བོད་ཡིག

e-texts based on the ACIP/ALL Input

/ //*/ /dpal gsang ba 'dus ba'i dkyil 'khor gyi cho ga nyi shu pa zhes bya ba slob dpon klu'i byang chub kyis mdzad pa'o// //*/ /rgya gar skad du/ sh+rI gu hya sa ma dza maN+Dal au pA yi ki bi sha bi d+hi nA ma/ bod skad du/ dpal gsang ba 'dus ba'i dkyil 'khor gyi cho ga nyi shu pa zhes bya bo/ dpal rdo rje sems dpa' la phyag 'tshal lo/ /gnyis med ye shes sku mnga' ba/ /dang po'i mgon la phyag 'tshal nas/ /rdo rje slob mar phan 'byung ba/ /dkyil 'khor yan lag bdag gis bshad/ /bya rgyud cho ga ma gtogs par/ /spyod dang gnyi ga'i rnal 'byor gyis/ /grub pa'i dkyil 'khor sangs rgyas ni/ /kun lugs las 'ongs yang dag bsngags/ dang por sa ni sbyang ba dang/ /de nas sa yongs 'dzin pa dang/ /phyi nas bgegs ni nyer zhi dang/ /thod le kor gyis thig gdab dang/ /de nas sa lha sogs lhag par/ /gnas dang de nas gsol gdab dang/ /phyi nas slob ma lhag gnas dang/ nam mkhar thig ni gdag pa dang/ /tshon sna lnga yi cho ga dang/ /tshon rtsi rnams ni dgye ba dang/ /lha rnams spyan drangs nyid dang ni/ /de nas slob ma gzhug pa dang/ /khrus kyi dkyil 'khor cho ga dang/ /de nas sangs rgyas dbang bskur dang/ /de nas phyag mtshan dbang bskur dang/ /bla ma lha dang yon gnyis dang/ /rjes su gnang ba sbyin pa dang/ /de nas gshegs gsol cho ga dang/ /dkyil 'khor las chen phur pa dang/ /skud pa bsdu ba nyid kyang ste/ /rab bshad cho ga nyi shu yis/ /ji lta ji ltar rgyas shes pa'i/ /rdo rje slob dpon mkhas pa yis/ /rdul tshon dkyil 'khor bri bar bya/ /kha cig grub pa brgyad 'dod pas/ /dkyil 'khor 'di la 'jug par 'gyur/ /de bzhin bden mthong de bzhin du/ /dpa' bo sngags pa brtags pa ste/ /de dag sbyor ba bla ma yis/ /rigs nas bla ma mkhas pa yis/ /slob ma'i don kun bsgrub bya'i phyir/ /'khor lo rnam brgyad bri bar bya/ /rin chen sa bon de bzhin dang/ /me tog tshon dang de bzhin du/ /bye ma g.yo dang phye ma ste/ /de bzhin yid kyi dkyil 'khor bden/ /sa bon dgod dang phyag mtshan dang/ /yang na lha yi sku nyid ni/ /'bur du btong dang lugs ma ni/ /stobs bzhin dkyil 'khor la dgod bya/ /phreng ba chu dang rdzogs sangs rgyas/ /rdo rje dril bu me long dang/ /ming dang slob dpon rjes gnang zhes/ /bya ba 'di ni dbang bskur rim/ /de bzhin gshegs pas rdo rje yi/ /theg par slob dpon rnam gnyis gsungs/ /gcig ni gsang sngags gtsor byed 'gyur/ /gcig ni bsam gtan la gzhol ba/ /gsang sngags smrar gnas rnal 'byor pa// lha la dmigs pa lhur len pas/ /de las mtshan ma rnyed gyur te/ /rdul tshon dkyil 'khor bri bar bya/ /gsang sngags tshul gnas rnal 'byor pa/ /gnyis med ye shes sbyor ldan pas/ /sgyu ma lta bu'i lus kyis ni/ /'khor lo sgyu ma lta bu bri/ /grong khyer grong dang grong rdal dang/ /kun dga' tshod 'dus gtsug lag ni/ /khang du pus nub tsam bkos nas/ /rim gyis sa ni spyang bar bya/ /shing dang gyo mo gseg ma dang/ /de bzhin rus pa sol ba dang/ /skra la sogs pa bsal byas nas/ /de nas sa ni sbyang ste/ /kun nas steng ni yang dag par/ /bsnyams te ba lang lci bas byug/ dri yi chu yis bsangs nas ni/ /phyi nas drag po'i sbyin sreg bya/ /sngags pa rdo rje sems zlos shing/ /rdo rje'i lta bas blta bar bya/ /dkyil 'khor gyi ni sa yi cha/ /skyon dang ldan yang spyod par 'gyur/ /gsang dbang rtog pa la gnas shing/ /byang chub sems ni rnam spangs po'i/ /sngags pa gang zhig sa sbyong bar/ /byed pa de yis 'grub mi 'gyur/ /sa sbyang pa'i cho ga'o// // de nas bla re sogs brgyan cing/ /mchod pa lnga dang bcas pa yi/ /'khor lo'i khyim du phyin nas su/ /sa ni yongs su gzung bar bya/ /dkar la ma nyams gos 'chang zhing/ /gtsug tor dag pa yis brgyan la/ /rgyan rnams thams cad kyis spud cing// dri bzang byugs pa'i chal 'thor pas/ /nyi ma gsum du thun gsum du/ /cho ga ji bzhin gtor ma dbul/ /de nas bgegs rnams zhi bar ni/ /bya phyir phyogs skyong bcu la'o/ /brtul zhugs brtan pas zhi ba yi/ /sbyin sreg tshul bzhin sngar byas nas/ /phyi nas dbang bskur rab grub phyir/ /slob mas kyang ni byed du gzhug/ sa yongs su gzung ba'i cho ga'o// //zhe sdang rdo rje'i ting 'dzin la/ /gnas shing khro bos yongs bskor ba'i/ /rnal 'byor pa yis thabs byung tshe/ /bgegs ni nges par bsal bar bya/ /rkang thil rdo rje bsam byas nas/ /rdo rje gsor ba lhung len zhing/ /rdo rje'i no ma sgeg gang byed bzhin/ /hUM yig drag po che bar bcas/ /yi ge Ta yis mig g.yon zla bar byas/ /yi ge ma yis mig g.yas nyi ma bkod/ /rdo rje 'dzin gyi bsnyems la 'chang ba yis/ /dkyil 'khor sa yi cha la 'gro byed cing/ /mnga' bdag rtse ba'i bdag nyid kyis/ /brgya byin la sogs gdug pa yi/ /tshogs bcas sa dang bar snang dang/ /phyogs nas gsal bya 'di skad brjod/ a pa sa ran+tu b+ha ban+to yi ge cing de ba a su ra yak+Sha rak+Sha sa pre tA mi shA tsa a pasmA ra b+hu ta DA ki n+ya ao star kamA hal+la ka ma hal+li ka tsha a nu ra sa pa ri Shad+ga ru DaM? ka pu ru Sha ma stra sid+d+hi/ /bdag gis phyogs 'dir slob mtshe? ge mo'i rdzoD pa'i byang chub rdzogs par bya ba'i phyir dang/ sems can thams cad bla na med pa'i ye shes thob par bya ba'i phyir dpal rdo rje sems dpa' i dkyil 'khor bri bar bya'o/ /rdo rje 'dzin pa chen pos bka' stsal pa/ /'di thos nas myur du dngos shig gang zhig mi dang pa 'di'i mgo bo ye shes kyi rdo rje chen po 'bar ba dag hUM gi rdo rje 'bar zhing rab tu 'bar ba 'dis tshal ba brgyad 'gags par 'gyur bya'o/ /de skad lan gsum brjod nas de nas ni/ /sngags pa khro bar gyur cing shar phyogs na// gnas pas hUM yig phyag rgya dang bcas par/ /g.yas brkyang sngon 'gro'i sbyor ba tshul bzhin bya/ g.yas brkyang dang/ g.yon brkyang dang/ sa ga dang/ zlum po dang / mnyam pa'i steng? stabs dang /rul sbal gyi stang stabs dang/ rdo rje phul byung dang/ rdo rje sgeg pa dang/ rkang cig gis 'phung stangs dang/ bung ba'i 'phur stangs dang/ seng+ge'i stang stabs dang/ seng+ge'i gla la ba dang /rdo rje lcags sgrog dang/ /rdo rje bskor 'dzin dang /rdo rje 'phen pa dang/ /rdo rje'i gang stabs dang /rdo rje 'jig byed dang/ rdo rje ro langs dang /rdo rje tho ba dang/ gdong bzhi byin gyis brlabs pa dang /rdo rje 'khyil pa dang/ bud med ltar sgyu 'phrul byed pa dang/ rdo rje lcags sgrog dang/ stobs po che phul byung dang/ rdo rje mche ba dang/ rdo rje bzhad pa dang / rdo rje sgrogs pa dang /ral gri'i tshul dang/ rdo rje'i tshul dang/ 'khor lo'i tshul dang/ gtun shing gi tshul dang/ bdan gyi tshul dang/ zhags pa'i tshul dang/ pad+ma'i tshul dang/ gtum po'i tshul dang /mi 'jigs pa'i tshul dang/ lcaD kyu'i tshul dang/ thong gshol gyi tshul dang/ 'phang mdung gi tshul dang/ mda''gengs pa'i tshul dang /mda''drem pa'i tshul dang/ mda''phen pa'i tshul dang /thag mdung 'phen pa'i tshul dang/ mchog sbyin pa'i tshul dang /mdud thung gi tshul dang/ /chu'i tshul dang /phyag 'tshal ba'i tshul dang /rdo rje'i 'dug tshul dang/ bsam gtan pa'i tshul dang/ rdo rje'i skyil krung dang/ pad+ma'i 'dug tshul dang /sems dpa' i skyil krung dang /dpa' bo'i tshul dang /bzang po'i 'dug tshul dang/ tsog tsog por 'dug tshul dang /rol pa'i 'dug tshul dang /mngon du phyogs pa'i tshul dang /rgyab kyi phyogs pa'i tshul zhes bya'o/ /sngags pa rang bzhin shes pa yis/ /stang stabs de ltar dbang po sogs/ /tshoD bzang bsdigs nas phyogs skyong rnams/ /ji bzhin phur bus yang dag gdab/ /seng ldeng phur pa sor brgyad pa'i/ /tshad dang ldan pa blangs nas ni/ /tshon sna lnga pa'i skud pa yis/ /de ni go rim bzhin du dkri/ dri dang me tog sogs rnams kyis// mchod nas snod ni sar par bzhag/ lag par reg cing phur bu la/ yi ge gsum gyis mngon bar bsngags/ /de ltar 'dus byas phur pa ni/ /kun rdzob rang bzhin 'thon po las/ /blo dang ldan pas rim pa 'dis/ /slar yang bsam gtan rang bzhin bya/ /aoM suM b+ha ni suM b+ha hUM /grih+Na gri hA hUM/ gri h+NA pa ya gri h+NA pa ya hUM/ A na ya ho b+ha ga ba na badyi rA dza hUM phaT/ khro bo'i gzugs can 'di yis ni/ /de ltar log 'dren kun bkug ste/ /blo dang ldan pas sbyor ba yis/ /cho ga bzhin du phur bus gdab/ /rdo rje bdud rtsi rgyal po che/ /autpal sngon po'i 'dab ltar sngo/ /'bar ba'i phreng bas 'khrigs 'di can/ /rdo rje phur bu rnam par bsgom/ /lte ba'i phyogs nas smad kyi tshe/ /rtse mo'i rnam par rab tu bsgom/ /stod ni khro bo'i rnam pa dang/ /zhal gsum rnam pa phyag drug tu'o/ /gnod mdzes gzugs 'dzin rdo rje can /gcig gis rdo rje tho ba ste/ /? yon pas phung po 'dzin byed cing/ /gsang sngags 'di yis phur bus gdab/ /aoM g+ha g+ha g+hA ta ya g+hA ta ya/ sarba tuSh+TaM? phaT phaT/ kI la kI la ya sarba pA bi phaT phaT /hUM hUM hUM badzra kI la ya/ badzra d+ha ra A dza pa ya ti?/ sarba bag+h+nA? kA ya bAk+tsi? twaM kI pratA? ya? hUM hUM hUM phaT/ de ltar rtog pa'i rnal 'byor gyis/ /bgegs rnams bskal? nas sngags rig pas/ /bde mchog dpal gsungs cho ga yis/ /slar yang bgegs rnams sbyang bar bya/ /rgyal ba rnams kyis rnam par spyod mdzad pa/ /sems can phyir yin las sbyang pa phyir min/ /'di na bgags yod ma yin bdud rnams bsam/ /rtog pas 'phel med byin rlabs 'grub med nyid/ /bdag bdud nyid dam brtan pa nyid mi 'gro/ brtan pa nyid phyir rjes su bstan mi bya/ /rang bdes da? bsgrub sdug bsngal gyis mi gang/ /byang chub mchog rab myur phyir brtan par bya/ /bgegs nye bar zhi ba'i cho ga'o// //de nas legs par mnyam bzhag pa'i/ /slob dpon bla ma thabs cig pa/ /blo dang ldan pas rim pa 'dis/ /thod le kor gyis thig gdab bya/ /slob dpon chu lha'i phyogs gnas dang/ /slob ma mngon du phyogs gyur pa/ /dbang po'i phyogs na gnas pa yis/ /tshangs pa'i thig ni gdab par bya/ /sngags rig gshin rje'i phyogs gnas pa/ /slob ma lus ngan phyogs gnas dang/ /lhan cig tshangs pa'i thig gnyis pa/ /yang dag par ni gdab par bya/ /slob dpon me lhar gnas pa dang/ /slob ma mngon du phyogs gyur pa/ /dbang ldan du ni gnas nyid kyis/ /rtsa ba'i thig ni gdab par bya/ /de nyid du gnas rdo rje can/ / thig shes pa la mkhas pa dang/ /bden bral la gnas bu yin ni/ /lho phyogs kyi ni thig gdab bya/ /de nyid du gnas slob ma dang/ /rlung ltar gnas pa'i slob ma yis/ /bden bral rlung lha la gnas pa'i/ /thig ni gsum pa gdab par bya/ /de nyid du gnas rnal 'byor pa/ /las shes pa dang zhi phyogs su/ /gnas pa'i bu yis phyi nas ni/ /rtsa thig bzhi pa gdab par bya/ /me ltar gnas pa'i slob dpon ni/ /rang gi lha yi sbyor ldan dang/ /rlung ltar gnas pa'i sngags pa yis/ /mtshams kyi thig kyang gdab par bya/ /bla ma dbang ldan phyogs su ni/ /gnas nas slob ma bden bral du/ /gnas pa yis ni mtshams kyi thig /gnyis pa yang dag gdab par bya/ /sgyu ma'i lus ni dran bzhin du/ /de nas sgo ni rnam par dbye/ /sgo ni 'khor lo'i brgyad cha ste/ /lha yi snam bu de bzhin no/ /sgo khyud sgo yi tshad du ste/ /de bzhin 'gram dang ngos kyang do/ /de yi phyed du kha khyer ro/ /kha khyer phyed du tshon gyis/ /rtsa ba'i thig gi phyed kyis ni/ /nang gi dkyil 'khor tshang yin te/ /'od zer lnga yis rnam brgyan cing/ rdo rje phreng bas 'bar bar bya/ /nang gi dkyil 'khor phyi rol tu/ /thig bzhi yang dag bri bar bya/ /nang du ka ba brgyad po ni/ /'khor los mtshan cing legs mdzes bri/ /rdo rje ka ba'i bar dang bar/ /de nyid du ni re mig dgu /dra ba kha khyer tshad du 'gyur/ / rin chen pa gu de phyed du/ /'ba' li dang ni mnga' yab dang/ /phyi rol ka ba'i sa de bzhin/ /bum pa ka ba'i steng? gnas pa/ /rta babs sgo yi sum 'gyur te/ /mnga' yab dang ni bya 'dab dang/ /ldan zhing dril bu nges par 'khrol/ /ba dan dag dang rnga yab dang/ /me tog chun 'phyang sogs mdzes pa'i/ /dkyil 'khor gyi ni zur bzhi po/ /zla phyed nor bu rdo rje 'dzin/ /sgo khyud kyi ni mtshams rnams su/ /rdo rje rin chen rnams kyis spras/ /rta babs rdo rje'i rtse mo can/ /de yi phyi rol khor yug ste/ /rdo rje'i phreng ba 'od zer rgyas/ /thig btab pa las grub 'gyur bya'o/ /gzhan rnams 'khor lo'i rjes mthun par/ /ji ltar mdzes par rab tu brtag /sngags pas slob ma'i nus pa dang/ /rjes su bstun nas dkyil 'khor de/ /khru gang pa nas brtsams byas nas/ /khru stong bar du bri bar bya/ /thod le kor gyis thig gdab pa'i cho ga'o// //bgegs rnams phur pas btab byas te/ /de nas rab dra ba sogs/ /bsams nas rdo rje'i rang bzhin/ /thig btab lhag par gnas bar bya/ /skyob pa sangs rgyas thams cad kyi/ /spyod pa'i tshul gyi khyad par dang/ /sa dang pha rol phyin rnams la/ /lha mo khyod ni dbang du gyur/ /skyob pa shAkya seng ge yis/ /ji ltar bdud kyi dpung bcom ltar/ /de bzhin bdag gi bdud kyi dpung/ /pham par byas te dkyil 'khor bri/ /dri zhim sogs kyis sa byugs te/ /me tog sna tshogs kyis bkram nas/ /tsan dan sogs kyis lha gnas su/ /mkhas pas maN+Dal rab tu bya/ /gser ram yang na dngul gyi 'am/ /zangs sam sa yi rang bzhin nyid/ /ji ltar rnyed pa bzung nas ni/ /brtul zhugs can gyi bum pa bzhag /byu ru dngul dang gser dang ni/ /pad+ma rA ga mu tig ste/ /rin chen shis pa lnga po rnams/ /bum pa'i chu yi nang du gzhug/ nas dang gro dang mo sman? gre'u/ /til dang de bzhin mon sran rde'u/ /'bru ni shis ba lnga po rnams/ /bum ba'i nang du gzhug par bya/ /chen po tsher ma'i dgra dang ni/ /lhar bcas gzhan gyis mi thub dang/ /daN+Ta autpal rtsa ba ste/ /sman lde bo ni gzhug par bya/ /a mra au dum+ba ra dang/ /mya ngan tshang dang a sho ka/ de bzhin klu shing skyes yal ga/ bum pa'i kha mdzes lnga gzugs so/ /gos ni dkar po chen po yis/ /bum pa'i mgrin pa bcing bar bya/ /gos kyi steng du srad bu dag/ dkar po cho ga mkhas pas dgod/ /mkhas pas gur kum la sogs pa/ /mngon 'dus byas pas dkyil 'khor pa/ /kun gyi sa bon nam mtshan ma/ /bum pa'i ngos la nges par bri/ /rin po che la sogs ldan zhing/ /rang gi sngags kyis mngon sngags pa/ /chu bcas 'di rnams blo ldan kyis? lha yis grangs kyis bzhag par bya/ /dkyil 'khor gyi ni gra bzhi dang/ /khor yug gi ni nang nang du/ /blo dang ldan pas bum pa zhag /gcig ni sgo la bzhag par bya/ /sa'i lha mo dang/ lha dang/ bum pa lhag par gnas pa'i cho ga'o// // phyi nas gos dmar 'dzin cing rgyan/ /thams cad kyis ni brgyan gyur cing/ /dril bu dang bcas bla ma yis/ /bsnyems bcas rdo rje gsor byas te/ /bar snang la gnas sangs rgyas dang/ /dkyil 'khor pa rnams go rim bzhin/ /bltas nas mig rgyas 'gyur pa yis/ /tshig 'di dag tu gsal bar brjod/ /deng du bdag tshe 'bras bur bcas/ /bdag ni dam tshig lha rnams dang/ /mnyam par gyur pa the tshom med/ /byang chub sems dpa' sems gcig pa/ /bdag ni phyir mi ldog par 'gyur// bdag dang de bzhin gshegs pa yi/ /ris su skye bar gnon mi za/ /sangs rgyas thams cad spyan drangs pas/ /deng du bdag gi nyi ma mchog /deng bdag mchod sbyin bla na med/ /deng du bdag gi 'dus pa mchog /de nas sangs rgyas de dag las? btud de mchod yon phul? nas ni/ /blo dang ldan pas phyi nang gi /mchod pas mchod de 'di skad brjod/ /ma lus phyogs na bzhugs pa yi/ /sangs rgyas rnams ni bdag la dgongs/ /rdo rje can bdag che ge mo/ /zhes ni bgyi ba'i dkyil 'khor 'dri/ sangs rgyas kun deng gshegs su gsol/ /dngos grub 'di ni stsal du gsol/ /dkyil 'khor chen po'i las la ni/ /ci nus bzhin du rab tu bgyi/ /de nas bsnyems bcas langs nas ni/ /rdzogs rim rnal 'byor dang ldan pa'i/ /brtul zhugs can gyis 'gro byed cing/ /dril bu dkrol bzhin 'di skad brjod/ /bdag nyid rang nyid rdo rje can/ /rdo rje sems dpa' bdag rang nyid/ /bdag ni sangs rgyas rgyal be che/ /bdag ni rnal 'byor dbang phyug rgyal/ /bdag ni phyag na rdo rje brtan/ /bdag ni bdag po rdo rje che/ /deng bdag rdo rje sems dpar grub/ /de nas sangs rgyas sangs rgyas lnga'i/ /rigs 'byung rnams la gsol ba gdab/ /de dag bar snang gnas bsams nas/ /'di skad brjod cing bskul bar bya/ /thugs rje yi ni bdag can bdag/ slob ma rnams la rjes brtse dang/ /khyed cag la yang mchod slang du/ /sangs ni dkyil 'khor bri bar 'tshal/ /bcom ldan gus pa sa bdag la ni/ /de'i phyir bka' drin mdzad par 'os/ /rdo rje can bdag che ge mo/ /zhes bgyi'i dkyil 'khor mdzes pa ni/ /che ge ci nus yo byad kyis/ /sad ni yang dag 'bri bar 'gyur/ /de phyir slob mar bcas bdag la/ /rjes su brtse ba nyer bzung nas/ /'khor bcas kun gyis dkyil 'khor la/ /byin gyis brlab par mdzad par 'os/ /gsol ba gdab pa'i cho ga'o// //'gro ba 'don pa'i bsam ldan pas/ /'khor los sgyur ba'i sgeg pa yis/ /bsgrubs nas gdul bar bya ba rnams/ /shar sgor lhag par gnas par bya/ /de nas 'khor lo can mchod nas/ /bla ma byang chub gsol ba la/ /slob mas me tog thal mo ni/ /snying gar sbyar byas gsol ba gdab/ /slob dpon khyod ni dgongs su gsol/ /dga' chen khyod bdag ston pa ste/ /byang chub chen po'i tshul brtan pa/ /mgon po chen po bdag 'tshal lo/ /dam tshig de nyid bdag la gsol/ /byang chub sems kyang bdag la gsol/ /sangs rgyas chos dang dge 'dun te/ /skyabs gsum bdag la stsal du gsol/ /thar pa chen po'i grong mchog tu// mgon pos bdag ni gzhug tu gsol/ /sangs rgyas dang byang chub sems dpa' thams cad bdag la dgongs su gsol/ /bdag che ge mo zhes bgyi ba/ dus 'di nas bzung ste/ /ji srid byang chub kyi snying po la mchis kyi bar du/ byang chub sems ni bla na med/ /dam pa bdag gis bskyed par bgyi/ /deng nas bzung ste sdom pa ni/ /sangs rgyas rnal 'byor 'byung ba gzung/ /rdo rje rigs mchog chen pa la/ /rdo rje dril bu phyag rgya yang/ /yang dag nyid du gzung bar bgyi/ /slob dpon dag kyang gzung bar bgyi// rin chen rig mchog chen po yi/ /dam tshig yid du 'ong ba la/ /nyi ma re re lan drug tu/ /sbyin pa rnam bzhir rab tu sbyin/ /pad+ma'i rigs chen dag pa ni/ /byang chub chen po 'byung ba la/ /phyi dang gsang ba theg gsum pa/ /dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pa/ /dam pa bskyed bar bgyis nas ni/ /sems can kun gyis don gyi phyir/ /sdom pa ma lus gzung bar bgyi/ /ma sgral ba rnams bsgral bar bgyi/ /ma grol ba rnams bdag gis dgrol/ /dbugs ma phyin rnams dbugs 'byung zhing/ /mya ngan 'das la dgod par bgyi/ /slob ma dang ni bla ma yis/ /dang por lan gsum brjod nas ni/ /de nas gsang sngags rig pa yin/ /so shing la sogs sbyin par bya/ /srid du sor ni bcu gnyis pa/ /'o ma'i shing las byung zhing sor/ /ma gas rtse mor me tog bcas/ gsang sngags 'di yis 'cha' ru gzhug a oM badzra hA sa haslob ma la/ /sngags 'di yis ni steng du gzhug/ aoM badzra tik+Sh+Na? baM/ bu mos skud la gsum bsgril ga /mdud gsum mngon par legs sngags pa'i/ /gsang sngags 'di yis rang nyid kyis/ /dpung pa g.yas la bcing par bya// aoM bud+ha mai tri rak+Sha rak+Sha sarbaM swAhA/ /de nas bla mas de'i snying ga/ lkog ma spyi bo rim bzhin du/ /rdo rje de bzhin par 'khor lo/ /yi ge gsum gyis sprul pa bsam/ /slar yang dri chu yig gsum gyis/ /bzlas shing legs par 'dus byas pa/ /da? nyid rig pas gsang sngags 'dis/ /sdig pa sbyang phyir 'thung du gzhug /aoM shud+d+ha d+harmma sarba pA pa pa na sya bi sho d+ha ya sarbba bi kalpAn ya pa na ya hUM/ /de nas slob ma de nyid ni/ /de nyid rtogs la de nyid don/ /dran bya'i phyir dang rnam g.yeng ba/ /zhi bar bya phyir dam chos bstan/ /sangs rgyas rnams kyis chos bstan pa/ /bden pa gnyis la yang dag brten/ /'jig rten kun rdzob bden pa dang/ /dam pa'i don du bden pa'o/ /zab mo nyid ni rnam mi rtog/ rgya che sangs rgyas rnams kyi sku/ /zab dang rgya che zhes grags pa/ /bden pa gnyis zhes bya bar bshad/ /kun rdzob dang ni dam pa'i don/ /rnam 'byes so sor shes nas ni/ /phyi nas slar yang bsreg bya ste/ /go 'phang zad pa med pa sgom/ /de yis kun tu kun las kun/ /rnam kun kun tshe rang nyid ni/ /sangs rgyas thams cad rang bzhin du/ /grub par rang nyid kyis mthong 'gyur/ /byang chub sus kyang byin ma yin/ /su yis kyang ni bzung ma yin/ /rang chos yongs su shes pa las/ /de la sangs rgyas sangs rgyas brjod/ /sems can bag la nyal dbye bas/ /yang dag mgon pos de nyid ni/ /'bad pas sbas nas phung po ni/ /rin chen za ma rtog tu bzhag /de phyir bla ma'i zhabs byin? ni/ /drin gyis 'bad pas rtogs byas te/ /de nyid kyis yid gsal gyur pas/ /de nas spyod par rab tu bya/ /'di na gtsang sgra nges sdom med/ /dka' thub med cing dka' spyad med/ /dka' spyad med cing nges med la/ /bde ba bsten pas 'grub par 'gyur/ /dkyil 'khor dam pa mthong nas ni/ /bskal pa bye ba mdza' yas su/ /sngan chad sdig pa gang byas pa/ /de dag thams cad zad par 'gyur/ /de skad yang dag bstan byas nas/ /ku sha bting bar nyal du gzhug /mtshan mo mthong ba gang de kun/ /bdag la smros shig ces bstan bya/ /nang par dge mi dge thos nas/ /dge ba slar yang spel bar bya/ /mi dge dge ni rmi lam bdag /med pa'i gtam gyis rnam par spyad/ /slob ma lhag par gnas pa'i cho ga'o// //lus dang ngag sems bsgoms pa yis/ /shes rab can gyis thig skud ni/ /sar pa legs par bsgril gyur pa/ /chad legs mdzes pas thig gdab bya/ /zhes bya ba ni bstan pa'i tshig go/ mdo 'di'i bshad pa rgyas par brjod par bya ste/ /thig skud dkyil 'khor gnyis 'gyur te/ /sbom min de bzhin phra ba min/ /ji lta ji ltar sangs rgyas lnga'i/ /bdag can mdog lngas kha bsgyur ba/ /sa bon de des bzlas gyur pa/ /snod ni gtsang mar bzhag par bya/ /sngags pa mi bskyod sbyor ldan pas/ /rtag pa'i rnal 'byor pa la sbyin/ /sa bon lnga yis bzlas pa de/ /slob mas blangS nas 'gro bar bya/ /hUM aoM swA A:hA sa bon lnga yis bkug nas ni/ /thig shes bla mas thig rnams ni/ /zer lnga'i bdag nyid can bsgoms nas/ /sngags dang ldan pas bsgril bar bya/ /aoM dipta driSh+Ti aM ku sha dzas arba d+harmmAlor sgyur sgeg ldan slob mar/ /bcas pas 'khor lo mchod pa'i mthar/ /slar yang mkha' la thig gdab bya/ /slob dpon rang rnal 'byor can dza:/ /yig las nyi zla'i mig can gyur/ /dzalte gnas thig skud drangs byas te/ /khu tshur g.yon pas bzung byas nas/ /sngags 'dis sngar bzhin tshangs skud sogs/ /do ni rim bzhin mkha' la gdab/ /aoM badzra sa ma ya sU traM mA ti kra ma hUM/ hUM aoM swA A:hA/ drangs nas sngags pa cho ga shes pa ni/ /slob bcas rdo rje'i 'gros kyis 'gros dal ba/ /byas pas mkhar gnas thig ni dzi lta ba/ /de bzhin sa la gnas pa gdab par bya/ /zur bzhi pa la sgo bzhi pa/ /rta babs bzhis ni brgyan gyur pa/ /thig bzhi dang ni yang dag ldan/ /ka ba brgyad kyis nye mdzes shing/ /dra ba dra ba phyed pas spras/ /rdo rje nor bu zla phyed can/ /sgo 'khyud kyi ni mtshams rnams su/ /rdo rje rin chen rnams kyis spras/ /ka bum rdo rje chen po can/ /mda' yab la gnas bya dang ldan/ /dril bu ba ngan gyis mdzes la/ /rnga yab sogs kyis rnam brgyan pa'o/ /nam mkha' la thig gdab pa'i cho ga'o/ /de nas tshon rtsi kha dog lnga/ /legs par 'dus byas blangs nas ni/ /dzasba bar bya / rtag pa la sogs so sor ni/ /rim bzhin dkar la sogs mdog can/ /phyag rgya bzhi dang ldan pa rnams/ /bltas nas rang yig gis bsngags te/ /cho ga shes pas gsang sngags ni/ /'di yis slar yang mngon sngags nas/ /dri dang me tog sogs mchod de/ /snod ni sar par bzhag par bya/ /aoM badzra tsi tra sa ma ya hUM/ tshon sna lnga'i cho ga'o// //de nas nang bar dus su ni/ /rang gi lha yi sbyor ldan dang/ /rdo rje can gyis dbang ldan phyogs// brtsams nas khu tshur g.yon pa yis/ /ri mo sgo yaM nyi shu'i cha/ /dkar dang de bzhin ser dang dmar/ /ljang dang de bzhin sngon po ni/ /snyoms par yang dag dgye bar bya/ /shar phyogs re'u mig dkar po ste/ /lho ni ser por ru 'gyur ro/ /nub ni dmar por rig par bya/ /byang ni ljang gur 'gyur ba ste/ /dbus kyi re'u mig gang yin te/ /anda rnyil mtshungs 'od can 'gyur/ /rnam dag blo yis byang chub tu/ /sems bskyed nas ni thams cad bya/ /sgo dang mnga' yab la sogs pa'i/ /thod le kor gyi thig bshad pa/ /kun ni tshon 'gyed rim pa yis/ /sna tshogs tshon gyis dgye bar bya/ /'phras pa yis ni mu ge byed/ /de bzhin chad pas tshe zad pa'o/ /yon pos yul nas 'byung ba ste/ /shin tu sbom pas de bzhin no/ /de nyid bsam min sbyor ldan la/ /tshon rtsi 'gyed pa'i skyon gang dag /de nyid bzang bsam sbyor ldan la/ /nam yang bgegs byed nus ma yin/ /dkyil 'khor yang dag ji bzhin du/ /rab tu brtag par su yis nus/ /rang lhag lha yi rnal 'byor gyis/ /dkyil 'khor brtag par 'grub par 'gyur/ /tshon dgyed pa'i cho ga'o// //rang lhag lha yi sbyor ba yis/ /rdul tshon bya ba rdzogs nas ni/ /de nas cho ga mthong ba yis/ /las kyi phyag rgya dgod par bya/ /de'i dbus su rdo rje ni/ /anda rnyil mtshungs 'od can bri/ /shar du 'khor lo chen po ni/ /rdo rje 'bar bas brgyan pa'o/ /lho ru rin chen chen po ni/ /me stag 'thibs pa 'khrug pa'o/ /nub tu pad+ma chen po ni/ /pad+ma rA ga mtshungs 'od can/ /byang du ral gri chen po ni/ /'od zer 'bar mtshungs gsal ba'o/ /shar gyi grwa ru mig sprin gyi/ /dbus dang mtshungs pa'i 'od can bri/ /lho yi grwa ru rdo rje ni/ /mA ma kI'i rigs byung ba'o/ /nub kyi grwa ru pad+ma ni/ /kha byed sdod bur bcas pa bri/ /byang gi grwa ru autpa la/ /sprin sngon lta bur mdzes pa bri/ /phyi rol gyi ni mtshams bzhi ru/ /blo dang ldan pas rim gyis ni/ /me long de bzhin pi wang dang/ /dri yi dung? phor ro snod dgod/ /shar gyi snam bur klu shing gi/ me tog dang ni 'khor lo dgod/ /brtul zhugs can gyis lhor rin chen/ /de bzhin rin chen ser po dgod/ /phyi nas nub tu pad+ma dang/ /de bzhin pad+ma dmang? po dgod/ /byang du mkhas pas ral gri dang/ /ral gri sngo bsangs dgod par bya/ /shar gyi sgo ru tho ba ni/ /'bar ba 'od bzang bri bar bya/ /lho ru dbyug pa rdo rje ni/ /'bar ba 'od bzang dri bar bya/ /nub tu pad+ma ral gri ni/ /'bar ba'i 'od kyi 'byung gnas bri/ /byang du rdo rje 'khyil pa ni/ /rdo rje can gyi rdo rje bri/ /me yi mtshams su ral gri bri/ /bden bral du ni zhags pa bri/ /rlung du ral gri bri bar bya/ /dbang ldan du ni ral gri bri/ /steng du gtsug tor mtshan ma bri/ /bris nas 'og du zhags pa bri/ /thugs kyi dkyil 'khor dam pa ni/ /yongs su gsal bar shes par bya/ /lus dang ngag dang sems dag gis/ /mchod pas 'bad de mchod par bya/ /bu mo mdangs 'od legs chags pa'i/ /lo ni bcu drug lon rnyed nas/ /dri dang me tog dkris byas te/ /de dbus su ni 'dod pa bya/ /shes rab can gyis mA ma kI/ yon tan ska rags can de byin/ /brlabs nas sangs rgyas gnas zhi mkha' i/ /dbyings ni rgyan pa dbyung bar bya/ /mi bskyod la sogs de bzhin gshegs/ /byang chub sems las bsgrubs pa ni/ /thugs rje'i bdag gis sdang rmongs sogs/ /spyod pa'i sems can gzigs nas ni/ /sangs rgyas rdzu 'phrul ska rags can/ /mdzad chos 'khor rab bskor nas/ /ting nge 'dzin des de dag gi/ zhe sdang la sogs yongs sbyangs te/ /mchog tu dga' ba'i sku mnga' rnams/ /rang rang bzhin du gshegs nas ni/ /slar yang byon par bzhed pa rnams/ /ji ltar bzhed pa bzhin du bzhugs/ /de nas rang bzhin shes rnal 'byor/ /pa yis slob ma dbang bskur phyir/ /gus pas rgyal ba de dag kun/ /slar byon ched du bskul bar bya/ /lha yi thugs kar ye shes kyi/ /rdo rje phra mo bsgoms byas nas/ /slar yang de yi thugs kar ni/ /ting 'dzin zhes bya rnam par sgom/ /bdag nyid sems dpa' gsum las byung/ /'od zer lcags kyu'i rnam pa yis/ /sems dpa' gsum po bkug nas ni/ /rim pa bzhin du lha rnams la'o/ /de ltar thugs ni bskul byas nas/ /de bzhin gshegs rnams drang byas te/ /thams cad mkha' la gnas byas nas/ /tshigs bcad 'dis ni gsol ba gdab/ /khams kyi snying po gcig pu ma rungs bdud/ /rab tu bcom zhing 'gro ba ma lus pa'i/ /rang bzhin mngon sum mdzad pa rang bzhin ni/ /'gro ba mdza' yas rang bzhin kun gshegs shig de nas se gol rdo rje yis/ /phyag rgya chen po'i rang bzhin rnams/ /gsang sngags 'di yis bkug nas ni/ /aoM badzra sa ma ya dza:dza:dza:dza:dam tshig lcags kyus bskul gyur pa'i/ /sangs rgyas thams cad byon nas ni/ /sems can dbang rnams bskur slad du/ /dkyil 'khor 'di la bzhugs par gyur/ /de nas rnal 'byor dbang dga' pas/ /dngos su sangs rgyas rnams mthong nas/ /rgyas btab mchod yon gyis mchod de/ /dril bur bcas pas bstod par bya/ /mi bskyod rdo rje ye shes che/ /rdo rje dbyings te mkhas chen po/ /rdo rje gsum mchog dkyil 'khor gsum/ /gsang ba sgrogs khyod la phyag 'tshal/ /rnam par snang mdzad dag pa che/ /rdo rje zhi ba dgyes chen po/ /rdo rje rang bzhin gyis 'od gsal/ /chos ston khyod la phyag 'tshal lo/ /rin chen rgyal po rab tu za ba/ /nam mkha' rdo rje mkha' dri med/ /rang bzhin gyis dag gos pa med/ /rdo rje'i sku khyod la phyag 'tshal/ /rdo rje mi 'chi rgyal po che/ /mi rtog nam mkha' rdo rje 'dzin/ /'dod chags pha rol phyin pa brnyes/ /gsang ba gsungs khyod la phyag 'tshal/ /don yod rdo rje rdzogs sangs rgyas/ /re ba thams cad yongs skor mdzad/ /rang bzhin dag pa las byung ba/ /rdo rje sems dang 'khyod phyag 'tshal/ /gang zhig bstod pa'i rgyal po 'dis// de bzhin gshegs rnams la bstod pa/ /de la sangs rgyas rdo rje sems/ /rang nyid grogs por nye bar gnas/ /de nas rnal 'byor pa yis ni/ /'dod yon lnga yis mnyes par bya/ /nang gi sbyin sreg byas nas ni/ /'di skad brjod cing gtor ma btang// a oM da sha dika bya bas+thi ste b+hyaa d+hiSh+ThA ne na/ aoM Abskor ba byas nas 'khor lo yi/ /sgo ni dbye ba brtsam par bya/ /nub phyogs kyi ni sgor gnas te/ /g.yon brkyang stabs kyis rol bzhin du/ /zlos shing rdo rje hUM mdzad kyi/ /phyag rgyas shar sgo dbye bar bya/ /aoM badzra autg+ha ta ya sa ma ya pra pe sha ya hUM/ /de bzhin byang gi phyogs gnas shing/ /khro bo'i lta bas de bzhin du/ /zlos shing lho sgo phye nas ni/ /sngar gyi phyag rgya dgrol bar bya/ /shar gyi phyogs gnas rnal 'byor pa/ /de bzhin nub tu mngon phyogs pas/ /chu lha'i sgo ni phye byas nas/ /khro bo phyag rgya dgrol bar bya/ /de bzhin lho phyogs su gnas shing/ /byang phyogs la ni sngar bzhin pas/ nor byin gyis byin brlabs pa'i sgo/ /phye nas de bzhin gzung ba dang/ /de nas slob ma gzung bya'i phyir/ /rang nyid thal mo sbyar ba yis/ /bden pa'i byin brlabs sngon 'gro bas/ /'khor lo che la gsol ba gdab/ /rang bzhin 'od gsal byung ba'i/ /rdo rje sems dpa' bde ba che/ /gzugs brnyan dang yang 'dra ba nyid/ /dkyil 'khor yang ni de dang 'dra/ /de ltar bden pas slob ma ni/ /sems kyi dkyil 'khor la zhugs shing/ /sdig dang bral rnams 'khor lo las/ /rdzu 'phrul ma lus mthong bar 'gyur/ /'di de rdo rje snying po ste/ /rdo rje ye shes sgrub byed pa/ /de bzhin gshegs kun pho brang du/ /bdag gis slob ma gzhug par bgyi/ /zhugs la de bzhin gshegs rnams kyis/ /chos kyi dbyings kyi byin rlabs dang/ /dam tshig kyang ni spros pa las/ /phun sum tshogs kun stsal du gsol/ /shar gyi sgo ru bkug nas ni/ /bum pa'i chu yis yang dag par/ /byas te gdong g.yogs blangs ni/ /gsang sngags 'di yis de bcing bya/ /aoM tsak+Shu band+haM pa ra ma ta na ya hUM/ /aoM pra bi sha b+ha ga bA na ma hA su kha mok+Sha su raM sarba sid+d+hi su khaM pa dam+bar ma su kha aut+ta ma sid+d+hya? dza:hUM baM ho:pra sid+d+hya swA hA// de nas slob ma la dri bya/ /kye rab dga' la dga' khyod su/ /de nas slob mas kyang brjod bya/ /bde ba chen po bdag skal bzang/ /rkang pa mnyam pas 'dug gyur cing/ /thal mo sbyor ba'i slob ma la/ /tshigs su bcad pa 'di brjod cing/ /slar yang semS skyed sbyin par bya/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang/ /sangs rgyas byang chub yid la gzung/ /de nas slob ma de nyid ni/ /phyag bzhi byed du gzhug par bya/ /dang po mi bskyod dbang byas nas/ /rdo rje thal mo mdzes sbyar te/ /gsang sngags 'di ni brjod bzhin du/ /lag pa brkyang nas phyag rgya'o/ /aoM sarbba ta thA ga ta pU dza au pas+tha nA ya At+ma naM ni rya ta yA mi sarba ta thA ga ta badzra satwa a d+hiSThi mi/ /rin chen 'byung ldan dbang byas te/ /thal mo snying gar slar phab nas/ /sngags pas gsang sngags 'di yis bu/ /rab tu phyag ni 'tshal du gzhug /aoM sarbba ta thA ga ta pU dza a b+hi She ka ya At+ma ni ni rya ta yA mi sarba ta thA ga ta badzra ratna a b+hi Shiny+tsa maM/ de nas 'od dpag med pa yi/ /dbang du byas nas bla ma yis/ /slob ma dpral bar thal sbyar pa/ /gsum pa'i sngags bzlos bdud du gzhug /aoM sarba ta thA ga ta pU dza pra barta nA ya at+ma naM ni rya ta yA mi sarba ta thA ga ta badzra d+harmA pra barta yA mi/ /de nas don yod ces bya ba'i/ /dbang byas thal mo snying ga ru/ /phab nas blo ldan gyis sngags 'dis/ /phyag 'tshal bzhi pa byed du gzhug/ aoM sarba ta thA ga ta pU dza karma Ne at+ma ni ni rya ta yA mi sarba ta thA ga ta badzra karma ku ru maM/ /deng khyod de bzhin gshegs pa thams cad kyi rigs su zhugs kyis/ /de'i phyir ngas khyod la rdo rje'i ye shes bskyed par bya ba yis ye shes gang gis de bzhin gshegs pa thams cad kyi dngos grub kyang thob par 'gyur na/ dngos grub gzhan lta smos kyang ci dgos/ khyod kyis dkyil 'khor ma mthong ba'i mdun du rjod par mi bya'o/ /khyod dam tshig nyams par gyur ta re zhes pa dang/ /sa ma ya stwaM zhes brjod nas/ sems ma rdo rje 'dzin byed cing/ /me tog phreng rtser 'dzin de la/ /mna' ni dang por bsgag par bya/ /de nas phyag rgya de nyid ni/ /slob ma'i spyi por bzhag byas te/ /slar yang rdo rje mna' yis ni/ /'di skad brjod cing bstan par bya/ 'di ni khyod kyi dam tshig rdo rje ste/ gal te khyod kyis 'ga' zhig la smras na spyi bo 'gas par byed do/ /slar yang bla mas slob ma yi/ /snying gar phyag rgya bkod nas ni/ /lam gsum bar du slar rdo rje/ /mna' dang sngags 'dis bskul par bya/ /rdo rje sems dpa' nyid rang dang/ /khyod kyi snying la yang dag bzhugs/ /gal te tshul 'di smras gyur na/ /dran nas skad cig de la ga sh+ye/ /de che rdo rje chu dung chen/ /gnas shing yig gsum 'dus byas pa/ /de blangs mna' yis mthung du gzhug /'di ni khyod kyis dmyal ba'i chu/ /dam tshig nyams pas bsreg par byed/ /dam tshig bsrungs na dngos grub ster/ /bdud rtsi lnga yi chu 'thungs shig/ aoM badzra au da kaThA:slob ma rdo rje chu 'thungs pa/ /'bad pas lag pa nas bzung ste/ /tshig gsal smra zhing 'di skad du/ /mna' sngon 'gro bas sgrog par bya/ /deng nas bzung nas nga khyod kyis rdo rje sems dpa' yin gyi/ gang ngas 'di gyis shig ces smras pa de thams cad bya dgos so/ /khyod kyis nga la brnyas par ma byed cing/ khyod yang nga ba ma spangs pas 'chi ba'i dus byas dmyal bar ltung bar gyur ta re/ de nas slob ma mnyam gzhag pas/ /dngos grub thams cad rab bsgrub cing/ /rang la dbab phyir slob dpon gyis/ /gsungs pa'i tshig ni rjes su bzla/ /de bzhin gshegs pa thams cad kyis kyang byin gyis rlobs shig/ rdo rje sems dpa' dbab par mdzad du gsol/ /spyi bo nas ni rkang pa'i bar/ /lus can khong stong du bsams nas/ /de yi 'og tu rlung dang ni/ /bcas pa me yi dkyil 'khor bsgom/ /de yi steng du yi ge dzhai:/ /kha dog dmar po rnam par bsgom/ /de byung 'od zer tshogs kyis ni/ /brtul zhugs can kyis lus po sbyang/ /de ltar 'od gsal bar byas nas/ /ldang bar bya phyir mkhas pa yis/ /snod kyi snying mgrin mgo bo la/ /hUM A:hA:zhes bya ba dgod/ /de bzhin gshegs pa dbab don du/ /'bab byed phyag rgya bcas nas ni/ /snod kyi snying gar bzhag byas te/ /gsang sngags 'di ni brjod par bya/ /'di khyod dam tshig rdo rje ste/ /rdo rje sems dpa' zhes bya ba/ /'bab mdzod dang du khyod la ni/ /rdo rje ye shes bla med 'byung/ /aoM badzra A be sha ya:a:a:a:a: de lta'ang gal te mi 'bab na/ /gsang sngags bstan po 'di brjod cing/ /de nas yi ge a zer gyis/ /ye shes chen po bskul bar bya/ /A be sha ya stwaM b+ha ya ra ra ra ra tsa? la ya tsa la ya hUM ha:a:dza:snying 'dar dga' ba che ba dang/ /brgyal ba dang ni gar byed dang/ /'gyel dang gyen du 'phar ba ni/ /babs pa'i mtshan nyid du shes bya/ /snod ni rgyas par mthong nas su/ /a yig lce la dgos par bya/ /yi ge brgya las brtan byas te/ /sngags kyi me tog phreng ba dog tiSh+Tha badzra Di Dho me b+ha ba h+ra di ya me a d+hi tiSh+Tha sarba sid+d+hiM me pra yats+tsha hUM ha ha ha ha ho:aoM A khaM bI ra hUM pra tits+tsha ku su ma any+dza li nA tha ho/ /rigs kyi dbye ba mkhas pa yis/ /me tog babs pa shes gyur nas/ /sngags dang bcas par byas nas mgor/ /phreng ba dgod pa sbyin par bya/ /aoM pra ti gri h+na stwaM ai mi satwa mahA ba la/ aoM gyis mnan pa'i mgal? ni/ /slob mi sngag dang bral ba la/ /brtul zhugs bzang pos sngags 'di yis/ /gdong g.yogs rab tu dgrol par bya// rdo rje sems dpa' rang nyid dang/ /khyod kyi mig ni 'byed par brtson/ /rdo rje mig ni bla med pa/ /thams cad spyan gyis 'byed par mdzad/ /de ring dad pa'i shugs kyis ni/ /dkyil 'khor 'di la blta bar gyis/ /khyod ni sangs rgyas rigs su skyes// gsang sngags chen po byin gyis brlabs/ /he badzra pA sh+ya/ de nas blo dang ldan pa yis/ /dkyil 'khor rim bzhin bstan par bya/ /lha ni sum cu gnyis rnams kyi/ /rang gi ngo bo 'ang bstan par bya/ /'phags pa'i bden bzhi ngos bzhin 'gyur tshangs pa'i gnas ni grwa yin no/ /bsdu ba'i dngos po zhes bya sgo/ /bzhi yi ming can re re ste/ /dad pa'i dbang po la sogs sems/ /rnam pa lnga po yang dag 'byung/ /rdzu 'phrul rkang pa sgo khyud ni/ /bzhi ste de yang rnam pa bzhi/ /de yi dbus kyi 'khor lo gang/ /dkyil 'khor brgyad kyis gzhal pa ni/ /rnam par thob? pa brgyad yin te/ /dngos grub thams cad sgrub byed pa'o/ /'phags lam yan lag brgyad pa ni/ /ka pa brgyad ces bya bar bshad/ /sangs rgyas kun gyi khang chen du/ /thams cad tshe na/ ka bar 'gyur/ /chos dang de nyid don gyi brda/ /'khor lo'i nang gi dkyil 'khor ro/ /thugs kyi dkyil 'khor 'di de ni thar pa chen po'i grong khyer mchog /de nas 'khor lo'i bdag bo nas/ /brtsams te snod mdzas mthar thug lha/ /ji bzhin de nyid du gnas rnams/ /rdo rje can gyis slob ma bshad/ /phung po lnga yis rang bzhin du/ /sangs rgyas lnga rnams rab bstan bya/ /spyan ma la sogs lha mo bzhi/ /sa la sogs pa'i rang bzhin/ /de bzhin 'dod yon lnga'i ngo bor/ /gzugs rdo rje la sogs pa'o/ /mig la sogs pa'i rang bzhin du/ /sa yi snying po la sogs so/ /lag sogs ngo bor khro dbang po/ /gshin rje dgra sogs bstan par bya/ /de nas lus 'khor la gnas pa/ /sangs rgyas mi bskyod sogs rim bzhin/ /phyi rol 'khor lo bstan nas ni/ /slob ma dbang bskur yang dag brtsam/ /slob ma gzhug pa'i cho ga'o// //chu yi dbang bskur grub bya'i phyir/ /shar gyi phyogs dang dbang ldan du/ /sngags pas dkyil 'khor khrud pa/ /gru bzhi pa la sgo bzhi pa// rim gnyis pa bri de nas de'i/ /dbus su sna tshogs pad+ma ni/ /tshon dkar ba dang de bzhin du/ /dmar dang nag po dag gis bya/ /ra ba gsum ni byas nas su/ /phyag rgya bzhi dag dgod par bya/ /lte bar rdo rje sprin nag dang/ /mtshungs pa'i 'od can bri bar bya/ /shar du 'khor lo gshin rjer ni/ /rin chen nub tu pad+ma ni/ /ge sar bzang po nor sbyin du/ /ral gri bris nas bum pa dgod/ /khrus kyi dkyil 'khor gyi cho ga'o// //lha yi snyems pa 'dzin pa yi/ /slob ma phreng ba'i dbang bskur ba/ /byas te dkyil 'khor drung bkug nas/ /pad+ma'i dbus su bzhag byas te/ /slob dpon tshogs dang bcas pa yis/ /bkra shis tshigs su bcad pa ni/ /'dod cing bum pa rnams blangs la/ /rdo rje slob mas/ dbang bskur bya/ /til gyi gang bu ltar gang ba'i/ /rgyal ba bum pa 'dzin rnams kyis/ /de ring khyod la dbang bskur gyis/ /de ltar shes nas yid bder gyis/ /dbang bskur ba'i ni rdo rje che/ /khams gsum pa yis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /aoM ma hA su kha badzra satwa a b+hi Shiny+tsa mi sarba ta thA ga ta a d+hi pa ti twe no pa ti Di Dho me b+ha ba/ rdo rje'i rigs mchog bdag po kun gyi bdag nyid can/ /'gro ba ma lus bskyed par mdzad cing bde ba che/ /'gro ba mdza' dag snying la zhugs pa'i bkra shis gang/ /bkra shis de ni deng du dbang bskur mchog che khyod la shog /mgon po mi bskyod pa zhes bya bar mtshan 'dzin pa/ /skye tshogs zhe sdang zil gyis mnan pa sbyong mdzad cing// rdo rje rigs mdza' dag dang ldan pa'i bkra shis gang/ /bkra shis de ni deng du dbang bskur mchog che khyod la shog/ rnam par snang mdzad rtag tu srid pa'i sdug bsngal sel/ /skye tshogs gti mug gis zil mnan pa spyod mdzad cing/ /gti mug rigs mdza' dag dang ldan pa'i bkra shis gang/ /bkra shis de ni deng du dbang bskur mchog che khyod la shog /dbul ba'i sdug bsngal las ni yongs su thar ltur len/ /skye tshogs nga rgyal gyis zil mnan pa sbyong mdzad cing/ rin chen rigs mdza' dag dang ldan pa'i bkra shis gang/ /bkra shis de ni deng du dbang bskur mchog tshe khyod la shog/ 'jig rten dbang phyug srid pa'i gzeb ni 'jems mdzad pa/ /skye tshogs 'dod chags gyis zil mnan pa sbyong mdzad cing/ /pad+ma'i rigs mdza' dag dang ldan pa'i bkra shis gang/ /bkra shis de ni deng du dbang bskur mchog tshe khyod la shog/ rdzun smra dga' ba rnams la rtse ba'i bdag nyid can/ /de spyod thabs gsung ba yis de dag mi bslu ba/ /las kyi rigs mdza' dag dang ldan pa'i bkra shis gang/ /bkra shis de ni deng du dbang bskur mchog tshe khyod la shog /rdo rje khyod deng sangs rgyas rnams kyis dbang bskur bas dbang bskur/ aoM A:badzra a bi Shiny+tsa hUM su ra ta stwaM/ /chu'i dbang bskur ba'o/ /chu yi dbang bskur thob gyur cing/ /khrus kyi dkyil 'khor nas byung ste/ /dkyil 'khor chen po'i ngos nas ni/ /rgyan ni rab tu blang bar bya/ /gos dmar 'dzin par gyur nas ni/ /rgyan po'i rgyan gyis brgyan gyur cing/ /gdugS ni dkar po bzung gyur pa// glu 'dis dga' ba skyes par gyur/ /bde ba chen po chags chen po/ /rdo rje chen po nor po che/ /shes rab chen po dga' bo che/ /rdo rje sems bdag deng 'grub shog /sangs rgyas kun gyi 'khor lo che/ /dngos grub kun gyi bde ba stsol/ /dbang bskur thams cad don thams cad/ /rdo rje dbang bskur bla na med/ /dang po'i sangs rgyas don dam sku mnga' rgyal gyur cig /'dod khar nor dang chos gsol mdzad pa rgyal gyur cig /ye shes lnga yis rab dga' i bde chen rgyal gyur cig /mgon po phyag na rdo rje bde chen rgyal gyur cig/ phyi nas bla mas dkyil 'khor ni/ /'di la bskor ba lan gsum bya/ /de nas shar du de yis bskor/ /'bol stan 'jam la bzhugs pa yi/ /slob la sangs rgyas kun dbang bskur/ /bya phyir bla mas mchod pa byas/ /spyi bo'i gtsug dang dpral ba dang/ /de bzhin mgo bo'i ngos gnyis dang/ /rgyab tu phyag rgya bzhag nas ni/ /gsang sngags 'di dag brjod par bya/ /aoM badzra d+hI twI shwa ri a b+hi Shiny+tsa hUM/ aoM satwa badzri a b+hi Shiny+tsa b+h+rUM/ /aoM ratna badzri a b+hi Shiny+tsa A:aoM d+harmma badzri a bi Shiny+tsa h+rI:/ aoM karma badzri a b+hi Shiny+tsa trAM/ /dbang bskur rim pas sangs rgyas lnga'i/ /cod pan ca ? la dar dbyangs dang/ /byas nas mnyam par gyur pa yi/ /thal mo yis ni mnyes par bya/ /badzra tuSh+ya ho/ cod pan gyi dbang bskur ro// //de nas rdo rje'i dbang bskur ba/ /sbyin phyir tshigs bcad 'di brjod cing/ /rdo rje byin nas dril bu dang/ /lhan cig rdo rje brtul zhugs sbyin/ /'di de sangs rgyas thams cad nyid/ /dngos grub mchog phyir rdo rje long/ /sangs rgyas kun gyis khyod la stsol/ /rdo rje'i brtul zhugs 'grub par 'gyur/ /aoM badzra a d+hi pa ha twaM a b+hi Shany+tsi mi tiSh+Tha badzra sa ma ya stwaM/ /'di de sangs rgyas thams cad nyid/ /rdo rje sems dpa' phyag na gnas/ /khyod kyis kyang ni rtag tu bcad/ /phyag na rdo rje'i brtul zhugs brtan/ /slob ma rdo rje snyems 'dzin cing/ /lha yi snyems pa 'dzin pa yis/ /rdo rje sems dpa' i ting nge 'dzin gyis/ /'di ltar rdo rje gsor bar bya/ /thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje sems dpa' i bdag po'i bdag/ rdo rje 'dzin 'dras de skad du/ /brjod nas rdo rje snying gar bzhag/ slar yang brtan par byed pa'i rgyu/ /gsang sngags 'di skad brjod par bya/ /aoM sarba ta thA ga ta sid+d+hi badzra sa ma ya tiSh+Tha ye Sha dwaM d+ha ra yA mi badzra satwa hI/ /hi hi hi hi hUM/ /rdo rje'i dbang ngo// //de nas bla mas bka' stsal pa// mdun du dril bu blangs nas su/ /tshigs su bcad pa 'di 'don cing/ /rang gi lag gis 'di ltar dkrol/ zla 'dra'i ye shes sku mda' rgyal rnams cod pan 'dzin cing pad+ma zla ba'i gdan la bzhugs/ /gdug pa rnams ni gdul bar bya phyir bsdigs shing khams gsum 'dul mdzad de nyid rdo rje can/ /sangs rgyas rnams sad bya phyir sgra brnyan de bzhin nyid dang chos nyid sgrogs pa'i dril bu can/ /gang la lus pa med pa stong zhing bcom ldan dngos po kun gyi rang bzhin de ni rgyal/ /me long gi ni gzugs brnyan dang/ /rmi lam sgyu ma chu bur dang/ /mig 'phrul 'dra bar sus mthong ba/ /de ni mnga' bdag tu bshad do/ /de nas slar yang dku'i phyogs su/ /khyer nas gnas pa rdo rje ni/ /'dzin pa'i rol pa 'chad bzhin du/ gsang sngaD 'di ni brjod par bya/ /aoM badzra satwa sa ma ya /ma nu pU? la ya/ badzra satwa twe no pa tiSh+Tha Dri Dho ma b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba sarba sid+d+himma pra yats+tsha sarba karma su tsa me tsit+taM sh+re ya ku ru hUM/ ha ha ha ha ho/ b+ha ga bAn sarba ta thA ga ta badzre mA me muny+tsa badzri b+ha ba mahA sa ma ya satwa a:aoM badzra g+haN+Da a:a:bcom ldan khyod ni bzung gyur gyis/ /bdag la byin gyis brlab tu gsol/ /rdo rje dril bu'i dbang ngo/ /gser ram yang na dngul kyang rung/ /snod du bzhag pa'i mig sman ni/ /de yi rang bzhin can thur mas/ /de nyid shes pas sngags 'dis byug/ aoM badzra nai tra badzra a pa ha ra pa Ta laM h+ri:ji ltar mig mkhan rgyal po yis/ /'jig rten gyi ni rab rib ltar/ /bu gcig khyod kyis mi shes pa'i/ /ling tog rgyal ba rnams kyis bsal de nas me long yi ge as/ /mngon par sngags pa blangs nas su/ /tshigs su bcad pa 'di brjod cing /rdo rje slob ma la bstan bya/ /chos rnams gzugs brnyan lta bu ste/ /gsal zhing dag la rnyog pa med/ /gzung du med cing brjod du med// rgyud dang las las yang dag byung/ /rang bzhin med cing gnas med pa'i/ /chos rnams de ltar shes nas ni/ /sems can don ni mtshungs med kyis/ /rgyal ba rnams kyi thugs las skyes/ /me long gi dbang ngo// // mchog sbyin bla mas slob ma la/ /de nas mchog sbyin gyis lung bstan/ /rang nyid de bzhin gshegs gyur nas/ /slob ma rdo rje 'dzin bdag tu'o/ /de bzhin gshegs pa thams cad dang/ /thabs cig tshigs bcad 'di brjod cing// g.yon pas chos gos 'dzin tshul te/ /g.yas pa mchog sbyin phyag rgyar ldan/ /srid pa'i ngan 'gro las bton nas/ /srid pa shin tu dag bya'i phyir/ /rdo rje sems dpa' de bzhin gshegs/ /bdag 'dis khyod lung bstan par bya/ /theg pa bde chen 'di las ni/ /khyed la slar yang 'chi ba med/ /de ring bdud rnams pha ma byas nas/ /grong khyer dam par rab tu zhugs/ /deng du khyed kyis sangs rgyas nyid/ /thob 'gyur 'di la the tshom med/ /gsang sngags rig pas sngags 'di yis/ /slob ma rdo rje'i ming gi dbang/ /slar yang de bzhin gshegs rnams kyis/ /gsung gcig gis ni sbyin par bya/ /aoM badzra satwa twAM a b+hi Shiny+tsa mi badzra nA ma a bi She ka taming gi dbang ngo/ / //tshigs su bcad pa 'di brjod cing/ /'khor lo de bzhin rin chen dang/ /pad+ma dang ni rdo rje yis/ /phyag mtshan dbang bskur sbyin par bya/ /sems can kun la phan dan du/ /'jig rten kun tu thams cad nas/ /gdul bya ji bzhin chos kyi ni/ /'khor lo sna tshogs bskor bar gyis/ /aoM badzra ratna sarba d+harmma bi shud+d+ha dz+nyA na a/ b+hi She ka pra barta aoM aoM aoM/ /sems can kun la phan don du/ /'jig rten kun tu thams cad nas/ /gdul bya ji bzhin 'dod chags ni/ /sbyong ba sna tshogs bstan par gyiS/ /aoM badzra d+harmA sarba d+harmma bi shud+d+ha dz+nyA na rA ga pad+ma da la swab+hA ba h+rIrdo rje yi/ /mchod pa sna tshogs 'jug par gyis/ /aoM badzra karma sarba d+harmA bi shud+d+ha dz+nyA na sarba pU dza swa b+ha ba apar bya/ /khyod kyis srog chags bsad par bya/ /rdzun gyi tshig kyang smra bar bya/ /ma byin par yang khyod kyis blang/ /gzhan gyis chung ma bsten par bya/ /rdo rje dril bu phyag rgya ni/ /nam yang dor bar mi bya'o/ /slob dpon brnyas par mi bya ste/ / 'di ni sangs rgyas kun dang mnyam/ /bla ma sangs rgyas kun mnyam pas/ /slob dpon la ni gang brnyas pa/ /de ni sangs rgyas kun brnyas pas/ /rtag tu sdug bsngal 'thob par 'gyur/ /de phyir sangs rgyas 'bras 'dod cing/ /gus dang ldan pa'i sems can gyis/ /bsam yas 'bras bu stsol ba po/ /'di la 'bad pa kun gyis mchod/ /byang chub go 'phang sla 'am ci/ /srid pa sel bar su yis nus/ /gdal skye shing 'chi ba med/ /gang zhig las gnyis la nus ldan/ /rdo rje slob dpon med par ni/ /nyon mongs thams cad spong ba dang/ /mya ngan 'das zhi go 'phang dang/ /phyir mi ldog pa thob mi 'gyur/ /rang gi dam tshig rtag tu bsgrub/ /rtag tu de bzhin gshegs rnams mchod/ /rtag tu bla ma la dbul bya/ /'di ni sangs rgyas kun dang mnyam/ /thabs dang shes rab ldan sems kyi/ /mi bya ba ni ci yang med/ /rtag tu rnam rtog med gyur nas/ /khyed kyis 'dod pa lnga rnams spyod/ /sangs rgyas kun gyis mthud g+gsungs shing/ /bka' lung dam pa rtag pa yi/ /dam tshig dang ni sdom pa 'di/ /khyod kyis rtag tu bsrung bar bya/ /de ni phyag mtshan gyi dbang bskur ba'i cho ga'o// //de ltar phyag mtshan dbang bskur bas/ /nor ji bzhin du yon mchog dang/ /'bring po dang ni dam pa ste/ rnam gsum lha la dbul bar bya/ /na bza' rin chen bcas mchog dang/ /'bring po na bza' yi ni zung/ /lha yi grangs kyis dbul bar bya/ /tha ma kun la zung cig go /dad dang ldan pa'i cho ga ni/ /sngon 'gro gsang sngags 'dis phul nas/ /de dag yid kyis kyang bya ste/ /glu la sogs pas mngon mchod bya/ /aoM a nut+tar sarba pU dza me g+ha sa mu tra spha ra Na hi maM ga ga na khaM hUM phaT swA hA/ /de nas gsar ba'i mchod pa dang/ /glu dang rol sogs gar dag dang/ /bza' dang btung ba sna tshogs kyis/ /tshogs kyi dkyil 'khor mchod par bya/ /lha la yon 'bul ba'i cho ga'o// //de nas byang chub gsol ba yi/ /bla ma la ni yon dbul bya/ /yul dang yid 'ong chung ma dang/ /rin po che dang gser 'bar dang/ /nor bu mu tig byu ru dang/ /lus po yang ni dbul bas so/ /de nyid mi zad par 'dod pas/ /gang gang ci yang ched yid du/ /'od dang ches khyang 'phags pa nyid/ /de de bla ma la dbul bya/ /slob dpon la ni dam pa ste/ /'bad pa'i sgo nas mchod par 'os/ /'jig rten rjes gzung rgyu nyid kyis/ /de nyid de lta'i gzugs can no/ /gang gis bla ma rdo rje 'dzin/ /tha dad nyid du mthong gyur pa/ /de yi de nyid dngos grub ni/ /tshogs pa'i mtshan nyid can mi 'thob/ /mchod pa thams cad yongs spangs nas/ /bla ma mchod pas yang dag 'byung/ /de mnyes pas ni kun mkhyen pa'i/ /ye shes mchog de thob par 'gyur/ /gang zhig bskal pa bye ba ni/ /brgya phrag tu yang rnyed dka' ba/ /de nyid sangs rgyas brtson ldan la// skye ba 'di la stsol bar mdzad/ /bla ma la yon dbul ba'i cho ga'o// //de ltar yon ni blangs nas su/ /bla ma yi dam mnyes gyur pas/ /slob ma la ni rjes gnang ba/ /mchod pa kun gyis mngon mchod sbyin// sangs rgyas kun gyi spyan snga ru/ /bsdang nas sdig pa kun spangs pa/ /khyod la ngas deng phreng ba sogs/ /dbang bskur ba yis dbang bskur ro/ /da khyod sngags dang rgyud 'dzin cing/ /dkyil 'khor gyi ni slob dpon du/ /sangs rgyas byang chub sems rnams dang/ lha rnaMs kyis kyang yang dag bzhed/ /khyod kyis de nyid bdud rnams pham/ /khyod kyi sangs rgyas thams cad bcom/ /seng ge'i spyod pa spyod bzhin du/ /khyod kyis sems can kun don gyis/ /yang dag pa ni rnams la yang/ /chos rnams kun la ser sna dang/ /san? kun la mi phan gang/ /de ni bu khyod kyis mi bya/ /ji lta ji ltar lam 'di la/ /som nyi za bar mi bya'o/ /sngags kyi spyod tshul dam pa ni/ /mtshungs med khyod kyis bstan par gyis/ /dkyil 'khor bri bar byas nas ni/ /slob ma yongs su bsdu bar gyis/ /dog pa med pa'i sems kyis ni/ /slob ma la dbang bskur bar gyis/ /'jig rten 'jig rten 'das dngos grub/ /brtul zhugs brtan par khyod kyis bsgrubs/ /de nyid rtogs pa'i sems ldan pas/ /de dag thams cad 'grub par 'gyur/ /chos dbyings byin gyis brlab pa dang/ /dam tshig rnams yongs bskyangs pa las/ /rtag tu bla ma gus khyod la/ /las rnams thams cad 'grub par 'gyur/ /de ltar byas pas shes pa ni/ /sangs rgyas la phan 'dogs shes sgrogs/ /de phyir sangs rgyas kun mkhyan pas/ /khyod ni mngon par bsrung bar 'gyur/ /de nas slob ma lus btung cing/ /snying ga'i rten la thal sbyar bas/ /bla ma la ni phyag byas te/ /de kun de bzhin no zhes brjod slob ma la rjes su gnang ba sbyin pa'i cho ga'o// // lha rnams su / dkyil 'khor skyes pa dang/ /bud med dngos pos sprul pa yi/ /ngo bo ru ni rnam par gnas/ /slar yang rang gi lus kyis ni/ /'khor lo rab tu gzhug par bya/ /gzugs sogs phung po'i ngo bo ru/ /rtag pa la sogs rab tu gzhug /sa la sogs pa'i rang bzhin du/ /spyan ma la sogs gzhug par bya/ /mig sogs sbyor ba che rig pas/ /sa snying sogs dang thabs cig tu/ /gzugs rdo rje la sogs pa yang/ /rang gi skye mched la dgod ba/ /lag sogs gshin rje mthar byed sogs bkod nas/ /de nyid ji bzhin cho ga bzhin bstan te/ /'gro ba thams cad 'khor lo'i bdag nyid du/ /mngon sum bltas nas nyer bsdu'i cho ga bya/ /nye bar bsdu ba'i cho ga'o// //mtshan mo nyid? bsdu? byas pa yis/ /slar yang nang par dus su ni/ /rdul tshon thams cad phyag byas te/ /mchod byas chu klung la dor bya/ /de nas g.yon brgyad zhabs gnas pas/ /gsang sngags brjod cing phyogs brgyad na/ /gnas pa'i phur bu skam pa yi/ /phyag rgya yis ni dbyung bar bya/ /aoM badzra kI la ya aud kI la ya sarba big+hwAM badzra d+hara Adz+nyA pa ya hUM hUM phaT phaT ho:/ /phyung ste phyi nas de'i skud pa/ /snod kyi nang du gsang bar bya/ /de nas chu dang tsan dan gyis/ /gsang sngags 'di yis bzhag par bya/ /ao A: hUM satwa ku ru swasti swA hA/ / //de nas sngags pas khro rgyal rnams/ /phyi dang nang gi mchod pa yi/ /mchod pa glu dang gar sogs kyis/ /gtor ma btang bya gshegs su gsol/ /de nas dkyil 'khor sa de ni// ba lang lci bas byugs nas ni/ /sems can dang ni slob ma la/ /phan phyir zhi ba'i sbyin sreg bya/ /phur bu 'byung ba'i cho ga'o// //de bzhin gshegs pa kun zhi ba/ /de bzhin gshegs pa kun gyis gnaS chos kun bdag? med pa yi mchog / dkyil 'khor dam pa bshad du gsol/ /kun tu bzang po sku yi mchog /mtshan nyid thams cad yongs su rdzogs/ /mtshan nyid min pa thams cad spangs/ /dkyil 'khor dam pa bshad du gsol kun tu bzang po gsung gi mchog / zhi ba'i chos ni mcho las byung/ /ye shes spyod pa rnam sbyong ba/ /dkyil 'khor dam pa bshad du gsol/ /sems can kun gyi sems chen po/ /ras? cing rang bzhin dri ma med/ /kun bzang thugs mchog kha lo rgyur?/ / dkyil 'khor bshad pa mdzad du gsol/ /khyod zhabs pad+ma ma gtogs par/ /gtso bo gzhan la skyabs ma mchis/ /'khor ba las ni bsgral ba'i phyir/ /bdag gi dkyil 'khor bri bar bya/ /gang tshe de stong pa'i rgyal po 'dis/ /rdo rje sems bdag bla ma la/ /rdo rje slob mas gsol ba ni/ /'debs tshe dkyil 'khor bri bar bya/ /gsol ba 'debs pa'i cho ga'o// //bla ma'i drin gyis rgyud rnams mthong gyur te/ /de shes rnams dang yang dag rnam dpyad nas/ /cho ga rnam pa nyi shud rnam phye ste/ /gsal zhing mdor bsdus tshig rgyun 'dis bshad nas/ /deng du bsod nams phung po dpag tu med pa gang bsags pa/ /des ni skye tshogs rdo rje 'dzin pa mchog nyid du gyur cing/ /de nyid kyis na bdag gi grags dang lhan cig klu yi ni/ /byang chub gyis byas rin chen rdo rje mchog 'di ring gnas shog /dpal gsang ba? 'dus pa'i dkyil 'khor gyi cho ga nyi shu pa zhes bya ba slob dpon klu'i byang chub kyis mdzad pa rdzogs sho// // bya sa'i gtsug lag khang du shud kyi ston pa dang ma rdo rjes zhus nas/ /rgya gar gyi mkhan po paN+Di ta chen po ti la ka ka la sha zhes bya ba pha rol tu phyin pa gsang sngags kyi theg pa la sogs pa mdza' dag chub pa'i zhal snga nas dang/ bod kyi sgrang? bsgyur gyi lo tsA? ba chen po dande pa tsab nyi ma grags kyis bsgyur ba'o/ / // */ /rgya gar skad du/ karma an+ta bi b+hang+ga nA ma/ bod skad du/ las kyi mdza' rnam par 'byed pa zhes bya ba dpal rdo rje sems pa la phyag 'tshal lo/

CLOSE WINDOW