བོད་ཡིག

e-texts based on the ACIP/ALL Input

/) // */ /rgya gar skad du/ bud+d+ha ka pA la tan+t+ra ta btra? pany+dzi tsin+d+ra ka nA ma/ bod skad du/ sangs rgyas thod pa'i rgyud kyi dka' 'grel de kho na nyid kyi zla ba zhes bya ba// sangs rgyas la phyag 'tshal lo/ / dngos po kun gyi rang bzhin te/ lhan cig skyes pa'i rang bzhin dang/ tshig dang bral ba sgra brnyan 'dra/ /rdo rje sems dpa' de la 'dud/ /shin tu zab pa'i rang bzhin can/ /sangs rgyas thod pa'i rgyud kyi ni/ /kun nas bsdus pa'i tshig rnams kyis/ /ji ltar dran pa rnam par bshad/ /'di skad bdag gis zhes bya ba la sogs pa la bdag gis thos pa ni bdag gis 'di skad thos pa ste/ dkyil 'khor chen po 'dus pa'i dus su bcom ldan 'das kyis bshad pa phyag na rdo rjes thod pa la bya'o/ /dus ji tsam zhes na/ dus gcig tu ste/ dus zhes bya ba ni dus tshod do/ /dus gcig ces bya ba ni/ bsam gyis mi khyab pa'i dus te/ gang gi dus na bdag gis yid bsam pa gzhan dag du yangs par ma gyur pas so zhes bya ba'i don to/ /dus zhes bya ba ni 'khor ba na rnam pa gsum yin te bde ba'i dus dang/ sdug bsngal ba'i dus dang/ bsam du med pa'i dus so/ /de lus rab tu sdug bsngal bar mngon du gyur pa'i gnas skabs na gang cung zhig thos shing go ba de phyis ji bzhin pa de dran par 'gyur na ma yin pa de kho na ste yid sdug bsngal bar mngon du gyur pa'i phyir na'o/ /yid shin tu bde bar tshogs pa mngon du gyur pa'i gnas skabs de'i tshe yang shes pa gzhan dag ji ltar dran par 'gyur ba yin te ma yin no/ /de'i phyir na de dag gnyis po'i gnas skabs dang/ gang rnam par bral ba'i skad cig ma de ma thag pa'i gzhan pa de nyid la ji lta ba'i rtogs pa'i dran pa skye ba'o/ /de nyid dus gcig ces pa bsam pa gnyis po dag med pa'i dus te/ don kyi dngos po thams cad du 'gro ba'i sems dang/ rnam par bral ba'i sdud pa po bdag gis bcom ldan 'das kyis gsungs pa gang yin pa de'i rang bzhin 'di skad du bdag smra'o/ /zhes sdud par byed pa'i dgongs pa'o/ /'o na sems bsam pa thams cad dang rnam par bral ba'i dus gang zhig ce na/ thos pa la sogs pa'i mtshan nyid yang dag par rig par gyur pa de ma 'ongs pa'i dus na dran pa skye ba'i gnas skabs su ji ltar 'gyur/ ji srid du dran pa zhes bya ba ni bsam pa'i chos yin pas bsam pa med pa'i dran pa skye? bar srid pa ma yin no/ /de'i phyir na dus gcig na zhes pa bsam gyis mi khyab pa'i dus su ji ltar 'thad ce na/ 'di la brjod par bya ste bsam gyis mi khyab pa zhes bya ba ni 'jig rten pa'i la bzung bar bya bas dus gang zhig tu nges par rab tu gnas pa'i dngos po la yid 'du byed pa las ma gtogs pa'i gzhan tshig dang don rnams la bsam pa med pa yin no/ /de ltar dngos po'i don rnams des pa gang yin pa la yid nan tan du gyur pa gang na/ dngos po'i don mang po rnams su gnas gang gi tshe yid der gnas par gyur pa de'i tshe dngos po gcig pur ji ltar gyur pa'i yang dag par rig cing dran pa skye ba ma yin no/ /de'i phyir na bsam gyis mi khyab pa'i dus ni nges pa'i dngos po nges par yongs su 'dzin pa'i dus kyi yid la gzung gi bsam gyis mi khyab pa don dam pa la dgongs pa ni ma yin te/ gang de'i dus na ni gzung ba dang 'dzin pa la sogs par rig pa thams cad rab tu zhig pa dang/ de la rang dang gzhan du yang dag par rig pa dang rab tu bral ba'i phyir na dran pa la sogs pa yang dag par 'byung bar 'gyur ba ji lta bu zhig / de bzhin gshegs pa thams cad ces bya ba la sogs pa ni de bzhin gshegs pa thams cad kyi sku dang/ gsung dang thugs kyi rang bzhin gyi yi ge laM gi dkyil 'khor chen po'i dbus zhes pa 'byung ba chen po'i dkyil 'khor gyi dbus su bcom ldan 'das bzhugs te/ 'di dag bshad pa yin no/ /de bzhin gshegs pa thams cad ces bya ba la sogs pa ni de dag dang lhan cig sdud pa po bdag gis mngon sum du thos pa de brjod par byas na/ de dag dang lhan cig pa'i dus su ci yang rung ba 'ga' zhig brjod pa na 'jig rten pa rnams bden pa dang yid ces pa yin no/ /des na de'i 'khor na de bzhin gshegs pa thams cad bzhugs pa dang de bzhin du mA ma kI la sogs pa'i rdo rje rnal 'byor ma rnams kyang bzhugs shing de bzhin du 'phags pa kun dga' bo la sogs pa de dag dkyil 'khor na bzhugs pa yin no/ /de la 'phags pa zhes bya ba sdig pa las 'phags pas na 'phags pa ste/ sdig pa mi dge ba rnams tshar bcad de/ /ces pa ji srid pa'o/ /de bzhin du byang chub sems dpa' 'jig rten dbang phyug la sogs pa byang chub sems dpa' i 'khor bye ba phrag brgyad cu dang/ thabs gcig tu bzhugs pa na/ /de la sangs rgyas bcom ldan 'das kyis chos kyi de kho na nyid ces bya ba 'di skad du bshad pa de dag gi sems rtse gcig pas rtogs par byas pa de dag nyid bdag gis brjod par bya'o zhes pa'o/ /byang chub sems dpa' zhes bya ba ni byang chub la gang gi sems sems pa de gang yin pa 'di ni byang chub sems dpa' o zhes bya'o/ /de nas bcom ldan 'das kyis gzhan yang chos kyi de kho na nyid dus ji tsam zhig tu bka' stsal pa de brjod pa/ /de nas zhes bya ba la sogs pa gsungs te/ de nas zhes bya ba ni de ma thag par ro/ /bcom ldan 'das ni 'bras bu'i rdo rje 'dzin pa chen po'o/ /rdo rje'i go 'phang chen pos shes par bya ba ni rol rtsed mdzad pa'o/ /bshad pas zhes bya ba ni de lta bur ro/ /gang lta bur zhe na/ btsun mo'i b+ha gar yongs su zhu bar gyur to zhes bya ba'i don 'di'o/ /de bzhin gshegs pa thams cad kyi sku dang/ gsung dang thugs rdo rje btsun mo'i b+ha gar mchog tu bde pa'i go 'phang la gnas pa na bcom ldan 'das der bzhugs pa zhes bya'o/ /b+ha ga la zhes bya ba ni nyon mongs pa'i bag chags thams cad yongs su 'joms pa'i gnas yin pas na'o/ /mchog tu dga' ba'i ro khong du chung par byed pa'i phyir na de bzhin gshegs pa rnams nyid btsun mo'i rang bzhin du gnas pa yin no/ /yul gyi bag chags kyis sems can rnams kyi sems yongs su nyon mongs par gnas pa dag rjes su bzung ba'i don du/ gsang sngags kyi tshul 'di dag bcom ldan 'das kyis khyad par du yang bstan pa yin no/ /de'i phyir na btsun mo'i b+ha ga'i ngo bor rnam par 'phrul par mdzad pa ni/ 'dod chags chen po'i rjes su zhugs pa nyid kyis yul la chags pas bsregs pa'i sems can de rnams yang dag par gdon par bya ba'i phyir 'di nyid mchog tu bstan to zhes bya'o/ /de'i phyir na yul de rnams kyi mchog gi de kho na nyid kyi ye shes bskyed pa la byang chub sems dpa' rnams kyis 'jig par mi bya ste/ de rnams la mos pa dang bral ba ni/ dge ba ma yin pa'i phyir dang/ de rnams de bzhin gshegs pa'i rang bzhin mchog tu rnam par dag pa nyid kyi phyir na'o/ /de'i phyir na gang gi yul rnams rang bzhin nyid kyis rjes su 'brel ba'i sems can rnams la de nyid kyi chos ston par/ bcom ldan 'das kyang thugs rje chen po rab tu 'jug go /yang na yul rnams nyid ni 'khor ba'i rgyud nyid yin no/ /de'i phyir na/ 'di rnams kyi de kho na nyid rang bzhin gyi ro yongs su shes na yang de yod pa'i shes pa'i phyir na/ de mya ngan las 'das pa'i yang rgyu yin no/ /de'i phyir na yang/ de rnams kyi rang bzhin ji lta bar nyams su myong bar byas na zhes so/ /de skad du yang srid pa nyid ni yongs shes na/ mya ngan las 'das pa zhes byar brjod ces so/ /gang dang gang nyid bcings par 'byung ba/ de dang de yang bde ba chen por 'byung ba ste/ dper na me yis tshig pa la me la bsros pa nyid sman gyi mchog yin gyi gzhan ni ma yin no/ /de bzhin du yul rnams brten pas tshig pa'i sems can 'di rnams kyang yul rnams la/ ro myang ba bor nas byang chub chen po la rab tu gnas par nus pa yin no/ /de nyid kyis na btsun mo b+ha ga la mchog tu mya ngan las 'das par gyur bcom ldan 'das chos ston par mdzad pa yin no/ /de bzhin gshegs pa thams cad kyi gtso bo la zhes bya ba ni de bzhin gshegs pa thams cad pa'i bcom ldan 'das la blta ba ste/ gang zhig bdun pa yin pa de bzhin na yang drug pa nyid du blta ba yin te/ drug pa dang bdun pa dag pa ni gnas skabs 'gar/ dbyer med pa yin pas so/ /yongs su zhu ba'i rgyu gsungs pa/ rdo rje dang pad+ma zhes bya ba la sogs pa ste/ rdo rje dang pad+ma mnyam par sbyar bas btsun mo'i b+ha ga der bcom ldan 'das zhu nas bzhugs pa yin no/ /zhu ba zhes bya ba ni bde ba chen po'i gnas skabs su gnas pa tsam mo/ /de lta bur bcom ldan 'das bde ba chen po'i ngo bor snyoms par zhugs par yongs su snang ba na byang chub sems dpa' la sogs pa rnams ngo mtshar rmad du gyur pa yin par blta'o/ / de mya ngan las 'das pa mthong ste/ zhes bya ba la sogs pa ni byang chub sems dpa' la sogs pa rnams dam pa skyes par gyur na ni de kho na nyid kyi mchog tu gsal bar rab tu 'byed par mdzad pas so/ /gcig la gcig bgros pa zhes bya ba ni bcom ldan 'das 'di mchog gi chos ji 'dra ba zhig ston zhig gu zhes pa'o/ /de nas de ltar byang chub sems dpa' la sogs pa rnams ngo mtshar gyi rnam par gyur par snang ba na phyag na rdo rje chos nyid rab tu gsal bar bya ba'i don du bcom ldan 'das yum rnal 'byor ma ri mo can gyi sde la zhus pa'i/ tshig lha mo zhes bya ba la sogs pa gsungs te/ sems can nas bsgral bar bya ba'i phyir/ shin tu mchog tu gyur pa'i thabs gzhan 'ga' zhig yod de/ de bas na bcom ldan 'das de lta bu'i/ ting nge 'dzin la snyoms par zhugs nas gnas so/ /thabs gzhan pa gang gis sems can bsod nams dman pa rnams kyang mthu dang dngos grub thob par 'gyur te/ de'i don du de lta bu 'di bcom ldan 'das kyi khyad par can gyi rgyud gzhan dag dang/ gzhan na'ang 'chad par mdzad pa yin no/ /'o na rnal 'byor pa'i rgyud rnams dang/ /rnal 'byor ma'i rgyud rnams dang/ /pha rol tu phyin pa'i tshul rnams/ /ci bcom ldan 'das kyis ma bstan nam/ 'di dag gi de kho na nyid yongs su shes pa las sems can rnams dngos grub dang/ rdzu 'phrul thob par mi 'gyur ci/ gang yang gzhan las khyad par du 'di sems can rnams kyi dngos grub chen por 'gyur bar ston cing 'chad ce na/ 'di la gsungs pa rnal 'byor ma'i rgyud nyid bye ba phrag drug dang zhes bya ba la sogs pa ste/ 'di'i don ni gang yang bcom ldan 'das kyi rnal 'byor pha'i rgyud la sogs pa mang po gzhan dag bstan pa der yang dngos grub dang rdzu 'phrul rnams bstan cing brjod pa nyid do/ /gzhan yang gang de rnams kyi sngags rnams gsungs pa gang yin pa dag kyang dngos grub rnams stsol ba yin no/ /de ltar bshad mod kyi yang bshad pa'i de kho na nyid las khyad par nyid ni de rnams su ji srid pa'i sngags rnams gsungs pa las de rnams kha cig tu ni 'bum bzlas pas so/ kha cig tu ni bye ba bzlas pas so/ /la lar ni 'bum phrag lnga dang bcu bzlas pas dngos grub kyi char 'gyur ro zhes pa ste/ des rgyud gzhan pa de rnams su sems can rnams nyon mongs par 'gyur ba yin la/ yang 'dir ni de kho na nyid rab tu gsal ba 'di bklags pa tsam gyis dngos grub tu 'gyur ba yin na ni/ gang gis 'dir sngags rnams thams cad bklags pas 'grub par 'gyur ro/ /zhes pa 'di'i dgongs pa ni 'di lta ste/ rgyud kyi yang dang por ni sngags rnams gtso bo yin te/ dngos grub dang nus mthu rnams su byed pa ni sngags rnams kyi yin pa'i phyir na'o/ /de'i phyir sngags rnams dngos grub myur du ster ba yin pa'i phyir na/ rgyud gzhan pa de rnams kyang mchog tu blang bar bya ba yin no/ /de nyid kyang rgyud pa cig las ni zhes bya ba la sogs pa ston te/ de nyid ni bye bar bzlas pa zhes bya ba la sogs pa rgyu yin par ston par gsungs so/ /sems can bsod nams dman pa ces bya ba la sogs pa la bsod nams dman pas ni bye bar bzlas so zhes bya bar nye bar gnas so/ /brtson 'grus chung ba rnams la ni 'bum du bzlas so/ /bsod nams kyi snod can bsgom pa la 'bad pa la ni khri phrag gcig gis so/ /da ni 'di rgyud gzhan rnams las ji lta ba bzhin du khyad par du gyur pa de nyid rang tu gsal bar bya ba'i phyir sems can 'dod chags kyis bcings pa zhes bya ba la sogs pa gsungs te/ sems can 'dod chags kyis bcings ba rnams kyi sems ni sngags zlos par byed par nus pa ma yin te/ shin tu 'dod chags la mngon du phyogs pa'i phyir ro/ /de bzhin du sems can 'on pa dang/ lkugs pa'i rigs rnams kyi yang sngags kyi bzlas pa byed pa'i nus pa med pa nyid de/ de rnams la yi ge gsal bor brjod pa dang/ grangs nges par bzhag pa med pa'i phyir na'o/ /sngags brjod lugs ni shin tu myur pa ma yin/ shin tu ngal ba ma yin/ shin tu thung ba ma yin/ shin tu ring ba yang ma yin par sngags bzlas pa cung zhig thos tsam du brjod par gsungs so/ /de bzhin du yang shin tu yang sems thams cad par gyur na/ yid kyis kyang sngags kyis kyang bzlas pa bya ba ma yin no/ /de ltar na yang ji ltar phan tshun 'dus shing tshogs pa ni zlos pa dang/ /de bzhin du yang sems skyo zhing zhum pas der bzlas pas ni bskal pa bye ba brgyad bzlas pa bye ba brag brgya byas kyang 'grub par 'gyur ba ma yin te/ gus pa'i sems dang/ rtse gcig pa'i sems med pa'i phyir na'o/ /de'i phyir na rgyud gang rnams su bye bar bzlas pa la sogs pa'i 'grub par gsungs pa de rnams su de rnams 'grub par ji ltar 'gyur/ 'o na pa la sogs pa rgyud 'dir ni sngags lan cig bzlas pa tsam gyis kyang dngos grub tu 'gyur ba'o/ /nges na gang yang 'dod chags kyi shin tu bcings pa yang dag sngags mang du bzlas pa la mngon par spro ba med pa rnams kyang 'grub par 'gyur pa yang/ de bzhin du sngags gsal por brjod pa la sogs pa 'dir ni rgyu yin pa las 'dis ni lkugs pa la sogs pa yang dngos grub kyi snod du 'gyur ba dang/ /sngags rnams med kyang sgom pa dang rab tu sbyong ba tsam las kyang 'dir dngos grub kyi snod du phun sum tshogs par 'gyur ba dang/ nus pa med pa dang/ 'dod pa med pa de rnams kyis kyang stags bzlas na thams cad 'grub po/ /gzhan yang dman pa'i sems dang ldan pa la sogs pa yang 'dir dngos grub kyi rgyu'i dngos po yin no/ /des na sems can gyi phung po thams cad yang dag par bsdu pa'i phyir/ rgyud gzhan rnams las sangs rgyas thams cad pa'i rgyud 'di phul du byung ba yin no/ /'o na ni bcom ldan 'das kyis rgyud gzhan dang gzhan rnams yang dag par gsungs pa ma yin te/ ji srid du rgyud 'dir sems can thams cad mchog tu yang dag par bsdus nas dngos grub myur bar 'grub par brjod pa de'i phyir na/ rgyud gzhan pa rnams yang dag par ma yin par rab tu gsal par 'gyur ro// zhe na/ de ni ma yin te rgyud de rnams yang dag par ma yin par gnas pa ni ma yin te/ de 'dra ba'i de kho na nyid rnams bstan pa ni snod du gyur pa'i sems can rnams la rgyud de rnams bstan pa'i phyir ro/ /gang zhig sangs rgyas thod pa'i rgyud kyi mtshan nyid bstan ba'i snod kyi sems can de rnams la yang 'di nyid bstan pa'i phyir te/ sems can de dag thams cad ni/ bstan pa thams cad kyi snod du skye ba ma yin pas dman pa dang 'bring dang mchog gi rims pas sems kyi bye brag las lhag pa'i bsod nams dang bsod nams med pa'i khyad par las so/ /phyag na rdo rje'i tshig de dag nyid thos nas rnal 'byor ma ri mo can gyi sde bdag nyid sngags kyi don de nyid nyams su myong par 'dod nas bcom ldan 'das kyi zhal du reg pa dang bcas pas blta zhing bzhugs pa de nyid ston pa de skad du thos rnal 'byor ma ri mo can gyi sdes zhes bya ba la sogs pa gsungs pa la/ chags pa'i lta ba ni bcom ldan 'das la rjes su chags pas mchod pa mdzad pa yin no/ / mchod pa de byas nas ji lta ba re pa'i don 'grub par 'dod pa'o/ /'jigs ma shin tu gshe nas zhes bya ba ni de lta bu'i chos mchog gi dngos grub stsol ba'i sngags la sogs pa'i de kho na nyid de bcom ldan 'das kyis gsal por ma mdzad pa la gshe ba ste/ bcom ldan 'das yum de sems can gyi don nyid la gshe ba phun sum tshogs ma'o/ /de yang 'khor ba'i sdug bsngal las yongs su bsgral ba'i phyir mchog gi sngags la sogs pa'i de kho na nyid bstan pas sems can 'di dag myur du dngos grub thob par nus par 'gyur bar bya ba la'o/ /'o na ni bcom ldan 'das yum de nyid rang gis ci de lta bu'i de kho na nyid mi mkhyen nam/ gang gis na bcom ldan 'das la zhu ba mdzad pa yin zhe na/ de la brjod par bya ste gang gis yang dam pa'i don ni mkhyen pa ma yin pa de lta mod kyang sems can rnams rjes su bzung bar bya ba'i rgyus de lta bu'i de kho na nyid bstan pa'i don gyi spyod pa mdzad pa yin no/ /de lta bu'i dam tshig gi dbang po dam pa rnams kyis rang bzhin dang lhan cig tu ston par 'gyur ba ni shin tuAng tshad ma yin par 'gro'o/ /de lta bu'i dam tshig nyid ni bcom ldan 'das kyi rtogs pa'i dgongs pa'i dbu'i thod pa las sngags 'byung ba yin pa yin no/ /des de la gzigs pa tsam gyis zhes bya ba la sogs pas ni sngags bstan te/ aoM bud+d+ha/ sid+d+hi zhes bya ba la sogs pa ste/ sngags de nyid kyi nus mthu skad cig tsam gyis gsal byed pa'o/ /de lta bu'i sngags kyi mchog song bas zhes bya ba la sogs pa ni de lta bur byung ba tsam gyis sngags kyi mchog de nyid kyis sa'i 'og rim pa bdun na gnas pa'i klu thams cad phye mar byas nas slar 'ongs te/ bcom ldan 'das ri mo can gyi sde'i zhal nas zhugs nas pad+ma'i nang nas byung ste/ slar yang bcom ldan 'das nyid kyi dbu'i thod par zhugs/ /de lta bu'i rim pa 'di ni rnal 'byor pas kyang sngags 'don pa'i dus su yang bya ba yin par blta bar bya ste/ rang gi kha nas zhugs nas rdo rje'i lam nas 'byung bar 'gyur ba'i sngags bzlas pa'o/ /'o na yang 'di lta bu zhig yin/ gang yang sngags 'di rim can gyi sde'i zhal nas zhugs nas pad+mar byung ste/ zhes bya ba ji srid pa 'di lta bur sus yang dag par rig par ji ltar 'gyur ba dang/ gang zhig zhal du zhugs nas pad+ma'i nang du nges par 'gro ba zhes bya ba ni gang gi phyir sngags de srid pa ni sgra'i bdag nyid yin la/ sgra de srid pa ni rna bas mnyan par bya ba yin pa gang gi tsha rna ba'i spyod yul du sgra de dag ma skyes te/ 'di ltar thams cad kyi bdag nyid khar? rab tu zhugs pa'i phyir ro/ /de'i tshe ji ltar na bdag gi khang rab tu zhugs pa de rna ba lags la na ni dbang po gzhan gyis 'dzin pas dbang po'i gzung pa'i dbye ba med par 'gyur te/ gang gis na rna ba'i gzung bar bya ba'i sngags ra ldan gyi dbang po'i gzung bar bya bar 'gyur la/ de lta na ni sngon po la sogs pha yang rna ba'i gzung bar bya bar gnas so/ / de lta na ni dbang po'i dbye ba'i tshogs don med par 'gyur pa yin te/ dbang po gcig gis sna tshogs pa kun rtogs pa'i phyir ro/ /'di mi rtogs pa de lta na ni de bzhin du rtogs pa min no/ /zhes bya bar rigs kyi thams cad rna ba'i rtogs na ni ha cang thal bar 'gyur ro/ /des na rna bas rtogs par byas te phyis khar zhugs nas pad+ma'i nang du byung ngo/ /zhes bya ba la ni sun dbyung bar bya ba med do zhes pa de dag kyang bzang po ma yin la/ gang gi tshe de srid pa'i sngags kyi bdag nyid rna ba'i spyod yul du gyur pa de'i tshe sngags de nyid mchog tu rtogs par rigs na ji ltar na khyad par dug bas zhugs te zhes bya ba la sogs par rtogs par de'i tshe mi rigs te rna ba tsam la mngon du gnas pa'i phyir ro/ /gang gi tshe kha la sogs par zhugs pa yin pa de'i tshe sna bas gzung bar bya ba ma yin pa'i phyir de ji ltar de bzhin par rtogs/ de nas yang rna bas gzung bar bya ba ma yin na'ang yid kyis sngags kyi bdag nyid rang rig pa yin par gyur pa yin te/ yid kyi spyod yul du ma gyur pa 'ga' yang ma yin pa'i phyir ro zhes zer na 'di yang ma grub ba ste/ bde ba dang sdug bsngal la sogs pa'i rang bzhin nyid ni yid kyi yang dag par rig par byed pa'i phyir ro/ /sngags 'di dag ni rna ba'i dbang po'i gzung par bya ba yin na yid kyis ji ltar rtogs par byed pa yin te/ de rtogs na ni sngon po la sogs pa yang dbang po gzhan gyis gzung bar bya ba yin par 'gyur bas de rna ba'i gzung bar bya bar yang 'gyur ro/ /de ltar gyur pa yin na 'o na pa la sogs pas kyang sgra la sogs pa rnams 'dzin par thal bar 'gyur te/ de dag la yang yid yod pa'i phyir ro/ /de ltar yin na ni 'o na pa dang long ba la sogs pa mi srid par gnas par 'gyur ro/ /de lta na ni 'ga' zhig tu yang sngags rnams rna bas rab tu rtogs shing khong du chud pa ma yin te yid kyis bzung ba'i phyir na'o/ /yod ni yul gyi dngos po gcig la dbang po gnyis kyis 'dzin par 'gyur ba mi srid de/ sngon po la sogs pa yang rna ba'i gzung bar bya bar thal bar 'gyur ba'i phyir ro/ /de ltar yin na yang skyon du mi 'gyur te dbang po gnyis kyis yul gyi dngos po gcig 'dzin par yang 'ga' zhig tu mi 'gal te/ ji ltar me'i dngos po la mig gi dbang pos 'dzin pa dang/ lus kyi reg par byed pa nyid do/ /de lta bu yang yid dga' bar byed pa ma yin te/ de la 'dir me'i sreg par byed pa'i rdul phra rab kyang gzhan yin la blta bar bya ba'i rdul phra rab kyang gzhan yin pa de blta bar gnas so/ /de lta bu'i me'i dngos po la 'dir blta bar bya ba dang reg par bya ba dag gcig par spyod cing dngos po'i don gcig tu bsdus par blta ba ni 'phrul pa kho na'o zhe na/ de la 'dir brjod par bya ste/ yid kyi shes pa 'di nyid kyis shes pa 'di nyid kyi sngags rnams rtogs pa yin pa la ni 'dir skyon 'ga' zhig kyang yod pa ma yin te/ 'khor ba'i sems can thun mong ba'i yid la skyon yod pa de ltar bcom ldan 'das yul gyi thugs gang yin pas snyan gyis dbang pos gzung bar bya ba'i sngags de 'dzin par mi nus pa ma yin gyi thun mong ba rnams kyi yid gang yin pa de ni dbang po'i dbye ba so so ba rnams rtogs pa ma yin pa ltar/ khyad par can rnams kyi rang de ltar 'gyur ba ma yin te/ de'i spyod yul thams cad yin pa'i phyir na'o/ /yang brgal ba 'di ltar sems te/ rang yang dag par rig pa'i mtshan nyid las ma gtogs pa'i yid gzhan pa'i rang bzhin ni 'ga' yang ma thong ste/ de 'di ltar so so yang dag par rig pa'i bdag nyid tsam gyis rang bzhin yin pa'i phyir na yid kyi khyad par 'ga' zhig kyang ma mthong ngo zhe na/ de ni ma yin te 'dir skyes bu tsam du gcig kyang thams cad kha dog ser po zhes rtogs pa ma yin te/ de lta yin par gyur na ni skyes bu tsam gyis thams cad kha dog ser por grub par thal bar 'gyur ro/ /'dir yang skyes bu tsam du gcig par khyad par 'ga' yang mi dmigs na/ de ltar ji ltar gzugs kyi khyad par 'grub pa 'di ltar mthong ste/ kha cig gi yid ni bstan bcos thams cad phyin ci ma log par shes pa can yin la/ kha cig gi de lta ma yin pa de bzhin du bcom ldan 'das kyi thugs ni ji ltar de kho na nyid thams cad mkhyen pa'i rang bzhin yin pa de ji ltar na tha mal pa'i gnas skabs su ji ltar gnas pa yin te/ de la yang de'i yid ces bya ba'i sgra ni tshigs mthun pa tsam mo/ /gzhan yang dbang po so so'i dbye bas yul rnams la yang ste/ srog chags kyi dbye bas dbang po'i dbye ba gzhan gyis gzung bar bya ba gzhan po la blta ba nyid de ji ltar gdengs kha can rnams mig gis nyan pa bzhin no/ /de'i phyir na thams cad du mthun pa tsam gyis thun mong bar dmigs par mi blta ste/ yul dang dus dang rkyen gyi bye brag gis thams cad la khyad par yod pa'i phyir ro// 'o na yid 'di'i khyad par ji lta bu zhig na ci lha rnams kyi khyad par gyis de bzhin du 'di'i rang bzhin nyid dam/ 'on te gzhan rgyu las byung ba zhig gam ci zhig yin/ gal te gang gi tshe 'di rang bzhin nyid yin pa de srid ni yid kyi rang bzhin gyi gzugs yin pa de'i tshe ni thams cad kyi yang de bzhin du rang bzhin gyi khyad par gyis mngon du gnas pa'i phyir na/ yid kyi rang bzhin yin pa nges na de bzhin du khyad par 'ga' yang med pa yin te/ srog chags thams cad kyi yang der mtshungs pa nyid kyi phyir ro/ /de nas yang rgyu las byung ba'i khyad par yong pa de lta na yang khyad par 'ga' yang med pa yin te/ gzhan la yang rgyu dang rkyen gyi byed pa dang ldan pa'i phyir ro/ /de la rgyu de yod na yang rgyu'i khyad par gyi rang bzhin ni srag chags thams cad kyis ni ma rtogs pa des na srog chags thams cad kyi yid khyad par can du grub pa ma yin no/ /'o na rgyu de kun la yod pa la rang gi ye shes skye ba'i sbyor ba ma rtogs pa gang la yang med par 'gyur la/ de ltar gyur pa yin na ni ci yod de'i khyad par du byed ba'i rgyu ci yis rtogs par byed/ gang gis lta ba'i khyad par ngo rab tu rtogs pa ni yid khyad par can du grub po zhes bya ba yang ji lta bu rang gis rang rtogs so zhes bya ba de lta bu yang med de/ yod na ni de bzhin du gzhan rnams kyang de ltar rab tu rtogs par 'gyur ba'i phyir ro/ /gzhan man ngag brgyud cing brgyud pa gzhan las kyang ma yin te/ de yang ji lta zhe na/ rang gis rang rab tu rtogs pa ni med de yod na ni skyon brjod zin to/ /de la brgyud cing brgyud pa las rtogs par 'gyur na yang thug pa med pa'i skyon du 'gyur ro/ /da'i phyir na bcom ldan 'das kyi yid khyad par du 'phags par grub pa ji ltar yin pa dang/ rgyu gzhan gyis byed pa yid khyad par can tu byas pa yin na yid bzhin du de thams cad du brtan pa ma yin par 'gyur te/ rgyu las byung ba'i bum pa la sogs pa bzhin brtan pa'i rang bzhin ma yin par 'gyur ba'i phyir ro/ /de'i phyir na yid khyad par can du brtan pa ma yin te res 'ga' ba nyid kyi phyir ro/ /de lta bu na yang khyad par can du rab tu grub pa'i dgos pa de ni 'ga' zhig tu yang grub pa ma yin no zhe na/ de la brjod par bya ste yid khyad par can 'di nyid ni rang bzhin kyang yin la/ de bzhin du gzhan 'di rgyu yang yin pa 'di la gnod pa 'ga' yang med de/ rgyu ni mngon par gsal bar byed pa'i rkyen tsam yin pa'i phyir dang/ de bzhin du dngos po'i rang bzhin nyid kun tu snang par gnas pa'i yid nyid yin te/ 'on kyang rang rang gi bag chags kyi dri mas g.yogs pas de bzhin par snang ba yin pa des na thams cad gyi yid don gyi dngos po thams cad rab tu gsal bar 'gyur ba ma yin te/ dper na ling tog gi skyon dang ldan pa'i skye ba can la me long shin tu gsal ba yin kyang g.yogs pa ltar 'gyur ba yin no/ /des na rgyu yang de lta bu'i dngos po'i phyir na de la sgrib pa'i skyon rnams sel bar byed pa nyid ma yin pas na/ de khyad par can gyi rang bzhin du skye ba ma yin la/ rgyu de'i khyad par can gyi rang bzhin du skye ba ma yin la/ rgyu de'i khyad par can ni glo bur ba'i dri ma'i skyon rnams sel bar byed pa'i mtshan nyid tsam yin la/ de yang kun gyis khong du chud pa ni ma yin te/ dper na yod ba yin yang mi mthong ba nyid ni khron pa zab mo'i nang na yod pa'i rdzas kun gyi mthong zhing rtogs pa ma yin pa bzhin no/ /de lta bu'i rgyu de yang bla ma brgyud cing brgyud par khong du chung par byed pa la thug pa med pa'i skyon kyang 'byung ba ma yin te/ thug pa med pa'i dngos po de lta bu'i skyon gyis gnod pa med de 'khor ba la thog ma med pa yin pa'i phyir ro/ /de lta bu'i phyir na ci yang de ltar min na kun kyang mi 'grub te ji srid du 'bras dkar po'i myu gu 'di yang ji ltar skye bar 'gyur zhig na rang gi sa bon las so zhe na/ de'i sa bon yang ci zhig ce na/ rang gi sa bon las so zhes bya ba yin no/ /'o na thams cad thug pa med par 'gyur ba ji ltar min te yin no/ /'o na bag chags de yang gang las skye ba zhig yin/ gang ji srid pa'i sems 'di thams cad du gsal ba'i rang bzhin yin na yang kun nas bsgribs pa gang gis na tha mal pa'i sems can du gnas pa'i yid 'di lha'i dngos p o ji bzhin pa ma yin na de la gang gi che ji srid du sems las ma gtogs pa'i logs shig pa'i rgyu las de skye ba yin na de'i tshe de sems las ma gtogs pa'i rgyu gzhan zhig las kyang yang rgyu gzhan zhig yod dgos pa des na chos nyid gnyis su med par mi 'grub la/ de nas yang bag chags de nyid sems nyid las skye ba yin na yang/ de'i tshe bag chags rnams 'ga' zhig tu yang gsal bar mi phrel bar gyur te/ sems de dus thams cad du yod pa'i phyir na'o/ /de yang ci ste zhe na/ mi skye mi srid pa ste/ byed pa nus pa can rnams yod bzhin du yang bya ba rnams skye bar 'gyur ba med na ni thams cad du bya ba dang 'bras bu kun skye ba med par thal bar 'gyur ro/ /de'i phyir na bag chags rnams dus thams cad du skye bar 'gyur ba nyid dam yang na dus thams cad du gdod nas mi skye bar gnas par 'gyur ro/ /de la bag chags skye ba gtan du skye ba med na ni de dus thams cad du skye ba med pa yin pas 'ga' zhig tu yang sems la dri mas ji ltar bsgos te rgos pa'i rgyu med pa des na yid khyad par can zhes bya ba dang/ khyad par can ma yin pa zhes bya ba 'ga' yang med par 'gyur pa gang gis na mya ngan las 'das pa dang/ 'khor ba zhes bya ba dang/ grol ba dang mi grol ba'i sems kyi gnas skabs kun la 'jug par ji ltar 'thad/ de nas yang bag chags dus thams cad du rgyu ba can yin na yang de'i tshe tha mal pa'i sems can dang 'di las gzhan pa'i khyad par du mi grub pa gang gis na bcings pa dang grol ba'i gnas skabs dang bzhag pa med par 'gyur ro zhe na/ gang yang ye shes nyid la bag chags rnams skye yang 'on kyang 'khor ba la 'chel te zhen par gnas pas de las byung ba tsam gyis dus thams cad du yod par 'gyur ba 'am med par 'gyur ba zhes bya ba'i skyon med de/ de ji srid du 'khor ba'i rjes su 'jug par gnas pa'i sems de srid nyid du ni de'i rgyun du 'byung ba'i phyir ro/ /de lta bu'i sems de ni 'khor ba'i ngo bor rtogs par bya bar gnas te/ phyin ci log gi ngo bor rab tu gsal ba'i phyir na de lta bu'i bag chags kyi bdag nyid yin no/ /des na thams cad nas thams cad du yid thun mong ba'i skyon med do// thams cad kyi yid 'khor ba las 'chel bas dus thams cad du gnas ba ma yin pa de srid du 'khor ba dang mya ngan las 'das pa'i lugs dag yod pa las kyang mod de mi 'dod kyang khas blang bar bya'o/ /gzhan du na ni dus thams cad nas mya ngan las 'das pa 'ba' zhig du gnas ba'am/ yang na srid pa nyid 'ba' zhig tu gnas par 'gyur ro/ /de'i phyir na 'khor bde srid par du thams cad du yod pa nyid de de yang bag chags kyi bdag nyid can gyis sems kyi rang bzhin nyid do/ /de'i phyir na bag chags kyi bdag nyid can gyi yid 'khor ba'i rjes su mthun pa'i rang bzhin byed pa ste/ de ni yid de nyid kyi rnam pa'i dngos por rtogs par bya ba la 'khor ba de yang thog ma med pa'i phyir na sngon du bsags pa'i las kyi bag chags kyi stobs las mig 'phrul mkhan gyis sprul pa'i dngos po rnams bzhin du bag chags dang yongs su ldan pa'i yid gang gar gis 'dzin pa ni 'khor bar 'gyur ba yin la/ mig 'phrul mkhan gyis sprul pa dang 'dra bar byung ba'i 'khor ba yang bsam gyis mi khyab pa yin no/ /des na 'khor bar kun tu 'jug cing chags bas 'khor ba yin par khas blang ba lta las kyang mod de/ bag chags kyi rang bzhin can gyi yid kun tu skye ba gang yin pa de nyid ni 'khor ba ces bya'o/ /de'i phyir na sngon gyi las kyis bskyed pa'i stobs kyis bcings pa'i yid kyi bag chags kyi rang bzhin du 'byung ba ni 'khor ba'i mtshan nyid du 'byung ba yin no/ /gang gi tshe 'khor ba'i gnas skabs la mchog tu mi byed na de'i tshe bag chags kyi rang bzhin dgar yang gnas pa ma yin pas yid 'od gsal zhes bya ba dang/ /'od gsal ma yin zhes bya ba yang med pas khyad par med par 'gyur ro/ /de'i phyir na mig 'phrul mkhan gyis sprul pa bzhin du 'khor ba lugs su 'byung bar khas blang bar bya'o/ /gzhan yang mig 'phrul mkhan gyi sprul pa mthong ba yin zhe na/ ji srid du dri ma med pa'i dbang po bden pa'i dngos po de srid pa de lta bu'i shes pas ni de byed pa ma yin te/ de byed na ni dus thams cad du bden par gyur pa yang dag par shes pa skye ba mi srid pa'i phyir ro/ /de'i phyir na de dag kyang brdzun tsam du 'byung bar ci las skye bar 'gyur snyam du sems so zhe na/ de ni sngags dang sman gyi nus mthus dbang po'i yon tan dang bral bar byas pa las so zhi'o/ /'o na dus thams cad du de lta min ba ci ste zhe na/ de bzhin du yang rab tu sbyor ba'i dngos po dus thams cad du med pas na'o/ /rab tu sbyor ba de nyid kyang dus thams cad du med pa ci ste zhe na/ de ni de'i tshe las kyi rnam par smin pa med par gyur pas de bzhin no zhe'o/ /las kyi rnam par smin pa mi mthun pa de nyid kyang gang zhig las skye bar 'gyur zhe na/ 'khor bas bsgos pa'i yid de bzhin pa'i nus mthus sprul pa yin no zhe na/ yid de nyid de lta bu'i mthu can du mi 'dra bar gang gi phyir skye zhe na srid pa'i ngo bo nyid du gnas pa'i sems ni nus mthu rnam pa sna tshogs pa dang ldan par yin par rjes su rtogs so zhes smra'o/ /'dis na de nyid srid pa'i rjes su 'jug pa'i yid dang ldan pas yid thog pa med pa nas las kyi srid par rab tu 'jug pa'i phyir las mi 'du ba rnams kyis sprul ba'i dngos por gnas pa ni bsam gyis mi khyab par skye ba 'di la gnod ba 'ga' yang med do/ /des na sems de nyid bag chags kyi sprul bar skye ba la 'ga' yang yod pa ma yin no/ /de lta bu'i sngags kyis mthu zhes bya ba la sogs bas ni de lta bu'i sngags de ji skad du brjed pa de'i mthu las nor rgyas la sogs pa'i klu chen po rnams 'ongs nas ri mo can gyi snga la bka' nod cing lha mo ji ltar bgyi zhes so/ /de nas ri mo can gyi sdes de dag la bka' bsgo ba sangs rgyas dang rjes su mthun par byos shig ces so/ /de ltar sngags kyi mthu gsungs nas rgyud kyi don ji ltar yin pa'i glegs bam phyung ba gsungs pa/ de skad thos pa tsam gyis zhes bya ba la sogs pa ste/ rnal 'byor ma'i bla na med pa zhes bya ba ni rnal 'byor ma'i rgyud bla na med pa ste/ gang gi phyir 'di las mchog med pa de bas na rgyud 'di dang mtshungs pa med de/ rgyud 'di nas sangs rgyas thod pa zhes bya bar brjod de sangs rgyas bcom ldan 'das kyis dbu'i thod pa las sngags la sogs pa rnams gton pas na de'i bdag nyid kyi rgyud la yang de skad ces bya ste/ sangs rgyas dbu'i thod pa las byung ba'i rgyud ni bya ba dang/ byed par nye bar spyod do/ /bya ba dang byed pa de ltar na sangs rgyas thod par zhes bya bar brjod do/ /yang na sangs rgyas zhes bya ba'i sgra ni rdo rje'i rnam grangs so/ /thod pa zhes bya ba yang gru gsum gyi ngo bo la bya bas na/ shes rab dang thabs kyi bdag nyid kyis ni sangs rgyas thod pa zhes bya bar brjod do/ /de nyid kyis na glegs bam la sogs pa rnams sems can rnams rjes su gzung bar bya ba'i phyir ri mo can gyi sdes phyag na rdo rje la gtad pa yin no/ /gsang dang mchog dang zhes bya ba ni rgyud las gsungs pa'i de kho na nyid gang yin pa ste de ni mchog tu gsang ba'i yang mchog tu gsang b a 'di nyid sems can thams cad kyi lus la bzhugs pa yin no 'o na de kho na nyid kyi mchog de nyid sems can thams cad kyi yang lus la gnas pa yin na sems can thams cad kyi bde ba dang sdug bsngal la sogs pa rnams kyang gcig gi dngos por rig par 'gyur te/ de'i de kho na nyid de ni don dam pa'i rang bzhin gcig pa nyid kyi phyir dang/ yang sems can thams cad 'khor bar bcings pa med par yang 'gyur te/ thams cad kyi de kho na nyid kyi rang bzhin ni gcig pa nyid tsam gyi phyir dang/ yang 'khor ba zhes bya ba dang mya ngan las 'das pa zhes bya bar bzhag pa'i lugs kyang med par 'gyur na/ bcom ldan 'das kyis gsungs pa 'di ji ltar 'brel ce na/ 'di la brjod par bya ste/ gang thams cad kyi don dam pa de kho na nyid ni rang bzhin gcig pa kho na ste/ de ltar na yang 'khor ba'i bag chags kyis yongs su gzung ba'i phyir dang/ thog ma med pa'i dus na sems can rnams kyi blo rang dang gzhan du dmigs pas/ gzung ba'i phyir na de lta bu de gsal bar ma gyur to/ 'dis na ji srid du 'khor ba'i gnas skabs dag tu lta ba yod pa de srid de bzhin par gyur pa'i de kho na nyid de ji ltar rtogs/ 'dis na 'di mi shes pa'i rgyu 'di'i phyir na bdag dang gzhan du yang dag par rig pa'i yid ni 'khor bar bcings pa yin pas bde ba dang sdug bsngal la sogs pa gcig gi dngos po ma yin par mang por so sor rig par 'gyur ba yin te/ thog med pa'i bag chags las yongs su gyur pa'i phyir ro/ /de yang dper na zla ba ni gcig nyid yin yang so so'i mig gi skyon gyis kha cig la rnam pa sna tshogs par 'gyur ba bzhin du de rnams kyi yang dag par rig pa yang dngos po sna tshogs su skye ba dang/ chu lteng dang ba mang na ni zla ba gcig po'i gzugs brnyan yang mang por dmigs par 'gyur ba de bzhin du mi shes pa yang kun tu snang bar gnas pa nyid kyi phyir na rnam par bcings pa yang brdzun tsam gyis kyang sdug bsngal grub pa yin te/ dper na mkha' i 'od zil la thag pa la sprul gyi dngos por gzung ba des 'jigs pa las shin tu sdug bsngal ba mngon du nyams su myong ba yin kyang de yang dag par ni sdug bsngal de sbrul nyid kyis bskyed pa ma yin no/ /de'i phyir na brdzun tsam gyis kyang sdug bsngal 'byung bar 'gyur te/ gang gi tshe yang de 'dra ba'i bag chags las skye ba'i 'khor ba bcom na ni de'i tshe 'ga' zhig tu yang 'khor bar bcings pa'i sdug bsngal 'byung bar mi 'gyur bas bde ba dang sdug bsngal la sogs pa yang med par 'gyur te/ bdag dang gzhan du so sor rig pa dag de'i tshe nub par gyur pa'i phyir na'o/ /nam mkha' lding dang char 'bab pa dang zhes bya ba la sogs pa rgya cher gsungs pas ni dngos grub gang yang rung ba de thams cad bskyed pa'o/ /de bzhin du he ru ka'i de kho na nyid chen po de nyid 'dir bsgrub par bya par gsungs so/ /dpa' bo chen po he ru ka /zhes bya ba la sogs pa la/ skyed dang gnas pa'i rgyu dang ni/ zhes bya ba ni bcom ldan 'das de nyid gcig pu ste/ dper na sbrul gcig kho na res dga' ni kyag kyog tu 'dug /res 'ga' ni drang por 'dug kyang 'di'i ngo bo nyid ni so sor dbye bas gnas pa ma yin no/ /de bzhin du bcom ldan 'das 'di yang gcig nyid yin na yang 'khor ba'i gzugs sna tshogs su snang bar blta'o/ /de bzhin du bcom ldan 'das de nyid dngos po dang dngos po med pa'i rang bzhin du yang rtogs par bya'o/ /'o na gang gi tshe bcom ldan 'das de nyid dngos po dang dngos po med pa gnyi ga'i rang bzhin yin na 'di ko ji ltar na de gnyis su med pa'i dngos por 'byung zhi gu ste/ dngos po kun gyi rang bzhin yin pa nyid kyis na gzung ba dang 'dzin pa dag gi skyon gyi dngos po de ltar de la gnas so zhe na/ 'di la gsungs pa spros med dang gos med ces bya ba ste/ don dam par na bcom ldan 'das 'di la spros pa med pas dngos po dang dngos po med pa'i spros pas mi rig go /ci ste zhe na/ gos pa med pa'i phyir te dngos po med pa'i rang bzhin ni gos pa'o/ /'dis na gos pas 'di la gzung ba med de gnyis po rnams ni skyon dang bcas pa yin pa'i phyir na'o/ /ci ste de dngos po dang/ dngos po med pa'i rang bzhin nyid do zhes brjod pa de ji ltar yin zhe na/ 'di la srid par spyod pa dang zhes bya ba gsungs te/ bcom ldan 'das de'i 'khor bas kun tu spyod pa'i dngos po dang/ dngos po med pa'i rang bzhin gyi sgo nas de skad ces bya ba brjod de/ sems can 'khor ba la spyod par brtson pa de dag rnams la ston pa mdzad pa'i dngos po yin par dgongs so/ / 'o na de kho na nyid kyi ye shes de gcig pu 'khor ba'i rjes su gnas pa'i phyir na dngos po dang dngos po med pa'i rang bzhin don dam ba de gnyis kyi rang bzhin dang bral ba yin na 'di de ji ltar rig pa yin/ ji srid du bcom ldan 'das de'i rang bzhin srid pa'i rjes su 'jug par rab tu shes pas sam/ 'o na te men na gang gi tshe mi shes na ni mi shes de srid du de'i tshe de'i rang bzhin gyi srid pa dngos po dang dngos po med pa'i 'gro ba kun gyi rang bzhin du rnam par gnas pa 'di yang ji lta bu zhig ste/ gang yang shes pa de sngon po'i dngos gzhi tsam du ma skyes na ni ser po'i rang bzhin du shes pa skye ba'i rigs pa med pa dang/ zla ba gcig po med na gnyis kyi gzugs su des ji ltar rig par 'gyur/ de nas yang bcom ldan 'das 'di shes nas srid par 'jug na ni de la? mo? de rang rig pa'i rang bzhin gyis 'jug / de la gal te rang gi rang bzhin nyid kyi rig pas 'jug na ni srid pa 'di yang de ltar rig pas na srid pa 'di yang dngos po dang/ dngos po med pa'i rang bzhin kun tu so sor gsal bar 'gyur te/ de'i rang bzhin la 'di dag lta bu'i rang bzhin dang bral ba'i phyir na/ sngon po'i rang bzhin nyid du gsal ba na ser po'i dngos por blo skye srid pa med pa nyid do/ /de'i phyir na sna tshogs pa'i srid pa 'di yang ji lta ba'i rang bzhin gyis rab tu gsal bas na bcom ldan 'das 'di yang dngos po dang/ dngos po med pa'i 'gro ba kun gyi rang bzhin des rab tu gsal bar mi 'gyur te de'i rang bzhin gnyis po rnams dang rnam par bral ba de'i phyir na'o/ /de nas yang de bzhin gyi rang bzhin du rig par 'jug go zhes smra na/ de'i tshe srid pa rnams 'dir rig par mi 'gyur te/ 'ga' zhig tu yang gzhan nyid du rig par skyes na ni de kho na nyid du skyes pa min te/ gzhan gyi rang bzhin du rig pa ni de de'i ngo bo ma yin te ji ltar bum pa'i shes pa ni snam bu'i shes par gyur pa rigs pa ma yin no/ /zhes pa 'di dag ni brgal ba'o/ /de kho na nyid de'i rang bzhin shes pa yin pas/ 'di ltar srid pa ste 'dir shes pa'i ngo bo yin na yang 'on kyang rang gi ngo bo des de bzhin du rang ma shes pa'i rgyu yis g.yogs pas gzhan dag tu gsal bar shes pa yin no/ /de nyid kyi na kun rdzob ces bya ste 'khor ba la bya bar brjod la de yang 'dis de kho na nyid la kun na bkab cing bsgribs pas na kun rdzob ces bya'o/ /gang gi tshe yang de kho na nyid 'di nges par rig par gyur na ni rang gi rang bzhin nyid du gyur pas na de'i tshe ji ltar 'khor bar kun tu 'jug de'i phyir na gang yang gzhan dang gzhan gyi rang bzhin du de rig pa 'di ni log pa'i lta ba'i skyon gyi 'khor ba'o/ /de yang dper na rab rib can gyi mig gis nam mkha' dri ma med pa la yang skra shad 'dzings pa la sogs pa dang ldan par snang ba bzhin no/ /de la gzhan pa'i rang bzhin nges de rab tu shes na de ji ltar shes pa yin te gang gis ni de nyid du shes pa zhes bya ba 'di don ji lta ba bzhin ma yin pas sngon du brjod pa de dag sun dbyung bar bya bar gnas pa ma yin no zhe na/ min te gzhan du rab tu shes pa zhes bya ba'i de kho na nyid 'di ni rang bzhin gyis thams cad du de ltar rab tu shes pas khas blangs sam ci gang gis gzhan rab tu shes na ji ltar de'i rang bzhin rab tu shes na ji ltar de'i rang bzhin rab tu shes pa ci zhes bya ba'i skyon du 'gyur ro/ /gal te de bzhin du gyur na ni de srid par yang ji ltar 'gyur/ /de'i phyir na de ji lta ba'i rang bzhin du ma shes pas 'di srid pa'i ngo bor 'gyur te/ srid pa lugs su 'byung ba 'di dag kun kyang bag chags kyi ling tog gis lag pas byas pa bzhin du brdzun gyi rnam par kun tu 'byung ngo/ /de lta bu de dag dang ci zhig las she na/ /sngon gyi las kyi rnam par smin pa'i stobs las skye ste/ de ltar khas len pa los kyang mod de ji srid du 'khor ba'i rjes su 'jug pas yid rjes su 'jug go / de'i phyir na smig rgyu ba'i dngos po la chu'i rnam par shes pa ltar 'dir de kho na nyid rang bzhin srid pa'i dngos por snang ba la 'gal ba 'ga' yang yod pa ma yin no/ /des na de 'khor b a yin par gyur pa na des ji lta bu'i smig rgyu la sogs pa'i rang bzhin ma shes pas brdzun gyi ngo bor rtogs pa 'ga' zhig tu skye bar 'gyur ba bzhin de kho na nyid la de ji ltar rig pa yin pa zhig na ste de ji srid du de kho na nyid rab tu gsal ba na mya ngan las 'das ba zhes bya ba yin par khas len pa lta los kyang mod kyi gzhan bdag gis kyang ni 'ga' zhig tu mya ngan las 'das par 'gyur ro/ /des na ji lta ba'i rang bzhin rab tu ma shes pas kyang de rang rig pa tsam nyid las ji bzhin pa de bzhin pas rang rang gi mya ngan las 'das pa'i go 'phang thams cad thob par 'gyur te/ ji ltar yul na ri ke la'i gleng nas 'ongs ma thob pa'i mis me 'di'i rang bzhin ni sreg par byed pa yin no/ /zhes bya bar mi shes kyang de yang dag par rig cing myong ba na grangs ba sel bar mi 'gyur ram/ de'i steng du yang dag par reg na sreg par yang mi 'gyur ram ci de bzhin du bca' sgra 'dra bar rig nas dug du ma shes pas zos na kha chu 'dzag cing ba rgyal ba la sogs pa'i bya ba rnams byed par mi 'gyur ram ci/ de'i phyir na de kho na nyid kyi rang bzhin de ji lta ba'i rang bzhin du des ma shes pas 'khor pa yin la gzhan ni rang bzhin khong du chud pas so zhes pa 'di rigs pa ma yin no zhe na/ de ni min te de kho na nyid kyi ye shes de ji lta ba bzhin du rab tu shes na yang rang rang gi dgos pas/ 'byung bar 'gyur pa nyid de ci ming gi tshig de gang zhig gzhan rab tu gsal ba na gzhan bo de rang rab tu gsal ba de de'i dgos par 'byung ba min nam ci 'o na de'i tshe thams cad la kho na nyid rig yod pas srid pa rnam par bcang mi dgos par 'gyur ro zhe na/ min te de kho na nyid nyams su myong ba tsam gyis srid pa'i dngos po med pa'i mtshan nyid mya ngan las 'das par 'gyur bar brjod pa ni min te/ gang de tsam gyis ni mya ngan las 'das par sbyor bar byed pa ma yin no/ /de kho na nyid shes pas mya ngan las 'das par mi 'gyur na/ mi 'gyur ba gang gi tshe gang zhig gang gis 'gyur ba yin zhe na/ de kho na nyid du rig pa de nyid las so/ /ci zhig na de'i tshe yang thams cad du srid pa med par 'gyur ro zhe na/ min te ji bzhin ba'i rang bzhin du de nges par rig par ma byas pas te/ ji lta ba'i rang bzhin du rtogs pa gang gi tshe de de kho na nyid du rtogs pa de'i tshe mya ngan las 'das pa zhes bya bar bzhag par brjod kyi srid pa'i rgya mtshor/ zhugs pa'i sems can rnams kyis ni de'i rang bzhin ji lta ba bzhin du khong du chud pa yod pa min gang gi na thams cad mya ngan las 'das par ma gyur pa yin te/ gnyis su med pa'i dngos po nyid la gnyis kyi rjes su zhugs pa'i phyir na de brdzun pa'i blor gnas pa ci ste min des na ji ltar de kho na nyid kyi rang bzhin yongs su ma rig pa'i sems can rnams la ji ltar yod par brjod/ /'o na mya ngan las 'das pa las ma gtogs pa'i de kho na nyid kyis dgos par bya ba ji lta bu zhig 'thob/ gang yang de shes ba la mya ngan las 'das pa mi 'byung na gzhan zhig las dgos pa de 'byung bar bzhag gam zhe na/ min te de las gzhan pa de yang pa'i rang bzhin zhes bya ba thams cad pa nyid kyi ye shes rang rig pa zhes bya ba thun mong ba'i dgos pa nyid sngon po dang/ ser po la sogs pa'i rnam pa bye brag tu rtogs pa'i khyad par nyid do/ /des na de kho na nyid kyi ye shes rang rig pa ni dngos po dang dngos po med pa sna tshogs pa'i gzugs kyis yod pa nyid do/ /de'i dgos pa khyad par can ni/ mya ngan las 'das pa'i mtshan de don gyi rang bzhin pa khyad par du rtogs pa yin pa 'di la the tshom med do/ /'o na ci mya ngan las 'das pa'i rang bzhin rang rig pa min pa gang gis na rang rig pa'i mtshan nyid kyi dgos pa las 'di khyad par du so sor brjod pa de bzhin du yin na ni brgyal lan 'ga' zhig na'ang mya ngan las 'das pa ni rtogs pa'i bdag nyid du mi 'gyur te rang rig pa'i rang bzhin med pa'i phyir te/ rang rig pa las gzhan pa gang zhig ni 'ga' zhig du yang de ji ltar rig par byed pa 'di ci rigs des na bum pa la sogs pa yang rang bzhin gyis rig pa med de bems po tsam gyis gsal bar skye ba med pa nyid dam ci mya ngan las 'das pa 'di yang de bzhin yin no zhe na/ min te mig dang rna p a dang yid la byed pa dang yul rnams kyi rkyen gyis bum pa'i rnam pa'i shes pa yang dag par skyes nas rig pa las bum par rig go shes so zhes zer yang de nyid bems po yin pa'i phyir na gzhan dag byed pa'i dngos po'i gsal ba med pa de bzhin du e mya ngan las 'das pa yang yin no zhe na min te de ni ye shes kyi rang bzhin nyid kyi phyir ye shes kyi bdag nyid la yang ye shes gzhan zhig gis shes par byed pa ni rigs pa ma yin te/ de la yang gzhan pa'i ye shes shig dgos la/ de la yang gzhan pa zhig dgos pas thug pa med pa'i skyon du gnas so/ /de nas yang gal te mya ngan las 'das pa yang ye shes kyi rang bzhin ma yin no zhes zer na/ ci de ni mya ngan las 'das pa yang bems po'i bdag nyid du smra 'am de lta bu nyid yin par smra ba'o zhe na/ /'o na ni bum pa la sogs pa bems po'i bdag nyid thams cad kyang mya ngan las 'das pa yin par 'gyur ro/ /de ltar gyur na ni 'gro ba thams cad 'bad pa mi dgos par yongs su grol bar 'gyur te/ bum pa la sogs pa thams cad kyang de lta bu nyid kyi rang bzhin du gnas pa dang/ /bems po'i rang bzhin nyid kyis na/ bum pa la sogs pa dang/ mya ngan las 'das pa ni khyad par 'ga' yang yod pa ma yin pa'i phyir ro/ /de nas yang mya ngan las 'das pa ye shes kyi rang bzhin yin na yang srid ba'i dngos po dus thams cad du ye med pa'i skyon du gnas pa nyid de sngon po la sogs pa'i shes pa rnams de bzhin dang dus thams cad du yod pa ste/ /ye shes nyid yin pa des na sngon po la sogs shes pa dang/ /mya ngan las 'das pa'i shes pa dag la 'ga' zhig dang khyad par du 'jug pa med pas na'o zhe na/ min te mya ngan las 'das pa'i ye shes ni de kho na nyid kyi ye shes las skye bar 'gyur gyi ye shes min pa skye mi srid pa dang shes pa'i bya ba shes pa ma yin pa ni shin tu mi rigs te rgya'i bye brag gis bye brag tu byas na 'bras bu bye brag tu dbye ba yin te/ ji ltar skud pa nag po btags pa las sna bu dkar por gyur srid pa ni med pa dang/ mji ba la snod du byas na zangs kyi snod 'gyur ba med pa des na de kho na nyid kyi ye shes kyi dgos pa rang rig pa'i mtshan nyid dang de las gzhan yang khyad par can gyi mya ngan las 'das pa'i mtshan nyid ji lta ba'i rang bzhin khong du chud pa'o/ /zhes bzhig par bya ba 'di dag ji ltar yin zhe na/ 'di la smras pa de kho na nyid kyis shes kyi dogs pa rang rig pa las mya ngan las 'das pa'i mtshan nyid kyi dgos pa 'di rang rig pa ma yin pa'i rang bzhin du gzhan du 'gyur bar skye ba med pa nyid do/ /ci rang rig pa las gzhan pa ni rang rig pa ma yin par 'gyur ba yin pas 'gal lo zhe na/ min te mya ngan las 'das pa'i mtshan nyid kyi dgos pa de nyid kyi rang rig pa yin pa kho na'o/ /'di ji lta bu zhig na/ /rang rig pa'i dgos pa dang zhes dbye bar yod pa de dang/ /gzhan pa'i dgos pa 'di yang rang rig pa ma yin par khas blangs pa 'dis na gnyis su dbye ba 'gal lo zhe na/ min te rang rig pa zhes bya ba tsam gyis thams cad rang rig pa zhes bya ba'i dngos po gcig tu gyur pa ma yin te/ rang rang gi dbye bas so sor byed pa'i phyir na sngon po dang ser po la sogs pa'i rang rig pa'i shes pa tsam gyis rang rang gi ngo bo de gcig tu 'gyur ba ma yin no/ /de'i phyir na de kho na nyid kyi ye shes kyi dgos pa mya ngan las 'das pa'i mtshan nyid ni rang rig pa tsam thun mong ba de las dbye bar gnas pa nyid do/ /des na rang rig pa tsam gyis srid pa'i dngos po yang thams cad du rab tu dbye bar gnas pa nyid do/ /des na mya ngan las 'das pa khong du chud pa yang rang rig pa'i rang bzhin gyi phyir na yod pa nyid do/ /de kho na nyid kyi rang bzhin ji lta ba bzhin du rtogs pa las mya ngan las 'das par 'gyur pa yin no zhes smra na/ ci 'dod pa tsam gyis rab tu smra bar byed pa 'dir 'gyur te/ /de kho na nyid ces pa dang/ mya ngan las 'das pa zhes bya ba dang/ grol ba zhes bya ba la sogs ji srid pa de dag ni ming gi rnam grangs tsam yin na bya ba dang byed pa gnyis su bzhag pa dag gis rab tu smras pa de ji ltar legs pa yin zhe na/ /gang yang don dam pa la ni khyad par med pa de bzhin na yang kun rdzob la brten nas kun rdzob tsam du bzhag pa'i rtog pa nyid bya ba dang byed pa la sogs par dbye ba thams cad du kun rdzob tsam du gnas kyi don dam pa la ni bya ba dang byed pa zhes bya ba la sogs pa gnyis su dbye ba rnams 'ga' yang med de/ /bka' las blo gros chen po chos thams cad ni skye ba med pa ste bden pa dang bden pa min pa gnyis kar ma skyes pa'o zhes gsungs so/ / de'i phyir na bag chags dang rnam par bral ba las ji lta ba bzhin gyi de kho na nyid kyi ye shes la yang dag par rig pa'i de ma thag par mya ngan las 'das pa los kyang mos te sa bon des de bzhin du kun rdzob tsam du byas pa la bya'o/ /de yang ji ltar rab tu dga' ba las 'drangs par 'gyur ro/ /zhes pa'i kun rdzob tu grub pa de'i rab tu dga' ba dang 'drangs pa dag ni mya ngan las 'das pa las gzhan na 'ga' yang med kyang de ltar grub pa yin no/ /'o na mya ngan las 'das pa'i sngon du rtogs pa nyid ji ltar skye zhe na/ de la smras pa/ /rang rig pa'i rang bzhin no zhe na/ min te rang rig pa 'di gang gis dgos pas ye shes kyi rang bzhin gang de srid pa 'dir 'di'i rang bzhin ston cig /rig pa'i rang bzhin de mi shes pas 'gyur te/ /ji ltar bum pa'i mgrin pa la sogs pa rnams mi shes par bum pa shes so zhes bya bar mi 'gyur bas 'di'i rang bzhin dngos po can zhig tu dmigs par 'gyur ba 'am/ /'o na te dngos po med pa can zhig tu dmigs par 'gyur pa ston cig /de la dngos po'i phyogs su gnas na ni gcig dang du ma'i rang bzhin dang rnam par bral ba'i sbyor bas de kho na nyid kyang rab tu mi gnas pa kho nar 'gyur ro/ /dngos po med par rjes su gnas na yang dngos po med pa ni dngos po sngon du 'gro ba yin pa'i phyir na/ /dngos po nyid de ltar med pas dngos po med pa'i rang bzhin ji ltar yod par ston/ /de nas gnyis ka'i rang bzhin rnam par bral ba zhes bya ba de de kho na nyid yin par ston no zhe na/ /de ltar na yang rig pa dang ldan pa'i dngos po des na ye shes de skye ba dang ldan pa'i phyir dmigs pa dang/ bcas pa'i rang bzhin gyis na dngos po nyid du gyur pas thams cad du bya ba dang byed pa'i dngos po can gyi mtshan nyid yin no/ /de nas yang ye shes 'di la skye ba med de de nyid rang rig pa'i rang bzhin gyi phyir ro zhe na/ de ltar nang ni ye shes 'di bya ba rnams ci yang mi bskyed na ni de ji ltar yod pa yin te/ nus pa thams cad dang bral ba'i phyir mo gsham gyi bu bzhin na rig pa yin par ji ltar 'gyur te/ /de nas mya ngan las pa de nus pa thams cad dang rnam par bral ba kho na'i stong pa nyid kyi rang bzhin du 'gyur ro// de lta bu yin bzhin du yang de la rang rig de nges par yod pa yin na ni ye shes de bya ba dang byed pa la sogs can du khas blang dgos so/ /de dag de ltar gyur na sngar gyi bzhin du dngos por dmigs pa'i skyon du 'gyur te dngos po ni bya ba dang byed pa'i mtshan nyid can yin pa'i phyir ro/ /de nas de bzhin du gnyis kyi rnam pa dang rnam par bral ba'i rang bzhin gyi phyir na de kho na nyid de la de bzhin pa'i rang bzhin du rig pa yang med pa des na ye shes bya ba dang byed pa la sogs pa can gyi dngos por dmigs pa'i skyon du gnas pa ji tsug yod ce na/ de ltar na yang de bzhin pa'i rig pa'i dngos po med pa'i phyir na/ /da de'i mya ngan las 'das pa ji lnga rang bu zhig yod de/ mya ngan las 'das par yang so sor rig pa med pa'i skyon du 'gyur ro zhe na/ min te ci ston cing brjod pa med ces te/ / med pas rang rig pa'i rang bzhin yang zhig ste med dam/ ji ltar lkugs pa la sogs pas ro mchog myangs pa na ston par mi nus pa'i dngos po las ro myong ba med dam ci/ nus pa rnam pa mang gsungs pa zhes bya ba la sogs pa ni rgyud gzhan dag las rgyud 'di nyid khyad du 'phags par gsungs pa yin te/ rgyud 'dir gang gsungs pa'i sngags la sogs pa'i de kho na nyid ni thos pa tsam gyis 'grub par brjod do/ lan cig brjod pa de nyid kyis dngos grub stsol bar mdzad pa dang/ 'dir sngon du bsnyen pa yang mi dgos shing de bzhin du bzlas pa 'bum la sogs pa med par yang 'grub po/ /sku gzugs dag ni dags pa dang/ zhes bya ba la sogs pa ni rnal 'byor pas nus mthu rnam pa sna tshogs pa'i rang bzhin brjed pas sems can rnams gzhug par bya ba la brjod do/ /de'i phyir na sku gzugs dags pa la sogs pa ni de las gzhan pa thun mong ma yin pa mthong bas gdul dka' ba'i sems can rnams 'dul bar 'gyur la/ /des chos bstan pa'i snong du 'gyur ro/ /rang gi gzugs ni bsgyur ba nyid ces bya ba ni so so'i ming gzugs por nas seng ge dang stag mo la sogs pa'i gzugs su byed pa'o/ /gzhan gyi grong du 'jug ces bya ba ni rang gi lus yongs su bor nas gzhan gyis lus kyi nang du rang gi rnam par shes pa 'jug par byed pa ste/ de dag la sogs pa'i nus pa thams cad byed par nus pa ni sangs rgyas thod pa'i rnal 'byor pa yin no/ /de nas gzhan yang bshad bya ces bya ba la sogs pa ni dug gsal ba dang/ nus mthu 'phral du dbyung ba 'dir brjod cing bstan to/ /de nas sbyor ba bco brgyad gsungs zhes bya ba ni zos te myos par bslad bar bya ba gsungs pa/ sa li ki yis sbyor ba dang zhes bya ba la sogs pa ste gang gi tshe dug zos myos par gyur pa de'i che ji skad du gsung pa'i sa li ka la sogs pa'i sbyor ba rnams sngags pas bya ba yin no/ / de nas rab tu sbyor ba byas ma thag tu zos pa rnams 'tsho'o/ /rig pa 'dzin pa ni 'bras btags pa las rig pa 'dzin pa gnyis bya ba yin no/ /rgyan po 'gyed dang zhes bya ba ni gang du zos pa 'di yod pa de la bsam gtan dang ldan pa'i sngags pas rgyan po rtse bar byas pa las de nas zos pa 'di 'tsho bar 'gyur ro/ /de nas rda brdung ba'i sbyor ba yis te de dag la sogs pa'i rab tu sbyor ba bco brgyad po sngags pas bya'o/ /mchog gi ye shes he ru ka'i dngos po de rab tu gsal bar gsungs pa/ de nas gzhan yang rab bshad pa/ ci bzhin de nyid ye shes mchog /ces bya ba la sogs pa ste/ lhan cig skyes pa'i dga' ba'i rang bzhin gyi ye shes gang yin pa ye shes rab kyi pad+ma'i rtsa'i nang na khu ba'i gzugs kyis rgyu ba'i gnas de yin mod kyang sems can 'di dag thams cad ni ma rig pa'i mun pas g.yogs pas dmigs pa dang bcas par gyur ba'i rang bzhin des de lta bur gzung bar 'khor bar bcings par gyur pa yin no/ /de nyid shes rab kyi pad+mar lhan cig skyes pa'i ye shes de bzhin pa'i tshogs yang dag par rig pa las dkyil 'khor gyi 'khor lo'i lha rnams tshogs par nyams su myong bar bya ba ste/ de nyid du de bzhin par dmigs pa med pa'i ye shes kyi mchog yang dag par rig pa las bcud kyi len la sogs pa thams cad du 'gyur te/ dngos grub thams cad kyi gtso bo ni ye shes de nyid yin pa'i phyir ro/ /de lta bu grub pa'i ye shes kyi gang byin gyis brlabs pa de nyid ni dngos grub kyi gnas su 'gyur ba yin gyi de las gzhan pa'i sngags dang sman la sogs pa'i sbyor ba de la mi bltos te de thams cad de'i bdag nyid yin pa'i phyir ro/ /zhes dgongs so/ sbyor ba gsang bar gnas pa'i rtsa zhes bya ba la sogs pa ni ri mo can gyi sde'i de kho na nyid ji lta bu yin pa dris pa las ri mo can gyi sde'i rang bzhin ji ltar yin pa brjod pa ste/ gsang bar gnas pa'i rtsa zhes bya ba ni rtsa de dag ni bde ba mchog gi rgyu des ri ma can nam mdzes ma zhes bya ba ste ngo mtshar ba'o/ /bde ba'i rang bzhin gyi ye shes ni sde ma zhes bya bar brjod do/ /de lta bu'i bde ba chen po'i ye shes kyi dngos po rtsa'i rgyu las yang dag par byung ba de ni ri mo can gyi sde zhes bya bar brjod do/ /de nyid kyang theg pa chen po yin pa gsal bar mdzad pa gsungs pa/ 'di de nyid ni theg pa chen po zhes bya ba la sogs pa ste/ /'byung gnas rtsa ni rnal 'byor ma zhes bya ba ni 'byung gnas kyi rtsa gang dag dga' ba chen po'i ye shes su gnas pa ni ri mo can gyi rang bzhin te de nyid ni theg pa chen po zhes bya ba yin par brjod do/ /de'i phyir ni de nyid ni mchog gi ye shes te dngos grub kun gyi sgrub thabs yin no zhes gsal bar mdzad do/ /'di dag ni rnal 'byor ma'i rgyud bla na med pa sangs rgyas thod pa zhes bya ba rgyud kyi rgyal po'i le'u dang po'i 'grel pa slob dpon mkhas pa chen po pad+ma rdo rje zhes bya ba dngos grub chen po brnyes pas mdzad pa'o/ / //da ni sngags kyi dngos grub gsungs pa/ de nas yang dag rab bshad pa zhes bya ba la sogs pa ste/ rnal 'byor ma rnams grub par byed pa'i spos la sogs pa sbyin pa'i sngags de srid pa gsungs pa/ aoM bud+d+ha ka pA li nI zhes bya ba la sogs pa'o/ /aoM hAM ho zhes bya ba la sogs pa ni go cha'i sngags te/ snying ga dang/ 'tshogs ma dang/ spyi gtsug dang/ phrag pa dang/ mig dag dang/ yan lag thams cad la rim pa ji lta ba bzhin du 'di rnams kyi go cha bya'o/ /aoM bud+d+ha ka pA li ni A khaM zhes bya ba la sogs pa ni rnal 'byor ma ri mo can gyi sde spyan dang ba'i sde yang dag par byon na byin gyis rlob pa'i phyir ro/ /de nas gtor ma dang mchod pa la sogs pa byas zin nas slar yang gshegs su gsol ba'i sngags gzhan dag gsungs pa/ aoM mahA ka pA la badzri Ni zhes bya ba la sogs pa'o/ /de lte bu dag gis ni rnal 'byor ram dngos grub thams cad stsol bar 'gyur ro/ /da ni mi snang bar byed pa'i rab tu sbyor ba gsungs te/ sbyor ba gang gis rnal 'byor pa lha dang lha ma yin dang mi rnams kyis kyang mi mthong ba'i rab tu sbyor ba de nyid gsungs pa 'bras dkar po blangs te zhes bya ba la sogs pa'o/ /de la 'bras dkar po bu mo gzhon nu mas zhib mo gtags pa byas pa las gzugs brnyan ni gzhon nu mas btags pa zhib ma thag tu rang nyid kyi gzugs brnyan bya'o/ /gzugs brnyan de yang gdong ba gcig pa lag pa bzhi pa bya'o/ /de'i lag pa'i mtshon cha gsungs pa/ kha TwAM ga dang zhes bya ba la sogs pa'o/ /rdo rje las byung zhes bya ba mi bskyod pa'o/ /ji skad du gsungs pa de dag nyid cho ga bzhin du blangs te rnal 'byor mas brgya rtsa brgyad du sngags kyi bzlas pa bya'o/ /bzlas par bya ba'i sngags kyang gsungs pa/ aoM ma hA badzre zhes bya ba la sogs pa'o/ /de nas chu la lan bdun yongs su bzlas nas gzugs brnyan la bsku'o/ /de'i lhag mas rang gi kha bkrus na mi mthong bar 'gyur te/ de nas de lta bus rnal 'byor pa sna tshogs su rol ba drung nyid na byed kyang gang gis kyang mi mthong ngo/ /de nas 'o mas rang gi kha gdong bkrus na slar mthong bar yang 'gyur ro/ /mtshon cha rengs par bya ba'i rab tu sbyor ba gsungs pa/ gzugs brnyan de'i zhes bya ba la sogs pa ste/ ji skad du gsungs pa'i gzugs brnyan de'i snying gar ji skad bstan pa'i rab tu sbyor ba de dag bya ba yin te/ dur khrod kyi mes shing ba bo la gtso bor snying kar gcer te rab tu sbyar bar tshangs pa'i rdo rje ste/ rnam par snang mdzad kyis gzugs brnyan yog par bskus nas bsregs pa'i thal ba blangs pa dang/ rdo rje las byung ba zhes bya ba la sogs pa gsal lo/ /de lta bu'i thal ba'i sbyor ba 'dis gdug pa can rnams rnam par 'jig par 'gyur ba yang blta ba/ gdug pa can thams cad kyi zhes bya ba la sogs pa ste/ rab tu sbyor bas bsgrubs pa'i thal ba des rnal 'byor pa'i lus la byugs nas khros te bltas pa tsam gyis dgra bo stong yang mgo 'chad par 'gyur ro/ /de bzhin du sems kyis byas pa tsam gyis smyo bar byed do/ /de bzhin du rab tu grub pa'i thal ba 'di nyid til mar bzang po dang bsres nas mig la byugs na dpag tshad stong na gnas pa'i dngos po rnams kyang mthong bar 'gyur ro/ /dngos po de rnams mthong bar gyur na rnal 'byor ba des sbom po dang tha ltag gis brdegs pa tsam gyis de dag rang nyid 'ongs nas gam du nye bar gnas par 'gyur ro/ /de bzhin du thal ba de nyid kyi rab tu sbyor ba gzhan yang gsungs pa/ thal ba de ki wang gis zhes bya ba la sogs pa ste/ rnal 'byor pas rab tu sbyor ba 'di byas na 'dis ni dmag gi tshogs stong ngam 'bum yang khas bu ba tu 'gyel bar 'gyur ro/ /bkrus pa tsam gyis zhes bya ba ni rnal 'byor pa'i mthe bos de 'o mas bkru bar byas na dgra bo rnams slar yang 'tsho bar 'gyur ro/ /gzhan yang thal ba'i sbyor ba de nyid kyis gzhan du sbyar ba las gser du 'gyur bar blta ba/ yang thal ba de nyid ces bya ba la sogs pa'o/ /shing bad ga'i khu ba zhes ni shing bad? ga'i bcud do/ /de nas rdo rje las byung bar gzhug go / lcags kan+ta zhes bya ba phye mar byas pa yang der blugs so/ /rdo rje dbyug pa'i bcud ni mi bskyod pa'o/ /mkhris chen gyi bsnos nas zhes bya ba ni ma'i 'khris pas bsno ba'o/ /de nas gzhan yang gzhon nu ma'i rdo rje'i rtsis kyi don gyi rab tu sbyor ba gzhan dag gsungs pa/ yang thal ba de nyid kyis zhes bya ba la sogs pa ste/ thal ba de spyi bor byin te rdo rje las byung bas kyang gzhon nu ma'i dar rab tu brlan par bya'o/ /gzhan yang thal ba de nyid kyis de la thig le yang bya'o// de la gdug pa lngas gdugs na zhes bya ba ni gzhon nu ma de la bdud rtsi lnga'i bdug pas bdug na'o/ /rab tu sbyor ba de lta bu las gzhon nu ma de thams cad smra bar 'gyur ro/ /gzhon nu ma de lta bu de'i rab tu sbyor ba 'di byas nas/ gzhan yang grub pa'i ral gri bdun po kha nas 'thon par 'gyur ba'i sbyor ba gzhan dag sbyar bar brjod pa/ don 'grub pa'i 'bras bu la zhes bya ba la sogs pa ste/ don 'grub pa'i 'bras bu ni yud kar gyi 'bras bu'o/ /rab tu sbyor ba 'dis rig pa 'dzin pa'i dngos grub bskyed par byed do/ /gzhan yang thal bar de nyid kyis ri lu'i dngos grub bsgrub pa gsungs pa/ thal ba de ces bya ba la sogs pa ste/ lcags gsum gyis kris nas/ ri lur byas te zhes bya ba ni zangs ma dang/ dngul dang gser gyi thal ba de phur te rnal 'byor pas ri lu'i dngos grub grub par bya ba'i don du ri lur bya ba yin no/ /de bzhin du gzhan yang grub pa'i sngags bstan pa de yang ji lta ba bzhin yin pas khong du chud pa sla'o/ /'di dag ni rnal 'byor ma'i rgyud bla na med pa sangs rgyas thod pa zhes bya ba rgyud kyi rgyal po'i le'u gnyis pa'i 'grel pa/ / //slob dpon mkhas pa chen po pad+ma rdo rje zhes bya ba dngos grub chen po brnyes pas mdzad pa'o// (//dpal sangs rgyas thod pa'i rgyud kyi dka' 'grel zhes bya ba bzhugs/) rgya gar skad du/

CLOSE WINDOW