བོད་ཡིག

e-texts based on the ACIP/ALL Input

/ //rgya gar gyi mkhan po chen po rgyal ba mchog gi zhal snga nas dang/ bod kyi lo tsA ba dge slong shAkya brtson 'grus kyis zhus shing bsgyur te gtan la phab pa'o// //rim pa lnga'i bshad pa nor bu'i phreng ba bzhugs so// /rgya gar skad du/ pany+tsa kra ma TI ka ma Ni mA lA nA ma/ bod skad du/ rim pa lnga pa'i bshad pa nor bu'i phreng ba zhes bya ba/ dpal rdo rje sems dpa' la phyag 'tshal lo/ /rtag tu dgos pa'i rang bzhin bdag nyid 'gro ba gsum po thar bar rab brtson pa/ /dag cing gsal ba'i 'od kyi 'khor lo'i tshogs kyis nam mkha' kun tu 'gengs mdzad pa/ sgeg pa la sogs ro dang ldan pa'i lha mo rnams kyis rtag tu kun nas 'khyud/ /kun rdzob de nyid gnyis med dpal ldan rdo rje sems dpa' gang yin de la bstod/ /dpal ldan tshangs pa'i gnas sgom pa la dges shing de bzhin khams kyi rang bzhin can/ /rgyu ma rmi lam smig rgyu chu zla lta bu'i 'gro ba dag ni gsal mdzad pa/ /'dod chags thabs kyis dbang gis khams gsum ma lus pa dag 'dul phyir gzho nu ma'i/ /rnam pa shin tu mdzes pa 'dzin mdzad dpal ldan sangs rgyas spyan la sogs la bstod/ /gdul bar dka' ba'i gzugs sogs yul gyis nyams byas shing/ /longs spyod shin tu chags byed 'jig rten la gzigs nas/ /ngo bo nyid ni kun tu brten nas sbyong mdzad pa/ /gzugs rdo rje sogs rnal 'byor ma mchog la phyag 'tshal/ /bdag sogs lta ba'i tshogs kyis de nyid ngo bo bsgribs/ /khams gsum thugs rjes nam mkha' i khams mtshungs dri med pa'i/ /de nyid rin chen rnams kyis cig car spyod mdzad pa/ /byang chub sems tshogs de la rtag par bdag phyag 'tshal/ /dpag med sems can khams ni 'joms par byed 'dod dang/ /dgra bo mi mdza' mtshungs pa'i phung sogs bdud kyi tshogs/ /'gro bgegs thugs rjes skad cig gcig 'joms khro bcas pa'i/ /gshin rje mthar byed sogs gang de la phyag 'tshal lo/ /gang gi drin gyis mthar mdzad cing/ /bstan bcos ma lus rgya mtsho yi/ /pha rol phyin pa bla ma che'i/ /zhabs kyi pad+ma la phyag 'tshal/ /dang por thal mo sbyar byas nas/ /khyed la bdag ni gsol ba 'debs/ /mkhas rnams rtse gcig sems kyis ni/ /bdag nyid mnyam par bzhag min gson/ /gsang 'dus rgya mtsho chen po yi/ /snying po bkra shis rin chen mtshungs/ /rim pa lnga ni bdag gi tshig /cung zad sbyangs ldan spyod yul min/ /bdag ni 'jim gong la 'dzags nas/ /zla ba 'dzin par 'dod pa ste/ /mkhas pa blo gros cha rnams kyi/ /bzhad gang nyid du 'gyur mod kyi/ /'on kyang bla ma'i zhabs kyi ni/ /sku drin shin tu dam pa dang/ /lung gi man ngag cung zad kyis/ /rim don bdag gis dbye bar bya/ /rnal 'byor mchog dang rnal 'byor bla na med/ /thams cad bshad pa rnam bzhir gnas pa ste/ /sgra bzhin don du ston par byed pa yi/ /rmongs rnams bshad pas rgyud ni nyams par 'gyur/ /de phyir mdza' drug dang bshad pa/ /rnam pa bzhi la bsten byas nas/ /dpal ldan rim pa lnga pa ni/ /yang dag ji bzhin bdag gis bshad/ /dpal langkar gshegs pa'i mdo las lung bstan pa gsang sngags kyi tshul chen po thugs su chud pa bdag dang/ gzhan gyi don phun sum tshogs pa bsgrub pa la 'bad pa bskyed pa dpal 'phags pa klu sgrub kyi zhal snga nas kyi/ rim pa gnyis kyi rin po che'i mdzes pas rnam par spras pa'i dpal gsang ba 'dus pa'i rgya mtsho shin tu zab mo las bskyed pa'i rim pa ni sgrub thabs mdor bsdus pa la sogs pa rnams su bsdus so/ /shin tu dga' ba'i phyir gzhan dang thun mong ma yin pa rdzogs pa'i rim pa gtso bor gyur pa/ mdo sna tshogs dang rgyud kyi rgyal po'i snying por gyur pa dang rigs pa dang bcas pa'i rim pa lnga pa ni tshe dang brtson 'grus dang shes rab chung ba'i sems can rnams kyi don du mdor bsdus nas btus so/ /'di ltar rtsod pa'i dus su bcom ldan 'das kyis gsungs pa'i gsung rab lan lag dgu'i don rgyas pa da ltar gyi sems can rnams kyis thos pa dang bsam pa dang bsgom pa'i rim gyis gzung bar mi nus so/ / ci'i phyir zhe na/ sems can kha cig ni gzhan gyi dbang du gyur pa'i phyir te/ 'di ltar sems kyi rgyud 'dod chags la sogs pa'i nyes pa'i dbang du gyur pa/ /kha cig ni bud med kyi dbang po'i chu sgor nyam nga bar lhung nas nyin re zhing skye ba dang/ rga ba dang/ 'chi ba'i mtshan nyid kyi 'khor ba'i sdug bsngal la brten nas 'khyam zhing 'di ltar 'gro ba nas 'gro ba gzhan du kun tu 'khyam ste/ dmyal ba'i gnas nas yi dags gnas te de nas lha'i gnas su/ /dge ba zad nas lha'i srid pa la ni dud 'gro'i skye gnas su/ /slar yang dud 'gro'i skye gnas nas ni shi 'phos mi 'gro bar/ /dbang med las bskul 'gro ba shing rta'i 'khor lo bzhin du 'khor/ zhes gang gsungs pa'o/ /de bzhin du sdig pa'i grogs pos yongs su zin pa kha cig ni yul skad cig ma rnams la chags shing gzhan gyi dbang du gyur nas chos nyan pa'i skabs med pa ste/ byis pa dang ni lhan cig spyod/ /nges par ngan 'gror 'gro bar 'gyur/ /zhes gang gsungs pa'o/ /de bzhin du kha cig ni bza' ba dang btud ba la sogs pa tshol bar byed pa la brtsom par 'gyur ba phyogs bcur 'khyam zhing 'brel par gyur pas nor gyi don du sdug bsngal chen po myong bar gyur pa dag ste/ bsgrub dang bsrung dang bral ba'i sdug bsngal gyis/ /nor ni nor min mdza' yas shes par bya/ /nor chags blo can rnams ni brel ba yis/ /srid pa'i sdug bsngal grol skabs med do zhes gsungs so/ /de bzhin du rgyal po mnyes par byed pa la sogs pa la dga' ba'i blo can kha cig ni nyin mtshan du gnyid mi log par dus mda' bar byed pa dag ste/ rmongs pa 'dod pas bslus pa ni/ /nga rgyal don du bran nyid 'gro /du dang chung ma'i mched yin yang/ /lor yang mthong bar mi 'gyur ro/ /zhes bya ba la sogs pa gsungs pa'o/ /de lta bu gzhan gyi dbang bzhis zin par gyur cing 'dod pa ngan pa can dag ni/ rigs yongs su zin kyang bdag dang gzhan gyi don sgrub par byed nus pa ma yin te/ 'phags pa mdo sde brgyan las/ nyon mongs goms dang grogs ngan dang/ phongs dang gzhan gyi dbang nyid dang/ /rnam bzhi'i rigs la gnod byed par/ /mdor na shes par bya ba yin zhes bya ba la sogs pa gang gsungs pa'o/ /de nyid las 'di skad du/ kha cig gcig tu nyes par spyod pa yod/ /kha cig dkar po'i chos rnams spangs pa dang/ /kha cig thar min cha mthun dga' bar spyod/ /dge ba dman zhing rgyu dman pa yang yod ces gsungs te/ de lta bu'i mi khom pa'i sems can gyi khams la gzigs nas rab tu byed pa mdzad pa thugs rjes rim pa lnga pa la 'bad pa yin no/ /de yang rdzogs pa'i rim pa 'ba' zhig gtso bor byas nas bsdus pa yin no/ /'o na bsdus pa zhes bya ba ji lta bu zhe na/ smras ba mdo dang bshad pa dag tu don/ /rgyas par nye bar bstan pa dang/ /mdor bsdus gcig tu byas pa gang/ de bsdus mkhas pas shes par bya/ /bsdu ba de yang tshig gi don dang dag gi dang bsdus pa'i don gyi dbye bas rnam pa gsum du 'gyur ro/ /de la tshig rnams kyi don ni tshig gi don te/ rim pa lnga pa zhes bya ba la/ lnga zhes bya ba ni grangs brjod pa'o/ /rim pa zhes bya ba ni gong nas gong du khyad par du 'phags pa'i gnas skabs thob pa'i mtshan nyid do/ /ngag gi don ni rim pa lnga pa'i tshig gi brjod par bya ba'i rdo rje bzlas pa la sogs pa rnams te/ 'dir yang rdo rje ltar mi shigs shing so dang mchu la sogs pa'i g.yo ba spangs pa rnam par rtog pa mang cing rlung tsam gyis bzlas pa ni rdo rje bzlas pa'o zhes pa ni dag gi don to/ / sems kyi rnam par dag pa ni sems rnam par dag pa ste/ rnam par shes pa gsum dang rang bzhin gyi tshogs yongs su dag pa zhes bya ba ni sems rnam par dag pa'i dag gi don to/ /bdag gi ste 'dod pa'i lha'i rnam par sgyu ma lta bu'i ting nge 'dzin gyis de'i rang bzhin du bya zhing byin gyis brlab pa zhes bya ba ni bdag byin gyis brlab pa'o/ /yang na rang las te chos thams cad kyi rang bzhin 'od gsal ba las rnam par spro zhing byin gyis brlab pa ni bdag /byin gyis brlab pa zhes bya ste/ lnga pa de'i skyes bu'i tshigs bsdu ba byas nas bdag byin gyis brlab pa'i rim pa'i dag gi don to/ /mngon du phyogs par te/ mngon sum du thob par bya ba'i byang chub de kho na nyid bzhi pa gang las thob pa de ni mngon par byang chub pa'o/ /yang na mngon du ste dpa' i lhan cig skyes pa las dus phyis bla ma'i man ngag las thob par bya ba'i byang chub ste/ gang las dpe las byung ba'i lhan cig skyes pa thob pa de ni mngon par byang chub pa zhes bya ste/ mngon par byang chub pa'i dag gi don to/ /kun rdzob dang don dam pa la sogs pa'i mtshan nyid can gyi zung ste/ gnyis tha mi dad par 'jug pa'i zung du 'jug pa zhes bya ste/ zung du 'jug pa rim pa'i dag gi don to/ /dag ces bya ba ni ji lta bu zhe na/ smras pa/ des tshig dang lhan 'dres bcas dang/ /rgyan bcas yid du 'ong ba yi/ /tshig gi tshogs kyis brtsam pa gang/ /dag ces bya bar brjod par bya/ /brda sprod pa dag ni bya ba'i tshig gcig dang ldan pa'i tshig gi tshogs ni dag yin no zhes zer te/ de lta bu'i rnam pa can gyi dag gi don gang yin pa da ni gang gi don zhes bya'o/ /bsdus pa yang yin la don yang yin pas na bsdus pa'i don to/ /de la don bcu gcig gis rdo rje bzlas pa'i rim pa'i don bsdus te/ 'di lta ste rdo rje 'chang chen po'i bzlas pa dang/ sku'i bzlas pa dang/ gsung gi bzlas pa dang/ thugs kyi bzlas pa dang/ rin po che'i bzlas pa dang/ don yod pa'i bzlas pa dang/ khro bo'i bzlas pa dang/ 'dod chags kyi bzlas pa dang/ zhe sdang gi bzlas pa dang/ gti mug gi bzlas pa dang/ ma ning gi bzlas pa ste/ /nga rnams kyang 'og nas skabs su bshad par bya'o/ /sems rnam par dag pa'i rim pa'i ngan ni gsum gyis bsdus te/ 'di lta ste/ snang ba rnam par dag pa dang/ snang ba gsal pa rnam par dag pa dang/ snang ba nye bar thob pa rnam par dag pa'o/ /bdag byin gyis brlab pa ni gsum kho na te/ chos kyi sku'i bdag byin gyis brlab pa dang/ longs spyod rdzogs pa'i sku'i byin gyis brlab pa dang/ sprul pa'i sku'i bdag byin gyis brlab pa'o/ /mngon par byang chub pa'i rim pa'i don ni gsum gyi bsdus te/ 'dod chags rnam par dag pa dang/ 'dod chags dang bral ba rnam par dag pa dang/ 'dod chags bar ma rnam par dag pa'o/ /zung du 'jug pa'i rim pa'i don ni rgyu dang 'bras bu dag gis bsdus te/ rgyu ni nyan thos dang rang sangs rgyas dang byang chub sems dpa' dang/ gsang sngags kyi tshul gyis dbye ba rnam pa bzhi'o/ /de dag gi dbye ba mang po yang de nyid du bshad par bya'o/ /'bras bu yang rigs dang yon tan dang bya ba dang rdzas kyi dbye bas rnam pa bzhi ste/ mdor na 'jig rten gyi chos brgyad kyi dbye bas zhes bya ba'i tha tshig go /rgyas par ni de nyid du brjod par bya'o/ /da ni 'di dpyad par bya ste/ rim pa 'di rnams kyi so so'i thabs du zhe na/ brjod par bya ste/ rdo rje bzlas pa'i rim pa'i thabs ni rlung gi de kho na nyid dang/ sngags kyi de kho na nyid do/ /de la rlung rnams kyi de kho na nyid ni don dam pa'i rang bzhin te/ rlung gi de kho na nyid ces bya'o re gang zhe na yungs kar gyi 'bru phra mo'i tshad tsam gyi thig le'i gzugs te/ 'di ltar srog la sogs pa'i rlung lnga dang nye bar rgyu ba la sogs pa'i rlung lnga bde ba chen po'i dbang gis byang chub kyi sems kyi thig ler gyur pa rnams gsang ba'i snar 'dod chags kyi rigs can gyi sems can la bltos nas srog dang rtsol ba'i rim gyis steng dang 'og tu spro ba dang bsdu bas brtan par byed pa'i bsgom pa gang yin pa de ni 'dod chags kyi rigs can gyi rnal 'byor pa'i thig le'i rnal 'byor te dang po'o/ /de kho na bzhin du zhe sdang gi rigs can gyi sems can la bltos nas snying ga'i pad+ma'i lte bar thugs rdo rje'i sa bon gyi thig le la gsung gi sa bon dang sku'i sa bon gyis rim gyis thim par bya ste/ de nyid du rlung gi dkyil 'khor ma lus pa bkag nas spro ba dang bsdu ba'i rim gyis gzung ba ni zhe sdang gi rigs can gyis rnal 'byor pa'i thig le'i rnal 'byor ro/ /yang de bzhin du dkyil 'khor bzhi'i rim pa bzhin du 'od zer gyi 'khor lo dmar po la sogs pa spros nas/ g.yas dang g.yon dang gnyis ka dang/ dal bar rgyu ba'i bye brag gis sna'i rtse mor thun byed phyed kyi bar du thig le gzung ba ni gti mug gi rigs can gyi rnal 'byor pa'i thig le'i rnal 'byor ro/ /de bzhin du smin ma'i dbus dang lte ba'i dbus dag tu rin chen 'byung ldan dang don yod grub par grub pa'i rnal 'byor pa'i yang shes par bya'o/ /de dag thams cad gcig tu byas nas rlung gi de kho na nyid ces bya ste/ rdo rje bzlas pa'i rim pa'i thabs dang po yin no/ /sngags kyi de kho na nyid ces bya ba ni gnyis pa yin zhing de yang yi ge gsum ste/ a oM Agsum po 'di/ /mun pa stug po bzhin du 'gyur/ /sngon gyi rgyal po snyan pa'i gzugs tshig gi rang bzhin me long thob/ /de dag nye bar mi gnas kyang/ /rang nyid nyams pa med la ltos/ /de'i phyir spyod lam thams cad kyi 'jug pa'i rgyu'i gtso bo ni sgra kho na yin no/ /sgra de yang yi ge phyi mo bzhi bcu rtsa dgu'i rang bzhin can gyi bcom ldan 'das ma yin no/ /de yang lte ba'i gnas na srog ces bya ba'i rlung gi bskul bar 'byung ste/ nam mkha' i rlung las rab byung lus las ni/ /'byung zhing kha ru nye bar phyin pa'i sgra/ /gnas gzhan dag tu rab tu phye ba na/ /yi ge nyid 'gyu gang yin de'i sgra'o/ /de ni mi 'gyur tshangs pa mchog dang gtsang/ /phug na gnas par bram ze yang dag 'dod/ /de rab sbyor bas nges pa legs pa dang/ /mngon par thos pas skyes bus sbyor bar byed ces gang bshad pa'o/ /de lta bu'i yi ge'i phyi mo bcom ldan 'das ma zla ba dang nyi ma'i rang bzhin can 'od g.yas dang g.yon nas rgyu ba dang/ gnas brgyad du thugs nas dbyangs dang gsal bya'i dbye bas 'byung ste/ de skad du yang yi ge rnams kyi gnas brgyad de/ drang dang lkog ma mgo bo dang/ /lce yi rtsa ba so dang ni/ /sna dang rkan dang mchu'i gnyis so zhes 'byung ngo/ /'di ltar gnas brgyad las byung ba'i sde tshan brgyad ni rnam par shes pa brgyad pa'i rang bzhin dang/ rigs kyi yum bzhi dang/ rnam par snang mdzad la sogs pa bzhi'i rang bzhin yin zhing/ yi ge k+Sha ni mi bskyod pa'i rang bzhin yin no/ /sde tshan brgyad po de rnams kyang yi ge a la sogs pa dang po'i yi ge brgyad kyis bsdus pa yin no/ /de dag kyang bsdu na khams bzhi'i rang bzhin can gyi a dang ka dang ya dang sha dang bzhis bsdus pa yin no/ /de rnams kyang gsum du 'dus par 'gyur te/ a dang ka dang ya'o/ /de la yi ge a la sogs pa'i sde tshan ni bud med kyi rang bzhin te shes rab po/ /yi ge ka la sogs pa'i ma'i mthar thug pa'i sde tshan ni skyes pa'i rang bzhin te thabs so/ /ya la sogs pa'i yi ge ha'i mthar thug pa'i sde tshan ni ma ning gi rang bzhin te gnyis po 'dus pa'o/ /de nas 'dir 'di dpyad par bya ste/ / bud med dang skyes pa dang ma nings zhes bya ba ji lta bu zhig ce na/ de la kha cig ni nu ma skrar ldan bud med yin/ /kha spur ldan pa skyes bur brjod/ /de dag med pa gnyis pos bar/ /gang yin pa ni ma ning ngo zhes zer ba de ni mthad pa ma yin te/ gal te nu ma dang skra dang ldan pa nyid mo'i rtags yin na/ de'i tshe khri dang phreng ba la sogs pa rnams mo nyid ma yin par 'gyur to/ /de rnams la de med pa'i phyir ro/ /skra bregs pa'i tshogs dang ldan pa'i phyir sa yang bud med nyid du 'gyur te de ni 'dod do/ /bcos pa'i skra dang nu ma dang ldan pa'i cha byad 'dzin pa'i gar mkhan mo nyid du yin par thal bar 'gyur/ kha spu dang ldan pa skyes pa nyid yin na ni ri sgog la sogs pa yang de dang 'dra ba'i phyir skyes pa nyid du 'gyur ro/ / gnyis po spangs pa ma ning yin na sa yang ma ning nyid du thal bar 'gyur na mi 'dod de/ de ni mo'i rtags yin pa'i phyir ro/ /de bas na phyogs 'di legs pa ma yin/ kha cig ni chung ba dang che ba dang bar ma dag pho dang mo dang ma ning zhes bya ste/ de la chung ba ni stobs chung pa'o/ /de la che ba ni stobs che ba'o/ /stobs 'bring dang ldan pa ni bar ma ste/ de dag go rim bzhin rtags gsum gyi mtshan nyid yin no zhes zer ba de yang bden pa ma yin pa ste/ /gal te de lta bu'i mtshan nyid yin par gyur na/ de'i tshe bu mo gzhon nu ma'i skye bar gyur la de'i stobs skyes pa na pa nyid du 'gyur te/ 'dod pa ni ma yin no/ /de bzhin du rgud par gyur pa'i skyes bu rgas par gyur pa'i stobs zad pa ni bud med nyid du 'gyur te/ de ni bud med nyid du mi 'dod do/ /stobs 'bring dang ldan pa'i skyes pa 'am bud med nyid kyang ma ning nyid du 'gyur bas mtshan nyid 'di ni rigs pa ma yin no/ /kha cig ni skad phra ba la sogs pa ni bud med kyi rtags yin la/ skad sbom pa la sogs pa ni pho'i rtags yin zhing/ de gnyis ka spangs pa ni ma ning nyid kyi rtags yin no zhes zer na de yang 'dod pa ma yin te/ skyes bu mdze can gang yin pa de dag skad phra bar 'gyur bas de dag bud med nyid du thal bar 'gyur ro/ /de bzhin du bud med gzhan skad sbom pa gang yin pa de dag skyes pa nyid du 'gyur ro/ skad bar dang ldan pa ma ning nyid yin na/ rgyud mangs la sogs pa ma ning nyid du 'gyur te/ rgyud mangs la sogs pa ni rtags gsum car yin pa'i phyir mi 'dod do/ /sgrum ma dang bu gtsa' ba bud med kyi rtags yin no/ /zhes bya ba yang rigs pa ma yin te bud med mo gsham gang yin pa de skyes ba nyid du 'gyur ro/ /kha spur ldan pa skyes pa nyid kyi rtags yin no zhes bya ba ni 'khrul pa yin te/ bod kyi rigs kha cig la kha spu med pas de'i phyir/ de dag bud med nyid du 'gyur ro/ /gnas pa la sogs pa gnas pa'i rnal 'byor ma rnams kha spu dang byas pa'i phyir skyes pa nyid du 'gyur ro/ /de bas na bud med la sogs pa'i rtags kyi mtshan ma nyid la nges pa med do/ /kha cig ni rtags la khyad par med de/ rtags ni 'jig rten la brten pa'i phyir ro/ /zhes bya zer ba de yang rigs pa ma yin te gal te 'jig rten la brten pa nyid yin par khas len pa de'i tshe ci ste rtags rnams kyi rtags so sor nges pa yin te/ chu dogs dang khang ba la sogs pa'i sgra dag rtags su mtshan nyid yin pa bzhin du ci'i phyir 'dres par mi 'gyur/ de'i phyir mtshan nyid 'di thams cad ni 'khrul pa yin no/ de bas na/ 'dir rang gi grub pa'i mdza' 'di brjod par bya ste/ khyab par byed pa dang/ khyab par bya ba dang/ de gnyi ga'i rang bzhin can dag ni pho dang mo dang ma ning gi rang bzhin yin no/ /de bzhin du yang lhan cig skyes pa'i bde ba'i rang bzhin gyi sems kyi rgyud khyab par byed pa'i chos nyid kyi ngo bo nyid kyi dngos po thams cad la khyab par byed pa'i shes rab ni mo'i rtags nyid du tha snyad gdags so/ /lhan cig skyes pa de yi khyab par bya ba'i chos can nam/ skyes bu gang yin pa'i khyab par bya ba de ni skyes bu zhes brjod par bya'o/ /'di ni chos can dang chos nyid kyi tha snyad kyis sems can gyi 'jig rten la pho dang mo'i rtags kyi bye brag gzhag pa'o/ /de gnyis ka spangs pa'i bems po'i rnam pa can gyi snod kyi 'jig rten ni ma ning gi ngo bo yin no/ /dngos po bems po rnams kyi mo dang po'i sgra'i tha snyad gang yin pa de ni thog ma med dus kyi bag chags kyi dbang du byas pa'i rnam par rtog pa can gyi rnam par shes pas byas pa'i yin gyi don dam pa ni ma yin no/ /de ltar na shes rab dang thabs dang de gnyis spangs pa dag ni mo dang po dang ma ning dag yin no/ /de'i phyir shes rab kyi pha rol tu phyin pa'i rang bzhin can gyi dang po'i yi ges bsdus pa'i dbyangs kyi sde tshan bcu drug pa'i ngo bo ni bud med kyis rang bzhin gyis yi ge a'i nang du 'dus pa yin te/ khyab par byed pa yin pa'i phyir ro/ /gsal bya'i sde tshan ni khyab par bya ba nyid dang thabs kyi ngo bo yin pa'i phyir pho nyid yin te/ de nyid dbyangs med par brjod par mi nus pa'i phyir ro/ /de bas na yi ge hUM ni de dag sdud par byed pa'i ngo bo yin no/ /ya la sogs pa'i sde tshan thabs dang shes rab 'dus pas skyes pa nyid yin pa'i phyir de dag gis sdud bar byed pa ni yi ge aoM yin no/ /'di ltar de la tshad phyed dang gsum yod de a dang au dang ma'o/ de la yi ge a ni shes rab kyi cha'o/ /yi ge ma ni thabs kyi cha'o/ /de gnyis 'brel par byed pa'i bdag nyid yi ge au ste de'i phyir yon tan byas nas aoM du 'gyur ro/ /yi ge gsum po de dag ni sku gsung thugs dang khams gsum dang/ de bzhin gshegs pa gsum dang/ rtsa gsum dang/ sku gsum dang/ rtags gsum dang/ 'jig rten gsum dang/ khams gsum gyi rang bzhin yin zhing 'jug pa dang gnas pa dang 'byung ba'i bdag nyid can yin par shes par bya ste/ de lta bu'i sngags kyi de kho na nyid ces bya'o/ /'di ltar bcom ldan 'das rdo rje 'chang chen pos mos pa sna tshogs pa can gyi sems can gyi khams kyi bsam pa dang bag la nyal ba dang khams dang bag chags kyi dbye bas sngags bye ba stong phrag bdun bcu rtsa gnyis / gsungs pa de dag thams cad kyi rtsa ba ni dbyangs dang gsal bya'i bdag nyid can gyi yi ge phyi mo yin zhing/ de yang sngar bshad pa'i rim pas yi ge gsum gyi bdag nyid can kho na yin pas de'i phyir sngags kyi de kho na nyid ni yi ge gsum po kho na yin par brjod par bya'o/ /de yang 'jug pa la sogs pa'i rlung gsum du 'dus pa rgyu las 'bras bu nye bar brtags pa'i sgo nas 'jug pa la sogs pa rnams kyang sngags kyi de kho na nyid du brjod do/ /de yang rnam pa bzhi ste/ sngags btu ba dang/ sngags kyi brda dang/ don dang sngags kyi de kho na nyid do/ /de la sngags thams cad ni A li dang kA lis skyed pa yin te/ de bzhin du yang rlung gi gzhon pa dang ldan pa'i rnam par shes pa las rnam par rtogs pa 'byung zhing de las rlung rlung gnas rnams su thug pa las yi ge rnams 'byung ngo/ /yi ge rnams kyi tshig /tshig rnams kyi ngag ngag? rnams kyi ngag chen po la snyom? pa'i rim gyi rig pa'i gnas lnga la sogs pa'i rim pas chos gsung rab yan lag bcu gnyis kyi dbye bas chos kyi phung po brgyad khri bzhi stong 'byung ngo zhes bya ba ni sngags btu ba'o/ /sbrul dang mgo med dang btu ba dang/ mdza' med pa la sogs pa rnams kyi brda ste/ sngags rnams kyi brda 'di rnams las kyi bye brag las yin no/ /gzhan yang snying po dang/ nye ba'i snying po dang/ snying po skul bar byed pa dang/ sa bon dang/ phreng ba'i sngags dang/ rigs sngags dang gzungs la sogs pa rnams ni bzlas par bya ba la sogs pa bye brag kho na las sngags kyi brda yin par shes par bya'o/ /sngags kyi don ni bcom ldan 'das rdo rje 'chang ste spyi'i mtshan nyid yin no/ /yi ge aoM gyis rnam pa snang mdzad/ yi ge AswA hA dag ni don ni rin chen 'byung ldan dang don yod grub pa dag yin to/ gzhan rnams kyi don gyi dbye ba yang de bzhin du shes par bya'o/ /sngags kyi de kho na nyid ni de bzhin nyid dang/ stong pa nyid dang/ yang dag pa'i mdza' dang/ chos nyid dang dbu ma'i lam dang don dam pa zhes bya ba ste sngags kyi de kho na nyid do/ /'di ltar thams cad 'od gsal ba'i gnas las 'byung zhing de nyid du thim par 'gyur te/ bu ram gyi ni mngar dang me'i/ /tsha ba rang bzhin yin pa ltar/ /de bzhin kho nar chos rnams kyi/ /stong pa'i rang bzhin yin par 'dod/ /ces gsungs so/ /de nyid kyi phyir de kho na yongs su shes pa zhes bya ba ni sngags kyi mthu zhes bya ba ste/ de med na sngags rnams dang/ de las byung ba'i zhi ba la sogs pa rnams rtsa bzhin du cung zad kyang byed pa ma yin pa'i phyir ro/ /de skad du yang/ de nyid phyir na sngags rnams ni rtsa dag gis ni 'gugs pa'i rgyu/ /byed par yang ni mi nus pa'i/ /yi ge gzugs can mi 'dod do/ /zhes gsungs so/ /de skad du gzhan las kyang thub pa chen po chos rnams kyi/ /phung po brgyad khri bzhi stong dag /gang gi de nyid mi shes pa'i/ /de dag thams cad don med 'gyur zhes gsungs so/ /de bzhin du de kho na nyid khong du chud nas ni dngos grub 'grub bo zhes bya ba'i tshul 'dis sngags kyi de kho na nyid ni rnal 'byor pa rnams kyis blang bar bya ba yin no/ /'dir sbyor ba ni me gang zhig bud shing shin tu skam po'i rgyu las byung ba de dag ni bsreg pa dang 'tshod pa la sogs pa'i bya ba byed nus par mthong ba ltar 'od gsal ba'i de kho na nyid yang dag par khong du chud pa las byung ba'i sngags rnams ni zhi ba la sogs pa'i las byed pa yin no/ /zhes bya ba'i rang bzhin gyi gtan tshigs te/ sngags rnams kyi zhi ba la sogs pa'i las rnams ni 'od gsal ba'i de kho na nyid khong du chud pa tsam la rag lus pa yin pa'i phyir ro/ /me gang zhig bud shing shin tu skam po las byung ba ma yin pa de dag ni bsreg pa la sogs par nus pa ma yin pa de kho na bzhin du 'od gsal ba de kho na nyid du chud pa dang bral ba'i sngags rnams ni zhi ba la sogs pa'i las byed pa ma yin no/ /zhes bya ba ni chos mi mthun pa'i dpe'o de ni rdo rje bzlas pa'i rim pa'i thabs kyi rim pa'i bye brag yin no/ /sems rnam par dag pa'i rim pa'i thabs kyang gnyis te/ sngags kyi rim pa dang/ phyag rgya'i rim pa'o/ /de la sngags kyi rim pa zhes bya ba ni re zhig dang por chos kyi dbyings kyi 'khor lo rtsibs brgyad pa'i lte ba la gnas par dbyangs yig dang po bsgoms te de las byung ba'i 'od zer gyi 'khor lo dkar pos lus thams cad shin tu gsal byas nas de yongs su gyur pa'i aoM kha dog dkar po mgo bo la bkod de/ de'i rjes la pad+ma dang zla ba'i dkyil 'khor gyi steng na gnas pa'i yi ge a thig les mtshan pa der de las byung ba'i 'od zer gyi 'khor lo bskug la bzhug par bya'o/ /de'i tshe 'jug pa'i rnam par shes pa gnas gyur nas snang ba'i ye shes zla ba'i 'od zer lta bu'i skye bar 'gyur ro/ /de'i rjes la chos kyi dbyings kyi 'khor lo de nyid la nyi ma'i dkyil 'khor gyi steng du rdo rje bsgoms te/ de'i steng du yi ge dang po'i thig le gnyis kyi rnam par brgyan pa bkod nas/ de las byung ba'i 'od zer gyi 'khor lo kha dog dmar pos lus thams cad kun tu snang bar byas te/ de nyid kyis lkog ma'i phyogs su yi ge Adang ldan pa der gzhug par bya ste de'i tshe nyon mongs pa can gyi yid kyi rnam par shes pa yongs su gyur nas snang ba gsal ba'i ye shes nyi ma'i 'od zer rab tu gsal ba dang mtshungs pa skye bar 'gyur ro/ /de'i rjes la chos kyi dbyings kyi gnas 'khor lo dang/ sa bon dang mtshan pa bor ba spros pa med pa'i nam mkha' dang mtshungs pa de nyid du snying ga'i pad+ma'i lte ba'i steng du 'brug gi sgra dang ldan pa bkod la 'od zer gyi 'khor lo mtshams kyi sprin dang mtshungs pa bkug la/ de nyid du thim par bsam par bya ste/ de'i tshe thig le dang sa bon spangs pa nam mkha' sprin med pa lta bu mtshams kyi snang ba 'byung bar 'gyur zhing de'i tshe kun gzhi rnam par shes pa yongs su gyur nas snang ba nye bar thob pa'i ye shes skye'o/ /de'i rjes la mtshams kyi snang ba 'od zer log pa nam mkha' dri ma med pa dang mtshungs pa'i lhan cig skyes pa'i dga' ba'i rang bzhin gyi snang ba skye zhing de'i tshe snang ba gsum thob nas 'od gsal ba'i de kho na nyid skye bar 'gyur zhing/ de'i tshe sgrub pa po 'grub par 'gyur ro/ /zhes bya ba ni sngags kyi rim pa'o/ /phyag rgya'i rim pa zhes bya ba ni/ rang gi rigs dang rjes su mthun pa'i rigs lnga dang bsras shing legs par bslabs pa thas pa dang/ bsam pa dang bsgoms pa'i rim gyis phul du byung ba'i shes rab yang dag pa'i thob pa snying rje chen pos sems yang dag par bstan pa'i dam tshig gis phyag rgya blangs te/ skye bo med pa'i gnas su r ang gi 'dod pa'i lha'i nga rgyal dang ldan pa'i rnal 'byor dang rjes su rnal 'byor dang shin tu rnal 'byor dang rnal 'byor chen po byas pa'i rnal 'byor pas nang gi rim pa bzhin du bsnyen pa la sogs pa'i thabs kyi snyoms par 'jug pa sngon du 'gro ba'i pad+mar gzhug pa dang bskyod pa de bzhin gshegs pa rin chen 'byung ldan dang don yod par grub pa gnyis kyi sngags dag gis bya ste/ hUM dang phaT la sogs pa rnams kyis bskyed pa'i rim pa dang byin gyis brlabs pa byas nas/ srogs la sogs pa dgag pa 'am/ sngags dgod par char gzung bar bya ste/ de bzhin gshegs pa thams cad gzhug pa sngon du 'gro ba can gyi thig le tsam rdo rje'i rtse mor nges par gzungs la/ 'dod chags dang 'dod chags bral ba dang 'dod chags par ma spangs te/ lhan cig skyes pa'i dga' ba'i rnam grangs bde ba chen po dang/ 'od gsal ba dang/ zhi ba dang/ de kho na nyid la gnas nas ye shes dang rnam par shes pa thams cad yongs su zad par gyur pas de las byung ba'i rang bzhin brgya drug cu thim par gyur pa na/ ji srid rnal 'byor pas rnam par dag pa'i dga' ba rab tu gsal ba'i bdag nyid can gyis chos kyi sku'i rang bzhin dri ma med cing mdza' yas pa'i nam mkha' 'ba' zhig dang mtshungs ba'i lhan cig skyes pa'i bde ba nyams su myong ba'i bar du gnas par bya'o/ /de ni phyag rgya'i rim pa'o// gal te brgya la de lta bu'i phyag rgya ma rnyed na/ de'i tshe rang gi snying ga nas spros pa'i ye shes kyi phyag rgya shes rab kyi pha rol tu phyin pa'i rang bzhin can gyi bcom ldan 'das ma dang snyoms par zhugs te/ rim pa de nyid kyis sems rnam par dag pa goms par bya'o/ /phyag rgya med na rnal 'byor pas ji ltar de kho na nyid nye bar mtshon par 'gyur ba ma yin nam zhe na/ smras pa re zhig dbang gi dus su bde ba chen po nyams su myong nas/ de'i 'og tu mos pa de nyid sems la bzhag ste/ de dang 'dra ba'i phyag rgya bsgoms pa las de kho na nyid nyams su myong bar 'gyur ro zhes brjod par bya'o/ /mkhas pa dag ni rang rigs ba'i mngon sum gyis nyams su myong ba gang yin pa de ni tshad ma nyid yin pa'i phyir de kho na nyid grang ba/ ye shes kyi phyag rgya dang lhan cig skyes pa'i de kho na ni sngar nyams su myong ba'i rjes su dran pa yin pas dran pa ni don dam pa'i yul can yin pa'i phyir tshad ma ma yin pa ma yin nam/ don med pa'i yul can tshad mar khas len na ni/ ri bong dang rwa la sogs pa'i shes pa dang rnam par rtogs pa can gyi rnam par shes pa rnams kyang tshad ma yin par thal bar 'gyur ro/ /de nyid 'di yin no mnyam du do shes pa na bye brag med pa'i phyir tshad ma ma yin par rigs pa ma yin no/ /'o na de lta na ngo shes pa zhes bya na ji lta bu zhe na/ bdag gi ma ga d+har mthong ba'i ba lang gang yin pa de nyid ba lang yin no/ /snyam pa dang ma ga d+ha na gna pa'i 'bras sA lu de nyid 'di yin no/ /snyam pa'i ngo shes pa de ni mthad pa ma yin te/ sgra dang don dag 'gal ba'i phyir ro/ /'di ltar de zhes bya ba thams cad kyi sgra 'das pa'i dus brjod par byed par/ 'di zhes bya ba ni thab kyi nang gi tshogs mngon sum pa'i dngos po brjod pa'o/ /de'i phyir 'das pa'i dus dang da ltar gyi dus 'gal ba'i phyir khyad par gyi gzhi'i dngos po mi thad pas de nyid 'di yin no zhes brjod du mi 'dod pa nyid do/ /don dang 'gal ba yang ji ltar ma ga d+ha la sogs par zos pa'o mthong ba'i 'bras sA lu la sogs pa rnams kyi ro dang nus pa dang bye brag du smin pa gzhan yin zhing 'di na gnas pa rnams kyi yang gzhan kho na nyid yin no/ /'bras sA lu la sogs pa rnams la gzugs mtshungs pa tsam yod du zin kyang/ 'on kyang shin tu phra ba'i blo can gyi rtogs par byed pa pos dpyad pa na zhag drug cu'i 'bras la sogs pa dang/ 'bras dri zhim po la sogs pa'i bye brag bzhin du de rnams kyi khyad par 'ga' zhig gdon mi za bar nye bar dmigs par 'gyur pa kho na ste/ yul la sogs pa'i khyad par las/ /rdzas la nus pa tha dang snang/ /gcig mthong gzhan na de yod ces/ /nges par bya ba rung ma yin zhes bshad pa'o/ /gzhan yang rtogs pa po'i mngon sum na gnas pa'i dngos po gcig kyang skad cig ma yin pa'i phyir skad cig re re zhing rang bzhin gzhan dang gzhan 'dzin pa yin pa na/ yul dang dus la sogs pas bskal ba gzhan rnams lta ci smos de bas na dbang gi dus na thob ba'i de kho na nyid gzhan kho na yin zhing ye shes kyi phyag rgya dang snyoms par 'jug pa'i dus kyi de kho na nyid yin no/ /snyam pa'i des pa ma yin te/ ched ma ma yin pa'i de kho na nyid ma yin no zhes zer ro/ /de ni bden mod kyi dpe'i dus su nyams su myong ba de kho na nyid bla ma'i zhal sa nas kyi sku drin dang bsgom pa'i stobs kyis brtan par gyur pa de ni bsgom pa gom par gyur ba las bskal ba nas bskal pa stong gi bar du gnas par 'gyur te/ 'jig par mi 'gyur ro/ /ye shes kyi phyag rgya dang snyoms bar 'jug pa ni de'i lhan cig byed pa tsam yin gyi skyed par byed pa ma yin te/ de ni sngar thob pa kho na yin pa'i phyir ro/ /bsgom pa goms par byas pas las de 'phel bar 'gyur te/ dngos po bden pa ma yin pa rnams kyang mngon sum bzhin du mdun na gsal bar 'gyur na/ bden pa rnams ni smos kyang ci dgos/ byis pa rnams ni yang dang yang/ /'dir ni gang dang gang bsgom pa/ /bsgom pa'i stobs dang 'brel ba las/ /de dang de nyid mdun na snang/ /sbal pa ral ba ldan pa dang/ /'od bcas thal bar bskul ba dang/ /tshangs skud dkar po ldan pa dang/ /phrag pa spyi blugs bzhag pa bzhin/ /'dir mang brjod pas ci zhig bya/ /'ga' zhig gis ni bsgom byas na/ /khyi dang ri bong rta dag gis/ /mgo nas ra yang mthong bar 'gyur zhes gang bshad pa'o/ /de skad du gzhan las kyang/ 'dod dang mya ngan 'jigs dang myos/ /gnyid dang kun mas bslus gyur ba/ /mdun na kun tu gnas pa bzhin/ /rdzun pa dag kyang mthong bar 'gyur/ /zhes gang bshad pa'o/ /de'i phyir bsgom pa goms pa las de kho na nyid gsal bar rgyan chags su 'jug pa'i yon tan gyi khyad par dang 'brel ba'i phyir de ni mi brtan pa nyid ma yin no/ /yang na rnal 'byor gyi mngon sum gyi tshad ma bzhi pas nyams su myong bas gang yin pa de ni rab kyi mdza' las byung ba yin pa'i phyir dam tshig dang ye shes kyi phyag rgya gnyi ga dang snyoms par 'jug pa'i dus na yang shin tu gsal bar snang zhing rnam par rtog pa med pa yang yin pas nyes pa med do/ /ha cang thal ches pas chog go/ sems rnam par dag pa'i rim pa'i thabs kyi dbye ba bshad zin to/ /bdag byin gyis brlabs pa'i rim pa'i thabs ni gnyis te/ skad cig pa'i rnal 'byor dang/ snang ba nye bar thob pa la sogs pa'i dbye ba'i rnal 'byor ro/ /'di ltar yang sems rnam par dag pa'i rim pas thob pa'i don dam pa'i bden pa 'ba' zhig gis rang bzhin can gyi de k ho na nyid gang yin pa de la gnas pa'i rnal 'byor bas gang gi tshe gzhan gyi don bya bar mi nus pa de'i tshe sngon gyi bskyed pa'i smon lam gyi dbang gis rmi lam bzhin du snying rje chen pos sems can gyi khams skyangs med pa rnams la dmigs te/ 'od gsal ba las skad cig gis dbang po'i gzhu lta bu'i rnam pas mtshan dang dpe byad kyis brgyan pa'i dkyil 'khor pa rnam pa sna tshogs pa'i tshogs kyis yongs su bskor cing dkyil 'khor gyi bdag po gyur pas rnam par gnas par spro ste/ de las kyang dkyil 'khor gyi 'khor lo gzhan dang gzhan spros pas sdug bsngal gsum yi sdug bsngal bar gyur ba'i sems can gyi khams rnam par sbyangs nas bde ba can la sogs pa'i sangs rgyas kyi zhing rnams su rab tu bkod de slar bsdus nas/ rgyu ma dang smig rgyu la sogs pa rgyu ma'i dpe bcu gnyis dang mtshungs par rang dang gzhan la bltas la/ ji srid du bskal pa 'am bskal pa stong du sems can gyi don rgyun mi 'chad par byed pa de srid du gnyis su med pa'i chos nyid la gnas par bya ste/ de lta bu ni skad cig gi rnam pa'i rnal 'byor pa'i thabs te dang po'o/ /gnyis pas ni sngar ji lta ba bzhin du sems rnam par dag pa'i rim pas 'od gsal brtogs par byas te/ de'i rjes la snga ma bzhin snang ba nye bar thob pa'i ye shes mtshams kyi snang ba lta bu'o/ /de'i 'og tu nyi ma'i 'od zer rab tu gsal ba dang mtshungs pa'i snang ba gsal ba'i ye shes nyi ma'i dkyil 'khor lo gnas pa'i rdo rje'i steng du tsheg drag dang ldan pa'i dbyangs dang po blta'o/ /de'i rjes la pad+ma'i gdan la gnas pa'i zla ba'i dkyil 'khor la rjes su 'jug pa'i dbyangs dang bcas pa'i dbyangs yig dang po blta ste/ de'i 'og tu zla ba dang rdo rje la sogs pa'i thabs dang shes rab 'dus pa ye shes kyi sku phyag rgya bzhis rgyas btab pa bskyed par bya ste/ 'di ni thabs gnyis pa'o phyogs 'di la sgyu ma dang smig rgyu la sogs pa'i sgyu ma'i dpe bcu gnyis dang mtshungs pa'i lta ba ni khyad par yin te gzhan du na zla ba dang rdo rje la sogs pa'i rim pa bzhin du bskyed pa'i rim par thal bar 'gyur ro/ /gal te de ltar yin na rim pa 'di gnyis la khyad par ci yod ce na brjod par bya ste/ /bskyed pa'i rim pa'i rnal 'byor pas ni dang po'i sbyor ba la sogs pa'i ting nge 'dzin gyi rim pa dang/ rdo rje bzhi pos lha'i sku bskyed pa ni spros pas bsgrub par bya'o/ /rdzogs pa'i rnal 'byor pas ni zla ba la sogs pa bsgom du zin kyang/ 'on kyang sgyu ma lta bu'i ting nge 'dzin gyi zin par gyur pas spros pa phal cher ldog par 'gyur ro/ /zhes bya ba ni khyad par yin no/ /gal te yang de nyid la zhen par gyur na de'i tshe rdzogs pa'i rim pa las nyams par gyur nas/ bskyed pa'i rim pa'i rnal 'byor par gyur te/ de yang 'di nyid du bshad par bya'o/ /de ni bdag byin gyis brlab pa'i rim pa'i thabs kyi dbye ba'o/ / //mngon par byang chub pa'i rim pa'i thabs ni gnyis te/ phyag rgya'i rim pa dang/ ting nge 'dzin gyi rim pa'o/ /phyag rgya'i rim pa ni rnam pa gnyis te/ phyi'i mngon par byang chub pa'i rim pa dang/ nang gi mngon par byang chub pa'i rim pa'o/ /ting nge 'dzin gyi rim pa la yang rnam pa gnyis te/ ril por 'dzin pa'i ting nge 'dzin bsgom pa'i rim pa dang rjes su gzhig pa'i ting nge 'dzin bsgom pa'i rim pa'o/ /de la phyag rgya'i rim pa zhes bya ba ni/ chu dang cod pan dang/ rdo rje dang dril bu dang/ ming dang rjes su gnang ba dang/ lung bstan pa dang/ dbugs dbyung ba dang/ phyir mi ldog pa dang/ gsang ba'i dbang bskur ba thob par gyur nas/ slob ma thal mo sbyar gyur par/ dam tshig gi phyag rgya'i rigs dang/ rjes su mthun pa'i legs par bslabs shing legs par 'dus byas pa nas gzhom zhing sdom pa dang dam tshig gi pha rol tu phyin pa/ srod kyi dus su bla ma la yon du phul nas/ de la phyag 'tshal phyag 'tshal zhes/ bya ba la sogs pas tshigs su bcad pa dag gis mngon par bstod de/ de'i 'og tu khong stong khyod kyis sku la med ces bya ba la sogs pa tshigs su bcad pa rnams kyis gsol ba gdab par bya'o/ /de'i rjes la bla mas kyang de la snying rje chen pos bskyed nas de la sngags dang phyag rgya dang ting nge 'dzin gyis rim pas te/ sbyin par bya zhing des kyang de blangs la 'dod chags dam pa'i ting nge 'dzin gyi snyoms par 'jug pa'i bde ba nyams su myong bar byas te/ ldang bar bya'o/ /de'i 'og tu rdo rje slob dpon gyis kyang de la man ngag bzhi pa gsal bar bstan par bya ste/ s kyes bu khyod kyis bsgrub par bya ba dang sgrub par byed pa 'dus pa'i dus su phyir rol gyi byed pa sna tshogs pa'i byed pa dang 'khyud pa la sogs pa'i bya ba'i tshogs kyis dbang po 'khrug pa la sogs pa'i mtshan nyid can gyi bde ba nyams su myong ba de ni rnam pa sna tshogs pa'i skad cig ma'i bdag nyid yin zhing/ rnam grangs gzhan yang dga' ba dang snang ba'i ye shes zhes bya ba dang/ mtshan mo'i ngo bo dang/ shes rab kyi rang bzhin yin par shes par bya'o/ /de'i 'og tu khyod kyi rdo rje dang pad+ma ' dus pa las bskyod pa rtsom pa na dbang po'i rnam par rtog pa rnam zad par gyur nas rang rig pa tsam 'ba' zhig yid kyi rnam par shes pas rtog par bya ba'i bde ba nyams su myong ba gang yin pa de ni rnam par smin pa'i skad cig ma'i bdag nyid yin zhing mchog tu dga' ba'i bdag nyid dang/ snang ba gsal ba'i ye shes kyi rang bzhin dang/ thabs kyi ngo bo dang 'dod chags bar ma'i ngo bo yin par shes par bya'o/ /de nas yi ge phaT kyis sgras pad+ma'i sbubs kyi nang du byang chub kyi sems kyi thig le rgyun dag gis mchod pa byas pa gang yin pa de ni yid mi bde ba'i rang bzhin dang rnam par nye ba'i skad cig ma'i bdag nyid yin zhing/ rnam grangs gzhan yang dga' bral dang 'dod chags dang bral ba'i bdag nyid dang/ snang ba nye bar thob pa'i ye shes dang mtshams kyi rang bzhin yin par shes par bya'o/ /de'i 'og tu dbang po dang yul dang rnam par shes pa de rnams thams cad zad par 'gyur nas/ sgo dgu 'gag par gyur pa na/ srog la sogs pa rlung gi dkyil 'khor gcig tu gyur nas sems dang sems las byung ba dang bag chags phra mo'i dri ma thams cad rab tu zhi ba'i gnas su ro gcig pa'i dngos por gyur pa dang/ 'dod chags bral ba dang 'dod chags bar ma nus bar gyur nas/ so so rang rang gi rig par bya ba'i chos kyi sku'i rang bzhin thog ma dang tha ma med pa'i chos nyid kyi de kho na nyid thab par byed pa rnam pa sna tshogs la sogs pa'i skad gcig gi tshogs dang bral ba rdo rje rtse mor byang chub kyi sems kyi thig le 'ba' zhig tsam bzung ba la/ khyab par byed pa'i don dam pa'i byang chub kyi sems kyi de kho na nyid yongs su shes pa'i mtshan nyid can gyi lhan cig skyes pa'i bde ba nyams su myong ba gang yin pa de ni bde ba chen po dang/ de kho na nyid bzhi pa dang/ blang bar bya ba dang/ 'od gsal ba dang/ 'bras bur gyur pa nyid yin pa shes par bya'o/ /skyes bu de la ni yod pa dang med pa dang dngos po dang dngos po med pa dang/ bcings pa dang/ thar ba dang/ rtag pa dang chad pa dang/ rnam pa dang bcas pa dang/ rnam pa med pa dang/ stong pa dang stong pa ma yin pa dang/ 'khor ba dang mya ngan las 'das pa dang/ srid pa dang zhi ba dang/ kun rdzob dang don dam pa dang/ rgyu dang 'bras bu dang/ spro ba dang bsdu ba dang/ 'gro ba dang 'ong ba la sogs pa'i mtshan nyid kyi bye brag yod pa ma yin te/ de nyid khyad kyis shes par bya'o/ /'di ni phyi'i mngon bar byang chub pa'i rim pa'o/ /de'i 'og tu de kho na nyid thob pa'i sngon rol tu khyod kyi dang po smig rgyu'i rnam pa can gyis 'od zer kha dog sna lnga pa'i tshogs dbang po'i gzhu lta bu sna tshogs 'bad pa med par mthong bar 'gyur te/ de'i tshe khyod kyis 'di ltar shes par bya ste/ du ba las me shes pa bzhin du bdag gis gdon mi za bar de kho na nyid mngon sum du 'gyur ro snyam du shes par bya'o/ /de'i rjes la gnyis pa zla ba'i 'od zer lta bu 'od kyi 'khor lo mthong ba gang yin pa de ni snang ba'i ye shes kyi bdag nyid yin par rig par bya'o/ /de'i rjes la gsum pa nyi ma'i 'od zer gyi 'khor lo lta bu ni snang ba gsal ba'i bdag nyid yin par shes par bya'o/ /de'i rjes la mtshams kyi snang ba lta bur snang ba ni snang ba nye bar thob pa'i rang gi ngo rtogs par bya'o/ /de'i rjes la snang ba rnams nub bar gyur nas/ sprin med pa'i nam mkha' dang mtshungs shing rnam par rtog pa med par rab tu gsal ba'i dga' ba'i rang bzhin du snang ba de ni thams cad stong pa'i bdag nyid kyi 'od gsal ba yin par shes par bya'o/ /de ni nang gi mngon par byang chub pa'i rim pa de/ 'di ni phyag rgya'i rim pa'o// //da ni ting nge 'dzin gyi rim pa brjod par bya ste/ re zhig dang po rnal 'byor pas lte ba'i dkyil 'khor la gnas pa'i chos kyi dbyings kyi 'khor la rtsa bas brgyad pa'i lte ba la gnas pa'i yi ger 'bar ba las byung ba'i 'od kyis 'khor lo me 'phro bas mgo bo nas brtsams te/ rkang pa'i bar du snang ba med par byas la slar yang rkang pa gnas brtsams te mgo bo'i bar ram snying ga la thug pa bsregs nas thams cad stong pa nyid la 'jug pa gang yin pa de ni ril por 'dzin pa'i ting nge 'dzin to/ /dang por ba spu'i bu ga thams cad nas byung ba'i 'od kyi 'khor lo de nyid kyi g.yo ba dang brtan pa mi snang bar bya zhing de nas bdag nyid kyang de bzhin du bya ste/ de lta bu ni rjes su gzhig pa zhes bya ba'i ting nge 'dzin te gnyis pa'o/ /ting nge 'dzin gnyis kyi dpe ni ji ltar ston ka'i dus su rnyog ma med pa'i chu la zla ba'i gzugs brnyan byung ba de ni rnam pa shin tu gsal bar snang ba mthong ba de bzhin du ting nge 'dzin la thams cad stong pa'i de kho na nyid gsal bar 'gyur ro/ /rang bzhin gyi dri ma med pa 'khar ba'i me long chen po til mar dang thal bas phyis pa la/ ji ltar dbugs kyi rlung thim pa na/ de las tha dad par me dmigs pa bzhin du/ ting nge 'dzin gnyis pa la de kho na nyid dang tha mi dad par 'jug par snang bar 'gyur ro/ /de ni ting nge 'dzin gyi rim pa ste/ 'di ni mngon par byang chub pa'i rim pa thabs kyi dbye ba'o phyag rgya dang ting nge 'dzin gyi rim pa'i thabs kyis thob par bya ba'i de kho na nyid bstan par bya ba'i don du byang chub kyi sems zhes bya ba'i sngags brjod par bya ste/ 'di ltar sngags rnams la rang bzhin gyis grub pa'i nus pa dag yod de/ dug la sogs pa sel ba'i sngags bzhin no/ /gal te yang 'od gsal ba mngon du ma gyur pa de'i tshe/ bcom ldan 'das kyis gsungs pa'i grub pa'i sngags brjod pa'i mthus skad cig gis rang dbang med par de kho na nyid gsal bar 'gyur te/ ji ltar shing las breng ba'i mis/ /mi 'dod kyang ni ltung ba nyid/ /de bzhin bcom ldan 'das gsungs pa'i/ /sngags kyi stobs kyi de nyid thob/ /a la sogs pa'i sngags rnams bskyed pa'i rim pa la yod pa ni rim pa ma yin nam/ rdzogs pa'i rim pa la ci'i phyir sngags gzung bar bya zhe na/ de skad du brjod par mi nus te/ sngags ni thabs tsam yin pa nyid kyi phyir ro/ /sngags kyi bzlas pa 'am sku skyed pa 'am/ zhi ba la sogs pa las kyi tshogs sgrub pa ni ma yin te/ dam tshig gi phyag rgya dang snyoms par 'jug pa bzhin du sngags kyi rjes su dran pa tsam ni 'thad pa kho na'o/ /de kho na nyid thob na sngags dang phyag rgya dang ting nge 'dzin med de/ thabs las byung ba thob nas gang/ /spang bya de nyid thob ces bya zhes bshad do/ /ji ltar 'ga' zhig mar me thogs/ /lam mthong nas ni mdor ba ltar/ /shes pas shes bya mthong nas ni/ /de bzhin shes pa mdor bar 'gyur zhes gang bshad pa'o/ /bskyed pa'i rim pa la ni thabs rnams mdor bar rigs pa ma yin te/ gal te mdor na de'i tshe las dang po pa nyid yin pa dang/ goms par ma byas pa nyid yin pa'i phyir so so skye bo'i sa thob par 'gyur ro/ /de bas na shin tu thal ches pas mchog go /des ni mngon par byang chub pa'i rim pa'i thabs kyi dbye ba bstan pa'o/ /zung du 'jug pa'i rim pa'i thabs ni gnyis te/ rgyu'i rin pa dang 'bras bu'i rim pa'o/ /de la rgyu'i rim pa zhes bya ba ni bye brag tu smra ba la sogs pa'i phyi rol gyi don la mngon par zhen pa rnams dang/ rnal 'byor spyod pa rnams dang/ byang chub sems dpa' rnams dang/ rim pa gnyis la zhugs pa'i rnal 'byor pa rnams kyi chos dang gang zag la bdag med pa dang/ yod pa dang med pa dang/ rnam pa dang bcas pa dang/ rnam pa med pa'i rnam par rig pa snang ba dang/ kun rdzob dang don dam par snang ba dang/ brtags pa dang brtags pa ma yin pa'i lha'i rnal 'byor du snang ba la sogs pa rnams kyis gnyis gnyis po tha dad pa med par ro gcig tu byed cing/ rnam par rtog pa med par rnal 'byor gyi mngon sum gyi tshad nas yang dag par rtogs par bya ba'i de kho na nyid rab tu gsal ba gang yin pa de ni rgyu'i zung du 'jug pa'i rim pa'o/ /de kho na nyid thob pa'i rnal 'byor pas bya ba dang/ yon tan dang/ rdzas dang rigs kyi bye brag gis bye ba bdag dang gzhan gyi rgyud la yod pa'i dngos po rnams tha dad med par yongs su shes pa gang yin pa de ni 'bras bu'i zung du 'jug pa'i rim pa'o/ /rnam par mi rtog pa'i ye shes kyi gnas skabs ji ltar rgyu dang 'bras bu'i bye brag bzhag pa ma yin nam/ brjod par bya ba ste bdag lta bu'i tha snyad 'dogs? bar byed pa po de snyam du sems kyi rtogs pa po ni yin no/ /rang rig pa 'ba' zhig gis rtogs par bya ba'i ye shes la zhugs pa de dag gis ni rgyu dang 'bras bu'i bye brag la tha mi dad par mthong ste/ de dag la rnam par rtog pa med pa'i phyir ro/ / sngon gyi smon lam gyi mthu las sems can gyi don dang spyod par 'byung ste/ yid bzhin nor bu lta yi mi/ /de ni nye ba tsam gyis ni/ /rtsig pa la sogs pa las kyang/ /bstan pa ji ltar 'dod zhing 'byung zhes gang bshad pa'o/ /de ni zung du 'jug pa'i rim pa'i thabs kyi dbye ba'o/ /de nas 'dir 'di spyad par bya ste/ rim pa lnga ba'o rnam par dag pa'i rang bzhin ji lta bu dang ldan zhe na/ 'dir brjod par bya ste/ phung po lnga dang ye shes lnga dang/ 'byung ba chen po lnga dang/ dbang bskur ba lnga dang/ de bzhin gshegs pa lnga dang/ lam lnga dang/ rnam par shes pa lnga'i rang bzhin no/ /de la gzugs kyi phung po rnam par dag pa ni rdo rje bzlas pa'i rim pa ste/ gang gi phyir rlung gi 'khor lo rnam pa bcu'o/ /khu ba dang khrag gi thig le'i gzugs su gyur pas kha dog dang dbyibs kyi bdag nyid can gyi gzugs bskyed pa dang gzugs rags pa la mngon par zhen pa spangs pa'i phyir rlung gi rim pa phra mo kho na goms par bya ba yin pa'i phyir ro/ /tshor ba'i phung po rnam par dag pa ni sems rnam par dag pa'i rim pa ste/ sems ni bde ba la sogs pa'i rnam pa can kho nar shin tu gsal ba nye bar dmigs te/ phal cher de'i rnam pa can yin pa'i phyir ro/ /de bas na de rnam par dag pa ni rim pa gnyis pa'o/ /'du shes kyi phung po rnam par dag pa'i rang bzhin bdag byin gyis brlab pa'i rang bzhin can te/ 'du shes ni yul la mtshan mang 'dzin pa'i bdag nyid can yin zhing 'di yang rang dang gzhan gyi rgyud la yod pa'i dngos po'i tshogs kyi yul sgyu ma'i dpe bcu gnyis kyi rim par thob pa ni 'du shes so/ /'du byed ni dge ba la sogs pa rnams te/ de dag kyang 'dod chags la sogs pa dag pa yin pa'i phyir de rnam par dag pa ni mngon par byang chub pa'i rim pa'o/ /rnam par shes pa ni dngos po thams cad kyi rang bzhin yin te/ de rnam par dag pa'i ngo bo ni zung du 'jug pa'i rim pa'o/ /me long lta bu'i ye shes kyi ngo bo ni rdo rje bzlas pa'i rim pa ste/ 'jug pa la sogs pa'i rim pa spangs pa'i ma ning gi bzlas pa thob pa na rnal 'byor pas gzugs brnyan bzhin du chos kyi dbyings kyi ye shes mthong bar 'gyur ro/ /sems rnam par dag pa'i rim pa ni mnyam pa nyid kyi ye shes kyi rang bzhin te/ der sems dang sems las byung ba'i ngo bo rnams dang/ ye shes dang/ rnam par shes pa rnams dang/ rang bzhin rnams 'od gsal bar mnyam pa nyid thob pa'i phyir ro/ /bdag byin gyis brlab pa'i rim pa ni/ so sor rtog pa'i ye shes kyi rang bzhin te/ de la sems can dang snod kyi 'jig rten la sgyu ma lta bu nyid du so sor rtog pa'i phyir ro/ /mngon par byang chub pa'i rim pa ni bya ba nan tan grub pa'i ye shes kyi rang bzhin yin te/ de kho na nyid la zhugs pas 'bad pa med par kho nar sems can gyi don ma lus par 'grub pa'i phyir ro/ /zung du 'jug pa'i rim pa ni shin tu rnam par dag pa'i chos kyi dbyings kyi ye shes kyi ngo bo yin te/ dri ma med cing mdza' yas pa'i nam mkha' lta bu'i ye shes 'ba' zhig de la snang ba'i phyir ro/ /rdo rje bzlas pa'i rim pa ni sa'i ngo bo yin te/ rnam par rtog pa rags pa rnams rab tu zhi ba'i phyir ro/ /chu rnam par dag pa ni sems rnam par dag pa'i rim pa te/ ye shes dang rnam par shes pa dang/ rang bzhin rnams 'gags nas sems chu'i rgyun gyi tshul du 'jug pa'i phyir ro/ /bdag byin gyis brlab pa'i rim pa ni mi rnam par dag pa'i rang bzhin yin te/ /sgyu ma lta bu'i ting nge 'dzin gyi mes dmigs pa'i rnam par rtog pa bsregs pa'i phyir ro/ /rlung rnam par dag pa ni mngon par byang chub pa'i rim pa ste/ 'od gsal ba las 'dod chags dang bral ba dang 'dod chags bar ma la sogs pa rnams rtswa bzhin du khyer ba'i phyir ro/ /zung du 'jug pa'i rim pa ni nam mkha' rnam par dag pa'i ngo bo yin te/ chos kyi dbyings kyi ye shes kyi nam mkha' i ngo bo yin pa'i phyir ro/ /rdo rje bzlas pa'i rim pa ni rig pa'i dbang bskur ba'i ngo bo yin te/ kun gzhi la sogs pa rnam par shes pa yongs su gyur pas rgyud rnam par dag pa'i phyir ro/ /sems rnam par dag pa'i rim pa ni phyir mi ldog pa'i dbang bskur ba'i ngo bo yin te/ sems rnam par dag pa thob pa na slar mi ldog pa'i phyir ro/ /bdag byin gyis brlab pa'i rim pa ni gsang ba'i dbang bskur ba'i ngo bo yin te/ ye shes kyi sku thob pa'i phyir ro/ /dus de nas brtsams de ni rtog pa med/ bya ba byas shing tshogs bsags de las ni/ /de yi dbyibs dang sku mdog phyag mtshan ni/ /'dod bzhin bsam gyis mi khyab pa yi sku/ /bsam bya zhes gang bshad pa'o/ /mngon par byang chub pa'i rim pa ni shes rab kyi dbang bskur ba'i ngo bo yin te/ de ni phyi dang nang gi bdag nyid can gyi shes rab kyi rim pas thob pa'i phyir ro/ /zung du 'jug pa'i rim pa ni shes rab ye shes kyi dbang gi ngo bo yin te/ de ni 'bras bur gyur pa dang dus phyis bya ba med pa dang/ mi slob pa nyid yin pa'i phyir ro/ /rdo rje bzlas pa ni rnam par snang mdzad kyi ngo bo yin te/ des snga ma bzhin du me long lta bu'i ye shes thob pa'i phyir ro/ /sems rnam par dag pa'i rim pa ni rin chen 'byung ldan gyi ngo bo yin te/ de thob pas ni nam mkha' mdzod kyi ting nge 'dzin gyi bsam pa thams cad yongs su rdzogs par byed pa'i phyir ram nga rgyal gyi rtsa ba can gyi ye shes pa dang/ rnam par shes pa dang rang bzhin gyi tshogs 'od gsal bar thim pa'i phyir ro/ /bdag byin gyis brlab pa'i rim pa ni snang ba mdza' yas kyi ngo bo yin te/ sgyu ma lta bu'i ting nge 'dzin gyis dngos po thams cad la yang dag par dpyod pa'i phyir ro/ /mngon par byang chub pa'i rim pa ni mi bskyod pa'i ngo bo yin te/ de kho na nyid bzhi pa dang chos kyi dbyings tha mi dad pa med pa'i phyir ro/ /zung du 'jug pa'i rim pa ni don yod grub pa'i ngo bo yin te/ sems can gyi khams ma lus pa smin pa dang grol ba la sogs pa'i bya ba ma lus pa bsgrub pa'i phyir ro/ /rdo rje bzlas pa'i rim pa ni sbyor ba lam gyi ngo bo yin te/ 'jig rten dang 'jig rten las 'das pa'i lam gyi rang bzhin gyi byang chub kyi phyogs kyi chos? sum cu rtsa bdun po dag sngags kyi don la rnam par dpyod pa na de bzhin du gyur par mthong ba'i phyir ro/ /sems rnam par dag pa'i rim pa ni mthong ba'i lam gyi ngo bo yin te/ snang ba la sogs pa'i ye shes re re zhing rjes su shes pa la thug pa'i bar skad cig bco lngar mthong ba'i phyir ro/ /bdag byin gyis brlabs pa'i rim pa ni bsgom pa'i lam gyi ngo bo yin te/ sgyu ma lta bu'i ting nge 'dzin gyi rang bzhin can gyi skad cig gcig mngon sum du byed pa'i phyir ro/ /mngon par byang chub pa'i rim pa ni khyad par gyi lam gyi ngo bo yin te/ bar chad med pa dang rnam par grol ba'i lam gyi rang gi ngo bo nyid yin pa'i phyir ro/ /zung du 'jug pa'i rim pa ni mi slob pa'i lam gyi ngo bo yin te/ nges par 'byed pa'i shes rab kyi rang gi ngo bo nyid yin pas de las gong na bya ba med pa'i phyir dang bslab par bya ba med pa'i phyir ro/ /rnam par shes pa lnga'i ngo bo ni 'di lta ste/ sems can dang snod kyi 'jig rten gyi rang bzhin can gyi gzugs la sogs pa dag ni don gyi rnam par shes pa ste/ de rnam par dag pa'i ngo bo ni rdo rje bzlas pa'i rim pa yin te/ de rags pa'i rnam par rtog pa bzlog pa'i phyir ro/ /bdag gzhan gyi rgyud du rtogs pa'i dbang po rnams kyi sems can yin zhing de rnam par dag pa'i ngo bo ni sems rnam par dag pa'i rim pa yin te/ dbang po thams cad kyi bdag nyid can rang bzhin gyi tshogs zad pa'i phyir ro/ /nyon mongs pa can gyi yid ni bdag gi rnam par shes pa yin zhing de rnam par dag pa'i ngo bo ni bdag byin gyis brlab pa'i rim pa ste sgyu ma lta bu'i ting nge 'dzin gyi bdag tu blta ba la sogs pa rnams 'gog pa'i phyir ro/ /mig la sogs pa'i rnam par shes pa dag ni rig pa'i rnam par shes pa yin zhing de rnam par dag pa'i ngo bo ni mngon par byang chub pa'i rim pa ste/ de ni 'jug pa'i rnam par shes pa rnams 'gog par byed pa nyid yin pa'i phyir ro/ / kun gzhi rnam par shes pa ni rkyen gyi rnam par shes pa yin zhing de rnam par dag pa'i ngo bo ni zung du 'jug pa'i ngo bo ste bag chags dang bcas shing nyon mongs pa dang bcas pa'i sa bon thams cad 'joms pa'i phyir ro/ /'phags pa byams pas/ don dang sems can bdag rnams rig / snang ba'i rnam par shes pa ni/ /rab tu skye bo de don med/ /de med pas na de yang med/ /de bzhin du/ gcig ni rkyen gyi rnam pa shes/ /gnyis pa nye bar spyod pa can/ /nye bar spyod dang yongs spyod dang/ /de yi 'jug byed sems las byung/ zhes gsungs so/ /de bzhin du gti mug dang zhe sdang dang nga rgyal dang 'dod chags dang phrag dog rnam par dag pa'i rim pa lnga pa'o/ /de la gti mug rnam par dag pa ni rdo rje bzlas pa ste/ sngags la mngon par zhen pa rnams kyi gti mug rnam par spyod pa'i phyir ro/ /zhe sdang rnam par dag pa ni sems rnam par dag pa'i rim pa ste thams cad nye bar sdud par byed pa nyid yin pa'i phyir ro/ /nga rgyal rnam par dag pa'i rim pa ni bdag byin gyis brlab pa'i rim pa ste/ tha mal pa'i nga rgyal rnam par sbyangs nas ye shes kyi sku khyad par du 'phags pa'i nga rgyal 'dzin pa'i ngo bo nyid yin pa'i phyir ro/ /'dod chags rnam par dag pa ni mngon par byang chub pa'i rim pa ste 'dod chags dang bral ba dang 'dod chags par ma'i rim gyi dag par byed pa ni ngo bo nyid yin pa'i phyir ro/ /zung du 'jug pa'i rim pa ni phrag dog rnam par dag pa'i ngo bo yin te/ kun nas nyon mongs pa dang rnam par byang ba'i bag chags thams cad nye bar 'joms pa nyid yin pa'i phyir ro/ /de bzhin du dag rnam par dag pa ni rdo rje bzlas pa'i rim pa yin te/ yi ge gsum ni dag gi rang bzhin thams cad kyi rgyud nyid yin pa'i phyir ro/ /sems rnam par dag pa'i rim pa ni sems kyi ngo bo yin te/ sems dang sems las byung ba'i bag chags thams cad 'gog par byed pa yin pa'i phyir ro/ /bdag byin gyis brlab pa ni lus rnam par dag pa'i ngo bo yin te/ ye shes kyi sku tha mal pa'i phung po la sogs pa thams cad 'gog pa'i phyir ro/ /'di ni kun rdzob kyi bden pa rnam par dag pa'i ngo bo mngon par byang chub pa'i rim pa ni don dam pa'i bden pa rnam par dag pa'i ngo bo yin te/ de'i rang bzhin yin pa'i phyir ro/ /zung du 'jug pa'i rim pa ni gnyis ka rnam par dag pa'i ngo bo yin te/ /kun rdzob dang don dam gnyis su med par byed pa'i phyir ro/ /de kho na bzhin du nye ba'i nyon mongs pa'i rnam par dag pa'i ngo bo yang rnam par bshad par bya ste/ de bzhin du yang gti mug gis bsdus pa'i nye ba'i nyon mongs pa gang dag yin pa de rnams ni rdo rje bzlas pa'o/ /zhe sdang gi bsdus pa'i gang dag yin pa de rnams kyi sems rnam par dag pa'i rim pa'o/ /nga rgyal gyi bsdus pa gang dag yin pa de rnams ni bdag byin gyis brlab pa'i rim pa'o/ /'dod chags kyis bsdus pa gang dag yin pa de rnams ni mngon par byang chub pa'i rim pa'o/ /phrag dog gis bsdus pa gang dag yin pa de rnams ni zung du 'jug pa'i rim pa'o/ /de nas 'dir rim dpyad par bya ste/ grangs las log par rtogs pa kha cig ni ci'i phyir 'di rnams rim pa lnga kho na yin gyi mang ba yang ma yin nyung ba yang ma yin zhes zer te/ de'i phyir 'dir brjod par bya ste/ 'dir dang po bskyed pa'i rnal 'byor pas rigs brgya'i dbye bas lus rnam par dben pa byed pa na/ tha mal pa'i lus ngag sbyangs nas khyad par du 'phags pa'i lha'i rnam pa thob pas bdag dang gzhan gyi don bsgrubs nas/ gang gi tshe de yang rnam par rtogs pa dang bcas pa nyid yin pa'i phyir spang par bya'o snyam du sems pa de'i tshe/ rdzogs pa'i rim pa'i ting 'dzin goms par byed de dge ba 'am mi dge ba 'ang rung/ rnam rtog bye brag 'ga' yang med/ /me ni sreg par byed pa la/ /rten gyi dbye bas bye brag med? 'di ni tsan dan las byung yang/ /sreg na bsreg par byed pa nyid/ /rnam par rtog pa chung du yang/ / thams cad spang bar bya ba nyid/ /'khrul ba'i rang bzhin rtogs pas ni/ /sems ni zlogs par byed pa nyid/ /rnam par rtog pa'i gdon chen gyis/ /'khor ba'i rgya mtshor ltung bar byed/ /ces byed pa la sogs pa gang bshad pa'o/ /de nas dang por rdo rje bzlas pa'i rim pas rnam pa sna tshogs pa'i tshig rnam par dag par byed do/ /de'i rjes la sems rnam par dag pa'i rim pas rnam par shes pa brgyad po bsdud par byed pa'i rang bzhin can ye shes gsum dang rang bzhin rnams kyi ngo bo'i sems dag par byed do/ /de nas gzhan gyi don med pa dang/ sngon gyi smon lam mngon par 'gyur ba dang/ snying rje chen po dang ldan pa rnams 'di lta bu'i rang bzhin du gnas par ma rigs pa dang/ don dam pa'i bden pa 'ba' zhig gis rang bzhin yin pa dang/ rang gi lta ba nyams par 'gyur bas de phyir nyes pa 'di rnams bsal ba'i phyir dang 'gro ba'i don bya ba'i phyir/ /skad cig gis sam snang ba nye bar thob pa la sogs pa'i rim gyi rnam pa thams cad kyi mchog dang ldan pa'i ye shes kyi sku dkyil 'khor pas yongs su bskor bar 'dzin par byed do ? nas? rgyal de nyid la mngon par zhen pa 'byung bar 'gyur bas/ /nyes pa spangs pa'i phyir slar yang 'od gsal ba la zhugs nas kun rdzob kyi bden pa dag par byed do/ /de nas kun rdzob dang don dam pa'i bden pa gnyis 'dres pa'i rnam pa can thog ma dang tha ma med pa'i chos kyi sku'i rang bzhin can/ mi gnas pa'i mya ngan las 'das pa'i ngo bo skad cig tsam gyis 'gro ba rjes su 'dzin par mdzad pa'i sku thob nas bskal pa 'am/ bskal pa stong du gnas par 'gyur te/ de ni zung du 'jug pa'i ting nge 'dzin gyi rim pa'o/ /de la pha rol na bya ba med pa'i phyir rim pa gzhan med de/ de ni grangs lhag pa bsal ba yin no/ /nyung bas kyang ma yin te/ de tsam kho nas rnal 'byor pas dngos grub thob pas 'gyur bas nyung ba bsal ba yin no/ /de nas 'dir 'di spyad par bya ste/ sems rnam par dag pa'i rim pa dang mngon par byang chub pa dag la bye brag ci yod/ 'di ltar sems rnam par dag pa'i rim pas ni 'od gsal ba thob cing mngon par byang chub pa'i rim pas kyang de nyid thob ce na/ brjod par bya ste sems rnam par dag pa'i rim pas snang ba gsum mthong nas/ 'od gsal pa thob du zin kyang/ 'on kyang ye shes la dbang du gyur pa tsam yin pa'i phyir/ /rnal 'byor pa sa bcu pa la gnas par 'gyur ro/ /mngon par byang chub pa'i rim pas ni man ngag bzhi pas mngon du byas nas/ rdo rje lta bu'i ting nge 'dzin gyis bcu gnyis kun tu 'od kyis ste sangs rgyas kyi sa thob par 'gyur ro/ /yang na dam tshig gis phyag rgya'i rim gyis dpe'i lhan cig skyes pa'i 'od gsal ba thob pa'i mtshan nyid ni sems rnam par dag pa'i rim pa'o/ /de la dus phyis bla ma'i man ngag las dpe las byung ba'i de kho na nyid mngon du byed de'i? mtshan nyid ni mngon par byang chub pa'i rim pa yin khyad par yod pa kho na'o/ /'o na bdag byin gyis brlabs pa dang zung du 'jug pa'i rim pa dag la tha dad du dbye ba ci zhig yod de/ ye shes kyi skur mtshungs pa dang 'gro ba'i don gyi bya ba mtshungs pa'i phyir ro zhe na/ brjod par bya ste bdag byin gyis brlab pa'i rim pa la sgyu ma la sogs pa'i dpe bcu gnyis la brten nas phyag rgya dang dkyil 'khor dang sngags la sogs pa thams cad bya'o/ /'di ltar ji srid du 'di de rnams la brten par mi byed pa de srid du/ de ni bskyed pa'i rim pa'i rnal 'byor pa bzhin du rnam par rtog pa dang bcas par 'gyur ro/ /zung du 'jug pa'i rim pa la gnas pa'i rnal 'byor pa ni sgyu ma la sogs pa'i rnam pa 'am/ /de spang ba yang rung ste/ kun rdzob dang don dam pa dag ro gcig tu byas te/ lhun gyis grub pa nyid du 'jug pa dang/ 'khor ba ji srid kyi bar du sems can gyi don byed de de ni khyad par yin no/ /'di ltar ji srid kyi bar du rnam par rtog pa mtshan ma yod pa de srid kyi bar du slob ma'i sa yin zhing/ rnam par rtog pa'i mtshan ma thams cad spangs nas rnam par mi rtog pa'i dbyings mngon sum du rtogs par byed de/ rnam par mi rtog pa la 'jug pa'i gzungs las/ de ltar rnam par mi rtog pa'i dbyings la gnas pa'i byang chub sems dpa' sems dpa' chen pos gzugs zhes bya ba mngon du gyur pa na 'di ltar rnam par brtag par bya ste/ bdag gi gzugs zhes spyod pa gang yin pa de ni rnam par rtog pa la spyod pa'o/ /gzhan dag gi gzugs zhes bya ba ni rnam par rtog pa la spyod pa'o/ /gzugs skye'o 'gag go kun nas nyon mongs so// zhes rnam par rtog pa la spyod pa'o/ /gzugs mod do zhes spyod pa na rnam par rtog pa la spyod do/ /gzugs ni rang bzhin du yang med rgyud yang med 'bras bur yang med las su yang med ldan par yod med 'jug par yang med ces spyod na rnam par rtog pa la spyod do/ /zhes bya ba nas brtsams te rnam pa thams cad mkhyen pa nyid ces spyod na rnam par rtog pa la spyod do zhes bya ba la thug pa'i bar gyi rnam par rtog pa'i mtshan ma thams cad spangs nas byang chub sems dpa' rnam par mi rtog pa'i dbyings la 'jug par byed do zhes ? bshad pa'o/ /de nyid ni zung du 'jug pa'i rim pa'i ting nge 'dzin to/ /'o na gang gi phyir de kho na nyid zhi ba la khyad par med pas de ? rtog pa gzhan mi dmigs pa'i phyir mngon par byang chub pa dang/ zung du 'jug pa'i rim pa dag la tha dad du bya ba ci zhig yod ce na/ brjod par bya ste mngon par byang chub pa'i rim pa la gnas pa'i rnal 'byor pas ni kun rdzob kyi bden pa spangs pa'i don dam pa'i bden pa 'ba' zhig thob par 'gyur te/ 'on kyang de la rtse gcig tu gnas pa'i 'gro ba'i don byed par nus pa ma yin no/ /de bas na bsgrub pa'i phyir de las langs te 'gro ba la rmi lam bzhin tu bltas nas yid bzhin gyi nor bu dang bum pa bzang po ltar mi 'dod bzhin du sems can thams cad kyi bsam pa kun yongs su rdzogs par byed de/ sangs rgyas kyi zhing nas sangs rgyas kyi zhing du 'gro zhing rdzu 'phrul gyi chos 'phrul dag ston te/ rnam pa thams cad kyi mchog dang ldan pa'i de bzhin gshegs pa'i gzugs kyis byin gyis brlabs pa'i gzhal yas khang gis rnams par spras pa'i dkyil 'khor gyi 'khor lo sna tshogs pa rnams spres nas/ gang gA'i bye ma dang mnyam pa'i 'jig rten gyi khams rnams de bzhin gshegs pa'i rang bzhin du sgrub par byed do/ /de'i phyir zung du 'jug pa'i rim pa 'di ni thabs la mkhas pa sna tshogs pa dang ldan zhing rim pa thams cad kyi 'bras bur gyur pa yin pas khyad par gsal ba yod pa kho na'o/ /de kho na nyid thob pa'i rnal 'byor pa gang gi tshe ldang bar byed pa de'i tshe ji ltar de 'bras bu zhes brjod par bya ba ma yin nam/ 'on te mi ldang na ni de'i tshe rim pa gnyis kyi don gcig pa yin pas bye brag med pa'i phyir de dag la khyad par ci yod ce na brjod par bya ste/ rim pa bzhi pa gcig tu mtshungs pa nyid yin pa kho na'o/ /zhes bya ba ni bden mod kyi 'on kyang rnal 'byor pa ldang ba zhes bya ba de kho na nyid la gnas bzhin du sems can gyi don byed pa ste/ nyan thos kyi byang chub pa bzhin du de kho na nyid las nyams pa ni ma yin no/ /bdag cag gi rnam par rtog pa dang bcas pa'i phyir rnal 'byor pa spyod pa byed do/ zhes de ltar mthong gi /de ni de kho na nyid de nyid las nyams pa ni med de/ rtag tu mnyam par bzhag pa nyid yin pa'i phyir ro/ /'di ltar gnas pa ni bzhi ste/ ston pa'i gnas pa dang/ spyod lam gyi gnas pa dang/ ting nge 'dzin gyi gnas pa dang/ nang du yang dag par 'jog la gnas pa'o/ /sangs rgyas rnams kyi sku'i 'phrin las gang yin pa de ni spyod lam gyi gnas pa'o/ /gsung gi 'phrin las gang yin pa de ni ston pa'i gnas pa'o/ /thugs kyi phrin las gang yin pa de ni ting nge 'dzin gyi gnas pa'o/ /lha la sogs pa nye bar 'gro bar bya ba'i ched kyi thugs kyi 'phrin l as gang yin pa de ni nang du yang dag 'jog la gnas pa yin pa'i phyir sangs rgyas bcom ldan 'das ni bzhengs pa dang bzhugs pa dang gzims pa dang 'chag pa'i mtshan nyid kyi spyod lam thams cad du mnyam par bzhag ba kho na yin pa de bzhin du zung du 'jug pa'i rim pa thob pa'i rnal 'byor pa yang de dang 'dra ba kho na yin pas 'gal ba med do/ /sngon gzung ba'i snying rje dang smon lam dag las sems can gyi don bya ba'i phyir de rnams kyi bstan pa dang smin par bya ba la sogs pa'i bya ba gang yin pa'i de rdza mkhan gyi 'khor lo bzhin du 'bad ba med par 'jug ste/ rdza mkhan gyi lag pa'i bya ba bshol zhing de'i 'bras bu bum pa la sogs pa'i mtshan nyid thob tu zin kyang 'dus byas pa'i dbang gis 'khor lo 'khor ba nyid do/ /de bzhin nyon mongs ba dang shes bya'i sgrib pa la sogs ba zang cing de kho na nyid thob tu zin kyang sngon gyi smon lam gyi mthus sgyu mas sprul pa'i skyes bu bzhin du sangs rgyas kyi mdzad pa rnam pa sna tshogs pa mdzad de/ ji skad du nyes pa thams cad skyed byed 'jig tshogs lta bu'i bud shing dag ni bsregs gyur cig / bdag gzhan bye brag yul rnams drung phyung gang yin de la nyes pa 'byung ba min/ nyes pa med kyang blo bzang sgyu ma'i mi ni rig sngags lta bu'i snying rje dang/ sngon gyi smon lam dbang gi 'khor lo'i rnam pa bzhin du las la bskul bar byed ces bshad pa'o/ /de nas 'dir 'di dbang bar bya ste rim pa lnga pa bsgom pa 'dir ni rnal 'byor pa lnga'i dbang du byas sam/ 'o na te gcig gi yin/ 'di ltar rim pa de'i? zhing 'od gsal ba'i 'bras bu bshad pas don? byas zin pa'i yin pa'i phyir rnal 'byor pa lnga yin pa'i dogs pa yod pa kho na'o/ /'on te gcig yin na de'i tshe rim pa gcig gis de kho na nyid thob pa'i phyir rim pa gzhan gyi dgos pa ci yod ce na/ 'dir ni rnal 'byor pa gcig kho na'i dbang du byas pa'o/ zhes brjod par bya ste/ 'di ltar dag dang sems dang lus dang kun rdzob dang don dam pa dag par byed pa 'am rdo rje bzlas pa la sogs pa'i rim pa lnga pa'i gnas skabs na shin tu rdzogs par 'gyur gyi gcig la ni ma yin/ de nyid kyi phyir rim pa zhes bya ba'i sgra ni don dang bcas pa yin te/ rim pa phyi ma phyi mas khyad par du 'phags pa'i go 'phang thob pa'i phyir ro/ /gzhan du na lcags kyi dbyig pa lta bu ni rdo rje bzlas pa'i rim pa 'am gzhan yang rung gcig pu la rim pa nyid ji ltar rung bar 'gyur/ 'on te rang gi rigs la bltas nas de'i rim pa nyid brjod pa yin na ni/ de'i tshe rim pa ma yin la dbye ba brjod par bya ste/ ji skad du rdzob bzlas pa sku'i bzlas pa la sogs pa'i dbye bas rnam pa bcu gcig yin pa de bzhin du gzhan rnams kyang zhes bya ba la sogs pa sngar bshad pa bzhin no/ /de'i phyir rnal 'byor pa gcig kho na rim gyis rim gyis goms par byed pas na rdo rje 'chang chen po'i go 'phang thob pa mngon du byed par 'gyur te/ rtsa ba'i rgyud le'u bco brgyad pa'i brjod par bya ba'i bsgom pa lhur len pa'i sgrub pa po'i gcig yin pa bzhin no/ /de la ni le'u so so bsgom par byed pa ma yin te/ gcig kho na'i dbang du byas pa'i phyir ro/ /sems can gyi khams ni rgyud sna tshogs pa'i phyir tsan dan lta bu la sogs pa'i dbye bas gang zag gi dbye ba ni rigs shing de'i dbye bas bshad pa'i dbye ba ni rigs te/ rim pas thob par bya ba'i de kho na nyid kyi dbye ba ni rung ba ma yin no/ /yang rim pa ror zhing 'od gsal ba'i de kho na nyid bstan to/ /zhes gang smra ba de ni kho na nyid kyi khyab par byed pa nyid bstan par bya ba'i don du yin gyi mngon du bya ba ni zung du 'jug pa'i kho na yin pas nyes pa med do/ /rdzogs nas da ni rab tu byad brtsom pa'i rjod par byed pa la sogs pa rnams brjod par bya ste/ 'di ltar bstan bcos dag ni thams cad dam/ bya ba cung zad 'ga' zhig la/ /rjod byed med na 'jig rten dag / dmus long lkug pa bzhin du 'gyur/ /zhes gang bshad pa'o/ /brjod par bya ba med pa'i bstan bcos ni bya rog gi sgra la sogs pa bzhin du don med par 'gyur te/ 'brel ba dang ni rjes mthun thabs/ /skyes bu'i don ni sgrub byed pa yongs brtags dbang du byas pa'i tshigs/ /de las gzhan pa dbang byas min/ /zhes kyang bshad do/ /'brel pa med pa'i tshig dag ni se'u bcu zhes bya ba la sogs pa'i tshig bzhin du don med par 'gyur te/ 'brel pa brjod par bya ste/ gang phyir 'brel pa bsnyad pa las/ /nyan pa po ni 'jug par 'grub/ /de phyir bstan bcos thams cad kyi/ /thog mar 'brel pa brjod par bya/ /zhes kyang bshad do/ /de bzhin du dgos pa med pa'i bstan bcos ni bya rog gi so brtag pa dang 'dra bar blang bar bya ba ma yin par 'gyur te/ bstan bcos dag ni thams cad dam/ /las ni cung zad 'ga' zhig gi /ji srid dgos pa ma brjod pa/ /de srid su zhig len par 'gyur/ zhes kyang bshad do/ /gzhan gyi don bsgrub pa'i don du dgos pa'i dgos pa gdon mi za bar brjod par bya'o/ 'di ltar tshad ni rnam pa gnyis te 'jug par byed par snang ba dang/ don byed par snang ba'o/ /de la 'jug par byed par snang ba ni rnam par rtog pa med pa ste/ mig la sogs pa'i dbang po la sngon po la sogs par snang ngo/ /de las dus phyis nges pa'i shes pa 'byung zhing de las dran pa dran pa las mngon par 'dod pa de las tha snyad de las don thob pa nas sreg pa dang 'tshed pa la sogs pa'i bya ba'i bdag nyid can gyi dngos po dngos su don yod par 'gyur te/ de ni don byed par snang ba'i tshad ma'o/ /de kho na bzhin du rab tu byed pa'i thos pa dang/ bsam pa dang/ bsgom pa'i rim gyis rnam par dbyang pas rang gi don byas te/ 'jug par byed par snang ba'i dgos pa thob par 'gyur ro/ /de nas gzhan dag kyang rjes su gzung bar bya ba yin pas don byed par snang ba'i dgos pa'i dgos pa thob bo/ /me dang phrad pa na grang ba sel ba bzhin du don byed par snang ba rang gi don kho na ci'i phyir mi 'gyur ba yin nam zhe na/ de ni rigs pa ma yin te/ /de rnams kyi gzhan gyi don gtso bor bsgrub pa yin pa'i phyir/ byang chub sems dpa' rnams ni rang gi don ces bya ba gtso bo nyid du mi 'dod do/ /rang gi don ni yan lag tsam yin pas sems can gcig tsam gyi ched du yang byang chub sems dpa' rnams ni bskal par yang dmyal ba'i sdug bsngal myong bar byed de/ gal te bskal pa dpag tu med pa ru/ /dmyal ba'i sdug bsngal myong bar 'gyur ba yis/ /sems can gcig tsam yongs su smin bgyid kyang/ /'on kyang skyo ba dag ni med par shog /ces gang gsungs pa'o/ /rim pa lnga pa/ zhes bya ba'i rab tu byed pa 'di ni rjod par byed pa yin no/ /brjod par bya ba ni rdo rje bzlas pa la sogs pa'i sgom pa'i rim pa rnams yin no/ /'brel pa ni rjod pa dang/ brjod par bya ba'i mtshan nyid ngam/ tshig dang don gyi mtshan nyid dam/ thabs dang thabs las byung ba'i mtshan nyid dam/ rgyu dang 'bras bu'i dngos po'i mtshan nyid yin no/ /'brel pa de yang rnam pa drug tu 'gyur te/ de bzhin gshegs pa dang/ lha mo dang byang chub sems dpa' dang/ lha dang/ lha ma yin dang/ mi'o/ /de la rlabs med pa'i rgya mtsho lta bu rnam par rtog pa'i dri ma thams cad spangs pa'i bcom ldan 'das rdo rje 'chang chen po nya mi 'gul ba'i mtsho ltar mi g.yo ba'i 'od gsal ba'i de kho na nyid kyi rdo rje lta bu'i ting nge 'dzin la zhugs par gyur te/ sngon gyi smon lam dang thugs rje chen po dag gis bskul bar gyur pa des 'od gsal ba las skad cig gis rang bdag nyid 'ja' tshon spros so/ /de nas 'dod chags dang zhe sdang dang gti mug gi rigs can gyi sems can rnams sbyang ba'i phyir de'i chos dang mtshungs pa'i chos can gyi de bzhin gshegs pa lnga po rnam par spros nas/ de rnams kyi dbus su dkyil 'khor gyi gtso bo nyid kyi tshul du bzhugs te/ ma 'ongs pa'i sems can rnams rjes su bzung ba'i phyir de kho na nyid gsungs pa de ni de bzhin gshegs pa'i 'brel pa'o/ /de'i rjes la 'dod chags kyi rigs kyi sems can 'ba' zhig rjes su gzung ba'i don du lha mo bzhi rnams spros te/ chos kyi dbyings zhus pa la sogs par de kho na nyid gsungs pa gang yin pa de ni lha mo'i 'brel ba'o/ /de'i rjes la byang chub sems dpa' rnams spros te/ de kho na nyid gsungs pa gang yin pa de ni byang chub sems dpa' i 'brel pa'o/ /brgya byin gyis zhus pa la sogs par gsungs pa ni lha'i 'brel pa'o/ /lha dang klu dang drang srong gi gtso bor byas nas gsungs pa ni lha dang lha ma yin pa'o/ /gsal rgyal la sogs pa rnams la chos ston pa ni mi'i 'o/ /de bzhin du kha cig ni bcom ldan 'das kyis de bzhin gshegs pa rnams la gsungs shing de rnams kyis kyang lha mo rnams la zhes bya ba la sogs pa brgyud pa yin zhes zer ro/ /'dir ni de bzhin gshegs pa'i 'brel pa yin te/ dpal gsang ba 'dus pa'i rgyud kyi zhu ba po ni de bzhin gshegs pa rnams yin pa'i phyir la/ de las btus pa'i rab tu byed pa yang de'i rang bzhin yin pa'i phyir sgra dang don dag las dngos su 'brel pa med du zin kyang/ 'on kyang rnam par rtog pa can gyi rnam par shes las byas pa ni yod pa kho na'o/ /zhes thams cad du mkhas pa rnams kyis spyad zin to/ /de bzhin du 'dir yang bems po bems min rten sgo nas/ /'brel pa rnam pa gnyis su 'dod/ /sgra dang don 'brel bems po ste/ /nyan dang 'chad pa de las gzhan/ /brgyud pa'i rim pa 'ong ba las/ /de bzhin gshegs sogs dbye ba yis/ /gnyis pa rnam pa drug yin par/ /blo dang ldan pa rnams kyis bshad/ /ces bya ba ni bsdu ba'i tshigs su bcad pa dag go /dgos pa ni rim pa lnga thob pa nyid dang/ bsam pa nyid dang/ bsgom pa nyid byas la rdo rje bzlas pa la sogs pa'i rim pas bdag nyid dpal rdo rje 'chang chen po'i rnam par bya ba ni gang yin pa'o/ /dgos pa'i dgos pa ni sems can gyi sems thams cad rim pa de rnams bstan pa'i sgo nas sam/ 'od zer spro ba'i rnal 'byor gyis rdo rje 'chang chen po'i byed pa ste/ nges ni rjod par byed pa la sogs pa lnga po bshad pa yin no/ /kha cig ni stan bcos kyi thog mar brjod par bya ba dang/ dgos pa dang gnyis kho na rjod par byed/ de bzhin du yang re zhig rjod par byed pa zhes bya ba ni logs zhig tu brjod par bya ba ma yin te/ sgra med na bstan bcos nyid kyang med par 'gyur ro/ /brjod par bya ba yang 'brel ba dang rjes su mthun pa'i thabs dang ldan pa kho na brjod par bya'o/ /sgra'i dgos pa ni brjod par bya ba ston pa kho na yin te/ gzhan du na de nyid ma yin par 'gyur ro/ /dgos pa'i dgos pa ni snga ma bzhin no/ /sgra dang don dag gi 'brel pa ni ma brjod kyang don gyis go bar shes par bya'o/ /de ji ltar shes par 'gyur ba ma yin nam/ 'di ltar tshig tshad ma yin pa las ji ltar 'brel pa la sogs pa yin/ nges pa med pa la blo sngon du 'gro ba 'jug par rigs par ma yin te/ ha cang thal bar 'gyur ro zhe na/ bden te rig tshigs the tshom skye'o/ /the tshom yang rnam pa gsum ste/ don gyi the tshom dang/ don ma yin pa'i the tshom dang/ don dang don ma yin pa'i the tshom mo/ /de la don gyi the tshom ni dper na sa 'og na yod pa'i gter brko ba lta bu'o/ /don ma yin pa'i the tshom ni chu klung drag po la lag pas brgal ba'o/ /don dang don ma yin pa'i the tshom ni dper na ro langs bsgrub pa lta bu'o/ /de la don la the tshom za ba ni 'jug pa'i yan lag yin no/ /don ma yin pa la the tshom za ba ni ldog pa'i yan lag yin no/ /don dang don ma yin pa la the tshom za ba yang ldog pa'i yan lag yin pas de'i phyir the tshom la 'jug par rigs pa yin zhing/ de la dus phyis zhugs par gyur pa na thar pa'i lam bsgrubs nas de kho na nyid mngon sum du byed pas nyes pa cung zad kyang med do/ /da ni gang zag dpyad par bya ste/ rab tu byed pa 'di la dbang byed pa'i gang zag du zhe na/ lnga ste/ lnga po de yang gang zhe na/ brjod par bya ste/ rin po che lta bu dang/ tsan dan lta bu dang/ pad+ma lta bu dang/ autpa la lta bu dang/ pad+ma dkar po lta bu rnams so/ /de la rmongs pa'i rigs can ni/ /tsan dan lta bu'o/ /dbang po brtul po ni autpa la lta bu'o/ /dbang po 'bring po pad+ma dkar po lta bu'o/ /dbang po'i rnon po ni pad+ma lta bu'o/ /dbang po rnon po'i yang rnon po ni rin po che lta bu ste/ de'i gang zag bzhi ni tshogs kyi bshad pa'i snod yin zhing/ gcig ni slob ma la bshad pa'i snod yin no/ /kha cig ni nyan pa po rnam pa bzhi yod de/ 'di lta ste/ mi shes pa dang/ the tshom za ba dang/ log par rtogs pa dang/ nges pa'i blo can dag go zhes zer ro/ /mi shes pa ni rnam pa gnyis te/ rngo ba lta bu'i blo can dang/ shes par 'dod pa'o/ /de la rdo ba lta bu'i blo can ni don du gnyer ba ni yid ches par mi 'dod pas ni dor bar bya ba yin no/ /shes par 'dod pa'i mi shes pa ni pha rol pos nye bar bstan pa la nyan pa gang yin pa ste de ni blang bar bya ba kho na yin no/ /de'i rmongs pa'i dngos po ni bstan bcos kyi rim gyis ldog par 'gyur ro/ /the tshom za ba rnam pa gnyis te/ don du ma gnyer ba dang/ don du mi gnyer ba'o/ /de la don du mi gnyer ba'i the tshom za bar bdag nyid can ni thabs gang gis kyang gzung bar nus pa ma yin pas/ de ni dor bar bya ba kho na yin no/ /don du gnyer ba'i the tshom za ba ni tshad ma nye bar dgod pa sngon du song bas the tshom bzlog ste/ yang dag pa'i tshad ma dang ldan pa'i bstan bcos la rnam par dgod par bya'o/ /log par rtogs pa ni phyin ci log gi lta ba can yin la/ de yang rnam pa gsum ste/ mi shes pa dang shes par 'dod pa dang/ shes pa'o/ /de la mi shes pa'i blo'i bye brag ma skyes pa'i rmongs pa yin la/ rigs pa dang lung dag gis yid ches par mi 'dod pa de ni rdo ba lta bu las bye brag med par dor bar bya ba yin te/ las la chags pa'i mi shes pa'i/ /blo yi bye brag bskyed bya min/ /zhes gang bshad pa'o/ /shes par 'dod pa ni rnam pa gnyis te/ the tshom za ba dang/ de kho na nyid don du gnyer ba'o/ /de la the tshom za ba gal te yid ches par mi byed na/ de lta na dor bar bya ba yin te/ the tshom bdag nyid nyams par 'gyur zhes gang bshad pa'o/ /de kho na nyid 'dod pa yang rnam pa gnyis te/ tshad ma dang mi ldan pa dang/ tshad ma dang ldan pa'o/ /de la tshad ma dang mi ldan pa gang zhe na gang zhig rigs pa la mi bltos par gzhan gyi nye bar bstan pa tsam las de kho na khas len pa ste/ 'on kyang yod par smra ba rnams kyi nang nas mchog tu gyur pa de ni brtsad pa'i gnas ma yin zhing/ 'di ltar de'i the tshom ni myur du gsal bar nus so/ /gal te tshad ma dang ldan pa yin na de ni gsum pa shes par zhes bya bar bgrang ngo/ /re zhig de ni 'jig rten rgyang pan pa dang/ zhi ba pa dang/ grangs can pa dang/ rigs pa dang/ bye brag pa dang/ mchod 'os pa dang/ spyod pa pa la sogs pa rnams las gang yang rung ba zhig yin no/ /de las 'jig rten rgyang pan pa chad ma dang ldan pa nyid kyis med par smra ba kho na yin te/ gang la mngon sum las ma gtogs par tshad ma gzhan med pa de ni sun dbyung bar bya ba'i gnas su gyur pa yin no/ /'di ltar rjes su dpag pa la sogs pa'i tshad ma mi 'dod cing 'jig rten pha rol med par sems dpa' thar pa las phyir phyogs pa'i rang gi nges pa'i rjes su 'brang ba na 'di skad du rus pa thal ba bzhin song nas/ slar 'tsho ba ni ga la 'gyur zhes zer ro/ /de skad du smra ba'i rgol ba de la shin tu mngon par brtson pa'i mkhas pa gzhan rnams kyis mngon par zhen pas gnod pa brjod zin mod kyi/ 'on kyang bshad pa'i rim pa kho na bzhin du rnam pa 'ga' zhig gi sgo nas tshig cung zad gcig brjod par bya ste/ de bzhin du sngags dang/ rgyud bstan bcos la spyod pa'i yid can de ni chu gtsang ma shin tu dri ma med pa blangs nas nang par gdengs? ? ba dang/ zas za ba'i sngon dang phyis kyi dus su lag pa bkru ba la sogs pa'i cho ga byed pa kho na'o/ /ci ste gal te dri ma'i 'dam gyis nyes pa nye bar bsal ba'i phyir byed do zhe na/ gdong dang lag pa'i dri ma/ byugs pa dang skra la phyis pas bsal bar mi nus sam/ gal te de kho na bzhin yin zhe na/ skye bo ma lus pa'i bzhad gad kyi rgyur gyur pa rigs pa ma yin pa'i bya ba byed pa skyes bu chen pos smad par gyur pa mi 'dod pa'i spyod pa'i dbang du gyur pa smod pa khyod las nges par dad par bya ba gzhan su zhig yod de nas gal te kho na'i 'jig rten dang mthun par bya ba'i phyir gtsang sbra spyod do zhe na/ rigs te 'jig rten ni bstan bcos pa dang bstan bcos ma yin pa rnam pa gnyis so/ /de la bstan bcos pa ni bstan bcos la 'jug cing/ bstan bcos ma yin pa ni rjes su 'brang ba kho nas snang ste/ skyes bu chen po gang nas song de las zhes gang smra ba'o/ /de nas gal te yid bde ba bskyed pa'i phyir de ltar 'bad pa byed do zhe na/ 'brel pa ci zhig yod de/ gdong dang lag pa rkang pa la sogs pa dag legs par byas pa ji ltar yid bde ba skyed par byed pa yin/ de las gal te phyi rol gyi dngos po'i rgyu can gyi 'du ba lus kyi dbang po la sogs pa la nye bar gnas pa dang/ sems 'phel ba'i khyad par ni rgyu yin zhe na/ 'o na 'di ni bzhad gad du mi bya ste/ khyod ni kho bo'i grub pa'i mdza' i phyogs la brten par 'gyur ro/ /de nas gal te yid khas len na nyes par 'gyur ba zhig na kho bo cag la ni 'byung ba las ma gtogs pa'i yid ni med pa kho na'o/ /zhe na de lta na ni 'byung ba rnams bems po nyid yin pa'i phyir bum pa dang snam bu dag gcig la gcig bzhin tshor bar bya ba dang tshor ba po dang/ tshor ba med par 'gyur ro/ /'on te lus kyi rang bzhin gyi 'byung ba rnams la tshor ba yod do/ /zhes zer na/ de lta na ni ming gzhan gyis khas blangs pa yin no/ /'on te kho bo ni lus kyi 'byung ba'i las ma rtogs pa'i rigs pa khas mi len te/ 'on kyang de dag rig pa'i rang bzhin yin la/ shi ba'i lus ni tshogs pa ma tshang ba'i phyir rlung dang med dag med pas de lta bu ma yin no zhes zer na lus la yod pa'i gzugs la sogs pa bzhin du sems ni dbang pos 'di'o snyam du nyams su myong bar mi rung ngo/ /de ni rang rig pas gzung bar bya ba ste/ yin no zhes brjod par mi nus so/ /dngos po gcig ni tshang ma tha dad pas rig par bya ba nyid du rig pa ma yin te/ thams cad du 'di'o zhes snang ba'i phyir bum pa ni cha 'ga' zhig gis rang rig pa nyid ma yin la de dang mi mthun par nga smra'o snyam du snang ba ni rang rig pa'o/ /dngos po nyid dang skad cig ma nyid dag de'i bdag nyid can yin yang tshad ma tha dad pa'i yul nyid du khyed kyis khas blangs pa ma yin nam/ 'di yang de bzhin du 'gyur ro zhe na/ de ni bden pa yin te/ de dag ni mngon sum gyi tshad ma'i yul du gcig pa nyid yin no/ /'dra ba gzhan dang gzhan 'byung ba'i mthong ba'i 'khrul pas dngos po rnams la brtan pa yin par sems pa na tha dad par ma rtogs pa'i dngos por brtan par smra ba rnams rjes su dpag pas yid ches par byed pa 'ba' zhig tu zad do/ /'di la ni gang gis yul tha dad pa med pa la rtogs pa tha dad par 'gyur ba'i 'khrul pa 'ga' yang med do/ /sngon gyi 'jig rten rgyang pan pa dag 'bru nges pa dang phabs la sogs pa'i rgyu can gyi chang la dus kyi 'gyur ba myos par byed pa'i nus pa 'byung bzhin du/ khu ba dang khrag la sogs pa'i dngos po dang 'dres par gyur pa'i 'byung ba la sems kyi nus pa 'byung ngo/ /zhes smra ba gang yin pa de dag la 'di skad brjod par bya ste/ de rnams nus pa de tha dad dam 'on te tha mi dad/ /tha dad pa yin na ni de rnams kyi de zhes bya ba'i 'brel pa ci yod gal te 'du ba'o zhe na/ mi rung ste de kho na bzhin du de yang 'di'o zhes dmigs par 'gyur ro zhe na/ sngar brjod zin to/ chang gi nus pa bzhin no/ /zhes bya ba'i dpe yang mthun pa ma yin te/ chang gi nus pa zhes bya ba ni cig car mi dmigs pa'i phyir brtags pa tsam yin no/ /gang gi chang gi rdzas ma myangs par mthong ba tsam de'i tshe myos pa'i nus pa nyams su myong bar mi 'gyur ro/ /gang gi tshe nyams su myong bar de'i tshe chang gi rdzas lus kyi nang du zhu ba'i phyir mi dmigs so/ /de ma zhu na ni lus kyi nang du myos pa'i nus pa ma yin no/ /de lta na de dag gi phyogs la ni lus kyi 'byung ba dmigs pa'i tshe na sems mi dmigs shing sems dmigs pa'i tshe na de mi dmigs par 'gyur te/ de dag dmigs par yang 'dod do/ /gang dag gang kho na l as lus 'byung ba de kho na las sems 'byung bas rgyu mtshungs pa'i phyir rten dang brten pa'i dngos por gnas pa'i lus dang sems dag 'jig rten pha rol las ma byung ba nyid du khas len pa de dag gis kyang rnam pa gzhan gyis rnam par shes pa khas blangs pa kho na yin no/ /lus 'jig pa na de yang 'jig par ni mi rung ste/ 'khor gzhong 'jig pa na rgya shug gi 'bras bu 'jig par ma mthong ba'i phyir rten 'jig pa na brten pa de bzhin du 'gyur ba ni ma yin zhing lus can dang lus can ma yin pa dag rten dang brten pa po'i dngos por yang mi rung ngo// sa lu'i myu gu dang nas kyi myu gu dag rang bzhin du rang bzhin tha dad pa dag gi rgyu yang gcig par rigs pa ma yin no/ /gal te 'jig rten na lus 'jig pa na de 'jig par mthong zhe na ma yin te/ de 'dzin par byed pa'i dngos po'i dbang gi byas ba'i mthu las srog dang lus yongs su g.yo ba 'byung ngo/ /'jig pa'i tshe na ni gang gi tshe de gzung bar bya ba de dag 'dor bar byed pa na de'i rgyu mtshan can gyi lus la sogs pa'i bya ba ma mthong bas las 'jig rten na shi'o zhes bya bar shes shing/ des zin pas srog yongs su g.yo ba'i yongs su g.yo ba las lus kyang de bzhin du 'gyur bar dmigs pa las 'jig rten dag 'di ni gson no/ /zhes tha snyad 'dogs par byed pa bas 'byung ba las ma gtogs pa'i rigs pa'i rang bzhin can gyi rnam par shes pa drug gi tshogs yod/ /gal te de lta na/ ci'i phyir srog la sogs pa 'dor bar byed ce na/ brjod par bya ste/ thog ma med pa'i dus can gyi srid pa'i kun 'byung gi bden pa'i rgyu can gyi longs spyod kyi bag chags kyis dbang du byas shing 'dod chags dang zhe sdang la sogs pa nyon mongs pa dang nye ba'i nyon mongs pa dang dbang du byas pa dang legs par byas pa dang nyes par byas pa'i rnam grangs gzhan chos dang chos ma yin pa'i mthus bde 'gro dang dmyal ba la sogs pa'i mthus skye bar thob par 'gyur ba dang/ bde ba dang sdug bsngal gyi mtshan nyid kyi 'bras bu la chags pa'i dri ma can du gyur pa bltos pa med cing dang la/ rgyun mi 'chad pa'i de gnyug ma nub par gyur pa phra ba'i gzugs can dbang po'i tshogs ma lus pa dang ldan pa'i dri ba zhes bya ba'i ming ocan srid pa bar ma'i yid kyi skye gnas nas skye gnas gzhan dag tu kun tu 'khyam pa 'di nyid 'khor ba yin te/ 'dod chags la sogs dri bcas sems/ /'khor ba yin te des dpen pa/ /rgyal ba sgrib pa spangs pa yis/ /mdor na thar pa yin par gsungs/ zhes gang bshad pa'o/ /de nyid kyi phyir phra ba'i bdag nyid kyis dngos pos 'gro zhing lus snga ma snga ma ba de nas rgyun mi 'chad par 'gro ba'i bdag ni rnam par shes pa nyid yin par brjod par bya'o/ /lus yongs su 'dzin pa'i srog yongs su 'dzin pa'i gso ba yin no/ /nges par mthong bas phyugs yin no/ /lus dang lus su 'dzag pas gang zag ste/ lung dag las de lta bu la sogs par brjod par dag gi gsungs so/ /'di ltar skye ba gzhan nyid du nying mtshams sbyor ba'i rtags mthong ste/ de ltar yang byis pa khye'u skyes ma thag pa skye bo thams cad kyi bkres pa zlog par byed par snang ba'i zas mi 'dod c ing mar dang sbrang rtsi dang chu la sogs pa tshim par byed pa dag kyang myang bar byed pa skye ba gzhan med pos goms par byas pa'i ma'i nu ma'i ro myang ba tsam gyi bkres pas lto zhum pa nyes kyi sems 'khrugs pa yun ring por rgyun mi 'chad par du bar byed pa dang bral bar 'gyur ba dang/ de nyid kyi mig g.ya' bar gyur pa lus la gnod pa'i 'jigs pas rang gi lag pa'i rgyab kyis 'khrug par gsal bar mthong ba dang la ba 'jam po bting ba'i khri la lus bzhag pa na bde ba'i nga rgyal dang ldan par mthong ba dang/ de bzhin du spun rnams kyi pha gcig tu zin kyang sngon gyi las kyi bag la nyal gyi stobs kyis dge ba dang mi dge ba'i byed pa nyid 'gro ba'i sna tshogs pa la snyon par nus pa ma yin no/ /gzhan yang brjod pa na gzhung mangs par 'gyur bas re zhig chog go /de ltar na 'jig rten pha rol grub pas tshad ma dang ldan zhing shes pa'i 'jig rten rgyang pan pa sun brton pa yin no/ /zhi ba pa dag ni 'di skad du smra ste/ thams cad mkhyen pa thams cad pa byed pa dbang phyug dam pa 'dod pa dang/ shes pa dang/ bya ba'i nus pa gsum gsal b ar byed byas pa'i dbang phyug dam pa dang ldan pa rig pa'i ngo bo'i dbang phyug de nyid 'dod pa'i nus pa la sogs pa rnams kyis 'gro ba spro zhing sdud par byed pa'o tshad ma'i gnas su gyur pa de ni rtag pa nyid yin pa'i phyir gal te des sprul pa'i dngos po gzhan rnams rtag pa nyid du mi dmigs kyang/ 'on kyang byed pa po'i rten pa nyid ni nyams par mi 'gyur te/ gang+gA'i rgyun gyi chu'i rgyun bzhin no/ /dug gi shing gi sa bon dang/ myu gu dang sdong bu dang lo ma dang me tog dang 'bras bu la sogs pa rnams ni yang nas yang gzhan dang gzhan dag 'byung zhing dug gi sa bon gzhan nyid du mi snang ngo/ /sbyor ba ni gang dang gang 'bras bu'i rang bzhin can gyi dngos po de dang de ni rang bzhin gzhan dang gzhan byung nas 'jig pa can yin te/ khyab par byed pa rtag pa gcig pu'i rang bzhin gyis rgyu can yin pa'i phyir myu gu la sogs pa bzhin no/ /zhes bya ba'i rang bzhin gyi gtan tshigs so zhe na 'dir brjod par bya ste/ re shig dbang phyug ni byed pa po dang rtag pa yin par tha dad pa ma yin no/ /'di ltar byed pa'i skad cig la gdon mi za bar bye brag yod de/ bye brag gang yin pa de kho na mi rtag pa yin no/ /de bzhin du yang 'gal te mi byed pa'i skad cig na byed pa po yin na/ de'i tshe ci'i phyir bskyed par mi byed/ de'i tshe nus pa med pa'i phyir ro/ /byed pa'i tshe ni skyed par byed de/ nus pa dang ldan pa'i phyir ro/ /de bas na nus pa la bltos nas/ /skyed par byed pa gang yin pa de ni mi rtag pa yin te/ nus pa dang ldan pa ni nam mkha' bzhin gzhan la mi bltos pa'i phyir ro/ /'on te nus pa de las tha mi dad pas bltos pa med do zhe na/ 'o na sngar ci'i phyir/ /skyed par byed pa kho nar ni ma yin/ byed pa'i nus pa las bltos nas skyed par byed pa nyid du khas len na/ 'o na ni nus pa kho na skyed par byed pa yin te/ dbang phyug gis ci zhig bya/ gal te nus pa de de'i yin no zhes bya ba 'brel pa gang yin de'i bdag nyid yin na sngar gyi nyes pa kho nar 'gyur ro de las byung ba yin na nus pa 'bras bu nyid yin pas dbang phyug mi rtag pa nyid du thal bar 'gyur te/ 'bras bu 'byung ba na rgyu 'gags par mthong ba'i phyir ro/ /ci ste nyes pa bsal ba'i phyir 'brel pa la brten nas ni/ de'i tshe tha dad par snang ba med pa'i phyir nus pa dang dbang phyug bdag las byed pa po gang yin zhes bya ba'i nges pa med do/ /gal te snal ma dang ras yug bzhin du snang ba yod do zhe na/ 'di ni brtags pa tsam ste snal ma las ma rtogs par ras yug ces bya ba ni cung zad kyang dmigs pa ma yin te/ gal te 'gebs pa la sogs pa'i bya ba byed pa nyid yin pa'i phyir dmigs so zhe na/ 'o na snal ma rnams gang la gnas pa yin gal te de'i bdag nyid du gnas pa nyid yin pa'i phyir mi dmigs pa yin no zhe na/ 'o na de lta na ni rigs pas snal ma 'ba' zhig kho na khas blangs kyi ras yug ni ma yin no/ /ras yug ces bya ba'i tha snyad gang yin pa de ni gnas skabs khyad par can du gyur pa'i snal ma rnams kyi 'bras bu gzhan yin zhing dngos po gzhan kho na yin pas 'du ba'i 'drel ba med pa yin no/ /de'i phyir byed pa po dang rtag pa zhes bya ba 'di ni 'gal ba yin no/ /byed pa po yin du chug na byas nas ci'i phyir sdud par byed gal te de ni dbang phyug gi rang dbang nyid yin no zhe na/ de ni smon pa nyid du brjod par bya ba'i rang dbang nyid ma yin pa ma yin nam smon pa ni sa la sogs pa'i rang bzhin gyi bum pa la sogs pa byas nas skad cig de nyid la 'jig par byed do/ /yang na rang dbang can yin du chug na ci dus gcig tu skyed par byed pa'am 'jigs par byed pa ma yin/ cig car skyed par byed pa dang 'jig par byed pa nyid ma yin pa'i phyir/ de ni skad cig gi dbye bas mi rtag pa nyid pas kho na'o/ /'dis ni de dag thams cad mkhyen pa nyid yin pa yang bzlog pa yin te/ de bzhin du thams cad mkhyen pas na thams cad mkhyen pa zhes bya ba yin la/ 'dir ci thams cad zhes bya ba'i sgra 'das pa la sogs pa dus gsum yin par brjod par 'dod dam/ 'on te 'jig rten thams cad kyi sems kyi spyod pa dag yin/ gal te dus gsum yin na/ de'i tshe 'khyu mchog dang 'phel byed kyis byas pa'i skar ma'i bstan bcos shes pa las skyes bu tha mal pa rnams kyang thams cad mkhyen par 'gyur ro/ /ci ste sems kyi spyod pa dag yin na ci ste sems tsam 'am/ rang bzhin yin/ gal te sems tsam nyid yin no/ de'i kho bo cag gis kyang/ rtsis la sogs pas gzhan gyi sems shes par gyur ro/ /des sems kyi rang bzhin ni shes pa ma yin no/ /gal te dbang phyug nyid yin pa'i phyir shes so zhe na/ bshad zin pa'i rnam pas dbang phyug med pa'i phyir med pa ni rang bzhin nyid yin par rigs pa ma yin te ri bong rdza? bzhin no/ /de lta na shin tu thal ches pas chog go / grangs can ni 'bigs byed la sogs pa'i drag phug gi nang du gnas te brtul zhugs khyad par can la gnas pa'i dbang kho nas rang bzhin dang skyes bu tha dad par bsgoms pa'i stobs kyis yon tan gsum gyi zhags pa 'ching bar zhi zhing grub pa thob par grags pa nyid 'bigs byed na gnas pa la sogs pa grangs med pa yod de/ de rnams kyis dbang phyug 'ba' zhig khas blangs pa ni ma yin gyi bdag kyang mang po nyid yod par rjod par byed do/ /de rnams ni 'di ltar sun dbyung bar bya ste/ de bzhin du yang skyes bu byed pa med cing 'dod pa med la skul bar byed pa ma yin pas/ de'i longs spyod grub pa'i don du gtso bo de kho na nyid bems po'i rang nyid 'bras bu la 'jug pa ni 'thad pa ma yin no/ /gal te ji ltar be'u bskyed phyir 'o ma shes pa med par rang nyid 'dzag par mthong ba bzhin no zhes gang bshad pa smra ba de yang ma grub pa kho na yin te/ de yang shes pa yod pa'i ba kho na de 'dzag par byed par nus pa yin no/ /gzhan du na ba 'dod pa med pa kha cig rang gi be'u la yang mi ster bar mthong ba'i phyir rnam par shes pa kho na thams cad 'jug par byed pa yin te/ de ni de lta bu'i rang bzhin pa'i phyir ro/ /de'i phyir skyes bu med pa yin no/ /rigs pas dang bye brag rnams kyang bdag rtag par smra ba la brten pa yin la/ de rnams sun dbyung ba ni ma yin te/ bdag ces bya ba ni yod pa ma yin te/ mi dmigs pa'i phyir sa phyogs stong pa na bum pa mi gnas pa bzhin no/ /zhes bya ba ni rang bzhin mi dmigs pa yin no/ /ci ste de skad du khyed phung po yin par 'dod pa gang yin pa de kho na bdag yin no zer zhe na/ de'i phung po rnams ni skye ba dang 'chi ba dang mi rtag pa ste/ mtshan nyid gsum dang ldan pa nyid yin pa'i phyir dang bdag kyang de dang 'dra ba'i phyir mi rtag pa nyid du 'gyur na khyed 'dod pa yang ma yin no/ /bdag la phung po la sogs par yod par 'thad pa yang ma yin te/ rtag pa dang mi rtag pa dag la rten dang brtan pa'i dngos po mi 'thad pa'i phyir ro/ /de rnams la bdag yod do zhes bya ba yang mi rung ste/ snga ma bzhin no/ /rten dang brten pa'i dngos po ni rgyu dang 'bras bu'i dngos po kho na yin no/ /de'i phyir phyogs dang po la ni gang gi tshe bdag brten pa de'i tshe rgyu nyid yin pa'i phyir mi rtag pa nyid yin la/ phyogs gnyis pa la ni bdag 'bras bu nyid yin pa'i phyir mi rtag pa nyid du 'gyur ro/ /rgyu rnams kyang gdon mi za bar 'bras bu dang ldan pa ma yin pas res 'ga' bdag med par yang 'gyur ro/ /phung po la ma gtogs pa yang mi dmigs te/ phung po la ma rtogs pa yang ri bong gi rwa bzhin no/ /gal te de ni me dang bud shing bzhin du tha mi dad pa yin no zhe na/ de lta na ni khyed shin tu mi rtag pa nyid yin par 'dod pa de bud shing rang gi ngo bo nyams nas sol ba'i rang bzhin du gyur pa rnams ni me zhes brjod par bya'o bdag phung po'i rang bzhin nyid du gyur pa yang de dang mtshungs par sngar bshad pa kho na'i nyes par 'gyur pa'i phyir bdag yod pa ma yin no/ /de bzhin du zad byed pa rnams kyis ni smra 'bal ba dang/ ras dkar po gyon pa dang/ nam mkha' i gos nyid la sogs pa'i brtul zhugs dang lha'i khyad par dang de ston par byed pa'i bstan bcos dang thar par nga 'jig rten dang pha rol khas blangs pa kho na yin mod kyi/ 'on kyang de dag gis ltar na dngos po rnams ni dus gsum pa ste/ de bzhin du zho yang yin zhing rnga mo yang zhor 'gyur ro zhes bya ba la sogs par yin no/ /de rnams ni 'di ltar dbyung bar bya ste/ gal te dngos po rnams tha dad pa yin na/ de rnams ji ltar cig pa yin na/ cig pa yin na ni tha dad pa mi 'thad la tha dad pa yang yin la cig pa yang yin pa ni 'gal ba yin no/ /de'i phyir tha dad pa yang yin la cig pa yin par smra ba rnams kyi ltar na phan tshun 'gal ba la brten pa yin pas gang zag la sogs par 'dod pa/ gang yin pa de ni snga ma bzhin du mi rtag pa nyid du 'gyur ro/ /gser la sogs pa rnams rna rgyan la sogs pa'i dngos por gyur kyang gser ni nyams pa med la de ni yongs su gyur pa tsam yin te/ de bzhin du dngos po thams cad yongs su gyur pa yin gyi 'jig pa ni ma yin no zhe na/ brjod par bya ste/ yongs su 'gyur pa zhes bya ba ni rang gi ngo bo ni spangs nas dngos po gzhan du gyur pa yin la de kho na mi rtag pa nyid yin no/ /sngar gyi gser gang yin pa de kho na yin no zhes bya ba yang 'thad pa ma yin te/ de ni gzhan nyid yin pa'i phyir ro/ /rtog pa dang ldan pa'i mkhas pa rnams kyis zad pa dang kha dog nyid la sogs pa rtogs pas de'i phyir tha dad pa yang yin la gcig pa yang yin par smra ba'i phyogs ni rigs pa ma yin no/ /rig byed kyi mthar smra ba rnams ni shes pa dang bya ba dag las gang yang rung ba zhig gtso bor byed pa'i sgo nas rnam pa gnyis so/ /de la shes pa gtso bor gyur pa'i rigs byed kyi cha 'dzin pa gang yin pa de rnams ni las dang 'bras bu spong ba sngon du 'gro ba can gyi thig le gsum dang/ chos gos gsum dang/ dbyu gu gsum thogs pa dang/ yul nas yul gzhan du 'gro ba la sogs pa'i brtul zhugs thams cad dka' thub nyid du khas len pa dang/ bya ba gtso bor byed pa'i sgo nas me la bstod pa la sogs pa'i mchod pa rnams kyis mchod sbyin byed pa de rnams dang skra 'breg pa dang/ dbyu gu thogs pa la sogs brtul zhugs 'dzin par byed pas gzhad gang bya bar 'os pa yin te/ de rnams kyi thar pa sun dbyung ba ni sngar brjod pa kho na yin pas 'dir spro bar mi bya'o/ /de ltar na rgol ba de rnams thams cad de ltar sun dbyung bar bya ba yin no/ /thar pa 'di thams cad ni lta ba sna tshogs pa'i nyes pa'i 'dam dang 'dres pa'i phyir mi gtsang ba yin te/ bcom ldan 'das kyi 'dus pa chen po'i mdo las rnal 'byor mkhas pa'i grangs can gyis/ /rmongs pas phyogs ni gang bzung dang/ /rig byed shes pas grub pa rnams/ /rig byed phyogs ni 'dod pa dang/ /gang dag dus lnga dga' ba dang/ /dbang phyug chen po'i rnal 'byor pa/ /me la tshad mar byed pa dang/ /dri med ral pa 'chang ba dang/ /grub pa chen por smra ba dang/ /gzhan yang thar par smra ba dang/ /de kun 'og tu 'gro zhes bya/ /rgyal bas gsungs pa de steng nas/ zhes gang bshad pa dang/ zhi ba dri med don lngar smra/ /byed smra khyab 'jug bram ze dang/ /'jig rten rgyang pan mchod 'os pa/ /mi rnams spyod pa can gang yin/ /de rnams rdo rje'i theg chen ni/ /mchog tu spyad na phyugs yin no/ /de phyir ngas ni 'bad pa yis/ /de rnams dang ni 'brel pa spangs/ /'brel pas dam tshig nyams 'gyur te/ /dngos grub nyams pas thar snod min/ /bcu dang bco brgyad bdag nyid kyis/ /grub pa'i mdza' la dbang byed pa'i/ /'jigs byed dbang dang ldan pa ni/ /drug cu rtsa bzhir bshad pa gang/ /rdo rje theg pa ma gtogs par/ /de kun phyugs su shes par bya/ zhes bshad de/ de'i phyir rdo rje theg pa'i bstan pa ni/ kha na ma tho ba med pa kho na yin no/ /rang gi sde pa yod par smra ba ni nges pa'i blo can yin la/ de yang nyan thos dang/ rnal 'byor spyod pa dang/ byang chub sems dpa' dang/ gsang sngags kyi tshul can zhes bya ba rnam pa bzhi'o/ /de la nyan thos ni gang zhig gang zag la bdag med par khong du chud pa tsam gyis ni bdag ni bya ba byas shing byed pa byas pa'o/ /snyam du sems pa na rang gi don tsam la gnas pas gzhan gyi don spangs nas 'di skad du/ sems can mos pa sna tshogs pa/ /rgyal bas kyang ni mi mgu bas/ / mi shes bdag 'dra smos ci dgos/ /de bas 'jig rten bsam pa gtang/ /bdag nyid kyi ni rigs pa 'am/ /rigs pa min la brtag bya ste/ /pha rol po yi nyes pa dang/ /byas dang ma byas dag las min/ /zhes smra zhing phyi rol gyi don la mngon par zhen pa'i lta ba can de ni gsang sngags bshad pa'i snod ma yin te/ gang zhig dge slong dngos nas dang/ /mi gang rtog la dka' ba dang/ /rgan po nyid 'gyur gang yin pa/ /de la de nyid bstan mi bya/ /zhes gang bshad pa dang/ nyan thos rnams kyi nang du zhag bdun gnas pa la rtsa ba'i ltung ba 'byung ngo zhes kyang gsungs so/ /rnal 'byor spyod pa ba rnams kyang rnam par rig pa ma gtogs par sna tshogs 'di dag mi dmigs te/ 'khor ba thog ma med pa nas nang na gnas pa'i bag chags kyi nyes pas don gyi bdag nyid can gyi gzung ba dang 'dzin pa'i rang bzhin du snang ba 'ba' zhig tu zad cing/ de ni ngo bo nyid gsum yongs su brtag cing bsgom pas sems tsam nyid khong du chud nas phyi rol gyi don spangs pas chos kyi sku nyid yin pa sems na/ de yang rigs pa ma yin te/ gzung ba dang 'dzin pa'i dngos po tsam nyid du mi 'thad pa'i rnam par rig pa tsam nyid ni grub pa'i phyir ro/ /de bas na de dag gis btags pa'i thar pa ni shin tu dag pa ma yin no/ /byang chub sems dpa' rnams ni gzung ba dang 'dzin pa med pa'i phyir gcig dang du ma dang bral bas dngos po rnams kyi rang bzhin dpyod pa na stong pa nyid la sogs pa'i rnam par thar pa bzhi bsgom pas stong pa nyid kyi de kho na nyid kyi chos kyi sku'i mtshan nyid kyi sangs rgyas nyid yin par sems te/ 'di ni rigs pa yin no/ /ci'i phyir zhe na/ 'di ltar de rnams dang rdo rje theg pa ba bdag cag la de kho na nyid la log par rtog pa ni med de de kho na nyid ni gcig kho na yin no/ /thabs tha dad pa dang dus tha dad pa zhes bya ba ni khyad par yin te/ dga' ba zad pa med dang gsal rtags min sna tshogs gzugs can te/ snying rje chen po'i ros khyab pa/ chos dbyings bdag nyid 'bras bu yin/ /don gcig yin yang ma rmongs dang/ /thabs mang dka' spyod ma yin pa dang/ /dbang po rnon pa'i dbang byas phyir/ /sngags kyi bstan bcos khyad par 'phags/ zhes gang gsungs pa'o/ /de'i phyir pha rol tu byin pa'i rnal 'byor pa de kho na nyid thob pa yin mod kyi 'on kyang de dag de thabs la sogs pa ma tshad pas dus shin tu yun ring pos byang chub thob pa dag yin no/ /gang gi tshe gsum po de rnams thams cad kyang sangs rgyas bcom ldan 'das kyis 'od zer gyi 'khor lo spros pa'i sku drin gyi thabs kyi bye brag gis bskul ba de'i tshe/ gsang sngags kyi gzhung gi snod du rung bar 'gyur te/ nyan thos dang ni rang rgyal dag / snying rje chen po med pa'i phyir/ /rang gi don la brtson pa ste/ /theg chen la ni smod pa'o/ /theg pa chen po rab bstan pa'i/ /rgyal ba'i yon tan dpag med dang/ /byang chub sems dpa' i mthu thos kyang/ /de yi snod min gyur ba ste/ rang gi lam gyi theg chen nor/ /ma lus bsregs pa de rnams ni/ /byang chub sems dpa' dag dbus na/ /skyes bu phongs pa bzhin du gnas/ /srid la skrag pa'i yid can rnams/ /tshe zad pa las dgar 'gyur zhing/ /mya ngan 'das thob 'du shes can/ /byang chub 'di dag thob pa yin/ /de la mya ngan 'das pa med/ /'on kyang srid pa gsum po ru/ /de dag skye bar mi 'gyur te/ /de rnams zag med dbyings la gnas/ /nyon mongs can min mi shes pa/ /spangs phyir sangs rgyas kyis bskul nas/ /bsod nams kyis ni tshogs bsags te/ /de yang 'jig rten 'dren par 'gyur zhes gang gsungs pa'o/ /de ltar na phyag rgya chen po la 'jug pa'i rim gyis de rnams sangs rgyas nyid du byed do zhes bya ba ni mdor bsdus pa'o/ /'di ni shin tu bsdus nas brjod pa yin te/ sngar nye bar bkod pa gang yin pa/ de rnams thams cad kyang rdo rje theg pa bas sun dbyung bar mi bya zhing/ 'on kyang gzung bar bya ba ste/ /rtags kyi dbye bas gnas pa yi/ /pha rol rgol ba gang yang rung/ /de dag kyang 'dir smad mi bya/ rdo rje sems dpa' i rnams 'phrul yin zhes bshad pa'o/ /re zhig lung dang rigs pa dag gis yid ches par 'gyur ba'i pha rol rgol ba po de dag lta zhog gi/ shin tu drag po'i las can gyi gdol ba la sogs pa de rnams kyang rdo rje'i theg pa la zhugs par gyur na/ byang chub thob par 'gyur te/ ji skad du rtsa ba'i rgyud las/ rigs ngan smin ma mkhan la sogs/ /gsod don don gnyer sems dpa' rnams// theg chen bla na med pa yi/ /theg mchog 'di la 'grub par 'gyur/ /sems can mtshams med la sogs pa'i/ /sdig pa chen po byed pa yang/ /rdo rje theg pa rgya mtsho'i de/ /theg pa mchog ni 'di la 'grub/ /ces bya ba la sogs pa gang bcad pa'o/ /gsang sngags kyi tshul can ni bya ba rnal 'byor pa dang/ spyod pa'i rnal 'byor ba dang/ rnal 'byor rgyud kyi rnal 'byor ba dang/ rnal 'byor mchog gi rgyud kyi rnal 'byor pa dang/ rnal 'byor ma'i rgyud kyi rnal 'byor ba zhes bya ba rnam pa lnga'o/ /de la bya ba'i rgyud kyi rnal 'byor pa ni mchod rten la bskor ba byed pa dang/ bzlas pa dang sbyin sreg dang khrus lan gsum byed pa dang/ gos lan gsum brje ba la sogs pa'i bya ba'i dbang gi gti mug chen po dang bar ma'i rigs can yin no/ /spyod pa'i rnal 'byor ba ni dngos grub dang ting nge 'dzin dang cho 'phrul la sogs pa thob par mngon par 'dod pa'i dbang gis gti mug chung ngu'i rigs can yin no/ /rnal 'byor gyi rgyud kyi rnal 'byor pa ni phyag rgya dang dkyil 'khor dang ting nge 'dzin gtso bor gyur pa'i phyir 'dod chags la sogs pa cung zhig chung du dang 'bring gi rigs can yin no/ /rnal 'byor mchog gi rgyud kyi rnal 'byor ba ni 'dod chags dang zhe sdang chen po'i rigs can yin no/ /rnal 'byor ma'i rgyud kyi rnal 'byor ba ni 'dod chags chen po'i chen po 'ba' zhig gi rigs can yin te/ de bas na de dag par bya ba'i phyir/ bcom ldan 'das kyis gsang sngags bstan pa rnam pa lnga gsungs so/ /rnal 'byor pa de dag thams cad ni bskyed pa'i rim pa dang/ rdzogs pa'i rim pa zhes bya ba rnams gnyis su 'gyur ro/ /de la bya ba'i rgyud la sogs pa rnams kyi bskyed pa'i rim pa ni sa bon tsam las yin no/ /rnal 'byor rgyud la sogs pa rnams kyi bskyed pa'i rim pa ni mngon par byang chub pa rnam pa lnga'i rim pas yin no/ /bya ba'i rgyud la sogs pa rnams kyi rdzogs pa'i rim pa ni rdo rje phra mo la sogs pa bsgom pa'o/ /rnal 'byor mchog gi rgyud la sogs pa rnams kyi rdzogs pa'i rim pa ni phra mo'i rnal 'byor dang thig le'i rnal 'byor la sogs pa bsgom pa'o zhes bya ba ni khyad par yin no/ /de la rdzogs pa'i rim pa'i dbye ba ni mang du yod de/ /phra mo'i rnal 'byor ni 'od zer gsal ba 'ba' zhig gi rnal 'byor pa yin no/ /thig le'i rnal 'byor ni srog rtsol ba'i rim pas yin te/ de bzhin du rtsa ba'i rim pas sam/ byang chub kyi sems gzung ba'i sgo nas sam/ pad+ma'i nang du dam tshig gi dkyil 'khor spro ba la sogs pa'i rim pas sam/ de myang ba'i sgo nas sam/ yan lag thams cad kyi tshigs la khyab pa'i sgo nas sam/ rlung gi sbyor bas byang chub kyi sems steng du 'dren pa'i bde ba chen po nyams su myong ba'i sgo nas sam/ bsnyen po mchog la sogs pa'i rim pas thabs dang shes rab snyoms par zhugs nas lhan cig skyes pa'i bde bas nyams su myong ba'i sgo nas yin no/ /yan lag drug pa'i rnal 'byor gyi rim pas kyang yin te/ yul dang dbang po'i longs spyod dang/ de dag gi rnam par dag pa dang/ thig le spro ba dang/ thig le gzung ba dang/ /slar spro ba dang/ dkyil 'khor gyi 'khor lo'i bdag po rnam pa thams cad kyi mchog ldan pa'i rdo rje 'chang chen po'i skur dmigs pa'i dbye bas so/ /rdo rje bzlas pa ni rlung gi rim pa'i sgo nas so/ /ye shes dang rnam par shes pa'i rim pas ni sems rnam par dag pa'i rim pa yin no/ /sgyu ma la sogs pa'i dpe bcu gnyis kyis rim pas ni bdag byin gyis brlabs pa'i rim pa yin no/ /'dod chags dang 'dod chags bral ba dang 'dod chags par ma'i rim pas mngon par byang chub ba'i rim pa yin no/ /mi gnas pa'i mya ngan las 'das pa'i rim pas ni zung du 'jug pa'i rim pa yin no// de ltar na rnal 'byor pa dpyad pa dang/ yul gyi rnam par dbye ba bstan pa yin no/ /de la rdzogs pa'i rim pa 'di ni 'phags pa klu sgrub kyi zhal snga nas kyi don lnga yis bsdus pa yin pa'i phyir de'i slad du dang po 'dod pa'i lha la phyag 'tshal ba mdzad de/ ji ltar mngon par 'dod pa'i lha la phyag 'tshal ba sngon du 'gro ba can gyi 'jug pa'i dam pa rnams kyi spyod pa yin no/ /'di ltar phyag 'tshal ba ni rnam pa gsum du 'gyur te/ rigs pa dang mthun pa dang gnyi ga dang rjes su mthun pa zhes bya'o/ /de la rigs pa ni dper na rang gi 'dod pa'i lha gang yin pa de nyid la bstan bcos byed pa de la phyag 'tshal bar byed pa ste/ /ji ltar dpal ldan zhes bya ba la sogs pas 'jam dpa' i rdo rje la phyag 'tshal ba bzhin te/ de ni sangs rgyas ye shes kyi zhal snga nas kyi 'dod pa'i lha nyid yin pa'i phyir ro/ /mthun pa ni dper na so sor thar pa'i sdom pa'i dang por bcom ldan 'das 'dod chags dang bral ba la/ dpal 'byor gnas dang zhes bya ba la sogs pas phyag 'tshal ba bzhin no/ /gnyi ga dang rjes su mthun pa'i dper na rtsom pa po'i lha de nyid yin zhing/ bstan bcos kyi yang de kho na yin te/ ji ltar klu sgrub kyi zhal snga nas kyi sgrub thabs mdor bsdus par bcom ldan 'das dpal rdo rje sems dpa' la khams gsum spyod pa las grol zhes bya ba la sogs pas phyag 'tshal ba bzhin no/ /'dir yang de kho na bzhin du gnyi ga dang rjes su mthun pa kho na yin te/ rdo rje sems dpa' ni 'dod pa'i lha yin pa'i phyir rab tu byed pa'i yang gtso bo'i ni de 'di kho na nyid yin pa'i phyir ro/ /de bzhin du gzhan yang phyag 'tshal ba ni lus kyi dang ngag gi dang yid kyi dang bla na med pa'i zhes bya ba'i rnam pa bzhi kho nar 'gyur te/ lus kyi ni yan lag lngas phyag 'tshal ba la sogs pa'o/ /ngag gi bstod pa'i mtshan nyid can no/ / yid kyi ni bsam gtan la sogs pa'i mtshan nyid can yin no/ /de bzhin du bla na med pa'i phyag 'tshal ba ni de'i bdag nyid du rjes su 'jug pa'i mtshan nyid can te/ de nyid las/ ji ltar chu la chu bzhag dang/ /ji ltar mar la mar nyid bzhin/ / rang gis rang gi ye shes ni/ /legs mthong gang der 'dir phyag yin/ /zhes bya ba la sogs pa 'chad par 'gyur ro/ /yang phyag 'tshal bar byed pa 'di la dgos pa ci yod ce na/ dgos pa ni bgegs nye bar zhi ba ste/ phyag 'tshal ba byas nas skyes bu chen po la bstod pas bsod nams thob pa na bsod nams ma yin pa ldog pa'i phyir bsod nams ma yin pa las byung ba'i phyi dang nang gi bgegs rnams nye bar zhi bar 'gyur ba'i phyir la/ zhi bas ni bstan bcos mthar phyin par 'gyur ba'i phyir bgegs nye bar zhi ba ni phyag 'tshal ba'i 'bras bu yin no/ /de la phyi rol gyi bems po ma yin pa la brten pa'i bgegs rnams so/ /sa la sogs pa 'byung ba chen po lngas byas pa'i bgegs rnams ni bems po la brten pa rnams so/ /phyugs dang ri dags dang bya dang sbrul dang brtan pa la sogs pa'i rgyu can gyi bgegs rnams ni bems po ma yin pa la brten pa rnams so/ /nang gi ni lus kyi dang ngag gi dang yid kyi zhes bya ba rnam pa gsum yin no/ /de la lus kyi rlung dang mkhris pa dang bad kan la sogs pa'i rgyu mtshan rnams so/ /ngag gi tshig rtsub mo la sogs pa'i rgyu mtshan can rnams so/ /yid kyi ni 'dod chags la sogs pa'i rgyu mtshan can rnams so zhes bya ba de dag thams cad ni bcom ldan 'das rjes su dran pa las nye bar zhi bar 'gyur ro/ /phyag 'tshal ba 'dir 'khrul pa mthong ba ma yin nam/ gang du phyag 'tshal ba der bgegs nye bar zhi ba ma mthong ste/ bshad pa'i rgyud dgongs pa lung bstan pa'i 'grel pa phyed byas pa na 'grel ba byed pa shi ba'i phyir ro/ / gang du phyag 'tshal ba ma byas pa der yang bgegs nye bar zhi bar mthong ste/ nag po'i zhal snga nas kyi sgron ma zhi la sogs par ro zhe na/ /bden te/ bstan bcos byed pa ni grags pa'i mtshan nyid can gyis 'bras bu la bsams nas 'jug ste/ 'bras bu de dang 'brel pa'i rgyu mtshan yod pa kho na bgegs nye bar zhi ba yin no/ /gang du phyag 'tshal ba ma byas par der yang bkra shis brjod par byed pa'i sgra gzhan rgyu mtshan yin te/ dper na 'di skad ces bya ba don du ma dang ldan pa'i tshig gis phrad yin pas 'di skad ces bya ba'i sgra ni bkra shis pa'i don can no/ /yang na gal te der tshig gis sgo nas phyag 'tshal ba ma byas kyang lus sam yid kyi sgo nas byas pa'i phyir thams cad nyes pa med pa yin no/ /shin tu thal ces pas chog ste/ skabs su bab pa dpyad par bya'o/ /mgon po sems can kun bdag nyid/ /dpal ldan bde chen la btud de/ /rnal 'byor rgyud kyi rjes 'brangs nas/ /rdo rje bzlas pa'i rim bshad bya/ /mgon po ste bcom ldan 'das dpal rdo rje sems dpa' de bzhin gshegs pa thams cad kyi bdag po la btung cing phyag 'tshal nas rdo rje bzlas pa'i rim pa ste mi phyed mi shigs pa'i rdo rje bzlas pa'i rim pa ji lta ba bzhin du bshad cing snyad par bya'o/ /mgon po ni ji lta bu zhe na/ sems can kun bdag nyid de/ bstan pa dang g.yo ba'i 'gro ba la khyab par byed pa'o/ /dpal ni bsod nams dang ye shes kyi tshogs dag ste/ gang la de dag yod pa ni dpal ldan no/ /bde chen ni thar pa ste/ de'i rgyu yin pa'i phyir bde ba chen po de la'o/ /rnal 'byor rgyud kyi rjes 'brangs nas zhes bya ba las/ rnal 'byor rgyud kyi ni dpal gsang ba 'dus pa zhes bya ba'i ming can no/ /de'i rjes 'brangs nas zhes bya ba ni de las btus zhes bya ba'i don te/ yi ge'i don to/ /yang na mgon po ni blang bar bya ba nyid yin pa'i phyir ro/ /thams cad stong pa'i chos nyid ni 'gro ba ma lus pa'i rang bzhin nyid yin pa'i phyir sems can kun bdag nyid do/ /dpal ni chos kyi sku ste de dang ldan pa'i phyir dpal ldan no/ /nyan thos la sogs pa'i byang chub chen po rnams kyi nang nas mchog gi byang chub kyi ngo bo bde ba yin no/ /de la btung nas rdo rje bzlas pa'i rim pa ste/ rang bzhin gyi dag pa'i ma ning gi bzlas pa'i mtshan nyid bshad par bya'o/ /rnal 'byor rgyud kyi rjes 'brangs nas zhes bya ba ni snga ma bzhin te spyi'i don to/ /yang na de bzhin du mgon po ni phung po la sogs pa thams cad kyi gtso bor gyur pa yin/ yod pa'i dngos po ni sems can zhes bya ste/ byang chub kyi sems so/ /kun ni rtsa stong phrag bdun cu rtsa gnyis so/ /de'i bdag nyid ces bya ba ni rtsa las byung ba'i byang chub sems kyi 'gro ba ma lus pa bskyed par byed pa'o/ /dpal ni shes rab ste de dang ldan pa ni dpal ldan no/ /bde chen ni lhan cig skyed pa'i de kho na nyid rang gi ngo bo nyid do/ btung nas rnal 'byor rgyud kyi rjes su 'brangs nas rdo rje bzlas pa ste rnam par shes pa dang rlung gi de kho na nyid kyi rang bzhin bzlas pa bshad par bya'o/ /zhes bya ba yang spyi'i don to/ /yang na mgon po ni man ngag bzhi pa'i rang gi ngo bo'o/ /kun ni dga' ba la sogs pa 'dod chags dang 'dod chags dang bral ba dang 'dod chags par ma rnams so/ /sems can ni smig rgyu la sogs pa'i rtags lnga'o/ /de'i bdag nyid ni de rnams dang/ ro gcig pa'i rang bzhin nyid kyis rang gis rigs par bya'o/ /dpal ni dam tshig phyag rgya ste de dang 'brel pas thob par bya ba nyid yin pa'i phyir dpal ldan no/ /bde chen ni dpe las byung ba'i lhan cig skyes pa'i de kho na nyid kyi ngo bo'o/ /btud pa ni rjes su 'jug pa'o/ /rdo rje bzlas pa zhes bya ba ni snga ma bzhin te/ sbas pa'o/ /yang na mgon po ni mja' mtshon gyi rnam par snang ba'o sems can ni rgyu ma'i dpe bcu gnyis so/ /de'i bdag nyid ni de'i rang bzhin no/ /dpal ni longs spyod rdzogs pa dang sprul pa'i sku dag ste/ de dang ldan pa'i phyir dpal ldan no/ /bde chen ni chos kyi sku ste/ de las byung ba'i phyir bde chen no/ /de la btus nas rdo rje bzlas pa'i rim bshad bya zhes bya ba ni snga ma bzhin te sbas pa yin no/ /mgon po ni rang bzhin rnams te/ de dag sdud par byed pa'o nyid yin pa'i phyir mgon po'o/ /sems can thams cad kyi rgyur gyur pa nyid yin pa'i phyir sems can kun ni rnam par shes pa gsum yin te/ de rnams sngags dang phyag rgya'i rim pas 'od gsal bar 'jug pa'i phyir sems can kun bdag nyid do/ /dpal ni stong pa dang shin tu stong pa dang chen po stong pa rnams te/ de dag sdud pa dang ldan pa'i phyir dpal ldan no/ /thams cad stong pa'i ngo bo nyid yin pa'i phyir bde chen te/ /de la btung nas rdo rje bzlas pa'i rim bshad bya zhes bya ba ni snga ma bzhin te/ yang sbas pa yin no/ /rtags pa nyid yin pa'i phyir mgon po'o/ /sems can gyi rgyud la yod pa nyid yin pa'i phyir sems can kun ni 'dod chags dang 'dod chags dang bral ba dang 'dod chags par ma rnams te/ de dag bzhi pa dang lhan cig 'dres pa'i phyir sems can kun bdag nyid do/ /dpal ni ye shes kyi phyag rgya ste de dang snyoms par zhugs pa nyid yin pa'i phyir dpal ldan no/ /rnal 'byor pa'i mngon sum gyi tshad mas yang dag par khong du chud par bya ba nyid yin pa'i phyir bde chen no/ /de la btud nas rdo rje bzlas pa'i rim bshad bya/ /zhes bya ba ni snga ma bzhin te/ mthar thug pa'o/ /rdo rje'i sku nyid yin pa'i phyir mgon po'o/ /sems can ni don dam pa'i bden pa'o/ /kun ni kun rdzob kyi bden pa'o/ /de dag tha mi dad pa'i ngo bo nyid yin pa'i phyir sems can kun bdag nyid do/ /dpal ni mi gnas pa'i mya ngan las 'das pa ste/ de dang ldan pa'i phyir dpal ldan no/ /chen po ni sems can gyi khams rnams so/ /bde ba ni smin pa dang grol ba la sogs pas bde ba chen po'i go 'phang thob par byed pa yin pas bde chen te/ de la btud nas bshad par bya zhes bya ba ni mthar thug pa kho na yin no/ /dkyil 'khor gyi gtso bo yin pa'i phyir mgon po'o/ /sems can kun ni sems can gyi rigs rnam pa bzhi ste/ de dag 'od zer gyi sbyor bas bkug ste bdag nyid la 'jug par byed pa'i phyir sems can kun bdag nyid de/ /dpal ni spro ba ste de dang ldan pa'i phyir dpal ldan no/ /chen po ste dkyil 'khor ba rnams bde ba ste bde ba chen po'i ting nge 'dzin skyed par byed pa de la btung nas bshad par bya zhes pa ni drang ba'i don to/ /ye shes lnga'i ngo bo nyid yin pa'i phyir mgon po'o/ /sems can thams cad kyi gnas kyi gtso bo ni sna'i rtse mo ste/ de rnams su thig le'i gzugs kyis gnas pa'i phyir sems can kun bdag nyid do/ /spro ba bsdu ba ldan pa'i phyir dpal ldan no/ /byang chub kyi sems kyi ngo bo nyid yin pa'i phyir bde chen no/ /de la gtud nas te/ dran par byas pas bshad par bya zhes bya ba ni nges pa'i don to/ /mgon po ni sa la sogs pa'i khams rnams te/ de dag gi rang bzhin nyid yin pa'i phyir mgon po'o/ /sems can kun ni dkyil 'khor bzhi ste de rnams la de bzhin gshegs pa rnams byin gyis rlob par byed pa nyid yin pas khyab par byed pa nyid yin pa'i phyir sems can kun bdag nyid do/ /dpal ni 'od zer dmar po la sogs pa ste/ de spro ba dang ldan pa'i phyir dpal ldan no/ /chen po ste g.yas la sogs pa'i dbye bas sgyu ma de rnams bde ba ste/ sna'i rtse mor thun phyed phyed kyi dus su 'dzin pa de ni bde chen no/ /de la btud nas te/ phyag 'tshal nas bshad par bya zhes bya ba ni snga ma bzhin te/ dgongs pas bshad pa'o/ /thams cad la khyad par du 'phags pa nyid yin pa'i phyir mgon po ste drug pa'o// sems can thams cad la khyab par byed pa ni chos kyi dbyings kyi ye shes te/ de'i ngo bo nyid yin pa'i phyir sems can kun bdag nyid do/ /dpal ni ye shes lnga ste/ de rnams sdud par byed pa yin pa'i phyir dpal ldan no/ /chen po ste rnam par shes pa lnga'i bde ba ni 'od gsal ba'i chos nyid kyi rang bzhin du gyur pa'o/ /de la btud nas te phyag 'tshal nas bshad par bya zhes bya ba ni snga ma bzhin te dgongs pa ma yin pa'o/ /mgon po ni byang chub rnam pa gsum ste/ de thob pa nyid yin pa'i phyir mgon po'o/ sems can kun ni spros pa dang bcas pa dang spros pa med pa dang/ shin tu spros pa med pa'i spyod pa rnams te/ de dag nyams su len pa'i phyir sems can kun bdag nyid do/ /dpal ni bsod nams kyi tshogs so/ /bde chen ni ye shes kyi tshogs so/ /de dag dang ldan pa ni dpal ldan bde chen te de la btud nas bshad par bya zhes bya ba ni sgra ji bzhin pa'o/ /kun ni srog ces bya ba'i rlung ngo/ /sems can ni thur du sel ba zhes bya ba'i rlung ngo/ /bdag nyid ni me dang mnyam pa'i rlung ngo// mgon po ni gyen du rgyu ba'i rlung ngo/ /dpal ni khyab byed kyi rlung ngo/ /de rnams kyi de kho na nyid yongs su shes pa'i phyir bde chen no/ /de la btud nas te phyag 'tshal nas bshad par bya zhes pa ni sgra ji bzhin pa ma yin pa'o/ /'o na rdo rje bzlas pa zhes bya ba'i don ci zhe na/ rdo rje tshigs ni sgra spangs pa'o/ /zhes 'byung ba'i phyir/ rlung tsam gyi bzlas pa ste/ yang dang yang du 'jug pa la sogs pa'i rim gyi sems dbang du byas pa'o/ /rnal 'byor rgyud ces bya ba'i don ci zhe na/ 'dus pa'i rgyud phyi ma las/ thabs dang shes rab snyoms 'jug pa/ /rnal 'byor zhes ni mngon par brjod/ ces 'byung ba'i phyir/ de gtso bor gyur pa'i rgyud ni rnal 'byor rgyud de/ dpal gsang ba 'dus pa la sogs pa'o/ /rgyud ni rgyun te/ de yang rgyu'i rgyud dang 'bras bu'i rgyud dang/ thabs kyi rgyud ces bya ba rnam pa gsum mo/ /de la rgyu'i rgyud ni tshangs pa'i gnas pa la sogs pa dang/ rnam par thar pa'i sgo ston par byed pa'o/ /'bras bu'i rgyud ni de bzhin gshegs pa rnams kyi dkyil 'khor la sogs pa ston par byed pa'o/ /thabs kyi rgyud ni sngags dang phyag rgya la sogs pa ston par byed pa de lta bu'i rnam pa can gyi rnal 'byor rgyud kyi rjes su 'brangs te yang dag par rtogs nas bshad par bya zhes bya ba 'dis ni lung tshad ma yin par bstan pa'i phyir/ rang gi 'dod pa tsam yin pa 'gog cing bdag nyid kyang mang du thos pa nyid yin par ston par byed do/ /da ni gang gi dbang du byas pa dpyad pa'i phyir/ bskyed pa'i rim la legs gnas shing/ /rdzogs pa'i rim pa 'dod rnams kyi/ /thabs 'di rdzogs pa'i sangs rgyas kyis/ /skas kyi rim pa lta bur gsungs zhes bya ba gsungs te re zhig sgrub pa pos dang por dang po'i rnal 'byor la sogs pa'i ting nge 'dzin gsum gyi rim pas sam/ rdo rje bzhi pa'i rim pas lha'i rnam par bskyed nas/ rigs brgya'i rab tu dbye bas lus rnam par dben pa la 'jug par byed do/ /de'i rjes la phul du byung ba thob par gyur nas lha'i sku shin tu gsal ba 'bad pa med pa kho nar mthong zhing/ 'gro ba yang de'i rnam pa kho nar mthong ba gang yin pa de rnams ni bskyed pa'i rim la legs gnas te/ bskyed pa'i rim pa'i pha rol tu phyin pa'i zhes bya ba'i don/ don gang gi phyir bskyed pa'i rim pa la legs par gnas par 'gyur ba'i phyir 'das pa'i dus las gyur pa'i rkyen sbyar te/ des na don ni 'di yin te/ bskyed pa'i rim pa mthar phyin par gyur pa ni bskyed pa'i rim pa la legs par gnas pa rnams so/ /de lta bu'i rnal 'byor pa rnams gal te rdzogs pa'i rim pa ste/ spros pa med pa'i rnam par mi rtog pa'i ngo bo'i rim pa 'dod cing mngon par 'dod pa de'i tshe/ rnal 'byor pa de rnams kyi thabs 'di lta ste/ bsgom pa'i rim pa rdzogs pa'i sangs rgyas kyis te/ de bzhin gshegs pa rnams kyis gsungs pa ni bstan pa'o/ /skas kyi rim pa lta bu ni 'jog pa'i lam lta bu ste/ ji ltar skas kyi rim pa'i lam nas 'jog pa'i skyes bu ni rim gyis khang bzangs la sogs pa'i rtse mo mthon por phyin par 'gyur ba de bzhin du/ rdo rje bzlas pa la sogs pa'i rim pa bsgoms pas rim gyi bdag la sogs pa rnam par dag pa'i rim gyis rtag tu dgos pa'i rang bzhin gyi rdo rje 'chang chen po'i go 'phang mi slob pa'i lam gyi rang bzhin gyi chos kyi sku'i ngo bo thob po zhes bya ba'i tha tshig go / rdzogs pa'i sangs rgyas smos pa ni lung tshad ma yin par bstan pa'i phyir te/ sgra ji bzhin pa'o/ /de ni rdo rje bzlas pa'i rim pa'i rten rlung gi tshogs gang yin pa de bstan pa'i phyir/ sems can rnams kyi srog gyur pa/ /rlung zhes bya ba las kun byed// de ni rnam shes bzhon pa ste/ /lnga yi bdag nyid bcu yang yin/ /zhes bya ba gsungs pa'i don ni 'di yin te snying ga na gnas pa'i srog ces bya ba'i rlung gcig du kha dang sna bdag las phyi rol tu byung ba'i dang tshul can 'dzag mig gi srin bu nas brtsams te/ srid pa'i rtse mo'i bar gyi 'jig rten gyi khams thams cad la khyab par byed pa ni srog yin no/ /de ji lta bu zhe na sems can rnams kyi ste sems can gyi rigs rnam pa bzhi'i srog gyur pa ni srog gi dbang po dang 'dra'o/ ci 'di 'byung ba chen po rnams kyi nang nas gcig yin nam 'on te thams cad kyi bdag nyid yin zhe na/ rlung zhes bya ba smos te/ rlung gi 'byung ba chen po'i ngo bo 'gro ba dang 'ong ba dang brkyang ba dang bskum pa'i mtshan nyid kyi las can yin no/ /gal te de ltar na phyi rol gyi rlung yang de lta bu kho na yin te/ de yang de dang mtshungs pa yin pas ci'i phyir gzung bar mi bya snyam pa'i dogs pa bsdus nas rnam shes bzhon pa ste zhen bya ba smos te/ rnam par shes pa ni don mthong ba'i mtshan nyid can yin zhing/ de ni rnam pa brgyad de/ kun gzhi rnam par shes pa dang/ nyon mongs pa can gyi yid kyis rnam par shes pa dang/ 'jug pa'i rnam par shes pa drug go /de rnams kyi gzhon pa ni skul bar byed pa ste/ rta dang rta la zhon pa bzhin no/ /'di ltar 'byung ba chen po lnga'i bdag nyid can gyi lus kyi nang na gnas pa'i rnam par shes pa brgyad po gang yin pa de las ma gtogs pa bya ba gzhan mi dmigs te/ de la don mthong rnam par shes/ / de yi khyad par sems las byung/ /zhes gang bshad pa'o/ /chos mngon pa las/ rnam shes par sems bdag nyid can/ /zhes 'byung ba'i phyir ro/ /de bas na rtog pa 'ba' zhig gi rang bzhin can de ni ji srid rlung gi khams bskul bar ma byas pa de srid du de la don 'dzin pa'i nus pa med de/ grub pos rta med par yul gzhan du phyin pa med pa bzhin no/ /de'i phyir 'di ni rlung gis bskul nas/ don 'dzin par byed do/ /gal te rlung gis bskul nas rnam par shes pa don 'dzin gyi rang nyid kyis ma yin na/ ji ltar mdo dang mgal ba ma yin/ bcom ldan 'das kyis bzang skyong gis zhus pa'i mdo las/ bcom ldan 'das kyis bka' stsal pa/ bzang skyong ji ltar bya ba'i mthus 'khrul 'khor 'khor ba de bzhin las dang rjes su mthun pa'i dbang gis lus kyi 'khrul 'khor g.yo bo/ /rnam par shes pa'i khams 'di ni rten dang 'jug pa sna tshogs pa can yin no/ /rnam par shes pa'i khams 'di ni lus skyed pa'i byed pa nyid yin pa'i phyir byed pa po yin no/ /rnam par shes pa'i khams 'di ni chos kyi dbyings la rten pa'i phyir mi zad pa yin no/ /sngon gyi rten gyi lus rjes su dran pa nyid yin pa'i phyir rnam par shes pa'i khams 'di ni blo phun sum tshogs pa yin no/ /rnam par shes pa'i khams 'di ni nyi ma'i 'od zer dang mtshungs par blta bar bya ste/ dper na nyi ma'i 'od zer gyi phyi sa dang ro rul pa ste dri mi zhim pa rnams dang/ pad+ma la sogs pa'i dri zhim po rnams la yang 'char te/ de rnams la 'di ni dri zhim pa'o snyam pa'i 'du shes kyang mi 'byung zhing/ dri mi zhim pa bor nas nyi ma'i gam du 'gro ba yang ma yin no/ /de bzhin du rnam par shes pa'i khams 'di ni phag la sogs pa mi gtsang ba'i tshogs za ba'i skyes gnas su skye ba len te/ rnam par shes pa'i khams nyes pa de rnams kyis gos pa yang ma yin no/ /zhes bya ba la sogs pa gang bshad pa'o zhe na bden te/ de ni mdo dang 'gal bar mi 'gyur ro/ /ci'i phyir zhe na/ 'di ltar rnam par shes pas lus g.yo bar byed pa yin te/ de yang rlung gi bzhon pa gyur pas yin no zhes bya ba'i khyad par gyi rjes su 'grang bar bya'o/ /'on te 'chi ba'i dus kyi tshe ji ltar 'byung ba chen po lnga dang bral ba de gnas gzhan du 'khyam par gyur te/ de'i tshe rlung med pa'o phyir zhes zer na/ de skad du brjod par mi bya ste/ dri za ni dbang po'i tshogs phra mo dang ldan pa kho na yin te 'ba' zhig ma yin la/ dbang po'i tshogs phra mo'i nang du 'dus pa'i lus kyi dbang po'i khams bzhi'i rang bzhin can nyid yin pas rlung yod pa de'i phyir des bskul bar byed do/ /yang na 'dod chags dang zhe sdang gi bag chags dag gis rig sngags kyi chu mig la sbrul bzhin du skul bar byed do/ /dbyig gnyen gyi zhal snga nas kyi de'i tshe dri za rjes su chags pa'i khong khro ba dang lhan cig par gyur pa'i sems gnyis po dag las gang yang rung ba zhig mngon du gyur pa yin no/ /zhes gang bshad pa'o/ /yang las kyi rlung gis bskul ba na 'gro ba drug tu 'khyam par 'gyur ba las 'gal ba med do/ /de'i phyir srog ces bya ba'i rlung 'di ni rnam par shes pa'i bzhon par yin no/ /de ni phung po'i dbye bas lnga'i bdag nyid de srog dang/ thur du sel ba dang/ me dang mnyam du gnas pa dang/ gyen du rgyu ba dang/ khyab byed ces bya ba rnam pa lnga yin no// de la srog ni snying ga'i phyogs na gnas pa'o/ /thur du sel ba ni bshad sgo na gnas pa'o/ /gyen du rgyu ba ni lkog ma na gnas pa yin no/ /me dang mnyam du gnas pa ni lte ba'i phyogs na gnas pa'o/ /khyab byed ni yan lag gi tshigs thams cad la gnas pa ste/ de ni gnas kyi dbye bas yin no/ /mi bskyod pa dang rin chen 'byung ldan dang/ 'od dpag tu med pa dang don yod par grub pa dang/ rnam par snang mdzad kyi ngo bo zhes bya ba ni lha nyid yin no/ /dbang po'i sgo yi rgyun las ni// srog dang rtsol bar rgyu ba dang/ /rtag pa'i dus su rgyu ba ni/ /srog ces bya ba yin par bshad/ /rlung dang gcin dang phyi sa dang/ /de bzhin du ni khu ba sogs/ /'og 'dren 'di ni mthur sel bar/ /rtag tu rnal 'byor pas shes bya/ /rgod dang za dang lhag pa dang kun tu mthung dang 'jib par ni/ /gang zhig rtag tu mnyam gnas pa/ /mnyam du gnas shes bya ba yin/ /gyen du 'gro zhing sdud pa dang/ /bza' ba dang sogs za ba ni/ /shes dang lhan cig rnal 'byor rig /gyen rgyu'i las su shes par bya/ /khyab dang 'dzin pa nyid dang ni/ /'gro ba de bzhin ldog pa dang/ /tshigs rnams kun tu khyab pas na/ khyab byed ces ni bya bar bshad/ ces bya ba ni las kyi dbye ba'o/ /srog ni sngon po de bzhin du/ /thur sel kha dog ser por bsgrags/ /me dang mnyam nas dmar po ste/ /de bzhin gyen rgyu ljang khung brjod/ /khyab byed rlung ni dkar po 'am/ /zla ba bzhin du ser skyar brjod/ /srog ni kun gzhi rnams shes te/ /nyon mongs can yid thur sel yin/ /me mnyam yid kyi rnam par shes/ /gyen rgyu'i yid kyi dbang po ste/ /'jug pa'i rnam shes rang bzhin ni/ /khyab byed rlung zhes bya ba yin/ /srog ni rnam shes phung po ste/ /thur sel tshor ba yin par brjod/ /me dang mnyam nas 'du shes te/ /'du byed gyen rgyur rnam par bshad/ / gzugs kyi phung po dag pas ni/ /khyab byed kun tu brjod pa yin/ /nyin dang mtshan du lus rnams ni/ /g.yon dang g.yas dang gnyi ga dang/ /dal dang gnyig dag tu ni/ /de rnams rgyu bar yang dag brjod/ /'chi ba'i dus su lnga pa ni/ /shi ba'i lus las 'byung bar 'gyur/ /chu yi khams ni srog rlung ste/ /sa ni thur du sel bar 'dod/ /me yi khams ni gyen rgyu yin/ /me dang mnyam gnas rlung zhes brjod/ /nam mkha' i khams ni dag pa yis/ /khyab byed yan lag tshogs kun gnas/ /de rnams zhi ba dang rgyas pa dang dbang dang dgug pa dang las thams cad pa ste/ des ni rang bzhin pa dang dus dang bya ba bshad do/ /srog ces bya ba'i rlung de nyid rnam pa bcur 'gyur te/ sngar bshad pa rnam pa lnga dang/ dbang po'i dbye bas rgyu ba dang/ rnam par rgyu ba dang/ yang dag par rgyu ba dang/ rab tu rgyu ba dang/ nges par rgyu ba zhes bya ba gzhan lnga'o/ /de la rgyu ba zhes bya ba'i rlung ni mig gi dbang po la brten nas gzugs kyi bya ba rdzogs par byed do/ /rnam par rgyu ba ni rna ba la brten nas sgra'i bya ba byed do/ /yang dag par rgyu ba ni sna'i dbang po la brten nas dri'i bya ba byed do/ /rab tu rgyu ba ni lce'i dbang po la brten nas ro'i bya ba byed do/ /nges par rgyu ba zhes bya ba'i rlung ni lus kyi dbang po la brten nas reg bya'i bya ba byed do/ /yang de rnams thams cad ni mig dang rna ba dang yid la byed pa dang/ gzugs rnams kyi tshogs la brten nas mig la sogs pa'i rnam par shes pa rnams skyed par byed do/ /de ltar na rlung gcig kho na lnga dang bcu nyid du 'gyur/ rnam par shes pa skul bar byed pas ni gar byed pa'i gnas kyi 'khor ba las rnam pa sna tshogs pa'i brgyan blangs 'khor ba na gnas pa'i gar mkhan rnams gar byed du bcug ste/ gtsang ma'i gnas ni ma gtogs par/ /sna tshogs las ni brgyan ldan pas/ /gang du gar ni ma byas pa'i/ /gang gyi gnas ni 'ga' yang med ces gang brjod pa'o/ /de ltar rdo rje bzlas pa'i rten bstan nas/ da ni go rim bstan pa'i phyir/ /rlung gi de nyid rim gyis ni/ /sngags kyi de nyid yang dag 'jug /sngags kyi rdzogs pa rtogs nas ni/ /rdo rje bzlas pa rnams la slob/ /ces gsungs pa'i don ni 'di yin te/ rlung lnga dang nye ba'i rlung 'di de kho na nyid gang yin pa de ni don dam pa'o/ /de'i rim gyis te go rim gyi sngags dang/ A li dang kA lis bskyed pa'i yi ge gsum gyi rang bzhin can rnams kyi de nyid du/ de bzhin nyid la yang dag par 'jug pa'o/ /de nas yi ge gsum gyi rang bzhin du gcig pa'i sngags rnams kyi rdzogs pa'i ni yongs su rdzogs pa'i ngo bo nyid do/ /de rtogs nas de mngon du byas nas rnal 'byor pa rdo rje bzlas pa rnams la te/ rgyud las gsungs pa'i bcu gcig po rnams la slob pa ni legs par bslob pa yin no/ /zhes bya ba'i don to/ /'dir bsam pa ni 'di yin te/ re zhig rlung rnams ni phung po dang khams dang skye mched kyi rang bzhin du gyur nas sems can dang snod kyi 'jig rten gnyis gnyis kyi bye brag du snang ba rnam par rig pa brgyad kyis bsdus par rnam par shes pa'i rten du gyur pas 'khor ba'i 'khor lo skyed par byed do/ /de'i phyir ji srid de rnams pham par ma byas pa de srid du sems rtse gcig par mi 'gyur ba de rtse gcig pa nyid ni de kho na nyid bsgom pa'i stobs las 'thob par 'gyur te/ thub pa chen po'i chos phung po/ /brgyad khri dag dang bzhi stong gi/ gang gi de nyid mi shes pa/ /de yi thams cad 'bras bu med/ ces gang bshad pa dang/ de bzhin du gzhung mdzad pas kyang/ gnyis med mthong ba grol bar 'gyur/ /zhes kyang gsungs so/ /de'i de kho na nyid ni yungs kar phra mo'i tshad tsam gyis thig le'i rnal 'byor yin te/ de bzhin du yang re zhig 'gro ba dang 'ong ba la sogs pa'i bya ba'i rang bzhin can gyi bya ba thams cad 'jug par byed pa'i rlung de rnams ni rtsol ba'i dbang gi 'byung ngo/ /rtsol ba yang rnam par dpyad na kun tu rtsol bar byed pa'i rang bzhin gyi don 'dod pa las 'byung ste/ de yang sems dang ldan pa'i 'du byed kyi bye brag gis rang bzhin yin pas rnam par shes pa las 'byung ngo/ /de ltar na rgyud las 'brel pas 'brel ba'i phyir rlung dang rnam par shes pa dag ni gcig nyid yin te/ de bzhin pa nyid yin pa'i phyir ro/ /rnam par shes pa yang don dam par dpyad na byang chub kyi sems kyi rang bzhin yin te/ de bzhin du yang thabs dang shes rab snyoms par zhugs pas dbang po dang yul dang rnam par shes pa thams cad ro gcig tu gyur pa'i byang chub kyi sems kun rdzob dang don dam pa'i ngo bor nyams su myong bar 'gyur ro/ /de la kun rdzob kyi rten gyi de kho na nyid yin zhing don dam pa ni don dam pa'i de kho na yin no/ /rten dang brten pa dag tha mi dad pa'i phyir rnam par shes pa'i de kho na nyid gang yin pa de kho na rlung gi de kho na nyid yin te/ 'byung ba gang las 'byung zhe na/ /las las shes na mi rung ste/ /de dang 'byung ba ma 'grel zhing/ /las kyi bag chags sems la gnas/ /rlung las shes na rlung gang las/ /rtsol ba las byung gang las te/ /'dod las she na khyed kyis ni/ /lam de khas blangs ma yin nam/ zhes gang bshad pa'o/ /thig le'i gzugs can gyi de nyid rlung gi de kho na nyid de'i rim pa ni rigs dang nyon mongs pa'i dbye bas gnas khyad par can du dgod pa sngon du 'gro ba'i bsgom pa ste/ gnas de rnams dang/ gdong dang snying ga dang gsang ba'i gnas gsum mo/ /kha cig ni smin pa'i dbus dang lte ba'i dbus dag kyang yin no/ /zhes kyang brjod par byed do/ /rim pa 'dis ni rlung gi de kho na nyid khong du chud nas/ sngags kyi de kho na nyid la rab tu 'jug ste/ de yang ji lta bu zhe na sngags thams cad ni A li kA las skyed pa yin te/ /dbyangs dang gsal byed dbye bas yi ge phyi mo bzhi bcu rtsa dgu'o/ /de rnams ni sde tshan brgyad kyi ngo bo nyid la brten nas yi ge dang tshigs la sogs pa'i rim pas chos kyi phung po brgyad khri bzhi stong skyed par byed cing/ phyi rol gyi rig pa'i gnas bcu bzhi dang/ rang gi gzhung lugs kyi rim pas rig pa'i gnas lnga skyed par byed de/ de skad du yang/ bslab dang rtog pa brda sprod dang/ /nges tshig skar ma'i gnas shes dang// sdeb sbyor bsdu ba drug pa ste/ /rigs byed yan lag drug par 'dod/ /nges brjod mchod sbyin snyan tshig dang/ /de bzhin srid bsrungs bzhi pa ste/ /rig pa'i gnas ni thams cad du/ /rig byed bzhir ni brjod pa yin/ /rigs byed yul la dpyod byed pa'i// bdag nyid can ni spyod pa yin/ /rig pa'i bstan bcos rtog pa yin/ /de yang lha drug rim pa las/ /grangs can mchod 'os rigs pa pa/ /'jig rten rgyang phan bde gshegs pa/ /de bzhin du ni dpyod pa can/ /de rnams yan lag bzhi ru bsgrags/ / sngon 'byung gtam ni ston byed pa'i/ /mtshan nyid can ni sngon rabs yin/ /'jig rten 'dod chags bral ba'i phyir/ /bstan pa chos kyi bstan bcos so/ /de rnams ni rig pa'i gnas bcu bzhi ste/ /yan lag rnams dang rig byed bzhi/ /spyod can rig pa rgyas pa dang/ /sngon rabs chos kyi bstan bcos te/ /de rnams rig pa bcu bzhi yin/ /zhes gang bshad pa'o/ /rang gi gzhung lugs kyi rim pas ni lnga ste/ 'di ltar sgra rig pa dang/ gtan tshigs rig pa dang/ gso ba rig pa dang/ nang rig pa dang/ bzo'i las kyi gnas rig pa'o/ /de rnams kyi bye brag ni 'phags pa byams pas gsungs pas 'dir rgyas par mi bya'o/ /de lta na yi ge phyi mo ni dag gi rang bzhin ma lus pa'i rgyur 'gyur ba yin zhing de yang yi ge a las byung ba kho na yin te/ a ni yig 'bru kun gyi mchog / don chen yi ge dam pa yin/ /khong nas 'byung ba skye ba med/ /tshig tu brjod pa spangs pa ste/ /zhes gang gsungs pa'o/ /de nyid thung du lnga'i ngo bo nyid kyis phung po dang rnam par shes pa lnga'i ngo bo yin zhing/ de nyid ma ning bzhi po ma gtogs pa bcu gnyis kyis phyi dang nang gi yul dang dbang po'i rang bzhin nyid yin pas skye mched bcu gnyis kyi ngo bo yin no/ /dbyangs bcu drug gi ngo bo nyid kyi zla ba'i cha bcu drug gi rang bzhin dang/ chos grangs kyi rang bzhin yin no/ /de nyid nyis 'gyur du gyur pas skyes bu chen po'i mtshan sum cu rtsa gnyis kyi ngo bo yin no/ /yi ge a'i dbye bas khams bco brgyad kyi rang bzhin yin te/ thung du ring po 'phar ba dang/ dbyangs rnams gsum dang sprel ba dang/ /sna las rjes 'byung dbye ba yis/ /grangs las bco brgyad bdag nyid ste/ /dbye ba ni thung du dang ring po dang/ gong du bskyed pa dang/ bteg pa dang/ smad pa dang/ dbyangs can dang/ sna las rjes su byung ba dang bcas pa dang/ sna las rjes su byung ba med pa zhes bya ba yin no/ /de bzhin du de nyid gsal ba'i ngo bo thabs kyi rang bzhin no/ /rjes su 'jug pa'i dbyangs dang bcas pa'i mthar gnas gsum dang 'brel pa med par mi 'byung ba rnams dang ldan pa las thabs dang shes rab kyi ngo bo nyid bzhi bcu gnyis 'gyur du byas pa las yi ge a nyid dpe byang bzang po brgyad cu'i rang bzhin yin no/ /gang gi phyir de med na yi ge thams cad brjod par nus pa ma yin te/ rnam par shes pa med pa'i lus bzhin du don gyi bya ba cung zad kyang mi byed pa de'i phyir/ yi ge phyi mo ni a las byung ba yin zhing/ de ni bud med dang skyes pa dang ma ning gi dbye bas yi ge gsum gyi rang bzhin du gyur nas/ spro bar byed pa dang gang bar byed pa dang/ bum pa lta bu'i bye brag gis nyin dang mtshan du rlung nyi khri chig stong drug brgya rgyu ba'i dbye bas sems can gyi khams thams cad la khyab ste gnas so/ /de nyid zhi ba la sogs pa'i dbye ba las mi shigs pa'i yi ger zhugs te/ las kyi tshigs sgrub par byed do/ /de nyid sgra'i bye brag rnam pa bcu la brten nas sngags kyi 'khor lo rnam pa sna tshogs pa skyed de/ rnal 'byor chen po'i rgyud dpal rdo rje sa 'og las/ yi ge dang ni dbyangs dang sgra/ /nga ro ku co sgra skad dang/ /'ur sgra brtsegs dang gsal ba dang/ /gcod de sgra yis mtshan nyid bcu/ /lkog ma mchu rkan so la sogs/ / dbye ba dag gis dmigs 'gyur zhing/ /yi ge tshig gsal rten du 'gyur/ /de ni yi ge yin par brjod/ /tshangs pa'i 'jig rten sogs rnams su/ /drug skyes sogs dbyangs dbye ba yis/ /tshangs pas smra rnams glur len pa'i/ /dbyangs ni rnam pa bdun du gnas/ /skad dbyings rtags dang tshig la sogs/ /'byung po ming gi rang bzhin du/ /'dir gnas sgra yi bstan bcos gang/ /sgra de kun nas gnas pa yin/ /sgra yi mthar ni snyan pa ru/ /gang zhig thos par 'gyur ba dang/ /yid ni bde bar byed pa ni/ /nga ro zhes ni mngon par brjod/ /bya dang sil snyan skye bo rnams/ /'dus pa las ni 'byung 'gyur zhing/ /bye brag med cing gsal ba gang/ /de kun ku co zhes byar sgrags/ /rgyud mangs dril bu sogs brdungs pa/ /de las byung ba'i skra grags pa/ /yid ni bde bar byed pa gang/ /sgra skad ces ni mngon par brjod/ /ji ltar me ni 'bar ba dang/ /rlung dang chu yi tshogs dag gis/ /sgra ni grags par 'gyur pa de/ /'ur sgra yin par rab tu brjod/ /klu me 'char gyi sgra mtshungs pa/ /nang nang gnas par gyur pa'i sgra/ /rna ba bkab nas thos gyur pa/ /de ni brtsegs dang gsal zhes bya/ /dper na rlung gi bskyod pa yi/ /rgyud mangs las ni phyung ba'i sgra/ /de 'dra'i sgra yi gnas byung ba/ /shes rab can gyi thos pa na/ /lte ba'i phyogs nas yang dag 'byung/ /de nyid nye bar dmigs pa na/ /bum pa'i nang gi bung ba bzhin/ /de ni zab cing snyan pa dang/ /shin tu phra bar 'jug pa yi/ /sgrar ni nye bar thos 'gyur zhing/ /sems nyid kyis ni shes bya ba/ /de ni gcod ces bya ba ste/ /til mar gyis ni til sogs bzhin/ /de yi 'di dag thams cad khyab/ /the tshom med cing brjod du med/ /dbyangs dang yi ge rnam spangs pa/ /de ni phyi nang rtag pa yin/ /de ni tshangs pa dam par brjod/ /de ni sus kyang brjod pa dang/ /bzhig par nus pa nyid ma yin/ /'di ltar rang nyid 'byung ba ste/ /de ni khyab bdag lus la gnas/ /da ni yul dang 'khor ba dang/ /za byed lus dang rmongs byed du/ /ji srid du ni mi shes pa/ /de srid kho nar phyugs shes bya/ /thams cad na ni gnas pa ste/ /tshangs pa dam par brjod pa ste/ /sngags kyi de nyid shes nas ni/ /'khor ba'i gzebs las grol bar 'gyur/ /zhes bya ba la sogs pa gang gsungs pa'i rim pas sngags kyi de kho na nyid gsal bar byas pa yin te/ sngags kyi de kho na nyid las sngags kyi rdzogs pa 'byung ngo/ /de yang ji lta bu zhe na/ 'dir rnal 'byor pas lte ba'i dkyil 'khor la gnas pa'i chos kyi dbyings kyi 'khor lo rtsibs brgyad pa'i lte ba la yi ge a 'bar bar gyur pa bsams te/ mgo bo la sogs pa rnams su yang yi ge gsum bkod nas de 'jug pa la sogs pa'i rim gyi bzlas pa bya ste/ cha shas dang cha shas kyi dbye bas de bsdus nas der bcug ste/ de yang chos kyi dbyings kyi 'khor lor thim par byas shing de yang 'od gsal ba'i ngo bor shes par bya ste/ gnas pa zhes bya ba 'di ni sngags kyi rdzogs pa ste/ shin tu mthar thug pa yin pas de nyid kyi phyir 'di ni mi nang gi bzlas pa zhes bya'o/ /de lta bu'i rnam pa can gyi rnal 'byor pa ni rdo rje bzlas pa la legs par bslab pa yin no/ /zhes bya ba'i don to/ /dgongs pas ma yin pa'o/ /da ni rim pa bzhi'i go rim rdo rje bzlas nas rnal 'byor pa/ /sems la dmigs pa thob par 'gyur/ /sems la dmigs pa rtogs nas ni/ /ye shes sku ni thob par 'gyur/ /sgyu ma lta bu'i ting nge 'dzin gnas/ /gnyis med ye shes thob par 'gyur/ /zung 'jug ting 'dzin la gnas nas/ /slar zhing ga la 'ang mi slob bo/ /zhes bya ba la sogs pa gsungs pa'i don ni 'di yin te/ rdo rje bzlas pa'i rim pas dag rnam par byed pa byas ba na rnal 'byor pa sems shes pa gsum gyi bdag nyid can la dmigs pa ste/ rnam par dag pa thob par 'gyur ro/ /kun gzhi dang nyon mongs pa can dang 'jug pa'i rnam par shes pa'i rang bzhin brgya drug cu'i tshogs dang bcas pa'i rnam par shes pa gsum gyi ni 'gro ba rnams la nyin dang mtshan du zo chun gyi 'khrul 'khor bzhin du 'khor bar byed do/ /rtsa ba med cing gnas pa med pa kha dog med cing rtags med la dbyibs med par gyur pa gang yin pa'i rnam par shes pa gsum po ni glo bur ba'i nyon mongs pa'i bag chags kyi ral gri rnon po thogs nas 'khor ba'i 'brog dkon pa'i gnas su 'gro ba'i 'gron po rnams kyi dge ba'i rtsa ba'i nor 'phrogs nas bsad cing skye gnas gzhan du 'phen par byed do/ /ji skad du/ thal mtshan gyi chu bo'i mdo las/ 'brog dgon pa na gnas pa'i dge slong lag pa gyen du brkyang ste nyin bar/ bdag ni nor 'phrog byed pa'i choms rkun rnams la 'jigs pa med/ /de rnams nor tsam 'ba' zhig 'phrog par byed de de yang med/ /yid la yang du bsags pa'i dge ba'i nor/ /tha ma rnam rtog dag gis dbang med par ni 'phrog par byed/ ces 'bod do zhes gsungs so/ /de'i phyir rnam par shes pa gsum yongs su mi shes pas kho na 'khor ba yin te/ 'phags pa byams pas/ yang dag ma yin kun rtog ni/ /sems dang sems byung khams gsum pa zhes bya ba la sogs pa gang gsungs pa'o/ /rnam par shes pa gsum gyi rang bzhin gyi sems de la 'chad par 'gyur pa'i sngags dang phyag rgya'i rim pas dmigs shing rnam par sbyong bar byed pa de'i tshe sems rnam @049a par dag par 'gyur te/ sbas pa'o/ /de nas sems rnam par dag pa ste thob nas don dam pa'i bden pa las gcig par langs te/ sngon gyi smon lam 'bras bu dang bcas par bya ba'i don dang/ dbang phyug chen pos lta ba dang mtshungs pa'i chad lam spang pa'i phyir/ rnal 'byor pa dbang po'i gzhu lta bu'i dkyil 'khor pas yongs su bskor cing rnam pa thams cad kyi mchog dang ldan pa nyi ma dang zla ba dang me'i 'od las lhag pa'i gzi brjid dang ldan pa'i dpal rdo rje 'chang chen po'i sku rnam grangs gzhan yang ye shes kyi sku zhes bya ba 'gro ba ma lus pa skad cig tsam gyis rang gi sku dang mtshungs par sgrub par byed pa/ dkyil 'khor gyi 'khor lo gzhan dang gzhan spros pas khams gsum pa rnam par sbyong bar byed pa 'thob par snang ba nye bar 'thob pa la sogs pa phyag rgya bzhis rgyas btab pa'i ye shes kyi sku thob par 'gyur zhes bya ba ni sbas pa yin no/ /de'i rjes la sgyu ma lta bu'i ting nge 'dzin gnas te/ rnam grangs gzhan dag byin gyi brlab pa'i rim pa zhes bya ba 'thob nas gnyis med ye shes 'od gsal ba'i de kho na nyid 'thob par 'gyur ro/ /de bzhin du 'dod chags dang 'dod chags par ma gcig 'dod chags dang bral ba gcig ste/ gnyis po de dag spangs pa yin pa'i phyir gnyis med do/ /mtshan mo dang mtshams gcig nyin mo gcig ste de dag spangs pa nyid yin pa'i phyir gnyis med do/ /dga' ba dang mchog dga' gcig /dga' bral gcig ste/ de dag spangs pa nyid yin pa'i phyir gnyis med do/ /ye shes ni man ngag bzhi pa yin no/ /lhan cig skyes pa'i bde ba chen po yang ye shes yin te/ 'jig rten las 'das pa'i chos nyid rtogs pa'i phyir ro/ /dz+nyA ni ye shes te rtags pa'o/ /na ni 'gag pa ste/ des na 'dod chags la sogs shes pa rnams med pa'i ye shes so/ /de bas na gnyis su med @ 049b ba yang yin la ye shes kyang yin pas gnyis su med pa'i ye shes so zhes las 'dzin pa'i bsdu ba bya zhing mngon par byang chub pa'i rim pa thob par 'gyur ro/ /zhes bya ba'i don te/ mthar thug pa yin no/ /des de nas gnyid sang pa bzhin du rnal 'byor pa langs te/ thog ma med pa'i smon lam gyi sems nyid bag chags kyi stobs dang/ de'i ro kho nas kun rdzob dang don dam pa tha mi dad pa'i zung 'jug ting 'dzin la bya ste/ rnam pa dang bcas pa dang rnam pa med pa la sogs pa'i zung du 'jug pa ste / bcings shing 'dres par gyur pa ni zung du 'jug pa'o/ /ting nge 'dzin de las langs kyang de la rtse gcig pa'i rang bzhin tsan de la gnas nas 'khor ba ji srid kyi bar du cho 'phrul ston pa dang/ chos rnam pa sna tshogs ston pa'i rim pa dang/ ting 'dzin gyi khyad par gyi sems can gyi don byed pa'i rnal 'byor pa ni bya ba byas pa dang/ byed pa byas pa dang/ bya ba med pa dang/ spros pa med cing 'bras bur gyur pa'i nges par byed pa'i chos kyi dbyings kyi ye shes thob pa nyid yin pa'i phyir gang la yang mi slob po zhes bya ba ni mthar thug pa'o/ / //da ni de nyid kyi phan yon ni/ de ni rdzogs pa'i rnal 'byor brjod/ /rdo rje 'dzin pa chen po'ang de/ /rnam pa kun gyi mchog ldan pa'i/ /thams cad mkhyen par de nas 'gyur zhes bya ba gsungs te de zhes bya ba'i thams cad kyi ming gis ni rim pa lnga'i 'bras bur gyur pa rim pa lnga pa gzung ngo/ /de ni rdzogs pa yin te rang bzhin gyis grub pa'i chos nyid kyi rang bzhin nyid yin pa dang/ mi slob pa nyid yin pa'i phyir ro/ /ting nge 'dzin gyi rim pas gong nas gong du thob par bya ba nyid yin pa'i phyir / rnal 'byor pa yang yin no/ /de nyid rdo rje 'dzin pa chen po ste/ rdo rje sems dpa' rang gi ngo bo sku gsum gyi bdag nyid can gyi lha'i rnam pa'o/ de yang rnam pa kun gyi mchog ni mtshan dang dpe byad de dag dang ldan pa ste/ brgyan pa'i thams cad mkhyen pa mngon par shes pa drug thob cing stobs bcu dang mi 'jigs pa la sogs pa'i yon tan dang ldan pa rnal 'byor par 'gyur zhing yang dag par 'grub po/ zhes bya ba ni sgra ji bzhin pa'o/ /zhar las byung ba'i 'bras bu ni/ /'das pa dang ni ma 'ongs dang/ /da ltar byung ba'i srid gsum gnas/ /'od gsal ba ni rnam dag pas/ /skad cig de la ma lus mthong/ zhes bya ba gsungs te 'das pa la sogs pa'i dus dang/ yul gyi sems can gyi khams gyi sems kyi spyod pa rnams dang 'chi 'pho ba dang skye ba la sogs pa rnams dang thag ring po na gnas pa yul dang rus dang rang bzhin gyis skal pa'i dngos po rnams mthong ba dang/ thos pa la sogs pa'i srid gsum gnas te khams gsum na gnas pa 'od gsal ba ni rnam dag pas te zung du 'jug pa'i rim pa'i ting nge 'dzin thob pas skad cig de la zhes bya ba skad cig gcig la ma lus pa ste/ sems can gyi khams rnam pa bzhi'i bye brag mthong zhing shes par 'gyur ro/ /zhes bya ba'i tha tshig ste dang pa'i don to/ /'di ltar de kho na nyid rtogs pa las 'bad pa med pa kho na rnal 'byor pa'i dngos grub rnams 'byung bar 'gyur te/ don gcig dam pa'i don du mthong 'gyur na/ /'gro kun don gcig tu ni mthong ba yin/ /'gram gyi phyogs gcig tu ni chu ma thungs na / rgya mtsho ma lus par ni shes par 'gyur/ /zhes bya ba la sogs pa yang bshad do/ /'das pa ni 'dod chags kyi skad cig go /ma 'ongs pa ni 'byung bar 'gyur ba'i rang bzhin gyi 'dod chags dang bral ba'i skad cig go / da ltar 'byung ba ni 'dod chags par ma'i skad cig / de rnams kho na rnam par rtog pa dang bcas pa nyid yin pa'i phyir srid pa gsum gyi rang bzhin yin no/ /ni zhes bya ba ni rgyu mtshan gyi bdun pa yin no/ /des na don 'di yin te/ de rnams shes nas 'od gsal ba ni rnam par dag pas zhes bya ba 'od gsal ba'i de kho na nyid lhan cig skyes pa'i dga' ba'i mtshan nyid bzhi pa skad cig de la te/ skad cig tsam gyi rang gi ngo bor mthong zhing mngon du byed do/ /zhes bya ba ni mthar thug pa'o/ /yang na 'das pa ni 'byung ba'i rlung gi rang bzhin yi ge hUM ngo/ /ma 'ongs pa ni 'jug pa'i rlung gi rang bzhin yi ge aoM mo/ /da ltar byung ba ni gnas pa'i rlung gi rang bzhin a'jug pa la sogs pa'i rim gyis 'od zer dmar po la sogs pa rnams g.yas la sogs pa'i dbye bas sna'i rtse mor 'dzin pa na/ 'od gsal ba rnam par dag pa'i de kho na nyid la mthong zhing thob par 'gyur te spyi'i don to/ /yang na 'das pa ni kun gzhi rnam par shes pa'o/ /ma 'ongs pa ni nyon mongs pa can gyi yid kyi rnam par shes pa'o/ /da ltar byung ba ni 'jug pa'i rnam par shes pa'o/ /srid pa gsum ni thabs dang shes rab dang ma rig pa'i rang bzhin can gyi rang bzhin rnams so/ /de thams cad skad cig de de la ste/ skad cig dang thab cig dang yud tsam dang/ mig 'dzum dang lag brdabs kyis 'jug pa dang sngags dang phyag rgya'i rim pas gal te 'od gsal ba rnam par dag par byas pa de'i tshe rnal 'byor pa ma lus pa ste 'gro ba ma lus pa'i rang gi ngo bo 'od gsal bar mthong zhing nyams su myong bar 'gyur ro zhes bya ba ni sbas pa'o/ /yang na 'das pa ni chos kyi sku'o/ /ma 'ongs pa ni sprul pa'i sku'o/ /da ltar byung ba ni longs spyod rdzogs pa'i sku'o/ /srid pa na te khams gsum na rnal 'byor pas 'od gsal ba rnam par dag pa ste/ sgyu ma lta bu'i ting nge 'dzin gyis mthong ba ste/ goms par byed cing ma lus par ste gzhan nyid du gnas par gyur pa gang yin pa de dag kyang de skad cig do la de dang 'dra ba nyid du mthong ngo zhes bya ba ni sbas pa'o/ /da ni lung tshang ma yin pa dang bla ma'i zhal la ltos pa'i phyir/ dpal ldan 'dus pa'i rgyud du ni/ /de nyid 'di dag rgyas btab gnas/ /bshad pa'i rgyud kyis rjes 'brangs nas/ /bla ma'i zhal las rtogs par bya/ zhes gang gsungs te/ de nyid 'di dag ces bya ba snga ma dang phyi ma'i bye brag gi mtshan nyid can rdo rje 'chang gi go 'phang thob par byed pa'i rgyu'i rim pa lngar bshad pa gang yin pa ni dpal ldan 'dus pa'i rgyud du shin tu legs par rgyas btab gnas te rgyal pos rang gi mdzod bzhin du bcings nas gnas so/ /de'i phyir shin tu gsang ba nyid yin pas khong du chud par mi nus te/ bshad pa'i rgyud rtsa ba'i rgyud kyi 'brel ba lta bu de rnams kyi rjes su 'brangs nas te/ de dag shes par byas nas rtogs pa bya zhing shes par bya'o/ /gal te de lta na 'grel pa la 'bad pas ci dgos she na/ bla ma'i zhal las shes bya ba gsungs te/ bla ma'i zhal las brten nas shes par bya ba'i gzhan du glegs bam klags pa tsam las ni skye ba lnga brgyar yang de kho na nyid thob bar mi 'gyur te/ 'khrul pa bskyed par byed pa nyid dang bcom ldan 'das kyi gsungs pa'i tshig ni shin tu zab pa'i phyir ro/ /gal to shes rab dang ldan pa nyid yin pa'i phyir sdug bsngal chen pos sngags dang rgyud kyi don ci zhig ltar rtogs pa yin yang/ 'on kyang bla ma'i zhal med par sngags kyi dngos grub 'jig rten pa dang 'jig rten las 'das pa grub par mi 'gyur bas de'i phyir rje btsun bla ma rdo rje 'chang gi zhal snga nas dad pa dang 'bad pas mnyes par bya ba yin te/ de'i zhal las de kho na nyid thob par 'gyur ro snyam du dgongs pa yin te sgra ji bzhin pa'o/ /da ni dpal gsang ba 'dus pa las gnas pa'i de kho na nyid gang yin pa mdor bstan pa'i sgo nas bstan pa'i phyir/ de la dang po kho na rlung gi de kho na nyid mdor bstan pa'i tshig rtsa ba'i rgyud la 'jug par bya ste zhes bya ba gsungs te/ rlung gi de kho na nyid ni sngar bshad pa'o/ /mdor bstan pa'i tshig ni gleng slong ba'i tshig gi/ rtsa ba'i rgyud las te dpal ldan gsang ba 'dus pa'i rgyud la gzhug par bya zhing brjod par bya'o zhes bya ba ni sgra ji bzhin pa'o/ /sna yi rtse mong yungs kar bsam/ /'gro dang mi 'gro yungs kar la/ /ye shes gnas mi nyams dga' ba/ /gsang ba'i ye shes kyis brtags bsgom/ /rin chen kho dog sna lnga pa/ /yungs kar gyi ni 'bru tshad tsam/ /sna yi rtsa mong nan tan du/ /rnal 'byor rig pas rtag tu bsgom/ zhes bya ba la/ dang por rdo rje 'chang chen po la sogs pa'i rnal 'byor pa rnams las gang yang rung bas sna'i rtse mor te gsang ba dang snying ga dang gdong gi sna'i rtse mo rnams su yungs kar te byang chub kyi sems kyi thig le tho rangs kyi skar chen gyi rnam pa can rtsa 'khor lo thams cad kyi nang nas byung ba'i byang chub kyi sems kyi snying po sdud pa'i ngo bo bsams te/ de'i rjes la phyi rol gyi mngon par zhen pa spang pa'i phyir yungs kar de la 'gro dang mi 'gro ste brtan pa dang g.yo ba'i bdag nyid can gyi khams gsum pa de las byung ba'i 'od zer gyi 'khor los nang du bcug nas thams cad kyi bdag nyid du bsam par bya ste/ de ltar na bdag dang gzhan gyi rnam par 'byed pa'i rnam par rtogs pa spangs pa'i rnal 'byor pa de tsam la gnas par 'gyur ro/ /de'i rjes su ye shes te rlung bcu po rnams so/ /gnas ni yi ge gsum mo/ /nyams dga' ba ni de bzhin gshegs pa lnga'o/ /gsang ba ni lha mo rnams so/ /ye shes ni byang chub sems dpa' rnams so/ /rtags pa ni khro bo rnams so/ /de'i bdag nyid du bsgom zhing bsam par bya'o/ /de nyid kyi phyir kha dog sna lnga pa ste/ de bzhin gshegs pa'i rigs kyi rab tu dbye bas 'od zer gyi tshogs 'phro bar byed pa yin no/ /sems can gyi khams chen po spro ba'i rnal 'byor gyis bsam pa thams cad yongs su rdzogs par byed pa yin pa'i phyir rin po che dang 'dra ba'i rin chen te rin po che chen po'o/ /yungs kar gyi 'dru tshod tsam ste yungs kar phra mo'i 'bru tshad tsam/ sna'i rtse mor te rdo rje dang pad+ma dag las gang yang rung ba de'i rtse mor bsgom par bya'o/ /rnal 'byor rigs pas zhes bya ba ni yan lag drug pa'i phyogs gcig srog dang rtsol ba mngon par shes pa'i rnal 'byor pas so/ /rtag tu ni nyin mtshan kun tu ste/ /ji srid rtse gcig par gyur pa'i bar du zhes bya ba'i don to/ /'di skad du brjod par bya ste/ 'dod chags la sogs pa'i rigs can gyi rnal 'byor pa'i bye brag gis sna'i rtse mo gsum dang smin ma'i dbus dang lte bar rang dang gzhan du rnam par 'byed pa spangs pa'i thig le tsam rnam par bkod de ji srid du sems rtse gcig pa nyid thob pa de srid du goms par bya'o/ /thig le ji lta bu zhig ces bya ba'i khyad par brjod par bya dgos so zhe na/ brjod par bya ste/ gsang ba'i snar ni thabs dang shes rab snyoms par zhugs pa'i sgo nas byang chub kyi sems 'dus par gyur pa'i thig le'i gzugs su bsgom mo/ /snying ga'i snar ni aoM dang ngag gi dbang phyug gis sa bon bsdus shing sems kyi sa bon yang bsdus nas sngags kyi thig le'i gzugs su bsgom mo/ /gdong gi snar ni dkyil 'khor bzhi'i rim gyis spros pa'i 'od zer gyi 'khor lo kha dog dmar po la sogs bsdus pa'i 'od kyi thig le'i gzugs su bsgom mo/ /kha cig ni gsang ba'i sna'i thig le nyid thur du sel ba'i rlung gis/ drangs nas gnyis por gzung bar bya ste/ de ni bde ba chen po'i rang bzhin nyid yin pa'i phyir ro/ /de bzhin du gzhan dag gi yang smin ma dang lte ba'i dbus dag tu brtag par bya'o zhes zer ro/ /'di ni dgongs pas bshad pa'o/ zhes bya ba la/ dgongs pas bshad pa zhes bya ba ni gang zag dbang po rnon po'i don du 'gal ba'i tshigs gis de kho na nyid 'ba' zhig ston par byed de/ ji skad du pha dang ma ni bsang bya zhing/ /rgyal po gtsang ma can gnyis dang/ /yul 'khor rjes mjug bcas bsad na/ /mi ni dag pa rjes su brjod/ /ces bya ba la sogs pa gsungs pa bzhin no/ /da ni bshad pa/ rdo rje tshig 'di'i bshad pa'i lha mo bzhis zhus pa'i bya ba bshad pa'i rgyud las zhes bya ba gsungs te rdo rje ltar mi shigs shing zab mo'i don can gyi tshig ni te chig gis brtsams pa'i dag go/ 'di zhes bya ba sngar bshad pa'i rdo rje'i tshig gis bshad pa ste/ rnam par dbye ba lha mo bzhi ste sangs rgyas spyan la sogs pa rnams kyis zhus pa zhes bya ba'i bshad pa'i rgyud las gsungs te/ sgra ji bzhin pa'o/ /snying po las ni snying po mchog /sangs rgyas kun gyi gsang ba ni/ /gang de thams cad bdag nyid gnas/ /de nyid lha mo bshad par bya/ /ye shes lnga yi rang bzhin dbugs/ /yungs kar gyi ni 'bru tshod tsam/ /de yi dbus su gnas pa'i lha/ /mi gsal gsal ba'i bdag nyid can/ /zhes gsungs pa'i don ni 'di yin te/ de nyid ni don dam pa ste/ kye lha mo sangs rgyas can la sogs pa'i rigs kyi yum khyed rnams la bshad par bya zhing rab tu phye nas bshad par bya'o/ /de nyid ji lta bu zhe na/ snying po ste spyod pa'i rgyud la sogs pa la bltos nas mngon par byang chub pa lnga'i rim gyis bskyed pa'i lha'i rnam pa'o/ /de dag las kyang snying po ni yan lag drug pa la sogs pa'i mtshan nyid kyi rdzogs pa'i rim pa'o/ /de las kyang khyad par du 'phags pa nyid yin pa'i phyir shin tu ste/ /rdo rje bzlas pa'i rnam grangs gzhan rlung gi de kho na nyid ces bya ba'o/ /de nyid kyi phyir ting nge 'dzin thams cad la khyad par du 'phags pa nyid yin pas mchog te dam pa'o/ /sangs rgyas kun gyi ste/ dang po lnga'i sa bsdus pa'i rang bzhin nyid yin pas gsang ba'o/ /yang na ra dang ha ste rdo rje dang pad+ma dag sbyor ba las byung ba'i gsang ba'o/ /yang na skyed pa'i rim pa'i rnal 'byor pa rnams la gsang bar bya ba nyid yin pa'i phyir gsang ba'o/ /thams cad bdag nyid de sku dang gsung dang thugs dag gcig pa'i dngos por gnas pa'i bsdus pa'i gnas skabs su gyur pa'o/ /yang na thams cad bdag nyid te cha drug pa'i lus la gtso bor gyur pa'i khams kyi gzugs kyi gzugs kyis gnas pa'o/ /de bzhin du ye shes lnga ni me long lta bu la sogs pa'i ye shes rnams so/ /de'i rang bzhin ni de'i ngo bo'o/ /de bzhin du yang de'i me long gsal po dang zla ba'i 'od zer dkar po lta bu'i rnam pa'i gzugs can gang yin pa de ni me long lta bu'i ye shes so/ /khams kyi rdzas nyi shu rtsa bzhi ro gcig pa'i dngos por gnas pa gang yin pa de ni mnyam pa nyid kyi ye shes so/ / de'i 'gro ba dang mi 'gro ba gcig pa'i rang bzhin nyid du dpyod pa gang yin pa de ni so sor rtog pa'i ye shes so/ /de las 'od zer gyi 'khor lo spros pas 'gro ba'i don byed pa gang yin pa de ni bya ba nan tan grub pa'i ye shes so/ /de'i nang du shin tu gsal ba'i rang bzhin gyis ye shes bde ba chen po'i rang gi ngo bor nyams su myong ba gang yin pa de ni chos kyi dbyings kyi ye shes so/ zhes brjod par bya'o/ /de nyid kyi phyir yungs kar gyi 'bru tshod tsam zhes bya ba 'di ni de'i tshad bshad pa yin te de lta bu snga ma bzhin sna'i rtse mor gnas par bsams nas/ thig le tsam de'i dbus na gnas pa ste/ yang dag par gnas pa lha rdo rje 'chang chen po bsgom par bya'o/ /de ji lta bu zhig ce na/ mi gsal ba zhes bya ba khyab par byed pa'i rang bzhin nyid yin pas zhal dang phyag dang sku mdog dang dbyibs med pa'o/ /gsal ba'i bdag nyid can zhes bya ba ni de nyid gangs dang zla ba dang/ me tog kunda lta bu'i gzugs kyis gnas pa ste/ zla gsang thig le las kyang rin chen ltar 'bar byang chub sems spros pas/ /rgyal ba kun gyi yongs su dag pa'i sku zhes bya ba la sogs pa 'byung ba'i phyir ro/ /da ni so sor bshad pa 'dus pa'i rgyud phyi ma las kyang don nyid gsal bar bya ba'i phyir zhes bya ba gsungs te/ 'dus pa'i rgyud phyi ma ni dpal gsang ba 'dus pa'i rdo rje'i tshig dka' ba bshad pa'i mtshan nyid le'u bco brgyad pa'o/ / //de las kyang don 'di nyid nges par bstan te/ rgyud phyi ma ni rdo rje tshig gi the tshom sel bar byed pa'i rang bzhin nyid yin pa'i phyir ro/ /yi ge'i don to/ /ye shes lnga yi rang bzhin dbugs /'byung ba lnga yi ngo bo can/ /pad+ma'i sna rtser phyung nas ni/ /gong bu'i gzugs su brtags par bya/ /rin chen kha dog sna lnga pa/ /srog dang rtsol ba zhes byar bshad/ /rang sngags snying gar bsams nas ni/ /sems ni thig ler gyur par bzhag ces bya ba'i don ni 'di yin te 'dir ni yan lag drug ba'i rnal 'byor gyis rim pas bsnyen pa bshad pa'i skabs su yan lag gsum pa srog dang brtsol ba rnam par bshad par bya ba'i phyir/ de bzhin gshegs pa rnams kyi tshigs su bcad pa gnyis gsungs so/ /ye shes lnga'i rang bzhin ni bshad zin to/ /rlung bcu po sdud par byed pa nyid yin pa'i phyir dbugs so /'byung ba lnga ni sa la sogs pa nam mkha' la thug pa rnams te/ de'i ngo bo can ni rang bzhin no de bzhin du yang de'i ska ba dang sra ba nyid gang yin pa de ni sa'i 'byung ba chen po'o/ /zhu ba nyid dang tshim par byed pa nyid ni chu'i 'byung ba chen po nyid do/ /reg bya dro ba khyad par du 'phags pa dang gsal ba nyid ni me'i 'byung pa chen po'o/ /'gro ba dang 'ong ba dang g.yo ba'i ngo bo nyid ni rlung gi 'byung ba chen po'o/ /de nang na khyad par byed pa'i lhan cig skyes pa'i bde ba dang dmigs pa med pa'i ngo bo nyid ni nam mkha' i 'byung ba chen po ste/ de'i phyir 'byung ba lnga'i ngo bo can yin no/ /de lta bu'i byang chub kyi sems thig le'i gzugs can pad+ma'i sna rtser zhes bya ba nye bar mtshon pa ste/ rdo rje'i rtse mor yan lag thams cad kyi tshigs las bkug nas byung ste de dag gis rtse mor gzur nas/ gong bu'i 'gyur te rdul phra rab kyi gzugs su brtag par bya zhing/ de bzhin gshegs pa ma lus pa'i rang bzhin du gzung bar bya'o/ /kun rdzob dang don dam pa dag gi gcig cig pa'i rang bzhin nyid yin pa'i phyir rin chen no/ /de bzhin gshegs pa'i ngo bo nyid yin pa'i phyir kha dog sna lnga pa'o/ /srog ste bcu'i bdag nyid can gyi rtsol ba ste/ steng dang 'og tu spro ba ni srog dang rtsol ba zhes bya bar bshad do/ /rang sngags ni bcom ldan 'das rdo rje 'chang chen po'o/ /de'i snying gar te thig le'i dbus su bsams nas ni/ /snga ma bzhin du gsal ba dang mi gsal ba'i gzugs can gyi bcom ldan 'das bsams nas so/ /de nas sems rnam par shes pa thig ler chud par te yungs kar phra mo'i tshad tsam gyis dbus su bzhag cing dmigs pa de'i tshe sems dbang du byas bas 'gyur ro/ /sems dbang du byed pa'i rdul phra rabs kyi mthar thug pa dang/ che ba'i rab kyi mthar thug pa yin no zhes gang bshad pa'o/ /dgongs pa ma yin pa'o/ /da ni so sor bshad pa/ yang 'di nyid kyi bshad pa rdo rje phreng ba zhes bya ba bshad pa'i rgyud las gsungs te zhes bya ba ston te/ bsam pa ni gal te gang gi tshe rdo rje phreng ba'i rgyud las so sor bshad pas bshad pa de'i tshe gsal ba nyid yin pa'i phyir bde blag tu rtogs par 'gyur ro/ /zhes bya ba 'di yin te/ yi ge'i don to/ /sna rtsa yungs kar zhes bya ba srog dang rtsol ba'i brtag pa ste/ srog dang rtsol ba la gnas pa'i/ /'od lnga sangs rgyas rnams su bsgom/ /steng gi sna la nges byung ba/ /g.yas dang g.yon dang gnyi ga dang/ /dal bar rgyu dang rnam bzhir 'gyur/ /nang gi dus ni yin par bshad/ /lkog ma snying ga lte ba dang/ /gsang ba'i pad+mar 'gro 'ong ston/ /thun phyed kyi ni dus dag tu/ /go rims ji bzhin gnas par 'gyur/ /don ni 'di yin to/ re zhig dang por rnal 'byor pa thams cad s hes rab snyoms par 'jug pas gnas par gyur nas yan lag thams cad kyi tshigs las bsdus pa'i byang chub kyi thig le tsam sna rtser yungs gar mtshungs pa'i tshad tsam snga ma bzhin du srog dang rtsol bar ji ltar 'dod pa bzhin du brtags shing rnam par bsgoms nas/ de'i rjes su la srog dang rtsol ba de la gnas pa'i 'od zer lnga sangs rgyas lnga'i ngo bor bsgom par bya ste/ de rnams kyang rlung lnga'i ngo bo yin no/ /zhes bya ba ni sngar bshad pa kho na yin no/ /de'i rjes la lkog ma la sogs pa bzhi ngo rnams su 'byung ba chen po bzhi'i rang bzhin can gyi dkyil 'khor bzhi'i rang bzhin gyis grub pa 'am/ ya ra la wa rjes su 'jug pa'i dbyangs dang bcas pa'i sa bon gyis bskyed pa'i gru bzhi dang zlum po dang gzhu lta bu dang gru gsum gyis rnam pa can/ ser ba dang dkar po dang ljang gu dang dmar po/ rdo rje chu srin dang dril bu dang rgyal mtshan gyi gos dang ma'i 'od kyi phreng bas mtshan pa rnams bsams te/ dkyil 'khor re re las yi ge gsum 'jug pa la sogs pa'i rim gyis 'od zer gyi 'khor lo spro bar bya'o/ /de yang steng gi sna las te/ gdong gi phyogs las nges par 'byung bar bsgom par bya'o/ /sna'i bu ga g.yon pa nas rlung gi dkyil 'khor las 'od zer spro bar bya'o/ /g.yas pa la ni me'i dkyil 'khor las so/ /gnyi ga las ni sa'i dkyil 'khor las so/ /gnyi ga kho na las chu'i dkyil 'khor las te/ 'on kyang dal zhing rgyu ba dman pa'o/ /de nyid kho na nang gi dus te/ nang gi dus tshod kyi bye brag yin par bshad cing brjod do/ /ji srid 'od zer gyi 'khor lo spro bar bya zhe na/ thun ni phyed phyed dus dag tu/ /zhes bya ba gsungs te/ de ci zhig yin par brjod par bya zhe na/ 'dir nyin dang mtshan la chu tshod drug cu rtsa bzhi yod de/ nyin mo la sum cu rtsa gnyis yod do/ /nyin mtshan la thun brgyad yod do/ /chu tshod brgyad ni thun gyi tshod yin no/ /thun dang thun tshod dang mtshams zhes bya ba rnam grangs yin te/ thun de'i phyed ni chu tshod bzhi'o/ /de'i yang phyed ni chu tshod gnyis te/ de'i tshad kyi dus su 'od zer sna'i rtse mor gzung bar bya'o/ /go rim ni dkyil 'khor gyi rim pas so/ /ji bzhin ni g.yas la sogs pa'i rim gyis shes bya ba'i don to/ /bsam pa ni 'di yin te/ chu tshod brgyad pa'i thun las dbugs 'byung rdub sum cu'i tshad kyi chu tshod phyed ni 'od gsal ba'i skad cig gi dus so/ /nyin mo thun gsum las chu tshod phyed dang gnyis su 'gyur te/ de'i phyir nyin mo la chu tshod gnyis yod do/ /mtshan mo'i thun bzhi la yang chu tshod gnyis yod pa'i phyir chu tshod bzhi ni 'od gsal nyams su myong ba'i dus te/ nang gi dus zhes bya'o/ /lhag ma chu tshod drug cu ni 'jig rten la grags pa'i nyin zhag yin no/ /zhes bya bar gnas te/ dgongs pa ma yin pa'o/ /da ni dkyil 'khor bzhi'i bdag po de bzhin gshegs pa dang kha dog gi dbye ba dang rgyu ba bstan pa'i phyir/ g.yas pa na ni 'byung ba'i 'od/ /de ni me yi dkyil 'khor te/ /'di ni kha dog dmar zhing gsal/ /'di ni pad+ma mgon po'i lha/ /g.yon pa las ni 'byung ba'i 'od/ /rlung gi dkyil 'khor zhes bya ba/ /ljang ser du ni snang ba ste/ /'dir ni las kyi mgon po'i lha/ /gnyi ga las ni 'byung ba'i 'od/ kha dog ser por snang ba che/ /de ni dbang chen dkyil 'khor te/ /'dir ni rin chen mgon po lha/ /dal zhing rgyu ba dman pa ste/ /kunda zla ba bzhin du dkar/ /de ni chu yi dkyil 'khor te/ /'dir ni rdo rje mgon po'i lha/ /zhes bya ba gsungs pa 'dir ni don 'di yin te/ sna bug g.yas pa las byung ba'i 'od zer gang yin pa de ni dbang gi las ni las nus pa dang ldan pa nyid yin pa'i phyir kha dog dmar po ste me'i dkyil 'khor las spro zhing de ni me'i khams kyi rang bzhin gyi 'od dpag tu med pas byin gyis brlabs par shes par bya'o/ /de bzhin du sna bug g.yon pa las byung ba gang yin pa dgug pa'i las la nus pa dang ldan pa nyid yin pa'i phyir kha dog ljang gu ste rlung gi dkyil 'khor las spro zhing de ni rlung gi khams kyi rang bzhin don yod par grub pas byin gyis brlab par shes par bya'o/ /me las dbang du byed pa'i nus pa mthong ste/ bum pa la sogs pa rnams kyi tshos pa dang dmar po'i dngos po bzhin no/ /rlung la yang 'gugs pa'i nus pa yod de/ de'i rang bzhin nyid yin pa'i phyir/ rtsa la sogs pa rnams khyer te 'ong ba bzhin no/ /de bzhin du sna bug gnyis ka nas byung 'od zer gang yin pa de ni 'dir rgyas pa'i las la nus pa dang ldan pa nyid yin pa'i phyir kha dog ser po ste/ sa'i dkyil 'khor las spro bar bya zhing/ de ni sa'i rang bzhin gyi rang bzhin rin chen 'byung ldan gyis byin gyis brlabs par shes par bya'o/ /sa ni lo tog dang rin po che la sogs pa'i ngo bo nyid kyis rgyas par byed par nus pa'i phyir ro/ /de bzhin du sna bug gnyi ga las byung ba'i 'od zer gang yin pa de ni zhi ba'i las la nus pa dang ldan pa nyid yin pa'i phyir kha dog dkar po ste chu'i dkyil 'khor las spro bar bya zhing/ de ni chu'i rang bzhin gyis mi bskyod pas byin gyis brlabs par shes par bya'o/ /'dir ni 'di dpyad par bya ste/ g.yas la sogs pa'i dbye bas spros pa'i rnam par dag pa gang yin zhe na/ rtsa dang khams kyi dbye bas byas pa yin no/ /zhes smra ste/ g.yas kyi rtsan byang chub kyi sems gnas pa de'i phyir/ de'i rang bzhin gyi 'od dpag tu med par spro'o/ /g.yon? na khrag gi khams gnas te/ de'i phyir phrag dog dang nga rgyal dag rigs gcig pa nyid yin pa'i phyir rin chen 'byung ldan don yod pa dag gcig pas don yod par grub pa'i rang bzhin gyi g.yon pa nas spro'o/ /bshad pa'i rgyud dang 'gal ba'i phyir/ /de ji ltar rung ba ma yin nam/ de skad du yang kha sbyor las/ /skye gnas dbus na rtsa gnyis te/ /g.yas dang g.yon dang gnyi ga'o/ /g.yon na khu ba gnas zhes bya/ /g.yas na khrag gi gnas pa nyid do/ /de dag 'dres byed gcig yin te/ chos kyi dbyings ni sdud pa yin/ zhes gsungs pa ste/ de phyir tshad ma 'dis 'gal ba yin no/ /zhe na 'gal ba med de/ g.yon dang g.yas kyi rtsa gnyis las lkog ma nas brtsams nas lte ba'i bar du khu ba dang khrag 'bab cing lte ba las 'og tu ni de dag nyid ni 'phro ba'i dbang gis khu ba dang khrag 'bab pa yin no zhes rdo rje 'phreng ba la sogs pa las bstan pa'i phyir ro/ /bu ga gnyis nas 'phro ba'i rtsa dbus ma 'dod pa'i gdugs zhes bya ba de ni nam mkha' bzhin du dri ma med pa nyid yin pa dang/ de bzhin du gcig 'bab pa nyid yin pa'i phyir rin chen dang mi bskyod pa'i rang bzhin du spro'o/ /zhes pa la nyes pa cung zad kyang med do/ /dgongs pa ma yin pa'o/ /khyab byed rlung gi rang bzhin ni/ /lus kun la ni khyab pa'i rlung/ /bya ba kun la 'jug pa'o/ /de ni rnam snang ngo bo ste/ /'chi ba'i lus las 'byung bar 'gyur/ zhes bya ba gsungs te/ thams cad kyi rten snod kyi 'jig rten rnam par dag par gnas pa rnam par snang mdzad kyi ngo bo khyab byed kyi rlung la dkyil 'khor gyi rim pa spro ba bsdu ba med de/ 'on kyang lus la ni khyab ba ste/ tshogs 'dus ma lus pa la khyab pa'o/ /bya ba kun la te 'gro ba dang 'ong ba dang la sogs pa'i bya ba rnams la 'jug pa la ni 'jug par byed pa'o/ /'chi ba ste srog gi dbang po dang/ rnam par shes pa dag 'gags par 'gyur ba'i lus las te/ shi ba'i phung po las 'byung bar 'gyur zhing 'gro bar 'gyur te/ sa'i bu ga las sbrul bzhin du zhes bya ba ni tshig lhag ma'o/ /de nyid kyi phyir srog 'gags pa'i skad cig de la reg bya'i bye brag 'ga' zhig dmigs pa kho na yin no/ /mjug bsdu ba ni/ rlung gi de nyid gsal ba 'di/ /ye shes lnga yi rang bzhin can/ /rtog ge pa yis ma shes shing/ /rnal 'byor byis pa'i yul min no/ /zhes bya ba gsungs te/ rlung gi de nyid 'di lta bu gsal ba ste/ gsal bar byas pa'o/ /ye shes lnga'i rang bzhin can ni sngar bshad pa'i rim pas dgongs pa dang bcas pa nyid du ston pa'o/ /de ni gsang ba nyid yin pa'i phyir/ bla ma'i zhal las rtogs par bya ba yin gyi rang gi 'dod pas ni shes par bya ba ma yin te/ de'i phyir rtog ge pa yis shes bya ba gsungs te/ phyogs dang gtan tshigs dang dpe la sogs pa'i sgo dang/ rnam par rtog pa rnam pa sna tshogs pa'i dra ba dang/ sor mo bskyod ba'i rnam par bshad pas med pa sgrub par byed cing/ yod pa sun 'don par byed pa gang yin pa lta ba la shin tu mngon par zhen pa rnams la ni de kho na nyid bstan par bya ba ma yin no/ /zhes re zhig bcom ldan 'das kyis thams cad du gsungs so/ /de'i phyir de rnams kyi mi shes rang gi 'dod pas mi rtogs shing de dag la bslab par bya ba yang ma yin no/ /'o na ci nyan thos kyi rigs can rnams snod yin nam zhe na rnal 'byor byis pa zhes bya ba gsungs te/ de rnams ni 'phags pa'i bden pa bzhi'i lam la brten nas ting nge 'dzin la snyoms par zhugs pa nyid yin pa'i phyir/ rnal 'byor pa yang yin la/ brtul zhugs dang sbyangs pa'i yon tan la sogs pas lus sdug bsngal bar byed pa yin pa'i phyir byis pa yang yin pas rnal 'byor byis pa ste/ nyan thos rnams yin no/ /de rnams kyi yul min pa ni yongs su shes par bya ba ma yin pa dang bshad par bya ba ma yin pa'o/ /yang rtog ge pa ni nyan thos pa rnams so/ /rnal 'byor byis pa ni bya ba la sogs pa'i tshul gyi rnal 'byor ba rnams so/ /de rnams kyi yul min zhes bya ba snga ma bzhin te sgra ji bzhin pa'o/ /de ltar zhes bya ba la sogs pas ni sngags kyi de nyid mdor bstan pa gsungs te/ rtsa ba'i rgyud las zhes bya ba ni dpal gsang ba 'dus pa las so/ /de bzhin gshegs pa thams cad kyi sku dang gsung dang thugs kyi gsang ba/ sngags thams cad kyi snying po kun tu skul bar byed pa zhes bya ba mchog tu gsang ba nyid kyi sku dang gsung dang thugs rdo rje las tshig gi lam nges par brjod pas sngags bsdus pa 'di lta bu gsungs so/ /don ni 'di yin te/ sngags kyi de kho na nyid ston pa'i skabs su ji srid sngags kyi de kho na nyid brjod par bya'o/ /de'i phyir sngags kyi bskyed pa gsungs so/ /de bzhin gshegs pa thams cad kyi ste sku rdo rje la sogs pa rnams kyi sku dang gsung dang thugs dang re re zhing sku la sogs pa gang dag yin pa'o/ /de rnams kyi sa bon nyid dang snying po nyid yin pa'i phyir gsang ba'o/ /de bzhin du sngags thams cad kyi ste/ de bzhin gshegs pa thams cad kyi'o/ /snying po ni thugs kyi nus pa'o/ /kun tu skul bar byed pa ni 'gugs par byed pa'o/ /yang na sngags thams cad kyi ste phyi rol gyi gzhung lugs la gugs pa'i sngags drag po rnams kyi snying po skul bar byed pa ni mthu nyams par byed pa'o/ /mchog ni sngags thams cad kyi mchog go / gsang ba ni bya ba la sogs pa'i tshul la brten pa rnams la gsang bar bya'o/ /de nyid kyi sku la yi ge aoM mo/ /gsung la yi ge Anges par brjod pas te gsung gi lam gyis so/ /yang na tshig las te gsung las so/ /lam las te sku las so/ /nges par brjod pa las te thugs so/ /sngags ni A li kA lis bsdus pa'i snying po la sogs pa'o/ /bsdus pa ni bud med la sogs pa'i bye brag gis sdud par byed pa'o/ /gsung ba ni bcom ldan 'das rdo rje 'chang chen pos gsungs pa'o zhes bya ba ni ngag gi don to/ /de ni dgongs pa ma yin pa dang dgongs pas bshad pa'o/ /dpe brjod pa ni/ aoM Abya ba'i skad kyi dbyings gsungs pa la sogs pa rnams la 'jug ste/ srung bar byed cing 'jug pa'i ngo bo nyid kyis gang bar byed pas na aoM mo/ /a ba'i mdza' ma yang dbyi zhing man yang sbyar ro zhes bya ba wa dbyi zhing man gyi rkyen sbyar te an phyis nas a aur byas te yon tan byas pas ao zhes bya bar 'gyur ro/ /des na 'jug pa'i bdag nyid can yin no/ /zhes bya ba'i don to/ /a sa zhes bya skad kyi byings ni gnas pa la 'jug ste/ sa'i a phyis nas an dang as kyi mdza' can dag ring por 'gyur ro// z hes bya bas a ring por bya zhing sa tshig drag tu byas pas Apor byas hUM du 'gyur te/ des na 'byung ba'i bdag nyid can yin no/ /zhes bya ba'i don to/ yi ge'i don to/ /aoM ni rnam par snang mdzad do/ /Adang ma 'dus pa las yon tan byas pas aoM mo/ /a dang a dang thig le gnyis po rnams las ring por byas pas Adang/ de bzhin gshegs pa lnga'i rang bzhin gyi yan lag rnams kyi skyed pa yin no/ /zhes bya ba ni spyi'i don to/ /yi ge aoM ni 'dod chags dang 'dod chags de 'bral ba'o/ /yi ge Arnams sdud par byed pa'i rnam pa can gyi man ngag bzhi pa'o mtshan nyid ni yi ge hUM ngo zhes bya ba ni sbas pa'o/ /aoM ni kun rdzob po/ /hUM don dam pa'o/ /de dag tha mi dad par byed pa ni yi ge Apa yi bzlas pa ni/ /ngo bo nyid med bzang po ru/ /dus gsum sangs rgyas kyis brtags pa/ /rdo rje bzlas par de bshad do/ /zhes bya ba gsungs pa 'di'i don ni 'di yin no/ /re zhig dang por rnal 'byor pas mgo la sogs pa rnams su yi ge gsum bkod de/ spro bar bya ba byed pa dang gang par byed pa dang bum pa lta bu'i bya bas 'jug pa la sogs pa'i rim gyis sems rtse gcig pa nyid du byas nas don rtogs pa ste de bzhin gshegs pa rnams kyi ye shes kyi mtshan nyid khong du chud pa'i bzlas pa ni yang dang yang du goms par byas pa gang yin pa'o/ /de ni ngo bo nyid med de/ 'od gsal ba'i ngo bo yin zhing bzang po ru ste rtog pa'i dra ba ma lus pa rab tu zhi ba'i phyir yid du 'ong bar dus gsum sangs rgyas kyi rang bzhin du lhag par mos par brtag pa ni rdo rje bzlas pa te mi shigs pa'i bzlas par bshad do dgongs pa ma yin pa'o/ /yang na don 'jig rten gyi lus kyi tshogs rnams rtogs pa ste rang gi lus dang bcas par lus zhes bya ba gcig kyang ma yin du ma yang ma yin zhes bya ba'i bzlas pa ni brtags pa gang yin pa'o/ /ngo bo nyid med de lus rjes su dran pa'i bdag nyid yin zhing bzang po ste/ 'jig rten las 'das pa'i shes rab kyis yang dag par rtogs par bya bar dus gsum sangs rgyas te dus gsum sems can rnams dang 'brel pa'i lus brtag pa gang yin pa de ni rdo rje ste sku'i bzlas par bshad do/ /zhes bya ba'i sku'i bzlas pa ste dgongs pas bshad pa'o/ /de bzhin du gang gi don rtogs shing shes pa de rnams ni don rtogs pa ste tshig go /'jig rten gyi tshig de rnams rang gi tshig dang bcas pas sgra dang sgra ma yin par spyod pa'i bzlas pa'o/ /de ni ngo bo nyid med de rang bzhin gyis stong pa yin zhing bzang po ru ste so sor rtog pa'i ye shes kyi rang bzhin can gyi 'od dpag tu med pa'i ngo bor dus gsum sangs rgyas te yi ge gsum gyi bdag nyid kyi sngags thams cad brtag pa ni 'od gsal ba rtogs pa gang yin pa'o/ /de ni rdo rje ste gsung rnams kyi bzlas par bshad do/ /zhes bya ba ni gsung gi bzlas pa ste/ dgongs pas bshad pa'o/ /de bzhin du don rtogs shing zhes pas na dan rtogs pa ste sems so/ /khams gsum pa'i sems can gyi rgyud la gnas pa de rang gi sems dang lhan cig yod pa dang med pa spangs pa nyid du rtogs pa zhes bya ba gang yin pa ni bzlas pa'o/ /de ni ngo bo nyid med de/ sems dran pa nye bar bzhag pa'i rang bzhin dang bzang po ru ste/ 'jig rten las 'das pa'i rjes las thob pa'i ye shes kyi bdag nyid dus gsum ste 'dod chags la sogs pa brgya drug cu'i dbye bas gnas pa'i sangs rgyas te rang bzhin rnams brtag pa ni 'od gsal ba'i rang gi ngo bor gyur par bya ba nyid gang yin pa'o/ /de ni rdo rje ste thugs kyi bzlas par bshad do/ /zhes bya ba ni thugs kyi bzlas pa ste dgongs pas bshad pa'o/ /de bzhin du don te 'dod chags dang zhe sdang dang gti mug rnams rtogs pa ste/ 'dod chags la sogs pa rnams 'dod chags dang 'dod chags ma yin pa la sogs pa nyid du dpyad pa byas nas bzlas pa ni sems can rnams 'dod chags dang zhe sdang dang gti mug rnam par dag pa la dgod par bya'o snyam du dpyod pa gang yin pa'o/ /de nyid ni 'dod chags la sogs pa rnam par dag pa'i ngo bo nyid yin pa'i phyir ngo bo nyid do/ /rtag tu dri dang bral zhing zag pa med pa'i bde ba'i ngo bo nyid yin pa'i phyir bzang po'o/ /dus gsum sangs rgyas te khams gsum na gnas pa'i sems can rnams so/ /rtag pa ni de rnams rnam par dag pa'i ngo bo nyid du dpyad pa gang yin pa'o/ /de ni rdo rje ste 'dod chags la sogs pa rnams kyis bzlas par bshad do/ / zhes bya ba ni 'dod chags kyi bzlas pa dang zhe sdang gi bzlas pa dang gti mug gi bzlas pa ste dgongs pas bshad pa'o/ /don rtogs pa ni lha dang sngags dag gcig pa nyid do/ /des bzlas pa ni yang dang yang du goms par byed pa'o/ /des ngo bo nyid med de/ mngon par zhen pa spangs pa dang bzang po ste/ spro ba'i rim gyis sems can gyi don byed pas dus gsum sangs rgyas te/ 'gro ba rnams brtag pa ni bsam pa thams cad yongs su skod ba'o/ /de ni rdo rje ltar mi phyed pa'i nam mkha' mdzod kyi rang bzhin gyi rin chen 'byung ldan gyi bzlas par brjod do/ /zhes bya ba ni rin chen bzlas pa ste dgongs pas bshad pa'o/ /don rtogs pa ni 'gro ba ma lus pa rjes su 'dzin par byed pa'i bya ba nan tan bsgrub pa'i ye shes so/ /de bzlas pa ste de la brten nas smin pa dang grol ba la sogs pa'i mtshan nyid kyi bya ba ste/ de ni ngo bo nyid med de/ 'khor gsum rnam par dag pa'i ngo bo dang/ bzang po'i ste yongs su 'dzin par byed par dus gsum sangs rgyas te/ lus dang ngag dang sems rnams brtags pa ni de'i rang bzhin nyid du brtags pa gang yin pa'o/ /de ni bzlas pa ste don yod pa'i bzlas pa zhes bya bar brjod do/ /don yod pa'i bzlas pa ste/ dgongs pas bshad pa'o/ /don rtogs pa ni dngos po thams cad 'khyen pa'i sangs rgyas dang byang chub sems dpa' rnams te/ de rnams kyis ci nas kyang thos par bya'o snyam pa'i dad pas sngags kyi tshig rnams shin tu gsal bar 'don pas bzlas pa gang yin pa ni don rtogs pa'i bzlas pa'o/ /ngo bo nyid med pa ste rnam par rtogs pa pa'i bzang po yis te sems kyis dus gsum sangs rgyas brtags pa ste/ de rnams la dmigs nas bzlas pa gang yin pa'o/ /de ni rdo rje ltar bstan pa'i khro bo rnams kyis bzlas pa ste/ rdo rje bzlas pa yin zhing khro bo'i bzlas pa zhes brjod do/ /zhes bya ba ni khro bo'i bzlas pa ste/ dgongs pas bshad pa'o/ /don rtogs pa ni srog dang rtsol ba dag ste/ de dag phyogs dang yul dang dus dang kha dog dang dbyings spangs nas bzlas pa'i don rtogs pa'i bzlas pa'o/ /de nyid kyi phyir rnam pa thams cad dang bral ba nyid yin pas ngo bo nyid med do/ /zhi ba nyid yin pa'i phyir bzang po'o/ /dus gsum ni 'jug pa dang gnas pa dang 'byung ba'o/ /sangs rgyas ni rlung rnams so/ /de rnams brtag pa ste thams cad stong pa'i de kho na nyid du khong du chud pa gang yin pa ni rdo rje bzlas pa ste ma ning gi bzlas pa zhes bya bar bshad do/ /zhes bya ba ni ma ning gi bzlas pa ste dgongs pas bshad pa'o/ /de ltar na rdo rje bzlas pa rnam pa bcu gcig yin zhes bshad do/ /da ni de nyid kyi dbye ba gzhan slong mo za zhing mi zla ste/ slong la dga' bar mi bya'o/ /'dod pa kun la longs spyod cing/ /sngags kyi yan lag mnyams bzlas/ /zhes bya ba gsungs te/ don ni 'di yin no/ /slong mo za zhing ste dman pa'i sems su bya ba ma yin pa'o/ /slong la dga' bar mi bya ba ni zas gang yang rung ba zhig rnyed pas chog shes par bya ba'i zas pa mngon par chags par bya ba ni ma yin pa'o/ /sngags kyi yan lag ma nyams bzlas te/ zhes bya ba gsungs te/ don 'di yin no/ /lha'i rnal 'byor tha dad pa med pa'i de'i tshe rnal 'byor pa 'dod pa kun la longs spyod par 'gyur te/ drang ba'i don to/ /yang na slong mo ni tha dad pa'i rnam pa can gyi yi ge rnams so/ /de za ba ste de brjod par byed pas bzlas par mi bya'o/ /slong la ste phyi rol gyi zas la dga' bar mi bya'i bon kyang bsam gtan gyi zas kyis gnas par bya'o/ /zhes pa'i tha tshig go /sngags kyi yan lag ma nyams pa ste/ yi ge gsum tha dad pa'i rnam par rtog pa spangs pa'i sngags 'dod pa kun la longs spyod cing ste 'dod pa'i yon tan lnga la nye bar longs spyod pa bzhin du bzlas par bya'o zhes bya ba ni nges pa'i don to/ /zhes bya ba ni mdor bstan pa'i tshig yin zhes bya ba ni rtsa ba'i rgyud las sngags kyi de kho na nyid gleng slad pa'i tshig go/ de ltar mdor bstan pa byas nas/ dgongs pa lung bstan pa'i rgyud las bshad pa/ de las dpal ldan snang mdzad che/ /khyab bdag la ni slar sgrol ba/ /sems can thams cad bskyed pa po/ /sna tshogs gzugs can sems 'di ni/ /rang bzhin med kyang skye bar 'gyur/ /dngos po zhes byar rab tu grags/ /byang chub sems ni mkha' mnyam pa/ /nyams su myong bar bgyi ba'i phyir/ /'gro ba'i ngan ni mdzad slad du/ /skye bo mchog la de bstan gsol/ /bsgrub pa yi ni thabs tsam zhig /shes nas rgyud la rgyab mi mkhas/ /'di ltar bdag ni slob dpon zhes/ /lung las mkhas pa rnams la smra/ /bdag gi tshig ni bdag nyid shes/ /de skad smras nas byas pa 'jig /des ni dgongs pa'i byang chub sems/ /ji bzhin don du mi shes so/ /zhes bya ba gsungs pa 'di'i don ni/ 'di yin te / sngags kyi de kho na nyid gsal bar bya ba dang/ ma 'ong pa'i sems can rnams kyi snod ma yin pa nyid gsan par bya ba dang/ yang dag pa'i bstan pa la bskul bar bya ba'i phyir bcom ldan 'das rdo rje 'chang la gsol ba 'debs te/ de gnas te le'u'i rjes thogs su'o/ /dpal ldan ni phyag na rdo rje'o/ /snang mdzad che ni rdo rje 'chang chen po'o/ /khyab bdag ni de bzhin gshegs pa thams cad kyi bdag po'o/ /slar gsol ni lan du dri ba zhus pa'o/ /zhes bya ba ni sgra ji bzhin pa'o/ /kye bcom ldan 'das rdo rje 'chang chen po sems rnam par shes pa 'di ni re zhig sna tshogs gzugs can te dngos po thams cad kyi rang bzhin du gnas pa'o/ /sems can thams cad ni brtan pa dang g.yo ba la sogs pa'i dngos po rnams so/ /skyed pa po zhes bya ba ni/ skyed par byed pa po'i rang bzhin no 'on kyang rnam par dpyad na rang bzhin med pa ste chos thams cad bdag med par skye zhing de'i rang bzhin kho na yin yang/ 'on kyang mi shes pa'i bag chags kyi dbang gi dngos po zhes bya ste/ yul dang dbang po dang brtan pa dang g.yo ba'i dngos po'i ngo bor rab tu grags bya ba ni so sor rtog pa'o/ /de lta bu sems kyi rang bzhin rnal 'byor gyi mngon sum mam/ rang rig pa'i mngon sum gyi tshang mas nyams su myong bar bgyi zhing mngon du bgyi ba'i phyir te/ bdag cag gi sems kyi rgyud bstan par bgyi ba'i slad du bcom ldan 'das rdo rje 'chang gis bstan du gsol zhing bshad du gsol/ su la zhe na skye'o mchog la ste dad pa la sogs pa'i yon tan sngon du song ba'i nyan pa po snod du bsdu ba la'o/ /sems kyi rang gi ngo bo de yang byang chub kyi sems te/ don dam pa'i de kho na nyid kyi ngo bo'o/ /mkha' mnyam pa ni nam mkha' bzhin du gos pa med pa'o/ /ci'i phyir bstan par bya zhe na/ 'gro ba'i don te sems kyi don mdzad pa'i slad du'o/ /'di ltar da ltar gyi dus kyi nyan pa po 'di dag ni nga rgyal can yin te/ 'di lta ste gang du sa bon la sogs pa 'ba' zhig dang bzlas ba tsam gtso bor gyur pa'i lha'i bskyed pa tsam thabs gang gis bsgrub pa ni sgrub pa'i thabs tsam mo/ /de shes shing thos nas rgyud la ste/ rtsa ba'i rgyud la yang mi mkhas shing mi shes na re zhig rgyud gzhan rnams lta zhog snyam du dgongs pa'o/ /de'i phyir de tsam kho nas don byas pa nyid yin par sems so/ /gal te de lta yin yang de'i tshe nyes pa med na/ bdag ni slob dpon te rdo rje slob dpon gyi zhal snga nas yin zhes bya ba'i bar du smra zhing rang gi kha nas sam/ gzhan gyi kha nas grams pa sgrogs par byed do/ /gal te byis pa rnams kyi nang smra ba de'i tshe 'thad pa yin no/ /ji srid lung la mkhas pa rnams la ste bstan bcos mang po shes pa de rnams la yang smra bar byed do/ /bstan bcos la mkhas pa ste rnams ni de dag la 'di skad smras pa de ni rigs so/ /zhe 'am mi rigs so zhes smra bar mi byed do/ /gang gi phyir cung zad tsam shes pa nyid yin pa'i phyir mgu bar dka' ba dag yin te/ bde bas mgu bar bya bar mi shes pa/ /shin tu bde bas mgu ba mkhas pa ste/ /shes pa'i cha yi blo ngan gyur pa'i mi/ /tshangs pas kyang ni mgu bar nus pa min/ zhes gang bshad pa'o/ de bzhin du de skad smras nas byis pa'i blo can rnams 'jig cing lam ngan pa la skul bar byed do/ /ji skad du zhe na bdag gi tshig de kho na nyid gtso bor gyur pa gang yin pa 'di ni gzhan gang gis kyang shes pa ma yin gyi 'on kyang man ngag mang po yod pa nyid yin pa'i phyir bdag nyid kyi mi shes pa yin te/ ji srid du bdag gnas pa de srid du bcom ldan 'das rdo rje 'chang gi bstan pa 'dzam bu'i gling du rgyas shing sdong la gnas par 'gyur ro/ /zhes bya ba'i don to/ /de lta bu'i rnam pa can gyi nyan pa po/ bstan pa 'jigs par byed pa'i bdag nyid ngan pa'i bdud nyid 'byung ste/ des ni dgongs pa'i byang chub sems te don zab mo smon? par byed pa'i sgras bstan par bya ba ji bzhin du ste de kho na nyid du mi shes shing mi rtogs so/ /de'i phyir bcom ldan 'das la rin po che lta bu'i gang zag gi ched du mdzad nas tsan dan lta bu la sogs pa'i gang zag rnams rjes su gzung ba'i phyir de kho na nyid bstan du gsol zhes gsol ba 'debs te yi ge'i don to/ /gsol ba btab pa'i rjes thogs la bcom ldan 'das kyis/ /de nas bdag po bcom ldan 'das/ /rnam par snang mdzad thub chen gyis/ /legs zhes lan gsum gsungs mdzad nas/ /lag na rdo rje la 'di gsungs/ /mi rtog don gyi de nyid ni/ /rab tu phye nas bshad par bya/ zhes bya ba gsungs te/ bdag po ni drug pa'o/ /'dod chags la sogs pa'i nyon mongs pa 'joms par byed pa'i bcom ldan 'das te yi ge'i don to/ /d+ha ga dang 'brel pas 'gro ba skyed par byed pa nyid yin pa'i phyir bcom ldan 'das te phyi'i don to/ /b+ha gar byang chub kyi sems kyi gzugs su gnas par byed na bcom ldan 'das te sbas pa'o/ /gnyis su med pa'i ye shes ni bcom pa ste de dang ldan pa'i phyir bcom ldan 'das so/ /zhes bya ba ni mthar thug pa'o/ /rdo rje 'chang chen po rjes su zhugs pas rnam par snang mdzad ni rnam par snang mdzad chen po'o/ /ye shes gsum shes shing rtogs pa'i phyir thub pa ste sbas pa'o/ /lag na rdo rje la legs so zhes bya ba byin nas 'di gsungs so/ /dri ba mchog nyid yin pa'i phyir lan gsum mdzad do/ /mi rtogs don gyi ste sngags rnams kyi de nyid don dam pa sngags kyi de kho na bshad par bya zhing brjod par bya'o/ / rab tu phye nas zhes bya ba ni sngags kyi de kho na nyid 'ba' zhig ma yin gyi/ 'on kyang sngags btu ba dang sngags kyi don dang sngags kyi brda rnams kyang bshad par bya'o zhes pa'i don te/ yi ge'i don to/ /de la dang po mdor bstan te/ brjod dang dmigs pa zhes bya ba brdar brtags dang ni don dam mo/ /brjod cing yi ge phyi mo las btu bar bya ba yin pas brjod pa ste sngags btu ba'o/ /rjod par byed pa'i sngags brjod pa'i sgo nas brjod par bya ba'i ngo bo nyid du rtogs par bya zhing dmigs par bya ba yin pas na dmigs pa ni sngags kyi don to/ /brdar brtags pa ni ming ngo/ /don dam pa ni de kho na nyid de/ sgra ji bzhin pa'o/ /bshad pa ni tshig gi brjod pa thun mong ste/ dmigs pa sangs rgyas nyid de yin/ /brda zhes bya ba sngags yin te/ don dam de bzhin nyid yin no/ /zhes bya ba gsungs te/ thun mong zhes bya ba ni snying po dang nye ba'i snying po la sogs pa rnams dang/ 'jig rten dang 'jig rten las 'das pa la sogs pa'i bstan bcos thams cad la nor bu'i phreng ba'i nang gi skud pa bzhin khyab par byed pa'i yi ge phyi mo ste/ de las sngags btu bar bya ba'o/ /de ni tshig tu brjod pa ste sngags btu ba'o/ /sgra ji bzhin pa'o/ /dmigs pa zhes bya ba ni rnam par snang mdzad la sogs pa'i sangs rgyas rnams kyi de nyid de rang gi ngo bo'o/ aoM la sogs pa rnams kyi don ni go rim bzhin du sku rdo rje la sogs pa rnams yin te/ de kho na bzhin du yi ge phyi mo'i don yang dbyangs dang gsal bya'i dbye bas thabs dang shes rab dag yin na/ /de bzhin du gzhan dag la yang shes par bya ste spyi'i don to/ /brda zhes bya ba sngags yin te/ zhes bya ba ni sngags kyi ming ste/ sprul dang mgo ? dang mdza' med dang btus pa la sogs pa rnams so/ /'di rnams kyi rab tu dbye ba ni las kyi bye brag las shes par bya ste sgra ji bzhin pa'o/ /don dam zhes bya ba ni kho na nyid de spros pa thams cad bral ba'i 'od gsal ba yin par shes par bya'o/ /zhes bya ba ni mthar thug pa'o/ /de ni so sor bshad pa/ dang po gcig ni dgu dbus na/ /gang zhig bcu yis ma bcings pa/ /de ni bcings med zhes bya ste/ /da ni mchog gi gnas shes pa/ /zhes bya ba gsungs te gcig ni re zhig yi ge Apa las/ a ni yig 'bru kun gyi mchog /ces gsungs pa'i phyir ro/ /dgu ste yi ge phyi mo'i sde tshan rnams kyi dbus na khyab par byed pa'i ngo bo nyid du gnas pa/ de med na brjod par mi nus te dbyangs med pa'i phyir zhes bya ba la sogs pa bzhin no/ / de la dbyangs kyi sde tshan ni rnam pa gnyis te/ / //a ai au ri li e ao aM ni/ thung ngu'i sde tshan no/ /A a'i a'u rI lI ai aau Aya ra la wa/ sha Sha sa ha te de ltar dgu'o/ /sde tshan dgu'o/ /de rnams kyi dbus na gnas pa gang zhe na/ bcu yis te dgu po de rnams dang bdag nyid kyis so/ /bcings pa ni de rnams kyis ma khyab cing 'on kyang des ni de rnams la khyab pa'o/ /de rnal 'byor pa gang gis shes pa de ni ma bcings pa ste/ yi ge a yis bcings pa'i sngags kyi tshogs thams cad shes shing rtogs pa'o/ /rnal 'byor pa de ni mchog gi gnas te/ de las byung ba'i yi ge gsum gyi de kho na nyid shes pa yin no/ /zhes bya ba'i don te/ yi ge'i don to/ /re zhig gcig ni thams cad la nyid kyi rang bzhin gyi chos sku'o/ /dgu ste phung po lnga dang 'byung ba chen po bzhi'i dbus na gnas kyang bcu yis te dbang po dang yul gyi rnam par rtogs pa rnams kyis ma bcings shing ma bsgribs pa ste chos kyi sku'i rang bzhin dag pa nyid yin pa'i phyir ro/ /de ni bcings med de nyon mongs dang shes bya'i sgrib pa'i rnam par rtogs pa rnams kyis zil gyis mi non pa shes pa gang yin pa'i rnal 'byor ba de ni mchog gi gnas te/ chos kyi sku'i rang bzhin gyis sangs rgyas nyid do/ /shes pa ni rtogs shing thob pa'o/ zhes bya ba'i don te spyi'i don to/ /yang na re zhig gcig ni bcom ldan 'das 'brug gi sgra ste/ thugs rdo rje 'dzin gyi sa bon no/ /de ni dgu ste sa dang chu dang me dang rlung gi rang bzhin can gyi dkyil 'khor bzhi dang/ de bzhin du gru bzhi dang zlum po dang gru gsum dang gzhu lta bu'i lkog ma dang snying ga dang? lte ba dang gsang ba'i gnas te/ brgyad na dgu pa ni mgo bo la sogs par gnas pa'i hUM gang yin pa'o/ /bcu yis te de rnams dang bdag nyid kyis so/ /ma bcings pa ni rlung gi rim gyis rnam par brtog pa'i lam la mi 'jug pa'o/ /de lta bu 'di ni bcings med de rang bzhin gyis dag pa'i bzlas pa gang gis shes pa de ni mchog gis gnas te/ 'jug pa la sogs pa spangs pa'i de kho na nyid do/ /shes pa ni mngon du byed do/ /zhes bya ba'i don te spyi'i don to/ /chos kyi dbyings kyi zhus pa las kyang/ mgo med snying gi padmor gnas/ /kha yis pad+mar mgo bo gnas/ /sgra ni gsang ba'i pad+mar gnas/ /sgra mdza' lte ba'i pad+mar gnas/ zhes gsungs so/ /yang na gcig ni re zhig 'dod pa'i gdugs zhes bya ba'i rtsa'o/ /de nyid dang po ste tshangs pa'i sgo nas brtsams te/ gsang ba'i gnas kyi khyad par du khyab par byed pa nyid yin pa'i phyir ro/ /dgu ste pad+ma 'dab ma brgyad pa lte ba dang bcas pa'i dbus na khyab par byed pa'o/ /bcu yis te rtsa dgu po de rnams dang rang nyid kyis ma bcings pa ni lhan cig skyes pa'i rang bzhin nyid yin pa'i phyir 'dod chags la sogs pa'i nyes pa rnams kyi dri ma can du bya ba ma yin pa'o/ /de'i phyir de ni bcings med do/ /'dod chags la sogs pa rnams dang ma 'dres pa'o/ /shes pa ni thabs dang shes rab snyoms par 'jug pas de la rjes su 'jug pa bde ba chen po nyams su myang ba'i rnal 'byor pa gang yin pa'o/ /de ni mchog gnas te rdo rje sems dpa' i go 'phang shes shing thob pa zhes bya ba ni sbas pa'o/ /gcig ni re zhig 'od gsal ba ste/ de nyid mchog yin pa'i phyir dang po'o/ /'dod pa'i khams dang bsam gtan bzhi dang gzugs med pa bzhi zhes pa sa dgu pa'i 'khor ba de'i dbus na chos nyid kyis gnas kyang de kho na nyid la brten nas skad cig gis de las langs par gyur pa na bcu yis te phung po dang/ 'byung ba'i rnam par rtags pa rnams kyis ma bcings pa ni sgyu ma'i dpe bcu gnyis su mthong ba'i phyir kun rdzob kyi phyogs su ma lhung ba'o/ /de ni bcings med de thogs pa med pa'i ting nge 'dzin dang ldan pa'i rim pa gang yin pa de ni mchog gnas te/ ye shes kyi sku shes shing thob pa po zhes bya ba ni sbas pa'o/ /gcig ni re zhig srog ces bya ba'i rlung ngo/ /dgu ste rlung dang nye ba'i rlung rnams kyis dbus na gtso bo nyid yin pa'i phyir dang po'o/ /bcu po de'i rnams kyis 'od gsal ba gang zhig ma bcings pa ni rnam par shes pa dang rang bzhin rnams kyi dri ma can du ma byas pa'o/ /de ni bcings med de thams cad stong pa'o/ /shes pa ni 'jug pa gang yin pa'o/ /de ni mchog gi gnas te sa bcu pa shes shing thob pa'o/ /zhes bya ba ni sbas pa'o/ /gcig ni pad+ma'o/ /dang po ni rdo rje'o/ /gnyis po de dag dgu dbus na te/ sgo dgu'i bdag nyid kyi dbus na gnas par gyur ba na/ de dag 'dus pa las nang gi bdag nyid kyi bsnyen pa la sogs pa'i rim pas man ngag bzhi pa thob par gyur pas sa dang pha rol tu phyin pa dang stobs dang shes pa dang de kho na la sogs pa'i rnam par rtogs pa bcu yis ma bcings pa ni ma bsgribs pa'o/ /de ni bcings med de rnam par mi rtog pa'i de kho na nyid do/ /gang gi shes pa de ni mchog gi gnas te/ snang ba bzhi pa shes shing mthong ba'o/ /zhes bya ba ni mthar thug pa'o/ /gcig ni re zhig sangs rgyas kyi sa te bcu gnyis pa'o/ /de khams gsum pa dang srid pa gsum dang dri ma gsum dag par byed pa nyid yin pa'i phyir dgu'i dbus na gtso bo nyid yin pas dang po'o/ /de ni bcu yis te 'jig rten gyi chos brgyad dang kun rdzob dang don dam pa'i dag gis so/ /ma bcings pa ni tha dad par shes par bya ba yin pa'o// de ni bcings med de mi gnas pa'i mya las 'das pa'i dbyings la gnas pa'o/ /zhes pa ni rtogs pa gang yin pa'o/ /de ni mchog gi gnas te zung du 'jug pa'i bdag nyid kyi mi slob pa'i lam gyi ngo bo shes shing rtogs pa'o// zhes bya ba'i don to/ /mthar thug pa'o/ /de nyid rgyas par dbyangs dang gsal bya'i yi ge de/ /grangs dgu yi ni rjes 'jug pa/ /as bcings phan tshun yang dag sbyor/ /gang gi shes te 'gro ba'i bla/ zhes bya ba gsungs te/ dbyangs ni re zhig thung du dang ring po'i dbye bas rnam pa gnyis so/ /gsal bya ni sde tshan lnga'o/ /yi ge ni mthar gnas dang drod kyi dbye bas rnam gnyis te/ de ltar na sgo dgu'i bdag nyid kyis lus dang sa dgu pa'i 'khor ba dang phung po dang khams dang skye mchad kyi rang bzhin gyi khams gsum pa'i rnam par dag pa yin pa'i phyir grangs dgu'i rjes 'jug pa'o/ /de thams cad as bcings te yi ge es bcings pa'o/ /phan tshun yang dag ste/ phan tshun brjod par bya ba dang/ rjod par byed pa'i dngos po 'am/ rang gi ngo bo nyid du gang gis shes pa de ni rtogs pa'o/ /de ni 'gro ba ste khams gsum pa'i bla ma'i ston pa'o/ /chos kyi yi ge rang gi ngo bo dag gi rang bzhin thams cad yongs su shes pa'i phyir grol ba yin zhing gzhan dag grol bar byed do zhes bya ba'i don te dgongs pa ma yin pa'o/ /sgro ba'i rim gyi sngags bsdu ba gsungs te/ bsdu ba'i rim gyis/ 'byung ba'i mdza' dang yang dag ldan/ /bcu drug cha yi dang po gnas/ /lnga pa lnga dang yang dag ldan/ /bzhi ni gsum du nges par sbyor/ zhes bya ba gsungs te/ 'byung ba'i mdza' ste 'byung ba chen po bzhi'i sa bon ya la sogs pa rnams kyi mdza' ni yi ge sha'o/ /yang dag ldan ni de rnams kyi dang po yi ge ya'o/ /bcu drug cha ni dbyangs te/ de rnams kyi dang po ni yi ge A'o/ /lnga pa lnga ni ka la sogs pa'i gsal bya rnams te/ de rnams kyi dang po ni gtso bo yin pa'i phyir yi ge ka'o/ /de ltar a ka ya sha ste 'byung ba chen po bzhi dang lha mo bzhi dang zhi ba la sogs pa'i las bzhi dang dga' ba'i rang bzhin can ni gsum du ste/ yi ge gsum du nges par sbyar ro/ /shes pa? ni r ang bzhin gyi yi ge a'i sde tshan ni yi ge Asum cu bcu pa lnga pa'i sa bon nyid/ /cha gnyis pa dang lnga pa drug par ldan/ /rnam byung de ni thig le yin par brjod/ /ces gsungs te/ sgra ji bzhin pa'o/ /da ni yi ge gsum gyi bdag bsdu ba/ /yi ge aoM bcas ring po bcas/ /yon tan sbyor sogs phyis dang ldan/ thung ngu ma lus dag tu 'gyur/ /gcig min du ma ma yin no/ /zhes bya ba gsungs te don 'di yin no/ /a au bya ba 'dus pa las aoM mo/ /a dang a zhes bya ba 'dus pa las Akyi phyis pa zhes bya ba ni gcig gi cha la thim pa ste snang ba'o/ /phyis pa ni mi snang ba'o/ /zhes gang bshad pa'o/ /sbyor ba la yon tan byas nas ring par 'gyur ba rnams ni gcig la gcig 'dus pa las thig le tsam du 'dus par 'gyur zhing/ thig le de yang yi ge a la zhugs nas yi ge a thung ngu 'ba' zhig tu 'gyur ro/ /'dir bsam pa ni 'di yin te/ re zhig aoM gyi yi ge a ni yi ge au la de yang thig le la thig le ni tsheg drag la tsheg drag ni ring po la ring po ni yi ge hUM gi thig le la zhugs nas cho bzhi pa'i yi ge hUM gi yi ge ha ni yi ge mu la yi ge au ni yi ge au'i nang na gnas pa'i yi ge a la/ yi ge a de thig le la zhugs nas yi ge a thung du 'ba' zhig lus par 'gyur/ de yang ji lta bu zhe na/ ma lus dgra ste/ ngag ma lus pa'i rgyu nyid yin pa'i phyir ngag gi rang bzhin gyi ngo bo nyid yin pa'i phyir gcig min pa'o/ /gsal ba tsam 'ba' zhig nyid yin pa'i phyir du ma ma yin te/ dpal rdo rje dkyil 'khor rgyan las/ mar me lta bur 'bar ba ste/ /snying gi dbus na mi shigs pa/ /mi 'gyur mchog tu phra ba yi/ /a ni gtso bo dam pa yin/ /zhes gsungs so/ /de sgra ji bzhin pa dang/ dgongs pa ma yin pa dang mthar thug pa rnams so/ /da ni yi ge phyi mo'i rang bzhin/ / yi ge gang zhig sngar bshad dang/ /gang yang mngon par phyogs pa rnams/ /bud med skyes pa ma ning ste/ /khams la sogs par yongs su brtag ces bya bas gsungs te/ yi ge ni dbyangs dang gsal bya rnams te sngar gong du bshad pa rnams so// de bzhin du mngon par phyogs pa ni zhi ba la sogs pa'i las kyi tshogs rnams la nus pa dang ldan pa'i mthar gnas dang drod kyi yi ger bshad pa gang yin pa'o/ /de rnams ni bud med dang skyes pa dang/ ma ning gi ngo bo'i yin par shes par bya ste/ dbyangs kyi sde tshan ni bud med kyi ngo bo'o/ /gsal bya'i sde tshan ni skyes pa'i ngo bo'o/ /mthar gnas dang drod kyi sde tshan ni ma ning gi ngo bo'o/ /de ltar yang rgyas par sngar dpyad zin to/ /de rnams kyang khams la sogs par de skad kyi dbyings dang rkyen dang rtags dang rnam par dbye ba'i tshigs dang byed pa dang de la phan pa dang bsdu ba dang byed pa dang/ skyes bu dang bdag gi tshig can dang gzhan gyi tshig dang bya ba dang dus dang 'brel pa dang yi ge dang tshig dang dag dang dag chen po la sogs pa'i bye brag tu yongs su brtags te tha snyad du byas so/ /zhes bya ba'i don to/ /'og dang steng dang ldan par ni/ /shes nas blo yis nges par sbyor/ /'di ni sngags kyi brjod pa ste/ /dngos po med pa'i rang bzhin can/ /'og ni 'jug pa'o/ /steng ni 'byung ba'o// ldan pa ni gnas pa'o/ /rim pa de lta bur shes nas te bzlas nas so/ /blo yis te shes kyi nges par sbyar zhing 'jug pa la sogs pa'i rim gyis goms par byas pas 'jig rten las 'das pa'i dngos grub thob par byed do/ zhes bya ba ni dag gi don to/ /'di ni sngags rnams kyi brjod pa ste btu ba'i ming can du brjod/ de yang ji lta bu zhe na/ dngos po med pa'i rang bzhin can te/ rnam par rtog pa med pa'i rang bzhin can no/ /zhes bya ba'i don to/ /sgra ji bzhin pa dang/ dgongs pa ma yin pa'o/ /sngags btu ba bshad nas sngags kyi don ni de las yongs su gyur pa'i gzugs/ lha ru nye bar shes pa gang/ zhes bya ba gsungs te/ sngags de las yongs su gyur pa'i lha gang yin pa ni gang gi lha ci 'dra ba yin pa'o/ /de'i rang bzhin ni de'i don can gyi rang bzhin du shes par bya ba ni yi ge aoM la sogs pa rnams kyi don ni rnam par snang mdzad la sogs pa yin no/ /zhes bya ba'i tha tshig ste spyi'i don to/ /ngag 'di nyid kyis brda gsungs te/ de las te sngags de rnams las yongs su gyur pa'i aoM la sogs pa dang swa? hA? la sogs pa phyis? pa dang/ sbyar ba las gzugs te sbrul la sogs pa'i gzugs su 'gyur ba gang yin pa 'di nyid rang rang gi lha la brten nas las kyi tshogs la nus pa dang ldan par 'gyur ro/ /zhes bya ba'i don dgongs pas bshad pa'o/ /da ni sngags kyi de kho na nyid bstan par bya ste/ a la brten nas ye shes ni/ /sangs rgyas ni ni snying por 'gyur/ /don ni 'di yin te/ sngags btu ba'i gnas skabs su cha shas dang cha shas kyi dbye bas yi ge gsum btus chos kyi dbyings kyi 'khor lo'i gnas su gsal pa tsam gyi yi ge a 'ba' zhig la brten nas te de la dmigs nas so/ /ye shes ni rnal 'byor pa bsgom par bya ba'i chos kyi dbyings kyi ye shes gang yin pa'o/ /de nyid sangs rgyas dpal rdo rje 'chang chen po'i snying po ste de kho na nyid du brjod par bya'o/ /de ni sngags kyi de kho na nyid du brjod do/ /zhes bya ba'i don te dgongs pa ma yin pa'o/ /da ni yi ge gsum gyi bya ba/ /hUM gi sems can yang dag sngo?/ /sangs rgyas skur ni rab tu brtag /aoM gyi sems can yang dag bsdud/ /a ni gnas par byed pa'o/ /zhes bya ba gsungs te/ bcom ldan 'das thugs rdo rje 'chang gi rang bzhin du gyur pa'i yi ge hUM srog gi rang bzhin gyi sems can sangs rgyas kyi sku nyid du brtag pa ste de'i rnam pa can du spro zhing skyed par byed de sgro bar byed do zhes bya ba'i don to/ /de bzhin du bcom ldan 'das sku rdo rje 'chang gi rang bzhin du gyur pa'i yi ge aoM ni 'jug pa'i rang bzhin gyi sems rnams snga ma bzhin du yang dag par sdud cing 'jug par byed do/ /gsung rdo rje 'chang gi rang bzhin yi ge a ni mnyam pa'i rang bzhin gyis gnas par byed pa ste/ bum pa lta bu'i gnas skabs su sems gnas par byed pa'o/ /spro bar byed pa dang gang bar byed pa dang bum pa lta bu'i rang bzhin gyi gsum po kho nas sems rtse gcig pa nyid du 'gyur ro/ /zhes bya ba ni dgongs pa ma yin pa'o/ /rdo rje bzlas pa'i rim pa'i go rim/ 'jug pa dang ni gnas pa dang/ /ldang ba nyid kyi rim gyis kyang/ /shes rab thabs kyi gzhir gnas te/ /sngags kyi yan lag ma nyams bzlas/ /zhes bya ba gsungs te/ rnal 'byor pa 'jug pa la sogs pa'i rim gyis ldog pa na rnal 'byor pas shes rab thabs kyi gzhir te kun rdzob dang don dam pas tha mi dad pa'i ngo bo nyid la gnas nas sngags yi ge gsum yan lag ma nyams pa ste/ sngags dang lha dang tha mi dad pa'i phyir rang bzhin gcig pa bzlas par bya'o/ /zhes bya ba'i don te drang ba'i don to/ /yang na shes rab thabs kyi gzhir te ye shes kyi phyag rgya dang snyoms par 'jug pa'i rdo rje pad+ma sbyor ba la gnas nas 'jug pa la sogs pa'i rim gyis to/ 'dod chags dang 'dod chags dang bral ba dang 'dod chags bar ma'i rim gyis sngags te 'ong gsal ba yan lag ma nyams pa ste/ kun rdzob dang don dam pa tha mi dad par bzlas shing nyams su myong bar bya'o/ /zhes bya ba ni nges pa'i don to/ /da ni rlung gi grangs kyi sgo nas bzlas pa'i grangs/ /gos dkar la sogs bzlas bshad pa/ /brgya phrag gnyis dang nyi shu lnga/ /bzhi po legs par bsgres nas ni/ /sbyor bzhi bsdus pas brgya phrag dgu/ dgu brgya dag tu gang bstan pa/ /nyi shu rtsa bzhi rim gyis ni/ /de ni so sor 'byung ba las/ /nyi khri chig stong drug brgya 'o/ /zhes bya ba gsungs te/ 'dir rnal 'byor pa lkog ma la sogs pa'i gnas bzhi ru me'i dkyil 'khor la sogs po gos dkar la sogs pa lha mo bzhi'i rang bzhin can bzhi bsgom par bya'o/ /dkyil 'khor de dag kyang re re zhing 'byung ba chen po bzhi'i rang bzhin can yin te/ 'byung ba chen po gcig kyang bzhi'i rang gi ngo bo nyid yin pa'i phyir ro/ /de'i phyir dkyil 'khor re re cha shas kyis nyis brgya nyi shu'i rtsa lnga'i grangs kyis dkyil 'khor gcig la dgu brgya yod do// de rnams 'jug pa la sogs pa'i rim gyi dkyil 'khor bzhi la nyin mo bcu gnyis su 'gyur te rim pa nyi khri chig stong drug brgyar 'gyur ro/ /bsam pa ni 'di yin te nyin zhag ni chu tshod drug cu'o/ /nyin la thun bzhi mtshan mo la thun bzhi yod de/ de'i phyir chu tshod byed dang brgyad kyi tshad kyi thun gcig gi nang du dkyil 'khor bzhi la rdo rje bzlas pa nyi stong bdun brgya yod do/ /thun gsum la yang de bzhin du 'gyur te/ nyin mo la bsdus nas khri brgyad brgya yod cing mtshan mo khri brgyad yod do/ /de ltar rdo rje bzlas pa ni nyi khri chig stong drug brgyar te/ sgra ji bzhin pa'o/ /da ni don 'di nyid tshad ma yin par bya ba'i phyir bshad pa'i rgyud kyi rjes su 'brangs nas lung gi tshad ma nang gi dus 'di nyid gsal bar bya ba'i phyir 'dus pa'i rgyud phyi ma las shes bya ba gsungs te nang gi dus ni dkyil 'khor gyi rim pa bzlas pa'i grangs so/ /rig pa'i tshul gyi cho ga yis/ /thun mtshams bzhi ru? rab sbyor la/ /mtshon bya mtshon byed grangs kyis ni/ /sngags kyi yan lag ma nyams bzlas/ /rig pa ni sangs rgyas spyan la sogs rnams te de rnams kyi tshul ni de dag gis byin gyi brlab pa'i dkyil 'khor bzhi po rnams so/ /de rnams kyi cho ga ni 'jug pa la sogs pa'i rim gyis dkyil 'khor re re dgu brgya la sogs pa'i dbye bas bzlas pa'o/ /thun mtshams bzhi ru rab sbyor la zhes bya ba ni nyin mo dang mtshan mo la'o/ /sngags ni yi ge gsum mo/ /yan lag ma nyams pa ni snga ma bzhin du lha'i rnal 'byor dang tha mi dad pa'o/ /mtshon cha ni dkyil 'khor rnams so/ /mtshon byed ni rlung rnams te/ de'i grangs kyi bgrangs pas bzlas par bya'o/ zhes bya ba ni sgra ji bzhin pa'o/ /da ni rdo rje bzlas pa blang bar bya ba nyid yin par/ bsgom par ni par chad can/ rnal 'byor phyi rol bzlas pa spang/ / sngags don bcom ldan 'das rdo rje can/ /rdo rje'i bdag nyid ji ltar bzlas/ /zhes bya ba gsungs te/ phyi rol bzlas pa zhes bya ba ni phreng ba'i bye brag la bsten nas re zhig dbye bas 'bum la sogs pa'i grangs kyis lus dang ngag dang sems sdug bsngal bar byed pa'o/ /de rdzogs pa'i rnal 'byor pa ste/ rdo rje bzlas pa goms par byed pa 'am/ de'i pha rol tu phyin pas spangs zhing dor bar bya'o/ /las dang po pa 'am bskyed pa'i rim pa'i rnal 'byor pas ni dor bar bya ba ma yin te/ de dag gi de ni blang bar bya ba nyid yin pa'i phyir ro/ /phyi rol gyi bzlas pa ji lta bu zhe na bsgom pa'i ste 'od gsal ba'i mtshan nyid kyi bar chad pa ni gegs byed pa'o/ /rtog pa dang bcas pa dang rtog pa med pa 'gal ba'i phyir mnyam par bzhag pa dang lang pa bzhin no/ /gtan tshigs gsungs te/ sngags kyi rang gi ngo bo brjod par bya ba'i don yongs su shes par bya ba'i phyir sngags bzlas par bya'o zhes grags na/ gang gi tshe rdzogs pa'i rnal 'byor rdo rje bzlas pa'i rim pas rdo rje can te rdo rje 'chang nyid du 'gyur ba de'i tshe de kho na sngags kyi don yin pas de la thob par bya ba gzhan ci zhig yod/ de nyid kyi phyir rdo rje'i bdag nyid de/ rdo rje 'chang dngos yin na ji lta zlos shing zlos par mi rung ngo/ /'bras bu thob pa na thabs dgos pa mer phyir te/ 'bras bu tho nas der bya ba/ /gang de thabs su rab tu brjod ces 'byung ba'i phyir ro/ /dpe ni glang po sngon du rnyed gyur nas/ /glang po'i rjes ni tshol byed ltar/ /sngags lus rang nyid mngon gyur nas/ /gzhan dag ci zhig tshol bar byed ces bya ba gsungs te/ glang po don du gnyer bar gyur pa'i skyes bu 'ga' zhig lam du zhugs par gyur pa na glang po rnyed pa de sdug bsngal pa'i don du lo ma dang rtsa dang rngo pas g.yogs pa'i gnas su glang po'i rjes te rkang rjes ci'i phyir tshol bar byed/ tshal bar byed pa ni ma yin te de rnyed pa nyid kyi phyir ro/ /de bzhin du rnal 'byor po gang dag gis sngags lus te de bzhin gshegs pa thams cad kyi rang bzhin rdo rje 'chang chen po'i rnam par gyur pa na rang nyid de dag gis so/ /sngon du gyur nas te 'di nyid la mngon sum du gyur nas so/ /gzhan dag ste tshig gi bzlas pa la sogs pa'i dra ba ci ste tshol bar byed cing 'dod par byed ces bya ba'i dam tshig go / sgra ji bzhin pa'o/ /'dir bskyed pa'i rim pa'i rnal 'byor pa dam tshig dang ye shes dang ting nge 'dzin sems dpa' bdag nyid can gyi skur byin gyis brlabs nas spyan 'dren pa la sogs pa'i sngags kyi mchod pa'am rab gnas sam las kyi tshogs la tshogs pa gzhan gang yang rung ba byed pa ma yin nam/ de ji ltar rdzogs pa'i rnal 'byor pa la rung bar 'gyur snyam dgos pa ni/ gzhan yang rdo rje 'dzin gang zhig/ sbyor pa gsum dang ldan pa yis/ /spyan drangs gshegs su gsol ba dang/ /de bzhin bzhugs su gsol ba nyid/ /ces bya ba gsungs te/ tshigs bcad 'dis ni phyogs snga ma bzhin no/ /rdo rje 'dzin ces bya ba ni zla ba dang rdo rje la sogs pa'i rim gyis bskyed pa'i lha'i sku'o/ /mi gang zhig ni bskyed pa'i rim pa'i rnal 'byor pa'i gang gi tshe sbyor ba gsum dang ste/ dam tshig dang ye shes dang/ ting nge 'dzin sems dpa' i rnal 'byor dang ldan pa yin pa de ji ltar ye shes sems dpa' la 'jug par byed ce na/ de'i phyir spyan drangs zhes gsungs te/ yi ge dza ye shes sems dpa' dgug pa'o/ /de'i rjes la hUM baM hon as yi ge mupar 'gyur te/ sgra ji bzhin pa'o/ /rdzogs pa'i rnal 'byor pa ji ltar de rnams byed par 'gyur zhes dri ba'i lan du/ 'jug pa yi ni spyan drangs te/ /myur ba yis ni gshegs su gsol/ gnyi ga min pas bzhugs su gsol/ /dbugs med dngos grub dam pa'o/ /zhes bya ba gsungs te/ rdo rje bzlas pa'i rim pa'i rnal 'byor pa gang gi tshe/ aoM gyi dbyangs kyi rang bzhin gyi rlung gis 'jug par byed pa de'i tshe rnam par snang mdzad kyi rigs dang 'brel pa'i lha'i 'khor lo spyan drang ba byas par 'gyur te/ aoM ni de'i rang bzhin nyid yin pa'i phyir ro/ /gang gi tshe yi ge hUM gi rang bzhin gyi srog gi rlung myur ba zhes bya ba'i ming can gyis 'byung bar byed pa de'i tshe mi bskyod pa'i rigs dang 'drel pa'i lha'i 'khor lo gshegs su gsol ba byas par 'gyur te/ yi ge hUM ni de'i rang bzhin nyid yin pa'i phyir ro/ /gang gi tshe yi ge a'i rang bzhin gyi mnyam pa'i rlung gnyis min pa la brten nas gnas pa de'i tshe 'od dpag tu med pa'i rigs rjes su 'brel pa'i lha'i 'khor lo bzhugs su gsol ba ste/ gzhug pa dang bcing ba dang dbang du bya ba'i mtshan nyid kyis las byas par 'gyur ba ste/ yi ge a ni rang? ? bzhin nyid yin pa'i phyir ro/ /gang gi tshe de dag thams cad rnam par g.yeng ba dang mtshungs pa yin par sems dpa' de'i tshe 'jug pa la sogs pa bkag pas dbugs med de dbugs rgyu ba dang/ bral ba'i ma ning gi bzlas pa goms par byed pa de'i tshe/ dngos grub dam pa rnal 'byor pas gang gi skad cig tsam gyis khams gsum pa dang de'i rang bzhin du byed pa'i rdo rje 'chang chen po'i dngos grub thob par 'gyur ro// zhes bya pa'i don to/ /de'i phyir bskyed pa'i rim pa'i sgom pa pos sdug bsngal gyis grub pa gang yin pa de rnal 'byor pa 'dis 'bad pa med par 'grub po zhes bya ba ni ngag gi don te/ dgongs pa ma yin pa'o/ /da ni 'di nyid gsang bar bya ba nyid yin par bstan pa'i phyir/ myur ba dang ni rnal 'dug dang/ /dal ba can dang sngags sbyor ba/ /bla mas slob ma'i sna drung du/ /rab tu 'bad de bshad par bya zhes bya ba gsungs te/ de lta bu'i bya ba'i rim pas myur ba la sogs pa'i rim pas sngags te yi ge gsum du sbyor ba ni gcig tu byed pa gang yin pa'o/ /de'i sgo nas sngags sbyar ba spyan drang ba la sogs pa byed pa ni de ni slob ma la bla mas te/ rdo rje slob dpon gyis rna drung du bshad par bya'o/ zhes bya ba 'dis ni ches shin tu gsang ba nyid yin par bshad pa yin te/ dgongs pas bshad pa'o/ /yang na myur ba ni bral ba'o/ /rnal 'dug na mchog go/ dal ba can ni dga' ba'o/ /de rnams dang sngags te bzhi pa dbugs med pa lhan cig sbyor ba ni mar la mar bzhin du gcig nyid du gyur pa'o/ /de lta bu'i man ngag gi dbang bskur ba ni slob dpon gyi slob ma'i rna drung du brjod par bya ste/ sbas pa'o/ /da ni rdo rje bzlas pa'i bye brag gzhan/ /de nas rnal 'byor dbang phyug gis/ /thabs kyi dam pa rab ston cing/ /rnal 'byor 'bras bur rab ster ba'i/ /gsang ba'i yi ge bstan par bya/ /gang zhig bsams pa tsam gyis ni/ /rnal 'byor ba ni mchog ster 'gyur/ zhes bya ba gsungs te/ de nas te rjes thogs su gsang ba'i yi ge gsum gyi nang nas thugs kyi ngo bo nyid yin pa'i phyir gsang ba'o/ / chos kyi dbyings mi g.yo ba'i rang bzhin nyid yin pa'i phyir yi ge'o/ /dam pa ni nang gi bdag nyid can no/ /thabs ni dkyil 'khor bzhi'i rim gyi cha shas dang cha shas kyi dbye bas dgod pa'o/ /de ston pa ni thob par byed pa'o/ /rnal 'byor dbang phyug ste rdzogs pa'i rim pa'i rnal 'byor pa rnams kyi bya ba'i don du bshad par bya zhing rnam par phye nas bshad par bya'o/ /rnal 'byor ni ting nge 'dzin to/ /de'i 'bras bu ni rdo rje 'chang chen po'i go 'phang thob pa ste de rab tu ster ba ni thob par byed pa'o/ / phul du byung ba gsungs pa ni re zhig bsgom pa lta zhog gi gang zhig bsams pa ste/ dran pa tsam gyis kyang rnal 'byor pa sngags pa mchog ster bar 'gyur zhing 'jig rten la phan 'dogs par byed par 'gyur ro/ /zhes bya ba ni dgongs pa ma yin pa'o/ /de nyid ni dang po'i yi ge sbyor ba yis/ /rtag tu dbugs ni dbyung bar bya/ /brgyad pa'i mdza' dang ldan pa yis/ /yi ge au ni thig le bcas/ /rnal 'byor pa ni dbugs gtong byed/ /'dir ni 'dod pa'i bzlas par bshad/ /ces bya ba gsungs te don ni 'di yin no/ /re zhig dang por rdo rje bzlas pa'i rnal 'byor pas lte ba'i dkyil 'khor la chos kyi dbyings kyi 'khor lo rtsibs brgyad pa'i dbus su yi ge a bsgoms te/ de las skad cig gi 'od zer gyi sgo nas yi ge gsum rnam par spro nas gnas ji lta ba bzhin du bkod de/ de nas snga ma bzhin du bsdus nas yi ge hUM 'ba' zhig bsam par bya'o/ /de bstan pa ste dang po'i yi ge a'o/ /de'i sbyor ba yis dbugs dbyung ba ni yi ge gsum spro bar bya'o/ /de'i rjes la gnas ji lta ba bzhin du gnas par bltas la bsdus nas brgyad pa'i mdza' ste/ yi ge ha yi ge au thig ler yang dag par sbyar ba'i yi ge hUM bsam ste/ dkyil 'khor bzhir cha shas rnams rnam par bsgoms nas de nyid la brten te/ dbugs gtong ba ni rdub pa la sogs pa gsum bya ba'o/ /de ni 'dod pa'i bzlas pa ste/ /'dod pa yongs su rdzogs par byed cing thugs rdo rje 'chang gi ngo bo sku dang gsung gcig tu byed pa'i rang bzhin gyi bzlas par bshad do/ /zhes bya ba dgongs pa ma yin pa'o/ /de ni snga ma bzhin du bzlas pa'i grangs kyang/ khri khrag gnyis dang stong phrag dang/ /de bzhin kho nar brgya phrag drug /rnal 'byor dbang pos nyin mtshan du/ /bzlas pa'i grangs ni nges par byed ces bya ba gsungs te/ bsam pa ni 'di yin no/ /rdo rje bzlas pa/ 'dir ni sngags 'ba' zhig tha dad kyi dkyil 'khor dang rlung dang thun mtshams kyi rim pa rnams kyi ni mtshungs pa kho na yin te/ rlung gi rgyu ba rang bzhin gyis grub pa rnams kyis grangs ni nyung ba 'am mang du bya bar su zhig gis nus par 'gyur/ gzhan du bcom ldan 'das kyis ci'i phyir grangs nyi khri tshig stong drug brgya gsungs par 'gyur sgra ji bzhin pa'o/ /da ni lung gi tshad ma nyid bstan pa'i phyir/ de 'od gsang ba dgongs pa las/ /phra mo'i rnal 'byor rab tu bshad/ /klog dang bsam gtan med mod kyi/ /'on kyang bzlas par bshad pa yin/ zhes bya ba gsungs te/ gsang ba dgongs pa las zhes bya ba ni 'dus pa'i bshad pa'i rgyud dgongs pa lung bstan pa las de 'dod de mngon par 'dod pa rnams las bcom ldan 'das kyis phra mo'i rnal 'byor te/ sngags kyi de kho na nyid kyi rang bzhin gyi rdo rje bzlas pa 'di bshad pa yin no/ /'di ni klog dang ste sngags kyi bzlas pa 'bum la sogs pa nyams su blang ba dang/ bsam gtan te de zhal dang phyag la sogs pa dang ldan pa'i lha'i sku bsgom pa med mod kyi ste spangs mod kyi 'on kyang rnal 'byor pa'i bzlas par bshad pa yin te bzlas pa 'di ni rang bzhin gyis grub pa nyid yin pa'i phyir ro/ zhes bya ba ni ngag gi don to klog dang bsam gtan med pa yang/ mi mkhas rdo rje bzlas pas bzlos/ /zhes 'byung ba'i phyir te/ dgongs pa ma yin pa'o/ /nga ni rdo rje bzlas pa las thams cad bsgrub pa'i mthu dang ldan pa yin par/ rdo rje bzlas pa 'di yis ni/ /cho ga bzhin du bsnyen byas na/ /sgyu ma lta bu'i ting 'dzin gyis/ /las rnams thams cad bsgrub par bya/ zhes bya bas gsungs te/ 'di yis ni zhes bya ba sngar bshad pa'i rdo rje bzlas pa'i rim pas cho ga ji bzhin du zhes bya ba dkyil 'khor bzhi'i rim pas bsnyen pas te sna'i bu ga g.yas pa la sogs pa'i rim gyis thun phyed phyed kyi dus su gnas gnas par byas nas zhi ba dang rgyas pa dang dbang dang dgug pa'i las rnams thams cad bsgrub par bya ste/ 'bad pa med par bya'o/ /gal te de lta na 'o na bskyed pa'i rim pa'i rnal 'byor pa dang/ 'di la khyad par ci yod ces na/ sgyu ma lta bu'i ting nge 'dzin gyis zhes bya ba gsungs te/ bdag byin gyis brlabs pa'i rim pa'i dbang po'i gzhu lta bu'i rdo rje 'chang gi sku 'dzin pa dang phyi rol gyi dngos po thams cad kyang sgyu ma'i dpe bcu gnyis kyi tshul du mthong bas las thams cad bya ba yin pa'i phyir rim pa ni bskyed pa'i rnal 'byor ba la med de zhes bya ba'i don to/ /spyi'i don dang sbas pa'i bshad pa dag yin no/ /da ni dus kyis rnam par dbye bas 'grub pa de bas na gnyis su med pa rnam par rgyal ba zhes bya ba'i rnal 'byor chen po'i rgyud las gsungs pa/ mnyam med sngags ni bzlas nas su/ /bsgrub pa'i bdag nyid can gyi bsgrub/ /de yis zla ba gcig gis ni/ /khams gsum 'grub par gdon mi za/ /rnam shes las ni 'byung ba'i sngags/ /'bum phrag drug ni bzlas bya ste/ /rdo rje sems dpa' phyag byas nas/ /zla ba nyal la de 'grub 'gyur zhes bya ba gsungs te/ mnyam med ni 'jug pa la sogs pa'i rim gyis bzlas pa bya'o/ /sngags ni yi ge gsum mo/ /sgrub pa'i bdag nyid can ni sgyu ma lta bu'i ting nge 'dzin la snyoms par zhugs pa'i sgrub pa po'o/ /sgrub pa ni re zhig bdag nyid rnam par mi rtog pa'i gnas skabs la 'jug par bya'o/ /zla ba gcig gis khams gsum ste khams gsum na gnas pa'i sems can gyi khams 'grub cing zhi ba la sogs pa'i las rnams 'grub pa'i bar du 'gyur ba 'dir the tshom mi bya ste dgongs pa ma yin pa'o/ /zla ba gcig gi ji ltar 'grub ce na/ zla ba gcig gis 'bum phrag drug ni bzlas bya ste/ /zhes bya ba smos te/ 'di ltar nyin zhag gcig la grangs nyi khri chig stong drug brgya yod pas zhag lnga la bzlas pa 'bum rtsa brgyad du 'gyur zhing 'bum rtsa brgyad ni 'bum zhes bgrang bar bya'o/ /de ltar na zla ba gcig la bzlas pa 'bum phrag drug yod do/ /de gsungs pa sngags yi ge gsum/ rnam shes las byung ba ste/ rlung gi bzhon pa dang ldan pa'i rnam par shes pa'i dbang gis bzlos pa na de bzhin gshegs pa lnga dang drug pa rdo rje sems dpa' i bzlas pa byas par 'gyur ro/ /de gsungs pa rdo rje sems dpa' phyag byas te rab tu btung nas so/ /zla ba nya la te zla ba'i mdza' ma'i zhag la 'grub par 'gyur ba ni rnal 'byor pas rang gi don gyi phyogs la phyag rgya chen po'i dngos grub dang gzhan gyi don gyi phyogs la zhi ba la sogs pa'i las 'grub pa thob po zhes bya ba'i don te dgongs pa ma yin pa'o/ /da ni rdzogs pa'i rnal 'byor pa ni rdo rje bzlas pa 'ba' zhig las 'grub par 'gyur te/ brtul zhugs la sogs pa ni dgos pa med pa'i phyir/ de la brtul zhugs bshad pa med/ /phreng ba mi dgos bgrang mi dgos/ /gzung dang sbyin sregs las rnams dag /gzhan dang gzhan yang dgos pa med/ ces bya ba gsungs te/ de la brtul zhugs zhes bya ba ni nges par sngon du song ba can gyi rtags 'dzin pa ste/ de ni rdo rje bzlas pa'i rnal 'byor pa la bcom ldan 'das kyis bshad pa med de bstan pa med do/ /de bzhin du yang de ni rigs pa dang lung ngag gis dpyad par bya ste/ brtul zhugs zhes bya ba 'di ci yin zhe na/ 'on te ral pa thogs pa dang/ chos gos gyon pa dang/ thig le gsum pa dang/ dbyu gu gsum thogs pa dang/ thal bas byug pa dang/ tshogs chen po dang/ zla ba'i rjes su 'brang ba la sogs pa dang/ mgo reg pa nyid dang/ dus pa'i phreng ba thogs pa dang/ slong mo byed pa dang/ sa la nyal ba nyid dang/ yul nas yul gzhan du 'gro ba la sogs pa lta ba'i bye brag gis rab tu grags pa'i nyams blang bar bya ba'i brtul zhugs kyi bye brag mang po mthong ngo zhes zer na mthong ba ni bden te/ 'on kyang gzhan yang kham pa'i snod zhabs med pa dang rtswa'i chun po dang gyo mo la sogs pa ske dang lag pa dang rkang pa la sogs pa la gdags pa byas nas lus kyi khur dang sems skyo ba dang 'jig rten gyi bzhad gang kyi rgyu nyid du 'gyur ba de rnams ci'i phyir mi bya zhe na/ ci ste lus la sogs pa sdug bsngal ba dang 'jig rten gyi bzhad gang kyi 'bras bu can ni mi bya ba kho na'o/ /'o na ci zhe na/ longs spyod dang thar ba'i 'bras bu can bstan bcos las bshad pa'i nges pa'i bdag nyid can gyi cho ga kho na'i zhes zer na bstan bcos zhes bya ba ni ci zhig ji ltar na/ de tshad ma nyid yin zhing de nges pa'i ngo bo nyid ji lta bu yin zhe na/ gal te 'dis nges par byed pa na nges pa yin no zhe na/ de ci zhig nges par byed de/ ci brtul zhugs can gyi lus sam 'on te sems yin grang na/ re zhig sems ni ma yin te/ khyab par byed cing lus med pa'i sems la ni re zhig nges pa 'thad pa ma yin no/ /chos 'di ni lus can dang khyab pa ma yin pa dag go /gal te ji skad bshad pa'i chos dang 'brel ba'i phyir lus kyi yin no zhe na/ 'o na rtswa chun la sogs pa tshigs chud dus? 'grub par bya pa'i zhag nas tshogs chen pos bsgrub par bya ba'i rus gong dang ral pa dang dbyu gu dang kha TwAM la sogs pa blangs pas ci zhig bya/ blangs pa de rnams kyis gzhan rang dbang can dag bzhin du brtul zhugs can de rnams rang dbang med par byed pa yang ma mthong bas ji ltar rang dbang can de rnams rang dbang yod par lus kyi bya ba brten pa dang/ bde bar nyal ba dang bde bar gnas pa ltar brtul zhugs can rnams kyang de kho na bzhin du byed do/ /yan lag bshad ma thag pa tsam gyis grub pa'i longs spyod kyang brtul zhugs can ma yin pa rnams kyis ji ltar 'bad pa gzhan gyis 'grub par mi nus sam/ ci ste gong na med pa'i rgyal po nyid thob pa la sogs pa'o zhe na/ de yang brtul zhugs blangs pa nas brtsams te/ shi ba'i mthar thug par yang brtul zhugs can 'ga' la yang ma mthong ngo/ /ci ste chos shin du brtan zhing rnam pa sna tshogs pa mdza' yas pa'i longs spyod rgya chen po'i sa bon po'i bya ba la byin gyis rlob par byed pa nyid kyi 'dod pa'i lha dang nye ba nyid du gyur nas bsgrub par bya ba rtag tu bde ba phun sum tshogs pas kun tu khyab pas rtag tu chim pa'i bdag nyid can mtshan nyid gzhan dang mi mthun pa dus gzhan lus gzhan gyis thob par bya ba'i longs spyod ces zer na/ e ma'o 'dod pa ngan pa'i zhags ba rgyas bcings pa'i bsam pa'i dbang gis lus gzhig par 'dod cing rmongs pas dbang du byas pa'i rnam pa ni mya ngan bya bar 'os pa yin no/ /gang gi phyir sprin las byung ba'i dri ma med pa'i chu don du gnyer ba'i rma bya rnams dud 'gro yin yang sems kyi bde ba la rnam par dbyad na lus de nyid kyis don byas pa nyid yin pa'i phyir smad par 'os pa ma yin no/ /brtul zhugs can dag kha nad dang bu ram yid kyis longs spyad pas bder 'gyur lus las gzhan du 'byung/ /de ni nam mkha' i me tog bzhin/ /gang phyir 'di dag dang btsam/ /yin pa de phyir kha dog sdod/ / rigs pa 'dis rdzogs pa'i rnal 'byor pa'i brtul zhugs bkag pa yin no/ /lung gi ni ji skad du/ dka' thub kyis ni lus gdungs pa/ /'ba' zhig las ni bsod nams min/ /pha rol gnod pa spong ba min/ /gzhan la phan pa byed mi 'gyur/ /sbyin pa'i tshul khrims bzod gsal ba'i/ /dam pa'i chos kyi lam chen la/ /ma gus byas nas dgon pa yi/ /lam log lus kyi sdug bsngal 'gro /yan lag sdug bsngal sbrul bkris nas/ /'khor ba'i dgon pa 'jigs rung zhing/ /skye ba mdza' yas nags ldan pa/ /shin tu ring ba thob par 'gyur/ /zhes gang bshad pa'o/ /lha thams cad yang dag par 'dus pa zhes bya ba'i rgyud las rnal 'byor pa rnams kyis brtul zhugs ji lta bu zhe na/ gang tsho las rnams thams cad ni/ /thabs bcas the tshom med pa ru/ /rtog pa med pa'i sems kyi spyod/ /brtul zhugs rnams las mchog gi mchog /dka' thub ces bya ci zhe na/ rnam par rtog pa med pa yis/ /rtog pa med pa'i rang bzhin du/ /rtag tu las rnams kun spyod pa/ /dka' thub rnams las dka' thub mchog / rtog pa med pa'i sems kyis ni/ /yul rnams rten par byed pas na/ /smad pas rdul tsam mi gnod pa/ /brgal bar dka' ba'i dka' thub yin/ /gang zhig las rnams thams cad la/ /shes rab kyis ni nges sbyor zhing/ /de yang stong pa'i gnas sbyor ba/ /bdag nyid chen po dka' thub yin/ /shes rab rab tu zhugs gyur pa'i/ /rtog pa med pa'i sems kyis ni/ /the tshom med par spyad par spyod/ /bdag nyid chen po'i dka' thub yin/ /gal te shes rab thob med par/ /sems ni gzhan du mi spyod pa/ /byang chub chen por rab ster ba'i/ /nges pa yin par yang dag bshad/ /mi rtog pa la rjes zhugs shing/ /brtson dang ldan pa'i rnal 'byor pa/ /de rnams kyis ni 'byung ba kun/ /bya ba'i don du spros pa yin/ /shes rab me long nang zhugs pa/ / 'dus byas de yis rnam gang yin/ /mi rtog bdag nyid de rnams kyis/ /dran pa shes rab rag lus shing/ /me long gi ni gzugs brnyan dang/ /rmi lam sgyu ma chu bur dang/ /mig 'phrul mtshungs par gang zhig gis/ /mthong ba de ni gtso bor brjod/ /ces bya ba la sogs pa gsungs pa dang/ /de nyid kyi phyir dpal mkha' 'gro ma dra ba sdom pa'i rgyud las/ bdag nyid sangs rgyas thams cad nyid/ /byang chub sems dpa' kun nyid de/ /lhag pa'i lha yi rnal 'byor yin/ /de phyir bdag nyid mchod par bya/ /bcos ma'i gzugs brnyan rnams la ni/ /rnal 'byor skye ba ma yin te/ /byang chub sems la rab brtson na/ /des na rnal 'byor pa nyid lha/ /rang gi bdag nyid spangs nas ni/ /dka' thub kyis ni gdung mi bya/ /ci bde bar ni bde ba gzung/ /'di ni ma 'ongs rdzogs sangs rgyas/ /'dir ni gtsang sbra brtul zhugs med/ /dka' thub dka' spyad mi gos te/ /sdom dang dka' spyad med pa ru/ /dga' dang bde bar 'grub par 'gyur/ /zhes gsungs so/ /de ltar na lung tshad mar byas nas/ rdzogs pa'i rnal 'byor pa'i brtul zhugs bkag pa yin no/ /bcom ldan 'das kyis las dang po pa rnams dang bskyed pa'i rim pa'i rnal 'byor pa rnams la ni 'di thams cad bkag pa ma yin no/ /zhes shes par bya'o/ /de bzhin du de la phreng ba 'ang mi dgos te las kyi tshogs bsgrub pa'i don du shel la sogs pa'i bye brag de la dgongs pa ma yin no/ /'jug pa la sogs pa'i rim pas rdo rje bzlas pa goms par byed na rlung tsam 'ba' zhig phreng ba yin pa'i phyir ro/ /de la bgrang ba'ang mi dgos shing chos brgyad la sogs pa la rnam pa bcu 'am bsnyen gnas yan lag brgyad blang bar bya mi dgos te/ sems dpang du byed pa'i brtul zhugs rtag tu nye bar gnas pa nyid yin pa'i phyir ro/ /gzung ba zhes bya ba bslab pa kun las btus pa la sogs par gsungs pa'i lus dang ngag dang yid bslab pa'i gzhi gzung ba 'di la mi dgos te/ lhan cig skyes pa'i bde ba chen po de kho na nyid kyi rin po che bzung bas gzhan dgos pa med pa nyid yin pa'i phyir ro/ /sbyin sreg las rnams te zhi ba la sogs pa'i don du dkyil 'khor gru bzhi la sogs par mar dang til la sogs pa sreg pa de lta bu yang rnal 'byor pa la mi dgos te/ ma ning gi bzlas pa'i dus su phung po dang khams dang skye mched ma lus par skad cig tsam la ye shes kyi mes sreg pa'i phyir ro/ /gzhan yang gzhan te dkyil 'khor gyi cho ga dang mchod pa'i bya ba la sogs pa gang yin pa de dag kyang de bya mi dgos so/ /de rnams ni ye shes kyi rim pa kho nas grub pa nyid yin pa'i phyir bya ba'i rim pa dgos pa ci chig yod/ ces bya ba'i tha tshig ste dgongs pa ma yin pa'o/ /da ni rdzogs pa'i rnal 'byor pa zhi ba la sogs pa rnams ji ltar bya ba ste bstan pa'i phyir/ ya yi don gyi gang ci'ang rung/ /dngos grub 'dod pas bya ba ni/ /ral sogs pa gsum nyid kyis/ /'gro ba'i don la rab tu 'jug /me dang rlung dang dbang chen dang/ /chu ste dkyil 'khor so sor ru/ /thun ni byed byed dus su ni/ /las ni gnyis gnyis gnas par 'gyur/ /zhes bya ba gsungs pa'i don ni 'di yin te/ yi ge ya'i sa bon gyis nye bar mtshon pa'i rlung gi dkyil 'khor de'i don te 'od zer spro bas dgug pa la sogs pa gang ci yang rung pa dngos grub ste/ dngos grub de nyid mngon 'dod pas bya ba ni bsgrub par bya ba'o/ /de bzhin du ra la sogs pa gsum nyid kyis te/ ra dang la dang wa yis nye bar mtshon pa'i me dang sa dang chu yi dkyil 'khor gsum dang/ de las byung ba'i 'od zer gyi 'khor lo spro bas 'gro ba'i don la ste/ dbang dang rgyas pa dang zhi ba la rab tu 'jug pa ni bsgrub par byed pa'o/ /dkyil 'khor rnams kyi ming gsungs pa/ /me dang rlung dang dbang chen dang/ /chu ste dkyil 'khor so so ru ste dkyil 'khor re re las 'od zer spros nas sngar bshad pa'i rim pas thun phyed phyed kyi dus su gzung ste/ las gnyis gnyis shes bya ba ni zhi ba la sogs pa'i las bzhi po rnams 'grub par 'gyur te/ sgra ji bzhin ma yin pa'i bshad pa'o/ /rdzogs pa'i rnal 'byor pas thar pa thob pa dpe'i sgo nas bstan pa'i phyir/ mchod la brtson par mchod par 'gyur/ /bzlas la brtson pas rnam dag 'gyur/ /me la sbyin sreg brtson pas 'byor/ /bsam gtan brtson pas thar pa thob ces bya ba gsungs te/ ji ltar mchod pa la brtson pa ste mchod pa rnam pa lngas bcom ldan 'das la mchod par byed cing bdag dang gzhan rnams mnyes par byed pa'i rnal 'byor pa gang yin pa de ni ji ltar skye ba 'di dang skye ba gzhan dag du las dge ba'i mthus mchod byar 'gyur te/ mchod par 'os par 'gyur ro/ /de bzhin du ji ltar bzlas la brtson pa ste/ /ngag gi bzlas pa lhur len pa'i rnal 'byor pa ni rnam par dag par 'gyur te/ bzlas pa ni sdig pa nye bar 'thag par byed pa'i rang bzhin nyid yin pa'i phyir ro/ /de bzhin du ji ltar me la sbyin sreg brtson pa ste/ me la mchod pa byed par brtson pa dang ldan pa'i rnal 'byor pa ni 'byor pa phun sum tshogs pa thob par 'gyur ba'o/ /de bzhin du bsam gtan brtson pa ste rdo rje bzlas pa mthar phyin pa'i rnal 'byor pas thar pa thob pa ni rdo rje 'chang chen po'i go 'phang thob par ro/ /zhes bya ba'i don te/ sgra ji bzhin pa'i don to/ /rnam par mi rtog pa'i ting nge 'dzin la gnas pas ni gsang sngags kyi dngos grub thob par 'gyur ro zhes bstan pa'i phyir/ sngags pas de ltar shes nas ni/ /'gro na byis pa bzhin du spyod/ /de nas mi rtog chos nyid kyis/ /gsang sngags rnams ni 'grub par 'gyur/ /zhes gsungs te/ sngags pas rnal 'byor pa de ltar sngar bshad pa'i tshul du rdo rje bzlas pa'i rim pa la sogs pas sngags btu ba dang sngags kyi brda dang/ sngags kyi don dang sngags kyi de kho na nyid shes shing rtogs nas 'gro ba kham gsum par byis pa chung ngu bzhin du sbyor pa ni ji nas kyang skyes pa dang bud med dang byis pa la sogs pa 'jig rten pa thams cad 'di ni smon pa'o/ /zhes rnal 'byor pa la bzhad gang byed par 'gyur ba'i sbyod pa bya ba ste/ ji skad du pad+ma rdo rje'i zhal snga nas kyi rigs kun mtshungs par spyod pa dang/ cung zhig smyon pa'i spyod pa dang/ pheg rdob sgrang bcas byis pa yis/ /kun nas yongs su bskor ba dang/ /rdo rje gar gyi 'gros ldan pa'i/ /rim gyis chung zad gang byed cing/ /gru yi sgra yang sgrogs pa dang/ /mi gsal rdo rje glu yang lan/ /des na khams gsum grags pa yis/ /glu dag gsal bar blang bar bya/ /sna tshogs sgra ldan glu blang zhing/ /yi dags bzhin du gad mos bsres/ /skye bo'i las rnams ma zad pa / gang dang gang gi bcir gyur pa/ /de nyid thabs dang bcas pa yis/ srid pa'i 'ching ba las grol 'gyur/ /zhes bya ba la sogs gsungs pa bzhin no/ /spros pa med pa'i spyad pa sbyod pa'i rnal 'byor pa de lta bus sbrul la sogs pa'i gsang sngags rnams 'grub par 'gyur pa'i 'bad pa med pa'i zhi ba la sogs pa'i las rnams byed par 'gyur ro/ /zhes bya ba'i don te/ dgongs pa ma yin pa'o/ /mjug bsdu ba/ gsung gi rdo rje sgrub byed pa'i/ /sngags kyi de nyid gsal ba 'di/ /ye shes gsum gyi dbye ba yis/ /sems can la ni sbyar bar bya/ /zhes pa gsungs te/ sngar bshad pa'i sngags kyi de kho na nyid/ rdo rje bzlas pa'i rim pas sngags rnams kyi de bzhin nyid kyi ngo bo/ yongs su shes pa 'di ni gsung gi rdo rje ste/ rnam par rtog pa dang bcas pa'i ngag rnam par sbyangs nas 'od gsal ba'i de kho na nyid kyi rdo rje sgrub par byed cing yang dag par byed pa ste/ bshad zin pa'i tshul gyis zhes bya ba'i lhag ma'o/ /rnam par rtog pa dang bcas pa'i tshig rnam pa bzhi yod do/ /'di lta ste mtshan nyid kyi tshig dang/ rmi lam gyi tshig dang/ gnas ngan len la mngon pa bzhin pa'i tshig dang/ thog ma med pa'i dus can gyi rnam par rtog pa'i tshig ces bya ba'o/ /blo gros chen po de la mtshan nyid kyi tshig ni rang gi rnam rtog las byung ba'i gzugs kyi mtshan ma la mngon par zhen pa las 'byung pa'o/ /blo gros chen po rmi lam gyi tshig ni sngon nyams su myong ba'i yul rjes su dran pa dang yul nye bar snang ba las 'byung ngo/ /blo gros chen po gnas ngan len la mngon par zhen pa'i tshig ni sems kyis sngon byas pa'i las rjes su dran pa las 'byung ngo/ /blo gros chen po thog ma med pa'i dus can gyi rnam par rtog pa'i tshig ni spros pa la mngon par zhen pa'i gnas ngan len gyi rang go sa bon gyi bag chags las 'byung ste/ blo gros chen po de ni dag gis rnam par rtog pa'i mtshan nyid rnam pa bzhi zhes bya'o/ /de bzhin du gzhan las kyang/ tshig ni mchog dang lta bar byed pa dang bar ma gsal bar byed pa zhes bya ba rnam pa bzhi'o/ /de la mchog gi kun gzhi rnam par shes pa'i nang na gnas pa'i ngag chags kyi rnam pa'o/ /blta bar byed pa ni yid kyi rnam par shes pa'i rtan can gyi rnam par rtog pa'i rang bzhin no/ /bar ni rlung byung nas gnas su thug pa las sgra mi gsal ba'i rang bzhin can gyi yi ge'i bdag nyid kyi yi ge phyi mo'i ngo bo/ gsal ba ni tshig dang ngag la sogs pa'i rang bzhin gyis brjod par bya ba dang/ rjod par byed pa'i ngo bo yin pa'i phyir/ shin tu gsal ba'i sgra'i ngo bo nyid yin pas rna ba'i dbang pos gzung bar bya ba ni tshig gsal ba zhes bya'o/ /zhes gsungs so/ /de lta bu'i tha mal ba'i ngag gi rnam par rtog pa log par gyur nas 'od gsal ba'i ngo bo nyid thob par byed pa'i sngags kyi de kho na nyid do/ /zhes bya ba'i don to/ /ji skad du tshul gcig bstan pa'i mdo las/ chos 'di rnams ni sgra'i brda yis bstan/ /'dir ni chos dang sgra dag mi snang ste/ /chos nyid tshul gcig dngos la zhus nas ni/ /bzod spyod bla na med la reg par 'gyur/ /zhes bya ba la sogs pa gsungs pa bzhin no/ /ye shes gsum gyi dbye ba ni 'og nas 'chad par 'gyur ro/ /des sems tsam la te/ 'od gsal ba'i chos nyid la sbyar bar bya ba'i 'bad par bya ba'i don rdo rje bzlas pa'i rim pas ngag rnam par dben pa'i pha rol tu phyin nas de'i rjes la rang bzhin dang snang ba dang/ rlung gi bzhon pa dang ldan pa'i rnam par shes pa'i sgo nas/ sems rnam par dag pa'i rim pa goms par byed pa/ /zhes bya ba'i don ni 'di yin te/ dgongs pa ma yin pas bshad pa'o/ /da ni slob ma rnams kyi snod dang snod ma yin pa rtag pa/ bla ma la brnyas rgyu can dad pa med/ /sngags kyis rlom zhing glegs bam mthong bas khengs// dad pa med cing dbang bskur dman pa la/ /rim pa'i gtam yang gtan par mi bya'o/ /zhes bya ba gsungs te/ slob ma ji lta bu zhe na/ bla ma ste dbang bskur ba'i bla ma'i zhal snga nas la brnyas ni sla chos dang bcas pa'o/ /gal te bsam bdag par gyur na de'i tshe nyes pa ci zhig yod ce na/ sgyu can te g.yo dang ldan pa'o/ /de bzhin du dad pa med pa ni khro ba dang ldan pa'o/ /de bzhin du sngags tsam shes nas rlom pa ni nga rgyal can no/ /tshogs pa'i nang du nga rgyal gyi dbang gis thob pa mi phyed cing rang gi khyim du glegs bam bltas nas bdag gi thams cad shes so/ /mnyam nas khengs pa ni ste mngon pa'i nga rgyal dang bcas pa'o/ /gal te brgya la zhig thos pa la 'jug na de'i tshe dad pa med par 'dir bdag la the tshom yod do/ /zhes thabs kyi nyan par byed do/ / de'i rjes la dbang bskur ba dman pa ste/ bla ma las dbang bskur ba yang dag par ma thob pa de lta bu'i rnam pa can gang yin pa'i slob ma de la rim pa ste rdo rje bzlas pa'i rim pa'i gtam glengs langs tsam yang bstan par mi bya'o/ /slob ma dam pa ni gang zhig bla ma la gus dad pa ldan/ /gus par nyan la rtag tu mngon par brtson/ /thos pa 'dzin nus bla ma dam pa yis/ /bla ma'i drin sbyin de la rtag mi dgos/ /zhes bya ba gsungs te/ slob ma gan zhi chos la dad pa dang ldan zhing de ston par byed pa'i bla ma la gus pa dang bcas pa/ mnyan par 'dod pa la gus par nyan cing de'i don du mngon par brtson pa ste brtson 'grus dang ldan pa thob pa 'dzin pa ste/ thos pas chog mi shes shing yang dang yang du thos pa goms par byed pa de la bla ma dam pa yis bla ma mchog go / bla ma'i drin sbyin pa ni rjes su gzung bar bya ba yin pa'o/ /brtag mi dgos pa ni dpyad par bya mi dgos pa ste/ de ni cig car rjes su gzung bar bya'o/ /zhes bya ba'i don to/ /zhes bya ba ni dgongs pa ma yin pas bshad pa'o/ /de ni bla ma'i zhal snga nas kyi sna? drin gyi che ba'i bdag nyid gsal bar bya ba'i phyir/ ri dbang rtse las 'ga' zhig lhung 'gyur na/ /ltung bar mi 'dod kyang ni de ltar 'gyur/ /bla ma'i drin gyis phan pa'i lung thob pa/ /grol bar mi 'dod kyang ni de grol 'gyur/ /zhes bya ba gsungs te/ ji ltar 'ga' zhig sems gzhan du yengs nas rkang pa 'dred nas ri dbang rtse nas te ri mthon po'i kha nas lhung bar gyur na te/ 'dred bar gyur na'o/ /skyes bu de ltung bar te 'dred bar 'chi ba'i rgyu nyid yin pa'i phyir mi 'dod kyang ri 'thon po nyid yin pas na ltung bar 'gyur ba kho na'o/ /de bzhin bla mi 'drin gyis te rdo rje slob dpon gyis phan gtags pa ste/ yang dag pa'i lam dang nye bar 'bral pa dang slob dpon dpe mkhyud dang bral ba'i lung ste man ngag gis thob pa de ni grol bar mi 'dod kyang zhes bya ba srid du zin kyang 'on kyang grol bar 'gyur de des thar ba thob par 'gyur ro/ /de lta bu 'di ni dngos po'i chos nyid yin par thos te/ rjes su gzung ba'i skyes bu ni dus de nyid du grol ba nyid yin pas de las dus phyis de'i lus tsam gnas pa'i phyir rdza mkhan gyi 'khor lo bzhin te/ gang gi dus su bla ma yis/ /rnam par mi rtog rab bstan pa/ /dus te kho nar grol ba ste/ /lus cam 'ba' zhig gnas pa yis/ /zhes bya ba la sogs pa yang gsungs so /sgra ji bzhin pa'o/ /rim pa la'i bshad pa'i nor bu'i phreng ba las rdo rje bzlas pa'i rim pa ste dang po'o/ / //da ni sems rnam par dag pa'i rim pa bstan pa'i phyir/ dang por phyag 'tshal ba/ khyod la phyag 'tshal khyod la 'dud/ /khyod la phyag 'tshal phyag 'tshal 'dud/ /ji ltar bstod cing khyod phyag 'tshal/ /gang gis bstod cing gang la bstod/ /ces bya ba gsungs te/ bod pa'i tshig kye bcom ldan 'das rdo rje 'chang chen po zhes bya ba 'dir khong nas dbyang bar bya ste/ 'di ltar thos pa dang rjes su dpag pa dang khong nas dbyung ba ste gsum gyi mdo'i don bstan par bya'o/ /de la thos pa ni mngon sum gyis dmigs pa ste/ dper na mgon po sems can kun bdag nyid/ /dpal ldan bde chen la btung nas zhes bya ba da rdo rje 'chang rjod par byed pa'i tshig bde ba chen po zhes bya ba thos pa bzhin no/ /rjes su dpag pa ni rjes su dpag par byed pa'i rtags kyi rtog par byed pa ste/ khyad par gyi tshig gi rjes su dpag pas rtogs par bya ba ni yod pa ma yin pa yang rtogs par 'gyur te/ dper na zung du 'jug pa'i rim par mgon po rgyu dang 'bras bdag nyid ces bya pa'i rgyu dang 'bras bu'i rang bzhin gyis khyad par gyi tshig gzhan du mi 'thad pas rdo rje 'chang chen po kho na yin par rjes su dpag pa bzhin no/ /rgyu dang 'bras bu'i bdag nyid ces bya ba'i tshig gi dngos su ston pa ni ma yin te/ rdo rje sems dpa' zhes bya ba la sogs pa'i tshig bzhin no/ /'dir ni rdo rje 'chang zhes bya ba'i tshig thos pa med cing de'i khyad par du gyur pa'i sgra'i stobs kyis rjes su dpag pa yang ma yin no/ /'on kyang phyag bya ba'i tshig yong de de'i phyir bstod par bya ba'i rdo rje 'chang zhes bya ba'i tshig khong nas dbyung ste/ khong nas dbyung ba zhes bya ba ni gang du med pa'i sgra brtag par bya ba'o/ /khyod la phyag 'tshal te lus dang ngag dang sems kyi rab tu 'dud pa'o/ /phyag 'tshal zhes bya ba'i sgra bzhi sbyar ba ni dad pa'i phul du byung phar bstan pa'i phyir te/ dga' dang 'jigs sogs dbang bcas yid can gyi /smra ba po rnam de bzhin bstod dang smod/ /tshig ni lan cig min par smra ba gang/ /de la blos pa'i nyes pa yod ma yin/ /zhes bya ba dad de bzhin du/ ngo mtshar gyur bar? rtsod? pa dang khro dang zhum dang nges bzung dang/ /dad dang rjes su yi rang la/ /tshig gcig lan gnyis brjod par bya/ /zhes bshad do/ /ji ltar khyod la phyag 'tshal zhe na/ ji ltar bstod pa ste bstod pa ji lta ba bzhin du bstod par byed pa dang bstod pa dang bstod par bya ba rnams mi dmigs pa'i 'khor gsum yongs su dag pa ji lta ba bzhin du bstod pa yin te/ gang gi phyir byang chub sems dpa' i lus ngag dang sems kyi bya ba dmigs pa dang bcas pa thams cad ni bsod nams tsam du 'gyur ba yin zhing/ dmigs pa med pa ni bsod nams dang ye shes kyi tshogs su 'gyur ba yin pa'i phyir ro/ /de nyid gsungs pa/ gang gis bstod cing gang la bstod pa ste/ dmigs pa med pas phyag 'tshal pa yin pas bstod par byed pa'i gang zag gang la bstod pa ste/ bstod par 'os pa 'ga' yang mi dmigs so/ /dmigs pa med par bstod pa las/ /de ltar bstod na bstod 'gyur gyi/ /gzhan du cung zad stong pa min/ /chos rnams thams cad stong pa la/ /gang la bstod cing gang gis bstod/ /skye 'jig spangs pa khyod la yang/ /bdag gi bstod pa nus sa ci/ /bde 'gro ngan 'gro rnams spangs shing/ /'gro 'ong med pa bstod mi rung/ /zhes bya ba la sogs pa gsungs te/ drang ba'i don to/ /yang na khyod la phyag 'tshal te rnam par snang mdzad kyi ngo bo la'o/ /yang na phyag 'tshal ba bzhi ni rin chen 'byung ldan dang 'od dpag tu med pa dang mi bskyod pa dang don yod par grub pa'i ngo bo la'o/ /de bzhin du ji ltar bstod cing khyod phyag 'tshal zhes bya ba 'dis ni/ drug pa rdo rje 'chang chen po'i ngo bo la phyag 'tshal ba'o/ /'dir ni de'i bdag nyid du rjes su 'jug pa'i mtshan nyid kyi phyag 'tshal ba yin te/ de'i phyir de bzhin gshegs pa lnga'i bdag nyid gcig tu gyur pa'i rdo rje 'chang chen po la de'i bdag nyid du 'jug go /zhes bya ba'i don to/ /de'i phyir tha dad pa med pas gang gis bstod cing gang las bstod ces bya ba ni chu dang 'o ma bzhin du gyur pa yin pa'i phyir ro/ /zhes bya ba'i tha tshig ste/ nges pa'i don to/ /da ni de'i bdag nyid du 'jug pa'i phyag 'tshal pa'i rang gi ngo bo dpe'i sgo nas bstan pa'i phyir/ ji ltar chu la chu bzhag dang/ /ji ltar mar la mar nyid bzhin/ /rang gis rang gi ye shes ni/ /legs mthong gang de 'dir phyag nyid ces bya ba gsungs te/ de'i bdag nyid du rjes su 'jug pa'i mtshan nyid kyi phyag 'tshal ba ji lta bu zhe na dper na klung gnyis ka nas brug pa'i chu rgyun gcig tu 'dus nas 'dres pa dag la khyad par cung zad kyang ma dmigs te/ chur bye brag mi phyed pa'i phyir ro/ /de bzhin du brgya la yul grang ba dang dro ba dang 'ongs pa'i chu gnyis kyi bye brag reg bya la mkhas pa rnams kyi 'dom pa'i gnas su dmigs par 'gyur ro zhe na/ de'i tshe dpe gnyis pa ji ltar mar la mar nyid bzhin te mar gnyis bsres na snum pa dang kha dog gcig pa nyid yin pa'i phyir tha dad pa med do/ /de bzhin du rang ste phung po dang khams dang skye mched la sogs pa'i mtshan nyid kyi shes pa rang gi ye shes te thams cad stong pa nyid kyi rang bzhin gyi 'od gsal ba la bkod cing legs par mthong ba gang yin pa de phyag 'tshal ba ste de kho na phyag 'tshal ba'i 'bras bu nyid yin pa'i phyir phyag 'tshal pa yin no/ /de bzhin las dang po la dkon mchog gsum la skyabs su 'gro ba'i tshe sangs rgyas 'grub par shog ces de'i don du phyag 'tshal bar byed do/ /'dir ni phyag 'tshal ba kho nas/ sangs rgyas nyid yin pas rgyu dang 'bras bu dag la tha dad pa med de/ dgongs pa 'dis bcom ldan 'das kyis rtsa ba'i rgyud la rdo rje gsum mchog phyag bya min/ /zhes gsungs so/ /'dir ni phyag 'tshal ba bkag pa ma yin te/ 'on kyang de'i bdag nyid du rjes su 'jug pa'i mtshan nyid kyis phyag 'tshal ba brten par bzhed pa yin no/ /zhes bya ba ni dgongs pa ma yin pa'o/ /gal te de ltar na phyag 'tshal ba tsam kho nas de kho na nyid khong du chud pa'i phyir bsgom pas ci zhig bya snyam du dogs pa gsum nas/ 'on kyang kun mkhyen rtogs med par/ /de nyid nye bar dmigs mi 'gyur/ /mun nag rab rib kyis khebs pa/ /drin gyi snang ba 'thob par 'gyur/ /zhes bya ba gsungs pa'i don ni 'di yin te phyag 'tshal ba tsam gyis rtogs par 'gyur ba yin mod kyi 'on kyang ji srid du bla ma'i las phyag 'tshal ba de'i rang bzhin ma shes pa de srid du rtogs par bya'o snyam du dgongs pa'o/ /de'i phyir kun mkhyen ni 'dir rdo rje slob dpon yin par bzhed de/ bla ma rdo rje 'chang bye brag med pa'i phyir ro/ /de las rtogs pa ste ye shes khong du chud pa gang yin pa de med par de kho na nyid nye bar dmigs par mi 'gyur te/ rgyal ba skyed pa las dge ba'i bshes gnyen la nye bar bsten nas/ sangs rgyas kyi byang chub 'thob bo/ /zhes gang gsungs pa dang/ de bzhin du log pa'i nga rgyal can gyi rang skyon la/ skyon du mi shes yon tan min/ dge ba'i bshes rnams brnyas par byed pa ste/ /de nyid bdud rtsi ji ltar 'thung bar 'gyur/ /zhes bya ba la sogs pa gsungs pa bzhin no/ /dpe gsungs pa/ ji ltar mun nag rab rib kyis te mun nag thibs pos khebs pa'o/ bum pa dang snam bu la sogs pa mi gsal ba mar me'i snang ba dang phrad nas de dag nyid ming dang gzugs la sogs pa'i bye brag gsal bar 'gyur ro/ /de bzhin du thog ma med pa'i 'dod chags la sogs pa'i nyon mongs pa'i bag chags kyi mun pa'i tshogs kyis dri ma can du byas pa'i sems kyi rgyud la de kho na nyid yod du zin kyang mi gsal te bla ma'i zhal snga nas kyi bka' drin thob nas de kho na nyid de skad cig tsam gyis gsal bar 'gyur ro/ /zhes pa'i tha tshig go /de'i phyir bla ma'i zhal gyi man ngag lhur blang bar bya ba'o/ /zhes bya ba'i bsdus pa'i don te/ sgra ji bzhin pa'o/ /da ni sems rnam par dag pa'i rim pa'i rgyu dang 'bras bu'i bye brag bstan pa'i phyir/ stong nyid shin tu stong pa dang/ /gsum pa stong pa chen po dang/ /bzhi pa thams cad stong pa ni/ /rgyu dang 'bras bu'i bye brag go /zhes bya bas gsungs te/ sems rnam par dag pa'i skabs 'dir/ sems dang sems las byung ba'i rnam par rtog pa ma rtogs par gzhan mi dmigs te/ 'phags pa byams pas/ yang dag ma yin kun rtog ni/ /sems dang sems byung khams gsum pa/ /zhes gang gsungs pa'o/ /de'i phyir mi mthun pa dang/ gnyen po'i dbye bas de rnam par dag par de la mi mthun pa'i phyogs ni rnam par shes pa gsum dang/ de las byung ba'i rang bzhin rnam pa gsum yin la/ gnyen po'i phyogs ni stong pa gsum yin zhing/ de nyid kyi grangs ni ye shes gsum zhes bya ba yin no/ /rnam par shes pa gsum dang de dang 'brel pa'i rang bzhin rnams gang yin pa de rnams kyang gnyen por gyur pa'i snang ba la sogs pa'i ye shes gsum gyi rnam par dag par bya ba nyid yin pa'i phyir de rnams kyis ming gi bstan te/ char gyi byas pa'i mu ge ni char med par byas pa'i mu ge'o/ /zhes bya ba'i don to/ /de bzhin du rnam par shes pa kho na snang ba'i ye shes dang/ stong pa nyid ces brjod par bya ste/ de ni de rnams kyi spang bar bya ba yin pa de ni yan lag gi don to// tshig gi don ni nang stong pa nyid la sogs pa stong pa bcu drug po de rnams las bzhi bzhi zhing re res bsdus pas stong pa nyid la sogs pa bzhir 'gyur ro/ /'di ltar stong pa nyid ces bya ba'i snang ba'i ye shes skyes par 'gyur ba na 'jug pa'i rnam par shes pa spong pa'i phyir gnyen po yin no/ /de bzhin du shin tu stong pa ni snang ba gsal ba'i ye shes skye bar 'gyur ba na/ nyon mongs pa can gyi yid kyi rnam par shes pa spong ba'i phyir gnyen po yin no/ /de bzhin du chen po stong pa ni snang ba nye bar thob pa'i ye shes skye bar 'gyur ba na kun gzhi'i rnam par shes pa spong ba'i phyir gnyen po yin no/ /bzhi pa thams cad stong pa ni 'od gsal ba'i skyes bar gyur pa na/ ye shes gsum dang rnam grangs gzhan stong pa nyid gsum spong ba'i phyir 'bras bu zhes brjod do/ /de nyid kyi phyir rgyu dang 'bras bu'i bye brag go / zhes bya ba rgyu'i bye brag ni stong pa nyid la sogs pa'i dbye ba yin zhing 'bras bu'i bye brag 'od gsal ba yin no/ /da ni de kho na nyid bshad pa/ shes rab thabs su sbyor ba las/ /rdzogs pa nye bar thob par 'gyur/ /nye bar thob pa rdzogs pa las// thams cad stong pa 'od gsal ba/ /zhes bya ba gsungs te/ de la shes rab ces bya ba'i sgras ni yul 'dzin pa la khyad par du shes pa'i ngo bo nyid yin pa'i phyir 'jug pa'i rnam par shes pa la shes rab yin par bstan to/ /de bzhin du yang bdag tu lta ba la sogs pa bzhi'i sgo nas 'khor ba'i 'khor lo ma lus pa'i rgyu nyid yin pa'i phyir thabs ni nyon mongs pa can gyi yid rnam par shes pa yin no/ /de dag sbyor ba la ste nye bar 'dus pa rdzogs pa ni gcig tu gyur pa'o/ /nye bar thob pa ni nye bar dmigs pa ste/ srid pa bar ma'i gnas skabs na gsal ba yin pas kun gzhi'i rnam par shes pa ni nye bar thob pa yin no/ /kun gzhi'i rnam par shes pa de rdzogs pa las te/ chen po stong pas spang bar gyur pa las rnal 'byor pa rnams kyis thams cad stong pa'i bdag nyid kyi 'od gsal ba'i de kho na nyid nye bar thob par 'gyur ro zhes bya ba'i don to/ /de'i yang so sor bshad pa/ rgyu yi rim pa rnam dag dang/ /rnam shes gsum po sbyor ba dang/ /stong pa gsum ni mnyam sbyor las/ /bla med go 'phang thob par 'gyur/ /zhes bya ba gsungs te/ rgyu'i rim gyi ste sngags dang phyag rgya'i rim gyi gang gis tshe rnam shes gsum ste 'jug pa'i rnam par shes pa la sogs pa gsum dang sbyor ba zhes bya ba de dang 'brel ba'i rang bzhin rnams rnam par dag par bya ste/ de ni stong pa gsum ni mnyam sbyod las te stong pa gsum ro gcig du gyur pa'i thams cad stong pa las bla med go 'phang ste 'od gsal ba'i de kho na 'thob par 'gyur zhing rnyed par 'gyur ro/ /zhes bya ba'i don to/ /'dir bsdus pa'i don 'di yin te/ rnam par shes pa brgyad rnam par shes pa gsum du bsdus nas/ de sngags kyi rim gyis 'di ltar spang bar bya'o/ /dang por lte ba'i gnas su chos kyi dbyings kyi 'khor lo rtsibs brgyad pa la pad ma dang zla ba'i steng du dbyangs dang po'i thig les mtshan pa bkod de mgo bo la sogs pa rnams su yi ge gsum bkod nas/ de las 'byung ba'i 'od zer gyis mgo bo nas yi ge aoM 'jug pa'i rnam par shes pa'i bdag nyid bkug ste/ de nyid du gzhug par bya'o/ /de'i tshe ston ka'i dus kyi zla ba'i 'od zer lta bu'i snang ba 'byung ste/ de'i tshe snang ba'i ye shes skyes pa na/ stong pa nyid kyi de kho na nyid thob pas 'jug pa'i rnam par shes pa'i rang bzhin sum cu rtsa gsum dang ldan pa nub par 'gyur ro/ /de'i rjes la de nyid du nyi ma'i dkyil 'khor gyi steng du rdo rje la gnas pa'i tsheg drag dang ldan pa bkod de/ de las byung ba'i 'od zer gyis lkog ma nas yi ge a bkug nas de nyid du gzhug par bya'o/ /de'i tshe nyi ma'i 'od dang mtshungs pa'i snang ba 'byung ste/ de'i tshe snang ba gsal ba'i ye shes skyes pa na shin tu stong pa'i de kho na nyid thob pas nyon mongs pa can gyi yid kyi rnam par shes pa rang bzhin bzhi bcu dang ldan pa nub par 'gyur ro/ /de'i rjes la 'khor lo dang sa bon dang zla ba dang nyi ma la sogs pa bsgom pa rnams spangs nas yi ge hUM lte ba'i dbus su gzhug par bya'o/ /de'i tshe mtshams kyi rab tu gsal ba dang mtshungs pa'i snang ba 'byung ste/ de'i tshe kun gzhi'i rnam par shes pa rang bzhin mdun dang ldan pa thub par 'gyur ro/ /de'i rjes la rim pas mtshan ma lnga byung ba na rab tu gsal ba de rnams kyang med par gyur nas sprin med pa'i nam mkha' i snang ba dang mtshungs pa'i rab tu gsal ba 'byung ste/ de'i tshe ye shes gsum 'gags nas rang bzhin gyi 'od gsal ba'i de kho na nyid bzhi pa skye bar gyur pa yin no/ / zhes pa ni sngags kyi rim pa'o/ /phyag rgya'i rim pa ni dam tshig dang ye shes kyi phyag rgya dag las gang yang rung ba dang snyoms par 'jug pa na rnam par tshogs pa'i skad cig la 'jug pa'i rnam par shes pa 'gags nas snang ba'i ye shes kyi rang bzhin gyi dga' ba skye bar 'gyur ro/ /rnam par smin pa'i skad cig la nyon mongs pa can gyi yid kyi rnam par shes pa 'gags nas snang ba gsal ba'i ye shes kyi rang bzhin gyi mchog tu dga' ba skye bar 'gyur ro/ /rnam par nye ba'i skad cig la kun gzhi'i rnam par shes pa 'gags nas snang ba nye bar thob pa'i ye shes kyi rang bzhin dag 'bral skye bar 'gyur ro/ /bral ba'i rang bzhin ji ltar snang ba nye bar thob pa yin pa bla ma'i zhal las rtogs par bya'o/ /de'i rjes la mtshan nyid dang bral ba'i skad cig la ye shes gsum 'gags/ 'od gsal pa'i rang bzhin gyi lhan cig skyes pa'i dga' ba skye bar 'gyur ro/ /zhes bya ba ni phyag rgya'i rnam par bye ba'o/ /phyag rgya med na dpe'i dus su nye bar mtshon pa'i de kho na nyid rjes su dran par byas nas de'i tshul du bsgom par bya'o/ /zhes bya bya ba'i rim pa ste dgongs pa ma yin pa'o/ /da ni 'jug pa'i rnam par shes pa'i mi mthun pa'i phyogs dang/ gnyen po'i phyogs dang de dag gi thabs kyi dbye bas kun rdzob kyi rang bzhin gyi ming rnams snang ba stong pa shes rab dang/ sems dang gzhan gyi dbang dag ste/ /de'i rang bzhin gsal 'phro ba/ /de ni rab tu bshad par bya/ /zhes bya ba gsungs te/ de la 'jug pa'i rnam par shes pa gang yin pa de nyid sngar bshad pa'i sgom pas spangs par gyur par gyur pa na/ snang ba'i ye shes kyi ming du tha snyad gtags te/ zla ba'i snang ba dang mtshungs par mthong ba'i phyir ro/ /rang bzhin sum cu rtsa gsum spangs pa'i phyir stong pa'o/ /'jug pa'i rnam par shes pa drug gi ngo bo nyid yin pa'i ste/ sems de bgags pas na sems shes bya'o/ /de nyid du yul drug 'dzin pa la 'byung ba'i phyir te gzhan gyi dbang ste phyi rol gyi bzung bar bya ba gzhan rnams kyi dbang byas shing rgyas par byas pas na gzhan gyi dbang ngo/ /de ni sems kyi rang gi ngo bo 'jug pa'i rnam par shes pa'i ming can snang ba de'i rang bzhin ni sems las byung ba'i chos kyi rang gi ngo bo ste/ gsal ba ni rang rig pa'i mngon sum gyis gsal bar rtogs par bya ba rnams so/ /'phro ba ni 'byung ba'o/ /rab tu bshad par bya ba ni grangs dang rnam par dbye ba'i khyad par gyis bshad par bya ba'o/ /zhes bya ba'i tha tshig ste/ dgongs pa ma yin pa'o/ /de rnams chag bral dang ni bar ma nyid/ /de bzhin du ni chen po dang/ /yid kyi 'gro zhing 'ong ba dang/ /de bzhin mya ngan la sogs gsum/ /zhi ba'i rnam rtog 'jigs pa dang// 'jigs pa bar ma shin tu 'jigs/ /sred dang sred pa bar ma dang/ /shin tu sred dang len pa dang/ /mi dge bkres bskom dag nyid dang/ /tshor dang tshor ba mnyam pa dang/ /shin tu tshor ba'i skad cig nyid/ /rig pa po dang rig 'dzin gnas/ /so sor rtog dang ngo tsha shes/ /snying rje dang ni brtse ba gsum/ /dogs dang the tshom nyid dang ni/ /phrag dog ces ni bya bar grags/ /rang bzhin sum cu rtsa gsum gang/ /lus can rnams kyi rang rig ste/ /zhes bya ba gsungs te/ rang bzhin sum cu rtsa gsum po 'di rnams ni dang rig pa'i mngon sum gyis nges par bya'o/ /'jug pa'i rnam par shes pa ni reg pa la sogs lnga dang bdun pa la sogs pa lnga dang bcu gcig dge ba dang nyon mongs pa drug dang nye ba'i nyon mongs pa nyi shu dang mtshungs par ldan pa ma yin nam/ de'i phyir c hos bzhi bcu rtsa bdun dang ldan pa de ji ltar rang bzhin sum cu rtsa gsum dang ldan par brjod par bya zhe na bden te ji ltar rtsa ba'i nyon mongs pa drug las nye ba'i nyon mongs pa nyi shur phye ba de rnams kyi rang gi ngo bo nyid yin pa de bzhin du 'di rnams kyang nye ba'i nyon mongs pa la sogs pa rnams kyi dbye ba las bag chags phra mo'i rang bzhin yin par shes par bya'o/ /de bzhin du yang chags bral la sogs pa gsum ni nye ba'i nyon mongs pa 'gyod pa'i nang du 'dus te/ sems kyi yid la gcags pa'i rang bzhin nyid yin pa'i phyir ro/ /yid kyi 'gro ba dang 'ong ba dag ni rtog pa dang spyod pa'i bdag nyid yin te/ phra ba dang rags pa'i rang bzhin nyid yin pa'i phyir ro/ /zhi ba'i rnam par rtog pa ni rnam par mi tshe ba snying rje yin no/ /'jigs pa la sogs pa gsum ni ma chags la sogs pa dge ba gsum du 'dus te/ 'jigs pa yod na ma chags pa la sogs pa rjes su bsgrub po/ /srid pa la sogs pa gsum dang len pa ni nyon mongs pa 'dod chags kyis bsdus kyis/ 'dod chags dang ldan pa la sred pa 'byung ba'i phyir ro/ /mi dge ba ni nyon mongs pa zhe sdang dang nye ba'i nyon mongs pa 'chab pa dang 'tshig pa dang phrag dog la sogs pa rnams su'o/ /tshor ba la sogs pa rnam pa gsum ni/ kun tu 'gro ba'i tshor ba rnam pa gsum du'o/ /bkres pa dang skom pa dag ni rig par ro/ /rig pa po la sogs pa gsum ni yid la byed par ro/ /so sor dpyod pa ni rtog par ro/ /ngo tshar shes pa ni dge ba'i ngo tsha shes par ro/ /snying rje ni rnam par mi 'tshe bar ro/ /brtse ba gsum ni 'dod chags su'o/ /dogs pa dang the tshom dag ni rtsa ba'i nyon mongs pa drug par ro/ /ser sna ni ser sna 'am phrag dog du'o/ /de'i phyir de rnams ni dge ba dang mi dge ba dang lung du ma bstan pa'i phyir rang bzhin gyi sems las byung ba rnams kho na yin te/ sgra ji bzhin pa'o/ /da ni don dang bcas pa'i ming rnams kun rdzob gsal ba'i ngo bo dang/ /mtshan ma'i ming du rab tu grags/ /de bzhin bud med ming du brjod/ /'jam po'i rnam pa'ang dang de bzhin no/ /g.yon pa yi ni ming nyid dang/ /zla ba'i dkyil 'khor pad+ma can/ /bstan par bya ba'i rgyu nyid phyir/ / dbyangs yig dang po'i thig ler bcas/ /zla ba'i 'ong ltar snang ba yi/ /snang ba'i ye shes yang dag 'byung/ /zhes bya bas gsungs te/ kun rdzob yul dang dbang po dang/ /rnam par shes pa 'dus pa las gang gi tshe 'jug pa'i rnam par shes pa'i rang bzhin rnams nyams su myong ba de'i tshe gsal ba'i ngo bo zhes brjod par bya'o/ /zla ba'i 'od zer lta bu'i snang ba mthong ba'i phyir ram cung zhig gsal ba'i snang ba 'byung ba'i phyir mtshan ma'o/ /shes rab kyi rang bzhin yin pa'i phyir bud med kyi ming ste/ de yang sngar bshad zin to/ /'jug pa'i rnam par shes pa'i rang bzhin rnams ni rtsa g.yon pa las byung ba'i rlung dang ldan pa'i rnam par shes pa'i ngo bo nyid yin pa'i phyir g.yon pa ste/ rlung ni gang dang gar gnas pa/ /rang bzhin de dang de 'byung ngo/ zhes 'chad par 'gyur ro/ /chos kyi dbyings kyi 'khor lor pad+ma'i gdan la gnas pa'i zla ba'i dkyil 'khor pad+ma can no/ /yi ge a thig les mtshan par de'i rang bzhin gyi/ yi ge aoM gsungs pa'i phyir bstan par bya ba'i rgyu nyid phyir zhes bya ba snang ba'i ye shes bstan pa nyid du skye ba'i phyir ngag gi lam la brten pa'i sa bon rjes su 'jug pa'i dbyangs te aoM mo/ /de nyid kyi phyir de'i tshe zla ba'i 'od zer snang ba ste/ zla ba'i gsal ba dang mtshungs pa'i snang ba 'byung ba'i phyir/ snang ba'i ye shes yang dag 'byung ngo/ / 'di ni stong pa nyid kyi bdag nyid kyi ting nge 'dzin yin par khong du chud par bya ste/ dgongs pa ma yin pas bshad pa'o/ /da ni nyon mongs pa can gyi yid kyi rnam par shes pa'i rnam par dag pa bstan pa'i phyir/ snang ba gsal ba zhes brjod cing shin tu stong pa thabs nyid dang/ de bzhin kun tu brtags par brjod/ /de bzhin sems las byung bar bshad/ /ces bya ba gsungs te/ nyon mongs pa can gyi yid kyi rnam par shes pa zhes bya ba gang yin pa de sngar bshad pa'i sgom pas spangs par gyur pa na snang ba gsal ba zhes brjod par bya ste/ nyi ma ltar rab tu gsal bar snang ba'i phyir/ snang ba'i 'phel bar gyur pa ni snang ba gsal ba zhes bshad do/ /rang bzhin bzhi bcu spangs pa'i phyir shin tu stong pa'o/ /rtsa g.yas pa nas byung ba nyid yin pa'i phyir thabs kyi rang bzhin no/ /bdag tu lta ba la sogs pa bzhi dang reg pa la sogs pa las yongs su brtags pa nyid yin pa'i phyir kun tu brtags pa'o/ /sems dang sems las byung ba dag tha dad pa med pa'i phyir sems las 'byung ba ste/ sgra ji bzhin pa'o/ /da ni de dang 'brel pa'i rang bzhin rnams kyi grangs bstan pa'i phyir/ chags dang zhen dang de dga' ba/ /dga' ba bar ma shin tu dga' / /rangs dang rab tu mgu ba dang/ /ngo mtshar de bzhin dgod pa dang/ /tshim dang 'khyud pa nyid dang ni/ 'o byed de bzhan 'jib pa dang/ /brtan dang brtson dang nga rgyal dang/ /las dang chos dang stobs dang ni/ /spro ba dang ni gya tsom nyid/ /de bzhin gya tshom chen po dang/ /gya tshom par ma drag po dang/ /rnam par sgeg dang zhe 'gras nyid/ /dge dang tshig bsal bden pa dang/ /mi bden pa dang de bzhin ngas/ /nyer len min dang spyan pa po/ /skul dang de bzhin dpa' bo dang/ /ngo tsha med dang spyang dang gdug /g.yo dang gya gyu nyid dag dang/ /rang bzhin dag ni bzhi bcu ste/ /shin tu stong pa'i skad cig go / zhes bya ba gsungs te/ mdo snga ma la rus sbal gyi 'gro stangs kyi tshul gyi rang rig ces bya ba'i tshig ces su sbyar bar bya'o/ /des na rang bzhin bzhi bcu bo de rnams skad cig ste skad cig re rer 'byung ba rnams ni rang rigs pa'i mtshan mas yang dag par khong du chud par bya ba kho na yin la/ de rnams dang sngar bshad pa'i rim pas nyon mongs pa can gyi rnam par shes pa yog pa ni shin tu stong pas spang bar bya ba'o/ /nyon mongs pa can gyi yid kyi rnam par shes pa ni bdag tu lta ba dang/ bdag tu rmongs pa dang bdag tu nga rgyal ba dang bdag la chags par zhes bya ba/ nyon mongs pa bzhi dang/ rig pa dang yid la byed pa dang/ tshor ba dang 'du shes dang sems pa ste/ lnga kun tu 'gro ba dang ldan zhing/ gzhan dang mi ldan pa ma yin nam/ de'i phyir ji ltar rang bzhin bzhi bcu dang ldan pa 'thad par 'gyur ba de bden te 'on kyang nyon mongs pa bzhi'i nang du rang bzhin bzhi bcu 'dus par 'gyur te/ chags pa nas brtsams nas tshim pa'i bar ni bdag tu lta bar ro/ /'khyud pa nas brtsams nas spro ba'i bar ni bdag tu rmongs par ro/ /gya tshom nas brtsams te mi bden pa'i bar ni bdag tu rgyal bar ro/ /nges pa nas brtsams te gya rgyu'i bar ni bdag la chags par 'dus te/ 'du byed lnga bcu rtsa gcig bzhin no/ /de rnams sems las byung ba yin pa bzhin du yang rtsa ba'i nyon mongs pa rnams su 'dus par 'gyur te sgra ji bzhin ba'o/ /da ni don dang mthun pa'i ming rnams/ /nyin mo skyes pa'i zhes bya ba dang/ /rtsub mo'i rnam par bstan pa yin/ /nyi ma'i dkyil 'khor zhes bya dang/ /de bzhin rdo rje nyid ces bya/ /thig le gnyis kyis brgyan pa yis/ /chu ru de nyid shes par bya/ /nyi ma'i 'od zer lta bu yi/ /snang ba gsal ba ye shes 'byung/ /zhes bya ba gsungs te/ de la snang ba 'phel ba'i rab tu gsal ba ni nyi ma lta bur snang ba'i phyir/ nyin mo zhes bya'o/ /thabs kyi rang bzhin yin pa'i phyir skyes pa zhes bya'o/ /nyi ma'i dkyil 'khor lta bu'i snang ba ldan pa'i phyir rtsub mo nyid do/ /nyi ma'i dkyil 'khor gyi steng du rdo rje'i gdan la dbyangs yig dang be'i thig le gnyis kyis rnam par brgyan pa bkod de dag gi sa bon bsdus pas nyi ma dang mtshungs pa'i snang ba'i tshogs 'byung ba na snang ba gsal ba'i ye shes nyon mongs pa can yid kyi rnam par shes par gyur pa'i mtshan nyid can 'byung bar 'gyur ro zhes bya ba'i don to/ /dgongs pa ma yin pa'o/ /da ni kun gzhi rnam par shes pa'i rnam par dag pa/ snang ba nye bar thob pa dang/ /de bzhin nye bar thob pa nyid/ /yongs su grub pa nyid dang ni/ /ma rig pa zhes bya ba nyid/ /stong pa chen po tshig dang ni/ /rnam grangs 'di dag rgyal bas gsungs/ /zhes pas gsungs te/ snang ba nye bar thob pa zhes bya la zla ba dang nyi ma dang 'brel ba'i snang ba gnyis nye bar thob pa ste de dag tu snang ba dang bral nas mtshams kyi rab tu gsal ba lta bu'i snang ba nye bar thob pa zhes bya'o/ /de bzhin du nye bar thob pa zhes bya ba ni de lta bu'i rang bzhin kho nar nye bar thob pa yin gyi nyi ma dang zla ba la sogs pa gzhan du ni ma yin no/ /zhes gzhan dang ldan pa rnam par gcod pa yin te/ srid sgrub 'phong skyon zhes bya ba bzhin no/ /kun gzhi rnam par shes pa gyur ba'i rang bzhin yin pas dgra bcom pa nyid kyi mtshan nyid kyi ni yongs su grub pa ste/ de gyur pa ni dgra bcom pa nyid yin no/ /zhes 'byung ba'i phyir ro/ /rnam par shes pa thams cad kyi 'byung ba'i sa bon thams cad pa nyid ma rig pa zhes bya'o/ /yang na lung du ma bstan pa nyid yin pa'i phyir ming dang gzugs la sogs pa rnams dang reg pa dang yid la byed pa dang/ tshor ba dang 'du shes dang sems pa rnams rig par mi byed cing ma shes pas ma rig pa ste kun gzhi rnam par shes pa ste/ tshor ba btang snyoms kyi rang bzhin dang ldan pa yin no/ /zhes bya ba'i don to/ /gnyen po stong pa chen pos spang par bya ba nyid yin pa'i stong pa chen po snang ba nye bar thob pa'i ye shes so/ /de'i rnam grangs 'di rnams rgyal bas gsungs shing bstan to zhes pas rang gi 'dod pa yin pa 'gog par byed do/ /sgra ji bzhin pa'o/ /de'i rang bzhin ni chags pa bar ma'i skad cig dang/ brjed nges pa dang 'khrul ba nyid/ /mi smrar gyur dang skyo ba dang/ /le lo de bzhin rmugs pa ste/ /ma rig skad cig bdun po ni/ /phra mo'i rnal 'byor pas shes bya/ zhes bya bas gsungs te/ kun gzhi rnam par shes pa ni reg pa dang yid la byed pa dang tshor ba dang 'du shes dang sems pa rnams dang rtag tu ldan pa yin mod kyi/ 'on kyang snga ma bzhin du bdun po rnams de rnams kho nar 'dus pa rnam par bshad par bya'o/ /de rnams ni phra mo'i rnal 'byor pa zhes bya ba shes rab phra zhing shin tu rno ba dang ldan pa'i rnal 'byor pa rnams kyis shes par bya ste kun gzhi rnam par shes de kho na nyid kyi blo gros rno ba rnams kyi shes par bya ba yin pa'i phyir ro/ /da ni don dang mthun pa'i ming/ /sa bon thig ler ldan pa min/ /rlung gi sgo nas 'byung ba med/ /snang ba thob pa gang yin te/ /yongs su grub pa'i mtshan nyid do/ /zhes bya ba gsungs te/ sa bon yi ge a la sogs pa thig ler ldan pa ste/ rjes su 'jug pa'i dbyangs dang tsheg? drag dang yang dag par ldan pa yod pa ma yin no/ /sna'i bu ga'i sgo dag nas rlung 'byung ba ste 'gro ba dang 'ong ba'i 'brel pa yang med do/ /mtshams med kyi snang ba tsam 'bar zhig tu snang ba'i phyir snang ba nye bar thob pa'i ye shes de nyid yongs su grub pa ste/ kun gzhi rnam par shes pa gyur nas/ yongs su ste kun nas grub pa nyid yin par brjod do/ zhes bya ba ni dgongs pa ma yin pa'o/ /da ni mjug bsdu ba rang bzhin phra ba brgya dang ni/ /drug cu tham pa 'di rnams ni/ /rlung gi bzhon pa can gyi rgyus/ /nyin dang mtshan du 'byung ba yin/ /zhes bya ba gsungs te/ thabs dang shes rab dang ma rig pa'i ngo bo'i rang bzhin brgya drug cu 'di rnams nyin dang mtshan du brgya drug cu 'byung ngo/ /de nyid kyi phyir de rnams ni phra ba yin te/ /rang gi rig par bya ba nyid yin pa'i phyir ro/ /rlung gi bzhon pa can te rnam par shes pa ste/ byed rgyu'i rgyu des 'byung ba ni skye zhing 'gag pa'o/ /dbang phyug la sogs rgyu can nam rgyu med pa can dag ma yin te/ sngar bkag pa nyid kho na yin pa'i phyir ro/ /rgyu med pa nyid yin te/ thams cad rtag tu 'byung ba 'am res 'ga' yang mi 'byung ste/ rgyu med gzhan la mi bltos phyir/ /rtag tu yod pa'am med par 'gyur/ /dngos po rnams ni res 'ga' zhig /'byung ba ltos pa las yin no/ /zhes gang bshad pa'o/ /de lta na rnam par shes pa gsum ni sems yin la rang bzhin rnams ni sems las byung ba yin pa'i phyir 'khor ba'i 'khor lo ma lus pa ni de'i rang bzhin kho na yin te yang dang yang du skye zhing 'jig par 'gyur bas/ de dgag pa'i phyir stong pa nyid la sogs pa'i rim pas lam bsgom par bya'o/ zhes bya ba ni dgongs pa ma yin pa'o/ /da ni dus kyi dbye ba'i sgo nas 'byung ba'i rim pa skad cig thab? cig yud tsam dang/ mig 'dzums de bzhin thal mo ru/ /zhes bya bas gsungs te/ rang bzhin de rnams skad cig re re dang thang cig re re dang yud tsam la sogs pa rnams su yul de dang de nyams su myong ba 'am/ sngar 'bas pa'i yul rjes su dran pa'i sgo nas 'byung bar 'gyur ro/ /de nas rnal 'byor pa phra mo'i lta ba can gyis de rnams skad cig la sogs pa'i dbye ba la rten nas ngo shes par bya ste/ gzhan du na sems las byung ba rnams kyi rnam par dbye ba ma shes pa'i phyir ro/ /skad cig gang la rang bzhin dge ba 'am/ mi dge ba 'am bar ma gang byung zhes rnam par dpyad par byed pa na/ rab tu dbye ba shes par byas nas/ de lta bu'i ting nge 'dzin mngon du bya'o/ /gzhan du na ting nge 'dzin rnams 'dres par 'gyur te/ de'i phyir rang bzhin rnams dgag par mi 'gyur ro/ /shin tu phra ba'i blo can gyi yul du gyur pa'i spyod pas gang gi tshe rang bzhin dang rnam par shes pa'i bye brag shes pa de'i tshe myur du sems rnam par dag pa thob par 'gyur ro/ /zhes bya ba ni bsdus pa'i don te/ dgongs pa ma yin pa'o/ /da ni skad cig la sogs pa rnams kyi mtshan nyid/ skad cig se gol gtogs par bshad/ /thang cig yungs kar bskor ba tsam/ /yud tsam dbugs dbyung rdub pa yin/ /mig 'dzums mig ni 'dzums pa yin/ /thal mo lag gnyis brdabs pa ste/ skad cig la sogs mtshan nyid do/ /zhes bya bas gsungs te/ se gol gyi sgra dus ji srid gcig tu 'byung ba de ni skad cig gi / yungs kar gyi 'bras bu dus ji srid cig tu bskor ba ste lag pa la sogs par bskor ba de ni thad cig go/ srog ces bya ba'i rlung snying ga nas gdong gi sna'i bu ga ji srid cig tu 'byung ba de ni yud tsam mo/ /dus ji srid cig mig dag 'dzums bar 'gyur ba de ni mig 'dzums so/ /dus ji srid du lag pa gnyis brdabs pa de ni thal mo brdabs pa ste de rnams skad cig la sogs pa rnams kyi mtshan nyid du shes par bya'o/ /dus kyi mtshan nyid ni rang bzhin rnams kyi 'byung ba'i mtshan nyid yongs su shes par bya ba'i don tu bshad do/ /'di skad du bshad pa yin te/ dus de tsam las yun thung ba 'am/ ring bar rang bzhin rnams 'byung bar mi 'gyur te/ de rnams ni shin tu phra ba nyid yin pa'i phyir ro/ /de'i phyir rnal 'byor bas skad cig la sogs pa'i dus kyi dbye bas rang bzhin rnams ngo shes par bya zhing/ shes nas de dang rjes su mthun pa'i gnyen po brten par bya ste/ sgra ji bzhin pa'o/ /da ni ji ltar 'khor ba'i 'khor lo rlung dang ldan pa'i rnam par shes pa'i dbang gi 'byung ba dang de rnams dgag pa ste gnyi ga bstan pa'i phyir/ rang rig tsam gyi ye shes ni/ /nam mkha' lta bur mtshan nyid med/ /'on kyang de'i dbye yod do/ /mtshan mo nyin mo mtshams bdag nyid/ /ces bya ba gsungs te/ re zhig dang por shes pa ni/ g zung ba dang 'dzin pa'i rnam pa dang bral ba'i rang bzhin gyi stong pa rnal 'byor gyi mngon sum gyi tshad mas rtogs par bya ba rang rig tsam ste chos kyi sku'i rang bzhin yin yang rnam par shes pa ni thog ma med pa'i ma rig pa'i bag chags goms pa'i dbang gis nam mkha' lta bu ste nam mkha' dang mtshungs par skye ba dang rga ba dang 'chi ba'i mtshan nyid dag dang bral ba yin yang/ gzung ba dang 'dzin pa'i ngo bo nyid du gyur nas rags pa'i rang bzhin nyid du gyur te/ mi shes pa'i mun pa'i dbang gis rang gi ngo bo brjed par gyur nas bdag tu 'dzin pa dang bdag gir 'dzin pa la brten te/ rnam par shes pa brgyad kyi rang bzhin du 'byung ngo/ /de yang 'jug pa'i rnam par shes pa dang nyon mongs pa can gyi yid kyi rnam par shes pa dang kun gzhi'i rnam par shes pa'i dbang gi dbye ba gsum la brten nas 'byung ba na 'khor bar 'khor bar 'gyur ro/ /de la ji ltar dbye ba yod ce na mtshan mo ni 'jug pa'i rnam par shes pa'o/ /nyin mo ni nyon mongs pa can gyi yid kyi rnam par shes pa'o/ /mtshams ni kun gzhi rnam par shes pa ste/ de nyid la rnam par dag pa'i sgo nas snang ba la sogs pa rnams kyi ming btags so/ /sems 'di ni rnam pa gsum du bcom ldan 'das kyi mdo dang rgyud kyi rgyal po de dang de rnams su bshad cing bstan to/ / 'dis ni rang gi 'dod pa tsam yin pa 'gog par byed do/ /sems de'i sgrub pa ste skye ba sgrub pa'i rgyu bshad par bya ste/ rlung rnams stong pa'i gzugs kyis ni/ /shes dang yang dag 'dres gyur nas/ /dbang po'i lam las byung nas ni/ /yul rnams la ni dmigs par byed/ /'dir skye ba dang las kyi bag chags kyis nyes pas bskul ba'i dri za'i sems can dbang po kun dang ldan pa'i srid pa bar ma'i gnas skabs na gnas pa'i 'dod chags dang zhe sdang gi bag chags dag gis bskul nas de'i tshe skyes pa dang bud med kyi dbang po sbyor ba'i skabs su mngal gyi nang du 'jug ste/ de dag gi khu ba dang khrag dag gis btums nas mer mer po dang gor gor po dang rkang lag 'byung pa dang/ rus pa dang lpags pa dang spu la sogs pa'i dngos pos zla ba dgu dang bcu'i rim gyis srog chags kyi dngos po nyid du gyur nas ma'i lte ba nas byung ste/ dngos po rnams mthong ba dang thos pa dang snom pa dang za ba dang reg pa dang shes par byed do/ /de nas 'dod chags dang zhe sdang la sogs pa'i nyon mongs pa dang nye ba'i nyon mongs pa rnams kyis 'khyam pa dang/ yang dang yang du 'chi zhing de kho na bzhin du skye bar 'gyur te/ de ltar 'khor ba'i brtson ra'i sdug bsngal mdza' yas pa dang ldan pa'i 'gro ba drug tu zo chun gyi 'khrul 'khor bzhin du skye ba ni sems can rnams kyi skye ba'i lam yin no/ /de nyid ston te/ rlung de srog la sogs pa'i rlung gi tshogs stong pa'i gzugs rang bzhin gyis stong pas shes pa ste/ rig pa tsam gyi rnam par shes pa dang ldan pa'i dri za'i sems can ma'i mngal du khu ba khrag gi thig le yang dag par 'dres par gyur nas so/ /phyis byung nas te mngal nas byung nas te/ dbang po'i lam nas te mig la sogs pa'i sgo nas gzugs la sogs pa'i yul rnams la dmigs shing 'dzin par byed do/ /de'i tshe mig gzugs snang ba dang/ yid la byed pa'i gthus? mig la sogs pa'i rnam par shes pa rnams skye bar 'gyur ro/ /zhes bya ba ni sems kyi skye ba'i tshul yin te/ dgongs pa ma yin pa'o/ /da ni sems las byung ba'i rang bzhin rnams kyi skye ba'i tshul rlung ni bzhon pa nyid gyur nas/ / gang tshe snang ba ldan gyur pa/ /de tshe rang bzhin de dag kun/ /cig car ram ni rim gyis 'byung/ /zhes bya ba gsungs te/ bsam pa ni 'di yin no/ /rlung de nyid rnam par shes pa'i bzhon pa nyid du gyur nas snang ba ste bde ba dang sdug bsngal dang btang snyoms kyi bdag nyid du gyur yul ji lta ji ltar snang ba dang ldan zhing gzugs brnyan shar bar gyur pa de'i tshe rang bzhin de lta bu'i sems la byung ba'i chos rnams 'byung zhing skye bar 'gyur ro/ /ji ltar zhe na cig car ram ni rim gyis te/ dus cig tu 'am rim gyis so/ /sems las byung ba rnams ni rim gyis 'byung bar gyur pa ma yin nam/ ji ltar cig car 'byung bar 'gyur zhe na/ gtso bo dang gtso bo ma yin pa'i sgo nas yin no zhes smra ste/ rol cha mang po tshogs pa'i sgra ji bzhin no/ /de bzhin du kha nang la sogs pa dngos po rnam pa sna tshogs pa myang bar byed pa'i tshe/ bdag nyid kyi so sor rig par bya ba'i ro'i bye brag khyad par du 'phags pa kho na nyams su myong bar 'gyur ba de bzhin du don nyams su myong ba'i tshe yang sems las byung ba'i skad cig khyad par can rnams kho na 'byung bar 'gyur ro/ /de'i phyir cig car yang 'byung bar 'gyur ro/ /zhes bya ba ni sems las byung ba rnams skye ba'i tshul yin te/ spyi'i don to/ /da ni rlung g.yo ba'i sgo nas rang bzhin gyi dbye ba/ /rlung ni gang dang gar gnas pa// rang bzhin de dang de skyed byed/ /ji srid rlung gi ma bskyod pa'i/ /snang ba mi g.yor ma gyur pa zhes bya bas gsungs te/ don ni 'di yin no/ /re zhig rlung ni rnam pa lnga dang rnam pa bcu yin par sngar bshad cing de'i gnas snying ga la sogs pa'i gnas rnams dang las kyi bye brag kyang bstan mod kyi 'on kyang rang gi ngo bo dpyad na chos kyi dbyings kyi 'khor lo 'od gsal ba las rlung byung ste/ de'i phyir g.yon dang g.yas dang bar ma'i rtsa gsum ni lam yin no/ /de bas na gang dang gang du ste g.yon nam g.yas sam dbus su rlung gnas pa ni rang bzhin de dang de ste sems las byung ba'i chos de lta bu dang de lta bu skyed par byed cing 'byung bar byed do/ de bzhin du yang rtsa g.yon pa'i lam nas byung ba'i rlung gi shes rab kyi ngo bo rang bzhin rnams skyed par byed do/ /g.yas na gnas pas ni thabs kyi ngo bo rnams so/ /dbus na gnas pa ni ma rig pa'i ngo bo rnams skyed par byed mod kyi 'on kyang dmigs pa la bltos dgos te/ de'i phyir gsungs pa/ ji srid snang ba ste yul 'dzin pa las 'dra ba'i rnam pa can du gyur pa'i rnam par shes pa de mi g.yo zhing brtan par ma gyur pa'i srid du rlung gi bskyod pa ste gzhon pa'i ngo bo nyid kyis bskul bar bya ba yin pas na rlung gi bskyed pa'i ni rnam par shes pa rgyu ba ste mi 'byung mi skye'o/ /de ltar rtsa'i bye brag dang rjes su mthun pa'i yul 'dzin pa las rang bzhin rnams 'byung ngo/ /zhes bya bas ni bshad zin to/ /spyi'i don to/ /da ni 'gog pa snang ba gnyis kyi rgyu can te/ bdag gi dngos po rnam par brtag /gnyi ga'i yan lag can nyid kyi/ /snang ba nye bar thob par 'gyur/ /zhes bya ba gsungs te/ snang ba gnyis te/ rang bzhin rnams dang/ rnam par shes pa dgag pa'i don du/ aoM dang a gnyis rjes su 'jug pa'i dbyangs dang tsheg drag la gzhug pa sngon du 'gro ba can gyi zla ba dang nyi ma'i 'od zer dang mtshungs pa'i snang ba mthong ba de'i rgyu can ngag gi dngos po ste 'jug pa'i rnam par shes pa dang nyon mongs pa can gyi yid kyi rnam par shes pa rnam par brtag pa ni 'gog pa bsgom par bya'o/ /de'i rjes la gnyi ga'i yan lag can te snang ba gnyis su mthong ba dang bral nas ro gcig tu gyur pa mtshams kyi snang ba lta bur mthong ba'i snang ba nye bar thob pa kun gzhi rnam par shes pa gyur pa'i mtshan nyid kyi ye shes rnal 'byor ba la skye bar 'gyur ro/ /zhes bya ba ni 'gog pa'i rim pa ste sbas pa'o/ /de ltar sngags kyi rim pa bstan nas phyag rgya'i rim pa ni/ sgyu ma dag ni thams cad las/ /bud med sgyu ma khyad par 'phags/ /ye shes gsum gyi dbye ba 'di/ /gsal bar de las mtshon par 'gyur/ /zhes bya ba gsungs te/ sgyu ma dag ni thams cad las te/ mig 'phrul mkhan dang sman dang nor bu dang/ sngags la sogs pa las byung ba rnams kyi nang nas bud med sgyu ma ste phyag rgya byas pa'i sgyu ma khyad par 'phags pa ni khyad par can gyi gnas skabs su gyur pa'o/ /ci'i phyir zhe na/ 'di ltar phyag rgya de la brten nas snang ba la sogs pa'i mtshan nyid kyis dga' ba dang mchog dang bral ba'i bdag nyid kyi ye shes gsum gyi dbye ba gsal bar byas nas mtshon par 'gyur zhing nyams su myong bar 'gyur ro/ /de bzhin du yang rnam pa sna tshogs pa'i skad cig gi dus su ni snang ba gsal ba'i rang bzhin gyi mchog go / rnam par nyid pa'i skad cig gis dus su ni snang ba nye bar thob pa'i rang bzhin gyi bral ba ste sbas pa'o/ /da ni de nyid rgyas par byed de/ 'dod chags nyid dang chags bral dang/ /de dag par na gnas pa ni/ /dbang po gnyis ni mnyam sbyor ba'i/ /rdo rje pad+ma 'dus las so/ /'dod chags ni snang ba ste dga' ba'o/ /'dod chags dang bral ba ni snang ba nye bar thob pa ste bral ba'o/ /de dag bar ste dbus na gnas pa'i gsum pa gang yin pa de ni snang ba gsal ba ste mchog go / de rnams kyang ji ltar nyams su myong bar 'gyur zhe na rdo rje pad+ma 'dus las so/ /dbang po gnyis te thabs dang shes rab dag mnyam par sbyor zhing snyoms par 'jug pa zhes bya ba'i don to/ /de nas 'jug pa'i rnam par shes la sogs pa gsum 'gag par 'gyur ro/ /zhes bya ba'i tha tshig ste sbas pa'o/ /nang gi bdag nyid can gyi thabs dang shes rab kyi snyoms par 'jug pa ni/ ye shes gnyis ni mnyam sbyor pa/ /snyoms par 'jug pa rab tu bshad/ /ye shes gnyis ni mnyam sbyor dang/ /ji skad bshad pa'i bya ba yis/ /'bad pas ye shes gang thob pa/ /de ni snang ba thob pa'o/ /zhes bya bas gsungs te/ dang por phyi rol gyi phyag rgya'i rim pas ye shes gnyis te snang ba dang gsal ba gnyis kyi rang bzhin thob pa gang yin pa de dag mnyam par sbyor ba ni snyoms par 'jug par rab tu bshad cing bstan to/ /'di ltar snang ba'i ye shes ni shes rab kyi rang bzhin la snang ba gsal ba'i ye shes ni thabs kyi rang bzhin yin te/ de dag mnyam sbyor ba ni thabs dang shes rab snyoms par 'jug pa'o/ /de'i rjes la ye shes gnyis ni mnyam sbyar te/ de dag nye bar bsdus pa dang/ /ji skad bshad pa'i bya ba ste/ /sngags kyi rim pas sa bon la sogs pa'i spang ba nyid dang/ phyag rgya'i rim pas dga' ba gnyis spangs pa'i skad cig gi ye shes gang thob pa de ni snang ba nye bar thob pa zhes bya ba ni sbas pa'o/ /phyag rgya med na thabs gang la/ /gang la chu skyes rdo rje sbyor/ /kun rdzob tu yang med gyur na/ /lan cig tsam zhig myong nas kyang/ /rnal 'byor stobs kyi 'grub par 'gyur zhes bya ba gsungs te/ rnal 'byor pa gang la rigs dang rjes su mthun pa'i phyag rgya khyad par can dang lhan cig rdo rje dang pad+ma dang mnyam par sbyor ba kun rdzob tu ste grags par med par gyur cing yod pa ma yin na/ de la thabs ci yod ce na/ rnal 'byor stobs kyis zhes bya ba rnal 'byor te/ ting nge 'dzin nges bskyed pa'i ye shes kyi phyag rgya dang lhan cig snyoms par 'jug par bya zhing/ de'i stobs kyis te mthus snang ba la sogs pa'i ye shes gsum mtshon par bya'o/ /gal te rang dga' i rnam par rtog pa bzhin du tshad ma ma yin par gyur pa'i rang gi rnam par rtog pas brtag pa ste/ kho na nyid yin par ji ltar 'gyur ba ma yin nam zhe na/ de ni ma yin te/ ji ltar lan cig ste 'od zer gcig shes rab ye shes kyi dbang gi dus su myong zhing dpe'i sgo nas mtshon pa'i bde ba chen po gang yin pa de nyid rnal 'byor pas ye shes kyi phyag rgya dang snyoms par 'jug pas kyang dpe las byung ba'i rang bzhin du mtshon par bya'o/ /sngon nyams su myong ba'i yul dran pa las don med pa'i yul can yin pa'i phyir tshad ma ma yin par dogs par bya ba yang yin te/ rang gi ngang gis 'jug pa'i de kho na nyid ni de kho na'i tshul du mthong ba'i phyir chu'i rgyun gyi rgyun chags pa bzhin no/ /yang na dpe dang dpe las byung ba 'gag la bye brag med pa'i phyir ro/ /zhes bya ba ni sbas pa'o/ /da ni rang bzhin rnams kyi rang gi ngo bo yongs su shes par bya ba'i don du/ ye shes 'jug pa'i ngo bo yis/ /dbye ba ji bzhin shes bya la/ /rang bzhin nyid ni slar yang ni/ /rtag tu rnal 'byor pas mtshon bya/ /zhes bya bas gsungs te/ ye shes 'jug pa'i ngo bo zhes bya ba shes pa rnams dang 'jug pa ste/ rang bzhin rnams kyi rang gi ngo bo dbye ba ji bzhin te/ dbye ba'i rim pa shes par byas shing/ rtogs par byas la thabs dang shes rab dang ma rig pa'i bdag nyid du gnas pa'i rang bzhin de dag nyid mtshon par bya zhing bsgom par bya ste sbas pa'o/ /de ltar rang bzhin rnams kyi rnam par dbye ba shes par byas nas/ 'od gsal ba'i rang gi ngo bo nyid yin par yang mtshon par bya ba'i phyir/ ji ltar sprin ni sna tshogs shing/ /mdog dang dbyibs ni tha dad pa/ /nam mkha' i dbyings nas byung nas ni/ /de nyid du ni thim par 'gyur/ /de bzhin rang bzhin thams cad ni/ /snang ba gsum gyi rgyu can te/ ma lus yul rnams spyad nas ni/ /'od gsal bar ni 'jug par 'gyur/ /zhes bya ba gsungs te/ ji ltar sngon po dang ser po la sogs pa'i mdog dang phra ba dang/ rags pa la sogs pa'i dbyibs kyi rnam pa dang ldan pa'i sprin te/ cher 'dzin pa rnams nam mkha' i dbyings nas te/ nam mkha' i dkyil nas 'byung zhing langs nas slar nam mkha' de nyid du thim zhing zhi bar 'gyur te/ de rnams gang nas 'ongs pa 'am gang du song ba mi shes pa de ltar 'jig rten gyi rtogs par 'gyur ro/ /de bzhin tu rang bzhin thams cad rnam par shes pa gsum las byung nas rang rang gi 'dod pa'i yul dpyad nas chos kyi sku'i rang bzhin gyi de kho na nyid bzhi pa 'od gsal bar 'jug par 'gyur ro/ /'di ltar gang zhig gi rang bzhin gang yin pa de ni phyis de'i ngo bo nyid du 'gyur ro/ /byang chub kyi sems kyi 'grel pa las/ bu ram gyi ni mngar dang me'i/ /tsha ba rang bzhin yin pa ltar/ /de bzhin kho nar chos rnams kyi/ /stong pa rang bzhin yin par 'dod/ /ces bya ba gsungs pa dang/ de bzhin du gzhan las kyang/ e ma ho/ ri mo sna tshogs yang dag don gyi rnam par shes pa bzhin duAng/ mnyam dang mi mnyam mtho dman rtog pa'i blo yi 'khrul pa skyed par byed/ /'khor ba thog ma med nas sems kyi nam mkha' i dbyings la bris pa yi/ /rdzun ma'i kun tu rtog pa dag gis srid gsum 'di ni bslus pa yin/ /zhes gsungs te mthar thug pa'o/ /rang gi ngo bo rnams yongs su ma shes pa'i rnam par rmongs pa ni/ de'i rang bzhin ma shes pas/ /mi shes mun pas khebs pa rnams/ /dge dang mi dge'i las byas nas/ /'gro ba lnga ni 'khor bar 'gyur/ /zhes bya bas gsungs te/ de'i zhes bya ba rnam par shes pa dang rang b zhin gyi tshogs rnams kyi rang bzhin yongs su ma shes nas mi shes mun pa ste gti mug la sogs pa'i nyon mongs pa'i dra bas khebs shing non pa'i rmongs pa rnams sbyin pa la sogs pa'i dge ba byas nas bde 'gro nyid thob par 'gyur zhing de bzhin du mtshams med pa la sogs pa'i mi dge ba byas nas dmyal bar 'gro bar 'gyur ro/ /de'i phyir 'gro ba lnga'i bdag nyid kyi srid pa'i 'khor lor 'khor bar 'gyur ro/ /de nyid khyad par du mtshams med la sogs byas nas ni/ dmyal la sogs pa 'tshed par 'gyur/ /sbyin pa la sogs dge ba byas nas ni/ /mtho rigs la sogs dag tu mchod/ /skye ba dpag med stong phrag ni/ /yang dang yang du 'thob pa nyid/ /'di ni sngon las rnam smin zhes/ /rmongs pa dag ni mya ngan byed/ /ces bya bas gsungs te las dge ba dang mi dge ba byas pas bde 'gro dang ngan 'gro dag tu bde ba dang/ sdug bsngal nyams su myong nas/ yang de nas 'chi 'phos te/ skye ba stong phrag dpag tu med par yang dang yang du srid pa nying mtshams sbyor ba thob nas shin tu sdug bsngal ba'i dbang gis rmongs pa rnams 'di skad du e ma'o/ /'di ni sngon gyi las kyi rnam par smin pa'i 'gyur ba'o/ /zhes sgra bar byed do/ /rang bzhin gyi tshogs ma gtogs par sngon gyi las zhes bya ba don dam pa rnam par dpyad na yod pa ma yin zhing/ rang bzhin rnams kho na 'gro ba dang 'ong ba'i dngos pos srid pa gsum du 'khor bar byed la/ sngon ma byung ba'i sngon gyi las ni yod pa ma yin no snyam du dgongs pa ste sgra ji bzhin pa'o/ /da ni rang bzhin rnams kyi rang gi ngo bo yongs su shes pa kho na 'thad pa yin par/ rang bzhin snang ba dang ldan pas/ /gang gis skye bo nyon mongs pa/ /de nyid shes nas ye shes can/ /srid pa'i gzab las grol bar 'gyur/ /zhes bya bas gsungs te/ rang bzhin rnam pa gsum dang ldan pa ste/ rnam par shes pa de rnams dang ldan pas te de rnams dang 'brel pas so/ /gang gis skye bo so so'i skye bo rnams 'khor ba'i dgon par nyon mongs pa ni 'gro ba drug gi dbye bas 'gro dang 'od bar byed pa'o/ /de nyid shes nas sngar bshad pa'i rim pas shes nas ye shes can gyi rnal 'byor ba srid pa'i gzeb ste 'khor ba las grol bar 'gyur zhing 'byung bar 'gyur ro/ /'dod chags la sogs dri bcas sems/ /'khor ba yin par des dben pa/ /mdor na thar pa yin par ni/ / rgyal ba sgrib pa spangs pas gsungs/ /de bzhin du rig pa drug cu pa las kyang/ /las rnams 'bras bcas nyid dang ni/ /'gro ba rnams kyang yang dag gsungs/ /de yi rang bzhin yongs shes phyir/ /skye ba med pa'ang bstan pa yin/ /zhes bya ba la sogs pa gang gsungs pa de mthar thug pa'o/ /da ni ye shes gsum gyi rnal 'byor gyis sems rnam par dag pa la 'jug par mi nus shing/ 'on kyang de nyid zla ba dang rdo rje la sogs pa'i lha'i gzugs su bsgyur bar byed pa gang yin pa de ni brtags pa'i rnal 'byor ba yin gyi/ rdzogs pa'i rim pa'i rnal 'byor pa ni ma yin no/ /zhes bstan pa'i phyir shes rab ngo bo 'di nyid ni/ /zla ba'i dkyil 'khor dag tu brtag /sems nyid rang gis mthong 'gyur te/ /rang nyid zla ba'i gzugs bzhin no/ zhes bya bas gsungs te/ chos kyi dbyings kyi 'khor lor rjes su 'jug pa'i dbyangs yi ge aoM dang ldan par byas nas de'i rten du gyur pa'i zla ba'i dkyil 'khor shes rab kyi rang bzhin nyid du rnam par bsams nas zla ba'i dkyil 'khor de nyid rang bzhin gyis dag pa nyid yin pa'i phyir/ rang gi sems nyid du mthong bar 'gyur te/ ji skad du dpal de kho na nyid bsdus pa las rigs kyi bu khyod kyi sems la so sor rtog pa'i ting nge 'dzin la dmigs par gyis shig ces gsungs pa bzhin no/ /de'i 'og tu ci zhig bya zhe na/ de'i phyir de nas zla ba la dmigs nas/ rdo rje mtshan mar rab tu brtag /rdo rje sems 'di bskyed pa yi/ /rnal 'byor pa yi thabs ston byed/ /ces bya bas gsungs te/ de nas zla ba'i dkyil 'khor 'od gsal ba la ltas nas snang ba skyed pa'i dus su/ nyi ma'i dkyil 'khor la gnas pa'i rdo rje'i steng gi tsheg drag gi gzugs dang gcig tu gyur pa'i rdo rje mtshan ma rab tu brtag par bya ste de'i tshe ye shes lnga'i rang bzhin yin pa'i phyir rdo rje de ni bskyed pa'i rim pa'i rnal 'byor pa rnams kyi thabs ston par byed pa yin te/ lha'i rnam pa'i rgyur gyur pa nyid yin pa'i phyir de nas ci zhig bya zhe na/ de phyir zla ba rdo rje sogs sbyor ba/ /sems dang sems byung 'dus pa ste/ /shes rab thabs ni 'dus pa las/ /lha yi gzugs ni 'byung bar 'gyur zhes bya bas gsungs te/ de nas zla ba dang rdo rje la sogs pa bsgom pa spangs nas gang gi snang ba nye bar thob pa la 'jug pa de'i tshe rdzogs pa'i rnal 'byor ba yin no/ /gang gi tshe 'jug par mi byed cing 'on kyang de yongs su gyur pa'i lha'i skur skad cig gis bskyed nas sgom par byed pa de'i tshe ni/ brdag pa'i lha'i rnal 'byor pa yin ni/ /zhes bya ba'i don to/ /de nyid gsungs pa zla ba rdo rje la sogs sbyor ba ste de dag ro gcig tu gyur pa/ sems dang sems byung thabs dang shes rab kyi rang bzhin gyi ye shes dag 'dus pa las lha'i gzugs te rdo rje 'chang chen po la sogs pa'i lha'i rnam pa 'byung zhing skye bar 'gyur ro/ /de'i tsho ci zhig bya zhe na/ de'i phyir phyag rgya bzhis ni rgyas btan nas/ /lha yi nga rgyal ? byed de/ /bskyed pa'i rim dang ldan par ni/ /sngags pa rtag tu spyod par 'gyur/ /zhes bya bas gsungs te/ de'i rjes la sku rdzogs pa dgug pa dang gzhug pa dang bcing ba dang dbang du bya ba ste/ phyag rgya bzhis ye shes sems dpa' gzhug pa la sogs pa'i don du rgyas btab nas sam/ yang na sangs rgyas spyan dang mA ma kI dang/ gos dkar mo dang sgrol ma ste/ phyag rgya bzhis rgyas btab nas te/ 'khor nyid kyis bskor nas sam yang na las dang d am tshig dang chos dang phyag rgya chen po rnams kyi rgyas btabs nas te byin gyis brlabs nas lha'i nga rgyal te khyad par du 'phags pa'i 'dod pa'i lha'i nga rgyal 'chang bar byed cing 'dzin par byed pa'i rnal 'byor pa ni de'i tshe bskyed pa'i rim pa'i rnal 'byor dang ldan pa yin zhes brjod par bya'i rdzogs pa'i rnal 'byor dang ldan pa ni ma yin no/ /rnal 'byor pa rnams kyis lha'i rnal 'byor ni rnam pa gnyis te/ sngags kyi sku'i rnal 'byor dang/ ye shes kyi sku'i rnal 'byor ro/ /sngags kyi sku ni bskyed pa'i rim pas so/ /ye shes kyi sku ni bdag byin gyis brlabs pa'i rim pas yin no/ /gang gi tshe yang snang ba nye bar thob pa la sogs pa'i rim pas sam 'od gsal ba las skad cig gis lha'i rnam par 'dzin pa de'i tshe yang rdzogs pa'i rim pa kho na yin no/ /zhes bya ba ni khyad par yin no/ /'o na las kyi phyag rgya la sogs pa rnams gang yin zhe na/ bcom ldan 'das kyi thams cad mkhyen pa 'jig byed ces bya ba rnal 'byor chen po'i rgyud las de nas yang dag bshad bya ste/ /rnal 'byor mchog tu gsang ba nyid/ /dang por ye shes sems bsgoms nas/ /phyag rgya chen po'i kun tu gzung/ /zla ba'i dkyil 'khor lta bu yi/ /byang chub sems ni thugs kar gnas/ /yi ge'i phyi mo dang ldan zhing/ /cung zad nyi zla ltar snang bar/ /rnal 'byor chen pos mthong ba ni/ /dam tshig zhes bya gzung bar bya/ /sna tshogs rdo rje snying gnas pa'i/ /las kyi phyag rgya bcing bar ni/ /nges pa nyid du shes bya ste/ /de lta na ni nges 'grub 'gyur/ lce la rdo rje rnam bsgom nas/ /chos kyi phyag rgya gzung bya ste/ /ji ltar 'dod pa'i las rnams ni/ /myur du 'grub par the tshom med/ /de lta'i phyag rgya rnam pa bzhi/ /blo ldan gang gis mi shes pa/ /de rnams kyis ni rnal 'byor dang/ /sdom mchog nges par 'grub mi 'gyur/ /gsang zhing bde ba'i thabs ldan pa/ /sangs rgyas rol pa rnyed dka' ba'i/ /byang chub sems dpa' shes bya ba'i/ /rtag tu shes rab rgya mtshor gnas/ zhes bya ba la sogs pa gsungs te/ sgra ji bzhin bkrod ni don 'di nyid kyi lung gi tshad ma/ dpal ldan 'dus sogs de dang der/ /rab rgyas ji skad gsungs pa ni/ /ji srid bsgom dang ldan gyur pa/ /de srid dang po'i las can yin/ /zhes bya bas gsungs te/ dpal gsang ba 'dus pa la sogs rnal 'byor mchog gi rgyud dang rnal 'byor chen po'i rgyud de dang der zhes bya ba le'u re rer bcom ldan 'das kyis gsungs shing bstan te/ rab rgyas shes bya ba ni rab tu spros nas gsungs pa'o/ /ci dang ji srid du bsgom pa dang ldan pa ste/ rnal 'byor pa brtags pa'i lha'i rnam pa bsgom pa gsgom par byed pa de dang de srid du ni dang po'i las can zhes bya ste/ rtog pa dang bcas pa nyid dang slob ma nyid yin pa'i phyir/ dge ba dang mi dge ba la rnam par rtog pa dag la don dam par byed brag cung zad kyang mi dmigs te/ rnam par rtog pa'i bag chags yang 'khor ba'i rgya mtshor lhung bar byed pa nyid yin pa'i phyir ro/ /dge ba 'am mi dge ba yang rung/ /rnam rtog bye brag ci zhig yod/ /me ni sreg par byed pa la/ /rten gyi dbye bas bye brag med/ /de ni can dan las byung yang/ /reg na sreg par byed pa nyid/ /rnam par rtog pa chung du yang/ /thams cad spang bar bya ba nyid 'khrul pa'i dar bzhin rtogs pas ni/ /sems ni glod par byed pa nyid/ /ces bya ba la sogs pa gang bshad pa ste/ sgra ji bzhin pa'o/ /gal te de lta yin na 'o na rdzogs pa'i rim pa bshad dgos so zhe na/ /de phyir da ni rdzogs pa'i rnal 'byor nyid/ /gsal ba ru ni bshad bya ste/ zhes bya ba gsungs te/ da ni yongs su rdzogs pa'i rnal 'byor te/ rdzogs pa'i rim pa gsal ba ru bshad par bya ba bstan cing brnyad par bya'o zhes bya ba'i tha tshig ste sgra ji bzhin pa'o/ /de nyid stong pa gsung gi rnam dag dang/ /'od gsal ba ni 'dir bshad do/ /de ni thams cad stong pa ste/ /ye shes gsum ni rnam dag pa/ /zhes bya bas gsungs te/ stong pa gsum ste nyin mo dang mtshan mo dang mtshams kyi rang bzhin gyi stong pa dang shin tu stong pa dang stong pa chen po ni 'jug pa'i rnam par shes pa dang/ nyon mongs pa can gyi yid kyi rnam par shes pa dang/ kun gzhi'i rnam par shes pa rnams dang/ snang ba dang snang ba gsal ba dang snang ba nye bar thob pa rnams dang/ de rnams kyi rang bzhin dang shes rab dang thabs dang ma rig pa'i rang bzhin gyi ngo bo rnam pa gsum zla ba dang nyi ma dang mtshams kyi rab tu gsal ba dang mtshungs pa'i snang ba rnams kyi sa bon dang bcas pa dang sa bon med par bsgom pa'i rim pas rnam par dag par byed pa yin no/ /zhes brjod par bya'o// stong pa gsum po de yang gang gi tshe ye shes la dbang ba tsam thob pa nyid yin pa'i phyir/ sangs rgyas kyi sa thob par byed pa yin pa de'i tshes bcu gnyis pa thob par byed pa'i phyir/ yang spangs nas bzhi pa thams cad stong pa 'od gsal ba'i gnas goms par byed do/ /de yang sngags kyi rim pas sngar bshad pa'i snang ba gsum dang bral ba'i phyir chos kyi dbyings kyi 'khor lo yang nub par gyur nas nam mkha' sprin med pa dang mtshungs par rtag tu rab tu gsal ba'i snang ba nyams su myong bar 'gyur ro/ /gang du mtshan ma'i rnam par brtog pa dang nyin mo dang mtshams kyi rnam par rtog pa mi 'byung ba der bsam gtan gyi zas 'ba' zhig dang ldan pa'i rnal 'byor pa kun nas nyon mongs pa dang/ rnam par byang ba'i rnam par rtog pa spangs nas gnas te 'khor ba ji srid kyi bar du bdag dang gzhan gyi don byed cing gnas par byed do zhes bya ba ni dgongs pa ma yin pa'o/ /de nyid kyi khyad par ni/ ye shes dag gnas de nyid dang/ /thams cad mkhyen pa bla med pa/ /'gyur ba med cing snang ba med/ /gnyis med mchog tu zhi ba ste/ /zhes bya bas gsungs te/ 'od gsal ba de ji lta bu zhe na/ snang ba la sogs pa'i ye shes rnams kyi dag pa'i gnas ni dag pa'i gzhi'o/ /de nyid ni don dam pa'i bden pa'i rang gi ngo bo'o/ /thams cad mkhyen pa ni rdo rje 'chang nyid des bcu gnyis pa'i rdo rje lta bu'i ting nge 'dzin gyi ngo bo'o/ /gang las gang na med pas bla na med pa ste bzhi pa'o/ /'gyur ba ni dga' ba la sogs pa'i gsum ste/ de dang bral ba nyid yin pa'i phyir 'gyur pa med pa'o/ /snang ba ni shes pa dang ye shes dang rnam par shes pa dang rang bzhin rnams te de dag spangs pa'i phyir snang ba med pa'o/ /gnyis ni kun rdzob dang don dam pa'i bden pa rnam par rtog pa dag ste/ de dag med pa'i phyir gnyis med do/ /mchog ni rdo rje 'chang gi go 'phang thob pa'i phyir dam pa'o/ /zhi ba ni rnam par rtog pa spros pa dang bcas pa thams cad dang bral ba'o/ /de lta bu thams cad stong pa'i gnas ni 'od gsal ba zhes bya bar brjod de spras pa'o/ /'od gsal ba kho na las thams cad mkhyen pa nyid 'byung gi gzhan las ni ma yin no/ /zhes bstan pa'i phyir/ yod ces pa dang med ces par/ de ni tshig gi brjod mi rung/ /de phyir 'od gsal dag pa las/ /ye shes gsum ni yang dag 'byung/ /sum cu rtsa gnyis mtshan 'chang zhing/ /dpe byad bzang po brgyad cur ldan/ /rnam pa kun gyi mchog ldan pa'i/ /thams cad mkhyen pa de nas 'byung zhes bya bas gsungs te/ 'od gsal ba'i de ni yod do/ /zhes bya ba rnam par rtog pas bstan pa ma yin te/ kun rdzob kyi rang gi ngo bo'i rnam par shes pa rnams med pa'i phyir ro/ /med pa yang ma yin te/ rab tu gsal ba'i rang bzhin gyi rnal 'byor gyi mngon sum gyi tshad mas nyam su myong bar bya ba nyid du yod pa'i phyir ro/ /de ni ji lta bu zhig ce na/ tshig gi brjod par mi rung ste/ /rang gis rig par bya ba nyid yin pa'i phyir gzhon nu ma'i rab tu dga' ba dang lkugs pas rmi lam mthong ba bzhin no/ /kun rdzob tu brtags nas bstan par mi rung gi /rang gi ngo bo'i sgo nas ma yin te lha dang dmyal ba'i bde ba dang/ sdug bsngal nyams su myong ba ston pa bzhin no/ /de'i phyir tshig gi spyod yul ma yin no/ /de'i phyir 'od gsal rtag tu gsal ba'i bdag nyid kyi de kho na nyid dag cing rnyog ma med pa de las ye shes gsum 'byung bar 'gyur zhing de nyid du thim par 'gyur te/ de skad du sngar bstan pa 'di kho na'i phyir ro/ /'ba' zhig ma yin te/ thams cad mkhyen pa ste rdo rje 'chang chen po'i bar du yang de nyid las 'byung bar 'gyur ro/ /ji lta bu zhig ce na/ skyes bu chen po'i mtshan sum cu rtsa gnyis dang/ dpe byad bzang po brgyad cu dang ldan zhing 'brel pa rnam pa kun gyi mchog ste stobs bcu dang mi 'jigs pa dang mngon par shes pa drug dang gzungs dang sa dang pha rol tu phyin pa dang byang chub kyi phyogs dang ma 'dres pa la sogs pa dang thugs rje chen po sangs rgyas kyi yon tan de rnams dang ldan par 'gyur zhing 'grub par 'gyur ro/ /'di skad du bstan pa yin te/ 'od gsal ba yang dag par rtogs nas bdag byin gyi brlab pa'i rim pa de las cig car 'ja' tshon lta bu'i sku la brten te/ dkyil 'khor ma lus pas yongs su bskor bar 'gyur bar 'khor ba ji srid kyi bar du sems can gyi don byed par nus pa'i rdo rje 'chang chen por 'gyur ro/ /zhes bya ba'i don te sbas pa'o/ /de nyid lung gi tshad mas bstan par bya ba'i phyir/ /'di skad rgya che rol pa'i theg pa chen po'i mdo sde las/ shAkya seng+ge de bzhin gshegs/ /mngon par byang chub bzhed pa ste/ /stong pa chen po sangs rgyas nyid/ /'thob par bya zhes mngon par dgongs/ /nai rany+dza na'i chu 'gram ru/ /bzhugs nas mi g.yo ba la bzhugs/ /zhes bya bas gsungs te/ gang las 'khrungs pa dang byang chub pa dang chos kyi 'khor lo dang khab nas byung ba dang rab tu gshegs pa dang dka' ba spyod pa dang/ lha rnams kyi nang du gshegs pa dang bdud bcom pa dang yongs su mya ngan las 'da' ba la sogs bcom ldan 'das shAkya thub pa'i gtam rgyud bstan pa'i rgya cher rol pa zhes bya ba'i theg pa chen po'i mdo las gsungs so/ /shAkya seng ge ni shAkya'i rigs kyi rab mchog go/ 'gyur ba las gyur pa bzhin du nye bar brtags pa'i phyir/ de bzhin gshegs pa ste de bzhin nyid rtogs pas na de bzhin gshegs pa'o/ /bzhi pa 'od gsal ba'i de kho na nyid mngon par byang chub pa de bzhed cing thob par bzhed pas na/ mngon par byang chub pa bzhed pa ste/ de kho na nyid bzhi pa mngon du bya bar bzhed pa ni 'di snyam dgongs par 'gyur te/ de kho na nyid bzhis gang zhig yin zhe na/ stong pa chen po zhes bya ba yin te/ 'di ltar 'di ni stong pa yang yin la chen po yang yin pas stong pa chen po ste/ de las pha rol na sdod pa med do/ /de'i phyir de nyid blang bar bya ba yin pas bdag gis ting nge 'dzin de nyid kyis sangs rgyas nyid thob par bya zhing rnyed par bya'o/ /zhes mngon par dgongs pa la brten nas/ skye bo'i tshogs dang bral ba'i ting nge 'dzin gyi gnas dben pa tshol bar 'gyur ba na/ mdza' mar nai rany+dza na zhes bya ba'i chu bo'i rgyun rab tu zhi bar 'bab pa sems rtse gcig pa'i rgyur gyur pa gzigs nas de'i 'gram ste dogs su byon zhing/ der bzhugs nas te shing a shat+tha'i shing drung gi rtsar nye bar bzhugs nas sems rnam par dag pa'i rim gyis gnas gyur pa'i mtshan nyid kyi de kho na nyid gsum bstod pa chen po zhes bya ba'i mi g.yo ba'i ting nge 'dzin la zhugs shing snyoms par bzhugs so/ /kun nas mi g.yo zhings thams cad 'brel pa'i bag chags sbyong bar byed pas na mi g.yo ba ste/ stong pa chen po zhes brjod par bya'o/ /shAkya'i seng ge ni de tsam kho nas yongs su mnyes bar gyur to/ /zhes bya ba ni ngag gi don te sbas pa'o/ /de'i rjes la 'di ni de kho na nyid ma yin no/ /zhes de la de bzhin gshegs pa rnams kyis nye bar bstan pa ni/ de tshe til gang bzhin gang ba'i/ /mkha' dbyings gnas pa'i rgyal ba yis/ /rgyal ba yis ni sras de la/ /g.yo med gsung gcig gis gsungs pa/ /zhes bya bas gsungs te mi g.yo ba'i ting nge 'dzin la snyoms par zhugs pa'i bcom ldan 'das shAkya thub pa l a gzigs nas thos pa la sogs pa'i rim gyis yang dag bar rdzogs pa'i byang chub thob cing sems can gyi don bya ba lhur len pa mngon par shes pa drug dang ldan zhing sangs rgyas kyi sa thob par gyur pa'i bcom ldan 'das sngon grub pa gang yin pa de rnams nam mkha' i dbyings til gyi gang bu bzhin gcig la gcig 'dres par khyab par bzhugs te/ de'i rjes su bzung ba'i don du nyid kyi sku rnams las 'od zer gyi 'khor lo rnam par spros nas des de la dbang bskur te/ snod du rung ba nyid du byas nas/ ting nge 'dzin gsum pa spangs pa'i phyir man ngag bzhi pa bstan pa'i sgo nas mngon par byang chub pa mngon sum du bya ba'i don du skal pa bzang po 'di nyid chos kyi rgyal por gyur nas/ 'gro ba 'dul bar byed par 'gyur snyam du dgongs nas rgyal ba rnams kyi de'i tshe byang chub sems dpa' i sa la gnas shing stong pa chen po'i gnas goms par byas pa las sangs rgyas kyi sa ma thob pa'i rgyal ba'i sras de la g.yo med pa ste sgyu med pa'i sems rab tu dang ba'i blo dang dbyings gcig ste/ tshig gcig gis 'di skad du gsungs shing bstan te/ sgra ji bzhin pa'o/ /de bzhin gshegs pa rnams kyi gsungs pa de nyid ni/ bsam gtan de ni rnam dag min/ /'di ni mthar thug sangs rgyas min/ /nam mkha' i ngos ltar mchog gyur pa/ /'od gsal ba ni de dmigs bya/ /zhes bya bas gsungs te/ kye byang chub sems dpa' shAkya seng ge khyod kyi sems rnam par dag pa bya ba'i phyir du stong pa chen po'i mtshan nyid kyi bsam gtan la dmigs pa'i nga yin pa de ni rnam par dag pa ma yin te/ thams cad stong pa nyid kyi de kho na nyid thob par bya ba ma yin pa dang 'dod chags la sogs pa rnams rnam par dag tu zin kyang rab tu gsal zhing dag pa'i rang bzhin gyi de kho na nyid lhan cig skyes pa thob par byed pa ma yin pa'i phyir ro/ /de bas na bsam gtan 'di ni mthar thug thob byed min te rdzogs pa'i rim pa'i pha rol tu phyin pa nyid du byed pa ma yin no/ /de'i phyir ni dor bar bya'o/ /'on kyang 'dod chags dang 'dod chags dang bral ba dang/ 'dod chags par ma rim gyis spangs pa'i thams cad stong pa 'od gsal de nyid la khyod kyis dmigs par bya ba ste/ blang bar bya zhing rten par bya'o/ /de yang ji lta bu zhe na/ nam mkha' i ngos ltar te/ nam mkha' i dbyings bzhin du glo bur ba'i dri ma rnams kyis ma gos shing khyab par byed pa 'di ni 'di na'o che ge mo zhig na'o/ /zhes bstan du med cing thogs pa med pa'o/ /mchog ni stong pa nyid thams cad kyi gong na gnas pa nyid yod pa'i phyir mchog ste de nyid kho na yin no/ zhes shes par bya'o/ /de bzhin gshegs pa de rnams kyis de lta bu'i man ngag nye bar bstan pa'i 'dis shAkya seng ge rab tu bskul bar 'gyur te mthar thug pa'o/ /de nyid kyi 'bras bu ni 'od gsal ba'i gnas thob na/ rang dga' i gzugs su skye bar 'gyur ro/ /kun gyi dbang phyug thob 'gyur te/ /rdo rje'i skus ni dga' bar 'gyur zhes bya bas gsungs te gang gi tshe 'dod chags la sogs pa'i rnam par dag pa'i rim gyis snang ba la sogs pa gsum mthong ba'i sgo nas 'od gsal ba'i gnas te bzhi pa thams cad stong pa/ rnam grangs gzhan yang lhan cig skyes pa'i bde ba chen po thob pa de'i tshe thob pa na rang dga' i gzugs te rang dbang can gyi gzugs 'ja' tshon dang mtshungs pa'i gzugs brnyan skur skye bar 'gyur ba ni bdag byin gyis brlab pa'i rim pas ye shes kyi skur gyur nas/ sems can thams cad kyi don byed par nus par 'gyur ro/ /zhes bya ba'i don to/ /de'i rjes kun gyi dbang phyug ste khyab 'jug dang drag po dang tshangs pa la sogs pa dang nyan thos rang sangs rgyas dang byang chub sems dpa' thams cad kyi nang nas 'jig rten las 'das pa'i ye shes thob pa ni dbang phyug ste de'i 'thob par 'gyur ro/ /yang na lus dang ngag gi dbang phyug dang/ de bzhin sems kyi dbang phyug ste/ /rdzu 'phrul yon tan kun dbang phyug/ smra byed byed po yon tan brgyad/ /ces bya ba'i dbang phyug de dag thams cad thob pa na rdo rje sku ste 'jigs pa med pa'i ye shes kyi skur gyur nas dga' bar 'gyur ba ni sangs rgyas kyi zhing nas sangs rgyas kyi zhing du 'gro zhing 'khor ba ji srid kyi bar du bskal pa bzang po la khyad par du sems can gyi don byas te/ dga' zhing mgu bar gyur to/ /zhes bya ba'i don te sbas pa'o/ /de bzhin gshegs pa rnams kyi gsung thos ma thag tu shAkya seng ge'i ting nge 'dzin la snyoms par zhugs pa nyid bstan pa'i phyir de ltar sgra de de gsan nas ni/ de nas mi g.yo btang byas na/ /mtshan phyed kyi ni dus dag tu/ /rgyal ba'i sras kyi de nyid dmigs/ /sku ni drang po nyid min zhing/ /mi drang ba nyid ma yin la/ /dbugs gtong ba dang rdub pa nyid/ /gsung ba nyid min mi gsung min/ /nyid kyi spyan phye ma yin zhing/ /spyan btsums pa yang ma yin pas/ /dang zhing gsal ba'i ye shes che/ /thams cad stong pa smad po che bla ma'i zhal snga'i drin gyis ni/ /de nas de ni gsal mthong 'gyur/ /zhes bya bas gsungs te/ de kho na nyid nye bar ston pa'i tshig de lta bu'i rnam pa can/ de bzhin gshegs pa rnams la gsan nas/ 'di ni de kho na nyid rnam par dag p a'i gnas ma yin no snyam du dgongs te ston pa chen po'i ting nge 'dzin mi g.yo ba btang zhing por nas mtshan phyed kyi dus ste nam gyi gung gi dus su rgyal ba'i sras byang chub sems dpa' shAkya thub pas man ngag bzhi pa'i de kho na nyid la dmigs par gyur to/ /'dir don ni 'di yin te/ nam mkha' dbyings na gnas pa'i de bzhin gshegs pa thams cad kyis dang por 'od zer gyi 'khor lo spros pa de'i rgyud snod du rung bar byas te/ de nas ye shes kyi phyag rgya spros nas de ni gnas su btang ste/ de dag lhan cig snyoms par zhugs pas mtshams dang mtshan mo dang nyin mo'i rim gyis lhan cig skyes pa'i de kho na nyid mngon du byas nas mi g.yo ba spangs te/ shes rab kyi dbang bskur ba gsang ba nyid yin pa'i phyir mtshan phyed na de kho na nyid bzhi pa dmigs par 'gyur zhing thob par 'gyur ro/ /zhes bya ba'i don to/ /de nyid kyi phyir nga sang yang slob ma la mtshan phyed kyi dus su shes rab kyi dbang bskur ba gang yin la bla ma'i rgyud pa de nyid gnas pa yin te/ mthar thug pa'o/ /de kho na nyid ji ltar mthong bar 'gyur te/ de'i phyir gsungs pa bya ba la sogs pa'i rnal 'byor pa kha cig ni lus drang por bsgom bar byed do/ /kha cig ni 'dug nas pad+ma'i mdug stangs la sogs pa drang po ma yin pas bsgom pa la dmigs par byed do/ /kha cig ni mig phye bas ras ris la sogs pa'i gzugs la bltas nas bsam gtan byed do/ /kha cig ni dang po'i sbyor ba la sogs pa rnams kyis mig btsums nas bsam gtan byed do/ /shAkya'i seng ge ni de rnams gang yang mdzad de/ de kho na nyid khyab par byed pa thob pas lus g.yo ba la sogs pa'i spyod lam gzhan rnams mi dgos pa'i phyir ro/ /phyi rol gyi lus kyi sdom pa la sogs pa rnams dang phyag rgya la sogs pa rnams ni de kho na nyid thob par bya ba dang/ sems dbang du bya ba'i phyir bsten par bya'o/ /zhes grag na gal te bla ma'i sku drin gyis de thob par 'gyur ba de'i tshe lus dang ngag dang sems sdug bsngal bar byed pa dang ting nge 'dzin rnam par g.yeng byed pa'i log pa'i spros pa rnams kyis ci zhig bya/ 'di skad du sngar glang po mod la rnyed gyur na/ /glang po rjes ni tshol lam ci zhes bya ba la sogs gsungs pa nyid de dgongs pa ma yin pa'o/ /shAkya'i seng ge des ni lhan cig skyes pa zhes bya ba thams cad stong pa'i 'od gsal ba'i de kho na nyid mthong zhing mngon du byas par 'gyur ro/ /ji lta bu zhe na dang ba ste 'dod chags la sogs pa'i rnam par rtog pa'i nyes pa rnams spangs pa nyid yin pa'i phyir nor bu chu dangs kyis dri ma med par byas pa'i chu bzhin du dag cing dri ma med pa'o/ /gsal ba ni rnal 'byor gyi mngon sum gyi tshad mas yang dag par khong du chud par bya ba ste rnam par rtog pa med pa dang gsal bar snang ba'o/ /rnam par rtog pa'i dri ma rnams ni mun pa'i rang bzhin nyid yin pa'i phyir rnam par rtog pa dang bcas pa thams cad ni gsal bar snang ba ma yin te/ 'jig tshogs dus bzhin bsgom stobs kyis/ /gsal ba nyid du snang 'gyur zhing/ /shes rab slu ba med gang yin/ /de ni mi rtog mngon sum yin/ /rnam rtog rjes su 'brel ba la/ /'od gsal snang ba ma yin te/ /rmi lam na yang dran mod kyi/ /dran 'byung de bzhin don ldan min zhes bshad do/ /ye shes chen po ni snang ba la sogs pa'i ye shes rnams kyi nang nas mchog nyid yin pa'i phyir ro/ /mchog nyid ni blang bar bya ba nyid yin pa dang/ de las gzhan pa rnams ni spang bar bya ba nyid yin pa'i phyir ro/ /stong pa gsum rnam par dag par byed pa nyid yin pa'i phyir thams cad stong pa'o/ /rang bzhin brgya drug cu 'gog bar byed pa nyid yin pa dang/ 'jig rten gyi khams ma lus pa na gnas pa'i sems can thams cad kyi bsam pa thams cad rdzogs par byed pa nyid yin pa'i phyir rmad chen no/ /de lta bu'i bla ma'i zhal snga nas kyi ste/ de bzhin gshegs pa rnams kyis sku drin gyi dbang gis gzigs par gyur to/ /'dir bla ma'i zhal snga nas ni nam mkha' na gnas pa'i de bzhin gshegs pa rnams dang de dag gis bskyed pa'i ye shes kyi phyag rgya dang rnam pa gnyis te/ de gnyi ga'i sku drin gyi shAkya'i seng ges de kho na nyid brnyes par gyur to/ /zhes bya ba'i tha tshig go /de kho na nyid kyi phyir deng sang yang de bzhin gshegs pa rnams dang/ bla ma'i zhal snga nas kyi las tha dad du ni mi bya'o/ /zhes bya ba'i tha tshig go / mthar thug pa'o/ /'bras bu ni 'od gsal ba ni rnam dag pas/ /skad cig de la srid gsum gyis/ /'das pa dang ni ma 'ongs dang/ /da ltar byung ba ma lus gzigs/ /zhes bya bas gsungs te/ shAkya'i seng ge nges 'od gsal bas ni rnam dag pas te de kho na nyid kyis man ngag mngon du byas pa'i stobs kyis gnas skabs de'i skad cig de nyid la sems can thams cad kyi sems kyi spyod pa dang/ ma 'ongs pa dang da ltar byung ba rnams dang/ yul dang dus dang rang bzhin gyis bskal pa'i dngos po rnams gzigs te/ gsan cing mkhyen par gyur to/ /zhes bya ba ni tshig lhag ma'o/ /don cig dam pa'i nyid du mthong gyur na/ /zhes bya ba'i tshul gyis 'dis ni mngon par shes pa thob pa nyid du bstan pa yin no/ /zhes bya ba'i don te sgra ji bzhin pa'o/ /yang na 'das pa la sogs pa rnams te 'dod chags dang 'dod chags bral ba dang 'dod chags bar ma gsum srid gsum ste rtsa gsum gyi bdag nyid can chos 'byung gi phyag rgya'i pad+ma'i nang du 'od gsal bas rnam par sbyangs te/ de kho na nyid bzhi pa thob nas skad cig ste lhan cig skyes pa'i skad cig nyid gzigs zhes bya ba ni rang gi ngo bo mkhyen nas/ ro gcig pa'i dngos por mdzad par gyur pa ste mthar thug pa'o/ /'bras bu'i khyad par ni/ chu zla dang ni smig rgyu sogs/ /sgyu ma'i yon tan rnams kyis brgyan/ /byang chub shing drung bzhugs nas ni/ /skya rengs 'char ba'i dus su ni/ /rdo rje lta bu'i ting 'dzin gyis/ /des ni bdud rnams 'joms par mdzad/ ces bya bas gsungs te/ shAkya'i seng ge ste byang chub shing drung ste/ nai rany+dza na'i 'gram na gnas pa'i byang chub kyi shing a shwat+tha'i rtsar bzhugs shing nye bar bzhugs nas/ /brgya byin gyis bskul ba'i bdud dpung gi tshogs yan lag bzhi dang ldan pa'i mtshon bya sna tshogs dang 'jigs su rung ba'i cha byad 'dzin pa lha'i 'khor gyis bgegs rnams bcom zhing pham par mdzad do/ /de ji lta bu zhe na chu zla la sogs pa'i sgyu ma'i dpe bcu gnyis kyis brgyan cing rnam par spras so/ /gang gi sgyu ma lta bu'i ting 'dzin gyi dngos po thams cad 'od gsal ba'i rang gi ngo bor shes pa la rnam par rtog pa med pa'i phyir bdud rnams ga las 'byung bar 'gyur/ bdud la sogs pa rnams ni rnam par rtog pa las byung ba yin te gzhung mdzad pas/ ji srid yid ni g.yo gyur par/ /de srid bdud kyi go skabs yod/ /de phyir 'di ni skyon med par/ /ci'i phyir na mi 'thad 'gyur/ zhes gsungs pa dang/ de bzhin du rang gi sems kyi kun tu rtog pa ni bdud yin no zhes 'byung ba'i phyir ro/ /skya rengs ni nyi ma'i shing rta 'dren pa'o/ /de 'char ka'i dus te tho rangs kyi dus su mngon par rdzogs par sangs rgyas nas/ rdo rje lta bu'i ting nge 'dzin te sa bcu gnyis pa'i mi phyed pa'i ting nge 'dzin gyi bdud bcom par 'gyur to/ /zhes bya ba ni dag gi don ni drang ba'i don to/ /yang na byang chub kyi shing drung ste ye shes kyi phyag rgya'i chos dbyung du bzhugs shing brten nas lhan cig skye ba nyams su myong ba'i bsam gtan rdo rje lta bu'i ting nge 'dzin gyi 'dod chags dang bral pa dang 'dod chags bar ma sems g.yeng bar byed pa'i bdud rnams bcom zhing zlog par mdzad do/ /dus nam zhe na/ skya reng zhes bya ba rtsa'i 'khor lo stong phrag bdun cu rtsa gnyis las byung ba'i byang chub kyi sems de 'char ba ni 'byung ba ste/ rdo rje'i rtse mor 'dzin pa'o/ /de'i dus su ste lhan cig skyes pa'i dga' ba'i dus dang 'od gsal ba'i dus dang/ nyin mo dang mtshan mo dang mtshams dag dang bral ba'i skad cig la zhes pa'i tha tshig go / chu zla la sogs pa'i sgyu ma'i dpe rnams ni smig rgyu lta bu la sogs pa'i rtags rnam pa lnga nye bar mtshon par byed pa'i don byed pa'i don can yin te/ de'i rjes thogs kho nar de kho na thob pa'i phyir ro/ /nges pa'i don to/ /da ni de kho na nyid grub gyur pa'i rang gi don gyi rjes thogs su gzhan gyi don/ /shAkya'i mgon pos yang dag pa'i/ /ye shes bla med legs brnyes nas/ /'gro ba gsum la phan bya'i phyir/ /de nyid 'dir ni bstan pa yin zhes bya bas gsungs te/ de ni bcom ldan 'das shAkya mgon po ste de bzhin gshegs pa zhes bya ba'i sgra brjod par bya ba yin te des gsal zhing rtog pa med pa la ma 'khrul ba'i yang dag pa'i ye shes kyi de kho na nyid bzhi pa bla na med pa ste de las pha rol na bya ba med pa'i phyir mchog tu gyur legs par ? shing mngon du mdzad nas/ de'i tshe sngon gyi smon lam gyi bag chags kyis bskul ba des 'gro ba gsum la phan bya'i phyir de nas te thob par bya ba'i phyir rgyud la sogs pa'i rigs pa rnam pa bzhi'i rim gyis bskal pa ji lta bu bzhin du rnal 'byor mchog gi rgyud rnams su bstan cing gsal bar mdzad pa yin no/ /zhes bya bas ni gzhan gyi don phun sum tshogs pa bstan pa yin no/ /de nyid kyi phyir bcom ldan 'das la skyab pa zhes bya ba yin te nyid ltar rang gis mthong ba'i lam ston par byed pa ni skyab pa'o/ /zhes 'byung ba'i phyir ro/ /rang gis mthong ba'i don gzhan rnams la ston par byed pa gang yin pa de ni skyob pa'i yin no/ /dgongs pa ma yin pa'o/ /mjug bsdu pa ni mngon par byang chub gzigs pa ni/ /de nyid ye shes zhes bshad do/ /zhes bya bas gsungs te/ mngon par byang chub pa ni bla na med pa'i mngon par byang chub pa ste/ de gzigs pa ni mngon du mdzad pa'o/ /zhes bya ba'i don to/ /de nyid ye shes 'di ni bzhi pa nyid yin pa'i phyir de nyid kyang yin la ye shes rnam par dag pa'i byed pa nyid yin pa'i phyir ye shes kyang yin pas de nyid ye shes te thams cad stong pa yin par bshad do/ /mthar thug pa'o/ /da ni bla ma'i sku drin gyis sdig pa can rnams kyis kyang dngos grub thob po zhes bstan pa'i phyir/ mtshams med lnga yi las can dang/ /mi gang bsod nams dman pas kyang/ yid bzhin nor dang 'dra ba gzhan/ /bla ma'i drin gyis 'thob par 'gyur/ /spyod pa ci dgar spyod byed cing/ /'di ni ma 'ongs rdzogs sangs rgyas zhes bya ba gsungs te/ mtshams med lnga'i las te ma gsod pa la sogs pa rnams dang de bzhin du mtshams med pa dang nye ba ste/ ji ltar byang chub sems dpa' rnams kyi nyon mongs pa ni rnam par rtog pa yin no/ /zhes bya ba de lta bu'i mtshams med pa lnga'i las can yin no/ /de bzhin du bsod nams dman pa zhes bya ba ni gang la tshe rab snga ma bsags pa'i dge ba med pa 'am/ rigs chad pa ste/ ji skad du bcom ldan 'das byams pas kha cig gcig tu nyes bar spyad pa yin/ kha cig dge ba'i chos rnams spangs pa yod/ /kha cig thar min cha thun dge ba yod/ /dge bar dman zhing rgyu dman pa yang yod/ /ces gsungs pa de lta bu la sogs pa rnams ni bsod nams dman pa zhes bya'o/ /de rnams kyis kyang bla ma'i drin te rdo rje slob dpon gyis kyang yang dag pa'i man ngag thob nas yid bzhin gyi nor bu dang mtshungs par mngon par 'dod pa ster bar byed par 'gyur ro/ /zhes bya ba des ni 'di skad du re zhig rang gi don lta zhog de rnams ni gzhan gyi don yang bsgrub par byed do/ /zhes bstan pa yin no/ /de nyid kyi ci dga' ste ji ltar 'dod par 'gyur ba ste kho na bzhin du gal te 'greng ba dang nyal ba'i mtshan nyid kyi bya ba spyod pa byed pa de'i tshe/ de ni rdzogs pa'i sangs rgyas zhes brjod par bya'o/ /ji lta bu zhe na/ ma 'ongs zhes bya ba ma 'ongs pa'i sems can rnams la phan 'dogs par byed pa nyid yin pa'i phyir ro/ /de yang gong du 'ga' zhig ri dbang rtse las lhung gyur na/ /zhes bya ba la sogs pa bshad pa kho na yin no/ /de'i phyir bla ma'i zhal snga nas mnyes par bya ba la 'bad pa dang ldan par bya'o/ /zhes bya ba ni bsdus pa'i don te/ sgra ji bzhin pa'o/ /da ni man ngag bzhi'i rgyud sna tshogs kyi mtshan ma/ chags min chags dang bral ba min/ /dbu mar yang ni mi dmigs so/ /stong pa ma yin mi stong min/ /dbu mar yang ni mi dmigs so/ /sangs rgyas thams cad mnyam sbyor las/ /ye shes gsum bral de nyid gang/ /de ni dgongs pas gsungs pa yin zhes bya bas gsungs te/ dpal sangs rgyas thams cad dang mnyam par sbyor ba'i rgyud kyi rgyal po'i rtog pa dang po las bcom ldan 'das kyis de kho na nyid bzhi pa 'gal ba'i tshig gi sbyor bas de kho na nyid ston pa'i dgongs pas bshad pa nga yis gsungs shing bstan to/ /ji lta zhe na/ chags pa ste snang ba'i ye shes min pa'o/ /chags bral te snang ba nye bar thob pa'i ye shes min pa'o/ /dbu ma ste snang ba gsal ba'i ye shes min pa'o/ /de bzhin du stong pa ste/ 'jug pa'i rnam par shes pa'i gnyen por gyur pa ma yin pa'o/ /mi stong pa ste nyon mongs pa can gyi yid kyi rnam par shes pa'i gnyen por gyur pa shin tu stong pa ma yin pa'o/ /dbu mar yang ni mi dmigs pa ste/ kun gzhi rnam par shes pa'i gnyen por gyur pa'i stong pa chen po gang du mi dmigs pa de ni ye shes gsum dang bral ba'i de kho na nyid bzhi pa yin par bcom ldan 'das kyis gsungs pa kho na'o/ /zhes bya ba'i tha tshig ste sbas pa'o/ /de bzhin du dpal gsang ba 'dus pa'i tshad ma/ dpal gsang ba 'dus pa yi/ /byang chub sems kyi le'u las kyang dngos med la sogs tshig bshad kyi/ mngon par byang chub mtshan nyid gsungs te/ /zhes bya ba gsungs te/ dpal gsang ba 'dus pa'i rgyud kyi byang chub kyi sems kyi le'u ste gnyis pa las kyang/ /dngos po med pas bsgom pa med/ /bsgom par bya ba bsgom pa min/ /zhes bya ba la sogs pa'i tshigs su bcad pa lngas gang gi tshe skye ba med pa'i mtshan nyid kyi de kho na nyid bstan pa gang yin pa de ni/ bcom ldan 'das rdo rje 'chang gis mngon par byang chub pa'i mtshan nyid kyi 'od gsal ba'i bzhi pa kho na yin par bshad pa'o/ /zhes bya ba'i tha tshig ste/ mthar thug pa'o/ /dpal mchog dang po'i rgyud kyi tshad ma/ dpal mchog las ni gsungs pa yis/ /'dod chags la sogs rnam dag gang/ /de yang thams cad stong pa la/ /rten nas de bzhin gshegs pas gsungs zhes bya bas gsungs te/ de bzhin du dpal mchog dang po'i r gyud las 'dod chags la sogs pa rnams kyis rnam par dag par bstan pa gang yin pa de yang thams cad stong pa de kho na nyid dmigs shing brten nas de bzhin gshegs pa ste de bzhin gshegs pa thams cad kyi rang bzhin gyi rdo rje 'chang chen pos gsungs shing bshad de/ ji skad du dpal mchog dang po las 'dod chags zhe sdang gti mug ste/ gsum po 'di rnams dug chen yin/ dug nyid kyis ni bsten byas na/ /dug tu nye bar 'gro ba nyid/ /bdud rtsi nyid kyi bsten byas na/ /bdud rtsi nyid du 'gro bar 'gyur zhes gsungs so/ /'dir ni don 'di yin te/ 'dod chags ni dga' ba'i rnam grangs dang ldan pa'i snang pa'o/ /zhe sdang ni bral ba'i rnam pa dang ldan pa'i snang ba nye bar thob pa'o/ /gti mug ni snang ba gsal ba'i rnam grangs dang ldan pa'i mchog ste/ de rnams ni 'od gsal ba'i de kho na nyid bzhi pa ma thob pa'i 'jig rten gyi dug dang mtshungs pa'i dug yin te/ dug bzhin du gsod par byed cing 'khor ba'i rgya mtshor lhung bar byed pa yin no/ /dus nam zhen gang gi tshe de rnams du gnyid dug nyid kyi ste rnam par rtog pa nyid kyis brten cing nyams su myong bar byas pa de'i tshe dug nyid du nye bar 'gro zhing 'gyur ro/ /yang gang gi tshe bdud rtsi nyid kyis te de kho na nyid pa'i skad cig du shes pas brten cing ro gcig par byas pa de'i tshe dpal rdo rje 'chang gi go 'phang thob pa'i rgyur gyur pa'i bdud rtsi nyid du 'gyur ro zhes bya ba'i don te sbas pa'o/ /lung thams cad kyi tshad ma ni/ /sna tshogs mdo dang rgyud dag las/ /de nyid nye bar bstan pa gang/ /de ni thams cad stong pa'i gnas/ /der ni gzhan dag ma gsungs so/ /zhes bya bas gsungs te/ theg pa chen po'i mdo sde bcom ldan 'das ma stong phrag brgya pa la sogs mdo sna tshogs dang/ de bzhin du bya ba dang spyod pa dang rnal 'byor dang rnal 'byor mchog gi rgyud sna tshogs de rnams las r ang bzhin med pa dang de bzhin nyid dang yang dag pa'i mdza' dang stong pa nyid dang brtags pa tsam nyid la sogs pa'i sgra rnams kyis bstan pa'i de kho na nyid gang yin pa de ni man ngag bzhi pa'i 'od gsal ba thams cad stong pa'i gnas kyis dbang du mdzad nas gsungs pa yin te/ mdo dang rgyud kyi rgyal po de rnams su de kho na nyid las ma gtogs pa gzhan ma gsungs so/ /theg pa chen po'i mdo sde kha cig las ni de kho na nyid rnam pa dang bcas pa'i rnam par shes pa min pa dang/ kha cig las ni de kho na nyid rnam pa med pa'i rnam par shes pa yin pa dang/ kha cig las ni de kho na nyid gzung ba dang 'dzin pa spang ba'i rang bzhin med pa yin par bstan to/ /bya ba'i rgyud rnams las ni de kho na nyid lha'i rnam pa bsgom pa nyid yin pa dang/ rnal 'byor gyi rgyud rnams las ni de kho na nyid rdo rje phra mo'i bsgom pa nyid yin pa dang/ rnal 'byor mchog las ni de kho na nyid rim pa gnyis kyis bstan par bya ba'i kun tu brtags pa dang yongs su grub pa'i rnal 'byor yin par gsungs so/ /de las kyang kha cig tu ni phra mo'i rnal 'byor gyi de kho na nyid dang/ kha cig tu ni thig le'i rnal 'byor gyi de kho na nyid dang/ yan lag drug gi rnal 'byor gyi de kho na nyid dang/ rtsa'i de kho na nyid dang/ phyag rgya'i de kho na nyid dang/ rlung dang sngags kyi de kho na nyid ces bya ba de lta bu la sogs pa de kho na nyid kyi dbye ba bstan pa ma yin nam/ de'i phyir thams cad stong pa'i gnas gcig pu kho na yin no/ zhes ji ltar brjod par bya zhe na/ de skad du smra bar mi bya ste/ de kho na nyid ces bya ba la tha dad pa med do/ /de dang ldan pa nyid yin pa de ni kun rdzob kyi ngo bo nyid yin pas rtog pa bcas pa nyid yin pa'i phyir de bas de kho na nyid ma yin pa kho na'o/ /dbye bas bstan pa gang yin pa de rnams ni thabs kyi dbye ba bstan pa yin zhing thabs kyi dbye ba yang rnal 'byor ba'i dbye ba la brten nas bcom ldan 'das kyi gsungs so/ /de bzhin du yang khams dang bag chags dang bag la nyal gyi bye brag las rten nas sman pa bzhin du de dang de dag dang mthun pa'i bstan pa mdzad de/ de rnams kyi thabs la brten nas de kho na nyid gcig 'thob par 'gyur ro/ /bstan bcos thams cad kyi de kho na nyid ni gcig kho na yin te/ rten gyi dbye bas tha dad pa yin gyi chu bzhin du rang gi ngo bos ni ma yin no/ /de bzhin du yang dbyar gyi dus su chu'i char ba 'bab pa ni bu ram gyi shing gi zhing la sogs par bdud rtsi'i dngos por gyur cing snul la sogs par de nyid dug nyid du 'gyur ro/ /de bzhin du thams cad stong pa'i gnas gcig kho na nyan thos kyi rigs can rnams ni 'gog pa'i snyoms par 'jug pa'i rang gi ngo bor 'dzin to/ /mdo sde pa dang rnal 'byor spyod pa pa rnams kyi rnam pa dang bcas pa dang/ rnam pa med pa'i rnam par rig pa tsam gyi sgo nas 'dzin to/ /byang chub sems dpa' rnams ni gzung ba dang 'dzin pa dang bral ba'i rang bzhin med pa'i de kho na nyid kyi sgo nas 'dzin to/ /bya ba la sogs pa'i gzhung la brten pa rnams ni lha la sogs pa'i rnam pa'i sgo nas 'dzin par byed pa'i phyir de kho na nyid ni gcig yin par grub pa kho na'o/ / gang gi tshe de bzhin gshegs pa'i 'od zer gyi 'khor los bskul ba'am sngon nye bar bsags pa'i bsod nams dang ye shes kyi tshogs shin tu brtan pa'i bag chags kyi stobs gzung ba 'am/ dge ba'i bshes gnyen dang phrad pa 'am/ bla ma'i zhal snga nas kyi sku drin thob par gyur pa de'i tshe de rnams thams cad 'od gsal ba yang mngon du byed par 'gyur ba kho na yin pas ha cang thal ces pas mchog ste mthar thug pa'o/ /mjug bsdu ba ni thub pa chen po'i chos phung po/ /brgyad khri bzhi stong dag las ni/ /mngon par byang chub mtshan nyid ni/ /snying por las ni snying por gsungs/ /zhes bya bas gsungs te/ thub pa chen po'i chos kyi phung po ni dam pa'i chos kyi tshogs brgyad khri bzhi stong gi tshad bzhugs pa'o/ / de las snying po ste skyed pa'i rim pa'i ting nge 'dzin las kyang snying po mchog ste blang bar bya ba nyid du gyur pa'i mngon par byang chub pa'i mtshan nyid ni thams cad stong pa nyid kyi mtshan nyid du gsungs so snyam du dgongs pa'o/ /de ni nye bar mtshon pa yin te/ nyan thos kyi sde snod ni brgyad khri bzhi stong yod do/ /theg pa chen po'i sde snod ni stong phrag dgu bcu yod do/ /theg pa chen po gsang sngags sde snod stong phrag brgyad yod de/ 'o na chos kyi phung po'i tshad ci tsam yin zhe na/ brjod par bya ste/ lha'i gos lta bu'i gro ga 'am ta la la sogs pa skyad ba rnams la skra'i rtse mo'i tshad tsam gyi yi ge bris pa'i glegs bam ci tsam gyi glang po che dar ma smon pa'i rgyab khal longs pa de ni chos kyi phung po gcig ste/ de stong phrag cig tu grangs pa de lta bu stong phrag brgyad cu rtsa bzhi dang stong phrag dgu bcu dang stong phrag brgya yod do/ /zhes bya ba ni mthar thug pa'o/ /brtul zhugs kyi bye brag gis de kho na nyid don du gnyer ba/ ral pa gcer bu mgo reg gam/ /cod pan 'dus pa spong 'jug ste/ /sna tshogs rtags can de dang des/ /mngon par byang chub 'dod pa rnams/ /zhes bya bas gsungs te/ ral pa can zhes bya ba ni bskyed pa'i rim pas lha dang mtshungs pa'i rnam par byas nas shing la sogs la byas pa'i gcos ma'i gdong dang lag pa dang ral pa'i tshogs brtags shing yul nas yul gzhan du spyod pa byed cing 'khyam pa gang dag yin pa'o/ /gcer bu'i ni ma chags pa'i brtul zhugs blangs nas smyon pa'i cha byad kyis nam mkha' i gos gyon zhing spyod pa gang dag yin pa'o/ /mgo reg ces bya ba ni mgo sku phregs nas dge slong dge tshul la sogs pa'i brtul zhugs dang ldan pa dag gtsug lag khang la sogs par slab pa'i gnas srung bar byed pa gang dag yin pa ste/ dgon par gnas pa'i skra dang kha spu ni/ /sor gnyis las ni 'da' bar bzhag mi bya/ zhes bya ba ni de rnams kyi skra breg pa ni nges pa yin no/ /cod pan zhes bya ba ni gtsug phung tsam gzung nas dge ba'i brtul zhugs la brten nas bslangs pa'i gnas srung bar byed pa gang dag yin pa'o/ /'dus pa spong 'jug ni sbyangs pa'i yon tan blangs pas 'jig rten gyi 'dus pa spang nas/ mi sdug pa bsgom pas 'dod chags la sogs pa rnams spang bar bya ba'i phyir rab tu 'bad par byed pa gang dag yin pa'o/ /rnal 'byor spyod pa'i nyan thos kyis las kyang ji ltar sbyangs pa'i yon tan dang ldan pa yin zhe na/ bsod snyoms pa dang/ bsod snyoms lhur len pa dang/ stan gcig pa dang/ zas phyis mi len pa dang/ chos gos gsum pa dang/ phyid pa pa dang/ phyag dar khrod pa dang/ dgon pa pa dang/ shing drung ba dang/ bla gab med pa dang/ dur khrod pa dang/ tsog pu pa dang/ gzhi ji bzhin pa ste/ de rnams ni bsod snyoms dang/ chos gos dang gnas mal brten nas sbyang ba'i yon tan bcu gnyis sam/ bcu gsum du 'gyur ro/ /de la bsod snyoms pa nyid dbye na/ rnam pa gnyis su 'gyur ro/ /rnyed pa len pa'i bsod snyoms pa dang/ bsod snyoms lhur len pa'o/ /de la rnyed pa len pa'i bsod snyoms pa ni/ ci nas kyang dge ba 'phel bar bya ba'i phyir ji ltar 'thob cing ji ltar rnyed pa za ba'o// b sod snyoms lhur len pa ni khyim nas khyim du song ste skye bo'i tshogs rnams la bslangs nas ji ltar rnyed cing ji ltar 'os pa'i bsod snyoms za zhing bdag gis 'di las bza' ba dang bca' ba gya nom pa dang yid du 'ong ba'i bar dag thob par bya'o snyam nas byin zhes zer zhing skye bo'i tshogs su nye bar mi 'gro'o/ /de la bsod snyoms la dbye ba ma byas na ni/ bcu gnyis su 'gyur zhing dbye ba la brten na bcu gsum du 'gyur ro/ /de bstan cig pa nyid gang zhe na/ stan cig la 'dug nas ji srid tshim pa de srid du za zhing stan de las langs nas yang mi za ba de ni stan gcig pa zhes bya'o/ /zas phyis mi len pa nyid gang zhe na/ 'dug nas ji srid za ba thams cad ma blangs pa de srid zas mi za zhing/ ji tsam gyi tshim par nus par shes shing 'di ltar bdag la 'di las lhag pa'i dpa' bas bya ba med do/ /snyam du shes par bya ste/ de nas thams cad blangs nas za par rtsom pa de zas phyis mi len pa yin no/ /ji ltar chos gos gsum pa yin zhe na/ chos gos gsum gyon pa dang/ snam sbyar dang bla gos dang/ thang gos dang chos gos gsum las ma rtogs pa 'og tu chos gos ma gyon pa de lta bu ni chos gos gsum pa yin no/ /ji ltar na phying ba pa yin zhe na/ chos gos gsum 'am chos gos gsum las lhag pa'i gos 'chang ba gang ci yang rung ba de thams cad pa la las byas pa 'chang gi gzhan ni ma yin pa de lta bu ni phying ba pa yin no/ /ji ltar na phyag dar khrod pa yin zhe na/ gzhan gyi byin pa 'am bor ba 'am lam po che 'am bzhi mdo 'am/ sum mdo 'am lam log par bor zhing bskur ba'i gos bshad bcis 'bags pa 'am bshad pa dang gci ba dang rnag dang khrag dang/ mchil mas 'bags pa gang yin pa de las mi gtsang ba bzhag ste/ snying po blangs nas bkrus te/ btsems nas kha dog bsgyur te 'chang ba de lta bu ni/ phyag dar khrod pa yin no/ /ji ltar na dgon pa pa yin zhe na/ nags dgon pa'i gnas kyi tha ma'i gnas mal grong dang grong khyer dang grong rdal rnams las thag ring por gyur pa gang yin par brtag par gnas par byed pa de lta bu ni dgon pa pa yin no/ /ji ltar na shing drung pa yin zhe na/ shing drung la brten nas shing gi rtsa bar gnas par byed pa de lta bu ni shing drung ba yin no/ ji ltar na bla gab med pa yin zhe na/ thog ma g.yogs shing ma bkab pa bla gab med par byed pa de lta bu bla gab med pa yin no/ /ji ltar na dur khrod pa yin zhe na/ gang du skye bo'i tshogs shi ba'i ro bsag pa pa'i dur khrod du gnas par byed pa de lta bu'i dur khrod pa yin no/ /ji ltar na tsog pu pa yin zhe na/ khri 'am steg bu 'am rtswa'i steng la tsog pur 'dug ste dus ji srid kyi bar du 'da' bar byed cing khri'am rtsig pa 'am shing ngam rtswa'i stan la brten nas/ rgya ba bam glos 'bebs par mi byed pa de lta bu ni tsog pu pa yin no/ /ji ltar na gzhi ji bzhin pa yin zhe na/ rtswa'i stan nam lo ma'i stan gang la nyal ba'i rtswa stan nam lo ma'i stan ji ltar lan cig legs par bting ba'i de kho na bzhin du nyal bar byed cing/ yang na ba spro ba dang bcos par mi byed pa de lta bu ni gzhi ji bzhin pa yin no/ /ci'i phyir de rnams sbyangs pa'i yon tan zhes bya zhe na/ dper na bal lam ras bal gang gi tshe/ ma smel bar gyur pa de'i tshe 'jam pa dang yang ba dang las su rung ba ma yin te/ / dper na snal mar bkal ba 'am be'u phrug tu brtags pa'o/ /gang gi tshe rmel ba dang brdabs pa dang sprug pa rdzogs par gyur pa de'i tshe/ 'jam pa dang yang ba dang las su rung bar 'gyur te/ dper na snal mar bkal ba 'am be'u phrug tu rung ba bzhin no/ /de bzhin du kha cig bsod snyoms la chags pas bsod snyoms la sems chags shing kun tu chags par 'gyur ba dang/ gos la chags pas gos dang gnas mal la chags pas gnas mal sems shing kun tu chags par 'gyur ba de/ 'di la ste tshangs par spyod pa la gnas par bya ba'i phyir spyangs pa'i yon tan 'di rnams kyis/ sbyod par byed pa ste las su rung ba dang zag pa med pa dang dag par byed pa yin pa de'i phyir sbyangs pa'i yon tan zhes bya'o/ /de la bsod snyoms la zas gya nom pa la chags pa dang/ zas mang po la chags pa ni bar chad byed pa yin pas/ de'i phyir zas gya nom pa la chags pa spang ba'i phyir ni bsod snyoms pa yin no/ /zas mang po la chags pa spangs bar bya ba'i phyir stan gcig pa dang zas phyis mi len pa yin no/ /de la gos la chags pa'i bar chad byed pa ni rnam pa gsum ste/ gos mang po la chags pa dang/ reg bya 'jam po la chags pa dang/ gya nom pa la chags pa'o/ /de la gos mang po la chags pa spang ba'i phyir chos gos gsum pa yin no/ /gos kyi reg bya 'jam po la chags pa spang bar bya ba'i phyir/ phying ba pa yin no/ /gos gya nom pa la chags pa spang bar bya ba'i phyir ni phyag dar khrod pa yin no/ /gnas mal la chags pa bzhi ni 'di lta ste/ 'du 'dzi la chags pa dang/ gnas la chags pa dang/ gnyes pa dang nyal ba'i bde ba la chags pa dang/ bsdu ba dang rkyang ba dang sbrugs pa la chags pa'o/ /de la 'du 'dzi la chags pa spang ba'i phyir ni dgon pa ba yin no/ /gnas la chags pa spang bar bya ba'i phyir shing drung pa dang bla gab med pa dang dur khrod pa yin te/ gzhan yang 'khrig pa la chags pa spang bar bya ba'i phyir yang dur khrod pa yin no/ /gnyis pa'i bde ba dang nyal ba'i bde ba la chags pa spang bar bya ba'i phyir tsog pu pa yin no/ / bsdu pa dang rkyang pa dang sbrugs pa la chags pa spang ba'i phyir gzhi ji bzhin pa'o/ /de ltar na sbyangs pa'i yon tan dang ldan par gyur pa'i de rnams ni 'dus pa spong ba la 'jug pa ste nyan thos shes bya'o/ /de dang de rnams d ang bcom ldan 'das kyis gsungs pa'i rdo rje'i brtul zhugs la sogs pa gzhan dang gzhan rnams kyi sdug bsngal gyi khur khyer ba gang yin pa de rnams ni smyon pa ma yin zhing 'on kyang de kho na nyid don du gnyer ba dang brtul zhugs len par byed do/ /sems ni de kho na nyid kyang sngar bshad pa'i rig pas dpyad na/ mngon par byang chub pa'i rim pa kho na yin no/ /de'i phyir mngon par byang chub pa'i 'dod pa de rnams brtul zhugs tha dad pa'i tshogs la brten pa yin no/ /zhes bya ba'i tha tshig ste mi shes pa ni spang ba la/ /kun kyang blo gros mtshungs pa'i phyir/ /sems ni kun tu 'jug pa la/ /dpyad pa 'jug pa ma yin no/ /zhes gsungs so/ /dgongs pa ma yin pa'o/ /da ni de kho na nyid med na de rnams 'bras bu med pa yin no// zhes bstan pa'i phyir/ de nyid dman pa de rnams kyis/ /brtul zhugs spyod pa la sogs rim/ /de nyid ye shes dman pa'i phyir/ /des ni grol bar rnyed mi 'gyur/ /zhes bya bas gsungs te/ de nyid dman pa ste de kho na nyid dang bral ba'i brtul zhugs can de rnams kyi brtul zhugs la sogs pa dang spyod pa la sogs pa'i rim pa'i lam gang yin pa des ni grol ba mi 'thob cing thar pa thob par mi 'gyur ro/ /de nyid ye shes te zhi ba nyid yin pa'i phyir/ de kho na nyid kyang yin la ye shes rnam par dag par byed pa nyid pa'i phyir ye shes kyang yin pas de nyid la ye shes so/ /de dman zhing de dang bral ba nyid yin pa'i phyir ro zhes bya ba'i don to/ /re zhig de kho na nyid yongs su shes pa ni thar pa'i rgyu'i gtso bo yin zhing/ brtul zhugs ni mos pa'i bye brag gis yan lag yin gyi gtso bo ni ma yin no/ /brtul zhugs med par yang de kho na nyid shes pa rnams kyis thar pa thob pa'i phyir/ de kho na nyid med na brtul zhugs kyi thar pa mi thob po snyam du dgongs pa yin no// 'di ltar rgyu 'dra ba las 'bras bu 'dra ba 'byung ste/ thar pa ni rnam par rtog pa'i nyes pa thams cad spang pa yin la/ de kho na nyid kyang spros pa med pa'i ye shes yin pa de'i phyir thar pa'i rgyu de kho na nyid par rigs so/ /brtul zhugs ni ma yin ste/ de ni spros ba mang po dang ldan pa'i phyir ro/ /rab tu byed pa mdzad pas kyang/ /gzhan la shes min zhi ba dang/ /spros pa rnams kyis ma spros pa/ /rnam rtog med don tha dad min/ /de nyid kho na mtshan nyid do/ /zhes gsungs te/ dgongs pa ma yin pa'o/ /da ni sa'i dbye ba/ dang po las kyi rnal 'byor gyis/ /sa brgyad pa ni 'thob par 'gyur/ /snang ba gsum po mthong bas ni/ /sa bcu la ni rab tu gnas/ /zhes bya ba gsungs te/ dang po'i rnal 'byor zhes bya ba bskyed pa'i rim pa'i ting nge 'dzin dang snang ba la sogs pa'i ye shes gsum gyis rim gyis stong pa chen po'i gnas thob pa des ni sangs rgyas pa mi g.yo bar 'thob par 'gyur ro/ /'di ltar bskyed pa'i rim pas lha'i rnam par bskyed nas phyir mi ldog pa'i dbang thob pa dang dbang bskur lnga'i ni rig pa'i dbang nyid yin pa'i phyir kun gzhi la sogs pa'i rnam par shes pa log par gyur pas sa mi g.yo ba thob pa'i phyir ro/ /de bzhin du snang ba la sogs pa'i ye shes gsum gyi rim gyis kun gzhi rnam par shes pa gyur pa thob pa ni mi g.yo ba thob pa kho na yin te/ 'di ltar bag chags med par gyur nas ni/ /sa brgyad pa ni nye bar 'gro/ zhes gsungs so/ /de'i rjes la snang ba gsum po mthong ba ste 'od gsal ba rang bzhin dang rnam par shes pa 'gog pa'i phyir man ngag thob pas ni sa bcu pa chos kyi sprin la rab tu gnas par gyur te/ der ni ye shes la dbang thob pa'i phyir sa bcu pa yang de'i rang bzhin nyid yang yin pa'i phyir/ de'i rjes thogs la dpe las byung ba'i de kho na nyid brtan par gyur pa na rdo rje lta bu'i ting nge 'dzin gyis kun tu 'od thob ste/ de yang mngon par byang chub pa'i rim pa las 'chad par 'gyur ro/ /de nyid sa bcu gcig pa yin zhing mos pa spyod pa'i sa la bltos nas sa bcu gnyis pa sangs rgyas kyi sa zhes bya ba yin te dgongs pa ma yin pa'o/ /da ni sngar bshad pa'i shAkya seng ge'i gtam rgyud gsal bar byed de/ mngon par byang chub legs thob nas/ /gtsang ma'i gnas su nye bar 'gro /sangs rgyas zhing las mi ldog cing/ /tshe 'di nyid la thams cad mkhyen/ /bcom ldan 'das des mngon par byang chub thob nas te/ man ngag bzhi pa mngon du byas nas sems can gyi don bya ba'i phyir/ /gzugs kyi khams kyi phyogs gcig gnas gtsang mar song bar gyur to/ /de nas rin po che sna bdun mchog tu 'bar ba'i rang bzhin can bsam gtan gyi zas dang ldan pa'i rnal 'byor dang ldan pa'i sangs rgyas kyi zhing rnams su bzhugs nas mi ldog pa ste/ byang chub kyi de kho na nyid las slar ma nyams pa'i chos can dang mthong ba'i chos kyi tshe 'di nyid la nyon mongs bag chags dang bcas par rtsa nas bton cing sems can gyi khams ma lus pa'i sems kyi spyod pa'i mngon par shes pa thams cad mkhyen par 'gyur ro/ /yang na rnal 'byor pa gang yang rung ba gcig gis ye shes kyi rim pas mngon par byang chub pa thob pa de yang gnas gtsang mar 'dug ste/ thams cad mkhyen pa bzhin du sangs rgyas kyi zhing nas sangs rgyas kyi zhing du song nas chos bstan pas sems can rnams 'dul bar byed do/ /zhes bya ba'i tha tshig ste/ dgongs pa ma yin pa'o/ /re zhig sngags dang phyag rgya'i rim pas sems rnam par dag pa la goms par byed pa gang yin pa de rnams bshad zin to/ /spyod pa rnam pa gsum spyod pa gang yin pa de rnams kyis kyang mngon par byang chub pa go rim bzhin du goms par bya'o/ /de'i phyir thabs kyi bye brag gis mngon par byang chub pa rnam pa gsum thob par bya'o/ /zhes bstan pa'i phyir chags sogs rol mo rgya chen po/ /chos 'byung mngon par byang chub pa'i/ /ji ltar spyod pa'i spyod pa ni/ /chos dbyings mngon par byang chub pa'i/ bla med mngon par byang chub pa/ /mngon par byang chub rnal 'byor gyis/ /spros byas la sogs spyod pa yis/ /rnal 'byor pas ni 'dir goms bya/ /zhes gsungs pa'i don ni 'di yin te/ mngon par byang chub pa ni chos 'byung gis mngon par byang chub pa dang/ chos kyi dbyings kyi mngon par byang chub pa dang/ bla na med pa'i mngon par byang chub pa zhes bya ba rnam pa gsum mo/ /de chos 'byung gi la mngon par byang chub pa zhes bya ba ni 'dod pa'i yon tan lnga nye bar longs spyod pa'i lam/ 'dod chags la sogs pa'i rol mo rgya chen po rnams kyis thob par 'gyur ro/ /de bzhin du chos kyi dbyings kyi mngon par byang chub pa zhes bya ba ni bza' ba dang btung pa la sogs pa ji ltar rnyed pas lus gnas par bya ste bsgrub par bya'o/ /bla na med pa'i mngon par byang chub pa zhes bya ba ni ye shes kyi phyag rgya dang lhan cig sngags kyi rim pas 'dod chags la sogs pa'i dbye bas yongs su shes pa'i mngon par byang chub pa'i rnal 'byor gyis bsgrub par bya'o/ /de rnams nyid spyod pa rnam pa gsum ste/ spros pa dang bcas pa'i spyod pa dang/ spros pa med pa'i spyod pa ni dam tshig gi phyag rgya dang/ bcom ldan 'das kyis lung bstan pa'i phyag rgya dang/ lha'i bu mo la sogs pa dgug pa dang lhan cig tu bya'o shin tu spros pa med pa'i spyod pa ni ye shes phyag rgya dang lhan cig bya'o/ /zas ni 'dod pa lnga la nye bar longs spyod pa dang/ ji ltar rnyed pa'i bsam gtan gyi zas so/ /spros pa dang bcas pa la sogs pa'i spyod pa rnam pa gsum po 'di rnams kyi rnal 'byor pas goms par bya zhing mngon par byang chub pa'i rim pa bsgom par bya'o/ /zhes bya ba ni sgra ji bzhin pa'o/ /'di ltar bsdus pa'i don ni 'di yin te/ spros pa dang bcas pa'i spyod pa dang ldan pa'i rnal 'byor pas ni bsam gtan gyi khang pa sum rtseg tu bza' ba dang bca' ba la sogs pa 'og khang du bzhag ste/ rol cha'i bye brag brdung ba rnams par khang du bzhag nas yang thog tu khri steng du dbus kyi gtso bor gyur pas nye bar 'dug ste/ sangs rgyas spyan la sogs pa'i lha mo'i rang bzhin gyi phyag rgya rnams mtshams la sogs pa rnams kyi ni/ /gzugs la sogs pa'i rang bzhin can gyi lha mo rgyan dang ldan pa lngas yongs su bskor bas de thams cad lha'i skur bsgom pa sngon du 'gro ba can gyi rigs lnga dang bsre ba byas nas/ rdo rje'i glu snyan pa rnam pa sna tshogs pa len pa de rnams kyis dga' bar byas shing 'dod pa rnam pa sna tshogs pa'i longs spyod kyi tshim par byas pa'i rnal 'byor pas rnam pa sna tshogs pa'i bya ba'i tshogs kyi snyoms par 'jug par bya zhing/ ji srid bde ba chen po'i de kho na nyid nyams su myong ba de srid du gnas par bya'o/ /zhes bya ba ni spros pa dang bcas pa'i spyod pa dang chos 'byung gi mngon par byang chub pa'o/ /spros pa med pa'i s pyod pa dang ldan pa'i rnal 'byor pas rmi lam gyi mtshan mar mthong ba'i de bzhin gshegs pa'i rnams kyi phyag rgya che ge mo zhig gzung la spyod pa gyis shig ces lung bstan pa de la yod ches par byas nas legs par bslabs shing rigs dang rjes su mthun pa'i phyag rgya blangs te/ 'dod pa'i lha rjes su mthun par shing la sogs pa la byas pa'i bcos ma'i ral pa la sogs pa byas nas ji ltar rnyed pa'i zas kyis chog shes pa dang bdag dang bdag gi med pas yul nas yul gzhan du 'gro zhing/ sus kyang shes par mi 'gyur ba de ltar ji srid du mngon par byang chub pa gsal bar gyur gyi bar de lhan cig bsgom pa'i lam la goms par bya ste/ spros pa med pa'i spyod pa dang/ chos kyi dbyings kyi mngon par byang chub pa'o/ /shin tu spros pa med pa'i spyod pa dang ldan pa'i rnal 'byor pas ni phyi rol gyi brtags pa'i yul spangs nas ye shes kyi phyag rgya blangs te/ brtul zhugs dang bcas pa 'am brtul zhugs med pas gang yang rung bar 'dug cing yongs s u 'dzin pa 'di ni smyon pa'o zhes 'jig rten pa rnams kyis bzhad gang du byed pa sdong bu dang rtsa ba dang 'bras bu'i zas dang bsam gtan gyi zas dang ldan pas ji srid mngon par byang chub 'thob pas 'grub par 'gyur ba de srid du de dang snyoms par 'jug pas bsam gtan la snyoms par bya ste/ shin tu spros pa med pa'i spyod pa dang bla na med pa'i mngon par byang chub pa zhes bya ba ni sgra ji bzhin pa'o/ /da ni rang bzhin gyis grub pa'i de kho na nyid la brten nas goms par byas pas ci bzhig bya snyam du sems dpa' gang yin pa de rnams kyi phyogs snga ma'i sgo nas tshigs su bcad pa/ bzod nas grub pa'i rang bzhin can/ /de ni rang bzhin gyis grub cing/ /rtog las de nyid mi skye na/ /bslab pa'i sbyor bas ci zhig bya/ /zhes bya bas gsungs te/ 'di skad rnam par shes pa'i rim pa rnam par dag pa 'am spyod pa'i rim gyis de kho na nyid thob par bya'o/ zhes bshad pa gang yin pa de ni rigs pa ma yin no/ /'di ltar de kho na nyid ces bya ba ni de bzhin nyid kyi rang gi ngo bo ste/ de bzhin nyid de yang thams cad kyi nang na gnas pa nyid yin pa'i phyir chos nyid dang rtag pa dang rang bzhin gyi grub pa yin no/ /de'i phyir rang bzhin te ngo bo nyid kyi grub pa yin zhing rtog pa las mi skye ste/ ye shes dang rnam par shes pa dag pa'i rim pa'i rnam par rtog pa las mi skye zhing 'byung bar mi 'gyur ro/ /de lta yin na de ni mi rtag pa nyid du 'gyur te/ rnam par rtog pa'i ngo bo yin pa'i phyir la/ 'bras bu ni rgyu dang rjes su mthun pa nyid yin pa'i phyir ro/ /de bas na gzod ma nas grub pa'i de bzhin nyid la slob pa'i sbyor ba ste rim par bsgom pas ci zhig bya zhing rnam pa thams cad du goms par bya bar mi rigs so/ /zhes bya ba'i don te sgra ji bzhin pa'o/ /lan du ye shes rim pa spangs nas ni/ /gang zhig de ltar 'dir rtogs pa/ /de yi dbye ba mi shes pa/ /de rnams slar yang slob par 'gyur/ /zhes bya bas gsungs te/ brgol ba gang zhig rang bzhin gyis grub pa'i phyogs la brten nas ye shes rim pa ste rnam par shes pa dang ye shes kyi rim/ pa rgyu dang 'bras bu'i dngos por mi mthun pa dang gnyen po'i phyogs kyi rim pa'i dbye ba spangs shing bor nas goms par bya ba mi rigs so/ /zhes de ltar rtogs par byed cing smra bar byed pa ste de rnams kyi ni ye shes la sogs pa rnams kyis dbye ba mi shes shing ye shes gang gi rang bzhin ji lta bu dang gang las rang bzhin gang zhig 'byung ba dang/ de rnams kyang ji ltar spang bar bya ba yin par mi shes te de la goms par ma byas pa'i phyir ro/ /de bas na dbye ba mi shes shing bla ma rmongs pa gang yang rung ba zhig gis dbang bskur te/ khyod kyi de kho na nyid thob po zhes yid ches par ma byas pa de rnams kyis de kho na nyid ma thob pa'i phyir slar yang slob par 'gyur ba yin te/ slar yang thob par bya ba'i don du de'i thabs la de rnams kyis gdon mi za bar bya dgos pa kho na'o zhes bya ba'i tha tshig go / gang gi re zhig de bzhin nyid ni grub pa yin mod kyi 'on kyang blo bur ba'i dri mas bsgribs pa mi gsal ba de'i phyir rnal 'byor goms par byas pas dri ma rnams spang nas/ de ni rang nyid kyis gsal bar gyur to/ /de tsam gyis de mi rtag pa nyid du 'gyur ba yang ma yin te/ dri ma bsal ba ni de'i rgyu nyid bzhi pa la/ /dri ma bsal pa ni gsal bar byed pa tsam gyi ngo bo nyid yin pa'i phyir mar me bzhin no/ /de bas na goms par bya ba kho na rigs pa yin te/ sgra ji bzhin pa'o/ /de nyid la goms par bya ba'i rim pa ni/ rang bzhin snang ba'i dbye shes shing/ /de nyid bzhi pa la brten pa/ /gang zhig rnam gsum bslab byed pa/ /des ni 'bras bu myur thob 'gyur/ /zhes bya ba gsungs te/ rnal 'byor gang zhig gis sngar bshad pa'i rim pas rang bzhin rnams dang ye shes kyi snang ba rnams kyi dbye ba shes shing/ des shes nas de kho na nyid bzhi pa thams cad stong pa la brten cing len par byed do/ /sngags dang phyag rgya'i rim pas rang bzhin dang shes pa'i tshogs la rnam gsum ste/ rnam pa gsum po de rnams kyis slab par byed pa gang yin pa des ni rdo rje 'chang chen po'i go 'phang thob pa'i mtshan nyid kyi 'od gsal ba 'bras bu myur du ste/ de rnams 'gags pa dang dus mnyam pa kho na thob cing rnyed par 'gyur ro/ /zhes bya ba'i tha tshig ste sbas pa dang mthar thug pa dag gis bshad pa dag go / da ni rang bzhin gyis grub pa yin yang goms pa med na 'thob par mi 'gyur ro/ /zhes bya ba'i dpe bstan pa'i phyir ji ltar shing la mi gnas pa/ /ma gtsugs par ni 'byung mi 'gyur/ /de bzhin goms med byang chub ni/ /tshe 'di nyid la 'byung mi 'gyur/ zhes bya bas gsungs te/ de bzhin nyid rang bzhin gyis grub pa'i kho na yin mod kyi/ 'on kyang goms par bya ba gtso bo yin te/ ji ltar shing gi nang na gnas pa'i me ji srid gtsubs shing dang gtsubs stan gyi sbyor bas gtsubs pas ma byas pa de srid du yod du zin kyang de ni 'byung bar mi 'gyur ro/ /de bzhin du goms pa med par byang chub mi 'byung na/ khyad par du tshe 'dir lta ci smos pha rol tu phyin pa'i rnal 'byor pa ni mthong ba dang bsgoms pa'i lam gyi rim gyis goms par byed du zin kyang bskal pa grangs med pa gsum gyis byang chub thob po/ /sngags kyi gzhung la gnas pa'i goms par byed na tshe 'di nyid la thob po zhes bya ba ni khyad par yin te sgra ji bzhin pa'o/ /da ni sems rnam par dag pa'i rim pa'i man ngag gi chos sbyin par bya ba'i slob ma rnams kyi snod dang snod ma yin pa brtag pa'i phyir/ gang zhig g.yo ba le lo dang ldan bla ma dmod/ /dbang bskur thob ces rlom pa'i sems dang ldan gyur pa/ /kun mkhyen rnyed par dka' snyam zhum pa'i sems ldan zhing/ /bla ma'i skyon rnams mthong byed yon tan mi 'dod pa/ /zhes bya bas gsungs te/ 'dir nyan pa po gang zag lnga yod do/ /de las 'di ni tsan dan lta bu'i gang zag go /g.yo'i blo dang ldan pa g.yon la sogs pa la sgyu byed pa'o/ /le lo dang ldan pa ni thos pa le lo byed pa'o/ /gang la thos pa dang ldan par gyur pa'i bla ma de la dmod pa ni/ /bdag la de ni cung zad kyang bstan pa med kyi/ bdag nyid rang gis dang gis shes rab kyis ldan pa kho na'o zhes zer ba'o/ / bdag gis dbang bskur ba thob po snyam nas nga rgyal dang bcas pa dang/ de nas gal te mkhas pa 'ga' zhig gis lam la goms par gyis shig ces bskul ba de'i tshe thams cad mkhyen pa ni rnyed par slab ma yin no snyam pa'i zhum pa'i sems ldan zhing mos pa chung ba dang/ de bzhin du bla ma ste slob dpon gyi skyon rnams mthong bar byed kyi yon tan rnams ni mthong bar mi byed pa de ni tsan dan lta bu'i gang zag kho na yin no/ /de nyid slar yang brjod par bya ste/ gus nyan med par de nyid thab 'dod cing/ /tshig rnams 'jam pos min zhes smra na khro bcas 'gro /tshogs nang bla ma mthong na de la rgyab kyi phyogs/ /de la dben par song na de phyag byed par 'gyur/ /gus par nyan par 'dod pa dang de'i don du bsnyen bkur byed pa yang gus par nyan pa yin no/ /de spangs shing med par myur du ste thabs bde bas the tshom gyi sgo nas thabs kyi de kho na nyid 'dod cing/ gal te bla mas 'di ni g.yo can no/ /zhes shes nas de'i the tshom bsal bar tshig 'jam pos de ltar ma yin no/ zhes brjod cing smras pa na khro bcas te khros par gyur nas 'gro ba ni bros pa'o/ /rang gi bla ma tshogs nang mthong na te/ skye bo'i tshogs kyi dbus su mthong na rgyab kyi phyogs par byed pa ni mgo bkab nas yib par byed pa'o/ /gal te dben par sngo zhing lkog na gcig po gnas par mthong na de la phyag byed cing 'dud par 'gyur ro/ /de la drin mi sbyin pa'i phyir/ de ltar rang bzhin ngan gyur slob ma dman pa ni/ /rang la skyes pa'i bu dang 'phags pa'i gzung ba yi/ /rgyal rigs rjes rigs mchog las skyes pa'ang rung/ /bstan par nam yang drung du bzhag par mi bya'o/ /zhes bya ba gsungs/ tsan dan zhes bya ba slob ma ngan pa de lta bu ni gal te rang gi bu yin te/ de yang gzhan gyis byin pa dang bcos pa ma yin gyi 'on kyang las skyes shing bdag nyid las skyes pa yin na yang/ 'on kyang sngar bshad pa'i skyon gyi tshogs dang ldan pa'i rang bzhin ngan pa de ni drung du bzhag par mi bya ste/ nye bar bzhag par mi bya zhing chos bstan par mi bya'o/ /de bzhin du rje'u rigs la sogs pa gsum ni mchog nyid yin pa'i snod du rung ba yin zhing/ de rnams kyang 'phags pas gzung ba ste/ 'phags pa rnams kyi phyogs mdzad pa yin yang gal te sngar bshad pa'i nyes pa dang ldan pa yin pa de'i drung du bzhag par mi bya'o/ /zhes bya ba ni sgra ji bzhin pa'o/ /rin po che lta bu'i gang zag ni/ yon tan bzang ldan bcas shing brtson 'grus dang ldan pa/ /de nas bla ma 'khor la gus shing sangs rgyas mtshungs par lta/ /rgyal ba'i chos rnams khong du chud cing bstan la shin tu dang/ de 'dir snod gyur yin te de la drin dag sbyin par bya/ /zhes gsungs te/ yon tan bzang po ni tshul khrims la sogs ba rnams te de dag dang ldan pa'o/ /ye shes ni thos pa la sogs pa'i rim gyis rtogs pa ste de dang ldan pa nyid yin pa'i phyir ye shes dang bcas pa'o/ /dge ba'i chos la spro ba na brtson 'grus dang ldan pa'o/ /de bzhin du gus pa'i bla ma'i 'khor te rdo rje slob dpon dang de'i 'khor la sangs rgyas dang mtshungs par blta bar byed pa dang/ de bzhin du rgyal ba'i chos sde snod gsum shes pa dang/ bcom ldan 'das kyis bstan pa'i lam la shin tu dang zhing dad pa de ni man ngag gi snod du rung ba yin te/ de la drin sbyin par bya ba kho na'o/ /zhes bya ba ni sgra ji bzhin pa'o/ /da ni autpa la lta bu'i mtshan nyid/ rgyud ni shin tu mang po thos shing lung la mkhas gyur kyang/ /bla ma'i zhal sngar bsnyen bkur dman zhing man ngag ma thob pa/ /de ni bdag la'ang phan par mi nus bstan bcos grags/ /de yi bstan bcos skyo ba'i 'ba' zhig gyur pa yin/ /zhes bya ba gsungs te/ dang po mdo sde dang 'dul ba dang chos mngon thos pas theg pa chen po'i mdo sde'i lung rnams la mkhas shing byad pa dang/ de nas bya ba la sogs pa'i rgyud kyi rim pas rgyud mang po la thos pa byas par gyur kyang 'on kyang man ngag dang ldan pa'i bla ma'i zhal snga nas las bsnyen bkur te bkur sti dman zhing mi phyed pa de'i phyir man ngag ma thos shing yang dag pa'i man ngag mi shes pa gang yin pa de ni bstan bcos 'ba' zhig gi grags pas na bstan bcos grags pa'o/ /des ni bdag la phan pa byed pa 'am mi nus te/ man ngag gi nor gyis 'phongs pa nyid yin pa'i phyir nus pa ma yin no/ /de'i bstan bcos mang du thos pa de ni skyo ba'i rgyu tsam 'ba' zhig ste sdug bsngal gyi rgyur gyur pa yin te/ nyin re zhing gzhan dang lhan cig rtsod pa byed pa dang/ bsgom pa'i ro shin tu zhi ba 'ang ma rnyed pa'i phyir ro/ /de bas na de yang rim pa'i man ngag gi snod du rung ba ma yin no/ /zhes bya ba ni sgra ji bzhin pa'o/ /de ni pad+ma dkar po lta bu/ de nas ldan gyur cing de nyid man ngag thob gyur kyang/ /gang zhig blo gros blun zhing don rnams sdud par mi nus pa/ /gzhan la phan par byed pa'i blo ldan bstan la rab 'jug cing/ /tshig gi yon tan dman pa de yang brnyas par 'gyur pa yin/ /zhes bya ba gsungs so/ /slob ma gang zhig bsod nams kyi tshogs dang ldan pa n yid yin pa'i phyir skal ba dang ldan par gyur pas ye shes kyi tshogs ni bsod nams kyi tshogs kyi sngon du 'gro ba can nyid yin pa'i phyir ye shes kyi man ngag thob par gyur pa yin du zin kyang 'on kyang de la bdag nyid kyi nyes pa 'ga' zhig yod de/ 'di ltar skye bas thob pa'i shes rab dang/ bral ba nyid yin pa'i phyir blo gros blun pa yin no/ /de'i phyir shes rab med pas gang cung zad cig thob pa de'i don ni rig pa bzhi'i rim gyis sdud par mi nus so/ /mi nus su zad mod ce na/ gal te de la gzhan la phan par bya ba'i blo 'byung ba de'i tshe chos bstan pa la rab tu 'jug cing brtson par gyur te/ de'i tshe phyogs dang gtan tshigs dang dpe nye bar dgongs pa'i mtshan nyid dang/ drang ba dang nges pa'i don la sogs pa'i bye brag 'byed ba mtshan nyid dang ldan pa'i tshig gi yon tan dman pa nyid yin pa'i phyir brnyas shing bzhad gad du 'gro bar 'gyur zhes bya ba'i don to/ /des ni gzhan gyi don dang rang gi don yang bya bar mi nus te yang dag pa'i gdams ngag mi shes pa'i phyir la mi shes pa ni shes rab med pa'i phyir ro/ /de ni skye ba gzhan du de kho na nyid shes par 'gyur ba 'ba' zhig ste/ sngon gyi dad pa dang rtog pas 'dus byas pa sa bon yod pa'i phyir ro/ /zhes bya ba ni sgra ji bzhin pa'o/ /da ni thams cad las mchog tu gyur par ni ngo che lta bu'i gang zag / rgyud mang po thos shing shes ldan drug gis tshig don shes pa dang/ dran dang blo gros 'dzin nus yid gzhungs brtson pa phun sum ldan/ /bla ma'i zhal snga nas la mchod pa de nyid man ngag thob/ /rgyud kyi rgyal po man ngag de la bstan par 'os pa yin/ /zhes bya bas gsungs te/ gang zhig rgyud shin tu mang po thos pa las shes pa dang/ ldan shing blo gros phul du byung ba skyes pa dang/ de bzhin du grangs pa dang nges pa la sogs pa'i don drug gis tshig de rgyud kyi tshig rnams kyi don shes pa dang/ dran pa ste thob pa phyis kyang dran pa dad blo gros bye brag tu rtogs pa dang 'dzin nus pa ste chos kyi don bla ma'i zhal las/ ji skad thos pa de kho na bzhin ji srid mtsho'i bar du 'dzin pa dang yid gzhungs te/ rang bzhin gyis rno ba'i shes rab kyis 'dzin pa dang/ brtson pa ste nyan pa la sogs pa'i dge ba'i las la spro ba'i yon tan de rnams phun sum tshogs pa ste tshogs pa dang ldan zhing/ 'brel par gyur pa dang de'i rjes la nyin re bzhin mngon pa'i nga rgyal med pa nyid kyis bla ma'i zhal snga nas la bsnyen bkur byas pa'i dbang gi de kho na nyid kyi man ngag thob pa'i slob ma de lta bu ni rgyud kyi rgyal po'i man ngag ste/ dpal gsang ba 'dus pa'i snying por gyur pa'i rim pa lnga'i man ngag bstan cing rnam par bshad par 'os pa yin zhing snod du rung ba yin te/ de la bla mas man ngag bstan par bya'o/ /yang na de ni gzhan rnams la rgyud kyi rgyal po rnam par 'chad par 'os pa yin te/ rigs pa dang ldan pa nyid dang mi slu ba nyid yin pa'i phyir ro/ /de bas na de ni rang dang gzhan gyi don bsgrub par nus pa yin par shes par bya ste/ sgra ji bzhin pa'o/ /da ni rim pa'i mdza' mar yongs su bsngo ba/ 'phags pa rdo rje dril gyi rgyud rnams rab tu mang thos pa/ gsal bar rnam par bkod pa'i tshig gis byang chub lam ni rnam phye ba/ /shAkya'i bshes gnyen gyi ni dge ba bsags pa gang yin des/ /gsal la myur du rnam par smin nas byang chub snod gyur shog /ces pas gsungs te/ 'phags pa rdo rje sgra gcan 'dzin bzang po'i zhal snga nas kyis sku drin gyis rgyud shin tu mang po thos pa'i shAkya bshes gnyen bdag gis gsal zhing the tshom med par byas tshig gis phreng bas rnam par bkod pa'i sems rnam par d ag pa'i rim pa'i byang chub kyi lam de mi mthun pa'i phyogs dan gnyen po'i phyogs kyi ngo bo nyid kyis gsal bar byas shing rnam par phye ba las dge ba mthong zhing bsod nams thob pa gang yin pa'i dge ba des gsal ba ste the tshom med cing dus myur bar thob par 'gyur ba'i rnam par smin pa'i 'bras bu gang yin pa'o/ /'bras bu de las sems can rnams byang chub snod de sems rnam par dag pa'i rim pas thob par bya ba'i mngon par byang chub pa thob par gyur cig ces bya ba'i don to/ /de ni sgra ji bzhin pa'o/ /'dir shAkya bshes gnyen zhes bya ba ni klu sgrub kyi zhal snga nas kyi rab tu byung ba'i mtshan yin la/ grags pa'i mtshan ni 'phags pa klu sgrub ces bya ba yin no/ /yang slob dpon shAkya bshes gnyen ni de'i slob ma yin pa'i phyir de la brtse ba'i sgo nas rab tu byed pa'i nang du de'i ming bcug pa kho na yin te 'di ltar bla ma brtse ba dang ldan pa rnams ni bcos bdag nyid kyis byas kyang slob mas byas so zhes smra ba ni lugs yin no/ /bsod nams sngo ba ni zhabs su bya ba yin mod kyi/ 'dir bya ba ni rim pa dka' ba yin pa'i phyir ro/ /dka' ba nyid ni sems las spyang dka' ba gzhan med pa'i phyir ro/ /rim pa lnga'i bshad pa'i nor bu'i phreng ba las sems rnam par dag pa'i rim pa ste gnyis pa'o// //da ni bdag phyin gyis brlab pa'i rim pa brtsom pa phyag 'tshal ba/ rdo rje kun gyi dang po gtso/ /rdo rje che la phyag 'tshal nas/ /bdag byin brlab pa'i rim pa 'di/ /brtse bas bdag gi bshad par bya/ /zhes bya bas gsungs te/ rdo rje ni ye shes lnga yin te/ de dag gcig nyid du gyur pa'i ngo bo nyid yin pa'i phyir rdo rje che ste drug pa'o/ /de nyid kyi phyir rdo rje kun gyi ste/ /de bzhin gshegs pa lnga'i skyed par byed pa nyid yin pa'i phyir/ dang po yin la bdag po nyid yin pa'i phyir gtso bo yang yin pas rdo rje kun gyi dang po gtso bo ste rdo rje 'chang chen po'o/ /phyag 'tshal na te phyag byas nas sngar don rnam par phye ba'i bdag byin gyis brlab pa'i rim pa ste sgyu ma lta bu'i ting nge 'dzin gyis rim pa bdag gis te slob ma rjes su gzung ba'i blo yis bshad par bya'o/ /zhes bya ba ni yi ge'i don don yang na rdo rje zhes bya ba ni/ chos kyi dbyings kyi dbang phyug ma zhes bya ba'i rtsa ste b+ha ga'i dbus na rab tu gnas pa'o/ /de yang ji lta bu zhe na/ de nyid las thams cad 'byung ba'i phyir rdo rje kun gyi ste rtsa sum cu rtsa gnyis kyi dang por gyur pa yang yin la/ bde ba chen po'i ngo bo nyid yin pa'i phyir gtso bo yang yin la/ de'i rang bzhin gyi byang chub kyi sems rdo rje 'chang la phyag 'tshal na bdag brlab pa'i rim pa bshad par bya'o/ /zhes bya ba ni spyi'i don to/ /rdo rje bdud rtsi las kyang/ b+ha ga yi ni dbus gnas pa/ /myos byed 'dzag pa'i rtsa gang yin/ /de ni rtsa gzhan sum cu gnyis/ /de rnams nang nas gtso bo'i yin/ /zhes kyang gsungs so/ /rdo rje che ni 'dod chags dang bral ba dang 'dod chags bar ma zhes bya ba gsum po ste/ de rnams kyi rdo rje kun ni thams cad stong pa'i rang bzhin gyi 'od gsal ba'i de kho na nyid do/ /de nyid thams cad kyi gcig tu gyur pa'i ngo bo nyid yin pa'i phyir dang po yin zhing 'jig pa med pa'i lhan cig skyes pa'i phyir ngo bo nyid yin pa'i phyir gtso bo'o/ /de la phyag 'tshal nas te nyams su myong bar byas nas snga ma bzhin du bshad par bya'o/ /zhes bya ba ni sbas pa'o/ /de bzhin du rdo rje che ni mi phyed nyid yin pa'i phyir 'od gsal ba'o/ /de las langs nas dkyil 'khor pa rdo rje kun gyi dang po ste/ sgyu ma lta bu dang gtso bo ste dkyil 'khor gyi bdag po ye shes kyi sku de la phyag 'tshal nas te brten nas bshad par bya'o zhes bya ba yang sbas pa bzhin no/ /yang na thams cad la khyab par byed pa nyid yin pa'i phyir chen po yin la/ gzhig par mi nus pa nyid yin pa'i phyir rdo rje yin pas rnam par shes pa gsung ni rdo rje che'o/ /rdo rje kun ni rang bzhin rnams so/ /de rnams spong ba'i phyir dang po yin zhing/ blang bar bya ba nyid yin pa'i phyir gtso bo ste/ 'od gsal ba de la phyag 'tshal zhing de'i bdag nyid du zhugs nas bshad par bya'o/ /zhes bya ba yang sbas pa'o/ /de bzhin du rdo rje che ni bzhi pa ste/ lhan cig skyes pa'o/ /rdo rje kun te smig rgyu lta bu la sogs pa mtshan ma lnga'i dang po ni mtshon par bya'o/ /gtso bo ste 'jig rten las 'das pa'i go 'phang thob pa'i rgyur gyur pa la phyag 'tshal nas te thob nas bshad par bya'o/ /zhes bya ba ni mthar thug pa'o/ /yang na rdo rje che ni mi gnas pa'i mya ngan las 'das pa'i ngo bo'o/ /rdo rje kun te kun rdzob dang don dam pa dag tha mi dad par dbye ba'i phyir dang po yin zhing/ gtso bo ste mi slob pa'i lam gyi thob par bya ba'i rdo rje 'chang gi sku la phyag 'tshal nas te mngon du byas nas brtse bas sems can gyi don bya ba'i phyir bdag byin gyis brlab pa'i rim pa bshad par bya'o/ /zhes bya ba yang mthar thug pa'o/ /da ni bdag byin gyis brlab pa'i snod du rung ba'i slob ma'i mtshan nyid dang/ de thob par bya ba'i phyed du bla ma la mchod pa bstan par bya ba'i phyir dang por re zhig skyed pa'i rim pa'i rjes su 'brangs pas dbang bskur ba thob cing/ rgyud rnam pa bzhi'i dgongs pa shes pa shes rab dang ldan zhing lus dang ngag dang yid rnam par dben pa'i thos pa 'dzin pa bden pa gnyis la lhag par mos pas rdo rje slob dpon yang dag par mnyes par bya ste/ de nas mnyes par gyur pa'i bla ma la tshogs kyi mchod pa chen po byas nas/ lo bcu drug pa rdo rje slob dpon chen po la phul te de'i 'og tu bla ma'i zhal nas bdag byin gyis brlab pa'i rim pa'i man ngag thos pas phreng ba dang chu dang rdzogs pa'i sangs rgyas dang rdo rje dang dril bu sbyin pa dang/ me long dang ming dang slob dpon dang rjes su gnang ba rnams dang bcas par gsang ba'i dbang bskur ba thob nas/ bstod pa 'di rnams kyis bstod par bya'o/ zhes bya ba gsungs te/ dang por zhes bya ba ni dag yin gyis brlabs pa gsol ba 'debs pa'i tshe'o/ /bskyed pa'i rjes su 'brangs pas te mngon par byang chub pa rnam pa lnga'i rim pas so/ /dbang bskur ba thob pa zhes bya ba ni slob dpon gyi dbang bskur ba thob pa'o/ /rgyud rnam pa bzhi ste bya ba dang spyod pa dang rnal 'byor dang rnal 'byor mchog gi rgyud rnams kyis dgongs pa mdza' drug gi bshad pa'i rim pa dang ldan pa'i lam dang lung dang rigs pa dag gis shes pa ni don gyi bye brag tu rtogs pa'o/ /lus la sogs pa rnams kyi rnam par dben pa 'dzin pa ni ting nge 'dzin gyi dbye ba shes pa'o/ /thos pa 'dzin pa ni mang du 'dzin pa'o/ /bden pa gnyis te zung du 'jug pa'i rim pa tha dad pa'i rim pa med pa'i de kho na nyid yongs su shes par bya ba'i don du lhag par mos pa dang ldan pa'i phyir lhag par mos pa ste/ 'bras bu thob par bya ba'i phyir 'bad par byed pa'o/ /zhes bya ba'i tha tshig go /de lta bu'i slob mas rdo rje slob dpon te rdo rje bla mas sgyu med cing dad pas yang dag par mnyes par byas shing lan gnyis sam gsum du gsol ba btab nas so/ /de'i rjes la des gsol ba btab pas/ mnyes par gyur cing slob ma la brtse ba dang bcas pa'i bla ma la 'dod pa'i longs spyod lnga gtso bor gyur pa'i tshogs kyi mchod pa chen po byas nas/ de'i rdzas la gsang ba'i mchod pa bya ba'i phyir lo bcu drug pa rigs dang rjes su mthun zhing gzugs bzang ba rgyan dang bcas shing lus dri zhim pa legs par bslab pa'i phyag rgya phul te/ de'i 'og tu zhes bya ba ni phyag rgya phul ba'i 'og rol gyi dus su'o/ /bdag byin gyis brlab pa'i rim pa thob pa zhes bya ba ni rdo rje slob dpon des de dang snyoms par 'jug pa las byung ba'i byang chub kyi sems kyi gsang ba'i dbang bskur ba thob par byas nas/ de'i rjes de la byin nas phyag rgya bzhi bsgom pa'i sgo nas shes rab kyi dbang bskur bas dbang bskur te/ 'od gsal ba shes par byas nas/ de las langs par gyur pa na/ bdag byin gyi brlab pa'i rim pa'i man ngag thob pa yin no/ /zhes brjod par bya'o/ /phreng ba zhes bya ba ni dang po dkyil 'khor du zhugs pa'i mgo la lha'i dkyil 'khor gyis byin gyis brlab par bya ba'i phyir bum pa las blangs te bzhag par bya'o/ /chu la sogs pa rjes su gnang ba la thug pa'i slob dpon gyi dbang ni lus rnam par dag par bya ba'i phyir yin no/ /gsang ba ni ngag rnam par dag par bya ba'i phyir yin no/ /de rnams dang bcas par thob na zhes bya ba ni shes rab kyi dbang bskur thob nas so/ /de'i rjes la shes rab ye shes kyi man ngag thob par bya ba'i phyir du bdag byin gyis brlabs pa'i rim pa'i man nag gi de khon nyid thob par bya ba'i phyir 'chad par 'gyur ba'i bstod pa'i tshig rnams kyi bla ma ste rdo rje slob dpon la bstod par bya'o/ /zhes bya ba ni spyi'i don dang sbas pa'o/ /da ni bstod pa/ khong stong khyod kyi sku la med/ /sha dang rus pa khrag med kyang/ /nam mkha' la ni 'ja' tshon ltar/ /khyod kyi sku ni ston par mdzad/ /ces gsung pa'i don ni 'di yin te/ /kye'i bcom ldan 'das rdo rje slob dpon khyod kyi sku la khong stong ste sgo la sogs pa'i rim gyis stong pa nyid med do/ /de bzhin du sha dang rus pa khrag ste khams kyi rtsa rnams nye bar mtshon par byed pa de dag kyang med de/ dngos po thams cad kyi gzugs brnyan gyi rnam pa can gyi me long lta bu'i ye shes kyi rang bzhin nyid yin pa'i phyir ro/ /gal te de ltar na gang la cung zad kyang med la de ji ltar sku nyid du snang bar 'gyur zhe na/ nam mkha' la ni 'ja' tshon te/ ji ltar dbang po'i gzhu kha dog lnga'i rang bzhin du 'phro ba dang gzhu lta bu'i dbyibs su med bzhin du yang snang ba de kho na bzhin du nyon mongs pa'i gti mug la sogs pa rnam par byang ba'i phyir du zhi ba la sogs pa'i las bya ba'i phyir khyod kyi sku ston par mdzad cing brten par mdzad ces bya ba'i tha tshig go / da ni rnam pa snang mdzad kyi sgo nas bstod pa yin te/ dgongs pa ma yin pa'o/ /sku la snyun med mi gtsang med/ /bkres dang skyon pa 'byung med kyang/ /khyod ni 'jig rten mthun pa'i phyir/ /'jig rten bya ba ston par mdzad/ /khyod kyi sku la nyon mongs pa 'dod chag sdang 'brel pa'i nyon mongs pa'i bsnyun med cing de bzhin du lus kyi chos reg bya'i bye brag bkres pa dang skom pa la sogs pa de rnams kyang yod pa ma yin te/ so sor rtog pa'i ye shes kyis 'dod chags la sogs pa thams cad rnam par spyod pa'i phyir ro/ /'on kyang 'jig rten mthun bya'i phyir te/ sems can rjes su gzung bar bya ba'i phyir khyod kyi dbang du bya ba la sogs pa'i 'jig rten gyi bya ba dag rnam par sbyang ba dang/ 'dod chags spang bya'i phyir ston par mdzad cing gsal bar mdzad do/ /zhes bya ba ni 'od dpag tu med pa'i sgo nas bstod pa yin te/ dgongs pa ma yin no/ / chu zla bzhin du bzung du med/ /chos rnams kun la gnas pa med/ /nga rgyal med cing rmongs mi mnga' / /dmigs med khyod la phyag 'tshal lo/ /chu zla gzugs brnyan du ltung ba'i zla ba ni chu zla ste/ de bzhin du gzung du med pa'o/ /chu zla ni snang ba bzhin du yang gzung bar nus pa ma yin pa de bzhin du nam mkha' i khams kyi rang bzhin nyid yin pa'i phyir khyod kyang gzung bar nus pa ma yin no/ /phung po la sogs pa'i chos rnam kun la so sor nges pa nyid du mi gnas shing thams cad la khyab pa nyid du gnas pa yin te/ mnyam pa nyid kyi ye shes kyi ngo bo nyid yin pa'i phyir ro/ /nyon mongs pa nga rgyal rnam par dag pas nga rgyal med pa'o/ /nor gyis rgyags pa'i sgo nas khengs pa rnams kyis mi shes pa ni rmongs pa ste/ de spong ba'i phyir rmongs pa mi mnga' ba'o/ /dngos po la mngon par zhen pa ni dmigs pa ste/ de med pa nyid yin pa'i phyir dmigs med khyod la phyag 'tshal lo/ /zhe bya ba ni rin chen 'byung ldan gyi sgo nas bstod pa yin te dgongs pa ma yin pa'o/ /gshegs dang bzhugs dang de bzhin gzigs/ /spyod lam dag ni kun la'ang/ /khyod ni rtag tu mnyam par bzhag /dmigs med khyod la phyag 'tshal lo/ /gshegs pa la sogs pa'i spyod lam bzhi po de rnams su bya ba nan tan sgrub pas sems can thams cad kyi don bya ba'i phyir mnyam par bzhag pa zhes bya ba ni gcig tu rnam par mi rtog pa'i rang bzhin yin pa'o/ /dmigs med ces bya ba ni sems can rnams kyi bya ba la spro ba dang bsdu ba'i rnam par rtog pa med pa khyod la phyag 'tshal lo/ / zhes bya ba ni don yod par grub pa'i sgo nas bstod pa yin te dgongs pa ma yin pa'o/ /sgyu ma lta bu'i ting 'dzin gyis/ /cho 'phrul chen po rnam 'phrul zhing/ /tha dad med la snyoms 'jug pa/ /dmigs med khyod la phyag 'tshal lo/ /rdzu 'phrul chen po ste lus kyi 'phar ba dang snang ba la sogs pa rnams dang gsung dbyang yan lag drug cu dang ldan pa'i bstan pa rnams dang thug kyi sgyu ma lta bu'i ting nge 'dzin te/ chos kyi dbyings kyi ye shes rdo rje lta bus rnam par 'phrul pa ni 'dod chags la sogs pa'i nyon mongs pa dang nye ba'i nyon mongs pa spangs ba'i phyir 'bad pa byed pa'o/ /de nyid kyi phyir chos kyi dbyings shin tu rnam par dag pa'i ye shes chos thams cad kyi chos nyid kyi rang bzhin yin pa'i phyir tha dad min te/ dbye ba med pa nyid du snyoms par zhugs pa dang ldan pa'o/ /de nyid kyi phyir chu'i khams la dmigs pa'i rnam par rtog pa dag par byed pa nyid yin pas dmigs med do/ /khyed la phyag 'tshal lo zhes bya ba ni mi bskyod ba'i sgo nas bstod pa dgongs pa ma yin ba'o/ /bstod pa byas nas gsol ba gdab pa'o/ /de ltar rdo rje slob dpon la bden par gyur pa'i yon tan gyi tshogs kyi sgo nas yang dag par bstod nas/ mnyam pa'i phyir tshags su bcas pa 'dis gsol ba gdab par bya'o/ /zhes bya ba gsungs te/ de ltar sngar tshigs su bcad pa lngas bden par gyur pa'i yon tan gyi tshogs kyi sgo ste/ de bzhin gshegs pa lnga dang 'brel ba'i 'khrul pa med pa'i yon tan gyi tshogs bsgrags pa'i sgo nas bstod pa byas nas mnyam pa'i phyir zhes bya ba bdag byin gyis brlab pa'i rim pa'i man ngag mnyan par bya ba'i phyir 'chad par 'gyur pa'i tshigs su bcad pa gcig pa 'dis gsol ba gdab par bya'o/ /de nyid ni thams cad mkhyen pa'i ye shes tshogs/ srid pa'i 'khor lo rnam spyod pa/ /de ring bshad pa'i rin chen gyis/ /gtso bos bdag la bka' drin stsol/ /zhes bya bas gsungs te/ thams cad mkhyen pa'i ye shes lnga sdud par byed pa'i rdo rje 'chang chen po'i ye shes so/ /de'i phyir tshogs ni rang gi rig par bya ba'i ye shes chen po'i rang bzhin no/ /de nyid kyi phyir rten cing 'brel par 'byung ba'i yan lag bcu gnyis kyi rang bzhin gyi srid pa'i 'khor lo nyon mongs pa dang las dang sdug bsngal rnams kyi nyin re zhing/ zo chun gyi 'khrul 'khor bzhin du 'khor ba rnam par mi rtog pa'i ye shes kyi rnam par spyod pa ni rang gi ngo bo yongs su shes par byed pa'o/ /'khor ba'i 'khor lo dag par byed pa ni rang gi ngo bo yongs su shes pa kho na yin gyi gzhan ni ma yin te/ yod pas rnam par mi grol te/ /med pas srid pa 'di las min/ /dngos dang dngos med yongs shes pas/ /bdag nyid chen po rnam par grol/ /gang zhig rten nas dngos po rnams/ /chu yi zla ba lta bur ni/ /yang dag ma yin log min par/ /'dod pa de dag ltas mi phrogs/ /zhes bya ba la sogs pa gsungs so/ /de lta bu'i bcom ldan 'das rdo rje slob dpon gyis de ring bshad pa'i rin chen te/ bdag byin gyis brlab pa'i rim pa'i man ngag ston par byed pa bsam pa thams cad yongs su rdzogs par byed pa nyid yin pa'i phyir/ rin chen gyi bdag la bka' drin te rjes su gzung bar mdzad du gsol ces bya ba ni dgongs pa ma yin pa'i 'o/ /skyabs gzhan med pa nyid bsten pa'i phyir/ khyod zhabs pad+ma spangs nas ni/ /gtso bo gzhan na skyabs ma mchis/ /de bas thub chen sangs rgyas gtso/ /'gro ba'i dpa' bo sku drin stsol zhes bya ba gsungs te/ khyod zhabs pad+ma ste zhabs pad+ma gnyis spangs nas skyabs gzhan ma mchis te/ khyod kho na skyabs yin no/ /zhes bya ba'i don to/ /de'i phyir sku drin stsol cig pa ste brtse bar mdzod cig pa'o/ /thub chen ni sku rdo rje'i rang bzhin no/ /sangs rgyas gtso ni mi bskyod pa'i rang bzhin no/ /'gro ba la chos bstan pa'i sgo nas 'dul bar mdzad pa'i phyir 'gro ba'i dpa' bo ni 'od dpag tu med pa'i rang bzhin te/ de ni de bzhin gshegs pa gsum gyi rang bzhin yin no/ /zhes bod ba ste dgongs pa ma yin pa'o/ /da ni bla ma'i zhal snga nas kyi man ngag /de ltar 'jigs med gsol 'debs pa'i/ /tshig de thos par gyur nas ni/ /snying rje slob ma la bskyed de/ de nas bdag la byin gyis brlabs/ /ces bya ba gsungs te/ gsol ba 'debs pa la shin tu mkhas pa'i 'jigs pa med par gsol ba 'debs pa'i tshig de thos shing gnas nas slob ma la snying brtse bskyed la/ bdag byin gyis brlab pa'i rim pa bshad cing bstan par bya ste/ sgra ji bzhin pa'o/ /de nyid ni/ bdag brlab pa'i rim zhes pa/ /kun rdzob bden pa mthong ba ste/ /de ni bla ma'i drin bdag gis/ /'thob par 'gyur gyi gzhan du min/ /zhes bya ba gsungs pa'i don ni 'di yin te/ kye rigs kyi bu sems rnam par dag pa'i rim gyis thob pa'i don gsal ba gang yin pa de la ni lha'i sku yod pa ma yin te/ sems can ni gcig dang du mas cha shas shin tu phra bar dpyad na med pa dang/ don dam pa 'ba' zhig gi ngo bo nyid yin pa'i phyir ro/ /ngag rnam par dben pa'i rdo rje bzlas pa la yang lha'i sku nye bar mi dmigs te/ 'jug pa la sogs pa'i rang bzhin gyis rlung la gzugs med pa nyid kyi phyir ro/ /lus rnam par dben pas lus la gcig dang du ma med pa'i phyir lha'i sku bsgom pa med do/ /'dir ni skad cig gis sam shes rab dang thabs dang nye bar thob pa'i rim gyis 'od gsal ba las langs te/ sgyu ma'i dpe bcu gnyis kyi rim pas bskyed pa yod kyi rang bzhin can nyid ye shes kyi skur mthong nas phyi rol na gnas pa'i dngos po rnams la yang de kho na bzhin du blta bar bya'o/ /zhes bya ba 'di ni bdag byin gyis brlab pa'i rim pa'o/ /kun rdzob ste sku bsgom pa'i bdag nyid dang gzugs la sogs pa rnams dang/ sems can dang snod kyi 'jig rten dang zhi ba la sogs pa rnams dang sngags dang phyag rgya la sogs pa'i bya ba'i tshogs thams cad kyi bden pa mthong ba ste sgyu ma lta bu smig rgyu dang/ gzugs brnyan dang chu zla dang dri za'i grong khyer dang/ sgra brnyan dang/ 'ja' tshon la sogs pa sgyu ma'i dpe rnams dang mtshungs par mthong zhing ji lta bu bzhin du mthong ba de ni bdag byin gyis brlabs pa'i rim pa yin no/ /zhes brjod par bya'o/ /de yang bla ma'i zhal snga nas kyi sku drin kho nas thob par 'gyur gyi gzhan du ni ma yin no/ /zhes bya ba ni gsang ba nyid yin par bstan par yin te sbas pa'o/ /de nyid blang bar bya ba nyid yin par/ bdag byin brlab rim bsgrub pa'o/ /gang gi rnyed par ma gyur pa/ /mdo sde rgyud dang rtog pa la/ /de yi ral ba don med 'gyur/ /zhes bya bas gsungs te/ rnal 'byor pa gang gis bdag byin gyis brlab pa'i rim pa'i man ngag bla ma'i zhal nas ma thob pa de'i mdo sde ste/ theg pa chen po'i mdo sde rnams dang/ bya ba la sogs pa'i rang bzhin gyi rgyud la sogs pa gang yin pa de rnams la thos pa dang bsam pa dang bsgom pa'i rim pas ngal ba sde 'bad pa don med pa kho na yin te/ de rnams kyi blang bar bya ba'i de kho na nyid ma thob pa'i phyir ro/ /zhes bya ba'i tha tshig go /de bas na de kho na nyid thams cad blang bar bya ba yin no/ /'bras bu ni/ bdag byin brlab rim thob nas ni/ / sangs rgyas kun gyi rang bzhin gtso/ /tshe 'di nyid la sangs rgyas nyid/ /'thob par 'gyur ba the tshom med/ /ces bya ba gsungs te/ sngar bshad pa'i bdag byin gyis brlab pa'i rim pa thob nas/ sangs rgyas kun gyi rang bzhin te de bzhin gshegs pa thams cad kyi rang bzhin gyi gtso bo rdo rje 'chang du gyur te/ sgyu ma lta bu nyid kyis de bzhin gshegs pa thams cad kyi rang bzhin gyi sku thob pa'i phyir ro/ /de ltar yang tshe 'di nyid du sangs rgyas nyid de/ rdo rje 'chang nyid thob par 'gyur zhing rnyed par 'gyur bar the tshom med ces bya ba ni 'dir the tshom yod pa ma yin no/ /'dir bsam pa ni 'di yin te/ bskyed pa'i rim pas gang gi tshe rnal 'byor pa lha'i rnam par sgom par byed pa de'i tshe/ sgyu ma lta bu'i ting nge 'dzin med pas ma dag pa'i sangs rgyas nyid yin te/ de nyid kyi phyir de ni brtags pa'i rnal 'byor dang sngags kyi sku zhes bya'o/ /'dir ni sgyu ma lta bu nyid gtso bo yin pas brtags pa nyid ma yin pa'i phyir lha'i rnam pa'i bsgom pa ni nges pa'i kho nar sangs rgyas nyid yin te/ de'i phyir ye shes kyi sku zhes brjod par bya'o/ /zhes bya ba ni sgra ji bzhin pa'o/ /da ni rgyu dang 'bras bu'i bye brag /bdag byin gyis brlab pa'i ting nge 'dzin dang/ de bzhin 'od gsal ba yi gnas/ /bden pa gnyis kyi bstan pa ni/ /rgyu dang 'bras bu'i dbye ba'o/ /zhes bya bas gsungs pa'i dgongs pa ni 'di yin te/ bdag byin gyis brlabs pa'i ting nge 'dzin te rim pa gsum pas sgyu ma'i sku 'dzin pa dang 'od gsal ba'i gnas te/ rim pa gnyis pas rang bzhin dang snang ba dag par bya ba'i phyir 'od gsal ba'i de kho na nyid rtogs pa'i mtshan nyid ni de'i bden pa gnyis te/ kun rdzob dang don dam pa gnyis kyi bdag nyid rgyu dang 'bras bu'i bye brag du shes par bya'o/ /'od gsal ba ni rgyu yin te/ de las sku 'byung ba'i phyir ro/ /bdag byin gyis brlab pa ni 'bras bu yin te/ de ni de las 'byung ba'i phyir ro/ /rgyu dang 'bras bu'i bye brag gzhan yang/ bdag byin brlab pa'i rim gyis ni/ /'od gsal ba ni thob par 'gyur/ /de bas rdo rje slob dpon gyis/ /dang por bdag byin brlab pa bstan ces bya bas gsungs te/ de nas bdag byin gyis brlab pa'i rim pa'i sgyu ma lta bu'i ting nge 'dzin la brten nas kun rdzob dag par bya ba'i phyir rim pa bzhi pas 'dod chags la sogs pa dag par byas pas mngon par byang chub pa'i mtshan nyid kyis 'od gsal ba 'thob par 'gyur ro/ /de'i phyir bdag byin gyis brlab pa'i rim pa ni rgyu yin la/ 'od gsal ba ni 'bras bu yin no/ /zhes bya ba ni dbye ba'o/ /de bas na rdo rje slob dpon gyis dang por gang gis 'od gsal ba khong du chud par 'gyur ba'i bdag byin gyis brlab pa'i rim pa bstan par bya'o zhes bya ba'i don to/ /de lta na rim pa gnyis pa dang bzhi pa'i rigs gcig pa yin te/ thabs kyi bye brag dang sa'i bye brag las de dag tha dad pa yin no/ /de'i phyir 'od gsal ba ni rgyu yang yin 'bras bu yang yin par gyur cing bdag byin gyis brlab pa yang rgyu yang yin 'bras bu yang yin par ro/ /'on kyang rim pa bzhi pa la bstod nas ni rim pa gsum pa rgyu yin zhing/ rim pa gnyis pa la bltos nas ni gsum pa 'bras bu yin no/ /rim pa gsum pa la bltos nas ni gnyis rgyu yin zhing/ rim pa gsum pa la bltos nas ni bzhi pa 'bras bu yin no/ /zhes bya ba ni sbas pa'o/ /da ni bdag byin gyis brlab pa'i rim pa'i rang gi ngo bo rgyu dang bcas pa 'gro kun rang dbang med pa ste/ rang dbang du ni 'byung ma yin/ /de'i rgyu ni 'od gsal ba/ /'od gsal thams cad stong pa'o/ /zhes bya bas gsungs te/ 'gro ba 'di ni las dang nyon mongs pa'i bag chags kyis bcings pa nyid yin pa'i phyir/ rang dbang med pa ste gzhan gyi dbang yin zhing/ bskyed pa'i rim pa'i rnal 'byor pa'i lha'i sku gang yin pa de yang rang dbang med pa de yang/ zla ba rdo rje la sogs pa'i rim gyis bskyed pa yin pa'i phyir ro/ /de bas na rang dbang ste rang gis mthus 'byung ba ma yin zhing/ skyo ba ma yin pa kho na'o/ /de'i phyir yid kyi rang bzhin gyis lha'i skur rang dbang can de'i 'grub pa'i rgyu ni 'od gsal ba kho na yin te gzhan ni ma yin no/ /bskyed pa'i rim pa'i rnal 'byor pa'i sku yang stong pa nyid du mthong ba las 'byung ba kho na ma yin nam/ de'i phyir mtshungs par thal bar 'gyur ro zhe na/ mtshungs par mi 'gyur te/ de ni stong pa nyid tsam yin gyi 'od gsal ba ni ma yin no/ /'di ltar 'di ni sngags kyi bstan par bya ba yin pa de ltar na de ni gsal ba ma yin te/ gzhan du sngags brjod pa la 'brel ba ci zhig yod 'dir ni sngags la sogs pa dgos pa med do/ /thams cad stong pa 'od gsal ba ni rgyu'i dngos por blang bar bya'o/ /de'i phyir 'od gsal ba'i rgyu las yid kyi rang bzhin gyis lha'i sku rang dbang can 'byung bar 'gyur ro zhes bya ba ni spas pa'o/ /'od gsal ba ni gcig nyid yin te/ rang dbang can dang rang dbang can ma yin pas byas pa'i tha dad pa yod na 'o na ni de kho na nyid ma yin par/ 'gyur ro zhes bya ba ni nyes pa de bsal ba'i phyir/ sems gang gis ni byis pa rnams/ /'khor bar 'ching bar 'gyur pa yis/ /sems de nyid kyis rnal 'byor ba/ /bde gshegs gnas su 'gro bar 'gyur zhes bya ba gsungs te/ las dang nyon mongs pa'i bag chags kyis nyams par byas pa'i gang gis byas pa rnams 'khor bar 'ching bar 'gyur te/ bcings pa'i sems de nyid kyis rang bzhin dang snang ba'i dbye ba yongs su shes pa'i sgo nas rnal 'byor pa rnams bde gshegs sangs rgyas rnams kyi gnas de'i go 'phang thob par 'gyur ro/ /de'i phyir 'od gsal ba gcig kho na yin la/ bcings pa dang thar pa dag ni de yongs su ma shes pas byas pa yin te/ de kho na rang dbang can dang rang dbang can ma yin pa'i phyir de kho na nyid kyis khyab par byed pa nyid ni nyams par byed pa med do/ /don dam par bcings ba dang thar pa dag pa dang skye ba dang 'jig pa med do/ /zhes thugs la bsngogs nas 'ga' yang skye ba med/ /'ga' yang 'chi ba yang ma yin/ /sems kyi rang bzhin rnams gnas pa/ /'khor ba nyid de shes par bya/ /zhes bya ba gsungs te/ don dam par dpyad na 'gro ba la skye ba 'am 'chi ba cung zad kyang yod pa ma yin te khams gsum pa ni gzod ma nas ma skyes pa'i de nyid yin pa'i phyir ro/ /skye ba dang 'jig pa 'di dag ni brtags pa yin gyis yongs su grub pa ni ma yin te/ de'i rang bzhin med pa'i phyir/ /'khrul par ni yod de de skad du yang/ ma rig rkyen las byung ba la/ /yang dag ye shes kyis bltas na/ /skye ba dang ni 'gag pa dag /'ga' yang dmigs par mi 'gyur ro/ /zhes bya ba la sogs pa gsungs so/ /gal te de ltar yin na 'khor ba yod par 'gyur zhes zer na/ sems dag gi rang bzhin ni sems kyi rang bzhin te/ gzung ba dang 'dzin pa'i rnam par snang ba de'i rnam pa 'khor ba yin te 'dir don dam par ni 'khor ba zhes bya ba 'ga' yang med do/ /zhes bya ba ni dgongs pa ma yin pa'o/ /da ni las kyi lus skye ba/ /rlung gi sbyor ba med par ni/ /sems kyi rang bzhin gzung du med/ /rang bzhin rgyur gyur sems las ni/ /las dang skye ba kun tu 'byung/ /zhes bya bas gsungs te/ re zhig dang por khu ba dang khrag 'dres pa'i nang du dri za'i sems zhugs pa na de'i nang du srog ces bya ba'i rlung dang 'dres pas sems kyi rang bzhin gyi rang bzhin shes pa brgyad kyi ngo bor gyur te/ de'i rjes la mngal nas byung nas/ /sems las rang bzhin sems las rang 'byung ba rnams 'byung bar 'gyur ro/ /de'i 'og tu yul 'dra ba gzung nas dge ba dang mi dge ba'i las bya ste/ de'i rjes la shi 'phos na skye ba gzhan du nyid mtshams sbyor ba 'brel par 'byung bar 'gyur te/ de lta bu'i 'khor ba pa'i las kyi lus kun tu 'byung bar 'gyur ro/ /zhes bya ba ni sgra ji bzhin pa'o/ /ye shes kyi lus ni rlung dang ldan pa'i rnam par shes/ /gsum pa de nyid slar yang ni/ /rnal 'byor pa yi lus su 'byung/ sgyu ma'i lus zhes de la bya/ /zhes bya ba gsungs te/ rlung dang ldan pa'i rnam par shes pa gsum pa de nyid 'od gsal bar zhugs te/ slar yang snang ba nye bar thob pa la sogs pa'i rim pas yid kyis rang bzhin gyi ngo bo lha'i skur gyur nas rnal 'byor pa rnams kyi lus te/ ye shes kyi lus su 'byung bar 'gyur ro/ /de nyid kho na sgyu ma'i lus dang sgyu ma'i rang bzhin gyi phung po dang rnam grangs gzhan yang yid kyi rang bzhin gyi ye shes kyi sku yin no/ /zhes bya ba'i don te sbas pa'o/ /ting nge 'dzin 'di yis thams cad kyang de dang 'dra ba kho nar blta bar bya ste/ de'i phyi'i sgyu ma lta bu'i ting nge 'dzin gnas/ /thams cad de dang 'dra bar blta/ /zhes bya ba gsungs te/ sgyu ma lta bu'i ting nge 'dzin la gnas pa'i rnal 'byor pas phung po dang skye mched la sogs pa thams cad de dang 'dra bar sgyu ma'i rang bzhin kho nar blta bar bya'o/ /de nyid gzugs dang tshor ba nyid dang ni/ /'du shes dang ni 'du byed nyid/ /lnga pa rnams par shes pa dang/ /de bzhin khams ni bzhi po dang/ /dbang po rnams dang yul rnams dang/ /ye shes lnga po nyid dang ni/ /phyi dang nang gi bye brag ste/ /thams cad sgyu ma gzhan du min/ /zhes bya bas gsungs te/ gzugs la sogs pa'i phung po/ lnga rnam par snang mdzad la sogs pa de bzhin gshegs pa rnams dang/ de bzhin du khams bzhi'i rang bzhin gyi lha mo bzhi dang yul dang dbang po'i rang bzhin gyi gzugs rdo rje ma la sogs pa dang/ byang chub sems dpa' ste/ de dag thams cad dang de bzhin du phyi nang gi bye brag khrag dang khu ba la sogs pa dang chos la sogs pa'i khams rdo rje 'chang la sogs pa'i rang bzhin gang yin pa de dag thams cad sgyu ma ste snang tsam gyis rang bzhin gang yin pa kho na'o/ /zhes bsgom par bya ste sbas pa'o/ /de bzhin du tha mal pa'i phung po lnga rnam par dag par gnas pa ye shes lnga po de yang sgyu ma lta bur shes par bya'o/ /zhes bya ba ni drang ba'i don to /ye shes lnga po zhes bya ba ye shes lnga rnam par dag pa'i rang bzhin gyi rdo rje 'chang chen po'i sku yang de kho na bzhin blta bar bya'o/ /zhes bya ba ni nges pa'i don to/ /sgyu ma lta bu'i lus sgyu ma'i dpe rnams dang mtshungs par shes par bya ba nyid/ me long gi ni gzugs brnyan bzhin/ /sgyu ma'i lus ni shes par bya/ / kha dog rnams ni 'ja' lta bu/ /khyab nyid chu yi zla ba bzhin/ /zhes bya bas gsungs te/ rnal 'byor pa sgyu ma'i lus ngag yin pa de'i kha dog ni 'ja' lta bu ste sgyu ma lta bu'i rang bzhin du shes par bya'o/ /rang gi ngo bo ni me long gi gzugs brnyan bzhin du yod pa dang med pa spangs pas shes par bya'o/ /khyab pa nyid ni chu'i zla ba ste/ de yang chu'i bum pa gcig tu mthong ba de bzhin du chu'i bum pa stong du yang mthong bar 'gyur ro/ /de bzhin du ji ltar bdag nyid sgyu ma lta bu'i rnam pa mthong ba ltar khams gsum pa thams cad kyang de kho na bzhin du sgyu ma'i rang bzhin du gcig par blta bar bya ste spas pa'o/ /sgyu ma lta bu'i lus kyi mjug bsdu ba ni/ me long dri ma med pa la/ /dngos dang dngos med spang ba yis/ /gzugs brnyan gsal bar snang ba bzhin/ /rdo rje sems dpa' rab spros pa/ /rnam pa kun gyi mchog ldan zhing/ /sku ni blta bas mi ngoms pa/ /slob ma bzang la de bstan pa/ /de ni bdag byin brlab ces bya / zhes bya bas gsungs te/ ji ltar me long dri ma med par 'byung ba'i dngos dang dngos de yod pa dang med pa rnam par spangs pa'i gzugs brnyan snang ba de bzhin du/ rdo rje sems dpa' i sku mtshan dang dpe byad kyi rab tu spras pa ste/ de bzhin du stobs bcu dang mi 'jigs pa la sogs pa rnam pa thams cad kyi mchog rnams dang ldan zhing sku lta bas mi ngoms pa ste/ gang zhig mthong nas chog shes par mi 'gyur ba de lta bu'i ye shes kyi sku rdo rje slob dpon gyi slob ma la bstan pa gang yin pa de ni bdag byin gyis brlab pa'o/ /zhes brjod par bya'o/ /zhes bya ba ni sbas pa'o/ /sku thob pa las sgyu ma lta bu'i ting nge 'dzin gzhan ma yin no/ /zhes bstan par bya ba'i phyir/ bstan pa'i mtshan ldan sgyu ma ni/ /'di nyid yin par shes bya ste kun rdzob bden pa sgyu ma nyid/ /longs spyod rdzogs pa'i sku yang ste/ /zhes bya ba gsungs te/ sgyu ma ni snang ba nye bar thob pa la sogs pa'i rim gyis spros pa'i ye shes kyi sku zhes bya ba gang yin pa 'di nyid yin gyi sgyu ma zhes bya ba de las tha dad pa ma yin te/ shing nyid dang shing sha ba bzhin du ye shes kyi sku dang sgyu ma dag la tha dad pa med do/ /gzhan du na sku dang sgyu ma dag tha dad pa yin na sgyu ma lta bu'i ting nge 'dzin ma yin par 'gyur te/ tha dad pa'i rnam par rtog pa dang ldan pa nyid yin pa'i phyir ro/ /sgyu ma ji lta bu zhe na/ bstan pa'i mtshan nyid de bshad zin pa'i mtshan nyid dang ldan pa'o/ /kun rdzob ste phung po dang khams dang skye mched kyi bdag nyid dam/ lha'i sku'i bden pa ste don dam pa ni sgyu ma nyid yin no/ /de kho na bcom ldan 'das kyi longs spyod rdzogs pa'i sku yin par shes pa bya zhing yang zhes bya ba'i sgras sprul pa'i sku yang sgyu ma nyid yin no/ /zhes bya ba ni sbas pa'o/ /da ni sgyu ma'i lus rdo rje 'chang gi rang bzhin nyid yin pa'i phyir mchod par bya ba nyid yin par/ de nyid dri za'i sems can yin/ /rdo rje sku yang de nyid de/ /bdag nyid rdo rje sems dpa' yin/ /de bas bdag nyid mchod la mjug /ces bya ba gsungs te dri za'i sems can zhes bya ba ni lus kyi za ma tog por te dbang po kun dang ldan pas lus gzhan len par byed pa'o/ /'dir ni sgyu ma lta bu'i lus la phung po'i rnam par rtog pa mi dmigs pa'i phyir dri za'i sems can kho na yin te/ dri za'i sems can dang sgyu ma'i lus la khyad par 'ga' yang med do/ /rdo rje'i sku ste mi phyed pa'i sku yang de nyid yin no/ /zhes bya ba 'dis ni chos kyi sku nyid du bstan pa yin te/ ji skad du/ sra zhing bstan la khong stong med/ /bcad cing gzhig par mi nus te/ bsreg cing bzhom par mi nus pa'i/ /stong nyid rdo rje zhes bshad do/ /zhes gsungs te/ rdo rje'i rab bzhin sku ni rdo rje zhes bya ste/ chos kyi sku yin no zhes bya ba'i don to/ /rdo rje sems dpa' bdag nyid ting nge 'dzin 'di yin te/ /ye shes kyi sku de ni thams cad stong pa nyid kyi de kho na nyid las byung ba yin no/ /'dir yan lag gi don ni 'di yin te/ rdo rje ni stong pa nyid yin zhing/ sems dpa' i ni snying rje yin la/ de'i bdag nyid ni rdo rje sems dpa' nyid yin no zhes bya ba'i don ni de'i phyir ting nge 'dzin de lta bus gang zag cung zad za ba 'am/ reg pa 'am gzhan rnams la mchod pa byed pa de thams cad rang bdag nyid la mchod par bya ste ting nge 'dzin 'dis rang dang gzhan la tha dad pa med pa'i phyir gzhan la mchod pa gang yin pa de kho na bdag la mchod pa 'am/ bdag la mchod pa gang yin pa/ /de gzhan la mchod pa byas pa yin no/ /snyam du dgongs te dgongs pa ma yin pa'o/ /da ni lung gi tshad mas bdag nyid sangs rgyas yin no/ /zhes bstan par bya ba'i phyir/ bdag nyid sangs rgyas thams cad dang/ /byang chub sems dpa' thams cad nyid/ /de bas 'bad pa thams cad kyis/ /bdag nyid rtag tu mchod par bya zhes bya ba gsungs te/ sangs rgyas thams cad ni phung po lnga'o/ /byang chub sems dpa' thams cad ni dbang po'i rang bzhin gyi byang chub sems dpa' rnams so/ /de'i rang bzhin nyid yin pa'i bdag nyid kho na la 'bad pa thams cad kyi mchod par bya ste drang ba'i don to/ /sangs rgyas dang byang chub sems dpa' thams cad kyi rang bzhin gyi 'dra gsal ba las byung ba yin pa'i phyir bdag nyid la mchod par bya ba ni nges pa'i don to/ /de ni rang gi don to/ /gzhan gyi don bya ba'i phyir bya ba ji snyed yod pa de dag de kho na bzhin du bya'o/ /zhes bstan par bya ba'i phyir/ sngags dang phyag rgya'i sbyor ba dang/ dkyil 'khor la sogs rnam rtog dang/ /sbyin sreg gtor ma'i bya ba kun/ /rtag tu sgyu ma bzhin du bya/ /zhes bya ba gsungs te/ bzlas pa'i dus su snying po dang nye ba'i snying po la sogs pa'i sngags rnams dang bcing ba'i dus su zhi ba dang drag po bar ma'i phyag rgya rnams kyi sbyor ba ste las kyi bye brag gis nges par sbyor ba gang yin pa dang de bzhin du dkyil 'khor te sku la sogs pa'i dkyil 'khor dang/ sogs pa'i sgras dbang bskur ba dang/ slob ma lhag par gnas pa dang/ sa yongs su bzung ba dang/ khrus bya ba dang/ lhag par gnas pa'i cho ga dang/ spyan drang ba dang bzhugs su gsol ba dang/ gshegs su gsol ba la sogs pa de rnams kyis rnam par rtog pa ste ji lta ba bzhin du bsgrub pa dang/ de bzhin du dam tshig gi me lha'i sgo nas ye shes kyi me lha tshim par byed pa'i mtshan nyid kyi sbyin sreg gi bya ba dang/ 'byung bo thams cad tshim par byed pa'i gtor ma'i bya ba dang/ bdag dang gzhan la phan pa grub par byed pa'i bya ba gzhan gang ci yang rung ba de thams cad sgyu ma ste bdag byin gyi brlab pa'i rim pa bzhin du bya zhing/ bsgrub bar bya'o/ /zhes bya ba ni sgra ji bzhin pa'o/ /de dag nyid las kyi bye brag gi sgo nas/ zhi ba dang ni rgyas pa dang/ /de bzhin dbang dang mngon spyod dang/ dgug sogs gang yin thams cad ni/ /dbang po'i gzhu dang mtshungs par bya/ /zhes bya ba gsungs te/ nad pa rnams zhi bar bya ba dang dbul po rnams rgyas par bya ba dang/ rgyal po la sogs pa rnams dbang du bya ba dang/ dkon mchog gsum la gnod pa byed pa rnams la mngon spyod dang/ lha dang lha ma yin gyi bu mo la sogs pa rnams dgug pa dang/ sogs pa smongs pas sman bzang po dang dngul chu dang bcud kyi len dang/ gser 'gyur rtsi dang/ dbang du bya ba dang/ nam mkha' lding dang/ sa gter dang ro langs dang ral gri dang ril bu dang mig sman dang/ rkang mgyogs dang/ khung gi sgo dbye ba dang/ khung du 'jug pa dang/ sngags dbab pa dang dbab pa dang snod du rung ba dbab pa dang/ pra brtag pa dang/ chu rengs par bya ba dang/ dmag rengs par bya ba dang/ phra men ma dbang du bya ba dang/ mi snang ba la sogs pa dang/ 'jig rten dang 'jig rten las 'das pa'i dngos grub rnam pa tha dad pa la sogs pa gang ji snyed de rnams dbang po'i gzhu dang mtshungs zhing snang tsam gyis sgyu ma'i ting nge 'dzin gyis bya ste/ drang ba'i don to/ /de bzhin du dkyil 'khor bzhi'i rim pas 'od zer gyi 'khor lo kha dog dmar po la sogs pa spros pa'i sbyor ba nang gi dus la brten nas gang gi tshe zhi ba la sogs pa rnams byed pa de'i tshe/ dbang po'i gzhu gzhin du yod pa dang med pa dang bral ba'i 'od zer gyi 'khor lo brtag par bya'o/ /zhes bya ba ni nges pa'i don te bya ba gzhan sgeg sogs nye bar longs spyod dang/ glu dang rol mo sogs brten dang/ /sgyu rtsal rnams la 'jug pa ni/ /chu yi zla ba bzhin du bya zhes bya ba gsungs te/ sgeg pa la sogs pa ni gar gyi ro dgu ste/ sgeg dang dpa' dang 'jigs rung dang/ /rgod dang grag pos 'jigs byed dang/ /snying rje ngo 'tshar zhi ba ni/ /gar gyi ro dgu yin par bshad/ /ces bstan to/ /de la sgeg pa'i ro'i spyod pa ni/ /dam tshig gi phyag rgya dgu po rnams dang lhan du dbus kyi gtso bor gyur pa 'khyud pa dang 'o byed pa dang/ 'jig pa dang sen mo 'debs pa dang/ so 'debs pa'i mtshan nyid dang/ de rnams dang lhan cig 'dod pa lnga nye bar longs spyod pa'i mtshan nyid dang/ phyag rgya dang phyag rgya'i lan gyi rim gyi lus dang ngag gi brda bstan pa'i sgo nas bde ba chen po nye bar longs spyod pa'i rang bzhin no/ /dpa' bo'i spyod pa ni mtshan mo'i ro langs bsgrubs pa dang/ 'byung po dbang du bya ba'i mtshan nyid do/ /'jigs su rung ba'i spyod pa ni rgo ku ra ha na za ba'i mtshan nyid de rtsog pa'i sems dang 'jigs pa skyed pa ni 'jigs su rung ba yin no/ /zhes zer ro/ /rgod pa'i spyod pa ni ro langs sgrub pa'i dus su gang rgyangs sam/ sgeg pa'i ro'i bye brag go /drag po'i spyod pa ni rdo rje hUM mdzad la sogs pa'i khro bo'i dkyil 'khor bsgom pa'o/ /'jigs par byed pa'i spyod pa spyod pa ni de'i gzugs nyid kyis bgegs skrod pa'o/ /snying rje'i spyod pa ni sems can rnams la phan 'dogs pa'i mtshan nyid de sangs rgyas rnams ni de'i rang bzhin can nyid yin pa'i phyir ro/ /ngo mtshar gyi spyod pa ni zhi ba la sogs pa byed pa'i sgo nas 'gro ba rnams 'dul bar byed pa'i mtshan nyid dam/ dkyil 'khor gyi 'khor lo gzhan dang gzhan spro bas nam mkha' i khams yongs su 'gengs pa'i mtshan nyid do/ /zhi ba'i sbyong ba ni lhan cig skyes pa'i dga' ba'i mtshan nyid de ni sgeg pa la sogs pa la nye bar longs spyod pa'o/ /de bzhin du glu zhes bya ba ni dkyil 'khor gyi mchod pa'i skabs su glu dbyangs bdun gyis glu len pa'o/ /de rnams kyang drug las skyes pa dang/ drang srong ba dang/ sa 'dzin pa dang/ bar ma pa dang/ blo gsal ba dang/ lnga pa dang/ 'khor nyan rnams te/ rgyur gyur pa de rnams la chags pa'i glu drug cu rtsa bzhi 'am/ sum cu rtsa gnyis 'byung ngo/ /glu dbyangs bdun dang chags glu gsum/ /rim gyis bskyed pa nyi shu gcig /rgyas pa nyid du rtsa dgu ste/ /de rnams glu dbyangs dkyil 'khor ro/ /zhes gang bshad pa'o/ /de lta bu ni glu'i bya ba ste/ glu nyung zad kyang bzlas pa stong dang mnyam mo zhes bya ba la sogs pa gang bshad pa'o/ /rol mo ni de bzhin gshegs pa lnga'i rigs kyi gtso bor byas pa'i sgo nas rim gyi brdung ba la sogs pa ste de rnams kyang dpal sangs rgyas thams cad mnyam par sbyor ba'i rgyud las gsungs pa de nyid las nges par gzung bar bya'o/ /sgyu rtsal zhes bya ba ni gar dang ri mo dang/ 'dod pa'i bstan bcos dang/ gso ba la sogs pa rnams dang/ gar zhes bya ba ni rkang pa mnyam pa dang/ rkang pa mi mnyam pa dang/ g.yas brkyang ba dang/ g.yon rkyang ba dang/ lag pa dang rkang pa dang/ rked pa dang/ mgrin pa bskyod pa la sogs pas dbang phyug dam pa rjes su dran pa'i sgo nas gar byed do/ /ri mo zhes bya ba ni bcom ldan 'das la dmigs nas de'i phyag rgya 'dri ba'o/ 'dod pa'i rgyu rtsal ni pad+ma dang/ kha sbyar dang/ rab sngags la sogs pa'i bya ba'i khyad par rnams kyi bud med kyi yan lag mchog la reg pa'o/ /gsol ba'i rtsal zhes bya ni rlung la sogs pa'i nad rnams mthun pa'i sman gyis bzlog pa ste/ de lta bu la sogs pa'i bya ba'i tshogs ni chu zla lta bu bzhin du ste/ yod pa dang med pa'i rnam par rtog pa'i snang ba med par bya'o/ /zhes bya ba ni sgra ji bzhin pa'o/ /gzhan yang gzugs dang sgra dang de bzhin dri/ /ro dang reg bya nyid dag la/ /mig la sogs pa 'jug pa yang/ /sgyu ma lta bur shes par bya/ /'dir rnam par shes pa sgyu gnyis las 'byung ste/ gcig ni rtog pa med pa'i gnas skabs las so/ /gnyis pa ni nges pa'i shes pa'i bdag nyid las te/ shes pa gnyis po dag ni don byed pa la rab tu 'jug pa'i snang ba'i shes pa dang/ don byed pa'i snang ba'i shes pa'o/ /gzugs la sogs pa'i yul lnga po rnams la 'jug pa ste byis pa dang lkugs pa la sogs pa'i rnam par shes pa bzhin du dang po dbang po 'jug pa dang/ de rnams kyi rnam pa 'dzin pa'i rnam par shes pa skye shing nges pa'i shes pa skyes pa 'byung ba gang yin pa de yang sgyu ma bzhin du lta bar bya ste/ mthar thug pa'o/ /de bzhin du 'dir mang brjod pas ci zhig bya/ /rdo rje theg pas yang dag tu/ /rnal 'byor pas ni gang gang dmigs/ /de de sgyu ma bzhin du brteg /mang du brjod pa ma dgos pa ci zhig yod/ /rdo rje theg pa ste gsang sngags kyi gzhung gi lam chen por rang dang gzhan gyi don gang dang gang cung zad bya ba de thams cad sgyu ma bzhin du shes par bya zhing bsam par bya'o/ /zhes bya ba ni mthar thug pa'o/ /'phags pa byams pas spyod nas brtse ba'i bdag nyid sna tshogs spyod yul la/ ji lta ji ltar mngon du 'jug par 'gyur ba/ de lta de ltar rigs shing mtshungs pa'i tshigs dag gis/ /sems can rnams la phan phyir mngon par byed ces bya ba la sogs pa gsungs so/ /mig la sogs pa rnam par shes pa lnga'i snang ba ni me long gi ni gzugs brnyan dang/ rmi lam sgyu ma chu bur dang/ /mig 'phrul mtshungs par gang gis mthong/ /de ni gtso bo yin par bshad/ /ces bya bas gsungs te/ mig ni rnam par shes pa me long gi gzugs brnyan dang mtshungs pa dang/ rna ba'i rnam par shes pa rmi lam dang mtshungs pa dang/ sna'i rnam par shes pa sgyu ma dang mtshungs pa dang/ lce'i rnam par shes pa chu bur dang mtshungs pa dang/ lus kyi rnam par shes pa mig 'phrul dang mtshungs par gang gis mthong ba de ni gtso bo rdo rje 'chang chen po yin no/ /zhes bya bar bshad de sbas pa'o/ /don byed pa snang ba'i shes pa'i rnam par dag pa ni/ mthong ba dang ni reg pa nyid/ 'gro ba sgyu ma ji bzhin te/ /kun rdzob tu yang dmigs par byed/ / sgyu ma lta bur rab tu bshad/ ces bya bas rab tu gsungs te/ mthong ba dmig gi rnam par shes pas 'di ni sngon pa'o/ /zhes bya ba la sogs par nges par byas pa nas/ reg pa ste lus kyi rnam par shes pas 'di ni 'jam pa 'am rtsub pa zhes bya ba la sogs pa'i bar de dag ni/ sgyu ma lta bur lta bar bya zhing/ de las dus phyis sngon po la sogs pa dang/ phrad pa ni dmigs pa ste sreg pa dang 'tshed pa la sogs pa'i bya ba byed nus pa'i dngos po dang phrad pa'i mtshan nyid kun rdzob tu rnam par rtog pa can gyi blos nyams su myong bar bya ba gang yin pa de sgyu ma lta bur rab tu bshad pa ni dmigs pa med pa'i blos nyams su myong bar bya'o/ /zhes bya ba'i don te sbas pa'o/ /rnam par dag pa de nyid khyad par du bstan par bya ba'i phyir/ gang gang dbang po'i lam can 'di/ /'byung ba de der rang bzhin du/ /mnyam bzhag min pa'i rnal 'byor gyis/ /thams cad sangs rgyas rang bzhin blta/ /zhes bya ba gsungs te/ gang la dbang po'i lam yod pa de ni dbang po'i lam can te/ mig gi rnam par shes pa la sogs pa drug go / 'byung ba zhes bya ba ni yul la nye bar longs spyod pa'i phyir rgyug pa'o/ /de dang de'i rang bzhin du ste sgyu ma lta bu'i ting nge 'dzin du rnam par bsgom par bya'o/ /mnyam gzhag min pa'i rnal 'byor te/ /yul dang dbang po'i 'dus pa las so sor sdud pa'i rnal 'byor gyi khams gsum pa thams cad sangs rgyas kyi rang bzhin te/ bsam gtan gyis rnal 'byor gyis de bzhin gshegs pa'i rang bzhin du blta bar bya ste mthar thug pa'o/ /phyogs dang yul dang dus la sogs pa la bltos nas/ sgyu ma lta bu'i ting nge 'dzin/ /kun tu kun nas thams cad dang/ /bdag gi thams cad rtag tu ni/ /dngos su grub pa'i bdag nyid ni/ /sangs rgyas kun gyi rang bzhin mthong/ /zhes bya ba gsungs te/ kun te yul thams cad du'o/ /kun nas te phyogs thams cad nas so/ /thams cad ces bya ba ni dngos po gya nom pa dang dman pa'o/ /bdag gi thams cad byed ces bya ba ni bdag gi phung po dang khams dang skye mched la sogs pa'o/ /rtag tu ste dus thams cad du'o/ /dngos su zhes bya ba mngon sum 'am rjes su dpag pa'i tshad mas gnas skabs de rnams su rang gi bdag nyid sangs rgyas kun gyi rang bzhin te de bzhin gshegs pa thams cad kyi rang bzhin du mthong ngo/ /zhes bya ba'i don te mthar thug pa'o/ /da ni spyod lam rnam par dag pa/ gtso bo bde ba kun rang bzhin sems dpa' chen po gshegs dang bzhugs/ /gnas dang zas dang bzhon la sogs/ /skad cig dag gis mkha' ru dmigs zhes bya bas gsungs te/ ting nge 'dzin la phan 'dogs par mdzad pa yin pa'i phyir gtso bo'o/ /bde ba kun ni 'dod chags dang 'dod chags dang bral ba dang 'dod chags bar ma'i bdag nyid de/ de'i rang bzhin zhes bya ba ni/ de dag bsdus pa yin pa'i phyir/ /lhan cig skyes pa'i rang bzhin no/ /sems dpa' chen po ni gang la sgyu ma lta bu'i ting nge 'dzin chen po la sems dpa' yod pa ni sems dpa' chen po ste/ des gshegs pa la sogs pa'i spyod lam bzhi po de rnams mkha' ru dmigs bya ba ni nam mkha' i rang bzhin du shes pa'o/ /da ni bdag byin gyis brlab pa'i rim pa'i 'bras bu ni/ /srid pa gcod par 'gyur pa dang/ ston pa 'gron mchog 'gyur zhing/ /lha dang bcas pa thams cad kyis/ /yang dang yang du phyag byas mchod/ /ces bya bas gsungs te rnal 'byor ba de srid pa gcod pa ste 'khor ba'i 'jigs pa gcod par byed pa ste/ 'jig rten rnams kyi ston pa byed pa'i phyir ston pa dang/ 'gro ba na nyan thos la sogs pa'i rnal 'byor ba rnams las mchog ste dam pa dang/ de bzhin du lha dang bcas pa kun gyis te dbang po la sogs pa rnams kyis lus mi snang bar byas nas yang dang yang du phyag byas shing btud nas mchod par 'gyur ro/ /zhes bya ba ni phyag rgya chen po 'grub pa'i mtshan nyid sgra ji bzhin pa'o/ /de bzhin du ji ltar ston pa rdzogs sangs rgyas/ /'jig rten phan par bzhed pas gshegs/ /de bzhin rnal 'byor chen po ni/ /rang gi shes rab skye ba'i phyir/ /ji ltar ston pa yang dag par rdzogs pa'i sangs rgyas bcom ldan 'das khams gsum na gnas pa'i sems can gyi 'jig rten la phan par bzhed pa ste/ 'jig rten 'di dang 'jig rten pha rol tu phan par mdzad par gshegs shing gyur ba'o/ /de bzhin de de kho na bzhin du'o/ /rnal 'byor chen po ste 'di ni phyag rgya chen po grub pa yang yin la/ rnal 'byor ba yang yin pas rnal 'byor chen po 'jig rten gyi khams la phan par byed par 'gyur ro/ /ci'i phyir zhe na/ rang de bdag byin gyis brlab pa'i rim pa'i rang bzhin gyi shes pa ste/ 'jig rten las 'das pa'i ye shes kyi rang bzhin rab ste rnam par mi rtog pa skye zhing 'byung ba'i phyir de bzhin gshegs pa bzhin du sems can thams cad kyi don byed par 'gyur te sgra ji bzhin pa'o/ /thams cad kyi dbang phyug yin par bsgrub par mi bya cung zad med/ rdo rje sems dpas dmigs pas na/ /bde chen phyag rgya thams cad ni/ /rang nyid kyis ni 'grub par 'gyur/ /zhes bya bas gsungs te/ bdag byin gyis brlab pa'i rim pa'i pha rol tu phyin pa'i rnal 'byor pas ni bsgrub par mi bya ste/ bsgrub par bya ba ma yin pa cung zad kyang med cing/ de thams cad bsgrub par bya ba kho na yin no/ /gang gi phyir des rdo rje sems dpa' ste sgyu ma lta bu'i ting 'dzin gyis dngos po thams cad la dmigs pa de'i phyir des ni 'bad pa med pa kho nar bde ba chen po'i rgyu yin pa'i phyir bde chen phyag rgya thams cad las kyi phyag rgya la sogs pa'i lha dang lha ma yin la sogs pa'i bu mo'i phyag rgya rnams rang nyid kyi ste rang gi 'dod pas 'grub par 'gyur zhing/ dbang du 'gyur te drang ba'i don te/ yang na 'dod chags la sogs pa'i phyag rgya thams cad lhan cig skyes pa'i rang bzhin gyi bde ba chen por gyur pa rnams rang nyid kyis 'grub par 'gyur zhing rang rig pa'i tshed mas shes par bya ba yin par 'gyur ro/ /zhes bya ba ni nges pa'i don te/ rtsa ba'i rgyud las kyang/ /ri rab sum cu rtsa drug gi/ phra rab brdul ni ji snyed pa/ /yon tan gnas gyur bud med rnams/ /de snyed dag ni de yi 'gyur/ /zhes bya ba la sogs pa gsungs so/ /mjug bsdu ba/ nyon mongs las lam lus dang ni/ /byed pa po dang 'bras bu nyid/ /smig rgyu rmi lam lta bu dang/ /dri za'i grong khyer dag dang mtshungs/ /zhes bya ba gsungs pa yin te/ de la nyon mongs pa yang ni 'dod chags la sogs pa drug dang nye ba'i nyon mongs pa nyi shu'o/ /las lam ni lus dang ngag dang yid kyi srog gcod pa rnams so/ /lus ni sems can gyi skye gnas rnam pa bzhi'i bye brag gi lus so/ /byed pa po ni rgyu ste rgyu dang rkyen gyi rang bzhin rnam pa drug dang rnam pa bzhi'o/ /'bras bu ni bde 'gro dang 'gro ba'i mtshan nyid can te/ de rnams smig rgyu la sogs pa'i dang mtshungs par shes par bya'o/ /de nyid ni bdag byin gyis brlabs pa'i rim pa ste/ drang ba'i don to/ /nyon mongs pa ni 'dod chags la sogs pa'i rang bzhin gyi de bzhin gshegs pa rnams so/ /las kyi lam ni dbang po rnam par dag pa'i rang bzhin gyi byang chub sems dpa' rnams so/ / lus ni khams kyi rang bzhin gyi lha mo rnams so/ /byed pa po ni shes pa bskyed pa'i bya ba ldan pa'i yul gyi rang bzhin gyi gzugs rdo rje ma la sogs pa rnams so/ /'bras bu ni de rnams nye bar longs spyod pa las byung ba'i dga' ba la sogs pa rnams sam/ thams cad la khyad par du 'phags pa'i lhan cig skyes pa'i dga' ba ste/ de rnams thams cad smig rgyu la sogs pa dang mtshungs par shes par bya'o/ /zhes bya ba ni nges pa'i don to/ /chos dang chos min dka' thub gtong// legs sdom nyes sdom 'dul ba dang/ /dmyal ba yi dags dud 'gro dang/ /lha dang bcas pa'i mi rnams dang/ /'byung dang 'byung 'gyur phung po dang/ /khams dang thub pa'i bstan pa dang/ /ston pa dang ni nyan thos te/ /thams cad kun rdzob nyid du bstan/ /dang po'i las can 'jig rten dag /dam pa'i don la 'jug pa'i phyir/ /thabs 'di rdzogs pa'i sangs rgyas kyis/ /skas kyi rim pa lta bur gsungs/ /de kun tha mar 'jig pa ste/ /de ni byis pa bring pa yin/ /brtag bya brjod par bya ba min/ / gzhan 'ga' zhig ni gsal bar 'gyur/ /zhes bya ba la sogs pa gsungs so/ /ting nge 'dzin med na nyon mongs pa'i dbang gis so so'i skye bo nyid du 'gyur ba ni/ /ting nge 'dzin ni mi shes pas/ /kun rdzob tu ni nyer dmigs pas/ /nad rnams sna tshogs 'byung 'gyur te/ de dag sgyu ma'i rnam 'phrul lo/ /zhes bya bas gsungs te/ bsgrub pa po gang zhig bdag byin gyis brlabs pa'i man ngag gis mtshan nyid kyis ting nge 'dzin 'di shes shing/ 'on kyang rnal 'byor pa'i mngon pa'i nga rgyal gyis gnas pa de rnams ni kun rdzob tu nya bar dmigs pa ste rnam par rtog par nye bar dmigs pas sam/ brtags pa'i lha'i rnal 'byor gyi gnas so/ /de rnams la nad sna tshogs te/ nad bzhin du btung bar byed pa'i 'dod chags la sogs pa'i rnam par rtogs pa rnams skye zhing 'byung bar 'gyur ro/ /de rnams kyi de dag nyid ni sgyu ma'i rnam 'phrul te/ sgyu ma zhes bya ba ni 'khor ba'i 'khor lor kun tu 'khor bar byed pa'i sred pa yin zhing de'i rnam par 'phrul pa yin zhing rol pa dang mthu yin no/ /zhes bya ba'i tha tshig go /de nyid gsal bar bya ba'i phyir/ bdag byin brlab pa'i man ngag ni/ /gang gi bla ma las ma bsgrubs/ rtags dang chad pa la dmigs gnas/ /mi de phyir ldog 'gyur ba yin/ /zhes bya bas gsungs te/ sgrub pa po gang gis bla ma'i zhal las bdag byin gyis brlab pa'i rim pa'i man ngag ma thob pa de ni rtags pa dang chad pa'i phyogs la brten nas phyir ldog par 'gyur zhing/ /de kho na nyid las nyams gyur nas/ /so so'i skye bo'i sa thob par 'gyur ro/ /de ltar yang sngags kyi gzhung la rim pa gnyis te/ bskyed pa'i rim pa dang rdzogs pa'i rim pa'o/ /rdzogs pa'i rim pa ni rnam pa gnyis te/ 'od gsal ba'i rim pa dang/ ye shes kyi sku'i rim pa'o/ /de la gal te rtag tu bskyed pa'i rim pa la brten nas bsgom pa de'i tshe/ rtag pa'i lha'i rnam par mngon par zhen pa'i phyir rtag pa'i phyogs yin no/ /ci ste rim pa gnyis pa dang bzhi pa'i 'od gsal ba la brten nas 'jug pa de'i tshe ni tshad pa'i phyogs yin te/ don dam pa'i bden pa 'ba' zhig gi rang bzhin nyid yin pa dang gzhan gyi don med pas sngon gyi smon lam don med par gyur pa dang/ dbang phyug chen po bzhin du chad pa'i lta bar 'gyur ba'i phyir ro/ /de bas na bdag byin gyis brlab pa'i rim pa ni ye shes kyi sku nyid yin pa'i phyir/ rtag pa'i phyogs ma yin zhing/ don dam pa las byung ba'i lha'i rnam pa nyid yin pa'i phyir chad pa'i phyogs ma yin no/ /de'i phyir dus gsum gyi 'khor ba'i sdug bsngal yang dag par dran par bya ste thar pa'i 'dod pas 'bad pa yis rdo rje slob dpon mnyes par byas nas bdag byin gyis brlab pa'i rim pa'i man ngag thob ste/ de rnam par dag par bya ba'i thabs btsal bar bya'o/ /zhes bya ba ni dgongs pa ma yin pa'o/ /gang gi sku drin gyis grol bar gyur pa'i bla ma de la mchod pa ni mchod pa thams cad yongs spangs nas/ bla mi'i mchod pa yang dag brtsam / de mnyes pas ni kun mkhyen pa'i/ /ye shes mchog ste thob par 'gyur/ /zhes bya bas gsungs te/ mchod pa thams cad de rang dang gzhan la mchod pa yongs su spangs pa/ rdo rje slob dpon bla ma la mchod ba rtsam zhing bya'o/ /gang gi phyir gzhan la mchod pa byas pas/ bde 'gro tsam thob par byed la/ bla ma de mnyes pas ni kun mkhyen pa'i ye shes te rim pa lnga yis bstan par bya ba de kho na nyid kyi rin po che bskyed pa'i rim pa la bltos nas mchog tu gyur pa thob par 'gyur ba'i phyir ro/ /mtho ris dang thar pa dag ni khyad par che'o zhes bya ba'i tha tshig ste/ sgra ji bzhin pa'o/ /mchod pa'i 'bras bu ni bla na med pa'i slob dpon ni/ rdo rje sems dpa' mchod byas pas/ /de yi bsod nams ma byas ci/ /dka' thub ma brten ci zhig yod ces bya bas gsungs te/ bla na med pa ste shes rab dang snying rje gtso bor gyur pa'i rdo rje slob dpon bla ma'i rdo rje sems dpa' dang mtshungs pa gang yin pa la gang gis mchod pa byas pa'i sgrub pa po des ni bsod nams byas pa'i ste dge ba ma bsags pa ci zhig yod cing/ tshangs pa'i gnas la sogs pa bsgom pa mtshan nyid kyis dka' thub ma brten pa ci zhig yod do/ /byas pa kho na'o/ /rtsa ba'i rgyud las kyang bdag cag sangs rgyas thams cad kyi pha yin no/ /bdag cag sangs rgyas thams cad kyi ma yin no/ /zhes de skad dus gsum du brjod cing mchod pa mdzad nas gshegs so/ /zhes gsungs so/ /de'i phyir rdo rje sems dpa' dang/ rdo rje slob dpon la khyad par 'ga' yang med de sgra ji bzhin pa'o/ /mchod pa de nyid kyi bye brag ni/ de nyid mi zad 'dod pa yis/ /shin tu gces pa gang dang gang/ /shin tu khyad par can nyid dag /de dang de ni bla ma 'bul/ /zhes bya bas gsungs te/ shin tu gces pa gang dang gang/ /zhes bya ba ni/ phyi rol gyi nor bu dang mu tig la sogs pa'o/ /shin tu khyad par can ni srog pas kyang lhag pa'i rang gi chud pa la sogs ba ste/ de dag de bla ma rdo rje slob dpon la dbul bar bya'o/ /ci'i phyir zhe na/ gal te re zhig thar ba don du gnyer ba de'i tshe ni phyi rol rnams kyi ci zhig bya/ ci zhig mi 'dod pa de'i tshe yang zhing dag pa la phul bas nor de mi zad par 'gyur ba yin pa'i phyir bdog pa thams cad sbyin pa dang/ khyad par can gyi sbyin pa dang/ sbyin pa chen po rnams de la dbul bar bya ste/ dud 'gro rnams la sbyin na brgya 'gyur thob/ /sdig pa can la byin na stong 'gyur thob/ /tshul khrims ldan pas 'bum 'gyur thob pa yin/ /'dod chags bral las bye ba brgya 'gyur te/ /gang zhig mi slob pa la sbyin byed pa/ /des ni longs spyod shin tu khyad 'phags 'thob/ /skyes bu gang gis sangs rgyas la phul nas/ /de yi longs spyod phun tshogs zad mi 'gyur/ /zhes kyang gsungs so/ /slob dpon gyi mtshan nyid ni/ slob dpon gyis ni sdig pa 'phrog /slob dpon gyis ni 'jigs pa sel/ /slob dpon gyis ni sdug bsngal gyis/ /rgya mtsho 'jigs pa pha rol sgrol/ /zhes bya bas gsungs te/ slob dpon gyis ni rig pa'i dbang bskur ba'i sgo nas sdig pa 'phrog ste/ rnam par shes pa gyur pa'i phyir ro/ /gsang ba'i dbang bskur bas ni 'jigs pa sel ste/ rnam par rtog pa'i 'jigs pa spangs pa'i phyir ro/ /shes rab ye shes kyi dbang bskur ba'i sgo nas sdug bsngal gyi rgya mtsho 'jigs chen te nyon mongs dang shes bya'i sgrib pa'i rang bzhin gyi 'khor ba las sgrol zhing pha rol tu phyin bar byed pa ste/ mthur thug pa'o/ /slob ma'i snod dang snod ma yin pa brtag pa/ gang zhig nga rgyal gyis sbags shing/ bden min rim pa ston byed dang/ /de nyid chos la brnyas bcas pa/ /de la de nyid bstan mi bya/ /zhes bya bas gsungs te/ slob ma gang zhig nga rgyal dang ldan pa/ /de bzhin du gal te de kho na nyid yang dag par ston par byed pa na/ nyes pa ci zhig yod de/ 'on kyang bden pa yin te/ yang dag pa ma yin pa'i de kho na nyid kyi rim pa ston pa dang/ de bzhin du de nyid chos te bla ma'i man ngag gis tshig rnams la brnyas pa dang bcas shing bla chos dang bcas pa'i slob ma de la don dam pa'i de kho na nyid bstan cing bshad par mi bya ste/ sgra ji bzhin pa'o/ /slob ma dam pa'i mtshan nyid ni/ /bla ma la gus bden par smra/ /rnam par dben zhing rgyud cig la /dam tshig spyod pa srung byed pa/ /de la rim pa bstan par bya zhes bya bas gsungs te/ 'chang pa po'i bla ma la gus shing zhe sa dang bcas pa dang/ de bzhin du sgyu ma la sogs pa dang bral ba'i phyir bden par smra ba dang/ yul la nye bar longs spyod pa la sogs pa phyi rol rnams la chags pa med pa nyid yin pa'i phyir/ rnam par dben zhing dbang po thul ba dang/ de bzhin du chos la nges par rtog pa las byung ba'i shes rab dang ldan pa nyid yin pa'i phyir lhan cig bshad pa'i gzhal bya thams cad kyi don dang/ tshig 'dzin pas rgyud gcig pa dang/ bstan bcos kyi 'bras bu dam tshig nyams blang ba gang yin pa de byed ba'i phyir/ dam tshig gi spyod pa bsrung ba dang/ dang gis sgras sems can gyi bya ba la brtson 'grus dang ldan pa'i slob ma de lta bu gang yin pa de la rim pa ste/ bdag byin gyis brlab pa'i rim pa bstan cing/ bla mas man ngag sbyin par bya'o/ /zhes bya ba ni sgra ji bzhin pa'o/ /rim pa lnga'i bshad pa'i nor bu'i phreng ba las/ bdag byin gyis brlab pa'i rim pa ste gsum pa'o// //mngon par byang chub pa'i rim pa'i skabs su dang por phyag 'tshal ba ni/ /thams cad stong nyid ston pa po/ /rdo rje sems dpa' phyag 'tshal te/ /bzhi pa mngon par byang chub pa'i/ /rim 'di bdag gi bshad par bya/ zhes bya bas gsungs te/ stong pa bco brgyad kyi de kho na nyid thams cad stong pa ston par mdzad pa nyid yin pa'i phyir/ thams cad stong nyid ston pa'o/ /gang la rdo rje ste rdo rje rtse lnga pa de la sems shing phyag na bsnams pa yod pa de ni rdo rje sems dpa' ste bcom ldan 'das sems dpa' o/ /de la phyag 'tshal te bzhi pa mngon par byang chub pa'i rim pa bdag gi bshad cing bstan par bya'o/ /zhes pa ni drang ba'i don to/ /de bzhin du thams cad stong pa nyid stong pa nyid gsum sdud par byed pa'i de kho na nyid de de ston par mdzad pa nyid yin pa'i phyir thams cad stong pa nyid ston pa po'o/ /rdo rje ni sgrib pa med pa'i ye shes so/ /gang zhig de la sems shing gnas pa de ni rdo rje sems dpa' ste de las phyag 'tshal nas so/ /bzhi pa zhes bya ba ni 'dod chags la sogs pa gsum po sdud par byed pa yin pa'i phyir bzhi pa ste/ de nyid mngon du byang chub nyid thob par byed pa nyid yin pa'i phyir/ mngon par byang chub pa'o/ /de'i rim pa ni phyag rgya dang ting nge 'dzin gyi rim pa ste/ de bdag gis bshad par bya'o/ /zhes bya ba ni nges pa'i don to/ /yang na rdo rje 'dod chags dang 'dod chags dang bral ba dag yin zhing sems dpa' ni 'dod chags bar ma ste/ de rnams kyi thams cad stong pa ni lhan cig skyes pa'o/ /de ston pa de la phyag 'tshal te bdag gis bshad par bya'o/ /zhes bya ba ni dgongs pas bshad pa'o/ /rdo rje ni gsang ba'i rdo rje yin zhing/ sems dpa' ni pad+ma ste de dag 'dus pa las thob pa'i bde ba chen po ni thams cad stong pa yin zhing de ston pa po la phyag 'tshal te bshad par bya'o/ /zhes bya ba ni dgongs pa ma yin pa'o/ /rdo rje sems dpa' ni drug pa rdo rje 'chang ngo/ /rtag tu thams cad nas thams cad du thams cad thams cad stong zhing gang zag dang chos la bdag med pa de kho na nyid nye bar ston pas na thams cad stong pa ston pa'o/ /de la phyag 'tshal te bdag gis bshad par bya'o/ /zhes bya ba ni sgra ji bzhin pa'o/ /rdo ni sa'o/ /rje ni chu'i khams so/ /sems ni me'i khams so/ /dpa' ni rlung gi khams so/ /thams ni gzugs so/ /cad ni sgra'o/ /stong ni dri'o/ /pa ni ro ste khams dang yul de rnams kyi 'od gsal ba'i de kho na nyid ston cing 'chad pa po la phyag 'tshal te bdag gis bshad par bya'o/ /zhes bya ba ni sgra ji bzhin pa'o/ /gang la ye shes lnga'i bdag nyid kyi de kho na nyid kyi rdo rje'i sems shing gtong pa yod pa de ni rdo rje sems dpa' o/ /brtan dang g.yo ba'i dngos po thams cad stong pa ni gnyis su med pa'i ye shes te de nye bar ston par mdzad pa nyid yin pa'i phyir/ thams cad stong pa ston pa po'o/ /de la phyag 'tshal te bshad par bya'o zhes bya ba ni yi ge'i don to/ /rdo rje ni 'dzin par byed pa'i shes pa rnams so/ /sems dpa' ni gzung bar bya ba'i yul dang dbang po rnams te/ de dag thams cad gcig dang du ma nyid dang bral ba'i sgo nas stong pa nyid du ston cing rang bzhin med pa'i gnas su ston pa po la phyag 'tshal te bshad par bya'o/ /zhes bya ba ni spyi'i don to/ /rdo rje ni rtsa bdun khri nyi stong yin no/ /sems dpa' ni de las byung ba'i byang chub kyi sems kyis 'gro ba sprul pa'o/ /de yang ngo bo nyid kyi bde ba chen po'i rang bzhin nyid yin pa'i phyir thams cad stong pa yin zhing de ston par mdzad pa nyid yin pa'i phyir thams cad stong pa ston pa po/ /de la phyag 'tshal te bshad par bya'o/ /zhes bya ba ni spyi'i don to/ /rdo rje ni dga' ba'o/ /sems dpa' ni mchog go /thams cad ni bral ba ste de rnams kyi stong pa ni lhan cig skyes pa yin zhing de ston pa de la phyag 'tshal te zhes bya ba ni sbas pa'o/ /rdo rje ni 'od gsal ba'o/ /sems dpa' ni de las langs pa'i lha'i sku'o/ /thams cad stong pa ni sgyu ma'i dpe bcu gnyis te de rnams ston pa po la phyag 'tshal te/ bshad par bya'o/ /zhes bya ba ni sbas pa'o/ /rdo rje ni rdo rje ltar mi phyed pa'i rnam par shes pa gsum mo/ sems dpa' ni de dang 'brel pa de'i rang bzhin rnams so/ /de rnams thams cad kyi stong pa nyid ni 'od gsal ba'o/ /de snon cing thob par mdzad pa la phyag 'tshal te bshad par bya'o/ /zhes bya ba ni sbas pa'o/ /rdo rje ni ril por 'dzin pa'i ting nge 'dzin to/ /sems dpa' ni rjes su bzhig pa'i ting nge 'dzin te de dag las byung ba'i thams cad stong pa 'od gsal ba de ston par mdzad cing de la dmigs par mdzad pa la phyag 'tshal te bdag gis bshad par bya'o/ zhes bya ba ni mthar thug pa'o/ /rdo rje ni don dam pa'i bden pa'o/ /sems pa ni kun rdzob kyi bden pa ste de dag la mi gnas pa'i mya ngan las 'das pa nyid yin pa'i phyir tha dad pa med pa'i thams cad stong pa'o/ /de ston pa po phyag 'tshal te bdag gis bshad par bya'o/ /zhes bya ba ni mthar thug pa'o/ /da ni phyag bya bar 'os pa'i rdo rje sems dpa' dang/ rdo rje slob dpon tha mi dad par bshad par bya'o/ snyam du thugs la bzhag nas/ de yi rang 'byung bcom ldan 'das/ /gcig nyid bdag nyid che ba'i lha/ /man ngag rnams ni rab ster bas/ /rdo rje sems dpa' de bas lhag /ces bya bas gsungs te/ kun nas nyon mongs pa dang/ rnam par byad pa'i bag chags rnams bcom pas na bcom ldan 'das sam b+ha ga la bzhugs pa nyid yin pa'i phyir bcom ldan 'das so/ /ji lta bu zhe na rang 'byung ste/ chos thams cad la khyab par byed pa'i rang bzhin gyi chos nyid kyi ngo bo'o/ /de bzhin nyid kyi chos nyid rgyu 'ga' zhig gis so sor des pa'i tshogs pa la brten nas thob par bya ba 'am bskyed par bya ba yin te/ 'on kyang de ni nam mkha' bzhin du rang nyid 'byung ba kho na yin pa'i phyir rang 'byung ngo/ /mthong ba dang bsgom pa'i lam la sogs pa 'am sngags dang phyag rgya dang ting nge 'dzin la sogs pas ni blo bur ba'i dri ma bcos pa rnams spang bar bya ba yin pa'i kho na nyid bskyed par bya ba ni ma yin no/ /rang bzhin du zhan du bya bar nus pa ma yin te/ nam mkha' bstan du yod pa nyid la sogs par mi nus pa bzhin no// bur ma gyi ni mngar dang me'i/ /tsha ba rang bzhin yin pa ltar/ /de bzhin kho nar chos rnams kyi/ /stong pa rang bzhin yin par 'dod/ /ces kyang gsungs so/ /de yang gcig nyid yin zhing/ nyid kyi sgras ni nges par gzung ba'i don to/ /chos nyid la tha dad pa med pa'i phyir ro/ /de dang ldan pa nyid yin na ni/ kun rdzob bzhin du khyab par byed pa nyid ma yin pa'i phyir ro/ /de ni bdag nyid che ba'i lha ste/ ye shes lnga'i bdag nyid kyi de bzhin gshegs pa rnams sdud par byed pa nyid yin pa'i phyir ro/ /drug pa de bzhin gshegs pa rnams kyi bdag po yang yin no/ /de lta bu'i rnam pa can gyi bcom ldan 'das rdo rje 'chang bas kyang rdo rje slob dpon lhag cing khyad par du 'phags par shes par bya'o/ /ci'i phyir zhe na/ rdo rje 'chang chen po'i go 'phangs thob par byed pa'i man ngag rab ster ba ste khyad par du ster bar byed pa'i phyir ro/ /dgongs pa ni re zhig bcom ldan 'das rdo rje 'chang chen po'i mngon sum du mthong ba 'am/ lung 'bogs par byed pa ma yin te/ 'on kyang bsgom pa'i stobs kyis de'i kho na nyid 'di khong du chud par 'chad pa/ bsgom pa de yang bla ma'i sku drin kho nas rnyed par 'gyur ba yin pa'i phyir/ ngo bo gang zhig sngon ma shes pa shes par byed pa gang yin pa de ni de bas tshes lhag pa yin par khong du chud par bya'o zhes bya ba yin te dgongs pa ma yin pa'o/ /de mnyes par bya ba ni zla ba phyed dam zla ba ru/ /de ni yang dag mnyes bya ste/ /mnyes par 'gyur ba'i bla ma la/ /ci nus pas ni mchod par bya/ /zhes bya bas gsungs te/ dang por re zhig mngon par byang chub pa'i rim pa'i man ngag don du gnyer ba'i slob mas zla ba phyed dam/ zla ba 'am/ dang gis sgras lo la sogs par yang dag par gus pa'i bsnyen bkur gyis mnyes shing thugs dgos par bya ste ci nus pa 'dod pa lnga la nye bar longs spyod pa'i mtshan nyid kyi mchod pa yang bya'o/ /de'i rjes la bsnyen bkur dang mchod pa'i rim gyis mnyes par gyur pa de la ci zhig bya zhe na/ de'i phyir de la phyag rgya legs par bslabs/ ci 'byor ba ni dbul byas nas/ /tshogs kyi dkyil 'khor dbus su ni/ cho ga ji bzhin mchod par bya zhes bya bas gsungs te/ de'i rjes la de la phyag rgya ste dam tshig phyag rgya legs par bslabs shing thos pa la sogs pa'i rim gyis dam tshig dang sdom pa'i pha rol tu phyin pa ci 'byor pa zhes bya ba gang zhig gdol pa dang/ gtso blag mkhan gyi rigs su skyes pa dang de med na kha dog gam 'dod pa'i lha mnyes par byed pa'i sgo nas rang gi rigs dang mthun par dbul bar byas te phul nas so/ /de'i rjes la bla ma de la tshogs 'khor dbul te tshogs kyi 'khor lo'i dbus su mchod pa bya zhing rjed par bya'o/ /cho ga bzhin zhes bya ba ni cho ga las ma 'das par ro/ /de la mchog ni 'di yin te/ re zhig dang por nyan thos kyi rigs can ma gtogs dge bsnyen dang dge slong dang/ rdo rje slob dpon dang rnal 'byor pa rnams bsogs te/ de rnams la rim pa bzhin du gdan gding bar bya'o/ /de la gral gcig tu brlab pa ji lta bu bzhin du dge slong gi dge 'dun bzhugs su gsol cing de'i 'og tu dge bsnyen gyi tshogs rim pa bzhin du 'dug tu gzhug go / de'i rjes la rdo rje slob dpon gyi tshogs dge slong gi tshogs kyi mdun gyi gral la bzhugs su gsol/ rnal 'byor pa'i tshogs ni thams cad kyi gong du bzhugs su gsol ba kho na ste/ rnal 'byor pa dge bsnyen nam dge slong dam dge tshul ji lta bu yin yang rung ste/ gong du bzhag pa'i rigs so/ /zhes bcom ldan 'das kyi gsungs so/ /de'i rjes thogs la sgrub pa po mdun du 'ongs nas phyag byas te/ go rim bzhin du thams cad kyi rkang pa bkru bar bya'o/ /de las rdo rje las kyi ngo bo bsnyen bkur ba gcig bsko bar bya ste/ der de rnams kyi mdun du bdud rtsi lnga'i chos 'byung gi phyag rgya gru gsum du bya zhing/ de'i nang du thig le'i gzugs zlum po bya ste/ de'i nang du me long gi gzugs brnyan dang mtshungs pa'i dkyil 'khor gyi 'khor lo dad pa blta bar bya'o/ /de'i 'og tu thod pa dum bu gcig pa de bzhin gshegs pa lnga'i sa bon gyis brlabs pa'i bdud rtsi lngas gang ba bzhag par bya zhing/ me tog dgram par bya'o/ /thod pa'i phyogs gnyis su thod pa gzhan gnyis bzhag ste/ gcig ni rgun chang gis gdab/ cig shes ni 'bru'i chang gis gang ba thabs dang shes rab kyi rang bzhin hUM dang h+riM yi ge sa bon gyis byin gyis brlabs pa dang/ me tog dgram pas mdzes par byas te pad+ma'i snod gsum po dbus ma nas brtsams te/ g.yas pa dang g.yon pa dag gos sngon po dang dkar po dang dmar po rnams kyis dgab par bya'o/ /de nas rdo rje las kyi phyag 'tshal ba sngon du 'gro ba can gyis rdzas dri zhim pa la sogs pa mchod pa rnam pa lngas mchod par bya'o/ /de'i rjes la snod dbus ma las bdud rtsi blangs te/ snod gnyis po la gtor bar bya'o/ /de'i rjes la snod cig blangs gos bshus nas rnal 'byor ba'i gral la go rim bzhin du drang bar bya'o/ /de nas dge slong dang dge tshul dang dge bsnyen dang/ rdo rje slob dpon gyi gral la ste/ drang ba'i 'og tu re re zhing phyag bya'o/ /'dren pa gang nas brtsams pa de la phyis kyang drang bar bya'o/ /de'i rjes la sha'i tshod ma rnam pa tha dad pa 'bras dri zhim po 'bras chan dang 'bras kyi rgyal po'i 'bras chan ro drug dang ldan pa bslab pa'i gral rim bzhin du snod rnams su drang bar bya zhing aoM A di phya a naM sa mA d+hA d+hya na pri na ne swA hA/ zhes bya ba'i sngags brjod par bya'o/ /byed zos pa na snod chen po gcig blangs nas thams cad gcig tu bsres te/ kun gyi dus gcig tu bza' bar bya'o/ /btung ba'i rdzas rnams kyang de kho na bzhin du gcig tu bsres te/ myos par bya'o/ /de'i rjes la rdo rje las kyi cang te'u la mchod pa bya ste/ yi ge gsum bzlas nas hUM dang phaT kyi rang bzhin gyi rol mo'i sgra bsgrags par bya zhing rdo rje rnal 'byor pa rnams kyis kyang rdo rje'i gar sna tshogs pa bya ste/ rgyu med dngos la phyag 'tshal lo/ /zhes bya ba la sogs pa'i rdo rje'i glu dbyangs blangs par bya'o/ /kha cig ni thams cad kyis kyang gar bya'o zhes zer ro/ /kha cig na re 'khor lo'i gtso bos ni gar bya zhing gzhan rnams kyis ni glu dang rol mo bya'o/ /zhes mchog tu dga' ba thob pa gar bzhag par bya'o/ /phyi rol gyi bskyed mos tshal na dad pa dang bung ba dang ce sbyang rnams sgra bsgrogs pa ni bcom ldan 'das kyis byin gyis brlabs pa'i brtags so/ /gal te de'i nang du rgyu 'tshang 'ga' zhig gzhad gang byed dam/ rtsod pa byed pa de ni skad cig de nyid la bskrad par bya zhing/ gus pas 'bul mchod pa'i las byed du gzhug go /de nas thams cad la 'bras bu gsum dang lo ma dang bsres pa'i go la drangs te/ yon tan rnam pa bzhi phul nas zas kyi lhag ma gcig tu bsdus te sngags 'dis dur khrod du gtor bar bya'o/ /aoM ku ru ku ru wa ta tA li mahA wa ta tA li/ sid+d+ha mu hi shma sha na wa si ni/ pre ta wa d+ha ni/ tsaN+Di ka ra li/ ru d+hir pri ti yi/ sa ma yaM/ rak+Shu ti/ yo ga d+ha ri/ kI li kI li rwa wa/ badzra baM tri wan ma d+hye/ b+huny+dza ti/ b+hak+Sha kha hi/ gu ha na rU hi/ d+hU mAM gA ri/ tsaN+Di ka ra li/ tiSh+Tha tiSh+Tha/ ai mA mu tsa tshiSh+Tha pa li/ grih+Na sarba duSh+TaM/ b+hak+Sha ya b+hak+Sha ya/ he phreM phro phaT swAhA/ zhes bya ba 'dis byin gyis brlabs nas dur khrod du gtong bar bya'o/ /de nas thams cad ni bde bar gnas par bya'o/ /de ni cho ga bzhin du zhes bya ba'i sgras bstan pa yin te/ sgra ji bzhin ba'o/ /mchod par byas nas ci zhig bya zhe na/ de'i phyir de nas 'dod yon lnga spyad pas/ rnal 'byor chen po mnyes gyur pas/ /cho ga bzhin du snyoms 'jug bya/ /snang ba bdag ni 'byung ba na zhes bya bas gsungs te/ rnal ' byor chen po te rdo rje slob dpon tshogs kyi 'khor lo'i mchod pa dang 'dod pa lnga la longs spyod pa'i sgo nas mnyes par gyur pas na snang ba dag ni 'byung ba dag drod kyi dus snyoms par 'jug ste sa bon lnga byin gyis brlabs dam tshig gis phyag rgya dang lhan cig slob ma rjes su gzung ba'i don du sbyor bar bya'o/ /cho ga bzhin du zhes bya ba ni rgyud las gsungs pa'i cho ga bzhin du bya'o/ /de la cho ga bsdus pa ni 'di yin te/ dang po stong pa nyid rnam par bsams te/ de nas byin gyis brlabs pa'i rim pas ye shes kyi sku skad cig gis spros nas/ lha mo yang de kho na bzhin du rnam par bsgoms nas/ sku gsung thugs byin gyis brlab pa byas nas de bzhin gshegs pa lnga'i sa bon rnams kyis mgo bo la sogs pa rnams su go cha bkod de/ sangs rgyas spyan la sogs pa phyag rgya bzhis nu ma dang mchu dang pad+ma dang/ pad+ma'i nang rnam par dag par bsgoms na/ gzugs rdo rje ma la sogs pa rnams kyis yul rnam par dag par byas nas de kho na bzhin du bdag nyid kyi mig la sogs pa yang sa'i snying po la sogs pa rnams kyis byin gyis brlabs nas de'i pad+ma yang yi ge a/ yongs su gyur pa'i pad+ma 'dab ma brgyad pa yi ge aoM gyis byin gyis brlabs pa'i lte ba dang ldan par bsams te/ rdo rje yang yi ge hUM las byung ba'i rtse mo lnga pa aoM gyis byin gyis brlabs pa'i nor bu'i cha dang ldan par byas nas/ de dag gi rtse mor yi ge hUM dang phaT go rim bzhin du char dgag pa'i don du bkod de/ rang gi lha'i 'dod pa'i nga rgyal gyis bde ba chen po nyams su myong nas de bzhin gshegs pa thams cad mchog tu rjes su chags pa'i sgras bcug ste/ lam dbu ma gnas rdo rje rtse mor byang chub kyi sems thig le'i gzugs can bzung nas de'i nang gi khyab par byed pa'i lhan cig skyes pa'i de kho na nyid nyams su myong ste/ de bzhin gshegs pa thams cad kyi rang bzhin gyi byang chub kyi sems pad+ma'i nang du 'byung bar bya ste/ sbas pa'o/ /de las langs nas ci zhig bya zhen/ de'i phyir byang chub sems ni rab 'bad pas/ /bum pa la sogs dag ni bzhag /slob ma bzad la bla ma yis/ /brtse bas nam phyed dus dbang bskur/ /zhes bya bas gsungs te/ de'i rjes la ting nge 'dzin snyoms par 'jug pa las byung ba'i byang chub kyi sems pad+ma'i sgo nas lag pas ma reg par blangs nas bum pa la sogs pa ste dung chos dang nya phyis dang/ pad+ma'i snod la sogs pa de dag nyid du bzhag nas/ de nyid kyi bar? gis slob ma rnam par snang mdzad rdo rjer bsam ste/ de la snying rje bskyed nas mtshan phyed kyi dus su/ dbang bskur ba sbyin par bya'o/ /des kyang de bzhin gshegs pa thams cad 'dus pa'i bdag nyid kyis blos btung par bya'o/ /zhes bya ba ni gsang ba'i dbang bskur ba ste sbas pa'o/ /shes rab ye shes dbang bskur ba ni/ dbang bskur yang dag thob nas ni/ /tho rangs dus su yang mchod la/ /slob ma thal mo sbyar ba yis/ /bstod pas bla ma mnyes par bya zhes bya bas gsungs te dgongs pa 'di yin no/ /gsang ba'i dbang bskur ba thob pa'i rjes thogs su shes rab de bla mas de la sbyin par byed/ bcom ldan 'das ma nges kyang skra grol zhing gos med par gyur par/ de la tshig 'di skad du brjod par bya ste/ byin dang mu tra sogs za dang/ /rak+ta shukra de bzhin sha/ de bzhin bud med rnams la gus// b+ha ga'i pad+mar tsum pa na/ /rdo rje khyod kyi nus sam ci/ /rdo rje ci bde bar ni smros/ /byin dang mu tra sogs za dang/ /rak+ta shu kra de bzhin sha /de bzhin bud med rnams la gus/ /b+ha ga'i pad+mar tsumpa na/ /lha mo dag gis ci mi nus/ /thams cad bdag gis nus pa nyid/ /ces bya bas brjod par bya'o/ /de nas lha mo des rang gi lag pa dag gis pad+ma'i ngos gnyis nas bzung ste pad+ma brgyad nas rtsa'i 'khor lo bstan par bya'o/ /de la pad+ma'i nang du rtsa'i 'khor lo 'di ltar bstan par bya ste/ kye'i rigs kyi bu dbus na gnas pa'i mi sna lta bu'i rtsar mas g.yogs par gyur pas skyes bu'i ling+ga dang mtshungs pa'i rtsa de ni rtsa dbu ma chos kyi dbyings kyi dbang phyug ma zhes bya ste/ rnam grangs gzhan yang kun tu bzang mo yin zhing/ dpal rdo rje bdud rtsi las gsungs pa'i rtsa sum cu rtsa gnyis kyi nang nas gtso bor gyur pa rak+ta dang shu kra dag sdud par gyur pa ste/ de nyid las khams gsum pa skye bar 'gyur zhing de nyid du thim par 'gyur ro/ /de nyid ni de bzhin gshegs pa mi bskyod pa'i ngo bo yin pa'i phyir/ shes rab kyi pha rol tu phyin pa dang/ chos kyi dbyings kyi ye shes dang rang bzhin dang/ sems can thams cad skyed par byed pa dang sdud par byed pa yin no/ /rtsa g.yon pa 'di ni byang chub kyi sems 'bab cing bcom ldan 'das de bzhin gshegs pa 'od dpag tu med pa'i rang bzhin zla ba zhes bya ba yin par shes par bya zhing de nyid thur du sel ba'i rlung gi rang bzhin dang 'gro ba thams cad skyed par byed pa yin par khong du chud par bya'o/ /g.yas phyogs na gnas pa'i rtsa rus sbal zhes bya ba rak+ta 'bab pa gang yin pa de ni thabs kyi rang bzhin yin par shes par bya'o/ /de'i rjes la mdun gyi cha na gnas pa'i rtsa byis 'byung ba gang yin pa de ni rnam par snang mdzad kyi rang bzhin yin par shes par bya'o/ /de'i rjes la rgyab kyi cha na gnas pa'i rtsa gzhu las rgyal ma zhes bya ba sha 'byung ba gang yin pa de ni bcom ldan 'das don yod par grub pa'i rang bzhin yin par bya'o/ /de nas phyi rol nas pad+ma 'dab ma brgyad pa lta bu snang ba gang yin pa de ni rnam par shes pa brgyad rnam par dag pa'i rang bzhin gyi rtsa brgyad du shes par bya ste/ rigs kyi bu b+ha ga'i dbus na nam mkha' gang/ /nam mkha' lnga yis brgyan pa ste/ /lte ba ge sar rnams dang ldan/ /'dab ma brgyad kyis rnam spras pa/ /de nas bdud rtsi'i thig le yi/ /gzugs su rtag tu 'dzag pa yin zhes bya ba la sogs pa dang rigs kyi bu de skad du yang/ b+ha ga yi ni dbus gnas pa/ /myos byed 'dzag pa'i rtsa gang yin/ /de ni rtsa gang sum cu gnyis/ /de rnams nang nas gtso bo yin/ zhes kyang gsungs so/ /de'i phyir kye ma'o bdag gi pad+ma 'di/ /bde ba kun dang yang dag ldan/ /gang zhig cho ga bzhin brtan pa/ /de yi mdun na bdag gnas shing/ /'di ni chos dbyings dag pa ste/ /sems can khams ni rab grol byed/ /bde ba chen po rab nyid ni/ /dngos po kun gyi 'di la gnas zhes bya ba 'di ni/ /spyi'i mtshan nyid yin par shes par gyis shig ces bya ba'i phyag rgya'i tshig de lta bu thos te/ de nas des mig dang lcags kyu dang ba dan dang sdig mdzub zung gcig gis de'i nang du ji srid reg bya dro ba'i bar du bskyod de/ de nas lce'i rtse mos kyang a sarba da nam byas nas a liM ga na dang tsub pa na la sogs pa bya zhing shes rab dang de'i rdo rje ste ba dan au pa re 'dug nas sang gar sha bya'o/ /de'i rjes la shes sam phyag rgya dang snyoms par zhugs pa mthong ste/ rdo rje slob dpon gyi thugs ka nas gti mug dga' ma la sogs pa bzhi pa rnam par spros nas slob ma'i khar bcug ste/ gti mug dang 'dod chags dang zhe sdang dang phrag dog gi rgyun rnams kyis dbang bskur nas dbang gi rim gyis dpe lhan cig skyes pa shes su gzhug go /de'i rjes la lhan cig skyes pa nyams su myong ba'i yi ge hUM dang phaT kyi sgras byang chub kyi sems yan lag mchog gi nang du phyung ste/ de yang de las ma lhung bar ra sa ya nas myang bar bya'o/ /zhes bya ba ni shes rab kyi dbang bskur ba'o/ /de lta bu'i shes rab kyi dbang nam gyi dus su yang dag par mthong nas/ tho rangs kyi dus te skya rengs 'char ka'i dus su ste/ mchod pa rnam pa lnga yang mchod de/ shes rab ye shes kyi dbang thob par bya ba'i phyir/ slob mas thal mo sbyar ba byas pa yis 'chad par 'gyur ba'i bstod pa rnams kyis rdo rje slob dpon bla ma mnyes par bya zhing gsol ba gdab par bya'o/ /zhes bya ba ni sbas pa'o/ /de nyid ni khams gsum las ni rnam grol zhing/ /nam mkha' dang ni mnyam par gyur/ /'dod pa rnams kyis ma gos ba/ /dmigs med khyod la phyag 'tshal lo/ /zhes bya bas gsungs te/ kye bcom ldan 'das slob dpon dam pa khams gsum pa'i rang bzhin gyi sems las byung ba'i rnam par rtog pa rnams las rnam par grol ba ste bral ba'o/ /de bzhin du nam mkha' dang mnyam pa ni me long lta bu'i ye shes te/ de gyur ba ni thob pa yi/ /'dod pa ste nyon mongs pa gti mug de dang 'brel pa'i nye ba'i nyon mongs pa rnams kyis ma gos pa ni ma bsgribs pa'o/ /de nyid kyi phyir sa'i khams kyi dmigs pa rnam par dag par byed pa nyid yin pas dmigs med khyod la phyag 'tshal lo/ /zhes bya ba ni rnam par snang mdzad kyi sgo nas bstan pa'o/ /phung po rnams dang khams rnams dang/ /skye mched rnams la mi brten cing/ /phyin ci log las rnam grol ba/ /dmigs med khyod la phyag 'tshal lo/ / phung po khams dang skye mched rnams la so sor rtog pa'i ye shes kyis gzung ba dang 'dzin pa'i rnam par rtog pa spangs pa'i phyir mi brten cing ma chags pa dang/ de bzhin du phyin ci log ste 'dod chags kyi rnam par rtog pa dang 'brel pa'i nye ba'i nyon mongs pa'i rnam par rtog pa rnams las rnam par grol zhing bral ba dang/ me'i khams kyi rnam par rtog pa sbyong bar byed pa nyid yin pa'i phyir dmigs med de/ de lta bur gyur pa khyod la phyag 'tshal lo/ /zhes bya ba ni 'od dpag tu med pa'i sgo nas bstod pa'o/ / nam mkha' bzhin du gnas med cing/ spros med gos pa med pa ste/ mkha' mnyam pa yi thugs mnga' ba/ /dmigs med khyod la phyag 'tshal lo/ /ji ltar nam mkha' gnas med cing/ /rten dang brten pa'i dngos po dang bral ba de bzhin du khyod kyang chos kyi dbyings kyi ye shes yin pa'i phyir gnas med pa dang/ rtog pa dang dpyad pa thams cad dang bral ba'i phyir/ spros pa med pa dang/ nyon mongs pa'i bag chags dang 'brel pa med pa nyid yin pa'i phyir gos pa med pa dang zhe sdang dang chu'i khams kyi rnam par rtog pa sbyong bar byed pa nyid yin pa'i phyir nam mkha' dang mnyam pa'i thugs mnga' ba de lta bu khyod la phyag 'tshal lo/ /zhes bya ba mi bskyod pa'i sgo nas bstod pa ste dgongs pa ma yin pa'o/ /bstod pa'i rjes thogs la gsol ba gdab pa/ /thams cad stong pa'i rang bzhin can/ /mngon par byang chub mthong 'dod pas/ /bstod nas slar yang bla ma yis/ /bla ma la ni bskul bar bya zhes bya bas gsungs te/ thams cad stong pa'i rang bzhin can// zhes bya ba 'di ni gcig tu 'od gsal ba'i rang bzhin can no/ /mngon par byang chub pa'i dpe las byung ba'i lhan cig skyes pa'i man ngag kun tu bstan pa'o/ /mthong 'dod pa ni shes par 'dod pa'o/ /bstod nas rdo rje sku la sogs pa'i rang bzhin gyi sgo nas bstod pa byas nas so/ /thal mo sbyar nas spyi bor bzhag pa'i slob ma ni sgrub pa po'o/ /bla ma ni rdo rje slob dpon no/ /bskul bar bya ba ni gsol ba gdab par bya ba'o/ /zhes bya ba ni sgra ji bzhin pa'o/ /las dang skye las rnam grol zhing/ /snang ba gsum po spangs pa yis/ /mngon par byang chub bstan pa ni/ mgon po chen po bdag la stsol/ /kye thugs rdo rje 'chang dang tha mi dad pa'i rang bzhin gyi mgon po chen po/ /de kho na nyid bzhi pa'i mngon par byang chub pa bstan cing bshad pa bdag la sogs pa ni dpe nyid kyi sgo nas mthong gi dpe las byung ba nyid kyi sgo nas ni ma yin no/ /zhes bya ba'i tha tshig go /ji lta bu zhe na/ las ni dge ba dang mi dge ba'i rang bzhin gyis mthu las byung ba'i/ /lus dang ngag gi las so/ /de yi dbang gis 'khor bar yang/ /skye zhing nying mtshams sbyor ba ste/ /de las rnam par grol ba'o/ /ci'i phyir zhe na/ 'di ltar snang ba gsum po ste rnam par shes pa dang ye shes gsum po spangs pa ni bor ba'o/ /rang bzhin gyi tshogs rnams ni rnam par shes pa'i rtsa ba can yin la/ de'i mthu las byung zhing de'i dbang gis skye ba 'byung ba'i phyir rgyu zad pa las 'bras bu mi 'byung ste/ sa bon tshig pa las myu gu dang/ shing rtsa ba nas bton pa las sdong bu lo ma dang me tog dang 'bras bu rnams bzhin no/ /de ni mi bskyod pa'i sgo nas gsol ba 'debs pa yin no/ /sangs rgyas kun gyi ye shes che/ /de bzhin gshegs pa kun gyi gnas/ /rdo rje ye shes bla na med/ /slob dpon chen po bdag la stsol/ /sems can gyi khams chen po'i tshig gi sgo nas dag par byed pa nyid yin pa'i phyir/ 'od dpag tu med pa'i rang bzhin gyis slob dpon chen pos rdo rje ye shes bdag la stsol ba ste ston gcig pa'o/ /rdo rje ltar mi shigs shing mi g.yo ba'i ye shes ni de kho na nyid bzhi pa'o/ /gang las bla mar gyur pa gzhan med pa de ni bla na med pa ste bzhi pa las de kho na nyid gzhan med pa'i phyir ro/ /sangs rgyas kyi kun gyi ste stong pa la sogs pa rnams kyi ye shes chen po ni thams cad stong pa'o/ /de bzhin gshegs pa kun te/ ye shes lnga'i rang bzhin gyi phung po la sogs pa rnams kyi gnas ni ro gcig pa'i dngos pos gnas pa'o/ /zhes bya ba ni 'od dpag tu med pa'i sgo nas gsol ba 'debs pa'o/ /thog mdza' med cing zhi ba dang/ /nyon mongs thams cad rnam sbyong zhing/ /lus dang ngag sems dag byed pa/ /rdo rje chen pos bdag la stsol/ /kye sku rdo rje 'chang gang gis rang bzhin rdo rje chen po/ lus la sogs pa rnams dag par byed pa'i de kho na nyid bzhi pa bdag la stsol te bdag la ston cig pa'o/ /thog ma ni dga' ba dang mchog dag go /mdza' ma ni bral ba ste/ de de dang bral ba nyid yin pa'i phyir thog mdza' med pa'o/ /nyon mongs pa thams cad ni rang bzhin rnams dang de'i rtsa ba rnam par shes pa rnams te/ de rnam pa sbyod pa ni 'od gsal bar byed pa'o/ /zhes bya ba ni sku rdo rje'i sgo nas gsol ba 'debs pa yin te/ dgongs pa ma yin pa'o/ /gsol ba btab pa'i rjes thogs su bla ma'i bshad pa ni/ de ltar yon tan yang dag pa// brjod pas mnyes pa'i rnal 'byor pas/ /snying rje slob ma la bskyed de/ /de nas rim pa 'di skad bshad/ /ces bya bas gsungs te/ de ltar de tshul de ltar/ yon tan yang dag par brjod cing ji lta ba bzhin du gnas pa'i spyod pa dam pa rnams la/ bstod pas rnal 'byor pa ste rdo rje slob dpon gyi slob ma sgrub pa po la snying rje ste/ snying brtse ba bskyed nas/ 'di skad de 'chad par 'gyur ba'i rim pas bshad cing man ngag bstan par bya ste sgra ji bzhin pa'o/ /de nyid ni mtshan mo snang ba'i cha ste gsal ba'i nyi ma'i 'od zer snang ba gsal ba yin/ mtshams nas snang ba thob pa rang gi rang bzhin rnams dang lhan cig min par ldan/ /mtshan min nyin par ma yin mtshams min gang zhig rang bzhin rnams dang rnam bral ba/ /de ni byang chub skad cig yin te bla ma mchog bshad rnal 'byor ba nyid yum/ /zhes bya ba gsungs te/ kye bu khyod kyis thabs dang shes rab snyoms par 'jug pa'i dus su dang por 'dod chags kyi skad cig dga' ba'i rang bzhin can nyams su myong ba gang yin pa de ni snang ba zhes bya ba yin par shes par bya ste/ cung zhig gsal ba'i bde ba 'byung ba'i phyir ro/ /bde ba de nyid kyi mtshan mo'i cha zhes bya ste/ mtshan mo zla ba'i snang ba yod kyang dngos po rnams gsal bar mi mthong ba'i phyir ro/ /khyod kyi mchog tu dga' ba'i skad cig 'dod chags par ma'i rang bzhin nyams su myong ba gang yin pa de ni snang ba gsal ba'i mtshan mo la bltos nas snang ba 'phel bar 'gyur ba dga' ba khyad par can du rab tu gsal ba'i phyir nyi ma'i 'od zer gsal ba ste/ nyi ma'i 'od zer rab tu gsal ba dang mtshungs pa yin par shes par bya'o/ /bral ba'i rang bzhin gyi 'dod chags dang bral ba gang yin pa de ni zla ba dang nyi ma'i snang ba med pa yid mi bde ba'i mtshan nyid kyi snang ba nye bar thob pa snang ba yongs su rdzogs pa'i mtshan nyid can yin par khong du chud par bya'o/ /rigs kyi bu gsum po 'di ni de kho na yin no/ /ci'i phyir zhe na/ 'di ltar skad cig de rnams ni rang gi bdag nyid kyi rang bzhin rnams te sems las byung ba'i chos rnams kyang ldan zhing 'brel ba yin no/ /yang rigs kyi bu mtshan min dga' ba dang snang ba'i rang bzhin ma yin pa dang/ nyin par ma yin pa dang mchog dang snang ba gsal ba'i rang bzhin ma yin pa dang/ mtshams min te 'dod chags bral ba dang/ snang ba nye bar thob pa'i rang gi ngo bo ma yin zhing/ de nyid kyi phyir rang bzhin rnams te tha mal pa rnams dang bral zhing/ dri ma med pa gang yin pa de ni byang chub kyi skad cig ste 'od gsal ba'i rang bzhin rtogs par dka' ba'i skad cig yin par shes par bya'o gal te de lta yin na ci'i phyir thams cad kyis de mi shes she na gsungs pa bla ma mchog bshad de rdo rje slob dpon zhal las shes par bya'o/ /gzhan du na yod du zin kyang ma rig pa'i dbang gis shes par mi 'gyur ro/ /de ni glog gi skad cig bzhin du shes par dka' ba yin pa'i phyir/ bla ma mnyes pa las thob par 'gyur ro/ /de nyid kyi phyir rnal 'byor pa ste rang rig pa'i mngon sum gyi tshad ma dang ldan pa'i sgrub pa po rnams kyis yul yin zhing nges par bya ba dang thob par bya ba yin no/ /zhes bya ba'i don te sbas pa'o/ /de nyid shes pa'i thabs ni/ mtshan mo'i mun pa ma lus pa dang mtshams kyi snang ba gang du nub pa dang/ ji srid nyi ma ma shar skad cig dri med der ni yang dag mdza' bstan bya/ /slob dpon mchog ni rab rib spangs pas slob ma la mi phyi rol byang chub bstan/ /nang gi bde ba gnas mchog sangs rgyas byang chub 'ga' zhig skad cig gis 'thob 'gyur/ /zhes bya bas gsungs te/ mtshan mo'i ni 'dod chags kyi skad cig yin zhing de las byung ba'i mun pa ste yid mi bde ba'i skad cig gang yin pa nub ste ma byung zhing zhig pa dang/ de bzhin du mtshams ni 'dod chags dang bral ba'i skad cig ste yid mi bde ba'i rang bzhin yin zhing/ de'i snang ba ste rab tu gsal ba yang nub cing ma byung ba dang/ de bzhin du nyi ma'i mchog gi skad cig ste bar ma dang snang ba gsal ba'i rang bzhin ma shar ba ste ma byung zhing ma thos pa'i skad cig dri med de/ 'dod chags la sogs pa'i dri ma dang bral ba der yang dag mdza' ste/ 'od gsal dpe'i de bzhin nyid kyi rang bzhin gyi man ngag bzhi pa'i gtam bstan zhing gsal bar bya'o/ /su la zhen slob ma ste sgrub pa po la'o/ /slob dpon mchog ni bla ma mchog tu gyur pa'o/ /gang gis rab rib ste 'dod chags dang 'dod chags dang bral ba dang 'dod chags par ma'i nyes pa dpe'i sge nas spangs shing gsal ba de ni rab rib spangs pa ste bla ma'o/ /ji ltar zhe na/ phyi rol byang chub ces bya ba ni tho rangs kyi mtshams kyi dus su thams cad stong pa dang/ nyi ma shar dus su snang ba gsal ba dang nub pa'i mtshams kyi dus su snang ba nye bar thob ba dang/ mtshan mo byung ba'i dus su snang ba ste/ de bstan cing bshad pa'i sgo nas nang gi bde ba ste nang gi mngon par byang chub pa de ni dang po 'od zer kha dog lnga po'i tshogs su snang ba dang gnyis pa smig rgyu lta bur snang ba dang/ gsum pa srin bu me khyer lta bur snang ba ste/ srin bu me khyer zhes bya ba ni srog chags kyi bye brag rgyu ba 'ga' zhig go /bzhi pa mar me lta bur snang ba dang/ lnga pa sprin med pa'i nam mkha' lta bur snang ba zhes bya ba zla ba dang nyi ma dang mtshams kyi mun pa dang de las ma gtogs pa'i snang ba bzhi po dang bcas pa yin par shes par bya'o/ /zhes snang gi mngon par byang chub pa'i rim pa bstan par bya'o/ /yang na phyi'i mngon par byang chub pa ni dam tshig gi phyag rgya'i sgo nas nyams su myong ba'i dpe'i lhan cig skyes pa'o/ /nang gi mngon par byang chub pa ni dpe las byung ba'i lhan cig skyes pa ste de'i phyir phyi'i mngon par byang chub pa'i thabs kyis nang gi mngon par byang chub pa thob par 'gyur ro/ /de yang rnam par rtog pa ma lus pa rab tu zhi bar byed pa nyid yin pa'i phyir bde ba'o/ sangs rgyas byang chub ces bya ba ni yang dag par rdzogs pa'i byang chub bo/ /'ga' zhig ces bya ba ni rang rig pa'i tshad mas rtogs par bya ba yin gyi yul ma yin pa'o/ /shes rab kyi pha rol tu phyin pa'i rnal 'byor pas kyang byang chub thob mod kyi 'on kyang bskal pa grangs med pa gsum gyis so/ /'dir ni skad cig gis de kho na nyid bzhi pa nyams su myong ba'i skad cig gis so/ /zhes bya ba'i don to/ /sbas pa'o/ /de nyid kyi mtshan nyid ni/ thog ma ni gyur dang de bzhin thog mar gyur/ /dbus min gyur dang de bzhin dbus gyur dang/ /mdza' min gyur dang de bzhin mthar gyur pa/ /de ni thams cad stong par sangs rgyas gsungs/ /zhes bya bas gsungs te/ de kho na nyid bzhi pa gang yin pa de ni thog ma ste dga' ba dang de dang bral ba nyid yin pa'i phyir thog min gyur pa'o/ /de bzhin du thog ma med pa la khyab par byed pa nyid yin pa'i phyir thog mar gyur pa 'am/ thams cad skyed par gyur pa nyid yin pa'i phyir thog mar gyur pa'o/ /dbus ma ni mchog ste de dang bral ba nyid yin pa'i dbus min gyur pa'o/ /de la khyab par byed pa nyid yin pa'i phyir dbus su gyur pa'o/ /mdza' ni bral ba ste de dang bral ba nyid yin pa'i mdza' min gyur pa'o/ /de la khyab par byed pa nyid yin pa'i mthar gyur pa ste/ de lta bu'i mtshan nyid can de ni thams cad stong pa kho na nyid bzhi pa yin par sangs rgyas kyis gsungs shing bka' stsal to/ /zhes bya ba'i don te mthar thug pa'o/ /rang gi ngo bo ni/ gang la 'gro ba dang ni 'ong med cing/ /zad dang 'phel med dngos dang dngos min med shin tu ngo mtshar gzugs can ngo mtshar min/ /gnas par 'gyur min myur du 'gro ba min/ /zhes bya bas gsungs te/ 'di dang 'di lta bu med cing yod pa ma yin pa'i thams cad stong pa gang la 'gro ba ste 'byung ba'i rim gyis spro ba dang/ 'ong ba ste 'jug pa'i rim gyis bsdu ba dang/ ngang gis sgras gnas pa ste/ de dang gang la med pa zhes bya bas ni rdo rje bzlas pa'i rim pa ma yin par bstan to/ /zad pa ni rnam par shes pa gsum mo/ /'phel ba ni snang ba gsum mo/ /dngos po ni 'od gsal ba'o/ /dngos po min ni rang bzhin rnams te de dag med pas shes bya bas ni sems rnam par dag pa'i rim pa ma yin par bstan to/ /ngo mtshar gzugs can ni dkyil 'khor gyi 'khor lo gzhan dang gzhan spro ba'i sgo nas skad cig tsam gyis 'gro ba'i don byed pa'o/ /ngo mtshar byed pa ni rgyu ma'i dpe bcu gnyis kyis rang bzhin ngag 'od gsal bar shes pa ste/ de dag kyang med pa zhes bya bas ni/ bdag byin gyis brlab pa'i rim pa ma yin par bstan to/ /gnas par gyur min zhes bya ba ni 'khor ba dang mya ngan las 'das pa dag la mi gnas pa nyid yin pa'i phyir ro/ /myur du 'gro ba min pa ni g.yo ba med pa'i rdo rje lta bu'i ting nge 'dzin la gnas pa'o/ /zhes bya ba ni 'dis ni zung du 'jug pa'i rim pa ma yin par bstan pa yin no/ thams cad stong pa'i rang gi ngo bo ni de lta bu yin par shes par bya ste mthar thug pa'o/ /de nyid ni gang zhig yod med tha snyad las grol zhing/ /bsod nams dngos min sdig pa dngos ma yin/ /bsod nams sdig gis bdag min mchog gyur pa/ /de ni thams cad stong par rgyal bas gsungs zhes bya bas gsungs te/ bye brag tu smra ba dag ni phung po dang khams dang skye mched rnams tshad mas grub pa nyid yin pa'i phyir yod do zhes zer ro/ /rnal 'byor spyod pa rnams ni chos thams cad rnam par rig pa'i rnam pa yod do phyi rol na cung zad kyang med do/ /zhes zer ro/ /mdo sde pa rnams ni phyi rol rjes su dpag par yod kyis mngon sum du ni med do zhes zer/ /dbu ma pa rnams ni gzung ba dang 'dzin pa dag gcig dang du ma nyid du med pa'i phyir stong pa tsam 'ba' zhig yong ngo 'jig rten rgyad pan pa rnams ni 'byung ba rnams kho na sems dpa' i rang bzhin nyid yin pa'i phyir 'jig rten pha rol med do zhes zer to/ /de lta bu'i yod pa dang med pa'i tha snyad rnams las grol zhing spangs pa'o/ /de bzhin du bsod nams kyi 'du byed ni dang? pa la sogs pa rnams so/ /bsod nams ma yin pa'i 'du byed ni srog bcod pa la sogs pa rnams te de dag dang bral ba nyid yin pa'i phyir/ bsod nams dngos min sdig pa dngos min pa'o/ /bsod nams dang bsod nams ma yin pa 'dres ma'i 'du byed kyi rang bzhin yang ma yin te/ cha gnyis ka yang med pa'i phyir ro/ /de nyid kyi phyir spros pa thams cad dang bral ba nyid yin pas mchog tu gyur pa ste dam pa ste/ de lta bu ni thams cad stong pa ste snang ba bzhi pa yin par sangs rgyas rnams kyis gsungs so/ /zhes bya bas ni rang 'ga' yin pa 'gog par byed do/ /dgongs pa ni 'di yin te/ de zhig bsod nams dang bsod nams ma yin pa dang/ de'i 'bras bu ni yong mod kyi/ 'on kyang de dag la rnam par dpyad pa byas nas don dam par yod pa ma yin te/ de kho na nyid shes pa la bde 'gro dang ngan 'gro dag med pa'i phyir ro/ /lus rnams 'bras bcas nyid dang ni/ /'gro ba rnams kyang yang dag bshad/ /de yi rang bzhin yongs shes pas/ /skye med pa yang bstan pa yin/ /dgongs pa'i dbang gis rgyal ba rnams/ /nga dang bdag ces gsungs pa ltar/ /de bzhin dgongs pa'i dbang gis ni/ /phung po khams dang skye mched gsungs 'byung ba che la sogs bshad pa/ /rnam par shes su yang dag 'du/ /de shes nas ni bral gyur na/ /log par rnam brtags ma yin nam/ /gang tshe rgyal bas mya ngan 'das/ /gcig pu kho na bden par gsungs/ /de tshe lhag ma log min par/ /mkhas pa su zhig rtog par byed/ /ces bya ba la sogs pa gsungs te mthar thug pa'o/ /de kho na nyid thob pa'i rnal 'byor pa'i spyod pa ni/ /de lta'i de nyid thob pa'i rnal 'byor pa/ /rgyu dang mi rgyu bdag nyid 'gro gnyen gcig /ye shes rang bzhin mi yi seng ge rgyu/ /'gro kun gnas nas mi zad dus thob yin/ /zhes bya bas gsungs te/ sngar bshad pa'i de kho na de lta bu nyid thob cing rnyed pa'i rnal 'byor pa ni rgyu dang mi rgyu'i bdag nyid nges/ brtan pa dang g.yo ba'i dngos po'i rang bzhin thams cad la khyab par gnas so/ /'gro ba rnams kyi gnyen gcig yin pa ni gzhan la phan pa byed par lhur len pa'i phyir ro/ /rgyu ba ni spros pa med pa dang/ shin tu spros pa med pa'i spyod pas gnas pa'o/ /ji lta bu zhig ce na/ ye shes kyi rang bzhin zhes pa ni don dam pa yin la byed pa las rnam par mi g.yo ba'o/ /de bzhin du mi rnams kyi nang nas shes rab kyi sdong mo'i rtse mo rnams kyis srid pa'i glang po che'i 'tshogs ma'i klang 'gems pa'i phyir seng ge dang 'dra bas na seng ge ste/ de'i phyir mi'i seng ge 'am/ seng ge rnam par grol ba'i ting nge 'dzin la snyoms par 'jug pa nyid yin pa'i phyir mi'i seng ge'o/ /seng ge glang po che'i thog tu mchongs nas bsad de rang gnas su 'ongs nas 'dug go zhes grag ste de bzhin du gang zhig rang gi ye shes kyi seng ges gzhan gyis shes pa 'dzin pas rol pa de ni ye shes kyi ri dags kyi rgyal pos rol pa'i rnal 'byor ba dang ldan pa ste/ ye shes gnyis ni rab 'dres pa/ /seng ge rnam rol phyag rgya yin/ /zhes kyang gsungs te de bzhin du 'gro ba ste sems can dang snod kyi 'jig rten gyi bdag nyid kun nad nas/ rnal 'byor pa de ni mi zad pa'i dus dang/ dpyid kyi dus dang lhan cig skyes pa'i dus shes bya ba'i tha tshig go /de thob pa ni thob par byed pa po yin no zhes bya ba'i tha tshig ste sgra ji bzhin pa'o/ /da ni spyod lam gyi bya ba/ de ni yon po'i lus kyang lus drang yin/ /de ni bstan med gyur kyang stan gnas brtan/ /de ni mig btsums gyur kyang mig gdangs yin/ /de ni mnyam bzhag min yang mnyam gzhag 'gyur/ /zhes bya bas gsungs te/ rnal 'byor pa de na gal te res 'ga' yon po'i lus te lus drang po ma yin pas mal na nyal du zin kyang/ 'on kyang lus drang po yin te/ lus drang por gnas pa bzhin ting nge 'dzin mngon du 'gyur ro/ / gal te mnyam par 'jog pa'i tshe stan med par gyur kyang 'on kyang man ngag gi mtshan nyid stan la gnas pas brtan zhing mi g.yo ba yin no/ /de ni gal te mig gdangs pa ste mig rab tu phye ba yin du zin kyang/ 'on kyang phyi rol dang nang dang gnyis ka thams cad du thams cad de kho na nyid kyi rang bzhin kho nar mthong ba'i phyir mig btsums pa yin te kha nang du bltas pa yin no/ /de bzhin du mnyam bzhag min yang ste spyod lam bzhi la gnas pa bzhin du yang mnyam par bzhag cing sems rtse gcig pa yin te/ de kho na nyid mthong ba bstan par gyur pa yin pa'i phyir ro/ /de kho na nyid mthong ba'i rnal 'byor pa de lta bu ni spros pa med pa dang shin tu spros pa med pa'i spyod pa byed pa yin no/ /zhes brjod par bya ste sgren mo 'am gal te sgren mo min pas gang du ji ltar gnas pa der/ rang gi lha ru dmigs bya ste/ de nyid gcig tu rnam bsams bya/ /zhes kyang gsungs so/ /de bzhin du gzhan yang ji lta bu zhig snyam pa'i dgongs pa bsdus nas/ de ni tshig dang ldan yang dgra bsdams yin/ /de ni longs spyod ldan yang dmigs bral yin/ /de ni 'jig rten mgon yang gzhan bran gyur/ /gang zhig de nyid rtogs shing nyes kun zad ces bya bas gsungs te/ de bzhin du rnal 'byor pa de ni tshig dang ldan yang ste tshig dang ngag dang glu dang brkyang pa la sogs pa'i tshig rnam pa sna tshogs pa dang ldan du zin kyang ngag bsdams shing dag kun tu thul bar yin par brjod pa ste/ ngag gi rnam par rtog pa sgra rnams mi dmigs pa'i phyir ro/ /de mi dmigs pa ni 'od gsal ba khong du chud pa'i phyir ro/ /de bzhin du longs spyod de 'dod pa'i yon tan lnga po rnams dang ldan zhing 'brel du zin kyang dmigs bral zhes bya ba gzugs la sogs pa'i yul rnams la nye bar dmigs pa med pa yin te/ de rnams sgyu ma lta bu'i ting nge 'dzin gyis rang bzhin gyis dag pa nyid du mthong ba nyid yin pa'i phyir ro/ /de ltar yang bcom ldan 'das kyis dmigs pa dang bcas pa'i lta ba can gyi nyan thos kyi rigs can gyi dge slong lnga brgya sgyu ma lta bu'i ting nge 'dzin gyis 'od gsal ba'i de kho na nyid skad cig gcig la bcug par gyur to/ /zhes theg pa chen po'i mdo sde rnams las thos te/ dper na thugs rje chen po'i bdud rtsis thugs brnyan pa'i yang dag par rdzogs pa'i sangs rgyas bcom ldan 'das kyis dgon pa'i gnas su dge slong gi dngos por gnas pa'i nyan thos lnga brgya gzigs nas 'od zer gyi sbyor bas dge slong gi cha byad can gyi skyes bu 'ga' zhig sprul te spros so/ /de nas de 'chag cing song ba dang/ lam gyi dbus dgon par dge slong lnga brgya pa de dag dang phrad par gyur to/ /de rnams kyis smras pa btsun pa zhes bya ba 'ga' yang med do/ de rnams kyis smras pa sdom pas rgan nam gzhon nam 'on te ma yin/ de rnams la smras pa brtul zhugs zhes bya ba ci zhig gang gi brtul zhugs yin rgan pa ni gang zhig gzhon pa ni gang zhig yin / de rnams kyis smras pa khyod gang nas 'ongs gang du 'gro/ des smras pa/ gang nas ma 'ongs gang du yang mi 'gro ste/ 'gro ba ni su zhig gang du 'gro bar bya/ de rnams kyis smras pa khyed gang na gnas ming dang rus ci yin/ des smras pa gang na mi gnas shing nga'i ming dang rus la sogs pa ni cung zad kyang med do/ /de rnams kyis smras pa/ khyod kyi ting nge 'dzin gang zhig nga la ting nge 'dzin 'ga' yang med de/ da ni 'di lta bu dang 'di lta bu nyid yin no zhe'o/ /de nas dge slong de rnams kyis sangs rgyas kyi byin gyis brlabs kyis mthus skad cig gcig la 'gro ba dang/ 'ong ba dang bral ba'i sgyu ma lta bu'i ting nge 'dzin la snyoms par zhugs nas yang dag pa'i tshul gyi bdag nyid de kho na nyid mngon du byas par 'gyur ro/ /de bzhin du 'jig rten la phan 'dogs par byed pa nyid yin pa'i phyir 'jig rten gyi mngon du gyur pa yin yang sems can gzhan rnams kyi bran du gyur cing khol dang mtshungs pa yin te/ nga rgyal med pa nyid yin pa'i phyir ro/ / 'gro ba rnams la gdol pa ? gu bzhin/ /rgyags dang nga rgyal dregs pa sprangs nas ni/ /zhes bya ba la sogs pa gsungs so/ /gnyis su med pa'i de kho na nyid shes pas na de nyid rtogs pa'o/ /de nyid kyi phyir gang la 'dod chags la sogs pa'i nyes pa kun zad pa yod pa 'di skad ces bya'o/ /zhes bya ba ni mthar thug pa'o/ /da ni ting nge 'dzin gnyis kyi sgo nas mngon par byang chub pa/ man ngag thob pa'i slob ma yis/ /de nas rnal 'byor rnam gnyis brlobs/ / ril por 'dzin pa'i rim pa dang/ /de bzhin rjes su gzhig pas so/ /zhes bya bas gsungs te/ bla ma'i zhal nas man ngag ste mngon par byang chub pa'i rim pa'i man ngag thob nas de bstan par bya ba'i phyir rnal 'byor rnam gnyis te/ bye brag gnyis kyis ting nge 'dzin goms par bya'o/ /gcig ni ril por 'dzin pa'i rim pa yin zhing/ gnyis pa ni rjes su gzhigs pa'i rim pa yin/ /zhes bya ba ni bstan pa ste/ sgra ji bzhin pa'o/ /bshad pa ni/ mgo bo rkang pa'i bar dag gam/ /ji srid snying gar phyin pa'i bar/ /rnal 'byor yang dag mdza' 'jug pa/ /ril po 'dzin pa zhes bshad do/ /zhes bya bas gsungs te/ lte ba chos kyi 'khor lo rtsibs brgyad pa la yi ger bkod nas chos thams cad bdag med pa'i blos de las spros te de'i steng du song nas mgo bo nas brtsams te/ rkang pa'i bar du bsregs nas slar snying kar sang ste yang de kho na nyid na byas nas rnal 'byor pa yang dag mdza' ste/ don dam pa la 'jug pa'i de ni ril por 'dzin pa'i ting nge 'dzin yin par brjod par bya'o/ /cha drug pa'i gong du mi dmigs par 'dzin na ril por 'dzin pa'o/ /bshad do zhes bya ba 'dis ni lung tshad yin par bstan te/ zhes bya ba ni mthar thug pa'o/ /rgyu ba dang ni mi rgyu nyid/ /dngos po 'od gsal bar bya ste/ /phyi nas de bzhin bdag nyid bya/ /de ni rjes gzhig rim pa yin/ /rim pa 'di nyid kyis ba spu'i bu ga'i gseb thams cad nas byung ba'i 'od zer gyi 'khor los sgyur ba'i bdag gi 'gro ba snang ba med par bya ste/ de bzhin du bdag nyid kyang snang ba med par bya'o/ /zhes bya ba 'di ni rdul bzhin rdul phra rab re re phye nas 'gro ba mi dmigs pa'i phyir rjes su gzhig pa zhes bya ste mthar thug pa'o/ /'dir dpe gnyis te/ ji ltar chu bo 'am lteng ka'i chu ni dri med dag la zla ba gnas pa ltar de bzhin rim pa 'di yis rjes gzhig ces bya ba rnal 'byor pas rtag tu bsam/ me long la ni rlung dag rim gyis zad par 'gyur ba bzhin duAng blta bar bya ste/ ril por 'dzin pa la ni bya ba'i rim pa 'di ni de bzhin yang dag brtag ces bya ba bzhin no/ /'od gsal ba la yang dang yang du goms par bya ba'i phyir/ dbugs kyi rlung ni me long la/ /ji ltar kun du thim 'gyur ba/ /de bzhin rnal 'byor yang dag mdza' / /yang dang yang du 'jug par bya/ /zhes bya bas gsungs te/ ji ltar me long dri ma med pa la dbugs kyi rlung ste kha'i rlung bzhag pa na skad cig nyid kyis thim zhing zhi bar 'gyur ba de bzhin du rnal 'byor pas skad cig re re zhing yang dag mdza' ste 'od gsal ba la 'jug par bya'o/ /zhes bya ba ni goms bar bstan par bya ba nyid du bstan pa yin no/ / gzhan du na glog bzhin du shin du g.yo ba'i don dam pa'i skad cig la gnas par mi 'gyur ro/ /zhes bya ba ni mthar thug pa'o/ /spyod lam thams cad du 'od gsal ba la 'jug pa ni/ 'gro dang 'dug dang nyal dang za/ /mig 'byed 'dzum dang gong pa dang/ /bsam gtan sbyor ba 'di yis ni/ /de nyid rig pa rtag tu gnas shes bya bas gsungs te/ 'gro ba la sogs pa rnams ni spyod lam rnams pa bzhi 'o/ /za ba la sogs pa rnams kyis ni dbang po'i bya ba rnams nye bar mtshon par bya ste/ de na las thams cad la 'jug pa na rnal 'byor pa ting nge 'dzin 'di nyid la brten par byed do/ /de nyid reg pa zhes bya ba ni don dam pa ji lta ba bzhin du mngon par shes pa'o/ /rtag tu zhes bya ba ni nyin dang mtshan du'o zhes bya ba ni mthar thug pa'o/ /'od gsal pa zhugs pa'i sems can gyi don ni/ brgya la sems can don byed na/ /de dang de mthun 'od zer dang/ /rnam shes rlung dang ldan pa ni/ /bdag byin gyis brlabs pa'i rim pas bya/ /zhes bya bas gsungs te/ gang gi tshe rnal ' byor bas sems can gyi don bya bar 'dod pa de'i tshe de bzhin gshegs pa lnga'i rigs kyi gtso bor byas pa'i sgo nas de dang de mthun pa'i 'od zer spros la rnam shes rlung dang ldan pa ste yid kyi rang bzhin gyi lha'i sku rnam grangs gzhan yang bdag byin gyis brlabs pa'i rim pa'i zhes bya ba gang yin pa des gzhan 'ja' mtshon lta bu'i skur bskyed nas sku ste sku de dang 'od zer gyis sbyor bas bshad pa dang/ smin pa la sogs pa'i rnam pas 'gro ba'i don bya'o/ /zhes bya ba ni sbas pa'o/ / 'od gsal ba ni thams cad 'byung ba'i rgyu nyid yin par/ ji ltar dang ba'i chu rlung las/ /nya dag myur bar 'phar ba ltar/ /de bzhin thams cad stong gsal las/ /sgyu 'phrul dra ba 'byung bar 'gyur/ /zhes bya ba gsungs te/ ji ltar dang zhing ' dam gyi nyes pa'i rnyog pa med pa'i chu rlung ste chu bo'i chu las glo bur du zas don du gnyer ba'i nya de nya rnams myur du skad cig tsam gyis 'phar zhing 'byung ste chu na spyod pa nyid yin pas de'i nang du myur du 'gro bar nus pa nyid yin ba'i phyir ro/ /de kho na bzhin du thams cad stong pa ste/ 'od gsal ba'i de kho nyid 'dod chags la sogs pa nyon mongs pa'i 'dam gyi dri ma dang bral zhing gsal ba las sgyu ma'i rang bzhin gyis lha'i sku 'di 'gro ba'i don bya ba'i phyir/ skad cig gis 'byung zhing skye ba 'am 'gro bar 'gyur ro/ /dra ba ste 'khor ba'i 'khor lo ma lus pa yang de kho nas 'byung ba nyid yin no/ /rnal 'byor pa dang po so so'i skye bo dag la yongs su shes pa dang yongs su ma shes pas byas ba dang rang dbang can dang dbang can ma yin pas byas pa'i khyad par yod par shes par bya'o/ /de nyid bcings pa dang thar par rnam par bzhag pa yin te/ kun nas nyon mongs pa dang rnam par byang ba'i dngos po rnams kyi rgyu ni gcig pa nyid yin zhing de nyid du thim par yang 'gyur ro/ / zhes bya ba de ni rim pa gsum par bshad zin pas 'dir mi spro ste sbas pa'o/ /de las byung ba'i sku'i rang bzhin ni/ rigs lnga'i sangs rgyas la bltos pa'o/ /phyag rgya chen por brtag pa ni/ /'od zer lnga ni 'byung ba ste/ /nam mkha' 'ja' tshon mtshungs pa yin/ /zhes bya bas gsungs te/ rnal 'byor pas 'od gsal ba de las sku spros pas gang yin pa de ni phyag rgya chen po'o/ /de'i rnam pa thams cad kyi mchog dang ldan pa'i phyag dang zhal dang sku mdog dang dbyibs dang ldan pa nyid yin pa'i phyir phyag rgya yang yin la 'od gsal ba las 'byung ba nyid yin pa'i phyir chen po yang yin pas phyag rgya chen po'o/ /brtag pa ni shes par bya'o/ /ji lta bu zhig ce na mos pa'i bye brag gis sgo nas sems can rnams rjes su bzung ba'i don du 'am zhi ba la sogs pa'i don du rigs lnga'i sangs rgyas la bltos pa ste/ rigs lnga'i de bzhin gshegs pa'i rang bzhin no/ /de nyid kyi phyir 'od zer lnga 'byung ba na zhes bya ba 'od zer kha dog sna lnga pa'i 'od zer rim pa 'am cig car du 'byung ba'i rgyur gyur pa yin no/ /bskyed pa'i rim pa'i rnal 'byor las khyad par du gsungs pa ni/ ji ltar nam mkha' ste nam mkha' i 'ja' tshon 'od zer kha dog sna lnga pa'i tshogs 'phro bar byed pa snang ba de bzhin du de yang yod pa yang ma yin med pa yang ma yin no/ /zhes sgyu ma bzhin shes par bya'o/ /zhes bya ba'i don te sbas pa'o/ /sku bskyed nas phyag rgya bcing ba la sogs pa ni/ de kho na nyid la gnas pa kho nas bya ba yin no/ /mnyam du thugs la bzhag nas/ phyag rgya 'ching bar byed pa 'am/ gal te gsang sngags bzlos pa 'am/ /gzhan dag thams cad byed pa na/ /thams cad stong pa'i gzhi la gnas/ /zhes bya bas gsungs te/ phyag rgya'i bcings pa ste phyi rol gyi lag pa'i phyag rgya la sogs pa 'am/ nang gi dgug pa la sogs pa'am las kyi phyag rgya la sogs pa dang snyoms par 'jug pa'i mtshan nyid kyi byed pa'am gal te gsang sngags dag gi bzlas pa'i sgo nas gsal ba 'am/ rdo rje bzlas pa'i sgo nas mi gsal bar bzlos shing 'don pa 'am de bzhin du gzhan gyi dkyil 'khor dang ting nge 'dzin dang phyag rgya dang sngags dang bya ba dang gnas thabs dang bzlas pa dang sbyin sreg la sogs pa byed pa gang ji snyed pa de thams cad ni thams cad stong pa'i gzhi ste/ 'od gsal ba'i gnas la gnas shing 'dug pas bya'o/ /de lta na ni de'i de dag 'bras bu dang bcas bar 'gyur ba dang/ bsod nams dang ye shes kyi tshogs su 'gyur ba yin no/ /gzhan du bskyed pa'i rim pa'i rnal 'byor pa dang mtshungs par bsod nams kyi tshogs tsam du 'gyur ba'i phyir ro/ /zhes bya ba ni mthar thug pa'o/ /bya ba thams cad la de kho na nyid du gnas pa ni thams cad za dang thams cad 'thung/ /kun la phyag byed kun tu 'gro/ thams cad byed dang mtshan ma kun/ /thams cad stong pas 'grub par 'gyur zhes bya bas gsungs te/ rdzogs pa'i rim pa'i rnal 'byor ba gang yin pa des thams cad stong pa de kho na nyid bzhi pa la brten nas/ 'grub pa 'am 'grub par 'gyur ba 'am 'grub 'gyur ro/ /de ji lta bu zhig ce na/ thams cad za zhes bya ba ni dus thams cad du yul thams cad dang/ phyogs thams cad na 'gal ba 'am mi 'gal ba thams cad za ba na nyes par mi 'gyur ro/ /de bzhin du thams cad mthung na yang nyes par mi 'gyur ro/ /kun la ste byis pa dang so so'i skye bo rnams sam 'phags pa rnams la phyag byed pa na nyes par mi 'gyur ro/ /de kho na bzhin du gal te 'gal ba dang mi 'gal ba'i yul la sogs pa thams cad la 'gro bas na kun tu 'gro ba yan pa de'i tshe yang nyes pa med de/ de kho na nyid shes pa yid la byed pa khyad par can gyis zin pa'i 'dod chags la sogs pa rnams ni/ bla na med pa'i 'bras bu thob par byed pa yin no/ /zhes bya ba'i don to/ /ji skad du rnal 'byor chen po'i rgyud dpal mchog dang po las 'dod chags zhe sdang gti mug ste/ gsum po 'di dag dug chen yin/ /dug nyid kyis ni brten byas nas/ /dug tu nye bar 'gro ba nyid/ /bdud rtsi nyid kyi brten byas nas/ /bdud rtsi nyid du 'gro bar 'gyur zhes gsungs pa dang/ mdo sde dkon mchog brtsegs pa las kyang 'od bsrungs 'di lta ste bu ram gyi zhing dang/ 'bras kyi zhing dang ldum ra rnams la lud kyi phung po phan par byed par 'gyur ba yin de bzhin du byang chub sems dpa' la nyon mongs pa phan par 'gyur ba yin no/ /'od bsrungs 'di lta ste sngags dang sman gyis zin pa'i dug gi gsod par byed pa ma yin te/ de bzhin du thabs dang shes rab dang ldan pa'i byang chub sems dpa' ni nyon mongs pa rnams kyis ltung bar mi 'gyur ro/ /zhes gsungs pa dang/ de dag nyid kyi don yod par grub pa'i rgyud las gang gis rmongs par 'gyur ba dang/ de yis mkhas pa grol 'gyur te/ /de ltar byang chub bsgoms pa yis/ /'di dag ma lus bzlog pa yin zhes gsungs pa dang/ gzhan las kyang/ las ni drag po gang gang gis/ /skye ba rnams ni 'ching 'gyur ba/ / thabs dang bcas na de nyid kyis/ /srid pa 'ching ba las grol bar 'gyur/ zhes bya ba la sogs pa gsungs te/ mthar thug pa'o/ /da ni man ngag thob pa'i slob ma yis/ phyir mi ldog pa'i don du bcom ldan 'das kyis gsungs pa'i byang chub kyi sems kyi sngags bla mas byin pa gdon pa'i phyir de la mchod par bya'o snyam du thugs la bzhag nas skal bzang slor ma bzang po man ngag thob/ thal mo sbyar nas me tog 'dzin pa yis/ /byang chub sems sngags don dam zhes bya ba/ /bla ma la ni slar yang blang bar bya/ /zhes bya bas gsungs te/ man ngag thob pas bya ba ni mngon par byang chub pa'i rim pa thob pa'o/ /skal bzang zhes bya ba ni de kho na nyid mngon du byas pa'i phyir de bzhin gshegs pa lnga'i rang bzhin gyi sku 'dzin pa ste/ de skad du yang dpal sangs rgyas thams cad mnyam par sbyor ba'i rgyud las/ kun tu sna tshogs skal bzang las/ /rang bdag sgrub pa skal bzang yin/ /chos la bdag med dang ldan zhing/ /dam tshig sdang ba skal ngan yin/ /srid pa shin tu sgrub pa'i phyir/ /sangs rgyas bcom ldan 'das bzang yin/ /shin tu mya ngan 'das pa yi/ /'jig rten nyan thos skal ngan yin/ /rtog pa thams cad bsgrub pa'i phyir/ /phyag na rdo rje skal bzang yin/ /stong nyid shin tu sbyor ba yi/ /rang rgyal rnams ni skal ngan yin/ /'dod chags thams cad sbyong ba'i phyir/ /spyan ras gzigs dbang skal bzang ste/ /log par lta ba dang ldan pa'i/ /'jig rten mu stegs skal ngan yin/ /don dam mchog ni sdud pa'i phyir/ /rdo rje nyi ma skal bzang ste/ /rang gi lus la'ang chags med pa'i/ /dka' thub can kun skal ngan yin/ /rgyal srid mchog tu sdud pa'i phyir/ /dpal ldan rta mchog skal bzang ste/ /bdag gi med cing 'dzin med pa'i/ /sdom brtson thams cad skal ngan yin/ /bde kun bdag nyid bsgrub pa'i phyir/ /slob dpon thams cad skal bzang yin/ /ltas ngan dam tshig la sdang ba'i/ /slob ma thams cad skal ngan yin/ /de nyid gsang ba 'di yis ni/ /rnam par shes pa don gsal 'gyur/ /zhes bya ba la sogs pa gsungs so/ /de nyid kyi phyir rin po che lta bu'i gang zag nyid yin pas slob ma bzang po ste khyad par can no/ /thal mo sbyar zhes bya ba ni spyi bor lag pa'i thal mo sbyar ba'o/ /gang gi lag pa na me tog ste me tog gi phreng ba rnams 'dzin pa ste bla ma'i zhal sta nas/ byang chub kyi sems ston par byed pa nyid yin pa'i phyir byang chub kyi sngags zhes bya ba ni brjod pa'o/ /brjod par bya ba'i gtso bo don dam pa mchod pa'i phyir ro/ /zhes bya ba'i tha tshig go /nyid yin pa'i phyir don dam pa zhes bya ba ni brjod par bya ba'o/ /de bla ma ste rdo rje slob dpon gyi zhal pad+ma las blang zhing gzung bar bya ste/ sgra ji bzhin pa'o/ /da ni byang chub kyi sems kyi sngags/ aoM dngos po kun dang rnam bral zhing/ /phung po khams dang skye mched dang/ /gzung dang 'dzin pa rnam spangs pa/ /chos kun bdag med mnyam nyid las/ rang sems gzod nas mi skyes pa/ /stong pa nyid kyi rang bzhin no/ /zhes bya bas gsungs pa/ 'di'i don ni 'di yin te/ re zhig dngos po kun ni bdag dang skyes bu dang/ gang zag dang/ dbang phyug dang/ srog dang/ dus dang/ nges pa dang/ rang bzhin dang/ bza' dang/ las dang/ lha dang skal ba dang/ bsod nams te/ gzhan dag gis brtags pa gang dag yin pa'o/ /de la bdag ces bya ba ni rnam par dpyad na phung po la sogs pa la sogs pa logs shig tu mi dmigs te/ tshad ma med pa dang 'jig tshogs la blta ba'o/ /ri bo mtho ba nyi shu las byung ba'i bdag la rnam par dpyad na/ yod pa ma yin pa nyid kyi phyir ro/ /rgyu dang 'bras bu ma yin pa'i skyes bu yang yod pa ma yin te/ gtan med pa'i phyir ri bong gi rwa bzhin no/ /gang zhig rgyu ma yin zhing 'bras bu ma yin pa zhes bya ba de lta bu'i dngos po ni dmigs par mi 'gyur ro/ /gang zag kyang brtag pa yang yin la yang skye bar 'gyur ro/ /zhes bya ba ni 'gal ba yin no/ /dbang phyug kyang byed pa po'i nus pa dang ldan pa yang yin zhing/ rtag pa yang yin par rigs pa ma yin te/ byed pa po nyid yin pas 'bras bu 'byung ba na rgyu 'gag par mthong ba'i phyir ro/ /de bas na rtags pa ma yin par 'gyur ro/ /srog ces bya ba khyab par byed pa'i rang bzhin yin par rigs pa ma yin te/ rnam par shes pa dang dbang po dang tshe 'gag pa'i phyir ro/ /dus ni skad cig gzhan dang gzhan gyi bdag nyid yin pa'i phyir rang nyid yod pa ma yin pas 'byung rnams dus kyis smin par byed pa dang/ skyed par byed pa yin no/ /zhes ci'i phyir brjod par bya/ nges pa zhes bya ba ni 'chi ba ste/ de ji ltar 'dod pa bzhin du 'byung ba rnams skyed bar byed pa dang/ sdud par byed pa yin no zhes bya ba yang 'thad pa ma yin te/ de rgyu yin na de'i brtag pa nyid nyams par 'gyur ba'i phyir ro/ /rang bzhin du smra ba la dngos po rnam pa sna tshogs pa yin par mi 'thad de rang bzhin ni gcig pu yin pa dang/ thams cad cig car skye ba dang 'jig par mthong bar 'gyur ba'i phyir ro/ /las dang smra ba po la yang rmongs pa rnams kyis brtags pa'i dbang du byas nas bzhag pa yin gyis don dam par ni las yod pa ma yin te/ de ni sems dang 'bral ba nyid dang/ skad cig pa nyid yin pa'i phyir las kyi nus pa yod par ga la 'gyur/ de bzhin du yang las ni byed pa po la bltos pa yin te/ byed pa po dang las logs shig na las med cing/ las logs shig na yang byed pa po med pa de la de dag phan tshun bltos pa nyid yin pa'i phyir gnyi ga ma grub pa yin no/ /gal te thams cad lha yi byed do zhe na/ thams cad bzang ba 'am ngan par ci'i phyir mi phyed/ gal te rnam pa sna tshogs pa byed pa'i nus pa yod do zhe na/ 'o na ni nus pa kho na byed pa po yin gyi lha ni ma yin te de dag gi 'brel pa ni sngar bsal zin pa kho na'o/ /de'i rnam grangs kyi skal ba dang bsod nams dag kyang snga ma bzhin du shes par bya ste/ de lta bu la sogs pa tshad mas gnod par 'gyur ba'i dngos po kun dang rnam par bral zhing spangs pa yin no/ /nyan thos rnams gal te de lta yin du zin kyang 'gro ba'i phung po la sogs pa'i rang bzhin yin te/ bcom ldan 'das kyis kyang rab 'byor thams cad ces bya ba ni phung po lnga dang skye mchod bcu gnyis dang khams bco brgyad yin no/ /zhes gsungs so/ /zhes zer na de yang 'thad pa ma yin te/ rnam par rig pa kho na de rnams kyis rnam par snang ba yin te/ don dam par ni phyi rol gyi don med pa'i phyir ro/ /de bzhin du yang gang gsal ba de ni yod pa ma yin la/ gang mi gsal ba de ni med pa yin te/ gzugs la sogs pa rnams kyang rang nyid gsal ba med pa'i phyis med pa nyid yin no/ /ngo bo gang gis gsal ba ni rnam par rig pa yin pa'i phyir 'gro ba ni de'i rang bzhin can kho na yin no/ /gal te phyi rol gyi don bden pa'i dngos po mod na/ bud med shi ba'i ro gcig la blo'i snang ba tha dad par mi 'gyur te/ bud med lus ni gcig po la/ /ro dang 'dod bya bza' ba shes/ /kun rgyu 'dod can khyi rnams kyis/ /rnam par rtog pa rnam gsum mo/ /de'i phyir phung po la sogs pa rnams ni yod pa ma yin te/ bcom ldan 'das kyi nyan thos rnams bzhugs pa'i don du gsungs so/ /de bas na phung po khams dang skye mched spangs shing de dang bral ba yin no/ /rnal 'byor spyod pa pa rnams gal te/ da lta yin du chug kyang rgyu ba thams cad snang ba'i rnam par rig pa 'ba' zhig kho na yod pa yin zhing/ thams cad de'i rang bzhin can no/ /zhes zer na de yang 'thad pa ma yin te/ rnam par rig pa zhes pa ci zhig yin par brjod par bya/ rnam par shes par byed pas na rnam par rig pa yin no zhe na/ ci zhig shes par byed/ rang gi rnam pa kho na bzung ba'i don no zhe na/ de'i phyir gcig dang du ma dang bral bas de med pa ni 'dzin pa yang med pa yin no/ /gzhan yang don 'das pa 'am ma 'ongs pa 'am da ltar 'byung ba zhig gis rnam par rig pa bskyed grang na re zhig 'das pa ni ma yin te/ de ni zhig zin pa nyid yin pa'i phyir ro/ /ma 'ongs pa yang ma yin te/ ma thob pas ni snang ba'i phyir ro/ /da ltar byung pas kyang skyed par nus pa ma yin te/ skad cig ma nyid dang gnyi ga'i cha yis zin pa nyid yin pa'i phyir ro/ /skyed par nus pa yin du chug na yang cig car skyed par byed dam 'on te rim gyis yin/ rim gyis bskyed na na don skad cig ma nyid yin pa'i phyir zhig pa na rnam par rig pa ji ltar brten nas skye bar 'gyur/ cig car skye ma ni gang zhig gang dang 'brel pa yin/ rnam par rig pa ci'i phyir don skyed par mi byed de/ de'i phyir gzung ba dang 'dzin pa spangs pa yin no/ /gal te de lta yin na byang chub kyi sems de ji lta bu zhig ce na gsungs pa phung po la sogs pa'i chos kun gyi bdag med pa ni bdag yod pa ma yin pa gang yin pa'o/ /de dang mnyam pa ni thams cad la khyab pa ste de yis so/ /sems dang sems las byung ba dang/ ma rig pa'i ngo bo'i rnam par shes pa gsum gyi rang bzhin rang gi sems gzod ma nas ma skyes pa ni rang bzhin med pa ste/ skye ba dang 'jig pa dang gnas pa spangs shing rtag pa dang chad par lta ba dang bral ba yin no/ /de'i phyir stong pa nyid de thams cad stong pa yin zhing de kho na nyid bzhi pa yin te/ de'i rang bzhin gyi byang chub kyi sems bdag gis bsgom par bya'o/ /zhes bya ba ni tshig lhag ma'o/ /slob mas byang chub kyi sems kyi sngags de brjod nas slob dpon gyi zhabs kyi rtsar snyim pas me tog dbul bar bya ste mthar thug pa'o/ /de'i rjes la yul dbul bar bya'o snyam du thugs bzhag nas/ de nas rjes su mthun pa'i yon/ bla ma la ni dbul bya ste/ /rin chen khyim dang glang po dang/ /yul dang rta dang mal stan bcas zhes bya bas gsungs te/ de'i rjes la rjes su mthun pa ste/ rang gi nus pa dang mthun pa'i yon rin po che la sogs pa'i rin po che sna bdun bla ma la dbul bar bya'o/ /zhes bya ba ni sbyin pa'i de bzhin du bran dang bran mo chung ma sdug /bu mo shin tu gces pa dang/ /bdag nyid kyang ni dbul bya na/ /lhag ma gzhan lta smos ci dgos/ /bran la sogs pa rnams ni sbyin pa chen po'o/ /bdag nyid dbul ba ni/ khyad par can gyi sbyin pa yin pas lhag ma gzhan lta ci smos te/ dbul bar 'os pa ma yin pa gzhan ci zhig yod ces bya ba'i tha tshig ste/ sgra ji bzhin pa'o/ /de ltar man ngag thob pas de kho na nyid bsgom pa'i sgo nas 'bras bur gyur ba'i phyag rgya chen po'i dngos grub thob par bstan pa'i phyir/ slob dpon las ni drin thob dri med bstan pa blo ldan dngos kun rang bzhin can/ /gsal dag shin tu phra ba mchog gi rang bzhin sangs rgyas mya ngan 'das pa'i khams/ gnyis med rtog bral mchog tu bde ba'i rang bzhin de nyid bsgom pa'i rnal 'byor pa/ /bsod nams bsod nams ma ni grol rang nyid 'dir ni bcom ldan rdo rje sems dpar 'gyur/ /zhes bya bas gsungs te/ de kho na nyid bzhi pa'i man ngag ste de lta bu bsgom pa'i rnal 'byor pa gang yin pa de ni bsod nams ma yin pa'i rnam par rtog pa dang bral bar gyur nas/ bcom ldan rdo rje sems dpa' ste rdo rje 'chang chen por 'gyur zhing 'grub par 'gyur ro/ /rnal 'byor pa ji lta bu zhig ce na/ gang gi slob dpon las drin te bla ma'i zhal snga nas las lung thob pa de la de skad ces bya'o/ /de bzhin du rang bzhin gyi dri ma med pa'i 'dod chags la sogs pa'i nyon mongs pa'i 'dam dang bral ba'o/ /gang la brtan pa ste/ bsgom pa la shin tu brtan pa'i blo yod pa de la de skad ces bya'o/ /dngos kun ni brtan pa dang g.yo ba'i rang bzhin can te/ de rnams kyi rang bzhin ni don dam par yongs su shes pa'i phyir dngos kun rang bzhin can no/ /de kho na nyid ji lta bu zhe na/ gsal ba'i ste me long lta bu'i ye shes dag par byed pa'i rang bzhin no/ /dag pa ni mnyam pa nyid kyi ye shes dag par byed pa'i bdag nyid kyi yin na/ /shin tu phra ba ni so sor rtogs pa'i ye shes kyi rang bzhin no/ /mchog ni sems can gyi don bsgrub par nus pa yin zhing zhi ba'i rang bzhin no/ /rnam par mi rtog pa'i ye shes kyi rang bzhin yin te mchog tu zhi ba'i rang bzhin ni bya ba bsgrub pa'i ye shes kyi bdag nyid yin no/ /sangs rgyas te de bzhin gshegs pa rnams kyi mya ngan las 'das pa'i khams ni/ chos kyi dbyings shin tu rnam par dag pa'i ye shes kyi bdag nyid yin no/ /de bzhin du gnyis med de gnyis ni 'dod chags dang 'dod chags dang bral ba yin la de med pa'i phyir gnyis med de/ /brtags pa nyid yin pa'i phyir/ mchog tu dag pa ni rtog pa yin la/ de dang bral ba nyid yin pa'i phyir rtog pa dang bral ba'o/ /de nyid kyi phyir mchog tu bde ba ni lhan cig skyes pa'i dga' ba'i bde ba chen po yin zhing de'i rang bzhin de de'i ngo bo kho na nyid bsgom pa'i rnal 'byor pa gang yin pa de ni rdo rje sems dpar 'gyur/ /zhes bya ba ni ngag gi don te mthar thug pa'o/ /rim pa lnga'i bshad pa'i nor bu'i phreng ba las/ mngon par byang chub pa'i rim pa ste bzhi pa'o// //de nas zung du 'jug pa'i rim pa brtson pa na phyag 'tshal ba/ mgon po rgyu dang 'bras bdag nyid/ /gnyis pa thams cad rnams spangs la/ /phyag 'tshal nas ni zung 'jug pa'i/ /rim pa tha ma bdag gi bri/ zhes bya bas gsungs te/ mgon po ni de bzhin gshegs pa thams cad kyi mchog go/ rgyu ni byang chub tu sems bskyed pa'i dbye ba nyi shu rtsa gnyis yin zhing/ 'bras du yang dag par rdzogs pa'i byang chub ste de dag gi bdag nyid do/ /gnyis po thams cad de 'dod chags la sogs pa'i nyes pa rnams dang bral ba ni spangs pa'o/ /bcom ldan 'das de la phyag 'tshal nas zung du 'jug pa'i rim pa ste/ mi gnas pa'i mya ngan las 'das pa'i dbyings kyi rang bzhin gyi rim pa tha ma ste/ phyi ma dri zhing bshad/ sgra ji bzhin pa'o/ /yang na mgon po ni thams cad kyi mchog go / rgyu ni bskyed pa'i rim pas lha'i sku bsgom pa yin zhing/ 'bras bu ni rdo rje 'chang chen po'i go 'phang thob pa ste/ de dag gi bdag nyid ni de'i rang bzhin no/ /gnyis pa thams cad de phung po la sogs pa'i rnam par rtog pa'i spros pa thams cad dang bral zhing spangs pa la phyag 'tshal nas zung du 'jug pa'i rim pa bri bar bya'o/ /zhes bya ba ni dgongs pa ma yin pa'o/ /mgon po ni bde ba chen po'o/ /'bras bu ni byang chub kyi sems so/ /de'i rgyu ni thabs dang shes rab snyoms par 'jug pa'o/ /de'i bdag nyid ni thabs des thob par bya ba'o/ /gnyis de dga' ba dang mchog dang bral ba thams cad dang bral zhing spangs pa la phyag 'tshal nas zung du 'jug pa'i rim pa bri bar bya'o/ /zhes bya ba ni dgongs pas bshad pa'o/ / mgon po ni nyon mongs pa las rgyal ba'o/ /'bras bu ni mya ngan 'das ba'o/ /rgyu ni chos dang gang zag la bdag med pa'o/ /de'i bdag nyid ni de'i lam gnyis ston par mdzad pa'o/ /gnyis pa thams cad de chags pa zhe sdang la sogs pa dang bral zhing spangs pa la phyag 'tshal nas zung du 'jug pa'i rim pa bshad par bya'o/ /zhes bya ba ni drang ba'i don to/ /'bras bu ni dkyil 'khor bzhi ru cha shas dang chas kyi bye brag gis gnas pa'i yi ge hUM ngo/ /rgyu ni 'jug pa la sogs pa'i rim gyis de nyid kyi bzlas pa'o/ /de'i bdag nyid ni de'i 'dod pa'i bzlas pa'i rang bzhin no/ /mgon po ni rdo rje 'chang gi sa bon no/ /gnyis pa thams cad de aoM dang gsung gi sa bon gyi yan lag rnam par spangs pa la phyag 'tshal nas rjes su dran nas zung du 'jug pa'i rim pa bri bar bya'o zhes bya ba ni nges pa'i don to/ /'bras bu ni srog ces bya ba'i rlung ngo/ /rgyu ni thur du sel ba'i rlung ngo/ /bdag nyid ni me dang rlung ste de rnams sdud par byed pa nyid yin pa'i phyir mgon po na 'od gsal ba'o/ /gnyis pa thams cad ni kha dog dmar po la sogs pa rnams te/ de dag dang bral zhing spangs pa la phyag 'tshal nas zung du 'jug pa'i rim pa bri bar bya'o/ /zhes bya ba ni sgra ji bzhin pa ma yin pa'o/ /rgyu dang 'bras bu ni rgyu dang 'bras bu dag ste byed pa dang bya ba dag yin zhing pa ngang ma las byung ba'i 'gro ba'i rang bzhin gyi khams drug yin no/ /de gyur pa'i lus 'byung ba la gnyis pa thams cad de byed rgyu dang lhan cig 'byung ba dang skal pa mnyam pa dang mtshungs par ldan pa dang kun tu 'gro ba dang rnam par smin pa zhes bya ba'i rgyu'i bye brag yod de/ de rnams dag par byed pa nyid yin pa'i phyir mgon po ste/ de la phyag 'tshal nas zung du 'jug pa'i rim pa bri bar bya'o/ /zhes bya ba ni yi ge'i don to/ /yang na mgon po ni stong pa nyid do/ /rgyu dang 'bras bu'i bdag nyid rnam par thar pa'i sgo bzhi thob par bya'o/ /gnyis pa thams cad de gzung ba dang 'dzin pa'i rnam par rtog pa rnams spangs pa la phyag 'tshal te rjes su zhugs nas zung du 'jug pa'i rim pa bri bar bya'o// zhes bya ba ni spyi'i don to/ /rgyu ni de bzhin nyid dang zla ba dang rdo rje dang sa bon gyi rim pa'o/ /'bras bu ni lha'i sku bskyed pa'o/ /de'i bdag nyid kyi mgon po ni de bzhin gshegs pa lnga'i sku 'dzin pa'o/ /gnyis pa thams cad ni bdag dang gzhan du 'byed pa'i rnam par rtog pa ste/ de rnams bral zhing spangs pa la phyag 'tshal nas zung du 'jug pa'i rim pa bri bar bya'o/ /zhes bya ba ni spyi'i don to/ /yang na rgyu ni ting nge 'dzin 'bras bu ni pad+ma ste de dag dang yang dag par sbyor ba'i sgo nas rnam par dag pa'i gnas thob par byed pa ni rgyu dang 'bras bu'i bdag nyid do/ /mgon po ni bde ba chen po'o/ /gnyis pa thams cad ni 'dod chags dang bral ba dang 'dod chags bar ma rnams so/ /de dag spangs pa'i lhan cig skyes pa la phyag 'tshal nas te/ rab tu zhugs nas zung du 'jug pa'i rim pa bri bar bya'o/ /zhes bya ba ni sbas pa'o/ /rgyu dang 'bras bu ni bdag byin gyis brlab pa dang/ 'od gsal ba'i rim pa dag sto de'i bdag nyid ni de dang tha mi dad pa'i rang bzhin no/ /mgon po ni sgyu ma lta bu'i ting nge 'dzin la snyoms par zhugs pa'o/ /gnyis pa thams cad ni sgyu ma la sogs pa'i sgyu ma'i dpe bcu gnyis kyi mi mthun pa'i phyogs dmigs pa'i rnam par rtog pa rnams yin la de dang bral zhing spangs nas te/ sgyu ma'i dpe dang ldan pa'i zhes bya ba'i tha tshig go / de la phyag 'tshal nas te gsal ba las spros nas zung du 'jug pa'i rim pa bri bar bya'o/ /zhes bya ba ni sbas pa'o/ /mgon po ni bzhi pa'o/ /rgyu ni rnam par shes pa gsum mo/ /'bras bu ni rang bzhin rnams te/ de dag dag par byed pa nyid yin pa'i phyir rgyu dang 'bras bu'i bdag nyid do/ /gnyis pa thams cad de stong pa dang shin tu stong pa dang stong pa chen po rnams spangs shing bor ba'i thams cad stong pa'i gzhi ste kho na nyid la phyag 'tshal nas te mngon du byas nas zung du 'jug pa'i rim pa bri bar bya'o/ /zhes bya ba ni sbas pa'o/ /mgon po ni man ngag bzhi pa'o/ /rgyu ni rjes su gzhig pa'i ting nge 'dzin no/ /'bras bu'i ril por 'dzin pa'i ting nge 'dzin te de dag gis thob pa'i bdag nyid ni/ dngos po thams cad kyi rang bzhin no/ /gnyis pa thams cad ni kun gzhi la sogs pa'i rnam par shes pa'i bag chags kyi tshogs rnams spangs shing rab tu gsal ba'i dga' ba'i rang bzhin de kho na nyid la phyag 'tshal nas te rang rig pa'i mngon sum gyis rtog par bya ba thob nas zung du 'jug pa'i rim pa bri bar bya'o/ /zhes bya ba ni mthar thug pa'o/ /rgyu ni kun rdzob kyi bden pa'o/ /'bras bu ni don dam pa'i bden pa ste/ de dag tha mi dad par byed pa'i phyir rgyu dang 'bras bu'i bdag nyid mi gnas pa'i mya ngan 'das pa'i dbyings kyi ngo bo nyid yin pa'i phyir mgon po'o/ /gnyis pa thams cad de rnams rnam pa dang bcas pa dang/ rnam pa med pa la sogs pa rnams dang gtsang ba dang mi gtsang ba la sogs pa rnams spangs shing bor ba la phyag 'tshal nas zung du 'jug pa'i bdag nyid kyis mi slob pa'i byang chub kyi ngo bo de thob nas zung du 'jug pa'i rim pa zhes bya ba las/ sa la sogs zung ni gnyis te kun rdzob dang don dam pa la sogs pa'i ngo bo yin zhing/ rim pa gang gis de dag 'jug pa ste 'ching zhing gcig tu byed pa dang tha mi dad par byed pa de ni zung du 'jug pa'i rim pa ste/ mi gnas pa'i mya ngan 'das pa'i dbyings kyi rang bzhin yin no/ /mi slob pa nyid dang 'di la phyi rol na bya ba gzhan med pa'i mdza' ma ste/ de dag gi bri bar bya zhing phreng bar rgyu par bya'o/ /zhes bya ba ni mthar thug pa'o/ /da ni de nyid kyi bye brag re re nas bshad par bya ste/ 'khor ba dang ni mya ngan 'das/ /rtog pa gnyis po spangs pa na/ /gang du dngos po gcig gyur pa/ /de ni zung 'jug ces byar bshad/ /de ni rim pa lnga pa'i spyi'i mtshan nyid yin no/ /de bzhin du rang gi sde ba dang gzhan gyi sde ba thams cad lta ba'i bye brag gi sgo nas 'khor ba dang mya ngan las 'das pa dag khas len to/ /de la grangs can pa rnams kyis ji ltar 'khor ba ni gsal ba dang mi gsal ba'i rang bzhin yin te/ gsal ba de ni de kho na nyid nyi shu rtsa gsum gyi rang bzhin yin la/ mi gsal ba ni yon tan gsum gyi bdag nyid do/ /de rnams kyi rnam par dbye ba yongs su ma shes pas nyi shu rtsa lnga pa'i skyes bu 'ching par 'gyur ro/ /zhes bya ba ni 'khor ba'o/ /de dag tha dad par 'gyur ba ni thar pa ste/ ji ltar kho na sems med pa/ /be'u bskyed phyir 'jug pa ltar/ /de bzhin skyes bu thar ba'i phyir// gtso bo rab tu 'jug pa'i yin/ /rig pa pa rnams kyis thar pa ni bdag gi yon tan dgu yongs su shes pa tsam gyis bdag gis dngos po bsam pa yongs su shes pa yin la/ de yongs su ma shes pa 'khor ba'o/ /zhi ba pa rnams kyi thar pa ni de kho na nyid sum cu rtsa drug bcad pa'i sgo nas yin zhing/ de yongs su ma bcad pa ni 'khor ba yin no/ /spyod pa pa rnams kyis ltar na/ bya ba'i phyogs la me'i mchod sbyin la sogs pa nyams su len pa med pas ni 'khor ba yin la de dag nyams su len pas ni thar pa yin no/ /ye shes kyi phyogs la ni/ me'i mchod sbyin la sogs pa nyams su len pa 'khor ba yin la/ rab tu zhi ba'i tshangs pa'i de kho na nyid la blta ba ni thar pa yin no/ /mchod 'os pa rnams kyis ltar na/ 'khor ba ni 'dod chags la sogs pa'i blo 'gyur ba yin la/ /thar pa ni dus gsum bar duAng dngos po thams cad 'gyur bar shes pas dag pa'i bdag gi de kho na nyid mthong ba'o/ /'jig rten rgyang pan pa rnams kyi ltar na med par lta ba can nyid yin pa'i phyir 'jig rten pha rol med pa'o/ / zhes bya ba ni bcings pa dang thar pa rnam par bzhag pa yin par 'dod de/ de rnams ni gzhan gyi bde ba rnams kyi 'khor ba dang mya ngan las 'das pa dag yin no/ /re zhig rang gi sde ba rnams kyi brjod par bya ste/ bye brag tu smra ba ltar na nyon mongs pa dang nye ba'i nyon mongs pa rnams khams dang rnam pa'i bye brag gi dbye ba'i sgo nas grangs dgu bcu rtsa brgyad yod pas khams gsum pa bcings pa ni 'khor ba yin la/ de rnams nyid mthong ba dang/ bsgom pa'i lam gyi sa'i rim pa rnam par sbyangs nas 'gog pa'i snyoms par 'jug pa dang/ 'du shes med pa'i snyoms par 'jug pa dang/ nyan thos kyi byang chub thob pa ni mya ngan las 'das pa'o/ /mdo sde ba rnams kyi ltar na rjes su dpag pas grub pa nyid kyi phyir phyi? rol? gyi dngos po sems kyi rang gi ngo bor yongs su ma shes pa ni 'khor ba yin la/ de nyid sems kyi rang gi ngo bor yongs su shes pa ni mya ngan 'das pa'o/ /rnal 'byor spyod pa pa rnams kyi ltar na gcig dang du ma nyid du med pa'i phyir phyi rol gyi don med de/ de bas na gzung ba dang 'dzin pa'i rnam pa can gyi 'khrul pa ni 'khor ba'o/ /dri ma med cing mdza' yas pa nam mkha' lta bu chos kyi sku'i rang bzhin gyi rnam par rig pa 'ba' zhig kho na mya ngan las 'das pa'o/ /rnam pa med pa'i rnam par rig pa tsam du smra ba'i rnal 'byor spyod pa pa rnams kyi ltar na rnam pa dang bcas pa'i rnam par rig pa ni 'khor ba yin la/ gzugs brnyan bral ba'i rnam par rig pa tsam nyid ni mya ngan las 'das pa'o/ /dbu ma pa rnams kyi ltar na gzung ba dang 'dzin par brtag pa'i 'khrul ba tsam gyi rang bzhin gyi sems can dang snod kyi 'jig rten gyi rang gi ngo bo khams gsum pa 'di ni 'khor ba yin la/ stong pa nyid brgyad kyis rim gyis thob par bya ba'i thams cad stong pa nyid ni mya ngan las 'das pa yin no/ /bya ba la sogs pa'i rnal 'byor pa rnams kyi 'khor ba ni tha mal pa'i rang gi lus su mngon par zhen pa yin la mya ngan las 'das pa ni lha'i sku sgrub pa yin no/ /bskyed pa'i rim pa'i rnal 'byor pa rnams kyi 'khor ba ni lha'i sku bsgom pa yin la mya ngan las 'das pa ni ye shes kyi sku yongs su 'dzin pa'o/ /rdzogs pa'i rim pa'i rnal 'byor pa rnams kyi 'khor ba ni dmigs pa'i rnam par rtog pa gang ci yang rung ba de yin la/ mya ngan las 'das pa ni 'od gsal ba 'jug pa tsam yin no/ /de'i phyir 'dir bsdus pa ni dmigs pa'i bdag nyid can gyi rnam par rtog pa'i bye brag phra ba 'am rags pa gang rung ba de ni 'khor ba'i phyogs kho na yin no/ /de dag dang bral ba'i de kho na nyid sems kyi 'ga' ba nyid ni mya ngan las 'das pa yin no/ /zhes bya ba ni 'di yin no/ /'phags pa kaM pa la'i zhal snga nas kyis kyang 'dod chags la sogs dri bcas sems/ 'khor ba yin te des dben pa/ /mdor na thar pa yin par ni/ /rgyal ba sgrib pa spangs pas gsungs// zhes gsungs so/ /'khor ba dang mya ngan las 'das pa'i rnam par rtog pa de dag spangs shing bcom pas na ting nge 'dzin gang du dngos po gcig ste tha mi dad par 'gyur zhing/ 'grub pa de ni zung du 'jug pa ste mi gnas pa'i mya ngan las 'das pa'i ting nge 'dzin ces brjod par bya'o/ /de bzhin du yang 'od gsal ba'i ting nge 'dzin las mi g.yo ba nyid yin pa'i phyir 'khor ba las mi gnas pa yin pa la/ 'ja' tshon lta bu'i ye shes la sku 'dzin pas sems can thams cad kyi don bsgrub par nus pa yin pa'i phyir mya ngan las 'das pa la mi gnas pa yin no/ /zhes bya ba ni dngos su zung du 'jug pa'i rim pa'i don dang mthun pa'i ming bstan pa yin no/ /de ni spyi'i mtshan nyid yin te/ dgongs pa ma yin pa'o/ /khyad par gyi mtshan nyid ni kun nas nyon mongs rnam par byar/ /don dam nyid du shes nas ni/ /gang gi gcig pa nyid shes pa/ /de yi zung du 'jug pa shes/ /zhes bya bas gsungs te/ kun nas nyon mongs pa zhes bya ba ni sems dang sems las byung bas bsdus pa'i khams pa'o/ /rnam par byang ba ni de'i gnyen por gyur pa'i dge ba'i chos rnams so/ /de bzhin du yang sdug bsngal 'phags pa'i bden pa dang/ kun 'byung 'phags pa'i bden pa dang/ 'gog pa 'phags pa'i bden pa dang/ lam 'phags pa'i bden pa dang zhes bya ba 'phags pa'i bden pa bzhi ste/ rje btsun dkon mchog sgrol ma las/ /gnyis ni 'phags pa nyan thos rnams kyi bden pa dag yin la/ yang gnyis ni 'phags pa'i bden pa'o/ /zhes 'byung ba'i phyir/ de la 'phags pa rnams kyi bden pa gang dang gang yin zhe na/ sdug bsngal dang kun 'byung ste gang gi phyir de rnams ni 'khor ba spongs par 'dod pa'i 'phags pa'i gang zag rnams kyi rgyu dang 'bras bu'i dngos por bden pa nyid du brtag pa'i phyir ro/ /de dag gi gnyen por gyur pa'i 'gog pa dang/ lam dag ni 'dus ma byas nyid dang rang nyid nyon mongs pa dang bral ba nyid yin pa'i phyir 'phags pa yin zhing/ yang dag pa'i shes pa kun 'gro ba can nyid dang tshad mas 'thad pa nyid yin pa'i phyir bden pa'o/ /de ni rnam par byang ba ste/ kun nas nyon mongs pa khyad par du bya bar byed cing nyams par byed pas na rnam par byang ba yin zhing dge ba'i phyogs kyi bsdus pa'i lam mo/ /de'i phyir mthong ba dang sgom pa'i lam gyis rim pas khams gsum pa'i yul can gyis nyon mongs pa nye bar zhi bar 'gyur ro/ /pha rol tu phyin pa'i rnal 'byor pa rnams kyi ni skad cig bzhi bzhi dbye bas nges par 'byed pa'i cha dang mthun pa'i chos rnams khong du chud pas chos kyi sku'o/ /rtogs pa'i dus de srid du mi mthun pa'i phyogs dang gnyen po'i phyogs kyi rnam par rtog pa 'byung ngo/ /'od gsal ba'i de kho na nyid mngon du byas pa'i phyir ting nge 'dzin gang la mi mthun pa'i phyogs dang/ gnyen po'i phyogs su gyur pa'i kun nas nyon mongs pa dang rnam par byang ba'i rnam par rtogs pa de 'di yin no/ /snyam du snang ba med cing 'on kyang rnal 'byor pa gang gis gcig pa nyid du ste gnyis su med pa'i ngo bo nyid du shes shing rtog pa des ni zung du 'jug pa'i rim pa shes pa'o/ zhes bya ba'i don te dgongs pa ma yin pa'o/ /rnam par shes pa smra ba'i phyogs snga mar bskod pa'i sgo nas tha mi dad pa'i ting nge 'dzin/ dngos po rnams bcas kun rtog dang/ /rnam pa med pa'i rtog pa dang/ /gcig bcas spyod pa'i rnal 'byor pa/ /de ni zung du 'jug shes pa'o/ /zhes bya bas gsungs te/ rnam par rig pa tsam du smra ba tsam kha cig gi phyogs ni 'di yin no/ /'di lta ste/ bum pa dang snam bu la sogs pa dngos po phyi rol na snang ba gang ci yang rung ba de rnams ni rang gi ngo bos yod pa ma yin te/ rang gsal ba nyid yin pa'i phyir ro/ /dngos po gang dang gang rang gsal ba'i ngo bo de ni yod de rnam par rig pa bzhin no/ /gang zhig gzhan gyis gsal ba de ni yod pa ma yin te/ gzhan gyi dbang nyid yin pa'i phyir ro/ /gzhan la rag lus pa ni rnam par rig pa kho nas gsal bar bya ba nyid yin pa'i phyir ro/ /de bas na sngon po dang ser po la sogs pa'i rnam pa gang yin pa de rnams ni rnam par rig pa tsam la rag lus pa kho na ste/ me long du byung ba'i gzugs brnyan bzhin no/ /zhes bya ba de ni rnam par shes pa rnams dang bcas par smra ba rnams kyi dngos por kun tu rtog pa ste phyi rol gyi tshogs su snang ba'i rtog pa 'byung ba'o/ /rnam par rig pa tsam du smra ba gzhan dag ni 'di snyam du sems te/ dri ma med cing mdza' yas pa'i nam mkha' dang mtshungs pa/ kun nas nyon mongs pa dang rnam par byang ba thams cad spangs shing rnam pa med pa'i rnam par rig pa 'ba' zhig de la don las 'byung ba'am/ der snang ba'i rnam pa dag gos par rung ba yin te/ rang bzhin gyis dag pa nyid yin pa'i phyir nam mkha' bzhin no/ /blo bur ba'i dri ma rnams snang ba ni snang ba med pa kho na yin te/ bcom ldan 'das ma nyid yin pa'i phyir ro/ /snang ba lta bur nyams su myong ba gang ba de rnams ni sgyu ma dang zla ba gnyis la sogs pa bzhin du med pa yin pas na rnam pa med pa'i rnam par rig pa 'ba' zhig yin no/ /zhes bya ba ni rnal 'byor spyod pa pa rnams kyi rnam pa med pa nyid du rtog pa'o/ /de lta bu'i phyogs gnyis 'od gsal ba'i de kho na nyid khong du chud pas gcig tu byas nas te ro gcig tu byas nas/ spyod cing shes pa'i rnal 'byor pa yongs su grub pa'i de kho na nyid la gnas pa gang yin pa de ni zung du 'jug pa ste mi gnas pa'i mya ngan las 'das pa'i dbyings kyi rang bzhin gyi de kho na nyid shes pa ste mthong ba 'am thos pa yin no/ /zhes bya ba ni dgongs pa ma yin pa'o/ /dbu ma'i phyogs ni gzung ba dang 'dzin pa yis/ /blo rnams gnyis ni yod min gyi/ /gang du mi phyed yod gyur pa/ /de zung du 'jug par bshad ces bya bas gsungs te/ dbu ma pa rnams ni phyi rol gyi gzung ba gcig dang/ du ma dang bral ba'i phyir med par 'dod do/ /de'i phyir gzung ba med pas 'dzin pa yang med pa'i phyir 'dzin pa med ces zer ro/ /de ltar de rnams kyi ltar na blos te shes pa gzung ba dang 'dzin pa'i rang bzhin gyi rnam pa gnyis su gyur pa yod pa ma yin no/ /de bzhin du yang de rnams ni 'di skad du dngos po 'di dag thams cad rang bzhin med de/ gcig dang du ma dang bral ba'i phyir gzugs brnyan bzhin no/ /dngos po gang zhig gcig dang du ma nyid la sogs pa dang ldan pa ni gzhan gyis yongs su brtags pa'i de kho na nyid nyi shu rtsa lnga la sogs pa lta bu yin pa mi mthun pa'i phyogs dang tshad ma med pas kho na yin zhes sma ba/ /de ltar na dbu ma pa rnams la gnyis su snang ba med de de ni don dam pa 'ba' zhig gi phyogs yin pas de gsal ba'i phyir gsungs pa/ zung du 'jug pa'i bdag nyid kyi ting nge 'dzin gang du mi phyed pa ni gcig pa ste/ kun rdzob dang don dam pa dag gnyis su med pa'i dngos por yod rnal 'byor pa rnams kyis dmigs pa'i ting nge 'dzin de ni zung du 'jug pa'i zhes bya ba yin par bcom ldan 'das kyis gsungs so/ /zhes bya bas ni bcom ldan 'das kyi gsung tshad ma yin par bstan te/ dgongs pa ma yin pa'o/ /rgol ba thams cad kyi phyogs dgag pa'i phyir/ rtag dang chad pa'i blo dag ni/ /gang gis spangs nas rab gnas pa'i/ /zung 'jug rim pa shes bya ba/ /gang gi de shes mkhas pa yin/ /zhes bya bas gsungs te/ de bzhin du yang bdag du lta bas zin pa pha rol rgol ba gang du yang rung ba de thams cad ni 'khor ba'i dug gi ljon shing gi rgyur gyur pa rnam grangs gzhan ther zug nyid ces bya ba ni rtag pa'i phyogs kyi lam la gnas pa yin zhing/ de rnams ni 'khor ba'i zhags pa'i mdud pa las grol ba ma yin te/ thar pa'i lam yongs su mi shes pa'i phyir ro/ /bye brag tu smra ba la sogs pa kha cig rang gi phung po la sogs pa 'gag pa las/ til mar zad pas mar me shi ba bzhin du mar me lta bu'i mya ngan las 'das pa 'dod pa yin te/ de rnams ni sems can gyi don bya ba'i bde ba dang yid bde ba med pa'i phyir tshad ma gnyis las 'das shing/ tshad ma'i mtshan nyid nyid kyi thar pa 'dod pa yin no/ /de rnams kyang grol bar mi 'gyur te/ thar pa yongs su ma dag pa'i rang bzhin nyid yin pa'i phyir ro/ /'od gsal ba'i de kho na nyid khong du chud pa'i dbang gis/ dngos po thams cad ro gcig tu byas pa'i ting nge 'dzin gang la brtag pa dang tshad pa'i blo spangs shing/ mi gnas pa'i de lta bu'i zung du 'jug pa'i rim pa gang gis shes shing rig pa de ni mkhas pa ste/ dngos po ji lta ba bzhin du mthong ba'i rnal 'byor pa yin no/ /zhes brjod par bya'o/ /rgyal po rin po che'i phreng ba las kyang bdag gzhan phan pa yongs shes nas/ /rtag tu lus ngag yid kyi las/ /thams cad yongs su brtags nas su// byed pa de ni mkhas pa yin/ /bdag med yod par mi 'gyur zhing/ /bdag gi med cing yod mi 'gyur/ /zhes bya ba byas pa skrag par 'gyur/ mkhas pa srid pa zad par 'gyur/ /zhes bya ba la sogs pa gsungs te/ dgongs pa ma yin pa'o/ /de nyid ni shes rab snying rje gcig par ni/ /shes nas rab tu 'jug 'gyur ba/ /zung 'jug ces byar bshad pa ste/ /rim 'dis sangs rgyas spyod yul lo/ /zhes bya bas gsungs te/ de la shes rab ces bya ba ni thos pa las byung ba dang bsam pa las byung ba dang/ bsgom pa las byung ba zhes bya ba rnam pa gsum mo/ /de la thos pa la sogs pa las byung ba ni dmigs pa dang bcas pa yin la de'i rjes la thob pa ni dmigs pa med pa yin no// snying rje ni sems las dmigs pa dang/ chos la dmigs pa dang/ dmigs pa med pa zhes bya ba rnam pa gsum mo/ /gnyis ni dmigs pa dang bcas pa yin la/ mdza' ma ni dmigs pa med pa yin te/ de nyid snying rje chen po yin no/ / shes rab snying rje dag gcig par te tha dad pa med par shes shing rtogs nas rnal 'byor pa rab tu 'jug cing sems can gyi don byed pa de ni sangs rgyas spyod yul te/ de bzhin gshegs pa'i yul zung du 'jug pa'i rim pa zhes bya bar bshad do/ /zhes bya ba ni drang ba'i don to/ /yang na shes rab kyi ye shes kyi phyag rgya'o/ /snying rje ni dpal rdo rje 'chang ste/ phyag rgya chen po yin zhing de dag snyoms par 'jug pa'i gcig pa shes shing mngon du byas nas rnal 'byor pa gang zhig rab tu 'jug pa ste/ spros pa'i rim pas dkyil 'khor gyi 'khor lo mi 'dra ba gzhan dang gzhan sprul pa'i sgo nas/ 'gro ba'i don byed pa de ni zung du 'jug pa'i rim pa ste mi gnas pa'i mya ngan las 'das pa'i sangs rgyas kyis spyod yul sa bcu gnyis pa thob par bya ba yin no/ /zhes bshad par bya ste/ nges pa'i don to/ /yang na shes rab ni don dam pa'i byang chub kyi sems so/ /snying rje ni kun rdzob kyi byang chub kyi sems yin zhing/ de dag gcig par te/ rdo rje'i rtse mor 'dzin pa'i yan lag gis ro gcig par shes shing nyams su myong nas rnal 'byor pa gang zhig rab tu 'jug pa ste/ lhan cig skyes pa'i bde ba chen po'i de kho na nyid la gnas pa de ni/ sangs rgyas kyi spyod yul te/ rang rig pa'i mngon sum gyis tshad mas yang dag par khong du chud par bya ba'i rang gi ngo bo zung du 'jug pa zhes bshad par bya ste dgongs pa ma yin pa'o/ /yang na shes rab ni shes rab kyi pha rol tu phyin pa'o/ /snying rje ni pha rol tu phyin pa lnga ste/ de dag gcig pa ni 'khor gsum rnam par dag pa'i sgo nas bsgrub pas te/ de lta bu shes shing bsgrubs nas rnal 'byor pa gang zhig rab tu 'jug pa ste/ sbyin pa la sogs pa la rab tu 'jug par byed pa'i rnal 'byor pa des ni zung du 'jug pa'i rim pa ste gnyis su med pa'i rim pa mngon par shes shing sangs rgyas kyi spyod yul te de bzhin gshegs pa'i sa la gnas pa yin no/ /zhes bshad par bya'o/ /zhes bya ba ni spyi'i don to/ /da ni phyogs gzhan gyi sgo nas/ thabs dang shes rab snyoms par 'jug pas thabs dang rang bzhin shes nas ni/ /rnal 'byor chen po'i gang du gnas/ /de ni zung du 'jug par 'gyur/ /zhes bya bas gsungs te/ shes rab ni ye shes kyi rgyu'o/ /thabs ni rdo rje 'chang gi sku ste/ de dag snyoms par 'jug pa'i sbyong bas 'dod chags la sogs pa thams cad lhan cig skyes pa'i rang bzhin du shes shing rtogs nas rnal 'byor pa lhan cig skyes pa gang du gnas shing 'jug pa de ni zung du 'jug pa zhes bya bar brjod par bya ste/ drang ba'i don to/ yang na shes rab ni sems rnam par dag pa'i rim pa'o/ /thabs ni bdag byin gyis brlabs pa'i rim pa ste/ de dag gi rgyu dang 'bras bu'i dngos por spro ba dang bsdu ba dag ni snyoms par 'jug pa'o/ /des khams gsum pa thams cad rang bzhin de bsdus nas shes shing sgyu ma'i dpe bcu gnyis dang mtshungs par nye bar rtogs nas rdzogs pa'i rim pa'i mngon par shes pa'i rnal 'byor pa chen po gang du ste/ rdo rje lta bu'i ting nge 'dzin gang du gnas pa de ni zung du 'jug pa'i rim pa zhes bya ba'i de kho na nyid yin par brjod par bya'o/ /zhes bya ba ni nges pa'i don to/ /nyan thos phyogs snga mar bzhag pa'i sgo nas/ gang du phung po lhag bcas dang/ /de bzhin phung po lhag med bcas/ /de lta'i rtog pa med gyur pa// de shes zung du 'jug pa'o/ /zhes bya bas gsungs te/ nyan thos kyi rnams kyi mya ngan las 'das pa ni rnam pa gnyis te/ phung po lhag ma dang bcas pa dang/ phung po lhag ma med pa'o/ /de nyon mongs pa dang nye ba'i nyon mongs pa'i bag chags kyis bcings pa'i phung po la sogs pa ni phung po ste/ de dang lhan cig gnas pa ni phung po lhag ma dang bcas pa'o/ /gang gi tshe mthong ba dang bsgom pa'i lam gyis nyon mongs pa spangs su zin kyang sngon gyi bag chags kyi dbang gis lus ma zad pa de'i tshe nyan thos kyi rigs can rnams grol yang ma grol snyam du sems so/ /gang gi tshe nyon mongs pa rnams zad cing phung po rnams nub pas de'i tshe til mar zad pas mar me bzhin du nub par gyur pa ni phung po lhag ma med ba'i mya ngan las 'das pa yin no/ /zhes brjod par bya'o/ /de'i phyir rnam par rtog pa de gnyis gang la med pa de ni zung du 'jug pa'i mtshan nyid kyi ting nge 'dzin yin par shes shing rtog par bya'o/ /zhes bya ba ni dgongs pa ma yin pa'o// phyogs de nyid gang du gang zag bdag med dang/ chos bdag med ces bya ba yi/ /rtogs pa yis ni dben gyur pa/ /zung du 'jug pa'i mtshan nyid do/ /zhes bya bas gsungs te/ bcom ldan 'das kyi phung po bstan pa'i sgo nas gang zag la bdag med pa dang/ rnam par rig pa tsam du bstan pa'i sgo nas phung po la sogs pa med pa'i chos la bdag med pa gsungs so/ /de yang bye brag tu smra ba pa dang/ rnal 'byor spyod pa pa rnams kyi phyogs gnyis te rnam par rtog pa de gnyis su snang ba ting nge 'dzin gang la med pa da ni zung du 'jug pa'i rim pa'i mtshan nyid yin zhing chos nyid yin no/ /zhes bya ba'i tha tshig ste spyi'i don to/ /yang na gang zag la bdag med pa zhes bya ba stong pa nyid la sogs pa'i rnam par thar pa'i bsgom pa'i lam gyis stong pa nyid kyi de kho na mngon du byed pa'o/ /chos la bdag med pas ni skur bsgrub pa lus dang ngag dang yid dag mi dmigs pa'i sgo nas lha'i 'khor lo'i dbus na gnas pa ste/ de'i bskyed pa'i rim pa'i rnal 'byor pa rnams kyi de kho na nyid dam pa yin no/ /rdzogs pa'i rim pa'i rnal 'byor pa'i ting nge 'dzin gang la rtogs pa de gnyis med pa ni mi slob pa nyid yin pa'i phyir zung du 'jug pa'i rim pa'i mtshan nyid yin zhing rang bzhin yin te/ spyi'i don to/ /rdzogs pa'i rim pa'i phyogs ni/ bdag byin brlab dang 'od gsal dang/ /de nyid rigs pas rim shes nas/ de dag 'dus pa gang yin pa/ /de ni zung 'jug rim pa yin/ /zhes bya bas gsungs te/ bdag byin gyis brlab pa las cig car lha'i rnam par spro ba ste/ kun rdzob kyi bden pa'i rang bzhin no/ /'od gsal ba zhes bya ba ni da yang de nyid du rim pa gnyis pa dang bzhi pa dag gis bzhugs pa'o/ /de dag rim te rjes su mthun pa dang mi mthun pa'i rgyu dang 'bras bur shes shing mngon du byas nas phyis rim pa lnga pas gnyis po de dag 'dus pa ste/ gcig tu gyur cing tha mi dad par byas pa gang yin pa de ni zung du 'jug pa'i rim pa zhes brjod do/ /zhes bya ba ni sbas pa'o/ /mngon par byang chub pa'i rim pa'i thabs kyis phyogs ni/ ril por 'dzin dang rjes gzhig gis/ /de bzhin nyid kyis gzhir 'jug dang/ /de la mnyam du ldang ba dang/ /de ni zung du 'jug pa yin/ /zhes bya bas gsungs so/ /mngon par byang chub pa'i rim pa ni rnal 'byor rnams kyi thabs ni gnyis te/ phyag rgya'i rim pa dang ting nge 'dzin gyi rim pa'o/ /de la ting nge 'dzin gyi rim pa ni rnam pa gnyis te/ ril por 'dzin pa dang rjes su gzhig pa'o/ /ril por 'dzin pa zhes bya ba ni mgo nas rkang pa'i bar dang/ de nas yang mgo bo'i bar du 'od zer gyi 'khor lo las rang bdag nyid snang ba med par bya'o/ /de'i 'og tu rjes gzhig ni rim pa de nyid kyis dang por khams gsum pa snang ba med par bya zhing de nas bdag nyid snang ba med par bya ba'o/ / zhes bya bas te/ de dag ni ril por 'dzin pa dang/ rjes su gzhig pa'i ting nge 'dzin ces bya'o/ /ting nge 'dzin de dag gis de bzhin nyid kyi gzhi ste thams cad stong pa nyid kyi rang bzhin gyis mngon par byang chub pa la 'jug cing rnal 'byor pa de'i bdag nyid du rjes su 'jug par bya ba dang/ de'i rjes la 'di ni don dam pa'i phyogs yin gyi kun rdzob ni ma yin no/ /zhes rmi lam bzhin du shes nas/ 'gro ba'i don bya ba'i phyir de las te 'od gsal ba de kho na nyid de las mnyam zhing dus mtshungs par skad cig gis ting nge 'dzin gnyis kyi rnam par rtog pa dang bral ba'i sems kyis cig car ldang ba ste/ sku spro ba gang yin pa de ni zung du 'jug pa ste ting nge 'dzin gnyis kyi rgyu las byung ba'i lha'i sku yin par brjod par bya'o/ /zhes bya ba ni tshig lhag ma ste mthar thug pa'o/ rim pa gzhan gyi sgo nas/ kun rdzob dang ni don dam dag /tha dad bye brag med shes nas/ /gang du yang dag 'dres gyur pa/ /de ni zung 'jug yin par brjod/ / ces bya bas gsungs te/ kun rdzob ces bya ba ni rnam par rtog pa can gyi shes pa la snang ba'i bum pa la sogs pa'i rnam par rtog pa'o/ /don dam ni lam khyad par can la brten nas gzung ba dang 'dzin pa'i rnam par rtog pa log pa gang yin pa ste/ ki pa la'i zhal snga nas kyis kyang/ rnam par rtog pa gzhan med pa'i/ /rnam rtog kun rdzob ces bya ste/ /rnam par rtog pa de nyid ni/ /log par byed pa'i kun rdzob yin/ /zhes gsungs so/ /de dag 'khor ba dang mya ngan las 'das pa'i bye brag gis tha dad par rnam par gnas pa yin mod kyi 'on kyang don dam par bye brag med par gnas so/ /kun rdzob las logs shig tu don dam pa ni de kho na'i chos nyid yin pa'i phyir ro/ /de yang don dam pa las tha dad pa ma yin te/ chos nyid las logs shig tu chos can mi dmigs pa'i phyir ro/ /byang chub kyi sems kyi 'grel pas kyang/ /bu ram gyis ni dngar dang me'i/ /tsha ba rang bzhin yin pa ltar/ /de bzhin kho nar chos rnams kyi/ /stong pa rang bzhin yin par 'dod/ /byas pa nyid dang mi rtag bzhin/ /med na mi 'byung nges pa yin/ zhes gsungs pa dang/ shes rab kyi pha rol tu phyin pa las kyang/ gzugs ni rang bzhin stong pa'o/ /gzugs nyid stong pa'o/ /stong pa nyid las kyang gzugs gzhan ma yin no/ / gzugs las kyang stong pa nyid gzhan ma yin no/ /zhes bya ba la sogs pa gsungs te/ de ltar kun rdzob dang don dam dag bye brag med par shes nas ting nge 'dzin gang du yang dag 'dres te gcig tu gyur cing tha dad pa med par gyur pa de ni zung 'jug pa zhes bya ba yin par brjod par bya ste spyi'i don to/ /yang na kun rdzob dang don dam pa dag ni bskyed pa dang rdzogs pa'i rim pa dag ste/ de dag bye brag med par shes nas ting nge 'dzin gang du rnal 'byor pas yang dag par 'dres par byed pa ni de'i zung du 'jug pa yin no/ /zhes brjod par bya'o/ /yang na kun rdzob kyi rdo rje bzlas pa la sogs pa'i rim pa bzhi ste/ 'di nyid las ji srid bsgom pa dang ldan pa/ /de srid dang ba'i las can yin// zhes gang gsungs pa'o/ /don dam pa ni rim pa lnga ste/ de dag bye brag med cing tha dad pa med par shes nas yang dag par 'dres par byed cing ro gcig par byed pa gang yin pa de ni zung du 'jug pa yin no zhes bya brjod par bya ste/ mthar thug pa'o/ /rdzogs pa'i rim pa'i sgo nas de bzhin nyid la dmigs pa dang/ gang du ldang ba nyid med pa/ /der ni zung du 'jug par 'gyur/ /rnal 'byor pa ni mi zad gnas/ /zhes bya ba gsungs te/ de bzhin nyid ni kun nas nyon mongs pa dang rnam par byang ba'i rnam par rtog pa'i nyes pa thams cad bral ba'i ting nge 'dzin gyi khyad par yin zhing/ /rnam grangs gzhan 'od gsal ba zhes bya'o/ /de la bzhugs su zin kyang de bzhin nyid la dmigs pa ste/ de 'di yin no zhe 'am bdag gi de kho na nyid thob bo snyam du so sor kun tu rtog pa'i 'dzin pa med pa dang/ de bzhin du sems can gyi don bya ba'i bdag byin gyis brlabs pa'i rim pas ldang ba ni spro bas te/ de la dmigs pa'i rnam par rtog pa mi bskyed pa ni rdzogs pa'i rim pa bsgrub par byed pa'i rnal 'byor pa rnams kyi mi zad cing zad pa med pa'i rdo rje 'chang chen po'i nyid mngon du byed pa'i gnas te/ de bzhin gshegs pa'i gnas yin no/ /zhes brjod par bya'o/ /zhes bya ba ni sbas pa dang mthar thug pa'o/ /de nyid ni gnyid log sad pa zhes bya ba'i/ /gnas skabs de nyid spangs pa'i phyir/ /gnyid log sad pa dang bral ba'i/ /ston pa zung du 'jug pa yin/ /zhes bya ba gsungs te/ gnyid log ces bya ba ni dngos po'i rang bzhin yongs su ma shes pas ma rig pa'i nyes pa'i mtshan mo'i dus su sems kyi gnyid log pa ste mi shes pa nyid do/ /sad pa ni mtshan mas yongs su spyad pa'i sgo nas dngos po'i rang rang gi ngo bo yongs su shes pa'o/ /gnas skabs de gnyis te sems kyi 'jug pa'i skad cig gis bye brag nyid spangs shing gsal ba'i phyir gnyid log sad pa dang bral ba ste/ shes pa dang mi shes pa spangs pa'i ston pa sangs rgyas ting nge 'dzin gang la gnas pa'i ting nge 'dzin de ni rnal 'byor pas zung du 'jug pa zhes bya ba yin par rig par bya'o/ /zhes bya ba ni spyi'i don to/ /yang na gnyid log ces bya ba ni rtsa bdun khri nyis stong gi nang du thim pa'i byang chub kyi sems so/ /sad pa zhes bya ba ni thabs dang shes rab snyoms par 'jug pa'i sgo nas de nyid de rnams nas 'dzags nas rdo rje'i rtse mor gnas pa'o/ /gnas skabs de lta bu gnyis spangs pa las gnyid log pa dang sad pa ste/ 'jug pa dang ldang ba dag spangs shing zung du 'jug pa'i rim pa la gnas shing ston pa thams cad mkhyen par 'gyur ro/ /zhes pa ni mthar thug pa'o/ /de nyid ni mnyam par gzhag dang ma gzhag pa/ /gang la rnam pa kun tu med/ /dngos dang dngos med rnams spangs pa'i/ /rnal 'byor ba ni zung 'jug nas/ /zhes bya bas gsungs te/ bskyed pa'i rim pa'i rnal 'byor pa'i mnyam par gzhag pa'i dang po'i sbyor ba la sogs pa'i rim gyis lha'i sku bsgrub pa'o/ /mnyam par ma bzhag pa ni de dag thams cad byas nas thun mtshams su spyod lam bzhis gnas pa'o/ /de bzhin du rdzogs pa'i rnal 'byor pa ni mnyam par bzhag pa ni/ rdo rje bzlas pa la sogs pa bsgom pa la mngon par dga' ba'o/ /mnyam par bzhag pa ni snang ba nyid kyis de las ldang ba'o/ / gnyis po de ting nge 'dzin gang la rnam pa kun tu gsum du yang med pa'o/ /rnal 'byor pa de ni dngos dang dngos min te ting nge 'dzin dang rnam par g.yeng ba dag rnam par spangs shing por nas zung du 'jug pa la gnas pa yin par shes par bya'o/ /zhes pa ni tshig lhag ma ste mthar thug pa'o/ /yang na mnyam par bzhag pa ni 'jug pa dang gnas pa'o/ /mnyam par ma bzhag pa ni 'byung ba'o/ /de rnams ni ting nge 'dzin gang la rnam pa kun tu ste/ rlung gi dus gsum char du yang med pa'i rnal 'byor pa de ni dngos dang dngos med de srog dang rtsol ba'i rlung dag gis 'byung ba dang 'jug pa'i sbyor ba spangs shing zung du 'jug pa la gnas pa yin par shes par bya'o/ /zhes bya ba ni dgongs pa ma yin pa'o/ / sems rnam par dag pa'i rim pa'i phyogs ni/ dran dang mi dran las grol zhing/ /rtag tu rgyun tu gnas pa ste/ /rnal 'byor pa ni 'don bzhin spyod/ /zung 'jug rim pa la gnas pa'o/ /zhes bya bas gsungs te/ dran pa ni thams cad stong pa nyid kyis 'od gsal ba khong du chud pa'o/ /mi dran pa zhes bya ba ni rnam par shes pa dang gsum dang rang bzhin rnams 'gags pas rnams mi rtog pa'i gnas thob pa ste/ de dag las grol ba ni spangs pa'o/ /de nyid kyi phyir rtag tu rgyun tu ste 'khor ba'i rgyun ji srid kyi bar du gnas pa ni sems can gyi don bya ba'i phyir sdod pas na rtag tu rgyun tu gnas pa'o/ /de lta bu ni rnal 'byor pa ni 'dod bzhin te/ rang dbang du spyod lam bzhi rten cing spyod pa'o/ /de ni zung du 'jug pa'i rim pa la gnas pa yin par shes par bya'o/ /zhes bya ba ni sbas pa'o/ /bdag byin gyis brlabs pa dang/ mngon par byang chub pa'i rim pa dag ni/ chags dang chags min las grol zhing/ /mchog tu dga' ba'i lus dang ldan/ / zung 'jug rnam par sgom byed pa/ /'khor ba srid du gnas byed pa/ /zhes bya ba gsungs te/ chags pa ni dga' ba dang mchog tu dga' ba dag go /chags min ni dga' bral te/ rnam pa sna tshogs pa dang rnam par smin pa dang rnam par nyed pa'i rang bzhin can de dag las grol zhing spangs pa'o/ /de nyid kyi phyir mchog tu dga' ba ni mtshan nyid dang bral ba'i skad cig gis rang bzhin gyi lhan cig skyes pa'i bde ba yin zhing/ gang la de'i rang bzhin gyis lus te ngo bo yod pa de ni mchog tu dga' ba'i lus dang ldan pa'o/ /mchog ste khyad par du 'phags pa'i dga' ba ni lhan cig pa'i dga' ba yin zhing mchog tu dga' ba ni bzhi pa yin no/ /zhes brjod par bya'o/ /yang na mchog las pha rol gyi dga' ba ni mchog tu dga' ba zhes pas 'dzin pa'i tshig bsdu ba la lo ma'i rgyal po la sogs pa bzhin du bar gyi tshig mi mngon pas byas pa yin pas/ mchog tu dga' ba bzhi pa nyid yin par brjod par bya'o/ /yang nam mkha' 'gro zhes bya ba la sogs pa'i sgra bzhin du yan lag gi don bshad du med pa'i mchog tu dga' ba zhes bya ba'i sgra ni bsgrags pa'i phyir bzhi brjod par byed pa yin la sbyor bas grags pa'i sgra nyid yin pa'i phyir ni gnyis pa las 'dug pa nyes pa 'ga' yang med do/ /zhes bya ba ni mthar thug pa'o/ /dI rjes la sems can gyi don bya ba'i phyir de las skad cig gis langs te lha'i skur dmigs nas/ /'khor ba srid du ste 'khor ba'i mthar thug pa'o gnas par byed cing gang gi tshe dkyil 'khor gyi 'khor lo mi 'dra ba gzhan dang gzhan spro ba'i sgo nas gnas pa ste de'i tshe rnal 'byor pa de ni zung du 'jug pa'i rim pa gnas pa yin par shes par bya'o/ /zhes bya ba ni sbas pa'o/ /rang gi mtshan nyid kyi sgo nas rim pa lnga pa/ rgyu dang 'bras bu nyid dang ni/ /rang bzhin mi phyed byas nas su/ /rnal 'byor pa ni gang zhig gnas/ /de ni zung 'jug sangs rgyas gsungs/ /zhes bya bas gsungs te/ rgyu zhes bya ba ni kun gzhi rnam par shes pa dang 'brel pa'i bag chags kyi tshogs so/ /'bras bu zhes bya ba ni khu ba dang khrag gi thig le las byung ba'i lus so/ rgyu dang 'bras bu de dag mi phyed pa'i rang bzhin te/ yang mi skye ba'i chos can du byas nas/ rnal 'byor pa gang zhig gnas pa de ni zung du 'jug pa'i rim pa yin par sangs rgyas rnams kyis gsungs so/ /zhes bya ba ni sgra ji bzhin pa'o/ /yang na rgyu dang 'bras bu dag ni lhan cig skyes pa dang shes rab kyi pad+ma dag go /de dag mi phyed par byas nas rnal 'byor pa gnas pa gang yin pa de nyid rnal 'byor pa'i zung du 'jug pa'i rim pa yin par sangs rgyas rnams gsungs te/ drang ba'i don to/ /rgyu ni rdo rje bzlas pa la sogs pa'i rim pa bzhi'o/ /'bras bu ni rim pa lnga pa ste/ de rnams mi phyed par byas shing ro gcig par byas nas rnal 'byor pa gang zhig gnas pa de ni zung du 'jug pa'i rim pa yin par sangs rgyas rnams gsungs ngo/ /zhes bya ba ni nges pa'i don to/ /da ni rim pa gnyis kyi sgo nas bskyed pa'i rim pa 'di gcig dang/ rdzogs pa'i rim pa zhes bya ba/ gnyis po gang du gcig gyur pa/ /de ni zung du 'jug par gsungs zhes bya bas gsungs te thun mong gi bsnyen pa ni rdo rje bzhi po ste/ rim pa des lha'i rnam pa grub pa gang yin pa de ni bskyed pa'i rim pa'o/ / yan lag drug gi rnal 'byor dang/ rtsa'i rgyu ba'i rnal 'byor dang/ phra mo'i rnal 'byor dang thig le rnal 'byor dang/ thabs dang shes rab snyoms par 'jug pa'i dang/ de'i yan lag bsnyen pa la sogs pa rnams dang/ rdo rje bzlas pa la sogs pa'i rim pa lnga dang/ gzhan yang de lta bu dang/ rigs mthun pa spros pa med pa'i chos nyid kyi mtshan nyid can gyi bsgom pa'i lam ni rdzogs pa'i rim pa'o/ /rim pa de dag ting nge 'dzin gang du gcig ste/ tha dad pa'i blo med pa de nyid du gyur pa de ni zung du 'jug pa yin no/ /zhes bcom ldan 'das kyis gsungs so/ /de bzhin du yang ting nge 'dzin de la 'od gsal ba mngon du byed pa dang/ 'ja' tshon lta bu'i sku dang/ dkyil 'khor ba rnams te 'di yin no/ /zhes snang ba med de/ mi gnas pa'i mya ngan las 'das pa'i dbyings kyi rang bzhin nyid dang rnam par rtog pa'i dri ma thams cad nub pa yin pa'i phyir ro/ /'on kyang sems can thams cad kyi don sgrub pa po zhes bya ba ni dgongs pa ma yin pa'o/ /bskyed pa'i rim pa'i lha'i sku'i dbye ba gnyis kyi phyogs kyi sgo nas/ 'di ni yongs su dag pa'i lha/ /'di ni ma dag par gyur ces/ /rtog pa gang du gcig pa nyid/ /de ni zung du 'jug pa'o/ /zhes bya ba gsungs te/ bdag byin gyis brlab pa'i rim pas 'od gsal pa las skad cig gi sku bskyed pa ni yongs su dag pa'i lha'i sku ste/ ye shes kyi sku'o/ /zhes bya ba'i don to/ /zla ba dang rdo rje la sogs pa'i rim gyis dang po'i sbyor ba la sogs pa'i ting nge 'dzin gsum la brten nas sku 'byung ba gang yin pa de ni yongs su ma dag pa'i lha'i sku ste/ rnam par rtog pa spro ba mang ba'i phyir ro/ /de nyid kyi phyir sngags kyi sku zhes brjod par bya'o/ /sku de dag ting nge 'dzin gang du tha dad med par gyur pa de ni zung du 'jug pa yin no/ /zhes brjod par bya ste dgongs pa ma yin pa'o/ /rdzogs pa'i dbye ba gnyis ni/ gzugs can dang ni gzugs med ces/ /rtog pa gnyis pa spangs pa'i phyir/ /zhi ba'i rnal 'byor dbang po shes/ /de ni zung 'jug thob pa'o/ /zhes bya bas gsungs te/ de la re zhig gzugs can ni/ rnam par shes pa ma rtogs pa'i/ /phung po khams dang skye mched rnams so/ /gzugs med ni nam mkha' dang rnam par shes pa zhes bya ba gnyis so/ /de lta bu'i rnam par rtog pa gnyis ting ne 'dzin gang la snang ba med pa de nyid kyi phyir zhi ba ste rnam par rtog pa'i spros pa thams cad dang bral ba gang gi tshe rnal 'byor dbang po ste rdzogs pa'i rnal 'byor pas shes pa de'i tshe ni zung du 'jug pa'i rim pa thob pa yin no/ /zhes brjod par bya ste drang ba'i don to/ /yang na gzugs can ni 'od gsal ba las byung ba'i 'ja' tshon lta bu'i sku'o/ /gzugs med ni 'od gsal ba'i de kho na nyid do/ /de kho na nyid du snang ba de gnyis spangs pa'i rnal 'byor pa'i dbang po ni mi gnas pa'i dbyings kyi rang bzhin gyis zung du 'jug pa'i rim pa zhi ba thob pa yin no/ /zhes brjod par bya ste nges pa'i don to/ /rdzogs pa'i rnal 'byor pa'i 'bras bu ni/ de ltar gnas pa'i rnal 'byor pa/ /zung 'jug rim la gnas pa ste/ /de ni kun mkhyen de nyid mthong/ /sna tshogs 'dzin pa zhes brjod do/ /zhes bya bas gsungs te/ de ltar bshad ma thag pa'i ting nge 'dzin gyi rim pas gnas pa'i rnal 'byor pa gang yin pa de ni zung du 'jug pa'i rim pa la gnas shing mi gnas pa'i mya ngan las 'das pa'i dbyings thob pa yin par rig par bya'o/ /de nyid kyi phyir de ni kun mkhyen te dngos po thams cad kyi rang gi ngo mkhyen pa dang/ de nyid kho na ste/ thams cad stong pa'i bdag gi zung du 'jug pa de kho na nyid mthong bas de kho na nyid mthong ba dang/ de nyid kyi phyir khams gsum pa sna tshogs dkyil 'khor gyi 'khor lo mi 'dra ba gzhan dang gzhan spro ba'i sgo nas rdo rje 'chang gi go 'phang 'dzin par byed cing thob par byed pa yin pas na sna tshogs 'dzin pa yin no/ /des ni bdag dang gzhan gyi don phun sum tshogs pa dang de'i thabs phun sum tshogs pa bsal bas byas pa yin te/ dgongs pa ma yin pa'o/ /mi slob pa nyid ni/ sgyu 'phrul dra ba mngon sangs rgyas/ /'khor ba'i rgya mtsho pha rol son/ /bya ba byas pa'i rnal 'byor pa/ /bde ba gnyis ni tshul la gnas/ /zhes bya bas gsungs te/ bde ba gnyis kyi tshul te kun rdzob dang don dam pa tha dad pa med pa'i rang bzhin gyis zung du 'jug pa'i rim pa la gnas par gyur pa'i rnal 'byor pa de ni/ 'di lta bu'i rnam pa can yin no/ /ji lta bu zhe na/ sgyu 'phrul dra ba zhes bya ba ni nyon mongs pa dang nye ba'i nyon mongs pa'i bag chags kyis bskor ba'i 'khor ba'i 'khor lo ste/ der mngon par rdzogs par sangs rgyas par ni/ de'i rang gi ngo bo yongs su shes pas de kho na nyid rtogs pa yin no/ /de bzhin du 'khor ba ni sems dang sems las byung ba'i chos rnams te/ de dag nyid brgal par dka' ba nyid yin pa'i phyir rgya mtsho dang 'dra bas rgya mtsho yin la/ sngar bshad pa'i rim pa rnams dang 'di yis de'i pha rol tu phyin pa'i phyir phyi rol son pa'o/ de nyid kyi phyir mi slob pa'i lam la gnas pa nyid yin pas bya ba byas pa ste bdag dang gzhan gyis don phun sum tshogs pa nyid yin pa'i phyir de las pha rol na bya ba gzhan med do/ /zhes bya ba ni drang ba'i don to/ /yang na sgyu 'phrul dra ba ni sgyu ma'i dpe bcu gnyis dang mtshungs par mthong ba ste/ nges mngon par rdzogs par sangs rgyas pa ni/ sgyu ma lta bu'i ting nge 'dzin la gnas ba'o/ /de nyid kyi phyir 'khor ba'i rgya mtsho ste rtogs pa'i rnal 'byor gyi pha rol tu son pa nyid yin pas bya ba byas pa'i rdzogs pa'i rnal 'byor pa ni bden pa gnyis kyi tshul la ste/ zung du 'jug pa'i bdag nyid kyi rim pa la gnas pa yin par rig par bya'o/ /zhes bya ba ni nges pa'i don to/ /da ni ming la mngon par zhen pa rnams la tshigs su bcad pa gnyis kyis zung du 'jug pa'i rim pa'i rnam grangs brjod par bya ste/ de nyid gnyis med ye shes te/ /mi gnas mya ngan 'das pa yin/ /sangs rgyas rdo rje sems dpa' nyid/ /de bzhin kun gyi dbang phyug nyid/ /rdo rje lta bu'i ting 'dzin dang/ /rdzogs pa'i rim pa nyid dang ni/ /sgyu ma lta bu'i ting 'dzin dang/ /gnyis su med par de bshad do/ /gzung ba ni 'dzin pa yis/ /rnam par rtog pa gnyis med pa'i/ /phyir gnyis med de spyi'i don to/ /kun rdzob dang don dam pa'i rnam par rtog pa gnyis med pa'i phyir gnyis med de mthar thug pa'o/ /'jig rten las 'das shing khyad par 'phags pa'i rang gi ngo bo yin pa'i phyir ye shes de spyi'i don to/ /ye shes lnga sdud par byed pa nyid yin pa'i phyir ye shes te mthar thug pa'o/ /'khor ba dang mya ngan las 'das pa dag las mi gnas pa nyid yin pa'i phyir mi gnas pa'i mya ngan las 'das pa'i ste mthar thug pa'o/ /sa bcu gnyis pa thob pa nyid yin pa'i phyir sangs rgyas te/ dgongs ba ma yin pa'o/ /de bzhin gshegs pa lnga sdud par byed pa dang/ dbang phyug gi yon tan thams cad kyi rten nyid yin pa'i phyir/ rdo rje sems dpa' nyid de mthar thug pa'o/ /chung ngu dang chen po dang gar yang phyin pa dang 'dod rgur ldan pa dang/ yang ba dang/ bdag por gyur pa dang/ dbang du gyur pa dang/ dga' mgur gnas pa ste/ rdzu 'phrul brgyad ni kun gyi dbang phyug ste/ /de thob pa nyid yin pa'i phyir kun gyi dbang phyug go/ yang na sku'i dbang phyug gsung gi dbang phyug dang/ /de bzhin kun gyi thabs kyi dbang phyug dang/ /rdzu 'phrul yon tan kun dbang phyug /byed pa zad byed yon tan brgyad/ / ces bya ba rnams khong du chud par bya/ kun gyi dbang phyug yin te/ sgra ji bzhin pa'o/ /kun gzhi la sogs pa'i rnam par shes pa gnas gyur nas/ chos kyi dbyings kyi ye shes mngon du byas pa dang/ phung po'i bdud la sogs pa rnams kyis bskyod par bya ba nyid ma yin pa'i phyir/ rdo rje lta bu'i ting nge 'dzin te mthar thug pa'o/ /spros pa thams cad dang bral ba dang/ rang bzhin gyis grub pa nyid yin pa'i rdo rje lta bu'i ting nge 'dzin nyid rdzogs pa'i rim pa yin te/ dgongs pa ma yin pa'o/ /sgyu ma'i dpe rnam pa bcu gnyis nye bar mtshon pa'i sku ni sgyu ma lta bu'i ting nge 'dzin yin no/ /rim pa gsum ba las 'di la bye brag ci zhig yod pa ma yin rnam zhe na/ brjod par bya ste rim pa gsum pa ni ji srid du rim pa bzhi pas dag par ma byas pa de srid du yongs su dag par mi 'gyur ro/ /rim pa 'di ni rang bzhin gyis dag pa yin pas de las dag par byed pa gzhan mi dgos te/ mi slob pa nyid yin pa'i phyir ro/ /der ni sgyu ma lta bu nyid lta bar byed pa yin la/ 'dir ni lhun gyis grub pa kho na yin no/ /zhes bya ba ni khyad par te sbas pa'o/ /sngar bshad pa'i rim pas 'khor ba dang mya ngan las 'das pa la sogs pa rnams tha dad pa med pa'i phyir gnyis su med pa yin no/ /zhes brjod par bya ste/ mthar thug pa'o/ /rgyud thams cad 'di nyid kyi tshad ma yin par/ skye ba med la sogs pa'i sgra/ /gnyis med ye shes ston pa rnams/ /thams cad 'di yis rjod byed de/ /der ni gzhan dag ma stan to/ /zhes bya bas gsungs te/ bcom ldan 'das kyis mdo sde dang rgyud kyi rnam pa tha dad pa rnams las gsungs pa dang/ skye ba med pa dang/ de bzhin nyid dag yang dag pa'i mdza' dang/ mnyam pa nyid dang stong pa nyid dang/ rnam par mi rtog pa'i ye shes dang/ dag pa 'jig rten pa dang/ 'jig rten las 'das pa dang/ rnam par thar pa dang/ grol ba dang/ rnam par rig pa tsam nyid dang/ dbu ma'i lam zhes bya ba de lta bu la sogs pa'i sgra gnyis med ye shes te mi gnas pa'i dbyings kyi rang bzhin gyi de kho na nyid ston cing brjod par byed pa yin par gyur pa gang yin pa de rnams ni zung du 'jug pa'i rim pa 'di nyid kyi rjod byed de/ ston par byed pa yin no/ /mdo sde la sogs pa der gzhan bstan te/ rim pa 'di ma gtogs par brjod par bya ba gzhan med do/ /zhes bya ba'i tha tshig go/ de ni bya ba la sogs pa'i gzhung tha dad du zin kyang/ de kho na nyid ni gcig pa nyid bshad pa yin no/ /lam tha dad pa ni de kho na nyid tha dad par sgrub par byed pa ni ma yin te rtag pa nyid dang gcig pa nyid dang/ /chos nyid kyi ngo bo nyid yin pa'i phyir ro/ /tshul bzhin du rten gyi bye brag gis tha dad par gyur pa ni 'phags pa byams pas chos kyi dbyings la dbyer med phyir/ rigs 'di tha dad rung ma yin// brten pas chos kyi bye brag gis/ /de yi dbye ba yongs su brjod/ /ces gsungs te/ sgra ji bzhin pa'o/ /rim pa 'di ni dus gsum gyi sangs rgyas grub par byed pa yin par/ gaM gA yi ni bye snyed kyi/ /sangs rgyas rnams kyi 'di nyid kyi// yod dang med pas phyogs spangs pa'i/ /phyag rgya chen po'i bdag nyid 'grub/ /ces bya bas gsung ste/ re shig gaM gA'i klung gi bye ma snyed kyi sangs rgyas snyed de dus gsum gyi de bzhin gshegs pa gang yin pa de rnams kyi zung du 'jug pa'i bdag nyid kyi rim pa 'di nyid kyi sgo nas phyag rgya chen por 'grub cing rdo rje 'chang chen po'i go 'phang thob po/ /ji lta bu zhe na/ yod dang med pa'i phyogs te/ yod pa dang med pa'i phyogs dang bral zhing spangs pa zung du 'jug pa'i ting nge 'dzin gyi ngo bo yin no/ /zhes bya ba'i tha tshig go /de nyid kyi phyir rim pa gnyis pa las de bzhin gshegs pa thams cad kyis bskul nas shAkya seng ges sangs rgyas nyid thob po/ /zhes gsungs pa'i rigs pa ste mthar thug pa'i rgyu'i rim pa bshad nas 'bras bu'i rim pa'i sgo nas spyod pa/ zung 'jug go 'phang la gnas pa'i/ /rnal 'byor chen po spyod pa na/ zung du 'jug pa'i bsgom pa bzhin/ /spyod pa'ang de dang gnyis med bya/ /zhes bya bas gsungs te/ zung du 'jug pa'i ting nge 'dzin la gnas pa'i sngar bshad pa'i rnal 'byor pa gang yin pa de dag gi tshe spyod pa na te ting nge 'dzin las langs nas spyod pa kun tu spyod pa de'i tshe/ zung du 'jug pa ji ltar bsgom pa de bzhin du spyod pa 'ang 'di dang gnyis su med par goms par bya zhing spyad par bya ste/ sgra ji bzhin pa'o/ /de nyid ni ji ltar bdag nyid de bzhin dgra/ ji ltar chung ma de bzhin pha/ /ji ltar smad 'tshong de bzhin ma/ /ji ltar bram ze de bzhin gdol/ /zhes bya bas gsungs te/ bdag nyid gzhan du pha rol po dag po la thug pa'i bar du yang blta bar bya'o/ /bskyed par bya ba dang skyed par byed pa'i chung ma dang pha dag la mtshungs par blta bar bya ste/ skyes pa dang bud med kyi mtshan ma tha dad pa'i rna bar rtog pa med pa'i phyir ro/ ma dang smad 'tshong ma dag la yang tha dad par bsam par mi bya ste/ don dam pa'i 'dod par bya ba dang/ 'dod par bya ba ma yin pa med pa'i phyir ro/ /khams mtshungs pa nyid kyis tha dad par mi dmigs pa'i phyir bram ze gdol pa dag la yang mtshungs par blta bar bya'o zhes bya ba ni/ rigs kyi bye brag mtshungs pa nyid de sgra ji bzhin pa'o/ /yon tan gyi bye brag ni ji ltar pags pa de bzhin gos/ /ji ltar khrag nyid de bzhin dug /ji ltar gci ba de bzhin chang/ /ji ltar bza' ba de bzhin bshad/ /zhes bya bas gsungs te/ gos gang ci yang rung ba bgo bar bya ba yin pas gos dang pags pa dag la tha dad par blta bar mi bya'o/ /sems dga' bar byed pas na khrag ste lus la phan pa'i bcud kyi len la sogs pa'o/ /de bas na gnod par byed pa dang/ phan par byed pa dag la tha dad pa med pa'i phyir khrag dang dug dang mtshungs par shes par bya'o/ /btung ba'i gnas skabs dang bza' pa'i gnas skabs la bab pa na chang dang gci ba dag dang bza' dang bshad pa dag la bye brag ci yod de/ rigs pa dang lung dag gis dngos po rnams la rnam par dpyad na gtsang ba dang mi gtsang ba la sogs pa rdzas kyi yon tan rnams la tha dad par mi dmigs pa'i phyir rnal 'byor pa gang yin pa la ni khyad par du thams cad mkhyen pa'i ye shes kyi mthus thams cad rang bzhin gcig pa kho na yin no/ /zhes bya ba ni sgra ji bzhin pa'o/ /rdzas dang bya ba dag la tha dad pa med pa ni/ ji ltar dri za ga bur dang/ /de bzhin bshad ba las byung dri/ /ji ltar bstod pa byed pa'i tshig /de bzhin du ni smod pa'i tshig /ces bya bas gsungs te/ dri mchog dang dri mchog ma yin pa dang ldan pas yid bde ba dang mi bde bar byed pa'i rdzas kyi bye brag ga bur dang bshad ba la sogs pa de rnams la rnal 'byor pas snga ma bzhin du mtshungs par blta par bya'o/ /bstod pa dang smod pa dang gtso bor gyur pa'i tshig rnams thos nas dag rnam par dben pa'i rjes su dran par rab tu dga' ba'i mi dga' ba mi bya ste/ tshig gi spros pa rang bzhin med pa nyid du bsams nas/ 'od gsal ba'i rang bzhin nyid yin pa'i phyir ro/ /dgongs pa ma yin pa'o/ /khyab par byed pa nyid ni drag po ji bzhin rdo rje can/ /ji ltar mtshan mo de bzhin nyin/ /ji lta rmi lam de bzhin sad/ /ji ltar gzhig pa bzhin du gnas/ /zhes bya ba gsungs te/ gzhan gyi sde pa drag po la sogs pa gang su yang rung ba rnams dang/ rang gi lugs kyi 'dod pa'i lha rdo rje 'chang la sogs pa de dag tha dad par shes par mi bya'o/ /rtags kyi bya bas gnas pa yis/ /pha rol rgol ba gang yang rung/ /de dag kyang 'dir smad mi bya/ /rdo rje sems dpa' i rnam 'phrul yin zhes kyang gsungs so/ /mtshan mo dang ni nyin mo dag kyang thabs dang shes rab kyi rang bzhin nyid yin pa'i phyir gcig nyid du shes par bya'o/ /rmi lam dang sad pa'i gnas skabs dag ni/ /dngos po rnams sgyu ma bzhin du mthong ba'i sgo nas gcig pa nyid du rtogs par bya'o/ /gnas pa dang zhig pa dang/ dngos po thar bar lta bar mi bya ste/ chos rnams stong pa kho na las/ / stong pa'i chos rnams rab tu 'byung/ /zhes bya ba'i rigs pas/ chos thams cad ni gzod ma nas ma skyes pa nyid dang/ skye ba dang gnas pa dang 'jigs pa med pa'i phyir ro/ /dgongs pa ma yin pa'o/ /'jig rten chos rnams med pa ni/ / ji ltar bde ba de bzhin sdug / ji ltar sdang ba de bzhin bu/ /mnar med de bzhin mtho ris te/ /de bzhin bsod nams sdig pa nyid/ /ces bya ba gsungs te/ yid du 'ong ba'i dang yid du mi 'ong ba'i yul dang phrad pa na bde ba dang sdug bsngal dgra mtshungs par shes par bya ste sems rnam par dag pa'i rim pas 'od gsal ba'i rang bzhin du gcig pa nyid yin pa'i phyir ro/ /de ni nye bar mtshon pa yin te/ rnyed pa dang ma rnyed pa la sogs pa rnams kyang de kho na bzhin du shes par bya'o/ /bu dang gzhan sdang ba la mtshungs par blta bar bya ste/ nye ba'i nyon mongs pa khro ba dang rjes su chags pa dag ni rang bzhin rnams su 'dus pas 'od gsal ba'i rang bzhin nyid yin pa'i phyir ro/ /mtho ris dang mnar med pa dag ni 'bras bu'o/ /bsod nams dang sdig pa dag ni rgyu ste/ de dag kyang 'dus pas rtha dad pa'i phyir mtshungs pa nyid du shes par bya'o/ /zhes bya ba ni dgongs pa ma yin pa'o/ /mjug bsdu ba de ltar shes nas ye shes can/ /dogs med thams cad byed spyod cing/ /sbas pa'i brtul zhugs kun bsgrubs nas/ /phun sum tshogs pa thams cad 'grub ces bya ba gsungs te/ de ltar zhe na bya ba sngar bshad pa'i tshul bzhin du shes shing sems la yang dag par bzung nas ye shes can gang zhig dogs med de/ spros pa dang bral ba'i thams cad byed pa ste/ sems can thams cad kyi don byed ba 'am/ gtsang ba la sogs pa'i rnam par rtog pa'i dri ma spangs nas bza' ba dang btung ba la sogs pa byed cing spyod pa byed pa'o/ /ji ltar zhe na sbas pa'i btul zhugs te phyi rol gyi ral pa dang spyi bo sogs pa'i brtul zhugs spangs nas thabs dang shes rab snyoms par 'jug pa'i mtshan nyid kyi brtul zhugs kun tu bsgrubs shing blangs na gang gi tshe kun tu spyod pa de'i tshe/ des phun sum tshogs pa thams cad de rdo rje 'chang chen po nyid dang 'brel pa'i 'jig rten las 'das pa'i dngos grub 'grub cing rdzogs par 'gyur ro zhes bya ba ni sgra ji bzhin pa'o/ /bsod nams yongs su bsngo ba ni/ /rim pa lnga yi mchog gi don/ /bshad pas bsod nams gang thob pa/ /de yis 'jig rten zung 'jug gis/ /ting nge 'dzin gyis rol por shog ces bya ba / gsungs te/ rim pa lnga'i mchog gi don te rdzogs pa'i rim pa gtso bor gyur pa bshad cing gsal bar byas pa las/ bdag gis bsod nams te dge ba gang thob cing bsgrub pa'i bsod nams gang yin pa de yis 'jig rten ? chun gyi 'khrul 'khor bzhin du 'gro ba drug tu 'khor ba/ sems can gyi skye gnas rnam pa bzhi'i rang bzhin gyi skye bo rnams zung du 'jug pa'i ting nge 'dzin gyis mi gnas pa'i mya ngan las 'das pa'i dbyings thob nas/ rang gi don byas te/ gzhan gyi don bya ba'i phyir dkyil 'khor ma lus pas yongs su bskor te/ lha mo rnams dang lhan cig 'dod pa lnga la nye bar longs spyod par byed cing bde ba chen po'i ting nge 'dzin gyis sangs rgyas kyi zhing nas sangs rgyas kyi zhing du rol cing rnam par 'phrul par shog cig ces yongs su bsngo bar mdzad do/ /grags pa'i 'od kyis sa sdengs ma lus par ni khyab gyur cing/ /bde gshegs gsung gi rgya mtsho'i rin chen snying pos brnyes gyur pa /gzhan la phan dgos bdag nyid dpal ldan 'phags pa klu sgrub ni/ /glang chen smyon mtshungs rgol tshogs kun las seng ge bzhin du rgyal/ /de yi man ngag 'ga' zhig legs theb nas/ /bcom ldan rgyud kyi gtso bo'i rjes 'brangs te/ don bcus rim pa'i don gyi tshul 'di ni/ /rgyas bar gsal bar byas pa kho na yin/ /sprin gyi tshigs dang bral ba'i nam mkha' i zla ba nya ba dang/ mtshungs pa'i bsod nams sa bon bdag gis thob pa gang yin pa/ /des ni tshogs ldan skye bo rnams kyi sdug bsngal kun bral ba'i/ /byang chub rgyal srid skad cig de ni nges par thob par shog /rim pa lnga pa'i bshad pa nor bu'i phreng ba las zung du 'jug pa'i rim pa ste lnga pa'o/ /rim pa lnga pa'i bshad pa nor bu'i phreng ba zhes bya ba slob dpon klu'i byang chub kyi zhal snga nas kyis mdzad ba rdzogs so/ / //rgya gar gyi mkhan po rdo rje slob dpon chen po karma badzra'i zhal snga nas dang/ dge slong gzhon nu tshul khrims kyi bsgyur cing zhus te gtan la phab pa'o/ / //rim pa lnga'i dka' 'grel bzhugs// //rgya gar skad du/ pany+tsa kra ma pany+tsi kA/ bod skad du/ rim pa lnga'i dka' 'grel/ 'jam dpal gzhon nur gyur ba la phyag 'tshal lo/ /rdo rje sems dpa' la phyag 'tshal lo /

CLOSE WINDOW