<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1450: sgron ma gsal bar byed pa'i gsal byed ces bya ba'i dka' 'grel<br><table><tr><td>
<input type="button" onclick="location.href='complete2p.php?id=N1450&coll=N';" value="show page break" />
<td width=150><td>
<input type="button" onclick="location.href='complete2l.php?id=N1450&coll=N';" value="show line break" />

<td width=150><td>
<a href="complete2u.php?coll=N&id=N1450" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;"> zhus chen gyi lo tsA ba dge slong rin bzang pos bsgyur ba'o// //#/ /sbyon? pa? gsal bar byed pa'i dka' 'grel slob dpon thugs rje'i dpal gyi zhabs kyis mdzad pa bzhugs so/ //*/ /rgya gar skad du/
pra dI bo? dyo ta no dyo ta:nA ma pAny+dzi kA / bod skad du/ sgron ma gsal bar byed pa'i gsal byed ces bya ba'i dka' 'grel/ dpal gsang ba 'dus pa la phyag 'tshal? lo/ /rdo rje slob dpon dang 'dus par/ /rab tu btud nas bshad par bya/ /
'bras la mngon par brjod pa'o/  /sgron ma gsal byed gsal ba'o/ /ci ltar 'bras bu dang lam mngon par brjod pa par brjod ce na/ 'dus pa phyi mar yang gsungs pa/ /rgyud ni rgyun chags zhes brjod de/ /rgyun de rnam pa
gsum du 'gyur zhes so/  /dpal ldan zhes bya ba la sogs pa la/ dpal ni gnyis su med pa'i ye shes te/ de'i rjod byed yin pa'i phyir dang/ de'i bdag nyid can yin pa'i phyir dpal ldan te/ dbye ba med pa la yang ldan par
brjod de/  gzugs dang ldan pa bzhin no/ /rgyud rgyal zhes bya ba ni 'dus pa phyi mar yang gsungs pa e ma? shin tu rnyed dka' ba/ /thabs 'di byang chub sgrub byed yin/ /gsang ba 'dus pa zhes bya'i rgyud/ /rgyud kyi mchog gi mchog
gyur pa/  /legs par gsungs pa'i rgyud 'di ni/ /rgyud kun gyi ni bdag po mchog ces so/ /'dir 'chad par 'gyur ba las kyang gsungs pa/ ji srid ya ra la wa zhes pa la sogs pas so/ /gsal bar rnam phye zhes pa ni/ rnam par 'byed
par byed/  rnam par bshad par byed pa la/ 'dus pa phyi ma dang/ dgongs pa lung ston pa dang/ ye shes rdo rje kun las btus pa dang/ rdo rje phreng ba'i rgyud rnams kyi 'phral du skabs su bab par rnam par bshad pas/ rgyud gsum du zad par shin tu
gsal ba rnams kyis 'dus pa'i don rnam par bshad par byed pa nyid rtsom pa nyid 'di rnam pa rab tu 'jug pa'i phyir ro/  /de nyid kyi phyir shin tu legs bshad pa zhes pa ni yang dag par brjod pa ste/ 'chad par 'gyur ba yang/ bshad pa'i rgyud kyi rjes 'brangS naS/
bshad smra shin tu rnyed par dka' /  /'di ltar drangs te bshad pa ni/ /rnal 'byor rgyud las gzhan du min zhes so/ /de'i dgongs pa ni 'di yin te/ /gal te yang mdo dang rgyud dang rtogs pa la sogs pa chos kyi
phung po stong phrag brgyad cu rtsa bzhi rnams kyis 'dus pa'i don sau rtog par bya'o/  /de ltar yang bzhi po 'di nyid kyis legs par drangs te yang dag par so sor rtogs pa'i yul du rgya cher 'grel gyis bshad pa ni 'dus pa'i rgyud kyis bshad par bya
ba/  rgyud dag? gi 'brel pa yang dag par gsal bar byed do/ /mdza' drug gi ni 'ching bas bcings pa zhes pa ni/ 'ching ba lta bus bcings pas rang dbang med pa can du byas pa'o/ /mdza' drug gi don gyi 'ching ba ni mchog tu 'das pa rang gi rang nyid
ma yin pa'i don gzhan mngon par brjod par nus pa'i phyir ro/  /de nyid kyi phyir gang zhig 'dir ji bzhin pa'i don tsam du 'chad par byed de/ rim pa lnga rnams mthar gyis gnas pa med par mchog tu 'das pa'i don gzhan ston par byed de/ de ni yang dag pa ma yin
no zhes 'chad par 'gyur bar yang/  rim pa 'di nyid kyis ni/ bzhugs pa'i tshig nas brtsams te/ mdza' rnam pa drug tu bshad pa dang/ rnam pa bzhir bshad pa 'dis dpal 'dus pa'i don rgyas btab po/ /de ma rtogS par ji bzhin par bshad pa'i sgra don tsam
la brten te/  yul rnams la chags pa rnams 'gal ba dang/ shin tu rmad du gyur pa'i bya ba byas nas/ las kyi dbang du 'gro bar 'gyur ro zhes pa la sogs pa'o/ /de bzhin du/ slob dpon klu sgrub zhabs kyi lam las ni/ /phyi rol gyur la zhi ba'i thabs
med do/  /de dag kun rdzob de nyid bden las nyams/ /de dag nyams pas thar pa grub yod min/ /zhes pa la sogs pa'o/ /yan lag bzhi pa la sogs pa'i sgrub thabs byas par? sgom pa po rnams kyi ting nge 'dzin skye bar khyad par du sgrogs pa gang yin
pa de ci lta bar 'gyur ba ma yin nam zhe na/  bden te/ 'on kyang de la yang la la bdag tu mthong ba med par phyi rol lta bur sems par 'gyur ro/ /yongs su dag pa'i rdo rje sems dpa' i gzugs kyi rim pa yongs su shes pa las/ /de byas pa de rnams kyi rdo rje
'chang chen po'i ngo bo sangs rgyas nyid do/  /mdza' drug gis ni 'ching ba rnams kyis shes pa'i mang po'i tshig ni don drug po rnams kyis mang ba'i phyir dang/ gang bshad pa rnams bzhi ni nye bar mtshon pa'i don yang rung ste/ mdza' drug gi sgra nyid kyis don drug
gsungs pa nyid kyi phyir ro/  /'ching ba rnams kyis ni don bcings pa lta bus rang dbang med par byas nas/ de rnams brla'i ba la sogs pa bzhin no/ /rgyal sras yul gyur zhes pa ni rgyal ba ni yang dag par rdzogs pa'i sangs rgyas so/ /de rnams kyi sras po ni thugs
las skyes pa'i klu sgrub kyi zhabs dang/  de dang mtshungs pa gzhan yang ngo/ /de rnams kyi spyod yul te/ so so rang gis rig par bya ba nyid kyi phyir ro/ /rin po che'i gang zag kyang ste/ rgyal ba'i sras kyi skal bar byed pa nyid kyi phyir te/ de dag gi yul lo/ /'dus
gang yin zhes pa ni sbyor ba'o/  /ci rnams kyi zhes gsungs pa/ rgyal ba yi ste dus gsum gyi rdzogs pa'i sangs rgyas rnams kyi ste/ /'dus pa phyi mar yang gsungs pa/ /'dus pa sbyor bar rab gsungs te/ /sangs rgyas thams cad mngon rjod byed/ /
ces so/  /gal te 'di rgyal sras kyi yul yin na/ ci ltar don gyi dngos po rnams 'dir rnam par bshad par rab tu 'grel bar 'gyur zhe na/ gsungs pa/ de ni dpal klu sgrub las rnyed pa zhes pa ni/ klu sgrub zhabs kyi rgyud pa las rnyed pa ste /mdo
dang bsre bar byed pa ru gsungs pa yang/  dpal klu sgrub kyi zhabs kyi rgyud pa las 'dus pa'i bshad pa'i rgyud kyi rjes su 'brangs nas zhes bya ba la sogs pa'o/ /rim gnyis gnas zhes pa ni rims zung ni bskyed pa dang rdzogs pa'i rim pa
gnyis te/  de dag gi rten no/ /de dag 'dir so sor ston pa'i phyir te/ rim pa gnyis la brten nas ni/ /rdo rje can gyi chos ston no/ /zhes bya ba la sogs pa 'dus pa phyi mar gsungs so/ /rim pa lnga yi bsdus pa'i don
shes nas mdza' drug la 'jug go / zhes 'chad par 'gyur ba ma yin nam/ do rim gnyis kyi gnas ci lta yin zhe na/ rim pa lnga po 'di dag nyid bskyed pa dang/ rdzogs pa'i rim pa dag gi nang du gtogs pa'i phyir/ de ni rdzogs pa dang
las rab 'byams la sogs pa byed pa rnams te 'dir nyes pa med do/  /rim pa gnyis kyi dmigs pa rnams sku la sogs pa'i rnam par byas pa ni las rab 'byams la sogs pa'i mngon par brjod bya'o/ /rgyas btab pa ni legs par
gsungs pa ste/  bla na med cing gzhal du med pa'i yon tan gyi rten yin pa'i phyir/ 'dus pa rin po che la rgyas btab cing byin gyis brlabs pa'o/ /sangs rgyas kyis zhes pa ni nye bar mtshon pa ste/ /byang chub sems dpa' la sogs pa rnams kyis
kyang ngo/  /dpal rdo rje sems dpa' zhes pa ni dpal ni shes rab bo/ /rdo rje bzhin du sems dpa' i phyir/ rdo rje sems dpa' ste 'khor ba dang mya ngan las 'das pa dag tu sbyor bar byed pa'i phyir ro/ /dpal ldan yang de yin la/ rdo rje sems
dpa' yang de yin pa'i phyir dpal rdo rje sems dpa' o/  /bshad ces pa ni ji ltar thos pa dang ji ltar rtogs par byed pa ni 'tshang par byed pa ste/ rang dbang gis rdo rje 'chang chen po bzhin nam/ gzhan dbang gis 'phags pa bzhin no/ /
de nyid kyi? phyir/  rim pas zhes gsungs te/ rim pa lnga'i go rim gyis so/ /de gsungs pa/ bskyed pa'i rim pa zhes bya ba la sogs pa ste/ bskyed pa'i rim pa ni bsdus pa'i rim pa ste/ rigs brgya la sogs pa spyod bsdus su gsungs pa'i
lus rnam par dben pa yang dag par bsdus pa'o/  /dang po yin zhes bya ba ni dang po pa'i yul yin pa'i phyir dang/ rags ba'i rnal 'byor yin pa'i phyir ro/ /gsang sngags kun ni rab sgrub byed/ ces pa 'dis bskyed pa'i rim pa'i sgra la ye shes kyi sku rnam
par gcod pa ste/  ye shes kyi sku la yang ye shes kyi rim pas bskyed pa'i phyir ro/ /lus rnam par dben pa med par ngag rnam par dben pa shes par mi nus pa'i phyir ro/ /zhes spyod bsdus su gsungs pa'i phyir/ lus rnam par dben pa las gzhan pa'i ngag
rnam par dben pa'i rim pa'o/  /de'i phyir gsungs pa/ sems la dmigs pa tsam zhig ni/ zhes bya ba le sogs pa ste/ sems la dmigs pa ni sems la dmigs pa ste/ de tsam zhig ni de'i 'bras bu'o/ /gang gsungs pa/ ji srid rlung ni mi rgyu zhing/ /
snang ba mi g.yo bar gyur pa zhes so/  /ni'i sgra ni nges par gzung ba ste/ phyi dang nang gi bdag nyid can gyi phung po dang/ khams dang skye mched dang/ yul la sogs pa rim pa dang por lha'i gzugs nges rnam par brtags pa la/ sems tsam du kun tu snang ba
la sogs pa snang ba gsum po kho na rim pa gnyis pa zhes bya ba 'dis rim pa gzhan 'di'i rnam par gcod par ston to/  /lus la brten pa med bar 'byung ba dang/ 'jug pa'i bdag nyid can gyi rlung gi de kho na nyid dang/ brjod ba'i bdag nyid can gyi sngags kyi
de kho na nyid dag nye bar dmigs pa med pa'i phyir 'di dang po ma yin te/  rtog pa'i rnal 'byor pa'i yul ma yin pa'i phyir ro zhes 'chad par 'gyur ba'i phyir dang/ 'di sems rnam par dben par brjod pa can nyid kyi phyir/ gsum pa ma yin no/ /yid 'ong
rim pa gsum pa yin zhes pa ni/  gsum pa zhes pa gnyis pa'i phyogs las 'di phra ba'i phyir dang/ bzhi ba'i phyogs las rags pa nyid yin pa'i phyir gsum pa'o/ /kun tu snang ba'i snang ba la sogs pa gsum po nyid rang byin gyis brlabs pa'i bdag
nyid can nyid kyi phyir/  rang byin gyis brlab pa la sems rnam par dben pa tha mi dang de/ gsungs pa yang/ snang ba gnyi ga'i rgyur gyur pa/ /bdag gi dngos por rnam par brtags/ /zhes dang/ ye shes gsum po rnam pa med pa zhes/
spyod bsdus su gsungs pa ma yin nam zhe na/  bden te 'on kyang ye shes gsum gyi 'bras bu yin pa nyid kyi rim pa gsum par mngon par brjod par bya ste/ thog mar bshad pa'i rim pa gnyis po dag gis 'ang de 'bras bu dag tu mngon par brjod pa'i phyir ro/ /
yid 'ong ni 'od zer lnga yang dag bar mchog tu 'bar ba/  mtshan sum cu rtsa gnyis dang ldan pa'i longs spyod rdzogs pa'i sku so sor ston pa po yin pa'i phyir ro/ /kun rdzob bden pa bstan pa ni zhes pa ni/ kun rdzob pa'i phung po dang/ khams la sogs pa
phyi dang nang gi bdag nyid can 'di nyid bden pa ste/  'di lta? ste/ sgyu ma lta bu rnam par rig pa tsam nyid do/ /bden pa'i kun rdzob ni kun rdzob bden pa ste/ rang byin gyis brlab pa'o/ /rnal 'byor pa so sor dag pa ste/ 'od gsal ba'i ngo bo nyid rtogs pa
ni rim pa bzhi pa ste/  rim pa lnga pa las rags pa'o/ /'di yang chos rnams kyi chos nyid don dam par yang brjod par bya ste/ 'khor pa'i mthar thug par mngon par zhen pa rnams kyis 'khor ba'i mngon zhen stong bar byed pa'i don no/ /gsungs pa
yang/  gang gis skye ba yod min nyid/ /de yi mya ngan 'das yod min/ /zhes pa la sogs pa'o/ /ye shes gsum po rnam pa med cing/ chos nyid kyang rnam pa med pa ma yin nam/ 'di dag dbye ba de ci yin zhe na/ spyod bsdus su gsungs pa yang/
ye shes gsum po rnam pa med bdon dam pa'i bden pa ltar reg par dka' ba ni bden mod kyi/  'on kyang snang ba dang bcas pa yin ba des na rjes su dpag pas rtogs par bya ste/ rlung gi khams bzhin no/ /ji ltar rlung gi khams ni gzugs can ma yin
yang grang dro'i reg pa dang/  shing la sogs pa g.yo zhing 'gul ba la sogs pa'i brtags las shes par bya'o/ /de bzhin du snang ba'i ye shes gsum mo/ /gang yang snang ba'i rtags kyis shes par bya ba de yang zla ba'i snang ba la sogs pa'i rnam pa'o zhes so/ /'od
gsal ba ni snang ba med ba ste/  snang ba dang bcas pa'i ye shes rtags can nye bar sdud pa'i ngo bo nyid kyis? phyir ro/ /'phags pas theg pa chen po nyi shu pa las gsungs pa yang/ sgyu ma'i rnam pas sgyu ma ni/ /gang tshe nye bar sdud pa na/ /de tshe sgyu ma yod
ma yin/  /de 'dir chos rnams chos nyid do zhes so/ /rnams shes ni rang bzhin gsum po nyid kyi bstan bya ba ma yin nam/ de ci ltar 'di yis nye bar sdud ce na/ ma yin te/ langkar gshegs par gsungs pa/ /blo yis rnam dbye bya bzhin pa'i/ /gzhan
dbang med cing brtags pa'ang med/  /grub pa yod min dngos po dral/ /ci ltar blo yis rnam par brtags /rang bzhin med cing rnam rig med/ /dngos po med cing kun gzhi med/ /byis ba dan ba rtog ge pa/ /ro dang 'dra bas rnam par brtags/ /shes so
'phags pas kyang byang chub kyi sems kyi rnam par bshad pa las stong nyid bdag nyid tshul gcig gi / sems 'di nyid ni kun brtags dang/ /gzhan gyi dbang dang yongs grub pa/ /nyid ces brtags nas mngon par brjod ces so/ /de ltar rim pa bzhi po
de dag mthar gyis brtan pa ni/  /sprul pa la sogs pa sku gsum so sor tha dad pa yid dang dag gi lam gyi yul du so sor rtogs pa'i lam nyid kyis 'jig rten gyi rjes su 'jug pa'o/ /da ni sku gsum rang bzhin gcig pa sku bzhi pa'i lam nyid kyis mngon par
brjod pa rim pa lnga pa gsungs pa/  lnga pa zhes pa ni phung po la sogs pa'i dngos po med pa rags pa la mi bltos pas lnga ba ste/ dngos po dang dngos po med pa dang/ 'khor ba dang mya ngan las 'das pa la sogs pa nyid kyis/ 'di shes pa dang brjod par mi nus pa
nyid kyi phyir dang/  phra mo nyid ni bzhi pa'i phyir ro/ /'di'i ming gsungs pa/ zung 'jug ces bya zhes so/ /'de'i ming gi bshad pa ni/ bden gnyis sbyor ba gang yin pa ste de las bdag nyid yongs su shes pa ste/ yongs su
shes pa nyid ni 'di'i bsgom pa nyid do zhes spyod bsdus su gsungs so/  /de nyid kyi phyir thog mar mngon par brjod pa'i rim pa bzhi po gang gi bden pa gnyis po lhur len pa mngon par brjod par bya'o/ /de la dang po rim pa gsum pas kun
rdzob bden pa gsungs pa ma yin nam/  kun rdzob bden pa bstan pa ni/ /yid 'ong rim pa gsum pa'o/ /zhes gsungs pas so zhe na bden te/ de ltar gsungs pa yang kun rdzob kyi bden pa nyid du lus dang ngag rnam par dben pa dag gi nang
du gtogs la/  kun rdzob kyi bden par bshad pa ni so sor te/ gang zhig bshad pa ni/ so sor kun rdzob kyi bden pa'i phyir dang po'i rim pa dag gi tha dad pa nyid kyis so sor ston pa'am/ /lus dang ngag kyang 'dir sgyu ma lta bu nyid dang
sems tsam nyid do zhes na bden te/  gsungs pa yang/ gang rnams rgyu las yang dag 'byung/ /de rnams dngos med rtag pa min/ /ci ltar ming de gsal bar ni/ /gzugs brnyan dang ni mtshungs par 'dod ces so/ /gzhan du yang/
ji ltar sgyu ma ji ltar rmi/  /ji ltar bar de'i sred par 'gyur/ /de bzhin nyid du dkyil 'khor 'gyur/ /zhes pa la sogs pa'o/ /de nyid kyi phyir sems tsam nyid du 'ang 'grub bo/ /bzhi pas don dam pa'i bden par gsungs pa'i
phyir/  khyad par skye ba 'gog pa'i don du gsungs so/ /lnga pa skye ba dang gnas pa dang 'jig pa dang bral ba de kho na nyid du gsungs so/ /de nyid kyi phyir skye ba dang gnas pa dang/ 'jig pa dang/ mngon par brjod pa ni 'jig rten gyi rjes su
'jug pa ste/  stong pa nyid bdun cu par gsungs pa/ gnas dang skye dang 'jig dang yod med dam/ /dman dang mnyam pa khyad par 'phags pa ni/ /'jig rten tha snyad dbang las sangs rgyas kyis/ /gsungs so de nyid dbang las ma yin no zhes so/ /'di ni sgrub
pa'i yan lag mchog / ces pa ni thog mar so sor rtogs pa'i yan lag bzhi po la bltos nas so/ /ci ltar zhen gsungs pa/ rgyud kun gyi ni don bsdus pa ste/ /gang gi phyir 'di ni zhes pa'i don no/ /kun gyi ni 'dus pa'i rgyud kyi'o/ /'dus pa la sogs
pa'i rgyud thams cad kyi 'ang don du mngon par brjod par bya ba 'dir nang du gtogs so zhes byas nas so/  /thams cad nyid du bden pa gnyis gnyis su med par so sor rtogs par bya ba nyid kyi phyir ro/ /las rab 'byams la sogs pa yang gnyis su med
pa'i ye shes kyi bdag nyid can gyi rnal 'byor can las nges par skyes pa'i phyir ro/  /'dir bskyed pa'i rim pa rnams kyi rnam pa mang po blta bar bya ba ma yin nam/ rgyud du de ci ltar rim pa lnga po rnams nyid kyis 'dus pa'i don mngon par brjod cen
gsungs pa/  'di rnams kyi zhes pa la sogs pa'o/ /'di rnams zhes pa ni gsungs pa'i lnga po'o/ /rim pa'i dbye ba ni zhes pa ni/ dbye bas gzhan dang gzhan gyi khyed par rnams so/ /de ltar slar yang don de rnams slar yang rgya cher 'grel
pa dang bshad pa'i rgyud kyis sdus pa dang/  rgyas pas 'phangs pa gang yin pa de la rab tu 'jug par byed pa slob dpon zla ba du chud par bya'o/ /de nyid kyi phyir bskyed pa'i rim pa la brten pa gang yin pa de la rab tu 'jug par byed pa
slob dpon zla ba grags pa'i zhabs kyis/  /rang gis byas pa'i mdo dang bsre bar bris pa/ de la rdo rje slob dpon kha cig gis lha bcu gsum du rnam par dgong par 'dod do/ /zhes pa la sogs pa'o/ /rnam par bzhag pa'i rim par yang
mngon par brjod pa/  slob dpon sna tshogs pas mngon par brjod pa'i dkyil 'khor gyi dgod pa la sogs pa 'dir rab tu 'jug ste/ de la ci ltar bsgrub pa po rnams the tshom med par 'gyur zhes pa la sogs pa'o//
de bzhin du rim pa gzhan gyi dbye ba yang rjes su 'brang bar bya'o/  /de ltar ni rim pa gnyis par 'bras bur gyur pa thams cad dag pa las kyi mdza' rnam par 'byed par blta bar bya'o/ /spyod bsdus su rim pa lnga po rnams kyi rab tu dbye ba gsungs
so/  /spros pa'i cho ga ni rab tu dbye ba bris pas so/ /yang dag bsdus pa zhes pa ni yang dag par bsdus pa'i rab tu dbye ba rnams rim pa lnga po nyid kyi nang du gtogs so/ /gang gi phyir de ltar yin pa de'i phyir sngags dang sems dang zhes bya ba la
sogs pa ste/  sngags zhes bya ba ni bskyed pa'i rim pa nyid do/ /sems zhes bya pa ni rdo rje bzlas pa nyid do/ /lus zhes bya ba ni longs spyod rdzogs pa'i skur mngon par brjod pa can rang byin gyis brlab pa'i rim pa las so/ /rnam dag
ces pa ni bshad ma thag pa'i don bsdus pa gsum pa shin tu rnam par dag pa'i mngon par brjod pa can 'od gsal ba las so/  /zung 'jug ces pa ni bshad ma thag pa'i rim pa bzhi po dag gi mngon par brjod pa'i kun rdzob kyi bden
pa dang/  don dam pa'i bden pa gnyis zung dang zung du de dag 'jug ste/ de dag ro gcig pa nyid du so sor rtogs par byed do zhes pa zung 'jug ste/ de'i phyir zung 'jug rim pa las so/ /rim mdza' shes pa ni rim pa dang rim mdza' o/
lnga'i bsdus pa'i don ni tshig gi don ma yin pa'o/  /spyi'i don nyid kyang ma yin pa'o/ /shes nas ni dge ba'i bshes gnyen gyi drin las lhag par rtogs nas so/ /mdza' drug ces bya ba ni tshig gi don drug ste/ rdo rje 'chang chen po'i bshad pa?
'jug go zhes bya ba ni thos pa rtsom par 'gyur pa ste/  sgron ma gsal bar byed pa'i rgya? pa bshad pa la 'jug go zhes pa bshad par bya'o/ /mdza' drug go zhes pa'i tshig la 'jug pa ni/ rdo rje phreng ba la sogs pa bshad pa'i rgyud la bltos pa'o/ /gzhan du na de rnams la mi bltos
par gal te tshig tu 'gyur na de'i tshe/  rgya cher 'grel byed pa po de rnams mi mngon pas dmyal bar ltung bar 'gyur ro/ /gang gi phyir de rnams nyid kyi bshad par byed pas sgron ma rnams kyi gsal bar byed pa'i ched du sgron ma gsal par byed pa'i rgya cher 'grel bar
byed do/  /de'i tshe bshad pa'i rgyud bkab nas byas pa de srid du nyes par mi 'gyur ro/ /bsod nams kyang chen po 'byung ngo/ /da ni rgyud kyi rgyal po nyid du 'di'i rigs pas khong du chud par brjod par gsungs pa/ ji srid ces pa la sogs pa'o
ji srid ces pa ni phyis brjod pas bya ba 'dir thog mar bkod pa'o/  /de la ka kha g+ha mdza' zhes pa ni 'dir bar du gyur pa'i ga yig bsdus pa'o/ /tha mar g+ha gang yin pa de ni g+ha mdza' ste/ de'i ston yang dag par shes pas/ 'bru mang po pa'o/ /ka kha dang
g+ha'i mdza' dang ni/  /ka kha g+ha mdza' zhes dang/ yi ge ni yi ge brjod pa'o/ /de bzhin du dzha'i mdza' gang dang gang tsha dza gang yin pa de dag ni dzha mdza' ste/ tsa dang dzha mdza' dag ngang? ni tsa dzha'i mdza' can ste/ tsa tsha dza dzha rnams so/ /Ta dang Dta'i?
mdza' dag kyang Ta? Dha'i mdza' ste Ta Tha Ta Dha rnams so/  /ta dang d+ha'i mdza' dag kyang ta d+ha'i mdza' i ste ta tha da d+ha rnams so/ /pa dang b+ha'i mdza' dag kyang pa b+ha'i mdza' ste pa pha ba b+ha rnams so/ /thams cad du phan tshun zlas dbye ba'i phyogs la mang po'i tshig go /de yi
sgras da nya Na na ma rnams mchog tu 'dzin no/  /ji srid ya ra la wa rnams dang ha'i mdza' ste/ gang gi mdza' mar ha ste sha Sha sa rnams te/ de rnams ni ha'i mdza' o/ /de'i sgra gzhan gyis dbyangs rnams brjod do/ /zhes pa sde tshan dgu'o/ /de la gsal
byed rnams kyi ni/  a tsa la sogs pa dang yang dag par sbyor ba ni dbyangs yang dag par sbyor ba'i dbye bas so/ /de bzhin du lce rtsa can dang/ mchu tsan gyi dbye ba rnams kyang ngo/ /dbyangs rnams kyi 'ang/ blu ta dang/ au dAt+ta dang/ swa ri ta la sogS
brjod par byed pa'i dbye bas so/  /dbyangs dang gsal byed 'di rnams kyi dbye ba rnams dbyangs dang gsal byed nyid kyi nang du 'dus so/ /de'i phyir gsungs pa/ de de'i rtsa ba yi ge gsum ste mi shigs pa las byung pa'i yi ge gsum gyi rgyu can yi ge gsum las nges par
skyes pa'o/  /gang gi phyir de lta bu yin pa de'i phyir dbyangs dang gsal byed rab tu dbye ba dang bcas pas bsdus pa'i don/ chos kyi phung po stong phrag brgyad cu rtsa bzhi'o/ /thub pa chen po ni bcom ldan 'das so/ /dpal ldan 'dus pa 'di snod yin te ni/ dpal 'dus pa gang gi za ma tog
yin ba de de bzhin no/  /nye bar mtshon par byed pa 'di dang des rdo rje theg pa ma lus pa dang/ 'jig rten pa'i jag? gi rang bzhin gyi yang dpal 'dus pa za ma tog can no/ /de'i bdag nyid kyis 'di rnams kun tu gnas pa'i phyir ro/ /gang gi phyir de ltar yin pa de bas de ni ste
'dus pa ni rgyud kyi rtse ste/  rgyud rnams kyi snod do/ /gshin rje'i dgra'i rgyud du yang gsungs pa/ rgyud kyi mthar thug 'dus pa ste zhes so/ /mkha' 'gro ma dra ba sdom pa phyi ma las kyang phyi mar/ 'jig rten gsum du rnyed dka' pa zhes pa la sogs pa dang/ de bzhin du/ gang gis
dgyes rdor mi shes de yis ngal ba don med 'gyur/  /de bzhin du/ sngags kyi tshul ni kun shes nas/ /phyi nas kye'i rdo rje brtsam/ /zhes bcom ldan 'das kyis gsungs pa ma yin nam zhe na/ gsungs pa ni bden te/ 'dir yang dag pa'i don khyad par du mngon par brjod do/ gal
te slar yang sdom pa dang/  kye rdo rje la sogs pa'i rgyud du yang kun tu spyod pa'i khor gsal ba'i khyad par yang dag par bzung nas/ /'dus par mngon par brjod par bya ste/ de'i tshe 'gal ba cung zad kyang med do/ /kye'i rdo rjer yid gsungs pa/ de ni sngags bzlas de dka' thub dang
de sbyin sreg/  de ni dkyil 'khor can dang dkyil 'khor nyid/ /mdor bsdus nas ni sems ni/ 'dus pa'i tshul can no zhes so/ /de bzhin du de srid du thog ma tha ma'i tshig gnyis kyis don gsal lo/ /rgyud yang dag par bcings pa rim pa lnga'i bsdus pa'i don ston par byed pa'i
bshad pa rnam par 'grel pa mkhas par zhes bya ba la sogs pa'i tshig yang dag par gzung ba'i don yang rgya cher bshad pa'i rnam pa nyid rdo rje'i tshig de dang/  de'i bshad pa'i ched du 'dri bar 'gyur ro/ de bzhin tu yang/ tshig gi don bshad pa'i ched du rdo rje phreng ba la sogs pa
bshad pa'i rgyud du 'bri bar 'gyur ro/  /rgyal sras yul nyid kyang bshad pa ni/ 'phags pa langkar gshegs par gsungs pa'i 'phags par lung bstan pa bris pas gsal bar byed de/ le'u bcu bdun po'i bshad pa ma lus pa de ni dpal klu sgrub las rnyed pa sangs rgyas kun
gyi rim gnyis gnas kyi rgyas btab pa zhes pa'i tshig de dang de la rim pa lda'i don mngon par gsal zhing kun tu gsal bar byed par 'gyur ro/  /rnam pa de lta bu mi shes par ni brjod par nus pa ma yin no/ /de ni the tshom gyi rgyud brjod par gsungs pa/ nyung zhes pa la sogs pa ste/
nyung? ba nyid ni the tshom gyi rgyu ste don mang ba nyid kyang do/  /de nyid kyi phyir rnyed dka' ste sdug bsngal bas blo yul du bya ba'o zhes byas nas so/ /the tshom gyi rgyu gzhan yang gsungs pa/ brgyan bdun zhes bya ba la sogs pa ste/ rgyan bdun zhes pa ni/ rgyan du bya ba dang/ mchog tu sprud? par byed
pa ste/  blo gros kun tu rmongs pa'i dri ma sel par byed pas rgyan ces bya'o/ /de lta bu'i don nyid dang gzhung gi'ang rgyan du byed pa ni rgyan no/ /rtogs dka' ba ni yang dag par mi shes pa'i phyir ro/ /ming cir 'gyur zhen gsungs pa/ rnam par 'khong zhes bya ba la sogs pa ste/ rnam pa sna tshogs pas
'khor bar byed g.yo par byed/  rdo rje 'chang gi dgongs pa las ring du 'gyur bar byed do/ /de rnams dri ba dang lan rim pas bstan par 'dod nas gsungs pa/ ming ni mi zhig ces pa la sogs pa ste/ sems can gyi 'jig rten dang snod kyi 'jig rten dang/ 'phags pa dang 'phags pa ma yin pa
dang/  rang gzhan gyi sde par yang ming gi tha snyad du byed par mthong ba nyid kyi phyir dang/ 'jig rten dang 'jig rten las 'das pa'i bstan bcos la yang de de bzhin no/ /dri par byed pa rgyud 'di'i ming ni ci zhig yin zhes bste/ gzhan du yang gsungs
pa kye'i rdo rje zhes bya ba nyon zhes dang/  bcom ldan 'das ma sum brgya par/ chos kyi rnams grangs 'di'i ming ci lags/ 'di ci ltar bzung bar bgyi/ bcom ldan 'das kyis bka' stsal pa/ rab 'byor chos kyi rnam grangs 'di'i ming shes rab kyi pha rol tu phyir pa zhes bya'o//
'di de ltar bzung bar gyis shig / phyed dang bcas pa'i stong brag gnyis par yang/ shes rab kyi pha rol tu phyin pa zhes bya bar yang zung zhig/ rab kyi rtsal gyis rnam par gnon pas zhus pa zhes bya bar yang zung zhig ces so/ /nyan thos dang rang sangs rgyas dang yang dag par
rdzogs pa'i sangs rgyas kyi rigs can gyi don du bcom ldan 'das kyis theg pa gsum bstan to/  /chos 'di rigs kyi khyad par gyi don gyi mtshan ma ma mthong pa lta bur dri bar byed pa/ gang gi don du 'di nyid mdzad ces pa'o/ /theg pa gsum lta bur ston pa po dang/ gsal
pa 'debs pa po dang/  bstan pa rnams kyi gdul bya yang mthong bar the tshom za ba lta bur dri bar byed pa/ byed pa po'ang ci zhes pa'o/ /cha shas dang spyi'i don las kyang le'u la sogs pa dang/ stong phrag brgya pa la sogs pa'i gzhung tshad mthong nas/ 'di chad gang zhes
pa'o/  /gzhan du nyan pa dang/ tshe phyi ma la ? pa'i 'bras bu'i dgos pa/ sa dang pha rol tu phyin pa la sogs pa'i dgos pa yang mthong nas smras pa/ 'di'i dgos pa'ang ci zhig yin zhes so/ /glang bslad pa zhes bya ba'i rgyan dri ba'i bdag nyid can grangs lnga'o/ /
'di'i the? tshom sel bar byed pa gsungs pa/  rgyud kyi zhes bya ba la sogs pa ste/ ming mtshan ni yin no zhes pa mtshan ni 'dus pa zhes pa ste/ ming mi kun tu shes par byed pa ste/ 'jig rten ming gi rjes su don nyid mthong ste/ 'di'i yang 'dus pa phyi mar dris pa/ /'dus pa
zhes par ci zhig brjod/  /'di'i lan yang 'dus pa sbyor bar rab gsungs te sangs rgyas thams cad mngon? brjod byed ces so/ /gzhan duAng tha snyad 'di mngon par gsungs so/ /'di lta ste he yig gis ni ci zhig brjod/ /badzra yis kyang de bzhin ci/ /bcom ldan 'das kyis
bka' stsal pa/  he yig gis ni snying rje che/ /badzra'ang? shes rab brjod bya ste/ /shes rab rigs pa 'di yis ni/ /he badzra zhes bya bar brjod ces so/ /gnyis pa'i dri ba dang lan gsungs pa/ /skyes po 'dod chags can don du/ /zhes pa'i don ni mtshan ma ste rgyur ston pa'i byed
pa pa'o/  /'dod chags can zhes pa ni/ yul la chags pa nyid kyis byang chub mngon bar 'dod pa'i skye bo rnams so/ /de'i phyir nyan thos la sogs pa'i 'dod chags can mdzes dga' po la sogs pa rnams kyi don du 'di ma yin no/ /'dod chags can zhes pas nye bar
mtshon pa des/  zhe sdang la sogs pa la zhen pa 'di yang don du ste/ gsungs pa 'di yang/ zhe sdang gti smug? de bzhin chags/ /yid bzhin nor bu dam tshig de/ /rigs sngar gtogs pa 'di rnams kyis/ /'dod dang thar pa rab bsgrub pa'o zhes so/ /dri ba gsum pa'i lan
gsungs pa/  /'di yi byed po rdo rje sems/ /zhes pa rdo rje sems dpa' ni drug pa'o/ /des yang rdzogs pa'i sangs rgyas shAkya thub pa 'khor los sgyur ba'i gzugs 'dzin pa ste/ 'dod chags dang bral ba'i sku spangs nas rdo rje 'chang chen po'i skur bdag nyid mngon par sprul
par mdzad do zhes/  gzhan du 'chad par 'gyur ro/ /rdo rje sems dpa' i sgra'i dod nyid kyang 'chad par 'gyur te/ gzhan du yang gsungs pa/ rdo rje mi phyed ces par brjod/ /sems dpa' srid gsum gcig pa nyid/ /shes rab rigs pa 'di yis ni/ /rdo rje sems dpa' 
zhes brjod do zhes so/  /chos kyi phung po stong phrag brgyad cu rtsa bzhi la sogs pa'i le'u la sogs pa'i tshad gsungs pa'i rim pas/ 'di nyid kyi nang du gtogs pa'i phyir/ le'u la sogs pa'i yang don 'dir brjod par bya'o/ /zhes gsungs pa/ tshod? dag kyang ni
bshad bya ste/  /zhes te tshad ni yongs su gzhal ba ste/ de yang le'u la sogs pa rnams kyis so/ /le'u ni yongs su gcod pa ste/ yongs su ste thams cad las gcod pa ni gzhal bya'i khyad par de dang de'i brjod bya dang rjod byed de/
thos pa dang bsams pa dang/  bsgom pa la rab tu zhugs pas ni 'dod chags zhe sdang la sogs pa rnam par gcod pa'o/ /cho ga de bzhin zhes pa ni rtog par byed pas na rtog pa ste/ brtags pa dang rdzogs pa'i rnal 'byor gnyis kyis bsgrub par bya ba zhi ba can
la sogs pa'i las gang gis phyi'i tshogs pas sgrub par byed pa de ni rtog pa'o/  /sdom pa yang gsungs pa/ rnam rtog med pa'i chos rnams la/ /sems can don du yongs rtog phyir/ /nges na rtog pa zhes bshad de/ /rtog pa yongs su dag phyir ro zhes so/ /
dum bu dang zhes pa ni dum bur byed pas dum bu ste/  'khor ba dang mya ngan las 'das pa la mngon par zhen pa 'joms par byed pa'o/ /de'i rjod par byed pa phyi rol la rnam par 'jug pa ni dum bu'o/ /rim par phye zhes pa ni 'di'i don rang nyid kyi rgya cher bshad pa'i rnam
par? bston par 'gyur ro/  /gzhung nyid kyi'ang grangs yin no zhes pa ni/ /gzhung le'u bcu bdun gyi bdag nyid can gyi rab tu bcings pa'o/ /ji srid de'i brgya phrag tu 'gyur ba de ni/ gzhan du yang tshang dag ces pa 'dis brjod par bya'o/ /dgos pa yang ni zhes bya ba
la sogs la bgrangs pa la zhes pa ni yongs su bgrangs pa'o/  /de ci ltar zhen gsungs pa/ zhi sogs bya ba'i cho ga 'chad par 'gyur ba rnams so/ /grub pa brgyad dang ni ril bu la sogs pa 'chad par 'gyur ba rnams so/ /sangs rgyas nyid ces pa ni rdo rje 'chang
chen po nyid de/  rdo rje 'chang chen po nyid ces brjod par bya ba la sangs rgyas nyid ces brjod pa'o/ /shAkya thub pa'i rnam pa de'i rgyu nyan thos dang/ rang sangs rgyas la sogs pa las kyang 'di nyid lam dang bcas pa'i rgyu theg pa gcig gi rim pas 'jug go zhes sgrub par
byed pa'i don no/  /'di nyid kyis gshegs pa sangs rgyas gang+gA'i dbang bskur ba lta bu zhes zung du 'jug pa'i rim par ro/ /de nyid kyi phyir mngon par brjod pa mchog yin no ste/ dngos grub ma lus pa bsdus pa nyid kyi phyir sangs rgyas nyid do/ /'das zin te gsungs
pa/  gleng bslang ba la sogs pa rnams so/ /gsungs pa yang phyag 'tshal gang de gleng bslang ba la sogs pa zhes pa la sogs pa'o de nyid kyi phyir gsungs pa/ gnyis pa yang ni bshad bya ste zhes pa ni mdo sde pa dang/ bye brag smra ba dang/ rnal 'byor spyod pa pa kha cig 'di
dag sangs rgyas kyi gsung ma yin no zhes smra bar byed de/  de rnams kyi rnam par bzhag pa 'joms pa'i don du gsungs pa/ rgyud ces bya ba la sogs pa'o/ /rgyud la sogs pa theg pa gsum du mngon par brjod pa 'dis ni/ 'dir yang 'di sangs rgyas kyis gsungs
pa nyid du bsgrub par bya'o/  /rgyud la sogs pa'i rnam par 'grel pa gsungs pa/ skye bar 'khrungs pa zhes pa ste/ /skye ba zhes pa mngal du skye ba yongs su bzung ba'o/ /'khrungs pa ni mngal nas phyi rol du byung ba'o/ /mi rnams su zhes rgyu mtshan gyi bdun pa ste/ mi sbyir
btang nas de skal pa mnyam par nye bar ston par byed do zhes pa'i don no/  /mi rnams su zhes mang po'i tshig ni skye ba yongs su bzung bas gdul bar bya ba rnams de skal pa mnyam par skye ba'i mthar thug pa nyid nye bar mtshon par byed pa'i don du mi rnams su zhes
nye bar mtshon par byed de/  /nges na sna tshogs pa'i 'gro ba'i skye gnas su skye ba nye bar mtshon par bya'o/ /mi rnams su skye ba yang gdul bya rnams su yod bzhin pa nyid kyi phyir ro/ /rgyud ces bya ba brjod bya ste/ zhes pa ni bshad par bya'o/ /nges par 'byung ba ni nges par
'byung bar byed pa ste/  ci ltar 'gyur zhes na gsungs pa/ btsun mo'i 'khor gyi nang nas ni zhes pa dbang po la sogs pa'i lha rnams kyi btsun mo'i 'khor stong phrag drug cu'i nang nas/ bcom ldan 'das phyi rol du 'byung bar byed do/ /zhes rgya cher rgyas par rol pa de ni 
gleng gzhi ste/  byang chub kyi dang po'i rgyu'o/ /sdom pa zhes pa ni sdom par byed pas sdom pa ste lus la sogs pa rnams kyis mi dge ba mdza' dag las ldog par byed pa dang/ byang chub yan lag gi dge ba mdza' dag la yang rab tu 'jug par
byed pa yang lus la sogs pa rnams kyi sdom pa'o/  /'dul las bstan pa ni sems can rnams 'dul ba'i ched du gsungs pa ste/ mngon par byed pa'i gzhung du yang/ bcom ldan 'das kyang byang chub kyi dang po rang nyid sdom pas byang chub lhag par rtogs so zhes mngon par
brjod do/  /de nyid kyi phyir gsungs pa/ des pa'i tshig ces brjod bya ste/ rang nyid des nas kun tu gzung bar bya bar ston par byed pa ni nges pa'i tshig go/ 'bras bu 'dod pa zhes pa ni/ 'bras bu yang dag par rdzogs pa'i byang chub la sogs pa kun tu 'dod pa'i dang tshul gang
yin pa de de bzhin no/  /chos spyod pa ni rdzogs pa'i byang chub la sogs pa sgrub par byed pa'o/ /de ni rgyu zhes pa ni rdzogs pa'i byang chub la sogs pas kun tu 'grogs pa med pas rdzogs par byed pa po nyid kyi phyir ro/ /'dod chags bral chos kyi ni nyan thos kyi theg pa la sogS
pa'i chos kyi'o/  /tshul ni rigs pa'o/ /'dod do zhes pa ni/ chags bral gyi tshul gyi theg pa chen por yang ngo/ /de ltar dpe mngon par brjod pa'i dpe can gsungs pa/ 'dod chags chos kyi tshul gyis ni zhes pa 'dod chags spyad pas lhag par rtogs pa'i chos ni 'dod chags chos so//
de'i tshul 'chad par 'gyur ba rnams so/  /don gsal rtogs phyir ni gsal ba ni gsal bar byas pa ste/ theg pa gsum gyi don gang yin pa de'i don gyi tshul 'dir rtogs par byed pa'o/ /sangs rgyas lnga zhes pa la sogs pa ni de'i nges par bstan pa ste/ sangs rgyas lnga ni
rnam par snang mdzad la sogs pa rdo rje 'chang chen po'i phung po lnga'i bdag nyid can no/  /de rnams kyi dgos ni tshogs te/ de la bskyed pa ni phung po lnga yongs su gzung ba ste/ de ni rgyud do/ /khams dang skye mched la sogs pa rnams kyang gzugs kyi phung po la sogs pas nges par bskyed
pa nyid kyis lnga po nyid kyi nang du gtogs pa'i phyir dkyil 'khor du 'jug pa na yang / dkyil 'khor 'di dag la yang bltos/ /da ni dad pa bskyed bgyis dang/ /khyod ni sangs rgyas rigs su skyes/ /sngags dang phyag rgyas byin gyis brlabs zhes so/ /slar yang rigs gcig gyur pa ni
zhes pa ni/  rigs lnga'i sangs rgyas bskyed pa ni/ /zhes gsungs pa la bltos nas/ slar yang zhes pa'i tshig go /lnga po rnams drug pa ye shes kyi skur de'i bdag nyid kyis zhugs pa las rigs gcig tu 'gyur ro/ /rdo rje la sogs bzung ba ni rdo rje la sogs pa'i brtul zhugs
'dzin par byed pa sngags kyi theg pa chen po'i tshul bstan pa ni nges pa'i tshig go / sgeg pa la sogs zhes pa'i sogs kyi sgras dpa' ba dang mi sdug pa la sogs pa rnams bzung ngo/ /ros zhes pa ni gsungs pa'i sgeg pa la sogs pa'i ro rnams kyis zhes mang po'i
tshig ste/  'di rnams phan tshun 'dres pa'i ngo'i khyad mar rnams bsdus pa'i don no/ /myang bar bya'o/ /kun tu myang bar bya'o/ zhes pas ro'o/ /de rnams kyi spyod par byed tshul du byed pas spyod pa ste/ spros dang bcas pa dang spros pa med pa dang/ shin tu spros pa med pa'i
bdag nyid can 'chad par 'gyur ba rnams so/  /rgyu ni rdo rje 'chang nyid rdzogs par byed pa la ma tshad pa med pa'i rgyu'o/ /de ni tshig gi don ma nor bar yongs su rtog cing nges pas nges par sel pa'i don gsungs pa/ rgyan ni gsum pa nyid kyang ni zhes bya ba la sogs pa ste/ de
ci zhe na gsungs pa/  mdza' drug gis des byas pa/ zhes pa ni mdza' drug tshig ni rnam pa drug gi tshig ste/ 'dis don bstan par bya/ rtog sgrub par bya/ rtogs par bya'o zhes pas tshig go /de'i nges pa'i don rtogs pa gang la rgyan du byed pa de de bzhin no/ /rnal 'byor rgyud
tshul las bshad pa zhes pa la/  rnal 'byor rnam gsum shes bya ste/ byin gyis brlabs dang yongs? brtags dang/ /sems kyi gzugs ni rdzogs pa ste/ /rnal 'byor sangs rgyas rnams kyi sngags zhes so/ /rnal 'byor rnam pa gsum po rgyud du bye brag tu rtogs par
byed pa gang yin pa de ni rnal 'byor gyi rgyud do/  /'dis sems can rnams mtho ris dang byang grol du 'dren par byed do zhes pas de nyid tshul lo/ /der yang dag par bsdus pas brjod pa ni bstan pa'o/ /shes rab thabs kyi bdag
nyid rgyud/  /rnal 'byor rgyud du nges brjod bya/ /zhes gur du gyur par gsungs par gyur pa ma yin nam/ 'dir yang 'chad par 'gyur pa rnal 'byor gyi rgyud ni mdza' rnam pa 'di drug tu nges pa yin no zhes so/ /zhes brjod par bya ste/ 'di zhes pa 'dis rnal
'byor pa'i rgyud du mngon par brjod pa yang 'dus pa'i dan du brjod par bya'o zhes pa 'gal ba ma yin no/  /glu ru yang dzo a'i Ni hAn+d+ra dze ai hU sid+d+han+ta b+ha na a'i shAn+ti si ri e hu sa mA dza/ mA mu tsa mA mu tsa ku lis bar ho zhes pa la sogs pa'o/ /rgyas btab don zhes pa ni
shin tu sbas pa'i don no/  /rab rtogs byed ni mngon par gsal bar byed pa'o/ /de la rgyan gsungs pa/ dgongs pa'i skad dang zhes bya ba la sogs pa ste/ dgongs pa'i skad ces bya ba yang kha cig tu blta bar bya ste dgongs pa zhes bya ba yang/ shes rab kyi pha rol tu phyin pa bdun brgya
bar/  'jigs pa rjes su sgrol ma zhes bya bas/ shA ? ti'i bu dgra bcom pa zag pa zad pa 'di dag brjod/ shA radwa ti'i bus smras pa/ dgongs pa ci yin pa 'jam dpal gyis de bzhin du ston par byed do/ /zhes pa la sogs pa'o/ /dgongs min dang zhes pa ni dgongs pa
ma yin no zhes par yang blta bar bya ste/  tshig gi don drug gis smra bar byed pa'i mngon par dgongs pa bcom ldan 'das kyis bstan par gsungs pa/ spas te zhes bya ba la sogs pa ste sbas pa ni de kho na nyid kun tu sgribs pa'o/ /skal dan rnams kyis ni skal pa ma ?
pa'i skye bo rnams ? gi 'dul bar bya ba de skal dan ste/  de rnams la bshad pa gang yin pa ba ste/ gang gis tshig nges ston pa dbyed pa de ni drad pa'i don no/ /gal te yang gzhan du yang tshangs pa la sogs pa'i mu stegs kyi dam tshig gnyis kyi mthar yang skal ngan du bstan te/
de bzhin du yang 'dir de rnams kyi don gyi ched du/  bcom ldan 'das kyi drang ba'i ched du bshad te/ drad pa'i don yang de rnaMS kyi snod ma yin pa nyid kyi phyir/ yang dag pa'i don las drangs te/ de bzhin du snod du byed pa rnams kyi don du rnams pa gzhan du bshad pa nyid ces pa drang pa'i don no/ /
drang ba yang de yin don yang de yin pas drang ba'i don no/  /yang dag don ni nges pa'i don te stong pa nyid kyi don no zhes pa srid par ro/ /gsungs pa yang bsam gyis mi khyab par ston pa las/ nges don zhes kyang bstan pa ni/ /chos rnams stong nyid las phyi min/ /gang zhig skye 'gag la
sogs dang/  /sems can 'tsho pa la sogs bstan/ /mgon po khyod kyis kun rdzob tu/ /drang ba'i don du de gsungs so zhes so/ /zla ba sgron mar yang/ ji ltar bde bar gshegs pas stong nyid nyer bstan pa/ /des don mdo sde khyad par shes par byed/ /gang du slar yang gang zag sems can
skyes/  /na do ste de ni drang don shes par byed ces so/ /de nyid kyi phyir rang bzhin gsum la mngon par dgongs nas bstan pa ni nges pa'i don no zhes pa ni 'gal pa'i tshig go /des pa ji lta ba kho nar tshig gi don de lta bu bo nar gsal par byas pa'i don ni/ nges pa'i don no/ mchog 'dod ces te/
'dod pa ni mngon par 'dod pa'i gal te bcom ldan 'das srog gcod pa la sogs 'jig rten dang 'gal ba'i sgra'i sbyor bas/  chos kyi de kho na nyid kyi bdag nyid rab tu gsal bar byed de /de'i tshe chos zab mo'i snod srog gcod la mngon par dga' ba rnams 'dir 'jug par byed pas/
sems can gyi don chen po byas par 'gyur ro zhes/  mngon par 'dod pa gang yin pa de rnams kyi dgongs pa'i ched? du bcom ldan 'das kyis gsungs so/ /'gal ba'i tshig ces pa ni nye bar mtshon pa ste/ srog bcod pa la sogs pa 'gal ba'i tshig gi sbyor ba med par
yang rgya cher 'grel gyi rnam par gnas mang po rnams su cha shas kyi don rnams pa bshad par dgongs pas bshad pa 'jug par 'gyur ro/  /dkyil 'khor sogs su ni rdul tshon sprul pa la sogs su'o/ /la sogs kyi sgra las thabs dang sbyin sreg la sogs pa yongs su bzung?
rtog pa sogs su zhes pa ni sngags dang/  sman dang/ ril bu la sogs pa'i sbyor ba rnams su'o/ /sbyong pa ni 'chad bzhin pa rnams so/ /ji ltar ji ltar na gang du gang zhig mngon par gsungs pa'o/ /don rgyas bshad pa ni sgra ji bzhin pa'o/
'jig rten bstan bcos la med cing ni/  yang gi sgra yongs su blta bar bya bzhin pa'o/ /sgra ji bzhin pa min pa ni/ gang gi'ang ma cin pa mngon par 'dod pa ma yin pa'i sgra'o/ /dbang po dman pa ni rnon pa ma yin pa zab mo'i chos kyi snod du gyur pa rnams la mchog
tu gsal ba ste/  drang ba'i don bzhin spas pa ma yin par bshad pa'o/ /rnam par shes pas nye bar nyon mongs pa nges par sel bar 'dod pas/ rgyan bzhi pa gsungs pa/ yi ge'i don zhes pa la sogs pa'o/ /dang po zhes pa la sogs pas de'i dbye ba pa ston te/ 'di'i rab
tu dbye bar mngon par dgongs pas smra bar byed pa gsungs la/  phyi rol zhes pa la sogs pa ste/ phyi rol bstan bcos ni lung du ston pa ste de rig pa'o/ /bstan bcos gzhan rig pa yang gang zhig gang du dam pa ma yin pa de rnams kyang phyi'i bstan bcos rig pa lta bu'o/
de nyid kyi phyir gsungs pa/  sgra tsam la ni rab gzhol pa'o/ /sgra'i mdza' gzings lta bu ma rig nas sgra'i sgo nas don dam pa rtogs par nus pa'o/ /de'i bkod pa ste de rnams mngon par shes pa sgra dang don dag gi brjod bya dang brjod byed du rtog pa'o/ /de'i rab tu bstan
pa ni yi ge'i don te/  yi ge las bskyod? pa'i don ni yi ge'i don to/ /rnam pa gzhan du na de rnams gdul byang mi 'gyur ro/ /'dod sogs zhes pa'i sogs kyi sgras 'dul pa dang/ rtog pa dang/ bya ba'i rgyud la sogs pa la rab tu zhugs pa rnams kyi 'gyod pa
bzlog par byed pa mi zhes pa btsun mo'i b+ha ga rnams su bcom ldan? 'das bzhugs te/  zhes pa la sogs pa rdo rje'i tshig mthong ba dang/ thos pa dang/ dad pa nye bar skyes pa'i 'gro ba'i rgyu dang por bstan pa'i tshul la nges par 'jug pa'o/ /bskyed pa'i rim pa ni lha'i
bsred pa'i rim pa ste/  de dang ldan pa'o/ /yang dag par 'grel pa de ni yan lag bsdus pa ste/ spyi'i don no/ /sbas pa zhes pa la sbas pa can zhes pa thob pa la sbas pa zhes pa'i don te/ ji ltar 'jig rten du sbrum ma mthong nas/ 'di ni 'dod chags chos kyi kun tu spyod pa'i 'bras
bu'o zhes rtogs so/  /de bzhin du 'dir yang rnam par bshad pa'i 'dod chags chos su mngon par brjod par bya ba snying po dang ldan pa'o/ /de nyid kyi phyir gsungs pa/ snying po yod pas zhes pa la sogs pa'o/ /'di'i zhes pa ni 'di'i 'o/ /rab tu dbye bas gzhan gnyis pa
gsungs pa kun rdzob ces pa la sogs pa ste/  kun rdzob kyi bden pa ni rim pa gsum pa sgyu ma lta bu nyid do/ /de rtogs pa ni de rab tu gsal bar byed pa'o/ /ye shes gsum po rnam brtags pa zhes pa ni/ rim pa gnyis pa 'bras bu'i tshul gyi'o/ /rnam rtags pa ni
las kyi mdza' rnam par 'byed pa dang/  thams cad dag cing rnam par dag pa'i rim pa dang/ sbyor bsdus rnams su gsungs pa'i rang bzhin gyi snang pa la sogs pa ye shes gsum po 'dir sgrub par byed do zhes pa'o sbas pa'i bshad pa rnam pa gsum mo/ /'od gsal
ba ni rab ston dang zhes pa'i dang/  zud du 'jug pa rtogs pa ste zhes bya ba'i bar ma chad par blta bar bya'o/ /rnam pa gzhan du na rnam pa gnyis su bya bar 'dir yang dag par brjod par mi 'gyur ro/ /rtogs pa zhes bya ba 'dis rgyu dang 'bras bu'i dngos po byas pa'i dbye
pa gsung ngo/  /de bzhin du yi ge'i don dang/ spyi dang sbas pa dang/ mthar thug pa'i bshad pa rnams dang/ sgra ji bzhin pa la sogs pa'i tshig drug thog mar bkod pa rnams kyi phan tshun rgyu dang 'bras bur rtogs pa ni bla ma la rag lus so/ /mthar thug gi sgra'i
bshad pa gsungs pa/  mdza' ni mur thug pa'i tshig ces pa la/ mu ni yongs su ste dngos po thams cad nas thug pa ni mthar gnas pa'o/ /thog mar so sor bsgrub pa'i bshad pa rnam pa gsum gyi don dang phung po la sogs pa kun rdzob kyi bden pa'i mthar thug
pa rnams kyi'o/  /zhes pas mur thug pa ste/ ji ltar 'tsho ba ni 'chi ba'i mur thug cing 'chi ba'i mthar thug go zhes so/ /de'i rjod byed de bzhin gshegs pa'i brda sgra ji bzhin pa ma yin pas mdza' ste/ der tha snyad du byed de/ mur thug
pa'i tshig gi don gsal bar byed pas so/  /zhes pa mthar thug pa'i bshad pa rnam pa gnyis so/ /rgyan lnga pa'i dbang du byas nas gsungs pa/ 'dod pa zhes pa la sogs pa ste/ yang ni slar yang gi don ste/ slar yang rgyan gzhan zhes bya ba'i don to/ /dbye
pa rnam pa gnyis zhes pa ni/  gdul bya rnam pa gnyis las/ tshogs la bshad pa ni/ nyan pa po tshegs lta bu la 'chad pa ste/ skye bo thams cad kyi thun mong pa'o zhes pa'i don no/ /slob ma la bshad pa'i thun mongs ma yin pa ste/ mchog gi yul yin
pa'i phyir ro/  /bstan pa 'di'i rgyas par bshad pa gsungs pa/ ji bzhin skra dang zhes pa la sogs pa ni go sla'o/ /rgyan lnga pa'i dbye ba gnyis so/ /rim pa gnyis la zhes pa la sogs pas rgyan 'di'i rim pa gnyis kyis bcings pas ston par byed do/ /de
bzhin gshegs las zhes pa na dus gsum pa'i de bzhin gshegs pa'i bdag nyid can rdo rje 'chang chen pos so/  /rgyan drug pa'i rab tu dbye ba lnga'i dbang du byas nas gsungs pa/ 'jig rten zhes pa la sogs pa ste/ 'jig rten zhes pa sems can snod du
brjod pa la'o/  /nges bar 'gyur ba ni las kyi dbang las skyes pa'o/ /rnam pa dpag med ces pa ni lnga nyid kyi gtan tshigs so/ /'dod do zhes pa ni bcom ldan 'das zhes pa lhag ma'o/ /rin chen zhes pa la rin chen lta bu ni rin chen ste/ 'jig rten gsum du rnyed
par dka' ba yang skye ba 'di nyid la byang chub kyi snod du byed pa nyid kyi phyir ro/  /tsandan zhes pa ni tsandan lta bu ni tsandan te/ ji ltar gos la 'jug pa dang/ rnam par rtsol ba dang/ 'thag pa'i dus su gnas pa dang/ dri shin tu chung ba nyid yin pa de bzhin du 'di yang ngo
zhes pa'i don no/  /pad+ma zhes pa la pad+ma lta bu ni pad+ma ste/ ji ltar pad+ma dag ? ba la sogs pa'i ston bskyed pa dang ldan yang/ yon tan de ring du 'dzin par byed pa ma yin pa de bzhin du 'dir yang ngo/ /pad dkar zhes pa la chu skyes dkar po lta bur chags pa rnam par dag pa dkar
po'i yon tan 'dzin pas/  gzhan gyi rgyud la rtogS pa'i yon tan 'dzin par byed nus pa yang dag pa'i don de 'dzin par byed pa'o zhes bya ba'i don to/ /autpal zhes bya ba la autpa la lta bu ni autpal te/ ji ltar autpal dri mang po la sogs pa 'dzin yang ring du mi gnas pa de bzhin du 'dir
yang ngo zhes pa'i don to/  /de lta bu 'dis rang bzhin te de rnams kyi chos kyis so/ /tha dad ming gi zhes bya ba la sogs pa ni/ yad? na de bzhin gshegs pa rnams kyi brda'i ming 'di dang 'di rnams so/ /yang na? rang bzhin tha dad pa ming gis zhes bya ba la sogs pa la rang
bzhin gyis te dngos po tha dad par 'di rnams kyi ming thams cad mkhyen pa ste/  rdo rje 'chang chen pos gsungs pa yin no/ /slar yang 'di rnams kyi rang bzhin ci zhe na/ gsungs pa/ de thos nas zhes pa la sogs pa ste/ mtshan nyid 'di rnams 'khrug pas brjod pa'i tshigs bcad das/
brjod pa nyid kyi phyir/  bum pa'i ras bal zhes bya ba la/ ? shin tu chud zhing sa las byung ba la sogs pa'i snod ni bum pa'o/ /ras bal bzhin zhes pa ni ras bal bcug pa mi thon pa bzhin no/ /chos thos pa rab tu gsal bar byed pa de'i 'o zhes bya ba'i don no/ /snying
rje shes zhes bya ba ni sems can rjes su bzung pa'i dbang du byas nas so/  /blo'i kha 'bye zhes bya ba ni snying gi pad+ma kha ebye bar gyur pa'o/ /thos pa'i zhes bya ba ni nyan pa dang 'brel bar nye bar mtshon par bya'o/ /bdun pa'i don nyid kyis drug pa'o/ /tshigs med 'od ma
bzhin zhes pa ni mdud pa med par 'dzeg? pa'i 'od ma'i dum bu bzhin du ste/  mdud pa gnyis nges par gnas pa ni tshigs so/ /tshigs med pa'i 'od ma de bzhin du 'di yang 'dir mtshams las 'das pa'o/ /ji ltar mdud pa dang bral ba ngos gnyis ka nas 'dzag pa'i 'od ma'i 
dum bur bcug pa na/  'og la sogs pa ngos gzhan gcig nas ltung bar byed kyi gnas pa ci yang med do/ /de bzhin du gang zag 'di'i chos thos pa yang so sor 'jug par byed pa dang/ nges par 'gro bar byed do zhes bya ba ni gsungs pa'o//
mkhas la ni sbyangs pa shes pa'o/  /rgyud cig ni grub pa'i mdza' gcig la lhag par mos pa la ste/ gzhan dang gzhan gyi grub pa'i mdza' 'di drang bar bya ba dang/ the tsom za ba ma yin no/ /thams cad du yang chos thos pas bden pa gnyis gnyis su med
par sbyor bar byed do/  /rim pa gsum par yang gsungs pa bden pa gnyis gnyis su med pa'i lhag par mos pas/ thos pa 'dzin pa zhes so/ /gang zag lnga po 'di rnams sngar gsungs pa'i bshad pa rnam pa gnyis kyis 'brel bar bstan pa gsungs pa/ pad
dkar zhes pa la sogs pa ste/  bshad pa rnam pa gnyis zhes pa ni khyad par gyi 'chad pas na/ rnam par bshad pa ste man ngag 'chad pa'o/ /gang zag gang man ngag gi rim pa gang gi snod yin pa de'i ched du man ngag gi rim pa de brjod par bya'o//
rin po che'i gang zag las gzhan pa'i gang zag rnams tshig gi don drug gsal bar mi bya ba ma yin nam/  zhe na 'chad par 'gyur te/ gang gi phyir rgyud kyi gzhung ma lus pa thos nas kyang mdza' drug gi tshig rnam par dbye bas rgyud kyi don la kun tu yangs
pa ma yin pa'i rmongs pa tsandan la sogs pa rnams thos pa zhes pa la sogs pa'o/  /de ni gsungs pa'i rgyan drug po rnams kyi bden pa gnyis sgrub par byed pa rgyan bdun pa gsungs pa de rnams kyis zhes pa la sogs pa ste/ de rnams kyis zhes pa ni sngar
brjod pa rnams kyis so/  /bden gnyis rnam par des byas pa ni rnam par gtan la phab pa ste/ de yang thos pa las byung ba dang/ bla ma rim pa las 'das pas so/ /bdun pa zhes pa ni rnam par nges pa de'o/ /rdzogs pa'i rim pa bsgrub pa zhes pa ni/ /rdzogs pa ni rab tu
sbyod ba nyid mdza' med pa ni rdzogs pa'i dngos po las gnas pa dang 'jigs pa yang rdzogs pa la med do/  /rim pa ni rang bzhin te 'di dag bya'o zhes bya ba la sogs pa med pa'i phyir ro/ /sgrub pa'o zhes pa ni bla ma rgyud pa'i rim pas skyed pa dang 'gog pa ded de so sor brtags nas
bden pa gnyis kyi bdag nyid can de'i so sor rtogs par byed do/  /gsungs pa yang/ b+ha ba au e k+tya? a kha a hi Ni madzdza a be bi bi badzdzi a ka hi au adzdza a/ be bi bi badzdzi a dzo Ta a dza a ats+tshang+ga si ri gu ru NA hi ka hidzdza a zhes so/ /zhes pa ni chung du'i rang bzhin la ni rdzogs
pa'i rim pa sgrub par byed par mngon par brjod do/  /bar ma la ni so sor slar yang gsungs pa/ gang dang gang zhig lha dang nyan par byed/ /snom byed mod byed kun tu reg par byed/ /zab cing rgya che de yi de dang de/ /'dir ni kun tu bzang por snang ba yin/ /zab cing rgya che der
yin zhes pa'i gsungs las bden pa gnyis kyi bya ba 'dir de'i bdag nyid kyis rim par bya'o/  /de nas 'dis/ slar yang sngar bzhin rab tu 'jug pa ni ma yin no/ /lhag pa tsam las so sor zab pa dang/ rgya che ba des/ dran pa 'am dran pa med pa yod pa ma yin te/
rang gi rang nyid las bden pa gnyis ro gcig pas rtag tu byung ba nyid kyi phyir ro/  /zung du 'jug pa'i rim par yang gsungs pa/ dran pa dang dran min las grol zhing/ /rtag tu 'byung ba'i mtshan nyid can/ /zhes pa la sogs pa'o/ /rab tu byed pa gsum par yang/ /zung 'jug
gi lam du bden pa gnyis kyi sgrub thabs nyid 'dir rgyu nyid du yod do/  /rgyan bdun gyi bshad pa la rgyud kyi rang dbang ma yin pa nyid du bstan par 'dod nas gsungs pa bshad pa'i rgyud ces pa 'dis don khyad par gyi bshad bar byed bas na rnam bshad do/ /gyud ni rang dbang
ste gang 'ga' zhig tu 'ga' zhig gi don to/  /'dus pa la sogs pa'i bshad pa byed kyi/ /kun tu 'dod pa ji snyed pa yi ni ma yin no/ /bshad pa'i tshul gyi rgyud ni bshad pa'i rgyud do/ /bshad pa ni yang dag par grags pa'i yul du 'jog par byed pa'o/ /rnal 'byor
rgyud rnams zhes mang tshig tu 'bral bar gsungs pa ni/  /'dus pa'i rgyud nyid 'bras bu'i ngo bo nyid kyi phyir ro/ /rdo rje bla ma zhes pa ni bden pa gnyis kyi bdag nyid can nyid kyi phyir dang/ /rdo rje lta bu'i lam ston par byed pa po nyid kyi phyir rdo rje'o//
'jig rten gsum gyi ston pa po nyid kyi phyir bla ma'o/  /de bas rnal 'byor rgyud rnams ni rdo rje phreng ba la sogs pa 'dus pa'i rnal 'byor gyi bshad pa'i rgyud rnams so/ /bzung ngo ni don dang gzhung yid la bya'o/ /ma 'ongs pa'i sems can la bltos nas glegs bam
gyi tshul gyis kyang bzung bar bya'o/  /ci ltar zhe na gsungs pa/ gleng bzhi rim pa'i sbyor bar bcas zhes te/ gsungs pa'i rgyud dang/ bskyed pa dang rdzogs pa'i rim pa dag las so/ /bla ma ji ltar gyur pa las zhen gsungs pa/ bshad pa'i rgyud las mkhas pa las te/
rdo rje 'phreng ba la sogs pa bshad pa'i rgyud la shin tu byang ba ste/  the tshom zab las ni ma yin no/ /bshad pa ni gsungs pa'o/ /rig pa ni rim pa'o/ /da ni rgyud kyi rnam pa sna tshogs pa'i 'grel pa brjod par bya'o/ /'dus pa phyi mar gsungs pa/ rgyud kyi 'brel pa ji
lta bu zhes so/  /de yang so sor bstan par bya ba'i don gyi sgo can dum bu'i mthar thug pa rtogs pa mngon par brjod pa de las de la le'ur gyur pa de snyed? du 'brel ba bstan par 'dod nas gsungs pa/ /da ni zhes pa la sogs pa ste/ le'u bcu bdun po rnams
kyi zhes pa ni/  le'u bco brgyad pa ni shin tu sbas pa'i tshig gis bshad pa'i rgyud yin pa'i phyir ro/ /bsdus pa'i don ni bsdus pa can du byas pa'i don ni bsdus pa'i don no/ /don mang po rnams re rer mngon par brjod pa'i phyir ro/ /de la zhes pa ni le'u bcu
bdun po rnams su'o/  /brjod par byed pa dang zhes pa ni gzhung gi bdag nyid do/ /brjod par bya ba zhes pa ni lus kyi bdag nyid do/ /rdo rje 'chang chen po ni drug pa ste gtso bo yin pa nyid kyi phyir ro/ /mi bskyod pa la sogs pa rnams ni rdo rje 'chang chen
po'i rnam par 'phrul pa yin pa nyid kyi phyir/  de rnams kyis brjod par byed pa dang/ brjod par bya ba nyid du brjod par bya ba ma yin no/ /le'u 'di nyid du gsungs par 'gyur ba/ rgyud 'dir sems gtso bo yin pa'i phyir/ mi bskyod pa bsdus pa'i dkyil 'khor sprul
pa'i bya ba bstan pa'i phyir/  zhes pa ma yin nam zhe na/ de ltar gsungs pa de ni rnam par snang mdzad la sogs pa la bltos nas/ /sems gtso bo yin pa'i phyir zhes gsungs pa'i phyir mi 'gal lo/ /le'u bzhi pa'i rnam par bshad par yang thugs
kyi dkyil 'khor mchog ces pa ni/  sems gtso bor gyur pa'i dkyil 'khor ni thugs kyi dkyil 'khor te/ rdo rje rigs kyi gtso bo yin pa'i phyir mchog go /de nyid kyi phyir 'di dang por gsungs so/ /sprul pa'i dkyil 'khor zhes pa ni bsdus pa'i dkyil 'khor ji lta
bar gnas su bkod pa'i shing la sogs pa las sprul pa bzung ba nyid kyi phyir ro/  /rig pa'i dbang bskur ba ni/ rig ma spyan ma la sogs pa de rnams kyis mngon par dbang bskur bar byed pa'o/ /brtags pa'i bsgrub thabs zhes pa sa bon dang mtshan ma la sogs par
byed pa rnams kyis bskyed pa'i sgrub thabs yin pa'i phyir/  brtags pa'i sgrub thabs zhes brjod par bya'o/ /rdzogs pa'i rim pa'i sgrub thabs zhes pa ni sngar bshad do/ /rim pa gnyis po 'di'i sgrubs thabs kyi 'brel pa gsungs pa/ 'chad par 'gyur pa'i zhes
pa la sogs pa ste/  le'u bcu drug po yi'ang zhes pa'i yang gi sgras le'u'i phyogs gcig la sogs pa yang dag par sdud par byed do/ /don gzhan rnyed ces pa ni brtags pa dang rdzogs pa'i rim pa'i sgrub thabs las gzhan pa'i don ni don gzhan te/
de bshad par byed pas skabs su bab par zhes pa'i don no/  /lha'i rnal 'byor rnam pa gnyis po nyid la zhes pa ni/ rim pa gnyis po med par don gzhan bskyed par bya ba med pa nyid kyi phyir ro/ /rnam par bshad pa'i don du gzhan gyi dbang du byed pa can gyi bdag
nyid gsungs pa/  rim pa gnyis zhes pa la sogs pa ste/ sangs rgyas rnams kyis zhes pa ni mang po'i tshig go /dus gsum du bzhugs pa rdzogs pa'i sangs rgyas kyi bstan par mtshungs pa nyid du bstan pa'i don to/ /kha
cig du rdo rje can rnams kyi zhes klog ste/  'dir yang mang po'i tshig ni sngar bzhin no/ /yang ni gcig nyid kyang rdo rje 'chang chen po 'am/ sangs rgyas dang byang chub sems dpa' dang/ rdo rje 'dzin pa dang/ rdo rje mkha' 'gro ma la sogs pa'i bdag nyid can
nyid kyi phyir/  mang po'i tshig tu brjod par bya'o/ /'dus pa phyi mar gsungs pa'i lnga pa zhes bya ba la sogs pas rgyud kyi 'brel pa gzhan du brjod pa ma yin nam zhe na 'di ni bden te/ de ltar ni 'dus pa phyi mar le'u dang po la rgyud kyi 'brel pa mngon par
brjod pa med do/  /le'u lnga pa dang/ dgu pa dang/ bcu bdun pa dang/ bcu gsum pa rnams kyis sgrub pa chen po bstan no/ /bzhi pa ni bcu drug pa brgyad pa bcu gnyis pa'i le'us slob dpon spyi yi las rnams dang/ dngos grub brtul zhugs sdom pa
yin/  /zhes rgyud kyi 'brel pa mngon par brjod par byed do/ /gzhan du yang rim pa 'dis rgyud kyi 'brel pa mngon par gsungs so/ /de yang 'dus pa phyi mar le'u bcu bdun pa nyid kyi nang du gtogs pa'i phyir/ rgyud kyi bshad pa la le'u bco brgyad
pa'i yang rnam par bshad pa nyid kyi phyir rgyud kyi nang du song ba rgyud kyi 'grol? pa yang rgya cher 'grel gyi rnam par bshad de de'i phyir/  rgyud kyi rnam bshad gzhan brjod pa rnam?/ rgyud kyi 'brel pa gzhan nyid bsdus pa'i don gyis bshad par brjod
pa ma yin no/  /gal te yang bskyed pa dang rdzogs pa'i rim pa gnyis po nyid kyi de kho na? nyid ma lus pa las rab 'byams la sogs pa dang lhan cig tu bstan par bya'o/ /de bzhin du yang de ma yin pa kha cig tu rim pa gnyis dang/ kha cig tu gnyis
ka'i cha shas dang/  kha cig tu phyed ma dang/ kha cig tu yan lag dang/ kha cig tu gcig nyid kho na'o zhes bya ba la sogs pa mngon par rjod par byed par gsungs pa/ le'u gnyis pa la ni 'ba' zhig ces bya ba la sogs pa ste/ yongs su dag pa zhes pa ni de bzhin nyid yongs su dag pa
nyid kyi phyir ro/  /de bzhin nyid yongs su dag pa ma yin no/ /dbang bskur ba'i dkyil 'khor zhes pa ni/ dbang bskur ba'i ched du ste/ dri ma 'khrud par byed pa'i ched du'o/ /dkyil 'khor ni rdul tshon gyi dkyil 'khor ro/ /rnal 'byor gyi spyod pa zhes pa ni/ shes rab dang thabs rdzogs
par brtag pa ni rnal 'byor ro/  /de'i gong ma las kyang ches gong ma'i rim pas 'phel bar byed pa'i don du yul la sogs pa nyams su myong ba'i bya ba'i tshogs ni spyod pa'o/ /gsungs pa yang/ ji ltar 'dod pa'i yul 'di rnams la ni/ /spyod pa de ni spyod pas 'phel
bar byed/  /yam shing rnams ni sreg byed min pa nyid/ /shin tu lhag par gnas pa sreg byed yin zhes so/ /sku gsung thugs zhes pa ni sgrub pa po'i lus la sogs pa gang yin pa de/ rnam par snang mdzad la sogs pa rnams kyis de'i sku la sogs pa'i rang bzhin
gyis so/  /byin gyis rlab pa de ni de la gnas par byed pa'o/ /spros pa zhes pa ni gsal bar byed pa'o/ /gsang ba zhes pa ni shes rab dang thabs dag gi longs spyod pa las byung ba'i byang chub kyi sems dag go /des dbang bskur ba ni ngag gi dri ma 'brud par byed pa'o//
rmad du byung ba lung bstan pa zhes pa ni/  /mi bskyod pa'i lag tu gnas pa'i rdo rjes phyogs bcur bzhugs pa'i sangs rgyas thams cad phye par byed do zhes pa la sogs pa brjod par byed pa'o/ /snying po bskul bar byed pa ni rab tu rtogs par byed pa'o/ /sngags kyi
sku skyed pa ni/  yi ge gsum la sogs pa'i sngags kyi rim pas bskyed pa'i sku ni sngags kyi sku'o/ /bskyed pa ni bskyed par bya ba'i rim pa'o/ /de bzhin du ye shes kyi sku bskyed ba'o/ /gnyis po 'di dag gtso bor brjod pa'o/ /'dir gzhan yang gzhal bar bya bar mngon
par brjod do/  /de bzhin du 'chang par 'gyur pa rnams su yang bsdus pa'i don du brjod par bya'o/ /phyag rgya chen po yongs su gyur pa zhes pa ni/ mi bskyod pa la sogs pa'i lha'i sku ni phyag rgya chen po'o/ /de le'u bcu gnyis pa las gsungs pa'i rim pas/ rdo
rje'i rig pa 'dzin pa la sogs pa nyid kyis bskyed pa ni yongs su gyur pa'o/  /las rab 'byams zhes pa ni/ las rnams ni bya ba rnams so/ /rab 'byams ni rgyas pa'o/ /de kho na nyid lhag par rtogs pa nyid kyis zhes pa ni/ bla ma'i drin las so/ /sgyu ma lta bu'i ting nge 'dzin ni zung 'jug gi
ting nge 'dzin no / dam tshig dang sdom pa zhes pa la/ dam tshig ni srog gcod pa la sogS pa bsrung bar bya ba bzhi po dang bza' bar bya ba'o/ /sdom pa zhes pa ni yang dag par sdom? par bya gzung bar bya/ yongs su bskyed par bya'o zhes pas sdom pa'o/ /nga ni tshig gi don drug dang bshad pa rnam pa bzhi'i brel
pa bstan par 'dod nas gsungs pa/  nga ni zhes bya ba la sogs pa'o/ /tshig rnam par dbye ba zhes pa ni tshig gi don rnam par 'byed pas tshig rnam par dbye ba'o/ /bshad pa rnam pa bzhi'i rnam par dbye ba bya ste ni/ tshig gi don rnam par bshad pa la kun tu rmongs pa gsal ba'i don
du'o/  /de ltar ni bcom ldan 'das kyi dgongs pa ltag par ma rtogs nas/ tshig gi don rnam pa gzhan mang po de khon nyid las gzhan du 'chad par byed par da lta yang yang dag par dmigs/ /spyi don drug bzhin du bshad pa rnam pa bzhi tshig gi don mtshungs pa ma yin nam/ gal te
tshig gi don yin na de'i tshe tshig gi don bcu tham par 'gyur ro/  /rnam par bshad pa dang bshad pa'i dbye bas brjod na yang 'gal bar 'gyur ro/ /ci ste tshig gi don ma yin na de'i tshe? dus ? rnam pa bzhi'i bshad pas bshad par bya ba ni/ gzhan ma yin no zhes pa'i des pa 'di
ci ltar yin zhen brjod par bya ste/  gal te yang gnyig tshig gi don yin pa de ltan yang/ rnam par bshad par bya/ gcig gzhan du rnam par bshad par byed pa zhes pa'i nyes pa med? do/ /'di skad bdag gis zhes bya ba la sogs pa nas/ /bzhugs so zhes bya ba la sogs pa'i
mthar thug pa ni/  dgongs pas bshad pa la sogs pa don drug gi rnam par bshad par bya dang/ mngon par brjod par bya ba can dang/ /smra bya'o/ /mngon par rjod par byed pa ni gzhung dum bu len pa can no/ /rnam pa bzhi'i bshad pa ni bshad par bya ba'o/ /'dis don drug ces bya ba bshad do//
'dir tshig gi don ma bris pa ni rnam pa bzhi'i bshad par bris ba nyid kyi de'i 'brel pa yang so sor rtogs so/  /de bzhin du gang du tshig gi don bri bar gyi ba la bshad pa med pa der yang tshig gi don bris pa nyid kyi bshad pa'i 'brel ba rtogs so/ /de ltar na brjod du med pa'i yang zhes bya ba la
sogs pa nas bzhugs so/  /zhes pa'i mthar thug pa ni drang ba'i don dar des pa'i don to zhes gsungs te/ 'dir ni bshad par byed pa ma bris so/ /de la drang ba'i don ni spyi'i don no/ /des pa'i don ni sdam pa ste/ /'dir kun rdzob bden pa rtogs pa'i tshul lo/ /de bzhin du kha cig tu rdzogs pa'i
rim pa'i sbyor ba las spyi'i don dang/  kha cig tu ni ye shes gsum brda spyod pa'i tshul gyis spas par rang nyid mngon par brtag par bya ste/ rnam pa bzhi'i bshad pa sbyar bar bya ba'i yan lag gi don du bshad par byed pa'i rjes su 'brangs nas so /thams cad ces pa la sogs pa ni/
ting nge 'dzin gsum du byin pa de dag la kun tu gnas pa don gcig pa nyid kyi phyir gcig tu bstan no/  /de bzhin du 'dod chags chen po'i tshul zhes bya ba la sogs pa'i ting nge 'dzin gcig gnyis dang/ kha cig tu bcu gcig dang/ kha gcig tu bcur blta bar bya ste/ de dang ldan
pa'i yan lag gi don rnam par bshad par bcu gnyis po nyid kyis rnam par bshad pa nyid kyi phyir drang ba dang nges pa'i don nyid kyis so/  /ting nge 'dzin 'di rnams thams cad kyi 'jug pa bsdus pa'i don du tshig gi don gyi 'brel ba yang rnam par bshad par 'brel te/ de la 'jug pa'i ting nge
'dzin gyi don nyid kyi phyir ro/  /sku dang gsung zhes bya ba la sogs pa'i tshig la 'di dag gang gi de dang de la gnas pa de'i gcig tu rjes su mtshungs par brjod de/ rnam pa bzhi'i bshad pas bshad par bya ba nyid kyi phyir/ gzhan du na tshig so so la rnam pa bzhi'i bshad pa can no zhes 
tshig gi 'jug pa med pa'i phyir/  gzhung mang por 'gyur ro/ /de bzhin du rang bzhin can rnams rnam par bshad par bya ba rnams 'dir mang por 'gyur ro/ /e ma'o zhes bya ba la sogs pa rnams kyis dgongs pas zhes bya ba ni spyi'i don no/
rtsa bar de nas zhes bya ba nas byang chub kyi sems rdo rje zhes bya ba'i mthar thug pa dang/  yang dag par mchod de zhes bya ba la sogs pa nas 'di skad ces 'ga' stsal to zhes bya ba'i bar ni sgra ji bzhin pas so/ /bstan du gsol zhes bya ba nas de bzhin gshegs
pa thams cad ces bya ba'i mthar thug pa yang bsdus pa'i don du drang ba dang/  des pa'i don gyi sbyor bar byed pa rnams/ bsdus pa'i don byas pa'i yan lag gi don dag phan tshun bltos pa dang bcas pa nyid du so sor rtogs pa'i don no/ /le'u dang po'i zhes pa la sogs pa ni/ le'u
gnyis pa la sogs pa rnams su yang mdza' drug gi tshig rnam par dbye ba zhes bstan pa'i don te/  gzhan du le'u rdzogs pa'i mthar mngon par rjod pa med pa'i phyir ro/ /dkyil 'khor byin gyis rlob pa'i le'u zhes bya ba 'di des pa'i don nyid kyi rnam par phye ra'i yan
lag gi don rnam par bshad pa blta bar mi bya ste/  de bsdus pa'i rjes su 'brang bas kha cig tu kha gcig gis bcug par blta bar bya'o/ /de nas bcom ldan 'das zhes bya ba la sogs pa ni rgya che 'grel du bag med pa ste/ de nas bcom ldan 'das zhes bya ba la sogs
pas de bzhin gshegs pa rnams kyis dris pa dang/  rab tu bstod pa nyid la rtsa bar drang ba dang nges pa'i don nyid kyis yan lag gi don nyid kyis yan lag gi don du rnam par phye ba med do/ /de yang le'u gsum par bshad pa'i rjes su 'phrangs nas bshad par bya'o//
skyed cig ces bya ba la sogs pa nas tshig tu brjod pa'i rnam pas so zhes bya ba'i mthar thug pa ni drang ba dang nges pa'i don to zhes bya ba ni bag med par klog pa ste/  skyed cig ces bya ba la sogs pa nas ched du brjod pas ched du brjod do zhes bya ba'i mthar thug pa ni drang ba
dang nges pa'i don to zhes pa yan lag gi don du rnam par bshad pa'i phyir ro/  /e ma'o zhes bya ba la sogs pa nas skye ba 'di ni rab tu bsgrags zhes bya ba'i mthar thug pa ni dgongs pa ma yin pas so/ /zhes pa ni/ gal te bsdus ba'i don ma gtogs pa de'i tshe byang chub kyi sems
'di gsungs so/  /zhes pa'i mthar thug pa dgongs pa min pas so zhes yan lag gi don rnam par phye nas bshad pa de'i bsdus pa'i don du bsdus pas dgongs pa min pa nyid kyis 'gyur ba ma yin no/ /le'u lnga pa ru rnam par mi rtog ces bya ba la sogs pa ma yin pas so zhes 'dir don
gzhan dgongs pa lung ston du ston par byed pa ni/  rnam par mi rtog don las 'byung/ /zhe sdang rab 'jug mchan nyid do/ /rmongs pa rang bzhin med par gnas/ /'dod chags ldang ba'i ming can no/ /'dod chags zhe sdang gti mug bcas/ /rigs 'di rnams ni mnyam par bshad//
de rnams 'dir ni dngos grub mchog / theg pa'i mchog ni 'grub par 'gyur zhes so/ /rigs ngan zhes pa la sogs pa nas/ bsgrubs kyang 'grub par zhes bya ba'i bar na sgra ji bzhin ba'o zhes te/ 'dir yang drang ba dang des pa'i don ni sbyar bar bya ste/ 'di nyid kyis bshad pa'i rgyud du /rigs
pa myur par shes ba ste/  /smyig mkhan dag ni dal ba yin/ /mtshams med byed pa gnyis kar bshad/ /gsod don don gnyer sems dpa' ste/ /theg mchog 'di la 'grub par 'gyur/ /theg chen 'di ni bla na med/ /ces bya ba la sogs pa'i mthar thug par ro/ /dang por
phyi rol blangs nas gyur kyi rdo rje'i tshig thams cad bshad pa'i rgyud du khyad par gyi don du mngon par rdzob pa'i phyir ro/  /le'u bdun bar de nas zhes bya ba la sogs pa nas myur du 'grub par 'gyur zhes bya ba'i bar ni sgra ji bzhin pa'o/ /zhes pa ni dgongs pa lung du ston par
yang/  dam tshig bzhi yid nyid gang/ /'dod pa kun zhes de brjod bya/ /de rnams ldan pas longs spyod pa/ /zhes bya ba la sogs pas nges pa'i don du gsungs so/ /de bzhin du/ slong mo za zhing zhes bya ba la sogs pa nas/ 'dod pa kun las longs spyod byed/ /ces bya ba'i//
mthar thug par drang ba dang nges pa'i don to zhes pa ni/  rtsa bar lus dang zhes pa la sogs pa nas/ /rtag tu zhes pa'i mthar thug pa sngon ma can nyid kyi de'i phan yon ston par byed do/ /yan lag gi don rnam par bshad pa la ni 'di la'ang drang ba'i
don nyid du bshad pa'i rgyud kyi don du 'dir yang sbyar ro/  /rtsa bar brten zhes bya ba nas byang chub nyi ma zhes pa'i mthar thug pa'i tshig rnam par dbye ba med de tshig drug rnam par dbye ba 'di yang drang ba'i don nyid de/ 'on kyang yan lag gi don du yang rnam par bshad
pa med par khong du chud par bya'o/  /de la ci ltar zhes bya ba la sogs pa nas khams kyang med cing 'byung ba'ang med ces bya ba'i mthar thug pa ni/ dgongs pa min pas so/ /yan lag gi don gyi rnam par bshad pa la 'od gsal la 'dir bstan par bya ba nyid kyi phyir ro/ /shin
tu dri ma med ces bya ba'i mthar thug pa yang dgongs pa min pas so zhes bsdus pa'i don gyi rnam par bshad par 'dir zung 'jug bstan par bya ba nyid kyi phyir ro/  /shes rab kyi pha rol tu phyin pa rjes su dran pa dang/ zung 'jug rjes su dran pa gnyis ka yang dgongs
pa min pa nyid tshig gi don no/  /yan lag gi don rnam par bshad par ni skye ba med par rjes su dran pa'i rnam par bshad par dgongs pas gsungs pa'o zhes pa ni bag med par klog pa ste/ bsdus pa'i don dang 'gal ba'i phyir dang/ dgongs par bshad pa'i mtshan nyid
dang mi ldan pa'i phyir ro/  /le'u brgyad par mchod pa zhes bya ba la sogs pa nas/ rab tu brtag ces bya ba'i mthar thug pa ni dgongs pas bshad pa'o/ /zhes pa ni 'dir mdza' ma nyid dgongs pas bshad pa'i phyir 'di bris pa'o/ /yan lag gi don rnam
par bshad par ni/  mchod par zhes bya ba la sogs pa nas rgyal ba 'byung ba zhes bya ba'i bar du yang bris pa ni/ gnas skabs gnyis po yang 'gal ba'i tshig dang ldan pa'i mtshan nyid du rig par bya ba nyid kyi phyir ro/ /le'u bcu gnyis par sbyor gsum
zhes bya ba la sogs pa nas/  ye shes rdo rje can 'grub 'gyur zhes pa'i mthar thug pa ni sgra ji bzhin pa'o zhes pa ni/ 'di'i gnas skabs gnyis pos bshad pa ni/ yan lag gi don rnam par bshad par sbyor gsum zhes bya ba la sogs pa nas/ bdun rtsi phreng
ba zhes bya ba'i ting nge 'dzin no zhes pa'i mthar thug pa ni sgra ji bzhin pa'o zhes gnas skabs gcig dang/  de bzhin du rdo rje dam tshig gsum zhes bya ba la sogs pa nas/ ye shes rdo rje can 'grub 'gyur zhes bya ba'i mthar thug par sgra ji bzhin pa'o zhes pa gnyis
ba'o/  /de la da lta ni bskyed pa'i rnal 'byor gyi bya ba'i sgo nas so/ /dgon pa chen po zhes bya ba la sogs pa nas/ dngos grub thob par 'gyur zhes bya ba'i mthar thug pa ni drang ba dang nges pa'i don to zhes bya ba 'di yang sngar bzhin du gnas skabs gnyis kyis bshad do//
le'u bcu gsum par/  'di gsungs zhes bya ba la sogs pa nas/ dam tshig ces bya ba'i mthar thug pa'i bsdus pa'i don la tshig rnam par dbye ba med de/ sgra bzhin pa'o/ /dbang chen dkyil 'khor zhes bya ba la sogs pa nas/ /rdo rje gnod mdzes rab tu 'byung
ba zhes bya ba'i ting nge 'dzin zhes bya ba'i mthar thug pa ni/  gnas skabs gnyis kyi yan lag gi don du sgra ji bzhin pa'o/ /rnal 'byor gyi rgyud 'di nges pa yin no zhes bya ba 'dis skabs kyi bshad par bya ba mchog tu 'dzin no/ /nges pa ni nges par bzung ba'o/ /de
nyid kyi phyir gsungs pa/  rim pa 'di nyid kyis zhes bya ba la sogs pa ste/ ji bzhin pa'i sgra'i don zhes bya ba ni sgra'i don tsam mo/ /yul rnams la chags pa'i sems can zhes bya ba ni gzugs la sogs pa'i yul la shin tu zhen pa'o/ /sgra ji bzhin pa'i tshig gi
don gzhan la mngon par zhen pa'i rgyus yongs su mi shes pa'i phyir ro/  /'gal ba dang rmad du byung ba'i bya ba zhes pa ni 'chad par 'gyur ba'i 'gal ba ni 'jig rten gnyis dang 'gal ba'o/ /de nyid kyi phyir rmad du byung ba ni 'jig rten thams cad las shin tu
'das pa ste/  ma la sogs pa len pa dang/ pha la sogs pa gsod pa dang/ tshom rkun la sogs pa byed pa'i mtshan nyid can gyi las so/ /las kyi dbang du 'gyur ro ni brjod pa'i las la bltos pa'o/ /'di ni 'jig rten phyi rol tu 'gal
ba yang gsungs pa/  'di ni zhes pa la sogs pa ste/ /tshul mchog ni gsang ba 'dus pa'i gzhung gi bdag nyid can no/ /gsang ba'i bdag po zhes pa ni phyag na rdo rje la bod pa'o/ /mi shes pa ni sgra ji bzhin pa'i don las gzhan pa'i tshig gi don mi shes pa'o/ /rgyas pa zhes
pa rnam par bshad pa'o/  /ji bzhin don ni lhag par rtogs par bya ste/ sgra ji bzhin pa'i don tsam 'ba' zhig bstan par bya'i/ cang mi smra bar gnas par byed pa ma yin no/ /yang nges par bzung ba'i don du byas so/ /de rnams kyang lam dan du ste lam dman
par ro/  /ltung bar byed ni der 'gro bar 'gyur ba ste/ dmyal ba la sogs pa don med pa'i grong du 'gro ba nyid kyi phyir ro/ /rnal 'byor pa ni bdag ces bya ba lam dman pa'i rnam pa ston te/ ting nge 'dzin dang shes rab kyi mtshan nyid kyi rnal 'byor mi shes par rnal 'byor pa nga'o zhes
nga rgyal ba ni dmyal ba'i rgyu ltung ba'i gnas nyid du gsungs pa'i phyir ro/  /'di'i yid rab tu dga' dang ldan pa ste/ sems can 'jug pa'i bsam pa med pa nyid kyis myos pa ma yin pa nyid du yang smra bar byed do/ /'di dag ltung ba'i gnas ma yin pa nyid/ 'ga' zhig
kho nas smra bar byed pa ci zhe na gsungs pa/  mngon pa'i nga rgyal rtag dga' bas ni/ gang ring du bsten cing bsgoms pa? mang du byas pa de ni las lci bar 'gyur ro zhes gsungs rab tu gsungs pa'i phyir ro/ /sgyu yis shes pa ni brdzun pa nyid kyis byed pa zhes
pa ni smul? pa'o/  /chos ni gang gis bsten par gyur pa'i tshul khrims la sogs pa de de bzhin no/ /rnam pa gzhan gsungs pa/ 'dus pa zhes pa la sogs pa ste/ 'dus pa ni bden pa gnyis gnyis su med par mngon par brjod pa'o/ /de zhes pa ni don rgyas
pa la gzhol ba'o/  /dam tshig ni bsrung bar bya ba dang/ bza' bar bya ba'o/ /la sogs kyi sgras bsrung bar bya ba dang/ bza' bar bya ba rnams las gzhan yang bsten pa'i yul ston par byed do/ /de nyid gyi phyir gsungs pa/ srung? bar mi byed ces pa la sogs pa gsungs te/
thams cad du ni rab tu ston zhes pa ni/  ma smin gsang ba sgrogs pa dang zhes pa ltung ba'i gnas so zhes pa bsrung ba'i dam tshig rab tu phye ba'o/ /mngon sum zhes pa ni rgyud pa ma yin pa'o/ /sangs rgyas 'dra zhes rdo rje 'chang chen po 'dra ba'o/ /de ltar ni de
nyid sangs rgyas yin pa'i phyir/  'dir sangs rgyas dang rdo rje 'chang chen po'i ni slob dpon yang ngo/ /ring zhing ring du chos kyi smin pa'i ched du spyod par byed do/ /zhes pas slob dpon gzhan gyi ched du yang 'jig rten dang/ 'jig rten las 'das pa'i kun tu
spyod pa ston par byed do zhes pas kyang slob dpon no/  /de bkur ba ni nyan pa po la sogs pa'i don du'o/ /phyis smod par byed de/ slob dpon de nyid dam rdo rje spun la sogs pa rnams la'o/ /skad cig gis ni zhe sdang zhes pa la bgrod min la yang 'gro bar byed ces
pa'i yang yig ni lam dman pa'i rnam pa kun bsdus par 'gro bar byed do/  /ma la sogs pa rnams la rang gi bud med bzhin du sten par byed kyi ma la sogs pa'i sgra rnams 'chad pa 'gyur ba'i mngon du shes par byed pa ni ma yin no/ /pha ma gsod cing zhes
pa 'dir yang cing yig ni bsdus pa'i don du ste/  bsod pa la sogs pa rnams kyang 'chad par 'gyur ba'i don du mi shes pa'o/ /gzhan gyi chung ma'i yang zhes pa 'dir yang/ yang yig ni sngar bzhin no/ /'di'i don yang 'chad par 'gyur ba de mi shes pa'o/ /gzhan
du yang gsungs pa/  gang phyir skye 'gro bskyed pa yi/ /shes rab ma zhes brjod par bya/ /gang phyir bskal pa ston pa yi/ /shes rab srid mo zhes bya nyid/ /yon tan 'jo phyir shes rab ni/ /bu mo zhes kyang brjod par bya/ /sems gcig srog chags gsod pa nyid/ /gang
zhig srog ni sems su 'dod/  /'jig rten sgrol bar byed pa ni/ /brdzun gyi tshig gi sgrar 'dod do/ /byang chub sems ni ma byin pa/ /gzhan gyi bud med rang snang mdzes/ /zhes pa la sogs pa'o/ /zung 'jug gi rim par/ ji ltar smad 'tshong de bzhin ma zhes bya
ba la sogs pa gsungs pa ma yin nam zhen/  de nyid kyi phyir gsungs pa/ ting 'dzin rnams ni des mi shes zhes bya ba la sogs pa ste/ de nyid ye shes 'byung ba zhes pa ni/ /de bzhin nyid gang ye shes kyi rim pas 'byung ba'i ting 'dzin gang yin pa de bzhin no/ /gang yang de bzhin
nyid kho na'i ye shes ni ye shes gsum gyi gnyug ma'i ngo bo yin pa'i phyir/  de bzhin nyid kyi ye shes kyi rim pas 'byung ba gang yin pa de ni sngar gyi de bzhin no/ /de nyid kyi ye shes 'byung ba zhes pa ni/ rnam pa de bzhin gshegs pa las kyang ting nge 'dzin 'byung ba mthong ba las
dge ba bsgom pa la sogs pa'i sems zhi gnas kyi ting nge 'dzin bzhin no/  /de bzhin nyid kyi rnam pa ni rtag pa ma yin nam/ /de gal te ting nge 'dzin gyi rgyur 'gyur/ mi rtag par 'gyur na sa bon bzhin myu gu skye'o/ /shes rab kyi pha rol tu phyin pa bdun brgya par yang gsungs
ba/ ? btsun pa shA ra dwA ti'i bu de ji snyam du sems/ bcom ldan 'das sems chos kyi dbyings su mngon par rdzogs par sangs rgyas par 'gyur na/ skye ba med pa'i dbyings gang yin pa de 'gag par 'gyur zhes/ de bzhin nyid kyi ye shes 'byung ba zhes pa'i tshig ni/ rgyu
dang 'bras bu so so mngon par zhin pa ni ma yin te/  bden pa gnyis gnyis su med par can so sor rig pa med ba'o/ /'di nyid gsungs pa/ de bzhin nyid ni de bzhin gshegs par 'dogs pa ma yin no/ /de bzhin gshegs pa la yang de bzhin nyid du 'dogs pa ma yin no//
de ci'i phyir zhe na/  don dam pa ni dngos po med pa'i de bzhin no/ /dngos po med pa ni de bzhin gshegs pa'o zhes so/ /dbu mar yang/ stong pa zhes kyang brjod byas nas/ /stong min zhes kyang 'gyur ba yin/ /gnyi ga'am gnyi ga? min ba zhes/ /brtags pa'i don du gsungs pa yin zhes so//
de bzhin du de bzhin gshegs pa ni gzugs brnyan du gyur pa/  gang zag med pa'i dge ba'i chos kyi gzugs brnyan du gyur pa'o/ /'dir de bzhin nyid ma yin de bzhin gshegs pa nyid kyang ma yin pa 'jig rten thams cad gzugs brnyan dang mtshungs pa'o zhes so/ /de bzhin nyid
ces bya ba'i tshig gi don du 'gyur ba gang yin pa de/  /rtag par yang rtog par byed de/ de'ang sangs rgyas nyid kyi rgyu yin pas brjod pa'i nyes pa de rnams 'jug bar mi 'gyur ro/ /de nyid kyi phyir bdun brgya par gsungs pa/ de bzhin nyid ni rgyuAm rgyu las des par skyes bdag bdag? pa ma yin no zhes so/ /ting nge
'dzin de 'ba' zhig ma yin pa de bzhin nyid kyi ye shes 'byung ba shes pa med do/  /rnal 'byor rab sbyor dman pa yin 'ang zhes pa ni/ rnal 'byor gnyis po ni bden pa gnyis po de'i bdag nyid dang/ de'i don du rab tu sbyor ba'o/ /ye shes rim pas sgyu ma lta bu'i ting nge 'dzin gyi de bzhin nyid la dmigs
pas yang sdang ba ni rab sbyor ro/  /des dman pa ni de dag nyams pa'o/ /'grub mi 'gyur zhes pa ni ji srid du 'jig rten pa'i dngos grub dag gi'ang snod du rung bar 'gyur ba ma yin no/ /de nyid kyi phyir gsungs pa/ sngags pas zhes pa ste/ sngags rnam pa bzhi
po gang yin pa de rnams rig pa de de bzhin no/  /sngags pas 'di dag thams cad so sor sngar gsungs te/ mngon par brjod pa ste rdzogs rim pa'i don du yang ji ltar 'dod pa de bzhin du 'jug go zhes gsungs zhes mngon par dgongs so/ /lam ngan pa'i rnam pa gzhan
gsungs pa/  phyi rol zhes pa la sogs pa ste/ bden pa gnyis gnyis su med par sgrub par byed pa'i gzhung spel ba ni/ phyi rol bstan bcos so/ /de la dga' ba zhes pa la sogs pas gnyis su med pa'i ye shes sgrub par byed pa'i gzhud mchog 'dzin pa yang de rnams la med do//
zhes pa'o/  /rang gi dam tshig ni rnal 'byor gyi rgyud las gsungs epa'i bslab pa'i cha shas so/ /de nyid kyi phyir gsungs pa/ lcags kyu med pa ste rang gi 'dod pas 'jug pa gang yin pa de'i/ /'di nyid nye bar ston pa'i ched du gsungs pa/ sngags zhes bya ba la sogs pa ste/ 
sngags ni sprul la sogs pa'o/  /phyag rgya ni lha'i sku'o/ /de dag rab tu ldan pas ni rab sbyor gyis te/ sngags bzlas pa dang/ lha la dmigs pa'i dkyil 'khor bri ba dang/ sbyin sreg la sogs pa byed pas zhes bya ba'i don to/ /sems can gyi don du bkag pa rnamS
kyang gnang ba ma yin nam zhe na gsungs pa/  'tsho zhes pa la sogs pa ste/ bdag nyid kyi lto ba 'gengs pa dang/ gso ba'i cho gar sgrub par byed do/ /de nyid kyi phyir gsungs pa/ 'chad par zhes pa la sogs pa'o/ /'di rnams bkag pa gzhan dang gzhan byed pa la 'jug pa spong
ba ci zhes na gsungs pa/  de rnams zhes bya ba la sogs pa ste/ bzung ba ni ji ltar skal ba dang ldan pa'i nang du gtogs par byed pa'o/ /gsang ba ni gsang ba 'dus pa'i lam dang 'bras bu'i bdag nyid can no/ /dgongs pas bshad pa yin zhes pa ni 'jig rten phal pa dang 'gal ba'i
tshig gis bstan pa'o/  /'dod chags la sogs pa mang bas don rgyas ba tsam la sems kyi rgyud rab tu zhen par gyur pas gal te 'gal pa'i tshig gis chos ston par byed na/ nyan par mi byed 'dir rab tu 'jug par mi byed do/ /rab tu mi 'jug pas kyang de lam bskyed nas 'bras bu
khyad par du 'phags pa mchog gi mchog skyed pa'i snod du gyur pa ma yin no/  /rnam pa 'dis de rnams rjes su zung ngo zhes mngon par dgongs pa'o/ /de nyid gyi phyir rgyud 'di nyid du mngon par brjod pa 'dis 'gugs par byed de/ thams cad dam tshig so so la 'jug go zhes so/ /
mdo sde la sogs pa la rab tu zhugs pa'i sems can du ma rjes su bzung ba'i don du sgra ji bzhin pa la sog pa rnams kyis kyang/  gsang ba 'dus pa gsungs pa ma yin nam/ khyad par 'di'i rgyud gang zhe na bden te 'on kyang gtso bor dgongs gsungs pas nye bar bkod pa 'am/ /
dgongs pas gsungs pa nyid 'dus pa'i don 'chad par byed kyi/  sgra ji bzhin pa'i don la sogs pa rnams kyi ma yin no/ /de nyid kyi phyir gsungs pa/ skye bo 'dod chags can don du zhes so/ /'dod chags dang zhe sdang la sogs pa las lhag par mos pa dang ma bral ba la 'gal ba'i
tshig gis bstan pa'i tshul la 'jug go / 'chang pas 'gyur pa yang gal te/ bcom ldan 'das 'jig rten dang 'gel bar brjod pa'i bdag nyid can gyi chos ston par byed de/ de'i tshe sems can gyi don chen por 'gyur ro zhes so/ /'dir theg pa 'di nyid du dang/ rgyud 'di nyid 'ba' 
zhig tu 'gal pa'i tshig gis bcom ldan 'das tshas ston par byed pa ma yin gyi/  nyan thos kyi theg par yang chos kyi tshig la/ ma dang pha ni bsang byas nas/ /rgyal po gtsang sbra can gnyis dang/ /yul 'khor 'khor dang bcas bcom nas/ /mi de chos dang ldan pas 'gyur
zhes bstan to/  /de ltar zhes bya ba ni rnam pa gnyis kar gsungs pa'i bsdus pa'i don nges par bstan nas zhes pa ni/ lhag ma med par rtogs par byas nas yan lag gi don rnam par dbye ba'i ched du/ /yang dag par brjod pa'i don sngar gsungs pa'i yan lag gi mthar
thug pa rnam par dbye ba'i don du rgyud la 'jug par bya ste rnam par bshad par byed pa'i don du 'dir gleng slod la bri bar bya'o/  /bsdus pa'i don la yang rgyud kyi don la 'jug pa yod pa ma yin nam zhe na/ bden te yod mod kyi 'on kyang ji ltar 'dir de dag mdor bstan pa ma
lus pa dang bcas pa de rigs pa dang bcas pa yod la/  de bzhin du rgyud la 'jug par byed pa ni ma yin no/ /de nyid kyi phyir 'dir rgyud la 'jug par byed ces brjod par bya ste/ dang por brjod pa'i go rim dang bral bas rgyud la 'jug par 'dod pa ni mi nus pa ma yin no/ /de dang
de 'jug par byed pa'i ched du gnas gsungs pa 'dir zhes pa la sogs pa ste/  'dir zhes pa ni 'dus pa 'dir te/ gang yang rung pa ni ma yin no/ /sdud par byed pas zhes pa ni bcom ldan 'das 'jig rten gyi rjes su 'jug pas/ yongs su mya ngan las 'das nas ma 'ongs pa
na rdo rje theg pa'i skal pa dang ldan pa rnams la thugs la yongs su rdzogs par bkod nas/  /rdo rje 'chang rnams kyi spyan sngar rdo rje 'chang chen po dang mtshungs pa ji ltar thos pa nye par ston par byed pa po ni sdud par byed pa po'o/ /de yang rdo rje 'chang ji ltar sdud par byed pa'i rnam
pas nye bar bstan pa de bzhin nyid du bris pa ni/  de'i byin gyis rlob par byed pa nyid dam glegs bam skyed pa'o/ /gzhan du na sdud par byed pa rnams kyis mi mngon pa la ci ltar bzung par nus/ gang de tshu rol shes pas bri bar 'gyur bar
yin no/  /'phags pa phyag na rdo rje zhes pa ni byang chub sems dpa' sa bcu'i dbang phyug lcang lo can na gnas pa yin gyi dbang po la sogs pa ni ma yin no/ /bshad pa nyid kyis don bstan nas 'dod par gsungs pa/ ji ltar thos pa zhes pa la sogs pa'o/ /'di
skad bdag gis zhes bya ba la lung dang lung ma yin pa dag 'dres par 'gyur ba ma yin nam zhe na bcom ldan 'das nyid kyi rjes su gnang ba ste/  dge slong rnams 'di skad bdag gis zhes pas da'i chos bsdu bar bya'o/ /go rims kyang bstan par bya'o/ /bcom ldan
'das kyi byin gyis brlabs las dri ba dang lan dag gis bstan pa gang yin pa dang/  ston par byed pa'i rtswa'i spyil pa la sogs pa gang yin pa de yang bcom ldan 'das nyid do zhes so/ /ston par byed pa ni rjod par byed pa'o/ /mngon sum du zhes pa ni bcom ldan
'das kyi spyan sngar zhes par mngon par dgongs so/  /gcig nas gcig tu rgyud pa ma yin zhes pa ni bla ma'i zhal nas bla ma'i zhal du rim gyis 'ong ba'i don tshu rol shes pa lta bu ma yin pa'o/ /rtogs pa ma yin pa'o zhes pa ni rdo rje 'chang chen po nyid kyi de la
na nyid rtogs par bzhag pa'i phyir ro/  /gcig na zhes bya ba la sogs pa ni gzhan gyi tshe gzhan thos pa zhes pa'i mthar thug pa ni bdag nyid thos pa mang po'o/ /yang zhes bya ba la sogs pa nas ma thos pa'o zhes bya ba'i mthar thug pas rgyud rnyed par dka' ba nyid de/
de ltar gyur pa'i chos rin po che rnams ni/  'ga' zhig gi tshe nyid ston par byed par 'gyur te/ gang gi tshe phyir 'chang par 'gyur ba'i le'u bcu bdun par ni brjod du med pa'i lnga brjod de du med pa'i bskal pa 'das pa ji srid bcom ldan 'das mar me mdzad nas/ de bzhin gsheD
pa 'od srung gi bar du yang thub pa chen po rnams kyis ma gsungs so/  /yang na zhes bya ba la sogs pa nas skad cig gi zhes bya ba'i mthar thug pas ni shes rab phul du byung ba'o/ /gang las zhes pa ni ston pa'o/ /gang du zhes pa ni gnas so/ /gang dang zhes pa ni nyan pa
po rnams kyi lhan cig pa'o/  /gleng gzhi zhes pa ni ston par byed pa'i dang po'i rgyu'o/ /'di rnams med par ston par byed pa la 'jug pa ma yin no/ /gang las zhes dgos pa la gsungs pa/ bcom ldan 'das zhes pa la sogs pas ston pa po nges par bstan no/ /gang
du zhes pa 'dir gsungs pa thams cad ces pa la sogs pa ste/  de bzhin gshegs pa thams cad kyi bdag nyid can yin pa'i phyir ro/ /zhes pa ni de bzhin gshegs pa thams cad ni mi bskyod pa la sogs pa lnga'o/ /de'i bdag nyid can ni rdo rje 'chang chen po ste/
drug pa'o/  /thams cad ces bya ba la sogs pas 'di nyid mngon par brjod par byed do/ /shes rab ni de bzhin nyid do/ /'di skad ston ste zhes bya ba la sogs pas gnas nges par bstan pa yang dag par brjod pa'i don du gsungs pa yin te/ ji skad du bshad
pa'i gzhal yas khang gi na zhes pa ni mdor byas kyi rim par mngon par brjod pa'i khang pa brtsegs pa'i nang du'o/  /yi ge'i don no zhes pa 'di la sgra ji bzhin pa'o zhes sbyar bar bya'o/ /don gyi khyad par brjod par 'dod nas/ 'di gsol pa zhes bya ba gsungs pa/ de
bzhin gshegs pa thams cad kyi gsung rab rnams la zhes pa ni/  de bzhin gshegs pa'i bstan pa'i rgyun bsdus pa rnams la zhes pa'o/ /skabs 'dir gsung rab kyi skabs ni ma yin no zhe na ma yin te/ ma lus pa ston par byed pa smos pa'i bdag nyid can yin
pa'i phyir/  'dus pa ste gang yang de bzhin gshegs pa thams cad kyi bdag nyid can yin pa'i phyir de bzhin gshegs pa thams cad rdo rje 'chang chen po'i de'i gsung rab rnams su 'dus pa? brjod? par bstan no zhes bya ba'i don no/ /shes rab dang thabs shes bya ba ni phyi dang
nang gi bdag nyid can gyi shes rab dang thabs kyi 'o/  /ston par byed ces bya ba ni sngar bzhin no/ /gur la sogs par ni blta bar mi bya ste/ phul du byung pa nyid kyi phyir ro/ /bdag gis zhes bya ba la bdag gis zhes bya ba la sogs pa'i tshig rnams
kyi 'brel pa gzhan de la bltos pa nyid kyi phyir ro/  /zhes dgongs pa'o/ /btsun pas zhes pa ni mchod pa'i tshig go /sdud? par byed pa so so ba nyid du med do zhes sgrub par 'dod nas/ rigs pa gsungs pa/ kun dga' po ni 'dir zhes pa la sogs pa ste/ kun dga' 
po zhes pa la sogs pas pha rol tu phyin pa'i tshul dang/  nyan thos kyi theg par phyag na rdo rje kun dga' bor sprul pa nyid do/ /de nyid kyi phyir gsungs pa/ rdo rje 'chang chen po nyid de zhes pa ni sprul pa nyid du brjod pa'o/ /'di la rigs pa gsungs
pa/  mdo'i sde la sogs pa zhes pa la sogs pa'i gsung las/ mdo'i sde la sogs pa la phyag na rdo rje nyid kyis sna tshogs par sprul pas spud par byed pa po nyid do/ /rdo rje theg pa yang zhes bya ba ni de'i dbang du byas te/ gang chos kyi phung po stong phrag brgyad cu rtsa
bzhi las phyi rol tu gyur pa de ni rdo rje theg pa'o/  /de bzhin gshegs pa las rdo rje 'chang chen po'i rang bzhin nyid kyi phyir rdo rje ma yin nam/ de yang de bzhin gshegs pa las dngos su thos nas zhes bya bar yang brjod par bya ste/ de ci de bzhin gshegs pa
rnams de bzhin gshegs pa las nyan no zhes brjod pa'i brtsad pa 'di med do/  /'chad par 'gyur bar ni sangs rgyas kyi rol mo 'di bstan? pa yin no zhes so/ /kun dga' bo la sogspa yang sdud par byed par brjod par bya ste/ bstan pa mdza' yas par 'dzin
par byed pa por yang ngo/  /rim pa 'di nyid kyis de rnams sdud par byed pa po nyid du 'gal pa med do/ /gsung rab kyi sgo nas brjod pa ? gsal bar byed pa gsungs pa zhes pa la sogs pa ste/ ji ltar 'jam dpal zas gtsang mar sprul pa de
bzhin du 'jam dpal yang thams cad du sprul pa yin te/  rdo rje 'chang chen po nyid kyi yid kyi skye mched kyi bdag nyid can nyid las/ 'jam dpal du'o/ /lha mo sgyu 'phrul ni de bzhin gshegs pa yum mo/ /grags 'dzin ma ni de bzhin gshegs pa'i btsun mo'i mcho go /
'khor zhes bya ba ni 'khor zhes bya ba yang med do zhes snga ma dang sprel lo/  /gal te 'khor yang med na slar yang de bzhin gshegs pas chos ston par byed pa ci zhe na gsungs pa/ dang po zhes bya ba la sogs pa ste/ sangs rgyas kyi rol mo 'di zhes bya ba ni/ sangs rgyas ni rdo
rje 'chang chen po'o/  /rol mo ni? kha? na? lta bu ni rol mo ste/ ji ltar rol mo byed pas gcig nyid dbang po la sogs pa sna tshogs pa'i gzugs su ston pas skye bo'i yid dga' par byed do/ /de bzhin du bcom ldan 'das kyang gcig nyid rang gi sku'i phung po la sogs pa sdud
par byed pa dang/  'khor dang gnas la sogs pa nyid du nye bar bstan nas gdul bya'i skye bo'i yid dga' bar byas ste/ skal pa ji lta ba bzhin du chos ston par byed do/ /'di zhes bya ba ni sngar gsungs pa'i sangs rgyas kyi rol mo mchog tu 'dzin par byed do zhes nye bar
mtshon par byed pa'o/  /des mi skyod pa la sogs pa'i de bzhin gshegs pa la sogs pa rnams sngar gsungs pa'i rnams bzung bar bya'o/ /'chad par 'gyur bar yang/ rang gi sku'i dkyil 'khor las rnam par spros pa'i dkyil 'khor gyi 'khor lo'i rnam pas
gdul bya'i skye bo rnams dga' bar bya ba'i phyir/  sprul pa'i gzhal yas khang de'i nang gi dbus su bzhugs so zhes so/ /nyan thos kyi theg pa dang pha rol tu phyin pa'i tshul 'dod chags dang bral ba'i tshul du so sor bstan pa ma yin nam/ 'dir 'dod chags kyi tshul la
zas gtsang ma dang/  shA ratwA? ti'i bu la sogs pa rnams sangs rgyas kyi rol mo nyid kyis ston par byed pa'i dgongs pa ci yin zhe na/ brjod par bya ste/ shA ri'i bu la sogs pa rnams theg pa chen por byang chub sems dpa' nyid kyi tha snyad dang/ nyan thos kyi theg par nyan thos
su sangs rgyas nyid kyi sprul pa'o/  /de las gzhan de rnams de'i 'bras bu mngon par 'dod pas rab tu byung ba len pa dang/ theg pa chen po la nges par sbyor pa'i don du bcom ldan 'das kyis mngon par gsungs so/ /de bzhin du tshul 'dir yang
sbyar ba'i don du zas gtsang ma la sogs pa rnams nye bar bstan to/  /de nyid kyi phyir dang por rgyud la sogs pa dang/ mdo sogs la ni bzhugs pa'i zhes bya ba la sogs pa gsungs so/ /le'u bcu bdun par yang nyan thos dang/ rang sangs rgyas ngag dang tshangs pa la sogs
pa phyi rol pa'i lha rnams kyi yang dam tshig 'chad par 'gyur ro/  /'dir rang gi sde pa dang gzhan gyi sde pa rnams ma lus par bzung bar bya ba'i 'dod pa'i phyir ro/ /gal te rang nyid sdud par byed pa la sogs par sangs rgyas kyi rol mo bstan pas chos ston par byed
pa na/  de bzhin du yang sdud pa por 'gal te bcom ldan 'das yongs su mya ngan las 'das te de'i tshe ci las 'gyur zhe na/ gsungs pa sangs rgyas zhes pa la sogs pa te/ bcom ldan 'das mya ngan las 'das par brjod pa ni 'gal lo/ /gang zhes na gsungS
pa sems can rnams zhes pa la sogs pa ste/  bcom ldan 'das gdul bya rnams kyi don du slar yongs su mya ngan las 'da' bar ci ltar 'gyur zhe na/ 'di lta ste/ gang sman pa'i bu na ba yang bdag nyid kyi ? sman pa brtag pa bzhin du yod par gyur cing gnas nas nang sel
bar byed pa'i sman? sbyar ba 'thung bar byed do/  /de yang sman pa de bu la bdag nyid 'chi bar nye bar bstan nas/ de yang sman 'thud? no? nad de las grol pa bzhin no/ /de bzhin du bcom ldan 'das sman pa'i rgyal po chen pos dam pa'i chos kyi sman gyis 'jig rten
la kun? tu zhen pa'i 'dod chags la sogs pa'i nyon mongs pa'i nad ? de las 'dus? nas mya ngan las 'dus so/  /de la ? bcom ldan 'das mya ngan las 'das pa'i phyir gso bar byed pa med pa lta bur gyur to zhes nas nges gsungs pa/ sman byed de de rnams
nang de las rim gyis mthar grol bar 'gyur ro zhes gdul bya rnams kyi don du'o/  /ci'i phyir zhes pa la brjod bya ci zhes brjod bya la the tshom za ba'o/ /bde bar gshegs pa la 'dod chags dang bral ba'i tshul can gyi bde bar gshegs pa'o/ /'di gsung zhes pa'i tshig go /nyan
thos kyis bshad pa ni kun dga' po la sogs pas gsungs pa ste/  de rnams kyang sdud par byed pa po nyid du gsungs pa'i phyir ro/ /yang? na nyan thos ni phyag na rdo rje ste/ sdud par byed nyan par byed do zhes byas nas sdud pa por the tshom za pa'o/ /dam pas ni 'gro ba'i
bla ma rnams gyi'o/  /'dzin par byed pas na chos te ngan 'gro'i 'gro ba 'gog pa byed pa po nyid kyis dang/ bde gshegs su gnas par byed pa po nyid kyis dang/ mi gnas pa'i mya ngan las 'das pa'i tshul gyis so/ /brjod pa'i rnam pa gsum po 'dzin pa'i don
rnam pa gsum gsungs pa rnams mngon par rjod par byed pa yin pa nyid kyis gzhung la yang dam pa'i chos so/  /yon tan sma pa ni yon tan brjod pa ste/ de rnams smra ba ni saM skri ta'i brjod bya dang rjod byed tshogs pa'o/ /dam pa'i chos kyi yon tan gyi khyad par yongs su
shes par mngon par dgongs pas/  dris pa'i rjod byed la 'jug pa legs so zhes pa ni de'i dus su nges pas sems can du ma'i rgyu nyid du dris pa ni'o/ /dang por zhes pa la sogs pas byed pa por the tshom za pa sel bar byed pa la/ tshig gi don gang mngon par brjod par
bya'o/  /go rim ji bzhin du zhes pa ni rnam pa mang po de bzhin du 'di'i rig par bya ba nyid kyi phyir ro/ /chos kyi phung po stong phrag rnams zhes pa la sogs pa ni/ nyan thos dang rang sangs rgyas kyi theg pa ngag theg pa chen po nyid kyi nang du gtogs pa'i phyir te/ gsungs pa
yang theg pa chen por byung ba la/  /theg pa gnyis su yang brjod bya/ /srid pa'i lam gyis dus? rnams kyi/ /ngal pa so'i don de de nyid mi no? zhes so/ /kun gyi gzhi dang zhes pa ni/ theg pa chen po gnyis ka ma lus pa'i don bsdus pa nyid kyi phyir ro/ /pha dang ma zhes pa ni chos
ma lus pa rab tu skye ba'i rgyu yin pa nyid kyi phyir ro/  /yi ge gnyis po 'di dag gi 'grel pa gsungs pa/ e yig ces bya ba la sogs pa ste/ ma ni e yig bud med kyi rtags nyid kyi phyir ro/ /pha ni wa yig skyes pa'i rtags nyid kyi phyir ro//
thig le ni rjes su nga ro'o/  /sbyor ba ni yi ge gnyis kyi mthar nges par sbyar ba'o/ /sbyor de shin tu rmad du byung ba ni gnyi ga'i bdag nyid can nyid kyi phyir ro/ /rab tu byed pa gzhan gyis 'di dag 'chad par byed pa gsungs pa/ e yig ces pa la sogs pa ste/
pad+ma lta bu'i ni pad+ma ste tshim par byed pa can nyid kyi phyir ro/  /cung zad kha bye ba pad+ma'i rnam pa lta bu nyid kyi phyir ro/ /wa yig rdo rje zhes pa ni sra ba nyid kyi phyir dang/ rdo rje'i rnam pa nyid kyi phyir dang/ dbye bar dka' ba 'byed pa po nyid kyi phyir/ sa bon ni de las nges par
'dzag pa'i sbrang rtsi'o/  /'gro ba gsum po ni lus la sogs pa la dbang bskur ba dang/ 'jig rten skye bar byed pa la'o/ /btu ba'i gzhi gsungs pa/ e yig ces pa la sogs pa ste/ phul du byung ba'i ye shes ni shes rab brjod du med pa'i ye shes
skye ba'i nyid nyid kyi phyir ro/  /rab dga' i bdag po ni rdo rje sems dpa' ste/ yongs su shes pa'i rnal 'byor shes pa'i rnal 'byor pa yi gnas skabs kyi khyad par bskyed pa'i thabs nyid kyi phyir ro/ /mi shigs pa zhes pa ni rnam par rtog pa kun nas ma myangs
pa ste/ / de nyid las de'i brdar byas pa nyid kyi phyir ro/ /de las yi ge nyid kyang skye ni yi ge gsum pa ste/ mi shigs par byung ba nyid kyi phyir ro/ /de bzhin du gsungs pa'i gang gis shes te/ yi ge gnyis chos kyi phyag rgya'i bdag nyid du'o/ /chos ni ston par byed pa'i
bdag nyid do/  /de'i don yang lam dang 'bras bu'i bdag nyid do/ /'di rnams kyi phyag rgya ni brda ste/ ngag gi rang bzhin ma lus ba bsdus pa'i ngo bo A li kA li'i bdag nyid can nyid kyi phyir ro/ /de nyid shes zhes pa ni lam gyi gnas skabs so/ /chos kyi 'khor
lo skor byed 'gyur zhes pa ni 'bras bu'i gnas skabs so/  /yi ge gnyis zhes pa ni yi ge gnyis kyi don rjod par byed pa ste/ gzhan rnams kyi ched du nye bar ston par byed pa 'am/ 'jug par byed pa'o/ /sangs rgyas chos rnams las phyi rol zhes pa ni sngar gsungs
pa rnams las so/  /chos kyi nor 'di la yod do zhes pas nor can no/ /longs spyod spangs zhes pa ni longs spyod ni chos kyi ro nyams su myong ba'o/ /spangs pa ni bor ba'o/ /e waM zhes pa ni sngar gsungs pa'i don dran par byed pa'o/ /thams cad mkhyen pa ni sangs rgyas
rnam pa gnyis so/  /zhugs pa zhes pa ni gsungs pa'i rim pas yi ge gnyis kyi bdag nyid do/ /de'i don gsungs pa/ mngon par brjod par bya ba yi ge gnyis so/ /gang gi phyir e waM yi ge gnyis yin pa'i phyir/ dran bya ste gsungs pa'i don yid la bzhag pa'i don
du'o/  /lha'i bdag ces pa ni lha'i bdag po nyid kyi phyir/ lha rnams kyi dbang du byas nas chos bstan pa la'o/ /gal te 'dod na rig la te khyod 'dod par byed na'o/ /rtag pa ni rtag pa ste skye ba dang gnas pa dang 'jig pa dang bral ba nyid kyi phyir ro/ /gnas ni sangs rgyas
gyi bdag nyid can no/  /gzhan rnams kyi'ang bla mar byas te/ sgrub pa'i mchod pas mnyes par bya'o/ /bdag gis thos pa zhes pa ni bcom ldan 'das rnams ma lus pa'o/ /'khor los sgyur ba'i ngo bo la zhes pa ni/ 'khor los sgyur ba'i tshul 'dzin no zhes pa'i
don no/  /rtse thos she na gsungs pa/ sa bon ngo bo zhes pa la sogs pa ste/ sa bon gyi ngo bos 'dzag pa'i bdag nyid can/ aoM yig la sogs pI sa bon gyi bdag nyid do/ /sprul pa ni phyung ba ste/ bcom ldan 'das kyis zhes pa lhag ma'o/ /lha rnams kyi ni 'khor
lo mchog ni bla na med pa'i bde ba'i rang bzhin nyid kyi phyir ro/  /de nyid kyi phyir gsungs pa/ mchog tu dga' ba zhes bya ba lcags pa'o/ /gcig ni gnyis su med pa'o/ /dus ni phung po la sogs pa rnams 'dir nye bar byed do/ /thim par byed do zhes bya bas mi sa ya
ste lus kyi khyad par ro/  /dbang phyug brgyad ces pa ni sku'i dbang phyug la sogs pa rnams so/ /rtag pa zhes pa ni ma bcos pa nyid kyi phyir bde ba'o/ /rgyal ba zhes pa ni dus gsum gyi rgyal ba'i bdag nyid yin pa nyid kyi phyir
rdo rje 'chang chen po ste/  /de nyid kyi phyir mang po'i tshig go /rdo rje snying po zhes pa ni snying po rdo rje ste/ /de bzhin gshegs pa lnga'i snying po yin pa nyid kyi phyir ro/ /bde ba chen po ni rdo rje sems dpa' chen po'o/ /legs sbyangs ni rigs lnga'i tshogs pa bkod
pa nyid kyis so/  /b+ha ga ni pad+ma'o/ /logs sbyangs ni sgrub pa'i thabs las gsungs pa'i rim pas so/ /thig le'i don gyi bshad pa gsungs pa/ cha zhes pa la sogs pa zhes/ cha zhes pa ni a yig ste sgra ji bzhin pa min pas so/ /'di'i gnyis
pa ni a yig ste/  klog pa'i rim pas so gsungs pa yang/ cha ni thig le dang bcas dang po'i dbyangs/ /cha de nyid ni thig le gnyis brgyan par/ /shes bya zhes bya dang po bar du brjod/ /mthar gnas pa gsungs pa/ /dgu pa zhes pa la sogs pa ste/
dgu pa nyid kyis dgu pa'i yi ge ha yig gi dgu pa'o/  /'di ji ltar dgu pa yin zhe na/ gsungs pa/ sum cu bcu pa zhes sum cu yar yin bcu yang yin no zhes pa sum cu bcu pa ste/ nges pa'i tshig gi tshogs so/ /bzhi phrag bcu par mngon par
brjod pa'i sde mtshan bzhi po 'di nyid kyis dman pa'i A li kA li lnga bcu'i yi ge rnams kyi lhag ma'i yi ge dgu rnams kyi mdza' ma ? yig nges kyang brjod do zhes pa'i don to/  /ci ltar zhe na gsungs pa/ lnga pa zhes pa la sogs pa ste/ lnga pa
ni lnga pa'i bdag nyid can no/  /sa bon ni de skyed par byed pa'o/ /cha'i gnyis pa zhes pa 'dis dbus su slar yang a yig gzhan ston par byed do/ /lnga pa ni ma yig go /de la ma yig gis yi ge gsung pa tha dad du ldan no/ /au yig gi dang po las
te/  drug pas phye zhes pa a'u yig go /nges ha yig phye bar byas pa'o/ /phyi nas rjes su ngo ro dang/ ring po dang bcas pa dang/ yon tan dang yang dag par sbyor ba dang/ dbyi pa rnams ji ltar rigs pa bzhin du bya'o/ /gnas gsum du'o/ /byung ba ni shes rab thabs
dag gi sbyor ba las phyi rol du byung ba'o/  /'di ni ste 'di lta bu ni thig le yin zhes bshad ces pa ni/ sangs rgyas thams cad kyi bdag nyid can nyid kyi phyir/ /rdo rje 'chang chen po'o/ /zhes lha mo bzhis zhus par gsungs pa'i tshigs su bcad pa gang
yin pa'o/  /spyi'i don ni dgongs pa ma yin pa dang drang ba'i don ni 'dir tshig don no/ /dam pa zhes pa la sogs pa la de lta bu'i cho ga'i yul 'chad par 'gyur ba la yang rtogs par bya'o/ /zhes slob par byed pa'i don du gsungs so/ /e? zhes bya ba la sogs
pa'i yi ge rnams ni sgra ji bzhin pa ma yin pas de dang de mngon par brjod par bya bzhin pa'i don du/  de bzhin gshegs pa'i brda? rnams bskyed pa'i dbang du byas nas gsungs pa/ gcig dang ang zhes pa la sogs pa ste/ shes rab ni snang ba'i ye shes
dang sems byung las skyes pas sems dang zla ba'i snang ba bzhin du gsal ba dang chu zla lta bu'o/  /'dod chags bral sogs skad cig bdag ni 'dod chags dang bral ba la sogs pa de la bsten nas 'byung ba'o/ /'di ni kun rdzob du dngos su bud med kyi
tshul dang/  b+ha ga dang pad+ma'i brdab lha mo'i tshogs pa dang/ shes rab ye shes skye ba'i phyir rang gi rdo rje rkyen dang rgyu'o/ /'di ni zhes pa la sogs par? 'di ni zhes snang ba'i ye shes so/ /rtsa ba ni rgyur gsungs pa'o/ /yongs su ste thams cad las shes
pa'o/  /gang na srid pa gsum ste 'dod pa'i khams la sogs pa'o/ /de'i bdag nyid can nam/ lus la sogs par ro/ /'od ma 'greng ba ni 'od ma'i lo ma'o/ /mdzes pa ni yid la so sor mdzes pa'o/ /'dod chags la sogs ni 'dod chags la sogs rang/
bzhin bzhi bcu tham pa rab tu bskyed ba dang ldan pa nyid kyi phyir ro/  /'di ? rang bzhin rnams gsungs pa yang 'dod chags dang/ rangs pa dang/ smin pa dang/ dga' ba dang/ drag po la sogs pa rnams so/ /kun rdzob tu
mngon sum du skyes bu dang/  lha'i tshogs pa dang/ rtags dang rdo rje can gyi brda'o/ /de nyid kyi phyir gsungs pa/ ming ni thabs zhes bya ba yin zhes so/ /rig pa chen po rang nyid dang lhan cig tu bya ba yin gyi gzhan la bltos pa med pa'i phyir ro/ /rtsa
ba ni rgyu'o ma rig pa ni rgyu nyid dang/  kun tu 'jug pa'i rgyu nyid yin pa'i phyir snang ba nye bar thob pa'o/ /lugs la zlog pa ni rnam par ldang ba las so/ /'di'i rang bzhin ni de yang 'khrul pa dang/ skyob pa dang brjed nges pa dang/ le lo dang/ mi smra ba dang the tshom
zhes/  /ma rig pa zhes pa la sogs pas sngar gsungs pa dag gi go rim gyi 'brel pa ston par byed do/ /de nyid kyi phyir 'dir rang bzhin rnams ma gsungs so/ /sngar bzhin kho nar gsungs pa nyid kyi phyir ro/ /'gog pa ston par 'dod nas gsungs pa/
'gro zhes pa la sogs pa ste/  phung po lnga rnams dang/ mas bzhir thim khams rnams dang po'i snang ba'i ye shes su 'gro'o/ /rnam shes ni snang ba'i ye shes su bshad do/ /snang ba gsal ba de ni stong pa chen po snang pa nye bar thob par ro/ /de yang zhes
pa ma rig pa'o/  /'od gsal bar 'gro'o ni don dam pa'i bden par ro/ /thos pa zhes pa la sogs pas sngar brjod pa'i rjes su gsungs pa/ snang ba gsum gyi mtshan nyid can zhes pa ni/ gcig ces bya ba la sogs pa nas/ ming zhes pa'i mthar thug pas
rang gi ngo bo'i mtshan nyid brjod par gsungs so/  /'gro'o zhes pa la sogs pa nas/ 'od gsal bar zhes pa 'dis kyang rgyu dang 'bras bu'i dngos pos sngar gsungs pa'i 'gog pa brjod do/ /da ni rang bzhin gyi rgyu nyid sems can gyi khams rnams kyi'ang
gyur yin no zhes gsungs pa/  rang bzhin zhes bya ba la sogs pa ste/ rang bzhin rtsa ba ji ltar zhe na/ sems can khams zhes bya ba gsungs so/ /taM zhes bya ba la sogs pa la don zhes bya ba'i bar du sngar gsungs pa la bltos pa'o/ /'dzin byed de ni chu dang ngo ma
bzhin gcig pa can du gyur nas 'dzin par byed pa'i bdag nyid brjod par bya bar byed do/  /de nyid kyi phyir rlung dang ldan pa'i zhes bya ba la sogs pa ste/ rnam shes zhes bya ba ni snang ba gsum mo/ /rtag tu ni bar ma chad par ro/ /gang gi phyir rlung ni gzhan la rag
las te/  nam du yang 'gog pa med do/ /ldang ba na yang lus gnyis kyis der rag las so/ /'gro ba la ni khams gsum pa la'o/ /de nyid gyi phyir gsungs pa/ 'di ni zhes pa la sogs pa ste/ bzhon pa yin zhes pa ni rnam shes dang 'dres par gyur nas shin tu
myu? ro ba nyid las kyis 'phangs pa'i yul thob par byed pa'i phyir ro/  /de nyid kyi phyir rnam bzhag rim par gsungs pa/ rta zhon pa bzhir rnam par shes pa gang yin pa de rlung gi khams kyi bzhon pa la zhon nas zhes pa la sogs pa'o/ /de yis ci snang ba
gsum gyi thog ma'i rgya nyid du gsungs pa'i snang ba rnams so/  /da ni de rnams kyi nges par 'byin pa gsungs pa/ rang bzhin zhes pa la sogs pa'o/ /ji lta ji ltar zhes pa ni snang ba gang yin pa de las rang bzhin gang yin pa de nges par 'gro bar 'gyur zhes pa
mngon par dgongs so/  /sra ba zhes pa la sogs pas snang ba gsum rlung dang bcas pa lhan cig sbyong pa'i sprul pa'i dbang du byas nas/ sems can khams ni ma lus pa zhes gsungs pa de/ rgyas par ston par byed do/ /de la 'dir go rim bzhin du 'dus pa ste
'chi ba'i 'dzin pa'i rnam par zhes pa 'gro ba gzhan gyi rnam par zung bar bya ba 'dzin par byed/  /de la gang 'gog bzhin pa de 'gog par brjod par bya'o/ /'gro ba gzhan gyis rnam pa la brten nas skye ba'i cho shas can bskyed par bya ste/ srang mda'i mtho dman
bzhin no/  /srid pa 'pho ba'i mdo las gsungs pa/ /srog gi 'phen pa'i las zad nas rnam shes phyi ma 'gag bzhin pa la de'i las mngon du 'gyur ro/ /'di lta ste/ gnyid sad pa nas ljongs kyi bud med bzang mo zhes te/ gang phyi ma'i rnam
shes 'gag par bya ba dang/  dang po'i rnam shes skye ba'i cha shas can bskyed par bya'o/ /gal te yang dbang po la sogs pa'i lha de rnams la/ kha cig chos kyi dman pas 'jig rten 'di las 'jig rten pha rol tu 'pho bar byed pa dang/ rnam par rig par bya'o zhes rab
tu shes so zhes so/  /de la gang phyi ma'i rnam shes 'gog pa de 'chi 'pho bar byed do/ /gang dang po'i rnam shes rab tu 'byung ba de skye bar byed do/ /de la phyi ma'i rnam shes bzhin 'gag bzhin pa'i 'ga' zhig tu 'gro ba ma yin no/ /dang po'i rnam shes skye
ba'i cha shes can skye bzhin pa ni gang las kyang 'ong ba ma yin no/  /de la phyi ma'i rnam shes ni phyi ma'i rnam shes kyiS stong ngo/ /'chi 'pho ba ni 'chi 'pho bas stong ngo/ /dang po'i rnam shes ni dad po'i rnam sheS kyis stong ngo/ /skye ba ni skye bas stong ngo/ /chos rnams kyang nyams pa dang bral ba
lam/  rab tu nyams par rab tu shes so zhes so/ /de la 'gro ba gzhan gyi rnam pa dang lhan cig 'gag pa de'i rnam pas ldang bar gyur ba de bar do'i srid pa'i ming thob ste/ 'chi ba'i srid pa dang/ skye ba'i srid pa dag gi bar du thob par gyur pa nyid kyi phyir ro/ /de yongs su
shes pa dang ldan pa rnams kyi 'gog pa ni rig pa chen po ste bar de'i srid pa'o/  /ma rig pa ni rdo rje 'chang gi rnam pa 'od gsal ba nyid las langs par 'gyur ba nyid kyi phyir ro/ /'di'i skye ba'i cha dang mthun pa dang bcas par sems kyi rgyud rab tu mi 'jug pa dang/ longs
spyod rdzogs pa'i sku nyid du rnam par bzhag par bya'o/  /gzhan yongs su mya ngan las 'das par 'di rnam par bzhag par bya'o/ /skye ba'i dbang las sems can yongs su smin pa dang grol ba'i don du bskyed par bya'o/ /gang yang skye ba med pa nyid de/ gdul bya
rnams kyi skye ba la sogs pa nyid du so sor snang ste/  shAkya seng ge bzhin no/ /nyan thos dang rang sangs rgyas dag gi nyon mongs pa dang shes bya'i sgrib pa dag gi bag chags gnyis yod kyang/ 'gog pa'i ting nge 'dzin gyi stobs kyis 'gro ba gzhan la mi bltos kyang sems
kyi rgyud mi 'jug go/  de nyid kyi phyir 'phags pas gsungs pa/ ji srid sangs rgyas kyis ma bskul/ /de srid ye shes lus dngos can/ /ting 'dzin myos pas brgyal gyur pa'i/ /nyan thos de dag gnas par 'gyur/ /bskul nas sna tshogs gzugs kyis ni/
sems can don la chags gyur cing/  /bsod nams ye shes tshogs bsags nas/ /slar yang sangs rgyas byang chub thob/ /gnyis kyi bag chags yod pa'i phyir/ /bag chags sa bon brjod bya ste/ /sa bon de dngos tshogs pa las/ /srid pa'i myu gu skye bar 'gyur zhes so/ /de bzhin du phung po'i lus yod pa de srid du 'chi 'pho ba'i rab tu dbye ba gsungs/ /da ni de'i 'gro ba gzhan du so sor mtshams sbyor ba'i rim pa gsungs te/ bar do'i srid pa de'i ming gzhan ma rig pa ste/ 'gro ba gang du dang/ rigs gang du skye ba de dang
de'i cha dad mthun pa slar yang 'dod pa nye bar len pa'i mtshan nyid sems kyi rgyud rab tu 'jug ste/  de la gal te skyes pa'i bar do'i srid pa yin na bud med la'o/ /'on te bud med kyi yin na de'i tshe skyes pa la'o/ /bdag gi bud med 'di/ bdag gi skyes pa 'di zhes
phrag dog pa las de dag bud med dang skyes pa dag gi rnam par so sor zhugs pa'i 'dod pa'i bde ba nyams su myong bar 'dod pas 'jug go / 'dod pa nye bar len pa ni gzung ba dang 'dzin pa gnyis so/ /bde ba chen po'i le'ur gsungs pa yang/ /gang zhig 'od gsal
mchog 'byung ba'i/  /rnam shes de nyid sems dang ldan/ /zhes so/ /de ni chos kun rtsa ba ste/ /kun nas nyon mongs rnams byang bdag /de ? rtogs pas gnyis su 'gyur/ /rang gi bdag dang gzhan pa zhes/ /rnam shes rlung la zhen pa ni/ /rlung ni me la me chu la/ /de nas nur?
nur rnam pa dang/  /mer mer nar nar gor gor po zhes te/ /sa ni 'dod chags snang ba'o/ /de'i phyir 'dod chags dang bral ba'i/ /snang ba las khrag gi gong bu dang yid ces so/ /khrag dang khu ba 'di dag las skye'o/ /de'i phyir dbang po
gnyis snyoms par sbyor ba las 'dod chags/  'dod chags las 'dod chags dang bral ba/ 'dod chags dang bral ba las 'dod chags par ma rab tu skye'o/ /nges rnam shes gsum por brjod par bya'o/ /de ltar ye shes gsum gyi rgyu can sra ba zhes
pa la sogs pas khams bzhi po gsungs so/  /blangs nas zhes pa la sogs pas brjod pa'i khams bzhi po nye bar len pas de dang lhan cig tu bya ba'i nye bar byed pa'i rnam par shes pa gsungs so/ /srid gsum gnas su skye bar 'gyur ni 'dod pa dang/ gzugs
dang gzugs med pa can gyi snod gsum bskyed nas/  bar ma chad par 'dod pa kun tu spyod pa dang/ gzugs kun tu spyod pa dang/ gzugs med pa can gyi kun tu spyod pa rnams su skye'o/ /khams kyi dbye ba las kyang/ sa la sogs pa'i khams rnams kyi
lang mtshon par bya bar mthar thug par bya la/  sra ba zhes pa la sogs pa mngon par rjod par byed pas mi la sogs pa rnams kyi dbang du byas nas so zhes nye bar mtshon no/ /'dir zhes pa la sogs pa ni/ 'dir zhes pa rnam par shes pas byin gyis brlabs
sra ba'i chos kyis ni/  /de las ni skye bar 'gyur/ /byang sems gsher ba'i rnam pa las/ /chu yi khams kyang yang dag byung/ /bskyod las me ni skye bar 'gyur/ /'gro las rlung du rab tu grags/ /bde ba nam mkha' i khams yin te/ /lnga po rnams kyis yongs su
bcings/  /zhes so/ /de bzhin du/ bo la ka ko la sbyor bas/ /reg pa sra ba'i bag chags nyid/ /sra ba gti mug chos nyid phyir/ /gti mug rnam par snang mdzad brjod/ /gang phyir byang sems gsher ba nyid/ /gsher pa chu yi khams su brjod/ /chu ni mi bskyod ngo
po'i phyir/  /zhe sdang 'dren pa mi bskyod pa/ /gnyis kyis bskyod pa'i sbyor ba las/ /rtag tu drod ni skye bar 'gyur/ /'dod chags dpag med rdo rje yin/ /'dod chags drod las yang dag 'byung/ /ka ko lar ni gang zhig sems/ /de ni rlung gi rang bzhin can/ /don yod
rlung las yang dag 'byung/  /phrag dog don yod grub pa nyid/ /bde ba 'dod chags khrag tu 'gyur/ /khrag ni nam mkha' i mtshan nyid can/ /ser sna nam mkha' las byung ba/ /nam mkha' ser sna rdo rje nyid/ /sems ni chen po gcig nyid la/ /rang bzhin lnga yis mtshon pa nyid
rigs lnga rnams su yang dag byung/  /de la stong phrag du ma'i mthar/ /zhes pa la sogs pa'o/ /di nyid du ni rnam par shes pa khams bzhi po rnams kyang byin gyis brlab ste/ mnyam pa nyid la sogs pa'i ye shes lnga po yang skye'o zhes gsungs pa/ mnyam pa nyid ces?
pa la sogs pa ste/  so so skye bo'i gnas skabs na yang mnyam pa nyid la sogs pa'i ye shes lnga po yod do zhes mngon par dgongs so/ /rdo rje 'chang chen po'i khams bzhi dang/ phung po lnga'i sa bon rnam par shes pa ni mnyam pa nyid la sogs pa'i ye shes
kyi rang bzhin no/  /zhes snying po'i dkyil 'khor du'o/ /yid ces pa la sogs pas skye mched drug bskyed par ston par byed do/ /gang yang khams gsum zhes pa la sogs pa'i ngo bo nyid kyi rdo rje bzlas pa gsungs pa la/ rnal 'byor pas khyad par dang bcas pa
gsungs pa/  mi shes zhes pa la sogs pa'o/ /'gyur zhes pa la sogs pas skyes pa las kyang slar yang rang bzhin 'byung la/ de las dge ba dang mi dge ba'i las yang dag par 'byung zhing/ de las kyang skye ba 'byung bar ston par byed do/ /'gro ba zhes pa la
sogs pas mngal nas phyi rol tu 'byung ba'o/  /de bzhin du 'das pa dang/ da ltar ba dang ma 'ongs pa'i srid pa gsum la brten nas rten cing 'brel par 'byung bar bshad par rang nyid kyis mngon par brtag go/ da ni phung po la sogs pa
rnams kyi rang bzhin nyid de bzhin gshegs pa'i bdag nyid can nyid du gsungs pa/  lnga zhes pa la sogs pa'o/ /de nyid kyi phyir skyes bu'i phung po lnga zhes bya ba la sogs pa skul pa'o/ /khams rnams kyi dbang du byas nas gsungs pa/ bAn zhes bya ba la
sogs pa ste/  'di ltar bstan pa dang sngar bstan pa'i ldan zhes drag pa'i sgra rlung mngon par brjod par bya'o/ /ye shes gsum ni snang ba la sogs pa gsum mo/ /de'i bdag nyid can nyid ni de'i rang bzhin te/ sa lu la sogs pa'i sa bon las skyes pa'i sa
lu'i myu gu bzhin du mthar thug sa lu nyid la sogs par bstan pa'i phyir ro/  /de nyid kyi phung po la sogs pa rnams ye shes gsum gyi bdag nyid can nyid do/ /shes bya ba ni rang bzhin du gnas par yang rnal 'byor bas rtogs par bya'o/ /gang gi phyir sangs
rgyas zhes bya ba la sogs pa ste/  gang de kho na 'dod pa'o/ /thams cad ces bya ba la sogs pa ni mi bskyod pa la sogs pa'i de bzhin gshegs pa de rnams thams cad kyi sku 'di 'gro ba'i rgyud nyid du skyes pa'o/ /phyag rgya bzhi ni dam tshig sems dpa' i sku 'di
nyid dam tshig gi phyag rgya'o/  /phung po'i za ma tog gi nang du son pa'i ye shes sems dpa' ni phyag rgya chen po'o/ /mi shigs par byung ba'i yi ge ting nge 'dzin sems dpa' ni chos kyi phyag rgya'o/ /bya ba thams cad byed pa ni las kyi phyag rgya'o/ /rang snang go
rang gi dud med de yang lha mo thams cad la sogs pa'i bdag nyid can nyid kyi phyir dam tshig gi phyag rgya'o/  /de bzhin du yang na gang zhig spyan ma la sogs pa'i rang bzhin/ sa la sogs pa'i khams bzhi pos bskyed pa nyid kyi phyir/ phyag rgya bzhi'i rgyas btab pa'o/
sbas pa'i bshad pa ma yin nam bskyed pa'i rim pa'i phyogs 'chad pa ci zhe na/  gang bskyed pa'i rim pa yi phyogs la bltos nas/ snang ba 'byung ngo/ /'di yang snang ba gsum gyi bdag nyid can yin pa'i phyir/ 'dir brtsad par bya ba ma yin no zhes so/ /
thams cad dag cing rnam par dag pa'i rim par yang gsungs pa/  shes rab ngo bo nyid 'di ni/ /zla ba'i dkyil 'khor rtog par byed ces bya ba la sogs pa'o/ /mig la sogs pa'i bdag nyid ni de'i rang bzhin gyis so/ /de la zhes pa sku la'o/ /de nyid kyi
phyir sku zhes pa'i tshig las lus kyi skye mched du gyur pa'i byams pa dang kun tu bzang po dag khong du chud par bya'o/  /'dul ba zhes pa la sogs pa thams cad ces bya ba la sogs pa la/ /arthas rtha khartha gartha zhes pa la sogs pa la rgyun chags ba'i dbyings
ni 'gro ba la 'jug ste/  /tshe ba la yang ngo/ /ma rungs pa'i bgegs kyi bdag po rnams phyogs kyi mthar 'dren par byed pa 'am/ 'tsho ba'i mdza' byed pas 'dul bar byed pa'o/ /so so skye bo'i lag pa la sogs pa'i yan lag gis kyang sdang ba zlog par byed
pa mthong ba'i phyir/  /rnal 'byor pa'i lag pa la sogs pa rnams khro bo'i bdag nyid can nyid kyi phyir/ shin tu drag pa'i gdug pa zlog par byed do zhes gsum du sbyor ro/ /de bzhin du 'gro ba'i rgyud kyi sgo nas brtags pa'am/ rnal 'byor gi sgo nas
bskyed pa'i rim pa mngon par brjod do/  /da ni de dag la ngon par zhen pa sel ba'i ched du gsungs pa/ de de zhes pa la sogs pa ste/ lha zhes bya ba ni mi bskyod pa la sogs pa rnams so/ /lha mo ni spyan ma la sogs pa rnams so/ /ci'i don du slar yang bstan zhen
gsungs pa/  sems can zhes bya ba la sogs pa'o/ /de lta mod kyi lha la dmigs pas thob par nus pa ci ltar zhe na/ bzhag par bya ste dang bo'i yul la yang gzugs rdo rje la sogs pa nyid kyis bzhag nas zhes pa lhag ma'o/ /gang gi phyir lha'i rgyud med pa
de'i phyir rnal 'byor ba ste/  sems can gyi rnal 'byor nyid la yod do zhes pa rnal 'byor pa'o/ /gnyis med ces pa ni shes bya dang shes pa gnyis ka sems tsam gyi ngo bos gnyis su med par mthong ba gang la yod pa de de bzhin
no/  /dman dang zhes pa la sogs pas yul rnam pa gsum bstan pa ci yin pa de rnam rig tsam yin no zhes gsungs pa/ ye shes gsum zhes pa la sogs pa'o/ /'di'i rgyas par bshad pa gsungs pa/ 'gro'i zhes pa la sogs pa ste/ 'gro bar byed do
zhes pa thob par bya ba'i dbang po rnams so zhes rang gi sde pa kha cig rnams 'dod do/  /de dang de zhes pa ni/ mig la sogs pa'i dbang po rnams du ma nyid kyi phyir zlos pa'o /rang nyid ces pa ni rang bzhin bzhin 'di rnams so/ /snang ba tsam zhes pa ni shes bya'i
dbang gis shes pa rnam par bzhag pa'o/  /dgongs pa cis de ltar rnam rig tsam du rnam par bshad par bya/ shes pa dang shes bya dag brdzun pa nyid du sgrub pa'i don du gsungs pa yang/ shes bya yod ltar shes pa ste/ /shes dang shes bya de bzhin
yod/  /gang cho gnyis ka skye ba med/ /sangs rgyas de tshe yod pa ci/ /shes pa med bzhin shes bya med/ /rnam shes de dag med pa'ang med/ /de phyir rang bzhin de ma rnyed/ /shes dang shes bya nyid du brjod/ /ces pa ma yin nam zhe na/ shes pa
dang shes bya ngag bltos pa med par grub pa nyid kyi phyir/  brdzun pa nyid du gsungs pa ma yin nam/ tsam gyi sgra la dgos pa ci yod / tsam gyi sgra'i don tshig tu brtags pa don dam pa nyid kyi don du dgag par bya'o/ /yang na rnam shes la bltos pa
med? par thob pa'i lus gyi rmi lam nye bar dmigs pa'i don nyid kyis don du bkag go yang na rmi lam dang bral ba nyid kyi don gzung ba la sogs ba sgom par byed pa'i rnam par shes pa nyid so sor rtogs par bya'o/  /'di dag ci ltar bsgrub par bya zhe na/ don
byed nus pa gang yin pa/  /de 'dir don dam yod pa yin/ /zhes don dam pa yod pa'i don gyi mtshan nyid du brjod par bya'o/ /rmi lam yang yong ba'i phyir 'dis don byed do/ /bsreg pa dang smin pa dang/ yan lag mchog la reg pa dmigs nas/ bde ba la sogs
pa rmi lam du mthong zhing dmigs bzhin ba nyid kyi phyir ro/  /yang na byang chub sems kyi rnam par bshad par 'phags pas gsungs pa/ bdag tu 'dzin pa bzlog pa'i phyir/ /phung po khams sogs bstan pa yin/ /sems tsam rnam par gzhag pa gang/ /de yang
bdag nyid chen pos spangs/  /zhes gsungs pa dang/ stong nyid bdag nyid tshul chen gyis/ /sems 'di nyid 'di kun brtags dang/ /gzhan gyi dbang dang yongs grub pa/ /nyid du yang ni brtags pa yin zhes so/ /sun 'byin pas brjod pa/ de'i phyir rnam par
shes par smra ba 'di lta bu nyid/  'phags pas bzhed do zhes nam yin te/ gzhan gyi phyogs rjes su brjod nas sun 'byin pa brjod pa nyid kyi phyir ro/ /bdag nyid ni rnam rig tsam du ma yin no zhes gsungs so/ /de dang gzhan gnyis brtags pa'i rang bzhin
med pa la sogs pa'i mtshan nyid sgyu ma lta bu dang/  rtag pa dang/ rtag pa ma yin pas sogs pa'i rang bzhin dang bral ba kun rdzob bden pa'i ngo bor gsungs so/ /'dir dbu mar yang gzugs la sogs pa rgya cher ni/ ldog pas rnam rig 'byung mi 'gyur/ /
bsgrub byang byang po la sogs rtogs/  /rnam rig tsam nyid ma gsungs so/ /zhes dang/ klu'i blo'i zhabs kyis kyang/ gal te slar yang gzhan gyi brjod pa'i rnam par shes pa smra bar mngon par rtogs par bya ste/ de'i tshe nyes pa cir 'gyur/ /de'i tshe dngos po med pa'i
de bzhin nyid du 'gyur ro/  /dngos po med pa'i de bzhin nyid 'phags pas bzhed pa yang ma yin no/ /gsungs pa yang 'di'i/ dngos po nyid dang dngos med kyang/ /myang 'das gyur pa nyid ma yin/ /dngos med dngos dang gsal ba la/ /de ni mya ngan 'das par brjod//
ces so/  /theg pa chen po rnams gnyis 'jug par byed pa sgrub pa'i don du mu stegs don smra ba rnams kyis sun phyung ba'o/ /de yang rnam par shes pa smra ba rnams kyis rnam par shes pa yang dbu ma pa rnams kyis sun phyung ba'o
zhes pa mi rigs so/  /don la sogs pa rnams kyis dngos po med par bya ba 'am/ rang bzhin gzhan gyis 'grub pa yang ma yin no/ /de'i phyir de rnams chad ma'i gzhal pa'i byed pa'i dngos po/ /'khor ba dang mya ngan las 'das par rnam par gzhag par
shes par byed pa ma yin pa kho na'o/  /de'i tshe'i tshig dag nyid ni/ slob dpon klu sgrub zhabs kyi lam las ni/ /phyi rol gyur la zhi ba'i thabs med do/ /de dag kun rdzob de nyid bden las nyams/ /de las nyams pa thar pa grub yod min zhes dang/ gang zhig tha
snyad? bden pa thabs su gyur/  /don dam bden pa thabs byung gyur pa ste/ /de dag rnam dbye gang gis mi shes pa?/ ? ni rnam rtog log pas lam ngan zhugs zhes so/ /spros pas chog go /skabs su bab pa nyid brjod par bya ste/ de de'i zhes bya ba ni gzugs la sogs
pa la mig la sogs pa'i bdag nyid can sa'i snying po la sogs pa dbang po'i lam gyis ni thabs kyis so/  /yul n gzugs rdo rje ma la sogs pa'i bdag nyid can no/ /thob pa ni yul can du byas nas so/ /sgrub pa po ni rdo rje 'chang chen po nyid bsgrub par 'dod
pa'o/  /de bzhin gshegs pa rnams ni de bzhin gshegs pa thams cad kyi bdag nyid can sgrub pa po'o/ /ma lus pa ni gzugs la sogs pa lnga po dman pa dang/ bar ma dang mchog rnams bsdus pa'o/ /tshim par bya phyir ni tshim pa'i ched du'o/ /dbul bar bya
ni nye bar dbul bar bya ba ste/  snang ba gsum po nyid kyi rang bzhin du shes par bya ba'o/ /'di ni de bzhin gshegs pa thams cad kyi mchod pa ste gsungs pa yang/ gzugs mthong dga' ston chen po ste/ /thos ldan 'dod pas myos par byed/ /sngags kyi tshig
ni ? yin no/  /rang dbang chu nyid mtshu sbrang rtsi/ /lhan cig skyes pa myang bar 'dod/ /chags pa lus kun bden? par? zhes/ /dpe med sna tshogs de 'dod pa/ /'bras bu 'khyud pa khyod la sbyin/ /lha mo lhag ma'i yul rnams la/ /gtso bo don med rdo rje can zhes so/ /sku
gsum gyi rgyu can sku bzhi pa gsungs pa/  /sku zhes pa la sogs pa ste/ /sku gsum ni sprul pa la sogs pa'o/ /de la 'dod chags dang bral ba dang/ 'dod chags dang bcas pa'i de bzhin gshegs pa gang yin pa'i sprul pa'i sku ni/ ming dang skal ba mnyam pa gang du
gnas nas chos kyi dbyings mngon sum du byed pa'o/  /longs spyod rdzogs pa ni 'og min du lha dang skal pa mnyam pas chos gyi dbyings mngon sum du byed pa ste/ sprul pa'i sku bzhin du sha dang rus pa la sogs pa mi 'dzin pa me long gsal ba'i gzugs brnyan
lta bu'o/  /chos kyi sku ni sprul pa dang longs spyod rdzogs pa dag gi dngos po med pa'i bdag nyid do/ /'di yang bcom ldan 'das kyi sku gsum par gsungs te/ yid kyis bsam gyis mi khyab pa tshig gis rnam par rig par byed nus pa sems can gyi don skal pa ji lta ba
bzhin du byed pa 'jig rten gyi rjes su 'jug par bden pa gnyis po'i yang rang bzhin du med pa'i phyir ro/  /gsungs pa yang/ sems can don ni gcig pu mdzad pa dpag tu med pa'i bsod nams ye shes che ba rag las pa'i/ /yid dang ngag gi lam dang so sor
bral bar gyur pa'i bde gshegs rnams kyi sku ni gsum po rnams zhes so/  /rdo rje theg par ni sku gsum yang rdo rje 'chang gi ngo bo zhes tha dad par gyur pas skyob pa yin zhes pa rdo rje 'chang chen pos so/ /gsum po de ni gcig tu gyur pa ni gcig gi ngo bor ro/ /rdzogS
pa'i rim pa mi zung 'jug gi ngo bor/  sbyor ba ni de la dmigs pa des so/ /slar yang 'di ci ltar 'gyur zhe na/ gsungs pa/ kun rdzob ste? mi la sogs par rab tu grub pa'i phung po la sogs pa nyid kyis so/ /gang zhig bden par na rnal 'byor pa'i so sor sgyu ma lha
bu nyid do zhes pa 'dis so/  /sangs rgyas rnams kyi sku mtshan nyid ces pa ni sprul pa dang longs spyod rdzogs pa dag gi phyi dang nang gi bdag nyid can de'i bdag nyid can du gsungs so/ /gsungs pa yang/ ji ltar shin tu ches gsal me
long la/  /gzugs rnyan yan lag kun ldan gzugs snang ba/ /dpe byad brgyad cu sum cu rtsa gnyis mtshan/ /rdo rje 'chang lus rtag tu de bzhin no zhes so/ /de nyid ces ni longs spyod rdzogs ba'i sku'o/ /de nyid kyi phyir 'dir yang sku gsum yongs su dag ces pa
longs spyod ba'i skus lhan cig ba de'i bdag nyid yongs su shes pa'i phyir ro/  /tshig gi lam gyi yul 'di nyid ni dpe gcig gnyis kyis bla ma las/ sgrub par nus pa nyid kyi phyir ro/ /ye shes rang bzhin ni snang ba la sogs pa'i ye shes kyis bskyed pa nyid kyi
phyir dang/  'od gsal pa'i ye shes kyis bskyed pa nyid kyi phyir yang ngo/ /gtso bo ni khams gsum pa'i dbang phyug nyid kyi phyir ro/ /snang ba yi ni sku gnyis dang/ de 'gog pas so/ /'ja' tshon bzhin du sems can rnams kyi dge ba dang mi dge ba la sogs
pa gsal bar byed pa 'od zer lnga bskyed pa nam mkha' i khongs su 'jug pa dbang po'i gzhu lta bu'o/  /phyi nas rim gyis mthar nam mkha' nyid du thim par 'gyur ro/ /'dir yang dag par gsal bar byed pa tsam mo/ /bcom ldan 'das sems can gyi don mdzad pa nam
mkha' i khongs las bzhengs nas/  de yid du thim pa'i mya ngan las 'daS pa gdul bya rnams kyi yang ngo/ /mkha' la dbang po'i tshon cha'i kha dog du ma snang/ /de bzhin 'dir ni dge sogs las rnams ji bzhin du/ /rdo rje 'dzin pa'ang dkar sogs kha dog phun sum tshogs/ /ma lus
de re 'jig rten 'dir ni ston par mdzad ces so/  /gnas skabs kyi dbye ba la rten nas gsungs pa/ sems zhes pa la sogs pa'o/ /sems la sogs pa rnam grags gzhan gyis gsungs pa/ shes rab ces pa la sogs pa'o/ /slar yang gzhan gsungs pa/ stong pa
zhes pa la sogs pa'o/  /de nas zhes bya ba ni de nas stong pa chen po'i rgyun can las 'od gsal ba las langs nas spyod pa spyad par bya ste/ spyod bsdus su gsungs pa'i rim pas so/ /spyod pa ci ltar bya zhe na gsungs pa/ rang bzhin zhes pa la sogs pa'o/ /spyod pa'i
'bras bu gsungs pa/  las kyi 'bras bu zhes pa la sogs pa ste/ las kyi lus ni dge ba la sogs pa'i las las skyes pa'i mi la sogs pa'i phung po'o/ /rdo rje'i sku nyid ni rdo rje 'chang chen po nyid do/ /thugs las zhes bya ba la sogs pas spyod pa ston par byed de/ /don
spyod ni don ni gzugs la sogs pa 'dod pa'i yon tan lnga po spyod pa ni de rnams nyams su myong ba'o/  /'jig rten pa ni 'jig rten 'di la yod pas 'jig rten pa'o/ /de 'di'i don no/ /'jig rten 'dod pa'i yon tan lnga la chags pa rnams 'dod pa nye bar longs spyod pa nyid
kyis/  gdul bar bya'o zhes thugs la gzhag nas gsungs pa/ sprul zhes pa la sogs pa ste/ sku ni sprul pa'i sku'o/ /longs spyod pa ni nyams su myong ba'o/ /ji ltar ji ltar 'dod par ro/ /nye bar longs spyod pa'i don ni 'dod pa nye bar longs spyod pa mi'i lus so/ /gsungs
pa yang/  spyod pa longs spyod las rab brjod/ /'jigs pa'i gzugs ni ngan par bshad/ /ces mnyam pa'i spyod ba'o/ /ster bar byed ces pa la sogs pa ni don gyi spyod pa yid bzhin gyi nor bu chen po bzhin du rnam par rtogs pa nye bar dga' ba ma lus pa yang ngo zhes pa'o
stobs kyi ? pa ni yid kyi kun tu rtog pa tsam las so/  /stobs la sogs pas 'di rnams thams cad phun sum tshogs pa rang 'byung ba nyid du brjod par bya'o/ /mchog thob pa'i nges par bya ba gsungs pa/ gang gang zhes bya ba la sogs pa ste/ gang dang gang du zhes
bya ba la sogs pas bya ba la nges pa med pa nyid du yang mnyam par gzhag pa nyid do/  /thogs pa med pa zhes bya ba ni mnyam par gzhag pa nyid kyis byed pa'o/ /mnyam par ma gzhag sbyor ba yi/ /zhes pa ni bdun gyi mthar de sbyor bar bya'o/ /gang yang gang gi phyir thogs
pa med pa de'i phyir mnyam par ma gzhag pa'i sbyor ba dang ldan pas kyang rtag tu mnyam par gzhag pa'o/  /'gro bar gyur pa de dang de/ /dbang po zhes pa la sogs pas gal te dbang po dang yul dag gi snang ba tsam nyid dang por bsgrub pa
de bzhin du da lta ni/  mnyam par ma gzhag pa'i sbyor ba'i dbang du byas nas de'i rab tu dbye ba brjod par bya ste/ 'dir yul du gsal ba nyid kyi phyir ro zhes gsungs pa/ rdo rje zhes bya ba la sogs pa ste/ 'di dag nye bar mtshon par byed pa ste/ nges mig la sogs
pa'i dbang po'i snang ba yang bde ba'i bdag nyid ye shes gsum gyi char rig par bya'o/  /gos pa ni yul na kun nas zhes pa'o/ /mgos pa'i blo gros ni kun nas zhen pa med pa'i blo gros so/ /deng? ni zhes pa ni yul la mchog tu 'dzin pa kun nas zhes pa'o/ /de'i phyir
bde bas gnas par bya'o/  /rtag tu zhes pa ni bar skabs su bde ba dang 'brel par skabs su sdug bsngal 'byung ba las so zhes pa lhag ma'o/ /rol zhes pa la sogs pa ni/ gtan la dbab pa'i gzhi la rim pa'i cha shas ston par byed do/ /rol par byed ni sems
can gyi don du rnam pa sna tshogs pa'i gzugs kyi rnam par 'gyur bar byed do/  /de nyid kyi phyir gsungs pa/ dngos bdag kun la ste/ rtan pa dang g.yo ba'i bdag nyid can nyid kyi phyir ro/ /sangs rgyas mdzad pa zhes pa ni 'dod chags la sogs pa khams sna tshogs pa'i
rang bzhin gyis rigs kyis sems can smin par byed pa dang/  grol bar byed pa la sogs pa'o/ /yang dag par ji lta bar gsungs pa'i cho gas rab tu gsal bar bya ba gang yin pa zhes pa ni/ gtan la dbab pa ste/ rdo rje lta bu'i la ma mo/ /de la gnas pa ni de'i bdag nyid kyis
so/  /rnal 'byor zhes pa la sogs pas ye shes kyi sku nyid kyis rnal 'byor gzhi la sogs pa'i 'brel pa ston par byed do/ /rdo rje can zhes pa la sogs pas brtag pa'i rnal 'byor gyi sku'i lus rnam par dben pa'o/ /bkag pa zhes pa la sogs pa ste/
gos mi 'gyur zhes pa ni/  bkag pa spyod pa'i byed pa'i skye bo de gang gis kyang yang dag par gnod par mi 'gyur ba'o/ /ngo bo nyid shes ni ngo bo nyid shes pa'i phyir ro zhes mngon par dgongs so/ /rang gi 'dun pa 'jug pa'o/ /ngo bo nyid shes pa'i rnal 'byor ba'i bras
bu gsungs pa/  'gyur zhes pa la sogs pa ste/ yon tan brgyad ni grangs brgyad du kun tu spyad pas bgrang bar bya ba rnams zhes pas yon tan te/ sku'i dbang phyug la sogs pa rnams so// de rnams dang ldan pa'i ye shes kyi sku ni sbrul? pa'i lus thogs paM
dang bcas pa nyid kyi phyir ro/  /gang yang sprul pa yang ma nor ba nyid yin pa'i phyir ye shes nyid kyis so/ /ma lus par zhes pa 'di grangs med pa dang/ gzhal du med pa dang/ brjod du med pa'i 'jig rten gyi khams rnams yang dag par 'dzin par byed do/ /khyim zhes
pa la sogs pa la gang du spyod pa zhes pa de nyid 'di'i khyim ste/  nam mkha' ste nam mkha' la khyim dang bral bar rang gnas so/ /de nyid la ni rol par byed pa ni mngon par dga' ba skyed par byed do/ /de'i don 'di yin te/ khyim mngon par skabs yod pa la
mngon par chags pas zhen pa ni 'di la med do/  /gang phyir mngon par skabs yod pa'i khyim 'dzin pa la khyad par du dga' bar bya'o/ /'di la zhes pa la sogs pas mtshan mo la sogs pa nyid bsdus par ston par byed do/ /de la mtshan mo ni
snang ba'i ye shes so/  /nyin mo ni snang ba mched pa'i ye shes so/ /thun mtshams ni snang ba nye bar thob pa'o/ /ye shes gsum ni bstan phyir ro zhes pa ni/ ye shes gsum po nyid kyi ma nor ba mtshan mo la sogs pa nyid kyis so sor gsal
bar byed pa'i phyir ro/  /gang yang ye shes gsum po nyid kyi dpe ston par nyid kyis gsungs pa'i phyir ro/ /gang blun po dpe nyid kyis rnam par rig par so sor sgrub par byed pa ni rig pa ma yin no// gsungs pa yang mtshan mo snang ba'i cha ste zhes bya ba la
sogs pa spyi'i 'o/  /de bzhin du skye ba la sogs pa'i tha snyad kyang ye shes gsum las ldang ba nyid du bsgrub par 'dod nas gsungs pa/ rnam pa sna tshogs zhes pa la sogs pa ste/ 'jig rten pas zhes pa ni 'jig rten tha
snyad kyi rjes su 'gro ba rnams kyis so/  /dus gsum zhes pa ni 'das pa dang ma 'ongs pa dang/ da ltar byung ba'i dus gsum mo/ /dbye ba yis ni zla ba dang phyogs dang lo la sogs pas so/ /ye shes rnam pa gsum 'byung ngo ni/ gang las yongs su
brtags pa las so/  /skye ba la sogs pa yang bsdus pa gsungs pa/ skye dang zhes pa la sogs pa'o/ /gzhal du med pa nyid kyi phyir tha snyad rnams yang dag par bsdus pa gsungs pa/ ji srid pa ces pa la sogs pa ste/ sems kyi rlung gi rnam 'phrul
lo ni/  rlung dang ldan pa'i sems las skyes pa'o/ /rnal 'byor pa dang rnal 'byor pa ma yin pa'i thun mong gi bya ba la sogs pa sems tsam nyid du gsungs pa rgod dang zhes pa la sogs pa ste/ sgeg pa la sogs pa gar gyi ro dgu dang ldan pa gsungs
pa/  dgu pa zhes pa la sogs pa'o/ /rnal 'byor pa'i rang bzhin gyi bya ba gsungs pa/ phyag rgya zhes la sogs pa ste/ phyag rgya ni phyag rgya chen po la sogs pa rnams so/ /sngags ni sprul la sogs pa rnams so/ /de'i yul la rnam par rtog pa yang/
rdo rje sems dpa' spyod pa'i ni rdo rje sems dpa' i bdag nyid can gyi phyir/  /ye shes gsum gyi'o/ /'di yang bcom ldan 'das kyis longs spyod rdzogs pa'i sku yongs su dag pa'o/ /rnal 'byor pa'i rgyud du gtogs pa ni yongs su dag pa ma yin pa
de'i phyir de dag pa'i rang bzhin du sgrub par byed pa gsungs pa/  rin chen zhes bya ba la sogs pa ste/ rin chen ni rdo rje sems dpa' de bzhin gshegs pa'i rin po che ste/ de ma yin pa med pa nyid do/ /'di na zhes pa ni khams gsum pa'i bdag nyid
can gyi 'gro ba la'o/  /bdag byin gyis brlab pa ma gtogs pa ste/ gzhan chen po de nyid kyi phyir gsungs pa/ de bzhin gshegs pa lta bu nyid/ /med de slar yang mchog tu zad ces so/ /gal te 'ga' zhig 'od gsal ba rnam par dag pa las gzhan du ma yin no zhes
brjod par bya ba lhag ma'o/  /dpe gsungs pa/ me yis sbyangs pa'i nor bu bzhin zhes te/ mya ngan las 'das pa 'jigs chen po/ /thal ba de yang brjod bya min/ /de dag de la yod pa yin/ /dbang po'i don dag khams rnams med/ /ces gsungs pa ma yin nam/ /de
dag 'di'i dper ci ltar khong du chud par bya zhe na/  chos kyi dbyings su bstod par yang/ /dri ma bsregs pas gos med ces/ /mi gsung 'od gsal me? la zhugs/ /langs nas yongs su dag pa yi/ /bde bar 'dir ni bsgrub par bya/ /zhes dpe sbyar ro/ /de bzhin du
me 'od gsal gyi dpe'o/  /nor bu yongs su dag pa ni longs spyod rdzogs pa'i sku'o/ /'od gsal du zhugs pa yi ni mer zhugs pa'o/ /langs pa yin ni longs spyod rdzogs pa'i yi'o/ /me las byung ba'i nor bu'i mchog ste nor bu las dri ma med pa yongs su
dag pa'o/  /de'i phyir 'od gsal du zhugs pa phung po la sogs pa dngos pa med pa bsgrub pa'i don du gal te 'di dper 'gyur na/ de'i tshe 'gal bar 'gyur ro zhe na/ dpe dang dpe can dag bdag nyid thams cad kyis mtshungs par 'gyur ba ni ma yin gyi 'ga' zhig
tu dbye ba lhag par gnas pa ni yod pa rnams kyis mtshungs par brjod par bya'o/  /'dir me dang mya ngan las 'das pa rnam pa lngas mtshungs par sbyor ba nyid kyis rnam par mtshungs par bya bar 'gyur ro zhes so/ /yang 'od gsal du zhugs pa la rnam pa med pa nyid
kyi phyir ci ltar thams cad dngos po med pa can? gyi stong pa nyid kyi 'od gsal las ldang ba'am/  ci ltar de la dag par 'di dag brjod par bya ba ma yin no/ /snying rje'i bdag nyid gyis longs spyod rdzogs pa'i sku la dmigs pa ni/ /thog mar thams cad dngos po med pa 'od
gsal ba las/  rnal 'byor bas ldang bar byed do/ /langs nas kyang grub pa'i dpes gsungs pa/ klu'i blo'i zhabs kyis gsungs pa yang/ sangs rgyas thams cad kyi bdag nyid kyi rnal 'byor dang ldan pas stong pa nyid mngon
sum du bya'o zhes so/  /spyod bsdus su yang/ sngon shin tu bsgoms pa nyid las sngon gyi rtsam pa can gyi 'bad pas 'di mngon du 'gyur ro/ /rnal 'byor pa chung du ni/ so sor rtogs par bshad do/ /rnal 'byor pa 'bring po ni so sor longs spyod rdzogs pa'i
sku'i 'od gsal ba dang lhan cig pa'i de'i bdag nyid yongs su shes pa nyid 'od gsal du zhugs pa las ldan ba ni dag pa'o zhes so/  /rnam par bshad pa'i don du rang dbang yongs su sal ba gsungs pa/ bzhugs pa'i zhes bya ba la sogs pa ste/ bzhugs pa'i
tshig ni bzhugs pa'i mthar thug pa'i tshig gi brjod bya ni bzhugs pa'i tshig go / 'di dag ni zhes pa brjod pa'i rnam pas so/ /dpal 'dus pa zhes pa ni/ rgyud gzhan du yang/ rnam pa 'di la bu la sogs pa'i brjod par bya ba yod pa nyid kyi phyir ro// /
'jam pa'i dbyangs kyis ni rdo rje 'chang chen pos so/  /rdo rje 'phreng ba'i rjes 'brangs nas ni 'dus pa'i bshad pa'i rgyud kyi rjes su 'brangs nas rtogs par bya'o/ /'od gsal ba dang rnam par dag pa zhes pa la sogs pa brjod pa'i dbang du byas nas gsungs pa/ slar
yang zhes bya ba la sogs pa'o/  /'di skad ces pa ji so ? bstan par bya ba'o/ /bdag gis thos pa ni lhag par rtogs pa ste/ de'i rnam pas sems bskyed par 'gyur ba zhes pa'i don no/ /de nyid ni 'od gsal ba'i bdag nyid can gyi 'gro ba brtan pa dang g.yo ba'i bdag
nyid can ma ? pa'i ngo bo'o/  /dus gcig na ? gcig na kho na dus te/ /de tsam nyid kyi phyir dus rnams thams cad do/ /gsal ba ni gsal ba'o/ /'di thos so zhes pa 'di sbrel bar bya'o/ /bcom ldan 'das ni 'od gsal ba'i ngo bo nyid kyi rtogs pa la bdud
bzhi po nyams pa'i phyir te/  de rnams kyang de bzhin nyid kyi gcig nyid kyi phyir ro/ /yang na b+ha ga de bzhin nyid kyi ye shes te de gang la yod pa de b+ha ga wan no/ /dbyer med pa la yang ma tu pa ji lta ba'i ngo bor ldan no/ /rdo rje gsang ba ni mi bskyod pa la sogs pa'o/ /de rnams spra bar
byed pa'i mnga' bdag nyid yin pa'i phyir dbang po ste drug pa'o/  /de'i rdo rje gsum ni sku rdo rje la sogs pa ste/ /'od gsal ba gang du de rnams yang dag par 'gro bar byed thim par byed pas mchog ste phul du byung ba'o/ /stong pa nyid kyis gnas pa la 'dir mi 'byung ba'i phyir ro/ /de
nid kyi phyir de bzhin gshegs pa thams cad ni de bzhin gshegs pa rnams thams cad kyi gsungs pa'i ye shes 'di ni/  de bzhin gshegs pa thams cad de/ de nyid kyi phyir slar yang de la 'jug par byed do/ /bsam mi khyab ces pa la sogs pa ni/ de'i phyir 'od
gsal las langs pa gang yin pa'i yon tan ni/  stobs bcu mi 'jigs pa la sogs pa ni bsam gyis mi khyab pa ste/ 'di lta ste/ 'di tsam mo zhes pa bsam pa ste de mi nus pa nyid kyi phyir ro/ /de rnams phun sum tshogs pa la ni bskyed pa'i gnas la slar yang
khyad par du byed pa'o/  /yod dang zhes pa la sogs pa ste/ yod pa dang med pa la sogs pa rnams kyi 'jig rten gyi rjes su mthun par 'jug par brjod pa nyod do/ /de'i phyir 'dis 'das pa ni bral ba'o /bzhi brgya par gsungs par yang/ /yod dang med dang yod
med dang/  /gnyis ka min zhes kyang bstan te/ /nang kyi dbang las thams cad kyang/ /sman zhes bya bar 'gyur min nam/ zhes so/ /de la grangs can pa'i yod par lta ba bzlog pa'i don du med ces brjod par bya'o/ /med ces bya bas ji srid du shin tu med par bsgrub
par bya ste/  rang gi sde pa dang/ gzhan gangs can gzhan de dag gi don du med ces brjod par bya'o/ /phyags kyi gos can rnams kyi don du yod pa dang/ med pa'o zhes brjod par bya'o/ /tshu rol mdzes pa pa rnams kyi don du rtag pa med pa nyid kyis med pa ma gyin no zhes brjod par mi
bya ste/  'di rnams kyi don byas par 'gyur ba ma yin pa nyid kyis so/ /gang dang gang 'di dga' ba thog mar de dang de la mtshungs par bya'o/ /gang dam pa'i chos kyi snod phyir gzhil bar byed pa ston par byed pa ma yin no zhes so/ /de'i phyir de
nyid mngon bar mthong ba rnams kyis spangs so/  /gnas med gnas pa zhes bya'o ni/ /'ga' zhig tu yang brjod pa dang/ /rjes su brjod pa mthong ba la chags pa med pa nyid kyi phyir mi gnas pa'i bdag nyid du gnas so zhes pa 'di'i ming ngo/ /dpe gsungs
pa/  nam mkha' zhes pa la sogs pa ste/ /nam mkha' i rang bzhin gcig po 'di de de bzhin no/ /sangs rgyas pa'i mdo las/ nam mkha' nyid dpe nyid kyis brjod pa/ /ji ltar nam mkha' de bzhin nyid/ /shin tu rnam dag ye shes so/ /zhes bya ba la sogs pa so/ /thams
cad mkhyen pa'i ye shes zhes pa ni/  zung 'jug 'gro ba'i rnam par sgom bar byed pa de gang la yod pa de de bzhin no/ /de nyid kyi phyir gsungs pa/ 'gro zhes pa la sogs pa ste/ 'gro ba rnams kyi snying po de dang de nyid du bskyed pa ni 'gro ba'o/ /
nges par dngos po thams cad kyi/  /rnam dag de bzhin nyid du brjod ces gsungs pa'i phyir rnam dag ces bya ba'o/ /bzhugs pa ni sku gnyis kyis de'i bdag nyid du gnas pa'o/ /thub pa chen po ni rdo rje 'chang chen po'o/ /mthar thug pa'o zhes bya ba ni rnam pa
gnyis so/  /slob ma la bshad pa'o zhes pa ni rigs dang mthun par rnam par bshad pa la phyi ma gsum yang sbyar bar bya'o zhes pa/ slob par byed pa'i don du gsungs so/ /de ltar bzhugs pa'i zhes bya ba ni sngar bzhin no/ /bstan nas zhes bya ba ni rin chen 'byung gnas
zhi bas mdzad pa'i mu tig phreng bar de la bshad pa la/  dang po'i dag nyid kyis rgyud ma lus pa'i don rnam par bshad pa gang yin pa zhes 'chad par ni mi rigs te/ rgyud phyin ci log tu 'gyur ba'i phyir ro/ /dang po'i bdag nyid kyis rgyud ma lus pa'i dgongs pa bshad pa
nyid kyi phyir ro zhes pa ni mi rigs te/  rgyud rgyas par rnam par 'chad pa na so sor bstan par bya ba nyid kyi phyir ro/ /de bstan par 'dod nas gsungs pa/ de'i 'og tu zhes bya ba la sogs pa la/ /brjod kyis mi lang ba zhes bya ba la sogs pa ni gzhal du med
pa nyid kyi phyir ro/  /dpe gsungs pa/ sangs rgyas kyi zhing zhes bya ba la sogs pa ste/ ji ltar sangs rgyas kyi zhing mdza' yas pa'i rdul phra rab kyi grangs kyis bsgyur pas brjod par mi nus pa de bzhin no zhes bya ba'i don no/ /gzhal du med pa 'di rnams kyis
lha'i 'khor lo nyid kyi nang du gtogs pa'i phyir gsungs pa/  de rnams las zhes bya ba la sogs pa ste de nyid kyi phyir/ 'dus pa'i dkyil 'khor brjod par bya ste/ lha'i 'khor lo yang phung po la sogs pa'i bdag nyid can rigs brgya'i dbye bas shes
par bya ba rdo rje 'chang chen po la 'dus pa'i phyir 'dus pa ste/  rdo rje 'chang chen po'i sprul pa'i sku'o/ /gang gi dbang du byas nas rigs brgya'i rim pa so sor rtogs par bya bar mngon par brjod do/ /'gro ba 'di kun sangs rgyas lnga bdag nyid ces bya ba la sogs
pa nges pa'i don du yang 'chad par 'gyur ba brjod kyis mi lang ba'i zhes bya ba la sogs pa/  sangs rgyas kyi zhing rdul phra rab dang mnyam pa'i de bzhin gshegs pa dang/ byang chub sems dpa' dang/ sangs rgyas kyi zhing rnams ni rdo rje 'chang chen po nyid
kyi yan lag gi cha shas yin pa'i phyir zhes so / da ltar rim pa gnyis pa la sogs pa bsdus pa'i don du yang 'dus pa'o/ /'di lta ste zhes bya ba la sogs pa ni/ dkyil 'khor gyi 'khor lo nye bar ston par byed pa'o/ /thugs rdo rje ni phyag na rdo rje'o/ /
zhes pa ni thugs rdo rje nag po nyid kyi phyir phyag na rdo rje kha dog nag po la mi bskyod pas dbu la mtshan par 'chad par byed pa de yang rigs pa ma yin no/  /'phags pa'i dgongs pa'i rjes su 'jug pa mang po rnams dang chen po'i mthar thug pa klu'i blo'i zhabs kyis
rnam par sbyar ba'i dkyil 'khor gyi yan lag gi mtshan ma dgong pa ma mthong ba ste/  gsungs pa yang de bzhin rin chen rin chen gser/ /brtul zhugs can gyi lho ru dgod ces so/ /gang gi tshe mA ma kI rin po che'i rigs 'dzin par 'gyur ba
de'i tshe/  ser po ji lta ba bzhin du rdo rje phyag na rdo rje yang 'dir rin po che'i rigs su 'gyur ro/ /de bzhin du ting nge 'dzin rdo rje ni 'od dpag tu med pa ste/ ting nge 'dzin gyi phyag rgya 'chad pa'i phyir ro/ /rnam par bzhag pa gsum pa nam mkha' i snying po pad+ma'i rigs su 'od
gsal du 'jug par mngon par brjod pa'i phyir pad+ma'i rigs can nyid do/  /rin po che dbang po'i sa la bzhugs pas na/ /'dir rin chen dbang po'i kha dog dang mtshan ma byas pa'i phyir/ gsungs pa'i rim pa rin po che'i rigs nyid ngo/ /rgyal ba'i rdo rje ni
drug pa ste/  de'i rigs can byams pa yang rnam par snang mdzad kyi rigs can no/ /zhes 'dir mdor byas kyi rim par rnam par bshad pa gsum po rnams kha cig sgrub par mi byed/ /de bzhin du rim pa gsum par gnas pa'i de bzhin gshegs pa de dang
de'i rigs can de dang des/  de bzhin gshegs pa'i ming du mngon par brjod de/ /da ni snying po'i rim par gnas pa yis rab tu grags pa'i sa la sogs pa'i sgras spyan ma la sogs pa mngon brjod par byed do/ /zhes gsungs pa/ sa zhes pa la sogs
pa ste/  nam mkha' i rdo rje zhes ba ni ci'i ming zhes bsam bar bya ba 'jam dam la gang yin pa ni mi bskyod pa'i rigs can no zhes so/ /phyis 'chad par byed pa dkyil 'khor gyi mtshan ma du ni 'od dpag med kyi rigs can nyid du bri ste/ de bzhin pad+ma pad+mar
gnas/  /bcu? zhugs can gyis nub tu dgod ces te drug pa'o/ /gzugs rdo rje zhes pa la sogs pa bzhi po rnams gyi rim pa gnyis par ro/ /reg bya zhes pa 'dis snying po'i rim pa'i nang du gtso bo dang rol par byed pa'i yul du mngon par brjod do//
zhes pa yul lnga'o/  /chos kyi dbyings kyi rdo rje zhes pa ni bsam par bya'o/ /kun tu bzang po yang rdo rje sems dpa' i rigs can nam/ mi bskyod pa'i rigs can du rjod par byed do/ /de yang rigs pa ma yin te/ de bzhin ral gri ral gri ljang/ de ni de bzhin
byang phyogs dgod/  ces dkyil 'khor gyi mtshan ma ru gsungs pa'i phyir ro/ /zhes pa byang chub sems dpa' brgyad do/ /nam mkha' i khyams zhes pa la sogs pas de bzhin gshegs pa rnams kyang gzhal du med pa nyid du gsungs te/ sngar bzhin no/ /
de ltar zhes pa la sogs pas gang gis dkyil 'khor gyi 'khor lo rdzogs pa de srid tsam gyi mi bskyod pa la sogs pa lnga rnams sngar gsungs pa rnams mchog tu 'dzin pa'o/  /la sogs pa zhes pa ni 'dir gtso bo yang rtogs par bya'o/ /gtso
bo ni gang 'jig rten du blta bar bya ba dang/  dang po nyid du 'dul ba ste/ bcom ldan 'das la sogs pa'i tshogs so/ /bcom ldan 'das la yongs su bskor ba'i 'od srungs la sogs pa'i dge 'dun zhes kyang brjod par bya'o/ /de bzhin gshegs pa rnams
thams cad thag pa chen po'i mdo sde la sogs par 'dus pa brjod pa ma yin na med lnga po 'di rnams kyi gtso bo ci ltar yin zhe na/  gsungs pa lnga zhes bya bas phung po lnga'i bdag nyid can du gsungs pa'i phyogs bcu dang dus gsum du bzhugs pa'i sangs
rgyas rnams mi bskyod pa la sogs pa lnga po nyid kyis bsdus pas so/  /ji srid nam mkha' zhes pa la sogs pas de bzhin gshegs pa rnams kyi dpag tu med pa'i nam mkha' khyab pa nyid du gsungs so/ /'di rnams thams cad kyi sems can gyi don phul du ?
med pa'i rgyun nyid yin pa'i phyir 'di bstan pa'o/  /de nyid kyi phyir rnam pa de lta bu'i dpes don brjod pa gsungs pa/ 'di lta ste/ zhes bya ba la sogs pa'o/ /drang ba'i don no zhes bya ba ni 'chad par 'gyur ba'i nges don 'di gsungs pas drang ba'i don no/ /de ltar
gzhan du yang bshad pa 'di rtogs par bya'o/  /nges pa'i don gyi dbang du byas nas gsungs pa/ brjod kyiS mi lang ba'i yang zhes bya ba la sogs pa ste/ 'dir rigs pa gsungs ba/ lnga zhes pa la sogs pa'o/
de lta mod kyi gnas dang 'khor la sogs pa rnam par bzhag pa ci ltar yin zhe na gsungs pa/  de bas na zhes pa la sogs pa'o/ /de nyid kyi phyir nges pa'i dbang du byas nas gsungs pa/ de ltar zhes pa la sogs pa ste/ /ci ltar byang chub
sems dpa' lta bu'i de bzhin gshegs pa 'di rnams slar yang de bzhin gshegs pa dang lhan cig gnas par byed pa ma yin nam/  sems can rnams kyi don? du rang gi sgrub thabs gsungs pa ma yin nam/ bcom ldan 'das bsgrubs pa
yang ci byed pa nyid du 'gyur/  de'i phyir brgal bar bya ba 'di dag yod do zhes na/ rdo rje 'chang chen po'i phung po lnga'i bdag nyid can nyid kyi phyir ram/ /de bzhin gshegs pa rnams kyi gnas dang/ 'khor lo'i dbus su zhugs pas ston par
byed bas gsungs so/  /da ni zhes pa la sogs pa/ 'dod khams zhes pa ni rgyal chen bzhi'i rigs dang/ sum cu rtsa gsum dang /'thab bral dang/ dga' ? dang/ 'phrul dga' dang/ gzhan 'phrul dbang byed ces ba rnam pa drug ni 'dod
pa'i ? zhes bas 'dir mchog tu 'dod pa'o/  /mi la sogs pa rnams ni ngan pa thob bas 'dod pa'i khams dang mthun pa nyid do/ /de rnams rten par byed pa'i phyir rten yang 'dod pa khams so/ /de'i phyir gsungs ba/ 'dod pa'i khams ni gnas
pa yi zhes so/  /yul la chags pa'i sems can rnams ni gzugs dang sgra la sogs pa dbang pos bzung bar bya ba la mngon par zhen pa rnams so/ /'dod pa'i yon tan lnga zhes ba ni/ gzugs dang sgra la sogs pa lnga ni 'dod pa ste/ 'dod par bya bas
'dod pa khams dang mthun bas mngon par brjod par bya'o zhes pas 'dod pa'o/  /'grang bar bya grangs su bya zhes pas yon tan no/ /sgo nas ni de la nye bar longs spyod pa'i bde bas so/ 'grel po zhes pa ni ? po de rnams nyid kha rang bzhin yongs su shes pas mngon bar zhen pa
med pa'o/  /gsungs pa yang/ yul 'ga' zhig rnams btang byas zhing/ /yul 'ga' zhig la gnod byas nas/ /mi yi khyu mchog 'ga' zhig ni/ /yul rnams nyid kyis byang chub byed/ /rgyal po'i rin chen phreng bar yang/ /rtsa ba srid pa'i rnam par shes/ /yul ni de yi sbyor yul min/ /yul la bdag med du mthong ba/ /srid pa'i sa bon 'gag par byed /ces so/ /yang gsungs pa/ gang gis yongs su 'ching 'gyur la/ /mkhas pa de yis rnam par grol/ /rnam grangs ma lus pa 'di ni/ /byang chub
'byor ba'i tshul yin no/  /de ma thag pa'o zhes pa ni gnas dang 'khor la sogs pa gsungs pa la bltos nas so/ /yon tan brgyad cis pa ni bgrangs? brgyad kyang yin pa ston gyi dbang phyug kyang yin pa ste/ sku'i dbang phyug la sogs pa 'chang bar 'gyur ba'o/
'chad par 'gyur ba'i chen po nyid dang ldan pa'i phyir chen po zhes po'o/  /rdo rje 'chang chen po rnam pa sna tshogs pa'i rnam pas sems can gyi don du snang bar byed do/ /gsal bar byed do zhes pas rnam par snang mdzad do/ /rnam par snang mdzad la sogs pa
rnam pa sna tshogs pa'i gzugs kyis gti mug la sogs pa la mngon par dga' ba'i sems can rnams kyi 'di nyid mthong ba'i phyir ro/  /'dod chags dang bral ba'i sku spangs nas zhes pa ni 'dod chags dang brang ba'i rigS kyi sems can rnams 'chos par byed
pa'i/  shAkya thub pa'i ? su sprul pa'o/ /spangs ? zhes pa 'khor los sgyur ba'i gzugs zung nas snga ma spangs pa'i phyir ro/ /de nyid kyi phyir gsungs pa chen po'i zhes pa la sogs pa ste/ rnam pa gzhan du ma rdzogs pa'i sangs rgyas kyis bstan
pas drang bar bya ba mi 'gyur ro/  /de nyid kyi phyir rgyud la sogs pa sngar gsungs so/ /'dod chags dang bcas pa'i gzugs sprul pa'i dgos pa gsungs pa/ 'dod chags kyis zhes pa la sogs pa ste/ 'dod chags kyis zhes pa la
sogs pa ni/  'dod chags kyis ni yul la zhen pa'i mtshan nyid kyis so/ /'dod chags rab tu spangs pa'i don ni/ /thog ma med pa'i 'khor bar goms pa'i yul la mngon par zhen pa rab tu nyams ba'i don du'o/ /sems can rnams smin par byed pa dang/
grol bar byed pa nyid yul lo/  /de rnams las mngon par zhen pa'o/ /de rnams 'dul bar byas nas chags pa nyid kyis nyes par dmigs pa'i phyir ro/ /de nyid ces pa ni 'chad par 'gyur ba la bltos pas so/ /tshul zhes pa ni 'dis nges par bya/
gdul bya mya ngan las 'das pa'i grong du 'khrid par byed do zhes pas tshul lo/  /de gang yin pa'i ting nge 'dzin ni sems rtse gcig pa'i mtshan nyid gang yin pa de de bzhin no/ /snyoms par zhugs nas zhes bya ba la sogs pa ni/ /sngar gsungs pa'i lha'i 'khor lo
mchog tu 'dzin no/  /zhugs par mdzad do zhes pa ni dkyil 'khor gyi dbang phyug ces pas lhag ma'o/ /de'i sems dpa' gsum gyi bdag nyid can las so/ /gsungs pa rang gi sa bon zhes pa la sogs pa ste/ phung po khams la sogs pa zhes pa'i sgra las skye mched
dang yul gyi cha shas kyi rang bzhin rnam kyang zhugs so zhes pa'i mthar thug pa'o/  /mchog tu dga' ba'i bde bas ni mthar thug pa'i bde bas chim par byed pa'i don du'o/ /nyid kyis sku ni rang gi phung po'o/ /gnas skabs snga ma zhes pa ni bud med dang/ skyes pa'i
rnam par gnas pa'i gnas skabs su rab tu zhugs pa'i dkyil 'khor gyi rab tu zhugs ba las sngar gyi rnam snang la sogs pa/  spyan ma la sogs pa nyid kyis gnas pa nyid kyi phyir ro/ /bud med kyi gzugs zhes pa ni bud med kyi gzugs nyid du de rnams
nyid phyung ba'o/  /zhes 'chad par 'gyur ba nyid kyi phyir ro/ /sku las zhes pa ni dngos las phyi rol yul gyi dngos po med pa'i phyir/ 'byung ba yang lus la brten pa nyid kyi phyir/ /bud med kyi dbang po'i lus la lhag par 'dus byas pa'i bud med kyi gsang
ba mngon par kun nas byung bar gyur to zhes pa ni/  'das pa la 'jug pa'i bshad pa'o/ /de nyid ces pa ni sngar gleng gzhir gsungs pa'i gzugs yongs su gyur pa ste/ mi bskyod pa ni reg bya'i ngo bo lta bu'i zhes pa'i gsung las so/ /sngar gyi
dkyil 'khor du zhugs pa gang yin pa'i dkyil 'khor gyi dbang phyug kyang rdo rje 'chang lta bu'i sku la bzhugs so/  /zhes rtogs par bya'o/ /drang ba'i don la dmigs pa sngon du 'gro ba'i nges pa'i don gsungs pa/ chen po zhes pa la sogs pa ste/
'dod chags chen po ni mthar thug pa'i yul la chags pa'o/  /de nyid son? gyi don gyi rgyur rtag tu nge 'dzin par byed bzhin pa nyid kyi phyir chos so/ /de'i tshul ni yongs su shes pa ste/ de'i rim pa gsungs pa/ 'dod chags zhes pa la sogs pa ste/
'dod chags ni snang ba'o/  /de skye ba ni 'dod chags rab tu 'jug pa las kyang skye ba'i phyir ro/ /de bzhin du 'dod chags dang bral ba ni snang ba nye bar thob pa'o/ /'dod chags bar ma ni gnyis ka'i cha shas can du gsungs pa nyid kyi phyir ro/ /gsungS
pa yang gang che snang ba nyer thob pa/  gnyis ka'i cha shas can nyid 'di nyid /thog mar 'od gsal bar 'jug pa nyid/ ces so/ /rim gyis zhes pa ni ye shes skye ba'i rim pa 'di yis/ /rnam par dag pa ni 'od gsal brtogs pa'o/ /mngon du 'byin
pa'i thabs zhes pa ni zung 'jug mngon du 'byin pa'i rgyu'o/  /de nyid ces pa ni 'dod chags chen po'i tshul nyid brjod pa'i don du ming rab tu gsal ba gang yin pa zhes pa'o/ /ci ltar byas nas she na/ de la snyoms par zhugs nas zhes gsungs so/ /de dag ces la sogs
pa ni/  /phyi'i dkyil 'khor sku'i dkyil 'khor du rab tu zhugs pa'o/ /sku'i dkyil 'khor ni ye shes kyi sku la'o/ /de ni 'dod chags la sogs pa'i rim gyis rnam par dag pa'o/ /de nas ldang bar byed do zhes pa'o/ /'dod chags
chen po'i tshul gyis rnam par bshad pa snga ma'o/  /bdag nyid ces bya ba la sogs pas sprul pa'i sku la bltos pa'i tshig ste/ mdo dang bsres par gnas skabs 'dir sbyar ba'i phyir ro/ /kun tu 'dzin par byed par yang sangs rgyas thams cad kyi bdag nyid
can nyid kyi phyir ro/  /dpa' bo nyid dam mched 'os nyid dang mkhas pa nyid do/ /de nas zhes bya ba la sogs pa la snga ma bzhin zhes bya ba ni drang ba'i don gyi bshad par lha mo rnams byung ba sngar bzhin du 'dir khong du chud par bya'o/ /drang ba dang nges pa'i
don gyi brjod du med pa'i yang zhes bya ba la sogs pa'i bshad pa nyid du gnas dang/  'khor nas brtsams nas/ 'dir de bzhin gyi mthar thug pa'i bshad pa la brten nas/ slar yang drang ba dang nges pa'i don dag la kun tu 'jug par byed do/ /gzungs
kyi dkyil 'khor zhes pa ni lha mo'i 'khor lo'o/  /'dod pa'i dbang phyug ces pa ni 'khor lo'i gzugs dang sgra la sogs pa 'dod pa lnga'i bdag nyid can nyid kyi phyir de la dbang phyug ni ji ltar 'dod pa bzhin du byed pa nyid do/ /bstan nas zhes pa ni yul
la nye bar longs spyod pa'i gdul bya rnams kyi don du'o/  /da ni zhes bya ba la sogs pa ni/ lha mo'i b+ha gang dbang bskur ba la sogs pas bsdu bar bya ba'am/ 'gro ba'i rgyud kyi rim pa las 'das pa bskyed par bya'o zhes pas bsdus pa'o/ /de nyid kyi phyir gsungs
pa/  sprul pa'i bya ba ni sprul par byed pa'i bya ba'o/ /mi bskyod pa'i zhes pa dang /bstan par bya ba'i phyir zhes sprel lo/ /byin gyis brlab pa mdzad do zhes pa ni/ /bskyed par byas pa dang ldan pa'o/ /snga ma bzhin te zhes pa tshig dang po'i rnam par bshad
pa bzhin no/  /shes rab ni btsun mo'o/ /gnas ni b+ha ga la'o/ /der chud ba ni gnas der son pa'o/ /gru bzhi la sogs pa zhes pa ni/ khang pa brtsegs pa mngon par brjod pa'o/ /dam tshig chen po zhes bya ba la sogs pa'o/ /de'i dkyil 'khor ni mi
bskyod pa'i sprul pa'i bya ba'o zhes sngar gsungs so/  /gsal ba zhes pa la sogs pa yang khang pa brtsegs pa'i ngo bo ston par byed pa'o/ /bdag nyid ces pa ni mi bskyod pa'i rang bzhin no/ /byang chub kyi sems rdo rje ni rdo rje 'chang chen po'i 'o/ /de nyid kyi
phyir gsungs pa/  rigs lnga zhes pa la sogs pa'o/ /'khor lo zhes pa ni phyung ba'i dkyil 'khor gyi lha'i 'khor lo'o/ /slar yang zhes pa ni sngar rab tu zhugs par brjod pa la bltos nas so/ /bzhugs pa'i gnas su mdzad pa ni de'i bdag nyid kyis so/ /
b+ha ga ni ye shes te ye shes ni gnyug ma'i ngo bo nyid kyi phyir ro/  /sar gyur zhes pa la sogs pa ni/ rab tu dga' ba dang/ dri ma med pa dang/ 'od byed pa dang/ sbyang dka' ba dang/ mngon du gyur pa dang/ ring du song ba dang/ mi g.yo ba dang/ legs pa'i blo
gros dang/  chos kyi sprin zhes bya ba'i ? po rnams ni byang chub sems dpa' rnams kyi'o/ /de bzhin gshegs pa'i sa ni kun tu 'od ces bya ba 'dis sa bcu gcig par theg ba chen po las gsungs so/ /thams cad dag cing rnam par dag ba'i rim pa yang
dang po las kyi sbyor ba yis/  sa brgyad pa ni thob par 'gyur/ /snang ba gsum po mthong ba yis/ /sa bcu pa la rab tu gnas/ /mngon par byang chub legs thob nas/ /gtsang ma'i gnas su nye bar 'gro/ /sangs rgyas zhing nas mi ldog pa'o/ /tshe 'di nyid la
thams cad mkhyen zhes so/  /spyod bsdus su yang/ rdo rje theg pa 'di la bskyed pa'i rim pa la goms pas/ sa brgyad pa thob ba nas slar yang bde bar gshegs pa nye bar bskyed par bya ste/ ji srid du rdzogs pa'i rim ba thob par ma gyur pa de srid du dge ba'i
bshes gnyen la gus par bya'o/  /sku dang gsung dang thugs lhag par rtogs shing sa bcu pa thob nas/ sgyu ma lta bu'i ting nge 'dzin lhag par rtogs to/ snang ba rnam par dag pa thob par bya'o/ /zhes rtogs te sa bcu gcig
bar mngon par brjod do/  /spyod bsdus le'u dang por yang gang gi tshe sgyu ma lta bu'i ting nge 'dzin la snyoms par 'jug pa de'i tshe/ sangs rgyas thams cad kyi dbang bskur ba thob bo/ /dbu ma la 'jug par yang/ kun nas sangs rgyas rnams la dbang bskur
dam pa de thob ste/  bcu pa zhes bya ba la sogs pa dang/ sa bcu gcig pa nyid ces ba ni/ /rdo rje snying po rgyan gyi rgyud du yang/ /de nyid bcom ldan rnal 'byor te/ /byang chub sems ni 'od gsal ba/ /kun tu 'od kyi sa chen po/ /nyi ma'i dkyil 'khor gzi
'od ldan/  /gnyis pa bdud rtsi 'od ces pa/ /shin tu 'od gsal zla ba 'dra/ /gsum pa nam mkha' 'od ces pa/ /mkha' bzhin legs par rab ? nas/ /sa bzhi pa ni gang yin de/ /rdo rje'i 'od mdza' yid du 'ong/ /bsam pa bstan pa'i sbyor
ba yis/  /rdo rje zhes ni yongs su bsgrags/ /lnga pa rin chen 'od ces bya/ /dbang bskur ba la rab tu gnas/ /drug pa pad+ma'o 'chang zhes bya/ /yang? bzhin rab tu rnam par snang/ /rang bzhin dag pa'i chos nyid de/ /dri ma med cing yongs gzung med/ /
bdun pa las kyi 'od ces bya/  /sangs rgyas phrin las byed par 'dod/ /brgyad pa dpe med pa zhes bya/ /'di la dpe ni yod ma yin/ /dgu pa dpe bral zhes bya ste/ /thams cad dpe ni so sor rtogs/ /bcu pa shes rab 'od ces bya/ /sangs rgyas sa ni
bla na med/  /bcu gcig thams cad mkhyen zhes bya/ /sa chen po ni 'od gsal ba/ /bcu gnyis so so'i bdag nyid rig /rnal 'byor ye shes rab rdzogs pa/ /sa chen po ni 'di dag ldan/ /sangs rgyas rnams ni don dam las/ /sangs rgyas rnams dang sangs 
rgyas chos/  /rnal 'byor pa dang ye shes spyod/ /ces so/ /de bzhin nyid du dgongs pa lung ston du yang/ sar 'gyur de ni bcu gsum pa zhes so/ /de yang zhes pa ni de dag kyang nu ma dang skra ldan pa ma yin no/ /de chos zhes pa ni/ de'i chos ni chos te nyon mongs
'joms par byed pa de las bzlog pa ma yin yang/  de'i rang bzhin de nyid b+ha ga'o/ /de bzhin nyid la dmigs pa la/ sngar bsags pa'i nyon mongs pa ma lus pa 'jig pa'i phyir ro/ de ltar dngos po rnams kyi skye ba rab 'byams 'jig pa'i phyir ro/ /
dri ma med pa ni nyon mongs pa'i rdul ma lus pa dang kun tu 'dres pa ma yin pa'o/  /dam tshig chen po'i dkyil 'khor ni rdo rje 'chang chen po'i sku'o/ /de'i ngo bo nyid ston par byed pa gsal ba zhes bya ba la sogs pa'o/ /gsal ba ni tshogs bsags pa'i
'gro ba rnam par shes lta bu'o/  /snang ba'i ngo bo nyid ni de bzhin nyid kyi ngo bo nyid de/ /de bzhin nyid las langs pa snang ba gsum gyis bskyed pa nyid kyi phyir ro/ /'od zer lnga ni dkar po la sogs pa'i 'od zer lnga dang ldan pa nyid kyi phyir ro/ /de bzhin
gshegs pa thams cad ni mi bskyod pa la sogs pa rnams/  /de'i bdag nyid can yin pas na de rnams de'i bdag tu byed pas de'i bdag nyid do/ /sangs rgyas sprin gyis kun tu khyab ni khyab pa'o/ /rab tu zhugs bar gyur te ni de bzhin nyid kyi
bdag nyid 'dzin par gyur pa'o/  /snying rje'i bdag nyid can nyid kyi phyir dang/ lta ba dang bcas pa'i dri ma ma lus pa dang ma 'dres pa nyid kyi phyir ro/ /'dod chags la sogs pa'i nyon mongs pa la phyir phyogs pa las so/ /snying rje zhes pa la sogs
pa ci de'i phyir me lta bu'i 'od zer 'phro ba mang po 'khrug pa ni sgyu ma'i sprul ba ni me'i phung po chen po bzhin no/  /snang ba zhes ba la sogs pa ni gsal ba zhes pa ni snang ba gsum bo rnams te zla ba la sogs pa bzhin du gsal ba'i phyir ro/ /de nyid kyi
phyir dkyil 'khor rnams kyis zhes pa mang po'i tshig go / de bzhin gshegs pa thams cad ni mi bskyod pa la sogs pa'i de bzhin gshegs pa thams cad do/ /de bzhin gshegs pa kun 'di de rnams kyi gnas ni rten no/ /
rdo rje 'chang chen po zhes pa ni de rnam par 'byed pa'o/  /rigs thams cad kyi bdag nyid can zhes pa ni mi bskyod pa la sogs pa rigs lnga'i rang bzhin no/ /bdag nyid ces ba ni 'di bzhag par gyur to zhes pa ni bya ba la bltos pa med pa las nyid do/ /don
dam pa'i bden pa las ni 'od gsal ba las so/  /bzhengs nas zhes pa sngar gyi rtogs pa'i nus pa las so/ /srid pa ni kun rdzob kyi bden pa'o/ /mya ngan las 'das pa ni don dam pa'i bden pa'o/ /de dag ro gcig pa ni a ru ra'i phye ma dang sbyar ba ro gzhan
la zhugs pa bzhin no/  /'dis ni rang bzhin gcig pa nyid kyis bzhag par gyur to zhes brjod do/ /de nyid kyi phyir gsungs pa/ khams gsum du yang sna tshogs pa'i sprul pa la sogs pas sems khams gsum du yang sna tshogs pa'i sprul pa la
sogs pas sems can ma lus pa yongs su smin pa dang/  grol ba dang/ snod kyi 'jig rten rnam pa sna tshogs pa'i mda' bdag yin pa'i phyir ro/ /nam mkha' kun zhes pa la sogs pa ni/ kun kyang de yin la/ go skabs su gyur pa'i nam mkha' yang de yin no
zhes pas nam mkha' kun gyi skabs ni 'jig pa'i dus su skyos pa'o/  /de'i phyir rdzogs pa nyid las khams bzhi po rnams nam mkha' kun gyi skabs der nam mkha' i gro skabs kun stong ba bzhi po der ro/ /bde mchog ni sangs rgyas thams cad dang mnyam
par sbyor ba mkha' 'gro ma sgyu ma bde mchog tu'o/  /phung po la sogs pa rjes su zhugs pas zhes pa ni/ shin tu rnal 'byor ?  rim pas ste/ /de nyid kyi phyir gsungs pa/ don 'di zhes pa la sogs pa ste/ /gsal ba nyid kyi phyir yi ge'i don ni ma bris so/ /
'das pa zhes bya ba la sogs pa ni/  /dus gsum du bzhugs pa'i de bzhin gshegs pa rnams zla ba la sogs pa tsam nyid kyi phyir ro/ /zil gyis gnon pa ni a b+hi b+ha ba naM te/ a b+haM kun nas b+ha ba ni 'byung ba'o/ /de nyid kyi phyir gsungs pa/ /don de nyid ni rdo rje las rdo rje
'chang du bskyed pa'o/  /'dis rnal 'byor dang rjes su rnal 'byor las rdzogs pa rdo rje 'chang chen po'i sku gsungs so/ /de bzhin gshegs pa thams cad ces bya ba la sogs pas rdzogs pa'i shin tu rnal 'byor ro/ /spyi'i don gyi rgyu can gyis sbas pa'i don gsungs so//
thams cad ces bya ba la sogs pa ni kun rdzob byang chub sems kyi rnam pas ni kun rdzob tu rnam par 'jug pa'i ngo bos so/  /gcig tu mdzad de ni de'i dus su phung po la sogs pa rnams de tsam nyid kyi phyir ro/ /de nyid ni ting nge 'dzin nyid do/ /de ltar ni de'i dus su
bzhugs pa'i sems nyid dbye bar dka' ba nyid kyi phyir ro/  /ting nge 'dzin ni de lta bur gyur pa'i sems rtse gcig pa nyid do/ /snyoms par zhugs pa ni sems de'i rnam pa'i snod yin pa'i phyir ro/ /de nyid kyi phyir gsungs pa/ nam mkha' i dbyings 'di thams cad ces
pa la sogs pa ste/  thabs kyi ye shes ni snang ba mched pa'o/ /nang du gyur par rab tu zhugs pa'o/ /sems can thams cad ces bya ba ni phung po la sogs pa rnams zhes pa ni/ /sems can thams cad kyi phung po la sogs pa tsam nyid kyi phyir ro//
rdo rje sems dpa' i byin gyis brlabs kyis zhes pa ni thabs kyis ye shes ni rdo rje sems dpa' i bdag nyid can nyid kyi phyir rdo rje sems dpa' o/  /de'i phyir byin gyis brlabs pa ni shar ba'o/ /de bzhin gshegs pa thams cad kyi phung po la sogs pa'i rang bzhin
mi bskyed pa la sogs pa rnams so/  /bde ba zhes pa la sogs pa la zhu bar gyur nas zhes pa dang thabs kyi ye shes dang lhan cig gyur pa'o/ /de nyid kyi phyir gsungs pa/ /mchog tu dga' ba'i bde ba nyams su myong bar gyur to zhes so/ /sbas ba'i bshad
pa'i rgyu can mthar thug pa gsungs so/  /thams cad ces bya ba la sogs pa la/ phung po lnga ni kun rdzob kyi bden pa'i bdag nyid can no/ /don dam pa'i bden pas gcig tu mdzad nas ni don dam pa'i bden pa'i bdag nyid kyis so
de nyid kyi phyir gsungs pa/  stong pa zhes pa la sogs pa'o/ /bshad pa rnam pa bzhi'o/ /de ltar zhes pa sogs pa la lhag par bya ba nas lhag par mos pa'o/ /phung po la sogs pa rten cing 'brel par 'byung ba 'jig rten pa'i dngos grub la
lha la sogs pa'i rnam pa mchog tu 'dzin no/  /rdo rje 'chang chen bor bskyed nas /zhes pa ni skabs su bab pa gsungs pa'i rim pas so/ /de bzhin gshegs pa thams cad kyi sku dang gsung dang thugs rdo rje'i bdag nyid can nyid kyi phyir de bzhin gshegs pa
thams cad kyi sku dang gsung dang thugs rdo rje ni yi ge gsum ste de nyid kyi phyir/  'da' bar mi bya ba nyid kyi phyir dam tshig go /de nyid ces pa yi ge gsum mo skyes pa zhes pa ni byung bar gsungs so/ /de nyid ni rdo rje ste/ rdo rje 'chang chen po'i bdag nyid
can nyid kyi phyir ro/  /ting nge 'dzin de la ni rnam pa de lta bu'i sems rtse gcig pa la'o/ /rig pa chen po zhes pa la rig pa chen po ni rdo rje 'chang chen po ste/ de skyed par byed pa po nyid kyis so/ /rig pa chen po ni gsang sngags kyi yi ge rnams ni ye ge gsum mo/
des zhes pa ni bskyed ba rang rdzogs pa'o/  /skyes bu'i gzugs ni skyes bu'i rnam pa'o/ /de bzhin gshegs pa thams cad ni rnam par snang mdzad la sogs pa rnams so/ /sngags ni bskyed pa'i rgyu sum cu so gnyis kyi grangs so/ /sgrub pa'i thabs
las gsungs pa'i? tshul ni/  /mdor byas nas gyi rim pa'i skyabs thabs su gsungs pa'i rim pas /rnal 'byor dang rjes su rnal 'byor dag gis rdzogs pa'i longs spyod rdzogs pa'i sku la/ aoM yig la sogs dkod pas shin tu rnal 'byor
rdzogs pa la dkar po zhal gsum phyag drug par byas pa'i rnal 'byor chen po'i mthar thug pa ji srid du skyed par gyur pa'o/  /gyur pa zhes bya ba la sogs pa la zhal gsum pa'i rnam pas zhes pa ni/ 'dir rnal 'byor bzhi'i mthar thug bar zhal
gsum pa nyid du rtogs par bya'o/  /rnam par bzhag pa dang/ mdo dang bsre ba gnyis su shin tu rnal 'byor gyi mthar thug par zhal gsum pa nyid la 'di nyid du zhugs pa'i lung du bshad do/ /ji ltar rnam par bzhag pa'i dang por bshad pa de bzhin
nyid du 'dir yang 'chad par byed pa rnal 'byor bzhi'i mthar thug pa zhes 'dir gsungs pa'i phyir/  /rnal 'byor bzhi'i mthar thug par rdo rje 'chang chen po gsal bar rjes su 'jug par bshad par bya'o/ /zhes pa ni mi 'gal lo/ /gal te rnam pa
gzhan du na rjes su rnal 'byor dang/  shin tu rnal 'byor gyi mthar ram/ rnal 'byor chen po'i mthar rang gi 'dod pa'i lha mi bskyod pa la sogs pa rab tu 'jug par 'gyur na/ de'i tshe drang ba'i don du gsungs pa dang/ gsung bar 'gyur ba'i nges pa'i
don dag gis rnam par bzhag pa la sogs pa rnams dang 'gal? bar 'gyur ro/  /gdul bya rnams kyis mthong bar gyur to zhes pa ni/ gang gi phyir bcom ldan 'das kyis sprul pa'i sku ni gdul bya ma yin pas kyang mthong bar ci ltar 'gyur te/ shAkya
seng ge bzhin? no/  /yongs su smin pa dang/ grol ba'i snod kyi gdul bya'i dbang du byas nas/ bcom ldan 'das bskyed pa las gdul bya rnams kyi zhes brjod par bya'o/ /slar yang gzhan gyis mthong ba ni ma yin no/ /yang na dngos dang brgyud
pas thams cad kho nas gdul rgyas de bzhin du mthong ba dang/  reg pa dang/ thos pa dang/ dran pas bcom ldan 'das rnams dga' bas yid kyi rigs yang dag par shes par byed do/ /rdzogs pa'i rigs rnams kyis de dag 'phel bar byed do/ /so sor
'joms pa rnams kyis yang bdud la sogs pa so sor 'joms par nus pa rnams kyi 'jigs pas 'jigs par gyur pa rnams de la skyabs su 'gro ba'i phyir ro drang ba'i don to/  /de nyid kyi phyir gsungs pa/ thams cad
zhes pa la sogs pa ste/  dam tshig gi ni yang dag par 'gro bar byed do/ /rnam par thim par byed do zhes pas dam tshig go /de las byung ba ni ye shes kyi rim pas zhes drang ba'i don las khyad par ro/ /chen po zhes pa la sogs pa la mchog
ces pa ni/  'gro ba'i mchog nyid kyi phyir ro/ /tshad med pa dang zhes pa ni yon tan dang/ ye shes dang/ gzugs dang/ sems can gyi don la sogs pa rnams kyis yongs su bcad par bya ba ma yin pa nyid kyi phyir ro/ /mkhas zhes
pa ni rigs par gnas ma lus pa thams cad las so/  /brtson 'grus ni bya ba rnams thams cad la kun tu zhum pa med par nyid do/ /spro ba ni lhag par spro ba'o/ /las bdag nyid ni sems can gyi don la sogs pa la rab tu 'jug pa'i phyir ro//
de dang de ni shin tu rmad du byung ste shin tu ngo mtshar ba'o/  /de dag las bskyed pa ni de'i bdag nyid du yongs su shes pas dmigs par gyur pa'o/ /rnam pa thams cad kyis mchog ni lag pa la sogs pa 'khor lo la sogs pa dang brgyan
gyi rnam pa'o de bzhin gshegs pa thams cad ni mi bskyod pa la sogs pa nyid ni sngags so/  /de rnams kyis byin gyis rlob pa ni de'i rang bzhin nyid do/ /de nyid kyi phyir gsungs pa/ de bzhin gshegs pa thams cad ces bya ba la sogs pa ni/ drang ba
dang nges pa'i don dag las yongs su ma dag pa dang/  yongs su dag pa'i lha rnams dag bstan to/ /nges pa'i don to/ /de nas zhes bya ba la sogs pas yongs su ma dag pa dang yongs su dag pa'i rim pas bskyed pa dang/ sems can gyi sprul pa'i
sems can gyi don du so so mi bskyod pa la sogs pa spro ba ston par byed do/  /dga' ba'i thugs kyis ni mchog tu dga' ba tshim par gyur pa'i thugs kyis so/ /de nyid kyi phyir gsungs pa/ sngar zhes pa la sogs pa ste/ sngar gsungs pa'i thugs ka las ni lha
mo'i pad+ma las so/  /ched du brjod pa ni dga' bas tshig la ched du brjod pa zhes brdar byas so/ /de nyid kyi phyir gsungs pa/ e ma'o gang zhes pa la sogs pa ste/ rnam pa gnyis zhes pa ni lha'i gzugs rnam pa gnyis so/ /de bzhin gshegs pa
thams cad ni de'i rang bzhin nyid kyi phyir ro/  /sba bar bya bas na gsang ba'o ni snod ma yin pa rnams la'o/ /rtog pa dang bral ba nyid kyi phyir zhes pa ni rang bzhin nyid las 'di'i rnam par rtog par byed mi nus pa'i phyir ro/ /de nyid kyi phyir gsungs pa
rab tu mi rtog go / khams gsum pa zhes pa la sogs pa ni 'dod pa dang gzugs dang/ gzugs med pa la mi gnas pa'i phyir gnas pa zhes so/ /slob dpon dang slob ma'i 'brel ba zhes pa ni/ ji ltar ma 'ongs pa'i gdul bya rnams
bcom ldan 'das ston par byed pa'i dus su mi gnas pa rnams kyi slob ma rnams kyis ji ltar slob dpon dang bla ma la ji ltar bya ba de bstan par bya ba'i don du'o/  /'dus pa mdzad nas zhes pa slob ma rnams kyis 'dus pa nyid ces bya ba'i don no/ /
de bzhin gshegs pa thams cad ni mi bskyod pa la sogs pa ste/  de'i rang bzhin nyid kyi phyir bla ma yang de bzhin gshegs pa thams cad do/ /de'i mchod pa spros pa ni 'da' bar bya ba ma yin pa nyid kyi phyir dam tshig go /de nyid kyi phyir de kho
na nyid rin po che'o/  /'di skad ces gsol to zhes pa ni bcom ldan 'das ston par byed pa'i dus la bltos pa'i tshig go /de bzhin gshegs pa thams cad ni gzugs la sogs pa rnams zhes pa ni/ gzugs dang sgra la sogs pa rnams rnamS par
snang mdzad la sogs pa'i bdag nyid can nyid kyi phyir ro/  /de rnams zhes pa ni 'dod pa lnga gsungs pa rnams kyis so/ /de bzhin gshegs pa thams cad ni rdo rje 'chang chen po ste/ /de'i rang bzhin
yin pa nyid kyi phyir/  bla ma yang de bzhin gshegs pa thams cad do/ /de'i mchod pa spros pa ni/ /dngos dang bsgoms pas so/ /dam tshig ni de gshegs pa'i ye shes kyis kyang 'da' bar bya ba ma yin pa nyid do/ /yul lnga la
reg bya'i mchod pa'i dbang du byas nas gsungs pa/  de nyid ces pa la sogs pa ste/ bud med rin po che rnams zhes mang po'i tshig ni slob ma rnams mang? ba nyid la bltos pa'o/ /gang yang lha mo thams cad kyi bdag nyid tsam nyid kyang
'da' bar tshig tu brjod par bya'o/  /de rnams zhes pa la sogs pa mang po'i tshig tu yang brjod par bya'o/ /de ltar mchod pa byas nas/ slob ma rnams kyi bya ba bstan par bya ba'i phyir bshad du gsol zhes pa la sogs pas
gsol ba 'debs te/  byung ba zhes pa ni yang dag pa ma nor ba de bzhin du byung ba'i tshul gyi ngo bo'o/ /rdo rje lta bu'i snying po'i stobs gang yin pa de rnams rdo rje snying po'o/ /'dus pa zhes pa ni yang dag par bsdu bar bya ba dang/ bsdus pa'i phyir
de'i bdag tu byed pas 'gro bar byed pa gang du byung ba'i tshul gyis bdag nyid can du 'dus pa'o/  /de nyid kyi phyir gsungs pa/ gcig tu gyur zhes pa la sogs pa'o/ /thams cad ces bya ba la sogs pa de nyid do/ /gsang pa
zhes pa ni sku dang gsung dang thugs kyi bdag nyid can yongs su dag pa dang/  yongs su ma dag pa'i rdo rje 'chang chen po'i sku'o/ /sba bar bya ba ni skal med rnams la'o/ /'dus pa phyi mar gsungs pa/ gsang ba zhes 'di ci la brjod/ /'dis ru
gsungs pa sku dang gsung/  /thugs kyi rdo rje rnam pa gsum/ /gsang ba zhes ni mngon brjod bya/ /zhes so/ /gsang chen las zhes pa 'od gsal las so/ /lha'i sku 'od gsal ba las byung ba nyid kyi phyir ro/ /gnyis zhes pa ni brjod par bya ba
shes rab dang thabs dag go/  /gsungs pa yang/ 'dus pa zhes ba ci zhig brjod/ /ces pa la/ 'dus pa sbyor bar rab gsungs te/ shes rab dang thabs gnyis ka'i 'khor lo'i bdag nyid can nyid kyi phyir/ 'dus pa phyi mar/ sangs rgyas
thams cad mngon brjod byed te ces so/  /yi ge'i don no ni yi ge'i don la brten nas spyi'i don gsungs so// //rdo rje zhes pa la sogs pa la rdo rje dang pad+ma ni skyes pa dang bud med kyi dbang po dag yang dag par sbyor ba'o/ /bskyed pa'i rim
pa'i dbang du byas nas spyi'i don te/  spyi'i don la brten nas sbas pa'i don gsungs so/ /shes rab dang thabs ni nang gi bdag nyid can gyi snang ba dang snang ba mched par dag go /yang dag par sbyor ba ni snang ba nye bar thob pa ste 'dus pa'o/ /sbas pa'i
don la brten nas mthar thug pa gsungs pa'o/  /kun rdzob ni sgyu ma'i sku'o/ /don dam pa'i bden pa ni dngos po'o/ /de dag 'dres pa ni de'i bdag nyid yongs su shes pa'o/ /gsang ba zhes pa la sogs pa'i bshad pa ni gsang ba zhes pa la
sogs pa'o/  /mthar thug pa'o zhes pa rnam pa gnyis so/ /mngon par 'dod pa zhes pa ni rdo rje 'chang chen po'i mngon par bzhed par gyur pa nyid las so/ /de bzhin gshegs pa thams cad ces pa 'di'i bshad pa ni 'dir de bzhin gshegs pa
zhes pa la sogs pas gzhan las khyad par du byed pa'i don du gsungs so/  /lta ci smos zhes pa la sogs pa ni sems can thams cad yongs su gzung ba'i don du rim pa gnyis la brten nas/ /'di bstan par sgrub par 'dod pa nyid kyi phyir/ rin po
che dang tsandan la sogs pa gnyis ka mngon par brjod do/  /spro ba med pa ni 'dus pa'i don la gus pa med pa nyid du ston par 'dod pa'o/ /brda sprod par byed do ni gsol ba 'debs pa po rnams kyi rgyud la'o//
dgongs pas bshad pa'o zhes pa ni de bzhin gshegs pa thams cad kyi'ang/  yul ma yin zhes pa ni 'gal ba'i tshig yin pa nyid kyi phyir ro/ /thams cad ces pa la sogs pas slar yang gsol ba 'debs par byed de/ /sku dang gsung dang
thugs kyi gsang ba ni dam tshig dang sdom pa la sogs pa las sku la sogs pa yongs su gyur pa'i rgyu nyid kyi phyir ro/  /dam tshig dang sdom pa la sogs pa la sku dang gsung dang thugs kyi gsang ba'o/ /de la dam tshig ni bsrung bar bya la sogs pa'o/ /sdom
pa ni dkyil 'khor du 'jug pa la sogs pa rdo rje theg pa'i sdom pa'o/  /sogs pa'i sgra las sgom po dang/ rtsa ba'i ltung ba la sogs pa dang/ de las ldang pa'o/ /thabs gsungs pa dang ldan pa bzung ngo/ /de sngon du 'gro ba'i sku dang
gsungs dang thugs kyi rim gsum yongs su gyur pa skyed pa ste/  mi bskyod pa la sogs pa rnams pa dang/ de'i rigs can rnams kyang sku la sogs pa'i bdag nyid can nyid kyi phyir ro/ /yi ge'i don no zhes bya ba la sogs pa'i mthar
thug gi bar du phan tshun bltos pa dang bcas pas da ltar gsungs pa'i rjes su 'brangs nas rtogs par bya'o/  /sku dang gsung dang thugs kyi gsang ba ni yi ge gsum po de bskyed pa'i sa bon nyid kyi phyir ro/ /sku dang gsung dang
thugs kyi gsang ba ni ye shes gsum ni 'gro ba'i rgyud ni sku la sogs kyi ye shes gsum gyi lha bskyed pa'o/  /sku dang gsung dang thugs kyi gsang ba ni ye shes kyi rang bzhin gyi sku ni yongs su dag pa dang yongs su ma dag pa'i sku dag ste/
sku la sogs pa'i bdag nyid can nyid kyi phyir ro/  /'dir 'od gsal dang/ zung 'jug tu mngon par dgongs nas bstan pa nyid kyi phyir/ mthar thug pa zhes te rnam pa gnyis so/ /thams cad mkhyen pa ces bya ba la sogs pa la byin
gyis brlabs pa ni/  de bzhin gshegs pa thams cad kyi sku la sogs par gnas pa ste/ de nyid kyi phyir gsungs pa/ sku la sogs par zhugs par mdzad do/ /'dir sogs pa'i sgra las ngag dang yid la yang zhugs shing rab tu zhugs
pa'o/  /rab tu zhugs pa rnams kyang rnam par rtogs pa la sogs pas bya ba la bskyod pa ji srid du kun tu gnas pa'i phyir ro/ /byin gyis rlob pa de mdzad nas bcom ldan 'das kyis bstan du gsol zhes sprel? lo/ /sku rdo rje la sogs pa ste ni lnga po
de bskyed pa'i sa bon gyi yi ge aoM yig la sogs pa de rnams kyis de rnams kyi sku la sogs pa skyed par mdzad nas zhes sngar gsungs pa la sbrel lo/  /dbang po gnyis ni bud med dang skyes pa'i dbang po'o/ /de snyoms par zhugs pa ni bskyed 
pa'o/  /byang chub sems kyi thig le ni kun rdzo ba po/ /des ni de bzhin gshegs pa thams cad kyi rang bzhin rnams kyis so/ /dbang bskur ba ni ji ltar rig par bum pa'i dbang bskur ba dang/ gsang ba'i dbang bskur ba'o/ /kun rdzob byang
chub kyi sems ye shes gsum po de rnams kyis dbang bskur ba ni yid kyi dri ma 'khrud par byed pa ste/  de mdzad nas bstan du gsol zhes so/ /de nyid kyi phyir gsungs pa/ rdo rje dam tshig ni 'od gsal ba'o/ /zhes pa ni mthar thug la rab
tu zhugs pa'o/  /ldang bar byed pa gsungs pa/ de las byung ba'i tshig ces pa ni/ gdul bya'i skye bo'i rgyud la rnam pa gnyis zhes pa'i sku rnam pa gnyis zhes te/ yongs su dag pa dang yongs su ma dag pa'i sku'o/ /gsal bar mdzad pa
pa ni rang gis yang dag par rig par byed pa'o/  /mthar thug pa'o zhes pa ni mthar thug pa gzhan no/ /yang na bshad pa ni mthar thug pa ji ltar yin/ ji srid du bcom ldan 'das kyis gsungs pa/ phung
po dang/  khams dang/ skye mched la sogs pa rnams kyi mthar thug pa ni stong pa gsum mo/ /stong pa gsum gyi mthar thug pa ni 'od gsal lo/ zhes so/ /yang na rgyud 'di nyid du gsungs pa/ mdza' ni mdza' drug 'od gsal ba ste/ yang dag
pa'i tshul lo zhes pa dang 'gal ba ma yin nam zhe na/  'od gsal bde'i bdag nyid du 'jug pa nyid kyi phyir yang dag pa'i tshul gyi bdag nyid can no/ /gal te de ltar rnam par ma dag pa'i lha nyid ji ltar mthar thug pa'i bshad pas
bshad par bya ba ci ltar yin zhes na/  'di 'od gsal pa las yang dag par byung ba la sa bon dang/ mtshan ma la sogs pa'i rim pas bskyed pa nyid kyi phyir ro/ /rin po che dang tsandan la sogs pa'i dbye bas gdul bya gnyis
dang/  bya ba las bshad par bya'o/ /slar yang rang gi ngo bo nyid yongs su ma dag pa'i lha zhes bya bar yod pa ma yin no/ /'od gsal ba las yang dag par byung ba ye shes gsum po ro gcig pa'i rang bzhin sa bon dang mtshan ma
la sogs pa rnams kyis bskyed pa nyid kyi phyir/  lha nyid kyi mchog tu dga' ba'i bde ba nyams su myong ba/ thig le'i gzugs kyis skye gnas kyi dbus su nges par byed do/ /zhes pa'i gsung las rnam par snang mdzad la sogs pa'i
lha'i 'khor lo na/  'gro ba yang bstan pa dang g.yo ba'i bdag nyid can gyi 'od gsal ba las byung ba nyid kyi phyir ro/ /rnam bzhag rim par gsungs pa'i rim pas/ rigs brgya'i rim pas lha'i gzugs nyid kyang yongs su dag
pa nyid do/  /gzhan du yang slar yang dngos po thams cad kyi/ /rnam dag de bzhin nyid du brjod/ /phyi nas re re'i dbye ba yis/ /lha rnams kyis ni brjod par bya zhes so/ /de ltar zhes pa la sogs pa la ye shes kyi dkyil 'khor ni rnam shes
kyi phung po'i bdag nyid can yin pa nyid kyi phyir/  mi bskyod pa'i ye shes kyi dkyil 'khor te mi bskyod pa gtso bor yod pa gang yin pa'o/ /de nyid kyi phyir gsungs pa/ ye shes zhes pa la sogs pa ste/ sgron ma zhes pa la sgron ma lta
bu ni sgron ma'o/  /bcom ldan 'das kyis ye shes kyi zhes pa lhag ma'o/ /bag chags dang bcas pa'i mi shes pa'i mun pa rnam par 'joms par byed pa la rang gi rang gis rab tu 'jug par byed pa nyid las rang gi ngo bor stod par byed do/ /bsgoms pas
shes pa'i phyir 'dzin par byed pa po slob dpon gyi ye shes kyang rdo rje lta bu'i lam gyi bdag nyid can gyis mi shes pa'i kun tu sbyor ba las mi shes pa'i mun pa rnams de'i ngo bo nyid kyi phyir ro/  /de bzhin du de lta bur gyur pa'i don gzhan gsungs
pa/ ? ye shes pa la sogs pa'o/ /de nyid kyi phyir gsungs pa/ rgyud la zhes pa la sogs pa'o/ /spyi'i don to zhes pa ni/ mi bskyod pa'i bskyed pa 'dir rnam par 'chad par mngon par 'dod pa nyid kyi phyir ro/ /ye shes shes bya ba la
sogs pas gang zhig gsungs pa/  'dus pa phyi ma ru/ zhe sdang ldang ba'i bdag nyid sbyor/ /zhe sdang dga' dang yang dag ldan/ zhe sdang rgyun gyi dbang bskur nas/ /zhe sdang rdo rjer bdag nyid 'gyur zhes so/ /yi ge'i don dang/ spyi'i don
gsungs pas zhes sdang rdo rje sku la sogs par bzhugs bya? la sogs pa'i rim pas/  rab tu zhugs pa'i slob ma dbang bskur ba'i don du snang ba 'char bar bya'o/ /zhes pa'o/ /de ston par byed pa phyogs bcur snang bar mdzad pas ye shes
kyi gzugs nyid do/  /de'i phyir gsungs pa/ sgron ma dang 'dra bas na zhes pa ni rab tu snang ba tsam gyi chos des so/ /rab tu snang bar bya ba dang/ rab tu snang bar byed pa po dang/ rab tu snang ba'i ngo bo nyid kyis/ ye
shes gsum po nyid kyi gnas skabs su rab tu gsal bar byed pas rab tu snang bar bya ba dang/  rab tu snang ba'i ngo bo rnams kyis dbye bar 'dod do/ /de'i bdag nyid can gyi sems rtse gcig pa nyid ni ting nge 'dzin no/ /da ni de bzhin nyid kyi ngo bo nyid
gang yin pa 'di so so rang gis rig par bya ba nyid du ston par byed pa dz+nyA ni rtogs par zhes bya ba la sogs pa ste/  gzhan du na byang chub kyi sems 'di yongs su ma dag pa'i phyir dbang bskur bar mi 'os so/ /'dis ni rdzogs pa'i dkyil
'khor gyi 'khor lo'i cha shas rnam par bzhag pa las phyi rol tu gyur pa'am/  nang du yongs su ma dag pa'i phyir/ slob ma dbang bskur bar yang brjod par 'gyur ba ma yin no/ /ye shes gsum gyi snang ba nyid snang ba ma lus pa ste zil gyis
mnon pa ni/  phyogs bcur snang bar byas pa'o/ /gzhan du nyi ma la sogs pa'i snang ba rnams kyi'ang so sor nges pa'i lus kun tu snang bar byed nus par mthong bar nyid yin na/ slar yang don dam pa'i bden pa la snang ba ma lus pa zil gyis gnon par
'jig rten gyi khams kun tu snang bar byed pa/  ci ltar mi 'gyur/ sgron ma zhes pa ni sngar bzhin du sgron ma dang 'dra ba'o/ /rdo rje zhes pa ni rtag pa nyid de 'jig rten gang gis kyang gnod par mi nus pa nyid kyi phyir ro/ /mthar thug pa'o zhes pa ni rab tu
dbye ba gcig go gnyis pa gsungs pa/  'od gsal ba dang zhes pa la sogs pa ste/ bzhengs nas zhes pa ni ye shes kyi rim pas sam/ sa bon dang mtshan ma la sogs pa'i rim pas so/ /nyon mongs pa lnga ni zhe sdang dang/ gti mug dang/
brgyal dang/  'dod chags dang/ phrag dog gi mtshan nyid rnams so/ /de rnams kyis khyab pa ni bkab pa'o/ /sems can gyi khams ni sems can gyi 'jig rten no/ /nyon mongs pa gsungs pa/ de rnams kyi rang bzhin yongs su shes ba nyid
ni rten cing 'brel par 'byung ba nyid kyi rnam pa'i rgyun phyin ci ma log par yongs su shes pa nyid kyi de nyid byang chub mngon par rdzogs par byang chub pa rdo rje 'chang nyid do/  /gsungs pa yang rten cing 'brel 'byung gang yin pa de nyid khyod ni stong par
bzhed/  /de bzhin sna tshogs dam pa'i chos/ /de dang mnyam pa de bzhin gshegs/ /de nyid dam pa'i don du yang/ /de bzhin nyid kyi rdzas su 'dod/ /de ni yang dag mi bslu ba/ /de rtogs pa las sangs rgyas brjod/ /sangs rgyas
rnams dang sems can khams/  /de yis tha dad min nyid de ni zhes so/ /de'i rang bzhin ni byang chub kyi rang bzhin no/ /gdul bya rnams ni nyon mongs pa lngas khyab pa'o/ /zhe sdang zhes pa nye bar mtshon pa ste/ /rgyud 'di la sems
gtso bo yin pa'i phyir/  thog mar mi bskyod pa ston par byed do/ /sbyang ba'i phyir zhes bya ba ni mi bskyod pa'i gzugs la sogs nyid kyi zhe sdang gi rigs rnams so/ /de nyid kyi phyir gsungs pa/ 'di zhes pa la sogs pa ste/ thugs ni de skul
par byed pa po nyid kyis rang gi sku las nges par byung bas so/  /gsung rdo rje las badzra d+h+rika ces bya ba'i sngags phyung bas so/ /blo la bzhag nas zhes pa ni blos dmigs par gyur pa'o/ /thugs rje chen po ni 'chad par 'gyur ba'i thabs
gang yin pa'i rdo rje 'chang chen po de de bzhin no/  /de'i khro bo ni 'di'i don gyi zhe sdang ste/ zhe sdang can rnams zhe sdang la phyir phyogs pa'i ngo bo nyid kyi phyir ro/ /rdo rje 'chang chen po de'i rigs ni mi bskyod pa ste/ lha mo'i b+ha gar lus kyi bdag
nyid can rdo rje 'dzin par byed do zhes pas badzra d+h+rika ces byas nas so/  /de nyid kyi phyir gsungs pa/ snyoms par zhugs nas zhes bya ba la sogs pa ste/ sgra ji bzhin pa'o/ /lnga zhes pa la sogs pa la
rnam pa lnga zhes pa ni/  me long la sogs pa ye shes lnga'i rang bzhin rnam par snang mdzad la sogs pa de bzhin gshegs pa lnga'i rang bzhin gyis rdo rje 'chang chen po la sogs pa rnams kyi sangs rgyas nyid kyi tshul 'di'o/ /de
ston par byed pa'i rdo rje ni mtshan ma'i lus la 'chad par byed do zhes pa badzra d+h+rika go / rdo rje 'chang chen po de'i ngo bo nyid yin pa de'i phyir/ mi bskyod pa yang ngo/ /da ltar dzi na dzig ces bya ba la sogs pa'i sngags rnams kyang rnam
gzhag rim pa dang/  rnam bshad las bshad pa'i phyir rang bzhin gnyis nyid du rtogs par bya'o/ /drang ba'i don to/ /bden pa zhes bya ba la sogs pa ni 'dzin par byed do zhes bya ba ni mngon du bya ba nyid do/ /rdo rje 'chang
chen po de'i rang bzhin yin pa nyid kyi phyir mi bskyod pa yang ngo/  /de bzhin du rnam par snang mdzad la sogs pa yang bshad pa 'di'o/ /nges pa'i don no/ /de nyid ces bya ba la sogs pas drug pas mngon par brjod de drug pa'i rnam
grangs yin pa nyid kyi phyir ro/  /rdo rje 'chang chen po zhes pa 'di'i zhes spyod bsdus su gsungs pa/ sprul pa'i bdag nyid kyang rdo rje 'chang chen po ste bden pa gnyis kyi bdag nyid can long spyod rdzogs pa'i sku'i rgyu nyid kyi phyir bden pa
gnyis kyi bdag nyid can no/  /mi bskyod pa zhes pa ni lnga pa'o/ /zhal nag po la sogs pa'i bdag nyid can zhes pa ni/ drug pa ni zhal dkar po la sogs pa nyid kyi phyir ro/ /de rnams zhes pa ni zhal nag po la sogs pa bdag nyid can mi
bskyed pa'i phyag rgya rnams so/  /gcig tu gyur nas zhes pa ni drug pa'i phyag rgya chen po rnams so/ /nag po zhes bya ba la sogs pa la snga ma bzhin no zhes pa thog ma dang/ gzhan du zhal nag po la sogs pa mngon par brjod pa nyid kyi phyir ro/ /
drug pa rdo rje 'chang chen po la bzhugs so zhes pa ni mi bskyod pa'o/  /rdo rje sems dpa' dang/ de bzhin gshegs pa drug pa las dbyung ba ni rdo rje sems dpa' dbyung ba'o/ /rdo rje sems dpa' 'am/ mi bskyod pa dbyung ba la rdo rje sems dpa' dbyung
ba'o/  /dang po'o zhes pa ni gnyis pa la sogs pa 'chad par 'gyur ba nyid kyi phyir ro/ /sgra ji bzhin pa'o/ /dang po sbyor ba zhes pa ni dang po'i sgra ni thog ma'i rnam grangs te/ dang po sangs rgyas drug pa nyid kyis lhan cig tu sbyor ba ni dang
po'i sbyor ba'o/  /mdo dang bsre bar byed par yang dang po sbyor ba zhes bya ba'i ting nge 'dzin no zhes rnal 'byor bzhi de ma thag tu gsungs so/ /dang po zhes bya ba la sogs pa la phyung ba'i dkyil 'khor ston par byed pas zhes pa ni/ gsungs pa yang
zhe sdang rdo rje'i ting nge 'dzin gnas/  /dkyil 'khor thams cad rab dbyung bya zhes so/ /de nyid kyi phyir gsungs pa/ bcom ldan 'das zhes pa drug pa'o/ /thugs las zhes pa lha mo'i b+ha ga las so/ /don ni bshad zin to zhes pa ni
thog mar ro/  /sems can rmongs pa ni gzugs la chags pa'o/ /zhi ba'i tshul ni yid bde ba skyes par byed pa'o/ /dzi na dzi ka ces bya ba la sogs pa'i don ni bshad zin to/ /rnam pa bcu gnyis zhes pa ni sdug bsngal lo/ /yongs
shes so/  /slar yang yongs su shes par byar med do/ /kun 'byung ngo/ /spang bar bya'o spangs so/ /slar yang spang bar byar med do/ /'gog pa'o/ /mngon du bya'o/ /mngon du byas so/ /slar yang mngon du byar med do/ /lam mo/ /bsgom
par bya'o/  /bsgoms so/ /slar yang bsgom par byar med do zhes pa rnam pa bcu gnyis so/ /rdo rje lta bu'i ting nge 'dzin 'od gsal pa'i bdag nyid can gyi sems la kun nas nyon mongs pa dang/ rnam par byang ba dag gis dbye bar bya bar dka' 
ba nyid kyi phyir ro/  /'dir phung po dang nyon mongs pa ?/ 'chi ba dang/ lha'i bu zhes bya ba rnams zil gyis gnon par bshad do/ nges pa'i don to/ /de nyid ces pa rig pa'i skyes bu nyid do/ /rnam par snang mdzad kyi phyag rgya ni/ dkar po nag po
dmar po yi zhal la sogs pa'i bdag nyid can no/  /de'i lhan cig gcig tu gyur pa zhes pa ni/ bcom ldan 'das kyi gzugs kyi phung po'i bdag nyid can nyid kyi phyir rnam par snang mdzad do/ /de nyid kyi phyir gsungs pa/ bcom ldan 'das
zhes pa la sogs pa ste/  sgra ji bzhin pa'o/ /kun rdzob byang chub kyi sems ni 'dzeg pa'i bdag nyid can rnam par shes pa'i stobs can no/ /de nyid kyi phyir gsungs pa/ de nyid ces pa la sogs pa ste/ /phyag rgya chen po mnyam pa nyid ni mnyam pa 
nyid kyi ye shes kyi bdag nyid can rin chen 'byung ba'i rang bzhin no/  /de'i phun sum tshogs pa ni bskyed pa'o/ /gang yin zhes pa la sogs pa ni bshad zin to/ /drang ba'i don la brten nas nges pa'i don gsungs so/ /thams cad ces pa la sogs
pa la don dam pa byang chub kyi sems ni de bzhin nyid kyi bdag nyid can no/  /de las byung ba zhes pa ni rin chen 'byung ldan yang bden pa gnyis kyi bdag nyid can nyid kyi phyir ro/ /de nyid phyir gsungs pa/ rdo rje dpal zhes bya ba la sogs pa ste/ nges pa'i
don to/  /ratna zhes bya ba la sogs pa la gcig tu gyur pa ni drug pa'i tshor ba'i phung po'i bdag nyid can nyid kyi phyir rin chen gyi'o/ /gos pa med pa zhes pa ni mi mnyam pa med pas so/ /gal te gang gi phyir mi mnyam pa'i shes pas gos par gyur
na mnyam pa nyid kyi ye shes nyid dor bar 'gyur ro/  /nam mkha' i gnas zhes pa ni nam mkha' i gnas lta bu yin pas nam mkha' gnas zhes brjod par bya'o/ /nor zhes bya ba la sogs pa la sems can rnams ni yid can rnams so/ /dur ba ni nga rgyal 'jig
pa'o/  /nga rgyal rnam par dag pa'i gnas ni rin chen dbang po ste de la'o/ /sgra ji bzhin pa'o/ /'dod chags kyis ni yul la chags pa'i mtshan nyid kyis so/ /'dod chags spang pa'i don ni 'khor ba skyed par byed par yul la chags pa bzlog pa'i
don du'o/  /thams cad ces bya ba la sogs pa la mchog tu dga' ba'i mchog tu bde ba'i rgyu nyid kyi phyir snang ba gsum mo/ /byang chub sems dpa' zhes pa ni byang chub ye shes kyi rgyu nyid kyi phyir byang chub kyi sems 'dzag pa'i bdag nyid can te/
de 'byung ba ni byang chub kyi sems 'byung ba a yig go / de las byung ba ni 'od dpag tu med pa ste/ drang pa'i don no/ /'dod chags chen po ni 'dod chags dang/ 'dod chags dang bral ba dang/ 'dod chags par ma la bltos nas/
'od gsal pa sems dpa' chen po'i 'dod chags la 'dod pa nyid kyi phyir ro/  /drang ba dang nges pa'i don no/ /so sor kun tu rtog pa'i ye shes la kun tu chags pa ni rtag tu de rjes su 'brel pa'o/ /rdo rje 'dod chags zhes pa ni drang ba dang/
nges pa'i don gyis so sor kun tu rtog pa ni/  dbye bar bya bar dka' ba nyid kyi phyir ro/ /de bzhin du me long la sogs pa'i ye shes bzhi po rnams la yang ji ltar 'byung ba bshad pa 'di'o/ /A zhes bya ba 'di'i bshad pa ni kun nas so/ /ro
zhes bya ba 'dir? 'khor ba ste/  phung po dang khams la sogs pa lha nyid du nga rgyal byed pa'o/ /yig ces pa ni 'di'i bshad pa ni de las 'gro bar byed do zhes pa'o/ /ye shes gsum mo zhes pa stag ma ste de nyid kyi phyir gsungs pa/ ro zhes bya ba la
sogs pa'o/  /drang ba dang nges pa'i don no/ /de bzhin gshegs pa thams cad ni rnam par snang mdzad la sogs pa rnams so/ /don yod pa ni gdon mi za bar grub pa gang du yin pa de la de bzhin no/ /drang ba'i don to/
mtshan ma med pa zhes bya ba ni mtshan ma med pa ni rgyu med pa yin te/  gang de bzhin nyid ni kha cig gi rgyu dang rgyu ma yin pa nyid du nges par 'byung ba ma yin no zhes pa'o/ /nges pa'i don no/ /phrag dog ni bud med dang skyes pa dag gi phan tshun mi/
bzod pa byed pa'o/  /de nyid nyon mongs pa ste nyon mongs pa'i rgyu nyid kyi phyir ro/ /de sbyong bar byed pas don yod pa'i gzugs so/ /'gugs pa zhes pa ni mi bzod cing mi chags pa'o/ /dam tshig nyams pa ni phrag dog mi bya'o zhes pa de bzhin
gshegs pa'i bka' i dam tshig tog / de las nyams pa ni de'i bka' las 'das pa'i phyir ro/ /sogs pa'i sgra las brdzun du smra ba la sogs pa gzung ngo/ /nyes pa sel ba byed pa'i don ni gsungs pa'i nyes pa las nye bar 'da' bar
byed pa'i don du'o/  /rigs ni rigs kyi gtso bo ste/ dam tshig nyams pas don yod pa'i bdag nyid la dmigs pa las de sel bar byed par 'gyur ro/ /drang ba'i don no/ /gzhan de sel bar byed pa'i don du nges pa'i don gsungs pa/ dam
tshig ces pa la sogs pa ste/  'di nye bar bya'o gzung bar bya'o zhes pa dam tshig go /khams phra ba ni rlung gis so/ /nges zheS pa rlung gis so/ /thabs kyi ye shes ni 'od gsal thob pa'i rgyu nyid kyi phyir ro/ /'gugs pa zhes pa 'di'i bshad pa ni/
mchog tu zhes pa la sogs pa ste snga ma bzhin no/  /yongs su sbyong bar byed pa zhes pa ni 'od gsal ba nyid du ltung par yongs su shes pa'o/ /bla na med pa'i mchod pa'i rang bzhin ni rigs te rigs su bya ba shes par bya'o zhes byas nas so/ /nges
pa'i don ni/  /rab tu rnam par 'byed pa'i mtshan nyid ni rnam par dpyod pa'i rnam pa ste/ de bzhin gshegs pa'i gnas skabs na yang 'di lhun grub tu yod bzhin pa nyid kyi phyir ro/ /rnal 'byor pa'i skabs su ni bsgom par byed pa'i ye shes nyid rab
tu rnam par 'byed pa'i bdag nyid do/  /de'i phyir de yang pradz+nyA d+h+rika go /drang ba'i don no/ /zla bar snang ba zhes pa ni nye bar mtshon par byed pa ste/ snang ba mched pa dang/ snang ba nye bar thob pa dang nye bar mtshon par byed do/ /de khams phra pas ni rlung
gis so/  /mkha' la zhes pa 'od gsal ba'o/ /'dzin par mdzad do zhes pa sems can gyi rgyud la ste rnal 'byor pa la yang snga ma bzhin no/ /nges pa'i don to/ /zag pa med pa ni nyon mongs pa'i zag pa med pa'i phyir ro/ /'dod pa la nye bar
longs spyod pa ni 'dod pa la yongs su shes pas nye bar longs spyod pa'o/  /thar pa rab tu bsgrub pa ni 'dod pa lnga la nye bar longs spyod pa'i skye ba'o/ /yul la mngon par zhen pa med pas slar yang skye ba med par lnga po la rtogs pa 'khor ba
las thar pa'o/  /yang na zhes pa ni phyogs gzhan no/ /'dod pa ni mngon par 'dod pa ste bdag gi don dang gzhan gyi don la sogs pa'i mtshan nyid do/ /thar pa ni zag pa med pa'i bde ba'i mtshan nyid do/ /bshad pa'i rgyud las ni dgongs pa lung
ston du'o/  /mung? po zhes pa ni gzugs la sogs pa'o/ /'di dag ces pa ni 'di nyid du thog mar mngon par brjod pa la bltos nas so/ /sangs rgyas 'gyur ni rnam par snang mdzad la sogs pa rnams so/ /byang chub ni 'od gsal ba'i ye
shes so/  /don ni snang ba la sogs pa'o/ /de dag gi rkyen? dag go/ /byung ba ni skyes pa gang yin pa'o/ /de yang zhes pa ni sngar gsungs pa'i nges pa'o/ /de bzhin zhes pa la sogs pa ni/ sngar gsungs pa'i nus pa'i 'bras bu'o/ /de
bzhin gshegs pa lnga po 'byung? ba'o/  /nges pa'i don to/ /slar yang zhes pa de bzhin gshegs pa dbyung ba la bltos nas so/ /rnam par snang mdzad la sogs pa rnams kyis zhes pa lnga po rnams kyi'o/ /
nye bar longs spyod pa'i phyir ni gzugs la sogs pa de dang de nyams su myong bar byed pa'i don du'o/  /gzugs la sogs pa rnams par dag pa sgrub par byed pa mchog tu gyur pa ni gzugs rdo rje la sogs pa dang/ spyan ma la sogs pa'i
skur gyur pa gzugs la sogs pa'i yul rnams te/  de'i ngo bo nyid me long la sogs pa'i mtshan ma'i dpes so/ /rnam par bzhag pa'i rim par gsungs pa yang gzugs su bya'o/ /so sor rnam par brtag par bya'o/ /gzung bar
bya'o zhes pa gzugs so/  /rdo rje'i sgra las gzugs rnam par dag pa ston par byed do/ /de bzhin du sgra la sogs pa yang der bshad par rtogs par bya'o/ /'o na ji ltar de bzhin gshegs pa lnga la nye bar longs spyad par bya
ba'i lha mo bzhi po yin zhe na/  mU ma kI ni rdo rje'i rigs dang/ /rin po che'i rigs dag gi thun mongs pa nyid yin pa'i phyir skyon med do/ /drug pa la ni phung po lnga po ldan pa nyid kyi phyir/ thams cad kyis 'brel lo/ /rdo rje
'dzin ni 'dir mi bskyod pa'o/  /de'i rjes su mnyes par byed pa ni bde pa sbyin pa nyid do/ /dam tshig ni 'da' bar bya pa ma yin pa nyid kyi phyir ro zhe sdang ni mi bskyod pa'o zhes bya ba la sogs pa gsungs pa'i phyir zhe sdang dang mi bskyod pa'i sgra dag
rnam grangs nyid du rtogs par bya'o/  /drang pa'i don to zhe sdang nyid nyon mongs pa ste/ de dag ye shes kyi rim pas de bzhin nyid du yongs su shes pa'o/ /de la dga' ba ni kun tu chags pa'o/ /nges pa'i don to/ /de nyid ces pa ni drug pa'o
de'i khams yin pa nyid kyi phyir mA ma kI ste/  sems gtso bo yin pa'i phyir thog mar mA mo kI byung ba'o/ /rjes su mnyes par byed pa ni bde ba rab tu sbyin pas yongs su dgyes pa skyed par byed pa ste/ sgra ji bzhin pa'o/ /mo ha ni
mi shes pa ste srid pa de rnam par dag pa ni snga ma bzhin no/  /'dod chags ni bud med dang skyes pa dag gi phan tshun bde ba la chags pa'o/ /de'i rnam par dag pa snga ma bzhin no/ /drang ba dad nges pa'i don to/ /sku zhes pa la sogs
pa la mi rtag pa'o zhes pa ni 'jig rten du lus la sogs pa mi rtag pa nyid kyis slu bar byed pa'i phyir ro/  /de bzhin du yang rang gi sde pa rnams lus la sogs pa'i phung por gnas pa mi rtog par ston par byed do/ /so so'i lus la sogs
pa kun nas 'chi ba'i mthar thug pa dang/  mdo sde pa yang phung po la sogs pa'i rang bzhin grub par brjod pa na/ skad cig can nyid du brjod par byed do/ /de la gal te dngos po skad cig ma gcig nyid du grub na/ skad cig phyi ma skye
ba dang/  skad cig snga ma 'gag par 'gyur ba'i phyir mi rtag pa nyid du 'gyur ro/ /dbu ma ru gsungs pa yang/ yod gang rang bzhin bral ba yis/ /med de med ces rigs par 'gyur/ /yod pa da ltar ma byung bas/ /snga ma chad par
thal bar 'gyur zhes so/  /yi ge'i don no/ /stong pa zhes pa la sogs pa la phung po la sogs pa rnams la stong pa nyid du mngon par zhen pa mchog nyid kyi phyir/ 'jig rten dbang phyug gi lus la sogs pa slu bar byed pa stong pa nyid do/ /spyi'i
don no zhes pa stong pa nyid la dmigs bas rang bzhin gyis yod pa gsum? ba bskyed par 'dod pa nyid kyi phyir ro/  /snang ba zhes bya ba la sogs pas sprul pa'i sku la sogs pa snang ba'i rang bzhin nyid kyis/ longs spyod rdzogs pa'i sku'i bdag nyid can pa
du rlung gi khams kyi dbang gi phyir bsgrub par bya'o/  /lus la sogs pa snang ba la re ba tu zhugs nas skad cig skad cig la slar yang rang gis yang dag par rig par gyur pa snang ba gsum po rang gis yang dag par
rig par byas nas ni bdag nyid dam slob ma'o/  /dngos po med pa ni dmigs pa ni 'od gsal ba la dmigs pa ste/ rtag pha ma yin pa de ni sku la sogs pa slu bar byed pa ste/ rnam par nyams par byed pa'o /sbas pa'o zhes pa dang lhag
ma bltos nas gsungs pa nyid kyi phyir ro/  /phung po la sogs pa rnams dpe gcig gnyis kyi bla ma'i drin las longs spyod rdzogs pa nyid du rtogs nas/ ril por 'dzin pa la sogs pas snang ba med pa nyid ni slu bar byed pa ste/ snga ma
bzhin no/  /mthar thug pa'o/ /de rnam pa zhes bya ba ni yi ge'i don la sogs pa bshad pa rnam pa bzhi'i bshad pa'i don gyi rnam par dman pa la sogs pa'i gdul bya'i don du sems rtse gcig pa nyid du mdzad par gyur to zhes bya
ba'i don no/  /sgra ji bzhin pa'o/ /badzra ra ti zhes bya ba la sogs pas gsungs pa nyid kyi don drang ba dang nges pa'i don dag gis bstan par gyur pa'o/ /'di rnams ni spyan ma la sogs pa rnams te/ lhan cig spyod pa zhes mngon par
brjod pa'i phyir gzugs rdo rje la sogs pa rnams rjes su spyod pa nyid du kun tu rtogs par bya'o/  /'dod pa'i dbang phyug ces pa ni 'dod pa'i yul sprul pa dang/ de la longs spyod pa la mnga' bdag yin pa nyid kyi phyir ro/ /de bzhin du gang gal
te 'dod pa la nye bar longs spyod pa'i gdul bya 'byung bar gyur pa de'i tshe gcig dang nye ba'i rim pas rtog pa'am/  rtog pa las gzhan 'dod pa mngon par spral ba bsten par bya ste/ gdul bya mdza' yas pa rnams la 'dod pa'i bud med 'bum phrag re re
sbyin par byed do/  /sgra ji bzhin pa'o/ /dbang bskur ba'i ngo bo nyid ces pa ni mngon par 'thor bar byed do/ /lus dang ngag gi dri ma 'khrud par byed do/ /zhes pas dbang bskur ba ste/ bla ma rnam par snang mdzad do/ /de'i ngo bo ni rgyu dang 'bras bu dag dbyer
med par nye bar brtags pa las rdo rje ste mi phyed pa'o/  /gang yin pa zhes pa ni gshin rje gshed do/ /de zhes pa gshin rje mthar byed do/ /de la dmigs pa ni go shin rje mthar byed la dmigs pa'o/ /drang ba'i don no/ /rnam pa sna tshogs
pa'i rnam pas snang bar byed/  sgrib pa ma lus pa bsreg pas sems can rnams la snang bar byed do/ /zhes pas rnam par snang mdzad de 'od gsal lo/ /de bzhin gshegS pa thams cad ni rdo rje 'chang chen po ste/ /de bzhin gshegs pa thams
cad kyi bdag nyid can yin pa nyid kyi phyir ro/  /de'i ngo bo nyid rnam par snang mdzad la sogs pa de bzhin gshegs pa lnga po thams cad do/ /de rnams kyi dkyil 'khor ni rten dang brten pa'i bdag nyid can rnam pa brgyad do/ /de bskyed pa ni bgegs
rab tu 'dzems pa po nyid kyis de bskyed pa'i rgyu yin pa nyid kyi phyir gsungs pa/  byin gyis rlob pa zhes pa la sogs pa'o/ /sgra ji bzhin pa'o/ /gshin rje gshad ni dmyal ba'i dmyal ba'i bdag po yin pa nyid kyi phyir yang na dmyal ba'i las ni
gshin rje ste/  de'i rgyu nyid kyi phyir ro/ /bcom ldan 'das zhes rnam par snang mdzad kyi ting nge 'dzin la zhugs pa'i drug pa'o/ /chen po yang de yin la khro bo yang yin pa'i ting nge 'dzin ste/ sems kyi khyad par gang yin pa de de bzhin no/ /drang ba'i
don no/  /ma rig pa zhes pa ni ye shes gsum kyis bskyed pa'i rnam par ma dag pa'i longs spyod rdzogs pa'i sku'o/ /nges pa'i don no/ /mngon par rdzogs par byang chub pa ni mnyam pa nyid kyi ye shes so/ /de la dmigs pa zhes pa ni thog mar sbas
pa'i don la dmigs nas de la dmigs par bya'o zhes pa'i don no/  /nges pa'i don no/ /shes rab kyis zhes pa ni so sor rtog pa'i bdag nyid can gyis nyon mongs pa rnams la so sor rtog pa
la so/  /drang ba'i don no/ /rnam par rtog pa'i bdag nyid can zhes pa ni ma rig pa'o/ /de'i phyir gsungs pa/ /'od gsal zhes pa la sogs pa ste/ /nges pa'i don no/ /rdo rje'i dam tshig ni rdo rje 'chang gi bka' o/ /'jig
rten pa zhes pa'i tshig ni rdo rje mkha' 'gro ma rnam las bzlog pa gzhan pa'o/  /sgra ji bzhin pa'o/ /chos rin po che zhes pa ni chos rin po che thams cad ston par byed pa'i dbang phyug yin pa nyid kyis/ de bzhin gshegs pa thams
cad gyis mngon par dbang bskur ba'i phyir ro/  /rigs ni bskyed pa'i gnas zhes pa'o/ /drang ba'i don no/ /bsdus pa'i dkyil 'khor ni 'od gsal las byung ba'i byang chub kyi sems las skyes pa nyid kyi rta mgrin yang de las
skyes pa nyid kyi phyir ro/  /nyon mongs pa 'dod chags la sogs pa'i mtshan nyid kyis so/ /drang ba'i don no/ /dbang ba'i don no/ /dbang po gnyis ni bud med dang skyes pa'i dbang po'o/ /de dag snyoms par 'jug pa ni bskyod pa'o/ /thabs nges mchog tu
dga' ba'i bde ba 'dod chags dang 'don chags dang bral ba dang/  'dod chags par ma'i mtshan nyid skyed par mdzad ces pa bskyed nas kyang de'i mthar 'od gsal ba mngon du byed do zhes pa'o/ /nges pa'i don no/ /thams cad ces bya
ba la sogs pa la sku dang gsung dang thugs zhes pa ni/  bya ba sgrub pa'i ye shes kyi rang bzhin gyi de bzhin gshegs pa thams cad kyi sku'i mchog nyid kyi phyir ro/ /de nyid rdo rje bla ma'o/ /drang pa'i don no/ /thams cad ces bya ba la
sogs pa la/  sku dang gsung dang thugs rnams ni dgongs pa de'i ngo bo nyid rnams so/ /de rnam par dag pa'i gnas ni rdo rje'o/ /nges pa'i don no/ /lus gzir ba'i phyir ni dge ba'i dbang po'i lus las ma yin pa nyid 'byung ba'i phyir yang bgegs
so/  thabs kyi ye shes shar bas ni/ don dam pa'i bden pa thob pa'i thabs longs spyod rdzogs pa'i mthar 'jigs pa ste/ 'od gsal du byed do zhes nges pa'i don no/ /dkyil 'khor ni rten brten pa'i bdag nyid can dang/ yang dag
bar mnyes par byed pa ni sems rnam par g.yeng pa nyid kyis so/  /sems dpa' ni khro bo'o/ /de'i phyir gsungs pa/ thams cad ces pa la sogs pa ste/ 'dir sgrub pa'i thabs kyis rjes su 'brang nas/ khro bo bzhi so rigs kyi dbang bur
bshad do/  /de bzhin du de bzhin gshegs pa drug dang spyan ma la sogs pa'i lha mo bzhi dang/ gzugs rdo rje la sogs pa'i lha mo lnga dang/ byams pa la sogs pa'i byang chub sems dpa' brgyad do/ /bzhugs so zhes pa 'di
la yang drug pa mngon par brjod pas drug pa'i rang bzhin 'di'i dkyil 'khor la lha nyi shu rtsa gnyis mngon par brjod par byas so/  /da ni dkyil 'khor 'di las gzhan pa'i dkyil 'khor pa gang yin pa 'dir ma gsungs pa rnams bshad pa'i
rgyud dpal rdo rje 'phreng ba las kyang brjod la/  de rnams gsungs pa/ shar phyogs zhes pa la sogs pa ste/ rang gi rgyud nas yongs su bsdu ba'i don du 'dir gsungs pa rnams la 'jug par bya'o zhes rnam par bshad bas gsungs pa/ shar
zhes pa las sogs pa'o/  /thams cad kyi zhes bya ba la sogs pa'i sogs pa'i sgras phyag dang/ zhal dang kha dog dang/ mtshan ma la sogs pa bzung ngo/ /slar yang dgongs pa gang gis bcom ldan 'das 'dir yang dkyil 'khor
yongs su rdzogs par mi gsungs zhe na gsungs pa/  /slob dpon med par zhes bya ba la sogs pa'o/ /gzhan du zhes pa ni rgyud gzhan du'o/ /gal te gang slob dpon med par 'jug par gyur na nyes pa cir 'gyur
grub par mi 'gyur te/  gzhan la bltos pa med pa'i phyir legS par byas pas yin gyi/ 'dir gzhan la ma bltos par 'jug pa ni dmyal bar 'gro bar 'gyur ro /yongs su rdzogs par brjod pa la rigs pa gsungs pa/ ji ltar zhes pa
la sogs pa ste dpe rigs pa dang ldan par byed pa gsungs pa/  sku'i zhes bya ba la sogs pa brgal pa'o/ /'di ri lan gsungs pa/ bcom ldan 'das zhes pa la sogs pa ste/ rdo rje slob dpon zhes pa ni drug pa'i 'o/ /
sku'i rdo rje zhes pa la sogs pa naS rnam shes phung por yang dag bzhugs zhes pa'i mthar thug pas de bzhin gshegs pa lnga po rnams kyang phung po'i bdag nyid kyis mngon par brjod do/  /sha sogs zhes pa'i sogs kyi sgra las
rus pa la sogs pa bzung ngo/  /khrag sogs zhes pa'i sogs kyi sgras par kan la sogs pa'o/ /do pha la sogs zhes pa ni 'dir bltos pa'i me la sogs pa'o/ /bskyod pa la sogs zhes pa ni 'dir dbugs 'byung dang rdub pa
la sogs pa'o/  /mig gi dbang gnyis la zhes pa ni/ sbyod sdus su mig gi skye? mched kyi tshogs mi sa'i snying po'i zhes gsungs pa ma yin nam zhes na/ dbang po skye mched nyid yin pa'i phyir/ mig la sogs pa'i tshogs kyang
dbang po'i sgras brjod par bya'o/  /de nyid kyi phyir gsungs pa/ sna la bzhugs zhes pa la sogs pa'o/ /khams bzhi'i rang bzhin zhes pa la sogs pas lus thams cad reg bya'i dbang po'i bdag nyid can nyid la/ sgrib pa thams
cad rnam par sel ba mngon par brjod par bya'o/  /mdzod las ni gang yang pho'i dbang po mthe bo'i rnam pa gsang ba la gnas par gsungs so /mo'i dbang po lam du gnas pa rnga'i sbubs lta bur gsungs so/ /sgrub pa'i thabs su yang skyes pa'i gnas
gsum du sgrib pa thams cad rnam par sel ba bskyed cing dgod do/  /bud med la yang reg/ /bya rdo rje ma'o/ /gtso bo 'di ni dbang po'i gnas la zhes mngon par mtshams sbyar bas 'dir sa bon dgod gnas gzhan la yang gtso bos
khyab pa yin no zhes pa 'di 'gal ba ni ma yin no/  /de bzhin du dbang po gzhan rnams la yang bshad pa ji ltar 'byung ba 'di'o/ /rtsa rgyus ni mgo bo'i 'o/ /dpung pa zhes pa ni nye ba'i dbang du byas nas bdun pa ste/ ji ltar ga ga na phyugs
lhas ji lta ba bzhin no/  /de nas dpung pa dang nye bar 'jug pa'i gzhogs su mi g.yo ba dang/ 'dod pa'i rgyal po gnyis dgod do/ /'og ces pa rkang pa gnyis kyi 'og tu'o/ /de ltar byas nas kun tu la zhes pa la sogs pa dang/ lus zhes pa la sogs
pa ste/  /zhes pa tha dad pa'i rim pa'o/ /zhes ni gsungs pa'i rim pas so/ /sku'i dkyil 'khor du brjod de/ /ci zhes na gsungs pa/ rdo rje zhes pa la sogs pa ste/ rdo rje slob dpon gyi lus la brten pa'i dkyil 'khor gsungs pa/ lus zhes
pa ste rdo rje 'chang gi sku'i tha snyad du byed pa'i lha'i 'khor lo phung po la sogs pa la sangs rgyas nyid la sogs par rnam par bzhag pa mngon par gsungs pa ster bar byed do/  /zhes pa lus can no/ /'di rnams kyis dgos pa gzhan gsungs pa/
'di dag ces pa la sogs pa ste/  sprul par byed pa zhes pa pa sprul pa'i sku'i bdag nyid can no/ /rnam pa gnyis par kha cig tu mya ngan las 'das la zhes par klog ste / phyogs 'di la mya ngan las 'das pa ni mi ngang skal pa mnyam pa dang lha dang skal 
pa mnyam pa dang longs spyod rdzogs pa'i sku'i mya ngan las 'das pa la 'jug par 'gyur ro zhes pa'i don gcig nyid do/  /rdo rje can ni rdo rje dang ldan pa brjod par bya'o zhes pa 'dis legs par sbyangs pa ni rgyu dang rkyen
ngag gis/  legs par 'dus byas pa las skyes pa'i khams gsum pa can no zhes bstan pa'i tshul gang yin pa de la de bzhin no/ /'jug pa'i don du gsol pa 'debs par byed pa gsungs pa/ myur du zhes pa la sogs pa ste/ myur du
zhes pa skye ba 'di nyid la'o/  /mya ngan las 'das pa zhes pa de rdzas kyis ngo bo med pa'i khyad par mya ngan las 'das pas nye bar bsags pa'i dge ba yongs su smin pa yongs su mya ngan las 'da' bar 'gyur ro zhes gsungs pa/ khyod kyi dge ba yongs su
smin pa zhes so/  /de bas zhes pa la sogs pa nye bar sdud pa ste/ rjod pa'i don yongs su shes pa dus ji lta ba bzhin du 'jug pa'i slob dpon mchog tu 'dzin pa gsungs pa/ ji ltar zhes pa la sogs pa'o/ /bskyed pa'i rim pa ltos nas
gsungs pa'i bshad pa 'di'o zhes gsungS pa/  dang po'i zhes pa la sogs pa ste/ de nas zhes pa la sogs pa ni dga' ba ni the tshom gsal bas ma 'ongs pa na 'dus pa'i don la lhag par mos pa rnams kyi the tshom bsal bar 'jug pa ston pa rnams kyi
mgu bar yid la byas nas so/  /mgu ba ni 'jigs pas spu zing zhes byed par gyur to/ /'jigs pa'i rgyu gsungs pa/ phyag 'tshal zhes pa la sogs pa ste/ rnam par gzhag pa'i rim par gsungs pa yang/ stobs bcu dang mi 'jigs pa
la sogs pa'i yon tan ma lus pa'i tshogs 'dzin pa'i sangs rgyas rnams 'dir so so'i skye bo'i lus la dgod pa ni/  'gal ba'i bshad pa can zhes bya ba la sogs pa ste/ 'gal pa'i bshad pas bcom ldan 'das kyis gsungs pa dang/
'gal bar bshad pa bsgoms pas dmyal bar 'gro bar 'gyur ro zhes 'jigs pa dang du bdag gi rgyu'o/  /mnyam par bzhag pa yang 'dir rnam bzhag rim par gsungs pa gang yin pa de ji lta ba bzhin du gzung bar bya'o zhes bya ba la sogs pas rtogs par
bya'o/  /zhes gsungs zhes bya ba ni/ rdo rje 'chang chen pos so/ /sku'i dkyil 'khor 'di nyid lha sum cu rtsa gnyis bdag nyid can yin pa nyid gyis phyung ba'i dkyil 'khor la yang lha sum cu rtsa gnyis kyi bdag nyid can nyid du gsungs so/ /sku'i dkyil
'khor la gnas pa nyid gang yin pa de phyung? pa las phyung ba'i dkyil 'khor du 'gyur ro/  /da ni phri bar? bya ba'i dkyil 'khor la yang lha sum cu rtsa gnyis kyi bdag nyid can nyid du bshad par bya'o/ /zhes gsungs pa 'dis zhes bya ba la sogs pa ste/
sum cu rtsa gnyis kyi bdag nyid can nyid kyi gtan tshigs 'dis so/  /byung ba'i dkyil 'khor gyi dbang du byas nas/ rigs pa nye bar brjod pa ma yin nam/ de ci ltar 'dis zhes bya ba la sogs pa brjod par bya zhe na/ gsungs pa/ gleng
gzhi zhes bya ba la sogs pas rigs pa gsungs te/  gleng gzhi ni dang po'i rgyu byung ba'i dkyil 'khor ro/ /de'i dbang du byas pa'i don no/ /sum cu rtsa gnyis kyi bdag nyid mtshon pa'o/ /de nyid du ni phyung ba'i dkyil 'khor nyid do/ /rgyud kyi don ni
bshad pa'i rgyud kyi don no/  /lhag ma zhes pa ni rdul tshon gyi dkyil 'khor bshad pa'o/ /skabs su bab pa ma yin no ni skabs su 'ongs pa ni byung ba'i dkyil 'khor nyid de/ rdul tshon gyi dkyil 'khor nyid kyis mngon par brjod par bya ste/ de'i phyir/
byung ba'i dkyil 'khor gsungs pa'i rigs pas rdul tshon gyi dkyil 'khor la yang thal bar 'gyur ro zhes pa skabs su bab pa'o/  /thams cad ces bya ba la sogs pa la de bzhin gshegs pa thams cad ni sems can rnams snod kyi bdag nyid can
mi bskyod pa la sogs pa rnams so/  /de rnams kyi sku la sogs pa de nyid gsang ba ste gsang ba la zhes pa gsang ba la ste/ lag pa phyis pa la lnga pa'o/ /de'i phyir gsungs pa gzigs shing zhes pa 'di'i don 'chang
bar byed pa khong du chud nas zhes pa ni de'i bdag nyid du skyes par gyur nas so/  /de'i phyir gsungs pa/ mdzad de zhes pa la sogs pa ste/ ston pa po dang/ bstan pa dang/ bstan par bya ba'i bdag nyid gdul bya rnams kyi rgyud la byed pa'i
phyir ro/  /gsang ba 'dus pa zhes pa ni gsang ba rnams sbyor bar byed pa'o/ /ting nge 'dzin gyi dkyil 'khor byin gyis brlab pa zhes pa ni ting nge 'dzin gyis bskyed bya'i dkyil 'khor bstan pa dang/ bskyed par gsungs pa de de bzhin no/ /
drang ba'i don dang/  nges pa'i don gyi bshad pa ni 'dir blta bar mi bya'o/ /glegs bam las bsdu ba'i don gyi tshig rnam par dbye pa'i rjes su 'brangs nas rnam par bshad pas bcug par blta bar bya'o/ /'di lta ste/ thams cad ces bya ba la
sogs pa ste/  gsang chen las zhes pa ste/ 'dir yang gsang chen ni kun rdzob dang/ don dam pa'i bden pa gnyis po'i mtshan nyid zung 'jug gi ngo bor gzigs shing khong du chud nas de'i bdag nyid kyi mthar thug par bzhugs pa 'bras bu'i ngo
bor gyur pa'o/  /phyung ba ni thugs la'o/ /'dir zhes pa sngar bzhin no/ /yongs su dag pa dang yongs su ma dag pa'i zhes pa ni 'dir bshad pa la yongs su dag pa tsam bshad de/ drang ba'i don la ni yongs su ma dag pa'i bshad pa brjod pa ma
yin nas zhe na/  bden to 'on kyang yongs su ma dag bsdus pa ston par byed pa'i don du'o/ /rdzogS pa 'di nyid kyis rnam par dag pa ni bden te yongs su rdzogs pa'i ngo bo nyid kyi phyir ro/ /thog mar gsungs pa yang/ sku gsum dag ni tha dang par/ /smod pa
yis ni gang bstan pa/  /rdzogs pa'i rim pa'i sbyor ba yis/ /gcig tu yang ni 'gyur ba yin zhes so/ /gang yang le'u'i don nyid la 'di de la bltos nas 'di gsungs so/ /gang 'dir bshad pa ma yin pa de'i dbang du byas nas gsungs pa/ lhag
ma ni snga ma bzhin no/  /gos ni ji ltar bdag nyid ni lus so/ /ci byed ces gsungs pa/ mchu sbrang zhes bya pa la sogs pa'o/ /de bzhin nyid du zhes bya ba la sogs pa ni 'di zhes pa gal te yang sngar bshad pa'i don mchog tu 'dzin pa de bzhin du rgyud kyi
don zhes mngon par brjod pa'i phyir/  zhes 'chad par 'gyur ba yang 'dir/ gsal bar byed pas yang dag par bdag nyid nye bar skyob po/ /ci byed ce na gsungs pa/ nyon mongs pa zhes pa la sogs pa ste/ 'dis de'i chos can 'dis so//
gos dang 'dra pas gos zhes pa ni rgyud kyi don no/  /'dzin par byed do/ /sbyin par byed do/ /zhes pa lam gyi bdag nyid can nam/ 'bras bu'i bdag nyid can de dag gi rjod par byed pa po zhes gsal bar ro/ /sgron ma zhes bya ba la sogs
pa la sgron ma dang 'dra bas sgron ma ste/  bshad pa'i rgyud kyi don gyis gdul bya'i blo'i mun par gsang ba 'dus par gsal bar/ byed pa po yin pa nyid kyi phyir ro/ /bshad pa'i rgyud kyi don de ni 'dus pa'i don gsal zhing 'brel bar rab tu ston
par byed pas gsal bar byed do zhes pas/  sgron ma gsal bar byed pa 'di rgya cher bshad pa'o/ /dang po'i sgra ni 'di gtso bo'i don no/ /mdza' drug gis bshad pa zhes pa ni bcom ldan 'das kyi tshig gi don drug dang bshad pa rnam pa bzhi
gsungs pa 'das 'dir gsal bar byas so/  /zhes 'brel pa ston par byed do/ /bskyed nas zhes pa 'dis so sor bskyed pa'i sgo nas bcom ldan 'das kyis gsung mthar thug par byas pa la bltos pa'i tshig go /rdzogs pa'i rim pa
zhes pa rdzogs pa'i rim pa nyid kyis gsal bar byed pa'i don du byang chub kyi sems bskyed par byed pa'i le'u ni byang chub sems kyi le'u'o/  /bcom ldan 'das la zhes pa ni rdo rje 'chang chen po la'o/ /gsol
to zhes pa ni mi bskyod pa la sogs pa'i de bzhin gshegs pa rnams so/  /ji ltar ci zhig gsol zhe na gsungs pa sku zhes pa la sogs pa ste mchod pa zhes pa la sogs pas ma 'ongs pa'i slob ma dang slob dpon gyi tha dad kyi 'brel pa 'di
bstan pas ston par byed do/  /snying po ni nyams pa med pa'o/ /'dir rgyu gsungs pa thams cad ces pa la sogs pa ste/ nyon mongs pa'i sgrib pa dang/ shes bya'i sgrib pa dag las bskyed par bya ba dang/ skyes pa gang yin pa ni rnam
par nyams par 'gyur ro/  /slar yang sgrib pa gnyis po med pa gang yin pa de ni skyes pa dang 'gags pa med do/ /de'i phyir snying po brjod par bya'o/ /de yang byang chub kyi sems ni sku dang gsung dang thugs/ /'dir rig pa gsungS
pa/  mi phyed pa zhes pa la sogs pa ste/ gal te kha nyid dam lus la brtan nas sems dang tshig 'jug pa de'i che lus la sogs pa rnams mi phyed pa nyid du mi 'gyur te/ de nyid kyi phyir mi bskyod pa'i ngo bo nyid kyi phyir zhes pa'i
gsungs las ye shes kyi sku ni 'dir phyag gnyis pa zhal gcig pa ste/  de dang 'di dag byang chub kyi sems mchog ste/ rgyu ni 'od gsal lo/ /'bras bur nye bar gdags pa ni yongs su dag pa'i ye shes kyi sku nye bar gdags pa la te/?
'od gsal pa'i phyir ro zhes mngon par dgongs so/  /bya ba la sogs pa zhes pa la sogs pa'i sgra las rtog pa la sogs pa yongs su gzung ste/ rnam par rtog pas bsams par gyur pa'i sgra ji bzhin pa'o/ /sems zhes bya ba la sogs
pas rtog pa'i rnal 'byor du gsungs pa'i zhal gsum pa phyag drug pa'am/  'gro pa'i rgyud du skyes pa'am/ sku la sogs pa'i rdo rje nyid kyis nges pa'am/ sprul pa'i skur mngon par brjod pa'o/ /da ni mngon par brjod pa 'di'i sku la sogs
pa rnams stong pa nyid kyi rnam par dmigs par bya ba yongs su dag pa nyid bskyed pa'i don du gsungs pa/  sku zhes pa la sogs pa ste drang ba'i don no/ /ye shes kyi sku'i dbang du byas nas gsungs pa/ skyed cig pa ni/ /yid kyi rang bzhin gyi zhes
bya ba la sogs pa la sems las byung ba rnams sems kyi gnas skabs kyi khyad par nyid kyi phyir/  sems byung yang sems kyi sgras brjod par bya ste/ de nyid kyi phyir gsungs pa/ sems gsum po zhes pa la sogs pa'o/ /longs spyod
rdzogs? pa'i sku'i rnam pas ni yongs su dag pas so/  /sems nyid yin no zhes pa ni gang sems rang bzhin med pa dang/ /phung po'i rnam pa bzhin no zhes pa de'i phyir las thams su 'gyur pa ma yin no/ /lus sems kyi rnam pas zhes pa ni sprul pa'i
sku yang dus pa la sogs pa'i rang bzhin rnam par shes pa'i 'bras bus nyid kyis rnam rig tsam nyid yin pa'i phyir ro/  /de nyid kyi phyir gsungs pa/ med ces pa la sogs pa ste/ don bzhin du yul rnam par gnon pa la nye bar dmigs pa yang
tshig tu brjod pa sems nyid de'i rnam pa yin pa'i phyir sems so/  /dag pa'i rab tu sbyor ba 'di gsungs pa/ de ltar zhes pa la sogs pa ste/ gcig tu byas nas zhes pa ni rtag nyung? skye ba dang/ 'gag par so sor brtag par byas pas sam/ bla
ma'i man ngag las so/  /khams gsum pa la ni 'dod pa dang/ gzugs dang gzugs med pa na'am/ de'i bdag nyid can gyi sku la sogs pa na'o/ /rang srog ni brjod pa'i mtshan nyid kyi rmi lam rnam shes so/ /mthong bar 'gyur zhes pa ni ting
ting ma yin par 'gyur ro zhes pas ting la a bya tya ya:O/  /rang grong ni rang gi phung po'o/ /snang ba ni 'od zer lnga dang ldan pa'o/ /skyes bu zhes pa skyes bu'i rnam pa'o/ /rlung zhes pa rlung gi khams dang ldan pa'o/
khams gsum pa ni 'dod pa la sogs pa'i khams gsum gyi bdag nyid can nam/  lus la sogs pa'i bdag nyid can no/ /khams gsum pa zhes pa la sogs pa ni/ gzhan ni rnam sheS laS tha dang pa gzhan no/ /mchog tu ni tshul du byung ba'o/ /de ni snying
por gyur pa yongs su dag par yod do/  /rmi la ni rmi lam dang 'dra bas te rmi lam ni ji ltar rlung la brten nas rmi lam nas gzhan du song ste mi'i ris mthun pa'i phung po dang lha'i gnas dang yul gzhan du song ste/ rnam par bkra zhing rnam pa sna tshogs pa'i
nang du mthong par bdag nyid mthong bar byed do/  /de bzhin nyid du rmi lam rlung ni rnam par shes pa rlung ngo/ /khams gsum pa lus la sogs pa'i bdag nyid can du rnal 'byor pas mthong bar byed do/ /khams gsum pa las ni snang ba gsum pa las
so/  gzhan ni gzhan pa'o/ /de nyid ni 'od gsal ba'o/ /gcig tu ste skad cig gcig tu'o/ /myur du ste/ de nyid kyi phyir bskal pa grangs ser pa gsum la bltos pas so/ /dngos grub ni ldang bar byed pa'o/ /nges pa'i don to/ /don 'di nyid
so/  gzhan ni gzhan pa'o/ /de nyid ni 'od gsal pa'o/ /gcig tu ste skad cig gcig tu'o/ /myur du ste/ de nyid kyi phyir bskal pa grangs med pa gsum la bltos pas so/ /dngos grub ni ldang bar byed pa'o/ /nges pa'i don to/ /don 'di nyid
byang chub sems kyi phan yon gyi sgo nas gsungs pa/  kun tu zhes pa la soD pa ste/ kun tu ni 'khor ba dang mya ngan laS 'daS pa thaMs cad du'o?/ /de dag tu yang gnas pa dang/ 'gro bar byas nas rab tu 'jug pa la tshar gcod pa dang rjes su 'dzin pa la sogs pa mdzes pas na bzang ?/
dgongs pa ma yin pa'o/  /de bzhin gshegs pa drug gi zhes bya ba la sogs pas de bzhin gshegs pa lnga'i bdag nyid can nyid kyi phyir bdag nyid kyi lus so/ /dngos po med ces bya ba la sogs pa'i tshigs su bcad pa 'chad par 'gyur pa rnams kyis ston
par byed pa gang yin pa de'o/  /ting nge 'dzin 'di nyid gsal bar byed do zhes zer ba ni/ thog ma dang tha mar mngon par brjod pa'i gnas skabs kyi bshad pa nyid kyi phyir ro/ /slar yang dgongs pa ma yin pa'o/ /brtan pa dang g.yo ba
zhes pa la sogs pa'i bshad pa ni dgongs pa ma yin pa'i don la bshad pa rnam pa bzhis 'chad par 'dod nas gsungs pa/  dngos po med pa bsgom pa med ces bya ba la sogs pa ni/ 'jig pa'i dus bzhin du yod bzhin pa nyid kyi phyir dang/
yongs su rdzogs par gnas pa'i dus lta bur de yod pa ma yin no/  /de'i sgom pa ngo bo nyid kyis nye bar skyes par gyur pa med pa'i phyir ro/ /yi ge'i don no/ /bsal nas zhes pa ni/ rab tu rnam par 'byed pa'i ye shes kyis bsgom
par byed pa'i rang bzhin gyis kyang ngo/  /'dus byas ni rgyu dang rkyen las skyes pa lam gsum pa can gyi phung po dang khams la sogs pa rnams so/ /'dus ma byas ni nam mkha' dang 'gog pa la sogs pa rnams so/ /stong pa nyid la
mngon par zhen pa lta ba yin no zhes pa ni/  rgyal ba rnams kyi stong pa nyid/ /lta kun nges par 'byung bar gsungs/ /gang dag stong pa nyid lta ba/ /de ni sgrub pa med par gsungs zhes gsungs pa'i phyir ro/ /de'i phyir 'di las mngon par zhen
pa btang bar bya'o/  /'dis don dam pa'i bden pa gsungs so/ /bskyed pa'i rim pa'i dbang du byas nas gsungs pa/ mtshan ma zhes pa la sogs pa ste mtshan ma ni rgyu'o/ /'bras bu'i skyed par byed pa po ni rgyu ni don dam par gsungs pa las
gzhan ma yin no/  /'bras bu ni gzugs dang lus gnyis so/ /de dag la mngon par zhen pa ni mngon par chags pa'o/ /rgyu dang 'bras bu gnyis su med pa'i phyir ro ni dngos po de'i rgyu dang 'bras bu dag tha dad du gyur pa ma yin pa nyid kyi phyir ro// 
'dis bskyed pa'i rim pa la yang rgyu dang 'bras bu dag gnyis su med pa nyid du ston par byed do/  /smon lam ni lha mchod pa sngon du 'gro bas de'i mngon par 'dod pa'i don 'dod pa rnams kyi smon lam mo/ /
sgom pa bems po'i khyad par mngon par 'dod pas 'jug pa'am/  sbyin pa la sogs pa'i 'bras bu khyad par mngon par 'dod pas 'jug pa yang rung ste/ sbyin pa la sogs pa la smon par byed pa'o/ /'dir yang gang sbyin pa nye bar brjod pa
gsungs pa nyid kyi phyir ro/  /gsungs pa yang/ nyi ma stongs par mi bya bar/ /chung du can yang sbyin pa nyid/ /ces pa la sogs pa'o/ /'dis bskyed pa'i rim pa yang smon pa la sogs pa med par nyon par phyir?/ gang zhig mtshan ma
la sogs mngon par zhen pa des zhes pa la sogs pa'i ste/  bsags pa'i rang bzhin yin pa nyid kyi phyir sems te rnam par rtog pa tsam nyid yin pa'i phyir/ de bzhin du gang rang dang rang nyid stong par rtog par byed do/ /de'i phyir
sa bon la sogs pa'i rim pas lha'i bdag nyid can gyi bdag nyid do/  /spyi'i don to/ /sems tsam de dngos po med de rnam par ma dag pa ni dngos por mngon par zhen pa yod pa nyid kyis rnam par bdag pa ste/ kun tu 'khor bar byed pa'i
rgyu nyid yin pa nyid kyi phyir ro/  /de'i phyir gsungs pa/ rtag tu med pa nyid yin pa'i phyir ro zhes so/ /gzhan du yang gsungs pa/ ci'i phyir gzugs la sogs pa rnam par ma dag pa la/ gzung ba dang 'dzin pa yod pa'i phyir ro/ /
de rnams kyi gzung ba dang 'dzin pa ci lags/  bcom ldan 'das kyis bka' stsal pa/ mig gis gzung bar bya ba ni gzugs so/ /rna ba la sogs pa rnams kyis sgra la sogs pa la gzung bar bya/ brten par bya'o/ /'di dag dug
med pa can du byas nas brten pas dag par gyur pa'o/  /zhes so/ /gzung pa dang 'dzin pa dang bral ba nyid rnam par shes par brjod par bya ba ma yin nam/ de ci ltar gzung ba la sogs pa yod pas rnam par ma dag pa yin zhe na bden
te/  'on kyang de'ang snang ba gsum du snang bas mig la sogs pa lnga po la brten pa gzugs la sogs pa la dmigs pa'o/ /de lta mod kyi snang ba gsum rnam par dag pas gzugs la sogs pa dang bral ba nyid yin yin pa'i phyir dang/
mig la sogs pa snang ba lnga po rnams kyis sa bon ma yin par gyur pa nyid kyi phyir ro/  /gsungs pa yang/ ye shes gsum la lnga yang dag par bsten zhes so/ /de lta mod kyi gzung ba la sogs pa med pa nyid kyi rnam par dag go /gsungs
pa yang/  rtsa ba srid pa'i rnam shes ste /yul ni de yi spyod yul lo/ /yul kha ba dag med du mthong la/ /srid pa'i sa bon par bya/ /zhes so/ /'di'i don 'di yin te/ rang gi rang? nyid kyis mig la sogs pa dang/ snang ba
yid la byed pa dang/  yul phan tshun nye bar byas pa la bltos nas mig la sogs pa'i rnam par shes pa 'byung ste/ de'i phyir gang rnams rten cing 'brel par 'byung/ /de rnams rang bzhin cung zad med/ /de'i phyir mig la sogs pa'i
rnam par de shes pa rnams la mngon par zhen pa med na/  bzung ba la sogs pa med pa de'i phyir/ srid pa'i sa bon 'gag bar 'gyur ro/ /gzung ba la sogs pa la mngon par zhen pa med na/ skye ba'i las nye bar len pa med pa'i phyir dang/
byas pa yang zad pa'i phyir de'i skye ba zang de zhes sa/  /nyer len med pa'i me bzhin du/ /nyer len med pas mya ngan 'da' zhes so/ /da ni rnam par ma dag pa'i snang ba'i rgyur sgyu ma lta bu shes pa'i dbang du byas nas gsungs pa/ gang zhes bya ba la
sogs pa ste/  rnam par ma dag pa nyid yin pa'i phyir ni the tshom gyi bag chags gsal ba nyid ma yin pa'i phyir ro/ /bsgom pa ma yin par 'gyur ni don dam pa rang bzhin brdzun pa nyid yin pa'i phyir ro/ /sgyu ma lta bu de ni zhes pa
don dam pa'i bdag nyid do/  /gnyis su dbyer med pa'i phyir ro ni kun rdzob dang don dam pa'i bden pa nyid ro gcig pa nyid kyi phyir ro/ /de nyid kyi phyir gsungs pa/ de bas na zhes bya ba la sogs pa'i/ mdza' dag ces bya ba ni bla ma mnyes par thos pa dang/
bsam pa la sogs pa bya dka' ba du ma la sogs pas lhag par rtogs par bya ba nyid yin pa'i phyir ro/  /gang gi stobs tsam nyid kyis kyang dpag tshad stong phrag kyang de lta bur rab tu rtogs pa ni 'od gsal dang zung 'jug gi ting nge 'dzin gyis bskyed
par bya ste/  de lta bu yang dpal bla ma rdo rje 'chang gi sprul pa yang dag par rdzogs par byang chub pa lhag par rtogs shing/ lung bstan pa'i skyes bu'i khyad par gus par bsten pa'i zhabs kyi pad+ma las kyang ngo/ /da ni don dam pa'i bden pa la
mngon par chags pa rnams kyis mngon par zhen pa dor bar bya ba'i don du gsungs pa/  dngos po med pa zhes bya ba la sogs pa ste/ kun rdzob kyi bden pa la mngon par zhen pa yongs su spang ba'i rgyu zhes pa bden pa gnyis gnyis su med pa
sgrub par byed pa'i don du slar yang kun rdzob kyi bden pa la 'jug par byed pa mngon par zhen pa yongs su spang ba'i rgyur zhes bya'o/  /'dis ni zhes pa la sogs pas bden pa gnyis kyi rgyu can zung 'jug la mngon par zhen pa yongs su spangs pa'o/ /
bden pa gnyis zhes pa la sogs pas mngon par zhen pa'i nyes pa zhang? la kun tu skyed par byed do/  /de bas na zhes bya ba la sogs pas mngon par zhen pa'i nyes pa zad pa'i zung 'jug bshad pa'o/ /mthar thug pa'o/ /snod du gyur pa'i zhes bya
ba la sogs pas bden pa gnyis po de dag gnyis su med pas kyang de kho na nyid kyi rigs pa gsal bar bstan to/  /mthar thug pa zhes pa thog ma don dam pa'i bden pa 'chad par byed pa'o/ /thog ma'i rab tu dbye bas zung 'jug gnyis pa'i 'di'o/ /
mig tsam gyi spyod yul yin pa'i phyir ro/  /zhes pa ni me long gi gzugs brnyan bzhin no/ /sgyu ma'i rnam par sprul pa'i me long du 'od zer lngas 'bar bzhin pa nyid kyi phyir ro/ /chos nyid kyang med ces pa 'dis 'od gsal ba la mngon par zhen pa med par ston
par byed pa yin no/  /de nyid kyi phyir bden pa gnyis la mngon par zhen pa med pa'i phyir ro/ /de ni zhes bya ba la sogs pas 'di ni thugs la gnas pa'o/ /byang chub tshul ni bden pa gnyis su med pa'i mtshan nyid do/ /byang chub kyi thabs ni rdo rje 'chang
chen po mngon du byed pa'i thabs so/  /brtan pa ni mi byed pa dang ldan pa ste/ de nyid snying po ste bdag med pa'i mtshan nyid 'od gsal ba'i rang bzhin no/ /dgongs pa ma yin pa'o/ /mtshan ma med pa nyid yin pa'i phyir ro/ /dngos po med pa'i rgyu
yod pa nyid kyi phyir ro/  /zag pa ni nyon mongs pas rab tu bskyed pa'i rgyu can gyi 'du byed do/ /de dang lhan cig 'jug go zhes pas zag pa dang bcas pa'o/ /zag pa med pa ni nyon mongs pa bcom pa/ lhag ma dang bcas pa'i mya ngan laS 'du? pa gnas pa
lta bu'i 'du byed/  /chos zhes pa la sogs pa ni/ ma grub na ni dngos po zhes pa lhag ma'o/ /'di dag nyid kyi don dam pa'i bden pa gsungs so/ /'o na ji ltar zhes pa la sogs pas de las bzhengs pa gsungs pa/ bdag byin gyis brlab pa'i rim
pas ni rim pa gsum par gsungS pas so/  /de nyid kyi phyir gsungs pa/ sngon gyi zhes pa la sogs pa ste/ 'phen pa ni rang byin gyis brlab pas bzhag pa'i 'du byed de/ gaN+De'i sgra byin gyis brlabs pa bzhin no/ /gsungs pa yang/ de nyid kyis ni thams cad du
stong nyid mngon du mi bya'o/  /sangs rgyas kun bdag rnal 'byor ldan/ zhes so/ /dgongs pa ma yin pa'o/ /ye shes kyi 'od zer zhes bya ba la sogs pa la ye shes kyi 'od zer ni 'od gsal ba'i ye shes ni gnyug
ma'i ngo bo nyid kyi phyir/  /snang ba dang 'dra bas snang ba ste mi shes pa'i mun pa 'joms pa nyid kyis so/ /'dus byas zhes pa la sogs pa ni snga ma bzhin no/ /de ltar don dam pa'i bden pa mngon par brjod nas/ de las ldang byed pa gsungs pa/ 'o
na zhes pa la sogs pa ste/  dgongs pa ma yin pa'o/ /rang bzhin zhes pa la sogs pas bden pa gnyis mngon par sbyar pa'i ched du de dag gnyis su med pa phyi dang nang gi bdag nyid can tshig gi don du gsungs nas/ gdod nas dag par ston par byed do/ /
gdod nas dag pa nyid la dpe gsungs pa/  nam mkha' bzhin zhes pa ste/ ji ltar nam mkha' dang po nyid las sngar dag par ma gyur pa phyis kyang dag par gyur pa ma yin no/ /zung 'jug gi bdag nyid la yang rnam pa de bzhin nyid du
yang ngo/  /de ltar rang bzhin gyi gdod nas dag gi de bzhin nyid la ma dag pa dag par 'byung ba ni ma yin no/ /gsungs pa yang yod ces pa dang med ces pa/ /gnyis ka yang ni mdza' yin te/ /dag dang ma dag pa'ang mdza' / /de phyir
mdza' gnyis rnam spangs nas/  /mkhas pa bar la'ang gnas mi byed zhes so/ /de nyid kyi phyir gsungs pa/ legs par yongs su zhes bya ba la sogs pa la/ byang chub ni don dam pa'i bden pa 'bras bu'i ngo bo ste rang byin gyis brlab pa'i
'bras bu yin pa nyid kyi phyir ro/  /de'i phyir gsungs pa/ mngon rtogs ni de thob par byed pa'i rgyu'o/ /bden pa gnyis la mngon par zhen pa med pas zung 'jug gsungs pa/ rgyu zhes pa la sogs pa'o/ /'di'i lam nyid gsungs pa/
rgyu dang 'bras bu dag gi zhes pa la sogs pa'o/  /dgongs pa ma yin pa'o/ /rgyu dang 'bras bu gnyis su med pa la brten nas ngo mtshar ba dang rmad du byung bar brjod par dag gi smra mi nus pa nyid kyi phyir ngo mtshar du gyur pa ni kun rdzob kyi bden pas so/ /
rmad du gyur pa ni don dam pa'i bden pas so/  /bden pa gnyis la yang rang bzhin gyis med pa'i phyir ro/ /rnam pa gnyis kyis bstod pa'o/ /zhes pa ni rnam pa nyid kyis rdo rje 'chang chen po la zhes pa ltag ma'o bstod pa'o zhes pa ni rdo rje 'chang chen
po la'o zhes khong du chud par bya'o/  /phun sum tshogs pa thams cad ces pa ni bsod nams phun sum tshogs so zhes pa ste/ bsod nams phun sum tshogs pa ni sbyin pa phun sum tshogs pa dang/ tshul khrims phun sum tshogs pa la sogs
pa'i rang bzhin yin pa'i phyir zhes so/  /de'i phyir yongs su dag pa'i lha rdo rje 'chang chen po las sprul pa'i rim pas sa ma/ rdzogs pa'i rim pas mi bskyod pa la sogs pa'i lha'i 'khor lo spros pa'i phyir ro/ /byang chub sems ni rab bskor ba ni drug
pa ste/  ye shes kyi rim pas sa ma ril por 'dzin pa dang rjes su gzhig pa'i rim pas de bzhin nyid 'od gsal ba nyid du gyur pa'o/ /de'i rang bzhin nyid la snyoms par zhugs pa'o/ /de bzhin du rim pa des gshegs pas na de bzhin
gshegs pa'o/  /de nyid kyi phyir dag pa zhes pa la sogs pa'o/ /rdo rje gsum gyi rnam pas shes pa ni lus la rten cing/ yid la sems dpa' dang/ tshig dag nye bar dmigs bzhin pa nyid yin pa'i phyir ro/ /sku'i rdo rje'i zhes pa la sogS
pa 'dis sku dang gsung dang thugs kyi rdo rje can zhes pa'i rjes su ste gcig gi tshig la mang po'i tshig go / sus phyin ci log? bang gis sgrub par byed do/ /sangs rgyas byang chub thob par byed pa po nyid yin pa'i phyir ro zhes bya ba 'di'i bshad pa ni mi
gnas pa'i mya ngan las 'das pa'i dbyings la 'jog par mdzad pa'i phyir ro zhes pa rtags so/  /sangs rgyas kyi byang chub rab tu ston pa zhes pa la sogs pa'o/ /byang chub kyi sems kyi le'u bshad par de ston
par byed pa ni rab tu snang bar byed pa'o/  /le'u zhes pa ni sngar bshad do/ /rnal 'byor pa gnyis kyis pa ni bskyed pa dang rdzogs pa'i rnal 'byor gyi dbye ba'o/ /rnam pa gsum zhes pa 'chad par 'gyur ba'i don no/ /
rdo rje 'chang chen po ni drug pa'o/  /mi bskyod pa la sogs pa rnams ni lnga'o/ /de rnams ni drug po rnams kyi'o/ /de'i phyir yang na lnga po de rnams so/ /de'i phyir bshad pa'i sgo nas so lha zhes pa ni rdo rje 'chang chen po la sogs pa'i lha drug go /
sngags zhes pa ni ma tri gsang ba'i skad la'o/  /gsungs pa yang/ lce rtse g.yo ba yod min zhing/ /so dang mchu gnyis yang dag sbyar zhes pa la sogs pa sngags kyi bzlas pa'i mtshan nyid do zhes so/ /sngags ni yid skyob par byed
pa'i don to/  /ngan 'gro'i 'jigs pa rnams kyis skyob par gyur pa nyid yin pa'i phyir dang/ de bzhin gshegs pa drug gi rang bzhin nyid yin pa'i phyir ro/ /'chad par 'gyur ba'i gsang sngags zhes bya ba 'chad par 'gyur ro/ /gsungs pa/
yang gar gar dbang po yul rnams kyis/  /brten nas bskyed par bya ba'i yid/ /yid de mnan zhes dang bshad/ /tra yig skyob par byed pa'i don/ /zhes pa dang/ sngags ni 'bod pa zhes bshad de/ /de nyid bskul bar smra ba'o/ /zhes
gsungs pa'i phyir de kho na nyid kyang sngags su 'chad par 'gyur ro/  /rdo rje dang pad+ma 'du byas pa ni/ chos 'byung ste chos phung la sogs pa rnams 'dir 'byung ngo/ /zhes bya nas so/ /de dag 'dir 'gags pa dang/ skye bo zhes de la gnas
pa'i rten dang brten pa'i bdag nyid can gyi lha'i 'khor lor 'gyur ro/  /de la lha'i 'khor lo'i dbang du byas nas gsungs pa/ rnam par snang mdzad ces bya ba la sogs pa ste/ de dang de zhes bya ba la sogs pa ni rnam par snang mdzad la sogs pa'i
rigs de dang de'i/  rang gi bdag po zhes pa ni gang gi bdag po gang yin pa ni rang gi bdag po'o/ /kha dog lnga pa'i sa'i cha dang ldan pa ni lnga'i bdag nyid kyi lha'i 'khor lo 'di nyid kyi kha dog gis sa'i cha'i kha dog lnga nyid yin pa'i phyir ro/ /kha dog lnga'i sa'i
cha zhes pa'i gsungs pas lha mo'i b+ha gar khang pa brtsegs pa yang bsgom par bya'o zhes mtshon par bya'o/  /phyi rol tu yang ye shes kyis gzhi khang pa brtsegs pa bsgom pa brjod par byed pa ma yin nam zhe na/ sku gsung thugs kyi dbye ba yis/ /zur
gsum rnams su rnam bsgom bya zhes 'dus pa phyi mar gsungs pa/  gsang ba'i nang la bltos pa la/ /rmongs nas phyi rol tu yang rjod par byed de 'jig rten dang 'gal lo/ /gang 'jig rten na phyi rol gyi khyim dang khang bzang la sogs pa rnams byed pa
gsang ba'i nang gi gnas la bltos par bya ba ma yin no/  /rnam par bzhag pa'i rim par yang khang pa brtsegs pa'i ri dang gzhal med khang la sogs pa'i rnam par gnas par gsungs pa'i phyir ro/ /lnga zhes pa la sogs pa ni gzugs dang sgra
la sogs pa 'dod pa'i yon tan lnga ste gzugs rdo rje la sogs pa'i bdag nyid can yin pa'i phyir ro/  /gsungs pa gzugs zhes pa la sogs pa'o/ /mchod pa rnam pa lnga zhes pa ni lnga po rnams kyis nye bar sdud par bya nye bar 'bul bar byed do
zhes pas lnga yang de yin la mchod pa yang de yin pas te gzugs dang sgra la sogs pa rnams so/  /mdor na zhes pa ni/ dkyil 'khor du sgeg mo la sogs pa'i lha mo dang bla res la sogs pas rgya cher mngon par brjod par 'dod pa nyid yin pa'i phyir ro 
lha'i 'khor lo zhes pa ni lha rnams kyi 'khor lo bzhin du gnas pa'i khyad par ram lha rnams kyi'ang 'khor lo khang pa brtsegs pa ste lha'i 'khor lo bsams nas so/  /'khor lo'i dbus su ni/ rten dang brten pa'i 'khor
lo'i dbus su gsang ba'i khang pa brtsegs pa'i bdag por gyur pa nyid kyis ni mi bskyod pa nyid kyis so/  /phyi rol gyi khang pa brtsegs pa'i dbus su ni bdag po rdo rje 'chang chen po nyid kyis so/ /de nyid kyi phyir gsungs pa rdo rje 'chang chen po'i
gzugs bzhin du zhes dang/  slar yang gsungs pa rdo rje 'chang chen po'i sprul par gyur pa zhes dang slar yang gsungs pa/ sdud par byed ces pa la sogs pa'o/ /de dang zhes pa ni rdo rje 'chang chen po dang ngo/ /mi bskyod pa'i phyag rgya chen po
ni gsang ba'i 'khor lo las phyi rol tu byas pa'o/  /de bzhin du zhes bya ba la sogs pa la/ dkon mchog dpal zhes bya ba la sogs pa'i sgra las don yod grub pa la sogs pa'i phyag rgya chen por bsdus so/ /de bzhin du de bzhin gshegs pa
drug mngon par brjod pa ni/  bdag po nyid kyis gsang ba'i 'khor lo'i nang dang phyi rol tu bsgom par bya ba dag go /gang yang gzhan du byang chub sems dpa' la sogs pa rnams rdo rje 'chang chen po dang/ gcig tu sbyor bas bdag po nyid
du 'dod de de yang de bzhin gshegs pa lnga'i rigs su bsdus pa'i phyir de bzhin gshegs pa lnga nyid do/  /sogs kyi don gyi bshad pa la rang dbang ma yin pa'i bdag? nyid gsungs pa/ /gang yin pa'i zhes bya ba la sogs pa'o/ /khro bo
ni mi bskyod pa'o/  /'dod chags chen po ni rdo rje 'chang chen po'o/ /de'i zhes pa sngar brjod pa yi'o/ /phyag gi gtso bos 'khor lo bsdam? pa zhes pa ni phyag gzhan na gnas pa'i mtshan ma sgrub pa'i thabs su gsungs pa la bltos pa dang bcas pa'i
tshig go / dzam+bu nA da zhes pa la sogs pas rin chen 'byung ldan la sogs pa rnams kyi phyag gis gtso bo'i mtshan ma ston par byed do/ /de bzhin du drug pa yi yang phyag gi gtso bo'i g.yas na de bskyed pa'i rgyud rdo rje dkar po ste/ de bzhin gshegs pa
lnga po bskyed? pa'i mtshan ma lnga po bzhin no/  /'di rnams zhes bya ba ni de bzhin gshegs pas gsungs pa rnams so/ /dang po'i sbyor ba ni sa bon dang mtshan ma la bltos pas so/ /dril bu ni thams cad du phyag g.yon nyid na'o/ /chos kyi dbyings zhes
pa ni sems tsam nyid kyis 'gro ba 'dzin par byed do zhes pas chos kyi dbyings te rnam par rig pa tsam nyid do/  /de nyid kyi phyir gsungs pa 'dis zhes bya ba la sogs pa ste/ drang ba'i don no/ /de bzhin gshegs pa 'od dpag tu med pa la sogs pa
lnga ni/  'od zer lnga ste dmar po la sogs pa'i 'od zer lnga'i rang bzhin no/ /steng gi sgo nas ni sna'i bu ga nas so/ /byung ste rang gi dang nyid do/ /rnam par snang mdzad kyi rang bzhin gyi khyab byed kyi rlung ni steng nas 'byung ba ma yin nam zhes na de lta mod kyi 'od zer re
re 'byung ba na 'od zer lnga lnga nges par 'byung bar byed do/  /khams kyi dkyil 'khor gcig gis kyang khams bzhi car la khyab po zhes spyong bsdus su gsungs so/ /gang du gcig yod par de la bzhi po zhes pa'i rigs pa las so zhes pas mi 'gal lo/ /de
nyid kyi phyir gsungs pa sprin zhes pa la sogs pa ste/  dkar po la sogs pa zhes bya ba ste/ sogs kyi sgras dmar po dang ser po dang nag po rnams bsdus pa'o/ /A li kA li rnams ni yi ge gcig gis dman pa'i lnga bcu po 'di rnams so/ /ma ning la sogs pa
zhes pa'i sogs kyi sgra las bud med dang skyes pa rnams bsdus so/  /de la thung ngu'i dbyangs ni nyin mor brjod/ /ring po zhes pa mtshan mor bshad/ /dbyangs dang gsal byed dbye ba yis/ /ming gi de nyid sbyar bar bya/ /zhes dgongs pa lung ston du bshad
do/  nga nya Na nam rnams la ni zhes pa ma ning gi yi ge'o/ /mnyam par bzhag cing ni yid la bkod nas so/ /de zhes pa yi ge gsum mo/ /aoM zhes dang po gcig ces pa la sogs pas rnam par snang mdzad la sogs pa
la 'od zer lnga'i rang bzhin dang drug pa dkyil 'khor gyi bdag po yi ge gsum gyi bdag nyid du gsungs so/  /drug po 'di rnams rlung gi de nyid dang sngags kyi de nyid kyi bdag nyid can rdo rje gsum du bsdus par bstan par 'dod nas gsungs pa/ aoM shU n+ya tA
zhes pa la sogs pa'o/  /de nyid kyi phyir gsungs pa/ de nyid gsum du 'dir brtags pa'o/ /de la rlung gi de nyid ni 'jug pa dang gnas pa dang ldang ba gsum mo/ /sngags kyi de nyid ni yi ge gsum mo/ /rdo rje bzlas pa'i 'bras bu de nyid
gsum po snang ba gsum dang mig la sogs pa'i rnam par shes pa rnams kyi'ang de nyid do/  /de la ji ltar bskyed pa'i rim pas sngags kyis dang po'i mgon po bskyed pa la yi ge gsum gcig tu gyur pa nyid do/ /spyod bsdus su yang lus
rnam par dben pa'i mthar thug rdo rje gsum po rnams rang bzhin gyis grub pa da'o zhes gcig nyid du bstan no/  /de bzhin du rdo rje bzlas pa'i 'bras bu/ snang ba gsum po nyid kyi bdag nyid can nyid ye shes kyi sku bskyed par 'gyur ro/
gsal ba ni ma bcos pa nyid kyis nye bar dmigs pa'i phyir ro/  /mi gsal ba ni sha dang khrag dang rus pa'i khams la sogs pa rnams kyis kun tu mi 'khrugs pa'i phyir ro/ /gsungs pa yang ji ltar chu'i nang du byung pa'i skyes bu'i grib
ma skyes bu'i rnam par snang ba de ni khams rnams kyis rnams par 'khrugs pa med do/  /'di la bde ba dang sdug bsngal la sogs pa'i rnam par rtog pa kun tu dmigs par 'gyur ba yang med do zhes pa la sogs pa'o/ /da ni gsungs pa'i
don 'di nyid bstan par 'dod nas gsungs pa/  nam mkha' zhes pa la sogs pa ste/ nam mkha' i dbyings ni de bzhin nyid do/ /sangs rgyas dkyil 'khor ni de bzhin gshegs pa thams cad kyi bdag nyid can yin pa nyid kyi phyir ro/ /yang dag par sbyor ba gsum
gyi sku ni sku la sogs pa gsum po rnams kyi rang gi ngo bo snang ba gsum po rnams yang dag par sbyor ba ste 'dus pa'i sku gang yin pa der ro/  /bsam pa ni man ngag ji lta ba bzhin du'o/ /snang ba zhes pa la sogs pas rang gi ngo bo ston par byed do/ /
dngos po thams cad ni phung po dang khams la sogs pa phyi dang nang gi bdag nyid can de dag go / ngo bo nyid ni gzugs dang sgra la sogs pa'i 'dod pa lnga'o/ /ldang ba la sogs pa zhes pa ni/ ldang ba la sogs pa'i rlung rnams gzugs la sogS
pa'i ngo bo nyid yin pa'i phyir ro/  /ma lus par mthong ba nyid yin pa'i phyir ni dbang po mdza' dang ldan pa'i phyir ro/ /'od gsal bar 'jug pa zhes pa ni sbyor ba'i don du'o/ /'di'i ldang ba gsungs pa de ltar zhes pa la sogs pa ste/ skad cig gi
zhes pa ni gsungs pa yang/  ye shes skad cig gis rdzogs pa/ rdzogs pa'i rnal 'byor zhes brjod do zhes so/ /langs pa'i rang gi ngo bo gsungs pa/ dbus zhes pa la sogs pa ste/ 'khor ba dang mya ngan las 'das pa dag gi ni 'khor
ba zhes pas sems can gyi don du sna tshogs pa'i 'gro ba rnams su kun tu 'gro bar byed do/  /skye bar byed do zhes pas 'khor ba ste 'gro ba'i rnam pa longs spyod rdzogs pa'i sku'o/ /de nub par gyur pa ni mya ngan las 'das pa'o/ /dbus su
ni par skabs su'o/  /'jug pa dang langs ba gnyis po dag la mngon par zhen pa med pa'i phyir ro/ /de nyid kyi phyir ro/ /de nyid kyi phyir gsungs pa/ yod pa dang zhes bya ba la sogs pa ste/ shes par bya'o zhes pa ni yongs su shes pa nyid
sgom par byed pa'o/  /zhes mngon par dgongs so/ /'di nyid kyi zhes bya ba ni gsungs ma thag pa'i rdo rje 'chang chen po yongs su rdzogs par bskyed pa'i rim pa 'di nyid kyis so/ /rnam par snang mdzad la sogs? pa zhes pa la
sogs pas/  rnam par snang mdzad la sogs pa rnams kyi'ang longs spyod rdzogs pa'i sku nyid yongs su dag pas bskyed par ston par byed kyi bskyed pa'i rim pas ni ma yin ste/ thams cad kyi bskyed pa sngar gsungs pa nyid kyi phyir ro/ /slar yang rnams
la yang bskyed pa'i rim pa 'di bshad pa'i don ci ltar yin zhes na gsungs pa/  bsam pa ji lta ba zhes pa la sogs pa ste/ gang gi bsam pa rmongs pa la sogs pa'i sems nyid gang yin pa de'i dbye bas khyad par gti mug la sogs
p a la mngon par dga' ba'i sems can gti mug la sogs pa'i rigs can rnams sngar gsungs pa'i bskyed rim pa sgom par byed pa rnams kyi rdzogs pa'i rim pa la yang rnam par snang mdzad la sogs pa'i gzugs la sogs pa longs spyod rdzogs
pa'i sku'i gzugs su bskyed pa bstan no zhes pas bsam pa ji lta bas zhes pa 'di mngon par dgongs pa'o/  /de nyid kyi phyir gsungs pa rang gi don bya'o zhes te/ rang gi don phun sum tshogs pa'i ngo bo nyid yin pa'i phyir sku bzhi pa'o/ /rnam
par snang mdzad gyi phyag rgya chen po ni rnam par snang mdzad la sogs pa'i phyag rgya chen po'o/  /sku gsung thugs kyi mtshan pa ni rdo rje gsum dbyer mi phyed pa'i ngo bo nyid du shes par bya'o/ /de nyid zhes bya ba ni rnam par snang mdzad la sogs pa'i
ting nge 'dzin sngar gsungs par rdo rje 'chang chen po'i ting nge 'dzin mchog tu 'dzin par byed do/  /aoM d+harmA d+hA tu zhes bya ba la sogs pa sngar bskyed pa'i rim pa gsungs pa las da ni rdzogs pa'i rim pa bshad par bya ste/ ci ltar byas nas zhes gsungs pa
d+harmA d+hA tu zhes bya ba la sogs pa ste/  rang dbang yongs su spangs par gsungs pa/ aoM d+ha rmAd+hA tu zhes bya ba la sogs pa 'dis de bzhin gshegs pa drug po gsungs so/ /de nyid gsum du gcig tu gyur pa 'dir bshad pas ni 'od gsal du gzhug pa
mngon par brjod par bya bzhin pa nyid ma yin pa'i phyir ro/  /de'i don nyid yin pa'i phyir de nyid gsum po gcig nyid do/ /nges pa'i don no/ /nga ni zhes bya ba la sogs pas bskey+d pa'i rim pa sgom par byed pa'i phra mo'i rnal 'byor bshad pa la 'jug par byed do//
brtan par bya ba'i don ni mi brtan pa brtan par byed pa'i don du'o/  /rnam pa gsum zhes pa ni dmigs pa'i dbye ba las so/ /phra mo zhes pa ni lha'i rnal 'byor la bltos pa'o/ /kha dog lnga zhes pa ni rdo rje la sogs pa'i mtshan ma lnga ste/ so sor de res?
nag po la sogs pa'i 'od zer lnga po rnams kyis tha snyad du bstan to/  /de nyid kyi phyir gsungs pa/ rigs lnga zhes bya ba la sogs pa ste/ rin che ba nyid yin pa'i phyir ni/ de bzhin gshegs pa'i ngo bo nyid kyis bsam gyis mi khyab cing gzhal du
med pa'i thun mong ma yin pa'i ston nyed las so/  /lungs kar zhes pa ni phra mo nyid ston par byed do/ /sna'i rtsa mor ni rdo rje sna'i rtse mor te skyes bu la bltos nas gsungs pa nyid yin pa'i phyir ro/ /nyin dang mtshan du zhes pa 'dis rgyun mi 'chad
par goms par ston par byed de/  /gzhan na sems brtan par mi 'gyur ba'i phyir ro/ /gang gi tshe zhes bya ba la sogs pas sems brtan par gyur par yongs su shes pa'i mtshan ma ston par byed do/ /mthong ba nyid ni dngos su phyi rol gyi dngos po zhes
pa'o/  /mtshan ma ni rgyu'i sems brtan par gyur pa'i gzung ba ni mngon par zhen pa ste phyogs dang po la sogs par mtshan mar dmigs nas dmigs pa gzhan la mi 'jug pa'o/ /de ltar sems brtan par gyur par shes nas dbang du gyur pa nyid bskyed pa'i ched du
gsungs pa/  de'i tshe zhes pa la sogs pa ste/ spro bar bya zhes pa mtshan ma sgom pa la slob bzhin pa nyid mtsh+n ma las mtshan mar spro bar bya'o/ /'od zer las skyes pa'i 'od zer dang bcas pa'o/ /brtan par ma
gyur zhes pa la sogs pa ni bsgom pa la slob bzhin pa'i sgom par byed pa'i brtan par ma gyur pa'o/  /spro bar mi bya'o ni rnam par g.yeng ba'i phyir sems brtan par yang ga la 'gyur/ slar yang yang dag par bsgoms nas spro bar
bya'o/  /phyag rgya chen po ni lha'i sku'o/ /lha gcig gi sku la spro ba dbang du gyur pa'i de ma thag tu mdza' yas pa yang spro bar bya'o zhes gsungs pa/ rab mchog ces bya ba la sogs pa ste/ dkar po la sogs pa zhes bya ba la sogs
pas spros pa'i sangs rgyas kyi tshogs rnams rigs lnga nyid du ston par byed kyi rigs gcig pa nyid du ni ma yin no/  /'khor lo zhes pa la sogs pas mtshan ma dang bcas pa nyid do/ /byang chub sems dpa' zhes pa la sogs pas rigs
lnga la skyes par ston par byed do/  /nye bar mtshon pas zhes pa la sogs pas dkyil 'khor du gnas pa ma gsungs pa rnams dang/ dkyil 'khor du gnas pa ma yin pa gzhan yang ston par byed do/ /spro ba'i bdag nyid can ni spro
bar byed pa'i rang bzhin nyid kyi phyir ro/  /nam mkha' khyab par zhes pa ni/ nam mkha' i go skabs steng dang 'phred dang 'og tu'o/ /spyi'i don no ni dmigs par bya ba dang dmigs par byed pa dag bskyed pa'i rim pas bsdus pa nyid yin pa'i phyir
ro/  /rin chen po ni de bzhin gshegs pa lnga'i rang bzhin yin pa'i phyir ro/ /byang chub kyi sems te de bzhin nyid rtogs pa'i rgyud nyid yin pa'i phyir ro/ /yungs kar zhes pa ni snga ma bzhin te/ gang yang 'gro bar byed do 'jug par byed
do zhes pa ste/  rlung gi khams so/ /khams gsum dang ldan pa de'i rang bzhin yin pa nyid kyi phyir/ yungs kar te de'i 'bras bu'i tshad nyid kyi phyir byang chub kyi sems kyi tshad ni yungs kar gyi 'bras bu'i tshad tsam mo/ /rdo rje'i khar zhes pa ni rdo rje
la sogs pa'i mtshan ma sngar gsungs pa sgom par byed pa'i stobs las de bzhin gshegs pa lnga'i bdag nyid can du byas nas so/  /gzhan du na rdo rje'i kha nyid du gnas par mi 'gyur ro/ /slar yang de bzhin gshegs pa lnga sgom par byed pa'i bdag
nyid can nyid kyis sgom par ga las 'gyur de bzhin gshegs pa lnga'i bdag nyid can du zhes so/  /spyan ma la sogs pa dang khro bo gnod mdzes la sogs pa'i mthar thug pa rnams de bzhin gshegs pa lnga'i bdag nyid can nyid kyi phyir ro/ /brtan
pa'i zhes pa la sogs pas phyag rgya mnyes par byed pa dang rang gi don phun sum tshogs pa mngon par gsungs so/  /ji ltar gsungs pa'i zhes bya ba la sogs pa ni 'gro ba'i rgyud du gsal bar ro/ /dkyil 'khor gyi 'khor lo yang/ bu ni drug pa'i
ste de bzhin gshegs pa lnga po rnams dkyil 'khor gyi dbang phyug nyid du rdzogs pa lnga po rnams kyang drug pa nyid kyis rgyas 'debs par 'chad par 'gyur ba nyid kyi phyir ro/  /dkyil 'khor pa gang yin pa nyid ni tsha bo nyid de de ltar na sbyan ma la
sogs pa rnams tsha? po nyid kho na'o/  /sbas pa'o/ /lnga zhes pa la sogs pa la/ sangs rgyas kyi rin po che bskyed pa'i phyir zhes pa ni mi shigs par sgom par byed pa 'od gsal du 'jug pa dang ldan pa'i rgyud yin pa'i phyir ro/ /thig le'i gzugs
can yin pa nyid las ni ting nge 'dzin sems dpa' la gnas pa nyid do/  /ting nge 'dzin sems dpar nyid thig ler gyur pa mi shigs pa ma yin no zhes su zhig 'dod/ /de nyid kyi phyir gsungs pa/ snying ga'i pad+ma'i lte bar ni ye shes sems 
dpa' i snying ga'i pad+ma'i lto bar ro/  /'jug pa zhes pa la sogs pas mi shigs pas 'jugs pa la sogs pa gsum po ston par byed do/ /bsdu ba zhes pa la sogs pa gsum po rnams 'gog pa'o/ /nyin dang mtshan
mor zhes pa 'dis rnam par ma chad par goms par byed pa'o/  /rtag tu zhes pa ni 'gog pa'i rang bzhin gyi ngo bo nyid kyis so/ /mi shigs pa ni rnam par rtog pa'i dra ba thams cad bcom nas med par gyur pa'o/ /slar yang 'di ldang bar byed pa rlung
gi sgo nas gsungs pa/  de'i phyir zhes pa la sogs pa ste/ brtan par ma gyur pa ni brjod pa'i mtshan nyid kyi rtag par ma gyur pa'o/ /gang gi tshe mi shigs pa'i de kho na nyid lhag par rtogs pa nyid du gyur pa de'i tshe mi shigs pa'i thig le'i gzugs
stong pa nyid gsal bar byed pa po de'i de kho na nyid stong pa nyid de/  de rtogs pa nyid do/ /thig le sgom par byed pa'i mtshan nyid do/ /de dang 'dra ba'i 'od ni 'od zer lnga'i bdag nyid can gyis so/ /dkyil 'khor zhes pa ni mi bskyod pa la sogs pa
de bzhin gshegs pa rnams dang/  spyan ma la sogs? pa'i lha mo'i bdag nyid can yin pa'i phyir ro/ /'chad par 'gyur bar yang/ g.yas pa nas ni byung ba'i rlung/ /me yi dkyil 'khor nyid yin te/ /kha dog dmar zhing gsal ba 'dir/ /pad+ma
mgon po rgyu ba'o/  /zhes pa la sogs pa'o/ /bzhi po rnams kyis ni me dang rlung dang dbang chen dang chu rnams kyis so/ /g.yas pa la sogs pa zhes pa'i sogs pa'i sgras/ /g.yon dang steng dang 'og dang dbus rnams gzung ste/ /sna'i bu
ga re re la'o/  /spro bar bya zhes pa ni rang gi ngang nyid kyis nges par 'gro ba 'am mdzes par bzlas par 'dod pa la bltos nas spro bar bya'o zhes gsungs so/ /de bzhin gshegs pa'i sprin gyis zhes pa ni/ de bzhin gshegs pa'i ngo bo nyid yin pa'i phyir
dkyil 'khor bzhi pa ste gang yang dkyil 'khor bzhi la sgom pa dbang du gyur pa thob pa ni de bzhin gshegs pa'i sprin gyis chos kyi chu'i char 'bebs par 'gyur ro/  /sprin rnams kyis zhes pa mang po'i tshig las kyang de bzhin gshegs pa rnams mang
po nyid do/  /de'i phyir gsungs pa/ nam mkha' zhes pa la sogs pa'o/ /mthar thug pa'o zhes pa 'od gsal du zhugs pa dang ldang ba dag gi mthar thug pa rnam pa gnyis kyi bshad pa nyid kyi phyir ro/ /rnam par snang mdzad ces bya ba la
sogs pa la bsnyed pa'i rim pa zhes pa rdzogs pa'i rim pas bskyed pa ni/  sngar bstan pa nyid kyi phyir bskyed pa zhes pa la sogs pas khyad par du byed pa'o/ /sbyor ba'i dkyil 'khor zhes pa rten de sgrub pa po la sbyor bar byed do//
zhes pa sbyor ba ste de nyid kyi dkyil 'khor te zhi ba can la sogs pa'i las kyi tshogs kyis nges par bskor ba nyid kyi phyir ro/  /de nyid kyi phyir sna tshogs rdo rje'o/ /de las zhes bya ba la sogs pas/ de rdo rje las byung ba zhes par ma
chad par sbyar ro/  /'di dag zhes bya ba la sogs pas 'chad par 'gyur ba sku zhes pa la sogs pa ste/ sku la sogs pa rnams kyi sgrub pa ni bsgom pa'o/ /'di ni sku la sogs pa rnams kyis so so re re las 'brel pa'i phyir mang po nyid
de de nyid kyi phyir sgrub pa rnams kyis zhes gsungs so/  /thugs sgrub pa la sku dang gsung yang thugs kyi nang du son pa nyid kyis yon tan dang ldan par gyur par bsgrubs pa'i phyir ro/ /sku nyid dkyil 'khor yin pas sku'i dkyil 'khor ro/
de gang zhe na zhes pa ni dkyil 'khor la bltos pa dang bcas pa'o/  /rdo rje las byung pa zhes pa ni rdo rje'i mtshan ma las byung ba'o/ /de rnams zhes sngar gsungs pa 'dir sbrel lo/ /rab kyi mchog ni rab tu phul du byung ba dang mchog de
gtso bo'o/  /drang ba'i don no/ /de ltar bskyed pa'i rim pa'i sgo nas rnam par snang mdzad la sogs pa lnga po rnams kyi bskyed pa mngon par brjod nas rdzogs pa'i rim pa bstan pa'i phyir gsungs pa/ nam mkha' i dbyings kyi zhes pa la sogs
pa zla ba'i dkyil 'khor lta bu ni zla ba'i dkyil 'khor te dkar po nyid yin pa'i phyir dang zlum po nyid yin pa'i phyir ro/  /mi bskyod pa'i ngo bo zhes pa ni mi bskyod pa ni bdag po nyid yin pa'i phyir gsungs so/ /kha dog dkar po ni 'di la ldan par gsungs pa/
chu'i khams rgyu ba nyid yin pa'i phyir ro/  /chu'i khams gyi ngo bo nyid mA? ma kI nag mo'o/ /yang na rlung gi de nyid kyi kha dog gzhan nyid ma yin nam zhe na/ gal te de ltar na me'i dkyil 'khor gyi rang bzhin 'od dpag med dang gos dkar mo dang ci'i phyir kha dog
dmar po nyid yin gyi kha dog nag po nyid du mi 'gyur ba ci zhes pa'o/  /de'i phyir chu'i khams rgyu ba nyid yin pa'i phyir ro zhes pa bsam par bya'o/ /thams cad gzhogs 'ga' zhig tu kun tu zhum pa ma yin pa nyid kyi phyir 'jig rten du yang 'ga' zhig
de ma yin par mi 'gyur ba gang yin pa de dang de zhes brjod par bya ba yin no/  /'byung bar 'gyur bzhin pa ni rang gi ngang nyid do/ /shes par bya'o zhes pa ni yongs su shes pa nyid rgyun chags par 'di dang de bzhin du gzhan du yang bsgom pa nyid do//
kha dog ser po dbang chen gyi dkyil 'khor zhes pa ni sa'i khams kyi rang bzhin spyan ma dkar mo ma yin nam/  /de ci ltar 'dir ser po nyid yin/ zhes bsam par bya'o/ thad kar gzhogs gnyis su dang steng dang 'og rnams pa gnyis
las lha re re rgyu ba'i phyir gnyis ka las 'byung bar 'gyur bzhin pa'o/  /kha dog nag po don yod grub pa zhes pa ni/ kha dog ljang ser lta bu ste/ las kyi mgon 'dir lha nyid do/ /zhes gsungs pa'i phyir/ ljang gu nyid du
gsungs pa ma yin nam zhe na/  sngo bsangs kyi sgra 'di nag po'i rnam grangs yin pa nyid kyi phyir ro/ /zhes pa nyes pa med do/ /lus la sogs pa rnams rlung dang rnam par shes pa'i bdag nyid can yin pa nyid kyi phyir gsungs pa sku zhes pa la sogs
pa ste/  lha'i 'khor lo ni rnam par snang mdzad la sogs pa lnga po thams cad mkhyen pa'i go 'phang gi mthar thug par bzhugs pa 'bras bu'i ngo bo'o/ /thob par 'dod pa ni lam la gnas pa zhes bya ba'i don no/ /sku zhes bya ba ni bshad pa byed pa rnams kyi
sku zhes mngon par brjod par bya ba 'dis ni gcig po 'di'i sku gcig kho na'o/  /gsal bar zhes pa ni bya pa'i khyad par ro/ /thog ma dang tha ma med pa ni skye ba dang 'jig pa med pa'i phyir ro/ /rnal 'byor ni rdzogs pa'i rim pa'i ngo bo'o/ /phra mo zhes
pa ni dmigs par bya ba dang/  dmigs par byed pa po dang/ dmigs par byed pa la sogs pa'i yul ma yin pa nyid kyi phyir ro/ /mi gsal ba ni de bzhin nyid can nyid kyis so/ /gsal bar yang dag sbyor ni gsal ba gzugs kyi rnam pa
bzhin du de nyid sbyar bar bya'o/  /zhes pa gsal ba yang dag sbyor ro/ /ngo bo nyid med zhes pa la sogs pas yongs su dag pa'i gzugs 'di gsungs so/ /rang bzhin gyis zhes bya ba la sogs pas dus thams cad du 'di nyid gnyug ma'i rnam pa
yin gyis gang gis cung zad kyang bya ba ma yin gyi rnal 'byor pas yongs su shes par bya ba de'i zhes ston par byed do/  /dang po gcig ni dang po nyid bden pa gnyis po gcig gi ngo bor gyur pa'o/ /gcig dang ni gnyis su med pa'i ngo bos so/ /du
mas ni bden pa gnyis kyi ngo bos spangs pa'o/  /rten cing 'brel 'byung ba'i chos zhes grags zhes pa ni rten cing 'brel par 'byung ba'i chos kyi rang bzhin chu zla lta bu ste/ rang gi ngo bo chu zla lta bu nyid gyis? skye ba med pa nyid yin pa'i phyir ro/ /yang na
rnyog ma med pa'i chu yod pa dang nam mkha' i sprin dang bral bar zla ba yang dag par nye bar skyes pa'i bden pa'i zla ba lta bus so sor rtogs te/  thams cad du yang de ni gnyug ma'i ngo bo nyid kyis gdong ma nas skye ba med do//
de ltar yongs su dag pa'i rdo rje 'chang chen po ye shes kyi zla ba rten cing 'brel bar 'byung ba'i chos su rab tu brtag par bya'o/  /dngos po kun gyi 'byung gnas gcig ni dngos po kun ni sems can dang snod du grags pa rnams su'o/ /gcig
zhes pa ni 'byung gnas gcig kho na'o/  /zla ba gcig kho na kha dog la sogs pa sna tshogs pa'i chu'i snod gcig tu shar ba'i gzugs brnyen bzhin no/ /bdag nyid zhes pa la sogs pa la 'di ltar zhes pa ni gsungs pa'i mtshan
nyid du'o/  /byas nas ni bskyed nas so/ /ci ltar bya zhe na gsungs pa/ bri bar bya zhes pa la sogs pa ste/ chos kyi dkyil 'dis me'i dkyil 'khor la sogs pa mngon par brjod do/ /bzhi pa'i chos rnams ni chos so/ /dkyil 'khor
bzhi'i bdag nyid can yin pa'i phyir dkyil 'khor ro/  /'di'i rgyas par bshad pa gsungs pa/ dmar po zhes pa la sogs pa ste/ 'dis me'i dkyil 'khor la sogs pa mngon par brjod do/ /bzhi zhes pa la sogs pas dkyil 'khor
re re la dkyil 'khor bzhi po bri bar shes par bya'o/  /gos dkar la sogs pa'i rang bzhin me'i dkyil 'khor la sogs pa'o/ /rang gi lha ni rdo rje 'chang chen po'i bdag nyid can yi ge gsum rang gi lha nyid do/ /'di'i gzhi ni
dkyil 'khor bzhi'i sbyor ba'o/  /yang dag par sbyor ba nyid go 'phang mchog ste mchog gi rgyu nyid yin pa'i phyir ro/ /sted zhes pa la sogs pas rgyu'i gnas mngon par brjod do/ /me zhes pa la sogs pas me la sogs pa'i
dkyil 'khor la brten nas dbang la sogs pa'i las mngon par brjod do zhes gsungs so zhes pa ni bcom ldan das kyi dgongs pa lung ston du'o/  //lha zhes bya ba la sogs pas lha la dmigs pas skye ba med par gyur pa'o
khyad par can ni 'chad par 'gyur ba'i ci yang mi bya'o zhes slob par byed pa'o/  /bsgrub pa'i khyad par can rnams la phra mo'i rnal 'byor rnam pa gsum bsgoms pa las skyes pa sems kyi khyad par rnam pa gsum thob pa'o/ /rdul tshon gyi
dkyil 'khor zhes pa ni/  yid la sogs pa'i dkyil 'khor bdun po ru ni ma yin no/ /dbang bskur ba'i phyir zhes pa ni phra mo'i rnal 'byor rnam pa gsum bsgoms pa las skye pas thob pa bye brag rnam pa gsum gyi rjes su mthun par dbang bskur
ba'i don no/  /gsol ba 'debs pa zhes pa ni slob dpon dang slob mar gyur pa dag gis bslab pa'o/ /sgra ji bzhin pa'o/ /rgyud 'di la ni sems gtso bo'i phyir thog mar thams cad ces bya ba la sogs pa gsungs la/ de nas gzugs kyi phung po
rags pa nyid yin pa'i phyir zhi ba zhes pa la sogs pa gsungs so/  /'du shes kyi phung po la bltos nas tshor pa'i phung po rags pas nga'i lag par tsher ba dang nga'i rkang par chor ro zhes smra bar byed pas rags par bstan pa'i phyir/ de'i
'og tu de bzhin gshegs pa kun zhes bya ba la sogs pa gsungs so/  /'du byed kyi phung po la bltos nas 'du shes rangs so zhes pas chos kun zhes bya ba la sogs pa gsungs so/ /zhes pa ni phung po bstan pa'i rim pas gsol ba 'debs
pa'o/  /rigs gsum gyi ngo bo nyid kyis ni/ de bzhin gshegs pa dang rdo rje dang pad+ma dang rigs gsum mo/ /ngo bo nyid kyis zhes gsungs pa'i phyir de bzhin gshegs pas drug pa'i bstod pa gsungs par de drang bar bya'o/ /gsol ba 'debs
pa'i don gang zhe na de gsungs pa/  thams cad zhes bya ba la sogs pa ni de bzhin gshegs pa'i rang bzhin nyid yin pa'i phyir dkyil 'khor gyi zhes bya ba gsungs pas/ thams cad zhes bya ba la sogs pa'o//
ji skad du bshad pa ni le'u 'di nyid du 'chad par 'gyur ba dang/  de nyid bsdus pa'i rgyud la sogs par ro/ /kun tu bzang po zhes pa ni gal te yang mi bskyod pa la sogs pa'i rnal 'byor dang ldan pa'i sngags pa yang 'dir de bzhin du yang drug
par yang dag par rtogs par byed do/  /sku'i mchog ni sems can gyi 'jig rten ma lus pa'i sku la bltos nas de bzhin gshegs pa'i sku mchog nyid yin pa'i phyir dang/ de'i rang bzhin nyid yin pa'i phyir dkyil 'khor gyi sku'i mchog nyid do/
dam pa ni gzugs la sogs pa rnams kyi phul du byung ba'o/  /zhi ba zhes pa la sogs pa ni dkyil 'khor dang sbrel lo/ /dkyil 'khor yang de las skyes pa nyid yin pa'i phyir te/ 'od gsal ba las yang dag 'byung/ /rdo rje sems
dpa' bde chen po/  /gzugs brnyan lta bu yang nyid de/ /dkyil 'khor yang ni de dang mtshungs zhes gsungs pa'i phyir ro/ /slar yang rdo rje 'chang chen po'i ngo bor bshad pas bstod pa/ de'i spyod pa zhes pa ni ye shes gsum po
de'i spyod pa ste/  spyad par bya'o rtogs par bya'o zhes byas nas spyod pa'o/ /'dod chags la sogs pa ni rang bzhin rgya drug cu'o/ /snang ba gsum gyi rtags nyid yin pa'i phyir/ rang bzhin rnams sbyong bar mdzad do/ /zhes pa/
rang bzhin skye ba dang dus mtshungs pa kho nar thog ma med cing tha ma med pa'i mngon par byang chub pa dran pas rang gi sems so sor rtogs te bden pa gnyis gnyis su med pa nyid du yongs su shes so/  /de'i sgo nas zhes pa ni de'i bdag nyid
kyis/  snying po ni mi gnas pa'i mya ngan las 'das pa ste/ de'i rang bzhin nyid yin pa'i phyir gsungspa de zhes bya ba la sogs pa ste rdo rje 'chang chen po'i rang gi ngo bo ston par byed pa de'i zhes bya ba la sogs pa ste/ rnam pa ni 'dir rang bzhin ni no
zhes pa rten pa'o/  /sgra ji bzhin pa'o/ /tshig gi skabs 'byed pa ni 'chad bzhin pa'i tshig gi skabs so de nyid kyi phyir gsungs pas gang gi phyir zhes bya ba la sogs pa ste/ sems gtso bas na 'di'i sems su brjod par bya'o/ /de nyid kyi phyir
gsungs pa/  rdo rje zhes bya ba la sogs pa ste/ rdo rje ni rdo rje 'chang chen po ste de nyid rigs so/ /de gtso bo'i phyir dam pa'o/ /mi bskyod pa ni de dang gnyis su med par gyur pas gnas skabs las gtso bo nyid do/ /de nyid kyi phyir rlung gi de nyid
duAng dkyil 'khor bzhi la yi ge gsum gtso bor gsungs te/  mi bskyod pa la sogs pa chu la sogs pa'i dkyil 'khor rnams ni chu'i dkyil 'khor nyid 'di yang rdo rje mgon po 'dir lha'i zhes bya ba la sogs pas de'i bdag nyid can du gsungs so//
g.yo bar mi nus pas na zhes pa ni rten dang brten par bcas pa'i dkyil 'khor ni/  de la mtshan ma dang bya bas kyang 'gal bar bya bar mi nus pa nyid kyi phyir ro/ /sku zhes bya ba la sogs pas don dam pa'i bden pa'i rang bzhin nyid rten gyi dkyil 'khor
du mngon par brjod do/  /gzhan mi 'thad pa'i rigs pas dkyil 'khor la sogs pa'i thig skud dkal ba'i cho ga nyid kyang gzhan ma yin no zhes ston par byed do/ /tshad dang ldan pa zhes pa'i gsungs las thig skud gzhan gyis khru la sogs pa'i tshad kyi
dbyug gu phra mo la sogs pas dkyil 'kho 'bri bar byed pa ni 'gal wte de bzhin gshegs pa'i bka' la dgongs pas dmyal ba'i rgyu nyid yin pa'i phyir ro/  /sgo'i nyi shu tshad la bltos nas ha cang zhes bya ba la sogs pa'o/ /sku zhes bya ba la sogs pa la sku 
la sogs pa'i rdo rje rnams yang dag par bzhag pa ste lha la dmigs pas dkyil 'khor bya ba nyid do/  /rang gi 'dod pa'i lha'i rnal 'byor rjes su dran zhing sems dpa' rnams gyi rim pas thig gang ba po zhes pa'i don no//
bcu gnyis zhes pa ni snying po'i dbus nas rgya khyon te/  ngos re rer khru drug yin pa'i phyir ro/ /phyi rol zhes pa ni rten gyi dkyil 'khor ro/ /de nas gru bzhi pa la sogs pa sngar gsungs pa'i khyad par gyi nus pa las so/ /gang nang gi
dkyil 'khor ni gru bzhi pa la sogs pa nyid kyis rnam par phye ba ma yin nam zhe na de ni zlum po nyid yin pa'i phyir ro/  /rim pa gnyis pa dang gsum pa'i dkyil 'khor dag gru bzhi pa nyid yin pa'i phyir gsungs pa/ kun nas yongs su
zlum po'i rnam par zhes pa'o/  /phyag rgya dgod pa de nas zhes bya ba la sogs pa zhes pa ni 'chang par 'gyur ba dang sbrel lo/ /cho ga zhes bya ba la sogs pas phyi'i dkyil 'khor dang 'brel ba nyid kyi phyir thog mar bshad pa'i phyir
gsungs pa/  cho ga nyi shu zhes pa ni klu'i blo'i zhabs kyis mdzad pa'i dkyil 'khor gyi cho gar gsungs pa'i sa sbyangs pa la sogs pa rnams so/ /de'i 'og tu zhes pa ni gnas ni bskyed pa sngon 'gro bas/ /rdo rje gsum bskyed bsgom par
bya/  zhes gsungs pa'i phyir mtshan mar bya'o/ /shes par bya'o/ /bskyed par bya'o zhes pa 'di'i phyir mtshan ma ste de nyid phyag rgya'o/ /de bzhin gshegs pa'i rnam pa'i brda'o/ /chos rnams ston par byed pa'i mtshan nyid kyi
brda' ni chos kyi phyag rgya'o/  /phyag rgya gnyis la bltos nas chen po yang de yin phyag rgya yang yin no/ /phyag rgya chen po'o/ /lha rnams nyid phyag rgya bzhi'i bdag nyid can yin pa nyid ma yin nam phyag rgya rnam pa gsum ni lha so
so re re'i gcig nyid kyi gzugs su bsgom pa'i phyir ci ltar 'di dag rdul chon gyi dkyil 'khor du slar yang de dag ci ltar 'gyur zhes bsam par mi bya ste/  dkyil 'khor sgrub pa la sems can thams cad kyi rgyud la phyag rgya rnam pa gsum gyi rgyas
gdab par mi nus mngon par 'dod pas so sor sems kyi rgyud gzhan dang ldan pa'i phyir ro/  /yang na sems can thams cad kyi rgyud la gti mug rdo rje la sogs pa'i rigs can nyid do/ /sogs pa'i sgra las nus pa la sogs pa gzung ngo//
bltos nas zhes pa ni/  de la sems can thams cad gang? gang gi rigs yin pa'i de'i rigs kyi bdag po nyid dang mthun pa'i phyag rgya dgod par bya'o zhes pa'i don no/ /de la nye bar mtshon pa'i don du zhes pa ni/ phyag rgya chen po dang chos kyi phyag rgya dag
dgod pa'i rim pa rtogs par bya ba'i don du'o/  /de'i zhes pa ni snying po'i dkyil 'khor bgyi'o/ /sems can 'jigs pa'i rgyu las 'jigs pa skyed par byed pa po yang ngo/ /rdo rje zhes pa ni gtso bo'i mtshan ma'o/ /reg bya rdo rje ma'i mtshan ma
la reg bya rdo rje ma'i mtshan ma dgong pa 'di ram gsungs pa ni gtso bo'i mtshan ma dgod pa la bltos pas thob pa nyid yin pa'i phyir dang/  btsun mo dam pa yin pa nyid kyis lhan cig spyong ba nyid kyis so/ /de bzhin gshegs pa rnam par snang mdzad la
sogs pa rnams 'od zer zhes pa dkar po la sogs pa rnams so/  /'khor lo zhes pa ni rtsibs brgyad pa dkar po'o/ /'od zer gyi chogs ni ser po la sogs pa lnga'i bdag nyid can gyi phung po'o/ /rin chen zhes pa ni ser po cha dgu pa'o/ /chen
b o nyid zhes pa ni yang na ji ltar so sor rtog pa'i ye shes kyi bdag nyid can nyid kyis pad+ma ni chen po nyid yin pa de bzhin du me long dang mnyam pa nyid la sogs pa'i bdag nyid can yin pa'i phyir 'khor lo dang rin po che la sogs pa rnams kyang chen po
nyid du bsam par bya'o/  /pad+ma rA ga ni rin po che chen po'i bye brag kha dog dmar po'o/ /dmar po 'bar pa la sogs pa 'od zer lnga'i 'bar ba'o/ /'od 'phro ba ni 'od zer lnga'i gtsug phud rab tu gsal ba'am/ zla ba'i phyi
rol tu spros pa'i snang ba'o/  /spyan zhes pa ni spyan zung ngo/ /'khor lo yang dkar po la sogs pa'i 'od zer lnga dang ldan pa'o/ /rdo rje'i rigs zhes pa ni mi bskyod pa'i rigs so/ /bltos pa zhes pa ni rdo rje la rag las pa zhes mngon par dgongs
so/  /rtsa bar bcas zhes pa la sogs pas gos dkar mo la sogs pa'i mtshan ma mngon par brjod do/ /sngon po zhes pa la sogs pas sgrol ma yi'o/ /lnga zhes pa la sogs pa thob dang sbrel lo/ /sngon po zhes pa la sogs pa rgyu nyid du mngon par
brjod pa'i phyir ro/  /rdo rje bzhin du thogs pa med pa'i sngon po la sogs pa'i 'od zer lnga 'bar ba'o/ /de bas na 'od zer bzang ba ste mchog tu gyur pa'i 'od do/ /ral gri bzhin du rno pas bgegs gcod par byed pa nyid kyi phyir ro/ /sna tshogs
rdo rje zhes pa'i mthar thug pas mtshan ma gcig gsum mngon par brjod do/  /rgya cher zhes pa la sogs pas dgod pa gzhan la bltos pa'i 'brel pa bstan te/ de yang klu'i blo yis mdzad pa'i dkyil 'khor gyi cho ga la'o/ /lus la sogs pa
zhes pa la sogs pa'i sgra las ngag dang sems dag gzung ngo/  /de la bza' ba gang gis lus dang ngag tshim par bya ba ni mchod pa'o/ /nang gi bdag nyid can zhes bya ba la sogs pas mchog tu gyur pa'i sems kyi mchod pa ston par byed do/ /na
chod gzhon pa la shin tu dga' ba dang sdug bsngal 'byung ba'i phyir dang khu ba mi 'byung ba'i phyir ro/  /na chod rgan pa yang rnam pa de bzhin du reg pa'i dngos po med pa'i phyir bcu drug zhes bya ba la sogs pa gsungs so/ /rang gi rigs kyi yan lag zhes pa ni
rigs gzhan bsgoms pas dngos grub 'grub par yang mi 'gyur ro zhes rgyud gzhan du gsungs pa'i phyir ro/  /bu mo zhes pa la sogs pas gzugs la sogs pa rnams kyis kyang mchod par bya bar ston par byed do/ /de'i dbus su zhes pa ni nye ba'i dbang du
byas nas bdun pa ste/  de pas na phris pa'i rdul chon gyi dkyil 'khor de'i drung du re lde dang gos la sogs pa la skye bo dang bral bar byas pa dang bris pa'i dkyil 'khor dang 'dra ba tshogs kyi dkyil 'khor gyi dbus su yang 'dod par bya'o/ /de bzhin gshegs?
pa thams cad tshim par bya'o zhes pa ni tshim pa bskyed nas byin gyis brlabs nas kyang zhes bya ba la sogs pas de la rol par byed pa'i rim pa gsungs pa/  yon tan zhes bya ba la sogs pa ste/ de ni ring min thung ba min/ /sbom pa ma yin phra pa
min zhes bya ba la sogs pa mA ma kI'i yon tan rnams kyi'o/  /de nyid kyi phyir gsungs pa/ dngos su zhes bya ba la sogs pa ste/ de nas zhes pa ni rang bzhin nyams su myong ba'i mchod pa de ma thag par ro/ /phyi rol tu bya'o/ /zhes pa ni sangs rgyas
lnga'i bdag nyid can du bsams nas so/  /de nyid kyi phyir gsungs pa/ ci ltar zhes pa la sogs pa'o/ /nam mkha' zhes pa la sogs pa ni nam mkha' ni lha mo'i mkha' o/ /dbyings ni bu ga mdzes par byed pa'o/ /'di'i don gsungs pa/ byang chub gyi
sems zhes bya ba la sogs pa ste/  de bzhin gshegs pa'i bkod pa ni dkyil 'khor gyi 'khor lo'o/ /byang chub kyi sems tsam gyis ni kun rdzob pa yis so/ /mchod pa bya ba zhes pa bdud rtsi myang bar byed pa'o/ /de'i lhag mas lha'i 'khor lo
bskyed pa 'gro ba'i don du bya'o/  /lnga zhes pa ni bshad ba dang gci ba dang khrag dang khu ba dang rkang mar zhes bya ba rnams kyis so/ /tsA ru ni sngags la sogs pas bsgrubs pa'i lha rnams kyis bza' ba lta bu'o/ /dkyil 'khor gyi 'khor lo zhes pa ni
phyi dang nang gi rang bzhin gyis gnas pa'o/  /de nyid kyi phyir gsungs pa/ de nyid kyis zhes bya ba la sogs pa'o/ /sangs rgyas ni rnam par snang mdzad la sogs pa rnams so/ /de'i rang bzhin nyid yin pa'i phyir gzugs la sogs
pa'i phung po rnams so/  /de bzhin du byang chub sems dpa' ni sa'i snying po la sogs pa rnams so/ /snga ma bzhin dus la sogs pa'i khams rgyas pa las 'byung ba las gyur pa rnams rgyas par 'gyur ro zhes pa'i don no/ /spyod pa bzang ba ni yid du 'ong ba'o//
de nyid kyi phyir gsungs pa/  'jig rten zhes bya ba la sogs pa ste/ drang ba'i don no/ /thugs kyi dkyil 'khor zhes pa ni thugs kyi dkyil 'khor ro/ /rdo rje ye shes ni don dam pa'i bden pa'o/ /rab 'dra ba ni de dang mtshungs pa'o/ /sku la sogs pa gcig
pa nyid kyis sems pa yin pa'i phyir sku zhes bya ba la sogs pa gsungs so/  /phung po dang khams kyis grangs dgu ste de tsam nyid pa'i phyir/ dgu'i bdag nyid do/ /mchog ni sgra ji bzhin par bstan pa'i rnam pa la bltos nas so/ /legs bsgril ni bden pa gnyis
po dag go / sna tshogs ni rnam pa sna tshogs pa'o/ /des lung du rab tu bstan ba nyid yin pa'i phyir/ sna tshogs lung gi brdar gyur pa ste sna tshogs pa'i lung nyid kyis kyang 'dir brdar gyur pa ste/ gzhung du smos pa la yang 'dus pa la sogs pa'i tha snyad 'dogs pa'i
phyir ro/  /tshad ma bzang po ni don dam pa'i bden pa'i ngo bo nyid yin pa'i phyir ro/ /kun rdzob zhes pa la sogs pa ni gang gi phyir bden pa gnyis kyi bdag nyid can yin pa de'i phyir gnyis su med pa/ gdod ma'i ngo bo'o/ /thig gi sbyor ba gsungs pa shes rab zhes pa
la sogs pa ste/  shes rab ni don dam pa'i bden pa'o/ /thabs ni kun rdzob kyi bden pa'o/ /'di shes rab la rab tu zhugs pas shes rab dang thabs zhes bya ba la sogs pas ngo bo'o/ /chos zhes pas ni chos kyi sku'i bdag nyid can yin pa'i phyir shes rab
bo/  longs spyod rdzogs pa zhes pa ni snga ma gnyis po rtogs pa 'di dag mngon par brjod pa'o/ /da ni mchog ni yongs su dag pa nyid kyi phyir ro/ /thig gdab bya zhes pa ni bstan pa'o/ /thugs kyi dkyil 'khor zhes bya ba ni sngar rab tu bstan pa dang don mtshungs so
gang yang rim pas 'dis bshad pa 'di la thugs kyi dkyil 'khor gyi thig btab pa'o/  /rten cing zhes gsungs pa ni/ rten cing 'brel bar 'byung ba'i rim pas so/ /yan lag gcig gnyis zhes pa ni ma rig pa la sogs pa'i yan lag gcig gnyis te/ rten
cing 'brel par 'byung ba'i rim pas 'gro ba'i rgyud la grub pa'i don te gzhon nu bzhin no/  /ji ltar slar yang 'jig rten na grags pa'i rten cing 'brel par byung ba'i yan lag bcu gnyis po 'di bsdus pa'i phyir de bzhin du brjod par bya'o/ /gang gi phyir
gsungs pa/  'jigs pa dang ni bskyed pa'i rgyu/ /tshig don brgyad du shes par bya zhes so/ /'od gsal las kyang stong pa che/ /zhes pa la sogs pa bsams par bya ste/ gang yang yan lag bcu gnyis nyid tshig don brgyad kyi nang du rtogs pa 'di mi
'gal lo/  /gru bzhi pa la sogs pa yang sbyar ba'i phyir longs spyod rdzogs pa'i sku ru gsungs pa/ 'phags pa'i bden pa zhes pa la sogs pa ste/ 'phags pa'i bden pa ste/ sdug bsngal kun 'byung dang 'gog pa dang lam gyi ngo bo'o/ /gang gi phyir mi mnyam
pa med pa de'i phyir ngos bzhi pa'o/  /kun rdzob dang don dam pa'i bden pa gnyis yang dag par bsdus pa nyid yin pa'i phyir 'di rnams gnyis po de dag gnyis su med pa nyid kyi phyir bcom ldan 'das so/ /mi mnyam pa ni skye ba dang 'gag pa'o/ /yongs su
shes pa ni 'bras bu'o/  /'dir bden pa gnyis po bde ba'i bdag nyid can ma yin nam ci ltar sdug bsngal la sogs pa'i bden pa bzhi po de dag bden pa gnyis kyi nang du gtogs zhe na bden te 'on kyang 'di dag nyan thos la sogs pa 'dod chags dang bral
nga'i rigs can rnams kyi rang bzhin gyi bden pa yin yang phung po la sogs par mchog tu shes pa'i don du sdug bsngal la sogs pa nyid du mngon par brjod do/  /longs spyod rdzogs pa'i rgyu nyid yin pa'i phyir sprul pa yang ngos
bzhi la sogs pa nyid du bshad de/  rnam par bzhag pa'i rim par tshangs pa'i thig nas yang dag brtsam/ /gru bzhi pa yi ngo bo nyid/ /khang pa brtsegs pa ltar snang ba/ /rnal 'byor pa'i sku'i dkyil 'khor zhes so/ /tshangs? pa zhes pa ni byams pa la sogs
pa la dmigs pa'i 'dras bu nyid yin pa'i phyir tshangs pa'i 'jig rten bskyed pa'o/  /de'i phyir byams pa la sogs pa ni tshangs pa rnams kyi gnas te gnas nyid gnas pa'o/ /bzhi po de dag gi ngo bo nyid yin pa'i phyir grwa bzhi'o/ /sgo zhes pa ni sgo bzhi'o//
bsdu ba'i dngos grags ni sems can rnams 'dir bsdu bar bya'o/  /zhes rnam par grags bzhin pa'i sangs rgyas kyi bdag nyid khang pa brtsegs pa la'o/ /sbyin pa dang tshig snyan pa dang don spyod pa dang don mthun pa'i dngos po bzhi po 'di rnams kyis so/ /gnas par byed pa'i
don bya bar gsungs pa'i mtshan nyid zhes pas de'i rang bzhin nyid yin pa'i phyir bcom ldan 'das kyi sku nyid sgo zhes bya ba la sogs pas brjod par bya'o/  /re re zhes pa ni bsdu ba bzhi po rnams dang sgo bzhi po rnams dang re re ste so sor ri la grangs ji lta ba
bzhin du ming? can gnyis po dag gi ming gi byed pa'o/  /chos dbyings ni de bzhin nyid de de'i don du bya'o/ /bstan par bya'o/ /zhes pa de chos kyi dbyings kyi don gyi brda? ste 'khor lo'i rnam pa nang gi dkyil 'khor ni 'khor lo nang gi dkyil 'khor ro/ /mi phyed pa ni rgyu dang
'bras bu gnyis su med pa'o/  /ye shes ni gnyug ma'i ngo bo nyid yin pa'i phyir nges shes pa de'o/ /de nyid mtshan mas te dbye bar bya ba ma yin pas rdo rje'o/ /ain+d+ra nI la zhes pa ni rin po che ain+d+ra nI la'i kha dog ste/ mi bskyod pa'i gzugs su 'byin pa dang rab tu 'jug pa ni ye
shes sku'i ngo bo nyid dru gnas pa yin pa'i phyir ro/  /phyag rgya ni mtshan ma'i phyag rgya'i rang gi ngo bo'o/ /rnam pa lnga ru ste bshad pa'i rtse mo grangs lnga po dbus ma'i rtse mo'i gnyis ka'i ngos so so'i grangs la bltos pa med par rtse mo de'i chos can gyis 'khor ba 'jig par
byed pa'o/  /shar zhes pa la sogs pas shar te thog ma ru me long ste gzugs brnyad gyi rnam pas nye bar dmigs bzhin pa nyid kyi phyir de nyid mngon par brjod par bya'o/ /rin chen la sogs pa la yang de bzhin du drug pa sbyar bar bya ste/ /mnyam pa nyid la sogs/
pa'i ye shes ni de'i phung po'i ldog pas gnas pa nyid kyi phyir ro/  /de'i phyir gsungs pa kun nas zhes bya ba la sogs pa'o/ /byams pa la sogs pa yang de'i rang gi ngo bo nyid yin pa'i phyir gsungs pa/ shar lhor zhes bya ba la sogs pa'o/ /sbyin pa
la sogs pa bsdu ba'i dngos po rnams kyang de'i ye shes kyi rang bzhin nyid yin pa'i phyir gsungs pa/  shar lhor zhes bya ba la sogs pa'o/ /sbyin pa la sogs pa bsdu ba'i dngos po rnams kyang de'i ye shes kyi rang bzhin nyid yin ba'i phyir gsungs pa/ /sbyin pa
zhes bya ba la sogs pa'o/  /ji bzhin zhes bya ba ni nye bar bstan pa'i rnam pas ye shes kyi sku mchog tu 'dzin no /yang dag gnas pa ni de la mi nor bar dmigs par byed pa'o/ /de bzhin gshegs pa mdza' mas pa la sogs pa bde ba'i ngo bo nyid yin pa'i phyir
'di'i dmigs pa'o zhes mchod par 'gyur ba yin no/  /slar yang dmigs pa 'di ci ltar 'gyur zhe na gsungs pa/ rnam gsum bsgoms pa ste snang ba la sogs pa rnam kha gsum bsgoms pa rnams kyis zhes mang po'i tshig ni de bzhin nyid la dmigs pa dang/
de las ldang ba la dmigs pa dag nye bar mtshon pa'i don no/  /chen po nyid zhes pa ni 'chang bzhin pa'o/ /dang por zhes pa ni 'di la dang po nyid du ldan pa'i phyag rgyar so sor ston par byed de 'di dag zhes dang por bstan pa ni bcom ldan 'das kyi sku'o/ /phyag rgya zhes pa 
ni ye shes kyi sku'o/  /dkyil 'khor zhes pa ni phyag rgya chen po nyid dkyil 'khor du mngon par brjod par bya'o/ zhes yang dag par brjod pa'i don no/ /skad cig ces pa la sogs pa ni/ rnam pa sna tshogs dang rnam par smin pa
dang mtshan nyid dang bral ba'o/  /sogs pa la sogs pa'i sgra las dga' ba bzhi'o/ /'di dag re la gi bzhi'i ngo bo nyid kyi phyir ro/ /ming du 'gyur zhes pa ni phyogs gcig rgyud gzhan dang nyan thos kyi theg par yang lam skad cig bcu drug tu bstan no/ /
ma skyes pa ni de bzhin nyid do/  /de bsten pa ni de'i bdag nyid kyi sten par byed pa phyag rgya chen mo la bu mo las brjod par bya'o/ /de'i phyir rgyu las zhi ba zhes bya ba mngon par brjod par bya ste langs pa'o/ /rten 'brel zhes bya ba la sogs pas ldang bar
byed pa'o/  /bag chags zhes pa sngon gyi 'phen pa'o/ /ye shes kha phye me tog go zhes bya ba ni snang ba la sogs pa'i ye shes gsum po rab tu gsal bar byed pa'o/ /de'i phyir gsungs pa/ /dngos po med pa rgyan shes bya zhes pa la sogs pa'o/ /mnyes par bya ni rtag
tu de la dmigs par bya'o/  /'di 'dra ni gsungs pa'i mtshan nyid do/ /chos kyi dbyings ni chos kyi dbyings kyi rang bzhin no/ /ma yin zhes pa la sogs pa de dag rab tu mi gnas pa nyid du ston par byed do/ /phyag rgya chen po 'di/ mA ma kI zhes bya ba'i bdag nyid can gnyug ma'i
rang bzhin yin no zhes bya ba'i don no/  /de'i ngo bo nyid zhes bya ba ni ye shes kyi rang bzhin no/ /nam mkha' ni de bzhin nyid do/ /gnas pa ni de'i bdag nyid du'o/ /de bas ni yongs su dag pa'i ye shes kyi sku 'di la'o/ /bsdud pa'i phyir ni sbyor ba'i phyir ro//
bshad pas ni yul du mngon par brjod par bya'o/  /gci ba'i bshad pa bstan pa'i phyir gsungs pa gci ba zhes pa la sogs pa ste/ ye shes dang dbang po lnga ni ye shes dbang po'o/ /bstan pa ni gsungs pa'o/ /khrag ni sems can gyi don du gang la chags pa'o zhes
pa yul? la sogs pa rnams so/  /rgyu de'i phyir lha rnams zhes bya'o/ /dngos med pa ni rang bzhin med pa nyid do/ /'bul ba ni nye bar 'bul bar byed pa'o/ /'jig rten pas ni 'jig rten la rab tu grags pas so/ /brtags pa ni yul la sogs par yongs su rtags
pa'o/  /de rnams ni bskyed pa'i rim pa sbyod pa rnams gang yin pa de rnams ji skad gsungs pa ni/ bskyed pa'i rim pa'i bshad par ro/ /nges pa'i don to/ /rtogs pa zhes bya la sogs pas brjod pa'i mchog tu gsal bar gyur pa'i ye shes kyi me spyad pa spyod par byed
do zhes ston par bye'o/  /'jig rten pa zhes pa ni khams gsum pa ste nyon mongs pa las nges par 'byung ba nyid kyi phyir ro/ /'jig rten las 'das pa ni grol pa ste nyon mongs pa las nges par 'byung ba nyid yin pa'i phyir ro/ /rdzu 'phrul ni lus la sogs
pa'i rnam par 'phrul pa'o/  /sogs kyi sgras sems can gyi don dang/ ye shes dang shes rab dang/ sbyin pa la sogs pa rnams bsdus pa'o/ /sa 'og dang sa steng dang mtho ris rnams ni mtho ris dang bar snang dang sa 'og rnams so/ /bdag zhes pa ni nyan thos la
sogs pa'o/  /gzhan zhes pa ni phyi rol mu stegs can spyod pas gol ba'i don du lus la sogs pa'i bya ba la nan tan du byed pa'o/ /spyod pa kun gyis ni gnyis su med pa'i lam gyi rang bzhin rnams kyis so/ /gal te spyod pa thams cad gnyis su med pa'i lam gyi rang
bzhin yin na de'i tshe chos kyi don mchog ci ltar mngon par thob par mi 'gyur zhen rang rang so so tha dad pa'i lam du bsdud pa'i phyir spyod pa rnams kyis tha dad pa nyid thob par 'gyur ro/  /spros pa dang bcas pa zhes bya ba la sogs pas rgyud thams cad du rnam pa de lta bu'i thun
mdo gi spyod pa rnams pa gsum gsungs so/  /'dir spros pa med pa dang shin tu spros pa med pa gnyis po nyid gsungs pa'i phyir gzugs la sogs pa rnams su chags pas spyod par byed do/ /'gro bar byed do zhes 'chad par 'gyur bzhin pa'i bya ba la 'di dag spyod par byed do
zhes pas de nyid spyod pa'o/  /sgra ji bzhin pa'o/ /spyad pa'i mtshan nyid mngon par brjod pa gang gis spyod pa bya ba de'i mtshan nyid gsungs pa/ rnam par mi rtog zhes pa la sogs pa'o/ /mchog ces pa la sogs pas de'i
'bras bu ston par byed do/  /mchog ces pa la sogs pas de la spyod pa dang de'i 'bras bu dag theg pa khyad par du 'phags pa'i gnas las 'byung ba nyid do/ /dgongs pa ma yin pa'o skye gnas la sogs pa ma yin no zhes pa ni tshul 'di nyid sangs
rgyas nyid kyi rgyu ma yin no/  /de bzhin du nyan thos kyi theg par yang gdol pa la sogs pas dgra bcom pa nyid du gsungs sa/ /bla ma la 'khu zhes bya ba la sogs pa ni 'grub par 'gyur ro zhes pa phyag rgya chen po'i dngos grub zhes pa lhag ma'o/ /rlubs
dang 'khrul 'khor dang grib ma'i 'khrul 'khor dang/  'phags pa gsad pa'i thabs nyid longs spyod pa'o zhes rab tu grags so/ /sku gzugs ni ngan sems kyis khrag 'byin pa 'byung bar gsungs pa/ sangs rgyas zhes pa la sogs pa'o/ /spong ba ni sangs
rgyas kyi gsungs pa 'di dag sangs rgyas kyi gsung ma yin no zhes bya ba la sogs pa smra pa'o/  /dmyal bar ltung bar 'gyur ro zhes pa ni de'i rgyu nyid yin pa'i phyir ro/ /nye ba'i mtshams med pa zhes pa ni 'dis mtshams med pa las nye ba'i mtshams med pa
mtshungs pa dang dman pa nyid du bstan no/  /bzhi zhes bya ni mi gsod pa dang bud med 'dzin pa dang/ pha rol gyi rdzas paN bzhi cha'i rin thang len pa dang lhag mthong ngo/ /lha rnams nye bar 'ong bar byed do zhes bya ba la sogs pa 'jig rten gyi bla ma klog par
mngon par brjod pa rnams ni rtsa ba'i ltung ba bzhi po rnams zhes brjod pa'o/  /rtsa ba ni brtul zhugs can rnams kyi brtul zhugs so/ /sdom pa de'i ltung ba ni 'jig cing gcod pa ste/ tA la bcad pa bzhin zhes pa ni tA la'i mgo bcad pa bzhin no/ /slar yang
'bras bu rnam pa brgyad rnams las gzhan du 'bras bu thob par ma yin no zhes gsungs pa sangs rgyas zhes bya ba la sogs pa'o/  /rnal 'byor gyi rgyud du gsungs pa'i rdo rje slob dpon rnams la smod pa zhes bya ba la sogs pa'i rtsa ba'i ltung ba dang ldan pa rnams ni de rnams
kyang 'dir zhes pa la sogs pa'o/  /sangs rgyas nyid ni rdo rje 'chang chen po nyid do/ /zang zing zhes pa ni bza' ba dang chos gos la sogs pa'o/ /sogs pa'i sgras dgod pa dang sgeg pa dang kun tu smra ba dang lhan cig tshogs pa la sogs pa bsdus so/ /snod par
byed pa ni rmi lam du yang zhes pas yang sgras nges pa kho na'i don no/  /rmi lam nyid du ni rdo rje 'chang de srid du mthong bar 'gyur ba ma yin na slar yang 'di la dngos grub 'byung ba lta ga la yod/ slar yang 'di dag nyid ci ltar 'gyur zhe na/ gang yang zhes bya ba
la sogs pa ste sgra ji bzhin pa'o/  /rgyud? kyi rgyal po zhes pa ni 'dus pa'o/ /khyad par du ni rten no/ /slob dpon med par zhes pa 'chad par 'gyur bzhin pa'o/ /srog gcod pa zhes pa la sogs pa ni sgra ji bzhin pa'o/ /gtum pa la sogs pa'i bya ba 'di la ldan
pa bzhin pa nyid kyi phyir ro/  /'di'i don zhes pa ni dgongs pas bshad pa'i bdag nyid can no/ /bshad pa'i rgyud du ni dgongs pa lung ston du'o/ /srog gcod byed pa zhes pa ni srog gcod par byas pa yang phung po dang khams la sogs pa rnams kyi dngos po med pa'i
phyir ro/  /'jig rten du phyi rol la sogs pa phung po la sogs pa rnams bden pa nyid kyi tha snyad du sgyu ma lta bur bden pa nyid kyis de rtags su ston par byed pa'i phyir/ brgyun du smra ba la dga' pa'o/ /rdzas ni don dam pa'i bden pa yin pa'i phyir zung? 'jug go/
de 'phrog pa'i dang tshul ni gzhan gyis ma byin pa de la rtag tu dmigs pa nyid kyis so/  /de bzhin nyid ni bud med te rkyen gyis mngon par brjod pa'i phyir dang/ chos dang chos nyid kyi bdag nyid can yin pa'i phyir ro/ /mngon par 'dod pa ma lus pa'i rgyu nyid yin
pa'i phyir dang bde ba'i ngo bo nyid yin pa'i phyir 'di la dmigs pa ni mchog tu 'dod la dga' ba'o/  /gci pa zhes pa ni dbang po'i sgra ru brjod par rtogs par bya ste brjod pa phyin ci log zhes bya ba la sogs pas gci ba'i sgra sgrub pa'o/ /zhi ba
m thar thug zhes pa ni yul dang dbang po dag gzung ba 'dzin pa'i dngos pos rab tu 'jug pa dag shes pa dang lhan cig pa dag rten cing 'brel bar 'byung ba ji lta ba bzhin du rtag par bya'o zhes pa theg pa chen po bsgrub pa lo ni phyag rgya chen po sgrub pa 'di la'o zhes pa de 'dir
gsungs so/  /dgongs pas bshad pa'o/ /mnyes par bya zhes pa ni rang bzhin yongs su shes pas so/ /de nyid kyi phyir gsungs pa ni rgya chen po zhes pa la sogs pa'o/ /gang la bltos nas rgya che zhes na/ gsungs pa theg pa chen po zhes bya ba la sogs pa ste/
theg pa chen po'i mchog gi chos/  /mdo sde mngon par brjod pa'am/ /bskyed pa'i rim pas mngon par brjod pa'o/ /slar yang dgongs pa gang gis ma la sogs pa brjod pa rjes su mthun pa dang ldan pa nyid kyis phyag rgya mngon par brjod par bya zhes bya ba la
sogs pa ni/  rjes su mi mthun pa zhes bya ba la sogs pa'o/ /shes rab kyi pha rol tu phyin pa zhes pa ni de'i rang bzhin no/ /snying la gnas pa zhes pa ni ye shes sems dpa' i thugs la gnas pa'o/ /'on kyang 'di ni sku mdog dmar po phyag gnyis pa yang ste/
phyi rol gyi bud med las skyes pa'i mi mo yang de dag rnal 'byor pa'i yid la bud med kyi rnam pa de yang phyag gnyis pa'o/  /rnam pa gzhan du yang rnal 'byor pa'i snying la gnas pa gang yin pa de bsam par bya'o/ /gsungs pa'i phyir zhes pa ni thams cad gsang
bar ro/  /khung? gi bshad pa ni dgongs pa lung bstan par mngon par bshad pa nyid yin pa'i phyir ro/ /de bzhin nyid ni mngon par brjod pa'o/ /lhan cig gnyis su med par sbyor ba ni longs spyod rdzogs pa de'o/ /de'i phyir gsungs pa/ longs spyod rdzogs pa zhes
pa la sogs pa'o/  /sngags kyi sku zhes pa ni mdor byas kyi rim par mngon par brjod pa gang yin pa'o/ /longs spyod rdzogs dang mnyam gang zhes pa la sogs pa snga mar sbyar bar bya'o/ /gang yang ye shes kyi skus bslang ba mi bskyod pa rjes su zhugs pas mngon par
brjod pa gang yin pa de rang ste bdag nyid gang yin pa'i lhag pa'i lha'i rnal 'byor de dang ldan pa'o/  /sgrub pa po zhes pa la sogs pas sngags kyi sku nyid mngon par brjod do/ /mnyes par bya ni dmigs par bya'o/ /'di 'dra ni chos la sogs pa'i sku gsum gyi
mtshan nyid can sring mo zhes pa la sogs pas drang ba'i don du gsungs pa/  sring mo la sogs pa'i yang dag pa'i don ni/ /de bzhin gshegs pa thams cad ni mi bskyod pa la sogs pa rnams so/ /de rnams 'phags par gyur pa ni rje bor gyur pa'o/ /de bzhin gshegs
pa thams cad ni mi bskyod pa la sogs pa rnams te rin po che'i gang zag go / ma rdzogs pa ni pad+ma dkar po la sogs pa rnams so/ /don ni bshad zin no zhes pa ni dang por brjod pa'i de ma thag tu'o/ /yid rtse gcig pa nyid zhes bya ba la sogs pa ni lhag par rtogs
pa'i rang gi ngo bo'o/  /'gags shing zhes bya ba la sogs pas yid rtse gcig pa nyid la sogs pa'i don bshad pa ste rnam pa gzhan du na yid rtse gcig pa nyid du 'byung ba'i phyir ro/ /mi g.yo ba 'di zhes bya ba 'di gang du yang kun tu chags pa med pa'i phyir bden pa gnyis
po yang rang bzhin gyis dngos po med cing de'i 'bras bu la yang mi gnas pa'o/  /gsang ba ni skal pa med pa rnams la'o/ /zhi ba ni de bzhin nyid dang lhan cig gcig tu gyur pa'o/ /ma bcos pa'i mchog gi bde ba'i rang bzhin nyid yin pa'i phyir bde ba'i mchog zhes pa bde
ba bzhan la bltos nas so/  /dgongs pas zhes pa ni dgongs pas gsungs pas so/ /'di ni zhes pa lam gyi ngo bo'o/ /de nyid kyi phyir gsungs pa yang dag zhes pa la sogs pa'o/ /nam mkha' zhes bya ba la sogs pas de bzhin nyid rmad du byung ba ste gzugs la
sogs pa rnams kyi de bzhin nyid rgyu mdza' yas pa bzhin du mdza' yas pa nyid du ston par byed do/  /de rnams nyid ni gzugs la sogs pa rnams so/ /de bzhin gshegs par bshad ni/ /de bzhin nyid las 'ongs pa nyid
yin pa'i phyir dang skye ba nyid yin no/  /zhes bya ba'i don no/ /byang chub sems dpa' ang skye mched la sogs pa de rnams nyid do/ /de bzhin gshegs pa ni gsungs pa yang byang chub sems dpa' rnams ni de bzhin gshegs pa nyid du brjod par bya'i/ rdzogs pa'i
sangs rgyas ni ma yin no zhes so/  /de bzhin du khams la sogs pa rnams kyang bshad par bya'o/ /de nyid kyi phyir gsungs pa/ de nyid zhes bya ba la sogs pa'o/ /'di ni zhes bya ba ni gzugs la sogs pa de bzhin gshegs pa la sogs pa'i ngo bo
bshad ma thag pa ni dkyil 'khor de'o/  /rang lus gang yin pa zhes pa ni rten rang gi lus dang brten pas gzugs la sogs pa byas pa nyid yin pa'i phyir ro/ /gzugs la sogs pa gang yin pa dang de bzhin gshegs pa rnams kyi dbye bas 'jig pa nyid du 'dir rtog
par byed do zhes pa gang yin bde rnams 'jig tshogs so/  /byang chub sems dpa' rnams nye bar mtshon pa gzugs la sogs pa'i phung po la sogs pa'i rang bzhin rnams kyang de bzhin gshegs pa rnams te/ de tshe yid gnyis la bltos pas ro/ /de lta'i
ni gsungs pa'i rim pas gzugs la sogs pa rnams de bzhin gshegs pa nyid du bstan pa'o/  /gang las ma shes zhen gsungs pa/ /bde ba zhes bya ba la sogs pa ste bde ba ni 'jig rten pa'i bde ba'i don no/ /brgyal ba ni rnam par g.yengs pa'o/ /
rmongs pa ni blun par byas pa'o/  /de nyid kyi phyir gsungs pa/ byang chub sems dpa' zhes bya ba la sogs pa ni mi shes pa'i 'bras bu'o/ /nges pa'i don no/ /bden pa gnyis gnyis su med pa'i bdag nyid can yin pa'i phyir dang/ gnyis su med pa ma yin pa la
mngon par zhen pa med pa'i phyir rnam pa gzhan du na 'jig rten dang 'byung ba gnyis po nyid du mi 'gyur ro/  /snyoms par zhugs so zhes pas bcom ldan 'das zhes pa lhag ma'o/ /don ni bshad zin no zhes pa de ma thag nyid du'o/ /nam mkha' zhes pa la sogs pas
de lta bur gyur pa'i zhes pa'i de lta bu'i sgra sngar gsungs pa dang so sor sbyar ro/  /de bzhin nyid kyi ting nge 'dzin la snyoms par zhugs so zhes bya ba'i don ston par byed pa dran pa slar zhes bya ba la sogs pa ste/ bskyed pa'i rim pa la bltos nas gsungs so/ /dran pa'i don no
nam mkha' zhes bya ba la sogs pa'i don bshad pa'i phyir gsungs pa/  nam mkha' zhes pa ste/ nam mkha' lta bu ni nam mkha' ste ngo bo nyid med pa'i phyir dang gzhan dang bral ba nyid yin pa'i phyir ro/ /stong pa gsum ni stong pa dang shin+tu stong pa dang stong pa chen po'o/ /de'i mnyam
pa nyid ni 'od gsal la zhugs pa'o/  /de'i 'og tu ldang ba'i phyir/ de dag zhes bya ba la sogs pa gsungs so/ /mi g.yo ba zhes bya ba la sogs pas phyi dang nang gi yul rnams la rab tu mi 'jug pa'i bdag nyid can nyid du gsungs so/ /byang chub sems
dpa' rnams ni byang chub sems dpa' zhes bya ba la sogs pa'o/  /de nyid kyi phyir gsungs pa/ rang gi bdag nyid du zhes pa byang chub sems dpa' rnams nyid du 'o/ /bdag nyid zhes pa ldang ba'i bdag nyid can rdo rje 'chang chen po'i gzugs so/ /thob
par gyur to zhes pa ni rdo rje 'chang chen po nyid do/  /de'i don 'di yin te rdo rje 'chang chen po'i spyan la sogs pa'i rang bzhin ri byang chub sems dpa' rnams so/ /de steng pa gsum gyi rim gyis 'od gsal du zhugs pa na/ de rnams kyang 'jug par byed de/ 'di
rnams longs spyod rdzogs pa las tha dad pa ma yin pa'i phyir ro/  /slar yang rdo rje 'chang chen po de langs pa na byang chub sems dpa' de rnams kyang ldang bar 'gyur ro zhes pa'o/ /brjod pa'i sdon 'di nyid gsungs pa/ de ma thag tu zhes pa la sogs pa ste/ snyoms
par zhugs pa zhes pa 'od gsal las langs pa tsam gyi'o/  /'di nyid kyi don gsungs pa/ byas pa zhes pa la sogs pa ste 'od kyi zhes bya ba la sogs pas ldang ba'i rim pa nyid ston par byed do/ /snang ba'i tshogs
kyis zhes pa ni rlung dang rnam par shes pa'i bdag nyid do/  /de la rlung gi bdag nyid gsungs pa reg pa zhes bya ba la sogs pa'o/ /'di rnam par shes pa dang 'brel bar gsungs pa/ khams phra ba zhes pa la sogs pa'o/ /rang rang gi zhes bya ba
la sogs pa ni/  'dir gnas par bya dmigs par bya/ bzhag par bya'o zhes pas bstan te yul rnam pa lnga'o/ /de nyid kyi phyir rang gi 'jig rten gyi khams ji ltar bar de rnams su gnas pa ni lha'i mig la sogs pa'i rang bzhin no/ /sems
can rnams ni de dang de'i rigs dang khams dang rang bzhin dang dge ba dang mi dge ba la sogs pas nye bar dmigs te 'di rnams kyi don bya ba ni yongs su smin pa dang grol pa la sogs pa rdzogs par byed par nus so/  /yang dag par skyes pa zhes bya ba 'dis
bcom ldan 'das nyid kyi nus gsungs so/  /yang na mi g.yo ba'i ting nge 'dzin la gnas pa'i 'khor du gyur pa'i sems dpa' rnams ni rdo rje 'chang chen po'i rnam par 'phrul ba nyid yin pa'i phyir rdo rje 'chang chen po'i bdag nyid do/ /bdag nyid thob par gyur
to ni ldang ba'i ngo bo nyid yin pa'i phyir rdo rje 'chang chen po'o/  /de'i bdag nyid du ldang bar byas pa ni gyur pa'o/ /de'i man ngag sbyin pa ni rang gi bdag po 'am de'i 'og tu byang chub sems dpa' rnams so/ /de nyid kyi phyir gsungs pa de ltar zhes pa la sogs
pa'o/  /de nyid kyi phyir gsungs pa sems can zhes bya ba la sogs pa ste nges pa'i don no/ /ston pa zhes pa ni bcom ldan 'das rang gi ngo bor byas nas so sor bstan pa nyid gdul bya rnams la ston par byas pa nyid du mngon par brjod pa'i phyir ro/ /blad?
du byung ba zhes pa ni tshig par ma phyis pa dang nges pa'i tshig gis thung ngu nyid do/  /kun tu 'khor ba ni yang dag par sngar gnas pa'i bde bas gnas skabs de g.yo bar byed cing 'khor bar byed pa'o/ /bka' stsal pa zhes pa la sogs pa ni g.yo ba'i rgyu'o//
sngar gyi gnas skabs rnams pa ci lta bu las rnam pa gzhan nyid du 'gyur zhe na gsungs pa/  'di skad ces bya ba la sogs pas 'chang bzhin no/ /de 'byung ba ni rjod byed dang brjod bya thos pa dang bsam pa la dmigs pa las skyes pa'i yid la byed pa'o/ /
de gang yin zhes pa la sogs pas de'i rang gi ngo bo ston par byed do/  /rdo rje zhes pa la sogs pa ni de bzhin gshegs pa ni mi bskyod pa la sogs pa lnga po/ /bdag po ni de dag byin gyis rlob par byed pas phung po lnga bskyed pa dang de dag mya ngan las 'da' bar
byed pas de rnams ldog pa'i phyir ro/  /phyag 'tshal ba ni nges par brjod pa la gnyis so/ /sku la sogs pa rnams bskyed pa'i phyir gyur pa lus ni sems kyi rnam pas zhes bya ba la sogs pa'i tshul gyis tha dad pa nyid med pa yin pa'i phyir/ /phan tshun ni rdo
rje 'chang chen po'i sku las so/  /de'i zhes bya ba la sogs pa la/ /gang yin pa zhes bya ba ni ye shes kyi sku'i bdag nyid can no/ /skye ba dang 'gag pa dag gi rnam 'gyur yin pa'i phyir gsungs pa/ skye ba dang zhes bya ba la sogs pa'o/ /thams cad ces
bya ba la sogs pa ni gzungs kyi dbang phyug rgyal po zhes bya ba theg pa chen po'i mdo las gsungs pa'i mtshan sum cu rtsa gnyis la sogs pa rab tu grags pa rnams bsags pa dang nges par bsags pa rnams kyis thugs so/  /de bzhin gshegs pa
rnams ni mi bskyod pa la sogs pa lnga po rnams so/  /ye shes kyi sku'i dbyings su bsdus pa'i bar mchad pa'i bskyed pa'o/ /de bzhin gshegs pa rnams gsungs pa dang por gyur pa'i phyir zhes bya ba la sogs pa'o/ /'das pa dang ma 'ongs pa rnams
rdo rje 'chang chen po'i bdag nyid can yin pa nyid kyi phyir dus gsum zhes bya ba la sogs pa gsungs so/  /de nyid kyi phyir 'di la rgyud gsungs pa/ thams cad zhes bya ba la sogs pa'o/ /stong pa gsum snang ba la bltos pa gsung
pa/  chen po zhes pa la sogs pa'o/ /'dod pa la sogs pa'i khams kyi rang bzhin nyid yin pa'i phyir khams gsum pa'o/ /nam mkhar 'gro ba la sogs pa'i rdzu 'phrul dang ldan pa'i phyir gsungs pa nam mkha' zhes pa la sogs pa'o/ /nam mkha' bzhin
zhes pa ni dang zhing thogs pa med pa nyid kyi phyir dang 'gro ba rnams kyang gcig tu snang ba'i go skabs sbyin pa'i rgyu nyid yin pa'i phyir ro/  /nam mkha' ni thams cad du mnyam pa nyid dang thun mong pa'i spyi yin pas nam mkha' i lam zhes bya ba la sogs pa gsungs pa'o/ /ma lus pa zhes
bya ba la sogs pas la gnas zhes pa ni bzhi ste bskyed pa'i rgyu'o/  /bya ba sgrub pas ni rang bzhin med par bskyed pa'o/ /'di rnams kyi zhes pa la rigs lnga'i bdag nyid can rnams kyis me long la sogs pa ye shes lnga'i rang bzhin rnam par snang mdzad la sogs
pa'i bdag nyid can nyid kyis so/  /bdag dang gzhan zhes bya ba la sogs pa la de nyid mchog ni spyod pa gzhan ma lus pa la bltos nas so/ /bdag ces bya ba la sogs pa la bdag ni bdag nyid do/ /byin gyis brlabs pa ni sgyu ma lta bu'i lha dang bdag phan tshun tha dad
ma yin pa'i lus pa la sogs par yongs su shes pa'o/  /bskyed pa'i rim pa sgom pa po'i dbang du byas nas gsungs pa/ sku la sogs zhes pa la sogs pa ste lus dang ngag kyang rnam shes kyi phung po la phan pa'i dngos pos yod pa nyid kyi phyir gsungs pa thams
cad zhes pa la sogs pa la'o/  /gsang ba ni skal ba med pa rnams spa bar bya'o/ /der byin gyis rlob par byed pa'i/ rnal 'byor pa'i rgyud la de'i bdag nyid kyis ? bskyod pa skyed par byed pa'o/ /sngags ni yid ngan 'gro'i 'ching ba las gral ba nyid kyi phyir yid
skyob pa'o/  /rdzogs pa'i rim pa pa rnams kyis so sor gnyis su med pa'i lam sbyin pa ni sngags so/ /de nyid thogs pa med pa nyid kyi phyir rdo rje thugs ni rnal 'byor pa'o/ /byin gyis rlob pa ni mi bskyod pa'i bdag nyid du bskyed par bya ba gang yin pa de de bzhin no/ /
yid ces bya ba la sogs pa ni bshad pa'o/  /de zhes bya ba ni gsungs pa'i sngags kyi don gyi brda'o/ /aoM zhes bya ba la sogs pa la/ de'i nye bar bshad pa ni gsum zhes bya ba la sogs pa'i don mdor byas kyi rim par 'phags pas gsungs so/ /gnas
ni lus so zhes pa ni rnal 'byor pa yi'o/  /mi bskyed pa la sogs pa'i rang bzhin ni mi bskyod pa la sogs pa la dmigs pa gang las mi bskyod pa la sogs pa'i gzugs kyi lus su 'gyur ro/ /sngags zhes pa la sogs pas mi bskyod pa la sogs pa'i bkod pa
gsum ston par byed do/  /de dag nyid kyis zhes pa ni spyan ma la sogs pa'i dang mi bskyod pa la sogs pa dang mi bskyod pa la sogs pa'i bkod pa gsum mo/ /de nas zhes bya ba la sogs pas rdzogs rims pa'i byin brlabs mdor bstan na/ /re re
zhing zhes pas rnam par snang mdzad la sogs pa dug kyang gsum por bshad de/  sku la sogs pa'i rdo rje nyid kyis so/ /rim pa zhes pa ni sku gsung thugs so/ /rim pa med pa ni thugs dang sku dang gsung zhes grub pa'i mthar gsungs so/ /bdag po'i chos
can gcig tu byung zhes bya ba la sogs pa ni bdag po ni mi bskyod pa'o/  /de'i yon tan du gyur pa nyid kyis 'dir sku dang gsung re ba nyid/ de'i chos can te de'i dbang du byas pa'i phyir ro/ /'di'i rgyas par bshad pa gsungs pa/ /rdo rje gsum zhes bya
ba la sogs pa la de bzhin gshegs pa ni mi bskyod pa la sogs pa'i rang bzhin rnal 'byor pa'i lus la brten nas skyes pa'am/  sangs rgyas kun gyis nye bar bstan pa phan tshun bltos pa'o/ /bskyed pa'i zhes bya ba la sogs pa'o/ /gang 'dir?
ye shes gsum ni bskyed pa'i rim pa'i rnal 'byor pa rnams kyi'ang spyod yul ma yin pa ma yin nam bdag la byin gyis brlab pa'i nga rgyal sngon du 'gro bas spyod pa bya'o zhes bya ba de ji ltar gsungs zhe na/  sku la sogs pa byin
byis brlab pa gsungs so zhes bya ba la sogs pa'o/  /'di nyid du gsungs pa'i sngags dang po'i bshad par spyod pa de dang de byas pa de dad de nyid yid la mchog tu gsal lo/ /rgyud gzhan du gsungs pa cung zad drod ni thob pa na/ spyod pa bya bar
rtogs par bya/  /spyod pa longs spyod phyir ma gsungs/ /'jigs pa'i gzugs can zhes bya min zhes so/ /brjod par bya ste bskyed pa'i rim pa spyod pa rnams de kho na nyid ma rig pa rnams la'ang gsungs pa yin no/ /'dir spyod pa de long spyod
kyi rgyu ma yin te dmyal ba'i rgyu nyid yin pa'i phyir dang/  yang na dus gsum pa'i rdzogs pa'i sangs rgyas dang byang chub sems pa'i dang/ rnal 'byor pa rnams mnyes pas bsod nams kyi tshogs ches rgya che sgrub pa'i don no/ /phyi rol gyi me tog la
sogs pa'i mchod pa yang lha mnyes pa'i mchod pa byed par mngon par 'dod pa'i 'bras bus mngon par 'brel par brjod par bya'o/  /de la yang gal te de ltar gyur bas mchad pa mchod pa de'i phyir rnal 'byor pa lha la rab tu dang bsod nams kyi tshogs
pas lhag pa ye shes tshogs su mngon par 'dod de/  de'i tshe de dang de'i drin las rdzogs pa'i rim pa rtogs nas phyag rgya chen po'i dngos grub kyang thob par byed do/ /de'i tshe 'gal ba cung zad kyang med do/ /snang ba gsum po ni 'jug pa'i rim
pas rab tu bstan par gyur pa'i phyir dang/  rten par gyur pa nyid kyi phyir de'i bdag nyid kyis so/ /kun rdzob kyi bden pa skyed par byed pa'i rgyu'i sgo nas slar yang don dam pa'i bden pa gsungs pa/ de gsungs zhes pa la sogs pa'o/ /ye shes gsum
ni don dam pa'i bden pa'i rten nyid yin pa'i phyir ro/  /de las rdzogs pa'i kun rdzob kyi bden pa yang de'i 'og tu bskyed par bya ba'o zhes/ /de bskyed pa nyid mang bar gsungs pa de dag gis zhes pa la sogs pa'o/ /sngags zhes bya ba la sogs pa ni/ 'di
rnams kyis mtshon par bya'o/  /shes par bya'o zhes pas mtshan nyid rnams so/ /'od zer lnga ni dkar po la sogs pa de bzhin gshegs pa lnga ste/ 'di rnams de bzhin gshegs pa'i rang bzhin nyid yin pa'i phyir ro/ /de rnams kyis shes pa la sogs
pa la yul du gyur pa ni dpe'i sga? nas so/  /rdo rje'i sku ni yongs su dag pa'i kun rdzob kyi bden pa'o/ /bskyed par bya'o ni dmigs par bya'o/ /nges pa'i don no/ /de ltar zhes pa drang ba dang nges pa'i don gsungs pa bshad ma thag pa 'dis gzhan la sgre'o/
bdag nyid zhes pa ni sprul pa'i bdag nyid can gyi sprul pa kun rdzob pa'i sku 'dod pa la longs spyod pa ste/  ji ltar ji ltar zhes gsungs pa'i phyir rnal 'byor pa gnyis ka'i thun mong ngo/ /sku la sogs pa zhes pa'i sogs pa'i sgra las gsungs dang thugs
dag go / rang gi rigs kyi yum zhes pa ni mi bskyod pa la sogs pa rang gi rigs gang yin pa de'o/ /rigs lnga dgod pa byas nas zhes pa ni sgran? thabs su gsungs pa'i rim pas so/ /gnyis ka'i 'khor lo ? pa ni lha mo'i 'khor lo dang/ de bzhin gshegs
pa'i 'khor lo'o/  /rjes su mnyes pa zhes pa ni de nyid kyi phyir 'di nyid sum cu rtsa gnyis kyang shes rab dang thabs kha sbyor ba nyid yin gyi/ slar yang gtso bo bzhin du dkyil 'khor ba la so sor ni ma yin no/ /'di rnams cha shas kyi bdag nyid can
nyid yin pa'i phyir gang cha shas kyi bdag nyid can ma yin pa skyes pa dang bud med so so re rer nges par sbyar bar bya'o/  /don ni bshad zin no zhes bya ba ni bar mchad pa nyid du'o/ /de bzhin gshegs pa thams cad ni rnam par snang mdzad la
sogs pa rnams dang spyan ma la sogs pa'i lha mo rnams dang byams pa la sogs pa rnams dang gshin rje gshed la sogs pa rnams so/  /de rnams rjes su mnyes par byed pa ni mgu bar byed pa'o/ /de nyid rdo rje ste mnyam pa
nyid kyi ye shes kyi bdag nyid can yin pa'i phyir ro/  /rang zhes bya ba la sogs pa ni bde ba'i tshor ba'i rang bzhin rin chen 'byung ldan gyi bdag nyid can nga'o zhes bya ba'i don no/ /'di dag gi'ang zhes pa la sogs pa ni snga ma bzhin no/ /sarba zhes bya
bya ni snga ma bzhin no/  /mchod pa las rnam par sna tshogs pa'i bdud rtsi myang ba dang phyung ba'i dkyil 'khor sprul pa sems can gyi don byed pa'o/ /bskyed pa zhes bya ba la sogs pa la/ slar yang zhes pa 'dis bskyed pa'i rim pa'i mchod pas rdzogs
pa'i rim pa la yang 'brel bar ston par byed do/  /byings rnams don du ma nyid yin pa'i phyir rnam par zhu bar gyur pa ni khyad par gyis zhu ba ste/ ye shes kyi bdag nyid can de bzhin gshegs pa drug gi sku'o/ /lnga zhes pa ni phung po lnga la sogs pa'i
bdag nyid can gyi de bzhin gshegs pa sprul par gyur pa rnams so/  /khams la sogs pa rnams kyang lnga'i bdag nyid kyis zhu ba'i phyir ro/ /bar ma chad par lnga zhes bya ba las me long la sogs pa'i ye shes lnga po rnams de bzhin
gshegs pa lnga'i rang bzhin nyid du bshad do/  /gang yang rim pa 'di sbyar bas sprul pa'i sku la gnas pa'i phung po lnga'i rang bzhin gyis de bzhin gshegs pa lnga yang gnas te de'i rang bzhin me long la sogs pa'i ye shes lnga po rnams kyis rgyur
gyur pa zhes pa 'od gsal rtogs pa'o/  /de nyid kyi phyir gsungs pa 'od gsal zhes pa la sogs pa'o/ /de rnams kyis shes pa la sogs pa la de rnams kyis shes mang po'i tshig ni mchod pa che ba nyid bshad pa'i don no/ /gang la 'od gsal lhag
par rtogs pa'i rgyu las me long la sogs pa lnga po 'di rnams so so re rer te/  ji ltar rang gi 'od gsal lhag par rtogs pa la bltos pas so/ /gzugs shes pa la sogs pa ni/ de dag dngos po med ces pa gzugs la sogs pa de dag ye shes dbang po
rnams su gsungs pa'i rim pas dngos po med pa nyid do/  /gzugs la sogs pa rnams ni nye bar mtshon pa las mig la sogs pa zhes pa'i sogs pa de gsungs pa/ mig sogs ye shes 'di la byung ba ni gzugs la sogs pa'i yul rnams ye shes kyi dbang
gis shes byar rnam par bzhag ste nye bar spyod pa'i phyir dang/  de las byung ba'i phyir zhes brjod par bya'o/ /mngon shes lnga ni lha'i mig la sogs pas yul nyams su myong ba 'bras bur gyur pa'o/ /mngon par shes pa de rnams kyis nye bar mdzes par
byas pa ni yul du byas pa'o/  /'dis shes pa ni mig la sogs pa rnams kyis so/ /sangs rgyas thob 'gyur ni 'od gsal la dmigs pa las so/ /dgongs pas bshad pa'o/ /nye bar mtshon pa zhes pa ni/ sku dang thugs dang bral ba'i sngags med pa'i phyir ro/ /ye
ge gsum khong du chud pa las zhes pa ni bsams nas so/  /de sngon du 'gro ba'i 'jug pa la sogs pa'i rang bzhin yongs su shes pa sngon du 'gro ba'o/ /rdo rje bzlas pa'i sgrub thabs su gyur pa zhes pa bskyed pa'i rim pa la kun tu gnas pa zhes pa'o/ /rim pa gnyis
par mngon par gsungs pa'i phyir gtso che bar yid ches pas yid ces bya ba snying gar gnas so zhes gsungs pa/  yid snying gar gnas pa zhes pa ni yang dag par ji lta ba bzhin du yongs su shes pas yul du byas pa rang bzhin dang snang ba'i bdag can de'o/ /bzhi
zhes pa ni rdo rje bzlas pa'i 'bras bu nyid do/  /rdo rje bzlas pa'i gnas skabs ni nam mkha' o/ /de nyid kyi phyir gsungs pa/ rdo rje bzlas pa rtogs par 'gyur ba'i phyir mgu ba zhes pa'o/ /rdo rje 'chang chen po'i sku zhes pa ni yongs su dag pa'o/ /rdo rje bzlas pa'i phan yon zhes pa ni rdo rje 
bzlas pa'i 'bras bur gyur pa nyid kyi phyir gnas skabs bzhi pa'o/  /sems zhes pa la sogs pa ni yang dag pa ji lta ba bzhin yongs su shes pa zhes pa de gang zhe na gsungs pa/ sems zhes pa la sogs pa ste/ sems kyi
bdag med pa zhes pa'o/  /spyod bsdus su gsungs pa yang bden te rnam par shes pa gsum don dam pa'i bden pa lta bu reg par dka' zhes pa la sogs pa'o/ /ngag dang lus kyang bdag med par zhes pa ni sems rnam par dben pa'i nang du gtogs pas 'od gsal
ba las dmigs pa'i phyir ro/  /sems so sor rtogs pa ni sems yongs su shes pa'o/ /'dis zhes bya ba la sogs pas bshad pa bsdus pa'i don brjod par byed do/ /lus la sogs pa rnams rnam pa dang bcas pa nyid kyi phyir dang shes rab la sogs pa rnams rnam
pa med pa nyid kyi phyir ci ltar lus la sogs pa rnams shes rab la sogs pa nyid yin zhe na gsal ba dang bcas pa'i snang ba gsum zhes pa 'di mi 'gal lo/  /lung du yang slar yang cha shas med par gyur nas cha shas dang bcas par ci ltar 'gyur zhes so/ /de nyid
kyi phyir gsungs pa/  gsum po zhes pa la sogs pa'o/ /rdo rje bzhi po zhes pa ni bsnyen pa sgrub pa dang nye ba'i sgrub pa dang sgrub pa chen po'o/ /sangs rgyas pa nyid med do ni yongs su rdzogs ba'i mtshan nyid do/ /gang gi phyir zhes pa la sogs pas 'di la rigs
pa gsungs so/  /de sgom pa yang med do ni dngos po de bsgom pa'o/ /slar yang kun tu tha snyad yod pa yin no/ /spangs pa nyid yin pa'i phyir zhes pa ni rtag pa dang chad pa'i ngo bo nyid de/ /yang na dbus mar gsungs pa/ /yod gang rang bzhin gyis med gang/ /de ni
med ces rig par 'gyur/  /de lta yod par ma gyur na/ /snga ma chad ba thal bar 'gyur zhes so/ /dbu ma la 'jug par yang/ /bden pa gnyis po 'ang? rang bzhin med pa'i phyir zhes gsungs so/ /gang zhig cig min? duAng min zhes bya ba la sogs pas kyang/ sku
gsum po nyid chad pa dang rtag pa ma yin no/  /bsod nams yongs su gyur pas so sor rtogs pa gang yang min/ /yid dang ngag gi lam dang bral ba gsum po rnams zhes gsungs pa'i phyir 'di rnams yongs su spangs ba nyid/ de ci ltar yin zhe na/ gal te yang
'di ltar skye ba dang 'gag pa gnas pa de bzhin du yang mngon par zhen pa'i 'jig rten rnams sku gsum po 'di rnams kyis byas pa ji lta ba bzhin du rnal 'byor rjes su 'jug go / stong pa nyid bdun nu par yang/ gnas dang skye dang 'jig dang yod med dang /dman
dang mnyam dang khyad par 'phags pa rnams/  /'jig rten tha snyad dbang las sangs rgyas kyis/ /gsungs kyi de nyid dbang las ma yin no/ /zhes kyang gsungs/ /gang tshe skye med gang yin pa/ /de ni gnas med zlog med 'gyur/ /'gro ba sgyu ma lta bu nyid
gdong nas zhi ba de nyid don/  /zhes de kho na nyid la sems pa de'i tshe/ skye ba dang 'gag pa'i bdag nyid dang gnas pa 'di rnams ga la 'gyur/ gang gis 'di rnams spangs ba nyid ma yin no/ /tshul 'dis 'phags pa'i lugs dbu mar yang/ sku bzhi ston
par byed pa la bltos pa ma yin pa 'di rnams kyi ci zhig bya zhen 'phags pas gsungs pa/  de rnams kyis gsungs pa dang de rnams kyis bris bar yongs su brtag go /ting nge 'dzin rgyal po'i mdo las gsungs pa'i tshigs su bcad par yang/ /nam mkha' 
'dra zhing rdul bral gzugs bzang 'chang/  /shes rab sras po lus dang mtshan mi mnga' / /zhes bya ba spyod bsdus su zung 'jug gi don du bshad do/ /de bzhin du shes rab kyi pha rol tu phyin par yang/ mya ngan las 'das pa yang sgyu ma lta bu rmi lam
lta bu zhes kyang gsungs so/  /de lta mod kyi theg pa chen po gnyis po dag gi thabs kyi dbye ba gnyis byas so zhes ston par byed do/ /thabs sbyin ba gsungs pa mnyam pa zhes pa la sogs pa ste/ mnyam pa zhes pa ni 'od gsal lo/ /dgongs pas?
bshad pa'o/  /thams cad ces zhes bya ba la sogs pa ni rnam par snang mdzad la sogs pa lnga pa'o/ /de rnams kyi nang nas mchog tu gyur pa thams cad mkhyen pa zhes gsungs pa'i phyir/ thugs kyi rdo rje mi bskyod pa drug pa rdo rje
'chang yongs su gyur pa'o/  /dang po longs spyod rdzogs pa'i sku zhes gsungs pa'i phyir dang/ phyi nas phung po la sogs pa rjes su zhugs zhes gsungs pa'i phyir longs spyod rdzogs pa'i sku nyid aoM yig la sogs pa'i sa bon rnams kyis phung po la sogS
pa rjes su zhugs pa zhes pa mi bskyod pa la sogs pa rjes su zhugs pa dang ma bral ba nyid kyis phra mo'i rnal 'byor brtsams par bya'o zhes nges par bya'o / rdzogs pa'i rim pa la gnas pas ni sa bon dgod pa dang bral ba nyid kyis longs spyod rdzogs pa'i sku la
mi bskyod pa la sogs pa rjes su zhugs pas phra mo'i rnal 'byor bya'o zhes pa'o/  /tha mal pa'i sems can rnams kyi skye ba dang zhes pa dang/ rtags pa'i zhes pa la sogs pa de la bltos pa nyid kyi phyir ro/ /de ltar rlung gi de kho na nyid la sogs pa sngon du 'gro ba ni
phyis? gsungs pa la bltos pa'o/  /nang gi bdag nyid can zhes pa ni phung po'i nang du'o/ /shes rab dang thabs zhes pa ni rdul dang khu ba yang dag par sbyor ba las so/ /byang chub kyi sems ni kun rdzob kyi ngo bo'o/ /ye shes lnga ni me long la sogs pa'o/ /'byung
ba lnga'i sa bzhin ni sa dang chu dang me dang rlung dang rnam par shes pa'o/  /gong bu'i gzugs kyis ni bsdus pa'i gzugs kyis so/ /gsungs pa'i phyir zhes bya ba ni rdo rje bdud rtsi zhes bya bas gsungs pas so/ /brtag ces pa ni mdor? byas kyi rim bsgom par byed pa/ lha
la goms pas so/  /drang ba'i don no/ /sna'i rtse mor zhes bya ba la sogs ba nas bshad ces bya ba'i mthar thug pas rlung gi de kho na nyid gsungs so/ /rang sngags shes pa l sogs pa nas go rim bzhin du'o zhes pa'i mthar thugs pas lha dang sngags kyi de kho na nyid dang
gsungs so/  /de'i phyir gsungs pa 'dis ni zhes bya ba la sogs pa'o/ /rten dang brten par gyur pa ni rlung gi khams ni rten no/ /yi ge gsung ni brten pa'o/ /gnyis po de dag rgyu ba dang mi rgyu ba ji lta ba bzhin du sbyor ba des lhan cig 'jug go zhes pa rgyu dang bcas pa ni mi rgyu ba'o/ /
rnams par shes pa gsum po ni snang ba la sogs pa'o/  /rnam par shes bya ni bskyed par bya bzhin pa'o/ /ye shes gzhan zhes pa ni bskyed pa la brten pa yin pa'i phyir rlung dang rnam par shes pa'o/ /de nyid kyi phyir gsungs pa ye shes zhes bya ba la sogs
pa'o/  /gcig la yang zhes pa ni gcig nyid la'o/ /skra'i khyon la ni skra 'jug pa'i lam la ste phra zhing shin tu phra ba nye bar mtshon pa nyid las so/ /de bzhin nyid du sangs rgyas rnams mang po'o/ /gang ji lta bu yin zhe na gsungs pa/ /bzhugs zhes bya ba la
sogs pa ni gang+gA'i klung gi bye ma gang ji snyed pa de snyed du zhes bya ba'i don to/  /nges pa'i don no/ /tha mi dad pa'i yan lag ni lha'i yan lag tha dad ma yin po'o/ /nam mkha' i khams kyi zhes bya ba la sogs pas dkyil 'khor bzhi po 'char ba de snyed gsungs pa 'od kyi tshogs
pa ni dkar po la sogs pa'i 'od zer dang ldan pa nyid kyi phyir ro/  /gnas ni bskyed pa'i rten yin pa nyid kyi phyir ro/ /'jug cing gnas pa zhes pa ni rim pa ji lta ba bzhin no/ /steng du gnas zhes pa ni de dag gi bar mchad par ro/ /'od dpag med kyis
bzlas ba zhes pa ni/  'di dag me'i dkyil 'khor/ /pad+ma mgon po 'di la lha zhes gsungs pa'i phyir ro/ /de ltar gzhan du spyan mo'i rnam pa aoM yig kha dog dkar po zhes pa'i don to/ /gzhan zhes pa sngar bshad pa'i rdo rje la sogs pa'i mtshan
ma phra mo'i rnal 'byor la bltos pas so/  /nas 'bru'i tshad ces pa ni sngar yungs kar gyi 'bru'i tshad du gsungs pa las khyad par du gsungs pa'o/ /byang chub ces bya ba la sogs pa la thob par byed pa zhes pa ni phan tshun no/ /gang zhig sems brtan pa
yang dag par ji lta ba bzhin du rab tu skyed par byed de sems gnas pa'i rgyu ni mtshan ma la dmigs pa'o/  /sems brtan pa dang sems kyi yang dag pa ji lta ba bzhin du dmigs pas byang chub thob bar byed do/ /de la zhes bya ba la sogs
pas mtshan ma bsgom par gsungs pa rgyas par bshad do/  /byang chub gnas shes pa la sogs pas byang chub la gzhol ba zhes pa 'di rgyas bar bshad do/ /sprul pa'i sku la gnas par sprul pa'i sku la dmigs pa sngon du 'gro ba nyid kyis phra mo'i rnal
'byor bsgom par gsungs pa'i bshad pa nyid do/  /ye shes zhes bya ba la sogs pa ni/ sbyor bas gnas par byas nas shes pa gzugs phung gtogs ba me long dang zhes pa'i rim pas so/ /de'i 'og tu ji ltar bya zhe na gsungs pa de la zhes bya ba la sogS
pa'o/  /sku gsum gyi bdag nyid can zhes ba ni/ sku gsum ro gcig pa'o/ /'chad par 'gyur bzhin pa'i rdo rje 'chang chen por bzhengs pa 'di'i khyad par ro/ /ci ltar sku gsum ro gcig pa nyid la rdo rje 'chang chen po zhes bya zhe na gsungs pa/ chos zhes pa
la sogs pa'i chos ni gsungs ma thag pa'i sprul pa dang/  ye shes gsum gyi ngo bo longs spyod rdzogs pa dag gis 'jug pa'i rten no/ /de nyid kyi phyir sku bzhi pa 'di la mchog gi dang po'i sangs rgyas la sogs pa lta bu 'byung bar 'gyur ro/ /dgongs pas bshad
pa'o/  /da ni zhes bya ba la sogs pa la phra mo'i rnal 'byor bsgom pa yang 'dod pa lnga nyams su myong ba la bltos pa dang bcas pa de'i phyir gsungs pa/ rdzogs pa'i zhes pa la sogs pa'o/ /phra mo zhes bya ba la sogs pa gsungs pa'i phyir phra po'i rnal 'byor la
bltos pa dang bcas pa'i rdzogs pa'i rim pa gsal bar byed bar rtogs par bya ste chung du la sogs pa'i sems can thams cad kyi dgos pa byas nas sems can thams cad kyi don du bshad gci zhes pa ni bya'o/  /zhes 'chad par 'gyur ba 'di dang sprel lo/ /
bshad gci la sogs pa'i ngo bo dmigs pas yongs su spyod pa'i phyir dang bshad ba dang gci ba zas su ste kun nas bsdu bar bya'o/  /bza' bar bya'o zhes pas zas so/ /bshang ba dang gci ba dang de yin la zas kyang de yin pas bshad gci zas so/ /de'i
bya ba ni za bar byed pa'o/  /de'i don ni dgongs pa ste/ lus gnas pa'o/ /de'i phyir gsungs pa lus shes pa la sogs pa'o/ /yul lnga nye bar mtshon pa ste bshad ba dang gci ba zhes bya ba 'dis bsdus pas yul dang dbang po mngon par brjod pa'i phyir ro/ /'dir
phung po gnas pa ci bya zhe na gsungs pa/  dngos grub kyi 'bras bu'i don du zhes bya ba ni sus phyin ci log gis brda sprod pa'o/ /dngos grub kyi 'bras bu'i don des ci zhig ces bya ba la sogs pas dngos grub kyi 'bras bu nye bar bstan no/ /zas su zhes bya
ba la sogs pas kho bo rnams shes pa ni ma rungs pa'i las can rdo rje mkha' 'gro'i gzugs 'dzin pa nyid kyi phyir ro/  /rnal 'byor pa lnga po rnams kyi lha bshos kyi don dang gza' ba' i don du gsang ba zhes pa la sogs pa'o/ /de nyid kyi phyir gsungs pa rjes su
mthun pa rlung la sogs pa rnams kyis bril gyis ma mnan pa nyid kyi rjes su mthun pa'o/  /da ltar zhes bya ba la sogs pa la rdo rje'i rigs kyi khro bo rnams shes pa la 'di ltar gtse bar gyis shig ces bya ba gang yin pa'i bka' lung thob pa rnams so/ /de
bzhin gshegs pa zhes bya ba la sogs pa la sha rnam pa bzhi po zhes pa ni 'dir bris pa'i rta dang khyi'i sha dang lhan cig pa rnams sangs rgyas rnams su yongs su rdzogs pa ni sha rnam pa bzhi bo zhes bya'o/  /rang gi rigs shes pa ni de dag sgom par byed
pas mchod pa byas pas tshim par byed pa'i phyir ro/  /yongs su rdzogs pa'i spyan ma la sogs pa rnams dang ldan pa ni blo can no/ /gtor ma rab tu sbyin pa'i sbyor bas zhes pa ni/ nang gi bdag nyid can phyi'i gtor ma rab tu byin pas so/ /'dod pa yon tan
brgyad du bshad ces gsungs pa'i phyir 'dod par 'dzin par byed do zhes pas 'dod pa'i khams te bud med thams cad do/  /sna tshogs pa'i dga' bas shes pa ni phyag rgya gcig gis pad+ma gtogs pa'i reg pa nyams su myong ba lta bur phyag rgya thams
cad kyi pad+ma'i reg pa nyams su myong ba'i phyir phyag rgya gcig pa nyid la yang ngo/  /gang yang stobs lta bu nyid yin pa'i phyir sha'i bza' pa du ma yang bud med pa 'dod pa 'dod pa zad par mi 'gyur ro/ /de'i phyir gsungs pa dbang phyug ni mnga' bdag go /
sum cu rtsa drug ces pa la sogs pa la 'di nyid du zhes pa ni 'dus le'u gcig gnyis par ro/  /brgyad kyis zhes pa ni bed ba dang sdug bsngal dang/ bstod pa dang smad pa dang/ rnyed pa dang ma rnyed pa dang grags pa dang ma grags pa zhes bya ba brgyad po de
rnams kyis so/  /mthong ba ni khong du chud pa'o zhes bya ba ni/ lta ba la gzugs dmigs so zhes gsungs pa'i phyir mthong ba tsam gyis yang dag skyes pa zhes pa 'dir gsungs pa'i rnal 'byor pa'o zhes pa lhag ma'o/ /rnam grangs zhes pa ni li nga'i gnas/
su phaT mngon par brjod pa te rnam grangs ni nges pa'i tshig gi bya ba'i rgyu mtshan med do zhes pa'o/  /skye ba dang gnas pa 'jig pa'i nyes pa dang gral ba nyid kyi phyir rgyu las skyes pa ma yin pa'i ting 'dzin ni/ rtsa ba'i mdo ru spyod pa thams cad kyi mchog yongs su drug
pa zhes bya ba gsang ba bzhi'i khyad par ro/  /drang ba'i don la brten nas bshad pa'o/ /de la nges pa'i don ston par byed pa bshad pa'i rgyud du gsungs pa la yang spyod mchog dag pa kun zhes pa ni bcom ldan 'das kyis khyad par te/ bcom ldan 'das ni spyod
pa thams cad kyi mchog kun nas dag pa nyid yin pa'i phyir ro/  /skad cig thang cig zhes pa la sogs pa la skad ces bya ba sog? la? gtogs pa'i gnas skabs so/ /thang cig lungs kar skor? ro'o/ /yung tsam ni lag pa brdabs pa'o/ /grangs gsum ni
bskal pa'i grangs kyi ngo bo gsum mo/  /gcig ni bskal pa'i grangs gang yin pa de de bzhin no/ /skad cig gcig ni mngon par byang chub pa'i skad cig gcig ces brtags kyi rnam grangs so/ /bshad par bya ste skad cig gcig ces bya ba la sogs pa'i
bar ma chad par brjod par bya ba'o/  /de nyid yin na mngon par byang chub pa'i skad cig gcig ni zla ba drug tu bshad par 'gyur pa'o/ /skad cig de nyid yang dag par sbyar bar bya ste slar yang ma yin no zhes pa'o/ /dngos med rdzogs par longs spyod pa ni dngos
po med pa'i ngo bo nyid kyis so/  /gang gi phyir skad cig gcig nyid du gsungs pa'i skad cig la sogs pa dus kyi rang bzhin yin pa'i phyir dang mngon par byang chub pa'i rgyu nyid yin pa'i phyir ro/ /bsngags pa ni rab tu bsngags pa'o/ /'das pa la sogs pa'i
dus gsum 'das pa'i rang bzhin no/  /de ltar gyur pa'i skad cig gzugs la sogs pa dang ldan par 'gyur ro/ /byed pa po ni dge bsgom par byed pa po de bzhin gshegs pa l sogs pa rnams kyi mchod chen de ni byas nas su'o/ /'dir ci byas nas she na/ gsang ba'i zhes
bya ba la sogs pa'o/  /yul zhes bya ba la sogs pas gsang ba'i mchod pa ston par byed do/ /yul dang dbang po zhes pa nye bar mtshon pa ste/ de'i 'og tu rnam shes kyang nye bar mtshan ste gsum po 'di rnams sems pa med pa nyid ni rang bzhin med pa nyid do//
ci zhe na gsungs pa/  bshad zhes pa la sogs pa ste de 'dra ni don dam pa'i rang bzhin no/ /dngos grub ni zung 'jug gi bdag nyid can nyid do/ /bza' ba ni zung 'jug gi bdag nyid can nyid kyis bdag tu 'dzin pa za bar byed pa'o/ /rnam rtog med pa ni zung
'jug? la mngon par zhen ba bor ba nyid kyi phyir/  rnam rtog med pa can zhes pas zung 'jug gi khyad par ro/ /de nyid kyi phyir gsungs pa/ de nyid ces pa la sogs pa'o/ /byang chub sems gcig las byung ba ni de bzhin nyid gcig las byung pa'o/ /zhes pa gsungs
pa'i rim pas 'grub par 'gyur zhes pa la sogs pa'o/  /bshad gci la sogs pa bshad pa'i phyir/ sha rnams dgongs pas bshad pa'i phyir gsungs pa/ mA ni zhes pa mA ma kI'i sgra la mdza' i yi ge gnyis po phyis
nas rjes su nga ro 'ongs par byas pa'o zhes pa ni mig gi sgras mA ma kI'i gsungs te/  nges pa'i tshig gi tshogs so/ /de bzhin du sa'i sgras mngon par byang chub pa'i rdo rje ni rdo rje sems dpa' o/ /bsam gtan de ni shes rab dang thabs kyi bsam
gtan no/  /dga' ba zhes pa ni bde ba zag pa med pa'i zas so/ /nang mngon par brjod nas phyi'i dbang du byas nas gsungs pa nam mkha' zhes pa la sogs ba ste/ de nyid bde ba'i ngo bo'i bsam gtan no/ /nam mkha' bzhin du brtan pa dang g.yo ba'i 'gro ba du
ma la khyab par byed pa nyid yin pa'i phyir chen po nyid thob pa'o/  /sha chen po zhes gsungs pa'i rim pas sha chen po bza' ba de yis gzhan ci ltar 'gyur zhe na gsungs pa/ 'grub par 'gyur zhes pa la sogs pa la rdo rje 'chang chen po nyid ni go 'phang
mchog go / sha bzhi po'i dbang du byas nas gsungs pa/ chen po zhes pa la sogs pa ste/ khyi la sogs pa'i sogs kyi sgra las/ ba lang gi sha gzung ngo/ /grangs kyi dgongs pa/ gsungs pa phung po zhes pa gzugs la sogs pa'i phung po lnga'o/ /
grangs mnyam pa'o zhes pa ni sha dang phung po dag go / phung po de rnams sbyor bar ni rnal 'byor gang zhig go /des gnyis su med par gyur pa'i bsam gtan gang yin pa de ni zas so/ /dga' ba zhes bya ba gcig ni dga' ba'i ngo bo zas so zhes pa'i don no/ /gang zhig
khams kyis thun mong du za ba de ni 'jig rten pa'o/  /dga' ba'i zas kyang 'jig rten las 'das par byed do/ /'jig rten pa gang yin pa de nyid ni dga' bar 'gyur ro/ /'jig rten las 'das pa'i mchog gang yin pa ni de bzhin du rang bzhin gcig pa'i zung 'jug
gi ting nge 'dzin la sogs pa'o/  /de nyid kyi phyir gsungs pa/ 'khor ba zhes bya ba la sogs pa'o/ /brtul zhugs bzang po ni rdo rje theg pa'i brtul zhugs mdzes pa'o/ /blo can ni shes rab rnam pa gnyis dang ldan pa'o/ /'dod pa khams kyi dbang phyug ni 'dod pa la chags
pa rnams kyi mgon bo'o/  /dam tshig yin phyir zhes pa ni drang ba'i don du bshad pa'i phyir ro/ /dam tshig mchog ni gnyis su med pa'i lam ngo bo'o//thun mongs pa zhes pa ni drang ba'i don gyis bskyed ba'i rim pa dang ldan pa'o/ /rnal 'byor pa mchog ni rin po
che'i gang zag rdzogs pa'i rim pa gnas pa rnams so/  /yang dag par bstan nas zhes pa ni/ ji ltar rigs par rtul po la sogs pa'i thun mong gis kyang ngo/ /sngags kyi spyod pa zhes pa sngags pa ni lha ru brjod par bya zhes pa'i rigs pas sngags ni bskyed pa'i
rim pa'o/  /de'i sgo nas spyod pa ni sngags kyi spyod pa'o/ /de nyid kyi phyir gsungs pa thun mong gis zhes pa la sogs pa'o/ /thams cad ces bya ba la sogs pa ni 'dod pa lnga po brten pa la rang gi dang gis 'jug pa nyid ni 'dod pa'i khams dang mthun pa'o/ /de'i phyir rnal 'byor
pas sems kyi khyad par yongs su bzung ste goms pa yid la byas nas de rnams brten bzhin par zhes pa la sogs pa'o/  /spros pa dang bcas pa'i spyod pa zhes pa ni/ spyod bsdus su gsungs pa'i rim pas so/ /de ltar zhes bya ba la sogs pa ni spyod bsdus su 'dir dpal
gsang ba 'dus par spros pa med pa dang shin tu spros pa med pa 'ba' zhig nges par bstan no zhes gsungs pa ma yin nam de dag ci ltar spros pa dang bcas pa zhes bya zhen 'dir brjod par bya ste/  sangs rgyas thams cad dang mnyam par sbyor ba mkha' 'gro ma sgyu ma bde
la sogs pa'i rgyud gzhan du gsungs pa'i spros bcas kyi spyod pa la bltos nas spyod bsdus su gsungs so/  /'dir ni smos pa tsam du bstan pas rgyud gzhan du rgyas par gsungs pa 'dir bltos par bstan pa'i don du spros pa zhes bya ba la sogs pa gsungs so//
bdag nyid 'dod pa dang rjes su mthun pa zhes pa ni rnam pa gzhan du sdug bsngal bar 'gyur ba'i phyir de dag kyang 'dir bkag pa'o/  /bdag ste rang sangs rgyas thams cad kyi bdag nyid do/ /gzhan la yang ni gdul bya rnams la'o/ /tshim par bya'o
ni bde bas mgu bar bya ba'o/  /rang gi lha zhes bya ba la sogs pa rnal 'byor pa gang gi mi bskyod pa la sogs pa'i rigs lnga'i lha gang yin pa de la dmigs pa'i spyod pa bya'o zhes nye bar bstan to/ /sprul pa kun rdzob pa yi sku/ /ji ltar ji ltar 'dod long spyod ces
gsungs pa'i phyir ro/  /sgyu ma lta bu'i ting nge 'dzin gyis zhes bya ba ni/ 'od gsal las langs pa sprul pa'i sku zhugs pas sprul pa'i sku yang ye shes kyi sku dang gnyis su med pa nyid kyis sgyu ma lta bu yongs su dag pa'i ye shes kyi sku'i bdag nyid can nyid yin pa'i phyir
rang bzhin gyi dbye ba yang ngo/  /de bzhin du ni 'phags pas shAkya seng+ge la bstod par/ khong stong khyod kyi sku la med/ /sha dang rus pa khrag med kyang/ /nam mkha' la ni 'ja' tshon ltar/ /khyod kyi sku ni ston par mdzad/ /sku la snyun med mi gtsang med/ /bkres dang
skom pa byung med kyang/  /khyed gyi 'jig rten rjes 'jug don/ /'jig rten bya ba ston bar mdzad ces so/ /de nyid kyi phyir sku gsum yang dbye ba dang dbye ba med pa dag tu gsungs pa ni rnams grangs pa ste gdul bya'i rjes su mthun pas kyang dbye ba nye bar bstan no
zhes so/  /lus zhes bya ba la sogs pa la/ gtsug lag khang du 'khyams pa la sogs pa lus gdung bar byed pa'i rgyu'o/ /sogs pa'i sgra las gcer bu la sogs pa bsdus so/ /shing drung pa zhes bya ba la sogs pa la/ bcu gnyis zhes pa ni shing
drung dang bla gab med pa dang/  gzhi ji bzhin pa dang ston gcig pa dang cog pu pa dang/ dur khrod pa dang/ phyag dar khrod pa dang/ 'phyid ba pa dang/ chos gos gsum pa dang/ bsod snyoms pa dang/ dgon pa pa dang/ yang phyis mi len pa ste sbyangs pa'i yon tan
bcu gnyis so de'i tshul khrims ni shing drung du gnas pa la sogs pa rnams so/  /sgra ji bzhin pa'o/ /slong mo zhes bya ba la sogs pa la slong mo za bar byed pa nyid kyi ngang tshul gang yin pa de ni slong mo za ba'o/ /des brjod par mi bya'o zhes pa ni dag gi bzlas
pa la bltos nas bshad pa'o/  /dman pa la 'jug pa rnams kyis ni lo ma dang rtsa ba dang 'bras bu la sogs pa rnams kyis so/ /spros pa med pa'i spyod pa ni sdong bu dang rtsa ba dang 'bras bu rnams kyi thams cad la longs spyod cing za ba'o/ /mnyam par spyad
par bya zhes pa ni 'chad par 'gyur ba dang 'di la 'gal ba med de/  'dir spros pa dang bcas pa'i spyod pa'i skabs yin pa'i phyir ro/ /de lta bu'i zhes bya ba la sogs pas rdo rje bzlas pa ston par byed do/ /yang ba ni dmyal bar nyes pa'o/ /de rnams ma spangs pas
te ma btang bas so/  /dus byas nas ni 'chi bar byas nas zhes de dag nye bar rtogs par bya'o/ /drang ba'i don no/ /tha dad ces bya ba la sogs pa la tha dad ni lha dang rnam pa so so'o/ /yi ge ni yi ge gsum mo/ /rnam pa tha dad kyang yin la yi ge dang?  yin
pas tha dad rnam pa'i yi ge'o/  /rnam pa dang yi ge dag tha dad du rnam par rtog pa ni slong mo'o/ /de 'don pa ste brjod pas bzlas par byed pa ni za ba'o/ /de dag ces pa bshad pa rnams so/ /mi 'dod ni rdo rje 'chang chen pos zhes pa lhag ma'o/ /rdo rje theg pa'i dbang
du byas nas gsungs pa/  dbugs 'byung zhes pa la sogs pa ste/ dbugs 'byung ba ni phyir 'byin pa'o/ /rdub pa ni sdud pa'o zhes pa lhag ma'o/ /rnal 'byor ni brtags pa'i rnam pa ste/ de gang la yod pa de rnal 'byor pa'o/ /de nyid kyi phyir gsungs pa
bzhi zhes pa la sogs pa'o/  /shes rab thabs kyi gzhir zhes pa ni phyi dang nang gi bdag nyid can dag gir te/ bsgom pa'i gnas la dag gi bzlas pa yang dag par bsten pa'o/ /'dir grangs kyang bstan par bya ba'i phyir gsungs pa khri phrag ces pa la sogs
pa ste nges pa'i don to/  /chos ni kun rdzob kyi bden pa'o zhes pa ni phyi dang nang gi bdag nyid can phung po la sogs pa chos kyi ngo bo nyid yin pa'i phyir ro/ /mi g.yo ni mi 'jigs pa nyid kyi phyir don dam pa'i bden pa'o/ /mnyam par
'jog par byed pa nyid du mi 'gyur ba'i phyir zhes pa ni zab mo la lhag par mos ba 'dod pa lnga la zhen pa rnams so/  /dgongs pa ma yin pa'o/ /gnyis su med pa'i ye shes don du gnyer ba 'dod pa nyer bar longs spyod pa tsam don du gnyer ba'o/ /spyod lam thams cad
du ni dbang po dang yul dag gzung ba la sogs pa'o/  /rtag tu sgom par gsungs pa rtag tu zhes pa la sogs pa'o/ /mnyes par bya'o zhes pa ni yul dang shes pa dag bdag med pa'i bde bas so/ /rnam pa gzhan du na yul gyi dbang po rnams tshim par gal 'gyur ro//
de'i phyir phung po dang khams la sogs pa rnams kyang de bzhin du tshim par byed par nyid du bshad pa'i phyir gsungs pa/  des sa'i snying po la sogs pa rnams shes pa la sogs pa'o/ /de rnams dang ldan pa'i zhes pa ni 'chad par 'gyur bzhin pa'i rnam par snang mdzad
la sogs pa rnams so/  /byang chub nyi ma zhes pa ni drug pa phyin ci log tu gsungs pa ni lung nyid yin pa'i phyir zhes pa la sogs pa'o/ /rnam pa gsum zhes bya ba la sogs pas so sor sdud pa'i yan lag ston te/ /de nyid ces pa la sogs pas bsam gtan gyi
yan lag ste bzhi pa 'od gsal lo/  /de bzhin du sgra la sogs pa rnams la yang yan lag gnyis po sbyar bar bya'o/ /gsang ba zhes bya ba la sogs pa mngon par brjod pa'i phyir ro/ /gsungs pa'i bsam gtan gyi yan lag ni rang gi sems rtse gcig
pa nyid kyi rab tu dbye ba yan lag drug kyang srog rtsol la sogs pa'i yan lag bzhi 'chad par 'gyur ba'i sbas pa la sogs pa'i bshad pa'i phyir sbyar bar bya'o zhes gsal bar byed do/  /de ltar zhes pa la sogs pa la gzugs pa la sogs pa la gzugs
la sogs pa'i yul rnams la'o/  /thabs kyi ngo bo nyid kyis ni rnam bar snang mdzad la sogs pa'i ngo bos so/ /slar yang de rnams nyid ni gzugs la sogs pa'i yul rnams nyid do/ /spyan ma la sogs pa zhes pa la sogs pa gzugs sgra la sogs pa spyan ma'i ngo bo
nyid do zhes ston par byed do/  /rgyu mtshan de'i phyir gzugs la sogs pa rnams kyis zhes bya ba la sogs pa'o/ /shes rab spyan ma la sogs pa'i ngo bor bsgom par bya'o zhes pa ni gzugs la sogs pa spyan ma la sogs pa nyid do zhes nges par bya'o/ /spyan ma la
sogs pa bzhi yin la yul rnams kyang lnga ste de dag ci lngar yongs su gyur pas mi mnyam par 'gyur ba ma yin ma zhe na/  mA ma kI ni rigs gnyis kyi thun mong ba nyid kyi phyir/ sgra dang reg bya nyid yongs su gyur pa mA ma kI'o zhes pa 'di la nyes pa med do/ /rnam
pa de lta bu yongs su gyur par brjod pas/  /phyi rol gyi skyes pa dang bud med du rtogs pa'i gzugs rnams sgom par gsungs so/ /da ni slar yang zhes bya ba la sogs pas de rnams nyid mig la sogs pa'i gzung bar bya ba gzugs rdo rje la sogs pa rnams zhes pa
ni gzugs rdo rje la sogs pa'i rang gi ngo bo rnams so/  /rigs kyi dbye bas ni rnam par snang mdzad la sogs pa'i rigs lnga pa'i dbye bas so/ /yongs su gyur pa zhes pa ni gzugs rdo rje la sogs pa bud med du gsal ba'i ngo bo nyid kyis rdo rje 'chang chen po
bde ba'i ngo bor dmigs par bya ba ste bsgom par bya'o/  /gzugs la sogs pa rnams thams cad kyis sbyar bar bya'o zhes so/ /rnal 'byor thams cad bcom ldan 'das zhes pa ni/ bcom pa 'di la yod do zhes pas bcom ldan te/ phyag rgya dang ldan pa'i
phyir dang ye shes dang ldan pa'i phyir ro/  /rdo rje sems dpa' ni mi bskyod pa la sogs pa'i bdag nyid can drug pa ste/ yul la spyod pa'i gnas skabs kyi skabs su bab pa nyid yin pa'i phyir ro/ /bde mchog ces pa ni sangs rgyas thams cad dang mnyam par
sbyor ba mkha' 'gro ma sgyu ma bde mchog tu'o/  /yid du 'ong ba zhes pa la sogs pas bsam gtan gyi yan lag gi rab tu dbye ba lnga po ston par byed do/ /yid du 'ong ba ni yid la 'thad pa'o/ /yid du mi 'ong ba ni de las
cig shos so/  /lung du ma bston pa ni btang snyoms kyi bdag nyid can yid du 'ong ba dang yid du mi 'ong ba nyid du brjod du med pa'i phyir lung du ma bstan pa'o/ /rnam pa gsum zhes pa ni sngar brjod pa'i ngo bo'o/ /snang ba gsum ni snang ba la sogs
pa'o/  /de las byung ba 'dod chags la sogs pa rnams kyi grangs ji lta ba bzhin du yid du 'ong ba la sogs pa'i yul la dmigs par bya'o/ /yul du gyur pas zhes pa ni yul lo/ /mig gis zhes pa ni mig dag go /rnam par shes par byas pa zhes pa ni rnam par shes
pa'i nyams su myong ba'i mtshan nyid snang ba tsam nyid du gsungs pa'o/  /mchod pa zhes pa la sogs pas mchod pa la sogs pa snang ba tsam nyid du'o/ /de bas na zhes bya ba la sogs pas brtan pa dang g.yo ba'i bdag nyid can yang rigs thams cad kyi bdag
nyid can ni drug pa'o/  /brtan pa dang g.yo ba'i bdag nyid can zhes sangs rgyas thams cad kyi bdag nyid can nyid kyis drug pa ston par byed do/ /gsungs pa yang/ ye shes gsum ni lnga la brten pa dang zhes so/ /ye shes lnga'i rang bzhin gyi bdag
nyid can ? du bstan par bya'o/  /sprul pa'i sku yang dag par gzung ba gzugs kyi phung po la sogs pa rnam par snang mdzad la sogs pa sangs rgyas lnga po rnams kyang snang ba gsum gyi nang du gtogs par gsungs pa sangs rgyas zhes pa la sogs pa sangs rgyas ni
drug ba nyid do/  /thim par gyur pa ni gang du de'i bdag nyid kyis gnas par byed do/ /zhes byas nas so de nyid kyi phyir gsungs pa/ rnam bar snang mdzad ces bya ba la sogs pa'o/ /de nyid ces pa ni rdo rje 'chang chen po las tha dad pa'i rnal 'byor pa gzhan ni ma
yin no/  /zhes bya ba'i don no/ /de bzhin nyid du zhes pa ni sngar brjod ba'i gzugs bzhin du /yid du 'ong ba dang yid du mi 'ong ba dang lung du ma bstan pa la sogs pa'i gzugs bzhin du 'dir sgra la sogs pa rnams la yang sbyar bar bya'o zhes pa'i don no/ /dbul
bar bya'o ni snang ba gsum nyid kyis shes par bya'o/  /'di las shes pa ni snang ba gsum po las sam de'i bdag nyid can las kyang rung ste rdo rje 'chang chen po las so/ /sna tshogs pa'i bdag nyid can ni sna tshogs dang 'brel ba'i sgra'i bdag nyid can no/ /'dod chags
ni skyes pa dang bud med dag phan tshun chags pa'o/  /de nyid gzung bar bya'o zhes pas chos so/ /de'i ngo bo 'od dpag med do/ /rang gi rigs kyi ye shes gsum gyi bdag nyid ye shes gsum nyid du dbul bar bya'o/ /rang gi ye shes kyis rang gi ye shes la shes
par bya'o/  /zhes pa'i don no/ /de nyid kyi phyir gsungs pa/ mi bskyod pa zhes pa la sogs pa ste/ mi bskyod pa ni snang ba ste/ de rtag tu snang bas g.yo ba med pa'i snang ba'o/ /de nyid ces pa rnal 'byor pa de nyid do/ /rnam par shes pa gsum la sbyar bar bya'o//
zhes pa ni/  rnam par shes pa gsum dmigs par byed pa'i don no/ /de nyid kyi phyir gsungs pa/ gzugs la sogs pa zhes pa'o/ /'di zhes pa la sogs pa ni ma 'ongs pa'i slob pa ste/ blangs nas ni bkug nas so/ /bsags pa ni gcig po 'dir ye shes gsum
du gyur ? de'i bdag nyid kyi phung por byas pa'o zhes pa'o/  /sbyor bsdus su rnam shes ni phung po 'am/ bsags par med de gzhi med pa'i phyir ro zhes gsungs pa ma yin nam zhe na shes bya dang shes pa'i bdag nyid can shes pa ni 'dir so sor bstan par bya ba nyid yin
pa'i phyir 'di la nyes pa med do/  /gang yang phung po lta bu ni phung po'o/ /gcig kyang 'gro ba'i rang bzhin nyid yin pa'i phyir rnam par rig pa'o/ /gsungs pa sngags pa zhes bya ba la sogs pa la rnam pa gsum gyi ni yid du 'ong ba la sogs pa rnams kyis so/ /rdo rje 'chang chen
po'i ngo bo nyid yin pa'i phyir lha nyid do/  /yid du 'ong? ba la sogs pa'i yul gsum rig pa'i phyir ye shes gsum mo/ /de bzhin du gang phyi la yid du 'ong ba'i yul la chags pa'i rang bzhin no/ /yid du mi 'ong ba'i yul la 'dod
chags dang bral ba'i rang bzhin no/  /btang snyoms pa'i yul la gti mug gi rang bzhin skye ste rang bzhin skye ba'i dbang gis yis gsum yang rtogs so/ /de'i phyir gsungs pa/ shes par bya'o zhes so/ /ngo bo nyid du shes pa ni ye shes gsum gyi ngo bo'o/ /de bla ma'i man ngag
las 'od gsal du shes pa ste/  rnam pa gzhan du na rnam par rig par byed pa med pa dang shes pa med pa dang/ nyams su myong ba med pa nyid kyis gnod pa'i phyir rnam par rig par gal 'gyur/ de rang bzhin gyis yongs su gyur pa'o/ /de nyid ces pa ni ye shes
gsum gyi bdag nyid can rdo rje 'chang chen po ni gnyug ma'i ngo bo nyid yin pa'i phyir ro/  /de'i zhes pa 'dis yongs su dag pa'i rdo rje 'chang chen po la 'od gsal ba rdo rje 'chang chen po'i tha snyad btags pa la btags pa'i rgyu mtshan sngon bar byed do/ /bshad
pa'i rgyud ces pa ni dgongs pa lung ston du'o/  /nang ni ye shes gsum mo/ /phyi rol ni dbang po'i shes pa'o/ /gnyis ka ni rjes su dmigs par gyur pa kun tu 'byung ba'i phyi la sogs pa rnams so/ /gzugs sogs shes pa ni rang bzhin med pa nyid
gzugs sogs rnam gsum gyi sgras brjod par bya'o zhes mngon par dgongs so/  /rang bzhin med pa nyid yongs su shes pa nyid la lta rnams la dbul ba ste/ 'od gsal ni lha thams cad kyi rang bzhin nyid yin pa'i phyir ro/ /'di ni zhes bya ba la sogs pa la/
shin tu sgros pa med pa'i spyod pa zhes pa ni 'dod pa lnga'i spros pa rnams ye shes gsum gyi rang bzhin nyid kyis sam? ye shes gsum po nyid kyis 'od gsal gyi mthar thug par nye bar shi ba'i phyir ro/  /mthar thug pa'o/ /phyis gcig tu byas pa ni/ gsum po
rnams kyang mtshan ma nyid las so/  /thabs kyi ye shes ni 'od gsal thob pa'i thabs yin pa nyid kyi phyir longs spyod rdzogs pa'i sku'o/ /de nyid kyi phyir lha zhes bya ba la sogs pa gsungs so/ /chu zla zhes bya ba la sogs pas dpe bcu gnyis kyis gsungs pa'i
ye shes kyi sku ni lha'i bdag nyid yongs su shes pa'o/  /bde ba chen po gcig ces bya ba 'dis zung 'jug ni bde ba chen po'i ngo bo nyid du bstan no/ /gsungs pa yang/ bde dang sdug bsngal zhes pa gnyis gnyis ka sbyin par byed par brtags dmigs pa med pa
ma brtags pa/  dmigs med bde ba chen po'o zhes so/ /thams cad ces bya ba la sogs pa ni/ sangs rgyas kun gyi brten ni sangs rgyas rjes su dran pa la sogs pa'i rim pas sangs rgyas kun gyi de'i bdag nyid kyis bsten pa sangs rgyas kun gyi gnas 'od gsal ba'i bdag
nyid la'o/  /nyams dga' ni yid du 'ong ba'o/ /b+ha ga la ni bdud bzhi 'joms pa'i sgrub pa la'o/ /zhi ba gcig bu'i ming zhes pa ni zhi ba ni nye bar zhi ba'o/ /gang du gcig la sogs pa'i ming ngo zhes pas gcig pu'i ming ngo/ /gang du zhes pa yang dag par skyes pa der
gcig dang du ma la sogs pa'i ming gzhag pa gang du skyes pa zhes mngon par dgongs so/  /rang gi de nyid ni 'od gsal lo/ /de'i phyir gnyis su med pa nyid kyis ni bdag nyid gcig pu nyid gyis so/ /byung zhes pas rang gis ngo bo ston par byed do/ /rdo rje ni rdo rje
'chang chen po'o/  /sbyar bar byin zhes par bya ba'o zhes pa'o/ /sangs rgyas rjes su dran sbyor bas te ni kun tu sbyor bar byed pa'o/ /longs spyod rdzogs pa'i sku 'od gsal du 'jug par byed pa ni b+ha ga ling+ga yin par bsgrags te/ rdo rje 'chang chen po dag gi gsungs so//
gzhugs pa zhes pa ni/  gang du yongs sbyor ba'i don du gzhugs pa ste/ de bzhin nyid nges gnyis med sbyor ba ste gnyis su med pa'i ting nge 'dzin no/ /ci yin zhe na sangs rgyas zhes bya ba la sogs pa'o/ /de las zhes pa rdo rje 'chang chen po gnyis su med pa'i bdag
nyid can gsungs pa las so/  /rnam spro bya ni rnam pa sna tshogs pa'i rnam pas spro bar bya ste phyi rol tu spro bar bya'o/ /sangs rgyas gzugs blo ldan ni spro bar mngon par shes pa'o/ /spro ba'i sgo gsungs pa ba spu zhes bya ba la sogs pa'o//
rdzogs pa'i ting 'dzin dang ldan pa ni 'dir rab tu bstan pa nyid kyi phyir ba spu'i sgo ru gnas zhes brjod par bya ste/  gcig spro ba'i dbang nyid kyis ba spu'i bu ga la'o/ /ci zhe na sangs rgyas sprin rnams zhes bya ba la sogs pa gsungs so/ /dgongs pas bshad
pa'o/  /rnal 'byor pa thams cad kyi zhes bya ba ni/ bskyed pa dang rdzogs pa'i rim pa la gnas pa'i rdo rje 'chang chen po la sogs pa'i rnal 'byor pa'o/ /ji ltar snyed pa'i gzugs zhes bya ba ni/ /'dis gzhan gsungs pa'i mgrin pa snyan pa la sogs pa la
'dir nges par bltos par bya ba ma yin no zhes ston par byed do/  /yan lag ma nyams pa tsam la ni bltos par bya'o zhes gsungs la/ yan lag ma nyams pa nyid kyis shes so/ /gzugs la sogs pa'i yul gyi mtshan nyid kyis ni gzugs la sogs
pa'i yul nyams su myong ba'i mtshan nyid de / gang yang bdag nyid mched pa zhes pa 'di'i khyad par ro/ /yul gyi mtshan nyid ces pa ni yul gyi mtshan nyid gang yin pa mchod pa zhes bya ba'i don no/ /byin gyis brlabs pas zhes pa ni dmigs pa'o/ /yul du zhes pa ni
yid du 'ong ba la sogs pa rnam pa gsum rnams pa'o/  /rim pa ji lta bar de la dmigs pas rdzogs pa'i phyir 'dod chags la sogs pa'i rang bzhin gsum mo zhes so/ /rdo rje 'chang chen po'i zhes pa ni rnal 'byor bzhis rdzogs pa'i skad cig gis rdzogs
pa'o/  /reg rdo rje zhes pa ni 'dir ji ltar snyed pa'i gzugs la sogs pa zhes sngar gsungs pa 'dir sbrel lo/ /rnam par snang mdzad la sogs pa ni de bzhin gshegs pa rab tu grags pa'o/ /de bzhin gshegs pa can gyi zhes bya ba la sogs pas rigs la
sogs pa nges par ston par byed do/  /phyag rgya gzhan rnams kyi zhes pa ni rnam par snang mdzad kyi rigs la so so'i sangs rgyas rnams nyid kyi'o/ /sngags mchog tu gzhol ba'i zhes gsungs pa'i phyir nang la mchog tu gzhol ba rnams kyi gzhan du 'dir cho ga
gzhan du mngon par 'dod de rgya cher bshad pa med pa zhes mtshon par bya'o/  /rin chen 'byung ldan gyi nga rgyal dang ldan pas zhes pa ni bde ba'i bdag nyid tshor ba'i phung po la'o/ /rnal 'byor brtan par bya ba'i don du reg par bya ba'i don du hUM gi yi ge'i glu dang
dga' ba nyid du 'gyur ro/  /'di'i 'bras bu gsungs pa/ rang gi phyag rgya zhes pa la sogs pa gsungs so/ /yi ge phaT kyi zhes gsungs pa yang phaT yi ge sngags brjod par bya'o de zhes pa'o/ /snyoms par 'jug pas zhes bya ba la sogs pas dbang po gnyis
tha mal pa'i 'du byed gsal ba'o/  /'di ni nye bar mtshon pa ste zhes pa zla ba'i 'od lta bu zhes pa la sogs pas spyan ma la sogs pa rnams so/ /des rdo rje dbyings kyi dbang phyug ma yang zla ba'i 'od lta bu zhes bya ba la sogs pa khyad par ro zhes mngon par
dgongs so/  /gang yang 'bar bcas zhes pa la sogs pa'i khyad par nye bar mtshon pa'o/ /'di ni mA ma kI la sogs pa rnams la yang 'byung bar 'gyur ro/ /dgongs pa ma yin pa'o zhes pa ni gsal bar gsungs pa nyid kyi phyir ro/ /gtso bor
phyag rgya dang snyoms par 'jug pa gsungs pa ni de'i thabs so/  /don gyi bye brag ston par byed pas bskyed pa'i rim pa'i rnal 'byor pa la yang sbyar bar bya ba nyid de/ snyoms par 'jug pa 'di gsungs ba'i phyir te/ rnal 'byor pa thams cad kyi thun du zhes
gsungs pa'i phyir ro/  /ba spu'i du ga'i rtse bar nas zhes pa ni/ mang po nyid du bshad pa'i phyir gsungs pa/ ba spu zhes pa la sogs pa ste ba spu'i bu ga las dang/ ba spu'i rtse mo las dang/ ba spu'i bar las spro bar bya'o/ /ngo bo nyid ces pas spro bar bya'o zhes pa
lhag ma'o/  /rdo rje 'chang chen po ni drug pa'o/ /gsungs pa'i 'od dpag med ni spro ba dad bsdu ba gsungs pa/ chos kyi sprin zhes bya ba la sogs pa snga ma bzhin no/ /rdo rje sems dpa' ni drug pa rdo rje 'dzin pa nyid do/ /mi
bskyod par gsungs pa ni snga ma bzhin du spro ba dang bsdu bar gsungs so/  /rdo rje'i sprin zhes bya ba la sogs pas slar yang sangs rgyas rdo rje 'chang chen po drug pa nyid do/ /don yod grub par gsungs pa ni snga ma bzhin du spro ba dang bsdu bar gsungs so/ /
khro bo'i sprin zhes pa la sogs pa'o/  /dam tshig ni rdo rje 'chang chen po ste drug pa'o/ /ye shes kyi rang bzhin gyi sku zhes pa ni rnam par snang mdzad la sogs pa lnga po spro ba dang bsdu ba'i don du bar chad pa'i gnas lngar kun tu gzhug pa'i ye shes
kyi rang bzhin rdo rje 'chang chen po'o/  /de'i zhes bya ba ni drug pa'i gnas na bzhugs pa de'i'o/ /thigs pa zhes pa ni shin tu rnal 'byor la sogs pas sprul pa'i sku'o zhes pa rdo rje 'chang chen po'i bdag nyid zhal gsum pa phyag drug pa rnam par snang mdzad
lta bu ste 'on kyang phyag g.yas kyi gtso bos rdo rje dkar po 'dzin pa'o/  /de rgyas pa'i don zhes pa ye shes kyi sku ste 'chad par 'gyur ba'i rnam pa 'dis rgyas pa la 'byung ba'i phyir ro/ /lce'i rdo rje ni bdud rtsi myang ba 'dir bdud rtsi myang ba'i cho ga la rdo rje'i
ngo bo nyid du bsgoms par gyur pa nyid yin pa'i phyir lce'o/  /rkan gyi pad+ma zhes pa ni pad+ma lta bu ni pad+ma ste/ byang chub kyi sems phyung ba de 'dzin pa dang bskyod pa gnyis ka'o/ /de nyid kyi phyir gsungs pa/ ci ltar zhes bya ba la sogs pa'o/ /glang rgyas
zhes pa ni glang rgyas de nyid de gzhan ni zad pa'i phung po dang khams la sogs pa'i bdag nyid can yin pa'i phyir ro/  /snying gar zhes pa gsang ba ru'o/ /de bzhin nyid du 'dir yang snying gar dkyil 'khor zhes pa ni lha sum cu so gnyis kyi bdag nyid
can no/  /bu dang zhes pa ni slob ma dang yang slob ma la sogs pa'i rang bzhin te 'jig rten na yang bu dang tsha bo la sogs par rab tu grags pas so/ /'dir bskyed pa'i rim pa la gnas pa so sor phan tshun rgyur gyur pa'i tshogs ni dkyil 'khor ro/ /dgongs pas
bshad pa'o zhes pa ni rang gi rdo rje zhes pa la sogs pas lhag par chags pa'i 'bras bu nyid kyis 'gal ba'i tshig gis gsungs pa'i phyir ro/  /sku gang zhig ces bya ba ni phyogs bcur bzhugs pa'i rnam par snang mdzad la sogs pa rnams kyi sku thun mongs pa ni
sku gang zhig ces bya ba 'di brjod par bya ba'o/  /rnam pa gzhan du na sku gang zhes par 'gyur ro/ /gang yang sku gang zhig ni sku'i ngo bo'o/ /phung po nye bar mtshon pa'i don du sku'i skra de la bltos pa nyid la gang zhig ces brjod par bya ste sku gang zhig ni phung po
gang zhig ces bya bar mngon par dgongs so/  /sangs rgyas sku'i ngo bo yis ni phyogs bcur dus gsum du bzhugs pa'i rnam par snang mdzad kyi skur sgrub pa po'i lus gcig pus rgyur gyur cig ces pa'o/ /sangs rgyas kun gyi zhes bya ba la sogs pas
rgya cher 'grel pas sku'i dbang du byas nas gsungs pa ni/  gsung dang thugs dag la yang ji ltar 'byung ba bzhin du sbyar bar bya'o/ /kun tu bzang po ni mi bskyod pa'o/ /sgra ji bzhin pa'o zhes pa ni sems kyi rang bzhin nyid la sogs pa ma brjod pa nyid kyi
phyir ro/  /da ni zhes bya ba la sogs pas mchog sgrub pa la gnas pa ni/ rdzogs pa'i rim pa la gnas pa'o/ /rdzogs pa dang ma rdzogs pa rnams kyi rang bzhin yongs su shes pas so/ /sgo nga las skyes pa zhes bya ba la sogs pas sems can ma lus pa
mngon par brjod de/  skye gnas las ma byung ba med pa nyid kyi phyir ro/ /'di zhes bya ba la sogs pas 'jig rten du grags pa'i sku la sogs pa'i byed pa bstan pa'o/ /brtan pa'i gzhir gyur pa zhes pa ni lus la sogs pa ni sems can gyi gzhi med pa pa'o
gcig pu gang yin pa zhes pa la sogs pas sems kyi ngo bo nyid kyis gcig bu nyid do/  /gang ci 'dra ba zhes pa ni rang gi ngo bo gang zhig gnyug ma'i bdag nyid do/ /bdag gi zhes bya ba ni sgrub pa po yi'o/ /de 'dra bar zhes pa
ni sems can thams cad kyi ji 'dra bar brjod pa'o/  /ci ltar byas nas she nam mkha' zhes bya ba la sogs pa gsungs so/ /'dis ci zhig brjod par 'gyur zhes na/ 'dis ni zhes bya ba la sogs pa gsungs so/ /'dir byin gyis brlabs pa ni sku la
sogs pa'i thugs kyi rang bzhin nyid du 'dod pa nyid yin pa'i phyir thugs byin brlabs thog mar gsungs so/  /gsungs zhes bya ba la sogs pa la sngags shes pa ni/ 'don cing zhes bya ba ni mi la sogs pa'i mngon par brjod pa rnams so/ /sku dang
gsung dag thugs kyi nang gtogs pa'i don du gsungs pa sku zhes bya ba la sogs pas so/  /sku la dmigs pas sku'o/ /sku zhes bya ba 'og nas 'chad pa ni sku zhes bya ba'i sgra ni/ gang zhig sems par byed pa ste de nyid kyi phyir sku zhes bya ba la sogs pa
gsungs te yongs su gyur pa ni de ngo bos? rdzogs pa ste de ni sku dang gsung dang thugs so/  /thugs de nyid sku dang gsung dang thugs su mngon par brjod par bya'o/ /zhes mngon par dgongs so/ /sems can thams cad ki zhes bya ba la sogs pa la sngags kyi
sku zhes pa sngar brjod pa ni 'dir sgrel lo/  /sngags kyi sku ni ngag gi tshogs dang/ sku dang gsung dang thugs kyang sngags kyi sku ste/ sku dang gsung dang thugs las tshig dang sems dag dang/ tshig dang lus ngag tu mngon par brjod do/ /de nyid phyir de dag ces
bya ba gsungs te/  sgo de las skyes pa rnams kyi sgra ni sngags te gsung yin no/ /de'i rang gi ngo bo nyid de nyid rdo rje'o/ /sku gang yin pa zhes pa ni sku'i sgras gsung dang ldan pa'i phung po'o/ /gsung byin gyis brlab pa mngon par brjod nas sku byin gyis brlab
pa gsungs pa/  gsung zhes pa la sogs pa ste 'di'i don tshig tu zhes bya ba la sogs pa gsungs la/ tshig tu brjod pa ni ngag tu rab tu 'byung ba nyid do/ /sgo nga las skyes pa la sogs pa'i sgra'i tshogs rab tu 'jug pas zhes bya ba'i don no/ /gang zhes pa ni
brdar btags par gyur pa'o/  /sgo nga las skyes pa la sogs pa'i phung po'i tshogs pa la sgo nga las skyes pa'i phung po'i rnam par rang rang so so de dang de'i sems skyes so/ /de lta bu zhes pa ni sngags byin gyis rlob par byed pa la bltos pa'i tshig ste/ ji lta bu zhes pa
la sogs pa la 'chad par 'gyur ba la bar mchad par sbrel lo/  /gang zhes pa la sogs pa'i bshad pas sngar gyi dang sbrel lo/ /de nyid kyi phyir bshad ma thag pa'i zhes bya ba la sogs pa gsungs so/ /sems can thams cad kyi zhes pa ni sngar gsungs pa'i
mi rnams dang phyis 'chad pa'i sgo nga las skyes pa la sogs pa rnams so/  /mi dang sgo nga la sogs pa skyes pa rnams nyid ni de rnams nyid kyi'o/ /rdo rje'i sku yang zhes pa ni/ rang bzhin las de mi dad sgong? skyes la sogs pa rnams kyi sngags kyi sku dag gnyis su med
pa'i ngo bo yin pa'i phyir ro/  /bdag kyang de dang 'dra zhes pa ni sku byin gyis rlob par byed pa la bltos nas 'dis bdag med de rnams kyi sngags kyi sku dag ro mnyam pa nyid du so sor rtogs pa nyid du bstan no/ /slar yang mi la sogs pa rnams sngags kyi sku dag so so
skye bo'i gnas skabs na yang yod pa ma yin nam gnyis su med pa nyid ci ltar yin zhe na/  bcom ldan 'das kyi gsungs la 'byung ba gang yin pa de tshad mar bstan pa'i phyir rab tu 'byung zhing zhes bya ba la sogs pa gsungs te/ rab tu 'byung ? ltar ba'o/ /
rtag pa nyid du zhes pa ni 'das pa dang ma 'ongs pa'i dus gnyis ston no/  /ngo bo nyid ni bde ba gnyis po'o bdag nyid kyi mtshan nyid do/ /rnam pa gzhan du rim pa las brgal bar bya ba ma yin no zhes 'da' bar dka' ba'o zhes bya ba la sogs pa gsungs so/ /bstan to 
zhes bya ba ni lung du'o/  /sngags 'dzin pa dang mnyam zhes bya ba la sogs pas 'bras bur gyur? pa rdo rje 'chang chen po ji 'dra bar mi la sogs pa'i sems la sogs pas ro mnyam pa nyid yin pa de bzhin nyid du de rnams kyi bdag sgrub
pa po'i yang sems la sogs pa ro mnyam pa nyid do zhes pas rdzogs pa dang ma rdzogs pa dag gis dngos po de dag gzhan du yod pa ma yin no zhes ston par byed do/  /dgongs pas bshad pa'o zhes pa ni rnam par bshad pa don ni rgyas pa'i don dang 'gal ba nyid
kyi phyir/  /rnal 'byor pa thams cad kyi zhes pa ni/ rnam par snang mdzad la sogs pa'i rim pa gnyis kyi rnal 'byor pa'o/ /don dam pa'i bden pa nyid dkyil 'khor ro/ /de la 'jug pa'i rim pa'i rtogs pa'i rim pa des so/ /yang dag pa'i
mdza' zhes pa ste/  yang dag pa'i sgras 'byung ba dang 'byung ba las gyur pa'i phung po la sogs pa nye bar mtshon par bya'o/ /mdza' ni de rnams mthar thug pa dang/ de rnams 'gog pa zhes pa'i don no/ /yang dag pa'i mdza' i rang gi ngo bo'i dbang du
byas nas dam tshig ces bya ba la sogs pa gsungs so/  /bskyed pa zhes pa ni/ sangs rgyas kyi sku ni sprul pa'i sku'o/ /de gzugs phung rtogs pa me long dang zhes bya ba la sogs pa'i rim pas don dam pa'i bden pa rtogs shing lhag ma rang bzhin du snang ba zhes bya ba
la sogs pa rnam gzhag rim par gsungs pa'i rim pas so/  /de rjes su dran pa ni 'od gsal rtogs pa'o/ /rgyas par bshad pa dam tshig ces bya ba la sogs pa gsungs pa/ de nyid ces bya ba la sogs pa'i bya rog gi mig bzhin du snga mas phyi
mar 'jug pas sbrel lo/  /byis pa zhes pa la sogs pas mngal dang phyi rol tu byung ba'i rang gi ngo bo ston par byed do/ /gnas pa zhes pa ni 'jig rten du ? dkyil 'khor du rdo rje 'chang chen po dang de lhan cig gnyis su med par gyur pas reg bya'i yul nyams su myong bar
byed do/  /'jig rten du yang gsal lo/ /bsad na zhes pa la sogs pa'i don bshad pa ni/ ji ltar zhes pa la sogs pa rnal 'byor pa la 'di dag so sor gsungs so/ /srog brtsol gnas pa ni/ dbugs 'byung ba dang/ rdung pa'i dbang gis phung po la sogs pa'i tshogS
kyang gnas pa'i phyir dang/  de dag bcad nas srog rtsol 'gog pas? don dam pa'i bden pa 'ching ba gnyug ma'i ngo bo'o/ /'dug par bya'o zhes pa rlung dbugs 'byung ba dang rdub pa'i bdag nyid can ni snang ba'i ye shes la rab tu zhugs ma thag tu kun tu snang ba la
sogs pa'i snang ba gsum 'od gsal du zhugs pa so so rang gi rig pas shes par bya'o/  /'di ltar zhes bya ba la sogs pa gsungs pa'i don gyis bsdus pa'i don ston par byed do/ /zhing las dang tshong las dang 'byor pa ma tshang ba la sogs pa gal te brtul
bcan gyi brtson 'grus ma yin na rtag tu de la spro ba'o/  /'gro ba'i rgyud du ste 'khor ba pa'i skye ba dang gnas pa dang 'jig pa'i rim pas/ dus kyi bya ba byed pa ni/ 'chi ba zhes bya ba la sogs pa'o/ /zhes pa ni rab tu gsal ba'o/ /rnam par rtogs pas 'chi'o//
zhes brjod pa'o/  /dngos po de ni 'dir bstan pa shes rab kyi pha rol tu phyin pa zhes mngon par brjod de/ 'chi ba shes rab kyi pha rol tu phyin pa 'ba' zhig tu ma zad? gyi? skye? ba yang ste bskyed par yang shes rab kyi pha rol tu phyin pa'o/ /de rnam par 'jug pa'i phyir skye ba'o
gnas pa ni 'dod pa'o/  /rman? pa ni ye shes te shes rab kyi pha rol tu phyin pa ste byang chub sangs rgyas nyid kyang ngo/ /kun gzhi thim pa ni phung po la sogs pa'i chas thams cad sangs rgyas kyi ngo bo rnams de'i bdag nyid kyis so/ /grol ba ni sdug bsngal ma lus par/
nges par zar pa'i rgyu yin pa'i phyir ro/  /bsam pa thams cad ni mngon par 'dod pa thams cad rdzogs pa'i rgyu nyid yin pa'i phyir bsam pa thams cad rdzogs byed pa ste chos kyi sku'o zhes pa lhag ma'o/ /gnas skabs tha dad pas bshad pa'i phyir slar yang dgongs pas bshad pa'o
mdza' ni mthar thug pa ste dngos po med pa zhes pa ji srid par ro/  /byin pa ni song bar gyur pa ste/ 'di de dang de'i dngos po med pa'i bdag nyid can nyid yin pa'i phyir ro/ /'da' bar bya ba ma yin pas zhes pa ni/ brten nas skyes pa dang 'jig
pa las 'da' bar byed nus pa gang yang med do/  /gsungs pa yang ma skyes pa la 'chi ba med ces so/ /rjes su 'byed pa zhes bya ba la sogs pa gsungs pa'i phyir ye shes gsum gyi bdag nyid can ye shes kyi sku ni 'od gsal ba la dmigs pa'i phyir thog mar dmigs
par bstan no/  /'jug pa'i bdag nyid can 'od gsal ba'i ngo bo gsungs pa/ rang bzhin zhes pa la sogs pa'o/ /thams cad stong pa nyid la ngag las pa'i phyir dang/ de las bltos pa med pa nyid kyi phyir dang/ de'i ngo bo nyid yin pa'i phyir ro zhes pa ji srid par ro/ /sgyu ma
lta bu zhes pa ni yongs su dag pa'i sgyu ma lta bu'i lus len pa'o/  /ma dag pa'i snang ba med pa'i ngo bo nyid yin pa'i phyir zag med pa'o/ /byang chub ni 'od gsal ba'i ye shes so/ /'bras bu ni rang byin gyis brlabs pa'i thob bya yin pa'i phyir ro/ /de nyid kyi phyir mngon
par zhes bya ba la sogs pa gsungs so/  /'di dag ces pa la/ rtog pa gnyis po zhes bya ba ni bshad ma thag pa'i 'bras bu dang rgyu'i rtog pa gnyis so/ /'od gsal ba la 'jug pa zhes pa ni/ 'di la 'jug par bya'o zhes pas 'jug pa'o/ /'od gsal ba
ni dri ma med pa'o/  /'od gsal ba yang de yin la 'jug pa yang yin pas 'od gsal ba 'jug pa zhes pa'o/ /rang bzhin zhes bya ba la sogs pas 'jug pa'i rang gi ngo bo ston par byed do/ /dgongs pa ma yin pa'o/ /rnal 'byor pa thams cad kyi thun mong
du 'jug pa mngon par brjod nas de'i 'og tu ldang ba bstan pa'i phyir/  da ni zhes bya ba la sogs pa gsungs te/ zung du 'jug pa'i rim pas ni yongs su dag pa'i sku yis so/ /'dzin pa'i yan lag ni phung po la sogs pa'i chos rnams thams cad/ de'i bdag nyid
kyis 'dzin pa'i yan lag ni rgyu ste/  yan lag drug la bltos nas yan lag bzhi pa nyid yin pa'i phyir/ yan lag gnyis yan lag gnyis pa 'dzin pa'i yan lag go /de'i 'og tu lnga pa rjes su dran pa'i yan lag rjes su dran pa zhes bya ba la sogs pa gsungs so/ /
ldang ba ni 'dzin pa'i yan lag nyid yin pa'i phyir ye shes kyi rim pas sgyu ma lta bu'i ye shes kyi sku la dmigs pa sgom par byed pa de'i rang gi ngo bo / bden pa zhes bya ba la sogs pa gsungs so/ /de nas kyi sgra ni tha mi dad pa'i rim pa zhes pa ni skye ba med pa'i sgra
'dzin pa'i yan lag gi don las bar ma chad par sbyar bar bya'o/  /de nyid kyi phyir/ de nas zhes bya ba la sogs pa gsungs te/ rang bzhin gyi rgyu nyid yin pa'i phyir rang bzhin no/ /kun rdzob kyi bden pa ni rgyu'i gnas skabs so/ /nam mkha' zhes bya ba la sogs pas
nam mkha' dang 'od gsal dpe dang dpe can no/  /'od zer lnga dang ldan pa dbang po'i gzhu'i gnas su rdo rje 'chang chen po'o/ /mtshan ma med pa las nges par byung pa ni rgyu ste/ rgyu dang 'bras bu dag gi rnam par dbye ba med pa'i phyir rgyu gang gi 'bras bu 'di'o zhes bya ba dang byed pa
po tha snyad ga las 'gyur 'jig cing zad pas na zhes pa ni kun tu g.yo ba ste rang gi gnas skabs las 'gyur bar byed do/  /'jig par byed do/ /g.yo bar byed do zhes pa'i don no/ /reg bya'i yul ma yin pa nyid kyi phyir zhes pa ni/ 'od gsal ba'i ngo bo nyid yin pa'i
phyir nam mkha' lta bu'o/  /zag pa med pa yin pa'i phyir/ 'dod pa'i zag pa dang/ srid pa'i zag pa dang/ lta ba'i zag pa dang/ ma rig pa'i zag pa nyid rnams dang/ bral ba nyid yin pa'i phyir ro/ /dgongs pa ma yin pa'o/ /de ltar zhes bya ba la sogs pas chos dang
longs spyod rdzogs pa'i sku gnyis ni/  rgyu nyid du gsungs pa'i sku bzhi pa'i rgyu yin pas sku nyid du gsungs pa sku bzhi pa ni gnyis su med pa zhes bya ba la sogs pa gsungs so/ /da ni sku bzhi pa'i rgyur gyur pa sprul pa'i sku gsungs pa/ da ni zhes bya ba la sogs pa'o/ /mi bskyod
pa zhes pa ni lha'i 'khor lo byung ba tsam la thugs rdo rje'o zhes byas pa nyid kyi phyir de zhes gsungs pa yang zhe sdang rdo rje ting 'dzin gnas/  /dkyil 'khor thams cad rab dbyung bya zhes so/ /rnam par snang mdzad chen po rdo rje 'chang
chen po'o drug pa mi bskyod pa de'i bdag nyid kyis gnas pa nyid yin pa'i phyir/  bcom ldan 'das zhes bya ba la sogs pa gsungs so/ /'di nyid du zhes bya ba ni le'u dang por ro/ /nges zhes bya ba ni lha'i 'khor los so/ /bla na yod pa dang bcas pa'i zhes pa ni gong
ma dang lhan cig tu 'jug pa zhes pa ni bla na yod pa dang bcas pa ste/  phyi dang gsang ba dang/ nang gi bdag nyid can no zhes mngon par dgongs so/ /de gsungs pa de rjes su dran pa zhes bya ba la sogs pa'o/ /pad+ma can la sogS pa zhes pa'i sogS pa'i smra las glang chen
ma dang dung can dang/  ri mo can ma rnams bsdus so/ /pad+ma can ni/ pad+ma'i dri bro ba dang/ gla rtsi'i dri dang ldan pa yang glang chen ma'o/ /sha'i dri dang ldan pa ni ri mo can ma'o/ /'gyur byed kyi dri dang ldan pa ni dud can ma'o/ /snga dron pad+ma can no/ /phyi
dro ni dung can ma'o/  /thun du gyur pa la ni ri mo can ma'o/ /mtshan mo'i zhi ba la ni glang chen mar 'dod do/ /de'i rab tu dbye bas shes pa ni rdo rje bdud rtsi'i rgyud du gsungs pa yang dbang po thams cad la dam du 'khyud par byas pa'i bya'o/ /ma mchu
pos gzung 'o byas nas/  /sIta yi ga sngags ni brjod par bya/ /dgod byas de 'og sngags pa ni/ /rdo rje bcings pas nu ma bzung/ /pad+mar? rdo rje dgod bya zhing/ /khrag la chags pas mnyes par bya/ /shiti? yag sgra ni snyan pa yi/ /gling bu'i sgra
yis ca cor? ldan/  /nu? ma la zung dag mnye bya zhing/ /sen mo'i ri mo sbyin par bya/ /gos bral mdza' ni rnam 'gyur bya/ /'og dang steng du rtag par bya/ /pad+ma yangs par 'o bya zhing/ /dga' ba'i ngag ni brjod par bya zhes so/ /zla gsang thig ler
yang/  rkang pas rkang pa gnan byas nas/ /'og tu kha bltas bzhag par bya/ /lag pa dag ni sbyar bar bya/ /mgo la mgo ni sbyin bya zhing/ /sen mo'i rtse mos ri mo bri/ /lag pa g.yon pas pad+ma de/ /mnyes nas drod gsher 'bab par bya/ /de 'og ser mo gsum gyis
ni/  /rdo rje dril bu legs byas nas/ /pad+ma'i dbus su rab gzhug bya/ /gal te mthong na gdug pa nyid/ /de tshe sor mo rdo rjes bskyod/ /de nas gsil ba de yi tshe/ /g.yo ba med par bzhag par bya/ /de 'og so la so yi dang/ /mchul mchu yis lce yi lce/ /gzung bya ji srid
thig le yis/  /'o ma rgyu ba de srid du/ /rdo rje bzhag par bya ba'o/ /de nas langs nas tsog pur byas/ /de dag bcing ba de rnams kyis/ /'dzin cing 'khyog dang gru mo'i rtse/ /brdeg cing 'phangs la rab tu brkyang/ /byed pa bcing ba'i sbyor pa yis/ /sa gsum po ni bsgrub
par bya zhes so/  /khu ba zhes pa ni/ de nas steng 'og kha bltas nas/ /de dag lag pa'i nor bu dang/ /lce yi rdo rjes bza' bar bya/ /ji srid so ma ltung byed pa/ /lce yi g.yo ba byas nas ni/ /kha yis pad+mas gzung bar bya/ /rdo rje bdud rtsi bde chen po/ /de nas myur du bsgrub
par bya/  /de nas sngags pa langs nas ni/ /ma nor ba'i dga' ba zhes so/ /kun rdzob bden pa'i don dang ldan pa'i sbas pa'i bshad pa'o /rnam par 'grel pa'i ngo bo'i dbang du byas nas gsungs pa/ shukra zhes bya ba la sogs pa ste/ gcod par byed do zhes pa ni mchog tu
dga' ba 'char ba na mya ngan ma lus pa nye bar zhi ba'i phyir ro/  /mchog tu dga' ba zhes pa ni mchog kyang de yin la dga' ba yang yin pas/ mchog tu dga' ba ste 'od gsal lo/ /gzhan du dga' ba gnyis pa la mchog tu dga' ba zhes brjod pa ma yin nam ji ltar
de mchog yin nam ji ltar de mchog yin pa de bzhin du lhan cig skyes pa'i dga' ba yang mchog tu dga' ba zhes brjod do/  /zhes mi 'gal lo/ /'dis ni zhes bya ba la sogs pas de'i 'og tu mchog tu dga' ba las ldang pa ston par byed do/ /rjes su dran pa bcu
drug ces pa ni sangs rgyas rjes su dran pa la sogs pa'o/  /rdo rje 'chang chen po ni rnam par snang mdzad kyi bdag nyid can yin pa'i phyir/ rnam par snang mdzad kyi rang bzhin zhes par brjod do/ /mthong pa'i chos la yang zhes bya ba
ni skye ba ni 'di nyid la'o/  /mya ngan las 'das pa ni gang zhig bya ba de byas pa de slar yang bya ba med pa'i phyir ro/ /bden pa mthong bas ni khams gsum pa bden pa mthong ba'i bdag nyid yin pa'i phyir/ zung 'jug gi ting nge 'dzin no/ /de'i phyir
ma yin zhes bya ba la sogs pa gsungs so/  /phyag rgya'i don gzhan dbang du bstan pa'i don du gsungs pa/ thams cad ces bya ba la sogs pa'o/ /'di la yang tshogs gnyis yongs su rdzogs pa sangs rgyas nyid du 'gyur ro zhes thugs la bzhag
nas tshogs zhes bya ba la sogs pa gsungs so/  /gsungs pa yang/ chos gang gis ni byis pa rnams/ /'khor ba'i skye ba 'phel bar 'gyur/ /rnal 'byor ba yi chos des ni/ /tshogs kyi skye ba 'phel bar 'gyur zhes so/ /byang chub kyi sems kyi dbang
bskur ba zhes so ni byang chub kyi sems ni gnyis su ? med pa'i ye shes so/  /des yid kyi dri ma 'khrud pa ni dbang bskur ba'o/ /b+ha gar zhugs pa'i phyir zhes pa ni b+ha gar te phyag rgya'i gsang bar gnas nas thal mo sbyar ba byas te bla ma la slob mas gsol
ba 'debs par byed do/  /zhes pa bsgoms pa'i slob ma dang slob dpon gyi tha snyad bstan pa'i don du 'di brjod do/ /zhes ming du grag go/ /drug pa ni 'dir gsol ba gdab par bya ba yin pa'i phyir dang de yang de bzhin gshegs pa lnga'i bdag nyid can yin
pa'i phyir/  thams cad ces bya ba la sogs pa gsungs so/ /de nyid kyi phyir dam pa zhes bya ba la sogs pa gsungs so/ /rin chen dbang po la bltos pa 'dis zhes pa ni bstod pa'o/ /bstod par byed do zhes klag par blta bar bya ste de la phyogs bcur
bzhugs pa rnams kyis 'chad par 'gyur pa bcom ldan 'das la de bzhin gshegs pa rnams bstod par byed pa bstod pa'i rgyal po gang yin pa des/  rin chen dpal la gsol ba btab po/ /de lta bu'i bshad pa ni lung gi tshig la brten nas sbyar bar bya ste/ rgya cher
'grel pa'i tshul gyis dgongs pa 'di lta bu'o zhes 'dud par byed cing bstan par nye bar 'gro'o zhes so/  /rdo rje lta bur bden pa gnyis dbyer mi phyed pa'i ngo bo gnyis mdzes par bya'o/ /gsal par bya'o zhes pa ni de de bzhin no/ /che ba zhes pa la sogs pas 'di lam
nyid du ston par byed do/  /de nyid kyi phyir nam mkha' zhes bya ba la sogs pa gsungs so/ /rdo rje lta bu'i lam nyid ni rnal 'byor pa'i rgyud rnam par spyod bar byed do/ /nam mkha' zhes bya ba la sogs pa'o/ /de rnam par dag pa zhes pa ni de'i ngo bo nyid kyi spyod pa ste/
yongs su shes pa'i phyir ro/  /de bzhin du des zhes bya ba la sogs pa sbyor bar byed do/ /zhes pa rdo rje 'chang chen po 'am da lta ni de'i ngo bo nyid kyi bla ma'o/ /tshangs pa la sogs pa'i mthar thug pa las rgyal bar gyur pa zhes so/ /mthar thug pa'o/ /'dis zhes pa ni lam
gyis so/  /theg pa gsum ni lam mngon par brjod par byed do/ /bdag pa nyid ni bdag po drug pa'o/ /rang gi don la ta? la'o/ /nges de dag pa'i bdag nyid ni 'od gsal lhag par rtogs pa'i phyir ro/ /de nyid kyi phyir byang chub kyi ngo bo nyid kyi zhes gsungs te/ byang
chub kyi ngo bo nyid kyi de bzhin nyid kyi rang bzhin no/  /rgyas pa zhes pa ni zhel gsum la bltos nas 'di mang po'i tshig nye par ldan pa'o/ /chos kyi 'khor lo zhes pa ni nyon mongs pa gcod cing zhi bar byed pas rnam pa bcu gnyis shes pa sdug bsngal lo/ /yongs su
shes par bya'o yongs su shes so/  /slar yang yongs su shes par byang med do/ /kun 'byung ba'o/ /spang bar bya'o/ /spangs so/ /slar yang spang por? byad? med do/ /'gog pa'o/ /mngon du bya'o/ /mngon du byas so/ /slar yang mngon du byad? med do/ /lam mo bsgom 
rnal 'byor dang shin tu rnal 'byor dang rnal 'byor chen po'o/  /stong pa nyid la zhugs nas langs te/ rigs lnga dgong par byas nas byin gyis brlabs te/ rdo rje dang pad+ma 'dus bya ba yang byas nas/ de ltar sgom pa
gang yin zhe na/  dbang po gnyis zhes bya ba la sogs pa gsungs te/ lha sum cu po thams cad kyi bdag nyid can bud med la sna tshogs pa'i dga' ba'i bya ba byed cing bud med sna tshogs la rol pas mnyam pa nyid du dmigs pa'i phyir dang/ de
'ang skad cig gcig tsam nyid yin pa'i phyir/  skad cig gcig nye bar longs spyad par bya'o zhes brjod do/ /sgrub pa po thams cad ni 'dod chags kyi rigs can rnams kyi'o/ /sprul pa'i sku la dmigs nas yul nyams su myong pa'i dus su
longs spyod rdzogs pa'i sku yis chos kyi sku la dmigs pa'i phyir/  de'i 'og tu yang ldang ba'i phyir chos dang longs spyod rdzogs pa zhes bya ba la sogs pa gsungs so/ /de nyid kyi phyir bskyed pa'i rim pa zhes bya ba la
sogs pa gsungs so/  /de nyid ni drug pa nyid do/ /de nyid gnas par zhes pa ni/ sgyu ma lta bu la gnas pa sgyu ma lta bu rnams zhes pa'i don no/ /rgyal ba kun gyi zhes pa ni yongs su rdzogs pa'o/ /de bzhin du rgyal ba thams cad kyi gnas
zhes pa ni 'chad par byed pa rgyal ba rnams zhes bya ba la sogs pa gsungs te/  de bzhin gshegs pa'i snying po nyid yin pa'i phyir ro zhes pa ni lang kar gshegs pa'i snying po bcom ldan 'das kyi sngags te/ de yang rang bzhin
gyis 'od gsal ba rnam par dag pa gdod nas dge ba nyid rjes su sngags so/  /mtshan sum cu rtsa gnyis 'chang ba/ thams cad kyi lus kyi nang du son pa/ rin po che rin thang chen po/ /gos dri ma can gyis yongs su dkris pa ltar phung po
dang khams dang skye mched kyi gos kyis yongs su dkris pa/  'dod chags dang zhe sdang dang gti mug gis zil gyis non pa/ yongs su rtog pa'i dri mas dri ma can du gyur pa/ rtag pa dang/ brtan pa dang/ ther zug par gsungs nas/ bcom ldan 'das de
ci ltar mu stegs byed pa bdag tu smra ba dang/  'di ji ltar smra pa ma lags bcom ldan 'das mu stegs byed rnams kyang/ rtag par byed pa po/ /yon tan med pa/ khyab bdag/ mi 'jigs pa'o zhes bdag tu smra ba ston par bgyid do/ /bcom ldan
'das kyis bka' stsal pa/  blo gros chen po/ /nga'i de bzhin gshegs pa'i snying po bstan pa ni/ mu stegs byed kyi bdag tu smra ba dang/ mtshungs pa ma yin te/ 'on kyang stong pa nyid dang yang dag pa'i mdza' dang/ mya ngan las 'das pa dang/ skye ba med pa
dang mtshan ma med pa dang/  smon pa med pa la sogs pa'i tshig gi don rnams la de bzhin gshegs pa'i snying por nye bar bstan par byas nas byis pa rnams bdag med pas 'jigs pa'i gnas yongs su spangs pa'i don du de bzhin gshegs pa rnams ston
par byed do zhes pas sems can rgyal ba'i gnas de bzhin gshegs pa'i snying po nyid yin pa'i phyir ro zhes so/  /thams cad ces bya ba la sogs pas thams cad kyi sgra ni nye bar ldan pa ma yin ? las rnams la 'jug pa nyid du bshad do/ /thams cad
ces bya ba la sogs pa la/  chos thams cad ni rtan pa dang g.yo ba'o/ /tshig brjod par bya zhes pa ni brdzun du smra pas 'dul ba rnams 'gugs pa'i don du'o/ /bsgom mo zhes bya ba ni sgyu ma'i don du gsungs pa rnams kun nas kun tu rtogs par byed pa'i
phyir ro/  /de bzhin du yang gsungs pa zhes pa ni bden pa gnyis la 'jug pa'o/ /gnyis su med pa'i ye shes ni sgyu ma lta bu ste slob dpon rdo rje 'dzin pa dang ston pa po yang ngo/ /brdzun du smra ba ni sgyu ma lta bu nyid du bshad pa'o/ /de nyid ces pa ni drug pa'o//
de rdo rje gsum gyi dngos po nyid tha dad ma yin pa yang so so so sor bya ba dang tha snyad brtags pa zhes pa ni dbye ba'o/  /mi byed pas ni zhes bya ba la sogs pa'o/ /gang yin pa zhes pa drug pa'o/ /rgyal ba ni rnam par snang
mdzad la sogs pa dus gsum du bzhugs pa rnams so/  /mi phyed pa nyid las bden pa nyid tha mi dad pa'i phyir rdo rje'o/ /de la sogs pa'i tshig gis zhes pa ni/ sogs pa'i sgra las/ phra mas kun tu 'byed pa dang/ tshig 'khyal pa dag bsdus so/ /sems
can thams cad ces pa la sogs pa gsungs pa'i phyir ro/  /sems can bsdus pa'i don las gzhan du tshig rtsub po la sogs pa rnal 'byor pas brjod par mi bya'o/ /de bzhin du bgrod pa'i dus su yang ji ltar 'byung ba'o/ /rdo rje 'chang chen po
mnyes par bya zhes pa ni/  ngag rtsub mo la sogs pas sems can sdud? pa'i phyir ro/ /de las 'dir dam tshig lnga'i bshad pa las de bzhin gshegs pa lnga'i gzugs yongs su gyur par gsungs pas drug pa yin gyi lnga po rnams ni rdo rje 'chang chen
po'i gzugs kyis ni ma yin no/  /drang ba'i don no/ /ma 'ongs pa'i gdul bya'i 'gyod pa bsal ba'i don du/ bcom ldan 'das rdo rje 'chang chen po la zhus/ de nas zhes bya ba la sogs pa gsungs te/ dgongs pa'i chos gcig pu ni mngon par dgongs
par? tsam gyis chos gcig po ni 'dir ston par byed pa yin pa'i phyir/  dgongs pa'i chos gcig po mngon par brjod pa ni rdo rje 'chang chen po'o/ /phyag na rdo rje ni byang chub sems dpa' o/ /de bzhin du gcig ces bya ba la sogs pa zhu pa'o/ /mi
bskyod? pa'i dam tshig gcig pu las brtsams te zhus pa ma yin nam de ci ltar rnam par snang mdzad la sogs pa'i dam tshig gi lan gsung bar byed ce na/  de nyid sna tshogs don ldan zhes gsungs te/ ngo bo nyid sna tshogs pa'i don no/ /bshad du
gsol zhes bya ba la sogs pa ni de kho na nyid kyi don ni de nyid do/  /dgongs pa'i don ni 'ga' ba' i tshig gi don no/ /de nas zhes bya ba la sogs pa'i tshig gi lan gsungs te/ slar zhes pa ni dgongs pa lung ston du sngar gsungs pa'i lan gyi tshig la
bltos nas so/  /mi bskyod ces bya ba la sogs pa dgongs pa'i don du 'chad pa ni/ sprul pa ni sprul pa'i lus so/ /de rdo rjer 'gyur te/ /de bzhin nyid dang lhan cig tu gyur pas mi phyed pa nyid kyi phyir ro/ /ma rig pa ni rtag tu rtogs pa med pa'o//
de'i zhes pa sprul pa ste 'gro ba'i rgyud kyi nang du gtogs pa'i sprul pa yi'o/  /de nyid lag pa ste phyag yin te/ de bzhin gshegs pa'i brdas so/ /lag pas? de la ye shes rang bzhin ni longs spyod rdzogs pa'i sku'o/ /phung sogs zhes pa ni sprul pa'i
lus su skyes pa'o/  /dus gsum zhes pa ni dus gsum pa ste/ bum gsum pa yang phung po la sogs pa yongs su rdzogs pas 'byung ba'i phyir ro/ /rdo rje gsum ni sku la sogs pa'i rdo rje las skyes pa'o/ /phye mar brlags pa ni/ rnam par
'jig pa'o zhes 'chad par 'gyur ro/  /'od gsal ba'i bdag nyid can gyi chos kyi sku'i rdo rje nges so/ /'di ni zhes pa tha mal ba'i phung po la sogs pa bshig pa'o? zhe sdang? zhes pa ni rang bzhin gyi phung po dag kyang phyir phyogs par bshig pa'i mthar thug
pa ste/  zhe sdang mi bskyod pa'o/ /de'i rigs yid du 'ong ba ni 'od zer lngas brgyan pa'o/ /mi bskyod ye shes rdo rje ni rnam par shes pa'i phung po lnga bo'o/ /de tsam nyid kyi phyir gzugs la sogs pa'i phung po rnams de las skyes pa ni rdo rje chos kyi sku/
de las skyes pa zung 'jug gi ngo bo'o/  /gsungs pa'i don 'di nyid thob par 'gyur zhes bya ba la sogs pa gsungs so/ /mi bskyod pa'i dam tshig bshad nas rnam par snang mdzad la sogs pa'i dam tshig bshad pa'i phyir/ de nas zhes bya ba la sogs pa gsungs
te/  phyag na rdo rje ni 'od par byed pa'o/ /ye shes thar pa rab bsgrub pa ni ye shes ni dz+nyA na te/ dz+nyA rtogs pa la'o/ /na dgag pa la'o/ /des na 'di'i don shes pa'i dngos po med cing mi shes pa med pa rang bzhin kyi 'od
gsal bas so/  /ye shes gsum med pa'i ngo bo nyid yin pa'i phyir 'od gsal lo/ /'khor ba dang mya ngan las 'das pa dag? las grol ba'i phyir yongs su dag pa'i ye shes kyi sku ni thar pa'o/ /de mchog tu gyur pas sgrub par byed pa ste/
sgrub par byed pa gzhan ni thun mong pa yin pa'i phyir ro/  /rdo rje 'chang chen po ni khyad par du rang bzhin te chos rnams thams cad kyi rang bzhin no/ /des dag pa ni sdig pa dang bsod nams dag gis kun tu 'dres pa med pa'i phyir ma gos pa'o/ /byang
chub ni rdo rje 'chang chen po nyid do/  /de'i don du spyod pa ni mchog tu gyur pas ston par byed pa'o/ /yang dag par rdzogs pa'i byang chub ni rdo rje 'chang chen po'o/ /dam tshig gi de kho na nyid gang yin pas de bsgrub par bya ba de ni sgrub pa'o/ /chos zhes
bya ba la sogs pa dam tshig gi de kho na nyid 'chad par byed do/  /rin chen chos ni chos kyi sku'o/ /de la rab tu 'jug pas ni sprul pa'i sku'o/ /rdo rje sems dpa' ni ye shes kyi sku'o/ /rnam par smin pa las byung ba ni rnam par smin pa'i phyir dang/
las rnam par smin pa las skyes pa ni rnam par smin pa las byung ba'o/  /sprul pa'i sku'i gnas skabs kyi phung po la sog pa de rnams 'phrog pa ni gsal ba'o/ /des zhes pa ni chos kyi sku'o/ /rnam kun tu zhes pa ni ma lus par ro/ /de lta
phur gyur pa gang yin zhe na thams cad ces bya ba la sogs pa gsungs te/  sangs rgyas byang chub rab tu bsgrub pa ni ye shes kyi sku rab tu sgrub par byed pa'o/ /yid bzhin nor bu lta bur ni/ bsam pa thams cad yongs su rdzogs par nus pa nyid yin
pa'i phyir de dang mnyam pa'o/  /nor gyi rgya mtsho yongs su gang ni yo byad la dbang thob pa'o/ /thams cad nyid kyis ni rnam pa snang mdzad kyi rigs can rnams kyis so/ /'di'i bya ba gang zhe na/ gti mug ces bya ba la sogs pa gsungs so/ /'dod chags
kyi dam tshig gi dbang du byas nas sgyu? ma zhes bya bas gsungs pa/  der ni zhes pa sgyu ma'i sku la'o/ /phung po la sogs pa gang bar bya ni shin tu rnal 'byor gyi rim par sprul pa'i sku 'dzin par byed pa de'i ngo bo nyid du bya'o/ /ci ltar zhe na/ bzhi zhes bya ba la
sogs pa gsungs te/  byang chub kyi ni tshul mchog ni rin po che'i gang zag go /de nyid kyi phyir/ kun rdzob ces bya ba la sogs pa gsungs te/ dbang po las dam pa'i bde ba'i spy+d pa las zung 'jug zhes pa la sogs par sbyar ro/ de'i sbyor ba ni bden? pa
gnyis sbyor ba ste/  de la mnyam gzhag sbyor ba yi ni de dag so sor rtogs pa'i don du mnyam par gzhag pa'i sbyor ba ni de la mnyam gzhag sbyor ba ste/ des so/ /'di zhes bya ba la sogs pa ni gnyis su med par nyams su myong ba 'di ni sangs rgyas thams
cad kyi ste thams cad rtogs pa rnams kyi'o/  /'dod chags chen po'i tshul mchog ni/ don chen po skyed par byed pa nyid yin pa'i phyir ro/ /de nas zhes bya ba la sogs pa la 'gro ba'i rnam pa nyid yin pa'i phyir sna tshogs so/ /sku la sogs pa'i rdo rje
gcig tu gyur ba'i phyir rdo rje mi byed gsum mo/  /rnam par snang mdzad la sogs pa'i de bzhin gshegs pa lnga'i bdag nyid can nyid yin pa'i phyir rgyal ba'i bdag nyid do/ /rdo rje 'chang gi dngos grub ni rdo rje'i dngos grub po/ /de'i thabs nye bar ston par byed
pa yin pa'i phyir/  rab ston pas so/ /rtsub dag sogs pa zhes pa'i sgra las brdzun du smra ba la sogs pa rnams gzhan du dam tshig lnga nye bar song nas bzhi po rnams kyang bshad do zhes pa ni 'gal bar 'gyur ro/ /phung po la sogs med ston tshig ni/ 'dir
sogs kyi sgra las khams la sogs pa bsdus so/  /de don ni phung po la sogs med pa'i don no/ /phung po la sogs pa dngos po med pa'i don la ma bslabs par dngos po med par brjod par yang/ rang gi don dang gzhan gyi
don ci'ang sgrub par mi nus pa ma yin no/  /de'i phyir gsungs pa/ de lta bu de bslabs pas zhes so/ /tshig dang ldan zhes pa ni drug pa'i rjes su'o/ /ngo bo gang yin zhe na rnam par snang mdzad la sogs pa de bzhin gshegs pa thams cad kyi rang
bzhin phung po la sogs pa rnams so/  /de rnams kyi bdag po ni de rnams skye ba dang zad pa dag gyi rgyur gyur pa nyid yin pa'i phyir ro/ /khams gsum pa zhes pa ni 'dir khams zhes pa 'di 'chad par byed pa 'di gsungs pa/ rang gi mtshan
nyid ces pa la sogs pa'o/  /slar yang khams kyi don ci zhes na rab tu rnam par 'byed pa zhes bya ba la sogs pa gsungs so/ /khams gsum pa'i zhes bya ba la sogs pa 'di'i don de zhes bya ba la sogs pas gsungs so/ /bshad pa gnyis
ka phan tshun sprel bar gsungs pa de zhes bya ba la sogs pa ste/  'jig rten gyi khams rnam pa gsum du gsungs pas lhan cig sbyor bar byed pa de nyid kyis na zhes bya ba la sogs pa gsungs so/ /de bzhin gshegs pa'i spyod pa 'di slar yang ci zhes
na/  'di nyid la zhes bya ba la sogs pa'o /spyod pa nyid kyi bsngags pa zhes pa ni drang ba'i don dang dgongs pas bshad pa dag go /rgyal chen ris bzhi la sogs pa zhes pa la sogs pa'i sogs kyi sgra las mtshe ma la sogs pa lnga rnams bsdus so//
zin pa'i phung po la sogs pa bden pa gnyis kyi rnam par dbye ba'i bar mchad par ma zin pa'i dbang du byas nas gsungspa/  de rnams zhe bya ba la sogs pa ste/ gang na zhes bya ba la sogs pa'i tshig las gzugs med pa'i khams na gzugs so/ /de nyid
kyi phyir 'di dag gi don la med ces mi ldan pa'i don du bshad do/  /steng yod na bar brjod pa'i dbang du byas nas bzhi zhes bya ba la sogs pa gsungs te/ thog mar yang thun mong du bstan pa nyid kyi yin pa'i phyir/ rgyu ba dang zhes bya ba la sogs pa gsungs so//
phung po la sogs pa rnams so zhes pa ni zin pa dang ma zin pa'o/  /rang las zhes pa ni rang? dbang las so/ /brjod kyis mi lang ba'i yang zhes bya ba ni le'u dang por bshad zin to/ /dam tshig la the tsom za ba'i sgo nas ni sngar gsungs pa'i dam tshig lnga po de
shes pa the tshom za ba ste 'phags pa ma yin pa'i las rab tu 'jug pa de'i sgo nas so/  /thun mong ni mchog ma yin pa brtags pa'i sgrub thabs so/ /mchog ni rdzogs pa'i rim pa'i sgrub thabs so/ /rang gi lha ni rang gi rigs kyi lha
la slob bzhin pa'o/  /dang po zhes pa ni der gsungs pa'i 'dus par 'gyur nas zhes par sbyar bar byas nas so/ /snying po ni A li kA li bsdus pa'i ngo bo yin pa'i phyir ro/ /gsal bar byas pa ni rab tu rtogs pa'o/ /sku la sogs pa'i bdag nyid can yin
pa nyid kyi phyir sku zhes bya ba la sogs pa gsungs so/  /dngos grub chen po ni rang gri'i dngos grub la sogs pa'i mtshan nyid can dngos grub chen po brgyad do/ /de'i thabs ni de 'grub pa'i rgyu'o/ /mchog ni de'i 'og tu sangs rgyas nyid sgrub pa'i thabs yin
pa'i phyir ro/  /snang ba'i ye shes ni tshung du yin pa'i phyir dang/ snang ba nye bar thob pa ni gti mug gi bdag nyid can yin pas de'i phyir de dag la bltos nas/ shes rab ces bya ba la sogs pa gsungs te/ mchog tu dga' ba'i ngo bo snang ba
kun tu gsal ba'i bdag nyid do/  /de'i zhes pa ni mchog tu dga' ba byung ba las te/ snang ba dang snang ba nye bar thob pa byung ba ni ma yin no/ /de la bltos pa nyid kyi phyir/ mchog tu dga' ba'i bdag nyid can rdo rje 'chang chen po la bltos pa'i nyid? yin 
pa'i phyir ro/  /gsung bstan pa'i phyir/ lus zhes bya ba la sogs pa gsungs te/ sku dang gsung dang thugs kyi rdo rje rnams ni lus la sogs pa rnams so/ /'di'i don 'chad pa sku dang gsung dang thugs rnams bsgom pa ni sku
dang gsung dang thugs zhes pa sku dang gsung dang thugs kyi tshul gyis zhes pa rnam par 'grel lo/  /bsgom pa zhes pa 'di'i bshad pa ni/ yongs su shes pa zhes pa'o/ /de lta bu'i sku dang gsung dang thugs bsgom pa gang yin pa de bya'o/ /ci ltar
zhe na/  rnam par mi rtog ces bya ba la sogs pa gsungs pa/ rnam par mi rtog mi dmigs pa ji lta bur 'gyur ba de lta bur bya'o zhes bya ba'i khyad par ngo/ /dgongs pa ma yin pa'o/ /pha rol tu phyin pa zhes pa la sogs pas rnam par snang
mdzad la sogs pa'i ting nge 'dzin la snyoms par zhugs nas spyan ma la sogs pa mnyes par byas par gyur to zhes gsungs par 'gyur ro/  /mnyes par byed pa de nyid rdo rje ste/ bden pa gnyis gnyis su med pa'i rang bzhin nyid yin
pa'i phyir te/  de nyid kyi phyir mi 'jig pa'i ngo bo yin pas zhes gsungs so/ /sems rtse gcig pa nyid ni sems ni gnyug ma'i ngo bo nyid yin pa'i phyir zung 'jug gi ting nge 'dzin no/ /rdo rje 'chang chen po ni drug pa'o/ /de rnams ni zhes pa la
sogs pa la/  lhan cig sbyor? ba ni spyan ma la sogs ba rnams so/ /sogs pa'i sgra las rjes su sbyong pa'i gzugs la sogs pa'i rdo rje rnams bsdus te de rnams pho nya mo dang/ bran mo dang gang ma la sogs pa'i khyad par du bya ste phye ba ngos? bya ba la
sogs pa rnams kyis so zhes bya ba'i don no/  /'dun pa'i go rim dang/ mngon par 'dod pa'i go rim gyis so/ /de'i zhes pa ni bya ba yi'o/ /shub pu dang man ngag gis so/ /'dus dang zhes pa ni rnal 'byor pa dang rnal 'byor ma'i cho gas bya ba'i dbang
gis gcig tu 'dus pa'o/  /go rim ni 'dus pa rnams kyis ji ltar bstan pa'i tha snyad kyis rab tu 'jug pa'i rim pa'o/ /de nyid rtog pa'i go rim ma dkyil 'khor la sogs pa gsungs pa rnams kyang rung ste/ dkyil 'khor la sogs pa gsungs pa rnams
dang ma gsungs pa rnams kyi rang rang gi ngo bo ni de nyid do/  /de lta bu'i zhes bya ba la sogs pa ni phyir byung bar gyur to zhes pa ni phyi rol nyid yin pa'i phyir ro/ /rgyab kyis phyogs pa ni de bzhin gshegs pa sgrub pa po la zhes mngon par dgongs so zhes bya
pa'i sgra phyin par nges par bstan no zhes pa ni sngar gsungs pa mchog tu 'dzin no zhes byas nas de bzhin gshegs pa rnams sgrub pa po la zhes mngon par dgongs rgyab kyis phyogs pa'o/  /rol pa'i sgo? nas zhes pa ni de bzhin gshegs pa rnams rol pa
lta bu rnams kyi rang gi ngo bo ston pa/  spyan ras kyi mi 'tsho ba'i rgyu ni de ma thag tu gsungs pa'i phyir ro/ /thams cad ces bya ba la sogs pa ni byon cing zhes pa yang dag par bskyed pa'o/ /gshegs pa ni sku las zhes pa spyi bo las so/ /gsung so
las zhes pa mgrin pa las so/  /thugs las zhes pa snying ga las so/ /gnas 'di rnams las phyung par gyur to zhes pa spros par gyur pa'o/ /ci ltar spros par gyur zhe na tshigs gis zhes bya ba la sogs pa gsungs te/ /ci lta bu'i tshig ce na/ thugs
dang sku la bltos pa'i gsung ste/  /gang du thugs dang sku bdag gis rab tu sbyor ba de ru gsung sbyor pa'o/ /ci lta bu ni slar? yang brjod par bya ba ci zhes pa'o/ /bud med dang skyes pa dang ma ning? zhes pa la sogs pa ni bsdus par gyur pa zhes pa ni A li kA
li dang/  rnam par shes pa bsdus pa nyid yin pa'i phyir dang yi ge rnams de'i ngo bo nyid yin pa'i phyir yi ge gsum mo/ /gsung tsam gyis zhes pa ni brjod par byas pa'i skad cig la zhes pa ni mngon par byed pa'i dus la bltos nas 'di gsungs so//
gzigs pas zhes bya ba la sogs pa'o/  /ci ltar gzigs pa tsam gyi rgyal bar gyur pa ma yin zhe na/ de'i phyir de'i khyad par ston par byed pa ni rdo rje sems dpa' zhes bya ba la sogs pas gsungs so/ /rigs thams cad ni
rnam par snang mdzad la sogs pa'i rigs lnga'o/  /de'i bdag po'o/ /dga' ba rgya chen po ni kun tu rangs pa'o/ /'da' bar mi bya ba ni/ 'dus pa pa rnaMs kyis rim pa las 'da' bar mi bya'o/ /gnas pa zhes pa ni sgrub pa'i thabs las gsungs pa'i
rim pas so/  /rang gi ngo bo nyid kyis zhes pa gsum po 'di rnams gang yin pa ni/ gang gi bdag nyid gang yin pa de rang gi ngo bos te thun mong ma yin pa'i rnam pa'o/ /gang yang sgrub pa po'i rang gi ngo bos so/ /rdo rje zhes pa la sogs pas ting nge
'dzin sems dpa' de bzhin gshegs pa lnga'i bdag nyid can 'od zer lnga dang ldan par gsungs so/  /sangs rgyas rnams kyi zhes pa ni yang dag par rtogs pa rnams kyi sku dang gsung dang thugs kyi nus pa ni sku la sogs pa'i stobs so/ /bcug pa tsam nyid
kyis zhes pa ni de bzhin gshegs pa'i stobs kyis bcug pas rnal 'byor pa dang lhan cig tu gyur pa de'i bdag nyid las so/  /de nyid kyi phyir thams cad ces bya ba la sogs pa gsungs so/ /mnyes par byed pa'i phyir ni rjes su chags pa bskyed par byed
pa nyid? yin pa'i phyir ro/  /rgyal po ni drug po'o/ /sku'i dkyil 'khor zhes pa ni de bzhin gshegs pa rnams kyi gnas nyid yin pa'i phyir ro/ /'di ni zhes bya ba ni 'gugs pa'o/ /brtan par gyur ni mi bslu bar gyur pa nyid yin pa'i phyir ro/ /bsdus?
pa zhes pa la sogs pas dkug pa zhes pa 'dir byed pa la ldun? ston par byed do/  /thugs kyi dam tshig ni mi bskyod pa'o/ /'di ? ngo bo nyid yin pa'i phyir ji ltar zhe bya ba la sogs pa gsungs te/ shar la sogs pa'i gnas rnams su zhes yin/ gtso bo'i shar
la sogs pa'i gnas bzhi po rnams su'o/  /ji ltar gsungs pa zhes pa ni sgrub pa'i thabs su'o/ /phyag la sogs pa zhes pa'i sogs pa'i sgra las zhal dang mtshen ma la sogs ba gzung ngo/ /'dod chags la sogs pa'o zhes pa ni 'dod chags dang 'dod
chags dang bral ba dang/  'dod chags bar ma'o/ /de rnams kyi nye bar mtshon par byas pa ni/ rang gis yang dag par rig par byas nas so/ /rig pa'i sbyor ba'o/ /yi ge gsum gyis zhes bya ba ni aoM A:hUM zhes bya ba 'dis so/ /spro bar bya ste ni byang chub kyi
sems las rdzogs pa'i phyi rol tu bya ba'o/  /dkyil 'khor gzhan du yang rnam par snang mdzad la sogs pa'i lus nyid do/ /dbyer med pas zhes pa ni/ dkyil 'khor dang dkyil 'khor par gsungs pas gang yin pa dag la'o/ /rnam par snang mdzad la
sogs pa'i sku la ni/  dkyil 'khor las gzhan pa'i dkyil 'khor pa yod pa ma yin no/ /snying ga'i? zhes pa ni dam tshig sems dpa' i snying ga'i dbus su chud pa'o/ /thugs ka zhes pa la sogs pa dang zla ba la gnas ba'i ye shes sems dpa' ston par byed
de/  /ye shes sems dpa' i thugs kar ting nge 'dzin sems dpa' bsgom par bya'o zhes pa ni rnam par snang mdzad la sogs pa'i dbang du byas nas gsungs pa'o/ /phul zhes bya ba la sogs pas mi bskyod pa ston par byed de/ /kha rnam par byes pa'i rdo rje zhes pa ni
rtse mo gyes pa'o/  /lcags kyu zhes bya ba la sogs pa de bzhin gshegs pa'i 'od zer gyi lcags kyu'i rnam pas 'gugs par byed do/ /bskul par bya ni/ de bzhin gshegs pa rnams kyi thugs ka nas 'gugs par byed pa'i don zhes gsungs so/ /bsgrub par
bya ba zhes bya ba la sogs pa ni le'u bco brgyad par 'chad par 'gyur ba/  bsgrub bya'i lus gang yin pa'ang/ /dkyil 'khor rnam par bsgom par bya zhes pa la sogs pa'o/ /rdo rje lcags kyus zhes bya ba la sogs pa la/ rdo rje lcags kyus bskul ba'i 'og? tu ci
zhig bya zhe na/  lha zhes bya ba la sogs pa gsungs te/ thugs rdo rje gcig pu nyid ni thugs ni sgrub pa po de thams cad ni/ rol mkhan gcig nyid zhes bya ba la sogs pa ni/ rigs lnga la yang sbyar bar bya'o/ /'jigs
par gyur pa zhes pa ni 'jigs pa/  gnyis pa'i ming tshig gi mdza' o/ /gyur pa ni 'da' ba gang yin pa de rnams 'jigs par gyur pa'o/ /de ltar zhes bya ba la sogs pa'i don bshad pa ni mchog tu 'dzin par byed do/ /nan tan mi byed pa ni mi shes pa'i
phyir ro/  /mi shes pa nyid bstan par bya ba nyid bstan par bya ba'i phyir/ gal te zhes bya ba la sogs pa gsungs so/ /las gang bshad zin no zhes pas sel bar 'dod pa mi 'grub po/ /sgra ji bzhin pa'o/ /don bshad zin no zhes
pa ni drang ba'i don gyi bshad par gsungs pa'o/  /gsang ba ni 'gugs pa'o/ /de la rab tu zhugs pa las ni mchog tu brtson pa'o/ /yongs su rdzogs pa ni de bzhin gshegs pa thams cad kyi bdag nyid can yin pa'i phyir ro/ /yod pa ni yod bzhin pa'o/ /sngags kyi
dam tshig ni bsgrub par bya ba dang sgrub par byed pa'i rab tu sbyor ba'o/  /'da' ? bar mi bya ba ni 'da' bar bya ma yin pas gang yin pa de rnams sngags kyi dam tshig ste sgrub po sgrub pa'i thabs ni dbang po gnyis kyi rnam par rtog pa ste de'i 'og tu 'od gsal ba'i phyir ro/ /grub?
rang? byung? nas zhes bya ba ni bden pa gnyis kyi bdag nyid can nyid du rdzogs par gyur pa'o/  /bshad pa'i don 'di nyid bstan ba'i phyir/ don dam pa zhes bya ba la sogs pa gsungs so/ /de yongs su mi spong ba ni de dag yongs su mi spong ba ste/ de'i don gyis spyor
ba ? chags ? te rtag tu mngon par zhen pa'o/  /khams gsum pa zhes bya ba la sogs pas zung 'jug gi ting nge 'dzin la gnas pa yi'o/ /'gro ba ma lus pa rjes su 'dzin par byed pa nyid kyi rjes su chags ba dang bcas pa gus ba dang bcas pa'o/ /lta bar byed pa phyag
rgya chen po'i bdag nyid kyi lus su shes par bya'o zhes bzung par 'gyur ro/  /cho ga bzhin zhes pa ni dmigs pa ni cho ga'o/ /de dang tshungs par gcig nyid du 'jug go zhes pa bzhin no/ /de nyid kyi phyir ? zhes bya ba la sogs pa gsungs so/ /cho ga ni ye shes kyi sku bskyed
pa'o/  thabs dang bcas pa zhes pa la sogs pa ni de la sgra ji lta ba bzhin du brjod pas thabs lha'i dmigs pas 'od zer bskul pa des/ de bzhin gshegs pa rnams kyis nus pa 'gugs shing 'jug pa byed pa'o/ /'bras bu yang thams cad zil gyis gnon
pa'i sangs rgyas su 'gyur ro zhes gsungs so/  /mchog sgrub pa la gnas pa rnams kyi thabs rig ma'i dbang phyug ces bya ba la sogs pa gsungs pa de'i 'og tu dngos grub ces bya ba la sogs pa mngon par brjod pa ni 'bras bu'o/ /de bzhin gshegs pa thams cad nyid ni rnam
par snang mtshan? la sogs bsnga? po? rnams so/  /de rnams kyi drung du gnas nas byang chub kyi sems kyi dbang bskur bar byed pa nyid yin pa'i phyir thams cad dbang bskur ro/ /des zhes bya ba la sogs pa de bzhin nyid la dmigs pa nges so/ /gzugs la sogs pa'i yul lnga
po la mchog dang bla? ma dang bar ma'i btsun mo rnams so so re rer gnas pa rnams nye bar longs spyod par bya zhing nyams su myang bar bya'o/  /de la sgrub pa thun mongs pa la gnas pa rnams kyi gzugs la sogs pa rnams gzugs rdo rje la sogs pa nyid kyis nyams su myong ngo//
mchog sgrub pa la gnas pa rnams ni bdan pa gnyis gnyis su med pa nyid kyis so/  /rnal 'byor pa gnyis kyis bsgoM pa las spro pa yang rnam pa gnyis su spro? bar bya zhes bya ba la sos pa gsungs te/ phyag rgya chen po la sogs pa'i sbyor ba ni phyag rgya chen po dang/ dang po'i sbyor
ba ni phyag rgya chen po la sogs pa'i sbyor bar bshad do/  /dang po'i sbyor ba de la byang chub kyi sems rnam pa gnyis skye ba yod de/ /de nyid kyi phyir sangs rgyas gnas zhes pa/ sangs rgyas kyi gnas te rgyu'o/ /de'i phyir sangs rgyas gyi sprul pa'o/ /sems can zhes bya ba la
sogs pa ni byang chub ni rdo rje 'chang chen po'i phyag rgya'o/  /reg par byar med par chu'i zla ba bzhin no/ /'bras bu la gnas pa mngon par brjod nas lam la gnas pa'i dbang du byas nas slob ces bya ba la sogs pa gsungs te
nye bar gdags pa nas zhes bya ba 'dis slob? bzhin pa'i rgyal ba'i yon tan gyi cha shas las rig par bya'i blas bu rdo rje 'chang chen po zhes gsungs par 'gyur ba ni ma yin no/  /gsal bar bya ba'i phyir zhes pa ni le'u dang por bshad pa
sbas pa'i dod rab tu gsal bar bya ba'i don du brtags pa'i rnal 'byor pa'i dbang du byas nas/  thams cad ces bya ba la sogs pa gsungs pa/ rdo rje gsum ni rnam par snang mdzad la sogs pa sku'i rdo rje rnams so/ /tha mi dad pa 'di ni zhal dang kha
dog dang phyag dang/  yi ge dang mtshan ma'i dbye ba med pa'i phyir ro/ /thugs zhes pa 'dis rdo rje gsum po rnams kyang thugs tsam nyid du rigs so/ /phyag rgya chen po bskyed pa ni rdo rje 'chang chen po'i sku bskyed pa'o/ /gnas rnams bskyed pa sngon
'gro bas/  rdo rje gsum bskyed bsgom par bya zhes gsungs pa'i phyir/ nam mkha' rdo rje zhes bya ba la sogs pa ni/ gnas bskyed pa'i bar du gsungs pa spyan ma la sogs pas ni/ spyan ma la sogs pa'i rang bzhin yin pa'i phyir ji ltar rig par rlung
la sogs pa'i dkyil 'khor bzhi po gang yin pa'o/  /nga ni lhag par mos pa'i dkyil 'khor gyi 'od gsal du zhugs ma thag tu gang zhig bsgom par bya ba de bstan pa'i phyir/ dkyil 'khor rdo rje zhes bya ba la sogs pa gsungs te/ de nyid zhes
gsungs pa'i phyir sa bon gsum po kha dog gsum du bsgom par bya'o zhes rtogs par bya'o/  /sngar bshad pa zhes pa ni nam mkha' i rdo rje zhes pa la sogs pas bshad pa'o/ /rtse mo lnga pa ni rdo rje dkar po'o/ /rnam par snang mdzad la sogs
ma bskyed pa'i rgyu ni 'khor lo kha dog lnga pa la sogs pa'i mtshan ma bzhin no/  /'dir rdo rje'i steng du mtshan ma la slar yang yi ge gsum bsgom par bya bar brjod do/ /rigs thams cad ni rnam par snang mdzad la sogs pa'i rigs lnga'o/ /rdo rje 'chang
chen po'i rnal 'byor pa ni de bzhin gshegs pa drug pa sgom par byed pa rnams kyi'o/  /don ci zhe na zhes bya ba la sogs pa ni slar yang ji lta bur ngo bor sprul pa yin ci zhes pa 'gog par byed pa zhal gsum pa la sogs pa nyid kyis sprul par bshad pa
ma yin no zhes gsungs pa/  rin chen zhes bya ba la sogs pa ste bskyed pa'i rim pa'i go rim gyis rdzogs pa'i rim pa sbyar bar bya'o/ /rgyu ni rnal 'byor dang rjes su rnal 'byor dag gis sprul pa'i kun rdzob kyi bden pa'o/ /de dag dngos po med pa'i
don dam pa'i bde ? ste kun rdzob kyi bden pa'i thob bya yin pa nyid kyi phyir 'bras bu'o/  /rin po che'i gang zag rnams kyi bskyed pa'i rim pa'i go rims kyi rdzogs pa'i rim pa rtogs par bya ba'i don du yin no zhes mngon par dgongs so/ /sngags kyi rigs
pa zhes bya ba la sogs pas rdo rje 'chang chen po'i bskyed pa'i rim pa gsungs te mi bskyod pa la sogs pa rnams kyang ston par byed do/  /rdo rje mi phyed gsum bsgoms pas zhes pa ni/ rdo rje gsum ni rdo rje 'chang chen po'o/ /des dbye bar bya ba ma yin pa
bdag nyid gcig pu bsgom pas bskyed pa gang yin pa de rnams rdo rje gsum dbyer med bsgoms pa'o/  /de bzhin gshegs pa rnams kyis zhes pa ni mi bskyod pa la sogs pa sngon du 'gro pa can nyid kyis gsungs so/ /gang yang de bzhin gshegs pa
thams cad kyi bdag nyid can yin pa nyid kyi phyir rdo rje gsum dbyer mi byed pa bsgoms pas rdo rje 'chang chen po des de bzhin gshegs pa thams cad kyi bdag nyid can yin pa nyid kyi lha rnams zhes gsungs pa'i mang tshig go / 'di nyid zhes pa ni ardo rje ? 'chang chen po 
par bya'o/  /bsgoms so/ /slar yang bsgom par byar med do zhes pa ni rnam pa bcu gnyis kyi chos kyi 'khor lo'o/ /rdo rje gsum ni sku la sogs pa'i rdo rje'o/ /de dbyer mi phyed pa'i mtshan nyid te/ rang bzhin gang yin pa de de bzhin no//
drang ba'i don to/  /ye shes gsum gyi sgo nas zhes pa ni/ 'dod chags la sogs pa'i rang bzhin rnams ni ye shes gsum gyi rgyu dang/ snang ba rnams ni 'bras bu nyid yin pa'i phyir ro/ /'dod chags zhes bya ba la sogs gsungs te/ zhe sdang zhes pa
'dod chags dang bral pa'o/  /de nyid ni zhes bya ba la sogs pa la 'gro bar byed do zhes pa/ rang bzhin dang snang ba la sogs pa'i rim pas don dam pa'i bden pa la dmigs pas zung 'jug lhag par rtogs par byed do zhes pa'i don no/ /'dis zhes pas
ni 'od gsal bas so/  /de nyid kyi phyir rdo rje zhes pa la sogs pa gsungs te/ de zhes pa ni 'od gsal bar ston par byed pa nyid kyi phyir dang rang bzhin dang snang ba'i rim pas gsungs pas ston par byed pa yin pa'i phyir ro/ /dbang po'i mchog ni yid kyi
dbang po'o/  /tsam gyi smras? dbang po gzhan ni gzung bar bya ba ma yin pa nyid du dgag pa'i don no/ /gzung bar bya ba nyid yin pas na zhes pa ni/ bla ma'i byin gyis brlabs las dgongs pa tsam gyis zung du 'jug pa nyams su myong ba nyid kyi phyir dang
so so rang gi rig par bya ba nyid kyi phyir ro/  /thams cad kyi zhes pa ni rnam par snang mdzad la sogs pa rnams kyi zung 'jug gi sku ni lha mo'i snyoms par 'jug pa las ma byung ba'i phyir rdo rje'i sku'i sgras rdo rje 'chang chen po'i sprul pa'i skul 'dir
bshad do/  /mchog tu dga' ba ni de bzhin nyid kyi ngo bo nyid kyis so/ /dbang phyug brgyad ces pa ni sku yi dbang phyug gsung gi dbang phyug dang/ /de bzhin nyid du 'ang thugs kyi dbang phyug dang/ /rdzu 'phrul kun tu 'gro ba'i dbang phyug dang 'dod pa byed po yon tan
brgyad po rnams zhes so/  /de nyid ces ma ye shes kyi sku'o/ /sha zhes bya ba la sogs pa ni/ shA radwA ti'i bu sha'i mig gis dpag tshad brgya mthong pa yod do/ /ji srid du stong gsum gyi stong chen pa mthong ba yod do/ /lha'i mig gis rgyal po chen po bzhi'i rigs kyi lha
rnams kyi lha'i mig nas ji srid du 'og min gang yin pa de rab tu shes pa yod kyi/  byang chub sems dpa' lha'i mig ni lha rnams gang gis kyang mi shes so/ /lha'i mig nges shar phyogs kyi 'jig rten gyi khams gang+gA'i klung gi byes snyed kyi sems can rnams kyi 'chi 'pho
ba dang skye ba yang dag pa ji lta ba bzhin du rab? tu shes so/  /ji srid du phyogs bcu rnams su'o/ /shes rab kyi mig gis 'dus byas sam 'dus ma byas sam/ dge ba 'am mi dge ba'i chos ci'ang mi shes te/ de lta bu la sogs pa'i dbye ba du mas yang dag par bsdus
pa'i chos rnams la mthong ba thos pa rnam par ma shes so / zhes pa 'di ni shes rab kyi mig go /byang chub sems dpa' i yongs su dag pa'i chos kyi spyan gang yin pa de/ gang zag 'di ni dang pa'i rjes su 'brang ba'o/ /'di ni chos kyi rjes su 'brang pa'o/ /'di'i
dbang po lnga rnams skyed par 'gyur te/  /dbang po 'di rnams kyi bar chad med pa'i ting nge 'dzin rab tu 'chad par byed pa chos kyi spyan gyis de lta bu la sogs pa rab tu shes te/ byang chub sems dpa' sems dpa' chen po'i spyan gang gis ma mthong ma mthong dam ma thos ba'am/
mi dran pa 'am mi shes pa cung zad kyang med do/  /rnam pa kun gyi yongs su dag pa 'di ni sangs rgyas kyi mig ste yang dag par rdzogs pa'i sangs rgyas ni 'dir rdo rje 'chang chen po yang ngo/ /yongs su shes pa rgyas pa'i phyir rgyas pa'o/ /'dus ma byas ni nam mkha' 
dang so sor rtogs pa'i 'gog pa la sogs pa rnams so/  /nges pa'i don no/ /mi 'gyur ba ni 'jig pa med pa ste/ skye ba dang gnas pa dang 'jig pa dang bral ba nyid kyi phyir ro/ /thams cad kyi zhes pa ni rnam par snang mdzad la sogs pa rnams kyi'o/ /sems can thams cad ces
pa ni don du gnyer ba dang chos la sogs pa don du gnyer ba rnams so/  /de'i ngo bo nyid kyis ni 'od gsal ba'i ngo bo nyid kyis so/ /dgongs pa ma yin pa'o/ /de ltar bcom ldan 'das la gsol ba btab ste/ rdzogs pa'i rim pa
la gnas ba rnams kyis de nyid du mchod pa bstan pa'i phyir mchod pa zhes bya ba la sogs pa gsungs te/  dus gsum bzhugs pa zhes pa ni dus gsum du bzhugs pa'i de bzhin gshegs pa'i rang bzhin nyid yin pa'i phyir rdo rje 'chang chen po gsungs so/ /
de dang 'brel pa ni khams gsum pa'i zhes pa sems can dang/  snod kyi 'jig rten ni rang gi sku la sogs ba'i ngo bo nyid yin pa'i phyir khams gsum par gsungs so/ /rang gi sku zhes bya ba la sogs pa ni/ rgyal bas rnam par snang mdzad la sogs pa'i
gzugs so/  /'dir smra'i sgra phyis pa ste/ bcom ldan 'das mngon du gyur pa la 'di'i mchod pa bstan pa nyid kyi phyir ro/ /dgongs pas bshad pa'o/ /rdo rje 'chang chen po'i phyag rgya'i gzugs dang lang tsho dang skal pa bzang po la sogs pa dang ldan
pa thams cad kyi 'dod par bya ba nyid yin pa'i phyir yid du 'ong ba zhes bya ba la sogs pa gsungs so/  /bden pa gnyis ni kun rdzob dang don dam pa'i ngo bo'o/ /de'i bdag nyid can ni de'i rang gi ngo bo'o/ /thams cad yongs su shes par bya ba'i yul
yin? pa nyid kyi phyir de spangs pa'o/  /mig re re'ang bden pa gnyis gyi bdag nyid can yin no zhes bya ba'i don to/ /lha nyi shu rtsa lnga'i bdag nyid can ni me long la sogs pa ye shes lnga'i bdag nyid can gyi de bzhin gshegs pa lnga rnams re re
'ang de bzhin gshegs pa lnga'i bdag nyid can rnams kyi ye shes kyi sku la de'i bdag nyid las so/  /zhes shes par byed do/ /khams dang skye mched la sogs pa'i rang gi ngo bo spyan ma la sogs pa rnams me long la sogs pa'i ye shes nyid ?
mnyam pa nyid yin pa'i phyir de rnams 'dir so sor ma bgrangs pa nyid do zhes pa'o/  /bdag la byin gyis brlab pa'i mtshan nyid can nyid phyag rgya chen po'o/ /brtag par bya ba ni rtag tu de yid la bya'o/ /sems can rnams kyi 'ang rgyud la bskyed par bya'o/ /'di nyid
bla na med pa'i mchod pa/  dus gsum pa sangs rgyas thams cad kyi'o/ /bsod rnams ma lus pa nye bar bsags pa la sogs pa 'khor ba spangs pa dang sdig pa zad bdag gi rgyu nyid yin pa'i phyir ro/ /byol song zhes bya ba la sogs pa ni logs na
zhes la dkyil 'khor gyi bdag po'i shar la sogs pa'i logs na bzhugs pa nyid kyi phyir ro/  /gzhan zhes pa rnam par snang mdzad la sogs pa dkyil 'khor pa'i lha'i sku ste de'i gnas su bya bas dang/ de la sgrar bya bas dang/ bsreg? par bya'o/ /rdo rje 'chang
chen po dang 'dra bar ni rdo rje 'chang chen po'o/  /longs spyod rdzogs pa'i sku gzugs kyi dmigs par bya ba de bzhin du 'dod pa'i dbang la sogs na bzhugs pa de dag kyang dmigs par bya'o/ /rdo rje 'chang chen po'i rnam 'phrul yin pa'i phyir zhes pa ni/ rdo rje
'chang chen po nyid ni rnam par snang mdzad la sogs pa'i gzugs kyi gnas pa nyid yin pa'i phyir ro/  /zhes mngon par dgongs so/ /dgongs pas bshad pa'o/ /gcod zhing zhes bya ba ni dkyil 'khor gyi yan lag tu gsungs pa'i sa sbyong ba'i rim pas yongs su
dag pa nyid yin pa'i phyir ro/  /gang yang sa spang? bar mi nus pa de'i tshes la lag pa reg nas sngags bzlas par bya ste bsgoms pas yongs su dag pa nyid yin pa'i phyir ro/ /gtsug lag khang la sogs pa legs par 'dus byas pa 'am sa phyogs ni mchog tu gyur
pa'o/  sa yi chu klung dang/ gling dang/ ri bong yang ngo/ /rgyal nyid skyes shes pa ni rgyal ba'i bdag nyid la skyes pa nyid kyi phyir dang/ rgyal ba la dmigs pa nyid yin pa'i phyir rgyal nyid skyes te/ rdo rje theg pa la gnas pa'i byang chub sems dpa' la brdar? btagS
pa ste/  skye bo dam pa gang yin pa la'o zhes pa'i don no/ /rab tu dad pa dang mnyam pa'o/ /ba'i lci ba ni srog chags med pa'i ba'i lci pa'o/ /dri ni tsandan la sogs pa'i dri'i rdzas kyi shun pa phye mar sbyar ba'o/ /sogs
pa'i sgras gur kum la sogs pa gzung bar bya'o/  /sa phyogs kun mthil mnyam par legs par brdung zhing sgra la sogs pa gsal bar ro/ /me tog la sogs pa yongs su gzung ngo ni sa la gcal du bkram pa'i don du yang ngo/ /sogs pa'i sgras bdug
pa dang lha bshes la sogs pa yongs su bzung ngo brtags pa zhes bya ba la sogs pa la/  rang gi lha mnyes par bya ba'i don du ni de la mngon par brjod pa'i sa phyogs su bshad pa la sogs pa rnams kyis khru gcig pa la sogs pa'i tshang kyis gru bzhi pa'i
dkyil 'khor byas nas sgo bzhi pa la sogs pa dang ldan pa me tog la sogs pa rnams kyis kyang mtshan ma la sogs pa brtags te/  yid kyis dmigs nas ji ltar bar/ aoM Apar bsams nas mchod yon dang zhal bsil la sogs pa byin te/  mchod pa'i cho gar gsungs pa'i rim pas mchod par bya'o/ /de bzhin du dbus su 'dzin dzig la sogs pas me tog lan gsum dbul bar bya'o/ /spyi bo'i gtso bo/ aoM Abadzra ? pra tIts+tsha hUM/  zhes pas me tog phul cig /de bzhin du gtso bo la shar la sogs pa'i phyogs su rnam par snang mdzad la sogs pa de bzhin du dmigs nas aoM Abadzra d+h+rika badzra puShpaM pra tIts+tsha hUM gis rnam par snang mdzad la sogs pa bzhi po rnams kyi spyi bo'i bla ma mi bskyod pa mchod par bya'o/  /aoM Apas bzhi po rnams sngar gsungs pa'i rnam par snang mdzad la sogs pa me tog dbul ba'i sngags kyis mchod par bya'o/  /aoM Ala sogs pa lba? po mchod par bya'o/  /byams pa la sogs pa'i byang chub sems dpa' brgyad la yang aoM Asnang mdzad la sogs pa bzhi po rnams mchod par bya'o/  /gshin rje gshed la sogs pa bzhi po la aoM Ag .yo pa la sogs pa drug la aoM Amthar byed dang pad+ma mthar byed dag gi rgyab dang mdun du'o/  /skabs gzhan nyid du sgo skyong bar byed pa dang 'khrul mar 'gyur te/ rgyab du zhugs pa nyid kyang khang pa brtsegs pa'i nang du zhugs pa nyid yin pas mi 'gal ba nyid do/ /grwa ru zur gyi 'gram pa gnyis su dang
sgo'i sgo 'gram gnyis su yang gtso bo'i sngags kyis me tog dbul bar bya'o/  /dkyil 'khor gyi phyi rol du zla ba'i snam bu la mchod pa'i lha mo bcu drug mchod par bya ste/ aoM Athig ler ldan pa dang spal nas sgo'i logs gnyis su lha mo gnyis la mchod par bya'o/  /dkyil 'khor du gtso bo'i sngags kyis byang chub sems dpa' gnyis kyi gzhogs su byang chub kyi sems kyi ngo bo nyid yin pa'i phyir bum pa gnyis gnyis la mchod par bya'o/ /min?
pa 'di nyid kyis yi ge gsum dang spel ba'i lha bshos dang/  spos la sogs pa dbul bar bya'o/ /klu'i blo yis byas pa de nyid kyi cho gar gsungs pa'i sangs rgyas mnyes par byed pa le'u dang po'i rjes su 'brangs nas phyag
'tshal ba la sogs pa rig par bya'o zhes so/  /dkyil 'khor gyi yan lag tu gsungs pa dang/ sbyin sreg gi yan lag gsungs ba'i rim pas 'gro ba rnams rang bzhin gyis grub pa'i rdo rje 'chang gi ngo bo lhag par mos la/ aoM da sha dika? zhes bya ba la soD
pa'i sngags kyis gter ma dbul bar bya'o/  /'di nyid mdo dang ? bar byed par gang gsungs pa/ gang gi 'dod pa'i lha'i mdun du mchod yon phul nas/ de nye bar bltas la zhes so/ /sgrub pa'i thabs su gsungs pa zhes pa ni mdor byas su gsungs pa'i
rim par lhag mos kyi dkyil 'khor gyi de ma thag tu bskyed pa'i rim bsgom par byed pa'i mchod pa'i bye brag gsungs pa'o/  /rnal 'byor byas la zhes pa la sogs pa ni rnal 'byor dang rjes su rnal 'byor gyi bdag nyid ces gsungs pa'i phyir mi bskyod pa bzhugs pa dang
bral ba nyid rnal 'byor pa gnyis po rdzogs pa ye shes kyi sku kho na shin tu rnal 'byor du gsungs pa'i rigs lnga tshogs pa bskyed pa'o/  /de nyid kyi phyir gsungs pa'i rim pa bzhin du rnal 'byor zhes bya ba la sogs pas 'di'i shin tu rnal 'byor la mi bskyod
bzhugs pa bsdus so/  /phyag rgya zhes gsungs pa'i phyir phyag rgya yang rnal 'byor dang rjes su rnal 'byor byas la zhes pa la sogs pa nas dpag tshad ces bya ba'i mthar thug pa'o/ /nu ma'i bar zhes pa ni nu ma dag gis dbus su'o/ /bar zhes pa ni mgron
pa'i 'og snying ga'i mthar thug par hUM gi yi ge las skyes pa'i ma bskyed pa'i rang bzhin du blta bar bya'o zhes mngon par dgongs so/  /ji srid du'i sgra ni rigs shes pa 'dis mA ma kI dang reg bya rdo rje ma dag kyang dgod par bstan no/ /'jam pa'i dbyangs dag kyang
rigs zhes pa'i rjes su 'jug par bya'o/  /ji srid du skra'i mthar zhes pa ni/ klad pa mdza' dag la khyab pa'i rnam par snang mdzad spyan ma dang ldan pa dgod par bya'o/ /kha'i dkyil 'khor ni mdza' dag go /der yi ge Amed pa de'i ngo bo nyid du dgod par shes par bya'o/  /ji srid du rkang pa gnyis zhes bya ba la sogs pas rkang pa gnyis kyi brla'i rtsa bar ha yig las skyes pa'i don yod grub pa'i rang bzhin no/ /lte bar zhes bya ba la sogs pas gnas gsum du swA las
byung ba'i rin chen dbang po'i rang bzhin no/  /gal te yang 'dir dbang bzhin no/ /gal te yang 'dir gnas nges pa byas pa de bzhin du yang yan lag thams cad la khyab pa nyid kyis lnga'i bdag nyid can ni/ de rnams re re la rig par bya'o/ /de ltar
zhes bya ba la sogs pa ni/  de'i dbus su zhes pa ye shes rgya mtsho ye shes thams cad kyi chu gter lta bu rlabs rnams bskyed pa'i gnas so/ /byang chub kyi sems ni kun rdzob pa'i don dam pa gnyis su med pa'i bdag nyid can no/ /bdag nyid ni rnal 'byor
pas bdag nyid kyi rang gi ngo bos te/  de bzhin gshegs pa rnams zhes gsungs pa'i phyir ro/ /lha sum cu rtsa gnyis kyi bdag nyid can gyi bdag nyid bsgoms nas mkhas pas te/ rigs pas gang slar yang 'di'i zhi ba rdo rje 'dzin pa ste/ bsdu ba
dag kyang rab tu bya zhes bya ba la sogs pas sngar gsungs pa'i gnas ni 'dir 'brel lo/  /spro ba dang bsdu ba 'gal te 'dod na zhes gsungs pa'i phyir/ gal te brtan pas gang yang sems spro ba la sogs pa 'dod pa med pa na de nyid du sems nges
par 'ching du gzhug par bya'o/  /zhi ba rdo rje 'dzin zhes pa ni sngar ma bshad pa nyid kyi phyir de bshad pa'i dbang du byas nas gsungs pa/ zhi ba zhes pa la sogs pa'o/ /lus rten gyi dbang du byas nas gsungs pa/ yang zhes bya ba la sogs pa ste 
ye shes rgya mtsho zhes pa ni/  khyad par gyi ngo bo ni khyad par gyi bdag nyid can zhes khyad par du byed par 'dir grangs la sbyar bar bya'o/ /de'i phyir ye shes zhes bya ba la sogs pa khyad par du byed pa'i ngo bo khyad par du byed
pa'i bdag nyid can de'o/  /de nyid kyi phyir ye shes rgya mtsho zhes bya ba la sogs pa rkang pa nyid sbrel ba'i don du dus gsum zhes bya ba la sogs pa gsungs so/ /rang gi lus zhes bya ba la sogs pa la sangs rgyas thams cad kyi gnas ni mchod rten ni/ /
sngar bshad par zhes pa ni le'u bdun par gsungs pa bzhin no/  /bskyed pa'i rim pa la byed ba zhes bya ba 'dis bskyed pa'i rim pa la gnas pas kyang ba spu'i bu gdang bar nas de bzhin gshegs pa rnams spro bar byed do zhes pa'i mthar thug pa'o/ /sgra ji bzhin
pa'o/  rnal 'byor pa gnyis ka'i zhes pa ni/ bskyed par dang rdzogs pa'i rim pa dag gi rnal 'byor pas so/ /rigs kyi dbye bas ni rnam par snang mdzad la sogs pa'i rigs kyi dbye bas so/ /dzA ti ni dzA tI'i me tog go /rnam pa gsum ni lus la sogs
pa rnam pa gsum gyi dbye bas kha dog gsum du byas nas so/  /drang pa'i don to/ /kar+Na kar la sogs pa rnam pa re re nyid/ dbang chen la sogs pa ni dal ba la sogs pa dang/ sa phyogs la sogs pa'i dkyil 'khor bzhi po la sbyar bar bya ba ste /
bsgom par bya'o/  /ci ltar sbyar bar bya zhes na/ dngos med zhes bya ba la sogs pa gsungs te/ lha rnams kyi skur sbyor ba'i rgyu ni dngos med go 'phangs sbyor ba zhes go rim bzhin du sbyar ro/ /lha'i rnal 'byor sngon du 'gro bas dkyil 'khor
bzhi'i bdag nyid can dngos po med pas 'gog pa'i yan lag de nyid go 'phang ste gnas ye shes kyi sku'i skyed pa'i rgyu'o/  /dbang chen la sogs pa ni gang las 'byung bar 'gyur ba de las sbyar bar bya'o zhes pa'o/ /de nyid kyi phyir de 'gyur ro zhes
bya ba la sogs pa gsungs te/  phyi dus zhes pa sgra ji ltar bar mngon par zhen pa'o/ /dngos grub ces pa ni bshad ma thag pa'i rdzogs pa'i rim pa'i de'i? dngos grub ma thob par gyur pa'o/ /ci byas pas zhes na/ skal min zhes bya ba la sogs pa gsungs te/
bdag nyid smod pa'o/  /cir 'gyur zhe na/ de bzhin du ni zhes bya ba la sogs pa gsungs te/ sangs rgyas thams cad ces pa ni las dang po pas te sangs rgyas thams cad kyi bdag nyid can yin pa'i phyir ro/ /gsungs pa yang 'gro ba 'di kun sangs rgyas
mnga' bdag nyid zhes so/  /sangs rgyas rnams la smad pa'i 'bras bu bstan pa'i phyir/ smad par gyur pas zhes bya ba la sogs pa gsungs te/ 'das nas gzhan te dmyal ba la sogs pa gzhan de dag tu 'gro bar 'gyur ro zhes bya ba'i don no/ /de'i phyir
sgra ji bzhin par gsungs pa'i don la mkhas pa bskyed pa'i rim pas dgongs pa dang ldem por dgongs pa yongs su shes pa la 'bad par bya'o/  /bdag nyid smad pa ni thams cad kyi tshe rnam pa thams cad du mi bya'o zhes nges par dgongs so/ /nges pa'i
don to/  /gsang ba las skyes pas dbang bskur ba ni gsang ba'i dbang gis ngag gi dri ma 'khrud par byed pa'o/ /de'i don gyi dkyil 'khor ni gsang ba'i dbang bskur ba'i dkyil 'khor ro/ /ngos re re zhing zhes pa ni dkyil 'khor gyi lte bar btsugs pa'i phur
bu nas brtsams nas ngos re re la dpag tshad nyi shu rtsa lnga pa'i thig la dpag tshad brgya pa'i dkyil 'khor du 'gyur ro/  /nye bar mtshon pas zhes pa ni rgyal 'bras bus btags pa'i phyir ro/ /yid kyis zhes bya ba 'dis yid kyi dkyil 'khor yang gsang
ba'i dbang bskur ba'i phyed du bya'o/  zhes bstan to/ /shar la sogs pa'i phyogs su zhes pa ni/ rnam par snang mdzad kyi dkyil 'khor la bltos nas shar la sogs pa'i 'o?/ /dus thams cad du bag? yod pas zhes pa ni/ lha rnams dgod pa la dran pa
ma rjed pa'o/  /ji ltar zhes bya ba la sogs pa'i bshad pa'i dpes/ dpe can dkyil 'khor gzhan ston par byed do/ /de bzhin du zhes pas dkyil 'khor gzhan nye bar bstan no/ /chog? zhes shes pa ni rdul tshon
gyi dkyil 'khor bri ba dang/  yid kyi dkyil 'khor bsgom pa la mkhas pa'o/ /mchod rten zhes bya ba ni de bzhin gshegs pa'i gnas yin pa nyid kyis te/ rnam par snang mdzad gzugs kyi phung po yin pa bzhin du mchod par bya ba nyid kyi
phyir mchod rten dang 'dra ba'o/  /dkyil 'khor gyi de kho na nyid kyi bdag nyid can yin pa'i phyir zhes pa ni/ le'u bzhi par gsungs pa'i don de nas bshad bgyi ba zhes pa la sogs pa'i dkyil 'khor gyi de kho na nyid de'i bdag nyid can yin pa'i
phyir ro/  /pad+ma rA ga la sogs pa zhes pa'i sogs pa'i sgra las ain+d+ra nI la dang/ shel dang gser dang/ mar ka ta la sogs pa bsdus so/ /dar dang bal la sogs pa zhes pa ni 'dab ma las byung zhing skyes pa ni dang la sogs pa'o/ /bal ni
lug la sogs pa'i spu la sogs pa la byas pa yin pa'i phyir dar dang bal la sogs pa zhes brjod par bya'o/  /mig gi dbang po'i yul bstan nas zhes pa ni/ pad+ma rA ga la sogs pa rnams mig gi yul yin pa'i phyir ro/ /sogs pa'i
? las reg pa'i dbang po gzhal? rnams gsungs pa rna ba zhes pa la sogs pa ste/  thams cad ces pa la sogs pa ni rnyog ma'i dri ma zhes te/ rnyog ma ni rtsed pa'i dus su nyi bar bsags pa'i sgrib pa ni rnyog ma'i dri ma'o/ /de 'khrud par byed
pa ni sel bar byed pas so/  /ye shes skye ba'i rgyu yin pa'i phyir byang chub kyi bdag nyid can gyi ye shes 'du bar byed pa'i rgyu yin pa'i phyir ro/ /dbang bskur ba nyid ni byang chub ste/ rgyu la 'bras bu nye bar btags pa'i phyir ro/ /mchod pa rnam lnga
zhes pa ni nye bar sdud par bya'o/  /nye bar dbul bar bya'o zhes pa ni mchod pa ste/ lnga yang de yin la mchod pa yang de yin pas mchod pa rnam pa lnga'o/ /me tog la sogs pa zhes pa'i sogs pa'i sgra las bdug pa dang/ mar me dang dri byug pa rnams gzung bar bya'o/ /
me tog la sogs pas khyad par du gyur pa bstan par bya ba'i phyir de rnams kyi mchog ces bya ba la sogs pa gsungs pa/  lang tshom nyams pa ni lang tsho nyams pa yid du mi 'ong ba'i ngo bo nyid yin pa'i phyir ro/ /mchog ces bya ba la sogs pa ni zung 'jug bshad do/ /rdo rje
'chang chen po'i bdag nyid can yin pa nyid kyi phyir bla ma zhes bya ba la sogs pa gsungs so/  /'bras bu tha mal pa ni/ bskyed pa'i rim pa'i 'bras bu 'grub pa dang/ phra mo'i dngos grub la sogs pa grub pa'o/ /sangs rgyas nyid ni yongs su dag pa'o/ /'di nyid la zhes sprel
bar bstan pa'i don du gsungs so/  /'bras bu don du gnyer bas ni sbyin pa la 'jug go zhes pas 'bras bu dang bor? bshad nas de'i rgyu sbyin pa 'grub pa'i phyir zhes bya ba la sogs pa gsungs so/ /mthar thug pa'i ye shes dang ldan zhing zhes bya ba ni/ dam pas
sangs rgyas pa la gnyis su ? ye shes so so rtog pa'i gdon mi za bar 'gyur ro zhes mngon? par dgongs pas mthar thug pa'i ye shes dang ldan zhes mngon par brjod do/  /thun mong gi cho ga gsungs pa/ bsam gtan gyis kyang zhes bya ba la
sogs pa ste/  bdag po'i zhes bya ba la sogs pas 'bras bu'i dbang las bdag pa rnams dmigs pa la'o/ /rdo rje 'chang chen po dang lha thams cad la dmigs pa la thams cad dbul ba ma yin no zhes ston par byed do/ /de bzhin gshegs pa'i
'khor lo'i dbus su zhes pa ni tshogs kyi dkyil 'khor te/  de bzhin gshegs pa thams cad gyi bdag nyid can yin pa'i phyir ro/ /gang gi zhes pa ni tshogs kyi dkyil 'khor la gnas pa rnams dang/ dkyil 'khor gyi dbang phyug gi sku la gnas pa rnams so/ /bkod pa'i
dkyil 'khor ni ye shes kyi phung po'o/  /nyon mongs pa zhes pa ni/ 'dir nyon mongs pa 'dod chags so/ /de rnam par dag pa'i ni 'od gsal lo/ /de mngon du byed pa'i thabs nyid yin pa'i phyir/ 'di la de kho na nyid kyi
mchod pa zhes sprel lo/  /khu ba blangs nas zhes pa ni mthe bong dang ming med dag gis so/ /bla mas byin pa blangs nas so/ /kha yis zhes pa la sogs pa ni slob ma'i bya ba'o/ /gzhan 'ga' zhig tu mthe bong ming med dag gis rdo rje nyid btsir
nas sbyin par bya'o/  /de nyid kyis zhes pa 'ga' zhig tu ka ko lar ltung ba gang yin pa de bkra shis kyi tshigs su bcad pa ni bkra shis gang zhig sems can kun gyi snying la gnas zhes bya ba la sogs pa'i tshigs su bcad pa drug klu'i blo'i zhabs
kyi mdzad pa'i dkyil 'khor gyi cho gar gsungs pa la/  tshigs su bcad pa'i sgras brjod par bya'o/ /lus bskams pa ni gzugs gcig pu dang ldan pa'o/ /gang gi zhe na gsungs pa/ rgyal ba rnams kyi zhes te/ rgyal ba mdza' dag gi
gzugs gcig pur lus bskams pa'o zhes mngon par dgongs so/  /dbang bskur ba zhes pa ni slob par byed pa'o/ /spyi bor dri med sangs rgyas so/ /rin po che'i char ni rab tu 'jug pa gang yin pa de rnams ni de bzhin du'o/ /rnam dag ces
pa la sogs pa'i rkang pa ni 'di dag gi khyad par ro/  /sngags kyi dngos grub byed pa ni sprul la sogs pa'i sngags rnams ngag gi rang bzhin yon pa nyid kyi phyir ro/ /gsang ba'i dbang bskur ba ni de dag dri ma 'khrud par byed pa nyid yin pa'i
phyir ro/  /ngag rnam par dag pa ni gang ji ltar brjod pa de bzhin nyid du 'gyur ro/ /de bzhin du gang phyi rol drang srong dmod pa'i mdas/ /chen po rnams kyang bcom zhes thos/ /gang yang 'dir ni dag dag pa/ /dngos grub byed pa'i tshig mi 'gyur//
zhes so/  /bya ba'i rgyud la sogs pa zhes pa'i sogs pa'i sgra las/ rtog pa dang spyod pa la sogs pa'i rgyud rnams bsdus so/ /rnam par dag pa'i ye shes kyi sku skyed par byed pa nyid yin pa'i phyir/ mi 'jigs pa'i zhes bya ba la sogs pa gsungs pa yang
thog mar rnam par dag pa'i gnas mngon du byed pa'i? thabs nyid yin pa'i phyir zhes so/  /sgra ji bzhin pa'o/ /rmad du byung ba zhes pa ni sngon ma byung ba byung ba ni rmad du byung ba'o/ /'gal ba'i tshig gis nges pa dang drang ba dang nges pa'i don dag gi dam tshig
lnga ston par byed pa'o/  /de'i bya ba ni don rdzogs par byed pa'o/ /nam mkha' bzhi'i bdag nyid can nyid kyis ni stong la bzhi'i bdag nyid can gyis ye shes kyi sku ni thams cad nam mkha' o/ /de nyid kyi phyir mi 'gyur che ste/ chen po yang de yin la mi 'gyur ba mi
'jigs pa yang yin no zhes pas mi 'gyur che ste/  skye ba dang gnas pa dang 'jig pa dang bral ba'i phyir ro zhes pa'i don to/ /bya ba'i rgyud la sogs pa zhes bya ba'i sogs sgra la spyod pa dang gnyis ka'i rgyud du gsungs pa'i spyod pa rnams yongs su bzung ngo//
dus gsum dang yang dag par byung ba'i de bzhin gshegs pa'i bdag nyid can nyid yin pa'i phyir/  bsngags pa gsungs pa/ dus gsum pa'i zhes pa la sogs pa'o/ /bsgom par bya zhes bya ba 'dis 'dir bsgom pa gtso bo yin gyi lag pa'i rab tu sbyor ba
ni ma yin no/  /rdo rje gsang ba 'di nyid kyis ni /rab tu gsal ba'i? mi bskyod pa'i ting nge 'dzin gyis so/ /sems can thams cad ces pa bdag ma yin pa nyid do/ /mi bskyod pa'i sangs rgyas kyi zhing du rgyal pa'i sras su ni mi bskyod pa'i rgyud du'o/ /skye ba
dang 'gag pas dmigs par gyur pa nyid yin pa'i phyir 'dir rang? dbang spangs pa'i phyir 'dir gsungs pa zhes so/  /gzhan du zhes pa la sogs pas bya ba ma yin par byed do/ /ma rig pa zhes bya ba la sogs pas ni/ mi shes pa ni pha rol gyi rdzas 'gugs ?
der thar pa rab tu sgrub pa ste/  thar pa rab tu grub par 'chad par 'gyur ba'i rim pas so/ /sems can gyi rgyud du zhes bya ba la sogs pa 'chad par 'gyur ro/ /sangs rgyas byang chub ces bya ba la sogs pa yang sangs
rgyas thams cad mi rtag ces bya ba la sogs pa gsungs pa'i phyir ro/  /sgrub thabs su zhe sdang rdo rje'i ting 'dzin gnas zhes pa ni nye bar mtshon pa'o/ /nges zhes bya ba ni rin chen kun gyi sbyor ba'i rgyud nges so/ /'di'i don gsungs pa gang
dang gang zhes bya ba la sogs pa'o/  /sku zhes bya ba la sogs pa'i don 'chang par byed pa 'di lta ste zhes bya ba la sogs pa gsungs so/ /ba spu zhes bya ba la sogs pas/ sku'i bya ba bsgom pa'o/ /gsung gi rab tu sbyor bar sgom par byed pa/
rang gi lce zhes bya ba la sogs pa gsungs so/  /yid kyi zhes bya ba la sogs pas yid kyi rab tu sbyor ba ste/ sku dang gsung gi rab tu sbyor ba dag kyang yid kyi bya ba yin pa'i phyir/ sku dang gsung dang thugs su rnam par bsgom par bya'o zhes gsungs
so/  /'gyur ro zhes bya ba la sogs pa 'bras bu mtshungs par brjod par rgyas par bshad do/ /'gugs pa'i de ma thag tu gang gis byas pa de'i ched du bla na med pa'i bsod nams kyi zhing gi phyir nor sbyin pa la nges par sbyar ba nyid kyi phyir ro/ /
bcom ldan 'das mar gsungs pa yang bdag gi yo byad byed pa gang yin pa de phrags na de sbyin pa sbyin par gyur cig / bdag kyang sbyin pa'i pha rol tu phyin pa yongs su rdzogs par 'gro bar 'gyur ro zhes so/ /de nyid kyi phyir nor gyi rgya mtsho zhes bya ba
la sogs pa yang legs par gnas so/  /rdzas kyi bdag po gang yin pa gang gi rdzas phrog pa'o/ /phyis de bzhin gshegs par 'gyur ro zhes pa ni gsungs pa yang thog mar sangs rgyas byang chub skyed pa po zhes bya ba la sogs pa'o/ /mi bskyod pa la
sogs zhes pa'i sogs pa'i sgra las rin chen dbang po la sogs pa gsum gzung ngo/  /bzhi po 'di rnams kyis dkyil 'khor du rigs nges pa rnams kyang/ rigs re re la'ang tshad med pa nyid yin pa'i phyir rigs kyi rgya mtsho'i dbus su zhes gsungs te/ gti
mug zhes bya ba la sogs pas lha'i 'khor lo'i zhes pa 'dir rgya mtsho rab tu sbyar ba'i phyir dkyil 'khor la bzhugs pa'i rnam par snang mdzad la sogs pa'i rigs can/  spyan ma la sogs pa'i lha'i 'khor lo de nyid 'dir gsungs so zhes rtogs par bya'o/ /gsungs pa
'di'i dgongs pa 'di yin te spyan ma la sogs pa rnams kyi rdzas 'gugs pa de nyid bya'o zhes bya'o/  /de bzhin du gzhan du yang ji ltar 'byung bar sbyar bar bya'o/ /de nyid ces pa ni drug pa nyid do/ /rang gi rang bzhin bsgyur bas zhes pa ni gzugs dang sgra la sogs pa
rnams rdo rje 'chang chen po'i rang bzhin yin pa'i phyir de'i phyir de dag bsgyur bas rnam shes las de'i rnam pa 'dzin pa nyid kyi phyir rnam shes me long lta bu de'i nang du gzugs brnyan lta bu de dag mngon par zhen pa'i phyir chags par byed do zhes brjod par bya'o/  /gzugs la
sogs pa'i chags? ba'i rgyu la 'bras bu nye bar btags pa'i phyir ro/  /de bas na zhes pa ni 'dod chags nyams su myong ba nyid kyi sau thar ba 'dod pa rnams la yin gyi gzhan rnams la ma yin no/ /dam tshig gi 'khor lo zhes ba ni dam tshig 'dod chags te/ dam tshig de
rdzogs par byed pa ni 'khor lo'o/  /'od dpag med gtso bor gyur pas dkyil 'khor gyi 'khor lo'o/ /bud med dang skyes pa lta bu rnams ni 'chad par 'gyur ba'i gnas yongs su gyur pa'o/ /skyes pa rnams zhes bshad par bya ba ma yin bud med kyi gzugs kyis
yongs su gyur par 'dod pa nyid ni ma yin no zhes na bud med rnams kyang khyad par du yongs su gyur par byed kyi dang po nas yongs su gyur par 'dod pa bzhin pa ma yin pa nyid kyi phyir ro/  /de nyid kyi phyir bzhi zhes pa la sogs pa gsungs pa/ rnal 'byor dang rjes su 
la sogs pa'i bskyed pa'i rim pa'o/  /sngags kyi rig ma zhes bya ba la sogs pas mdor bstan pa 'di rgyas par bshad pa'i dbang du byas nas rnam par snang mdzad ces bya ba la sogs pa gsungs pa/ dran pa gcig pa'i
ting nge 'dzin zhes bya ba ni rnam par snang mdzad la sogs pa gcig tu gyur pa rnams/  dran pas ni skyed par byed pa'i sgo can gyi dran pa'o/ /de'i rnam pa'i sems ni ting nge 'dzin no/ /de'i tshe ni 'dir rnal 'byor dang rjes su rnal 'byor dag gis rnam par snang
mdzad la sogs pa lnga po rnams re re ste so sor skyed pa dang rjes su dran pa yod pa'o/  /lhag par mos pas zhes bya ba ni 'dir bsam par bya'o/ /rnam par snang mdzad la sogs pa skyed pa yang ci zhe na/ mi bskyod pa gtso bor lhag par mos pa'i
dkyil 'khor ltar rnam par snang mdzad la sogs pa gtso bo la'o/  /'khor lo bsgoms nas zhes pa ni 'dir yang zla ba'i steng du yi ge gsum gyis byin gyis brlabs pa'i 'khor lo bsgoms nas zhes brjod do/ /dam tshig sems dpa' bsgom par bya'o zhes
gsungs pa'i phyir rdo rje 'chang chen po la gsungs pa'i rnam pa las rnam par snang mdzad la sogs pa rnams kyi dam pa'i khyad par ston par byed do/  /khyad par gzhan yang/ de zhes bya ba la sogs pa gsungs te/ aoM yig de las de bzhin gshegs pa rnams spro
bar byed pa ni khyab pa zhes pa dang sbrel lo/  /'od dpag med la sogs pa lnga po rnams la yang 'dir bskyed pa la sogs pa'i rim pa la bltos pa'o/ /'di nyid kyis ni zhes bya ba la sogs pa'o/ /de bzhin gshegs pa lnga po zhes pa ni rnam par snang
mdzad la sogs pa nas don yod pa mthar thug pa lnga po'o/  /dge ba'i rtsa ba legs par yongs su smin pa'i phyir zhes pa ni rdzogs pa'i rim pa lhag par rtogs pa de dag gi 'bras bu dag gi rgyu'o/ /don 'di nyid bstan par bya ba'i phyir/ rdo rje
lta bu zhes bya ba la sogs pa gsungs te/  rnam par snang mdzad la sogs pa'i rnal 'byor bzhi po rnams la yang bshad pa 'di sbyar bar bya'o/ /sgra ji bzhin pa'o/ /de ltar zhes bya ba la sogs pas ting nge 'dzin drug po mchog tu 'dzin par byed do/ /rdo
rje 'chang chen po yang sngags dang mtshan ma la sogs pa rnams kyis bskyed par gsungs pa'i phyir lus rnams kun la ste rnal 'byor pa'i lus kyi bdag nyid can nyid yin pa'i phyir/  rgyu ba dang mi rgyu ba la chu zla lta bu'i dpes khyab par byed pa'o/ /rim pa dang
po dang gnyis pa dang gsum pa dag gi thun mong pa yin pa'i phyir dang/  rigs ni rnam pa brgyar gsungs pa/ zhes bya ba la sogs pa'o zhes mngon par brjod pa'i phyir ro/ /rang gi phyag rgya chen po'i gzugs su ni rang te bdag nyid kyi lus phyag rgya chen po ste
long spyod rdzogs pa'i sku gnyis kyi gzugs su'o/  /rim pa gsum pa'i mthar rim pa bzhi pa lam la rjes su 'byed pa dang ril por 'dzin pa dag mngon par brjod pa'i phyir 'di yang gsungs pa/ rjes su 'byed pa zhes bya ba la sogs pa 'chang par 'gyur ba nyid kyi phyir
yang ngo/  /sems dpa' gsum gyi bdag nyid can ni dam tshig sems pa la sogs pa'i bdag nyid can no/ /gcig tu 'gyur zhes pa ni zhal gcig pa phyag rgya gnyis pa'i ye shes kyi sku'i rang bzhin gcig pa yongs su dag par 'gyur ro/ /'dis mdor byas kyi rim
par gsungs pa'i rnal 'byor bzhi sa? rdzogs pa'i dam tshig sems pa dang bdag byin gyis brlab pa'i rim par gsungs pa dang sbrel bar ston par byed do/  /de yang zhes pa ni 'od gsal zhes gsungs pa'i don gyi rim pa ston par byed do/ /de la sangs rgyas rnams kyis
zhes bya ba la sogs pa ni rgyur gyur pa'i phung po la sogs pa rnams kyis so/  /slar yang 'di'i khyad par 'chad pa ni gzugs zhes bya ba la sogs pa'o/ /de nyid bzhi bstan zhes gsungs pa'i phyir gnas bzhi po byung ba'i dkyil 'khor 'od gsal la 'jug
pa'i rim pa ston par byed do/  /ye shes gsum gyi bdag nyid can longs spyod rdzogs pa'i sku la ni bar do'i srid pa'i rnam pa la'o/ /rang la zhes pa ni sgrub pa po rab tu 'jug bzhin pa zhes pa ni bsgrub pa po rnam pa gsum zhes
pa la sogs pa ni longs spyod rdzogs pa'i sku la sogs pa'i gnas ye shes gsum ston par byed do/  /ye shes de yang 'jug pa'i rim pa'i mdza' brjod pa de dag mnyam par gyur cig ces bya ba la sogs pa gsungs te/ rnam par zhu bar gyur pa ni//
sems ni sems las byung la thim/  /sems las byung ba ma rig pa/ /de yang 'od gsal bar 'gro'o zhes pa'i rim pas so/ /brjod pa gnyis kyi don der zhes bya ba la sogs pa gsungs te/ sangs rgyas ni ye shes gsum ste zhes pa de bzhin nyid rtogs
pa'i thabs yin pa'i phyir dang/  sangs rgyas bskyed pa'i rgyu nyid yin pa'i phyir ro/ /ldang bar byed pa de las zhes bya ba la sogs pa gsungs pa/ brtan pa g.yo ba'i bdag nyid can ye shes kyi sku zhes pa ni gsungs pa yang/ srid gsum rnaM par rig pa
tsam/  /dngos po'i rang bzhin yod ma yin zhes so/ /bsam pa ji lta bzhin du ni/ gti mug la sogs pa'i bdag nyid can gyi bsam pa gang yin pa ni bsam pa ji lta ba'o/ /de nyid kyi phyir rnam par snang mdzad la sogs pa zhes bya ba gsungs te/
sku zhes bya ba ni rnam par snang mdzad la sogs pa'i sprul pas so/  /de nyid 'jug pa nyid yin pa'i phyir ro/ /de nyid kyi phyir rnam par snang mdzad la sogs pa'i sprul pa de rnam par shes pa'i bdag nyid ma yin pa'i zhes brjod par mi bya ste ye shes kyi sku nyid
de bzhin nyid la 'jug pa yin pa'i phyir ro/  /rdo rje 'chang chen po bzhin de rnams kyang gzhan du sems can gzhan no zhes bya ba brjod par mi bya ste/ sngar med pa'i sems can rab tu 'byung bar thal bar 'gyur pa'i phyir ro/ /rang gi sngags zhes pa la sogs pas yongs su
dag pa'i ye shes kyi sku la dmigs par gsungs so/  /de'i 'og tu zhes bya ba la sogs pas de'i sprul pa'i sku'o/ /srog gi rtsol pa'i yan lag tu gyur pa zhes pa mi shigs pa la brten nas srogs rtsol bsgom par 'dod bzhin pa nyid kyi phyir ro/ /haM yig rdo
rje zhes bya ba/  haM gi yi ge'i ngo bo ni rdo rje 'chang chen po'i ngo bo'o/ /brjod du med pa ni 'od gsal gyi rang bzhin no/ /yul du byas pa ni zhes pa ni yid dang nges par ldan pa mig dag gis gzugs de la rnam par rtog pa'i phyir/ de nyid du rna bas sgra de dag
thos pa'i phyir ro/  /de nyid ni longs spyod pa ste/ ye shes kyi rang bzhin gyi sku'o zhes pa ni gang zhig rgyud gzhan du gsungs pa ni mgrin par longs spyod 'khor lo ni/ mgrin par yang dag rig pa gang zhes so/ /mgrin par longs spyod nyams su myong ba
de la longs spyod kyi sgras brjod de/  de'i phyir na rgyud nyid du gsungs pa ro drug rnams kyi gzugs can yang zhes bya ba la sogs pa brjod do/ /tshigs su bcad pa'i tshogs so/ /longs spyod rdzogs pa'i sku nyid du brjod pa gang yin pa de rnams ni/ pha
rol tu phyin pa'i tshul gyis lhan cig tu 'gal te/  pha rol tu phyin pa'i tshul gyis 'dir gnod do/ /'dir rdo rje theg pa la brjod byar 'brel ba'i longs spyod rdzogs pa'i skur bshad par bya ba la 'gal ba gang yang ma mthong ngo/ /de rnams kyang rim
pa gsum par bstan pa'i longs spyod rdzogs pa'i sku mngon par shes pa nyid do/  /rim pa dang por yang dang po'i mgon po ni rnam bzhag rim par klu'i? blo'i zhabs kyis longs spyod rdzogs ba'i skur byas pa ni rnam par bzhag pa mngon par shes pa nyid
du rtogs par bya'o/  /dag rnam par dag pa tsam de dag 'dir brjod par bya'o/ /de thob nas zhes bya ba la sogs pa sprul pa'i sku 'dzin pa 'di ston par byed do/ /slar yang ye shes kyi skur brjod pa'i rang gi ngo bo don dam pa'i bden pa'o zhes bya ba la sogs
pa gsungs te/  'od zer bcu ni srog gi rtsol ba la sogs pa rlung bcu'i bdag nyid can no/ /de la rab tu gnas? pa ni rlung dang rnam par shes pa bskyed par byas pa nyid yin pa'i phyir ro/ /de ni 'di lta bur 'gyur ro zhes pa ni
bden pa gnyis kyi bdag nyid can dang rlung dang rnam par shes par bskyed par 'gyur ro zhes mngon par dgongs so/  /dgongs pas bshad pa'o/ /bshad ma thag pa'i zhes bya ba la sogs pas/ gzung ba'i sprul pa'i sku zhes pa ni shin tu rnal
'byor du gsungs pa'i rim pas thob pa'i sprul pa'i sku'o/  /de la nam mkha' i snying po la sogs pa'i sa bon bkod pas mig la sogs pa'i skye mched rnam par dag pa'o/ /de'i sgo nas ni de'i thabs kyis so/ /'bras bu gang yin pa de bstan par bya ba'i phyir/
dang po zhes bya ba la sogs pa gsungs te/  mig gi sbubs stong par byas pas zhes pa ni mig gi dbang po tsam ni ma yin no/ /de bzhin du skye mched gzhan rnams la yang bshad par bya'o nyi ma dang zla ba'i 'od zer rnams kyis 'bar bar gyur pa zhes pa
ni mig gnyis la bltos pa'i tshig go / de la mig g.yon pa zla ba'i bdag nyid can nyid kyi phyir nyi ma'i 'od zer rnams dang mig g.yas pa nyi ma'i bdag nyid can nyid kyi phyir nyi ma'i 'od zer rnams kyis 'bar bar gyur bzhin pa ste dkyil 'khor gyi tshe
gang ni yi ge Ta yis mig g.yon zla bar byas/  /yi ge ma yis mig g.yas nyi ma dgod zhes so/ /bsam par bya ba'i sa bon gzhan yang yod do zhes 'dis gsal bar byed pa de las byung ba'i zhes pa ni/ thliM? gi yi ge las byung ba'i khro bo'o
mig gnyis bskyod pas sa'i snying rje'i rang bzhin gyis thliM? yongs su gyur pa'i mig bsgoms pas/  de las rdzogs pa'i sa'i snying po bsgom par bya'o/ /rdo rje 'tshang chen po zhes pa la sogs pa'o/ /sa'i snying pho ni sa bcu'i dbang phyug ma yin nam
de ci ltar rdo rje 'chang chen po dang 'dra bar blta bar bya zhes na/  rdo rje 'chang chen po nyid ni sa'i snying po'i ting nge 'dzin la snyoms par zhugs pa yin gyi/ rdo rje 'chang chen po las gzhan pa'i snying po ma yin no zhes pas nyes pa med do/ /bshad par yang thog mar
bcom ldan 'das de nyid gdul bya'i skye bo rnams dga' bar bya ba'i don du khang pa brtsegs pa mngon par sprul nas rang gi sku'i phung po la sogs pa rnams spros pa de'i khongs kyi dbus su bzhugs so/  /de nyid kyi phyir/ nam mkha' rdo rje zhes bya ba la sogs pa gsungs
so/  /rdo rje 'chang chen po las sa'i snying po gzhan yin par gyur nas de bzhin du yang rdo rje 'chang chen po'i gnas yin pa'i phyir brjod pa'i nyes par thal bar 'gyur ro/ /de bzhin du lha'i rna ba la sogs pa'i mngon shes ma? tshang ba nyid kyis nyes pa'ang brjod par
bya'o/  /mngon par shes pa lnga dang 'dra ba zhes pa ni/ bcom ldan 'das mngon par shes pa drug dang ldan pa ma yin nam zhe na 'dir mngon par shes pa lnga kho na ston par byed pa yin pa'i phyir mngon par shes pa lnga kho na brjod par bya ba'i slar yang de la gzhan
gyi sems shes pa'i mngon par shes pa med pa ma yin no/  /dang po'i sbyor ba byas te zhes pa ni rnal 'byor bzhi la rdzogs pa'i rdo rje 'chang chen po'i gzugs su bdag nyid dmigs par bya ba'i don no/ /rnal 'byor bzhi las bskyed pa'i sprul pa'i rdo rje
'chang chen po ni bdag nyid kyi 'og tu'o/  /dam tshig aoM yig ces pa la sogs pa'o/ /de nyid kyi phyir rnal 'byor bzhi'i 'og tu'o/ /rdo rje pad+ma 'du bya ba gsungs pa dang/ bdud rtsi myang ba la yang snying ga dang/ lkog ma sbyang ba gsungs pa de
nyid kyi phyir sprul pa'i sku 'dzin pa'i 'og tu mig la sogs rnam par dag pa'i don du/  sa'i snying po la sogs pa'i sa bon lha'i mig la sogs pa'i 'bras bu dgod par bya'o zhes rtogs par bya'o/ /de bzhin gshegs pa dgod pas zhes pa ni
de bzhin gshegs pa lnga'i sa bon dgod pa'o/  /bskyed pa'i rim pas zhes bya ba ni sgrub thabs su gsungs pa'i rnal 'byor dang rjes su rnal 'byor la sogs pa'i bskyed pa'i rim pas sprul pa'i sku'i gzugs rdo rje 'chang chen po'i
gzugs so/  /de'i mig gi zhes pa la sogs pa ni sngar bzhin no/ /sku gsum yi ge aoM zhes pa ni 'dir rtsa bar aoM yig gsum btus nas aoM yig gcig 'jig par byed do zhes pa ni mi rigs te/ dgongs pa lung ston du aoM yig gsum
yang bshad pa nyid yin pa'i phyir ro/  /de bzhin du rin chen 'byung ldan la sogs pa bzhi po'i sa bon dgod pa 'chad par byed pa 'chad par 'gyur bzhin dang rtogs par bya'o/ /dgongs pa ma yin pa'o zhes pa ni dbang po dang yul dang rnam par
shes pa rnams gsal bar mngon par brjod pa ni de kho na nyid 'dod pa nyid kyi phyir ro/  /ri bo rnams su zhes pa ni ri bo rnams dang 'dra ba ni ri bo ste/ nu ma rgyas pa la? sogs pa dang ldan pa nyid kyi phyir ro/ /rnam par dben pa zhes pa ni rnam par dben pa
rnams dang 'dra ba ni rnam par dben pa ste/  skyes bu gzhan bsten pa nyid las so/ /klu dang 'bab chu rnams su ni/ klu dang 'bab chu rnams dang 'dra bar rtag tu skyes bu la mtshungs par 'bab chu la thun mong pa'i phyir ro/ /nges pa'i don to zhes pa ni yang
dag par yod pa'i don gsal bar 'dir bstan par bya ba nyid kyi phyir ro/  /de ltar zhes pa la sogs pa la gnas phun sum tshogs zhes pa ni/ drang ? nges pa'i don gyi tha dad pa'o/ /rnam par snang mdzad ces pa sngar bshad pa 'dir sprel lo/ /rin
chen 'byung ldan la sogs pa ma gsungs pa rnams kyi dbang du byas nas/  de bzhin du zhes bya ba la sogs pa gsungs te/ sa'i snying po la sogs pa zhes pa la sogs pas sngar gsungs pa'i byang chub sems dpa' dgod pa ni 'dir gnas
phun sum tshogs pa dang sprel bar gsal ba'o/  /sgra ji bzhin pa'o/ /rdzogs pa'i rim pas zhes pa ni sngar bstan pa'i bskyed pa'i rim pa la bltos pa dang bcas pas so/ /rtse mo lnga pa zhes pa la sogs pa ni rang gi ngo bo ston pa ste/ rdzogs pa'i rim pa
la dmigs pa'i rim pa ni 'dir mngon par dgongs pa mthar thug pa'o/  /'bar ba lnga zhes pa la sogs pas ji ltar rigs par dbang po dang yul lnga po rnams so/ /ldad zhing rgyu pa dang/ rnam par rgyu ba dang/ nges par rgyu ba dang/ yang dag par rgyu
ba dang/  rab tu rgyu ba rnams dang 'brel par ston par byed do/ /spro ba dang bsdu ba zhes pa la sogs pas brjod pa'i rlung gi dbang las dbang po rnams 'dzin par byed pa nyid du bstan no/ /rab tu 'byung bas zhes pa ni dbang po rnams zhes ba lhag ma dang/ dbang
po rnams la khyad par dang dbang po rnams la khyad par sbyor bar byed pa rnams bstan par bya ba'i phyir rang sngags zhes bya ba la sogs pa gsungs te/  'jug pa la sogs pa'i rang bzhin can rab tu bskor bas zhes pa ni dbang po lnga po rnams 'od zer lnga la sogs pa
ni yi ge gsum mo/  /de rnams zhes pa ni dbang po lnga po rnams la sbyor bas drangs la zhes pa'o/ /de ltar rdzogs pa'i rim pas mngon shes lnga brjod nas 'dod pa lnga la nye bar longs spyod pas sprul pa'i sku la dmigs pa'i 'bras bu ye shes kyi sku/ rdo rje
nam mkha' zhes bya ba la sogs pa gsungs te/  rdo rje nam mkha' ni 'od gsal las langs pa nyid kyi phyir ro/ /phyag rgya chen po ni rang gi 'dod pa'i lha rnam pa'o/ /bsams shing shes par bya'o/ zhes pa ni 'chad par 'gyur ba bltos pas las nyid do/ /de'i dbus
su gnas pa ni de'i phung po'i nang du son pa'o/  /dbang po ni mig la sogs pa'i dbang po'i tshogs ni de dang ldan pa'i rdo rje 'chang chen po'i ngo bo'o/ /dkar po la sogs pa'i 'od zer ni kha dog dkar po ni rdo rje 'chang chen po ste 'dir dmigs par bya ba nyid kyi phyir ro// 
de nyid kyi phyir 'od de dang 'dra ba zhes bya ba la sogs pa gsungs te/  de rnams la zhes pa ni gzugs la sogs pa'i yul rnams la drangs pa zhes pa ni dbang po'i tshogs so/ /rab tu 'byung bas ni/ sangs rgyas kyi sprul pa'i
sku'i gnas so/  /de rnams kyi gnas ni/ me long la sogs pa'i ye shes lnga'i rang bzhin phung po la sogs pa rnams kyi ngo bo nyid ye shes kyi skur yod bzhin pa nyid kyi phyir ro/ /khams gsum pa'i lus zhes pa ni khams gsum pa'i lus su rdzogs
pa sems dpa' i lus te rnal 'byor pa'i sku dag ni rnam par snang mdzad kyi rang bzhin nyid yin pa'i phyir ro/  /de nyid kyi phyir rnam par snang mdzad ces bya ba la sogs pa gsungs te /aoM zhes bya ba'i ye shes sems dpa' zhes pa ni dang por rdo rje 'chang chen por
gsungs pa'i ye shes sems dpa' dang ting nge 'dzin sems dpa' dag ni rim pa gzhan nyid do/  /don 'di nyid gsungs pa zhes bya ba la sogs pas brjod pa'i don rgyas par bshad pa sngags kyi dam tshig gi de nyid yi ge gsum las rdzogs pa'i rdo rje 'chang chen po/
rig pa'i skyes bu ni ye shes kyi sku'o/  /dgongs pas bshad pa'o/ /de ltar las kyi lam rnam par dag pa zhes pa ni/ bya ba'i las de nyid lam ste lam mo/ /rdo rje 'chang chen po'i go 'phang thob pa ni rdo rje 'chang chen po nyid thob pa kho na
rnam par dag pa ste/  des bstan nas zhes pa'o/ /sku gsung thugs kyi rdo rje can/ /rnal 'byor 'dir 'gyur phyin chad ni/ /klog gam yang na zhes bya ba la sogs pas so/ /rnam pa gzhan du na le'u la 'jug par gsungs pa'i lha'i sku rnam pa gnyis kyi
gzugs gsal bar byed pa'i don du zhes pa 'di dang 'gal 'gyur ro/  /yang na lha rnam pa gnyis gsal ba ni dge ba dang mi dge ba la sogs pa'i las kyi lam rnam par dag pa'i rgyu nyid yin pa'i phyir gsungs so/ /de ltar lam rnam par dag pa zhes bya ba la
sogs pa gsungs te/  phyag rgya chen po yongs su thim pa zhes bya ba'o/ /le'u bcu gcig par lha'i sku rnam pa gnyis gsal bar byed pa gsungs pa dang 'dir phyag rgya chen po rnam pa gnyis yongs su thim pa don cig pa nyid ma yin nam/ 'di dag lha bskyed pa'i don
yin pa'i phyir ro zhe na bden te 'on kyang le'u bcu gcig par gsungs pa ni/  le'u dang por gsungs pa bltos pa dang bcas pa yin la le'u bcu gnyis par brjod pa'i yongs su thim pa nyid ka la mi bltos pa nyid do/ /'khor lo la sogs pa'i mtshan ma'i
gzugs kyis so/  /sa 'og dang sa steng dang sa bla zhes pa ni mtho ris dang bar snang dang sa 'og gi snod kyi 'jig rten mngon par brjod de/ snod kyi 'jig rten rnam pa sna tshogs pa yang ston par byed pa nyid yin pa'i phyir ro/ /de nyid ni
zhes pas 'og dang sa steng dang sa bla zhes pa 'di'o/  /'byin pa byed pa po nyid yin pa'i phyir zhes pa ni/ gsungs pa yang/ thugs kyi rdo rje sa snod kyi 'jig rten mngon bar sprul nas sems can gyi 'jig rten sprul par byed do zhes so/ /dgongs pa ma
yin pa'o/  /nam mkha' zhes bya ba la sogs pas sngar gsungs pa'i gnas pa'i gnas gzhan gsungs pa/ nam mkha' zhes bya ba la sogs pa ni/ nam mkha' ni de bzhin nyid do/ /der phung po la sogs pa ni rtag pa ni phung po la sogs pa bskyed pa de'i sbyor ba
las phung po la sogs pa bskyed pa dgon pa chen por 'dod do/  /nam mkha' ni ngo bo rab tu bsgrubs pa ni dgon pa chen po'o zhes pa gcig ni tha mal pa'i phung po la sogs pa la brten nas sems pa la sogs pa bsgrub par bya ba nyid yin pa'i phyir ro/ /gnas
med ces bya ba la sogs pa ni 'od gsal ba'i bdag nyid can bsgrub pa'i gnas gzhan longs spyod rdzogs pa'i bdag nyid do/  /nges pa'i don no/ /longs spyod rdzogs pa yang sprul pa'i sku sgrub par byed pa'i gnas so zhes gsungs pa/ yid kyi rang bzhin gyi
zhes bya ba la sogs pa ste/  rdo rje 'jam pa ni longs spyod rdzogs pa'i sku'o/ /'di'i bya ba dpag tshad brgya'i khyon tsam du zhes bya ba gsungs te/ 'di'i bshad pa ni/ dpag tshad rnams zhes bya ba la sogs pa'o/ /dpag tshad
brgya zhes bya ba la sogs pa nyid do/  /gsal bar byed pas na zhes bya ba ni 'chad par 'gyur ba'i bya ba la bltos pa'o/ /gang gis gsal par byed pa bstan pa'i phyir gsungs pa rab tu tsha zhing 'bar pa'i rdo rje lta bu gang yin pa zhes pa bcom ldan
'das so/  /'di'i bshad pa 'bar ba'i zhes bya ba la sogs pa'o/ /slar yang snang bar 'gyur pa ci ltar 'gyur pa yin zhe na/ dag pa'i bdag nyid ces bya ba la sogs pa gsungs te/ sgyu ma lta bu'i sku nyid kyi phyir rnam par dag pa sgyu ma lta bu'i sku
mnga' ba'i phyir zhes pa ni dag pa'i bdag nyid du byed pa zhes 'dir rgyu'o/  /tshangs pa la sogs pa rnams zhes pa ni lhag ma lus pa bsdu ba'i don no/ /lha mo thams cad kyis yongs su bskor ba'i phyir tshangs pa'o/ /de'i srid du gtso bor gyur
pa de rnams ye shes kyi sku thob pa de lha rnams kyis mthong bar mi 'gyur ro/  /de nyid kyi phyir gzhan dag gi lta smos kyang ci dgos zhes gsungs so/ /lta bar bya ba ma yin pa kho na ma yin nam ci ltar mtshan nyid rnam par bzhag par bya zhes na phyir ro
mi ldog pa'i spyod yul yin pa'i phyir ro zhes bya ba la sogs pa'o/  /so so'i skye bo rnams kyis zhes pa ni tshangs pa la sogs pa'i lha las gzhan rnams so/ /de nyid kyi phyir mi la sogs pa rnams kyi lta ci smos zhes gsungs so/ /phyir mi
ldog pa'i spyod yul yin pa'i phyir ro/  /dge ba'i bdag nyid sgyu ma lta bu'i sku yin pa'i phyir zhes gsungs so/ /thog mar de kho na nyid ston par byed pa 'di nyid zhes bya ba la sogs pa ni gsungs te/ bshad gci ni yul dang dbang po rnams te zhes
pa ni dbang po dang yul dag de bzhin gshegs pa rnams kyis ming ngo/  /nges zhes pa ni bcu po rnams kyis so/ /phan tshun bsregs pas dam tshig lnga rnams kyis so/ /zhes pa ni/ de rnams kyi dam tshig lnga po rnams so so'i skye bo la sogs pa'i thun mong pa
nyid yin pa'i phyir ro/  /khyad par gyi dbang du byas nas gsungs pa/ rdo rje mi phyed gsum zhes bya ba la sogs pa gsungs pa/ rdo rje gsum ni rnam par snang mdzad la sogs pa'i bdag nyid sku dang gsung dang thugs so/ /de dag mi phyed pa gsum po
rnams kyi'ang thugs tsam nyid yin pa de nyid kyi phyir thugs zhes gsungs so/  /de las byung bas ni brjod pa'i ye shes gsum gyi rang bzhin gyis so/ /dbang po yul rnams kyis ni/ rang nyid so sor gsal pa tsam gyi dam tshig lnga po rnams dang ldan pa'o/ /rnal
'byor pas ci zhig bya zhe na/  lcags gsum zhes bya ba gsungs so/ /'khor ba'i ngo bo yin pa'i nyid kyi phyir snang ba gsum po de yang lcags bzhin du sra? ba nyid kyi phyir/ rab tu grags pa'i lcags gsum zhes mngon par brjod par bya'o/ /snang ba gsum dang yang
dag par ldan pa ni rang bzhin dang snang ba gcig tu 'bres? par byas nas zhes bya ba'i don to/  /ye shes kyi sku ni ye shes gsum gyis bskyed pa nyid gyi phyir ro/ /ril por 'dzin pa dang rjes su gzhig pa dag gis ni stong pa nyid bco brgyad ril por don dag gis
so/  /rtog ge ba? thams cad ni/ dmigs pa dang gces? par mthong ba nyid yin pa'i phyir ro/ /yul ma yin pa zhes pa ni thugs sems gsum gyis bskyed pa nyid kyi phyir bsgom par bya'o ni/ 'od gsal ba'i bdag nyid de'i bdag nyid du shes par bya'o/ /rdo rje
'jam pa dang 'od 'dra bar 'gyur ro? zhes pa ni yongs su rdzogs pa'i rdo rje 'chang chen po dang mtshungs par 'gyur ro/  /dgongs pa bshad pa'o/ /de ltar zhes bya ba la sogs pas nye bar bstan nas zhes pa ni nye bar bstan nas so/ /'khor lo'i rig pa 'dzin
pa'i dngos grub kyi rgyu nyid yin pa'i phyir dang por zhes bya ba la sogs pa gsungs te/  rnam par snang mdzad kyi ting nge 'dzin mngon du bya ba ni brjod pa'i longs spyod rdzogs pa'i skur dmigs nas rnam par snang mdzad phyung ste bcug
pas/  rnam par snang mdzad du dmigs par bya'o/ /zhes bya ba'i don no/ /'khor lo rtsibs brgyad pa zhes pa ni lcags rnon po las byas pa/ aoM yig las mngon par skyed pa bsams nas thog mar bdud rtsi lngas byug pa byas nas bsrung par
yang bya'o/  /sangs rgyas thams cad kyis zhes pa la sogs pa ni rnam par rtog par bya'o/ /ji srid du dro bar gyur pa zhes pa la sogs pa ni yon tan gsum po 'di nye bar bskyed pa de srid du bsams nas/ lag pas blangs nas thog mar sangs rgyas
dang byang chub sems dpa' thams cad dang 'phags pa nyan thos dang rang sangs rgyas dag thams cad la phul nas rang gi 'dzin cing gzhan sems can thams cad la de bstan par bya'o/  /bzhengs pa ni langs pa ste rdo rje 'chang chen po dang 'dra bar 'gyur ro//
sngar longs spyod rdzogs pa'i sku la dmigs pa mngon du 'gro bas rnam par snang mdzad du dmigs nas 'khor lo yang dag par sgrub par bya bas kyang dngos grub thob par 'gyur ro/  /de'i dngos grub 'byor pa 'am rdzogs pa'i rim pa lhag par rtogs pa'i
don du sangs rgyas thams cad mnyas par byed pa la 'jug pa'i phyir ro/  /bsod nams dus par byung ba nyid yin pa'i phyir thams cad kyang rdo rje 'dzin pa dang 'dra ba zhes bya ba la sogs pa gsungs so/ /nam mkha' i dkyil 'khor zhes pa ni rdo rje rtse lnga pa sor
brgyad pa byas nas stong pa nyid du bsgoms la dkyil 'khor gyi dbus su hUM yig? gi rdo rje chen por bsams nas zhes bya ba'i don no/  /'dod pa'i dbang phyug ces pa ni thog mar rnam par snang mdzad kyi ting nge 'dzin dang 'chad par 'gyur ba la cho ga 'di de
bzhin du sbyar bar bya bar kun tu nus pa'i don la'o/  /dam tshig zhes pa ni lhan cig pa'i don te/ 'gro zhing zhes pa ni saM sngon ma las a tas ta ti 'gro ba ste/ byings la 'di rab tu sbyar ro/ /bzhung pas na zhes pa ni brjod pa'i rdo rje'i rig pa 'dzin pa dang lhan cig
tu zhes pa lhag ma'o/  /mnyam pa nyid kyis rdo rje mkha' 'gro ma rnams mngon par brjod par bya'o zhes mnyam pa nyid de mkha' 'gro ma rnams yin pas zhes gsungs so/ /rdo rje ni rdo rje'i rigs pa 'dzin pa'o/ /mnyam pa nyid kyang sngar gsungs pa'i mkha' 'gro ma
rnams te 'di mnyam pa nyid pa brten pa'i don no/  /lhan cig spyod pa ni/ lhan cig spyod par byed do/ /'gro bar byed do zhes byas nas so/ /thams cad ces bya ba la sogs pa la sngags dang phyag rgya'i tshogs ni pad+ma'i rigs can rnams so/ /sgrub pa po la zhes pa ni
pad+ma'i rig pa 'dzin pa la'o/  /dbang bskur ba zhes pa ni bdag nyid dbus su blon po'i 'khor lo bzhin du blon po rnams dang rgyal rigs bzhin du spyi bor dbang skur bar byed do zhes pa'i don no/ /mnyam pa zhes pa ni snga ma bzhin du chad pa dang lhag pa
med pa nyid kyis mnyam pa zhes pa ni ljang gu la sogs pa'i 'od zer lnga rnams mnyam pa nyid kyi phyir ro/  /'od ni dga' bar byas pa nyid du bshad pa'o/ /rang sngags ni hA yig ste/ rang gi sngags las zhes par rigs so zhes pa ni rang gi sngags hA yig las
yang dag par skyes pa'i ral gri zhes dgongs so/  /'od zer lnga zhes pa ni ral gri'i 'od mngon par rjod do/ /rdzogs pa ni bya ba byas pa'o/ /ma rdzogs pa ni slob bzhin pa'o/ /ral gri zhes pa ni snga ma bzhin no/ /phyag rgya chen po ni mkha' 'gro ma rnams dang lhan cig
spyod pa'o/  /de'i bdag nyid kyis ni sngar bshad pa'i mkha' 'gro ma'i rang gi ngo bo nyid kyis sam/ bdag gi ngo bo nyid kyis so/ /phyi rol gyi rdzas zhes pa ni gsum bsres? pa ste gsungs pa yang lcags gsum lhan cig ldan zhes so 'chad par 'gyur bar yang dngos
grub rang bzhin gsum nyid nges zhes 'chad par 'gyur ba la bltos nas gsungs shig/  sngar 'khor lo la sogs pa'i dngos grub gsungs pa'i phyir ro/ /tsa na ka'i 'gru tshad tsam zhes pa ni/ 'dir de'i dbyibs kyang
phyi rol gyi rdzas las mngon par byung ba'i ril bu yis rnam par brjod do/  /sa bon ni aoM yig go /bdag po ni rnam par snang mdzad do/ /de'i gzugs ni sku dang phyag rgya dang zhal dang/ kha dog dang mtshan ma la sogs pa dang ldan pa'o/ /mgo bo'i
sgo ni gtsug tor ro/  /'jug pa'i rang bzhin ni 'jug par byed par gyur pa'i ril bu rnam par bsam shing 'dir khyad par du bsgom par bya'o/ /de nyid kyi phyir yang dang yang du zhes bya ba la sogs pa gsungs so/ /gang de ltar zhes bya ba la sogs pas
'bras bu ston par byed pa de nas brtsams te zhes pa bsgoms pa mthar phyin pa'i skad cig nas brtsams te'o/  /byang chub sems dpa' zhes bya ba la sogs pas bden pa gnyis kyi bdag nyid can rdo rje 'chang chen po'i ye shes kyi sku mchog tu 'dzin no/ /de dang
'dra ba ni de dang mtshungs pa ste/  ril bu sgom par byed pa nyid/ phra mo'i rnal 'byor bzhin du bden pa gnyis gnyis su med pa'i rgyun yin pa'i phyir ro/ /dzam+bu nA da las skyes pa'i gser dang mnyam pa'i 'od ni de dang mnyam pa'i sku'i kha dog go /gnas pa'i bdag
nyid can zhes pa ni/  lkog ma nyid du'o/ /ldang ba'i bdag nyid can zhes pa ni/ snying gar pad+ma dkar po'i steng du 'gro'o/ /phyag rgya chen po'i gzugs kyis kyang ni rnam par snang mdzad la sogs pa'i gzugs kyis kyang ngo/ /grub pa ni 'khor lo'i rig pa 'dzin
pa la sogs pa'i dngos grub po/  /'di dag ji ltar bya zhe na/ dang po bzhin du zhes bya ba la sogs pa gsungs te/ rnam par snang mdzad kyi rnal 'byor dang ldan pas zhes pa ni/ 'dir bya'o zhes pa dang sbrel par bya'o/ /gnyis su med pa'i ye shes kyi bdag nyid can ni/
shin tu rnam par dag pa'i ye shes kyi bdag nyid can no/  /bdag nyid bsgom par bya zhes pa ni/ de ltar 'chad bzhin pa'i rin po che'i rig pa 'dzin pa la sogs pa'i dngos grub la'ang sbyar bar bya'o/ /rtse gsum pa la sogs pa zhes pa ni khro bo stobs po che la sogs pa'i mtshan
ma'o/  /phul du byung ba'i dngos por ni bskyed pa'i rim par gsungs pa'i rim pas so/ /dam tshig chen po ni theg pa chen po ste 'dus pa'i mtshan nyid do/ /dam tshig chen pa'i dngos grub ni rdo rje 'chang chen po'o/ /sgra ji bzhin pa'o/ /bskyed pa'i rim pa las gnas
pa rnams kyis dngos grub sgrub par byed pa lam gyi bzhi mdo zhes bya ba la sogs pa gsungs te/  bram ze la sogs pa zhes pa ? yul gzhan dag ni mig la sogs pas gzung bar bya ba'o/ /dgongs pas bshad pa'o/ /sems can rjes su 'dzin pa la rab
tu 'jug pa gdul bya'i skye bo zhes bya la sogs pa so sor gsungs pa rdo rje gsum gyi bdag nyid can zhes pa ni sku la sogs pa'i rdo rje'i bdag nyid can nyid kyi phyir ro/  /sngags las rdzogs pa nyid yin pa'i phyir sngags kyi skyes bu'o/ /bdag nyid ces bya ba la sogs
pa ni sku dang gzhung dang thugs so/  /sku la sogs pa las nges par byung ba'i 'od zer kyo ba btang gi rang bzhin can te lcags kyu'i rnam par ro/ /sangs rgyas rnams zhes pa ni sangs rgyas kyi snod nyid yin pa'i phyir nye bar btags? pas so/ /rin po che zhes pa ni rin
po che lta bu'o/  /shin tu mchog tu 'gugs pa ni/ g.yo ba zhes pa la sogs pa la bsam nas zhes pa ni bsgrub bya'i mdun du'o/ /dor bzhag ste zhes pa ni bka' bsgos pa'i bsgoms pa'i khro bos so/ /lus dang ngag dang sems rnams la zhes pa ni bsgrub bya'i dam
tshig sems dpa' la sogs pa rnams la bdag nyid kyi sku dang gsung dang thugs ni dam tshig la sogs pa'i sems pa'o/  /de'i 'od zer gyis kyo ba btang ngo/ /de gzhan du ni zhes pa can don la sogs pa'i rigs la de'i 'og tu yang/ dgug pa'i yul gsungs pa/ 
'di nyid kyis bya ba la sogs pa'o/  /'di'i nye bar bsdu ba mkha' dbyings zhes bya ba la sogs pa gsungs so/ /lha mo zhes pa ni spyan ma la sogs pa'i rang bzhin nyid yin pa'i phyir bud med rnams so/ /mi phyed pa'i dgug pa
ni/  nges par bsgoms pa nyid kyi phyir ro/ /de zhes pa ni 'khor lo'o/ /ji ltar dbang du byas pa de bzhin du dgug go zhes brjod pa ma yin nam/ de ci ltar rnam par snang mdzad la sogs pa'i mtshan mas 'gugs par byed pa nyid yin zhe na/ bsam par
bya ste/  rdo rje zhes bya ba la sogs pa bsam par bya ste/ sogs pa'i sgra las dril bu dang/ rin po che dang/ ral gri rnams kyis so/ /khams gsum pa zhes pa la sogs pas dgug pa'i yul ston par byed do/ /sku dang gsung dang thugs ni sems dpa' gsum gyi
bdag nyid can no/  /lcags kyu la sogs pa rnams kyis zhes gsungs pa'i phyir lcags kyu la sogs pa gang yin pa de yod pa de 'dir rdo rje 'chang chen por sngar gsungs pa'i rnam par dbye zhes mtshon par bya ste gang yang rdo rje 'chang chen po'i mtshan ma
rdo rje la sogs pa lcags kyu la sogs pa yongs su bsgom par byed pa la bstos nas kyo ba la sogs pa rnams kyis zhes bya ba la sogs pa gsungs so/  /rgyas gdab par bya'o zhes pa ni slob mar bya'o zhes pa'i don ni 'di lta bu'i zhes bya ba la sogs paS
rdo rje sems dpa' i go 'phang thob pa'i bya ba ston par byed pa por 'gyur ro zhes bstan to/  /ji ltar gsungs pa'i mtshan nyid dang ldan pa'i rnam par snang mdzad la sogs pa'i rnam pas yongs su skyed pa zhes bya ba la sogs pa sngar gsungs pa'i mtshan nyid dang ldan
pa'i lha thams cad kyi sku ni rnam par snang mdzad kyi rang bzhin nyid yin pa'i phyir ro/  /de bzhin du gsungs 'od dpag med kyi bdag nyid can nyid do zhes gsungs pa lce nyid zhes pa'o/ /rang gis lha'i nga rgyal dang ldan pas zhes bya ba la sogs pas/ sems kyi bya ba ston
cing mi bskyod par byed pa ston par byed do/  /lag par gnas pa zhes bya ba 'dis/ 'di lag par gzung nas zhes ston par byed do/ /bzlas par bya ba'i sngags kyi yi ge zhes bya ba la sogs pas/ sngags kyi yi ge ni dgug pa sbyor pa gzhan bstan no/ /gsang ba
g sum zhes pa ni 'di'i sku zhes bya ba la sogs pa'i bshad pas bsgrub bya dang sgrub pa po dag dgug pa la sogs pa la sku la sogs pa'i gsang ba gsum la rnam par snang mdzad la sogs pa rnams mnyam pa nyid du rtogs pas de rnams kyi gsang gsum dam
tshig zhes mngon par brjod pa gsungs so/  /rang gi ngo bo ji lta ba bzhin du yongs su shes pa'i mtshan nyid zhes pa ni gang gi rang gi ngo bo nyid rnam par snang mdzad la sogs pa gang gi so so rang gi ngo bo nyid gang yin pa ji lta bu'i rang bzhin zab pa dang rgya che ba'i rang bzhin de
yongs su shes pa'i bdag nyid can gyi mchod pa byas nas zhes mngon par dgongs so/  /le'u bco lnga pa'i bshad pas 'chad par 'gyur bar yang sgyu ma lta bu'i ting nge 'dzin shes pa dang bral bas 'jig rten pa'i dngos grub kyang 'grub par mi 'gyur na/ slar yang
'jig rten las 'das par ga la 'gyur zhes so/  /de'i phyir 'di zhes pa la sogs pa gsungs te/ 'di zhes pa ni dgug pa'o/ /gang bshad ma thag pa'i cho gar gsungs pa dgugs pa'i don 'gugs par bya ba nyid kyi mtshan nyid kyi cho ga de'o/ /las kyi dbye
bas ni/  bshad pa dang 'chad par 'gyur ba'i las kyi bye brag gis nyes par longs spyod pa zhes pa la 'byung po rnams kyi zhes pa lhag ma'o/ /de la thog mar mkha' la spyod pa nyid kyi dbang du byas nas sha chen zhes bya ba la sogs pa gsungs te/ gtor ma
byin nas zhes pa ni/  gzhan der rtog pa la sogs pa gsungs pa'i rim pas so/ /mi'i sha la sogs pa zhes bya ba la sogs pa'i sgras glang po che la sogs pa yongs su bzung ngo/ /mngon par shes pa lnga zhes pa ni 'dir gang yin slar yang 'dir mngon par shes pa
lnga bzung bar bya zhes bsam par bya'o/  /de bzhin du zhes bya ba la sogs pa la rgyal po la sogs pa zhes pa ni 'dir de rnams 'gugs par 'gyur ro zhes rgyud du gsungs pa'i don dang sbrel lo/ /bshad pa'i zhes bya
ba la sogs pa la sha rnams bsgoms nas zhes pa ni ci ltar bsgom par bya ba'i sha'o zhes bsam par bya'o/  /yang na phyag bya ba la sogs pas zhes pa la sogs pa yang ngo/ /rdo rje 'chang chen po zhes pa ni rnal 'byor bzhi las rdzogs pa'i zla ba'i
dkyil 'khor la gnas pa'o/  /gsungs pa yang de ltar bdag nyid byin brlabs pas/ /zla ba'i dkyil 'khor dbus gnas pa zhes so/ /ye shes sems dpa' ni sku mdog dmar mo phyag gnyis kyi rang snang la 'khyud pa kha sbyor gyi sbyor bas lus
thams cad dgyes par byed pa'o/  /ting nge 'dzin sems dpa' ni nag po rtag tu 'char pa mar me chen po lta bu mi shes pa'i mun pa 'joms par byed pa po'o/ /dbu rgyan zhes bya ba la sogs pa la/ rdo rje 'chang chen po ni dkar po phyag gnyis pa ste/
de nyid kyi phyir zla ba'i zhes bya ba la sogs pa gsungs so/  /'dzag pa zhes pa ni byang chub kyi sems 'dzag pa dang 'dra ba lta bu'o/ /drug pa mnyes par byed pa'i rim pa mngon par brjod nas/ rnam par snang mdzad la sogs pa lnga po rnams kyi dam tshig ces
bya ba la sogs pa gsungs te/  yi ge A:dang yi ge aoM gyi zhes pa ni nye bar mtshon pa ste/ des swAhA'i yi ge'i dam tshig kyang bya'o/ /des yi ge swA yongs su gyur pa las rin po che'i rnam pa'o/ /yi ge hA yongs su gyur pa las ral gri'i rnam pa'o//
rang rang gi sa bon gyis byin gyis brlabs pa'i lcer bsgoms nas bya'o zhes pa'o/  /'dis zhes bya ba la sogs pa ni phan yon no/ /las su rung ba ni lus dang sems las su rung ba nyid thob pa'o/ /slob bzhin pa'i rim pas rdo rje 'chang chen po dang
'dra bar 'gyur ro/  /sgra ji bzhin pa'o/ /zin pa ni lus so/ /ma zin pa ni lus las gzhan no/ /gnyis ka ni bi waM dang gling bu la sog pa la skyes pa de gnyis kas bskyed par bya ba nyid yin pa'i phyir ro/ /'byung ba chen po las byung ba ni sa la sogs pa'i bu ga las
langs pa'o/  /rdo rje'i rdzu 'phrul mchog zhes pa rdzu 'phrul ni rten yin pa nyid kyi phyir ji ltar gsungs pa de las rdo rje mchog ste 'od gsal zhes mngon par brjod do/ /ji ltar zhes bya ba ni sangs rgyas kyi sku mdza' yas pa zhes pa ni gsungs pa yang sna tshogs tshul gyis thabs kyis
du ma'i rnam pa ru/  rab tu 'jug pas srid pa gsum gyi 'jigs pa sel zhes so/ /sangs rgyas rnams kyis sems can gyi don bya ba yang mdza' yas pas so/ /de ltar rdzogs pa'i rim pa la gnas pa'i rnal 'byor pa'i lha'i mig la sogs pa dang ldan pa ni rang
dang gzhan gyi don phun sum tshogs pa gsungs so/  /grub pa ste ci ltar gnas par 'gyur zhe na lha'i bzhon pa zhes gsungs te/ lha rnams gang gis 'gro bar byed pa de lha'i bzhon pa ste/ gzhal yas khang gi shing rta dang glang po che la sogs pa'i gzhon pa ste bzhon
par bya ba'o zhes pas bzhon pa ste/  lha dang mi la sogs pa'i bzhon par bya ba yin pa'i phyir ro/ /gzhal yas khang la sogs pa ni de rnams kyis zhon te 'gro zhing dkyil 'khor la zhon te 'gro ba ma yin pa'i phyir ro/ /shing rta la sogs pa ni gal te yang rta la sogS
pa rnams kyis bzhon par bya ba'o/  /de bzhin du 'jig rten na yang shing rta la sogs pa bzhon pa nyid kyis tha snyad 'dogs so/ /rnam par rgyu zhing zhes pa ni rdo rje 'chang chen po dang de dag gnas par byed pa'o/ /'bras bu'i phyogs gcig zhes pa ni/ 'dis 'bras
bu rnams kyi ngo bo gang yin pa de ston par byed do/  /bsnyen pa zhes bya ba la sogs pa ni srung ba'i 'khor lo yi de ma thag tu dmigs par bya ste/ dngos po med pa zhes bya ba la sogs pa'i tshigs su bcad pa gang yin pa zhes pas bsnyen par byed par gsal lo/ /
sa'i cha la sogs pa yang dag par sbyar zhing zhes pa ni/  rlung la sog pa'i dkyil 'khor bzhi'i de ma thag tu rdo rje'i sa'i cha dmigs par/ sogs pa'i skras khang pa brtsegs pa dang/ dbus su lhag par mos pa'i dkyil 'khor
la dmigs pa dang/  gzugs phung rtogs pa me long dang zhes bya ba la sogs pas dkyil 'khor 'di 'od gsal bar 'jug pa zhes pa 'di bsdus so/ /stong pa nyid la dmigs pa dang/ de nas sna tshogs pa'i pad+ma'i steng du/ nyi ma zhes pa la sogs pa nye
bar sgrub pa ste rnal 'byor dang rjes su rnal 'byor dang shin tu rnal 'byor gyi mthar thug pa'o/  /de nyid kyi zhes bya ba la sogs pa gsung pa'i phyir 'dir mi bskyod pa phyung nas bcug pa'i yang dag par rtogs par byed pa ma yin no/ /rnal 'byor chen
po'i dbang du byas nas sgrub pa'i don gyi zhes bya ba la sogs pa gsungs te/  rigs kyi dbye pas zhes pa ni 'dir sngar gsungs pa'i/ shes par byas la zhes pa 'di sbrel lo/ /ston pa yin te zhes pa ni/ bcom ldan 'das zhes pa lhag ma'o/ /byang
chub kyi sems zhes pa ni de bzhin nyid do/  /lhag par mos pa'i dkyil 'khor 'od gsal du bcug pa'i 'og tu gang zhig bya ba de dag bstan par bya ba'i phyir/ aoM shU n+ya tA zhes bya ba la sogs pa gsungs so/ /de nas khang pa brtsegs pa'i dbus
su bya ba nyi ma zhes bya ba la sogs pa gsungs te/  bzhag la zhes pa ni dmigs nas so/ /de'i steng du zhes pa ni pad+ma'i steng du'o/ /yi ge gsum zhes pa ni yig 'bru gsum mo/ /de dag yongs su gyur pa las mtshan ma zhes yid la bya'o/ /de
nas yang steng du slar yang yi ge gsum mo zhes yid la bya'o/  /nye bar te gam du zhes pa ni yongs su dag pa'i phyag rgya chen po dang nye bar dang po'i mgon po yongs su dag pa tsam la bltos pa nyid kyi phyir phyag rgya chen po'o/ /de la zhes pa
ni/  phyag rgya chen po'i gzugs la'o/ /bkod la zhes pa ni tshig gi lhag ma'o/ /de rnams ci zhe na rdo rje zhes bya ba la sogs pa gsungs te/ de rnams ni rnam par snang mdzad la sogs pa rnams so/ /skye mched ni dgod pa'i gnas sgrub pa po'i gzugs kyi
phung po la sogs pa rnams so/  /de rnams zhes pa rnam par snang mdzad la sogs pa nas gnod mdzes kyi mthar thug pa rnams so/ /gzugs kyi phung po la sogs pa rnams kyang ci yin zhe na/ gsum pa zhes bya ba la sogs pa gsungs te/
'bras bu dang rgyu yongs su shes pa ni/  rnam par snang mdzad la sogs pa dgod pa ni rgyu'o/ /'bras bu ni gzugs kyi phung po la sogs pa bkod pas sangs rgyas nyid la sogs pa sbyin pa gsum pa nyid do/ /sngags zhes bya ba la sogs pa la
rigs kyi dbye bas zhes pa ni rnam par snang mdzad la sogs pas rigs kyi dbye bas te/  rdo rje 'chang chen po yang ye shes?  sems dpa' dang ting nge 'dzin sems dpa' ngag gi rnam par sngar bshad pa nyid kyi phyir ro/ /ji rig bar zhes pa ni/ gang du gang gi
rnam par yang dag par 'byung ba ni ji ltar rig pa ste/  rnam pa de bzhin du bsgoms pa ni sngags kyi bdag po zhes brjod par bya'o/ /rdo rje 'chang chen po bzhin du thams cad kyi ye shes sems dpa' zhes shes par byed do/ /ting nge 'dzin sems dpa' ni rang
rang gi lha'i kha dog gi rnam pa zhes pa 'dir rigs kyi dbye bas ji lta ba bzhin du rang nyid lta bur yang dag par gyur pa'i ye shes sems dpa' ni 'di dag la bsam par bya'o/  /de zhes bya ba la sogs pa la/ tshe na zhes mang po'i tshig ni bdag po lnga'i rgyas
'debs pa'i dus tha dad pa nyid kyis mang po nyid yin pa'i phyir/  /de'i tshe'i ye shes rdo rje can zhes pa ye shes rdo rje can no/ /rang gi lhag pa'i lha'i sbyor ba dang ldan pa zhes pa ni gang gi bdag nyid kyi rigs kyi lha gang yin de'i rnal 'byor dang ldan pa'o/ /
rang gi sngags badzra d+h+ri? ka la sogs pa zhes pa ni lha sum cu so gnyis po rnams kyi ming sum cu so gnyis so/  /de las phyung ba las phyi rol tu byung ba'o/ /gal te de las byung ba ni rdzogs pa'o zhes 'gyur nas de'i tshe rnam bzhag rim
pa la sogs pa dang 'gal bar 'gyur te/  badzra d+h+ri ka ces bya ba la sogs pa'i sngags brjod nas lha rnams kyi 'khor lo ma lus pa dbyung bar bya'o/ /zhes bya pa la sogs pa rnam bzhag rim par gsungs pa'i phyir ro/ /de bzhin gshegs pa lnga'i
zhes bya ba ni mi bskyod pa la sogs pa gtso bor gyur pa dang ldan pa rnams kyi'o/  /bdag po rdo rje 'chang chen po ni dkar po'o/ /de la gal te 'od gsal ba las bdag byin gyis brlab pa'i rim pas langs nas mi bskyod pa byung nas bcug pas dkyil
'khor de gtso bor gyur pa ni mi bskyod pa ste/  de'i tshe phyag gnyis pa zhal gcig pa'o/ /de nas rnal 'byor bzhi'i rim pas yin pa de'i tshe zhal gsum pa phyag drug pa'o/ /bsams nas 'grub par 'gyur ro zhes 'chang par 'gyur ba dang sbrel lo/ /sgra
ji bzhin pa'i/  /'dus pa phyi ma zhes 'dir gsungs pa ni/ bsnyen pa rnam pa gnyis ka'i bshad pa tshad mar sgrub pa'i ngon du ste/ rnam pa gzhan du na le'u'i? gsungs pI bsnyen pa'i ye shes bdud rtsi nyid zhes bya ba la sogs pa'i bshad pa'i nang du 'dus
pa phyi ma bri? ba dang zlos par 'gyur ro/  /thar bar 'dod pa rnams kyis zhes pa ni mchog gi sgrub pa ni thar pa'i rgyu nyid yin pa'i phyir/ rtag tu zhes bya ba 'di'i rnam par 'grel pa ni dus thams cad du'o/ /bdag nyid thams cad ces pa 'di'i mngon
du nye bar bstan pa dang/  spyod lam thams cad du zhes sbrel lo/ /ye shes bdud? rtsi zhes pa gnyis su med pa'i bdag nyid can nyid kyi phyir ro/ /thams cad zhes bya ba la sogs pa ni/ de bzhin gshegs pa 'chang par 'gyur ba rnams kyi sngags
gyi de nyid don sgrub pa'o/  /zhes pa la bltos nas sbrel ba ni drug pa'o/ /mchog ni sangs rgyas nyid kyi mtshan nyid do/ /bshad pa zhes pa ni rtsa ba la bltos nas gsungs pa'o/ /mdor bstan pa'i tshig rnams kyi zhes pa ni/ /'chad bzhin pa'i 'dus pa
phyi ma'i rgyas par bshad pa bltos nas so/  /rgyas par bshad pa gsungs pa zhes pa ni 'dus pa phyi ma nyid do/ /'phags pa'i bshad pa zhes bya ba la sogs pa 'chad par 'gyur ba dang sbrel lo/ /so so'i bshad pa gsungs pa zhes pa ni 'chad par
'gyur ba la bltos nas sngar gsungs pa'i bshad pa'i rgyas par bshad pa'i ngo bo nyid yin pa'i phyir ro/  /dbang po rnams zhes pa bshad pa ni phal cher rdo rje phreng bar gsungs so/ /sems kyi zhes pa ni sems nyid mig la sogs pa'i dbang po dang yul la
brten nas bzung ba dang 'dzin pa po dang 'dzin pa'i ngo bor gnas so zhes mngon par dgongs so/  /dman pa zhes pa la sogs pa de'i yul gsungs so/ /rnam par sbyang bar byed pa zhes pa 'dis yan lag dang po skye bo thams cad kyi thun mong par rtogs par byed do/ /sangs
rgyas lnga ni mig la sogs pa ste/  zhes pa 'dis thun mong gi bsnyen pa dang 'brel pa'i dbang du byas nas gsungs so/ /gsang ba zhes bya ba la sogs pa ni rtog pa zhes bya ba la sogs pa/ sngar mdor bstan pa'i rgyas par bshad pa ston par byed do/ /de nyid
la zhes bya ba la sogs pa la gnas pa ni/  /sangs rgyas kyi gzugs su rtog par byed pa'i gnas skabs so/ /de ltar dpyad nas zhes pa ni gzung ba la sogs pa rnams phan tshun la bltos nas skyes pa rnams de bzhin gshegs pa lnga'i bdag nyid can rang bzhin gyis
grub pa nyid du so sor rtog pa'o/  /de kho na nyid du? 'jug par la mngon par phyogs pas zhes pa ni/ rten cing 'bres? par 'byung ba tsam de bzhin gshegs pa'i bdag nyid can nyid ni/ de kho na nyid do/ /de la 'jug pa ni/ tha mal pa'i dngos po dngos po med pas de
bzhin gshegs pa nyid du bstan par bya'o/  /lus zhes bya ba la sogs pa la shin tu sbyangs pa la sogs pa la zhes pa ni/ lus la sogs pa las su rung ba nyid do/ /bzung ba la sogs pa rnams rten cing 'brel bar 'byung ba tsam nyid du
lta ba'i bras bu/  /sems zhes bya ba la sogs gsungs te/ de nyid zhes bya ba la sogs pa ni/ bzung ba la sogs pa dang bral ba'i sems kyi rang gi ngo bo ston par byed do/ /snang ba tsam ni/ snang ba la sogs pa gsum gyi ngo bo de dag rang gi yid la brten nas
skyes tsam nyid kyi rang bzhin dang bral ba'o/  /thams cad stong pa nyid ni 'od gsal pa'o/ /der mthar thug pa ni de'i ngo bo'o/ /'byung bar 'gyur ba ni skye bar 'gyur ba'o/ /brjod pa'i don 'di nyid dbang gi sgo nas lnga zhes bya ba la sogs pa gsungs te/ 'og gi
dbugs ni thur du sel ba'i rlung ngo/  /sa la sogs pa'i bdag nyid tsan yang zhes pa ni/ sna'i sgo ru mngon par brjod pa'i dkyil 'khor bzhi'i bdag nyid can 'di yang ngo/ /phyung nas zhes pa ni phyag rgya thog mar mnyes par byas nas so/ /byang chub kyi sems
thig le'i gzugs gyi ni kun rdzob kyi rnam par bye ba'i gzugs so/  /steng du 'byung ba'i dbang du byas nas dang por gzugs la sogs pa'i yul rnams dang mig las ? dbang po rnams dang de dag gi rnam par shes pa rnams kyang yid kyi rnam par shes pa la? ?  las
pa nyid yin pa'i phyir/  rang gi gzugs la sogs pa'o zhes bya ba la sogs pa gsungs te/ thim pa zhes pa ni yid kyi rnam par shes pa zhes pa lhag ma'o/ /de nyid kyi phyir de bzhin du yul dang dbang po'i rten du gyur pa zhes bya ba la sogs pa gsungs te/
gang zhig rten par byed zhe na rnam par shes pa zhes pa lhag ma'o/  /gang? zhig zhes pa'i sgra gzugs la bltos pa'am thun mong gi tshig go /'gog pa zhes bya ba la sogs pa la/ 'gog pa'i rdo rje gyur zhes pa ni/ 'gog pa'i rdo rje ni 'od gsal pa'o/ /der
gyur pa ni de thob pa'o/  /'gog pa'i gnas skabs su/ thog mar mtshan ma lnga ni rgyu ste/ so sor sdud kyi 'dzin pa ni phan yon no/ /de yang rnal 'byor pa la 'byung bar 'gyur ro/ /de nyid kyi phyir sa zhes bya ba la sogs pa gsungs so/ /spro bar bya zhing khyab
par bya'o zhes pa ni 'od gsal ba nyid kyis 'gro ba shes par bya ba las mngon par dgongs so/  /'dis 'od gsal ba rnam pa gnyis kyis bshad pas ril por 'dzin pa dang rjes su gzhig pa'i rim pa bstan no/ /de ltar zhes bya ba la sogs pa la/ gang zheS
bya ba ni sems so/  /de'i rnam pas zhes pa ni rnam par shes par shes pa rlung la sogs pa'i rnam pas yin gyi slar yang sa la sogs pa ni ma yin no/ /gsungs pa yang/ 'od gsal ba las stong pa chen po/ /de las kyang ni thabs 'byung ngo/ /de las shes rab skye
bar 'gyur/  /de las rlung ni 'byung ba'o zhes so/ /'di dag tsam ni 'dir ye shes kyi sku bskyed pa tsam la 'brel bar nye bar dmigs par bya'o/ /rlung las me ni yang dag 'byung zhes bya ba la sogs pa ni sprul pa'i sku yis so/ /rim pa de nyid kyis de
spro bar bya ba de ci ltar yin zhe na/  'di ni mi 'grub? te ye shes kyi sku la yang/ phyi rol dang ro gcig pa nyid kyis me la sogs pa'i khams gsum yod pa nyid kyi phyir te/ de bzhin du ye shes kyi sku la ni kha dog dang dbyibs la sogs pa'i khams las
skyes pa'i gzugs ? po dang/  rab tu dang ba'i 'od zer lnga me'i khams las skyes pa dang/ rang gi don gyi phung po chu las skyes po zhes bshad pas/ ye shes kyi sku bskyed pa'i rim par bstan pa'i phyir gsungs so/ /so sor snang ba ni yang dag par rig pa zhes pa la sogs
pa ? ? mtshan pa'i/  /ril par 'dzin pa dang rjes su gzhig pa dag gis bshad pa'i rim pas 'gro ba 'gog pa'i rnam pa las ldang ba yang 'gro ba'i rnam par brjod par bya'o zhes/ shes rab dang thabs zhes bya ba la sogs pa gsungs te/ rgyu ba dang mi rgyu ba zhes
pa ni rnal 'byor pa rang gi so sor snang ba tsam ni shes rab po/  /so sor snang ba tsam gyi rang bzhin ni thabs so/ /rang gi so sor snang ba ni sgyu ma lta bu nyid do/ /snyoms par zhugs pa ni 'di dag ro gcig pa nyid du yongs su shes pa'o//
de nyid kyi phyir kun rdzob ces bya ba la sogs pa gsungs te/  gong bu zhes bya ba la sogs pa ni yongs su dag pa'i sku ni phyag rgya chen po'o/ /des gcig du byas nas zhes pa ni/ gsungs pa yang rdo rje theg par de nyid ni/ /rnal 'byor pas ni gang gang dmigs/ /
de de'i bdag nyid kho nar rtag ces so/  /'phags pas kyang/ dbang po gang dang gang lam gyur/ /de dang de yi ngo bor bya/ /mnyam par ma bzhag sbyor ba yis/ /sangs rgyas kun gyi rang bzhin bskyed zhes so/ /de ltar bdag nyid dang lhan cig tu byas nas ci
zhig bya zhe na/  mi rgyu ba zhes bya ba la sogs pa gsungs te/ rang gi rnam pa'i gzugs rgyu ba dang mi rgyu ba'i dbus su'o/ /ci zhe na/ zung du zhes bya ba la sogs pa gsungs te/ bsgom par bya ba la sogs pa rnam par rtog pa ma lus pa dang bral ba'i bdag nyid
can nyid yin pa'i phyir zung du 'jug pa'i ting nge 'dzin no/  /rnam par bsgom par bya'o zhes pa 'di'i don gsungs pa ni shes par bya'o zhes pa'o/ /bskyed pa dang bral ba yang zung 'jug gi rnam pa bzung ba nyid tsam ni ye shes so/ /gsungs pa yang yang/ gang zhig
skye ba 'bral ba yang/  /skye ba med pa de nyid blo/ /zhes bya ba la sogs pa'o/ /rnal 'byor zhes bya ba la sogs pas ni rnam pa gsum nye bar bstan te/ byin gyis brlabs pa zhes bya ba la sogs pas/ rim pa'i mthar de dag bshad pa ni/ byang chub sems
ni rnam par dag ces bya ba la sogs pas rnam dag pa nyid du rtags pa'i rnal 'byor ston par byed do/  /rim gyis zhes pa ni/ sngags kyi sa bon la sogs pa'i rig pa las so/ /yongs su dag pa ni zung 'jug gi gzugs so/ /yongs su ma dag pa ni mdor byas can
gyi rim pa dang bdag la byin gyis brlab pa'i rim par mngon par brjod pa'i sku gnyis so/  /yongs su dag pa dang yongs su ma dag pa'i rgyur de la zhes bya ba la sogs pa gsungs te/ mtshan ma dang bcas pa ni/ dmigs pa dang bcas pa'o/ /gzugs zhes
bya ba la sogs pas rang gi ngo bo ston par byed do/  /slar yang yongs su dag pa'i lta'i rnam pa las zlog pa sgrub par byed pa ma yin no/ /mtshan ma dang bcas pa rdzogs pa'i sangs rgyas nyid las cig shos so/ /mtshan ma med pa ni/ sangs rgyas nyid kyi
mtshan nyid do/  /mtshan ma med pa ni/ stong pa nyid dang zung 'jug la gnas nas mtshan ma dang bcas pa yang rab tu 'grub par byed do/ /de'i phyir de bas zhes bya ba la sogs pa gsungs te/ dgongs pas bshad pa'o/ /me long mes zhes bya ba la sogs
pa ni me long ye shes la rnam pa du ma 'pho bar mthong ba'i phyir dgon pa chen po ste/  rnam pa sna tshogs shing rnam par dgra ba'i brtan pa dang g.yo ba'i rnam pa'i gnas kyi don so sor snang ba'i rten yin pa nyid kyi phyir ro/ /'dir rnam pa nyid du bde ba
thob pa'o zhes pa ni/  'di rnams nyid ni 'od gsal ba rtogs pa'i thabs kyi gnas rnams su'o/ /bde ba zhes pa ni zung 'jug gi bdag nyid kyi bde ba chen po'o/ /nges pa'i don to zhes pa ni/ 'dir nges pa'i ngon? pas ma gsungs kyang sngar gyi drang ba'i don
rtogs so/  /de'i phyir de ltar zhes bya ba la sogs pa gsungs te/ dang po zhes bya ba la sogs pa ni lhag mar mos pa'i dkyil 'khor 'od gsal du bcug ma thag pa ni/ stong nyid byang chub po/ gnyis pa zhes pa la/ sa bon bsdu pa ni rnal 'byor las
te aoM yig la sogs pa las skyes pa'i nyi ma'i dkyil 'khor la sogs pa'o/  /ye shes kyi sku rdo rje 'chang chen po bskyed pa ni/ gsum pa gzugs ni rdzogs pa ste rjes su rnal 'byor la'o/ /bzhi pa zhes pa ni yi ge dgong pa zhes pa ni shin tu rnal
'byor la yi ge dgod pa'o/  /drang ba'i don no/ /mchog ces bya ba la sogs pa la ngo bo nyid yongs su shes pas ni/ stong pa nyid gsum las rdzogs pa'i 'od gsal ba nyid yongs su shes pas so/ /phyag rgya chen po'i dngos
grub ni zung 'jug gi bdag nyid can no/  /nges pa'i don no/ /gsungs pa'i phyag rgya chen po'i sgrubs pa'i gnas/ gnas lnga rnams su zhes bya ba la sogs pa gsungs te/ gzugs la sogs pa zhes pa ni/ gzugs rdo rje la sogs pa zhes pa'o//
yang dag par nye bar gyur pa'i yul lnga po rnams la yul lnga po so sor brjod pa'i phyir cun bzhi dag tu zhes bya ba la sogs pa gsungs te/  de mnyes par byed pa ni lha mo bzhi po mnyes par byed pa'o/ /shin tu dga' ba shes pa ni pad+ma can la sogs
pa'i lha mo lnga po rnams kyi rigs dang yul dang skye ba dang rang bzhin dang dus la sogs pa shes pa sngon du 'gro bas/  thog mar gnas ji lta bar 'khyud pa dang/ 'o byed pa dang/ so dang sen mos 'debs pa la sogs pa dang/ nu ma dang skra la sogs pa 'ching
ba dang nyid pa la sogs pa la mkhas pa ni 'di dga' ba la mkhas pa'o/  /rgya cher mngon par brjod pa ni/ dga' ba'i bstan bcos la sogs par sbyor ba gzhan dga' ba la brtsams nas gsungs so/ /yi ge aoM zhes pa ni/ yi ge aoM ser po'o//
sdom pa ni/  byang chub kyi sems sdom par byed pa ste yi ge aoM rengs par byed pa pos yang dag par sdom pa nyid kyi phyir ro/ /bde ba dam pa ni 'jig rten pa'i bde ba ste/ yongs su shes pa'i khyad par yang dag par bzung ba nyid kyi phyir ro/ /dbang po
thams cad 'grub par 'gyur ro/  /zhes pa ni 'dir bde ba chen po zhes pa lhag ma'o/ /'di'i rang gi ngo bo rdo rje zhes bya ba la sogs pa gsungs te/ de bsgrubs zhing zhes pa ni thun bzhir sgrub par gsungs pa'i go rim gyis so/ /rtog pa'i ting nge
'dzin ma? gnas pa'i zhes bya ba la sogs pa ni/  thun bzhir sgrub pa la bde ba chen po'i ting nge 'dzin gyi don zhes pa'o/ /rdo rje ni 'od gsal ba'o zhes pa la sogs pa yang rang gi ngo bo nyid 'chad par byed pa'o/ /slar yang rtog pa'i rnal 'byor pa'i bde ba chen po'i
ting nge 'dzin la sogs pa shes par byed pa ma yin no/  /yang na rtags pa'i ting nge 'dzin la dmigs pa sngon du 'gro bas 'gro ba'i rgyud du byed de/ rnam gzhag rim par gsungs pa'i rig pas bde ba chen po'i ting nge 'dzin gyi don du brlabs par bya'o/ /zhes pa ni ting nge
'dzin la gnas pa'o/  /mchog sgrub pa la gnas pa rnams kyi zhes pa ni zung 'jug ting nge 'dzin ni lhag par rtogs pa rnams kyi'o/ /sgra ji bzhin pa'o/ /tshigs su bcad pa ni dgongs pas bshad pa las so/ /tshig gi rgyan no zhes pa ni/ sangs rgyas kun 'dzin zhes bya
pa la sogs pa'i bcad pa la gus par bskyed pa'o/  /de ltar zhes bya ba la sogs pa la lta'i sbyor pa ni rdo rje 'chang chen po'i rnal 'byor bstan nas snam par snang mdzad la sogs pa'i rnal 'byor pa rnams kyi'ang/ de nyid nges par bya dgos pa/ de'i sgo nas nye bar sdud par byed do//
dbyer med pas na rnam par snang mdzad kyi rnal 'byor pa'o zhes bya ba la sogs pa la/  man ngag ma thob bas zhes bya ba ni/ dbyer med pa nyid du byin gyis rlob pa'i man ngag ma thob pa'i phyir ro/ /de nyid kyi phyir sgrub pa'i thabs su gsungs pa/ slar yang thams
cad bdag nyid bya zhes pa la sogs pa'o/  /rmongs pa ni byin gyis rlob par byed pa'i man ngag mi shes pa'o/ /rdzogs pa'i rim pa las ring du 'gyur ro zhes pa ni/ dbyer med pa nyid du byin gyis rlob pa 'di rdzogs pa'i rim pa'i rgyu nyid yin pa'i phyir ro//
thams cad ces bya ba la sogs pa la/  de rnams kyi zhes bya ba la sogs pa ni rnam par snang mdzad la sogs pa rnams kyi'o/ /mi phyed pa'i ngo bo nyid ni tha mi dad pa'i ngo bo nyid do/ /sbyor ba bzhi ni/ snyoms par 'jug pa'i mchog la dang po stong nyid byang chub
la sogs pa'i dbye ba bzhi po/  thun bzhi zhes bya ba la sogs pa yang sbyor ba bzhi pa'o/ /rdo rje ni rdo rje 'chang chen po ste/ de'i rgyu can gyi rnal 'byor ni/ /rdo rje'i sbyor pa bzhi'o/ /de nyid kyi phyir/ de zhes bya ba la sogs pa
gsungs te/  'dis zhes pa ni rdo rje'i sbyor bas so/ /de nyid zhes pa ni/ /sbyong par mngon par brjod pa'i sbyor ba bzhi'o/ /rdzogs pa'i bcom ldan 'das 'di yongs su dag pa'i rdo rje 'chang chen po lhag par rtogs pa'i rgyu nyid yin pa'i phyir ro/ rdzogs pa zhes
bya ba la sogs pa gsungs te/  'dis zhes de bstan pa ni/ de 'dzin par byed pa ste le'u'o// //rim pa gnyis la slob pa la 'jug pa'i zhes pa ni/ le'u bshad pa'i skabs kyi bar ma chad par thun mong mchog gi dbye ba yis zhes pa
mngon par brjod pa ni rim pa gnyis la ltos pa'i tshig go/  /de nyid kyi phyir/ de nas bsnyen pa la sogs pa'i cho ga'i 'og tu zhes gsungs te/ 'dod pa'i dbang phyug la sogs pa dang ldan pa'i nyid kyi phyir ro/ /bcom ldan 'das so zhes pa ni/ gsungs pa
yang/  dbang phyug phun sum tshogs pa dang/ /bsod nams grags pa dpal dang ni/ /gzugs dang de nas brtson 'grus te/ /drug rnams b+ha ga zhes pa thos zhes so/ /blo ldan b+ha gzhes par thos zhes so/ /blo ldan zhes pa la sogs pa la/ /rdo rje bzhi po ni le'u bcu gnyis par gsungs pa'i/
dang po stong nyid byang chub te zhes bya ba la sogs pa'o/  /'da' bar bya ba ma yin pa'i phyir ni/ /de dang 'brel ba'i phyir ro/ /bzang po ni/ lha rnams te mi bskyod pa la sogs pa'i de bzhin gshegs par dmigs par byed pa 'di bzang po'o/ /sbyor ba yan lag
drug ni/  'di ni 'dir mngon par dgongs te/ mdor byas kyi rim pa sgom par byed pas las rab 'byams tha mal pa 'byung bar gyur gyi yan lag drug la dmigs par bya'o zhes pa'o/ /mngon par bstod pas gsungs pa zhes pa ni/ rdo rje 'chang chen po la zhes pa
lhag ma'o/  /bden pa gnyis nges par sbyor pa zhes pa ni yan lag drug gi bya ba'o/ /gnyis dang gnyis su med pa la sogs pa rnam par rtog pa'i spros pa med pa'i phyir spros pa med pa'o/ /tshul zhes pa ni zung 'jug gi ngo bo'o/ /ma skyes pa ni sgyu ma'i
glang po che la sogs pa bzhin dang/  skra shad 'dzag pa bzhin no/ /gzong ma nas zhi ba ni/ phyis skyes nas mya ngan las 'das pa med cing yod pa slar yang skye ba med pa ste nyan thos la sogs pa bzhin no/ /rnam pa de lta bu'i yul dang yul can rnams rab tu 'jug
pa med pa phung po zhes pa la sogs pa ni yan lag drug gsungs pa dang mi 'gal lo/  /de ltar rim pa gnyis la bslabs pa las rab 'byams sgrub pa'i thabs mngon par brjod nas de'i yan lag tu gyur pa'i rdo rje bzlas pa yang gsungs pa/ sku gsum mi phyed
ces bya ba te/  chos kyi sku la sogs pa'i ngo bo gcig pa'i phyir sku gsum mo/ /rdo rje 'chang chen po drug pa'o/ /de nyid kyi 'jug pa ni bskyed pa'o/ /bdag nyid yod bzhin pa nyid kyi phyir gnas pa'o/ /de'i gnas ni dkyil 'khor te/ khad pa brtsegs
pa dang lha'i rten no/  /gos dkar la sogs dkyil 'khor bzhi thob par bya ba'o zhes gzhan nas gzhan du brgyud pa la shes par bya'o/ /gsungs pa yang/ rlung gi de nyid rim gyis ni/ /sngags kyi de nyid yang dag 'jug /ces pa la sogs pa'o/ /bsdus
pa ni bsdus pa'o zhes pa/  rdo rje bzlas pas sngags thams cad grub pa'o/ /bdag gis mdzad de ni de'i bdag nyid kyi brten par bya ba'o/ /thams cad ces bya ba la sogs pa la sku la sogs pa'i ngo bo'o zhes pa ni/ 'chad par 'gyur bar yang/ de ni
sku yi bzlas par bshad ces pa la sogs pa'o/  /rin po che'i gang zag rnams kyi ni rnam par rig pa'i ngo bo ni/ bzlas pa'i dus su 'jug pa la sogs pa'i ngo bo yin pa'i phyir te/ 'jug pa dang gnas pa zhes bya ba la sogs pa gsungs so/ /rdo rje bzlas
pa yongs su shes pas zhes pa la/  zhi ba la sogs pa'i bya ba rnams zhes bya ba la sogs pa ni/ le'u bcu bzhi par gsal lo/ /'di nyid kyi las gcod pas ni bskyed pa'o/ /de rnams kyi don ni yi ge gsum mo zhes
pa ni sbrul la sogs pa'i sngags kyi don gyi dngos grub byed pa nyid yin pa'i phyir ro/  /rdo rje mi phyed gsum gyi mtshan pa ni sku la sogs pa'i rdo rje rnams gcig nyid du mtshan par bya ba de gang yin pa de de bzhin no/ /de'i ngo bo nyid ni rdo rje gsum gcig
pa'i ngo bo'o/  /yongs su shes pa ni/ yi ge gsum gyi bdag nyid can rdo rje 'chang ngo/ /bla na yod pa dang bcas pa zhes bya ba la sogs pa'i sgras bla na med pa la sogs pa bzung ngo/ /lus kyi dkyil 'khor las nges par 'byin pa zhes pa 'dis/
bskyed pa'i rim pa la gnas pa rnams kyi mchod pa ston par byed do/  /phung po la sogs pas zhes pa la sogs pas phyi'i dkyil 'khor lus kyi dkyil 'khor du 'jug pa ston par byed do/ /do'i 'og tu sku'i dkyil 'khor ye shes sems dpa' la
kha sbyor du dang/  de yang ting 'dzin sems dpa' la ting nge 'dzin sems dpa' 'jug pa'i dbang du byas nas rdzogs nas zhes bya ba la sogs pa gsungs te/ ting nge 'dzin sems dpa' gzhug par bya'o zhes pa ni 'od gsal ba zhes pa lhag ma'o/ /'di
ni zhes pa bshad ma thag pa'i 'jug pa ni/  rin po che'i gang zag dang 'brel pa ston par byed pa /yi ge aoM gyi bzlas pa'i dbang du byas nas sku'i zhes bya ba la sogs pa gsungs te/ rgyu des na zhes bya ba 'dis don gyi rjes su 'gro'i mi shigs pa
yongs su shes pa so so'i rgyu nyid du gsungs so/  /de bzhin gshegs pa thams cad kyi phung po ? khams dang skye mched dang dbang po la sogs pa'i ngo bo rnams rlung dang rnam par shes la ma shigs pa'i de kho na nyid dang lhan cig tu 'gags pa ni/
slar yang ldang bar byed pa/  snying ga'i pad+ma zhes bya ba la sogs pa gsungs so/ /'di nyid du 'gags pa'i phyir ro/ /mig la sogs pa'i skye mched rnams su zhes pa ni/ spro ba zhes 'chad par 'gyur ba dang sbrel lo/ /mi shigs pas ni rlung dang
rnam par shes pas so/  /'jug pa dang gnas pa dang ldang ba nyid don yod pa'i bzlas pa ste/ bya ba nan tan gyi ngo bo nyid kyi phyir don yod pa'o/ /de rang gi rdo rje ni/ /de zhes pa yi ge aoM la sogs pa'o/ /lus zhes pa sbrul la sogs pa'i
sngags kyi sku'o/  /yang na lus nyid de/ sngags brjod pa la lus la brten nas 'byung ba'i phyir ro/ /de rnams kyi ni/ khro bo rnams kyi zhes pa'o/ /bskrad pa la sogs pa'i cho ga zhes pa ni/ khro bo'i yi ge hUM 'brug sgra bsgrags pa zab mo'i tshig tu
gnas pa'o/  /khro bor gsal bas rdo rje khro bo chen po'i tshig ces par brjod par bya'o zhes pa'o/ /sogs pa'i sgra las snga kyi don mngon du byed pa dang sngags kyi gzi brjid dang sngags kyi las la sogs pa bzung ngo/ /sems can thams cad la phan
'dod pa zhes pa ni sems can la phan par mngon par mi 'dod pa gang yin pa ni rgya mtsho chen po ste gti mug gi rigs so/  /gti mug rnam par dag pa ni/ gti mug ni mi shes pa'o/ /de rnam par snang mdzad nyid du shes pa grol ba'i mtshan nyid do//
'jog pa ni/  de'i ngo bos shes nas so/ /gang sems dpa' ni sgom pa'o/ /tshig gi 'dod chags mngon par gsal ba'i tshig go de nyid rdo rjes te brtan pa nyid yin pa'i phyir ro/ /lus la sogs pa ni yul dang de la dmigs nas bskyed pa'o/ /de
bzhin gshegs pa rnams ni rnam par snang mdzad la sogs pa rnams so/  /bskyed pa dang rdzogs pa'i dbye bas rnam pa gnyis so/ /'dod chags de nyid ni 'od gsal gyi ngo bo'o/ /ji lta ba bzhin du yongs su shes pa ni/ 'od gsal pa ni phyin ci ma
log par yongs su shes pa las 'byung ba'i phyir ro/  /ji lta ba bzhin du yongs su shes pa nyid sgrub pa po nyid yin no zhes de shes bas na zhes bya ba la sogs pa gsungs te/ pad+ma can la sogs pa zhes sogs pa'i
sgra las/  dung can ma dang/ glang chen ma dang/ ri mo can ma rnams bzung ngo/ /de rnam par dag pa ni/ lhan cig skyes pa'i ngo bo'o/ /ma ning zhes bya ba la sogs pa la de las byung ba zhes pa ni/ rnaM pa gcig go /khro bo zhes sdang gnas las
skyes pa'o/  /sa'i snying po la sogs pa rnams yi ge thliM la sogs pa las skyes pa nyid do zhes pa gzhan no/ /slar yang 'dir 'gal ba 'byung ba med do/ /gti mug ces bya ba la sogs pa ni/ ma rig pa ni/ mi rig pa'i rang bzhin no/ /slar yang
'dir bud med dang skyes pa ni/  spyan ma lo sogs pa dang rnam par snang mdzad la sogs pa rnams so/ /tha mal pa nyid dam rdo rje 'chang nyid gang yin pa de dang por sgrub pa po rnams kyis phyag rgya chen po'i dngos grub la brtson par byed do/ /
thabs kyi rang bzhin ni snang ba mchod pa las skyes pa'o zhe sdang ni mi bskyod pa'o/  /de'i shes rab ni/ de bzhin nyid de 'tshe ba'i bdag nyid can ni/ /ngan 'gro'i rgyu nyid yin pa'i phyir ro/ /snang ba gsum yang rang bzhin te/ /'chi ba'i
bdag nyid can ma yin nam/  /de ji ltar thabs kyi rang bzhin gyi dbang du byas nas brjod par bya zhes na/ snang ba dang rang bzhin ni/ brtul po nyid las ma rig pa'i rang bzhin yang skyes pa nyid yin pa'i phyir/ thabs kyi rang bzhin ni shin tu
rnon po nyid yin pa'i phyir ro zhes pa mi 'gal lo/  /rdo rje lta bu'i ting nge 'dzin ni zung 'jug gi ngo bo'o/ /dbang du 'gyur ba'o zhes pa ni/ de las byung ba ste bskyed ba dang 'brel lo zhes mngon par dgongs so/ /'khor lo bsgrub par bya ba dang/ nges
par 'byung bar bya ba ste/  aoM yig gis bsgrub par bya ba dgug par bya ba'o/ /zhes pa'o/ /rnam par snang mdzad kyi gzugs kyis bskyed nas ting 'dzin sems dpa' i 'od zer las byung ba/ bsgrub bya bskyed nas bzhag par bya ste/ ji lta ba bzhin du zhes pa
'chad par 'gyur bar gsal lo/  /zhi pa ni/ rim pa la sogs pa nye bar zhi ba'o/ /gzir bar byed pa ni/ hUM yig dang de las skyes pa'i spro ba dang bsdu bar byed pa ste/ bsreg par bya ba ni ma yin no/ /rgyas par 'gyur ba na ni rjes su rgyas par bya ba'o/ /rnam
pa thams cad kyis ni las thams cad byed pa po nyid yin pa'i phyir ro/  /'di nyid kyi zhes pa ni zhi ba la sogs pa'i don du gsungs pa'i rnam par snang mdzad la sogs pa'i 'khor lo la sogs pa'i dkyil 'khor du'o/ /ngos rnams su ni nye logs rnams su'o/ /
bzhi ni phyogs rnams su'o/  /rnam par snang mdzad la sogs pa zhes pa ni/ mi bskyod pa la sogs pa'i de bzhin gshegs pa bzhi la bltos pa'i tshig ste/ rnam par snang mdzad kyi dkyil 'khor la sogs pa rnams su ni mi bskyod pa la sogs pa dgod par
bya'o/  mtshan ma dang sa bon dang gzugs kyi zhes mtshon par bya'o/ /las dang rjes su mthun pa zhes pa ni/ zhi ba la sogs pa'i las kyi bye brag gis so/ /de la zhi pa la ni/ rnam par snang mdzad dang spyan ma'i tshogs spros nas 'od zer dkar po'i gzugs
su bsdu bar bya'o/  /mi bskyod pa la sogs pa rnams la yang nag po la sogs pa'i gzugs kyis so zhes 'chang par 'gyur ro/ /mngon par 'dod pa'i 'bras bu 'grub pa ni zhi? la sogs pa skyed par byed pa'o/ /rdzogs pa dang ma rdzogs pa'i skye brag
ni rnal 'byor pa gnyis kyi dbye bas so/  /sku la sogs pa ni bshad pa'o/ /bsdus pa ni 'di nyid du'o/ /de nyid kyi phyir sku gsum rdo rje can zhes 'chad par 'gyur ro/ /des zhes pa ni sku la sogs pa'i rang bzhin gyi ngo bos so/ /de bzhin gshegs pa sde'i
bdag nyid can yin pa'i phyir/  rdo rje lnga rnams so/ /rdo rje 'chang chen po ni drug pa'o/ /rang bzhin gyi gzugs zhes pa ni phyag gnyis pa sku mdog dmar po rang snang la 'khyud pa'o/ /mi la sogs pa zhes pas sogs
pa'i sgra las rlung dang me dang/  'dzin ma'i dkyil 'khor rnams skye ba'i rim pas nges par bstan ba'o zhes gsungs shing/ de rnams kyang phyag gnyis pa zhal gcig pa nyid kyi rnam pa'o/ /gzugs ni lus so/ /sku ni yi ge hUM gi rnams pa'o/ /chu la
sogs pa zhes pa'i sogs pa'i sgra las rlung dang me dang 'dzin ma'i dkyil 'khor rnams bzung ngo/  /kun tu mtshon par bya ba ni yang dag par mtshon par bya ba'o/ /yi ge aoM la sogs pa zhes pa sogs pa'i sgra las yi ge Absdus so/  /bsam gtan rdo rje can zhes pa ni/ bsam gtan gyi 'jug pa la sogs pa la dmigs pa'o/ /de nyid brtan par gyur pa nyid yin pa'i phyir/ rdo rje ste/ de gang la yod pa de ni bsam gtan rdo rje can no/ /rdo rje rnam pa bzhi ni/ de
bzhin gshegs pa'i bdag nyid can yin pha nyid kyi phyir ro/  /byed pa zhes pa ni rnal 'byor pa 'di'i ngo bos zhes pa mngon pa ? dgongs so/ /de nyid kyi phyir 'di ni zhes bya ba la sogs pa gsungs te/ rdzogs pa'i rim pa la gnas pa'i dbang du byas
nas gsungs pa nyid yin pa'i phyir/  gsang ba ste/ las dang po pa rnams kyi zhes bya ba la sogs pa gsungs so/ /ma zhugs pa rnams zhes pa ni/ mngon du gyur pa'i rdo rje thig pa la gnas pa dang por 'jug pa la ni/ 'dod pa'i rjes su thun mong
pa'i cho ga'o/  /sgo nga la sogs pa zhes pa'i sogs pa'i sgra las yan lag 'jig pa dang/ skam par byed pa dang rnam par 'gyur ba la sogs pa bzung ngo/ /'di nyid kyi ni rlung gi dkyil 'khor ro/ /dbang du bya dka' ba la sogs pa nyid
las thams cad byed pa ni/  bsgrub par bya ba'i dgra'o rnams kyis sta re la sogs pa'i mtshon cha rnams kyis/ bsang ba ste 'chi bar byas pa'o/ /kha sbyor dbye ba zhes pa ni/ bsgrub par bya ba gang yin pa'i lus dkyil 'khor du rnam par bsgom par bya'o/ /nyes pa
bsgrag par byas nas de rnams kyi lus de yang 'khor lo can rnams kyi de rnams bsad par byas nas spangs par bsgom ste rang gi lus 'khor lo zhugs par blta bar bya'o/  zhes pa kha sbyor dbye ba'o/ /chad pas bcad par bya ba ni bsad par bya ba'o/ /bdag nyid nyi ma'i
dkyil 'khor lta bur yongs su gyur pa zhes pa ni/  thog mar yi ge hUM yongs su gyur pas nyi ma'i dkyil 'khor dmigs la le'u bcu gcig par gsungs pa'i rdo rje kha gyes pa zhes pa dbus ma'i rtse mo la rtse mo gzhan ma 'byor ba nyid kyi phyir ro/ /khro bo'i rnam
pa thams cad zhes pa ni snyems pa dang/  gsus pa 'phyed ba dang/ khro gnyer gnyer pa la sogs pa'i gzugs su/ /'khor lo'i dbus na gnas pa ni khyang bu brtsegs pa'i dbus na gnas pa'o/ /phyag drug pa ni gzhan du phyag bzhi pa nyid du gsungs
pa'o/  /'di man dag ji lta ba bzhin du zhes pa ni bsgrub pa'i thabs la sogs par gsal lo/ /de las byung ba ni rdo rje 'chang gi phyung ba'o/ /'chad par 'gyur ba'i spro ba dang bsdu ba'o/ /phyogs bcu zhes pa la sogs pa ni/ de bzhin gshegs pa rigs lngas
bsdus pa rnams so/  /ji lta ba bzhin du rang gi ni/ gang gi phyag rgya gang yin pa dang bdag nyid gang yin pa ni rim pa las ma 'das pas so/ /ye shes lus la gnas pa rnams kyi zhes pa ni/ sprul pa'i lus 'di/ lnga po'i bdag nyid can yin pa
nyid kyi phyir ro/  /'byin pa zhes pa ni lha mo dang yang dag sbyom? las 'byin par byed pa'o/ /sangs rgyas la sogs pa zhes bya ba'i las pa sogs pa'i sgras rin chen 'byung ldan la sogs pa rnams pa sdus so/ /khros ba ni yid do zhes pa ni/ de nyid kyi
phyir grang ba brgyad kyi gzugs la sogs pa 'jug par byed ? khros ba'o zhes bsam par bya'o/  /gsod pa'i zhes bya ba ni rdo rje 'chang chen po'o zhes pa ni 'od gsal ba'i bdag nyid can yin pa'i phyir ro/ /sgyu ma lta bu'i nus pa
zhes pa ni/  de nyid kyi phyir bcom ldan 'das bdag nyid sgyu ma lta bu ni/ 'chi zhing mya ngan 'das par byas nas 'dul bya dang rjes su mthun pas slar yang gdug pa can gzhan gang yin pa rnams 'chi zhing mya ngan las 'das par byed pa'o/ /sangs
rgyas ni rdo rje 'char chen pa'i ni sku la sogs pa'i bdag nyid can no/  /dkyil 'khor gyi gnas ni snod kyi gzugs skye ba la kun tu chags pa'o/ /ji ltar 'di rmongs par gyur pa las kun tu chags so/ /sangs rgyas kyis kyang mi 'grub bo zhes pa
'dis rnam pa thams cad du grub pa med par ston par byed de/  slar yang sangs rgyas kyi dngos grub yod pa ma yin no/ /bshad ma thag pa'i zhes bya ba la sogs pas dang por de yid du sgrub pa po zhes sngar gsungs pa 'dir sbrel bar ston par
byed do/  /sangs rgyas kyi zhing du skye bar bsgom par bya'o zhes pa ni lha mi g.yo pa bsgom pas sangs rgyas kyi zhing du skye bar 'gyur ro/ /'di ltar rnam par brtsogs shig ces pa ni/ spar gsungs pa 'di khro bo'i lha rnams zhes pa 'dir 'brel
lo/  /de nyid kyi 'khor lo zhes pa ni/ lcags la sogs pa la byas pa'i 'khor lo bzhin no/ /rnam par 'tshe ba'i bdag nyid can yin pa'i phyir dang 'jig par byed pa po yin pa'i phyir ro/ /rnam par snang mdzad yongs su gyur pa las byung ba'i zhes
pa ni mi bskyod pa'i sa bon dang mtshan ma las skyes pa de gyur pa'i mi bskyod pa bskyod nas byung ste gtsug pa nyid kyi phyir ro/  /rdo rje sems dpa' ni bshad ma thag pa'i mi bskyod pa'i gzugs zhal bzhi pa zhes pa la sogs pas so/ /bud med dang skyes
ba'i bye brag gi ni/  spyan ma la sogs pa dang rnam par snang mdzad la sogs pa'i bye brag gis so/ /rang gis lus zhes pa ni sku la sogs pa'i bdag nyid can no/ /'dus par byas nas zhes pa sku la sogs pa rnams su sku la sogs pa'i rigs rnams so//
ci ltar zhe na/  bsdus nas zhes pa'o/ /rdo rje thams cad kyi zhes pa ni bcug ma thag pa rnams so/ /de nyid kyi phyir rang gi lus la zhes bya ba la sogs pa gsungs te/ dkyil 'khor ba la? sogs pa rnams kyi zhes pa'i ? sogs pa'i sgras dkyil 'khor
gyi dbang phyug kyang bsdus so/  /de nas de rnams la zhes pa ni spros pa rnams la'o/ /de bzhin du rin chen 'byung ldan la sogs pa rnams kyi zhes pa la sogs pa rnams ni yongs su gyur bar sbyar bar bya'o zhes pa ni/ mi bskyod pa'i zhal bzhi phyag drug par
bshad pa zhes mngon par dgongs so/  /de'i 'khor rnams kyi ni de bzhin gshegs pa lnga'i 'khor rnams so/ /sangs rgyas dkyil 'khor ni sangs rgyas thams cad kyi bdag nyid can yin pa nyid kyi phyir bdag nyid do/ /gshin rje gshed kyi bdag nyid zhes pa
rdo rje 'chang chen po yongs su gyur pa ste/  dam tshig thams cad ces bya ba la sogs pas bsams par bya'o zhes 'chad par 'gyur ro/ /'khor dang bcas par brtag par bya'o zhes pa ste/ de la sangs rgyas rnams zhes bya ba la sogs pa gsungs te/ rnam
par snang mdzad la sogs pa rnams zhes pa ni 'dir spyan ma la sogs pa'i lha mo rnams brjod par byed de/  /gang gi tsho med pa las lung bstan du med pas so/ /byams pa la sogs pa yang zhes pa ni/ 'di byang chub sems dpa' rnams dang khro bo bcu po
rnams zhes mngon par brjod de sngar bzhin mi bskyod pa dang ldan pa'i dkyil 'khor lta bur sum cu rtsa gnyis kyang 'khor nyid do/  /sku dang gsung dang thugs zhes pa ni/ sku la sogs pa'i rigs can rnams nyid grangs ji lta ba bzhin du bcug pa la phung po
la sogs pa rnams su phung po la sogs pa rnams dang mig la sogs pa rnams su sa'i snying po la sogs pa rnams zhugs par ro/  /spro bar bya'o ni sku la sogs pa nyid las phyi rol tu bya'o/ /sku gsum ni dus gsum
du yang 'byung ba'i phyir dus gsum la bzhugs pa'o/  /bsod par byed pa zhes pa ni rang gi mtshan ma tho ba la sogs pa rnams kyis zhes pa'o/ /dkyil 'khor gyi bdag po nyid do zhes pa la gshin rje mthar byed pa nyid do zhes pa ni gshin rje mthar
byed kho na'o/  /lha thams cad kyi thun mong ba zhes pa ni bshad pa dang ma bshad pa'i thun mong du'o/ /de'i lha mo rnams kyis zhes pa spyan ma la sogs pa rnams kyis so/ /de yongs su gyur pa'i byams pa la sogs pa'i phyag rgya 'od gsal
du bcug ma thag du langs pa'i rdo rje 'chang chen po yongs su gyur pa'o/  /de las byung ba zhes pa ni rdo rje 'chang chen po yongs su gyur pa las byung ba'o/ /khro ba'i gzugs kyis ni sngar bshad pa'i mi bskyod pa'i gzugs kyis sam/ gshin
rje mthar byed kyi gzugs kyis so/  /mnyam po nyid ces pa ni khro bo'i gzugs so/ /thams cad ces pa thog mar rim pas mngon par brjod pa'i srung ba'i 'khor lo bsdus pa'o/ /de la bsrung ba'i phyir ro ni/ sgrub pa po'i sems bsrung pa'i
phyir ro/  /rdzogs pa'i rim pa la gnas pa rnams kyi ni/ bshad ma thag pa'i bskyed pa'i rim pa'i dbang du byas pa'i rnal 'byor pa lnga po rnams kyi'o/ /bsgrub par bya ba ni 'od zer lnga pos khyab pa'i snang btsam mo/ de'i phyir/ de yang zhes
bya ba la sogs pa gsungs te/  rang gi sngags kyi yi ge zhes bya ba la sogs pas dag la sogs pa mngon par brjod do/ /gnas zhes pa ni/ ngag la sogs pa gang yin pa'o/ /sems ni sems kyi rnam pa snang ba gsum gyi ngo bo'o/ /
sgyu ma lta bu ni ye shes kyi sku'i bdag nyid can no/  /rdo rje ye shes ni gnyis su med pa'i ye shes zhes pa la brten nas so/ /'jig par byed pa no nyams par byed ba'o/ /rengs pa zhes pa ni rang gi bya ba'i bsam pa'i nus pa chu rengs par byed
pa'o sbyor ba ste cho ga de gsungs pa/  sprul pa'i sku las cig shos ni bla ma nyid kyis 'og tu 'bying ba las steng du 'phyo bar 'byung ba'i phyir thog mar zhes bya ba la sogs pa gsungs te/ go rim bzhin du chu'i steng du sgom par byed pas bkod nas chu'i
steng du bcag par bya'o zhes sbrel lo/  /'dir yang sngar gsungs pa'i sangs rgyas rnams nam mkha' dang rlung zhes bya ba la sogs pa sbyar bar bya'o/ /rdo rje 'bar ba ni/ 'bar ba dang ldan pa rtse mo lnga pa kha dog nas po'o/ /khro bo gzhan gang yang
rung ba'i gzugs bzung ste zhes pa ni/  'di yang 'khor gyi khro bo bzhin no/ /pad+ma'i rdul lta bur ser po zhes pa mtshon par bya ste/ rengs pa'i sbyor ba'i skabs yin pa nyid kyi phyir ro/ /tshad ri rab dang 'dra'o/ /sa'i 'og tu song ba zhes pa ni khro bo'i
'khor lo'i tshogs kyi steng du gnas pas rengs par byed pa ni 'dir ma gsungs pa nyid kyi phyir ro/  /sangs rgyas zhes bya ba la sogs pas rengs par byed pa gsungs pa yang ? zhes bya ba gsungs te/ rengs bar bya ba la mkhas pa ni/ dpung rongs par bya
par mi nus pa'o/  /de'i phyir de yang rengs par byed pa'i phyir ro/ /snang bar 'gyur ba ni/ rab tu grags par nye bar 'gyur ro/ /mig la sogs pa zhes pa ni/ sogs pa'i sgra las zhal gsum pa phyag drug pa la sogs pa dang ldan pa nyid gzung bar
bya'o/  bsgrub par bya ba'i snying gar zhes pa ni bsgrub par bya ba steng dam gan rgyal du gyur pa'i snying gar ro/ /yid dang mi mthun pa ni/ yid du mi 'ong ba ste 'gal ba zhes pa'i don no/ /sems can rnams kyi ni rdo rje'i 'od zer gyis khyab pa rnams so/ /bsdu ba
ni gzugs dang gzugs brnyan 'jug pa'i tshul gyis kun tu 'jug par bya'o/  /dmar po dang dkar po la sogs pa'i kha dog lnga nyid kyi phyir sems can rnams de bzhin gshegs pa'i rang bzhin gyi rdo rje la 'jug pa dang
'thun pas de bzhin gshegs pa'i rang bzhin yin pa'i phyir dang/  'gro ba 'di kun sangs rgyas mnga' bdag nyid ces gsungs pa'i phyir/ rin po che pad+ma rA ga la sogs pa zhes bya ba gsungs te/ rnal 'byor pa'i yid kyi shing rta rdzogs par byed pa
nyid yin pa'i phyir bdud la sogs pa'i nye bar 'tshe ba la sogs pa sel cing yid kyi shing rta bskyed pa'i rten yin pa'i phyir/  yid bzhin gyi nor bu zhes bya ba la sogs pa gsungs so/ /bdud la sogs pa bskyed pa'i rgyu mi dge ba'i dri ma
bral ba nyid kyi phyir/  'od kyis ni mtshon zhes bya ba la sogs pa gsungs te/ rang gi gnas su ni mngon par dbang bskur ba sbyin par gsungs pa'i gnas su'o/ /rnam par snang mdzad kyi tshogs ni rnam par snang mdzad kyi ting nge 'dzin la snyom
par zhugs pa'i rnal 'byor pas zhi ba byed pa ni snying ga'i sa bon las phyung bas so/  /bsnyen pa ni snga ma kho nar bshad pa'i de bzhin gshegs pa nyid de'i phyir de bzhin gshegs pa nyid dbang bskur bar 'os pa nyid kyi phyir ro/ /de lta bu'i zhes
pa ni/  sems can gyi tshogs zhi bar byed pa la ci zhig bya zhe na/ yid bzhin gyi nor bu lta bu zhes bya ba la sogs pa gsungs te/ mngon par 'dod pa'i sbyin pa phul du byung bas sgrub pa po la 'brel par byed do zhes mngon par dgong so/ de yang
ci zhig dga' bar byed ce na/  der zhes bya ba la sogs pa gsungs te/ rang byin gyis brlob pa yongs su gyur pa zhes bsam par bya'o/ /sangs rgyas thams cad kyis ni bshad ma thag pa rnams kyis so/ /skyon med pa ni dri ma dang bral ba'o/ /mi bslu ba ni don
mi za bar 'gyur ba'o/  /zhi ba'i dkyil 'khor lta bu'i dkyil 'khor der yi ge aoM las byung ba'i 'khor lo yi ge aoM gyis brlabs pa'o/ /de las byung ba'i rnam par snang mdzad kyis gzugs te ji lta ba bzhin du zhes pa sgrub thabs las gsungs pa'i rnam pa
lta bu'o/  /bsgrub par bya ba rnam par snang mdzad kyi gzugs so/ /rmongs pa ni gti mug gi bdag nyid do/ /sbyor ba zhes bya ba la sogs pa gsungs pa'i phyir/ gang yin pa zhes bya ba ni rang gi snying ga'i sa bon las 'thon pa rnams so/ /slar yang
zhes bya ba la sogs pa ni snga ma la bltos pa'o/  /dbang chen ni sa la dbang ba ste gtso bor gyur pa'i 'di dbang chen te/ rten par byed pa'i rang bzhin yin pa nyid kyi phyir dbang chen gyi dkyil 'khor zur bzhi la rdo rjes mtshan pa de'i steng du swA las rdzogs pa'i
rin po che'i swAs byin gyis brlabs pa las rin chen 'byung ldan bskyed par bya'o/  /de bzhin du 'od dpag med bskyed par bya ste me'i dkyil 'khor zur gsum pa rdo rjes mtshan pa'o/ /ci rigs pa zhes pa ni/ rin po che'i sbyor bas rin chen 'byung ldan gyi
gzugs dang 'dod chags can la 'dod chags rdo rje'i bdag nyid can te/  chags pas 'dod chags bdag nyid sbyor/ /'dod chags dga' dang yang dag ldan/ /'dod chags rgyun gyis dbang bskur na/ /'dod chags rdo rjer bdag nyid 'gyur/ /zhes 'dus
pa phyi mar gsungs pa'i phyir ro/  /rin chen sprin zhes pa la sogs pa la/ rin chen sprin ni rin chen 'byung ldan no/ /tshogs zhes pa ni de lta bu la sogs pa rnams kyis mngon par brtag par bya'o/ /mkha' dbyings zhes pa la sogs pa nas der zhes pa'i
mthar thug pa gdon mi za bar brtag par bya'o/  /rdo rje nam mkha' zhes pa la sogs pa la de zhes pa rdo rje nam mkha' 'od dpag tu med pa'o/ /mdun du rdo rje thang kar gnas pa zhes pa ni/ mi bskyod ba gtso bor gyur pa'i dkyil 'khor du/ gtso bo'i sku'i gzhogs su
gnas pa nyid kyi phyir ro/  /gzugs ni rdo rje nam mkha' dang chos bdun zhes pa 'dis skabs 'dir/ mi bskyod pa dang don yod pa dag mngon par brjod do/ /'od dpag tu med pa'i ting nge 'dzin sngar brjod pa'i phyir ro//
de nyid kyi phyir mi bskyod pa zhes pa la sogs pa gsungs so/  /rang gi rigs kyi phyag rgya spyan ma la sogs pa rnams so/ /sems kyi rgyun ni 'od zer gyi ngo bo'o/ /thugs su byon pa ni dga' ba'o/ /'jam dpal dang mtshungs pa ni/ kha dog dang
gzi brjid dang ldan pas 'gro ba thams cad dga' ba nyid la sogs pa rnams kyis de dang mtshungs pa'o/  /de'i phyir gnas zhes bya ba la sogs pa gsungs te/ 'dis 'di rgyal po nyid du gsungs so/ /rigs lnga'i sangs rgyas dang byang chub sems
dpa' rnams sngar bzhin du spros pa dang bsdus pa'o/  /bltas tsam gyi zhes pa ni dga' ston chen po'i rab tu sbyor ba'o/ /bzhag pa'i zhes pa ni sngar ro/ /mi bskyod pa'i sbyor ba dang ldan pas zhes pa ni shin tu gnag pa'i rlung gi dkyil 'khor gyi
steng du rang gi sa bon dang mtshan ma yongs su gyur pa las rdo rje 'chang chen po yongs su gyur pa yang de'i'og tu rang gi lus 'byung ste/  nam mkha' i rdo rje srin bu la sogs pa rnams kyis yongs su gang bar bya'o zhes sbrel lo/ /me'i dkyil 'khor
la gnas pa ni mdun du gnas pa'o/  /kha sbyar phye ba zhes pa ni sngar bshad pa'o/ /bsams nas ni yang dag par mtshan nas so/ /sangs rgyas kyi theg pa la ni/ theg pa chen po la lhag par mos pa'o/ /las dang po pa ni bskyed pa'i rim pa
sgom par byed pa'o/  /gzhan yang sngar bshad pa zhes pa ni/ sngar mdor bsdus te mngon par brjod pa la bltos pa'o/ /nges par bshad pa'i las rnams rab tu 'grub par 'gyur ro zhes pa ni/ 'chad par 'gyur ba'i byams pa la sogs pa
zhes pa'i mthar thug pa'i rjes su 'jug par bya'o/  /rgyud 'dir ma gsungs pa'i sgrub thabs rnams dang rgyud gzhan du gsungs pa rnams brjod pa'i las dang 'brel par bstan par bya ba'i phyir sngags rnams zhes bya ba la sogs pa gsungs te/ de bzhin gshegs
pa la sogs pa rnams so/  /de las byung ba zhes pa ni/ de nyid kyi phyir 'od gsal ba'i rang bzhin no/ /gsal ba ni sa la sogs pa'i khams rnams shin tu 'khrug pa nyid kyi phyir ro/ /dkyil 'khor zhes pa ni 'gro ba'i bdag nyid can nyid kyi phyir ro//
de sa bon la sogs pa las rdzogs par spro bar bya ba ni snying ka nas phyi rol tu spro bar bya'o/  /gsung gi rdo rje'i ting nge 'dzin gyi 'og tu rin chen dang don yod dag gi rdzogs pa'i rim pas bskyed par rtogs par bya'o/ /nyi ma'i dkyil 'khor ni nye bar mtshon
pa ste zhes pa snang ba mched pa'i brda nyid yin pa'i phyir ro/  /nyi ma ni nye bar mtshon par byed pa nyid yin pa'i phyir brjod do/ /nye bar mtshon par byed pa nyid kyang khro bo bskyed ba'i skabs yin pa'i phyir ro/ /snang ba dang snang ba nye bar thob pa dag ma 'dres pa
las rim pa dang por rnal 'byor gsungs pa'i tshul gyis 'khor lo'i 'od zer zhes pa 'khor lo'i dngos grub ni 'khor lo'i tshogs te/  gang du 'khor lo de gtsug tor 'khor los sgyur ba'o/ /'khor lo yang de yin la/ 'od zer gyis 'khyud pa'i lus
kyang de yin pa de srid du gang yin pa'o/  /yang na mi bskyod ba'i rigs nyid kyis phyag g.yas kyi dang pos rdo rje'i gnas su gtsug tor 'dzin pa g.yas kyi gnyis pa'i phyag tu 'khor lo'i mtshan ma 'dzin pa de dang de la 'od kyis 'khyud pa'i lus so/ /
sgrub pa'i thabs su ni/  yig mkhan gyis nyes pas 'khor lo dang glegs bam kha cig tu rdo rje zhes blta bar bya ste rnam par snang mdzad kyi rigs can nyid yin pa'i phyir phyag g.yas kyi dang pos 'khor lo ser po 'dzin pa'o zhes pa ni/ sgrub pa'i thabs
kyis tshul ma yin par blta bar bya ste/  /rnam par snang mdzad kyang 'dir dkar po ste 'khor lo dkar po 'chang ba'o/ /sbyin gyi mdog ces pa ni sprin nag po'i kha dog go /de nyid ces pa ni/ rnam pa gnyis po nyid kyis so/ /gsod
pa la sogs pa zhes pa ni/  sogs pa'i sgra la rengs pa la sogs pa bzung ngo/ /dka' ni rdo rje 'chang gi bskul ba las so/ /de'i don gyi 'khor lo ni lta'i 'khor lo'o/ /de gsungs pa'i rim pas dmigs pa'i phyir ro/ /rdo rje zhes bya ba la
sogs pas rdzogs pa'i rim pa'i ting nge 'dzin nye bar sdud par byed pa'o/ / //le'u bcu gsum par sngags la ma bltos pa'i zhi ba la sogs pa'i las mngon par brjod nas/ da ni zhes bya ba la sogs pa gsungs te/ gsungs te
zhes bya ba ni/  rnam par bshad pa ni nye bar 'gro ba'o/ /bshad pa'i rgyud ces pa ni rdo rje phreng bar mngon par brjod pa la sogs pa mtshon pa'o/ /byang du kha bltas zhes pa ni/ 'dir sangs rgyas la zhes pa 'di dang sbrel lo/ /shar du kha bltas zhes
pa ni 'dir zhi ba zhes pa 'di'o/  /klu'i blos mdzad pa'i sbyin sreg gi tshe gar yang gsungs pa/ zla ba nya ba byang du blta/ /bzang po'i stan la gnas nas brtsam/ /rgyas pa ser po'i gos la sogs/ /nyi ma snga dro rgyas pa brtsam/ /zhi ba dkar po'i gos
la sogs/  /dkar po nyi ma'i dang por brtsam/ /srod ba shar du kha bltas gyur/ /'jam pa'i stan la gnas nas ni/ /sgrub po las dang rjes mthun pas/ /byams dang snying rje ldan bsams nas/ /las kyi rjes mthun rnal 'byor gyis/ /zhi la byams pas
kun tu dpyad zhes so/  /phra ba ni rang rang gi bdag nyid can no/ /byang chub sems kyis byin gyis brlabs pa ni rnam par shes pas byin gyis brlabs pa'o/ /grol pa ni bskyed pa yongs su shes pa'o/ /sngags rnams ni 'phreng bar bgrang ba'i sbrul la
sogs pa rnams so/  /sgrub la dngos grub yin zhes pa la sogs pa nas 'gyur ro zhes pa lhag par gnas pa'o/ /gzung min zhes pa ni ljang gu nyid dang ring po nyid la sogs pas so/ /yan na grang ba la sogs pa'i reg bya rigs par byed pa nyid kyis rjes su
dmag par bya'i mthar thug pa'o/  /sems 'dzin par byed do zhes pas sems kyi dbyings so/ /rlung la yid phebs pa'i gnas skabs ni de bzhin gshegs pa'o/ /ji ltar zhes pa la sogs pa ni sems can gyi snying la gnas pa'i dper brjod pa'o/ /dbang
chen gyi dkyil 'khor zhes pa ni/  'dir lte ba'i pad+mar gnas pa zhes 'chad par 'gyur ba 'dir sbyar bar bya'o/ /rlung gi dkyil 'khor zhes pa ni 'dir brjod pa'i bshad bsgo'i pad+mar gnas pa zhes pa'o/ /sgrub pa'i thabs su gsungs pa yang/ lte
bar swA'o?/  /rkang pa gnyis la hA dgos zhes so/ /rdo rje 'chang chen po ni/ drug pa'o/ /sgrub pa po ni rnam par snang mdzad kyi rigs can rnams so/ /sbrul lta bu ni sprul lo/ /aoM gyi yi ge gdengs ka'i rnam par dang por yod pa'i phyir dang/ tha mar
gshes kyi rnam par swAhA/  /zhes pa 'di dag tu brjod pa bsod nams rab tu 'byung ngo zhes pas bsod nams len pa'o/ /ru ru zhes pa lha la rengs pas phyag 'tshal ba'o/ /sphu ru zhes pa bsngags pas gyur pa ste gsal bar byed pa ni zhi ba'i don
rab tu gsal bar byed ba ste nad kyi gzugs du sregs par byed pa'i don ni gzi brjid dang ldan par mdzod cig/  bdag gi zhes pa ni sgrub pa po'i 'o/ /re ba ni don du gnyer ba'i las sgrub pa'o/ /thogs pa med pa'i spyan ni sgrub pa po dang bsgrub bya dang/ sgrub pa
rnams la thams cad rjes su sgrub par byed pa'i zhi ba'i las tsam ni spyan no/  /thugs las byung ba ni sngags kyi yi ger gyur pa de zla ba'i cha shes rdzogs pa'i khyim der bsten par bsam par bya zhing shes par bya'o/ /mnyes pa ni shi ba las 'das pa nyid du
sgrub pa la'o/  /sems rtse gcig pa nyid ni dgyes pa'i mtshan nyid do/ /bskul ba ni puSh+Ti kurba ti zhes bya ba la sogs pa'o/ /kha dog ni ser po la sogs pa'o/ /bsam pa ni rgyas pa'i sems la sogs pa'o/ /shi
bsos par byed pa zhes pa ni/  rtog par gsungs pa'i rim pas so/ /gzhan du yang bshad pa rnam par snang mdzad kyi rnal 'byor pas sems dpa' gsum gyi bdag nyid can gyi gshin po'i snying gar de'i ming yig dang nam mkhar a kha dog
dmar po pad+ma 'dab ma brgyad pa'i ze'u 'bru la yang dag par bkod nas pad+ma zum pa de nyid du spyan ma'i sngags kyis yongs su bskor bar byas nas sprul gyi zhags pas bcing par bya'o/  /de'i sngags kyi 'od zer rnams kyis mngon par dbang bskur zhing
spyan ma'i sngags kyang zlas pas khyad par du 'tshol bar byed do/  /bskul bar byed do? ni/ rab tu sad par byed do/ /sku gsum zhes bya ba la sogs pa ni las kyi go 'phang ngo/ /sku gsum dam tshig ni rdo rje 'chang chen po'o/ /de nyid khro bor byed do
zhes pas khro bo ste mi bskyod pa'o/  /gang yin pa zhes pa ni rdo rje 'chang chen po'o/ /de zhes pa ni rdo rje 'chang chen po'o/ /bcom ldan 'das zhes pa ni mi bskyod pa'i ting 'dzin la snyoms par zhugs pa'i rdo rje 'chang chen po'o/ /dngos po ni
bgegs rnams so zhes pa ni/  sgrub pa po'i yid la rnam par/ 'tshe bar byed pa'i don du 'byung po'o/ /zhes bya ba nas so/ /'da' bar bla? ba ma yin pa ni yid kye'o/ /brtan pa nyid yin pa'i phyir rdo rje'o/ /btsun mo'i mchog lta bur ni/ lnga po
rnams shes pa'o/  /gzungs thams cad kyi zhes pa ni rdo rje'i rigs dang 'brel pa rnams kyi'o/ /aoM gyi don ni bshad zin no zhes pa ni/ spyan ma'i sngags su'o/ /g+hu TIn+na zhes pa'i tshig gnyis ni bod pa la'o/ /g+hu Ta g+hu Ta ya zhes pa'i tshig
gnyis ni bod pa la'o/  /mi phyed pa ni mtshungs pa ste/ bsgrub par yang? rdo rje gsum gyi bdag nyid can nyid du dmigs pa'i phyir ro/ /mi bskyod pa rjes su dran pa zhes pa ni rdo rje 'chang chen po yongs su gyur pas mi bskyod pa la dmigs nas sngags
brjod pas srung ba'i rab tu sbyor ba bya'o/  /zhes mngon par dgongs so/ /srung ba zhes bya ba la sogs pas srung ba'i sbyor ba dang po la bltos nas/ 'di chen po nyid du ston par byed do/ /rtag tu zhes bya ba la sogs pas mngon par brjod bzhin pa'i
bsrung ba'i sbyor ba'o/  /sku gsum dngos grub byed pa zhes pa ni/ chos la sogs pa'i sku gsum gyi bdag nyid can yin pa nyid kyi phyir/ sku gsum ni mi bskyod pa'am bsgrub bya'i lus so/ /de srung ba skyed par byed pa'o/ /de 'ba' zhig tu ma zad kyi nad
la sogs pa'i 'jigs pa thams cad las srung bar byed do zhes/  gzhan yang zhes bya ba la sogs pa gsungs so/ /rin po che'i rigs rnams kyi yang zhes bya ba 'dis/ rgyas pa la yang sngar bzhin du rin chen 'byung ldan gyi rnal 'byor ba dang 'brel
par ston par byed do/  /pad+ma'i rigs can gyi lha mo ni khro gnyer can la sogs pa rnams so/ /btsun mo'i mchog ces pa 'di'i don khyad par du zhes pa la sogs pa gsungs so/ /bsam gtan ni 'od dpag med la dmigs pa'o/ /nor chen po ni gser
la sogs pa'o/  /'bru ni yungs kar la sogs pa'o/ /'phel bar byed pa ni sor mi bzang mo ste/ spyan ma la gsungs pa bzhin no/ /rin po che brgyad kyi bum pas rin po che dang/ 'dres pa pa 'byin par byed pa bsam par bya'o/ /sngags kyi puSh+TiM? kur+Na?
ti zhes sbyar bar bya'o/  /gser dang dngul gyi yi ge byung nas bsgrub bya la mngon par dbang bskur zhing rgyal bar bya'o/ /ston pa tsam gyis ni cho ga ji lta ba'i tshul du sngags brjod pas so/ /'grub par 'gyur bar ni rtog par gsungs pa'i rim pas ni dngos
grub byed par 'gyur ro/  /'di ni zhes pa sngags kyi bdag nyid can gyi gzugs so/ /skyes bu gtso bo ni blon po'o/ /snying sra ba ni shin tu dma' ba ma yin pa'i sems so/ /rnam pa thams cad du ni nor dang 'khor la
sogs pas so/  /'dir sngags kyi yi ge dmar po phyung nas zhes bya ba la sogs pa brjod par bya'o/ /rdo rje 'chang gi gsungs so zhes pa ni/ sdud par byed pa'i tshig go /na ma:zhes bya ba la sogs pa'i sngags kyi tshig bstan par bya ba'i
phyir sngags zhes bya ba la sogs pa gsungs te/  sngags kyi bdag nyid can sngags ni lhar nges par brjod par bya'o zhes mngon pa brjod pa'i phyir ro/ /'khrul ba ni g.yos pa'o/ /gdul ba nyid du zhes pa ni 'dul ba'i don du dgug
pa nyid kyi phyir ro/  /rdo rje 'chang chen po rjes su dran pa zhes pa ni/ rdo rje 'chang chen po yongs su gyur pa'i rnam par snang mdzad kyi rnal 'byor pa 'dir las kyi dbang du byas pa nyid yin pa'i phyir ro/ /ming gi yi ge zhes pa ni/ bud med de'i
rnam par shes pa bkug par bsgom par gsungs so/  /gshin rje gshed kyi zhes bya ba la sogs pa la/ lus ni gong bu'o/ /de nyid kyi phyir rlung gi dkyil 'khor la sogs pa'i sbyor ba 'dir bya'o/ /rkang ba dkug pa 'am gung
bu dgug par byed pa'o/  /rnam par snang mdzad ces pa ni/ rnam pa sna tshogs pa'i rnam pas snang bar bya zhing gsal bar bya'o zhes pas rnam par snang mdzad de/ drug pa rdo rje 'chang chen po'o/ /phyag rgya chen po'i gzugs ni don yod
par? sku 'dre dang zhes bya ba la sogs pas don yod pa'i ting nge 'dzin la snyoms par bzhugs pas bdud rtsi 'khyil pa'i sngags gsungs par 'gyur ro zhes ston par byed do/  /mkha' dbyings zhes bya ba la sogs pa ni/ mthu phul du byung ba zhes
pa'i bsam pa mchog go / 'dir zhes bya ba la sogs pa la/ bsgrub par bya ba ni bsam par bya ba'o/ /'bar bar bya'o zhes pa ni nyal ba'i khams la sogs pa rnams las rab tu song par bya'o/ /gos kyis kyang bya bas pas 'ong bar 'gyur ro/ /
zla ba'i steng du zhes pa ni pad+ma dkar po 'dab ma brgyad pa'i steng du'o/  /zhes rtog par bya'o/ /lag pa'i sor tshigs rnams zhes pa ni lag pa g.yas pa'i mthe chung la sogs pa'i sor mo'i tshigs rnams la aoM zhes pa la sogs pa rnams dkar po
nyid du bsam par bya'o/  /'od zer dkar po rnams kyis zhes pa ni yi ge haM gyi zhes mngon par dgongs so/ /don yod pa zhes bya ba la sogs pa la de nyid ni 'byung ba de nyid do/ /'byung ba zhes pa ni dbyug pa sngon po'o/ /'di las zhes pa
'byung pa'o/  /de nyid kyi phyir dpal zhes bya ba la sogs pa gsungs te/ don yod bskyed nas dbyug pa sngon po'i sngags brjod par bya'o zhes mngon par dgongs so/ /la bor dang bcas pas lhung par byas pa ni sprul pa'i 'khor los so/ /gang
'dod pa'i zhes pa ni sgrub pa po'i zhes pa lhag ma'o/  /de'i yang zhes pa ni bsgrub bya'i gzugs brnyan no/ /chu bo'i ngos gnyis zhes pa ni rgya mtsho 'bab pa'i chu klung gi'o/ /grog mkhar zhes pa ni gzhan sa ya'o?/ /bdud rtsi lnga ni bshad pa la sogs pa'o/ /rkang pa g.yon pa yang dag par bskum pas so/ /sbyin gyi dpal ni sprin nag po'i cho gas kyis gzugs phun sum tshogs pa'o/ /de yang char chad pa ni cher pa'i bgegs so/ /pad+ma 'dab ma brgyad dang ldan pa rnams la
shar gyi 'dab ma la nor rgyas kyi bu ser po/  /lho ru pad+ma dkar po/ /nub tu stobs kyi rgyu dmar po/ /byang du 'jog po nag po/ /mer pad+ma chen po sngo bsangs/ bden bral du skya'o/ rlung du rigs ldan dkar po/ /dbang ldan du dung skyong ser po'o/ /dgug pa
sngon du 'gro bas zhes pa ni/  klu'i rnam par shes pa rnams gzhug pa sngon du 'gro bas so/ /gzugs brnyan gyi snying ga'i ni mdza' yas kyis zhes rtogs par bya'o/ /chu bo'i dogs gnyis kyi zhes pa ni snga ma bzhin no//
de bzhin gshegs pa ni gdul dka' ba nyid kyi dngos po rtogs pa'i phyir ram/  gdul dka' ba shes pa nyid yin pa'i phyir de bzhin gshegs pe'o/ /Tak+ki zhes pa ni 'dir/ bsngags par rtogs pa'o/ /bdag nyid cher skyes zhes pa rnam pa sna
tshogs pa'i rnam pas bdag nyid las skyes pa nyid de chen po'ang de yin la bdag nyid las skyes pa'ang yin no zhes pa'o/  /de bzhin du rdo rje 'chang chen po ni drug pa'o/ /rdo rje lcags kyu zhes pa ni btsag gi bris la rdo rje lcags kyu byin gyis
brlabs pas so/  /ti Ni ti Ni zhes pa ni bskul ba'i phyir bzlas te brjod pa'o/ /rnon pa'i sgra ni zad pa sbyin pa las thob pa ni nges pa'i tshig gi cho ga'i tshul lo/ /thob pa zhes pa ni so sor mthar thug par zhes pa lhag ma'o/ /rdo rje 'chang
chen po ni drug pa'o/  /gro ga'i 'dab ma la sogs pa la zhes pa'i sogs pa'i sgra las ta la'i 'dab ma la sogs pa dang ras la sogs pa gzung ngo/ /gi haM la sogs pa zhes pa 'dir yang gur guM la sogs pas so/ /ming gi mtshan pa ni
bsgrub par bya ba'i ming gis mtshan pa'o/  /rnam par shes pa dgug pa sngon du 'gro ba rdo rje lcags kyu zhes pa la sogs pa la snga ma bzhin no dam tshig ces pa la sogs pa la ting nge 'dzin la snyoms par zhugs nas zhes pa la sogs pa la/
'dir rdo rje 'chang chen po ni byed pa po'o/  /rdo rje 'dzin thams cad ni/ de bzhin gshegs pa la sogs pa nas khro bo'i mthar thug pa'o/ /gang yin pa zhes pa ni drug pa'o/ /'dul bas na zhes pa ni 'joms par byed pa'i phyir te/ bu dak+Shan+ne
zhes pa 'dir byings la'o/  /nges pa'i tshig gi cho gas sum+b+ha'o/ /khro bo'i chen po ni sngags kyi bdag nyid do/ /'khor rnams zhes pa ni snga ma bzhin no/ /bskul ba ni ded par byed pa'o/ /sngags su grags pa ni sngags rnams thams cad zlos pa'i
dus su dran par byed pa'i don no/  /rang gi ye shes sems dpa' 'gug par byed do zhes pa lhag ma'o/ /zhabs ni 'gug par byed pa'i rten bzhi pa'i phyir ro/ /mnan pa ni bskor ba'o zhes pa ye shes sems dpa' bcings pa'i don no/ /de
bzhin gshegs pa thams cad ni phung po la sogs pa'i ngo bo'o/  /nang la mchog tu gzhol ba ni/ rdzogs pa'i rim pa la gnas pa'o/ /slob bzhin pa ni sngags las mchog tu gzhol ba'o/ /tshig tu brjod pa ni rdo rje 'chang chen po'i gsung ngo
gzhan du mi 'gyur ba nyid ni mngon par brjod bya las 'khrul pa med pa'i phyir ro/  /bsgrub par dka' ba ni/ 'gug dga' ba 'gugs pa'o/ /zhags pa la sogs pa'i rnams pas zhes pa ni/ zhags pa'i rnam pas bcing ba'o/ /rdo rje lcags
kyu'i rnam pas dgug pa'o/  /'dzin zhes pa ni sgrub pa po nges par 'tsho bar byed pa 'dzin pa'i phyir ro/ /gzhug pa zhes pa ni sgrub pa po'i lus kyi nang du zhes pa'i don /dam pa zhes pa ni ngar gsungs pa la bltos pas so/ /sangs rgyas ni
ston pa po nyid yin pa'i phyir ro/  /yang dang yang du ston pa po nyid yin pa'i phyir gsung gi tshogs so/ /de'i sbyor bas bstan pa ni rtag tu yod pa nyid do/ /bstan pa'i dbang du byas nas chen po zhes bya ba la sogs pa gsungs te/ dkyil
'khor gi bdag po ni mi bskyod pa'o/  /thugs ni bsgrub bya'i sems so/ /rdo rje lcags kyu ni 'od zer gyi ngo bo pa'o/ /rdo rje sems dpa' rgyal chen po ni bsgrub par bya ba yang gnas gang yin pa ste/ dkyil 'khor gyi rnam pa bsgom par bya'o
zhes gsungs pa'i phyir ro/  /thugs rdo rje ni thugs kyi bdag nyid can nyid kyi phyir ro/ /rnam par snang mdzad la sogs pa'i rnal 'byor pa'i ye shes sems dpa' dbang du byas nas 'khor lo zhes bya ba la sogs
pa gsungs te snga ma bzhin no/  /rin chen dang don yod dag gi'ang 'dir bya'o zhes mngon par brtag par bya'o/ /gang dang gang gi mtshan ma yin pa de dang de ni rang gi mtshon mar 'gyur ro/ /rdo rje sems dpa' i rnal 'byor pa ni mi bskyod pa'i rnal
'byor pa'o/  /bsgoms nas zhes pa ni/ bkug pa'i ngos rnams su'o/ /rlung gi zhes pa ni/ sna tshogs rdo rje'i 'og tu gnas pa'o/ /zla ba'i dkyil 'khor gyi rnam pa yongs su gyur pas 'khor lo ste mtshan mas dgug pa'i skabs yin pa nyid
kyi phyir ro/  /bdud rtsi 'khyil pas sgrub pa po nges par 'byung bas zhes gsungs pa'i rab tu sbyor ba yang sbyar bar bya'o/ /bdud rtsi 'khyil pa zhes bya ba la sogs pa yang rdo rje lcags kyu bsams nas zhes pa ni 'dir rin chen 'khor lo dbang
po'i rnal 'byor pa'o zhes mtshon par bya'o/  /de nyid kyis ni/ rdo rje lcags kyu de nyid kyis so/ /skul ba ni/ yang dag par bteg cing kun tu drangs par byas zhes 'dir blta bar bya'o/ /mdung zhes pa ni 'di mtshan ma mdung ngo/ /rlung gi dkyil
'khor la bskyon zhes pa ni/  gnod mdzes nyid kyis so/ /btsag la sogs pa zhes bya ba la sogs pa ni mtshal la sogs pa dmar po'i mtshan yongs su gzung ba'i don no/ /rdo rje lcags kyu'i rnam pa nges par byung ba zhes pa 'dir lhag ma'o/ /khar ni
rang gi khar ro/  /chos 'byung ba ni rigs lnga'i bud med rnams kyi'o/ /bton pa ni bkug pa'o/ /gro ba la sogs pa'i mtshan ma mi g.yo bar brtags nas sa dang ma 'dres par ro/ /yang dag par bsrung te zhes pa mi g.yo ba'i sngags las bskyed pa ston par
bye ba'o?/  /ming rnams bris la zhes pa ni drag po lug cig zhes bya ba la sogs pa'o/ /rdo rje gsum zhes bya ba la sogs pas ni dpe'o/ /mtshan thams cad dang ldan pa zhes pa ni mtshan sum cu rtsa gnyis po rnams dang/ dpe byang rnams dang ldan pa nyid kyi
phyir ro/  /'jam dpal ni drug pa'o/ /longs spyod rdzogs pa'i gzugs dang sngags dang dkyil 'khor du gnas pa'i 'jam dpal phyung nas rjes su 'jug par bya'o/ /de spro ste ni/ rang gi lus la nges par phyung nas so/ /de yongs su gyur pa ni gshin rje
mthar byed yongs su gyur pa'o/  /de nas ni de'i bar ma chad par ro/ /me'i dkyil 'khor ni/ yi ge hUM las skyes pa'am raM las skyes pa'o/ /bzhag ste zhes pa ni gshin rje mthar byed me'i dkyil 'khor du'o/ /rlung gi zhes pa ni me'i dkyil 'khor
kyi 'og tu gnas pas so/  /de las babs pas dam tshig gis bcings te nye bar longs spyod par byas nas gzhan du mi 'gyur ro/ /rnam pa gnyis zhes pa ni/ bskyed pa dang rdzogs pa gsungs pa'i dbye bas so/ /lnga po rnams kyis zhes pa ni mi bskyod
pa la sogs pa lnga po rnams kyi ste/  de nyid kyi phyir 'di rnams kyang rigs can rnams kyang rigs kyi dbang phyug gi ngo bo nyid yin pa'i phyir ro/ /de nyid kyi phyir thams cad kyi tsha drug pa la dmigs par bya'o/ /dgos pa rgya che ba mi bskyod pa la sogs pa rnams so zhes
rtogs par bya'o/  /rnam par 'khrul pa ni don gyi bya ba thams cad kyi rnam pa'o/ /de nyid kyi phyir/ sna tshogs rdo rje'o X/ /mtshon ma'i gzugs sam gdan yang rung 'o/ /gnas skabs kyi khyab par ni/ don yong grub pa la dmigs pa ste/
rdo rje'i rang bzhin ni ye shes bdag nyid can yin pa nyid kyi phyir ro/  /dkyil 'khor ba rnams ni/ de'i rigs can gyi lha mo rnams so/ /gtso bo ni sgrol me'i rang bzhin nyid yin pa'i phyir dang/ ma nyid can gyi no bo'o/ /yang yan san tshogs pa'i 
gzugs 'dzin pa/  thun mong ma yin pa'i yon tan dang ldan pa nyid kyi phyir ro/ /gzhan gyi dbang du gyur pa ni/ bdag nyid kyi sems la kun tu gnas pa ma yin pa'o/ /sngar gsungs pa'i rim pas ni bdud rtsi
'khyil pa'i sngags brjod pa'i rim pas so/  /ming dang spel ste brjod par bya ba yang ngo/ /rdo rje lcags kyu ni btsag pa'i mtshon mas yang dag par bkug nas de'i 'og tu dam tshig gi sna tshogs pa nye bar longs spyod par bya'o/ /gang du zhes pa
ni/  ting nge 'dzin de'i rigs dang ldan pa ni lha mo rnams so/ /de rnams su ni rigs rnams su'o/ /bud med kyi thod pa zhes bya ba la sogs pa la bshad ma thag pa'i sngags kyi man ngag gis mtshungs par slob pa ni sngagS rnams so/ /dgug pa la sogs pa'i las
rnams bya'o zhes/  de'i dngos grub sngags rnams thams cad ces bya ba la sogs pa gsungs te/ bud med dang skyes pa dang ma ning gi dbye bas ni gzhan ma yin pas so/ /de rnams las byung ba ni ting nge 'dzin de dang sngags rnams mngon par brjod pa las so//
rdo rje slob dpon ni rdo rje lta bur de'i yang lag nye bar ston par byed pa'am/  mi bskyod pa'o/ /byang chub zhes pa ni gsod pa rnam par dag pa la dmigs pa'i phyir ro/ /phyogs bcu'i zhes bya pa la sogs pa nges pa kho nar mngon par brjod par bya'o/ /de'i
phyir bri? bar byed pa/  gang la zhes pa la sogs pa ste/ sna tshogs rdo rje ni nag po'o/ /gal te yang khro bo'i sngags rnams kyi rang rang so so'i las kyi khyad par mngon par gsungs pa de bzhin du yang skul tshig spel ba dang bsam pa'i khyad par yid la bya
bar bshin rje gshed la sogs pa gang yang rung ba zhes bya ba la sogs pa gsungs so/  /de bzhin du/ gshin rje gshed la sogs pa'i khro bo'i nga rgyal dmigs te zhes pa ni rdo rje 'chang chen po yongs su gyur pa las de dang der gyur pa'o/ /de rnams
zhes pa ni gcig gi yang ngo/  /gnas ni de dag sems rab tu dang pa 'dod pa'i rnam par ro/ /bsgrub par bya ba'i rkang rjes kyis zhes pa ni/ snabs la sogs dang/ gcin dang/ bshad pa'i gong bu'o/ /bdag nyid rdo rje 'chang nyid du nges par ston par
byed do zhes pa ni/  rdo rje 'chang nyid khro bo'i gzugs la sogs par gyur pa'i phyir ro/ /rnam par snang mdzad la sogs pa dmigs pas zhes pa la 'dir sogs pa'i sgra las rin chen dbang po la sogs pa rnams bsdus so/ /zla ba zhes pa la
sogs pa la mi bskyod pa'i sbyor ba yis zhes pa sngar bshad pa de 'dir gsungs so/  /rnam par snang mdzad zhes pa la sogS pa ni cho ga gzhan no/ /bdud rtsi 'khyil pa nyid phung? bu zhes pa'i don no/ /phur bu'i cho ga shes pa'o/ /phur
bur gdab pa'i gnas gang zhes na gsungs pa/  phur bu'i cho ga shes pa yang zhes bya ba ni/ rdo rje sems dpa' zhes pa'i don no/ /'di'i bshad pa ni/ sgrub pa po zhes bya ba la sogs pas sbyor ba'i bdag nyid chen po ston par byed do/ /rnam par snang
mdzad chen po zhes pa la sogs pas bsgrub par bya ba la dmigs pa dang ldan pa'o/  /'bar ba'i rdo rje ni 'od zer lnga dang ldan pa ste/ sgrub pa po dang sgrub pa'i 'khor lo ni lha dang lha mo'i sku'i dkyil 'khor lo 'bar ba ste 'od zer dmar po dang ldan pa nyid yin
pa'i phyir dang lha'i gzugs la dang sngags dang dbyer med phyed pa'i phyir ro/  /gsungs pa/ gang yin pa zhes pa ste/ gnas las skrod par 'gyur pa ni gal te rnal 'byor pa dman par gyur pa'o/ /de las gzhan yang dpal gyi khams nam mkha' dang rlung
las rab tu byung ba nyid yin pa'i phyir ro/  /ngag gi spros pa zhes pa ni/ nam mkha' zhes bya ba la sogs pa gsungs te/ lce la gnod par byed do ni lkugs pa'i dngos por 'gyur ba'o/ /snying la gnod par byed do ni/ sems dang sems byung ba dang bral ba'i phyir
ro/  /sangs rgyas ni rdzogs pa'i rim pa la gnas pa zhes pa la sogs pas sngar gsungs pa sngon par byed do/ /ci ltar sku dang gsung dang thugs rnams ci ltar yin zhe na/ gcig tu gyur pas kyang zhes bya ba la sogs
pas gsungs te/  gang zhig sku la sogs pa gcig tu gyur pa'i rang bzhin de byang chub kyi sems rdo rje'o/ /sku la sogs pa ste rnams kyi rang bzhin gyi cha la dmigs nas tshar gcod par byed pa de'i phyir/ sku dang gsung dang thugs rmad du byung ba
zhes sbyar bar bya'o/  /bshad zin pa dang ma bshad pa'i zhes bya ba la sogs pa la dang po'i brjod bya nas brtsams nas sgyu ma lta bu'i ting nge 'dzin las kyi dngos grub kyi yan lag nyid du gsungs so/ /da ni de'i dbang du byas nas zhi ba can zhes
bya ba la sogs pa gsungs te/  rdo rje 'chang chen po ni drug pa'o/ /mi 'gyur che ni 'gyur ba ni kun tu g.yo ba'o/ /'gyur ba med pas na mi 'gyur ba'o/ /rnam par mi 'jigs pa zhes pa ni/ dngos po de dang de skye ba'i dngos po med pa'o
zhes pa'o/  /thams cad dbang bskur zhes pa ni rigs lnga po rnams thams cad kyi mngon par dbang bskur zhing rgyas btab pa ni thams cad dbang bskur ro/ /rnam par snang mdzad la sogs pa'i de bzhin gshegs pa lnga'o/ /des kyang zhes
pa rnam par snang mdzad la sogs pa lnga po yi yang ngo/  /mngon par dbang bskur zhing rgyas 'debs pa ni drug pa'o/ /gnas pa la sogs pa le'u brgyad par gsungs pa'i lhag mI lhag ma bcu gnyis po lon zhes gsungs pas so/ /khyad par
gzhan gyi dbang du byas nas mtshan rnams thams cad ces bya ba la sogs pa gsungs so/  /mngon par 'dod pa'i don ni de kho na nyid la mngon du phyogs par byed pa'o/ /rigs lnga ni mi bskyod pa la sogs pa'i rigs rnams so/ /de bzhin gshegS
pa lnga'i dbang du byas nas de ltar zhes bya ba la sogs pa gsungs so/  /rdo rje sems dpa' i ting nge 'dzin gyis zhes pa ni/ rdo rje sems dpa' ni drug pa'o/ /de la ting nge 'dzin gang yin pa yang phyung nas rjes su zhugs pa zhes pa rdo rje sems dpa' i ting nge 'dzin de rnam
par snang mdzad do/  /der rin chen dpal dang mtshungs par 'gyur ro ni de la dmigs pa nyid kyi phyir ro/ /de'i phyir sbyor ba de dang ldan pas zhes gsungs te/ sa bcu'i dbang phyug tu 'gyur ro zhes pa ni/ snang ba gsum po dmigs ma thag tu 'od gsal ba dmigs
pa nyid kyi phyir ro/  /rtog pa'i rnal 'byor yin pa'i phyir ro/ /zhes pa ni/ brtags pa'i rnal 'byor la dmigs ma thag tu 'od gsal nyid la dmigs pa'i phyir ro/ /mngon par byang chub pa'i rim pas ni/ rim pa bzhi par so sor bstan pa'i rim pas so//
phyi'i dbang du byas nas/  rdo rje nyi ma zhes bya ba la sogs pa gsungs te/ mtshams kyi dus zhes pa ni nyi ma'i mthar skyes pa'o/ /lung phog pa rnams kyi zhes mang po'i tshig ni yan lag bzhi nyid yin pa'i phyir lung phog pa'o/ /snyoms par
'jug pa zhes pa ni/  nang gi shes rab ma la'o/ /de nyid kyi phyir shes rab kyi ngo bo nyid du gyur pa zhes gsungs te/ byung ba ste skyes par gyur nas slar yang nub pa'o/ /skye rengs 'char ba ni ma rig pa ste snang ba nye bar thob pa nyid do/ /stobs
bcu zhes pa ni rdo rje snying po rgyan rgyud du gsungs pa yang gnas dang/  gnas ma yin pa mkhyen pa'i stobs nas zag pa zad pa mkhyen pa'i stobs ji srid par ro/ /mi 'jigs pa bzhi ni bdag la yang dag par rdzogs par sangs rgyas par ldan
no zhes dam bcas pa la/  chos 'di dag mngon par rdzogs par sangs rgyas so/ /'di dag mngon par rdzogs par sangs ma rgyas so/ /bdag gi zag pa zad pa la zag pa ma spangs pa dang/ gang slar yang bar chad kyi dbang du byas pa'i
chos yang dag par bshad pa de dag so sor sten bzhin pa ni sdig pa bar chad du 'gyur ba'i gnas med do/  /bdag gis 'phags par nges par 'byung ba'i lam bshad pa de la nges par 'byung ba ma yin no zhes 'dir
de lta bu'i chos dang mthun pa'i rgol ba lha 'am bdud dam de dag yod pa ma yin no/  /'di dag gi bshad pa ni/ dbu ma la 'jug par shes par bya'o/ /phyag rgya chen po zhes pa ni ye shes kyi sku'o/ /sangs rgyas mtshan gyis ni/ rdo rje snying po rgyan
gyi rgyud du gsungs pa'i phyag dang zhabs nyid rtsibs stong dang mu khyung dang lte bar bcas pa'i 'khor los brgyan pa dang/  phyag dang zhabs shin tu gnas pa la sogs pa zhes nye bar mtshon par byed cing dpe byang brgyad cu so rnams nye bar mtshon
par byed do/  /stong gsum la sogs pa'i sgra las stong pa gnyis dang/ stong gcig pa rnams bzung ngo/ /de ltar sgyu ma lta bu'i ting nge 'dzin la mngon par brjod nas zhi ba tsan la sogs pa'i las rnams 'di dag 'brel par dbang po gnyis zhes
bya pa la sogs pa gsungs so/  /dbang po gnyis kyi rab tu sbyor ba'i thabs su bshad gci zhes bya ba la sogs pa gsungs te/ 'di ltar nye bar bstan pa'i spyod pa dang 'brel lo/ /so sor sdud pa zhes bya ba la sogs pa gsungs pa
yang de/  /rdo rje 'chang chen po ni drug pa ste de mi bskyod pa'i ting nge 'dzin gnas pa khro bo byung ngo zhes sprel lo/ /sdong bu dang lo ma la sogs pa zhes pa'i sogs pa ste/ 'bras bu dang me tog la sogs pa yang dag par bsdus pa'i don no/ /sbyar
ba zhes bya ba ni mar dang sbrang rtsi mnyam pa la sogs rig pa gzhan dang gzhan pa'i rdzas kyis byas pa'i dug go / khro bo gang yang rung ba'i sbyor ba dang ldan pas zhes pa ni gsungs pa yang/ thog mar las kun byed pa dang/ sngags pa dpal? brjod
dmigs las skyes zhes so/  /til mar la sogs pas zhes pa'i sogs pa ni/ sdong bu dang 'dab? ma la sogs pa'i dug yang dag par gzung ngo/ /bsgos nas zhes bya ba ni de rnams gcig tu byas nas so/ /dpung la sogs pa rnams zhes
bya ba la sogs pa la shing rta la sogs pa rnams so zhes so sor ston par byed do/  /dam tshig chen po ni mi bskyod pa'i gzugs so/ /khro bo ni gshin rje gsher wa sogs pa gang yang rung pa'o/ /rnam par bsgoms la zhes pa ni mi lha'i thugs
ka ru'o/  /rang rang gi cho gas zhes bya ba ri sngar gsungs pa'i dgra'i dpungs 'og tu song bar bsgoms nas de'i steng nas ri rab lta bu'i khro bos btsir bar bsgom par bya'o/ /zhes pa la sogs pa'o/ /dgug pa'i cho ga ni rgyud gzhan du gsungs pa'i
rim pas bya'o/  /las 'di'i bya ba so so'i ngo bo bstan pa'i phyir/ sangs rgyas rnam par snang mdzad ces bya ba la sogs pa gsungs te/ lag pas ni g.yon pas mngon sum nyid du zhes pa'o/ /sgrub pa po ni gsum gsum du gnas pa'i phyir
ro/  /yang ni zhes bya ba la sogs pas phyi rol gyi tshogs pa yin? bltos pa nyid du ston par byed do/ /yi ge aoM las byung ba'i 'od zer nag po 'bar bas kun nas khyab pas 'dzag cing so sor 'joms pa ste/ /so sor 'joms par nus pa'o/ /
rang gi lag na gnas pa'i mtshon cha rnams kyis ni pad+ma la sogs pa rnams kyis so/  /rta mgrin spros nas nges par gnod mdzes ltar bka' bsgos te/ nor rgyas kyi du la sogs pa rnams brdung bar bya'o/ /rang gi lag na gnas pa'i mtshon cha la sogS
pa rnams kyis so zhes pa'o/  /'gag par 'gyur ba ni phyi ma bzhin no zhes pa'o/ /slob dpon gyi bya bar gsungs pa'i rab tu sbyor ba la rjes su chags par sangs rgyas rnams kyang zhes bya ba la sogs pa gsungs te/ sngags dang spel bar gsungs pa'i
rab tu sbyor bar phaT ces bya ba 'di'i nag po nyid du rab tu thob pa'o/  /ye shes zhes pa la sogs pas rang gi ngo bo ston par byed do/ /rdo rje 'chang chen po'i sku ni drug pa'i sku'o/ /bud med bzhi zhes bya ba ni gzugs rdo
rje la sogs pa'o/  /de nas podma rab tu rgyas byas nas zhes pa ni/ rab tu bya ba zhes pa'i don no/ /de nyid kyi phyir sgo'i pad+ma yang dga' ba shin tu phul du byung bar mngon par gsal bar byed do/ /byas nas zhes pa rjes su'o/ /gang thugs
rab tu dang ba ma yin par dga' ba mngon par gsal bar byed pa ni ma yin no/  /lnga? pa'i bdag nyid can ni bshad pa kho na'i rjes su'o/ /rdo rje can gyi sbyor ba zhes bya ba la sogs pa gsungs te/ yul rnam pa gsum zhes bya ba ni yid 'ong ba
yid du mi ? ba dang btang snyoms pa'i dbye bas so/  /rang gi lus la sogs pa zhes bya ba la sogs pa'i sgra las mig la sogs pa rnams su zhes rtogs par bya'o/ /bsres pa ni yang dag par sbyor ba'o/ /mchog tu dga' ba'i bde ba chen po'o/ /de skyed
par byed pa ni 'byung bar byed pa ste/  de bzhin gshegs pa lnga'i ngo bo ye shes kyi rang bzhin rdo rje 'chang chen po skyed par byed pa'o/ /rgyud du gsungs pa'i cho gas zhes pa ni sngar gsungs pa'i rigs lnga'i 'bras bu la sogs pa dang/ le'u bcu
drug pa la sogs pa ngo'i rnam par bskyed pa'i cho gas so/  /ba lang gi lci ba la sogs pa zhes pa ni/ sogs pa'i sgra las autpal dang sha ba'i ril ma la sogs pa bsdus so/ /rnam pas tshogs pa la sogs pa'i sems can du mngon par
dgongs pa gang yin pa de lta bu'i chos kyang bca' ba rnams kyis lus gnas par brtag go / skal pa ngan par ni rang dang gzhan gyi sde pa rnams kyis rdo rje theg pa 'dir rab tu thugs pa rnams kyis so/ /lcags gsum gyis ni/ zangs dang dngul dang
gser rnams kyis so/  /de'i 'og tu mtshan ma mthong nas/ /bsgrubs pa'i ril bu khar bcug nas so/ /brtul zhugs sbyor bas zhes bya ba ni ril bu sgrubs pa'i thabs su gsungs pa gang yin pa yang sbyar bar bya'o/ /ga bur dang tsandan rnams kyis zhes bya ba
ni/ / gnyis kyi tshig la mang po'i tshig go /ga bur gyis sbas 'dir khrag kyang mngon par brjod do/ /de nyid kyi phyir tsandan yang nang gi bdag nyid can no/ /lus gi rjes su byed pa'i rnam par sogs pa tsandan dmar po rnams kyis zhes pa'o/ de lta bur
'gyur te zhing pa ni gang phyag rgyal dmigs nas zhi ba can la sogs pa'i las byed pa de'i gzungs su 'gyur mo zhes pa rjes su'o/  /yon tan brgyad kyi dbang phyug ces pa 'dod po'i dbang phyug la sogs pa'i yon tan dang ldan pa'i phyir ro/ /skad cig gcig
tsam nyid las dpag tshad bye ba du ma'i tshad du 'gro bar skad cig gcig gis zhes bya ba la sogs pa gsungs so/  /'di yang zhes pa ni sgrub pa po yang ngo/ /de 'ba' zhig tu ma zad de rdo rje 'chang chen po nyid do zhes mngon par dgongs so/ /sems 'khrug pa
ni de kho na nyid lhag par rtogs pa la'o/  /dbang gyis bdag zhes pa ni mnyes pa'o/ /rdo rje 'chang ni drug pa'o/ /rnam par snang !mdzad la sogs pa rnams zhes pa ni lnga po rnams so/ /gzhan yang zhes bya ba ni mi bskyod pa rjes su zhugs pa la bltos
pa'i tshig gam yang na rnal 'byor bzhi las rdzogs pa'i sprel pa'i sku la bltos pa'o/  /mi 'gyur chen yongs su dag pa'o/ /longs spyod rdzogs pa'i bdag nyid can nyid kyi phyir/ 'di'i rig pa ni mA ma kA? te/ de'i rgyal po mi gang gi tshe rin po che'i
rigs pa bltos par 'gyur ro/  /gnod sbyin ma ni rdo rje ro langs mal? sogs pa rnams te zhes pa'i sogs kyi sgra ni dang po'i don te des gzhan gyis mi thub pa la sogs pa rnams bsdus so/ /skyed pa'i sa bon la sogs pa'o zhes pa ni/ skyed pa'i sa 
bon ni yi ge hUM ngo/  /sogs pa ni mtshan la sogs pa bsdus so/ /gshin rje bshed la sogs pa'i khro bo'i rgyal po 'di dag gi ma yin no/ /'di rnams kyis ming gi yi ge la zla phyed dang thig les brgyan pa ni skyed
pa ni skyed pa'i sa bon no/  /de zhes pa ni sngar bzhin no/ /de zhes pa sngags la sogs pa rnams so/ /rgyud ni bskyed pa'i rgyud nyid du bzung ba'o/ /rdo rje ro langs ma la sogs pa'i phyag rgya chen po'i gzugs gang yin pa nges gnod sbyin mo'i sngags
rgyud las te rdo rje ro langs ma la sogs pa rnams so/  /de'i don ni 'di yin te/ 'jam pa'i rdo rje ting nge 'dzin la gnas pas/ rdo rje ro langs ma la sogs pa bsgoms nas/ 'dus byas te de'i mgo bo klang pa la gshin rje mthar byed bsams
nas de rnams kyi sgrub pa brtsam par bya'o/  /tshim pa ni 'dzag pa'i byang chub kyi sems kyi rgyun gyis mchod pa'o/ /de rnams kyi dkyil ni snying po'i ni sgrub pa gzhan la bltos nas so/ /dam tshig chen po zhes bya ba la sogs pa'i bshad pa ni dam tshig chen
po ni phyag rgya chen po zhes pa la sogs pa'i/  /nus pa bsgrub pa'i bya ba'i phyir ni dbab pa gzhan las nus pa nye bar bsgrub pa'i phyir ro/ /rnam pa gnyis zhes bya ba ni bskyed pa dang rdzogs pa'i dbye pas so/ /ngag gi bya ba ni sems can smin par
bya ba dang grol bar byed pa skyed par byed par so sor sgrub pa'o/  /de bzhin nyid dang zhes pa ni gang du lus kyi dngos po med par dmigs pa'o/ /zla pa zhes bya ba la sogs pa'i rim pa'i mthar thug par/ /pad+ma dmigs nas so/ /rdo rje chos ni 'od dpag med
kyi bdag nyid can no/  /pad+ma rA ga ni nor bu dmar pa'o/ /de dang mnyam pa'i 'od ni de'i kha dog go /yi ge gsum ni hAsogs pa'i rdo rje gsum mo/  /nang du bsams nas zhes pa ni/ spros nas bskyed pa'o/ /au phaT ai la zhes pa ni 'jig rten pa'i mngon par brjod pa'o/ /sngags rtogs par lus 'gul ba dang/ g.yo ba ni 'khor lo bzhin du yongs su 'khor
pa'o/  bskul ba rnam par bshad nas rengs pa'i dbang du byas nas/ rengs pa la sogs pa la 'phags pa rnams kyi dbang po las 'das pa mthong ba'i sa 'di ni 'phags pa'i sa ste grub pa ni 'bebs pa grub pas 'bebs pa'i dngos grub bo/ /rdo rje'i rang
bzhin mi phyed pa gang yin pa nges so/  /sngar bshad pa'i rim pas shes pa ni/ de bzhin nyid dang zla ba zhes bya ba la sogs pas so/ /thugs las yang dag byung ba nyid kyi phyir na rdo rje 'chang chen pos gsungs pa nyid kyis so/ /rnam par shes pa
dang bral ba'i phyir mi rnam par shes pa 'od gsal du zhugs pas gsum gsum gdon mi za bar 'bebs par byed do/  /'di'i sngags kyi don ni dzhe'i yi ge gang gis zhes 'chang par 'gyur pas so/ /lhag ma hUM hA:a yi ge'i sa bon gyis dbab par bya'o//
snod lhag par gnas pa zhes pa ni/  rab tu gnas pa'i cho gar gsungs pa'i rim pas so/ /ji lta ba bzhin du zhes pa la sngar bshad pa'i rdo rje sems dpa' dang ye shes sems dpa' gcig pa'i thugs rdo rje'i/ thabs kyi ye shes 'byung bar byas nas zhes
pa ni ye shes 'bar ba'i thog mar ro/  /'od gsal du rab tu zhugs pa ni rab tu rtogs pa'o zhes bsams par bya'o/ /lha chen po'i gnas skabs zhes pa ni sngar bshad pa'o/ /shes nas shes pa ni g.yo ba la sogs pas so/ /sa bon bzhi ni yi ge hUM
la sogs pa'o/  /steng du ni ting nge 'dzin sems dpa' las nges par byung nas so/ /rang gi gnas su ni tha mal pa'i gnas skabs su'o/ /lha rnams gshegs su gsol bar byas nas gzung bar bya'o/ /go chal sogs pas zhes pa ni bsrung ba'i rgyu yis so//
bsgom pa dang sngags la sogs pas yongs su dag pa ni drug pa'o/  /snga ma bzhin du byas nas zhes pa 'dis 'di sngar gsungs pa nyid du ston par byed do/ /de bzhin du zhes pa 'dis 'di bshad ma thag pa nyid du'o/ /nges
par dgag pa'i phyir ni bzlog pa'i phyir ro/  /gal te de bzhin du de'i 'og tu bzlog par mi byed na de'i tshe bsad par bya ba'i phyir rdzogs pa zhes bya ba la sogs pa gsungs te/ gsod pa ni 'od gsal du rab tu gzhug pa'o/ /sta re dang tho ba zhes gsungs
pa'i phyir 'di phyag gnyis pa nyid du mtshon par bya'o/  /yang na mtshan ma'i gtso ba ston par byed de/ /bsgrub par bya ba rnam pa ji lta bde lta bur bsams nas zhes pa hUM yig la sogs pas khro bo gang yang rung ba zhes mtshon par bya'o/ /bstan pa
la gnas pa ni/  lam la gnas pa'o/ /skyabs med pa ni srung ba med pa'o/ /mthong nas zhes pa ni lha la sogs pa rnams kyis spangs pa nyid kyi phyir ro/ /khro po las nges par byung ba'i du ba dang me ni/ khro bo'i du ba me'o/ /'jigs pa yang
'jigs pa'i rgyu yang ngo/  /yi ge h+rIma dang sdig pa la sogs pa rnams kyi yang dag par sbyar ba las byung ba'o/  /sdig pa'i sgras sbrul nyid mngon par brjod par bya'o/ /'dir ni sdig pa nyid do/ /phyogs bcu zhes pa la sogs pas gsungs pa'i bsgrub par bya bas nye bar bsags
pa'i sdig pa ston par byed do/  /sbrul gyi gzugs ni gdug pa'o/ /me la sogs zhes pa ni 'dir sogs pas char la sogs pa 'byung ba bsdus so/ /khams 'khrug pa ni nang gi bdag nyid can no/ /'byung po nag po'i gzugs ni/ sha za spre'u
la sogs pa'i gzugs kyis so/  /bsgrub par bya ba zhes pa ni rang bzhin gyis gzugs so/ /rdo rje can gyi zhes pa ni gsum pa'i don la bzhi pa'o/ /rnam pa gsum zhes pa ni te dman pa dang bar ma dang mchog go /srung ba zhes pa la sogs pa ni
sgrub thabs su mngon par brjod pa'i rim pas so/  /zlos par 'gyur ba ni de'i chogs so/ /'phreng ba'i sngags ni spyan ma la sogs pa rnams dang des par gnod mdzes la sogs pa rnams kyis gsungs pa rnams so/ /bsgrub par bya ba zhes pa ni/ sgom pa la
sogs pa'i rim pas sam rtogs par gsungs pa'i bris sku la sogs pa'i rim pas so/  /mnyes par byas pa zhes pa ni gsol ba 'debs pa la sogs pa rnams kyis so/ /phur bus gdab par bya'o zhes pa ni 'di'i don bsam par bya'o/ /phur bu 'di yang
rig pa gcod par byed pa'i rgyu nyid yin pa'i phyir de 'dus pa phyi mar yang gsungs pa/  de'i gzugs brnyan byas nas ni zhes pa la sogs pa nas/ lce mgrin de bzhin snying ka ru/ /phur bu'i tshogs phur bas gdab ces pa ji srid par ro/ /nam
san+ta gA ya wA k+tsit+ta badzrA ? che ge mo'i man+t+ra de ba tA sh'nh+ra? di kartA rany+tsa kI la ya tsakra warti hUM ts+tshin+tyat zhes so/  /rang gi rig pa gcod par byed par 'dod na/ ku sha ljang gu rnams khu tshur gyis bzung nas che ge mo dang che ge mo'i sngags la sogs pa rnams
bcad do zhes pas mtshon rnon pos bcad par bya'o/  /rengs par bya'o/ /zhes pa ni sngags la sogs pa rengs par bgyi'o zhes mngon par brjod nas de'i bsam pas sngags brjod nas khu tshur bcings pas de nas lha rnams kyi gzugs brnyan byas nas
bur bus lha rnams rengs par bya'o zhes pa'o/  /thams cad stong pa nyid kyi lus la sogs pa thub pa'i thabs dang ldan pa'i phyir thub pa'o/ /zin pa dang ma zin pa ni phyi dang nang gi bdag nyid can no/ /de rnams su dus gsum du byung ba'i rgyal ba de bzhin gshegs
pa'i bdag nyid can nyid yin pa'i phyir rdo rje 'chang ngo/  /chos bdag med pa la gnas pa ni sgrub pa po zhes mngon par dgongs so/ /rdo rgyus zhes bya ba la sogs pa'i don ni bshad zin no/ /sngags 'dis bskul bas ni
che ge mo ? zhig ces brjod pas so/  /zin pa tsam gyis ni mthong ba'i dug gi bdag nyid can nyid kyi phyir mthong btsam gyis kyang zhes pa'o/ /'dis zhes pa la sogs pa gsungs pa ni don gzhan no/ /mche ba'i dug la sogs pa rnams zhes pa ni/
'dir sogs pa'i sgra ni reg pa'i dug la sogs pa gzung ba'i don du'o/  /'dzud par byed do zhes pa rkang pa'i 'og na gnas pa snying gar son par byed do zhes pa'i don no/ /dug med par gyis shig ces rnal 'byor pa sems rab tu mi brtan
pa'o zhes rtogs par bya'o/  /nye ba'i dug zhes pa ni/ sbrul pa sogs pa sna tshogs pa mang po'i mthar thug par mngon par brjod pa'i phyir ro/ /'brum bu zhes pa 'di'i don ni e NI pa ti la sogs pa rnams te/ nad 'ga' zhig gi ming ngo/ /nus
pa gang yin pa ni nus pa'ang bskyed pa'i rgyu'o/  /gang gzhan nang du bshad pa rnams te/ de rnams kyang ngo/ /'od gsal pas yongs su sbyangs pa'i phyir ro zhes pa ni 'di sgra brnyan gyi chos nyid kyi brda yin pa'i phyir ro/ /mtshon cha la sogs pa zhes pa'i sogs
pas bong ba dang dbyug gu la sogs pa bsdu ba'i don no/  /mngon spyod ni lus 'jigs pa la sogs pa'o/ /lus bzungs ni mtshod nyid la sogs pa'o/ /dri ma ni kha zas yongs su gyur pa las skyes pa'o/ /kha zas mi mthun pa ni rab tu grags pa nyid do/ /
de rnams las byung pa ni nang kyi rgyu rnams so/  /'khor lo 'am zhes pa la sogs pa la pad+ma 'am zhes bya bar yang rtogs par bya'o/ /yang na gsung gi rdo rje'i rnal 'byor pas kyang mtshan ma 'khor lo 'am rdo rje 'am/ pad+ma 'am yongs su gyur par rtogs par bya'o
nad las nges par rgyal ba rab tu gnas pa ni kun tu gnas pa ster bar byed do/  /zhes pa'o/ /ji ltar zhe na/ nad pa zhes bya ba la sogs pa gsungs so/ /ji lta ba bzhin du byung ba'i zhes pa ni dzi na dzika ces pa la sogs pa'i sngags gsum sku rdo rje la soD
pa'i rnal 'byor pa gsum po rnams kyi thog mar brjod pa nyid kyi phyir ro/  /gang bshad pa zhes pa ni thog mar ro/ /bdag la byin gyis brlabs pa'i lus ni nye bar dmigs pa'i bdag nyid can du nye bar dmigs pas so/ /gsungs pa yang/ kun
rdzob nye bar dmigs pa yi/  /ting 'dzin 'di ni ma shes nas/ /nad kyi rnam pa las rgyal zhing/ /de bzhin sgyu mas dbang bskur rgyal zhes so/ /ye shes bkye ba ni gdul bya 'gugs par byed pa'i rgyu mtshan nyid yin pa'i phyir/ rnam par
snang mdzad la sogs pa lnga pa'o/  /'khor chen po nyid ni rdo rje 'chang chen pa ste mi bskyod pa rjes su zhugs pas so/ /de la ni chos rnams la'o/ /rnam pa gnyis zhes pa 'di'i bshad pa ni/ nang la zhes pa la sogs pa'i rim pa'i
sgrub pa la 'jug pa'i dbang du byas nas sgrub pa po zhes bya ba la sogs pa gsungs so/  /ye shes kyi sku ni bdag la byin gyis brlabs pa'i bdag nyid can no/ /mthong ba ni dmigs pa ste/ de gal te rmi lam la bdag nyid 'od gsal
du rab tu 'jug par mthong ngo/  /de tshe sangs rgyas rnams kyi zhes bya ba la sogs par sbyang bar bya'o/ /longs spyod rdzogs pa'i sku ni yongs su dag pa'o/ /khams gsum pa zhes bya ba la sogs pas gzhan yang gsungs te/ dngos grub
chen po ni yongs su rdzogs pa'i longs spyod rdzogs pa'i skur bskyed pa'o/  /gzhan sngags la mchog tu gzhol ba'i dbang du byas nas sgrub pa po zhes bya ba la sogs pa gsungs so/ /mthong bar 'gyur ba ni dmigs par 'gyur ro//
de bzhin nyid du shes bya ba la sogs pa ni/  rmi lam ma mthong ba'i 'bras bu thob par 'gyur pa ni mngon sum du byed pa'o/ /gzhan yang thams cad ces bya ba la sogs pa gsungs te/ 'jig rten
pa'i dngos grub ni zhi ba can la sogs pa'i ngo bo 'o?/  /gzhan yang phyogs bcu zhes bya ba la sogs pa gsungs te/ chos kyi mdzod ni chos kyi snang kyi khang ba lta bu'o/ /chos kyi rgyal po ni rdo rje lta bu'i lam kyi ngo bo'o/ /glegS
bam du chung pa ni de dag mngon par rjod par byed pa nyid kyi phyir ro/  /'dir 'jig rten pa'i dngos grub la reg par byed do zhes gsungs pa dang sbyar ro/ /slar yang rdzogs pa'i rim pa'i dbang du byas nas/ gang chos kyi 'khor lor
son pa zhes bya ba la sogs pa gsungs te/  chos kyi stan ni seng ge'i khri la sogs pa'i ngo bo'o/ /dam tshig sbyor bas ni/ rdzogs pa'i rim pa la dmigs pa'i dus su'o/ /slar yang sngags la mchog tu gzhol ba'i dbang du
byas nas kun dga' ra ba zhes bya ba la sogs pa gsungs te/  gzhan yang sangs rgyas zhes bya ba la sogs pa'o/ /thob par 'gyur ba ni rig pa 'dzin pa'i rgyal po ste/ bdag por 'gyur ro/ /gsungs so zhes pa ni 'chad par 'gyur
bar ro/  /rnam pa sna tshogs zhes pa ni rdzogs pa'i rim pa la gnas pa'i mthong ba rnams so/ /'dir sngags la mchog tu gzhol ba'i nye bar sdud par yang rtogs par bya'o/ /dam tshig nyams pa zhes pa 'di'i don 'chad par
'gyur par dam tshig las 'das par bya zhing zhes pa'o/  /de la dam tshig ni bsrung ba dang bza' pa la sogs pa dang bla ma la sogs pa'i rjes su 'jug pa la sogs pa'o/ /bden pa mthong pa ni laM lhag par rtogs pa yang ste
laM lhag par rtogs pa ni byed pa po brtson 'grub brtan pa ni slar yang le lor ji ltar 'gyur/  de la sgrub pa po'i smi lam mthong ba rnam pa gnyis la 'di ni tshig go zhes sbrel lo/ /rang ki sems te rang gi sems nyid las zhes pa ni sems
ki dbang gis dang phyi rol lo don kyi dbang gi sems rtogs pa'i phyir ro/  /rmi lam la yang don las ba/ zlog pas sems kyi dngos po yin pa'i phyir ro zhes gsungs pa nyid kyi phyir dang/ dbu ma la 'jug pa la sogs par sems la ma bltos
don zhes gzhan ni cung zad yod pa ma yin/  dngos po rang dbang med ces mnyam sbyor khyod kyi seng ge'i sgra zhes gsungs so/ /'di dag zhes pa rmi lam du mthong ba'i dngos po'o/ /sems las tha dad par gyur pa ni sems la ma bltos pa'o zhes
mngon par dgongs so/  /de nyid kyi phyir sems la ma bltos pa'i chos rnams med pa'i phyir dang/ de dag gi chos nyid kyang med do zhes kyang med ces bya ba la sogs pa gsungs te/ 'dir zhes pa ni rnam par bshad pa'i de kho na nyid do/ /gsungs
pa zhes pca bcom ldan 'das kyis so/  /de bzhin du zhes pa 'od gsal du zhugs pa'i dus zhes pa'o/ /dbang sogs la zhes pa 'dir phung po la sogs pa bsdu ba'i don no/ /shes pa gnyis po ni snang ba la sogs pa'o /de la zhes pa ni de
lta bur gyur pa'o/  /'dir zhes pa ni stong pa la'o/ /chen po nyid ni stong pa chen po la'o/ /gnyid log pa ni stong pa chen po'i bdag nyid can kun rdzob po/ /rlung la brten na ni nang gi bdag nyid can gyi rlung gi dbang gis so/ /'di'i dpe dang
dpe can gyis de rnams kyis dbye ba so sor bstan pa'i phyir gnyid leg ces bya ba la sogs pa gsungs te/  kun brtags pa zhes pa ni dbye bar ro/ /brdzun pas rnam par dpyad pas de lta bu nyid las bden par nye bar dmigs pa nyid kyi phyir ro/
de nyid kyi phyir brdzun dang bden pa dag kyang yod ma yin zhes so/  /ngo mtshar du gyur zhes bya ba la sogs pa ni 'di dag dka' o zhes bya ba la sogs pa'i don gsal bar ro/ /chos rnams zhes pa ni rmi lam dang rmi lam
nye bar dmigs pa rnams la'o/  /de nyid ni chos nyid do/ /'bras bu'i de nyid ni yongs su dag pa'i sgyu ma lta bu nyid du rmi lam gyi dpes bshad do/ /nam mkha' ni 'od gsal ba la'o/ /gzhir gyur pa la ni/ de'i bdag nyid can la'o/ /
nam mkha' bsgom pa ni stong pa gzhi'i bdag nyid can rdo rje 'chang chen po bsgoms pa'o/  /'di'i bshad pa ni nam mkha' rten pa por byas nas zhes pa'o/ /tha dad pa nyid du mi snang ba'i phyir zhes pa ni ngo bo nyid med pa nyid kyis so/ /de'i bdag nyid
can yin pa'i phyir ni nam mkha' i bdag nyid can yin pa'i phyir dang/  rnam par zhig pa de tsam nyid kyi phyir ro/ /de nyid kyi phyir thams cad ces bya ba la sogs pa la/ 'di zhes pa ni nam mkha' 'o/ /rmi lam dang 'bras bu dge? dpe dang dpe can dag rmi lam
zhes bya ba la sogs pa gsungs te/  mig la sogs pa rnams kyis gang yul du byar med pa'o/ /rnam pa dang bral ba nyid yin pa'i phyir dang/ de bzhin nyid kyis so/ /de nyid kyi phyir thogs pa med pa'o/ /yongs su shes par bya ba ni de bzhin nyid kyi
ngo bo nyid kyis so/  /lta ci smos zhes pa gnyid sad pa'i gnas skabs nye bar thob pa la bltos nas/ rmi lam nye bar thob pa dang de'i 'bras bu rnams shin tu gsal ba rang bzhin med pa nyid do zhes mngon par dgongs so/ /lus la sogs pa'i
bdag nyid can yin pa'i phyir sems can gyi 'jig rten ni/  lus zhes bya ba la sogs pa gsungs te/ rdo rje ni sgrub par byed pa'o/ /gnas ni rdo rje'i go 'phang ngo/ /gang yang sems kyi ngo bo nyid kyi dbye ba nye bar dmigs pa'o zhes mngon par dgongs
de'i phyir gang yin pa yang zhes bya ba la sogs pa gsungs te/  de'i chos thams cad ni snod la sogs pa bshad ma thag pa'o/ /nam mkha' i khams ni snang ba gsum ste/ stong pa dang shin tu stong pa dang chen po stong par mngon par brjod par bya ba nyid kyi phyir ro//
don 'di nyid shes pa ni dge pa kun tu bzung ngo/  /nam mkha' zhes bya ba la sogs pa ni snga ma bzhin no/ /de yang zhes pa ni snang ba gsum gyi bdag nyid can no/ rang bzhin dang rang bzhin med pa nyid kyi 'dod pa'i khams la sogs pa la ni lus la sogs pa la kun tu
mi gnas te de ni skye ba med do/  khams gsum pa las 'das pa nyid kyi phyir dang/ khams gsum pa yang skye ba kun tu bzung ba nyid kyi phyir ro/ /gang dang gang gis kyang zhes pa ni yod pa dang med pa la sogs pas so/ /shin tu dbye ba med pa ni
de'i ngo bo nyid yin pa'i phyir ro / rdo rje'i gnas ni dbyer mi phyed pa'i gnas su bskyed pa'o/ /byang chub kyi sems nyid ni de bzhin nyid do/ /de yang zhes pa la sogs pa ni bshad zin no/ /bdag ces bya ba la sogs pa ni dpe'o/ /yang na zhes
pa ni 'dir de bzhin zhes pa'i don no/  /lha zhes bya ba la sogs pa 'di'i bshad pa ni/ thams cad ces bya ba la sogs pa'o/ /drug pa ni rdo rje 'chang chen po'o/ /de las ni drug pa las te/ ye shes bzhi'i bdag nyid can las so/ /dga' ba lnga ni
'dod pa lnga'i bde ba'o/  /'phreng ba'i sngags la sogs pa rnams zhes pa'o/ sogs pa'i sgra las de las cig shes kyi sngags rnams bsdus pa'i don ni sman la sogs so/ /'jig rten las 'das pa'i bsam gtan la skyes pa'i ngo bo nyid med pa'i
phyir zhes pa ni/  med pa zhes pa de bzhin nyid 'di dag gi tshig bla dags so/ /gnyis po zhes pa lus dang ngag dang sems gang yin pa'i rten dang brten pa'i dngos por 'gal ba'i phyir zhes pa de rnams gang yin pa gsal bas cung zad rten dang brten pa
nyid du ma mthong ba'i phyir ro/  /de rnams gang yin pa 'di dag kyang skyes par bshad pa dang skyes pa ma yin pa dag go /spyod bsdus su yang/ 'dir phung po la rnam par shes pa cung zad kyang med cing rab tu gnas pa
gsal ba nyid yin pa'i phyir ro zhes med pa'i 'khyil ba gang yin pa la brtsams nas gang gis rten dang brten pa'i dngos po med do/  /yang na rten dang brten pa'i dngos por 'gal pa'i phyir ro zhes pa ni 'dir 'chad par 'gyur ba de ci'i phyir zhe na/ zhes pas
'di ci ltar 'gal zhes mngon par dgongs so/  /nam mkha' ltar zhes bya ba la sogs pas 'gal ba'i rgyu gsungs so/ /ngo bo nyid dag pa'i phyir zhes pa ni 'od gsal ba'i ngo bo nyid yin pa'i phyir lus la sogs pa rnams gang yin pa yang lus ni
rang gi bdag nyid kyi rten dang brten pa'i dngos por yod pa de bzhin du/  de dag gi rang bzhin shin tu tha dad pa'i chos ches mchog tu 'dzin par byed do zhes pa'o/ /de'i ? par byed do zhes bskyed pa'i rim pa la phyung nas rab tu zhugs pa dang/
rdzogs pa'i rim pa la ye shes lnga ste/  sngags kyi bdag nyid kyi rdo rje 'chang gi sku bar gsung dang thugs so/ /drug pa ni de bzhin gshegs pa'i ye shes kyi bdag nyid can no/ /sku la sogs pa 'di nyid du ye shes gsum las yang
dag par byung ba ste skyes pa'o/  /thugs rdo rje ni ngo bo nyid gsum po nyid do/ /rgyu la ni ye shes gsum la'o/ /'bras bu la ni 'od gsal ba nyid do/ /rang gi sems ni snang ba gsum mo/ /chos nyid ni 'og gsal pa nyid do/ /'di dag la
gnas pa ni bshad ma thag pa'o/  /ni smra bar gyur pa ni ngag gi yul las shin tu 'das pa'i phyir ro/ /de skad ces bya ste le'u zhes pa lhag ma'o/ /mdza' drug gi bshad pa ni drug pa rdo rje 'chang chen pos bshad do zhes mngon par dgongs
pa'o/  dkyil 'khor du dbang bskur ba nyid ces pa ni de nyid kyi phyir sgrub pa'i snod so sor brtags pa med par dkyil 'khor de mngon par brjod pa nye bar bstan pa'i phyir gsungs pa slar yang zhes bya ba 'dis 'byung bar gyur pa'i slob ma rnams dang ma
'ongs pa'i rdo rje slob dpon rnams kyis kyang bya ba gsungs so/  /sku 'dzin pa ni thugs rdo rje'o/ /bskul ba'i dbang gis bstod pa'i tshig byung ba'i phyir gsungs pa/ de bzhin gshegs pa zhes bya ba la sogs pa'o/ /mngon sum du byas nas zhes bya
ba ni thog mar rab tu dad ba'i dad pas zhes bya ba'i don no/  /gzugs la sogs pa'i yul rnams dang me tog la sogs pa'i rdo rje rnams kyang de bzhin gshegs pa'i bdag nyid can yin pa nyid kyi phyir ro/ /dkyil 'khor du mngon par
dbang bskur ba nyid ces gsungs pa'i phyir med par thams cad dbang bskur ba med do/  /mngon par dbang bskur ba med par yang dngos grub phran tshegs dag kyang grub par mi 'gyur na sangs rgyas nyid la sogs pa'i dngos grub chen po lta ci smos/
de nyid kyi phyir rgyud so sor dbang bskur dang dkyil 'khor dag mngon par rdzogs par blta bar bya'o/  /dkyil 'khor gyi cho ga'i bsgrub pa'i thabs zhes bya ba la sogs pas 'chad par 'gyur bas dang po nyid du dkyil 'khor du dbang
bskur ba'i don gsungs so/  /'di dag la sogs pa nyid kyang rgyud gzhan du de dang de'i khyad par dbye ba blang ngo/ /slar yang zhes bya ba la sogs pas slob ma dang slob dpon gyi 'brel pa dang nyan pa'i rim pa gsungs so/ /sku dang gsung
dang thugs rdo rje la gnas pa zhes pa ni sku gsum la sogs pa 'grub par byas pa'o/  /sku la sogs pa'i don mngon par rjod par byed pa yang rung ngo/ /mngon sum du byas nas ni kun tu dang bar byas nas so/ /de bzhin gshegs pa thams cad kyi
sku'i rang bzhin yin pa'i phyir rnam par snang mdzad ni thams cad ces bya ba la sogs pas gsungs te/  de nyid kyi phyir sku'i dkyil 'khor zhes gsungs so/ /nyon mongs pa'i ri dags rnam par 'jigs pas na
zhes bya ba ni gti mug shas che ba'i rigs can rnams kyi zhes pa lhag ma'o/  /de la zhes pa ni dkyil 'khor pa'o/ /'bang pa ni gti mug gi rigs can rnams rjes su bzung ba'i bsam pa'o/ /dkyil 'khor lta bu ni dkyil 'khor gyi tshe
ga'i tshogs so/  /sangs rgyas thams cad kyi ni zhes pa rang bzhin nyid gang yin pa'am/ byang chub sgrub pa'i don du rab 'jug pa'i don du rab tu 'jug pa nyid kyi phyir ro/ /sgrub pa po thams cad kyi ni gti mug gi rigs can
thams cad dam/  gang yang 'jig rten dang 'jig rten las 'das pa'i dngos grub thams cad kyi sgrub pa po rnams so/ /de'i phyir 'di kun zhes bya ba gsungs so/ /ngos su re re'i zhes bya ba ni lte ba'i gnas la bltos nas so/ /de ni gru bzhi
lha ma pa ste zhes pa'i khang pa brtsegs pa'i phyi'i gzugs la bltos nas gsungs so/  /de nyid kyi phyir gru bzhi zhes bya ba'i zhes bya ba la sogs pa gsungs so/ /dri ma med pa'i chos kyis ni rdul tshon kha dog mchog tu 'bar pa'i phyir ro/ /
sangs rgyas kun gyi zhes pa ni dag pa'i nyes pa med pa'o/  /de nyid kyi phyir thams cad ces bya ba la sogs pa gsungs te/ mdzes par byas pa ni/ byin gyis brlabs pa'o/ /'khor lo'i 'phreng bas brgyan pa zhes pa ni/ snying po'i dkyil 'khor
rnam par bcad pa'o/  /bla ma las mthong ba rang gi bya ba yang de kho na nyid bsdus pa la sogs pa las ngas bar bstan pa'i dkyil 'khor gyi chog sbyong bde lta bu'i dkyil 'khor bri bar bya'o zhes/ de kho na nyid bsdus pa las gsungs pa zhes bya ba la
sogs pa gsungs so/  /rgya cher ni de las dkyil 'khor gyi cho gar gsungs pa nyid yin pa'i phyir ro/ /de ltar zhes bya ba la sogs pa la lha rnams kyi zhes pa ni dkyil 'khor ba rnams kyi dbus su'o/ /rang gi rim par gnas pa rnams kyi
mngon du phyogs pa'i dbus so/  /rang gi phyag rgya spyan ma las ji srid gnas sam go 'phang yang dag par ldan pa'o/ /lha'i gzugs ni rnam par snang mdzad kyi skuAm 'khor la'o/ /mi skyod pa la sogs pa'ang zhes bya ba la sogs pa
ni/  shar la sogs pa'i phyogs zhes bya ba la sogs pas de bzhin gshegs pa yongs su bskor ba'o/ /gcig pu zhes pa ni btsun mo'i phyag rgya dang bral ba'o/ /spyan ma zhes bya ba la soD pas dgod do/ /ji ltar rig par zhes pa ni lha mo
rnams kyis yongs su bskor ba'o/  /khro bo zhes bya ba la sogs pas rim pa gsum pa'i sgo bzhi po ston par byed do/ /stobs chen zhes bya pa la sogs pa'i grwa bzhi pa ste 'dir yongs su bskor ba ni med ngo zhes mtshon par bya'o/ /de nyid
kyi phyir gzugs la sogs pa rnams dang ni gzugs rdo rje la sogs pa rnams so zhes pa 'dis rim pa gnyis pa'i de bzhin gshegs pa la sogs pa bzhin du gzugs rdo rje la sogs pa rnams kyang yongs su bskor bar rtogs par bya'o/  /
byams pa la sogs pa rnams kyang gnas ji lta ba bzhin du dgod do/  /sngags shes pa zhes pa la sogs pa la sngags ni lha'i rnal 'byor rnam pa gnyis te de shes pa'o/ /lha'i 'khor lo'i gzugs su dmigs pa'i tshogs kyi dkyil
'khor gyi dbus su 'am/  dkyil 'khor gyis bus? su ste/ sku'i dkyil 'khor gyi dbus su'o/ /shes rab dang thabs gnyis ka yang lha sum cu rtsa gnyis kyi bdag nyid can yin pa'i phyir ro/ /gzhan na re gang rdo rje slob dpon drug pa nyid
dang mtshungs pa kho na ma yin na ma bshad pa'i rgyud rdo rje 'phreng bas lha sum cu rtsa gnyis kyi bdag nyid can du bshad pa de ji ltar yin zhe na/  sgom pa 'di med de drug pa nyid rnam par snang mdzad la sogs pa nyid du
yongs su gyur pas dkyil 'khor gyi dbang por 'gyur ro zhes so/  /bde mchog gi rgyud kongka Na'i dka' 'grel du yis ba rdul tshon gyi dbus su sku dang gnyi ga las/ steng du khri byin nas dkyil 'khor mchod pa rang gi phyag rgya dang bcas
pas bya ba zhes pa ni yang dag pa ma yin no/  /'di ni zhes bya ba la sogs pa la/ sgrub pa po rnams kyi zhes pa ni/ slob dpon rnams nyid do/ /zhes mngon par dgongs so/ /nges pa kho nar zhes pa ni bza' ba ni lus rgyas pa'i don du
sku'i rdo rje nyid kyang 'dir gtso po zhes de'i phyir nges pa kho nar zhes mngon par brjod par bya'o/  /ngos re re zhing zhes bya ba la sogs pa ni snga ma bzhin no/ /yongs su rdzogs pa zhes pa ni sum cu rtsa gnyis po rnams kyang de/ /chog la
mkhas pa zhes pa ni/  de kho na nyid bsdus pa'i rgyud la sogs par bshad pa'i dkyil 'khor gyi cho ga la bya ba'o/ /de ltar? zhes bya ba la sogs pa la dkyil 'khor gsum zhes bya ba ni sngar gsungs pa'i thugs kyi dkyil 'khor dang bcas
pa'o/  /rdo rje 'dzin pa la sogs pa zhes bya ba la sogs pas le'u bzhi par gsungs pa'i mi bskyod pa gtso bo yin la/ 'dir? dkyil 'khor ba nyid du mngon par brjod do/ /dkyil 'khor gyi sgras sku la sogs pa'i dkyil 'khor
'brel bar ston par byed do/  /de ltar gzhan rnams la yang dkyil 'khor phan tshun du'o/ /gang yang rin po che rtse mo dgu pa'i rdo rje 'dzin pa'i phyir rin chen dbang po nyid rdo rje 'dzin pa'o/ /sogs pa'i sgra ni dang po'i don te/
des rin chen dbang po la sogs pa rnams so zhes rtogs par bya'o/  /de'i phyir dkyil 'khor ba rnams kyi zhes pa ni sku dang gsungs ki dkyil 'khor dag dang gsum po 'di rnams las gzhan yang mA ma kI la sogs pa rnams dkyil 'khor ba yin
pa nyid kyi phyir ro/  /sku zhes bya ba la sogs pa ni sku la sogs pa'i rdo rje gsum po rnams phan tshun mngon par spyod pa las gsang ba gsum nyid du nges so/ /de bzhin gshegs pa nyid ni so so 'dus par rin chen zhes bya ba la sogS
pa gsungs so/  /'di ni nye bar mtshon pa ste/ des dkyil 'khor pa gzhan rnams kyi yang gtso bo nyid ni gsang ba gsum nyid du rtogs par bya'o/ /gsang ba gsum ni rdo rje 'chang chen po nyid kyi bdag nyid can yin pa'i phyir thams
cad de/  de bzhin gshegs pa thams cad ces bya ba la sogs pas thig gdab pa nas brtsams pa nyid ni dkyil 'khor yongs su gyur pa gsungs so/ /de bzhin du gang gi tshe dkyil 'khor gyi bdag nyid gang yin pa de'i tshe/ de'i kha dog
dang de'i rnal 'byor gyi thig gdab pa la sogs pa bya'o/  /sku la sogs pa ni gsang ba nye bar bya bzhin pa'o/ /rdo rje zhes pa la sogs pa la de rnams zhes pa ni bskyed par byed do/ /zhes pa lhag ma'o/ /yid skyob par byed pa zhes pa 'di'i
bshad pa ni sems zhes bya ba la sogs pa'o/  /chos kyi dbyings kyi go bo nyid yin pa'i phyir/ mi 'jigs pas na zhes bya ba la sogs pa gsungs so/ /gal te de kho na nyid bsdus pa las zhes bya ba la sogs pas rdzogs pa'i rim pa la gnas
pa ni 'dir gsungs pa'i tshogs dkyil 'khor bri ba ma yin no/  /rdzogs pa'i rim pa la gnas pas bya'o zhes pa'i don nyid mngon par brjod par 'gyur ro/ /bskyed pa'i rim pa la gnas pa yang de kho na nyid bsdus pa'i rgyud la
s ogs par mngon par brjod pa'i dkyil 'khor bri? ba'i cho ga la bltos par mngon par brjod pa de bskyed pa'i rim pa'i rnal 'byor pas rgyud 'dir gsungs pa'i cho ga'i dbang du byas nas dam tshig ces bya ba la sogs
pa gsungs so/  /gnas 'di bzhi ste zhes pa spyi bo dang mgrin pa la sogs par ro/ /bskyed par bya'o zhes pa rigs lnga nyid ces pa lhag ma'o/ /nges par gnod mdzes kyi rdul tshon gyi dkyil 'khor du tshogs par gyur pa'i dkyil
'khor ba rnams bkug nas sA mA dza zhes pa dang spel pa'i sngags bzlas pas so/  /bsam gtan gyis bskyed pa'i mchod pa'i dbang du byas nas/ dus gsum zhes pa la sogs pa gsungs te/ de rnams kyi zhes pa ni snying ga'i sa bon
las byung ba rnams kyis so/  /dus gsum du bzhugs pa'i de bzhin gshegs pa thams cad gyis ni bkug pa rnams kyis so/ /gcig tu byas nas ni rdul tshon gyi dkyil 'khor dang lhan cig yang dag par sbyor ba byed pas mchod pa bya'o//
mchod pa'i 'bras bu 'di dag ces bya ba la sogs pa gsungs te/  /gsungs pa'i sngags ni 'das pa'i sangs rgyas dang byang chub sems dpa' rnams kyi'o/ /sgra ji bzhin pa'o/ /rgya che ba shin tu mdzes pa ste bdud rtsir byas pa nyid kyi phyir ro/
'di nyid ces pa ni phyi'i de bzhin gshegs pa'i dbang du byas nas gsungs pa gang yin pa 'di'o/  /nang gi bdag nyid can ni slob dpon gyis? lus kyi nang du rtogs pa'i phung po la sogs pa'i ngo bo de bzhin gshegs pa rnams
gtor mas tshim par bstan no/  /bshad pa dang sogs pa'i sgras gzugs la sogs pa dang yul lnga mngon par brjod par bya'o zhes sgra ji bzhin pa ma yin pas zhes gsungs te/ de bzhin gshegs pa rnams kyi brdar gyur pa'i
sgra'o/  /de las gzhan ma lus la srog chags rnams kyi sgra nyid kyis bsdus pa'i phyir ro/ /bshad pa la sogs pa zhes pa ni nye bar mtshon par byed pa ste go ku la sogs pa rnams phung po lnga dbang bskur ba rnams nye bar mtshon par
byed do/  /gtor ma byin gyis brlabs pa ni bdud rtsi la sogs pa'o/ /'di dag thams cad du bcu po rnam nyid kyis bshad par bstan pa'i phyir ro/ /skabs su bab par slar yang phung po dang khams la sogs pa'i rang bzhin rnam par snang mdzad la/
sogs pa de bzhin gshegs pa lnga po rnams bshad pa la sogs pa'i yul lnga po rnams kyis tshim par byed par 'dir gsungs so/  /de nyid kyi phyir yang na zhes bya ba la sogs pa gsungs te/ rnal 'byor pa 'jug par byed pa'i don
du phan yon ston pa shu tsa zhes bya ba la sogs pa gsungs te/  phung po dang khams dang skye mched la sogs pa thams cad tshim par byed pa nyid kyi yul gzhan thams cad thun mong ba nyid yin pa'i phyir ro/ /sngags pa zhes pa ni rim
pa gnyis la gnas pa'i rigs can thams cad do/  /phyi rol du mas de bzhin gshegs pa'i sngags pa tshim par byed pa dang/ tshim par byas pa nyid du 'gyur ro zhes sngags zhes bya ba la sogs pa gsungs so/ /rdo rje sems dpa' 
ni mi bskyod pa'o/  /ci rigs par zhes pa ni bla ma las so/ /sangs rgyas thams cad kyis ni rdzogs pa'i rim pa'i rigs can lnga po rnams kyi'o/ /sgra ji bzhin pa'o/ /de ltar zhes bya ba la sogs pa la rdo rje 'chang chen po zhes pa
ni de bzhin gshegs pa'i snying po'i bdag nyid phung po'i za ma tog la gnas pa'i thugs kyi rdo rje'i gcig tu byas nas ni bsreg bya'i rdzas kyis so/  /ji ltar rnyed pa zhes pa ni las kyi rjes su 'thun par rnyed pa dang/ thab khung bud shing gi me la'o/
de nyid kyi phyir 'chad par 'gyur ba zhi ba la sogs pa zhes bya ba la sogs pa'o/  /rdo rje gsum zhes bya ba la sogs pa ni sgra ji bzhin pa ma yin pa'o/ /bdag nyid rang gi phyag rgya zhes pa ni/ rigs lnga po rnamS
kyi spyi'i tshig ste/  gang dang gang gi phyag rgya spyan ma la sogs pa'i gzugs de dang lhan cig tu bdag nyid kyi sku dang gsung dang thugs gcig tu byas pa ni rdo rje dang pad+ma yang dag sbyor pa'o/ /de las byung ba rnams kyis so/ /dkyil
'khor gyi bdag po zhes pa ni spyi'i tshig ste rigs gang dang gang yin pa de'i dkyil 'khor gyi bdag po gang yin pa ni thog mar lha'i 'khor lo gnas ji lta ba bzhin du slob ma'i lus dang khang pa brtsegs par dgod par bya ste/  snying ga'i pad+ma ?
snying po'i rim pa'i dbus su dkyil 'khor gyi bdag po bzhag par bya'o/  /rnal 'byor bzhi las rdzogs pa'i dkyil 'khor gyi bdag po de'i phyir mdo dang bsre bar byed pa gcig tu bya bar gsungs pa 'dis 'dir 'gral? ba med do/ /gti mug
la sogs pa'i rigs can gyi slob ma rnams rnam par snang mdzad la sogs pa nyid bdag po rnams su sbrul pa can du sbyar bar bya ste/  gang las dkyil 'khor gyi bdag po rnams dang dkyil 'khor pa rnams kyang phyag gnyis pa nyid rang rang
so so'i sku'i dkyil 'khor gyi bdag po'o/  /gang gi phyir le'u dang por gsungs pa'i rig pa'i skyes bu chen po'i gzugs zhe sdang la sogs par gyur nas dkyil 'khor du zhugs pa'o/ /lhag ma bdud rtsi gsum zhes pa ni/ khrag dang rkang
dang gcin gyi ngo bo'o/  /'di dag ces bya ba la sogs pa ni/ bla ma rnams lan bdun du mngon par sngags par 'dod do/ /rgyud gzhan du ni lan brgya rtsa brgyad du mngon par bsngags nas bza' bar bya ste/ rnam pa gzhan dun dam
tshig gi rdzas su mi 'gyur bar blta bar bya'o/  /yang na 'dus pa phyi mar rdo rje'i lam nas ni/ /slob ma'i kha? ru dbab par bya zhes gsang ba'i dbang bskur bar bshad do/ /rgyud gzhan du yang rgan po ming med ngag gis ni/ /slob ma'i kha ru? dbab par bya
zhes pa ni/  gnyis ka gcig tu sbrel bas rdo rje slob ma la dbab par bya'o zhes pa ni mi 'gal lo/ /theg pa gsar ba ni sangs rgyas kyi theg pa'o/ /gang yang gsang ba'i dbang bskur ba las thog mar mngon par dbang bskur ba gang yin pa des
dbang bskur ba de rnams theg la sar pa la gnas pa'o/  /de rnams gang yin pa la gsang ba ste bstan par mi bya ba ni sa la sogs pa rnams so/ /de rnams la ni gang mngon par dbang bskru ba ni bstan par bya bar gsungs so zhes sbrel lo/ /
ci ltar bstan par ba zhe na/  de nyid bzhi zhes bya ba la sogs pa gsungs te/ cho ga 'di lta bu ni 'chang par 'gyur bzhin pa bdag nyid kyis bslab cing sbyin sreg dang gtor ma'i tshul gyis zhes pa tsA ru'i dngos pos bsgrubs nas phyi dang nang gi
sbyin sreg dang gtor mas tshim par byed pa de'i tshul gyis dbul bar bya'o/  /mnyes pa ni rab tu dgyes pa'o/ /mgon po ni rnam par snang mdzad la sogs pa'i sangs rgyas dang byang chub sems dpa' rnams so/ /ci ltar zhe na/ bdud rtsi lnga
zhes bya ba la sogs pa gsungs te/  bza' ba la sogs pa/ bI ra /shu mA /mUI? tshul gyis yul gyi rang bzhin nyid yin pa'i phyir 'di rnams gzugs rdo rje la sogs pa'i sa bon las bskyed par bya'o/ /shA zhes bya ba la sogs pa ni/
sgrol ma rnam pa lnga zhes pa stobs dang kha dog gsal bar byed pa'i phyir go gu? la sogs pa'o/  /dam tshig chen po lag ldan rta/ /de bzhin khyi la sogs pa'i sha /phung po la sogs rigs dbye pas/ /gang gsungs dam tshig de bshad do zhes
gsungs pa'i phyir/  phung po'i ngo bo nyid yin pas 'di rnams rnam par snang mdzad la sogs pa'i sa bon gyis bskyed nas sbyangs pa dang rtogs pa la sogs pa'i rim pas yang dag par sbyangs nas byin gyis
brlabs te bza' bar bya'o/  /'dus pa phyi mar ni yi ge gsum gyi sa bon gyis bskyed par bya'o zhes bya ba la sogs pa gsungs so/ /'di nyid yul ro nyid du bshad pas sgrub par byed pa gang yin pa rnams kyang yul dor? bsdus pa
nyid do zhes bya ba dang zhes bya ba la sogs pa gsungs so/  /yul gzhan gyi dbang du byas nas rdo rje gsang ba zhes bya ba la sogs pa gsungs so/ /dbang po gnyis zhes pa ni bud med dang skyes pa'i dbang po'o/ /klu la sogs
pas kyang zhes pa'i sogs pa'i sgras ma bshad pa'i yul rnams bsdus so/  /de nyid kyi phyir thams cad ces bya ba la sogs pa gsungs so/ /sdug pa ni yid du 'ong ba ste yongs su 'gu bar gyur par ston par byed do/ /bshad zin
pa'i yul re'i dbang du byas nas slar yang bdud rtsi lnga zhes bya ba la sogs pa gsungs te/  bza' ba la nye bar spyod pa'i dus su ni za bar byed pa'i dus su'o/ /dang po zhes pa la sogs pa ni skyang ba dang rtogs pa dang/ dag ces
pas 'bar byed pa dang gdung bar byed pa la sogs pa'i rim pas so/  /de la dang por rim pa la yang/ hUM yi ge gis ni yang dag sbyar/ /Aba sbyong ba'o zhes so/  /'dus pa phyi ma ru/ rdo rje hUM las yang dag 'byung/ /bar snang la gnas bsam par bya/ /Apar bya/  /rdo rje pad+ma mnyam sbyor bas/ /'bar bas rnal 'byor tshim par bya zhes bya ba la sogs pa'o/ /klu'i blo'i zhabs kyis mdzad pa'i sbyin sreg gi cho gar yang/ sku gsung thugs kyi snying po yang/ /nyi ma zla ba me dbus gnas
yi ge gsum gyis mngon sngags pa'i/  /spyad dang 'bar dang rtogs par byed ces so/ /'di rnams phan tshun 'brel pas 'bad pa nyid du rtog par bya'o/ /de lta bu'i rim pas sbyangs pa'i phyi nas bza' ba'i dus su yi ge aoM
bsgoms nas 'bar bar bya'o/  zhes rtogs par bya'o/ /khro bo'i mthar thug pa zhes pa ni sum cu rtsa gnyis po rnams kyis so zhes mngon par dgongs so/ /de rnams ni sum cu rtsa gnyis po rnams so/ /de rnams kyi sku la sogs pa'i
bdag nyid can yin pa'i phyir thim pa'i sa bon ni sku la sogs pa'i sa bon gsum gyi bdag nyid can nyid du 'gyur ro zhes pa'i don no/  /dbab par bya'o zhes pa ni/ rab tu gzhug par bya'o/ /rab tu bcug pa'i yi ge gsum po nyid kun tu
s lob pa das yi ge h+rInyid can nam bdag gi rang bzhin gang yin pa de de bzhin no zhes pa gnod sbyin thams cad sgrub par byed pa 'dod bzhin pa nyid yin pa'i phyir gnod sbyin gyi khyad par mngon par brjod do/  /de'i don ni 'di yin te/ gnod sbyin thams cad kyi gtso
bo gang yin pa la bka' bsgo ba? stsal bar 'dod de/  de nyid mi ge gsum las rdzogs pa'o/ /mngon par 'dod pa'i las la sbyar bar bya'o zhes pa ni de nyid kyi phyir gzhan yang zhes bya ba la sogs pa gsungs so/ /phyag na rdo rje ni mi
bskyod pa'o zhes bya ba la sogs pa gsungs pa'i phyir thog mar yang gnod sbyin gyi sgras mi bskyod pa la sogs pa kho nar mngon par 'dod do zhes rtogs par bya'o/  /'di ni khyad par te thog mar ni bskyed pa'i
sngags gcig nyid do/  /'dir ni sna tshogs te rdo rje gsang ba'i gnas zhes pas 'di'i bshad pa 'byung ngo/ /gsang ba ni mchog go/ yan lag gi don gyi dbang du byas nas/ de la zhes pa ni de rnams la zhes bya ba la sogs pa gsungs te
pad+ma dang nyi ma'i dkyil 'khor la gnas par byas nas zhes pa ni/  'dir pad+ma ni 'od dpag med kyi mtshan ma ste/ de'i steng du nyi ma'i dkyil 'khor byas nas zhes brtogs par bya'o/ /sna tshogs pad+ma ni lha thams cad kyi thun mong bar sngar bshad
par nges par gnod mdzes kyang rdo rje nyi ma'i dkyil 'khor la gnas pa nyid du sbyar bar bya'o/  /gshin rje gshed kyang zla ba zhes pa zla ba'i steng du 'khor lo 'am/ nyi ma'i dkyil 'khor la gnas par bya zhes pa dgod par bya'o/ /sdug bsngal
drag po ni mi bskyod pa la sogs pa'o zhes pa la sogs pas mi bskyod pa la sogs pa'i gzugs su dmigs nas khro bo rnams la bka' sgo ba sbyin par bya'o zhes mngon par dgongs so/  /byas nas nges par sbyor ba'i tshig gi mthar aoM zhes
brjod nas bka' bsgo bar byin cig ces yang dag par bskul ba zhes bya ba la sogs pa ston par byed do/  /rnam pa gzhan du na bka' bsgo ba so sor nges par mi 'gyur ro/ /Anyid yin pa'i phyir ro/  /mdud rtsi 'dzin pa zhes pa ni stobs po che la sogs pa rnams kyis so/ /rdo rje chen pos zhes pa ni bdud rtsi 'khyil pa la sogs pa rnams kyis so/ /lcags kyu 'dzin pa zhes pa ni 'dod pa'i rgyal po la
sogs pa rnams kyis so/  /gzhan dngos su ma gsungs pa rnams kyi mtshan ma bstan pa'i phyir rnam pa sna tshogs pas zhes bya ba la sogs pa'o/ /mngon par 'dod pa'i don zhes pa ni gang gi don du mngag gzhug pa la bka' bsgos
pa'o/  /'dir zhes pa ni ri bo la sogs par ro/ /sgrub par zhes pa ni sgrub pa'o/ /sum cu rtsa drug ces pa la sogs pas 'di'i 'bras bu gsungs so/ /rdo rje sems dpa' la sogs pa'i mngag gzhug pa ni thun mong gi mngag gzhug
pa sgrub pa'i skabs su mi bskyod pa la sogs pa'i mdag gzhug pa'o/  /khyad par gyi sgrub pa la nges par gnod mdzes la sogs pa sangs rgyas kyi ngo bo'o/ /'jig rten pa'i lha chen po la sogs pa rnams dang/ 'jig rten
las 'das pa mi bskyod pa la sogs pa rnams so/  /des zhes pa ni rdo rje 'chang chen pos so/ /gsol ba btab pa ni bod par byed pa ste/ sgrub pa pos sbyar bar 'gro bar byed pa'o/ /de la zhes pa ni bsgrub par bya ba'i don la'o//
ming dang sbyar nas che ge mo gyis shig ces so/  /de la zhes pa ni bya ba la'o/ /drag pos ni stobs kyis so/ /de ltar zhes pa ni bshad pa'i rim pas nges par sbyar ba'o/ /grub pa zhes pa ni dngos grub nye bar gyur pa'i rgyud do/ /sangs
rgyas thams cad ces pa ni mi bskyod pa la sogs pa rnams so/  /bu gcig pu ni bu'i gtso bo sras po zhes pa'i don no/ /'jig rten pa dang 'jig rten las 'das pa'i bstan bcos la mkhas pa'o/ /rten pa ni thams cad mngon par
zil gyis gnon pa'o/  /rang gi 'dod pas rang gi dbang du bya ba la bzhag par nus pa ma yin pa de dag kyang gal te 'dod na ci ltar slar gzhan de dag 'di zhes bya ba la sogs pa'o/ /mnga' lnga zhes gsungs pa'i phyir 'di phyag gnyis pa nyid do//
'jam pa'i rdo rje'i dkyil 'khor ba yang mda' gzhu dang bral ba ste ye shes zhabs kyi 'dod pa brjod pa'i bsam pa'o/  /'dod pa 'di rnams rgyud du med pa dang por 'jam dpal gyis sgras longs spyod
rdzogs pa'i sku bshad do/  /de'i phyir bla ma rnams la rim gro bya ba'o/ /mda' lnga po rnams kyis bsnun par byed pa'i gnas ci ltar zhes bya ba la sogs pa gsungs te/ sa bon na zhes pa bla ma'i zhabs kyi bka' drin las so/ /
lhag pa'i bsam pa brtan po ni/  sems brtan pas so/ /nang gi bdag nyid la mchog tu gzhol ba'i rdzogs pa'i rim pa la dmigs pa lhur len pa'o/ /de bzhin gshegs pa thams cad kyi zhes pa ni rdzogs pa rnams
kyi'o/  /gdul ba'i don zhes pa ni gang zhes pa dbang po lha'i 'khor lor yang dag par bstan pas gdul byar gyur pa de rnams gdul ba'i don no/ /nam mkha' zhes bya ba la sogs pa la sangs rgyas kyi dkyil 'khor ni sangs
rgyas kyi tshogs sam dkyil 'khor gyi 'khor lo'o/  /de la sogs pa rnams kyis zhes pa ni aoM A:hUM swAhA? yi ge rnams kyis so/ /gdug pa rnams zhes pa ni gdul bya rnams so/ /rab tu bsgom par bya'o zhes pa ni sku la
sogs pa'i rigs can rnams rnam par snang mdzad la sogs pa'i ngo bor bsgom par bya'o/  /byin gyis brlab pa'i cho ga las ni de bzhin du mig byin gyis brlabs pa las so/ /nam mkha' i rdo rje'i dbus su gnas pa'i nam mkha' i dbus su
gnas pa'o/  /rdo rje sku gsum sbyor ba yis ni skabs kyi mi bskyod pa la sogs pa gsum kho nar rtogs par bya'o/ /gcig tu byas nas zhes pa ni brjod pa'i sa bon gyis lhan cig tu zhes mtshon par bya'o/ /rdo rje bskyed de zhes
pa ni/  sa bon 'di kho nas zhes so sor rtogs par bya'o/ /'di zhes pa ni 'chad par 'gyur bzhin pa'o/ /rdo rje ser po zhes pa ni rin chen 'byung ldan te/ 'gying ba nyid kyis dbyer mi phyed pas nye bar brtags nas/ rdo rje 'gying ba ni
rin chen 'byung ldan spro ba'i dpa' rlabs kyi 'phreng ba ni zhi pa la sogs pa'i don du rnam pa sna tshogs par snang ba'o/  /stong pa ni rab tu bstan pa'o/ rdo rje chen po zhes pa ni 'chad par 'gyur ba'i yi ge tsam las so/ /nyi ma'i
dkyil 'khor zhes bya ba'i zla bar 'dir sbyar bar bya'o/  /lha mor gsungs shing dkar mo nyid yin pa'i phyir ro/ /de bzhin gshegs pa spro ba dang bsdu bas zhes pa ni rgyur gyur pa nyid sangs rgyas kyi sprin zhes pa dang sbrel lo/ /
rang gi dkyil 'khor ba'i dbus su gnas par zhes pa ni sangs rgyas kyi brtag par mngon par brjod pa'i dkyil 'khor gyis dkyil 'khor pa rnams te de'i dbus su gnas pa'o/  /mi bskyod pa'i dkyil 'khor du gsungs pa'i
dkyil 'khor pa rnams kyi'o/  /sku rdo rje la sogs pa rnams kyis zhes pa ni sku rdo rje la sogs pa'i sa bon rnams kyis so/ /sku dang gsung dang thugs rdo rje rnams kyi dbab pa ni gdug pa can rnams la zhes lhag ma'o/ /rdo rje
sems dpa' sems dpa' che zhes pa ni de lta bur gyur pa'i sku la byed pa'i rnam pa 'dzin pa'i rdo rje 'chang chen po'o/  /de bzhin gshegs pa zhes pa ni mi bskyod pa la sogs pa lnga po rnams so/ /rdo rje sems dpa' bzhin du ni mi
bskyod pa la sogs pa bzhin no/  /rdo rje la sogs pa tsam 'chang ba nyid kyis zhi ba so sor bsgrub pa'i phyir gsungs so/ /rdo rje mi bskyod pa'o zhes pa la sogs pas nye bar bsdu ba gsungs te/ ye shes kyi ngo bo'i 'od zer rnams
kyis zhes pa ni/  'od zer ni rlung dang rnam par shes pa tsam nyid yin pa'i phyir ro/ /thams cad zhes bya ba la sogs pa la rdo rje dang 'dra bar longs spyod cing zhes pa ni rnam par bcad du med pa'o/ /dmigS
par byed pa ni/  dbye ba med pa'i phyir rdo rje dang 'dra ba'o/ /ting nge 'dzin rdo rje zhes pa ni 'dir rdo rje'i sgras khyad par mngon par brjod do/ /de phyir dzam+b+ha la'i ting nge 'dzin gyi khyad par zhes gsungs te/ khyad par gyi sgra yang snying po'i don
te/  ting nge 'dzin gyi snying po zhes bya ba'i don to/ /de bskyed pa ni de thob par bya'o zhes pa'i don to/ /snga ma bzhin du zhes pa ni snga ma'i sgras thog mar gsungs so/ /des na thog mar bsgoms pa'i dzam+b+ha la bzhin du gnas lnga rnams su sa bon
lnga byas nas zhes pa'i don no/  /de'i zhes pa la sogs pa ni sna tshogs pad+ma dang ma du lung ga la yongs su bzhugs pa de yi'o/ /bde ba chen po ni bdag gi ngo bo ste rdo rje 'chang chen por bshad pa nyid kyi phyir ro/ /rdo rje bdud rtsi'i
chu ni bdud rtsi lnga la sogs pa'i ngo bor bsgrabs pa'i cha la yi ge gsum gyi mngon par bsngags par bsam par bya'o zhes pa 'di'i don to/  /de ltar sbyin pa zhes ni chu sbyin pa'i mthar ci zhig bya zhe na/ rdo rje sems dpa' 
zhes bya ba la sogs pa gsungs te/  gang yang de'i zhes bya ba la sogs pa thog mar mngon par brjod pa rdo sems dpa' zhes bya ba la sogs pa dang sbrel lo/ /de nyid ni zhes bya ba la sogs pa'o/ /'dod pa ni gzugs la sogs
pa rnams so zhes pa gnod sbyin mo dang mtshungs pa nyid do/  /thams cad ces bya ba la sogs pa la dam tshig rdzogs par byed pa ni sku bskyed par byed pa'o/ /phyi dang zhes bya ba la sogs pa 'di sbrel lo/ /gnod sbyin mo'i tshogs
kyis nam mkha' khyab par yongs su gang bar bsgoms nas phyi dang nang gi bdag nyid can gyi mchod pa rnams kyis mchod nas thugs rdo rje'i tshul gyis dbab par bya'o/  /rdo rje gsum gyi sbyor bas ni/ sku la sogs pa'i 'od zer gyis gnod sbyin
mo ni bkug nas mchod de/  bzhugs par bya'o zhes pa dang sbrel bar rtogs par bya'o/ /de'i 'og tu zhes bya ba la sogs pa gcig gi zhes pa ni mngon par 'dod pa'i gnod sbyin mo'i sku'o/ /rdo rje gsum ni gnod sbyin mo rnams so/ /
sku la sogs pa can du sku la sogs par byin gyis brlabs pa'o/  /rigs lngar bya ba nyid ni rigs gcig tu bya ba zhes pa 'dis de rdo rje sems dpa' i rigs nyid du ston par byed do/ /sku gcig tu byas pa de nyid zhes pa de nyid pa nyid
kyis gnas pa ni de dang lhan cig du'o/  /dngos grub ni lha mo rnams te/ 'jig rten pa'i mkha' 'gro ma rnams te de rnams spyan ma la sogs pa'i rigs de nyid do/ /de rnams kyis zhes pa ni snyoms par 'jug pa zhes pa
'di snyoms par 'jug pa'i don de de rnams te rnal 'byor pas bsgrubs par bya'o zhes pa'i don no/  /thob pa'i thabs ni 'chad 'gyur ba'i mtshan nyid do/ /de nyid sna tshogs zhes bya ba la sogs pa gsungs te/ 'di ni
lus la sogs pa yang dag pa dang/  de 'jig rten pa'i mkha' 'gro ma rnams so/ /zhes shes nas bsgrub par bya'o zhes rab tu bshad par 'gyur ro/ /sangs rgyas zhes bya ba la sogs pas gzugs nyid kyi 'jig rten dang 'jig rten las
'das pa'i mkha' 'gro ma rnams thun mong bar gsungs so/  /dngos grub phra mo zhes bya ba la sogs pas 'jig rten las 'das pa'i mkha' 'gro ma rnams kyi dngos grub kyi khyad par so sor ston par byed pa'i don to/ /de nyid kyi phyir rdo rje mkha' 
'gro ma rnams kyis phra me ma yin pa'i dngos grub la rten pa nyid du gsungs so/  /rdo rje zhes bya ba la sogs pa ni snyoms par 'jug pa'i 'bras bu'i dbye ba'o/ /sgrub pa po rdo rje mkha' 'gro ma rnams kyis dbang
du byas nas mi snang bar byas pa la sogs pa gsungs te/  'gro ba'i rnam pa dngos po med par byas pa'o/ /de la sogs pa ni thag mar ro/ /de la sogs ldang ba la sogs pa zhes bya ba la sogs pa'i sgra las sprul pa'i skus
sems can bskyed par byed pa dang/  snyoms par 'jug pa'i 'bras bu dang 'brel pa gang yin pa dang/ snyoms par 'jug pa gang yin pa 'di dag tu 'gyur ro zhes mngon par dgongs so/ /bshad pa'i rim pa 'dis cir 'gyur zhe na
de rnams kyis zhes bya ba la sogs pa gsungs te/  gnod sbyin rgyal po zhes bya ba la sogs pa gsungs pa'i phyir/ rdzogs pa'i rim pa la gnas pa ni rdo rje 'chang chen por 'gyur ro zhes mtshon par bya'o/ /'di rnams kyi zhes pa
ni 'jig rten pa'i mkha' 'gro ma rnams kyi'o/  /de nyid kyi phyir 'chad par 'gyur ba sangs rgyas kyi byang chub ni rdo rje mkha' 'gro ma rnams so zhes so/ /de ltar zhes bya ba la sogs pa ni bya ba byas pa zhes pa ni /bskyed pa dang rdzogs
ba'i rim pa'i lam lhag par rtogs pa'o/  /gal te rim pa gnyis po dag gis lam gcig kho nar 'gyur na/ snyoms par 'jug pa'i 'bras bu gnyis mngon par brjod pa dang 'gal bar 'gyur ro/ /sbyad pa'i rim pa ni spyod pa'i rim
pa'o/  /rnam par snang mdzad la sogs pa zhes bya ba la sogs pas spyir brjod do/ /rigs gsum zhes bya ba la sogs pas rnam par snang mdzad kyi dbang du byas nas khyad par du gsungs so/ /lha'i sku ni bdag nyid do/ /shing la
sogs pa'i rang bzhin zhes pa ni lag pa dang/  rkang pa dang gdong pa la sogs pa shin la sogs pa las byas pa nyid yin pa'i phyir ro/ /gtso bo nyid kyi phyogs la dngos su dang/ slob ma la sogs pa rnams kyis bsdus pa'i dkyil 'khor bskyed par
mi nus pa gal te dkyil 'khor ba lnga po thams cad nyid du shing la sogs pa'i rang bzhin las byas nas de'i dbus su nye bar bzhugs te/  rang gi yan lag ma lus pa de rnams gang yin pa dang spyod pa spyad par bya'o/ /de nas slobs shin tu yang
dag par sbyangs par 'gyur ro/  /de rnams kyang de bzhin gshegs pa la sems pa dang de'i kha dog gi gdong la sogs pa can du shing la sogs pa'i rang bzhin las bya'o zhes pa'o/ /sdong bu zhes bya ba la sogs pa ni/ yang na ci ltar sdong bu nye bar
longs spyod pas spyod pa byed par nus gis ji srid du shing la sogs pa'i rang bzhin gyi cha byad 'dzin pa gzugs la sogs pa'i 'dod pa lnga nyams su myong bar yang gsungs pa'i spyod pa spyad pa ni spros pa med pa'i rab tu dbye ba'o/  /shin tu spres pa med pa'i
spyod pa'i dbang du byas nas sdong bu zhes bya ba la sogs pa gsungs so zhes pa mi 'gal lo/  /de ltar phyi rol gyi sdom pas bsdams pa nyid du bsgrubs nas spyod pa dang de rnams kyi phan yon rnam par dag pa 'di bstan pa'i phyir sdom pa'i mthar
thug par yang dag par bsdams pa nyid do/  /sgrub pa po de bzhin gshegs par so sor bstan nas gzhan dang rang spangs pa zhes bya ba la sogs pas bshad pa'i phyir/ de ltar zhes bya ba la sogs pa gsungs te/ mi bskyod pa'i rdo rje gsum
gyi bdag nyid can yin pa nyid kyi phyir de la zhes bya ba la sogs pa gsungs so/  /so so'i sku la sogs pa gsungs so/ /so so'i sku la sogs pa'i rdo rje rnams kyang mA ma kI nyid phyag rgyar sbyar bar bya'o/ /zhes mngon par dgongs so/ /rang gi phyag
rgyan ni snying la gnas pa zhes pa ni bsams nas so/  /ci'i phyir ci ltar snying la de gnas she na/ rdo rje gsum zhes bya ba la sogs pa ste 'di ni thun mong gi cho ga'o zhes pa rnal 'byor pa thams cad kyi thun mong nyid
yin pa'i phyir ro/  /thams cad ces bya ba la sogs pa ni/ ye shes skyed pa ni 'jig rten dang 'jig rten las 'das pa'i ye shes bskyed pa'o// //'das pa'i le'u rnams su bskyed pa dang rdzogs pa'i rim pa la gnas pa
rnams kyi 'jig rten dang 'jig rten las 'das pa'i dngos grub sgrub pa'i don du dam tshig dang sdom pa rnam pa gnyis la nan tan bya bar gsungs pa te/  gal te gang yang nus pa dang bral bas bya ba ma yin te de'i tshe nyes par 'gyur ro zhes
rim pa gnyis lhag par rtog pas kyang zhes bya ba la sogs pa gsungs te/  rim pa gnyis lhag par rtogs pa ni de kho na nyid shes pa ma lus pa'i yul ma yin pa de'o/ /ci slar yang bskyed pa'i rim pa tsam shes pa ni cir 'gyur zhe na/
'jig rten pa dang zhes bya ba la sogs pa gsungs te/  de la 'jig rten pa'i dam tshig gi bza' ba la sogs pa'o/ /sdom pa yang spyod ba la sogs pa de bzhin gshegs pas gsungs pa bzhin du nan tan du byed pa ni cha lugs la
sogs pa 'chang ba'o/  /'jig rten las 'das pa yang bsrung bar bya ba la sogs pa'o/ /de la nan tan du byed pa ni sdom pa'o/ /de la nan tan du byed pa dang bral bas ni mi phyed pa'o/ /dngos grub ring du 'gyur zhes pa ni thog mar
mngon par brjod pa'i 'jig rten pa'i dam tshig dang sdom pa la rab tu zhugs pa'o/  /gzhan du 'chi ba'i dus byas nas rtag tu dmyal bar 'tshed bar 'gyur zhes so/ /thams cad ces bya ba la sogs pa la gang yin pa zhes pa ni drug pa'o/ /de
nyid khyad par du byed pa bzhi zhes bya ba la sogs pa ste/  khyad par du mi bskyod pa'i sgo nas bstod pa'o zhes gsungs pa'i phyir ro/ /rnam par snang mdzad la sogs pa bzhi po mi bskyod pa'i gzugs 'dzin pa'i rdo rje 'chang chen po la bstod pa'o/ /slar yang
drug pa nyid khyad par du byed pa ni rnam par snang mdzad la sogs pa'o zhes so/  /ci ltar slar yang drug pa nyid yin zhe na/ rdo rje zhes bya ba la sogs pa gsungs te/ mchog tu dga' ba'i bdag nyid can yin pas na ni/ mchog tu zag pa med
pa'i bde ba'i ngo bo nyid yin pa'i phyir ro/  /rab tu gnas par gyur pa'i dam tshig bzhi po gsung bar byed pa nyid yin pa'i phyir/ thams cad ces bya ba la sogs pa gang gi phyir rang bzhin gyi 'od gsal ba yin pa de'i phyir/ chos kyi dbyings
kyi rang bzhin de dag gsung bar byed pa po nyid yin pa'i phyir ro zhes sgrel lo/  /dam tshig bzhi po zhes pa ni srog gcod pa dang/ ma byin par len pa dang 'dod pa log par g.yem pa dang/ brdzun du smra pa'i mtshan nyid le'u dgu par bshad
pa rnam pa gnyis kyi bshad pa'i don/  /de dag kyang bsrung bar bya zhing bza' bar mi bya'o/ /sangs rgyas ni rnam par snang mdzad la sogs pa rnams kyis zhes pa ni/ rnam par snang mdzad la sogs pa rnams kyis kyang bka' i 'khor lo sbyar bar bya'o /zhes pas
rnam par snang mdzad la sogs pa'i rnal 'byor pa'i thun mong du ste drang pa'i don no/  /srog gcod pa la sogs pa bzhi po rnams kyi nges pa'i don yang le'u dgu par bshad do/ /sha chen rtag tu bza' bar bya zhes pa ni/ 'dri yang bsrung bar bya
ba'i don la brtsams pa nyid yin pa'i phyir dang/  bza' bar bya ba'i don yang bshad pa dang 'chad par 'gyur ba nyid yin pa'i phyir ro/ /drang ba'i don dang nges pa'i don du gsungs pa dag gi nang du rtogs pa'i phyir/ bshad pa'i rgyud du gsungs pa
yang/  maM ni mA ma kIr rab brjod/ /sa ni mngon rdzogs byang chub ming/ /de yi bsam gtan dga' rnam pa/ /mA sa zhes kyang nges brjod bya/ /nam mkha' i mthar thug sbyor ba'i phyir/ /sha chen por de brjod par
bya/  gsang ba mchog gi go 'phangs ni/ /rdo rje gsum po myur 'grub 'gyur/ /zhes so/ /dam tshig chen po lag ldan rta/ /de bzhin khyi la sogs sha can/ /phung po la sogs rigs dbye bas/ /gang gsungs mnyam par yang dag
bshad/  /de yi sbyor bas gnyis med zas/ /bsam gtan dga' ba gcig pu'i ming zhes so/ /rnam par snang mdzad kyi ting nge 'dzin mngon par brjod nas gsung rdo rje'i dbang du byas nas 'di ni zhes bya ba la sogs pa gsungs te/ dam tshig bzhi po
bsrung bar bya zhes pa ni/  de nyid bzhi pa zhes pa la de nyid bzhi po ni 'dir brdzun du smra ba gtso bor byin nas so/ /gsung gi rdo rje 'gyur med che ni 'od dpag med la sogs pa'i rnal 'byor pa rnams kyis so/ /bshad gci ni dbang po dang yul lo//
de dag bza' ba ni le'u dgu par gsungs pa'i drang ba dang nges pa'i don du bstan pa'o/  /dam tshig bzhi po ni ma byin par lan pa la sogs pa can 'dod pa log par g.yem pa'i mthar thug pa bzhi pa'o/ /rdo rje sems dpa' rdzu 'phrul che ni mi
bskyod pa la sogs pa'i rnal 'byor pa rnams kyis so/  /khrag dang khu ba yang dag ldan zhes pa ni/ /thams cad mkhyen pa'i ye shes khrag /khu ba rnam dag chos nyid do/ /bza' ba de dag gnyis med sbyor/ /bza' ba gang 'di dam tshig go zhes
gsungs so/  /sku zhes bya ba la sogs pa la rin chen dbang po dang don yod pa dag gi 'ang dam tshig 'di yin te/ de dag kyang sku la sogs pa'i bdag nyid can yin pa nyid kyi phyir ro/ /de ltar ji ltar so sor gsal ba de srid du bdag gi bshad do
gang zhig ma bshad pa ni/  rgya che 'grel pa'i rgya che 'grel ba'i rjes su 'brang ba nyid kyi phyir ro/ /de bzhin gshegs pa lnga bo rnams la yang dam tshig bzhi po sbyar ba nyid kyi gang dang gang gi dam tshig de gtso bo nyid du byas nas rgya che 'grel pas ma bshad pa nyid
kyi phyir de nyid kyi glegs bam las yangs pas zlos pa med do/  /gang 'dir ni da'i grogs nye bar sdod pa de rnams 'dir khyad par gyi don la tshang ma'o/ /byang chub sems dpa' rnams kyang ngo/ /de ltar de bzhin gshegs pa lnga po rnams kyi dam tshig drug
pa la yang bshad pa'i phyir/  'ba' zhig gi yin par ma zad do/ /zhes gsungs so/ /de ltar zhes bya ba la sogs pa ni/ yang dag par rdzogs pa'i sangs rgyas kyi theg pa rnams ni de'i lam la lhag par mos pa'i 'dus pa'i rnal 'byor pa rnams so//
rang sangs rgyas zhes bya ba la sogs pa gsungs te/  dkon mchog gi byang chub la sogs pa la lhag par mos pa yang rang sangs rgyas kyi theg pa la sogs pa la zhugs shing rim pa'i mthar thug par bya'o/ zhes rang sangs rgyas zhes bya ba la sogs
pa gsungs te/  dkon mchog gsum zhes pa ni 'dod chags dang bral pa'i tshul du gsungs pa'i dkon mchog gsum mo/ /gtsor zhes gsungs pa'i phyir rang sangs rgyas rnams ngag gis kyang ston par srid par 'gyur ro/ /ya ma zung ni phyogs/
gcig las gnyis gnyis ston par byed pa ste phyed kyi 'bar bar byed do/  /lus phyed kyi char pa'o/ /cho 'phrul zhes pa ni so so tha dad tha dad du gdul bya'i skye bo'i yid? so sor 'phrog par byed pa ste/ de'i rang bzhin dang de'i rang bzhin cho 'phrul ste/ rdzu 'phrul
rnam pa sna tshogs pa'o/  /de dag kyang sngar ma byung ngo zhes pas rmang du byung ba'o/ /sku rdo rje zhes pa ni rdzu 'phrul thob pa la ste 'dus pa'i rnal 'byor pa'i lus la gnas pas sku'i sdom pa ste lus rnam par g.yengs pa med pa'o/ /yang dag par
rdzogs pa'i sangs rgyas rnams zhes pa 'di rnams yid kyi dbang po las skyes pa nyid du gsungs so/  /thos nas zhes bya ba 'dis don nyid du nyan thos kyi sgra ston par byed do/ /'dir theg pa'i dbye ba'i skabs de
nyid yin pa'i phyir/  gang zag ces bya ba la sogs pa gsungs te/ dgra bcom pa nyid ces pa ni gtso bo mchog tu brjod par bya'o/ /slar yang de las gzhan pa'i gang zag bdun po 'ang? zlog par byed pa'i don du ni ma yin no/ /de nyid kyi
phyir nyan thos nyid thob par bya ba'i phyir zhes gsungs so/  /mngon par sbyor ba ni bslab pa la shin tu gus pa'o/ /tshangs pa'i sa la mos pa rnams kyis zhes pa ni tshangs pa nyid thob par mngon par 'dod pa rnams kyi'o/ /tshangs pa
zhes bya ba la sogs pa la/  gti mug ni mi shes pa ste thar pa ma yin pa nyid la thar par sems pa'i phyir ro/ /rab tu spyod pa'i de thob pa'i thabs la slob pa'o/ /bsang par bya zhes bya ba la sogs pa ni yang dag par rdzogs pa'i
sangs rgyas kyi theg pa rnams don de la brten nas srog gcod pa la sogs pa gsungs pa gang yin pa de ci zhig kyang gos pa med pa ma yin nam/  gal te gos na ci ltar sangs rgyas nying la sogs pa'i 'bras bu yin zhe na/ sku'i zhes bya
ba la sogs pa gsungs te/  'od gsal bar 'byung ba dang 'od gsal ba las ldang bar bya'o zhes so/ /'dus pa phyi mar yang gsungs ba/ chos rnams thams cad sgyu ma bzhin/ skyed dang sdud par mdzad pa po/ /nges ni de yi sdig mi
'gyur/  /bsod nams nyid kyang khyad par du'o/ /gang la bsod nams sdig med pa/ /de ni byang chub yin par gsungs zhes pa la sogs pa'o/ /yang na ci ltar khyab 'jug pa la sogs srog gcod pas dmyal bar 'gro bar mi 'gyur
ba ci zhe na/  de rnams la yang de dag gi gnyen po'i ye shes yod do/ /de nyid kyi phyir 'di'i 'bras bur sems can khams rnams zhes bya ba la sogs pa gsungs shing/ 'di la rgyur bde 'gro zhes bya ba la sogs pa'o/ /ngag gi rnam pa bzhi'i dbang
du byas nas brdzun zhes bya ba la sogs pa gsungs shing/  'di'i bras bur gsung gi dbang phyug ces bya ba la sogs pa gsungs so/ /de bzhin du zhes bya ba la sogs pas sems can rnam par dag pa ston pa 'di'i 'bras bu thugs kyi dbang phyug go /
sku la sogs pa zhes bya ba la sogs pa rtag tu de bsgoms pa la chags pa ni rnam pa la phyag 'tshal bas rnam par g.yeng ba'i rgyud nyid yin pa'i phyir de 'gog par byed do/  /lus kyi dbang las zhes pa ni dkyil 'khor du 'jus? pa'i don dus yongs
su bzung ba la sogs par phyag 'tshal ba'i ched du rjes su snang pa'i phyir ro/  /'jig rten pa dang kun tu phrang pa'i ched kyi dmar? las so/ /bla ma brgyud pa'i rim pas rdzogs pa'i rim pa lhag par rtogs pa rnams kyis bsam gtan ?
ces bya ba la sogs pa gsungs te/  sgyu ma lta bu la slob pa'i bshad pa'o/ /de nyid kyi phyag ces bya ba la sogs pas sems can khams rnams zhes bya ba la sogs pa gsungs te/ de bzhin gshegs pa la sogs pa zhes bya ba la sogs
pa'i sbras las byang chub sems dpa' dang/  khro bo dang lha mo'i tshogs la sogs pa rnams yongs su gzung ngo/ /sku la sogs pas phyag bya ba zhes pa ni/ sku la sogs pa rnams kyi de la ro gcig tu gyur pa nyid kyis rab tu btud pa
nyid kyis phyir ro/  /de nyid kyi phyir tshang ma gzhan la bltos nas/ de'i zhes bya ba la sogs pa gsungs te/ mchog gis mchog ces pa ni phyag 'tshal ba gang yin pa 'di'o/ /de'i 'bras bu rdo rje zhes bya ba la sogs pa gsungs te/
'di'i don rdo rje 'chang chen po zhes bya ba la sogs pa gsungs so/  /nam mkha' i dbyings zhes bya ba la sogs pa ni bsdus pa'i don ni/ dus gsum du zhes bya ba la sogs pa gsungs te/ khams gsum
pa ni 'dod pa la sogs pa'i khams so/  /nad ni go skabs so/ /yul dang dbang ba'i ngo bo nyid kyis ni de'i bdag nyid kyis/ /shes rab dang thabs dag ni shes rab ni stong pa nyid do/ /thabs ni snying rje'o/ /de dag gi lhag ma nyid yin
pa'i phyir dbang po dang yul rnams so/  /de nyid kyi phyir 'chad par 'gyur bar de ltar kho na nyid lhag par rtogs pa'o/ /zhes bya ba la sogs pa 'chad par 'gyur ro/ /de kho na nyid lhag par rtogs pa ni 'od gsal mngon sum du byas
pa'o/  /tha mal pa'i lus spangs pa ni 'di rnams 'jig rten gyi rjes su 'jug pa las 'das pa'o/ /yang na rnal 'byor pa kha cig kyang tha mal pa'i dngos po 'byung ba yod de/ 'gro ba rnams sangs rgyas kyi rang bzhin nyid yin
pa'i phyir ro/  /mi 'jigs pa zhes pa ni zung du 'jug pa'i sku'o/ /ci ltar zhe na/ 'dzin pa zhes bya ba la sogs pa gsungs te/ mnyam pa zhes bya ba la sogs pa la 'di las zhes bya ba ni 'od gsal ba las so/ /dam tshig ni
zung 'jug go / nyin re zhes pa la sogs pa la rdzas na don dam pa'i bden pa nyid yin pa'i phyir ro/ /'di'i don bshad pa ni lus ni zung 'jug gi sku'o/ /rtag tu zhes bya ba la sogs pas 'di'i bsdus pa'i don gsungs so/ /rdo rje zhes
bya ba la sogs pa la/  mnyes par byed pa ni tha mal pa'i dngos po gsal bas zung 'jug gi skur snang bar 'gyur ba'i mnyes pa'o/ /de byed pa'i 'di'i thabs so/ /dam tshig ni bshad pa'i dmigs pa gang gis nye bar bya'o/ /
dngos su bya ba de dam tshig go / de ltar bshad ma thag pa'i de kho na nyid lhag par rtogs pa zhes bya ba la sogs pa la/ phyi rol zhes bya ba ni phyi'i bza' bar bya ba'o/ /bltos pa med pa ni nam mkha' i rig ma zhes bya ba la sogs pas bshad
pa'i de kho na nyid lhag par rtogs pa nyid du ston par byed do/  /cod pan zhes bya ba 'dis 'di cod pan du 'chang ba nyid du ston par byed do/ /shes rab kyi mdo ni rnal 'byor ma'i rgyud ces rtogs par bya ba 'am shes rab mngon par
brjod pa'i rgyud du'o/  /rgyun zhes bya ba la sogs pas bdud rtsi'i char 'bab par ston no/ /rtsa ba'i mdo zhes pa ni de kho na nyid bsdus pa zhis rtogs par bya'o/ /lce zhes bya ba la sogs pas gsungs pa'i bdud rtsi bshad do/ /'di'i/
bshad pa ni rnam par snang mdzad la sogs pa zhes pa'i sogs pa'i sgra las de bzhin gshegs pa lhag ma bzhi po bzung ngo/  /bza' ba la sogs pa la longs spyod pa zhes pa'i sogs pa'i sgra las btung bya dang bldag bya la sogs pa
bsdus so/  /sku'i rdo rje 'dzin par byin gyis brlabs ces pa ni lus la gnas pa'i de bzhin gshegs pa rnams kun tu tshim par bya'o zhes yid la byed pa bskyed pa ni rnal 'byor pa thams cad kyi thun mong ngo/ /gal te ni sku'i rdo rje ni rnam
par snang mdzad kyis byin gyis brlabs par dmigs par byed do zhes 'chad par byed na de'i tshe rnal 'byor pa thams cad kyi thun mong du mi 'gyur ro/  /phyi rol zhes bya ba la sogs pa las rdo rje 'dzin par byin gyis brlab pa ni mi bskyod
par byin gyis brlab pa ste/  'di dag kyang rnal 'byor pa thams cad kyi thun mong ngo/ /mdo gdon cho ga bya ba zhes pa ni gsung rab la sogs pa zhes pa'i gsung rab ni yan lag dgu'o/ /sogs pa'i sgra las ngag gi rang bzhin du
gyur pa gzhan dag kyang bzung bar bya'o/  /'od dpag med du byin gyis brlab pa ni/ 'od dpag med kyi bdag nyid can nyid du lhag par mos pa zhes par 'gyur ro/ /zhes pa yang thun mong ba'i tshig du byed do zhes
pa la sogs pa'o/  /rnam par dag pa la sbyar ba zhes pa ni 'od gsal las byung ba nyid kyi de'i rang bzhin du lhag par mos pa'o/ /ci zhig ce na/ de zhes bya ba la sogs pa gsungs te/ thams cad ces bya ba la sogs pa las rab 'byams byed
pa po bstan no/  /sku zhes bya ba la sogs pa las bya ba'i yul bstan no/ /'od gsal ba las gcig tu gzhol ba nyid ni rang bzhin stong pa nyid kyi bdag nyid can nyid do/ /rnam par dgongs pa ni/ de'i don la dmigs pa ste/ dmigs pa'i don
ni cad mi gsung ba'i ngo bo nyid yin pa'i phyir/  cang mi gsung bar gyur to zhes gsungs so/ /cang mi gsung bar gyur par shes pa'i dgongs pas bshad pa'i phyir sku zhes bya ba la sogs pa gsungs te/ 'od gsal ba nyid zhes pa 'di'i don/ ngo bo nyid mi
'gyur ba zhes bya ba la sogs pa gsungs so/  /rigs kyi bu zhes bya ba ni/ bod pa'o/ /gal te 'di las ni 'di mngon par brjod par byar med cing mi 'jig pa'i gnas 'od gsal de las cang mi gsung bar gnas so zhes sbrel lo/ /sku zhes bya ba la
sogs pas/  sku rnam par sbyar pa'o/ /gsung dang thugs kyi mtshan nyid rnam par spyad pa'i phyir/ mtshan ma zhes bya ba la sogs pa gsungs te 'dis gsung dang thugs dag mtshan ma med pa'i phyir dngos po med par so sor bstan no/ /mtshan
nyid med pa'i dngos po ni/  'ga' i yang gang na 'ang yod ma yin zhes gsungs pa'i phyir ro/ /'di dag nyid/ 'di dag ces bya ba la sogs pa gsungs te/ khams gsum pa zhes bya ba ni lus la sogs pa gsum po ni/ sngar khams gsum pa
nyid du bshad pa nyid yin pa'i phyir lus la sogs pa kho nar lha'i 'khor lo'i tshul gyis gnas pa'i phyir ro/  /de dngos po med pa'i so sor bstan no/ /de'i phyir ci ltar zhes bya ba la sogs pa gsungs te/ dri ba bshad pa'i phyir/ log pa
zhes bya ba la sogs pa gsungs so/  /zin pa yin zhes pa nas 'od gsal ba las langs te zhes pa ji srid par ro/ /sgyu ma lta bu'i sku ni rdo rje 'chang chen po'o/ /des zin pa ni dkyil 'khor gyi 'khor lor nye bar gsal bar byed pa'o zhes mngon
par dgongs so/  /de nyid kyi phyir thams cad ces bya ba la sogs pa gsungs te/ thams cad ni dkyil 'khor gyi dbang phyug dang dkyil 'khor pa rnams kyi rnal 'byor pa gang yin pa de de bzhin no/ /de rnams nyid 'ba' zhig tu yang ma zad kyi/
yang de'i zhes bya ba la sogs pa ni nye bar longs spyod pa ni bzung ba la sogs pa'i bdag nyid can khams gsum pa'i tshul du gnas pa'o/  /gsung rdo rje'i tshig ces bya ba la sogs pas 'khor ba rnam par dag pa'i bdag nyid can sgyu ma'i ngo bor
gsungs so/  /de nyid kyi phyir mi shes pa zhes bya ba la sogs pa gsungs te/ mi shes pa ni kun tu 'khor ba'i rgyu nyid de/ dkyil 'khor gyi 'khor lo so so ma yin pa la dkyil 'khor gyi 'khor lo so so nyid du bden pa phyin ci log dang bral ba longs spyod
rdzogs pa'i sku'i rgyu'o/  /'di dag ci ltar 'gyur zhe na/ thams cad zhes bya ba la sogs pa gsungs te/ de bzhin gshegs pa thams cad ni rnam par snang mdzad la sogs pa rnams so/ /'das pa rnams ni rang bzhin med pa'i khyad par mya ngan 'das par
zhugs pa'i phyir ro/  /de nyid kyi phyir de rnams zhes bya ba la sogs pa gsungs te/ de bzhin gshegs pa rnams 'ba' zhig tu ma zad kyi rtogs pa nyid kyis mya ngan las 'das par yang ngo/ /yang rtogs pa rnams kyang ci zhe na/ gshegs pa dang byon pa'i 
zhes gsungs te/  de bzhin gshegs pa thams cad ni drug pa'o/ /de bzhin gshegs pa brjod pa nyid yin pa'i phyir dang mya ngan las 'das par bgrod pa dang ma bgrod pa dag de bzhin gshegs pa thams cad kyi bdag
nyid yin pa'i phyir yang ?/  /'od gsal pa zhes bya ba la sogs pa gsungs te/ gang gi phyir de ltar de bzhin gshegs pa thams cad kyi bdag po yin pa de'i phyir/ der kun tu brtags pa ni gsung rdo rje'i tshig go /phyin ci log la sogs zhes sbyar bar bya'o/ /
gsung rdo rje'i tshig ni zung 'jug sgrub par byed pa'i tshig go / phyin ci log ces pa ni brjod bya phyin ci lo gnyid kyis so/ /dgos pa ci zhig yod ces pa ni/ ci zhig rjes su 'dzin zhes pa'i don no/ /de'i dbang du byas nas tshangs pa la sogs pa rnams
zhes bya ba la sogs pa gsungs te/  phra ba ni phra mo'i gzugs nyid kyi skal pa can no/ /yang ba ni lus kyi tshad du ma dang chen po nyid du ston par byed pa'o/ /sogs pa'i sgras lci pa las 'das pa dang dbang po nyid dang dbang du gyur pa nyid dang/ 'dod
dgur bsgyur ba la sogs pa rnams bsdus so/  /'jig rten pa'i thams cad mkhyen pa'i nyid zhes pa ni 'jig rten pa thams cad yongs su shes pa'o/ /'di zhes bya ba la sogs pas drug pa'o/ /'dir ston pa po nyid du ston par byed do/ /rdo rje'i
de kho na nyid ni/  /bden pa gnyis so/ /rtog pa thams cad kyi zhes bya ba la sogs pas ngo bo nyid med pa'i sgra ni/ chos thams cad skye ba dang bar du dbye ba dang bral ba stong pa nyid la bltos pa/ rang bzhin stong pa nyid mtshan nyid dang bral bar ston
par byed do/  /sku gsum rdo rje zhes bya ba la sogs pas lam gyi ngo bo rdo rje 'chang chen por so sor bstan nas/ sangs rgyas rdo rje zhes pas shin tu mthar thug pa'i 'bras bu'i rdo rje 'chang chen po so sor ston par byed de/ de ltar zhes bya ba la sogs
pas ni/  rnam par smras pas rgyu dang 'bras bu'i dngos po dag so sor bstan pas/ rtog pa ni blo'i rnam par 'phrul pa la sogs pa'i bya ba 'dis 'od gsal pa las rnam par snang mdzad la sogs pa'i gzugs kyis/ sems can gyi
don du so sor langs te/  zhi ba la sogs pa'i las byed pa'i bar du ston par byed do/ /smra ba'ang yin zhes pa la sogs pa ni rnam par snang mdzad la sogs pa'i dbang po'i gzhu dang mtshungs pa rnams don dam pa'i bden pa dang tha mi dad pa
nyid do/  /rang gi sku zhes bya ba la sogs pa 'dis rdo rje 'chang chen po rang gi sku la sogs pa gsungs so/ /de nyid ces bya ba la sogs pas 'od gsal ba yongs su dag pa de'o/ /de ltar zhes bya ba la sogs pa la mtshan ma med pa zhes
pa ni/  bdun brgya par yang gsungs pa/ de bzhin nyid la rgyu yang cung zad med/ /rgyu las skyes pa 'am med pa'i de bzhin nyid/ /de bzhin gshegs par rab tu 'dogs bar byed/ /de bzhin gshegs pa'ang yod pa ma yin pa/ /de bzhin nyid du rab tu
'dogs par byed/  /ces so/ /gal te ltar na ci ltar de'i thabs zhes bya ba la sogs pa la mngon par rtogs pa'i rim pa 'di don dam pa ma yin no zhes brgal pa'o/ /rdo rje zhes bya ba ni rang gzhan gyi rgyud la 'jug pa rnams so/ /sku dbang
phyug ces bya ba la sogs pa ni sems can gyi don du ma'i rnam pa nyid du lhun gyis grub pa'i sku ni sku'i dbang phyug go / skye gnas bzhi las skyes pa'i sems can gyi don du rtswa dang shing dang ri la sogs pa rnams su yang chos ston par byed
pa ni gsung gi dbang phyug go / yid la byed pa tsam las rin po che sna tshogs pa'i rang bzhin 'jig rten gyi khams la sogs par mngon par 'jug par byed pa ni thugs kyi dbang phyug go /mdza' yas shing rnam par bkra zhing rnam pa sna
tshogs la yid mgyogs pa'i rdzu 'phrul gyi rnam par 'phrul pa ni/  rdzu 'phrul gyi dbang phyug go /yul dang dus thams cad du khyab bar byed pa ni kun tu 'gro ba'i dbang phyug go /'dod pa tsam gyis rang dang gzhan
dag gi mngon par 'dod pa'i don yongs su rdzogs pa ni 'dod pa'i dbang phyug go / brtan pa dang g.yo ba dag rnam ba? sna tshogs pa'i gzugs su mngon par skyed par byed pa'i byed pa po'i dbang phyug go /mdza' yas shing gzhal du med la brjod
gyis mi lang ba'i khams gsum gyi longs? su gnas pa'i sems can thams cad kyi thun mong gi yon tan gyis brgyan pa'i lus rab tu ston pa'i yon tan gyi dbang phyug ste/  brgyad po de dag kyang ngo zhes pa'i don no/ /rig pa'i rang bzhin
ni 'ang? gsal ba'i rang bzhin no/  /skyes bu'i gzugs 'chang ba nyid yin pa'i phyir 'dir skyes bu'o/ /de'i thabs sngar gsungs pa de dag bstan par bya ba'i phyir mkha' dbyings zhes bya ba la sogs pa gsungs te/ sangs rgyas zhes bya ba la
sogs pa la rdzogs pa dang ma rdzogs pa'i sems can gyi phung po rnam pa sgyu ma lta bur dmigs par bya'o/  /ci ltar zhe na/ mkha' dbyings zhes bya ba la sogs pa gsungs so/ /de nas zhes bya ba ni nam mkha' i dbyings so/ /sems can gyi
tshogs ma lus pa zhes pa ni nam mkha' i dbyings de gnyug ma'i ngo bo nyid yin pa'i phyir ro/  /sku rdo rje bskyed pa'i rgyur gyur p ni lus bskyed pa'i rgyu'o/ /zla ba'i gzugs zhes pa ni/ zla ba ni sems kyi brda' nyid yin pa'i phyir sems nyid las de bzhin
gshegs pa rnam skyed par byed do zhes mngon par dgongs so/  /sems 'byung gi brda' nyid yin pa'i phyir thabs kyi ngo bo rdo rje las so/ /gzhan du ni zhes bya ba la sogs pa ni/ gzhan du ni bskyed pa'i rim par gsungs pa las gzhan du rnam pa gzhan
gyis so/  /dngos grub ni phyag rgya chen po'i dngos grub po/ khams gsum zhes bya ba la sogs pa la/ gnas pa zhes pa ni kha sbyor gyi sbyor bas so/ /de nyid kyi phyir kun tu dga' ba'i bde ba bskyed par byed pa zhes gsungs so/ /khyu mchog
ces bya ba la sogs pa yang bskyed pa'i rim pa'i rjes su mthun par ni bshad ma thag pa'i mi bskyod pa la sogs pa lnga po bskyed pa'i rim pa la gnas pa nyid kyi phyir ro/  /grags pa chen po ni 'jig rten gsum du mchog tu bsgrags
pa mthu stobs so/  /de'i ni de dag gi rang bzhin no/ /de rnams nyid kyi bskyed pa'i rim pa'i rjes su mthun par gnas nas rdzogs pa'i rim pa rnams kyi rnam pa gzhan bstan par bya ba'i phyir/ sems kun tu bstan
pa zhes bya ba la sogs pa gsungs te/  cho ga dang man ngag ji lta ba bzhin du bsnyen pa'o/ /phyag rgya chen po zhes pa ni lha mo'i sku nyid do zhes pa'o/ /spyan ma la sogs pa bzhin du rdzogs pa'o/ /lhan cig zhes pa ni sgrub pa
po dang lhan cig chos 'dod chags la sogs pa'i mtshan nyid spyad pa ni sems kyi rang bzhin du bskyed pa'i dang tshul gang yin pa de'o/  /kun zhes pa ni lha mo kun? gyi bdag nyid can gyi gtso bo yin pa'i phyir ro/ /sgrub pa po thams
cad ni mi bskyod pa la sogs pa rnams kyi rnal 'byor pa yin pa de'o/  /de rnams ci lta bur gyur pa ni rtog pa'i rnal 'byor pa'o/ /gsang ba'i tshig ces ba ni gsang ba so sor ston par byed pa'i tshig go zhes pa'i don no/ /de
nyid kyi phyir bskyed pa'i rim pa pa rnams kyis lag pa'i phyag rgya bcing ba bkag pa med do zhes mtshan par bya'o/  /mi ? ngo zhes pa ni rdzogs pa'i rim pa la gnas pa zhes pa lhag ma'o/ /'dir ci'i phyir zhe na/ rdo rje sems dpa' 
zhes bya ba la sogs pa gsungs so/  /thams cad ces pa'i don no/ /don thams cad sgrub pa ni rdo rje 'chang chen po nyid do/ /de nyid sngags te yid la byed pa'i phyir dang/ skyob par byed pa'i phyir dang/ de dag kyang sbyor
bar byed pa'o/  /gsad pa ni snod ma yin pa rnams la'o/ /de rnams zhes pa rnam par snang mdzad la sogs pa'i rnal 'byor pa rnams so/ /bskyed pa'i rim pa'i rjes su mthun pas rdzogs pa'i rim pa la gnas pa nyid yin pas
mang po'i tshig go / 'dus pa la mngon par brtson? pa rnams kyis ni rtag tu brtson 'grus rjes su bcing pa rnams kyis so/ /rdzogs pa'i rim pa pa rnams kyi dam tshig mngon par brjod nas/ bskyed pa'i rim pa pa rnams kyis
gsungs pa/  'dus pa'i rim pa pa rnams la yang zhes pa la 'dir bdun pa ni/ nges par gzung ba ste/ 'dus pa pa rnams la zhes pa'o/ /bskyed pa dang rdzogs pa'i rim pa gnyis la spyod pa thun mong pa rnams la/ de rnams la/ de
rnams rtog pa'i rnal 'byor pa rnams kyi so sor byed pas nges par bzung ba'o/  /rtog pa'i rnal 'byor pa rnams kyi 'ang rnam par snang mdzad kyi rnal 'byor pa rnams kyi dam tshig /thams cad zhes bya ba la sogs pa gsungs te/
dam tshig ni bza' ba'i ngo bo nyid yin pa'i phyir mngon du bya'o/  /sku rdo rje ni 'dir tshim par byed par bstan no/ /de nas sku rdo rje'i rigs can rnams ni lus la gnas pa'o/ /bshad pa la sogs pa rnams ni sgra ji bzhin pa ma yin pas
gsungs pa rnams so/  /'dis bdud rtsi lnga la bshad ba bkag go /de nyid kyi phyir de bas zhes bya ba la sogs pa la nye bar sbyar bar bya'o zhes pa ni yongs su gyur pas nam mkha' lding gi phyag rgya 'chad pa'i rnal 'byor pas dbyung bar bya'o
lus bde bar gnas pa'i don du ngag dang sems dag bde bar gnas par sems bzhin pa ni lus zhes bya ba la sogs pa gsungs so/  /bdud rtsi skyed par byed pa'i rim pa ni don de nyid las zhes bya ba la sogs pa gsungs so/ /bcas
pa zhes pa ni lha ma dang 'dus pa'o/  /rjes su mnyes par byed pa'i rim pa myos byed zhes bya ba la sogs pa gsungs te/ gsungs pa yang b+ha ga'i dbus su gnas pa'i rtsa rtags dang mtshungs par myos byed 'gro ba'i nyes pa las sor
mo gsum gyis skyong pas de phyung ba'i myos bu'i chu bo de yang 'dod pa las gdugs zhes pa ni myos byed 'jigs par byed pa ste zla ba'i steng nas sna'i 'od ma lus pa myos pa spyi bor gnas pa sgrub? gdugs zhes bya'o/  /myos byed kyi
dug? pa'i mthar gnas pa shin tu ring du? drang ba'i chu bo yongs su gang ba dang ma gang ba 'di dag ni zla ba zhes rtsa'o/  /rtsa ba'i 'khor lo gzhan mang du gnas pa las gtso bo 'di gsum 'dir gnas pa ni lag pa'i sor mos rnam par nyed
pa'o/  /de'i 'og tu ci zhig bya zhe na dag gi rdo rje zhes bya ba la sogs pa gsungs so/ /chos thams cad ces bya ba la sogs pa la/ de rnams kyi thus sun dbyung bar mi bya ste zhes pa ni/ ji ltar 'di rnams 'dod chags dang bral
bar bskyed par mi bya ste/  de bzhin du nan tan bya la zhes pa'i don no/ /mdor na zhes bya ba la sogs pa la mdor bsdus na zhes pa ni spyod bsdus su gsungs pa'i rim pa las 'ba' zhig ma yin gyi phung po rnams nyid du bsdus so/ /zhes
phyi rol zhes bya ba la sogs pa gsungs so/  /spyan ma la sogs pa'i lha mo rnams la yang khams gsum pa zhes bya ba la sogs pa gsungs so/ /yongs su brtag pa ni/ rigs rgyu'i rab tu dbye ba ston par byed pa dang bstan pa'o/ /
zin pa ni lus so/  /ma zin pa ni phyi rol gyi bstan pa'i dngos por gyur pa'o/ /mkha' i rdo rje zhes bya ba la sogs pa ni nam mkha' i dbyings kyi ngo bo yin pa'i phyir ma zin pa'o/ /de nyid kyi phyir thams cad ces bya
ba la sogs pa gsungs so/  /rdo rje 'chang zhes pa ni drug pa'o/ /de ltar gsungs nas zhes pa ni phung po lnga ni mdor bsdus nas zhes bya ba la sogs pa gang zhig gsungs te/ de gsungs na zhes bya ba'i don no/ /bsdus pa zhes
pa ni sngar gyi rigs brgya la bltos nas mdor bsdus pa zhes pa ni phung po lnga rjes su dran par byed pa'o/  /thams cad ces bya ba la sogs pas lha sum bcu so gnyis kyi 'khor lo'i 'khor gyi dkyil 'khor te 'di bsdus nas zhes pa
'dis sngar gsung sdang sbrel lo/  /lnga zhes bya ba la sog pa gsungs pa'i phyir ston pa po gang dang gang yin pa ni drug pa'o/ /sngar bcom ldan 'das kyis gsungs so zhes bya ba la sogs pa mngon par brjod pa nyid yin pa'i phyir ro/
yang dkyil 'khor gyi 'khor lo la mi bskyod pa gtso bo nyid yin pa'i phyir de nyid ston par byed pa por rigs pa ma yin nam zhe na byang chub kyi sems rdo rje dang zhes bya ba la sogs pa gsungs te/  ji ltar theg pa chen po po kha
cig chos ston par byed pa po sems can dang sems can ma yin pa las nges par byung ba ni bcom ldan 'das kyi bdag po la bltos pas de la bcom ldan 'das ston par byed pa po'o/  /de bzhin du 'dir yang mi bskyod pa la sogS
pa la nges par 'byung ba la/  drug po ston par byed pa po'o/ /de bzhin du ma 'ongs pa'i phyag na rdo rje rnams kyis/ ma 'ongs pa'i slob dpon la blta bar bya'o zhes so sor sgrub par byed pa'i don gsungs pa ni rdzogs pa dang ma
rdzogs pa ni sangs rgyas dang byang chub sems dpa' rnams kyi dbang du byas nas bshad pa'i phyir gsungs so/  /phyogs bcu zhes bya ba la sogs pa la ji snyed cig 'kho cin zhes bya ba la sogs pas chos kyi sku la sogs pas byang chub sems dpa' 
rnams kyang gnas ji lta ba bzhin du kun tu gnas pa la sogs pa yod do zhes rtogs par bya'o de bzhin gshegs pa rnams kho na ni ma yin no/  /de rnams zhes bya ba ni phung po dang khams la sogs pa'i rang bzhin no/ /slob dpon de la zhes
pa ni rdo rje 'chang chen po'i rang bzhin la'o/  /de nyid kyi phyir 'di skad du bdag cag gi pha'o zhes bya ba la sogs pa gsungs te/ tshig gi tshogs ni phung po lnga la sogs pa'i rang bzhin du rdo rje 'chang gis byin par byed do zhes pa'o/ /de
nyid kyi phyir/  slar yang zhes bya ba la sogs pa gsungs so/ /bshad pa ni de bzhin gshegs pas so/ /rdo rje zhes bya ba la sogs pa la/ bstan du med pa ni bshad du med pa ste/ ngag gi yul las 'das pa nyid yin pa'i phyir ro/ /
drug pa rdo rje 'chang chen po'i ngo bo mi bskyod pa la sogs pa ste phung po de dag la bltos nas che ba nyid do/  /gang zhes pa ni/ rgyud 'dir sems gtso bo yin pa'i phyir mi bskyod pas so/ /dkyil 'khor gyi bdag po zhes thun mong du gsungs pa'i phyir
rnam ngar snang mdzad la sogs pa bzhi po las gzhan pa yang dkyil 'khor pa'o/  /drug po de nyid 'byin pa dang 'jug pas 'dzin bzhin pa ni/ rdo rje sems dpa' mngon par brjod pa'i snod du mi 'gyur ro zhes rtogs par bya ste/ rdo rje 'dzin mchog
gang yin pa/  /dbus su gzugs ni legs bris pa/ /zhes sngar bshad pa nyid kyi phyir ro/ /gang kho na las 'dis rnams drug pa ni rgyu dang 'bras bu'i dngos po yin pa'i phyir byang chub kyi sems rdo rje ste 'di rnams kyang gnyis su med cing 'di 
dag rnam pa gnyis su dbyer med pa'o/  /de'i phyir mi bskyod pa'i dbang du byas nas byams pa gang yin pa dang de bzhin gshegs pa rnams kyi dri ba dang lan sngar gsungs pa de gang yin pa de dag thams cad
rnam par snang mdzad la sogs pa rnams la yang sbyar bar bya'o/  /sprul pa'i sku ni byams pa la sogs pa rnams so/ /mngon sum du byas pa zhes pa ni 'di rnams nyid kyi de bzhin gshegs pa rnams kyis bod pa'i don no/ /
de'i phyir/  mi bskyod pa la sogs pa rnams zhes bya ba la sogs pa gsungs so/ /zhu bar byed do zhes pa de bzhin gshegs pa rnams la zhes pa lhag ma'o/ /mi bskyod pa'i sku dang gsung dang thugs la gnas so/ zhes pa ni nye
bar mtshon pa ste/  rnam par snang mdzad la sogs pa'i sku la sogs pa la yang sku la sogs pa'i dngos grub la sogs pa gnas pa nyid kyi phyir ro/ /theg pa chen po'i chen po ni rdo rje theg pa'o/ /de nas rin po che gsal
ba'i phyir mdo ste der ro/  /sangs rgyas thams cad ces bya ba la sogs pa la/ zhu ba ni 'od gsal ba ston par byed pa'o/ /'od gsal ba zhes pa ni mi bskyod pa ste/ byed pa bo'o/ /gsang ba zhes bya ba la sogs pas de bzhin gshegs?
pa la sogs pa rnams kyang yang dag pa'i mdza' la 'jug par ston par byed do/  /bzhengs nas zhes pa drug pa'i bdag nyid do/ /yang snga ma bzhin zhes pa 'byin pa dang 'jug pa'i dngos pos sngar mngon par brjod pa'i byang chub kyi sems
'byung ba'o/  /rdzogs pa ni ngo bo nyid do/ /de nyid kyi phyir yid kyi dkyil 'khor 'byung ba gsungs te/ dkyil 'khor ni byang chub kyi sems 'byung ba'o/ /yid ni yid kyi tshul du'o/ /rdo rje 'chang chen po zhes pa ni nye bar brtags pa las
nam mkha' i dbyings te 'od gsal ba'o/  /dkyil 'khor gang du ni lus la ste de'i bdag nyid yin pa'i phyir ro/ /gru bzhi lham pa zhes bya ba la sogs pa ni/ spyan nam la sogs pa zhes pa yid kyi rang bzhin no/ /tha mal pa ma yin pa ni tha
mal pa'i yul ma yin par ro/  /sangs rgyas zhes bya ba la sogs pa la/ sangs rgyas ni rnam par snang mdzad la sogs pa rnams so/ /dkyil 'khor ni de rnams kyi tshogs so/ /de nyid kyi phyir gsang ba lnga yi bdag nyid can zhes gsungs te/
de bzhin gshegs pa lnga'i bdag nyid can no/  /'di nyid zhes pa 'di dag gang yin pa'o/ /tha mal pa ni so so'i skye bo nyid kyis bsdus pa de 'dir brjod par bya'o/ /de'i don 'di yin te yongs su shes pa dang ldan pas 'di nyid lus
yongs su dag pa ye shes kyi sku sangs rgyas dang byang chub sems dpa' dang lha mo la sogs pa thams cad bskyed pa'o/  /de'i bdag nyid can gyi sbyor ba ni/ de'i ngo bo la dmigs pa'o/ /des ni bsgom par bya zhes bya ba la sogs pa des so/ /rnal 'byor pa ni
mi bskyod pa la dmigs par gsungs so/  /drug pas zhes pa ni yang giS mi bskyod pa la dmigs par bshad pa'o/ /kun tu sbyor bzhin pa nyid yin pa'i phyir zhes pa ni mi bskyod pa'o/ /spro ba dang zhes pa la sogs pas rgyu dang 'bras bu gnyis ka'i
ngo bo dag ngo mnyam pa nyid du gsungs so/  /de'i phyir so ma zhes bya ba la sogs pa gsungs so/ /de ltar bdag po bskyed pa'i rim pa mngon par brjod nas de'i dkyil 'khor ni/ de'i snying po'i rim pas bdag po gzhan rnams kyi dkyil 'khor
dgod pa yang dag par gsungs so mi bskyod pa zhes bya ba la sogs pas ni mi bskyod pa'i dkyil 'khor gsungs so/  /der yang lha dgod pa'i rim pa der zhes bya ba la sogs pa gsungs te/ des zhes bya ba la sogs pas dpe dang dpe can kun zhes bya
ba la sogs pa gsungs te/  'khor lo can kun ni rnam par snang mdzad la sogs pa rnams so/ /dkyil 'khor pa rnams zhes pa ni de'i dkyil 'khor pa rnams so/ /bzhugs pa zhes bya ba la sogs pa ni dgongs pa smras pa'o//
rdo rje 'chang chen po'i sku nyid dkyil 'khor dang dkyil 'khor pa'i bdag nyid can du gnas pa yin pa'i phyir/  de ltar zhes bya ba la sogs pa gsungs te/ thun mongs zhes pa ni bya ba thams cad dang 'brel ba'o/ /de nyid kyis zhes pa ni dpe'o/ /
blo dang ldan pa zhes pa ni dpe can te/  rnam par snang mdzad la sogs pa'i dkyil 'khor la bltos gnas so/ /rtag tu bya'o zhes pa ni rnam pa gzhan du na/ bsod nams kyi tshogs bsags pa dang/ ye shes kyi tshogs 'bar bar mi 'gyur ro/ /
slob ma bsdu ba'i dbang du byas nas brtsams pa nyid kyi zhes bya ba la sogs pa gsungs te/  rang zhes pa ni rdo rje 'chang chen po'o/ /spyod pa spyad pa ni tshul khrims gang yin pa de rnams rang gi spyod pa spyad pa'o/ /rang gi gnas zhes pa ni rdo rje 'chang
chen po'i bdag nyid can gyi go 'phang ste gnas skabs thob par byed do zhes so/  /rdo rje 'chang chen po zhes pa ni ye shes kyi sku de'i thugs kar ni/ slob dpon rang gi snying gar ro/ /ji lta ba bzhin du zhes pa ni 'di'i kha dog dang dbyibs ji lta ba de bzhin
du'o/  /yid kyi zhes pa ni yid kyi sbrul pa'o/ /de dag mdor bstan bsdus pa kun gyi zhes bya ba la sogs pa gsungs te/ de'i dbus su ni gtso bo'i gnas su'o/ /thams cad ces bya ba la sogs pa la rnam par snang mdzad la sogs pa zhes pa
ni sku'i dkyil 'khor gyi gnas so/  /srog gi rtsol ba zhes pa ni 'og tu 'jug pa'i srog brtsol gnas pa rnams kyis so/ /de nyid kyi phyir slob ma'i zhes bya ba la sogs pa gsungs te/ 'dzag pa nyid du gyur cing zhes pa ni rdo rje pad+ma bskyod pa las so/ /
rab tu thob par 'gyur zhes pa ni thob pa'i snod nyid du gnas par byed do zhes pa'i don no/  /gang yang rab tu sbyangs pa'i 'gro ba dbang bskur ba'i don du zhes pa ni 'chad par 'gyur ba ni/ gzhan gyi don phun sum tshogs pa zhes pa'o/ /mi gnas pa'i mya ngan
las 'das pa ni/  gzhan gyi don gyi rgyu nyid yin pa'i phyir ro/ /thams cad ces bya ba la sogs pa ni nye bar sdud par byed pa ste/ 'di dag thams cad ces pa'o/ /'khor lo de'i steng du bsgrub bya'o/ /de'i steng du dkar bo dang ser po'i pad+ma la sogs pas
yi ge aoM gyi dkar po la sogs pa gsum gyi ngo bo mtshon par byar zhes rtogs par bya'o/  /sngon byung ba na zhes bya ba la sogs pa la mdza' drug gi lam so sor sgrub par byed pa 'dus pa'i rang bzhin la bltos pa'i tshig ste 'chad par 'gyur bar yang
slar yang rgyal ba skyes mchog rnams kyis rnam par bshad pa'i mdza' drug lam ni yun ring du zhes bya ba la sogs pa'o/  /yang na don de lta mod kyi dus de srid kyi bar du zhes bya ba la sogs pas 'jug pa'i rgyu rgyud thams cad kyi thun mong du bsngaD
pa'o/ / zab mo'i chos bstan pa la skrag pa'i 'du shes dang ldan pa ni 'dir gsungs pa'i lam bstan pa'i snod ma yin par gsungs pas de'i tshe? thun mong gi rgyu nyid brjod par bya'o/ /'dir ni zhes pa la sogs par slar yang thun mong ma yin pa'i rgyu
la 'jug pa ma yin nam zhe na/  bden te mdza' drug lam ni ring gnas shing zhes 'chad par 'gyur bzhin pa'i phyir dang/ lam gyi khyad par gyi snod nyid du sems can thams cad rnams thun mong ma yin pa la 'jug pa'i rgyu'o/ /de nyid
kyi phyir 'chad par 'gyur bar bcom ldan 'das rnams bsgo bar gyis shig / de ci'i phyir zhe na/ phyogs bcu na bzhugs pa'i byang chub sems dpa' rnams chos kyi rnam grangs 'di la skal pa yod pa'i phyir ro zhes so/ /khyab pa'i rgyu yod par
gyur to zhes bya ba la sogs pa gsungs par gyur ba'i phyir thun mong bar 'dod do/  /snyigs ma lnga bdo ba rnams zhes pa ni tshe dang/ lta ba dang/ sems can dang/ dus dang/ nyon mongs pa'i snyigs ma 'di rnams dang
bcas pa'o/  /byon te zhes bya ba la sogs pa ni bstan pa la 'jug pa'i don tsam du gsungs so/ /sems rengs pa ma yin pa ni yid dga' ba ma yin pa'o/ /sdug bsngal zhes pa ni 'khor ba'i phung po ni sdug bsngal te/ de la kun nas 'jig pa'i
tshor ba ni sdug bsngal lo/  /'gyur ba'i sdug bsngal ni rga ba dang 'chi ba la sogs pa'o/ /'du byed kyi sdug bsngal ni dri dbab pa la sogs pa'o/ /'di dag ni zhes bya ba la sogs pa la de nas yi ge rnams zhes pa rang gi ngo bo 'di dag thams
cad ni mi 'jigs pa'i ngo bo'o/  /de ltar zhes bya ba la sogs pa la rnam par dag pa zhes pa ni/ tsan dan la sogs pa rnams kyis bdag nyid gang zhig yin pa ma shes pas brjod pa de'i sgo nas de kho na nyid ston par byed pa yi ge ni thun mong
ste/  tsandan la sogs pa dang rin po che'i gang zag dag gi thun mong ngo/ /'di dag gi ma? shes pa'i gnas gang yin pa'o/ /ci ltar thun mong ba yin zhe na/ ji lta zhes bya ba la sogs pa gsungs so/ /de zhes bya ba la sogs pas 'dir lan no/
de nas zhes bya ba la sogs pas tsandan la sogs pa rnams nges par bstan no/  /de bzhin gshegs pa rnams zhes pa ni rin po che'i gang zag gi ming can bdag cag gis ma thob cing zhes bya ba la sogs pa gsungs so/ /ci'i phyir zhes bya ba la sogs pa ni
gzung bar bya ba med pa ste don dam pa'i bden ba med pas so/  /'dzin pa po med pa ni kun rdzob kyi bden pa med pas so/ /gsang ba'i yi ge gsum sngar gsungs pa'i bshad pa'i phyir de zhes bya ba la sogs pa gsungs te/ de kho na nyid ni zung 'jug go /
gsal bar mdzad pa ni/  rab tu gsal bar mdzad pa'o/ /shin tu sbyangs pa ni brjod? pa nyid kyi yid can te/ ngag dang yid kyi yul ma yin pa'i phyir yid la byed par 'gyur ro/ /cang mi smra bar gyur to zhes gsungs so/ /de ltar tsan dan la soD
pa the tshom dang bral bar gyur pa rnams kyi de'i 'bras bu bstan pa'i phyir the tshom bsal ba'i 'bras bu bstan par bya ba'i ched du the tshom med pa ni mngon par rtogs pa'o/  /the tshom med pa'i rjes su mthun pa ste lta bar byed do/ /mthar byed do/ /ldan par
byed do zhes gsungs pa'i phyir ro/  /de bzhin gshegs pa lnga ni phung po lnga'i bdag nyid can/ lus kyi 'khor lo la gnas pa'i bdag nyid ni slar yang sngags bas de bzhin nyid la rab tu 'jug par bya ste/ de nas 'og tu sangs rgyas rnams
kyis shin tu rjes su chags pa'i 'khor lo zhes gsungs pa'i phyir ro/  /bzhugs so zhes pa ni rdo rje 'chang chen po gcig nyid yin pa'i phyir ro/ /de'i don ni 'di yin te b+ha ga bcom ldan 'das te de bzhin gshegs pa thams cad drug pa'i
bdag nyid can du gyur pa ste drug pa la bzhugs pa'o/  /drug ldan la sogs pa rnams kyis zhes pa ni gcig tu sngags brjod par byed pa dang/ lus kyi bya bzhin pa rnams dang sngags pa sna tshogs pa rnams dang dbus su dang/ bar skabs su dang
mdza' mar yang 'phral du sngags par rmongs par byed pa gang yin ba dang drug tu 'gyur ro/  de la sogs pa rnams kyis bskul bar byed pa'o/ /zhes pa ni rnal 'byor pa gnyid du gyur pa bcom ldan 'das su slong bar byed pa'o/ /de
bstan par bya ba'i phyir khyod ni zhes bya ba la sogs pa gsungs te/  phan pa'i don chen 'dod pa ni 'khyud pa la sogs pa'o/ /'tsho ba zhes pa ni 'khyud pa la sogs pa rnams kyis so/ /zag pa dang bcas pa dang zag pa med pa'i bde
ba nyams su myong ba nyid ni tha mal pa ma yin pa'i bud med rnams kyis 'tsho ba'o/  /mi 'jigs pa nyid yin pa'i phyir zhes pa ni sku bzhi po rnams kyis kyang ngo/ /de ltar ni sbrul pa'i sku ni rnam par
gcig tu 'jug pa ma yin pa nyid kyis mi 'jigs pa nyid do/  /chos kyi sku yang ma byas pa nyid kyi phyir ro/ /longs spyod rdzogs pa'i sku nam mkha' ji srid ba de srid du gnas pa'i phyir ro/ /bde ba chen po yang 'khor ba dang
mya ngan las 'das pa dag gi skye ba dang 'jig pa'i rang gi ngo bo dag gi mtshan nyid dang bral ba'i phyir ro/  /rdo rje 'chang chen po zhes pa ni drug pa'o/ /kun tu zhes pa ni kun nas so/ /rdo rje 'chang chen po zhes pa ni rdo rje 'chang
chen po ni snang ba la sogs pa snang ba gsum gyi bdag nyid can yin pa'i phyir ro/  /drug cu lhag pa'i zhes bya ba la sogs pa gsungs te/ 'gags shing zhes pa ni rlung ni rnam par shes pa la bltos pa'i phyir ro/ /ye shes
kyi gnyid kyis ni ma rig pa'i ngo bos so/  /gang yang ye shes gsum ni gnyid kyi dngos po med pas de'i ngo bos thams cad stong par gyur pa la lta ba ste nye bar dmigs shing mngon sum du byas nas rab tu sang par byed do zhes pa
ni/  bzhengs par byed pa yang rlung la rag las pa nyid yin pa'i phyir dang/ rlung gi khams kyi rang bzhin nyid yin pa'i phyir ro/ /de ltar zhes bya ba la sogs pas tshangs pa'i gnas bzhi'i rang bzhin rnams kyis zhes pa ni/ sbyan ma la
sogs pa'i khams bzhi'i rang bzhin du sngar gsungs pa ma yin nam/  gsungs pa yang/ sa ni spyan ma zhes bshad de/ /chu yi khams ni mA ma kI /me ni gos dkar mo ru bshad/ /rlung ni sgrol mar nye bar grags zhes so zhe na/
khams kyi rang bzhin yang byams pa la sogs pa'i yid dang ldan pa'i phyir/  nga? lta tshangs pa'i gnas bzhi'i rang bzhin du 'gyur ro/ /'di dag kho na phung po skyed par byed pa la khams kyi rang bzhin rnams te/ byams pa la sogs pa rnams
rtag tu dmigs par byed pa las tshangs pa'i 'jig rten du skye bar 'gyur ba'i phyir tshangs pa'i gnas kyi sgras brjod par bya ba yang ngo/  /lha mo rnams kyis zhes pa ni gsum gyi sgrol ma gcig po rab tu 'gog par byed pa'i phyir yang rab
tu sad par byed do/  /zhes pa bar du rab tu sad par bshad pa ma yin nam zhe na bden te/ 'on kyang lha mo gsum gyi rab tu sad par byas pa'i phyi nas rlung gi khams la bltos pa'i phyir de rab tu sad pa las sgrol mas rab tu sad par byed
do zhes brjod par bya ste/  gang yang sa la sogs pa'i khams rnams rlung la rag las pa'i phyir brgal ba 'di ni med do/ /yang na 'chab dang 'chi ba'i chos can rnams ji ltar phyi rol rnams kyis rab tu sad par 'gyur ba ma yin nam zhe na/
sngon gyi zhes bya ba la sogs pa gsungs te/  sems can rnams kyi don du byams pa la sogs pa gang yin pa rnams la slob pa 'di sngon gyi smon lam gyi rgyun no/ /ji ltar thog mar gaN+De'i sgra las dge slong slong bar byed pa de bzhin
du/  gang thog mar stong pa nyid ces bya ba la sogs pa la bzhengs nas zhes bya ba 'di bdag byin gyis brlab pa'i rim pas so/ /slar yang mi bskyod pa byung nas rjes su bcug pa thag tu ci bya zhe na/ dpal shin tu dga' ba zhes bya ba la sogS
pa gsungs te/  skyes bu'i sngon nyid du yan lag phal che ba sna tshogs pa tshim par gyur pa'i gdan thob ste rnam par shes pa ji lta ba de bzhin du nye bar spyod pa 'dzag par byed pa 'di ni drag shul lo/ /de bzhin du bud med rnams so/ /de'i 'og tu 
dang por de dang de rnams kyi phul dang dus dang rang bzhin shes pa/  de bzhin du byung ba'i sen mo dang/ so dang/ 'o byed pa ni rnam par sngar ba'o/ /sna tshogs pa'i dga' i rjes su chags pas 'dzag pa nan ni lag
pa can gyi sa'o/  /mngon par rdul la kun tu sbyor ba na g.yo pa'o/ /sen mo dang/ so gdab pa byas pas rnam pa bsal bar 'gugs par byed pa yang rig ma de rnams kyis ? byed pas 'phrog pa ni sems kyi phreng ba can no/ /de bzhin du rnam
pa de nyid ni sa srung ngo/  /sind+hu brgya phrag 'dzag pa ni rnam pa gnyis ldan no/ /gang yang zla ba'i cha las de dag skyes pa yang bud med do/ /de'i steng du rnam pa sna tshogs pa'i bsgrub bya bud med dal gyis mngon par sbyin par byas nas/ byed par
byed cing bya bas 'khor bar byas pa ni shin tu gzhon pa'i lus so/  /rjes su skyes pa de bstan par rab tu 'phrog pas byas pa'i sgra las rnam par nyid bzhin du ni 'dzag par byas pa'o/ /bud med kyi rdul las skyes pa dang mdzod las skyes
pa de'i 'og tu slar yang sgo da'i char? 'gyur ro/  /lus kyi sngod bu 'jam zhing snyan bar brjod pa rnams la chags pas 'o byed pa'i ca co sgrogs ba shugs dang/ brtan par 'khyud pas khyad par gyi dga' ba'i dga' ba shes pa ni go DI dang/
bah+nA dang/  nram+bI? nir 'gyur ro/ /mgo la 'dod ba dang ldan pa dang mang po'i mthar 'dzag pa dang/ rnam par zhu bar byed pa ni chags pa tsam mo/ /lus dang yan lag ro gcig pa'i dga' bar bshad par 'gyur ro/ /'dod pa'i ngo bo
rab tu 'byung ba sngon gyi don zhes bya ba la sogs pa ni yul dang dus dang kun tu 'dzin pa dang rang bzhin sra ba gang yin pa de rnams phyi'i dga' ba dang por bya ba'o/  /da don de'i dbang du byas nas/ 'khyud pa dang zhes bya ba la sogs pa?
gsungs te/  mang du brjod pa nyid ni gzhung rgya che bas 'jigs bsam bris so/ /mchog tu dga' ba'i bde ba ni 'od gsal lo/ /kun rdzob byang chub kyi sems kyi rnam par zhu ba'i bdag nyid do/ /dkyil 'khor gyi 'khor lo phyung ste/ zhes pa
ni 'di la phyi'i dkyil 'khor gyi nang du chud par bya'o zhes pa lhag ma nyid du rtog par bya'o/  /gang gi phyir dkyil 'khor du gnyis pa'i lha mo bzhi po rnams kyis ma mthong ba de'i phyir bdag po'i chags su bcad? pa bzhis bzhengs pa'i ched tu
rab tu med par byed do zhes pa'o/  /bde ba chen po zhes bshad pa ni slar yang zhes bya ba la sogs pas 'chad bzhin pa'o zhes mngon bar dgongs so/ /nam mkha' i gtos 'di ni/ stong pa bzhi'i bdag nyid can nyid yin pa'i phyir ro/ /rdo rje 'chang
ni rdo rje gsum zhes pa 'di nyid kyi sku la sogs pa'o/  /yang dag par ldan pa zhes pa de'i bdag nyid kyis so/ /de la rnam par snang mdzad la sogs pa rnams kyis nang du gnas pa nyid yin pa'i phyir ro/ /de'i don 'di yin te/ de bzhin
gshegs pa thams cad las bsgrubs pa'i mchog tu dga' ba'i rang bzhin no/  /mi g.yo bar gyur to zhes pa ni mchog tu dga' ba'i gnas skabS las g.yo ba med pa'i phyir ro/ /sa gsum ni lus la sogs pa'o/ /de'i gnas ni bskyed pa'i
gnas te/  ye shes kyi phyag rgya'i nam mkha' i dbyings so/ /sems can gang yin pa zhes pa ni dbang bskur bar 'os pa rnams so/ /rdo rje gsum la sogs pa ni rang bzhin sku rdo rje la sogs pa'i ngo bor de rnams 'dod bzhin pa nyid kyi phyir ro//
sems can rnams kyi rang bzhin nyid sku la sogs pa'i ngo bo'o/  /bde bas zhes pa ni ye shes kyi phyag rgya dang snyoms par zhugs pa las skyes pas de bzhin gshegs pa nyid du phyin ci ma log par shes shing khong du chud pa nyid do/ /ye shes
zhes pa ni/  ye shes nyid stobs bcu ? sogs pa nyid du yongs su gyur pa'i phyir ro/ /nyams su myong bar gyur to zhes pa ni de'i bdag nyid du'o/ /rdo rje'i 'od zer gyi mngon par dbang bskur bar byin pa ni 'od
zer gyi mngon par dbang bskur ba'o/  /yang dag pa'i don ni ming can zhes pa ni don gyi ming can no/ /de la kun nas ni thams cad nas te/ 'khor ba dang mya ngan las 'das pa dag tu bzang ba ste mdzes pa na kun tu bzang po'o/ /de rnams
kyang mngon par dbang bskur bas kun tu bzang po'o/  /de bzhin nyid du gyur to/ /de bzhin gshegs pa rnams zhes pa ni sngar rdo rje gsum dang yang dag par ldan pa nyid du so sor bstan no/ /rnam par snang mdzad la sogs pa rnams mthong
ba ni nyams su myong ba'o/  /chos thams cad ces pa ni/ chos rnams thams cad de de nyid phung po la sogs pa'i bdag nyid can no/ /de rnams kyi chos nyid ni 'od gsal ba nyid do/ /bcom ldan 'das mthong lags so/ /
de'i bdag nyid kyi snod nyid kyis so/  /de nyid kyi phyir bde bar gshegs pas mthong lags so zhes gsungs te/ bde bar gshegs pa nyid kyis mdzes pa 'od gsal ba la bltos pa ma yin no/ /'di'i bshad pa thams cad ces bya ba la sogs pa
gsungs te/  rang gi snyoms par 'jug pa ye shes kyi phyag rgya dang snyoms par 'jug pas phan tshun mnyes par byed pa'o/ /de las skyes pa'i bde ba nyams su myong ba nyid kyis so/ /ci zhig zhe na/ thams cad ces bya ba la sogs pa
gsungs te/ ? bde ba bdag gis mdzad pa zhes pa ni/ bde pa la snyoms par zhugs pa tsan nyid las sems tsam? thams cad bde pa la snyoms pr zhugs so zhes pa'o/ /bcom ldan 'das ye shes kyi phyag rgya dang snyoms par zhugs pa'o/ /bzhengs
te zhes pa ni bcom ldan 'das bzhengs pa'i phyir ro/  /btsun mo ni ye shes kyi phyag rgya'o/ /de'i b+ha ga ni nam mkha' i dbyings so/ /b+ha ga rnams la zhes mang po'i tshig ni/ lha mo'i 'khor lo'i rten nyid yin pa'i phyir/
ye shes kyi phyag rgyas sngags kyi sprul pa nges par 'byin pa shes pa ni gnas ji lta ba la brten nas so/  /ci zhig ce na bcom ldan 'das zhes bya ba la sogs pa gsungs so/ /de rnams zhes bya ba la sogs pa la /ma
zer ni dgag pa'o/  /'dod chags kyi yi ge'i tshig gi sangs rgyas kyi byang chub sems dpa' rjes su rtogs par bya ste zhes pa/ rnam par de lta bus tshig ma zer cig /ci zhes pa ni brjod par bya ba ma yin pa ci zhes thams cad
zhes bya ba la sogs pa gsungs te/  chos rnams thams cad ni phyi dang nang gi bdag nyid can rnams so/ /nges cir? 'gyur zhe na/ gzugs kyi phung po ma yin zhes bya ba la sogs pa gsungs te/ gzugs kyi phung po la sogs
pa rnams yod pa ma yin no zhes gsungs so/  /gang 'dis 'dod chags la sogs pa rnam par dag par ston par byed pas rang gi ngo bo gsungs so/ /yongs su btang ba ni yang dag par gtang ba'o/ /rnam pa gnyis zhes pa
ni bskyed pa dang rdzogs pa'i dbye bas so/  /rdo rje 'dzin pa chen po'i ting nge 'dzin ni lam gyi bdag nyid do/ /de ston par byed pa'i rgyud kyi rgyal po zhes pa 'dis mngon par brjod par byed pa dang mngon par brjod par bya ba 'dis/ mngon
par rjod byed dang brjod bya 'brel par bstan no/  /ma 'ongs pa'i zhes bya ba la sogs pa gsungs pa'i phyir/ bsgo bar gyis shig ces pa la sogs ma ni/ snga ma gsungs pa'i yul dang dus dang gnas skabs dang phyogs bcur
bzhugs pa'i 'jig rten gyi khams su gnas pa'i byang chub sems dpa' rnams kyi dbang du byas nas gsungs so zhes don la thob bo/  /'jig rten gyis khams thams cad du zhes pa ni ci ste
gang yang gzhan lhan cig pa'i 'jig rten gyi khams snyigs ma rnam pa lnga bde? pa nyid dang bral ba yod pa gang yin pa nyid du brjod par bya ba ma yin nam/  ji ltar 'jig rten gyi khams 'di nyid du yang dag par skyes pa ci
'dra ba de bzhin du 'di ston bar byed pa'i dus kyi gnas skabs kyi 'jig rten gyi khams rnams 'byung bar 'gyur na de'i tshe nyes pa cir 'gyur yang na 'byung bar 'gyur ba ma yin nam/  de bzhin du yang rgyu mtshan 'dod chags
can gyi skye po rnams dang lhan cig pa nyid gang yin pa 'byung bar 'gyur te/  de rnams kyi dbang du byas nas 'jig rten gyi khams thams cad du zhes gsungs so/ /ma 'ongs pa'i sems can rnams ci ltar gsung rdo rje
ston par byed pa po yin pa de'i sems can gyi dbang po dang yul nyid yin pa'i phyir de'i tshim kyang ngo/  de byin gyis brlab pa zhes pa ni gzung bar bya ba la bltos nas gsungs pa'i rnams pa'o/ /don dang tshul dang chos
nyid ces pa ni/  don ni mngon par brjod par bya/ de'i tshul ni rnam par dbye ba/ de nyid ni chos nyid do/ /'jig rten tu rab tu bshad zhes pa ni/ bla ma brgyud pas slob ma yi/ gzung bar tu bshad zhes pa ni/ bla ma brgyud pas slob ma yi/ gzung bar
por rab tu 'jug par bstan pa'i dbang du byas nas gsungs so/  /de bzhin du ni slob ma'i rgyud la sems kyi de lta bu'i rgyud skyed par byed pa ni bla ma'o/ /gang gi rdzogs pa'i rim pa bsgrub par byed pa yang/ gzung ba dang
'dzin pa'i dngos bor rab tu bstan ? zhes bya ba la sogs par mngon par brjod par bya'o/  /rab tu dga' ba'i sa zhes pa ni theg pa chen po'i tshul la bltos nas gsungs so/ /bla ma'i zhal nas bla ma'i zhal du zhes bya ba la sogs pas bcom ldan 'das
mya ngan las 'das nas ring du lon yang bcom ldan 'das kyi so so rang gi rig pa ni de'i rigs can rnams mdza' drug gi lam la gnas pa'i gsang ba 'dus pa pa da lta ba de rnams brgyud nas bla ma dang slob ma'i dngos pos rab tu 'jug par ston par byed do/  /
de nyid kyi phyir 'phags pa'i lam las phyi rol tu gyur pa rnams kyis zhib mngon du byed pa'i thabs med pa nyid de gzhan ni ston pa bcom ldan 'das kyi bya ba ma yin pa nyid kyi phyir ro/  nyid kyi don rjes su mnyes pa kho na rdo rje thab pa 'dir rdzogs pa'i
sangs rgyas nyid de/  rdzogs pa'i sangs rgyas nyid so so rang gi rig pa ni ye shes la rton pa nyid kyi phyir ro/ /de bzhin gshegs pa kho na de bzhin gshegs pa rnams kyi so so rang gi rig pa'i ye shes 'dzin par byed do/ /
rnam pa gzhan du de bzhin gshegs pa dang byang chub sems dpa' dag mnyam pa nyid du 'gyur ro/  /sa bcu'i dbang phyug rnams kyang rdzogs pa'i sangs rgyas rnams kyi lhan cig tu sa bcu pa la sogs par mi mnyam par
brjod par bya'o/  /nyan thos dang rang sangs rgyas zhes bya ba la sogs pa yang/ rdzogs pa nyid du 'gyur te/ rnam pa gzhan du na rigs kyi bdag nyid chen po tsam gyis nyan thos dang rang sangs rgyas rnams/ sa dang po'i
dbang phyug rnams kyis zil gyis gnon par 'gyur bar gsungs pa dang 'gal bar 'gyur ro/  /nyan thos dang rang sangs rgyas kyi bsam gtan lhag pa'i bsams pas lhag par zil gyis gnon zhes bya ba la sogs pa yang ngo?
de ltar zhes bya ba la sogs bas ma 'ongs pa'i sems can rnams la bslab pa gsungs te/  rang bzhin shes pas rdzogs pa'i rim pa mthar thug pa'i 'bras bur gyur pa rdo rje 'chang nyid do/ /'di
skad ces bya ba la sogs pas sogs kyi tshig phyis pa'o/  /ma lus zhes bya ba la sogs pas/ sdud par byed pa pos brtan pa'i rim pa rab tu gsal ba gang yin pa ma 'ongs pa'i sems can rnams la bstan pa'i rim par
ston par byed do/  /thos nas/ zhes pa ni rdo rje 'chang chen po dang mtshungs pa las so/ /nyan pa po rnams la zhes pa ni/ de'i dus su nye bar gnas pa rnams kyis so/ /yang dag par bshad nas zhes pa ni rgyud kyi rnam pa
nyid do/  /brtsams pa'i don zhes pa ni/ sdud par byed pa brtsams pa'i phyed kyi don de zhes bya ba'i don no/ /de bzhin gshegs ba thams cad ni rnam par snang mdzad la sogs pa rnams so/ /mdor bstan nas zhes pa
mtshon par byas nas so/  /zhugs pa zhes pa ni/ de dag ston par byed pa po nyid yin pa'i phyir ro/ /gsang ba rnams ni de bzhin gshegs pa de rnams nyid kyi gsang ba rnams so/ /rdo rje 'chang chen po zhes bya ba la
sogs pas ston pa po'i ming gi phreng ba ston par byed do/  /de ston pa'i zhes bya ba la sogs pas/ 'di nyid 'dir lta bar bya'o/ /zhes ston par byed do/ /snga ma zhes bya ba 'dir sngar bshad pa'o/ /le'u'i sgra ni gos
ji lta ba bzhin du mchu sbrad la sogs pa'i nye bar 'tshe ba 'jigs par byed pa de bzhin du/  las dang skye ba la sogs pa'i nye bar 'tshe ba la gos dang 'dra bar sgrib par gnas pa de len par byed do/ /'dzin bar byed do/ /
zhes pas le'ur brjod par bya'o/  /gzhan yang zhes bya ba la sogs pa ni/ /sngar gsungs pa'i byed pa po rdo rje sems dpa' ste/ de ci ltar rgyal ba skyes mchog rnams kyis rnam par bshad pa yin/ mdza' drug gi lam yang
'dus pa las gzhan ma yin na/  /gsungs pa yang rnal 'byor rgyud mdza' drug bral bar nges par zhes so/ /sangs rgyas thams cad kyi bdag nyid can nyid kyis phyir/ rdo rje 'chang chen po zhes pa la nyes pa med de gang gi phyir rdo rje
sems dpa' nyid sems can dang rjes su mthun par stobs rab tu 'jug pa nyid yin pa'i phyir phyi rol sna tshogs pa de bzhin gshegs pa'i ngo bos rnam par bshad pa'o/  /de nyid kyis na yang 'gal ba med do/ /ring gnas zhing
zhes pa ni brjod du med pa'i yang brjod du med pa'i bskal ba zad pa zhes bya ba la sogs pa gsungs pa'i sngar rgyud la rab tu 'jug par mngon par brjod pa la bltos nas gsungs so/  /phyi nas zhes pa ni phyis 'byung ba ni phyis nas
so/  /rdo rje'i 'phreng ba la sogs pa ni bshad pa'i rgyud nyid yin pa'i phyir ro/ de rnams dang/ ma yum pa ni rgyud gzhan dang /gzhan rnams su yang ngo/ /de rnams kyis bshad pa byas pa ni rnam par phye ba'o/ /mkhas mchog
gis ni/  rnal 'byor gyi rgyud rnams kyis so/ /legs par dang zhes pa ni/ sngar gsungs pa nyid kyi phyir ro/ /rgyud kyi mthar thug ces pa ni rgyud rnams kyi mthar thug pa ste/ ji ltar bdag nyid kyi mthar thug pa 'di lta ste
bsam pa can no/  /zhes mthar thug pa'i sgras ni mchog tu mngon par brjod par bya'o/ /sgrol ma ni mchog tu gsal ba ste/ bcom ldan 'das kyis gsungs pa ye shes rab tu gsal bar bshad pa/ ye shes khongs su ma
chud pa'i gnyen po nyid du sgrol ma bzhin mchog tu 'bar bar byed ba'o/  /dam pa rnams kyang yin la bde ba yang de yin pas bde ba dam pa ste/ ma bcos shing phyin ci ma log pa'i chos nyid du gsungs so/
de nyid ni mchog ste/  khams gsum pas mchod par bya ba nyid kyi phyir ro/ /zla pa ni rdo rje 'chang chen po ste/ zla ba'i brda ni/ ye shes gsum las skyes pa nyid kyi phyir dang/ de'i kha dog nyid kyi phyir ro/ /de la rtag tu 'brel pa'i blo gang
yin pa ni 'gro ba rnams gang yin pa ste de de bzhin no/  /dang ni grags pa yang rdo rje 'chang chen po dang mtshungs pa nyid yin pa'i phyir ro/ /bdag nyid kyang bshad pa gsum 'brel par bstan pa'i phyir rgya cher 'grel gyi rnam pas sgra
mtshungs pas ming rab tu bsdus te/ <br><br><a href="javascript:window.close();">CLOSE WINDOW</a>