བོད་ཡིག

e-texts based on the ACIP/ALL Input

/ //rgya gar skad du/ kra ma an+ta ra b+hA ba au pa de sha nA ma pra ka ra NaM/ bod skad du/ rim pa khongs su bsdu ba'i man ngag ces bya pa'i rab tu byed pa/ dpal rdo rje sems dpa' la phyag 'tshal lo/ /mdza' rnams thams cad 'jig mdzad pa/ /rdo rje che la phyag byas nas/ /rim pa drug pa'i phan tshun ni/ /de tshig rnams dang sbyar ba brjod/ /mi pham 'phags pas sbyin sogs la// dbye ba sum cu drug bdag nyid/ /ji skad gsungs pa de bzhin 'dir/ /rim rnams dbye gsal 'dir brjod bya/ /de la dang por bskyed pa'i rim par phra mo'i rnal 'byor gyi dus su sna'i rtse mor zhes bya ba la sogs pas bskyed pa'i rim pa'i rdo rje'i bzlas pa'o/ /rang bzhin snang pa zhes bya ba 'di ni bskyed pa'i rim pa'i sems la nges par rtog pa'o/ /de kho na nyid drug gi nang du ni bskyed pa'i riM? pa'i bdag byin gyis brlab pa'o/ /don dam bden pa zhes kyang bya ba la sogs pas ni bskyed pa'i rim pa'i mngon par byang chub pa'o/ /yongs su dag pa'i lha'i de kho na nyid 'chad pa las ni bskyed pa'i rim pa'i zung 'jug go /gzhan yang rdo rje 'dzin pa'i mi/ /'ga' zhig sbyor ba gsum ldan pas/ /spyan 'dren gshegs su gsol pa dang/ /de bzhin bzhugs su gsol bar 'gyur zhes bya ba 'dis ni rdo rje'i bzlas pa las bskyed pa'i rim pa gsungs pa'o/ /rang nyid ni rdo rje'i bzlas pa'o/ /rnam shes las ni 'byung ba'i sngags/ /'bum phrag drug ldan bzlas nas ni/ /rdo rje sems dpa' phyag byas te/ /zla ba nya ba de 'grub 'gyur zhes bya ba 'dis ni rdo rje'i bzlas pa'i sems la nges par rtog pa'o/ /rdo rje bzlas pa 'di yis ni/ /cho ga ji bzhin bsnyen byas nas/ /sgyu ma lta bu'i ting 'dzin gyis/ /las rnams thams cad bsgrub par bya zhes bya ba 'dis ni rdo rje bzlas pa'i bdag la byin gyis brlab pa'o/ /yi ge as bstan ye shes ni/ /sangs rgyas kyi ni thugs su gyur ces bya ba 'dis ni rdo rje bzlas pa'i mngon par byang chub pa'o/ /ma ning gi bzlas pa 'bras bur gyur pa las ni rdo rje bzlas pa'i zung 'jug go/ shes rab rang bzhin 'di nyid ni/ /zla ba'i dkyil 'khor du brtag ste/ /rang gi sems ni mthong 'gyur te/ /rang gi zla ba'i gzugs bzhin no/ /de nas zla pa la dmigs nas/ /rdo rje'i mtshan ma rab brtag bya/ /'di ni rdo rje la sogs pa/ /byung ba'i rnal 'byor pa rnams kyis/ /thabs ni ston par byed pa'o/ /zla ba rdo rje sogs sbyor bas/ /sems dang sems byung 'dus pa ste/ /thabs dang shes rab mnyam sbyor las/ /phyag rgya bzhi yis rgyas btab la/ /sngags pa bskyed rim rnal 'byor dang/ /ldan pa'i lha mi nga rgyal ni/ /'chang zhing rtag tu rgyu bar bya zhes bya ba 'dis ni sems la dmigs pa'i bskyed pa'i rim pa'o/ /rlung ni phra ba'i ngo bo dang/ /rnam shes yang dag 'dres gyur pa/ /dbang po'i lam nas byung nas ni/ /yul rnams la ni dmigs par 'gyur/ /gang dang gang du rlung gnas pas/ /rang bzhin de dang de 'byung byed/ /rlung ni rgyu ba de srid du/ /snang ba g.yo min mi 'gyur ro/ /zhes bya ba 'dis ni sems la nges par rtog pa'i rdo rje'i bzlas pa'o/ /rang gi ngo bo las ni sems la nges par rtog pa'o/ /chu zla dang ni smig rgyu sogs/ /sgyu ma'i yon tan gyis brgyan te zhes bya bas ni rjes su snyegs par lhag par mos pa'i sgyu ma'i lus 'dis ni sems la nges par rtog pa'i bdag la byin gyis brlab pa'o/ /dpal gsang ba 'dus pa'i byang chub sems kyi le'u las/ dngos po med sogs tshigs cad kyis/ /mngon par byang chub mtshan nyid gsungs zhes pa la sogs bas ni sems la nges par rtog pa'i mngon par byang chub pa'o/ /chags min chags dang bral ba min/ /dbu mar yang ni mi dmigs so/ /zhes bya ba 'dis ni sems la nges par rtog pa'i zung 'jug go/ /sngags dang phyag rgya'i sbyor ba dang/ /dkyil 'khor la sogs rnam rtog dang/ /sbyin sreg gtor ma'i bya ba kun/ /rtag tu sgyu ma bzhin du bya zhes bya ba 'dis ni bdag la byin gyis brlab pa'i bskyed pa'i rim pa'o/ /rlung gi sbyor ba med par ni/ /sems kyi rang bzhin dmigs su med ces bya ba 'dis ni bdag la byin gyis brlab pa'i rdo rje bzlas pa dang/ bdag la byin gyis brlab pa'i sems la nges par rtog pa dang/ dngos su bdag la byin gyis brlab pa rnams gsung bar 'gyur ro/ /'gro kun rang bzhin dbang med de/ /rang dbang du ni 'byung nyid min/ /de yi rgyu ni 'od gsal te/ /'od gsal thams cad stong pa ni zhes bya ba 'dis ni bdag la byin gyis brlab pa'i mngon par byang chub pa'o/ /de nyid dri za'i sems can 'gyur/ /rdo rje'i sku yang de nyid yin zhes bya ba 'dis ni bdag la byin gyis brlab pa'i zung 'jug go / phyag rgya chen po rnam dag ni/ /sangs rgyas lnga rigs rag las pa'o/ /'od zer lnga ni 'byung ba 'di/ /nam mkha' la ni 'ja' tshon bzhin/ /phyag rgya 'chan bar byed pa dang/ /gal te gsang sngags zlog pa 'am/ /gzhan rnams thams cad byed kyang rung/ /kun stong bzhi la gnas pas so/ /zhes bya ba 'dis ni mngon par byang chub pa'i rim pa'o/ /de ni tshig dang ldan yang dag bsdams yin zhes bya ba la sogs pas ni mngon par byang chub pa'i rdo rje'i bzlas pa'o/ /'di ni rang gi rang bzhin rnams dang lhan cig ma yin ldan zhes bya ba 'dis ni mngon par byang chub pa'i sems la nges par rtog pa'o/ /ji ltar chu klung dang ba las/ /nya dag myur du 'phar ba ltar/ /de bzhin thams cad stong gsal las/ /sgyu 'phrul dra ba 'byung bar bshad ces bya ba 'dis ni mngon par byang chub pa'i bdag la byin gyis brlab pa'o/ /dngos su ni mngon par byang chub pa'o/ /slob dpon dag las bka' drin thob cing blo gros dri med brtan ldan dngos po kun/ /rang bzhin de nyid rnal 'byor pa yis dag gzhi shin tu phra ba cho ga sbyin rang bzhin sangs rgyas kyi/ /mya ngan 'das khams gnyis med rtogs pa rtag tu bde ba'i rang bzhin bsgom par bya/ /'di ni bsod nams bsod nams min las rnam grol bcom ldan rdo rje sems dbang 'gyur zhes bya ba 'dis ni mngon par byang chub pa'i zung 'drug go / gcig po bskyed? pa'i rim pa 'di dang zhes bya ba dang/ /de bzhin du 'di ni ma dag par 'gyur ro/ /zhes bya ba 'dis ni zung du 'jug pa'i bskyed pa'i rim pa'o/ /rdzogs pa'i rim pa zhes bya ba 'dis ni zung du 'jug pa'i rdo rje bzlas pa'o/ /chags dang chags med las grol zhing zhes bya pa 'dis ni zung du 'jug pa'i/ sems la nges par rtog pa'o/ /bdag byin brlab dang 'od gsal gnyis/ /de nyid shes pa'i rim shes bya ba 'dis ni grub? du 'jug pa'i bdag la byin gyis brlab pa dang 'od gsal ba'o/ /dngos su ni zung du 'jug pa'o/ /yan lag sbyor ba 'di byas nas/ /bsod nams gang bsags de yis ni/ /rdo rje 'dzin dang lhan cig tu/ /'gro ba myur du sbyor bar shog / rim pa khong du bsdu ba'i man ngag gi rim pa'i rab tu byed pa slob dpon chen po klu'i blo rig pa 'dzin pa'i dngos grub brnyes nas da rung dpal gyi ril bzhugs pa'i zhal snga nas mdzad pa rdzogs so// // chos kyi gzhi dkon mchog gsum gyi rten dpal tshangs pa 'byung ba'i gtsug lag khang du/ rgya gar gyi mkhan po a langkaM? ka la sha'i zhal snga nas dang/ /bod kyi sgra sgyur gyi lo tsA ba bande nyi ma grags kyis bsgyur ro// // dpal gsang ba 'dus pa rnal 'byor chen po'i rgyud kyi srid pa skye ba'i rim pas rdo rje sems dpa' i sgrub thabs slob dpon zla ba grags pas mdzad pa'o/

CLOSE WINDOW