བོད་ཡིག

e-texts based on the ACIP/ALL Input

/ //rmi lam sgrol ma'i sgrub thabs bzhugs/ /*/ /rgya gar skad du/ swabna tA ra no pi ka/ bod skad du/ rmi lam sgrol ma'i sgrub thabs/ 'phags ma rmi lam sgrol ma la phyag 'tshal lo/ /sprin bral mkha' dkyil zla rgyas gzugs/ /rab dkar bsil ba'i 'od ldan ma/ /ma lus rmi lam gsal mdzad de'i/ /zhabs la mgos btud de bsgrub bshad/ /dge bas rab tu sngar langs te/ /gdong sogs dag byas dri zhim byung/ /rje btsun de rten mdun bdar la/ /yid 'ong mchod pas mdzes par byas/ /skyabs gsum lha mor bcas pa la/ /skyabs gsum 'gro la phan yid kyis/ /mi dge med pa'i sems ldan pas/ /thog mar bsod nams tshogs bsag bya/ /aoM a mri ta kuN+Da li ha ma ha na sarba big+hwA na ta Da ha ta Da ha sarba pA paM hUM phaT swAhA/ /'khyil pa khros pa'i sngags 'di yis/ /rmi lam bar chad bgegs bsal la/ /dri med baidU rya 'dra yi/ /mkha' la 'phags ma bsgom par bya/ /rab mdzes paM las chu skyes stum 'jam gsal zhing gsar ba'i? 'dab tshogs rgyas/ /de steng dkar bsil ri bong 'dzin 'khyil de dbus khams gsum rgyas 'gengs tAM/ /kun nas mun sel skar ma'i rgyal po 'od bzang mdog can rab 'phros las/ /yongs gyur 'phags ma rmi lam sgrol ma zhi ma dge ma mdzes ma blta/ /rab dkar lang tsho rgyas pa'i gzugs/ /zhal gcig phyag gnyis mchog sbyin mdzad/ /autpal sngo 'dzin 'gying tshul sgeg /mtshungs med gcig pos kun khyab ma'o/ /dri zhim dbu skra bzang 'khyil li/ /lha rdzas rin chen du mas brgyan/ /mthing kha'i dar gyis stod g.yogs shing/ /sna tshogs kha dog sham thabs mnabs/ /mu tig phreng ba'i dra ba yis/ /mnyam par mdzes pa'i ska rags dang/ /ga sha se ral khar bcings shing/ /cod pan don yod grub pas brgyan/ /g.yas bskum g.yon brkyang skyil krung gis/ /srid dang zhi la mi gnas shing/ /sangs rgyas byang chub sems dpa' i tshogs/ /spu sgo kun nas rab 'phro ba'o/ /ci 'dra'i ye shes lha mo 'di/ /bkug la mchod pas mnyes byas bstim/ /sku gsung thugs kyi rdo rje yis/ /byin brlabs phyogs bcu'i rgyal bas bsngags/ /de nas maN+Dal mchod bcas pas/ /gus par phul la gsol ba gdab/ /zhal zas btung ba bzang ldan pa/ /dkar gsum ma'ar gsum me tog dbul/ /rin chen phreng ba dkar thogs te/ /ma yengs blo yis 'phags ma la/ /rtse gcig yid bstod gsang sngags mchog /'bum phrag nyi shu rtsa bzhir bzlas/ /aoM swabna ta re swAhA/ de nas zang zing med par ni/ /rang gzhan don du rmi ltas brtag /grong pa'i chos kyis ma sbags pa'i/ /bu mo dus bzang dag la mchod/ /dri zhim khrus byas gos brgyan mdzas/ / rang lo'i grangs sam brgyad dam bdun/ /arg+ha la sogs mchod sngon 'gos/ /zas dkar zho dang 'o ma sbyin/ /'gron bu dar sogs yon byin la/ /dung chos chus gtor ci bder dengs/ /de rjes byi dor drir ldan pa'i/ /khang bar tshangs spyod brtul zhugs gnas/ /sdas su me tog dri zhim gyis/ /byugs pa'i maN+Dal bzang byas la/ /mchod pa lnga dang khyad par du/ /gu gul mar mo dbul bar bya/ /'jim ril sran ma'i tshad bcos te/ /kuN+Da li yi sngags bdun gyis/ /btab la nyi shu rtsa gcig ni/ /phyogs bcur gtor bas bar chad zlog /gsum bdun gcig ni rin po cher/ /bsgoms pas maN+Dal steng du dbul/ /sten la dgram dang gzung bar bya/ /de rjes gang 'dod gsol btab nyal/ /aoM swabna tA ra sA bna a ba lo ki ni/ /trai lo kya ni dar sha? ni/ trai lo kye bi dzA ra ni/ b+hu taM b+ha baM b+ha ba si sham/ shu b+ha shu b+ha taM mi sa tye ka tha ya swAhA/ /brgya rtsa brgyad dam nyi shu gcig /yang na lan bdun bzlas par bya/ /gsol btab sngags 'dis yid ches bas/ /lan cig bzlas kyang mi 'grub med/ /de tshe 'phags ma mdun gyi mkha' las phyogs bcur 'od mdzad thugs ka las phyung bsil zer gyis/ /bdag snying gdung gsal thab thil? dra ba ma lus spangs te sprin med mkha' ltar dag byas nas/ /glang chen sna 'dra'i phyag mdzes ring brkyang bdud rtsi can las bdud rtsi'i rgyun phab snying sogs bkang/ /de mthus lus kun kun nas dri med shel bum mchog ltar gtsang zhing rab dag yid 'ong 'gyur/ /de 'og rtsa ba'i rig pa brgyad/ /lha mo mchog la rtse gcig tu/ /ma g.yengs sems kyi dal bus ni/ /ji srid gnyid log bar du bzlas/ /seng+ge'i nyal stabs dge bas nyal/ /bag yod dran dang ma bral ba/ /dngos sam brda 'am chig dag gis/ /dge dang mi dge mthong bar 'gyur/ /thub pas sna tshogs las grub kyis/ /rgyud du gang gsungs lha mo che'i/ /brtag pa don kun sgrub byed 'di/ /rmi lam sgrol mas yang dag bshad/ /rmi lam sgrol ma'i sgrub thabs slob dpon zla ba'i bshes gnyen gyis mdzad pa rdzogs so// / rgya gar gyi paN+Di ta su ga ta sh+rI dang/ lo tsA ba byams pa'i dpal gyis bsgyur ba'o// //rje btsun sgrol ma la phyag 'tshal lo/ /nam zhig 'chi bar 'gyur ba'i tshe/ /bltos pa thams cad rab spangs te/ /ci 'byor mchod pa sngon du bya/

CLOSE WINDOW