བོད་ཡིག

e-texts based on the ACIP/ALL Input

zhus chen gyi lo tsA ba pande rin chen bzang pos bsgyur ba'o// //rgya gar skad du kho d+hi tsit+ta bi ba ra Na TI kA/ bod skad du/ byang chub sems kyi 'grel pa'i rnam par bshad pa/ /gcig dang du ma min sbyor ba/ /mkhyen nas rtog pa kun spangs pa'i/ /ston pa'i bdag nyid thugs rje can/ /btud nas rnams bshad 'di byas so/ /nga rgyal gyis sam grags dang rnyed/ /'dod nas brtsams pa ma yin te/ /dad pas phyogs tsam byas 'di la/ /mkhas pas dpya yang bzod par gsol/ /de las 'di yi gleng gzhi ni ston pa sangs rgyas bcom ldan 'das byang chub kyi sems bsngags ba'i sgo nas/ /sbyad pa spyod pa'i byang chub sems dpa' rnal 'byor pha dang ma'i don du bla na med pa'i yang dag par rdzogs pa'i byang chub kyi sems sgom pa'i thabs rgyud kyi rgyal po gsang ba 'dus pa las/ /dngos po thams cad dang bral ba zhes bya ba gsol ba'i man ngag gi lung rtsa ba bstan to/ /de'i bsdus pa'i don ni don dam pa'i byang chub kyi sems dang de bsgoms par dam bca' ba dang/ /kun rdzob kyi byang chub kyi sems dang ? de gnyis rtogs par bya ba'i thabs so/ /de la don dam pa byang chub kyi sems sgom pa'i rim pa la bzhi ste/ /dngos po thabs dang bral bas shes pa mu stegs kyi lta ba sun dbyung ba bstan pa dang/ phung po dang khams dang skye mched dang gzung dang 'dzin pa rnams spangs zhes pas bye brag tu smra ba dang mdo sde pa'i lta ba sun dbyung ba dang/ /chos bdag med pa mnyam pa nyid ces sems tsam pa'i lta ba sun dbyung ba dang/ /rang sems gdong nas ma skyes pa stong pa nyid kyi rang bzhin zhes pas dbu ma pa'i lta ba grub nas rnam par bzhag pa dang/ ji ltar sangs rgyas bcom ldan 'das zhes pa la soD pas don dam pa byang chub kyi sems bsgom pa dam bca' bstan pa'o/ /kun rdzob byang chub kyi sems bskyed pa la yang ma bsgral ba'i sems can rnams bsgral ba'i don zhes bya ba la sogs pa'i tshig bzhis ngan song gsum dang/ /lha dang mi dang rang sangs rgyas dang byang chub sems dpa' rnams rim bzhin du/ /bsgral ba la sogs par bstan to/ /rtogs par bya ba'i thabs kyang gnyis te/ smon pa ni 'di ltar zhes pa la soD pa ste/ kun rdzob byang chub kyi sems so/ /bsgoms pa ni don dam pa ni zhes bya ba la soD pa ste/ don dam pa'i byang chub kyi sems te/ de ltar na rtsa ba'i don bcu gcig go /da ni de'i don rgyas par rtogs par bya ba'i phyir/ /de nas zhes bya ba 'grel pa'i mgo brtsams pa ste/ de dag gang du/ gang gis/ gang las/ gang/ gang gi phyir byas she na/ dpal gyi ri po la/ 'phags pa klu sgrub zhabs kyis/ gsang ba 'dus pa las/ /dbu ma'i lta bar bsdus pa don dam pa dang kun rdzob byang chub sems gnyis yin la/ /dgos pa phyi rol gyi lta ba bsal nas rang bzhin med pa'i ye shes dang snying rje gtsor bzhag ste/ yi ge nyung dus don bsal bar go rims su phyogs su byas nas 'grel to/ /de ltar na rtog pa sngon du byed pa'i gang zag la rtsis mgo lngas bstan to/ /de'i sa gcod ni bco lnga ste/ phyag 'tshal ba dang/ dbu zhabs kyi don dang/ bshad par dam bca' pa dang/ don dam pa'i byang chub kyi sems cher bzhag ba'i don dang/ dngos po thams cad dang bral ba 'grel pa'i don dang/ phung po la sogs pa spangs pa 'grel pa dang/ chos bdag med mnyam pa nyid 'grel pa dang/ rang gi sems ma skyes pa la soD pa'i 'grel pa dang/ kun rdzob byang chub kyi sems cher bzhag pa'i don dang/ ma bsgral pa'i sems bsgral ba la soD pa bzhi 'grel pa'i don bzhi dang/ byang chub kyi sems gnyis yon tan dang/ dge ba bsngo ba'o/ /de la phyag 'tshal ba'i don ni byang chub sems zhes pa nas bstan to/ /dbu zhabs kyi don ni byang chub kyi sems bsgom pa srid pa 'joms shes pas/ /bshad par dam dma' ba ni bdag gis bshad ces pas so/ /don dam pa byang chub kyi sems cher bzhag pa ni bdag dang zhes pa nas so/ /dngos po thams cad dang bral ba'i 'grel pa ni mu stegs zhes pa nas so/ /phung po dang bzhi zhes pa la sogs pa'i 'grel pa ni 'jig rten bdag soD zhes pa nas so/ /chos bdag med pa mnyam pa nyid kyis 'grel pa ni sems tsam 'di zhes pa nas so/ /rang gi sems zhes bya ba la soD pa'i 'grel pa ni mtshan nyid med pa mi skye ba zhes bya ba nas so/ /kun rdzob byang chub kyi sems cher bzhag pa'i don ni de ltar sgom par byed pa na zhes bya ba nas so/ /ma bsgral sgrol pa'i 'grel pa ni gang gis dgongs pa zhes pa nas so/ /ma bsgral sgrol ba'i 'grel pa ni sems can bsgral ba'i zhes pa nas so/ /dbugs dbyung pa'i 'grel pa ni theg pa chen po zhes pa nas so/ /mya ngan zlo ba'i 'grel pa ni gzungs rnams zhes pa nas so/ /byang chub kyi sems gnyis kyi yon tan ni phyag rgya zhes pa nas so/ /? ba ni rgyal bzhes pa nas bstan to/ /da ni rtsa 'grel de'i 'bru gzhom te/ /de la re zhig mug stegs pa sun dbyung ba'i dngos po thams cad 'bral? bzhes pa ste/ de la dngos po thams cad ni phyi dang nang ngo/ /de la nang gi dngos po bcu drug bshad pa/ bdag dang sems can srog dang ni/ /skye ba gso ba skyes bu dang/ gang zag shed skyes shes bu dang/ /byed bo byed du 'jug tshor gshes mthong slong ba kun slong rnams/ /phyi rol dngos po bum rnams dang/ /re lde la sogs rdzas mdza' yas/ /de yod pas don byed phyir ro/ /thams cad ces bya ba ni skye mched bcu gnyis kyi bdag nyid grangs med la shes pa bya ste/ /grangs dang bcas pa ni ma yin no/ /dngos po yang de thams cad kyang/ /de nyid pas dngos po thams cad ces bya'o/ /de ltar yang kye bram ze thams cad ces bya ba ni/ /skye mched bcu gnyis kho na'o/ /zhes gsungs so/ /de nyid kyis spyad pa la med pas na bral ba ste/ dngos po rnams ma rtags na gcig tu nyams dga' i ba'i phyir/ /bye brag tu smra ba dang mdo sde pa sun 'byin ba ni/ /phung po zhes bya ba la sogs pa ste/ de la phung po ni gzuD la sogs pa ste/ spangs pa'i phyir ro/ /de yang dus gsum gyi gzugs bzang dan dang/ che phra yod do cog gcig tu spungs pa dang/ /de bzhin du bde pa la soD pa myong ba rnams dang/ 'di ni dkar po zhes bya ba la soD pa kha dog dang/ ring ba la soD pa dbyibs dang/ bzang po la soD pa bye brag mtshan mar 'dzin pa rnams dang/ dus gsum pa'i sems las byung pa rnams dang/ /mi rtan pa'i'o? 'dus byed rnams dang/ dus gsum gyi yul tha dad pa la shes pa'i rnam par shes pa/ /shes pa'i tshogs bdun po rnams gcig tu spangs pa'i rnams par shes pa ste phung po lnga'o/ / khams ni mig la soD pa khams bco brgyad de/ spyi dang rang gis mtshan nyid 'dzin phyir dang/ /rigs kyi don 'dzin pa'i phyir dang/ srid pa'i sa bon yin pa'i phyir khams so/ /skye mched ni mig la sogs pa'i skye mched bcu gnyis te/ rnam par shes par bskyed cing / 'phel bar byed pas na skye mched do/ /gzung 'dzin ni phyi'i gzugs la soD pa skye mched drug dang/ nang gi mig la soD skye mched drug la sems tsam pas kun tu brtags pa'i ming ste/ dbang pos skyod yul du bzung ba'i phyir dang/ dbang po 'dzin mkhan yin pa'i phyir ro/ /de rnams don dam par rdzas su med par spangs pa ste/ 'og nas kyang 'byung ba'i gzuD/ /dbu ba 'dra zhes rjod ces bya ba la soD pas 'grel to// //sems tsam pa'i lta ba sun dbyung ba ni/ chos bdag med pa mnyam pa nyid ces bya ste/ de la chos ni mdor na phung po lnga ste/ spyi dang rang gi mtshan nyid 'dzin pa'i na lung las kyang/ mtshan nyid 'dzin pas na chos zhes bya zhe'o/ /bdag ces bya ba ni sprul gyi phaT? par rje ba ltar lus kyi phung po'i nang na/ phung po sngon ma 'dor zhing/ phyi ma len pa/ /rtag pa'i ngo bo nga dang nga yis 'dzin pa'i gzhi/ bdag ces bya bar mu stegs pas rtags pa'o/ /de dang 'dra par sangs rgyas pa'i chos dang/ mu stegs pa'i bdag bsal nas rnam par rig pa tsam du bzhag pa'o/ /de ltar phung po dad bdag med pa de bzhin du rnam par rig pa yang med par 'dra bas na/ /chos bdag med par mnyam pa nyid ces bya ste/ 'og nas sems tsam 'di yis sna tshogs su zhes bya ba la sogs pas 'grel to/ /de ltar dngos po la soD par lta ba bsal nas/ /dbu ma'i don cher bzhag pa ni rang sems gdod nas ma skyes pa zhes pa ste/ don dam par rang gis sems tsam yang mi skye ste/ yod med dbus las 'das pa'i phyir/ /'di ltar mu stegs pa'i dbang phyug la soD pas byas pas lta bu ma yin pa/ /gdod nas ma skyes pa sems dang po nas yod zin pa cig yin na ni skye mi dgos la/ /dang po med na ji ltar skye ba mi sbyor ba'o/ /de ltar yod par dang med par mdza' med ma thag tu dbu mar skye ba mi dmigs so/ /'o na ji lta bu zhig gi ngo bo nyid yin zhe na/ /stong pa nyid kyi rang bzhin te/ dngos po med pa nam mkha' lta bu'o/ /'di lta ste/ nam mkha' nam mkha' zhes tha dad snyad? ma yod kyang/ dpyad na stong pa yin pa'i phyir ro/ /de ltar yang shes rab kyi pha rol tu phyin pa las rnal 'byor nam mkha' sgom pa ni/ 'ji skad gsungs pa'i shes rab kyi pha rol tu phyin pa sgom pa zhes gsungs so/ /don dam bar byang chub kyi sems bsgom par dam bca' ba bstan par bya ba ni/ ji ltar sangs rgyas bcom ldan 'das zhes bya ba la soD pa ste/ de la ji ltar zhes bya ba ni dpe 'dren pa'o/ /sangs rgyas bcom ldan 'das ni rnam par snang mdzad la soD pa ste/ sangs rgyas kyang yin la/ bcom ldan 'das kyang yin pas so/ /de la sangs rgyas ni skyes bu sad pa ltar ma rig pa'i gnyis sang nas pad+ma kha bye ba ltar chos rnams khong du chud pas thugs rgyas pa'o/ /bcom ldan 'das shes bya ba ni nyan thos kyi theg pa las bdud bzhi bcom pa ste/ 'di ltar ma rig pa'i zag pa zad nas nyon mongs pa'i bdud bcom pa ste/ nyon mongs ba kun ni ma rig pa las 'byung pa'i phyir ro/ /srid pa'i zag pa zad pas 'chi bdag gi bdud bcom pa ste/ 'du byed kyi sdug bsngal spangs pas chaD pas dang bral ba'i phyir ro/ /lta ba'i zag pa zad pa'i phung po'i bdud bcom pa ste/ nye bar len pa'i phung po ni 'jigs tshoD su lta ba yin pa'i phyir ro/ /'dod pa'i zag pa zad pas lha'i bu'i bdud bcom ste/ phyin ci log pa'i 'dod chaD spangs pa'i phyir ro/ /de ltar bdud bzhi bcom nas zad pa dang mi skyes pa shes pa'i ye shes dang ldan pa'o/ /yang na byang chub sems dpa' i theg pa la dbul po dang/ ngan song dang/ gzugs mi sdug pa dang/ grags pa med pa dang/ dpal med pa dang/ mi rig pa rnam pha rol tu phyin pa drug gis rim pa bzhin du bcom ste/ 'bras bu dbang phyug dang/ rab mchog dng/ gzugs bzang dang/ grags pa dang/ dpal dang/ ye shes dang ldan pa'o/ /yang na de bzhin gshegs pa'i theg pa'i sems tsam la de bzhin nyid dang stobs bcu mngon du gyur pas kun gzhi dang/ shes bya'i sgrib pa bcom ste/ me long lta bu'i ye shes dang ldan pa dang/ yang dag pa'i mdza' mi 'jigs pa bzhi mngon du gyur pas nyon mongs pa can gyi yid dang/ /nyon mongs pa'i sgrib pa bcom ste/ mnyam pa nyid kyi ye shes dang ldan pa dang/ mtshan ma med par so sor yang dag par rig pa mngon du gyur pas rnam par shes pa dang/ las kyi sgrib pa bcom ste/ so sor kun tu rtogs pa'i ye shes dang ldan pa dang/ don dam pa dang/ snying rje chen po mngon du gyur pas 'jug pa'i rnam par shes par dang/ skye ba'i sgrib pa bcoM ste/ bya ba nan tan gyi ye shes dang ldan pa'o/ /de bzhin ni zad pa'i ye shes te de kho na'i phyir skyes pa ni mi skye ba shes pa'i ye shes kyi ngo bo chos kyi dbyings kyi ye shes so/ /de bzhin gshegs pa theg pa dbu ma'i gnyis su med pa'i ye shes kyi shes bya'i sgrib pa la sogs pa thams cad bcom ste/ rnam par mi rtog pa'i ye shes dang ldan pas nas bcom ldan 'das so/ /de yang mu bzhi ste/ mu dang po sangs rgyas yin las bcom ldan 'das ma yin pa ni/ nyan thos dang rang sangs rgyas te/ sbyin pa la sogs pa drug mi spyod pas leD pa drug dang mi ldan pa'o/ /mu gnyis pa bcom ldan 'das yin la sangs rgyas ma yin pa ni sa bcu'i byang chub sems dpa' rnams te/ thuD rje'i dbang gis 'khor ba ma spangs pa'i phyir ro/ /mu gsum pa gnyis ka min pa ni de bzhin gsheD pa ste/ pha rol tu phyin pa thar phyin nas mi gnas pa'i mya ngan las 'das pa la zhuD pa'i phyir ro/ /mu bzhi pa gnyis ka ma yin pa ni so so'i skye bo rnams so/ /de lta bas nas sangs rgyas dang/ bcom ldan 'das gnyis kyis tshiD gnyis gcig tu byas sgra las de bzhin gshegs pa la shes par bya'o byang chub sems dpa' i chen po zhes bya ba ni byang chub sems yang yin la/ sems dpa' chen po yang pa la sems dpa' i sgra cig mi mngon par byas nas/ byang chub sems dpa' chen po zhes bya bar 'dod do/ /de la bya la bya ba ni rnam pa thams cad mkhyen pa'i ye shes so/ /de sgom sems bstan pas sems dpa' ste/ mu stegs pa las khyad par du ye shes kyi tshogs bsags pa'i phyir ro/ /chen po ni mdza' yas pa'i sems can kyi don chen po byed pa ste/ nyan thos las khyad par du bsod nams skyi? tshoD bsags pa'i phyir ro/ /yang na yum las che ba bdun dang ldan pas kyang ste/ sems can chen po'i nang nas mchog tu gyur pa dang/ sems can kyi khams chen po'i log pa'i lta ba bcod pa dang/ sbyin pa dang/ blo dang mthu che ba dang/ theg pa chen po la gnas pa dang/ go cha chen po bgos nas kyang bdud 'joms par byed pa'o/ /de yang mu bzhi ste byang chub sems dpa' min la/ sems dpa' chen po ma yin pa ni nyan thos dang rang sangs rgyas te/ sems can gyis don mi byed pa'i phyir ro chen po yin la byang chub sems dpa' ma yin pa ni phyi rol pa'i ston pa lha chen po rnams te/ nyon mongs pa ma spangs pa'i phyir ro/ /gnyis ka yin pa dang ma yin pa ni sngon ma bzhin no/ /de ltar na byang chub sems dpa' chen po ni sa bcu pa rnams la bya'o/ /de dag gis shes pa ni sangs rgyas bcom ldan 'das dang byang chub sems dpa' chen po la mtshon pa'o/ /byang chub ni dam tshig chen po rdo rje lta bu'i de kho na nyid mngon par rdzogs pa'i byang chub ste/ zad pa dang mi skye ba'i rang bzhin ye shes lnga'i ngo bo yin pa'i phyir 'di lta ste/ zad pa'i ye shes kyi mtshan nyid me long lta bu'i ye shes la sogs pa bzhis ni byang la/ mi skye ba'i ye shes kyi mtshan nyid chos kyi dbyings ye shes kyis chub pa rdzogs par byas pa'o/ /yang na chos thams cad phyin ci ma log par lhaD par rtogs pa ni byang chub ste/ thams cad mtshan nyid do/ /de nyid chen po ste/ 'og ma gnyis dang yang dag par rdzogs pa'i byang chub las phye ba'i phyir ro/ /de la sems bskyed pa ni bsgom pa'i stobs kyis sems gnyis su med par mngon du byas pa'o/ /de ltar zhes byas bya ba ni don gyi sa mgo 'dren pa'o/ /bdag gis zhes bya ba ni sngaD kyi sgor zhuD pa'i rnal 'byor pa'o/ /kyang gi sgras ni sangs rgyas bcom ldan 'das dang/ byang chub sems dpa' gcig pur ma zad ste zhes bya ba'i tha tshig go dus ni phung po lnga'i ngo bo ste/ skad cig la 'jig cing mi rtag pa'i phyir ro/ /'di zhes pa ni mngon du mtshon pa'o/ /gzung nas shes pa ni dang du len pa'o 'dor bsdu na dus 'di nas bzung nas shes pa ni/ de bzhin gsheD pa dang slob dpon gyi spyan sngar dam bcas pa'i dus la shes par bya'o/ /ji snyed ces bya ba ni mdza' yas pa'i dus la brnyags pa'i sgra'o/ /byang chub ni bshad pa nyid do/ /de'i snying po ni byang chub snying po ste/ rang bzhin gyi don 'dod pa bsgrubs pa'i phyir ro/ /la zhes pa ni rten gnas brtan pa'o// gnas pa ni mngon du gyur pa'o/ /bar du zhes pa' ni dus mthar phyin pa'i tshad bstan pa'o/ /lhag ma ni bshad zin to/ /de ni kun rdzob byang chub kyi sems ma bsgral ba rnams bdag gis bsgral lo zhes bya ba la soD pa bcom ldan 'das kyis rgyud las sil bu bstan pa las/ 'dir mu gcig tu byas pa las reg zhig ngan song gsum bsgral ba'i don ni ma bsgral ba'i sems can rnams zhes te/ ma bsgral ba yang yin la sems can yang yin pas ni ma bsgral ba'i sems can te/ /ngan song gsum mo/ /de la/ ma bsgral ba ni sdug bsngal gyi sdug bsngal gyis gzir pas dge ba'i sems kyi dran pa nyams te ngan song gsum las mi thar ba'i phyir ro/ /sdug bsngal kyi sdug bsngal ni 'di lta ste/ tsha grang dang bkres bsgom la soD pa'o/ /kun gzhi dang ldan pa ste dge mi dge'i las sems kyis bsdud pa na sems can te/ langkar gshegs pa las ni sems kyis sdud par byed/ /yid kyis kyang ni rnam par rtog /las ni mthong par rtoD pa yin zhes gsungs so/ /de rnams lha dang mi thob par byed bas na bsgral ba ste/ cho 'tshal chen pa'i mthus sdug bsngal bcom ldan 'das dge ba'i sems skyed par byas pas te/ dper na 'phaD pa spyan ras gzigs kyi dbang phyug tsha ba'i dmyal bar gsheD nas dmyal ba'i sa gzhi mtshor bsgyur ba la soD pa lta bu ste/ 'di smras pa/ thugs rje che ldan dmyal bar tshad du gshegs/ /sa bzhi mtshor bsgyur pad+ma rnams kyang skyes/ /tsha ba rnams ni sdug bsngal nyid bral te/ dge ba'i sems kyi dran pa bskyed par mdzad/ /de bzhin khab kyi mchu can la soD pa'i/ /khal phyag gis bdud rtsi'i rgyun phab nas bkres bskom bcom nas dge ba'i sems la bkod/ /bung ba la soD bzugs kyis sgal mnyam du/ dkon mchog mtshan brjod dge ba thob par mdzad/ /ces za ma tog gi ma gi las bstan pa bzhin/ don ces bya ba ni sems skyed pa'i dgos pa'o/ /lha dang mi'i don ni ma grol ba'i zhes bya ba la soD pa ste/ 'dod chaD la sogs pas cings pa'i phyir ro/ /de dag la ma chaD pa dang byams pa yang dag pa'i lta ba bskyed nas 'khor ba las thar par byas pa ni sgrol ba ste/ thar pa'i cha la bskyed pa'o/ /nyan thos la soD pas dbugs dbyung ba'i don ni/ dbugs ma phyung ba'o zhes pa ste/ sems dang sems las byung ba'i chos bkag nas shin tu stong pa la gnas pa'i phyir ro/ /de dag la theg pa chen po'i don bstan nas te/ 'khor pa'i 'jigs pa bsal ba ni dbugs dbyung ba ste/ gzhan don la btsud pa'o/ /byang chub sems dpa' mya ngan las 'das pa ni yongs su zhes bya ba la soD pa ste/ thugs rje'i dbang gis 'khor pa gnas pa'i phyir ro/ /de dag la mi dmigs pa'i snying rje chen po bstan pas/ yongs su myang na las 'da' ba ste/ yongs su ma lus pa'i go 'phang mi gnas pa'i mya ngan las 'das pa'o/ /kun rdzob byang chub kyi sems bskyed par bya ba'i thabs bstan pa ni de ltar zhes bya ba nas te/ de ltar zhes pa'i tshig gis 'das ma thag pa mtshon pa'o/ /kun rdzob kyi chos thams cad rang bzhin med pas/ 'jig rten pa'i tha snyad kun la tshig dang yi ge bstan pa'i sgo nas 'jug pa de'i cha ni kun rdzob kyi rnam pa zhes bya ba ste bye brag tu 'byed do/ /de smin pa byang chub kyi ngo bo bskyed nas zhes bya ba la/ de lta smon pa ni don du gnyer ba'i ngo bo ste gzhan gyi don du bdag sangs rgyas par don pa'i phyir ro/ /smon pa de bskyed pa'i byang chub kyi sems shes te/ mi dmiD pa'i snying rje chen po'o/ /de'i rang bzhin ni ngo bo ste snying chen po'o/ /rang gi mtshan nyid ces bya ba'i don to/ /de smon pa'i sgo nas rkyen bzhis 'dus byas pa ni bskyed pa ste/ yid las mngon du byas so/ /don dam byang chub kyi sems bsgom pa'i sgo nas bskyed pa'i thabs bstan pa ni don dam pa ni zhes bya ba nas te/ de la don dam pa ni 'jig rten las 'das pa'i ye shes dam pas dmiD pa'i sdug bsngal thams cad med pa mya ngan las 'das pa ste/ 'phaT pa'i ye shes kyi spyod yul lo/ /de'i phyir byang chub tu seMs bskyed par bya'o zhes pa dang brel lo/ /de ji ltar bskyed par bya ba zhe na/ bsgom pa'i stobs gyis te/ de la bsgom pa chos nyid la mnyam par bzhag pa'i yon tan sems la chaD par byed pa'o/ /de'i nus pa'i khyad par ni stobs te ye shes kyi stobs so/ / byang chub kyi sems de nyid gang gis skyed ce na/ de bstan pa ni sngaD kyi sgo nas zhes bya ba la soD pa ste/ de la sngaD ni shes skyob ste/ rnam par mi rtog pa'i ye shes dang snying rje'i rang bzhin sangs rgyas nas bzlas pa'i phyir ro/ /de dang po nas dang du len pa'i sems ni sngags kyi sgo nas spyad pa spyod pa ste/ de la dang po 'jug pa'i theg pa ni sgo'o/ /dam tshig gi sdoms pa bsrung zhing zla ba'i dkyil 'khor dang yig 'bru la soD pa bsgom pa'i mngon par rtogs pa'i rim pa ni dbyang ba'o/ /de rtse gcig tu bsgom pa ni sbyod pa'o/ /sngaD kyi sgo nas spyad pa spyod pa yang yin la/ byang chub sems dpa' yang yin pas na/ sngaD kyis sgo nas sbyad pa spyod pa'i byang chub sems dpa' ste/ rnal 'byor pho mo la bya'o/ /de dag gis kyang byang chub sems brtan par byed pas na rgyu la 'bras bu'i ming btags pa'o/ /yang na bskal pa bzang po'i byang chub sems dpa' rnams la shes par bya'o/ /nga ni chos 'di yis 'grel pa rtsom pa ni/ de nis de'i ngo bo nyid bshad do/ /zhes bya ba la soD pa ste/ de nas zhes bya ba ni rtsa 'grel la soD mdzug sprel pa'i tshig go/ yang na bkra shis kyi tshig ste/ yi ge thams cad kyi mchog a yin pa'i phyir a ni yig 'bru kun gyis mchog ces 'byung ba'o/ /de'i zhes bya ba ni rtsa pa las mtshon pa'o/ /ngo bo nyid ni rtsa ba'i nang bzhin no/ /bshad pa ni 'grel pa'i/ /de la re zhig rtog pa mngon du byed pa'i sems dang pa bskyed pa dang/ rang gi bya pa 'di la bar chad zhi bar gyur nas mthar phyin par bya ba dang/ rang gi ston pa bcom ldan 'das kyi che ba'i yon tan brjod par 'dod nas/ 'phags pa klu sgrub kyis phyag 'tshal ba gsungs pa ni/ byang chub sems kyi zhes bya ba la soD pa ste/ de la byang chub sems ni stong pa chen po rdo rje lta bu'i ye shes te/ chos thams cad byin ci ma? log par lhag par rtoD pa'i phyir ro/ /de'i rang bzhin du gyur pa ni byang chub sems kyi bdag nyid ces pa ste bdag gi dgra ni lnga bzhin lnga/ shes par bya ba'i bdag nyid du lta ba ni ma yin no/ /de'i rnam par smin pa dus gsum gyi de bzhin gsheD pa thams cad kyi rten mi gnas pa'i mya ngan las 'das pa'i ngo bo ni byang chub sems kyi bdag nyid gzugs shes te/ rdo rje sems dpa' i sku phyag rgya chen po'o/ /de ni ye shes gyi tshoD rang gi don phun sum tshoD pa'i sgo nas bstod pa'o/ /yang dpal ldan de lha'i rigs phun sum tshoD pa dang ldan pa'i phyir ro/ /yang na rdo rje sems pa'i sku phyag rgya chen po dang ldan pas na dpal ldan no/ /de ni bsod nams gyi tshoD gzhan gyi don phun sum tshoD pa'i sgo nas bstod pa'o/ /rdo rje ni ye shes lnga dang riD lnga'i rang bzhin stong pa nyid kyi bdag nyid do/ /des phyin ci ma log gi nyon mongs pa bcom pas nas mtshon cha'o/ /de ye shes kyi rtaD su phyag na ldan pas can zhes bya'o/ /de ni phyag mtshan gyi sgo nas bstod pa'o/ /btud pa ni lus la sogs pas phyag 'tshal pa'o/ /de la rang dang bzhan gyi don phun sum tshogs pa'i sgo nas bstod pa'o/ /yan lag lnga yis sa la reg par thal mo sbyar ba dang/ sems la mdun du byas pa'i tshul gyis so/ /da ni dbu zhabs kyi don du gsungs te/ byang chub kyi sems bsgom pa srid pa 'joms zhes te byang chub sems sgom pa ni bshad zin to/ /de ci 'dra zhe na srid pa 'joms pa ste/ de la srid pa ni nye bar len gyi phung po lnga'i rang bzhin 'dod pa dang/ gzugs dang/ gzugs med pa'i srid pa ste/ 'byung zhing 'gyur ba'i phyir ro/ /de rang bzhin gyis sgyu ma dang 'dra bar shes pa ni srid pa 'joms pa ste/ chos thams cad phyin ci ma log par rtoD pa'o/ /bshad par dam bca' ba ni bdag gis bshad ces gsungs te/ 'phaD pa klu sgrub bdag gis tshig gi gnas lnga dang ldan par 'grel pa'o/ /de gang zhe na/ nges pa'i tshig dang/ de'i rgyu dang dpe dang/ nye bar 'gro ba dang/ nges par 'gro pa'o/ /don dam byang chub kyi sems cher bzhag pa'i don dam bdag dang phung po zhes pa nas te/ bdag dang phung po nas snga? ma bzhin no/ /sogs pa zhes pa ni gnyis ka la mtshon pa yin te/ bdag la soD pa ni sems can la sogs bco lnga'o/ /phung po la soD pa dang/ sangs rgyas rnam zhes bya ba la soD pa ste/ 'jig rten gyi rdul phra rab ji snyed dang mnyam pa rdo rje theg pa'i sgo nas mngon par rdzogs par sangs rgyas pa'i dus gsum gyis de bzhin gshegs pa rnams te/ snga ma ltar sad pa dang rgyas pa'i phyir ro/ /de yang mu gsum te dang po yang dag par rdzoD pa'i sangs rgyas yin la bla na med pa ma yin pa ni theg pa chen po mdo sde'i sgo nas sangs rgyas te/ rdo rje'i theg pa bla na yod pa'i phyir ro/ /gnyis pa gnyis ga yin pa ni gsang sngaD rdo rje theg pa'i sangs rgyas te/ mthar thug pa'i phyir ro/ mu gsum pa gnyi ga ma yin pa ni theg pa chung ngu'i sangs rgyas te theg pa chen po gong na yod pa'i phyir dang/ shes bya'i sgrib pa ma spangs pas yang dag par rdzoD pa'i sangs rgyas ma yin pa'i phyir ro/ /de lta bu'i sangs rgyas rnams kyi byang chub sems 'dod ces 'brel lo/ /de'i mtshan nyid 'dra zhe na/ stong pa'i mtshan nyid de'i rang bzhin med pa la/ spyi'i mtshan nyid ces bya ba'i tha tshig go /rtag tu zhes pa ni rgyun mi 'chad pa ste skad cig la skye zhing 'jig pa'i dus gsum mo 'don 'dod pa ni don dam par dbu ma'i mtshan nyid kyi lta bar phye nas 'don pa'o/ /byang chub sems de ji ltar bsgom zhe na/ snying rjes brlan pa'i zhes pas nas te/ snying rje ni rnam par 'tshe ba'i gnyen po ste/ zhe sdang med pa'i ngo bo sdug bsngal dang de'i rgyu dang bral bar byed pa'i mtshan nyid do/ de yang don gyi rnam pa brgyad dang ldan pa'i snying rje chen po ste/ 'di ltar rang bzhin dang rnam pa dang/ dmiD pa dang/ sa dang rigs dang/ dad pa dang/ skyabs med pa la skyabs spyin pa dang/ mi mnyam pa dang mnyam pa'o/ /de la rang bzhin ni dus gsum med pa'i rang bzhin no/ /rnam pa ni sdug bsngal gsum pa snying rje ba'o/ /dmiD pa ni gcig nas khams gsum gyi sems can pa snying rje pa'o/ /sa ni mi lcogs pa med pa dang/ bsam tan khyad par can dang/ bsam tan bzhi pa la snying rje ba'i phyir ro/ /des 'jam rigs ni nyan thos dang rang rgyal ba dang so so'i skye bo la snying rje ba'o/ /rnyed pa ni 'dod pa dang srid pa'i rtse mo'i nyon mongs pa dang bral ba la thob pa'o/ /skyabs sbyin pa ni 'khor ba chen bos 'jigs pa la'o/ /mi mnyam pa dad mnyam pa ni grangs med pa'i sems can thams cad la snying rje pa'i phyir ro/ /des 'jam par gyur pa ni snying rjes brlan pa ste/ khong khro ba med pa'i phyir ro/ /snying rjes brlan pa yang de nyid sems kyang de nyid pas snying rjes brlan pa'i sems te/ sems can sdug bsngal pa dang de'i rgyu dang bral par byed ba'i shes rab kyi bag chags so/ /kyis shes pa ni sgom pa'o/ /ni'i sgra ni nges pa'i don bstan pa'o/ /nan tan ni phyin ci ma logs par sgom pa la bstan pa'o/ /bsgom par bya zhes pa ni byang chub sems la mnyam par gzhag pa'i ston sems goms par byed pa'o/ /byang chub kyi sems de dus gsum gyi sangs rgyas kyi sa bsgom zhes so/ /bstan pa ni sangs rgyas snying rje'i zhes bya ba la soD pa'o/ / //da ni sngar dngos po dang thams cad bral zhes bya ba de 'grel ba ni mu stegs rnams kyis zhes bya ba nas te/ mu stegs pa'i bye brag la soD pa'o/ /de dag gis med pa'i phyin ci log par sgro 'dog par ni btags pa ste bdag yod zhes smra'o/ /pang gis sgra ni spyir bstan pa ste/ bdag dang gang zag la stsoD pa gang yang rung pa zhes bya ba'i za tshig go de dang 'brel pa de'o/ /riD pa ni mngon sum la soD pa'o/ /de yang mngon sum ni rtog pa dang bral zhing ma 'khrul ba ste / dbang po la soD pa'o/ /rjes su dpag pa ni tshul gsum la soD pas dpyad pa ste/ rang gi don la sogs pa'i/ /brtaD pa ni dpyad ni ba'o/ /rig pas dpyad pa 'dir 'gyur te/ phung po kun gyi nang na ni bdag po 'ga' yang snyed do/ /snod la rdzas bzhag pa ltar rnam? de dang tha mi dad ba'i bdag kyang med do zhes bstan pa'o/ / //de nyid rtag dang ni phung po yod pa ste /mi rtag rkyen gyi dbang du 'gyur ba'i phyir ro/ /de dang 'dra ba'i bdag gzugs min/ /phung bo ltar mi rtag pa bdag ngo bo ma yin te /lus kyi phung po brdze ba la gcig por zhing gcig la zhugs nas rgyun mi chad par rtag bar bdag ces mu stegs pa 'dod do/ /de ltar bas na phung bo gang yin na bdag yin zhes tha mi dad par grub pa ma yin no/ /'on snod du bzhag pa'i rdzas ltar grub bo zhe na/ rten dang brten pa'i tshul gyis kyang/ /rtag dang mi rtag 'ga' yang med/ /brten ni snod lta bu ste phung po'o/ /brten pa ni rdzas lta bu ste bdag go/ de lta bu'i tshul gyis kyang rtag pa dang ni mi rtag ba med de bde ba dang /sdug bsngal lhan cig tu mi gnas pa ltar/ rtag pa ni mi rtag pa dang lhan cig tu mi gnas pa'i phyir bdag ces bya ba med do/ /de ltar bdag ma grub na gang zag la soD pa mi grub bas nas/ bdag ces bya ba de med pas zhes bya ba la sogs pa ste/ de la byed pa ni byed pa po dang byed du 'jug pa po la sogs pa'o/ /ci'i phyir zhe na/ chos can yod na zhes bya ba la sogs pa ste /bdag chos can byed mkhan grub na byed pa po dang/ byed du 'jug pa po la sogs pa'i chos yod du chug na bdag med pa la sogs pa'i chos yod par ga la 'gyur te/ mi 'gyur ro/ /de la chos can ni bdag ste bdag po'i mtshan nyid 'dzin pa'i phyir ro/ /chos rnams zhes bya ba la sogs pa ni bdag gir 'dzin pa'i chos rnams so/ /'jig rten ni 'khor ba ste skye zhing 'jig pas mi rtag pa'o/ /bsam pa 'jug pa'i chos can yod na yod la chos yod chos can yod ces nges par rtogs pa'o/ /de ltar bdag sun phyung nas brtags pa sun 'byin pa ni rim gyis zhes bya ba nas de la rim ni snga phyi'i cig car ni dus gcig du'o/ /ci phyir rtag don byas pa med do/ /rtag pa ni rang bzhin dang dbang phyag la sogs pa ste / gnas skabs su chos gzhan dang gzhan du gyur na yang rdzas de bzhin du gnas par 'dod pa'i phyir ro/ /des bskyed par bya ba'i 'bras bu ni don te phyi'i dngos po'o/ /de yang rig pas brtags na rtag pa'i don med de rgyu rkyen la rag las pa'i phyir ro/ /cig car yang bya bar yang mi 'grub ste snga phyir 'jig rten tha dad nas 'byung ba'i phyir ro/ /de bas na phyi dang zhes bya ba la sogs pa ste/ /phyi ni bdag gir 'dzin pa bum pa la sogs pa'o/ /nang ni bdag la sogs pa'o/ /gal te rgyu rkyen la bsdad pa yin no zhe na/ gal te nus na zhes bya ba la sogs ba ste/ de la gal te ni brgya lam na'o/ /nus pa mthu'i khyad par ro/ /ci ste ni dri ba'o/ /bltos pa ni bsded pa'o/ /de'i zhes ba ni rtag pa'o/ /dngos kun ni 'jig rten gyi khams so/ /dus gcig bskyed pa ni tha mi dad par lhan cig byas pa'o/ /gal te zhes bya ba ni rim pa bzhag bsnyeg pa'o/ /gzhan la bltos pa yin na zhes bya ba ni rgyu rkyen la bsdad pa'o/ /de bas na rtag dang nus pa ldan min zhes te /dus gcig tu byas pa ma yin pa'i phyir dang /rgyu la bltos pa'i phyir ro/ /de lta bas na gal te dngos po brtags pa nyid med de / rigs pas brtags nas dngos po thams cad mi rtag bar 'gyur/ mi rtag pa de dag thag pas dngos po skad cig la /skad cig ma re re la skye zhing 'jig pa'i phyir ro/ /de la rtag tu zhes bya ba ni dus gsum la rgyu 'bras nyid du rgyu byas ba'i rgyu de mu stegs ba'i rtag pa shes par bya'o/ /dngos po zhes bya ba ni bshad zin to/ /skad cig ma ni dus kyi mdza' ste rtsal po chen se gol gcig la dus kyi cha drug cu rtsa lnga dgag pa'i phyir ro/ /de lta bas na dngos po mi rtag pa'i phyir byed? pa gang gi sa mi sku'o zhes ste / de lta mi rtag pa'i skad cig la skye zhing 'jig pa ste /ngo bo zin ma thag 'das pa'i phyir ro/ /byed pa ni dbang phyug la sogs pa'o/ /gang gis bslu'i/ /zhes bya ba ni bde ni bde dang ldan pa'i lta ba gang gi kyang bzlog par mi byed do/ zhes bya ba ni tha tshig go /de ltar mu stegs pa'i lta ba bkag nas nyan thos kyi lta ba gtsor bor bzhag pa gsungs pa ni/ gzugs dang zhes bya ba la sogs pa ste/ de la gzugs ni thogs pa dang bcas shing reg tu yod pa'i phyir ro/ /de yang bcu cig ste dbang po lnga dang /yul lnga dang rnam par rig byed ma yin pa'i phyi zugs so/ /tsher ba ni bde ba dang sdug bsngal dang gtang snyoms te/ yang mig gi 'dus te reg pa la sogs pa bco brgyad do/ /'du shes ni mtshan mar 'dzin pa'i bdag nyid do/ /'du byed ni phung po bzhi las gzhan pa'i mtshan nyid de/ /ldan pa ma yin pa'i gzugs dang sems la byung ba'i chos grangs med pas so/ /phung po lnga char 'du byed yin pa la /'di gcig pu la 'du byed kyi phung por ci'i phyir gdags shes nas / gzugs dang sems dang sems gang yang ma yin pa 'du byed bcom ldan pa ma yin pa bcu bzhi'o/ /rnam par shes pa ni so so'i rnam par rig pa'i mtshan nyid de mig gi rnam par shes pa la sogs pa drug dang yid do/ /de rnams phung po lnga zhes te /bzhi dang drug gsum phyung ba lha sbyin gyis smras pa ltar phung po drug med med pa'i phyir ro/ /gsungs pa ni theg pa chung du las dus gsum dang /gtam zhi dang /nges par 'byung ba dang bcas pa dang bzhi dang bcas pa yang phung po lnga zhes pa bstan pa'i phyir ro/ /ci'i phyir bstan ce na nyan thos rnams la phan 'dod pa ste/ nyan thos ni dgra bcom pa'i sangs rgyas te/ ston pa la nyan cing thos nas nges par 'byed pa'i cha bzhi che gcig la mngon du grub pa'i phyir ro/ /phan ba ni phyis legs pa'o/ /da ni phung po khams dang skye mched dang/ gzung dang 'dzin pa rnam par spangs zhes pa'i 'grel pa ni/ /'dzin rten bdag sogs med pa la zhes bya ba la sogs gsungs te/ sogs pa'i sgra ni gang zag la sog pa bco lnga bsdu'o/ /dpyod na ma grub pa ni med pa'o/ /de 'dra ba'i phung po tsam yang gzhom par bya ste /theg pa chen po la phung po lnga bkag nas khams gsum la sogs pa'i rang bzhin rnam par rig pa tsam du bzhag pa'o/ /phung po kho na bkag par ma zad kyi khams dang zhes bya ba la sogs pa dag nga ste /ji ltar bzhag ce na/ gzugs ni dbu ba 'dra zhes bya ba la sogs pa ste/ rang bzhin gyis mnyam chung bas dbu ba ste reg tu med pa'i phyir ro/ /de ltar gzugs kyang ngo/ /byung ma thag tu 'jig pa ni chu bur te tshor ba yang bde byung ma thag tu sdug bsngal 'byung bas so/ /snang yang med pas smig rgyu ste /de bzhin du 'du shes kyang ka ba zhes bya ba rtse mo dang /dbus dang /rtsa par phye na de'i 'du shes med par snying po med pas chu shing ste / 'du byed kyang 'khor ba'i chos su phyi rol tu snang yang snying po med de rten cing 'brel bar 'byung ba tsam yin pa'i phyir ro// gzhan bslu bas na sgyu ma ste/ de bzhin du rnam par shes pas kyang shes pa dang shes bya med po la shes pa bzhin snang ba'i phyir ro/ /de ltar phung po zhes bya ba la sogs pa la bstan pa ni bslab par bya ba'i chos so/ /thams cad du zhes pa ni rnam pa tha dad pa ma lus pa'o/ /byang chub sems ni sa bcu pa rnams la'o/ /la zhes bya ba na yul lo/ /bstan pa ni rjes su slob pa'o/ /de ltar phung po lnga'i rang bzhin med par bstan to zhes bya ba yin no/ /dbu ba la soD pa rnams gang zhe na 'byung ba chen po zhes bya ba la sogs pa gsungs te/ sa la sogs pa ni gzugs che phra yod do cog gi 'byung gnas dang /gzugs kun la spyi'i mtshan nyid kyis khyab pa'i phyir ro/ /de bas nam mkha' ni 'byung ba ma yin te /kun tu khyab pa'i phyir ro/ /de rnams las byung ba'i chos ni 'byung ba chen po bzhi'i dngos gzhi'o/ /de ni gzugs kyi phung po rab tu gsal zhes te gsal ba ni? mngon du gyur pa'o/ /gzugs med nyid du gzhan rnams ni zhes pa ni ming bzhi'i phung po gzugs las gzhan gzugs med pa ste/ thogs pa med cing gzung du med pa'i phyir ro/ /de ltar phung po lnga'i? nang na gcig ni gzugs dang bzhi ni gzugs ma yin pa som nyi? med par gsal bar ni the tshom med pa ste/ phung po bzhi ni sems dang sems las byung ba'i chos yin pa'i phyir ro/ /gzugs dang gzugs ma yin pa'i mtshan nyid las khams la sogs pa yang gzhan ma yin ba ni khams zhes brjod pa zhes bya ba la sogs pa'o/ /'o na dbu ba dang 'dra ba'i gzugs ni rdzas su 'dod pa ma yin te/ ci'i phyir zhes /gzugs kyi mdza' rdul phra rab rdzas su 'dod do zhe na/ gzugs kyi rdul phran zhes pa la sogs pa ste/ gzugs kyi tha ma'i cha ni rdul phran te /thogs pa med cing mdun rgyab kyi cha med pa'o/ /de yang gnyis te bsags pa'i rdul phra rab dang /rdzas kyi rdul phra rab po/ /dang po ni brgyad dang dgu dang bcu bsags pa'i phyir ro de la brgyad bsags pa ni 'byung ba chen po bzhi dang / gzugs dang dri dang ro dang reg bya rnams te brgyad phan tshun bsags nas 'byung ba'i phyir ro/ /dbu bsags pa ni dgra ste gong ma rnams dang dgra nyid bsags pa'i phyir ro/ /bcu bsags pa ni lum la sogs pa'i dbang po ste/ gong ma dbu dang lus la sogs pa nyid bsags nas 'byung ba'i phyir ro/ /rdzas kyi rdul phra rab ni gcig pur snang ba'o/ /rdzas kyis rdul phra rab des mig la sogs pa'i rnam par shes pa ni bskyed mi nus pas/ /gzugs kyi rdul phran dbang shes min /rdul phra rab ded bar pos mi skyod pa'i phyir ro/ /de la dbang po ni bag byed pa dang rten mdzes par byed pa dang /rang rang gi spyod yul la dbang byed pa dang /rang rang gi rnam par shes pa bskyed par bya ba rnam pa la dbang byed pa'i phyir ro/ /de'i shes pa ni tshogs drug gi rnam par shes pa'o/ /min zhes bya ba ni bskyed pa ma yin zhes bya ba'o/ /de'i gtan tshigs gsungs pa ni bskyed pas 'das pama yin la zhes bya pa la sogs pa ste/ dbang po las 'das pa'i spyod yul gyi rnam par shes pa bskyed pa'i don mi nus pa'i phyir ro/ /'o na gang gis bskyed ce na /de dag 'dus pa las skye ste /rdul phra rab de dag brgyad la sogs pa 'dus pa bum pa dang /snam bu la sogs pa'i spyod yul gyis mig la sogs pa'i rnam shes skyed par byed kyi gzhan gyis ni ma yin no zhes bya ba'i don no/ /'dus pa de yang 'dod pa min bum snam la sogs pa ltar rdul phra rab 'dus pa'i spyod yul ni don dam pa'i rdzas su mi 'dod pa ste / ci'i phyir zhe na /'jig pa'i mtshan nyid kyi phyir ro/ /de bas rdul phra rab kyis ni rnam par shes pa mi bskyed la /'dus pas ni bskyed na yang rdzas don dam pa ma yin pas phyi rol kyi rdzas la spyod yul ni med do/ /phyi rol ba'i rdzas su yod pa'i rdul phra rab kyang bkag pa gsungs pa ni phyogs kyi cha zhes bya ba la sogs pa ste / de la phyogs kyi cha ni phyogs kyi cha bzhi dang steng 'og ste drug go /de ltar tha dad pa ni rab phye bas she'o/ /de bas na lto rgyab kyi cha med par 'dod pa'i rdul phra rab la yang dpe bar mngon zhes te/ rdzas su gnas pa'i chos la phyogs bzhi nang steng 'og khas blangs dgos so/ /mngon zhes pa na bum pa la sogs pa'i gong ma'i don yin par gsal zhes pa'i don to/ de'i phyir zur dang zur can rtog pa gang /de ni rdul phran ga la 'gyur te /de la zur phyogs cha drug go / zur can ni/ rdal phran te zung dang ldan pa'i phyir /de dag tu ni rtog pa gang /de ni rdul phran ga la 'gyur zhes te bsags pa ni yan lag dang ldan par 'gyur zhes bya ba'i don to/ /'o na gnas kyi tshad ma dang /rigs kyi tshad ma dang/? dus gyi tshed ma dang don byed pa'i tshad ma bzhi dang 'gal lo zhe na / phyi'i don rnam pa cig dang /yang zhes bya ba la sogs pa ste /de la phyi'i don ni gzugs la sogs pa drug ste zhes bya ba'i ngo bo nyid kyi phyir ro/ phyi'i don yang de rnam pa gcig kyang de nyid pas phyi'i phyi don rnams gnyig la yang zhes pa ste / bde ba'i rdzas gcig la zhes bya ba'i tha tshig go/ yang zhes bya ba ni rnam grangs gzhan la bsnyag pa'o/ /rnam shes bde bar rab tu 'jug ces pa ni bde ba de la yang 'phags ba rnam kyis sdug bsngal du dmigs te 'gyur ba'i sdug bsngal gyi phyir ro/ /de nyid ni bde dang zhes bya ba la sogs pa ste/ sim pa dang sim pa ma yin pa de dag bskyed par 'gyur ba ni byed pa'i gzugs te /mdzes pa dang mi mdzas pa'o/ /bde ba dang sdug bsngal de nyid gzhan dang gzhan du 'gyur zhes te bde ba sdug bsngal bde bar 'gyur ba'o/ /de'i dpe gang zhes na bung dper na bud med ces bya ba la sogs te/ gcig ces bya ba ni gcig kho na'i lus te lang tsho dang ldan pa'i lus te lus gcig bu de la'o/ /de la kun tu rgyu ni mu stegs pa mi gcod ba bsgoms pa'o/ /lhag ma ni go sla'o/ /de bas na rigs la sogs pa'i tshad ma gsungs pa ni med pa kho na'o/ /phyi rol gyis rdzas med na don med par ci rung de bzhin rmi lam gnod sbyin don byed pa zhes bya ba la sogs pa ste /rmi lam ni nye ba'i nyon mongs so pa gnyid kyis zil gyis non pa la bag chags dang / khams dang mi ma yin pa'i dbang du gyur nas mthong ba'o/ /de'i rgyus pho mo phrad pa med kyang klu ba zags pa'i gnod pa 'byung ba bzhin du phon byed pa ste /gzugs la sogs pa / phyi rol gyi don med kyang mthong ba la sogs pa'i bya ba byed do// de bas na ngo bo nyid ma yin no zhes te /sems snang ba las gzhan don phyed ba'i phyi'i rdzas kyi ngo bo nyid med pa'i phyir ro/ /gnyid log pa dang sad pa mi 'dra'o zhe na rmi lam ni zhes bya ba la sogs pa ste / ji ltar rmi lam na rdzas med par gnod pa ltar /sad pa na yang phyi'i rdzas med pa kho nar don byed pa grub pa ste/ dpyad na gzung 'dzin 'khrul ba tsam yin pa'i phyir ro/ /'o na gzung 'dzin gyi ngo bo gang la? bya zhe na gzung dang zhes bya ba la sogs pa ste/ gzhan yang rnam par rtog pa'i dbang gis sems tsam gzung ba dang 'dzin pa'i dngos po rnams so/ /zhes bya ba tha tshig go/ de la che ru zhes pa ni khyad par zhes pa'i don to/ /don de nyid ni rnam par shes pa med par ni// phyi rol yod pa 'ga' yang min zhe'o/ /de ltar rig pas phyi rol gyi don sun phyung nas rnam par rig pa sems tsam cher bzhag pa ni/ dngos po zhes pa nas te /de la thams cad du zhes bya ba ni gzung 'dzin gyi bdag nyid bams gsum dang dus gsum dang g.yo ba dang / mi g.yo ba'i chos so/ /de'i phyir zhes pa ni gong gi gtan tshigs bsnyags pa'o/ /rnam par shes pa rab snang ba'i/ /gzugs kyi rnam par snang ba yin zhes bya ba ni don dam pa thogs pa med cing reg tu med cing gzugs ma yin pa'i rnam par shes pa yang thogs pa dang bcas shing reg tu yod pa'i gzugs su snang ba yin zhes pa'i the? tshog go / ji ltar gzugs med pa'i chos gzugs snang ba yin zhe na /ji ltar rgyu ma zhes bya ba la sogs pa ste /de la dri za'i grong khyer ni 'khrul ba'i dbang gis bar snang la snang ba'i rta la sogs pa'o/ /sogs ba'i sgras ni chu zla la sogs pa bsdu'o/ /skye bo ni so so'i skye bo ste/ nyon mongs pa dang las kyi dbang gis skye ba'i phyir ro/ /sems 'bru? ba ni sems tha dad ba'o de ltar zhes pa'i don gyis mgo 'drin pa'o/ /sogs pa'i sgra ni sgra la sogs pa bsdu'o/ /'o na bcom ldan 'das kyis ci'i phyir phung po la sogs pa bstan pa yin zhe na /bdag du 'dzin pa log don du zhes pa la sogs pa ste/ de yang zhes bya ba ni phung? po la sogs pa'o/ /skal chen ni byang chub sems dpa' ste mdza' yas pa'i 'gro ba'i don byed pa'i skal ba dang ldan pa'i phyir dang / theg pa chen po la gnas pa'i skal pa dang ldan pa'i phyir dang /khams gsum gyi mchod pas mchod pa'i skal pa dang ldan pa'i phyir ro/ /sems tsam cher na bzhag ? khams gsum la sogs pa'i rang bzhin du sems tsam khyad par gnas so zhes bya ba'i tha tshig go/ /da ni chos bdag med pa mnyam pa nyid 'grel pa ni sems tsam 'di yis sna tshogs su zhes bya ba la sogs pa la /sna tshogs su zhes bya ba ni g.yo ba dang / mi g.yo ba'i 'jig rten gyi khams so/ /de ni rnam pa gnyis te kun nas nyon mongs pa dang rnam par byang ba'o/ / de la kun nas nyon mongs pa ni mi mdzed kyi 'jig rten gyi khams lta bu'o/ /grub ste zhes bya ba ni sems tsam gcig du las ? ngo? zhes bya ba'o/ /gang gi yin zhe na rnam shes smra ba rnams kyi zhes te rnal 'byor spyod pa'i lta ba rnams kyi'o/ /ji ltar rnam shes ngo bo nyid ces bya ba ni rnam par rig pa tsam ni rang bzhin gang ji lta ba bzhin du yin pa de/ da ni bshad par bya ste/ da ni zhes bya ba ni 'og ma'i mig rtsom pa'o/ /de la re zhig sems tsam du bstan pa'i dgos pa ni/ 'di dag ces bya ba la sogs pa ste /'di dag thams cad ces bya ba ni sngon du sna ba'i g.yo ba dang /mi g.yo ba'i chos rnams so/ /de ni sems tsam zhes thub pa'i bstan pa zhes bya ba ni/ sangs rgyas bcom ldan 'das te sku gsung thugs gyi dge ba rnam pa thams cad rtag tu zhi ba'i bdag nyid yin pa'i phyir ro/ /de ltar sems tsam du bstan pa gang yin pa de ni/ /byis pa sgrag pa spang don du zhes te/ de la byas pa zhes bya ba ni thos pa med pa'i so so'i skye bo'o/ /yang na/ stong pa nyid bco brgyad kyi don ma rtogs pa'i byang chub sems dpa' rnams te de bzhin gshegs pa las dman pa'i phyir ro/ /skrag pa sprad pa ni chad par lta bar ltung tu dogs nas dngangs pa ste/ bskal pa grangs med pa gsum du tshogs pa med na sangs rgyas par mi 'gyur ro/ /snyam du bsams pa'o/ /de bas rnam par rigs tsam du bstan pa yin no zhes bya ba'i tha tshig go /de zhes bya ba ni gong dang 'brel pa'o/ /de bzhin nyid ni 'gyur ba med pa ste de bzhin gshegs pa'i spyod yul du 'gyur ba'i phyir ro/ /min pa ni rnam par rigs pa tsam yang don dam pa dang /rang bzhin yod pa min zhes bya ba'o/ /de ltar rnam par rig pa tsam med na kun brtags dang gzhan dbang dang yongs su grub pa rnam ji ltar yin zhe na / stong nyid gcig bdag ngo bo ni/ /sems la 'di ltar rtog pa ste /don dam pa'i rang bzhin med pa sems tsam kho na las ngo bo nyid don gsum du rtog go /zhes bya ba'i don to/ /gang zhe na kun brtags ni zhes pa la soD pa ste/ de la kun brtags ni gzung 'dzin te/ phyi nang brtags pa tsam ni yin la rang bzhin med pa'i phyir ro/ /gzhan dbang ni rtog pa'i rang bzhin te/ rgyu rkyen gzhan gyi dbang byas pa'i phyir ro/ /yongs su grub pa ni gzung 'dzin gyi rnam par rtogs pa med pas so/ /mi 'gyur bar yongs su gnas pa'i phyir ro/ /de ltar ngo bo nyid gsum du bstan pa de ni/ /chos bdag med pa lta bu ni zhes te/ chos thams cad bdag med pa ni ma yin no zhes bya ba'i don to/ /gang la bstan pa yin zhe na /theg chen dga' ba zhes bya ba ste/ byang chub sems dpa' rnams so/ /chen po ni dmigs pa chen po la sogs te zab cing rgya che ba'i chos la dmigs pa dang /rang bzhin don 'grub pas na grub pa che/ /bdag med gnyis ldan ye shes chen po dang /bskal pa gsum la brtson dang bla na med pa'i byang chub thob pa'i thabs dang mi gnas pa'i mya ngan 'das pa grub pas 'bras bu che / 'khor ba srid du gzhan don las che nyid /don bdun ldan pas theg pa chen por bshad ces/ /yang na srid pa dang zhi bar mi rtog pa ni theg pa chen po ste /dus gsum pa rnams kyi lam yin pa'i phyir ro/ /de la mos pa ni dga' ba'o/ /de 'dra ba'i rnam pa dang bcas pa'i sems tsam ni /rang sems gdod nas ma skyes pa/ /mdor bsdu na ni de yin no zhes te /yod med kyi chos skye ba mi 'thad pa'i phyir ro/ /de la mdor bsdus pa ni sangs rgyas kyi lta ba mdor bstan pa'o/ /yin pa'i ni stong pa nyid rang bzhin med pa'o/ /de ltar rnam pa dang bcas pa sun phyung nas de ni rnam pa med pa mi 'thad par bstan pa las/ /re zhig rnam pa med pa'i sems tsam gyi ngo bo ni/ /rang sems dbang du gyur nyid phyir ces bya ba la sogs pa te /gzhan dbang du gyur pa'i kun gzhi bsgom pa'i stobs kyis rtog pa spangs te /bdag rang gi ngo bor gyur pa'o/ /brten pa ni kun gzhi ste dge ba la sogs bag chags kyi rten yin pa'i phyir ro/ /de rtogs pa las gzhan rnam par mi rtog par gyur pa ni gzhan gyur dag pa ni zhes te/ rnam par rtog pa'am de las byung ba'i nyon mongs pa'i dri ma ma bsal ba'i phyir ro/ /de gang zhes na so sor rang rig spyod yul sems shes te/ de la so sor rang zhes bya ba ni gzhan la bstan du med pa ste/ brjod kyis mi lang ba'i chos nyid kyi phyir bu mo bde ba'i tshor ba bzhin no/ /de la 'dzin cing dmigs pa ni so sor rang rig spyod yul sems shes bya'o/ /rnal 'byor spyod pa ni rnam par shes par smra ba ste/ rang rig pa tsam goms par byed pa'i phyir ro/ /gsungs pa ni rnam pa med pa'i sems mya ngan las 'das pa'i ngo bo de lta bu yod do zhes bstan pa'o/ /dngos po bstan nas de nyid sun 'byin pa ni 'das gang de zhes bya ba la sogs pa ste de la 'das pa ni rten du gyur pa'i kun gzhi'o med pa ni 'jig cing 'gag pa'o/ /ma 'ongs pa ni gzhan du gyur pa'i rang rig pa'i sems te de yang thob pa med de mi skye ba'i phyir ro/ /de bas na brten pa gzhan du 'gyur ba ni zhes don dam par med de 'das pa dang ma 'ongs pa la bltos te da ltar yin pa'i phyir ro/ /yang kun gzhi med pa'i gtan tshigs gzhan yang de ltar zhes bya ba la sogs pa ste /de la de ltar mi snang ji ltar de zhes bya ba ni /gal te kun gzhi'i rnam par shes pa yod na ji ltar de'i rnam pa dang dmigs pa'i rang bzhin dang de ltar mi snang ste / dmigs pa dang rnam pa med par ni rnam par shes par rigs pa ma yin no/ /ji ltar snang ba de ltar min/ /zhes pa ni tshogs drug gi rnam par shes pa dang / nyon mongs pa can gyi yid ji ltar rnam pa dang dmigs pa dang snang ba de ltar kun gzhi ma yin te phyir rol gyi spyod yul la yongs su spyod mi nus pa'i phyir ro/ /des na ngo bo nyid bdag med rnam shes te don dam par rang bzhin med pa'i phyir ro/ /de ltar ngo bo nyid med pa'i rnam shes de ni kun gzhi mchog ces te /de la kun gzhi ni nyon mongs pa can gyi chos rnams kyi sa bon gyi gnas kun rdzob tsam du snang ba'i phyir ro/ /de nyid mchog de dbyings dang 'gro ba dang /gnas dang ris thams cad la dge ba dang mi dge ba'i las kun rdzob tsam du snang ba'i phyir ro/ /de ltar kun gzhi med kyang g.yo ba yod pa'i dpe bstan pa ni /ji ltar zhes bya ba la soD pa ste/ /bab len gyis lcags g.yo ba ltar /kun gzhi med pa ste /lcags kun kyang g.yo ba de bas ni zhes bya ba la sogs ba ste/ de med pa ni kun gzhi med par ro/ /mthong ba ni sems dang ldan zhing g.yo bar mthong bas mig yi ge spyod yul du gyur pa'o/ /don de nyid ni de bzhin kun gzhi zhes bya ba la sogs pa ste de la kun gzhi med pa ste mi gnas pa'i phyir ro yod pa bzhin zhes pa ni sems dang lta na pa ltar ro/ /'gro dang 'ong ba rnams zhes bya ba ni phan tshun bskyed pa'o/ /'gro ba dang 'ong ba bzhin du rtag tu zhes bya ba ni bcud 'ba' zhig tu ma zad kyi snod kyang zhes bstan to/ yang kun gzhi med par ring du 'gro ba'i dpe gsungs pa ji ltar rgya mtsho zhes bya ba la sogs pa'o/ /don dang sbyar ba ni de ltar kun gzhi rnam shes ni/ /lus la bsten nas g.yo ba yin /zhes te rang bzhin med pa'i kun gzhi lus la brten cing 'brel nas dus ring por g.yo bar gyur to zhes bya'o/ /de la lus ni gzugs phung ste/ yan lag 'dus pa'i phyir ro/ /de bas na lus med pa'i rnam pa'i rnam shes ni /yod ces yongs su gang brtags pa ste /lus la brten pa'i kun gzhi rnam par shes pa lus la med kyang rtag par yod ces bya ba ni yongs su brtags pa tsam yin zhes bya ba'i don to/ /de lta bas na so sor rang rig pa zhes bya ba ji ltar smra bar bya ste/ de la de yis shes rnam pa med pa'i sems tsam gyi lta bas so/ /des na rang rig pa'i ye shes yongs su brtags pa tsam yin pas ngo bo nyid yod ces ji ltar smra bar bya/ /gal te so sor rang rig pa'i ye shes yod na ngo bo nyid 'di ? zhes bstan dgos so zhes gsungs pa ni so so rang rig ces bya ba la sogs pa ste / de la so so rang rig pa mkhan gyis shes pa ni rnam pa med pa'i sems tsam mo/ /de ni zhes pa ni so sor rang rig pa'i ye shes so/ /dngos po nyid du zhes pa ni don daM par yod par 'dod ce'o/ /de ltar dngos por yang 'dod la// de 'di rjes su brjod pa ste/ mi nus shes kyang smra ba'o/ /zhes pa ni rigs pa ma yin no zhes bya ba ste/ de la 'di zhes bya ba ni mngon du mtshon pa'o/ /mi nus pa ni mthu dang mi ldan pa'o/ /de bas na rang gi nges pa gzhan rnams la/ /nges pa bskyed pa'i don du ni zhes pa ste/ so so rang rig pa'i sems tsam pa'i lta ba rang gi de 'di zhes rang rig pa'i chos rang la nges par byas nas phyi nang lta ba gzhan la rang rig pa'i ye shes nges pa bskyed par bya'i/ /rang la ma nges pa gzhan la nges par byar btub pa ma yin no zhes bya ba'i tha tshig go / de 'dra bas na sems rtsam pa'i lta ba rnams la ni /legs pa rnams ni rab zhus te /zhes dad pas rjes su 'brang ba rnams nges par gnas so/ /zhes bya ba'o/ /de ci 'dra ba yin zhe na /rtag tu the tshom med rnams te/ shes pa med pas na togs dpyod mi byed pa'i phyir ro/ /gzhan yang rang rig pa'i sun 'byin pa ni/ tshor ba yis zhes bya ba la sogs pa ste/ de la tshor ba ni rang rig bar nyams su myong bar byed pa'o/ /tshor ba ni rang rig pa'i don te/ tshor zhes pa ni rig par byed pa'i las so// de gsum phan chun bltos nas 'byung bas na tshor bya med pas na tshor ba med don ni 'di lta ste/ dang po tshor ba pos tshor bar ma gyur na tshor byar mi rung ste/ de bzhin tshor bya dang las med na tshor ba po yang mi skye ste/ tshor byar tshor bar byed pas tshor pa po yin pa'i phyir ro/ /de bas na tshor byas tshor byed gnyis kho na med par ci ste mi 'dod do zhes te/ so so rang rig pa'i ye shes la tshor ba po dang tshor byed dus gcig tu mi 'byung ba'i phyir ro/ /de ltar rig pa med na sems ji ltar bya zhes na/ sems 'di zhes bya ba la sogs te /de la sems 'di dag ni ming tsam zhes pa ni / rnam par rig pa'i sems ni tha snyad du mtshan mar 'dzin pa'i ming tsam yin te/ don dam par rang bzhin med pa'i phyir ro/ /de bas na bstan du ming las gang yin zhes na/ don ma lus par tha snyad du ming tsam yin gyi kun gyi ngo bo sems shes gal 'gyur te zhes bya ba'i tha tshig go/ de la ming zhes bya ba ni mtshon par byed pa'o/ /ming de yang bkag pa rnams shes dngos su mthong bas na ming de yang ni/ /rang bzhin ces te mig la sogs pa'i rnam par shes pas spyod yul dngos su mthong? zhing skyod par zad kyis/ /gzugs la sogs pa'i ming ni dngos su med de zhes bya ba'i tha tshig go /'di lta ste /ming gi mdza' ni yi ge ste yi ge lnga rang bzhin med pa ste /bum pa zhes bya ba de la bum pa skye la /ming skyes pa na bum pa 'das pa'i phyir ro/ de ltar mi rtog pa ni ji ltar rang bzhin yod ces bya'o/ /de ltar rigs pas dpyad pa la ngo bo yod pa ma yin pas/ /sems ni nang min phyi rol na yang zhes te/ de la nang min zhes bya ba ni so so rang rig pa'i ye shes sam mig gi rnam par shes pa'i ngo bo yang ma yin no/ / //gzugs la sogs pa'i yul drug gi ngo bo yang ma yin zhes pa'o/ /bar ni de gnyis las gzhan du mi rnyed pa'o/ /de lta bas na /sems kyi rang bzhin sgyu ma la/ /rgyal ba rnams kyis thob pa yin/ /sdig pa mi dge ba dang nyon mongs pa'i yul bcom pas na rgyal pa'o/ /thob pa min zhes pa ni don dam par ni phyi la sogs pa gang na yang sems kyi ngo bo med pa'i phyir ro/ /de ltar ngo bo sun byung? nas sems dngos po gang rung ba ma yin par gsungs pa ni kha dog ces bya ba la sogs pa ste / sogs pas ni za ma bzung ngo/ /de rnams kyi gzugs su yid ni gnas pa min te/ gzugs ma yin pa'i chos yin pa'i phyir ro/ /de la rnam shes drug po 'gags pa'i ngo bo ni yid de/ /rnam par shes pa drug po'i rten du gyur pa'o/ /de yang sems la shes par bya ste /sems dang yid dang rnam par shes pa don gcig bar bshad pas so/ /de 'dra ba'i sems don dam par sangs rgyas kyi spyod yul yang ma yin no/ /zhes bya ba ni sangs rgyas rnams zhes bya ba nas te/ mdor bsdus na zhes pa ni rang bzhin gyi sgo nas bsdus pa'o/ /min zhes bya ba gnyis ni ji ltar dang ma 'ongs pa la bzung ngo/ /ci'i phyir zhe na/ /rang bzhin med pa'i ngo bo'i zhes bya ba la sogs pa ste/ don dam par rang bzhin med pa'i chos mig gi spyod yul du gyur pa yang tha snyad tsam cung zad de ngo bo ni ma grub pa'i phyir ro/ /gzugs la sogs pa 'ba' zhig kho na nyid dngos po yin la/ /gzhan ni ma yin no zhe na /dngos po zhes bya ba la sogs pa ste/ de la dngos po zhes bya ba rnam rtog ste/ zhes pa ni sems tsam pas ji ltar yongs su grub pa 'am so so rang rig ba'i ye shes brtags pa de kho na dngos po yin te/ de yong pas don dam pa'i mtshan nyid dang ldan pa'i phyir ro/ rnam par mi rtog nyid ces bya ba ni/ gang rnam par mi rtog pa'i chos de ni stong pa ces sangs rgyas kyis gsungs so/ /de la yang mi rtogs pa ni yod mong? dbus 'das so/ /stong pa nyid ni rang bzhin med pa'o/ /de bas na/ gang la rtog pa mthong gyur na/ /de la stong nyid gang zhes bya/ mu stegs dang mdo sde pa dang rnam par rig pa gang dang gang du dngos po dang phung po dang / sems tsam du rtog par gyur pa de'i bdag med pa'i chos stong pa nyid du ga la 'gyur zhes bya ba/ /de ltar chos rnams stong pa nyid yin na/ byang chub kyi 'bras bu ji ltar 'gyur zhe na /byang chub ces bya ba la soD pa ste/ thams cad mkhyen pas kyang don dam par byang chub sems dpa' mi dmigs shing rtogs su med pa'i phyir ro/ /de ltar yin yang byang chub pa de la byang chub ma mthong ngo zhes te /gang la zhes bya ba ni rnam par rtog pa can du lta ba gang yang rung ba'o// byang chub ni byang chub don du gnyer ba'o/ /de gnyis rtogs pa'i lta ba de la byang chub ma mthong zhes rnam par rtog pa can du gyur pa la stong pa nyid du ma gyur pa'i phyir ro// //de ltar lta ba thams cad sun phyung nas/ da ni dbu ma'i lta ba byang chub sems cher bzhag pa'i don rang sems gdod nas ma skyes pa stong pa nyid kyi rang bzhin zhes bya ba de'i 'grel pa ni re zhig dbu ma'i byang chub kyi mtshan nyid bstan pa ni/ mtshan nyid med pa mi skye la zhes pa nas te/ /de la mtshan nyid med pa ni rang gi mtshan nyid kha dog la sogs pa'o/ /yang na 'du byed kyi mtshan nyid skye ba la sogs pa'o/ /de kho na'i phyir ni mi skye ba zhes pa ni yod pa dang med pa ma yin pa'i phyir ro/ /'di lta ste/ chos thams cad yod pa skyed mi rung skyes zin pa'i phyir ro/ /med pa ni rus sbal gyi sgo da dang 'dra bas so/ /tshig ma brjod ces pa ni tshig brjod pa'i ming gi yi ge dus gcig tu mi 'byung bas don dam par tshig cig ces bya ba med de snga ma byung ba bzhin no/ /'dus byas min pa ni 'dus byas kyi mtshan nyid du gcig tu byas pa ma yin la/ /rim gyis kyang mi 'grub pa'i phyir ro/ /'di lta ste gang gi tshe skye ba'i dus na de'i tshe gnas pa med na gang zhig skye bar 'gyur te mi gnas pa'i phyir ro/ /du gcig na yang ma yin ma skyes na gnas pa med pa'i phyir ro/ /'o na ji ltar zhe na/ nam mkha' dang ni zhes pa ste de la nam mkha' dang zhes pa ni ni zhe'o/ /byang chub sems ni rnam par mi rtog pa'i ye shes so/ /byang chub ni chos rnams phyin ci ma log par mngon par rtog pa'o// gnyis med pa'i mtshan nyid ni nam mkha' dang byang chub sems so so ma yin tha mi dad pa'o/ /'di lta ste dper na nam mkha' tha snyad du yod la/ don dam par med pa ltar byang chub sems kyang yang dag pa'i kun rdzob tu yod la/ /don dam par med pa'i phyir ro/ /de na de nyid ni stong pa ye shes nam mkha' 'dra zhes te/ stong pa yang yin la ye shes kyang yin pas stong pa'i ye shes ngo bo nyid med pa'i phyir ro/ /de ni nam mkha' ltar tha snyad du yod kyang dpyad na med pa'i phyir ro/ /don de ni sangs rgyas mkhyen ces pa dang 'brel lo/ /ci 'dra ba'i sangs rgyas zhe na/ dus gsum gnas su byed pa'i dus gsum la sangs rgyas pa'o/ /de yang ci 'dra zhe na/ byang chub snying po rtogs pa kun thams cad mkhyen pa'i ye shes dang ldan pa'i phyir ro// bdag nyid chen po ni stong pa nyid chen po ste/ bdag rang bzhin du 'dod pa'i phyir ro/ /de 'dra ba'i yon tan dang ldan pa'i sangs rgyas kyi stong pa nyid kyi ye shes mkhyen ces pa'i don te/ /de bas na byang chub sems dpa' de ni bsgom par bya zhes gsungs pa ni chos rnams zhes bya ba nas te/ de la chos kun gyi gnas ni phung po la soD la'i ngo bo nyid yin pa'i phyir ro/ /zhi ba ni thog ma dge ba la sogs pa bkra shis kyi rang bzhin yin pa'i phyir ro/ /gnas med pa ni gnyen po mi mthun pa'i phyogs rang bzhin med par rtogs pa'o/ /lha ma ni bshad zin to/ /'on kyang skye ba med pa stong pa nyid ces bya ba la soD pa la/ phung po la sogs pa'i chos gzhan med la/ stong pa nyid ni 'du shes rtogs pa'o/ /de la dmigs pa med ces bya ba ni sems dang sems las byung bas dmiD pa ma yin zhes pa'o zhes bya ba'i don to/ /blo zhan pa ni thos pa chud pa 'am las dang po pa'o/ /de yis de ni sgom pa min zhes pa ni stong pa nyid de ni kun gyi gnyen por 'gyur ba yod do/ /sgom pa po de yis bsgom pa min zhes bya ba'o/ /de ltar yang rtsa ba shes rab las/ lta ba thams cad gcod pa yis/ /stong pa nyid ces rgyal bas gsungs/ /gang zhig stong pa'i lta ba can/ de ni ? su dka' bar gsungs/ /zhes gsungs so/ /med pa'i mtshan nyid stong pa gang gi ngo bo yin zhes na/ dge ba dang zhes bya ba la soD pa ste/ dge ba ni dmang? pa las log pa ste/ srog gcod pa spangs pa la sogs pa'o/ yang na rtsa ku sha'i rtse mo ltar rno ba'i shes rab ltar ni dge ba yin la/ de las phyin ci log tu gyur pa ni mi dge ba'o/ /de gnyis rang gi mtshan nyid du shes pa ni dge ba dang mi dge ba'i rtog pa rnams so/ /de dag rgyu 'bras kyi rten 'brel brgyud pa ni rgyun dang zhes pa'o/ /yang skad cig rai la skye zhing 'jig pas na chang ba'i mtshan nyid ces so/ /de 'dra ba'i dge pa dang mi dge ba tha mi dad par stong nyid du sangs rgyas kyis gsungs te zhe'o/ /de las na stong nyid de las gzhan mi 'dod ces te/ lta ba kun gyis kyang kun rdzob tu dge ba dang mi dge rten cing 'brel pa las stong pa nyid gzhan mi 'dod do zhes yin no zhes 'dod pa'o/ /de ltar kun rdzob dang gzhan du ma gyur pa'i sems ci 'dra ba'i mtshan nyid yin zhe na/ mtshon bya med pa'i sems kyis ni/ /gnas pa nam mkha' i mtshan nyid yin zhes te/ mo ? med pa ni zhes bya ba'i tshig gis mtshaon par bya ba'i don med pa'i nam mkha' dang mtshan nyid mthun par gnas so/ /'di lta ste/ 'jig rten pas nam mkha' zhes tha snyad du brjod pa'o/ /don dam par ngo bo nyid med pa'i mtshan nyid lta bu'o// de bas na nam mkha' sgom pa chud pa ni/ /stong nyid sgom par 'dod pa yin/ /chung pa ni don rtos pa'o/ /de bas nas yul las kyang rab 'byor nam mkha' sgom pa ni shes rab kyi pha rol tu phyin pa bsgom pa'o/ /zhes sa'o?/ /de ltar kun rdzob kyi chos thams cad dang dbyer med pa las stong pa nyid yin pas na stong nyid las brtags pa'i lta ba po rnams kyi chos gang de stong nyid yin par gsungs pa ni stong nyid ces bya ba la soD pa ste/ de la stong pa nyid ni seng+ge yin te ri dags skrag par byed pa ltar dngos por smra ba thams cad de mu stegs la soD pa bshad pa rnams so/ /des na mu stegs pa ni dngos po phyi nang rdzas su smra la/ /nyan thos pa gnyis ni phyi'i rjes su smra'o/ /de tsam ni rnam par rig pa tsam du smras so/ /de dang 'dra ba gang dang gang la zhugs na yang zhes te lta ba de dag kyang rang bzhin med pa'i phyir ro/ / //de ltar lta ba spyir stong pa nyid du gsungs nas/ yang sems tsam kho na stong pa'i mtshan nyid du gsungs pa ni/ /gang gi rnam shes zhes bya ba la sogs pa ste/ sems tsam pa gang rnam shes skad cig mar gyur pa de'i rnam par shes par ni rtag gyur min de skad cig ma thams cad mi rtag pa'o/ /de bas na mi rtag pa'i sems kyis ni/ stong pa nyid du mi dga' lo zhes ste/ mi rtag pa dang stong pa nyid tha mi dad cing don gcig pa'i phyir ro/ /de ltar sems tsam pa'i lta bas kyang rnam par rig ma tsam ni stong pa kho nar khas blangs dgos so/ /yang rig pa gzhan sems kyi mi rtag nyid du tu ni zhes pa la sogs te/ lta ba bzhi ka yang mthun par sems ni skad cig mar 'dod do/ /de blta ba bzhi ni bye brag tu smra ba la sogs pa ste/ gsum la skyabs su gsol ba'i phyir dang/ /bdag med pa dang/ /mi rtag par 'dod pa 'dra pas so/ /de bas na de rnams zhes bya ba la soD pa ste de ni lta ba de ni rnams pa bzhi nad pa yin pas sems stong pa nyid du khas blang par rigs so/ /zhes bya ba'o/ /yang dbu ma pas rigs pa gsungs pa/ /dngos po rang bzhin med nyid du/ /sems ni grub ste dus kun la/ /zhes te gdod nas ma skyes pa'i sems rten 'brel tsam du dus gsum la gnas so zhes bya ba'i tha tshig go/ de bas dngos po'i rang bzhin med nyid pas/ /rang bzhin med nyid gsungs pa'o/ /phung po la sogs pa dang rnam par rigs pa dpyad na rang bzhin med pas ngo bo nyid med pa'i phyir ro/ /gal te tshig tu yang bdag par gnas pa spangs nas su zhes pa la sogs pa ste/ sangs rgyas kyi lta ba bsam thun par bdag med pa'i lta ba la gnas pa las/ /yang sems tsam zhes bya ba bsgrubs nas 'dod pa ni rigs pa ma yin no/ /ci'i phyir zhe na/ chos rnams kyi ni zhes pa la sogs pa'i chos rnams kyi bdag med pa stong pa nyid kyi chos rang gi mtshan nyid kyi rang bzhin las gzhan pa ma yin no zhes bstan to/ /de'i dpe ni bu raM la soD pa ste/ gang ltar yang mngar tsha ba mi 'dod pa ltar ro/ /don de ni thams cad ces pa nas te/ phung po la sogs pa'i chos gang yang dpyad na rang bzhin mdo zhes bya ba'i don to/ /de ltar chos thams cad stong pa nyid du gyur na dbu ma'i lta ba ni tshan mar mi 'gyur ram/ /zhe na rang bzhin zhes pa la sogs te/ chos rnams kyi rang bzhin stong par zad kyis/ /rten 'brel gyi rgyu 'bras ni stong par mi 'dod do/ /'o na rtag par 'gyur ro zhes na/ /de bas na zhes pa nas gsungs te/ de bas zhes bya ba ni stong pa nyid yin pas na rgyu 'bras kyi chos rten 'brel tsam mo/ /don de kho na gsungs pa/ ma rigs ces bya ba la sogs pa gsungs te/ /rten 'brel bcu gnyis kyang rgyu 'bras 'brel ba tsam yin gyi rgyu 'bras kyi 'brel pa ni med do zhes bya ba'o/ /de lam rig pa ni tshe snga ma'i nyon mongs pa ste yang dag pa'i don la sgrib pa'o/ /dang po zhes pa'i sgra ni sogs pa'i sgras shes par bya ste/ /'du byed la sogs pa'o/ /rga shi zhes pa ni rnam par shes pa nas tshor pa'i bar gyi yan lag la ste/ sdug bsngal yin pas so/ /de nyid mdza' zhes te bcu gnyis kyi grangs rdzogs pa tsam yin gyi/ /mthar thug pa ma yin te/ tshe phyi ma la rnam par shes pa la sogs pa'i yan lag lnga'i ngo bo yin pa'i phyir ro/ /de ltar byas pa med na ci 'dra zhe na// sgyu ma zhes bya ba la sogs pa ste/ de la yan lag bcu gnyis pa shes ni tshe/ /snga ma'i yan lag ma rig pa dang/ 'du byed gnyis dang tshe snga ma'i skye ba dang rga shi gnyis dang/ rang gi brgyad de dum bu gsum dang tshe gsum go rmongs pa bzlog pa'i phyir ro/ /yang na rgyu'i yan lag dang/ 'bras bu'i yan lag ste/ ma rig pa dang/ 'du byed dang/ sred pa dang/ len pa dang/ srid pa rnams ni rgyu'o/ /lhag ma rnams ni 'bras bu'o/ /de 'dod de zhes pa ni dbu ma pa rnams kyi yan lag bcu gnyis rang bzhin med par 'dod pa'o/ /da ltar rang bzhin med pa'i sgo nas yan lag ces bya ba la sogs pa ste/ tshe lnga ma'i srid pa dang/ len pa dang 'di'i ma rig pa ste/ ma rig pa las 'du byed skye/ de las rnam par shes pa nas tshor ba'i bar lnga skye/ /de nas srid pa dang len pa skye/ de la srid pa skye/ de las tshe snga ma'i skye ba dang rga shi? skye'o/ /de yang mdzod las/ nyon mongs pa la/ nyon mongs dang/ bya ba nyid do de las bzhi/ de las bzhi'o nyon mongs skye/ 'di ni srid pa'i yan lag lugs/ /gang du 'khor zhe na/ srid pa'i lam du ste/ 'dod pa'i srid pa la soD pa srid pa 'gro ba drug gi 'khor ba'o// yang na bar dor skye ba sngon dus dang/ 'chi ba'i srid par 'khor ba yin/ /las 'bras tshor ba yid ches gang/ /de las gzhan ni sems can med/ /rten cing 'brel ba'i chos las sems can zhes bya'i/ /mu stegs pa'i brtags pa'i gang zag lta bu rgyu 'bras kyi las tshor ba po med ces bya ba'i tha tshig/ de las shes pa ni de dag la sog pa ste/ bya ba'i dngos po yin pa'i phyir ro/ /de rten cing 'brel ba'i rgyud pa gang zhe na/ dpe ni ji ltar zhes pa nas te rten me long dang 'brel ba ngo'i dkyil 'khor 'dus ma thag tu gzugs brnyan 'byung bar zad kyi ngo bo dang me long gi bar na brgyud pa mthong ba med do/ /de bas na de la de ni skye med de me long la ngo 'jug pa med do/ /'on kyang de med par yang ni ga la min te gnyis med na gzugs brnyan ga la 'byung ngo/ /dpe don de ltar zhes pa nas te/ de la skyed ces bya ba ni nyon mongs pa dang las kyi mthu las las 'byung ba'o/ /srid pa'i bar na zhes bya ba ni shi ba'i srid pa dang skye ba'i srid pa'i mtshams so/ /'brel ba ni bar do'i srid pa'o/ /don ni 'di lta ste bar na rgyud pa po med par rang bzhin med pa'i rten 'brel gyi mthus tshe 'di dang phyi mar skye'o zhes bya ba'i tha tshig go/ don nyid ni skyed pa med kyang zhes bya ba nas te/ mkhas pa ni khams drug cu rtsa gnyis la mkhas pa'o/ /yang na de bzhin gshegs pa ste thams cad mkhyen pa'i ye shes dang ldan pa'o/ /de rnams kyis bskyod pa med pa'i skye ba'i don gtan la phab pa ste/ nges par byas pa'o/ /de dag ci 'dra ba'i ngo bo nyid gcig pa skye zhes na/ stong pa zhes bya ba la sogs pa te/ don dam par mi stong pa'i rang bzhin gyi chos ma rig pa lta bu pas stong pa'i rang bzhin gyis chos 'du byed pa lta bu skye zhes pa'o/ /de lta bas na las 'bras zhes bya ba la sogs pa ste/ rgyu 'bras ki las la tshor ba po dang tshor bya ni kun rdzob kyi mtshan nyid yin la/ don dam par na rgyal bas bstan pa ma yin no zhes pa'i don to/ /de ltar na nang gyi rten 'brel gsungs na de'i ni phyi'i gsungs pa ni 'di yang zhes bya ba la sogs pa ste/ 'di zhes bya ba ni snod kyi 'jig rten no/ /'brel bas skyed pa ni 'brel pa tsam gyi rten cing 'brel pa las bskyed do/ /zhes bya ba'i don to/ /'di lta ste don dam pa rang bzhin du spyi mthun gyi las rgyu 'bras kyis bskyed do zhes bya ba'i don to/ /de'i dpe ni myu gu zhes bya ba la sogs pa ste/ sa bon la sogs pa dang pags pa la sogs pa rnam pa gang la yang med kyang 'brel pa thag tu 'byung ba ltar/ /phyi nang gi tshes rnams kyang de bzhin no zhes bya ba'i don to/ /de bsan don dam par ci 'dra zhe na/ sgyu ma la sogs pa'o/ /de phyi ni 'dus byas pa'i chos gzugs kyi phung po ste/ brel pa can gyi rten 'brel gyi mtshan nyid yin pa'i phyir ro/ /de ltar med pa las byung ba rgyu 'bras kyi chos mi rung ngo zhes na/ chos rnams shes pa nas te phung po la soD pa'i chos rnams kun rdzob tu rang gi sa bon nam rgyu las skyes pa dag la ba med pa'o/ /ci'i phyir zhe na/ rgyu yang rgyu nyid stong pa ste/ gang chos rnams myur? gyur pa de'i rgyu'i ngo bo ma grub pas rang bzhin med pa 'di lta ste 'du byed kyi rgyu ma rig pa de tshe snga ma'i srid pen gyi rgyu'i 'bras bu'o/ /de bzhin du rnam par shes pa'i rgyu 'du phyed kyi de ma rig pa'i 'bras bu yin no/ /de ltar gcig la rgyu 'bras kyi ngo bor snang bas na/ /rten cing 'brel pa tsam du zad kyi rgyu/ /nyid 'di yin zhs bya ba'i ngo bo nyid do/ /de ltar rgyu rang bzhin med pa las byung ba'i chos ni mi skye ba nyid shes par bya/ rgyu yod na skye ba yod pa'i phyir ro/ /de ltar mi skye ba'i chos rnams ni stong pa nyid ces rab tu grags/ /de'i rgyu'i ngo bo nyid med pas na skye ba med la mi skye ba'i chos ni stong pa nyid du grags te bcom ldan 'das kyis gsungs so zhes bya ba'i tha tshig go/ mi skye ba'i chos zhe na/ mdor sdud pa ni phung po lnga khams la sogs pa der gsungs pa'o/ /de ltar chos rnams mi skye ba'i yin na kun rdzob tu gang las 'byung zhe na ji ltar zhes pa la sogs pa ste/ de nyid ces bya ba ni don dam par rang bzhin med pa de 'gyur ba med pa'i phyir ro/ /ci'i phyir zhe na/ /kun rdzob yin pas zhes pa nas te/ bden pa gnyis tha mi dad pa'i phyir ro/ /don de nyid kun rdzob ces pa nas/ ci'i phyir zhe na/ ma 'brel nges pa med pa'i phyir te/ gang dang gang du kun rdzob kyi chos yin te de dang de ru don dam pa stong pa nyid yod de med du ba bzhin no/ /de'i dpe ni byas pa mi rtag ba bzhin no/ /byas ni 'dus byas pa buM pa lta bu mi rtag pa ni 'jig pa ste/ rkyen gyis dbang du gyur pa'i phyir ro/ /des na 'dus byas yod pas 'jig pa bzhin du'o zhes bstan te/ /de ltar de bzhin nyid dang kun rdzob gcig tu gyur nas thar par ji ltar 'gyur snyam na/ kun rdzob ces bya ba la sogs pa/ kun rdzob nyid nyon mongs pa yin te rtsa ba'i drug pos sems nyid nyon mongs par byed pa dang/ ma 'ongs pa'i dge ba mi skye bar byed pa dang skyes pa sgrib par byed pa'i phyir ro/ /de yang ma rig pa la shes par bya'o/ /de bas kun chags sdug bsngal te/ sems de yang dge ba la sogs pa ste/ bag chags 'du byed kyi gzir ba'i phyir ro/ /sdug bsngal gyi bag chags de rang bzhin shes nas spangs pa ni/ bag chags bsal nas bde pa'o zhes te/ /sems las su rung ba la shes par bya'o// bde ba'i sems ni zhi ba ste/ nyon mongs pa med pa ste sems rnam par dben par lta ba'i phyir ro/ /de'i phyir zhi ba'i sems ni rmongs pa min/ yang dag pa'i don ni rtogs pa la mi sgrib pa'i phyir ro/ /ma rmongs pa yis de nyid rig don dam pa'i bden pa stong pa nyid kyi rang bzhin no zhes pa'i don to/ /de nyid rig pas grub pa 'thob/ /mya ngan 'das pa 'thob te sdug bsngal gsum las thar pa'i phyir ro/ /de bas na byang chub sems mchog de nyid ni stong pa nyid ces rab tu gsungs te ? rang bzhin med pa'i stong pa nyid ni byang chub sems kyi nang na rab tu gsungs pa'i phyir ro/ /stong pa nyid rang bzhin med pa'i byang chub sems de'i khyad par gsungs pa ni/ /de bzhin nyid de mi 'gyur ba'i phyir ro/ /yang dag pa'i mdza' ste phyin ci ma log pa'i phyir ro/ /sdug bsngal ni phung po lnga ste/ 'du byed kyi sdug bsngal nyid kyi phyir ro/ /de ltar yang 'khor ba'i phung po sdug bsngal yin zhes gsungs so/ /sdug bsngal dang bdag med pa'i byang chub sems ni sdug bsngal bdag med do/ /sogs pa'i sgras ni mtshan ma med dang don dam dang/ chos kyi dbyings ni bzung ba yin/ /de ltar don dam pa'i byang chub kyi sems kyi ngo bo bstan nas don nges bsdu pa ni gang dang zhes pa la sogs pa ste/ gang dag ces pa ni rnal 'byor pa gang yang rung ngo/ /stong nyid mi shes pa ni dbu ma'i byang chub kyi sems rang bzhin med pa ma rtogs pa'i/ /gro ba'i skal ba mi ldan pa ni yang dag par rdzogs pa'i byang chub mngon tu mi 'gyur ba'o/ /de cing 'byung zhe na/ srid pa'i zhes bya ba nas te /gti mug can ni chos rnams rang bzhin med pa'i don yang dag par mi shes pa ste/ dngos po thams cad la zhen pa'i phyir ro/ /'gro drug ni 'jig rten pa'i lta ba'i tshul gyis gsungs te/ lha la sogs pa'o/ /don ni 'di yin te/ rang bzhin med pa'i don ma rtogs nas dngos/ por can du gyur ma thag yod pa'i rnam par rtog pa 'gyur bsan srid par ltung ngo zhes bya'o/ /don dam pa'i byang chub sems kyi 'grel pa bshad zin to/ /da ni yang dag pa'i kun rdzob kyi byang chub kyi sems cher bzhag pa ni/ stong nyid ces bya ba nas te/ de la stong nyid de'i rnal 'byor pas de ltar sgom par byed pa na/ don dam par rang bzhin med pa'i byang chub sems de ltar sgom pa'i rnal 'byor pas snying dang ldan par bsgom par bya'o/ /de la snying rje dang stong pa nyid sbyor pas rnal 'byor ro/ /de kho na nyid ni gzhan gyi don la zhes pa la sogs pa ste/ mtho ris dang byang grol ni smin cing grol bar byed pas gzhan don no/ /sems can gyi don la chags pa'i shes rab ni dga' ba'i blo bo/ /de la the tshom mi za bas the tshom med pa'o/ /snying rje sgom dgos pa'i gtan tshigs ni pha dang zhes bya ba la sogs pa'o/ /de la sa bon dang lus rtas par byed pa'i phyir na pha dang ma'o/ /pha dang ma'i rigs ni bshes gnyen no/ /log par byed par phan chen byed pa'o/ /phan dus gang gi tshe zhe na/ sngon dus te thog ma med pa'i tshe rabs nas so/ /des na sems can la drin lan bya bar 'os te/ phan lan bya dgos so zhes bstan to/ /ci'i phyir zhe na/ nyon mongs pa'i zhes bya ba la sogs pa ste/ gdug par byed pas so/ /gang du zhe na/ srid pa'i zhes bya ba la sogs pa ste/ de la ma rig pa'i dbang gi sdug bsngal sbyin pa ltar rig pa'i dus su bde ba sbyin pa yin zhes pa'i don to/ /ci'i phyir sems can la phan par bya zhe na/ mtho ris dang zhes bya ba la sogs pa ste/ lha dang mi ste dge ba'i 'bras bu yin pa'i phyir ro/ /gang zhes pa ni sbyin pa la mtshon pa'o/ /byung ba ni sems can la phan gnod byas pas mtho ris dang ngan song 'byung ba'i phyir ro/ /der mi zad de bla med ces bya ste 'thob po zhes sbyar ro/ /de bas na tshangs pa zhes bya ba la sogs pa ste/ 'dod pa'i nyon mongs las zhi bas tshangs pa'o/ /drag po ni drag po'i las byed pa ste srong? sno gtum dang gdangs pa dang/ sha khrag tshil ba la sogs drag po srid thub cing dgra las rgyal bas na brgya byin no/ sogs pa'i sgras ni brgya byin la sogs pa bsdu'o/ /de rnams la mchod cing brten pa ni brten pa'o/ /ci'i phyir ngo mtshar min zhe na/ sems can rnam la brten nas sangs rgyas pa'i phyir ro/ /don de nyid lha zhes pa la sogs pa ste/ rang gi 'od la longs spyod pas lha'o/ /rig pa dang ldan pa'i yid la byung bas mi'o/ /yang ni 'jig rten pa'i sgra las drangs na skye dgu'i bdag po shed bu yin pa'i phyir ro/ /bde ba'i 'bras bu ni longs spyod lo/ /de ma 'di ni gang yang yin/ /lha mi'i longs spyod de 'jig rten 'dir med ba ma yin te yod pa kho nar shes par bya'o zhes pa'i don to/ /longs spyod de ni sems can la phan par zhes bya ba la sogs pa ni de la tsam gyi sgras ni sems can la phan par byed pa las gzhan la mi rig go/ 'gro gsum ni 'dod pa la sogs pa 'am/ sa 'og la sogs pa'o/ /de'i don ni 'di lta ste/ lha mi'i longs spyod khams gsum pa ni ji snyed yod pa sems can la phan par byas na nyan thos ki dka' thub la sogs pa la gnas pas mtho ris tsam thob kyang longs spyod dang ldan pa ni ma yin no/ / //de ltar phan par byas nas mtho ris 'gro ba gsungs nas/ da ni bzlog pa'i 'bras bu gsungs pa/ dmyal ni bsod nams ma yin pas mi rnams khrid pa'i phyogs te mi rnams bcom pa'i phyir ro/ /phyir mi ldog par 'das pa'i phyir yi dags so/ /yang na zas skom yid la btags pas yid dags so// lha dang mi las log par 'gro bas dus 'gro'o/ /de rnams sdug bsngal ba ni sems can la gnod pa byas pas byung ngo zhes bya'o/ /sdug bsngal ci 'dra zhe na/ rnam pa du ma'i gzugs su ni sdug bsngal zhes te grang ba la sogs pa'i dbang gis sems can thams cad kyi gzugs tha dad pa'o/ /de 'dra ba'i sdug bsngal gang las 'byung zhe na/ sems can gnod byed phyir te/ nyes pa med pa'i phyir ro/ /don de nyid ni bkres pa dad zhes bya ba la sogs pa ste/ phan tshun zhes pa ni bdag? dang gzhan gyi mtshan nyid do/ /de 'dra ba'i sdug bsngal rtag pa ni zhes te ngan song du rgyun mi 'chad pa'o/ /sdug bsngal de'i khyad par gsungs pa ni bzlog par dka' ste/ /mchod sbyin dang rdzu 'phrul gyi kyang ma yin te nges par myong pa'i las yin pa'i phyir ro/ /gsor med pa ni 'byung ba'i nad lta bu ma yin pa ste sdig pa'i las la byung ba'i phyir ro/ /de 'dra ba'i sdug bsngal ni gzhan las byung ba ma yin te/ sems can gnod byed 'bras bu de zhe'o/ /sems can gyi dngos po gsungs pa sangs rgyas shes te/ nyan thos dang rang rgyal ba dang/ bla na med pa yang dag pa dang bzhi'o/ /byang chub sems dpa' i rigs dang sa thob pa ste/ de ni rnam par byang ba'i sems can no/ /mtho ris ngan song ris la gang zhes pa ni kun nas nyon mongs pa'o// gang zhes pa ni thun mong gi tshig go/ /sangs rgyas nas dmyal ba'i par rnams ni sems can kho nar shes par bya ste/ zhe'o/ /ji ltar zhen rnam par smin pa nyid kyi gzugs te/ sangs rgyas dang byang chub sems dpa' zag pa med pa'i dge ba'i rtsa ba'i las kyi rnam par smin pa'i sems can no/ /mtho ris ni zag pa dang bcas pa'i sha'o/ /ngan song ni de nyid mi dge ba'i/ /sems can de rnams la thabs rnams kun gyis bsnyen bskur bya/ /lus ngag yid ni thobs so/ /yang na 'tshed pa'i sgo nas sbyin pa la sogs pa'o/ /rang gi lus bzhin bsrungs kyang/ rang gi lus gnod par byed pa las bsrungs pa lhar sems can la yang ngo dug bzhin bya ba la sogs pa'i dug 'dor ba ltar sems can bral ba ? spong zhes bya ba'o/ /des na sems can dang bral ba na bla na med pa yang dag par rdzogs pa'i byang chub mi 'thob par bstan pa ni/ /chags bral zhes bya ba la sogs pa ste/ so sor brtags pa'i 'gog pa ni 'khor ba dang bral bas chad bral/ /de'i ngo dang gcig pa'i phung po lhag med kyi byang chub ni ro gcig byang chub ste/ sems dang sems las byung ba'i chos bkag nas mar me snum med pa ltar yid gnas so/ /byang chub de ni gad gis 'thob ce na/ thob pa nyan thos rnams kyis de bsan sems can yongs su ma bor bar zhes bya bas gsungs te 'khor bar dang ma bral nas sems can spangs pas ni ma yin no/ /de lta bas na rnam pa de ltar zhes bya ba la sogs pa ste/ sems can la phan gnod byas pas bde ba dang/ sdug bsngal 'byung ba bsams nas theg pa chung du'i rang don la gnas par mi bya'o zhes bstan to/ /de bas na byang chub myu gu zhes bya ba la sogs pa la nyon thos las byung ba'i byang chub sems kyi myu gu'i 'bras bu'i snying po las mi g.yo bar rgyal ba'i sras kyi sgom gyi/ gzhan nyan thos la sogs pa bsgom pa ni ma yin no zhes bya ba'i tha tshig go/ de la rgyal sras ni rnam par mi rtog pa'i mtshan nyid do/ /de bzhin gshegs pa'i thugs rtogs nas byung ba'i phyir ro/ /da ni ma sgral ba bsgral pa'i don bshad par ni gang gis zhes bya ba la sogs pa te/ gang zhes bya ba ni de bzhin gshegs pa'o/ /byang chub sems dpa' rnams so/ /ci 'dra ba yin zhe na/ dgongs pa brtan pa rnams shes bsgom pa ste/ gzugs khams kyi sems can gyi don du bsam gnyan gyi ting nge 'dzin du zhugs te sems rtse gcig pa'i phyir ro/ /de nyid bsam gtan bde zhes te/ rtog pa dang dpyod pa dang dga' ba dang bde ba dang sems rtse gcig pa'i yan lag lnga bsam gtan dang po dang/ nang yongs su dang pa dang/ dga' ba dang bde ba sems rtse gcig pa'i yan lag bzhis bsam gtan gnyis pa dang/ btang snyoms dang dran pa dang yang dag par skye ba dang/ bde ba dang sems rtse gcig pa yan lag lngas bsam gtan gsum pa'o /de lta bu'i bde ba spangs te gzhan gyi sdug bsngal gyis gdungs pa zhes bya ba nas te/ gdungs pa ni snying rje dang ldan pa'i phyir ro/ /nges na snying rje'i gangs ni gcer pa la/ /gzhan gyi sdug bsngal nyi tshogs kyis/ /gdungs shings snying la zhu ba bzhin/ /kha mig gnyis nas mchim 'dzag/ lhag ma ni go sla'o/ /de ltar rang gis dag pa dang bde ba spangs nas gzhan gyi sdug bsngal dang du len pa ni ngo mtshar te/ mngon du ma mthong ma thos ma rtogs pa'i don mthong ba dang/ rmad du byung ba ste/ thos nas rtogs pa'o/ /grags pa ni snyan pa te ste don thams cad grub pa dang/ /spyan ras gzigs lta bu ste dam pa ni rmad la sogs pa ste/ sangs rgyas so/ /de rnams kyi spyod pa'i nang na rab tu gyur pa dam pa'i spyod pa mchog yin te/ bla na med pa'i 'bras bu thob par byed pas so/ /de bas na rang lus don du zhes bya ba la sogs pa ste/ rang gi don du sbyin pa bdun ni zag pa dang bcas pa ste/ pha rol zil gyis mnan pa dang 'gran dang chags dang lan 'dod dang/ rigs dang mtho ris grags don no/ /ngo mtshar gyi khyad par gsungs pa ni chos rnams zhes bya ba la sogs pa ste/ de la tshes rnams rang zhes bya ba la sogs pa ste/ rang bzhin med pa stong pa nyid du rtogs nas gzhan don sbyin pa la sogs pa'i rgyu 'bras spyod pa gang yin pa de ni ngo mtshar nas kyang zhes pa nas te/ de gnyis rgyu 'bras kyi sgo nas brtags pa'o/ /de ltar rgyu'i sgo nas ya mtshan che'o/ /'bras bu'i sgo nas ya mtshan? pa ni rmad du byung ba'o/ /de ni ma grol ba dgrol ba'i 'grel pa'i don bshad pa ni sems can zhes pa la sogs pa ste/ de la sems can dgrol pa ni lha dang dgrol ba'o/ /de'i byed pa'i rkyen thugs rje ni sems can bsgral pa'i zhes bya ba ste/ 'dam las skyes pa ni sangs rgyas rnams te lha'i rigs ni rnam par snang mdzad lta bu'o/ /mi'i rigs ni shAkya thub pa lta bu ste/ thugs rje'i dbang gi skye bar mdzad do/ /de la srid pa nyid 'dam te/ chags pa'i gnas yin pa dang/ brgal dka' ba yin pa'i phyir ro/ /de ltar srid pa'i nang du skyes kyang skyon gyis ma gos te/ rang bzhin med pa'i don rtogs pa'i phyir ro/ /de'i dpe ni chu yis zhes bya ba la sogs ste lung las shes pas srid pa mi gnas shing zhe'o/ /da na de nyid ni stong pa nyid shes pa'i me yis ni zhes bya ba la sogs pa'o/ /stong pa nyid kyi ye shes ni stong pa nyid shes pa'o/ /nyon mongs pa bsregs pas na me'i/ /de ni de ltar me dang 'brel ba'i bud shing zad par 'gyur ba ltar de bzhin gshegs pas kyang rnam par mi rtogs pa'i ye shes dang 'brel ba'i nyon mongs pa zad par 'gyur ro/ /'on kyang zhes pa ni nyon mongs pa med kyang snying rje'i dbang gis 'khor bar skye bar mdzad pas na snying rjes brlab pa'i zhes pa la sogs pa'o/ /mi'i rigs su skye ba blangs pa'i tshul bstan pa/ 'chi 'pho zhes bya ba la sogs pa skye 'chi 'pho ba ni dbang po lnga'i rgyun 'dus pa ste/ gnas gzhan lha yul du bskyed pa'i phyir ro/ /skye ba'i srid pa dang du blangs pa ste ser skya'i rigs lta bu'o/ /byang chub che gshegs ni ser skya nas byang chub brnyags pa'i phyir ro/ /khyim nas 'byung ba ni grong khyer ser skya nas chu bo'i 'gram du'o/ /dga' thub brtan pa ni til phyed kyis lo drug du 'tsho ba'o/ /bdud bcom pa ni nyon mongs pa la sogs pa phan par byas ba ste/ nyon mongs pa dgu bcu rtsa brgyud dang lha'i bdung bzhi ni rnam pa sna tshogs pa ste/ byang chub kyi shing gi rtsar srod dang tho rangs la'o/ /gnyis pa ni bcu drug spangs pa tsam du'o/ /chos kyi 'khor lo bskor ba ni bar ? ro/ /bram ze'i yul g.yar tshangs pa dang /brgya byin dang khyab 'jug la sogs pa'i rigs kyi gtso bo byed pas lha'i ris zhugs pa'o/ /de 'dra ba'i tshal tsam na snying rje'i dbang du gnas pa'i zhes pa la sogs pa ste/ gzhal du med pa'i ye shes thob par 'dod pa'i 'gro ba rnams kyis bsan mgon po/ lha'i rigs su skye ba mdzad pa gsungs pa ni/ /tshangs pa zhes bya ba nas te nye dbang ni khyab 'jug go/ yang na sum cu rtsa gnyis so/ /de rnams kyi gzugs su snang bas na/ gzugs brnyan la gnas te'o/ /'dul ba'i 'gro ba dang sbyar nas te /'gro ba'i skal ba dang mthung par byas nas rang gi skyon med par byed pa'o/ /de yang tshangs pa la sogs pa gang gis 'dul ba la de'i lus su bstan pa ni rang gi skyon med par byed pa'o/ /de bas na sangs rgyas rnams kyis ni snying rje'i bsams nas gang bzhin byed pa gcig gis kyang kun byed ces bya ba'o/ / //da ni dbugs dbyung ba'i don 'grel ba ni/ theg pa chen po las byung ba zhes pa la sogs pa ste/ yang dag par theg pa chen po gcig las gzhan med pa la/ de bas bskyed nas gnyis las chung du ston pa rnams kyis yang gsungs pa'o/ /zhes bstan pa'o/ /ci'i phyir bstan ce na/ srid pa lam kyis zhes pa la sogs pa ste/ thog ma nas tha ma med pa'i srid pa'i lam du rgyud pa'i sdug bsngal gyis gzir ba'i rnam 'gog pa las btsud nas dal gso ba tsam du bzhag pa yin gyi don dam pa min zhes pa ste/ theg pa chung du ni theg pa yang dag pa ma yin pa'i phyir mya ngan las 'das pa ma yin pa'i don to/ /de ltar yang rab 'byor theg pa ni gcig ste theg pa chen po zhe'o/ /dgos pa de la ji tsam du gnas she na ye shes zhes bya ba la sogs pa ste/ sku gcig ngo bo ni shin tu stong pa nyid kyi ye shes te sems dang sems las byung ba'i g.yo ba 'gog pa'i phyir ro/ /des na ma zhum pa'i sems kyis na zhes bya ba lta bu'i/ /de nyid ting 'dzin rigs pa ste/ shin tu stong pa nyid la sems rtse gcig pa de la chags pa'i phyir ro/ /des yang dag pa'i don ma mthong ba ni myos pa'o/ /de 'dra ba'i gnas su sangs rgyas kyi bya ba la sogs pa ste/ ma bskul na mi khom pa dang 'dra bar sems dang sems las byung ba'i chos dang mi ldan par gnas so/ /des bskul na cir 'gyur zhen bskul bas lha tshogs gzugs dag gi zhes bya ba ni de bzhin gshegs pa'i sprul pas gdul bya'i skal ba dang sbyor ba'i gzugs sna tshogs kyis bskul ma thag tu nyan thos de dag sems can don la zhes te theg pa chen po la zhugs nas don byed do/ /de nas bsod nams ye shes kyis gsos te sbyin pa nas bzod pa'i bar du bsod nams/ tha ma gnyis ni ye shes so/ brtson 'grus ni gnyis ka'i grogs de ltar thams cad gsang chen mchog las gsungs pa/ ma rig med pa'i ye shes ni tshogs ni rnam par 'byung ba yin zhe'o/ /de gnyis kyis rgyas par byed pa ni gsos pa'o/ /de ltar gyur ma thag tu ni sangs rgyas byang chub thob par 'gyur// de kho na'i don ni bag chags gnyis kyi tshogs kyi phyir/ /tshogs gnyis kyi bag chags bsags pa'o/ /bag chags sa bon du na gsungs bag chags de ni srid pa'i sa bon du gyur pa'o/ /sa bon rjes mthun grogs mthun nas/ de ltar bag chags kyi sa bon yod ma thag tu phung po 'am sems las byung ba ste/ chos sam de'i nye ba'i rgyu pha ma la sogs pa dang ldan pa'o/ /de yis srid pa'i myu gu bskyed des ni 'khor ba la skye bar 'gyur zhes pa'i don to/ /de ltar theg pa gcig yin pa las theg pa chung du bstan pa ci'i phyir zhe na/ bstan pa zhes pa la sogs pa ste/ sems can bsam pa'i rigs dang dbang po dang bsam dbang gis thu dang pa'o/ /de'i dbang gis bcom ldan 'das kyis bstan pa ni gdul bya'i bsam pa'i rjes su 'gro ba'o/ /de'i phyir 'jig rten rnam pa mang po yis/ /thabs kyi rnam pa mang du phye/ /rnam pa mang po ni rigs la sogs pa tha dang pa ste/ rigs ni mu stegs pa la sogs pa'o/ /dbang po ni chung du la sogs pa'o/ /skal ba ni tshogs gnyis kyi skal ba can no/ /thabs ni bsgom pa'i mtshan nyid mngon rtogs kyi rim pa dgu ste/ nyan thos nas de bzhin gshegs pa'i rigs kyi theg pa'i bar ro/ /de ltar thams cad dang kyang dan dam par gnyis su med pa'i don gsungs pa ni/ zab cing rgya che zhes pa la sogs pa ste/ de la gnyis su med pa'i shes rab ni zab pa ste rang bzhin med pa'i phyir ro/ /rgya che ba ni bsgom pa'i mtshan nyid thabs te rang bzhin phyed pa nyid kyi phyir ro/ /de ltar gnyis su gyur pa ni dbye ba dang zhes so/ /de'i phyir gang zhig mtshan nyid ka yang ste bden pa gnyis kyi spyi dang rang gi mtshan nyid do/ /de ltar bden pa gnyis kyi sgo nas bstan pa phye yang don dam par dbyer med de zhe'o/ /de ci'i phyir zhe na/ stong nyid gnyis med mtshan nyid phyir/ /stong pa ni rang bzhin med pa'o/ /ci 'dra zhe na/ gnyis med de gnyis ni 'od ba dang 'gro ba dang/ skye ba dang 'gag pa dang/ rtag pa dang chad pa dang/ gcig dang du ma'o/ /de rnams med pa ni gnyis med pa'o/ /de'i ngo bo ni stong pa nyid gnyis med mtshan nyid do/ /nga ni yongs su mya ngan las bzla ba'i don 'grel pa ni gzugs zhes pa la sogs pa ste/ de la tshig dang don dang spobs pa dang/ nges pa'i tshig ni gzungs so/ /yang na tshig dang don dang/ sngags gsum lus ngag yid kyis 'chang bas kyang ngo/ /pha rol tu phyin pa shas ches ma thag smon lam gyi dbang gi cher rgyas par nyan thos dang/ thun mong ma yin pa'i ye shes gnas skabs du ma'am spyod yul zhes khyad par mi rtag pa ni sa'o/ /de'i rgyur gyur bas na sangs rgyas pha rol phyin ces te sa bcu'o/ /de yang zang zing la sogs pa ni sbyin pa'o/ /sdom pa ni tshul khrims so/ /chos zab mo la bzod pa ni bzod pa'o/ /sbyor ba dang cho ga dang mi 'gro mi ldog chog par mi 'dzin pa ni brtson 'grus so/ /mi g.yo ba dang sems can don dang yon tan chen po mngon par sgrub pa ni bsam gtan no/ /thos pa la sogs pa ni shes rab po/ /rang gis skyon sel ba dang sems can 'dzud par byed pa dang/ myur du mngon par byang chub pa ni thabs so/ /stobs las bzlog par bya ba dang/ nyon mongs pa zlog par bya ba'i stobs dang/ bdud dang sna ba las gzhan bzlog par bya'o/ /smon lam ni bdag tshogs dang 'brel ba'i lam mo/ /gzhan kyi de dang sangs rgyas kyi zhing yongs su dag par byed pa'i smon lam mo/ /ye shes ni rnam par mi rtog pa dang/ rtog pa mnyam pa nyid du shes pa dang/ thabs thams cad med pa ma yin pa'i ye shes so/ /de rnams 'khor gsum yongs su dag na pha rol tu phyin pa'o/ /de dag byang chub sems kyi char/ /gzung pa la sogs pa rnams so/ /thams cad mkhyen pas stong pa nyid byang chub sems kyi yan lag tu bstan to/ /de ltar gzugs la sogs pa stong pa'i char gyur na chad par lta bar mi ltung ngam snyam pa la/ /rtag tu zhes pa la sogs pa ste/ sgo gsum nas mi dge ba bcu spangs pas sems can la gnod pa mi byed pa'o/ /de lta bas na stong pa nyid ces bya ba la sogs pa ste/ don dam par chos rnams rang bzhin med pa stong pa nyid du rtogs na yang/ dge ba bcu spyod pas rgyu 'bras kyi chos chad pa med pa'o/ de la chad pa ni log par lta ba'o/ /de bzhin du mya ngan las 'das pa ni yod par gsungs pa ni/ mya ngan 'das dang zhes pa la sogs pa ste/ bdag nyid chen po de bzhin gshegs pa rnams rnam par mi rtog pa'i ye shes kyis mthus srid pa dang/ thugs rjes zhi ba la mi bzhugs pa'o/ /gang du gnas shen? mi gnas mya ngan las 'das par ni/ /zhes pa la sogs pa ste/ srid par skye zhing srid pa'i skyon gyis mi gos pa'i go 'phangs la sangs rgyas bzhugs so zhes bya ba'o/ /de lta bas byang chub sems dpa' ni 'di lta bu yin zhes gsungs pa/ snying rje ro gcig ces bya ba la sogs pa ste/ gzhan gyi sdug bsngal gyi sdug bsngal ba'i mtshan nyid ni snying rje ste/ de dang dbyer med pas ro gcig pa'o/ /de snying rje 'ba' zhig gis sgo nas thob pa'i dge ba ste gso zhing rgyas par byed phyir ro/ /deng dang 'brel pa'i ye shes kyi tshogs ni stong pa nyid bdud rtsi mchog ste/ stong pa nyid bdud rtsi 'khor ba'i 'du byed kyi sdug bsngal la rtsi'i phyir ro/ /de nyid gzhan las rab tu gyur pas na mchog ste/ sdug bsngal gyi sdug bsngal la rtsi lta bu'o/ /bdag gzhan so so'i don bsgrub phyir zhes pa ni/ nyan thos ltar bdag don 'ba' zhig kyang ma yin la/ byang chub sems dpa' ltar gzhan don 'ba' zhig kyang ma yin gyi/ gnyis ka'i don bsgrub pa'i phyir byang chub sems kyi bdud rtsi 'di 'thung bar byed brgyal ba'i sras so zhes te don dam par byang chub sems dpa' de yin no zhes bya ba'i don to/ /da ni byang chub sems rnam gnyis kyis yon tan gsungs pa ni/ phyag rgya zhes pa la sogs ste/ lha la sogs pas phyag bya bar pa'o gang la 'os zhe na/ de'o zhes na stong pa dang snying rje'i sgom pa de la'o/ ci 'dra ba'i phyir zhe na/ dngos kun gyis te lus ngag yid kyis so/ /rtag tu mchod 'os ni dngos grub thams cad mthar phyin pa'o/ /gang du mchod pa yin zhe na/ srid gsum la zhes te 'dod pa la sogs pa srid pa'i lha mos so/ /sangs rgyas kyi gsungs ni de'i rabs so/ /chang pa med pa ni de'i rgyud pa'o/ /de la de dag gnas shes stong pa nyid dang ste snying rje chen po bsgom bas so/ /ji ltar gnas zhes na 'jig rten 'dren pas so zhes te/ mtho ris dang byang grol du 'dres pa'i ston par gyur ba'o/ /de bas na theg pa chen po'i mchog 'di ni/ byang chub sems zhes gnas par 'dod/ /theg pa chen po'i nang ni snying rje dang stong thing byang chub sems kyi mchog yin zhes pa'i don te/ so sor brtags pa'i 'gog pa dang/ yongs su grub pa dang/ so sor rang gi rig pa'i ye shes las rab tu gyur ba'o zhes bya ba'o/ /de ltar yin pas nam nyam par gzhag nas shes bya ba la sogs pa ste/ snying rje dang stong pa nyid cha mnyam zhing thar ma lhung bar yon tan bya zhing/ byang chub sems bsgom pa dang/ /smon pa'i sgo nas bskyed par bya'o zhes pa'i don to/ /ci phyir zhe na/ bdag gzhan don to/ /zhes bya ba la sogs pa ste/ nyon mongs pa spangs pa'i rang bzhin can stong pa nyid kyi ye shes rang don no/ /snying rje'i gzhan sdug bsngal las thar bar byed pa ni gzhan don no/ /mthar phyin pa ni bsgrub pa'o/ /de nas de gnyis mnyam par sgom pa las sgrub pa'i thabs gzhan med pa'o/ /don de nyid ni byang chub sems nyid ma yin pa zhes pa la sogs pa'o/ /byang chub sems de kho na bsgom pa tsam gyis bsod nams kyi tshogs su 'gyur ba ni gang gi bya ba nas so/ /bsod nams de tshad med par gsungs pa ni/ /gal te gzugs su gyur na zhes pa gnas so/ /de ltar bsod nams mdza' yas par bstan nas/ /bgrang du med par gsungs pa ni/ /skyes bu gang gis shes pa la sogs pa'o/ /yang byang chub sems de ci 'dra zhe na/ nyon mongs shes par sogs pa ste/ de la nyon mongs pa med pa med pa ni nyon mongs pa dang de dang ldan pa dang/ de las byung ba ma yin pa'i phyir ro/ /de ltar nyon mongs pa med pa'i rang bzhin 'od gsal ba'i sems ni rin chen zhes te dkon zhing mchog tu gyur pa'i phyir ro/ /gcig tu 'di gsungs te bcom ldan 'das kyi rang bzhin med pa'i stong pa nyid 'di ni byang chub kyi sems gcig pur gsungs kyi yongs su grub pa la sogs pa ni der ma gsungs so zhes pa ni don to/ /rin chen sems de yang ci 'dra zhe na/ 'phrog pa med pa la sogs pa ste/ gzhan gyis mngon du dbang byar med pas mi 'phrog pa'o/ /gzung ba med pa ni mi skye ba'i ngo bo nyid phyir ro/ /gang gis she na nyon mongs bdud sogs te sogs pa'i sgras ni phung po'i bdud bsdu'o/ /thabs kyis 'phrog pa na par kun ma'o/ /byang chub kyi sems gsungs pa'i thabs gsungs pa/ byang chub sems shes pa la sogs pa ste/ snying rje dang stong pa nyid gsungs pa'i phyir gsungs pa'i dpe ni ji ltar zhes bya ba la sogs pa ste/ rnam par thar pa dang ting nge 'dzin la sogs pa'i spyod pa kun la legs par spyad bas kun tu bzang po'o/ /de rdzogs pa'i byang chub don du gnyen ba ni bzang po'i smon lam mo/ /don bzang po'i smon lam stobs kyis byang chub bsrung ba bzhin du sdom pa yang smon pa dang/ bsgom pa'i stobs kyis bsrungs bar bya zhes bstan to/ /don de nyid gzhan don zhes bya ba la sogs pa ste/ mi dmigs pa'i snying rje'i sgo nas gzhan don byed pa la sems ni g.yo bar bya'o/ /zhes pa'o/ /de dang 'dra ba'i yon tan dang ldan pa'i byang chub kyi sems 'di yin pas/ byang chub don du gnyen pa'i rnal 'byor pas/ /ngo tshar du yang khyed rnams kyis zhes pa ste/ phyis 'byung pa'i sems can kyis 'di la spyad pa na sangs rgyas pa'i thabs bzhin ni med do zhes bya ba'o/ /de'i 'bras bu thob pa ni kun tu bzang po'i zhes pa la sogs pa ste/ kun tu bzang po'i smon lam gyis byang chub thob pa bzhin du 'di sgom pa pos kyang smon lam dang snying rje 'i sgo nas rang kho nas 'thob po zhes bya ba'o/ / //da ni mdzad pa pos bsngo ba gsungs pa ni/ /rgyal ba zhes bya ba la sogs pa ste/ rgyal ba gzhan las rab tu gyur pas rgyal ba mchog/ /de'i rang bzhin med pa'i ngo bo nyid byang chub sems mchog ste/ byang chub gzhan las phul du byung ba'i phyi ro/ /de 'grel bas mnyes par byed pa ni bstod pas so/ /de byas pas shin tu zhes pa la sogs pa ste/ mnyam pa med pa'i byang chub sems bstod pas bsod nams kyang mi mnyam mo/ /bdag ni klu sgrubs zhabs so/ /srid pa gsum gyi rgya mtsho'i nyon mongs pa dang nye ba'i nyon mongs pa'i rlabs ni srid pa'i rgya mtsho'i chu rlabs so/ /des 'khor ba la ldang bar gyur pa'i sems can ni bying ba'i stas can te/ lus dang 'brel ba'o/ /de ni gang dang 'brel te/ de ring zhes pa ni nyi ma nub kyi bar du ste/ myur ba'i don bstan pa'o/ /rkang gnyis dbang po ni rgyal pa'o/ /des mnyes pa'i go 'phang mi gnas pa'i mya ngan las 'das pa'o/ /de ltar byas pa'i bsod nams kyis/ srid pa'i rgya mtsho la bying ba'i sems can gyis mngon du gyur cig ces bya ba'i don to/ /'phags pa zhes bya ba ni 'phags pa'i chos mthong la mnyes pa'i phyir ro/ /slob dpon rnam par 'byed pa'i lam mnyan nas bslab pa'i gnas yin pa'i phyir ro/ /dpal zhes pa ni bsod nams dang ye shes kyi tshogs dang ldan pa'i phyir ro/ /klu sgrub ces pa ni klus mchod gnas su byas pa'i phyir/ mdzad mkhan gyis btags pa'i ming ngo/ /zhabs zhes pa ni bkur ba'i tshig ste/ zhabs tsam smos kyi sku lus gzhan smos gyis me lang bas so/ /kyis shes pa ni mdzad mkhan du mtshon pa'o/ /mdzad pa zhes pa 'grel pa byas pa'o/ /rdzogs so/ /zhes pa ni don mthar phyin pa'o/ /smri ti dz+nyA na kI rti yis/ /byang chub sems kyi 'grel bshad 'di/ /bsgyur las 'gro ba thams cad ni/ /byang chub sems ni thob par shog/ lho brag b+harma seng ge yis/ /chos re'ang lam rings bgrod nas zhus/ /rgya gar gyis mkhan po smri ti dz+nyA na kIrtis bsgyur cing bshad nas gtan la phab pa'i byang chub sems kyis 'grel pa bshad pa rdzogs so// // dang pa smra ba zhes bya ba'i bstod pa bzhugs so/

CLOSE WINDOW