བོད་ཡིག

e-texts based on the ACIP/ALL Input

/ /*/ /rgya gar skad du/ tA re de bi ste traM e ka bI sha ti ka sA d+ha naM nA ma/ bod skad du/ lha mo sgrol ma'i bstong pa nyi shur tsa gcig pa'i sgrub thabs zhes bya ba/ rje btsun 'phags ma sgrol ma la phyag 'tshal lo/ /phyag 'tshal sgrol ma myur ma dpa' mo/ /spyan ni skad cig glog dang 'dra ma/ /'jig rten gsum mgon chu skyes zhal gyi/ /ge sar phye ba las ni byung ma/ /nge la dang por re zhig bcom ldan 'das ma sgrol ma nam mkha' i dkyil na pad+ma ser po'i steng na bzhugs pa sku mdog dmar mo me lta bu'i 'od 'phro ba can/ /zhal gcig la spyan gnyis ma phyag brgyad pa'o/ /phyag dang po gnyis sgrog bar bzhengs pa'i rab tu dga' ba'i phyag rgya dang ldan pa'o/ /de'i 'og ma gnyis kyis mda' dang gzhu gzhan la 'phen pa ni thugs khar bkang ba/ g.yas kyi gsum pa 'khor lo/ /bzhi pa na ral gri/ g.yon gyi gsum pa na mdung/ /bzhi pa na zhags pa bsnams pa/ /rgyan thams cad kyis brgyan pa'o/ /'phags ma sgrol ma myur zhing rab tu dpa' ba zhes bya ba'i sgrubs thabs le'u dang po rdzogs so/ / //phyag 'tshal ston ga'i zla ba kun tu/ /gang ba brgya ni brtsegs pa'i zhal ma/ /skar ma stong phrag tshogs pa rnams kyis/ /rab tu phye ba'i 'od rab 'bar ma/ /de la dang por re shig ston kha'i zla ba ltar dkar pa'i sgrol ma dkar mo zhal gsum/ /phyag bcu gnyis ma/ /zhal gsum ni g.yas sngo zhing g.yon ser pa'o/ /phyag dang po gnyis mnyam par gzhag pa g.yas gnyis kha tAM ga /gsum pa na 'khor lo/ /bzhi pa na rin po che/ /lnga pa na rdo rje/ drug pa na me tog gi phreng ba'o/ /g.yon gyi gnyis pa na ril ba spyi blugs gsum ba na aud+pa la/ bzhi pa na dril bu/ lnga pa na bum pa/ drug pa na po ti bsnams pa'i/ /'phags ma sgrol ma ston kha'i zla ba ltar dkar ba zhes bya ba'i sgrub thabs le'u gnyis pa rdzogs so// //phyag 'tshal ser sngo chu nas skyes kyi/ /pad+mas phyag ni rnam par brgyan ma/ /sbyin pa brtson 'grus dka' thub zhi ba/ /bzod pa bsam gtan spyod yul nying ma/ /rje btsun ma 'phags ma sgrol ma gser gyi mdog can/ /zhal gcig /phyag bcu ma/ sna tshogs pad+ma'i steng gi nyi ma la gnas ma/ phyag g.yas kyi dang po na phreng ba thugs khar 'dzin pa/ gnyis pa na ral gri/ gsum pa na mnga' 'phen par gzas pa/ bzhi pa na rdo rje/ lnga pa na dpyug gu'o/ /g.yon gyi dang po na dar spyangs/ /gnyis pa na zhags pa/ gsum pa na pad+ma/ bzhi pa na dril bu/ lnga pa na gzhu bsnams pa'o/ /de yang rdo rje skyil mo krung gis bzhugs pa'o/ /'phags ma sgrol ma gser mdog can gyi sgrub thabs zhes bya ba'i le'u gsum pa rdzogs// //phyag 'tshal de bzhin gshegs pa'i gtsug tor/ mdza' yas rnam par rgyal bar sbyong ma/ /ma lus pha rol phyin pa thob pa'i/ /rgyal ba'i sras kyis shin tu bsten b pad+ma ser po dang zla ba'i dkyil na sems dpa' i skyil mo krung gis brtan par bzhugs pa'i/ rje btsun ma gser gyi mdog can/ /gzhal gcig phyag bzhi ma/ /g.yas dang po mchog sbyin pa/ /gnyis pa na phreng ba/ g.yon dang po na ril ba spyi blugs/ gnyis pa na dbyug gu bsnams pa'o/ /'phags mo sgrol ma de bzhin gshegs pa'i gtsug tor rnams par rgyal ma/ /zhes bya ba'i sgrub thabs kyi le'u ste bzhi pa rdzogs so/ / //phyag 'tshal tu ta re hUM yi ges/ /'dod dang phyogs dang nam mkha' gang ma/ 'jig rten bdun bo zhabs kyis mnan te/ /lus pa med par 'gugs par nus me/ /rje btsun ma sku mdog ser mo/ /zla ba'i gdan la rdo rje skyil mo krung gis bzhugs pa/ /zhal gcig /phyag gnyis ma g.yas skyabs sbyin pa/ g.yon pad+ma ser po bsnams pa'o/ /'phags ma sgrol ma hUM gi sgra rab tu sgrogs ma zhes bya ba'i sgrubs thabs kyi le'u ste lnga pa rdzogs so/ / //phyag 'tshal brgya phyin me lha tshangs pa/ /rlung lha sna tshogs dbang phyug mchod ma/ /'byung bo ro langs dri za rnams dang/ /gnod sbyin tshogs kyis mdun nas bstod ma/ /rje btsun ma dmar mo/ /pad+ma dmar po dang/ nyis ma'i gdan la sems dpa' i skyil mo krung gis bzhugs pa/ zhal gcig /phyag bzhi ma/ g.yas kyi dang po rdo rje/ gnyis pa ral gri g.yon gyi dang po'i sdigs mdzub/ /gnyis pa zhags pa bsnams pa'o/ /'phags ma sgrol ma 'jig rten gsum las rnam par rgyal ma zhes bya ba'i sgrub thabs kyi le'u ste drug pa rdzogs so/ / //phyag 'tshal tud? ces bya dang phaT gyis/ /pha rol 'phrul 'khor rab tu 'joms ma/ /g.yas bskum g.yon brkyang zhabs kyis mnan te/ /me 'bar 'khrugs ma shin tu 'bar ma/ /rje btsun ma nag mo/ /pad+ma ser po/ /nyi ma'i dkyil 'khor la g.yon rkyang pas bzhugs pa/ na bza' ser mo man bas pa/ rin po che'i cod pan can/ rkang gdub la sogs pa dang ldan pa/ zhal gcig /phyag bzhi ma/ dbu ska gyen du brdzes shing sprul gyis brgyan pa/ g.yas dang po na 'khor lo/ /gnyis pa na ral gri/ g.yon dang po skyes gnas kyi steng na zhags pa bsnams pa/ /gnyis pa brkyang ste sdigs mdzud mdzad pa'o/ /'phags ma sgrol ma gzhan 'joms ma zhes bya ba'i sgrub thabs kyi le'u sto bdun ba rdzogs so// //phyag 'tshal tu re 'jigs pa chen po/ /bdud kyi dpa' bo rnam par 'joms ma/ /chu skyes zhal ni khro gnyer ldan mdzad/ /dgra bo thams cad ma lus gsod ma/ /rje btsun gser gyi mdog can zhal gcig /phyag bzhi ma/ pad+ma dmar po dang/ zla ba'i steng du chu srin la skyil mo krung byed pas bzhugs pa/ g.yas dang po na shing mya ngan med pa'i yal ga bzung / gnyis phan rin po che bsnams shing mchog gsol ba/ g.yon dang po na pad+ma/ gnyis pa na bum pa bsnams pa'o/ /'phags ma sgrol ma bdung thams cad 'joms shing dbang mchog ster bar byed pa zhes bya ba'i sgrub thabs kyi le'u ste brgyad pa rdzogs so// //phyag 'tshal dkon mchog gsum mtshon phyag rgya'o/ /so mos thugs khar rnam par brgyan ma/ /ma lus phyogs kyi 'khor los brgyan pa'i/ /rang gi 'od kyis tshogs rnams 'khrug ma/ rje btsun ma pad+ma sA ga'i mdog can pad+ma dmar po dang zla ba'i steng na bzhugs pa/ /zhal gcig/ phyag bzhi ma/ rgyan thams cad kyis brgyan ma/ /phyag dang po gnyis rab tu dga' bar bya ba'i phyag rgya ste/ dang po'i phyag rgya lta bu'o/ /g.yas gnyis pas gar byed pa/ g.yon gnyis pa shing mya ngan med pa'i ya ga 'dzin pa'i phyag gis sems can thams cad la rin po che'i char rgyun 'bebs par mdzad pa'o/ /'phags ma sgol ma mchog gsol ba zhes bya ba'i sgrub thabs kyi le'u ste dgu pa rdzogs so/ / //phyag 'tshal rab tu dga' bas brjid pa'i dbu rgyan 'od kyi phreng bas sbel ma/ /bzhad pa rab bzhad tu ta ra yis/ /bdud dang 'jig rten dbang du mdzad ma/ /rje btsun ma dmar mo/ /pad+ma dmar po dang zla ba'i gdan la rol pas bzhugs pa/ /zhal gcig/ phyag bzhi ma/ phyag dang pa gnyis spyi bor rab tu dga' pa'i phyag rgya bcings pa/ /g.yas gnyis pa na ral gri'i phyag rgya dang ldan pa/ g.yon gnyis pa na shing mya ngan med pa'i yal ga gzung ba'o/ /'phags ma sgrol ma mya ngan thams cad sel bar byed bzhes bya ba'i/ /sgrub thabs kyi le'u ste bcu ba rdzogs so// //phyag 'tshal sa gzhi skyong ba'i tshogs rnams/ /thams cad 'grub par nus ma nyid ma/ /kro gnyer g.yo ba'i yi ge hUM gis/ 'phongs pa thams cad rnam par sgrol ma/ /rje btsun ma mun pa'i mdog can nyi ma'i dkyil 'khor gyi steng na pad+ma la zhabs g.yas pa'i rol pas bzhugs/ /zhal gcig /phyag gnyis ma/ phyogs mtshams brgyad nas gza' brgyad g.yas na bsnams pa'i lcags kyus 'gugs pa/ phyag g.yon pas rol pa'i lcags kyu snams pa'o/ /'phags ma sgrol ma 'gro ba thams cad 'gugs shing phongs pa thams cad sel pa zhes bya ba'i sgrub thabs kyi le'u lte bcu gcig pa rdzogs// phyag 'tshal zla ba'i dum bus dbu brgyan/ /brgyan pa thams cad shin tu 'bar ma/ /ral pa'i khrod na 'od dpag med las/ /rtag par shin du 'ong ni mdzad ma/ /rje btsun ma gser gyi mdog can/ sna tshogs pad+ma'i steng na zla ba'i dkyil 'khor la rdo rje skyil mo krung gis bzhugs pa/ zhag gcig /phyag brgyad ma/ g.yas dang po na rtse gsum pa/ gnyis pa na lcags kyu/ gsum pa na rdo rje/ bzhi pa na ral gri/ g.yon dang po na rin po che thugs khar bsnams pa/ gnyis pas lcags kyu/ gsum pas dbyug gu /bzhi pas bum pa bsnams pa'o/ /'phags ma sgrol ma bkra shes thams cad sbyin pa zhes bya ba'i sgrub thabs kyi le'u ste bcu gnyis pa rdzogs so// //phyag 'tshal skal pa'i tha ma'i me ltar/ /'bar ba'i phreng ba'i dbus na gnas ma/ /g.yas brkyang g.yon bskum bas kun bskor dga' / /dgra yi dpung ni rnam par 'joms ma/ /rje btsun ma dmar mo/ /pad+ma dmar po'i steng du nyi ma'i dkyil 'khor 'od zer dang bcas pa la g.yas brkyang pas gnas pa/ zhag gcig/ phyag bzhi ma/ smin ma dang mchu gyen du rtsos bas ba lta ba/ g.yas dang po na ral gri/ gnyis pa nam par/ g.yon dang po na 'khor ro/ /gnyis pa na gzhu bsnams pa'o/ /'phags pa ma sgrol ma yongs su smin pa byed pa zhes bya ba'i sgrub thabs kyi le'u ste bcu gsum pa rdzogs so// phyag 'tshal sa gzhi'i ngos la phyag gi / mthil gyis bsnun cing zhabs kyis brdung ma/ /khro gnyer can mdzad yi ge hUM gis/ /rim pa bdun po rnams ni 'gems ma/ /rje btsun ma sku mdog nag mo/ nyi ma'i dkyil 'khor steng na pad+ma dmar ser la g.yas brkyang ba'i gar gyis yi dag mnan cing bzhugs pa/ zhal gsum la spyan gsum mnga' ba'i rtsa ba'i zhal nag mo/ g.yas dkar pa g.yon dmar ba/ phyag drug pa khro gnyer dang ldan zhing zhal dang smin ma bsdus pa can/ mi'i rgyu ma zhal du gsol zhing mgo bo'i cod pan can/ thod pa'i ngo shal dang ldan pa/ stag gi pags pa'i sham thabs man bas pa/ sbrul gyis brgyan pa/ phyogs dang mtshams bzhir myu gu 'dzin pa/ phyag g.yas dang po ral gri/ gnyis pa lcags kyu/ gsum pa dbyug gu / g.yon dang po khrag gis bkang ba'i thod pa/ gnyis pa zhags pa/ gsum pa na mgo bo bsnams pa'o/ /'phags ma sgrol ma 'gugs pa'i khro bo zhes bya ba'i sgrub thabs le'u bcu bzhi pa rdzogs so// //phyag 'tshal bde ma dge ma zhi ma/ /mya ngan 'das zhing spyod yul nyid ma/ /swAhA aoM dang yang dag ldan pas/ /sdig pa chen po 'joms pa nyid ma/ /rje btsun ma dkar mo/ zhal gcig /phyag drug ma/ pad+ma dkar pa'i steng na zla ba la rdo rje skyil krung gis bzhugs pa/ g.yas dang pos phreng ba thugs khar bsnyams pa/ gnyis pa mchog sbyin/ gsum pa dbyug gu/ g.yon dang po na pad+ma/ gnyis pa na ril pa spyi blugs/ gsum pa po ti Œbsnams pa'o/ /'phags ma sgrol ma zhi ba chen po zhes bya ba'i sgrub thabs le'u ste bcwa lnga pa rdzogs so/ / //phyag 'tshal kun nas bskor rab dga' ba'i/ /dgra'i lus ni rab tu 'gems ma/ /yi ge bcu pa'i sngags ni bskong pas/ /rig pa'i hUM las sgrol ma nyid ma/ /rje btsun ma dmar mo/ /zhal gcig spyan gsum ma/ phyag gnyis ma/ pad+ma dmar ser gyi steng na/ nyi ma'i dkyil 'khor la sems dpa' i skyil mo krung gis bzhugs pa/ g.yas thugs khar rtse gsum pa bsnams pa g.yon snying po dang bcas pa'i phyag rgya dang ldan pa'o/ /'phags ma sgrol mchags pa 'joms pa zhes bya ba'i sgrub thabs le'u bcu drug pa rdzogs so/ / //phyag 'tshal tu re zhabs ni brdabs pas/ /hUM gi rnam pa'i sa bon nyid ma/ /ri rab man d+ha ra dang 'bigs byed/ /'jig rten gsum rnams g.yo ba nying ma/ /rje btsun ma sku mdog dmar ser/ zhal gcig /phyag gnyis ma/ pad+ma dkar po'i steng na nyi ma'i dkyil 'khor la sems dpa' i skyil krung gis bzhugs pa/ /phyag gnyis kyis thugs khar zla ba'i dkyil 'khor bsnams pa'o/ /'phags ma sgrol ma bde ba thams cad sgrub pa zhes bya ba'i sgrub thabs le'u bcu bdun ba rdzogs so/ / //phyag 'tshal lha yi 'tsho yi rnam pa'i/ /ri dags rtags can phyag na bsnams ma/ /tar gnyis brjod phaT kyis yi ges/ /dug rnams ma lus par ni sel ma/ /rje btsun ma dkar mo/ /zhal gcig /phyag bzhi ma/ pad+ma dkar po dang zla ba'i gdan la dang pa'i steng na sems dpa' i skyil mo krung gis bzhugs pa/ phyag dang po gnyis dga' ba'i phyag rgya dang ldan pa/ g.yas gnyis pas mchog sbyin pa/ g.yon gnyis pa snying po dang bcas pa'i phyag rgya dang ldan pa'o/ /'phags ma sgrol ma rnam par rgyal ma zhes bya ba'i sgrub thabs le'u bco brgyad pa rdzogs so/ / //phyag 'tshal lha yi tshogs rnams rgyal po/ /lha dang mi 'am ci yis bsten ma/ /kun nas go cha dga' ba'i brjid kyis/ /rtsod dang rmi lam ngan pa sel ma/ rje btsun ma dkar mo/ /zhal gcig phyag gnyis ma/ pad+ma dkar po dang nye ma'i dkyil 'khor gyi steng na/ sems dpa' i skyil krung gis bzhugs pa/ 'od zer gyi phreng bas brgyan pa/ phyag gnyis kyis thugs khar me'i snod bsnams pa'o/ /'phags ma sgrol ma sdug bsngal thams cad sreg pa zhes bya ba'i sgrub thabs le'u bcu dgu pa rdzogs so/ / //phyag 'tshal nyi ma zla ba rgyas pa'i/ /spyan gnyis po las 'od rab gsal ma/ /ha ra gnyis brjod tu tA ra yis/ /shin tu drag po'i rims ni sel ma/ /rje btsun ma dmar ser/ zhal gcig /phyag gnyis ma/ /pad+ma dmar po dang zla ba'i dkyil 'khor gyi steng na/ sems dpa' i skyil krung gis bzhugs pa/ phyag gnyis kyis gser gyi mdog can gyi dum pa bsnams pa'o/ /'phags ma sgrol ma dngos grub thams cad 'byung ba zhes bya ba'i sgrub thabs le'u nyi shu brdzogs so// //phyag 'tshal de nyid gsum rnams bkod pas/ /zhi ba'i mthu dang yang dag ldan ma/ /gdon dang ro langs gnod sbyin tshogs rnams/ /'jems pa tu re rab mchog nyid ma/ /rje btsun ma dkar mo/ zhal gcig spyan gsum pa/ phyag gnyis pa/ khyu mchog gi steng na pad+ma dang zla ba'i dkyil 'khor la/ skyil krung phyed pas bzhugs pa/ stag gi sham thabs bnoms? pa/ /g.yas phreng ba/ g.yon mdung rtse gsum pa bsnams pa'o/ /'phags ma yongs su rdzogs par byed pa zhes bya ba'i sgrub thabs le'u nyi shu rtsa gcig pa rdzogs so// //'phags ma sgrol ma'i bstod pa nyi shu rtsa gcig pa'i sgrub thabs zhes bya ba/ kha che'i paN Di ta slob dpon nyi ma sbas pas mdzad pa rdzogs so// //paN Di many+dzau sh+rI dang/ bod kyi lo tsa ba mal gyo blo gros grags pas bsgyur cing zhus te/ btan la phab pa'o// // */ /sgrol ma nyi bu rtsa gcig pa'i yan 'gad? bcas da mdor bsdus pa bzhugs so/

CLOSE WINDOW