བོད་ཡིག

e-texts based on the ACIP/ALL Input

/lha mo ngan gsang gi las la sbyar/ /kha yi gdong ba srang mda' nag mo zhes bya ba/ /slob dpon rtag pa'i badzras mdzad pa// //rje btsun sgrol ma thugs rje sgrol/ /dngos grub sgrol ma gus btu de/ /phyag 'tshal skyabs 'gro byin gyis rlobs/ /bla ma rnams la phyag 'tshal lo/ /rje btsun sgrol ma dngos grub bla na med pa'i gsang ltar bslub pa'i/ sgrub thabs kyi man ngag me tog gi phreng ba lta bu'i man ngag ni/ 'dir chos 'di la mos shing gus pas/ skye ba 'di nyid la sgrol ma'i go 'phang thob par 'dod pas/ rgyu bzhi ste 'khor ba la gshed mar mthong ba dang/ /zas nor la dug du mthong ba dang/ /'khor ba'i las 'bras bu dan song gsum du mthong ba dang/ byas pa don med cing 'bral zhing mi rtag par shes pa dang/ sangs rgyas kyi chos 'dod pa tshad pas gdungs pa chu 'dod pa lta bu brtson 'grus can de la 'byung gi / gzhan la ma yin pas/ kun la spel na rang gi dam tshig nyams shing dngos grub ring la don med par 'gyur ro/ /de yang sdom pa gsum gyi lung sgrub thabs ji lta ba bzhin du byas la/ /lam du blangs nas sangs rgyas sgrol ma thob par 'dod pa la don gsum ste/ /bskyed pa'i rim pa thun mong pa yin pa'i tshogs lam dang/ /rdzogs pa'i rim pa thun mong ma yin pa ye shes kyi lam dang/ gzhan ma dad pa bzlog pa las tshogs yid bzhin gyi nor bu lta bu dang gsum mo/ /sgrub thabs bzhin bskyed rim rdzogs nas rang gi thugs ka'i nyi zla'i steng du taM ljang sngon mdza' mar dpa' mo 'bru lnga'i 'od zer kha dog lnga'i 'od kyis 'ja' tshon ltar bsams nas/ sngags bzlas te/ dmigs pa dol bltas pas 'ong 'phros te/ 'gro ba lnga'i rgyud sbyangs pa dang/ rang gi dug lnga sbyangs bsregs te/ 'gro ba drug gi sa bon ye shes lnga'i 'od kyis bsregs pas/ sems can gyi don tha mi dad pa'o/ /slar 'dus pa las/ rang gi phung po lnga rdo rje sbol ma dang/ 'khor lo skrol ma dang/ rin chen sgrol ma dang/ pad+ma sgrol ma dang/ las kyi sgrol mar gyur pa dang/ snang la rang bzhin med pa dang/ gsal 'dzin pa med pa bsgom/ thun bzhi'i sbyor bas bya'o/ /de'i grogs gtor ma dang/ mchod pa dang/ bskor ba dang ?? maN+Dal dang/ bstod pa dang/ gzungs dang tsha tsha gdab p la sogs pas bskangs te/ bskyed rim lam du bslang ba'o/ /rdzogs pa'i rim pa bsgom pa la don bzhi ste/ sna tshogs lam khyer dang/ nyi ma lam khyer dang/ nam mkha' lam khyer ro/ /sna tshogs ni rgya che ste/ skar ma ltar snang ba sna tshogs 'di/ /gzung ba'i yul chags sdang gnyis la brten nas/ ngan song gi sdug bsngal myong bar byed pas/ de zil gyis mnan pa ni chos thams cad sgyu ma lta bur shes par bya'o/ /mya ngan 'das pa'i chos kyang rmi lam lta bur shes par bya/ /de las ches lhag pa'i chos cig yod na'ang/ sgyu ma lta bu rmi lam lta bur shes par bya'o/ /dngos por rang rgyud pa'i zhen pa log ste/ rgyu mar shes par gzung bas stong zhing 'dzin pas dben pa thabs lta'i rnal 'byor dang shes rab stong pa de rgyu stong pa dbyer med pa lam yin par rgyal ba'i bka' las gsungs so/ /de bas na lha'i lus sgyu ma lta bu dang/ dag sngags 'brug sgra lta bu dang/ sems ting nge 'dzin gsal ba nam mkha' i ngo bor 'das pa ni/ rdzogs pa'i rim pa'i lam dang po'o/ /lam gnyis pa nyi ma ni/ /lus kyi sgrol ma bsgom ste/ 'byung ba rim par brtsegs la sgo gnyis bcas la/ bdag po nang du bsdad la/ khang pa dbus mar me sgron btang la gdugs kyi 'od phab la lam po che nas 'thon te/ yul bzhi ru gnas la/ phyi rol thams cad la mi sprad par byas la/ mar me rlung gis bskyod par byas la/ rang gi dgon pa nor bu rin po che de la rkun mos mi khyer ba'i mel tshe la brtson par byas la/ dbul 'phongs par mi 'gyur ro/ /gsum pa thabs khyad par can gyi lam gyis/ /sangs rgyas myur du thob par bya ba ni/ mi'i bu mo shes rab sgrol ma bsten la bya ste/ dbang po 'bring po rtog pa zil gyis mnan pa ni/ tshad dang ldan pa'i bu mo dang/ dam tshig tu ldan pa gsang spyod kyi rtan dang/ 'ba' yul la su rung ba'i pho nyas/ steng 'og las thams cad bya ste/ kun rdzob byang chub kyi sems skye chu bzhin phab nas/ don dam dang gnyis su med pa'i sems rdzing bzhin du bskyil la/ phyi nang gzung 'dzin sna tshogs thams cad skad cig ma ye shes kyi 'ong du bsdus nas/ bde ba chen por bsgom/ /sgo lnga yul thams cad bzhi ru bsdus la de yang gcig gi ngo bor gsal ba thun dang thun mtshams su bcad la bsgom mo/ /dang po rab gyi dbang du byas na/ nam mkha' lam khyer bsgom par bya ste/ rten med lam du 'jug pa ni/ nam mkha' rnam pa gsum ste/ nang gi nam mkha' dang/ phyi'i nam mkha' dang/ par snang gi nam mkha' o/ /nang gi nam mkha' la gnyis te/ shes par bya ba la gsum dang/ bzhag par bya ba la gsum mo/ /shes par bya ba gsum ni/ phyi nang bcung kyis bsdus pa'i chos thams cad rang gi sems su shes par bya ba dang/ sams nying spros pa nye bar zhi ba dang/ de bde chen zung 'jug 'ong gsal ba'o/ /bzhag par bya ba gsum ni/ nang zab mo'i gtan tshigs gsum ste/ bla ma dam pa'i gdams ngag gis thog ma bar gsum dbyibs dang kha dog ngos gzung rten btsal ba la sogs pa dang/ zab mo dbang gi dus dang/ snang stong dbyer med kyi mtshams ni gnyug ma'i sgrol ma ste/ 'khor ba las sgrol ba'i sgrol ma'o/ /phyi'i nam mkha' la bzhi ste/ dpe don la bsre ba dang/ don dpe la bstim pa dang/ de gnyis dbyed med du gnas la gnas pa dang/ nyid gsum gcig tu go bar bya ba'o/ /bar snang gi nam mkha' la drug ste/ bems po'i sna rtse dang/ 'od kyi sna tse dang/ dran pa'i sna rtse dang/ dus kyi sna rtse dang/ dbyibs kyi sna rtse dang/ myong ba'i sna rtse dang/ thun du bcang la bsgom pa'o/ /de dag la 'bang pas bskyed pa'i rim pa brtan zhing zhal mthong ba dang/ snang rtags thams cad sgyu mar myong ba dang/ ngo bo ma skyes pa'i chos la mi skye ba'i chos la bzod pa thob nas/ mthong ba dag nas sa dang lam la 'jug ste/ mthar phyin par 'gyur ro/ /nga ni gsum pa las kyi tshogs kyi sangs rgyas dang byang chub sems dpa' i spyod pas/ 'gro ba ma dad pa dang par bya ba dang/ dang pa phyir mi ldog par bya ba dang/ skye bo ngan pa bstan pa la sdang btshar bcad par bya ba'i phyir/ phan gdags dang tshar bcang bar bya ste/ rgyal ba'i bka' dang bla ma'i gdams ngag gi rjes su 'brang ste/ snod dang mi mtshungs pa rnams la bstan pa na rang ngan song du 'gro ste/ sngon gyi paN+Di ta rnams song ba'i gtam rgyud las shes par bya'o/ /mchems med pa byed pa'i skye bo bla ma dang chos kyi bar chad byed pa de/ kha sbyor dbye bar 'dod na bdag rje btsun ma'i bskyed rims brtan pa dang/ thugs ka'i 'khor lo 'bum tsho drug 'than pas nges shes rab ngos ni dus kyi gnad dang sbyar ba ste/ rje btsun ma 'byung ba lnga'i lha mo des yang me lha gtam gyi ngo bor rgyu ba na/ khro mo chen mo dbyings kyi 'od kyis gri gug gis snying nas dral/ /sngags la che ge mo a mu kaM mA ra/ zhes pa ni gnyis zhes bya'o/ /bkug ste ka pA lar bcug ste/ ral gris gtubs la/ kho'i srog rlung gi don snying lnga srog pa rtsa nas drangs nas/ khro mo'i zhal du gsol te/ sha zos khrag rdubs dus pa 'chos/ shes pa rlung la bstims pa ste/ lha mo'i thugs nam mkha' stong par phyal gyis gtang ste/ nam phyed na/ brgya 'am stong du bya/ nyin phyed dang/ tho rang su byas na bsgrub bya lus sems kha sbyar byed par 'gyur ro/ /da ni 'dod pa'i yon tan lnga ste bza' ba dang btung ba dang/ dri zhim pa dang gos dang/ yul dang mi yid du 'ong ba dang/ dgra dang thams cad dbang du rang ji lta bar bsgrub pa ni/ yid bzhin nor rnyed pa lta bu ste/ rnal 'byor pa chos kyi bar chad 'tsho bas mi 'byung ba ni/ sngar bstan pa lta bu/ thugs ka nas nyi zla'i steng na 'od zer lnga'i 'khor lo gnas pa las/ 'od zer lnga 'phros te rang gar 'dod pa'i rang gi ga pA la dum bu gcig pa mdzes shing rgya che ba'i nang du 'ongs par bsams te/ thams cad rang gis sid+d+hi hUM zhes 'ongs par bsams btsam gyis/ /rgyal po'i bsod nams tsam yang 'byung bar 'gyur ro/ /de bas na yid du 'ong ba thams cad la zhes pa'o/ /de gang gis 'grub na lha gsal ba dang/ ngag brtan pas ste bzlas pas 'grub pa dang/ dus kyi gnad la ngal so nus pa des so/ /da ni rnal 'byor ba 'jigs pa chen po brgyad dang/ mi rgod ma rungs pa bcings zhing bzlog par bya ste/ dben par bag yongs su rgyu ba ni/ bdag gang yang rung ba'i lam du rgyu ba'i dus su/ gom pa 'bor khar rje btsun sgrol ma ying la dran par thal gyis bya ba dang/ g.yas pa'i rogs po spangs la/ de ma yin pa'i rogs kyis thad kar/ spyi gtsug autpa la'i phyag rgya bcing la/ yi dam gyi gsol ba gdab/ gos kyi bsham gyi sna la nang gi yi ge paM las pad+ma'i steng ru taM ljang sngon bsams la/ de'i 'od kyis 'jigs pa brgyad gang 'od du bos pa de gos khung du h+ril gyi dril la/ rgyu ba gnyis ka bcad la/ bsgrub bya mtshams tshun chad/ /phyag mtshan rus phreng gis bcad de/ /'gul mi shes par byas nas/ lam gyi sa chums/ cig btums la sngags bdun nam nyi shu rtsa gcig brjod do/ /mdud pa dmar po bcings la sngags a mu kaM pA shaM ma nA ya swAhA/ de rnams res 'jog ma yin par dus gcig tu bya ba'i man ngag go/ /'jigs pa thar nas mdud pam bkrol na sdig pa che'o/ / rten 'brel de rnams tshang na the tshom med do/ /da ni shes rab blo 'phel bsgrub par bya ste/ yang sngar bstan pa'i rnal 'byor dang ldan pas/ chos kyi shes bya thams cad la thogs pa med par bya ba ni/ tshes gcig nas gzung na/ tsan tra rus pa'i bar du sgrub par bya ste/ zhag lngar chu gtsang la sngags btab te/ tho rangs dus kyi gnad la sbyar ste btung ngo/ /de nas zhag lngar dkar gsum la btags te dus gsum du btu ngo/ /de nas zhag lngar sbyar rtsi gzhan gyis ma 'phags pa la sngags btab la btung ste/ de'i sngags ni 'di'o/ /aoM pradz+nyA pUSh+Ti pU Sh+TaM ku ru swa' hA/ zhes mthar rten gyis bzlas te/ tho rangs 'thungs na 'grub po/ /nang ma re la shlo ka sum stong zin no/ /gal te ma grub na yon tan la sogs pa ste/ sngar bstan pa ltar bsnyen pa grub nas/ rang ji ltar 'dod pa bzhin du 'dod pa thams cad bsgrubs nas/ rten lha mo byin brlabs ldan pa la/ g.yon pa'i sa dang/ mo'i dus su mchod pa dang/ gtor mas mnyes par byas la/ bstod pa dang gsol ba btab ste/ sngags kyi mdza' rten/ de ma ta re e ka dza Ti ma ni sand+hi hUM nas pas 'grub po chu shel gyi sbyor ba bzhin no/ /gzhan yang 'gro ba thams cad dbang du bsdu bar 'dod na/ sngags 'di mthar brten bya ste/ na mo b+ha ga nyra te/ auSh+Ni Sha sa d+ha re d+ha ra na twi ye swAhA/ gi waM la lan brgya rtsa brgyad bsngags nas dpral ba'i thig le byas na/ gang la ltas pa de dga' bar 'gyur ro/ /mig rdzas la lan brgya rtsa brgyad bsngags te/ mig la bkus na gang 'phrad pa de dga' bar 'gyur ro/ /chu khyor gang la sngags lan bdun bzlas te/ 'thungs na ma slang bar zas rnyed par 'gyur ro/ /tshogs kyi nang du 'gron/ rang gi gos kyi mdza' ma nas/ lag pa g.yon pas bzung la nyi shu rtsa gcig bzlas te phyin na tshig btsan zhing bden par 'gyur ro/ /shags 'debs na lan thebs shing mi 'da' bar 'gyur ro/ /lam du 'gro na dus dang sbyang na don thams cad 'grub par 'gyur ro/ /gzungs rings rtag tu bzlas na/ bdud dang nag po'i phyogs kyi mi tshugs shing/ dgra dang bgegs kyis mi thub par 'gyur ro/ /gzhan yang phan yon dang/ phan yon gyis nyams su blang pa'i man ngag /bla ma dam pa rnams las ji ltar shes par bya'o/ /las tshogs pa'o/ /sangs rgyas kun gyi thugs rje nyer bsdus pa/ /rje btsun sgrol ma dran pas 'dod sgrub ma/ /de'i sgrub thabs dka' 'grel man ngag nyams su blang thabs 'jug tshugs 'dis/ /mun pa bsal nas 'gro ba'i don bkod bdag gis slob par shog / rje btsun ma sgrol ma'i man ngag me long dangs pa zhes bya brdzogs so// //bems po'i sna rtse dang 'od kyi dang/ dran pa'i dang/ dus kyi dang/ dbyibs kyi dang/ myong ba'i sna rtse'o/ /rtag pa'i badzra nas brgyud pa'i dngos grub brtan gzigs kyi rgyud bskor 'di/ /rma dang ba ri gnyis kyi lugs/ /d+hA rmmA kI rti zhes bya bas/ /bca' dang bla ma gus ston la/ /zhus pa rin chen lta bu 'di/ /sgrol ma'i zhabs la gtugs par smon// // */ /rgya gar skad du/ se dan+ta sh+rI ye yog ni rma shma shA na ka lnga nA ma/

CLOSE WINDOW