བོད་ཡིག

e-texts based on the ACIP/ALL Input

lo tsa ba nag tsho chen pos bsgyur ba'o// //rgya gar skad du/ badzra g+haN+Da lak+Sha Na nA ma/ bod skad du/ rdo rje dril bu'i mtshan nyid ces bya ba/ sangs rgyas la phyag 'tshal lo/ /rdo rje'i grub pa bshad par bya'o/ /de 'dzin pa la rtag brtan pa/ /sor bzhi rang bzhi dang bcu pa bcu gnyis pa dang bcu drug pa dang/ brgyad pa dang/ nyi shu'i tshad kyi gser gyi rdo rjes sa'i gtso bo'i rig pa 'dzin pa nyid dang/ rtag tu rab tu bzang po thob go/ /rgyal pho rang gi rgyal po gong ma nyid zangs gyi rdo rje yis 'dod pa 'grub bo/ /rdo'i rdo rjes lha ma yin gyi dbang po kun dang/ gnod sbyin rnams kyang bskyod pa'o/ /don thams cad 'grub par 'byung ba lcags kyis te/ lcags gcig gis dpal tshe nad med pa nor kun thob pa'o/ /gza' thams cad dang seng ldeng gis so/ /ma du ka'i shing gis gnod sbyin bsgrub po/ /des chos kyi don bsgrub po/ /lha'i shing gi sgra med par 'gyur ro/ /mi'i rus pa yis mi'i srog 'phrog go /shel gyis thams cad dbang po'i gzhu ltar snang ngo/ /zhe sdang gi las la nim pa yis so/ /wa'i b+hu sha'i shing gis gsang pa dang skams pa dang/ /sha za 'grub rtag tu rab tu bzang ba'o/ /dri za gnod sbyin kun 'grub po/ /su ru tsan dan gyis so/ /sa yis gzugs gzhan du rnam par 'gyur ro/ /srin pos skye gnas 'grub bo/ /mya ngan med pa'i shing las byas pa'i rdo rjes nor 'phel lo/ /dmar po 'am dkar po tsandan gyis gang 'dod pa rab tu thob po/ /rtse lnga pa sran te shel gyis rtag tu bsrung brgyal ba'i zhabs drung bzlas pa byas na 'grub po/ /dri zhim pos mchod pas zhi ba'i sems dang ngag gang bzlas pa rdo rjer bzung nas byas na 'grub po/ /sgrub pa pos sngags pas gzung ngo/ /ming med pa rdo rje bcang ba byas te sems rtse gcig pas so/ /rdo rje'i rgyu gang las byung ba'i mtshan nyid rab tu btus te phyag 'tshal nas shes rab ye shes brib tu bri ba med pa'o/ /rdo rje'i mtshan nyid brjod nas dril bu'i mtshan nyid 'og nas 'byung bas shes so/ /gser gyis byas pa rtse lnga pa 'od bzang po cha gsum pa gzung ba'o/ /rtse mo bye ba rnams bye brag tu'o/ /dang po dril bu gdong bshad pa ni/ /dpal gyi gdong dang/ pad+ma'i gdong dang ba lang gi gdong khog pa bsil ba'i dbyibs su'o/ /de lta bu'i dril bu phun sum tshogs pa 'byung ngo/ /dpal gyi gdong gis rgyas pa'i las thams cad 'grub po/ /pad+ma'i gdong ni pad+ma'i dbyibs su byas pa ste/ dbang gi las byed ngo/ /ba lang gi gdong du byas pa'i dril bus zhi ba'i las ster bar byed do/ /sor bdun pa dang/ brgyad pa dang/ sor bcu gnyis pas shes rab dang thabs kyi bdag nyid kyi'o/ / rang 'byung gi shes rab kyi rnam pa ni dril bu'i khog pa chos 'byung ba'i dbyibs dran pa'o/ /ye shes ldan pa lnga'i thabs kyis rdo rje steng na gnas pa'o/ /chos 'byung gi nang du triM gi yi ge las de bsgom par bya'o/ /dril bu de chos kyi dbyings kyi dbang phyug ma sangs rgyas thams cad kyi yum mo/ /yi ge hUM la rdo rje ye shes lnga'i ngo bo dran par bya'o/ /de ni rdo rje 'dzin pa thams cad kyi rgyal po sangs rgyas thams cad kyi gnas so/ /'di skad 'byung ba'i dril bu de lus ngag yid gsum gyi rnam pa'o/ /khog pa sangs rgyas thams cad kyi sku rdo rje'i gnas dran pa'o/ /de'i steng du pad+ma 'dab ma brgyad pa gsung rdo rje'o/ /de'i steng du bum pa'i bsam gtan te byang chub kyi sems kyis yang dag par gang ba'o/ /de'i steng du sems kyi rdo rje bsgom mo/ /pad+ma'i steng du de bzhin gshegs pa bzhi'i mtshan ma'i rnam pa'o/ /'khor lo rin po che/ pad+ma sna tshogs rdo rje'o/ /lnga pa spyi bor yang dag par gnas pa'i rdo rje 'dzin pa rang gi rnam pa'o/ /sa gzhi khog pa'i rnam pa ni lha mo sangs rgyas spyan yang dag par gnas pa'o/ /chu'i rnam pa ni mA ma kI bum pa yang dag gnas pa byas pa'o/ /me'i rnam pa ni gos dkar mo'i rang bzhin no/ /khong pa'i rlung gi rnam pa dbus su bltas pa sgrol ma'o/ /stong pa'i dbus na rdo rje lce g.yo ba'i gsung ngo/ /nam mkha' i ni bum pa'i steng na rdo rje 'dzin pa'i mgon po yang dag gnas pa'o/ /sa'i snying po dang 'jig rten dbang phyug mgon po ni rdo rje 'dzin pa gzhan no/ /mtshan ma'i steng du phreng bas bskor ba ni gsum po de'i tshul gyis brjod pa'o/ /spre'u yi gdong ni byang chub sems dpa' i lha'o/ /de'i gdong ni steng du rdo rje'i phreng ba'i rnam pa ni sgo skyong dang dpa' bo chen po khro bo bcu dran pa'o/ /sangs rgyas thams cad kyi rnam pa'i dril bu shes rab kyi sgra'i rnam pa de'i rdo rje sems dpa' snyoms par 'jug pa'i rdo rje dbyings kyi dbang phyug ma'o/ /chos 'byung ba'i maN+Dal gyi zhing du gnas pa sna tshogs pad+ma'i steng du gnas pa/ sku mdog dkar mo/ /bsgom mo/ /rdo rje dang dril bu'i mtshan nyid rdzogs so// //paN+Di ta par he ta dang/ lo tsa ba nag tsho dge slong shes rab rgyal mtshan gyis bsgyur ba'o// // */ /rgya gar skad du/ ka pA la pU dza bi d+hi nA ma/ bod skad du/ thod pa mchod pa'i cho ga zhes bya ba/ zhing chen gyi rnal 'byor ma la phyag 'tshal lo/

CLOSE WINDOW