བོད་ཡིག

e-texts based on the ACIP/ALL Input

//*/ /bdud rtsi 'khyil pa'i sgrub thabs slob dpon zla ba grags pas mdzad pa bzhugs so// //rgya gar skad du/ a mri ta kuN+Da li sA d+ha naM/ bod skad du/ bdud rtsi 'khyil ba'i bsgrub thabs/ bgegs kyi dgra la phyag 'tshal lo/ /bdud rtsi 'khyil pa'i rnal 'byor dang bzlas pas bar du gcod pa'i bgegs zhi bar 'dod pa des/ dang po snying rje chen po bsgom par bya'o/ /de nas brtan pa dang g.yo ba thams cad stong pa nyid du bsgom par bya'o/ /de nas rang gi sems nyid nyi ma'i dkyil 'khor bsgom par bya'o/ /de'i steng du yi ge hUM sngon po bsgom par bya'o/ /de las khro bo'i rdo rje hUM gis mtshan pa bsgom par bya'o/ de las 'od zer 'phros te gdug pa thams cad zhi ba'i 'phrin las mdzad nas slar de nyid du bsdu'o/ /de nas de rnams gyur pa las/ bgegs kyi dgra ni sngags pas bsgom/ /autpal sngon po'i 'dab ltar sngo/ /zhal gsum pa la phyag drug pa/ zhal ni sngo dang dkar dang dmar/ /zhal gdangs pa ni rnam par 'gyur/ /gsus khyim che zhing spyan gsum pa/ /'bar ba'i 'od kyis rnam par brgyan/ /sna tshogs rdo rje 'khor lo dang/ /gtun shing rnams ni g.yas pa na/ /sdigs mdzub zhagS par bcas pa dang/ /dril bu dgra sta g.yon na bsnams/ /g.yon brkyang pa yis gnas pa yis/ /pad+ma nyi ma la gnas pa'o/ /de nas snying gar a las pad+ma 'dab ma brgyad pa bsgom par bya/ de'i steng du hUM las nyi ma'i dkyil 'khor bsgom par bya'o/ /de'i steng du hUM las rang dang 'dra ba'i ye shes sems dpa' cha lnga pa bsgom par bya'o/ /de'i steng du nyi ma'i dkyil 'khor gyi steng du ting nge 'dzin sems dpa' yi ge hUM bsgom par bya'o/ /de las 'od zer 'phros te rang bzhin gyi gnas nas khro bo'i rgyal pa spyan drangs la mchod pa dang bstod pa bya'o/ /spyan bgrang mche gtsigs smin ma bsdus/ /thugs ni mi rtog pa la bzhugs/ /mgur gyi phyogs ni hUM sgras 'gengs/ /khro rgyal bdud rtsi 'khyil la bstod/ zhes bya ba'o/ /de dza:hUM baM ho: bzhis dgug pa dang ni gzhug pa dang/ bcing pa dang ni mnyes par bya/ de nas gnas gsum du yi ge gsum gyis byin gyis brlab par bya'o/ /de nas rags pa dang phra ba'i rnal 'byor bsgom par bya'o/ /rnal 'byor gsal nas bzlas pa bya'o/ /de la dang po yi ge nyi shu drug pa'i sngags kyis bsrung bar bya'o/ /de'i sngags ni/ aoM hu lu hu lu/ tiSh+Tha tiSh+Tha?/ band+ha band+ha/ ha na ha na/ da ha da ha/ a mri te hUM phaT/ 'byung po che ge mo las rak+Sha rak+Sha hUM/ de'i 'khor lo ni grog la sogs pa la sna tshoD rdo rje ste ba rgya cher bri bar bya'o/ /'khor lo'i dbus su yi ge haM bri bar bya'o/ /de'i nang du bsrung bar bya bI yi ge bri bar bya'o/ /de nas 'khor lo'i rtsibs dang po la aoM/ gnyis pa la hu lu hu lu/ gsum pa la tiSh+Tha teSh+Tha/ bzhi pa la baNd+ha band+ha/ lnga pa la ha na ha na/ drug pa la da ha da ha /bdun pa la a mri ta/ rtsibs brgyad pa la hUM phaT ces bya ba rnams bri bar bya'o/ 'di ni sngags kyi yi ge dgod pa'o/ /de nas rang gi mdun du za ma tog la sogs par laN par bzhag la mchod pa bya'o/ /de nas snga ma bzhin du rang nyid lha'i sku bskyed de/ sngags snga ma nyid 'bum phrag gcig bzlas par bya'o/ /de nas 'khor lo de nyid lus la btags na/ lus ngag yid gsum gyi phyi dang nang gi 'tshe pa thams cad las bsrung bar 'gyur ro/ /de ltar bdag nyid sngon du bsrung ba byas la de nas gnod par byed pa'i 'byung pos? bskrad par bya'o/ /de'i sngags ni 'di yin no/ /na ma sa man+ta kA ya bak+tsat+ti badzra NaM/ aoM a mri ta kuN+Da li /kha kha khA hi khA hi/ tiSh+Tha tiSh+Tha/ band+ha band+ha/ ha na ha na/ da ha da ha/ gardza gardza/ bi spho Ta ya bi spho Ta ya/ sarba big+h+nAM/ birga? ya /kaM ma hA badzre kro ta/ mahA daMSh+Tod ka ta b+hair ba ya/ a si mu sa la/ pa ra shu pSha sha ha ta ya/ ma hA ga Na pa ti dzI bita an+ta? ka ra ya swA hA/ swA hA'i sngon du 'gro bas bdag la gnod par byed pa'i 'byung po che ge mo au tsa Ta ya hUM zhes bzlas shing yungs kar gyi rgyal po yi ge hUM du bsams te de las byung ba'i phung bu stong bdud rtsi 'khyil pa'i dbyibs can lte ba man chad phur bu rtse gcig par bsams la brdeg par bya'o/ /bsnyen pa'i dus su 'bum phrag gsum bzlas par bya'o/ /bskrad pa'i las kyi dus su/ ske tshe dang/ lan tshwa dang/ dug dang /d+ha d+hu ra'i khu ba dang/ mdzub mo'i khrag rnams bsres te dur khrod kyi ras la rlung gi dkyil 'khor zla gam ngos la rdo rjes mtshan pa bris la/ de'i dbus su sngags 'byung po'i ming dang spel ba bris nas rnam par shes pa dgug pa sngon du 'gro bas mnan la sum? bzhin du bzlas nas dur khrod du sbas nas nges par 'chi bar 'gyur ro/ /de ltar bskrad kyang mi 'gron de la mngon spyod bya'o/ /de la dang por bsnyen pa'i dus su sngags 'bum du bzlas par bya'o/ /na ma sa man+ta kA ya bAk+tsit+ta? badzra NAM/ aoM hu lu hu lu /tiSh+Tha tiSh+Tha/ ban d+ha band+ha/ ha na ha na/ da ha da ha/ gardza gardza/ bi sphaT ya pi spo Ta ya/ sarba big+h+nan/ bi na ya ka na/ ma hA ga Na pa ti dzAM bi ta an ta ka ra ya hUM phaT/ bdag la gnod par byed pa'i 'byung po che ge mo mA ra ya hUM phaT/ ces pa bzlas so/ /de nas las sbyor gyi dus su ro bsregs thal ba yungs mar dang bsres pa las/ 'byung po'i gzugs byas la/ de'i rnam par shes pa nang du bcug la khro bo'i sngags stong rtsa brgyad bzlas na 'chi bar 'gyur ro/ /gzugs brnyan la rnam par shes pa dgug pa'i man ngag ni/ 'byung po'i rnam par shes pa'i snying ga na nyi ma'i dkyil 'khor gyi steng na yi ge hUM gi gzugs gnas pa la lte ba rlung gi dkyil 'khor bteg par bsam mo/ /de rang gi ting nge 'dzin sems dpa' las 'od spros te/ gzugs brnyan gyi snying gar zhugs par bsam mo/ /de ltar gnod byed 'byung po la/ /bdag nyid bsrung bar byas nas ni/ /bskrad dang mngon spyod las bya ba/ /'dus pa'i rgyud kyi man ngag ni/ /slob dpon klu sgrub las rnyed pa/ /zla ba grags pa zhes byas bshad/ bdud rtsi 'khyil pa'i rnal 'byor dang bgegs bsal ba'i cho ga brdzogs sho// //slob dpon sh+rad+d+ha ka ra barma dang/ lo ts+tsha ba rin chen bzang pos bsgyur pa'o// dpal gsang ba dus pa'i mngon par rdoD pa'i rgyan gyi 'grel pa slob dpon zla ba grags pas mdzad pa bzhugs so/

CLOSE WINDOW