བོད་ཡིག

e-texts based on the ACIP/ALL Input

/rgya gar skad du/ sh+rA Dha pra lA pa stas/ bod skad du/ dad pa smra ba zhes bya ba'i bstod pa/ bcom ldan 'das dpal rdo rje sems dpa' la phyag 'tshal lo/ /nyes pa'i dra ma ma lus bsal/ /yongs dag yon tan tshogs brnyes pa/ /rgyal ba kun gnas khyod nyid zhabs so/ /pad+ma gnyis la phyag 'tshal lo/ /srid pa'i sdug bsngal bsal ka'i me/ /tsha ba nye bar zhi mdzad cing/ /bsod nams tshogs ni ma lus pas/ /thugs ni yongs su rgyas mdzad pa/ khyod kyi yon tan zag med rnams/ /byang chub sems dpa' mchog gi phul/ /'dod chags la sogs dbang gyur kyang/ /bdag 'dra'i spyod yul ga la lags/ /'gro ba'i snang ba'i gzhir gyur pa/ /nyi ma sprin dang bral ba la/ /me khyer nyon mongs dag gis ni/ /snang bar bgyid la ci zhig 'tshal/ /de lta mod kyi dag gi tshogs/ /dman pas kyang ni bstod bgyid pa/ /bdag gis cung zhig gang smras de/ /mgon la dad pas drangs pa lags/ /blta bas mi ngoms yid 'od zhing/ /mchog tu sems dpa' stsol mdzad pa/ /srog dang bral ba'i ngo bo nyid /thugs rje'i bdag nyid can phyag 'tshal/ /rab zhi bdud rtsi 'dzag pa'i sku// su zhig la ni zhi mi bgyid/ /srid pa'i sred pas gdungs pa rnams/ /bcom ldan khyed kyis rtag zhi mdzad/ /yid 'ong tsho las byung ba yid/ /bdud rtsi dkar po dang 'dra zhing/ /rtag tu de nyid dpal gyis ni// mtshan mo'i yon tan dag gis brgyan/ /rdzogs pa'i byang chub pad+ma yis/ /sems can bud ba chim mdzad pa/ /khyed mthong na ni rtag pa du/ /dga' mchog su zhig skye mi 'gyur/ /khyed la mngon dang yid 'od ba'i/ /bde la gnas pa'i sems can la/ /lha yul bud med bzhin gyi mdongs/? /zla 'dra 'dod chags ba de skyes dang/ /mngon 'dod 'bras bus kun steng ba'i/ /dpag bsam shing gis rnam brgyan zhing/ /yid 'ong thams cad rnyed sla ba'i/ /dga' ba'i tshal la'ang chags mi 'gyur/ /mchog tu sems dpa' skyed mdzad cing/ /lta ngan rab rib stug po ni/ /shin tu legs par 'joms 'gyur ba'i/ /bar snang la ni rtags shar ba/ /bdag nyid chen po gang gis mthong/ /des ni gzhan dag lta mi 'gyur/ /lus can khams gsum 'bro dgon ni/ /chen por rtag tu 'khyams gyur cing/ /rtag tu lam mchog las nyams la/ /khyed la mngon sum ston pa mdzad/ /sems can gyi ni pad ma'i tshal/ /dam chos 'od zer dra ba yis/ /sad mdzad nyin mor gyur pas na/ /sngon med nyi ma khyod lags so/ /rab dga' i rgya mtsho las byung ba'i/ /bdud rtsi gnyis pa khyod lags te/ /rtag tu bdud rtsi'i gnas brnyes pas/ /'gro ba nyams thag sel mdzad pa/ /nyon mongs thams cad spangs pa yi/ /dgra bcom go 'phang thob pa gang/ /khyed kyi yon tan ma 'tshal bas/ /de yang mkhas pa ma lags so/ /glog 'gyur lta bur 'gyur ba yi/ /srog ni sdug bsngal skyed byed pas/ /skad cig gis 'jig 'khor ba na/ /snying po khyed sku dran pa lags/ /rgyal sras khyed kyi bsam gtan gyis/ /bdud rtsis rtag tu tshim byed pa'i/ /yid la srid pa'i sdug bsngal ni/ /ma lus brjed de gnas pa lags// sku gsung thugs spro 'od zer gyis/ /'jig rten khams ni tshad med pa'i/ /gti mug gi ni mun bsal ba/ /khyed kyis skad cig gcig gis mdzad/ /rang gi ngo bo'i bdud rtsi che/ /skal ldan bde ba btang nas ni/ /rnam rtog bag chags shas che ba/ /'khrul pas 'khor bar gyur pa la/ /chos dbyings ngo bo nyid lags kyang/ /'jig rten mi shes bsal ba'i phyir/ /kun rdzob rnam pa'i sku yis ni// bzhugs kyi yang dag nyid kyis min/ /thugs rje'i? bdud rtsi btung mchog gis/ /tshim mdzad bde ba rab rtsol cing/ /rtag tu nyams ni sna tshogs pa'i/ /sangs rgyas rol mos gar mdzad do// gnyis par 'phrul pa las zlog phyir/ /shes rab thabs ni gnyis med mdzad/ /kun tu rmongs pa'i mun bsal phyir/ /shes rab mchog gis 'od rab gsal/ /rnam thar gsum gyi bde rnyes pas/ /zhal gsum yid du 'od ba'ang mnga' / /sbyin sogs pha rol phyin pa drug /legs par brnyes pas phyag drug mnga' / /shes rab rnon po'i ngo bo bas/ /phyag gnyis dkyil 'khor mchog 'dzin mdzad/ /bsam pa thams cad rdzogs mdzad pas/ /rin chen mchog ni phyag na bsnams/ /mgon po khyed kyi thugs rje yis/ /rtag tu rdo rje pad+mar ston/ /bde ba'i thabs kyi de thob ces/ /de nyid dga' bdag can la ston/ /yon tan 'byor ba yongs rdzogs pas/ /rgyan rnams kun gyis brgyan pa lags/ /dka' ba las ni zlog mdzad pas/ /sems dpa' i skyil krung bde bas bzhugs/ /dngos po'i tshogs ni dbyer med pas/ /khyed bzhugs pa la nges snang ste/ /sku ni rang bzhin dri ma med/ /sna tshogs gzugs su rnam par ston/ /gdul bya sna tshogs sems can don/ /rnam pa gcig gis mi 'grub pa'i/ /sna tshogs rigs kyi dbye ba yis/ /thugs rje'i gter chen khyed rab mdzes/ /bsam bya khyed las gzhan ma mchis/ /bsam gtan mchog kyang khyed lags pas/ /ma rig mtshan mo'i mun rung na/ /dpag med 'od ldan ston zla khyed/ /sring pa nyid la zhugs gyur kyang/ /srid pa med pa nyid du mdzad/ /srid pa srid med par zhen pas/ /'jig rten nyid dang 'dra bar mdzad/ /sems can kun la phan dgyes kyang/ /sems can nyer dmigs nying mi mnga' / /sgyu ma lta bur gnas mdzad kyang/ /khyed la sgyu ma mnga' ma lags/ /chags sogs dri mas ma gos par/ /sems can chags pa dbang du mdzad/ /khyed ni rang bzhin cher zhi yang/ /bdud rnams 'joms pa mdzad? la dgyes/ /rang rig nyams su stong pa yis/ /nyon mongs bag chags bcas las rgyal/ /srid dang thar pa'i ro ltar bas/ /ro gcig nyid du khyed kyis mdzad/ /gang zhig dag pa'i sems kyis ni/ /khyed ni rtag tu sgom byed pa/ /des ni 'gro ba rmi lam dang/ /dri za'i grong khyer lta bur mthong/ /des na rnam rtog tshogs kyis ni/ /dri ma rnams dang bral bar 'gyur/ /rnam pa kun tu skye pa ni/ /rgyu ni nye bar bcod par bgyis/ /'gro ba'i sdug bsngal las zlog te/ /slar yang smon lam stobs kyis ni/ /sna tshogs tshul gyis rnam gnas shing/ /'gro ba sdug bsngal ldan rnams skyob/ /thugs rje'i rlan gyis rgyud brlan pas/ /dngos po med las rgyab kyis phyogs/ /bde gshegs sras po ji bzhed pa'i/ /tshul ni rnam pa du mas bzhugs/ /gzhan dag stong pa rtog bya'i phyir/ /rang rig nyams ni ston par brtson/ /ngal bso'i gnas ni mchog brnyes nas/ /rtag tu bde bas bzhugs par mdzad/ /khyed ni mthong btsam gyis kyang/ /bzhin ras shin tu dang ba dang/ /spu g.yo mchi mar bcas pa dang/ /lus ni sems med lta bu nyid/ nges pa kho nar 'byung gyur na/ /gtso bo khyed tshul mi g.yo ba/ /blo yi mig gis mthong ba dag/ de yi bde ba smos ci 'tshal/ /ji ltar khyed kyi rnam pa kun/ /mthong ba las ni bde ra gyur pa/ /de ltar skad cig tsam mthong las/ /bde bar gyur pa yod ma lags/ /kun bdag dbang phyug byed pa dang/ /ngas sprul skyes bu mchog dang ni/ /tshangs pa mchog gi rang bzhin dag/ 'du shes kun dang rnam bral zhes/ /thar pa las ni phyin ci log/ nga rgyal lam gyi rjes 'gro rnams/ /khyed kyi rang bzhin ma 'tshal bas/ /srid pa gsum gyi lam na 'khor/ /srid pa'i sa bon nga rgyal zhes/ /yang dag gsung pa khyed kyi gsung/ /nga rgyal yod na slar yang ni/ /de las las dang skye bar 'gyur/ /bdag nga zhes bya dang bral zhing/ /bzung dang 'dzin pa rnam spangs pa/ /khyed kyi ngo bor 'dzin shes na/ /rang bzhin gyis ni yang dag snang/ /dad pa sgom pa la dga' bas/ /rtag tu skad cig tsam bgyis snyed/ /ngan rtog rab rib gyis 'thabs/ /rmi lam na yang khyed mi mthong/ /zla ba mar ngo'i mun du ma na/ /dmus long dag gis nor bu bzang/ /'od chogs shin tu dri med pa/ /lag par gnas kyang mi mthong ltang de bzhin rmongs pa sna tshogs pa'i/ /rnam par zhe na pas khyed mi mthong/ /bde ba kun gyi gter gyur pa/ /rmongs pa'i blo yis mthong ba dang/ /'od dang ldan pas mchog gyur pa/ /khyod ni rtag tu mthong mi 'gyur/ /ye shes snang ba gsal ba yis/ /dri med mdangs ldan khyod mthong 'gyur/ gdul bya'i skye bo sna tshogs la/ /thugs rjes yid ni drangs gyur pa/ /de bzhin gshegs pa rnams kyis ni/ /khyod ni sna tshogs dag tu bstan/ /gnas dang skye dang 'gag las 'das/ /spros pa rnams dang nyer bral bas/ /bcom ldan khyed ni bstod pa min/ /khyod ni stong las gzhan ma lags/ /khyod kyi sku ni 'ja''dra zhing/ /sgyu ma lta bu byung gyur pa/ /kun rdzob tu de sngags kyang/ /dam pa'i don du yod ma yin/ /khyed ni dngos min dngos med min/ /gnyis ka ma yin gos pa med/ /yod dang med par spyod pa yis/ /rtog ge'i spyod yul dag las 'das/ /shes rab dam pa la dgyes pas/ /mchog tu zhi ba'i bdud rtsi ni/ /'gyur ba med pa'i ngo bo nyid/ /zhi ba'i sku la phyag 'tshal lo/ /rtag tu kun gyi bdud rtsi rig/ kun mkhyen bde bar gshegs pa'i bdag/ dpal mchog dang po phyag 'tshal 'dud/ /phyag 'tshal phyag 'tshal khyed phyag 'tshal/ /kun rdzob tu ni tha snyad kyi/ /mkha' dang mnyam pa khyod stod kyis/ /rnam rtog bral ba khyod la ni/ /bdag 'dras stong pa byed mi rigs/ /sems can mang po la byams shing/ /thugs rjes thugs ni drang gyur la/ /byis pa nyes smra lta bu la/ /gtso bo khyod ni bzod par mdzod/ /da ltar thub dbang gtso la stod/ /bsod nams bdag gis gang bsags pa/ /des ni sems can rang rig pa'i/ /bde bar byed dang 'dra bar shog/ dad pa smra ba zhes bya ba'i bstod pa rdzogs so// //rgya gar gyi mkhan po pradnyA sh+ri gupta dang/ sgra sgyur gyi lots+tsha ba bande rin chen bzang pos sgyur cing zhus te gtan la phab pa'o// /sarba mang+gA laM bkra shes dge'o// // e ka brits+tsha /

CLOSE WINDOW