བོད་ཡིག

e-texts based on the ACIP/ALL Input

/ //rgya gar gyi mkhan po shI tra da ka la shI sras paN+Di ta ku ma ru kA la sh+rI dpon po man tA? kA la sha zhes bya ba nyid kyis bsgyur cing gtan la phab ba'o// // le'u bco brgyad po'i 'grel ba bzhugs so/ / //rgya gar skad du/ aSh+Ta da sha pa la b+he ta ra byA khyA/ bod skad du/ le'u bco brgyad pa'i rgya cher 'grel ba/ dpal rdo rje sems dpa' la phyag 'tshal lo/ /de ltar le'u bcu bdun gyis de kho na nyid la sogs pa'i rgyun gyis mtshan nyid ni rtsa ba'i rgyud bstan te/ /de nas de'i rnam par dbye ba'i bdag nyid rgyud phyi mar gyur pa/ de nas byams pa la sogs pa zhes bya ba nas brtsams te/ le'u bco brgyad pa de bzhin gshegs pa thams cad kyi sku gsung thugs kyi gsang ba bshad par bya ba'i phyir e ma'o zhes bya ba la sogs pa sngon du 'gro bas yang dang yang du zhes bya ba'i par gyi gzhung gis byang chub sems dpa' rnams kyis gsol ba btab pa bstan to/ /gsang ba zhes bgyi ji lta lags zhes bya ba nas brtsams te/ las kyi mchog gi tshogs rnams te/ sna tshogs ji ltar byed par 'gyur zhes bya ba'i bar gyi gzhung gi dri ba ste/ mdor bstan pa'i tshig bdun cu rtsa gnyis bstan to/ /de nas zhes bya ba nas brtsams te/ gsungs zhes bya ba'i bar gyi gzhung gis de bzhin gshegs pa rnams kyis byang chub sems dpa' rnams la rim pa ji lta ba bzhin du dri ba la lan gdab pa rtsom pa bstan to/ /sku gsung thugs ni rnam pa gsum zhes bya ba la sogs pa dris pa'i lan bstan to/ /tshogs pa 'dus pa zhes bya ba la sogs pas 'dus pa'i dri ba'i lan bstan to/ /lnga pa dang ni dgu pa dang zhes bya ba la sogs pa tshigs su bcad pa bzhi pos 'brel pa'i lan bstan to/ /thams cad ces bya ba la sogs pa'i tshigs su bcad pas dgongs pa bstan cing de bzhin gshegs pa thams cad kyi brin las dri ba'i lan bstan to/ /bskyed pa'i tshigs su bcad pas dgos pa nyid bstan cing slob dpon gyi phun sum tshogs pa'i lan bstan to// dkyil 'khor dang ni brtul zhugs zhes bya ba la sogs pas slob ma'i las kyi dri ba bstan to/ /thams cad ces bya ba la sogs pas dgos pa'i dri ba'i lan bstan to/ /bstan pa zhes bya ba la sogs pas bstan pa dri ba'i lan bstan to/ /thabs dang shes rab ces bya ba la sogs pas rnal 'byor dri ba'i lan bstan to/ / rgyud ni rgyun zhes bya ba la sogs pas rgyud pa'i lan bstan to/ /gzhi dang rang bzhin zhes bya ba la sogs pas rgyud kyi don bsdus pa'i dri pa'i lan ? bstan to/ /rgyud ces bya ba la sogs pa'i tshigs su bcad pas de kho na nyid dang/ gsang ba dang spas pa dang dam pa zhes bya ba ste dri ba bzhi po'i lan bstan to/ /thog mdza' med pa zhes bya ba la sogs pas byang chub sems kyi dri ba'i lan bstan to/ /sku dang zhes bya ba la sogs pas rig pa'i skyes bu dri ba'i lan bstan to/ /lnga 'joms pa dang lnga rig pa zhes bya ba la sogs pa nas bshad do zhes bya ba'i bar gyis badzra d+hika ces bya ba la sogs pa dri ba bcu gsum gyi lan bstan to/ /nyon mongs pa zhes bya ba la sogs pas ji ltar las 'dri ba'i lan bstan to/ /thams cad ces bya ba la sogs pas rig pa'i rgyal po dri ba'i lan bstan to/ /gzung ba zhes bya ba la sogs pa tshigs su bcad pas sems 'byung ba dri ba'i lan bstan to/ /Tak+ki zhes bya ba la sogs pas khro bo dri ba'i lan bstan to/ /dam tshig ces bya ba la sogs pas 'byung ba dang 'byung ba las gyur pa'i dri ba'i lan bstan to/ /rig pa zhes bya ba la sogs pa yang rig pa'i rgyal mo dri ba'i lan bstan? to/ /gzugs zhes bya ba la sogs pas rdo rje bdag po dri ba'i lan bstan to/ /yul dang dbang po zhes bya ba la sogs pas tshigs su bcad pa gnyis kyis sngags kyi spyod pa dri ba'i lan bstan to/ / rang rang zhes bya ba la sogs pa'i tshigs su bcang pa bzhi po bzlas pa'i dri ba'i lan bstan to/ /ji ltar zhes bya ba la sogs pa'i tshigs su bcad pa bzhi pos phyag rgya dri ba'i lan bstan to/ /bzhi zhes bya ba la sogs pas chos 'byung ba bsgom pa'i dri ba'i lan bstan to/ /gzugs zhes bya ba la sogs pa tshigs su bcad pas gnyis kyis sdom pa dri pa'i lan bstan to/ /rnam par dang bcas pa zhes bya ba nas brtsams te/ bud med ces bya ba'i gzhung gis zhe sdad la sogs pa'i sems can gyi don dri ba'i lan bstan to/ /dkyil 'khor zhes bya ba la sogs pa dkyil 'khor bri ba'i lan bstan to/ /lcags kyu zhes bya ba la sogs pas bsdus pa'i dkyil 'khor la sogs pa la phyag rgya dgod pa'i dri ba'i lan bstan to/ /me tog ces bya ba la sogs pas me tog dri ba'i lan bstan to/ /mchod rten zhes bya ba la sogs pas mchod rten dri ba'i lan bstan to/ /ye shes zhes bya ba la sogs pas ye shes kyi dkyil 'khor dri ba'i lan bstan to/ /sa bon zhes bya ba la sogs pas tshig dri ba'i lan bstan to/ /bskul ba zhes bya ba la sogs pas bskul ba'i tshig dri ba'i lan bstan to/ /gtad ba zhes bya ba la sogs pas gtang ba'i dri ba'i lan bstan to/ /kun spyan 'dren zhes bya ba la sogs pas 'bod pa'i dri ba'i lan bstan to/ /rdo rje zhes bya ba la sogs pas 'tshing ba dri pa'i lan bstan to/ /sku zhes bya ba la sogs pa'i tshigs su bcad pas dbang bskur ba la sogs pa'i don dri ba'i dkyil 'khor gyi cho ga dri ba'i lan bstan to/ /dbang bskur ba zhes bya ba la sogs pa'i tshigs su bcad pa phyed dang drug gis dbang bskur pa'i dri pa'i lan bstan to/ /dad pa can zhes bya ba la sogs pa tshigs bcad bcus rig pa'i brtul zhugs dri ba'i lan bstan to/ /rang bzhin zhes bya ba la sogs pa tshigs su bcad pa lnga pos bdud rtsi lnga dri ba'i lan bstan to/ /brtson 'grus zhes bya ba la sogs pa tshigs su bcad pas brtson 'grus lnga dri ba'i lan bstan to/ /mi snang ba zhes bya ba la sogs pas tha mal pa'i dngos grub dri ba'i lan bstan to/ /dngos grub ces bya ba la sogs pas mchog gi dngos grub dri ba'i lan bstan to/ /gzhi zhes bya ba la sogs pa nas rang bzhin rang bde zhi ba ni zhes bya ba'i bar gyi tshigs su bcad pa bzhi bcu rtsa drug gis thabs dri ba'i lan bstan to/ /thams cad ces bya ba la sogs pa'i tshigs su bcad pa gcig gi thabs las byung ba'i dri ba'i lan bstan to/ /gang zhig las zhes bya ba la sogs pa nas/ bza' bar bya ba bsam par zhes bya ba'i bar gyi tshigs su bcad pa bcu gnyis kyis bka' bsgo ba'i dri ba'i lan bstan to/ /zhi la zhes bya ba la sogs pa'i tshigs su bcad pas las kyi tshogs dri ba'i lan bstan to/ /de nas zhes bya ba la sogs pas dris lan nye bar bsdu pa bstan to/ /phyag 'tshal zhes bya ba la sogs pa la/ sku la sogs pa'i sgo nas de bzhin gshegs pa rnams la/ byang chub sems dpa' rnams kyis phyag bzhi sngon du 'gro bas rtog par bskyed pa bstan to/ /legs so zhes bya ba la sogs pas de bzhin gshegs pa rnams kyis de rnams la tshigs su bcad pa bdun gyis lan bstan to/ /de nas zhes bya ba la sogs pas byang chub sems dpa' chos kyi de kho na nyid du chud par bstan to/ /de nas zhes bya ba la sogs pas rang gi rtog pa sel ba bstan to/ /gang zhig dus gsum zhes bya ba la sogs pa tshigs su bcad pa bcus bstod pa sngon du 'gro ba nas bstod pa'i tshig ni zhi ba 'dis/ zhes bya ba'i bar gyi gzhung gi nye bar bsdu ba bstan to/ /de bzhin gshegs pa zhes bya ba la sogs pas rgyud yongs su rdzogs par bstan to/ /de ltar dri ba lnga bcu rtsa brgya dang/ rtsom pa'i dri ba gcig dang/ badzra d+h+rika ces bya ba la sogs pa dri ba bcu gsum dang lhan cig 'dri ba dang lan bdun bcu rtsa gnyis bstan to/ /de ni le'u bco brgyad pa'i don bsdus pa'o// //da ni chig gi don bshad par bya ste/ de nas zhes bya ba la sogs pa la/ de nas kyi sgra ni le'u bcu bdun pa'i 'og tu 'das ma thag pa'i don la 'jug go/ ji skad du/ lnga ma 'das pa la bltos dang/ /bkra shis dang ni dbang byed pa/ /de nas sgra dang de phyir sgra// dam chos rim dang rgyud don ston/ /zhes bya ba gsungs so/ /byams pa la sogs pa ni byams pa la sogs pa byang chub sems dpa' rnams so/ /byams pa smos pa ni ma 'ongs pa'i chos kyi rgyal srid kyi gtso bor ni yang dag par rdzogs pa'i sangs rgyas te/ ma 'ongs pa la 'das pa bzhin du nye bar gdags pa'i phyir ro/ /chen po ni rgyud thams cad gtan la dbab pa la/ sems dpa' ni rtog par 'dod pa gad la yod pa de ni sems dpa' chen po'o/ /de bzhin gshegs pa thams cad kyi sku gsung thugs kyi gsang ba ni dpal gsang ba 'dus pa'i spas pa ste rdo rje'i tshig? go? / bshad par bya ba ni dri ba zhus nas dgrol par bya ba'i don du'o/ /dngos po kun gyis ni sku la sogs pas so/ /ji lta ba bzhin ni phyin ci ma log pa'o/ /ji ltar dam tshig ni bsrung bar bya ba dang bza' bar bya ba'i dam tshig gnyis mi gtong pas so/ /thos pa ni le'u bcu bdun mnyan nas so/ /lta ba dang rtogs pa ni bsam pa dang bsgoms pas so/ /de bzhin gshegs pa de dag thams cad ni mi bskyod pa la sogs pa rdo rje 'chang chen po dang rgyud tha mi dad pa/ mthong ba chos zhes bya ba ni tshe 'di nyid du rdo rje 'chang chen po'i go 'phang rtsol ba la 'di skad ces gsol to zhes bya ba ni/ 'og nas bshad pa'i ched du brjod pa brjod do/ /de ni sgrub pa'o/ /ye ma'o zhes bya ba ni ngo mtshar pa'o/ /kun tu bzang po ni bcom ldan 'das rdo rje 'chang chen po'o/ /sku gsung thugs kyi gtan la dbab pa ni tha mal pa'i lus la sogs pa'i khyad par gyi lha'i sku bskyed pa gang yin pa de ni ngo mtshar ba'o/ /de bzhin du sku la sogs pa de rnams kyang rdo rje gsum ste de bzhin gshegs pa gsum gyi rang bzhin gsum ni khams gsum gyi rang bzhin rdo rje 'chang che po la kun tu zhugs zhes bya ba ni khams gsum gyi bdag nyid du 'gyur zhing zhugs te ro gcig par gyur pa de yang ngo mtshar ba'o/ /de ni bskyed pa dang rdzogs pa'i rim pa dag go/ de 'ba' zhig tu yang ma zad de ji srid sems can thams cad ni khams gsum gyi nang na gnas pa sgo nga las skyes pa la sogs rdo rje 'chang gi 'od zer gyis reg pa rdo rje 'chang chen po dang 'dra bar 'byung ba'o/ /de bzhin du dus gsum gyi rdo rje'i ngo bo ni dus gsum la gnas pa'i de bzhin gshegs pa 'byung ngo zhes bya ba ni ngo mtshar pa'o/ /de nyid kyi phyir byang chub rdo rje ni rdo rje 'chang chen po ste/ de'i gnas ni de dang 'dra ba'i thob pa'o/ /sangs rgyas rdo rje ni 'jig rten las 'das pa'i dngos grub dang rdzu 'phrul che ni 'jig rten gyi dngos grub ste/ sems can thams cad kyis ngo thob par gyur pa de ni ngo mtshar ngo/ /de ni bskyed pa dang rdzogs pa'i rim pa dag go/ de bzhin du e ma ni ngo mtshar che'o/ /'dir ba ngo mtshar che ni 'jug pa la sogs pa'i rim gyis rdo rje nyid thob pa'o/ /de bzhin du zhi ba ni rnam par shes pa'i rang bzhin dang/ rang bzhin 'gog pa'i mtshan nyid de 'od gsal ba dbang po las 'das pa ni dbang po dang yul dang rnam par shes pa'i rnam par rtog pa las 'das pa thob pa de yang ngo mtshar ba'o/ / de nas 'khor bdag gi rgyun ni de bzhin du mchog ni 'od gsal ba las byung ba sgyu ma'i rang bzhin ye shes kyi sku'i mtshan nyid gang yin pa de yang sems can thams cad kyi don byed pa'i nus pa dang ldan pa ngo mtshar ba'o/ /de bzhin du 'dod chags la sogs pa'i rim gyis de nye bar zhi ba'i mtshan nyid mya ngan las 'das pa ni thar pa'i ngo bo bzhi pa'i mtshan nyid de kho na nyid thob pa de yang ngo mtshar ba'o/ /yang na 'khor ba dag gi rgyun mi gnas pa'i mya ngan las 'das pa sprul pa'i sku rgyun gyi rtag bas 'gro ba'i don mdzad pa'i phyir gnas pa ste/ zung du 'jug pa'i ting nge 'dzin gang yin pa de ni ngo mtshar ba'o/ /de ni rdo rje bzlas pa dang sems la dmigs pa dang/ bdag la byin gyis brlab dang/ mngon par byang chub pa dang/ zung 'jug pa'i rim pa'o// byang chub sems dpa' i tshig gsan nas/ de bzhin gshegs pa thams cad ni mi bskyod pa la sogs pa rdo rje 'chang chen po dang gcig tu gyur pas so/ /byang chub sems dpa' rnams la bka' stsal pa ni/ byang chub sems dpa' ni byams pa la sogs pa ste bod pa'o/ /de de bzhin no zhes bya ba ni ji ltar khyod kyis bshad pa de de ltar yin gyis gzhan du ni ma yin no/ /'di ltar bshad pa yin te/ ji ltar bcom ldan 'das rdo rje 'chang gis tshig gis don bcu drug bshad pa'i rim gyis rgyud kyi rgyal po bstan pa de bzhin du khyod kyis kyang thos ba dang bsam pa dang bsgom pa'i rim gyis mngon du byas so zhes bya ba'i tshig gi don to/ /de nas zhes bya pa la sogs pa la/ byang chub sems dpa' ni bsam pa la sogs pa sems dpa' chen po ni 'dri ba'i bsam pa dang ldan pas 'dus byas par gyur pa ni gcig tu gyur te/ de bzhin gshegs pa thams cad ni ? bskyod pa la sogs pa la /gsang ba dang phyi'i mchod pa dang bdud rtsi dang mchod pa lngas mchod cing phyag byas te 'dud cing bstod nas/ mgrin gcig ni dbyangs gcig gis gsol pa ni 'di skad zhus so/ /de ni las kyi rgyal ba mchog go/ kye bcom ldan 'das de bzhin gshegs pa thams cad 'di yis gsang ba 'dus pa zhes bya pa'o rgyud kyi rgyal po shin tu rnyed pa dka' ba ni sngar bshad pa'i tshul gyis sngon gyi de bzhin gshegs pa 'od srungs la sogs pa'i dus su yang ma gsungs pa'i phyir nye bar dka' ba'o/ /dam tshig gtso bo yin pa'i phyir dam tshig yin gyi bya ba mang ba ni ma yin no/ /thabs mang ba yin pa'i phyir thabs te/ de bas na byang chub sgrub pa ni rdo rje 'chang gi go 'phang thob par byed pa'i rgyud ni bya ba dang rnal 'byor la sogs pa phyi ma'i phyi ma ste rnal 'byor phyi ma'i rgyud kyi yang phyi ma rnal 'byor chen po'i rgyud do/ /de bas na bcom ldan 'das kyi drin gyis ni kho bo cag gis re zhig rtogs so/ /de ni dka' ba dang sbas pa'i tshig 'dri ba lan gyi sgo nas/ sems can ni spos te shes pa'i nyan pa po rnams la phan 'dod pa ste/ rjes su gzung ba'i 'dod pas khyod ni rdo rje 'chang chen po'i gcig gi rang bzhin khyed rnams la gsol bar 'tshal ba ni zhu bar bya ba zhes bya ba'i don to/ /de na tshig gi don bcu drug gi bshad pa'o/ /de nas de bzhin gshegs pa de dag thams cad ni mi bskyod pa la sogs pas/ byang chub sems dpa' brtsams la 'di skad bka' stsal pa ni gsungs so/ /kye byang chub sems dpa' 'dus pa rnams la legs so legs so zhes bya ba ni mgu pas tshig gnyis so/ /de lta bu'i yon tan dang ldan pa spros te shes pa'i nyan pa po rnams kyis spas pa'i tshig? gi don rtogs par bya ba'i phyir 'byung gnas ni 'dri ba'i 'byung gnas te/ gzhan gyi don byed pas yang legs par smra ba gnyis pa'o/ /legs par smra ba'i rgyu bstan par bya ste/ gang zhig spras pa'i tshig rgyud ces bya ba ni dpal gsang ba 'dus pa'i ? rtogs par dka' ba'i tshig le'u re re la gnas pa rdo rje'i tshig gang yin pa de dag thams cad do/ /de dag thams cad 'dri 'dod pa ni khyod kyis 'dri bar 'dod pa zhes bya ba'i rten dgongs pa'o/ /de ni tshig gi don bcu drug go/ de nas zhes bya ba la sogs pa la legs par smra ba'i tshig nyan pas rab tu dga' ba ni sems la gnas pa'i brab? pa'i dri ba rtogs pa'i rab tu gsal pa'i phyir mig gdangs pa dang/ yang dang yang du dad pa'i shugs kyis phyag 'tshal zhing btud de/ 'di'i 'og nas bshad par 'gyur pa'i som nyi ni the tshom gyi tshig zhus par gyur pa ni 'dri bar byas pa ste/ byang chub sems dpa' byams pa la sogs pa ste snga ma dang sbyar ro/ /de ni tshig gi don bcu drug go/ gsang ba bya ba nis brtsams te/ sna tshogs ji ltar byed par 'gyur zhes bya ba'i bar ni go sla'o/ /don bsdus pa'i skabs su 'dri ba bdun cu rtsa gnyis bshad pa'i phyir ro/ /de nas de bzhin gshegs pa de dag thams cad ni thugs rdo rje la sogs pa'o/ /byang chub sems dpa' rnams kyis zhus pa gtso bor gyur tshig ni zhus pa'i tshig go / nye bar gsan pa ni gsan pa ste/ chen po ni ye shes gsum dang byang chub ni rang bzhin rnams so/ /rdo rje ni de rnams 'joms pa 'od gsal pa la dmigs shing zhugs te/ skad cig ni gung tsam ste/ mi gsung bar gyur pa ni de'i ting nge 'dzin la thugs rtse gcig par gyur to/ /de ni sems la dmigs pa'i rim pa'o/ /dgongs pa ni 'di yin te/ zab mo'i don gsal ba'i don du dang po de kho na nyid rjes su ? de bzhin gshegs par zhugs pa dang de rnams kyis kyang 'od gsal ba khong du chud do zhes shes nas/ byang chub sems dpa' rab dga' nas ni nges par kho bo cag la de rnams kyi the tshom gcod par 'gyur ro/ /gzhan du ? phyir bcom ldan 'das bsam gtan la bzhugs par gyur zhes bya'o/ /de nyid kyi phyir snying rje'i bdag nyid ni thugs rje chen po dang ldan pa/ rdzogs pa'i sangs rgyas ni thams cad mkhyen pa bde bar gshegs pa ni de bzhin nyid legs par mkhyen pa mgon po ni khams gsum pa thams cad kyi ston pa la/ yang dang yang du ni nyan par 'dod pas/ rab bskul ni kho po cag la de rnams kyis ji ltar the tshom chod par 'gyur zhes de rnams kyi zhal la blta ba la brtson par 'gyur ro/ /de ni sgrub pa'o/ /'ong gsal ba'i ting nge 'dzin las langs te/ de bzhin gshegs pa rnams kyis byang chub sems dpa' rnams la 'dri ba dgrol bar bya ba'i phyir gsungs pa ni/ kye? byang chub sems dpa' ni byams pa la sogs las zhus pa rgya chen ni the tshom? rgya che ba'i lan ni/ mnyam par gyis shig ces bya ba ni nyon cig pa'o/ /ji ltar nyon cig pa ni sku gsung thugs kyi rdo rje yis zhes bya ba ni sku gsung thugs rtse gcig pas so/ /zhus pa rgya chen ji lta bu zhe na/ sku gsung thugs kyi rdo rje ni sku la sogs pa'i rang bzhin de bzhin gshegs pa'i snying por gyur pa'o zhes bya ba ni tshig gi lhag ma'o/ /de ni tshig don bcu drug go /de nas zhes bya ba la sogs pa la / byang chub sems dpa' thams cad ni byams pa la sogs pa'o/ /de bzhin gshegs pa de dag thams cad ni mi bskyod pa la sogs pa'i 'brel ba dang ldan pa/ rjes su gzung ba'i bka' ni/ rjes su gzung pa'i bka' lung spro? bos rab tu mnos pa ni dang pas rab tu blangs te ? rang rang gi ni rang rang gi bdag nyid kyi'o/ /byang chub sems dpa' chen po rdo rje 'dzin ni de bzhin gshegs pa thams cad kyi rang bzhin dpal rdo rje sems dpa' i sku la sogs pa'o/ /'jig rten las 'das pa'i lha'i rang bzhin gang yin pa de rnams la/ dmigs pa ni blangs te legs par smra ba mngon du 'gro bas so/ /cang mi smra bar gyur to zhes bya ba na chos bstan pa mnyam par bya ba'i phyir rtse gcig pa nyid du gyur to zhes bya ba'i don to/ /de ni bsgrub par bya ba dang bskyed pa'i rim pa'o/ /de nas zhes bya ba la sogs pa la/ chos la dad pa'i sems dang/ rtse gcig nyid dang ldan pa'i byang chub sems dpa' la gzigs shing de bzhin gshegs pa rnams kyis/ rang gi thugs thugs rje chen po bskyed cing gsung gcig gis de rnams kyi 'dri ba'i the tshom sel bar bya ba'i phyir bka' stsal ba ni gsungs so zhes bya ba'i don te sgrub pa'o/ /sku gsung thugs ni zhes bya ba la sogs pa la/ rnam pa gsum ni sku gsung thugs gsum ste/ tha mal pa'i ngo bo dang bral zhing aoM shU n+ya tA zhes bya ba la sogs pa'i sngags rjes su dran pas stong pa nyid du zhugs pa de dag nyan thos pa la sogs pa thob par bya ba ma yin pa'i phyir gsang ba zhes bya ste dang po'i sbyor pa'o/ /de bzhin du sku la sogs pa gsum ni lha'i rnam par sngo ba gsang ba ste dkyil 'khor rgyal ba mchog go/ sku la sogs pa gsum 'od du zhu ba ni gsang ba ste /las kyi rgyal ba mchog go/ 'dod pa'i gdugs la sogs pa 'gro ba bskyed pa'i rgyu rtsa gsum gsang ba ste/ bskyed pa'i rim pa'o/ /sku la sogs pa nye bar bsdu ba thig le phra mo sna rtse gsum la gnas pa gsang ba ste /rdzogs pa'i rim pa'o/ / sku gsung thugs ni yi ge gsum 'jug pa la sogs pa'i rim gyis 'od gsal ba'i gnas thob pas gsang pa ste / rdo rje bzlas pa'i rim pa'o/ /sku gsung thugs kyi rgyur gyur pa rnam pa gsum ni rnam par shes pa dang rang bzhin gyi tshogs te/ de dag 'od gsal ba la thim pas na gsang ba ste/ sems la bzhigs pa'i rim pa'o/ /sku gsung thugs ni chos dang longs spyod rdzogs pa dang sprul pa'i sku rnams 'ja' tshon dang 'dra ba 'ong gsal la byung pas na gsang ba ste/ bdag la byin gyis brlab pa'i rim pa'o/ /chags pa dang chags pa bar ma dang chags pa dang bral ba ni sku gsung thugs rnam pa gsum ste/ de dag rim pa bzhi pas rnam par dag pas na gsang ba ste mngon par byang chub pa'i rim pa'o/ /kun rdzob dang don dam pa dang gnyis ka 'dres pa ni sku gsung thugs rnam pa gsum ste/ mi gnas pa'i mya ngan las 'das pa'i ngo bor gnas pas na gsang ba ste/ zung du 'jug pa'i rim pa'o/ /sku la sogs pa rnam pa gsum ni sems dpa' gsum gyi bdag nyid kyi thabs dang shes rab ste/ de dag sbyor bas na gsang ba ste/ sku gsung thugs ni rak+ta la sogs pa gsum gyis byin gyis brlab pa ni rdo rje dang pad+ma ste de dag sbyor ba ni gsang ba ste rgyu'o// hUM dang phaT la soD pa'i yi ge gsum gyis bskyed cing de nyid kyis mtshan pa rdo rje dang pad+ma bskyod pa ni gsang ba ste las so/ /sku gsung thugs gsum ni bde ba chen po'i rang bzhin zhi ba rtogs pas na gsang ba ste/ 'bras bu'o/ /yul dang dbang po dang rnam par shes pa ni gsum ste/ de dag phrad pas yul der nye bar spyod cing sku la sogs pa bde ba bskyed pa na gsang pa ste/ so sor bsdud pa'o/ /de nyid kyi sku la sogs pa gsum gyi rang bzhin de bzhin gshegs pa lnga'i bdag nyid du rtogs pa ste bsam gtan no/ /'jug pa la sogs pa'i rim pas 'gro ba dang 'ong ba'i rim pas sbyor bas sku la sogs pa gsum gyi rang bzhin yungs kar gyi 'bras bu'i chad tsam thig le spro ba dang/ sdud pa ni gsang ba ste srog dang rtsol ba'o/ /sku la sogs pa gsum nye bar sdud par byed pas rdo rje la sogs pa sna rtse gsum la thig le 'dzin pa ni gsang ba ste 'dzin pa'o// sku la sogs pa gsum gyi ngo bo de bzhin gshegs pa thams cad nam mkha' i khams la spro ba ni gsang ba ste rjes su dran pa'o/ /sku la sogs pa gsum ste de nye bar sdud cing mos pa'i rnal 'byor gyis mi gnas pa'i mya ngan las 'das pa'i dbyings kyi ngo bo'i rdo rje 'chang chen po'i sku dmigs pa ni gsang ba ste ting nge 'dzin no// sku la sogs pa gsum ni bsrung ba dang bza' ba'i dam tshigs nyams su blang ba ni gsang ba ste/ dam tshig dang sku la sogs pa de bzhin gshegs pa'i rigs kyi sdom pa blang pas zhi ba la sogs pa'i las kyi tshogs sgrub pa ni gsang ba ste sdom pa yin no zhes sgrub pa'o/ /de ltar gsang ba'i sgras tshig gi don bcu drug bstan pas rgyud kyi don ma lus pa bstan pa'o/ /'dus pa zhes bya la sogs pa la/ 'dus pa bsdus par byed pas na 'dus pa ste/ mdor bstan pa'o/ /sangs rgyas thams cad phung po 'am de bzhin gshegs pa rnams 'dus pa ste/ de ni rgyud kyi rgyal po de'i mtshan nyid yin no zhes bya ba'i don to/ /zla ba dang nyi ma dang sa bon dang mtshan ma dang sbro ba dang bsdu ba dang sku bskyed pa ste/ mngon par byang chub pa lnga dang / de bzhin gshegs pa lnga spros ? bsdu ba ste/ dang po sbyor ba dang/ dkyil 'khor rgyal ba mchog go /sku rdzogs nas de bzhin gshegs pa thams cad bzhugs pa ni 'dus pa ste/ las kyi rgyal ba mchog go/ rtsa rgyus stong phrag bdun cu rtsa gnyis lam byang chub kyi sems spro bas sangs rgyas thams cad kyi rang bzhin khams gsum pa bskyed pas na 'dus pa ste/ bskyed pa'i rim pa'o/ /thabs dang shes rab snyoms par 'jug pas rjes su chags pa mchog gi sgras rgyal ba ma lus pa'i tshogs zhugs shing rdo rje nor bu'i rtse mor ro gcig par gyur pa byang chub kyi thig le'i ngo bo ni 'dus pa ste/ rdzogs pa'i rim pa'o/ /yang na rdo rje'i lam nas byang chub kyi sems kyi thig lo spro zhing pad+ma'i lta ba'i nang du dkyil 'khor ba'i lha'i gzugs su dam tshig gi 'khor spro ba ni 'dus pa ste bskyed pa'i rim pa'o/ / phyir mi ldog pa'i dbang gi dus su slob ma'i tshangs pa'i sgo nas de bzhin gshegs pa thams cad zhugs pa ni 'dus pa ste/ las kyi rgyal ba mchog go/ yi ge phyi mo bzhi bcu rtsa dgu po pho dang mo dang ma ning gi rtags kyi rang bzhin yi ge sum gyis bsdus pas na 'dus pa ste/ rdo rje bzlas pa'i rim pa'o/ /rang bzhin brgya drug cu shes rab dang thabs dang ma rig pa gsum gyis bsdus pas na 'dus pa ste/ sems la dmigs pa'i rim pa'o/ /khams gsum pa 'am/ sku gsum ni sgyu ma lta bu nyid kyis bsdus pas na 'dus pa ste/ bdag la byin gyis brlab pa'i rim pa'o/ chags pa la sogs pa 'od gsal bas bsdus pa na 'dus pa ste/ mngon par byang chub pa'i rim pa'o/ /kun rdzob dang don dam pa bsdus pa ni 'dus pa ste zung du 'jug pa'i rim pa'o/ /thabs dang shes rab yang dag par sbyor ba ni 'dus pa ste rgya'o/ /sangs rgyas thams cad ni aoM la sogs pa dgod cing rdo rje dang pad+ma bskyod pa ni 'dus pa ste las so/ /phung po la sogs pa thams cad sdud pa bde ba chen po'i rang bzhin don dam pa ni 'dus pa ste/ 'bras bu'o/ /yul dang dbang po 'dus pa ni 'dus pa ste so sor bsdud pa'o/ /de dag de bzhin gshegs pa'i rnam par bsgom pa ni 'dus pa ste/ bsam gtan na/ /khams thams cad kyi rang bzhin byang chub kyi sems yan lag thams cad las bskul te/ sna rtse gsum gyi gzhing bsdu zhing 'jug pa la sogs pa'i rim gyis spro ba dang bsdu bar bya ba ni 'dus pa ste srog dang rtsol ba'o/ /de nyid 'jug pa la sogs pa dang bral zhing dang mthar me'i rtse mo dang 'dra bar rgyun gyis bsdus pa ste 'dzin pa'o/ /de nyid las sangs rgyas dang byang chub sems dpa' spro zhing nam mkha' i dbyings la khams gsum po dkyil 'khor gyi tshul du bsdus pa ni 'dus pa ste/ rjes su dran pa'o/ /de dag nye bar bsdu zhing sangs rgyas thams cad kyi rang bzhin rdo rje 'chang chen po'i skur bsdus pa ni 'dus pa ste/ ting nge 'dzin to/ /lcags kyu lnga dang rin chen lnga ni sangs rgyas thams cad kyi rang bzhin sbyang pa la sogs pa'i rim gyis byang chub kyi sems kyi ngo bor bsdus pa ni 'dus pa ste sgrub pa'o/ /de ltar tshig gi don bcu drug gi ston par byed pa gsang ba 'dus pa'i tshig 'di dag ni rjod par byed pa dang brjod par bya ba'i bdag nyid ni dpal gsang ba 'dus pa'i rgyud yin no/ /de la rjod par byed pa ni 'dus pa'i tshig yin la/ gsang ba'i tshig ni de'i khyad par du gyur pa yin na yang brjod par bya ba yin no/ /de ni 'brel pa bstan par bya ste/ le'u thams cad rnam par dbye bas gnas shing gsum gsum por zhing 'bral bar shes par bya'o// de nyid lnga pa zhes bya ba la sogs pa gsungs te/ lnga pa ni spyod ba'i le'u dang/ dgu pa ni de las gsungs pa'i rdo rje'i tshig nges par bshad pa'i mtshan nyid 'gal ba'i rnal 'byor pa'i ting nge 'dzin gyi le'u dang/ bcu bdun pa dam tshig dang sdom pa'i le'u dang/ bcu gsum pa ni las rab 'byams kyi le'u rnams so/ /sangs rgyas ni rdzogs pa'i rnal 'byor pa dang/ byang chub sems dpa' rnaMs ni ma rdzogs pa'i rnal 'byor pa rnams kyis bstan pa sgrub pa ni 'dul bar byed pa ste/ de bas na gzhan gyi don phun sum tshogs pa gtso bo yin pas chen po ste mchog go /gang gi phyir spyod pa rnam gsum gyi gdug pa la sogs pa pha rol gyi rnam par shes pa la sogs pa 'gugs dang/ zhi ba la sogs pa las rab 'byams dang/ dam tshig dang sdom pa'i sgo nas kyang rnal 'byor pas sems can gyi don bya'o zhes sgrub pa'o/ /de bzhin du bzhi pa ni thugs kyi dkyil 'khor gyi le'u dang/ bcu drug pa ni sku dang gsung gi dkyil 'khor gyi le'u dang/ brgyad pa ni gsang ba'i dbang bskur gyi le'u dang/ bcu gnyis pa ni phyag rgya chen po yongs su gyur pa'i le'u ste/ slob dpon gyi lan ni slob dpon gyi bya ba dang/ spyi'i las ni slob ma rjes su bzung bar bya ba'i phyir dngos grub bstan pa dang/ brtul zhugs ni ji ltar mos pa dkyil 'khor la zhugs pa dang/ sdom pa ni lha'i rnam pa bsgoms par bya ba ste bskyed pa'i rim pa'o/ /de bzhin du drug pa ni sku la sogs pa byin gyis brlab pa'i le'u dang/ gnyis pa ni byang chub kyi sems kyi le'u dang/ bcu pa ni sngags kyi sgo nas de bzhin gshegs pa'i snying po bskul ba'i le'u dang/ bcu bzhi pa ni sngags gtso bor gyur pa las rab 'byams kyi le'u ste/ drag spyod ni/ aoM sarbba ta thA ga tA kA ya badzra swa b+hA ba At+ma konya haM zhes bya ba la sogs pa dang/ dngos po med par bsgom pa ni dngos zhes bya ba la sogs pa dang/ aoM A:hUM zhes bya ba la sogs pa dang/ aoM ru ru sphu ru dzwa la tiSh+Tha sid+d+hi lo tsa ne sarbba artha sA d+ha? ni swA hA/ zhes bya ba la sogs pa la/ rjes su chags pa ni brtan par bya ba'i phyir sku rdo rje la sogs pa phyin gyis brlab pa dang/ stong pa nyid bsgom pa dang/ snying po skul ba dang/ zhe pa la sogs pa byed pa ste/ de nyid kyi phyir nye bar sgrub pa ste rdo rje 'chang chen po'i go 'phang nye bar sgrub pa dang/ sdom pa ni bslab pa gtso bor gyur pa'o/ /de ni dang po sbyor ba dang las kyi rgyal ba mchog dang sgrub pa rnams so/ /bdun ba ni spyod pa'i khyad par gyi le'u dang/ gsum pa ni lha'i le'u dang/ bcu gcig pa ni sngags kyi rgyud dang ye shes sku'i le'u dang/ bco lnga pa ni sgyu ma lta bu'i lha'i sku'i le'u ste/ dngos grub kyi zhing ni rdo rje 'chang la sogs pa lha'i sku rtags ni rgyur gyur pa'o/ /de nyid kyi phyir bsnyen pa sgrub pa'i sdom pa ni de bzhin gshegs pa'i sku sgrub par byed pa ste /rang gi don sgrub par byed pa'i gtso bo yin no/ /gang gi phyir spyod pa dang rtogs pa'i lha bsgom pa dang/ rtog pa dang po yongs su rdzogs pa'i lha bsgom pa dang/ sgyu ma lta bu ting nge 'dzin gyis tha mal pa'i sku rnam par dag pas khyad par gyi lha'i go 'phang thob par 'gyur te/ de ni sgrub pa dang/ bskyed pa'i rim pa dang/ bdag la byin gyis brlab pa'i rim pa'o/ /de ltar bdun pa la sogs pas rang gi don phun sum tshogs pa dang/ drug pa la sogs pa de nyid kyi thabs kyis phun sum tshogs pa dang/ lnga pa la sogs pas gzhan gyi don phun sum tshogs pa dang/ bzhi pa la sogs pas de nyid kyi thabs kyi phun sum tshogs pa bsgrub par bya'o/ /de ltar rang gi don phun sum tshogs pa dang /gzhan gyi don phun sum tshogs pa dang/ de gnyis ka'i thabs kyis phun sum tshogs pa gtso bor gyur pa'i le'u bstan pa 'brel pa'o/ /de le'u dang po ni 'bras bur 'gyur pa te/ 'brel pa'i nang du ma bsdus pa dang/ de le'u bco brgyad pa ni rdo rje tshig nges par bshad pa'i sgo nas rnam par grol ba'i bdag nyid de /de ni 'brel pa brjod pa ma yin no/ /kha cig na re le'u bzhi ni bsnyen pa la sogs pa yan lag bzhi brjod pa zer ba de ni mi rigs te/ gang gi phyir bsnyen pa la sogs pa spangs pa ni le'u gcig kyang mi dmigs te/ thams cad de nyid gtso bor gyur pa'i phyir dang/ khas blangs na yang 'khrul pa'i phyir ro/ /'di lta ste/ gal te lnga la sogs pa sgrub pa chen po nyid du 'dod na de'i tshe yi ge dgod pa'i bdag nyid sgrub pa chen po med pa ste/ spyod pa dang rnam par shes pa la sogs pa dgug pa dang las kyi rab tu dbye ba dang/ dam tshig dang sdom pa gtso bo yin pa'i phyir ro/ /bzhi pa la sogs pa la dkyil 'khor la zhugs slob ma rjes su bzung bar bya ba'i dus su sku bsgrub pa ni med de/ stong pa nyid med pa'i phyir ro/ /drug pa la sogs pas sku la sogs pas byin gyis brlab par bsgrubs nas sa bon bsdus pa'i bdag nyid ni nye bar sgrub pa mi rigs so/ /de nas bdun pa la sogs pas rang gi don bsgrub pa'i phyir lha'i sku sgrub na stong pa nyid ni bsnyen pa med do/ /rdzogs pa'i rim brjod par byed pa la bsten pa la sogs pa la thabs dang shes rab snyoms par zhugs pa la sogs pa ni lnga pa la sogs pa'i don ma yin ma yin pa/ thabs bzhi pa'i rim gyis bsnyen pa la sogs pa mi rigs pa dang/ dkyil 'khor gyi cho ga'i rim gyis bsnyen pa la sogs pa ni mi rigs te/ ci'i phyir le'u bzhi pa la sogs pas dkyil 'khor gyi cho ga la sogs pa brjod kyis/ gzhan dag gis ni brjod pa ma yin pa'i phyir ro/ /gang gi phyir re zhig dang por bskyed pa'i rim pa la rdo rje bzhi pa'i rim pas stong pa nyid dngos po na bsdus pa dang/ gzugs rdzogs pa dang yi ge dgod pa la sogs pa'i bdag nyid bsnyen pa la sogs pa yin no/ /rdzogs pa'i rim pa la yang thabs dang shes rab dang/ rdo rje dang pad+ma dang yang dag par sbyor ba dang/ de bskyod pa dang/ bde ba chen po nyams su myong ba ni bsnyen pa la sogs pa'o/ /de bzhin du rdzogs pa'i rim pa la yang yan lag drug pa'i rnal 'byor bsgom pa ni bsnyen pa'o/ /de bzhin du bskyed pa'i rim pa yang bsdum pa dang/ sbyin pa dang dbye ba dang/ chad pa dang bzhin ni bsnyen pa dang/ nye bar sgrub pa dang/ sgrub pa dang/ sgrub pa chen po yin no/ /dkyil 'khor gyi skabs su yang gtsug tor 'khor lo sgyur ba dang/ bdud rtsi 'khyil pa dang/ rang gi lhag pa'i lha dang/ rdo rje 'chang sgom pa ni bsnyen pa la sogs pa yin no zhes bsdus nas bsnyen pa la sogs pas dbye ba bcu drug ni rim pa gnyis kyi nang du bsdus so/ /de dang 'dra ba le'u lnga pa sogs pa la med do/ /zhes bsnyen pa la sogs pa rjod par byed pa ni rigs so/ /de bas na rang bzo nyid kyi 'chad pa pos 'jig rten pa'i 'khrul par byed de/ lung dang rigs pa med pa'i phyir ro/ /zhes ha cang thal ches pas cho ga ste rnal 'byor ma'i don bshad pa'o// da ni tshigs su bcad pa gsum gyi dgos pa bshad par bya ste/ de bzhin gshegs pa zhes bya ba la sogs pa la/ de bzhin gshegs pa kun gyi las ni phrin las te/ tshar gcod pa ni gsod pa ni gsod pa la sogs pa 'jig rten pa dang/ mi bskyod pa'i sangs rgyas kyi zhing du zhugs pa la sogs pa la 'jig rten las 'das pa dang/ phan 'dogs pa ni zhi ba la sogs pa'i phrin las 'jig rten pa dang/ lha'i sku sgrub pa la sogs pa 'jig rten las 'das pa ste/ rdo rje 'chang gi go 'phang thob par bya ba'i phyir spyod pa ste nus pa'o// 'dul ba la ni dang pa la sogs pa'i yon tan dang ldan pa gdul dga' ba ni dkon mchog gsum la gnod par byed pa dang/ zhi ba ni 'dod chags la sogs pa'i nyes pa dang bral ba'i sems can ni skye bo rnams so/ /'jug pa ni bcom ldan 'das kyis de kho na nyid la 'jug par bya ba'i phyir nye bar gsungs so zhes bya ba'i bar du'o/ /de bzhin du bskyed pa'i rim pa dang 'brel pa ni bskyed pa'i rim pa'i sgo nas bsnyen pa la sogs pa rdo rje cho ga gzhi ni rdo rje bzhi rim gyis so/ /dngos grub thams cad ni de bzhin gshegs pa lnga'i sku thun mong ste/ bskyed pa'i rim pa dang bsgrub pa'i bsgom pa bcom ldan 'das kyis gsungs pa gang yin pa de ni rang gi don bsgrub par bya ba'i phyir dang/ 'brel pa'i gzhung nyid de/ le'u'i rim pas dgongs pa de ni bdag gi don to/ /de ni dang po sbyor ba la sogs pa gsum mo/ /dkyil 'khor zhes bya ba la sogs pa dkyil 'khor ni thugs kyi dkyil 'khor la sogs pa la zhugs pa'i slob ma la slob dpon gyis/ brtul zhugs ni sdom pa la sogs pa dang/ 'brel pa ni rig pa'i dbang bskur ba sngon du 'gro ba'i thabs dang shes rab snyoms par 'jug pa'i dbang bskur dang/ gzhung ni dkyil 'khor gyi de kho na nyid pa'i tshig dang/ slob dpon phun sum tshogs pa ni rang dang gzhan gyis don phun sum tshogs pa bsgrub par byed pa de bzhin gshegs pa dang/ rdo rje 'chang gnyis kyi dbugs dbyung ba ston cing bla mas sngags kyi lan nas te/ gsang ba 'dus pa'i cho ga slob ma yongs su smin par bya ba ni gdul bar bya ba gang yin pa de ni dgos pa zhes bya ba'i don te/ gzhan gyi don phun sum tshogs pa bsgrub pa bshad do/ /dgos pa'i dgos pa bshad bya ste/ brtul zhugs bzang po ni sdom pa dang ldan pa dang/ dbang bskur ba ni dbang thob pa dang/ bdag nyid che ba ni thos pa la sogs pa'i rim gyis rdo rje 'chang gi go 'phang rtogs pas so/ /sangs rgyas dang byang chub sems dpa' ni dbang po rno ba dang bar pa dang/ dman pa rnams la bstan pa'i sgo nas yongs su grol ba ni 'dod chags la sogs pa rnam par dag cing 'od gsal ba nyid du bya ba gang yin pa de ni dgos pa zhes bya ba 'i don to/ /bsgrub pa'o/ /shes rab ces bya ba la sogs pa shes rab ni gang zag dang chos bdag med pa'i mtshan nyid de stong pa nyid do/ /thabs ni thugs rje chen po'o/ /de dag snyoms par 'jug pa ni rdo rje 'chang gi sa bcu gsum pa la gnas pa bcom ldan 'das kyis sgom pa mthar thug pa yang dag par sbyor ba zhes bshad de/ rgyas par bshad pa ni gang zhig dngos med ni thams cad stong pa shes rab ste/ phul du byung ba'i ye shes yin pa'i phyir ro/ /de bzhin du thabs nas dngos po'i mtshan nyid de/ snying rje'i rang bzhin gyi ming gis rnam grangs te/ rdzogs pa'i rim pa'o/ /yang na shes rab ni stong pa nyid la sogs pa rnam par thar pa'i sgo gsum bsgoms las sprin med pa'i nam mkha' dang 'dra bar bdag nyid mthong ba'o/ /thabs ni sa bon la sogs pa 'dus pa'i sgo nas sku bsgrub pa'o/ /de dag snyoms par 'jug pa ni sku la sogs pa byin gyis brlabs pa dang/ bsted pa yang ngo/ /de nyid bshad par bya ste/ gang zhig dngos med ni stong pa nyid sgom pa ste shes rab bo/ /thabs ni dngos po'i mtshan nyid de 'gro ba'i nyi don byed pa nus pa'i lha'i sku la dmigs la/ des ni 'gro ba'i don grub par 'gyur ro zhes bya ba'i don to/ /de ni dbang po'i sbyor ba dang/ dkyil 'khor rgyal po mchog dang/ las rgyal po mchog go/ yang na shes rab ni rtsa stong phrag bdun cu rtsa gnyis kyi dbus su 'dod pa'i gdugs la sogs pa'i rtsa lnga'o/ /thabs ni de'i nang du rgyu ba byang chub kyi sems ste/ de dag gi snyoms par 'jug pa ni dbus mar ro gcig par gyur pa'o/ /gang zhig dngos med ni bde ba chen po'i gzhir gyur pa rtsa rnams te shes rab bo/ /thabs ni 'gro ba ma lus pa skyed pa'i rgyur gyur pa dngos po'i mtshan nyid de/ rdo rje 'chang chen po'i go 'phang mtshon pa'i rgyu mtshan te/ byang chub kyi sems zhes bya ba'i don to/ /de ni skyed pa'i rim pa'o/ /shes rab ni phul du byung ba'i ye shes kyi rang bzhin de bzhin gshegs pa'i sa bon gsum mo/ /thabs ni srog la sogs pa'i rlung gsum mo/ /de dag snyoms par 'jug pa la sogs pa'i rim gyis bzlas te/ gang zhig dngos med ni rdo rje 'chang gi go 'phang 'od gsal ba de'i rgyu mtshan du gyur ba yi ge gsum te shes rab go / thabs dngos po'i mtshan nyid mi rnam par snang mdzad la sogs pa de bzhin gshegs pa'i de kho na nyid mtshon par gyur pas thabs ni rlung ngo/ /de ni rdo rje bzlas pa'i rim pa'o/ /shes rab ni shes rab kyi rang bzhin sum cu rtsa gsum mo/ /thabs ni thabs kyi rang bzhin bzhi bcu'o/ /snyoms par 'jug pa ni ma rig pa'i rang bzhin bdun no/ /rnal 'byor ni de dag 'od gsal ba la zhugs pa'i mtshan nyid do/ /gang zhig ces bya ba ni snga ma bzhin no/ /sems la dmigs pa'i rim pa'o/ /thabs dang shes rab kyi rang bzhin 'od gsal ba las cig car du spros pa de nyid snyoms par 'jug pa'i rnal 'byor zhes bya ste/ phyag rgya chen po'i rnal 'byor zhes bya'o/ /gang zhig ces bya ba ni snga ma bzhin te/ bdag la byin gyis brlab pa'i rim pa'o/ /shes rab dang thabs ni ril por 'dzin pa dang rjes su gzhig pa'i ting nge 'dzin to/ /de dag snyoms par 'jug pa ni mngon du byed bas rnal 'byor zhes bya'o/ /gang zhig dngos ? ni ril por 'dzin pa'i ting nge 'dzin te shes rab po/ /dngos po ni khams gsum ni snang bar byed pa'i mtshan nyid rjes su gzhig pa'i ting nge 'dzin te thabs so/ /de ni mngon par byang chub pa'i pa'o/ /shes rab dang thabs ni don dam bdag kun rdzob ste/ de dag snyoms par 'jug pa ni dbyer med par gyur pa rnal 'byor te/ zung du 'jug pa'i ting nge 'dzin ces bya'o/ /gang zhig ces bya ba ni go sla ste zung du 'jug pa'i rim pa'o/ /thabs dang shes rab ni rig ma dang skyes bu ste/ de dag snyoms par 'jug pa na rnal 'byor zhes bya'o/ /gang zhig ces bya ba ni snga ma bzhin te rang bzhin no/ /shes rab dang thabs ni pad+ma dang rdo rje'o/ /de dag snyoms par 'jug pa ni rnal 'byor te rgyu'o/ /shes rab dang thabs ni hUM dang phaT la sogs pa dgod pa ni snyoms par 'jug pa'i rnal 'byor te las so/ /shes rab dang thabs kyi rang bzhin gyi byang chub sems kyi thig le la snyoms par 'jug pa ni rdo rje rtse mor 'dzin pa ni rnal 'byor te 'bras bu'o/ /shes rab ni dbang po rnams dang thabs ni yul rnams so/ /de dag snyoms par 'jug cing longs spyod pa ni rnal 'byor te so sor sdud pa'o/ /shes rab ni dbang po rnams so/ /thabs ni de bzhin gshegs pa rnams so/ /de dag snyoms par 'jug pa ni rnal 'byor te bsam gtan no/ /shes rab ni don dam pa byang chub kyi sems dang/ thabs ni kun rdzob byang chub kyi sems te/ de dag snyoms par 'jug pa ni rnal 'byor te/ de dag de dang 'og gi rim pas spro ba dang bsdu ba ni srog dang rtsol ba'o/ /snga ma bzhin du shes rab dang thabs kyi rang bzhin du yungs kar gyi chad tsam gyi thig le sna'i rtse gsum la 'dzin pa ni snyoms par 'jug pa dang rnal 'byor te 'dzin pa'o/ /shes rab dang thabs kyi rang bzhin ni lha mos mkhyod pa de bzhin gshegs pa rnams te/ de dag snyoms par 'jug pa ni nam mkha' i dbyings su spro ba rnal 'byor te rjes su dran pa'o/ /shes rab dang thabs ni chos dang longs spyod rdzogs pa'i sku ste/ de dag snyoms par 'jug pa ni sprul pa'i sku dang lhan cig tu 'brel pa ni rnal 'byor te ting nge 'dzin to/ /shes rab ni sa ron lnga dang/ thabs ni bdud rtsi lnga ste/ de dag snyams par 'jug pa ni de rnams kyis de dag byin gyis brlabs pa'i bza' ba ni rnal 'byor te sgrub pa'o/ /rgyud ces bya ba la sogs pas rgyud kyang don bstan par bya ste/ khyad par du tshig gi don bcu drug gtso bor gyur pa'i ngag gi tshogs kyis rgyun ni spras pas na rgyun te/ de nyid rgyud ces bya ba ste/ tshig gi don bcu drug rgyas par byed pas na rgyud de sgra'i tshogs kyi bdag nyid kyi bstan bcos zhes bya ba'o/ /de'i tshig ni don bcu drug go/ rgyun de rnam pa gsum du 'gyur zhes bya ba ni mngon bstan pa'o/ /gzhi zhes bya ba la sogs pas ni rgyas par bshad pa'o/ /gzhi zhes bya ba ni rgyu 'bras bu 'dzin pas na thabs kyi rgyud de/ sngags dang phyag rgyal sogs pa rjod par byed pa'i tshig rnams so/ /rang bzhin ni rgyu'i rgyud de dag gang du byang chub kyi sems kyi rang bzhin med pa/ rdo rje 'chang gi go 'phang thob pa'i rgyur gyur pa bstan to/ /mi 'phrog pa ni 'jigs par mi 'gyur ba 'bras bu'i rgyud yin te/ gang du bskyed pa'i rim pa'am/ rdzogs pa'i rim pa'i phra mo'i rnal 'byor la sogs pa 'am/ rdo rje bzlas pa la sogs pa 'am yan lag drug pa'i rnal 'byor gyis rdo rje 'chang la sogs pa'i skur bstan to/ /rgyud kyi dbye ba gsum ni de dag yin no/ /dpal rdo rje 'char yang rnam pa gsum pa ste/ rgyu'i rdo rje 'chang dang 'bras bu'i rdo rje 'chang dang/ thabs kyi rdo rje 'chang ngo/ /de la rgyu rdo rje 'chang ni rdo rje 'chang chen po ste/ dang po'i mgon po'o/ /'bras bu rdo rje 'chang ni de las byung zhing de la rjes su zhugs las byung ba mi bskyod pa la sogs pa de bzhin gshegs pa rnams so/ /thabs kyi rdo rje 'chang ni rnam pa gsum ste/ gnas bsrung ba dang/ rnal 'byor bsrung pa'o/ /de la gnas bsrung ba ni khro bo bcu spros nas bgegs bskrad pa'o// bdag bsrung ba ni don dam pa'i bden pa 'ba' zhig bsgom pa ste/ aoM shU n+ya tA zhes bya ba la sogs pa'i sngags rjes su dran pas stong pa nyid la 'jug pa'i mtshan nyid do/ /rnal 'byor bsrung ba ni rnam pa gnyis te/ bsod nams kyi tshogs kyi mtshan nyid dang/ ye shes kyi tshogs kyi mtshan nyid do/ /de la bsod nams kyi tshogs kyi mtshan nyid ni snying rje chen po'i sems bskyed nas tshangs pa'i gnas bzhi stong pa'o/ /ye shes kyi tshogs kyi mtshan nyid ni rnam par thar pa'i sgro bzhi bsgom pa'o/ /de ni thabs kyi rdo rje 'chang zhes bya'o/ /rgyas par bshad par bya ste/ gzhi ni stong pa de'i sngags te de ni rgyu yin te/ rang bzhin dang ngo bo zhes bya'o/ /ji skad du bu ram mdar nyid ni yis ni/ tsha ba ji ltar rang bzhin te/ /stong pa nyid ni chos kun gyi/ /de bzhin rang bzhin nyid du 'dod ces 'byung ngo/ /bcom ldan 'das byams pas kyang/ chos dbyings tha mi dad pa'i phyir/ /rigs kyi dbye ba mi rigs te/ rten pa'i chos kyi dbye ba yis/ /de'i dbye ba rab tu grags zhes 'byung ngo/ /de bzhin du mi 'phrogs pa ni mi 'jig pa ste/ rang bzhin gyis rtag pa chos kyi sku dang/ mi 'jig pa'i rtag pa longs spyod rdzogs pa'i sku dang/ rgyun gyi rtag pa ni sprul pa ste/ sku gsum gyi bdag nyid rdo rje 'chang chen po'i bdag nyid phyag rgya chen po'i ngo bo mi 'phrogs pa ste/ 'jigs pa'i dang tshul ma yin pa 'bras bu zhes bya'o/ /gzhi ni rgyu dang 'bras bu thabs kyi ngo bos 'dzin cing 'jam par byed pas ni gzhi'o/ /sngags dang phyag rgya la sogs pa sgom pa'i rim pa ji lta ba bzhin du phyag rgya chen po thob par bya ba'i phyir gang bsgom pa de ni thabs so/ /gsum po de dag gi rgyud don gyis bsdus la/ rgyud ni sgra'i tshogs kyi bdag nyid dang don des brjod par bya ba'i rdo rje 'chang bsdus te/ rnam pa gsum gyis don bsdus par shes par bya'o/ /de ni dang po sbyor ba la sogs pa gsum mo/ /rigs lnga zhes bya ba la sogs pas/ de kho na nyid la sogs pa mdor bstan par bya ste/ rang bzhin ni gsang pa'o/ /byang chub rdo rje ni bcom ldan 'das rdo rje 'chang chen pos gsungs so/ /rgyas par bshad par bya'o/ /de nyid rnam pa lnga ru ni phung po lnga'i bdag nyid khams gsum pa ste/ de ni rang bzhin yin pa'i phyir ro zhes pa bskyed pa'i rim pa'o/ /de'i rnam par dag pa'i rang bzhin de bzhin gshegs pa lnga'i bdag nyid de /bskyed pa'i rim pa kho na'o/ /rnam par shes pa lnga'i bdag nyid dag pa'i ngo bo me long lta bu la sogs pa ye shes lnga'i bdag nyid de kho na nyid de rdzogs pa'i rim pa'o/ /mngon par byang chub rnam pa lnga la sogs pa de kho na nyid de dang po sbyor ba dang/ dkyil 'khor rgyal po mchog dang/ las kyi rgyal po mchog go/ rdo rje bzlas pa la sogs pa'i rim gyis ngag dang sems dang lus dang kun rdzob dang gnyi pa dag pa ni de kho na nyid lnga ste/ rdo rje bzlas pa dang/ sems la dmigs pa dang/ bdag la byin gyis brlabs pa dang/ mngon par byang chub pa'i rim pa dang/ zung du 'jug pa'i rim pa'o/ /yul dang dbang po gcig tu byas na de kho na nyid lnga ste/ so sor sdud pa'o/ /de bzhin gshegs pa lngar mos pa dang/ rtog pa dang dpyod pa dang dga' ba dang/ bde ba dang/ sems rtse gcig pa nyid de yan lag lnga'i bsam gtan ni de kho na nyid lnga ste bsam gtan no/ /srog la sogs pa rlung lnga thig le'i gzugs su spro ba ni de kho na nyid lnga ste/ srog dang rtsol pa'o/ /phung po lnga'i snying por gyur pa'i thig le pad+ma'i lte bar 'dzin pa na de kho na nyid lnga ste 'dzin pa'o/ /de bzhin gshegs pa lnga'i rang bzhin sangs rgyas dang byang chub sems dpa' spro ba ni de kho na nyid lnga ste rjes su dran pa'o/ /sku lnga dang spyan lnga dang mngon par shes pa lnga dang ye shes lnga dang/ 'dod pa'i yon tan lnga la longs spyod par mdzad pa dang/ 'gro ba lnga rnam par sbyong ba mdzad pa dang/ de bzhin gshegs pa lnga'i bdag nyid 'byung ba chen po lnga'i ngo bo 'od zer lnga spro ba dang/ sdud par mdzad pa rdo rje 'chang gi phyag rgya chen po'i sku de kho na nyid lnga ste/ ting nge 'dzin no/ /de bzhin gshegs pa lnga'i rang bzhin lcags kyu lnga dang bdud rtsi lnga sa bon lngas byin gyis brlabs pa de kho na nyid lnga ste dam tshig go/ rigs lnga'i 'brel ba dang ldan pa'i bslab pa slang ba ni de kho na nyid lnga ste sdom pa'o/ /de ni sgrub pa ste don bcu drug go /gsang ba gsum ni sngar bshad zin to/ /gsang ba zhes bya ba ni gsang ba yin pas na lhag pa'i lha ni rdo rje 'chang chen po ste bskyed pa'i rim pa'o/ /ye shes lnga'i rang bzhin yin pa'i phyir lhag pa yang yin la/ gsang ba'i rang bzhin yin pas na lag pa yang yin te/ lhag pa'i lha ni yungs kar gyi 'bru'i tshad tsam 'am/ sgra'i rtse mo'i brgya stong gi tshad tsam gyi thig le ste rdzogs pa'i rim pa'o/ /dam tshig ni phul du byung ba ste/ bsam pa ji lta ba bzhin du gdul bya'i sems can gyi khams grol bar byed pas na rdo rje 'chang gi rigs gcig yin na yang rnam pa brgyar 'gyur te/ de bzhin gshegs pa re re la lnga lnga la sogs par phye ba'i phyir ro zhes bya ba la sogs pa'o/ /de ni nye bar mtshon pa tsam yin te/ sems can rnams kyi sems dang sems las byung ba rags pa dang phra ba'i bag chags kyi ngo bo ji srid yod pa de srid rnam par dag pa'i thabs su gyur pa bcom ldan 'das kyis rigs bstan to/ /de bas na gang+gA'i rlung gi bye ma dang mtshungs pa'i rigs yin te/ ji srid grangs med pa'i rigs yin pas rgya che ba te/ bskyed pa'i rim pa'o/ /byang chub kyi sems bshad par bya ste/ thog ma tha ma med pa ni rang bzhin gyis rtag pa chos kyi sku'i ngo bo skye ba dang 'jig pa dang bral ba de nyid kyi phyir kun nas nyon mongs pa dang rnam par byang ba'i bag chags kyi rtog pa dang dri ma zhi bas na zhi ba'o/ /dngos po ni khams gsum gyi rang bzhin phung po lnga lnga la sogs pa dang/ dngos med ni stong pa nyid la sogs pa ste/ de dag brad? pa ni de'i so sor snang ba dang bral ba'o/ /de nyid kyi phyir 'gro ba ma lus pa'i gzhir gyur pa sku gnyis po'i rgyur gyur pa yin pas gtso bo ste bdag po'o/ /stong pa nyid ni thams cad stong pa'o/ /snying rje ni thugs rje chen po'o/ /de nag dbyer med pa ni gcig tu gyur pa ste/ byang chub kyi rang bzhin sgrib pa med pa'i ye shes kyi ngo bo/ sems ni mchog tu gyur pa'i de kho na nyid rnal 'byor gyis mngon sum gyis myong ba/ byang chub kyi sems zhes bya ba ste rdzogs pa'i rim pa'o/ /yang na thog ma ni snang ba dang snang ba mched pa'o/ /tha ma ni snang ba nye bar thod pa'o/ /de med pa ni zhi ba ste 'od gsal ba'o/ /dngos po ni shes rab dang thabs kyi rang bzhin no/ /dngos med ni ma rig pa'i rang bzhin no/ /'od gsal bas rtog pa med pa'i phyir ro/ /dngos dang dngos med kyi rang bzhin de zad pas na zad ba ste thams cad stong pa'o/ /byang chub kyi sems ni byang chub ste/ 'od gsal ba la zhugs pa'i sems ni rnam par shes pa gsum ste/ byang chub kyi sems ni bcom ldan 'das kyis gsungs so/ /da ni sems la dmigs pa'i rim pa'o/ /yang na thog ma ni chad pa dang chad pa dang bral ba'o/ /tha ma ni chags pa bar pa'o/ /de dan bral bas na thog ma tha ma med pa'o/ /zhi ba ni rang rig pa ste ? kyi sku'o/ /dngos po ni mtshams dang mtshan mo dang nyin mo'o/ /dngos med ni smig rgyu la sogs pa mtshan ma lnga ste/ de dag zad cing thob bas na dngos dang dngos med zad pa'o/ /'bras bur gyur ba na gtso bo'o/ /stong nyid ni shes rab dang snying rje ni thabs te de dag mi phyed pa ni snyoms par 'jug pa'i dbang gis thob pa'i byang chub ni mngon par byang chub pa ste/ de'i rang bzhin gyi sems ni byang chub kyi sems zhes bya ste/ mngon par byang chub pa'i rim pa'o/ /yang na rgyun gyis zhugs pas na thog ma tha ma med pa'o/ /sems rtse gcig pa nyid du skyed par byed pas ni zhi ba'o/ /dngos dang dngos med ni sems can dang snod kyi 'jig rten te/ de'i rang bzhin yin yang sgom par gyur pas na/ de'i rnam par rtog pa zad pas na dngos dang dngos med zad pa'o/ /khams gsum skyed pas na gtso bo'o/ /stong pa nyid ni don dam pa stong pa nyid dang snying rje ni kun rdzob kyi gzugs ste/ mi phyed pa ni de dag dbyer med pa'i kun rdzob dang don dam pa dbyer med pa byang chub kyi sems zhes bya ba ste 'bras bu'o/ /yang na byang chub kyi sems zhes bya ba ni gzhan gyi don bya ba'i phyir yang dag par rdzogs pa'i byang chub 'dod pa'o/ /ji skad du sems bskyed pa ni gzhan don phyir/ yang dag rdzogs pa'i byang chub 'dod ces 'byung ngo/ /de'i dbye pa gnyis te/ smon pa byang chub kyi sems dang/ 'jug pa byang chub kyi sems so/ /de la sangs rgyas su gyur nas sems can gyi don bya'o/ /zhes bya ba ni 'dod pa'i blo dang snying rje dag gis zab pa dang rgya che ba don du gnyer ba gang yin pa de ni smon pa byang chub kyi sems so/ /byang chub kyi spyod pa yang dag par len pa la sogs pa la 'jug pa ni 'jug pa byang chub sems te rnam pa gnyis so/ /ji skad du sangs rgyas phal po che'i mdo las/ rigs kyi bu sems can de rnyed par dka' ste/ gang zhig bla na med pa yang dag par rdzogs pa'i byang chub tu sems skyed par byed pa dang/ gang zhig yang dag par rdzogs pa'i byang chub tu mngon par 'jug pa de dag de rnams las kyang shin tu rnyed par dka' ba'o/ /zhes gsungs so/ de ni bcom ldan 'das kyis gsungs pa'i sa dang pha rol tu phyin pa'i dbye bas rnam pa mang por 'gyur te/ 'dir ni re zhig rnam pa bcu yin te/ byang chub kyi sems kyi phan yon dang/ sdig pa bshags pa la sogs rnam pa bdun gyi mchod pa dang/ byang chub kyi sems blang ba dang/ bag dang bcas pa dang/ de shes bzhin du bsrung ba dang/ bzod pa dang/ brtson 'grus dang/ bsam gtan dang/ shes rab dang/ yongs su bsngo ba ste bcu'o/ /de ni rgya che ba ste/ bslab pa kun las bsdus pa las blta bar bya'o/ /de bzhin du de yang rnam pa nyi shu gnyis su 'gyur te/ ji skad du/ 'phags pa byams pas/ /de yang sa gser zla ba me/ /gter dang rin chen 'byung gnas mtsho/ /rdo rje ri sman bshes gnyen dang// yid bzhin nor bu nyi ma glu/ /rgyal pa mdzod dang lam po che/ /bzhon pa bkod ma'i chu dang ni/ /rnam pa nyi shu rtsa gnyis so/ /de la 'di ltar blta bar bya ste/ /'dun pa'i skabs la dbye ba yis/ /smon pa'i sems ni rnam pa gsum/ /'jug pa zhes bya'i sems rnams ni/ /de yi sems la bcu dgu yin/ /de la smon pa'i sems ni dbye ba rnam pa gsum ste/ /bdun pa dang bcas pa ni chos thams cad mngon par rtogs par 'dod pa'i mtshan nyid de bas dang 'dra ba'o/ /bsam pa dang bcas pa ni pha rol phyin pa drug la spyod par 'dod pa'i mtshan nyid de/ ma 'ongs pa dang 'di nyid du 'gyur ba la mi brten pas gser bzang po lta bu'o/ /lhag pa'i bsam pa dang bcas pa ni byang chub kyi phyogs sum cu rtsa bdun gyi chos sgom par 'dod pa'i mtshan nyid do/ dkar po'i phyogs thams cad 'phel bar 'gro bas na/ zla ba sar pa lta bu'o// 'jug pa'i sems ni rnam pa bcu dgu ste/ sbyor ba dang bcas pa dang/ sbyin pa la sogs pa dang bcas pa pha rol tu phyin pa bcu dang/ mngon par shes pa dang bcas pa dang/ bsod nams dang ye shes kyi tshogs dang bcas pa dang/ byang chub kyi phyogs kyi chos dang bcas pa dang/ zhi gnas dang lhag mthong dang bcas pa dang/ gzugs dang spobs pa dang bcas pa dang/ chos ston pa dang bcas pa dang/ theg pa gcig gi lam dang bcas pa dang/ chos kyi sku dang bcas pa'o/ /de nas skabs ni bzhi po yis/ /de dag thams cad khyab par bya/ /'bras bu rgyu dang spyor stsogs dang/ /las kyi dang po'i dbye bas so/ /de la gsum gyis ni las dang po'i skabs dang/ bzhi pas de dang nges par 'byed pa'i cha'i skabs so/ /sbyin pa'i pha rol tu phyin pa la sogs pa'i sems kyis rgyu ba'i skabs so// mngon par shes pa la sogs pa dang bcas pa'i sems brgyad kyi 'bras bu'i skabs so/ /smon pa'i rnam pa dang por ni/ /de la mgon pos yang dag gsungs/ /sbyin sogs 'jug pa'i rnam pa ni/ /gnyis par yongs su grags pa yin/ 'dun pa'i rnam pa smon pa'i sems ni rnam pa gsum du bshad do// gang nas brtsams te sdom pa blang ba sngon du 'gro bas sbyin pa la sogs pa'i tshogs la 'jug pa'i sems so/ /sdom pa yang sdom pa gnas pa dang mkhas pa dang stobs dang ldan pa'i slob dpon las blang bar bya'o/ /de mi bzhugs na sangs rgyas dang byang chub sems dpa' mdun du gnas par yid kyis dmigs la blang bar bya'o/ /de yang stobs kyi 'am ni/ /sbyin sogs shes rab med pas min/ /gzhan yang zhi gnas bskyed bys nas/ /de phyir shes rab bskyed par bya/ / ci'i phyir zhe na/ shes rab med ba'i sbyin pa la sogs pas ni pha rol tu phyin pa'i ming thob par mi 'gyur ba dang/ thabs su yang mi 'gyur ro/ /de bas na shes rab bskyed bar bya ba'i phyir/ zhi gnas bskyed po la 'bad rtsol bya'o/ /gang zhig tshul khrims dang ldan sdug bsngal bzod pa dang/ gang zhig brtson 'grus dang ldan brtan pa bag dang bcas/ yang dag rab tu sbyin zhing gang tshe de dang ni/ /ting nge 'dzin du myur du 'grub par 'gyur tshul khrims la sogs pa gsum dang zhi gnas shing tshogs la gnas shing/ yid dang rjes su mthun pa'i sa phyogs su lus po drang por byas la stan 'jam pa la 'dug ste/ snying rje chen po sngon du byas nas sems can thams cad gdon pa'i bsam pa dang ldan pas sems rtse gcig pa nyid kyi mtshan nyid kyi ting nge 'dzin bskyed par bya ste/ byang chub kyi sems kyi mdor bsdus pa'i dbye ba'o/ /stong pa nyid ni shes rab kyi pha rol tu phyin pa'i rang bzhin no/ /snying rje ni sbyin pa'i pha rol tu phyin pa la sogs pa lnga'o/ de dag mi phyed pa ni byang chub kyi sems zhes bya'o/ /gang gi phyir shes rab med pas byang chub sems dpa' la sbyin pa'i pha rol tu phyin pa'i ming thob par ni 'gyur pa dang/ sbyin pa la sogs pa'i pha rol tu phyin pa dang bral ba'i shes rab ni ma yin te/ chad pa'i lta par gyur pa'i phyir ro/ /de bas na stong pa nyid dang snying rje tha mi dad pa'i byang chub kyi sems la dmigs te/ thog ma dang tha ma med pa dang/ dngos po dang dngos po med pa dang bral ba chos kyi sku sangs rgyas nyid thob par 'gyur ro zhes pa ste/ rdzogs pa'i rim pa'o/ /rig pa'i skyes bu'i 'dri ba'i lan gdab par bya ba'i phyir sku zhes bya ba smos te/ /sku gsung thugs kyi rdo rje ni rdo rje 'chang chen po'o/ /mi phyed ba'i ngo bo ni de la rjes su zhugs shing gcig tu gyur ba'o/ /phyed ba'i ngo bo ni tha dad par snang ba'o/ /rig pa ni ye shes kyi phyag rgya dang lhan cig tu ldan pa ni 'khyud pa/ skyes bu ni sngags kyi sku dang ye shes kyi sku ste/ de ni rig pa'i skyes bu zhes brjod do/ / 'di skad bshad pa yin te/ rdo rje 'chang chen po yongs su gyur nas/ thugs rdo rje 'chang la sogs pa rim pa gnyis kyis bsgom par bya ba ni rig pa'i skyes bu bya ste/ bskyed pa'i rim pa dang/ bdag la byin gyis brlab pa'i rim pa dag go/ phyung ba'i sngags bcu gsum gyi don bshad de/ snga 'joms pa zhes bya ba ni rnam par shes pa nyon mongs dang ldan pa lnga 'og gi rtse mo lnga'i rang bzhin dang de bzhin du steng gi rtse mo lnga ni me long lta bu la sogs pa ye shes lnga'i rang bzhin te/ mi mthun pa dang gnyan po'i tshul du gnas pa de ni rdo rje zhes bya'o/ /gang gi phyir lnga 'joms pa ni spong ba dang lnga rig pa ni shes pa ste/ ba dang dzra yi ge gnyis kyi don gyi rdo rje ste/ de 'dzin pas na rdo rje 'chang ste rdzogs pa'i rim pa'o/ /yang na rtsa lnga b+ha gai nang du chud pa de rnams the dang bar spong ba dang/ rig pa ni bde ba chen po rtogs pas na rdo rje rgyal mtshan no/ /de 'dzin pa ni las su rung ba nyid kyis 'chang ba rnam shes yid ni byang chub kyi sems gang yin pa de ni rdo rje 'dzin zhes bya ste/ rang bzhin dang rgyu dang las dang 'bras bu'o/ /yod ces bya ba la sogs pa la dbang phyug dam pas sprul pa dngos po rnams yod do zhes dbang phyug tu smra ba pa'o/ /dus gsum yongs su 'gyur ba dngos po yod do zhes grangs can pa'o/ /bdag gis byin gyis brlabs pa yod do zhes rigs pa pa'o/ /tshangs ba'i rang bzhin dngos po yod do zhes dpyod pa pa'o/ /zho yang snga mor 'gyur ro zhes 'gyur bar smra ba ni gtsar? bu ba'o/ /dus yi sems can smin par 'gyur ro zhes dus su smra ba pa'o/ /yang dang yang du skye zhing yang dang yang du zag pas na gang zag ste/ de'i rang bzhin dngos po yod do zhes gang zag tu smra ba ba'o/ /sgra ni tshangs pa dam pa de'i rang bzhin dngos po thams cad yod do zhes pa ste/ brda' sprod pa pa'o/ /nus pa gcig bus 'di dag thams cad spro zhing sdud pas na/ de'i rang bzhin dngos po thams cad yod do zhes nus pa pa'o/ /'dus byas ba thams cad mi rtag ba dang/ sdug bsngal dang/ stong pa dang bdag med pa ste/ bye brag tu smra ba pa'o/ /rnam rig yod kyi ? po ni med do zhes rang sangs rgyas pa'i 'o/ / phyi rol gyi rnam pa dang bral ba sprin med pa'i nam mkha' dang mtshungs pa rnam par rig pa nyid sna tshogs yin no zhes rnal 'byor spyod pa pa'o/ /gzung ba dang 'dzin pa ni gcig dang du ma dang bral ba'i phyir stong pa yin no zhes dbu ma pa ste / de dag thams cad yod pa nyid du spra ba pa'o// med par smra ba ni ji ltar 'tsho bas bde ba 'tsho/ 'chi 'pho ba ni khyod la med/ /thal bar gyur pa shi ba ni/ /slar 'ong ba ni ga la yod ces bya ba ste/ 'byung ba shes/ par smra ba ni 'jig rten rgyang phan pa'o/ /yod pa dang med pa de dag dbus ni gnyi ka'i cha'i rang bzhin las 'das pa ni bral ba ste me long lta bu'i ye shes so/ /'byung ba ni khams phra ba sa la sogs pa bzhi'o/ /'byung ba las gyur pa ni de rnams kyi byas ba rags pa'o/ /de las byung pa ni skyes pa ste de'i rang bzhin rnam par dag pa ni rnam par dag pa'i rang bzhin no/ /sems can kun gyi lus te zhes bya ba ni khyad par du 'dzin cing 'ching bas na lus ni gti mug ste/ de kho na nyid kyis? mi mthun par gyur pa ste/ sems can las rgyal bas rgyal ste/ de las kyang rgyal zhing zil gyis gnon pas na dzi na dzi ka ste/ me long lta bu'i ye shes kyi rang bzhin rnam par snang mdzad de rdzogs pa'i rim pa'o// re zhig sems na mnyam pa nyid kyi rang bzhin yin pas na rin chen dang 'dra bas na rin chen te/ de nyid nam mkha' i khams rnam par dag pas nam mkha' mdzod kyi ting nge 'dzin gyis/ don kun ni mngon par 'dod pa'i rim pas 'byung ba ste skyed pa'i rgyu'o/ /de bas na tshor bya dang tsher byed dang tshor ba'i bdag nyid kyis rnam par shes pa dag par byed pas na de nyid rin chen te/ de dang 'dra ba'i ye shes 'dzin pas na rang na d+h+rika ste/ rin chen 'byung ldan gyi ye shes zhes bya ba'i bar du'o/ /de ni rdzogs pa'i rim pa'o/ /thun mong ma yin pa de kho na nyid la rnam par 'jog par byed pa'i chos ni mtshan nyid de/ dper na lto ba che ba'i bum pa bzhin no// de 'dzin par byed pa'i bdag nyid ni 'du shes so// de'i yul ni bum pa la sogs pa'i mtshan gzhi'o/ /gang gis mtshon pa de ni bya ba'i mtshan nyid de/ gsum po'i bdag nyid 'du shes kyi phung po de rnam par dag par byed pa ni dngos po'o/ /de bzhin du kun ni me'i khams so/ /kun gyis ni khyab par byed pa so sor rtog pa'i ye shes kyis dag par byed pas na de ngo po'o/ /dga' ba'i mtshan nyid ni bud med kyi mtshan bzhi ni dmigs shing skye ba ste/ 'dod chags so ye shes de nyid kyis de la rgyal par byed pas ni ye shes a ro li ka ste/ 'od dpag tu med pa'i rang bzhin gyis ye shes kyi ste/ rdzogs pa'i rim pa'o/ /rnam par shes rab mthar phyin ni bya ba nan tan sgrub pa'i rang bzhin 'gro ba'i don byed pa de nyid phrag dog gi nyon mongs pa 'joms par byed pas na shes rab ces bya'o/ /de bas na 'du byed sems dpa' ni 'du byed kyi phung po rnam par dag pa dang/ 'dzin pa ni rlung gi khams rnam par dag par byed pas ye shes de nyid pradz+nyA d+h+rika ste /don yod grub pa'i rang bzhin gyi ye shes te rdzogs pa'i rim pa'o// don 'di nyid gsal bar bya ba'i phyir bshad bar bya ste/ rigs ni rgyud de de bzhin gshegs pa'i rigs lnga'i rgyud do/ /rgyud ni thog ma ste rdo rje 'chang chen po'o// mi 'jigs skye ba med pa ni mgon po de nyid de/ de nyid kyi khyad par ro// spong pa'i rig pa zhes bya ba la sogs pas mi mthun pa dang gnyen po'i phyogs su gyur pa rnam par shes pa dang ye shes kyi zhe sdang rnam par dag pa ni chos kyi dbyings kyi ye shes dang mi bskyod par bshad do/ /de bzhin du gzugs dang nyon mongs pa gti mug dang bems po gcing pa'i rang bzhin ni sa'i khams te/ de rnam par dag pa'i rang bzhin ni rnam par snang mdzad do/ /tshor ba'i phung po dang nga rgyal dang drags pa nye ba'i nyon mongs pa rnam par dag pa'i rang bzhin ni rin chen 'byung ldan no// 'du shes gyi phung po dang dngos po la chags pa ni nyon mongs pa'i 'dod chags dang/ me'i khams rnam par ngag pa'i rang bzhin ni 'od dpag tu med pa'o// 'du byed dang phrag dog dang rkyen gyis drangs pa'i rang bzhin ni rlung gi khams rnam bar dag ba ste/ don yod grub pa'o/ /de dang 'dra ba byang chub kyi sems kyi ngo bo nyid ni srid pa kun 'byung thams cad de/ skye ba po de bzhin gshegs pa lnga'i bdag nyid du shes par bya'o/ /rigs bstan par bya ba'i phyir 'dod chags zhe sdang nyon mongs ldan pa ni de'i lhan cig byed pa'i rgyu las skyes pa nga rgyal lam dregs ba gzhom par bya ba'i phyir dang/ nor gyi dregs pa dang ldan pa'i sems can rnams kyi nga rgyal gzhom par bya ba'i phyir bu'i rigs te/ rtsam pa sna tshogs kyi rin po che'i char gyis bsam pa thams cad yongs su rdzogs pa byed pa rin chen 'byung ldan gyis rigs zhes bya ba'i don to/ / dam tshig gi rigs zhes bya ba ni 'gro ba sna tshogs kyi las las skyes pa'i 'bras bu 'dra ba ste/ nyon mongs pa dang shes bya'i sgrib ba'i mtshan nyid dam tshig dang sdom pa sbyin pas 'joms pas na dam tshig gi rigs ni don yod grub pa'i rigs zhes bya'o/ /de bzhin du gnyis med ye shes ni me long lta bu'i ye shes kyi chos te/ de'i rang bzhin gyi dngos po'i nga rgyal byed pa ni khyab par byed pa rmongs pa ste/ de la chags pa'i rang bzhin ni gti mug gi rigs zhes bya'o/ /de la ni gnyis su med pa'i ye shes de la nyon mongs pa rnam par dag pas phan tshun 'byor ba ni zhe sdang dang chos kyi dbyings kyis ye shes gnyen po dang mi mthun pa'i tshul gyis bzhag pa gang yin pa de ni zhe sdang te zhe sdang gi rigs zhes bya'o/ /'jig rten pa'i chags pa'i mtshon nyid ni 'dod chags gang yin pa de ni ye shes kyi thabs kyis sbyor bar byed pas na 'dod chags kyi rigs so/ /gti mug la sogs pa'i rigs de rnams nyon mongs pa rnam bar dag pa ye shes kyi rang bzhin la dga' ba gang la yod pa ni gti mug dga' ma la sogs pa ste/ don dam pa'i phyogs so/ /kun rdzob ni bud med kyi rang bzhin gyi gzugs la dmigs shing 'dod chags kyi rigs can gyi sems can gdon pa'i thabs kyis gti mug la sogs pa rnam par dag pa'i rang bzhin rnam par snang mdzad la sogs pa dang/ yang dag par sbyor zhing bde ba nyams su myong bar byed pa spyan la sogs pa'i lha mo ni gti mug dga' ma la sogs par bshad do/ /de ltar na nyon mongs pa gsum dang/ de bzhin du rdo rje snga phrag dog dang de dag rnam par dag bar bya ba'i phyir/ dga' ma ni spyan la sogs pa rnams so/ / de nyid kyi phyir sangs rgyas ni sems can thams cad de sems can thams cad gdul bar bya ba'i phyir thabs ni rgyu'o/ /de nyid rdo rje theg pa ste rgyun ma chad pa'i sems can gyi don rdzogs par byed pa lam yin no/ zhes rdzogs pa'i rim pa'o/ /sgo bsrungs rnam par dag par bya ba la bshad par bya ste/ mi 'jigs pa'i bdag nyid ni stong pa nyid rnam par thar pa'i sgo'i rang bzhin no/ /ma skyes pa'i ngo bo nyid ni thog ma nas ma skyes pa'i rang bzhin no/ /chos rnams ni phung po la sogs pa'o/ /de'i rang bzhin yongs su ma shes ba ni gshin rje ste /de'i dngos po kun gyi dam tshig ni de dag mthar byed pa stong pa nyid rnam par thar pa'i sgo'i rang bzhin ni gshin rje mthar byed do// de bzhin du rnam shes min bdag chos rnams ni dbang phyug la sogs pa'i rgyu mtshan dang bral pa/ don dam mi 'gyur ngag gyur nyid ni mtshan ma med pa'i rnam par thar pa'i sgo'i rang bzhin no/ /sems can kun gyi ni dam tshig ste /de mi shes pa'i mtshan nyid ni shes rab ste/ de mthar byed pas na shes rab mthar byed do// smon pa med pa'i phyir bstan du med pas na brjod du med pa'i bdag nyid do/ /de nyid kyi phyir sngar bshad pa'i rigs pas ming dang gzugs blo dngos med pa ni 'du byed kyi phung po la sogs pa dang bral ba'o/ /de rnams kyi rang bzhin mi shes pas na bems? po yin pas na pad ma'o/ /chos rnams kun gyi dam tshig ni sman pa med pa'i rnam par thar pa'i sgo'i rang bzhin ni pad+ma mthar byed do// mngon par 'dus ma byas pa'i rnam bar ? ba'i sgo'i rnam par dag pa'i sgo'i rnam par mi rtog pa'i bdag nyid dang/ rang bzhin yongs su dag pa'i chos thams cad do/ /de'i rang bzhin yongs su mi shes pa ni bgegs so// de dag mthar byed pas na mngon par 'dus ma byas pa'i rnam par thar pa'i sgo'i rang bzhin ni bgegs mthar byed do/ /mi 'jigs pa zhes bya ba la sogs pas stong pa nyid la sogs pa'i rnam par thar pa bsgo bzhi nye bar bsdus pa ste rdzogs pa'i rim pa'o/ /gti mug ni ma dad pa'o// de'i longs spyod ni spong par byed pa na dang pa'o/ /gti mug ni 'jig tshogs su lta ba'o/ /de zad par byed pa de de bzhin du lus ni mung? po'i bdud do/ /shes bya ni shes bya'i sgrib pa'o/ /de dag 'khor pa pa rnams gsod par byed pas na gshin rje'o// de dag dang bas mthar byed bas na gshin rje mthar byed pa'o/ /nyes pa ni mthar 'dzin pa'i lta ba'o/ /nyes pa longs spyod ni de rnam par dag pa'o// nyes pa ni dge ba'i las la le lo ste/ de la shes rab ni brtson 'grus kyi mthar byed pas na shes rab mthar byed do/ /de bas na mthar 'dzin pa'i lta ba rnam par dag pas zhe sdang mthar byed kyang yin la/ le lo rnam par dag pas shes rab mthar byed yin no/ /sems ni nyon mongs pa'i bdud de/ de rnam par dag bsan sems mthar byed do/ /nyon mongs pa ni nyon mongs pa'i sgrib pa'o/ /de rnam par dag pas nyon mongs pa mthar byed do/ /de bas na brtson 'grus kyi rang bzhin ni shes rab mthar byed do/ /'dod chags ni brjed pas pa'o/ /yang 'dod chags ni 'chi bdag gi bdud do/ /de dag zad pa ni pad+ma mthar byad do/ /yang 'dod chags ni log pa'i lta ba ste/ de mthar byed bas ni chags pa mthar byed do/ /snyoms 'jug ni srid pa gzhan la 'pho ba ste/ skye ba'i sgrib pa'o/ /de rnam par dag pas na snyoms 'jug mthar byed ni dran pa'i rang bzhin te/ pad+ma mthar byed do// nyon mongs pa thams cad ni nyon mongs pa thams cad kyi rgyur gyur pas na/ rnam par g.yang ba'o/ /sems can thams cad rlag par byed pas na rdo rje ste rdo rje dang 'dra bas lha'i bu'i bdud ngo/ sgrib pa ni las kyi sgrib pa dang kun ni lta ba mchog tu 'dzin pa ste/ de rnam par dag par byed pas na bgegs mthar byed do/ /rnam par dag pa'i 'bras bu bshad par bya ste/ nyon mongs pa ni mdad? pa la sogs pa de rnams brtan pas na rdo rje'o/ /de rnams kyis bsgribs pa'i sems gang yin ba de rnam par dag par gyur na las rnams thams cad ni dge ba dang mi dge ba'i las rnam par dag par 'gyur ro// las rnams rnam par dag par gyur na rnal 'byor pa'i 'bras bu ni rdo rje 'chang chen po'i go 'phang thob pa'i mtshan nyid dag pa chos kyi sku rnal byor pas thob par 'gyur ro zhes bya ba'i tha tshig go/ de bas na don bsdus pa ni 'di yin te/ ma dad ba phung po'i bdud dang 'jig tshogs kyi lta ba dang/ shes bya'i sgrib pa ste/ 'di dag 'joms pa dang ba'i rang bzhin ni gshin rje mthar byed do/ /le lo dang nyon mongs pa'i bdud? mthar 'dzin pa'i lta ba dang nyon mongs ba'i sgrib pa ste 'di dag 'joms pas brtson 'grus kyi rang bzhin shes rab mthar byed do/ /brjed ngas pa dang 'chi bdag gi bdud dang log par lta ba dang skye ba'i sgrib pa ste/ 'di dag spong bas na dran pa'i gzhi ni pad+ma mthar byed do/ /rnam par g.yeng ba dang lha'i bu'i bdud dang/ lta ba mchog tu 'dzin pa dang las kyi sgrib pa ste/ 'di dag rnam par dag pas ting nge 'dzin gyis rang bzhin ni bgegs mthar byed do/ /de ni rdzogs pa'i rim pa'o// gtsug tor la sogs pa'i rnam par dag ba bshad par bya ste/ 'dis gzung bas na gzung ba'i dbang po'o/ /chags pa ni chags pa bskyed pa ni yul lo/ /rnam pa ni yid la byed pa'o// mi g.yo ba ni yid la byed pa'o/ /mi g.yo ba ni gang gi dbang gis rnam bar shes pa gnod pa med pas don 'dzin pa de ni snang pa'o/ /mig dang gzugs dang snang ba dang yid la byed pa bzhi po de dag ni nye par len pa dang lhan cig byed pa'i rgyu'i dbye bas gnas so/ /gang zhig 'das ma thag tu byung ba ? gi rnam par shes pa la sogs ba skad cig ma de'i snga ma'i skad rigs ma ni rgyu'o// mig gi rnam par shes pa ni 'bras bu ste/ rgyu drug las sems can yang dag par 'byung ba'o/ /yang na mig la sogs pa nas yid kyi skye mched kyi bar du dbang po rnams las sems yang dag par 'byung ba'o// rgyu dang lhan cig 'byung ba dang/ /rnam par sbyin dang yang dag ldan/ /kun 'gro skal mnyam dang bcas pa/ /rgyu ni rnam pa drug tu bshad ces bya ba drug po de dag las sems yang dag par 'byung ba'o/ /de'i rnam par dag pa 'dod pa'i rgyal po nas gtsug tor gyi bar du khro bo drug bshad pa'o/ /de'i rnam par shes ba'i rnam bar dag pa ste/ khro bo zhe sdang rigs las byung zhes bshad pa'i phyir ro// dam tshig rdo rje la sogs pa drug ni le'u dang bo las bshad pa'i rigs bas sgribs pa thams cad sel ba la sogs pa byang chub sems dpa' drug ste ? sogs pa 'byung ba lnga dang/ 'byung ba dang 'byung ba las gyur ba'i rang bzhin gyis rnam par shes pa'i khams la gnas pa ste/ 'byung ba dang 'byung pa las gyur pa'i rnam par dag pa'o/ /byams pa dang kun tu bzang po ni ma rgyus thams cad dang chags thams cad rnam par dag pa'i rang bzhin no/ / gzugs rdo rje la sogs pa ni lha mo drug ste/ gzugs kyi skye mched la sogs pa rnam par dag pa'o/ /de bas na rigs pa ni gzugs rdo rje ma la sogs pa'i rgyal po ni rigs pa'i rgyal po ste/ byang chub sems dpa' rnams so/ /rdo rje ni byang chub sems dpa' ste /de dag gi bdag po gang gi gtso bor gyur pa de ni rdo rje bdag pos te /gzugs rdo rje ma la sogs ba bshad do/ /de ni rdzogs pa'i rim pa'o// kun tu spyod pa bshad par bya ste/ /sku la sogs pa dang phung po la sogs pa thabs dang shes rab kyi sbyor ba ye shes kyi phyag rgya dang gnyis su med pa snyoms par 'jug pa la dmigs te/ gcig car du rdo rje 'chang chen po'i gzugs dang ldan ba'i rnal 'byor bas 'gro ba 'di dag thams cad rang bzhin gyis dag pa'o zhes bos? par byas la/ 'jigs pa thams cad ni skye ba dang 'jig pa la sogs pa'i rnam par rtog pa dang bral ba ni spangs pa ste/ seng ge bzhin du dogs pa med bar bza' ba dang bza' ba ma yin pa la sogs pa'i rnam par rtog pa dang bral ba ci rnyed pa za ba'am bsam gtan gyi zas za ba can / mnyam par ma bzhag pa ni spyod lam rnam pa bzhi par rang gi lha'i rnal 'byor gyis thams cad kyi rang bzhin du mthong bas rtag tu ni dus thams cad du mnyam par 'jog cing/ sems kun ni zag pa thams cad dang bral ba'i sems kyis spyod pa gang yin pa de ni kun tu spyod pa zhes bya ste/ shin tu spros pa med pa'i spyod pa ste sgrub pa'o/ /sngags kyi spyod pa bshad par bya ste/ dbang po yul rnams ni shes rab dang thabs snyoms bar 'jug bas rten cing blangs na/ yid ni bde ba'i rang bzhin ye shes skye bar 'gyur ro/ /de mi mthun pa'i yid la byed pa nus par byed pa dang/ de kho na nyid srung bar byed pas skyob pas na sngags te/ shes rab dang thabs snyoms par 'jug pa las byung ba bde ba'o/ /de la dmigs nas 'jig rten spyod ba ni tha mal pa'i lus rnam par rtog pa dang bral ba/ lha'i skur bsgom pa blangs nas 'dod pa'i yon tan lnga nye bar spyod pa 'am/ gnas tshal du slongs mo slong bas kun tu bzang po'i go 'phang thob par bya ba'i phyir spyod pa gang yin pa de ni sngags gyi spyod pa zhes bya ba ste sgrub pa'o/ /de ni spros pa med pa'i spyod pa'o/ /bzlas pa gshad par bya ste/ rang gi ngo bo nyid ni 'jug pa dang gnas pa dang ldang ba'i rim gyis yid ni tshig spangs pa'i rdo rje'i tshig gi snying bo rnam bar bsam ba ni don rtogs pa'i rnam par bsams nas so/ /spro ba dang bsdu ba ni 'jug pa dang gnas pa dang ldang ?/ /sngags ni yi ge gsum ste/ de'i zlos pa ni 'gro ba dang 'ong ba'i sbyor ba'o/ /de'i dbye ba'i steng dang logs dang dang po dang 'og gi dbye pas so/ /zlos par byed pa ni zo chun gyi 'khrul 'khor gyi rigs pas slob pa'o/ /de ltar yi ge gsum gyis rim gyis bzlas pa bshad do/ /sangs rgyas sna tshogs rdo rje'i bdag ni me long lta bu la sogs pa ye shes lnga'i rang bzhin de bzhin gshegs pa rnams so/ /de dag ye shes sa bon dag gis bsdu zhes pa ni yi ge aoM gyi nang du gzhug par bya'o/ /byang chub bdag med ni so sor rtogs pa'i ye shes kyi rang bzhin 'od dpag tu med pa'i sa bon te yi ge a'o/ /bdag med ni de'i rigs can de bzhin gshegs pa rnams bsgoms nas de'i snying kar bzhag par bya'o/ /de bzhin du sna tshogs bzhin du sna tshogs spro ste/ chos kyi dbyings kyi ye shes kyi rang bzhin dus gsum gyi de bzhin gshegs pa mi bskyed pa'i rigs can gyi yi ge hUM gi spro ba bya ste/ de ni rdo rje bzlas pa zhes bya ste/ rdo rje bzlas pa'i rim pa'o// dag gi bzlas pa bshad par bya ste/ bzlas ba zhes bya ba ni nam mkha' i k hams thams cad la bzhugs pa'i de bzhin gshegs pa thams cad la gson cig ces bya bar mos pas dag kun bzlas pa ni sprul la sogs pa'i sngags khro bo'i tshig gis bzlas pa gang yin pa de ni bzlas pa zhes bya ste las kyi rgyal po mchog gi ting nge 'dzin te/ /sngags ni 'bod pa ste/ gsang nas brjod pa'o/ /de bzhin du de nyid ni rnam par snang mdzad la sogs pa'i de bzhin gshegs pa'i rang bzhin no/ /de'i bskul ba ni de'i dbye ba la brten cing aoM la sogs pa smra ba rdo rje zlas pa smra ba bzlas pa'i rim pa'o/ /de nas rgyas gdab pa bshad par bya ste/ de ni rgyas gdab pa rnam pa bzhi ste /ye shes sems dpa' gzhug pa'i rgyas gdab pa dang/ ting nge 'dzin sems dpa' i rgyas gdab pa dang/ dbang thob nas cod pan gyis rgyas gdab pa dang/ mchod ba'i rgyas gdab pa'o/ /de nyid bshad bar bya ste/ ji ltar rnam par snang mdzad la sogs pa'i dam tshig sems dpa' sgom pa de bzhin du thugs byin gyis brlab pa ni ye shes sems dpa' i rgyas gdab par bya ba dang /de'i thugs kar yang de dang 'dra ba'i sa bon ting nge 'dzin sems dpa' bsgom pa'i rgyas gdab par bya'o/ /de bzhin gshegs pa thams cad kyi dbang thob nas spyi bor sems dpa' gsum gyi bdag nyid dang 'dra ba'i cod pan du de bzhin gshegs pas rgyas gdab par bya'o/ /de nas mchod pa'i dus su yang sems dpa' gsum gyi bdag nyid dang 'dra bar mchod pa'i lha mo spro zhing mchod par bya'o/ /dkyil 'khor rgyal po dang las gyi rgyal po mchog go /de nyid gsal bar bya ba'i phyir bshad par bya ste/ rdo rje 'chang ba gang yin pa'i zhes pa rnam par snang mdzad la sogs pa gang yang rung ba rig ma'i shes rab dang ldan pa rnal 'byor pa ni sgrub pa pos bsgom par bya'o de'i longs spyod bzhi ni ye shes sems dpa' dang/ ting nge 'dzin sems dpa' dang/ bstod pa dang mchod pa rgyas gdab pa'i mtshan nyid do/ /bdag byin brlab la sogs pa ni rang dang 'dra bar ye shes sems dpa' la soD pa shes par bya'o/ /de ni dkyil 'khor rgyal po dang las kyi rgyal po mchog go /spyir bshad cing khyad par du bshad par bya ste/ dbang po ni de bzhin gshegs pa rnams te/ rdo rje gcig pu ni rdo rje 'chang chen pos re re'i spyi bong dbang bskur ba ni cod pan du shes par bya'o/ /sngags rnams thams cad rnams kyi ni rdo rje sems dpa' gang dag bsgom zhes le'u bco lnga pa las gsungs pa'i phyir ro/ /snying po ni ye shes sems dpa' dang phyag rgya ni ting nge 'dzin sems dpa' dang/ sngags tsam ni mchod pa'i lha mo ste/ de dag rang rigs rim gyis rgyas gdab par bya ste khyad par ro// dkyil 'khor rgyal po dang las kyi rgyal po mchog go / rgyas gdab pa'i rnam par dag pa bshad par bya ste/ 'bras bu ni rnam par snang mdzad la sogs pa rdo rje 'chang gi sku'o// rgyu ni rdo rje 'chang chen po'i/ de la rjes su zhugs pas rgyas gdab par bya ba dang/ 'bras bu ni rnam bar snang mdzad la sogs pa'i sku ste/ rgyu ni rdo rje sems dpa' sngar gyis bshad pa'i rigs kyis rgyas gdab par bya ste /de ltar bsgom par bya'o/ /gzhan du ni rgyu dang 'bras bu tha dad pa bsgoms na bskal pa bye ba brgyas kyang dngos grub thob par mi 'gyur ro/ /de bzhin du zla ba dang rdo rje la sogs pa bskyed pa la yang shes par bya'o/ /de ni bskyed pa'i rim pa'o/ /chos 'byung gi nges pa'i tshig bshad par bya ste/ longs spyod bzhi ni spyan la sogs pa bzhi ste/ de dang yang dag par ldan pa ni yongs su bskor ba rig pa'i skyes bu reg bya rdo rje ma dang bcas pa'i skyes bu ste rdo rje 'chang so?/ /rdo rje 'chang de yongs su gyur nas zhe sdang rdo rje dbus su bsgoms nas gru gsum du sku rdo rje la sogs pa de bzhin gshegs pa bsgom zhing chos 'byung de'i dbus su rtsibs bcu pa dmar ser b+h+ruM las skyes pa'i 'khor lo bsgoms te/ rtsibs bcu las 'phags pa gshin rje gshed la sogs pa khro bo bcu dgod cing 'gog pa rdo rje ste pha rol gnon par byed pa'o/ /bsgrub pa ni bskyed pa'o/ /mchog tu mdzes ba ni mA ma kI mtsho skye la gyi nang du gnas pa dang / rdo rje 'chang gis byin gyis brlabs pa'i/ rdo rje 'bang ba ni me stag 'phro ba'o/ /'khor ba ni kun tu 'khor zhing mi g.yo ba ni nam mkha' ste/ de dang mtshungs pa ni de la gnas pa'i 'ja' 'tshon dang mtshungs pa'o/ /de lta bu'i chos 'byung ni chos 'byung ba'i rgyu'o/ /rang bzhin dri med pa ni shin tu rnam par dag pa chos kyi dbyings kyi ye shes kyi rang bzhin bsgom par bya zhing mngon spyod la sogs pa'i phrin las bya'o/ /bya ba ste tshig gi lhag? ma'o/ /de ni bskyed pa'i rim pa'o/ /gang gi tshe chos 'byung ba de nyid ston ka'i zla ba ltar dkar ba 'od gsal ba'i ngo bo de'i lte ba la gnas pa de'i bdud rtsi'i thig le yungs kar gyi 'bru'i tshad tsam phra mo'i rnal 'byor bsgoms na/ de bsgoms pas skad cig gis de de'i skad cig gis nyams su myong bas na sangs rgyas spyan ni rdo rje 'chang chen po dang 'dra bar 'gyur ro zhes pa ste/ rdzogs pa'i rim pa'o/ /de la don bsdus pa 'di yin te /mA ma kI'i mtsho skyes la yi ge b+h+rUM las byung ba'i 'khor lo dmar ser rtsibs bcu pa 'bar ba bsams te / de'i lte ba'i dbus su ji skad bshad pa'i zhe sdang rdo rjer bdag bsams te/ snyoms par 'jug pa las khro bo spres te/ cung zad g.yo ba rnam par snang mdzad la sogs pa'i gnas la brten pa'i rtsibs bzhi bor 'phags pa gshin rje gshin rje gshed la sogs pa bzhi dang/ de bzhin du cung zad yo ba can la sogs pa'i gnas su rim pa ji lta ba bzhin du 'phags pa 'dod pa'i rgyal po dang/ dbyig sngon du mi g.yo ba dang stobs po che rnams dgod de/ cung zad yo ba dbang po dang dbang ldan gyi mtshams kyis dbus su gnas pa'i rtsibs la gtsug tor 'khor lo sgyur ba dang/ de bzhin du chu lha dang bden bral gyi mtshams kyi dbus su gnas pa'i rtsibs la khro bo dpal gnod mdzes kyi rgyal po bsam mo zhes bskyed pa'i rim pa'o/ / rtsa bcu'i 'khor lor rlung dang nye ba'i rlung gi dbye bas rnam pa bcu bsams la/ 'bras bu thig le'i gzugs su gnas par bya ste/ rdzogs pa'i rim pa'o/ /de ni chos 'byung gi phyag rgya'i dbye bas so/ /da ni rim pa gnyis kyis dbye ba bshad par bya ste/ rim pa gnyis la yang dag brten zhes bya ba la/ las dang po pa dang rdzogs pa'i dbye bas rdo rje can ni de bzhin gshegs pa rnams kyis chos bstan pa ste/ bskyed pa dang rdzogs pa'i rim pas dbye ba ste mdor bstan pa'o/ /sgrub pa ni bsnyan pa la sogs ba yan lag rdo rje bzhi 'am/ bum pa la sogs pa'i thabs kyi rim pa 'am/ dkyil 'khor gyi rim pas so/ /nan tan ni dam tshig dang sdem pa'i mtshan nyid de/ de yang bskyed pa'i rim pa'o/ /sngar ni gang bsnyen pa'i ye shes bdud rtsi yan lag drug pa'i rnal 'byor gyi mtshan nyid sngar bshad pa rgyas par le'u bcu gnyis pa la sogs par gsungs pa de yang rdzogs pa'i rim pa yin te/ rim pa'i dbye ba'o/ /tshig gi don bcu drug bshad pa'i skabs su ji ltar rim pa gnyis yin no/ /zhe na de ni skyon ma yin te rtsa ba'i rgyud las rim pa gnyis bshad pa dang/ bshad pa'i rgyud las de las gzhan gsungs pa'i phyir ro/ /de la dang po sbyor ba la sogs pa gsum dang bsgrub pa ni bzhi ste bskyed pa'i rI? pI yan lag go/ rdo rje bzlas pa la sogs pa dang/ rang bzhin la sogs pa ni bcu ste/ rdzogs pa'i rim pa'i yan lag go/ de ni bskyed pa dang rdzogs pa'i rim pa'o// dam tshig brjod par bya ste dang/ gzugs rdo rje la sogs pa yul lnga po gang yin pa de dag ni dman pa dang bar pa dang mchog ste/ yid du 'ong pa dang yid du mi 'ong ba dang gnyis ka'i dbye bas/ bde ba dang sdug bsngal dang gnyis ka ste bde ba dang sdug bsngal ba yin pa'i ngo bo de dag la dmigs nas 'od gsal ba rtogs te/ 'dod chags dang zhe sdang dang gti mug dag cing ldogS pa ni khyad par dang ldan pa bde ba chen po 'byung bar 'gyur ro/ /de ni 'jig rten las 'das pa'i rnal 'byor pa'i dam tshig go/ de bzhin du 'dod chags kyi dam tshig ni 'dod chags kyi rang bzhin te/ 'dod chags rnam par dag pa dang/ de bzhin du rdo rje ni zhe sdang gi dmigs pa'i dngos po mthong nas/ /rdo rje ni zhe sdang rnam par dag cing rin chen ni 'od gsal ba'i ye shes rnal 'byor pa la 'byung bar 'gyur ro/ /de bzhin du gti mug tu dmigs pa'i ma rig pa'i rang bzhin dngos po mthong nas/ de sbyang zhing rin chen dang 'dra ba mngon par 'dod pa'i don ster ba 'od gsal ba rtogs par 'gyur ro/ /de bas na na 'dod pa ni yul lnga ste / rtogs pa ni sad par byas na de'i tsho 'tsho bar 'gyur ro/ /rim pa de nyid kyis bsgrub bya'i lus zhugs par 'gyur ro zhes bya ba'i don to/ /de ltar sbyor ba ni ting nge 'dzin slob pa'i rnal 'byor pa zhe sdang dang rdo rje 'dra bar bdag nyid 'gyur ba ste/ tshar gcod pa dang phan 'dogs par nus par 'gyur ro/ /khams gsum pa la yang skad cig tsam gyis te/ ting nge 'dzin de bsgom pa tsam gyis bsang pa ni gsod pa dang/ slong ba ni slar yang ldang bar byed do zhes the tshom med do/ / nus pa ni bsam gtan gsal zhing brtan par gyur na zhes bya ba'o/ /de ltar rnam par snang mdzad kyi rnal 'byor pas sangs rgyas sbyin gyi pad+mar gti mug 'khor lo ni rnam par snang mdzad kyis byin gyis brlabs pa'i khro bo'i 'khor lo bskyed la/ lcags kyu dang zhags pa thogs pa'i khro bo rnams spros te/ ser sna can gyi mdzod kyi nang du zhugs par bsams la/ de dang mthun pa'i kha dog dang ldan pa'i khro bo rnams kyis rin po che la sogs pa blangs nas rlung gi dkyil 'khor sbyor bas 'dren cing gti mug sems ni rnam par snang mdzad kyi rnal 'byor pa ste/ de'i rgyal mtshan de'i rang gi mdzod de / rin chen thams cad ni ser sna can gyi gang zag las khugs pa'i ain+d+ra nI la sogs pas rab? tu gang ba ni khengs par bsgom par bya'o/ /rgyun de dag blang zhing bka' i 'khor lo bskul te/ nor la sogs pa dang bral ba yon tan dang ldan pa'i gang zag gi khyim du gti mug 'khor lo can kun ni khro bo bskul zhing sbyin pa'i char ni rin po che'i tshogs kyis char 'bebs par bya'o/ /sbyin pa de dang 'phrog pa de nyid gang gi tshe sems rdo rje bzhin du ting nge 'dzin la brtan par gyur na de'i rdzas thams cad 'phrog pa dang spyan pa dang skad cig tsam gyis bya'o/ /'od dpag tu med pa'i rnal 'byor pas gos dkar mo'o pad+mar rta mgrin la sogs pa'i 'khor ba bsams la/ de rnams spro zhing lha dang lha ma yin la sogs pa'i bu mo bkug cing gos dkar mo bcug ste/ de dang gnyis su med pa'i sbyor bas mnyes par bya'o/ /de nyid bshad par bya ste/ dga' ba ni snang ba dang sdug pa ni snang ba mched pa dang/ bde ba ni snang ba nye bar thob pa'o/ /rangs pa ni 'od gsal ba'o/ /'dod pa'i rtse mos rnam 'phrul ni 'khyud pa la sogs pa'i dbye ba rnams kyis nyams su myong bar bya'o/ /de ni lha mo dgug pa la sogs pa'o/ /de nas 'od zer gyi sbyor pas gos dkar mo'i thugs ka nas de dag spro zhing 'khor lo can kun ni 'dod chags 'dod pas sems can rnams la gdul bar bya ba'i phyir lha mo la sogs pa de dag sbyin par bya'o/ /ting nge 'dzin de nyid kyis khams dag tu byung ba'i bud med ces bya ba ni phul du byung ba'i tshig tu gang gi phyir gzugs dang gzugs med pa'i khams la bud med mi srid de/ chags pa dang bral ba'i phyir ro/ /lha dang lha mo yin la sogs pa'i sgo nas 'brel pa dang ldan pa de dag skad cig ni ting nge 'dzin brtan pas skad cig gis 'dod spyod pa ni 'gugs shing spyod la gzhan rnams la yang sbyin na/ mi'i bud med spros ci dgos te ting nge 'dzin che ba bstan to/ /de ni bskyed pa'i rim pa'o/ /'dod chags la sogs pa'i sgo nas 'gro ba 'dul bar bstan cing dkyil 'khor 'bri ba'i lan bstan par bya ste/ dkyil 'khor zhes bya ba de bzhin gshegs pa thams cad gzhir gyur pa 'bri ba ni ci'i phyir zhe na/ dbang bskur ba ni 'og nas bshad par 'gyur ba rnam pa bzhi te/ de thob par bya ba'i phyir dang/ de bzhin du las kyi tshogs kyang bya ba'i phyir dang/ nyams su len pa ni bskyed pa'i rim pa'i lha'i sku bskyed par bya ba'i phyir dang/ byin gyis brlabs pa ni rdzogs pa'i rim pas rdo rje 'chang gi go 'phang thob par bya ba'i phyir dkyil 'khor bri pa ste/ rtog pa'i rnal 'byor pa rnams kyis so/ /grub pa'i bgrod pa gzhan yin na ni rdzogs pa'i rim pa mthar phyin pa'i bgrod pa dkyil 'khor tshul te/ gzhan ni rnam pa gzhan gyis yin no de nyid bshad par bya ste/ b+ha ga ni chos 'byung gi phyag rgya'o/ /de ni snying por gyur pa na dkyil 'khor zhes bya ste/ byang chub kyi sems la sogs pa'i lha'i 'khor lo/ /der gnas pa'i phyir ro/ /byang chub kyi sems kyang dkyil 'khor te/ kun rdzob kyi tshul du de la de bzhin gshegs pa lnga gnas pa'i phyir dang/ bde ba chen po'i tshul du rdo rje 'chang gi rten yin pa'i phyir ro/ /lus ni lus te de yang dkyil 'khor yin la/ lha thams cad kyi rten yin pa'i phyir ro/ /phung po lnga ni mdor bsdus pa/ sangs rgyas lngar ni rab tu grags zhes le'u bcu bdun pa las gsungs pa'i phyir ro/ /de ni bskyed pa'i rim pa dang rdzogs pa'i rim pa dang go / phyag rgya dri ba'i lan bstan pa ni thams cad ni phung po la sogs pa dang nyon mongs pa la sogs pa yang phyag rgyas rgyas gdab pa ni bde ba chen pos phyag rgyas rgyas gdab pa'o/ /de nyid dkyil 'khor ni 'gro ba'i dkyil 'khor rgyas btab pa ste/ des na phyag rgya zhes bya'o/ /de ni rdzogs pa'i rim pa'o/ /yang na phyag rgya zhes bya ba ni btsun mo'i mtshan ma'o/ /nges thams cad ni phung po la sogs pa'i rang bzhin gyis 'gro ba rgyas btab pa na phyag rgya'o/ /de yang rdo rje dang pad+ma'i mtshan nyid de/ gang gi phyir rdo rje dang pad+ma'i phyag rgya dag gis sems can gyi skye gnas bzhi pa'i 'brel pa dang ldan pa'i 'gro ba thams cad rgyas btab pa ste/ de pas na rdo rje lnga? phyag rgya dang pad+ma'i phyag rgya ste/ thabs dang shes rab kyi rang bzhin du shes par bya'o/ /de ni rdzogs pa'i rim pa'o/ /yang na phyag rgya ni phung po la sogs pa'i rang bzhin bskyed par byed pa/ chos 'byung gi phyag rgya ste/ des rgyas btab pas na phyag rgya ni las kyi phyag rgya dang/ dam tshig gi phyag rgya dang/ de nyid bsgoms pa'i shes rab ni ye shes kyi phyag rgya dang/ phung po la sogs pa rnam par dag pa'i mtshan nyid phyag rgya chen po'o/ /de rnams kyis 'gro ba thams cad rgyas btab pas na phyag rgya'o/ /yang na phung po dang skye mched dang khams rnams kyi rang bzhin ni sa la sogs pa khams bzhi po ste/ spyan dang mA ma kI dang gos dkar mo dang/ sgrol ma ste/ de rnams kyi dkyil 'khor thams cad ni khams gsum pa rgyas btab pas na phyag rgya zhes bya'o/ /de ni bskyed pa dang rdzogs pa dag go/ phyi rol gyi rim pas mtshan ma'i phyag rgyas bshad par bya ste/ lcags kyu la sogs pa bzhi po ni 'dod pa'i rgyal po la sogs pa bzhi'i grwa ni sgo'i grwa rnams dgod par bya'o/ / /de'i 'khor lo dang rdo rje ni gtsug tor 'khor los sgyur ba dang gnod mdzes rgyal po'i mtshan ma ste/ steng dang 'og tu dgod par bya'o/ /rig pa'i rgyal po drug po ni 'dod pa'i rgyal po drug pa'o/ /phyag rgya drug po ste/ mtshan ma drug tu rab tu grangs zhes gsungs so/ /sa nas brtsams te rnam par shes pa'i khams kyi bar du gzugs kyi rdo rje ma la sogs pa gang yin pa de'i dkyil 'khor du rim pa ji lta ba bzhin du me long ni gzugs brnyan gyi rang bzhin dang/ pi waM ni brag ca'i rang bzhin dang mtshungs pa'i sgra'i rang bzhin dang/ dung? ni chos kyi tshul khrims te dri bzang po'i rang bzhin dang/ snod ni bdud rtsi lngas gang pa ste/ 'dod pa'i yon tan lnga'i longs spyod kyi rnam par dag pa'i rang bzhin dang/ sna tshogs ras ni 'dod chags la sogs pa'i tsha ba sel bas/ 'jig rten las 'das pa'i rig pa'i bde pa'i rang bzhin dang/ chos 'byung ba ni sku gsung thugs dang/ sku gsum dang ting nge 'dzin gsum gyi rang bzhin phyag rgya drug po de dag rdo rje'i bdag po ni rdo rje bdag po gang la yod pa de ni rdo rje'i bdag po ste/ gzugs kyi rdo rje ma la sogs pa'i phyag rgya dgod par bya'o// sangs rgyas dang byang chub sems dpa' dang khro bo'i rgyal po rnams kyi phyag rgya gang yin pa de dag rdo rje dang 'khor lo dang rin po che dang pad+ma dang ral gri dang tho ba la sogs pa dang/ de'i rigs kyi kha dog ste kha dog lnga pa dgod par bya'o/ /de las gzhan yang dpa' po gcig ces bya ba ni sa'i snying pos la sogs pa'i phyag rgya rigs kyi kha dog ni rnam par snang mdzad la sogs pa'i rigs kyi rjes su 'brang bar brtags pa ni dgod par bya ste/ de ni bskyed la dang rdzogs pa'i rim bdag go/ me tog 'dri ba'i lan bstan pa bshad par bya ste/ me tog ces bya ba ni lha mo nam mkha' i khams te shes rab kyi pad+ma'i nang na dgu ni khams sar ba ste rak+ta phral du dbyung pa'o/ /de ni sku gsung thugs kyi dbye ba ste/ sku la sogs pa'i dkyil 'khor las lces blang zhing rigs kyi rim ste/ rigs gsum gyi sa bon gyis byin gyis brlabs cing dgod pa ni spyod par bya ste sgrub pa'o/ /yang na btsun mo'i nam mkha' i khams ni shes rab kyi nam mkha' i ste/ de la rtsa ba re re la pad+ma? 'dab ma brgyad dang lte pa ste dgu'i/ /de las byung ba'i khams rnams ni rak+ta dang shukra dang dri chab po/ /sku rdo rje la sogs pa ni rnam par snang mdzad la sogs pa'i rang bzhin no/ /snga ma bzhin du dgod pa ni spong pa ste sgrub pa'o/ /yang na lha mo ni dmigs pa med pa'i shes rab po/ /de'i nam mkha' i khams ni thams cad stong pa'o/ /de la sku la sogs pa dang khams rnams dang rnam par shes pa ste/ /dgod pa ni nye bar bya ste me tog ces bya'o/ /de ni sems rnam par dag pa'o// mchod rten dri ba'i lan bstan pa'i phyir bshad par bya ste/ sangs rgyas thams cad ni chos dang longs spyod rdzogs pa dang sprul pa'i sku'i rang bzhin de bzhin gshegs pa rnams kyi gzhin bzhugs gnas te gzhi ni lus zhes bya'o/ /de ni rdzogs pa'i rim pa'o/ /yang na sangs rgyas thams cad ni shukra la sogs pa khams lnga ste/ de rnams kyi bzhugs gnas ni gzhi ste shes rab kyi pad+ma zhes bya'o/ /shes rab kyi pad+ma ni mchod rten zhes bya'o/ /de yang rdo rje bdud rtsi'i rgyud las gsungs pa'i rigs pa nam mkha' lnga dang 'dab ma brgyad dang/ lte ba ste mchod rten de nyid kyi 'khor lo ni bcu bzhi zhes bya'o/ /yang na sangs rgyas thams cad kyi rang bzhin byang chub kyi sems kyi thig le 'dzin pa'i bdag nyid can gyi rdo rje ni mchod rten zhes bya ste de ni rgyu'o/ /rang bzhin gyis grub pa'i ye shes sems dpa' nam mkha' i dbyings la bzhugs pas reg pa ni de dang ldan pa 'khor lo ni dkyil 'khor pa'i 'khor lo ste de ni ye shes kyi 'khor lo zhes bya'o/ / la la na re snying ga la gnas pa zhes bya ba de ni dkyil 'khor rgyal po mchog go/ sa bon gyi yi ge bshad par bya ste/ sa bon gyi yi ge ni bskyed pa'i don du yi ge rnams so/ /gnas ni bskyed pa'i don te mi 'jigs pa'i nus pa dang ldan pa'o/ /rdo rje gsum ni sku gsung thugs kyi rdo rje rnam par snang mdzad la sogs pa'i mi 'gyur ba ni sa bon te/ de bzhin du yi ge ni me long lta bu la sogs pa'i ye shes kyi ngo bo nyid de ? chos nyid rang bzhin gyis rtag pa mi 'jig pas na yi ge ni sa bon rnams so/ /de ni bskyed pa'i rim pa'o/ /sku la ba bshad par bya ste/ sang ba ni 'od gsal ba la zhugs pa sems can gyi don du ldang bar bya bas na sang ba ste/ sku gsung thugs kyi de nyid ni 'od gsal ba las ldang bar bya ba ni bskul ba zhes bya ste/ las kyi rgyal po mchog gi ting nge 'dzin to/ /yang na sku gsung thugs ni 'dod pa'i gdugs la sogs pa ste gtso bo'i rtsa gsum mo/ /de ? ba ni sor mo 'am ? bskul ba ste bskul ba zhes bya'o/ /yang na sku gsung thugs kyi de nyid ni sa bon gsum mo/ /de rnams kyi bdud rtsi lnga sad pa ni 'od gsal bar byas pas bskul ba ste sgrub pa'o/ /gtong bas 'dri ba'i lan bshad par bya ste/ 'od zer spro ba ni phyogs bcu 'jig rten gyi khams su sems can gyi don bya ba'i phyir 'od zer 'gyed pa gtong ba zhes bya ste las kyis rgyal po mchog go/ yang phyogs bcu'i 'jig rten gyi khams la lha rnams kyi nus pa dgug par bya ba'i phyir ram/ gdul dka' gdul bar bya pa'i phyir bka' nyan gtod pa gang yin pa de ni gtong ba zhes bya ste sgrub pa'o/ /spyan 'dren pa'i 'dri pa'i lan bstan par bya ba'i phyir/ spyan 'dren pa zhes bya ba ni nam mkha' i dbyings la bzhugs pa'i rdo rje can thams cad de ting nge 'dzin gsum car yang 'gug cing zhugs pa de ni spyan 'dren pa zhes bya pa ste/ bskyed pa'i rim pa'o/ /de dag gong bu'i tshul ni sngags kyi yi ge'i thig le'i gzugs sam/ yang byang chub kyi sems kyi thig le'i gzugs su bsdus pa ni gcig tu byas te/ snying ka 'am rdo rje 'am pad+ma 'am gdong gi sna'i rtse mor 'ching ba ste/ bsdams pa 'am 'dzin pa zhes bya'o/ /de las kyang mi g.yo ba dbang du bya ba ni bcings pa zhes bya ste/ de ni las kyi rgyal po mchog dang rnal 'byor ro/ /bri ba'i dkyil 'khor 'dri ba'i lan bshad par bya ste/ sku gsung thugs kyi rdo rje zhes bya ba ni rnam par snang mdzad la sogs pa'i rnal 'byor pa rnams kyis sku rdo rje la sogs pa'i dkyil 'khor ni rnam par snang mdzad la sogs pa'i dkyil 'khor gang gi tshe bri bar byed na/ de'i tshe thig skud 'dzin pa'i slob ma rnams sku la sogs pa'i rang bzhin te/ rnam par snang mdzad la sogs pa'i ngo bo rgyas btab pas bskyed par byas la bri pa'i dkyil 'khor brtag pa ni thig gdab par bya'o/ /de la dgongs pa 'di yin te/ rnam par snang mdzad kyi rnal 'byor pas sku'i dkyil 'khor bri par 'dod pas rang gi bdag nyid rnam par snang mdzad du bsgoms la/ slob ma ni 'od dpag med pa 'am mi bskyod pa'am / bdud rtsi 'khyil par bsgom par bya'o/ /'od dpag tu med pa'i rnal 'byor pas gsung gi dkyil 'khor bri par 'dod na bdag nyid ni 'od dpag tu med par bsgoms la/ slob ma ni rnam par snang mdzad dam mi bskyod pa 'am bdud rtsi 'khyil bar bsgoms par bya'o/ /mi bskyod pa'i rnal 'byor pas thugs kyi dkyil 'khor bri bar 'dod na bdag ni mi bskyod par bsgoms la/ slob ma ni rnam par snang mdzad dam/ 'od dpag tu med pa 'am/ bdud rtsi 'khyil par bsgom par bya'o/ /yang na slob ma ni rdo rje sems dpa' bsgom par bya'o/ /de ni bskyed pa'i rim pa'o/ /dbang bskur 'dri pa'i lan bshad par bya ste/ dbang bskur zhes bya ba rgyud 'di la ni dpal gsang pa 'dus pa la rnam pa gsum yin te/ lus dang ngag dang sems rnam par dag pa'i phyir ro/ de la bum pa'i dbang bskur gyis ni lus rnam par dag par 'gyur te/ bskyed pa'i rim pa gtso bo yin pa'i phyir ro/ /gsang ba'i dbang gis ni dag rnam par dag par 'gyur te/ bdud rtsi myong ba'i rang bzhin yin pa'i phyir ro// shes rab kyi dbang gis ni sems rnam par dag par 'gyur te/ rdzogs pa'i rim pa gtso bo yin pa'i phyir ro/ /de rnams kyi dbye ba dang rim pa ni le'u bcu drug pa las bshad do/ /bzhi ba de yang de bzhin no zhes bya ba ni shes rab kyi ye shes de nyid yang bla mas bstan pa ni bzhi pa zhes bya'o/ /'dir shes rab ye shes ni bde ba chen po zhes bshad de/ de yang rnam pa gnyis te/ dpe'i? bde pa dang dpe las byung ba'i bde ba'o/ /de la dpa' i bde ba ni shes rab ye shes yin la/ dpe las byung ba'i bde pa ni de yang zhes bya ba'i sgras brjod pa yin te/ rang gi mngon sum pa'i tshad nas khong du chus par bya ba'i phyir dang/ rnam par mi rtog pa'i phyir ro/ /de nyid kyi phyir ye shes kyi ? ma gsungs so/ /'o na rtog pa dang bcas pa/ dpe'i bde bas rnam par mi rtog pa'i de kho na nyid ji ltar 'byung ba yin te/ 'bras bu ni rgyu dang mthun pa'i phyir ro zhes na/ de ltar ma yin te gang gi phyir de kho na nyid kyi rgyu yod pa ma yin te/ rtag pa'i phyir ro/ /rgyu dang bcas pa yin na skad cig ma can dang 'jig par yang thal bar 'gyur te bum pa bzhin no/ /chos nyid ni rang bzhin gyis rtag pa nyid kyis nam mkha' bzhin du gnas pa'i phyir dang/ dpe'i bde ba ni skad cig ma yin pa'i phyir de nyid la rgyu mi rigs pa'i phyir ro/ /de nye bar mtshon pa nyid kyis de khas blangs pa yin la/ nye bar mtshon pa'i rgyu nyid mi rigs te/ zla ba bstan pa'i sor mo yang rgyu nyid du thal bar 'gyur ba'i phyir ro/ /rgyu dang 'bras bu ma yin pa ni rang bzhin gyis grub pa yin pa'i phyir nam mkha' bzhin no/ /glo bur ba'i sprin dang 'dra ba'i dri ma sel bar byed pa dpe len pa ni srigs pa yin no/ /de khas ma blangs na thams cad kyis sangs rgyas nyid thob pa thal bar 'gyur pa dang sgom pa la sogs pa don med pa dang rten par byed pa med par 'gyur ba dang/ bsod nams dang sdig pa la sogs pa med par thal bar 'gyur ba'i phyir ro/ /de bas na dpe'i bde ba ni rgyu nyid ma yin te rtog pa dang bcas pa'i phyir ro// nye bar mtshon pa tsam nyid ni rigs te mar me bzhin no zhes sngar bshad zin te/ ha cang thal bar 'gyur pas cho ga go/ rig pa'i brtul zhugs kyi skabs su dbang gnyis po dka' ba yin pa'i phyir de'i rim pa bshad par bya ste/ sngags kyi tshul du snod du rung ba ni sngags kyi tshul du rung ba'o/ /snod du rung ba zhes bya ba rigs kyi dbye pas yin no/ /gang gi phyir zhe sdang gi dgos kyi bud med gang yin pa de ni mi bskyod pa'i rigs la/ de bzhin du gti mug la sogs pa'i rigs can ni rnam par snang mdzad la sogs pa'i rigs can yin no/ /ba dog gis kyang gang zhig nag po de ni mi bskyod pa'i rigs yin pa dang/ de bzhin du dkar po la sogs pa'i kha dog de ni rnam par snang mdzad la sogs pa'i rigs su shes par bya'o/ / las kyis kyang rigs shes par bya ste/ drag po la sogs pa'i las byed pa'i phyir ro/ /de ltar rigs dpyad nas sngags snod du rung ba shes rab yin no// mig yang sa sogs zhes bya ba 'dis gzugs kyi phun sum tshogs pa nyid du bstan to/ /me tog bcas pa zhes bya ba 'dis na chod dang ldan pa yin te/ na tshod dang mi ldan na me tog mi ldan no/ /sa bon 'byung zhes bya ba 'dis ni sa bon 'dzag pa zhes 'jig rten las gras pa dang pad+ma can no/ /yang na gang gi tshe de'i me tog 'byung ba de'i tshe blang bar bya'o/ /de dang 'dra bar shes rab bla ba ni dam tshig la sogs pa legs par bzlas pa gzung zhing sngags pas slob ma las gsang ba'i dbang ni gsang ba'i dbang ste sbas pa'i bka' drin sbyin par bya'o/ /de nyid kyi rim pa bshad par bya ste/ nam mkha' i dbyings kyi dbus su bshad gci la sogs pa bdud rtsi lngas gang ba'i bum pa rnams bcom ldan 'das de bzhin gshegs pa bsams la de dang lhan cig rdo rje dang pad+ma snyoms par 'jug pas gnas pa'i rdo rje slob dpon gyis mchog tu dga' ba'i sgras de dag dgug cing snying gar bcug ste/ sku gsung thugs kyi rdo rje ni rtsa gsum ro gcig par gyur pa'i rtsa dbus ma la zhu ste/ rdo rje lam nas byung zhing pad+ma la gnas pa'i byang chub kyi sems dung phor? la sogs par blangs te/ slob ma'i khar sbyin par bya'o /kha cig na re rdo rje de nyid khar gzhug par bya'o/ /zhes zer ro/ /dbang bskur ba de ni rnam pa rtog pa zad par byed pa na mchog te dam pa'o/ /de bzhin du gsang sngags kun ni de bzhin gshegs pa'i sku la sogs pa thog pa'i rgyu yin pas na go 'phang ngo/ /de bas dbang bskur ba 'di yis sngags kun dang sngags thams cad do/ 'jig rten las 'das pa'i dngos grub dang/ las mchog gi tshogs rnams ni zhi ba la sogs pa'i 'jig rten pa'i dngos grub rnal 'byor pas grub par 'gyur ro zhes tshig gi lhag ma'o/ /de ni bskyed pa'i rim pa dang bsgrub pa'o/ /yang shes rab kyis dbang bskur bar bya ste/ mchog tu dad pa can ni dkon mchog gsum la sems dang pa'o/ /shes rab chen po ni thos pa la sogs pa'i rim gyis phul du byung ba'i ye shes thob pa'o/ /gzugs bzang ni mdzes pa dang sgeg pa dang/ na chod la sogs pa'i yon tan dang ldan pa'o/ /sgrub pa po la dga' ba ni rnal 'byor pa dang mthun pa'o/ /sbyor ba gcig ni zla ba med pa'i sbyor ba ste sngags kyi tshul lo/ /de la bya ba goms pa ni lam de nyid du sgoms pa la sogs par byed pa'o/ dam tshig dag ni bya ba'i rgyud la sogs pa'i dam tshig gi nang nas dam tshig can ni rnal 'byor chen po'i rgyud las gsungs pa'i dam tshig gi spyod pa dang ldan pa'i shes rab de blangs nas mchod pa dang/ bstod pa dang bsnyen bkur sngon du 'gro ba'i slob mas bla ma yon du dbul bar bya'o/ /slob ma zhes bya ba ni tshig gi lhag ma'o/ /rdo rje slob dpon gyis kyang rigs lnga dang sku gsung thugs kyi sa bon byin gyis brlab par byas la mA ma kI la sogs pa'i gzugs su bskyed? cing ? snang mdzad kyi ting nge 'dzin dang ldan pa'i sgrub pa po la de sbyin par bya'o/ /de nas dam tshig dang sdom pa blang pa dang lus su rung ba'i rdo rje la 'jug pa shes rab dang snyoms par 'jug pa dang ldan par slob ma bltas te/ rang gi snying ka nas gti mug dga' ma logs pa spro zhing de'i khang gzhug par bya'o/ /de nyid bshad par bya ste/ gti mug sbyor ba ni rnam par snang mdzad dang snyoms par 'thug pa gti mug dga' ma spros zhing de'i kha la bcug cing zhugs te/ de las byung ba'i byang chub sems kyi rgyun gyis dbang bskur na slob ma gti mug rdo rjer 'gyur ro/ /de bzhin du zhe sdang dang 'dod chags dang shes rab dang ye shes kyi bdag nyid ni mi bskyed par ? 'od dpag tu med pa dang don yod grub pa'o zhe sdang dga' ma dang 'dod chags dga' ma dang/ rdo rje dga' ma dang snyoms par 'jug pa dang ldan par spros te/ de'i khar bcug cing de las byung ba'i byang chub kyi se mos ? gyis zhe sdang la sogs pa dag par bya ba'i phyir zhe sdang la sogs pa'i rgyun gyis slob ma la dbang bskur bar bya'o/ /de ni shes rab ye shes kyi dbang bskur ba'i cho ga ste bskyed pa'i rim pa dang 'bras bu ngag go/ rig pa'i brtul zhugs bshad par bya ste/ de nas lha mo de nyid ni sngar bshad pa'i yon tan gyi tshogs dang ldan pa blangs nas rdo rje can gyi slob ma ste/ de'i lag pa gnyis bzung ste /de'i bar na gnas ba'i slob dpon gyis slob ma'i spyi bor lag pa bzhag cing nam mkha' i dbyings la bzhugs pa'i de bzhin gshegs pa rnams dbang por byas la de rnams kyi spyan sngar de de la sbyin par bya'o/ /'di yang brjod par bya ste/ thabs gzhan ni nyan thos la sogs pa'i sbyangs pa'i yon tan dang/ lus ngal ba la sogs pa dang shin tu dga' ba byang chub sems dpa' i sdom pa la sogs pa nges 'tshang mi rgya ba ni/ rdo rje 'chang nyid thob par mi 'gyur te ma dag pa'i thabs dang ldan pa'i phyir ro/ /de bas rig pa 'di ni 'od gsal ba'i rig pa 'dis rig pas shes rab bo/ 'di ni bdag gis byin gyis brlabs pa yin la mchog ste dam tshig dang sdom pas mchog tu gyur pa long zhig ces bya ba ni tshig go/ gang phyir chos thams cad ni phung po la sogs pa ste/ de dag gzung ba dang 'dzin pa'i rtog pa med pas gnyis su med pa ste gnyis dang bral ba'o/ /dri za'i grong khyer dang 'dra bar 'khrul pas dngos po gnyis te /gzung ba dang 'dzin pa'i dngos po nyid du snang ba yin no/ /de bas na gzung ba dang 'dzin pa'i rnam par rtog pa gzhom par bya ba'i phyir chos kyi dbyings kyi dbang phyug ma'i ngo bor rig pa 'di dang khyod kyis ni bral bar mi bya ste/ 'di dang bral bar mi bya'o zhes bya ba ni rig pa'i brtul zhugs so/ /'di ni sangs rgyas thams cad kyi rgyu yin pas na sangs rgyas thabs te/ mar ni tshe zhes bya ba'i rigs pas rig pa'i brtul zhugs so/ /brtul zhugs ni sdom pa'o/ /bla na med pa ni bya ba'i rgyud la sogs pa la zhugs pas rnyed par dka' ba'o/ gang zhig rmongs pa ni 'khrul pa'am brjed ? pas 'da' ba ni srung par byed na de'i dngos grub mchog ni rdo rje chen po'i go 'phang gi mtshan nyid grub par mi 'gyur ro zhes bya ba ni sgrub pa'o/ /bdud rtsi lnga'i dri ba'i lan bshad par bya ste/ tha mal pa ni rang bzhin gyis grub pa dri pa ni bshad ba la sogs pa lnga dang/ lnga ni lcags kyu lnga'o/ /snang ba ni dag pa nyid du snang ba ste/ chos thams cad rang bzhin gyis dag pa yin pa'i phyir ro/ /de bas ni 'khor gsum ma yin mi dmigs pa'i rnal 'byor pas gal te bdud rtsi dang lcags kyu spyod na de'i tshe cung zad kyang skyon med de/ 'on kyang rnam par rtog pa'i 'ching ba las sems grol bar byas pa'i phyir sgom pa'i khyad par brten par bya'o/ /de nyid bshad par bya ste/ ye shes lnga ni de bzhin gshegs pa'i sa ? lnga ste/ aoM la sogs pa'o/ /de rnams kyi byin gyis brlabs par byas la/ bdud rtsi lnga ni bdud rtsi dang 'dra bar rims la sogs pa'i skyon sel bar byed par 'gyur ro/ /sbar pa ni yi ge aoM gyis me tog spro bar bya'o/ /bsreg pa ni pad+ma'i snod kyi 'og na gnas pa'i rlung dang me'i dkyil gyis so/ /snang pa ni sad pa ste/ g.yon bskor bas 'khor ba dang bems po ma yin par bya'o/ /gzugs snang ba ni sbyang ba ste dag pa'i ngo bo nyid du bya'o/ de dag dang yi ge A:dang hUM dag gis bya ba'o/ /sngags kyi sku rab sbyor ba ste/ rang gi yi dam gyi lha'i sbyor bas lag pa dang lkog ma sbyang zhing nang gi sbyin sreg gi rim gyis bdud rtsi lnga ni rdzas lnga bsdus pa las 'byung ba'i bdud rtsi byang chub kyi sems kyi ngo bo bza' bar bya'o/ /de nyid rim par bshad bya ste/ bar snang ni snod kyi steng gi cha ste/ de la yi ge hUM las byung ba'i rdo rje bsams la/ 'og tu ni yi ge Ate de la gnas pa'i bdud rtsi yi ge aoM gyis tshim par byed pa'i bdud rtsi'i rang bzhin du bsams la/ yi dang ? las byung ba'i rlung dang me'i dkyil 'khor dag gis sbar la rdo rje dang pad+ma steng dang 'og tu 'tshed pa bzhin du 'dus par byas la/ tshim par bya ba'i ngo bo shel ltar dag pa ye shes kyi bdud rtsi bsams te/ rang gi snying ga las byung ba'i rno ba'i 'od zer gyi tshogs kyi mtshon chas phyogs bcu'i 'jig rten gyi khams na gnas pa'i de bzhin gshegs pa rnams bkug cing bdud rtsi la bcug ste/ sa bon lnga yongs su gyur pa las de bzhin gshegs pa lngar rang gi lha mo dang snyoms par zhugs pas yongs su gyur pa las byang chub kyi sems kyi ngo bo yi ge gsum gyis byin gyis brlabs pa de nyid kyis sbrang ba la sogs pa byas pa lkog ma dang lce la sogs pa sbyang pa la sogs pa'i rim gyis bza' bar bya ba ni spyang par bya'o/ gzhan du ni gal te rnal 'byor pas de ltar mi byed na/ de'i tshe 'grub mi 'gyur ni rdo rje 'chang chen po'i go 'phang thob par mi 'gyur te sgrub pa'o/ /tha mal pa'i dngos grub bshad par bya ste/ mi snang pa la sogs pa ni ril bu la sogs pa 'dzin pa'i sgo nas dngos grub dang/ mig sman dang rkang 'gyogs dang 'khor lo'i rig pa 'dzin pa la sogs pa'i dngos grub gang yin pa de dag ni tha mal pa'i dngos grub yin te longs spyod ster pa'i phyir ro/ de bzhin du sangs rgyas ni rdzogs pa'i rim pa'i rnal 'byor pas bsgrub par byas pas na sangs rgyas kyi bsgrubs te/ rdo rje 'chang nyid dang sangs rgyas nyid de bzhin gshegs pa lnga'i go 'phang ngo/ /gnyis po de yang de bzhin gshegs pa dang rdo rje 'chang gi dbugs dbyung ba'i mtshan nyid ni dngos grub mchog ces bya ste thar pa ster bar bya ba'i phyir ro/ /de ni bsgrub pa dang rdzogs pa'i rim pa'o/ /rim pa gnyis par bsnyen pa la sogs pa bshad par bya ste/ thabs rnams bzhi po ni dbye ba rnam pa bzhi'o/ /byang chub rdo rje ni rdo rje 'chang chen pos so/ /sgrub pa ni lha'i sku sgrub par byed pa dang/ 'od gsal ba rtogs par byed pa gsungs zhes bya ba ni rnal 'byor gyis rgyud gsungs pa'o/ /rnal 'byor gyi rgyud thams cad ni rdo rje 'jigs byed dang rdo rjes 'og gi rgyud la sogs pa'o/ /rnal 'byor pa ni rnam pa gnyis kyi rnal 'byor pa ste/ sngags pa ni rdo rje 'chang chen po thob par bya ba'i phyir gsungs pa'o/ /de ni bskyed pa'i rim dang rdzogs pa'i rim pa dag go/ bsnyen pa la sogs pa ni yan lag bzhi po mdor bstan pa'o/ /thun mong zhes bya ba la sogs pa la tha mal pa dang mchog gi dbye pas rnam pa gnyis su bstan to/ /rdo rje bzhi po ni mngon par byang chub pa lnga'i rim gyis bsnyen pa la sogs pa tha mal pa'o/ /yan lag drug gi rnal 'byor gyis ni mchog gi bsnyen pa'o/ /stong pa nyid la sogs pa rgyud thams cad las gsungs pa'i dang po sbyor ba la sogs pa'i ting nge 'dzin gsum gyi nang du bsdus par 'gyur ro/ /de ni rdo rje bzhi po'i mtshan nyid de/ tha mal pa'i bsnyen pa la sogs pa'o/ /de ni dang po sbyor ba dang dkyil 'khor rgyal ba mchog dang las kyi rgyal po mchog go/ ye shes ni rdzogs? pa'i rim pa ste/ de nyid dga' ba dang 'chi ba med pa'i go 'phang thob par byed pas na bdud rtsi ste/ des ni bsnyen pa la sogs pa mchog ste/ phul byung ba zhes bya ba'i don to/ /de nyid kyi phyir yan lag bzhi pa'i nang nas bsnyen pa gcig bu ni sbyor ba drug gis te/ so sor sdud pa la sogs pa sbyor ba drug gis bya'o/ /gzhan du na mchog gi dngos grub ni rdo rje 'chang chen po'i dngos grub tu mi 'gyur te/ rdzogs pa'i rim pa'o/ /so sor sdud pa zhes bya ba la sogs pas yan lag drug gis rnal 'byor mdor bstan pa'o/ /dbang po bcu zhes bya ba la sogs pas rgyas par bshad pa'o/ /dbang po ni mig la sogs pa lnga'o/ /don ni gzugs la sogs pa yul lnga'o/ /de dag bsdus pa ni dbang po dag go/ dbang po yul dang bcu po de dag ni rang gi 'jug pa'i yul gzung bar bya ba'i mtshan nyid do/ /de blangs nas so sor ni rang gi yul re re la nye bar spyod pa dang/ 'dod pa lnga nye bar spyod pas de ni so sor sdud pa zhes bya ba ste/ yan lag dang po'o/ /de rnam par dag pa'i phyir bsam gtan bshad par bya ste/ 'dod pa lnga ni gzugs la sogs pa'i yul te /de dag dbang po dang bcas pas gcig tu byas la de bzhin gshegs pa lnga'i rang bzhin du brtag par bya ste/ bsam gtan zhes bya'o/ /de'i yang bye brag lnga ste/ rtog pa dang dpyod pa ni rags pa dang phra pa'i rtog pa ste chags pa'i rang bzhin no/ /dga' ba dang bde ba ni lus dang sems kyi bde pa'i rang bzhin te/ chags pa dang chags pa bral ba'i ngo bo sems rtse gcig ni chags pa dang chags pa bral ba dang chags pa bar ma med pa 'od gsal ba'i rang bzhin no/ /de nyid bshad par bya ste/ gsang ba gsum 'byung ba ni yul dang dbang po ? rnam par shes pa'i rig pa las byung ba'i bde ba 'khrugs pa'i mtshan nyid gang yin pa de nyid sbyor ba ste rtog pa ngsum yongs su spangs nas nyams su myong ba ni spyod pa ste gnyis po de dag ni chags pa dang snang ba'o/ / de nas dbang po thams cad kyi rnam par rtog pa yongs su spangs nas lus shin tu sbyangs pa tsam ni dga' ba'o/ /de nas lus shin tu sbyangs pa dang bral bas na sems shin tu sbyangs pa ste/ bsdus par gyur pa'i bde ba bsdus pa ste nyams su myong ba ni bzhi pa'o/ /gnyis po de dag chags pa dang chags pa bral pa ste/ snang ba mched pa dang snang ba nye bar thob pa'o/ /de nas shes pa dang shes bya byung bzhad pa'i rnam par mi rtog pa sangs rgyas gcig gi rang bzhin nam mkha' kun ni khams gsum pa la gnas pa 'gro ba thams cad kyi ngo bo rang gi sems ni 'od gsal ba'i rang bzhin lnga par shes par bya'o/ /de nyid brtan par bya ba'i phyir yan lag gsum pa bshad par bya ste/ ye shes lnga'i rang bzhin ni me long lta bu la sogs pa'i ngo bo'o/ /de la thig le ni gsal ba nyid me long lta bu ye shes so/ /khams thams cad dang mtshungs pa nyid ni mnyam pa nyid kyi ye shes so/ /de'i bde ba chen po la dpyod pa la so sor rtog pa'i ye shes so/ / de'i 'od zer spro ba dang bsdu bas 'gro ba'i don bya ba ni bya ba nan tan grub pa'i ye shes so// shes rab kyi pha rol tu phyin pa dang don dam pa byang chub sems kyi ngo bo ni shin tu rnam par dag pa'i chos kyi dbyings kyi ye shes so/ / de bas na ye shes lnga'i rang bzhin no/ /rlung dang nye ba'i rlung bcu nye bar bsdu bar byed pas gnas pa'i skabs su dbugs so// 'byung de? lnga'i ngo bo nyid ni lus te/ de'i snying por gyur pas sra ba dang gsher ba dang dri? ba dang/ 'gro ba dang 'od ba dang khong stong dang ldan pa'i phyir ro/ /thig le'i gzugs de nyid ni bu'i gzugs gyis ni phung po la sogs pa thams cad bsdus ngo bo yungs kar gyi tshad tsam rtsa dbus ma dang rdo rje'i lam nas phung nas sna'i rtse mo ste de'i rtse mor brtag pa ni bsdu bar bya'o/ / rin chen kha dog sna lnga pa de bzhin gshegs pa lnga'i 'od zer gyi tshogs steng nas kyang spro ba/ bsrog? dang rtsol ba ni srog dang rtsol ba ste/ yan lag gsum pa'o// rang sngags ni rdo rje 'chad chen po'o/ snying kar bsams ni bsgom pa ste/ srog ni steng dang 'og tu rgyu ba kha dog lnga'i rlung ste/ thig ler gyur pa ni thig le dang dbyer med par gyur par bzhag pa ni bsre bar bya'o/ /de'i tshe rang dang ni snga ma bzhin du dbang po dang yul dang rnam par shes pa'o/ /de bzhin du rin chen ni thig le'i rin chen de dgag pa na/ gzung ba ni rdo rje rtse mo 'am pad+ma'i lte bar srog la sogs pa nye bar sdud ba cing gnas pa gang yin pa de ni 'dzin pa ste yan lag bzhi pa'o// 'gog pa rdo rjer zhugs pa ni 'od gsal ba la zhugs pa'i sems te/ sems kyis byin gyis brlabs pa phung po dang khams dang skye mched du gyur na'o// mtshan me'i rtags de nye bar 'dzin ni ltung gyis grub ste so sor snang ba 'byung bar 'gyur ni skye bar 'gyur ro/ /mtshan ma de yang byang chub rdo rje ste rdo rje 'chang chen pos rnam pa lnga gsungs pa ni dka' stsal to/ /sa'i khams tshul thim pa na smig rgyu lta bur snang ba dang/ chu'i khams me la thim pa na du ba lta bur snang ba dang/ me'i khams rlung la stim pa nam mkha' snad 'dra ba ni mkha' snang ste/ g.yo ba srog chags kyi nor bu'o/ /rlung gi khams ni rnam par shes pa la thim pa na mar me lta bu'o/ /rnam par shes pa 'od gsal ba la thim pa na nyi ma phyed kyi dri ma med cing rlung med sprin med pa'i nam mkha' dang 'dra ba snang bar 'gyur ro/ /mtshan ma de dag brtan par bltas nas/ rdo rje'i lam nas thig le'i 'od zer spro zhing de dag gis nam mkha' i khams gang bar bsams shing de dang 'dra ba rjes su 'dra ba la dmigs te/ rdo rje 'chang chen po'i sku lta bu de bzhin gshegs pa rnams spro ba ni rjes su dran pa ste yan lag lnga pa'o/ / de la ni de'i so sor snang ba ste/ sgyu ma dang smig rgyu dang dri za'i grong khyer lta bu so sor snang bar 'gyur ro// de nas thabs dang shes rab snyoms par 'jug pa ni ye shes kyi phyag rgya dang gnyis su med par sbyor bas dngos po thams cad ni sems can dang snod kyi 'jig rten gyi dbye bas gnas pa dang/ sngar spros pa de dag gong bu'i tshul gyis bsdus pa ni gcig tu byas ste/ kun rdzob dang don dam pa tha mi dad pa'i tshul gyis bsdus pa ste/ dbus su ni de gnyis tha mi dad pa'i dbus te/ gzugs ni rdo rje 'chang chen po'i sku bsgom par bya'o/ /de yang cig tsam gyis ye shes rdzogs pa ni mi gnas pa'i mya ngan las 'das pa'i ye shes kyi dbyings rdzogs pa ste/ ting nge 'dzin ces bya ba yan lag drug par gnas par rab tu grags pa'o/ /phan yon bshad par bya ste/ so sor sdud la snyoms par 'jug pa ni spyod pa rnam pa gsum gyis 'jig rten las 'das pa'i lam yid la byed pa'i rnal 'byor pas yul rnams la spyod na sngags rnams thams cad ni de bzhin gshegs pa thams cad de mi bskyod pa la sogs pas byin gyis rlob pa ste/ de'i rang bzhin du 'gyur ro zhes de bzhin gshegs pa'i dbugs dbyung pa'o/ /bsam gtan ni yan lag lnga pa ye shes ni de mngon du rtogs pa de la snyoms par 'jug cing thob nas/ mngon shes lnga ni lha'i mig la sogs pa thob par 'gyur te/ yul dang dbang po'i rang bzhin yongs su shes pa'i phyir ro/ /de nas srog dang rtsol ba ni rlung gi de kho ni nyid dang/ sngags kyi de kho na nyid yongs su shes pa'i mtshan nyid kyi ting nge 'dzin gyis/ byang chub sems dpa' rnams ni 'khor lo'i rig pa 'dzin pa la sogs pa khyad par dang ldan pa rnams kyis gzigs pa ni lta bar gyur pa'o/ /de bzhin du 'dzin pa'i stobs ni brtan pa nyid kyis rdo rje sems dpa' ni rdo rje 'chang chen po sku yang dag 'jug ni thob par 'gyur ste/ 'dzin pa ni 'od gsal ba'i rang bzhin yin pa'i phyir ro/ /de bzhin du rjes su dran pa'i sbyor ba ni rjes su dran pa thob pas 'od kyi dkyil 'khor skye bar 'gyur te/ rjes su dran pa ni spro ba'i ngo bo yin pa'i phyir ro/ /thams cad mkhyen pa nyid du yang 'od kyi dkyil 'khor gyis lha rnams kyi 'od kyi tshogs zil gyis gnon cing 'dul par mdzad pa'o/ /ting nge 'dzin dbang gyur tsam gyis ni ting nge 'dzin brtan par gyur na'o/ /sgrib pa rnams dang bral par 'gyur ba ni rnal 'byor pa zag pa med par 'gyur ba'o/ /de ltar yan lag dag? sgom phar byed pa'i rnal 'byor pas de bzhin gshegs pa'i dbugs dbyung ba dang/ rdo rje 'chang gi dbyugs dbyung ba dang/ mngon par shes pa lnga la sogs pa thob par 'gyur ro zhes bya ba de ni rnal 'byor ro/ /da ni thabs bzhi bshad par bya ste/ snying po de ni zhes bya ba la sogs pa la/ re zhig dang por rdo rje 'chad chen po la sogs pa'i gang yang rung ba'i rnal 'byor dang ldan pa'i rnal 'byor bas stong pa nyid sgom pa ston du 'gro bas y e shes gsum yongs su gyur pa las skyes pa'i zla da'i steng du yi ge hUM las byung ba'i rdo rje bsam zhing de'i lte bar yang yi ge hUM dgong de de las byung ba'i 'od zer gyi tshogs te mtshon cha dam pa ni rtse mo'i cha rno ba nam mkhar spro zhing des ji ltar 'dod pa'i lha mo'i 'khor lo bkug cing bcug ste/ sems ni sems kyi rnam par lha'i tshogs sngags kyi ngo bor byas pa ni de bzhin gshegs pa thams cad kyi rang bzhin du bsams te yongs su gyur pa las sngags kyi sku'i sbyor ba ste/ de bzhin gshegs pa thams cad kyi rang bzhin gyi sku bskyed la/ byang chub tshigs bcad ni dpal ldan sangs rgyas sku 'chang ba zhes bya ba la sogs pa dang/ aoM sarbba ta thA ga tA kA ya badzra swa b+hA ba At+ma konyahaM zhes bya ba la sogs pas sku la sogs pa byin gyis brlab pa'i chig dang sngags kyang brjod par bya'o/ /gzhan yang rang gi dkyil 'khor ni dkyil 'khor pa'i tshogs spro zhing de'i dbus su gnas pa'i rnal 'byor pas byang chub sbyor ba'i sgom pa ste/ thabs dang shes rab snyoms par 'jug pa'i sbyor bas sems de ni dkyil 'khor ba'i dbus su gnas pa'i gtso po'i sku/ ye shes kyi gzugs te 'od du zhu zhing thig le yungs kar gyi 'bru'i tshad tsam bsgom par bya ba ste nye bar sgrub pa'o/ de ni dang po sbyor ba dang dkyil 'khor rgyal po'i mchog dang/ las kyis rgyal po mchog ste bsdu ma pa'i thabs so/ /de ltar byas pas rnal 'byor bas dngos grub thob par ma gyur/ de tshe sbyin pa'i thabs brtsams par bya ste/ ji srid ces bya ba la sogs pa la rnam pa gnyis ni zla ba gnyis dang zla ba phyed gnyis dang/ zla ba gcig dang zla ba phyed dang/ zhag bdun dang/ zhag drug gis dngos grub grub par ma gyur na /de'i tshe sbyor ba nyid kyis gzugs rdo rje ma la sogs lha mo spros te/ nam mkha' i khams la gnas pa'i de bzhin gshegs pa'i rim pa 'dis mchod par bya'o/ /gzugs rdo rje ma spro zhing rnam pa lnga'i me tog gis de bzhin gshegs pa rnams la/ aoM badzra puShpe a:hUM zhes pas mchod do/ /de nas sgra rdo rje ma spros zhing rol me dbul bar bya ste/ aoM sarbba ta thA ga tA shapta pU dza me g+ha sa mu dra sphar Na sa ma ya sh+rI ye hUM zhes pas mchod do/ /de nas dri rdo rje ma spro zhing dung por na gnas pa'i bzhi mnyam pa'i dris/ aoM badzra gand+hA a:hUM swAhA zhes bya bas bcom ldan 'das la byug pa bya'o/ /ro rdo rje ma spro zhing snod la gnas pa'i bdud rtsi lngas de bzhin gshegs pa rnams mchod cing de rnams kyis kyang zhes te/ bde ba chen po dam pa'i dgongs pas spyod do/ /aoM badzra aoM mri ta A:hUM swAhA/ de nas reg bya rdo rje ma spro zhing rnam pa sna tshogs pa'i na bza' dbul bar bya ba ste/ aoM sparshe badzra a:hUM swAhA zhes brjod do/ /de nas chos kyi dbyings kyi rdo rje ma spro zhing 'khyud pa dang tsum pa la sogs pas de bzhin gshegs pa rnams mchod cing/ aoM sarbba ta thA ga tA a nu rA ga Na pa dzra swa b+hA ba At+ma konyahaM zhes brjod la/ mchod pa'i mthar lha mo bsdu zhing mir skyod rdo rje zhes bya ba la sogs pa tshigs su bcad pa rnams kyis de bzhin gshegs pa rnams la bstod la/ de rnams dbang bskur ba thob nas rang gi rigs kyi bdag pos rgyas btab cing tshangs pa'i sgo na de bzhin gshegs pa rnams bzhugs shing/ aoM sarbba ta thA ga tA pa ra ma no ba re ga te ta swa b+hA ba At+ma konyahaM zhes brjod cing langs la gnas par bya ste/ de'i tshe 'grub par 'gyur ro zhes dang po sbyor ba la sogs pa gsum dang sbyin pa'i thabs so/ /zla drug la sogs par de ltar byas na yang gal te 'grub par mi 'gyur na de'i tshe dbye pa'i thabs brtsam par bya ste/ gal te zla ba drug gis ma mthong ba ni sangs rgyas rnams kyis ji ltar bshad pa'i rdo rje 'chang chen po'i mtshan nyid kyi dngos grub mi stsol na/ lan gsum ni dam tshig sems dpa' dang ye shes sems dpa' dang ting nge 'dzin sems dpa' i dbye ba dang/ ji ltar bshad pa'i bsrung ba la sogs pa'i dam tshig dang sngom pa spyod pa dang ldan pa sngar bshad pa'i sku'i rnal 'byor dang ldan pas rang rang gi snying kar rdo rje rno ba bsams te/ de'i hUM las byung ba'i 'od zer lcags kyu dag gi lam nas phyung de yongs su gyur pa las gnod mdzas kyi rgyal po bsgoms te/ de la bka' sgo zhing rlung gi dkyil 'khor gyi shing rtas so ? zhing de bzhin gshegs pa rnams kyi spyan sngar phyin nas rdo rje tho bas de rnams kyi thugs kar brdeg rtsing 'di skad brjod par bya'o// che ge mo zhig rdo rje che/ /khyed rnams kyi ni bstan par gnas/ /rtag tu khyed la dad pa can/ /dam tshig bsung pa la brtson pa/ /dbang bskur ba dang rjes snang thob/ /de la dngos grub stsal bar mdzod// ces bya ba brjod pas zhag bdun gyis dngos grub ster par 'gyur ro/ /ting nge 'dzin gsum dang dbye ba'i thabs so/ /de ltar byas na yang gal te 'grub par mi 'gyur na de'i tshe chad pa'i spyor pa brtsam par gang tshe zhes bya ba la sogs pa la/ /gang gi tshe byang chub ni rdo rje 'chang nyid ma grub na thob par ma gyur na/ de'i tshe drag shul sbyor ni chad pa'i thabs kyi sbyor bas bsgrub par bya ste/ de'i tshe de'i ye shes 'grub pa ni nges par dngos grub 'byung bar 'gyur ro/ /de la rim pa ni 'di yin te/ mA ma kI la sogs pa'i pad+ma ha las byung ba'i sna tshogs 'od zer hUM las byung ba'i dkyil 'khor bsgoms te/ de'i steng du raM las byung ba'i me'i dkyil 'khor la yi ge phaT dgod cing rang gi gsang ba'i rdo rjer yang bskal pa'i me ltar 'bar ba dang 'dra bar bsams te/ ye s hes sems dpa' i sa bon las byung ba'i sna tshogs 'od zer gyi sgo nas de bzhin gshegs pa bkug cing rigs kyi dbye ba ni rigs kyi rjes su 'brel ba'i 'khor lo'i gzugs kyi pad+mar bcug la rdo rje'i phur bu'i de nyid phur bus btab te/ dbang du byas pa de dang lhan cig bdag nyid tha mi dad par bsgoms la/ khro bo'i 'khor lo phyi rol tu spro zhing rang gi lha'i sku la bsrung par bya'o/ /de ni ting nge 'dzin gsum dang chad pa'i thabs te bsgrub pa'i phyogs gcig go /de la don bsdus pa 'di yin te/ bcom ldan 'das kyis 'di ltar mi bslu bar gsungs te/ yid ches pa dang sdom pa la gnas pa lha'i sku bskyed pa la brtson pa lha rnams kyi rjes su gnang pas gang gi tshe zla ba drug dang zla ba gnyis dang gcig dang zla ba phyed kyis 'grub par mi 'gyur na/ de'i tshe zhag bdun gyis bsgrub pa brtsam par bya ste/ sa bon b+h+rUM las byung ba'i gzhal yas khang pa'i nang du bkod pa'i dkyil 'khor gyis dbus la gnas pa rdo rje 'chang chen po la sogs pa gang yang rung ba rdo rje rigs kyi rnal 'byor dang ldan pas rang gi ba spu dag nas byung ba lha mo'i tshogs kyis mngon par dga' ba'i sangs rgyas kyi zhing du bzhugs pa'i ye shes kyi lha la bla na med pa'i mchod pas mchod la / de rnams kyis kyang snyan pa dang yid du 'ong pa'i tshig gis gsol ba brtab cing spyan drangs te/ rang gi lus la zhugs shing de dang lhan cig tu tha mi dad par bdag nyid bsgoms par bya'o/ /de'i tshe zhag bdun gyis 'grub par 'gyur ro// de ltar byas kyang grub par ma gyur na de'i tshe rang gi ye shes sems dpa' i thugs ka la gnas pa'i pad+ma dang zla ba rdo rje'i chad zungs kyi hUM las byung ba'i gnod mdzes kyis rgyal po dang 'dra ba sa bon gsum gyis brlabs pa/ rdo rje lcags k yu rang gi kha nas phyung zhing de yongs su gyur pa la gnod mdzes kyi rgyal po yi las byung ba'i rlung gi dkyil 'khor gyi steng du ri las byung ba gru gsum gyi shing rta la gnas par byas la bskal pa'i me dang nyi ma ltar 'bar ba bka' sgo ba par bya zhing btang bar bya'o/ /de song zhing ye shes sems dpa' i de nyid kyi thugs 'bar ba tho bas brdeg cing/ che ge mo zhing/ rdo rje che/ /khyed rnams kyis ni bstan par gnas/ khyed la rtag tu dad pa can/ /dam tshig bsrung ba la brtson pa/ /dbang bskur ba dang rjes gnang thob/ /de la dngos grub stsal bar mdzod/ /ces de rjod? cing ldog par bsams te/ de lta na zhag bdun gyis 'grub par 'gyur ro/ /de ltar yin yang gal te dngos grub mi stsol na de'i tshe rig ma'i pad+ma'i nang du ha? las byung ba'i sna tshogs rdo rje/ de'i lte bar hUM las skyes pa'i nyi ma'i dkyil 'khor nyi ma bye ba dang mtshungs pa bsam pa ste/ de'i steng du yi ge phaT dang yi ge raM yongs su gyur nas bskal pa'i me ltar 'bar ba gru gsum bsams te/ gsang ba'i rdo rje snga ma bzhin du 'bar bar bsams la de bzhin rdo rje lcags kyu yang spro zhing bstan la/ des ye shes kyi lha'i thugs kar 'bigs shing 'gugs pa dang zhugs shing lha mo'i pad+ma'i gnas su me long gi dkyil 'khor du gzhug go / gsang ba'i rdo rje de yang me'i 'od spro ba pad+ma la zhugs te/ rig ma'i khar bcug pa'i sngags kyi phreng ba de de'i spyi bor bskal pa'i me ltar 'bar ba phab par bsam mo/ /de dag thams cad kyis ni thal bar 'gyur bar bsams te/ de'i shes pa mar ma dad mtshungs pa yi ge hUM gi gzugs can yongs su gyur pa las rdo rje 'chang gi sku bsgoms te/ rang gi lus la zhugs shing de dang lhan cig dbyer med par bdag nyid bsgoms na zhag bdun nyid kyis gsang ba'i dam tshig ldang ba'i rig par nges par 'grub par 'gyur ro/ /rnam pa bzhi po de dag gis rim pa ji lta ba bzhin du/ bsdum pa dang/ sbyin pa dbye ba dang/ chad pa'i rim pa shes par bya'o/ /de ni sgrub pa'i phyogs gcig go/ 'dod chags chen po'i tshul gyis ting nge 'dzin bshad par bya ste/ rdo rje 'chang chen po la sogs pa'i rnal 'byor pas rang gi rig ma dang snyoms par 'jug cing mchog tu chags pa'i sgras ye shes kyi 'khor lo dgug cing rang gis lus la bcug ste/ spyan ma nas brtsams te reg bya rdo rje ma'i bar du lha mo dgu'i tshul du spros la/ des ni 'dod chags kyi spyod pa dang ldan pa'i sems can gyi don byas la dgug cing bsgrub bya ni rang gi rig ma'i sku la zhugs te/ yang spyan la sogs pa phyag rgya bzhi spro zhing phyogs bzhi la gnas pa'i phyag rgya'i dkyil 'khor gyi dbus su lnga'i bdag nyid gsams te/ 'khor lo can thams cad bsdu zhing lnga'i bdag nyid kyi de bzhin gshegs pa mnyes shing/ sngags thams cad kyi rang bzhin gyi rnal 'byor pas mchog tu dga' ba'i dus su mi gsung bar 'gyur zhing/ de'i tshe byang chub ni 'od gsal ba'i de kho na nyid bsgom pa ni zhugs zhing thim par bya'o/ /de nas khyod ni rdo rje sems dpa' zhes bya ba la sogs pa tshigs su bcad pa bzhi pos spyan la sogs pas sku la zhing sang nas sems can gyi don bya'o/ /de ni dang po sbyor ba dang dkyil 'khor rgyal po dang las kyi rgyal mchog go/ nang gi bdag nyid kyi rim pas dbang bskur bshad par bya ste/ dus gsum rdo rje ni dus gsum pa'i de bzhin gshegs pa'o/ /de'i rang bzhin ni de'i ngo bo ste/ ye shes ni de'i bdag nyid kyi ye shes bsdus pas bsams la/ de bzhin du ni dus gsum pa'i de bzhin gshegs pa bzhin du lus ni lus kyang bsgom par bya'o/ /de nas dus gsum pa'i de bzhin gshegs pa rig ma'i pad+mar zhugs te/ kha dog de nyid ni rdo rje 'chang chen po'i 'dra pa'i kha dog ste dkar po'o thugs ka nas byung zhing ro ni byang chub kyi sems te/ rdo rje'i lam nas spro zhing rang gi rgyu ni rig ma'i pad+ma'i nad du dbang bskur bar bya ste/ phye ba ni bsgrub par bya ba 'bras bu ni rdo rje 'chang chen po nyid thob par bya ba'i phyir ro/ /de nas gzhan gyis don gyis byed par 'dod pas sngags ni phyung pa'i sngags te/ rang rang gi sngags kyis so/ /chos ni zhal gsum pa lta bu la sogs pa'o/ /dbye bar gyur pa ni spro bar bya ste/ rigs ni las kyi phyag rgya ma 'am/ chos kyi phyag rgya ni ye shes kyi pad+ma'i nang nas spro bar bya'o/ /de gang yin zhe na 'khor lo sgyur ba drug gtsug tor te/ 'dod pa'i rgyal po la sogs pa'o/ /rig pa'i rgyal mo ni gzugs rdo rje ma la sogs pa'o/ /rdzu 'phrul che ni de bzhin gshegs pa lnga'o/ /'khor los sgyur ba ni gtsug tor ste 'dod pa'i rgyal po la sogs pa'o/ 'dod pa kun ni gshin rje gshed la sogs pa'o/ /rdo rje bdag po ni byang chub sems dpa' rnams te/ de dag spro zhing le'u bcu bdun pa las gsungs pa'i bsam gtan gyi 'khor lo ste/ nang gi bdag nyid kyi dkyil 'khor du dbang bskur ba ni rig pa'i dbang bskur bar bya'o/ /cho ga'i sbyor ba ni bsam gtan gyi sbyor bas so/ /ye shes ni mchog tu dga' pa'i ye shes dang chags pa'i rnal 'byor bas sku gsung thugs rdo rje ni rig ma'i pad+ma'i dkyil 'khor ba rnams dang gnyis su med pa byed pa ni ro gcig par byed pa ste sgrub pa zhes bya'o/ /gzhan yang sngar bshad pa'i rim gyis ni /rig pa'i skyes bu rdo rje can ni e shes kyi phyag rgya dang snyoms par 'jug pa rdo rje 'chang chen po'i rnal 'byor pas rig ma'i pad+ma'i dkyil 'khor de nyid las bdag nyid kyi dkyil 'khor gyi phyi rol tu spros la/ de rnams kyi 'gro ba sbyangs te/ yod zhal gsum pa la sogs pa lta bu shar phyogs la sogs par rim gyis zhugs te/ dkyil 'khor chen por bsgom par bya'o zhes pa sgrub pa chen por bshad do/ /dkyil 'khor la thig gdab pa'i cho ga bshad par bya ste/ sa bzung ba ni bsnyen pa'i dus te/ de la gtsug tor 'khor los sgyur ba'i gzugs bsgom par bya ste/ thams cad du dbang byed pa'i phyir ro/ /de nas sa brko zhing gang bar byas la zug rdu'i skyon thams cad gdon par mi nus na/ de'i tshe nye bar bsgrub pa'i dus te sa sbyong ba'i dus na bdud rtsi 'khyil ba'i gzugs su bsams la/ aoM a mri ta kuN+Da li A:hUM phaT ces bya ba'i sngags kyi sa'i dbus su lag pa btab na stobs dang ldan pa'i sbyang bar 'gyur ro/ /de nas sgrub pa ni dkyil 'khor bri ba'i dus su sku rdo rje la sogs pa'i dkyil 'khor bri bar 'dod pa'i rnal 'byor pas rang gi bdag nyid ni rang gi lha'i sbyor ba ste/ rnam par snang mdzad la sogs pa'i lha'i sku bsgom par bya'o/ /sgrub pa chen po'i dus ni thig gdab pa'i dus te/ de la sku ni slob ma bdud rtsi 'khyil ba dang/ sangs rgyas bdag po ni sku'i dkyil 'khor la bltos la 'od dpag tu med pa'am/ mi bskyod pa'i gzugs su bsgoms/ gsung dang thugs kyi dkyil 'khor la bltas te/ rnam par snang mdzad dam/ mi bskyod pa 'am/ 'od dpag tu med pa'am/ rnam par snang mdzad kyi gzugs su bsgoms te/ khyab bdag ni rdo rje sems dpa' bsgom par bya'o/ /'di de sangs rgyas thams cad ni rnal 'byor pa thams cad kyis gsang ba ste/ bya ba'i rgyud la sogs pa'i rnal 'byor pa la bstan par mi bya'o/ / mchog ni dam pa'i rnal 'byor pa ste/ sgrub pa po rnams kyi yin no zhes bya ba'i don to/ /de ltar phye ba na bsnyen pa la sogs pa'i dbye ba shes shing rtoD nas/ dngos grub ni rnam pa gnyis kyi dngos grub bsgrub par bya'o/ /gzhan du na bskal pa bye bas kyang 'grub par mi 'gyur ro/ /mchog ni 'jig rten las 'das pa'o/ /zhi ba ni thun mong ma yin pa'o/ /sangs rgyas ni de bzhin gshegs pa dang/ skyob pa ni rdo rje 'chang chen ste/ de rnams kyis kyang 'grub par mi 'gyur ro/ /zhes bya ba ni phul du phyung ba'i tshig ste/ bskyed pa'i rim pa'o/ /rdzogs pa'i rim pa'i bskyed pa la sogs pa bshad par bya ste/ bsgrub bya dang sgrub pa ni shes rab dang thabs so/ /de dag sbyor ba ni tsum pa na dang/ a li ka na dang/ nag du sha dang/ btab pa'i mtshan nyid de/ phyi rol gyi bya ba ni bsnyen par bshad do/ /snga ma bzhin du sngags la bskyed pa sngon du 'gro bas rdo rje dang/ pad+mar? mnyam par sbyor ba ni nye bar sgrub pa'o/ /sa bon gyi byin gyis brlabs pas de dag gis bskyod pa ni sgrub pa'o/ /rang rig pa rang bzhin gyis 'od gsal ba bde ba chen po nyams su myong ba ni sgrub pa zhes bya'o/ /de nyid thabs las byung ba ma yin no zhes bstan par bya ste/ ye shes de nyid sangs rgyas thams cad kyi bdag po rdo rje 'chang chen po'o/ /dpal ldan ni bsod nams dang ye shes dang ldan pa ste/ /rdo rje 'chang chen po'i gnas so/ /sangs rgyas thams cad ni de bzhin gshegs pa chen po lnga ste/ de dag thob par bya ba'i phyir thabs ni rgyu yin la/ 'di ni thabs las byung ba ste/ de nyid kyi phyir chos rnams ni dngos pa rnams kyi de nyid chos nyid de/ rang bzhin dang de nyid ces bya ba'i tha tshig go/ rab tu byed pa las kyang/ 'di ni rdzogs pa'i rnal 'byor pa/ /rdo rje 'dzin pa chen po 'ang de// rnam pa kun gyi mchog ldan pa'i/ /thams cad mkhyen par de nas 'gyur/ /'das pa dang ni ma 'ongs dang/ /da ltar byung ba'i srid gsum ni/ /'od gsal bas ni rnam dag pas/ /skad cig de la ma lus mthong/ /zhes bshad do/ /de ni rang bzhin dang rgyu dang las dang 'bras bu'o/ /da ni las kyi tshogs 'dri pa'i lan bshad par bya ste/ las zhes bya ba la sogs pa la/ las gang dang gang gis rnal 'byor pas de byed par brtsom na/ de dang 'dra ba'i sbyor ba ni ting nge 'dzin la dmigs par bya'o/ /zhi ba'am drag po'am de dang mthun pa'i dkyil 'khor bya'o zhes tshig gis lhag ma'o/ /lan cig drag po'i las la khro bo'i dkyil 'khor bskyed cis? nam mkha' i dbyings la bzhugs pa'i de bzhin gshegs pa rnams la dam tshig mi bzad pa ni drag shul gyi spyod pa bsgom pa ni zhu bar bya'o/ /dam tshig ni rang gi bdag nyid kyi lus te/ sku gsung thugs kyi rdo rje ni de bzhin gshegs pa'i sa bon gyis byin gyis brlabs pa la bsrung bar bya'o/ /yang na gtsug tor dam tshig ni gtsug tor 'khor los sgyur ba la sogs pa khro bo'i 'khor lo spro zhing/ ji ltar cho ga gsungs pa las byung ba ni rtog pa las gsungs pa'i cho ga'i rim pa las 'byung bas bsrung ba'i 'khor lo bcing bar bya'o/ /de ni khro bo'i rgyal po'i 'khor lo ste/ de dang rjes su mthun pa ni de dang 'dra ba'i dbus kyi gtso bo'i tshul gyis rang gi 'khor lo ni khro bo'i 'khor la bka' bsgom par bya'o/ /de bzhin du sgrub pa ni gdug pa'i bdag nyid lus gang yin pa de yang dkyil 'khor gyi dbus su bsgom par bya'o/ /de nas de'i nyes pa ni dkon mchog gsum la sogs pa la gnod pa'i mtshan nyid kyi lan ngan ste/ de'i lus la gnas pa'i 'khor lo la ni 'gro pa thams cad la khyab par byed pa/ de bzhin gshegs pa rnams la bsgrags par bya ba ni 'di lta ste/ 'di ni dkon mchog gsum gnod byed pa dang ma ni gsod par dga' / /dam pa'i chos smod? la brtson pa/ /slob dpon gsod cing gdul bar dka' / /bstan pa la sogs rim pas kyang/ /lam lag rten pa ma yin pa/ /bcom ldan de ring bdag gis ni/ /de la drag shul mngon spong bgyi/ /zhes dam tshig bsgrags pa'o/ /de nas gdug pa'i sems can de la bsad par bya ba'i don du khro bo de dag byung ba ni phyogs bcur song bar bsgom par bya'o/ /de rnams kyis de bkug cing rang gi 'khor lo ni khro po'i dkyil 'khor gyi dbus su bcug nas ral gri la sogs pas gcod par bsgom par bya'o/ /yang na ji ltar gsungs pa ni/ /le'u bco lnga pa las gsungs pa'i rdzas ni/ de las byung ba'i ni bskyed pa'i gzugs brnyan ni/ de dang 'ang pa'i gzugs te/ khro bos khyab pa'i sems ni drag shul dang ldan pa'i sems kyis gcer bu dang skra dkrol bar gyur cing/ rdo rje lcags kyus mtshan pa'i rkang pa g.yon pas de mnan cing/ g.yas brkyeng pas gnas pas lho phyogs su kha bltas te/ gshin rje gshed la sogs pa'i khro bo'i sngags brjod pas/ rang gi snying kha nas khro bo'i 'khor lo spros te/ sna tshogs tshogs ni bran dang bran mo dang/ pho nya dang pho nya mo bka' nyan mo'i tshogs kyis yongs su bskor ba ni 'khor dang bcas pa yi ge hUM gis brdeg par bya ba'i phyir bka' bsgo bar bya'o/ /de dag song zhing sgrub pa rdo rje can ni/ rnal 'byor pa'i bka' bsgrub par bya ba'i don du/ bsgrub bya ni zhags pas bcis la tho bas brdeg/ khro bo'i rgyal po ni/ khro po'i tshogs kyis bkug cing/ 'jigs pa ni 'jigs pas khyab cing brdung ba pa ni skyabs med pa/ skrag pa ni skyabs dang bral ba/ gyur pa ni mig bzlog pa/ bsgrub bya ni 'gugs par bya'o/ /de nas sgrub 'khos? bsgrub bya de don du gnas par mthong zhing/ de'i gzugs brnyan la phab pa ni zhugs par bya'o// de'i rdo rje gsum ni sku gsung thugs kyi sa bon gyi tshar du gnas pa/ phur bu'i sngags ni gnod mdzes kyi rgyal po'i sngags kyis gdab? par bya'o/ / spyi bo dang lkog pa dang/ snying ka la sku gsung thugs kyi sa bon gyi gzugs la phung bus gdab pa zhes bya ba'i tha tshig go /de nas yams ni sdug bsngal lo/ /nye bar 'tsho ba ni sha la sogs pa dang/ nad ni rims la sogs pa dang/ sna tshogs yul las byung ba ni dug nag po brtsegs pa la sogs pa dang/ 'byung ba ni gang las byung ba de ni 'byung ba ste/ mche ba'i dug dang/ dran pa'i dug dang/ reg pa'i dug dang/ lta ba'i dug la sogs pa'i sgrub rnams so sprul rnams kyi dug de dgug cing gzugs brnyan de'i mgo bo la sogs pa la gzugs cing snga ma bzhin du phur bu gdab par bya'o/ / de nas sbyor ba thams cad kyi cho ga ji skad gsungs pa bzhin bya ba ni phyogs dang/ yul dang/ dus dang rim pa dang mthun pa'i sngags kyi ni kho bo'i sngags dang/ 'khrul 'khor ni 'khrul 'khor gyis sbyor ba dang/ sogs pa'i sgras ni rdzas la sogs pa dang/ phyag rgya rnams kyis kyang sbyong bar bya ba ni/ sbyor ba bzhi'i rims kyis rdzogs par bya'o/ /yang na sngar bshad pa'i khro bo'i zugs dang ldan pas khro bo'i sdugs dang ldan pas khro bo'i sngags bzlos pas 'gro a'i gzugs brnyan nam na ma gcig la sogs pa'i sa ru/ rdo rje lcags kyus byin gyis brlabs/ pa ni rkang pa g.yon pas mnan zhing shing med na'i me la khro bo'i dkyil 'khor gyi dbus su gnas pa ni mi bskyod pa'i rnal 'byor pas gzugs brnyan gyi dum bu dum bu gtub cing bsregs na dgra 'chi bar 'gyur ro/ /yang na gdug pa'i sems can ni re zhig mkha' la spyod pa ste/ bya dang/ bya rgod dang/ kar ka la sog pa'o// sa la spyod pa ni spyang ki dang dom dang dred la sogs pa'o/ /sa 'og spyod pa ni chu srin dang ru sA la sogs pa'o// thang la spyod pa ni sprul la sogs pa ste/ de dag khros par gyur pas kha sbyor che zhing 'jigs pa mig bzlos pas la ltung rdul gyis lus gyis lus byugs pa steng dang 'og las khrag byung ba zos par 'gyur ba ni dum bur zos par rab tu brtogs bsams na dgra bo 'chi bar 'gyur ro/ /khyab par ni yi ge hUM gi rnam pa'i shes pa dpal ldan mi bskyod pa'i gzugs can dkyil 'khor bas yongs su bskor ba chos ston pa'i drung du song bar bsam par bya'o/ /yang na rang gi snying ka'i ye shes dpa' i sa bon gyi thig le la 'jug go/ 'o na srog gcod pa zhes bya ba ni bcom ldan 'das kyis rdo rje mdo sde dang der rnam par smin pa bzod bka' bar gsungs te/ gang zhig srog gcod pa mi gdug pa/ /drag po khrag gis lag pa byug/ sdig pa'i las ni kun spyod pa/ /rtag tu du 'bod skye bar 'gyur/ /de bzhin 'tsho bas tshe ni thung bar 'gyur zhes bya ba la sogs pa gsungs na/ de bcom ldan 'das kyis gsung ji ltar 'gal ba ma yin nam zhe na/ smras pa srog chags zhes bya ba ni thams cad do// 'tshe bar bya ba ma yin te/ 'on kyang gang zhig sdig pa'i las can thabs mkhas gyis kyang 'dul bar mi nus na mnar med pa'i dmyal bar lhung ba dang nye bar bsrung bar bya ba'i phyir snying rje chen po dang ldan pa'i rnal 'byor pas sngags dang phyag rgya'i rim pas gsod cing de bzhin gshegs pa'i sku skyed par byed de tshar gcod pa'i sgo nas phan 'dog par byed do/ /gal te gcig ni gsang? 'gyur na/ / mang po bde ba ldan gyur te// de ni bsod nams tshogs chen bo/ /gzhan du na ni sdig pa che zhes gsungs pa'i don to/ /'o na bsad pa'i tshe dang bral ba ste/ /ji ltar na mtshon cha la sogs pas gnad gcod pa'i sdug bsngal gyi bdag nyid yin pa de bzhin du sngags dang phyag rgya'i rim pas kyang yin te/ de bas na de'i rnam par smin pa ni mtshungs pa nyid do/ /gang gi phyir pha rol po ni bdag nyid kyi srog dang bral ba ni mi 'dod de/ de ni thams cad 'dod do zhes pa'i phyir ro zhe na/ de ltar ma smra zhig/ sngags la sogs pa'i rim gyis srog dgug bar byas pa ni pha rol ni sdug bsngal 'byung bar mi 'gyur gyi/ 'on kyang rmi lam du sna tshogs kyi kun dga' ra ba la sogs pa mthong ba bzhin du yid bde ba nyams su myong bar 'gyur ro zhes mtshungs pa yin no/ /thams cad kyi srog ces shes smras pa gang yin pa de yang? rigs pa ma yin te/ de ltar yin na 'dod chags la sogs pa dang/ srid pa'i longs spyod bcos ma ma yin na yang thams cad kyi zhen pa de spang bar bya ba'i don du bcom ldan 'das kyi gsung rab yan lag bcu gnyis don med par thal bar 'gyur ro/ /de bas na de'i sdig pa spong ba'i don du srog ces pa yin na yang 'gugs na skyon ni cung zad kyang med de/ gzhon nu don thams cad grub pas 'khor los sgyur ba'i rgyal srid kyi longs spyod por ba bzhin du ha cang thal bar 'gyur zhes sgrub pa'o/ /zhi ba la sogs pa bshad par bya ste/ zhi ba byed par 'dod pa'i rnal 'byor bas/ zhi ba'i sems ni 'jam pa'i sems dang phyi rol gyi yo byad kyang 'jam par bya'o/ /rgyas par byed par 'dod na sems ni rgyas pa dang rdzas kyang gser gyi kha dog lta bur bya'o/ /dbang ni rgyal po la sogs pa dbang du byed na sems chags pa dang phyi rol gyi rdzas rnams kyang dmar por bya'o/ /gtum pa ni drag po'i las te gsod pa'i las byed na sems khro ba dang phyi rol gyi rdzas rnams kyang nag por bya'o/ /zlum po dang gru bzhi dang zur gsum dang zla gam gyi rnam pa ste me thab po/ /bram ze dang rgyal rigs dang rje'u? rigs dang dmangs kyi khyim las me'o// 'o ma can gyi shing dang ma tha na'i shing dang pad+ma'i rtsa ba dang tsher ma rnams ni yam shing ngo// wa shang dang wa Sha Ta dang dza:h+rI:dang hUM phaT ni sngags spel pa'o/ /dkar po dang ser po dang dmar po dang nag ni gos so/ /gdan la'ang de bzhin no/ /shel dang gser dang gzhi mnyam dang mi rus phred ba'o/ /'o ma dang/ mar dang/ pad+ma dang/ bilba? dang/ gur rkum dang/ tsan dan dang/ sha chen la sogs pa ni bsreg rdzas so/ /sems dpa' i skyil mo krung dang/ rdo rje'i skyil mo krung dang/ g.yas brkyang ba g.yon brkyang ba ni stang stabs so/ /sna rtse la gtad pa dang/ mnyam pa dang/ g.yon la zur du blta ba dang/ dpral ba la blta ba ni blta ba'o/ /sgra mnyam pa dang/ sgra bcings pa dang/ g.yon du skra? yo ba dang/ sgra? grol ni cha lugs so/ /rtse lnga pa dang?/ rtse dgu pa dad/ rtse gsum pa dang/ rtse gcig pa ni rdo rje dril bu'o/ /dngul dang gser dang zangs dang lcags la brdungs pa'i phur bu'o/ /dkar po dang ser po dang dmar po dang/ nag po ni thig skud do/ /'o ma dang chu dang ga bur gyi chu dang khrag gis gdab ni mchod yon no/ /dpal gyi dbyangs dang/ dga' ba'i dbyangs dang drag po'i dbyangs ni klu'o// rnam par snang mdzad dang rin chen 'gyur ldan dang/ snang ba mdza' yas dang/ mi bskyod pa ni lha'i rnal 'byor?/ /gtsug lag khang dang khang bzangs dang/ rgyal po'i nags chol dang/ ngur khrod ni gnas so// shar dang byang dang nub dang lho phyogs ni phyogs so/ / srod dang nad par dang/ nyi ma phyed dad mtshan phyed ni dus so/ /rgyal stong dang rgyal smad dang/ lag pa nam mthong gong ma ni rgyu skar ro/ /zla ba dang gza' lhag pa dang/ spa bsangs dang mig dmar sben pa ni gza'o/ /byis ba dang gzhon nu mdang/ dar la bab pa dang rgan pa ni 'khor ro/ /dbyar dang/ ston ka dang dpyid ka dang so ka dang ni dus so/ /dbyar zla 'bring po dang/ dbyar zla tha chungs dang/ ston zla nga ba dang/ ston zla 'bring po dang/ dpyid zla 'bring po dang/ dbyid zla tha chung dang/ dbyar zlar ba ste zla ba rnams so/ /lce gcig pa dang/ lce gnyis pa dang/ lce gsum pa dang/ lce bzhi pa ni dril bu rnams so/ dung dang/ rdza rnga dang/ pi wang dang/ zangs dud ni rol mo rnams so/ /bram ze mo dang /rgyal rigs mo dang/ rje rigs mo dang/ smra sha can ni dam tshig gi phyag rgyu'o/ /mu tig dang gser dang/ byu ru dang/ mi rus ni rgyan no/ /lug dang/ glang dang/ 'khrig pa dang/ seng ge ni khyim mo/ /zla ba gzas zin pa'i dus su zhi ba dang rgyas pa'o/ /nyi ma gzas zin pa'i dus su dbang dang mngon spyod do/ / nyi ma byang du ldog? pa'i dus su zhi ba dang rgyas pa'o /lho phyogs su ldog pa'i dus su dbang dang mngon spyod do/ /g.yas su 'khyil ba dang/ g.yon du 'khyil ba dang/ steng du 'gro ba dang lho ru 'gro ba ni me'i rtags so// dad pa dang/ /du? byug dang/ phu ron dang/ 'ug pa'i skad ni mtsham ma rnams so/ /mkhas pa dang/ tshod pa dang/ rgyal sras dang/ zhar ba 'am/ sgur ba 'am/ 'theng ba 'am/ phye bo 'am/ lkugs pa 'am/ 'on pa 'am/ long ba la sogs pa ni glo bur pa'i rtags so/ / gdugs dang/ rgyal mtshan dang/ bdan dang/ phur bu rnams ni cod pan no/ /mdud dang/ mnga' dang/ 'khor lo dang/ autpa la dang/ pad+ma dang/ gzhu dang/ thod pa dang/ ral gri dang phyag mtshan rnams so// rta rin po che dang/ glang po rin po che dang/ /byi ma bdag rin po che dang/ yid bzhin gyi nor bu rin po che dang/ btsun mo rin po che dang/ dmag dpon rin po che dang/ 'khor lo rin po che ni yin no/ /mngar gsum dang/ zho dang 'o ma dang/ sha dang chang tsha ba gsum ni lha bshos so/ /de rnams ni gtod ma'o/ /pad+mas bskor ba dang/ autpa la'i phyag rgya dang/ chos 'byung ba'i phyag rgya dang/ sdud pa'i phyag rgya'o// tsan dan dang a ga ru dang/ ga pur dang sha chen ni spos so/ /yung? kar gyi mar khu dang/ til mar dang/ mar dang dri zhim pa'i til mar dang/ til mar chen po ni mar me'o/ /pad+ma'i rtsa ba'i snal ma dang/ 'o ma can gyi shing gi pags pa dang/ ras dmar po dang zhag ni sdong bu'o/ /rgyal mo khar dang khar dang/ chang dang khrag ni btung ba'o/ /mal+li ka dang/ dzA ti dang/ aut pal sngon po dang ka ra bi rin me tog go /gtsang po gnyis 'dres pa dang/ shing drung gi rtsa ba dang lha khang dang sum mngo ni gnas kyi khyad par ro/ /rlung med ba dang/ sprin med pa dang/ rlung dang bcas pa dang/ sprin dang bcas pa ni zhag go/ gtsang po la khrus byed pa dang/ mtsho la khrus byed pa dang/ tsan dan la sogs pas khrus byed pa dang/ dri ma can ma bkrus pas ni lus kyi cha lugs kyi khyad par ro/ /de ni bye brag nyis brgya ston to// rnam pa gzhan ni rig pa 'dzin pa'i sde snod kyi las rjes su 'brang bar bya'o/ /de ni sgrub pa'o// //de nas zhes bya ba la sogs pa ni byams pa la sogs pa'i byang chub sems dpa' rnams kyi the tshom rnams ni sngar bshad pa 'dri ba rnams bcom pa ni lan btab nas/ /de bzhin gshegs pa thams cad ni bya ba rdzogs pa'i phyir sku gsung thugs rdo rje ni rig pa ji lta ba bzhin du sku gsung thugs la zhugs shing/ mi gsung bar bzhugs par gyur pa ni ro gcig par nyid du 'gyur ro/ /de nas zhes bya ba la sogs pas 'dri ba lus pa tsam gyi phyir/ de bzhin gshegs pa de dag ni de bzhin gshegs pa thams cad kyi rang bzhin rdo rje 'chang chen po la/ 'di ni 'og nas bshad pa'i bstod pa'i rgyal po ni mchog tu gyur pa'i bstod pas byams pa la sogs pa bstod par 'gyur to/ /thams cad sku ni zhes bya ba la sogs pas/ sku'i rigs thams cad kyi rang bzhin dang/ gsung gi rigs thams cad kyi rang bzhin dang/ thugs kyi rigs thams cad kyi rang bzhin dang/ thams cad mdzad pa ni rin chen dang/ don yod grub pa'i rang bzhin te/ rdo rje 'chang chen po khyed la phyag 'tshal lo// zhes bya ba la ni lus dag yid kyis 'dud pa nyid du bstan to/ /phyag btsal ba gnyis pa bstan pa ni dad pa'i khyad par bstan pa'i phyir te rab tu byed pa las ji skad du/ phyag 'tshal phyag 'tshal phyag 'tshal 'dung ces bya ba la sogs pas dad pa'i khyad par gyi phyag bcal drug kyang bstan pa ste/ de ni las kyi rgyal po mchog gi ting nge 'dzin to/ /kye bcom ldan 'das de bzhin gshegs pa rnams sku gsung thugs ni rdo rje'i zhes bya ba rnam par snang mdzad la sogs pa dang ro gcig par gyur pas rdo rje 'chang chen po nyid do/ /de'i sku la sogs pa thob par bya ba'i phyir ni/ sku la sogs pa'i rang bzhin yin pas na sems can thams cad ni sangs rgyas thams cad dang mtshungs par nyid de/ de'i rigs dang ldan pa ni sems can thams cad yin no zhes rgya che bar gsungs pa'i phyir ro/ /de dang 'dra bar sems can yin na/ sngar bshad pa'i drag po'i las kyi gal te gsod par gyur na/ de'i tshe sangs rgyas thams cad kyang gsod par 'gyur ro/ /sangs rgyas thams cad gsang bas na/ sgrub pa'i dbang po rnal 'byor ba ste/ de dag la ji ltar na sdig pas gos par mi 'gyur/ gal te gos par gyur na 'bras bu ni rdo rje 'chang nyid de ji ltar 'grub par 'gyur te/ de ni rdzogs pa'o/ /de nas zhes bya ba la sogs pas ni/ de bzhin gshegs pa ste/ de bzhin gshegs pa thams cad kyi rang bzhin can/ rdo rje 'chang chen pos byang chub sems dpa' de rnams la 'di skad ces gsungs te/ byang chub sems dpa' chen po ni sku rdo rje'i rang bzhin dang/ bdag nyid che ni thugs rdo rje'i rang bzhin dang/ gsung dbyangs che ni gsung rdo rje'i rang bzhin dang/ mchod pa che ni rdo rje 'chang chen po'i rang bzhin te/ byang chub sems dpa' chen po rnams la bod pa'o/ /de nyid kyi phyir legs bzhi ste/ shin tu phul du byung ba'i gnas su zhugs pa'i phyir/ de bzhin gshegs pa rnams kyis legs so legs so zhes gsungs so/ /gsang ba 'dus par dbang? bskur ba'i slob dpon rnal 'byor gang yin pa de ni sngar bshad pa'i rigs pas tha mi dad pa yin pa'i phyir/ sangs rgyas kun gyi bdag po ni rdo rje 'chang chen po ste/ bsod nams dang ye shes kyi tshogs dang ldan pas na/ dpal ldan no/ /byang chub rdo rje can ni de bzhin gshegs pa rnams te/ rang bzhin yin pas na/ byang chub rdo rje can no/ /dngos rnams thams cad ni sgyu ma bzhin du shes pa dang/ sgro ba dang bsdu ba'i rim gyis sems can gyi don byed pa'o/ /gnyis su med pa'i ye shes thob pa'i rnal 'byor pa de la bsod nams dang sdig pa'i rnam par rtogs pa ni med de/ gang gi phyir 'od gsal ba la zhugs pa'i bsod nams dang sdig pa dang/ de'i 'bras bu ni bde 'gro dang ngan 'gro med pas na/ de'i tshe byang chub ni rdo rje 'chang chen po nyid de/ thar par rab tu gsungs so/ /'gro ba rnams kyang yang dag bshad/ /las rnams 'bras bu dang bcas ba/ /de'i rang bzhin yongs shes pas/ /ma skyes pa yang bstan pa yin zhes 'byung ngo/ /de ni rdzogs pa'i rim pa'o/ /mgon po de ni rdo rje 'chang dang 'dra ba'i rnal 'byor pa gang yin pa/ des ni gdug pa bla ma la sogs pa smod par byed pa la/ sngags dang phyag rgya'i rim pas mngon spyod byed na/ de'i tshe sems can thams cad rang gis byas pa'i las kyis/ ngan song ni mnar med pa la sogs par skye bar mi 'gyur gyi/ 'on kyang shin tu rnyed bar dka' ba bskal ba bye bas 'thob pa'i/ /byang chub ni rdo rje 'chang nyid de/ rnyed mi dka' ba ni rnyed sla'o zhes bya'i don to/ /sngar byas pa'i las kyi mi bzad pa'i dmyal ba'i 'bras bu skye bo de dag gis nyams su myong pa'i phyir/ gal te dmyal bar skyes par gyur na/ de'i rnal 'byor pa nges ye shes ni chos kyi dbyings kyi ye shes kyi rgyas btab pa ni byin gyis brlabs par gyur pa/ byang chub rdo rje can ni rdo rje 'chang chen po'i ngo bor 'gyur ro/ /de bas na de'i mchog tu phan btags pa ste/ mchog tu gyur pa'i bka' drin sems can de rnams te /gdug pa rnams la rnal 'byor pa nges byas pa yin no zhes shes par bya ba ni rtogs par bya'o zhes bya ba'i don to/ /de ni rdzogs pa'i rim pa'o/ /thabs bshad par bya ste/ bdag nyid chen po ni rnal 'byor ba ste/ rnal 'byor pa des phan 'dogs pa ni zhib la sogs pa dang/ tshar gcod pa ni gsod pa la sogs pa'i las byed na/ de'i tshe sgrub pa chen po bskyed pa'i rim pas las kyi rgyal po mchog dang/ rdzogs pa'i rim pas ni bde ba chen po ste/ byas nas ni bskyed par byas la/ las rnams ni sngar bshad pa rtsom par byed na/ de'i tshe 'grub par 'gyur ro/ /de ni dang po sbyor ba la sogs pa dang rang bzhin la sogs pa'o/ /de nas zhes bya ba la sogs pa la/ rdo rje thams cad ni rdo rje 'chang chen po'i thugs rdo rje gtso bor gyur ba'i chos te/ gsod pa'i las kyang thugs rje chen pos byas pa/ thos pa ni mnyan nas dga' zhing ni thos pas so/ /mgu ba ni bsam pas so/ /rab tu dga' ba ni bsgom pas dga' bar 'gyur zhing/ bcom ldan 'das rdo rje 'chang? chen po'i? legs so zhes gsol to/ / mgon po chen po ni rdo rje 'chang chen po'o/ /thub pa chen po ni rnam par snang mdzad do/ /chos chen ni 'od dpag tu med pa'o/ /thugs rje chen po ni mi bskyod pa'o/ /de'i rang bzhin yin pa'i phyir legs so zhes bya pa ni bzhi'o/ /dad pa'i dbang gis ni tshig gnyis so/ /la la na re thabs dang shes rab kyi rang bzhin gyi zer ro/ /de ni las kyi rgyal ba mchog go/ e ma'o zhes bya ba ni ngo mtshar ba'o/ /kun tu bzang po ni rdo rje 'chang chen po'i thugs rje chen po ste/ mchog ni nyon thos pa la sogs pa las phul du byung ba la dri ma med pa n thabs la mkhas pa nyid kyis bsdus pa gang zhig gi bzad pa'i las ni gsod pa'i las byas na yang/ gdug pa'i sems can rnams la sangs rgyas kyi 'bras bu nyid stsol ni ster bar 'gyur ro zhes bya ba'i don to/ /de bas na bcom ldan 'das la kho bo cag the tsom dang bral ba rnyed pa yang brnyes so zhes bya ba ste sgrub pa'o/ /de nas zhes bya ba la sogs pas de bzhin gshegs pa thams cad kyi rang bzhin rdo rje 'chang chen pos byang chub sems dpa' rnams la 'di skad ces bka' stsal to/ /rigs kyi bu zhes bya ba ni bong pa'o/ /rdo rje rigs la sogs pa las byung ba'i byang chub sems dpa' o/ /de bzhin gshegs pa thams cad kyi rang bzhin gyi dpal gsang ba 'dus pa'i rgyud 'di la dbang bskur ba gang yin pa ni sngags pa ste/ rnal 'byor pa de zab mo'i chos thos nas/ sgra ji bzhin pa tsam la brten cing 'jigs par mi bya ste/ sun dbyung bar mi bya'o/ /skrag bar gyur par mi bya ba ni bsam pas so/ /yang dag par skrag par mi bya ba n bsgom pas so// de ci'i phyir zhe na/ zhes bya bas ni gtan tshigs gsungs te/ gang gi phyir byang chub sems dpa' rnams byang chub rdo rje las byung ba ni/ zhe sdang las skyes pa'i khro bo'i rgyal po'i rang bzhin gyi sku gang yin pa de rnams kyis gsod pa la sogs pa'i phrin las gang yin pa de ni khro bo zhe sdang gnas la skyes zhes gsungs te/ gang gi phyir thams cad byang chub rdo rje ni rdo rje 'chang chen po las skyes pa ni byung ba'o/ /chos thams cad ni rang bzhin gyis 'od gsal ba'i rigs pas/ gang yang rung ba'i rigs kyi rnal 'byor gyis las byed par 'dod na rang bzhin gyis dag pa'i chos nyid dang snying rje chen po la dmigs par byed na/ de'i tshe skyon cung zad kyang med do/ /'on kyang sgra ji bzhin pa tsam bzung nas chos nyid spangs te/ snga ma dang phyi ma'i rnam par dpyod pa spangs nas/ chos spong bar mi bya ba ni smod par mi bya ba ste/ de bzhin gshegs pa'i gsung ni zab pa dang don du ma yin pa'i phyir ro/ /de bas na kye byang chub sems dpa' rnams rgyud ni chos nyid de/ bsdus pa ni rjes su dran pa dang bsam par bya'o/ /chos thams cad rang bzhin gyis dag pa dang/ bdag kyang rang bzhin gyis rnam par dag pa'o/ /zhes bsams nas stong pa nyid ni chos nyid la 'jug cing gnyis su med pa'i rnal 'byor gyis las thams cad bya'o zhes bya ba ni rdzogs pa'i rim pa'o/ /de nas zhes bya ba la sogs pa la/ byams pa la sogs pa'i byang chub sems dpa' rnams the tshom bral bar gyur cing bcom ldan 'das de bzhin gshegs pa thams cad la 'og nas bshad pa'i tshigs su bcad pa rnams kyis bstod pa ni 'dud do/ /de nyid bshad par bya ste/ ston pa dang bstan pa dang bstan par bya ba'i bye brag gis bstod pa ni rnam pa gsum ste/ de la ston pa ni rdo rje 'chang ngo/ /de'i 'khor dang bcas pa de nyid la bstod pa bshad par bya ste/ gang zhig dus gsum rdo rje ni dus gsum gyi de bzhin gshegs pa'i rang bzhin ni rang bzhin can no/ /thugs ni spro ba'i bdag nyid do/ /srid pa thar gyur pa'i thar pa ster ba de dag la mi gnas pa'o/ /zhi ba ni stong pa nyid kyi rang bzhin dang/ sgrib pa med pa ni mtshan ma med pa'i rang bzhin dang/ dag pa ni smon pa med pa'i rang bzhin dang/ nam mkha' i ngo bo ni mngon par 'dus ma byas pa'i rang bzhin no// sangs rgyas rnams kyi lhag pa'i byang chub ni ye shes lnga ste/ dbang phyug dam pa ni chos kyi dbyings kyi ye shes kyi rang bzhin no/ / byang chub ni rdo rje 'chang chen po ste/ de lta bu khyed la lus dang/ ngag dang yid kyi rtag tu phyag 'tshal lo/ /gzugs la sogs pa'i phung po lnga'i rnam par dag pa'i mtshan nyid can de bzhin gshegs pa lnga'i bdag nyid dang/ skye mched drug rnam par dag pa'i byang chub sems dpa' i bdag nyid dang/ yul rnam par dag pa'i bdag nyid gzugs rdo rje ma la sogs pa rnams dang/ sa la sogs pa'i khams rnam par dag pa'i bdag nyid de/ sbyan dang mU? makI dang na bza' dkar mo dang/ sgrol ma dang/ ? ma kI chen mo'i rang bzhin te/ byang chub kyi sems ni don dam pa dang de dang 'dra ba ni kun rdzob ste /de'i bdag nyid khyed la lus la sogs pa rnams kyis de la phyag 'tshal lo/ /de bzhin du gti mug la sogs pa ni nyon mongs pa'i sgrib pa la sogs pa dang/ phung? po la sogs pa'i bdud dang/ log pa'i lta ba la sogs pa ste/ de'i rnam par dag pa'i ngo bo 'phags pa gshin rje mthar byed la sogs pa sgo srung bzhi'i rang bzhin dang /rig pa ni rdo rje ro langs ma la sogs pa khro bo'i lha mo ste/ de dang lhan cig tu sbyor ba ni snyoms par 'jug pas 'byung ba ni skyed par ltar pa/ rtag tu rab 'brel ba ni dus thams cad du ste/ rnam pa sna tshogs pa ni byed pa dang/ yan lag gi bya ba la sogs pa gang yin pa de gtso bor gyur pa'i dga' ba ni rab tu dga' ba ste/ des myos pa'i dngos po ni dga' ba la sogs pa'o/ /dgyur? pa ni thob pa ste khro bo'i rgyal po rnams so/ /de dag rnam par dpyad na byang chub sems dang 'dra ba ste rdo rje 'chang chen po dang mtshungs pa de la phyag 'tshal lo/ /spros pa la sogs pa ni sngar? bshad pa sems 'byung ba'i rgyur gyur pa/ de'i rang bzhin ni 'dod pa'i rgyal po la sogs pa'i gtsug tor drug go/ de bzhin du rmongs pa gti mug go/ zhe sdang ni sdang ba'o/ /'dod chags ni chags pa ste/ de dag ni khams gsum pa yin te de nyid sgrib pa'o/ /rdo rje ni snying rje dang shes rab ? yod pa de la de skad ces bya ste/ khams gsum gyi shes rab dang thabs kyi rang bzhin zhes bya ba'i don to/ /byang chub sems dang 'dra ba ni snga ma bzhin te/ phyag 'tshal lo zhes bya ba dang sbyor ba/ bstan pa la bstod pa bshad par bya ste/ gang zhig ces bya ba la sogs pa la/ thog med dngos med ni rdo rje 'chang chen po thob pa'i thabs su gyur pa dang shes rab dang thabs las byung ba ni/ stong pa nyid dang snying rje'i bdag nyid can/ spros pa dang rnam par bral ba ni rtog pa thams cad par bral ba ste/ shes rab ye shes kyi dbang bskur ba'i mtshan nyid do/ /de bzhin du gsang ba'i dbang bskur pa'i mtshan nyid dang/ brtul zhugs ni rig pa'i brtul zhugs dang/ dam tshig sbyor ba ni de mtsheg? sdom pa la sogs pa/ sgom par byed pa gang yin pa de ni/ byang chub rdo rje dang 'dra ba ni rdo rje 'chang chen po dang 'dra ba de la phyag 'tshal lo/ /gang zhig 'di bsnyen pa la sogs pa yan lag bzhi gtso bor gyur pa/ dngos grub mchog gi thabs ni bsgrub bya/ sgrub pa'i sbyor ba dang zhes bya ba la sogs pa rdzogs pa'i rim pa gtso bor gyur pa sgom par byed pa de dag byang chu rdo rje ni rdo rje 'chang chen po dang 'dra bar bltas nas/ de la rtag tu phyag 'tshal bar bya'o/ /de bzhin du bsnyen pa la sogs pa yan lag de nyid rdo rje bzhi'i rim gyis sgrub par byed pa dang/ dman pa'i dngos grub ni rtog pa'i lha'i sgrub par byed pa sangs rgyas dang/ bla ma'i drin gyis ni de bzhin gshegs pa thams cad kyi rang bzhin rdo rje slob dpon gyi bka' drin gyis sgrub par byed pa ni snga ma bzhin no/ / bstan par bya ba la bstod par bshad par bya ste/ rgyud 'di bshad par gyur pa'i tshe nyan pa ni drin dang bral ba sgra tsam thos pa dang/ 'don pa ni rgyun ma chad par kha ton byed pa dang/ klog pa ni nges 'gal 'don pa dang/ sems pa ni thos nas bsam par byed pa dang/ yang na glegS bam la dang pas mchod par byed pa dang/ rang 'dri pa'am gzhan 'drir 'jug pa'o/ /de dag la zhes bya ba ni sti ma bzhin no/ /gang zhig sgrub pa po rgyud 'di nyid kyi zhi ba la sogs pa'i las kyi tshogs dang/ sngags dang 'khrul 'khor dang phyag rgya sgrub par byed pa de la zhes bya ba yang snga ma bzhin no/ /de bzhin du gang zhig mthong ba ni glegs bam tsam mthong ba dang/ reg pa ni lag pas reg pa dang/ grong dang dgon pa la sogs par yang glegs bam dran pa'am/ de'i don dran pa'am/ ming ni 'dus pa zhes bya ba thob pa 'am/ tsam ni phyogs gcig gi ming ste gsang ba 'am/ 'dus pa zhes thos pa dang/ 'bri bar byed du bcug pa dang/ nyan pa dang/ klog pa dang/ sems dpa' dag sgom pa la sogs pa gang yin pa/ dang bar byed pa ni sems dang bar byed pa dang/ de bzhin du sngar ma lus pa dran par bshad cing phyogs gcig dran yang bshad par bya ste/ phyogs gcig dran pa ni yi ge phyogs gcig dran pa dang/ don gyi phyogs gcig dran pa dang /don gyi phyogs gcig dran pa gang yin pa de ni byang chub chen po ni rdo rje 'chang chen po dang 'dra bas de la rtag phyag 'tshal ba dang btung de zhes bya ba'i don to/ /bstod pa'i tshigs su bcad pa'i 'og tu/ ? /yi rang ba bshad par bya ste/ bstod pa'i tshig 'di ni sngar bshad pa'i bstod pa'i tshig gis bstod cing bshad nas/ 'dren pa kun ni dkyil 'khor ba dang bcas pa'i rdo rje 'chang chen po la ste/ de'i don ni bstad pa'i rnam pa dang/ sgrub pa po dang bstan par bya ba la bstod cing/ de nas byang chub sems dpa' de dag rgyud ni rgyun te rgyu dang thabs dang 'bras bu'i dbye bas rnam pa gsum mo/ /rgyud kun ni bya ba dang/ spyod pa dang/ rnal 'byor bla na med pa'i rgyud de /de rnams kyi dngos grub dang ting nge 'dzin gtso bo yin pas na bdag po'o/ /bde pa'i thabs yin pa'i phyir mchog go /de bzhin gshegs pa thams cad skyed pa'i rgyu yin pas na/ de bzhin gshegs pa thams cad do// gsang ba ni bya ba'i rgyud la sogs pa zhugs pa la bstan par mi bya ba'o/ /de bzhin gshegs pa thams cad sdud par byed pas na 'dus pa'o/ /'jig rten pa dang 'jig rten las 'das pa'i dngos grub kyi rgyu yin pas na 'byung ngo/ /legs par mnyan pas na legs par gsungs pa yin te/ legs par bka' stsal pa'o/ /'di ni dpal gsang ba 'dus pa'i rgyud do/ /rjes su yi rang ni mngon par dga' zhing nye bar bsdu ba'o/ /de ni las kyi rgyal po mchog go /'di skad gsungs nas zhes bya ba ni bstod pa'i tshig brjod nas so/ /de bzhin gshegs pa dang byang chub sems dpa' ni mi bskyod pa la sogs pa dang byams pa la sogs pa'o/ /nyid kyi sku gsung thugs ni rdo rje 'chang chen po pa sku la sogs pa la rang gi sku la sogs pa zhugs shing gcig tu gyur te/ gnyis su med pa'i ting nge 'dzin mi gsung bar gyur pa ni bde ba chen po la dmigs te gnas par gyur to/ /zhes rdzogs pa'i rim pa'o/ /de bzhin gshegs pa thams cad ni mi bskyod pa la sogs pa'i sku gsung thugs ni sngags sam gzugs te/ de rnams kyi gsang pa ni snga bar bya /dpal gsang ba 'dus pa ni bsod nams dang ye shes kyi tshogs dang ldan pa rgyud kyi rgyal po'i gsang ba thams cad de 'dri ba'i tshig dang/ de rnams kyi ston pa ni lan gyi tshig ste/ de dag byin gyis rlob brjod par byed pa gang yin pa de ni gsang ba thams cad ston pa rdo rje ye shes byin gyis rlob pa zhes bya'o/ / //le'u zhes bya ba la/ ji ltar gos kyis chu sbrang la sogs pa las bsrung ba de bzin nyon mongs pa'i sgrib pa sel bar byed pas na gos dang 'dra ba ste/ de 'dzin cing len par byed pas na pa ta la ste/ de rjod par byed pa'i gzhung gi tshogs la yang le'u zhes bya'o/ /tshig gi don bcu drug go/ rgyud kyi 'grel pa las le'u bco brgyad pa'i tshig gi don rgya cher bshad pa'o// //de ltar gsang ba 'dus pa yi/ /byang chub sems ni rab gsal byed/ /bla ma'i zhal nas rnyed nas ni/ rgyud 'grel bdag gi 'di nyid byas/ /tshig gsal mdo rgyud spun las byung/ /thabs dang shes rab me 'bar ba/ /klu sgrub snying po bdag gis ni/ /mdor na 'grel pa sdom bu bsdus/ /dpal ldan rdo rje sems dpa' dang/ /gsang ba 'dus pa'i rgyud rgyal ? bla ma la ni dad ches pas/ /gang zhig 'gro la phan 'dogs pa'o/ /dpal ldan rgyal po bde gzhon dus su lo ni bco brgyad la/ /'phags pa'i lha yis byas pa'i dpal ldan gnas ni shar phyogs su/ /dge slong rnams kyi gtsug lag khang gi phyogs gzhan gyis ni gsol ba btab pas/ rdo rje sems dpa' i drin gyis bdag gis rgyud 'grel 'di ni rnam par brtsams/ /dpal ldan 'dus pa'i rgyud kyi ni// 'grel pa sgron ma rnams rgyal dang/ /nyon mongs shes bya'i sgrib pa mun/ /de nyid kyis ni 'jom par shog/ dpal gsang ba 'dus pa zhes bya brgyud kyi rgyal po'i 'grel pa/ rdo rje theg pa chen po pa/ /dpal klu sgrub kyi zhal snga nas kyis mdzad pa rdzogs so// //rgya gar gyi mkhan po chen po dpal gzhon nu bu ma ba'i zhal snga nas kyis bsgyur cing gtan la bab pa'o/

CLOSE WINDOW