བོད་ཡིག

e-texts based on the ACIP/ALL Input

/ // */ /rgya gar skad du/ sra? ga d+ha ra stro traM/ bod skad du/ me tog phreng 'dzin gyi bstod pa/ /rje btsun 'phags ma sgrol ma la phyag 'tshal lo/ /phongs skyabs 'phags ma sgrol ma khyed zhabs lha mchog rnams kyi mgo bo'i gtsug gi nor bu'i 'od/ /nyi ma 'char ka'i snang ba lta bur dmar pa'i phun sum tshogs pa phog bas dmar ba ni/ /smug rtsi dmar ba gsal po bkod nas shin tu yun ring ma lon pa dang 'dra dag la/ /mgo btud spyi bor thal sbyar bgod pa bdag gis bstod gsar me tog phreng bas gus mchod bgyi/ /brgal bar dka' ba'i sdug bsngal me nang lus lhung skal ngan phyogs gang zhig la brten snyam pa/ /blun zhing ci ci bgyi snyam lan cig ma lags rtsom bgyi don ma mchis bas dub pa bdag/ mig nyams gzhan gyi 'gros kyis 'gro ba snang ba re bar bcas pas nam mkha' i nyi zla yi/ /'od ltar gzhan dag rnams las khums te sdig pa 'joms par mdzad pa khyod la brten par bgyid/ /khyod kyi thugs rje nges par sems can lam rnams kun la bye brag med par rab bzhugs shing/ /de dag bzung bas bdag 'dra'ang de dag rnams kyi nang du gdon mi 'tshal bar gzung 'gyur ba/ /nus mthu 'gro ba mdza' dag sdig mun nyi ma'i gzugs la'ang do zla mchis pa ma lags mod/ /de ltar na yang kho bo sdug pa kye ma'o nyes byas ngan mkhas ngan pa rab tu brjid/ /nyi ma'i 'od zer gyis kyang mun pa rab tu gsal ri bo gangs can klung ngogs kyi/ /shang shong kha ba'i dum grugs dkrigs pas bsil bar dbyar skom rin chen gling gi tshor khang gi / nor bu'i phug yangs khang ba'i nang na dbul zhing 'jig rten kun gyi yum gcig bcom ldan 'das/ /khyod kyis mgon du bgyis kyang mgon ma mchis pas skal nyams bdag ni smad cing smad pa'i gnas/ /ma yang nu ma'i phyed du rnam pa mang du du ba'i bu la skyo bar 'gyur ba lags/ /nyi ma re re dam pa ma yin ngon du gnyer la bskos pa'i pha yang khros sel na/ /khyod ni 'jig rten gsum 'dod 'bras bu yangs pa dpag bsam ljon shing yal ga mchog chen te/ /kun la mngon par 'dod don stsol yang khyod la nam yang rnam 'gyur 'ga' yang yon mi mda'/ /gang dang gang zhig sdug bsngal tshogs mes lus bsregs de dang de ni nga yis bsgral lo zhes/ /nyid kyi dam bca' zhal bzhes sdug bsngal sa 'og byid pa bdag la 'bras bu bcas par mdzod/ /ji srid srog chags rnams kyi zil gnon rtsub ldan sdug bsngal shugs de 'phel ba de srid du/ /yang dag rdzogs pa'i sangs rgyas theg par smon lam blo mnga' rnams la rjes brtse mnga' ba lags/ /yum gcig de ltar lag bsgred bstod pa'i tshig zil cho de'i pa ro dpangs mthor 'don pa la/ /gzhan gyis kyang ni btad snyoms bya bar 'os pa min na khyed 'dras lta zhig blos ci 'tshal/ /khyod las gzhan dag rnams kyis mngon 'dod 'byor pa don gnyer 'dod brnyed pa ma khums na/ /nang gi gdud ba rgyun chags mi dga' i sa gzhi sran du med pas shin tu yang yang bsre/ gal te kho bo sdig can lags na kho bo'i khyod bus chen po 'di dag ci phyir 'phel/ /bden gsung mtshan tsam khums shing dran pa yis kyang khyod gcig kho nas nan gyis sdig sel ba/ /de yi phyir na khyod kyis kho bo'i bgyi ba'i khur bu bor ba ji ltar lags pa gsungs/ /nad pa 'chi bar 'gyur na'ang sman pa snying rje rgya chen sman 'phrog gcod par bgyid dam ci/ / gang gi phyir na 'gron gnas rda mo cha shas du ma'i thun mod bltang rgyu dang ni/ /ser sna nga rgyal la sogs rang skyon tha chad rnams kyis rim dang dus gcig bskul bas na/ /nyin cig zhabs kyi pad+ma mchod bskad cig tsam yang ma rnyed de phyir khyad par du bkren zhing phongs ba'i tshig dang yi ge bkod 'dis bdag la 'dod pa'i 'bras bu mchis bar mdzod/ /lha mo gru chag chur bying snying rje dang bcas du ba'i cho de g.yo med zhan pa rnams/ /khyod la mngon bstod lhur blangs pa yis 'phral du rgya mtsho dus mdza' i rlung gyen 'tshungs pas chu/ /gtsubs pa'i chu rlabs g.yo zhing mgul pa rol pas dkrugs pas bteg pa'i rba rlabs 'gram dogs la/ /brdabs pa'i sgra grags gad rgyangs can gyi pha rol 'gram du rang dga' nyams kyis brgal bar 'gyur/ / du ba'i 'khyil ba'i sprin nang 'thon zhing nam mkha' i khyim du 'phro ba'i mi stag can gyi me/ /me lce 'bar zhing 'phro ba'i shugs kyis nang du zhugs pa'i khyim na mal du nya? la ba rnams/ /khyod la rab btud thal mo spyi bor sbyar zhing ldib ldib gsol ba bta bas skad cig la/ /glog rab 'gyu ba'i sgeg pas dmar por gyur ba'i sprin gyi chu rlabs dag gis khebs par 'gyur/ /'gram pa'i gdub bu myos pa'i chu yis gad ba gnyis ka la brten bur ba'i phreng ba yi/ /dar dir sgra yis bab pa'i ban glang zla bas zhe sdang me lce sbar ba'i glang chen gyi/ /mche ba'i rtse mo ldo li mthon po'i steng du lus po gzhag pa'ang khyod rjes dran pa yis/ /ri bo mthon po'i zom rtse'i mkhar la 'dug pa bzhin du dga' zhing 'chi bdag phyir zlog bgyid/ /mdung rings bsnun bsad mi yi mag dang gsal zhing can gyi gtor ma'i ston bskyed 'phrog stong du/ /rkun po lag rtser bzung bas g.yo ba'i phub dang ral gris dregs pa shas chen 'thon 'gyur cig /mig ni khro gnyer bcas shing smin 'khyor zur mig lta dang ldan rnam bran du bsgo byed pa/ /de ni khyod mtshan dpal gzhi bsam pa'i smyu gus skyo ba med cing gsal bar bris pa lags/ /rkang ba'i sbar mo rab rno rdo rje lta bus tshabs cher bsnun pas glang chen myos pa'i glad/ /bskams nas khrag mang zags pas bkrus pa'i ral ba gsal po 'jigs rung yangs gnya' khebs shing/ /khros te rgyang nas mgo la 'dzin 'dod mche ba rnon po gtsigs pa'i kha can ri dags dgra/ khyod kyi 'thang ba'i spyod pa bstod pa'i don tshig mkhas la skrag ste log nas 'gro ba lags/ /du ba 'khyil ba'i mun pa'i gzugs can rnam 'gyur gdengs can phus 'debs grags pa'i 'gram dgang bar/ /bya ba'i ched du kha gdangs 'gyur ba'i lce can thag pa dang 'dra gshin rje'i zhags pa dang/ /sdig dbang gis phrad slar yang khyod kyi yon tan bgrang ba lhur len khyod bdag lhur byed pas/ /bud ba myos ba'i phrang ba'i gdub can autpal phrang ba'i rgyan gyis mdzes pa 'chad bar 'gyur/ /rje bos smin bskyod bskul te bkrabs pa rem zhing rtsubs pas co to drangs shad gzings gyur pa/ / go khol bskyod pa'i tshig rtsub kyis spyos 'ching ba'i zhags ba rtsu ba mos nyer bcing bkres pa dang/ /skom pas mchu dang mgul pa skams pa gang zhig 'phags ma sgrol ma'i zhabs la skyabs 'gro ba/ /de mi byams pa'i gnyen gyis spangs kyang ma rungs rgud pa de dag 'phral du spong bar 'gyur/ /srin po sgyu ma sprul pa las tshul gyis byas bden pa ma yin gzugs brtsams cha lugs tshul/ /rnam 'gyur du ma dag dang rjes su 'tsham pa'i mtshon cha'i 'od zer tshogs kyis mi bzad cing/ /mi ro brgyus pa'i rgyu ma'i tha gu'i tshogs dag phreng ba'i bkod pa rnams kyang khyod rgyud las/ /btus pa'i gsang sngags dran pas sdig bsal bsrung ba pham pa med pa byed par 'gyur/ /cham chem sgra sgrogs char sprin lus can ngan glang myos chu'i klung gis rgyun gyi mun gtibs shing/ /mtshon cha glog ltar 'gyur ba'i 'od zer dang ldan mda' yi char 'bab g.yul ngo 'gyed pa'i tshe/ /phye mar glog par byed cing dpung stobs che ba'i rnam par sdang ba rnams kyis bsgags pa yang/ /khyod kyi spro ba gsol btab dpa' bo gcig gis dgra bo'i sa gzhin na gyis 'thag par byed/ /sdig spyod rgyun chags las byung phol mig tshabs chen dag las rnag khrag rul pa zags pa yis/ /myags pa'i sha lpags dang 'brel rtsa sgo'i bu gar srog chags 'gul pas zos pas lus zad rnams/ khyed kyi zhabs la bsnyen pa'i sman mchog ri bu goms par bsten la rab tu dga' ba yis/ /sa le spram dang 'dra ba'i lus dang ldan zhing pad+ma dkar po ltar yangs mig can 'gyur/ /gang gi rna ba'i snod du bla ma rnams kyis nyer sbyar man ngag glang mo ma lhung zhing/ /thos pa'i nor dang/ bral bas mkhas pa'i 'tshogs sar lkugs pa nyid du khas len gad yin pa/ /de yang khyod la gus pa'i nus pas rgyan rnams kun gyi mdzes pa'i 'byor pa dang bcas pa'i/ /dag gi dbang phyug thob nas mi bdag mdun sar rgol pa'i seng+ge'i khri dag 'phrog par byed/ /sar nyal rdul gyis lus rgos rked pos 'doms bkris ras ral yan lag rnam par mngon 'gyur zhing/ /shig gi tshe dag rab gcod gzhan gyi khyim sgor rdza chag dum bur zas dag slong pa yang/ /khyod mnyes bgyis pas na chung mchog rnams kyis g.yabs pa yi rnga yab kyis 'dzum mdzes pa'i sa/ /glang chen myos pa'i chu yis gdong pa'i mche ba gtams shing gdugs gcig gyen du bteg pa 'dzin/ /skye bo bkren pa rnams kyis yum gcig zhabs 'bring dang ni so tshigs gzo yi spyod pa rnams/ /spong ba'i thabs kyis rnam grangs dag gis dub cing skye ba snga mar nyer blangs bsod nams kyis/ nyer bsags dge 'bras nor ma thob dang nor bral rnams kyis 'phya las 'da' bar mdzad khyod la/ /gsol ba btab pas phyi nas nor dus las gter ni gser tshogs 'byung ba thob par 'gyur/ /'tsho ba chad pas ngo tsha khyim thab gos zad ma yis sbyo bar byed cing bdag nyid ni/ /gso bar byed phyir gnyen 'dab bu dang gnyen pa shes rnams kyis rgyang ring spangs par gyur pa yis/ /khyod la rang gi sdug bsngal zhugs pas rang gi khyim thab bud med gdu bu'i sil sil sgras/ /gnyid log sad par 'gyur zhing rta? mig rtse mos mtshams brkos khang khyim rnams kyis bdag po byed/ /gal te khyod kyis bka' drin cha shas tsam zhig mchis na phyogs tshogs khyab pa'i 'khor lo dang/ /bud med mtshan brgyan 'og phag chen po g.yo dang glang chen don po mche ba drug pa dang/ /rta mchog spu ni kha dog sngo bsangs rma bya'i mgrin ltar 'tshor dang yon tan dri med nor bu ni/ /nyi ltar mdangs ldan 'od can khyim bdag mdzod khengs blon po rtul phod dmag ldan 'byung bar 'gyur/ /khyod kyis rig pa'i grub pa thob pas tsan dan chu yis dri zhim nor bu'i rdo steng du/ /snyu gu ma yis dus 'debs sdug pa dang rol rjes su chags pas bde ba'i nyer sbyar gsar/ gus par sbyar zhing lag spom mthon po ral gri'i 'od zer sngon pos dpung rgyan g.yo ba yi/ /rig 'dzin dbang po rang dgar gyur te mA la ya yi me tog skyid mos tshal du 'gro/ /nu ma'i than kong do shal gyis mnan mig dkyus ring pos rna ba'i autpal la 'gran zhing/ sgra bskyil manda ra bas brgyangs pas ze 'bru sang pa'i dri yis myos pa'i bur ba dang ldan pa'i/ /lha yi bu mo rkang gdu bar gas pa'i sil snyan 'og pag sgra yi rgyun gyi shin tu dpangs/ /bskyed cing 'dod dran dregs dga' khyod mgon ldan pa dag la/ gus dang bcas pas gsol ba 'debs/ /rdzing pu'i nang logs rin po ches spras gser gyi par mtsho ze 'bru rdo rje'i tshogs ldan zhing/ /yongs 'du'i ljon shing skye zhing me tog ze 'bru dri zhim rdul gyi bla re mthor bres te/ /lha yi grong khyer rangs ba gying lha mo pi wang gling bu sgrogs pa mkhas pas sil snyan ni/ /snyan par bsgrags pa'i dga' tshal lha mo khyod la mchod pa bgyis pas yun rings myong bar 'gyur/ /sems rgyud khyod la gtad pas bsod nams mthu 'bar rnams ni mdzes ma dag dang lhan cig tu ga bur e la li shi shing tsha a ka ru dang spang spos phye ma'i dri chu can/ /glong 'khor rba klod bud med sdug gu'i nu ma 'dod pa'i dregs pas 'bur ba'i skyibs 'khyil ba/ /dal 'bab gang+gA'i chu la chu rtsed chu ni drag tu 'thor bas rtsed mo byed par 'gyur/ /khyod kyi spyan ras mang du phog pas dag pa'i bka' la lha gci dul ba'i khur bu yis/ /cod pan 'dud pa rnams kyis phyag byas mtho ris steng na lha yi glang chen thal gong ni/ /khrol khrol rgyan gyis spung ba la zhon lus kyi bsdu shas cher langs pa'i bde sogs sogs/ /lag ring 'od li bar me bskyil cing char pa rdo rje dang 'brel lha yi yul las skyong/ /khyod sku gtsug gi rin chen rgyan gyis gang na bzhugs bde bar gshegs 'od mkha' khyab bla re can/ /nyi ma shar ka bye ba lta bur ches/ gsal 'od zer dag gis 'jig rten gsum 'gengs shing/ /zhabs gcig g.yas brkyang gom stabs chen po'i brjid la tshangs dbang khyab 'jug drag po rnams 'dud pa/ /bsgoms pas skye ba la brten rnams kyi srid pa'i 'jigs pa rgyun ni gcod par bgyid par 'gyur/ /la la khro ba dang bcas phyag tshogs phyag cha rnams kyi 'od zer dag dang 'brel pa yis/ /nam mkha' i khongs khyab sbrul gyi gdub bu'i gdengs ka dag gis spyod pa mi 'phrog mi bzad pa'i/ /sdab rnams skrag mdzad gang mo'i cang te'u drag po brdungs pas rlang bskyeng tshe na ro langs ni/ /thal mo'i sgra chen sgrogs pas bsgyings shing bsnyems pa'i rol pa chen po'i ca co drag par khums/ /la las ba spu'i khung re nas byung nam mkha' khyab pa'i sar gnas sa 'og mtho ris gnas/ /tshangs pa dbang po la sogs lha dang klu dang dri za mi dang grub pa rnams gnas shing/ /phyogs tshogs khyab pa'i 'od zer la bzhugs bde gshegs brgya phrag sprul pa mdza' yas kyis bkra dang/ /ngo mtshar khams gsum phyag 'os brtan dang g.yo bar gnas pa'i dngos po ma lus ngo bor khums/ /la las rgya skyegs li khri'i tshon 'dra nyi ma gzhon nu ches dmar lta ngur dmar bar khums/ /de bzhin gzhan gyi dpal ldan ain+d+ri snyal dum brtags pa'i phye ma 'thul 'drar sngon por khums/ /la las 'o ma'i rgya mtsho dkrugs dang zho bas chos lhag dkar dang gser 'od ltar khums te/ /khyod sku sna tshogs ngo bo shel bzhin nye bar gzhag pa dang 'brel dbye bas tha dad 'gyur/ /khyod kyi yon tan tshogs kyi grangs ni kun mkhyen ye shes sgron mas rab tu gsal ba yi/ /shes bya mdza' dag de nyid dbang gcig thams cad mkhyen pa dngos dang de sras kyis mkhyen te/ /bdag 'dra bya rog sgrog ltar kha gdangs ku co 'don gang lags te de ni mi bzad pa'i/ /sdug bsngal rims nang dag gis bskyed pa'i nad can sems kyi rgyud la bzhad gang rgyu zhig lags/ /bdag gi zhu ba gang lags de ni nang gi dang por khyod kyi khyad par du mkhyen cing/ /de bklags brjod pa'i ngal ba'i tshul ni mi mkhas rang sems tshim pa'i bye brag lags mod kyi/ /'on kyang sdug par don shes zin pa'i gnyen 'dun byams pa'i mdun du 'dug bzhin tshig dag gis/ /sdug bsngal phyung ste snying yang seng zhes byed la nyid du 'gyur nas rnal mar gnas tshor bzhin/ /dge legs kun dga' i rgya mtshor zla ba'i cha shas gsal ma khyod bstod chu yis yid dag par/ /bgyis pa bdag la tshim mdzad mthong ba stsol cig ye shes nyer bstan dag gis rgyas par mdzod/ /thugs rje shas ches nang gi mun sol gang phyir khyod kyi yon bstod pa tsam zhig kyang/ /don yod 'gro ba dag na skye dgu rnams kyi bde brtsegs gnas ni gcig pu lags par khums/ /khyod kyi yon tan tshogs kyi cha tsam bstod nas bdag gis 'di tsam zhes bya ma nges pa'i/ /bsod nams bkra shis 'dod pa'i 'bras bu mngar ba ro myang ma grol bar du longs spyod pa/ /gang thob de yis 'jig rten 'di ni 'phags pa 'jig rten dbang phyug zhabs mthil bkra shis kyi/ /bde legs rtags can bde gshegs sras po'i grong khyer bde ba can zhes bya der myur 'gro shog/ // rje btsun 'phags ma sgrol ma'i bstod pa me tog phreng ba 'dzin ba zhes bya ba slob dpon chen po thams cad mkhyen pa'i bshes gnyen zhes bya ba byang chub sems dpa' i spyod pa rtse gcig tu byed pas mdzad pa rdzogs so/ / //rgya gar gyi mkhan po ka na ka barmma dang/ /bod kyi lo tsa ba pa tshab nyi ma grags kyi bsgyur ba las/ slad kyis paN+Di ta chen po ma Ni ka shI dz+nyA na'i zhal snga nas/ /phyag lo tsa ba shAkya'i dge slong tshes rje dpal gyis cung zad bcos te dag par byas so// // rgya gar skad du/

CLOSE WINDOW