བོད་ཡིག

e-texts based on the ACIP/ALL Input

sgrol ma'i sgrub thabs bzhugs/ / rgya gar skad du/ tA ra sA d+ha naM/ bod skad du/ sgrol ma'i sgrub thabs/ rje btsun ma sgrol ma la phyag 'tshal lo/ /'khor ba'i sems can thams cad kyi/ /sdug bsngal thams cad spangs nas ni/ /mya ngan 'das pa rab ster ba/ / chu las skam sar 'don pa bzhin/ /rje btsun ma la phyag 'tshal nas/ /sgrub pa'i thabs ni bri bar bya/ /sgrub pa'i thabs ni gzhan rnams las/ /'di ni mchog tu gyur pa yin/ /yid dang rjes su mthun pa'i gnas su khrus byas la stan bde ba la 'dug ste/ skad cig gis bdag nyid rje btsun mar bskyed la/ de'i thugs kar sna tshogs pad+ma dang zla ba'i steng du tAM ljang gu bsam/ tAM las 'od zer phyogs bcur 'phros pas sangs rgyas dang byang chub sems dpa' rnams dang/ bla ma dang rje btsun ma spyan drangs la phyag 'tshal ba dang/ aoM badzra puShpe Adang/ sdig pa bshags pa dang/ bsod nams la rjes su yi rang ba dang/ chos kyi 'khor lo bskor bar bskul ba dang/ mya ngan las mi 'da' bar bzhugs su gsol ba dang/ gsum la skyabs su 'gro ba dang/ sems bskyed pa dang/ dge ba'i rtsa ba bsngo bar bya'o/ / de nas byams pa dang/ snying rje dang/ dga' ba dang/ btang snyoms tshad med pa bzhi bsgom par bya'o/ /de'i rjes la aoM shU n+ya tA dz+nyA na badzra swa b+hA ba At+ma ko haM zhes brjod la stong pa'i ngang las paM dmar po cig bsam/ de yongs su gyur pa las sna tshogs pad+ma/ de'i steng du a dkar po yongs su gyur pa las zla ba'i dkyil 'khor/ de'i steng du tAM ljang gu cig bsam/ de las 'od zer phyogs bcur 'phros pas sangs rgyas dang byang chub sems dpa' thams cad spyan drangs nas tAM la tshur thim pas thig le dkar po cig tu gyur/ thig le de gyur pa las autpa la sngon po'o/ /de'i steng du a dkar po cig bsam/ de yongs su gyur pa las zla ba'i dkyil 'khor cig bsam/ de'i steng du tAM ljang gu cig bsam/ tAM las 'od 'phros pas sems can gyi don byas sems can thams cad sgrol ma'i rang bzhin du gyur te/ /'od zer tshur 'dus te tAM la thim pas autpal dang/ pad+ma'i dkyil 'khor dang/ tAM yongs su gyur pa las bdag nyid rje btsun sgrol ma sku mdog ljang gu zhal gcig phyag gnyis ma phyag g.yas pa mchog sbyin g.yon pa autpa la bsnams pa/ zhabs g.yas brkyang g.yon bskum du bzhugs pa/ rgyan thams cad kyis brgyan pa/ lo bcu drug lon pa lta bur bsgom par bya'o/ /de nas phyogs bzhi'i pad+ma 'dab ma bzhi la a dkar po bzhi yongs su gyur pa las zla ba'i dkyil 'khor bzhi bsam/ de nas bdag nyid kyi lte ba nas 'od zer bzhi 'phros pa las shar du dkar po/ lhor ser po nub tu dmar po/ byang du nag po/ de bzhi yongs su gyur pa las yi ge bzhi ru gyur te/ shar du aoM dkar po/ lho ru tA ser po/ nub tu re dmar po/ byang du tu nag po/ de rnams yongs su gyur pa las shar du pad+ma dkar po/ lho ru mya ngan med pa'i shing ser po/ nub tu pad+ma dmar po/ byang du gri gug nag po/ phyag mtshan de bzhi'i steng du a dkar po bzhi yongs su gyur pa las zla ba'i dkyil 'khor bzhi'i steng du shar du aoM dkar po/ lho ru tA ser po/ nub tu re dmar po/ byang du tu nag po/ phyag mtshan dang zla ba'i sa bon yongs su gyur ba las/ shar du so sor 'brang ma sku mdog dkar mo zhal gcig ma phyag gnyis ma/ spyan gsum ma/ skyil krungs dang bcas pa/ phyag g.yas nor bu rin po che/ g.yon pa na pad+ma dkar po'i steng na rin po che'i bum pa ser po bsnams pa'o/ /lho phyogs su 'od zer can sku mdog ser mo zhal gcig phyag gnyis ma spyan gsum ma skyil krungs dang bcas pa phyag g.yas na rdo rje bsnams pa/ g.yon pa na mya ngan med pa'i shing ser po'o/ /nub phyogs su phag mo sku mdog dmar mo zhal gcig phyag gnyis ma/ phag gi gdong pa can/ spyan gsum pa skyil krung dang bcas pa/ phyag g.yas na pad+ma dmar po/ g.yon mnyam par gzhag pa'o/ /byang phyogs su ral pa gcig ma sku mdog nag mo khro mo'i zhal can/ zhal gcig phyag gnyis ma/ spyan gsum ma/ phyag g.yas pa na gri gug bsnams pa/ g.yon pan thod pa khrag gi bkang ba bsnams pa/ stag gi lpags pa'i sham thabs can/ skyil krung du bzhugs pa'o/ /de nas gtso mo'i thugs ka nas sna tshogs pad+ma'i steng na zla ba'i dkyil 'khor/ de'i steng na tAM ljang gu de las 'od zer 'phros pas ye shes kyi lha lnga'i bdag nyid spyan drangs nas mdun du byon pa la mchod pa dbul bar bya ste arg+haM dbul ba ni/ aoM AswAhA/ aoM A'khor gyi hUM ljang gu las 'od zer 'phros te phyogs bcu'i sangs rgyas dang byang chub sems dpa' thams cad spyan drangs nas/ de rnams kyi phyag na rin po che'i bum pa bdud rtsis bkang ba thogs nas byon pa la snga ma ltar mchod par dbul bar bya'o/ a b+hi Shi ny+tsa tu mAM sarba ta thA ga tA zhes brjod pas bdud rtsi'i bum pa chus bkang bas dbang bskur bar bsams la rigs kyi bdag pos dbu brgyan pa ni gtso mo'i spyi bor don yong grub pa'o/ /so sor 'brang ma la ni rnam par snang mdzad do/ / 'od zer can ma la ni rin chen 'byung ldan no/ /phag mo la snang ba mdza' yas so/ /ral gcig ma la mi bskyod pas dbu brgyan no/ /de nas sku gsung thugs byin gyis brlab pa ni spyi bor zla ba'i dkyil 'khor gyi steng du aoM dkar po mgrin par pad+ma dmar po'i steng du Akar nyi ma'i dkyil 'khor gyi steng du hUM nag po/ de nas gtso mo nyid la byin gyis brlab par bya'o/ /'khor la ni mi dgos so/ /de nas gnas rnam pa brgyad du phyag rgya bcing bar bya ste/ gnas brgyad na zla pa'i dkyil 'khor brgyad yod pa'o/ /de'i steng na yi ge brgyad yod pa ni kha dog dkar po lag pa gnyis khu tshur bcings te/ mthe bo gnyis mdzub mo'i steng du gzhag la spyi bor te aoM swAhA zhes brjod pa ni spyi bo'i phyag rgya'o/ /khu tshur gnyis bcings te mdzub mo gnyis rang bzhin du bkug ste rtse mo gnyis phrad mthe bong gnyis gung mo'i rgyab du brkyang la dpral bar gtugs te tA swAhA zhes brjod pa ni dpral ba'i phyag rgya'o/ /thal mo khong stong du byas la mthe bong gnyis nang du bkug ste mig gnyis su gtug cing re swAhA/ zhes brjod pa ni mig gi phyag rgya'o/ /khu tshur gnyis bcangs te mdzub mo gnyis rang bzhin du bkug ste rtse mo gnyis sprad mthe bong gung mo'i steng du brkyang la mgrin par gtugs te tu swAhA zhes brjod pa ni mgin? pa'i phyag rgya'o/ /khu tshur bcings te mthe bong gnyis dang mdzub mo gnyis bskyed la dpung pa gnyis kyi steng du gtugs te tA swAhA zhes bya ba ni dpung pa'i phyag rgya'o/ /thal mo spyar la mthe bong gnyis bslang ste bskyed la snying kar gtuT te re swAhA zhes bya ba ni snying ga'i phyag rgya'o/ /khu tshur gnyis bcings te mthe bong gnyis dang mthe'u chung gnyis brkyang ste gung mo gnyis rtse sprad pa bkug ste lte bar gtugs te tu swAhA/ zhes bya ba ni lte ba'i phyag rgya'o/ / khu tshur gnyis bcings te mthe bong gnyis mdzub mo'i steng du brkyang la gung mo gnyis rang sor brkyang ste rtse mo gnyis sprad la bag cem bskum ste/ gsang ba'i gnas su gtugs la re swAhA/ zhes bya ba ni gsang pa'i phyag rgya'o/ /phyag rgya bcings pa'i dgos pa ni dam tshig bsrung bar 'gyur ba dang/ lus ngag yid gsum dge ba la brtan par 'gyur ba dang/ kun rdzob dang don dam pa'i chos thams cad sems la brten pa nyid du 'dzin pa'o/ /yang dgongs pa gnyis te 'jig rten dang 'jig rten las 'das pa'i dngos grub thams cad 'byung bar 'gyur ba dang/ bdag la bdud la sogs pa'i bar chad thams cad kyis mi tshugs par 'gyur ba'i dgos pa'o/ /de nas bdag gis snying gar sna tshogs pang zla'i steng du tAM ljang gu las 'od zer 'phros pas sems can thams cad la phog ste sems can thams cad rje btsun ma'i gzugs su byas pas sems can thams cad nyon mongs pa lnga dag par byas so/ /de nas tshur 'dus te tAM la thim par 'gyur ro/ /de ltar spro pa dang bsdu bar bya'o/ /skyon bzlas pa bya ste thugs ka'i zla ba'i dkyil 'khor gyi steng na tAM ljang gu la yi ge bcu yis g.yas bskor du bskor te mar me'i phreng ba lta bur bzlas par bya'o/ /aoM tA re tut+tA re tu re swAhA/ zhes brjod par bya'o/ /der yang mgyogs pa ma yin/ bul ba ma yin par te sngags bzlas pa'i lugs gsum ste rang gis thos la gzhan gyis mi thos pa dang/ rang gzhan gnyis kas thos pa dang/ ngag ma yin pa'i sems kyis bzlas pa dang gsum mo/ /dang po'i dgos pa ni zhi ba dang rkas pa dang dgug pa 'grub bar 'gyur ro/ /gnyis pas ni mngon sbyod 'grub par 'gyur ro/ /gsum pas ni phyag rgya chen po'i dngos grub thob par 'gyur ro/ /bsnyen pa'i grangs ni bye ba phrag gcig go /las la sbyor ba'i dus su gtso mo'i sku mdog sgyur gyi 'khor gyi ma sgyur ro/ /de yang zhi bal aoM tA re tut+tA re tu re swAhA/ ma mA shAM tI ku ru swA hA/ zhes brjod par bya'o/ /rgyas pa yin aoM tA re tut+tA re tu re gaaur?Ta mam pu'i ku ru brjod par bya'o/ /dgra gogs por bya ba la ni/ aoM tA re tu t+tA re tu re ba ShaT a mu ki pa shiM ku ru ba ShaT zhes de cod par bya'o/ /dgug pa la ni aoM tA re tu t+tA re tu re dz+nyo na a mu ka A karSha ya dza/ zhes brjod par bya'o/ /bskad pa la ni aoM tA re tut+tA re tu re phu a mu ka au ca Ta ya phu zhes brjod par bya'o/ /bcings la dgra lus bcing ba ni/ aoM tA re tu t+tA ra tu re a mu ka staM b+ha ya laM/ zhes brjod par bya'o/ /ngag bcing ba ni aoM tA re tu t+tA re tu re swAhA laM a mu ka sha wA tsa staM b+ha ya laM zhes brjod par bya'o/ /dgra rang gi gnas su bcing ba ni/ aoM tA re tu t+tA re tu re swAhA loM A karSha a ka ma ma staM b+ha ya loM zhes brjod par bya'o/ /bsad pa la ni aoM tA re tut+tA re tuM re swAhA hUM phaT a mu kaM mA nga ya hUM phaT ces brjod par bya'o/ /de nas gtor ma gtang bar bya ste mdun du a dkar po yongs su gyur pa las zla ba'i dkyil 'khor gyi steng du gtor ma'i snong dngul las byas par mas par bya'o/ /de'i nang du a dkar po yongs su gyud pa las zla ba'i dkyil 'khor/ de'i steng du aoM dkar po las 'od zer 'phros pas ye shes kyi bdud rtsi bkug ste aoM dang zla ba la babs pas de rnams zhu bas 'o ma lta bur gyur to/ /de nas aoM Al am sarba d+ha rmA trAM A dya nu tpa n+na twA ta aoM Arnam par dag pa bshed par bya'o/ /gtso mo'i zhal gcig tu bya ba ni chos thams cad ye shes gcig tu rtogs pa'o/ /sku mdog ljang gu byung ba ni las sna tshogs la dbang ba'o/ /phyag gnyis su byung ba ni g.yas pa kun rdzob g.yon pa don dam bden/ gnyis rtogs pa'o/ /zhabs g.yas brkyang ba ni bdud la sogs pa'i skyon thams cad spangs pa'o/ /g.yon bskum pa ni yon tan thams cad rdzogs pa'o/ /rgyan thams cad kyis brgyan pa ni tshogs yongs su rdzogs pa ste/ gtso 'khor mthun pa'o/ / phyag g.yas pa mchog sbyin pa ni sbyin pa'i pha rol tu phyin pa yongs su rdzogs pa'o/ /g.yon pa skyabs sbyin pa ni sems can thams cad 'jigs pa las skyob ba'o/ /autpa la bsnams pa ni sems can thams cad dga' bar byed pa'o/ /lo bcu drug lon pa lta bu ni sems can thams cad kyi don bsgrub pa'i nus pa'i dang ldan pa'o/ /zla ba'i dkyil 'khor gyi gdan ni shes rab dang ldan pa'o/ /sna tshogs pad+ma'i gdan ni snying rje'i rang bzhin dang ldan pa'o/ /rigs ni don yod grub pa'i rigs so/ /phung po ni rnam par shes pa'i phung po'o/ /ye shes ni chos kyis rnam par dag pa'i ye shes so/ /so sor 'brang ma'i sku mdog dkar mo ni chos thams cad dri ma med pa dang ldan pa'o/ /zhal gcig phyag gnyis su byung ba gtso mo dang mthun no/ /spyan gsum ni dus gsum mkhyen pa'o/ /phyag g.yas pa rin po che ni sems can thams cad kyi dgos 'dod kyi re ba skong ba'o/ /phyag g.yon pI pad+ma dkar po ni chos thams cad skyon dang bral ba'i rtags so/ /de'i steng na rin po che'i bum pa ser po yod pa ni chos thams cad la rin po cher 'dzin pa'o/ /phung po ni gzugs kyi phung po'o/ /ye shes ni me long lta bu'i ye shes so/ /rigs ni rnam par snang mdzad kyi rigs so/ /'od zer gyi sku mdog ser mo ni sems can thams cad kyi don rgyas par byed pa'o/ /zhal gcig phyag gnyis ni gtso mo dang mthun no/ /phyag g.yas kyi rdo rje'i ra 'og ma lnga ni yud po lnga dag pa'o/ / steng gi ra lnga ni rgyal ba rigs lnga dang ldan no/ /g.yon pa'i mya ngan med pa'i shing ni sems can thams cad duphag mo/ /nal gcig phyag gnyis ni gtso mo dang mthun/ /sku mdog dmar mo sems can thams cad la snying rje dang ldan pa'o/ /phag gi gdong pa ni bdud thams cad 'dul pa'o/ /phyag g.yas kyi pad+ma dmar po ni chos thams cad rin po che pad+ma rA ga lta bur rtogs pa'o/ /g.yon mnyam gzhag ni chos thams cad mnyam pa nyid du rtogs pa'o/ /phung po ni 'du shes kyi phung po rnam par dag pa'o/ /ye shes ni so sor rtog pa'i ye shes so/ /rigs ni snang ba mdza' yas kyi rigs so/ /ral pa gcig ma'i zhal gcig phyag gnyis ni gtso mo dang mthun pa'o/ /khro mo'i zhal ni bdud 'dul pa'i rtags so/ /phyag g.yas kyi gri gug ni nyon mongs pa gcod pa'i rtags so/ /phyag g.yon pa'i thod pa ni rnam rtog thams cad spangs pa'i rtags so/ /sku mdog nag mo ni byams pa chen po'i rtags so/ /stag gi lpags pa'i sham thabs ni 'khor ba khrug chol gyi rang bzhin kun rdzob kyi bden pa rtogs pa'o/ /phung po ni 'du byed kyi phung po rnam par dag pa'o/ /ye shes ni bya ba nan tan gyi ye shes so/ /rigs ni mi bskyong ba'i rigs so/ /'khor bzhi ka skyil krung du byung ba ni gzhan gyi don la shin tu brtan pa'o/ /mtshams kyi pad+ma bzhi la autpal bzhi byung ba ne spyan ma/ mA ma kI gos dkar mo/ /sgrol ma ste lha mo bzhi'o/ /'byung ba bzhi rnam par dag pa'o/ /tshad med pa bzhi'i ngo po'o/ /lha'i bdag nyid ni rgyal ba rigs lnga'i sprul pa nyon mongs pa lnga spangs pa ste gtso mo phrag dog spangs pa'o/ /so sor 'brang ma gti mug spangs pa'o/ /'od zer can nga rgyal sdangs pa'o/ /phag mo chags pa spangs pa'o/ /ral gcig ma zhe sdang spangs pa'o/ /de ni bskyed pa'i rim pa ste sprul pa'o/ /stong pa nyi du mos nas rdzogs pa'i rim pa bsgom pa ni longs spyod rdzogs pa'i sku de yang ni bdag gi snying kar sna tshogs pad+ma dang zla ba'i dkyil 'khor gyi steng gi tAM ljang gu las 'od zer dkar po rnam snang gi rang bzhin du gtso bo'i lte ba ras byung bas so sor 'brang ma spyan brangs nas bdag gis dbral bar thim mo/ /yang lte ba nas 'od zer dmar po 'od dang dpag med kyi rang bzhin du byung bas phag mo spyan drangs nas gtso bo'i mgrin par thim mo/ /yang lte ba nas 'od zer nag po mi bskyod pa'i rang bzhin du byung bas ral gcig ma gtso bo'i thugs kar thim mo/ /yang lte ba nas 'od zer rin chen 'byung ldan gyi rang bzhin du byung bas 'od zer can gtso bo'i lte bar thim mo/ /de nas gtso mo nying pad+ma dang zla ba dang tAM gyi ngo bor gyur to/ /pad+ma yang zla ba la thim/ zla ba tAM la thim/ zla tshes thig le la thim/ thig le bin du la thim/ /bin du dmar po khab kyi rtse mo lta bur gyur to/ /de ni chos kyi sku'o/ /nge nas rnam par rtog pa med par nyal par bya'o/ /de nas nang par sngar ldang ba'i dus su/ nA da nge thig ler song/ de tAM du song/ de yongs su gyur pa las bdag nyid gtso bo nyid kyis skad cig gis bskyed nas/ de'i thugs ka nas sna tshogs pad+ma dang zla ba'i dkyil 'khor gyi tOM las 'ong 'phros pas ye shes kyi 'khor lo spyan drangs la bsod nams kyi tshogs sog pa la sogs pa snga ma ltar bya'o/ /rje btsun sgrol mi sgrub thabs zhes bya ba/ sgrol ma rgya mtsho'i rgyud nas phyung ba 'phags pa klu sgrub kyis mdzad pa rdzogs so// //rgya gar gyi paN+Di ta chen po d+ha rmA badzra dang/ bod kyi rdo lo tsa ba dge slong dar ma rin chen gyis bsgyur pa'o/ //chos 'khor 'jo 'jo'i gtsug lag khang du dge ba'i bshes gnyen chen po chos kyi blo gros kyis yon bdag mdzad pa'o/ / //rje btsun ma 'phags ma sgrol ma la phyag 'tshal lo/ /sgrol ma las kyi sbyor ba'i yis/ /bsrung ba'i cho ga bya ba ni/ /bde ba'i stan la 'dug nas ni/ /rang gi snying khar sa bon bsam/

CLOSE WINDOW