བོད་ཡིག

e-texts based on the ACIP/ALL Input

/dpal chos kyi rje sa'i steng na 'gran zla dang bral ba'i kha che shAkya sh+rI b+ha dra'i zhal snga nas lo tsA ba byams pa'i dpal gyis bskyur ba'o// //*/ /rgya gar skad du/ Arya tA ra sA d+ha nA ma/ /bod skad du/ 'phags ma sgrol ma'i sgrub thabs zhes bya ba/ rje btsun ma sgrol ma la phyag 'tshal lo/ /'jig rten sgrol mdzad sgrol ma che/ /de la phyag 'tshal de sgrub thabs/ /mdo tsam slob ma la phan phyir/ /'dir bri sgrub pos grub gyur cig/ //dang por re zhig snying gar zla ba'i dkyil 'khor la ta ljang gu bsam la/ de'i 'od zer gyis bla ma dang sangs rgyas la sogs pa spyan drangs te/ /bla ma rdo rje sems dpa' i gzugs can du bsams nas/ yid las byung ba'i mchod pas mchod de/ /me tog la segs pa'i mchod pa sngon du 'gro bas/ /mchod pa'i yan lag bdun rgyas par bya'o/ /dkon mchog gsum la skyabs su mchi/ /sdig pa ma lus so sor bshags/ /'gro ba'i dge la rjes yi rang/ /sangs rgyas byang chub yid kyis gzung/ / sangs rgyas chos dang dge 'dun la/ /byang chub bar du bdag skyabs mchi/ /rang dang gzhan gyi don sgrub phyir/ /byang chub sems ni bdag gis gzung/ /byang chub mchog gi sems ni bskyed bgyi zhing/ /sems can thams cad bdag gis mgron du gnyer/ /byang chub spyod pa yid 'ong spyad par bgyi/ /'gro la phan phyir sangs rgyas 'grub par shog /zhes brjod cing de dag gi don dran par bya'o/ /de nas tshed med pa bzhi bsgom par bya ste/ /byams pa dang snying rje dang dga' ba dang btang snyoms dag go / de'i rjes la chos thams cad stong pa nyid du bsgom ste/ aoM swa b+hA ba shu d+d+hatAM la thim pa'i bar dang de yang rim gyis zhu zhing thim nas thams cad stong pa nyid du bsgom mo/ /yang sngon gyi smon lam rjes su dran pas pad+ma dang zla ba'i gdan la tAM sngon por langs la/ /de yongs su gyur pa las autpa la ljang gur blta zhing/ /de las 'od zer phyogs bcur 'phros tshur 'dus pa yongs su gyur pa las bcom ldan 'das ma'i skur blta'o/ /de yang sna tshogs pad+ma dang zla ba'i gdan la zhabs skyil krung dang/ /phyag g.yas mchog sbyin par mdzad pa dang/ g.yon autpal la'i sdong bu 'dzin pa/ rgyan thams cad kyis brgyan cing cha byad phun sum tshogs pa/ me long gi gzugs lta bur bsam par bya'o/ /de nas rang dang 'dra ba'i ye shes bstims la thal mo gnyis sbyar ba las gung mo gnyis rgyab tu mdzub mo'i rtser sbyar te/ yid kyis snying ga'i pad+ma la tAM ljang gu 'od zer 'bar bas don thams cad mngon par bsgrubs nas/ aoM tA re tut+tA re tu re swAhA/ zhes bya ba'i sngags bzlas par bya'o/ /bsnyen pa ni 'bum phrag bcus 'grub par 'gyur ro/ /rigs pa dang yon tan gyi tshogs thams cad sdud par byed do/ /sgyu ma lta bu'i blos nam mkha' lta bur bsgom pa ni rim pa bzhin no/ /de las byung ba'i dge bas yongs su bsngos nas dge ba'i spyod pas gnas par bya'o/ /rje btsun 'phags ma sgrol ma'i sgrub thabs slob dpon chen po thams cad mkhyen pa'i bshes gnyen gyis mdzad pa rdzogs so// //*/ /rgya gar skad du/ Arya tA ra swa d+ha nA/ bod skad du/ 'phags ma sgrol ma'i sgrub thabs/

CLOSE WINDOW