བོད་ཡིག

e-texts based on the ACIP/ALL Input

/bdag gis 'bad rtsol bskyed pa'i nus mthu sems can ma lus kun/ /sku dang ye shes bdag nyid rdo rje 'dzin pa 'grub par shog/ // *//dpal gsang ba 'dus pa'i rgyud 'grel bzhugs rgya gar skad du/ sh+rI gu hya ska mA dza tan+tA bi ba rA NAM/ bod skad du/ dpal gsang ba 'dus pa'i rgyud kyi 'grel pa/ /'jam dpal gzhon nur gyur pa la phyag 'tshal lo/ /gang 'di sku dang gsung dang thugs/ shes rab thabs kyi bdag nyid brtan/ /de yi bdag gyur dmigs med pa/ /'jam dpal de la phyag 'tshal lo/ /ble dman gyur kyang dad tsam gyi/ /yang dag bskul nas 'gro ba rnams/ /dam pa'i lam la 'jug gyur pa/ /bskal bzang 'bras bu la spyod 'gyur/ /des bdag ye shes zhal snga yi/ /man ngag rang nyid kyis dran phyir/ /blo gros blun yang 'dus pa'i don/ /'dir ni ci nus bri bar bya/ /rtogs dka' ba dang don che ba'i/ /tshig nyung 'ga' tsam cung zad cig /rnam par dbye ba de las ni/ /lhag ma go sla rang nyid go /gang yang lhag dang chad pa'am/ /nyes smras 'di ni ci snang de/ /bshad mdzad gzhung ni ma rtogs pas/ /bdag blo nyid kyis nyes pa yin/ /des na mkhas pas bla ma yi/ /skyon yin par ni mi brtaT te/ /slob ma'i blo dman nyes pa yis/ /rtogs pa'i bshad mdzad sman mi bya/ /'di skad ces bya ba ni 'og nas bshad pa'i rgyud kyi don ma lus pa blo la rnam par gnas bzhin pa bsdus pa la ltos pa yin no/ /bag gis zhes bya ba ni sdud par byed pa bdag nyid 'od dpag tu med pa mngon par rdzogs pa sangs rgyas pa nyid kyis gcig tu rgyud de thos pa la sbyor ba ma yin pa dang/ gtam 'di ni bdag gis dngos su thos pa yin gyi/ bdag nyid kyis ni ma yin no zhes nges par bzung ba ste/ brjod kyis mi lang ba zhes bya ba la sogs pa 'og nas 'byung ba'i tshig dang 'gal ba nyid du thal bar 'gyur ba'i phyir ro/ /thos pa zhes bya ba ni sgra so sor snang ba'i bdag nyid kyi rgyud rtogs pa'o/ /dris pa/ mngon par rdzogs par sangs rgyas pa nyid kyis rdo rje 'chang ba'i ngo bo nyid yin pas na rdo rje chos kyi mnyan pa la sogs pa 'gal lo zhe na/ ma yin te/ bcom ldan 'das ni sems can khams dang bsam pa sna tshogs pa rnams gdul ba'i thabs kyi dbang gis gcig bu nyid kyang dpag tu med pa'i tshul gyis 'jug par mdzad de/ bltams pa dang mngon par byung ba dang/ dka' ba spyod par mdzad pa dang/ mngon par byang chub pa dang chos kyi 'khor lo bskor ba la sogs pa lta bu'o/ /de skad du/ mos pa sna tshogs bsam pa tha dang pa'i/ /sems can dbang gis khyad par mang po 'khrungs/ /gcig puAng chu yi snod ni du ma ru/ /zla ba'i gzugs brnyan 'char ba dag dang mtshungs zhes bshad pa'o/ /dus gcig na zhes bya ba ni dus gcig gi che kho na thos so zhes bya pa'i don te/ yang ma yin gyi/ 'di ni dus gcig na ste/ gzhan du ni gzhan dag po zhes mang du thos pa nyid du ston pas tshig mchog tu gzung bar bya ba nyid yin no zhes bshad par bya'o/ /byang chub la brten pa'i rdo rje chos ni 'das pa la sogs par ltar gyi ngo bor dgongs shing/ thams cad lan gcig yang dag par rig pa yin te/ des na thos pa mang bar grub pa yin no zhes bya bar dgongs so/ /bcom ldan 'das zhes bya ba ni dbang phyug la sogs pa'i yon tan drug ste/ 'dir ni me long lta bu dang/ mnyam pa nyid la sogs pa'i rang bzhin la skal pa zhes bshad de/ de gang la mnga' ba de la de skad ces bya'o/ /yang na bcom pas na bcom ldan 'das zhes bshad de/ nyon mongs pa'i bdud la sogs pa bcom pa'i phyir ro/ /de yang/ nyon mongs pa shes rab la rag las/ de bas shes rab bcom par bshad ces gsungs pa'i phyir phung po dang 'chi bdag dang/ lha'i bu dang/ nyon mongs pa'i bdud de/ bzhi po 'joms pa'i shes rab kyi ngo bo la bcom pa zhes bshad la/ de gang la mnga' ba de ni bcom ldan 'das te/ byang chub kyi sems rdo rje'o/ /de bzhin gshegs pa zhes bya ba la sogs pas ni bla na med pa'i chos ston pa dang rjes su mthun pa'i gnas kyi khyad pay ston pa yin te/ de bzhin gshegs pa thams cad kyi sku dang gsung dang thugs rnams ni gzhan dag gi spyod yul ma yin pas na gsang ba'o/ /de nyid ni rdo rje ste/ mi byed pa dang 'tshe ba med pa dang/ yang dag pa'i don gyi ngo bo nyid kyi tshad ma'o/ /de nyid ni snying po ste/ de rnams kyi tha mi dad pa'i ngo bo nyid do/ /de lta bu'i ngo bo nyid kyi btsun mo'i b+ha ga rnams la zhes bya ba ni rgyu ba dang mi rgyu ba'i dngos po thams cad du gtogs pa dkyil 'khor gyi 'khor lo rab tu snang zhing 'byung bar nges par 'brel pas na gcig pu nyid yin yang tshig mang por byas pa yin no/ /bzhugs pa zhes bya ba ni 'dod chags la sogs pa'i spyod pa thams cad/ 'dod chags la sogs pa mngon par byang chub pa'i ngo bo nyid du mdzad pas na/ 'di nyid ni de bzhin gshegs pa'i mdzad pa yin gyi/ sngon byung ba gtso bor mdzad pa ni ma yin/ 'das pa la sogs pa rnams kyang da ltar byung ba nyid kyis de yang dag par rig pa yin pa'i phyir/ ji skad du/ gcig nas gcig tu mngon sum du/ /rgyu ni 'bras bu nyid gyur pa'i/ /da ltar byung ba'i gzugs gang yin/ /de ni rnal 'byor pa yin shes zhes bshad pa'o/ /brjod kyi mi lang ba'i zhes bya ba la sogs pas ni 'khor bstan pa yin te/ byang chub sems dpa' la sogs yang brjod par nus pa ma yin pas na brjod kyis mi lang ba ste/ de nyid kyis na sangs rgyas kyi zhing zhes bya ba la sogs pa smos pa yin no/ /byang chub ni rnam pa thams cad mkhyen pa'i mngon par byang chub pa ste/ der de nyid la sems dpa' gang yin pa de ni byang chub sems dpa' o/ /sems can gyi tshogs chen po'i don la zhugs pas na sems dpa' chen po ste/ de rnams dang lhan cig bdag gis thos so zhes bya ba'i don to/ /'di lta ste zhes bya ba la sogs pas ni de rnams kyi nang nas/ mngon par rtogs pa dang rjes su mthun pa cung zad cig ston te/ de las kyang mi g.yo ba dang/ rdo rje dang/ byams pa la sogs pa ni dkyil 'khor pa nyid du bkag pa yin no/ /dris pa rgyud 'dir so sor nges pa nyid du bstan na/ sems dpa' de rnams ji ltar na brjod kyis mi lang ba yin/ de lta mod kyi/ de rnams re re nyid rang rang dkyil 'khor gyi lha rnams kyi bdag por gyur pas/ gtso bo nyid yin pas na grangs nges pa nyid yin no zhes bya bar dgongs so/ /de bas na de dag la sogs pa zhes bya ba'i sgras smos pa yin no/ /de la gnyis su med pa'i rdo rje gang gis gzugs la yang dag par blta zhing so sor shes pa de ni dam tshig rdo rje ste/ mig rnam par dag pa'i ngo bo nyid sa'i snying po'o/ /chos kyi brnga'i dbang gis na dam tshig ste/ rdo rje'i sgras ni sa'i snying po lta bu nyid ting nge 'dzin 'dir bshad pa yin no/ /de bzhin du sku rdo rje la sogs pa'i sgras kyang nye bar dgod pa lngas phyag na rdo rje la sogs pa'i dam tshig gi khyad par yin pa 'am/ sgra de dag brdar btags pa yin pa'i phyir phyag na rdo rje dang/ nam mkha' i snying po dang/ 'jig rten dbang phyug dang/ sgrib pa thams cad rnam par sel ba dang/ kun tu bzang po rim pa ci lta ba bzhin du bshad pa yin no/ /'di dag gis ni sa'i snying po phyag na rdo rje dang zhes bya ba la sogs pa sangs rgyas ye shes kyi zhal snga nas kyis gsungs pa'i rim pa ston par gyur pa yin no/ /gang yang dam tshig rdo rje la sogs pa'i sgra'i tshig gdon mi za bar grub pa la sogs pa de bzhin gshegs pa rnams byang chub sems dpa' i sde tshogs su tshig gi sbyor bas de'i rigs kyi bdag po rnams kyi nye bar gdags par sgrib pa rnam par sel ba la sogs pa bstan to/ zhes bshad mod kyi de rnams kyi dka' bar 'byin pa 'dis kun tu bzang po la sogs pa'i rim pa las rgal ba la dgos pa ci zhig yod ces brjod par bya'o/ /yang rigs dang 'brel ba nyid du bstan pa dgos pa ma yin nam zhes zer na ma yin te/ 'di ni 'di'i rigs las skyes pa yin no zhes de lta bu 'dir des pa med pa nyid yin pa'i phyir ro/ /man ngag la nges pa yong par rtogs so zhes zer rnam yin te/ brtag pa 'di ni nyon mongs pa yin pa'i phyir te/ 'di ni 'og nas rigs kyi nges pa bston bzhin pa nyid yin pa'i phyir ro/ /zhes bya bar dgongs so/ /sa'i snying po la sogs pa 'di dag kyang nang gi skye mched rnam par dag pa'i ngo bo nyid yin pas na/ de byin gyis brlabs pa nyid nye bar sgrub pa la dgos pa yin gyi/ dkyil 'khor ba nyid kyis ni ma yin te rgyud las rang gi mtshan ma dang/ ting nge 'dzin gyi rang gi ngo bo gdon pa bstan pa med pa'i phyir ro/ /sa? rdo rje dang zhes bya ba la sogs pa bzhi'i sgras ni sa dang/ snying rje das/ thabs la sogs pa rnam par dag pa spyan dang/ mA ma kI dang/ gos dkar mo dang/ sgrol ma ste/ lha mo bzhi rim bzhin du gsungs pa yin no/ /nam mkha' rdo rje dang zhes bya ba ni chos 'byung bar thar? pa rtseg ma la sogs pa rten dang brten pa'i gzugs can mkha' i rnam par dag pa'i don bstan pa yin no/ /nam mkha' ni rdo rje ste/ dmigs su med pa'i ye shes kyi ngo bo nyid kyis rnam par dag pa zhes bya ba'i don to/ /'di rdo rje 'dzin pa'i gan par ni mi 'dod de/ bzhugs zhes bya ba rdo rje sems dpa' nyid yin par bshad pa'i phyir ro/ /yang na de bdag nyid dang lhan cig byed pa po nyid du ldan pa ma yin te/ 'dir brje ba mdzad du zin kyang/ tha mi dad de/ dper na mi bskyod pa la sogs pa gang yang/ nang gi ni/ nam mkha' i rang gi ngo bo rdo rje 'dzin zhes chos 'byung ba'i phyag rgya'i khyad par bshad pa der yang nang gi nam mkha' i ngo bo nyid kyi rdo rje 'dzin pas de skad bshad do zhes khong du chud par bya'o/ /yang na nang gi nam mkha' i ngo bo yang yin la rdo rje ste/ de bzhin gshegs pa la sogs pa 'dzin par byed pas na rdo rje 'dzin pa'o zhes bshad par bya'o/ /gzugs rdo rje dang zhes bya ba la sogs pa drug gis ni sbyin pa'i rang bzhin la sogs pa rnam par dag pa'i ngo bo nyid gzugs rdo rje la sogs pa'i lha mo drug po nyid rim gyis bshad pa yin no/ /da ni bshad zin byang chub sems dpa' rnams kyi phyogs su bsdus pa bshad pa'i phyir/ de dag la sogs zhes bya ba la sogs pa smos te/ sogs pa'i sgra ni 'dir gtso bo'i tshig ste/ de bas na rang rang gi dkyil 'khor gyi bdag por gyur pa'i gtso bo nyid kyis na/ thams cad la brjod kyis mi lang ba nyid du bshad pa yin no/ /da ni de bzhin gshegs pa nam mkha' i dbyings dang zhes bya ba la sogs pas rdza bzhin gshegs pa rnams ston pa yin te/ 'di ni mi skyod pa la sogs pa'i sangs rgyas lnga po ci rigs par sems dang/ zhe sdang dang chos kyi dbyings la sogs pa'i ye shes rnam par dag pa'i ngo bo nyid yin par shes par bya'o/ /sogs pa zhes bya ba'i sgra ni 'dir snga ma bzhin spyar par bya'o/ /de nyid kyis na nam mkha' i dbyings thams cad dang mnyam pa zhes bya bas de rnams tshad med pa nyid du nye bar mtshon pa'i don bshad pa yin no/ /de ltar na bzhing gyur pa nam mkha' rdo rje ma gtogs pa lha nyi shu rtsa gcig dang/ 'byin pa'i sngags kyi dbang gis khro bo bzhi'i le'u las bshad pa de nyid de/ nyi shu rtsa lnga mngon par rtogs pa la nye bar dgos pa yin gyi/ 'dod pa'i rgyal po la sogs pa ni ma yin te/ de rnams gyi rnam par dag pa dgos pa ma yin pa'i phyir dang/ lus bskyed pa'i tshogs pa'i so sor nges pa yin pa'i phyir ro/ /da ni rims kyis mngon par rtogs pa ston par mi mdzad pa ni shes rab kyis mngon par rlon pa rnams kyi dregs pa bsal bar bya ba'i phyir/ dngos grub ni slob dpon la rag las pa yin no/ zhes bstan par bya ba'i phyir go rim 'chol pas mngon par ston par mdzad pa yin te/ de nas zhes bya ba la sogs pa nas thugs la bzhugs so zhes bya ba'i mthar thugs pa'i tshig bzhis gnyis pa gsol ba'i tshig dang mthun pa yin te/ sems can rnams snod du gyur pa nyid du bya ba'i phyir dbang bskur ba sbyin pa'i don du/ pad+ma'i nang du dkyil 'khor sprul par bya ba'i phyir shes rab dang thabs yang dag par ma nyes pa bshad pa yin te/ rnam par snang bar mdzad pas na rnam par snang mdzad de/ byang chub kyi sems rdo rje'o/ /'dod chags chen po ni rgya che ba'i bde ba'o/ /de'i thabs dang shes rab kyi bdag nyid can gyi sems su gang gis khrid pa'i ting nge 'dzin de la rdo rje 'chang ba lta bur snyoms par zhugs pa'o/ /de bzhin gshegs pa'i bkod pa de dag thams cad nyi dkyi sku la zhugs par mdzad do zhes bya ba ni shes rab yang dag par mnyes par bya ba'i phyir te/ 'dod chags can phal cher ni dung med kun dga' ba nyid dang por byed pa yin la/ bcom ldan 'das kyang 'gro ba 'dul ba'i thabs kyi cho ga mkhyen pa nyid kyis shes rab yang dag par mnyes par mdzad pa yin no zhes bya bar dgongs so/ /gzhan dag ni gzugs la sogs pa bskyed par bya ba'i phyir/ de bzhin gshegs pa'i bkod pa zhugs par mdzad pa yin no zhes zer mod kyi/ de ni mi rigs te/ byang chub kyi sems rdo rje rdzogs shing phyi dang nang gi gzugs la sogs pa thugs su chung pa la ni gzugs la sogs pa ma bsgrubs pa med pa'i phyir ro/ /bal ni sangs rgyas spyan lngas zhes pa 'dir sangs rgyas zhes ? bua ba mo rnam par snang mdzad yin par don gyis shes par bya ste/ de yang nyid kyi sku mdog dang ldan pa'o/ /la la ni spyan lta bu'o/ /la la ni gzugs rdo rje lta bus mngon par byung nas rgya che ba'i bde bas 'jug cing/ bsgrub par bya ba'i rang gi rig par zhugs so zhes shes par bya'o/ /de bzhin du 'di'i 'og nas mi bskyod pa la sogs pa yang rang rang gi rigs dang rjes su mthun pa mA ma kI la sogs pa lta bur ci rigs par byung nas zhugs so/ /zhes mthun par shes par bya'o/ /yang gdon mi za bar grub pa ni la la/ sgrol ma lta bu ste sku mdog ser po dang ldan pa dang la la ni reg gi ngo bo lta bu ste/ nyid kyi sku mdog ljang gu dang ldan par byung nas zhugs so zhes bya ba ni khyad bar ro/ /sku mdog gnyis kyis byung ba'i dgos pa ni bsam pa sna tshogs pa'i sems can byis? khams gdul pa'i phyir yin te/ ji ltar aiN+Da nI la ltar snang ba ni mi bskyod pa'i mngon par byang chub pa'i gnas skabs so/ /rgyud gzhan dag las ni sa gnon gyi phyag rgya dang ldan pas mdog ser ro zhes bshad la/ /'dir yang reg bya las skyel ba nyid bde ba chen po gtso bo ste/ mngon par byang chub pa'i rgyud yin no zhes ston pa'i phyir reg bya yin no/ /lha mo dgu'i mthar thug par bshad kyi chos kyi dbyings rdo rje ma gsungs pa ni gzugs kyi phung po dang/ me long lta bu'i ye shes la sogs pa rnam par dag pa rnam par snang mdzad la sogs pa de dag nyid yin pa 'am/ sa'i khams kyi gzugs la sogs pa rnam par dag pa'i spyan ni gzugs rdo rje la sogs pa'i gzugs kyis 'byin pa dang/ 'jug pa dag las shes par bya ste/ bcom ldan 'das ni dngos po thams cad kyi ngo bo nyid du gyur pa yin pa'i phyir ro/ /dper na rtsa ba'i rgyud ni bcom ldan 'das mi bskyod pa me long lta bu'i ye shes rnam par dag pa yin la 'dir ni rnam par shes pa'i dur po rnam par dag pa las byung ba yin no zhes bya ba thams cad kha na ma tho ba med pa yin no/ /ji ltar na rgyal ba rnams lha mo'i gzugs 'dzin pas phyung ngo zhes bya ba byung ba tsam gsungs na de rnams ni rang gi rig par zhugs par ji ltar gsungs/ de ni bden mod kyi 'on kyang zhugs par gyur to zhes sngar gsungs pa de 'dir yang rjes su sbyar bar bya ste phyi rol la bya ba yin pas nyes pa med do/ /phyi rol tu gnas pa'i bud med kyi gzugs kyi tshogs mchog tu bde ba'i rgyur 'gyur ba ma yin te/ lha mo'i gzugs rnams 'khyud ba'i rang gi rig pa'i nang du zhugs par shugs kyis shes par bya'o/ /de bas na 'di nyid le'u bco brgyad pa las bshad de/ 'dod chags chen po'i tshul nyid kyis/ /ye shes 'khor lo can rnams ba sdu/ /lha mo dgu ni spros nas su/ /bsgrub par bya ba'i lus la dgod ces bya bar gnas so/ /sems can rnams gzhug pa'i phyir gnas rnam par dag pa bstan pa ni de nas zhes bya ba la sogs pas ston pa yin te/ btsun mo'i b+ha ga la zhes bya ba ni btsun mo dang yang dag par 'dus pa'i b+ha ga la ste/ dbang phyug la sogs pa dang ldan pas gcig bu nyid yin yang/ mang ba pa'i tshig tu gsungs pa yin no/ /dam tshig chen po'i dkyil 'khor zhes bya ba ni rang gi khar gcug pa'i bde bar gshegs pa ma lus pa zhugs pa mngon du 'gro ba'i zla ba zhu ba'i gzugs rdo rje'i lam nas byung ba byang chub kyi sems ni dam tshig chen po ste/ de yongs su gyur pa'i dkyil 'khor ro/ /'dod chags la sogs pa'i nyes pa dang bral bas rdul dang bral ba'o/ /sangs rgyas dang sangs rgyas ma yin pa mnyam pa nyid kyis ni gru bzhi'o/ /dngos po thams cad kyi gzugs brnyan gyi bzhir gyur pas na bsal ba'o/ /srab dang bar du gcod pa'i gnas med pas de'i ngo bo nyid do/ /sangs rgyas mkhyen pa'i ye shes brnyes pas sna tshogs gzugs so/ /de bzhin gshegs pa'i gzugs brnyan gyis rnam par spras pas na kun tu sangs rgyas kyi sprin gyis kun tu khyab pa'o/ /de bzhin gshegs pa rnams kyi 'od zer 'phro ba dang bsdu ba dang/ gnas pa dang bstan par gyur pas kun/ tu rtsol bas na 'od zer 'phro ba mang po 'khrugs ces bya'o/ /zla ba dang nyi ma la sogs pa'i gdan dang ldan pas na/ gsal ba la sogs dkyil 'khor ldan zhes bya'o/ /de bzhin gshegs pa thams cad kyi rang gi ngo bo byang chub kyi sems rdo rje dang 'brel bas na de bzhin gshegs pa kun gyi'o/ /thar pa'i gnas su gyur pas na gnas te/ chos 'byung ba'i bshad pa'o/ /de ltar phyag rgya bzhi dang ldan par byung ba ltar nges par snang ba dang/ dang po'i rdo rje 'chang ba gnyis lhag par mos pa'i stobs kyis mtshungs par bsam gtan las byung ba'i dkyil 'khor 'di yin par bshad do/ /dris pa/ bskyed pa'i rim pa las m yung ba'i rnal 'byor pa bzhi car la yang rang gi nye bar len pa ji lta ba'i rgyur gyur pa las byung bar bsgoms pa'i dkyil 'khor 'di yin pa de bzhin du las dang po'i rnal 'byor pa rnams kyi sangs rgyas la mchod pa dam pa la sogs pa nas brtsams te/ de bzhin gshegs pa thams cad rjes su mnyes par bya ba'i ngo bo'i rgyu mthun pa chen po la sogs pa rnam par dag par bya ba'i phyir/ /rang gi rig pa'i chos 'byung ba'i nang chung pa'i khang pa brtsegs ma'i dbus na gnas pa stong pa nyid kyi byang chub kyi rab bzhin can gyi sa bon/ lha'i rang gi ngo bo tsam du nges par snang ba bsam par bya ba'i 'khor lo'i nye bar len pa yin no/ /ye shes cung zad babs pas ni chos kyi ngo bo nyid du gyur pa thun mtshams su rang gi sngags zlos pa ni rang gi lha'i sa bon sngar bsgoms pa brtags pa yin pa'i phyir ro/ /ye shes la dbang thob pa dag kyang nye bar len pa'i rgyu de'i stobs kyis rten dang brten par nges par snang ba la shin tu goms par bslabs pa'i dbang las byung ba'i nye bar l en pa'i rgyus aoM la sogs pa'i yi ge gsum gyi cha'i lhan cig byed pa'i rang gi sems las rgyu ba dang mi rgyu ba'i dngos po thams cad kyi rdul phra rab rnams la rnam pa thams cad du yongs su rdzogs pas spro ba dang bsdu pa'i rgyur gyur pa 'khor lo bzhag la/ cung zad rgyun gyi rnal 'byor la gnas pa yin te/ thun mtshams kyi nges pa de la rtag pa yin pa'i phyir ro/ /yang dag pa'i ye shes la dbang du gyur pa yang shin tu goms par bslabs pas lhun gyis grub par 'jug pas/ rdul phra rab re re zhing yang 'khor lo dam pa gsum chud cing/ phan tshun du gzugs brnyan du gyur pa'i bdag nyid kyi gzugs can bdag nyid thams cad du gtogs pa/ skad cig ma'i rkyen dang bral ba/ dri ma med pa'i ting nge 'dzin las yang dag par byung ba/ bde ba'i nga rgyal gyis rgyas par bsgom par bya zhing 'gro ba'i don bya'o/ /lhun gyis grub par thob cing/ skad cig ma re re'i sbyor ba la gnas pa'i rtag par gyur pa yin te/ zhar la 'ongs par chog go / sems can rnams gsang ba'i dkyil 'khor du gzhug pa bstan pa'i phyir de nas zhes bya ba la sogs pa gsungs te/ bzhag par gyur to zhes bya ba ni sems can rnams zhes bya bar las kyi tshig tu blta bar bya ste/ gsol pa gdab pa gnyis pa'i tshig gi don ni de yin pa'i phyir ro/ /da ni sems can rnams la gzhug pa tsam gyis de kho na nyid sngags kyi sbyor ba dang bcas pa dang/ gsang ba dang bcas pa yi ge'i phyag rgya rnams kyis rab tu sbas pa yang smra bar rigs pa ma yin pas dbang bskur bar bya ba'i phyir/ de na sa zhes bya ba la sogs pa gsungs te/ thugs la zhes bya ba ni yi ge hUM la sogs pa las byung ba dang/ sgrub pa ste/ gnyi ga yang mchog tu bde ba bskyed pa'i rgyur gyur pa la rgyal ba lnga po bzhugs pa'o/ /de ltar na 'di thams cad thob pa de ni rigs pa ma yin te/ sngar gyi 'dod chags chen po'i tshul zhes bya ba'i ting nge 'dzin gcig pu nyid las gzhan dag ni mthos pa yin pa'i phyir dbang bskur ba rtsoms pa la ting nge 'dzin gang sems can rnam par dag pa'i rgyu dang/ dbang bskur ba dag ni bcu bdun pa las/ de nas bcom ldan 'das de bzhin gshegs pa phyag na rdo rje 'dod pa'i longs spyod thams cad kyi dpal zhes bya ba'i ting nge 'dzin la snyoms par zhugs te/ zhes bya ba la sogs pa rgya cher gsungs pa yin no/ /de dang lhan cig pa nyid du tshig bzhi pa 'di'i don/ mchog tu rjes chags phun tshogs dpag med kyis zhes bya ba la sogs pa tshigs su bcad pa bzhis kun tu bzang po'i sgrub ba'i thabs las bshad pa yin no/ /da ni de nas zhes bya ba la sogs pa nas gnas par gyur to zhes bya ba'i bar gyi tshig gnyis pas gsol ba gdab pa gnyis pa dang/ yang dag par sbyar ba yin no/ /mngon par byang chub pa rnam pa lnga dang 'brel pa sku bstan pas ston pa'i rnam pa gnyis bshad pa ni byang chub kyi sems rdo rje ni stong pa nyid dang thugs rje dbyer mi phyed pa ni bcom ldan 'das so/ /de bzhin gshegs pa thams cad bril gyis gnon pa ni stong pa nyid kyi rang bzhin dbyangs la sogs par snang ba yang dag par rig pa mthar thug pas 'bras bu'i tshul rdo rje 'chang ba'i yul so sor snang ba dang bral bas gang gis byed pa'i ting nge 'dzin de ni mi phyed pas na rdo rje ste/ de la snyoms par zhugs pa'o/ byed pa'i tshig gi don ni des pa med pa yin pas na/ dang po'i don drug par byas pa yin no/ /zhugs ma thag tu zhes bya ba ni bcom ldan 'das snyoms par zhugs pa'i rje thogs pa nyid la'o/ /de bzhin gshegs pa thams cad kyi bdag po 'di ni nam mkha' i khams dang mnyam pa nyid yin pas nam mkha' i dbyings so/ /de nas zhes bya ba ni zil gyis gnon pa'i ting nge 'dzin las bzhengs nas de bzhin gshegs pa thams cad sku dang dbyangs dang/ mtshan yongs su gyur nas zla ba gnyis kyi rnam par zhu bar gyur pa la ni de bzhin gshegs pa thams cad kyi rdo rje'i sgrar gsungs/ /de'i ngo bo ni 'di'i rang bzhin du gnas par gyur to/ /'di dag gis bcu drug cha dang tshogs las byung ba'i zhes bya ba la sogs pa'i tshigs su bcad pas bshad pa yin no/ /rgyud 'dir dbyangs dang gsal byed yongs su gyur pa'i zla ba gnyis so/ zhes bya ba la nyes pa med du zin kyang stong pa nyid dang thugs rje chen po dbyer mi phyed pa'i byang chub kyi sems kyi bdag nyid can du gyur par bcom ldan 'das nye bar dmigs te/ de yang gdod ma nas ma skyes pa'i phyir a ni chos thams cad kyi sgo'o zhes bya ba la sogs pa gsungs pas na/ a la sogs pa'i yi ge ni dngos po ma lus par rab tu 'gog pa'i ngo bo nyid nga rgyal ston pa nyid kyis ston te/ de bas na 'di ltar bskyed pa'i rim pas rgyur gyur pa yin par bcom ldan 'das ston par mdzad pa yin no/ /ngo bo nyid kyis stong par gyur pa la lar rnam pa la sogs par nges par snang ba'i tshul rang gi sems so sor rtogs pa yi ge a ni zla ba'i dkyil 'khor gyi rgyu ste/ de nyid ni la lar bsdu bar byas te/ shes rab dam par des par snang zhing mchog tu bde ba bskyed pa'i rgyur gyur pa'o/ /stong pa nyid kyi rgyur gyur pa nyid kyis rang gi ngo bo bstan par mi nus pa'i phyir/ byang chub kyi sems kyang ngo bo nyid du gyur ba'i thugs rje'i bdag nyid can gyi bka' la sogs par nges par snang ba ni zla ba'i dkyil 'khor gnyis pa'i rgyu'o/ /de nyid thabs su snang ba'i bdag nyid can 'gro ba'i don gyi bya ba'i stobs kyis yongs gyur pa yin no/ /de bas na rgyud gzhan las bshad ba'i don gyi rjes su mthun pa med pas 'dus pa dang rjes su mthun pa'i yi ge nyid kyis kyang gyur pa nyid do/ /bcu drug cha dang tshogs las byung ba'i zhes bya ba la sogs pa sangs rgyas ye shes kyi zhal snga nas kyis bshad pa yin no/ /tshig bzhi pa dang 'brel pa'i lnga pa bstan pa'i phyir/ de nas zhes bya ba la sogs pa gsungs te/ de nas zhes bya ba ni dbang bskur ba'i rjes thogs nyid la'o/ /nam mkha' i dbyings thams cad na gnas pa'i zhes bya ba ni rang gi rig pa'i chos 'byung ba'i nang du chud pa'i khang pa grtseg ma'i dbus na gnas pa'o/ /rdo rje sems dpa' byin gyis brlabs kyis zhes bya ba ni de bzhin gshegs pa thams cad rjes su zhugs pa sngon du 'gro ba'i dbang bskur bthob pas yin gyi/ bshad ma thag pa'i rkyen gyi stobs kyi ni ma yin te/ grol ba nyid du thal bar gyur pa'i phyir ro/ /dbyangs la sogs par nges par snang ba yongs su gyur pa'i zla ba gnyis yongs su gyur pa'i gzugs can gyi rnam pa gzhan du gyur pa ni de nas zhes bya ba la sogs pa tshig gsum gsungs pa yin te/ de nas zhes bya ba ni zla ba gnyis kyi rjes thogs nyid la'o/ /de bzhin gshegs pa thams cad kyi sku dang gsung dang thugs rdo rje ni re re zhing ye shes lnga'i bdag nyid can yin pa'i phyir rdo rje'o/ /de rnams kyis dam tshig ni rgyal ba thams cad kyis 'da' bar bya ba ma yin pa de nyid de/ de nyid rdo rje 'chang ba'o /de 'byung ba ni bskyed pa ste/ ting nge 'dzin gang las zla ba gnyis yang dag par rig pa rtse gcig pa'i mtshan nyid can dbyer mi phyed par gyur pa de la snyoms par zhugs pa ni thugs rtse gcig tu mdzad pa'o/ /rig pa dang yang dag par 'dus pa'i skyes bu'i gzugs kyang yin la/ chen po yang yin pas na/ rig pa'i skyes bu chen po'i gzugs te/ de nyid kyis na de bzhin gshegs pa thams cad kyi sngags kyis byin gyis brlabs te/ de bzhin gshegs pa thams cad kyang yin la/ sngags kyang yin pas na de bzhin gshegs pa thams cad kyi sngags te/ de rnams kyi byin gyis brlabs ni rgyud de byin gyis brlabs par gyur pa'o/ /bcom ldan 'das de nyid ces bya ba ni gang 'di zil gyis gnon pa'i ting nge 'dzin la sngar bzhugs so/ /zhal gsum pa lta bur zhes bya ba ni dkar po dang nag po dang dmar po lta bu'o/ /'di dag kyang nga rgyal de ldan zhes bya ba nas brtsams te/ rgyal ba skyed byed nyid kyi sku ru bsam zhes bya ba'i bar gyi gzhung dang sbyor ro/ /lnga pa'i rjes thogs kyi tshig bstan pa'i phyir/ de nas zhes bya ba la sogs pa gsungs te/ de nas zhes bya ba ni bde ba dang yid bde ba thob pa'i rjes thogs nyid la'o/ /mi bskyod pa la sogs pa zhes bya ba ni mi bskyod pa'i rigs su gtogs shing/ de sa bon las skyes pa'i sems can la 'dir mi bskyod pa'i sgrar gzung gi bsgom pa'i stobs kyis byung ba ni ma yin te/ de ni rdzogs pa yin pa'i phyir ro/ /de bzhin du gzhan dag la yang shes par bya ste/ de thog ma byas pa la sogs te/ chos kyi dbyings rdo rje'i mthar thug pa gang yin pa de la de skad ces bya'o/ /don ni 'di yin te/ sems can rigs de dang de zla ba zhu bar gyur ba'i de kho na nyid kyis dbang bskur zhing sa bon de yongs su gyur pa'i mtshan ma'i rim gyis de dang de bzhin gshegs par gyur nas thugs ka nas zhes bya ba'i rig pa'i chos 'byung ba nas so/ /che dkar brjod pas na ched du brjod pa'o/ /e? ma'o? zhes bya ba ni ngo mtshar du gyur pa ste/ gdul bya'i dbang gi sna tshogs pa'i gzugs can nyid kyis byang chub kyi sems nyid zla ba zhu ba zhes bya ba rab tu 'byung ba'o/ /'di ni de bzhin gshegs pa thams cad kyi yin pas na de bzhin gshegs pa kun gyi'o/ /gzhan gyi spyod yul ma yin pas na gsang ba'o/ /rtag pa'i don gyis ma rig pa'i tshul can dang gis 'byung ba'i chos kyis spangs pa yin pas na rab tu mi rtog ces bya'o/ /de nyid kyis na dri ma med pas na/ rnyog pa med pa zhes bya'o/ /'dis ni sa'i snying po phyag na rdo rje dang zhes bya ba la sogs pa'i tshigs su bcad pa lngas bshad pa'i gdon pa bshad pa yin no/ /da ni bcom ldan 'das phal cher gsol ba 'debs pa sngon du 'gro bas chos ston par mdzad pa yin no zhes bstan par bya ba'i phyir te/ tshig dang po gsungs pa yin te/ de bzhin gshegs pa thams cad kyi mchod pa ni gzugs rdo rje la sogs pa'o/ /des sangs rgyas pa ni nam mkha' i dbyings khya ba pa'o/ /de nyid ni de kho na nyid kyi dam tshig ste/ rdo rje 'chad pa'o/ /de nyid ni rin thang med pas na rin po che'o/ /de'i sprin gyis zhes bya bar sbyar ro/ /'dus pa ni 'du bar mdzad pa ste/ bshad ma thag pa'i gsang ba las byung ba ni rgyu ste/ 'di ni bskyed pa'i rim pa'i gsol ba'o/ /rdo rje ni de bzhin gshegs pa rnams te/ de rnams kyi snying po gang du btus pa de ni 'byin pa'i sngags kyi tshogs sam/ de'i don yin pas na de skad ces bya'o/ /de nyid ni de bzhin gshegs pa kun gyi gsang ba zhes bya ste/ nyan thos la sogs pa'i spyod yul ma yin pa'i phyir ro/ /de nyid ces bya ba ni 'bras bu yongs su rdzogs pa'i tshul te/ nyi shu rtsa lnga pa'i bdag nyid can no/ /'di ni 'bras bu yongs su rdzogs pa'i gsol ba'o/ /de bzhin gshegs pa thams cad kyang the tshom skyed par byed pa yin zhes bya ba ni rgyud gzhan dag tu mngon par sangs rgyas pa'i sa 'og ma pa rnams 'khor bar byed pa ste/ de rnams ni de kho na nyid ma rtogs pa yin pa'i phyir ro/ /de yang/ gong ma gong ma'i khyad par gyis/ /rnal 'byor pa yang sun 'byin to zhes bya ba'i tshul gyis so/ /byang chub sems dpa' gzhan lta ci smos zhes bya ba ni byams pa la sogs pa bskal pa bzang po'i byang chub sems dpa' gzhan dag lta shin tu smos kyang ci dgos te/ chos 'di ni the tshom gyi rgyur gyur ba yin no zhes pa'o/ yang na dngos su de bzhin gshegs pa rnams kyi the tshom gyi rgyur gyur pa ma yin te/ 'on kyang chos nyid kyis shin tu zab par bstan pa'i mchog gi tshig 'di yin no/ /spyi tsam gyis dam pa ni ngo mtshar du gyur pa'o/ /mi srid par shes pa ni rmad du gyur pa'o/ /yang na ngo mtshar du gyur pa ni rgyu'o/ /rmad du gyur pa ni 'bras bu'o/ /de bzhin gshegs pa thams cad kyi byin gyis brlabs pa ni de kho na nyid mnyam pa'i snod du dung bar mdzad pa'o/ /gang gis zhe na/ de bzhin gshegs pa thams cad kyi ngo bo nyid kyi rdo rje ste/ rdo rje gang yin pa las byung ba'i dam tshig ni yongs su dag pa'i zla ba dang nyi ma dang chu dang sman la sogs pa'o/ /de las byung ba gang yin pa ste/ gang gi tsha mig gi dbang bskur ba la sogs pa la des rigs pa'i pad+ma'i khongs na gnas pa'i 'khor lo la dbang bskur ba la sogs pas slob ma rnam par sbyangs te/ snod du rung bar byas nas yang dag par bstan par bya'o/ zhes pa'i don to/ /'di ni dbang po'i rnal 'byor bstan pa'i gzhung yin no/ /da ni dkyil 'khor gyi mchog ston par byed pa dkyil 'khor 'byin pa ni de nas zhes bya ba la sogs pa tshig bdun pas ston te/ ye shes ni chos kyi dbyings kyi ye shes so/ /de nyid ni 'od gsal ba yin pas na sgrol ma'o/ /de nyid ni mi phyed pas rdo rjer gyur pa'i ting nge 'dzin rdo rje 'chang blta bu'i ting nge 'dzin de nyid la snyoms par zhugs pa'o/ /zhe sdang ni dgra bo'i rgyud dang de las yang dag par byung ral gri la sogs pa 'dzin pa'i mtshan nyid la khro bo zhes bya ba'i zhe sdang ba nyid ni khro bo ma yin te/ khro bar ma gyur kyang dgra bo'i rgyu srid pa'i phyir ro/ /de nyid ni rigs kyang yin zhing brtan pa'i bdag nyid can gyi mgon po ste/ de'i bdag nyid can gyi sngags so/ /de nyid ni grangs med pa'i rigs kyi bdag nyid can yin pas na mchog go / mi g.yo bas na snying po'o/ /'dod pa'i 'bras bu rab tu stsol ba nyid kyis na snying po'o/ /'di zhes bya ba ni 'og nas bshad pa'o/ /nyid kyi sku dang gsung dang thugs rdo rje las zhes bya ba ni khyad par med kyang yongs su gyur pa'i bye brag gis bstan pa'o/ /de nyid kyi phyir de nyid ces bya ba la sogs gsungs pa yin no/ /mi bskyod pa nyid phyag rgya chen pos rang snang ba'i rig pa dang yang dag par sbyor bas na phyag rgya chen por sbyor ba'o/ /de nyid dpag tu med pa'i sbrul gzugs kyi thabs kyi mchog gi 'jug pa'i mdzad pas khyab pa'i phyir te/ las yin yang gsum par byas so/ /nag po dang/ dkar po dang/ dmar po'i tshul du zhes bya ba la/ nag po ni rnam pa thams cad do/ /zhal g.yas pa ni dkar po'o/ /g.yon pa ni dmar ba'o/ /tshul 'dis na de nyid der bzhugs so zhes bya ba ste/ bdag nyid kyi nang du thim par gyur pa'o/ /'di dag thams cad ni cho ga 'di yis sems ni brtan po dang zhes bya ba nas dngos po thams cad kyis ni dbyung bar bya zhes bya ba'i bar kyi gzhung dang sbyar bar bya'o/ /de bzhin gshegs pa thams cad kyi dam tshig ni gzugs brnyan du shes pa 'byung zhing/ skye ba gang du rdo rje'i bdag nyid du gyur pa'i ting nge 'dzin me long lta bu'i tshul nyid du gyur pa de nyid la snyoms par zhugs te phyung ngo zhes bya bar sbyar ro/ /gti mug ni rnam pa gnyis te/ 'jig rten pa dang 'jig rten las 'das pa'o/ /de la 'jig rten pa ni mi shes pa'i mtshan nyid dang/ 'jig tshogs la lta ba'i mtshan nyid do/ /de'i gnyen po gnyis su med pa'i ye shes kyi ngo bo phyogs med par dngos po thams cad la bdag go zhes bya ba de lta bu'i tshul gyi nga rgyal ni gti mug chen po ste gnyis pa'o/ /de nyid ni rigs te zhes bya ba la sogs pa ni snga ma bzhin du sbyar bar bya'o/ /dkar po ni rnam pa thams cad mkhyen pa nyid do/ /zhal g.yas pa ni nag po'o/ /g.yon pa ni dmar po'o/ /de nyid kyis ni dzin dzi ni ki? ces bya ba dang/ sku rdo rje zhes bya ba la sogs pa'i tshigs su bcad pas bshad pa yin no/ /de bzhin gshegs pa thams cad kyi ngo bo nyid kyi rin po che ni mnyam pa nyid kyi ye shes so/ /de'i 'byung ba ni dngos po ma lus pa las skyes pa'o/ /de nyid ni mi phyed pa'i dpal yin pas na/ rdo rje dpal te/ ting nge 'dzin gang la bsam pa thams cad rdzogs par byed par 'gyur ba ming de skad ces bya ba'i ting nge 'dzin la snyoms par zhugs pa'o/ /nor bu yid bzhin nyid rigs yin no zhes bya ba la sogs pa ni snga ma dang 'dra'o/ /ser po ni rnam pa thams cad do/ /zhal g.yon pa ni dkar po'o/ /g.yas pa ni nag po'o/ /de nyid kyis na ratna d+h+raka ces bya ba la sogs pa'i tshigs su bcad pa smos pa yin no/ /de bzhin gshegs pa thams cad nyid 'dod chags chen po ste/ phyogs med pa can yin pa'i phyir ro/ /de'i 'byung ba ni skye ba ste/ so sor rtogs pa'i rnam pa'o/ /de nyid ni mi phyed par ting nge 'dzin gang du gyur pa de la snyoms par zhugs nas ye shes snga ma bzhin du sbyar bar bya'o/ /pad+ma rnam par dag pa ni 'dir 'dod chags te/ nge nyid ni rigs so zhes bya ba la sogs pa ni snga ma dang 'dra'o/ /sems can gyi don la so sor rtog cing gzigs pas na 'jig rten te/ de la dbang phyug tu gyur pa'o/ /de nyid na rig pa'i bdag po chen po ste/ 'od dpag tu med pa'o/ /de nyid ni phyag rgya chen par sbyor ba'o/ /de nyid ni thabs kyi mchog ste/ snga ma dang 'dra'o/ /dmar po ni rnam pa thams cad do/ /zhal g.yon pa ni dkar po'o/ /g.yas pa ni nag po'o/ /de nyid kyis na a ro lig ces bya ba la sogs pa'i tshigs su bcad pa smos pa yin no/ /phrag dog la spyod pa rnams la de rnam par dag pa'i thabs bstan pa'i phyir/ dam tshig gis snying rje chen pos bskyed pa'i phrag dog gis dgug pa mdzad nas nyams su blangs pa'i ngo bo nyid do/ /de nyid ni rigs so zhes bya ba la sogs pa ni sngar bshad pa dang 'dra'o/ /ljang gu ni rnam pa thams cad do/ /zhal g.yas pa ni dkar po'o/ /g.yon pa ni nag po'o/ /de nyid kyis na badz+nyA d+hIka ces bya ba dang/ zhes bya ba la sogs pa'i tshigs su bcad pa smos pa yin no/ /ral pa thor tshugs 'chad pa'i lha zhes bya ba la sogs pa 'og nas bshad pa'i gzhung bstan pas/ ral pa cod pan mdzes dang sna tshogs pa'i zhes bya ba la sogs pa'i don bshad pa yin te/ de bzhin gshegs pa rnams la ci rigs par sbyar bar bya'o/ /yongs su gyur pa'i dbye ba rnam par dag pa las/ rigs kyi dbye ba bstan pa'i phyir/ zhe sdang zhes bya ba la sogs pa gsungs te/ 'dod chags dang zhe sdang dang gti mug dang ldan pa'i sems ni 'di ni 'dod pa zhes bya ste/ de rnam par dag pas grol ba yin te/ 'di'i bdag nyid can gyi mi gnas pa rab tu sgrub par byed pa'o/ /don ni 'di yin te/ rigs lnga po 'di dag ni shes rab dang thabs kyi bdag nyid can te/ chos thams cad mnyam pa nyid kyi 'dod chags la sogs pa dang ldan pa'i sems kyis bsgom par gyur na/ sangs rgyas nyid la sogs pa'i 'bras bu rdzogs par byed yin no/ /da ni lha mo rnams kyi gdon pa bstan pa'i phyir/ de nas zhes bya ba la sogs pa gsungs te/ de bzhin gshegs pa thams cad nyid ni rdo rje 'dzin pa ste/ mi bskyod pa'o/ /de nyid ni mA ma kI la rjes su mnyes pas mnyes pa zhes pa'o/ /de nyid ni 'da' bar bya ba ma yin pas na dam tshig ste/ ting nge 'dzin la snyoms par zhugs nas so/ /rdo rje 'dzin thams cad ni mi bskyod pa'o/ /de'i phun sum tshogs pa'i mchog gi rgyur gyur pa'i btsun mo'i mchog ni mA ma kI ste de phyung ngo/ /zhes pa'o/ /mi bskyod pa rjes su mnyes pa'i ting nge 'dzin las byung bsam/ mi bskyod pa'i rigs dang 'brel pa ni mA ma kI ste/ rigs kyi rnam par bzhag pa 'di lta bu ni gzhan dag la yang sbyar bar bya'o/ /'di rnams zhes bya ba ni sngags kyi bdag nyid can mA ma kI phyung ba'o/ /de nyid ces bya ba la sogs pa ni snga ma dang 'dra'o/ /shar phyogs kyi grwar zhes bya ba ni pad+ma'i nang na mtshams gang du mA ma kI bzhugs de nyid kyi mtshams su bzhugs pa ste/ de yang bden brel gyi mtshams nyid yin no/ /la las lho phyogs kyi mtshams su zhes smos pa ni go sla ba nyid yin te/ de nyid kyis na bden bral mtshams su bsam zhes bya ba smos pa yin no/ /de bzhin gshegs pa thams cad ni rnam par snang mdzad/ de ni spyan la rjes su mnyes par byed pa yin te/ de nyid mi phyed par gang du gyur pa'i me long lnga bur de nyid la ting nge 'dzin du mdzad pa ste/ bshad zin to/ /de bzhin gshegs pa thams cad ni rnam par snang mdzad de de'i btsun mo'i mchog ces bya ba la sogs pa ni snga ma dang 'dra'o/ /lho phyogs kyi grwar zhes bya ba ni me'i mtshams so/ /de nyid kyis na mo ha ra ti zhes pas lha mo spyan zhes bya ba la sogs pa smos pa yin no/ /de bzhin gshegs pa thams cad kyi 'dod chags 'dzin pa rjes su mnyes par byed pa rdo rje zhes bya ba ni 'od dpag tu med pa'o/ /nub phyogs kyi grwar zhes bya ba ni rlung gri mtshams su'o/ /de nyid kyis na rA ga ra ti zhes bya ba la sogs pa yin no/ /de bzhin gshegs pa thams cad kyi sku dang gsung dang thugs zhes pa ni gdon mi za bar grub pa ste/ de'i sgrol mas rang gi bdag por nang du chud pas bskyed pa'i phrag dog gi ngo bo nyid kyi 'khor lo'i gtso bos phyi dang gsang ba'i mchod pa rnams kyis khyad par du gsal bar byed pa'i ting nge 'dzin gang du rdo rje ltar mi phyed bar gyur pa de la snyoms par zhugs pa'o/ /de bzhin du ting nge 'dzin snga ma rnams la yang ci rig par sbyar bar bya'o/ /yang na gang de bzhin gshegs pa thams cad kyi sku dang gsung dang thugs de rnams kyi slu ba ni dmigs su med pa'o/ /yang na gang bdag nyid kyis 'gro ba rnams kyis don bya'i/ gzhan dag gis ni ma yin no zhes phrag dog rnam par dag pa'i ngo bo rnam pa thams cad du bya ba sgrub pa'i ye shes kyi rang bzhin no/ /de nyid ni rdo rje dang 'dra bar gang du gyur pa'i ting nge 'dzin gdon mi za bar grub pa'i bdag nyid can la de skad ces bya ste de la snyoms par zhugs zhes bya ba ni bshad zin no/ /byang phyogs kyi grwar zhes bya ba ni dbang ldan gyi phyogs su ste/ badzra ra tis rab bskul zhes pa la sogs pa smos pa yin no/ /lag tu 'khor lo bsgom par bya zhes bya ba la sogs pa le'u bcu gsum pa las gsungs pa'i cho ga bstan pa'i phyir/ 'khor lo bzang dang autpal dmar po zhes bya ba la sogs pas bshad pa rnams ni phyag mtshan gyi gtso bo la sogs pa'i nges pa yin te/ 'di rnams dang ci rigs par sbyar bar bya'o/ /de bzhin gshegs pa thams cad nyid ni btsun mo'i mchog yin pa'am/ de rnams kyis btsun mo'i mchog ste/ de'i bdag nyid can gyi phun sum tshogs pa'o/ /de bzhin gshegs pa thams cad kyi btsun mo'i mchog nyid du gyur pa'i lha mo 'di rnams kyang mchod pa'i dkyil 'khor gyi bdag po la sogs par shes par bya ste/ gang sku'i ngo bo nyid kyis sku zhes bya ba la sogs pa 'og nas bshad pa yin gyi/ dkyil 'khor gyi sa la sogs pa rnam par dag pa'i btsun mo nyid du ni ma yin te/ rnam par dag pa dang 'gal bar thal bar 'gyur ro/ /de nas zhes bya ba la sogs bas ni bgegs 'joms par byed pa'i sgo srungs gdon pa gsungs pa yin te/ de bzhin gshegs pa thams cad ni rnam par snang mdzad de de'i dkyil 'khor ni sku'i dkyil 'khor ro/ /de byin gyis rlob pa ni dgug pa'i las kyis byang chub bskyed pa la chags par gang gis byed pa de la de skad ces bya ste/ khro bo zhes bya ba la sogs pa ni go sla'o/ /sku dang gsung dang thugs kyi chos rtogs par bya ba'i tshul rnam pa sna tshogs pa dang/ gcig pa la sogs pa dang bral bar dran pa de la nye bar 'jog cing/ de rnams la dad pa rnam par dag pa rten pa po'i tshul ni gshin rje mthar byed ces bya'o/ /de bzhin gshegs pa thams cad ni rnam par snang mdzad de/ de nyid ni le lo can gyi gdul bya'i sems can rnams gdul pa'i dbang gis bsnyengs par bya'o/ /des na shar phyogs kyi sgor zhes bya ba ni sku gsung thugs kyi chos rnams la/ gcig dang du ma la sogs bral ba/ /de dran der ni dad pa gang/ /shar gyi sgor ni rtogs byar 'dod ces bya'o/ /de nyid kyis na ya man+ta krita ces bya ba gshin rje gshed ces bya ba la sogs pa'i tshigs su bcad pa gnyis smras pa yin no/ /de bzhin gshegs pa thams cad kyi mngon par byang chub pa ni chos kyi dbyings kyi ye shes te/ de'i rang gi ngo bo nyid gnas pa'i rgyu'o/ /de nyid kyis na de bzhin gshegs pa thams cad kyi rang gi rigs kyi bdag po ni mi bskyod pa ste/ de'i ting nge 'dzin gang du mngon par rdzogs par byang chub pa mi bskyod pa lta bu de nyid snyoms par zhugs pa'o/ /de bzhin gshegs pa thams cad ni mi bskyod pa? ste/ de'i dkyil 'khor ni thugs kyi dkyil 'khor ro/ /de byin gyis rlob pa ni 'jug pa'i las kyis so/ /lhag ma rnams ni snga ma dang 'dra'o/ /dngos po phyung ba'i phyin ci log gis bag chags bcom pa dang mi skye ba'i bya pa'i phyir dang ma byung ba'i re kho na nyid kyi bag chags bskyed pa dang gnas par bya ba'i phyir/ brtson 'grus rnam pa bzhi ste/ de yang dge ba dang mi dge ba'i chos rnams la spel pa dang/ sba bar spro bar bya'o/ /de rnam par dag pa rten pa po'i ngo bo ster shes rab mthar byed do/ / rdo rje dam tshig ni mi bskyod pa ste/ de nyid ni snga ma bzhin bsnyengs par byed pa'o/ /des na lho phyogs kyi sgor zhes bya ba ni byung dang 'byung 'gyur zhes bya ba la sogs pas brtson 'grus bzhi bshad pa'i rten du gyur pa ni lho phyogs kyi sgo ste/ thar pa'i sgor 'jug par ngos pa nyid ces bya ba'i don to/ /de bas na pradz+nyAn+ta krita ces bya ba bla med 'od ces bya ba la sogs pa smos pa yin no/ /de bzhin gshegs pa thams cad ni mi bskyod pa la sogs pa ste/ de'i ngo bo nyid kyi chos ni rdo rje chos so/ / de nyid ni rin po che ste mngon par shes pa la sogs pa yon tan rnams kyi 'byung gnas su gyur pa'i ting nge 'dzin gang yin pa de la 'od dpag tu med pa lta bur snyoms par 'jug pa'o/ /de bzhin gshegs pa thams cad kyi 'dod chags 'chang ba ni 'od dpag tu med pa ste/ de'i dkyil 'khor ni gsung gi dkyil 'khor ro/ /de'i byin gyis brlabs pa ni dgug pa dang gzhug pa'i sems can gyi khams rnams kyang rang gi gnas nas mi 'gro bar mngon par zhen pas 'jug pa'i phyir 'ching ba'i las can gyi ste/ lhag ma rnams ni snga ma dang 'dra'o/ /phung po lnga po la gzung ba dang 'dzin pa'i nus pa'i dbye ba dang bral ba'i tshig ma yin pa'i bdag nyid can yin pas na/ 'dun pa dang spro ba la gnas pa'i blo gros ni rdzu 'phrul gyi rkang pa ste/ mngon par shes pa la sogs pa'i yon tan rdzogs pa ni rdzu 'phrul lo/ /de'i rkang pa ni rgyu rnams so/ /de rnams la 'dun pa la sogs pas dmigs par byed pa la mi brjed pa'i mtshan nyid can gyi dran pa dang brtson 'grus rtsom pa la nye bar gnas shing/ dmigs pa brjed pa'i gnyen po la kun tu spyod pas 'dun pa med pa la sogs pa rnam par 'jig par 'gyur ro/ /de yang dran pa dang 'dun pa la sogs pa'i yul rnams kyi chos bkag pas bslad ba'i rten pa po'i ngo bo ni pad+ma ste/ de nyid ni 'dun pa med pa la sogs pa mthar byed pa yin no/ /de bzhin gshegs pa thams cad kyi gsung ni 'od dpag tu med pa ste/ de lta bu'i tshul du nub phyogs kyi sgor zhes bya ba 'dun pa sogs pa'i yul la dran pa'i rten du gyur pa ni nub kyi sgo yin te/ der zhes bya ba'i don to/ /de bas padmAn+ta krita ces bya ba la sogs pa tshigs su bcad pa gnyis smos pa yin no/ /de bzhin gshegs pa thams cad nyid ni sku dang gsung thugs te/ chos kyi dbyings kyi ye shes so/ /de nyid ni mi phyed pa'i ting nge 'dzin gang yin pa de la mi bskyed pa lta bur snyoms par zhugs pa'o/ /de bzhin gshegs pa thams cad ni rnam par snang mdzad la sogs pa ste/ de rnams kyi sku la sogs pa'i dkyil 'khor ro/ /de rnams kyi byin gyis brlob pa ni dgug pa dang gzhug pa dang/ bcing bas le lo la mngon par zhen pa'i sems can gyis khams rnams la dga' ba'i bya bas byin gyis rlob ba'o/ /lhag ma ni snga ma dang 'dra'o/ /rnam par mi rtogs pa'i sngar bshad pa'i dngos po rnams la ting nge 'dzin sems rtse gcig pa'i mtshan nyid can gyi sems rab tu dang ba la spro bas dmigs shing/ brjod pa med pas yongs su bskor ba'i chos rab tu rnam par byed pa mngon sum du byed pa'i stobs dang ldan pa'i rten pa po'o/ /ma dad pa la sogs pa'i bgegs rnams mthar byed pas na/ bgegs mthar byed do/ /byang gi sgor zhes bya ba ni ma dad pa la sogs pa'i bgegs rnams mthar byed pa'i ting nge 'dzin stobs dang ldan pa'i rten du gyur pa'i sgo ste/ der bzhugs zhes bya ba'i don to/ /de bas big+h+nAn+ta krita ces bya ba la sogs pa smos pa yin no/ /rnam par snang mdzad thugs gtso 'od dpag med ces bya ba la sogs pa'i tshigs su bcad pas na dbang bskur bshad pa yin te/ rtsa ba'i phyag mtshan la sogs pa'i nges pa yang/ bri ba'i dkyil 'khor gyi rje su 'brangs nas/ khro bo rnams la ci rigs par sbyar bar bya'o/ /de bzhin gshegs pa thams cad kyi sku gtso bor gyur pa'i dkyil 'khor ni sku'i dkyil 'khor ro/ /gsung gi dkyil 'khor dang/ thugs kyi dkyil 'khor yang de bzhin du shes par bya'o/ /dkyil 'khor de rnams mnyes par byed pa'i phyir thun mong gi dam tshig sems dpa' ni bgegs mthar byed do/ / cig shos dag kyang rang rang gi dkyil 'khor mnyes par byed pa'i phyir dam tshig sems dpar 'gyur mod kyi/ 'on kyang dang pa la sogs pa'i dbang po mnyam pa med pa'i ting nge 'dzin las yang dag par byung ba'i mnyes pa ni gshin rje gshed la sogs pa la thogs pa yong pa ma yin te/ gang gi phyir dang pas bkug la dad pa dang ldan pa ni brtson 'grus rtsom mo/ /brtson 'grus rtsom pa rnams ni dran pa nye bar 'jog go /dran pa 'jog pa rnams ni dgug pa la sems mnyam par 'jog go / mnyam par 'jog pa'i sems kyis ni yang dag pa ji lta ba bzhin du rab tu shes te/ dbang po rnams kyi rim pa 'di ni gshin rje gshed la sogs pa la mtshungs pa nyid yin no/ / de ltar na bzhi po ni dam tshig gi sems dpa' yin no/ /de ltar khro bo rnams kyi 'khor phun sum tshogs pa mnga' ba yin pas na/ 'dir rnam par dag pa bshad pa yin no/ /de bzhin gshegs pa rnams dang/ lha mo rnams kyi 'khor rnams kyi rnam par dag pa ni sngar bshad pa nyid yin no/ /gngon pa'i sngags de rnams kyi bshad pa ni bshad pa las gsal ba nyid du 'byung ba yin no/ /de bzhin gshegs pa thams cad kyi sku dang gsung dang thugs kyi bdag nyid can gyi gsang ba ni rdo rje 'chad ba'o/ /de bas na gsang ba yang yin la 'dus pa yang yin te/ tshogs par bshad pa'o/ /de bzhin gshegs pa thams cad kyi ting nge 'dzin gyi dkyil 'khor de'i byin gyis brlabs pa ste/ de ston par byed pa'i le'u'i gzhung rdzogs so// // le'u dang po'i 'grel pa'o/ / //da ni de nas zhes bya ba la sogs pas gnyis pa don dam pa'i byang chub kyi sems kyi le'u ston te/ sku dang gsung dang thugs kyi zhes bya ba ni sprul pa dang/ longs spyod rdzogs pa dang/ chos kyi sku'i ngo bo nyid do/ /de nyid kyi mchog go /de nyid ni de bzhin gshegs pa kun gyi gsang ba'o/ /de ci zhig ce na/ bla na med pa'i byang chub sems zhes bya ba ste/ 'di las gong na med pas na bla na med pa'o/ /'dir 'og nas byang chub kyi bdag nyid can gyi sems bya ba man chad 'dir 'ong/ de yang rigs bas dmigs su med pa yin te/ de ni ngo bo nyid gcig pa gnyis su med pa'i tshul nyid dmigs su med do zhes bya bar dgongs so/ /de ltar na 'di ni rdo rje sems dpa' i byang chub kyi sems gsungs pa yin no/ /da ni de nas zhes bya ba la sogs pas 'byin pa'i rim pa bor te/ sems lus lta bu dang zhes bya ba'i nye ba'i rim pa 'di nyid la brten nas/ /thugs kyi 'og tu sku'i ngo bo nyid rnam par snang mdzad kyi byang chub kyi sems gsungs pa yin no/ /de bzhin gshegs pa thams cad gang du mngon par rtogs shing snang ba'i rdo rje'i bdag nyid can du gyur pa'i ting nge 'dzin de la snyoms par zhugs pa ste/ me long lta bu zhes bya ba'i don to/ /dngos po thams cad ces bya ba ni gzugs la sogs pa ste/ de dang bral zhing gzugs kyi phung po dang/ khams dang skye mched rnams ni me long lta bu dang gzung dang 'dzin pa rnams spangs pa zhes bya ba gnyigs bdag med par bshad pa yin no/ /de nyid gsal bar bya ba'i phyir chos la bdag med mnyam nyid pas zhes bya ba gsungs pa yin no/ /rang sems zhes bya ba ni khyad par gzhan yang gsungs pa yin no/ /gzod nas ma skyes pa zhes bya ni gdod ma nyid nas brtags pa'i rnam par ma skyes pa'o/ /stong pa nyid kyi rang bzhin no zhes bya ba ni de nyid brtan par byas pa yin no/ /da ni de nas zhes bya ba la sogs pas bskyod pa'i byang chub kyi sems gsungs pa yin te/ de bzhin gshegs pa thams cad zad par mi 'gyur zhing/ nyams par mi 'gyur la/ chos kyi dbyings kyi ye shes kyi bdag nyid gang du mi phyed pa'i gzugs su bzhugs pa de ni mi bskyod pa lta bu nyid kyi ting nge 'dzin to zhes don gyi bshad pa'o/ /dngos po 'di rnams zhes bya ba ni phyi dang nang gi bdag nyid can gyi dngos po rnams so/ /ma skyes pas zhes bya ba ni dngos po med pa'o/ /rang gi mtshan nyid 'dzin pas na chos so/ /de med pas na chos nyid med pa'o/ /de lta na ni med pa'i stong pa nyid du thal bar 'gyur zhe na/ nam mkha' lta bur bdag med pa zhes bya ba gsungs to/ dmigs su med pa'i ye shes tsam zhes bya ba'i ngon to/ /rin chen 'byung ldan gyi byang chub kyi tshul gsungs pa/ de bzhin gshegs pa thams cad kyi bdag med pa nyid rdo rje ste/ mnyam pa nyid kyi rnam pa ste/ de skad ces bya ba'i ting nge 'dzin la zhes bya ba'i don to/ /chos rnams thams cad dngos med cing zhes bya ba ni zhes bya ba'i tshul gyis so/ /chos kyi mtshan ni gang gi phyir chos rnams kyi mtshan nyid gzugs ni gzugs su rung ba'o/ /zhes bya ba la sogs pa ste/ de rnam par spangs pa'o/ /de yang bya ba dang ni nyer 'dren kun/ /yung po la sogs khyad par du/ /mtshan nyid de yang de nyid de/ /des na 'di yang mtshan nyid bral zhes bshad pa'o/ /de nyid kyis na bdag med chos las te/ chos rnams bdag med pa ma yin par dgag pa la brten pa'i mnyam pa nyid kyi sems las kun tu byung ba ste/ de rnams kyi rang gi ngo bo nyid ces bya ba'i don to/ /'od dpag tu med pa'i byang chub kyi sems gsungs pa/ ye shes nyid 'od zer yin te/ nges na sems can gyi don la so sor rtog pas na sgron pa'o?/ /de nyid rdo rje ltar gnyis su med pa'i gzugs can yin pa'i ting nge 'dzin gang yin pa de ni tshe dpag med lta bur zhes bya ba'i don to/ /ma skyes pa ste bem po'i chos rnams la ngo bo med pa zhes pa btags pa'i dngos ba med cing de la sgom pa yang med pa'o/ /'o na da ltar ci zhig yod ce na/ nam mkha' i tshul du sbyor ba yis zhes bya ba gsungs te/ dmigs su med pa'i ye shes kyi tshul gyis so/ /de ltar sngar bshad pa'i dngos po ste/ gnyis su med pa'i rang bzhin du rab tu bsgrags shing/ so sor rtog go zhes pa'o/ /gdon mi za bar grub pa'i byang chub kyi tshul gsungs pa/ de bzhin gshegs pa thams cad zil gyis gnon pa ni bdag nyid kyis sems can gyi don bya'o zhes brag dog rnam par dag pa'i ngo bo bya ba bsgrub pa'o/ /de nyid ni rdo rje ste/ gnyis su med pa'i bdag nyid can yin te/ de skad ces bya ba'i ting nge 'dzin la zhes bya bar sbyar ro/ /chos rnams rang bzhin 'od gsal ba zhes bya ba ni sems kyi rang bzhin no/ /gzod nas dag pa zhes bya ba ni bya ba bsgrub pa'i ye shes kyi rang gi ngo bos gdong ma nyid nas ngag pa yin gyi/ da ltar ni ma yin no/ /de nyid kyis na ston pas sems can thams cad ni de bzhin gshegs pa'i snying po can zhes gsungs pa yin no/ /nam mkha' bzhin bya ba ni dmigs su med pa'o/ /byang chub med cing zhes bya ba ni 'ing las tha mi dang ba'o/ /mngon par rtogs pa med ces bya ba ni la ma tha dad par gyur pa yang yong pa ma yin te/ byang chub dang lam gnyi ga yang nge'i ngo bo nyid yin pa'i phyir ro/ /de lta mod kyi goms par bslabs pa'i gnas skabs su mi gsal ba nyid kyis na gnyis su med pa'i ye shes nge la lam gyi bden pa zhes bshad la/ gsal ba'i gnas skabs su ni 'bras bu zhas bya'o/ /de nyid kyis na 'dir zhi ba dang srid pa'i ngo bo 'dir/ chos nyid kyis na dbye ba 'ga' yang mer ces bya ba la sogs pa'i tshigs su bcad pa smos pa yin no/ /de nas zhes bya ba la sogs pas ni ngo mtshar du gyur pa sngon du 'gro ba'i chad du brjod pa'i thabs kyis sngar bshad pa'i don ston pa yin te/ e ma'o sangs rgyas zhes bya ba ni kun tu bzang po dang/ byang chub kyi sems gnyis tha mi dang bas de la phyag 'tshal ba gsungs pa yin no/ /de bzhin du 'di'i 'og ma rnams la yang byang chub kyi sems dang tha mi dang par shes par bya'o/ /byang chub sems ni rab bskor ba zhes bya ba ni 'og nas gdul bya'i dbang gis bya ba 'dir 'ong/ byang chub kyi bdag nyid can gyi sems yin pas na byang chub sems so/ /snying po zhes bya ba ni nye bar blang bar bya'o/ /gsol ba btab pa'i rjes thogs nyid la lags so zhes par bstan pa ni byang chub sems dpa' thams cad kyi zhes bya ba la sogs gsungs pa yin te/ yongs su rtogs pa zhes bya ba ni kun nas 'dri ba'i bsam pa'o/ /thugs kyis mkhyen nas zhes bya ba ni dag pa 'jig rten pa'i ye shes nyid kyis so/ /sems lus lta bu dang zhes bya ba ni brtags pa'i rnam pa'i sems dgag pa'o/ /lus sems lta bu dang/ zhes bya ba ni brtags pa'i bem po'i lus dgag ba ste/ 'dis ni sems dang lus khyad par med par bshad pa yin no/ /sems tshig tu brjod pa zhes bya ba la sogs pas ni ngag dang sems kyang khyad par med par gsungs pa yin no/ /de ltar na de ni khams gsum po rnam pa bcas pa ni shes pa tsam gyi ngo bo nyid yin no zhes ston pa yin no/ /da ni de nas zhes bya ba la sogs pas nyan pa po de rnams dngos po'i ngo bo nyid ci ltar gnas pa bzhin du de nyid rjes su brjod pa yin par sdud par byed pas smras pa yin te/ de bzhin gshegs pa thams cad kyi ngo bo nyid kyi sku dang gsung dang thugs nam mkha' lta bur zhes bya ba gnyis su med pa'i ye shes kyi tshul du yang dag par sbyar nas/ ched du brjod pa zhes bya ba ched kar brjod pa brjod do zhes bya ba smras so zhes bya ba'i don to / de gang zhig yin zhe na/ e ma'o zhes bya ba la sogs pa gsungs te/ brtags pa'i rnam pa med pa la sogs pa gang yin pa de'i skye ba med pa'i tshul gyis na dngos po gnas par gyur pa ni ma yin te/ rnam pa sna tshogs pa skye ba'i de ni rab tu bsgrags shing bshad do zhes bya ba'i don to/ /de ltar na 'dis ni chos nyid kyis spyir byang chub kyi sems bshad nas/ de nas zhes bya ba la sogs pas sangs rgyas drug po'i byang chub kyi sems re re nas gsungs pa yin te/ de bzhin gshegs pa thams cad kyi mngon par rdzogs par byang chub pa'i tshul ting nge 'dzin gang du rdo rje dang 'dra bar gyur pa de la rdo rje 'chang ba lta bu nyid du snyems par zhugs so zhes bya bar sbyar ro/ /dngos po med pa zhes bya ba ni med par dgag pa'i tshul du bsgoms pa rnams kyi dngos po med pa'o/ /de ni gzung ba la sogs pa'i tshul du rnam par brtags pa'i bsgom pa de yang bsgom pa ma yin te/ yang dag pa ma yin pa la mngon par zhen pa yin pa'i phyir ro/ /de ltar zhes pa'i phyir dngos po de nyid yang dag par rig pa yin par bshad pas dngos po med par gyur te/ brtags pa ni dngos po med pa yin pa'i phyir ro/ /ma yin par dgag pa la brten pas ni de las kyang yang dag par rig par bshad pa don dam par spong ba las gang tha dad par gyur pa'i bsgom pa po'i bya bar mngon par 'dod pa ni bsgom pa yin la/ gdul bya'i dbang gis dag pa 'jig rten pa'i ye shes kyi tshul gyis so/ /de la le'u 'di'i don nyid ni snying rjes 'jig rten 'di ni ma lus pa zhes bya ba la sogs pa'i tshigs su bcang pa gnyis kyis pa bshad pa yin no/ /le'u gnyis pa'i 'grel pa'o// // de nas zhes bya ba la sogs pas ni le'u gsum pa gsungs pa yin te/ lcde bzhin gshegs pa thams cad kyi 'phro ba nyid rlan dang bcas pa nyid yin pas na sprin no/ /de'i bkod pa ni tshogs so/ /de nyid ni rdo rje zhes pa/ rdo rje sems dpa' ste ting nge 'dzin nge la zhes bya ba'i don to/ /byang chub kyi sems bsgom pa byin gyis rlob pa'i gsang sngags gsungs pa ni aoM zhes bya ba la sogs pa ste/ aoM zhes bya ba ni lha'i sku'o shU n+ya tA ni stong pa nyid do/ /de nyid ni dz+nyA na ste ye shes so/ /de nyid ni badzra ste rdo rje yin no/ /swa b+ha ba At+ma ko haM zhes bya ba ni de'i ngo bo nyid kyi bdag nyid can ni bdag go zhes bya ba'o/ /de yang dngos las stong pa gzhan ma yin/ /de med par yang dngos po med ces slob dpon klu sgrub kyi ji skad bshad pa lta bu'o / gzhi'i dkyil 'khor bstan pa ni nam mkha' i dbyings zhes bya ba ste chos 'byung ba'o/ /de'i dbus gnas par/ sangs rgyas dkyil 'khor zhes bya ba ni yi ge b+hUM gi 'khor lo las byung ba'i rin po che'i cod pan gyis rnam par snang mdzad yongs su gyur pa'i dkyil 'khor ro/ /de yang b+hUM gi 'khor lo las byung rigs bcas pa'i/ rnam par snang mdzad yan lag las yang dag byung zhes ji skad bshad pa'o/ /sangs rgyas nyid 'bar ba ste/ de dang mnyam pa'i 'od zer mda' ba gang yin pa de la de skad ces bya'o/ /de nyid kyis na 'od zer sna lngas kun du khyab ces bya'o/ /de yang thub dbang 'od kyi dkyil 'khor sna tshogs pa'i/ /zer gyis phyogs tshogs ma lus kun tu khyab ces ji skad bshad pa'o/ /kun nas yongs su zlum por te zhes bya ba ni phyi dang nang zlum po ste/ dbus su zur bzhi pa nyid yin no/ /'dod par bya ba yin pas na 'dod pa'o/ /de nyid ni rnam par dag pa nyid kyi tshul gyis goms shing brlab par bya ba yin pas na yon tan no/ /lnga ni gzugs la sogs pa ste des khyab pa'o/ /mchod pa rnam pa lnga ni lha bshos la sogs pa ste/ de rnams kyis brgyan pa'o/ /de'i phyir gzugs la sogs pa yul rnams rnam par dag pa ni zhes bya ba la sogs pa'i tshigs su bcad pa smos pa yin no/ /da ni mdor na de ltar zhes bya ba la sogs pas de bzhin gshegs pa drug po'i sku mdog la sogs pa gsungs pa yin te/ gzugs zhes bya ba ni sangs rgyas kyi sku'o/ /dbus su zhes bya ba ni dbus ma'i gdan la'o/ /bsgom par bya zhes bya ba ni yid kyis sam/ rdul tshon gyis so/ /phyag rgya chen po zhes bya ba ni lha'i sku'o/ /sku gsung thugs kyis mtshan pa'o zhes bya ba ni de rnams kyis byin gyis brlabs pa'o/ /de dag ni 'di'i 'og ma rnams la shes par bya'o/ /sku gsung thugs kyi rdo rje zhes bya ba ni rdo rje 'chang ba'i 'o/ /phyag rgya zhes bya ba ni sku mdog la sogs pa dang ldan pa'i phyag rgya chen po'o/ /lam zhes bya'i sgra ni phyag mtshan gyis phyag rgya 'am rdul tshon gang la yang rung ba bsgom par bya'o/ /'di dag kyang gong ma dang 'og ma gnyis ka la sbyar bar bya'o/ /tshogs gnyis dang ldan pa yis zhes bya ba ni ye shes dang bsod nams kyi tshogs rnam par dag pa'i ngo bo lha mo dang lha phor snang ba'i yang dag pa'i sbyor ba dang spun? pa yis so/ /'di yang gong ma dang 'og ma gnyis la yang sbyar bar shes par bya'o/ /'dir ni rnam par snang mdzad dang/ mi bskyod pa gnyis nye bar gyur pa dang ldan pa ni rdo rje 'chang rnam par snang mdzad kyi sku mdog dang/ mi bskyod pa'i phyig mtshan dang ldan pa'o zhes shes par bya ba'i phyir ro/ /de gnyis kyis na 'di'i 'og nas 'di'i sku mdog la sogs pa mi ston to/ /ain+d+ra nI la'i kha dog 'dra zhes bya pa ni mi bskyod pa'i sku dang rtsa ba'i zhal ni sngon por bsgom par bya'o zhes bya ba'i don to/ /shel dang zhes bya ba la sogs pas ni rnam par snang mdzad kyi sku mdog la sogs pa ston pa yin no/ /thor tshugs cod pan gyis brgyan pa zhes bya ba ni thams cad la sbyar bar bya ste/ ral pa'i cod pan mdzad dang zhes bya ba la sogs pa thams cad smos pa lta bu'o/ /'dzam bu chu bo'i zhes bya ba la sogs pas ni rin chen dpal gyi sku mdog la sogs pa gsungs pa yin no/ /rdo rje chen po zhes bya ba ni bri ba'i dkyil 'khor gyi rjes su 'brangs pas rin po che ma ra ka ta nyid gzung bar bya'o/ /de nyid kyis na ma ra ka ta zhes bya ba la sogs pa gsungs pa yin no/ /pad+ma rA ga zhes bya ba la sogs pas ni 'od dpag tu med par sku mdog la sogs pa gsungs pa yin no/ /'od zer sna lnga zhes bya ba la sogs pas ni gdon mi za bar grub pa'i sku mdog la sogs pa gsungs pa yin no/ /da ni de nas zhes bya ba la sogs pas rdzogs pa'i lha rnams byin gyis brlabs pa'i sngags gsungs pa yin te/ chos rnams kyi dbyings ni ma lus te/ rang bzhin gyis 'od gsal ba'i stong nyid yin la/ de'i ngo bo nyid kyi ting nge 'dzin la snyoms par zhugs so zhes bya bar sbyor ro/ /de yang gzung 'dzin la sogs pa rnam bral bas zhes bya ba la sogs pa smos pa yin no/ /da ni rin chen kha dog sna lnga pa zhes bya ba la sogs pas sems nye bar g.yeng bzhi par bya ba'i phyir/ phra mo'i rnal 'byor bsgom pa gsungs pa yin te/ rin chen zhes bya ba ni rang gi lha'i mtshan ma'i rin po che'o/ /sna'i rtse mo zhes bya ba ni lha mo'i gsang ba'i chu skyes kyi sna rtse'o/ /rtag par zhes bya ba ni ci srid sems rtse gcig bar gyur gyi bar du'o/ /brtan par red nas zhes bya ba ni brtan pa'i mtshan ma shes nas legs par rin po che'i mtshan ma sbro bar bya'o/ /spro ba'i mtshan ma bstan pa'i phyir sangs rgyas 'bar ba zhes bya ba la sogs pa smos pa yin te/ sangs rgyas kyi sbrin spro bar bya'o zhes bya ba'i don to/ /rin po che'i mtshan ma 'ba' zhig tu ma zad kyi mtshan ma gzhan dang gzhan dag kyang spro bar bya'o zhes bstan pa'i phyir/ 'khor lo rdo rje zhes bya ba la sogs pa smos te/ ral gri 'jon pa'i phyag mtshan ni na ral gri'o/ /spro ba'i bdag nyid can gyis zhes bya ba ni de dag dbyer mi phyed pa'i blo yod pas so/ /yang na sngar gyi phyag mtshan thams cad kyang mchog tu gyur pa yin pas na rin po che zhes bya la/ de las kyang brtan par byas nas mtshan ma lnga po nyid spro bar bya'o zhes bshad pa'i phyir/ 'khor lo rdo rje zhes bya ba la sogs pa gsungs so/ /'dir yang mdzod 'dzin ni rin po che'o/ /mtshon cha ni ral gri'o/ /don 'dis na yang na/ rang gi mtshan ma phra mo ni zhes pa la sogs tshigs bcad gnyis smos pa yin no/ /da ni nam mkha' i dbyings zhes bya ba la sogs pas sangs rgyas rnams kyi gdan gsungs pa yin te/ chos 'byung ba'i nang du chud pa'i khang pa brtseg ma'i dbus na gnas pa'o/ /rdo rje'i dkyil 'khor zhes bya ba ni mi bskyod pa'i dkyil 'khor te/ nyi ma'i dkyil 'khor la bri bar bya'o/ /gsal ba'i dkyil 'khor ni zla ba'i dkyil 'khor te/ de'i dbus su 'khor lo'i dkyil 'khor zhes bya ba rnam par snang mdzad bsgom par bya'o zhes bya ba'i don to/ / de bas na thams cad nyi ma'i dkyil 'khor dag la bsam zhes bya ba'i spyi'i tshig 'di la/ sngar gyi shar gyi pad+ma zla ba'i dbus su bsam zhes dgar ba'i tshigs tu gsungs pa yin no/ /pad+ma'i dkyil 'khor 'dra bar ni zhes bya ba ni 'od dpag tu med pa'i dkyil 'khor de nyi ma la gnas par bsgom par bya'o/ /bzlas pa bsgom pas zhes bya ba ni sngags bzlas pa dang/ bsgom pa dang lnga pa'i rnal 'byor pas so/ /rin chen dkyil 'khor 'dra bar ni zhes bya ba ni rin chen 'byung ldan te/ nye ma'i dkyil 'khor la gnas par rin po che la brtson pas bsgom par bya'o/ /sbyor ba'i dkyil 'khor las byung ba zhes bya ba ni mi bskyod pa la sogs pa bzhi dang 'brel ba'i sku mdog dang sbyor bas dkyil 'khor rang gi ngo bo'i bdag nyid can ljang gu gang yin pa de ling? skad ces bya ste/ gdon mi za ba grub pa yin par bshad la/ de'i yang nyi ma'i dkyil 'khor nyid du yang dag par byung zhing ldan par bya'o zhes bya ba'i don to/ /dris pa rnam par snang mdzad 'ba' zhig la gsal ba'i dkyil 'khor nyid yin par gsungs na de mi bskyod pa la sogs pa'i gdan nyi ma'i dkyil 'khor yin par mngon par 'dod do/ /ci ltar shes zhe na/ de brjod par bya ste/ gsal ba la sogs dkyil 'khor ldan zhes gleng gzhi'i le'u las gsungs la/ der sogs pa zhes smos pas ni nyi ma'i dkyil 'khor nyid yin par 'dod do/ /'dir yang rnam par snang mdzad kyi gdan ni zla ba'i dkyil 'khor yin pas/ gsal ba'i dkyil 'khor zhes bya ba'i sgras nges pa nyid du gsungs la/ ngon gyis na mi bskyod pa la sogs pa bzhi'i gdan ni nyi ma'i dkyil 'khor nyid yin par shes so/ /da ni 'di dag ces bya ba la sogs pas dkyil 'khor 'di dag gis sangs rgyas tha mi dang par gsungs pa yin te/ dkyil 'khor 'di dag ni sangs rgyas rab mchog gi sku dang gsung dang thugs bsgom pa la gcig pa nyid kyis sangs rgyas rab mchog go /rdo rje las byung ba'i zhes bya ba ni rdo rje 'dzin pa las yang dag par byung ba'o/ /thams cad 'dzin pa'i tshul ni thams cad mkhyen pa nyid tshul yin la/ tshul nyid kyang thams cad mkhyen pa ste/ de thob pa'o/ /le'u gsum pa'i 'grel pa'o// //da ni de nas zhes bya ba la sogs pas le'u bzhi par bri ba'i dkyil 'khor bstan pa'i phyir gsungs pa yin te/ gzhung 'dis ni ti nge 'dzin gsum dang ldan pa'i slob dpon dkyil 'khor gyis sa'i dbus na gnas pa la rnam par snang mdzad la sogs pa'i rnal 'byor pa rdo rje dril bu 'dzin pa'i slob ma rnams kyis 'og nas bshad pa'i bstod pa'i rgyal pos gsol ba btab nas dkyil 'khor bri bar bya'o zhes ston te/ 'di tshigs su bcad pa dang pos ni spyi'i gsol ba 'dibs bston to/ /tshigs su bcad pa gnyis pa ni sku'i dkyil 'khor sprul par gsol ba btab pa yin no/ /tshigs su bcad pa gsum pas ni gsung gi dkyil 'khor sprul par gsol ba btab pa yin no/ /tshigs su bcad pa bzhi pa ni thugs kyi dkyil 'khor sprul par gsol ba btab pa yin no/ /de lta bas na de ltar sbyor gnas slob dpon ni/ /sangs rgyas kun bdag gzugs can yin zhes bya ba la sogs pa'i tshigs su bcad pa mar me mdzad bzang po'i zhal snga nas kyis bshad pa yin no/ /da ni de nas zhes bya ba la sogs pas thugs kyi dkyil 'khor gyi tshul gyis sku'i dkyil 'khor khong du chud par bya'o/ zhes shes par bya ba'i phyir thugs kyi dkyil 'khor nyid bshad pa gsungs pa yin te/ sems kyi rdo rje rab 'dra ba zhes bya ba ni rang ge gzugs can no/ /gang 'di thugs kyi dkyil 'khor yin mod kyi/ 'on kyang rnam par dag pa gsum dang ldan pas sku la sogs pa'i rang gi ngo bo yin no zhes bstan pa'i phyir sku dang gsung dang thugs rnams kyi/ dkyil 'khor zhes bya ba gsungs pa yin no/ /dkyil 'khor thig gdab pa'i phyir srang bu'i mtshan nyid ston te/ lus ngag sems ni bsgoms pa yis zhes bya ba ni lus la sogs pa ltar bsgoms pas so/ /sar ba zhes bya ba ni dkyil 'khor gzhan du yongs su ma spyang ba'o/ /legs par bkal zhes bya ba ni shin tu legs par bsgril ba'o/ /tshad ma zhes bya ba ni chur 'khor lo'i nyis 'gyur la sboms su sgo'i nyi shu cha'o/ /mdzes pa yis zhes bya pa ni mdud pa med pa dang/ mi shong pas so/ /'di'i don ni dkyil 'khor gyi cho ga las/ rtag pa la sogs rang gi dngos zhes bya ba nas brtsams te/ srad bu 'dzin pas dkri bar bya zhes bya ba'i bar las shes par bya'o/ /thig gdab pa'i cho ga yang de nyid las shes par bya'o/ /khru ni bcu gnyis tshad du bya zhes pa ni nye bar mtshon pa tsam yin gyi dkyil 'khor ni tshad nges pa med pa yin te/ ji skad du sems can bsam pa'i dbang gis ni/ tshad la sogs pa'i nges par byas zhes bshad ba lta bu'o/ /phyag rgya dgod bar bya zhes bya ba ni mtshan ma'i phyag rgya dgong pa la bya'i zhal dang phyag la sogs pa dang ldan pa'i phyag rgya dgod par bya ba ni ma yin te/ de mthong bas thos pa dang mi ldan pa rnams gal te mi shes par 'gyur ba srid pas na ngan 'gror 'gro bar thal bar 'gyur ro/ /de skad du mu stegs rnams la phan pa'i phyir/ sangs rgyas btsun mo rab tu sbas zhes gsungs pa lta bu'o/ /de dbus rdo rje bri ba ni zhes bya ba ni thugs rnam par bdag pa'i rdo rje dkyil gyi dbus su nyi ma'i dkyil 'khor la bri bar bya ste/ dkyil 'khor 'di ni thugs gtso bor byas pa yin pa'i phyir ro/ /de bzhin du sku la sogs pa rnam par dag pa 'khor la sogs pa ni rnam par snang mdzad la sogs pa'i phyag mtshan te/ de rnams rang gi gdan la ci lta ba bzhin du bri bar bya'o zhes bstan pa'i phyir/ 'khor lo chen po zhes bya ba la sogs pa gsungs so/ /sprin gyi dbus dang 'dra ba'i 'od ces bya ba ni dbus su sprin gyi 'od dang 'dra ba ste/ 'khor phun sum tshogs par bstan pas rnam par dag pa la nye bar dgos pa nyid yin pa'i phyir dang mtshan ma dang ting nge 'dzin gyi ngo bo gdon pa ston pas gzugs rdo rje la sogs pa dkyil 'khor pa yin gyi/ 'dod pa'i rgyal po la sogs pa dang/ sa'i snying po la sogs ni ma yin te/ de rnams kyi rgyu'i tshogs bshad ma thag pa med pa'i phyir ro/ /de bas na gzugs rdo rje la sogs pa'i mtshan ma me long la sogs pa gnas ji lta ba bzhin du bri bar bya'o/ /de nyid bstan pa'i phyir/ sems kyi zhes bya ba la sogs smos te/ gzugs kyi ngo bo nyid gzugs rdo rje la sogs phyag mtshan me long la sogs pa'i gzugs su dkyil 'khor gyi mtshams bzhi dang/ shar phyogs kyi sgo'i ngos gnyis su bzhag par bya'o/ /lus dang dag sems mchod pa yis zhes bya ba ni sku la sogs pa'i de bo nyid kyi yi ge gsum gyis gdon par bya'o zhes bya ba'i don to/ /don 'di nyid kyis na de ltar dkyil 'khor bris nas ni/ /zla ba nyi mar gdan byas par/ /dbus su ral gri bri bar bya zhes bya ba la sogs pa'i tshigs su bcad pa smos pa yi no/ /da ni sgrub pa gtso bo yin par ston pa ni bud med rab tu mdangs bzang ba zhes bya ba la sogs pa yin te de nyid kyis na/ de nas dam tshig mchog sbyor ba/ /gzugs dang lo'i yon tan ldan zhes bya ba mas brtsams te/ dngos grub kun gyi phyir bya'o zhes bya ba'i bar gyis bshad pa yin te/ 'di dag bdag gis ma bshad do/ /de ltar thugs gtso bor gyur pa'i dkyil 'khor ni le'u bcu drug pa las 'di nyid kyi tshul dang rjes su mthun pa nyid du khong du chud par bya ba'o/ /le'u bzhi pa'i 'grel pa'o/ / //le'u lnga par sgrub pa po'i khyad par gyi spyod pa'i khyad par ston pa'i phyir de nas zhes bya ba la sogs pa gsungs te/ spyod pa kun gyi kun tu spyod pa ste/ de dang mchog gi chos te/ 'di dag ni don du gnyer ba yin pas na don kyang yin pa'i phyir de skad ces bya ba'o/ /rnam par mi rtog pa'i don ni the tshom dang bral ba'i don te/ de las byung ba ni gnas pa'o/ /sngar ni 'dod chags zhes dang gti mug rigs te/ phyis de rnam par dag par gyur pa yin la de yang dngos grub sgrub par byed do zhes sbyar bar bya'o/ /theg pa mchog ni bla med pa zhes bya ba ni pha rol tu phyin pa'i tshul ni bla na yod pa dang bcas pa yin? la/ theg pa chen po ni 'di ni bla na med pa'o zhes bya bar dgongs so/ /rigs dan zhes bya ba la sogs pas ni rigs la sogs pa'i des pa'i bzlog pa yin te/ de skad du/ dngos grub thabs shes las byung na/ rigs sogs nges pas ci zhig bya zhes bshad pa'i phyir ro/ /yang gang zhig 'grub par mi 'gyur zhe na/ snying nas slob dpon zhes bya ba la sogs pa gsungs te/ dngos grub ni slob dpon la rag las pa yin no zhes par dgongs so/ /sangs rgyas gtso bo'i yum dag pa zhes bya ba la sogs pa ni bdag gis ma bshad do/ /rnam par mi rtog blo can gyis zhes bya ba ni khyad par du 'phags pa'i ting nge 'dzin rnam par gsum dang/ gnyis su med pa'i ye shes dang ldan pa'i mkhas pa'o/ /rigs dan la sogs pa la khyad par du smos pa ni the tshom med par snang pa 'di lta bu'i bdag nyid can ni de kho na nyid du dgag pa ma yin no/ zhes ston pa'i phyir ro/ /de nyid kyis na phyin ci log gi rtog pa las grol bas zhes bya ba la sogs pa'i tshigs su bcad pa dang/ /dge ba dang mi dge ba'i rnam pa dag nges bya ba la sogs pa de dang bshad pa yin no/ /nga ni nges nas zhes bya ba la sogs pas ci la nga mngon par 'dod pa'i sgrub pa la chags pa'i nyan pa po rnams ngan 'gror 'gro bar ma gyur cig snyam du shes bzhin du/ sgrib pa rnam pa bsel ba la sogs pa ngo mtshar gyis bslad pa'i yongs su bzlog pa gsungs pa yin te/ chos nyid dag pa 'di zhes bya ba ni gzung ba dang 'dzin pa dang bral ba'o/ /dag pa zhes bya ba ni dri ma med pa'o/ /snying po'i chos kyi don gang yin par khyad par can rtogs shing bslabs pa de las yang dag par byung ba'o/ /da ni byang chub sems dpa' rnams kyi de kho na nyid ma shes pas chos nyid shin tu rnyed par dka' ba nyid du bstan pa'i phyir/ 'jigs pa la sog bstan par mdzad pa yin pas na/ de nas zhes bya ba la sogs pa gsungs te/ nam mkha' ltar mnyam pa nyid de nyid gnyis su med cing/ rdo rje ste mi phyed pa'i ye shes kyi ting nge 'dzin gang yin pa de la snyoms par zhugs so zhes bya ba sbyor ro/ /dbyes pas khyab pa ni gzengs mtho bar gyur ba'o/ /e ma'o chos e ma'o chos zhes bya ba ni dga' bas dam ste/ gnyis su med pa'i tshul yin yang sna tshogs pa'i gzugs can du gyur pa ni ngo mtshar yin no/ /chos ni shin tu rnam par dag pa'i ngo bo ste/ nges don dag par 'gyur ba'i bdag med pa'o zhes mtshams sbyar ba'o/ /rnam par mi 'gyur zhes bya ba ni dus gsum char du yang ye shes kyi bdag nyid can gyi yin pa'i phyir ro/ /snang ba med ces bya ba ni snang ba la byed pa po med pa'i phyir ro/ /dbyings gyur ba zhes bya ba ni bskyed pa'i sa bon zhes bya ba'i don to/ /spyod pa ni byang chub kyi spyod pa ste/ de le gnas ni zhi'o zhes bye bar mtshams sbyar ro/ /le'u lnga pa'i 'grel pa'o// //le'u drug pa sku dang gsung thugs byin gyis brlabs pa'i sngags bshad pa'i phyir de nas zhes bya ba la sogs pa gsungs te/ thugs rdo rje byin gyis brlab pa'i sngags brjod pa'i dus su mi bskyod pa lta bu'i ting nge 'dzin la snyoms par 'jug par bye'o/ zhes bstan pa'i phyir/ mi bskyod pa rdo rje'i sgras ni ston pa po gsungs pa yin te/ de bzhin du 'di'i 'og ma rnams la yang ci rigs par bya'o/ /de bzhin gshegs pa thams cad kyi ngo bo nyid kyi sku dang gsung dang thugs gang yin pa de nyid ni gsang ba'i rdo rje ste/ rnam par dag pa'i ngo bo nyid gang yin pa'i ting nge 'dzin de la mi bskyod pa'i rang bzhin du 'dir mngon par 'dod de/ de la snyoms par zhugs so zhes sbyar bar bya'o/ /thugs byin gyis brlab pa'i sngags zhes bya ba la/ thugs ka'i zla ba'i gdan dang/ rin po che'i dbu rgyan mnga' ba'i thugs rdo rje ste/ de'i byin gyis brlab pa'i sngags zhes bya ba'i don to/ /rdul dang bral ba'i gnas rdo rje zhes bya ba ni me long lta bu'i ye shes kyi rnam pa'o/ /mnyam pa nyid mi gnyis pa'i rdo rje zhes bya ba ni nye bar dgod pa so sor rtogs pa'i rnam pa'o/ /rdo rje gsum po zhes bya ba ni thugs rdo rje la sogs pa ste/ de ni de bzhin gshegs rnams kyi gsang ba'o/ /de nyid ni khams gsum byin gyis rlob par byed pa yin pas na gnas so/ /gnas kyis zhes bya ba ni sngags kyis te/ yi ge hUM la sogs pas rnam par bsgom zhing bskyed par bya ba gang yin pa'o zhes mtshams sbyar ro/ /sngags nyid ni mtshan te/ des mtshan par byas pa ni snying kha na gnas pa'i mtshan ma'i dbus na gnas pa'i zla ba la gnas pa'i sa bon gyis mtshan pa zhes pa'i don to/ /mchog rab 'di yis zhes bya ba ni de ltar bshad pa'i sngags kyis so/ /bsgrub pa nyid du bya zhes bya ba ni byin gyis brlab par bya ste/ bskyed par bya ba ni ma yin no zhes khong du chud par bya ste/ yi ge hUM la sogs pa'i sa bon rnams las sngar byung ba nyid yin pa'i phyir ro/ /de ni 'di ltar dri med rang snying zla ba'i zhes bya ba nas brtsams te/ mtshan nyid dag dang bral bar dmigs nas ni zhes bya ba'i bar gyi gzhung dang sbyar bar bya'o/ /ye shes sgron ma ni mnyam pa nyid kyi ye shes te/ de nyid rdo rje rin chen 'byung ba lta bu'i ting nge 'dzin gang yin pa de la zhes bya bar sbyar te/ rin chen 'byung ldan nyid ni 'di nyid kyi rjes su mnyes par byed pa'i bdag nyid can yin pa'i phyir ro/ /gdon mi za ba'i rdo rje zhes bya ba ni don yod par grub pa lta bu ste/ de nyid ni mchod pa'i dbang du byas pa yin pa'i phyir ro/ /de la 'di ni pad nang rang gi sa bon 'od rnams kyis zhes bya ba nas brtsams te/ aoM sarbba ta thA ga ta pu dzA badzra swa b+hA ba At+ma ko haM zhes bya ba'i bar yin par blta bar bya'o/ /de ni sku la sogs pa byin gyis rlob par mdzad pa'i bde bar gshegs pa'i tshogs rnams yang dag par bskul ba'i 'od zer dang/ tshigs su bcad pa la sogs pa bstan pa'i phyir de nas zhes bya ba la sogs pa gsungs te/ sngags la dmigs pa ni nges par bsam pa'o/ /de'i tshul gyis rnam par snying po'i sa bon las byung ba'i mchod pa'i lha mo rnams kyi 'od zer rnams kyis zhes bya ba'i don to/ / gang dang zhes bya ba ni yang dag par bskul ba'i tshigs su bcad pa rnams kyis de bzhin gshegs pa rnams kyi thugs yang dag par bskul ba dang ldan pa'i rnal 'byor ba ni des byin brlabs te/ yang dag pa'i dngos grub bsgrub par bya'o zhes bshad par bya'o/ /de ltar na bye brag gi blo mi bya'o zhes bshad pa ni sems la dmigs pa zhes pa ste/ sems kyi tshor ba'i dmigs pa gang yin pa ni bshad ma thag pa'i tshul gyis nges par bsgom pa'o/ /de'i tshul ni bdag med pa'o/ /de'i 'og tu rag dang zhes bya ba ni byin gyis rlob pa'i sngags kyi lus kyi rnam pa lta bu'i sku dang gsung dang thugs rdo rje rnam par bsgom zhes bya ba byin gyis brlab par bya zhing bsgrub par bya ba'o/ /sbyor ba rnam gsum zhes bya ba ni sku la sogs pa'i shes rab kyi yang dag par sbyor ba nam mkha' dang 'dra bar mnyam pa nyid de'i ngo bo nyid 'gro ba rnams kyi gnas so/ /de yang gang gi phyir lus la sogs pa dmigs pa na/ ngo bo nyid kyis brtags pa dmigs su med do/ /de bas na sngags kyi lus sbyor ba la tha dad pa'i rgyur gyur pas byang chub med cing bsgom pa med ces bya ba ste/ de'i rang bzhin nyid du 'gyur ro zhes bya bar dgongs so/ /sngags kyis brtags pa zhes bya ba ni bshad ma thag pa'i rnam pas sngags kyis byin gyis brlab pa'o/ /de la chog 'di ni de'i thugs ka'i 'od kyi tshogs rnams dang zhes bya ba la sogs pas ston to/ /da ni phra mo'i rnal 'byor kha bskang ba'i phyir/ de nas zhes bya ba la sogs pa gsungs te/ nam mkha' i dbyings kyi dbus gnas par zhes bya bar rig pa'i chos 'byung ba'i nang du chung ba'i khang pa brtsegs pa'i dbus ma'i gdan la bzhugs pa'o/ /sangs rgyas gzugs zhes bya ba ni rdo rje 'dzin pa'i gzugs su bsgom pa'o/ /de dang por gyur pas rdo rje 'dzin pa'i phra mo'i sbyor ba yang dag bar brtsam par bya'o/ /'di nyid kyi khyad bstan pa'i phyir/ sna'i rtse mor zhes bya ba la sogs pa gsungs te/ 'di dag kyang 'de'i 'og ma rnams la yang sgyar bar bya'o/ /sangs rgyas sku zhes bya ba ni rdo rje 'dzin pa rnam par bsgoms te zhu bar gyur pa de'i steng du de'i rjes la gnas zhes bya ba mi bskyod pa'i sa bon yi ge hUM rim gyis bzhag par bya'o/ /rdo rje 'dzin pa'i sa bon yang 'di bzhin du lta bar bya'o/ /'di'i 'og ma rnams la yang sa bon dgod pa rang gi ji lta ba bzhin du sbyar bar bya'o/ /sbyan gyis tshul du sbyor ba la zhes bya ba ni rnam par snang mdzad kyi rang snang ba'i rig pa dang yang dag par sbyor ba bsgom par bya'o/ /rdo rje pad+ma rnam par bsgom zhes bya ba 'di yang gong ma dang 'og ma gnyi ga la sbyar bar bya'o/ /rin chen dkyil 'khor zhes bya pa ni rin chen 'byung ldan gyi'o/ /dang po'i sbyor zhes bya ba ni bsnyen pa la sogs pa nas rjes su mnyes pa'i mthar thugs pa'i bar ro/ /'di dag kyang gong ma dang 'og ma gnyi ga dang sbyar bar bya'o/ /pad+ma'i dkyil 'khor zhes bya ba ni 'od dpag tu med pa gtso bor gyur pa'o/ /'od kyi dkyil 'khor zhes bya ba ni gdon mi za bar grub pa'i rnal 'byor can gyi'o/ /sangs rgyas tshul zhi bar spro zhes bya ba ni 'dres pa la sogs pa bsgom pa'i rjes thogs la sa bon yongs su gyur ba las rang gi lha gngon par bya'o/ /'khor zhes bya ba ni dkyil 'khor ba'i lha'i 'khor lo 'byin pa'i rim pas gdon pa'o/ /autpal mthing kha'i zhes bya ba la sogs pas ni bdag pa'i lha'i mtshan ma la phra mo'i rnal 'byor bya'o zhes ston pa yin no/ /'di yang 'dir snga ma dag la yang sbyar bar bya'o/ /de nyid kyis na yang rang gi mtshan ma phra mo ni zhes bya ba la sogs pa smos pa yin no/ /zas su bshad gci zhes bya ba la sogs pas ni gtsang ba dang mi gtsang ba'i khyad par med par ston pa yin no/ /go 'phang las byed ces bya ba ni 'dod pa'i las byed pa'o/ /lus dang ngag sems las 'das pa'o/ /zhes bya ba ni bem po'i lus la sogs pa rnam par 'das pa'o/ /le'u drug pa'i 'grel pa'o// //de nas zhes bya ba la sogs pas ni le'u bdun pa gsungs pa yin te/ dam tshig chen po zhes bya ba ni rdo rje 'dzin pa'i dkyil 'khor te de nyid na de kho na nyid do/ /de'i bdag nyid can gyi sngags spyod ba ste/ de nyid ni mchog mngon par rdzogs par byang chub pa yin te/ de ston par byed pa'i le'u gsungs so/ /'dod pa'i longs spyod thams cad la zhes bya ba la sogs pas ni sngags pa rnams kyi gsang sngags bsgrub pa la slob pa'o/ /slong mo za zhing zhes bya ba la sogs pa la brtul zhugs kyi tshul gyi slong mo dgag pa ston to/ /yan lag mnyams zhes bya ba ni bsnyen pa la sogs pa'i yan lag dang ldan pa'o/ /'dod pa'i yon tan bsten zhes bya ba la sogs pa ni 'dod pa'i yon tan lnga po bsten pa nyid kyis byang chub tu 'gyur gyi/ sdug bsngal bsten pas ni ma yin no zhes ston to/ /byang chub nyi ma zhes bya ba ni sangs rgyas rnams so/ /rnam gsum zhes bya ba ni mchog dang 'bring dang/ tha ma'i dbye bas so/ /mchod par byed pas zhes bya ba ni tha dad par mi rtog pa'o/ /rin chen 'byung gnas zhes bya ba ni mi bskyod pa ste/ sbros pa'i tshul gyis bshad na de nyid sgra'i dbang du byas pa yin no/ /'dod chags chos 'byung ba nas zhes bya ba ni rin chen 'byung ldan no/ /don yod rdo rje mchog 'dzin pa zhes bya ba ni 'od dpag tu med pa'o/ / rang gi rigs zhes bya ba ni snga ma yang shes bar bya'o/ /mi bskyod pa zhes bya ba ni chos kyi brdas ni don yod par grub pa yin te/ de ltar na 'di ni rnam par spros pa'i tshul bstan nas/ rnam par spros pa med pa'i tshul du rdo rje sems dpa' gsungs pa ni gzugs dang sgra la sogs pa zhes gsungs pa yin no/ /sems zhes bya ba ni rdo rje sems dpa' o/ /'di nyid ni sangs rgyas thams cad bzlog pa'i dbye bas rnam par spros pa ni gsang ba'i snying po btus pa'i tshul yin no/ /lha nyid du zhes bya ba ni gzugs rdo rje la sogs par ro/ /rigs kyi tshul du rnam par bsgom zhes bya ba ni rnam par snang mdzad la sogs pa'i rigs lnga'i dbye ba bsgom pas so/ /de la spyod pa'i cho ga 'di ni langs nas ngag pa'i sems dpa' i rang gi lta'i zhes bya ba la sogs pa'i tshigs su bcad pa gsum gyis bshad pa yin no/ /sangs rgyas rjes su dran par sbyor zhes bya ba la sogs pas ni rjes su dran pa bcu drug ston te/ sngar mthong ba'i don la phra mo'i rnal 'byor gyi gnas skabs su mtshan ma rnam pa lnga byung nas/ spro ba la sogs pa'i tshul gyis phyis dran par bya ba yin pas na rjes su dran pa'o/ /sangs rgyas te rnam par snang mdzad kyi rjes su dran pa la ni sbyor ba ste/ thabs dang shes rab gyi bdag nyid can gyis/ bsgom par bya'o/ /chos te 'od dpag tu med pa'i rnam pa rjes su dran pa bsgom pa la ni sku dang gsung dang thugs kyang bsgom zhing rjes su dran par bya'o/ /rdo rje ste mi bskyod pa rjes su dran pa bsgom pa la ni rigs te/ gcig dang gsum dang lnga la sogs pa rjes su dran pa'i sbyor ba bsgom par bya'o/ /khro bo ste gshin rje gshed la sogs pa rjes su dran pa bsgom pa la ni dam tshig ces bya ba 'og nas bshad pa'i rnam pa gzhan gyi rjes su dran pa'i yang dag bar sbyor ba bsgoms na byang chub 'thob par 'gyur ro/ /gal te rjes su mthun pa'i mtshan nyid dang ldan pa brnyed na phyi rol gyi rig ma'i rnam par dag pa gsungs pa ni lo grangs bcu drug ces bya ba la sogs pa gsungs so/ /byin gyis brlab pa'i gnas gsum gyis zhes bya ba ni sku dang gsung dang thugs byin gyis brlab pas so/ /spyan zhes bya ba ni rang snang ba'i rig pa'o/ /rdo rje dang pad+ma'i rnam par dag pa/ gsungs pa ni yi ge hUM dang zhes bya ba la sogs pa ste/ /yi ge hUM gis rdo rje pad+ma 'dab ma brgyad par grub pa la brtag par bya'o/ /yi ge aoM ni rdo rje'i nor bu'i cha grub par bya ba'i phyir ro/ /yi ge phaT ser po ni gnyi ga'i dbab pa nod pa la'o/ /yi ge abstan pa'i phyir/ de la zhes bya ba la sogs pa gsungs te/ sangs rgyas gzugs zhes bya ba ni sna'i rtse mor gnas pa'i mtshan ma'i lta ba'i 'khor lo la bdag po rnam par snang mdzad sbro bar bya ste/ 'di ni nye bar mtshan pa yin gyi/ bsdu ba la sogs pa yang blta bar bya'o/ /de bzhin du 'di'i 'og ma rnams la yang shes par bya'o/ /rdo rje sems dpa' zhes bya ba ni mi bskyod pa 'am yang na rdo rje sems dpa' o/ /rang gi khu ba'i thigs pa yis zhes bya ba ni byang chub kyi sems te thogs pa sngon du 'gro ba'i sangs rgyas dang/ rdo rje sems dpa' bsgom par bya'o/ /dam tshig rjes su dran pa'i rab tu dbye ba ni dkyil 'khor rjes su dran pa yin no/ /rang gi khu ba dag dbyung zhes bya bar sbyar te/ de las byung ba'i dkyil 'khor/ yang dbyung bar bya'o/ /dkyil 'khor tshul du bya ba ni dkyil 'khor gzhan gcig tu spro ba'i bdag nyid can no/ /phung po lnga yis rab tu rgyas zhes bya ba ni rnam par dag pa'i gzugs la sogs pa'i phung pos gde ba'o/ /sems rjes su dran pa'i rab tu dbye ba'i sems rjes su dran pa'o/ /mkha' dang mtshungs par spyod par 'gyur ba zhes bya ba ni nam mkha' dang mnyam par kun tu rgyu ba'i dang tshul lo/ /sku dang gsung dang thugs gcig tu bsdus pa'i rjes su dran pa gsungs pa ni de la zhes bya ba la sogs pa ste/ sngags thams cad kyi gzugs kyi rang bzhin gyi sku dang gsung dang thugs te/ de rnams kyi rjes su dran pa ni bsgom pa'o/ /sngags kyi rdo rje'i sku gang yin pa zhes bya ba ni sngags kyi bdag nyid can gyi rdo rje can gyi sku gang yin pa'o/ /ji lta bu zhe na gsungs zhes bya ba ste byin gyis brlab pa'i tshigs su bcad pa'i sngags so/ /sku yis rnam bsgoms pas zhes bya ba ni rnam par dag pa'i skus rnam par bsgoms pa'o/ / bdag gi yang lus de dang 'dra bar 'gyur zhes bya bar sbyar ro/ /yang dam tshig rjes su dran pa'i dbye ba gsungs pa don de la zhes bya ba la sogs pa ste/ dam tshig ni rang gi so sor snang ba'o/ /cho ga bzhin zhes bya ba ni 'bar ba'i aoM gyis byin brlabs rlung dang ni zhes bya ba la sogs pa bshad pa'i rim gyis so/ /bsad na zhes bya ni ro gcig par bya'o/ /ma skyes pa zhes bya ba ni byis pas brtags pa'i rnam pas so/ /byang chub med cing zhes bya ba la sogs pas ni rang las tha dang bzlog par byed pa yin no/ /de nyid ni rang bzhin gyis 'od gsal pa'i ye shes gcig pu mthar thugs pa'i gnas skabs su ma rigs pas ldongs pa las ldog pa'i dbye bas byang chub mngon par rdzogs pa la sogs pa'i ngo bor brtags pa dang/ gzhan gyi dbang dang yongs su grub pa zhes bya ba la sogs pa chos kyi rigs pa sna tshogs pa bzhin du rab tu shes shing ston pa yin la/ don dam par ni de thams cad dbyer med pa nyid pa? yin no/ /de nyid kyang shin tu goms pa'i dbang gis gnyis su med pa'i tshul gyis gsal bar 'gyur pa yin no/ /mtshan med ces bya ba ni phyi rol gyi mtshan ma med pa'i phyir ro/ /rigs rjes su dran pa'i rab tu dbye ba ni zhe sdang gi rigs mchod pa rjes su dran pa'o/ /tshe 'di nyid la zhes bya ba 'dir ni nyin mtshan gyi sbyor bas zhes bya bar shes par bya'o/ /spyi'i dngos grub gzhan rnams ni? 'di nyid kyi nang du 'dus so zhes bstan pa'i phyir/ sku dang zhes bya ba la sogs pa gsungs so/ /gang gzhan phra mo zhes bya ba ni rig pa 'dzin pa dang/ mi snang ba la sogs pa'i dngos grub rnams so/ /de ltar na rjes su dran pa bcu drug po 'di ni las kyi mchog gi ting nge 'dzin du de dang der spro ba la sogs pa rab tu ston pa nyid kun tu bzang po las bshad pa yin no/ /le'u bdun pa'i 'grel pa'o// // de nas bya ba la sogs pas brgyad pa dam tshig le'u gsungs pa yin te/ thar pa'i lam ni rab ston pa zhes bya ba la thar pa'i byang chub ste/ de'i lam ni dkyil 'khor gyi rnam pa'i lam gyi bden pa ste/ de rab tu ston pa zhes bya ba'i don to/ / gsol ba btab pa'i rjes thogs nyid la/ lan gsungs pa ni de nas rgyal po rdo rje 'dzin ces bya ba sogs pa gsungs so/ /rdo rje rin chen 'dzin ces bya ba la/ rdo rje nyid rin po che ste/ de 'dzin pa zhes bya ba'i don to/ /rdo rje mi phyed gsum gnas pa zhes bya ba ni sku dang gsung dang thugs la mi phyed pas gnas pa'o/ /byol song skye gnas brtag ces bya ba ni bshad pa'i na tshod kyi tshang las lhag pa dang/ ma tshang ba'ang gzung bar bya'o zhes bya ba'i don to/ /bsam gtan gyi gnas su gsungs pa ni sa phyogs zhes bya ba la sogs pa ste/ gtsang zhing zhes bya ba la sogs pa ni gtsang spra dang ldan pa'o/ /rgyal ba nyid skyes zhes bya ba ni rnam par snang mdzad las byung ba'o/ /de yang tsan dan bzang po la sogs kyis byugs shing zhes bya ba la sogs pas bshad pa yin no/ /rigs lnga'i tshogs su bya ba gsungs pa ni nu ma'i zhes bya ba la sogs pa ste/ nu ma'i bar zhes bya ba ni snying khar ro/ /glang pa rgyas kyi bar zhes bya ba ni spyi bor ro/ /rkad pa'i bar zhes bya ba ni brla gnyis kyi mtshams la sogs par ro/ /lte ba dang rked pa dang gsang bar rgyal ba'i ngo bo nyid kyi sa bon rigs lnga'i dgod pa bya'o/ /cho ga shes pas zhes bya ba ni lha mo bskyed pa'i yan lag bzhi la sogs pa'i cho ga shes pa'o/ /de nyid bstan pa ni nam mkha' i dbyings kyi dbus gnas par zhes bya ba ste/ khang pa brtsegs pa'i dbus na gnas pa'o/ /ye shes rgya mtsho zhes bya ba ni shes rab po/ /de nyid kye bdag nyid ni ye shes sems ma phyag mtshan gyi lte ba'i zla ba'i dbus su de'i snying khar bsgom par bya'o/ /de ltar so sor bskyed nas bdag dang lhan cig tu bya'o zhes gsungs pa ni zhe ba rdo rje zhes bya ba la sogs pa gsungs so/ /zhi ba rdo rje 'dzin ces bya ba ni rnal 'byor ba'o/ /'dod na zhes bya ba ni rnal 'byor pa 'dod na de la brten pa'o/ /shes rab de nyid khyad par dang bcas par gsal bar gsungs pa ni rin chen zhes bya ba la sogs pa ste/ /rin po che sna bzhi'i rang bzhin ji ltar mdzes pa bzhin du/ mchod rten zhes bya ba khang pa brtsegs ma bsgoms la/ der ye shes kyi rgya mtsho zhes bya ba shes rab dus gsum gyi sangs rgyas rnams kyi gnas su gyur pa de yin par rnam par bsam par bya'i/ /de ni 'di ltar de bzhin rang gi lhar 'dra rang snying pos zhes bya ba la sogs pa dang sbyar ro/ /da ni mchod pa'i cho ga gsungs pa yin te/ de bdag gis sdu zhes bya ba la sogs pa la/ autpa'ang? zhes bya ba ni thabs kyi cha rnam pa lnga'o/ /pad+ma zhes bya ba ni gzugs rdo rje la sogs pa shes rab kyi cha rnam pa lnga'o/ /de ni 'di ltar gzugs rdo rje la sogs pa lha mo lngas yongs su rgyas par bshad pa yin no/ /dzA ti rnam gsum zhes bya ba ni dman pa dang bar ma dang mchog gi gnas kyi dbye ba'i bdag nyid can chos kyi dbyings kyi rdo rje'o/ /me tog kar ni kar dang zhes bya ba la sogs pa'i me tog bzhis ni spyan la sogs pa bzhi yin par 'dod do/ / de ltar na lha mo bcu po 'di dag gis mchod pa'i sprin kun spro ba la sogs pa'i tshul gyis rab tu brtag par bya'i/ me tog ji lta ba nyid du ni gzung bar mi bya ste/ le'u bco brgyad pa las /me tog ces ni gang la bgyi zhes bya ba la/ lha mo dgu dang nam mkha' i dbyings zhes gsungs pa'i phyir ro/ /mchod pa'i khyad par nyid gsungs pa ni dpag tshad ces bya ba la sogs pa'o/ /mtshan ma yang mchod pa'i don du spro ba la sogs pa'i tshul gyis bsgom par bya'o zhes gsungs pa ni pad+ma rdo rje zhes bya ba la sogs pa'o/ /gsang ba'i mchod pa gsungs nas/ phyi'i mchod pa yang dbul ba'i rnam par dag pa gsungs pa ni rin chen na bza' la sogs pa zhes bya ba la sogs pa ste/ phyi'i yang sems can gyis lhag par sdrul pas sbyin pa'i phyir mchod pa bya'o zhes bya ba'i don to/ /thabs la mkhas pa'i rnal 'byor pas 'dod pa'i mchog la spyod pas kyang mchod pa dbul bar bya'o zhes gsungs pa ni bdag po'i phyag rgyar zhes bya ba la sogs pa ste/ sangs rgyas la sde rnam par dag pa'i 'dod pa'i blo can rnams la dbang po gnyis reg pa'i yang dag par sbyor ba de dbyer mi phyed par bsgom pas dbul bar bya'o zhes bya bar sbyor ro/ /dam tshig lnga pos mchod pa gsungs pa ni nam mkha' i dbyings kyi zhes bya ba la sogs pa ste/ chos 'byung ba'i khang pa brtsegs ma'i nang du chud par dkyil 'khor bkod pa ste/ lha'i tshogs kyis bdag nyid can rnam par snang mdzad yongs su gyur pa'i dkyil 'khor bsgrom par bya'o/ /de'i dbus su bdag gi lus de bzhin gshegs pa'i rang bzhin du'o/ /de nyid kyis na bla ma'i rang bzhin gyi dam tshig rnams kyis mchod par bya'o/ /brtan pa'i blo ldan pas zhes bya ba ni thams cad mnyam pa nyid kyi blo dang ldan pa'o/ de ltar na 'di dag thams cad ni pad nang rang gi sa bon 'od rnams kyis zhes bya ba la sogs pas rdzogs par bya'o/ /dam tshig gis yongs su gcod pa dam tshig gi le'u'o/ /le'u brgyad pa'i 'grel pa'o// //de nas zhes bya ba la sogs pas ni le'u dgu pa gsungs te/ sku dang gsung dang thugs longs spyod pa zhes bya ba ni bdag nyid du byas pa'o/ /de nyid ni rdo rje gsum po mi phyed pa'i dkyil 'khor yin te/ de lta bur gyur pa de bshad pa'o/ /bsam gtan las byung ba'i las kyi tshogs gsungs pa ni nam mkha' i zhes bya ba la sogs pa ste/ sangs rgyas dkyil 'khor zhes bya ba ni rnam par snang mdzad yongs su gyur pa'i dkyil 'khor te/ de'i dbus su rdo rje mi bskyod pa rab tu bsgoms nas/ de'i lag tu rdo rje bsgoms par bya'o/ /de ltar ci rigs par lta bcu dgu dang ldan pa'i 'khor lo bsams la/ bsgrub par bya ba dkon mchog gsum la gnod par byed pa/ dmyal ba la sogs par mngon par phyogs pa la bltas te/ de las gdon par 'dod pa'i snying rje chen pos non pa'i rnal 'byor pas sdu ba'i dngos po rnam pa bzhis bcos par mi nus pa rnams la/ kha sbyar dbye ba la sogs pa'i cho gas rdo rjes phye mar brlag par bya'o/ zhes khong du chud par bya'o/ /bde ba'i khyad par la chags pas mtho ris kyi don du phyugs kyi mchod sbyin byed pa la sogs pa lta bu ni ma yin no/ /de bzhin du gzhan dag tu yang shes par bya'o/ /sems can thams cad ces bya ba ni/ gdug pa rnams te/ de bsad pa'o/ de yang rnal 'byor pa 'di lta bu ni snying rje chen po dang ldan pas de lta bu khyad par du 'phags pa'i sngags kyi sbyor ba'i bsgrub pas bsad pa'i mthus mi bskyod pa'i sangs rgyas kyi zhing du rgyal ba'i sras su skye bar 'gyur te/ bsod nams de'i stobs kyis rnal 'byor pa de yang de bzhin du rgyal ba'i sras su skye bar 'gyur ro/ /de ltar na 'di ni zhe sdang gi rigs kyi dam tshig gi de kho na yin par shes par bya'o/ /rigs thams cad kyi rgya mtsho zhes bya ba ni gti mug la sogs pa'i rigs kyi rnal 'byor pa la yang cho ga 'di lta bur dam tshig 'gal ba med do zhes bya ba'i don to/ /ser snas bsgrubs pa'i yi dags la sogs pa'i 'gre ba dgag par bya ba'i phyir/ ma byin par len pa rnam par dag pa gsungs pa ni de nas zhes bya ba la sogs pa ste/ 'khor lo'i dkyil 'khor zhes bya ba ni rnam par snang mdzad kyi'o/ /sangs rgyas thams cad ces bya ba ni dkyil 'khor pa'i lha rnams rnam par bsgom par bya ba ste/ 'di dag kyang thams cad du shes par bya'o/ /rin chen kun gyi zhes bya ba ni rdzas rnams kyi ste/ sbyor ba yis zhes bya ba ni rgyus so/ /rdo rje'i gzugs ni sangs rgyas kyi gzugs te/ rab tu brtag pa ni de'i ngo bo nyid du ser sna can thams cad do/ /de las nor rnams thams cad sku la sogs pa'i rdo rjes dbrog par bsgom par bya'o/ /de las nor thams cad phrogs nas kyang/ yang de nor dang ldan zhing yid bzhin gyi nor bu dang 'dra bar sbyin pa por 'gyur zhing rnal 'byor pa rnams la yang 'di lta bu'i bsod nams kyi tshogs skye bar 'gyur te/ bsam pa yongs su dag pa yin pa'i phyir ro/ /ji skad du/ byang chub sems dpa' i kun rtog las/ /dge ba 'am yang na mi dag ba/ /thams cad dge ba nyid du gyur te/ gang phyir de yid dbang gyur yin zhes bshad pa lta bu'o/ /gti mug la sogs pa'i dam tshig gi de kho na nyid 'di ni zhe sdang gi rigs kyi rnal 'byor pa rnams la yang dgag pa med pa yin no/ /phrag dog can gyi skyes bu rnams rjes su gzung bar bya ba'i phyir/ 'dod pas log par g.yem pa'i spyod pa rnam par dag pa gsungs pa ni de nas zhes bya ba la sogs pa ste/ pad+ma'i dkyil 'khor ni pad+ma'i rigs kyi dkyil 'khor te/ bud med lta bur yang dag par sbyor bar khams gsum na gnas pa thams cad bsgom par bya'o/ /dam tshig bzhi'i sbyor ba yis zhes bya ba ni dus bzhi'i sbyor ba 'am/ phyag rgya bzhi'i sbyor ba dang/ dbang po gnyis kyi sbyor bas bud med de dag thams cad nye bar spyad par bya'o zhes ba'o/ /gal te byang chub kyi sems la dmigs nas bud med 'ga' zhig rjes su chags par gyur na de'i tshe 'di la yang rnam par dag pa 'di nyid kyis des nye bar longs spyad par bya'o/ /'di ni 'dod chags kyi rigs kyi dam tshig ste/ sbyor ba gzhan dag la yang shes par bya'o/ /de ltar na lus kyi las rnam pa gsum rnam par dag pa bstan nas/ rdzun du smra ba rnam par dag par bya ba'i phyir gsungs pa ni de nas zhes bya ba la sogs pa yin te/ rdo rdo thogs med ces bya ba ni gdon mi za bar grub pa ste/ gzhan dag la phan par bya ba'i phyir/ lha'i 'khor lo dang ldan pa'i rdzun du smra ba de nyid ni rdo rje'i tshig ste/ de nye bar mtshon pa'i lha thams cad kyi gzugs bsgom par bya'o/ /nam mkha' i gsung zhes bya ba ni gsung gi rang bzhin gyi dmigs su med pa'i ye shes so/ /de nyid kyis ni shin tu dri ma med pa'o/ /'di ni dam tshig dgug pa'i phyir rigs kyi dam tshig de kho na nyid de/ sbyor ba gzhan dag la yang sbyar bar bya'o/ / tshig rtsub mo smra ba la sogs pa'i rnam par dag gsungs pa ni de nas zhes bya ba la sogs pa ste/ dam tshig ni 'da' bar mi bya ba'i mnyam pa nyid kyi ngo bo nyid de'i dkyil 'khor ro/ /de ltar dkon mchog dpal bdag por rab tu bsgoms la/ sangs rgyas kun gyis zhes bya ba lta rnams kyis phan tshun rtsub mo'i dag la sogs pa 'di dag ste/ tshig de gdul bya'i skye bo rnams la phan gdags par bya ba'i phyir spro bar bya'o/ /sogs pa'i sgra la sogs pa 'di dag gis ni stong pa nyid du rtsod pa la sogs pa gzung ste/ des lha rnams kyi 'khor lo bsten na bla na med pa'i ye shes 'thob par 'gyur ro/ /de ltar na 'dis ni dag gi las rnam bzhi rnam par dag pa gsungs nas ni sems rnam par dag pa ni lus dang dag gi las yin la/ sems rnam par dag par byed pa ni gzhan dag med de/ de bas na bdag nyid de rnam par dag par byed pa yin no/ /sems rnam par dag pa de yang de dang der mang du gsungs pa nyid yin no/ /gnod sems la sogs pa yid kyi mi dge ba rnam pa gsum rnam par dag pa ni 'dir mi gsungs so/ / don 'di nyid kyis ni rjes su mthun pa'i 'gro ba'i don rnams dang zhes bya ba la sogs pa tshigs su bcad pa bzhi smos pa yin no/ /ma 'ongs pa'i 'gro ba rnams kyis khong du chud par bya ba'i phyir/ ngo mtshar la sogs pa brjod pa gsungs pa ni de nas zhes bya ba la sogs pa ste/ de bzhin gshegs pa thams cad kyis dam tshig gi rdo rje ni gdon mi za bar grub pa'o/ /dpal ni sgrib pa thams cad sel ba ste/ de la sogs pa pos te/ de nas rdo rje'i tshig 'di smras zhes bya bar sbyar ro/ /rmad byung chen po zhes bya ba ni gal te 'dis nan tan du byas nas shes par bya ba yin pa'i phyir ro/ /dag pa las zhes bya ba ni 'gal ba'i las rnam par dag pa yin pa'i phyir ro/ /kun rdzob ces bya ba ni sbyor ba 'di ni gnyis su med pa'i ye shes yin yang/ gzung ba la sogs pa sbros pa sna tshogs ba de ni kun rdzob yin no/ /ji skad du sum cu pa las kyang/ bdag dang chos su nyer 'dogs pa/ /sna tshogs dag ni gang byung pa/ /de ni rnam par shes par gyur ces bshad pa'i phyir ro/ /le'u dgu pa'i 'grel pa'o/ / //le'u bcu bar de bzhin gshegs pa thams cad kyi thugs yang dag par bskul ba bstan pa gsungs pa ni/ de nas zhes bya ba la sogs pa ste/ gang na yang mi gnas mnyam pa nyid ces bya pa ni mnyam pa nyid kyis gang na yang mi gnas ba ste/ rten dang brten pa por gyur pas mnyam pa nyid du gyur pa med par thal bar 'gyur ba'i phyir ro/ /pha rol tu phyin pa ni shes rab bo/ /de nyid kyi sngags kyi tshul rdo rje ste rdo rje'i 'dzin pa lta bu'o/ /de lta bu'i ting nge 'dzin la snyoms par zhugs pa'o/ /zhi ba la sogs pa'i sgro nas bskul bas de kho na nyid kyi las mdzad pas na rig pa'o/ /de yang ji skad du zhi ba la sogs pas rab bskul ba'i/ las rnams byed par rig par bshad ces bshad pa lta bu'o/ /sngags kyang yin la thams cad kyang yin pa ni de bzhin gshegs pa ste/ de rnams kyi snying po kun tu bskul ba ni drag pos kyang ngo/ /de bzhin gshegs pa thams cad kyi zhes bya ba la sogs pas ni sku'i sgo nas rtsom pa'i sngags kyi rnam par dag pa ston te/ gsung dang thugs su yang mngon par brjod pa ni de dang tha mi dad pa'i phyir ro/ /de bzhin du rdo rje 'dzin thams cad kyi zhes bya ba la sogs pa ni thugs kyi sgo nas so/ gsung gi sgo nas kyang sngags rnam par dag pa gsungs pa ni tshig gi lam nges par brjod pa zhes bya ste/ tshig med cing tshig dang ldan pa med du zin kyang/ tshig gi nye bar dgong bas gsungs pa'o/ /'dar zhing zhes bya ba la sogs pas ni sngags kyi che ba'i bdag nyid gsungs pa yin te/ sngags 'di lha mo dang rdo rje can gyis rnal 'byor pas bzlas na/ 'di lta bu'i mthu 'di snyed dang ldan no zhes bya ba'i don to/ /da ni rgyal ba skyed par byed pa'i yum gyi sku skyed par byed pa'i rgyud zla ba gnyis kyis rjes thogs la/ hUM dang ldan pa'i rdo rje gsungs pa ni de nas zhes bya ba la sogs pa ste/ dkyil 'khor bkod pa zhes bya ba ni sangs rgyas kyi bkod pa'i ngo bo nyid rnam par snang mdzad yongs su gyur ba'i dkyil 'khor ro/ de'i zhes bya ba ni dbus ma'i zla ba'i gdan la zla ba gnyis su yongs su gyur pa/ de'i steng du yi ge hUM yongs su gyur pa'o/ /rang gi gzugs su zhes bya ba ni yi ge hUM yongs su gyur pa'i rdo rje'i gzugs dang gcig tu byas pa'o/ /ji skad du dpal mchog dang po'i snying po las byung ba zhes bya ba nas/ dang po'i snying po'i mgon bcas bsgoms nas ni zhes bya ba'i bar gyis bshad pa yin no/ /sangs rgyas kyi ni zhes bya ba la sogs pas ni de'i nga rgyal spangs nas de las rdo rje 'dzin pa bskyed par gsal bar mdzad pa yin no/ /ji skad du/ nga rgyal de ldan mdza' yas sprul ba yin/ zhes bya ba la sogs pas bshad pa yin no/ /da ni dkyil 'khor gdon pa'i phyir/ dang po stong nyid byang chub ste zhes bya ba la sogs pa tshigs su bcad pa gsungs pa'i thun mong gi bsnyen pa'i don du pad+ma'i nang du dkyil 'khor sprul ba gsungs pa ni rang gi dkyil 'khor zhes bya ba la sogs gsungs te/ de rang sngags kyis zhes bya ba ni bdag pa'i sa bon nyid kyis rang gi dkyil 'khor sprul pa yin gyi/ lta rnams kyis so so'i sa bon gyis ni ma yin te/ tha mi dad par nye bar bzung ba la tha dad bar thal bar 'gyur zhing sngags gcig bzlas pas thams cad kyi sngags bzlas par mi 'gyur ba'i nyes par thal bar 'gyur ro/ /de skad du rang gi snying po las byung ma lus pa'i/ rang gi dkyil 'khor ba'i gzugs bsams la zhes bshad pa yin no/ /nga ni bshad ma thag pa'i drag po'i bskul ba dang/ 'brel ba'i don ston cing mngon par rtogs pa yang gsungs pa ston te/ rang sngags skyes bu zhas bya ba ni rang gi sa bon gyi bdag nyid can gyis skyes bu bsam la/ gnas bzhi rnams su zhes gsungs pa ni lha mo'i lta ba dang/ dbu dang/ lkog ma dang/ nu ma gnyis kyi bar du'o/ /gzugs kyi tshul zhes bya ba ni rdo rje 'dzin pa la sogs pa ste/ zhal gsum lta bu'i sbyor bas kha dog gsum du rab tu bsgom par bya'o/ /'di dag gis ni phyag rgya bzhi gsungs pa yin no/ /snying kha'i dbus su zhes bya ba ni rang rang gi mtshan ma'i dbus su chud pa'o/ /phra mo'i dkyil rnams ni zhes bya ba sku dang gsung dang thugs rdo rje ye shes sems dpa' i dkyil 'khor du bsam pa'o/ /nga ni ji skad du rang snying zla'i rdo rje lte ba'i dbus su gnas yi ge hUM zhes bya ba la sogs pa smos pa yin no/ /de'i zhes bya ba ni mtshan ma'i'o/ /dbus su bsam par bya ba ni rang rang gi sa bon gyi yi ge ste/ thams cad kyi mchog tu gyur pa'i tshig bsam par bya'o/ /rjes su mthun pa'i sa bon yongs su gyur pa'i mtshan ma phra mo bstan pa'i phyir gsungs pa ni rdo rje chen po zhes bya ba la sogs pa'o/ /rtag tu zhes bya ba ni thun mtshams bzhir ro/ /sbyor bas zhes bya ba ni ting nge 'dzin gsum gyi sbyor ba ste/ de las byung ba'i sku la sogs pa'i rdo rje gsum rnam par bsam par bya'o/ /rdo rje kyo ba'i khyad par gyis zhes bya ba ni 'od zer gzugs can dgug pa'i rdo rje lcags kyu rdo rje'i dbye ba ste/ lcags kyu des lha rnams kyi snying khar dgug pa'i phyir brdab par bya 'am/ lha rnams nyid rab tu bskul bar bya'o/ /don 'di nyid rab tu bsgre ba'i phyir gsungs pa ni rdo rje zhes bya ba la sogs pa ste/ rdo rje'i ngo bo nyid ni pad+ma'i rigs so/ /sogs pa zhes smos pa ni 'khor lo'i rigs te/ 'di dag kyang rdo rje'i bdag nyid can yin la/ rang rang gi mtshan ma lcags kyu dang snying khar bskul ba/ dgug pa'i phyir bsgom par bya'o/ /rol mo las byung ba zhes bya ba ni kun tu gzigs pa la sogs pa sems can gyis don gyi bya ba ni rol mo ste/ 'di las byung ba zhes bya ba'i don to/ /zhag bdun zhes bya ba la sogs pas ni theg pa'i che ba nyid ston to/ /don ni 'di yin te/ dam tshig gsum gyi rnal 'byor pa bshad ma thag pa'i yi ge lnga'i sngags zlos pa dpal ldan rdo rje zhes bya ba la sogs pa'i tshigs su bcad pa dang/ sngags la sogs pa 'dis bskul na/ dam tshig las 'das pa'i 'jigs pas sangs rgyas rnams gzigs pa mdzad pa nyid du yang 'gyur ro zhes pa'o/ /de ltar bshad pa de nyid gsal bar bya ba'i phyir/ de nas zhes bya ba la sogs pa gsungs te/ sngags kyi skyes bu ni lha rnams so/ /rdo rje gsum ni sku la sogs pa'i rdo rje'o/ /ye shes ni ye shes sems dpa' ste/ des rdzogs pa'o/ /dbang po gnyis kyi sbyor ba yis zhes bya ba ni thabs dang shes rab kyi bdag nyid can du blta bar bya'o/ /'di dag kyang mchog gi bsnyen pa nyid yin no/ /dngos grub phra mo dag la yang gcig dang gnyis dang gsum rdzogs par bya ste/ gcig pu ni snyoms par zhugs pa ma yin pa dag kyang bsgom par bya'o/ zhes shes par bya'o/ /rig ma'i dbang phyug ces bya ba ni rang snang ba'i shes rab bo/ /zhugs pa la zhes bya ba ni bsgom pa'o/ rdo rje'i sbyor ba ni rdo rje dang pad+ma ste yang dag par sbyor ba bsgom par bya'o/ /'di ni zhes bya ba ni rigs lnga'i tshogs tha mi dad par bsgom par bya zhing/ 'jig rten gyi khams thams cad na bud med ji snyed yod pa de thams cad phyag rgya chen po'i sbyor bas nye bar spyad par bya ba ste/ phyag rgya chen po ni sku mdog dang dbyibs kyi bdag nyid can no/ /sogs pa'i sgras mtshan ma'i phyag rgya dang/ phyag rgya bzhi la sogs pa gzung bar bya'o/ /le'u bcu pa'i 'grel pa'o// //nga ni de nas zhes bya ba la sogs/ pas le'u bcu gcig pa gsungs pa yin te/ de bzhin gshegs pa thams cad nyid ni sngags yin la/ de'i ngo bo nyid kyi rdo rje dang/ de'i ngo bo nyid kyi sku la sogs pa'i sa bon te/ de las byung ba'i rig pa'i skyes du ste/ de ston par byed pa'i le'u bcu gcig pa 'di gsungs pa'o/ /rdo rje gsum gyi yi ge ni aoM la sogs pa'o/ /de nyid ni sngags kyi mchog ste/ des phyag rgya chen po zhes bya ba ni mdon par 'dod pa'i lha rnam par bsgom par bya zhing bskyed par bya'o/ /ye shes rdo rje zhes bya ba ni zla bzhu bas glu yis bskul ba la sogs pa gzhan dag tu gsungs pa 'dir sbyar bar bya'o/ /de nyid ni aoM adbang nyid kyi sku rdo rje la sogs pa'i rnam par dag pa'i ngo bor gsungs pa ni aoM ni zhes bya ba la sogs pa ste/ yi ge hUM ni thugs rdo rje'i ngo bo nyid yin du zin kyang phan tshun tha dad pa dang bral ba'i ngo bo nyid yin pas/ sku gsung thugs yin pas te zhes bya ba gsungs pa yin no/ /'khor la sogs pa'i rim gyis gzhal yas khang gi sa bon zla ba la gnas pa'i yi ge b+h+ruM bshad pa'i phyir dkyil 'khor zhes bya ba la sogs pa gsungs te/ rdo rje kun las skyes zhes bya ba ni sna tshogs rdo rje rtse gsum pa kha bzhi pa sna tshogs pad+ma la gnas pa'o/ /ji skad du dbus gnas pa pad+ma der ni sna tshogs rdo rje mdzes zhes smos pa yin te/ der skyes pa zhes bya ba'i don to/ /sngags kyi bzlas brjod dang 'brel pa'i yi ge gsum po gdan dang bcas pa gsungs pa ni rdo rje dkyil 'khor zhes bya ba la sogs pa ste/ rdo rje dang gsal ba'i chos kyi dkyil 'khor rnams te/ zla ba'i dkyil 'khor de dag la gnas pa ni yi ge aoM Abzlas par bya'o/ /lhag ma ye shes sems dpa' i dbang chen gyi dkyil 'khor la gnas pa'o/ /de yang rdo rje gsal chos 'khor lo de/ /sku gsung thugs kyi rdo rjer chud/ /gnas su de ni brtan par byas nas ni/ /ye shes sku ni spro shing bzlas brjod bya zhes bshad pa'o/ /yang na rnam par snang mdzad kyi dkyil 'khor nyid ni mi phyed pa nyid yin pas na rdo rje'i dkyil 'khor ro/ /'od dpag tu med pa'i dkyil 'khor nyid ni bem po ma yin pas na gsal ba'i dkyil 'khor ro/ /mi bskyod pa'i dkyil 'khor nyid ni chos bdag med pa'i ngo bo nyid yin pas na chos kyi dkyil 'khor te/ de rnams kyi 'khor lo pa gnas ba nas rim pa ji lta ba bzhin du yi ge aoM Apa'i phyir rdo rje'i dkyil 'khor dbus gnas par zhes bya ba ni mi bskyod pa'i dkyil 'khor nyid do/ /aoM zhes bya ba rab tu bsgom/ gsal ba'i dkyil 'khor zhes bya ba ni rnam par snang mdzad kyi dkyil 'khor nyid do/ /yi ge a ni rnam par bsam/ chos kyis zhes bya ba ni 'od dpag tu med pa'i dkyil 'khor de nyid de/ hUM gi rnam par bsgom par 'dod pa de ni rigs pa ma yin te/ phan tshun tha mi dad pa yin pa mang du smras zin pa yin pa'i phyir ro/ /bshad ma thag pa'i yi ge b+h+ruM yongs gyur pa'i khang pa rtsegs ma gsungs pa ni yi ge b+h+ruM gyi gnas bsgom ste zhes bya ba ste/ 'khor lo la soT pa gcig nas gcig tu brgyud pa zhes bya bar shes par bya'o/ /da ni sngar bshad pa'i thugs kyi bdag nyid can gyi yi ge gsum po ho zhes bya ba'i dbus su gnas gsungs pa ni snying po dus gsum sangs rgyas kyi zhes bya ba yin te/ de gang yin zhe na/ sku dang gsung dang thugs kyi ngo bo yi ge gsum po rdo rje 'dzin pa'i yab dang yum gyi rang bzhin te/ mnyes par byed pa ni yi ge ho dmar po gnyis zhes bya ba'i bar du'o/ /yang ji skad du 'od ldan to dang spel ba cho ga bzhin zhes smos pa yin no/ /gang sngar rdo rje gsum gyi gnas bsgom pa zhes gsungs pa de'i don gnas ni yi ge gsum kyi mtshan nyid can te/ sku rdo rje la sogs bskyed pa'i sa bon gsungs pa ni aoM zhes bya ba la sogs pa ste/ aoM ni sangs rgyas sku'i zhes bya ba ni sku rdo rje'i'o/ /mchog ni bskyed pa'i sa bon bsgom par bya'o/ /de bzhin du gsung rdo rje dang thugs rdo rje dgal ni yi ge apar gsungs pa ni A ni zhes bya ba la sogs pa'o/ /ye shes zhes bya ba ni rnal 'byor pas bskyed pa'o/ /dam tshig ces bya ba ni/ dam tshig sems dpa' skyed par byed pa'i mig la sogs pa byin gyis rlob par byed pa'i dam tshig dang bcas pa ste/ rdo rje gsum po 'di dag ni sngags kyi rig pa zhes bya bar bsgrags pa'o/ /dngos grub phra mo'i khyad par las dum bu bstan pa'i phyir/ dben zhing zhes bya ba la sogs pa gsungs te/ gsal ba'i dkyil 'khor ni zla ba'i dkyil 'khor ro/ /der rang gi sngags kyi dam tshig ni rnam par snang mdzad te/ de bskyed pa'i cho gas bskyed la/ yi ge aoM gcig mtshan ma la gnas pa snying khar bzhag par bya'o/ /'dis ni sku rdo rje dang 'od mnyam par 'gyur gyi/ sku'i rdo rje yongs su rdzogs par 'gyur ba ni ma yin te/ sngar yongs su rdzogs pa ni ting nge 'dzin gsum gyi rnal 'byor pa gang gi mtshan mas kyang phyis nye bar sgrub pa la sogs pa dang bral ba'i phyag rgya gcig dang ldan pa'i lha nyid gcig pu snyoms par 'jug pa ma yin pa'i cho ga bzhin du bsgoms pa las sku rdo rje rtag pa las ji skad du gsungs pa'i phan yon 'grub par 'gyur ro zhes bya ba'i don to/ /de bzhin 'di'i 'og ma rnams la yang sbyar bar bya'o/ /de bas na dngos grub thob pa'i mtshan ma mthong nas ni zhes bya ba la sogs pa'i tshigs su bcad pa smos pa yin no/ /'od dpag tu med pa dang mnyam pa'i dngos grub gsungs pa ni chos kyi dkyil 'khor zhes bya ba la sogs pa ste/ chos kyi dkyil 'khor ni rdo rje chos kyi dkyil 'khor ro/ / der sngags kyi skyas bu 'od dpag tu med pa cho ga bzhin du bskye nga la de'i dag gi lam ste/ lkog mar pad+ma'i lte ba la gnas pa zla ba la brten pa'i yi ge aso sor rtog pa'i bdag nyid can no/ /de nyid ni mchog ste de bsgom pa'o/ /de yang 'od dpag tu med pa bsgom pas dgod par bya'o zhes bya ba'i don to/ /thugs rdo rje'i rtog pa'i dngos grub gsungs pa ni rdo rje'i dkyil 'khor zhes bya ba la sogs ba ste/ sems la yi ge hUM gnas pa zhes bya ba ni rang gi snying khar rdo rje'i lte ba la yi ge hUM cho ga bzhin du bsgom par bya'o/ /mi snang ba'i dngos grub gsungs pa ni ye shes dkyil 'khor zhes bya ba la sogs pa ste/ nam mkha' i snying po'i phyag rgya chen po ye shes kyi dkyil 'khor gyi dbus su bsams la/ de'i gnas bzhir yi ge khaM lha mo med pa'i mtshan ma zla ba la gnas pa bsgom par bya'o/ /nam mkha' rdo rje ni ye shes kyi dam tshig ste nam mkha' i snying po'i rtog par 'gyur pa'o/ / 'phags pa 'jam dpal gyi dngos grub gsungs pa ni rdo rje'i dkyil 'khor zhes bya ba la sogs pa ste/ rang sngags skyes bu ni 'phags pa 'jam dpal te/ da cho ga ji lta ba bzhin du bsams la/ de'i snying khar rang gi mtshan ma'i dbus su yi ge hUM zhes bya ba cho ga bzhin du bsgom par bya'o/ /cho ga 'di nyid kyis thil zhes bya ba yang bsgom par byas nas/ phan yon ji skad du bshad pa 'thob par 'gyur ro/ /ting nge 'dzin gyi khyad par gzhan dag gsungs pa ni nam mkha' i dbyings kyi zhes bya ba la sogs pa ste/ mi bskyod pa rnam par bsams la/ cho ga ji lta ba bzhin du de'i thugs khar yi ge aoM bsam par bya'o/ /sbyor ba'i khyad par gzhan gsungs pa ni nam mkha' i dbyings zhes bya ba la sogs pa ste/ nam mkha' rdo rje zhes bya ba ni rin chen 'byung ldan no/ /rin chen aoM zhes bya ba ni mnyam pa nyid kyi rang bzhin yi ge aoM ste de cho ga bzhin du bsgoms na ji skad bshad pa'i phan yin 'thob par 'gyur ro/ /ting nge 'dzin gzhan dag gsungs pa ni nam mkha' i dbyings zhes bya ba la sogs pa ste/ 'jig rten dbang po ni 'od dpag tu med pa'o/ /chos kyi aoM ni pad+ma'i rigs lta bu ste/ de snying khar bsam par bya'o/ /nam mkha' i dbyings zhes bya ba la sogs pa la/ rdo rje autpa la ni don yod grub pa ste/ de bsgoms la/ de'i thugs ka'i mtshan mar zla ba la dam tshig aoM rab tu bsgom par bya'o/ /de ltar rigs lnga car la yang yi ge aoM gyi bsgom pa bstan nas/ sku dang gsung dang thugs gsum car cig car bstan pa'i phyir/ nam mkha' i dbyings zhes bya ba la sogs pa gsungs te/ sku gsum aoM zhes bya ba ni chos dang longs spyod rdzogs pa dang/ /sprul pa'i ngo bo nyid de gnas gsum car du yang yi ge/ aoM ma chen ma'i zla ba la gnas pa cho ga bzhin du bsgom par bya'o/ /gnas gsungs pa ni rnam par dben pa'i zhes bya ba la sogs pa ste/ ji skad du la lar dri med chu ni phun tshogs shing zhes bya ba la sogs pa smos pa yin no/ /mngon par shes pa rnam pa lnga bsgrub par bya ba'i phyir/ bsam gtan las byung ba'i las kyi tshogs gsungs pa ni mi bskyod ye shes rdo rje sogs zhes bya ba la sogs pa ste/ de la mi bskyod pa cho ga bzhin du bsams pa la mig dang rna ba dang/ sems dang yid dang/ lus te/ gnas lngar rang gi sngags kyi rtse mo lnga pa'i rdo rje lnga bsgom par bya'o/ /de rnams la yang zla ba la gnas pa'i sngar bshad pa'i yi ge thlaM? cho ga ji lta ba bzhin du bsams la mngon par shes pa lnga dang 'dra bar 'gyur ro/ /de bzhin du rnam par snang mdzad kyi rnal 'byor pas/ rang sngags zhes bya ba rang gi sa bon yongs su gyur pa'i 'khor lo gnas lnga'i sbyor bas bsams par bya'o/ /sngar bshad pa'i gnas ldar gtog pa'i 'khor lo lnga la yi ge bli? cho ga bzhin du bsgoms na mngon shes lnga dang 'dra bar 'gyur ro/ zhes bya ba'i don to/ /de bzhin du mtshan ma gzhan dag la yang ci rigs par sgyar bar bya'o/ /yi ge b+h+ru ge rjes la 'khor lo la sogs pa khang pa rtsegs ma'i rgyu yin par gsungs pa na rdo rje mkha' 'gro zhes bya ba la sogs pa ste/ sangs rgyas 'jug pa zhes bya ba ni 'od zer gyis bskul ba'i sangs rgyas spro ba la sogs pa sngon du 'gro ba'i rang gi rigs pa dang/ rnam par snang mdzad yongs su gyur pa las so/ /sangs rgyas gnas dang 'dra bar 'gyur zhes bya ba ni sangs rgyas kyi rten dang gcig tu gyur pa yin gyi 'dir 'dra ba'i sgra mtshungs pa'i tshig ni ma yin te/ 'di ni sbyor ba yang dag par rdzogs pa'i 'bras bu yin pa'i phyir ro/ /phra mo'i rnal 'byor la thig le bsgom pa gsungs pa ni sangs rgyas dkyil 'khor zhes bya ba la sogs pa ste/ rnam par snang mdzad kyi phra mo'i rnal 'byor gyi snying khar yi ge aoM cho ga bzhin du bsams la/ yi ge aoM de nyid la sems thig ler gyur pa zhes bya ba/ 'gog pa rdo rjer gyur ba ste/ rab tu rgyu ba 'gog par bsgom par bya'o/ /de bzhin du 'di'i 'og ma rnams la yang phra mo'i mi bskyod pa la sogs pa la sbyar bar bya'o/ /'gog pa'i rdo rje ye shes zhes bya ba ni mi g.yo ba'i dam tshig gi ye shes so/ /'di dag ni thig le'i rnal 'byor gyi sgrar mi bshad de/ spre ba la sogs pa med pa'i phyir ro/ /yang dngos grub phra mo la rnam par snang mdzad kyi rnal 'byor pa sngar bshad pa'i sku dang gsung dang thugs kyi bdag nyid can yi ge aoM bsams na tshe ring bar 'gyur ro zhes gsungs pa yin no/ / rdo rje nam mkha' zhes bya ba la sogs pa gsungs pa la/ de bzhin du 'dir 'od dpag tu med pa dang/ mi bskyod pa dag la yang shes par bya'o/ /lhag par mos pa'i dbang gis ni bskal pa 'am bskal pa gsum du gnas par 'gyur ro zhes bya ba la sogs pa ni nges pa med par bshad pa'i phyir yang gsungs pa yin no/ /le'u bcu gcig pa'i 'grel pa'o// //de nas zhes bya ba la sogs pas ni le'u bcu gnyis pa gsungs te/ maM zhes bya ba la sogs pas mi snang ba'i dngos grub gsungs pa yin te/ yi ge maM las 'jam pa'i rdo rje dang sku dang gsung dang thugs kyi bdag nyid can bsgom par bya'o zhes bya ba'i don to/ /'dir yang sngar bshad pa'i yi ge khaM yan lag thams cad bsgoms ni/ tshangs pa la sogs pas kyang mthong bar mi nus so/ /spro ba yang sku dang gsung dang thugs kyi bdag nyid can gyi sa bon gyis bya'o/ /sngags yongs su gyur pa'i mtshan ma'i ril bu'i mi snang ba'i dngos grub gsungs pa ni rdo rje mi phyed bya ba la sogs pa ste/ dam tshig lnga ni rdo rje mi phyed pa gsum las byung ba'i tshig lnga gang yin pa de'i ril bu gser dang/ dngul dang zangs kyis dkris pa/ rang gi sa bon las bskyed pa/ tsa na ka'i 'bru'i tshod tsam byas la/ de la sangs rgyas thams cad kyi mi byed pa'i dkyil 'khor gyis 'khor lo yang dag par rdzogs pa lta bur sems bsgoms la/ de nas bar snang las byung ba'i ril bu lngar bskyed nas/ aoM la sogs pa sa bon tsam dang ldan pa'i lha de spyi'i rnal 'byor pa'i zlos pas khar bcug nas bsgoms na/ ji skad gsungs pa'i phan yon 'thob par 'gyur ro/ /'dir gang dang gang ma gsungs pa de ni snga ma dang phyi mas kha bskang bar bya'o/ /'khor lo'i dngos grub gsungs pa ni 'jam pa'i rdo rje zhes bya ba la sogs pa ste/ rang gi sngags kyis zhes bya ba ni 'khor lo can gyis lha'i sngags dang de'i rnal 'byor pas 'khor lo lcags sam/ sa 'am gzhan gang yang rung ba las bskyed pa/ rang gi bdag po dkyil 'khor gyi 'khor lo yang dag par rdzogs pa dang ldan pa/ sangs rgyas thams cad kyi bzhugs pa'i gnas su gyur bar bsgoms nas/ sngar bshad pa'i khyad par gyi rigs dang rjes su mthun pa'i lha'i rnal 'byor pa gcig gis 'khor lo'i dngos grub de lag tu rnam par bsgoms na/ ji skad du/ bshad pa'i phan yon 'thob par 'gyur ro/ /'dir yang gong ma dang 'og ma'i kha bskang ba la ltos par bya'o/ /de bzhin du rdo rje dang pad+ma dang ral gri la yang bskyed pa la sogs pa ci rigs par sbyar bar bya'o/ /rin po che la sogs pa rang rang gi sngags las grub pa yin no/ /sbyor ba 'di'i rjes su 'brangs nas/ sngar bshad pa'i ril bu rnams kyi rang gi sa bon gyis bskyed ba'i ched kyi lha'i rnal 'byor la sogs pa 'dra bar sngar ma bshad pa gsungs pa ni aoM ni ril bu zhes bya ba la sogs pa'o/ /da ni sngar bshad pa'i lha'i rnal 'byor pa sngar bshad pa'i rim pas bskyed pa'i 'khor lo grub pa rang gi lag par bsgom par bya'o zhes bya ba la sogs pa sngar ma gsungs pa de kha bskang bar bya ba'i phyir/ mkha' dbyings gsal ba'i zhes bya ba la sogs pa gsungs te/ chos 'byung bar zla ba'i gdan la bzhugs pa'i sngar bshad pa'i rnam par snang mdzad bsgoms la/ sngar bshad pa'i 'khor lo lag pas 'dzin pa rang tu bsgoms na/ ji skad du bshad pa'i phan yon 'theb par 'gyur ro/ /'khor lo chen po'i rigs zhes bya ba ni 'khor lo'i rigs kyi rgyu dang ldan pa'i lta rnams kyang 'di bzhin du bsgoms la/ mtshan ma 'di bskyed cing de 'dzin pa la sogs pas ye shes mchog ste/ mchog gi ye shes bsgrub pa yin no/ /ye shes rdo rje zhes bya ba ni rnal 'byor pa'o/ /de bzhin du rdo rje las sogs pa la yang gzung bar bya bar gsungs pa ni mkha' dbyings rdo rje zhes bya gal sogs pa ste/ thams cad ni snga ma dang 'dra'o/ /rtse gsum pa la sogs pa la yang skyes pa la sogs pa gsungs pa ni tri sh+rU? la zhes bya ba la sogs pa'o/ /rdo rje khyad par gyis zhes bya ba ni bdag po'i rjes su mthun pa'i tshul du'o/ / da ni dgug pa'i sbyor ba gsungs pa ni lam gyi zhes bya ba la sogs pa ste/ rdo rje dgug pa zhes bya ba ni rdo rje dgug pa'o// //sbyor gsum sngags kyi skyes bur bsam zhes bya ba ni sku dang gsung dang thugs byin gyis brlab pa dang ldan pa'o/ /de ni ting nge 'dzin gsum gyi sbyor ba yang dag par rdzogs pa'i lha'i skyes bur bdag nyid bsams la/ sbyor ba gsum dang ldan pa'i lcags kyu bsgoms te/ sku la sogs pa'i ngo bo dgug pa'i phyir gtang par bya'o/ /dgug par bya ba yang rlung gi dkyil 'khor la gnas par byas 'di ni sangs rgyas kyis dgug pa'i sbyer ba gang 'dod pa de nyid kyis dgug pa la 'gal ba med do/ /de lta mod kyi rnam par snang mdzad ni nye bar mtshon pa'i don tsam du gsungs pa yin te/ rnam par snang mdzad gtso bor gyur pa'i 'khor lo chen po bsams la/ dgug pa'i lcags kyu dang ldan pa'i rgyal ba de dag gi gnas bsams nas dgug par bya'o zhes bya ba'i don to/ /lcags kyu dgug pa 'ba' zhig tu ma zad kyi/ gzhan dag gis kyang 'gyur ro zhes bstan par bya ba'i phyir rdo rje padmo zhes bya ba la sogs pa gsungs so/ /sku dang gsung dang thugs kyi zhes bya ba ni sku la sogs pa'i ngo bo nyid kyi lcags kyu la sogs pa rlung gi dkyil 'khor la gnas pa'i bsgrub par bya ba dgug pa la brtson pa bsgom par bya'o/ /zhes bya bar sbyar ro/ /mthu chen po dang ldan pa'i bza' ba'i khyad par rnam par spyad bar bya ba'i phyir/ rnam pa mchog ces bya ba la sogs pa smos te/ rnam pa thams cad kyi mchog dang ldan pa'i dkyil 'khor gyi rdo rje can gyi sku'i rdo rjer lhag par mos pa'i dbang gis bdag nyid bsams la/ lce nyid la 'og nas bshad pa'i rim gyis rdo rje de'i sbyor bas de nyid du bsgom na gsung gi rdo rje dang 'dra bar 'gyur ro/ /'di dag kyang gzugs la sogs pa'i lha mo rnams kyi dkyil 'khor gyi mchod pa la bstod pa'i mchod pa'i rjes thogs la bya'o zhes gsungs pa ni gsang gsum zhes bya ba la sogs pa'o/ /sku la sogs pa'i rdo rje can ni phyag rgya bzhi la sogs pa dang ldan par bstan pa'i phyir rnam pa'i mchog rnams zhes bya ba la sogs pa gsungs te/ mtshan thams cad dang ldan pa'i sku'i rdo rje'i la sogs pas byin gyis brlabs pa snying khar ye shes sems dpa' dang ldan pa/ dbu rgyan la rang gi rigs kyi bdag po 'chang ba'i sku rdo rjer bdag nyid rnam par bsgoms la tshim par bya'o zhes bya ba'i don to/ /lce rnam par dag pa gsungs pa ni rdo rje'i sbyor ba zhes bya ba la sogs pa ste/ lce'i gnas su zla ba la gnas pa'i yi ge hUM yongs su gyur pas hUM gis byin gyis brlabs pa'i rdo rje rtse lnga pa bsams te/ bdud rtsi lnga'i sbyor bas sbyar ba la sogs pa'i chogs bza' bar bya'o/ / des ni rdo rje gsum nyid 'thob par 'gyur ro zhes bya ba'i don to/ /sbyang ba'i cho ga bstan pa ni yi ge a las byung ba'i thod pa bsams la/ yi ge aoM steng du bsgoms te/ de'i nang du dam tshig bza' bar ya ba'i rdzas bzhag par bya'o zhes shes par bya'o/ /yi ge hUM yang 'dir bar snang la rdo rje'i bdag nyid can gyi de bzhin gshegs pa rnams dang ldan pa thod par gnas par bya'o/ /de ni 'bar ba'i aoM gyis byin brlabs rlung dang me'i zhes bya ba la sogs pa'i tshigs su cad pa dang sbyar bar shes par bya'o/ /rdo rje dam tshig gsum ni bshad ma thag pa ste/ grub pa nyid mchog yin no/ /des na sku gsum rdo rje can du gyur zhes bya ba ste/ 'di ni 'di'i phan yon gsungs pa'o/ /pa ni sngar bshad pa'i 'khor lo'i rig pa 'dzin pa la sogs pa'i dngos grub kyi phan yon gsungs pa ni 'khor lo'i dam tshig ces bya ba la sogs pa yin te/ grub pa ni mu stegs pa'i rgyud gzhan dag gi man ngag gis grub pa las gtso bor 'gyur ba'o/ /sngar bshad pa'i mngon par shes pa lnga? grub pa'i phan yon gsungs pa ni gang gA'i ji snyed ces bya ba la sogs pa gsungs pa yin no/ /da ni yan lag bzhi po'i 'bras bu dang bcas pa bstan pa'i phyir/ bsnyen pa'i dam tshig ces bya ba la sogs pa gsungs pa yin te/ rdo rje'i bye brag ces bya ba ni chud du dang/ bar ma dang/ chen po'i dbye bas so/ /sdud par byed pa'i tshig 'di nyid chung du dang chen po la sogs pa'i dbye bas rnam par dbye ba ni bsnyen pa zhes bya ba la sogs pa ste/ ting nge 'dzin ni thabs dang shes rab kyi bdag nyid can k+ShI dkyil 'khor gyi bdag po ste/ de'i sbyor bas byang chub kyi mchog bsgom par bya'o zhes bya ba 'di ni bsnyen pa'i yan lag bskul ba'i glu'i rjes thogs la snga ma dang 'dra ba'i lha bskyed pa'i mtshan nyid rgyu mthun pa'i 'bras bu chung ngu bshad pa yin te/ 'di skad du/ aoM Abshes gnyen dam pas rgyu mthun byas zhes bya ba'i bar du bshad pa'o/ /nye bar sgrub pa'i yan lag dang/ rnam par smin pa'i 'bras bu chung du thams cad mkhyen pa nyid kyi tshul du gsungs pa ni nye bar sgrub pa la sogs pa ste/ nye bar sgrub pa'i dngos grub gyi mchog ni gang rdo rje'i bdag nyid can du mig la sogs pa'i skye mcher rnam par dbyed pa'o/ /de yang ji skad du de 'og rang snying sa bon 'od rnams kyis/ rang gi mig sogs sa snying la sogs pas ji bzhin bkang nas zhes bshad pa yin no/ /de bzhin du smin las thams cad mkhyen nyid gyur zhes bya ba nas brtsams te/ de'i sa bon rnams kyi sa ni zhes bya ba'i bar gyis bshad pa yin no/ /bsnyen pa'i yan lag ni chos dang/ longs spyod rdzogs? pa dang/ sprul pa ste sku gsum par dag pa'i ngo bo skyes bu byed pa'i 'bras bu chung ngu gsungs pa ni sngags kyi zhes bya ba la sogs pa ste/ 'od zer dang tshigs su bcad pa rnams kyi gang de bzhin gshegs pa rnams dang/ sngags kyi bdag po rnams la bskul zhing thugs rdo rje la sogs pa byin gyis rlobs pa'i sngags kyis bsgom pa gang yin pa de ni bsnyen pa zhes bshad do/ /de gang ji skad du/ rang snying dri med zla'i zhes bya ba nas/ mtshan nyid dag dang bral bar dmigs par bya zhes bya ba'i bar dang/ de bzhin du skyes bu bskyed pa zhes bya ba nas brtsams te/ sgyu ma'i shes rab yan lag 'du shes bya ba'i bar gyis bshad pa yin no/ /sgrub pa chen po'i yan lag dbang bskur ba'i tshul dbang gi 'bras bu chung du gsungs pa ni sgrub pa chen po zhes bya ba la sogs pa ste/ sgrub pa chen po byed pa'i tshe/ rang gi sngags kyi rdo rje can gyi bdag po'i gzugs phyag rgya chen po rang gi dbu rgyan la bsams na ye shes rdo rje ste/ rnal 'byor pa 'grub par 'gyur ro zhes bya ba'i don to/ /de yang ji skad du phyogs tshogs kun na bzhugs pa'i thub pa'i tshogs zhes bya ba nas rang gi rigs kyi gcos brgyan cod pan gyur ces bya ba'i bar dang/ de bzhin du dbang 'bras chung du grub pa la zhes bya ba nas/ rigs kyi gtso bo dbu rgyan mchog ces bya ba'i bar gyis bshad pa yin no/ /bsnyen pa nyid khyad par du dbye ba gsungs pa ni bsnyen pa'i zhes bya ba la sogs pa yin te/ ye shes bdud rtsi ni srid pa bar ma do'i sems rjes zhugs pa sngon du 'gro ba'i zla bzhu ba ste/ de nyid kyis bsten pa bya'o/ /de yang ji skad du aoM Ala sogs pa'i 'bras bu rnams ni dkyil 'khor gyi bdag po'i lhar gtogs pa yin pas na/ mchog gi sgras khyad par du byas pa yin no/ /de ltar g.yeng ba ma lus pa bsal bar mi nus shing/ ye shes shin tu byang ba'i rang bzhin ma yin pas na/ chung du'i sgras khyad par du phye ba yin pas shes par bya'o/ /de ltar bdag po'i lhar gtogs pa'i yan lag bzhi po 'bras bu dang bcas pas gcig bshad pa yin no/ /da ni dkyil 'khor gyi lha ma lus par gtogs pas spyi'i bsnyen pa dang/ rgyu mthun pa'i 'bras bu chen po ni ye shes khyad par gyi dbang gis chen po'i sgras khyad par du phye ste/ gsungs pa ni yang na zhes bya ba la sogs pa ste/ de bzhin gshegs pa thams cad rjes su zhugs pa sngon du 'gro ba'i pad+ma'i nang du zla ba zhu ba gcig pu der 'di dag yongs su gyur pa las bdag po'i sa bon no/ /de las kyang de nyid du dkyil 'khor pa'i lha thams cad bskyed pa'o/ /de las ni badzra d+h+rika ces pa sogs pa'i sngags kyis gdon pa ste/ 'di ni rdo rje bzhi ste/ de yang dang po stong nyid byang chub ste/ gnyis pa sa bon bsdus pa yin/ /gsum pa gzugs ni rdzogs pa ste/ /bzhi pa yi ge dgod pa'o zhes ji skad bshad pa lta bu'o/ /de ltar na rdo rje bzhi pos bsnyen pa chen po bya'o/ /'di nyid ni spyi'i bsnyen pa ste/ rgyu mthun pa'i 'bras bu chen po'o/ /de yang thugs ka'i zla ba'i sngags kyis 'od rnams kyis zhes bya nas brtsams te/ lha thams cad kyi gdon pa bshad pa yin no/ /de bzhin du gzhan dag las kyang thugs zla ba'i ral gra'i snying po'i 'od zer gyis zhes bya ba la sogs pas de nyid bshad pa yin no/ /de bzhin du nye bar sgrub pa chen po la sogs pa la rnam par smin pa'i 'bras bu chen po ni dkyil 'khor pa'i lha rnams kyi spyi'i yin par shes par bya'o/ /de yang ji skad du rang la bshad pa lta bur dbang bskur zhing/ /cho ga yis ni mngon par mchod par bya zhes bshad pa dang/ de bzhin du 'khor lo ni/ mig dang sku sogs byin brlab cing/ /rgyun mthun pa ni chen po las/ /sngo bzhin dbang bskur de bsam bya zhes bshad pa yin no/ /de bzhin du yan lag bzhi pa 'bras bu dang bcas pa gzhan dag kyang rjes su mthun par bshad par bya'o/ /yan lag bzhi po chung du dang chen po 'di gnyis kyi bar na gnas pas rna bar ma'i sgras khyad par du phye ba yin te/ shes rab mngon par 'dus byas pa la yang bsnyen pa dang/ rgyu mthun pa la sogs pa rang nyid kyis sbyar bar bya'o/ /de nyid kyis na/ de bzhin rang gi lha 'dra rang snying pos zhes bya ba la sogs pa'i tshigs su bcad pa smos pa yin no/ /de bzhin du de bzhin rgyu mthun sogs par ma/ rang snang shes rab rnam par sbyang zhes bshad pa yin no/ /gnas lngar zhes bya bas ni rigs lnga'i tshigs dgod pa ste/ shes rab nyid bstan pa yin no/ /ye shes rdo rje yi ge aoM zhes bya ba ni rdo rje'i nor bu'i cha yi ge aoM las byung bar shes rab kyi gnas skabs su bsgom par bya ba'i phyir dran par bya'o/ /sdom pa zhes bya ba ni ji skad du shes pa'i des pa'o/ /da ni sku la sogs pa'i byin gyis brlab pa'i tshigs su bcad pa bstan pa'i phyir/ de la 'di ni zhes bya ba la sogs pa gsungs te/ gang gis sku grub par byed pa'i dus gsum gyi sangs rgyas de ni sgrub pa ste/ de'i 'bras bu nyid kyis nye ba yin pa'i phyir/ nye bar sgrub pa'i sku byin gyis brlab pa'o/ /de nyid kyis ngan 'gro rnams pas sgrib g.yogs byed pas na sdom pa'o/ /de nyid ni tshogs su bcad pa gsum pa gang yin pa'i yul yin pas de ni nye bar sgrub pa'i sdom pa'i yul lo/ /de nyid gsungs pa ni sangs rgyas sku 'dzin zhes bya ba la sogs pa'o/ /sgrub pa'i sdom pa'i yul zhes bya ba ni snga ma dang 'dra ste/ sgrub pa ni sangs rgyas rnams so/ / de'i sdom pa ni gsung byin gyis brlab pa'o/ /de nyid gang gi yul yin pa de la ni de skad ces bya'o/ /de nyid ni chos kyis gsung lam zhes bya ba la sogs pa tshigs su bcad pa gsum gsungs pa yin/ /sgrub pa chen po'i sdom ba'i yul lo zhes bya ba ni sgrub pa yang yin la chen po yang yin pa ste sangs rgyas rnams so/ /de'i sdom pa ni thugs byin gyis brlab pa la sogs pa ste snga ma bzhin no/ /de nyid ni tshigs su bcad pa gsum gsum pa'i gsum yin pa las tshigs su bcad pa gnyis pa gsum du slob dpon sangs rgyas ye shes kyi zhal snga nas kyi don tsam blangs nas sbyar ba yin no/ /da ltar sangs rgyas rnams la bskul bas nyid kyi thugs dam bcas pa las nyams pa'i bsnyangs pas sgrub pa po la byin gyis rlob pa nyid du mdzad do zhes bstan pa'i phyir sangs rgyas zhes bya ba la sogs pa gsungs pa yin no/ /drag shul gyis sgrub pa yang le'u bcu par gsungs pa'i bskul ba'i tshigs su bcad pa 'di sbyar bar bya ba nyid yin no zhes bya bar dgongs so/ /le'u bcu gnyis pa'i 'grel pa'o// //le'u bcu gsum par sngags kyi bzlas pa'i mtshan nyid bshad pa'i phyir/ de nas zhes bya ba la sogs pa gsungs te/ rigs dang sngags rnams thams cad kyi sku la sogs pa'i tshul gyi mtshan nyid ni rdo rje brlas pa'o zhes bya bar sbyar ro/ /de nas ston pa rdo rje 'dzin ces bya ba la sogs pas ni spyi'i bzlas pa gsum pa yin te/ sngags kun nyid ni don yin te/ de rnams kyi bzlas pa la rdo rje gsum gyi mi phyed pa'i mtshan nyid gang yin pa de ni 'di ltar rdo rje dbye ba gsum ste/ de'i mthar yin par khong du chud par bya'o/ /de'i bkod pa yang yin zhing rdo rje gsum yang yin pas ni de skad ces bya'o/ /sku gsung zhes bya ba la sogs pas ni sngags bzlas pa'i rim gyis sbros pa gsungs pa yin te/ sku rdo rje'i sa bon las na sku rdo rje nyid spro'o/ /gsung dang thugs kyi sa bon dag las ni gsung rdo rje dang thugs rdo rje nyid spro bar bya'o zhes bya ba'i don to/ /'di nyid ni sangs rgyas rnams kyi sku dang gsung dang thugs bsgoms nas/ de rnams la gzugs la sogs pa'i lha mo rnams kyis/ /mchod pa'i mchog brtag cing sbro ba la sogs pa bya'o/ /ye shes rdo rje zhes bya ba ni dmigs su med pa'i ye shes kyis gnyis su med pa'i bzlas pa dad spro ba la sogs bas nam mkha' ma lus khyab cing gcig gnas gcig tu brgyud ba'i tshul du bya'o zhes bya ba'i bar du'o/ /yang rnam pa gzhan dun cig car sngo? ba gsungs ba ni yang na zhes bya ba la sogs pa ste/ sku dang gsung dang thugs rdo rje so so las cig car hid du sku la sogs pa'i rdo rje spro bar bya'o/ /de rnams las kyang gzhan dag dang/ de bzhin du gzugs la sogs pa rnams sam/ de'i dkyil 'khor rnams kyis thams cad du khyab par spro ba ni bsgom par bya'o/ /ye shes sems dpa' spro ba gsungs pa ni lus dang ngag sems zhes bya ba la sogs pa ste/ sku dang gsung dang thugs bdag med tshul can de bzhin gshegs pa lnga po ni phyogs gnyi ga la yang ye shes kyi sems kyis zhes bya ba ye shes sems dpa' i sa bon gyis gcig car nyid du rab tu spro bar bya'o/ /dus gang gi chos spro bar bya ba de gsungs pa ni brjod nas zhes bya ba la sogs pa ste/ sngags brjod pa'i dus su bshad ma thag ba'i tshul gyis rdo rje ste/ de bzhin gshegs pa rnams spro bar bya'o/ /de bas na yang bzlas la 'bad pa'i sems nyid ni zhes bya ba la sogs pa'i tshigs su bcad pa gsum smos pa yin no/ /rdzogs nas zhes bya ba ni sngags brjod pa'i mthar sku la sogs pa de rnams rang rang gi gnas su bsdu bar bsaM par bya'o/ /de nyid kyis na yongs su sbas pa'i rig ? ma'i mchog rnams ni zhes bya ba la sogs pa smos pa yin no/ /de ltar sngags so sor brjod pa 'di lta bur bya'o/ zhes cing/ bshad nas sku la sogs pa'i bzlas pa'i mtshan nyid so sor bstan pa gsungs pa ni sku yi rdo rje rdzogs byang chub/ ces bya ba la sogs pa ste/ dngos po rnams bem bo'i dngos po'i ngo bo nyid du yang dag par rig pa'i tshul gyis rnam par dpyad cing rnam par 'jog pa ni sku rdo rje'i mngon par rdzogs par byang chub pa yin te/ de nyid ni sangs rgyas kyi sku zhes bya bar bshad de/ 'di ni sku'i bzlas pa yin par bshad do/ /gsung gi bzlas pa gsungs pa ni gsung gi dam tshig rdzogs byang chub ces bya ba la sogs ba ste/ sgra'i ye shes ni so sor snang ba'i bdag nyid can te/ de sgra ma yin zhing tshig ma yin pa nyid du rnam par dpyad pa'o/ /sems gnas pa rdo rje nyid de gnas pa med pa nyid du rnam par dpyad ba 'di ni sems rnam par dag pa'i bzlas pa yin no/ /don mnyam pa nyid kyi ngo bo nyid ni de bzhin gshegs pa rnams te/ de rjes su rtogs pa'i bzlas pas rtogs pa'i ngo bo nyid dang bral ba dang / rnam pa thams cad dang ldan pa'i mjes pa dus gsum gyi sangs rgyas rnam par dpyad pa ni rin chen bzlas pa ste/ rin chen 'byung ldan gyi'o/ /gdon mi za ba'i bzlas pa gsungs pa ni sangs rgyas zhing ni zhes bya ba la sogs pa ste/ gzhung cid byon pa zhes bya ba ni spro ba dang/ bsdu ba'o/ /de nyid ni rdo rje mchog ste/ dmigs su med pa'i ngo bo nyid do/ /khro bo la sogs pa'i bzlas pa gsungs pa ni khro bo'i zhes bya ba la sogs pa ste/ khro bo'i dam tshig rdo rje yis zhes bya ba ni mngon spyod la sogs pa'i las rnams khro bo'i bsgom pa las byung ba la ni rna bas gcig nas gcig du thos par khro bo'i sngags kyi yi ge'i tshig thos par bya'o zhes bya bar sbyar ro/ /rang gi rdo rje dkyil 'khor grags zhes bya ba ni khros ba'i dkyil 'khor gyis sgra sgrogs pa zhes bya ba'i don to/ /'dod pa'i don gyis myos gyur pa zhes bya ba ni 'dod pa'i don gyis nyon mongs par gyur cing myos par gyur pa'o/ /kun tu skyob cing phan par dga' zhes bya ba ni thams cad la skyob pa'i don du phan tshol bar byed pa'o/ /sems can gti mug gnas ni gti mug rnam par dag pa rnam par snang mdzad kyi ngo bo nyid kyi spro zhing rnam par 'jog la bsdud pa 'di ni gti mug rnan par dag pa'i tshul gyis bzlas pa'o/ /'dod chags nyid ni rnam par dag pa yin pas na rdo rje'o/ /de las byung bas na sngags kyi bdag nyid can gyi tshig ste/ lus la sogs pa lha'i tshul gyis yang dag par gnas nas spros par bya'o zhes shes par bya'o/ /zhe sdang rnam par dag ba nyid ni rdo rje ste/ de las byung ba'i sems sku la sogs pa'i tshul gyis yang dag par gnas par sbro ba'i tshul gyis bsgom par bya'o zhes khong du chud par bya'o/ /zhe sdang gnas zhes bya ba la zhes sdang rnam par dag pa ni mi bskyod pa ste/ de la rnam par bzhag cing bsdu'o zhes bya bar sbyar ro/ /dam tshig de nyid rdo rje gsum zhes bya ba la sogs pa ni ma bshad do/ /rdo rje bdag po ni gzugs rdo rje la sogs pa lha mo drug ste/ bzlas pa la sogs pas 'dod chags las byung ba'i byang chub mdzad do zhes bya bar sbyar ro/ /'dod pa'i longs spyod ces bya ba ni 'dod chags dang/ zhe sdang dang/ gti mug rnam par dag pa dang ldan pa'i sems kyi longs spyod kyi'o/ /rig pa'i rgyal po rdo rje can zhes bya ba ni sa'i snying po la sogs pa'o/ /ma ning dag gi gnas zhes bya ba ni skyes ba dang/ bud med dag gi gnas skabs dang bral ba'i ye shes kyi gnas so/ /zhe sdang gnas zhes bya ba la 'di'i don ni khros pa'i gnas skabs su zhe sdang gi ngo bo nyid las skyes pa ste/ mi bskyod pa'i rigs las skyes pa ni ma yin no/ /gsod la rtag tu brtson pa dag ces bya ba ni gdul bya'i skye bo'i bsam pa'i dbang gis myur bar tha mal pa'i gzugs las rab tu 'pho bar byed pa'i phyogs de nyid kyis rab tu 'grub par 'gyur ro/ /mchog gi chos can la zhes bya ba ni cho ga ji lta ba bzhin du sngags kyis bzlas brjod la sogs pa byed pa'o/ /thig le'i rnal 'byor gsungs pa ni ye shes 'khor lo zhes bya ba la sogs pa ste/ ye shes 'khor lo can zhes bya ba ni ye shes sems dpa' i thugs ka'i dbus su gsal ba'i dkyil 'khor gyis dbus kyi 'khor lo la gnas par bsgom par bya'o/ /'khor lo de'i dbus su zhes bya ba ste/ zla ba la 'khor lo'i don zhes bya ba ni mtshan ma 'khor lo'i ste pa'i zla ba la gnas pa'i rang gi sa bon thig le'i gzugs can du rang gi sems dang gnyis su med par bsgom pa rnam par snang mdzad kyi rigs kyi rnal 'byor pas bya'o/ /de bzhin du 'di'i 'og ma rnams la yang ci rig par shes par bya'o/ /thams cad du yang ye shes sems dpa' dang/ de'i thugs kar mtshan ma la sogs pa zla ba'i gdan la bsgom par bya'o/ /rdo rje la sogs pa sgras ni mi phyad pa la sogs par bshad par bya'o/ /de bas na de ltar brtags nas rang snying dri ma med la zhes bya ba la sogs pa'i tshigs su bcad pa gsum smos pa yin no /yang sngags bzlas pa dang 'brel ba'i don gsungs pa ni / dkyil 'khor kun gyi zhes bya ba la sogs pa ste/ bdag po'i lha thams cad kyi dkyil 'khor gyi ngos bzhi po rnams su sangs rgyas lnga rnams zhes pa ni rnam par snang mdzad la sogs pa ste/ ji skad du gsungs pa'i cho gas dgod par bya'o/ /de nas ye shes kyi sa bon de bzhin gshegs pa lnga'i 'od zer spro ba la sogs pa dang ldan pa yi ge gsum dang spel bar bzlos brjod bya'o/ /sangs rgyas de dag dang dkyil 'khor ba de dag thams cad kyang de'i tshe dkyil 'khor gyi bdag po de nyid gcig pu'i sa bon de de bzhin du zlos par gyur par bsgom par bya ste/ de las byang chub thob par 'gyur ro/ /bye brag rnam pa gnyis su bsgrags zhes bya ba ni de nyid bshad pa yin no/ /sku gsum rdo rje'i bye brag gis zhes bya ba la don 'di yin te/ sku gsum zhes bya ba de kho na nyid gsum zlos pa ni rim gyis sam cig car sbro ba 'di la ni nges pa med do/ /rdo rje zhes bya ba ye shes kyi sa bon zlos pa ni rnam pa thams cad du cig car spro bar bya ste/ 'di ni nges pa yin no /de ltar dbye ba rnam pa gnyis sbro bar byas nas/ mchod pa la yang rang gi rigs nyid kyi lha mos mchod par byed kyi/ rigs kyi bdag po gzhan gyi ma yin no zhes gsungs pa ni sku yis zhes bya ba la sogs pa ste/ sku ni rnam par snang mdzad de/ sku'i ngo bo nyid kyis spyan la sogs pas mchod par byed do/ /de bzhin du thugs la sogs pa la'ang sbyar bar bya'o/ /spyan yang spro ba'i dus su rang gi dkyil 'khor gyi bdag po dang ldan par spro bar byed de/ der yang sa rnam par dag pa la rang gi gsang ba'i pad+mar sprul pa'i bdag po me long lta bur rnam par dag pa rnam par snang mdzad kyi 'byin pa'i sngags kyis de'i nang du chud pa dang ldan pa dang me long lta bur rnam par dag pa'i dngos por thal bas spyan de me long lta bur rnam par dag pa nyid du bya'o/ /de bas na me long lta bur rnam par dag pa'i rnam par snang mdzad nyid ni de rnam par dag pas rnam par dag pa yin pa'i phyir de'i ngo bo nyid dang ldan pa'i gsang ba'i mchod pas mchod kyi gzhan dag ni ma yin no zhes bya bar rigs so/ /yang na gcig pu nyid sa rnam par dag pa yin du zin kyang/ rnam par snang mdzad nyid de'i rigs las byung ba yin pas na phyi'i mchod pas mchod pa la nyes pa med do/ /dgongs pa 'di nyid kyis na lha mo rnams ni sangs rgyas rnams kyi btsun mo'i mchog ces bshad pa yin no/ /de bzhin du mA ma kI la sogs pa mchod pa la ci rigs par bshad par bya'o/ / da ni las rnam pa bzhi bstan pa'i phyir dkyil 'khor gyis 'khor los sgrub par shig bstan pa'i phyir/ dkyil 'khor chen po'i zhes bya ba la sogs pa gsungs te/ rdo rje lnga rnams zhes bya ba de bzhin gshegs pa rnams bsgom par bya la/ de rnams kyi dbus su gang gyur pa de ni bdag po ste/ rdo rje gsum dang ldan pa'i bdag po'i gzugs su bsams la/ rang sngags rdo rje'i zhes bya ba bdag po'i dkyil 'khor gang yin pa'i dkyil 'khor ba rnam par snang mdzad la sogs pa'i tshul de rnams kyis/ dkyil 'khor gyi gzugs rnam pa bzhi po dkar po la sogs pa kha dog rnam pa bzhir kun tu brtags la snying po'i ngon ye shes kyi sa bon la sogs pa bsgom par bya'o/ /'di dag kyang dkyil 'khor thams cad nye bar mtshon pa'i don yin te/ de ltar na dkyil 'khor de rnam par bsgoms la/ rdo rje rnam pa bzhi zhes bya ba zhi ba la sogs pa'i las rnam pa bzhir bya'o/ /gzhan dag kyang nus pa rnams las sems can gyi bsam pa'i dbang gis re re'i las kyi nges pa gsungs pa ni zhi ba la ni spyan gyi tshul zhes bya ba la sogs pa ste/ zhi ba'i las la bdag po'i lha dkar po'i tshul du bsam par bya ba dang/ rgyas pa la 'od dpag tu med pa'i tshul ser po'i gzugs su bsam pa dang/ dbang la rnam par snang mdzad gnas zhes bya ba sgra'i dgod pa'i tshul gyis na/ don yod par grub pa'i tshul dmar po'i rnam par gzung bar bya'o/ /mngon spyod la ni khro bo'i tshul te/ nag por gnas pa'o/ /de la mngon spyod kyi las rnams kyi yul gsungs pa ni/ ma dad smra ba'i sems can dang zhes bya ba la sogs pa'o/ /de nyid kyi cho ga gsungs pa ni khams gsum zhes bya ba la sogs pa ste/ khams gsum na gnas pa'i sems can ji snyed pa de kha sbyar dbye bar bya ba'i phyir/ sangs rgyas sku'i bdag nyid can du rnam par bsgom par bya'o/ /kha sbyar dbye ba ni ma bshad do/ /kha bzhi pa zhes bya ba ni mdung rtse mo gcig la rtse mo di zhes bskor bar gnas pa'i kha bzhi par 'gyur ba la bya'i/ /sna tshogs rdo rje yin par gzung bar mi bya'o/ /rdo rje sems dpa' zhes bya ba ni sngar byung ba'i rdo rje 'dzin pa rdo rje rtse lnga pa yongs su gyur pa'i mi bskyod pa khros par bsgom par bya'o zhes shes par bya'o/ /rdo rje yongs su gyur pa yang rdo rje'i mtshan ma mda' ba' i lta rnams kyi yin te/ de las gzhan dag pas kyang rang rang gis mtshan ma yongs su gyur pa nyid las byung ba yin no/ /mngon spyod kyi las kyi rtsol ba la ni sku mdog dang/ dbyibs mi sdug par bya ba 'di ni khyad par yin par shes par bya'o/ /sangs rgyas 'khor lo zhes bya ba ni de'i 'khor rnams so/ /de ltar khros pa'i mi bskyod pa de'i yang phyag g.yas par sangs rgyas kyi 'khor lo'i bdag nyid can stobs chen po yod pa'i rdo rje 'di bzhag par bya'o/ /de nas sems can rnams zhi ba'i bye brag gis bsdus te/ gong bu'i tshul du byas nas rang gi lus la gzhug par bya'o/ /de nas yang sangs rgyas rnams khros par gyur bas 'khrug pa ji skad du bshad pa'i gzugs dang ldan pa gdug pa rnams gsod pa la spro bar bya'o/ /des na bsgrub par bya ba de 'chi bar 'gyur ro/ /sangs rgyas la yang 'grub par mi 'gyur zhes bya ba ni sgrub par bya ba'i don gyi cho ga'o zhes bya ba ni lhag ma'o/ /bri ba'i dkyil 'khor du bgegs bsal ba gsungs ba ni nam mkha' i dbyings zhes bya ba la sogs pa ste/ rnam par snang mdzad ces bya ba ni rang gi sbyor ba dang rjes su mthun pa'i dgod pas mi bskyod pa'i khang pa rtseD ma la lha'i 'khor lo dang ldan par ji skad du gsungs pa'i tshul gyis bsgom par bya'o/ /rdo rje 'dzin pa dang/ spro ba dang/ bsdu ba la sogs pa ni snga ma dang 'dra'o/ /de nas 'khor lo'i sa gzhir ji skad du bshad pa'i tshogs bgegs bsal la sku gsung thugs kyi zhes bya ba la sogs pa smra zhing 'gro bar bya'o/ /de yang ji skad du 'jam rgyal khros pas bltas nas ni zhes bya ba la sogs pa smos pa yin no/ /gshin rje gshed kyi 'khor lo gsungs pa ni nam mkha' i rdo rje zhes bya ba la sogs pa ste/ gshin rje gshed bdag por gyur pa'i 'khor los dgra rnams gsod par byed pa cho ga ji lta ba bzhin du bsam par bya'o zhes bya ba'i don to/ /bsrung ba'i 'khor lo la sogs pa gsungs pa ni sku gsung thugs kyi zhes bya ba la sogs pa ste/ sku la sogs pas sam/ rang gi 'dod pa'i lha'i yon tan nam/ yang na gtsug gtor gyi bka' i 'khor le ste/ theg pa dman pa la sogs pa'i bgegs rnams dang byang chub bsrung ba'i phyir rab tu sbyar bar bya'o/ /de yang hUM mdzad/ yang na gtsug tor dam zhes bya ba la sogs pa ji skad du bshad pa ste/ 'di dag kyang gsal bar bdag gis ma bshad do/ /rnam par snang mdzad las byung ba'i khang pa rtsegs ma gsungs pa ni nam mkha' rdo rje zhes bya ba la sogs pa ste/ chos 'byung ba'i nang du chud pa'o/ /chos zhes bya ba ni khang pa brtseg mar bsams la/ der gdan rab tu brtag par bya'o/ /de yang rigs bcas pa'i/ rnam par snang mdzad yan lag las yang dag byung zhes smos pa yin no/ /de bzhin du nyi zla mgon bcas lha'i gnas rnams dang zhes smos pa yin no/ /rdo rje'i nga rgyal du bya ba gsungs pa ni nam mkha' dbyings zhes bya ba la sogs pa ste/ rang gis sngags kyi yi ge'i gnas kyi rdo rje'i nang du chud pa spro ba la sogs pa'i tshul gyis bsams la/ de dang gcig par nga rgyal bya'o zhes bya ba'i don to/ /de bas na nga rgyal de ldan zhes smos pa yin no/ /de nyid las rdo rje 'dzin pa byung ba bshad cing las kyi tshogs gsungs pa ni rnam pa'i mchog rnams zhes bya ba la sogs pa ste/ rim par zhes bya ba ni dbang bskur ba'i rim gyis mi bskyod pa'i rnal 'byor pas cho ga ji lta ba bzhin du bskyed de/ dkyil 'khor gyis 'khor lo can rnam par snang mdzad la sogs pa dang/ mA ma kI la sogs pa yang rnam par bzhag ste/ de'i rdul phra rab kyi gzugs kyi chu de bzhin gshegs pa'i tshogs kyi chu'i steng nas bcag par bya'o/ /rkang pa mnyam gzhag sbyor ba yis zhes bya ba ni thams cad mnyam pa nyid kyis so/ /de ltar rnam par snang mdzad kyi rnal 'byor pas spyan la sogs pa'i spyi bo'i steng du rkang pa bsgom par bya'o zhes bya ba la sogs par sbyar bar bya'o/ /'jam pa'i rdo rje zhes bya ba la sogs pa'i rnal 'byor pa rnams kyis kyang rang dang 'dra ba'i lha'i spyi bo'i steng du rkang pa bzhag nas bcag par bya'o zhes shes par bya'o/ /tshig gnon pa'i sbyor ba gsungs pa ni dbang chen dkyil 'khor zhes bya ba la sogs pa ste/ dbang chen gyi dkyil 'khor zur bzhi ser po yi ge la las byung ba mtshams bzhir rdo rje rtse gsum pas mtshan pa la gnas par bsgom nas/ las kyi rdo rje ste sna tshogs rdo rje sna tshogs pad+ma la gnas pas gnon pa dang/ yi ge suM las byung ba'i ri rab spyi bor bsgom par bya'o/ /bsgrub par bya ba'i spyi bor ji skad du bshad pa'i ri rab la gnas pa'i dbang chen gyi dkyil 'khor la gnas pa'i sna tshogs pad+ma de lag nas pa'i sna tshogs rdo rje cho ga bzhin du gzhal yas khang na gnas pa khros pa'i lha stags zlos pa kha dog ser po bsgom par bya'o zhes bya bya ba'i don to/ /dpung gnon pa gsungs pa ni rdo rje gsum mchog ces bya ba la sogs pa ste/ dmag gi spyi bor snga ma bzhin du ri rab dang/ rdo rje gsum pa'i dkyil 'khor pa bsgom par bya'o zhes bya ba la sogs par sbyar bar bya'o/ /dpung phur bus gdab pa gsungs pa ni hUM las zhes bya ba la sogs pa ste/ yi ge hUM yongs su gyur pa'i phur bu stod rtse mo lnga dang ldan pa/ 'og rtse gcig pa/ sor brgyad pa'i tshad du bsams la/ bsgrub par bya ba'i ming gi yi ge dang po las skyes pa'i gzugs brnyan gyi snying khar phur bu des rdo rje phur bus gdab pa aoM g+hata ya zhes bya ba la sogs pa'i phreng ba'i sngags kyis byas par bsam par bya'o/ /yul phyogs su nye bar 'tshe bzhi pa gsungs pa ni grong ngam zhes bya ba la sogs pa ste/ bar snang la rdo rje rtse mo lnga pa de bzhin gshegs pa lnga'i bdag nyid can/ bskal pa bsreg pa ltar zhes bya ba ni 'phro bas nam mkha' i khams khyab par gyur pa'i rdo rje'i lha rnams kyis yul de khyab pa ste/ de bas na nye bar 'tshe ba bsreg par byed pa'i spro ba la sogs pa'i tshul bsams nas/ 'od zer de las byung ba'i lha mo'i sprin rnams ye shes kyi bdung rtsi'i bum pa thogs pas dbang bskur ba ste/ nye bar 'tshe bas bsregs pa'i yul der cho ga ji lta ba bzhin du/ zhi ba'i sngags zlos pa'i rnal 'byor pas sbyin par bya'o/ /de ltar cho ga bzhin du las byas na nor phun sum tshogs par yang 'gyur ro zhes gsungs pa ni bsam gtan rdo rje zhes bya ba la sogs pa'o/ /gzhan yang nad bsal ba'i cho ga gsungs pa ni de rin sangs rgyas sprin dang ni zhes bya ba la sogs pa'o/ /bgegs med par byas pa'i yul du nye bar 'tshe ba'i nyes pa dgag pa'i phyir phur bu'i cho ga gsungs pa ni rdo rje bdud rtsi zhes bya ba la sogs pa ste/ bdud rtsi thab sbyor nyid sku stod thabs dang shes rab kyi bdag nyid la sku smad rdo rje rtse gcig pa'i gzugs can gyi rdo rje phur bu byas la/ phur bu gdab pa'i sngags kyis phyogs bcur spros nas gdab par bya'o zhes bya ba'i don to/ /de yang sku stod bgegs rgyal smad rtse zhes bya ba la sogs pa gsungs pa yin no/ /zhi ba'i las kyi dbye ba gsungs pa ni mad ngas bzang zhes bya ba la sogs pa ste/ zla ba la gnas pa'i rnam par snang mdzad dang lha mo rdo rje can aoM Ala gnas pa'am/ rang gi sa bon gyi yi ge gcig tu zlos par bsams pa/ de'i ye shes sems dpa' i snying kha'i zla bar zhi ba'i don du bzhag par bya'o/ /spyan gyi rnam par spros pa rnams aoM ru ru spu ru dzo la tiSh+ThA singd+ha lo tsa ne sarbbA rtha sA d+ha ni che ge mo'i shAn+ti ku ru swAhA/ zhes bya ba'i sngags zlos pa rnams kyis sam/ bsgrub par bya ba'i ming dang ldan zhing yi ge gsum dang spel ba'i 'byin pa'o sngags sam/ rang gi sa bon zlas pa rnams kyis nam mkha' i khams gang ba bsam par bya'o/ /de bzhin du 'di'i 'og ma rnams la yang ci rigs par sbyar bar bya'o/ /de nas de rnams yang dag par bsdus nas/ spyan la sogs pa bdud rtsir gyur pa'i 'od zer gyi gong bu'i gzugs kyis nang gi yan lag tshim zhing rgyas par bya ba'i phyir dbab par bya'o/ /ba spu'i bu ga rnams las kyang sangs rgyas kyi sprin de rnams nyid kyis bdag nyid bdud rtsi'i bum pa bsnams te/ nad pa'i nyes pa bzhi bar bya ba'i phyir dbang bskur ba de la stsol to/ /rgyas pa gsungs pa ni nam mkha' rdo rje zhes bya ba la sogs pa ste/ khang pa rtseg pa'i nang na gnas pa'i dbang chen gyi dkyil 'khor la bzhugs pa nyi ma'i gdan can 'od dpag tu med pa ser po bsams la/ aoM Ache ge mo'i puSh+TaM ku ru hUM zhes bya ba'i sngags zlos pa'i lha'i 'khor lo dang ldan pa bsams la ye shes sems dpa' i thugs ka'i zla ba la rgyas pa don du gnyer ba bzhag par bya'o/ /gos dkar mo la sogs pa spros pa/ aoM ka Te pi ka Te ni ka Te ka TaM ka Te che ge mo'i puSh+TAM ku ru aoM zhes bya ba'i sngags zlos pa dang/ mngon par 'dod pa'i nor gyi char 'bebs pa rnams kyis nam mkha' i khams gang bar bya'o/ /de nas de yang dag par bsdus la snga ma bzhin du 'od zer gyi gong bu mngon par 'dod pa'i nor gyi char 'bebs pa bsgrub par bya ba'i lus dang/ ngag dang/ yid kyi gnas la dbab par bya'o/ /ba spu ri bu ga rnams las kyang rin po che'i sprin can gyi 'od dpag tu med pa spro par bya'o/ /de nas sangs rgyas par 'dod pa de nyid la dbang bskur ba rab tu stsol to zhes bya ba'i bar du snga ma bzhin du thams cad sbyar bar bya'o/ /dbang du bya ba'i cho ga gsungs pa ni nam mkha' i dbyings zhes bya ba la sogs pa ste/ rdo rje'i dkyil 'khor zla gam bsam zhes bya ba ni zla ba'i dkyil 'khor yin gyi/ rlung gi dkyil 'khor zla ba phyed pa lta bu ni ma yin no/ /de bas na khang pa rtsegs ma'i dbus su rdo rje nam mkha' i mchog ces bya ba don yod grub pa dmar po'i mdog can sngags ji lta ba bzhin du bzlos pa mdzes par bsams la/ snga ma bzhin du thams cad rjes su dpags te las rnams bya'o/ /sngar spyad pa'i mngon spyod dang rjes su 'brel pa'i las gsungs pa ni nam mkha' rdo rje zhes bya ba la sogs pa ste/ me'i dkyil 'khor ni gru gsum 'bar ba'i dkyil can te/ der gnas pa'i dgra bo la srin po la sogs pas rnam par gces par gyur par bsams la khros pa'i lha'i rnal 'byor pas cho ga ji lta ba bzhin du spel ba'i sngags bzlas par bya zhing/ mA ma kI dang shes rab mthar byed la sogs pa bsgrub par bya ba dang/ spel ba'i rang rang gi dbyug pa'i sngags zlos shing/ bsgrub par bya ba'i rnam pa gzhig par brtson la/ spro ba la sogs pa'i tshul du ji skad bshad pa'i tshe gas bsgom zhing mngon par 'dod pa bsgrub par bya'o zhes bya ba'i don to/ /'di dag kyang gsal bar ma bshad do/ /da ni rnam par snang mdzad la sogs pa'i zhal la sogs pa bshad pa dran par bya ba'i phyir dang/ ma bshad pa rnam bshad par bya phyir/ rnam par snang mdzad zhal gsum pa zhes bya ba la sogs pa gsungs te/ 'dir yang sangs rgyas gsum po nyid ni sku dang gsung dang thugs nyid gtso bo nyid yin par bstan par bya ba'i phyir gsungs pa yin la/ mngon par rtogs pa la dgos pa'i khro bo rnams kyang bsam gtan dang bri ba'i dkyil 'khor dag la srung ba'i phyir dgos pa dang/ drag shul gyi las la sogs pa las kyi dbang du byas nas 'dod pa'i rgyal po la sogs pa gsungs pa ni Tak+ki'i ye shes bya ba la sogs pa ste/ phyag bzhi zhes bya ba ni shes rab dam pa 'khyud pa'i phyag gnyis ma gtogs pa'o/ /'di rnams kyi zhal dbus ma dang/ sku ni nag po'i zhal g.yas pa ni dkar po'o/ /g.yon pa ni dmar po'o/ /gtsug tor gyi ni sku dang dbus ma'i zhal ni ser po yin la/ g.yas pa ni nag po'o/ /g.yon pa ni dkar po ste khyad par ni de yod do/ /yi ge gcig ces bya ba ni gtsug tor bdun char yang sa bon gcig pu nyid yin no zhes bya ba'i don to/ / las kyi tshogs kyi dbang du byas pa'i khro bo gsungs pa ni gzi brjid phung po zhes bya ba la sogs pa ste/ 'di rnams ni zhes bya ba ni las kyi tshogs dang rjes su mthun pa rnams kyis so/ /rdo rje 'dzin pa mngon du gyur pas lhag par grub par bstan pa'i phyir don de nyid bzlas te bstan pa ni nam mkha' i dbyings zhes bya ba la sogs pa ste/ sangs rgyas gzugs ni zhes bya ba ni rdo rje 'dzin pa chen po ste/ de rab tu bsgoms la de yongs su gyur pa las rnam par snang mdzad cho ga bzhin du rnam par bsgom par bya'o zhes bya ba'i don to/ /rdo rje sems dpa' zhes bya ba ni sngar rdo rje sems dpar gyur pas rdo rje sems dpa' nyid zla ba'i dkyil 'khor la bzhugs pa 'am/ mi bskyod pa nyi ma'i dkyil 'khor la bzhugs par bsam par bya ste/ rdo rje sems dpa' i sgras gnyis ga la yang bshad pa yin pa'i phyir ro/ /sangs rgyas gsum po bshad nas/ spyan la sogs pa gsungs pa ni rdo rje'i dkyil 'khor zhes bya ba la sogs pa ste/ rdo rje'i dkyil 'khor 'od mchog can zhes bya ba ni thugs rnam par dag pa'i mA ma kI'i dkyil 'khor te/ rigs kyi bdag po rnam par dag pa'o/ /de ltar na lha mo rnams kyi dkyil 'khor gyi dbang du byas pa yin no/ /nam mkha' rdo rje mchog ces bya ba ni mA ma kI ste/ zla ba'i dkyil 'khor la bzhugs pa'o/ autpal mthing zhes bya ba ni 'dir autpal dmar po yin par bzhed de/ de yang 'khor lo bzang dang autpal dmar po dang zhes bya ba la sogs pa smos pa yin no/ /chos kyi dkyil 'khor zhes bya ba ni gsung rnam par dag pa gos dkar mo'i dkyil 'khor ro/ /rdo rje chos ma zhes bya ba ni gos dkar mo'o/ /autpal dmar po zhes bya ba ni chos kyi brngas snga ma bzhin du pad+ma yin par bshad do/ /dngos grub dkyil 'khor zhes bya ba ni gdon mi za bar grub pa rnam par dag pa sgrol ma gtso bor gyur pa'i dkyil 'khor ro/ /de ltar lha mo rnams bshad nas/ khro bo rnams gsungs pa ni nyi ma'i dkyil 'khor zhes bya ba la sogs pa ste/ me long lta bu rnam par dag pa las yang dag par byung ba'i bdag po ni gshin rje gshed de/ gshin rje gshed la sogs pa ni rnam par snang mdzad la sogs pas dbang bskur ba yin par sngar bshad pa yin te/ 'di rnams ni de'i rigs dang mang dag par 'brel pa yin pa'i phyir ro/ /de yang rnam par snang mdzad thugs gtso bo zhes bya ba la sogs pa snos pa yin no/ /'dod pa'i rgyal po la sogs pa gsungs pa ni nyi ma'i dkyil 'khor zhes bya ba la sogs pa ste/ 'di dag ni mi bskyod pas dbang bskur ba nyid de'i rigs las byung ba yin pa'i phyir ro/ /rig pa'i 'khor lo zhes bya ba ni gtsug tor 'khor lo sgyur ba'o/ /'di dag ni bsrung ba la sogs pa'i bya ba rnams la yang sbyar bar bya'o/ /rdo rje ye shes bsgrub pa nyid gsungs pa ni sangs rgyas zhes bya ba la sogs pa ste/ 'gog pa ni bgegs rnams nye bar gcod pa'o/ /khro bo'i 'khor lo de las khro bo'i dkyil 'khor des sangs rgyas kyi 'khor lo nges par 'dzin pa ni dkyil 'khor pa'i lha'i 'khor lo dang ldan pa'i rnal 'byor pas ting nge 'dzin mi phyed pa'i ye shes thob par 'gyur ro/ /rdo rje dkyil 'khor zhes bya ba ni mi phyed pa'i dkyil 'khor te/ de 'grub par 'gyur ro zhes bya ba'i don to/ /le'u bcu gsum pa'i 'grel pa'o// //le'u bcu bzhi par zhi ba la sogs pa'i las rnams bstan pa'i phyir/ de nas zhes bya ba la sogs pa gsungs te/ zhi ba'i dam tshig mchog ces bya ba ni zhe ba'i rgyur gyur pa'i dam tshig ni spyan te/ de'i mchog ni rnam par snang mdzad yin pas ming de skad ces bya'o/ /spyan lta bu nyid du ni ma yin no zhes bya ba'i don to/ /de bzhin du 'di'i 'og ma rnams la yang rigs kyi bdag po'i ting nge 'dzin bzung nas/ rigs de las byung ba'i sngags brjod pa ci rigs par shes par bya'o/ /de bzhin gshegs pa thams cad kyi btsun mo zhes bya ba ni thams cad kyi bdag nyid can yang dag par rdzogs pa'i sangs rgyas rnam par snang mdzad kyi sangs rgyas spyan te/ 'di dag gis ni sgra'i bdag nyid can gyis sngags dang spyan gnyis tha mi dad par gsungs pa yin no/ /de bzhin du 'di'i 'og ma rnams la yang sbyar bar bya'o/ /sangs rgyas rnams kyi zhes bya ba ni drag shul bsgrub par dgong ba rnams la ji skad bshad pa'i cho gas zhi bar bskyed par bya'o/ /zhi ba'i las ni 'di'i bya ba'i gtso bo yin par bshad kyi gzhan dag la yang khyab par mdzad pa yin no/ /de yang 'di nyid ni sku mdog ser po bsam zhing gdan dang gzhal yas khang la sogs pa'i dbye bas ji ltar mos pa bzhin du rgyas pa la sogs pa'i las rnams kyi rab tu sgrub par byed pa yin te/ lha thams cad ni las thams cad mdzad pa yin pa'i phyir ro/ /las 'di dag la cho ga gang gis sbyar bar bya ba de ni le'u bcu gsum pa nyid du bshad pa yin te/ de'i rjes su 'brangs nas gzhan dag la yang shes par bya'o/ /rdo rje dam tshig bskul mdzad ma zhe bya ba ni bslang ba'i tshigs su bcad pas nur nur por gyur pa las rdo rje dam pa slong bar byed pa'o/ /shi ba sos par byed pa zhes bya ba ni spyan gyi sbyor ba chog bzhin du byas la rang gi sngags dang/ bsgrub par bya ba'i ming dang spel zhing yi ge gsum gyi nang du chud par bzlas la/ shi ba snga ma bzhin du rang gi snying khar bzhag nas rang gi snying kha nas grub pa'i rdo rje'i lcags kyu phur la/ des shi ba de'i rnam par shes pa srid pa bar ma do'i bdag nyid can nam/ skye gnas su chud pa/ dri ma med pa'i mar me mi g.yo ba lta bur bkug nas snying gi dbus der bcug la/ mo ta ra ti zhes bya ba'i sngags bkod nas/ sngags kyi 'od zer rnams kyis lus de mi snang bar byas la/ bsgrub par bya ba de'i ming gi yi ge dang po las bskyed pa spyan lta bur yongs su gyur par bsams la/ phung po la sogs pa gang bar byas te/ de'i lus la phreng ba'i sngags 'dis phyi dang nang du par mtshams med par khyab par gyur par bsgom mo/ /de nas sngags las snga ma bzhin du spros pa'i 'od zer gyi gong bu dbab pa la sogs par byas par gyur pas shi ba 'tsho bar byed pa yin no/ /mA ma kI'i sngags bshad pa'i phyir de nas zhes bya ba la sogs pa gsum gsungs te/ 'di'i mdzad pa gsungs pa ni rdo rje srung ba zhes bya ba la sogs pa ste/ 'di yang spyan bzhin du bsgrub bar bya'o/ /snying khar dgod pa'i sbyor ba la yang snga ma bzhin du sbyar bar bya'o/ /gal te ro langs la sogs pa bsgrub pa la ni rang gi lha'i sbyor ba dang/ ji lta ba bzhin du ldan pas/ rang gi mgo la zla ba'i dkyil 'khor la gnas pa'i yi ge hUM las byung ba'i rdo rje bsbreng nas gnas ba mgo bor bsams la/ de'i lte bar mA ma kI rnam par bsgoms nas/ ye shes kyi lha mo thugs ka'i zla ba la gnas ba phreng ba'i sngags bkod la de las byung zhing zlos pa rdo rje phra mo spros pas yan yag thams cad rdo rje'i go bskon par bdag nyid bsgoms na srung ba gzhig tu med par 'gyur ro/ /las rnams rtag tu rab bsgrub pa zhes bya ba ni spyan la sogs pa'i las rab tu sgrub par byed pa'o/ /rdo rje chen po ni rdo rje sems dpa' o/ /de ni 'jigs pas nyen tha rnams la yang 'di ni stobs byed pa yin no/ /de bas na gdon thams cad kyis 'jigs pa rnams la las thams cad du 'di nyid kyi bshad ma thag pa'i cho gas bsrung bar bya'o/ /gos dkar mo'i sngags bshad pa'i phyir de nas zhes bya ba la sogs pa gsungs te/ chos ni stobs dang mi 'jigs pa la sogs pa'o/ /rgyas pa ni rgyas par gyur pa nyid do/ /stobs ni sems can nyam chung ba rnams la gang stobs mdzad pa dang/ mdzod chen po dang ldan pa ste/ zhi ba la sogs pa mdzad pa gang yin pa'o/ /de yang ji ltar gdan ser po la sogs pa'i gos dkar mo'i sbyor ba byas la/ stobs dang mi 'jigs pa la sogs pa 'dod pa rnams snga ma bzhin du ye shes kyi lha mo'i snying khar bkod pa/ rang gi phreng ba'i sngags gdon par bya zhing snga ma bzhin du spro ba dang/ 'od zer gyi gong bu dbab pa dang/ dbang bskur ba la sogs pa bsgom bar bya'o/ /de nas bsgrub bar bya ba rgyas par 'gyur ro/ /bzlas ba tsam gyis? zhes bya ba ni ji skad du gsungs pa'i bsgom pa sngon du 'gro ba'i stags gdon pa nyid kyi ste/ phyi rol la ltos pa med par ro/ /sgrol ma'i sngags gsungs pa ni de nas zhes bya ba la sogs pa ste/ sangs rgyas rdo rje dang sde chen po la sogs pa dbang du byed pa yin no/ /de la cho ga ni 'di yin te/ sgrol ma'i sbyor ba sku mdog dang rgyan la sogs pa dmar po dang ldan pa/ cho ga dri lta ba bzhin du byas la ye shes kyi lha mo'i snying ba'i zla bar sngags kyi phreng ba kha dog dmar po mgo gyen du bltas pa bkod nas de'i 'od zer rnams dang/ ye shes kyi lha mo'i snying kha'i pad+ma la gnas pa'i yi ge tAM gyi 'od zer rnams dang/ rang gi mtshan me dmar po la sogs pa'i 'od zer rnams kyis kyang bsgrub par bya ba'i skyes bu de'i ming gi yi ge dang yo las bskyed pa'i snying kha'i gnas su'o/ /bud med gcig na ni pad+mar yang dag par bskul la/ rang gi snying kha'i sngags kyi phreng ba skyes gnas las byung ste/ bsgrub par bya ba'i khar bcug la/ de'i sems zla ba dmar po lta bu blangs nas phyir log ste/ ye shes kyi lha mo'i pad+ma'i lam nas zhugs par gyur par bsams la bzlas brjod bya'o/ /bsgrub par bya ba yang snying phrogs shing brgyal bar gyur pas/ rang gi rkang pa'i drung du 'bab par gyur par bsam mo/ /de ltar na 'di bran dang 'dra par 'gyur ro/ /'dir yang swAhA'i gnas su dbang du byed pa'i gnas skabs la yi ge ho zhes bya ba dang sbyar bar bya'o/ /gal te mda'i mtshan ma dang ldan pa'i lha mos las 'di byed na de'i che mnga' des skyes pa'i snying kha dang/ lkog ma dbug pa dang/ bud med kyi pad+ma phug la lhag ma rnams ni snga ma bzhin du bya'o zhes khyad par du bya ba dag dpag par bya'o/ /gal te yang gzhan dag dbang du byed na/ de'i tshe dbang du byed par 'dod pa de ye shes sems dpa' i thugs ka'i pad+mar zla ba la bkod la/ le'u bcu gsum pa las gsungs pa'i stobs dbab pa la sogs pa'i cho ga byas la/ de nas las 'di dag thams cad kyis kyang kha bskang bar bya'o/ /gshin rje gshed kyi sngags gsungs pa ni de nas zhes bya ba la sogs pa'o/ /de la cho ga ni 'di yin te gshin rje gshed kyi rnal 'byor pas bzlas pa las gsungs pa'i cho gas dpag tu med pa bzlas la/ de nas lhas rjes su gnang zhing bzlas brjod 'bum byas nas/ ji skad du gsungs pa'i bud med kyi thod pa blangs la/ de'i dbus rlung gi dkyil 'khor la gnas pa'i pad+ma 'dab ma brgyad pa bris te/ de'i lte bar dgug par byed pa'i bud med kyi gzugs brnyan gur kum la sogs pas bris nas/ de'i snying khar breng pa'i sngags 'di che ge mo A kar Sha ya zhes bya ba dang/ bsgrub par bya ba'i ming dang/ sprel zhing swAhA'i gnas su dkug pa'i gnas skabs su yi ge dzalab sngags 'di lan gnyis sam gsum du brjod par bya'o/ /rang rang gi sngags las bskyed pa'i sngar bshad pa'i rdo rje lcags kyu la sogs pas rlung gi dkyil 'khor la gnas pa de dgug par bya'o/ /'od ba'i tshe yang 'tsho ba bzlog bar bya ba'i phyir/ spyan gyis ji skad du gsungs pa'i cho ga dang zhi ba'o/ /mA ma kI yang ji skad du gsungs pa'i cho gas bsrung bar sems par bsgom par bya ste/ de ltar na de ni bud med dgug pa yin no/ /skyes pa dgug pa la ni skyes pa'i thod pa la g.yon brkyang bas rkang ba g.yas pas mnan par bya ste/ khyad par ni de yong de/ bgegs mthar byed kyi sngags gsungs pa ni de nas zhes bya ba la sogs pa ste/ sngags rnams kun gyi sbyor ba dang zhes bya ba ni lha thams cad kyi tshogs bsgrub pa la bcom ldan 'das 'di nyid sbyar bar bya ste/ bya ba thams cad mdzad pa yin pa'i phyir ro/ /khyad par yang gsungs pa ni rdo rje bskrad pa'i las rnams la zhes bya ba la sogs pa'o/ /tshul bzhin zhes bya ba la cho ga ni 'di yin te/ bdud rtsi thab sbyor gyi sbyor ba dang ldan pas ro bsregs pa'i mes tshig pa'i sol ba dang/ myos par byed pa'i shing gis sol ba dang/ ba zla dang/ a riSh+Ta'i 'dab ma dang/ dug dang/ rkang pa g.yon pa'i srin lag gi khrag rnams gcig tu byas te btags la/ khwa'i gshog sgro'i smyu gus dur khrod kyi ras la rlung gi dkyil 'khor la gnas pa'i ral gri'i 'khor lo rtsibs brgyad pa bris la/ de'i lte bar bsgrub par bya ba'i gzugs brnyan bris nas/ de'i snying bar phreng ba'i sngags che ge mo auts+tsha Ta ya zhes bya ba 'di dang/ bsgrub par bya ba'i ming du spel ba bris la/ gnyi ga yang dgug par bya'o/ /bskul ba'i tshig dang ldan par brgya rtsa brgyad mngon par bzlas la/ ras de ma mo'i gnas la sogs par brkos la sba bar bya'o/ /de ltar na sangs rgyas kyi dpung dag kyang skrod par 'gyur ro/ /'di yang sngon du bsnyen pa la phreng ba'i sngags sgra ji lta ba bzhin du bzla bar bya'o/ /las kyis che ni ma hA ga Na pa ti/ dzI? bi tAn+ta? ka rA ya zhes bya ba bton la/ de'i gnas su bsgrub par bya ba'i ming dang spel par bya'o/ /swAhA'i gnas dang bskrad pa'i gnas skabs su yi ge hUM daM phaT dam gnyi ga dang sbyar bar bya'o/ /de bzhin du gzhan dag la yang las dang rjes su mthun par sa bon gzhan dag yin par blta bar bya'o/ /de yang zhi dang rgyas dang dbang dang dgug / sdang dang bskrad dang mngon sbyod la/ aoM swAhA he jitha mar bskul bar bya ba 'di bya'o zhes bya ba ni rnam pa gzhan yin no/ /sngags kyi tshig re re zhing ming dang spel bar bya'o zhes bya ba 'di yang rnam pa gzhan pa gcig yin no/ /gzhan gyis mi thub pa'i sngags gsungs pa ni de nas zhes bya ba la sogs pa ste/ cho ga bzhin du zhes bya ba la de la cho ga ni 'di yin te/ khro bo gzhan gyis mi thub pa'i rnal 'byor par srin po la sogs pas zil gyis mnan pa'i bsgrub par bya ba'i lus las srin po la sogs pa yid kyis bkug ste/ rkang pa gnyis thabs dang shes rab tu gyur pas/ mi bskyod pas kun tu gtsing la mnye bar bya zhing/ che ge mo rak+Sha sid+d+hi b+ho mo tsa ya zhes bya ba'i bskul ba'i tshig dang ldan pa'i sngags gyi tshig dang ldan par sngags kyi tshig gdon par bya'o/ / de nas du zhing yan lag gcog pa la sogs pa yid ches pa ston pa sngon du 'gro bas gtong bar 'gyur ro/ /'di nyid ni sbrul la sogs pa'i dug la yang sbyar bar bya'o/ /yang na des 'dzin pa nyid du 'dod na/ de'i tshe de'i sbyor ba nyid kyis mar gyi do'i tshes brkyad dam/ bcu bzhi la dur khrod kyi sol bas bgegs te shi ba 'am/ mtshon gyis bsad pa gang yang rung ba'i thod pa la yi ge hUM las byung ba/ 'jigs su rung ba'i mche ba gcigs pa/ skra gyen du brdzes pa/ lag pa g.yas bar ro langs kyi chu gri thogs pa/ g.yon pa sdigs mdzub byed ba'i srin po bris la/ de'i snying khar dug dang rus ba'i phye ma dang/ mthe'u chung gi khrag gis che ge mo gri gNa hUM phaT zhes bya ba'i tshig dang ldan pa'i sngags bri bar bya'o/ /thod pa gnyis par bsgrub par bya ba'i dang rjes kyi sa dang/ ro bsregs pa'i sa dang/ thal ba dang/ sol ba rdo rje chu dang bsnos pas bsgrub par bya ba'i gzugs brnyan byas la/ de'i snying khar dug dang rus pa'i phye ma dang/ mdzub mo'i khrag dang/ ming dang sdugs su bcas pa bris pa'i tA la'i lo ma bcug la/ gnyig yang bkug ste/ bsgrub par bya ba'i gzugs brnyan de'i 'og tu bzhag pa byas la/ des mnan cing bzung bar bsams la/ bsgyings pa dang bcas bas sngags dur khrod du nam phyed na bzlas brjod bya'o/ /des na 'di des bzung bar 'gyur ro/ /bri ba'i 'di nyid kyis ni sbrul la sogs pas kyang 'dzin pa yin no/ /rta mgrin gyi sngags bshad de nas zhes bya ba la sogs pa gsungs te/ 'dir dug bsal pa'i cho ga ni 'di yin te/ rta mgrin sku mdog dkar po'i rnal 'byor pas snying khar zla ba'i dkyil 'khor la yi ge hUM dkar po bkod de/ de'i 'od zer rnams kyis yan lag thams cad la gnas pa'i dug rab tu sbar la/ lag pa g.yas par yi ge hUM las byung ba'i pad+ma 'dab ma brgyad pa'i lte bar hUM dkar po 'od zer rnam par 'phro ba/ bdud rtsi 'bab par bsams la/ des ming gi yi ge dang po las byung ba bsgrub par bya ba'i lus las dug nag pos khyab pa gzhan du blangs la/ bdud rtsi dkar po'i 'od zer bsdus pas bsgrub par bya ba dug dang bral bar bsgom par bya'o/ /ming dang bcas pa'i phreng ba'i sngags zlos shing bya ba par yang bya ste/ de nas dug dang bral bar 'gyur ro/ /khro bo dbyug sngon gyi sngags bstan pa'i phyir/ de nas zhes bya ba la sogs pa gsungs so/ /'dir ni cho ga ni 'di yin te/ dbyug sngon gyi rnal 'byor ji lta ba bzhin du byas la sha chen po dang/ dur khrod kyi sol ba dang/ grog mkhar gyi sa dang/ phub ma dang/ bsgrub par bya ba'i rkang rjes kyi sa las gzugs brnyan byas la/ dur khrod kyi ras la dug dang khrag dang rams kyis rdo rje brgya gram la gnas pa'i me'i dkyil 'khor gyi dbus su bsgrub par bya ba'i ming dang spel te/ mngon spyod kyi gnas skabs su swAhA'i gnas su yi ge hUM bkod la sngags bris te de'i snying khar bcug nas bkug ste/ thod pa gnyis kyi nang du gzhug pa byas la/ shin tu khros pa dang/ rkang pa g.yon pas mnan te/ rdo dang rus pa dang/ ni ma pa'i 'od ba ma'i sbyin sreg nyi ma'i gung dam nam phyed na bya zhing bzlas brjod brgya rtsa brgyad bya ba nyin zhag bdun gyi bar du byas na 'chi bar 'gyur ro/ /de ltar na yang grub par ma gyur na/ dur khrod du sngon la mtshan byed kyi dus su ro bsregs pa'i thal ba las me thab gru gsum byas la/ na mi pa'i shing gis me spar nas bkug ste/ de'i dbus su shin tu zhal rnam par 'gyur ba'i khro bo'i rgyal po bsams la/ gzugs brnyan gyi rkang pa g.yon pa nas brtsams te/ mtshon rnon pos bcad la/ khro bas non pas che ge mo mA ra ya zhes bya ba'i bskul ba'i tshig dang bcas pa'i sngags khro bo'i tshig gis bzlas brjod bya zhing de'i zhal du sbyin sregs bya'o/ /de nas mtshan mo da nyid la de 'chi bar 'gyur ro/ khro bo stobs po che'i sngags bshad pa'i phyir/ de nas zhes bya ba la sogs pa gsungs te/ las rnams thams cad ces bya ba ni sngar bshad pa'i cho gas bzlas brjod 'bum byas la/ ji skad du gsungs pa'i sbyor bas zhi ba la sogs pa'i lha thams cad kyis las rnams bsgrub par bya'o zhes bya ba'i don to/ chu'i dkyil 'khor 'bebs par byed ces bya ba la 'dir chog ni 'di yin te/ char pa 'bebs pa'i gnas skabs su /stobs po che'i rnal 'byor thams cad dmar por bsams la/ bzlas brjod 'bum byas nas/ kham por som btang ba la ral gri'i 'khor lo rtsibs brgyad la gnas pa'i pad+ma 'dab ma brgyad pa rams kyi khu bas mdung can ma'i sngags aoM shU lid+hi? naM swAhA/ zhes bya ba klu thams cad gyi snying ngo yi ge nAM dang spel ba bres la/ so ma btad pa'i kham por gnyis pas kha sbyar byas te/ srang bu sngon pos kun tu dkris la/ mdung can mas klu bkug ste/ legs par mchod la/ klu gnas pa'i mchol sogs par kha sbyar gyi kha bor de gzhug par bya'o/ /gzhan du na skye bo med pa'i sa phyogs su me'i dkyil 'khor la rlung/ de'i steng du chu/ der pad+ma 'dab ma brgyad pa bris la/ de'i lte ba la chu lnga skyes bu'i gdod dang ldan pa/ gdengs ka bdun pa lag na klu'i zhags pa thogs pa bri par bya'o/ /shar phyogs gyi 'dab ma la ni mdza' yas te/ ljang gu'o/ lhor ni nor rgyas te/ dkar po'o nub tu ni 'jog po ste/ dmar po'o/ /byad du ni kar ko Ta ste nag po'o/ /me'i phyogs dang bden bral gyi phyogs gnyis su ni pad+ma dang/ pad+ma chen po ste skya bo'o/ /rlung gi phyogs su ni dung skyod ste ser po'o/ /dbang ldan gyi phyogs su ni rigs ldan te/ sna tshogs pa'i mdog can no/ /de ltar klu'i dkyil 'khor bris nas/ yi ge nA gyis klu thams cad bsam sal /sngo zhing bska ba dang/ 'o ma dang/ bu ram la sogs pa klu la 'os pa'i bshos sbyin par bya ste/ dzayi ge naM gyis bkug la/ rang rang gi gnas su zhugs par bsams nas legs par mchod de 'di skad du/ klu chen po byed rnams kyis bdag la dga' ba dang/ bcom ldan 'das kyi bkas char pho ba cig ces brjod par bya'o/ /de nas klu rnams char gyi rgyun rab tu 'bebs par bsams shing/ bzlas brjod byas na de nas klu de rnams bcom ldan 'das kyi bkas char 'bebs par 'gyur ro/ /de ltar na yang char mi 'bebs na/ me thab zlum pos stobs po che de bzhin du dkyil 'khor bris te/ spyan drang ba nas sngon du 'gro bas 'og nas bshad pa'i sbyin sreg gi brab kyi cho gas klu thams cad kyi lce'i dbus su yi ge nAM bkod la mchod yon la sogs pa sngon du 'bro bas bur ma dang/ 'o ma dang/ mar gyis dgang blugs gsum byin te/ bu ram la sogs pa ci 'dod par sbyin sreg bya'o/ de nas chem pas char 'bebs par 'gyur ro/ /de lta na yang char 'bebs par mi byed na mdo na sbyod bya ste/ rnam pa thams cad du nag po'i stobs po che'i rnal 'byor pas grog mkhar dang/ chu bo'i dogs gnyis kyis bshad pa dang/ gci ba dang/ bsnos pa las klu'i gzugs brnyan byas te/ dub brod kyi ras la dug dang khrag dang/ ske tshe dang lan tshwa dang/ yungs mar gyis ral gri'i 'khor lo rtsibs brgyad pa bris la/ de'i steng du pad+ma 'dab ma brgyad pa bris te/ 'dab ma brgyad du klu brgyad khyad par gyi snying po 'am/ yi ge naM gyis so so'i sngags spel te/ de'i lte ba la chu lha'i baM nyid ji lta ba bzhin du bris la/ bkug nas gzugs brnyan de'i khar bcug la/ yan lag thams cad tsha ba gsum dang/ ske tshe la sogs pas byugs te/ me la gdungs nas sdigs brjod na nges par char 'bebs so/ /de ltar na ya 'char mi 'bebs na de bzhin du yangs la klu'i dkyil 'khor bris te/ stod g.yogs dang/ smad g.yogs dang/ bre'u ka sngon po bgo ba'am gos dmar po cig bgo ba'am/ gcer bus nyi ma'i dkyil 'khor 'bar ba la gnas pa'i rdo rjes byin gyis brlabs pa'i rkang pa g.yon pas dkyil 'khor de na gnas pa'i klu gan rgyal du 'dug pa mnan pa dang/ skrag ste/ gdengs ka bsgyings pa kha gyen du bstas pas yi ge phutshig re re'i mthar nAM dang spel ba'i phreng pa'i sngags bzlas par bya ste/ des na de rnams char 'bebs par 'gyur ro/ /des kyang char 'bebs par ma gyur pa/ me thab gru gsum byas la/ de'i dbus su stobs po che bsams nas/ sme sha can las mo blangs te/ yi ge phusbyin sreg bya ste/ bshad ba dang gci bas lus la byugs shing/ sbyin sreg brgya rtsa brgyad byas na /char 'babs par 'gyur ro/ /de lta bus kyang char 'bebs par ma gyur na nyes pa 'di ni stobs po cha nyid kyi yin no zhes pa ste/ lngar bshad pa'i rdzas rnams kyi stobs po che'i gzugs brnyan byas la/ dpal gnod mdzes kyi sbyar ba dang ldan pas dgug pa sngon du 'gro ba dang/ rkang pa g.yon pas de bzhin du mnan te/ ma hA ba la bar pa ya shI g+h+raM zhes bya ba'i bskul tshig dang ldan par hUM bzhi dang ldan pa'i gnod mdzes rgyal po'i sngags bzlas brjod bya'o/ /de nas khro bo dpal gnon mdzes mngon sbyod kyi thab khung la bzhugs pa zhal gdangs pa'i ljags la yi ge hUM bsams te/ gzugs brnyan gtub cing do'i zhal du sbyin sreg khri bya'o/ /de nas stobs po che char 'bebs par mdzad par rjes su myong ste/ rnal 'byor pa thams cad kyi rab tu grags pa yin no/ /de nas klu thams cad dang/ stobs po che la zhi bya ba'i phyir/ me thab zlum po la gnas pa'i sbyan dkar po zhi ba'i zhal du de'i sngags dang/ zhi ba'i cho gas mar dang 'o ma la sogs pa'i sreg blugs khri dbul bar bya'o/ /de bas na bcom ldan 'das yul 'di ni sangs rgyas rnams kyi zhi ba bskyed pa yin no/ /'dod pa'i rgyal po'i sngags bshad pa'i phyir/ de nas zhes bya ba la sogs pa gsungs te/ rdo rje sems dpa' i sbyor ba yis zhes bya ba ni Tak+ki'i rnal 'byor pas cho ga ji lta ba bzhin du byas la bsgrub par bya ba'i gzugs brnyan gshin rje gshed kyi sbyor bar gsungs pa'i cho gas thod par gzhag ste bkug la thod pa de g.yon brkyang ba'i g.yas pa'i rkang pas mnan nas Tak+ki'i sngags spel ba dang bcas par bzlas brjod bya'o/ /sta ma bzhin du rdo rje lcags kyung gug par yang bya'o/ /mi g.yo ba'i sngags bshad pa'i phyir de nas zhes bya ba la sogs pa gsungs te/ kha sbyar lus su zhes bya ba ni chung ma dang bcas pa'o/ /de yang mi g.yo ba'i rnal 'byor bas skyes pa'i thod pa skyon med blangs la der rkang pa g.yas pa'i sor mo'i khrag dang/ lan tshwa dang yungs mar dang/ ske tshe la sogs pas lha chen po la sogs pa'i gzugs brnyan rang gi chung ma dang bcas pa snga ma bzhin du bris la bkug ste/ thod pa de rkang pa g.yas pas mnan nas/ snga ma bzhin du lcags kyus bsgrub par bya ba dgug bzhin par bsams la bskul ba dang bcas par sngags brjod par bya'o/ /de nas chung ma dang bcas pa nyid du khugs par 'gyur ro/ /gnod mdzes kyi sngags bshad pa'i phyir/ de nas zhes bya ba la sogs pa gsungs te/ gnod mdzes kyis rnal 'byor pas mtshan nyid dang ldan pa'i bud med gyi thod pa bsgrub par bya ba'i bu mo rkang pa g.yon pa'i srin lag gi khrag gis bris pa de'i b+ha gar rkang ba g.yon bas mnan te/ snga ma bzhin du lag pa g.yas par gnas pa'i lcags kyus snying khar phug ste/ zhags pas bcings la phreng ba'i sngags tshig re re zhing dam/ sngags bskul ba'i tshig dang bcas par bzla zhing dgug par bya'o/ /dgug par bya bar gtogs pa ni bsgrub par bya ba'i sems 'gag cing rnam par 'jig par bsgrub par bya ba'i las rnams kyang mngon sbyong nyid du gtogs pa yin no/ /de nas phaT ces bya ba 'di yang gal te ma bor du zin kyang nyes pa med do/ /de ltar / sngags kyi rgyud dang ldan pa'i las gsungs nas bsam gtan las skyes pa nyid kyi dgug pa gsungs pa ni de nas zhes bya ba la sogs pa yin te/ dam tshig chen po'i sems dpa' i ni thugs rdo rje ste/ de 'byung ba dper med par gang las gyur pa de la de skad ces bya ste/ rdo rje 'dzin pa lta bu'i ting nge 'dzin to/ /dam tshig chen po ni dpal rdo rje sems dpa' ste/ de'i sku la sogs pa las so/ /gsung nyid ni 'da' bar bya ba ma yin pas na dam tshig go /de nyid ni de kho na nyid kyi tshig de gsung de nyid phyung zhes bya ba'i ngon to/ /sangs rgyas rdo rje ni mi bskyod pa ste/ 'di'i sku gsum la rdo rje sems dpa' rnam par bsgom zhing lhag par mos par bya'o/ /de byas nas rang gi snying kha nas rdo rje lcags kyu dang zhags pa la sogs pa dang ldan pa'i lha rnams spros pas sangs rgyas rnams kyi bar du yang dgug par bya'o zhes bya ba'i don to/ /sangs rgyas skun rnam par snang mdzad do/ /gsung ni 'od dpag tu med pa ste/ de dag las g ang yang rung ba'i sbyor bas 'khor lo'i zhes bya ba lha'i dkyil 'khor gyis rab tu sbyor ba yis zhes 'khor lo'i lcags kyu dang pad+ma'i lcags kyus go rims ji lta ba bzhin du rdo rje sems dpa' yang dgug par 'gyur ro/ /gang gis zhen ci rigs par rdo rje gsum dang 'brel pa'i 'khor lo dang/ pad+ma dang rdo rje chen po rdo rje lcags kyu nyid du lhag par mos pas sngags rnams thams cad de/ lta thams cad dgug par bya'o/ /mi bskyod pa la sogs pa rnal 'byor pa gsum gyis dgug pa'i cho ga gsungs nas/ gzhan rnams kyis kyang gsungs pa ni thams cad ces bya ba la sogs pa ste/ rang gi sngags kyi skyes bu ste/ rang gi 'dod pa'i lha 'khor lo dang ldan par bsgoms la/ rang gi snying kha nas 'dod pa'i rgyal po'i bka' dang/ rdo rje lcags kyu dang ldan pa'i lha'i spros pa'i sbyor bas bu mo dgug par bya'o/ /dgug par bya ba rlung gi dkyil 'khor la gnas pa'i dgug pa 'di dag thams cad la yang sbyar bar bya'o/ /rlung gi dkyil 'khor der zla ba'i dkyil 'khor rnam par snang mdzad kyi rang bzhin bsgoms la/ sha ci zhes bya ba sbyan dang/ mA ma kI sngar bshad pa'i bsrung ba la sogs pa'i cho gas bkug bzhin pa/ bdud rtsi'i rgyud 'dzad par bsam par bya'o/ /dgug pa'i sngags kyang lan lnga bcu'i bar du brjod na des par dgug par 'gyur ro/ /'dod pa'i rgyal po'i sbyor bas dgug pa gsungs pa ni rdo rje kyo ba zhes bya ba la sogs pa ste/ mi phyed pa'i lcags kyu ni 'dod pa'i rgyal po'i mtshan ma'o/ /des nye bar mtshon pa'i gzugs chen po nas bya ba 'dod pa'i rgyal po'i phyag rgya chen po bsams la/ nam mkha' i bu mo zhes bya ba lha la sogs pa'i bu mo dgug par bya'o/ /rdo rje dkyil 'khor zhes bya ba ni rlung gi dkyil 'khor la gnas par bsgrub par bya ba dgug par bya'o zhes bstan to/ /gnod mdzes kyi sbyor bas kyang dgug pa gsungs pa ni rang gi zhes bya ba la sogs pa ste/ rang gi khro po ni rdo rjer gyur cing 'da' bar bya ba ma yin pa dang/ rdo rje sa 'og gnas pa dag ces bya ba/ gnod mdzes rgyal po bsams la/ shu lu dang rdo rje kyo ba la sogs pa dang ldan pa'i lha rnams spros pas lha ma yin la sogs pa'i bu mo dgug par bya'o zhes bya ba'i don to/ /mtshan mthob pas lha gang yang rung ba'i sbyor ba dang ldan pa'i rnal 'byor pas btsag gam/ rdo rgyus zla ba gzas zin pa'i tshe khar bcug nas der yang rdo rje lcags kyu dang ldan pa'i lha mo'i gzugs su bskyed pa de kho na nyid gsum gyis byin gyis brlabs te/ de las byung ba'i lha rnams spros pas nam mkha' i khams bkang la/ yang dag par bsdus nas/ gnas su brtan par gyur cing rjes su mnyes par byas pa/ ji srid zla ba gtang bar gyur pa de srid kyi bar du bsgom par bya ste/ des na 'grub par 'gyur ro/ /de nas tshangs pa la sogs pa rang gi ming bris pa tsam gyis 'od bar 'gyur ro/ /rnam pa'i mchog ni kun ldan pa zhes bya ba ji skrad bshad pa'i mtshan nyid dang ldan pa'i 'jam pa'i rdo rjer bdag nyid lhag par mos pa'i dbang gis bsgoms nas gnod sbyin mo dgug par bya ste/ spyi bor gshin rje gshed dang/ rdo rje lcags kyu smo bla'i bdag nyid can bskal pa bsregs pa'i 'khor lo chen po'i gzugs can bsgoms nas/ gnod sbyin mo de bkug la nye bar spyad par bya ste/ gnod sbyin mo'i sngags dang/ rgyud ces bya ba la sogs pa 'og nas bshad pa yin no/ /sngags kyi phyad par zhes bya ba ni phyag rgya chen po'i dbye ba ste/ de ltar na thams cad kyang rnam pa thams cad du rang rang gi sngags kyi dbye ba gang yin pa des dgug par bya'i/ lha gzhan dag gi sngags la/ lha gzhan pa'i rnal 'byor gyis dgug par mi bya zhing/ de bzhin du las gzhan dag kyang mi bya'o zhes khong du chud par bya'o/ /gal te de ltar mi byed na/ de'i tshe sbyor ba mtshang bas na/ dngos grub de 'am bdag nyid 'jig par 'gyur ba thob par 'gyur ro/ /sbyor ba 'di dag thams cad la yang bcom ldan 'das rdo rje sems dpa' nges par bskul bar mdzad pa bsgom par bya'o/ /gang gi phyir de nyid ni sngags rnams thams cad de lha rnams kyi rgyal po ste gsal bar mdzad pa rang gi rig pa'i ngo bo nyid yin pa'i phyir dang/ de rnam par dag pa yang thams cad kyi rjes su 'gro ba yin pa'i phyir ro/ de mdon du phyogs pa med par ni thams cad rnam par ma dag par 'gyur ba yin pas thams cad du yang gnyis su med pa'i ye shes kyi tshul gyis bsgom par bya'o zhes bya ba'i bar du'o/ /lha mo sgrol ma'i dbye ba ral ba gcig ma zhes bya ba bshad pa'i phyir/ de nas zhes bya ba la sogs pa gsungs te/ kun tu rnam par 'phrul pa'i ye shes ni bya ba sgrub pa'i ye shes te/ de nyid ni mi phyed pa'i bdag nyid can du ting nge 'dzin gang las gyur pa de ni gdon mi za ba lta bu zhes bya ba'i don to/ /dam tshig chen po'i rgyas pa'i rdo rje gdon mi za bar grub pa ste/ de'i mchog gang yin pa de ni mdung can ma ste/ sku dang dbus ma'i zhal sngo ba/ g.yas pa dkar ba/ g.yon pa dmar ba/ phyag g.yas pa gnyis kyis gri dang ral gri bsnams pa/ g.yon pa gnyis na thod pa dang rin po che bsnams ba/ phyag gnyis kyis thabs la 'khyud pa/ zhal gyi mche ba cung zad gcigs pa phyung ngo/ /'dir dgug pa'i cho ga ni 'di yin no/ /rdo rje 'dzin pa yongs su gyur pa la/ ral pa gcig ma'i rnal 'byor cho ga bzhin du byas la/ rkang pa g.yon pa'i srin lag gi khrag dang/ nA ga ge sar du bcas pas bud med kyi thod pa la rlung gi dkyil 'khor la gnas pa'i klu'i bu mo snying khar sngags dang spel pa dang/ bcas pa snga ma bzhin du bris la bkug ste/ g.yas brkyang ba'i rkang pa g.yon pas mnan la bskul ba dang bcas pa'i sngags brjod na khugs par 'gyur ro/ /khro gnyer ma'i sngags bshad pa'i phyir/ de nas zhes bya ba la sogs pa gsungs te/ nam mkha' i dam tshig so sor rtogs pa gang las byung ba rdo rje'i bdag nyid can gang yin pa de ni 'od dpag tu med pa lta bu'o zhes bya ba'i don to/ /khro gnyer ma'i phyag mtshan la sogs pa ni gos dkar mo dang 'dra ba las/ dmar skya'i mdog can thod pa'i phreng ba dang ldan ba cung zad mche ba dang ldan pa phyung ngo/ /dam tshig la sogs pas zhes bya ba ni snga ma bzhin du sbyor ba'i dam tshig la sogs pas dgug par bya'o zhes bya bar shes par bya'o/ /bsam gtan 'ba' zhig gis dgug pa gsungs pa ni 'gog zhes bya ba la sogs pa ste/ 'gog pa ni sems kyi kun tu rgyu ba dang bral ba'o/ /de nyid kyis mi phyed pa'i bzlas pa rtse gcig par rdzogs par gyur pas mi g.yo bar bsgrub par bya ba tsam du gyur pa'i rtse gcig pa gnyis su med pa'i sems su byas la/ sngags dang rgyud la sogs pas lus la sogs pa dang mi ldan pa'i bsgrub pa bya ba'ang 'gugs so zhes bya ba'i don te/ /sngags bzlas bas kyang sngags pa las rnams byed do/ zhes phyogs gzhan dag gsungs pa ni yang na zhes bya ba la sogs pa'o/ /bsgrub par bya ba'i khyad par gsungs pa ni rdo rje slob dpon zhes bya ba la sogs pa'o/ phyogs bcu'i sems can thams cad kyi zhes bya ba la sogs pas ni kha sbyar dbye ba gsungs pa yin te/ de ni bdag gi ma bshad do/ /khrag dang chu yis gsher ba 'am zhes bya bas ni 'di skad ston te snga ma las khro bo gang yang rung ba'i sbyor ba dang ldan pas ma mo'i gnas dang/ dur khrod la sogs par skra'i rtse mo thur du bkrol bas khro bo'i sprin spros la/ khrag la sogs pas thams cad gsher bar byas pa'i gos bgos nas/ sngar bshad pa'i cho gas bsgrub par bya ba'i mtshan ma mnan nas/ bzlas brjod brgya rtsa brgyad byas pas 'chi bar 'gyur ro/ /khro bo rnams ni gdug pa'i las bsgrub pa'i phyir dang/ las thams cad mdzad pa'i phyir khro bo'i rgyal pos sbyar bar bya zhes gsungs pa yin no/ /khro bo'i mchog gis bcings pa yis zhes bya ba ni khro bo'i mchog gi rnal 'byor pas bdag nyid ji skad du bshad pa'i gos bgos la zhes bya ba'i don to/ /phur bu'i cho ga gsungs pa ni mi'i rus pa zhes bya ba la sogs pa'o/ /don ni 'di yin te/ khro bo'i rnal 'byor bas ske tshe dang/ dug dang/ lan tsha dang/ yungs mar gyis dur khrod kyis ras la khro bo'i rdo rje rtse mo lnga pa rnon po bris la/ de'i lte bar sngags dang sbel ba'i bsgrub par bya ba'i ming bris te/ ro bsregs pa'i thal ba dang/ sol ba dang/ chu bo'i dogs gnyis kyis dang/ phub ma dang/ bsgrub par bya ba'i rkang rjes kyi sa bsdus la/ bshad ba dang gci bas sprus te/ gzugs brnyan byas pa'i snying khar ras de bcug la bkug ste kha sbyar dbye ba byas nas dgra'i sgor sbas nas mi'i rus pa las byas pa'i phur bu sor brgyad pa'i tshad dag la sngags brgya rtsa brgyad bzlas pa byas te/ phur bus btab na/ de nas ji skad du gsungs pa bzhin du 'grub par 'gyur ro/ /bsad pa'i cho gar bstan pa bshad nas/ gnas nas sbo ba'i cho ga gsungs pa ni yang na thod pa zhes bya ba la sogs pa ste/ khyad par du zhes bya ba ni skyes pa dang bud med bskrad pa la de dang rjes su mthun pa'o/ /don ni 'di yin te/ khro bo'i sbyor ba gang yang rung ba dang ldan pas ji skad du bshad pa'i thod pa la bab pa dang/ a riSh+Ta'i 'dab ma'i khu ba dang/ rkang pa g.yon pa'i srin lag gi khrag gis mtshan pa'i rlung gi dkyil 'khor bris la de'i steng du sgrub par bya ba'i gzugs brnyan bris la de'i snying khar de'i ming dang spel ba'i sngags bris nas bkug ste/ brgya rtsa brgyad bzlas pa'i sngags kyis mngon par bzla zhing/ rdo rje'i tshig gis sngags bzlas brjod byas la/ dgra'i sgo la sogs pas sbas na/ de nas skrod par 'gyur ro/ /tA la'i lo ma la sogs pa la yang cho ga 'di nyid kyis gzugs brnyan byas la/ sgo 'am/ gzhan dag tu sbas na nges par skrod par 'gyur ro/ /sku dang gsung dang thugs kyi phur bur mngon sbyor bya ba gsungs pa ni de nas zhes bya ba la sogs pa ste/ sku dang gsung dang thugs gang gis 'ching ba de ni des par 'ching ba ste/ phur bu'i sdags so/ /de gang las mi phyed par gyur pa mi bskyod pa lta bu'i ting nge 'dzin de byas nas/ bdud rtsi thab sbyor gyi phur bu'i sngags 'di phyung ngo/ /'dir yang srbab duSh+TA zhes bya ba dang/ sarbba pA paM zhes bya ba'i tshig gnyis ston la/ bsgrub par bya ba'i ming dang spel bar bya'o/ /che ge mo'i kA ya ba k+tsit+ta zhes bya ba 'di ltar yang sbil bar bya'o/ /de lta bu'i sbyor ba ni bgegs mthar byed dam gzhan dag gi sbyor ba byas la/ mi'i rus pa'am/ seng lded dam lcags las byas pa'i phung bu stod bgegs kyi dkra'i gzugs can smad rtse mo can gyi gzugs su bsams la/ sngags 'di bsgrub par bya ba'i ming dang sbel ba mngon par bzlas te/ de nas des bsgrub par bya ba'i gzugs brnyan snga ma bzhin du byas pa la/ phur pus gdab par bya'o/ /yang na mi'i rus pa la sogs pa phyi'i phur bu dang sngags spangs la/ bsam gtan tsam gyis thams cad bskyed nas phur bus gdab par bya'o/ /khams gsum pa'i 'am bdag nyid kyi lus la sogs pa le'u bcu ba gsungs pa'i drag shul bsgrub pa la sogs pa'i dus su phur bu'i tshog gsungs pa ni 'od 'phro 'khrug cing zhes bya ba la sogs pa ste/ rdo rje sems dpa' zhes bya ba ni mi bskyod pa'i rigs las byung ba shes rab mthar byed dam/ khro bo'i rgyal po gzhan gang yang rung ba sku stod thabs dang shes rab kyi bdag nyid can/ sku smad rtse mo can du mnyam par bzhag la bsgrub par bya ba'i ming dang spel ba'i 'og nas bshad pa'i sngags dang ldan pa bsams la/ des thugs kyi phur bus phur bu gdab po/ /de bzhin du rnam par snang mdzad rgya chen nam zhes bya ba sku la gshin rje gshed kyi phur bus gdab po/ /de bzhin du 'dod chags rdo rje can ni gsung gi rdo rje ste/ pad+ma mthar byed kyi phur bu gdab par bya'o/ /thugs rdo rje la sogs pa la/ rigs de dang 'brel ba'i phur bus gdab pa yin par ji ltar shes she na/ le'u bco brgyad pa las rigs kyi dbye ba'i sbyor ba yis/ /rdo rje phur bus phur bu gdab ces gsungs pa'i phyir ro/ /'di dag gis ni re zhig la rnams kyi sku dang gsung dang thugs kyi lta 'jig rten las 'das pa'i phur bus gdab par bya ba yin la/ bgegs mthar byed kyis ni sngar bshad pa'i rim gyis gdug pa can thams cad phur bus gdab pa'i 'jig rten pa de bya'o zhes gsungs pa ni rdo rje bdud rtsi 'khyil ba yis zhes bya ba la sogs pa'o/ /phur bu rnams kyi rang gi ngo bo gsungs pa ni snying kha nas ni zhes bya ba la sogs pa'o/ /bshad ma thag pa'i rnam par snang mdzad la sogs pa'i phur bu'i sngags gsungs pa ni de nas zhes bya ba la sogs pa ste/ rnam par snang mdzad kyi sngags phyung ba'i dus su/ gang gi phyir sku'i rnam par 'phrul pa la/ khyad par med pa yin pas/ rdo rje 'dzin pa nyid la rnam par snang mdzad du gsungs pa yin te/ de yang rnam par snang mdzad lta bu nyid kyi ting nge 'dzin zhes bya ba'i don to/ /sku'i dam tshig chem dam du bya zhing drangs la gnon cing mi g.yo bar byas la/ rlung dang mi phyed par byas pa'i phur bu'i sngags kyis byas pa gang yin pa de byung ba'o/ /de bzhin du 'di'i 'og ma rnams la yang sbyar bar bya'o/ /sku la sogs pa'i phur bu'i cho ga 'di ni bdag gis gsal bar ma bshad do/ /le'u bcu bzhi pa'i 'grel pa'o// //de nas zhes bya ba la sogs pas ni le'u bco lnga pa gsungs pa yin te/ dbang bskur ba thams cad shes pa na/ kun mkhyen pa'o zhes bya bar sbyor ro/ /las kyi tshogs gsungs nas/ rigs re re zhing dngos grub chen po bshad pa las/ re zhig mi bskyod pa'i rigs kyi cho ga gsungs pa ni sma sha can zhes bya ba la sogs pa ste/ na tshod kyi khyad par smos pa ni nye bar mtshon pa tsam du zad kyi ji srid shu kra yod pa de srid kyi bar du bzung ba la 'gal ba med do/ /de dkyil 'khor gru bzhi lham par bya zhes bya ba ni bshad pa dang gci ba la sogs la the tshom rnam par bsal bar bya ba'i phyir re ste/ de ltar byas pa'i dkyil 'khor du gzhal yas khang du mos par bya'o/ /dam tshig gi dkyil 'khor la sogs pa 'di dag ni rigs gsum char la yang sbyar bar bya'o/ /'khor lo'i rigs su phyag s rgya chen po'i dngos grub kyi cho ga gsungs pa ni sku gsungs thugs kyi zhes bya ba la sogs pa ste/ gsam gtan sngags kyi sbyor ba yis zhes bya ba ni bsam gtan gyis bdag nyid can gyi sngags bzlas pas so/ /sangs rgyas kyi ni 'od 'drar 'gyur zhes bya ba ni rnam par snang mdzad dang gcig par 'gyur ba'o/ /rdo rje sems dpa' i sbyor ba yis zhes bya ba ni mi bskyod pa la sme sha can gyi bu mo dang sbyar bar bya'o/ /bco blag mkhan gyi bu mo ni mdog dkar bas 'khor lo'i rigs la sbyar bar bya'o/ /autpal mthing kha'i mdog 'dra ba zhes bya ba ni rdo rje rigs la sme sha can gyi bu mo dang sbyor ro/ /sbyor ba'i cho ga zhes bya ba ni btso blag mkhan gyi bu mo phang par bzhag pa la sogs pa'o/ /rdo rje sems dpa' dang mi bskyod pa sbyor ba cig pa de ni mi bskyod pa'i rnal 'byor par 'gyur ro/ /pad+ma'i rigs la yang dngos grub gsungs pa ni rgyal po zhes bya ba la sogs pa ste/ chos rnams thams cad 'dzin pa ni 'od dpag tu med pa'i rnal 'byor pa ste/ cho ga bzhin du gar mkhan gyi bu mo snga ma bzhin du phang par bzhag na rdo rje chos dang 'dra bar 'gyur ro/ /de ji lta bu zhe na/ sa bcu la gnas par 'gyur zhes bya ba gsungs te/ gzugs rdo rje la sogs pa lha mo bcu 'bras bur gyur pa/ sbyin pa'i pha rol tu phyin pa la sogs pa'i ngo bo nyid rab tu dga' ba la sogs pa'i sa bcu rnam par dag pa'i tshul la ni sa bcu zhes bya ba ste/ de rnams la rab tu gnas par 'gyur ro zhes bya ba'i don to/ /sme sha can gyi bu mo la sogs pa med du zin kyang gzhan dag bzung ba la 'gal ba med par gsungs pa ni bram ze rgyal rigs zhes bya ba la sogs pa'o/ /de yang sems can bsam pa la brten nas/ tshad la sogs pa nges byas yin/ /thabs shes las byung dngos grub la/ rigs sogs nges pas ci zhig bya zhes bshad pa yin/ /da lta bu'i mchog gi sems kyis nyi ma ma nub pa nas bsgrub pa kun tu brtsams na/ nyi ma 'char ba'i dus su skyes bu dam pa 'grub par 'gyur ro/ /ji skad du bshad pa'i bu mo bdag gir bya zhing/ gnon pa'i cho ga gsungs pa ni de nas zhes bya ba la sogs pa ste/ dam tshig chen po ni me long lta bu'o/ /de nyid ni rdo rje khro bo'i rgyur gyur pas na/ rdo rje khro bo ste/ de ting nge 'dzin du mdzad nas gshin rje gshed kyi sngags phyung ba'o/ /dug ni zhes bya ba la sogs pa la cho ga ni 'di yin te/ gshin rje gshed kyi rnal 'byor pas sngon du bsnyen pa ji lta ba bzhin du byas nas/ khros pas mngon spyod kyi thab gru gsum du tsher ma'i me la/ yi ge hUM dang ldan pa'i ljags mnga' ba'i gshin rje gshed kyi zhal du bsreg cing dbab par bya ste/ aoM h+rIzhes bya ba la sogs pa la/ cho ga ni 'di yin te/ mar gyi ngo'i nyin zhag gang yang rung ba la gshin rje gshed kyi rnal 'byor pas dur khrod kyi sol ba la bzlas brjod stong rtsa brgyad byas pas bdag che ge mo stsol cig ces bya ba'i bskul ba'i cho ga dang bcas pa'i sngags srin po la sogs pa'i ming dang bcas pa bris nas/ de nyid kyis khyer te 'ongs nas ster bar 'gyur ro/ /sbyor ba'i khyad par gzhan dag bshad pa ni dgra bo'i gzugs brnyan bshad ma thag pa'i rim pas mngon par bzlas pa'i dur khrod kyi sol bas dur khrod kyi sa gzhi la bris te/ bkug nas de'i mid pa bcad pa rnam par bsgoms la/ de yang mtshon cha lta bur bsams te/ mgul bar ri mo bris na/ des mgo 'chad par 'gyur ro/ /thong ba la yang snga ma bzhin du gshin rje gshed kyi rnal 'byor pas de'i ngo bo nyid du lag par bsams la/ mdun du lhag par mos pa'i bsgrub par bya ba'i lus la bsnun na nges par bcom par 'gyur ro/ /hUM zhes bya ba la sogs pa la khro bo'i rnal 'byor pas rang gi lag par 'od zer gyi tshogs 'phro ba'i rdo rje hUM las byung ba/ hUM dang bcas pa rtse mo lnga pa rdo rje 'bar ba bsgoms la/ de bzhin du bsgrub par bya ba'i lus la dbab par bya'o/ /de nas gdug pa rnams 'jig par 'gyur ro/ /rdo rgyus zhes bya ba la sogs pa la sngar bshad pa'i sbyor bas mngon par bzlas pa'i rdo rgyus la sogs pas bsgrub par bya ba'i gzugs bris la/ hUM las byung ba'i sta re bsams nas/ des mid pa bcad par 'gyur ro/ /char ches pa bcad par gsungs pa ni las rdo rje zhes bya ba la sogs pa ste/ kha dog ser po'i rdo rje 'dzin pa'i sbyor bas char dbang ba'i steng du yi ge hUM las byung ba'i sna tshogs rdo rje ser po 'bar ba mngon par 'dod pa'i phyogs khebs nas gnas par bsams nas/ de'i dbus su hUM las byung ba'i bskal pa'i me lta bu mgo steng du bltas pa rnam par bsams nas/ de'i lte bar de nyid kyi sbyor ba 'dug ste/ rang nyid kyi ba spu'i bu ga las byung ba'i 'od zer ser po rnams kyis phyogs thams cad khyab par bsams na/ de lta bus ni mngon par 'dod pa'i gnas las phyi rol tu 'bab par 'gyur ro/ /gal te thams cad du bzlog par 'dod na/ 'di nyid kyis thams cad du khyab par rnam par bsams la/ 'od zer 'bar ba'i tshogs kyis klu thams cad yongs su bskams par bsam par bya'o zhes bya ba ni man ngag yin no/ /rtse gcig pa nyams su myong ba dang bcas par bsgom par mi nus pa dgal/ bya ba'i cho ga bshad par bya ste/ sngar bshad pa'i bri ba'i rdzas kyis dur khrod kyi ras la pad+ma 'dab ma brgyad pa klu brgyad rang gi sa bon gyis de'i lte ba la yi ge phaT gnyis dang spel ba'i lha bris la/ bkug ste ras gnyis pa la 'bar ba dang bcas pa'i rdo rje rgya gram ser po'i lte bar rdo rje rtse lnga pa bsgreng ba/ yi ge hUM gis byin gyis brlabs pa bris la/ dang po'i ras bkan te/ bting ba'i steng du/ de kha sbub ste/ /ba sbyar du byas nas/ rdo leb kyis mnan la bzhag par bya ste/ de nas char 'chad par 'gyur ro/ /nye bar 'tshe ba thams cad zhi bar bya ba'i phyir/ bgegs mthar byed kyi sbyor ba gsungs pa ni dkyil 'khor dag ni zhes bya ba la sogs pa ste/ mche ba'i phyag rgya ni bgegs mthar byed kyi phyag rgya chen po ste/ de bcings nas dgug pa'i dgra ste/ de'i sngags sngar gsungs pa las/ mahA ga Na pa ti dzI bi tAn+ta ka rA ya zhes bya ba byor pa/ bsgrub par bya ba'i ming gzhug pa dang spel te snga ma bzhin du rjes su dran par bya zhing bsgom par bya'o/ /des na rlung la sogs pa bzlog par 'gyu'o/ /phan yon gsungs pa ni sangs rgyas zhes bya ba la sogs pa'o/ /sngags de nyid dam gzhan dag la swAhA zhes bya ba bor la las dang rjes su mthun par phaT ces bya ba gzhug par bya'o zhes gsungs pa ni de la zhes bya ba la sogs pa'o/ /mngon par rtog pa dang nye bar 'tsham pa'i don gsungs pa ni ye shes sems dpa' i sbyor ba yis zhes bya ba la sogs pa ste/ ye shes sems dpa' ni srid pa bar mdo'i sems sngon du 'gro ba'i zla ba zhu ba ste/ de'i mthus dkyil 'khor gyi dbus su mngon par 'dod pa'i lha'i gzugs gnas bzhir gzhag pa'i spyan la sogs pa'i lha mo rnams klus slong pa'i cho ga bzhin du bsgom par bya'o zhes bya ba'i don to/ /de skad du de lta'i glu'i ngo po ru byas nas ni zhes bya ba la sogs pa smos pa yin no/ /pad+ma dang rdo rje ngag gi rnam par dag pa gsungs pa ni pad+ma zhes bya ba la sogs pa ste/ sme sha can la sogs pa'i bu mo 'am rang gis rigs gang yang rung ba la pad+mar rdo rje zhugs pas rab tu rgyas par byas la/ bskyod pa'i las la gnas pa de ni pad+ma'o/ /rdo rje can gyi sbyor ba zhes bya ba ni rdo rje yang ji skad du bshad pa'i 'od dang ldan pa'i hUM las bskyed de/ rab tu bsgom par bya'o/ /de skad du hUM gis pad+ma 'dab brgyad rnam par sprul ces bya pa dang/ hUM gis rdo rje las byung dri med pa'i zhes bya ba smos pa yin no/ /de nas sku la sogs pa'i ngo bo gru gsum dang ldan pa'i chos 'byung bar zla ba zhu ba'i gzugs su cho ga bzhin phab na/ ji skad du bshad pa'i phan yon 'thob par 'gyur ro zhes gsungs pa ni rang lus zhes bya ba la sogs pa'o/ /'di nyid du gsang ba'i dbang bskur ba'i dbang bskur ba'i dam tshig gsungs pa ni bzhin bzangs zhes bya pa la sogs pa ste/ cho ga bzhin zhes bya ba ni bskyed pa la sogs pa'i rim gyis sbyangs pa'i rang gi rigs kyi bu mo mtshan nyid dang ldan pa rnyed na/ shin tu dben par ji skad du bshad pa'i mchod pa'i cho ga byas la/ de las byung ba'i gsang ba zla ba zhu ba zhes bya ba 'bar ba la sogs pa'i cho ga sngon du 'gro bas bza' bar bya'o/ /de nas ji skad du bshad pa'i phan yon thob par 'gyur ro/ /mi snang ba'i dngos grub kyi cho ga gsung ba ni bshad pa'am zhes bya ba la sogs pa ste/ rang gi rigs kyi bu mo dang snyoms par zhugs pa'i 'khor lo can te/ mi snang ba'i dngos grub 'thob pa'i phyir/ mtshan ma thob pas bshad pa sogs pa'am/ bza' ba ste/ 'bras can la sogs pa'i bza' ba rnams kham phor kha sbyar gyi nang du bcug la yi ge gsum mam/ rang gi sngags kyis brgya rtsa brgyad mngon par bzlas la 'bar ba la sogs pa sngon du 'gro bas zos na/ sangs rgyas nyi ma dag gis kyang mthong bar mi 'gyur zhes bya ba'i don to/ /'di ni 'bar ba'i aoM gyis byin brlabs zhes bya ba la sogs pa smos pa yin no/ /sngar bshad pa'i ril bu'i dngos grub kyi sbyor ba la/ ci 'dod pa'i ril bu dgri pa'i rdzas gzhug pa gsungs pa ni ba lang zhes bya ba la sogs pa gsungs pa'o/ /'dir bsdus pa'i don ni 'di yin te lha'i khyad par gang yang rung ba'i phyag rgya chen por byin gyis brlabs la/ dkyil 'khor gyi 'khor lo dang ldan pa'i sngon du bsnyen pa byas nas mtshan ma thob pa dang/ bshad pa la sogs pa'i rdzas thams cad kyis sam/ ji snyed pa dang ldan pa'i lcags gsum gyis ril bu byas la/ snga ma bzhin du cho ga thams cad bya'o/ /de nas ji skad du gsungs pa'i phan yon 'thob par 'gyur ro/ /da ni dbang bskur ba'i nges pa'i don gsungs pa ni de nas ston pa rdo rje 'dzin zhes bya ba la sogs pa ste/ sems dpa' ni rdo rje sems dpa' o/ /rdo rje ni mi bskyod pa ste/ de gnyis kyi sbyor bas mnyes par 'gyur ba ni dga' bar 'gyur ba ste/ dbang bskur ba zhes bya ba'i bar du'o/ /sangs rgyas rdo rje can zhes bya ba ni mi bskyod pa dang/ rdo rje sems dpa' ni go rim ji lta ba bzhin sbyar te/ ji skad du 'bras bus rgyu ni rgyas btab cing zhes bya ba la sogs pa gsungs pa yin no/ /sangs rgyas byang chub rab dbye bas zhes bya ba ni mi bskyod pas so/ /rdo rje can zhes bya ba ni sangs rgyas bzhi po rnams mnyes pa'o/ /rdo rje can la sogs pa bcu'i dbu rgyan la ni gtsug tor te/ rang rang gi rigs kyi bdag po rnams bzhag par bya'o/ /khro bo bcu po rnams la rang rang gi bdag po de nyid bzhag par bya'o/ /rig pa'i rgyal po chos mchog rnams zhes bya ba ni rig pa'i rgyal po rnams la dkon mchog dpal gyis dbang bskur bar bya'o/ /rig pa'i rgyal mo ni rig 'dzin ma ste/ de rnams la tshe dpag tu med pa rab tu bsgoms par bya'o/ /las thams cad byed pa ni ci bgyi ste/ de rnams la gdon mi za bar grub pa bsgom par bya'o/ /sngags rnams ni lha chen po dang/ khyab 'jug la sogs pa ste/ de rnams kyi spyi bor rdo rje 'jin pa bsgom par bya'o/ /gnod sbyin ma rnams la ni gshin rje gshed kyis dbang bskur par bya'o/ /rgyud gzhan dag las gsungs pa'i gang de bzhin gshegs pa'i cod pan nyi stsal kyar? bya ba'i phyir gsungs pa ni sngags rnams zhis bya ba la sogs pa ste/ lha'i rnal 'byor pa thams cad la dkyil 'khor gyi lha spyi bar bsgom par bya'i/ ji lta ba bzhin du ni ma yin no/ /dkyil 'khor du zhugs pa'i slob ma la dbab par bya ba'i phyir dang/ sbyir sbyor ba shes par bya ba'i phyir/ sbyor ba spyad pa gsungs pa ni de nas zhes bya ba la sogs pa ste/ sngags dang bzlas pa'i sbyor ba yis zhes bya ba ni 'og nas bshad pa'i hUM la sogs pa dang/ bskul ba'i sbyor bas so/ /de ltar gyur pa'i rnal 'byor ba ni rdo rje sems dpa' la sogs pa'i sngags dang bsam gtan gyis bskur bas las sna tshogs byed do zhes gsungs pa ni rdo rje sems dpa' la sogs kun zhes bya ba la sogs pa'o/ /rdo rje chos kyi gzugs chen po zhes bya ba ni ji ltar lhag par mos pas adbang chen dang/ chu dang rlung gi dkyil 'khor la hUM ha a zhes bya bar rigs rnams kyi rtag pa de rnams kyis slob ma'i sems dang dag byin gyis brlabs par bsam par bya'o zhes bya ba'i don to/ /de ltar byas nas de'i rkang pa'i 'og tu me'i d kyil 'khor la gnas pa'i dzhegyi yi ge'i bdag bdag nyid can dang bskul bar bya ste/ A pa sha ya snyaM b+ha ya ra ra ra ra zhes bya ba la sogs pa'i sngags rdo rje dang/ rdo rje dril bu dang bcas pas brjod par bya'o/ /dbab pa'i cho ga 'di rgyun du bya ste/ de nas bcom ldan 'das der 'bab par mdzad do/ /de nas babs pa'i rang gi lce la yi ge atog 'khor lor dor bar bya'o/ /'di dag kyang dkyil 'khor gyi cho ga las de nas slob ma la de bzhin gshegs pa thams cad kyis byin gyis rlobs la zhes bya ba la sogs pa smos shig ces bya ba yin par blta bar bya'o/ /bskul dang zhes bya ba la sogs pa la/ snying kha dang/ lkog ma dang/ spyi bor dbang chen la sogs pa'i dkyil 'khor la gnas pa'i yi ge gsum po ni lha chen po ste/ 'phags pa'i ngo bo bskul ba sogs pa bya ba'i phyir/ me'i dkyil 'khor la gnas pa'i yi ge dzhaipa'o/ /rdo rje grub pa zhes bya ba ni brtan pa'i sems kyis so/ /rtag pa zhes bya ba ni bde chen po'o/ /da ni cung zad ye shes babs pas bu mo dang khye'u lo bcu gnyis pa dkyil 'khor gyi khang par bcug nas/ cho ga bzhin du dbab par bya ste/ sgo bcad nas de gnyis dad dkyil 'khro bri bar bya'o zhes gsungs pa ni bu mo lo grangs bcu gnyis ma 'am/ zhes bya ba la sogs pa yin te/ cho gas zhes bya ba ni srad bu bri ba dang/ tshon dgye ba la sogs pa'o/ /sngar bshad pa'i sngags kyi yi ge bstan pa'i phyir/ de la snyig po zhes bya ba la sogs pa gsungs pa yin no/ /sa bon rnams lha'i bdag nyid can du gsungs pa ni hUM ni rdo rje sems dpa' i bdag ces bya ba la sogs pa gsungs pa yin te/ slob ma gzhug pa la sogs pa ni 'dir yang las dang po pa'i rnal 'byor pa bzhin du bya'o zhes gsungs pa ni sngar bzhin du zhes bya ba la sogs pa yin no/ /da ni bdud rtsi thab sbyor gyi rtog pas gdug pa rnams tshar bcad pa gsungs pa ni de nas zhes bya ba la sogs pa ste/ 'dir yang bya ba'i cho ga ni sngar bshad pa nyid yin pa las de la yang kha bskang bar bya ba'i phyir 'di nye bar bkod pa yin te/ 'di rnams dang lhan cig pa nyid kyis ci rigs par der sbyor ba re re dang rims bzhin du bya'o zhes bya ba'i don to/ /dkyil 'khor gru gsum zhes bya ba ni bdud? rtsi thab sbyor gyi rnal 'byor pas cho ga ji lta ba bzhin du me'i thab byas la/ rdzas 'di rnams kyis bskus nas der me'i lha bsams te/ de'i zhal du ji skad du bshad pa'i rdzas las byas pa'i gzugs brnyan la/ me thab de'i dbus su bsgom pa'i bdud rtsi thab sbyor gnyis pa'i zhal du ming spel ba dang bcas par yang dang yang du snga ma bzhin du sbyin sreg bya'o zhes de ltar sbyar bar bya'o/ /khros nas bsreg ces bya ba ni bshad ma thag pa'i thab dang 'dra bar sbyin sreg bya ba'o/ /chu ba 'bab pa'i 'gram gnyis sa zhes bya ba ni chu ba'i 'gram gnyi ga'i dogs kyi sa la sogs pa las gzugs brnyan byas la/ mgo byang phyogs su bstan te/ gan rgyal du bzhag la/ sbrul dang sdig pa la sogs pa'i tshor ma'i dug gis smin pa rnams kyis bar mtshams med par dbug par bya zhing bsgrub par bya ba'i min dang bskul ba'i tshig dang bas pa'i gsang sngags bstod pa dang bcas par brjod cing/ til gyi 'bras bu tsam du dgang bar bya'o/ /ske tshe la sogs pa thams cad du gzugs brtam la sogs pa la gzhug par bya'o/ /liM ga zhes bya ba ni rus pa'i phye ma la sogs pa la byas nas snga ma bzhin du rkang pas mnan la/ che ge mo rak+Sha sa gra ha ya zhes bya ba'i bskul tshig dang bcas par sngags bzlas par bya'o/ /tsha ba chen pos btab par 'gyur ba zhes bya ba ni skul ba'i dbang gis so/ /'dir las kyi tshogs kyi phyir/ bdud rtsi thab sbyor gyi sngags bshad pa gsungs pa ni de la zhes bya ba la sogs pa'o/ /sbyin sreg yang na bsam gtan dag ces bya ba ni bshad ma thag pa dang 'ag? nas 'chad pa'o/ /rdo rje sems dpa' zhes bya ba ni dgug pa rnam par 'jig par mdzad pa/ /khro bo bskyed pa'i rgyur gyur pa bsams la/ gdug pa 'jig par byed pa'i bsams gtan cho ga bzhin du rtag par bya'o/ /de la 'di ni zhes bya ba la sogs pa'i tshigs su bcad pa gsum ni bdag gis ma bshad do/ /srin po zhes bya ba la sogs pa la 'di rnams kyis gdug pa la rnam par gtsos par cho ga bzhin dub sam par bya'o zhes bya ba'i don to/ 'di dag kyang snga ma'i sbrul la sogs pa'i sbyor ba la sbyar bar bya'o/ /de ltar nyams su len pa'i rnal 'byor pas gal te bsgrub par bya ba sngags kyi lta la sogs pas bsrung ba mdzad pa dag kyang srid pas nge'i phur bu gdab par bya'o zhes gsungs pa ni bsrung pa la sogs pa zhes bya ba la sogs pa yin te/ srung bar byed pa'i lha sogs pa bkug la/ kha sbyar dbye ba bya ste/ snga ma bzhin du bdud rtsi thab sbyor gyi phur bus cho ga bzhin du aoM g+hAbya ba ni bsrung ba la sogs pa'i kha sbyar bye ba med pa ni dam tshig shin tu 'da' bar bka' ba' o/ /rdo rje phung po zhes bya ba la sogs pa ni bdag gis ma bshad do/ /bsam gtan nyid kyi nus pa gsungs pa ni ston pa sangs rgyas rdo rje 'dzin zhes bya ba la sogs pa yin te/ gnyis su med pa'i phyin ci ma log pa dngos po'i stobs kyis gnas pa ni gang la ji ltar mos pa de bzhin du 'byung bar 'gyur ro zhes bya bar dgongs so/ /dngos po rnams ngo bo nyid kyis dag pa nyid du bstan par bya ba'i phyir/ de nas zhes bya ba la sogs pa gsungs ba ste ma skyes ba'i zhes bya ba ni rtog pa'i bdag nyid bsad pa la sogs pa'i tshul gyis ni/ ngo bo nyid las gnyis su med pa'i tshul du byung bar bstan to uzhes dbya ba ste/ mdor bstan pa'o/ nga ni sngar bshad pa'i sprul la sogs pa'i sbyor pa rnams kyi phyogs su gtogs pa'i las phran chogs rab tu bsgrub par bya ba'i phyir gsungs pa ni de la 'di ni zhes bya ba la sogs pa ste/ bri ba la sogs pa'i bya ba gtso bo yin pas las phran tshogs kyi rdo rje gsang ba ste/ baM zhes bya bas rdo rgyus la sogs pa dang/ ro bsregs pa'i sol ba sngags brgya rtsa brgyad bzlas pa tsam gyis mi sdug pa la sogs ba'i gzugs can gyi sprul bris la/ de'i khar khe zhes bya ba me'i mdog dang ldan pa dug gi bdag nyid can bsreg pa rang gi sbyor ba la gnas nas bsgom par bya'o/ /des na sbrul de gnas las bskyod par 'gyur ro/ /hI zhes bya ba yang de'i khar bsams la de las byung ba'i 'od zer gyi lcags kyu rnams kyi khams gsum na gnas pa'i dug rnams bkug la sprul gyi khar gzhug par bya'o/ /de nas yi ge khe gyis sprul de bskul la/ gang gzung bar bya ba de nyid gzung bar bsams na 'jigs par 'gyur/ /sdig pa dang zhes bya ba la sogs pa la/ sbyor ba 'byung ba'i mtshan nyid kyis zhes bya ba ni snga ma bzhin de las thams cad kha la sogs pa byas la/ de nyid kyis kyang 'dzin du bcug na gdug pa 'jig par 'gyur ro zhes bya ba'i don to/ /de la 'di ni zhes bya ba la sogs pa la/ rnam par snang mdzad kyi sbyor ba dang ldan pas yi ge aoM las byung pa'i 'od zor gyi tshogs dang ldan pa'i 'khor lo rtsibs brgyad ba dkar po la/ lta bar yi ge aoM 'od zer gyi tshogs kyis khyab par bsams la/ des dug nyid nag por byung bar drangs te/ gnas gzhan du brtsal nas/ dug spangs te/ dkar po 'jug pas khyab cing nam mkha' la sogs par dug spro bar bya'o/ /dug gso ba gsungs pa ni de la 'di ni zhes bya ba la sogs pa gsungs pa yin te/ cho ga ji lta ba bzhin du 'khor lo'i dbus su gnas pa'i mi bskyod pa'i sbyor ba dang ldan pas bsgrub par bya ba'i snying khar yi ge hUM las byung ba'i rdo rje dkar po las skyes pa'i 'od dkar po'i sprin gyi tshogs bsil bas de'i lus khyab par byas la/ de nyid kyi snying kha dang/ lkog ma dang/ dpral ba dang/ mgo'i gnas su dug yang dag par bsdus par gyur par lan gnyis lan gsum gyi bar du bsams la/ yang thams cad snying khar bsdus te skyugs pa'i tshul du kha dog nag por byung bar bsam mo/ /'bras la sogs ba dug dang nye ba'i dug gzhig par bya ba'i phyir de la 'di ni zhes bya ba la sogs pa gsungs pa ste/ gang gzhan zhes bya ba ni g.yan pa dang/ sha bkra la sogs pa'o/ /bsams pa tsam gyis zhes bya ba ni bshad ma thag pa bzhin du 'od dpag tu med pa'i rnal 'byor bya ba ste/ lag pa g.yas par yi ge absams la/ des byas par bya'o/ /sdud pa ni dam tshig gnag ces bya ba la sogs pa la aphyir/ dkar po'i mdog du gyur pa yin no/ /'di dag ni 'di'i snga ma rnams la yang shes par bya'o/ /gdon pa'i sngags kyis kyang nad la sogs pa bsal bar bya'o zhes gsungs pa ni zhes bya ba la sogs pa yin te/ gal te 'di lta bu'i sngags kyi yi ge'i tshig ni mos pa'i dbang du gsungs pa yin te/ de'i rnal 'byor nyid kyis las bya'o zhes bya ba'i don to/ /nad kyi rdo rje bskul ba yis zhes bya ba ni ji ltar rnam par snang mdzad kyi rnal 'byor bas ni aoM ana ya hUM zhes bya ba la sogs pa'i rnam par bya ba ste/ de la sogs pa'i rnam pa ji lta ba de bzhin sbyar bar bya'o/ /nad yang spre'u la sogs pa dang 'dra bar bsgrub par bya ba'i lus la sogs pa las byung bar bsams la/ rang gi lag pa na 'dug pa'i 'khor lo la sogs pas spe'u la sogs pa de rnams kyi lus la sogs pa phye mar brlag par rdo rje go 'phang rang gi rnal 'byor la gnas pa'i rnal 'byor bas bsgom par bya'o/ /rang gi lus zhes bya ba sogs pa la rnam par snang mdzad la sogs pa'i sku/ sku mdog nag por cho ga bzhin du bsgoms la/ de spros pa'i khro bo rnams kyis phyogs bcu khyab par byas la/ spre'u la sogs pa'i nad de rnams kyi lus rang gi lag na gnas pa'i phyag mtshan gyis phye mar brlag bar bya zhing sngags brgya rtsa brgyad thun mtshams bzhir bzlas brjod bya'o/ /de nas yang bdag nyid kha dog dkar por bsgoms la/ spro ba la sogs pa byed bzhin du snga ma bzhin du nad pa la dbang bskur ba la sogs pa bzhin du bya zhing zhi ba bya'o/ de nas nges par las las byung ba'i nad kyang nyin zhag bdun gyis med par 'gyur ro/ /yang na bdag gi sngags rgyal gyis zhes bya ba ni rin chen 'byung ldan la sogs pa'i sbyor bas gyang ci rigs par nad rnams bsal bar bya'o/ /da ni rmi lam gyi mtshan ma bshad pa'i phyir/ de nas zhes bya ba la sogs pa gsungs te/ 'di ni rmi lam chen po'i dam tshig ces bya ba la sogs pa gang mngon par 'dod pa'i 'bras bu 'thob pa'i ltas so/ /rmi lam gyi mtshan ma bstan nas mtshan ma de la mngon par zhen pa btsal bar bya ba'i phyir gsungs pa ni de la 'di ni zhes bya ba la sogs pa yin te/ dam tshig gi snying po zhes bya ba ni 'da' bar bya ba ma yin pa'i nges pa'i ye shes so/ /sems la dmigs pa ni sems la nges par brtags pa ste/ khams gsum pa 'de dag ni rnam par shes pa 'di nyid do zhes bya ba'o/ /rnam pa de lta bu yin pas de sems ni chos thams cad de rmi lam du dmigs pa'i sangs rgyas thob pa lta bu ste/ khams gsum pa'i tshul yang de'i bdag nyid du rab tu gnas pa yin no/ /de dag kyang nam mkha' i mtshan nyid can gyis sems la gnas par 'gyur ro/ zhes gsungs pa ni nam mkha' rdo rje la gnas sems zhes gsungs pa yin no/ /de bas na btags pa'i 'o bo nyid gyi chos med la/ de med pas na chos nyid kyang med pa'o/ /de ni 'di dag gsan pa dang sangs rgyas ngo mtshar du gyur cing rmad du gyur pa thob par gsungs pa ni de nas zhes bya ba la sogs pa yin te/ chos rnams ngo bo med ba la zhes bya ba ni btags pa'i tshul dang bral ba'i chos rnams la/ chos kyi de kho na nyid gnyis su med pa zhes bya ba 'di bshad pa yin no/ /nam mkha' la ni nam mkha' bsgom zhes bya ba ni dmigs su med pa'i ye shes ni rang gi ngo bo nyid kyis bsgom pa'o/ /de skad du 'phags pa byams pas kyang/ 'di ni btags pa dgags pa ste/ rang gi ngo bo bzlog pa min zhes gsungs pa yin no/ /chos gang gis zhe na/ bems po'i tshul gyi nam mkha' dang ye shes gcig pa nyid kyis phyir ro/ /mi ldan pa yang ma yin zhes bya ba ni nam mkha' ni chos thams cad kyi bdag nyid can yin pa'i phyir ro/ /nam mkha' la yang nga ni thams cad du song ba'o zhes bya ba las gos pa bzung ba la sogs pa'i rnam par rtog pa yod pa ma yin no/ /nam mkha' la brtag tu med ces bya ba la sogs pa ni gzung ba dang 'dzin pa dang bral ba'i phyir ro zhes bya bar dgong yo de'i skye ba med de zhes bya ba ni sems kyis ngo bo nyid de la brtag pa'i bdag nyid can gyi skye ba med pa ste/ dngos su na gnyis su med par 'byung ba nyid yin no/ /ngo bo nyid med pa zhes bya ba la/ ngo bo nyid ni gzung ba la sogs pa'i bas pa'i tshul te da dang bral ba'o/ /yang na mdza' ni/ gzung ba dang 'dzin pa'i rnam pa ni/ phyi yis mtshan nyid yod min te/ /de bas mtshan nyid stong pa'i phyir/ /dngos po med par bshad pa yin zhes 'byung ba yin no/ /rmi lam de ni zhes bya ba la sogs pas ni rmi lam dang gnyid ma log pa'i gnas skabs dngos su ni khyad par med par gsungs pa yin no/ /nam mkha' i khams kyi rjes 'brang ba'i zhes bya ba ni nam mkha' khyab pa rnams la'o/ /rjes su 'brang ba zhes bya ba ni mngon par 'phel bar gyur pa'o/ /sems nam mkha' la gnas so zhes bya ba ni de'i bdag nyid kyis so/ /nam mkha' ni gang la yang mi gnas so zhes bya ba ni dmigs su med pa nyid du gyur pas na/ rten dang brten par gyur pa ni btags pa tsam yin pa'i phyir ro/ /rang gi sems kyi chos nyid la gnas ba zhes bya ba ni rang gis sems kyis chos nyid ni sdong ba nyid de/ gzung ba la sogs pa dang bral ba'o/ /gang 'phags pa byams pas/ gang zag dang ni chos rnams kyi/ dngos po med 'dir stong pa nyid ces bshad pa yin no/ /des gnas pa ni stong pa nyid du ro gcig pa ste/ de sems shing cang mi smra bar 'khod par 'gyur ro/ le'u bco lnga pa'i 'gel pa'o// //de nas zhes bya ba la sogs pas ni le'u bcu drug pa gsungs pa yin te/ ting 'dzin ces bya ba ni rnam par dgod pa me long lta bu'o/ / cho ga rdo rje zhes bya ba ni mi phyed pa'i cho gas dkyil 'kho rdzogs pa'i dbus ma'i gdan la rnam par snang mdzad kyi phyag rgya 'khor lo'i gzugs su bri bar bya'o/ /mi bskyod la sogs zhes bya ba ni sngar gyi rnam par snang mdzad kyi dbus su mi bskyod pa'i rdo rje bris la/ lhag ma rnams gnas ji lta ba bzhen du bri bar bya'o/ /bshad gci la sogs zhes bya ba la/ tshon dang thig la sogs pa dang/ bza' ba la sogs pa la/ cho ga ji lta ba bzhin du sbyar bar bya'o/ /gsung gi dkyil 'khor bshad pa'i phyir gsungs pa ni de nas zhes bya ba la sogs pa ste/ ting 'dzin ces bya ba ni so sor rtog pa'i rnam pa'o/ /rdo rje bsgom pas zhes bya ba ni 'od dpag tu med pa la sogs pa slob dpon dang slob ma gnyis kyis bzung ba'i srad bu sngar bshad pas thig btab la bri bar bya'o/ /rang gi sku'i dkyil 'khor gnas zhes bya ba ni gzugs dang ldan pa'i sku'i dkyil 'khor nyid yin du zin kyang/ 'dod chags rnam par dag pa'i dbang gis gsung gi rdo rje'i yon tan 'thob pa yin no/ /nub phyogs kyi 'od dpag tu med ba'i gnas su ni mi bskyed pa'i phyag rgya bris la/ lhag ma rnams ji lta ba bzhin du bri bar bya'o/ /zhes gsungs pa ni de nyid ces bya ba la sogs pa gsungs pa yin no/ /gsang ba'i mchod ba zhes bya ba ni gar mkhan gyi bu mo blangs la ji skad du bshad pa'i mched pa bya'o zhes shes par bya'o/ /de ltar na sku dang gsung gi dkyil 'khor de dag bshad pa yin no/ /thugs kyi dkyil 'khor ni le'u bzhi par bshad pa yin no/ /da ni lha gzhan dag gi dkyil 'khor dag kyang bsgres nas bstan pa'i phyir gsungs pa ni de nas zhes bya ba la sogs pa ste/ dkyil 'khor gyi dbus su gang gi gzugs bris pa dkyil 'khor de nyid kyi yin par 'gyur ro/ /de skad du gang zhig dbus su gnas par gyur pa'i/ 'khor lo de yang de'i yin par 'gyur zhes bshad pa yin no/ /dkyil 'khor thams cad bskyed pa la sogs pa la thun mong du gyur pa'i thugs la sogs pa ngo bo nyid kyi yi ge gsum bshad par bya ba'i phyir/ de nas zhes bya ba la sogs pa gsungs te/ sku la sogs pa'i dkyil 'khor de'i sngags ni snying po rnams te/ de'i thig gdab pa'i phyir/ yi ge'i gnas yin no zhes mtshams sbyar bar bya'o/ /ye shes babs pa'i thob pa'i rnal 'byor ba'i bri ba'i dkyil 'khor gyi cho ga gsungs ba ni tshon rtsi zhes bya ba la sogs pa ste/ sngags kyi sems dpas zhes bya ba ni sngags kyis byin gyis brlabs pa'i sems kyis mthu thob pas tshon dgye ba dang/ thig gdab pa la sogs pa bdag nyid kyis mi bya ste/ byas na byang chub rnye par dka' bar 'gyur ro/ /de lta na go dkyil 'khor ji ltar bri bar bya zhe na/ de bas zhes bya ba la sogs pa gsungs te/ khye'u dang bu mo la sngags kyi lha rnam par snang mdzad dang/ spyan phab ste/ mig la sogs pa byin gyis brlabs pa'i gnas bsam la/ bla ma dang slob ma'i tshul can de gnyis kyis sku'i dkyil 'khor bri bar bya'o/ /de nyid kyis gsung gi dkyil 'khor bri ba'i cho ga gsungs pa ni rdo rje chos zhes bya ba la sogs pa'o/ /thugs kyi dkyil 'khor gyi yang cho ga gsungs pa ni rdo rje sems dpa' zhes bya ba la sogs pa ste/ de skad du yi shes dbab pa legs thob pas zhes bya ba nas brtsams te/ thugs la'ang mi bskyod mA ma kI zhes bya ba la sogs pas bshad pa yin no/ yul dang dus gzhan dag tu rnam par bsgom bzhin du 'khor lo bkug nas 'di nyid kyi nang du chud par bya ba gsungs pa ni bkug nas zhes bya ba la sogs pa'o/ /khro bo'i rgyal pos zhes bya ba ni gshin rje gshed kyis so/ /'di ni nye bar mtshon pa tsam du zad de/ sgo srungs gsum po gzhan dag gis kyang gzhug pa dang/ bcing ba dang ma nyi bar bya ba byas la/ dus gsum gyi sangs rgyas nang du chung ba'i bdag nyid can gyi 'khor lo mchod par bya'o/ /de ni rang gi 'khor lo gsal bsgoms te zhes bya ba nas brtsams te/ gshin rje gshed la sogs pas dgug ces bya ba'i bar gyis bshad pa yin no/ /gtor ma'i cho ga gsungs pa ni sngags rnams thams cad ces bya ba la sogs pa ste/ 'di dag ni bdag gis ma bshad do/ /las dang po pa'i rnal 'byor pa'i thig gdab pa'i cho ga gsungs pa ni thig gi zhes bya ba la sogs pa ste/ sku'i dkyil 'khor bri ba'i dus su/ slob dpon bdag nyid srad bu'i mdza' gcig 'dzin pa'i rnam par snang mdzad du bsams la/ slob ma srad bu mdza' gnyis pa 'dzin pa'i rdo rje sems dpa' 'am/ bdud rtsi thab sbyor du bsam par bya'o/ /las kyi gnas zhes bya ba ni thig mngon par sbyar ba la sogs pa'o/ /de dag kyang dkyil 'khor gyi cho ga las gsal ba nyid du shes bar bya'o/ /srad bu de dang tshon la sangs rgyas lnga'i bdag nyid can lta nyi shu rtsa lnga'i gzugs su dbye bar bya'o zhes gsungs ba ni sangs rgyas rgyal chen lnga rnams ni zhes bya ba la sogs pa'o/ /de bsan de'i mdog sa bon las byung ba'i mi bskyod pa la sogs par snang zhes bya ba la sogs pa smos pa yin no/ /da ni sngar bshad ba'i gtor ma phul nas rdo rje hUM mdzad kyi gzugs kyis dkyil 'khor du zhugs la bskor bar bya'o zhes gsungs pa ni sngags rnams zhes bya ba la sogs pa yin te/ rdo rje hUM mdzad ni khams gsum rnam par rgyal ba ste/ gnod mjos yin par/ bshad do/ /de nyid kyis na phyogs skyong rang rang sbyor gnas pa zhes bya ba nas brtsams te/ 'jig rten gsum las rnam par rgyal gyur pa zhes bya ba la sogs pa smos pa yin no/ /zhi ba'i sgrub pas spyan ras kyis mi 'tsho ba'i/ sangs rgyas rnams kyis spyan ras kyis bcal pa'i phyir sku gsung zhes bya ba la sogs pa smos pa yin te/ sku gsung thugs zhes bya ba ni gnong mjos rgyal po ste/ sangs rgyas lta'i dbu rgyan la bdag po gnyis pa bsgom par bya'o/ /yang na sku gsung thugs kyi dam tshig ces bya ba ni rdo rje 'dzin pa ste sangs rgyas rnams kyi gnas lnga po mgo bo dang/ lkog ma dang/ snying kha dang/ lto ba dang/ rked pa'i gsad bar bsgom pa'o/ /rdo rje sems dpa' i zhes bya ba ni rnal 'byor pa rnams kyi'o/ /bum pa dgod pa'i cho ga gsungs pa ni rdo rje bum pa bzhag ba zhes bya ba la sogs pa ste/ rnam par rgyal pa'i bum pa la sogs pa la dkyil 'khor gyi lta rnams dang/ 'brel pa'i sngags dkyil 'khor pa'i lha so so'i bzlas pa byas pa'i rang bzhin no/ /rgyud ni 'dab ma la sogs pa'o/ /bdag po ni dkyil 'khor ba so so ste/ de rnams kyi rjes su 'brang ba'i yi ge rnams kyis so/ /rang bris pa ni rang rang gi mtshan mas mtshan pa dang/ bdud rtsi lnga dang/ 'bru dang gos la sogs pa dang ldan pa bzlas shing rang gi sbyor ba dang ldan pa ji skad du bshad pa'i gnas rnams su dgod par bya'o/ /de bas na mgrin pa bzang po gos kyis dkris/ a ma la sogs 'dab mar ldan zhes bya ba la sogs pa smos pa yin no/ /spyin sreg gi cho ga gsungs pa ni rdo rje sems dpa' zhes bya ba la sogs pa ste/ dbus su rang gi lha'i gzugs zhes bya ba ni dang po me lta la ji skad bshad pa'i sbyin blugs phul la de'i 'og tu de'i dbus su rang gi lha'i sku bsams te/ de'i zhal du sreg rdzas bsta ba par bya'o/ /de pas na kun nas sor bzhi dor nas ni/ kha khyer de'i tshad pad+ma kha bye ba'i kha khyer las khru zabs su khru phyed pa/ 'khor lo lta bu las kun byed ces bya ba la sogs pa smos pa yin no/ /slob ma gzhug pa'i cho ga gsungs pa ni rnam par snang mdzad ces bya ba la sogs pa ste/ ji ltar lhag par mos pas rnam par snang mdzad kyi rnal 'byor pa'i slob ma la gnas ji lta ba bzhin du/ rdo rje gsum gyis byin gyis brlabs par bsam par bya ste/ a zhes smos pa ni de nyi bar mtshon pa'i don du gsungs pa yin no / rdo rje gzung bar bya zhes bya ba ni rdo rje gsum gyis byin gyis brlabs pa'o/ /'di nyid gsungs pa ni rdo rje sems dpa' zhes bya ba la sogs pa'o/ /'dir 'od dpag tu med pa ma bshad pa ni sngar a zhes bya ba nyid kyis de sdon pa yin pa'i phyir ro/ /de yang slob ma'i spyi'i sdom pa dang zhes bya ba nas brtsams te/ sgor ni phreng thogs yang dag mchod/ /de bzhin yon ni phul ba dang zhes bya ba la sogs pa smos pa yin no/ /slob ma gzhug pas yi ge lnga gsungs pa ni A khaM pI ra hUM zhes bya ba'o/ /gshin rje gshed la sogs pa'i sngags dang/ 'di nyid kyis slob ma dgug pa la sogs pa bya'o/ /de bas na gshin rje gshed sogs rang sngags ni/ dam pas dgug cing gzhug par bya zhes bya ba la sogs pa smos pa yin no/ /slob ma dbang bskur gsungs pa ni de la 'di ni zhes bya ba la sogs pa yin te/ sangs rgyas thams cad ji skad du bshad pa'i bum pa gang ba bsnams pa nam mkha' i khams yongs su gang bar rab tu bsgoms la/ sangs rgyas de rnams yungs kar lta bu'i rdo rje gsum gyis 'od zer gyis bskul bar bya'o/ /de nas de la dbang bskur ba stsol bar 'gyur ro/ /sbyan la sogs pa bum pa thogs pas 'di la dbang bskur ba sbyin par bya'o zhes gsungs pa ni yang na zhes bya ba la sogs pa ste/ rdo rje sems dpa' i ting nge 'dzin gyis zhes bya ba ni ji ltar lhag par mos par byas pa'i ting nge 'dzin gyis so/ /dam tshig gi mchog rnams ni zhes bya ba ni spyan la sogs pas so/ /slob ma dkyil 'khor du gzhug pa la ji lta ba'i lhag par mos pas rnam par snang mdzad lta bur bsam mo zhes bya ba la sogs pa sngar bshad pa de dran par bya ba'i phyir gsungs pa ni rdo rje rnam par snang mdzad ces bya ba la sogs pa yin te/ dgod par bya zhes bya ba ni yi ge gsum mo/ /dbang bskur ba'i dus su slob dpon gyis brjod par bya ba'i tshigs su bcad pa gsungs pa ni de la 'di ni dbang bskur ba thams cad kyi zhes bya ba la sogs pa yin no/ /dbang bskur ba len pa'i sngon rol du slob ma'i gsol ba 'debs pa'i tshigs su bcad pa gsungs pa ni de la 'di ni slob ma thams cad kyis zhes bya ba la sogs pa yin no/ /tshigs bcad pas gsol ba btab pa'i rjes thogs la/ slob dpon gyis dbang bskur bar bya'o zhes gsungs pa ni de'i tshe de la dbang bskur ba zhes bya ba la sogs pa'o/ /lha'i gzugs kyis sbyor bas slob ma'i snying khar bdag po bzhag par bya zhing de nas sngags kyis yi ge'i tshig dang/ dam tshig ji lta ba bzhin du sbyin par bya'o zhes gsungs pa ni lha'i gzugs kyi zhes bya ba la sogs pa yin no/ /dbang bskur ba ni mang la sogs pa dkyil 'khor cho ga las shes par bya'o/ /dkyil 'khor dag ni bstan par bya zhes bya ba ni mig dbye ba byas pa yin te/ de nyid kyis na mig tu 'bar bcas aoM bsams la zhes bya ba nas brtsams te/ 'khor lo'i bdag po nas brtsams te/ bdud rtsi thab sbyor bar du'o zhes bya ba'i bar du bshad pa yin no/ /de nas dam tshig gsang ba bsgrag par bya zhes bya ba la sogs pa ni bdag gis gsal bar ma bshad do/ /slob ma la sngags 'dod pa'i lha'i ting nge 'dzin cho ga bzhin du sbyin par bya'o zhes gsungs pa ni sngags kyi zhes bya ba la sogs pa yin no/ /gsang ba sbyin la zhes bya ba yang/ gsang ba'i dbang bskur ba'i dam tshig gi cho ga yin te/ 'di dag ni bdag gis ma bshad do/ /srog gcod pa la sogs pa bzhi po 'di dag ni rnal 'byor pa thams cad kyis 'da' bar bya ba ma yin zhing/ rdo rje gsum gyi ngo bo nyid 'gro ba'i don gyi spyod pa dang mtsham pa yin no/ /glang po'i sha la sogs pa ni sngags mnyes par byed pa rnams kyis bsten par bya'o/ /bza' ba la sogs pa'i khyad par de nyid 'bar ba la sogs pa mngon sum du gyur bar bya bas slob ma la yid ches par bya ba bstan par bya ste/ 'bar bar bya ba la sogs pa la dgos pa'i yi ge aoM gsungs pa yin no/ /de yang rang gi sbyor ba la gnas te/ yi ge yaM? las byung ba'i rlung gi dkyil 'khor la gnas shing/ yi ge raM las byung ba'i me'i dkyil 'khor gru gsum la gnas pa la yi ge a las byung ba'i thod par sha dang bdud rtsi 'di dag thams cad sangs rgyas kyi 'khor lo dang ldan par bsams la de'i steng du hUM las byung ba'i rdo rje bar snang la bsgoms te/ de las bdud rtsi'i rgyun 'dzag pa thob par gnas par byas la/ rdo rje yang thod par byas la/ de thams cad byin gyis brlabs la/ chog bzhin du sbar bar bya ste/ ye shes kyi bdud rtsi'i ngo bo nyid de kho na gsum gyis mngon par bzlas pa byas la lha rnams dang lhan cig nye bar khongs spyad par bya'o/ /de bsan 'bar ba'i aoM gyis byin brlabs zhes bya ba la sogs pa smos pa yin no/ /de'i phan yon gsungs ba ni dngos grub ces bya ba la sogs pa'o/ /baM phor kha sbyar zhes bya ba ni thod pa ste/ bza' ba la sogs pa 'di dag kyang mngag gzhug ba'i sbyor ba la yang brjod par bya'o/ /de nyid gsungs pa ni de la 'di ni zhes bya'o/ /de nyid gsungs pa ni de las 'di ni zhes bya ba la sogs pa yin no/ /de'i don ni 'di yin te/ mngon par 'dod pa'i lha'i rnal 'byor dang ldan p as mdun du nam mkha' i dbus su h+rIk yis A khaM d+hila sogs pa ste zhes bya ba ni bgegs mthar byed do/ /lhag ma gnyis po ni pad+ma mthar byed dang/ gshin rje mthar byed yin no/ /de dag las gang yang rung ba'i gzugs su mdag gzhug pa bsams la/ de nyid la A khaM d+hIji lta ba bzhin du de'i sku gsung thugs byin gyis brlabs la/ 'og nas bshad pa'i gsang ba'i gnas de'i snying kha'i phyogs su bzhag par bya'o/ /gsang ba'i gnas de gang yin zhe na/ de la 'ang ni zhes bya ba la sogs pa ste/ nyi ma'i dkyil 'khor la gnas pa'i mi bskyod pa dang/ 'od dpag tu med pa dang/ rnam par snang mdzad zla ba la gnas pa/ rim pa ji lta ba bzhin du bgegs mthar byed la sogs pa'i gzugs can gyi mngag gzhug pa'i snying khar bzhag par bya'o/ /de nas yi ge Abskul bar bya'o/ /de nas rim gyis sangs rgyas kyi byang chub rab tu 'grub par 'gyur ro/ /de nas grub pa'i mngag gzhug bdes sgrub pa po de sangs rgyas kyi zhing la sogs par khyer nas chos thos par byed cing/ sangs rgyas nyid thob pa'i rgyur 'gyur ro/ /mi bskyod pa la sogs ba'i rigs dang mthun pa'i rnal 'byor pa gang yang rung bas mngag gzhug pa 'di bsgrub par bya'o zhes gsungs ba ni de la 'di ni zhes bya ba la sogs pa yin no/ /dam tshig bzhi po yang thun mong yin no/ /zhes gsungs pa ni dam tshig bskul ba zhes bya ba la sogs pa yin te/ 'dir de bzhin gshegs pa thams cad kyi dam tshig byin gyis brlabs pa ni sngags de byin gyis brlabs pas bskul ba yin no/ /dam tshig gtong ba ni phyogs bcu'i de bzhin gshegs pa rnams spyan drang ba'i phyir mdud rtse la sogs pa phyag na bsnams pa'i de bzhin gshegs pa la sogs pa khros pa rnams spros pa'o/ /dam tshig smra ba ni spros pa'i de bzhin gshegs pa de rnams nyid kyi yang dag par gsungs pa'o/ /dam tshig 'ching ba ni 'od zer rnams kyi de bzhin gshegs pa thams cad yang dag par bsdus te sa bon der gzhug pa'o/ /da ni mngag gzhug pa de'i mthu gsungs pa ni nam mkha' i dbyings zhes bya ba la sogs pa yin te/ nam mkha' la 'gro ba la sogs pa'i gzugs rmad du byung bar yang mngag gzhug pa des byed pa yin no/ /'ngar/? pa'i rdo rje'i sbyor bas yang dbang du bya ba'i sbyor ba gsungs pa ni sangs rgyas zhes bya ba la sogs pa ste/ ?? pa'i rdo rje rnal 'byor cho ga ji lta ba bzhin du byas la/ mda' lnga dbu rgyan gyis rtse mor zhugs pa'i khu tshur gzung la/ mda' dmar de rnams kyi mgo dang/ dpral ba dang/ kha dang/ snying dang/ lte ba rnams bsgrub par bya ba bskul bar bya'o/ /de nas de brgyal bar gyur ba bzhin du rkang pa gnyis kyi drung du 'gyel bar bsam par bya'o/ /de lta bu 'di ni mtshan ma thob par zla ba phyed cig bya ba yin no/ /slob ma dkyil 'khor du gzhug pa'i gdong g.yogs dgrol ba'i cho ga gsungs pa ni nam mkha' rdo rje zhes bya ba la sogs pa ste/ slob ma khang pa brtsegs ma'i nang du chung par cho ga ji lta ba bzhin du bsams la/ hUM adkyil 'khor de bstan par bya'o/ /de bas na/ mig rab tu 'bar bcas aoM bsams la/ zhes bya ba la sogs pa tshigs su bcad pa gnyis smos pa yin no/ /bkres pa la sogs pa sel ba'i sbyor ba gsungs pa ni dkres skom la sogs zhes bya ba la sogs pa ste/ rnam par snang mdzad kyi rnal 'byor bas/ de'i khar yi ge bza' bar bya ba'i rdzas rnams kyi gnas su gyur pa/ bum pa lta bu bsams la/ de'i lce la yi ge aoM bsams te/ bza' bas gang ba'i yi ge ba kha thur du bltas pa'i nang du chud pa las bdud rtsi'i rgyun gyis tshim par byed cing/ sdug bsngal thams cad sel bar byed par bsgom par bya'o/ /de bzhin gshegs pa dpa' bo rdo rje'i sa bon la sogs pa bshad pa'i phyir gsungs pa ni de nas zhes bya ba la sogs pa ste/ dpa' bo rdo rje bskyed pa'i rgyu'i phyir te/ dpa' bo rdo rje zhes bya ba'i sgras ni mi bskyod pa la bya bar bshad la/ de dang por rdo rje 'dzin par gyur pas/ yi ge d+hIdang ldan pa zla ba'i gdan la bzhugs pa/ ral pa dang thor tshugs dang bcas pa/ mi bskyod pas dbang bskur ba/ phyag mtshan gyi gtso bo rdo rje ser po mnga' ba dang/ ral gri bsnams ba/ phyag g.yon pa gnyis na/ pad+ma dang nor bu bsnams pa/ phyag lhag ma ba? rang rigs pa'i rig ma la 'khyud pa/ sku mdog ser po ji lta ba bzhin du bsgoms la/ mngon par 'dod pa'i las brtsams par bya'o/ /skul byed ma bskyed pa'i cho ga gsungs pa ni de nas zhes bya ba la sogs pa ste/ dang po rgyu rdo rje 'dzin par gyur pas yi ge hUM tsam las byung zhing pad+ma dkar po las skyes pa/ pad+ma dang ral gri dang/ nor bu dang/ 'khor lo bsnams pa rin po che'i cod pan can rang snang ba'i thabs la yang dag par 'khyud pa/ spro ba la sogs pa dang yang dag par ldan pa/ phyag rgya bzhi dang ldan pa'i skul byed ma bsgoms par bya'o/ /bcom ldan 'das yum 'di ni byang chub sems dpa' i gzugs can yin pas na/ zla ba'i dkyil 'khor nyid la bzhugs par bsgom par bya ste/ gang 'dir nyi ma'i dkyil 'khor zhes 'byung ba ni gal te ma dag pa yin par blta bar bya'o/ /rdo rje sems dpa' zhes bya ba ni mi bskyod pa dbu rgyan la bsgoms la/ las kyi khyad par kyi phyir sngags kyi tshig dgod par bya'o/ /gnod mdzes bskyed pa'i cho ga gsungs pa ni de nas zhes bya ba la sogs pa ste/ dang po rdo rje 'dzin par gyur pas dzi las byung ba'i bi dza pu ra las byung ba gser gyi mdog can pi dza bu dang /ral gri dang/ rin po che dang/ pad+ma bsnams pa/ rang snang ba'i rig ma la 'khyud pa/ phyag rgya bzhi dang ldan pa/ zla ba'i gdan la bzhugs pa/ mi bskyod pa'i cod pan can bsam par bya'o/ /rdo rje bsgoms pas zhes bya ba ni gnyis su med pa'i bsgom pas so/ /gnod sbyin gzugs 'dzin pa zhes bya ba ni rnam pa sna tshogs pa'i nor gyis 'gengs pa yin gyi/ mche ba la sogs pa dang ldan pa ni ma yin no/ /sangs rgyas lnga zhes bya ba ni mi bskyod pa dang/ rin chen dpal dang 'od dpag tu med pa dang/ rnam par snang mdzad dang/ gdon mi za bar grub pa/ mgo po dang/ dbral ba dang/ kha dang snying ka dang/ lte ba rnams su go rims ji lta ba bzhin du bsgom par bya'o/ /rdo rje bdud rtsi'i chu zhes bya ba la man ngag ni 'di yin te/ mngon par 'dod pa'i lha'i rnal 'byor pas/ de bzhin gshegs pa thams cad rjes su zhugs pa sngon du 'gro ba'i byang chub kyi sems las byung ba'i dkyil 'khor rang gi rig ma'i pad+ma sprul la/ de'i dbus ma'i gdan la lha thams cad dang ldan pa'i gnod mdzes bsams te/ yang de bzhin gshegs pa thams cad zhugs pa sngon du 'gro ba'i byang chub kyi sems rdo rje 'chu gnod mdzes de'i kha'i lce de la/ yi ge dzaM bsams la/ lha'i bsam gtan gyi gnas la gnas te/ aoM Asogs pa yin te/ khang brtsegs ma'i nang du chud pa'i mngon par 'dod pa'i 'jam pa'i rdo rje'i rnal 'byor pas gnod sbyin mo thams cad kyis nam mkha' i dbyings thams cad gang bar bsams la/ yi ge k+ShaM las rdo rje gsum gyi ngo bo nyid kyi gnod sbyin mo cig dpal 'byung po 'dul ba la sogs pa'i lung las bshad pa'i gzugs dang ldan pa gshin rje gshed kyi cod pan mdun du bsams la/ der ye shes sems dpa' dgug go/ las gsum rdo rje'i bye brag gis zhes bya ba ni bzhams te bsgo ba dang/ dbye ba dang/ sbyin pa'i las kyi dbye ba bzhin du bsgrub par bya'o/ /de lta na yang grub par ma gyur na/ tshar gcad par bya'o/ /de yang de'i snying khar khro bo'i sngags bsgoms la/ de yang 'khyud nas rdo rje'i sbyor ba drag shul can gyis brtsam par bya zhing/ drag shul bsgrub pa'i cho ga bzhin du sbyar bar bya'o/ /yang na las gsum rdo rje'i bye brag gis zhes bya ba ni 'jam pa'i rdo rje nyid sku rdo rje la sogs pas byin gyis brlab par bsgom par bya'o/ /zhes bya bar sbyar bar bya'o/ /da ni dngos grub dman pa grub pa rnams kyi che ba'i ngo bo bshad pa'i phyir gsungs pa ni de nas zhes bya ba la sogs pa ste/ gang dngos grub dman pa thob pa rnams la/ de nyid yongs su smin pa'i dbang gis sku dang gsung dang thugs kun tu grub pa'i sangs rgyas 'dzam bu chu bo'i gser gyi 'od dang 'dra bar 'gyur ro/ /de nyid gsungs pa ni mi snang ba'i zhes bya ba la sogs pa yin te/ gnod sbyin gyi rgyal po la sogs pa'i dngos grub yong pa la ni nor la dbang ba'i bdag por gyur pa'i dbang gis rig pa 'dzin pa dag gis dbang por 'gyur ro/ /phan yon gsungs pa ni de la 'di ni zhes bya ba la sogs pa gsungs pa yin no/ /rang snang ba'i rig pa dang lhan cig brtul zhugs kyi sbyod pa'i cho ga gsungs pa ni de nas zhes bya ba la sogs pa ste/ rang gi rig pa'i tshul sku dang gsung dang thugs rdo rje'i sku la sogs pa rang gi ngo bos mngon sum nyid du bya ba yin no/ /de la nye bar mtshon pa'i don du rnam par snang mdzad gsungs pa ni de la 'di ni zhes bya ba la sogs pa ste/ cho ga bzhin du thams cad bya zhes bya ba ni rnam par snang mdzad kyi dkyil 'khor gyi 'khor lo la soT pa'i tshul gyi rnal 'byor te/ rnal 'byor de byas la cho ga gang yin de gsungs pa ni lo grangs bcu drug ces bya ba la sogs pa yin no/ /spyan ni rang snang ba'i rig ma ste/ de'i go 'phang ni gsang ba'i pad+ma yin pas/ de dang yang dag par ldan pa'i rang gi gsang ba'i rdo rjes bsgom par bya'o/ /rig pa de yang mngon par spyangs bya dang ldan pa nyid du bya'o zhes gsungs pa ni phyag rgya sngags kyi cho ga zhes bya ba la sogs pa yin no/ /dus bzhir zhes bya ba ni bsams pa'i khyad par kyi dbang du mdzad nas gsungs pa yin te/ mngon par brtson pas ni nyin dang mtshan du bya ba yin no/ /bsrung bar bya ba'i dam tshig gsungs pa ni rtag tu gzhan gyis zhes bya ba la sogs pa yin no/ /rnam par snang mdzad kyi rnal 'byor pa'i chog gsungs nas/ 'od dpag tu med pa dang/ mi bskyod pa dag gis rnal 'byor pa'i yang gsungs pa ni 'dod chags rdo rje'i kyo ba mo zhes bya ba la sogs pa yin no/ /'jam pa'i rdo rje la sogs pa'i rnal 'byor pas kyang ji ltar mos pa bzhin du rig pa'i brtul zhugs 'di bya'o zhes gsungs pa ni rdo rje can gyi zhes bya ba la sogs pa yin no/ /rdo rje can gyi yi ge gsum zhes bya ba ni de kho na nyid gsum gyi byin gyis brlabs pa la sogs pa'i cho gas so/ /lhag ma rnams ni go sla'o/ /le'u bcu drug pa'i 'grel pa'o// //ji skad gsungs pa'i dam tshig bsrungs pa las mngon par 'dod pa'i dngos grub du 'gyur ro zhes bstan pa'i phyir le'u bcu bdun pa gsungs pa ni de nas zhes bya ba la sogs pa yin te/ de bzhin gshegs pa thams cad kyi dam tshig bsrung bar bya ba'i phyir/ gsol ba btab pa yin la/ thob ma dang tha ma med pa'i ye shes kyi bdag nyid yin pas na ye shes che'o/ /sku rdo rje la sogs pa bskyed pa'i rgyur gyur pas na rdo rje dbyings so/ /chos thams cad dri ma med par thugs su chud pas nam mkhas pa chen po'o/ /sku gsum la sogs pa'i mchog tu gyur pas na rdo rje gsum mchog go dkyil 'khor gsum gyi bdag nyid can yin pas na/ dkyil 'khor gsum mo/ /rdo rje dbyangs zhes bya ba ni dam tshig la sogs pa gsungs shig ces brjod de phyag 'tshal lo/ /'dis ni rdo rje sems dpa' la mi bskyod pa'i bdag nyid kyi bstod pa yin no/ /me long lta bu la sogs pa'i tshul gyis tshigs su bcad pa gsungs pa ni rnam par snang mdzad ces bya ba la sogs pa'o/ /rnam par dag pa'i 'dod chags kyi pha rol tu phyin pa'i shes rab brnyes pas na/ 'dod chags kyi pha rol tu phyin pa zhes bya'o/ /de ltar tshigs su bcad pa re res de bzhin gshegs pa lnga'i bdag nyid bstan nas 'di dag ni ston pa'i spros pa med pas skabs su gsungs pa yin no/ /chos kyi dbyings nyid ni yi ge chen po yin la/ de yang sangs rgyas thams cad dang 'brel pa'o/ /de nyid ni sku rdo rje la sogs pa'i dbye bas bshad pa'i phyir/ de nas zhes bya ba la sogs pa gsungs pa yin no/ /dam tshig bzhi ni srog gcod pa logs pa bsrung bar bya'o/ /sha lnga la sogs pa ni bza' bar bya ba'i dam tshig go/ /sku rdo rje'i dam tshig gsungs nas/ gsung rdo rje dang thugs rdo rje dag gi yang so so'i dam tshig gsungs pa ni de nas zhes bya ba la sogs pa ste/ dam tshig bzhi la sogs pa ni snga ma bzhin du bshad par bya'o/ /dam tshig 'di dag bsrung ba ni de nyid 'grub par 'gyur gyi gzhan du ni ma yin no zhes pa'o/ /ji ltar zhe na/ nye bar bsdu ba ni sku gsung thugs kyi rdo rje'i zhes bya ba la sogs pa yin no/ /rang sangs rgyas kyi dam tshig gsungs pa ni de nas zhes bya ba la sogs pa ste/ 'di ni rang sangs rgyas kyi rang gi ngo bo tsam zhig bshad pa yin no/ /de thob pa'i rgyu'i tshogs pa dag kyang rig pa 'dzin pa la sogs pa'i dngos grub kyi tshogs pa bzhin du shes par bya'o/ /'dir phyag rgya chen po grub pa'i rgyu'i tshogs pa nyid du sbyar ba ni ma yin no/ /de'i tshul du rtogs pa ma yin pas rang sangs rgyas kyi dngos grub yin no/ /nyan thos la sogs pa la yang de bzhin du sbyar bar bya'o/ /ye shes spangs pa rnams zhes bya ba ni gnyis su med pa'i ye shes dang bral ba'i nyan thos rnams so/ /gti mug lam gyis zhes bya ba la gti mug ni bdag dang gzhan gyi char rtog pa dang bral ba ste/ de'i lam gyi las gang bsgom pa'o/ /nyan thos la sogs pa rnams la 'jigs pa bskyed par byed pa yin pas na 'jigs shing mi sdug bste/ des phan tshun du sangs rgyas nyid du 'gyur ba'o/ /de la cho ga ni 'di yin te/ ji lta ba bzhin du yi ge aoM las byung ba'i tshangs pa de'i lung dang rjes su mthun par gdong bzhi la sogs pa dang ldan pa/ rdo rje 'dzin pas dbang bskur ba bsgrubs la/ ji srid mngon par 'dod pa'i dus kyi par du 'dug nas/ de'i 'og du sku rdo rje la sogs par mos pa las de'i don sgrub par gyung ba'i sku rdo rje nyid kyi phyag rgya chen po'i bdag nyid du 'gyur ro zhes bya ba'i don to/ /de bzhin du drag po'i dam tshig la yang yi ge a las byung bar cho ga bzhin du sbyar bar bya'o/ /de bzhin du khyab 'jug gi dam tshig la yang zhe sdang gi rigs kyi brgyud dang ldan pa yi ge hUM las byung bar blta bar bya'o/ /'di rnams nye bar bsdu ba'i rigs kyi dbye ba gsungs pa ni de nas zhes bya ba la sogs pa'o/ /gnod sbyin mo rnams kyi ngo bo nyid gsungs pa ni de nas zhes bya ba la sogs pa ste/ sha dang khrag bya ba'i rang bzhin can ni phal cher gnod sbyin mo yin te/ de nas de de bzhin du mchod la/ cho ga bzhin du bsgrub par bya'o zhes dgongs so/ /de bzhin du klu'i dbang po la sogs pa rnams kyi bu mo'i rang gi ngo bo bsgrub par bya ba'i phyir gsungs pa ni de nas zhes bya ba la sogs pa yin no/ /phyag rgya chen po'i dngos grub sgrub par 'dod pas kyang dam tshig 'di dag thams cad cho ga bzhin du spyad par bya'o/ /zhes bstan par bya ba'i phyir/ de nas zhes bya ba la sogs pa gsungs te/ lus kyi rnam gsum zhes bya ba ni srog gcod pa la sogs pa'o/ /tshig gi las zhes bya ba ni/ rdzun du smra ba la sogs pa rnam pa bzhi'o/ /yid kyi rdo rje'i rang bzhin kun zhes bya ba ni gnod sems la sogs pa rnam pa gsum du bshad pa'o/ /de ltar thams cad bsnyen pa'i rnal 'byor pa nyid 'grub par 'gyur/ de bas na 'di ni kun nas spyad pa la spyod pas na/ kun tu mdzes dga' ste/ bcom ldan 'das phyogs med par 'jug pa'o/ /da ni rnal 'byor pa thams cad kyi snying po bsdus pa gsungs ba ni de nas zhes bya ba la sogs pa yin te/ kha phyi rol du bltas pas sangs rgyas la sogs pa la phyag byas pa la sogs pa dang/ rnal 'byor pas byang chub yang dag par 'thob par mi 'gyur ro/ /zhes bya ba'i don to/ /'o na ji ltar phyag bya zhe na/ de nas zhes bya ba la sogs pa gsungs te/ rdo rje sems dpa' dang 'brel ba'i sku dang gsung dang thugs kyi dkyil 'khor du rang nyid rdo rje gsum gsum bsgoms la/ sngags las tha dad pa'i blo dang bral bas phyag bya'o/ /'di nyid bshad par bya ba'i phyir de nas zhes bya ba la sogs pa gsungs te/ sems can gyi khams rdo rje gsum gyi ngo bo nyid rdo rje 'dzin par byas la phyag bya ba'i bdag nyid can du bsams la/ bdag nyid kyang de'i ngo bo nyid du gyur pa dang/ bsam gtan gyi phyag bya'o zhes bya ba ni dam tshig go / da ni chen po'i yan lag bzhi byas nas/ bdud rtsi myang bar bya'o zhes bstan par bya ba'i phyir/ de nas zhes bya ba la sogs pa gsungs te/ dus gsum sangs rgyas dag zhes bya ba ni dkyil 'khor ram/ chos 'byung gi nang du chud pa rnams la 'bar ba la sogs pa'i tshogs bsgrubs pa'i bdud rtsi dbul bar bya'o/ /de yang ji skad du 'bar ba'i aoM gyis byin brlabs bya zhes bya ba la sogs pa smos pa yin no/ /rnal 'byor bas dus bzhir bya ba gsungs pa ni de nas zhes bya ba la sogs pa yin te/ rdo rje thams cad ni rnam par 'khrul pa ste/ de rnams kyi mi snang ba ni rnam par 'jig pa rnam par dag pa'i ngo bo ste/ de nyid ni dam tshig yin te de phyung ba'o/ /spyad ces bya ba ni phya 'bud med rang snang ba'i rig ma'i bdag nyid du byas la gsal bar snang ba'i bdag nyid thun bzhir spyad par bya'o/ /rdzas zhes bya ba ni de las byung ba'i dam tshig rdo rjes che ga bzhin du blang bar bya'o/ /yang na rdzas zhes bya ba ni 'jig tshogs la lta ba spang bar bya'o/ rig pa 'dzin pa'i dam tshig gsungs pa ni de nas zhes bya ba la sogs pa ste/ dbu rgyan dag la bsam gtan bsam zhes bya ba ni rin chen 'byung ldan rig pa 'dzin pa grub pa mgo la bsam par bya'o/ /las dang po pa rnams kyi dam tshig bshad pa'i phyir gsungs pa ni de nas zhes bya ba la sogs pa ste/ sku'i rdo rje zhes bya ba ni nye bar mtshon pa tsam du zad de thugs rdo rje la sogs pa gang yang rung ba'i sbyor ba dang ldan pa'o/ /phyi rol rdo rje ni rdo rje 'dzin pa lta bur rang gi kha zas la bsam par bya'o/ /rdo rje chos zhes bya ba ni hUM dgod pa'i rdo rje'i lce dam par rnal 'byor pa bdag nyid bya ba ste de nas de bza' bya'o/ /'di dag kyang/ mdor bstan cho ga spyad par bya zhes bya ba ste/ mdo tsam du byas pa'i bya ba zhes bya ba'i don to/ / 'di dag thams cad ni lha rnams kyi 'khor lo la sogs par bsam par bya'o/ /de yang ji skad du/ kun tu mnyam zhing rnam par dag pa'i zhes bya ba la sogs pa smos pa yin no/ /da ni bcom ldan 'das yid kyis mdzad pa gsungs pa ni de nas zhes bya ba la sogs pa yin te/ de bzhin gshegs pa thams cad kyi ngo bo nyid kyi rdo rje 'dzin pa nyid kyi sku dang gsung dang thugs nyid ni mi phyed pas ni rdo rje ste/ de nyid ni snying po ste/ de kho na nyid do/ /de'i ngo bo nyid kyis rdo rje mnyam pa nyid la rnam par dgongs nas cad mi gsung bar gyur to/ /byang chub sems dpa' rnams kyis zhus pa'i rjes thogs la/ de bzhin gshegs pa rnams kyis bka' stsal ba/ sku dang gsung dang thugs rdo rje'i dmigs su med pa ste de bzhin nyid de de'i ngo bo nyid do/ /rang gi rang bzhin las mi 'gyur bas na ma 'gyur ba'i gnas so/ /de bas na rtog pa'i bdag nyid can de nyid ni ngo bo nyid med pa'i mi 'gyur ba'i gnas te/ tshig la sogs pa'i tshul dang bral bar rnam par brtags nas cang mi gsung bar bzhugs so/ /bcom ldan 'das 'di ni thugs de lta bur gyur pa yin la sku nyid mi 'gyur ba yin te/ 'di nyid ni phyin ci log gi tshul gyis ma skyes pa'o/ /gsung dang thugs kyang de bzhin du shes par bya'o/ /de ltar na gsung dang thugs kyi bya ba rdzas can gyis mtshan nyid dang bral ba yin te/ sku yang de bzhin du shes par bya'o/ /sku la sogs pa'i de yang dmigs su med par rtog pa las yang dag par 'byung ba'o/ /de pas na khams gsum po 'di ni phyin ci logs pa stad ltar gyur pas yang dag par shes pas/ yang dag par bsdus shing bsdems pa yin no/ /'jam dpal la sogs pa byang chub sems dpa' rnams kyi rtogs pa'i rjes thogs la/ de bzhin gshegs pa rnams kyis bka' stsal pa yin no/ /de ci'i slad du zhe na zhes bya'o/ /byang chub sems dpa' rnams kyis smras pa/ de bzhin gshegs pa thams cad ces bya ba la sogs pha la/ de bzhin gshegs pa thams cad ni 'di ltar/ rdo rje dbyings kyi ngo bo nyid de/ de rnams kyi spyod pas 'gro ba'i don gyis rjes su 'gro ba yin pas na sems can gyi don gyi rjes su 'gro ba'o/ /'di skad ston te/ gang de bzhin gshegs pa gzhan rnams kyis 'jig rten gyi brtson pa'i dbang du mdzad nas/ phyi rol la brten pas chos nyid ston pa yin la/ de bas na rdo rje 'dzin pas kyang/ de bzhin du ston par mdzad par rigs te/ phyin ci log gis kun 'byung bas/ ci'i phyir de la rtog pa mdzad ces bya'o/ /de yang de bzhin gshegs pa rnams kyis bka' stsal pa/ de ci'i phyir zhe na bya ba'o/ /byang chub sems dpa' rnams kyis gsol ba tshangs pa la sogs pa zhes bya ba la sogs pa ste/ gang gi phyir tshangs pa la sogs pa byang chub sems dpa' rnams ni 'jig rten pa'i mngon par shes pa'i ye shes tsam yod par gyur pas kyang/ chos kyi de kho na nyid ma lus par mi shes pa rnams 'di ltar rnam par rtog ste/ /rdo rje'i bdag nyid ces bya ba la sogs pa la/ chos kyi de kho na nyid mi mkhyen par ci'i phyir bcom ldan 'das ni chos rnams ston par mdzad ces de rnams blo la sems par 'gyur ro zhes bya ba'i don to/ /de bzhin gshegs pa rnams kyis gsungs pa de nas zhes bya ba la sogs pa ste/ tshangs ba la sogs pa skad cig ma de la 'khrul pa 'dir 'gyur mod kyi/ de ltar na yang chos nyid ji ltar gnas pa bzhin du bstan par bya'i/ sems can rnams bslu bar ni mi bya ste/ des na tshangs pa la sogs pas kyang rnam par dpyod na shes bya bar 'gyur ro/ /ded kyis mi shes so zhes bya ba ni chos nyid zab pa nyid du bshad pa yin no/ /sku gsum kyi rdo rje chos nyid nye bar gzung nas zhes bya ba ni de lta bu'i chos nyid nye bar gzung na/ de lta bu nyid kyi bya ba 'byung bar 'gyur la/ chos nyid de yang sems can thams cad kyi rgyud la gnas pa yin no/ /de bas na zhi ba dang ni srid pa'i ngo bo 'dir zhes bya ba la sogs pa smos pa yin no/ /smra bar byed pa zhes bya ba ni dmigs su med pa'i ye shes kyi bdag nyid can rtog pas kun rdzob tu bshad pa'o/ /smra ma yin zhes bya ba ni dngos su na tshig la sogs pa'i tshul dang bral ba yin pa'i phyir ro/ /'di bdag nyid gsal bar bya ba'i phyir/ de bzhin gshegs pa thams cad kyis zhus pa'i rjes thogs la/ rdo rje 'dzin pas gsungs pa ni rang gi sku dang gsung dang thugs zhes bya ba la sogs pa'o/ /de ltar zhus pa dang/ lan gyi rim gyis chos nyid dmigs su med pa'i tshul nyid du gsungs pa yin no/ zhes bya ba ni mdor bsdus pa'o/ /gang du sku dang gsung dang thugs med ces bya ba ni sku la sogs pa nam mkha' dang 'dra ba nyid yin pa'i phyir ro/ deng gzuT su rnam par bsgoms zhes bya ba ni/ /de'i tshul gyis de nyid la rang nyid so sor snang ba'i rig pa 'byung ba'i phyir ro/ /da ni dbang bskur ba bstan pa'i phyir de nas zhes bya ba la sogs pa gsungs pa yin te/ sangs rgyas dkyil 'khor zhes bya ba ni rnam par snang mdzad yongs su gyur pa'i rdo rje'o/ /spyi bor rdo rje zhes bya ba ni sku rdo rje'i spyi bor mi bskyod pa bsgoms pa'o/ /rdo rje 'khor lo 'dzin pa zhes bya ba la/ dbu la rang gi rdo rje mi bskyod pa 'dzin pa ste/ de'i rten sku'i rdo rje 'khor lo 'dzin pa bsam par bya'o zhes sbyar bar sbyar ro/ /de bzhin du rig pa'i skyes bu'i gzugs gzhan dag la yang rigs dbye bas dbang bskur ba'i nges pa bsam par bya'o/ zhes gsungs pa ni thams cad rigs kyis bye brag gis zhes bya ba la sogs pa yin no/ /mchog 'gyur zhes bya ba ni de lta bus 'grub par mi 'gyur ro zhes bya ba'i don to/ /bsgrub par bya ba 'grub pa na bsrung bar bya zhing ting nge 'dzin gyis kyang tshim par byas la/ spyan bsam par bya'o/ zhes bya ba gsal bar bya ba'i phyir/ gsang ba'i dbyings las zhes bya ba la soT pa gsungs te/ de ni spyan dang mA ma kI dag kyang zhes bya ba la sogs pa yin no/ /rdo rje gsum gyis mtshan ma'i phyag rgya chen po bsgom par bya'o/ /zhes bya ba de dran par bya ba'i phyir gsungs pa ni de nas zhes bya ba la sogs pa ste/ sku dang gsung dang thugs nyid ni dam tshig ste/ phyag rgya chen po la 'da' mi bya ba yin no/ /cho ga bzhin du thams cad ces bya ba ni ji skad bshad pa'i bskyed pa la sogs pa'i cho gas phyag rgya chen po'i don thams cad brtag par bya'o/ /lag pa phyag rgya mi bcing ngo zhes bya ba ni de yang rnam par g.yeng ba'i tshul yin pa'i phyir te/ dgug pa la sogs pa yid nyid kyis bya'o/ /chog bzhin zhes bya ba ni 'bar ba la sogs pa byas nas so/ /bza' zhes bya ba ni bshad gci la sogs pa nyid do/ /bdud rtsi lnga la sogs pa'i skyor ba rnams nges par bya ba nyid du bstan par bya ba'i phyir yang nye bar dgod pa smos pa yin te/ de bzhin du 'di'i 'og ma rnams yang ci rigs par khong du chud par bya'o/ /phung po la sogs pa'i rnam par dag pa gsungs pa ni mdor na zhes bya ba la sogs pa ste/ rdo rje'i skye mched rnam nyid ni zhes bya ba la sogs pas ni 'di skad ston te/ mig la sogs pa'i gnas rnams nyid du sa'i snying po la sogs pa bzhag par bya'i gzugs rdo rje la sogs pa ltar dkyil 'khor pa ni ma yin no/ /rdo rje 'dzin pa de nyid yin zhes bya ba la/ rdo rje ni de bzhin gshegs pa rnams te/ de 'dzin pas na rdo rje 'dzin pa ste/ nam mkha' i dbyings yin gyi ston pa po ni ma yin no/ /slob dpon gyi ba spu'i bu ga gcig khyad par du 'bags so/ /zhes bya ba ni gsang ba 'dus pa'i byang chub kyi sems bsgoms pa las byung ba'i bsod nams kyi phung po ni sa 'og ma pa'i pha rol tu phyin pa'i sangs rgyas rnams kyi bsod nams kyi phung po las khyad par du 'phags pa yin no/ /de yang gang gis phyir gsang ba 'dus pa'i slob dpon ni tshe 'di nyid la sangs rgyas zhes bya ba'i grangs su 'gro ba yin no/ /da ni de lta bu'i slob dpon la brnyas pa byas pa'i sems can rmongs pa ni dmyal bar 'gro bar 'gyur ro/ /zhes sems shing byams pa la sogs pa cang mi smra bar gyur pa yin no/ /de nas zhes bya ba la sogs pa nas brtsams te/ khyed rnams nyon cig ces bya ba la sogs pa nas bsam gtan dkyil 'khor ro/ /zhes bya ba'i bar ni gsang ba'i dbang bskur ba dang 'brel pa yin te/ bdag gis ma bshad do/ /khro bo rdo rje mkha' 'gro'i rnal 'byor bshad pa'i phyir gsungs pa ni de nas zhes bya ba la sogs pa yin te/ 'dir rim pa ni 'di yin no/ /cho ga bzhin du rdo rje 'dzin pa yongs su gyur pa las/ yi ge h+rIbyung ba/ nyi ma'i gdan can kha dog nag po zhal gsum pa phyag g.yas pa gnyis na/ rdo rje dang rtse gsum bsnams pa/ g.yon pa gnyis na thod pa dang nor bu bsnams pa phyag gtso bo gnyis kyi rdo rje mkha' 'gro la 'khyud pa/ rdo rje gsum la sogs pas byin gyis brlab pa'i rdo rje mkha' 'gro bsams la bsgrub par bya ba'i sha la sogs pas nam mkha' i khams gang bar bsams te/ 'od zer lnga'i 'od dang ldan pa'i rang gis lce rnam par 'gyur ba bsgoms la bsgrub par bya ba'i khrag la sogs pa hUM h+rI khaM zhes bya ba'i sngags kyis phab la thod pa las btung bar bya'o/ /sbyor ba 'di nyid kyis bsgrub par bya ba phur bus gdab par yang bya'o/ /zhes gsungs pa ni rtse gsum zhes bya ba la sogs pa ste/ des na sgrub par bya ba'i khrag la sogs pa drangs par 'gyur ro/ /dam tshig bza' ba'i rdzas gsal bar bya ba ni bza' ba'am zhes bya ba la sogs pa ste/ cho ga bzhin du zhes bya ba ni dkyil 'khor gyi 'khor lo la sogs pa bsgom pas so/ / mchod pa'i yo byad mchog lnga yis/ mchod pas zhes bya ba ni dpa' bo lnga la sogs pas lha rnams la mchod par bya'o/ /dbang po gnyis kyi sbyor ba yis zhes bya ba la sogs pa ni las la gnas par gyur nas byang chub kyi sems rgyas pas nam mkha' i khams bkang la/ de'i tshe byang chub kyi sems kyi phra rab kyi tshogs de bzhin gshegs pa'i bkod par bskyed nas lha mo'i pad+mar bcug ste/ ye shes kyi bdud rtsi'i rnam par gyur par bsams la/ rang gi khar drangs te spyad la/ des rang gi lus la gnas pa'i lha'i 'khor lo dang/ dkyil 'khor pa rnams tshim par bya'o/ /sems can khams rnams mdza' yas kyi zhes bya ba la sogs pa ni bdag gis mi bshad do/ /dam tshig 'dzin pa zhes bya/ ba ni rgyud las gsungs pa'i dam tshig gi spyod pa dang de kho na nyid shes par byas pa'o/ /dam tshig gsum gyi rdo rjes spyad ces bya ba ni sku la sogs pa byin gyis brlabs pa'i rjes thogs la cho ga bzhin du spyad par bya'o/ /sku gsung thugs kyi longs spyod ces bya ba ni rdo rje gsum mi phyed pa'i zla ba zhu ba'i gzugs so/ /der gsang gnas gsum ni chos 'byung ba'o/ /rdo rje ni rdo rje ste/ de gnyis las byung ba'i bde ba chen po skyes pa de dag gis bsgrub par bya zhing bza' zhing dge ba yin no/ zhes bya ba de lta bu'i bsam pa dang lhag par mos pas bsgom par bya ste/ mngon par zhen pa brtan por bya ba'i don to/ /rnal 'byor pa bsgom pas dub pa la/ skyo ba bsal ba'i cho ga gsungs pa ni/ mtho gang tsam gyis zhes bya ba la sogs pa ste/ spyi bo'i steng du mtho gang tsam gyis spags par bdud rtsi lnga'i dkyil 'khor mtho gang tsam pa nyid gdugs dkar po lta bu yongs su brtags la/ de'i dbus su ni gnas pa'i kha dog lnga pa'i aoM gyi 'od kyis zhu bar gyur nas zla ba lta bu'i bdud rtsi'i rgyun nyid rkan gyi phyogs su bzas pas sku rdo rje la sogs pa rtsa sbubs ma lus pa'i rgyu ba nas cho ga bzhin du tshim par bya'o/ /'di dag kyang rang gi snying po'i de nyid des rtogs pas zhes bya ba la sogs pa'i tshigs su bcad pa gnyis dang sbyar bar bya'o/ /phyi rol tu lta ba la zhen pa'i mchod rten gyi las la sogs pa dgag pa gsungs pa ni/ mchod rten dag gis zhes bya ba la sogs pa yin te/ gang zhig phyi rol la zhen pa'i blos mchod rten la sogs pa byed pa de la ni bsod nams cung zad du 'gyur mang kyi/ de la dmigs pas mngon par zhen pas ni yang dag par rdzogs pa'i byang chub du ni ma yin no zhes shes par bya'o/ /dug bsal ba'i cho ga gsal bar bya ba'i phyir gsungs pa ni b+haM zhes bya ba la sogs pa'o/ /'dir cho ga ni 'di yin te/ yi ge b+hUM las gtsug tor 'khor lo sgyur ba dkar po'i rnal 'byor ram/ rnam par snang mdzad kyi rnal 'byor byas la lag pa g.yas par yi ge b+h+ruM nyid la 'khor lo rtsibs brgyad pa dkar po la de'i lte bar yi ge b+h+ruM 'od zer dkar po dang ldan pa rnam par bsams la/ dug gis khyab pa'i lus la gnas pa'i dug la 'od zer gzhug cing 'byin pas bya ba cing bsal bar bya'o/ /don 'di nyid lhag par bcug la/ rta mgrin la bshad pa'i cho gas dug drang bar bya'o zhes sbyar bar bya'o/ /de bzhin du gnon pa la yang kha dog ser po'i rnal 'byor la sogs pa bya ste/ stam bzhin du las rnam ci rigs par bya'o/ /gro gal sogs pa la bri bar bya ba 'am/ bsgom par bya ba'i srung ba'i 'khor lo'i cho ga bshad pa'i phyir gsungs pa de ni de nas zhes bya ba la sogs pa ste/ 'di yang bdag gis ma bshad do/ /any+dza na'i khyad par bshad pa'i phyir gsungs pa ni de nas zhes bya ba la sogs pa ste/ 'di dag la dmigs nas cho ga bzhin du bzlas brjod 'bum byas te/ snyoms par zhugs pa dang ldan pa'i rang gi lha'i rnal 'byor dang ldan pas/ lam gyi bzhi mdo la sogs par mar gyi ngo'i tshes bcu bzhi la mtshan phyed kyi dus su thod pa'i steng du 'dug ste thod pa de las gzhan pa gnyis rkang pa gnyis kyi 'og tu bzhag nas dkyil 'khor bris la/ kha spub pa'i thod pa gsum gyi steng du gnas te/ bdud rtsi lnga la sogs pa dang bcas pa'i til mar chen pos gang ba'i khrag dang bshad ba la sogs pas sgos pa'i a rka'i shing ba la gyi sdong bu pad+ma'i snal mas dkris pas me mar sbar nas thod pa gnyis par rang gi sngags bzlas pa'i dud pa bcug la/ de nyid du bshad ma thag pa'i phreng ba'i sngags kyi brgya rtsa brgyad mngon par bzlas pa byas te/ mig tu byug par bya'o/ /de nas sku la sogs pa'i dngos grub gsum du 'gyur ro/ /chos kyi rnam grangs 'di'i che ba'i bdag nyid shes par bya ba'i phyir de bzhin gshegs pa thams cad kyis zhus pa gsungs pa ni de nas zhes bya ba la sogs pa ston to/ /lan gsungs pa ni de nas phyag na rdo rje zhes bya ba la sogs pa ston to/ /ngas ma gsungs so zhes bya ba ni mar me mdzad la sogs pa'i bdag nyid mdzad nas ma gsungs pa ste/ spros pa med pa'i rdo rje 'dzin pa'i bdag nyid kyis na/ bcom ldan 'das shAkya thub pa dang/ mar me mdzad la sogs pa ni tha mi dad pa nyid yin la/ spros pa'i tshul gyis ni khyad par yod do zhes bya bar dgongs so/ /sdug bsngal gsum zhes bya ba ni lus la sogs pa'i sdug bsngal lo/ /de'i tshe 'byung ba'i sems can 'di lta ste/ sems can rnam pa gnyis dang/ 'byung po rnams sdug bsngal gsum dang ldan par shes nas byang chub sems dpa' rnams nga? yin no/ /de nas de rnams bzlog par bya ba'i phyir/ de bzhin gshegs pa rnams kyis bka' stsal ba ni yi ge ni thun mong ste/ zhes bya ba la sogs pa'o/ /yi ge'i tshig 'di ni thun mong nyid yin te/ ji ltar byang chub sems dpa' khyed rnams kyis de'i tshe gsang ba'i yi ge de mi shes ba de bzhin du/ bdag cag rnams kyis kyang mngon par rdzogs par sangs rgyas pa na/ thun mong du gyur pa'i phongs pa del ci'i phyir mya ngan byed byang chub sems dpa' rnams kyis gsol pa/ khyed rnams kyis ci'i phyir gsang ba'i yi ge de rnams mkhyen par ma gyur de bzhin gshegs pa rnams kyis bka' stsal pa/ gsang ba'i yi ge gsum rnam par dag pa'i phyir ro zhes bya ba ste/ yi ge de rnams ni sku la sogs pa rnam par dag pa'i ngo bo nyid yin zhing de kho na nyid du gyur pa thams cad mkhyen pa'i rgyu yin la/ bdag cag rnams ni de'i tshe mngon par rdzogs par sangs ma rgyas pa yin te/ des na bdag cag rnams kyis mi shes pa yin no/ /rdo rje gsum yi ge sngags kyi mchog phyag rgya chen po la sogs dra: bsgoms par bya'o/ /ye shes rdo rje zhes bya ba ni bar skabs 'dir kA lir gyur pa'i rdo rje 'dzin pa la/ lha mo rnams kyis blangs pa'i tshigs su bcad pa bshad pa'i phyir de nas zhes bya ba la sogs pa gsungs so/ /de bas na spyan la sogs pa'i lha mo rnams kyis ni glu'i sgra yis bskul bar byas par bsam zhes smos pa yin no/ /rig ma'i pad+ma'i nang du sprul pa'i dkyil 'khor du zhugs pa'i sems can gyi khams snod du rung bar bya ba'i phyir/ dbang bskur ba sbyin pa gsungs pa ni de nas zhes bya ba la sogs pa yin te/ dam tshig gi 'khor los zhes bya ba ni yi ge hUM yongs su gyur pa'i rdo rje 'dzin pa'i bdag nyid kyis nam mkha' i khams thams cad ces bya ba ni chos 'byung bar khang pa rtsegs ma la sogs pa de bzhin gshegs pa thams cad yongs su gyur pa'i tshul gyis dbang bskur ba sbyin pa'i don dang/ rab tu ldan pas zla ba zhu bas gang bar gyur pa'o/ /'di ni sems can thams cad kyi dbang bskur ba'o/ de yang zla bzhu ba'i gzugs su gyur pa dang/ des ni de rnams de 'og dbang bskur bya zhes smos pa yin no/ /de nas sems can de rnams rdo rje'i ye shes can du gyur to/ /de yang ji skad du sa'i snying po phyag na rdo rje dang zhes bya ba la sogs pa smos pa yin no/ /'dod pa'i khams na ma yin zhes bya ba la sogs pas ni rtogs par bya ba'i ngo bo nyid las tha dad par gyur pa'i gzugs kyi phung po la sogs pa dgag pa yin te/ chos thams cad dmigs su med pa'i ye shes kyi bdag nyid can gyis gnyis su med pa yin pa'i phyir ro/ /de yang ji skad du zhi ba dang ni srid pa'i ngo bo 'dir zhes bya ba la sogs pa smos pa yin no/ /khams gsum po sku dang gsung dang thugs rdo rje zhes bya ba ni brtan pa dang/ g.yo ba'i dngos po thams cad kyi ngo bo nyid sku'i dkyil 'khor du rang rang gi ngo bo tha mi dad par gnas zhes bya ba'i don to/ /lus dang bral bas ngag dang sems nye bar dgod pa ste/ de nyid kyis ni de bzhin gshegs pa thams cad ces bya ba la sogs pa smos pa yin no/ /de bzhin du 'di'i 'og ma rnams la yang shes par bya'o/ /de skad ces bka' stsal nas zhes bya ba'i mthar thug pa'i le'u bcu bdun gyis ni rtsa ba'i rgyud rdzogs pa yin no/ /le'u bcu bdun pa'i 'grel pa'o// //dpal gsang ba 'dus pa zhes bya ba'i rtsa ba'i rgyud kyi 'grel pa rdzogs so// //'jam dpal gzhon nur gyur pa la phyag 'tshal lo/ /da ni de nas zhes bya ba la sogs pas rtsa ba'i rgyud kyi bshad pa'i ngo bor gyur pa rgyud phyi ma le'u bco brgyad pa gsungs pa yin te/ ji skad du bshad pa'i de bzhin gshegs pa thams cad kyis dbang bskur ba dang sku dang gsung dang thugs kyi gsang ba de dag bstan pa'i le'u bcu bdun pa las bshad pa'o/ /dngos po thams cad kyis zhes bya ba ni rang gi lus la sogs pa rtse gcig pa ste/ 'di ni byed pa po'i khyad par ro/ /ji lta ba dang zhes bya ba ni lus la sogs pa lha'i bdag nyid can te/ 'di ni las kyis khyad par po/ dus ji bzhin par zhes bya ba ni gleng gzhi'i le'u la sogs pa las gsungs pa'i rim gyis te/ 'di ni bya ba'i khyad par ro/ /mthong ba ni sku'i rnam pas so/ /thos pa ni gsung gi rnam pas so/ /khong du chud pa ni thugs kyi rnam pas te/ so so rang rig pa'i tshul gyis 'di skad ces gsol to zhes bya bar sbyar ro/ /rdo rje gsum gyi zhes bya ba ni/ sku rdo rje la sogs pa la go rim ji lta ba bzhin du bzhugs pa 'di ni sku gsungs thugs kyi nges pa ste/ de ni ngo mtshar che'o/ / de'i don ni 'di yin te/ rnal 'byor pa rnams kyi sku rdo rje'i dngos po thams cad kyi ngo bo nyid ni sku rdo rje nyid la rnam par gnas la sdud pa na yang rang gi sku rdo rje nyid la rab tu 'jug gi gzhan du ni ma yin te/ de bzhin du gzhan dag la yang sbyan bar bya'o/ /de bas na 'dis ni de nas bcom ldan 'das rnam par snang mdzad khams gsum pa thams cad kyi las zhes bya ba la sogs pa 'di nyid kyi le'u bcu bdun pa las gsungs pa'i 'das ma thag pa'i don ston pa yin no/ / dus gsum rdo rje'i ngo bo nyid ces bya ba ni dus gsum gyi sangs rgyas kyi ngo bo nyid du sems can thams cad yang dag par 'byung ba yin la de bas de rnams ni don dam par sangs rgyas nyid yin par gsungs so/ /byang chub rdo rje'i gnas thob pa zhes bya ba ni de nyid kyis na sems can thams cad ni de bzhin gshegs pa'i snying po can no/ zhes gsungs pa dang/ de bzhin du srid dang zhi ba'i ngo bo'i chos nyid dag /'dir ni dbye ba 'ga' yang yod min te/ gzung bya la sogs rnams bral bas/ /de phyir thams cad du ni rtag tu 'grub ces bshad pas so/ /e ma'o 'khor ba dag gi rgyun/ /e ma'o mchog tu mya ngan 'das/ zhes bya ba ni 'khor ba'i rgyun nyid ni de kho na nyid zhes bya ba ni mya ngan 'das pa'o/ zhes bya ba ni ngo mtshar che'o/ /de yang 'khor ba dang ni mya ngan 'das/ /'di gnyis yod pa ma yin te/ /'khor ba yongs su shes pa ni/ /mya ngan 'das zhes bshad pa yin zhes 'byung ba'o/ /gsang ba zhes 'dir gang la bgyi zhes bya ba la sogs pa ni byang chub sems dpa' rnams kyis de bzhin gshegs pa rnams la zhus pa yin te/ zhus pa 'di rnams kyi don ni 'og nas bshad pa las 'di nyid gsal bar ston par 'gyur ro/ /sku gsung shugs kyi rdo rje yis zhes bya ba la sogs pa ni rang rang gi lus dang ngag yid rdo rje rnams kyis so/ /sku gsung thugs kyi rdo rje la zhes bya ba ni yang dag par rtogs pa'i bdag nyid can gyi rdo rje can sku la sogs pa'i lha'i bdag nyid can du yang dag par gzung zhing yang dag par rtogs pa la rtse gcig tu byas nas nyon cig ces bya ba'i don to/ /de bzhin gshegs pa'i gsung dang rjes su mthun par de nyid la byang chub sems dpa' de rnams rjes su 'jug par bstan pa'i phyir/ de nas zhes bya ba la sogs pa gsungs te/ byang chub sems dpa' chen po zhes bya ba ni byang chub pa'i bdag nyid can rdo rje 'chang chen po'i sku rdo rje la sogs pa rang rang gi lus rdo rje la sogs pas dmigs na/ lus la sogs pa'i ngo bo nyid rdo rje 'chang gi bdag nyid yin par rtogs shing mngon du byas nas cad mi smra bar gyur to zhes bya ba'i don to/ /byin gyis brlabs nas zhes bya ba ni byang chub sems dpa' de rnams nyan pa po'i slob ma nyid du gyur par mdzad ces bya ba'i don to/ /'di nyid ni chos ston par mdzad pa'i dus yin no/ /da ni zhus pa rnams kyi lan bstan pa'i phyir/ sku gsung thugs ni rnam pa gsum/ zhes bya ba la sogs pa gsungs te/ rgyud kyi 'brel pa ji lta ba zhes bya ba'i lan bstan par bya ba'i phyir lnga pa zhes bya ba la sogs pa gsungs te lnga pa las ni sgrub po gsungs la/ dgu pa las ni dam tshig bzhi gsungs so/ /bcu bdun pa zhes pa ni bcu bdun pa las ni bsrung bar bya ba'i dam tshig go /bcu gsum pa las ni gsang sngags kyi bzlas brjod la sogs pa gsungs so/ /de'i don ni 'di yin te/ lnga pa las bshad pa'i sgrub pa po ni le'u dgu pa la sogs pa las gsungs pa'i don dang 'brel te/ de bsan 'di ni bcom ldan 'das kyis gang bstan par mdzad pa de nyid ni sgrub pa chen po'o/ /bzhi par ni dkyil 'khor gyi chog gsungs la/ slob dpon gyis las de yang bcu drug pa las brtul zhugs dang dkyil 'khor gsungs so/ /brgyad pa las ni de kho na nyid dang rjes su 'brel ba'i mchod pa gsungs te de nyid ni sdom pa'o/ /bcu gnyis pa las ni thun mong gi dngos grub gsungs so/ /brgyad pa zhes bya ba la sogs pa la sngar brgyad pa'i sgra sems pa'i phyir gzhung lhag pa yin pas na drug pa yin par bshad la/ de la drug pa las ni rjes su gnyis pa dang nye bar sgrub pa gsungs so/ /gnyis pa las ni dam tshig ces bya ba byang chub kyi sems gsungs so/ /bcu pa dang bcu bzhi pa las ni drag po'i sbyor pa gsungs so/ /bdun pa las ni sgrub pa'i sdom pa rjes su dran pa'i ngo bo nyid gsungs so/ /gsum pa las ni bsnyen pa'o/ /bcu gcig pa las ni dngos grub kyi zhing ri bo la la sogs pa'o/ /de nyid du bcu zhes bya ba'i sgra ni mi mngon par byas nas le'u dang po bzung ste/ der de bzhin gshegs pa thams cad kyi phrin las lha rnams 'byin pa la sogs pa gsungs pa yin no/ / bco lnga pa las ni bskyed pa'i rim pa dang 'brel ba'i lha'i dkyil 'khor bskyed pa'i bsgrub pa'i go rims gyi sbyor ba gsungs so/ /bsnyen pa rdo rje'i cho ga bzhi zhes bya ba ni rdo rje bzhis bsnyen pa bya'o zhes ston to/ /mchog tu gyur pa gzhung nyid do/ /zhes bya ba ni dngos grub mchog dang 'brel ba'i gzhung/ /slob ma bzang po la sangs rgyas la sogs pa dang 'brel par ston pa nyid ni de'i 'khor ba las yongs su grol ba zhes bya ste/ de dag thams cad ni le'u de dang de dag las ci rigs par gsungs so zhes bya ba ni rgyud kyi 'brel pa yin no/ /rnal 'byor zhes 'dir ci la bgyi zhes bgyi ba'i lan bstan par bya ba'i phyir shes rab thabs dang zhes bya ba la sogs pa gsungs so/ /de ltar dang po rgyud kyi 'brel pa gsungs nas/ da ni rgyud ces bya ba'i sgra nyid kyi don bstan par bya ba'i phyir rgyud ni rgyan zhes bya bar grags zhes bya ba la sogs pa gsungs te/ bzhi dang rang bzhin rgyu yin zhes bya la rang bzhin ni rnam pa'am 'gyur gnas te/ khyad par gyi rgyu la rang bzhin zhes bya'o/ / zhes bya ba'i don to/ /rang bzhin de nyid kyi 'bras bu ni mi 'phrog pa ste mya ngan las 'das pa zhes bya ba yin te/ rgyu dang 'bras du dbyer med pas so/ /bzhi'i don rnam par dbye ba ni thabs zhes bshad pa ste zhes bya ba yin te chos 'gyur ba'i gzhal yas khang zhes bya ba'i don to/ /de ltar na rgyun gsum po de dag la ni rgyun ces bya'o/ /rgyun las rab tu ston pa'i phyir ro/ /gal te rgyud 'di las gzhan dag kyang ston pa de dag gsum po 'di dag gi nang du 'dus pa yin no zhes bstan par bya ba'i phyir rigs gsum zhes bstan pa gsungs te/ dngos po gang yin pa de dag ni sems su rigs gcig la de rnam par spros pa rnams sku la sogs pa'i dbye ba las ni rigs gsum du 'gyur la rigs lnga'i sangs rgyas kyi dbye ba las ni rigs lngar 'gyur ro/ /de rnams nyid rnam par phye ba'i dbye ba las ni rigs brgyar 'gyur ba 'di ni nye bar mtshon pa tsam ste/ rnam pa 'di nyid kyis na rigs rnams kyi dbye ba ni mdza' yas so/ /de bas na rigs 'di dag dang 'di lta bu gzhan dag kyang rgyu dang 'bras bu dang bzhi ste/ gsum du ji ltar rigs par 'di'i khongs su gtogs pa yin no/ zhes bya ba'i don to/ /de ltar rtsa ba'i rgyud bshad nas rgyud phyi ma'i le'u bco brgyad par bshad pa'i don bstan pa'i phyir/ b yang chub rdo rje zhes bya ba la sogs pa gsungs te byang chub kyi sems rdo rje'i le'u bcu bdun par gsungs pa'i bka' dang bcas par lhan cig du de bzhin gshegs pa rnams kyis gang gsungs pa de nyid ni rgyud phyi ma yin par 'dod de ston pa pos don ji lta bu gsungs pa de dang 'dra bar bshad pa'i tshul nyid ni rgyud phyi ma zhes bya'o/ zhes bya ba'i don to/ /de nyid rnam pa du ru bshad ces bya ba la sogs pa bris pa bzhi la lan bzhi bstan par bya ba'i phyir de nyid rnam pa lnga ru bshad ces bya ba la sogs pa gsungs te/ gsang ba rnam pa gsum zhes bya ba ni/ sku dang gsung dang thugs nyid la bya ste/ don 'di ni sngar sku gsung thugs ni rnam pa gsum/ gsang ba zhes bya ba bstan pa yin zhes 'di nyid kyi nang nas b shad zin mod kyi 'on kyang yang dris pa'i rim pa'i sgo nas rigs lnga'i dbye bas de kho na nyid la sogs pa'i chos kyi mtshon pa mdzad pa ni de nyid dran pa'i phyir gsungs pa yin pas na 'di la zlos pa'i nyes pa yod pa ma yin te bcom ldan 'das ni sems can gyi bsam pa'i dbang gis bstan par mdzad zin pa'i don la yang ming gi rnam pa gsungs pa ni srid pa yin no/ /che ba'i lha ni bdag por gyur pa'i lha ste thugs rnam par dag pa'i rang bzhin don dam par rigs gcig pa'i ngo bo nyid do/ /gsang ba zhes bya ba ni brnga la bya'o/ /byang chub sems zhes gang la bgyi/ zhes 'dir smras pa'i lan bstan pa'i phyir thog ma tha ma med zhi ba zhes bya ba la sogs pa gsungs te/ dngos dang dngos med mi zad ces bya ba ni dngos po dang dngos med pa'i rdzas dang bral ba'o/ sems gtso bo zhes bya ba ni mi g.yor gyi tshul gyis khyab pa'o/ /stong nyid snying rje mi phyed pa zhes bya ba ni chos kyi de kho na nyid kyi bdag nyid can no/ /de bzhin rigs pa'i skyes bu ci zhes bya ba'i lan bstan par bya ba'i phyir sku gsungs thugs kyi rdo rje yi zhes bya ba la sogs pa gsungs te/ mi byed pas ni zhes bya ba las thabs dang shes rab ni sku gsung thugs rdo rje nyid kyi gnyis su med pa'i tshul du ngo bo nyid gcig pas mi phyed bso/ /phye ba'i dngos zhes bya ba de dag nyid rnam par dbye ba'i dbye bas phyegs? so/ badzra d+h+ri ka ces gang la bgyi zhes bya ba la sogs pa dris pa lnga la la rda lnga'i tshigs su bcad pa bstan pa ni rgyu lnga dang ni zhes bya ba la sogs pa yin te/ rgyu lnga ni rgyur gyur pa'o/ /'bras bu lnga ni 'bras bur gyur pa ste/ rdo rje'i rtse lnga ni sangs rgyas lnga'i bdag nyid chen yin la/ de nyid steng dang 'og gi chas rgyu dang 'bras bu rnam par dag pa'i gzugs can ni rdo rje zhes bya la de 'chang bar mdzad pas ni rdo rje 'dzin pa'o/ /chos kyi dbyings rnam par dag pa ni rnam par shes pa ste/ de nyid ni yin ces byang bya'o/ /yod dang med dang dbus las 'das zhes bya ba ni yod pa dang med pa'o zhes bya ba'i rnam par rtogs pa dang bral zhing 'byung ba dang/ 'byung ba las gyur ba'i me long rnam par dag pa'i gzugs can yin la/ de nyid ni sems can kun gyi lus yin te/ kun gzhi'i rnam par shes pa'o/ /de ni 'di ltar dzin dzi ka ces bya'o/ /dzin na zhes bya ba'i sgra nyid kyi don bstan par bya ba'i phyir/ skyes las rgyal ba zhes bya bar gsungs te/ dzi na'i sgra na skye ba la bya ba de las rgyal bar mdzad pas ni dzi na dzi ka ces bya ste/ brtags pa'i bdag nyid du mi skye'o/ zhes bya ba'i don no/ /ngon rnams thams cad ces bya ba'i don thams cad kyi gang mnyam pa nyid de las kun du 'byung ba ni de rnam par dag pa'i sems nyid ni rin po che de yin/ de yang tshor ba pos rang rig pas bes par tshor ba yin pas na/ tshor ba rnams par dag pa'i yid la rin chen 'dzin zhes bya ba'o/ /mtshan gzhi mtshan nyid dngos pos ni zhes bya la/ mtshan gzhi ni sngon po dang ser po la sogs pa'o/ /mtshan nyid ni de'i brtag pa'o/ /dngos po ni rnam par rtog pa'i ngo bo drug pa yid de/ des rnam pa thams cad du gang rtog cing sems can gyi don la so sor rtog pa ste/ de rnam par dag pa nyid kyi mtshan mar mtshon par bshad ma thag pa gang yin pa deb a? ro li ka ces bya'o/ /rnam par shes rab mthar phyin byed ces bya ba ni byams pa dang snying rje la sogs pa la rab kyi mthar phyin par slob par byed pa'i rnam par shes pa ni bya ba grub pa'i ye shes kyi ngo bo nyid gang yin pa de ni shes rab ces bya la/ de 'dzin par byed pas 'du byed sems pa rnam par dag pa'i yid ni shes rab 'dzin ces bya bar bshad do/ /da ni de bzhin gshegs pa ni 'dir gang lags zhes bya ba'i lan 'dir bstan pa'i phyir/ rigs ni rgyud ces bya bar bshad ces bya ba la sogs pa gsungs te/ mi 'jigs ces bya ba ni de bzhin gshegs pa lnga'i bdag nyid can gnyis su med pa'i ngo bo nyid la ni rnam par 'jig pa med/ skye ba med pa gang yin zhes pa ni sku dang gsung dang thugs kyi chos rnams ni gcig du ma'i sbyor bar skye ba med pa ste/ de bzhin gshegs pa rnams kyi/ rnam par dag pa nyid kyi skye ba med pa'i phyir ro/ /rigs ni lnga po 'di dag ste zhes bshad pa'o/ /sngags kyi sgo nas sangs rgyas rnams kyi rnam par dag pa sngar bshad nas/ da ni rgya dang 'bras bu zhes bya ba la sogs pas phung po'i sgo nas rnam par dag par gsungs pa yin te/ rgyu dang 'bras bu dag rgyu la rgyu nyid dang/ 'bras bu nyid du gang mngon par zhen pa ste/ pha rol tu phyin pa'i gzhung luT gsungs pa'o/ /gnyis po de dag gi 'jig pa'i rnam par shes pa/ rnam par shes pa'i phung po'i ngo bo de ni zhe sdang yin par bshad de rgyu dang 'bras bu dag tha mi dad par mngon par zhugs pa'i ye shes la ni zhe sdang zhes bya ba'i don to/ /bam pos bcings pa yis zhes bya ba la sogs pa la gzugs kyi phung po de nyid sems med pas bcings pa'i rang bzhin yin la/ de rnam par dag pa'i ngo bo nyid ni gti mug ces bya bar bshad de/ thams cad du rang rig pa'i nga rgyal gyi ral su 'jug pa ni gti mug chen po zhes bya ba'i don no tshor ba zhes bya ba ni tshor ba'i phung po ste/ dregs pa dang nga rgyal la sogs pa rjes su myong ba'i ngo bo'o/ /de rnam par dag pas thams cad bdag mnyam mo zhes bya ba'i nga rgyal gyi ngo bo nyid kyis mnyam pa'i bdag nyid can ni rin chen 'byung ldan no/ /'du shes ni 'du shes kyi phung po'o/ /dngos la chags pa'i mtshan nyid can zhes bya ba'i mtshan mar nye bar 'dzin pa'i bdag nyid can te/ de rnam par dag pa'i so so rang rig pa'i ngo bo nyid kyi 'dod chags kyi bdag nyid can ni 'od de dpag tu med pa'o/ /'du byed ces bya ba ni 'du byed kyi phung po ste/ de rnam par dag pa 'da' ba' i ngo bo nyid ni don yod grub pa'o/ /rkyen gyis drangs pa'i bdag nyid can zhes bya ba'i bdag nyid kyi sems can rnams kyi don bya'o/ gzhan dag gis ni ma yin zhes nan tan byed pas 'das pa'i bdag nyid can gang yin pa de la de skad ces bya ste/ bya ba sgrub pa'i ye shes zhes bya ba'i don to/ /byang chub kyi sems ni thams cad kyi rjes su 'gro ba yin no/ zhes bstan par bya ba'i phyir byang chub kyi sems zhes bya ba la sogs pa gsungs te/ byang chub kyi sems ni gcig tu mnyam pa'i ngo bo nyid yin pas sems yang dag par bzlog par bya ba'i phyir/ srid pa kun 'byung zhes bya ba gsungs te/ de ni srid pa dang mnyam pa'i ngo bo nyid do zhes bya bar dgongs so/ /da ni 'di las 'dod dad thar pa rab bsgrub pa zhes gsungs pa'i 'dod pa'i sgra'i don bstan par bya ba'i phyir 'dod chags zhes bya ba la sogs pa gsungs te/ dam tshig ces bya ba ni rdo rje sems dpa' i bdag nyid can no/ /sna tshogs 'dra ba yin zhes bya ba ni dngos po thams cad dang mnyam pa nyid kyi rang bzhin no/ /mngon phyogs zhes bya ba ni rang rig ba la mngon par phyogs ba'o/ /las las skyes zhes bya ba ni byams pa dang snying rje la sogs pa bsgoms pa las yang dag par byung ba'o/ /da ni mo ha zhes ni gang la bgyi zhes bya ba la sogs pa dris pa'i lnga'i lan bstan pa'i phyir gnyis med ces bya ba la sogs pa gsungs te/ chos nyid kyi gnyis su med pa'i ye shes kyi ngo bo nyid kyi dngos po rnams gad rang gi ngo bo nyid lhag par mos pa'i nga rgyal de la ni rmongs pa zhes bya ba'o zhes bshad do/ /gang phyogs nges pa med pa'i ngo bos phan tshun 'thug cing 'dzer pa'i gnyis su med pa'i ye shes kyi ngo bo de nyid ni zhe sdang ngo/ /gang gi mtshan nyid ngo bo nyid gnyis su med pa la zhen pa'i ye shes kyi bdag nyid can de nyid ni 'dod chags so/ /gang 'di ltar mi chod cing mi shigs ba'i ngo bo nyid kyi ye shes de ni rdo rje zhes bshed/ bzhi po de dag ni dga' ba rdzogs pa'i longs spyod mchog ni gcig tu gyur pa ste/ 'di dag ni mo ha ra ti zhes bya ba la sogs pa lha mo bzhi'i sngags kyi don gsungs pa yin no/ /btsun mo'i mchog phun sum tshogs pa'o/ zhes gsungs pa'i sgra'i don phun sum chogs pa ji ltar lags zhes byas pa 'di'i lan bstan par bya ba'i phyir bud med bde mchog phun sum tshogs pa'i zhes bya ba gsungs te/ mo ha ra ti la sogs pa 'di dag ni bde mchog gi rgyur gyur pas na bde mchog ste/ de nyid la phun sum tshogs pa'o zhes bya ba'i don to/ /gti mug la sogs pa gsum la rdo rje dga' ba khong su gtogs par bstan par bya ba'i phyir gti mug ces bya ba la sogs pa gsungs te/ gnyis su med pa'i ye shes kyi bdag nyid can dga' ba ni thams cad kyis rjes su 'gro ba ste/ rgyu des na gti mug la sogs ba'i thabs sangs rgyas rnams kyi rdo rje theg pa'o/ /zhes bshad cing gsungs bar gyur pa yin no/ /da ni ya mAn+ta? kri ta don ni gang zhes bya ba la sogs pa khro bo'i sngags bzhi'i don zhus pa'i lan bstan par bya ba'i phyir/ mi 'jigs pa dag nyid ces bya ba la sogs pa gsungs te/ lus dang dag dang yid kyi chos rnams ni gcig dang du ma la sogs pa'i phyin ci log gi tshul gyis ma skyes pa'i ngo bo nyid yin pas na mi 'jigs pa'i bdag nyid can gyi chos rnams te/ btags pa'i bdag nyid can nyid ni 'jigs ba yin pa'i phyir ro/ /de lta bas na lus la sogs pa'i dngos po 'di dag thams cad kyi mi 'jigs pa'i ngo bo ni dam tshig ste/ lus la sogs par gtogs pa'i gcig dang du ma la sogs pa dang bral ba'i yul la dang po rnam par dag pa'i ngo bo nyid ni gshin rje mthar byed ces bya ste/ gang gi phyir phyin ci lo ga ni gshin rje zhes bya la de'i mdza' rnam par 'jig par byed pa'o zhes bya bar dgongs so/ /rnam shes min bdag ces bya ba ni don dam par mi 'gyur ba'i tshul gyis dag par gyur pa 'dzin pa po'i ngo bo nyid du mi 'gyur ba'i chos rnams ni byang chub pa'i bdag nyid do/ /de lta bu'i sems can thams cad kyi dam tshig gang yin pa de'i tshul gyis na shes rab mthar byed ces bya ste/ nyes ba skyes pa rnams sgong ba'i phyir dang/ ma skyes pa rnams ni mi bskyed pa dang/ de bzhin du yang dag par byang chub ma skyes pa rnams bskyed bar bya ba'i phyir dang/ skyes pa rnams gnas bar bya ba'i phyir dang/ dad pa dang ldan pa'i brtson 'grus rnam pa bzhi po de rnam par dag pa'i rang bzhin rgyal ba nyid ni shes rab mthar byed ces bya ste/ 'di lta bu'i shes rab kyi nyis pa rnams mthar byed pa'i zhes dgongs so/ /brjod med bdag nyid ces bya ba ni dngos po rnams kyi de nyid ni brtag par mi nus bas na? brjod du med pa'i bdag nyid can gyi chos rnams te/ de bas na 'di ltar ming dang gzugs blo dngos bo med ces bya ba ste/ gzugs la sogs par so sor snang ba'i blo dngos po med pa ste/ med par gyur pa'i dngos po la ni yul me ngo zhes bya ba'i bar du'o/ /de lta bur gyur pa'i chos thams cad kyi dam tshig gang yin pa des na/ pad+ma mthar byed ces bya ste/ brjod du med pa'i bdag nyid can gyi phung po'i yul rnams la 'dun pa dang/ brtson 'grus la sogs pas de rnams la skyes bu dran pa dang/ brtson 'grus rtsom par gyur pa ste/ 'di ni dngos po'i chos rnams dang bral bar byung ba'i 'dun pa la sogs pa'i yul rnams dran pa'i pad+ma zhes bya la/ de nyid 'dun pa med pa la sogs pa'i nyes pa mthar byed pas na/ bcom ldan 'das pad+ma mthar byed ces bya'o/ /mi rtog bdag nyid ces bya ba ni rang bzhin gyis 'di ltar zhi ba nyid yin pas 'dzin pa po la sogs pa'i spros pa dang bral ba'i phung po lnga rnams yin la de nyid 'dir rdo rje kun gyi dam tshig ste/ rjes su 'da' bar mi bya ba'i ngo bo nyid yin la/ tshul des na bgegs mthar byed ces bya ste sngar bshad pa'i mi rtog pa'i chos rnams la rnal 'byor pa dran pa dang ldan pas sems rtse gcig pa'i ngo bo nyid dngos po'i de kho na nyid la dmigs pa'i ting nge 'dzin ni shes rab kyi/ rigs las byung ba rdzogs par gyur pa ste/ de rnam bar dag pa'i ngo bo nyid ni khyab bdag bgegs mthar byed pa yin te/ ma dad pa la sogs pa'i bgegs rnams mthar byed pa'o zhes bya ba'i don to/ /da ni nges bar bshad pa bzhi po rnams kyis don nyid kyis kyang de dag sangs rgyas kyis byang chub kyi ngo bo nyid yin pas de dag shes pa las bde ba chen po thob par 'gyur ro/ zhes bstan par bya ba'i phyir mi 'jigs ces bya ba la sogs pa gsungs so/ /gshin rje gshed kyi bya ba gsal bar bstan par bya ba'i phyir/ gti mug ces bya ba la sogs pa gsungs te/ gti mug ces bya ba ni thams cad du song ba'i nga rgyal gyi bdag nyid can gyi gti mug chen po'o/ /de yang gti mug la nye bar longs spyod bar 'gyur te/ gti mug chen po'i bdag nyid rnam par snang mdzad kyi rnam par dag pa'i gti mug la bslabs pa las skye bar 'gyur ro zhes bya ba'i don to/ /gti mug zad phyir zhes bya ba ni rnam par snang mdzad de'i phyin ci log gi rab tu 'jug pa 'byung ba zad par byed pa'i sgo'i dbang du mdzad pa ni gshin rje mthar byed ces bshad do/ /de nyid kyis na lus mthar byed ces bya ste/ 'jig tshogs la lta ba mthar byed cing/ rnam par 'jigs par mdzad pa dang/ 'dzin pa po dang bral ba nyid kyi ni/ shes rab mthar byed ces bya ba yang de nyid do/ /shes rab mthar byed kyi bya ba bstan pa'i phyir/ nyes pa zhes bya ba la sogs pa gsungs so/ /nyes pa zhes bya ba ni zhe sdang chen po ste/ bdag dang gzhan du rnam par 'byed pa dang bral ba'o/ /nyes pa de nyid la nye bar spyod par gyur pa ni zhe sdang chen po'i bdag nyid mi bskyod pa yongs su dag pa'i bdag nyid la bslabs pa las skye zhes bya ba'i don to/ /nyes pa zad phyir zhes bya ba mi bskyod pa de las zhe sdang kha phyir bltas pa'i zhe sdang gi rab tu 'dug pa 'byung ba brad bar mdzad pa'i sgo'i dbang du mdzad nas shes rab mthar byed ces gsungs so/ /de nyid kyis ni sems ni mthar byed cing zhes pa ste/ de nyid kyis ni sems ni zhes bya ba ni 'dzin pa'i bdag nyid can gyi sems te/ de mthar byed pa'o/ /de nyid kyis na nyon mongs mthar byed de/ 'dzin pa po'i bdag nyid kyi rgyur gyur pa'i nyon mongs pa gzhan gyis mi thub pas na de 'gog par mdzad pa'i phyir ro/ /de bzhin du pad+ma mthar byed kyi dgos pa bstan par bya ba'i phyir 'dod chags zhes bya ba la soD pa gsungs te/ 'dod chags ni 'od dpag tu med pa'i bdag nyid can gyi 'dod chags chen po'o/ /de yang rnam par dag pa'i chags pa la bslabs ba las skye bar gyur bste/ de yang 'od dpag tu med pa de ni phyin ci log gi chags pa dang 'dres pa'i dogs pa sel pa'i mchog yin pas/ 'di ni pad+ma mthar byed ces bya'o/ /ngag mthar byed ces bya ba ni/ ngag gi ngo bo 'gog par mdzad pa'o/ /de nyid kyis na snyoms par 'jug pa mthar byed par gyur pa ni rta mgrin te/ smra ba po dang brjod par bya ba gang yin pa'i snyoms par 'jug pa ni yul dang yul can gyi mtshan nyid du 'dus pa ste/ de rab tu 'jig par byed ces bya ba'i don to/ /bgegs mthar byed kyi yang sbyor ba bstan pa'i phyig nyon mongs zhes bya ba la sogs pa gsungs te/ nyon mongs pa dang las kyi sgrib pa ma lus pa zad par byed nus pa'i ye shes nying bya ba thams cad byed pas bgegs mthar byed ces bya ba'i don to/ /nyon mongs rdo rje nyid sgrib pa yin la de rnam par dag pa ni gnyis su med par lhag par mos pa las thams cad rnam par dag par gyur la de nas las las skyes pa'i yang/ 'bras bu rnam par dag par 'gyur te/ ji skad du/ rnam pa de 'dra'i sems ldan lus dang ni/ ngag gis las rnams ci yang rung bdag/ phyag rgya dang ni sngags kyi rnam pa ru/ /rdzogs pa'i sangs rgyas kun gyi de gsungs so/ /zhes bya ba la sogs pa smos pa yin no/ /rdo rje'i bdag nyid can de dag ji ltar 'byung ba de yang bstan par bya ba'i phyir gzungs dang zhes bya ba la sogs pa gsungs te/ gzung ba ni de'i rnam par so sor shes pa'o/ chags pa ni de la rjes su phyogs pa'o/ /rnam pa ni 'dra bar bskyed pa'o/ /mi g.yo ba ni dran pa'i tshul mi g.yo bde nyid du brtan par gyur pa'o/ /rgyu nyid ni de nyid kyi gnyis su med pa'i rang bzhin gyis 'bras bu dang mi phyed bar slob pa'o/ 'bras bu nyid ni de nyid kyi rgyu'i rnam pa dang/ gnyis su med pa'i bdag nyid gsal par gyur pa ste/ de ni 'dir rdo rje rnams kyis bskyed pa'o/ /da ni khro bo'i gnas skabs bshad pa yin pas na/ 'dod pa'i rgyal po la sogs pa yang bshad par bya ba'i phyir/ 'dod pa'i rgyal po zhes bya ba la sogs pa gsungs te/ 'byin pa'i sngags kyi skabs na med pas 'di dag dkyil 'khor ba ma yin par dgongs so/ /sa'i snying po dang/ sa rdo rje la sogs pa rnams zhus pa med kyang the tshom med pa'i don du/ ming la sogs pa bstan par bya ba'i phyir/ dam tshig ces bya ba la sogs pa gsungs te/ dam tshig rdo rje ni sa'i snying po'o/ /de la sogs pa drug ni mig la sogs pa rnam par dag pa'i ngo bo nyid do/ /de dag kyang gzugs yongs su dag pa nyid yin pas 'byung ba las gyur pa nyid du rnam par grags so/ /rig pa'i rgyal po zhes bshad do/ zhes bya ba la sogs pa la rigs pa'i rgyal po'i sgra dang de nyid yin par bshad do/ /sa la sogs pa zhes bya ba la sogs pa las rdo rje la sogs pa ni spyan la sogs pa'i ngo bo nyid yin la nam mkha' rdo rje dang bcas pa ni 'byung ba rnam pa lnga nyid du rnam par grags so/ /gzugs rdo rje la sogs pa'i yang ming la sogs pa bstan par bya ba'i phyir/ gzugs rdo rje la sogs pa drug ces bya ba la sogs pa gsungs te/ rdo rje'i bdag po thams cad ni/ 'dod chags de nyid don sems pa zhes bya ba la sogs pa la/ rdo rje'i bdag po'i sgras ni gzugs rdo rje la sogs pa 'byung ba las gyur pa'i lha mo drug yin par rnam par bshad de/ 'byung ba las gyur pa rnam par dag pa'i ngo bo nyid kyi skabs kyi dang? du mdzad nas gsungs pa yin no/ /gzugs rdo rje la sogs pa lha mo drug pa de dag nyid kyi 'byin pa'i sngags bstan par bya ba'i phyir/ sku gsung thugs kyi rdo rje las zhes bya ba la sogs pa gsungs te/ bdag nyid chen po zhes bya ba ni gzugs rdo rje la sogs pa rnams te sku la sogs pa'i ngo bo nyid kyi yi ge gsum las dbyung bar bya ste/ de bas na 'di dag ni dkyil 'khor pa nyid yin gyi/ 'dod pa'i rgyal po la sogs pa ni ma yin no zhes bya bar dgongs so/ /da ni kun tu spyod pa gang zhig lags zhes bya ba 'di'i lan bstan par bya ba'i phyir thabs dang shes ra ces bya ba la sogs pa gsungs te/ ji skad du bshad pa'i thabs dang shes rab las byung zhing skyes pa ni dkyil 'khor gyi 'khor lo'i rnam pa thams cad dag par lhag par mos pas phung po la sogs pa gnyis su med pa'i sbyor ba nges par byas la sngags pas 'jigs pa thams cad dang bral zhing mi 'gyur pa'i sems kyis seng ge dang 'dra bar gnas par bya'o/ /rnal 'byor pa de la gnas pas ni mi bya ba la sogs pa tsa yang med de/ sngags pas 'di dag thams cad bya'o zhes bya ba'i don to/ / de bas na 'di nyid ni mnyam par ma bzhag pa ste/ smyon pa la sogs pa'i tshul gyi sbyor ba la kun tu sbyod ba zhes bshad do/ /de bas na sbyor ba 'dis gang spyod pa de ni rtag tu mnyam par bzhag pa yin pas kun tu spyang pa la sgyod pa zhes bshad do/ /de skad du/ phyin ci log rtog rnam grol na/ bya ba ma lus pa ni rdzogs par bya zhes pa shad pas so/ /de bzhin du sngags kyi spyod pa ci zhes bya ba 'di'i lan bstan par bya ba'i phyir/ rkyen las byung ba zhes bya ba la sogs pa gsungs te/ yul dang dbang po la brten nas rnam par shes pa gang 'byung bar 'gyur ba de ni yid kyi sgrang bshad la/ de nyid rnam par dag pas 'khor ba las skyob bas na manTa ste sngags so/ /des 'jig rten gyi spyod pa las rnam par grol pa'i dam tshig dang/ sdom pa yongs su bsrung pa'i ngo bo nyid gang yin pa de ni sngags kyi spyod pa zhes bya ba'i don to/ /'dir ni bzlas pa gang zhig lags zhes bya ba 'di'i lan bstan par bya pa'i phyir rang rang gi ngo bo zhes bya ba la sogs pa gsungs te/ sku rdo rje la sogs pa'i ngo bo nyid kyi gsang sngags bzlas pa'i cho gar bshad pas/ rnam par brtags pa'i dbye bas sngags brjod la/ sbro ba la sogs pa cho ga bzhin du bya'o/ /ye shes sa bon zhes bya ba ni ye shes sems dpa' i sa bon ste/ byang chub bdag med pa'i ngo bo nyid kyis so/ /bdag mes bzung zhes bya ba ni 'dzin pa bo'i rang bzhin dang bral ba ste/ de lta bu'i sangs rgyas lnga po sna tshogs rdo rje'i bdag nyid can cig car spro zhing bsdu'o/ /gzungs zhes bya ba ni gnas pa brtan par bsgom par bya'o/ /sna tshogs bzhin zhes bya ba ni/ rang nyid dngos po thams cad ngo bo nyid du mos pa ste/ ji skad du yang na bzlas la/ sems nyid ni dngos kun bdag nyid rang gi sems dbang po zhes bya ba la sogs pa smos pa yin no/ /sna tshogs zhes bya ba ni sna tshogs pa'i ngo bo ye shes kyi sa bon ste/ dus gsum la ni yi ge gsum dang lhan cig tu yang bzlas pa'o/ /de nas yang spro ba la sogs pa bya ba ni sngags bzlas pa'i cho ga'o/ /bzlas pa zhes bya ba'i sgra ni yin par bshad pas ngag 'di dag thams cad kyang sngags kyi sgrar bshad de/ de kho na nyid bskur ba'i ngo bo nyid du gyur bas sngags dang rnal 'byor pa'i thams cad du de kho na nyid la mngon par zhugs pa yin pa'i phyir ro/ /dam tshig sems dpa' dang 'dra bar ye shes sems dpa' yang bsgom par bya'o/ /zhes bstan par bya ba'i phyir/ ji ltar thugs so zhes bya ba la sogs pa gsungs so/ / sangs rgyas rnams kyi sbro bas kyang dbang bskur ba la sogs pa de bzhin du bya'i zhis bstan par bya ba'i phyir/ de rnams sbyi bor zhes bya ba la sgos pha gsungs te spyi bo na yang gang gi rig pa gang dang gang yin pa ltan cig tu sbyor bar 'gyur ba ni rdo rje 'chang bzhin du de thams cad kyi yang longs spyod rnam bzhir shes par bya'o/ /de bstan pa'i phyir bdag byin brlab la sogs zhes bya ba la sogs pa gsungs te/ bdag la byin gyis brlab pa zhes bya ba ni de la/ aoM d+ha rma d+ha tu sba b+hu ba A tam ko haM zhes bya ba ni bdag la byin gyis brlab pa'o/ /sogs pa'i sgras ni thugs la sogs pa'i byin gyis brlab pa'o/ /de bas na 'dis ni bsnyen pa la sogs pa'i yan lag bzhi gsungs pa yin no/ /'di dag kyang nye bar mtshon pa tsam du zad de/ thams cad la yang dkyil 'khor gyi bdag po gtso bo rnams kyi bzhin du bstan par bya'o/ /phyag rgya gang la bgyi zhes bya ba 'di'i lan bstan par bya ba'i phyir/ dpa' bo zhes bya ba la sogs pa gsungs te/ snying po phyag rgya zhes bya ba ni ye shes sems dpa' la sogs pa'i phyag rgya ste/ rjes su mthun pas rigs kyi bdag pos rgyas gdab po/ /'bras bu zhes bya ba ni mi bskyod pas so/ /rgyu ni rdo rje 'chang ba ste/ 'bras bu mi bskyod pa rdo rje 'chang bas gdab po/ /chos 'byung ba ni ji ltar bsgom zhes pa 'di'i lan bstan par bya ba'i phyir/ langs spyod bzhi dang yang dag ldan zhes bya ba la sogs pa gsungs te/ longs spyod bzhi ni bsnyen pa la sogs pa ste/ de dang ldan pa'i rdo rje can lha thams cad dang ldan pa sku la sogs pa'i ngo bo nyid kyi zur gsum dang ldan pa'i chos 'byung bar bsgom mo/ /de dbus zhes bya ba ni chos 'byung ba bsgoms pas mtshon pa'i zhing rnam par dag par bya ba'i phyir dang po nyid du 'khor lo rtsi bas bcu pa/ khro bo bcu dang ldan pa bsrung ba'i phyir bsgom par bya'i/ chos 'byung ba'i nad du bsrung ba'i 'khor lo bsgom par bya ba ni ma yin te/ ji skad du de 'og hUM gis rdo rjer byas pa'i sa zhes bya ba la sogs pa smos pa dang/ de bzhin du hUM mdzad dang yang na gtsug tor ram zhes bya ba la sogs pa bshad pas/ 'dir dbus su zhes bya ba'i sgra'i dogs pa ni ma bshad do/ /ye shes bdag nyid bcu las byung/ zhes bya ba ni dad pa la sogs pa rnam par dag pa'i ngo bo nyid do/ /'gog pa'i rdo rjes zhes bya ba ni/ sems ma 'phros pa'i mtshan nyid do/ /mi g.yo ba dang mtshungs pa 'khor zhes bya ba ni myur du 'khor bas mi 'gul pa dang mtshungs par 'khor bar blta bar bya'o/ /de bzhin sdom pa ji lta bu zhes bya ba 'di'i lan bstan par bya ba'i phyir rdo rje can gyi zhes bya ba la sogs pa gsungs te/ sgrub pa zhes bya ba ni dim pa 'di gnyis kyi sgrub pa'i rgyu'o/ /nan tan zhes bya ba ni nyams su blang ba'o/ /dam tshig ni bsrung bar bya ba la sogs pa ste/ 'di dag thams cad ni rtsa ba'i rgyud du rgya cher gsungs so/ /sdom pa yang sngar bshad pa nyid do/ /'di nyid ni rim pa'i dbye bas phye ba yin zhes bya ste/ dbye ba'i khyad par gyi gsungs so zhes bya ba'i don to/ /gzugs dang sgra sogs 'dod pa ni zhes bya ba la sogs pas ni de nyid ston pa yin te/ gzugs la sogs pa rnams las 'dod chags dang zhe sdang dang gti mug skye bar 'gyur la/ de la 'dod chags la de'i rang bzhin 'od dpag tu med pa'i ngo bo nyid bsam mo/ /de bzhin du rin chen 'byung ldan ni mnyam pa'i bdag nyid can yin la/ mnyam pa'i rang bzhin nyid ni dam tshig ste/ rdo rje 'chang yin pas gzugs la sogs pa'i 'dod pa de rnams rdo rje 'chang ba'i bdag nyid can yin par bsgom par bya'o/ /de ltar gzugs la sogs pa'i gnyis su med par gyur pa de nyid bsden pa ni sdom pa zhes bya ba yin par dgongs so/ /rnam pa zhes bya ba la sogs pas ni zhe sdang gti mug ces bya ba la soD pa'i lan gsungs pa ni rnam pa dang ni zhes bya ba ni thabs dang shes rab kyi bdag nyid can no/ /rnam pa med pa ni gnyis su med pa'i ngo bo nyid kyis te/ kun tu 'gro ba'i yi ge gsum gyi bdag nyid can du rnam par bsams nas/ bzlas brjod spro ba la e sogs pa'i bya bas sems can gyi don bya'o/ /bya ba zhes bya ba ni gsod pa'o/ /'phrog pa ni rdzas dbrog pa ste/ de dag la sogs pa'i las rnams bya'o/ /de ltar zhes bya ba ni bshang ma thag pa'i lha'i gzugs las dang rjes su mthun par zhe sdang la sogs pa'i ngo bo nyid du thams cad bskyed la/ gsang ba rnam par dag pa'i cho ga bzhin du phyag rgyas btab na/ rnal 'byor pa rnams kyi don byed do/ /des de ltar thun mong gi bshad nas/ re re'i zhe sdang la sogs pa'i las bstan par bya ba'i phyir/ zhe sdang 'khor lo zhes bya ba la sogs pa gsungs te/ zhe sdang gtso bor gyur pa'i 'khor lor bskyed la/ thams cad zhe sdang gi rang bzhin du bsams te spro ba la sogs pa rnams byed par bsgrub par bya ba gzhig pa la sogs par bya'o/ /'di'i phan yon bstan pa'i phyir/ 'di lta'i sbyor ba zhes bya ba la sogs pa gsungs so/ /zhe sdang gi rnal 'byor pa'i las bstan nas/ gti mug gi rnal 'byor pa'i las bstan par bya ba'i phyir/ gti mug sbyor bas zhes bya ba la sogs pa gsungs te/ snga ma bzhin du gti mug gi 'khor lo thams cad bskyed la bzlas pa la sogs pa bya ste/ rdzas dbrog pa la sogs pa bya'o zhes bya ba ni mdor bsdus pa'o/ /'dod chags can gyi rnal 'byor pa'i yang las bstan par bya ba'i phyir/ 'dod chags sbyor ba'i rnal 'byor pas zhes bya ba la sogs pa gsungs te/ 'di yang snga ma bzhin du 'dod chags kyi ngo bo nyid du bltas la/ bzlas pa dang spro ba'i las la sogs pa byas nas/ lha mo'i rnam pa la sogs pa bya'o zhes bya ba'i don to/ / zhe sdang la sogs pa'i rnal 'byor pa'i las kyang rim pa 'di ni le'u dgu pa las rgya cher gsungs pas de nyid du shes par bya'o/ /yang 'di la nus pa 'di lta bu yod pa ji ltar shes zhe na/ de'i phyir dkyil 'khor dang ni zhes bya ba la sogs pa gsungs te/ dkyil 'khor la sogs pa'i 'dod pa tsam gyis byed la/ de bas na grub pa po rnams kyi dgod pa ni bsam gyis mi khyab po zhes bya ba dgongs so/ /dkyil 'khor zhes ni gang la bgyi/ zhes bya ba 'di'i la na bstan par bya ba'i phyir/ b+ha ga zhes bya ba la sogs pa gsungs te/ gsum po dkyil 'khor yin par gsungs zhes bya ba ni chos 'byung ba'i dkyil 'khor dang pad+mal byang chub kyi sems yongs su gyur pa'i dkyil 'khor dang/ lus la phyag rgya bzhi'i 'khor ro/ /phyag rgya dgong pa ji ltar lags zhes bya ba'i cho ga 'di'i lan dang/ dkyil 'khor gyi don 'di bsal bar bya ba'i phyir phung po skye mched ces bya ba la sogs pa gsungs te/ phung po la sogs pa kun nas rgyas btab pa nyid lta thams cad kyi 'khor lo la sogs pa'i dkyil 'khor yin no zhes bya ba'i don to/ /khro bo rnams kyi phyag rgya dgod pa bstan par bya ba'i phyir/ lcags kyu zhes bya ba la sogs pa gsungs te/ 'khor lo rtsibs bcu pa'i shar lto la sogs pa'i mtshams rnams su 'dod pa'i rgyal po dang dbyug sngon dang/ stobs po che dang/ mi g.yo mgon po'i phyag mtshan dang lcags kyu la sogs pa rnam pa bzhi rim pa bzhin du dgod par bya'o/ /steng du bltas pa'i rtsibs la gtsug tor gyi 'khor lo'i mtshan ma dag go /'og tu bltas pa'i rtsibs la gnod mdzes kyi rdo rje dgod par blta bar bya'o/ /rigs rgyal rdo rje can rnams kyi zhes bya ba ni sa'i snying po la sogs pa rnams kyi phyag rgya ni 'khor los bsgyur zhes bya bde bzhin gshegs pa rnams yin pas de dang rjes su 'brel pa'i sku mdog dang phyag mtshan la sogs pa'i tshul ni ci rigs par sbyar ro/ de bas na kun tu bzang po ni rdo rje 'dzin pa lta bu'o/ /sa la sogs pa'i zhes bya ba ni spyan la sogs pa ste/ spyan la sogs pa'i phyag rgya mi rang gi dkyil 'khor du gsungs so/ /gzugs rdo rje la sogs pa'i phyag mtshan rim pa ji lta ba bzhin du bstan par bya ba'i phyir ro/ me long zhes bya ba la sogs pa gsungs so/ /sangs rgyas zhes bya ba ni de bzhin gshegs pa drug po rnams so/ /byang chub sems dpa' rnams dang/ /khro bo'i rgyal po thams cad mngon par rgyas btab pa'i de rnams kyi phyag rgya ni bshad zin pa nyid do/ /dpa' bo gcig ces bya ba ni rdo rje dpa' po la sogs pa'i/ /pad+ma rnam pa ldar shes bya zhes bya ba la sogs pa gsungs pa'i pad+ma la sogs pa me tog gi don zhus pa de'i sna bstan par bya ba'i phyir lta me zhes bya ba la sogs pa gsungs te/ lha mo bcu ni me tog gi sgrar bshad de/ 'di dag ni de nyid du gsal bar byas pa yin no/ /gzugs rdo rje la sogs pa drug kyang/ yi ge gsum gyis 'byin pa yin par bstan pa'i phyir/ sku gsung zhes bya ba la sogs pa gsungs te/ rigs kyi rim gyi zhes bya pa ni rang gi rigs kyi phyag rgyas btab pa'i 'byin par bstan to/ /mchod rten zhes ni ga la bgyi zhes bya ba 'di'i lan bstan par bya ba'i phyir mchod rten zhes bya ba la sogs pa gsungs te/ gzhal yas khang la mchod rten zhes bya'o zhes bya ba'i don to/ /ye shes 'khor lo ji lta bu zhes bya ba 'di'i lan bstan par bya ba'i phyir ye shes sems dpa' zhes bya ba la sogs pa gsungs te/ ye shes sems dpa' gang reg pa zhes bya ba ni/ ye shes sems dpa' i 'od zer rnams kyi gang yang dag par bskul pa'i sangs rgyas kyi 'khor lo gzhan pal ni ye shes kyi 'khor lo zhes bya'o zhes bya ba'i don to/ /'dir ni gnas kyang gang zhig lags zhes bya ba 'di'i lan bstan par bya ba'i phyir mi 'gyur zhes bya ba la sogs pa gsungs te/ sa bon gyi yi ge ni sngags te/ de'i ngo bo nyid gnas zhes bya'o/ /mgon po ji ltar bskul bar bgyi zhes bya ba la sogs pa dris pa bzhi'i lan bstan par bya ba'i phyir/ bskul ba zhes bya ba la sogs pa gsungs te/ sangs rgyas thams cad kyi sku la sogs pa'i de kho na nyid kyi tshul gyis ji ltar mos pa'i rnam par byin gyis brlab par bya ba'i phyir/ sad par bya ba ni bskul zhes bshad do/ /phyogs bcu na bzhugs pa'i de bzhin gshegs pa rnams sbyan drang bar bya ba'i phyir/ 'od zer spro ba ni stong pa zhes bshad do/ /rdo rje can thams cad de de bzhin gshegs pa thams cad kyi rdo rje thams cad spros pas gang de bzhin gshegs pa rnams spyan drang pas mngon du byed pa de ni spyan 'dren pa zhes bya ste/ de dag gnyis ka la yang bskul ba sngon du 'gro ba yin par lta bar bya'o/ /rdo rje can gyi ngo bo nyid kyi 'od zer gyis rdo rje thams cad yang dag par bsdus nas de'i gnas te/ snying ka'i sa bon gyi bdag nyid can la gong bu'i tshul gyis gzhug pa ni byin gyis brlab pa ste/ bcing pa zhes bya ba yin par bshad do/ /dbang bskur ba ni ji ltar stsal zhes bya ba 'di'i lan bstan par bya ba'i phyir/ sku gsung zhes bya ba la sogs pa gsungs te/ rdul tshon nam yid kyis dkyil 'khor bris la dbang bskur ba sbyin par bya ste/ dbang bskur ba'i cho ga de ni bdag gis ma bshad do/ /de bzhin rig pa'i brtul zhugs gang zhes bya ba 'di'i lan bstan par bya ba'i phyir/ chos kun gnyis su med pa zhes bya ba la sogs pa gsungs te/ dngos po gnyis su med pa zhes bya ba ni shes rab dang thabs kyi bdag nyid du'o/ /rnam bral bar zhes bya ba ni shes rab dang lhan gcig pa dang bral bar bya bar mi bya'o zhes bya ba ste/ 'di ni rig pa'i brtul zhugs zhes bya'o/ /bdud rtsi lnga rnams ji ltar bza' / zhes bya ba 'di'i lan bstan par bya ba'i phyir/ lus kyi chos nyid ces bya ba la sogs pa smos te/ dkyil 'khor gyi 'khor lor gyur pas par snang la yi ge hUM las byung ba'i rdo rje bsams la/ de de bzhin gshegs pa thams cad kyi gzugs su zhu ba'i bdag nyid can du yi ge a las byung ba'i thod par bdud rtsi lnga po aoM gyis mtshan par dbab po/ /mtshon cha'i mchog ces bya ba ni ye shes kyi sa bon gyi 'od zer gyis drangs pa'o/ /bza' ba'i sbyor ba zhes bya ba ni bza' ba'i cho gas te/ de skad du 'bar ba'i aoM gyis byin gyis brlabs rlung dang me'i zhes bya ba la sogs pa smos pa yin no/ /de bzhin dpa' bo lnga gang lags zhes bya ba 'di'i lan bstan par bya ba'i phyir/ bsgrub bya'i dngos grub ces bya ba la sogs pa gsungs te bshad ma thag pa'i cho gas dpa' bo lnga zhes pa sha lnga'i ngo bor bsgrub par bya ba'i dngos grub kyi cho ga'i don du sbyar bar bya'o/ /dngos grub thun mong ji lta bu zhes bya ba la sogs pa 'di'i lan bstan par bya pa'i phyir/ mi snang la sogs zhes bya ba la sogs pa gsungs so/ /sangs rgyas nyid du sgrub pa ni zhes bya ba ni sangs rgyas nyid du sgrub pa ni dngos grub mchog yin par sangs rgyas kyis gsungs so/ /de la thabs ni rnam pa du zhes bya ba'i 'di lan bstan par bya ba'i phyir/ thabs ni rnam pa bzhi po dag ces bya ba la sogs pa gsungs te/ bsnyen pa la sogs pa'i yan lag bzhi ni thabs rnam pa bzhi'o/ /de la bsnyen pa la sogs pa'i dbye ba bstan par bya ba'i phyir thun mong zhes bya ba la sogs pa gsungs te/ thun mong gi bsnyen pa rnam pa gnyis dang/ mchog gi bsnyen pa rnam pa gnyis te/ bsnyen pa rnam pa bzhi ni bsnyen pa'o/ /de la thun mong gi bsnyen pa gcig ni rdo rje rnam pa bzhi'o/ /mchog gi bsnyen pa gcig kyang ye shes bdud rtsi dang srid pa bar ma pa gcig tu gyur cing mer por gyur pha la sogs pa'i rim gyis bdag po'i lta 'byung bar 'gyur ro zhes bya ba'i don to/ /'di yang lha gtso bo'i yan lag tu gyur pas mchog gi bsnyen pa zhes bshad do/ /mchog gi bsnyen pa gnyis pa 'og nas bshad do/ /da ni thun mong gi bsnyen pa dang 'brel pa rdo rje bzhi bstan par bya ba'i phyir/ dang por zhes bya ba la sogs ba gsungs te/ 'di dag kyang le'u bcu gnyis pa las bshad pas de nyid du shes par bya'o/ /mchog gi ye shes bdud rtsi nyid ces bya ba ni ye shes kyi bdud rtsis mchog gi bsnyen pa 'di byas nas thun mong gi bsnyen pa bya'o zhes bya ba'i don to/ /thun mong gi sgrub pa gnyis pa bstan par bya ba'i phyir sbyor ba drug gi zhes bya ba la sogs pa gsungs te/ sgrub pa zhes bya ba ni dngos grub mchog gi yan lag drug gi sbyor ba byas nas sgrub pa po zhes bya ba'i don to/ /yan lag drug gi sbyor ba de gang yin zhe na/ so sor sdud pa dang zhes bya ba la sogs pa gsungs so/ /de las so sor bsdud? pa bstan par bya ba'i phyir/ dbang po bcu zhes bya ba la sogs pa gsungs te/ mig la sogs pa rnams dang/ gzugs la sogs pa rnams ni rang rang gi bya ba la dbang byed pas 'di dag bcu chang yang dbang po zhes bshad de/ de rnams kyi rang gi ngo po nyid tsam du gnas pa las gang 'dod pa las bsdud pa'i ngo bo nyid de ni so sor sdud pa'o/ /bsam gtan gyi ngo bo nyid bstan par bya ba'i phyir 'dod pa lnga ni zhes bya ba la sogs pa gsungs te/ 'dod pa lnga rnams sangs rgyas lnga'i bdag nyid du brtag pa de ni bsam gtan zhes bya'o zhes bya ba'i don to/ /bsam gtan de yang rtog pa la sogs pa'i tshul gyis rnam pa lngar 'gyur ro/ rtog pa la sogs pa de rnams kyi rang gi ngo bo nyid bstan par bya ba'i phyir/ gsang ba zhes bya ba la sogs pa gsungs te/ sku dang gsung dang thugs kyi tshul gyis byung ba'i gsang ba gang yin pa de ni rtog pa zhes bshad la/ gsang ba de nyid kyi rab tu sbyor ba la kun nas longs spyod pa ni dpyod pa'o/ /de nyid gsal pa'i ngo bo nyid dga' ba'i bdag nyid can yin pas dga' ba'o/ /'dra ba zhes bya ba ni de nyid rab tu ston pa'i ngo bo nyid/ dga' ba de'i 'og tu rjes su gzung bar bya ba'i khyad par ni bde ba'o/ /de nyid rang gi sems te ye shes dang shes bya'i rnam par dbye ba zang ba'i ngo bo nyid ni/ sems rtse gcig pa/ zhes bya ste/ bsam gtan lnga pa'i rab tu dbye ba'o/ /srog dang rtsol ba'i ngo bo nyid bstan par bya ba'i phyir/ sangs rgyas kun dngos zhes bya ba la sogs pa gsungs te/ phra mo'i rnal 'byor la gnas pa na der gal te skyo bar gyur na/ sangs rgyas thams cad la sogs pa'i ngo bo nyid kyi dbugs te/ rang gi mtshan ma'i gzugs kyis shes pa lha'i rang bzhin gyis gong bu'i tshul gyis rang gi rdo rje las byung ste/ lha mo'i sna rtse bsgom par bya'o/ /de las nye bar mtshon ba tsam gyi don du mtshan ma gcig bstan par bya ba'i phyir/ rin chen kha dog sna lnga ba zhes bya ba gsungs te/ de la ni 'dir srog dang rtsol ba zhes bya bar bshad do/ /'dzin pa'i ngo bo bstan par bya ba'i phyir/ rang sngags zhes bya ba la sogs pa gsungs te phra mo'i rnal 'byor la rang gi sa bon ye shes sems dpa' i thugs ka na gnas pa'i mtshan ma'i lte ba bsams la/ sa bon de la thig le yod par srog gi ngo bo nyid la sems bzhag par bya'o/ /rang gi dbang po zhes bya ba ni srog de nyid mchog tu yang dag par gzung bar bya ste/ de la 'di ni gzung ba zhes bya ba yin par bshad do/ /'gog pas sems bstan par gyur na mtshan ma rnam pa lnga ste/ de las 'od zer gong nas gong du 'phags pa'i mtshan nyid can smig rgyu lta bu la sogs pa 'byung bar 'gyur ro/ rjes su dran pa'i ngo bo nyid bstan par bya ba'i phyir/ brtan 'gyur zhes bya ba la sogs pa gsungs te/ phra mo'i sbyor ba la gnas pa'i rnal 'byor pas brtan par gyur pa'i mtshan nyid de'i lam nas nam mkha' i khams rnams su ji skad bshad pa'i chogs spro bar bya'o/ /der spro ba ni rjes su ban pa gang rnams bsgom pa de dang 'dra bar spro bar bya ba de ni rjes su ngan pa zhes bshad de/ so sor snad pa de la skye zhes bya ba ni mtshan ma rnam pa lnga 'byung ba'i 'og tu rgyas par 'phro ba spro ba so sor snang ba de la skye bar 'gyur te/ rjes su dran pa 'di'i ngo bo nyid ni le'u bdun pa las rgyas par shes par bya'o/ /ting nge 'dzin gyi rang gi ngo bo nyid ni bstan par bya ba'i phyir/ thabs dang shes rab ces bya ba la sogs pa gsungs te/ shes rab dang thabs kyi bdag nyid snyoms par 'jug pas dngos po thams cad gong bu'i tshul du bsdud nas/ gzugs gcig la dkyil 'khor pa'i lha rnams kyi 'khor lo'i dbus su rnam par bsgom la/ der lha rnams kyi 'khor lo'i bdag nyid du bsgom par gyur pa nas gang skad cig yud tsam gyis ye shes rdzogs pa de ni ting nge 'dzin ces bshad/ /so sor sdud pa la sogs pa drug po rnams kyi phan yon bstan par bya ba'i phyir/ so sor sdud pa zhes bya ba la sogs pa gsungs te/ de dag gis ni sbyor ba'i yan lag drug gi rang bzhin thun mong gi bsnyen pa'i yan lag gnyis pa bstan pa yin no/ /da ni nye bar sgrub pa'i gnas skabs su/ /sgrub pa'i don bstan par bya ba'i phyir/ snying ngo de ni zhes bya ba la sogs pa gsungs te/ thugs rdo rje la sogs pa'i thugs ka'i phyag mtshan gyis lte bar snying po de zhes pa sngags kyi rang bzhin du gnas pa'o/ /zla ba rdo rje'i sbyor ba blta zhes bya ba ni mi phyed pa'i zla ba'i dkyil 'khor la gnas par blta ba'o/ /mtshon cha mchog gi zhes bya ba ni de'i 'od zer rnams kyis so/ /sngags kyi gzugs kyi tshul gyis ni zhes bya ba ni shes rab dang ldan pa rnams kyis rang gi dkyil 'khor la zhugs pa'i de bzhin gshegs pa rnams kyi tshogs cho ga bzhin du shes rab dang sbyor ba dang 'dra bar rang gi thugs sngags kyi rang bzhin du byas na/ de bzhin gshegs pa de rnams kyis byin gyis brlab po zhes bya ba'i don to/ /ji skad du snying po de'i 'od zer gyi tshogs kyis ni zhes bya ba la sogs pa smos pa yin no/ /de nas byang chub pa'i tshigs su bcad pa/ dpal ldan rdo rje thugs 'chang ba zhes bya ba la sogs pa brjod de/ de nas thugs de ste thugs rdo rje la sogs pa des drangs pas rgyal ba thams cad kyi bdag nyid can ye shes kyi gzugs kyis gcig tu gyur par bsgom pa ni nye bar sgrub pa zhes bya ste/ 'dis bsgrub par bya ba yin pas na sgrub pa ste sangs rgyas kyis chogs so/ /de'i rgyur gyur par nye bar gnas pas na nye bar bsgrub pa'o/ /'dir thugs la sogs pa byin gyis brlab pa ni nye bar sgru bar yin par bshad nub/? de bzhin gshegs pa rnams kyi sgrub pa'i rnam par dbye ba nyid bstan par bya ba'i phyir ji srid ces bya ba la sogs pa gsungs te/ mthong ba zhes bya ba ni byin gyis brlabs pa'i mtshan nyid do/ /sgrub pa rnam pa gnyis ni zhi ba'i sbyor ba dang drag po'i sbyor ba'o/ /de la dang por ni zhi ba'i sbyor ba nyid kyis 'dod pa thams cad la nye bar longs spyod pas zla ba drug gi bar du de bzhin gshegs pa rnams kyi sgrub pa la 'bad par bya'o/ /de ltar na yang 'grub par ma'i gyur na/ de'i tshe ji skad du bshad pa'i cho gas len gsum gyi bar du brtsams? par bya'o/ /gal te 'di tsam gyis kyang sgrub pa po la zhal ston par mi mdzad cing/ byang chub kyang mi 'grub na de 'i tshe le'u bcu pa la sogs pa las gsungs pa'i drag po'i sbyor ba'i cho gas bsgrub par bya'o/ /drag po'i cho ga gnyis ni le'u bcu bzhi pa las gsungs te/ der thugs rdo rje la sogs pa ni rigs de dang 'brel ba shes rab mthar byed la sogs pa ngar phur bus gdab par bya'o zhes bstan par bya ba'i phyir/ rigs kyi dbye ba zhes bya ba la sogs pa gsungs te/ rdo rje phur bus zhes bya ba ni 'og tu mdung rtse gcig pa la steng thabs dang shes rab kyi bdag nyid can gyi gzugs kyis so/ /de nas zhes bya ba ni drag po'i sbyor ba'i 'og tu dbang du bya ba la sogs pa'i sbyor ba dag kyang bya'o zhes ba'o/ /le'u dang bo las 'dod chags chen po'i t shul zhes bya ba'i ting nge 'dzin zhes bya ba la sogs par de bzhin gshegs pa thams cad bud med kyi gzugs su bcom ldan 'das kyi sku las mngon par byung bar gyur to zhes gsungs pa de'i 'og tu de rnams kyi bud med kyi gzugs nyid kyis le'u dang por rig pa la rab tu nugs par yang shes par bya'o zhes bstan par bya ba'i phyir 'dod chags chen po'i tshul zhes bya ba la sogs pa gsungs te/ 'dod chags chen po'i tshul zhis bya ba'i ting nge 'dzin gyis ye shes kyi 'khor lo can te/ sangs rgyas rnams yang dag par bsdus nas de yongs su bsdus pa'i ngo bo nyid spyan la sogs pa lha mo dgu'i gzugs su spros nas/ bsgrub par bya ba zhes bya ba rang rig pa'i nang du chung par bsgom zhes bya ba ste/ ji skad du dum chog tu rjes chags phun tshogs dpag med kyis zhes bya ba la sogs pa smos pa yin no/ /da ni ye shes kyis bdud rtsir gyur pa las spyan la sogs pa rnams kyis bskul ba'i glu dang/ bcom ldan 'das yang dag par blang ba'i mchog gis bsnyen pa bstan par bya ba'i phyir yongs su gyur pa zhes bya ba la sogs pa gsungs te/ yongs su gyur pa zhes bya ba ni zur bzhir 'khor ba'i tshul du gnas pa'o/ /phyag rgya bzhi'i dkyil 'khor zhes bya ba ni spyan la sogs pa lha mo bzhi ste/ gnas der bstan par bya'o/ /bdag nyid dbus su gnas byas la zhes bya ba ni bdag nyid zla bzhu ba'i gzugs su lha mo rnams kyi dbus na 'dug par byas pa'o/ /'khor lo can kun zhes bya ba ni sangs rgyas rnams so/ /bsdu bar bya zhes bya ba ni bdag nyid kyi nang du bsgom par bya'o/ /de nas thams cad rdo rje'i dngos por bdag nyid byas la/ byang chub pa'i bdag nyid can du bsgoms nas lha mo de rnams kyis 'di ltar bskul ba'i glu dbyangs kyis bskul bar gyur par bsam mo/ /dus gsum rdo rje'i rang bzhin sems zhes bya ba la 'das pa la sogs pa'i rdo rje'i ngo bo nyid kyi sems ye shes la bu ste/ ye shes dang 'dra ba lus kyis bdag nyid can te/ thabs dang shes rab kyis ngo bo nyid kyi lus su bgom? par bya'o zhes bya ba'i don to/ /las dang rjes su mthun par kha dog la sogs pa'i rnam par dbye bar 'gyur ro zhes bstan gpar bya ba'i phyir ro/ /dregs par zhes bya ba la sogs pa smos te/ skuh mdog de nyid cung zad tsam gyi khyad par yod par bya'o zhes bya ba'i don to/ /nyams kyis zhes bya ba ni khro bo la sogs pa'i nyams kyis thugs phye ba ste/ nang dang phyi rol du khro bo la sogs par gsal bar mngon par snang bar 'gyur zhes bya ba'i don te/ de lta mod kyi nang du bsal la phyi rol 'bar ba'i bdag nyid yin par blta bar bya'o/ /dbang bskur bas ni rang gi rgyu zhes bya ba ni dbang bskur bas rang gi rgyu ste/ rigs kyi bdag po 'byed par 'gyur zhes pa ste/ mgo bo na gnas pas rgyu phye bar 'gyur ro zhes bya ba'i don to/ /'bras bu che ba yin zhes bya ba ni 'bras bu yang bzhi'i tshul gyis 'bras bu phye bar gyur pa yin te/ de dag gi rgyu dang 'bras bu dag gi cha rnam par bzhag go zhes bya ba'i bar du'o/ /sngags kyis chos ni 'byed 'gyur la zhes bya ba ni rang gi sngags kyis chos zhes bya ba rang gi shes rab bskyed pa ste/ de bzhin rang gi lta 'dra rang snying pos zhes bya ba la sogs pa smos pa yin no/ /rig pa yang chos kyi phyag rgyas so zhes bya ba ni/ chos kyi phyag rgya ni ye shes kyi lha mo ste/ des rig pa 'byed de/ shes rab kyi snying khar ye shes sems dpa' bud med kyi gzugs su 'dzin pa ste/ de lta mod kyi skyes pa'i gzugs kyis gnas pa gsal ba ste/ des na 'di ltar thabs kyi cha las shes rab bye brag tu 'gyur ro zhes bya ba'i don to/ /gtsug tor mnyes par bya bar grags zhes bya ba la/ gtsug tor la sogs pa'i sgra'i don bstan par bya ba'i phyir/ 'khor lo sgyur ba zhes bya ba la sogs pa gsungs te/ 'khor lo sgyur ba'i de bzhin gshegs pa drug po de nyid ni gtsug tor zhes bya ba'i sgras bshad do/ /rgyal po zhes bya ba ni shin tu rnam par mdzes pas na de nyid la rgyal po zhes bya ba'i don to/ /longs spyod bzhi zhes bya ba ni spyan la sogs pa bzhi ste/ de ni rig pa'i rgyal mo zhes bya bar bshad do/ /rdo rje'i bdag bo rnams ni gzugs rdo rje la sogs pa ste/ de ni 'dod pa thams cad ces bya ba'i sgras brjod pa yin par shes par bya'o/ /da ni sku la sogs pa'i dbang bskur ba thams cad ni bsam gtan nyid kyis bya ba mchog yin gyi/ phyi'i tshul gyis ni ma yin no zhes bstan par bya ba'i phyir/ thams cad bsam gtan 'khor lo yis zhes bya ba la sogs pa gsungs te/ dbang bskur ba'i mthar thugs pa'i mchog gi sbyor ba 'dis ji ltar mngon par 'dod pa'i sku la sogs pa'i lta'i gzugs rnam par bsgoms la/ shes rab dang lhan cig gnyis su med par bya'o zhes ston te/ cho ga'i sbyor ba 'di yis bya ba la sogs pa la/ ye shes kyis zhes bya ba ni rig pa dang do/ /de ltar sngar bshad pa'i tshul gyis rig pa dang bdag du ldan par bskyed la/ dkyil 'khor dbyud bar bya'o zhes bstan par bya ba'i phyir/ sngar bshad pa'i zhes bya ba la sogs pa gsungs te/ rig pa dang ldan pa'i skyes bus rdo rje gsum byin gyis brlab pa nas rjes su chags pa'i mthar thug pas bdag nyid rab tu bsgrubs la/ bdag dang 'dra bar dkyil 'khor gyi lha rnams dbyung bar bya ste/ sgrub pa chen po'i mthar thug pa'i bar du'o/ /bdag nyid bstan par bya ba'i phyir bsnyen pa'i dus su zhes bya ba la sogs pa gsungs te/ mchog gi bsnyen pa'i dus su gtsug tor chen po zhes bya bar sangs rgyas gang yang rung ba'i gzugs su dmigs so/ /sbyor bzhes bya ba ni chung du dang 'bring dang ting nge 'dzin rgyu thun pa la sogs pa'i rim gyis rjes su chags pa'i mthar thug pa'i dbang po'i sbyor ba byas pa dang/ thun mong gi bsnyen pa'i rgyu mchog gis byed pas rgyu thun gyis 'bras bu byas pa'o/ /nye bar sgrub pa ni bdud rtsi 'khyil ba'i bar gyi lha thams cad kyi mig la sogs pa byin gyis brlab ba'i mtshan nyid can rnam par smin pa'i 'bras bu bya'o/ /de ltar sgrub pa yang skyes bu byed pa'i 'bras bu la/ dkyil 'khor ba'i lha rnams kyi bdud rtsi 'khyil ba'i bar thams cad la cho ga shes pa'i sngags pas rang gi lha'i sbyor ba ste/ thugs byin gyis brlab pa la sogs pa bya'o/ /de nas dbang gi 'bras bu ni sgrub pa chen po'i dus su bdud rtsi 'khyil ba nyid kyi bar gyi lha thams cad kyi dbu rgyan la rang rang gi bdag po'i sangs rgyas kyi sku cho ga bzhin du sngags pas bzhag par bya'o/ /de ltar nye bar sgrub pa la sogs pa'i bdag nyid can gyi rab tu dbye ba gsungs nas/ phan yon bstan par bya ba'i phyir/ 'di ni rdo rje can kun dang zhes bya ba la sogs pa gsungs so/ /de lta bu'i thabs kyi rnam par dbye ba rnal 'byor bas shes par byas la/ dngos grub mchog bsgrub par bya'o zhes pa'o/ /sangs rgyas skyob pa rnams kyi yang zhes bya bar shes par bya'o/ /da ni mchog gi bsnyen pa gnyis bstan par bya ba'i phyir/ bsgrub bya sgrub par zhes bya ba la sogs pa gsungs te/ bsgrub par bya ba dang/ sgrub pa dag ni pad+ma dang/ /rdo rje dag yang dag par 'dus pa gang yin pa de ni bsnyen pa zhes bya bar bshad de/ /dngos grub mchog gi rgyur gyur ba'i phyir ro/ /de bzhin du nye bar sgrub pa la sogs pa'i yang dbye ba gzhan dag bstan par bya ba'i phyir/ rdo rje pad+ma zhes bya ba la sogs pa gsungs te/ /rdo rje pad+ma dang lhan cig yang dag par zhugs pa'i 'og tu yang dag par reg pa gang yin pa de ni nye bar sgrub pa zhes bya ba ste/ 'og nas bshad pa'i sgrub pa dang nye ba'i phyir ro/ /yang de dag nyid gang yin pa yi ge hUM las bskyed ba dag rnam par 'byin pa'i yi ge phaT kha dog ser pos bkag la/ las kyi khyad par gyi ngo bo bskyed pa de ni sgrub pa zhes bya bar bshad de/ 'dis bde ba chen po bsgrub pa yin pa'i phyir ro/ /de'i 'og tu ngo bo nyid kyis gnyis su med pa'i bdag nyid can du gyur pa spros ba rnams dang bral bas zhe ba'i bde ba chen po gang skye bar 'gyur ba de ni bsgrub pa chen po zhes bshad de/ /dngos grub chen po'i ngo bo nyid yin pa'i phyir ro/ /de lta bu'i thabs kyi bsnyen pa la sogs pa bzhi bshad nas/ da ni thabs las byung ba ji lta bu zhes bya ba 'di'i lan bstan par bya ba'i phyir/ dpal ldan sangs rgyas kun gyi bdag ces bya ba la sogs pa gsungs te/ phun sum tshogs pa thams cad dang ldan pa'i rdo rje 'dzin pa chen po de nyid ni sangs rgyas kyi thabs las byung ba yin te/ de ci'i phyir zhe na/ de nyid ni chos rnams kyis chos nyid gnyis su med ba thugs su chud pa'i ngo bo nyid gang yin pa de nyid la rdo rje 'dzin pa zhes bshad do/ /de bas na de nyid ni bsgrub par bya ba yin no zhes bya ba'i don to/ /bka' ni ji ltar bsgo par bgyi zhes bya ba'i lan bstan par bya ba'i phyir/ las dang rjes su mthun gang gis zhes bya ba la sogs pa gsungs so/ /las kyi mchog gis tshogs rnams ni/ sna tshogs ji ltar byed par 'gyur zhes bya ba 'di'i lan bstan par bya ba'i phyir bsgrub bya'i las gang yin pa la zhes bya ba la sogs pa gsungs te/ 'di dag gnyi ga yang bdag gis ma bshad do/ de ltar zhus pa thams cad kyi lan 'di rnams kyis byang chub sems dpa' rnams kyi the tshom rnams bcad nas/ de bzhin gshegs pa thams cad rang gi sku la sogs pa dang/ ngo bo nyid gcig pas bzhugs pa'i rdo rje 'dzin pa la/ rang gi sku la sogs pa la dmigs nas cang mi gsung bar gyur to zhes bstan par bya ba'i phyir/ de nas bcom ldan 'das zhes bya ba la sogs pa gsungs te/ rdo rje 'dzin pa'i mthus de rnams kyi ye shes phul du byung ba yin la/ de bas na 'di ltar de nyid la dmigs nas bzhugs so zhes bya bar dgongs so/ /de nas byang chub sems dpa' sems dpa' chen po rnams kyang dga' bar gyur nas/ de bzhin gshegs pa de dag thams cad ji lta ba bzhin du bzhugs pa la zhugs pa'i sku la sogs pa'i de zo'i? stan pa'i mdzad pa la/ bstod par byed par bstan par bya ba'i phyir/ de nas zhes bya ba la sogs pa gsungs te/ thams cad mdzad ces bya ba ni sngar bshad pa'i srog gcod pa la sogs pa'i las byed pa'i rnal 'byor ba rnams kyis sku la sogs ba'i mi byed pa'i ngo bo nyid kyis las sna tshogs pa byed de/ sku la sogs pa'i ngo bo nyid de bzhin gshegs pa rnams yin te/ de bas na 'di ltar las thams cad byed par gyur pa yin no/ /de'i phyir sku gsung thugs ni zhes bya ba la sogs pa gsungs te/ sems can thams cad kyi lus la sogs pa rnam par dag pa yin pas rnam par snang mdzad la sogs pa'i ngo bo nyid kyi sku dang gsung dang thugs nyid thob pas sems can thams cad nyid mi mnyam ba ste/ thun mong ma yin pa'i sangs rgyas nyid dang mnyam pa yin te/ ji skad du so so'i skye bo rnam par dag pa dang/ de bzhin gshegs pa'i rnam par dag pa 'di ni gnyis su med do zhes gsungs so/ /gnyis su med pa'i dgongs pa nyid bstan par bya ba'i phyir/ bsgrub bya gang yin zhes bya ba la sogs pa gsungs te/ de'i don ni 'di yin te/ bsgrub par bya ba dang sgrub pa po nyid ni 'ga' yang med mod kyi/ 'on kyang gnas skabs tsam las de 'khrul pa tsam du bzhag pa yin gyis/ dngos su sems can thams cad ni rnam par snang mdzad la sogs pa de bzhin gshegs pa'i ngo bo nyid yin te de lta bu'i tshul gyis gnas na/ sgrub pa po gang srog gcod pa la sogs pa'i las rnams byed pa de ni sangs rgyas thams cad nyid kyang bcom par byas pa yin no/ /sangs rgyas thams cad rnam par bcom pa des gti mug can 'di sdig pas gos bar ji ltar mi 'gyur/ gal te sdig pas gos par gyur na/ de'i tshe 'bras bu mdon par byang chub pa'i mtshan nyid du gyur par yang gang zhig yin zhes dris pa dang/ da ni de bzhin gshegs pa de rnams gyis legs so zhes bya ba sngon du 'gro ba'i rjes su dgyes par gyur nas/ de nas zhes bya ba la sogs pas 'di'i lan gsungs te/ bsgrub pa po de nyid ni slob dpon te/ sangs rgyas kun ni dkyil 'khor du gtogs pa ste/ de'i bdag po'o/ /de bas na dpal ldan no/ /de lta bu'i byang chub kyis rdo rje can gyi dngos bo thams cad sgyu ma lta bu'i tshul gyis 'byin pa dang/ sdud pas na tha dad pa'i blos ni ma yin pa'i phyir ro/ /bskyed dang bsdud par mdzad pa po'i/ /de bas na rmi lam dang 'dra ba'i tshul gyis las thams cad byed do/ /rgyu des na slob dpon de'i sdig par mi 'gyur te/ de dang 'dra bar bsod nams su ? mi 'gyur ro/ /de bas na 'di ltar bsod nams dang sdig pas mi gos te/ de'i phyir 'bras bu yang byang chub pa'i mtshan nyid can du 'gyur ro zhes bstan par bya ba'i phyir/ gang la sdigs dang bsod nams med ces bya ba la sogs pa gsungs te/ phyi rol gyi lta? ba dang bral bas sdig pa dang/ bsod nams su mngon par rlom pa med pas de'i byang chub rdzogs par 'gyur ba nyid yin no zhes bya bar dkod so/ /de bas na 'di ltar mgon po de'i zhes bya ba la sogs pa gsungs te/ mgon po de'i zhes bya ba ni slob dpon des lus can thams cad tha mi dang pa'i blos bslu ba ni 'dul bar mdzad pa ste/ gzhan yang las gang yang rung ba zhig byed par 'gyur la/ des bslu ba la sogs pas mgon po rnal 'byor ba de ngan 'gror skye bar mi 'gyur zhing sdig par mi 'gyur gyi/ blar zhid de bzhin nyid kyi sbyor ba la bslabs pas byang chub nyid rnyed sla bar 'gyur ro/ /lus can ma rig pas ldongs pa de rnams kyang rnal 'byor pa des ji skad du bshad pa'i 'bras bu chen po'i mchog 'thob par 'gyur ro zhes bstan par bya ba'i phyir/ sngon ni zhes bya ba la sogs pa gsungs te/ sngon shin tu mi bzad pa'i sdig can gyi las byas pas skye bo rnams dmyal ba'i sdug bsngal du skyes pa de'i tshol/ dmyal ba de rnams kyi dmyal ba dang/ mtshams med pa rnams kyi yang 'bras bu chen por 'gyur ro zhe na de ni ma yin te/ de bzhin du gyur pas sgrub pa po'i snying rje chen po dang ldan pa ji lta ji ltar gsungs pa'i cho gas rnam par 'jig par byed pa'i 'bras bu chen po'i sdig pa dang bral ba la sogs pa'i mtshan nyid can 'byung bar 'gyur te/ ji skad du le'u dgu pa las kyang mi bskyod sangs rgyas zhing dag tu/ /rgyal ba'i sras de skye bar 'gyur zhes bya ba la sogs pa gsungs so/ /cho ga gang gis yus can rnams bsgrub par bya ba de nyid bstan par bya ba'i phyir/ byang chub rdo rje zhes bya ba la sogs pa gsungs te/ byang chub rdo rje zhes bya ba slob dpon gyis sngags la sogs pa dang ldan pa'i gnyis su med pa'i bdag nyid can gyi ye shes kyis phyag rgyas btab cing/ yang dag par sbyar nas sgrub tu rung bar 'gyur ro/ /de ltar bsgrub par bya ba'i yan lag gi ngo bo nyid bstan nas/ sgrub pa po'i yan lag kyang bstan par bya ba'i phyir/ tshar gcod pa dang zhes bya ba la sogs pa gsungs te/ sbyor ba nges sems can de rnams la mchog tu phan btags pa shes par bya ste/ sbyor ba 'di lta bus lus can 'di rnams kyi dgos ba'i mchog tu 'gyur ro/ zhes shes par byas la ci rigs par las rnams byed pa'i rnal 'byor ba rnams ni snying rje chen po dang ldan pa yin no zhes bya bar dgongs te/ ji skad du gang gis snying rje mnyams pa/ de yis las 'di bya bar 'os zhes gsungs bas so/ /de bas na de ltar shes par byas nas bdag nyid chen po des gcod pa dang rjes su gzung ba'i las rnams bya'o/ /rnal 'byor pa de thams cad rtsom pa ni ci zhig bya zhe na/ sgrub pa chen po zhes bya ba la sogs pa gsungs te/ snying rje'i sems bskyed pa nas brtsams te/ mchog gi sgrub pa chen po'i mthar thug pa'i bar gyi las rnams byas la/ sgrub pa chen po dkyil 'khor rdzoD bar gyur nas/ de'i 'og tu las kyi mchog gi ting nge 'dzin gyis ji ltar mngon par 'dod pa'i las rnams bya'o zhes bya bar dgongs so/ /da ni de de bzhin gshegs pa rnams kyi thugs rje chen po'i tshul dang ldan pa'i chos thos pas/ byang chub sems dpa' rnams legs so/ zhes bya ba la sogs pa sngon du 'gro bas ji ltar gsungs pa'i don gyi rjes su smra bar byed pas bstan pa'i phyir/ de nas zhes bya ba la sogs pa gsungs te/ sangs rgyas nyid kyi 'bras bu stsol zhes bya ba ni ji skad du bshad ba'i cho ga phun sum tshogs pa'i nus? pa'o/ /da ni byang chub sems dpa' rnams ji skad du bshad pa'i dngos po la zhugs pa de nyid du mkhyen nas/ de bzhin gshegs pa rnams de nyid bstan par bya ba'i phyir/ de nas zhes bya ba la sogs pa gsungs te/ byang chub rdo rje las byung ba zhes bya ba ni/ rang rig pa tsam gyi ngo bo nyid rdo rje 'dzin pa sngar gyur pa ni zhes sdang rdo rje la sogs pa bdag nyid chen po rnams te/ de nas sngags kyi rgyun sdud pa spang zhing dor bar mi bya ste/ zhe sdang gi las la sogs pa 'di dag thams cad kyang so so rang rig pa nyid kyis rnam par dag pa yin no zhes bya bar dgongs so/ /da ni rgyud kyi don thams cad bstan pa'i sgo nas/ de bzhin gshegs pa rnams la byang chub sems dpa' rnams kyis bstod par bstan pa'i phyir/ de nas zhes bya ba la sogs pa gsungs te/ dus gsum rdo rje thugs yin zhes bya ba ni 'das pa la sogs pa'i sangs rgyas rnams kyi thugs yin pa'o/ /srid dang thar gyur zhes bya ba ni mi gnas pa'i mya ngan las 'das pa'i bdag nyid can no/ /nam mkha' dag pa'i ngo bo nyid ces bya ba ni dmigs su med pa'i nam mkha' bzhin no/ /ci'i phyir zhe na/ sangs rgyas la sogs pa zhes bya ba la sogs pa gsungs te/ 'dis ni bcom ldan 'das rdo rje 'dzin pa spros pa med pa'i tshul gyis nyid kyi don phun sum tshogs pa la phyag byas pa'o/ /spros pa'i bdag nyid las gzhan gyi don gyi sgo nas kyang phyag bya ba bstan pa'i phyir/ gang zhig gzugs dang zhes bya ba la sogs pa gsungs te/ 'dir rnam par shes pa'i bar gyis ni phung po lnga bstan la/ skye mched drug ni chos kyi skye mched kyi bar du'o/ /dbang po drug ni yid kyi dbang po'i mthar thug pa ste/ de dag gis ni skye mched bcu gnyis gsungs pa yin no/ /sa chu la zhes bya ba la sogs pas ni 'byung ba lnga ston to/ /de'i don ni 'di yin te/ gzugs kyi phung po la sogs pa lnga ni rnam par snang mdzad la sogs pa'i ngo bo nyid do/ /gzugs kyi skye mched la sogs pa bcu gnyis gzugs rdo rje la sogs pa'i ngo bo nyid do/ /sa la sogs pa rnams ni spyan la sogs pa nyid rnam par dag pa ste/ de dag thams cad ni byang chub kyi sems rdo rje dang 'dra ba nyid du rgya che zhing yangs pa ste/ sbros ba'o zhes bya ba'i bar du'o/ /de pas na de dag thams cad la lus dang dag yid kyi bdag nyid can gyi bya ba rnam pa gsum gyis rtag tu phyag 'tshal lo zhes bya'o/ /gti mug la sogs pa rnam par dag pa'i tshul gyis kyang phyag bya bar bstan pa'i phyir/ gti mug ces bya ba la sogs pa gsungs te/ nyes pa zhes bya ba'i sgras ni zhes sngar gsungs so/ /rdo rje chos can zhes bya ba ni 'dod chags rnam par dag pa'i ngo bo rdo rje chos la bya bar mngon par 'dod do zhes zar ro/ /'dir khro bo'i sgo nas kyang phyag byas pa yin par blta bar bya'o/ sbro ba la sogs pa'i sgo nas kyang bstan pa'i phyir/ spros dang zhes bya ba la sogs pa gsungs te/ sbros dang zhes bya ba ni spros pa'o/ /dga' ba ni sngad pa'o/ /rnam pa ni rang gi lha'i rnam pa'o/ mi 'gyur ba ni bstan par bya'o/ /rgyu ni rnam pa bye brag la slob pa'o/ /'bras bu ste de nyid bsal bar gyur pa dang/ rang bzhin du gtogs pa'i chos gang yin pa ci yang rung ba dang/ sems su gtogs pa'i chos gang yang rung ba dang/ de bzhin du gti mug dang/ zhes sdang dang/ 'dod chags dang/ sgrib pa ste/ nyon mongs pa ma lus pa'i ngo bo nyid yin la/ de dag thams cad rnam par dag pas ni rdo rje ste/ de bas na rdo rje 'dzin ba dang 'dra ba de la phyag 'tshal lo zhes bya ba'i ngon to/ /'di la sngar shes rab dang thabs las byung ba'i ngo bo nyid du gsungs pa gsang ba'i dbang bskur ba dang ldan par bsgom pa de yang rdo rje 'dzin pa dang 'dra bar bya'o zhes bstan par bya ba'i phyir/ gang zhig thog ma med dngos zhes bya ba la sogs pa gsungs so/ / yan lag bzhi'i sbyor ba nyid kyis bsgom par bya'o zhes bstan par bya ba'i phyir/ gang zhig dngos grub mchog gi ces bya ba la sogs pa gsungs so/ /thun bzhir bsgrub par bya'o zhes bstan par bya ba'i phyir/ gang zhig thun bzhe zhes bya ba la sogs pa gsungs te/ mi snang ba la sogs pa ni lha la sogs pa'o/ /mchog dang dman bsgrub ces bya ba ni dngos grub mchog dang tha ma grub ste/ 'dis ni rig pa 'dzin pa la sogs pa grub pa'i sgrub pa pos kyang rim gyis sangs rgyas nyid la sogs ba'i dngos grub kyi rgyur 'gyur ro/ zhes ston pa yin no/ /gsang ba 'dus pa'i rgyud nyan pa la sogs pa dang ldan pa rnams kyang sangs rgyas kyi sa bon legs par thob pa yin pas phyag bya bar 'os par bstan pa'i phyir/ gang zhig zhes bya ba la sogs pa gsungs so/ /gang yang 'khrul 'khor dang sngags la sogs pa dang ldan pas zhi ba la sogs pa'i las rnams grub par byed pa'i skye bo rnal 'byor gyi dbang phyug de yang dge ba'i bshes gnyen gyi mthus sdig pa'i las rnams dang bral bar gyur pas phyag bya bar 'os pa yin no zhes bstan par bya ba'i phyir/ gang zhig bsgrub bya zhes bya ba la sogs pa gsungs te/ 'khrul 'khor ni le'u bcu bzhi pa las gsungs pas so/ /sngags bshad pas zhes bya ba ni ji ltar rang gi sngags la sogs pas byin gyis brlabs te/ khyad par de rnams kyis zhi ba la sogs pa'i las kyi tshogs kyi phyogs ston pa yin no/ /gang yang de lta bur gyur pa'i slob dpon mthong ba dang/ ming thos pa la sogs par yang mngon par dga' ba de rnams kyang dad pa'i khyad par gyis/ mi dge ba'i las rnam par 'jig pas/ phyag bya bar 'os ba yin no zhes bstan par bya ba'i phyir/ gang gis gtso bo sgrub pa mthong zhes bya ba la sogs pa gsungs te/ sgrub pa po gtso bo zhes bya ba ni gnyis su med pa'i sbyor ba dang ldan pa'i slob dpon gyis te/ ji skad du gang zhig mthong dad ldan pa dang/ /thams cad du ni mchod gyur na/ /sangs rgyas thams cad mthong ba dang/ /mchod pa nyid du gyur pa yin/ zhes gsungs pas so/ /de ltar tshigs su bcad pa bcu po de dag gis ni bstod pa'i sgo nas/ rgyud kyi don rjes su bshad pa bstan nas/ da ni tshigs su bcad pa 'di dag nyid kyi don chen po ston pa'i phan yon bstan par bya ba'i phyir/ bstod pa'i tshig ni zhes bya ba la sogs pa gsungs so/ /gsang ba 'dus pa'i rgyud 'di thams cad ni rgyud gzhan rnams las mchog tu gyur pa yin no zhes bstan par bya ba'i phyir/ 'dus pa gsang ba las byung ba zhes bya ba la sogs pa gsungs so/ /de bzhin gshegs pa de rnams la sogs pa ji ltar gsungs pa'i de nyid kyi don mngon du bya ba'i phyir cang mi gsung bar gyur te/ zhes bstan par bya ba'i phyir/ de skad ces bka' stsal ba dang zhes bya ba la sogs pa gsungs so/ /de'i don 'di yin te/ sku dang gsung dang thugs rdo rje zhes bya ba ni rdo rje 'dzin pa'i sku9 rdo rje la sogs pa ste/ de bzhin gshegs pa rnams kyi nyid kyi sku dang/ gsung dang/ thugs la rang rig pa tsam nyid kyi de dang/ tha mi dad par bzhugs te/ de bzhin gshegs pa la sogs pa de rnams nyid la dmigs so/ zhes bya ba ste/ de bzhin nyid du de dang gcig pa'i ngo bo nyid du bskyed nas cang mi gsung bar gyur ba'o/ /'dir yang sku la sogs pa mang po nyid kyang/ tshig gcig par byas pa ni 'di rnams kyang phan tshun dbyer med par bya ba'i phyir yin te/ /lus la sogs pa 'di dag rang rig pa tsam du gnyis su med pa'i ngo bo de bzhin nyid gang yin pa de spros nas gsungs pa ni de nyid nges par byas pa yin no/ /de bzhin gshegs pa thams cad kyi ngo bo nyid kyi sku dang/ gsung dang thugs de'i bdag nyid can gang yin pa de nyid ni gsang ba'i/ /de bas na gsang ba 'dus pa'i rgyud du gsang ba thams ca ston pa'i rdo rje'i ye shes kyis byin gyis brlabs shing so sor shes pa gang nge yin pa 'di ni le'u bco brgyad pa ste de rdzogs so/ / //dad ldan rnams kyis dran pa'i rgyud ni 'dus pa 'di'i/ /nyung zad tsam gyis tshig gang yin pa bshad byas pas/ /bdag gi dge ba zla ba ltar snang gang thob pa/ /des ni 'gro ba rgyal ba'i lam mchog la gnas shog / dpal gsang ba 'dus pa'i 'grel ba slob dpon tha ga na'i zhal snga nas mdzad pa'o// // rgya gar gyi mkhan po a tsArya sh+rad+d+ha ka ra wa rmma dang/

CLOSE WINDOW