བོད་ཡིག

e-texts based on the ACIP/ALL Input

/ //rgya gar gyi mkhan po sh+r'd+d+ha ka ra barmA dang/ /dge slong rin chen bzang pos bsgyur cing zhus te gtan la phab pa'o// //rgya gar skad du/ mar ma bi d+hi/ bod skad du/ ro bsreg pa'i cho ga/ dpal rdo rje sems dpa' la phyag 'tshal lo/ /thams cad stong pa 'od gsal ba/ /gnyis med zhe sdang rdo rje gtso/ /srid pa'i rgya mtsho'i gru gyur la/ /gus pas rab tu phyag 'tshal lo/ /las las skyes pa'i sems can rnams/ /tshe 'das sdig pa sbyang ba dang/ /srid pa'i gzeb las bsgral ba'i phyir/ /dpal ldan 'dus pa'i ro sreg brtsam/ /dgon pa chen po'i sa phyogs sam/ /me tog 'bras bu la sogs brgyan/ /ri bo dben pa'i sa phyogs gang/ /slob dpon las la mkhas pa dang/ /las kyi rdo rje dag gis ni/ /de du bsreg pa dag tu gsungs/ /dang por las kyi rim pa dag/ bla ma nyid kyi zhal snga nas/ /tsho gnyer? shur rgyas mdzad pas/ /rim pa bdag gis 'dir ma bris/ /de ltar rim par byas nas kyang/ /sta gon gnas pa'i dus dag tu/ /dag cing byin brlabs gnang bya'i phyir/ /dri dang bdud rtsis bkru ba dang/ /srung skud byin brlabs tshul bzhin bya/ /bdag ? sa bon rnams kyang dgod/ /de nas dkyil 'khor thig gdab ni/ /cho ga nyi shu'i tshul dag tu/ /btab nas me thab bca' bar bya/ /me thab tshad ni pho brang tshad/ /pho brang dkyil 'khor tshad dag ni/ /bdag nyid ji tsam 'dod kyi bar/ / de srid du ni bdag gis bya/ /rdo rjer ba'i zhed tshad du/ /dpangS kyang de bzhin shes par bya/ /zab su khru gang sor bzhi bru/ /ba yi lci bas byug pa dang/ /de ltar byi dor byas nas kyang/ /dang po'i thig so bzung nas ni/ /de bzhin du ni gdab par bya/ /de nas lha ni sum cu gnyis/ /tshul bzhin du ni bri bar bya/ /shing bu dag kyang brtsig par bya/ /slob dpon rig mar bcas pa'am/ /yang na thugs ka las phyung ste/ /rim pa bzhin du bskyed nas kyang/ /dam tshig lha rnam dbyung bar bya/ /yi sheS dkyil 'khor spyan drang dang/ /gzhug dang bcing dang dgyes bskyed nas/ /mchod dbul bstod pa bya ba dang/ /zhugs nas gsol ba bsoD bya/ /rdzogs nas ro ni drang ba'o/ /gdugs dang rgyal mtshan ba dan dang/ /sna tshogs pa yi rgyan byas nas/ / shar sgor bcug ste lan gsum bskor/ /de nas rim bzhin dbang bskur bya/ /dbang bskur zin dang gnas su bzhag /bdag gi byang du kha bltas te/ /cho ga nyi shu'i tshul dag tu/ /mchod rdzas la sogs tshul bzhin bzhag/ bdud rtsi 'khyil pas bsang gtor bya/ /bsil yab kyis ni me spar ro/ /aoM dzwa la dzwa la hUM phaT/ /gtso bo spyan drangs me lha bskyed/ /raM las byung ba'i me lha ni/ /kha dog dkar po 'od zer 'bar/ /spyan gsum ral pa'i thor tshuD can/ /phyag bzhi mchod phyir thogs 'chang ba/ /g.yas pas thob mchog sbyin phyag /g.yon pa guN+De bgrang phreng 'dzin/ /de ltar tshul bzhin byas nas kyang/ /ye shes me lha spyan drangs pa/ /aoM Tak+ki ti ni pA pa ka agna ye Tak+ki ni hUM d zame tog gi'o/ /aoM A:badzra d+hu pe hUM swA hA/ spos me'i'o/ /aoM A:badzra gand+he hUM swAhA/ dri chab kyi'o/ /aoM A:badzra dI be hUM swAhA/ mar me'o/ /aoM A:badzra ne bi dya hUM swAhA/ lha bshos kyi'o/ /aoM A:nA ye swAhA/ mar gyi'o/ /aoM sa ? paM da ha na badzra ya swAhA/ /taM la gyi'o/ /aoM badzra bi dzA ya swAhA/ /dur ba'i'o/ /aoM badzra ma hA be gAya swAhA/ /zhi ba'i 'o/ /aoM badzra ma hA ba lA ya swAhA/ /'bras kyi'o/ /aoM badzra g+hasma re swAhA/ /ku sha'i'o/ /aoM badzra bar tA ya swAhA/ /au dum+ba ra'i 'o/ /aoM bo d+hi brik+Sha ye swAhA/ a shwat+tha'i'o/ /aoM badzra ma tA ya swAhA/ /pa lak+Sha'i'o/ /aoM badzra ku be ra ye swAhA/ /n+ya gro d+ha'i'o/ /aoM badzra ha sa ka rA ya swAhA/ /a ma'i'o/ /me lha'i rgyal po las kyi gtso/ /phrin las kun la snyoms mdzad pa/ /thams cad kun gyi bdag po ste/ /mnyam snyoms khyod la phyag 'tshal lo/ /bstod nas me lhar gsol ba gdab/ /ma lha rdo rje las kyi gtso/ /tshe 'das sems can sbyang ba dang/ /lha rnams tshim par bya ba'i phyir/ /de nyid du ni phrin las mdzod/ /phrin las rnaM pa gnyis zhes bya/ /me lha'i rgyal po'i thugs ka nas/ /ye shes 'bar ba'i me phyung ste/ /tshe 'das sems can mi mthun phyogs/ /rnam rtog bag chags bsreg pa dang/ / lha rnams tshim par bya ba'o/ /rtog pa'i dngos po bsregs nas kyang/ /sgyu ma chu zla lta bu yi/ /rdo rje sems dpar byin gyis brlab/ /rdo rje sems par lha rnams kyi/ /thugs kar ye shes tshul du bzhugs/ /tshim par bya ba'i rim pa dag / dang la mchod yon dbul ba dang/ /sreg rdzas rim pa bzhin du ni/ /rnal 'byor pa yis grub tshad dbul/ /sngags kyi thog mar rang sngags gzhug /thar par gyur pa'i phung po dag /bshad gci'i mthar ni rnam par brtag / de nas bstod dang bsdu ba bya/ /yi ge gsum gyis bsdu pa'o/ /tshe 'das don du bdag gis ni/ /ro bsreg cho ga 'di byas pas/ /'di las dge ba gang thob pas/ /thams cad gnyis med thob par shog /tshe 'das pa yi sems can 'di/ /dbang bskur byang chub sems bskyed nas/ /lha rnams tshim par byas pa dang/ /rtog pa'i dngos po bsreg pa yis/ /bskyed pa'i rim pa mthar phyung ste/ /rdo rje bzlas pa thob par shog /rdo rje bzlas nas rnal 'byor pas// sems la dmigs pa thob par shog / sems la dmigs pa thob gyur nas/ /bdag byin brlab pa'i rim thob shog /bdag byin brlab pa'i rim thob nas/ /'od gsal ba ni thob gyur cig /'od gsal ba ni thob gyur nas/ / chos sku mkha' dang 'dra ba las/ /zung 'jug longs spyod rdzogs pa'i sku/ /sprin lta bu ni 'byung gyur cig /de las sprul sku char lta bus/ /srid pa'i rgya mtshor sprul gyur nas/ /sems can thams cad sgrol bar shog / gsang ba 'dus pa'i ro bsreg gi chog 'phags pa lhas mdzad pa rdzogs sto// //rgya gar gyi mkhan po sh+rAd+d+ha ka ra warmmA las lo tsA ba dge slong rin chen bzang pos bsgyur cing zhus te gtan la phab pa// // bcom ldan 'das gsung gi dbang phyug 'jam dpal ye shes sems dpa' la phyag 'tshal lo/

CLOSE WINDOW