བོད་ཡིག

e-texts based on the ACIP/ALL Input

/ //rgya gar skad du/ sh+rI gu hya sa mA dza de ba maN+Da la kA ya sto tra nA ma/ bod skad du dpal gsang ba 'dus pa'i dkyil 'khor gyi lha'i sku la bstod pa zhes bya ba/ 'jam dpal gzhon nur gyur pa la phyag 'tshal lo/ /gang zhig khams gsum las grol dngos nyid sku/ /dge cing rab zhi rnal 'byor yul gyur pa/ /mnyam med bde bas brgyan pa 'gro ba'i mgon/ /'dus pa'i dkyil 'khor lha tshogs bstod par bgyi/ /zhal gsum phyag drug ? ltar dang sa/ /dkar dmar g.yas pa rdo rje 'khor lo dang/ /pad+ma dril bu rin chen ral gri 'dzin/ /mi bskyod rdo rje gtso la phyag 'tshal lo/ /rab dmar g.yas ni mthing ga g.yon dmar zhal/ /phyag g.yas 'khor lo rdo rje pad+ma 'jig g.yon pa'i dril bu rin chen ral gri bsnams/ /rdo rje rnam snang mdzad la phyag 'tshal lo/ /mthing dang dkar ba'i zhal dbus gser gyi mdog/ nor bu rdo rje 'khro lo g.yas na 'dzin/ /dril bu pad+ma ral gri phyag g.yon brgyan/ /de rje rin chen tog la phyag 'tshal lo/ /rab chags drag po zhi ba'i zhal mnga' ba/ /pad+ma kha 'byed rdo rje 'khor lo g.yas/ /g.yon pa dril bu pad sdong rin chen gri/ mdza' yas rdo rje de la phyag 'tshal lo/ /dbus ljag g.yas mthing g.yon pa dkar pa'i zhal/ /ral gri sna tshogs rdo rje 'khor lo dang/ /dril bu bad ljang nor bu phyag na bsnams/ /don grub rdo rje de la phyag 'tshal lo/ /dbus zhi g.yas drag g.yon pa dbang gi zhal/ /'khor lo rdo rje autpal g.yas na 'dzin/ /g.yon pa'i phyag na dril bu rin chen gri/ nad zhi lha mo spyan la phyag 'tshal lo/ /char sprin lta bu'i g.yas g.yon dkar dmar zhal/ /rdo rje 'khor lo de bzhin autpal g.yas/ /dril bu rin chen ral gri g.yon nan 'dzin/ /bgegs 'joms mA ma kI la phyag 'tshal lo/ /dmar mthing dmar ba'i zhal gsum go rim bzhin/ /pad sdong dril bu rin chen ral gri g.yon/ /g.yas pas kha 'byed rdo rje 'khor lo 'chang/ /gdon 'joms gos dkar can la phyag 'tshal lo/ /ljang mthing dkar ba dbus dang g.yas g.yon zhal/ /sna tshogs rdo rje 'khor lo autpal dang/ /dril bu rin chen ral gri rtag tu 'dzin/ /'gro kun dbang mdzad sgrol ma phyag 'tshal lo/ /spyan dang sku mdog phyag mtshan mtshungs pa la/ /khyad par gzugs phung gsal ba'i me long 'dzin/ /mchog gzugs mchod pas mgon kun mnyes mdzad ma/ /rdo rje gzugs ma de la phyag 'tshal lo/ /rtsa ba'i phyag gnyis rgyud mnga' sgra sgrogs shing/ /sku dang phyag rgya gzhan ni bdag dang mchungs/ /mtshungs med sgra yis skyob rnams rab mchod ma/ /rdo rje sgra ma de la phyag 'tshal lo/ /gos dkar lha mo ji bzhin gsal ba la/ /mchog tu rtsa ba'i phyag gnyis dung chos 'dzin/ /sangs rgyas rnams ni dri yis tshim mdzad ma/ /rdo rje dri ma de la phyag 'tshal lo/ /zhal gsum phyag drug sgrol ma lta bu la/ /mtshungs med ro mchog dag pa'i snod 'chang zhing / /mkha' khyab rgyal ba ro yis mnyes mdzad ma/ /rdo rje ro ma de la phyag 'tshal lo/ /sngo skya dkar dang dmar ba'i zhal gsum mnga' / /dkyil 'khor bdag po ji bzhin phyag rgya gsal/ /bde chen reg mchog rnams kyis mgon mchod mdzad/ /rdo rje reg ma de la phyag 'tshal lo/ /rgyal ba'i zhal dang sku mdog phyag mtshan rnams/ /gti mug rnam par spyod dang mtshungs pa la/ /phyag g.yas klu shing me tog mdzes pa 'dzin/ /rdo rje byams pa mgon la phyag 'tshal lo/ /gzugs med rnam dag me long ye shes can/ /de dag sku mdog phyag mtshan khyad med cing/ /mig dbang thogs med rdo rje stsol mdzad ma/ /rdo rje sa snying de la phyag 'tshal lo/ /nga rgyal spyod mdzad mgon po lta ba'i sku/ /zhl gsum phyag drug phyag rgya drug dang ldan/ /sgra gsum thog med mi phyed rang bzhin nyid/ /phyag na rdo rje de la phyag 'tshal lo/ /tshor bdag mnyam nyid ye shes can brnyes pa'i/ /rgyal ba ji bzhin sku'i phyag rgya 'chang/ /sna dbang rab zhi mi phyed rang bzhin sku/ /rdo rje mkha' snying de la phyag 'tshal lo/ /zhal mdog phyag dang de bzhin mtshan ma rnams/ /'dod chags spyod par mdzad pa'i mgon po bzhin/ /ma thogs mi phyed lta dbang rab stsol ba/ /rdo rje 'jig rten dbang la phyag 'tshal lo/ /'du shes rnam dag kun rtog ye shes la/ /mnga' bsnyes skyob ba lta bu'i cha lugs can/ /chags thogs mi mnga' mi phyed shes rab nyid/ /rdo rje 'jam pa'i dbyang sa la phyag 'tshal lo/ /log pa'i dang can sbyongs mdzad bcom ldan 'das/ /ji bzhin sku yis rnam par 'phrul bkod nas/ /mi phyed rdo rje'i sku mchod rang bzhin can/ /rdo rje'i sgrib kun sel la phyag 'tshal lo/ /gang zhig sku ni 'du byed rnam dag nas/ /bya grub ye shes mnga' bsnyes dang mtshungs te/ shes dang shes byar bzhi 'od gsal dag /rdo rje kun tu bzang la phyag 'tshal lo/ /'bar ba'i dbus bzhugs gnag dkar dmar zhal khro/ /dbyug pa 'khor lo rdo rje g.yas na 'dzin/ /sdigs mdzub zhags pa dril bu dgra sta g.yon/ /rdo rje gshin rje gshed la phyag 'tshal lo/ /mdog dkar gnag dang dmar po g.yas g.yon zhal/ /phyag drug rdo rje dbyug gi sdigs mdzub zhags/ /dril bu dgra sta 'dzin mdzad khro chen sku/ /rdo rje gzhan gyis mi thub phyag 'tshal lo/ /khro rgyal gang zhig dmar gnag dkar pa'i zhal/ /pad+ma ral gri gtun shing g.yas pas 'dzin/ /g.yon pa bsnyems bcas dril bu dgra sta zhags/ /rdo rje rta mgrin de la phyag 'tshal lo/ /dbus gnag g.yas dkar g.yon pa dmar ba'i zhal/ /sna tshogs rdo rje 'khor lo gtun shing dang/ /sdigs mdzub dril bu dgra sta 'chang byed khro/ /rdo rje bdud rtsi 'khyil la phyag 'tshal lo/ /gnag dmar dkar zhal rab tu bzhag mdzad cing/ /ral gri rdo rje 'khor lo g.yas na 'dzin/ /sdigs mdzub dgra sta zhags pa g.yon na bsnams/ /rdo rje mi g.yo mgon la phyag 'tshal lo/ /khro chen mthing gnag dkar dang dmar ba'i zhal/ /rtsa ba'i phyag gnyis hUM mdzad phyag rgya mdzad/ /rdo rje ral gri zhags pa lcags kyu 'dzin/ /rdo rje 'dod pa'i rgyal la phyag 'tshal lo/ /sngon dmar dkar ba'i zhal mnga' khro rgyal ni/ /dbyug ba ral gri 'khor lo g.yas na 'dzin/ /sdigs mdzub ral gri dgra sta g.yon na mda'/ /rdo rje dbyug can la phyag 'tshal lo/ /gtum chen gnag dmar dkar ba'i zhal gsum mnga' / /dbyug pa ral gri 'khor lo phyag g.yas 'dzin/ /sdig mdzub ral gri dgra sta g.yon na bsnams/ /rdo rje stobs po che la phyag 'tshal lo/ /sdo dmar dkar ba'i zhal mnga' khro bo'i gtso/ /rtsa ba'i phyag gnyis spyi bor gtsug tor 'dzin/ /gzhan rnams rdo rje pad+ma sdigs mdzub gri/ /rdo rje gtsug tor rgyal la phyag 'tshal lo/ /gnag dmar dkar ba'i zhal ldan khro rgyal ni/ /rdo rje 'khor lo nor bu phyag g.yas 'chang/ /g.yon pa sdig mdzub? zhags pad+ma gri/ /rdo rje gnod mdzes rgyal la phyag 'tshal lo/ /dkyil 'khor mtshon gnas lha sku'i me tog sum cu rtsa gnyis pa/ /rab dang bud pas bstod pa'i lces blang dge chen sbrang rtsi 'di/ /'gro ba dngos 'dzin rlung nang gzir ba rnams kyis leD bsten pas nyon mongs gdungs bsal gzhan don mdangs rgyas ye shes sku thob shog / dpal gsang pa 'dus pa'i dkyil 'khor kyi lha'i sku la bstod pa zhes bya ba rnal 'byor gyis dbang phyug mi gnas rdo rjes mdzad pa rdzogs so// //rgya gar gyi mkhan po A tsan+ya sh+rad+d+ha kara warma dang/ zhus chen gyi lo tsA ba pande rin chen bzang pos bsgyur ba'o// //rgya gar skad du kho d+hi tsit+ta bi ba ra Na TI kA/ bod skad du/ byang chub sems kyi 'grel pa'i rnam par bshad pa/ /gcig dang du ma min sbyor ba/ /mkhyen nas rtog pa kun spangs pa'i/

CLOSE WINDOW