བོད་ཡིག

e-texts based on the ACIP/ALL Input

spob dpon chen po lhan cig skyes pa'i ral pas mdzad pa rdzogs so// //'brog mi lo ce bas bsgyur ba'o// //*/ /rgya gar skad du/ Arya po thI shwa ri sA d+hA nAM nA ma/ bod skad du/ 'ang gas ma gnas kyi dbang phyug ma'i sgrub pa'i thabs zhes bya pa/ /'phags ma gnas kyi dbang phyug ma la phyag 'tshal lo/ /de nas gsar ba bdag gis bshad/ /gsang ba'i de nyid man ngag ste/ /cho ga snga dro pangs nas ne/ /snying rjes brlan pa'i sems kyis su/ /yid ni g.yo ba med bya ste/ /sems can thams cad gdon bya'o/ /bdud rtsi lnga ni blangs nas su/ /thod par rtog med sems kyis gzhag /rlung dang me yi steng du ni/ dag dang kho la dang tshos par bya/ /nor 'dzin maN+Dal byas nas ni byang chub yan lag rab tu sbyin/ /'jam pa'i stan la 'dug nas ni/ /rab brtan rdo rje skyil krung bcas/ /ting 'dzin phyag rgya yang dag bya/ /khams gsum stong pa nyid du lta/ /'di ni thams cad rmi lam 'dra/ /nye bar rnyed pa gang yang med/ /dra za'i grong khyer rnam pa 'dra/ /'gro ba sgyu mar bltas pa'o/ /thugs ka'i nam mkha' i dbus gnas par/ /ye shes zla ba dri med bya/ /dbus su tAM yig bsam mi khyab/ /'od zer lnga ldan 'bar ba yis/ /phyogs bcur gnas pa'i sangs rgyas rnams/ / sgrol ma'i gzugs rnams rnam bsgom bya/ /de rnams spyan drangs byin gyis brlab/ /ye shes sku ni rjes su dran/ /de nas sems can thams cad la/ /ye shes 'od zer rnam dag bya/ /sangs rgyas de nyid rab gnas bya/ /byang chub snying po mchis kyi bar/ /myur du sangs rgyas sgrol ma can/ /nam mkha' yi ni mdun du blta/ /ye shes mchod pa sna tshogs pa/ /ye shes las ni skyes pas bya/ /dkon mchog gsum la skyabs su 'gro/ /sems can thams cad don byas te/ /cho ga gsum gyi sbas pa'i sdig /bla ma'i mdun du rab tu bshags/ /sdig pa thams cad grol bdag nyid/ /myur du sangs rgyas thob pa'o/ /bdag nyid sgrol ma'i rnam par bya/ /'gro kun de bzhin sgrol ma ru/ /bltas nas sangs rgyas rnams kyis ni/ /byin brlabs sa bon de rab bzhugs/ /chos rnams rnam rtog bral ba dang/ /rang bzhin med cing bdag med rnams/ /dbyer med rnal 'byor pas gzigs bya/ /sngags 'di dag ni brjod par bya/ /aoM swa b+hA ba shud+d+harnam par blta/ /de yi dbus su pad+mar gnas/ /lte ba ge sar 'bar ba'o/ /'dab ma brgyad ldan dga' ba'o/ /rnam pa sna tshogs yid 'phrog pa'i/ /de phyir 'bar ba'i 'khor lo ste/ /rtsibs ni bcu gnyis shin tu mdzes/ /thig ni lnga dang yang dag ldan/ /de yi sgo ni bzhi pa la/ /lha yi sta babs rnam bzhi'o/ /me long la sogs rnams kyis brgyan/ /sangs rgyas kun gyis byin brlabs pa'o/ /gnas skyes rnal 'byor rnal 'byor ma'o/ /phyogs skyod mgon po rnams spyan drangs/ /byang sems de bzhin gshegs pa rnams/ /ye shes rlung gis dgug par bya/ /rnal 'byor ma kun dga' byed rnams/ /kun mkhyen sangs rgyas kyi gang rnams/ /zla bar rab tu zhugs par bsgom/ /de gyur pa las bdag nyid ni/ /lha mo sgrol mar bsgom par bya/ /sku mdog dmar la zhal bzhi pa/ /phyag ni brgyad kyis rnam par brgyan/ /nyi ma 'char ka brgya yi 'od/ /dang po'i zhal ni dran par bya/ /dri med nam mkha' i rang bzhin sngo/ /g.yas kyi zhal ni dran par bya/ /sha ka sa la sha bzhin ljang/ /g.yas kyi zhal ni yid dga' bas/ /de ltar dkon mchog gsum drag po/ /rnam par 'gyur pa'i zhal 'jigs byed/ /cung zad mche ba gtsigs pa po/ /mi sdug de nas bsgom par bya/ /ser po zhi ba steng gi zhal/ /rgyan kun gyis ni brgyan pa'o/ /thod pa'i phreng bas dbu brgyan pa/ /ye shes lnga ni nye bar mdzes/ /de ltar de ni gzi brjid che/ /zhal bzhi par ni bsam gtan bya/ /thod pa rdo rje ral gri dang/ /Da ma ru g.yas phyag na bsnams/ /yid bzhin nor bu kha TwAM ga/ /dril bu de bzhin autpal dmar/ /de yi g.yon par bsgom par bya/ /de yi brla la yod pa ni/ /stag gi sham thabs gyon pa'o/ /skyil krung phyed pa'i gar byed pa/ /sna tshogs pad+ma zla dbus gnas/ /snying rje'i khro ba 'jigs byed ma/ /spyan gsum dmar po bgrang pa'o/ /drag po g.yon phyogs lta bar byed/ /rlung gi dkyil 'khor la rtag gnas/ /gnas rnams kyang ni dgug pa'i mchod/ /rnal 'byor ma tshogs dbus gnas par/ /bde ba thams cad rab sbyin pa'o/ /pU dza aoM a go ra de ma/ /ka ao tri ko ka la ka hi/ pre gri sau su na si ma ku/ /de ltar yi ge nyi shu bzhi/ /rnal 'byor ma gnas dkyil 'khor la/ / lus la cho ga'i cho ga yis/ /rnal 'byor dbang phyug rab tu 'grub/ /mtshogs kha spyi bo rna ba g.yas/ /ltag pa g.yon gyi rna ba dag /smin mtshams dang ni spyan dang ni/ /dpung pa'i rtsa ba gnyis de bzhin/ /mchan khung gnyis dbu ma gnyis/ / lte ba'i sna yi rtse mo dang/ /kha dang mgul la go cha bya/ /snying kha dang ni 'doms dang ni/ /gsang gnas bshang lam de bzhin brla/ /bus mo go rim ji bzhin no/ /dang po su ra ti shwa ri ti/ /gnyis par su ra son ta ri/ /gsum pa su rata tsan tra dang/ /bzhi pa su rat ma lo ni/ /lnga pa su rat b+hak+Shi'o/ /drug pa su rat ki mi ni/ bdun pa su rat au gra dang/ brgyad pa su rat au ta ma/ /gnas dang nye ba'i gnas song bsgom/ /rnal 'byor dbang phyug rab tu gyur/ /dkar dang ljang dang sngo ba dang/ /bzhi pa sku mdog ser bo dang/ /ser dang dkar dang dmar ba dang/ /sku mdog sngon po brgyad pa'o/ /thod pa dang ni kha TwAM 'dzin/ /dril bu Da ma rus brgyan pa'o/ /thod pa'i phreng bas dbu brgyan pa'o/ /rgyan ni thams cad kyis brgyan pa/ /rin chen ye shes steng dbus brgyan/ /de rnams pad+ma'i 'dab mar gnas/ /shi khi b+hi ma shi kha Na Di/ /ki ra li de bzhin ji ti li/ /au Ti dzi Ta de bzhin tsaN Di/ /mauN+Da bi ka Do aud ka ti/ /ki ri Di nar te ki dang ngo/ /zhing dang nye zhing tshan do ha/ /de bzhin nye ba'i tshan do ha/ /'du ba nye ba'i 'du ba'o/ / gnas ni de rnams gnas pa yi/ /lha mo bcu gnyis bsgom par bya/ /phyed dmar phyed ni ljang ba rnams/ /thod pa'i phreng bas brgyan pa'o/ /sna tshogs rgyan gyis brgyan pa rnams/ /skra grol ba dang khro gnyer can/ /rtag pa'i mchog ni dbu brgyan rnams/ thod pa kha TwAM ga 'dzin pa'o/ /phyag gzhan 'khor lo rdo rje'o/ /gaM bu tsaM dang puk+ka si/ /Do m+bi de bzhin ma toM gi /bzhi ni sna tshogs mdog rnams so/ /sgo srungs khro gnyer chen mo'o/ /mche ba gtsigs pa'i zhal mnga' ba/ /g.yon bskum g.yas brkyang nges par gnas/ /nyi ma'i dkyil 'khor la gnas pa/ /mi bskyod pa yi dam tshig ste/ /dbu rgyan steng du rgyan rnams so/ /thod pa kha TwAM ga 'dzin pa/ /phyag gzhan gri gug mgo bo bsnams/ /rgyan rnams kun gyi lus brgyan pa/ /bdud bzhi'i steng du yang dag gnas/ /thod pa'i phreng bas brgyan pa rnams/ /dur khrod nye ba'i dur khrod rnams/ /dang sogs dbang po rnam par dag /snying rje ldan pa bsgom par bya/ /thams cad gcer bu 'dzin pa rnams/ /snying rje'i dga' ma mdzes pa rnams/ /lham pa'i dbus su yang dag gnas/ /lha mo sgrol ma rnam par bsgom/ /bur ti shwa ri'i sde rnams ni/ /rim dang rim min bskor ba'o/ /'khor lo rtsibs chen bcu gnyis la/ /shi khi la sogs nor bu'i bar/ /rim dang rim pa min pa'o/ /'gro ba'i bdag mo rnams ra dgod/ / rkang pa bkug dang brkyang ba dang/ /yang ni brkyang dang dgug pa'i bar/ /kaM pu tsi sogs sgo rnams su/ /g.yon du bskor bar rnam par dgod/ /de ltar rdzogs pa'i sgrub pa ni/ /dkyil 'khor gnas dang yang dag 'brel/ /de nas cho ga rab tu phye/ /rigs lnga po ni bsgoms par bya/ /spyi bor braM yig dkar po ste/ /mgrin pa'i h+rIchen mchog / sna tshogs rdo rje 'dzi rnams gnas/ /rnal 'byor ma ni thams cad la/ /cho ga des ni cho ga bya/ /thugs ka'i sa bon 'od lcags kyus/ /sangs rgyas ye shes 'khor lo dgug /ba spu'i sgo rnams pad+ma gnas/ /mchod pa'i lha mo rang las sprul/ /dad pa mchog gis yang dag mchog /yang ni rang la gzhug par bya/ /de nas dbang bskur gsol ba gdab/ /bde gshegs rnams ni dngos grub ster/ /ji ltar bltam pa tsam gyis ni/ /de bzhin gshegs kun khrus gsol ltar lha yi chu ni dag pa yi/ /de bzhin bdag gis khrus bya'o/ /aoM sarbwA tirtha a b+hi Sho ka sa ma ya h+rIsems can thams cad rnams/ /sgrol ma'i gzugs su nges lta bar/ /sgom sbyor gyis ni sgom gyis shig /bsgom pa sgom min skad cig tsam/ /gnas gyi man ngag rim gyis dang/ /bla ma'i rnal 'byor ma rim gyis/ /man ngag dam tshig rnyed ba ste/ /bla ma'i zhabs kyi mchog sbyin gyis/ /ye shes rtog pa bsgom bdag nyid/ /ye shes rtog pa sgom gyis shig /rtog pa bral ba med pa ni/ /ye shes ma yin rtog pa yin/ /chos kyi bdag nyid mnyam pa nyid/ /rang bzhan med cing yi ge med/ /sku mdog 'das dang rnam pa med/ /ring po ma yin zlum po min/ /de nyid 'byung po thams cad rnams/ /rnal 'byor ye shes yid med pa/ /de ni de nyid bzlas pa yis/ /rnal 'byor dbang phyug thob pa'o/ /aoM tA re tuthA re tu re hUM phaT/ /de ltar dam tshig sngags yin te/ /bcom ldan 'das mas rab tu bshad/ /dang po aoM dang de nas ming/ /hUM phaT yi ge yang dag ldan/ /zlos shig lha mo rnams kyi sngags/ /thams cad la ni mchod pa'o/ /dzabzhin/ /sgo pa rnams la'ang dran par bya/ /aoM hUM phaT/ sngar bshad pa yi ming ldan pa/ /cho ga 'di yis yang dag bzlas/ /aoM traM h+ri khaM hUM laM maM saM traM dza/ phung po khams rnams dag pa'o/ /aoM Ayi/ /sngar bshad cho gas bsngags pa yis/ /cho ga 'bum phrag gcig bzlas bya/ /sdig pa thams cad rnam dag don/ /sdug bsngal thams cad zad don du/ /rnal 'byor pa rnams rtag tu ni/ /bdud rtsi lnga ni lha bshos te/ / dus kun rnal 'byor rnams kyi ni/ /dud 'gro bsad nas mchod par bya/ /sngags bas tsA ru'i bsgrub pa bya/ /rnal 'byor ma ldan bza' bar bya/ /bza' dang bza' min bza' bar bya/ /btud dang btung min rtag tu gtung/ /bya dang bya min bya ba'o/ /rnal 'byor ma tshogs dkyil 'khor du/ /sdig pa yis ni mi reg go /mnyam nyid bstan pa'i chos nyid do/ /rnal 'byor bla med nor bu'o/ /gsang ba bla med bla med do/ /rab snang min pa bshad min bya/ /skye ba 'di la grub pa thob/ /srog gcod la sogs spangs pa ste/ brdzun dang phrag don mi bya'o/ /blo ni sems can don du bya/ /de ni rnal 'byor thob pa'o/ /dge ba bcu ni nges par bya/ /de bzhin tshangs pa'i gnas bzhi dang/ /sbyin pa la sogs gtong la dga' / /mnyes shing mchog ni sgrub pa'o/ / gzhan yang rnal 'byor bla med bsgom/ /ji ltar blo yi rim pa ltar/ /rnal 'byor sogs bdag rnal 'byor ma/ /rigs rim ji ltar bsan bcos so/ /ri dags thogs pa sna tshogs pad nyi la/ /sgrol ma bdag nyid bsgom bya ba/ /sna tshogs mdog dang zhal bzhi pa/ /g.yon bskum g.yas ba rkyad gnas pa ste/ /dbus kyi zhal ni ljang gu la/ /g.yas ni ser bar blta bar bya/ /g.yon gyi zhal ni sdo ba la/ /steng gi zhal ni dkar ba'o/ /bsam gyi mi khyab mche ba gcigs/ /thor pas dbu la brgyan pa mo/ / dbu la don yong grub pas brgyan/ /mi yi rus ba'i rgyan gyis brgyan/ /skra grol mig ni yangs pa mo/ /spyan gsum dmar mo mdzes ma ste/ /ral gri rdo rje gsor ba ste/ /'khor lo lcags kyu 'dzin pa mo/ /dril bu thugs kar sdigs mdzub mdzad/ /gri gug mgo bo'i lag ba gzhan/ /autpal thod pa kha TwAM ga /tshangs pa'i lpags pa steng du gnas/ /khyab 'jug dbang phyug che zhabs dag /mnan pas sa la 'jigs rung 'gyur/ /sngar smos rnal 'byor ma tshogs rnams/ /reg gi dkyil 'khor dbus gnas pa/ /de rnams thams cad sna tshogs mdog /gcer bu 'jigs pa'i rjes su song/ /gsang ba zab mo bla med sngags/ /dbu rgyan dpal rim las byung ba/ /rnal 'byor ma gnas thams cad la/ /rim pa yang dag spyod pa mchog / gnas kun bla med mnyam sbyor te/ /rnal 'byor ma thugs bla na med/ /lha mo'i las ni thams cad byed/ /dag pa sdig pa sel bar byed/ /mnyam gzhag med pa'i sgrub pa yis/ /rnal 'byor bsgom pa sgom pa ste/ /sngags pas rtag tu bsam gtan gang/ /nyon mongs ma lus zad par 'gyur/ /g.yo dang mi g.yo sa gzhir ro/ /de yi rnal 'byor che rnams spyod/ /gnas kyi cho ga grub bdag nyid/ /ji ltar bde bas spyad par bya/ /hUM thugs kar ro/ /aoM mtshogs khar ro/ /hUMbsgom pa bzlas pa rtag tu bya/ /dur khrod dam ni shing gcig gam/ /ri yi rtse mo sa phug khyim/ /khyim ma ma smad 'tshong gnas su 'am/ /gzhan yang rgyal po'i khab tu 'am/ /rtags cig drung/ /phyi yi nags tshal shi ba'i gnas/ /rgya mtsho dang ni chu mig rnams/ /ma mo'i gnas su nges par gnas/ /gang yang lon med grub pa'o/ /thogs med rtag tu spyad par bya/ /rnal 'byor de yis sgom pa rnams/ /gnas kyi sde yi rnal 'byor ma/ /rigs kyi rdo rje skyes pa'ang rung/ /ye shes rdo rje'i sgom pa'am/ /rim pa sde yi rnal 'byor gyis/ /bla yi sde rjes rim pa'o/ /byang chub sems ni rab bstan bya/ /thams cad shin tu rab bstan blo/ /gdan min rnam par rtog pa bral/ /yul chos rnam par spangs par bya/ /lus dang ngag yid sde yis ni/ /myur du de gsum grub pa thob/ /zla ba'i dkyil 'khor dbus gnas pa/ /aoM yig dag ni rnam par bsgom/ /spyi bo'i steng du song bar lta/ /bdud rtsi lnga yi char phab bo/ /ji ltar rnal 'byor rab tu bya/ /au pa ha ra dbul par bya/ /der ni rnal 'byor rnal 'byor gyis/ /skad cig tsam gyis gzi brjid 'grub/ /rnal 'byor thams cad sel bar byed/ /ji ltar rdo rje sems dpa' i gtam/ /sgrol ma'i gzugs ni gzugs chen mo/ /bsgoms shig de nyid yang dag don/ /baM yig bar song bsgom par bya/ /aoM ni lce yi rtse mor blta/ /thams cad bza' ba'i gnas yin cing/ /yid bzhin nor bu mchog bzhin no/ /zhi ba thams cad sdug bsngal sel/ /ye shes sems dpa' rab bsgom bya/ /rnal 'byor gang zhig 'di bsgom de/ /byang chub sems dpa' grags pa che/ /gnas gsum grub pa thob par 'gyur/ /sgrol ma'i lha mo rnal 'byor ldan/ /rdo rje gsang rgyud bla med du/ /rdo rje ldan mas bris pa'o/ /sems can ye shes 'phel ba'o/ /'phags ma gnas kyi dbang phyug ma'i sgrub thabs zhes bya ba/ / rdo rje gsang ba'i rgyud las mkha' 'gro ma rdo rje ldan mas phyung ba rdzogs so/ / //thugs rje chen pos dbang ldan gsum bskur ba'i grub thob wa ni ta b+ha dra'i slob ma saM g+ha ma sh+rI b+ha dra dang/ /bod kyi lo tsa ba 'jam dpal sgeg pa'i rdo rjes bsgyur ba'o/ /rdo rje ldan ma/ /paN+Di ta pa ra he ta/ tha ni ta b+hwa dra/ saM g+ha ma sh+ri b+ha dra/ 'jam dpal sgeg pa'i rdo rje mkhas pa sa phug pa// //*/ /rgya gar skad du/ /shwI ao rgyan tA ra kra ma a b+hi sa ma ya nA ma/ /bod skad du/

CLOSE WINDOW