 'khor gyi 'khor lo'i dbus su gnas te/ ji lta bar gsungs pa'i cho gas bzlas pas sangs rgyas kyis byin gyis brlabs pa'o/ /bye brag rnam pa gnyis su grags/ zhes bya ba ni rim dang cig car gyi bye brag gis so/ /sku gsum rdo rje'i bye brag gis/ /zhes bya ba ni/ sku rdo rje la sogs pa'i snying gar rang rang gi yi ge bkod pa de las sku gsum gyi bdag nyid kyi lha'i sku'i ngo bo spros nas rang rang gi gnas su gzhug par bya'o/ /'di nyid sku la sogs pa zhes pas gsungs pa/ sku zhes bya ba ni sku rdo rje'i sa bon du bshad de lta dang sa bon dag bye brag med pa'i phyir ro/ /'di skad du le'u bcu gcig par/ aoM ni sangs rgyas sku yi mchog /A:ni sangs rgyas gsung gi las/ / hUM ni thugs kyi ye shes tshogs/ /zhes gsungs so/ /sku'i ngo bo zhes bya ba ni/ yi ge aoM/ sku rdo rje'i rnam pas spro ba dang bsdu bar shes par bya'o/ /phyogs 'dis sems zhes bya ba la sogs pa ni rtogs par sla ba'i phyir ma bshad do/ / mchod na mchod pa'i gnas su 'gyur zhes bya ba ni spro ba nas sku rdo rje la sogs pa rnams mchod par byas nas/ mngon par mtho ba dang nges par legs pa'i ye shes mngon sum du bya zhes pa'i don to/ /la la dag sku la sogs pa bdag med pa bsgoms pas spro ba la sogs pa bya'o/ /zhes sku zhes pa la sogs pas bshad par 'dod de/ mchod pa yang rang gi rigs kyi lha mo rnams kyis mchod par byed pa zhes sku la sogs pa zhes gsungs par la la dag 'dod do/ /de ltar mthod pa'i chos kyi 'bras bus gdul bya rnams bsdu bar bya ba'i phyir du nad la sogs pa'i nye bar 'tshe ba spangs pa'i rgyu nyid dang/ spyi dang cig shos kyi dngos grub bsgrub pa'i rgyur gyur pa dang/ zhi ba la sogs pa las kyi cho ga bshad par 'dod pas zhi ba dang rgyas pa la sogs pa las gang dang/ de 'am gzhan pa ci 'dod pa/ /'khor lo rjes mnyes sbyor ba yis/ /bsgrubs pa myur du 'grub par 'gyur/ /zhes dgongs pas gsungs pas re zhig dkyil 'khor gsungs pa/ dkyil 'khor chen po zhes bya ba la sogs pa la/ rdo rje lnga rnams bsgom bya zhes bya ba ni/ sangs rgyas lnga rnams bsgom par bya zhes bya ba'i don to/ /dbus su bdag po zhes bya ba la sogs pa la 'di skad gsungs pa yin te/ rdo rje 'dzin pa chen po 'am/ lhag pa'i lhas cho ga bzhin du bka' i 'khor lo'i bdag po bsgoms nas las 'di bya'o/ /dkyil 'khor rnam pa bzhi dag tu/ /zhes bya ba ni las kyi rjes su mthun par chu la sogs pa'i dkyil 'khor la'o/ /kha dog bzhi zhes pa la ci rigs par kha dog dkar po la sogs pa'i kha dog dang ldan par yongs su brtag par bya'o/ /rdo rje bdud rtsi las gsungs pa/ /chu yi dkyil 'khor zlum po ni/ /kha dog dkar po zhi ba la'o/ /sa ni gru bzhir gyur pa ste/ /ser po de bzhin rgyas pa'i las/ /me ni gru gsum du ni 'gyur/ /nag po de ni gdug pa'i las/ /rlung ni gzhu yi dbyibs lta bu/ /shin tu dmar po dbang la'o/ /zhes so/ /snying gar sngags kyi don bsgoms na zhes bya ba ni zhi ba la sogs pa'i nyams sngon du byas la sngon du song bas bsgom pa nyid de/ bri ba la sogs pa sbyor ba gzhan la ma bltos pa'o/ /rdo rje rnam pa bzhi'i las zhes bya ba ni rdo rjes rnams ni de bzhin gshegs pa rnams te/ zhi ba la sogs pa rnams pa bzhi'i las byed pa'o/ /gang gi zhe na gsungs pa/ bsam gtan rdo rje can dag byed/ /zhes bya ba ni gus pa dang bcas pas rgyun mi 'chad par dus ring por goms pas legs par brtan pa'i sems rtse cig par byas pa'i rnal 'byor pas so/ /gang gi sbyor ba las gang bya ba de gsungs pa/ zhi ba la ni spyan gyi tshul zhes bya ba ni rnam par snang mdzad dkar po'o/ /rgyas la rdo rje padmo can/ /zhes bya ba ni snang ba mdza' yas ser po'o/ /rnam par snang mdzad ces bya ba ni 'jug pa'i rgyus rin chen 'byung ldan dmar po'o/ /la la dag don yong grub par 'dod do/ /de yang las sna tshogs byed par shes pa nyid kyis ma brjod do/ /zhes pa 'di ni gzhan no/ /rdo rje khro bo zhes bya ba ni mi bskyed pa'o/ / 'di ni zhes bya ba la sogs pas lha thams cad kyi thun mong gi las yin no zhes brjod do/ /de la dang po re zhig shin tu snying rje'i yul gyi ngan song gi sdug bsngal gzhom pa'i phyir ma rungs pa'i las kyi yul gsungs pa/ ma dang smra ba zhes bya ba ni/ dkon mchog gsum la gnod pa smra'o/ /gang snod pa ni kha zer ba dang tho 'tsham pa zhes bya ba'i bar du'o/ /rdo rje can slob dpon zhes bya ba ni rdo rje slob dpon te/ de ni thams cad mkhyen pa'i ye shes kyi gnas te/ de la rab tu smod pa tsam gyis dge ba'i rtsa ba thams cad rgyun bcad pa dang/ sdig pa thams cad yongs su 'dzin pa'o/ /de yang gsungs pa/ slob dpon las gzhan bla ma min/ /'jig rten gsum gyi snod gzhug na/ /slob dpon las ni chen po ming/ /gang la dad ba rnyad pa yis/ /dngos grub thams cad rnyed par 'gyur zhes so/ /gzhan rnams la zhes bya ba ni ma gsod pa la sogs pa'i sems can mang po la 'khu bar byed pa'i sems dpa' o/ /'di zhes bya ba ni bshad par bya'o/ /rab tu bskul zhes bya ba ni ji lta ba bzhin du de bzhin gshegs pa rnams la dam tshig smra ba ste/ sad rgyad pa bskul bar bshad/ /ces bya ba'i tshig las so/ /khams gsum gnas pa'i sems can rnams zhes bya ba ni bsgrub par bya ba thams cad ces bya ba'i don to/ /sangs rgyas sku rnams su zhes bya ba ni/ kha sbyar dbye ba'i don du ji lta ba bzhin du yang dag pa'i sangs rgyas su byas nas so/ /kha sbyar dbye ba byas nas su/ /zhes bya ba ni sprul pa la sogS pa dang bral bar byas nas te/ de yang gsal bar ma bshad do/ /thams cad las ni rab tu 'grub ces bya ba ni/ zhi ba dang rgyas pa la ma gtogs pa gzhan thams cad la 'dis sngon du song ba bya'o/ /zhes bya ba ni man ngag go /bka' i 'khor lo dgod par gsungs pa/ kha bzhi pa zhes bya ba la/ dbus kyi rtse mo la phyogs bzhi'i rtse mo'i sbyor ba las so/ /'dis ni gral rim bzhin dgod pa dgag pa'o/ /rdo rje sems dpa' zhes bya ba ji lta ba bzhin du rdo rje 'dzin pa sngon du bsgoms pas/ rdo rje rtse mo lnga pa yongs su gyur pa las shin tu khros pa'i mi bskyod pa bsgom par bya'o/ /des byung ba sngon du song bs lha'i dkyil 'khor yang de dang 'dra bar brtag par bya'o/ zhes gsungs pa dus gsum zhes bya ba la sogs pa'o/ lag pa g.yas pa zhes bya ba ni mi bskyod pa'i lag pa g.yas par yi ge hUM las byung ba 'bar ba dang bcas pa'i rdo rje bsgom par bya'o/ /de yang le'u bco lnga par/ yi ge hUM ni 'bar bcas pa /rdo rje 'bar ba rab tu sgom/ /gdug pa thams cad gzhom pa yi/ /phyag na rdo rje'i rigs su brjod/ /ces gsungs so/ /sangs rgyas 'khor lo zhes bya ba ni/ sangs rgyas kyi zhing thams cad kyi rdul phra rab snyed kyi dus gsum gyi sangs rgyas rnams gzhug pa ste de'i bdag nyid yin la de'i phyir/ stobs po che ni shin tu zlog par bya ba'o/ /yang na sangs rgyas kyi 'khor lo ni dkyil 'khor ba'i gzugs kyis stobs po che'i zhes khyad par te/ de'i thogs pa med pa'i nus pas de nges par byed pa zhes bya ba'i don to/ /bka' bsgo ba'i de ma thag tu gsungs pa/ sems can rnams zhes bya ba la/ sangs rgyas sku'i bye brag gi zhes bya ba ni/ rnam par snang mdzad la sogs pa'i bye brag gis so/ /gong bu'i tshul gyis so zhes bya ba ni gcig gi rnam pa'i sbyor bas so/ /slar yang spro ba rab tu bya/ /zhes bya ba la sogs pa gsungs pa/ sku zhes bya ba la sogs pa la/ chos kyi dbyings kyi ngo bo nyid kyis dngos po thams cad kyi ngo bo nyid kyi rang gi ye shes sems dpa' i sa bon yongs su brtags nas de bzhin gshegs pa thams cad las 'od zer spros pa'i ngo bo nyid kyi bzlas pa bya'o/ /ji skad du/ yang na bzlas na rtse gcig sems nyid ni/ /dngos kun bdag nyid rang gi sems dbang ngo/ /rang gi sngags ni sna tshogs 'od ldan par/ /byas pa bo dang ldan par bsgos par bya/ zhes gsungs so/ /sku la sogs pa'i rdo rje rnams rang gi mos pas rang bzhin spyad pa sngon du song ba'i rnal 'byor gyis bzlas pa gsungs pa/ sku'i rdo rje mchog ces bya ba la sogs pa la/ rdzogs byang chub ces bya ba ni/ yang dag par rdzogs pa'i byang chub po/ /dngos dang dngos med rnams dpyad pa zhes bya ba ni gcig dang du ma dang/ gnyis ka'i bye brag gi stong pa'i phyir de kho na nyid kyis dngos po mi dmigs pa'i phyir ro/ /de'i phyir dgag bya yod pa ma yin pa'i phyir dang/ tshang ma dag gis mi 'thad pa'i phyir dngos po med pa yang ma grub pa'o/ /gnyi ga'i bdag nyid dang yod pa ma yin te/ dngos po dang dngos po med pa dag ni/ phan tshun 'gal ba'i phyir ro/ /de yang gsungs pa/ dngos las 'jug pa don gzhan min/ /don gzhan min pa'ang min par 'dod/ /don gzhan yin na rtag par 'gyur/ /don gzhan min pa'ang dngos po min/ /zhes so/ /de'i phyir dngos po dang dngos po med pa dag dpyad pa ni/ dngos po thams cad ma skyes ba zhes nges pa'o/ /'di yang chos nyid kyi so sor rig pa'i ngo bo nyid sku'i bzlas pa ste/ sangs rgyas kyi skur brjod pa'o/ /de skad du yang/ sangs rgyas chos nyid kyis lta ste/ chos kyi sku ni gtso bo yin/ /chos nyid shes par bya min pas/ ? rnam par shes mi nus/ zhes gsungs so/ /gsung gi bzlas pa gsungs pa/ gsung zhes bya ba la sogs pa/ sgra rnams ni rdul phra rab la sogs pa dang bral bas shes pa'i snang ba'i bdag nyid de/ sgra dang don dag gcig yin na/ /me yis kha ni tshig par 'gyur/ /gzhan nyid yin na rtogs ma yin/ /zhes pa'i rig pas so/ /sgra ma yin par ste brjod par bya ba ma yin par nyid kyi dpyad pa'o/ thugs kyi bzlas pa gsungs pa/ thugs ni zhes bya ba la sogs pa la/ phyi rol gyis dngos pos stong pa'i phyir/ 'gro ba rnams sems tsam zhes pa ni gnas pa'o/ /de nyid rdo rje ste/ de'i rnam par dpyad pa ni rigs pa dang lus ngag gi skye ba med pa'i sgo nas yang dag par gyur pa so sor rtogs pa'o/ /ji ltar yang gsungs pa/ rnam par snang mdzad mngon par byang chub pa las/ gsang ba'i bdag po sems ni nang na yang ma yin/ phyi na yang ma yin/ gnyi ga'i dbus na yang mi dmigs pa'o/ /zhes so/ /'di skad gsungs pa yin te/ brtags pa thams cad kyi nyes pas stong pa ni ji ltar yang rang rig pa tsam du rtogs pa'i phyir/ rdo rje'i bzlas pa'o/ /rin chen gyi bzlas pa gsungs pa/ don zhes bya ba la sogs pa/ dngos po thams cad kyi rang dang spyi'i mtshan nyid kyis stong pa nyid kyi don rnams rtogs pa ste/ sna tshogs ma yin pa nyid kyis rtogs pa'o/ /'di nyid gsungs pa ngo bo nyid med pa zhes so/ /bzang po yin zhes bya ba ni/ don dam par re zhig de bzhin du ste/ kun rdzog tu sgyu ma lta bu zhes bya ba'i don no/ /dus gsum sangs rgyas rnams zhes bya ba ni/ 'das pa la sogs pa rnams so/ /'di skad gsungs pa yin te/ ji ltar dngos po 'di rnams de kho na nyid kyis de bzhin nyid kyis bdag nyid de/ de ltar dus gsum du 'jug pa'i sangs rgyas su nges pa ni/ rin po che sbyor pa'i bzlas pa'o/ /don yod grub pa'i bzlas pa gsungs pa/ spro ba zhes bya ba la sogs pa la/ sku'i sprin zhes bya ba ni/ sprul pa'i sku'i tshogs kyis so/ /bzhung dang byon pa rdo rje'i don ces bya ba ni/ sbro ba dang bsdu ba dag ji lta ba'i don so sor brtags pa ste/ chos thams cad don dam par? 'ong ba dang 'gro ba dang gnas pas spong pa'i phyir/ de bzhin gshegs pa bzhung pa dang byon pa dang bzhung pa ma yin par mos pa ste/ des ni thogs med kyi bzlas pa'o/ /khro bo'i bzlas pa gsungs pa/ thos ba zhes bya ba la sogs pa ni/ sngags kyi yi ge rnams kyi tshig ni sgra'i gzugs te/ rang gi rdo rje rab grags pa ste/ rang gi bdag pos khro bo'i tshig tu brjod pa'o/ /gang du rang gis sprul pa'i dkyil 'khor bas thos pa ste/ khro bo'i bzlas par bshad ces bya ba dang 'brel to/ /khro bo'i dam tshig ye shes kyis bya ba ni/ khro bo rnams kyis dam tshig ni rang gi bdag po'o/ /de'i ye shes kyis te ye shes dang ldan pa zhes bya ba'i don to/ /yang na thams cad nam mkha' i mtshan nyid de/ nam mkha' la yang mtshan nyid med/ /sgyu ma lta bur thams cad ni/ /khams gsum thams cad ma lus pa zhes mos pa yis/ /gdug pa thams cad bcom pa ni/ /khro bo rnams kyi dam tshig ste/ de'i bdag nyid kyi ye shes 'dis zhes bya ba'i don to/ /spros la sogs pa sngon du song pas bzlas pa bya ba ste/ de'i phyir spro ba la sogs pa'i cho ga gsungs pa/ 'dod pa'i don gyis zhes bya ba la sogs pa la/ 'dod par bya bas na 'dod pa ste/ rang bde ba'i rgyu rnams kyis so/ /de'i rgyu ni bya ba da? bya ba ma yin pa yongs su mi shes pa'i phyir myos par gyur pas blang bar bya ba dang dor bar bya ba'i shes pas stong pa zhes bya ba 'di'i don to/ /kun tu skyob cing phan par dga' zhes bya ba ni/ thams cad du mngon par 'dod pa'i don btsal ba lhur byed pa'o/ /gzung ba la sogs pa'i de kho na nyid ma dmigs pa las me long lta bu'i ye shes ni gti mug go /de'i ngo bo nyid kyis gting tshugs pa med pa zab pa'i phyir gti mug ni rnam par snang mdzad do/ /de'i gnas ni de'i ngo bo nyid du'o/ gzhag pa ni brtan por byas nas te/ bsdu bar bya'o/ /zhes lta bar bya'o/ /'dod chags rdo rje las byung zhes bya ba ni snang ba mdza' yas kyi sbyor pa dang bcas pa'o/ /tshig ces bya ba ni sngags kyi bdag nyid do/ /lus dang ngag sems la gnas pa zhes bya ba ni/ sku la sogs pa'i bdag nyid kyi lha'i gzugs dang bcas pa spro ba zhes shes par bya'o/ /zhe sdang rdo rje las byung zhes bya ba ni/ zhe sdang rdo rje'i gzugs kyis byung ba'i phyir zhe sdang rdo rje las byung ba'o/ /sems zhes bya ba ni sngags kyi bdag nyid do/ /zhe sdang gi gnas zhes bya ba ni/ mi bskyod pa nyid la'o/ /rdo rje gsum rnams kyi dam tshig ni rdo rje 'dzin pa'o/ /de'i de kho na nyid ni shin tu rnam par dag pa'i gnyis su med pa ye shes kyi ngo bo nyid do/ /de nyid ni rtag pa dang chad pa'i mthas stong pa'i phyir dbu ma'o/ /dam tshig la sogs pas thams cad thun mong du 'di'i bzlas pa gsungs te/ 'di yang gsal bar ma bshad do/ /rdo rje bdag po zhes bya ba ni/ gzugs rdo rje la sogs pa'i lha mo drug go /'dod chags de nyid ces bya ba ni/ 'dod chags kyang yin la de nyid kyang yin te/ snying rje dang shes rab kyi bdag nyid ye shes so/ /de nyid don te/ dngos po thams cad kyi rang bzhin nyid kyi phyir ro/ /de'i sgom pa po zhes bya ba ni rdzogs par byed pa'o/ /de'i phyir 'di rnams kyis kyang mdzad pa ni 'dod chags las skyes pa'i byang chub bo/ /snying rje'i sa bon las byung pa'i yang dag par rdzogs pa'i byang chub ces bya pa'i don to/ /rtag tu 'dod pa'i don brtson pa zhes bya ba ni/ gti mug la sogs pa rnam par dag pa'i me long lta bu'i ye shes kyis mthar phyin pa'o/ /'dod pa'i longs spyod pas ni sangs rgyas khros pa rnams te/ ji skad bshad pa'i gzugs rnams gzhig pa'i ched du de rnams spro bar bya ba'i ched du gsungs so/ /'di ni kha sbyar dbye ba dang 'brel ba nyid kyi phyir gsal bar ma byas so/ /gang 'dir bsgrub par bya ba'i rigs pa bcad pa dang/ phur bus gdab pa dang/ dngos grub 'phrog pa la sogs pa ni gsal bar ma byas pa ste/ de ni bla ma'i man ngag las shes par bya'o/ /sangs rgyas zhes bya ba la sogs pa la/ sangs rgyas ni rdo rje 'dzin pa'o/ /de nyid chos kyi sku la sogs pa'i bdag nyid kyi dam tshig go /de nyid sku rdo rje la sogs pas byin gyis brlabs pa'i lus nyid kyi phyir rdo rje gsum gyi gnas ni dkyil 'khor te/ lus kyi dkyil 'khor dag tu gsungs/ zhes pa'i tshig las so/ /rmongs pa'i bdag nyid ces bya ba ni/ mi 'dod pa'i las byed pa'i bsgrub par bya'o/ /sangs rgyas kyis kyang 'grub mi 'gyur/ zhes bya bas ni bsrung ba la sogs pas slar 'tsho bar mi nus pa ni lhag ma'o/ /'dis ni sbyor ba'i bdag nyid che ba gsungs pa'o/ /rdo rje'i dam tshig ni mi bskyod pa'o/ /de nyid de bzhin gshegs pa la sogs pa rnams la bka' bsgo bas bka' i 'khor lo de nyid ming gang la yod pa'i ting nge 'dzin de la de skad ces bya'o/ /rnam par snang mdzad la sogs pa'i sbyor bas kyang bka' i 'khor lo bya bar nye bar bstan pa'i don du gsungs pa/ nam mkha' i dbyings kyi zhes bya ba la sogs pa la/ rdo rje 'bar bas brgyan ces bya ba ni/ khro bo'i 'od zer rnams 'phro ba'o/ /rnam par snang mdzad rab tu bsgom/ /zhes bya ba ni rang gi dkyil 'khor la gnas pa'i 'khor lo las byung ba khros pa'i rnam par snang mdzad bdag nyid bsgom par bya'o/ zhes bya ba'i don to/ /rdo rje sems dpa' grags chen zhes bya ba ni dkyil 'khor pa'i sangs rgyas dang byang chub sems dpa' bsgom par bya ba'i don to/ /rdo rje me stag bsngo ba can zhes bya ba ni sngar gyi bzhin du khro bo thams cad nang du bcug pas mi phyed par gyur pa'i 'khor lo 'od zer dang bcas pa bsgom par bya'o/ /sems can rnams zhes bya ba la sogs pa la/ 'di skad gsungs pa yin te/ sangs rgyas dang byang chub sems dpa' thams cad phyogs thams cad na gnas pa cho ga bzhin du bsgrub par bya ba la gtad nas shin tu khros pas dgug pa'i 'od zer gyis sbyor bas rang gi lus kyi nang du gzhug par bya'o/ /sgro ba rdo rje thams cad kyi zhes bya ba ni/ yang de rnams shin tu khros pas spros nas ji lta ba bzhin bka' bsgo ba byin nas bya ba la sbyar bar bya'o/ /bka' bsgo ba'i tshig gsungs pa/ gson zhes bya ba la sogs pa'i tshig ni go sla'o/ /'di ni thams cad kyi thun mong gi tshigs su bcad pa yin te/ 'on kyang mtshan ma 'dzin pa'i bye brag gis so/ /'khor lo rdo rje 'dzin zhes gzhug par bya'o/ /khro bo'i sbyor bas kyang 'di bya bar gsungs pa/ nam mkha' rdo rje zhes bya ba la sogs pa la/ sangs rgyas dkyil 'khor rdo rje can/ zhes bya ba ni rnam par snang mdzad bdag pa'o/ /'khor lo che zhes bya ba ni/ khro bo'i tshogs dang bcas pa rang gi lhag pa'i lha gshin rje gshed por lnga'o/ /sangs rgyas zhes bya ba la sogs pa la/ sngar gyi bzhin du mtshan ma byin gyis brlabs pa la sogs pa gsungs pa ste/ 'on kyang hUM yig las skyed pa'i rdo rje thob 'dir gsum par bya'o/ /'di ni rdo rje dkyil 'khor mchog /ces bya ba ni rdo rje khro bo thams cad de/ /de rnams kyang dkyil 'khor 'di lta bur shes par bya'o/ /zhes bya ba'i don to/ /thams cad las mi 'da' ba nyid kyis phyir dam tshig ni gshin rje gshed po ste/ de gang las byung ba zhes bya ba ni/ sa bon la sogs pa las byung ba'o// de yang gshin rje gshed po'i sku la sogs pa'i ngo bo'i ting nge 'dzin gang la yod pa de la de skad ces bya'o/ /bka' i 'khor lo rab tu bskor ba'i cho ga 'di dag shul bsgrubs pa dang/ bgegs bskrad pa la yang lta bar bya ste/ 'di nye bar dgong pa gsungs pa/ sku zhes bya ba la sogs pa la 'di skad gsungs pa yin te/ 'jigs pa skyed pa la sogs pa la yang ji lta ba bzhin rnam par snang mdzad la sogs pa'i sbyor bas 'khor lo'i dbus su gnas nas ji lta ba bzhin du de bzhin gshegs pa la sogs pa thams cad bdag la bsdu ba dang khro bo'i rnam par ston nas bgegs thams cad gzhig pa'i phyogs bcur bsgom par bya'o/ /ye shes mchog gi rdo rje zhes bya ba ni/ sems rtse gcig pa'i rnal 'byor pas zhes bya ba'i don te/ gsungs pa/ hUM mdzad yang na gtsug tor ram/ /rnam par snang mdzad la sogs nyid/ /khro bo 'khor lo gnas bsrung phyir/ /bsams nas bgegs ni rnam par bzhom// zhes so/ /gang rang gi ma'i wa? ba la sogs pas rang gi rig pas bsrung ba de nyid bla ma'i zhabs las bus pas rnyed pa ste ma bshad do/ /rnam par snang mdzad las byung ba'i/ /gzhal yas khang gsungs pa/ nam mkha' rdo rje zhes bya ba la sogs pa la/ chos zhes bya ba ni sangs rgyas thams cad kyi chos kyi brten pa'i ngo bo nyid kyi phyir ro/ /gzhal yas khang bsgoms nas de la gdan brtag par bya'o/ /rdo rje'i nga rgyal gsungs pa/ nam mkha' dbyings zhes bya ba la sogs pa la/ sa bon gyi yi ge nang du son pa'i rdo rje las spros pa'i bdag nyid bsgom par bya zhes bya'o/ /gang zhig sangs rgyas thams cad sku/ /snang ba med pa gnas med pa/ /ma skyes ma byas rnam par dag /dngos med la sogs rnam par spangs/ /mi chod mi phyed mi tshig pa/ /chos kyi sku ste khyab par med/ /rdo rje'i bdag nyid yang dag gyur/ /rdo rje sku ni bla na med/ /ces gsang ba'i thig le las gsungs pa de kho na nyid ltas nas brtan par bya ste/ rdo rje'i nga rgyal bya ba ni/ aoM badzra At+ma konyahaM zhes bya'o/ /'og na gnas pa'i chu gnon pa gsungs pa/ rnam pa'i mchog rnams kun zhes bya ba la/ rdo rje sems dpa' zhes bya ba ni/ rdo rje 'dzin pa chen po'o/ /rim par bkod nas ni/ zhes bya ba ni dbang bskur ba'i rim pas/ gang gi gang la bdag por 'gyur ba nges de nyid la zhabs kyis mnan par bsam par bya'o/ /gang rnams kyis de med pa ni/ de rnams kyi bdag nyid mnyam pa nyid kyi lha zhes bya ba'i don to/ /yang na dkyil 'khor gdon pa'i rim gyis so/ /'di skad gsungs pa yin te/ phra mo'i rnal 'byor bsgoms pas sems brtan par byas pa'i rnal 'byor pa gang gi tshe chu la 'gro bar 'dod pa de'i tshe/ rang gi lha'i 'dod pa'i lha'i sbyor ba sngon du byas nas sangs rgyas rjes su dran pa bsgoms pa'i stobs kyis chu'i rdul phra rab thams cad bde bar gshegs pa'i bdag nyid du shes nas bdag nyid kyang de bzhin du nges par mnyam pa nyid dmigs pas/ de ltar sprul pa'i rgyal ba'i dbu la zhabs 'dor ba'i rim gyis chu la lcag pa'i rim pa'o/ /'gyod pa spangs pa zur gyis gsungs pa/ ngo bo nyid dag pa zhes bya bas so/ /ngag rengs par bya ba gsungs pa/ dbang chen zhes bya ba la sogs pa la/ 'di skad gsungs pa yin te/ gang gi tshe ngag 'phrog par 'dod pa de'i tshe/ gang yang rung pa la kha dog ser po'i sbyor bas bsgrub par bya ba'i lce'i rtsa ba la la ma las byung ba dbang chen gyi dkyil 'khor ser po gru bzhi pa grwa rnams su rdo rje rtse gsum pas mtshan pa'o/ /rdo rje'i rwas yang/ rna ba gnyis dang lce dang/ rkan phug nas byung bar lta bar bya'o/ /de yang kha thung du ltas nas ? pa dbyangs yig gi mdza' ma las byung ba sna tshogs rdo rje la gnas pa kha dog ser po'i khro bos mgo bo la mnan pa grug zer dang ldan pa spobs pa med par bsgom par bya'o/ /dpung gnon pa gsungs pa/ khro bo'i tshul zhes bya ba la sogs pa la/ rdo rje gsum zhes bya ba ni sku la sogs pa'i rdo rje rnams so/ /'di skad gsungs pa yin te/ rang gi dkyil 'khor la gnas pa'i rang gi dkyil ' khor pa rnams ji lta pa bzhin du kha dog ser po khro bor dmigs nas spros te skyes bu dpa' bo rnams so so la dbang chen gyi dkyil 'khor gyi stan la sna tshogs la rdo rje'i steng du g.yon brkyang gis bzhugs pa gser gyi ri bo lta bus mnan par bsgom par bya'o/ /'bros par 'dod na dpa' bo skyes bus phyir ltas pas phyir ltas pa'i khro bor 'bros par 'gyur pa dang/ phyir ltas pa las mdun du ltas pa'i khro bos 'ching pa nyid du ltas pa dang/ mngon du ltas pa la mngon par gnas pas rgyal bar 'gyur zhes pa ni man ngag go / rmongs pa'i dbang du byas te gsungs pa/ hUM zhes bya ba la sogs pa la/ 'di skad gsungs pa yin te/ yi ge hUM las skyed pa sor brgyad pa'i ched rtsom lnga pa'i steng du'o/ /'og tu rtse mo gcig pa'i ser po'i rdo rje phur bu bsgoms nas gang 'dod pa'i lha'i sbyor pas rang gi ming gis yi ge dang po las byung pas bsgrubs par bya ba'i snying gar gdab bo/ /rmongs pa 'am 'chi bar bsgoms na de bzhin du de 'gyur ro/ /de'i phyir 'di ni sgra rmongs par byed cing gnod par byed pa zhes bya ba'i ting nge 'dzin to/ /yams kyi nye bar 'tshe ba thams cad gzhom pa'i don du gsungs pa/ grong ngas zhes bya ba la sogs pa la/ 'dis ni zhes bya ba ni 'chad par 'gyur ba'i cho gas so/ /bar snang dag la rab tu zhes bya ba la sogs pa la/ gang 'dod pa'i dkar po zhi ba'i lha'i sbyor bas yi ge hUM las byung ba'i rdo rje rtse lnga pa 'bar ba'i 'phreng pas bskal pa'i me 'dra ba gyen du mgo b stan pas grong khyer la sogs pa g.yogs par nam mkha' la gnas pa bsgoms nas 'bar ba rnams kyis nang la sogs pas gnod par byed pa'i sems can rnams la mes bkrus pa'i gom kyis dri ma med pa bzhin du nad thams cad kyi dri ma med par byas nas de'i 'od zer bsdus te rdo rjer bya'o/ /rin chen yid bzhin nor bu'i 'od ces bya ba ni/ rin chen 'byung ldan gyi 'od zer rnams kyis te/ 'od zer ser po rnams kyi zhes bya ba'i don to/ /chos kyi sbrin ni bsgoms nas kyang/ /zhes bya ba la 'di skad gsungs pa yin te/ yang rdo rje de las kha dog ser bo'i 'od zer gyi sgo nas byung ba/ spyan la sogs pa rnams ye shes kyi bdud rtsi ser pos gser gyi bum pa gang bas phyag na thogs pas sems can rnam dbang bskur bar bya ste/ ji lta ba bzhin du de nyid kyi nang du zhugs par byas nas/ yang de rnams rnam par snang mdzad kyi gzugs kyis spros pas dbang bskur te/ de'i rang bzhin du byas te lus rgyas pa'o/ /nor rgyas pa'i byed du gsungs pa/ yang kun nas rin po che'i chang te der bsam mo/ /zhes bya ba ni khyad par ngo/ /gang gi tshe yang ji lta ba bzhin du rnam par snang mdzad la sogs pa'i gzugs kyis bskyed par gyur pa de'i tshe/ de'i gnas kyang sangs rgyas pa thams cad kyis byin gyis brlabs pa nyid kyi phyir ro/ /dus ring por nang la sogs pas nye bar 'tshe par mi 'gyur ba'i dgongs pa dang ldan pas gsungs pa/ sangs rgyas sprin zhes bya ba la sogs pa la/ sangs rgyas ni rnam par snang mdzad do/ chos ni snang ba mdza' yas so/ /rdo rje sems dpa' ni thugs rdo rje'o/ /der zhes bya ba ni/ sems can rnams la'o/ /spro ba zhes bya ba ni/ de'i gzugs su zhes bya ba'i don to/ /bsam gtan 'di'i sbyor ba yis/ /zhes bya ba ni rtag tu bar med pa'i spro ba dang/ /bsdu pa'i rim gyis thun bzhir byin gyis brlabs pa'o/ /gang la gang du yang dag par spyod pa'o/ /'dis ni nges par bshad par bya ba'i bsrung ba'i cho gas gsungs so/ /sangs rgyas byin gyis rlob zhes bya ba ni/ bgegs med pa'i phyir myur bar dngos grub thams cad 'grub par 'gyur zhes bya ba'i don to/ /las thams cad la bsrung ba sngon du song bas 'jug pa gsungs pa/ rdo rje bdud rtsi zhes bya ba la sogs pa la bdud rtsi 'khyil ba nyid steng du gnas pa 'og tu rdo rje rtse gcig pa'i rnam pa ni rdo rje phur bu'o/ /phyogs bcur dkyil 'khor gdab par bya/ /zhes bya ba ni phyogs bcur gnas pa'i bgegs dang log 'dren 'khor dang bcas pa'i lus la ji lta ba bzhin du gdab po zhes bya ba'i don to/ /nad 'byung ba zhi par bya ba'i don yang yul bsrung pa la sogs pa'i don to 'di yang lta bar bya'o/ /gang gsungs pa/ zhi ba la ni spyan gyi tshul/ zhes bya ba'i rgyas par bstan pa gsungs pa/ nam mkha' i dbyings zhes bya ba la sogs pa la/ zhi bar byed pa ni zhi ba ste/ de'i don gyi dkyil 'khor te/ yi ge baM las byung ba chu/ zhes bya ba'i don to/ /snying gar 'dod pa bzhag ces bya ba la/ 'di skar gsungs pa yin te/ sku'i dkyil 'khor la rnam par snang mdzad kyi sbyor bas chu'i dkyil 'khor la gnas nas/ aoM dzaM na dzika che ge mo shAn+tiM ku ru swAhA/ zhes bya ba'i sngags bzlas pa na/ rang gi ye shes sems dpa' i snying ga zla ba la zhi bar 'dod pa ji lta ba bzhin du rdzogs par bsams nas/ de'i snying ga'i zla ba la/ aoM du ru sphu ru zhes bya ba la sogs pa sngags kyi 'phreng ba mgo gyen du gnas pa dgod do/ /de las byung ba spyan gyi tshogs rnams kyi rang gi rig pa 'don pa sngon du song ba'i dbang bskur ba ster ba lhur byed pa/ nam mkha' yongs su yang ba bsgom par bya'o/ /de nas de rnams bsdus nas ye shes bdud rtsi'i 'do kyi gzugs kyi gcig tu byas nas nad pa'i lus la tshim par bya ba'i don du gzhug par bya'o/ /yang de rnams de'i ba spu'i bu ga nas sangs rgyas sprin gyi gzugs zhi ba dkar po'i gzugs rnams sgros nas dbang ster ba sngon du song ba ji lta ba bzhin du zhugs pas nad pa de'i rang bzhin du bya'o/ /man ngag brjod par bya ste/ rang bzhin gyis 'od gsal ba rnam par thar pa'i ting nge 'dzin la snyoms par zhugs pa'i rnam par snang mdzad rang gi dkyil 'khor la gnas pa dkar por bsgom par bya'o/ /de'i shes rab kyi chu skyes kyi nang du bcug pa'i bsgrub bya'i mgo po la las kyi rdo rje las byung ba kha ba bzhin du glang pa'i bdud rtsi'i rgyun gyis nad la sogs pa'i dri ma ma lus pa spangs par ltas nas de nas gdon par bya ste/ dkar po'i dri bzang po dang/ gos dang phyug bas mdzes pa'i lus kyang mdun du dkyil 'khor dkar po la bzhag nas ji lta ba bzhin du spros te/ spyan la sogs pa'i tshogs kyis dbang bskur bar bya ba 'am/ yang na de bzhin gshegs pas nang pa'i mgo bo la gnas pas ji lta ba bzhin du dgang byin pas sna tshogs kyi nad kyi sgra spre'u'i rnam pa lta bu phyung bar bsgom par bya'o/ /phyi rol gyi yang gro ga la sogs pa rnams la tsam dan dkar po dang/ gur kum gi ji lta ba bzhin du phyir slob pa'i bsrung ba'i 'khor lo bris nas cho ga bzhin du rdzogs par byas nas me tog la sogs pa rnams kyis mchod de/ kham phor kha sbyar nas nad pa'i sdas kyi gnas su 'am/ gzhan sa phyogs gtsang ba'i gnas su bzhag la me tog dkar pos dus gsum du mchod do/ /'dis ni nges par nyi ma bdun gyis zhi ba chen por 'gyur ro/ /rgyas pa'i dbang du byas nas gsungs pa/ nam mkha' i dbyings zhes bya ba la sogs pa la/ 'dir yang zhi ba bzhin du cho ga yin te/ 'on kyang dbang chen gyi dkyil 'khor la gnas pa kha dog ser po snang ba mdza' yas kyi sbyor pa 'am/ rin chen 'byung ldan gyi sbyor ba la/ aoM Apas sngon bzhin du rang gi rig pa las byung ba gos dkar mo ser mo'i tshogs kyis bdud rtsi 'dzag pa'i bum pa ser po lag na thogs pas dbang bskur bar byas nas de bzhin gshegs pas kyang dbang bskur ba gsungs pa/ ba spu zhes bya ba la sogs pa la/ rin chen sprin zhes bya ba ni gang gi tshe rin chen 'byung ldan gyi sbyor bas rgyas par byed pa'i de'i tshe/ rin chen bdag po'i sprin spro bar bya'o/ /gang gi tshe yang snang ba mdza' yas kyi sbyor bas de'i tshe/ chos kyi sprin ser po'o/ /snang ba mdza' yas kyi tshogs zhes bya ba'i don to/ /yid bzhin nor bu'i dpal ldan 'gyur/ /zhes bya ba ni ji lta ba bzhin du nor rgyas pa rnyed pas ser sna med pa'i phyir/ ji ltar 'dod pa'i don ster bar byed do/ zhes bya ba'i don to/ /dbang du byed pa'i dbang du byas te gsungs pa/ nam mkha' i dbyings zhes bya ba la sogs pa la/ rdo rje zla gam dkyil 'khor bsam/ zhes bya ba ni kha dog dmar po zla gam gyi rnam pa lta bu rlung gi dkyil 'khor yaM las byung pa'o/ /de yang rdo rje bdud rtsi las gsungs pa/ rlung ni gzhu'i dbyibs lta bu/ /dbang la shin tu dmar po 'dod/ ces so/ /rdo rje nam mkha' la tshes mchog gzugs zhes bya ba ni don yod grub pa'o/ /la la dag snang ba mdza' yas su 'dod do/ / 'od zer sna lnga'i sbyor ba yis/ der ni gzi brjid dbab par bya/ /zhes bya ba la 'di skad gsungs pa yin te/ rlung gi dkyil 'khor dmar po la gnas pa ji lta ba bzhin du don yod grub pa'i sbyor ba byas nas ye shes sems dpa' dang ldan pa/ rang? gi snying gar bsgrub par bya ba bsgoms nas/ de'i snying gar bkod pa'i 'phags ma sgrol ma'i sngags las byung ba'i sgrol ma'i tshogs kyis cho ga bzhin du dbang bskur nas/ de bzhin gshegs pa rnams kyis kyang ji lta ba bzhin du dbang bskur ba bya ste/ de bzhin du de bzhin gshegs pa rnams kyi dbang yang thob pa zhes bya'o/ /dga' ba rgyas par byed pa'i phyir rin chen dam tshig sgrol ma ste/ dbang du byed pa la gtso bor gyur pa'i phyir ro/ /de'i sprin gyi tshogs ni tshogs so/ /de'i bkod pa ste/ ji lta ba bzhin du dbang gi don du de bzhin gshegs pas sprul pa'i khyad par ro/ /nga la dmigs pa'i ting nge 'dzin la yang de skad ces bya'o/ /sngar gyi mngon spyod dang 'brel pa'i las gsungs pa/ nam mkha' i rdo rje zhes bya ba la sogs pa la/ me'i dkyil 'khor la gnas pa zhes bya ba ni raM las byung ba gru gsum pa'i nag po mi bzod pa'i 'bar bas khyab pa la bsgrub bya gnas par byas nas zhes bya ba'i don to/ /rang gi don dang nyes pa chung ba rnams la las 'di bya ba ma yin par gsungs pa gnod byed pa zhes bya ba la sogs pa la 'di skad gsungs pa yin te/ sangs rgyas thams cad la sogs pa la/ gnod pa byed pa la ji lta ba bzhin du kha sbyar dbye ba la sogs pa byas nas ji ltar gsungs pa me'i dkyil 'khor la gnas pa'i/ gcer bu skra bshig pa 'bru mar gyi byugs pa shin tu 'dar ba skyob pa med pa mdun du ltas nas/ rang gi ba spu'i bu gnas byang ba'i 'od zer las byung ba'i srin po la sogs pa rnams kyi gtubs shing za bar bsgoms na 'dir 'chi bar 'gyur bar gdon mi za'o/ /thams cad du 'di las kyi rjes su mthun pa'i sems dang/ khro bo'i lta gdengs la sogs pa nges par bya ste/ gang bco brgyad pa las/ zhi la zhi pa'i sems kyis bya/ /rgyas pa la ni rgyas pa yid/ /dbang la chags pa'i yid du bya/ /khro la khros pa'i sems su bsgrub/ /ces gsungs so/ /de la yang de nyid bsdus pa las/ /rdo rje lta ba chags pa yis/ /dga' bas mig ni rab tu rgyas// de yis bud med la bltas nas/ /rtag tu dbang du gyur pa yin/ /khro bo'i mig ni btsum pa ste/ /khro gnyer mnyer ma rab bsdus pa'i/ /khro bo'i lta ba byas na ni/ /khams gsum yang ni 'jig par byed/ /ri rab ri yi brag 'dra bar// brtan cing 'dzum pa med pa'i mig / byams pa'i lta ba ces su bshad/ /nad dang gdon dang dug sel to/ /zhes gsungs so/ /slar yang don gzhan la brten nas don de nyid ni bzlas pa yin zhes bya bas rigs pa las kyi tshogs kyi skabs su gsungs pa'i yang zhal dang kha dog la sogs pa ni/ ston ka'i 'dam bu zhes bya ba ni/ kang ni chu'i yin la de'i an da ni skye ba'i gnas te/ sprin zhes bya ba'i don to/ /ston ka'i 'dam bu ni ston ka 'dam bu'o/ /de dang 'dra ba'i 'od ni rtsa ba'i zhal dang sku thams cad ni dkar po zhes bya ba'i don to/ /g.yas pa'i phyag na zhes bya ba ni/ rnam par snang mdzad la sogs pa'i g.yas pa'i phyag gnyis par mtshan ma'i gtso bo bsgom par bya'o/ /phyag drug ces pa ni gang 'dir cung zad 'dir bsgom par bya ba de rnams phyag drug pa nyid du nges par bzung bar bya'o/ /mtshon cha rnams zhes bya ba ni/ ye shes lnga'i bdag nyid kyi phyir/ lhag ma rnams de bzhin gshegs pa'i mtshan ma 'dzin pa zhes bya ba'i don to/ /sku gsum gyi bdag nyid rims gsum gyis/ /bye brag gis thams cad bsdus par 'gyur pa nyid kyi phyir phyogs 'dis lha thams cad kyi rtsa ba'i phyag mtshan nges par rtogs pa ste/ tha dad par ni ma yin no/ /de la 'du shes kyi phung po'i bdag nyid ni dag rdo rjes cher ba dang 'du byed dag gi ngo bo nyid/ rin chen 'byung ldan dang/ don yod grub pa dag ste/ sems las byung ba nyid kyi phyir chos kyi khams nyid kyis bsdu'o/ /yul dang dbang po dag rnam par dag pa grub pa'i gzugs kyi ngo bo'i phyir sku'i bdag nyid kyis/ gzugs kyi phung por bsdu'o/ /'di yang gsungs pa chos mngon pa las thams cad gcig gis bsdus pa ste/ phung po skye mched dag dang ni/ /khams kyis ngo bo nyid kyis so/ /zhes kha ceg? 'dod do/ /sems las byung pa ni sems kyi 'khor lo yin pa'i phyir sems las byung ba'i rang bzhin dag sems kyi nang du 'dus so/ /lhag ma rang gi rigs kyi nang du 'dus zhes gzhan zer ro/ /nam mkha' rdo rje can zhes bya rang bzhin gyi 'od gsal ba'i phyir dang/ mi bskyod pa yin pa'i yang phyir nam mkha' i rdo rje ste/ shin tu rnam par dag pa'i ye shes de rang gi 'byor pa khyer bar byed pa ste mA ma kI ste de la de skad ces bya'o/ /gsung gi rdo rje'i go 'phang thob par byed pa ste/ gsung rdo rje ma ni gos dkar mo'o/ /mi phyed pa'i ye shes kyi bdag nyid autpa la ser po 'dzin pas rdo rje autpal te/ sgrol ma'o/ /phyag bzhi zhes pa ni/ Tak+kI'i rgyal po'i khyad par ro/ /shes rab la 'khyud pa'i phyag gnyis ma gtogs pa shes par bya'o/ /rdo rje phyag ni drug par sgom/ /zhes bya bar mdzad pa'i phyir ro/ /ral gri zhags pa bsnams zhes bya ba ni las kyi tshogs la brten pa'i mi g.yo ba'i khyad par ro/ /gcer bsgom pa la ni/ khro bo thams cad kyi lag pa g.yas pa'i gnyis pa na rang gi phyag mtshan 'dzin pa'o/ /phyag lhag ma rnams kyis ni rang gi bdag po'i phyag mtshan 'dzin pa'o/ /rdo rje hUM mdzad kyi phyag g.yon pas zhags pa dang lcags kyu 'dzin pa ni man ngag go / gnas skabs yin pas brjod par bya ste/ shes rab mthar byed dang/ pad+ma mthar byed dang/ gtsug tor can rnams dkar po dang/ dmar po dang/ ser po'o/ /lhag ma ni nag po'o/ /ser po dang dmar po dag gis g.yon dkar po'o/ /nag po dang dkar po dag gi dmar po'o/ /Tak+kI dang/ mi g.yo ba dang/ gtsug tor can dang/ gnod mdzes dang/ hUM mdzad rnams ni rin po che'i cod pan can mche ba cung zad gtsigs pa rgyan bzang po dang/ sgeg pa'i sku'o/ /gzhan ni mche ba gtsigs pa la sogs pa'i zhal dang/ klus brgyan pa shin tu 'jigs su rung ba bsgom par bya'o/ /yi ge gcig ces bya ba ni/ b+h+ruM las skyes pa nyid kyi phyir ro/ /gsam gtan dkyil 'khor zhes bya ba ni/ /bsrung pa'i 'khor lo'i rnam par bzhag pa'am/ bdag po'i gzugs kyis so/ /ye shes mchog ces bya ba ni/ ye shes lnga'i bdag nyid kyi rdo rje'o/ /de 'dzin par byed pa'i phyir/ gnod mdzes ye shes mchog 'dzin pa'o/ / rgyud gzhan las gsungs pa'i lha yang 'dir bshad pa'i cho gas bsgom par bya ba grub par 'gyur ro/ /zhes bstan pa'i phyir gsungs pa/ gzi brjid phung po zhes bya ba smos te/ de bzhin gshegs pa thams cad kyi gzi brjid kyi rang bzhin yin pa'i phyir gzi brjid phung po'o/ /'khor lo sgyur pa thams cad kyis zil gyis mi gnon pa'i gtsug tor gang la yod pa de rgyal pa'i gtsug tor ro/ /gang gzhan sngags kyi 'khor lo can zhes bya ba ni/ gtsug tor chen po dang rmad du byung ba'i gtsug tor can la sogs pa rnams so/ /dam tshig longs spyod 'di rnams kyis zhes bya ba ni gtsug tor chen po yi ge gcig ces bya ba'i nges par bstan pa'i zhal la sogs pa'i khyad par rnams kyis so/ /sa bon la sogs pa yang khyad par med pa'i phyir gtsug tor can rnams kyi rab tu dbye ba yod dam zhe na/ de'i phyir gsungs pa/ dpag med zhes bya ba la sogs pa la/ sems can dpag tu med pa'i bsam pa'i bye brag gi dpag tu med pa'i gnyen po'i bye brag rnams la dmigs pas grangs med pa'i ting nge 'dzin rnams so/ /gsang sngags dag ni zhes bya ba ni/ chos kyi dbyings zhes par bya ba dang/ sems can gyi khams skyob par byed pas gang lha rnams kyi yongs su gyur pa la sogs pa'i yi ge'i khyad par de rnams zhes bya ba'i don to/ /khro bo dag ni re re yang zhes bya ba ni gtsug tor can 'ba' zhig ma yin gyi/ khro bo thams cad ces bya ba'i don to/ khro bo smos pa ni nye bar mtshon pa ste/ gzhan rnams kyi yang khyad par 'dir bzung par bya'o/ /'dis ni rgyud 'di'i lha thams cad yin par gsungs par 'gyur ro/ /da ni dkyil 'khor gyi bdag po dag 'dir rdo rje 'dzin pa chen po yongs su gyur pa las bsgom par bya'o/ /zhes khyad par brjod pa ni/ nam mkha' i dbyings zhes bya ba la sogs pas/ rtogs par bya ba bud med sgyu ma'i mchog ldan pa zhes bya ba ni/ bud med thams cad sprul pa rnams kyis gtso bor gyur pa zhes bya ba'i don to/ /spyan gyi dam tshig ni 'khor lo te/ de dang bcas pa ni phyag gi mchog ste/ 'di yod pa ni ldan pa'i spyan no/ /de la dmigs pa'i ting nge 'dzin te/ de skad ces bya'o/ /nam mkha' i sgyu ma mchog ces bya ba ni/ dmig pa med pa'i ye shes kyi ngo bos sprul pa du mas 'gro ba'i don du rdzogs pa la sgyu ma lta bu'i snang ba de la de skad ces bya'o/ /autpal sngo dmar zhes bya ba ni sngon po'i autpal de yang dmar po zhes bya ba'i don to/ /nam mkha' i gnyis su med pa ni yum ni mA ma kI'o/ de'i rnam pa'i 'od zer gyi sprin gyis so/ /rdo rje tshim par byed pa ni/ /gzhan la phan pa dang/ bde ba'i nye bar ster pas byams pa chen po'i bdag nyid de bde ba gang la yod pa'o/ /lhag ma ni sngar gyi bzhin no/ /sgyu ma'i rgya skyegs mchog las byung/ /zhes bya ba ni/ sgyu ma ni sprul pa rnams so/ /de nyid rdzogs pa'i byang chub ste/ /sems can 'tshed par byed pa'i phyir/ /rgyu skyegs kyi na khu pa'o/ /autpal la dmar po phyag na bsnams zhes bya ba ni/ pad+ma nyid du chos kyi brdas gsungs pa'o/ /yang na dmar po ni dmar po'i kha dog go /autpal la ni au da ka ta pa la ni sha yongs su rdzogs pa'i tha tshig go /da ni pad+ma nyid do/ /bzhi pa las pad+ma nyid 'di'i mtshan mar gsungs pas so/ /chos kyi dam tshig ces bya ba ni gos dkar mo'o/ /de'i de kho na nyid mngon par byang chub pa ni/ phyag rgya chen po la sogs pa'i ye shes so/ /de mthong ba rdo rje rje lta bu'i ting nge 'dzin gang la yod pa de skad ces bya'o/ /bud med sgyu mas myos zhes bya ba ni/ de yis myos pa ste/ sems can rnams mngon par byang chub pa'i snod du byed pa'o/ /de la spro ba ni sems dpa' o/ /'gog pa yi khro bo'i 'khor lo zhes bya ba la/ bgegs rnams 'gog pa ni zhi pa'o/ /khro ba'i 'khor lo gang gis te des dkyil 'khor ba'i lha dang bcas pas so/ /rnal 'byor pa'i ting nge 'dzin mi phyed pa'i ye shes grub ste/ rdo rje dkyil 'khor gyi bdag nyid ces pa kha cig zer ro/ /'gog pa ni sems rtse gcig pa'o/ /khro bo ni gshin rje mthar byed la sogs pa rnams te/ /de dang bcas pa'i 'khor lo rtsibs bcu pa ser po'o/ /des na sangs rgyas 'khor lo nges par rten zhes bya ba ni bka' i 'khor lo la gnas pa'i rnal 'byor pas so/ /'di skad gsungs pa yin te/ gang gi tshe rang gi rigs kyi cho gas ma grub na/ de'i tshe ji lta ba bzhin du bka' i 'khor lo la gnas pas bsgrubs nas nges par dngos grub thams cad 'grub bo/ /de nyid gsungs pa rdo rje dkyil 'khor zhes bya bar gzhan 'dod do/ /rdo rje rnams ni de bzhin gshegs pa la sogs pa'i 'o/ /dam tshig ni rgyu ste/ yi ge gsum mo/ /de'i bkod pa ni/ sprul pa du ma gnas pa'o/ /des de kho na nyid kyi rigs lnga'i don bsgoms pa ni don dam par rnam par dpyad pa ste/ de'i mngon par byang chub par rtogs par gyur pa ste/ le'u gang yin pa de la de skad ces bya'o/ /dpal gsang ba 'dus pa'i bka' 'grel rgyal bas byin pas mdzad pa las le'u bcu gsum pa'i bshad pa'o// // zhi ba la sogs pa'i las rdzogs pa'i don du brjod ma thag pa'i lha rnams kyis ting nge 'dzin gyi le'u gsungs nas sngags dgod pa'i phyir/ de nas zhes bya ba la sogs pa las/ de bzhin gshegs pa thams cad kyi dam tshig ni/ /rdo rje 'dzin pa chen po de skyed pa'i phyir ro/ /de nyid kyi phyir bdag po zhes bya ba ste/ gtso bo zhes bya ba'i don to/ /zhi ba zhes bya ba ni rims la sogs pa zhi ba'o/ /dam tshig ni rgyu'o/ /de la mchog ni gtso bo ste/ spyan gyi sngags so/ /de la dmigs pa'i phyir ting nge 'dzin la yang de skad ces bya'o/ /de la snyoms par zhugs pa ni/ spyan gyi sngags gsung ba'i rnam par thugs rtse gcig pa bya'o/ zhes bya ba'i don to/ /la la dag rnam par snang mdzad kyi ting nge 'dzin sngon du byas nas zhes brjod do/ /de bzhin gshegs pa thams cad kyi btsun mo zhes bya ba ni rnam par snang mdzad la sogs pa snying rje'i ngo bo 'dzin pa spyan zhes bya ba'i don to/ /rnam par snang mdzad dang/ snyoms par 'jug pas gnas pa'i phyir de skad gsungs pa ma yin te/ bsam gtan gyi dkyil 'khor lo rnam par snang mdzad dang spyan dag gnyis nyid du thal par 'gyur ro/ /de bzhin du phyi ma dag la yang ci rigs par bshad par bya'o/ /sangs rgyas rdo rje rjes su dran zhes bya ba ni rnam par snang mdzad spyan gyi rnam par mngon du byed pas sa/ /sangs rgyas rnams la drag shul bsgrub pa la mngon spyod byed pas 'gyod pa bsal ba'i phyir/ rnal 'byor pa 'dis zhi ba'i phyir gsungs pa/ sangs rgyas kun gyi zhing 'byung ba zhes so/ /las rnams thams cad rab bsgrub cing/ zhes bya ba ni bsam pa'i stobs kyis ji lta ba bzhin 'di nyid kyis rgyas pa la sogs pa'i las bsgrub pa zhes bya ba'i don to/ /shi ba ses par byed par gsungs pa zhes bya ba la 'di gsungs pa yin te/ phra mo'i rnal 'byor gyis brtan par byas pa'i sems dang/ rig pa bzlas pas kyang ji lta ba bzhin spyan gyi sbyor ba byas nas r ang gi snying ga las grub pa'i 'khor lo'i lcags kyu phyung nas shi ba gzhan du song ba'i rnam par shes pa shi ba'i rnam pa'i rjes su byed pa gsal ba'i nor bu dmar po'i 'od can nam a'i rnam pa'i gzugs bkug nas de'i snying gar gzhug par bya'o/ /de yang gsungs pa/ a ni sems can thams cad kyi/ /rtag tu srog gyur rang phyug rgyu/ /yang dag bzung nas yang dag bcing/ /srog ni bsrung ba'i rgyu'i phyir/ /ces so/ /de la mo ha ra ti snying gar bkod la de'i 'od zer rnams kyis de'i lus mi snang bar byas nas de'i ming gis yi ge dang po tsam 'od zer dang bcas te ji lta ba bzhin du rang gi snying gar gzhug par bya ste/ spyan gyi rnam par yongs su gyur pa bsgoms nas ji lta ba bzhin du phung po dang/ khams dang skye mched la sogs pa byin gyis brlab pa byas nas spyan gyi sngags kyis rtag tu de'i lus po khyab par bya'o/ /sngags de nyid bsgrub par bya ba'i ming dang sbrel nas bzlas so/ /sngon bzhin du dbang bskur ba la sogs ba'i cho ga byas na shi ba yang slar rab tu sos par 'gyur ro/ /gang gi tshe 'chi 'dod pa'i srog srung bar 'dod pa de'i tshe 'chi par 'dod pa'i snying ga'i pad+ma'i la ming gi yi ge 'am yi ge a ltas shing pad+ma btsums la zhags pas bcing bar/ yang na rdo rje kha sbyar te gnas pa'i/ /a yig gser gyis mdog can ni/ /snying gar bsams nas logs gnyis dag /zhags pa dag gis bcing par bya/ /de nas 'dir rgyas par 'dod na de'i tshe snying ga'i pad+mar yi ge baM kha dog ser po bdud rtsi 'dzag pa kha zur du bltas pa bsgoms nas lte ba'i gnas su yang a yig pad+ma kha sbyar gyi nang du bdud rtsi dang bcas pa bsgom par bya'o/ /yang na kham phor kha sbyar gyi nang du tsan dan dkar pos rdo rje la 'dab ma brgyad pa'i pad+ma bri bar byas nas/ de'i ze 'bru la hUM gi yi ge'i mgo bo la bsgrub bya'i ming dang spel nas rnam par snang mdzad kyi gdon pa'i sngags kyis bskor bar bya'o/ /pad+ma'i 'dab ma la yang spyan gyi sngags kyis kyang bskor bar bya'o/ /de nas ji lta ba bzhin du dgug par byas nas nad pa'i mgo bo'i sngas su tsan dan gyis byugs pa'i sa la kham por kha sbyar bzhag ste/ me tog dkar pos mchod par bya'o/ /rang gi de la dbang bskur bar bsgoms nas/ de'i ming dang spel ba'i spyan gyi sngags khri phrag gcig bzlas so/ /rdo rje dam tshig bskul mdzad ma/ zhes bya ba ni khu bar gyur po rdo rje 'dzin pa chen po'i gzugs yongs su bzung ba'i ched du bskul ba zhes bya ba'i don to/ /bsrung ba'i dbang du byas nas gsungs pa/ de nas zhes bya ba la sogs pa las/ sku gsum gyi dam tshig rdo rje khro bo ni mi bskyod pa'o/ /spyos nas tshar sbyad pas gdul bya'i ched du chos kyi sku la sogs pa rdzogs pa'i rgyu'i phyir ro/ /de nyid dngos po ni bzung ba la sogs pa brtags pa'i gzugs rnams so/ /de kho na nyid kyis dngos po med pa'i stong pa nyid kyi ye shes kyi rang bzhin de nyid dam tshig rdo rje mA ma kI'o/ /de la dmigs pa'i ting nge 'dzin la yang de skad ces bya'o/ /'di'i bya ba gsungs pa/ srung ba zhes bya ba la sogs pa la/ /thams cad du srung ba 'di ni gang gis kyang gzhom par mi nus pa zhes bya ba'i don to/ /'di skad gsungs pa yin te/ la la dag mi ma yin pa la sogs pas 'jigs pa la rang gi lha'i sbyor pa'i bdag nyid kyis mgo la gyen du gnas pa'i hUM las byung pa'i rdo rje rtse mo lnga pa'i lte pa la mA ma kI gnas par bsgom par bya ste/ mA ma kI'i snying ga'i ye shes kyi lha mo'i snying ga'i mtshan ma la gnas pa rang gi phreng ba'i sngags yongs su gyur pa las/ rdo rje ser po phra mo'i 'od zer rnams kyis rkang pa'i mthar go cha bgos? par bdag nyid bsgoms nas de ltar gang gis kyang gzhom par mi nus par bsrungs par 'gyur ro/ /rgyas pa'i dbang du byas nas gsungs pa/ de nas zhes bya ba la sogs pa la/ 'dod chags chen po'i dam tshig ces bya ba ni/ gos dkar mo'o/ /de gzigs pa zhes bya ba ni/ yul du byed pa ste/ de skad ces bya ba'i ting nge 'dzin la snyoms par zhugs pa ni/ mngon du mdzad ces bya ba'i don to/ /chos rgyas zhes bya ba ni/ ji lta ba bzhin du gos dkar mo'i rnal 'byor byas nas chos thams cad smon pa med pa'o/ /zhes yid la byas/ sngar gyi bzhin du rgyas pa'i tshogs dbang bskur ba la sogs pa bdag dang gzhan la bya'o/ /de ltar yang ma lus pa'i dge ba'i rtsa ba'i chos rnams 'phel bar 'gyur ba dang/ ji srid du stobs bcu dang mi 'jigs pa la sogs pa nas/ sangs rgyas kyi chos rnams thob pa'o/ /de bzhin du bsam pa'i khyad par las shin tu ring bar ni/ stobs dang 'phongs pa rnams ni nor 'phel bar byed pa'o/ /bzlas pa tsam gyis zhes bya ba ni ji skad bshad pa'i sgom pa dang lhan cig sngags bzlas pas te/ phyi rol gyi cho ga dang bral ba zhes bya ba'i don to/ /dbang du byed pa'i dbang du byas nas gsungs pa/ de nas zhes bya la sogs pa la/ kun nas las sna tshogs byed pa'i phyir/ don yod grub pa ste/ de nyid snying rje'i dbang gis sgrol ma la sogs pa'i gzugs su mi phyed pa gang la yod pa'i ting nge 'dzin de la de skad ces bya'o/ /dran bzhin du byed ces bya ba ni/ thams cad kyang zhi ba bzhin du lta bar bya'o/ /'on kyang khyad par ni ji lta ba bzhin du kha dog dmar po dang bcas pa sgrol ma'i sbyor ba byas nas ye shes sems pa'i snying gar zla pa dmar po las mgo gyen du bstan pa sngags kyi 'phreng ba dmar pos snying ga'i sa bon la bskor ba bkod nas de'i 'od zer dmar po rnams dang/ rang gi mtshan ma la sogs pa'i 'od zer gyis skyes bu'i snying ga'i pad+mar po 'am bud med kyi pad+ma dmar po'i lte ba la bskul te/ rang gi snying ga nas pad+ma'i lam du byung ba'i sngags kyi 'phreng ba khar zhugs par bya ste/ de'i sems zla ba'i dkyil 'khor dmar po'i rnam pa ji lta ba bzhin du blangs nas 'ongs te/ ye shes kyi lha mo'i pad+ma la zhugs nas snying gar 'ongs te/ rang gi snying ga'i zla ba dang/ gnyis su med par byas nas/ bzlas rjed byed cing bsgrub bya sgrub pa po'i rkang pa'i drung du lhung nas bka' nor par bsgom par bya ste/ nyi ma bdun pa gsum du bzlas pas de nges par dbang du 'gyur ro/ /yang na mda''dzin ma'i lha'i sbyor bas las 'di bya ste/ de'i tshe bskul ba'i tshig dang ldan pas rang gi sngags kyi mthar to 'don pa na 'jigs pa dang bcas pas bka' don du gnyer pa lhur byed pa bsgrub bya'i snying ga 'am/ pad+ma la sngags kyis byin gyis brlabs pa'i autpal dmar po dang/ 'dra ba'i mdas yang dang yang du brdeg cing bzlas na dbang dus gyur ro/ de nas gzhan gyir byas te/ gzhan dbang du byed par 'dod na/ yang de'i tshe dbang don du gnyer bas bcu gsum pa las gsungs pa/ dbang du byed pa'i tshogs dbang bskur ba byas nas 'dir gsungs pa'i dbang du byed pa'i cho gas bya ba bzhin du bsgom par bya'o/ /rang yar sgrol ma'i rnal 'byor gyis che ge mo'i dbang du che ge mo gyis shig ces bskul ba'i tshig dang bcas pa phreng pa'i sngags ho'i mdza' can bzlas par bya'o/ /las thams cad la rjes su mthun pa sngags kyi mthar sa bon gzhan lta bar bya'o/ /de yang gsungs pa/ rgyas zhi dbang dang dgug pa dang/ /'byed dang skrad dang mngon spyod la/ / a oM ? hogshed kyi gzugs can du gyur pa'o/ /gang la ting nge 'dzin yod pa de la de skad ces bya'o/ /thod pa zhes bya ba la sogs pas/ gong bu dgug pa gsungs pa yin te/ de la ji lta ba bzhin du gshin rje gshed pa'i rnal 'byor gyis sngon du bsnyen pa byas pas/ mtshan ma thob pa'i bsam pa brtan pos ji lta ba bzhin du rdul tshon gyi dkyil 'khor bris nas sgrub pa'i grogs mchog gzhug pa la sogs pa'i cho ga rjes su bsgrub pas/ gal te rig pa'i rtul zhugs kyi don du lta ba sogs pa'i bu mo dgug par 'dod na de'i tshe gshin rje gshed pa'i rnal 'byor gyis cho ga thams cad bya'o/ /ma chags pa zhes bya ba ni pung med kyi thod pa'o/ /thod pa'i mtshan nyid gsungs pa/ /gser gyi sgo dang yang dag ldan/ /mi yi mgo bor shes par bya/ /bram ze la sogs thod pa la/ /bug pa re re lhag pa'o/ /dman pa'i rigs kyi thod pa la/ /rna ba'i gong bu bug pa can/ /rgyab du bug pa ma ning la/ /bud med rtag tu dug pa med/ /mkhas dang ye shes can gyi shes/ /sngags pa rnams kyi 'ang de bzhin dang/ /mu tig phreng 'dra'i ri mo ni/ /dpral ba nas ni rna ltag par/ /zhes gsungs so/ /gzugs mdzes zhes bya ba ni/ zla ba la sogs pa dang gzhan yang ste/ du ma bu gcig dang gnyis gsum dang bzhi/ /bcu drug bcu gnyis ri bong can/ /ba glang gdong ni dkar dmar te/ /cung zad ring la rab tu mdzes/ /pad+ma pad+ma dang 'dra pa/ /ser po de bzhin dkar dmar ro/ /thod pa bzang po 'di rnams las/ /lhag ma rnams ni spang bar bya/ /zhes gsungs so/ /yid du 'ong ba la zhes bya ba ni/ /bstan bcos la sogs pa la'ang/ mkhas pa rnams te/ de lta bu'i rnam pa'i thod pa blangs nas de'i steng du pad+ma 'dab ma brgyad pa bri bar bya'o/ /de'i lte ba la bsgrub par bya ba che ge mo khug cig ces pa bsgrub bya'i ming dang spel ba'i yi ge dza:I mdza' can gyi sngags bsgrub bya'i gzugs brnyan byas pa'i snying gar gur kum dang/ 'gi wang dang/ srin lag gi khrag gis bris te/ dgug pa la sogs pa byas nas/ hUM gi yi ge las byung pa'i nyi ma'i dkyil 'khor la gnas pa rdo rje lcags kyus byin gyis brlabs pa g.yas brkyang ba g.yon bskums pas de'i snying gar bzhag nas khros pa'i bskul pa'i tshig dang bcas pas sngags bzlas pas/ dgug pa'i tshul gyis ral gyis rkang pas dgug par bya'o/ /bsgrub bya yang yaM las rlung gi dkyil 'khor la yi ge dzhais bteg ste bskul bar bltas nas rang gi snying ga las kyang grub pa'i 'khor lo'i lcags kyu phyung la ji lta ba bzhin du bka' bsgo ba byin nas de 'gugs su btang ngo/ /des kyang ji lta ba bzhin du bkug nas nges par 'ongs par mos par bya'o/ /'ongs? pa de dang khro bo la dri bzang po dang bcas pa'i chu'i yon chab sbyin no/ /de nas de blangs nas ji ltar 'dod pa rdzogs par bya'o/ /mi mo dgug pa ni/ skra grol ba can/ gos med par bsgoms nas/ bya bar la la dag khyad par ro zer ro/ /skyes bu dgug par 'dod na/ skyes pa'i thod pa la g.yon brkyang ba g.yas kyis mnan nas thams cad 'dir bya'o/ zhes bya ba ni khyad par ro/ /de nas dgongs pa las nges par bstan pa bu mo bsgrub pa'i cho ga 'di'i man ngag bshad pa kaM ni bde ba'o/ /pa la zhes bya ba ni skyong ba'i phyir ka pA la te/ bu mo'i gzugs su/ /ma chag ma gas zhes bya ba ni/ skyes pa dang ma phrad pa ste/ gzhon nu ma zhes pa'i bar du'o/ /gzugs mdzes zhes bya ba ni bud med kyi mtshan nyid thams cad rdzogs pas mdzed pa'o/ /yid du 'ong ba zhes bya ba ni dam tshig dang sdom pa shes pa'o/ /rkang pas mnan pa'i tshul byas nas zhes bya ba ni/ 'di skad gsungs te/ de ltar yon tan khyad par can bzung nas/ mnyam par bzhag pa'i sems kyi ji lta ba bzhin du spyan la sogs pa'i gzugs kyis rdzogs par bya ste lngar gyi bzhin du gshin rje gshed po'i rnal 'byor sngon du bsgrub pa'i 'khor lo'i lcags kyus ye shes kyi spyan ma bkug nas de'i nang du gzhug par de'o/ /de ltar na rkang pas gnon pa ste/ de'i ye shes kyis mnan pas ni bkab par 'gyur te/ spyan la sogs pa'i gzugs kyis rdzogs pa zhes bya ba'i don to/ /de bzhin du mA ma kA li sogs pa'i gzugs kyis kyang/ gzhon nu ma'i bsgrub pa shes par bya'o/ /bskrad pa'i cho ga'i dbang du byas nas gsungs pa/ de nas zhes bya ba la sogs pa la/ mi 'da' ba nyid kyi phyir dang/ shin tu rnam par dag pa'i ye shes nyid kyi rang bzhin gyi 'od gsal ba'i phyir dam tshig gi 'od zer ni/ mi bskyod pa'o/ /de nyid gdug pa thams cad 'dul ba'i phyir mchog ni bdud rtsi 'khyil pa'i khro bo ste/ de la dmigs pa'i ting nge 'dzin la de skad ces bya'o/ /sngags rnams kun gyi sbyor ba dang/ zhes bya ba ni zhi ba dang/ rgyas pa dang dbang dang dgug pa dang/ mngon spyod kyi las rnams ni/ 'di nyid kyi sbyor ba'i bsam pa'i bye brag gis bsgrub par bya'o zhes bya ba'i don to/ /cho ga bzhin du skrod pa zhes bya ba la/ cho ga ni 'di yin te/ bsnyen pa byas pa sngon du song ba bdud rtsi 'khyil ba'i sbyor bas dur khrod kyi me la myos byed kyi shing bsregs pa'i sol ba dang/ dri ma dang/ dug dang/ ni pa'i lon rnams btags nas rkang pa g.yon pa'i srin lag gi khrag gis lhan gcig cig tu byas nas bya rog chen po'i sgro'i smyu gus rgyal mtshan gyi ras la rlung gi dkyil 'khor la rtsibs brgyad pa'i ral gri'i 'khor lo bris nas de'i lte ba la bsgrub bya'i gzugs brnyan byas te/ de'i snying gar bsgrub bya'i ming dang/ spel pa'i sngags bris nas rdza mkhan gyi 'khor lo'i lte ba'i 'jim pa dang/ bsgrub bya'i rkang pa'i rdul dang/ lam bzhi mdo'i bdag pa rnams kyis gzugs byas nas/ de'i snying gar gzhug par bya'o/ /de nas thod pa'i nang du bcug la/ dgug pa sngon du song bas che ge mo au tsa Ta ya zhes bya ba'i bskul tshig dang bcas pa'i sngags kyi phreng ba brgya rtsa brgyad mngon par bzlas nas/ ma mo'i khang pa dang/ lam gyi bzhi mdo dang/ dur khrod du sba bar bya'o/ /bsgrub par bya ba yang ji lta ba'i gnas su bzhag ste/ yi ge yaM las byung ba rlung gi dkyil 'khor la gnas pa rnga mo la zhon pa rgyab nas/ lag na dbyug to thogs pa'i skyes bus lho phyogs su bangs par bsgoms na nges par bskrod par 'gyur ro/ /sangs rgyas dag gi dpung dag kyang/ zhes pa ni sangs rgyas kyi rnal 'byor pa'i tshogs dag kyang zhes pa'i don to/ /'byung po tshar bcad pa'i cho ga gsungs pa/ de nas zhes bya ba la sogs pa la/ phun sum tshogs pa thams cad rdzogs par byed pa p ste/ dga' ba rgyas par byed pa ni rin po che ste/ ye shes lnga'i bdag nyid ni rdo rje'o/ /de nyid tog ste/ gang la mi bskyod pa'i mtshan ma yod pa de la de skad ces bya'o/ /sangs rgyas kyi 'od zer rdo rje zhes bya ba ni sangs rgyas nyid rdo rje 'od zer rnams te/ gzhan gyi mi thub pa'i khro bo'i ngo bo gang la yod pa'i ting nge 'dzin de la de skad ces bya'o/ /las rnams cho ga bzhin du byed ces bya ba la 'di skad gsungs pa yin te/ srin po la sogs pas bzung bar shes nas/ gang bzhin gyi mi thub pa'i rnal 'byor du dmigs te/ srung ba yang byas nas/ de'i tshe ji lta ba bzhin du de bkug nas bsgrub bya'i lus la/ bcug ste bcings nas cho ga bzhin du sna tshogs rdo rjes mnan nas yi ge hUM las byung ba rtse mo lnga pa'i rdo rje gnyis kyis logs gnyis nas brtsir bar bya'o/ /shin tu 'jigs pa'i me'i dkyil 'khor phro ba dag gis bsgrub bya'i snying ga dang/ lkog mar bsregs par lta'o/ /shin tu 'bar ba dang bcas pa'i hUM las bskyed pa'i rdo rje dang 'dra ba yungs kar gyi rgyal po la/ sngags brgya rtsa brgyad bzlas pas nges par phug pa'i lus su bltas nas nga rgyal dang ldan pas sngags bzlas pa sngon du song ba'i nges par brdegs na stong par 'gyur ro/ /lag pa gnyis su hUM las byung ba'i rdo rje 'bar bar bsgoms nas bzung pa'i lus la srin po la sogs pa bkug nas/ rdo rje gnyis kyi dbus su bcug ste/ de'i 'od zer gyis bsreg pa dang ldan pa yang lag pa gnyis kar sbyar bas shin tu mnye zhing sngags bzlas so/ zhes pa la dag 'dod do/ /rkang pas sam brang gis kyang mnye bar bya'o/ /zhes la la dag 'dod do/ /yang na de nyid kyi de 'dzin par 'dod na de'i tshe de nyid kyi sbyor ba nag pos nag po'i phyogs dag gis gang yang rung ba'i nyi ma la sol pas gsher ba'i gos bgos te/ shin tu khro bas gsal shing gi phug pa dang/ mtshon gyis bsad pa dang/ dpyangs pa'i thod pa la dur khrod kyi sol ba la hUM las byung ba shin tu rno ba'i mche ba gtsigs pa'i thod pa'i rgyan dang/ khro bo dang bcas pa skra gyen du 'khyil pa lag pa g.yas pas phyar nas gri gug 'dzin pa lag pa g.yon pas thod pa dang sdigs mdzub byed pa bris te/ dur khrod kyi sel ba dang ro bsregs pa'i thal ba dang/ bsgrub bya'i rkang pa'i rdul dang/ lhan cig pa'i gzugs brnyan snying gar sngar gyi bzhin du sngags ta la'i lo ma la bris nas gzhug te/ dug dang ldan tshwa dang ke tshe la sogs pas byugs pa'i gzugs thod pa gnyis pa'i nang du gzhug par bya'o/ /gnyis ka yang dgug pa la sogs pa byas nas bris pa'i thod pa de'i steng du mgo ba thung du bstan pa nges zin par bsams par bya'o/ /bsgrub bya srin po dang bcas pa de/ rkang pas mnan par byas la dur khrod du nam phyed na shin tu che ba'i nga rgyal byas nas sngags bzlas par bya ste/ des 'di 'dzin par 'gyur ro/ /'di nyid kyi rab tu sbyor bas rims la sogs pas kyang 'dzin par byed do/ /dug la sogs pa'i nye bar bya ba'i don du gsungs pa/ de nas zhes bya ba la sogs pa la/ tshe dpag tu med pa ni 'od dpag tu med pa ste/ de las byung ba ni rta mgrin no/ /mi phyed pa'i phyir rdo rje ste/ de la dmigs pa'i ting nge 'dzin la yang de skad ces bya'o/ /ye shes rgyal po zhes bya ba ni/ 'od dpag tu med pa'o/ /las thams cad pa nyid yin yang/ las kyi gtso po re zhig gsungs pa nam mkha' i dbyings zhes bya ba la sman pa'i spyod yul ma yin pa'i dug gi khyad par nyid ha la ha la'i dug go /dug rnams thams cad med par byed/ ces bya ba la 'di'i cho ga ni ji lta ba bzhin du rta mgrin gyi sbyor ba dkar pos byas nas drug sad par bya ba'i phyir du gsungs pa/ bsgrub bya'i snying gar yi ge hUM ngam/ phreng pa'i sngags nyi ma'i dkyil 'khor la ste/ zla ba zhes bya bar la ma dag 'dod do// de'i steng du gnas pa'i hUM dkar po ste thung ngur kha cig zer ro/ /de'i 'od zer rnams kyis der lus la song ba'i dug spar nas lag pa g.yon pa la 'am/ la la dag lag pa g.yas pa la zhes 'dod pa de yi ge paM las byung ba/ pad+ma dkar po'i 'dab ma brgyad pa de'i dbus su/ yi ge hUM dkar po'i 'od zer dang bcas pa'i bdud rtsi 'dzag par blta bar bya'o/ /gzhan ni zla ba'i 'od zer gyi dbus su/ aoM h+ri:hA hUM dzA:phuston to/ /de nas 'phreng ba'i sngags sam/ aoM h+ri:hU:hUM:dza:phuba'i bsdus pa'i nag po'i spros pas dug gzhan du 'phos pa nyid kyis dkar po bsgom par bya'o/ /yang na de nyid kyi sbyor bas de'i ming spang leb dkar po la ha dang sa spel nas bris te/ so sor yi ge re re la nang du bcug nas skad cig gcig gis dug med par byed do/ /yang na mgo po la yi ge h+ri bkod de bdud rtsi'i tshogs kyi'o ma sbrengs pas kha dog sngon po'i dug ma lus pa bcom nas bsgrub par bya ba'i lus bltas nas phreng ba'i sngags yang dang yang bzlas na dug med par 'gyur ro/ /rengs par bya ba'i phyed du phreng ba'i sngags kyi yi ge nyid kyis sa bcings nas mgo po la sogs par kha dog ser po dgod do/ /'phel ba ni me'i sa bon sprul gyis nang du zos pa'i gnas ji lta ba bzhin du bsgom par bya'o/ /aoM ni dang po tshig drag mdza' / /ha tha:I cho ga bzhin du sbyar/ /dug ni 'ching bar byed pa ste/ /rnal 'byor pa yis gtang yang ngo/ /sbyar ba la sogs pa gsal bar la ha'i yi ge bsgom mo/ /de bzhin du bskrangs pa dang / phol mig dang/ sdom gyis bzung pa la sogs pa shes par bya'o/ /yang dag par bsam par rig pa rnams kyis sngag pa chen po byed pa rnams thangs gzhan gyis bsgrub par mi nus pa gzhom pa'i don du snying rje chen po dang ldan pas thams cad du gzhan la phan pa'i bsam pas bya'o/ /zhes bya ba'i phyir gsungs pa/ de nas zhes bya ba la sogs pa la/ don yod ni/ thams cad 'grub par byed pa 'di las 'grub pa ste/ 'dir mi bskyod pa'o/ / byung ba ni lta ba ngan pa las byung ba ste/ 'joms pa'i phyir rtog bzhin du dpal gyis dbyug sngon can no/ /de nyid mi phyed pa nyid kyi 'di gsungs pa'i don to/ /bzlas pas zhes bya ba ni sngar gyi bsnyen pa'i cho gas 'bum bzlas pa byas pas so/ /brgya rtsa brgyad ces bya ba ni gsod pa'i dus su'o/ /cho ga tshul bzhin bskul ba zhes bya ba ni 'di skad gsungs te/ ji lta ba bzhin du dbyug pa sngon po can gyi sbyor ba dang ldan pas dug dang khrag dang ske tshe dang/ rams dang tsha dang/ tsha ba gsum dang a ri ta'i lo ma'i khu ba rnams kyis dur khrod kyi ras la mi'i rus pa'i smyu gus sna tshogs rdo rje'i dbus su gnas pa me'i dkyil 'khor la bsgrub bya'i ming dang spel ba'i sngags bris nas dur khrod kyi sol ba dang/ sha chen dang/ grog mkhar gyis dang/ phub ma dang/ bsgrub bya'i rkang pa'i rdul dag gi sa gzugs brnyan byas la de'i snying gar bris pa'i 'khrul 'khor bcug nas dgug pa la sogs pa sngon du song bas thod pa kha sbyar byas la rkang pa g.yon pas mnan pa shin tu 'khrugs pas/ rus pa dang rngo ba dang/ a ri ta'i lo ma 'chang zhing nyi ma phyed dam nam phyed na dur khrod du gnas te/ bskul ba'i tshig dang bcas pa khro bo'i tshig gis sngags bzlas par bya'o/ /de ltar byas na nyi ma bdun gyis 'chi bar 'gyur ro/ /gal te 'dis shi bar ma gyur pa de'i tshe/ dur khrod du phyin nas nam phyed na dur khrod kyi thal pas gru gsum gyi me thab byas nas/ der ji ltar rnyed pa'i shing ngam/ nim+ba ka'i shing rnams kyis me rab tu sbar te/ dgug pa la sngon du song pa de'i dbus su zhal 'gyur ba khro bo'i rgyal po rnam par bsams nas bsgrub par bya ba'i gzugs brnyan byas nas rkang pa g.yon pa'i mthe'u chung nas brtsams te/ mtshon rnon pos bcad cing che ge mo sod cig ces bya ba bskul ba dang bcas pa'i sngags 'don cing de'i zhal du khro ba dang bcas pa'i sbyin sreg byas nas nges par de nyid nub mo dgra 'chi bar 'gyur ro/ /grub pa gnyis med sbyor ba yis// 'dir ni thams cad nyid du dran/ /de ltar de nyid nga zhes bya/ /gang gi grub byed de ni blo/ /mos pa gtso bor byed pa'i phyir/ /ji bzhin 'di kun thams cad 'dod/ /chad par 'gyur ba thams cad dang/ /rnal 'byor pa yis myur du 'grub/ /char pa mi 'bab pa yang char pa dbab pa'i dbang du byas nas/ gsungs pa/ de nas zhes bya ba la sogs pa la/ kun nas sprin bzhin du sprin ni mi bskyod pa'o/ /de la dpal gang gis yin pa ste/ kun tu sprin gyi dpal ni stobs po che'o/ /de la dmigs pa'i ting nge 'dzin la yang de skad ces bya'o/ /chu'i dkyil 'bebs par byed ces bya ba la 'di'i cho ga ni ji lta ba bzhin du khro bo chen po stobs po che'i sbyor ba mtshan ma ma byung ba'i bar du sngar bsnyan pa byas pas sems brtan po'i stobs po che'i sbyor bas so ma btang ba'i kham phor la rams kyi khu bas ral gri 'khor lo'i dbus su pad+ma 'dab ma brgyad pa bri bar byas nas te/ la la dag rtse mo lnga pa'i rdo rje'o zhes zer ro// de'i steng du ral pa gcig ma'i sngags dus dang rjes su mthun pa bsgrub par bya ba'i ming dang/ spel nas bri bar bya'o/ /de bzhin du rnam par rgyal ba grub pa'i rgyud chen po las/ dbyar zla tha chung stobs kyi rgyu/ / ston zla ra ba dung skyong ngo/ /ston zla 'bring po 'jog por shes/ /ston zla tha chung nor rgyas so/ /zhes so 'di nyid spyid zla ra ba la sogs pa rnams la go rim bzhin du char pa 'babs par 'gyur ro/ /de nyid du gsungs so/ /de las gzhan pa'i kham phor so ma btang ba dang/ de kha sbyar nas srang bu sngon pos kun tu bcings te/ dri lta bar ni mdung can ma bkug nas mchod de bka' bsgol klu la sogs pas byin gyis brlab pa'i chu mig du gzhug par bya'o/ /yang na ta la'i lo ma la snag tshas rdo rje rtse mo lnga pa sngags kyi tshig dang bcas pa bri par bya'o/ /de'i rdo rje la me 'bar ba dang 'dra bar rnam par bsams la /de longs su gyur pa las/ ral pa gcig ma 'chad par 'gyur ba'i rnam pa lta bu klu thams cad shin tu bskrad par bsgoms te/ mchod nas kye bcom ldan 'das ma bdag gis che ge mo'i dgos pa mdzad du gsol zhes bka' bsgo ba byin la klu'i chu mig du gzhug go /de nas char pa dbab pa'i sa la stobs po che'i spyor pa byas nas/ /me'i dkyil 'khor de'i dbus su rlung gi dkyil 'khor/ de'i dbus su chu'i dkyil 'khor bris nas de la pad+ma 'dab ma brgyad ba bri bar bya'o/ /de'i dbus su chu'i lha dkar po gdengs ka bdun gyis brgyan? pa skyes bu'i gdong can ral gri dang/ glu'i zhabs pa lag na thogs pa'o/ /shar dang/ lho dang/ nub dang/ byang phyogs rnams su go rim bzhin du mdza' yas dang/ nor skyong dang/ 'jog po dang/ stobs kyi rgyu ste/ de rnams go rim bzhin du autpa la bzhin sngo bsangs te/ dkar po dang/ dmar po dang/ nag po rnams so/ /me'i mtshams dang/ bden bral dang/ rlung dang dbang ldan gyi 'dab ma rnams la pad+ma dang/ pad+ma chen po dang/ dung skyong dang/ rigs ldan rnams dkar po dang/ ser skya dang ser po dang/ kha dog sna tshogs rnams bri bar bya'o/ /de nas yi ge nam gyis klu thams cad rdzogs par byas nas/ bu ram dang 'o ma dang/ mar la sogs pa la klu la 'os pa'i lha bshos bu'i yi ge'i sngags kyis de dbul lo/ /me tog sngon po de bzhin dri/ /gos sngon po dang ba dan no/ /chus sngon ngag gis yongs gang ba'i/ /bum pa yang ni dbul bar bya zhes bya'o/ /sa rdza dang/ ta ka ra dang/ kun tu ru dang/ na kha dang/ yungs kar ser po dang/ klu'i me tog rnam sha ka ra rang sbyar ba'o/ /yang na nA ga ge sar gyi snying por sha ka ra dang bcas pa las byas pa'i spos dang/ mar gyi mar me rnams la mngon par sngags shing sbyin par bya'o/ /de nas ja:naM dza zhes bya ba'i sngags kyis sam yid kyi rdo rje lcags kyu spros nas klu thams cad bkug nas rang rang gi gnas su bzhugs te/ mchod yon dbul ba dang/ yang dag par mchod nas/ klu chen po khyad rnams kyis char pa dbab du gsol/ /bdag cag la dga' ba dang/ bcom ldan 'das kyis bkas zhes gsol ba btab bo/ /de nas kun tu 'char pa 'bebs lhur byed par klu rnams dmigs nas char 'bebs su gzhug go /bskul ba'i tshig dang bcas pas sngags bzlas pas de nas char pa 'bebs par 'gyur ro/ /de bzhin du yang char mi 'bebs na/ mi thab zlum po de nyid du dkyil 'khor bris te/ der bkug nas de rnams kyi lce la yi ge nam bsgoms nas yon chab la sogs pa sngon du song ba'i sbyin/ sreg gi cho gas/ re zhig dang por bu ram dang/ 'o ma dang mar gyis dgang blugs gsum sbyin no/ /aoM naM swAhA/ zhes bya ba'i sngags kyis bu ram dang/ 'o ma la sogs pa sbyin sreg bya'o/ /de ltar chim nas chad pa phebs par 'gyur ro/ /de ltar na yang char pa mi 'bebs na/ rim pa 'dis chad pas bcad de/ sngar gyi bzhin klu'i dkyil 'khor bri bar bya'o/ /'on kyang dang por rlung gi dkyil 'khor bri bar bya ste/ rang yang blos pad+ma'i dbus su bskal pa'i mi 'bar ba'i rnam pa lta bur klu thams cad 'jig par byed pa ji lta pa bzhin stobs po che'i rnal 'byor du byas nas klu thams cad kyi mjug ma'i tshogs thams cad g.yon brkyang ba'i zhabs kyis mnan te/ klu'i snying po yi ge so sor bar du bcad pa'i rang gi sngags nga rgyal dang bcas pas bzlas par bya'o/ /de nas rlung gi bskul ba'i me'i 'od zer rnams kyis pad+ma rnyid par ta'o/ /de nas mgo nas sreg cing/ steng du ni khro bo'i mes mnan pa shin tu nyam thag par 'gyur te/ chu rgyug par mos par byas nas/ klu'i tshogs nges par 'char pa 'bebs par 'gyur ro/ /de ltar yang ma phebs na/ mtshon gyis rgyab pa'i ras sam/ dur khrod kyi ras la dug dang ske tshe dang/ tsha ba'i mar khu rnams kyis rtsibs brgyad pa'i ral gri'i 'khor lo bri bar bya'o/ /de'i lte ba la pad+ma 'dab ma brgyad pa bris nas 'dab ma re re la klu'i snying po'o/ /dbus su yi ge baM hUM yig dag gis nang du sbel la bri bar byas nas chu bo'i phar ngos tshur ngos kyi sa'am/ klu'i byin gyis brlab pa'i chu'i rten gyi dag pa dang/ dur khrod dang/ grog mkhar gyi sa dang/ shing gcig gi rtsa ba'i sa dang bcas pas klu'i gzugs byas nas bris pa'i 'khrul 'khor de nyid kyi snying gar gzhug par bya'o/ /dgug pa'i de ma thag du shin tu 'bar ba'i bskal pa'i me dang 'dra ba'i stobs po che'i rnal 'byor byas pa'i klu'i gzugs brnyan rkang? pa g.yon pas mnan nas sngar gyi bzhin du nga rgyal dang bcas pa'i sngags bzlas par bya'o/ /nam mkha' i ngos la yang thams cad du klu'i rigs kyis 'khrigs pa chu'i rgyun chen po 'bebs par bsams na 'char pa 'bebs par 'gyur ro/ /des kyang char pa mi phebs na de'i tshe klu'i g zugs brnyan nyid tsha ba gsum dang ke tshe la sogs pas bsgrub par byas nas me'i thab gru gsum gyi drung du bzhag la dur khrod kyi shing la me sbar nas shin tu khros pas sngags brgya rtsa brgyad kyis yang dang yang du bzlas pa'i yungs kar brdegs na nges par char pa 'bebs par 'gyur ro/ /de nas kyang char pa mi 'bab na de'i tshe klu'i gzugs 'di nyid ske tshe dang/ tsha dang/ dug dang/ myos byed kyi shing las byas pa las seng ldeng gi phur pa sor dgu? pas snying gar btang nas rkang pa g.yon pas mgo bo mnan te/ lho phyogs su kha bltas pa 'am nub phyogs su kha bltas pas btsir bas chad pa 'bab pa'i tshul gyi me thab gru gsum du dur khrod kyi me phu yig gis sbar te/ de'i dbus su bcom ldan 'das stobs po che bsgoms nas de'i zhal du lce? la hUM gis mtshan pa la khro bas 'tshal ba dang mdza' dag sngags bzlas shing mjug ma nas brtsams te/ mtshan rnon? pos gtugs shing gtugs shing brgya rtsa brgyad kyi bar du sbyin sreg byas nas char pa 'bebs pa'o/ /de ltar na yang char pa mi 'bab na stobs po che'i nyes pa yin par shes nas/ rang gnod mdzes kyi rnal 'byor du byas nas ske tshe la sogs pa stobs po che'i gzugs brnyan byas te/ rkang pas mnan nas rkang ba g.yon pa'i mthe'u chung nas brtsams te/ de bzhin du gtub cing gtub cing mngon spyod kyi thab khung na gnas pa'i gnod mdzes kyi zhal du sbyin sreg bya'o/ /de bzhin du khri phrag gcig tu sbyin sreg byas nas stobs po che nges par char ba 'bebs par 'gyur ro/ /char pa chad par 'dod na klu la sogs pa rnams zhi ba'i don du zhi ba'i thab khung du spyan ma ji lta ba bzhin bsgoms nas zhi ba'i cho gas mar dang 'o ma la sogs pa dang ldan pas sbyin sreg khi? bya'o/ /gal te klu gdug pa rnams char pa gcod par byed na de'i tshe sngar gsungs pa'i mngon spyod kyi thab khung du mngon spyod kyi cho gas dpal rdo rje sems dpa' la phul ba'i me tog rnying pa dang/ ras bal gyi sa bon dang bcas pa'i sbyin sreg byas na nges par char pa gcod par 'gyur ro/ /'dod pa'i rgyal po'i sbyor bar dgug pa gsungs pa/ de nas zhes bya ba la sogs pa la/ 'dod pa'i rgyal po zhes bya ba ni de bzhin gshegs pa thams cad kyi 'dod pa rdzogs par byed pa nyid kyis 'dod pa'i rgyal po zhes bya ba'i don to/ /ji lta ba bzhin du sdom pa las/ Tak+ki rtag tu 'dod par bshad/ /ces gsungs so/ /ling+ga zhes bya ba ni mtshan ma ste/ bsgrub bya'i gzugs so rdo rje sems dpa' i sbyor ba yis/ /zhes bya ba ni gnyis su med pa'i sbyor bas so/ /la la dag rdo rje 'dzin pa chen po las byung ba 'dod pa'i rgyal po'i sbyor bas zhes 'dod do/ /sngags kyi 'khor los zhes bya ba ni ji lta ba bzhin du sprul pa'i bka' i 'khor los zhes bya ba'i don to/ /dgug par 'gyur zhes bya ba las 'di skad gsungs pa yin te/ bka' i 'khor lo gnas nas 'dod pa'i rgyal po'i rnal 'byor gyis rang gi sngags bskul ba'i tshig dang/ bcas par bzlas la gshin rje gshed po'i dgug pa'i cho ga dang bcas pas rang gi snying ga las grub pa'i rdo rje lcags kyus? spros nas bsgrub par bya ba dgug te/ gung bu dgug pa'i/ /rkang pa dgug pa yang/ padmo'i snod kyi dbus su/ pad+ma 'dab ma brgyad pa bris nas de'i dbus su rdo rje lcags kyu'o/ /de'i rdo rje steng du bsgrub bya'i ming dang/ spel nas 'dod pa'i rgyal po'i sngags yul? ba dang srin lag gis khrag gI bang? bcas pas bri bar bya'o/ /pad+ma'i 'dab ma rnams la sgrol ma'i sngags bri bar bya'o/ /de'i dbus su bsgrub bya'i ming gis yi ge rnams myos byed kyi khu ba dang/ gI bang dag gis bris la pad+ma'i 'dab ma'i rtse mo la gshin rje gshed kyi sngags mdzub mo'i khrag dang dug gis bsgrub bya'i ming dang bcas pa bri bar bya'o/ /de bzhin du pad+ma'i snod gzhan bri bar bya'o/ /dur khrod kyi ras la yang 'di nyid kyis 'khor lo bris nas/ rdza mkhan gyi lag pa phyis pa'i 'dag pa la gzugs brnyan byas nas snying gar? bcug ste/ dgug pa la sogs pa sngon du sor bas thod pa gnyis kha sbyar nas/ seng ldeng gi me la bsro zhing sngags re re brgya rtsa brgyad bzlas na de ltar na zhag bdun gyis khugs par 'gyur ro/ /lha la sogs pa yang dgug pa'i don du gsungs pa de nas zhes bya ba la sogs pa la/ rnam par dag pa'i ye shes la sogs pa'i srang bus cha shas thams cad mdud pa las phreng ba'i ye shes ni rdo rje 'dzin pa chen po'o/ /de nyid kyi mi g.yo ba'i ngo bo nyid kyis de'i gdul bya thams cad kyi tsha ba thams cad 'phrog pa'i phyir/ chu bzhin dmigs te gang la ting nge 'dzin de la de skad ces bya'o/ /nyon mongs pa thams cad kyis bskyod par mi nus pa'i phyir mi g.yo ba'o/ /gdug pa thams cad gdul ba'i phyir rdo rje gtum po'o/ /kha sbyar gyi sbyor ba zhes bya ba ni/ gnyis su med pa'i rnal 'byor bsgoms pas so/ /la la dag ni chung ma dang bcas pa dgug par bya zhes 'dod do/ /'di gsungs pa/ mi g.yo ba'i rnal 'byor gyis rkang pa g.yas pa'i srin lag gi khrag dang/ tshwa dang/ tsha ba gsum rnams lha chen po la sogs pa gang 'dod par rang gi chung ma dang bcas pa ni ji lta ba bzhin du bris nas/ rang gi sngags bskul ba'i tshig dang bcas pa brjod nas gshin rje gshed kyis gsungs pa'i cho gas dgug par bya'o/ /spyan la sogs pa dgug pa'i don du gsungs pa/ de nas zhes bya ba la sogs pa la/ dam tshig ni rdo rje 'dzin pa chen po'o/ /kun tu zhes bya ba'i tshig la ni/ chos kyi dbyingS kyi rang bzhin nyid kyis dngos po thams cad kyi rang bzhin nyid yin pas de nyid gsungs pa'o/ /rnam par 'phrul zhes bya ba ni/ gnod mdzes te/ de la dmigs pa'i ting nge 'dzin de la de skad ces bya ste mi phyed pa'i phyir ro/ rdo rje sems dpa' i zhabs kyis mnan zhes bya ba ni/ chos kyi dbyings kyi ye shes dang rgyu mthun pa nyid kyi phyir mi bskyod pas dbang bskur ba dang ldan pa'o/ /de bzhin gshegs pa kun bdag po zhes bya ba ni dkyil 'khor gyis dbus su gnas pa'i phyir ro/ / rdo rje bu mo dgug pa zhes bya ba la 'di skad gsungs pa yin te/ gnod mdzes kyi rnal 'byor du byas nas shin tu sngags ba'i bud med kyi thod pa la rkang pa g.yon pa'i sren lag gi khrag gi? spyan la sogs pa'i nang nas gang 'dod pa bris nas rdo rje lcags kyus byin gyis brlabs pa'i rkang pa g.yon pas de'i chu skyes mnan nas g.yon brkyang ba dang ldan pas/ lag pa g.yas pa'i lcags kyus snying ga phug pa dang/ mgrin pa zhags pas kyang bcings nas bskul tshig dang ldan pa'i sngags zlos shing dgug par bya'o/ /yang na de nyid bsdus pa las/ /rab tu byung bar mig bskul zhing/ /mig gi rdzi ma 'gugs byed pa/ /lta ba gzi can yin par bshad/ /'gro ba thams cad 'gugs byed pa'o/ /zhes pa ni 'bar ba'i lta pa ste/ 'gugs pa'i las thams cad la sbyar bar bya'o/ /bcu gcig pa las/ bsgrub par bya zhes bya ba la sogs pa la/ rdo rje dgug pa'i bsgrub pa'i skabs su/ bstan pa'i sangs rgyas la sogs pa 'gug pa gsal bar gsungs pa/ de nas zhes bya ba la sogs pa la/ dam tshig chen po zhes bya ba ni mi bskyod pa la ste/ byang chub kyi sems kyi ngo bos thams cad kyi rgyu nyid du gyur pa nyid kyi phyir ro/ /de 'byung ba ni mi phyed pa ste/ gang du ting nge 'dzin de la snyoms par zhugs pa zhes bya ba'i don to/ /dam tshig chen po ni rdo rje 'dzin pa chen po'o/ /de nyid sku rdo rje la sogs pa'i bdag nyid kyis phyir rdo rje gsum gyi gsang ba'o/ /de nyid kyis tshig gi brda las phyin ci ma log par don ston cing rtogs par byed pa dang ldan pa'i phyir dag gi dam tshig gi de kho na nyid kyi gnas las byung ba'o/ /sangs rgyas rdo rje'i sku gsum la zhes bya ba ni/ sprul pa'i sku la sogs pa'i bdag nyid sku dang gsung dang thugs rnams la'o/ /rdo rje sems dpa' rnam par bsgom/ zhes bya ba ni rdo rje sems dpa' bzhin du dkar po la sogs pa'i bdag nyid rdo rje lcags kyu sgom zhes bya ba'i don to/ /zhags pa rdo rje kyo pa 'dzin zhes bya ba la 'di skad gsungs pa yin te/ de bzhin gshegs pa la dgug pa la ji lta ba bzhin du mi bskyod pa'i sbyor ba byas nas ni/ snying ga nas rdo rje lcags kyu rdo rje 'dzin pa chen po'i rnam pa byung nas de bzhin gshegs pa thams cad dgug go /zhes kha gcig zer ro/ /gnod mdzes kyi dkyil 'khor gyi dbus su gnas pa de'i rnal 'byor gyi de'i sngags brjod cing spros pa'i gnod mdzes kyi sprin lcags kyu dang zhags pa 'dzin pa rnams kyi sangs rgyas thams cad dgug par bya'o/ /'dir yang dgug pa dang/ spyan drang pa dang/ dra bar dkyil 'khor gyi sgrub pa la yang shes par bya'o/ gang 'chad par 'gyur ba bcu drug pa las/ khro bo'i rgyal pos bkug nas ni/ sangs rgyas thams cad mchod par bya/ /zhes so/ rdo rje 'dzin pa dgug pa yang gsungs pa/ sangs rgyas zhes bya ba la sogs pa la/ sangs rgyas kyi gsung ni snang ba mdza' yas so/ /sku ni rnam par snang mdzad do/ /'di gnyis kyi nang nas gang yang rung ba'i sbyor bas so/ /'khor lo chen po'i sbyor ba yis zhes bya ba ni bka' i 'khor los te/ rang gi dkyil 'khor 'khor los zhes kha cig 'dod do/ /'di skad gsungs pa yin te/ ji lta ba bzhin du rnam par snang mdzad la sogs pa gang 'dod pa'i bdag po'i sbyor ba byas nas 'khor lo'i lcags kyu la sogs pa rnams kyis rdo rje 'dzin pa 'gug par bya'o/ /nga ni rigs kyi dbye ba dbug pa gsungs pa/ 'khor lo zhes bya ba la sogs pa la/ rnam par snang mdzad dang/ snang ba mdza' yas dang/ mi bskyod pa rnams kyis so/ /mi phyed rdo rje gsum bsgoms nas zhes bya ba ni sku gsum gyi bdag nyid 'khor lo'i lcags kyu la sogs pa thogs pa'i/ lha'i gzugs kyis zhes bya ba'i don to/ /rdo rje kyo ba'i khyad par gyis zhes bya ba la 'di skad gsungs pa yin te/ rang gi dkyil 'khor gyi dbus su rnam par snang mdzad la sogS pa'i rnal 'byor byas nas 'khor lo'i lcags kyu la sogs pa 'dzin par rang gi kha dog dang/ 'dra ba'i lha spros pa rnams kyis rang gi rigs thams cad kyi lha dgug par bya'o zhes so/ /da ni 'khrul 'khor la ma bltos par rnal 'byor pa thams cad kyis gang 'dod pa'i bu mo dgug pa'i don du gsungs pa/ rang sngags skyes bu bsgoms nas ni zhes bya ba ni gshin rje gshed po la sogs pa gang 'dod pa'i gzugs su rang gi sngags kyis bdag nyid bsgoms nas so/ /thams cad rdo rje'i dngos zhes bya ba ni sangs rgyas thams cad kyi rdul phra rab las byas pa'o/ /mchog ces bya ba ni bud med kyi mtshan nyid dang ldan pa'o/ /snying gar rdo rje kyo ba sbyar zhes bya ba ni snying gar rdo rje lcags kyus phug nas so/ /rlung gi dkyil 'khor sbyor ba yis zhes bya ba la 'di skad gsungs pa yin te/ rang gi lha'i spyor bas dkyil 'khor gyis dbus su gnas te/ gang 'dod pa'i bu mo rlung gi dkyil 'khor la zhon pa des kyang mngon du bskul bar bsams te/ rang gi lha'i gzugs kyis zhags pa dang lcags kyu 'dzin pa rnams kyis de ji lta ba'i rang gi gnas nas bcings nas khyer nas 'ong bar bsam par bya'o/ /dkyil 'khor pa rnams kyis kyang de dgug pa lhur bya'o/ /rang yang de'i ming dang spel ba'i sbyor bar rang gi sngags dza'i mdza' can bzlas nas dbug par bya'o/ /dgug pa'i bsgrub bya rdo rje'i rlung gis bskams pas dub par 'gyur pa 'di gsungs pa/ rnam par snang mdzad ces bya ba la sogs pa la/ rnam par snang mdzad kyi phyag rgya chen po yongs su gyur pa las zla ba'i gzugs bsgom par bya'o/ /de la sha rtsi zhes bya ba ni/ de la zla ba'i steng du bsgrub par bya ba la spyan gyis bdud rtsis dbang bskur bar bsam par bya zhes bya ba'i don to/ /'di nyid gsungs pa/ /rdo rje bdud rtsi'i sbyor bas zhes bya ba la 'di skad gsungs pa yin te/ ring po nas blangs pa'i bsgrub bya'i mgo bo la rnam par snang mdzad kyi rang bzhin zla ba'i dkyil 'khor la gnas pa spyan ji lta ba bzhin kha dog dkar po bdud rtsi 'dzag pa'i mchog bsgom par bya'o/ /rdo rje rlung rdzogs pa gsungs pa/ rdo rje lcags kyu gzugs po che zhes bya ba ni/ phyag rgya chen po'i gzugs so/ /rdo rje dkyil 'khor zhes bya ba ni/ rdo rje rlung gi dkyil 'khor gyi gzugs su yongs su gyur par bsgoms nas de la sgyon? nas dgug pa zhes bya ba'i don to/ /nam mkha' i bu mo zhes bya ba ni/ nam mkha' gang dgug par bya ba ni de'i 'di nyid dgug pa'i mchog go /gang 'dir rdo rje lcags kyu 'di 'dod pa'i rgyal po la sogs par yang la la dag brjod de/ de ni lan gnyis smos pa'i phyir 'brel pa med do/ /sa 'og gi bu mo dgug pa'i don du gsungs pa/ khro bo'i rdo rje zhes bya ba la sogs pa la/ khro bo'i rdo rje ni khro bo rdo rje ste/ gnod mdzes zhes bya ba'i don to/ /de nyid dam tshig ste/ 'da' bar mi bya'o/ /gang rnams kyis zhes bya ba ni/ gtso bo nyid kyi phyir rdo rje sa 'og gnas pa la ni drug pa'i don gyis gnyis pa'o/ /yang na dam tshig ni thams cad kyi yin la rdo rje yang ste/ gdug pa thams cad 'joms pa'i phyir ro/ /sa 'og gnas par byed pa ni/ sa 'og du gnas pa ngag gnod mdzes nyid do/ /de sgoms nas zhes sngar brjod pa'i tshig dang 'brel to/ /shu la rdo rje kyo zhags kyis/ zhes bya ba la 'di skad gsungs pa yin te/ gnod mdzes kyi rnal 'byor gyis rang gi dkyil 'khor gyi dbus su gnas la/ rang gi snying ga nas/ bdag nyid dang rjes su mthun pa'i khro bo 'khor lo spro bar bya ste 'on kyang rdo rje lcags kyu dang ral gri dang/ rtse gsum dang/ zhags pa lag na thogs pa ste/ des ji lta ba bzhin du lha ma yin gyi bu mo dgug par bya'o/ /btsag la sogs pa'i bsgrub pa gsungs pa/ btsag ces bya ba la sogs pa la/ kyang gis sgras gI wang la sogs pa bzung ngo/ /rdo rje kyo ba'i sbyor bas zhes bya ba la 'di skad gsungs pa yin te/ mtshan ma thob pas 'dod pa'i rgyal po la sogs pa gang 'dod pa'i sbyor ba byas nas zla ba gzas zin pa la yi ge hUM las rdo rgyus la sogs pa'i rdul phra rab rdo rje lcags kyu'i gzugs su mos par byas nas khar zhes bya ba ni/ rang gi rig ma dang/ gnyis su med par gyur pas phyi'i rig ma'i pad+mar bcug nas rdo rjes kha bcad nas/ ji lta ba bzhin du grub pa'i rdo rje lcags kyu'i lha nang du gzhug pa dang/ spro ba la sogs pa byas nas gang gi tshe zlas pa byas te/ zla ba gzas zin pa btang gi bar du'o/ /de nas dro ba la sogs pa rim gyis dngos grub kyi mtshan ma shes nas de blangs te/ bsrung bar bya'o/ / 'jigs shing skrag nas 'ong bar 'gyur zhes pa la/ 'di skad gsungs pa yin te/ de ltar sgrub pa'i rdzas kyis drag po la sogs pa'i gang 'dod pa'i ming bris nas zhabs kyis mnan te/ snga ma bzhin ming dang spel ba'i sbyor ba'i sngags bzlas pa na de yang rlung gi dkyil 'khor la zhon nas 'ong bar bsgoms na/ nges par 'ong bar 'gyur ro/ /gnod sbyin mo dgug pa gsungs pa rnam pa'i mchog kun zhes bya ba la sogs pa la/ dkyil 'khor gyi dbus su 'jam pa'i rdo rje bdag nyid bsgom par bya'o/ /khro bo chen po gshin rje gshed ces bya ba ni rang gi snying gar nyi ma la gshin rje gshed lag na lcags kyu thogs pa de'i sngags kyi bsgom par bya'o/ /bskal pa'i sreg pa'i 'khor lo che zhes bya ba la/ 'di skad gsungs pa yin te/ ji lta ba bzhin du 'jam pa'i rdo rje'i sbyor ba byas nas/ ji lta ba bzhin du rang gi snying ga nas 'bar ba'i 'phreng ba can lcags kyu lag na thogs pa gshin rje gshed po phyung ste/ gnod sbyin mo'i snying gar gzhug pa 'am/ mgo bo'i steng du bzhag ste/ de yang de'i 'od zer rnams kyi bskal pa'i me? bzhin du thams cad sreg pa dang ldan par rang la mngon par phyogs pa bsil ba'i lam nas 'jam pa'i rdo rje la skyabs su 'gro bas bsam pas 'ong bar bsam par bya zhing/ gshin rje gshed po'i sngags dang/ /spel ba'i k+ShiM? gi yi ge zlos shing/ ji lta ba bzhin du bkug la nye bar longs spyod par bya'o/ /srin mo dgug pa'i cho ga yang de bzhin te/ 'on kyang 'di 'ong bar 'gyur ba na/ sha dang khrag gis yon chab sbyin par bya'o/ /gnod sbyin mo la me tog dkar po dri'i chu dang bsres pas so/ /klu mo rnams la 'o mas so/ / gzhan rnams la ni bdud rtsi rnam pa lnga dang dri chu ba sres pas yon chab sbyin par bya'o/ /mjug bsdu ba'i zur gyi lhag ma gsungs pa/ kun gyi phyag rgya zhes bya ba la sogs pa la/ phyag rgya'i khyad par ni/ 'khor lo la sogs pa'i phyag mtshan gyi khyad par ro/ /sngags kyi khyad par ni/ sa bon dang rig pas khyad par du byas pa'o/ /dgug pa ngag gi gnas su gsungs zhes bya ba ni 'di skad gsungs pa yin te/ /gang gi sngags dang phyag rgya las/ / bskyed pa'i gshin rje gshed la sogs pa'i rnal 'byor byas nas/ de'i sngags nyid bsgoms pas rang rigs kyi bdag po'i rtsa ba'i mtshan mas mtshan pa'i lcags kyu la sogs pa'i rnam pas gshin rje gshed la sogs pas bsgrub bya dgug par bya'o/ /gzhan du byas na 'jigs par 'gyur zhes bya ba ni gal te de ltar ma byas par gzhan gyi sngags dang gzhan gyi rnal 'byor gyis byas na de'i tshe sbyor ba nyams pas dngos grub mi 'grub bo zhes bya ba'i don to/ /thun mong gi cho ga gsungs pa/ rdo rje sems dpa' zhes bya ba la sogs pa la/ bskul par bya zhes bya ba ni/ las thams cad nyid la de'i tshe rdzogs kyi bar du yang dang yang du gnyis su med pa'i ye shes kyi mtshan ma nyid rdo rje 'dzin pa chen por dmigs te/ bsgom par bya'o/ /de yang bco brgyad pa las/ sku gsung thugs kyi de nyid las/ sad par bya ba bskul bar bshad ces so/ /'dis ni byang chub kyi sems bsgoms bas sems brtan gyur pa sems tsam du khams gsum du shes nas las byed pa ni/ dngos grub po zhes gsungs pa yin no/ /de bzhin du le'u bcu bdun pa las 'chad par 'gyur ba/ nam mkha' i khams su gnas pa ni bcom ldan 'das de bzhin gshegs pa kun gyi de bzhin gshegs pa thams cad kyi sgu dang/ gsung dang thugs rdo rje ni dngos grub bo zhes so/ /ji ltar gzhan bskul bas gzhan 'dir bsgrub par 'gyur zhe na gsungs pa/ de nyid ces bya ba la sogs pa la/ lha thams cad skyed par byed pa nyid kyi phyir/ rgyal po ni bdag po ste/ lha thams cad kyi rang bzhin zhes bya ba'i don to/ /de yang sgyu 'phrul dra ba las gsungs pa/ rdo rje sems dpa' sems dpa' che/ /thams cad sems ni yongs rdzogs pa/ /yang dang yang du bskul ba nyid/ rgyal po thams cad gnas la gnas zhes so/ /dngos grub bsgrub pa'i dus su rang gi cod pan la rdo rje 'dzin pa bsam mo/ /zhes la la dag 'dod do/ /de'i snying po bar dang bar du brjod do/ /zhes la la dag 'dod do/ /klu'i bu mo dgug pa'i don du gsungs pa/ de nas zhes bya ba la sogs pa la kun nas te thams cad byas nas/ rdzogs par byed pas rnam par 'phrul pa shin tu 'jug pa'i ye shes te/ bya ba bsgrub par bshad pa'o/ /de nyid mi byed pa ste/ ral gcig ma'i gzugs su gyur pa'i ting nge 'dzin gang yin pa de la de skad ces bya'o/ /dam tshig rdo rje zhes bya ba ni don yod grub pa'o/ /de nyid kyi mchog ni gang gi bdag po nyid kyis de ral gcig mar bshad do/ /bkug nas nye bar spyad par bya/ zhes bya ba la 'di skad gsungs pa yin te/ bdag nyid zhal gsum pa kha dog sngon mo phyag drug pa/ dbus skra ser skya gyen du 'khyil ba lto ba che pa/ mche ba gtsigs? pa/ klu'i rgyan gyis brgyan pa thod pas mdzes par byas pa rol pa gcig ma g.yas kyi phyag na lcags kyu dang ral gri bsnams pa/ g.yon gyi phyag na zhags pa dang thod pa thogs pa/ rtsa ba'i phyag gnyis kyis thabs la 'khyud par bsam mo/ /srin lag gi khrag dang/ nA ga ge sar dang bcas pas bud med kyi thod par rlung gi dkyil 'khor la gnas pa'i klu'i bu mo bris nas/ de'i ming dang spel nas rang gi sngags bzlas shing sngar gyi bzhin dgug cing nye bar longs spyod do/ /rig pa 'dzin pa'i bu mo dgug pa'i don du gsungs pa/ de nas zhes bya ba la sogs pa la/ dmigs pa thams cad kyi stong pa nam mkha' bzhin du zhi bar lta ba nyid kyi phyir nam mkha' i dam tshig ste/ so sor rtog pa'i ye shes so/ /de las byung ba ni khro gnyer can la de skad ces byas ste/ de la dmigs pa'i phyir ting nge 'dzin la yang de skad ces bya'o/ /ye shes rdo rje rjes su dran/ zhes bya ba ni snang ba mdza' yas so/ /dam tshig la sogs pa yis bkug ces bya ba la/ 'di skad gsungs pa yin te/ khro gnyer can gyi rnal 'byor pas de'i dkyil 'khor gyi dbus su gnas par klu mo dang 'dra bar rig pa 'dzin pa'i bu mo dgug par bya'o/ /'di yang bcom ldan 'das ma gos dkar mo dang 'dra ste/ 'on kyang cung zad tsam dmar ba'i zhal can kha dog dkar po ste/ dgug pa'i gnas skabs yin pa'i phyir ro/ /rtsa ba'i gnyis pa g.yas dang g.yon gyi phyag tu zhags? pa dang lcags kyu thogs pa bsgom par bya'o/ /sems brtan par gyur pa dang/ rtag tu rig pa bzlas pas de nyid kyis dngos grub bsgrub par 'gyur ba de'i phyir gsungs pa 'gog pa zhes bya ba ni/ bshad zin pa'o/ /sngags pas 'bum du bzlas byas nas/ zhes bya ba ni dpag tu med pa'i bzlas pa la sogs pas mtshan ma thob nas/ 'bum bzlas pa byas nas zhes bya ba'i don to/ /lus can sdig dang bral ba la/ /grangs kyi nges pa gsungs pa yin zhes so/ /rab tu dben pa zhes bya ba ni/ nye bar 'tshe ba med pa'o/ /'di skad gsungs pa yin te/ gang lha la sogs pa dgug pa la sogs pa rnams kyi las la de thams cad phra mo'i rnal 'byor la sogs pa bsgoms pas sems dbang du gyur pa thob pa nyid kyis sngags 'bum bzlas pa bya'o/ /bskrad pa la sogs pa yang ji lta ba'i cho gas bzlas pa nyid las yang dag par mtshan ma thob pas yang 'bum bzlas pa/ dad pa 'phel ba'i blos bya'o/ /thabs thams cad kyis 'dir sems can gyi don mdzad pa'i phyir snying rje dang ldan pas bsad par yang bya'o/ /zhes bya ba de'i phyir 'di'i yul gsungs pa/ slob dpon smod ces bya ba la sogs pa la/ 'di ni kha na mtho ba chen po byed pa nye bar mtshon pa nyid kyis dkon mchog gsum la gnod pa byed pa la sogs pa yang gzung ngo/ /'di yi zhes bya ba ni/ mngon spyod kyi yan lag gis so/ /byang chub ces bya ba ni sems can 'dul ba'i thabs rtogs pa'o/ /sngags kyi dngos grub ces bya ba ni/ thabs dang shes rab kyi bdag nyid ye shes rdzogs pa ste/ de nyid kyi rnam pas yid kyis 'di rdzogs pa nyid kyi phyir ro/ /phyogs bcu zhes bya ba la sogs pas ni/ kha sbyar dbye ba'i don dang/ 'brel pa brjod pa'o/ /'di skad gsungs pa yin/ ji lta ba bzhin du sdig pa chen po byed pa'i bsgrub bya nges par byas nas bskal pa dpag tu med pa rnams su dmyal ba chen p or gnas par ma gyur cig ces snying rje'i sems bskyed nas mnar sems kyi dngos po dgu dang bral ba'i yid la byed pas mi bskyod pa'i sangs rgyas kyi zhing du skye bar 'di bsams pas cho gas ji lta ba bzhin du lha dang bsrung ba dang bral bar byas nas gshin rje gshed pa la sogs pa'i sbyor bas mngon spyod kyi cho gas sbyar ro/ /de nyid gsungs pa/ khrag dang zhes bya ba la sogs pa la/ ling+ka zhes bya ba ni/ bsgrub bya'i gzugs so/ /brgya rtsa brgyad du zhes bya ba ni brgyad lhag pa ni brgya'i bzlas pas so/ /nges par zhes bya ba la sogs pas sbyor ba'i bdag nyid chen po gsungs pa'o/ /yang na sangs rgyas kyi rnal 'byor pa yang ngo/ /khro bo'i mchog ni bcings pa'i zhes bya ba ni/ 'jigs pa'i khro bo'i nga rgyal gyi gos la mdud pa 'ching bas so/ /skams pa zhes bya ba ni/ gang gi tshe gos skams pa de'i tshe/ 'chi ba zhes bya ba'i don to/ /khro bos 'khrugs pa zhes bya ba ni/ khro bo'i 'khor lo spros pas so/ /'jigs pa'i tshul du gtsigs shing 'gyur zhes bya ba ni/ gtsigs shing 'jigs su rung ba'i gzugs te/ nges che zhing myur ba ste/ rang gi lus dang bcas pa'i phyir de la de skad ces bya'o/ /gang du yang ma mo bdun gnas par gyur pa de/ ma mo'i gnas so/ /shing gcig ces bya ba ni shing can gyi grib nas mnon pa zhes bya ba'i don to/ /'di skad bshad pa yin te/ gang 'dod pa'i khro bo'i sbyor bas gcer bu skra grol bar gyur pa khrag gis gsher ba la sogs pa'i gos gon nas ma mo'i gnas la sogs par ji skad bshad pa'i sa la sogs pa las/ gang yang rung ba'i gzugs byas nas 'khrul 'khor la sogs pa dang ldan pa hUM las byung ba rdo rje 'bar ba'i zhabs kyis mnan par byas nas/ sngags brgya rtsa brgyad bzlas na 'chi bar 'gyur ro/ /dbye ba la ni mgo spyi bor phyin ci log du rang gi ming bkod la spral bar yang ta dmar po lug dang 'dra ba 'am ma he dang rta dang bzhin du 'thab pa dang ldan pa ste/ so dang sen mos phan tshun 'debs par bsams te/ de ltar na dbye bar 'gyur ro/ /yang na rta mgrin gyis sbyor bas dur khrod kyi ras 'gi bang dang dug dang myos byed kyi 'dab ma dang/ ni ba'i khu ba dang/ bya rog dang/ 'ug pa'i khrag gcig du byas nas rtse mo lnga pa'i rdo rje 'bar pa dang b cas pa bris nas de'i lte ba la pad+ma 'dab ma brgyad pa de la che ge mo dang bcas pa'i bi? de sha ku ru zhes bya ba bsgrub bya'i ming dang spel nas sngags de dag gi nang du bcug pa sngon du song ba ma? dang rta'i mig pa'i nang du bcug nas dug dang ske? tshes bkad la/ khro bo'i tshig brgya rtsa brgyad kyis sngags nas/ ni pa'i shing gi nang du bcug nas rnam par bzhag par bya'o/ /'dis ni gang 'dod pa de sbyin par bya'o/ /phur bu'i dbang du byas nas gsungs pa/ mi'i rus pa zhes pa la sogs la ste/ 'di'i don ni/ sor brgyad pa'i tshad steng khro bo'i rnam pa 'og rdo rje rtse gcig pa'i rnam pa gang 'dod pa'i khro bo'i sbyor ba byas nas/ dur khrod kyi ras la ma rungs ba'i rdzas rnams kyis khro bo'i rdo rje bris nas/ de'i lte ba la bsgrub bya'i ming dang spel nas sngags bris te/ bshad gci mnyes pa dang bsgrub bya'i rkang pa'i rdul la sogs pa las byas pa'i gzugs kyi snying gar gzhug par bya'o/ /de nas sngar brjod pa'i phur ba blangs nas 'og dang logs bzhi la hUM rnams dang/ mgo bo la gcig dgod de/ de nyid kyis dgra bo'i sgo la sogs par yi ge as spras pa'i sna tshogs rdo rje bris nas/ de'i steng du de'i gzugs brnyan lho phyogs su kha bltas par bzhag ste/ dgug pa la sogs pa sngon du 'gro pas nges phur bu la brgyad lhag pa'i brgya bzlas bas/ snying la yang dag par btags la a'i yi ges mtshan pa'i sna tshogs rdo rje dang bcas pa kham par? so ma btang bas bkab pa la/ de yang de'i steng du sas bkab la rkang pa bzhag nas sngags brgyad lhag pa'i brgya nyi ma phyed dam nam phyed nas bzlas par bya'o/ /de nas ji skad gsungs pa bzhin du 'gyur ro/ /mngon spyod kyi las thams cad la tsha ba dang/ kha ba dang/ gzegs ma dang phug ma la sogs pa dang ldan pa/ zas skam po za zhing khro bo'i nga rgyal gyis ji lta ba bzhin du nang gi sbyin sreg gi tshi gas bza' bar bya'o/ /gnas nas spro ba'i dbang du byas nas gsungs pa/ thod pa zhes bya ba la sogs pa la'ang skad gsungs ba yin te/ ji skad gsungs ba'i thod pa las ba bla dang/ sol ba dang ni pa'i lo ma'i khu ba dang/ rkang pa'i srin lag gi khrag dang bcas pas ral gros mchan pa'i rlung gi dkyil 'khor te/ de'i steng du bsgrub bya'i gi zugs brnyan bris la/ de'i snying gar ming dang sngags spel pa bris te/ bkug nas brgya rtsa brgyad kyis mngon par sngags nas rdo rje gsung gis sngags bzlas shing dgra bo'i sgo la sogs par sbas pas bskrad par 'gyur ro/ /ta la'i lo ma zhes bya ba la sogs pa la/ 'di skad gsungs pa yin te/ lho phyogs su lha chen po la/ kha bltas par gnas nas/ de gnod mdzes kyis bkug nas ji lta ba bzhin du dam tshig la bzhag nas/ tsha ba dang/ kha bsngags pa ma yin pa'i me tog gis mchod de/ blangs nas de rang gi las grub pa'i phyir bka' bsgo nas gshegs su gsol te/ rang yang grong gi lho phyogs su song ste/ 'bus zos pa'i lhag ma'i tA la'i lo ma la mi rus kyi thur mas brgya brko pa'i tshul du bsgrub bya'i ming dang spel nas de'i sngags bri bar bya'o/ /dug la sogs pas byugs nas ni ba'i lo ma zos pa'i kha chu gtor zhing ma rungs pas sngags brgya rtsa brgyad zlos shing/ me tog de la lan bdun sngags shing de nas cung zad tra la'i lo mas dkris pa dang tA la'i lo ma la yang me tog lhag mas dkri bar bya'o/ /de nas dgra bo'i sgo la sogs par cog bus khung pu brkos te sba par bya'o/ zhes bya ba ni man ngag go/ spyi'i ? pa'i sngags gsungs pa/ /de nas zhes bya ba la sogs pa la/ sku dang gsung dang thugs bcings te/ mi g.yo bar byas nas 'dis sku la sogs pa bcing ba ni phur pa'i sngags so/ /de nyid mi phyed pa ste/ gang du ting nge 'dzin pa mngon du byas nas/ rigs gsum gyi phur pa gdab pa'i sngags gsungs pa'i rnam pas sems rtse gcig par byas nas zhes bya ba'i don to/ /sarba duSh+TaM zhes bya ba dang/ sarba pA poM zhes bya ba spangs nas bsgrub bya'i ming dang/ spel par bya'o/ /AdzI pa ya ti zhes bya ba'i de ma thag du bsgrub bya zhes brjod de/ mi'i dus pa'i rang bzhin zhes bya ba la sogs pa la/ rang gi rigs kyi bye brag gis/ phur bur gsum pa shes par bya'o/ /rdo rje sems dpa' mnyam bzhag la zhes bya ba ni/ bsams nas so/ /gang yin zhe na gsungs pa 'od 'phro 'khrug pa la sogs pa la/ rdo rje gsum gyi sku'i mthar zhes bya ba ni thugs rdo rje'i gnas nas brtsams te/ steng khro bo'i rnam pa'o/ /'og du gnas pa rtse mo gcig pa'i rdo rje phur bu'i rnam pa zhes bya ba'i don to/ /mgo nas brtsams nas/ rkang pa'i bar du gang gi tshe bsgrub bya la gdab bo/ /zhes pa la dag 'dod do/ /de bzhin du rnam par snang mdzad la sogs pa'i bur phu la'ang bya ba'i phyir gsungs pa/ rnam par snang mdzad ces bya ba la sogs pa'o/ /'di skad gsungs pa yin te/ dur khrod kyi ras la sngar bshad pa'i rdzas kyis rdo rje 'bar ba bris nas/ de'i lte ba la zhe sdang rdo rje yi ge hUM las byung ba 'og tu rtse mo'i rnam pa bris nas bkug te/ sor brgyad pa'i lcags kyi rang bzhin gyi phur bu'i bug par gzhug par bya ste/ me tog sngon pos mchod nas/ zhe sdang rdo rje'i rnal 'byor gyis brgya rtsa brgyad bzlas par bya'o/ /de nas sngar gyis bzhin du dur khrod kyi sa la sogs pa rnams kyis phur bu'i tshad tsam gyis gzugs brnyan byas nas/ de'i snying gar de bzhin du de nyid kyi sngags gzhug par bya ste dgug pa la sogs pa sngon du song ba ji lta ba bzhin ming rang spel te sngags brjod nas mgo bo nas brtsams te/ rkang pa'i bar du gang gi tshe phur pa gdab par bya'o/ /de bzhin du 'bar ba'i 'khor lo'i lte ba la rnam par snang mdzad kyi phur ba kha dog nag po la sogs pa dang bcas pa/ mi rus kyi rkang sbubs kyi nang du bcug ste/ mngon spyod kyi rjes su mthun pa rnam par snang mdzad kyi sbyor bas/ sngar gyi bzhin du phur pa gdab par bya'o/ /de bzhin du pad+ma'i lte ba la snang ba mdza' yas kyi phur bu nag po bris nas/ song lder gi phur pa sor brgyad pa'i bug par gzhug par bya'o/ /snang ba mdza' yas kyi sbyor bas khro bos de bzhin du phur bus gdab bo/ /'di nyid kyi rim pas khro bo gshin rje gshed po la sogs pa'i khro bo rnams kyis/ phung pa'i bya ba gsungs pa/ gshin rje gshed kyi phyag rgya chen po zhes bya ba ni kha gcig go /gzhan ni rdo rje sems dpa' zhes bya ba la sogs pa 'chad par 'gyur ba'i sku rdo rje la sogs pa/ bsgrub pa'i phur bu dang sbyor bar byed do/ /'di ltar 'chad de /rdo rje sems dpa' zhes bya ba ni mi bskyod pa ste/ rang gi rigs kyi khro bo'i phur pas thugs rdo rje la phur bu gdab par bya'o/ /rnam par snang mdzad la gshin rje gshed kyis so/ /mi bskyod pa la bgegs mthar byed kyis so/ /snang ba mdza' yas la pad+ma mthar byed kyis phur bu gdab par bya'o/ zhes so/ /'di rnams nyid bla ma'i man ngag kho na las lhag pa'i lha phur bus gdab pa yang rtogs par bya'o/ /bdud rtsi 'khyil ba'i khyad par gsungs pa/ 'khyil ba zhes bya ba la sogs pa la/ rdo rje sbyor ba zhes bya ba ni ngas gdab bo/ /zhes bsam pa gtan pos bsam mi bskyod pa'i sbyor bas btab pa'o/ /sangs rgyas dag kyang zhes bya ba ni/ gdug pa rnams 'ba' zhig ni ma yin te/ sangs rgyas rnams kyang zhes bya ba'i don to/ /phur bu'i cha byang gsal bar gsungs pa/ snying gar zhes bya ba la sogs pa la/ snying gnas brtsams te/ rkang pa'i bar du rdo rje rtse mo gcig pa'i rnam pa'o/ /steng du dam tshig de nyid bya zhes bya ba ni ji ltar 'dod pa'i lha'i rnam pa'o/ zhes bya ba'i don to/ /'on kyang khro bo mdog nag po'i gzugs so/ /bsam gtan rdo rje sbyor ba yis/ /zhes bya ba ni 'dis bsam gtan gyi phur bur gsungs pa'o/ /rdo rje sems dpa' rgyal po che/ zhes bya ba ni/ thugs rdo rje'i rnal 'byor pa la de skad ces bya'o/ /des bsgrub bya la phur bus gdab pa ni/ sangs rgyas kyang gdab par bya zhes pa dang 'brel te/ sangs rgyas nyid kyang phur bus gdab ces bya ba'i don to/ /nga ni de nas zhes bya ba la sogs pas lan bdun bsgrub pas kyang na grub na rang gi lha phur pas dbang du byas nas bsgrub pa zhes 'chad de/ 'di yang bla ma'i dag las shes par bya'o/ /e ma'o gsang ba'i gnas kyi mchog /ces bya ba ni nyan thos la sogs pa'i spyod yul ma yin pa'i phyir/ thabs dang shes rab kyi bdag nyid kyi ye shes so/ /de'i gnas ni rab tu gnas pa ste/ de nyid mngon spyod kyi las bya bar 'gyur ba'i ni ngo mtshar ba'o/ /snying bo kun bsdus pa zhes bya ba ni/ sku'i sgo nas sdud par byas pa'i don des par bstan pa'i phyir ro/ /e ma'o chos kyi gnas zhi ba zhes bya ba ni/ gsung gi sgo nas sgros pa thams cad spangs pa'i byed ro/ /e ma'o rdo rje rnam par 'joms/ zhes bya ba ni thugs kyis sgo nas lta ba ngan pa thams cad gcod pa'i phyir ro/ /de ji lta bu zhe na gsungs pa/ phur ba zhes bya ba la sogs pa'o/ /byang chub sems dpa' zhes bya ba ni rigs lnga las byung ba'i lha rnams kyi'o/ /de nyid las byung ba zhes bya ba ni/ ji lta ba bzhin de rdzogs pa'o/ /sku gsung thugs kyi mchog sbyin pa/ /zhes bya ba ni dngos grub mchog gi rgyu nyid kyi phyir de bzhin gshegs pa'i sku la sogs pa ster zhes bya ba'i don to/ /de ji lta bu zhe na gsungs pa/ sngags kyi de nyid bsdus pa'o/ /zhes bya ba la sngags ni de kho na nyid bskul ba ste de kho na nyid ni snying po'i ngo bo rnams te/ de rnams kyis bsdus pa ni/ des par bstan pa'o/ /sku zhes bya ba la sogs pa la/ sku dang gsung dang thugs kyi rmad du byung ba'i sngags rnams ni las kyi chogs? thams cad bsgrub pa spyan la sogs pa'i sngags te/ de dgug pa dang/ mngon par 'dod pa'i dngos grub mngon du byed pa'o/ /de'i don 'phrul ba ni sna tshogs kyi gzugs rol pa yin la de nyid rgyal po ste/ gsal bar byed pa'o/ /gang la ting nge 'dzin yod pa de la de skad ces bya'o/ /de'i brjod par bya ba'i phyir sgra'i tshogs de bzhin du yang bshad do/ /dpal gsang ba 'dus pa'i dka' 'grel/ rgyal bas byin pas mdzad pa le'u bcu bzhi pa'i bshad pa'o/ / //de ltar bdag dang gzhan gyi don du bsgrub pa don du gnyer bas rig pa'i brtul zhugs spyad pa rnams dang/ mtshan ma thob pas rang gi dkyil 'khor la gnas nas rmi lam lta bur mos par byas nas rdo rje 'dzin pa chen po la sogs pa'i dngos grub rnams bsgrub par bya ba'i phyir le'u bco lnga pa gsungs pa/ de nas zhes bya ba la sogs pa la/ rdo rje 'dzin pa ni/ byang chub kyi sems rdo rje'o/ /sku dang gsung dang thugs dang yid bzhin nor bu dang/ dam tshig gi rigs kyi de kho na nyid rim gyis gsal bar bshad pa/ rgyal po zhes bya ba la sogs pas bshad do/ /'dis rigs lnga'i bdag nyid kyis bcom ldan 'das bshad pa'o/ dang rigs? kyi rig ma'i bya brag re zhig bshad pa/ bu mo lo grangs bcu gnyis pa zhes bya ba ni rten cing 'brel par 'byung ba bcu gnyis rnam par dag par shes rab bo/ /rme can zhes bya ba ni/ mdza' skyes kyi khyad par ro/ /zhes la la dag 'dod do/ /gzhan ni mi bskyod par 'dod do/ /de'i phyir gsungs pa bdag nyid chen po zhes bya ba ni de'i rigs dang/ 'brel ba zhes bya ba'i don to/ /de bzhin du yang gsungs pa yan lag bcu gnyis rnam dag pas/ lo ni bcu gnyis rab du grags?/ /bu mo shes rab pha rol phyin/ /mi bskyod pa yi bdag nyid che/ /zhes so/ /'dis ni 'di legs par bshad par 'gyur te/ tshad la sogs pa des mdzad pas/ /sems can bsan ma blangs byas te/ /shes rab thabs byung dngos grub la/ /rigs sogs pa yi nges pas ci/ /zhes so/ /bsgrub ces bya ba ni/ rang snang ba'i gzugs kyis rdzogs pa'o/ /cho ga bzhin zhes bya ba ni/ sbyang pa la sogs pa sngon du song ba'o/ /de la dkyil 'khor bya zhes bya ba ni/ bsam gtan gyi gnas la'o/ /rdo rje dkyil 'khor bsgoms pas zhes bya ba ni/ mi bskyod ba'i dkyil 'khor bsgoms zhes bya ba'i don to/ /'di skad gsungs ba yin te/ yid dang mthun ba'i gnas su togs sbyangs pa'i bdud rtsi rnam pa lngas dkyil 'khor byas nas/ ji skad gsungs pa'i rme sha can gyi bu mo dang/ lhan cig ji lta ba bzhin du mi bskyod pa'i sbyor bas gnyis su med par gyur ba'i dkyil 'khor ba'i lha dbyung ba sngon du song pa dgug pa dang bsrung ba byas te/ de bzhin gshegs pa thams cad kyi dam tshig gsad ba'i mchod pa la sogs pa byas te/ sems rtse gcig pa'i yid kyis/ bsgrub nas mchog gi dngos grub 'grub par 'gyur ro/ /rnam par snang mdzad kyi sbyor bas kyang 'di nyid sngon du song ba'i bsgrub pa gsungs pa/ rnam par snang mdzad ces bya ba la sogs pa la/ bsam gtan sngags kyi sbyor ba yis zhes bya ba ni thabs dang/ shes rab kyi bdag nyid de kho na nyid bskul ba'i mchog gi sbyor pas so/ /sangs rgyas kyis ni 'drar 'gyur zhes bya ba ni rnam par snang mdzad nyid thams cad kyi bdag nyid du 'gyur ro/ /zhes pa'i don to/ /autpa la mthing ga'i mdog ces bya ba ni/ rdo rje'i rigs kyi bu mo'i khyad par ro/ /bco blag mkhan zhes bya ba ni/ rigs ngan ma'i khyad par zhes la la 'dod do/ /gzhan ni gti mug rnam par dag pa mngon par byang chub bas sems can 'tshed pas na/ bco blag ni rnam par snang mdzad do/ /de'i bdag nyid chen po'i bu mo lo bcu drug pa'i na chod dang ldan pa rang snang ba bzhin bsgrub par bya'o/ zhes bya bas 'khor lo'i rigs su sbyar bar bya'o/ /rdo rje sems dpa' i sbyor ba yis zhes bya ba ni/ rmi sha can gyi bu mo 'dir sbyor ba'i chog zhes bya ba ni/ ji lta ba bzhin du rang snang ba bzhin skyed par bya ste/ rigs lnga dgod pa la sogs pa sngon du song ba byas nas so/ /las rnams rtsam par bya zhes bya ba ni/ dkyil 'khor sngal? pa la sogs pa'o/ /rdo rje sems dpa' i 'od 'drang 'gyur zhes bya ba ni/ mi bskyod pa nyid du 'gyur zhes bya ba'i don to/ /pad+ma'i rigs kyi dngos grub kyang gsungs pa/ thams cad ces bya ba la sogs pa la/ chos 'dzin pa ni snang ba mdza' yas kyi rnal 'byor pa'o/ /gar mkhan mo zhes bya ba ni gang mkhan gyi bye brag go/ 'os? bya ba la la dag 'dod do/ /sems can gdul ba'i don du sna tshogs pa'i gzugs kyis gar byed pa ni/ snang ba mdza' yas so/ /de'i bu mo ni lo nyi shu lnga'i na tshod dang ldan pa'o/ /ji lta ba bzhin du bsgrub par bya zhes bya ba ni gzhan gyi'o/ des cing 'gyur zhe na gsungs pa/ rdo rje chos zhes bya ba la sogs pa la/ gsung gi dam tshig 'dzin zhes bya ba ni/ snang ba mdza' yas kyi phyag rgya chen po de'i bdag nyid 'dzin pa de la de skad ces bya'o/ /gang phyir phyag rgya dam tshig brjod/ yid kyi gzugs ni bstan pa'i phyir zhes bya ba'i tshig las so/ /rigs gsum gyi bye brag gis bu mo'i khyad par gsungs nas/ bram ze zhes bya ba la sogs pa la/ spyir gsungs so/ /zhes kha cig zer ro/ /gzhan ni mi bskyod pa la sogs pa rnams kyi bu mo bsgrub pa cam gsungs so/ /zhes zer ro/ /de rnams kyi rigs gang yin zhe na/ de'i phyir bram ze la sogs pa gsungs pa'o/ /gzhan ni rnam par snang mdzad la sogs pa bzhi rnams kyi go rim bzhin du bram ze la sogs pa rnams su blta bar bya'o/ /rdo rje 'dzin pa'i thams cad nyid ces 'dir sbyor bar byed do/ /rdo rje chos kyi bdag nyid ces bya ba ni/ de bzhin gshegs pa mi phyed pa'i chos nyid sems rtse gcig pa yid pa byed pa zhes bya ba'i don to/ /rdo rje nyi ma nub nas ni zhes bya ba la sogs pas dngos grub bsgrub pa'i dus ston pa ste/ 'di ni ma bshad do/ /rdo rje sems dpa' mchog bsgoms nas zhes bya ba ni/ rme sha can la sogs pa'i bu mo'o/ /mA ma kI la sogs pa nyid du ji lta ba bzhin du byin gyis brlabs nas gnyis su med pa'i sbyor bas bsgom par bya zhes bya ba'i bar du'o/ /gang gsungs pa/ phang par bzhag nas rnam par bsgom/ zhes bya ba la de gsal bar gsungs pa/ dbang po gnyis kyi sbyor pa yis/ zhes bya ba la sogs pas so/ /bshad pa dang gci ba la sogs pas bsgrub pa'i dus su dam tshig rjes su bsgrub pa nges par bya'o zhes ston pa'o/ /'dod dang thar pa'i dam tshig rdo rje zhes bya ba la 'dod pa ni mngon par mtho ba'i bde ba'o/ /thar pa ni nges par legs pa'i 'bras bu'o/ /de thob pa la mi byed pa'i rgyu zhes bya ba'i don to/ /bu mo rengs par byed pa'i dbang du byas nas gsungs pa/ de nas zhes bya ba la sogs pa la/ dam tshig chen po ni me long lta bu'i ye shes kyi bdag nyid rnam par snang mdzad do/ /de nyid mi phyed pa'i khro bo gshin rje gshed kyi gzugs can gyi ting nge 'dzin de la de skad ces bya'o/ /khro zhing tsher ma'i me la sreg ces bya ba la 'di skad gsungs pa yin te/ rig pa'i brtul zhugs don du gnyer bas rang gi rigs dang mthun pa'i bu mo de'i rigs gang gi tshe lan mang du blangs nas ma ster ba de'i che/ rengs pa'i don du 'di brtsam par bya ste/ de la ji lta ba bzhin du bsnyen pa byas pa sngon du song ba gshin rje gshed kyi rnal 'byor dang ldan pas gru gsum gyi me thab la ji lta ba bzhin du/ rengs pa'i dbang du byas te/ gshin rje gshed bsgoms nas de'i lce la hUM yig bsgoms nas/ aoM h+rIphaT phaT swAhA/ zhes bya ba'i sngags 'di brjod pas nyi ma byed dam nam phyed na po so 'cha'i tsher ma'i me la nyi ma gsum du stong phrag brgyad du bsreg go /de yang khro bo ri rab dang mnyam pas mnan par byas la de'i pha la sogs pa la sna tshogs rdo rjes mnan pa'i gshin rje gshed gnas pas lus rengs par bsgoms nas/ de bzhin du byas na rengs par 'gyur te/ gzhan la mi ster ro/ /'dir man ngag gi sbyor ba gzhan bri bar bya ste/ dur khrod kyi ras pa dug dang khrag dang ske tshe dang lan tsha rnams kyi me'i dkyil 'khor ro/ /de'i steng du pad+ma 'dab ma brgyad pa ste/ de'i lte ba la sngags dang sprel nas bu mo'i ming brid nas dug dang grog mkhar gyis dang/ khrag dang ske tshe dang/ tsha rnams kyis gzugs byas nas de'i snying gar bcug ste/ bkug nas thod pa kha sbyar du bcug la nyi mi gsum du bskul ba dang bcas pas sngags brjod do/ /khros pas tshor ma'i me la bsregs na nges par dengs par 'gyur ro/ /ngag rengs par bya ba'i don du yang dur khrod bya ris la ba bla dang/ rdo rgyus dang/ srin lag gi brag gis dbang chen gyi dkyil 'khor sna tshogs rdo rjes mchan pa de la bsgrub par bya ba'i ming dang/ spel ba bris nas chu bo'i 'gram gnyis kyis la bsgrub bya'i gzugs brnyan byas la khar ba cug te bkug nas kham phor kha sbyar la gnas par bya'o/ /de bzhin du bskul ba'i dbang gis 'gro ba dang /'od ba dag kyang rengs par 'gyur ro/ /sbyor ba 'di yis sbyor ba gzhan bshad pa/ bcu bzhi lam zhes bya ba la sogs pa la/ man ngag las mar gyi ngo yi bcu bzhi'o/ /dur khrod sol ba blangs nas ni/ zhes bya ba ni de'i nyin mo mi sha bsregs pa'i gnas nas zhes bya ba'i don to/ /mngon par bsngags pa zhes bya ba ni aoM h+ri zhes bya ba la sogs pa/ stong phrag brgyad bzlas nas so/ /chog bzhin zhes bya ba ni gshin rje gshed kyi sbyor bas de rdo rje'i rdul phra rab tu byas nas bdag la bu mo'i 'di gsol zhes so/ /gang gi gnod sbyin la sogs pa'i ming dang spel la bris nas de nyid kyis bkug ster ro/ /'dul bar 'gyur zhes bya ba'i tshig la ni/ rengs pa la sogs pa'i mtshan ma ngan pa 'dul bar 'gyur ro/ /'di nyid kyi sbyor ba gzhan gsungs pa/ /ri mo bri zhes bya ba la sogs pa la/ 'di skad gsungs pa yin te/ dgra'i gzugs brnyan byas nas/ dug la sogs pa bris te/ de nyid kyi sol bas zhes pa la dag 'dod do/ /che ge mo'i mgo bo gcad do/ /zhes nga rgyal bya ste/ mtshon gyi rnam pa lta bur sol ba de mos par byas nas ske la ri mo byas de'i mgo gcod par 'gyur ro/ /bsam gtan sbyor ba zhes bya ba ni/ gshin rje gshed pa'o sbyor ba byas nas mngon du bsgrub bya bkug pas dmigs nas/ rang gi sngags las bskyed pa'i gshin rje gshed po'i rang bzhin gyis lag pa g.yas par rdo rje thob bkug nas de'i mgo bor lhung bas/ de de ltar nges par lhung par 'gyur ro/ /gdug pa thams cad 'jog par bshad /ces bya ba ni/ gnod mdzes la sogs pa'i rnal 'byor dang ldan pas hUM las byung ba rtse mo lnga pa'i rdo rje 'bar pa'i phreng? ba dang ldan par bsams nas/ gang gi gdug pa'i steng du lhung bas de 'jig par 'gyur to/ /rdo rgyus sol bga la sogs pas zhes bya ba la sogs pa'i sgras ? dang ba bla bzung ngo/ /lag pas sta re bzung bar bya zhes bya ba la 'di skad gsungs pa yin te /rdo rgyus dang sol ba la sogs pas bsgrub bya bris nas bkug ste/ rang gi lag du hUM yig gis 'bar ba'i sta re bsnams par bsams nas so/ /la la dag yi ge phaT kyis zhes 'dod do/ /des ske ba bcad pa na 'chad par 'gyur ro/ /char pa bcad pa'i dbang du byas nas gsungs pa/ las kyi rdo rje zhes bya ba la sogs pa la 'di skad gsungs pa yin te/ rdo rje 'dzin pa la sogs pa ser po'i sbyor bas yi ge haM las byung ba shin tu ser po'i las kyi rdo rje dkyil 'khor gyi khang pa la sogs pa'i steng du 'bar ba mos par byas nas/ dbus su rdo rje bsams nas ni/ zhes bya ba ni gang 'dod pa'i khro bo'i dbang phyug bsgoms nas so/ /la la dag lte ba la rdo rje 'dzin pa ser pos byin gyis brlabs pa'i rdo rje bsgoms nas zhes 'dod do/ /cho ga bzhin du klu rnams phye mar byas nas/ rang gi ba spu'i bu gnas phyung ba'i rdo rje ser po phra mo'i 'od zer rnams gyis nam mkha' i ngos thams cad khabs par bsam mo/ /de ltar gang du 'dod pa'i gnas las/ phyi rol tu char pa 'bab par 'gyur ro/ /thams cad du dgag par 'dod nas yang rab tu 'bar ba'i rdo rje'i 'od zer rnams kyis nam mkha' i ngos ma lus pa 'bar ba? cig du gyur par bsams na nges par chad pa mi 'bab par 'gyur ro/ /sbyor ba sngon du song ba'i sgom pas yang de'i sbyor ba brjod par bya ste/ de la dur khrod kyi ras la rdo rgyas la sogs pa rnams kyis pad+ma 'dab ma brgyad pa bris la de la rang gi sa bon dang bcas pa'i klu brgyad dang/ lte ba la chu'i lta bris nas dgug go /ras gnyis pa la 'bar ba dang bcas pa'i sna tshogs rdo rje ser po'i lte ba la/ rdo rje rtse mo lnga pa'i khro bo'i rdo rje gyen du gnas pa? pa'i yi ge hUM gis byin gyis brlabs pa bris nas kha sbyar byas la rdo leb gyis mnan no/ /de rnams rnam par bsams bas de ltar na char ba gcod par 'gyur ro/ /rlung bcad pa'i dbang du byas nas gsungs pa/ dkyil 'khor zhes bya ba la sogs pa la/ sogs pa'i sgras ni char pa 'bab pa dang/ thog 'bab pa dang/ sa g.yo ba la sogs pa bzung ngo/ /mche ba'i phyag rgya bcas nas su/ zhes bya ba ni bdud rtsi 'khyil ba'i phyag rgya chen po brtan par byas? nas so/ /gdug pa'i sgra ni/ zhes bya ba na de'i sngags so/ /dran par bya zhes bya ba ni de'i sbyor bas nam mkha' i tshad tsam du bdag nyid rdo rje 'bar ba'i me dang 'dra bar mtshe ba gtsigs pa'i gdong can mdza' yas pa'i khro bo'i cho gas 'don? bar rnam par bsgoms nas/ de'i dbyung ba'i dbus kyi rlung gi sprin de ran? bal bzhin du gtor ro/ /khro bo rnams kyi 'bar pa'i rdo rje'i lces sprin rnams bldag cing rlung yang ri rab dang 'dra ba'i khro bo rnams kyis rang gi lto ru bcug par bsam mo/ /de'i sngags dang bsgrub bya'i ming yang dang yang bzlas nas nges par rlung mi 'ong bar 'gyur ro/ /mtsho ba ni don yod grub pa'o/ /de'i phyag rgya ni ral gri'o/ /bcings pa ni lag pa g.yas pa'i rdo rje khu tshur gyis bzung nas so// gdug pa'i sgra ni phran par bya/ /zhes bya ba ni gdug pa'i klu rnams so/ /de'i sgra ni bya khyud ste/ de dran par bya'o/ /ral gri de las bse shing gi aoM pakAM? phaT ces bya ba'i snying po bris nas 'gug pa sngon du song bas dmigs par bya'o/ /khros nas ral gri nges phaT don cing sgrin bar rlung la mngon par phyogs te/ brdeg par chas pa yang dang yang du pa'o/ /de ltar na rlung dang char pa zhi bar 'gyur ro/ /zhes la la ngag zer ro/ /sangs rgyas zhes bya ba la sogs pa rnams kyis sbyor ba'i che ba'i bdag nyid gsungs pa'o/ /gdug ba can thams cad gzhom pa'i phan kyis mdza' can gyi sngags brjod do/ /de'i phyir gsungs pa/ de la zhes bya ba la sogs pa'o/ /rdo rje 'dzin pa chen po'i sgrub thabs gsungs ba/ ye shes sems dpa' zhes bya ba la sogs pa la bar mdo'i? srid pa'i sems gzhug pa sngon du song ba rig ma dang/ skyes bu zhu bar gyur pa ni ye shes sems dpa' i sbyor ba'o/ /dbus su gzugs zhes bya ba ni/ bcu bdun pa las lha mo'i glus bskul ba khu par gyur pa sngon du song ba'i rdo rje 'dzin par bsgom par bya'o/ /'di nyid bstan pa'i phyir gsungs pa/ gnas bzhi ru zhes bya ba la sogs pa'o/ /pad+ma rab tu rgyas byas nas/ zhes bya ba la 'di skad gsungs pa yin te/ mtshan ma thob pa la sogs pa dpal rdo rje 'dzin pa'i rnal 'byor pa rang gi dkyil 'khor la gnas pa rang gi rigs kyi bu mo cho ga bzhin du rang snang bar byas nas/ de'i mkha' i dbyings su rdo rje bcug pas rgyas par gyur pa zla? ba zhu ba las byang ba hUM gi yi ge las ji lta ba bzhin du thabs dang shes rab kyi bdag nyid dkar po la sogs pa'i 'od zer lnga dang ldan pa nam mkha' khyab pa'i rdo rje 'dzin pa'i rnam par spros nas/ rang gi lus la sogs pa rnams la bcug pa ni rdo rje 'dzin pa chen po'i bdag nyid kyis byang chub thob pa'o/ /de nyid gsungs pa de ni zhes bya ba la sogs pa la/ rnam par snang mdzad 'od 'dra zhing/ zhes bya ba na 'khor lo ma gtogs pa de/ kha dog la sogs pa dang bcas pa'o/ /gang yang brjod pa pad+ma zhes bya ba la sogs pas pad+ma dang/ rdo rje dag gis rnam par dag pa zhes la la dag 'dod do/ /de ni bden pa ma yin te/ yi ge hUM zhes bya ba la sogs pas/ le'u bcu bdun pa las 'di gsungs ba nyid kyi phyir ro/ /sangs rgyas thams cad la sogs pa rnams kyi ye shes su gyur ba'i phyir sems can thams cad rdo rje 'dzin pa de las byung pa sgrub pa po'i rgyud la de'i gzugs kyi rdzogs pa ma byed pa'i ting nge 'dzin gang la yod pa de la de skad ces bya'o/ /sngar bshad pa'i mi snang ba'i dngos grub bsgrub pa'i dus su dam tshig nyams su blangs pa gsungs pa/ bud med ces bya ba la sogs pa la/ 'di skad gsungs pa yin te/ rig pa'i rtul zhugs spyad pa'i sngags pas rang gis dkyil 'khor la gnas pas 'jam dpal gyi rnal 'byor dang ldan pa/ gsang ba'i mchod pa las byung ba'i phyir/ gsang pa ni byang chub kyi sems te/ de ji lta ba bzhin nye bar longs spyod pa na gsungs pa'i phan yon du 'gyur ro/ /sha zhes bya ba ni rta'i sha ste/ gang gsungs pa/ rta sha dag gi dam tshig gi /mi snang ba'i bdag po 'grub ces ba'o/ /bsngags nas ni zhes bya ba ni/ yi ge gsum gyis sngags pa'o/ /cho ga zhes bya ba la sogs ba? sbyangs pa dang ldan pa'o/ /bshad pa cho ga bzhin blangs na/ zhes bya ba ni bza' ba la sogs brta'i sha dang bcas pa skyong? ba la sogs pa sngon du song ba'i yi ge gsum gyis mngon par sngags te/ rigs ma dang bcas pas bza' bar bya'o/ /de nyid 'og gi lam nas byung ba kham phor kha sbyar du gnas pa cho gas legs par sbyangs pa'i yi ge gsum mi? rang gi sngags kyis brgya rtsa brgyad du bsngags nas zos nas/ sangs rgyas kyis kyang mi mthong ngo/ / nyi ma gzas zin pa'i tshe sgrub po zhes bya ba ni man ngag gi? / de bzhin du khyi la sogs pa'i bsgrub pas kyang 'gyur ro/ zhes bya ba gsungs pa/ khyi sha zhes bya ba la sogs pa la/ de go sla'o/ /nga ni bshad pa dang zhes bya ba la sogs pas rnam bar snang mdzad dang mi skyod ba la sogs pa'i rigs lnga dang sku gsum gyi bye brag gis/ ril bu brgyad kyis mi snang ba bsgrub par bkod pa'o/ /de la ga bur ni byang chub kyi sems so/ /tsan dan ni? rkang dmar ro/ /'gi? wang na snying? drug ? go / a ka ru ni rnam par snang mdzad do/ /gur kum ni rang byung gi khrag go /'di yang ming gi bye brag las/ ga bur khu ba zhes su brjod/ /tsan dan rkang dang chil? ma'o/ /a ka ru ni dri chen bshad/ /sku gsum g+ha? ni khrag yin te?/ /gur? gum? bad skyes khrag du brjod/ /sahli? gci ba dag tu bshad/ /shag dang bcas pa'i she dag ni/ /gI wang mi rnams kyi ni 'dod ces gsungs so/ /lha thams cad kyi nang nas gang 'dod pas mi snang ba bsgrub pa gsungs pa byin gyis brlabs nas zhes bya ba la sogs pa ni go sla'o/ /ril bu bsgrub pa ni/ rim pa bcu gnyis par shin tu gsal bar bstan pa'i phyir 'dir ma bshad do/ /lha'i longs spyod rigs rtul zhugs zhes bya ba ni/ gzhan la mi 'gro ba'i lha'i bu no'o/ /gzugs khams gnas pa la zhes bya ba ni bsam gtan dang po la sogs pas thob pas 'dod pa'i 'dod chags dang bral bas zhes bya ba'i don to/ /stobs po che zhes bya ba ni gzhan gyi gzhom par mi nus pa'o/ /de nas zhes bya ba la sogs pas bdag nyid chen po gsungs pa/ e ma'o zhes pa ni ngo mtshar ba ste/ bsam gyis mi khyab pa'i nor bu dang sngags dang/ sman rnams kyi mthu yin pa'i phyir ro/ /'di zhes pa ni de ma thag du gsungs pa'o// gsang ba rnams kyi gnas yin te/ mi 'gyur ba zhes bya ba ni/ rdzogs pa la brtan pa nyid kyis so/ /ngo bo nyid kyis dag ces pa ni/ de nyid nyon mongs dang bral ba nyid kyis so// //chos zhes bya pa ni/ sngags kyi theg pa chen bo'o/ /shin tu dri med ces bya ba ni mi bden par brtags pa'i thams cad kyi gnyen po yin pa'i phyir/ da ni lha thams cad kyi dbang bskur ba'i don du nges par gsungs pa/ de nas zhes bya ba la sogS pa la/ rdo rje dag pa chos chen po/ zhes bya ba ni rnam par dag pa'i thabs dang shes rab gnyis su med pa'i chos kyi de kho na nyid 'dzin pa'i phyir ro/ /sems dpa' i rdo rje sbyor ba yis/ /zhes bya pa ni sems dpa' i rdo rje sems dpa' / /rdo rje zhes bya ba ni mi bskyod pa'o/ /de dag gi sbyor ba ni rgyu dang 'bras bu'i rang bzhin phan tshun rgyas 'debs pa ste/ des mnyes pa'o/ /sangs rgyas rdo rje can rnams zhes bya ba ni mi bskyod pa dang/ rdo rje 'dzin pa dag gi dbang ngo/ /'di skad gsungs ba yin te/ rdo rje 'dzin pas mi bskyod pa dbang bskur ba'o/ /rdo rje 'dzin pa yang mi bskyod pas so sangs rgyas byang chub ni rdo rje 'dzin pa'o/ /de'i rab tu dbye ba ni/ de'i rgyu mthun pa mi bskyod pa ste nges so/ /rdo rje can rnams zhes bya ba ni rnam par snang mdzad la sogs pa'i de bzhin gshegs pa rnams so/ /zhes la la dag 'dod do/ /'di ni yang dag pa ma yin te/ /gang gi phyir rdo rje 'dzin pa chen po tha mi dad pa'i gnas skabs rigs lnga'i bdag nyid du brjod par 'dod pas de bzhin gshegs pa lnga po nyid kyis dbang bskur bar rigs so/ /rnam par spros pa'i gnas skabs na/ rigs lnga rnams de'i bdag nyid yin par bshad par 'dod pas 'di nyid de bzhin gshegs pa rnams la rigs par 'gyur ba'o/ /byang chub sems dpa' rnams kyis ni rgyu dang 'bras bu rtogs par bya ba'i don du rang gi bdag po nyid do/ /de ltar yin pa ni/ 'bras bus rgyu la rgyas btab cing/ /'bras bu la yang rgyus rgyus? gdab ces bya ba ni/ bco brgyad pa las gsungs pa dang mi 'gal lo/ /rdo rje 'dzin pa la sogs pa yang rgyu dang 'bras bu'i dngos por grub pa nyid kyi phyir ro/ /gang gsungs ba sdom pa'i rgyud phyi ma las yum ni shes rab pha rol phyin/ /yang ni thabs la mkhas pa ste/ /rdo rje 'dzin pa 'dul ba'i phyir/ /rigs rnams kyang ni de las byung/ /zhes gsungs ba'o/ /de'i phyir de bzhin gshegs pa thams cad kyi dkyil 'khor 'don pa la thams cad kyi bdag po rdo rje 'dzin pa nyid yin par shes par bya ste/ byang chub sems dpa' rnams kyis ni/ /rang rang gi bdag pa nyid do/ /gzhan du na sku la sogs pa'i dkyil 'khor la mi bskyod pa bdag po'i nang du 'dus pa na/ tha dad pa nyams pa yin no/ /gal te sku rdo rje la sogs pa'i gzugs nyid de'i bdag por gyur na/ de bzhin du dbang bskur ba yang de yin par 'gyur te/ de nyid de'i dus su 'bras bu'i gtso bo nyid kyi phyir ro/ /mi bskyod pa ni shin tu rnam par dag pa me long lta bu'i ye shes nyid kyis shar gyis yi? tshe la nges pa nyid kyi phyir/ dbang bskur bar mi rigs so/ /'di ltar 'gyur te/ rin chen 'byung ldan la sogs pa rnams la/ nyes pa ci byas nas/ gang gis de rnams ma yin te/ sangs rgyas rnams gyi cod pan mi bskyod pa'o/ /zhes bzang bo zhabs kyi tshig dang 'gal bar 'gyur ro/ /zhe na 'gal mod bka' ma yin pas so 'gal pa yang ma yin te/ 'jam dpal rdo rje'i dkyil 'khor gyi dbang du byas nas bshang? ba'i phyir ro/ /'di ltar yang de la bdag pa la ni mi bskyod pa nang du bcug nas rnam par snang mdzad la sogs pa gdon par bya ste/ de'i phyir der gnas pa'i de bzhin gshegs pa rnams mi bskyod pa'i 'bras bus gyud? pa ste de'i phyir/ de rnams la de nyid kyis dbang bskur bar rigs so/ /de ltar spyan la sogs pa yang thal bar 'gyur ba ma yin te/ rang rang gi bdag por mos pas ston pa nyid kyi phyir ro/ /gzhan du na rgyu'i 'bras bu rgyas btab pa zhes pa dang 'gal bar 'gyur ro/ / de bzhin du yin du zin kyang spyan ras gzigs kyi dbang phyug la sogs pa/ byang chub sems dpa' rnams bdag bo nyid la de'i bdag po nyid kyi dbang bskur bar de bzhin gshegs pa rnams la 'gyur ro zhe na/ de ni 'dod pa yin te/ 'jam pa'i rdo rje dkyil 'khor bzhin no/ /gzhan yang de nyid bsdus pa las/ de bzhin gshegs pa thams cad kyis rin po che'i cod pan can khams gsum gyi rgyal po'i dbang thob po zhes gsungs so/ /yang 'di nyid du rdo rje dbyings kyi dbang phyug ma la sogs pas sangs rgyas kyi phyag rgya rnams kyi steng nas yang dag par brtsams nas/ logs bzhi la phreng bas dbang bskur ro/ /zhes bya ba'i tshig las so/ /rnal 'byor gyis rgyud las kyang de bzhin gshegs pa lnga'i cod pan dang ldan pa nyid brtan to/ /rnal 'byor bla ma las kyang ngo/ /dpal sangs rgyas thams cad kyang mnyam par sbyor ba las re shig spyi bo nyid dang dpral bar yang/ logs dang de bzhin rgyab du ni/ /sangs rgyas thams cad rin po che'i/ /cod pan mchog ni mi 'gyur ba'o/ /zhes gsungs pas so/ /dpal sgyu 'phrul dra ba las kyang/ /dbang bskur rdzogs pa'i sangs rgyas lnga/ /dar dang 'phreng bas yang dag ldan/ /ces gsungs pas so/ /rnal 'byor bla na med par yang de bzhin gshegs pa lngas dbang bskur ba can nyid de gang gsungs pa/ dpal nam mkha' dang mnyam pa'i rgyud las sangs rgyas lnga'i cod pan ni/ gang gis chos kyi rang bzhin te/ /sa gsum na ni chos 'dod bas/ /rdo rje sems dpa' la phyag 'tshal / zhes gsungs so/ /de bzhin du de dang po'i rnal 'byor gyis rgyud la sogs par rang? gi rtogs par bya ste/ gzhung mangs kyi dogs nas bdag gis ma bris so/ /de'i phyir sems dpa' rdo rje la sogs pa'i don 'di yin te/ sems dpa' rdo rje zhes bya ba ni rdo rje sems dpa' o/ /'di'i sbyor ba ni thabs dang shes rab kyi bdag nyid kyi sbyor bas te/ sangs rgyas rdo rje can rnams mnyes zhes bya ba ni mi bskyod pa la sogs pa de bzhin gshegs pa rnams so/ /sangs rgyas byang chub ni rdo rje 'dzin pa chen po nyid do/ /de'i rab tu dbye pa ni gtso bor mi bskyod pa la sogs pa'i de bzhin gshegs pa rnams so/ /des rdo rje 'dzin pa rnams mnyes par 'gyur/ zhes bya ba ni rdo rje 'dzin pa chen po las te/ de bzhin gshegs pa lnga rnams kyis 'di'i dbang bskur ba zhes bya ba'i don to/ /byang chub sems dpa' rnams kyi dbang du byas nas gsungs pa/ rdo rje zhes bya ba la sogs pa la/ 'di skad gsungs ba yin te/ sa'i snying po dang spyan dang gzugs rdo rje la? sogs pa rnams kyis dbu la rang rang gi rigs kyi bdag po bsam par bya'o/ /'khor lo sgyur ba'i rgyal po drug /gtsug tor zhes ni brtan pa yin/ zhes bco brgyad pa'i tshig las so/ /gshin rje gshed la sogs pa la yang rang gi rigs kyis bdag pos dbang? bskur bar brjod par bya ba gsungs pa/ khro bo zhes bya ba la sogs pa'o/ /rig pa'i rgyal po chos mchog rnams la zhes bya ba la/ rig pa'i rgyal po ni sa'i snying po la sogs pa dang/ spyan la sogs pa yang ngo/ /chos mchog ni rdo rje bdag ? gyur pa nyid kyi phyir gzugs rdo rje la sogs pa rnams so/ /dkon mchog dang la ni rnam par sgom pa zhes bya ba ni 'di rnams kyi rin po ches mtshan pa'i cod pan bsgom par bya ste/ 'di rnams nyid rig pa'i rgyal mo zhes bya ba la sogs ba'i ming du brjod de gang bco brgyad pa las/ dam tshig rdo rje sogs sdug? dang/ /sa la sogs pa rnam pa lnga/ /'byung dang 'byung las gyur drag pa/ /rig pa'i rgyal mo zhes byar 'dod/ /gzugs rdo rje la sogs pa drug / rdo rje bdag po zhes su dran/ zhes gsungs so/ /rig pa 'dzin pa rnams la dbang bskur ba ni/ dkon chog dpal lo/ /zhes la la zer ro/ /rigs kyi rgyal mo ni spyan la sogs pa dang/ 'dra ba'i sku la bye ma la sogs pa'i lha mo rnams so/ /gang bco brgyad pa las longs spyod bzhi ni mthu chen po/ /rig pa'i rgyal mo zhes byar grags/ zhes gsungs so/ /de'i sbyor bas tshe dpag med pa rab tu bsgom zhes bya ba ste/ 'chi bdag gis bdud las rgyal ba nyid kyi tshe dpag tu med pa ste/ de bzhin gshegs pa thams cad nyid do/ /de rnams kyi rigs kyi dbye bas skul byed ma la sogs pa rnams kyi mgo bo la rigs kyi bdag po bsgom par bya'o/ /gang mngon par rtogs pa la mi dgos pa 'di rnams tha dad par byas pa'o/ /de las gzhan dkyil 'khor ba ma yin pa rnams rang gi rigs kyi bdag pos/ dbang bskur ba bstan pa'i don du'o/ /rig pa'i rgyal mo ni rig pa 'dzin pa ste/ de'i mgo bo la snang ba mdza' yas bsgom zhes la la dag 'dod do/ /las thams cad pa'i sngags ni ? gzhug pa'o/ /de rnams la don yod grub pa bsgom mo/ /'dis khyad par gsungs pa/ thams cad ces bya ba la sogs pa la/ thams cad nyid 'jig rten pa dang 'jig rten las 'das pa'i lha rnams/ mgo po la rdo rje 'dzin pa bsgom par bya ste/ sna tshogs de'i bdag nyid yin pa'i phyir ro/ /de yang sgyu 'phrul dra ba las/ /rdo rje sems dpa' sems dpa' che/ /kun gyi thugs ni yongs rdzogs byed/ /yang dang yang du bskul ba nyid/ /thams cad rtsal po'i thabs la gnas/ /zhes gsungs so/ /de'i phyir dbang bskur ba thams cad bcom ldan 'das yin par brjod par bya'o/ /gnod sbyin so'i sngags rgyud la zhes bya ba ni gnod sbyin mo'i don du sngags la gus par byed pa'o/ /gshin rje gshed ni brtag par bya/ /zhes bya ba ni gnod sbyin mo'i bsgrub pa'i phyir rang yang 'jam dpal gyi sbyor ba dang ldan pas des mgo bo la gshin rje gshed bsgom par bya ste/ /gnod sbyin mo thams cad de la rag las pas so/ /dbang bskur ba'i lha'i gnas nges par gsungs pa thams cad ces bya ba la sogs pa la/ thabs dang shes rab kyi bdag nyid kyis sangs rgyas la sogs pa ma lus pa'i sbyar lha'i? spyi bo ni/ spyi gtsug go// bskur ba ni sgom pa'o/ /'di nyid kyis thabs kyi bzhin du de'i shes rab kyi dbang bskur ba ston to/ /bsam gtan rdo rje 'di yis zhes bya ba ni/ gsungs ma thag pa'i dbang bskur ba'i rim gyis bsam gtan gyi lha'i dkyil 'khor gyis so?/ / sngags mnyes pa'i dkyil 'khor te ces bya ba ni/ sngar gyi bsnyen ba lha mnyes par byed pa'i dkyil 'khor te/ sgrub pa po rnams la mngon par 'dod pa'i 'bras bu thob par byas pa'i phyir/ phan par bstan pa'o/ /dam tshig chen po sgrub byed pa/ zhes bya ba ni/ rdo rje 'dzin pa chen po la sogs pa dngos grub 'grub pa'i dkyil 'khor la yang 'di nyid kyi bsam gtan gyi 'khor los bya'o/ /zhes sngar gyi dang 'brel pa'o/ /'di skad gsungs pa yin te/ sngar gyi bsnyen pa dang sgrub pa'i dus su yang ji lta ba bzhin du/ dbang bskur ba'i dkyil 'khor bsgom par bya'o/ /rang gi dngos grub la sogs pa nges pa'i don du snod la lha dbab pa'i sbyor ba gsungs pa de nas zhes bya ba la sogs pa la/ bsam gtan rdo rje rab tu bya? zhes bya ba ni snod la lha 'jug pa la sogs pa'i don du mi phyed par dmigs pa'o/ /bzlas dang zhes bya ba ni bzlas par bya'o/ /sngags kyi sbyor bas zhes bya ba ni hUM la sogs pa rnams kyis dbang chen gyi dkyil 'khor la sogs pa ji lta ba bzhin du dgod pa'i sbyor bas so/ /de ltar byas pas cir 'gyur zhe na gsungs pa/ rdo rje zhes bya ba la sogs pa la/ las rnams sna tshogs zhes bya ba ni/ dkyil 'khor bri ba la sogs pa thams cad rmad du byung ba rdzogs pa'o/ /'di nyid rgyas par gsungs pa/ rdo rje chos zhes bya ba la sogs pa la ji lta ba bzhin du yi ge as? snang ba mdza' yas kyis gzugs so/ /hUM dang aoM dag gis mi bskyod pa dang/ rnam par snang mdzad kyi gzugs su snod bsgoms nas so/ /de'i gnas gsum du ni rigs brtag go /zhes bya ba ni snying ga dang mgo bo dang/ lkog ma rnams la rang gi sa bon las byung ba dbang chen dang/ chu dang rlung gi dkyil 'khor rnams la hUM dang ta? dang a'i yi ge las zhes bya ba rig nges par bya'o/ /zhes la la dga' 'dod do/ /de'i snying gar dbang chen gyi dkyil 'khor la hUM yig nag po dgong par bya/ /thugs kyi rdo rje rdzogs byas nas/ /de yi yang ni snying ga ru/ /chu yi dkyil 'khor dbus su ni/ /sku yi rdo rje kha dog dkar/ /dpa' bo yi ge ha las byung/ /bltas na 'od zer gyis ni mdzes/ /de'i snying gar rlung dkyil 'khor/ /aoM las pad+ma rdo rje can/ /dmar po 'od zer 'bar ba'i mgon/ /rnam par nges rdzogs de bzhin du/ /bsgrub bya 'od dpag med pa'i gzugs/ /zhal dang phyag dang mtshon char bcas/ /zhes la la dag 'dod do/ /de nas lha babs par 'dod pas lha de rnams gnod mdzes kyis bkug te/ snod der gzhug par bsam par bya'o/ /snod de'i yang rkang pa'i 'og dag du me dang rlung gi dkyil 'khor la gnas pa dzho'i yi ges bteg pa dang ldan pa hUM la sogs pa'i 'od zer rnams kyis gang bar lus thams cad bsgom par bya'o/ /de nas bdug spos gtul zhing hUM hadzhai'i A be sha staM b+ha yar ra zhes bya ba la sogs pa'i sngags brjod par bya'o/ /'di la sogs pa 'bab pa'i cho ga thams cad byas nas 'bab par 'gyur ro/ /gang gi tshe dbab par bya ba ring du 'bar ba de'i tshe/ /de'i steng du rdo rje rang bzhin gyi ri rab bo/ /de'i steng du dbang chen gyi dkyil 'khor ro/ /de'i steng du rdo rje ser po rtse mo lnga pa'o/ /de'i steng du yi ge a'o/ /de'i steng du rnam par snang mdzad gnas par bsgoms nas ldog par 'gyur ro/ /gal te smra bar 'dod na de'i tshe lce la yi ge a dmar po 'bar ba'i phreng ba dang ldan pa bsgoms nas bru hi badzra zhes bzlas na 'di ltar bden par smra bar 'gyur ro/ /slar? gshegs su gsol pa ni/ aoM kri d+ho b+ha ba zhes bya ba la sogs pa sngon du song pa hUM hapa brjod par bya'o/ /dbab pa'i mtshan nyid bstan pa'i phyed du gsungs pa bskul zhes bya ba la sogs pa la/ bskul ba ni rab tu slong ba'o/ /rengs pa ni mi g.ye? ba'i dngos po'o/ /lha chen po ni zhes bya ba ni 'das pa la sogs pa'i ye shes so// sdig pa'i chos rnams las ring du song bas na 'phags pa ste/ byang chub sems dpa' dang sangs rgyas bcom ldan 'das kyang ngo/ /de'i sar skyes pa'i ye shes ni 'phags pa'i sa'o/ /de nyid bskul ba nas brtsams nas bzhi'o/ /'di skad gsungs pa yin te/ ji ltar srid par sngon dge ba'i rtsa ba bsags pa'i stobs las/ /dbang bskur ba la sogs pa nas thams cad mkhyen pa'i ye shes bskyed pa zhes bya ba'i bar du'o/ /sa dang bar snang dang/ sa bla la gnas pa'i lha dang/ 'phags pa rnams dbab pa'i dbang gis bskul ba la sogs pa'i khyad par ro/ /zhes la la dag 'dod do/ /bya zhes bya ba ni sta gon la gnas pa la sogs pa sngon du song ba'o/ /rdo rje grub pa dag gis bya pa ni sems brtan pas so/ /lo grangs bcu gnyis zhes bya ba la sogs pas dkyil 'khor bri ba'i don du snod kyi bye brag nges par bstan pa gsungs pa'o/ /cho ga thams cad byas nas ni/ /zhes bya ba ni rig pa'i bzlas pa nyid dang sems brtan pa nyid kyis slob pa la sogs pa sta gon la gnas pa la sogs pa dang/ dkyil 'khor bri ba'i yo byad nas zhes bya ba'i don to/ /de la 'di rnams zhes bya ba la sogs pas dbab pa'i dbang du byas nas sngags gsungs pa'o/ /hUM yig ces bya la sogs pas sngags kyi de kho na nyid gsungs so/ /snga ma bzhin nyid du thams cad ces bya ba la sogs pa ji ltar snang ba mdza' yas kyi cho ga dbab pa'i cho ga gsungs pa de bzhin du sku rdo rje la sogs pa dbab par bya'o zhes ston to/ /sngar gsungs pa'i mngon spyod kyi cho ga la ma gsungs rdzogs par bdud rtsi 'khyil pa'i 'chad par 'gyur ba'i sngags kyi sbyor ba gsungs pa/ de na zhes bya la sogs pa la/ rtse gcig ma gyur ba yis kyang/ /zhes bya ni sems dbang du byed pa ma thob pas kyang ngo/ /brtul zhugs brtan pas zhes bya ba ni mi phyed par bsgoms pa la sogs pa la nges par gsungs so/ /sbyor ba gzhan min pas zhes bya ba ni/ gang gi sngags kyis gang gi sbyor ba gzhan bya ba la de nyid kyi ting nge 'dzin gyis de bya'o/ /dur khrod ces bya ba la sogs pa la/ sogs pa'i sgras ni rkang pa'i rdul la sogs pa bzung bar bya'o/ /sbyor ba ni 'dir bcu bzhi pa las/ dbyug sngon can bzhin du rtogs par bya'o/ /bsad pa'i sbyin sreg gsungs pa/ ba lang sha zhes bya ba la sogs pa ba lang sha la sogs rnams kyi dgra'i gzugs byas nas dgug pa la sogs pa sngon du song bas de'i snying gar mid dang spel ba'i sngags gzhug par bya ste/ gru gsum du? ngur? khrod kyi sa dang thal bas me'i dkyil 'khor la 'am/ ril sogs pa ral pa'i mtshams su cho ga bzhin du bdud rtsi 'khyil pa'i zhal du/ sbyin sreg byas nas ji skad gsungs par 'gyur ro/ /sha chen zhes bya ba la sogs pas mi'i? sha shin tu nus ba che bar bshad do/ /chos mchog can zhes bya ba ni gnyis su med pa'i ye shes dang ldan pa'i rnal 'byor pa'o/ /mir skye ba nyid kyis phyir dang phyis 'byung ba'i mi bskyod pa nyid kyi phyir bsgrub bya ni chos mchog can no/ /zhes kha cig 'dod do/ /chu bo 'bab pa'i 'gram gnyis kyi sa la gzugs brnyan byas nas de'i mgo byang phyogs su bstan nas/ dug las byung ba'i tsher mas zhes bya ba ni dug dang bcas pa'i sdig pa'i tsher ma dang/ dug gis bcos pa'i bilba? la sogs pa'i tsher mas/ che ge mo sod cig ces bskul ba dang bcas pas shin tu khros pa'i sngags 'don cing kun tu gang bar bya'o/ /'bru mar zhes bya ba ni mi'i tshil bu'o/ /shi ba'i lce dang dpral ba dang snying dang/ sna dang mig blangs nas sgrub pa'o zhes la la dag 'dod do/ /nga ru ra dag dang zhes bya ba ni/ rim pa gsum pa'i myos byed sngon po'o/ /'di rnams kyi mngon spyod kyi sngags bris nas gzhug pa'o/ /sol ba zhes bya ba ni 'byung po'i? nyi ma la mtshon gyis bsad pa'i ro nyal sar/ myos byed kyi shing bsregs pa'i sol ba'o/ /gos zhes bya ba ni dur khrod kyi'o/ /srin po'i sbyor ba ni bcu bzhi par gsungs pa de nyid rab tu rtogs par bya'o/ /tsha ba chen pos btab par 'gyur/ /zhes bya ba ni gcod pa'i mthus so/ /las kyi tshogs 'di nyid bsgrub pa'i phyir/ bdud rtsi 'khyil pa'i sngags gsungs ba/ de la 'di ni zhes bya ba la sogs pa la sbyin sreg ces bya ba ni/ ma rungs pa'i cho gar gsungs pa'o/ /ma yangs pa'i sems kyis zhes bya ba ni/ sems la dbang thob pa'i rnal 'byor pas so/ /khros pa'i lha'i sbyor bas mngon spyod kyi sbyor bar gsungs pa/ rdo rje sems dpa' zhes bya ba la sogs pa la/ ji lta ba bzhin du sdig pa nye bar 'phel bar byed pa'i sems can bsad par bya ba gsungs pa'o/ /de la zhes bya ba la sogs pa la/ 'di yang bla ma'i man ngag las/ kha sbyar dbye ba la sogs par shes par bya'o// mchu rings? zhes bya ba la sogs pa ni/ kaM ka la sogs pa bya'i khyad par ro/ /bsam pa'i sprul gyi sbyor ba gsungs pa/ /sprul nas ces bya ba la sogs pa/ nges zos pas zhes bya ba 'di skad gsungs pa yin te/ yi ge khaM las sprul nag du bsgoms nas/ yi ge h+ri'i lcags kyus ha la ha la dug de la bkug nas/ des bsgrub bya'i dpral bar zin par bsgoms nas ji skad gsungs pa bzhin du 'gyur ro/ /yams ni nye bar 'tshe ba'i nang dang/ gnod pa ni srin po la sogs pas byas pa'i nyes pa'o/ /rab tu drag po yis zhes bya ba ni 'bar ba dang bcas pa'i tho ba'o/ /gsheg pa ni dum bu gnyis su byed pa'o/ /gtub ces bya ba ni shin tu btub pa'i sta res yan lag dang nyid lag thams cad bshig pa'o/ /rdo rje sems dpa' drag po zhes bya ba la de'i rnal 'byor pa dgug pa'o/ /ji lta ba bzhin du bla ma las shes par byas nas/ bsgrub par bya ba'i srung ba la sogs pa/ phur bus gdab par gsungs pa/ srung ba zhes bya ba la sogs bas so/ /phung po zhes bya ba la sogs pa ni/ bla ma'i man ngag las shes par bya ba'i kha sbyar dbye ba bstan to/ /'gyod pa spangs pa'i phyir gsungs pa/ e ma'o/ zhes bya ba la sogs pa la/ ngo bo nyid kyis dag ba la ni rig pas rang bzhin gyis rnam bar dag pa nyid kyi phyir/ chos thams cad do/ /rdo rje theg pa bla na med ces bya ba ni/ thabs dang shes rab kyi ye shes dang ldan pa'i ma rungs pa'i las rnams kyis kyang/ rdzogs pa'i byang chub bskyed pa nyid kyi phyir ro/ /ma skyes pa zhes bya ba ni/ bzung ba la sogs pa'i ngo bos de kho na nyid du yod pa ma yin pa rnams la'o/ /las phran tshegs kyi gsang ba zhes bya ba ni ma lus pa'i ye shes ma thob pas ye shes la 'jug par cung zhig thob pa'i rnal 'byor la ni/ phran tshegs so/ /de rnams kyi las kyi gsang ba ni/ bri ba la sogs pa'i bdag nyid do/ /de la rdo rgyus kyi sbyor ba gsungs pa/ rdo rgyus zhes bya ba la sogs pa la/ 'di'i don ni gang 'dod pa'i sbyor ba sngon du song khaM gyi yi ge brgyad rtsa brgyad kyi sngags pa'i rdo rgyus dang/ dur khrod kyi sol bas ji skad gsungs pa'i sprul bris nas de'i khang yi ge khaM nag pos sos 'dzin pa'i bdag nyid kyi dug chen po gzhug par bya'o/ /dgug pa zhes bya ba ni/ nam mkha' la gnas pa'i yi ge h+ri? khams gsum na gnas pa'i brtan pa dang/ g.yo pa'i dug bkug nas de nyid la dbab par bsam par bya zhes bya ba'i don te/ de nyid kyi phyir 'bab par 'gyur ba rnam par bsam zhes bya ba la/ de nas khaM gyi yi ges sprul bskul nas gang gzung bar bya ba 'dzin par bsams nas nges par nges 'dzin par 'gyur ro/ /zhes bya ba'i don to/ /sbyor bar bya ba'i mtshan nyid kyis zhes bya ba ni gsungs ma thag pa'i bsgom ba'i rim gyis dug dang ldan pa'i spal pa la sogs pas kyang gdug pa 'dzin du gzhug go / zhes bya ba'i don to/ /dug thams cad 'pho ba zhes bya ba ni/ rnam par snang mdzad kyi sbyor ba sngon du song bas yi ge aoM yongs su gyur pa las/ aoM dang bcas pa'i 'khor lo lag pa g.yas bar thogs par bsams nas bya bas bar de bsgrub bya'i lus la drug blangs nas nam mkha' la sogs pa la 'pho bar bya'o/ /'di nyid kyis cho gas dug yod pa/ dug med par bya ba dang/ dug med pa ni dug dang bcas par bya'o/ /skyug pa dag du rnam bsams nas/ zhes bya ba ni/ rdo rje 'dzin pa'i rnal 'byor dang ldan pas bsgrub par bya ba'i snying gar zla ba'i dkyil 'khor la yi ge hUM las byung ba'i rdo rje dkar po'i 'od zer bsil ba rnams kyis lus thams cad la gnas pa'i dug bkug te/ snying ga dang mgrin pa dang dbral ba dang/ mgo bo la brten pa la lan gnyis gsum du byas nas de yang rim gyis snying ga la gnas pa nyid dang/ bsgrub bya kha dog nag por skyug par bsgom par bya'o/ /dbugs nag po phyir 'byung ba bsgom par bya'o/ /zhes la la dag 'dod do/ /snang ba mdza' yas kyi sbyor bas nye ba'i dug thams cad gso pa gsungs pa/ 'dab ma brgyad ces bya ba la sogs pa la/ 'di'i don ni yi ge a las byung ba'i pad+ma 'dab ma brgyad pa la gnas pa a yig dkar po la sogs pa'i 'od zer lnga dang bcos pa/ lag pa g.yas par bsams nas bya bas par bya ste/ 'bras dang sdom gyi dug la sogs pa med par 'gyur ro/ /ji ltar zhen gsungs pa/ 'gugs pa zhes bya ba la sogs pa la/ 'gugs pa'i dus su bzung ba'i dug gis nag por byas nas/ gzhug pa la yang dug gzhan du 'phos pa'i phyir 'od zer dkar po bsgom par bya ba'o zhes bya ba'i don to/ /'dir yang sngar gsungs pa'i bya ba pa'i sbyor ba las yang lta bar bya'o/ /mdor bsdus pas sdig pa gsal bar bya ba'i phyed du gsungs pa/ de la 'di ni zhes bya ba la sogs pa la/ yi ge'i tshig rnams zhes bya ba ni/ sku rdo rje la sogs pa gang 'dod pa'i sngags so/ /de 'dra ba'i gzugs ni bsgom par bya'o/ /zhes bya ba ni/ sngags kyi rjes su mthun pa'i lha'i sbyor ba bya'o/ /nad kyi rdo rje bskul ba yis zhes bya ba ni bsgom pa mngon du song ba'i sngags brjod pas so/ /spre'u zhes bya ba la sogs pas/ sdig pa'i rnam pa gsungs pa'o/ /des ni phye mar brlag par bskom par bya zhes bya ba ni/ 'di skrad gsungs pa yin te/ rang gi dkyil 'khor la ma rungs pa'i rnam par snang? mdzad la sogs p a gang 'dod pa ri sbyor ba dang ldan pas sngar gyi bsnyen pa byas pa'i sems brtan pos dzi na dzig ces bya ba la sogs sngags gang 'dod pa'i snying po rang gi gdan la gnas pa 'od zer dang bcas pa sdig pa byes pa'i lta bar bsgom par byas nas/ de'i snying ga'i yi ge kaM nag po sgrob pa thams cad kyi bag chags kyi sa bon lte ba la gnas pa'i sngag kyi 'od zer gyis gyen du 'degs pa dang ldan pas de yang ji srid du snying gar phyin nas rnam par snang mdzad kyi gzugs de bzhin gshegs pa thams cad kyi rnam par dag pa bsod nams dang ye shes kyi tshogs yongs su gsal bar bya ba'i ye shes kyi me'i rang gi ngo bor gyur pa na de'i tshe yi ge kaM yang sna'i rtse mor byung ste/ nag po'i che byang spre'u la sogs pa'i gzugs shin tu 'khrugs par bskom par bya'o/ /de nas rang gi lag pa la gnas pa'i 'khor lo 'bar ba la sogs pas aoM A:dzi na dzi ka sdig pa thams cad choms shig /hUM zhes bya ba ni de bzhin du spel ba'i sbyor bas skul sogs ba'i sngags brjod cing brgyab pas phye mar bya'o/ /bsgrub bya yang sdig pa dang bral bar bltas la/ ji lta ba bzhin du de bzhin gshegs pa la sogs pa bkug nas de'i lus la gzhug te/ phung po dang khams dang/ skye mched kyi ngo bo nyid kyis yongs su gyur pa bsgom par bya ste/ de nas sngar gyi bzhin du dbang bskur bar bya'o/ /de de ltar ni de bzhin du/ de bzhin gshegs pa thams cad kyis byin gyis brlab par 'gyur ro/ /de'i phyir gsungs pa de nas brtsams te/ zhes bya'o/ /'di'i sbyor bas phyi'i nang dang gsal bar sbyar ro/ /rims la yang man ngag gi khyad par bshad pa rnam par snang mdzad kyi sbyor bas yi ge aoM dkar po dpag tu med pa'i 'od zer 'phro ba tshab rims kyis btab pa'i mgo bo la bkod de / de'i gangs bzhin du bsil ba'i 'od zer gyis 'og du rims khyer bar bsgom par bya'o/ /'od nyid kyi grangs ba'i rims dang bral bar byed do/ /'on kyang me 'bar ba'i gzugs bsgom par bya'o/ /gang gi tshe tshigs kyi bar rnams kyi ma grol bde'i tshe/ de la 'bar ba'i phaT kyi yi ge bsgom par bya'o/ /de nas byung ba'i rim gyis rkang pa dbus ma rkang pa g.yon pas mnan te/ sngar gyi 'khor lor brdeg par bya'o/ /rim gyis rnam pa ni lag pa gsum pa dang/ rang pa gsum dang mgo bo gsum pa rnams so/ /shin tu dmar ba'o? rims lto ba 'phyang ba smar? 'bar ba gyen la skra kham pa gyen du 'khyil ba dang bcas pa'o/ /grang ba la yang dkar ba'o rang bzhin du skra thur du bsil ba bsgoms te/ /chu'i thigs pa grang? dad bcas pa la 'byung ba'o/ /de bzhin du thugs rdo rje la sogs pa'i sbyor bas kyang/ ji lta ba bzhin du lta bar bya'o/ /rang lus zhes bya ba la sogs par sbyor ba gzhan gsungs pa de la cho ga ni 'di yin te/ phyogs btsun gnas pa'i ma rungs pa'i rdo rje 'dzin pa'i rdo rje'i 'od zer rnams kyis nad pa'i bdag nyid snang ba med par byas nas yang/ de rnams nyid rjes su bzung bar rtsom na/ zhi ba'i sems bsgom par bya'o/ /de nas sangs rgyas thams cad kyi sprin rnam par shes ba la char pa bzhin du gzhug te/ de'i lus la sogs pa yongs su gang bar bsgrub par bya'o/ /sbyor ba 'dis thun bzhir brgya rtsa brgyad nyis bdun bzlas pas nad thams cad dang bral bar 'gyur ro/ /yang na zhes bya ba la sogs pas/ rang gi lha'i sbyor bas kyang de bya'o/ /zhes gsungs pa'o/ /bsgom pa la sogs pa la mngon par mos pa la rmi lam la sogs pa re zhig /dngos grub kyi mtshan ma gsungs pa de nas zhes bya ba la sogs pa la/ ye shes kyi zhes bya ba la ye shes ni thabs dang shes rab kyi bdag nyid kyi thugs so/ /de nyid 'khor ba dang mya ngan las 'das la gcig gi mthar lhung ba 'gugs pa'i phyir lcags bya'o/ /de yang 'dir ? bzhin gyis 'od gsal ba'i phyir 'od po che'o/ /rmi lam na bud med kyi bde ba brnyed pa ltar don byed pa'i phyir rmi lam lta bu'o/ /don dam par bden pa ma yin pa'i phyir/ ngo bo nyid kyis ma skyes pa'o/ /de'i phyir rang bzhin gyis dri ma med pa'i phyir chos thams cad rang bzhin dag pa de nyid la'o/ /'khrul pa'i rdo rje rab tu gsungs/ zhes bya ba ni kun rdzob tu dngos grub 'grub pa la sogs pa bshad pa'o/ /zhes bya ba'i don to/ /don dam par gnyis su med par dngos por thams ca gnas pas sgrub pa po gang gis bsgrub par bya ba gang cung zad kyang med pa'o/ /de'i phyir ji ltar kun rdzob tu dngos grub grub pa de'i mtshan ma yang de bzhin du rmi lam lta bur 'gyur pa gsungs pa/ sgrub pa pos ni rtag tu mthong zhes pa la sogs pa'o/ /dbye ba rnam pa gnyis su mthong zhes bya ba 'di nyid kyi gnyid log pa dang ma log pa'i gnas skabs kyi dbye bas so/ /byang chub ye shes mchog thob las zhes bya ba ni/ byang chub mngon sum du byas pa'o/ /sangs rgyas rdzogs longs spyod pa'i sku/ zhes bya ba ni 'og min na gnas pa'o/ /sems can chen po khams gsum pas zhes bya ba ni/ sangs rgyas kyi zhing thams cad du sprul pa'i sku'i bdag nyid la lha la sogs pa rnams kyis mchod pa byed par mthod pa'o/ /chos kyi mdzod ces bya ba ni zab pa dang/ rgya che ba'i don gsal bar byed pa'i gsung rab ni mdzod do/ /mtshan ma'i mngon par zhen pa spang pa'i ched du rmi lam dpyad pa gsungs pa/ de la 'di ni zhes bya ba la sogs pa la/ gang gi phyir 'di rnams brtags pa'i dngos po rnams te/ nam mkha' bzhin rang gi sems ni chos thams cad ces bya ba 'dir sbyar ro/ /ji ltar zhe na gsungs pa/ sems ni dmigs pa la zhes bya ba ni rang rig pa tsam gyis mtshan nyid la phung po la sogs pa'i chos thams cad kyi mtshan nyid de'i bdag nyi du gnas pa'o/ /'dir rgyu gsungs pa/ nam mkha' nas bya ba la sogs pa la/ gang gi phyir 'di rnams brtags pa'i dngos po rnams te/ nam mkha' bzhin du tha snyad tsam gyis yul rnams yin te/ de kho na nyid du yong ba ma yin pa'i mtshan nyid do/ /des na rigs pas chos med chos nyid med pa'o/ /zhes so/ /sems 'khrul pas sgro btags pa tsam du 'gro ba 'di dag yang dag pa ma yin par shes nas ngo mtshar du gyur rmad du gyur pa'o/ /ci zhig lags zhes bya ba ni spong ba'o/ /chos rnams ngo bo nyid med pa la zhes bya ba ni rang gi mtshan nyid dang bral ba'i phyir rdzas su med pa'o/ /nam mkha' la ni zhes bya ba ni ma skyes pa la'o/ /nam mkha' bsgom zhes bya ba la ni chos kyi dbyings kyi rang bzhin rdo rje sems dpa' bsgom pa 'di ni kun rdzob tu zhes bya ba'i don to/ /de yang gsungs pa/ sdom pa bla ma las/ rtog pa med pa'i chos rnams la/ /sems can don du yongs brtags na/ /de yis brtags pa yang dag bshad/ /rtags pa yi ni yongs su dag ces so/ /de nyid kyi dpes lan gsungs pa de nas zhes bya ba la sogs pa la/ ldan pa ma yin zhes bya ba ni dngos po med pa'i phyir ro/ /mi ldan pa yang ma yin zhes bya ba ni/ de'i bdag nyid kyi phyir dngos po thams cad kyi'o/ /de bzhin du zhes bya ba ni dpe'i rigs dngos? so/ /rmi lam gyi dam tshig las byung ba zhes bya ba ni rmi lam gyi mtshon ma'i rgya las byung ba rdo rje 'dzin pa la sogs pa grub pa'o/ /rtag tu med pa zhes bya ba la sogs pa med pa'i phyir mig la sogs pa bzung ba ma yin pa'i thogs pa med pa ces bya ba ni gnyen po dang bral bas so/ /de yang gsungs pa/ sa khams rtog tu gnod bya yin/ /me chu rlung ni chen po yis/ /de yang phan tshun gnod par ldan/ /nam mkha' rtag tu gnod pa med ces so/ /'dra ba med pa'i phyir rab tu mi mnyam pa'o/ /dpyad par bya ba med pa'i phyir mi snang ba'o/ /de bzhin du zhes bya ba ni ji ltar gsungs pa'i rigs pas so/ /lus la sogs pa rdo rje'i dam tshig du gnas pa zhes bya ba ni gnyis su med pa'i dam tshig gi chos nyid do/ /zhes bya pa'i sgras mthar thug pa ste/ /'dis kun tu brtags pa'i mngon par zhen pa bkod pa'o/ /'di lta ste zhes bya ba la sogs pa na/ gzhan gyi dbang gi rang bzhin bkag pa ste/ de bzhin gshegs pa thams cad kyi ye shes 'byung ba nyid rdo rje gnas de/ de byed pa de la de skad ces bya ste/ me long lta bu la sogs pa'i ye shes rdzogs pa'i bar du'o/ /rmi lam la rtag med pa'i gnas su rjes su rtogs par bya zhes bya ba ni/ de kho na nyid du ma skyes pa yang/ rmi lam bzhin du don gyi bya ba byed par rig par bya'o/ /brtags pa dang bral ba nyid kyis kyang rten cing 'brel par 'byung ba'i chos nyid kyis 'gal ba med pa'o/ /'di lta ste zhes bya ba la sogs pa la/ yid bzhin gyi nor bu'i dngos bshad do// de nas zhes bya ba la sogs pa'i dri ba dang lan dag gi snar bshad pa'i dngos grub la/ dngos por dmigs pa bsal ba'o/ /de ltar na yongs su grub pa'i rang bzhin yin par 'gyur te/ nam mkha' zhes bya ba la sogs pas rtogs par bya'o/ /rang gi sems kyi chos nyid la gnas pa zhes bya ba ni/ rang gi sems kyi chos nyid/ so sor rtogs pa'o/ /de'i ma skyes pa'i sbyor ba bsgom zhing cang mi gsung bar 'khod par 'gyur ro/ /zhes bya ba ni chos kyi re kho na nyid rtog pas dag gi g.yeng ba dang bral bas 'khod par 'gyur ro/ /sems thams cad kyi zhes bya ba chos kyi dbyings kyi ngo bo nyid kyis thams cad du 'gro ba'i phyir byang chub kyi sems te/ de bzhin du yang bcom ldan 'das/ ji ltar thams cad sems yin zhes dris? pa'i lan du gsungs pa/ sngom pa bla ma las/ bsam med zab cing rgya che ba'i/ /dngos grub thams cad bde ba thog /thams cad khyab pa dri ma med/ /byang chub sems su 'dod brtan pa/ zhes so/ /de nyid dam tshig gis snying po ste/ thams cad rgyur gyur pa nyid kyi phyir ro/ /de'i rdo rje bzhin mi phyed pa las/ byung ba rnam par snang mdzad la sogs pa'i gzugs kyis rdzogs pa ste/ le'u gang gsungs pa de la de skad ces bya'o// dpal gsang ba 'dus pa'i dka' 'grel/ rgyal bas byin pas mdzad pa las le'u bco lnga pa'i bshad pa'o// //de bzhin du rmi lam la sogs pa'i mtshan ma nye bar thob nas/ rang gi dkyil 'khor la gnas te/ dngos grub bsgrub par bya'o/ /de'i phyir de nas zhes bya ba la sogs pa dngos grub thams cad kyi dkyil 'khor rdo rje mngon par byang chub pa'i rdo rje'i le'u gsungs pa/ de bzhin gshegs pa thams cad kyi sku dang gsung du thugs rdo rje'i dam tig gi zhes bya ba ni/ de bzhin gshegs pa kun zhi ba/ zhes bya ba la sogs pa le'u bzhi pa las gsungs pa'i bstod pa'i tshig gis so/ /phyag na rdo rje zhes bya ba la sogs pa ni byang chub kyi sems kyi bdag nyid kyi rdo rje phyag na gang yod pa de la de skad ces bya'o/ /gang yang rtog pa thams cad bsdus pa las/ gsum po mi phyed bdud rnams kyis/ /gang yang rnam smin de bzhin du/ /byang sems rdo rje rang bzhin ni/ /sangs rgyas thams cad brtan pa'i sku/ /de 'dra'i rdo rje gsal pa tshan ni/ sangs rgyas kun gyi mtshon cha de/ /rtag tu phyag tu 'dzin pa ni/ /phyag na rdo rjer de brjod bya/ /zhes gsungs so/ /rdo rje thams cad kyi dkyil 'khor zhes bya ba ni/ sku'i dkyil 'khor ro/ /de nyid mthong ba la sogs pas kun nas nyon mongs pa thams cad 'joms pa'i phyir ser? ge'i/ /sangs rgyas thams cad la sogs pa'i rgyu nyid kyi phyir/ dam tshig gi rgyal po'o/ /de spros par byed pa'i bye brag ni bkod pa'o/ /de la dmigs pa'i ting nge 'dzin la yang de skad ces bya'o/ / rdo rje tshogs bri bar bya/ /zhes bya ba ni sa bzung ba la sogs pa sngon du song bas rtsa ba'i dkyil 'khor gyi phyed kyi rdo rje sras bus bskor ba ka ba brgyad gyis mdzes pa'i dkyil 'khor zlum po bri bar bya'o/ /zhes bya ba'i don to/ /phyag rgya rdo rje'i gnas su bya/ zhes bya ba ni/ phyag rgya ni phyag mtshan no/ /de nyid rdo rje rnams te/ sangs rgyas la sogs pa'i rten te gnas su bya'o/ /rang rang gi gnas su/ phyag rgya mtshan ma'i ngo bos de bzhin/ gshegs pa la sogs pa dgod do zhes bya ba'i don to/ /thabs dang shes rab kyi bdag nyid phyag rgya chen po'i gzugs kyis bri ba ni ma yin te/ mu stegs rnams la phan gdags phyir/ sangs rgyas btsun mo rab tu spras/ zhes bya ba'i tshig las so/ /dgod pa nyid gsungs pa/ dbus su rnam par snang mdzad ces bya ba la sogs pas 'di skad brjod pa yin te/ dbus su rnam par snang mdzad kyi phyag mtshan bris nas de'i gnas su mi bskyod pa'i/ /dkyil 'khor pa lhag ma rnams kyi mtshan ma ni thugs kyi dkyil 'khor bzhin du bri bar bya'o/ /gang gi phyir mi bskyod pa 'dir dbus su yin pa de'i tshe/ de'i gnas su rnam par snang mdzad kyi mtshan ma bri bar bya'o/ /de bzhin du snang ba mdza' yas kyi dkyil 'khor la yang gzhan bdag por gyur na de'i gnas su thugs rdo rje'i phyag rgya dgod par bya'o/ /mchod pa bya zhes bya ba la sogs pa ni rtogs par sla'o/ /gsung gi dkyil 'khor ba dgod pa gsungs pa/ de nas zhes bya ba la sogs pa la/ gsung rdo rje'i dam tshig ni/ gsung gi dkyil 'khor te/ gsung rdo rje rdzogs pa'i rgyu'i gtso bo nyid kyi phyir ro/ /de yang spros pas phyogs thams cad khyab pas sprin dang bkod pa yin te/ de la dmigs pas ting nge 'dzin la yang de skad ces bya'o/ /chos bsgom zhes bya ba ni nang ba mdza' yas su bsgoms pas so/ /nyid kyi sku'i dkyil 'khor zhes bya ba ni gzugs dang bcas pa nyid kyi phyir/ sku'i dkyil 'khor nyid yin yang 'dod chags la sogs pa rnam par dag pa'i rang bzhin nyid kyis gsung rdo rje'i yon tan thob pa'o/ /rig pa'i dbang po dbab par bya zhes bya ba ni snang ba mdza' yas kyi rang gi rigs kyi rig ma dang bcas pa dkyil 'khor bri bar bya ba'i don du ji lta ba bzhin dbab pa'o/ /cho ga bzhin du bri bar bya zhes bya ba ni snang ba mdza' yas kyi dkyil 'khor gyi rjes su mthun pa'i cho ga'i mthar thug pa'o/ /de'i zhes bya ba ni dkyil 'khor gyi'o/ /gnas mchog de nyid du zhes bya ba ni sbar gyi rigs pas lha rnams kyi phyag mtshan bri bar bya/ zhes bya ba'i don to/ /'di skad gsungs pa yin te/ ji ltar rnam par snang mdzad bdag par gyur pa la de'i gnas su mi bskyod pa'i phyag mtshan bri'o/ /'dir yang snang ba mdza' yas kyi gnas su yang de bzhin no// de nyid kyi sku dang gsung gi dkyil 'khor bshad pa yin la/ thugs kyi dkyil 'khor le'u bzhi pa las bstan to/ /de'i phyir 'dir thugs la sogs pa'i dkyil 'khor gsum nges par bstan bas gtsor sku gsung thugs bsgrub par bya'o// zhes ston to/ /de yang gsungs pa/ 'khor lo gsum la gtad nas ni/ /chos dang longs spyod rdzogs sprul pas/ /thugs dang gsung dang sku'i gsang/ /sku gsum rim pa dag pa nyid/ /ye shes lnga dang sku gsum ni/ /bsgrub bya 'khor lo'i sbyor dag gi / rnam pa thams cad mkhyen grub na/ /me 'grub de la gzhan ci yod/ /ces so/ /de nas zhes bya ba la sogs pas/ phyogs 'di nyid kyi rin chen 'byung ldan la sogs la yang ji ltar rigs par rtogs par bya'o/ /zhes so/ /de la byang chub sems dpa' bdag po yin na/ de'i phyag rgya dbus su gnas par byas nas/ de'i bdag po'i dkyil 'khor bzhin lhag ma'i phyag rgya dgod par shes par bya'o/ /de'i dkyil 'khor gnas su zhes bya ba ni/ de'i ming du 'gyur ro// sprang? bu la sogs pa sbyang bar bya ba la sogs pa'i don du gsungs pa/ de nas zhes bya ba la sogs pa la/ rdo rje dkyil 'khor ni sku la sogs pa'i dkyil 'khor ro/ /de dag gi snying po'i srad bu ni ye shes kyi srang bu ste/ sbyar bar bya ba'i phyir yi ge'i tshig ni sa bon te/ 'di ni nye bar bar mtshon pa'i don du gsungs te/ 'di ni rdul tshon sbyang bar bya ba'i don du shes par bya'o/ /sngag kyi sems pas mi bya ste/ zhes bya ba ni ye shes 'bebs pa thob par gyur pas sems brtan pa nus pa dang ldan pa/ zhes bya ba'i tha tshig go /byas na nyes pa ci yod ce na gsungs pa byas na byang chub rnyed par dka' / zhes bya ba ni/ dam tshig nyams pas de bzhin gshegs pa thams cad kyis byin gyis mi rlob te/ yang dag pa'i ye shes la dbang ba mi thob ces bya ba'i don to/ /ji ltar nges bya zhe na gsungs pa/ de bas zhes bya ba la sogs pa la/ dam tshig tshul shes pas zhes bya ba ni lha dbab pa'i cho ga nges par shes pa'o/ /byin gyis brlabs kyis gnas bsgoms la zhes bya ba ni/ dbab pa'i sa bon dgod pa la sogs pa'o/ /'di skad gsungs pa yin te/ sta go na la gnas pa'i rjes la nus pa dang ldan pa'i rnal 'byor pas gzhon nu dang gzhon nu ma dag la ji lta ba bzhin du rnam par snang mdzad la sogs pas rang gi rig ma dang bcas pa bcug nas mchod pa byas pas de nyid kyis rang rang gi dkyil 'khor la thig gdab pa la sogs pa byed du gzhug go / dkyil 'khor rdzogs pa la mchod pa la sogs pa dang/ slob dpon gyi las gzhan rnal 'byor pa rang gis bya'o zhes gsungs pa/ bya ba ni zhes bya ba la sogs pa la/ rmang po che zhes bya ba ni/ slob ma yid ches par bya ba'i ched du dkyil 'khor gdeg pa la sogs ba'o/ / dkyil 'khor bsgrub pa brtan pa gsungs pa/ bkug pa zhes bya ba la sogs pa la/ khro bo'i rgyal po zhes bya ba ni/ gshin rje gshed la sogs pas dgug pa la sogs pas byas nas zhes la la dag 'dod/ /gnod mdzes kyis dbul// ces bya ba gzhan gyi'o/ /thams cad nyid du phyogs skyong ba la sogs pa tshim par bya ba gsungs pa/ thams cad la zhes bya ba la sogs pa la/ gtor ma'i cho ga yang bla ma'i man ngag las shes par bya'o/ /da ni las dang po rnams kyi thig gdab pa'i cho ga gsungs pa/ thig ces bya ba la sogs pa la rnam par snang mdzad rab la sogs pa bsgoms nas zhes bya ba ni sku'i dkyil 'khor du rang rnam par snang mdzad du byas nas bsam/ yang na rdo rje sems dpa' rab tu sgom zhes bya ba ni/ thams cad kyi bdag po nyid kyi phyir/ rdo rje 'dzin par bdag nyid bsgoms nas so/ /slob ma zhes bya ba ni theg pa chen por rjes su slob pa dang ldan pa ste/ bdud rtsi 'khyil ba bsgom par bya/ zhes bya ba dang 'brel to/ /sku'i dkyil 'khor du rnam par snang mdzad kyi rnal 'byor pas slob ma rdo rje 'dzin pa 'am/ bdud rtsi 'khyil par bsgom par bya'o/ /zhes la la dag 'dod do/ /las kyi go 'phang rnam par sgom zhes bya ba ni srang bu sbyang ba la sogs pa'o/ /'di yang dkyil 'khor gyi cho ga nas gsal bar yod pas 'dir gzhung mangs pas 'jigs pas ma bris so/ /rdo rje thig skud dag la dgod ces bya ba ni/ nag po la sogs pa'i srang bu rnams la hUM la sogs pa'i snying po bcug pa la sogs pa sngon du Sha ba mi bskyod pa la sogs pa'i de bzhin gshegs pa'i rang bzhin du bya'o/ /zhes bya ba'i bar du'o/ /rnam pa nyi shu rtsa lngar ni/ zhes bya ba ni de bzhin gshegs pa lnga rnams kyi dkyil 'khor rnams kyi dkyil 'khor rnams la ri mo dgod pa'i bye brag las te/ bsdus nas nyi shu rtsa lnga'o/ /de bzhin gshegs pa spu po so sor ye shes lnga'i bdag nyid tshon la bcug nas/ tshon rtsi nyi shu lnga'i bye brag go/ zhes la la dag 'dod do/ /bye brag gsungs pa/ thams cad nyid kyi zhes bya ba ni rnam par snang mdzad la sogs pa'i dkyil 'khor la yang ngo/ /rdo rje hUM mdzad bsgom par bya zhes bya ba ni/ rang gi kha dog gis tshon rtsal mi bskyod pa bsgom par bya'o/ zhes bya ba'i don to/ /de bzhin du rnam par snang mdzad la sogs pa yang thams cad kyi dkyil 'khor bsgom par bya'o/ /zhes gsungs pa sku zhes bya ba la sogs pa la de la sku ni rnam par snang mdzad do/ /gsung ni snang ba mdza' yas so/ /dam tshig ni don yod grub pa'o/ /mchog ni rin chen 'byung ldan no/ /rjes su chags pa'i? gzugs nyid kyis mchog tu byas pa'o/ /gnas lnga zhes bya ba ni dkyil 'khor lnga rnams la'o/ /'di skad gsungs pa yin te/ rigs lnga'i lha'i dgod pa bye brag gis de'i dkyil 'khor rnams la gang rigs dang ldan pa'i lha dbus su gnas par 'gyur te/ rims kyi thams cad kyi nang du de'i kha dog gi tsho na dgod pa byas pas de nyid shu rtsa lnga'i bye brag tu 'gyur ro/ /de ji ltar 'gyur zhe na/ gsungs pa/ de ltar zhes bya ba la sogs pa'o/ /rdo rje sems dpa' zhes bya a ni sems brtan pa'i rnal 'byor pa'o/ /yang na rdo rje hUM mdzad bsgom zhes bya ba ni/ lhag pa dang mtshang? pa'i nyes bzhi bar bya a'i don du rdo rje hUM mdzad kyi ting nge 'dzin gyis dkyil 'khor snang bar bya zhes bya ba'i don to/ /sku dang gsung dang dam tshig mchog /ces bya ba ni rigs lnga'i rang bzhin 'chad bar 'gyur ba'i dkyil 'khor du gzhug pa'i sngags rnams so/ /gnas lnga dag du zhes bya ba ni/ mgo bo dang/ mgrin pa dang/ snying ga dang/ lte ba dang/ ro smad du bsgom par bya'o/ /gzhan ni yang zhi bas bsgrub pa mi gzigs pa la/ sangs rgyas kyi byin gyis brlabs kyi don du/ bdag pa gnyis po gnod mdzes bsgom pa'am/ rdo rje dzin pa yang mgo bo dang mgrin pa la sogs pa rnams su bsgom zhes 'chad do/ /bum pa dgod pa'i cho ga gsungs pa/ dgod pa zhes bya ba la sogs pa la/ sngags ni bum pa la dgod par bya ba lha rnams kyi bzlas pa'i ngo bo'o/ /rgyud ces bya ba ni sman lnga la sogs pa rnams so/ /bdag po zhes bya ba ni/ ji ltar rang gi bum pa'i bdag po'i lha rnams so/ /de dang de rnams kyis ji ltar cho ga bzhin du spyangs pa'i ? la sogs pas nye bar mdzes par byas la/ rang gi lha'i sbyor bas gnas ji lta bar bum pa dgod par bya'o/ /sbyin sreg gi cho ga ston pa gsungs pa/ rdo rje sems dpa' zhes bya ba la sogs pa la/ ting nge 'dzin gnas zhes bya ba ni/ rdo rje sems dpa' la sogs pa'i sbyor ba byas pas so/ /rtag pa zhes bya ba ni ji ltar cho ga rjes su bsgrub par bya'o/ /sbyin sreg ces bya ba ni/ sreg rdzas bsreg pa'o/ /de yang phyi dang nang dang bla na med pa'i bye brag gis rnam pa gsum mo// zhi ba la sogs pa'i bye brag gis rnam pa bzhi'o/ /de la bshad pa zhes bya ba la sogs pas phyi'i gsungs pa'i/ /dbus su dang gi lha'i gzugs bsams te zhes bya ba la ni zhi ba la sogs pa'i cho gar gsungs pa'i thab khud du las kyi rjes su mthun pa ji lta ba bzhin du me la dka' blugs byin nas de'i dbus su cho ga bzhin du lha bsgoms nas de'i zhal du ji ltar brjod pa'i sbyin sreg dbul te/ ji lta ba'i cho gas bsreg par bya'o/ /dbang po gnyis kyi sbyor ba yis zhes bya ba ni ji lta bu? bzhin du gsungs pa'i lha'i sbyor ba sbyin sreg bya zhes so/ /gsungs pa zhes bya ba ni rgyud gzhan du sbyin sreg gi cho ga lhag ma shes par bya'o/ /zhes bya ba ni lhag ma'o/ /de'i phyir gang 'dir ma tshad brgyud gzhan du gsungs ba'i cho gas kha bskang bar bya'o/ /gang dag du ni rang nyid kyi/ /las kyi cho ga rnams med pa/ /de ni spyi'i rgyud dag las/ /gsungs pa'i cho ga mkhas pas bstan zhes so/ /nang gi bdag nyid kyang/ nyon mongs rdo rje zhi don dang/ /ting 'dzin gso bar bya ba'i phyir/ /rang gi bdag po'i lha sbyor bas/ /cho ga bzhi yid kyis longs sbyor bya/ zhes so/ /de yang snang ba'i rdo rje 'char ba las/ /sbyin sreg rnam pa bzhi ru bshad/ /dus bzhi dag tu go rim bzhin/ /zhi rgyas dbang dang mngon spyod ming/ /sdig pa zhi phyir zhi ba dang/ /rgyas la bsod nams yongs su bzung/ /dbang la chags pa sgom pa ste/ /gsod pa rtog pa thams cad zad/ /phung sogs bud shin bsreg pa'i phyir/ /ma skyes pa'i sbyor ba yis/ /ye shes me ni byung nas kyang/ /bud med sbyin sreg chen po 'di/ /zhes bya'o/ /de yang dpal bde ba dam pa rtogs pa las/ gang zhig rtog pa med pa'i sems/ /thab khung sgra yis mtshon pa'o/ /dben pa'i me yi dbus su ni// gzugs la sogs pa'i phung po lnga/ /sbyin sreg bya ste mdza' dag 'dir/ /rdzas rnams sems las byung ba ni/ /gzugs la sogs pa gang zhig dngos/ /sreg rdzas su ni rab tu grags/ /zhes gsungs so/ /de'i phyir ye shes zhabs kyi zhal snga nas kyang/ phyi'i sbyin sreg tshogs bsgre bya zhing/ /yid la'ang yid kyis ni bya ba ste/ /phung po'i bud shing rnam par bsregs pa yi/ /ye shes 'bar ba bla na med par bshad/ /ces gsungs so/ rnam par snang mdzad sbyor ba yis zhes bya ba la 'di skad gsungs pa yin te/ rang gi snying pos rnam par snang mdzad du byas pa'i slob ma yang yi ge gsum gyis byin gyis brlabs te/ lus la sogs pa la yi ge a dmar po'i 'od zer gyi 'phreng ba bsgoms nas cho go bzhin du 'jug pa 'am dbab pa'o/ /de bzhin du dkyil 'khor gzhan la yang dkyil 'khor gyi bdag po bsgoms nas ji snyad du gsungs pa'i cho ga bya'o/ /bsgoms nas rdo rje bzung bar bya ba ni/ rdo rje gsum gyis khas blang bar bya'o/ / de'i phyir gsungs pa/ byin gyis brlabs na rab tu gsol zhes bya ba ni/ 'di skad gsungs ba yin te/ slob ma gzhug pa'i cho gas rang yang 'jug par bya ste/ bden pa bskrag pa la sogs pa/ ji srid cho ga bzhin du rjes su bsgrub nas ji lta ba bzhin du sdom pa gzung ba la sogs pa byas pa'i slob? mas me tog thog pa la gdod g.yogs te/ sngags bris pa'i cod pan byas nas ni/ /nges dmar po'i gos gyon rgyan 'dzin pa/ /cho ga bzhin du de ni gzhug par bya/ /de la dbab pa'i don du snying gang yang/ /phyag mtshan gyi ni lta ba'i dbus su ni/ /lhag pa'i lha ni bde chen pad dag kha dog can/ /dbyangs kyi yi ge tha ma'i 'od dmar ba/ /snyoms zhugs las byung de ni slob ma'i lus/ /dmar po'i 'od zer gyi ni ma lus pa/ /legs par bcos pa kun tu bsgom par bya/ /rang gis go la gtogs par byed gyur pa/ yi ge lnga po de nyid brjod par bya/ /a khaM bI ra hUM zhes bya ba 'dis de bzhin gshegs pa thams cad kyi snying po'i sdigs kyis dkyil 'khor thams cad du/ slob ma thams cad/ /zhug par bya'o/ /de la byang chub sbyor mchog dang/ /gzhan gyi theg pa'am dge ba yis/ /sangs rgyas ye shes rnyed pa min/ /ji ltar dbang sogs byin pa las zhes bya ba'i tshig las dbang bskur ba nyid kyi dngos grub bsgrub pa skal ba dang ldan pa'i phyir dbang bskur ba'i cho ga gsungs pa/ de la zhes bya ba la sogs pa la/ nam mkha' i khams zhes bya ba ni/ nam mkha' thams cad do/ /sangs rgyas kun gyis zhes bya ba ni bum pa 'dzin pa rnams kyis ?/ /de las byung ba'i mchod pa'i yo byad rnams kyi nam mkha' i khyab par bsgoms nas so/ /rdo rje sku gsum sngags kyi ni/ /yungs kar dag gi zhes bya ba ni/ /rdo rje'i 'od zer rnams kyi de rnams la ji lta ba bzhin du bskul bar bya'o/ /de nas de rnams rang nyid kyi dbang sbyin par byed de/ /yang na zhes bya ba la ni/ phyogs gzhan no/ /rdo rje sems dpa' i ting nge 'dzin gyis zhes bya ba ni rdo rje sems dpa' i sbyor bas so/ /dam tshig mchog ces bya ba ni spyan la sogs pa rnams kyis so// 'di skad gsungs pa yin te/ rdo rje 'dzin pa'i sbyor ba dang ldan pas bum pa'i nang du song ba'i bde bar gshegs pa rnams 'dod chags chen po'i me yis zhu bar gyur pa spyan la sogs pas gzung bar dmigs te/ de nyid kyi spyan la sogs pa dbang bskur par bsam par bya'o/ /rdo rje rnam par snang mdzad bsam zhes bya ba ni/ rnam par snang mdzad la sogs pa'i dkyil 'khor la sogs pa la/ slob ma'i gtso bo dkyil 'khor gyi bdag po'i gzugs su bsam par bya'o/ zhes bya ba'i tha tshig go /dgod par bya zhes bya ba ni yi ge gsum gyis so/ /dbang bskur ba'i dus su bla ma'i brjod par bya ba'i tshigs bcad dang/ slob mas kyang gsol ba 'debs pa'i tshigs bcad ni/ de la 'di zhes bya ba la sogs pas so sor nges par bstan pa gsungs so/ /snying gar bdag po gzhag par bya zhes bya ba ni slob ma'i snying gar ye shes sems dpa' bsnyen par bya zhes pa'i cho ga la gnas pas bsgom par bya zhes bya ba'i don to// sngags kyi yi ge'i tshig byin la/ zhes bya ba ni mig dag la yi ge aoM dkar po 'od zer dang bcas pa rnam par bkod de dam tshig kyang ji lta ba bzhin du byin la/ dkyil 'khor dag ni bstan par bya zhes bya ba ni ji lta ba'i cho ga bzhin mig dbye ba byas nas shar phyogs kyi sgo nas brtsams te/ ji lta ba bzhin du dkyil 'khor gyi de kho na nyid dang/ lha'i de kho na nyid de dang de nye bar bstan par bya'o/ /dam tshig gsang ba bskrag par bya zhes bya ba ni gdul bya'i skye bo'i dbang gis sbas pa'i don to// rdzogs pa'i byang chub la sems can gdul bya ba'i thabs bstan to/ /zhes bya ba'i don to/ /de nyid gsungs pa srog chags zhes bya ba la sogs pa rnams kyis te/ 'di'i don gyi bye brag bla ma'i tshig las shes par bya'o/ /de bzhin du dbang bskur ba'i dam tshig dang sdom pa la gnas pa de'i 'dod pa'i lha'i sngags la sogs pa sbyin pa gsungs pa/ sngags kyi zhes bya ba la sogs pa la/ sngags kyi bskul ba smra ba yis zhes bya ba la 'di skad gsungs pa yin te/ rang nyid kyis ? brgya rtsa brgyad zlas nas slob ma la byin te/ bcom ldan bdag gis stsal lags kyi/ /'di la 'go bar mdzad du gsol/ /bcom ldan bdag gis bzung lags kyi/ /bdag la 'go bar mdzad du gsol/ /zhes bya ba 'dis sngar gyi phyed na rang gi'o/ /phyis kyi phyed ni slob mas gdon par bya'o/ /sngags kyi rgyal po'i ting nge 'dzin dang zhes bya ba ni sngags byin pa'i bsgrub pa'i man ngag sbyin par bya'o/ /'dis ni bum pa'i dbang gis cho ga zur gyis gsungs pa'o/ / 'phreng pa'i dbang la sogs pa yang 'di nyid kyi nang du gtogs par gyur pa dkyil 'khor gyi cho ga las bye brag shes par bya'o/ /rgyud 'dir dbye ba bzhi gtsor bstan pa'o/ /de yang bco brgyad pa las/ dbang gi dbye ba bzhi dag tu/ /rgyud 'di las ni rab tu gsungs/ /bum pa'i dbang ni dang po ste/ /gnyis pa la ni gsang ba'i dbang/ /bsum pa shes rab ye shes te /de ltar de bzhin bzhi pa'o zhes gsungs so/ /gsang ba sbyin pa brtsam par bya zhes bya ba ni sdom pa bzung ba la bum pa'i dbang byin nas ji lta ba bzhin du gsang ba'i dbang sbyin par bya'o/ /shes rab ye shes kyi dbang bstan pa'i phyir/ /zung gyis gsungs pa rnam pa 'di bzhi zhes bya ba la sogs pa la/ 'di rnams ni spyan la sogs pa'o/ /gsang chen zhes bya ba ni gdul bya ma yin pa'i skye bo la gsang ba'o/ /ci'i phyir zhe na/ gang gi phyir 'di dag spas pa'o/ /rdo rje can ni kun shes bya ba ni rnam par snang mdzad la sogs pa rnams kyi'o// sngags kyi 'khor lo bud med gzugs zhes bya ba ni bud med kyi rnam pa'i lha'i tshegs kyi thams cad du gnas pa'o/ sems can don phyir spyod pa zhes bya ba ni/ sems can gyi don du bya bas so/ /'di skad gsungs pa yin te/ rnam par snang mdzad la sogs pa nyid de bzhin gshegs pa rnams te/ gdul bya rnams bde bas rdzogs pa'i byang chub kyi lam la gzhug pa'i don du spyan la sogs pa'i gzugs kyis gnas so/ /de'i phyir 'di rnams rang dang/ gzhan la phan pa'i don ji lta bar bsten par bya'o/ /'dis gzungs kyi dkyil 'khor yang 'dir zur gyis bstan pa'o/ /gzhan du na bud med sangs rgyas nyid du mi byed do/ /zhes bya ba theg pa gzhan las bkag pa srid pa'i phyir ro/ /rdo rje 'dzin mchog gang yin pa'i zhes bya ba'i tshig las skyes pa'i lha'i 'bras bu dang bcas pa nyid kyis bud med kyi lha'i dkyil 'khor gyi bdag por bstan par 'gyur ro/ /thugs kyi dkyil 'khor la sogs pa bshad pas phyag rgya chen po la sogs pa'i dkyil 'khor gsungs te/ bcu bar yang de la 'di zhes bya ba la sogs pas chos kyi dkyil 'khor gsungs pa'o/ /brgyad par dpag tshad brgya'i zhes bya ba la sogs pas las kyi dkyil 'khor gsungs te/ de'i phyir 'dir yang rtsa ba'i rgyud la sogs pa'i tshul gyis phyag rgya chen po la sogs pa'i dkyil 'khor rnam pa bzhir shes par bya'o/ /de nyid kyi phyir 'dir rgyud gzhan dang 'brel bas yongs su rdzogs pa dang ldan pas rgyud kyi rgyal po yin zhes bya'o/ /la la dag bud med kyi gzugs zhes bya ba ni bud med kyi sgra las bzhag ste/ mi thung du klog par byed do/ /'khor lo'i gnas su yi ge 'khrul pas rdo rjer 'dod do/ /'di ltar ston te/ rnam pa 'di zhes bya ba ni srog gcod pa la sogs pa rnams te/ rnal 'byor pa thams cad kyis mi 'da' bar bya ba rdo rje gsum gyi rang bzhin rnams so/ /sems can don spyod dgongs ldan pa'o/ /zhes so/ /chi ga 'di ni po ti gang na gang yod pa ma yin pa dang/ sngar gyi slob dpon rnams gang gis kyang de bzhin du ma bshad do/ /de ltar yang ye shes zhabs kyis lam la zhugs pa'i dpal sde'i zhal snga nas/ de nyid gsungs pa/ spyan la sogs pa'i lha mo de rnams ni/ /de rnams bzhi po rnams su brjod pa yin/ /snang mdzad la sogs rang bzhin thob pa yin/ rdo rje bdag po zhes pa slob ma la/ /shes rab ye shes dbang gi mthar thug pa/ /'di dag bya ba cho ga bzhin du lta zhes so/ /dkyil 'khor thams cad du dam tshig nges par bya ba gsungs pa/ de la 'di ni zhes bya ba la sogs pa la/ 'di skad gsungs pa yin te/ yi ge yaM las byung ba rlung gi dkyil 'khor la gnas pa'i raM las skyes pa'i me'i dkyil 'khor du gnas pa'i a'i yi ge las byung ba thod pa'i dbus su bi mu ra ma shu zhes bya ba lnga rnams rang gi sa bon gyis byin gyis */ /brlabs pa bsgoms nas de'i steng du yi ge hUM las byung ba bar snang la gnas pa'i rdo rje bsgoms nas/ de la de'i 'od zer rnams kyis de bzhin gshegs pa rnams bkug nas gzhug par bya'o/ /de nas bdud rtsi byin gyis brlab pa'i sa bon gyi 'od zer rnams kyi bdud rtsi rgyun gyi thod pa la de'i rdo rje zhu bar byas nas gzhag par bya'o/ /de nas ji lta ba bzhin du sbar te/ aoM gyis byin gyis brlabs pas ye shes kyi bdud rtsir 'gyur te/ yi ge gsum gyis mngon par sngags pa lta rnams dang bcas pa nye bar longs spyod do/ /bshang ba la sogs pa spar bas yid ches par dka' ba yid ches pa'i don du gsungs pa/ bshad pa la zhes bya ba la sogs pa la/ rdo rje gsang ba'i t shig dag gis zhes bya ba ni sems brtan pa'i rnal 'byor pas cho gas legs par sbyangs pa'i bdud rtsi lnga rnam par snang mdzad la sogs pa'i rang bzhin gyi sangs rgyas thams cad kyi gnas su gyur pa yi ge aoM dkar po 'od zer 'bar ba dang bcas pa bsgom par bya ste/ ji skad du gsungs pa bzhin du 'gyur ro/ /'di nyid bsgrub pa bshad pas bsgrub pa zhes bya ba la sogs pa la/ dam tshig chen po bsgrub pa dang/ zhes bya ba ni/ /dam tshig chen po rnams bdud rtsi'i bdag nyid ye shes kyi bdud rtsi nyid du skyed pa/ nan tan du ni bsgrub par bya/ zhes bya ba ni mnyam par bzhag pa'i sems kyis so/ /'di'i 'bras bu gsungs pa/ sangs rgyas zhes bya ba la sogs pa la/ sangs rgyas byang chub ces bya ba ni/ rdo rje 'dzin nyid do/ /stobs dang zhes bya ba ni klu chen po rnams kyi stobs la sogs pa'o/ /brtson 'grus zhes bya ba ni dge ba bskyed par spro ba'o/ /rdo rje dgug pa'i mchog dag kyang/ zhes bya ba ni dngos grub la sogs pa thams cad grub pa'o/ /dkyil 'khor dag ni thams cad 'grub/ ces bya ba ni thugs kyi dkyil 'khor la sogs pa yang rnal 'byor pas dam tshig bsgrub pa ni 'grub pa'o/ /dkyil 'khor dag la zhes bya ba'i tshig la ni ? pa'i dkyil 'khor du dam tshig sgrub par bya'o/ /zhes bsgrub pa'i cho ga gsungs pa/ kham phor kha sbyar zhes bya ba la kham phor kha sbyar gyi dbus su/ thod par gnas par byas nas/ dkyil 'khor gyi dbus su bzhag ste bsgrub par bya'o// nam mkha' i rdo rje zhes bya ba la sogs pas/ ma gzhug bas sgrub pa gsungs pa/ 'di'i don ni gang 'dod pa'i lha'i sbyor ba dang ldan pa phra mo'i sbyor ba bsgoms pas sems brtan por byas nas rang gi dkyil 'khor la gnas pa'i mdun d u nam mkha' la yi ge h+rini A khaM bi zhes 'dod do/ /de nas yi ge gsum las byung ba rigS dang rjes su mthun pa gang 'dod pa'i khro bo'i gzugs su bsgoms nas/ gsungs ma thag pa'i yi ge gsum gyis sku la sogs pa byin gyis brlab par bya'o/ /la la dag kyang sa bon gyis go rim bzhin phyag na rdo rje la sogs pa mngag? gzhug bsgrub par brjod do/ /mi bskyod pa ni rab tu brtag /ces bya ba ni/ rdo rje rigs kyi mdag gzhag gi dbu la nyi ma'i gdan la mi bskyod pa bsgom par bya'o/ /la la dag snying gar zer ro/ /de ltar gzhan rnams la yang rigs ki bdag por bsgrom? par bya'o/ /de'i phyir tshe dpag med ces bya ba la sogs pa gsungs so/ /sku la zhes bya ba ni mdag gzhug pa skyed pa la byin gyis brlab pa'i don du 'grub pa'i mngag gzhug pa la bka' sgo ba sbyin par bya'o/ /'od chen sdug bsngal tshan po yis zhes bya ba ni sdug bsngal chen po'i rgyu rnams kyis to/ rtse gsum la sogs pa rnams kyis zhes bya ba'i don to/ /de la zhes bya ba la sogs pas bskul ba gsungs pa/ 'di skad gsungs pa yin te/ de'i snying gar yi ge aoM bsgoms nas de'i 'od zer las byung ba'i rtse gsum chen po la sogs pa rnams kyis sngags 'don cing ye shes kyi mngag gzhug pa'i snying gar gdab par bya'o/ /de nas de rnams kyis de byin gyis brlab po/ /nges byin gyis brlab pa las grub pa ste/ bya ba thams cad byed par 'gyur ro/ /gtong ba la sogs pa'i sbyor ba gsungs pa/ de la 'di ni zhes bya ba la sogs pa la/ dam tshig bskul ba zhes bya ba ni mi bskyod pa la sogs pa'i sbyor bas snga ma bzhin du yi ge a'oM las byung ba'i lcags kyus aoM khaM kha zhes bya ba 'don cing snying gar gdab bo/ /dam tshig gtong ba zhes bya ba ni de bzhin gshegs pa'i khro bo rnams phyogs bcu rnams su bskul ba'o/ /dam tshig bod pa zhes bya ba ni/ sngags 'don pa sngon du song bas bka' bsgo pa ster ba'o/ /dam tshig bcing ba zhes bya ba ni dam tshig sems dpa' la/ de rnams bcug te rang gi bya bsgrub pa la rnam par bzhag pa'o/ /nam mkha' i dbyings zhes bya ba la sogs pas dngos grub de rnams yod nas bsgrub par dka' ba yang bsgrub par ston to/ /mngag gzhug gi gnas skabs yin pas/ dbang du byed pa yang gsungs pa/ nam mkha' zhes bya ba la sogs pa la/ mnga' lnga zhes bya ba ni lus med do/ /de'i sbyor ba ni rjes su mthun pa'i ting nge 'dzin to/ /'di skad gsungs pa yin te/ shin tu dmar ba'i gos dmar ba dang bcas bsgeg pa la sogs pa'i nyams ldan pa g.yon brkyang ba'i tshul gyis pa 'am/ rang gi gdan la gnas par rang gi rjes su mthun pa'i lha'i dkyil 'khor pas bkod pa ji lta ba bzhin du 'jam pa'i rdo rje'i sbyor ba bya'o/ /bco brgyad pa las gsungs pa/ /dregs pa yis ni kha dog dbye/ /de bzhin nyams kyi snying po'o/ /zhes pa dang/ chags las thams cad chags rang bzhin/ /zhes bya ba'i tshig las kyang ngo/ /de nas de'i lag par ? gi yi ge gzhu'o/ /raM gyi yi ges ni mda' lnga'o/ /aoM gyi yi ges ni gzhu'i rgyud du sgoms nas de'i cod pan la de'i bdag po de bzhin du bsams nas mdun du bsgrub par bya ba kha dog dmar po gos med pa 'jigs pa dang bcas shing bka' nod par byed pa 'ben du bya'o/ /de nas yi ge a oM gyi gzhu 'dren pa dang yi ge Agi bdag po dang/ dkyil 'khor bas kyang de 'bigs par lhur byed pa bsam par bya'o/ /bsgrub par bya ba yang mda' dmar po'i 'od zer gyis khyab pa'i lus rang gi rkang pa'i drung du mgo bo btud te/ thal mo sbyar ba rgyal ba dang 'dra ba bsgom par bya'o/ /gang rnams kyis zhe na gsungs pa/ byis pa'i blo ni grags chen gyis zhes bya ba ni gzhon nu ma'i rnam pa yin pa'i phyir dang/ sangs rgyas thams cad kyi shes rab kyi rang bzhin gyi phyir byis pa'i blo ni 'jam pa'i rdo rje'o/ /rang gi bdag po dang dkyil 'khor ba rnams kyi rab tu grags pa grub pas sangs rgyas dang/ byang chub sems dpa' rnams gyis/ grags pa chen po dang ldan pa'o/ /slob ma bcug pa la dkyil 'khor bstan pa'i cho ga gsungs pa/ nam mkha' rdo rje zhes bya ba la sogs pa la/ 'di'i don ni rnam par snang mdzad la sogs pa'i dkyil 'khor gyi nang du ji lta ba bzhin slob ma gzhug pa byas nas/ de'i hUM A:aoM zhes bya ba rnams kyi thugs rdo rje ma sogs pa dang/ rang gi sa bon gyi ye shes sems dpa' gnas ji lta ba bzhin du sgom mo/ /mig gnyis su yi ge aoM bkod de ji lta ba bzhin du dkyil 'khor bstan to/ /gzhung 'dis 'bebs pa'i sbyor ba gzhan gyis bshad do/ /zhes pa la 'dod de/ de la 'di'i cho ga ni dpal rdo rje sems dpa' i rnal 'byor pa yi ge hUM la sogs pa gzhon nu ma dang/ gzhon nu rdo rje gsum la sogs pa'i gzugs kyis bskyed nas byin gyi brlab pa la sogs pa byas nas 'bar ba'i aoM nyid gnyis su bltas me long la sogs pa la lan mang du ji lta ba bzhin du sngags te brtan par bya'o/ /ji lta ba bzhin du gyur pa mthong ngo/ /bkres skom zhes bya ba la sogs pas/ bkres skom la sogs pa nye bar zhi ba'i thabs gsungs pa/ rnam par snang mdzad gzugs chen po/ /zhes bya ba'i sku ni rdo rje'o/ /bsams na don rnams thams cad 'byor pa zhes bya ba ni/ mngon par mthong ba dang/ nges par legs par rdzogs par byed pa'i phyir ro/ /baM ni kha'i nang du bsams zhes bya ba ni bum pa bzang po ser po'i rnam pa lta bu rang gi ma mchu la brten pa'i khar baM gyi yi ge bsams nas so/ /aoM ni lce la bsams par bya/ zhes bya ba ni lce la aoM dkar po 'bar ba dang bcas pa bsams nas/ de yang zas bzang po thams cad kyis gsang ba'i bdud rtsi 'dzag par bsam par bya'o/ /yid bzhin nor bu brgyan pa ste/ zhes bya ba ni de'i khar/ zla ba phyed pa la thig le cung zad kha chod pa dang 'dra ba'i thig le las byung ba yid bzhin gyi nor bu rin po che bsgoms nas/ de'i 'od zer rnams kyis thams cad kyi sman bzang po'i bdud rtsi blangs nas dgug ste dbab par bya'o/ /de nas rim gyis de rnams kyi bdud rtsi'i rgyun gyi lus thams cad tshim par bsgom par bya'o/ /la la dag 'dir lce'i rtsa ba'i steng du yi ge bsams nas de'i 'og tu gnas pa'i yi ge bsgom zhes nye bar bstan to/ /sems can le lo can rjes su bzung ba'i don du dpa' bo rdo rje'i ting 'dzin gsungs pa/ de nas zhes bya ba la sogs pa la/ dpa' bo chen po rdo rje zhes bya ba ni rdo rje 'chang chen po ste de'i ting nge 'dzin la snyoms par zhugs pa'i phyir cha med pa gnyis su med pa nyid kyis de'i ngo bo nyid du gyur pa zhes bya ba'i don to/ /rdo rje sgom pa'i tshig ces bya ba la/ brtson 'grus kyi pha rol tu phyin pa'i rang bzhin gyis sgrib pa thams cad bcom pa'i phyir/ rdo rje ste dpa' bo'i rdo rje'o/ /de'i sgom pa ni ting nge 'dzin no/ /gnas mchog ni bla na med pa'i gnas te/ de bskyed pa'i sa bon zhes bya ba'i don to/ /yang na drug pa'i don la 'dir dang po ste/ 'di'i don ni dpa' bo rdo rje de bzhin gshegs pa'i mi phyed pa bsgom pa'i gnas kyi mchog yi ge ba bton nas so/ /nam mkha' i rdo rje la sogs pa la 'di'i don ni thugs kyi dkyil 'khor la rdo rje 'dzin pa sngar bsgoms pas yi ge ba las byung ba rdo rje ser po la sogs pa'i rim gyis ji skad gsungs pa'i gzugs ser po rdo rje ser po dang ral gri dang/ nor bu dang ma ? dang ldan pa la yid mi bskyod pas dbang bskur zhing zla ba'i dkyil 'khor la gnas pa bsgom par bya'o/ /thams cad brtsam par bya zhes bya ba ni shes rab bskyed pa nas las kyi rgyal po mchog yan chad cho ga bzhin du bya'o// dpa' bo'i rdo rje nyid mi phyed pas gting dpag dka' ba'i de bzhin nyid rgya mtsho chen po las byung ba nyid kyi phyir brlabs so/ /de'i mdza' yas pa'i phyogs su spros pa ni phreng bas te/ de nyid kyi ting nge 'dzin la de skad ces bya'o/ /shin tu bsod nams chung ba'i sems can rnams mdor bsdus nas sdig pa la sogs pa nye bar zhi ba'i don du tsun da'i ting nge 'dzin gsungs pa/ de nas zhes bya ba la sogs pa la/ kun nas sangs rgyas thams cad kyi/ semS can la phan pa'i ched du gsungs pa/ kun nas dbyangs te btsun da'o/ /de nyid rdo rje ste/ ting nge 'dzin gang la yod pa de la de skad ces bya'o/ /nam mkha' i rdo rje zhes bya ba la sogs pas 'di skad gsungs pa yin te/ sngar rdo rje 'dzin pa bsgoms pas pad+ma dkar po las yang dag par byung ba pad+ma dang/ ral gri dang/ nor bu dang/ 'khor lo dang ldan pa dang/ phyag gnyis kyis rang snang ba'i thabs la 'khyud pa phyag rgya bzhis rgyas btab pa bsgom par bya'o/ /la la dag ni zla ba la bzhugs par 'dod do/ /de'i don 'dir tshig tu mi mtshon par bsam par bya'o/ /rdo rje sems dpa' zhes bya ba ni/ mi bskyod pa'i dbu brgyan la bsgoms nas so/ /sngags kyi tshig dgod ces bya ba ni/ las kyi khyad par gyi dngos grub kyi don du sngags sbyar bar bya'o/ /yang na bdag nyid rigs lnga dang ldan pa'i don dang/ thabs legs par sbyad? ba'i don du ci rigs par sngags bsgoms par bya'o/ /rdo rje dam tshig gi ye shes ni mi bskyod pa'o/ /de nyid 'od zer te/ skul byed ma'i sprul? pa'i gzugs can de gang la ting nge 'dzin de yong pa de la de skad ces bya'o/ /sems can dbul po rnams rjes su bzung ba'i don du dzaM b+ha la'? ting nge 'dzin gsungs pa de nas zhes bya ba la sogs pa la/ bsam ba thams cad ni yid la 'dod pa thams cad do/ /de'i longs spyod pa ni dus ji lta ba bzhin thob pa ste/ gang ting nge 'dzin de ? pa de la de ? ces bya'o/ /ting nge 'dzin rdo rje'i tshul zhes bya ba la ting nge 'dzin ni dzaM b+ha la' rnam pa de'i mi phyed pa mngon du byed pa'i thabs te/ yi ge dzaM byung ba zhes bya ba'i don to/ /sangs rgyas kun zhes bya ba ni rnam par snang mdzad la sogs pa'i de bzhin gshegs pa rnams so/ /cho ga yin zhes bya ba ni srid pa bar ma'i tshul gyis dzaM b+ha la'i rnam pas 'dzin pa de bzhin gshegs pa rnams gnod sbyin gyis dbang po bskyed nas mngon du byed pas dbang par bya'o/ /rdo rje bsgoms pas zhes bya ba ni/ de bzhin gshegs pa de rnams rdo rje 'dzin pa'i zhal du bcug ste/ byang chub kyi sems zhu bar byas pa yi ge ho gnyis dang spel ba'i yi ge gsum gyis lha mo de'i pad+ma'i nang du dbab par bya ste/ bskyed par bya zhes pa la/ ji lta ba bzhin du sngar rdo rje 'dzin pa bsgoms yi ge dzam las byung ba bi dza pu ra la sogs pa bsgom pa'i rim gyis mngon par bskyed pa'o/ /gnod sbyin chen po zhes bya ba ni nyon mongs pa thams cad 'joms par byed pa'i phyir ro/ /rtog pa thams cad sdus pa las/ /gang zhig zad pa nyon mongs kun/ /gang zhig zad pa dgra nyid de/ /sdig pa zad pa nye bar len/ /de ni gnod sbyin zhes su brjod/ /ces gsungs so/ /gnod sbyin gzugs 'dzin pa zhes bya ba ni man ngag las byung ba lho che ba gser gyi mchog can zhal gsum pa phyag g.yas pas/ bi dza pu ra dang ral gri bsnams pa'o/ /g.yon na rin po che skyug? pa'i ne'u le dang/ pad+ma 'dzin pa rang snang ba'i shes rab la 'khyud pa'i zla ba'i gdan dang/ mi bskyod pa'i cod pan bsgom par bya'o/ /de ltar sbyor pa dang po bstan nas/ dkyil 'khor rgyal po mchog bstan par bya ba gsungs pa/ sangs rgyas lnga'i zhes bya ba ni mi bskyod pa la sogs pa rnams so/ /cho ga yis zhes bya ba ni ji lta ba bzhin du/ de bzhin gshegs pa thams cad gzhug par sngon du sang pa rang snang ba'i pad+mar dkyil 'khor sprul pa la sogs pa'i rim gyis so/ /gnas lnga dag tu zhes bya ba ni rang gi lus dang/ shar la sogs pa'i phyogs su'o/ /'di ni nye bar mtshon pa'i don yin pa'i phyir 'dir dkyil 'khor ba thams cad lta bar bya'o/ /la la dag mi bskyod pa dang rin chen 'byung ldan dang/ snang ba mdza' yas dang/ rnam par snang mdzad dang/ don yod grub pa rnams mgo bo dang/ dpral ba dang/ kha dang/ snying ga dang/ lte ba rnams su grangs ji lta ba bzhin du bsgom par bya ste/ de phyir sangs rgyas lnga'i zhes bya ba gsungs so/ /zhes 'dod do/ /rdo rje bdud rtsi chu zhes bya ba ni rang gi lag pa la gnas pa'i chu skyes kyi zla ba'i dbus su/ rdo rje dkar po rtse lnga pa'i lte ba la gnas pa 'khor lo dang bcas pa'am/ rdo rje 'dzin pa gcig bu'i gzugs snyoms par zhugs pa las byung ba'i byang chub sems kyi rnam par mos pas bdud rtsi lnga'i chu bo/ /rang gi rjes su mthun pa'i dzam b+ha la ji lta ba bzhin du phyung ste/ mdun du bzhag nas de'i sngags zlos shing de la ji lta ba bzhin du sbyin par bya'o/ /de'i smin mtshams kyi mdzod spu la gnas pa dzaM ser po'i 'od zer rnams kyis sgrub pa po 'gengs par bsam mo/ /'di ni phyi rol gyi chu sbyin pa'i cho ga'o/ /nang gi cho ga la man ngag 'di yin te/ ji lta ba bzhin du bdag po'i sbyor ba dang ldan pa cho ga bzhin du rang snang ba'i chu skyes la dkyil 'khor gyi 'khor lo 'am gcig gis gzugs kyi dzaM b+ha la sprul pa nas ji lta ba bzhin de bzhin gshegs pa rnams bdag la ? ste/ d e las byung ba'i byang chub sems bdud rtsi'i chu aoM Apar bya'o/ /zlar? gshegs par 'dod na ni/ byang chub kyi sems kyis chu rgyun da rig ma dang bcas pa/ mi bskyod pa'i gzugs kyi de'i dbang bskur pa'i gnas su sprul te/ gshegs su gsol lo/ /mi phyed pa dpag tu med pa'i rdzas bsgrub pa de'i mtshan nyid du gyur pa'i phyir rdo rje rgya mtsho zhes bya ba la sogs pa'i dzaM b+ha la bshad do/ /de'i dpal ni rdzogs pa la sogs pa'i phun sum tshogs par gyur pa'i ting nge 'dzin gang la yod pa de la de skad ces bya'o/ /gnod sbyin mo bsgrub pa'i cho ga gsungs pa de nas zhes bya ba la sogs pa la/ rdo rje ni de kho na nyid kyis bsam pa can gyi rnal 'byor pa rnams so/ /'dod pa'i longs spyod kyi dpal ni gnod sbyin po de de la dmigs pa'i ting nge 'dzin la yang de skad ces bri'o/ /thams cad ces bya ba la sogs pas/ gnod sbyin mo thams cad kyi k+Shi nyid thun mong du bskyed pa'i sa bon yin par nye bar ston to/ /nam mkha' rdo rje zhes bya ba la sogs pa la/ 'di'i don ni rang gi dkyil 'khor gyi dbus su 'jam pa'i rdo rje'i sbyor ba ji lta ba bzhin du byas te/ mdun du zla ba'i dkyil 'khor la yi ge k+ShaM bsgoms nas de'i 'od zer gyi lcags kyus bkug te/ gnod sbyin gyi bu mo rnams kyis nam mkha' gang bar bsam mo/ /de nas de'i sa bon la nam mkha' na gnas pa'i gnod sbyin mo'i tshogs nang du bcug ste/ de'i sku dang gsung dang thugs kyi bdag nyid 'byung po 'dul byed kyi rgyud la sogs pa las grags pa'i gang 'dod pa'i gnod sbyin mo'i gzugs bskyed par bya'o// las gsum rdo rje'i bye brag gi / zhes bya ba ni/ ye shes sems dpa' gzhug pa sngon du song bzhi ba dang/ sdig pa la sogs pa'i dbye bas bsgrub par bya'o/ /'di nyid gsungs pa/ rdo rje 'jam pa zhes bya ba la sogs pa la/ mgo bo la ni khro bo bsgom zhes bya ba ni gshin rje gshed pos bsgrub bya'i mgo bo la mnan pa'o/ /snying gang yang de'i sngags me 'bar ba bzhin du gdung bar bsgom par bya'o/ /gnod sbyin mo rnams mnyam pa nyid ni sa bon gcig pa nyid kyis gnas par bsgom pa'i rdo rjer bshad pa'i ting nge 'dzin gang yin pa de la de skad ces bya'o/ /sman pa'i dngos grub bsgrub pa rnams kyang 'di dge ba'i chos yongs su smin pa'i dbang gis ngas par dngos grub mchog tu 'gyur ba gsungs pa/ de nas zhes bya ba la sogs pa la/ sngags thams cad kyi dngos grub ni mi snang ba la sogs pa'i ngo bo'o/ /de rnams kyi sprul pa ni/ nges par bsgoms nas yang dag pa'i byang chub bskyed par byed pa nyid de/ de nyid ni sku zhes bya ba la sogs pa 'di rnams kyis gsungs so/ /'di rnams kyi las gang 'bras bu'i gtso bor gyur pa gsungs pa mi snang ba zhes bya ba la sogs pa ni go sla'o/ /yid bzhin gyi nor bu bzhin du ma lus pa'i sems can rnams 'dod pa yongs su rdzogs par byed pa nyid kyis yid bzhin gyi nor bu'i 'od dang 'dra ba'o/ /da ni rgyud kyi don rtogs shing dbang bskur ba dang ldan pa snang ba thob pa dang dam tshig la gnas pa rnams kyi phra mo'i sbyor ba la sogs pa rnams kyis sems brtan par byas la/ lha'i snang ba thob pas rang gi rjes su mthun pa'i rig ma dang bcas pas zla ba drug tu rig pa'i rtul zhugs spyod pa gsungs pa/ rang tshul nyid kyi zhes bya ba ni/ mngon sum nyid du shing la sogs pa las byas pa'i rig dang/ rjes su 'tshams pa cod pan la sogs pa la rnam par snang mdzad la sogs par bsgom mo/ /lha de dang de rnams kyi rtsa ba'i phyag mtshan la sogs pa bzung bar bya ste/ mos pa tsam gyis ma yin no/ zhes bya ba'i tha tshig go /gang dpal snang ba 'char ba las/ /rol pa dang bcas yang dag 'char/ /rang gi nga rgyal yang dag gnas/ /rab tu grags pa'i phyag mtshan rnams la chog thams cad rgyas pa las/ /cod pan yang ni rtag tu 'dzin/ /thams cad sangs rgyas kyis ni brgyan/ /lugs ma dang ni brdungs ma 'ang rung/ /bris dang bzhag dang de bzhin du/ /ral pa'i cod pan gzhan yang ni/ /bcos ma'i skra sogs kyis brgyan byas/ /ral pa dang bral gzhan la yang/ /skra sogs bral ba gzhan la yang/ /gdon mi za bar de bzung ngo/ /dag byed don du tha snyad las/ /bzang po legs par sbyar ba dang/ /legs par sgril ba gsal ba dang/ rin ? ba rnams dang ni/ /mching bu sogs kyis gsal byas pa/ /yang dag rdzogs pa'i sangs rgyas gzugs/ /zhes gsungs so/ /de la zhes bya ba la sogs pas/ rnam par snang mdzad kyi gzugs brnyan bstan to/ /cho ga bzhin du thams cad bya/ /zhes bya ba ni 'khyil ba'i sngags kyis mngon par sngags pa sogs la sogs pa'i rgyan rnams kyis brgyan pa'o/ /yang de nyid las dpung pa g.yon la dpung rgyan no/ /g.yas ba na ni sor gdub gsung/ /lus ngag yid gsum bsrung don du/ /sangs rgyas kun gyi snang ba yin/ /lag gdub rna cha mgul rgyan ni/ /rab tu gsal la rin chung ba/ /thams cad du ni bzung bar bya/ /nga rgyal phyir ni gus dang bcas/ /zhes gsungs so/ /re zhig sku rdo rje'i sbyor bas rig pa'i rtul zhugs dang mthun pa'i shes rab gsungs pa/ bcu drug ces bya ba la sogs pa la/ spyan? gyi go 'phang longs spyod pa'i/ zhes bya ba ni/ de'i phyag mtshan dang bcas pa'i ji skad gsungs pa'i btsun mo rang snang bar bskyed par bya/ zhes bya ba'i don to/ /sngags dang rgyud ni legs par bslabs/ zhes bya ba ni/ slob dpon gyi yon tan dang ldan pa'o/ /de nyid du yang dbang bskur rjes su snang thob ma/ /sems can don byed pa la bzod?/ /phyag mtshan lhan cig yang dag ldan/ /rig ma yang dag ? de bzung/ /rig pa'i brtul zhugs skyed pa ni/ /rnal 'byor snod la mnyam bzhag pas/ /zhes gsungs so/ /de'i dus kyi dam tshig gsungs pa/ rtag tu gzhan gyi nor rku zhing zhes bya ba la sogs pa la/ gzhan gyi nor ni bzung pa la sogs pa'i mngon par zhen pa'o/ /de rku ba ni bdag med pa goms pas so/ /gsod pa ni 'dzin pa la mngon par zhen pa dang bral ba'o/ /de nyid bris pa rnams kyis de bzhin du ma rtogs pa'i phyir rmad du byung ba'o/ /thams cad gsang ba las/ sems can kun gyi nor thams cad/ /rang gi sems kyi chos kun bsdus/ /chos la bdag med sbyor ba yis/ /gsang na rang nyid 'chi ba'o/ /zhes so/ /yang na gzhan gyi nor rgu? zhes bya ba la/ gzhan ni thams cad kyi mchog nyid kyi phyir sangs rgyas so/ /de rnams kyi nor ni de kho na nyid shes pa'o/ /gang yang gsang pa'i snying po bsdus pa las/ nor kun sangs rgyas thams cad kyis/ /de nyid dam pa dri ma med ces so/ /'dod chags rdo rje gnas spyad pa/ /zhes bya ba ni skye bo thams cad la khyab pa'i snying rje rtag tu mngon du byed pa zhes bya ba'i don to/ /'das nas zhes bya ba ni/ gang gi tshe dmigs par spyod pa 'am/ lhag par snying rje la dmigs pa med na/ /de'i tshe 'di'i rdo rje 'dzin pa chen po nyid mi 'grub pa'o/ /zhes bya ba'i don to/ /shugs kyi sgra nye bar bzung nas de'i snying rje chen po dang ldan pa/ nus pa thob ba dang gzhan gyi sems shes par dkon mchog gsum la phan pa'i don du/ le'u dgu par gsungs pa'i cho gas sgra ji lta ba bzhin du yang byas nas skyon med par 'gyur ro/ /zhes bya ba'i rtogs par bya ba'i don du bya ba ste/ de bzhin du gsungs pa/ byang chub sems dpa' snying rje yis/ /dge ba 'am ni mi dge ba 'am/ /thams cad dge ba nyid 'gyur te/ /gang phyir de yid dbang 'gyur yin zhes so/ /'dod chags rdo rje lcags kyu ma/ /zhes bya ba snang ba mdza' yas la sogs pa'i sbyor bas kyang 'di'i rig pa'i brtul zhugs bya'o/ /zhes bstan no/ /rang gi phyag rgya 'am zhes bya ba la sogs pa la/ 'dis ni lha thams cad kyi rnal 'byor pa'i thun mong gi rig pa'i brtul zhugs bstan pa'o/ /lhag ma ni go sla'o/ /dngos grub thams cad kyi don du dkyil 'khor de nyid de kho na nyid kyis byang chub kyi sems kyi rang bzhin nyid kyi phyir rdo rje'o/ /byang chub sems gang de rdo rje zhes bya pa gsungs pa'i phyir de rnams kyi mngon par byang chub pa ni/ rnam pa thams cad kyi ye shes so/ /le'u gang du de bshad pa las de skad ces bya'o/ /dpal gsang ba 'dus pa'i dka' 'grel rgyal pas byin pas mdzad pa las le'u bcu drug pa'i bshad pa'o// //dam tshig bsrungs pa la sogS pas mngon par 'dod pa'i dngos grub ba grub par 'gyur te/ de'i phyir gsungs pa'i dam tshig nye bar bstan pa'i don du le'u bcu bdun pa'i dgongs pa gsungs pa/ de nas zhes bya ba la sogs pa la shin tu rnam par dag pa'i ye shes kyi bdag? nyid yin pa'i phyir mi bskyod rdo rje'o/ /me long lta bu'i ye shes kyi ngo bo nyid kyi phyir ye shes chen po'o/ /mnyam pa nyid kyi ye shes nyid kyis/ de bzhin gshegs pa thams cad bskyed pa'i rgyu yin pas rdo rje dbyings so/ /ji ltar gnas pa'i chos thams cad de kho na nyid du rtogs pas mkhas pa che ni shes rab dang ldan pa'i gtso bo'o/ /sku rdo rje la sogs pa'i rten dang brten pa'i dkyil 'khor gyi rang bzhin nyid kyi phyir/ rdo rje gsum mchog dkyil 'khor gsum mo/ /de nyid sna tshogs kyi gzugs nyid kyi phyir sems can thams cad kyi bya ba rdzogs pas bya ba nan tan gyi ye shes kyi bdag nyid/ bcom ldan 'das su gsungs pa'o/ /gsungs zhes te dam tshig la sogs pa lta bar bya'o/ /rdo rje zhes bya ba ni ye shes lnga'i bdag nyid spyir bod pa'o/ /de bzhin du rnam par snang mdzad la sogs pa'i sgo nas/ de ltar tshig bcad lhag ma'i don brjod par bya'o/ /rdo rje longs spyod ces bya ba la sogs pa la/ rnam par snang mdzad la sogs pa'i ngo bos so/ /chos kyi de kho na nyid rig pa la dam tshig brtan par bya ba'i dgongs pa gsungs pa/ de nas zhes bya ba la sogs pa la/ 'di ni rtogs par sla'o/ /dam tshig bzhi ni bsrung bar bya zhes bya ba ni dgu par gsungs pa'i cho gas sems can du lta ba la sogs pa dang/ bral bas sam rigs thams cad kyi thun mong sems can bsad pa la sogs pa'i dam tshig bzhi po skyong ba na'o/ /bza' ? ba'i dam tshig spyi dang khyad par du bshad pa'i don ji lta ba dmin? du smon pa'o/ /de nyid gsungs pa sha chen po zhes bya ba la sogs pa la/ 'dir yang mchog gi dngos grub thams cad kyi thun mong gi dam tshig go /ji skad du gang le'u drug pa las/ sha ni bza' bar bya don du/ sha chen dag tu brtags nas bya/ /sku gsungs thugs kyi dngos grub 'grub/ /gsang ba'i dngos grub thams cad la zhes so/ /yang bcu gcig pa las/ sha chen dam tshig mchog gi ni/ /rdo rje gsum mchog grub par bya zhes pa'o/ /'dir yang khyad par bshad pa/ gzugs kyi phung po'i ngo bo nyid kyi phyir rnam par snang mdzad kyi rang bzhin nyid kyis de'i dam tshig bstan pa'o/ /sgyu 'phrul dra ba las/ sha khams la gnas sangs rgyas ni/ rnam par snang mdzad mchog chen po/ /zhes so/ /sgrib pa rnam par sel ba'i sku'i ye shes kyi rnam par dag pa'i ngo bo nyid kyi phyir sha'i khams la gnas pa ni ma yin no/ /rdo rje 'dzin pas zhes bya ba ni/ sku rdo rje la sogs pa'i rnal 'byor pa rnams kyis so/ /theg pa chen po'i chen pos theg pa thams cad bsdus pa nyid kyi phyir/ rang sangs rgyas kyi dam tshig re zhig gsungs pa/ de nas zhes bya ba la sogs pa la/ gcig gi bdag nyid du gtang nas sangs rgyas pa ni rang sangs rgyas so/ /de rnams kyi dam tshig ni mi 'da' ba' i chos te/ dkyil 'khor ngang ni nges dang dus/ /brda dang sngags dang phyag rgya dang/ /lha rnams dang yang grub pa'i mdza' / /rgyal ba rnams kyi dam tshig bshad ces bya ba ni/ grub pa'i mdza' las so/ /lus kyi zhes bya ba ni tshig gis lam las 'das pa chos thams cad ces rtogs par byas nas shes bya'i sgrib pa'i phyogs gcig bzung ba'i rnam par rtog pa rab tu spangs pa'i phyir ro/ /gang gi bye brag gis gang nyan par 'dod pa de'i rnam par shes pa la/ de nyid kyis rnam par mthong ba nyid kyis 'di ltar sgra med kyang nga'i don so sor rtogs par gyur cig ces sngon gyis smon lam gyi dbang? gi mthus kyang sgra brjod pa lam bltos par gzhan rnams dge ba bcu'i las kyi lam la sogs pa la 'dug par byed de/ de'i phyir de rnams lus kyiS choS ston pa'o// de'i phyir gsungs pa/ rdo rje sku la rab tu gnas zhes bya ba ni/ sku rdo rje'i rab tu sbyor bas bsgrub par bya'o/ /zhes bya ba'i don to/ /sems bzung ba'i ngang tshul te/ zhes bya ba'i me 'bar ba dang/ chu 'brub? pa'i rdzu 'phrul yang dag par bstan pas/ gdul bya rnams dang ba bskyed pa'o/ /nyan thos kyi bslab pa gsungs pa/ de nas zhes bya ba la sogs pa la/ dge ba bcu'i zhes bya ba ni sku ci te ngan song rnams te/ sa lan ti ni 'gro bar byed pa ste/ phyi rol tu gyur pa 'dis 'gyur bas na dge ba ste/ srog gcad pa la sogs pa las ldog pa'o/ /ye shes spangs pa zhes bya ba ni dngos po la mngon par zhen pa'i phyir thabs dang shes rab kyi ye shes dang bral ba'o/ /sman pa ni rang gi don gcig pus lhur byed pas chung ba'i mos pa la yod pa de rnams la de bzhin du gsungs pa'o/ /tshangs pa'i dam tshig gsungs pa/ gti mug ces bya ba la sogs pa la/ /gti mug gi chos thams cad mi dmigs pa'i ye shes te/ de kho na nyid kyis bzung bar bya ba la sogs pa yod pa ma yin pa'i phyir ro/ /gang yang gnyis med ye shes chos rnams la/ /nga rgyal byed pa gti mug bshad ces gsungs so/ /de nyid yang dag par brjod pa'i byang chub thob pa'i thabs nyid kyi phyir lam mo/ /nges gang la las kyi nyon mongs pa'i gti mug dang bral ba ste/ de nyid rang gi don gcig bu mthar phyin pa thabs kyi ye shes dang/ bral ba nyid kyis gnyis ka'i 'gro ba'i 'jigs pa skye bas 'jigs shing mi sdug pa'o/ /thabs dang shes rab kyi ye shes dang ldan pa slar gcig tu gzhan gyi don byed pa lhur byed pa nyid gyis sangs rgyas kyi byang chub ston pa'o/ /'di skad gsungs pa yin te/ ji lta ba bzhin du yi ge aoM gyis bskyed pa mu stegs kyi lung las gsungs pa'i kha dog dang bcas pa'o/ /sku rdo rjes dbang bskur ba 'am/ rdo rje 'dzin pa chen pos dbang bskur ba'i tshangs pa bsgom par bya ste/ rnam par snang mdzad gyi dam tshig la gnas pas sgom pa rdzogs pa las sku'i rdo rje nyid thob pa ste/ de'i yon tan dang bcas pa thob par 'gyur/ /zhes bya ba'i don to/ /de bzhin du yi ge atshig la gnas nas bsgom pa rdzogs pa la de dang 'dra ba'i nus par 'gyur ro/ /'di rnams kyi rigs nges par gsungs pa/ sku la sogs pa ni go bar sla'o/ /gnod sbyin me la sogs pa'i dam tshig gsungs pa/ khrag dang sha zhes bya ba la sogS pa la/ gnod sbyin mo'i sgras 'dir srin mor shes par bya ste/ man ngag go /'di skad gsungs pa yin te/ ji lta ba bzhin du bkug pa'i srin mo'i mdun du sha dang khrag gis yongs su gang pa'i yon chab sbyin nas bdag gi chung mar gyur cig ces smra'o?/ /gnod sbyin mo la yang me tog dkar po dri chu dang bsres pas so/ /klu mo rnams la yang 'o ma dang bcas pa'i yon chab sbyin no/ /yang na thams cad nyid la bdud rtsi rnam pa lnga dang bcas pa'i dri'i chu'i yon chab sbyin no/ /lha ma yin gyi bu mo dgug pa ni/ khros pas dri dang me tog la sogs pa dang bcas pas rang gi lus la brgyan te/ bzlas par bya'o/ /mi'i bu mo dgug pa ni/ tsan dan dkar po la sogs pas byugs pa'i lus so/ /lha'i bu mo dgug pa la ni/ a ka ru'i spos la sogs pa bdug pa'o/ /gnod sbyin mo dgug pa la ni gu gul gyi bdug pa bdug? pa dang/ dri bzang po dang/ me tog gi tshogs kyis gtor ba'i phyogs gcig tu gnas pa'o/ /klu'i bu mo dgrug pa ni/ 'o ma mthungs pas gnas bas gnas pa dang/ nA ga ge sar gyis bdug pa bsregs pa zhe sdang gis 'khrugs pa las byung ba'i sems so/ /srin mo dgug pa ni mi'i tshil bu dang ldan pa dang/ mi'i thod pa rus pa'i bdug pa bsreg ? bzlas pa'o/ /mkha' 'gro ma'i dam tshig gsungs pa/ /de nas zhes bya ba la sogs pa la/ /chang la sogs pa rtag tu btung zhes bya ba ni myos par byed pa chang yin te/ gang zhig bza' btung myos pa ni/ de ni chang zhes bya bar dran?/ zhes pa'i tshig las so/ /sogs pa'i sgras ni 'bru'i chang la sogs pa bzung ste/ de la so ba shun pa la sogs mnan/ /shes bya 'jig rten la grags 'chang/ /bcos pa bur shing sogs sbyor 'dod/ /rdo rje mkha' 'gro ma'i sbyor bas zhes bya ba la 'di skad gsungs ba yin te/ ji lta ba bzhin du rdo rje 'dzin pa yongs su gyur pa sngon du song bas dpal sangs rgyas thams cad kyi rgyud la sogs pa nas rnyed pa'i yi ge h+ri la sogs pa'i sa bon phyag mtshan la sogs pa'i rim gyis zhal gsum pa/ phyag drug pa rang gi phyag mtshan dang bcas pa 'jigs pa la sogs pa'i nyams dang ldan pa/ mi bskyod pa'i cod pan can dkar mo la sogs pa'i rnal 'byor ma'i gzugs su bdag nyid bsgom par bya'o// gnas kyi mtshan nyid kyis gsang bya zhes bya ba ni/ zla ba byed pa'i mthar son pa'i mtshan ma brtag ste/ de'i snying dgug pa la sogs pa byad pa'o/ /mjug bsdu ba gsungs pa/ rnam par spyod ces bya ba la sogs pa la/ gang gi gang dam tshig bstan pa de nges par bsgrub par bya zhes bya ba'i don to/ /sku la sogs pa'i dngos grub kyi dam tshig gsungs pa/ de nas zhes bya ba la sogs pa la/ 'di'i don ni thams cad du rang dang gzhan gyi lus bskyod pa sku rdo rje'i ran bzhin no// thams cad du rang dang gzhan gyi ngag tu brjod pa la sogs pa'i sgra'i tshogs gsung rdo rje'i rang bzhin no/ /yid rnam par g.yo ba thams cad thugs rdo rje'i rang bzhin no/ /rtag tu rnal 'byor pas bsgoms na/ sku rdo rje la sogs pa'i dngos grub thob bo/ /ye shes la dbang thob pa dang yang dag pa'i ye shes la dbang thob pa'i rang gi dam tshig re zhig gsungs pa/ de nas zhes bya ba la sogs pa la/ 'di'i don ni bsod nams dang ye shes kyi tshogs yang dag par rdzogs pa thob pa las/ lhun gyis grub pa'i snying rjes gzhan gyi don ltur byed pa gnyis su med pa'i ye shes thob ba'i rnal 'byor pa tha dad pa'i blo spangs pas sangs rgyas la sogs pa la phyag mi bya ste/ byas na bdag dang gzhan du brtags pas gnyis su med pa'i ye shes kyi rtogs pa las nyams par 'gyur ro/ /de nas zhes bya ba la sogs pas lhag ma'i rnal 'byor pas phyag bya ba'i cho ga gsungs pa/ 'dir 'di'i cho ga ni/ sku la sogs pa'i dkyil 'khor la rdo rje sems dpa' i bsam gtan te/ sku dang gsung dang thugs kyi bdag nyid dam/ rang gi bdag po'i lha phyan? bya bar rung ba thams cad kyi myur bar bsgoms nas mi phyed pa'i phyag rgya'o/ /de nyid sems can gyi khams zhes bya ba la sogs pa'i tshig gis bstan to/ chen po sgrub pa chen po byas pa rnams kyis yang bdud rtsi myang ba'i cho ga bstan pa gsungs pa/ nam mkha' i dbyings zhes bya ba ni go bar sla'o/ /rig pa'i brtul zhugs spyang pa'i khyad par gyi dam tshig gsungs pa/ de nas zhes bya ba la sogs pa la/ rdzas kyang rtag tu dbrog ces bya ba ni/ ji lta ba bzhin du rdo rje dang pad+mar byung ba'i byang sems len pa'o/ /yang na srid pa'i mngon par zhen pa bsal lo/ /'di ni dngos grub thams cad kyi thun mong ngo/ /mi snang ba zhes bzung ba ni nye bar mtshon pa'i don to/ /dbu rgyan dag la bsam gtan bsam/ zhes bya ba ni rig pa 'dzin pa'i dngos grub thob nas rang gi cod pan la rang gi sangs rgyas bsgoms nas gzhan gyi rig pa 'dzin pa rnams ni rgyal ba'o/ /rin chen 'byung ldan nyid rig pa 'dzin pa thams cad kyi cod pan du bsgoms nas zhes la la dag 'dod do/ /las dang po pa rnams kyi ting nge 'dzin gzhan gsungs pa/ sku'i rdo rje kha/ bcas? la zhes bya ba ni bza' ba'i dus su skad cig gis sku rdo rje'i mos pa byas nas/ rang gi snying ka'i zla ba la 'khor lo'i bdag po dmigs na bza' ba ji lta ba bzhin du ye shes kyi bdud rtsir byas nas/ zhi ba'i sbyin bsreg gi cho ga bzhin du bza' bar bya'o/ /de'i phyir kun tu bzang po'i sgrub thabs las zan za'i tshe na snying ga'i zla ba la/ 'khor lo'i gtso bor rang gi gsang sngags kyis/ /kun tu dmigs te byang chub sems kyi ni/ /ngo bo nyid gyur 'od dang ldan par bsam/ /rang gi zas la de nyid gsum bzlas te/ /thams cad mnyam pa nyid du rnam par dag /de yis sku yi rdo rje la sogs pa/ /lha rnams kun tu tshim pa nyid du bya/ /zhes so/ /phyi rol rdo rje 'dzin pa dang/ zhes bya ba ni phyi rol tu gyur pa'i ma lus pa'i yul rnams la de kho na nyid kyis chos kyi dbyings kyi ngo bo nyid kyi phyir rdo rje 'dzin pa'i rnam pa nyid du g.yo ba dang/ /brtan pa'i bdag nyid kyi rang bzhin 'di rnams mos par bya'o/ /de yang yul gyi dbang du byas nas/ /dpal ldan rdo rje 'dzin? pa lta bur ni/ /chos nyid kyis ni phan tshun khyad par med ces so/ /rtag par rdo rje chos su bya/ /zhes bya ba ni rdo rje chos rtag tu mdo 'don pa na'o/ /dam pa'i chos klog pa la sogs pa'i bya ba la bsgom par bya'o/ /'di skad brjod par 'gyur te/ dam pa'i chos klog pa la sogs pa la/ ji tsam tshig 'don pa de dag snang ba mdza' yas kyi gzugs kyis phyogs bcu rnams su ji ltar skal ba dang ldan pa rnams la chos ston pa la sogs pa byas nas yang slar 'ongs nas rang la zhugs pa'o/ /'dis ni thams cad kyi gnas skabs su yang thams cad kyi dngos po rang bzhin gyis bdag nyid bcom ldan 'das su bsgom par bya zhes gsungs pa yin no/ /sangs rgyas thams cad las/ /dbang po gang dang gang lam gyur/ /de dang de gi ngo bor bya/ /rang gi lhag lha'i sbyor ba yis/ /sangs rgyas kun dang mnyam par 'gyur/ /ces gsungs so/ /de kho na nyid du ni chos thams cad rang bzhin med pa'i phyir/ de'i lhag par mos pa nyid gtso bor dngos grub thams cad grub pa'i phyir dam tshig de bzhin gshegs pa rnams kyi zhal gyi 'dul ba rnams la rtogs par 'dod nas so sor bdag nyid rig pa'i chos nyid dmigs nas bcom ldan 'das cang mi gsung par gyur to/ /zhes gsungs pa/ de nas zhes bya ba la/ sogs pa la/ rdo rje 'dzin pa thams cad ces bya ba ni/ sangs rgyas la sogs pa'o/ /de rnams rang rang gi snying po rdo rje mnyam pa nyid kyi ye shes kyi mtshan nyid gnyis su med pa'i ngo bo rnams dag dang yid kyi spyod yul ma yin pa'i bsams te/ de'i ngo bo nyid rnyed nas brjod bya dang bral bas rjod byed zlog pas cad mi gsung bar bzhugs pa'o/ /byang chub sems dpa' rnams kyis dris pa'i lan gsungs pa/ de nas zhes bya ba la sogs pa la/ lus la sogs pa rnams rang bzhin gyis ma skyes pa'i ngo bo nyid kyi phyir/ /rang bzhin med pa chos kyi dbyings kyi ngo bo nyid do/ /rang bzhin mi 'gyur ba nyid kyi phyir mi 'gyur pa'o/ /de'i tshig ni rang gi ngo bo nyid kyi gnas skabs te/ bzung ba la sogs pa rnams de kho na nyid du yod pa ma yin pa'o/ /de'i phyir de nyid gsungs pa/ ngo bo nyid med pa'i yi ge'i tshig ces bya'o/ /dpyad nas zhes bya ba la sogs pa ni/ brjod du med pa'i chos nyid mngon sum du byas nas/ cad mi gsung bar bzhugs pa'o/ / de nyid gsal bar gsungs pa/ sku mi 'gyur ba ma skyes pa zhes bya ba ni gcig dang du ma la sogs pa'i ngo bos sku mi dmigs pa'o/ /de'i phyir de la brten pa dag dang sems dang/ de bzhin du ngo bo nyid kyis rang dang spyi'i mtshan nyid kyis stong pa'i phyir/ gsung zhes bya ba la sogs pa'o/ /ji ste ji ltar sku la sogs pa btags pa yin zhe na/ gsungs pa nam mkha' rdo rje zhes bya ba la sogs pa la ji ltar nam mkha' ni ma skyes pa dang/ rab tu gnas pa ma yin pa dang/ thogs pa med pa dang/ sgrib pa med pa dang/ gzhi med pa yin yang tha snyad tsam du nam mkha' zhes brjod de/ de bzhin du sku la sogs pa yang yin no/ zhes bya ba'i don to/ /de yang rgyal ba'i yum las/ dper na nam mkha' ni 'ong ba med pa dang/ 'gro ba med pa dang/ mi 'gyur ba dang/ 'dus ma byas pa dang/ gnas med pa dang/ rnam par gnas pa med pa dang/ ma skyes pa dang/ 'gog pa med pa de bzhin du rab 'byor chos thams cad kyang yin no/ /zhes so/ /de nyid gsungs pa/ log par bzung ba zhes bya ba ni/ ji ltar nye par bstan pa'i don thob par byed pa med pas/ nam mkha' dma' bar snang ba bzhin du khams gsum pa'i shes pa phyin ci log nyid kyis rtogs pa'i don ni/ log par bzung ba zhes bya'o// de nas bden pa ma yin pa'i shes pas zin pa khas blangs pa brtags pa tsam las/ byung zhes bya ba'i tha tshig go /byang chub sems dpa' rnams rang gi rnam par rtog pas byas nas dgag pa'i don du gsungs pa/ thams cad ces bya ba la sogs pa la/ de bzhin gshegs pa thams cad kyi dbyings ni/ skye ba'i rgyu ste byang chub sems so/ /de nyid de bzhin gshegs pa thams cad kyi skyed pa ste/ de'i rang bzhin sangs rgyas bcom ldan 'das te/ de rnams kyi spyod pa ni gdul bya'i bsam pa'i dbang gis kun rdzob dang don dam pa'i bden pa'i man ngag bstan pa'o/ /de 'gro bas rang gi ye shes kyi rjes su 'gro ba ste/ 'dra bar byed pas na 'gro ba dang rjes su 'gro ba'o/ /de'i phyir ston pa dang 'dra ba nyid 'di'i rigs par 'gyur ro/ /ci'i slad du zhe na/ zhes bya ba ni ji ltar sngon gyi de bzhin gshegs pa thams cad kyi sems can phyi bsam pa'i dbang gis res 'ga' yang phyi rol la brten nas chos kyi gtam byas te/ de bzhin du 'dis kyang bya'o/ /zhes dgongs nas gsungs pa yod pa zhes bya ba la sogs pa ni/ tshangs pa rdo rje ming gi dbang bskur ba thob pa'i byang chub sems dpa' 'jig rten pa'i mngon par shes pa lnga tsam thob pa de yang/ ji ltar gyur pa'i chos kyi de kho na nyid ma rtogs ba dang ldan pa res 'ga' de bzhin du 'chad par 'gyur ba'i rnam par rtog pa byed par 'gyur ro/ /rnam par rtog pa de nyid gsungs pa/ ji snyam du zhes bya ba la sogs pa la/ 'di snyam du rdo rje 'dzin pa 'di/ rdo rje de kho na nyid de bzhin gshegs pa'i ye shes ma shes nas kyang zhes bya ba/ mngon du ma byas par chos kyi de kho na nyid ston pa ni/ gang gi phyir chos cung zad kyang bden par khas mi len to/ zhes so/ byin ci ma log pa'i chos ston pa po'i de bzhin gshegs pa rnams ni rang bzhin med pa nyid kyang de kho na nyid du chos rnams kyi chos nyid de 'dis ston to/ /zhes de bzhin gshegs pa rang gi rtogs pa dang 'dis mnyam par 'di'i chos ston pa 'gal ba ma yin par chos ston pa rtogs par bya pa'i phyir gsungs pa/ byang chub sems dpa' khyed rnams lta ci smos/ zhes bya ba ni re shig byang chub sems dpa' rnams lta zhog ste/ thams cad mkhyen pa'i ye shes kyis stong pas 'dir yongs su mi shes so/ / nged thams cad mkhyen pa thams cad gzigs pas kyang/ sku la sogs pa'i rang bzhin yongs su mi shes so/ /'dir rgyu gsungs pa ngo bo nyid med/ ces bya ba la sogs pa la ngo bo nyid med pa ni de bzhin nyid do/ /de nyid rang bzhin nyid kyi phyir mi g.yo pa ni mi 'gyur ba ste/ de las byung ba ni de rtogs pa las skye zhes bya ba'i don to/ /de nyid kyi phyir skye ba med pa'i bdag nyid ni rdo rje mngon par byang chub pa'o/ /sems can rnams kyang de'i ngo bor rtogs par bya ba'i ched du gsungs pa/ khong du rtogs pa zhes bya ba la sogs pa la/ rang bzhin gyis rang dang/ phyi'i mtshan nyid dang bral ba'i phyir dngos po thams cad byang chub la gnas pa ste/ sems can thams cad de bzhin nyid kyi ye shes kyi rang bzhin nyid ces bya ba'i don to/ /de nyid kyi phyir sangs rgyas rdo rje'o/ /'o na sangs rgyas rnams ni bag chags dang bcas pa'i nyon mongs pa dang bral ba'i phyir yin la/ gzhan rnams la ni de yod pa'i phyir ji ltar de'i ngo bor 'gyur zhes bya ba'i dgos pa gsungs pa sku zhes bya ba la sogs pa la sku gsum gyi bdag nyid ni sku rdo rje la sogs pa rnams kyi de kho na nyid rang bzhin med pa nyid kyi rdo rje chos nyid de gnyis su med pa'i ye shes kyi ngo bo nyid nye bar bzung nas rgyud de byas te/ de'i sgo nas sku gsung thugs kyi ye shes thob pa la sangs rgyas rdo rje zhes 'dogs te/ kun rdzob tu ni ji ltar snang ba bzhin du gnas te gang dang yang 'gal ba med do/ /de yang kun tu bzang po las/ /'di ni srid dang zhi ba'i ngo bo ngag/ chos nyid dbye ba 'ga' yang yod ma yin/ /gang phyir bzung ba la sogs pa rnams dang/ /bral pa thams cad du ni rtag par grub/ /ces gsungs so/ /de nas bcom ldan 'das kyang mtshan ma med pa'i ting nge 'dzin las bzhengs te/ 'di'i don gyi lam bstan pa'i phyir gsungs pa de nas zhes bya ba la sogs pa la/ 'dod chags la sogs pa rnams ni rang bzhin gyis zhi ba nyid kyi phyir dang/ rang bzhin dag cing bdag med pa'o/ /chos kyi dbyings kyi cha shas med pa nyid kyis rten dang brten pa'i dngos po dang bral ba'i phyir gnas med pa'o/ /'di ltar rnam par gnas pa ni chos thams cad bdag med pas thun mong dang cig shos kyi dngos grub kyi mtshan nyid du rtogs pa ste/ rdo rje las byung ba zhes bya ba ni/ /gnyis su med pa'i ye shes kyi bdag nyid do/ /smra bar byed pa ni sgrar byed pa dang/ ston par byed pa zhes bya ba'i tha tshig go /de kho n nyid bdan par bya ba ma yin pa nyid kyi phyir smra bar bya ba ma yin no/ /bdag las byung pa phung po rnams/ /de ni dam pa'i don du brdzun/ /bdag gis sa bon brdzun yin na/ /de'i myu gu ji ltar bden/ /zhes bya ba rig pa las so/ /de nas zhes bya ba la sogs pas dris pa dang/ lan gyi rim pas 'di'i don nyid gsal bar byed do /'di skad gsungs te/ dngos grub la sogs pa yang de kho na nyid kyis gnas med pa'i ye shes kyi bdag nyid do/ /a ma'o rdo rje e rdo rje/ zhes bya ba ni ngo mtshar ba 'am/ dga' bar gyur pa lan gnyis su smos pa'o/ /ngo mtshar dang ni rtsod pa dang/ /khro dang zhum dang nges bzung dang/ /dad dang mchog tu dga' ba la/ /tshig gcig lan gnyis smos pa yis zhes gsungs so/ /rdo rje zhes bya ba ni theg pa chen po'i yang chen po'i'o/ /gang du zhes bya ba ni de bzhin nyid du'o/ /lus dang ngag sems med ces bya ba ni/ sku la sogs pa dmigs pa med pa'i phyir ro/ /de ru gzugs ni lus la sogs pa la brten pa chos kyi dbyings dang tha mi dad pa'i ngo bo nyid do/ /rnam par bsgom zhes bya ba ni brtag par bya ba ste/ do mtshar ba'o/ /rig pa'i brtul zhugs spyad pa zhag bdun gyi bar du rang gi lha tshim par byas nas sgrub pa la 'jug par bstan pa gsungs pa/ de nas zhes bya ba la sogs pa la/ rdo rje gsum ni tshangs pa la sogs pa ste/ sku rdo rje la sogs pa'i rang bzhin nyid kyi phyir ro/ /de las mchog ni nyan thos dang rang sang rgyas la sogs pa khams gsum gyi 'dod chags dang bral ba'i phyir ro/ /de la mchog ni sangs rgyas dan byang chub sems dpa' rnams te/ bsod nams dang ye shes kyi tshogs dang bsam pa'i bdag nyid chen pos so/ /de'i phyir yum mchog ni byang chub kyi sems rdo rje'o/ /thams cad kyi gtso bor gyur pa nyid kyi phyir ro/ /de nyid gsungs pa/ rdo rje gsum gyi dbang phyug mchog ces so/ /sangs rgyas dkyil 'khor zhes bya ba ni/ rnam par snang mdzad kyi dkyil 'khor te/ de'i sbyor bas bsgom par bya/ de'i dgus su ji lta ba bzhin du sku rdo rje'i sbyor ba byas nas so/ /spyi bor rdo rje rab tu bsgom zhes bya ba ni rdo rje 'dzin pa po'o/ /gang gi tshe thugs kyi dkyil 'khor du sku'i rdo rje bsgom pa de'i tshe mi bskyod pa bsgom par bya'o/ /sangs rgyas thams cad kyi spyi bor mi bskyod pa bsgom zhes bya ba la la dag zer ro/ /rdo rje 'khor lo 'dzin bsam na zhes bya ba ni de bzhin du rdo rje 'dzin pa dang bcas pa'i rnam par snang mdzad bsgoms na myur du byang chub thob ste/ dang po'i sgrub pa nyid la de bzhin du 'gyur ro/ zhes bya ba'i don to/ /thams cad rigs kyi bye brag gis zhes bya ba ni gang rigs dang 'brel pa'i lha de'i rigs kyi bdag po des cho ga bzhin du tshim par bya zhes bya ba'i don to/ /la la dag brjod zin pa'i dbang bskur ba yang 'dir bstan to zer ro/ /de'i phyogs la nyi ma bdun po zhes bya ba la sogs pa'i rdo rje don ji ltar 'gyur bar bsam mo/ /dbyings su gyur pa'i rgyal mo zhes bya ba ni sa la sogs pa'i khams kyi rang bzhin rang gi rim pa la gnas pa'i rgyal mo chen mo ni spyan la sogs pa rnams so/ /de dag kyang bskul ba'i don du rang gi lha'i sku mnyes par byed par rnam par gsam mo/ /la la dag bsgrub bya dgug pa na/ mnyes par byed pa sangs rgyas spyan bsgom par bya'o/ zhes 'dod do/ /de ni sngar gsungs pa'i phyir 'brel pa med pa'o/ /lag pa'i phyag rgya mi bcing ngo/ /zhes bya ba ni sems par g.yeng pa'i rgyu'i phyir ro/ /cho ga bzhin du rtag tu bza' o/ /zhes pa ni sbyang ba la sogs pa sngon du song ba bza' ba'o/ /thams cad cho ga bzhin du spyod ces bya ba ni rigs dang yon tan dang gzugs la sogs pa mi spyod par ji ltar rnyed pa bde bar gshegs pa mchod pa'i don du snang ba bzhin legs par sbyangs nas nye bar spyad do/ /dam tshig ji snyed yod pa kun/ zhes bya ba la sogs pa ni rang gi lus la gnas pa'i sangs rgyas dang byang chub sems dpa' rnams so/ /de nyid gsungs pa/ rdo rje gsum gyis dam tshig gis zhes bya ba ni sku rdo rje la sogs pa rnams kyis gang 'dir dam tshig gsungs pa'o/ /de rnams kyi ji ltar rnyed pas rang gi lha cho ga bzhin du mchod par bya'o/ /nang gi bdag nyid kyi lha rnam par bzhag pa gsungs pa/ lnga zhes bya ba la sogs pa la/ gzugs dang/ tshor ba dang/ 'du shes dang/ 'du byed dang/ rnam par shes pa'i phung po rnams kyi bdag nyid rnam par snang mdzad la sogs pa/ yang dag par rdzogs pa'i sangs rgyas rnams so/ / rdo rje skye mched nyid dag kyang/ zhes bya ba ni/ dbang po dang yul gyi bye brag gis bcu gnyis so/ /de dag nyid las byang chub sems dpa' i sa'i snying po la sogs pa rnams kyis dkyil 'khor mchog ni gnas ? bo rnams kyi ste/ mig la sogs pa'i rang bzhin rnams kyi phyir/ sa'i snying po la sogs pa rnams so/ /reg bya'i skye mched sa la sogs pa'i 'gyur ba rnams la khyad par gyi lha gsungs pas ni/ zhes bya ba la sogs pa la/ 'di skad gsungs pa yin te/ gang gzugs la sogs pa'i phung po rnams ni rnam par snang mdzad la sogs pa'i rang bzhin no/ /mig la sogs pa ni sa'i snying po la sogs pa'i rang bzhin no/ /gzugs la sogs pa'i skye mched ni/ gzugs rdo rje la sogs pa'i rang bzhin rnams so/ /sa'i khams la sogs pa ni/ spyan la sogs pa'i rang bzhin du lta'o/ /'di nyid du yang rdzogs ba'i rim pa bstan pa ni/ bla ma'i man ngag la bltos nas/ gsal bar bya'o/ /rdzogs pa'i rim pa bsgom ba la gnas pa'i rnal 'byor bas/ lha la sogs pa'i dmigs pa la mngon par zhen ba shin tu mi bya bar bstan pa gsungs pa/ de nas zhes bya ba la sogs pa la/ thams cad kyi mnyam pa nyid ni/ chos kyi dbyings kyi rang bzhin no/ /de nyid gnas ba ste/ gang du ting nge 'dzin de la snyoms par zhugs ba ste/ don dam par chos nyid mngon du byas pa dang ldan pa dang zhes bya ba'i don to/ /'khor gyi dkyil 'khor la dmigs nas zhes bya ba la/ shes rab kyi spyan gyis/ mi dmigs pa'i ngo bo nyid kyis/ kun tu rig pas brjod par bya ba la sogs pa'i chos mi srid pa nyid kyis phyir cang mi gsung bar 'gyur ro/ /brnyas pa mi bya ba'i don du slob dpon gyis rang gi ngo bo yang dag par gsal bar bya ba de bzhin gshegs ba rnams kyis gsungs pa/ byang chub kyi sems rdo rje bzhin zhes bya ba la/ thog ma tha ma med zhi ba/ /dngos dang dngos med zad pa'i gtso/ /stong nyid snying rje mi phyed pa/ /byang chub sems zhes bya bar bshad/ /ces gsungs so/ /de nyid rdo rje ste/ mi phyed pa gang la yod pa de la de skad ces bya ste/ chos kyi sku'i bdag nyid rdo rje 'dzin pa chen po'o/ /mtshan min thams cad yang dag spangs/ /mtshan nyid thams cad yang dag rdzogs/ /snyan pa'i tshig dang bden par ldan/ /dul zhing brtan la brtson 'grus can// zab cing rgya che de nyid shes/ /dad dang shes rab gnyis ldan gtsang/ /'jig rten chos kyi dri ma 'das/ /sgyu dang g.yo ni rnam bar spangs/ /zhes bya ba la sogs pa'i yon tan dang ldan pa'i rnal 'byor pa rtag tu de'i rnal 'byor la rnam par gnas pa nyid kyi phyir/ de bzhin du 'di lta bar bya ste/ de bzhin du bsten par bya zhes bya ba'i don to/ /'dis ni slob dpon thams cad la gus par bya ba mdor sdus nas gsungs pa yin no/ /gnyis su dbyer med ces bya ba la/ /rgyu'i de kho na nyid dang 'bras bu'i de kho na nyid la brten pa dag de kho na nyid kyis dbyer med pa nyid kyi phyir ro/ /de yang thams cad gsang ba las/ /rgyu nyid ji ltar mthong ba ni/ /'bras bu yang na de nyid do/ /zhes so/ /de bzhin gshegs pa thams cad kyi mchod pa zhes bya ba ni/ spyan la sogs pa sprul pa'i rang bzhin rnams kyis sam/ byin gyis brlabs pa dang rjes su bzung ba'i mtshan nyid la sogs pa rnams kyis yang dag par mchod pa'o/ /'gro zhing zhes bya ba ni gshegs su gsol nas 'gro ba zhes bya ba'i don to/ / pha zhes bya ba ni thabs kyi rang bzhin nyid kyis so/ /ma zhes bya ba ni shes rab kyi rang bzhin nyid kyis so/ /'di gnyis ka'i bdag nyid kyis rdo rje 'dzin pa ste/ de bzhin du yang bshad pa/ ma ni shes rab pha rol phyin/ /yab ni thabs la mkhas pa ste rdo rje sems dpa' gdul bya'i phyir/ /rig dang 'byung bar 'gyur ba yin zhes so/ /ston pa po zhes bya ba ni drag shul gyi dngos grub ster ba la sogs pa 'dzud pa 'am/ /zhi ba la sogs pa'i las la sbyor ba'o/ /ci'i phyir yang 'di slob nyid du thob ces/ byang chub sems dpa' rnams kyi bsam pa rig nas ji ltar rig nas ji ltar thob pa ston pa gsungs pa/ nyon cig ces bya ba la sogs pa la/ byang chub kyi bdag nyid la sems dpa' 'di la yod pas/ byang chub sems dpa' ste/ rdo rje 'dzin pa chen po'o/ /de kun tu 'byung ba zhes bya ba'i rdo rje mi phyed pa ste/ gang la ting nge 'dzin de yod pa de la de skad ces bya'o/ /ting nge 'dzin gyi dkyil 'khor bya ba ni/ /bsam gtan gyi dkyil 'khor ro/ de'i phyir sems brtan pa'i rnal 'byor pas bsam gtan byas nas dkyil 'khor du/ gsang ba'i dbang la sogs pa byin pa'i phyir thob pa'o/ /gru bzhi lham pa rab tu mdzes zhes bya ba ni phyi'i dkyil 'khor te/ nang gi dkyil 'khor zlum po ka ba brgyad kyis mdzes par byas pa nyid do/ /gang smras pa/ bsam gtan gyi dkyil 'khor gru bzhi pa/ rim pa gcig pa'i dkyil 'khor gyi bdag po'i kha dog bsgom par bya zhes po bstan pa'i phyir 'di gsungs pa yin no/ /zhes so des na gang gsungs pa/ kun tu bzang po las/ ka ba bzang po brgyad kyis nyer mdzes pa/ rnam thar brgyad po rnam par dag pa yin/ zhes pa de ji ltar rtogs par bya ba bsam par bya'o/ /gdug pa rnams kyi khrag dgug pa'i don du rdo rje mkha' 'gro'i ting nge 'dzin gsungs pa/ de nas zhes bya ba la sogs pa la/ 'di'i don ji lta ba bzhin du rdo rje 'dzin pa yongs su gyur pa las/ yi ge hUM dang rtse gsum las byung ba kha dog sngon po zhal 'gyur zhing gtsigs pa/ dbu skra gyen du 'khyil pa mi bskyod pas dbul brgyan pa/ ljags 'dril ba/ g.yas kyi phyag dag gis rtse gsum dang mi'i rus pa'i phung bu 'dzin ba'o/ /g.yon gyi phyag na rdo rje 'bar ba dang bcas pa'i kha TwA ga dang thod pa bsnams pa/ rgyu ma'i 'phreng bas brgyan pa g.yon brkyang ba'i tshul du bzhugs pas dur khrod kyis 'am nyi ma'i gdan la rdo rje mkha' 'gro ma'i gzugs su bdag nyid bskyed nas nam mkha' la yi ge kham gyis sgyu ma'i sems can rnams rus pa dang / sha la sogs pa las phyi rol tu gyur pa na r ig la bzhin du khrag gis yongs su bkang nas sprul te de'i snying gar rtse gsum gyis phug la de nas rang gi lce la h+rinas sbu gu de'i nang na tshur la khrag gi rgyun 'dren par sems mnyam par bzhag pas sngags zlos shing/ rang gi kha dgang bar bsam par bya'o/ /de bzhin du sgom zhing zlas pas mtshan ma byung nas yang 'bum zlas te nges 'grub bo/ /sangs rgyas nyid kyi sku zhes bya ba ni sangs rgyas kyi rnal 'byor pa yang ting nge 'dzin 'dis khrag 'gugs pa la sogs pa'i gnod pa bya'o zhes bya ba'i don to/ /da ni rdzogs pa'i rim pa sgom pa'i rnal 'byor pas kyang rtag tu dam tshig dang sdom pa la gnas par bya'o/ zhes bstan par bya ba'i phyir gsungs pa de nas zhes bya ba sogs pa la/ 'dis 'di skad gsungs te/ rnal 'byor pa rnams ni bza' ba la chags par mi bya ba'o/ /chags pa dang bral bar yang mi bya la thams cad rang bzhin mnyam pa nyid kyis ros mnyam par byas te/ cho ga bzhin du nye bar longs spyod par bya'o/ /mchod pa'i yo byad mchog lnga'i zhes bya ba ni brtson 'grus lnga la sogs pa rnams kyis cho ga bzhin du thams cad mchod par bya'o/ /phyi rol gyi bud med rang snang bar byas nas/ snyoms bar zhugs te/ bsten pa rang gi byang chub sems kyi thig le las byung ba de bzhin gshegs pa'i tshogs lha mo'i pad+ma'i nang du bcug ste/ ye shes kyi bdud rtsir byas nas/ ji lta ba bzhin du gsal bar byas te/ rang gi khas ro myangs nas/ rang gi lus la gnas pa'i lha'i 'khor lo mnyes par bya'o/ /sems can khams rnams mdza' yas kyi/ /dam tshig 'dzin pa'i ma rnams la/ zhes bya ba'i don ni/ bla ma'i man ngag las shes par bya'o// dam tshig 'dzin pa zhes bya ba ni rang snang ba bzhin du bskyed pa'i lha'i sbyor bas sam/ yang na mchog tu dam tshig dang sdom par skyong bar lhung byed pa'o/ /spyad ces bya ba ni rang gi rig mar mos pas snyoms par zhugs pas tshim par bya'o/ /lus dang ngag sems longs spyod kyi zhes bya ba ni rdo rje 'dzin pa chen po nyid do/ /gsang ba gsum gnas rdo rje skyes zhes bya ba ni thabs dang shes rab kyi bdag nyid mchog tu zag pa med pa/ bde ba chen po'i rang bzhin no/ / bsgrub par bya zhes bya ba ni bdag rdzogs par bya ba'o/ /bzang po zhes bya ba ni thams cad du sems can thams cad la dge? ba thams cad skyed par byed pa'o/ /'dir ni yod ye 'jig mi 'gyur/ zhes bya ba ni 'dir thams cad du 'gal bar grags pa'i las spyod ba yang sems can rnams la phan pa'i don du 'jug ste/ gang gi rnam pas kyang bsod nams dang ye shes kyi tshogs shig pa ste/ zad par 'gyur ba bdag la med pa ste/ lhag pa'i bsam pa bskyed nas de gzhan la phan pa bskyed pa'i don du lha'i sbyor ba sngon du song bas thams cad du rtsol ba 'jug par bya'o/ /zhes ston to/ /bsam pa zhes bya ba'i tshig la ni 'di'i don ni/ rtogs par sla ba nyid do/ /bsgoms pas skyo na skyo ba bsal pa'i don du cho ga gsungs pa/ de nas zhes bya ba la sogs pa la/ 'di skad gsungs pa yin te/ bsgom pa la sogs pas skyo ba'i rnal 'byor pas/ rang gi mgo bor mtho gang tsam spags pas bdud rtsi lnga 'das pa'i dkyil 'khor gyi dbus na gnas pa ste/ de la gnas pa'i yi ge aoM gyi 'od zer gyis mar sar bzhin du khu bar byas nas bltas te/ de nas gangs bzhin du bsil ba'i bdud rtsi'i rgyun gyis 'tshog ma nas 'bab pa nas rtsa ma lus pa nas/ /sku rdo rje la sogs pa'i lus thams cad cho ga bzhin du tshim par bya'o/ mchod rten brtsig pa'i las mi bya zhes bya ba ni/ 'di'i don ni rgyun mi 'chad par sgom par 'dod pa'i rnal 'byor pa rang gi lha rdzogs pa nyid ni mchod rten chen po'i las so/ /bzlas pa don du gnyer ba dang/ sngags brjod pa nyid ni glegs bam klog pa'o/ /phyogs bcur khyab pa spros pa la sogs pa dang ldan pa'i dkyil 'khor sgom pa nyid du shin tu rgyas pa'i dkyil 'khor te/ gzhan phyi'i sems g.yeng ba'i rgyus ci zhig bya/ bsod nams zung du bsags pa'i rgyus rnal 'byor pas mchod rten rtsigs pa la sogs pa'i las mi bya'o/ /gang yang res 'ga' sgom pa'i sbyor bas mngon pI nga rgyal gyis gnas pa de rnams kyi ni bkag pa ma yin te/ bsod nams bsagS pa'i rgya nyid kyi phyir ro/ /yang na glegs bam klag par mi bya'o/ /zhes bya ba ni don la mi bltos par klog pa tsam bkag pa yin no/ /de yang sku yis 'dir ni klag par bya/ /ngag gi klags pas ji ltar 'gyur/ /sman spyad klags pa tsam gyis ni/ /nang pa la ni ji ltar phan/ zhes gsungs so/ /sems can las byung ba zhes bya ba'i tshig gzhan la ni 'di'i don sems las skyes pas sems ls byung ba ste/ tshor pa dang sems dpa' dang/ 'du shis dang/ 'dun pa dang/ reg pa la sogs pa ste/ de rnams mi bya'o/ /sems g.yeng ba rnam par rto pa'i go skabs mi sbyin pa zhes pa'i don to/ /rdo rje gsum zhes bya ba la sogs pas ni tha mal pa'i 'gro ba rnams bzhin du phyag mi bya'o/ /thams cad du mi bya ba ni/ ma yin no/ /phyag gi cho ga sngar bshad pa/ nyid kyi phyir ro/ /gdul bya'i skye bo'i dbang gis du gnye bar longs spyod pa'i cho ga gsungs pa/ de nas zhes bya ba la sogs pa la b+h+ruM? 'khor lo'i dbus su chung? ? par bzhag ces bya ba ni gtsug tor 'khor los sgyur ba la sogs pa'i sbyor ba dang ldan pas rang gi lag pa g.yon pa las yi ge b+h+ruM? las byung ba'i 'khor lo rtsibs brgyad pa'i lte ba la dug gi dum bu bzhag par bya'o/ /yi ge tha'i dbyibs lta ba 'khor lo'i lte ba la zhes la la dag 'dod do/ /de nas de la 'od zer dkar po dang bcas pa'i yi ge gsum dgod de/ de nas de dkar por byas nas/ bdud rtsi lta bur bsams te/ srin lag gi rtse mos reg te /so'i rgyal po gnyis kyis dang po bzung nas rang gi lha dkar po'i gzugs kyi mi 'jig pa'i sbyor bas bza' ste/ dug med par 'gyur ro/ /mu stegs la sogs pa dug za ba rnams nga rgyal bcag pa'i phyir de bzhin du kha dog ser pa 'bar ba dang bcas pas rengs par 'gyur ro/ /dug chen por byed pa ni/ kha dog nag po 'od zer gyi ha la ha la'i dug chen po der gzhug par bya'o/ /de bzhin du shin tu mthu dang bcas pas lci bar 'gyur ro/ /bskul na shin tu mi 'bar ba dang 'dra bar bsam bar bya'o/ /de bzhin du bsgrub bya'i lus la gnas pa'i dug dbyung ba yang cho ga bzhin du bya'o/ /da ni rnam par g.yeng ba'i gnas skabs su rang dang gzhan bsrung ba'i don du bris pa dang bsgom pa'i phyir zlog pa'i 'khor lo ni/ de nas zhes bya ba la sogs pas gsungs te/ 'di yang bla ma'i yan lag las cho ga ji lta ba bzhin du shes par bya'o/ /rdo rje mig sman gyi dngos grub bshad par 'dod nas gsungs pa/ de nas zhes bya ba la sogs pa la/ zhi gnas zhes bya ba ni dur khrod do/ /yang na lha chen po'i gnas so/ /thod par dbab par bya zhes bya ba la/ 'di skad gsungs pa yin te/ ji lta ba bzhin du bdud rtsi 'khyil ba'i sbyor pa'i bzlas pa byas nas/ mtshan ma byung nas aoM hu lu hu lu zhes bya ba la sogs pa'i sngags 'bum bzlas nas/ lam gyi bzhi mdo la sogs pa thod pa dang/ lag pa dang/ rkang pa la sngags pa 'dug nas thod pa gsum gyi dgyed bu byas te/ tshil chen gyis gang ba'i thod pa'i phru ba cig bzhag la de la arka'i bal la pad+ma'i skud p as dkris pa'i sdong gus bshad ba la sogs pa dang bcas pa dur khrod kyi mes sbar la mar gyi ngo'i tshes bcu bzhi la bdud rtsi 'khyil ba'i sbyor ba bys nas aoM hu lu hu lu zhes bya ba la sogs pa'i sngags bzlas nas thod pa la mig sman dbab par bya'o/ /de nas mig sman thod pa la gnas pa'i steng du lag pas mnan te sngags brgya rtsa brgyad zlos shing de las 'bar ba la sogs pa'i dngos grub gsum du 'gyur te/ 'bar bas ni 'dod pa'i khams su rig pa'i 'dzin pa'i bdag por 'gyur ro/ /du bas ni mi snang ba'i bdag por 'gyur ro/ /dro bas ni ring pon gnas pa'i sa'i gter mthong ba dang/ rkang mgyogs kyi dngos grub thob par 'gyur ro/ /mtshan ma ma byung bas kyang skye bo thams cad dbang du 'gyur ro/ // da ni che ba'i bdag nyid bshad pas rgyud kyi yang dag par rdzogs pa'i thun mong ma yin pa'i mthu gsungs pa/ de nas zhes bya ba la sogs pa la/ gsang ba zhes bya ba'i rigs gsum ste/ gsang ba zhes bya ba rigs gsum mo /zhes bya ba'i tshig las so/ /de nyid chos kyi dbyings de'i bdag nyid kyis rten du gyur pa nyid kyi phyir/ mi 'gyur ba'i gnas so/ /yi ge'i tshig ni de rnams du dang ldan pa zhes bya ba ni 'di'i dri ba'o/ /yi ge gsum zhes bya ba ni lan no/ /gang zhig lags zhes pa ni dris pa'o/ /lan gsungs pa sku rdo rje zhes bya ba la sogs pa la/ de bzhin gshegs pa thams cad dang/ ye shes dang ldan pa zhes bya ba'i tha tshig go /rigs gsum gyi bdag nyid du 'dus pa'i phyir/ de bzhin gshegs pa thams cad kyi'o/ /de bzhin gshegs pa byung ba yang de lta bur gyur pa'i chos ston pa rnyed par dka' ba nyid du gsungs pa/ de nas phyag na rdo rje zhes bya ba la sogs pa la/ bsa gsungs zhes bya ba ni/ de bzhin gshegs pa thams cad dang/ tha mi dad pa'i chos kyi sku nyid kyis mar me mdzad pa la sogs pa rnams su/ nga rgyal byas nas so/ /de yang chos mngon pa las/ tshogs dang chos kyi sku dang ni/ /'gro ba'i don ni spyod pa yis/ /sangs rgyas thams cad mnyam pa nyid/ /ces gsungs pa ni grub pa'i mdza' o/ /ci'i phyir de rnams kyis ma gsungs zhe na/ skal ba med pa zhes bya ba la sogs pa la/ 'dod chags chen pos gdul bya'i 'gro pa med pa'i phyir ro/ /'bad pa ni bsam pa phun sum tshogs pa'o/ /rtsol kyang zhes bya ba ni/ sbyor ba phun sum tshogs pa'o/ /byang chub thob par mi 'gyur ba zhes bya ba ni thabs med par gyur pa nyid kyi phyir ro/ /nyan thos dang rang sangs rgyas kyi theg pa dag gis so/ /pha rol tu phyin pa'i tshul ni byang chub sems dpa' i theg pa yin pa'i phyir/ de nyid kyis rigs nges pa nyid kyang byang chub par mi 'gyur te sa bcu'i dbang phyug nyid kyang mngon par byang chub pa'i sgrub pa'i brtson 'grus med par thal bar 'gyur ro/ /sangs rgyas zhes bya ba'i grangs su ni 'gro ste/ dkyil 'khor du bcug pa la sogs pa la/ rigs nges par byas pa'i phyir/ /pha rol tu phyin pa'i tshul la yang/ de kho na nyid rtogs par gyur kyang sa bdun pa'i bar du nyan thos kyi theg par ? srid pa'i phyir/ / sangs rgyas nyid du ma brjod do/ /sdug bsngal gsum la zhes bya ba ni sdug bsngal ba dang/ yid mi bde ba dang/ smre sngags 'don pa'i rnam pa rnams 'dus la sogs pa'i sdug bsngal 'byung bar ma byed cing/ yi ge ni thun mong zhes bya ba ni thun mong gi tshig 'di khyed rnams kyi ji lta ba bzhin du rab tu mi shes te/ de bzhin du deng kyang byang chub sems dpa' i gnas skabs na yang mi shes pa nyid do/ /de'i rgyu gsungs pa gsang ba gsum gyi yi ge rnam par dag pa'i phyir zhes bya ba ni 'di'i sku gsum gyi bdag nyid 'dod chags chen po'i ting nge 'dzin gyi bag chags dang bcas pa'i nyon mongs pa ma lus pa'i gnyen por gyur pa gsal ba'i gnas skabs na/ mthar yang dag par rdzogs pa'i sangs rgyas su 'gyur te/ de'i phyir yang byang chub sems dpa' rnams kyi rtag tu sbyong yul ma yin pa'i phyir/ khyod kyis sdug bsngal bya bar mi rigs so/ /rdo rje gsum yig sngags kyi mchog /phyag rgya chen po rnams bsgoms pa/ /ye shes rdo rje dag gis bya/ /zhes bya ba'i le'u bcu gcig pa las gsungs pa'i khu bar gyur pa'i rjes la de'i rdo rje 'dzin pa bzhengs pa'i don du lha mo bzhi'i glus bskul ba ni bstan pa gsungs pa/ de nas zhes bya ba la sogs pa la/ khyod ni rdo rje thugs zhes bya ba ni shin tu rnam par dag pa gnyis su med pa'i ye shes mi phyed pa'i ngo bo nyid kyis mi bskyod pa'i phyir rdo rje dang 'dra ba'i thugs yod pa de ni/ rdo rje'i thugs so/ /phan pa dang bde ba nye bar bsdu ba'i mtshan nyid rjes su bzung bas 'dod pa'i khams la sogs par gnas pa rnams shin tu bsrung ba nyid kyi phyir dbang phyug go / de nas der gnas pa'i sems can gyi khams kyi dbang du byas te/ bdag la skyab du gsol zhes bya ba ni stong pa nyid du ro gcig pas bdag dang bral bar ma mdzad cig pa ste/ bdag la ma bltos par sems can gyi don mi nus zhes bya ba'i don to/ /skyob pa'i thabs gsungs pa/ dga' ba'i yid 'ong don chen 'dod pas zhes bya ba la dga' ba'i sems can thams cad la phan pa dang/ bde ba nyid sdud par byed pa'i dga' ba'o/ /de nyid shin tu bdag dang lhan cig pa'i ngo bo yid du 'ong ba de la de skad ces bya'o/ /don chen ni mi gnas pa'i mya ngan las 'das pa'o/ /dga' ba'i yid 'ong yang yin la don chen yang yin pas dga' ba yid 'ong don chen no/ /de la 'dod pa ni sems can thams cad de'i gzugs su bskyed par 'dod pa ste/ de'i rgyu rnams kyis so/ /bdag la dgyes par zhes bya ba ni/ de'i gzugs su gsal bar mdzod cig pa'o/ /sems can yab chen bzhin du ni/ /sems can thams cad la phan pa dang/ bde ba nye bar sdud pa'i phyir yab chen no/ /mngon par mtho ba dang nges par legs pa'i 'bras bu ster ba'i phyir mnyen mchog go /gal te bdag dang bral ba? 'don na/ de'i tshe bdag la dgyes par mdzad du gsol zhes bya ba dang 'brel to/ /gzhan du nam mkha' dang mnyam par gnyis su med pa'i ting nge 'dzin la gnas pas byams pa nyams par 'gyur ro/ /snyam du dgongs pa'o/ /rnam par snang mdzad kyi sgo nas spyan zhes bya bas bskul ba gsungs pa/ rdo rje sku khyod ces bya ba ni mi 'gyur ba'i chos kyi sku'i ngo bo nyid kyi phyir ro/ /rtag tu sems can thams cad kyi mngon par 'dod pa'i bka' bsgo ba'i phyir sems can mang po la dga' ba'i 'khor lo'i bka' o/ /sangs rgyas ni shes pa ste/ don gyi dngos po thams cad kyi byang chub ni de kho na nyid kyi ye shes gang yin pa de la de skad ces bya'o/ /de'i phyir don dam par phan pa ni sangs rgyas nyid dang 'dra ba thabs dang shes rab kyi bdag nyid dkyil 'khor gyi 'khor lo'i gzugs bstan pa'i dang tshul 'di la yod pas don dam rjes su phan ston pa'o/ /de'i phyir 'dod chags kyi sems can rnams la sdug bsngal bskyab par 'dod pas so/ /'dod chags dam tshig ni dmigs pa med pa'i snying rje chen po'i rang bzhin te/ bdag la dgyes par zhes pa dang 'brel pa'o/ /brjod par bya ba dang brjod par byed pa las 'das pa'i dngos po mdza' dag so sor rtogs pas kun rdzob dang don dam pa ston pa nyid kyi phyir ro/ / khyod ni rdo rje gsungs mtho ris dang thar pa'i phun sum tshogs pa las skyes pa'i dga' ba'i 'jig rten pa'i dgos pa'i don ni 'jig rten don no/ /de nyid gzhan la phan pa'i brtson pas bya ba mnyam par bzhag pa ni dgos pa'o/ /de'i mdzad pa ni skyed pa'o/ /de la rtag tu rgyun mi 'chad par gang gi phyir khyod 'jug pa'o/ /de dga' ba chen po'i rang bzhin dgyes par mdzod ces bya ba ni/ gos dkar mo'i bskul ba'o thams cad kyi thams cad du ji ltar 'dod pa la 'dod pas khyod ni rdo rje 'dod pa'o/ /yang dag par rdzogs pa'i sangs rgyas rnams sems can rnams kyi don byed pa ni dam tshig go /de'i mdza' dag rdzogs par byed pas dam tshig mchog go /mnyam pa nyid gzigs pa zhes bya ba ni gang gi phyir/ khyod grogs po dang grogs po ma yin pa dang/ de las gzhan pa rnams kyi mnyam pa nyid ni/ dbye ba med pas gzigs pa'o/ /gang gi phyir bu gcig pa la byams rtag tu sems can gyi don la 'jug kyang 'ga' la ni chags pa med ngo/ de'i phyir bdag la dgyes par mdzod ces so/ /btang snyoms chen po'i rang bzhin sgrol mas bskul ba'o/ /da ni le'u dang po las gsungs pa/ chig bzhi pa dang 'brel pa lha mo'i pad+ma la gnas pa'i dkyil 'khor du skal ba dang ldan par bya ba'i don du bcug nas sems can gyi khams la dbang bshad pa 'dod nas gsungs pa de nas zhes bya ba la sogs pa la/ 'dod chags thams cad gzugs la sogs pa dang/ mi phyed pa'i ngo bo rang snang ba'i shes rab ste/ de'i nye bar longs spyod pa ni thabs dang shes rab kyi sbyor bas sems can gyi khams ma lus par kun tu bzang por skyed pa'o/ /de nyid rdo rje dang sangs rgyas rnams kyi dpal lo /byang chub kyi sems sngon du song ba'i phun sum tshogs pa'i ting nge 'dzin gang la yod pa de la de skad ces bya'o/ /dam tshig rdo rje yis zhes bya ba ni ye shes lnga'i bdag nyid gsang ba'i rdo rjes so/ /kha cig du dam tshig 'khor lo zhes bya ba'i tshig yod pa de la nang gi dkyil 'khor gyi 'khor lo yis yan lag bzhi'i ting nge 'dzin dang ldan pas zhes bya ba'i don to/ /thams cad nam mkha' i dbyings zhes bya ba ni/ chos 'byung ba'i gzhal yas khang la sogs pa'o/ /de bzhin gshegs pa thams cad yongs su gyur pa'i ngo bo byang chub kyi sems kyi khu bas sems can rnams la dbang bskur ba'i dus su yongs su gang bar gyur to/ /'di nyid kyang le'u dang po las gsungs pa'i de bzhin gshegs pa thams cad kyi rdo rje dam tshig las byung ba tshig gis byin gyis brlab pa ni/ dbang bskur bar lta bar bya'o/ /mthong zhes bya ba ni rtogs pa'o/ /sangs rgyas thams cad kyi chos mnyam pa nyid ces bya ba ni tha mi dad pa nyid de/ sems can gyi don bya ba'i gar rab tu bstan pa'i mtshan nyid do/ /'dod chags kyi yi ge'i tshig gis zhes bya ba la 'dod chags ni thugs rje chen po'o/ /yi ge ni shes rab ye shes so/ /rtogs par byed pa dang go bar byed pas 'di rnams kyi tshig ste/ rnam par dag pa'i phung po dang khams dang/ skye mched kyi ngo bo ni/ 'dod chags kyang yin la tshig kyang yin pas/ 'dod chags kyi tshig ces bya'o/ /de rnams kyi sangs rgyas kyi byang chub rjes su rtogs pa zhes bya ba ni/ rtog pa thams cad las 'das pa'i ye shes thob pa ste ngo mtshar ba'o/ /'di skad gsungs pa yin te/ dngos po thams cad thabs dang shes rab gnyis su med pa'i ltar byas nas/ dngos po thams cad rang bzhin bsgoms pas so/ /ji ltar zhe na /mi 'jigs mngon par mi shes dang/ /brjod bya ma yin rnam brtags min ces so/ /'di dag ni ye shes kyi rang bzhin de/ sangs rgyas byang chub thob ces bya'o/ /phung po la sogs pa dmigs pa/ bkag pa lha'i de kho na nyid ston cing nye bar bsdu ba'i tshig gsungs pa/ gzugs kyi phung po ma yin zhes bya ba la sogs pa la/ gzugs kyi phung po la sogs pa rnams rten cing 'brel par 'byung ba nyid kyis de kho na nyid du ma skyes pa'i phyir de'i rnam par dag pa grub pa ste/ rnam par snang mdzad la sogs pa yang med par 'gyur zhes bya ba'i don to/ /de skad du yang gang rnams rgyu las byung ba ni/ /de ni dngos med gang las so/ /ji ltar de ni gsal ma yin/ /gzugs brnyan dang ni 'dra ba nyid/ /ces gsungs so/ /'dod chags la sogs pa rnams rnam par rtog pa tsam pas byung ba'i phyir yod pa ma yin pa'i phyir gsungs pa/ 'dod chags ma yin zhes bya ba la sogs pa la/ 'dod chags dbang po'i grong ma yin/ /don med sems kyang ma yin te/ /bdag la gnas min gzhan la'ang min/ /yod pa ma yin med pa min/ /brdzun min bden pa 'ang ma yin no/ /zhes so/ /de bzhin du zhe sdang ni gti mug dang/ gang gis nyon mongs rigs rnams kyang/ /khams gsum 'khor zhing 'khor ba ni/ /rtog pa'i dug las skyes pa'o/ /zhes so/ /chos ma yin pa yang ma yin zhes bya ba ni/ de kho na nyid du chos kyi dbyings kyi rang bzhin nyid kyi phyir dngos po thams cad kyi kun nas nyon mongs pa dang/ rnam par byang ba med ces bya ba'i don to/ /'di skad gsungs pa yin te/ sgom pa nye bar bsdu ba'i don du mchod pa la sogs pa byas nas ji ltar ston pa'i lha'i 'khor lo rang gi lus la ji lta ba bzhin du bcug te/ phung po la sogs pa skyed par byed pa'i yi ges phung po la sogs pa'i yi ge'i gzugs su bdag bltas nas/ de thams cad yi ge gsum gyi nang du gzhug ste/ de yang mkha' dang mnyam pa gnyis su med pa'i rnal 'byor la dmigs nas ldang bar bya'o/ /'di skad du le'u bcu pa las/ sku gsung thugS kyi rdo rje rnams/ /sku gsung thugs su sgom pa ni/ /rnam rtog med cing dmigs pa med/ /mnyam nyid gang du 'ang mi dmigs pa'o/ /zhes gsungs so/ /de yang kun tu bzang po las/ /bstod dang mchod sogs gshegs su gsol ba la/ /sngags bas rab tu 'bad de rnam bya zhing/ /aoM la sogs par 'khor los bsdus nas ni/ /sku la sogs pa rtag tu bya zhes gsungs so/ /ji lta ba bzhin legs par dbang bskur nas gnang ba sbyin te/ /ma 'ongs pa'i rnal 'byor pas kyang slob ma la chos kyi mdzod gtad do/ /zhes slab pa'i phyir gsungs pa/ 'di zung cing ces bya ba la sogs pa rnams ni go bar sla'o/ /dngos po thams cad kyi rang bzhin bcom ldan 'das su rtogs par bya ba'i phyir gsungs pa/ de nas rnam par snang mdzad ces bya ba la sogs pa la/ 'di'i don ni g.yo ba dang mi g.yo ba'i dngos po thams cad kyi rang bzhin gyi sku'i dkyil 'khor rnams la rang gi rang bzhin gyi tha mi dad par gnas zhes bya ste/ lus dang bral ba ma yin pa'i phyir/ ngag dang yid kyi yang gsungs pa zhes bya'o/ /zhes la la dag 'dod do/ /de bzhin gshegs pa'i sku la sogs pa dang/ mnyam pas srid pa gsum gyi lus la sogs pa'i chos kyi dbyings kyi ngo bo nyid du ro gcig par byas nas de'i ngo bos gnas so/ /zhes pa la dag 'dod do/ /'dis ni mi dmigs pa'i ngo bo nyid bcom ldan 'das dpal rdo rje sems dpa' dngos po thams cad kyi rang bzhin du gsungs so/ /'di zhes bya ba ni gsungs ma thag pa ste/ bcu bdun du bstan pa'i don gyi tshogs so/ /bka' stsal to zhes pa'i skabs la thug pa'i bar du gsungs pa'o/ /'di skad gsungs pa yin te/ gang gi tshe bcom ldan 'das chos 'byung ba'i gzhal yas khang gi nang du byang chub sems dpa' sems dpa' chen po la sogs pa'i 'khor dang bcas pa bzhugs shing ji ltar bshad pa'i rgyud kyi don gsungs pa'o/ /'di dag bdag gis 'di skad thos pa'o/ /dpal gsang ba 'dus pa'i dka' 'grel rgyal bas byin pa mdzad pa las le'u bcu bdun pa'i bshad pa rdzogs so// //bcom ldan 'das 'jam dpal gzhon nur gyur pa la phyag 'tshal lo/ / ? ni ma longs pa'i skye bo rnams kyi the tshom bsal ba'i phyir/ rgyud phyi ma'i rgyud kyi tshul gyis le'u bcu bdun gyi bshad par gyur pa le'u bco brgyad bas bshad pa ni/ de nas zhes bya ba la sogs pa yin te/ de bzhin gshegs pa thams cad kyi dbang bskur pa yin pa'am/ de bzhin gshegs pa thams cad kyi dbang bskur ba 'di la 'da' bas na/ de bzhin gshegs pa thams cad ki dbang bskur ba ste/ byang chub kyi rdo rje'o/ /de'i sku la sogs pa'i gsang ba bstan pa ni/ le'u bcu bdun gyis nye bar bstan pa yin no/ /dngos po thams cad kyi zhes bya ba ni kun rdzob dang don dam pa'i tshul gyis ? sems gzhan du ma gyur pas so /ji lta ba dang zhes bya ba ni rnam pa gang gis de mthong ba dang/ thos pa dang khong du chud par nus pa zhes bya ba'i don to/ /dus ji lta bar zhes bya ba ni dus gang gi tshe/ gang zhig 'om pa de las mi 'da' ba' o/ /mthar zhing zhes bya ba ni sku rdo rje'i tshul gyis so/ /thos la zhes bya ba ni/ gsung rdo rje'i tshul gyis so/ /khong du chud nas zhes bya ba ni/ thugs rdo rje'i tshul gyis te/ sku rdo rje la sogs pa'i ngo bo nyid mngon sum du byas nas zhes bya ba'i don to/ /yang na mthong zhing zhes bya ba ni bsam pa'i rang bzhin gyis shes pas nges par byas pa'o/ /thos la zhes bya ba ni thos pa'i rang bzhin gyis shes pas nges par bzung ba'o/ /khong du chud nas zhes bya ba ni/ bsgoms pa'i shes pas gsal bar byas pa'o/ /'di skad ces gsol to/ /zhes bya ba ni 'og nas bshad pa'i rims gyis las bstan pa'i don smras par gyur pa'o/ /e ma'o zhes bya ba la sogs pa ni/ de nyid gsungs pa yin no/ /kun tu bzang po zhes bya ba ni/ 'dod chags la sogs pa la rjes su sbyor pa rnams la de'i rjes su 'jug pa'i tshul gyis phan pa'i don rdzogs par mdzad pas 'di las kun nas bzang zhing mdzes la dge bar gyur pas na rdo rje 'chang chen po las de skad ces bya'o/ /ye yang sdom pa bram las/ snying stobs rdul dang mun pas kyang/ /gang phyir 'gro ba'i don byed cing/ /byang chub spyod pa'i rjes 'jug pa/ /des na da ni kun tu bzang zhes bshad pa yin no/ /sku la sogs pa de bas ni sku rdo rje la sogs pa'i tshul du nges par mdzad pa'o/ /rdo rje gsum gyi zhes bya ba ni sku rdo rje la sogs pa mi phyed pa'i tshul gyis so/ /kun tu ni zhes bya ba ni thams cad du'o/ /rdo rje gsum zhes bya ba ni khams gsum pa'i lus la sogs pa'o/ /rnam par bzhugs zhes bya ba ni le'u bcu bdun pa rdzogs pa'i skabs su gsungs pa'i tshul gyis 'jug pa ste/ 'di nyid ni ngo mtshar che'o/ /sems can thams cad ces bya ba ni/ khams dang skye gnas dang 'gro bas bsdus pa'i skye gnas can no/ /dus gsum rdo rje'i ngo bo nyid ces bya ba ni 'das pa la sogs pa'i de bzhin gshegs pa'i ngo bor yang dag par byung ba'o/ /de bas na byang chub rdo rje'i gnas thob pa'o/ /zhes bya ba ste/ rdo rje 'chang chen po'i go 'phang thob cing de'i ngo bo nyid kho nar lta bar bya'o/ zhes bya ba'i bar du'o/ /e ma 'o zhi ba'i zhes bya ba ni/ rtog pa'i dra ba ma lus par zhi ba ste/ de bzhin nyid kyi ngo bo nyid yin pa'i phyir ro/ /dbang po 'das zhes bya ba ni dbang po rnams kyi yul ma yin pa'i phyir ro/ /e ma'o 'khor ba dag gis rgyun zhes bya ba ni gdul bya'i dbang gis sprul pa'i skus 'khor ba thams cad du rgyun mi 'chad par bzhugs pa'o/ /e ma'o mchog tu mya ngan 'das/ zhes bya ba ni srid pa dang zhi ba mnyam pa nyid du thugs su chud pas mi gnas pa'i mya ngan las 'das pa'i bdag nyid can/ longs spyod rdzogs pa'i sku'i ngo bo nyid do/ /zhes bya ba'i bar du'o/ /yang na e ma'o zhes bya ba ni 'dod chags la sogs pa la nye bar longs spyod pas 'dod chags la sogs pa nye bar zhi bas mdzad pa ni ngo mtshar che'o/ /dbang po 'das zhes bya ba ni/ bdag cag rnams kyis 'di lta bu nas yang nye bar ma dmigs so/ /zhes bya ba'i don to/ /e ma'o 'khor ba bdag gi rgyun/ /zhes bya ba ni de kho na nyid du yod pa ma yin pa'i rang bzhin can gyis phung po la sogs pa la skye ba dang gnas pa dang/ rnam par 'jig pa'i rgyun du brtags pa 'am/ de bzhin gshegs pa la sogs pa'i tshul gyis 'dog ba'o/ /e ma 'o mchog tu mya ngan las 'das zhes bya ba ni mi bden pa'i sgro btags pa dang/ skur pa btab pa dang bral ba'i rnam par dag pa'i phung po la sogs pa'i ngo bo nyid do/ /'di skad ston te/ gang de kho na nyid du bden pa ma yin pa'i lus la sogs pa'i nges pa nyid 'dir mya ngan las 'das pa gang yin pa de la ni de mtshar che'o/ /zhes pa'o/ /de yang 'khor ba dang ni mya ngan 'das 'di gnyis yod pa ma yin te/ 'khor ba yongs su shes pa ni/ mya ngan 'das zhes bshad pa yin zhes bshad pa yin n/ /mgrin cig tu zhes bya ba ni sgra cig gis de dgongs pa cig gi tshig du gsungs pa zhes bya ba'i par du'o/ /yon tan 'byung gnas zhes bya pa'i ni thar pa 'dod pa rnams kyis brlab cing goms par bya ba yin pas? na yon tan de stobs bcu la sogs pa'o/ /de rnams kyi 'byung gnas ni mi zad pa'i gnas sam tshogs rnams so/ /da ni gsang ba'i zhes bya ba 'dir gang la bgyi zhes bya ba nas/ las kyi mchog gi tshogs rnams ni/ /sna tshogs ji ltar byed par 'gyur/ /zhes bya ba'i bar dang/ 'og nas bshad pa'i lam gyi dbang gis na khro bo'i dbang po ni gang/ 'byung ba dang 'byung ba las gyur ba ni gang/ rig pa'i rgyal po ni gang zhig lags/ rdo rje'i bdag po ni su zhig lags zhes bya ba'i dris pa bzhi bcug nas/ byang chub sems dpa' rnams kyi rtsa ba 'dri ba'i tshig tshogs kyi grangs lnga bcu rtsa bdun gsungs pa yin no/ /gang rnams 'dir dris pa dang/ lan gyi tshul du gyur pa'i dris pa dang skabs skabs su 'og nas bshad pa de dag ni de dang de dag nyid du bstan par bya'o/ /la la ni 'dir byang chub sems dpa' rnams kyi zhus pa bdun cu rtsa gnyis yod par 'chad do/ /byang chub sems dpa' chen po rdo rje 'dzin pa la/ zhes bya ba ni thabs dang shes rab gnyis su med pa'i ye shes kyi bdag nyid can du gyur pa'i rdo rje 'chang chen po la'o/ /rdzogs pa'i sangs rgyas zhes bya ba ni phun sum tshogs pa lnga'i rang bzhin can gyi phyin ci ma log pa'i ye shes kyis mngon par rdzogs par sangs rgyas pa ste/ de yang ye shes phun sum tshogs pa dang spangs pa phun sum tshogs pa dang/ thugs rje phun sum tshogs pa dang/ mi zad pa'i phun sum tshogs pa nyid dang/ mnyam pa med pa phun sum tshogs pa dang ldan pas sangs rgyas zhes bshad pa yin no/ /bde bar gshegs pa zhes bya ba ni mdzes pa la sogs par gshegs pa'i phyir bde bar gshegs pa ste/ de yang phyi rol mdzes pa/ slob pa'i 'gro ba slar ldog yin/ /mi slob pa yang ma lus min/ bde gshegs gsum car du yang gshegs zhes bshad pa yin no/ /mgon la zhes bya ba ni gcig tu 'gro ba thams cad kyi rten du gyur pa'i phyir ro/ /yang na thugs rdo rjer gyur pa nyid kyis dngos po'i don ma lus pa phyin ci ma log par thugs su chud pas na sangs rgyas so/ /gsungs rdo rje nyid du gyur pas sems can gyi bsam pa'i dbang gis shin tu mang pa'i rnam pa can gyis dam pa'i chos rin po che gsungs pas na/ bde bar gshegs pa'o/ /sku rdo rjer gyur pa nyid kyis sprul pa sna tshogs pas sems can thams cad la bka' bsgo bar mdzad pas na/ mgon po ste bdag po'o/ /de ltar na sku gsum gyi bdag nyid can no/ /zhes bya ba'i don to/ /lus ngag ces bya ba la sogs pa la/ rang gi lus rdo rje la sogs pas so/ /sku gsung thugs ni rdo rje la/ zhes bya ba ni rdo rje 'chang chen po la'o/ /bzhag nas zhes bya ba ni dmigs pa ste/ de'i sbyor ba byas nas zhes bya ba'i bar du'o/ /'di skad ston to/ /lus la sogs pa rnam par g.yeng ba dang/ bral bas bum pa glo brdol la sogs pa'i nyes pa dang bral ba lta bur mnyam par gyis zhes sbyar ro/ /de rnams kyis kyang thob pa'i gsung de'i don la nges par byas pa'i phyir/ /de nas zhes bya ba la sogs pa gsungs te/ rjes su bzung ba'i bka' zhes bya ba ni yid ston pa'i tshig go /byang chub sems dpa' zhes bya ba ni byang chub pa'i bdag nyid can no/ /rang gi thugs thugs rje chen po la dmigs te/ zhes bya ba ni sems can thams cad sdug bsngal dang bral ba'i rnam par thugs kyi mngon sum du mdzad pa'o/ /la la ni byin gyis brlabs nas zhes bya ba yun ring du gnas pa nyid du brtan par mdzad pa'o/ /la la ni byin gyis brlabs pa'i don nyan pa'i byang chub sems dpa' rnams slob mar mdzad pa yin no/ /zhes zer mod kyis de ni ma yin te ci'i phyir zhe na/ rtsa ba'i rgyud ston par mdzad pa nyid na de rnams slob mar gyur pa yin te/ gzhan du na de lta bu'i chos ston par mdzad pa mi srid do/ /da ni sngar smras pa'i zhus pa'i tshogs rnams kyi lan rim gyis bstan pa'i phyir sku gsung thugs zhes bya ba la sogs pa gsungs te/ sku rdo rje la sogs pa re re zhing/ sku rdo rje la sogs pa'i dbye bas rang rig pa'i mthar thug par gzhan la bstan par mi nus pa dang/ kun rdzob du yang dag par bstan par mdzad pa na yang skal ba med pa rnams la bstan par bya ba ma yin pas/ de nyid ni gsang ba ma yin no/ /zhus pa gnyis pa'i don gsungs pa ni/ sangs rgyas zhes bya ba la sogs pa yin te/ sangs rgyas thams cad ces bya ba ni/ sangs rgyas thams cad kyi ming can no/ /chogs pa 'dus pa yin par bshad/ /ces bya ba ni tha mi dad pa nyid do/ /don ni 'di yin te/ sangs rgyas thams cad kyi sku la sogs pa rnam pa gsum gyi tshul gyis gcig pa nyid du gyur pa ni gsang ba 'dus pa zhes bya'o/ /rgyud kyi 'grel pa ji lta bur zhes bya ba 'di'i lan gsungs pa ni/ lnga ba rang zhes bya ba la sogs pa yin te/ lnga pa las ni/ sgrub pa po'i rnam par mi rtog pa'i spyod pa gsungs la/ dgu pa las ni/ dam tshig bsrung ba'i cho ga'o/ /bcu bdun pa las ni dngos grub thams cad kyi dam tshig gi rab tu dbye ba'o/ / bcu gsum pa las ni sngags kyi bzlas pa la sogs pa gsungs pa yin no/ /de ltar go rim 'di ni le'u bzhi pa'i don gyi 'grel pa yin par shes par bya'o/ /don ni 'di yin te/ le'u lnga pa las gsungs pa'i sgrub pa po dgu pa las gsungs pa'i dam tshig srung pa la rtson pas bcu bdun pa las gsungs pa'i dam tshig gi spyod pa la gnas pa nas/ bcu gsum pa las bstan pa'i sngags kyi bzlas pa la sogs pa bya'o/ /gang 'di ni sangs rgyas bcom ldan 'das rnams dang/ byang chub sems dpa' rnams kyis bstan ba yin la/ dngos grub sgrub pa thams cad la khyab pa'i phyir/ sgrub pa chen po yin par bshad do/ /bzhi pa dang ni zhes bya ba la sogs pa la/ de bzhin zhes bya ba ni brtan pa nye bar 'phen pa'o/ / don ni 'di yin te/ bzhi pa dang bcu drug par gsungs pa'i dkyil 'khor du brgyan pa la bshad pa'i mchod pa byas nas/ bcu gnyis pa las gsungs pa'i dngos grub spyi'i sgrub pa dang/ rig pa'i rdul zhugs la gnas ba'i rnal 'byor pas bya'o/ /zhes bya ba 'di ni 'dir le'u yi don gyi 'brel pa zhes bya ste/ 'di nyid ni slob dpon ces bya ba la sogs pas gsal bar ston pa yin te/ lha thams cad kyi dkyil 'khor gyis yod du bzung ba la sogs pa nas dkyil 'khor nye bar bsdu ba'i bar ni/ slob dpon gyis las yin te/ spyi ni cho ga ji lta bar rnal 'byor pa thams cad kyi thun mong yin la/ 'di dag kyang bzhi pa dang bcu drug pa dang/ brgyad pa las ci rigs par gsungs pa yin par shes par bya'o/ /bcu gnyis pa las kyang spyi'i dngos grub bsgrub pa dang/ thun bzhi dag tu sbyor ba yis zhes bya ba la sogs pas rig pa'i brtul zhugs dang sdom pa brtan pa yin no/ /brgyad pa dang/ zhes bya ba la sogs pa la 'dir brgyad pa'i sgras ni drug par gsungs pa yin no/ /zhes bya ba ni man ngag yin te/ de las de bzhin gshegs pa thams cad rjes su mnyes pa dang/ phyag rgya chen po la sogs pa dngos grub bsgrub pa'i yan lag tu gyur pa nyid kyi nye ba na gnas pa'i phyir phra mo'i rnal 'byor sgom pa'i mtshan nyid kyang nye bar sgrub pa bshad pa'o/ /gnyis pa las ni sdom pa yang dag par bstan te/ sems dmigs pa thams cad las sdom pa ni byang chub kyi sems kyi rang bzhin yin no/ /bcu pa dang bcu bzhi pa las ni drag po'i sbyar pa bsgrub pa'o/ /'di skad ston te phra mo'i rnal 'byor bsgoms pas sems brtan par byas nas/ gang gi rjes su mnyes par byas pa'i bya pa'i bya ba grub par ma gyur pa de'i tshe byang chub kyi sems bsgoms pa sngon du 'gro pa'i drag po'i sbyor bas bsgrub par bya'o/ zhes pa'o/ /bdun pa dang ni zhes bya ba la sogs pa la/ bdun pa las ni bsgrub pa'i sdom pa dang/ rjes su dran pa bsgom pa la sogs pa'i tshul ni dngos grub don du gnyer ba rnams kyi 'da' bar mi bya ba yin pas log pa'i rtog pa rnams las sems bzlog par byed pa'i don to/ /gsum pa las ni bsnyen pas te/ lha'i rnam pa de nyid ston pa'i tshul yin la/ /bcu gcig ces pa ni bcu gcig pa ste/ 'dra ba'i dngos grub bsgrub ba dang/ dngos grub kyi zhing ri bo la sogs pa'i mtshan nyid ston la/ bcu dang lnga zhes pa ni/ bcom lnga pa ste/ rmi lam la sogs pa'i mtshan ma ston to/ /don ni 'di yin te/ bsnyen pa las mtshan ma thob par byas nas/ rjes su dran pa'i sgom pa byas la ri bo la sogs par gnas te/ dngos grub rnams bsgrub par bya'o/ zhes pa'o/ /tshig 'di nyid las man ngag las gcig gi sgra mi mngon par byas nas le'i dang por yin par shes par bya ste/ der ni de bzhin gshegs pa kun gyi las zhes bya ba de bzhin gshegs pa la sogs pa'i sprul pas gdug pa dang/ gdug pa ma yin pa'i sems can thams cad la phan pa'i don du tshar gcod pa dang/ phan 'dogs pa'i bdag nyid can gyis 'gro ba'i don mdzad pa yin te/ de nyid gsungs pa ni/ dul dang zhes bya ba la sogs pa gsungs pa yin te/ de la 'dul ba'i bka' bsgo ba nyan cing rang gi phyogs su gyur pa'o/ /gdul dka' ba ni sngar ba rnams te/ 'bad pas bsgrub par bya'o/ /zhi ba ni bar ma ste/ 'bad pa cung zad kyi bsgrub par bya ba'o/ /'di rnams kyi 'jug pa ni yang dag par rdzogs pa'i byang chub la nges par sbyar ba'o/ /rgyud kyi 'brel pa bstan pa'i skabs las 'phros pa'o/ /bskyed pa'i rim pa'i gzhung gis 'brel pa gang yin pa de yang bstan pa'i phyir gsungs pa ni/ bskyed pa'i zhes bya ba la sogs pa ni/ bsnyen pa zhes bya ba bsnyen pa ston par byed pa'i gzhung gang yin pa de n bskyed pa'i rim pa dang 'brel ba yin no// zhes bya ba'i don to/ /de la thun mong dang mchog bsgrub pa'i dbye bas bsnyen pa yang gnyis su 'gyur te/ de'i phyir gsungs pa rdo rje'i tshig bzhi zhes bya ba la/ rdo rje rnams kyi cho ga ni dog nas bshad pa'i yan lag drug pa'i ye shes kyi bdud rtsi'i rnam pa ste/ de ni mchog gi bsnyen pa'o/ /dang po stong nyid byang chub ste/ zhes bya ba la sogs pa rnam pa bzhi'i bdag nyid can ni thun mong gi bsnyen pa'o/ /'di nyid ni thun mong zhes bya ba la sogs pas bstan to/ /don ni 'di yin te/ stong nyid byang chub la sogs pa dbye ba rnam pa bzhi ston par byed pa'i gzhung ni thun mongs gi bsnyen pa dang 'brel ba yin la gang rdo rje cho ga ston par byed pa de ni mchog gi bsnyen pa yin no/ zhes pa'o/ /dkyil 'khor zhes bya ba la sogs pa la/ don ni 'di yin te/ dkyil 'khor dang 'brel pa dang/ rig pa'i brtul zhugs dang 'brel pa gang yin pa de ni slob dpon gyi phun sum tshogs pa dang/ 'brel pa yin te/ de khyab pa'i rgyu ston par byed pa yin pa'i phyir ro/ /sngags kyi lam gyis zhes bya ba ni rdo rje theg pa brtul bar gyur pa'o/ /yongs su smin bya zhes bya ba ni/ dge pa'i rtsa ba kun nas yongs su smin par byas pa'o/ /brtul zhugs bzang zhes bya ba ni/ rig pa'i brtul zhugs la sogs pa'i nges par blangs pa'o/ /dbang bskur ba zhes bya ba ni/ slob dpon gyi go 'phang la gnas pa'o/ /rang gi slob ma la zhes bya ba ni/ rang nyid kyi dbang bskur ba yin gyi/ gzhan dag gi ni ma yin no/ zhes bya ba'i don to bdag nyid che zhes bya ba ni zab pa dang rgya che ba la lhag par mos pa'o/ /gang yin de la ston pa ni gsang pa'i don du rab tu bshad pa ste/ de ni kun nas yongs su grol ba yin no/ /'di skad ston te/ gang 'dir rdo rje theg pa la mngon par 'dod pa skyed par byed pa'i gzhung de ni yongs su grol ba dang 'brel pa yin par shes par bya'o/ /rnal 'byor zhus pa'i lan gsungs pa ni/ shes rab ces bya ba la sogs pa yin te/ shes rab dang thabs ni stong pa nyid dang snying rje ste/ de dag gi snyoms par 'jug pa ni rnam par thams cad kyi mchog dang ldan pa'i kun tu bzang po'i ngo bo nyid du rdzogs pa'o/ /shes rab dang thags kyi rang bzhin bstan pa'i phyir gsungs pa ni gang zhig ces bya ba la sogs pa ste/ gang dngos po thams cad du rtog pa zad pas dngos po med pa ni nyid kyi gnyis su med pa yang dag par rtogs pa'i phyir de ni shes rab bo/ /gang rdzas su sgro btags pa dang/ nye bar gnas pas na thabs te snying rtse bas nye bar ston pa'i dngos po 'dzin par byed pa'i blo zhes bya ba'i bar du'o/ /de bas na dngos po'i mtshan nyid do/ /zhes bya ba gsungs te/ shes rab de nyid khyad par zhes bya ba'i don to/ /de yang rtag tu gnyis rlabs med bral ba'i/ /spyi'i mtshan nyid shes rab yin/ /de nyid lhag ma la brten pa/ /thabs zhes bya ba yin par bshad pa yin no/ /dbang por rgyud kyi 'brel pa bshad nas da ni rgyud nyid kyi don gsungs pa ni/ rgyud ni zhes bya ba la sogs pa yin te/ rgyun zhes bya ba ni dkyil 'khor la sogs pa de kho na bcu'i tshogs so/ /de yang bzhi la sogs pa'i dbye bas rnam pa gsum du 'gyur ba ni/ rgyun te zhes bya ba la sogs pas ston to/ /de la de zhig rang bzhin gyi don bstan par bya ba'i phyir gsungs pa/ rang bzhin zhes bya ba la sogs pa yin te/ de la rang bzhin ni de bzhin nyid gnyis su med pa'i sems yin te/ de nyid bsrung ba dang chos 'byung ba dang/ gzhal yas khang dang gdan dang ting nge 'dzin gsum gyi tshul gyi mngon gsum du byed pas na rang bzhin no/ /de'i phyir de nyid ni rdzogs pa'i byang chub kyi rgyu'i gtso bo yin pa ste/ de ni zab pa dang rgya che ba'i bdag nyid bsgom pa la rag las pa'i phyir rgyu yin no/ /mi 'phrogs 'bras bu'o zhes bya ba ni/ mi mthun pa'i phyogs ma lus par bsam pa'i phyir 'phrog par mi nus pas na mi 'phrog pa ste/ mi gnas pa'i mya ngan las 'das pa'i bdag nyid can 'gro ba ma lus pa'i gsos su gyur pa kun tu bzang po nyid do/ /gzhi ni thabs zhes bya ba ni/ 'dis byang chub 'dzin cing rten pas na gzhi ste/ dkyil 'khor bskyed pa dang spob ma dang/ slob dpon gyi las dang/ las kyi tshogs sna tshogs pa dang/ dngos grub bsgrub pa dang/ slob pa dang/ sdom pa dang/ rig pa'i brtul zhugs kyi bdag nyid can rtsom pa'i tshogs rnams so/ /gsum gyi rgyud kyi don bsdus pa'o/ /zhes bya ba 'di gsum po 'di dag gis rgyud ma lus pa'i bsdus pa'i don gyis tshul gyis bsdus pa yin te 'dir gsum pa 'di dag nyid bsgrub bya'o/ /zhes bya ba'i don to/ /'og nas bshad pa'i de kho na nyid zhus pa'i nye gar sbyar ba gsungs ba/ rigs ni zhes bya ba la sogs pa gsungs pa yin te/ me long lta bu la sogS pa'i ye shes kyi dbye bas sangs rgyas rnams kyi bskyed pa'i gnas su gyur pas na rigs lnga'o/ /rigs gsum zhes bya ba ni chos dang longs spyod rdzogs pa dang sprul pa'i dbye bas so/ /ngo bo nyid gcig ces bya ba ni/ ye shes lnga dang sku gsung thugs kyi bdag nyid can ni/ byang chub kyi sems rdo rje nyid du thams cad rigs gcig pa yin no/ /'di ni rgyud phyi ma'i phyi mar gyur ces gsungs phas? de'i phyir phyi ma nyid du gyur pa gsungs pa ni/ byang chub rdo rje'i zhes bya ba la sogs pa yin te/ byang chub rdo rje zhes bya ba ni rdo rje 'chang chen po'o/ /la la las ni yang dag mgon po zhes zer ro/ /de'i ? ni 'di yin te/ de bzhin nyid kyi ngo bor gyur pas na yang dag pa ste phyin ci ma log pa'i bdag nyid do/ /thugs rje chen po'i rang bzhin gyis 'bro ba rnams kyi skyabs su gyur pas mgon po yang yin te/ shes rab dang thabs kyi bdag nyid can dpal rdo rje sems dpa' i zhes bya ba'i don to/ /ces gsungs pa zhes bya ba ni dus mtshungs par gyur pa sems can gyi khams ma lus pa'i bsam pa thams cad yongs su rdzogs par gsungs pa'o/ /de ni phyi ma'i rgyud du 'dod ces bya ba ni de lta bu'i rgyud de ni rgyud phyi ma nyid du 'dir 'dod kyi sngar byung ba tsam nyid kyis ni ma yin no/ /zhes bya ba'i don to/ /de kho na nyid la sogs zhug pa bzhi'i lan gdab pa/ go rim bzhin du gsungs pa ni/ de nyid ces bya ba la sogs pa yin te/ sngar ni gsang ba'i sgra'i don tsam bstan pa yin la/ da ni de'i rnam par dbye ba bstan pa'i phyir zhus pa'i lan du gyur pa yin pas de'i phyir 'dir dam pa rnams kyi blos pa'i nyes pa gsungs bar mi bya'o/ /thams cad kyi dbang phyug tu gyur pas na/ lhag pa yin zhes sems can rnams la phan pa'i phyir sprul pa sna tshogs par snang bas na lha yang yin pa gang yin pa de 'dir chos kyi brdas gsang chen zhes bya bar gsungs ba yin no/ /ngan ba zhes bya ba ni mchog go / rigs ni rnam pa brgya zhes bya ba ni gcig pu nyid yin yang sprul pas grangs med dpag tu med par 'gyur pa'o/ /yang na de bzhin gshegs pa re re dang 'brel pa'i sku dang gsung dang thugs dang ye shes dang ye shes lnga nyid du phye bas rang bzhin gyis grub pa'i rigs brgyad 'gyur ro/ / sprul pas ni grangs med dpag tu med par yang 'gyur ro/ /zhes dgongs ba'o/ /byang chub kyi sems zhum pa'i lan gsungs pa ni/ thog ma tha ma med zhi ba/ zhes bya ba la sogs pa gsungs pa yin te/ thog ma dang tha ma med pa ni thog ma dang tha ma dang bral ba'o/ /zhi ba zhes bya ba ni bzung ba la sogs pa mi mthun pa'i phyogs kyis stong pa'o/ /dngos dang dngos med zad pa yi/ /zhes bya ba ni rtag pa dang 'chad pa'i lta ba'i gnyen por gyur pa'o/ /gtso zhes bya ba ni nyan thos kyi ye shes la sogs pa'i bdag por gyur pa'i ye shes mnga' bas na gtso bo/ /yang na chos kyi dbyings kyi tshul gyis dngos po thams cad kyi ngo bo nyid du gyur pas gtso bos ni khyab byed ces so/ /stong nyid snying rje mi phyed pa zhes bya ba ni tha mi dad par gyur pa ste/ zab pa dang rgya che ba'i bdag nyid can zhes bya ba'i don to/ /rig pa'i skyes bu zhus pa'i lan gsungs pa ni/ sku zhes bya ba la sogs pa yin te/ mi phyed phye ba'i ngo bo nyid ces bya ba ni/ mi phyir? cing mi 'khrugs pa nyid kyi na zab pa yin la/ phye ba ni gdul bya'i skye bo'i bsam pa ji lta ba bzhin du sna tshogs pa nyid du brtags pas na rgya che ba'i ste gnyis po 'di dag gi ngo bo nyid do/ /'di skad ston te/ zab pa dang rgya che ba'i rgyu mthun pa yin pa'i phyir sku la sogs pa rig pa dang/ lhan cig pa yin te/ thabs dang shes rab gnyis su med pa'i sbyor ba dang ldan pa'i skyes bu can ni/ rig pa'i skyes bu zhes bshad do/ /badzra d+h+rika ces ci la bgyiS zhes pa la sogs pa'i zhus pa'i tshig lnga po re re zhing tshigs su bcad pa re res go zhing rim bzhin du lan gsungs pa ni/ rgyu lnga zhes bya ba la sogs pa yin te/ kun gzhi dang nyon mongs pa can gyi yid dang/ yid kyi rnam par shes pa dang/ 'jug pa'i rnam par shes pa ste/ rnam par shes pa lnga spangs nas de yongs su gyur pa'i ngo bo me long lta bu'i ye shes la sogs pa lngas? spong pa'o/ /nges rim bzhin du dpa' par 'gro ba dang/ nam mkha' i mdzod dang/ dri ma med pa dang/ seng ge rnam par rol pa dang/ rdo rje lta bu'i ting nge 'dzin thob pas thams cad rtogs pa'i phyir ting nge 'dzin rnam pa lta ni 'bras bu lnga'o/ /ye shes lnga dang/ ting nge 'dzin lnga po 'di dag ni ? ste/ rdo rje zhes bya'o/ /rnam shes bya ba ni/ de lta bu'i thugs de'i bdag nyid can gyis 'chang bar mdzad pa na badzra d+h+rika rdo rje 'dzin ces bya ste/ mi bskyod pa'o/ /yod dang med dang dbus las 'das zhes bya ba ni dngos po dang dngos po med pa dang/ gnyi ga'i bdag nyid can gyi rang bzhin gyis stong pa'o/ /de ci zhig ce na / byung dang 'byung las gyur las byung/ zhes bya ba gsungs te/ 'byung ba ni sa la sogs pa'o/ /'byung ba las gyur pa ni gzugs la sogs pa'o/ /de dag las byung ba ni/ 'di dag gi bdag nyid can no/ / sems can kun gyi zhes bya ba ni lus can ma lus pa'o/ /lus zhes bya ba ni gzugs so/ /dzi na dzika ces bya ba ni rgyal ba rnams skyed par byed pas dzi na dzig go /dzi na zhes bya ba rgyal ba'i don gsungs pa ni/ skye las rgyal ba zhes bya ba yin no/ /'di skad ston te/ gzugs kyi phung po la sogs pa la mngon par zhen pa las zlog ste/ me long lta bu'i ye shes skyed bar byed pa nyid kyi lus can rnams kyi skye ba gcig nas gcig tu rgyud pa las bzlog pas dzi na dzika ces bya ba ste rnam par snang mdzad do/ /don rnams thams cad ces bya ba ni/ dngos bo thams cad kyi mnyam pa nyid thugs chud pa las byung ba zhes bya ba'i don to/ /tshor ba po yis zhes bya ba ni/ bdag nyid kyi rang rig pas so/ /nges tshor ba zhes bya ba ni/ rang rig pa tsam du zhes bya ba'i don to/ /tshor ba ratna? d+h+rika ces bya ba ni/ de lta bu'i de kho na nyid yang dag par rig pa'i rin po che 'dzin par mdzad pas rin chen 'dzin du 'dod ces pa ni/ ratna d+hika ces bya ste/ rin chen dbang ngo/ /mtshan gzhi zhes bya ba sogs pa la khyad par dang/ spyi'i mtshan nyid mtshon par byas pas na mtshan nyid ste/ gzugs kyi phung po la sogs pa'o/ /mtshan nyid ni gzugs su rung pas na/ gzugs so zhes bya ba dang skye pa la sogs pa'o/ /dngos pos kyang zhes bya ba ni/ dngos po'i rnam par de yis so/ /kun la zhes bya ba ni dngos po ma lus pa la'o/ /kun gyis zhes bya ba ni rang bzhin dang rnam pa'i dbye bas so/ / thams cad du zhes bya ba ni/ /phyi dang nang gi bdag nyid can gyi tshul nyid do/ /rol pa zhes bya ba ni/ rang bzhin gyis stong pa nyid kyis so sor rtog pa'o/ /de lta bu'i so sor rtog pa las byung ba dang mtshan nyid ni A ro li ka ces bshad pa yin zhes bya'o/ /rnam shes rab mthar phyin byed pa zhes bya ba ni byams pa la sogs pa la bslabs pas 'gro ba thams cad kyi don byas ba'i? rab kyi mthar thug pa thob pa'i rnam par shes pa gang yin pa de ni shes rab ces bya la/ 'du byed sems dpa' 'dzin pas na zhes bya ba ni smon lam gyi dbang du byas pa'i yid la byed pas yongs su mya ngan las mi 'da' ba' i chos can du byed de/ de lta bu'i 'gro ba'i bya ba la rnam par spyod pa'i bdag nyid can gi shes rab 'dzin par mdzad pas na/ pradz+nyA d+h+rika ces bya bar bshad pa yin no/ /rigs zhus pa'i lan gsungs pa rigs ni zhes bya pa la sogs pa gsungs pa yin te/ me long lta bu la sogs pa'i ye shes ni sangs rgyas la sogs pa'i bskyed pa'i gnas su gyur pas brgyad ces bya ba'o/ /de gang la yod pa ni rgyud can te/ ye shes lnga gcig du gyur pa'i rang bzhin can chos kyi sku'i bdag nyid kyi rgyud rdo rje 'chad pa'o/ /de nyid ni thog ma zhes bya ste/ longs spyod rdzogs pa'i sku la sogs pa de nyid las skyes pa'i phyir ro/ /badzra d+hika ces bya ba la sogs pa zhus pa'i lan bstod pa'i skabs su rnam par shes pa la sogs ba'i sgra'i don smos pa dang/ le'u dang po la sogs pa'i zhe sdang la sogs pa'i sgra'i don yang gsungs pa ni/ rgyu 'bras zhes bya ba la sogS gsungS pa yin te/ rgyu 'bras gnyis la sngad bas na/ zhes bya ba ni 'brang po dang/ ngan pa dang/ yod pa dang med pa dang/ rtag pa dang mi rtag pa dang/ skye ba dang 'jig pa dang/ blang ba dang dor ba dang/ / bzung ba dang 'dzin pa la sogs pa gnyis su med par dmigs te/ sdang bas na zhe sdang ste/ gnyis su med pa'i rnam pa can gyis sems so/ /brtag cing gnod pa byang rung bas gzugs te 'byung ba dang/ 'byung ba las gyur pa'i tshogs so// gti mug ces bya ba ni mi shes pa'o/ /ci'i phyir zhe na/ bems po bcing pa'i rang bzhin pas zhes bya ba gsungs te/ mig gsal ba nyid kyis yang dag par rig pa med pa'i phyir ro/ /'di skad ston te/ bems po mi gsal ba dang ldan pa'i gzugs gang yin pa de ni rnam pa thams cad kyis sam/ phyogs gcig gis rnam par shes ba la'o? bar gyur pa med do/ /de bas na gzugs las mngon par zhen pa ni gti mug ces bya'o/ /bdag tu rlom pa'i ngo bo las/ zhes bya ba ni/ bdag ni bde ba la sogs pa nyams su myong ba dang/ kun tu ldan no snyam pa'i nyon mongs pa can gyi yid kyi rnam par shes pa'i ngo bo nyid yin pa'i phyir ro/ /dngos la chags pa'i bdag nyid can zhes bya ba'i dngos po las mngon par zhen pa'i rang bzhin can no/ /kun tu chags zhes bya ba ni mtshan gzhi dang mtshan nyid kyis tshul gyi sa mngon par zhen pa'o/ /bdag nyid ces bya ba ni sems so/ /don ni 'di yin te mtshan gzhi la sogs par rtog pa'i bdag nyid can gyi sems ni 'du shes so/ /rkyen gyis dran pa'i bdag nyid can zhes bya ba ni khyad par gyi chos cung zhig mtshan mar byas pa la byung ba'i bdag nyid kyi sems gang yin pa zhes bya ba'i don to/ /'du byed ces bya ba ni tshor ba dang 'du shes ma rtogs pa sems las byung ba gzhan dag ni 'du byed do/ /phrag dog ces bya ba ni pha rol gyi yon tan la zhe sdang ba'o/ /'di dag ni 'jug pa'i rnam par shes pa nyid la 'du byed ces bya'o/ /zhes ston pa yin no/ /byang chub sems kyi ngo bo nyid ces bya ba ni byang chub kyi sems kyi rang bzhin no/ /srid pa kun 'byung zhes bya ba ni las dang nyon mongs pa'i dbang gis 'byung bas na srid ba ste/ phung po lnga'o/ /de kun 'byung ba ni rab tu skye ba'o/ /don ni 'di yin te/ khams dang skye gnas dang/ 'gro bas rab tu bsdus pa'i ji skad du bshad pa'i gzugs la sogs pa'i phung po rnams ni de kho na nyid du na/ rims bzhin du me long lta bu la sogs pa'i ye shes kyi bdag nyid can yin no/ /gang yang 'dod chags la sogs pa dang ldan pas sems de ni 'dod pa'i zhes bya ba'i sgrar yang bshad do/ /de bas na 'dod chags zhes bya ba la sogs pa gsungs pa de ni go sla'o/ /sna tshogs 'dra pa'i zhes bya ba ni sngon po dang ser po la sogs pa'i dbye ba tha dad pas phye ba'o/ /mngon phyogs zhes bya ba ni so sor snang ba bzhin no/ /las las skye zhes bya ba ni/ sems dpa' las bskyed pa ste/ las las 'jig rten sna tshogs skyes// de ni sems dpa' dang des byas zhes bshad pa'i phyir ro/ /'bras bu zhes bya ba ni rnam par smin pa'i phyir ro/ /'di skad ston te/ gang 'di rtog pa sna tshogs pas/ /bskyed pa'i dngos po snang ba'i sems/ /de ni dam tshig ces bya ba ni sgrar bshad pa'o zhes pa'o/ /da ni mo ha zhes ni gang la bgyi zhes bya ba la sogs pa drug gi lan bstan pa'i phyir gsungs pa ni/ gnyis med ces bya ba la sogs pa yin te/ don dam par chos thams cad gnyis su med pa'o// zhes bya ba ni nga rgyal bstan par nges par byas ba gang yin pa de ni gti mug yin te/ chos thams cad bsgrub pa med pa'i rang bzhin yin pa'i phyir ro/ /phan tshun 'byer ba zhes bya ba ni don dam par chos kyi bdag nyid can yin pas bzung ba dang 'dzin pa la sogs pa phan tshun bltas pa rnams/ rnam par 'byer ba'i nges pa'i ye shes ni/ zhes dang ste/ nye bar dmigs pa thams cad kyi gnyen por gyur pa'i phyir ro/ /mtshan nyid ces bya ba ni sems can gyi don bya bar mtshon par byed pas/ mtshan nyid de thugs rje dang gnyis su med pa'i so sor rtog pa'i ye shes so/ /de nyid ni 'dod chags te/ sems can thams cad kyi don la kun tu chags pa'i phyir ro/ /de nyid kyis na zhen pa zhes bya ba gsungs pa yin no/ /ye shes thabs ni zhes bya ba la ye shes ni nges par 'byed pa'i shes rab bo/ /thabs ni sems can gyi don gyi phyir rtson pa ste/ shes rab dang thabs gnyis su med pa'i ye shes ni 'dir rdo rje zhes bshad do// zhes bya ba'i bar du'o/ /yang na 'khor ba dang mya ngan las 'das par mi ltung ba'i stobs su gyur pa'i ye shes ni rdo rje zhes bya'o/ /rdzogs pa'i longs spyod mchog ces bya ba ni bdag gir byed pa'o/ /bud med mchog ces bya ba ni shes rab las byung ba'i bde ba ni mchog ste/ dam pa'o/ /phyin ci ma log pa'i tshul gyis byung ba'i phyir dang/ mi ldog pa nyid kyi phyir ro/ /gti mug la sogs pa la dga' ba'i don dang/ sbyar ba gsungs pa ni/ gti mug ces bya ba la sogs pa yin no/ /des na sangs rgyas rnams kyi thabs zhes bya ba ni gang gi phyir gti mug la sogs pa bshad pa'i mtshan nyid rnams la gnyis su med pa'i bdag nyid can gyi dga' ba gnas pa'o/ /de bas rdo rje theg pa zhes bshad do/ /zhes bya ba yin te/ sangs rgyas rnams bud med la sogs pa'i sbrul pa bstan pa nyid kyis sems can gyi khams nyon mongs pa rnams smin par mdzad pa'i don ni thabs chen po yin no/ /ya mAN+ta? krita don ni gang zhes bya ba la sogs pa la/ zhus pa bzhi'i lan/ rim bzhin bstan pa gsungs pa/ mi 'jigs bdag nyid ces bya ba la sogs pa yin te/ rtag pa'i chos thams cad ni 'jig pa dang bral ba yin no/ /ci'i phyir zhe na ma skyes pa'i ngo bo nyid ces bya ba gsungs te/ rnam par bcad na gdod ma nas ma skyes pa yin pa'i phyir ro/ /'dir ni phung po la sogs par brtags pa'i dngos po kun gyi dam tshig ste/ 'da' bar mi bya'o/ /de lta bu'i rgyu gang yin pa nges na mthar byed pa ste/ gdod ma nas ma skyes pa'i chos nyid rtogs pa'i rgyus phung po la sogs par brtags pa rnams rnam par 'jigs par byed do/ /gshin rje gshed ces bya ba ni gshin rje'i sgra ste/ de bas na 'chi bdag gis rnam par rtog pa mthar phyin par mdzad pas na/ gshin rje mthar byed ces bya'o/ /rnam shes min bdag chos rnams ni/ zhes pa ni bzung ba dang 'dzin pa dag ni/ de kho na nyid du ma grub pas rnam par shes pa ma yin pa'i ngo bo nyid yin no/ /'dir gtan tshigs ni/ don dam mi 'gyur dag gyur nyid ces bya ba gsungs pa yin te/ de bzhin nyid kyi rang bzhin can gyi don to/ /de bas na sems tsam la ni brten nas su/ phyi rol don la mi rtog go/ de bzhin nyid la dmigs nas su/ /sems tsam las kyang 'da' bar bya/ /zhes gsungs pa yin no/ /sems can kun gyis zhes bya ba ni rnam par shes pa'i tshogs brgyad char gyi ste/ gang gi phyir 'di ltar nye bar byung ba dang/ 'byung bar 'gyur ba rnams dang/ spang ba dang mi 'byung ba dang/ dge ba'i rtsi ba bskyed ba dang/ ma skyes pa dang/ gnas pa dang/ bskyed pa'i phyir gnyen por gyur ba'i shes rab gang yin pa de ni nyon mongs pa thams cad mthar 'byin par byed pa yin pas shes rab mthar byed do/ /rgyal ba zhes bya ba ni mi mthun pa'i phyogs ma lus pa las rgyal bar gyur pa ste/ gzhan gyis mi thub pa'o/ /brjed med bdag med ces bya ba ni/ de kho na nyid du na rnam par rtog pa'i yul ma yin pas na brjod du med pa'i ngo bo nyid do/ /de nyid kyis na ming dang gzugs blo dngos po med ces bya ba yin te/ ming ni mi ldan pa'i 'du byed rnams dang/ sems las byung ba rnams so/ /gzugs ni phyi'i don to/ /der de'i bdag nyid can gyi blo'o/ /des na zhes bya ba la sogs pa la/ gang gi phyir de ltar yin pa'i rgyu des na/ ji ltar pad+ma dmar po 'di tshon gyi nyes pas mi gos pa/ de bzhin khams gsum gnas pa yi/ /nyes pa rnams kyis mi gos pa'o zhes bya ba'i pad+ma'i rnam par dag pas dran pas skye ba'i sgrib pa mthar 'byin par mdzad pas na/ pad+ma mthar byed ces bshad do/ /khyab bdag ces bya ba ni rta mgrin no/ /mi rtog bdag nyid ces bya ba ni rnam par rtog pa thams cad kyi stong pa'o/ /gtan tshigs gsungs pa ni/ rang bzhin gyis ni zhi ba'i dngos/ zhes bya ba ni ngo bo nyid kyis rang gi mtshan nyid stong pa yin pa'i phyir ro/ /rdo rje zhes bya ba ni dngos po'i de kho na nyid nges par brtags pa la rtse gcig tu gyur pa'i sems te/ de yang zla ba ltar snang dag pa'i blo/ /rdo rje zhes ni bya bar bshad/ /ces gsungs pa yin no/ /klegs bam la las sgom pa kun gyi yang zhes kyang zer te/ der ni yang dag par brtags pa'i zhes bya ba'i don to/ /de nas zhes bya ba la sogs pa'i don ni 'di yin te/ gang gi phyir bgegs rnams kyi rgyu ni rnam par rtog pa nyid yin la de yang rnam par brtags na rang bzhin gyis stong pa yin no/ /de bas na yang dag pa'i mdza' i mur thug pa'i blo nyid do/ /bgegs mthar byed ces bshad do/ /gtso bo zhes bya ba ni bdud rtsi thab sbyor ro/ /de ni ji skad du bshad pa'i mAn+ta kri ta la sogs pa dris pa'i don gsal bar bya ba'i phyir gsungs pa ni/ mi 'jig ces bya ba la sogs pa yin te/ 'di dag nyid kyis rnam par dag pa ni dad pa la sogs pa'i rang bzhin can gyi ye shes bzhi pa ni rdzogs pa'i byang chub kyi thabs su gyur pas sangs rgyas byang chub ye shes 'di/ shes ni bde ba thob par 'gyur/ /zhes bya ba yin te/ ye shes 'di dag la dmigs pas nges par rdzogs pa'i byang chub kyi bde ba thob par 'gyur ro/ /de yang dang pa med pa la ni brtson 'grus med pa brtson 'grus dang bral ba ni dge ba'i chos rnams pa dran pa nyams par 'gyur la/ dran pa nyams pa las ting nge 'dzin med la mnyam par ma bzhag pas ni yang dag pa ji lta ba bzhin du yongs su shes par mi 'gyur na/ byang chub kyi bde ba ga la 'thob yang ya mAn+ta kri ta ces bya ba la sogs pa'i don rnam pa gzhan du bstan pa gsungs pa ni/ gti mug ces bya ba la sogs pa yin te/ de kho na nyid kyi chos thams cad kun tu rtogs pa med pa'i gti mug chen po ni/ gshin rje gshed ces bya ba'i sgras gsungs pa yin no/ /zhes bya ba'i don to/ /ci'i phyir zhe na/ gti mug ces bya ba la sogs pa gsungs te/ de yang me long lta bu'i ye shes kyi rgyu mthun ba'i khro bo'i rnam par brlabs par gyur pas mi shes pa ma lus pa zad par 'gyur pa'i 'jig pa por 'gyur ro/ /zhes bya ba'i don to/ /de bas na 'jig tshogs la blta ba dang/ shes bya'i sgrib pa mthar byed par 'gyur ba yin no/ /nyes pa zhes bya ba ni bag chags dang bcas pa'i nyon mongs pa'i tshogs rnam par 'jig cing sun 'byin par byed pas na nyes pa ste/ shin tu rnam par dag pa'i ye shes so/ /de ni shes rab mthar byed yin no/ /zhes bya bar sbyar ro/ /ci'i phyir zhe na/ nyes pa zhes bya ba la sogs pa gsungs pa yin te/ shin tu rnam par dag pa'i ye shes dang gnyis su med pa'i khro bo la brlabs pas nyon mongs pa'i tshogs ma lus par zad par 'gyur ro/ /de nas sems ni mthar byed de zhes bya ba yin te/ bsags pas na sems te/ dge ba dang mi dge ba'i las rnams kyi bgos pa'i phyir sems te/ rtog pa'i gnas su gyur pa'i shes pa'o/ /de mthar 'byin par byed pas nyon mongs pa mthar byed par yang 'gyur te/ nyon mongs pa rnams ni/ rtog pa'i rang bzhin can yin pa'i phyir ro/ /'dod chags zhes bya ba ni/ chos thams cad dngos po med par rtogs pa'i sems la zhen pa'i chags pa ste/ de ni pad+ma mthar byed ces bshad do/ / ci'i phyir zhe na/ 'dod chags zhes pa la sogs pa ste/ so sor rtog pa'i ye shes kyi bdag nyid can gyi khro bo bsten pas 'du shes phyin ci log pa las ldog pa ni 'dod chags zad par 'gyur ro/ /de bas na tshig tu rtog pa dang/ bral bas dag mthar byed du 'gyur zhing de bzhin du snyoms par 'jug pa mthar byed par yang 'gyur te/ brjod pa dang/ rjod par byed pa dag yul dang yul can nyid du 'dus pa ni/ snyoms par 'jug pa'o/ / de yang rtog pa dang bral ba nyid kyis med do/ /nyon mongs pa kun zad ces bya ba yin te/ bag chags dang bcas pa'i nyon mongs pa'i dri ma'i gnyen por gyur pa'o/ /rdo rje thams cad ces bya ba la/ rdo rje ni gnyis su med pa'i ye shes te/ de nyid rtog pa thams cad zad pa yin pas zad pa'o/ /sgrub pa kun zhes bya ba ni nyon mongs pa dang zhes bya ba la sogs pa zad par nus pa'i ye shes ni/ bgegs mthar byed ces bya bar bshad do/ /'di skad ston te/ lus dang shes bya mthar byed ni/ gshin rje mthar byed do/ /sems dang nyon mongs pa dag mthar byed pa ni/ shes rab mthar byed do/ /ngag dang snyoms par 'jug pa ma? byed pa? ni glang? mthar? byed pa'o/ /sgrib pa thams cad ces pa ni/ bgegs mthar byed do/ zhes pa'o/ /nyon mongs pa rnam par dag pa'i 'bras bu gsungs pa ni/ nyon mongs zhes bya ba la sogs pa yin te/ nyon mongs pa'i sgrib pa rnam par dag na/ lus la sogs pa'i bya ba rnams thams cad du ngag par 'gyur te/ ma rig pa'i dri ma dang bral ba'i phyir ro/ /de bas na las thams cad du rnam par dag pas na 'bras bu ste/ rnam par smin pas 'gal ba med par 'gyur ro/ /de yang slob dpon sangs rgyas ye shes kyi zhal snga nas kyis/ de bas lus sogs dge dang mi dge ba'i rnam pa'i las rnams sems kyi dbang las gsungs/ de ltar rtog pa ma lus spangs pa yis/ /sems ni nag po'i las su ga la 'gyur zhes bshad pa yin no/ /de lta bu'i sems kyis rin po che ji ltar skye bar 'gyur zhes rtog par 'gyur bas de'i gsungs pa ni bzung dang zhes bya ba la sogs pa gsungs pa yin te/ bzung ba ni de lta bu'i rnam par rtog ba'o/ /chags pa ni de la kun tu zhes bya ba/ rnam pa ni de'i rnam pa rjes su dran pa'o/ /mi g.yo ba ni de nyid la brtan par 'gyur ba'o/ /rgyu nyid ni goms par byed pa'i gnas skabs na thabs su 'gyur ba'o/ /'bras bu nyid ni de gsal bar gyur pa ste/ drug pa de dag las thugs thams cad 'byung bar 'gyur ro/ /kha cig ni sems drug po 'byung bar bshad pas 'dod pa'i rgyal po dang/ dbyig sngon dang/ stobs po che dang/ mi g.yo ba dang/ gtsug tor 'khor lo sgyur ba dang/ gnod mdzes rnams 'byung ba bshad pa yin no/ /zhes zer ro/ / gzhan dag ni khro bo'i dbang po 'dir gang yin 'byung dang 'byung las gyur pa gang/ rig pa'i rgyal po gang zhig yin/ /rdo rje'i bdag po 'am gang zhig yin zhes bya ba dri tshig bzhi'i rtog pa rang nyid skyes pa la/ de'i lan gsung pa yin no/ /zhes 'dod do/ /de la 'dod pa'i rgyal po la sogs pa nas gnod mdzes kyi mthar thug pa drug po 'di dag la khro bo'i dbang po zhes bya bar bshad kyi/ /gshin rje mthar byed la sogs pa ni ma yin no/ /de dag kyang khro bo dang/ tshogs dang/ pho nya dang bran zhes bya ba rgyud gzhan dag las bshad do/ /de yang gshin rje gshed ni khro bor bshad/ shes rab mthar byed tshogs zhes bya/ /pho nya par mthar byed ces bya/ //bran ni bgegs mthar byed du bsgrags/ /zhes ji skad bshad pa lta bu'o/ /dam tshig rdo rje la sogs drug /ces bya ba ni le'u dang po las rgyal ba rdo rje'i bar gyi byang chub sems dpa' drug gsungs pa yin no/ /sa la sogs pa rnam pa lnga zhes bya ba ni de nyid las rdo rje nas rtsams te/ nam mkha' rdo rje'i bar ni 'byung ba'i bdag nyid can du shes par bya ste/ 'byung ba chen po rnam par dag pa'i rang bzhin yin pa'i phyir ro/ /ma'i snying po la sogs pa lnga po ni/ mig la sogs pa rnam par dag pa'i ngo bo nyid kyis 'byung pa las rab tu byung ba yin pa'i phyir 'byung ba las gyur pa zhes te/ 'di dag nyid kun tu bzang po dang bcas pa la ni rig pa'i rgyal po zhes bshad do/ /gzugs la sogs pa drug gi ming gsungs pa ni/ gzugs rdo rje zhes bya ba la sogs pa yin no/ /sku gsung thugs kyi rdo rje las/ /bdag nyid chen po kun tu 'byung/ zhes bya ba ni 'di dag thams cad sku gsum gyi bdag nyid can yin pas sku la sogs pa mi phyed rnam par byung ba yin te/ chos thams cad ngo bo nyid gcig pa'i byang chub kyi sems chen po de'i ngo bo kho na yin no/ /zhes bya ba'i bar du'o/ /kun tu spyod pa zhus pa'i lan gsungs pa ni/ thabs dang zhes bya ba la sogs pa gsungs pa yin te/ thabs dang shes rab las byung ba'i zhes bya ba ni bya ba'i khyad par ro/ /phung po khams dang skye mched gzugs zhes bya ba ni/ phung po la sogs pa'i bdag nyid can gyi gzugs so/ /rdzogs pa'i rim pa'i sbyor ba yis/ /zhes bya ba ni skad cig mas rdzogs pa'i rnal 'byor dang/ rim gyis rtogs pa'i rnal 'byor gyis te de yang spro dang sdu ba byed pa yis/ rnam pa'i mchog ni kun ldan pa/ skad cig ye shes kyis rdzogs pa/ /rdzogs pa'i rnal 'byor zhes bshad do/ /byang chub sems ni dag pa dang/ gsang sngags sa bon skye ba can/ /phyag rgya'i gzugs su brtags pa yi/ /rim gyis gzugs ni rdzogs byas pa/ /de ni brtags par brjod pa ste/ /rnal 'byor cho ga yin par gsungs/ /zhes bshad pa yin no/ /sngags pas sbyor ba nges byas la/ /zhes bya ba ni thabs dang shes rab dang gnyis su med pa'i ting nge 'dzin gyis brtan par bya'o/ /de ltar rdzogs pa dang rtog pa'i rnal 'byor gnyis po brtan par byas nas rnam par rgyu zhing byed pa thams cad bya'o/ /ji ltar bya zhe na/ de'i phyir gsungs pa ni thams cad ces bya ba la sogs pa la/ thams cad dag par byas pa yis zhes bya ba las mi rgyud ba'i dngos po ji snyed pa thams cad rdo rje 'chang dang 'dra ba yin no/ /zhes nges par skyed pas so/ /'jig pa thams cad spangs nas su/ /zhes bya ba ni bdag tu lta ba dang bral ba nyid kyis dogs pa thams cad rnam par spangs pa yin no/ /dogs pa med pa'i sems kyis ni/ /zhes bya ba ni ting nge 'dzin mngon sum du byas pa'i phyir yid la the tshom med par gyur pas so/ /seng ge bzhin du spyod ces bya ba ni/ dngos po thams cad mnyam pa nyid du rtogs pas mi mthun pa'i phyogs med par 'gyur ro/ /dus de'i tshe'i bya ba'i spyod pa gsungs pa ni/ 'di la mi bya zhes bya ba la sogs pa yin te/ lha'i nga rgyal rtse gcig pa'i brtan pa la gnas pa'i rnal 'byor pa de ni nye bar dmigs pa gzhan med par bya ba dang/ bya ba ma yin pa'i rnam par rtog pa med do/ /mi bza' zhes bya ba ni gcad pa dang mi gtsang? ba dang/ mchog dang/ mchog ma yin pa la sogs pa rtog pa med pa'o/ /smra bar mi bya zhes bya ba ni smra bar bya ba dang/ smra bar mi bya ba'i nye bar dmigs pa med pa'o/ /mi bsam zhes bya ba ni yod pa dang med pa la sogs pa dbye ba yang med pa'o/ /rgyu gsungs pa ni mnyam par ma gzhag ces bya ba la sogs pa yin te/ sems la dbang thob pas mnyam par ma gzhag pa'i gnas skabs nyid kyang 'di'i mnyam par gzhag pa nyid yin no/ /de yang byang chub sems dpa' i kun rtog las dge ba'am yang na mi dge ba dang/ thams cad dge ba nyid 'gyur te/ gang phyir de yid dbang 'gyur nyid/ zhes bshad pa lta bu'o/ /yang na thabs dang shes rab kyi ting nge 'dzin la bya zhing/ snying rtse ba dang ldan pa rnams ni sems can thams cad la phan par bya ba la btang snyoms su bya ba med de/ /de bas na mi dge ba'i tshul can gyi lus la sogs pa'i las kyis kyang de'i phan pa byed pas de'i phyir 'di la mi bya ci yang med ces bya ba la sogs pa gsungs pa yin no/ /yang na las dang po pa rang gi lhag pa'i lha'i rnal 'byor pas lhag par mos pa rtag tu sems yang dag par sdud pa yin pas na mi bya ba ste/ bya ba ma yin pa mi dge ba dang/ lung du ma bstan pa'i mtshan nyid can gyi sems yod pa ma yin no/ /mi bza' zhes bya ba ni/ rang gi rnal 'byor gyi spyod pa dang 'gal ba'i zla ba la sogs pa med pa'o/ /mi smra zhes bya ba ni ? bstod pa dang bzlas pa dang dam pa'i chos 'don pa ma gtogs pa gzhan mi smra ba'o/ /mi bsam zhes bya ba ni sems can thams cad la phan pa dang/ bde ba dang/ rang gi lha'i bsam gtan ma gtogs pa don gzhan mi sems pa'o/ /'dir rgyu gsungs pa ni mnyam par ma bzhag ces bya ba la sogs pa ste/ rnam par g.yeng ba'i gnas skabs su yang rtag tu rang gi ltar sems rtse gcig tu byed pas 'di ni rtag tu mnyam par bzhag pa yin no/ / de bas na sems kun zhes bya ba nyon mongs pa can dang nyon mongs pa can ma yin pa dang/ lung du ma bstan pa'i spyod pa gang yin pa la ting nge 'dzin yongs su mi dor ba'i mtshan nyid can de ni/ kun tu spyod pa zhes bya bar bshad do/ sngags kyi spyod pa zhus pa'i lan gsungs pa ni/ dbang po zhes bya ba la sogs pa gsungs pa yin te/ dbang po ni mig la sogs pa'o/ /yul ni dbang po'i don rnams so/ /de dag gis stobs kyis gang bar? 'byung zhing skyes par gyur pa'i bzung ba dang 'dzin pa'i rnam pa can gyi sems de ni man zhes bya bar bshad do/ /de skyob par byed pas thabs dang shes rab gnyis su med pa'i ye shes ni man? ste sngags so/ /des sam de'i spyod pa 'jig rten pa'i tha snyad dang bral ba'i dam tshig la sogs pa yongs su bsrung ba'i mtshan nyid can de ni sngags kyi spyod pa zhes bya bar bshad do/ /bzlas pa zhus pa'i lan gsungs pa ni/ rang rang zhes bya ba logs pa yin te/ ngo bo nyid ces bya ba ni sngar bshad pa'i dngos po dang dngos po med pa'i rnam par spyad pa la sogs pa'i mtshan nyid can sku la sogs pa'i rang bzhin la rnam par lta ba'o/ /snying po zhes bya ba ni sa bon no/ /yid kyi zhes bya ba ni rnam par spyod pa'i bdag nyid can gyi sems kyis so/ /gsang sngags zhes bya ba ni bzlas pa bya ba'i yi ge'o/ /dbye ba yis zhes bya ba ni/ /rdo rje'i bzlas pa la sogs pa'i dbye bas sam/ rim dang cig car gyi dbye bas so/ /bzlas par zhes bya ba ni zlos par byed pas so/ /spro zhing bsdu zhes bya ba ni 'byin pa dang 'gyur? pa'i bdag nyid can no/ /sna tshogs ye shes bdag nyid ces bya ba ni/ sems can thams cad kyi yid la re ba bsam pa ji lta ba bzhin du yongs su rdzogs par byed pa'i mngon par shes pas sems can thams cad kyi don la 'jug go / ye shes sa bon zhes bya ba ni rang rang gi ye shes sems dpa' i sa bon las spros la bsdu bar bya'o/ /zhes bya ba'i don to/ /byang chub bdag med sa bon gyis zhes bya ba ni byang chub nyid bdag med par sa bon gang yin pa de la de skad ces bya'o/ /de yang sku'i yi ge ma skyes zhing/ gsung dang thugs kyang mtshan nyid med/ ces lhag par mos zhes bya ba'i don to/ /bdag med ces bya ba'i dngos po med pa'o/ /bzung ba zhes bya ba ni mi g.yo bar bya'o/ /kha cig na de/ rang gi lhag pa'i lha'i ye shes sems dpa' i sa bon 'dzin pa'i rang bzhin dang bral bas sangs rgyas lnga po sna tshogs rdo rje'i bdag nyid la spros pa la bsdu bar bya'o zhes zer ro/ /sna tshogs bzhin du zhes bya ba ni/ dngos po thams cad kyi ngo bo nyid du lhag par mos pa ste/ de yang yang na bzlas pa rtse gcig sems nyid ni/ dngos kun bdag nyid rang gi sems dbang ngo/ /rang gi sngags ni sna tshogs 'od ldan par/ /byas par blo dang ldan pas bsgom par bya zhes ji skad bshad pa lta bu'o/ /dus gsum sa bon dag gis zla zhes bya ba ni dus gsum gyi sangs rgyas kyi ngo bo nyid kyi yi ge gsum dang bcas par ye shes sems dpa' i sa bon bzla bar bya'o/ zhes bya ba'i don to/ /ji ltar na 'di dag bzlas pa'i sgrang bshad pa de bstan pa'i phyir gsungs pa ni/ smra ba zhes bya ba la sogs pa yin te/ phyi dang nang gi smra ba la bzlas pa'i sgrar bshad do/ /de bas na de kho na nyid mthong ba rnams kyi phyi dang/ nang gi ngag gi 'jug pa thams cad ni de kho na nyid ston par byed pas sngags su 'gyur ro/ /sngags kyi don gsungs pa ni/ sngags ni zhes bya ba la sogs pa gsungs pa yin te/ de ni go sla'o/ /rgyas gdab pa zhes gang la bshad ces zhus pa'i lan gsungs pa ni/ ji ltar zhes bya ba la sogs pa yin te/ rnam pa gang gi khro bo dang/ khro bo ma yin pa'i tshul gyis snying gar ye shes kyi lha bskyed pa ting nge 'dzin kyang de bzhin no/ zhes bya ba ste/ dam tshig sems dpa' i lha yang de bzhin du lta bar bya'o// zhes bya ba don to/ /'di dag gis ni ye shes dang/ dam tshig gi lha gnyis tha mi dad par bstan te/ /de rnams zhes bya ba ni/ ting nge 'dzin gang las byung ba des de dbang bskur ro/ zhes bya ba'i don to/ /de bzhin kun tu mchod pa'o/ zhes bya ba ni bdag po'i mchod pa ji ltar gsungs pa de bzhin du de'i sprul pa rnams la yang bya'i zhes bya ba'i tha tshig go / rig pa zhes bya ba ni rang dang 'dra ba'i rig pa ste/ de dang lhan cig sbyor zhing gnyis su med par gyur ba gang la yod pa bsgom gzhin pa'i lha'i khyad par la longs spyod bzhi char yang de'i thugs byin gyis brlabs pa'i mtshan nyid yin par shes par bya'o/ /bdag byin brlabs sogs zhes bya ba la bdag la byin gyis brlabs pa ni bsnyen pa'i ting nge 'dzin gyi ngo bor bdag po bskyed pa'o/ /sogs pa'i sgras ni rig pa dang 'dra bar skyed pa yang shes par bya'o/ /'di gnyi gas kyang shes rab dang thabs kyi bsnyen pa la sogs pa'i yan lag bzhi bsgom par bya'o/ /zhes ston par 'gyur ro/ / kha cig ni de bzhin zhes bya ba la sogs pa nas/ bdag byin gyis brlab pa zhes bya ba'i bar gyis spros pa rnams kyang dkyil 'khor gyi bdag po'i yan lag bzhi'i ting nge 'dzin las bskyed par bya'o/ zhes mdong? bstan pa yin no/ zhes zer ro/ /dpa' bo rdo rje gcig rnams kyi zhes bya ba la/ nyon mongs pa'i g.yul ngo ma lus pa las rgyal ba nyid kyis na dpa' bo'o/ /sangs rgyas bcom ldan 'das ni thabs dang shes rab mnyam pa med par mdzad pa nyid kyis na/ rdo rje gcig pu ste/ thabs gtso bor gyur pa dang/ byang chub sems dpa' rnams ni/ shes rab kyang gtso bor gyur pa yin te/ 'di rnams ni rang gi bdag po nyid kyis dbang bskur bar bya'o/ /'di dag rgyas gdab par bya zhe na de'i phyir gsungs pa ni/ snying po zhes bya ba la sogs pa yin te/ snying po ni ye shes sems dpa' o/ /phyag rgya ni mig la sogs pa rgyas 'debs pa'i ngo bos sa'i snying po la sogs pa'o/ /sngags ni thugs rdo rje la sogs pa'o/ /rang rigs la rim bzhin du tho ba dang lcags kyu dang/ dbyig pa dang/ yang dbyig pa dang/ pad+ma dang/ rtse gsum dang/ rdo rje dang/ ral gri dang/ 'khor lo dang/ rdo rje'i mtshon cha bsnams pa/ smin ma bsdus pa/ khro gnyer bsnyer ba spyan dmar ba sna tshogs pad+ma la nyi ma'i dkyil 'khor la gnas pa'i gdan la g.yon brkyang bas bzhugs shing rang rang gi phyogs kyi bgegs kyi tshogs 'joms par mdzad pa zhes bya'o/ /ye shes bdag nyid bcu las byung ba zhes bya ba ni/ chos dang rjes su rtogs pa dang gzhan gyi sems dang/ kun rdzob dang/ sdug bsngal dang kun 'byung dang/ 'gog pa dang lam dang/ zad pa dang/ mi skye ba las byung ba'i ye shes skyed par byed pa'i phyir ro/ /'gog pa'i rdo rje 'khor lo yis zhes bya ba ni sems rtse gcig par gyur pa rdzogs pas gsal bar gyur pas rdo rje 'bar ba'i sprin 'phro bas/ zhes bya ba ni bzod par dka' ba'i 'bar ba dang bcas pas khro bo'i tshogs spro bar bya'o/ zhes bya ba'i don to/ /mi g.yo ba dang mtshungs par 'khor zhes bya ba ni shugs shin tu drag pas khro bo rnams gnas gzhan du nye bar ma dmigs pas 'khor lo mi 'gul ba lta bur bsam par bya'o/ /yang na bzung ba la sogs pa'i dmigs pa dang bral bas sems can gyi don gyi phyir phyogs bcur khyab pas na mi g.yo ba dang/ mtshungs zhes bya ste/ de kho na nyid du na skye bo dang 'jig pas stod pa'i phyir/ mi g.yo zhing de kho na nyid kyis ye shes dang mtshungs te/ de'i ngo bo nyid yin no/ zhes bya ba'i bar du'o/ 'dis ni bka' i 'khor lo yang gsungs pa yin te/ de yang bla ma'i man ngag las gsal bar bya'o/ /sdom pa zhus pa'i lan gsungs pa ni/ rdo rje can gyi zhes bya ba la sogs pa yin te/ sgrub pa zhes bya ba ni/ rim pa gnyis po 'di rgyu'o/ /nan tan zhes bya ba ni nyams su len pa'o/ /dam tshig ces bya ba ni nyi ma dang zla ba la sogs pa la nye bar longs spyod pa'o/ /sdom pa zhes bya ba dam tshig bzhi po bsrung ba'o/ /'di dag thams cad ni sngar rtsa ba'i rgyud du rgyas par bshad pa yin no/ rim pa'i dbye bas phye ba yin/ zhes bya ba ni bskyed pa'i rim par rang bzhin gyis grub par lhag par mos pas dam tshig nyams su blang ba dang/ gzhan du ni bskyed par bya ba zhes pa'i don to/ zhe sdang gti mug 'dod chags ches/ sems can don byed ji lta bus zhes bya ba'i lan gsungs pa ni gzugs dang zhes bya ba la sogs pa yin te/ sdug pa dang mi sdug pa dang/ gnyi gar brtags pa'i dbang gis so so'i skye bo rnams rtag tu gzugs la sogs pa'i yul rnams las 'dod chags dang zhe sdang gti mug skye bar 'gyur ro/ /de rnams rnam par dag pa'i rnal 'byor pa rnam pa cir 'gyur zhe na/ 'dod chags zhes bya ba la sogs pa gsungs te/ 'dod chags ni 'dod chags kyi dkyil 'khor du'o/ / 'dod chags dam tshig ni 'od dpag tu med pa'i ngo bo nyid do/ /rdo rje ni bskyed pa 'byung bar 'gyur ba'o/ /rdo rje 'dra bar rin chen 'byung ldan zhes bya ba ni/ ji ltar 'dod chags la 'dod chags byi ngo bo nyid dang mi bskyod pa yin pa de bzhin du rin chen 'byung ldan yang de dang 'dra ba'o/ /rin chen bzhin du dam tshig shes zhes bya ba ni ji ltar 'dod chags la rin chen dbang nyid yin pa de bzhin du don yod rdo rje can yang de dang 'dra ba'o/ /'di skad ston te/ 'dod chags kyi dkyil 'khor du ni thams cad kyang 'dod chags su ro gcig par 'gyur ro/ /yul rnams de ji ltar lta bar bya zhe na/ 'dod chags zhes bya ba la sogs pa gsungs te/ de rnams zhes bya ba ni/ sngar bshad pa'i gzugs la sogs pa'i yul rnam pa gsum po ni dam tshig ces bya ba don yod grub pa dang/ mtshungs shing mnyam par lta bar bya ste/ ji ltar 'dod chags kyi dkyil 'khor don yod grub par 'gyur ba de bzhin du yul rnams kyang 'dod chags kyi bdag nyid can du lta bar bya'o/ zhes bya ba'i don to/ /kha cig ni 'dis sdom pa zhus pa'i lan bstan par mdzad pa yin no/ zhes zer ro/ /ji ltar na 'di ltar 'dod chags chen po la sogs pa nyid du bsam par bya zhe na/ de'i rnam pa zhes bya ba la sogs pa gsungs te/ rnam pa dang zhes bya ba ni/ 'dis bdag gir kun tu byas pa'i phyir rnam pa ste/ sems can gyi khams ma lus pa la phan pa la dmigs pa'i thabs kyi rang bzhin can gyi sems so/ /rnam pa med ces bya ba ni dngos po ma lus pa stong pa nyid du so sor rtog pa'i phyir te/ de nyid ni shes rab kyi bdag nyid can no/ /'gro kun zhes bya ba ni/ chos kyi dbyings dang mnyam pa nyid kyi khams gsum pa'i phung po dang/ khams dang/ skye mched rnam par dag pa la khyab pa'o/ /yig gsum bdag nyid can zhes bya ba chos dang/ longs spyod rdzogs pa dang/ sprul pa'i sku'i bdag nyid can aoM A:hUM zhes bya ba ni/ yi ge gsum gyis byin gyi brlabs pa'o/ /bya ba dang ni zhes bya ba ni/ dang po'i bdag nyid can gyi lhar bskyed par bya'o/ zhes bya bar sbyar ro/ /'phrog pa dang/ spro dang zhes bya ba ni/ spro ba dang bsdu ba sngon du 'gro bas/ dkyil 'khor gyi 'khor lo sprul par bya'o/ zhes bya ba'i don to/ rang gi bzlas pa zhes bya ba ni rang rang gi 'byin pa'i sngags brjod pa nyid dam yang na ji ltar rang gi sku la sogs pa'i bzlas pa las spro pa la sogs pa byed pa'o/ /de ltar zhes bya ba la sogs pa la/ dang po ji ltar 'dod chags la 'dod chags kyi rang bzhin yin pa de bzhin du zhe sdang la zhe sdang chen po'i ngo bo nyid dang/ gti mug la gti mug chen po'i tshul du dkyil 'khor ba bsgoms la/ de bzhin gshegs pa'i ye shes kyi phyag rgyas ji lta ba bzhin du sna sogs pa rgyas gdab par bya'o/ /gsang ba dag pa zhes bya ba la/ rigs gsum gyi ngo bor bskyed pa ni lus la sogs pa yang dag par sbyang ba'o/ /de ji ltar yin zhe na/ rdo rje can zhes bya ba ni/ shes rab dang thabs gnyis su med pa'i rnal 'byor pa'o/ /don zhes bya ba ni sku gsum rnam par dag pa'i mtshan nyid can de dag nyid do/ /yang na rdo rje gsang ba ni/ rdo rje 'chang chen po'i ste/ theg pa dman pa la mos pa rnams la gsang bar bya ba yin pa'i phyir ro?/ de'i dag pa ni de'i ye shes bskyed pas nyon mongs pa'i dri ma ma lus par bkrus pa'o/ /de lta bu'i bdag nyid can gyi don te bya ba byed pa'o/ /de dag nyid kyi dbye ba gsungs pa ni/ zhe sdang zhes bya ba la sogs pa ste/ zhe sdang sbyor ba zhes bya ba ni/ mi bskyod pa'i ting nge 'dzin gyis so/ /rnal 'byor pa zhes bya ba ni/ dkyil 'khor pa rnams so/ /zhe sdang 'khor lo zhes bya ba ni/ thugs kyi dkyil 'khor ro/ /rdo rje drag po zhes bya ba ni lag na gnas pa'i rdo rje 'bar bas so/ /ye shes rdo rje can gyis bsdu zhes bya ba ni/ ye shes kyis yang dag pa'i bdag nyid la snyoms par zhugs par bya ba'o/ /de ni zhes bya ba ni bcug pa'o/ /spros la zhes bya ba ni rang snang ba'i pad+ma'i nang du snga ma bzhin du bskyed la spro bar bya'o/ /rtogs byas la zhes bya ba ni/ badzra d+h+rika ces bya ba la sogs pa 'byin pa'i sngags kyi yang dag par bskul ba'o/ /de bzhin bsdu bar bya/ zhes bya ni snga ma bzhin du rdo rje drag pos bcom ste/ ye shes tsam du byas la bsdu bar bya'o/ zhes bya ba'i don to/ /de ltar goms par byas pa'i sbyor ba gsungs pa ni/ 'di lta'i zhes bya ba la sogs pa yin te/ mngon du nus par the tsom med ces bya ba ni rnal 'byor bstan por bya ba rim gyis zhes bya ba ni zhe sdang gi rigs can bsgrub pa'i yan lag la thugs la sogs pa nas brtsams te/ byin gyis brlab par bya'o/ /gti mug dang/ 'dod chags kyi rigs dag la ni sku dang gsung dang nas rtsam par bya'o/ zhes bya ba'i don to/ /gang yang de ltar bstan pa las/ rdo rje gcig pus zhes bya ba 'dis ni/ thabs dang shes rab gang yang rung ba dang bral ba'i lha gcig bu tsam du bstan to zer ro/ /de'i nges pa le'u bcu pa las/ sngags kyi skyes bu ji snyed pa/ /rdo rje gsum gyi ye shes rdzogs/ /dbang po gnyis kyi sbyor ba yis/ /dngos po thams cad brtags par bya/ /zhes bya bas bstan pa yin no/ /'dir rgyu dang 'bras bu dag dbyer med par bstan pas/ /dbang bskur pa rnam par bzhag pa gsungs pa ni/ 'bras bu zhes bya ba la sogs pa yin te/ me long lta bu la sogs pa ye shes lnga'i bdag nyid can gyi de bzhin gshegs pa rnams ni 'bras bu'o/ /de rnams kyi rgyu ni/ byang chub gyi sems rdo rje'o/ /'di skad ston te/ 'bras bur gyur pa'i/ de bzhin gshegs pa ldas bdag po'i bdag nyid can rdo rje 'chang dbang bskur bar bya'o/ /rgyur gyur pa de 'bras bu'i gtso bo'i rang bzhin can de bzhin gshegs pa rnams dbang bskur par bya'o/ /'di dag rigs pa dang lung dag gis bstan la dbab pa de bco lnga? par bshad zin pas 'dir ma smras so/ /chos 'byung ba bsgoms pa zhus pa'i lan bstan pa gsungs pa ni/ longs spyod bzhi zhes bya ba la sogs pa yin te/ longs spyod bzhi ni phyag rgya bzhi ste/ de rnams dang yang dag par ldan pa'o/ /rig pa'i skyes bu rdo rje can/ zhes bya ba ni rnam par snang mdzad la sogs pa 'am/ hUM mdzad la sogs pa 'di dag las gang yang rung ba'o/ /gru gsum la zhes bya ba la zhes bya ba ni/ 'di'i rgyu mtshan gyi bdun pa ste/ sku rdo rje la sogs pa rgyu mthun pa nyid kyis na/ chos 'byung ba gru gsum du bskyed pa'i phyir/ bsgom par bya'o zhes bya ba'i don to/ /gang du zhe na de'i phyir kun nas zhes bya ba la sogs pa gsungs te/ bsod nams dang ye shes kyi tshogs rgyas par byed pas/ kun nas zer bo snang ba'i 'khor lo bsam la/ de'i dbus su rigs pa'i skyes bu rdo rje can bsgom par bya'o/ zhes bya bar sbyar ngo/ /rtsibs bcu zhes bya ba ni rab tu dga' ba la sogs pa/ sa bcu'i ngo bo nyid du gyur pa'i phyir ro/ /rtsibs kun la ni khro bo bcu? zhes bya ba ni/ gshin rje gshed la sogs pa ste/ de la shar dang/ lho dang nub dang/ byang gi rtsibs la gshin rje dang/ shes rab dang/ pad+ma dang/ bgegs mthar byed do/ /me la sogs pa'i phyogs su gtogs pa'i rtsibs la 'dod rgyal dang/ dbyig sngon dang/ stobs po che dang/ mi g.yo ba'o/ /lte ba las gyen du 'greng ba'i rtsibs kyi steng du ni/ gtsug tor ro/ /'og tu gnod mdzes bsgom par bya'o/ /'dir gshin rje gshed la sogs pa dang/ dbyig sngon dang/ stobs po che dang bcas pa ni/ ni 'u thung gi gzugS can mi sdug pa/ zhal gdangs pa gsus khyim che ba/ mche ba gcigs pa/ dbu skra dang/ smin ma dang/ ag tshom ser ba/ dbu skra gyen du brdzes pa'o/ /'dod pa'i rgyal po la sogs pa mche bcung zad gtsigs pa/ yan lag sgeg pa/ brgyan bzang po dang/ na bza' bzang po mnabs pa/ rin po che'i cod pan can no/ /shes rab mthar byed dang/ pad+ma mthar byed dang/ gtsug tor 'khor los sgyur ba ni sku mdog dkar po dang/ dmar po dang ser po dang/ zhal g.yon pa dmar po dang/ dkar po dang/ yang dkar po'o/ /zhal g.yas kun kyang gnag pa/ de las gzhan pa'i khro bo sku mdog nag po rnams kyi zhal g.yas pa rnams dkar ba/ g.yon pa dmar po'o/ /gshin rje gshed la sogs pa 'di dag thams cad legs par byas pa'i phyir nus pa thob par gyur pas sems can gyi khams ma lus par tshar bcad pa dang/ phan 'dogs par nus par 'gyur ba'o/ gti mug sbyor ba zhes bya ba ni rnam par snang mdzad kyi rnal 'byor gyis so/ /gti mug 'khor lo zhes bya ba ni/ sku'i dkyil 'khor ro/ /brgyan zhes bya ba ni rang gi dkyil 'khor ba rnams kyi rgyan rnams so/ /brku zhes bya ba ni nor gyi bdag pos yongs su mi shes par bslangs pa'o/ /gti mug rgya mtsho zhes bya ba ni rnam par snang mdzad do/ /rin chen kun gyis zhes bya ba ni 'phrog pas so/ /rab tu dgang zhes bya ba ni brgyan pa'o de rnams la zhes bya ba ni gang la 'phrogs par 'gyur ba ste/ de la slar sbyin par bya ba'o/ /ting nge 'dzin 'di grub pa'i rnal 'byor pa ni phyi rol gyi dngos po ma lus pa len pa dang ster bar byed par nus par 'gyur ro/ /'dod chags sbyor bas zhes bya ba ni 'od dpag tu med pa'i rnal 'byor pas so/ /'dod chags 'khor lo zhes bya ba ni gsung gi dkyil 'khor ro/ /lha mo thams cad 'phrogs nas su/ zhes bya ba ni rang gi dkyil 'khor ba rnams kyi shes rab 'phrogs pa'o/ /'dod pa sbyor ba zhes bya ba ni/ dngos po thams cad kyi ngo bo nyid kyis bdag nyid can 'od dpag tu med pa'i sbyor bas so// 'dod pa'i rtsed mos rnam par 'phrul ba zhes bya ba ni dga' ba'i cho gar bshad pa'i rnam par rol bas so/ /'khor lo can kun la zhes bya ba ni gang la blangs pa de rnams la zhes bya ba'i don to/ /yang ji ltar na 'di dag la nus pa ji lta bur yod par 'gyur zhe na/ de'i phyir gsungs pa ni dkyil 'khor zhes bya ba la sogs pa yin no/ /don ni 'di yin te/ grub pa'i rnal 'byor pa sems la dbang thob pa'i phyir/ dkyil 'khor sprul pa la sogs pa 'dod pa tsam la rag las pa yin gyi/ las dang po pa rnams ltar bri ba la sogs pa phyi rol gyi sbyor pa'i rjes su 'gro ba ni ma yin no/ /dkyil 'khor zhus pa'i lan gsungs pa ni/ b+ha ga zhes bya ba la sogs pa yin te/ b+ha ga zhes bya ba ni pad+ma'o/ /de yang ji ltar pad+ma dmar po 'di zhes bya ba la sogs pas sna tshogs rnam par dag pa'i so sor rtog pa'i ye shes so/ /de'i longs spyod rdzogs pa'i sku'i bdag nyid can gyi dkyil 'khor gyi snying po len cing 'dzin par byed pas na dkyil 'khor ro/ /byang chub gyi sems zhes bya ba ni/ ma skyes ma bcos pa zhes bya ba la sogs pa'i mtshan nyid du gsungs pa'i byang chub kyi bdag nyid can gyi sems ni chos kyi sku'i snying po len pa yin pas na dkyil 'khor ro/ /lus kyi zhes bya ba ni rnam pa thams cad kyi mchog dang nye bar ldan pa'i sku ste/ de yang 'gro ba ma lus pa'i don byed pa'i mtshan nyid can gyi snying po len par byed pa yin pas no dkyil 'khor ro/ /gsum pa dkyil 'khor yin par brtag ces bya ba ni b+ha ga la sogs pa nyid kyis thabs las byung ba thams cad kyi snying por gyur pa sku gsum gyis bsdus pa la sogs pa nyid la dkyil 'khor gsum du bshad pa yin no/ /la la na re chos 'byung ba'i dkyil 'khor dang/ pad+mar byang chub kyi sems yongs su gyur pa'i dkyil 'khor dang lus la phyag rgya bzhi'i dkyil 'khor la b+ha ga zhes bya ba la sogs pa bstan pa yin no/ zhes zer ro/ /phyag rgya dgong pa'i lan gsungs pa ni/ /phung po zhes bya ba la sogs pa yin te/ gang gi phyir phung po la sogs pa'i ngo bo nyid kyis de bzhin gshegs pa'i phyag rgyas gzugs brnyan 'byung ba'i tshul gyis rgyu ba dang/ mi rgyu ba'i bdag nyid can sna tshogs pas thams cad las rgyas btab pa yin no/ /rgyu des na dris pa dang/ bsgoms pa'i bdag nyid can gyi dkyil 'khor gsum char la mtshan ma dang/ phyag rgya la sogs pa dgod par byas pa yin no/ /nga ni dgong pa'i khyad par gsungs pa ni/ 'dod rgyal zhes bya ba la sogs pa yin te/ bsrung ba'i 'khor lo 'am bsdus pa'i dkyil 'khor du me la sogs pa'i phyogs su 'dod pa'i rgyal po la sogs pa bzhi po'i phyag mtshan lcags kyu la sogs pa'i mtshan ma dgod par bya'o/ /gshin rje gshed la sogs pa ni/ le'u bzhi pa las gsungs pa'i phyogs kyi rim pas phyag rgya dgong par bya'o/ /bsgom pa'i dkyil 'khor gyi khyad par gsungs pa ni/ steng du zhes bya ba la sogs pa yin te/ steng du 'khor lo 'og tu gnod mdzes zhes bya ba ni/ steng du gtsug tor 'khor los sgyur ba dang/ 'og tu gnod mdzes bsgom par bya'o/ /lhag ma rnams ni ji skad bshad pa'i dang gi mtshan ma'i rim pa nyid kyis bsam mo rigs rgyal rdo rje rnams dang ni zhes bya ba ni sa'i snying po yi'o/ /'khor lo sgyur ba drug gi zhes bya ba ni sangs rgyas lnga po rdo rje 'chang ba dang bcas pa'i mtshan ma'i phyag rgya rnams ni de dag nyid dang ci rigs par sbyar ro/ /sa la sogs pa'i zhes bya ba ni/ spyan la sogs pa'i rtsa ba'i rgyud las gsungs pa nyid yin no/ /gzugs rdo rje la sogs pa'i mtshan ma'i phyag rgya rim bzhin du gsungs pa ni/ me long zhes bya ba la sogs pa yin no/ /sangs rgyas ni mi bskyod pa la sogs pa'o/ /byang chub sems dpa' ni sku rdo rje la sogs pa'o/ /khro rgyal ni gshin rje gshed la sogs pa ste de rnams kyis mngon ? par rgyas btab pa'o/ /'di rnams kyi sku mdog dang phyag mtshan la sogs pa'i tshul gyi phyag rgya ni bshad zin pa nyid yin no/ /gang rtsa ba'i rgyud las sku mdog ma gsungs pa de rnams ni rigs kyi bdag po'i mdog dang ldan pa nyid du brtag par bya'o/ /de bas na sa'i snying po la sogs pa dang/ gzugs rdo rje la sogs pa dang/ nang gi bdag po'i sku mdog nyid dang ldan pa yin no/ /le'u bzhi pa las gsungs pa'i me tog gi sgra'i don zhus pa'i lan gsungs pa ni/ lha mo zhes bya ba la sogs pa yin te/ lha mo dag ni gzhon nu ma ste/ de'i nam mkha' i dbyings kyi bdag po'i khrag ni me tog ces bshad do/ /yang na pad+ma rnam pa lnga zhes bya ba la sogs pa pad+ma la sogs pa'i don spyi'i tshig gis me tog gi sgrar zhus pa'i lan gsungs pa ni/ lha mo zhes bya ba la sogs pa yin te/ de la lha mo dgu ni/ spyan la sogs pa bzhi dang/ gzugs la sogs pa lnga'o/ /nam mkha' i khams zhes bya ba ni chos kyi dbyings kyi rdo rje ste/ lha mo bcu po 'di dag ni me tog ces bya'o/ /sku gsung thugs kyi dbye ba yis zhes bya ba ni/ re re zhing yi ge gsum brjod la gzugs rdo rje la sogs pa dbyung bar bya'o/ zhes bya ba'i don to/ /rigs kyi rim gyis dgod par bya zhes bya ba ni/ rigs kyi go rim gyis te/ gzugs la sogs pa bzhi pa ni ma la sogs pa'i mtshams bzhir dgod par bya'o/ reg dang chos kyi dbyings ni shar gyi sgo'i byang dang/ lho'i cha dag tu dgod do/ /mchod rten zhus pa'i lan gsungs pa ni/ mchod rten zhes bya ba la sogs pa yin te/ sangs rgyas la sogs pa thams cad kyi bzhugs gnas te/ gzhir gyur pa khang pa brtseg ma'o/ zhes bya ba'i bar du'o/ /ye shes kyi 'khor lo zhus pa'i lan gsungs pa ni/ ye shes zhes bya ba la sogs pa yin te/ ye shes sems dpa' i 'od zer rnams kyis gang yang dag par bskul ba'i dam tshig gi 'khor lo la sogs pa'i don de ni/ ye shes kyi 'khor lo zhes bya ba'i don to/ /gnas zhus pa'i lan gsungs pa ni/ sa bon zhes bya ba la sogs pa yin te/ lha rnams skyed par byed pa'i sa bon gyi yi ge ni sangs rgyas thams cad kyi yon tan gyi gzhir gyur pa na gnas zhes bya'o/ /yi ge'i don gsungs pa ni mi 'gyur zhes bya ba la sogs pa yin te/ sku rdo rje la sogs pa gsum gyi yi ge aoM la sogs pa gsum po ni chos kyi dbyings kyi ngo bo nyid kyis mi 'pho ba'i chos can yin pas na mi 'gyur ba zhes bya'o/ /mgon po bskul ba ji lta bu zhes bya ba la sogs pa zhus pa bzhi po'i lan rims bzhin du bstan pa'i phyir/ gsungs pa ni/ sku gsung thugs zhes bya ba la sogs pa yin te/ gdod ma nas ma skyes pa dang/ rtog pa dang bral ba dang/ sgyu ma lta bu'i sku zhes bya ba la sogs pa de kho na nyid rtog par byed pa la sogs aoM A:hUM gi yi ge ni bskul ba zhes bya bar bshad do/ /gang sa bon gyi 'od zer nams phyogs thams cad du 'gyed pa de ni gtor ba zhes bya ba la/ bdag la byin gyis brlab pa'i phyir sangs rgyas rnams kyi 'od zer gyis bskul ba gang yin pa de spyan drang ba'i/ /gang 'od zer gyis thams cad kyi sku dang gsung dang thugs thams cad gnas de dang/ sa bon gyi yi ge der yang dag par bsdus nas mi phyed par rnam par 'jog pa de ni bcing ba zhes bshad de/ /'di dag kyang lha thams cad bskyed pa la thun mong yin gyi sku la sogs pa byin gyis brlab pa tsam gyi yul ni ma yin no/ /rdul tshon nam yid kyi dkyil 'khor bris la dbang bskur ba sbyin par bya ba yin pas na/ de'i phyir bri ba'i dkyil 'khor gyi dbang du mdzad nas gsungs pa ni/ sku zhes bya ba la sogs pa gsungs pa yin te/ sku la sogs pa'i dkyil 'khor gsum du/ sku rdo rje la sogs pa'i sbyor ba/ ji lta ba bas rang gi sku dang gsung dang thugs rgyas btab cing brtan par byas la dkyil 'khor bri ba la sogs pa bya zhing ji lta ba bzhin du brtag par bya'o/ /'di skad ston te/ bsod nams dang ye shes la sogs pa 'dod pas rang gi lhag pa'i lha'i spyor bas rang gi dkyil 'khor bri bar bya'o/ /de yang dpal sangs rgyas thams cad dang mnyam par sbyor ba las/ dkyil 'khor yang dag ji lta bar/ /rab tu brtag par su zhig nus/ /rang gi lha'i sbyor ba yis/ /dkyil 'khor brtag pa 'grub par 'gyur/ /zhes bya ba dang/ rdo rje sems sogs lha rnams kyi/ /dkyil 'khor mngon sum mthong ba las/ /bsod nams brtag pa ci 'dra bar/ /phyis bris pa yang de bzhin no/ zhes bshad pa yin no/ /da ni dbang bskur zhes bya ba la sogs pas dbang bskur ba'i cho ga gsungs pa yin te de ni bla ma las shes par bya'o/ /rig pa'i brtul zhugs zhus pa'i lan gsungs pa ni/ rig pa'i lha mo zhes bya ba la sogs pa yin te/ chos kun gnyis su med pa la/ zhes bya ba ni chos kyi dbyings kyi ngo bo nyid yin pa'i phyir ro/ / dngos po gnyis su brtags pa yin zhes bya ba ni/ byis pa rnams kyis gthung ba la sogs pa nyid du rnam par brtags pa'o/ /gang gi phyir de ltar yin pa de bas na/ 'khor ba rnam par spang pa'i blo/ /bskyed par mi bya'o/ /'di ni zhes bya ba ni bshad ma thag pa'o/ /rig pa'i brtul zhugs zhes bya ba ni/ rig pa nyid dam rig pa dang/ brtul zhugs gcig tu nges pa'i/ /nyams na nyes pa ci zhig yod ce na/ de'i phyir gsungs pa ni/ rmongs pa zhes bya ba la sogs pa yin no/ /de'i zhes bya ba ci bslab pa nyams par gyur pa'o/ /dngos grub mchog kyang mi 'grub ces bya ba la/ kyang gi sgra ni tha mal pa mi 'grub pa ni zhar la bsdu ba yin no/ /bdud rtsi lnga zhus pa'i lan gsungs pa yi/ /tha mal zhes bya ba la sogs pa yin te/ dri ma lnga zhes bya ba ni bshad ba la sogs pa lnga'o/ /yi ge lnga zhes bya ba ni 'bar ba la sogs pa 'am/ me long lta bu'i ye shes la sogs pas so/ /bstan pa de'i bshad pa gsungs pa ni/ spar dang zhes bya ba la sogs pa yin te/ yi ge hUM dang yi ge Abzhin gshegs pa zhugs pas bdud rtsi nyid du nges par byas pa'o/ /sngags kyi tshul du rab sbyor bas/ zhes bya bas ni rang gi lhag pa'i lha'i sbyor ba sngon du 'gro bas lce sbyang ba la sogs pa bya'o/ zhes bya ba'i don to/ /bza' ba zhes bya pa ni/ longs spyod par bya ba'o/ /'di dag nyid gsal bar bya ba'i phyir gsungs pa ni/ rdo rje hUM zhes bya ba la sogs pa yin te/ rdo rje ni steng du rdo rje'o/ /'od? tu? zhes bya ba ni de'i 'og tu'o/ /pad+ma ni pad+ma'i snod do/ /aoM kyis mtshan pa zhes bya ba ni ? rang gi yi ge aoM la sogs pa'i sa bon lngas byin gyis brlab pa'o/ /bdud rtsi zhes bya ba ni bshad pa la sogs pa'o/ /de yis zhes bya ba ni pad+ma'i snod kyi'o/ /'bar bas rnal 'byor tshim par bya/ zhes bya ba ni rdo rje dang pad+ma mnyam pa'i sbyor? ba'i rdze? la rlung gis sngar ba'i mes bcos la/ yi ge aoM gyis gsal bar bya'o/ /shel dang mtshungs pa zhes bya ba ni/ sgrib g.yogs med pa'i snang pa'i rang bzhin can no/ /mtshon? cha mchog gi zhes bya ba ni/ de las byung ba'i ye shes kyi 'od zer lcags kyus so/ /la la ni ye shes sems dpa' i sa bon gyi 'od zer ro/ /bza' ba ni sbyor bas zhes bya ba ni/ zas la sbyong pa'i cho gas te/ de yang 'bar ba'i aoM gyis brlabs rlung dang me yis zhes bya ba la sogs pa kun tu bzang po'i sgrub pa'i thabs las bshad pa bzhin du shes par bya'o/ /brtson 'grus lnga'i lan gsungs pa ni/ dpa' o zhes bya ba la sogs pa yin te/ go gu da ha na'i sgron ma lnga po'o/ /de bzhin zhes bya pa ni sngar bshad pa'i cho gas so/ /bsgrub bya'i dngos grub cho ga yis/ zhes bya ba la don ni 'di yin te/ gang du thun mong dang cis shos kyi dngos grub bsgrub pa la dpa' po gang cho ga nyid du bstan pa der brtags pa brtson 'grus thams cad rang gi lha'i spyor bas nye bar sbyangs la longs spyad par bya'o/ /dngos grub tha mal pa dang mchog zhus pa'i lan gsungs pa ni/ mi snang zhes bya ba la sogs pa yin te/ 'dir dngos grub tha mal pa ni/ mi snang ba la sogs pa'o/ /dngos grub kyang mchog gi 'tshang rgya ba nyid du bya bar bshad de/ / thams cad kyi dam par gyur pa'i phyir ro/ /de yang mi snang ba ni stong gi ste/ /mngon shes ldan pa nyis stong gis/ /rig pa 'dzin pa sum stong yin/ rdo rje 'dzin ni 'gro kun bdag ces bshad pa yin no/ /thabs zhus pa'i lam bstan pa gsungs pa ni/ thabs ni zhes bya ba la sogs pa gsungs pa yin te/ rnam pa bzhi pos bdag ces bya ba ni/ phyag rgya chen po dang/ dam tshig dang/ chos dang/ las kyi phyag rgya'i dbye ba 'am/ rnal 'byor dang/ rjes su rnal 'byor dang/ shin tu rnal 'byor dang/ thams cad rnal 'byor gyi dbye bas sam/ yang dpal gsang ba 'dus pa las bsnyen pa la sogs pa'i dbye bas dbye ste/ bsnyen pa'i cho gas zhes bya ba la sogs pa'o/ /bsnyen pa'i rab tu dbye ba gsungs pa ni/ bsnyen pa zhes bya ba la sogs pa yin te/ dngos grub tha mal pa dang/ mchog gi dbye bas bsnyen pa yang tha dad pa yin te/ gzhan dun rgyu gcig las byung ba dngos grub tha mal pa dang/ mchog gis dbye ba med par 'gyur ro/ /gnyis pa nyid yin par gsungs pa ni/ rdo rje zhes bya ba la sogs pa yin no/ /ye shes bdud rtsi ni 'og nas bshad pa'i yan lag drug gi sbyor ba'i mtshan nyid can yin no/ /rdo rje bzhi po gsungs pa ni/ dang po zhes bya ba la sogs pa yin te/ 'di dag ni le'u bcu gnyis par bshad zin pas de nyid las she par bya'o/ /tha mal bsgrub pa la bsnyen pa bya/ zhes bya ba ni tha mal pa'i dngos grub bsgrub par 'dod pa dag gis yan lag bzhi'i bdag nyid can gyi bsnyen pa bya'o/ /zhes bya ba'i don to/ /mchog ni 'tshang rgya ba nyid bsgrub pa'o/ /ye shes bdud rtsi nyid ces bya ba ni ye she nyid mi gnas pa'i mya ngan las 'das pa thob par byed pa yin pas bdud rtsi'o/ /des na yan lag drug gi sbyor ba'i mtshan nyid kyis bsnyen pa bya'o/ /'di nyid gsungs pa ni bsnyen pa la sogs pa yin te/ bsnyen pa zhes bya ba ni mnyes par bya ba'o/ /sgrub pa mchog ces bya ba ni 'tshar rgya ba sgrub pa'o/ /gzhan du bsgrub par gyur na ni/ /dngos grub mchog ni 'grub mi 'gyur/ zhes bya ba ni/ rgyu ma tshang ba las 'bras bu 'byung bar mi 'thad pa'i phyir ro/ /so sor sdud dang zhes bya ba la sogs pa ni yan lag drug ston pa yin no/ /de las re zhig so sor sdud pa'i don gsungs pa ni/ dbang po zhes bya ba la sogs pa yin te/ dbang po dang don bcu po rnams kyi rang gi 'jug pa ste/ byed pa nyid du gnas shing/ spros pa thams cad las yid so sor sdud cing/ yid ma chags par byed pa ni/ 'dir so sor sdud pa'o/ /'dod pa so sor sdud pas na/ zhes bya ba ni yul re re zhing 'dod chags kyi sems la sogs pa sdud par byed pas so/ /'di dag gis ni 'di skad ston par 'gyur te/ phung po dang/ khams dang/ skye mched la sogs par rtog pa dang bral bas/ stong pa nyid du ro gcig pa'i sems ni 'dir so sor sdud ces bshad do/ /de yang so sor sdud pa'i rnal 'byor pa/ /stong nyid bsam gtan la rab brtson/ /dmigs su med par gyur pa'i sems/ /bzung dang 'dzin pa spangs pa yin/ /zhes ji skad bshad pa lta bu'o/ /bsam gtan gyi don gsungs pa ni/ 'dod pa lnga ni zhes bya ba la sogs pa yin te/ 'dod chags dang/ zhe sdang dang/ gti mug dang/ nga rgyal dang/ phrag dog gi bdag nyid can gyi sems ni 'dod pa lnga'o/ /de yang 'dod pa sems zhes bya bar bshad/ 'dod chags zhe sdang rmongs ldan dang/ /nga rgyal phrag dog bdag can yang/ /rdzogs pa'i sangs rgyas mnga' bdag nyid/ /ces ji skad gsungs pa lta bu'o/ /sangs rgyas lnga'i sbyor pa yis zhes bya ba ni mi bskyod pa la sogs pa'i ngo bo nyid do/ /don ni 'di yin te/ gang 'di nyon mongs pa can gyi sems gnyis su med pa'i ye shes kyi/ de bzhin gshegs pa nyid la sogs pa'i tshul du nges par byas pa de ni bsam gtan zhes bya bar bshad do/ /de yang rtog dang bsgom par sems dpa' ni/ /bsam gtan zhes ni bya bar bshad/ /rnam rtog nyer zhi bsam gtan te/ /bsam gtan sangs rgyas spyod yul yin/ gzhan du stong pa nyid sems pas/ /dang po'i rnal 'byor pa rnams rmongs/ /blo gros shin tu rmongs gyur pas/ /mu stegs can gyi lam du 'gro/ /zhes bshad pa yin no/ /rtog dang zhes bya ba la sogs pa ni bsam gtan gyi rab tu dbye ba bstan pa'i bshad pa gsungs pa yin no/ /bsang ba zhes bya ba la sogs pa la/ sems so sor rtog pa dang/ byang chub kyi sems bskyed pa dang/ rdo rje bstan par gyur pa'i mtshan nyid ni gsang ba gsum ste/ 'di dag la rtog pas na rtog pa'o/ /rdo rje nyid dang de bzhin gshegs pa thams cad kyi ngo bo nyid kyis longs spyod pa la/ kun tu spyod cing nges par rtog pa'i bdag nyid can yin pas na spyod pa ste/ mngon par byang chub pa lnga po 'di dag nyid la rtog pa dang spyod pa'i dgrar gsungs so/ /de yang rdo rje rtse mo las/ /sbyor ba lnga la legs gnas na/ /sangs rgyas byang chub rnyed mi dga' / /aoM tsit+ta pra ti be d+ha ka ro mi/ aoM bo d+hi tsit+ta autpa tA lA mi/ aoM tiSh+Ta badzra/ aoM badzra At+ma konya haM/ aoM yA thA sarba ta thA ga tAsta thA a hoM/ sbyor pa lnga po 'di dag gis/ /sangs rgyas lnga ni yang dag 'thob/ /ces gsungs pa yin no/ /'dir la la ni zla ba gnyis dang de gcig 'gyur/ /rdo rje sprul pas bsdus pa dang/ /kun tu bzang pos rdzogs gyur pa/ /zhes bya ba mngon par byang chub pa lnga yin no/ /zhes zer ro/ /de yang rdo rje rdzogs pa'i bar ni rtog pa'i sgras gsungs pa khong du chud par bya'o/ /gzhan dag ni spyod pa'i sgras bstan pa yin no/ /dga' dang 'dra ba zhes bya ba ni/ nam mkha' khyab pa'i de bzhin gshegs pa rnams rang gi lus la bcug la yang spyan la sogs pa'i lha mo'i ngo bor byung ste/ rang dang 'dra ba'i nang du chud par bsgom pa las yid bd eba bskyed pas na/ dga' ba dang 'dra ba zhes bya'o/ /bde ba bsdus pa zhes bya ba ni rdo rje dang chu skyes yang dag par sbyor ba'i ngo bo nyid du gyur pa'i phyir ro/ /shes dang shes bya cung zad pa'o/ /rang sems lnga par shes par bya/ /zhes bya ba la bsam gtan lnga pa ni/ 'dod chags kyi mes zhu bar gyur pas rang rig pa tsam gyis mthar thug pa'i phyir dang/ 'dzin pa po la sogs pa'i rtog pas stong pa'i phyir shes pa dang shes bya zad pa yin no/ /ye shes lnga'i bdag nyid can yin pa'i phyir sangs rgyas kun dngos so/ /nyon mongs pa'i nyes pa ma lus par zhi bas na zhi ba'o/ /sems can gyi re brdzogs par nus pa dang ldan pas 'dod pa kun la rab tu gnas zhes bya'o/ /srog dang rtsol ba'i don gsungs pa ni/ ye shes lnga'i zhes bya ba la sogs pa yin te/ me long lta bu la sogs pa ye shes kyi bdag nyid can yin pas na/ ye shes lnga'i rang bzhin yin no/ /dbus zhes bya ba ni gyen du rgyu ba'i rlung gi rnam pa can yin no/ /'byung ba lnga'i ngo bo nyid ces bya ba ni/ spyan la sogs pa'i lha mo'i ngo bo nyid du gyur pas so/ /gong bu'i gzugs kyis phyung nas ni/ zhes bya ba ni so sor snang ba thob par byas na/ rdo rje las byung ste/ lha mo'i pad+ma'i sna rtser bsgom par bya'o/ /gzhan dag na re ba phra mo'i sbyor ba dub par gyur pas na/ der 'jug pa'i phyir yang bsgom par bya'o zhes zer ro/ / gzhan dag ni/ phra mo'i dkyil 'khor gyi gzhi nyid du gyur pa'i mtshan ma'i nang du chud par byas la 'di bsgom par bya'o zhes zer ro/ /'dzin pa'i don gsungs pa ni/ rang sngags zhes bya ba la sogs pa yin te/ ye shes sems dpa' i thugs ka'i zla ba rang gi lha'i sa bon gyi yig thig le'i gzugs su ji lta ba bzhin du byas pa srog ste/ rlung dang bcas pa dgag pa ste/ yul las rgyu ba dang/ bral bar byas pa'o/ /dbang po dang bcas par gnas pas na/ dbang bcas so/ / rin chen ces bya ba ni rin po cher bcas pa'i sems gzung ba gang yin pa de ni 'dzin pa zhes bya bar bshad do/ /gzhan dag ni phra mo'i rnal 'byor gyi rang gi ye shes sems dpa' i thugs ka'i mtshan ma'i lte bar sa bon gyi yi ge bsams la yid thig ler gyur par bya'o zhes zer ro/ /'gog pa'i rdo rjer gyur ces bya ba ni de ltar bsgoms pas brtan par gyur pas na zhes bya'o/ /mtshan mar nye bar 'dzin zhes bya ba ni dro ba la sogs pa'i rnam pa'o/ /mtshan ma'i gnas skabs gsungs pa ni smig rgyu 'dra ba zhes bya ba ni brtan par gyur pa'i sems ni brtan par gnas pa'i dro ba 'byung bar 'gyur pa yin pa'i phyir/ dang po smig rgyu lta bur 'gyur ro/ /du ba lta bur zhes bya ste/ ye shes kyi me skyed rung ba'i phyir ro/ /mkha' snang 'dra ba zhes bya ba ni/ ye shes kyi snang? bcung zad? thob pa'i phyir ro/ /mar me ltar 'bar zhes bya ba ni sgrib pa rnams kyang srab mor byas pa nyid kyi ye shes kyi snang ba yang dag par skyes pa'i phyir sprin med nam mkha' lta bu zhes bya ba ni rtog pa ma lus ba dang bral ba nyid kyis sgrib pa thams cad dang bral ba nyid yin pa'i phyir ro/ /'dir mtshan ma bzhin dri do la sogs pa'i ngo bo nyid do/ /lnga pa ni de bzhin gshegs pa'i chos kyi dbyings kun tu 'gro ba so sor rtog pa'i ngo bo nyid yin par shes par bya'o/ /kha gcig ni 'od zer mchog dang rab mchog gi dbye ba las mtshan nyid 'di dag du gyur par khong du chud par bya'o zhes zer ro/ /rjes su dran pa'i tshul gsungs pa ni/ brtan gyur zhes bya ba la sogs pa yin no/ /don ni 'di yin te gang zhig sangs rgyas la sogs pa rjes su dran pas brtan par gyur pas sems ni yang de'i rnam par bsgom par bya'o/ /so sor snang ba de la skye zhes bya ba ni de las sangs rgyas la sogs pa spros ni/ rang dang gzhan dag las mngon sum gyi? shes pa skye bar 'gyur ro/ /ting nge 'dzin gyi don gsungs pa ni/ thabs dang zhes bya ba la sogs pa yin te/ lha mo rnams kyi glus ji ltar kha skul bas de bzhin gshegs pa thams cad kyang ji lta ba bzhin du zhugs pa sngon du 'gro ba dang/ sa bon dang mtshan ma yongs su byung pa las skad cig tsam gyis rnam pa thams cad kyi mchog dang ldan pa'i rdo rje 'chad chen po nyid du bskyed ba ni ting nge 'dzin ces bya'o zhes bya ba bshad do/ /so sor sdud la zhes bya ba la sogs pa sbyor ba'i yan lag drug gi sbyor ba'i phan yon nye bar bstan to/ /de ltar rnam pa dang rab tu byed pa'i dbye bas bsnyen pa bstan nas thabs dang shes rab ces bya ba la sogs pa bstan pa'i ting nge 'dzin gyi don bshad cing bsnyen pa la sogs pa'i don du gsungs pa/ de ni snying po la sogs pa yin te/ thugs ka du zhes bya ba ni chos 'byung ba'i nang du chud pa'i khang pa brtsegs pa'i nang du'o/ /zla ba rdo rje'i sbyor ba yis zhes bya ba ni dbyer mi phyed pa'i ye shes ni zla ba lta bu'o/ /mtshon cha mchog gis dngos nas nas ni/ zhes bya ba ni mi phyed pa'i 'od zer rnamS kyis so/ /sngags kyi dngos bya ste/ zhes bya ba ni shes rab dang thabs kyi bdag nyid can gyis sa bon gyi ngo bor byas pa'o/ /sngags kyi gzugs zhes bya ba ni/ sngags zhes bya ba de kho na nyid kyi yi ges gzugs te/ phyag mtshan du byas ba'i sbyor ba de ni/ lha rnams kyi don rdzogs par byed pa'o/ /byang chub tshigs bcad ces bya ba ni byang chub ston bar byed pa'i tshig te/ rang gi bdag por bskyed nas/ aoM d+harma tu swa b+hA ba At+ma konya haM/ zhes bya ba'i sngags kyis byin gyis brlab par bya'o/ zhes bya ba'i don to/ /de na ci zhig bya zhe na/ de'i phyir byang chub ces bya ba la sogs pa gsungs te/ byang chub yan lag sbyor bsgoms pas zhes bya ba ni yang dag pa'i rnal 'byor ji lta ba bzhin du yid la byas pas so/ /rang gi dkyil 'khor la gnas te/ zhes bya ba ni rang gi dkyil 'khor du mig la sogs pa byin gyis brlabs pa'i bdag nyid nang gi bdag nyid can gyi lha'i 'khor lor yang dag par gnas shing de'i tshul gyis 'dug pa'o/ /sems de zhes bya ba ni sngar bshad pa'i byang chub kyi sems shes so/ /ye shes gzugs kyis bya ba ni mngon par shas pa'i bdag nyid can sa'i snying po la sogs pas byin gyis brlabs pa'i lus nyid du bsgom zhing bskyed pa de ni nye bar sgrub pa'o/ /'dis skad ston te/ cho ga bzhin du zla pa zhu bar gyur pa las 'byung ba lha'i gzugs la chos kyi dbyings su byin gyis brlab pa'i rjes la mig la sogs pa ji lta ba bzhin du byin gyis brlab pa'i bdag nyid can gyi nye par sgrub pa yin no/ /sgrub pa bshad pa'i skabs yin pa'i phyir re zhig dngos grub pa gsungs pa ni/ ci srid ces bya ba la sogs pa yin te/ mthong pa zhes bya ba ni mngon sum du byed pa'o/ /rnam pa gnyis zhes bya ba ni dngos grub tha mal pa dang/ mchog gi dbye bas so/ /zla ba drug du bsgom zhes bya ba ni/ ji srid sgrub pa brtsam pa nas zla ba drug lon pa de srid kyi bar du bya'o/ zhes bya ba'i don to/ /ji skad bshad pa'i sdom pa dang cho gas zhes bya ba ni/ sgrub pa gang la sgom pa la sogs pa gang zhig gsungs pa der de las mnyams par byas pa'o/ zhes bya ba'i don no/ /drag shul sbyor ba zhes bya ba ni/ gang gi tshe yang dag pa'i cho ga lan mang por sbyar pas kyang bsgrub pa grub par ma gyur na/ de'i tshe le'u bcu pa las gsungs pa'i drag// shul gyi sbyor bas bsgrub par bya'o/ /da ni cho ga'i yang dag pa bsgom pa'i don rnam par 'byed cing sgrub pa'i yan lag gsungs pa ni/ 'dod chags chen po zhes bya ba la sogs pa yin te/ 'dod chags chen po'i ting nge 'dzin gyis ? bzhin gshegs pa thams cad bdag nyid la bcug te/ spyan la sogs pa lha mo dgu'i tshul du phyung nas bsgrub par bya ba zhes bya pa rang dang 'dra ba'i rig pa'i lus la de ji lta ba bzhin du nang du chud par bya ste/ 'di dag gis ni gleng gzhi'i ? le'u las/ de bzhin gshegs pa'i tshogs spyan la sogs pa'i gzugs su spros la shes rab kyi nang du chud pa yin par shes par bya'o/ /da ni 'dres par 'gyur pas gnyis su med pa'i ye shes las bcom ldan 'das bzhengs pa gsungs pa ni/ yongs su gyur lngas zhes bya ba la sogs pa yin te/ phyag rgya chen po'i rnam pa zla ba zhu ba'i tshul du yongs su gyur pa la sogs ni phyag rgya bzhi'o/ /dkyil 'khor der ni brtag par bya/ zhes bya ba ni gzhal yas khang du thugs rje chen po la sogs pa'i ngo bo nyid spyan la sogs pa'i lha mo bzhi rang gi phyogs na gnas par bsam par bya'o/ zhes bya ba'i don to/ /'khor lo can kun zhes bya ba ni sangs rgyas thams cad do/ /thams cad ces bya ba ni/ rgyu ba dang mi rgyu ba'i bdag nyid can sna tshogs pa'o/ /rdo rje'i dngos byas la zhes bya ba ni sangs rgyas kyi rang bzhin du bya ba'o/ /de 'og ces bya ba ni/ sangs rgyas kyi zhing rnam par dag pa'i rjes la'o/ /lha mos bskul ba ni blang pa'o/ /dus gsum rdo rje'i? rang bzhin zhes bya ba ni 'das pa la sogs pa'i de bzhin gshegs pa rnams kyi ye shes kyi ngo bo nyid byang chub kyi sems zhu ba ni da bzhin gshegs pa rnams kyis gnyis su med pa'i ye shes kyi bdag nyid can te/ lus lta bur bsgom par bya'o/ /drags pas zhes bya ba ni zhi ba la sogs pa'i nus pa la brten pa'i rgyags pas so/ /kha dog rnam par dbye zhes bya ba ni/ dkar po la sogs pas phye ba'i kha dog sna tshogs par 'gyur pa'o/ /nyams kyis zhes bya ba ni/ khro bo la sogs pa'i bsam pa phun sum tshogs pas so/ /snying po zhes bya ba ni/ ye shes kyi lha rnams so/ /dbang skur bas ni/ rang gi rgyu zhes bya ba ni gang gis gang la dbang bskur ba de/ de nyid las byung ba yin pas de'i phyir rgyu rnams kyi dbye pa yin no/ /bzhi yis 'bras bu che ba yin zhes bya ba la 'bras bu ni thabs las byung ba yin pa'i phyir/ rdo rje 'chang chen po nyid yin la/ de ni gdul bya'i bsam pa'i dbang gi dpag tu med par 'gyur ro/ /sngags kyis zhes bya ba ni/ khro po'i bzlas pa la sogs pa'i dbye bas so/ /chos zhes bya ba ni gsung rdo rje'o/ /rig pa ni spyan la sogs pa'o/ /chos kyi phyag rgyas so zhes bya ba ni zhi ba la sogs pa'i las la so sor rtog pa nyid kyis so/ /bco lnga par dbang bskur ba'i skabs su gsungs pa ba'i gtsug tor gyi sgra'i don gsungs pa ni/ 'khor los sgyur ba zhes bya ba la sogs pa yin te/ mi bskyod pa la sogs pa nas rdo rje 'chang ba'i bar ni 'khor los bsgyur ba'i rigs kyi ngo bo yin pa'i phyir ro/ /rgyal mo'i don gsungs pa ni/ rdzu 'phrul zhes bya ba la sogs pa yin te/ snying rje la sogs pa chings pa'i gnas bzhi'i ngo bo nyid du gyur pa spyan la sogs pa ltar nye bar longs spyad bas na longs spyod bzhi ste/ skul byed ma la sogs pa'o/ /mchog gi don rnam grangs kyis gsungs pa ni/ de bzhin zhes bya ba la sogs pa yin te/ de ni go sla'o/ /bsam gtan rdo rje zhes bya ba ni ji skad du gsungs pa'i dbang bskur pa'i ting nge 'dzin gyis so/ /thams cad la zhes bya ba ni/ nang dang phyi rol gyi dkyil 'khor ba rnams la'o/ /bde yis zhes bya ba ni/ ye shes 'drang bsgom par bya/ zhes ji skad gsungs pa'i cho ga dang dregs pas zhes bya ba la sogs pa'i gnas skabs las brgyud pa'i phyir ro/ /? shes zhes bya ba ni ye shes sems dpa' dang lhan cig pa'i sku dang gsung dang thugs rdo rjes lha'i sku dang gnyis su med pa gang yin pa de ni bsgrub pa zhes bya bar bshad do/ /sgrub pa chen po ni/ dbang bskur bas ni zhes bya ba la sogs pa nas bsam gtan rdo rjes zhes bya ba'i bar gyi gzhung gi gnas skabs su bstan pa'i phyir yang ma gsungs pa yin no/ /de ltar yan lag bzhi pa chung du gsungs nas pad ma dang chen po gsungs pa ni/ sngar bshad ces bya ba la sogs pa yin te/ ji skad du gsungs pa/ bsnyen pa chung du la sogs pa'i rdzas su 'brangs nas rig pa dang bcas pa'i yan lag bzhi bskyed par rdzogs par bya'o/ /'dis ni rang snang ba yan lag bzhi dang ldan pa bsnyen pa bar ma'i don bya'o/ /zhes ston pa yin no/ /chen po'i don yang gsungs pa ni/ bdag dang 'dra bar zhes bya ba la sogs pa yin te/ ji ltar bdag nyid dkyil 'khor gyi bdag po sgrub pa chen po'i mthar thug pa rdzogs par byas pa de bzhin du 'byin pa'i dkyil 'khor gyi yang bya'o/ /de nyid bstan par bya ba'i phyir gsungs pa ni/ bsnyen po zhes bya ba la sogs pa yin te/ mchog gi bsnyen pa'i dus su gtsug tor zhes bya ba rang gi rigs kyi bdag po dbang bskur pa'i gnas su bzhugs par byas la/ sbyor ba nyid kyi zhes bya ba ni/ thabs dang shes rab kyi snyoms par 'jug pas so/ /'di skad ston te/ dang po'i sbyor ba'i ting nge 'dzin la ji lta ba bzhin du byas la/ de bzhin gshegs pa thams cad zhugs pa sngon du 'gro ba dang lha mo'i chu skyes su dkyil 'khor sprul pa tsam ni chen po'i bsnyen pa yin no/ /bdud rtsi 'khyil pa gzugs kyi bar zhes bya ba ni bdud rtsi thab sbyor gyi bar gyi dkyil 'khor ba thams cad kyi mig la sogs pa byin gyis brlab pa chen po'i nye bar sgrub par bya ba'o/ /sgrub pa rang lha'i sbyor bas bya zhes bya ba ni/ chen po'i sgrub pa la dkyil 'khor pa thams cad kyi sku gsum gyi byin gyis brlab pa'i mtshan nyid can gyi lha'i sbyor ba bdud rtsi thab sbyor gyi bar du sngags pas pa'o/ /chen po'i sgrub pa chen po la ni/ lha thams cad kyi dbu la rang gi rigs kyi bdag po ji lta ba bzhin bsam par bya'o/ /de yang bdud rtsi 'khyil pa'i gzugs kyi bar zhes bya ba dang sbyar bar bya'o/ /dngos grub mchog la yan lag bzhi pa gzhan dag kyang gsungs pa ni/ bsgrub bya zhes bya ba la sogs pa yin te/ shes rab dang thabs rdzogs pa ni bsnyen pa yin la/ de gnyis gcig du 'gyur ba ni/ nye bar sgrub pa yin no/ /rdo rje dang chu skyes yang dag par 'dus pa'i don ni/ /sgrub pa yin la de las byung ba'i bde ba yang dag par myong ba ni sgrub pa chen po zhes bya'o/ /thabs las byung ba zhus pa'i lan gsungs pa ni/ dpal ldan zhes bya ba sogs pa gsungs pa yin te/ sangs rgyas thams cad byang chub kyi sems kyi ngo bo nyid kyis bskyed par mdzad bsan bdag po'o/ /bsod nams dang ye shes kyi rgyu mthun pa las byung ba gnyis su med pa'i ye shes kyi bdag nyid can yin pas na/ rdo rje 'chang chen po'o/ /de'i gnas ni de dang mnyam par gyur pa'o/ /sangs rgyas kun gyi thabs las byung zhes bya ba ni dus gsum gyi sangs rgyas rnams kyi nges par bsgrub par bya ba bsnyen pa la sogs pa'i thabs las byung ba'o/ /ci'i phyir zhe na de nyid chos rnams chos nyid do/ zhes bya ba gsungs te/ chos thams cad thugs su chud pa las/ dam par sangs rgyas pa'i phyir bcom ldan 'das kyang dngos po thams cad kyi ngo bo nyid yin la/ de bas na rtogs pa las sangs rgyas su 'gyur ro/ /de yang/ de ni bzhin nyid deng don dam dang/ de nyid chos rnams chos nyid de/ de ni yang dag mo slu ba/ de rtogs sangs rgyas yin par bshad ces ji skad bshad pa lta bu'o/ /las dang rjes mthun gang gang gi /zhes bya ba nas de ni rang gi 'khor los gzhug ces bya bI bar gyis bka' bsgo ba zhus pa'i lan gsungs pa yin te/ de yang bla ma'i man ngag las shes par bya'o/ /las kyi tshogs zhus pa'i lan gsungs pa ni/ ji skad ces bya ba la sogs pa yin te/ ji skad gsungs pa'i zhes bya ba ni bco lnga pa las gsungs pa'i bshad pa la sogs pas so/ /de'i zhes bya ba ni bsgrub par bya ba yi'o/ /khro bos khyab pa'i sems kyis zhes bya ba ni khro bo'i sbyor pa byas pas so/ /rkang pas zhes bya ba ni/ hUM las byung ba'i rdo rje 'bar bas byin gyis brlabs pa'i rkang pas so/ /de nas zhes bya ba la sogs pa ni bka' bsgo ba'i rjes thog las so/ /sgrub pa po rdo rje can gyis ni zhes bya ba ni sgrub pa po rdo rje can gyis so/ /bsgrub bya bsang phyir btang bar bya ba ni bsang par bya ba'i phyir khro bo'i 'khor lo ji lta ba bzhin du btang bar bya'o/ /bskor nas zhes bya ba ni khro bo'i rgyal po rnams kyis yongs su bskor ba'o/ /de ni bcing zhes bya ba ni zhags pas mgul nas bsdams pa'o/ /brdeg pa dang zhes bya ba ni lcags kyus snying gnas phug pa'o/ /gdungs shing zhes bya ba ni khro bo'i 'od zer 'phro bas so/ /skrag gyur pa zhes bya ba ni 'jigs apas zil gyis gnon pa'o/ /phab nas zhes bya ba ni bkug nas der bsgrub par bya ba'i gzugs brnyan la gzhug pa'o/ /de nas ji zhes bya zhe na/ sngags pas rdo rje gsum zhes bya ba la sogs pa gsungs te/ le'u bcu bzhi pa las gsungs pa'i sku rdo rje la sogs pa'i phur bu'i sngags kyis snying ga la sogs par phur bus gdab par bya'o/ /yams zhes bya ba'i rlung dang thog dang/ gzhang 'brum la sogs pa'o/ /nye bar 'tsho ba ni srin po la sogs pas byas pa'i gdon rnams so/ /nad ni lus cha ma snyoms pa las byung pa'i rims la sogs pa'o/ / sna tshogs yul las byung ba rnams zhes bya ba ni yul phyogs thams cad las byed pa'o/ /sbyor ba thams cad kyi zhes bya ba ni bris pa dang bsgom pa'i mtshan nyid can gyis so/ /cho ga ji skad gsungs pa bzhin du zhes bya ba ni le'u bcu bzhi pa la sogs pa las gsungs pa'i tshogs so/ /'khrul 'khor sngags kyi sbyor ba la sogs pas bya ba ni yi ge dang spel ba dang/ bzlas pa dang bkod pa la sogs pa'o/ /las kyi sbyor bas zhes bya ba ni bsgrub par bya ba'i las dang rjes su mthun pa ste/ de bzhin nyams kyi snying po ste zhes ji skad bshad pa lta bu'o/ /de nyid bstan pa'i phyir zhi la zhes bya ba la sogs pa gsungs te/ zhi ba'i las la byams pa'i sems kyis so/ /rgyas pa la yid yang dag par dga' bas so/ /dbang la ni sems rjes su chags par gyur pas so/ /drag po'i las ni khro bas 'khrugs pa'i sems dang bsgrub par bya'o/ zhes bya ba'i sgra ni zhus pa'i lan ma lus ba bstan pa mjug bsdus pa yin no/ /rnal 'byor pa gnyis su med pa'i rnal 'byor la gnas pa nyid kyis las kyi tshogs rnams bya'o/ zhes ston cing rang gi sku la sogs pa dbye bar gnas pa rdo rje 'chang chen po'i sku la sogs pa la dmigs te/ de'i bdag nyid can du lhag par mos tshig du brjod par gyur pas na/ de'i phyir gsungs pa ni/ da nas zhes bya ba la sogs pa yin te/ de ni ge sla'o/ /'di dag dag ni gsal bar bya ba'i phyir/ byang chub sems dpa' rnams kyis bstod pa sngon du 'gro ba'i zhus pa gsungs pa ni/ de nas zhes bya ba la sogs pa yin te/ thams cad mdzad la phyag 'tshal 'dud/ /ces bya ba ni rnam pa thams cad kyi don ji lta ba bzhin du mdzad pa la'o/ /sku gsungs thugs ni thob 'gyur pas/ zhes bya ba ni sku rdo rje la sogs pa'i khams gsum pa'i lus la sogs pa'i ngo bo nyid yin pa'i phyir ro/ /sems can de dag thams cad rdo rje gsum po nyid thob par gyur pa yin la/ de bas na sems can de rnams mnyam pa med pa'i sangs rgyas dang mnyam par gyur pa yin no/ /de lta yin na go /bsgrub bya gang yin sgrub pa po gang zhes bya ba ste/ thams cad sangs rgyas kyi ngo bo yin pa'i phyir ro/ /de ltar gnas pa'i sangs rgyas thams cad kyi ngo bo nyid la 'tshe bar byad pa' yin pa de ci'i phyir sdig pa thams cad kyis pos shing kun nas nyon mongs par mi 'gyur/ kun nas nyon mongs par gyur na go /ji ltar byang chub kyi 'bras bu'i snod du 'gyur zhes rigs pa zhus pa'i phyir de bzhin gshegs pa rnams kyis legs so/ zhes bya ba byin te/ lan gsungs pa yin no/ /sems dpa' chen po zhes bya pa ni sems can ma lus pa la phan pa'i phyir sems rab tu zhen pa'i phyir ro/ /bdag nyid chen po dang/ gsung dbyangs chen po dang/ mchod pa chen po zhes bya ba'i tshig gsum po 'di ni/ sku la sogs pa rnam par dag pa'i sgo nas gsungs pa'o/ /slob dpon byang chub rdo rje can/ /zhes bya ba ni gnyis su med pa'i ye shes dang ldan pa'o/ /sangs rgyas kun gyis bdag ces bya ba ni/ dkyil 'khor gyi bdag po'i sbyor bas so/ /sgyu ma bzhin zhes bya ba ni ji ltar sprul pa byed pa rnams dngos po thams cad bskyed pa dang sdud par byed pa de bzhin du slob dpon yang dmigs su med pa'i ting nge 'dzin la gnas te/ sems can gdug pa rnams 'dul bar byang ?/ / de bas na de la sdig pa ma yin la/ bsod nams dang de bzhin te/ kun nas nyon mongs pa dang rnam par byang bar dmigs pa'i phyir ro/ /de ltar na de'i byang chub du yang 'gyur te/ de'i rtog pa thams cad kyi mnyen por gyur pa'i phyir ro/ /de nyid kyis na 'di ltar gang bslu ba ste/ gzhan gyi nor 'phrog pa la sogs pa'i mtshan nyid can no/ /'jig pa ni bsang pa la sogs pa'o/ /de'i zhes bya ba ni/ slob dpon gyis gdug pa thams cad la byas su zin? kyang las des ngan 'gro ste/ dmyal ba la sogs par skyo bar mi 'gyur te/ 'di'i bsam pa kun nas nyon mongs pa can ma yin pa'i phyir ro/ /de yang sems kun nas nyon mongs pa'i sems can kun nas nyon mongs par 'gyur ro/ /sems rnam par dag pas rnam par dag par 'gyur ro/ /zhes gsungs pa yin no/ /de ltar bsgrub pa'i 'bras bu gsungs nas/ sngon ni zhes bya ba la sogs pas yin te/ de rnams kyis sngon chad bsags pa de rnams kyi sdig pa'i las byas pas bsgrub par bya ba gal te dmyal pa'i sdug bsngal yang skye zhing 'byung bar yang 'gyur na yang de'i tshe dmyal ba rnams zhes pa dmyal ba'i skye bo rnams kyi 'bras bu chen po yin te/ zhen du sdug bsngal chung dus shin tu mi bzad pa'i dmyal ba chen po'i sdug bsngal las thar pa'i phyir ro/ /byang chub rdo rjes zhes bya ba ni/ shes rab dang thabs gnyis su med pa'i ye shes dang ldan pa'i rnal 'byor pas cho ga 'di bya ba yin pa'i phyir ro/ /ye shes kyis ni rgyas btab pas zhes bya ba ni bsgrub pa po'i ting nge 'dzin kyi stobs kyis skye ba thams cad kyi de bzhin bshegs pa'i byin gyis brlabs par 'gyur ba'o/ /mchog tu phan gdags shas par bya ba ni bsgrub par bya ba nyes par spyod pa'i las rnams byed pa/ gzhan gyis bcos pa'i thabs med pas ngan 'gror nges par 'gror dag te/ bsal ba'i phyir thabs chen po 'di bya bar shes par bya'o/ /'di dag kyang bdag tu lta ba dang bral ba'i snying rtse ba dang ldan pa nyid kyis so/ /de yang bsad par bskrad dang dbye ba dang/ /mngon spyod dag gi las rnams ni/ /thabs gzhan med par gyur pa la/ /thog ma dbus dang mdza' rnams su/ /rang? gi snying rje ma nyams dang/ /de nyid de ni byed par 'os zhes ji skad bshad pa lta bu'o/ /gang gi phyir de ltar byas par gyur na bsgrub par bya ba dang/ sgrub pa po 'di gnyi ga yang bde ba thob par 'gyur ro/ /de bas na snying rje dang ldan pa nyid kyi bya'o/ /nges ji ltar bya zhe na de'i phyir sgrub pa chen po bya zhes bya ba la sogs pa gsungs te/ byang chub mchog du sems bskyed pa nas brtsams te/ dkyil 'khor gyi rgyal po mthar gyur pa'i bar du byas la las thams cad bsgrub par bya'o/ /zhes bya ba'i don to/ /de nas zhes bya ba le sogs pa ni/ sdud par byas pas byang chub sems dpa' rnams kyis rtogs par gsungs pa yin no/ /thugs rje chen po'i tshul gyis zhes bya ba ni thugs rjes 'jug pa'i phyir ro/ /thog ma dang dbus dang tha mar yang gdug pa'i las la sogs pa las/ dge ba thob par gyur pa yin pas dga' zhes bya ba la sogs pa'i tshig gsum smos pa yin no/ /thugs rje chen po dri ma med ces bya ba ni bdag tu lta ba la sogs pa'i kun nas nyon mongs pa med pa'i phyir ro/ /sangs rgyas nyid kyi 'bras bu stsol zhes bya ba ni mi bskyod pa la sogs pa'i ngo bor sgrub par byed pa'o/ /de yang dgu pa las mi bskyod sangs rgyas zhing du ni/ rgyal ba'i sras bu skye bar 'gyur/ /zhes bya ba la sogs pa ji skad gsungs pa lta bu'o/ /da ni ji skad bshad pa zhus pa'i byang chub sems dpa' rnams kyis rtogs pa de brtan par bya ba'i phyir/ de bzhin gshegs pa rnams dbugs 'byin par mdzad pa gsungs pa ni/ rigs kyi bu zhes bya ba la sogs pa yin te/ skrag pa chung du la sogs pa dgag pa'i phyir/ 'jigs par mi bya zhes bya ba la sogs pa tshig gsum sbyar bar bya'o// byang chub rdo rje las byung ba zhes bya ba ni gnyis su med pa'i ye shes las nges par bskyed pa'o/ /de bas na zhe sdang la sogs pa rnam par dag pa'i ston pa gzhung gi tshogs 'di la spong ba'i blo bskyed par mi bya'o/ /da ni the tshom gyi blo dang ni ldan zhing/ rtogs pas rgyud mdza' dag gi don bsdus pa'i byang chub sems dpa' rnams bstod pa'i sgo nas bstod pa byed pa yin no/ zhes sdud par byed pas smras pa ni/ dus sum zhes bya pa la sogs pa yin te/ gang 'das pa la sogs pa'i de bzhin gshegs pa rnams bskyed pa'i rgyur gyur pa ni/ byang chub kyi sems kyi ngo bo nyid yin pa'i phyir ro/ /snying po zhes bya ba'i tshig la ni ye shes so/ /srid mthar 'gyur zhes bya ba ni mi gnas pa'i mya ngan las 'das pa'i ngo bo nyid du gyur pa'i phyir ro/ /zhi zhing zhes bya ba ni/ bag chags dang bcas pa'i nyon mongs pa'i chogs zhi ba'i phyir ro/ /sgrib pa med pa ni zhes bya ba la sogs pa'i sgrib pa dang bral ba'i phyir ro/ /nam mkha' dag pa'i ngo bo nyid ces bya ba ni/ rtog pa'i dri ma thams cad dang bral bas dri ma med pa'i nam mkha' dang 'dra ba'o/ /sangs rgyas zhes bya ba la sogs pa gsungs te dbang phyug mchog ces bya ba ni/ 'jig rten dang 'jig rten las 'das pa'i phun sum tshogs pa ma lus par brnyes pa'i phyir ro/ /de ltar bcom ldan 'das rnam par ma phye ba'i tshul gyis/ phyag byas nas de rnam par phye ba'i tshul gyis kyang phyag 'tshal bar byed pa'i phyir gsungs pa ni/ gang zhig gzhugs dang/ zhes bya ba la sogs pa yin te/ gang gzugs kyi phung po la sogs pa rnam par dag pa/ rnam par snang mdzad la sogs pa lnga dang/ gang yang gzugs la sogs pa skyed mched rnams kyi ngo bo gzugs rdo rje la sogs pa drug dang/ gang mig la sogs pa rnam par dag pa'i ngo bo sa'i snying po la sogs pa rnam pa drug dang/ gang khams la sogs pa rnam par dag par grags pa spyan la sogs pa bzhi ni byang chub sems 'dra? zhes bya ba yin te/ 'di dag ni gnyis su med pa'i ye shes kyi ngo bo nyid yin pas rdo rje 'chang chen po dang mtshungs pa de la phyag 'tshal pa'o/ /las kyi tshogs kyi dbang du byas pa'i phyag 'tshal ba gsungs pa ni/ gti mug ces bya ba la sogs pa yin te/ gti mug nyes pa 'dod chags rdo rje chos bcas gang zhes bya ba ni gti mug dga' ma la sogs pa'i chos kyi ngo bo dang skul byed ma la sogs pa gang yin pa de ni/ rig pa'i sbyor ba las byung zhes bya ste/ zhi ba la sogs pa cho gang nges par sbyor ba las byung ba'o/ /rnam pa sna tshogs dga' bas myos pa'i dngos gyur pa zhes bya ba ni/ sgo du ma nas 'jug par gsungs pa ste/ thugs rje chen pos myos pa ni rang dbang med pa'i bsam pa ste/ lhag pa'i bsam pa gang yin pa de dang/ rig pa'i sbyor ba las byung ba'o/ /zhes snga ma dang sbyar ro/ /byang chub kyi sems bskyed pa la phyag 'tshal pa gsungs pa ni/ sdud dang zhes bya ba la sogs pa yin te/ 'di dag gis ni 'dod pa'i rgyal po la sogs pa la yang phyag 'tshal ba gsungs pa yin no/ /gshin rje gshid la sogs pa gsungs pa ni rmongs dang zhe sdang zhes bya ba la sogs pa yin te/ de'i don ni bshad zin to/ /de ltar rgyu dang 'bras bur gyur pa'i chos dang sangs rgyas la phyag 'tshal ba gsungs nas der bzhugs pa'i dge 'dun la phyag 'tshal pa gsungs pa ni/ gang zhig thog med ces bya ba la sogs pa gsungs pa yin te/ 'di zhes bya ba ni bshad ma thag pa ste/ thabs dang shes rab gnyis su med pa'i ye shes las yang dag par byung ba'i gsang ba'i dbang bskur pa la sogs pa gang zhig sgom par byed pa ni rdo rje 'chang chen po dang 'dra ba nyid yin la de bas na phyag 'tshal ba'o/ /yan lag bzhi bsgom pa'i sgo nas gnas gsungs pa ni/ gang zhig dngos grub ces bya ba la sogs pa yin te/ dngos grub mchog gi thabs ni zhes bya ba ni/ 'tshang rgya ba nyid kyi rgyu'o/ /blo mi 'gyur zhes bya ba ni blo gros brtan pa'o/ /thun mtshams su byin gyis brlabs pa'i nas gsungs pa ni/ gang zhig thun bzhi'i zhas bya ba la sogs pa yin te/ mi snang zhes bya ba ni mi snang ba'i dngos grub po/ /sogs pa'i sgras ni/ mig sman dang ge'u wang? la sogs pa bsdu'o /gsang ba 'dus pa'i thos pa la sogs pa dang/ ldan pa ni byang chub las phyir mi ldog pa'i sa bon thob pa yin pas phyag 'tshal ba gsungs pa ni/ gang zhig rab gsang zhes bya ba la sogs pa yin te/ go sla'o/ /las kyi tshogs la mngon par brtson pa la yang gsungs pa gang zhig zhi sogs zhes bya pa la sogs pa gsungs pa yin te/ bsgrub par bya ba'i zhi ba la sogs pa'i don du'o/ /'di zhes bya ba ni bshad ma thag pa'o/ /ldan pa zhes bya ba ni mngon par zhen pa'o/ /sgrub pa'i dbang po zhes bya ba ni rnal 'byor pa'o/ /bsgrub bya zhes bya ba'i tshig la ni/ don 'di te gang zhi ba la sogs pa'i las kyi tshogs rnams rnal 'byor pas sgrub pa de yang sgrub pa po'i ting nge 'dzin gyi mthus sgrib pa dang bral ba'i phyir rdzogs pa'i byang chub gyi snod du gyur pas phyag 'tshal bar byed do// 'dus pa'i rnal 'byor skyed pa med pa'i byang chub kyi semms mthong ba nyid la dad par gyur pas de la yang phyag 'tshal pa gsungs pa ni/ gang gi gtso bo zhes bya ba la sogs pa yin te/ gtso bo sgrub pa pa zhes bya ba ni/ gnyis su med pa'i de kho na nyid rtogs pa'o/ /de nyid kyi phyir gang gis ldan pa 'di mthong ba rnam pa kun tu mtshang? byed na 'di yis sangs rgyas thams cad kyang/ mthong zhing mchod pa byas par 'gyur zhes pa dang/ mthong ba dang ni reg pa dang/ /thos pa dang ni dran pa yis/ /sdig pa kun las rnam grol zhing/ /sangs rgyas dngos grub 'grub par 'gyur/ /zhes bya pa gsungs pa yin no/ /bstod pa'i tshig ni zhes pa la sogs pas ni bstod pa'i phan yon gsungs pa yin no/ /zhi ba zhes bya ba la sogs pa ni zhi ba'i don gyi tshig gis so/ /rjes yi rang zhes bya ba ni mdzes pa'i de kho na nyid kyis bdag gir byed pa'o/ /legs par gsungs pa yin zhes bya ba ni dge ba gsum la sogs pa ldan pa'i phyir ro/ /de ltar bshad ma thag pa'i zhus pa'i lan gsungS nas/ de bzhin nyid du na chos nyid ni ngag dang yid kyi spyod yul ma yin par bstan pa'i phyir/ sangs rgyas la sogs pa de dag thams cad mi gsung par gyur to/ /zhes gsungs pa yin te/ 'di zhes bya ba'i don ni bshad zin to/ /de bzhin gshegs pa zhes bya ba la sogs pa la/ de bzhin gshegs pa thams cad kyi sku la sogs pa'i gsang ba ni rdo rje 'chang pa'o/ /de bas na 'di rdzogs so zhes bya bar sbyar par bya'o/ /dpal gsang ba 'dus pa'i rgyud las gsang ba thams cad zhus pa bstan cing lan gsungs pa/ der mi phyed pa'i ye shes ting nge 'dzin gang gis byin gyis brlabs shing rdzogs par byed pa de la de skad ces bya'o/ /de ston par byed pa'i gzhung du yongs su chad pa ni le'u ste/ dang po la sogs pa nas brtsams te/ bgrangs par gyur na grangs bcol rgyad du gyur pa rdzogs pa ste nye bar bsdus pa la yang dag par gzung ngo/ /zhes bya ba'i bar dul?/ /dpal ldan 'dus don cung zad rnam phye las/ bsod nams tshad med legs bsags gang yin te/ /bdag dang 'gro kun 'dus pa'i gzhung lugs kyi// rdzogs pa'i byang chub go 'phang mchog thob shog / rgyal bas byin pa sman pa'i bus/ /bla ma sangs rgyas bka' drin gyis/ /dpal ldan 'dus pa'i rgyud kyi ni/ /dka' 'grel 'di ni byas pa yin /

CLOSE WINDOW