བོད་ཡིག

e-texts based on the ACIP/ALL Input

/ // */ /rgya gar skad du/ karma an+ta bi b+hang+ga nA ma/ bod skad du/ las kyi mdza' rnam par 'byed pa zhes bya ba dpal rdo rje sems pa la phyag 'tshal lo/ /thog ma dbus mdza' spangs pa yis/ /stong pa bzhi la phyag 'tshal nas/ /thams cad dag cing rnam par dag pa'i/ /rim pa'i dbye ba nges sbyar bya/ /ye shes rnam gsum las byung pa/ / khams bzhi dang ni dbang po drug / phung po lnga dang sgo dgu dang/ /'gro ba gsum po phal cher ni/ /skye gnas rnam pa bzhi yin te/ /sgong skyes dang ni mngal skyes dang/ /drod gsher skyes ni gsum pa yin/ /bzhi pa yang ni rdzus skyes so/ /thog med sangs rgyas kyis gsungs pa/ /rnam shes gsum po bsgoms pas ni/ /dus gsum du ni spyad pa'i las/ /rnam shes gsum gyi rgyu can no/ /ye shes gsum po zhes brjod pa/ /de yang dang po tsam nyid de/ /dang po ma rig shes par bya/ /gnyis pa/ de bzhin sems las byung/ /gsum pa sems zhes bya 'di rnams/ /stong nyid gsum du brjod pa yin/ /stong nyid gsum las byung ba'i rlung/ /de nyid dang ni kun tu gnas/ /de yi bzhon pa nyid 'gyur te/ /bdag nyid kyang ni stong pa'i phyir/ /rnam shes las ni rlung 'byung ste/ /de las me ni yang dag 'byung/ /de las chu ni 'byung bar 'gyur/ /de las yang ni sa 'byung ngo/ /de rnams las ni phung po 'byung/ /de las yang ni skye mched 'byung/ /de las ye shes rang bzhin rnams/ /brgya ni drug cu dang bcas slar/ /skad cig 'dod chags pral dang 'jigs/ /la lar mya ngan zhi ba nyid/ /la lar byams dang snying rje dang/ /so sor rtog dang yid gang dang/ /la lar sred pa rnam rtog dang/ /rig bya rig dang ngo tsha shes ngal dang mi dge rang bzhin med/ /nye bar len dang sogs pa dang/ /la lar bkres skom ser sna dang/ /la lar dogs dang tsher ba ste/ /sems kyi rang bzhin 'di rnams ni/ /snang ba'i ye shes rgyu can no/ /skad cig 'dod chags de bzhin dga' / /la lar gdug pa nus pa dang/ /la lar nga rgyal de bzhin sgro/ /la lar rangs pa btsan thabs 'gar/ /la lar brtan dang stobs can nyid/ /la lar ngag ni gsal bar 'gyur/ /la lar bden dang mi bden dang/ /la lar spe? byes? byed? po yang/ /la lar dpa' po brtson 'grus dang/ /ngo tsha med dang bskul pa 'gar/ /'gar yang ngo mtshar drag po dang/ /zhe 'gras sbyin pa po nyid dang/ /mi srun pa nyid gya gyu nyid/ /rnams bar skreg pa 'ang sems las byung/ /brjed ngas po dang la lar 'khrul/ /la lar rnam par g.yeng ba nyid/ /le lo nyid ngang la lar ngal/ /la lar mi smra'i dngos por 'gyur/ /la lar the tshom nyid shes bya/ /ma rig pa yi dus su 'byung/ /ye shes rang bzhin 'di rnams ni/ /lnga bcu rtsa bzhi ngag tu bshad mtshan mo nyin mo'i dbye ba yis/ /yang nas yang du rab tu 'jug /bzhi rnams so so'i dor son pa/ /de bzhin phung po dbang po la'o/ /sngon ni ji ltar 'ongs pa bzhin/ /rim pa 'di yis thim 'gyur te/ /dang po sa ni chu la 'jug/ chu ni sel thim? 'gyur zhing/ /me ni rlung la thim par 'gyur/ /rlung ni rnam par shes la 'jug /rnam shes 'dzin par gshegs nas su/ /'od gsal bar ni de nas zhugs/ /de las dri za nyid gyur nas/ /las kyis bskul pas skye bar 'gyur/ /de ltar skye ba stong rnams su/ /skyes shing skyes nas yang dang yang/ /rang bzhin bskor zhing kun tu 'khrul/ /rtog ge rnams kyi yul min pa/ /snang ba yongs su shes pa ni/ /'gro bas ma rnyed par du'o/ /snang ba rnyed pa dag kyang ni/ /slar yang rnyed pa shin tu dka' / /rdul dang mun pa snying stobs shes/ /'di ni gzhan gyis kun tu brtags/ /snang ba gsum po 'di nyid kyi/ /rang bzhin shes pa spangs pa'i phyir/ /srid dang mya ngan 'das pa'i rgyu/ /ye shes gsum po 'di ru bzhed/ /snang ba'i rang bzhin gang du gnas/ /de ru sdig dang bsod nams dag/ snang ba gsum po dag pa ni/ /nges par bde bar gshegs pa'i gnas/ /tshangs pa khyab 'jug drag po dang/ /gang gzhan ser skya la sogs rnams/ /rang bzhin snang pa kun tu rmongs/ /rnam dgal? yang ? bshun? du/ / bskal pa mdza' yas rnams su yang/ /mgo dang rin chen sogs sbyin pas/ /snang ba rnam par ma dag na/ /byang chub 'bras bu thob mi 'gyur/ /mdza' yas bskal pa rnams su yang/ /de bzhin tshul khrims bzod sogs kyis/ /snang ba rnam par ma dag na/ /byang chub 'bras bu thob mi 'gyur/ /mdza' yas bskal pa rnams su yang/ /sngags kyi sku yi ting 'dzin gyiS/ /snang ba rnaM par ma dag na/ /byang chub 'bras bu thob mi 'gyur/ /snang ba gsum po dag pa ni/ /thams cad mkhyen nyid the tshom med/ /bla ma brgyud pa'i rim nyid kyis/ /de ni thob 'gyur gzhan gyis min/ /sprin ni 'brug sgra'i rnam pa dang ldan nam/ /nam mkha' i khongs nas kun tu 'byung ba rnams/ /phyogs bcu bskor nas gnas shing de nyid du/ /slar yang yal bar mthong pa ji lta ba/ /de ltar rnam shes rnams ni 'od gsal gnas las 'thon zhing slar yang zhig gyur nas/ /rang bzhin rnam pa sna tshogs rnams su gnas shing de nyid yal bar 'gyur/ /las kyi mdza' rnam par 'byed pa shes bya ba rje btsun 'phags pa klu'i blo'i zhabs kyis mdzad pa rdzogs so/ / //rgya gar gyi mkhan po bla ma rje btsun ma Ni ka sh+rI dz+nyA na dang/ /bla ma rje btsun chen po re pen+t+ra'i zhal snga nas gus par mnyan nas chags lo tsA ba shAkya'i dge slong chos rje dpal gyis bsgyur cing zhus te gtan la phab pa'o/ / //rgya gar skad du/ kra ma an+ta ra b+hA ba au pa de sha nA ma pra ka ra NaM/ bod skad du/ rim pa khongs su bsdu ba'i man ngag ces bya pa'i rab tu byed pa/

CLOSE WINDOW