བོད་ཡིག

e-texts based on the ACIP/ALL Input

/ //rnal 'byor chen po'i rgyud dpal gsang ba 'dus pa'i bskyed pa'i rim pa sgom pa'i thabs mdo dang bsres pa slob dpon klu sgrubs kyis mdzad pa'o// */ /rgya gar skad du/ sh+rI guhya sa mA dza ma hA yo ga tan+t+ra autpa te kra ma sA d+ha naM sya sU tre me ba la ka nA ma/ bod skad du/ rnal 'byor chen po'i rgyud dpal gsang ba 'dus pa'i bskyed pa'i rim pa'i bsgom pa'i thabs mdo dang bsres pa zhes bya ba/ dpal rdo rje sems pa la phyag 'tshal lo/ /rnal 'byor chen po'i rgyud dpal gsang ba 'dus pa la rdo rje 'chang chen po la sogs pa'i sgrub pa la rab tu 'jug pa rnams kyi bskyed pa'i rim pa'i ting nge 'dzin nges par bya ba'i phyir mdo dang bsres pa zhes bya ba le'u bcu bdun pa las btus te bsdu bar bya'o/ /de la sgrub pa pos ji skad du le'u bcu gnyis pa las/ dgon pa chen po'i sa phyogs ni/ /me tog 'bras bu sogs pas brgyan/ /ri bo dben pa'i sa phyogs su/ /dngos grub thams cad bsdus pa 'grub ces bya ba la sogs pa rdo rje'i tshig gi tshul gyis rjes su mthun pa'i gnas su sems dpa' i skyil mo krung du 'dug ste/ sems can thams cad la snying rje chen po'i sems bskyed de le'u gsum pa las/ nam mkha' i dbyings kyi dbus gnas par/ /sangs rgyas dkyil 'khor bsgom pa ni/ /'od zer sprin gyi tshogs chen po/ /sangs rgyas 'bar ba'i 'od dang ldan/ 'od zer sna lngas kun tu khyab/ /kun nas yongs su zlum po ste 'dod pa'i yon tan lnga yis brgyan/ /mchod pa rnam pa lngas brgyan pa/ /mdor na de ltar bsgoms nas su/ /gzugs ni dbus su sgom par bya zhes mdor bsdus te gsungs pa de la dang po kho nar byang chub kyi sems rdo rje'i gzugs can? zhes bya ba skyed par bya ba ste/ le'u bco lnga? laS/ rnam bar snang mdzad 'ong 'dra zhing/ /rdo rje sems dpa' rgyal po che/ /sangs rgyas rdo rje gsum 'dzin 'gyur zhes gsungs pa 'dis rdo rje 'chang chen po sku mdog dkar por bdag nyid ji lta ba bzhin mos par bya'o/ /de nas le'u dang po las/ ye shes sgron ma zhes bya ba'i ting nge 'dzin gsungs pa'i tshul gyis mi bskyod pa bskyed pas rjes su zhugs pas zhe sdang rdo rjer gyur nas le'u bcu gsum pa las/ khro bo zhe sdang gnas las skyes/ /gsod la rtag tu brtson pa dag/ sgrub pa mchog gi chos can la/ /gsod pa'i don gyis 'grub par 'gyur zhes gsungs pas yi ge hUM ring po las khro rgyal po bcu phyung la/ /le'u bcu bzhi pa las/ aoM suM b+ha zhes bya ba la sogs pa gsungs pa'i sngags kyis khro bo'i rgyal po gnod mdzes la bka' bsgo bas phyogs bcu'i bgegs kyi tshogs bkug nas le'u bcu gsum pa las/ yi dam bcas brdzogs nas kyang/ /sngags kyi gnas ni bsrung bar bya/ /bsam gtan sbyor ba 'di la ni/ /gnas nas sangs rgyas byin gyis rlob/ /rdo rje bdud rtsi rgyal chen po/ /rdo rje phur bu rnam par bsgom/ /me stag 'bar ba 'dra ba yis/ /phyogs bcu'i dkyil 'khor gdab par bya/ /zhes gsungs pa 'dis khro bo bdud rtsi thal sbyor gyi phur bu rnams kyis aoM g+ha g+ha zhes bya ba la sogs pa'i sngags kyis gnod mdzes la bka' bsgo ste phur bu gdab bo/ /de nas 'dod ba'i rgyal po'i sngags kyis rdo rje rab bsam pa dang/ hUM mdzad kyis rdo rje'i dra ba yi ge hUM gis sa'i cha rdo rje'i rang bzhin du bsam zhing yi ge gsum gyis go cha la sogs pa bya'o/ /de ltar phyogs dang mtshams bcing ba dang rab la sogs pa'i cho ga bsrung ba'i khor lo bsgoms la le'u gnyis pa las/ dngos po med pa sgom pa'i dngos/ bsgom par bya ba bsgom pa min/ /de ltar dngos po dngos med pa/ /bsgom pa dmigs su med pa'o zhes tshigs su bcad pa'i don gyi stong pa nyid kyi rang bzhin du sgom mo/ /de nas le'u bcu gcig pa las/ /dkyil 'khor rdo rje kun las skyes// nam mkha' rdo rje dbus su sgom zhes bya ba la sogs pa/ gsungs pas/ rlung la sogs pa'i dkyil 'khor bzhi bskyed nas/ bsdu ba dag kyang rab tu bya zhes bya ba la sogs pas sa'i cha bskyed la/ le'u bcu gcig pa las yi ge b+h+ruM gyi gnas bsgom ste zhes bya bas gzhal yas khang bsams la/ der le'u dang po las/ gsal ba la sogs dkyil 'khor ldan/ /de bzhin gshegs pa kun gyis gnas zhes gsungs pa 'dis sna tshogs pad+ma'i steng du zla ba la sogs pa'i gdan gyis brgyan la le'u brgyad pa las dpag tshad bye ba'i khyon tsam la/ /gru bzhi shin tu mdzes pa yis/ /mchod rten rin chen sna bzhi pa/ /gsal zhing rang bzhin dri ma med ces bya ba la sogs pa gsungs paS/ /de bzhin gshegs pa thams cad kyis bzhugs nas ji lta ba bzhin du bsgom mo/ /gnas ni bskyed ba sngon 'gro bas/ /rdo rje gsum bskyed bsgom par bya zhes gsungs pas lhag par mos pa can gyi sems kyis bdag nyid rdo rje 'chang nyid du gyur nas/ dbus kyi gdan la seMs pa'i skyil mo krung gis gnas par bsams nas le'u dang po las/ gsal ba de yi ngo bo nyid/ /sna tshogs gzugs kyis kun tu khyab/ /sangs rgyas tshogs kyis kun tu rgyas/ /'od zer 'phro ba mang po 'khrug ces gsungs pa 'dis dkyil 'khor gyi 'khor lo bkod pa'i ting 'dzin gyis dbang du byas te lhag par mos pa la dmigs pa bstan pa yin no/ /da ni rnal 'byor bzhi'i rim pa tsam par bya ste de la le'u bdun pa las dam tshig khu phyur cho ga bzhin/ 'bras bu 'dod pas btung bar bya/ /de bzhin gshegs pa'i tshogs bsad naS/ /dngos grub rab mchog thob par 'gyur zhes gsungs pa 'dis lhag par mos pa'i ting 'dzin gyis dkyil 'khor gyi 'khor lo bkod pa'i de bzhin gshegs pa rnams phung po la sogs par bsdus te/ /gzugs phung rtogs dang zhes bya ba la sogs pas don dam pa'i dkyil 'khor du zhugs la/ le'u gsum pa las/ aoM shUn+ya tA zhes bya ba la sogs pa gsungs pa'i sngags kyis byin gyis brlab pa'o/ /le'u brgyad pa las/ nam mkha' dbyings kyis dbus gnas par/ ye shes rgya mtsho bsgom par bya zhes gsungs pa 'dis/ /ye shes rgya mtsho'i gzugs yongs su gyur nas/ de nas ldang bar gyur pa ni ye shes rgya mtsho las nyi mi'i dkyil 'khor de'i steng du zla ba'i dkyil 'khor yang de'i steng du pad+ma dmar po 'dab ma brgyad pa pad+ma'i steng du yi ge gsum bkod de / de thams cad bsdus te zla ba'i dkyil 'khor 'dra bar yongs su gyur par ltas la/ de las byung ba'i 'od zer gyi phro ba sems can gyi khams rnams ye shes kyi bdag nyid zla ba'i dkyil 'khor de nyid du rjes su bcug la le'u gsum pa las/ aoM d+harmA d+hA tu zhes bya ba la sogs pa gsungs pa'i sngags kyis brtan par bya ba 'di ni rnal 'byor te/ /de bas na ye shes tsam la snyoms 'jug pa/ /rnal 'byor yin par shes par bya zhes gsungs pa yin no// de? la le'u bcu gcig pa las/ /rdo rje mchog gsum yi ge sngags/ /phyag rgya chen por rnam bsgom pa/ /byang chub thams cad thob bya'i phyir/ /ye shes rdo rje dag gi bya zhes bya ba la sogs pa gsungs pas/ /zla ba'i dkyil 'khor gyi steng du yi ge gsum bkod la/ /rdo rje nga rgyal de las byung ba/ rdo rje 'chang chen por bdag nyid ji lta ba bzhin bsgom pa ni rjes su rnal 'byor ro/ /de nas le'u dang po las gsungs pa'i rig pa'i skyes bu gzugs can ye shes kyi rang bzhin gyi sems can gyi don bya bar mi nus bas na le'u brgyad pa las/ nu ma'i bar nas klad pa'i rgyas par du/ /cho ga shes pas rkang mthil bar du dgod/ /lte bsked? pa gsang ba rgyal ba'i sras/ /rigs lnga rnams ni dgod par rab tu bya zhes bya ba la sogs pa gsungs pa'i sngags kyis byin gyis brlabs pas phung po la sogs pa'i ngo bo nyid la de bzhin gshegs pa thams cad ye shes kyi rang bzhin lus la rjes su zhugs par bya'o/ /de bsan le'u bcu bdun pa las/ phung po lnga ni mdor bsdus na/ /sangs rgyas lngar ni rab tu bsgrags/ /rdo rje skye mched nyid dag kyang/ /byang chub sems dpa' i dkyil 'khor mchog ces gsungs pa yin no/ /da ni sku'i dkyil 'khor gyi lha rnams la rjes su zhugs pas zhal gsum lta bus gdul bya rnams kyis don du rdo rje 'chang gi bdag nyid du bsgom par bya'o/ /don 'di nyid bstan pa ni le'u dang po las/ rig pa'i skyes bu chen po'i gzugs de bzhin gshegs pa thams cad kyi bdag po sngags kyis byin gyis brlabs so/ /byin gyis brlabs ma thag tu bcom ldan 'das byang chub kyi sems rdo rje de bzhin gshegs pa zhal gsum pa lta bur de bzhin gshegs pa thams cad kyis gzigs bar gyur to zhes gsungs pa ni shin tu rnal 'byor ro/ /de nas rnam par snang mdzad la sogs pa'i ye shes sems dpa' rjes su zhugs pas sku la sogs pa'i rim pa 'dis byin gyis brlab par bya'o/ /de la rim pa ni 'di yin te le'u bcu pa las/ /rdo rje dkyil 'khor dbus gnas par/ /hUM zhes bya ba rab tu bsgom/ /gsal ba'i dkyil 'khor dbus gnas par/ /yi ge aoM ni rnam par bsam/ /chos kyi dkyil 'khor dbus gnas par/ /yi ge a zhes rnam par bsam/ /zhes gsungs pa 'dis mgo bo dang lkog ma dang snying ga'i phyogs su yi ge gsum rnam par bkod la de las byung ba'i spyan la sogs pa'i tshogs kyis sku rdo rje la sogs pa bkug la le'u bcu gnyis pa las/ sangs rgyas sku 'dzin dpal dang ldan zhes bya ba la sogs pa'i tshigs su bcad pa rnams kyis gsol ba btab la rjes su zhugs nas le'u bdun pa las/ sangs rgyas kun gyi sku gang yin zhes bya ba la sogs pa'i tshigs su bcad pa rnams kyis rigs gsum gyi bdag nyid can du nga rgyal bskyed la le'u drug pa las/ aoM sarba ta thA ga ta kA ya zhes bya ba la sogs pa gsungs pa'i sngags kyis byin gyis brlab bo/ /le'u dang po las// rdo rje dam tshig 'byung ba rdo rje zhes bya ba'i ting nge 'dzin gsungs pa'i tshul gyis bskyed pa ni dam tshig sems dpa' zhes bya'o/ /de nas le'u bcu gnyis pa las/ rnam pa mchog rnams kun ldan pa'i// snying gar ye shes dam tshig dang/ dbu rgyan rdo rje 'dzin pa'i mchog/ sangs rgyas thams cad mnyes 'gyur ba/ /'di ni dam tshig mchog yin te/ dngos grub thams cad 'grub pa'i mchog/ dam tshig mchog gi rab? tu bya zhes gsungs pa 'dis/ /dam tshig sems dpa' i snying gar ye shes sems dpa' i sa bon gyis/ dgug pa dang/ dbu rgyan la rang gi bdag po bsgom mo/ /de nas le'u bcu gcig pa las/ /snying gar yi ge hUM bsams nas semS ni thig ler gyur par bzhag / ces gsungs pa 'dis ye shes sems dpa' i snying gar yang snying po yi ge hUM ting nge 'dzin sems dpa' bsgom mo/ /'di ltar bcom ldan 'das kyis byang chub kyi go 'phang ni 'dod chags las skye bar 'gyur bar rab tu bstan pa'i phyir/ le'u dang po las/ 'dod chags chen po'i tshul rdo rje zhes bya ba'i ting nge 'dzin la snyoms par zhugs par mdzad pa de bzhin du bskyed bzhin pa la gnas pas dang po'i sbyor ba bya ste/ 'dod chags la spyod pa'i sems can rnams kyi 'dod pas thar pa rab tu bstan pa'i phyir/ le'u bcu bdun pa las/ 'dod pa thams cad longs spyod pa'i zhes bya ba'i ting nge 'dzin la snyoms par zhugs nas zhes gsungs pa'i rim pa 'dis le'u bco lnga pa las gsungs pa'i mtshan dang ldan pa'i gdol pa'i bu mo legs par bslabs pa 'am/ yang na rang gi snying ga nas phyung ste mdun du bzhag la le'u brgyad pa las/ nu ma'i bar nas klad pa'i rgyas kyi bar zhes bya ba la sogs pa gsungs pa'i rigs lnga dang bsre ba byas la rdo rje dang pad+ma mngon par 'dus byas pas dbang po gnyis kyis snyoms par 'jug pa bya ste/ le'u bdun pa las ji skad du / bud med gzugs ldan mdangs bzang ba / lo grangs bcu drug lon pa la/ byin gyis brlabs kyi gnas gsum gyis/ /dben par mchod pa rab tu brtsam/ /de bzhin gshegs pa'i btsun mo'i mchog/ spyan la sogs pa bsgom par bya/ /dbang po gnyis ni mnyam sbyor bas/ /sangs rgyas dngos grub thob par 'gyur/ / a oM zhes pa dang A'khor ro zhes bya ba 'dis thabs kyi rdo rje mnyes par bya zhing/ rin chen 'byung ldan gyi nga rgyal dang ldan pas le'u drug pa las gsungs pa'i rjes su chags pa'i sngags brjod la 'khyud pa dang 'o bya ba dang/ gzhi ba pa la sogs pa byas la yi ge hUM gi glu/ len cing las la gnas par bsgom mo/ /'byin pa'i skabs su phaT ces brjod la/ /byang chub kyi sems kyi rdul phra rab de bzhin gshegs pa thams cad la sogs pa'i 'byung gnas su bsgom la sngar bshad pa'i gzhal yas khang na gnas par bya'o/ / de nas don yod pa'i nga rgyal dang ldan pas le'u drug pa las gsungs pa'i mchod pa'i sngags kyis byin gyis brlabs te gzhung 'di dag gis ni dkyil 'khor gsum sems dpa' gsum gyi bdag nyid can te/ bdag gi don phun sum tshogs pa dang po'i sbyor ba zhes bya ba'i ting nge 'dzin to/ /de nas gzhan gyi don phun sum tshogs par bya ba'i phyir le'u dang po las gsungs pa'i ye shes spron ma rdo rje zhes bya ba'i ting nge 'dzin gsungs pa'i tshul gyis mi bskyod pa phyung la des zhe sdang la spyod pa'i sems can rnams yang dag par sbyangs la de bkug nas rang gi lus la bcug na zhe sdang rdo rjer 'gyur ro/ /de bzhin du rnam par snang mdzad la sogs pa'i dkyil 'khor gyi lha rnams phyung nas de rnams kyis gti mug la sogs pa la rjes su dga' ba'i sems can rnams yang dag par sbyangs nas bsdus te/ ye shes kyi 'khor lo rjes su bcug la slar bkug ste gnas ji lta ba bzhin du bkod nas phyag brgya bzhis rgyas btab pa 'di ni dkyil 'khor gyi mchog ces bya ba'i ting nge 'dzin gnyis pa'o/ /de nas le'u gsum pa las/ rin chen kha dog sna lnga pa/ /yungs kar gyi ni 'bru tshod tsam/ /sna yi rtse mor nan tan du/ /rnal 'byor rigs pas rtag tu bsgom zhes bya ba la sogs pa phra me'i sbyor ba'o// le'u bdun pa las/ slong mo za zhing mi bzlas te/ ma slangs pa la chags mi bya/ /'dod pa kun las longs spyod cing/ /sngags kyi yan lag ma nyams bzlas/ zhes gsungs pa la sogs pas rdo rje bzlas pa dran par bya ste/ le'u bcu gsuM pa las rjod nas rdo rje'i spro ba ni/ rdzogs nas rab tu bsdu bar bya zhes bya bdag gi bzlas brjod byas la nye bar bsdu bar bya ste le'u bcu bdun pa las/ de nas de bzhin gshegs pa thams cad kyi sku dang gsung dang thugs kyi btsun mo'i b+ha ga la bzhugs so/ /de nas de bzhin gshegs pa'i btsun mos de bzhin gshegs pa thams cad kyi bdag po rdo rje 'dzin chen po la dga' bas bstod pas zhes bya ba 'di thams cad bya ste/ bdag po rang nyid don dam pa'i bden pa la zhugs pa la de nas spyan la sogs pa'i lha mo rnams kyis rab tu bskul ba dang/ de bzhin gshegs pa rnams kyis/ mi bskyod pa ni ye shes che zhes bya ba'i bstod pa rnams kyi mngon par bstod pas yang dag par bsad par bya ste/ cho ga bzhin legs par mchod nas rang gi sku la legs par gzhug par bya'o/ /de nas le'u bcu pa las/ nam mkha' dbyings kyi dbus gnas par/ /bkod pa'i dkyil 'khor bsgom par bya/ /de yi dbus gnas yi ge hUM/ /rang gi gzugs su rab tu brtag / rdo rje 'od zer rab tu 'bar/ /rnam par 'phro bar bsam par bya/ /sangs rgyas kyi ni sku gsung thugs/ /snying la de yis rnam bsgom la/ /de ma thag tu de 'gyur ba/ /sku gsung thugs kyi rdo rje 'dzin/ /zhes gsungs pa 'dis yi ge hUM gis nam mkha' i khams yongs su gang ba ni rdo rje sems dpa' i rang bzhin du rnam par bsam pa nye bar bsdu bar bya'o/ /de ltar las dang po pa rnams rab tu 'jug pa'i dam tshig dang sdom pa dang/ dbang bskur ba thob pas tha mal pa'i nga rgyal dang bral bas/ thun bzhir lha'i rnal 'byor goms pas bdag dang gzhan gyi don phun sum tshogs pa bsgrub pa'i phyir/ las kyi rab tu dbye ba rnams kyang bya'o/ /rim pa 'di nyid kyis le'u bcu bdun pa las/ lus kyi rdo rje kha zas dang/ phyi rol rdo rje 'dzin pa dang/ rdo rje chos la rtag par ni/ /sngags ston cho ga spyad par bya zhes gsungs pa'i ting nge 'dzin 'dis sgrub pa'i thabs las bshad pa'i rim pas kha zas sbyang ba dang/ lkog ma sbyang ba dang / snying ga sbyang ba dag byas nas bdud rtsi lnga la sogs pa'i zas kyi bya ba dag kyang bya'o/ /de nas le'u bcu pa las sngags kyi skyes bu ji snyed pa/ /rdo rje gsum gyi ye shes rdzogs/ /dbang po gnyis ni sbyor ba yis/ /dngos po thams cad brtag par bya zhes gsungs pa 'dis rdo rje dang? pad+ma yang dag par sbyar bas zhi ba la sogs pa'i las thams cad rab tu bsgrub pa'i yi ge gsum gyi sngags dang phreng ba'i sngags dang/ gsang sngags dang/ sman dang nang gi sbyin sreg gis kyang las thams cad rab tu bsgrub par bya ste/ 'di ni las kyi mchog ces bya ba'i ting nge 'dzin gsum pa'o/ /de ltar mdo dang bsres pa rgyas par bstan nas/ da ni mdor bsdus nas bshad par bya ste/ de la thog mar gnas nges pa dang/ snying rje chen po la dmigs pa dang/ bsrung ba'i 'khor lo bsgom pa dang / stong pa ny+di la dmig spa dang/ sa'i cha bskyed pa dang/ gzhal? yas khang dang/ dkyil 'khor dgod pa dang/ don dam pa'i dkyil 'khor la 'jug pa dang/ ldang ba dang/ nyi ma'i dkyil 'khor la dmigs pa dang/ mthar zla ba'i dkyil 'khor dang/ rdo rje 'chang chen po bskyed pa dang/ sngags kyiS byin gyis brlabs pas / phung po la sogs pa dgang ba dang/ sku gsung thugs kyis byin gyis brlabs pa dang/ ldan pa'i 'dus byas pa dang/ rdo rje dang pad+ma 'dus byas pa dang/ rjes su chags pa'i rdo rje byin gyis brlab pa dang/ dkyil 'khor phyung ba dang/ phra mo'i sbyor ba dang/ rdo rje'i bzlas pa dang/ ngag gi bzlas pa dang/ don dam pa la zhugs pa dang/ rab tu bskul bas bslang pa dang/ bstod pa byed pa dang/ nye bar bsdu ba dang/ las kyi rab tu dbye ba rnams su shes par bya'o/ /rnal 'byor chen po'i rgyud dpal gsang ba 'dus pa'i skyed rim gyis sgrub pa'i thabs mdo dang bsres pa zhes bya ba/ slob dpon chen po klu sgrub kyi zhal nas/ mdzad pa rdzogs so// //rgya gar gyi mkhan po d+harmA sh+rI b+h+ra? drA dang lo tsA ba dge slong rin chen bzang pos bsgyur cing zhus te gtan la phab pa'o// //dpal gsang ba 'dus pa'i dkyil 'khor gyi cho ga slob dpon klu sgrub kyi zhal snga nas mdzad pa'o/ / */ /rgya gar skad du / sh+rI gu hya sa mA dza maN+Dal bi d+hi nA ma/ bod skad du/ dpal gsang ba 'dus pa'i dkyil 'khor gyi cho ga zhes bya ba/ dpal rdo rje sems dpa' la phyag 'tshal lo/ /thog ma dbus mdza' las grol ba'i/

CLOSE WINDOW