བོད་ཡིག

e-texts based on the ACIP/ALL Input

/ //dpal bdud rtsi 'grel pa bzhugs so// // */ /rgya gar skad du/ sh+rI badzrA mri ta mahA tan+tA rA dzI sya TI kA nA ma/ bod skad du/ dpal rdo rje bdud rtsi'i rgyud kyi rgyal po chen po'i rgya cher 'grel zhes bya ba/ mkha' 'gro ma rnams la phyag 'tshal lo/ /tshangs pa gzi brjid thig le mchog /'dod chags tshogs rnams rnam dag pa/ /bla ma zla ba lta bu dang/ /rdo rje bdud rtsi'i zhabs btud nas/ /rdo rje bdud rtsi'i rgya cher 'grel bshad bya/ /rgyud 'di'i brjod par bya ba ni gsang ba'i dkyil 'khor gyi bdag nyid kyi bcom ldan 'das rdo rje bdud rtsi'o/ /de rjod par byed pa nyid kyis ? 'di yang de'i mngon par brjod par bzhed do/ /brjod bya dang rjod byed ni smra bya dang smra byed nyid du mtshan nyid du 'brel pa'o/ /'dis gdul bya'i skye bo gzhug cing rtog pa ni dgos pa'o/ /mya ngan las 'das pa'i bdud rtsi la sogs pa'i 'bras bu thob pa ni dgos pa'i dgos pa'o/ / 'dir rjod par byed pa dang brjod par bya ba dang 'bral pa dang dgos pa'i dgos pa rnams rtogs par bya ba ni/ le'u bcu gcig gi rgyud 'dir nges par bstan pa'o/ /dang por gsang ba'i dkyil 'khor byed pa'i le'u nges par bstan pa'i rang bzhin gyi bcom ldan 'das ma sdud par byed pa mA ma kI gnas la sogs pa phun sum tshogs pa rjod pa sngon du 'gro ba nas brtsams te gsungs pa/ /'di skad bdag gis shes pa la sogs pa'o/ /'di skad ces pa ni rgyud yongs su rdzogs pa'i mthar thug pa'i don rnams 'dir bsdus pa'o/ /bdag gis zhes pa ni gzhan du brgyud pa las 'ongs pa ni ma yin gyi/ mA ma kI bdag nyid kyis mngon sum du yin no/ /thos pa zhes pa ni chos kyi rnam grangs bdag nyid kyis nyams su myong ba ste/ 'di skad kyi sgras bsdus par rtogs so/ /nam thos zhes pa la gsungs gcig ces pa la sogs pa'o/ /gcig gi sgras ni mnyam par ma gzhag pa'i dus dkar ba'o/ /de gsungs par gyur pa/ gang zhig nyon mongs mdza' bral ba'i/ /bcom ldan yid bzhin nor bu lha/ /bsam gyis mi khyab gnyis med pa/ /ting 'dzin skye ba'i chos ston pa/ /bdud rtsi'i char ni 'gro la 'bab/ /de ru rgyun mi 'chad pa ru/ /chos rnams ston pa mnyam gzhag dus/ / zhes pa'o/ /gang las thos zhes pa la gsungs pa/ bcom ldan 'das te bzhugs zhes pa 'dir 'brel to/ /bcom ldan 'das nyid kyis ston pa po yin pa nyid kyi skabs nyid kyis bcom ldan 'das las dngos su zhes pa la sogs pa shugs kyis go ba'o/ /bdud rtsi'i rnal 'byor gyi dbang phyug nyid kyis bcom ldan 'das sam/ sgrib pa thams cad kyi gnyen por gyur par bla na med pa'i shes rab ni b+ha ga zhes pa ste bcom ldan 'das so/ /gang du bzhugs nas bcom ldan 'das kyis 'di gsungs zhes pa la gsungs pa/ de bzhin gshegs pa thams cad ces pa la sogs pa'o/ /de thams cad kyang yin la de bzhin gshegs pa yang yin pas na/ de bzhin gshegs pa thams cad ni sku rdo rje la sogs pa ste/ ji lta ba bzhin du gsungs pa'i bdud rtsi'i thabs kyis bdud rtsir gshegs pa ni/ de bzhin gshegs pa rnams so/ /sku rdo rje ni rnam par snang mdzad do/ /gsung rdo rje ni snang ba mdza' yas so/ /thugs rdo rje ni mi bskyod pa'o/ /de rnams kyi snying po ni mchog tu dga' ba las skyed pa gzhig tu med pa'o/ /rgyu las 'bras bu nye bar btags pas na 'di nyid ni rdo rje bdud rtsi'o/ /de la gsang pa'i pad+ma gang zhig la gnas pa ni gsang ba'i pad+mar dgongs so/ /gsang ba'i pad+ma zhes pa ni spyan ma dang/ /sgrol ma dang gos dkar mo rnams kyi chos kyi 'byung gnas so/ /lha mo gsum gyi gdan ni rnal 'byor gyi gnas su gyur pa de rnams su/ gdul bya'i skye bo rnams rjes su bzung ba'i don du rdzu 'phrul gyis bzhugs so/ /yang na rigs gsum dbyer med pa gnyis su med par rdzogs pa bcom ldan 'das rdo rje bdud rtsi de'i gzhi chos kyi 'byung gnas gzhal yas khang gi dbus su gru gsum rnal 'byor gyi gnas kyi steng du/ gsang ba'i pad+ma 'dab ma stong dang ldan pa'i lte bar bzhugs so/ /bzhugs zhes pa ni rnam pa sna tshogs pa rdo rje bdud rtsis bstan pa'i mA ma kI'i yid 'phrog ces pa'i don to/ /ci bcom ldan 'das gcig bu der bzhugs sam zhes pa la/ gsungs pa/ rol rtsed bcom ldan rdo rje can zhes pa la sogs pa'o/ /rol rtsed ces pa ni lha mo dang bcas par rol pas bla na med pa'i rol rtsed la longs spyod pa ste/ rdo rje bdud rtsi'i mA ma kI thag nye ba na gnas pa la gzigs nas tshigs su bcad pa gsum pa'i dgongs pas rdo rje bdud rtsi'i de kho na nyid la rnam par gnas nas 'di nyid grub ces nye bar bsdus te ston par bzhed pas/ rol rtsed la longs spyod pa ni/ mA ma kI dang bcas par longs spyod ces pa'i don to/ /dbang phyug la sogs pa'i yon tan dang ldan pas bcom ldan 'das so/ /rtsa lnga pa ni ye shes kyi rdo rje zhes pa 'dis na rdo rje can ni rdo rje bdud rtsi'o/ /mA ma kI zhes pa ni rdo rje rigs kyi bdag po'i ltar rab tu gnas pa ste/ rang gi zhabs kyis rtsa bar 'khor ba'i pho nya ma de rnams dang bcas par man ngag brgyad po 'dis bden par bsgoms pa'o/ /ci'i phyir byang chub sems dpa' la sogs pa'i 'khor ma gsungs zhes pa'i dgos pa gsal ba'i phyir/ mA ma kI la sogs pa'i phyag rgya dang yang dag par sbyor bsgoms pas ji lta bur 'gyur ba'o/ /de kho na nyid kyi man ngag nyams su myong ba bsgrub par/ 'khol 'dod pas dngos su byed de/ rdo rje 'khor gyi tshul du mA ma kI yang nye bar bstan gyi/ byang chub sems dpa' i 'khor ni ma yin zhes brjod pa'o/ /de bzhin du yang bsang ba'i mdzod las gsungs pa phyag na rdo rje gsang bdag la/ rdo rje dri ma rnyed nas ni/ /sems can gyi ni don gyis shig /phyag na rdo rjes kyang de lta/ ngo mtshar khro mo zhes pa 'dis/ /sems can gyi ni don bya'o zhes pa la sogs pa'o/ /grong mchog ces pa ni de ma thag tu gsungs pa'i gzhal yas khang ngo/ /de ltar gnas la sogs pa'i gleng gzhi phun sum tshogs pa bstan nas/ da ni bdud rtsir 'dod pa'i rgyud nyan par 'dod pa la bcom ldan 'das kyis chos ston par brtson te/ 'dir gsol ba 'debs pa gsungs pa/ de ru lha mo des zhus pa zhes pa la sogs pa'o/ /zhus pa zhes pa ni 'chad par 'gyur ba'i man ngag go /der zhes pa ni gzhal yas khang du'o/ /des zhes pa ni mA ma kIs so/ /dam pa'i chos kyi rol rtsed la dga' bas lha mo'o/ /gsang ba zhes pa ni gzhan byang chub sems dpa' la sogs pa'i lha rnams med par gnas pas so tu'i sgra ni bden pa'i don to/ /bag chags kyi nyes pa mdza' dag gsal ba dang bla na med pa'i bdud rtsi thob par bya ba'i phyir de rtogs pa'i thabs ston par bshad pa'i rdo rje can rtogs pa dris zhes par dgongs so/ /ci zhig dris zhes pa la gsungs pa/ lha khyod nyid kyis sngon du gsungs zhes pa'o/ /gsungs zhes pa mi gnas pa'i mya ngan las 'das pa bsdus pa'o/ /lha'i dngos ni lha'o/ /gzhan yang 'di ltar rje bo'i bye brag bud med rnams lha'i sgra chags pa dang bcas pa'i gtam byed ces pa'o/ /khyod ces pa ni rdo rje bdud rtsis so/ /sngon du zhes pa ni thog mar te/ 'dir mA ma kI thag nye ba la gzigs nas zhes pa'i don te/ rdo rje bdud rtsis thog ma'i 'khor rnams la mA ma kI thag nye ba la gzigs pa ni rgyud kyi don nye bar bsdus pa'i tshigs su bcad pa gsum pa'i dgongs pas rtogs par bya'o/ /de bzhin du yang gsungs pa/ sdug pa'i pad+ma bltas nas ni/ / nga yis de nyid rab gsal bya zhes pa'o/ /yang na rdo rje bdud rtsi'i stong phrag bcu gnyis pa sngon gsungs pa de las yang 'dir bsdus te brjod par bya zhes pa ste/ de'i dus la bltos nas sngon gyi sgra blta bar bya ba ni gzhan no/ /ci zhig gsungs zhes pa la gsungs pa/ rdo rje bdud rtsi rgyud kyi mchog ces pa la sogs pa'o/ /rdo rje bdud rtsi'i snying po'o/ /dkyil 'khor 'khor dang bsgom pa la sogs pa bsdus pas sam skyob pas na rgyud do/ /ming ci zhig snyam pa la gsungs pa rdo rje zhes pa la sogs pa ste/ rdo rje bdud rtsi ming can no/ /rgyud thams cad las phul du byung bas na mchog go /bdud rtsi ni mya ngan las 'das pa'o/ /de'i sgrub thabs ni dngos su byed pa'i don te/ thabs kyi rgyu'o/ /de ni rang gis gsungs zhes pa ni rab tu gsal bar mdzod cig pa'o/ /de ltar bcom ldan 'das la gsol ba btab nas/ sngon du nye bar bsdus pa'i rgyud kyi don nye bar rtogs par bya ba'i phyir bstan pa gsungs pa/ bcom ldan rdo rje bka' stsal zhes pa la sogs pa'o/ /zhes pa'i sgra ni gsol ba btab pa'i de ma thag tu'o/ /bka' stsal zhes pa ni gsungs pa'o/ /ci zhig gsungs zhes pa la gsungs pa/ bsam gyis mi khyab ces pa la sogs pa ste gsungs zhes pa 'dir 'brel to/ /bsam gyis mi khyab ces pa ni bsam du med pa'i chos kyi dbyings kyi rgyu byed pa'i phyir bsam pa dang bral ba'o/ /zad pa ni brlag pa la sogs pa'o/ /zad pa med pa ni brlag pa med pa ste/ ma skyes pa dang mi 'gag pa dang/ chos nyid dang rgyu med ba zhes pa'i don to/ /gzugs la sogs pa'i yul rnams las ldog par byed pa nyid kyis phra ba'o/ /la la na re phra ba'i sgras ni bdag la sogs par brjod de/ de rnams kun tu bsdus pa nyid kyis phra rab brjod do/ /don med pa ni 'bras bu med pa ste/ don med pa yin pa ni don can te 'bras bu dang bcas zhes pa'i don to/ /dbang po las 'das zhes pa ni sku dang gsung mig la sogs pa'i dbang po rnams kyi yul ma yin zhing/ chos kyi de kho na nyid kyi rgyur gyur pa nyid kyis dbang po las 'das pa'o/ /dbang po'i sgras ni byed par brjod do/ /mig la sogs pa'i dbang po'i byed pa dang 'bral bas de kho na nyid nye bar bsdus pas dbang po las 'das zhes pa'o/ /gzhan yang mchog ni yang dag par khyad bar du 'phags pa'o/ /'dod chags la sogs pa'i chos rnams nye bar zhi bar byed pa'i phyir/ rgyu nyid kyis zhi bar byed pa'i phyir/ rgyu nyid kyis zhi ba'o/ /sgrib pa thams cad spang ba'i phyir rnam par dag pa'o/ /rdo rje bdud rtsi zhes pa la dbyer mi phyed pa'i ye shes so/ /bdud rtsi ni mya ngan las 'das pa ste/ de bzhin du de'i rgyu yin pa nyid kyis rdo rje bdud rtsi'i rgyud kyang de ltar gyur pa'i rang bzhin no/ /gsungs pa ni mngon du bsdus pa yin no/ /'dis ni rang gi nye bar rtogs pa bcom ldan 'das kyis bdag la ston zhes pa ste/ de ltar sngon du bsdus pa'i rgyud mA ma kIs rjes su dran nas/ nga ni bcom ldan 'das kyis rdo rje bdud rtsi'i ting nge 'dzin gyis de kho na nyid gang zhig mngon sum du mdzad pa gang zhig / rgyud gzhan rnams sbas pa de bcom ldan 'das kyis bdag la gzhan ma yin par gsungs zhes pa'o/ /nye bar bstan pa'i phyir gsungs pa/ de nas bcom ldan rdo rje can zhes pa la sogs pa ste/ bcom ldan rdo rje can bka' stsal zhes so/ /rdo rje bdud rtsi bde ba che/ /zhes pa 'dir 'brel to/ /de nas zhes pa ni zhus pa'i de ma thag tu bcom ldan 'das kyis zhes pa'i tshig gi don to/ /ci zhig gsungs zhes pa la rdo rje bdud rtsi'i ting nge 'dzin gyis zhes pa la sogs pa'o/ /rdo rje bdud rtsi'i ting nge 'dzin gyis zhes pa ni/ rtsi'i 'o ma'i rang bzhin gshig tu med pa'i rdzogs pa'i dkyil 'khor gyi rnal 'byor gyis rdo rje bdud rtsi yang dag par sbyor pa bsgoms pa'i khyad par ni rdo rje bdud rtsi'i ting nge 'dzin no/ /de nyid bye brag du bya ba'i phyir gsungs pa/ mA ma kI zhes pa ni mA ma kI dang bcas par yang dag par sbyor ba'i bsgoms pa 'di ni chags pa'i sbyor ba ste/ ting nge 'dzin shin tu zhen pa'o/ / mA ma kI la chags pa dang ldan pa des rdo rje bdud rtsi'i ting nge 'dzin gyi byed pa por gyur pa 'am rgyur gyur pa'o gsang ba'i de kho na nyid rab tu gsal mdzad pa ni/ nga yis mngon sum du byas pa 'am mngon sum du gyur pa ste/ ting nge 'dzin 'di nga yis spyad ces bsdus par gyur to/ /de bzhin du yang gsang ba'i mdzod las phyag na rdo rje la gsungs pa/ gsang ba zhes bya kun tu sbyad par bya zhes pa'o/ /'dir ci zhig gsungs rdo rje bdud rtsi'i ting nge 'dzin 'di gzhan du yang gsungs pa ma yin nam/ gong gis de rab tu gsal bar mdzad ces pa la gsungs pa/ sbas pa zhes pa ste ma gsungs pa'o/ /gang gi phyir 'di bstan pa ni bud med rnams nyid yin gyi gzhan rnams su gzhung 'di sbas zhes par dgongs so/ /yang gsang ba'i mdzod las phyag na rdo rje la gsungs pa/ bud med slob mar byas nas ni/ thams cad de nyid bstan par bya zhes bya'o/ /gang du sbas zhes pa la gsungs pa/ rgyud rnams kun tu zhes pa ni dam pa dang po dang gsang ba 'dus pa la sogs pa'i rtsa ba dang rgyud phyi ma rnams su'o/ /ci zhig sbas zhes pa la/ ye shes zhes pa la sogs pa'o/ /ye shes zhes pa ni de kho na nyid phyin ci ma log par bshad pa'o/ /rdo rje ltar mi phyed pas na bdud rtsi'i ming can no/ / mchog ni bla na med pa nyid kyis so/ /de bshad pa ni bcom ldan 'das kyis ting nge 'dzin 'di nyid du gsungs zhes pa'o/ /de ni zhes pa ni gang zhig nga yis rtogs pa rgyud gzhan du sbas pa de 'dir bshad par bya ba ste/ de ni bshad kyis nyon zhes pa 'dir 'brel to/ /de kho na nyid kyang rang rig pa nyid kyis 'di zhes tshig gis brjod par mi nus pas/ brda'i tshig gis rab tu gsal ba 'am snyoms par bzhugs pa'i rnal 'byor gyis shes par 'gyur te/ snyoms par 'jug pa yang 'khyud pa la sogs pa sngon du 'gro ba zhes pas 'dir de rtogs par bya'o/ /don du 'khyud pa la sogs pa'i byed pa'i brdas nye bar longs spyod pa'i sgrub thabs kyang rim par brjod pa'i phyir gsungs pa/ dam du 'khyud cing 'os byas te/ zhes pa la sogs pa'o/ /dam du ni shin tu'o/ /'khyud ces pa ni lag pa gnyis kyis mgrin pa la 'khyud pa'o/ /'o byas te zhes pa ni 'o bya ba'o/ /gnas rnams su khas par yang dag par rig pas 'dar ba la sogs pa'i mtshan nyid do/ /chags pa'i rol pas zhes pa la chags pa la ni 'o la sogs pa mdza' zhing sdug pa ste des rol pa ni kha'i longs spyod do/ /des mnyam par sbyor zhing nye bar longs spyod pa nges 'grub ces par 'brel to/ /glu zhes pa ni dbyangs kyi tshig tu gyur pa'o/ /rol mo zhes pa ni gling bu dang pi bang dang rdza rnga la sogs pa'o/ /'grub ces pa ni bde ba'i byed pas rdzogs shing so sor gsal ba'i spyod yul du 'gyur zhes pa'i don to/ /dus mi ring bas zhes pa ni/ 'o la sogs pa'i de ma thag tu'o/ /lha mo zhes pa ni bod pa'o/ /ci zhig 'grub ces pa la gsungs pa/ rgyud ces pa la sogs pa'o/ /rgyud ces pa ni rgyu la 'bras bu'i ming btags nas sgra'i tshogs la sogs pa'i rgyu rdo rje bdud rtsi'i snying po'i yi ge der rdzogs nas/ der de yongs su gyur pa la rdo rje bdud rtsi rjod par byed pa/ rdo rje bdud rtsi'i rgyud nyid la gzhug ces par dgongs so/ /mchog ni khyad par du 'phags pa'o/ /'dis ni 'di ltar gsungs par gyur te/ 'o la sogs pa'i byed pas mngon pa'i nga rgyal can gyi bde ba skye ste/ de nas dbang po gnyis kyi snyoms par 'jug pas snyoms 'jug pa'i bde ba'o/ /de las rdo rje bdud rtsi'i de kho na nyid skye zhing so sor gsal ba'i spyod yul du 'gyur te/ des ni sgra'i tshogs kyis bdag nyid kyi rgyud nyid kyis 'grub ces pa'o/ /de ltar 'khyud pa la sogs pa'i byed pa ni rgyas par bstan pas rdo rje bdud rtsi nyid yang dag par rtogs pa'o/ /de nyid brdas rgyas par bstan pa gsungs pas/ bdud rtsi zhes pa la sogs pa'o/ /bdud rtsi sgras khu ba'o/ /khu ba zhes pa ni khu ba'i thig le ltar bskyed pa'i rgyu nyid kyis 'chang bar 'gyur ba'i snying po'i yi ge yin/ /la lar rab tu byed pa'i dbang gis sgra ji bzhin par byang chub kyi sems nyid la brjod do/ /de yis zhes pa ni de'i phyir te de lta bu'i rnam par bdud rtsi'i yi ges so/ /rab tu bsdus zhes pa ni 'gro ba'o/ /'gro ba gsum gyi ri mo dang ldan pa'i dkyil 'khor zhes pa'i don to/ /brdas de kho na nyid rgyas par bstan nas/ de'i sgrub thabs gsungs pa/ de'i sgrub thabs zhes pa la sogs pa'o/ /de'i zhes pa ni 'gro ba skyed byed kyi de nyid do/ /sgrub thabs ni gang gis sgrub par bya'o/ /de nas zhes pa ni 'gro ba skyed byed nas so/ /bshad ces pa nas nam bshad par bya zhes pa'o/ /khyod 'dod don du zhes pa ni khyod 'dod pa'i ched du'o/ /gang zhal zla ba lta bu de ni de bzhin no/ /de ci rgyas par bshad dam zhes pa la gsungs pa/ brjod ces pa la sogs pa'o/ /mdor bsdus pa ni shin tu bsdus nas so/ /de nam zhes pa ni de kho na nyid do/ /nga yis ni rang gis so/ /brjod pa ni gzhung ngo/ /nyon zhes pa ni rna ba blags te zhes pa'i don to/ /khyod gcig pu 'dod pa'i ched du bshad pa ni ma yin no/ /'on kyang sems can mdza' dag gi don du ste/ de nyid gsungs pa/ sems can kun la zhes pa la sogs pa'o/ /rnal 'byor zhes pa ni lha rnams kyi rnal 'byor ro/ /der yang lha rnams kyi rnal 'byor bsgom pa'o/ /de'i don du bdud rtsi'i snying po'o/ /mchog ni gtso bo'o/ /gang zhig ces pa ni de kho na nyid do/ /shes pas zhes pa ni/ mngon par rtogs pa'o/ /myur du zhes pa ni skye ba 'di nyid do/ /rnal 'byor pa zhes pa ni/ bsgrub pa po'o/ /'khor ba'i 'ching ba las zhes pa ni srid par bying ba las so/ /grol zhes pa ni thar pa thob pa'o/ /slar yang de'i bye brag tu bstan pa'i phyir gsungs pa gsal mi bya zhes pa la sogs pa ste/ dam tshig med pa rnams la mi bstan pa nyid kyis na shin tu gsang nas dam tshig can rnams la bstan par bya zhes dgongs so/ /ye shes chen po ni byang chub kyi sems te de'i rang bzhin zhes pa'i don to/ /'grub ces pa ni 'jig rten gsum gyi dngos grub kyi rang bzhin no/ /'jig rten gsum zhes pa ni srid pa gsum gyi dbang phyug go /de'i sgrub thabs ni rgyu'o/ /sku gsung thugs zhes pa ni rdo rje bdud rtsi'i sku gsung thugs so/ /'grub don ni rdzogs par bya ba'i ched du'o/ /sgrub po rnams zhes pa ni rdo rje sgrub cing brten pa'i sngags rnams so/ /bde thob ces pa ni de rnams kyis bla na med pa'i bde ba bde ba'i yid kyis thob pa'o/ /de lta bu'i sgrub thabs kyi bye brag nyid gsungs pa/ rdo rje pad+ma zhes pa la sogs pa'o/ /rdo rje'i tshig 'dis don gsum pa bstan te/ rdo rje dang pad+ma mnyam par sbyor ba las reg pa'i bde bas rdo rje dang pad+ma'o/ /'o byas pas kyang rdo rje bdud rtsi'i snying po'i yi ge'i bdag nyid kyi de kho na nyid shes pa'i bde ba rang rig pa'i spyod yul du gyur pa'am/ bcom ldan 'das ma'i rang bzhin nyid du yang dag par sbyor ba byas nas nga yis de nyid rab tu gsal por bya zhes so/ /don gsum po 'di dag gi dgongs pa bde blag tu bsdu ba'i phyir/ sdud par byed pa pos rdo rje tshig 'di lta bu nye bar bsdus so/ /rdo rje zhes pa ni skyes pa'i dbang po'o/ /pad+ma zhes pa ni bud med kyi dbang pos te de dag yang dag par sbyor ba las/ reg pa nye bar longs spyod pa'i bye brag des rdo rje bdud rtsi yang dag par 'byung zhes par 'brel to/ /byang chub sems kyi thig le nyid ni mi 'gyur ba'i yi ge ste/ rdo rje bdud rtsi zhes brjod do/ /de bzhin du brdas de kho na nyid do/ /de las yang dag par byung ba ni skyes pa ste ye shes kyi rang rig pa'i tshul gyis so sor gsal ba'o/ /gang du b+ha ga'i pad+ma der de bzhin du gsungs pa ste/ de la rnal 'byor pas 'o bya ba ni phyi nang gi lces reg par bya zhes pa'i don to/ /rdo rje dang pad+ma yang dag par sbyor bas ni skyes pa ni/ gang zhig rdo rje bsgrub pa'o/ /de la phyag rgyas 'o bya ba ni/ des na mnyam par yang dag par 'o bya zhing bzhib par bya zhes pa'i don to/ /rdo rje bdud rtsi yang dag 'byung/ /b+ha ga'i pad+mar 'o bya'o/ /zhes pa 'dis ni mnyam par chags zhes par dgongs so/ /da ltar gyur pa 'dis chos kyi de kho na nyid 'di ltar chos bstan pa'i rim pa bzhin gsal bar mdzod cig pa'o/ /'dir zhes pa ni bstan par 'gyur ba'o/ /de bzhin du yang gsang ba 'dus pa las/ de bzhin gshegs pa thams cad kyang 'dod pa la ci yang mi gsung bar gyur zhes pa'o/ /de ltar bcom ldan 'das kyis nye bar gsungs nas/ de kho na nyid rtogs par bya ba la dkyil 'khor de nyid bsgom pa'i don du dkyil 'khor zhus pa gsungs pa/ de nas dgyes shes zhes pa la sogs pa'o/ /de nas zhes pa ni de kho na nyid thos pa'i de ma thag tu'o/ /dgyes zhes pa ni rangs pa'o/ /de zhes pa ni mA ma kI'o/ /dgyes pa'i rgyu gsungs pa b+ha ga zhes pa la sogs pa'o/ /b+ha ga'i pad+mar 'o dang rab tu sbyor bas de kho na nyid rtogs par 'gyur zhes pas na rgyu'o/ /dgyes nas ci zhig byed ces pa la gsungs pa/ zhus zhes pa la sogs pa'o/ /ci zhig zhus zhes pa la dkyil 'khor zhes pa la sogs pa'o/ /dkyil 'khor ni rdo rje bdud rtsis so ma la sogs pa'i lha rnams kyi bkod pa'o/ /nyes pa mdza' dag dang bral bas yid du 'ong ba'o/ /nyan thos la sogs pa rnams dang thun mong ma yin pa nyid kyis gsang ba'o/ /rdo rje bdud rtsi 'byung zhes pa ni rdo rje bdud rtsi'i snying po 'byung ba 'am/ der rdo rje bdud rtsi yis rab tu bcing ba'o/ /zhus pa nyid gsungs pa/ cho ga dag ni gang zhig gis zhes pa la sogs pa'o/ /gang zhes pa ni thig gdab pa la sogs pa'o/ /cho ga ni chu dang zheng du'o/ /mchod pa'i dkyil 'khor zhes pa ni mchod pa la 'jug pa'i rgyur ram/ mchod pa byed pa nyid do/ /dkyil 'khor ni mchod pa'i dkyil 'khor te/ sangs rgyas rnams kyi ye shes kyi snying po'i skye ba'i gzhi'o/ /brtsam zhes pa ni ji ltar de nyid rnam par rdzogs par rab tu brtsam par bya'o/ /mchod pa zhes pa ni mchod pa'i bye brag gis mchod par bya'o/ /ji lta bu zhes pa ni ji lta bu'i chul gyis so/ /der ru zhes pa ni dkyil 'khor du'o/ /sgrub pa zhes pa ni dkyil 'khor ba'i lha rnams so/ /thabs ni dkyil 'khor byin gyis brlab pa'o/ /ci rnam pa gang gis dri ba gsum pa 'di rnams ji ltar brjod snyam pa la rang gis bka' drin gyis zhes pa ste 'jig rten na rab tu grags so/ /shin tu chags chen ni rdo rje bdud rtsi ste/ de dag nyid yin pa nyid kyis shin tu chags chen no/ /rnyed dka' ba zhes pa ni sangs rgyas 'byung ba dus ring pos kyang mi thob pa dang/ shin tu chags chen yang da las rnyed par dka' zhes bsdu ba'o/ /da ni lha rnams kyi rim pa dris pa'i lan bstan pa'i phyir gsungs pa/ de nas bcom ldan 'das zhes pa la sogs pa'o/ /de nas zhes pa ni zhus pa'i de ma thag tu'o/ /tu'i sgra ni tshig kha bskang ba'i phyir ro/ /bcom ldan zhes pa ni tshig gi don to/ /de zhes pa de de kho na nyid gsal bar bya ba'i phyir gang zhig gsungs pa'i rdo rje la byas par gyur pas dgyes pa'o/ /dgyes par gyur pa ni rangs pas cung zad gzhad pa'o/ /'di zhes pa ni thugs la gnas pa 'am 'chad par 'gyur ba rnams so/ /gsungs zhes pa ni gsung bar 'gyur ba'o/ /ci zhig gsungs zhes pa la gsungs pa/ sku gsung thugs ni 'grub don tu zhes pa la sogs pa'o/ /sku gsung thugs zhes pa ni/ rdo rje bdud rtsi'i sku gsung thugs te rdzogs par bya ba'i ched du'o/ /'khor ba zhes pa ni brgal bar dka' ba nyid kyis 'khor ba nyid ni rgya mtsho ste/ rgya mtsho der bying ba'i sems can rnams sgrol ba ni 'grol ba ste/ pha rol gyi 'gram thob par byed pa'o/ /shin tu chags chen zhes pa ni rdo rje bdud rtsi'o/ /yang dag sbyor ni gang du bsgoms pa de ni de bzhin no/ /dkyil 'khor zhes pa ni gang zhig 'dir snying po ye shes skye ba des na de kho na nyid la yang dag par gnas zhes dgongs pa'i don to/ /de nyid rgyas par bya ba'i phyir gsungs pa/ gru gsum zhes pa ni zur gsum mo/ /bri zhes pa ni rdul tshon sna lnga'i phye mas bri ba 'am/ bris pa dang 'dra bas bsgoms par bya'o/ /bri bar bya zhes pa 'dis bri ba'i tshig gzhan yang bsdu bar bya zhes pa'o/ /ji lta bu'i rnam pa zhes pa la gsungs pa/ gsang ba zhes pa sogs pa'o/ /gsang ba'i pad+ma zhes pa ni chos 'byung gi rnam pa'o/ /bdag ma zhes pa ni yang dag par bod pa'o/ /ci zhig bri bar bya ba zhes pa la pad+ma zhes pa la sogs pa'o/ /bya zhes pa ni thog mar pad+ma 'dab ma brgyad pa yang dag par bri ba'o/ /khyad par ji lta bu zhes pa la ge sar zhes pa la sogs pa'o/ /ge sar zhes pa logs kyi 'dab ma rnams so/ /gru gsum gyis sbas pas gsang ba ni mi mngon pa'o// gang zhig logs kyi ge sar nges bkab pas ni ma mthong ba'i spyod yul lo/ /ge sar ni lte ba'i spyod yul lo/ /dbus su zhes pa ni 'di lta bu'i 'phar ma gcig pa bri bar bya'o/ /de'i dbus su rdo rje bdud rtsi bzhag par bya zhes bstan pa'i phyir gsungs pa/ de'i zhes pa la sogs pa'o/ /de'i zhes pa dkyil 'khor dbus su/ /nga zhes pa ni rdo rje bdud rtsi'o/ /rig ces pa ni shes par bya zhing rnam par brtag par bya zhes pa'i don to/ /ci lta bur gyur pa zhes pa la gsungs pa zhal gsum zhes pa la sogs pa'o/ /pri yang ku lta bu dang dkar po dang dmar po'o/ /kha dog ste gang gi zhal gsum po de ni de bzhin du gsungs so/ /rdo rje dang 'khor lo dang ral gri dang dril bu dang/ lcags kyu dang zhags pa ste mtshon cha rnams kyis brgyan pa'o/ /gang gi phyag gdug yin pa de ni de bzhin du gsungs so/ /gtso bo zhes pa ni dkyil 'khor gyi bdag po'o/ /zhal rnams rgyas par bstan pa'i phyir gsungs pa/ dkar min zhes pa la sogs pa'o/ /dang po'i zhal ni dkar min zhes pa ni pri yang ku lta bu'i mdog go /g.yas dang g.yon gyi zhal ni dkar po dmar po'o/ /lha'i rgyan gyis kun tu brgyan zhes pa ni/ rdo rje'i gtsug tor dang/ nor bu'i gcod pan dang/ ska rags dang/ dpung rgyan dang/ rkang rgyan la sogs pa'i rgyan gyis kun tu brgyan pa'o/ /lha'i phreng ba zhes pa ni a mi ta ka'i me tog gi phreng ba 'dzin pa'o/ /gos zhes pa ni sna tshogs bkra ba'i gos 'dzin pa'o/ /lha'i dri zhes pa ni rdo rje'i tshig 'dis gur gum ste/ lha'i dri'i gur gum nges byugs pa'i don no/ /'dis ni gzhan du mdog ser por bstan to/ /sngon du kha dog nag po brjod pa ni lha'i dri brjod pa'i don te/ pri yang ku lta bu'i kha dog ces gsungs pa'o/ /lhag ma'i lha rnams rigs gsum gyi rnam pa'i don du/ sngon du zhal nag po zhes gsungs so/ /lha'i dri zhes pa 'dis ni gzhan ser po dang ljang gu'i kha dog gnyis bsdus te/ de bsdus pa las dkyil 'khor la sogs pa'i cho gar rdul tshon lnga nges par mdzad do/ /gang zhig le'u lnga par mA ma kI'i phyag tu gnas pa'i rdo rje la sogs pa'i mtshan ma'i phyag rgya de nyid rdo rje bdud rtsi dang zla ba ma la sogs pa'i lha rnams sbyin par bya zhes don gyis shes par bya'o/ /lha'i dngos grub byed pa zhes pa la lha'i dngos grub ni lha la bdud rtsi dang dpal 'byor gyi dngos grub po/ /de rnams byed pa ni ster bar byed pa ste lha'i dngos grub byed pa ni dngos grub kyi gtso bor dgongs so/ /zhi zhes pa ni zhi zhing ldan na phyag mtshan bstan ci'i phyir ma bstan snyam pa'i dog pa bsal sgeg pa'i ro'o/ /sku gsung thugs kyi rdo rje can zhes pa ni/ rigs gsum dbyer med pa'i bdag nyid ces pa'i don to/ /cung zad dmar ba lta bu'i 'od kyi dkyil 'khor can bdud rtsi'i dkyil 'khor gyi steng du sems dpa' i skyil mo krung gis bzhugs pa'o/ /dkyil 'khor gyi bdag po dgod pa bstan nas phyi'i 'phar ma bstan pa'i phyir gsungs pa/ phyi'i zhes pa la sogs pa'o/ /de'i zhes pa ni dkyil 'khor gru gsum gyi'o/ /phyi'i phyi rol te gru bzhi sgo bzhi par brtag pa'o/ /sgo rnams su sgo skyong dgod pa gsungs pa/ shar du khro gnyer can zhes pa la sogs pa ste/ thams cad zhal gsum phyag drug pa zhes pa'i tshig las/ shar sgor khro gnyer bsdus pa can khro bo'i rgyal po nam mkha' dang mnyam pa'i kha dog /zhal gsum ni nam mkha' dang dkar po dang/ dmar po'o/ /lcags kyu dang/ rdo rje dang ral gri dang/ 'khor lo dang zhags pa dang dril bus brel ba'i phyag drug go / sna tshogs pa'i rgyan dang rdo rje bdud rtsi'i po tis cod pa na mtshan pa/ dmar po'i 'od dang ldan pa zla ba'i dkyil 'khor gyi steng du 'gying bag gi zhabs kyis gnas pa'o/ /lho'i sgor mi bzad 'jigs pa kha dog dkar po ste/ zhal gsum ni dkar po dang/ nag po dang/ dmar po'o/ /phyag drug gis zhags pa dang/ rdo rje dang/ ral gri dang/ 'khor lo dang/ dril bu dang/ lcags kyus brel pa'o/ /rdo rje bdud rtsi'i po tis cod pan mtshan cing rgyan dang ldan pa zla ba'i steng du 'gying bag gi zhabs kyis bzhugs pa'o/ /nub kyi rta'i chu can/ kha dog dmar po'o/ /zhal gsum ni dmar po dang/ dkar po dang/ nag po'o/ /phyag drug tu lcags sgrog dang/ rdo rje dang ral gri dang 'khor lo dang dril bu dang lcags kyus brel ba nyi ma'i 'od can rdo rje bdud rtsi'i po tis cod pan mtshan pa/ sna tshogs pa'i rgyan dang/ ldan pa nyi ma'i 'od can zla ba'i steng du 'gying bag gi zhabs kyis gnas par rab tu brtag go /byang sgor tshogs kyi gtso bo du rba ser po'i mdog can zhal gsum ni/ ser po dang dkar po dang nyi ma lta bu'o/ /phyag drug ni dril bu dang/ rdo rje dang/ ral gri dang 'khor lo dang/ lcags kyu zhags pas brel pa'o/ /dmar po rdo rje bdud rtsi'i cod pan sna tshogs pa'i rgyan can zla ba'i steng du 'gying bag gi zhabs kyis gnas pa'o/ /pad+ma'i 'dab ma rnams la lha mo rnams dgod par bya ba'i phyir gsungs pa/ rig ma zhes pa la sogs pa'o/ /ma rig pa'i mi mthun pa'i phyogs yin pa'i phyir ram/ rig par 'gyur ba nyid kyis rig ma ni lha mo'o/ /bri zhes pa ni 'dir ting nge 'dzin gyi dkyil 'khor te bris pa dang 'dri ba bsgom par bya'o/ /yang rdul tshon gyi dkyil 'khor du dkyil 'khor pa 'di rnams kun chos 'byung gi phyag rgya bri bar bya zhes bya'o/ /gang rnams zhes pa la gsungs pa/ zhi ma dang ni zhi zhal ma zhes pa la sogs pa'o/ /zhi ma shar gyi 'dab mar kha dog dkar po'o/ /zhal gsum ni dkar po dang nag po dang/ dmar po'o/ /phyag drug ni zla ba dang/ rdo rje dang ral gri dang dril bu dang/ lcags kyu dang/ zhags pas brel ba'o/ /cod pan du rdo rje bdud rtsis mtshan pa sna tshogs pa'i gos la sogs pa'i rgyan dang ldan pa/ nyi ma'i 'od can zla ba'i dkyil 'khor gyi steng du sems dpa' i skyil krung gis gnas pa'o/ /zhi zhal ni lho'i 'dab mar kha dog ser mo zhal gsum ni ser po dang dkar po dang nyi ma lta bu'o/ /phyag drug ni zla ba dang ral gri dang/ rdo rje dang zhags pa dang/ lcags kyu dang dril bus brel ba'o/ /cod pan rdo rje bdud rtsi po tis mtshan pa nyi ma'i 'od can gong dang mthun par lho'i 'dab mar gnas so/ /nub kyi 'dab mar zla nor dmar po/ zhal gsum ni dmar po dang/ dkar po dang/ nag po'o/ /phyag drug ni zla ba dang/ ral gri dang rdo rje dang dril bu dang/ zhags pa dang/ lcags kyus brel ba'o/ /rdo rje bdud rtsi cod pan zhes pa nas/ skyil krung zhes pa mthun pa'o/ /byang gi 'dab mar sa si ni kha dog ser pa'o/ /zhal gsum ni ser po dang/ dkar po dang/ nyi ma lta bu'o/ /phyag drug ni zla ba dang/ lcags kyu dang/ ral gri dang/ zhags pa dang/ rdo rje dang/ dril bu'i mtshan mas brel ba'o/ /cod pan zhes pa mthun no/ /ri bong can gyi dkyil 'khor gyi kha dog nag po zhal gsum la/ nag po dang dkar po dang/ dmar po'o/ /phyag drug tu zla ba dang rdo rje dang/ ral gri dang/ zhags pa dang/ lcags kyu dang/ dril bu bsnams pa rdo rje bdud rtsis cod pan la sogs pa dang/ me'i 'dab mar gnas so/ /ri bong can gyi ri mo ni pri yang ku lta bu'i kha dog ste/ zhal gsum ni pri yang ku dang dkar po dang/ nyi ma lta bu'o/ /phyag drug ni zla ba'i cha dang/ rdo rje dang/ ral gri dang/ zhags pa dang/ lcags kyu dang/ dril bu 'dzin pa'o/ /bdud rtsi zhes pa mthun par bden bral gyi 'dab ma la'o/ /yid shes ma autpal sngon po lta bu'i kha dog zhal gsum ni sngon po dang/ dkar po dang dmar po'o/ /phyag drug tu zla ba dang dril bu dang/ rdo rje dang lcags kyu dang/ zhags pa dang/ dril bu 'dzin pa'o/ /rdo rje bdud rtsi po tis zhes pa nas rlung gri 'dab mar bri bar bya'o/ /ma ni a la da ni ka ri ni gser gyi kha dog ste zhal gsum ni gser lta bu dang dkar po dang/ dmar po'o/ /phyag drug tu zla ba dang/ ral gri dang/ rdo rje dang/ zhags pa dang/ lcags kyu dang/ dril bu'o/ /mtshon cha'i rgyan sna tshogs kyis brgyan pa rdo rje bdud rtsi'i po tis cod pan mtshan pa nyi ma'i 'od can zla ba'i dkyil 'khor gyi steng na sems dpa' i skyil mo krung gis gnas pa dbang ldan gyi 'dab mar shes par bya'o/ /'di nyid gsungs pa thams cad zhal gsum phyag drug ma/ phyogs dang phyogs bral rnams su'o zhes pa'o/ /lha mo 'di rnams zla ba'i phyag rgya byang chub sems kyi phyag rgya zhes pa man ngag go /dkyil 'khor 'di nyid dkyil 'khor pa me tog la sogs pa yang brtags par bya'o/ /me tog kha dog dkar po/ zhal gsum ni dkar po dang/ nag po dang/ dmar po'o/ /phyag drug tu me tog gi za ma tog dang/ ral gri dang/ rdo rje dang/ lcags kyu dang/ zhags pa dang/ dril bu ste dbang ldan du'o/ /bdug spos ni du ba'i kha dog zhal gsum ni du ba dang/ dkar po dang/ dmar po'o/ /phyag drug tu spos dang ral gri dang rdo rje dang/ zhags pa dang lcags kyu dang dril bu 'dzin pa mer dgod do/ /mar me ma gser lta bu'i kha dog /zhal gsum ni gser lta bu dang/ dkar po dang dmar po'o/ /phyag drug tu mar me dang/ rdo rje dang/ zhags pa dang/ lcags kyu dang/ dril bu 'dzin pa bden bral du'o/ /dri ma ni kha dog dmar mo ste zhal gsum ni dmar po dang/ dkar po dang nag po'o/ /phyag drug ni dri'i dung phor dang/ ral gri dang/ rdo rje dang zhags pa dang/ lcags kyu dang dril bu 'dzin pa rlung du'o/ /de rnams kyang rgyan thams cad kyis brgyan pa zla ba'i dkyil 'khor gyi steng du sems dpa' i skyil mo krung gis gnas pa dmar ba'i 'od can rdo rje bdud rtsi'i po tis mtshan pa'o/ /gang zhig dkyil 'khor du yang me tog la sogs pa bshad pa ni ma gsungs te de lta mod kyi bri bar bya ste/ sngags bskyed pa gsungs pa las sngags su 'khor lo 'dus pas 'di rnams gsungs pa de nyid do/ /'dir pi waM la sogs pa dgod pa ma yin te/ de rnams kyis sngags ma gsungs pas mi dgod do/ /gang du de ma thag tu gsungs pa/ pi waM ma sogs mchod pa yis/ / zhes pa des ni phyi rol tu pi waM ma la sogs pa'i mchod pas dkyil 'khor grub pa gsungs kyi pi waM ma la sogs pa'i lha mo dgod pa'i tshig ni ma yin no/ /da ni dkyil 'khor gyi sgrub thabs gsungs pa/ pi waM rol mo sngags mchod pas zhes pa la sogs pa'o/ / pi waM zhes pa ni khong stong ngo/ /rol mo zhes pa ni gling bu dang rnga dang mu kun da la sogs pa'i sgra dang su ni ha ra dang/ ra dang ba lang gi kha'i rnam pa la sogs pa gzung ngo/ /mchod pas zhes pa ni rnal 'byor gyi rgyud las 'byung ba rnams kyis so/ /me tog ces pa ni dzA ti la sogs pa'i me tog go /bdug spos zhes pa ni tsan dan dang/ a ga ru dang/ ga bur la sogs pa lhan cig skyes pa 'am yang dag par sbyar ba'o/ /sogs pa'i sgras mang me dang lhan cig skyes pa 'am yang dag par sbyar ba'i dri'i bye brag rnams so/ /glu zhes pa ni rgyud kyi glu'i rab tu sbyor ba'o/ /gar zhes pa ni rang gi lha'i rnam par rjes su byed pa'o/ /pi waM ma la sogs pa nyid nye bar longs spyod pa ni mchod pa'i bye brag go /ci lta bu bye brag ces pa la gsungs pa/ chags pa'i rol pa zhes pa la sogs pa'o/ /chags pa ni bde ba'o/ /des rol pa ni longs spyod pa'o/ /gang zhig der nye bar sbyor ba de ni de bzhin te/ lha rnams chags pa'i bde ba'i rjes su mthun zhes pa'i don to/ /gsang ba'i dkyil 'khor du lha mo de rnams kyis 'khor lo bsgrub par bya ba ni byin gyis brlab par bya ba zhes par dgongs so/ /pi waM ma la sogs pa'i mchod pa la 'jug pa sngon du song nas/ sgo skyong rnams kyis rdo rje se gol gtogs pa'i mnyam par sbyor bas lha rnams dgug cing gzhug pa dang/ bcing ba dang/ dbang du bya ste dkyil 'khor bsgrub par bya zhes gsungs pa'o/ /gang gi bsgrub par bya zhes pa la gsungs pa/ rdo rje bdud rtsi zhes pa la sogs pa'o/ /rdo rje bdud rtsi bde ba che zhes pa ni slob dpon gyis so/ /gong du gsungs pa'i mchod pa rnams ji lta bu zhes pa la de'i lan gdab pa'i phyir gsungs pa/ ma zhes pa la sogs pa'o/ /ma ni skyed byed ma'o/ /chung ma ni rang gi chos kyi chung ma'o/ /bu mo ni rang las skyes pa'o/ /sring mo ni skye gnas gcig pa'o/ /tsha mo ni ma dang pa'i phyogs kyis 'brel pa'o/ /'di zhes pa ni zab mo'i rnal 'byor gyis ro mnyam pa la lhag par mos nas ma la sogs pas so/ /rdo rje bdud rtsi zhes pa ni khu pa'i thig le'o/ /des na dbang po gnyis snyoms par 'jug pa las skyes pa'i chang des lha rnams la mchod cing dbul bar bya ste/ de ltar dkyil 'khor la mchod par 'gyur ro/ /ma la sogs pa'i bdud rtsi blang ba'i 'bras bu gsungs pa/ ma yis rdo rje bdud rtsi zhes pa la sogs pa'o/ /rdo rje bdud rtsi zhes pa ni rdo rje sems dpa' o/ /nad med lang tsho ni rnam par snang mdzad do/ /'dod kun ster ni snang ba mdza' yas so/ /'gyur zhes pa ni so sor mngon par 'brel to/ /de bzhin du yang zhes pa ni ji ltar ma la sogs pa'i 'bras bu de lta bu mo ste/ rdo rje bdud rtsis kyang don yod grub pa'o/ /de bzhin gshegs pa 'dod par bya ba'i tsha mos kyang dkyil 'khor rin chen 'byung gnas te skyed byed ma la sogs pa zhes 'dir yang sbyar bar bya'o/ /rdo rje sems dpa' dang lang mtsho nad med pa 'dod pa grub pa dang dkyil 'khor rnams su sbyar zhing 'gyur zhes pa'i don to/ /mchod pa pos de'i bdud rtsi ji ltar blang zhes pa la gsungs pa/ kha yis zhes pa la sogs pa ste ma la sogs pa'i gsang ba'i pad+mar gang zhig bdud rtsi khu ba snyoms par 'jug pa bsrub bya dang/ srub pa de las khas ni rang gi khas so lce yis dgug pa ni blang bar bya'o/ /des cir 'gyur zhes pa la/ de zhes pa la sogs pa'o/ /de nas zhes pa ni snyoms par 'jug pa'i mchod pa'i de ma thag tu'o/ /'grub ces pa ni sngon du gsungs pa'i 'bras bu thob pa'o/ /ci skye ba gzhan du 'grub bam/ zhes pa la myur du zhes pa la sogs pa'o/ /myur ba ni skye ba 'di nyid du'o/ / gang gis 'grub ces pa la gsungs pa rdo rje bdud rtsi zhes pa la sogs pa'o/ /rdo rje bdud rtsi bde ba che/ /zhes pa ni mchod pa'o/ /dkyil 'khor gyi sgrub thabs ji lta bzhin du gsungs nas/ da dkyil 'khor bsgom pa bstan par bya ste/ bsgom pa de yang snyoms par 'jug pa'i sbyor bas bya ba yin te/ de'i don du byed pa gsungs pa/ 'dod par bya zhes pa la sogs pa'o/ /gang la 'dod par bya zhes pa/ mi mo kun zhes pa la sogs pa'o/ /mi mo kun zhes pa ni zhi ba ma la sogs pa'i lha mo rnams so/ /ci grong ba la sogs pa'i byed pas 'dir 'dod pa bya 'am zhes pa la/ bung ba'i sgra ltar zhes pa la sogs pa'o/ /bung ba nyid kyi sgra ni gang zhig bung ba ltar 'khol zhing sgra brjod pa de mi bung ba'i byed pa ste/ ha yig gi sgra dang sid ces pa'i sgra 'byin cing sgra 'dzin pa dang sen mo 'debs pa'o/ /so la sogs pa 'debs pa'o/ /'di skad brjod par 'gyur te ji ltar bung bas sen mo dang sos me tog gi 'dab ma la bcod cing smra 'byin par byed de 'gu 'gu zhes pa'i sgra 'byin cing mchus me tog gi chang 'thung bar byed do/ /de bzhin du sen mo dang so dang 'o bya bo dang ma mchu bzung ba sngon du song ba'i sngags pas ha zhes pa'i sgra 'byin cing ji ltar gsungs pa'i dkyil 'khor gyi dbus su khyogs la sogs pa'i byed pas lha mo'i tshogs bsten par 'gyur te/ rdo rje bdud rtsi bdag nyid bsgom par bya zhes pa'o/ /bshad lugs gzhan yang bung ba'i sgra ni steng gi byed pa'i 'khrul 'khor te/ ji ltar yos dang sran ma la sogs pa 'thag pa ste pa'i 'khrul 'khor gyis te/ bung ba bzhin 'khor zhing sgra 'byin pa ste de dang 'dra ba nyid kyis bung ba'i sgra zhes brjod do/ /'dir bud med byed pa po ste byed pa po 'di yang go bzlog pa'i chags pa'i sbyor bas gnas te/ rked pa dang rang 'thag gi 'khrul 'khor bzhin 'khor bar 'gyur pa'o/ /byed pa 'di'i mtshan nyid kyi tshigs su bcad pa ni/ rtags kyi steng du mnyam par mnan/ /rked pa 'khor lo bzhin du bskor/ /'khor ba'i byed pa 'di dag ni/ /bung ba'i sgra yis byed par bzhed/ /byed pa des 'dod pa bya zhing 'jig pa'i rnal 'byor bsgom par bya zhes pa'i don to/ /khyogs zhes pa ni khyogs dang 'dra bas na khyogs so/ /'di yang steng gi byed pa ste 'dir yang bud med ni byed pa po ste skyes bu'i bya ba'i sbyor bas rab tu bsgrub pa de'i dbus su bud med mnyam par gnas te/ rang gi rked pa'i mdun gyis sam/ rgyab kyis g.yom zhing bskyod pa ni khyogs zhes pa'o/ /'di'i mtshan nyid kyi tshigs bcad kyang/ bud med mdun nas rgyab kyis ni/ /rked pa rim par g.yom zhing bskyod/ /rtags kyi steng du mnyam gnas nas/ /de'i phyogs dang 'dra bar grags zhes pa'o 'dis ngal bar gyur na steng du gnas te 'dang pa bya zhes pa ni steng gi byed pa ste/ de gsungs pa/ gru mo zhes pa la sogs pa'o/ /gru mo yang dag par sbyor ba las byed pa 'di bstan/ zhes pas gru mo'i byed pa brjod do/ /'dir yang g.yom zhing bskyod de skyes bu ni byed pa ste gnyis ka langs pa phan tshun kha bltas te gnas pa gnyis ka'i mgrin pa yang reg ste/ rab tu myos pa'i rkang pa g.yas pa'i sgyid khung bar gyi gru khugs g.yon par bzhag nas g.yas pas de'i rgyab nas bzung ba ni gru mo byed par 'gyur ba'o/ /de'i tshigs bcad ni/ bud med rkang g.yas sgyid khung gi /lag pa g.yon pa'i gru mor bzhag /langs pa'i byed par gnas nas ni/ /gnyis ka phan tshun kha bltas pa'o/ /gzhan yang grong ba'i gan rkyal du ni 'dod par bya zhes pas gan rkyal gyi byed pa gsungs pa/ khab ltar zhes pa la sogs pa'o/ /myur bar 'bigs pas kha lta bu ni byed pa'o/ /'dir yang skyes bu ni byed pa po ste bud med gan rkyal du nyal te rkang pa gcig ni 'og tu'o/ /gzhan ni steng du ste dbyug pa ltar bsgreng ba ni khab lta bu'i byed par 'gyur/ /'di'i tshigs bcad ni bud med gan rkyal steng 'og tu/ /gang zhig dbyug pa ltar gnas pa/ /skyes pa rang gi rkang pa 'dzin/ /cung zad khab kyi byed par brjod/ gzhan yang gan rkyal gyi 'dod pa gsungs pa/ slong ba zhes pa la sogs pa'o/ /'dir yang skyes bu byed pa po ste/ slong ba gtso bor byed pa nyid kyis slong ba ste ming 'phreng kha dar brjod do/ /bud med gan rkyal du nyal te/ de'i rkang pa'i mthil gyis rang gi lte ba'i rtsa bar bkod cing lag pa gnyis kyis mgrin pa la 'khyud par bya'o/ /de yang rkang pa'i mdza' rkang pa ni slong pa ni slong pa'i byed par 'gyur ro/ /'di'i tshigs bcad kyang/ /bud med rkang pa'i thil dag ni/ /skyes bu'i lte ba'i rtsa bar dgod/ /skyes pas rkang pa yang dag bslang/ /phreng ba zhes ni rab tu grags/ /gzhan gan rkyal gyi 'dod pa gsungs pa/ shin tu brkyang zhes pa la sogs pa'o/ /'dir yang skyes bu ni byed pa po ste/ rab tu brkyang ba'i bye brag gi khyad par du byas pa nyid kyis shin tu brkyang ba'i byed pa ste/ de yang bud med gan brkyal du nyal te/ g.yas dang g.yon pa'i rkang mthil la rang gi rkang pa'i mthil gyis sbyar te ngang pa'i gshog pa ltar lag pa'i mthar thug pa rab tu brkyang zhing rdzogs par bya'o/ /de'i mtshan nyid kyi tshigs bcad kyang/ lag pa dang pa'i gshog pa ltar/ /'di ni gan rkyal rab tu gnas/ /gnyis ka shin tu brkyang nas ni/ /de'i rkang gnyis shin tu brkyang/ /zhes pa'o/ /byed pa'i zhes pa ni/ bung pa'i sgra la sogs pa'o/ /bcing ba'i sbyor ba ni bcing ba'i mtshan nyid de/ /gang gis de ma thag tu gsungs pa de rnams ni de bzhin du gsungs pa'o/ /de yis lha mo rnams sgrub par bya ba ni bcing ba'i yang dag par sbyor ba ste/ srid pa gsum gyi dkyil 'khor bskom pa'i phyir mngon du bya zhes pa'i don to/ /gang zhes pa ni rang gi lhar rdzogs par gang zhig 'dod pa'o/ /rdo rje bdud rtsi bde ba che ni rdo rje bdud rtsir dbang bskur ba'i bsgrub pa po'o/ /des na 'di rnams thams cad nyams su myong nas dkyil 'khor gyi dam tshig la 'jug par bya zhes gsungs pa/ sha chen zhes pa la sogs pa'o/ /rdzas lnga po 'di rnams kyi rang bzhin hUM yig las byung ba'i rdo rje rdul phra rab kyi rang bzhin gyi bdud rtsi chur bsgrub par bya ste/ 'di dag rdzogs par bya zhing rdzogs nas kyang/ slob ma dag la sbyin par bya zhing rang nyid kyis kyang nyams su myong bar bya'o/ /nyin re bzhin du zhes pa ni ji srid du dkyil 'khor la sogs pa'i bya ba ma bsdus kyi bar de srid du nyi ma so so la bsgrub par bya zhes par dgongs so/ /de ltar dam tshig rjes su myong ba sngon du song nas dkyil 'khor bsgom par mos pa'i sngags pas bsgrub par bya zhes gsungs pa/ 'dis ni zhes pa la sogs pa'o/ /'dis ni zhes pa de ma thag tu gsungs pa'i dam tshig rjes su myangs pa 'dis so/ /bsgrub par bya zhes pa ni rdzogs par bya ba'o/ /ci zhig bsgrub par bya zhes pa la/ dbang zhes pa la sogs pa'o/ /dbang ni bud med dam skyes pa dag bran khol du dbang byed pa'o/ /dgug pa ni ring po nas kyang 'gugs pa'o/ /sdang ba ni bud med dang skyes pa dag phan tshun mi mthun par byed pa'o/ /bsang pa ni gsod pa'i bya ba rnams lan pa'o/ /skrod pa ni rang gi yul na gnas pa/ gzhan gyis yul du bskrod pa'o/ /sogs pa'i sgras gnod pa thams cad log pa'i mtshan nyid ni zhi ba'o/ /rdzas thams cad phun sum tshogs shing 'phel ba ni rgyas pa'o/ /ci nyes pa can du bsgrub par bya ba 'am/ zhes pa la gsungs pa/ byed ces pa la sogs pa ste/ gzugs la sogs pa'i yul las log cing/ thams cad dang dngos po med par byas pas/ dbang la sogs pa thams cad sgrub pa pos byed pa'o/ /mA ma kIs rang dgar brtsams pa ni ma yin pas bstan pa'i phyir gsungs pa/ bcom ldan 'das kyis gsungs pa zhes pa la sogs pa'o/ /rang gi snying gar khyad par 'phags pa'i sbyor bas gyis/ rdo rje 'dzin pa'i dbang phyug nyid kyis bcom ldan 'das so/ /'di nyid gsungs pa/ rdo rje zhes pa ste rdo rje 'dzin pa'o/ /dbang phyug gi bde bas bde ba nyid kyi rdo rje bdud rtsi bde ba che'o/ /tshig ring por brjod pa 'dis ni rdo rje'i mtshan ma phyag rgya'i sbyor bas khyad par du byas pa'o/ /rigs gsum gyi rang bzhin du bye brag du bya ba'i phyir gsungs pa/ de bzhin gshegs pa thams cad ces pa ste/ rnam par snang mdzad dang mi bskyod pa dang/ snang ba mdza' yas kyi rang bzhin sku dang gsung dang thugs rdo rje can gang yin pa de ni de bzhin du gsungs pa rigs gsum gyi rang bzhin yin pas mi gnas pa'i mya ngan las 'das pa'i rang bzhin nyid kyis rdo rje bdud rtsi bde ba che'o/ /'dis kyang rigs gsum gyi rang bzhin gsang ba'i pad+ma 'dir gnas so/ /bcom ldan 'das kyis ni gzugs kyi sku bstan zhes pa'o/ /gzhan rnams su yang don 'di nyid du nges so/ /rgyas par bstan pa nye bar bsdu ba'i phyir gsungs pa/ rdo rje bdud rtsi zhes pa la sogs pa ste/ rdo rje bdud rtsi'i rgyud chen po'i sgras rdo rje gtsug tor rin chen gyi ming du 'brel par bya'o/ /rdo rje bdud rtsi rgyud kyi bdag po ji lta bu/ zhes pa la sogs pa/ gsang ba'i zhes pa la sogs pa'o/ /gsang ba'i dkyil 'khor chen po 'di ni lha mo'i 'khor lo'o/ /der bung ba'i sgra la sogs pa'i byed pas mngon par ston pa ni sgrub pa po rnams kyis mngon sum du byed pa'o/ /gsang ba'i dkyil 'khor byed pa gzhung gang gis de gsal ba de rgyas par bstan pa ni de bzhin du gsungs so/ /le'u dang po'i rgya cher 'grel pa'o/ /de ltar gsang ba'i dkyil 'khor gyi bdag nyid kyi rdo rje bdud rtsi brjod nas/ 'di med par snying po'i sngags rdzogs par mi 'gyur zhes pas de kho na nyid kyi rnal 'byor gyi ye shes rgyas par bstan pa'i phyir gsungs pa/ de nas zhes pa la sogs pa'o/ /de nas zhes pa ni le'u dang po bstan pa'i de ma thag tu'o/ /de la dang por thog mar bstan pa'i man ngag rjes su btsal ba las snyoms par 'jug pa'i zer gyis de kho na nyid rtogs zhes go bar bya ste/ 'khyud pa la sogs pa byed pas rjes su chags par bya zhes pa dgyes zhes pa la sogs pa'o/ /dgyes zhes pa ni gsang ba'i dkyil 'khor thos pa nyid kyis dgyes par gyur pa'o/ /tu'i sgras bden pa'i don to/ /sdug pa ni glang po che'i gnya' ba lta bu'o/ /pad+ma dang 'dra bas b+ha ga de ni de bzhin du brjod do/ /'dis b+ha ga bzang ba nyid du 'dir bstan pa'o/ /de bzhin du yang gsungs pa/ ru sbal rgyab 'dra glang chen mgrin/ /pad+ma'i mchu ni bzad zlum pa/ /spu med bde ba rnam par rgyas/ /gru gsum b+ha ga b+ha? ga yin zhes pa'o// gzhan yang tu'i sgras bsdus par ni dam por shin tu'o/ /'khyud ces pa ni 'khyud par 'brel to/ /dbang po kun tu zhes pa ni de'i rtags la sogs pa'o/ /bya ba'i gnas rnams su des 'o bya zhes par 'brel to/ /de ma thag tu des ci zhig bya zhes pa la gsungs pa/ so yis zhes pa la sogs pa'o/ /so zhes pa ni so nyid do/ /'og ces pa ni 'og gi chu'o/ /bzung ba ni cung zad btsir ba'o/ /sid yig ni ha yi sgra brjod par bya'o/ /'o la sogs pa'i rab tu sbyor ba la rjes su chags pas de kho na nyid ji lta ba bzhin du gsal bar byed pa mA ma kI'i dgongs pa de bzhin du chos kyi de kho na nyid nye bar bstan par 'gyur te/ 'di nyid gsol ba 'debs pa'i rim pa 'dir gnas zhes pa'o/ /'o la sogs pa'i chags pa bstan nas de kho na nyid gsal bar bya ba'i phyir/ 'dod pa bya ba 'am zhes pa la gsungs pa/ bshad mdzad de zhes pa la sogs pa'o/ /bshad ces pa ni cung zad bshad pa zhes pa ste/ rjes su chags pa'i de ma thag tu rdo rje can mA ma kI la 'dod pa bya zhes pa 'dir 'brel to/ /ji ltar 'dod pa bya zhes pa la gsungs pa/ rdo rje bcings zhes pa la sogs pa'o/ /rdo rje bcings shing sku gzung bas zhes pa ni rdo rje'i bcings pas rkog ma'i gnas dang mgrin pa'i phyogs su gang gis bzung ba de ni rdo rje'i bcing ba'o/ /sku gzung ba ni gau ra'i grong ba rnams kyi ste gan rkyal ngu nyal ba'i byed pa'o/ /rdo rje bcing bas mgrin pa bzung ba nyid dam gcig tu sku gzung bas bstan par brjod de/ rdo rje bcing ba dang skra bzung bas de mnyam par skye ba nyid kyis na 'dod pa bya ba'o/ /chags pa'i zhen pas zhes pa ni sngon du 'o la sogs pas yid 'dod pas rjes su bzung zhing bsgom pas lus dang ngag dang sems shin tu sbyangs pa thob pa'o/ /tu'i sgra ni bsdus pa'i 'dod pa nyid kyis par ston te/ pad+mar rdo rje zhes pa la sogs pa'o/ /de ltar gsang ba'i bsgom pa bsten pa'i lha mos 'grub par 'gyur zhes par dgongs so/ /gsang ba'i mdzod las yang gsungs pa/ phyag na rdo rje ji ltar sbom ba'i dbang pos bsnun na/ 'dir bud med kyi skyes pa gzhan 'dod par mi 'gyur ro/ /de bzhin du rnal 'byor bsgom pa'i phyir bsnun na lha mos bsngags pa gzhan dag 'dod par mi 'gyur zhes pa'o/ /de la yang 'dod pa rnams sid kyi sgra sngon du song nas sam zhes pa la gsungs pa/ sid ces pa la sogs pa'o/ /sid yig ni ha yig gi sgra ste/ ha zhes brjod pa 'am phus zhes brjod pa'o/ /snyan pa'i sgra zhes pa ni 'jam zhing yid du 'ong ba ste/ ka po ta dang phug ron gyi sgra lta bur sgra brjod pa'o/ /gzhan yang ko ki la dang bred kha dang bud ba'i sgra lta bur sgra rnams brjod pa'o/ /sgra ni sgra nyid de de rjes su byed pa ni skan gyi sgras zhes pa'i don to/ /la la gling bu'i sgras zhes pa'i tshig yod pa der gling bu nyid kyi sgra ni rkun mo'i tshig lha bu la sogs pas sid kyi sgra byed pa'o/ /dus ni shin tu chags pa'i dus so/ /'dod chags bya zhes pa ni chags pa bskyed par bya'o/ /gang la chags pa bya zhes pa la bdag ma bya zhes pa la sogs pa'o/ /gang gis chags pa bya zhes pa la rdo rje bdud rtsi bde ba che/ /zhes pa la sogs pa'o/ /nu ma gnyed pas kyang chags pa skye bar bzhed de/ de bas na nu ma mnye bar bya ba'i phyir gsungs pa/ nyed mdzad ces pa la sogs pa'o/ /lag pa gnyis kyis nu ma gnyed dus su mnye bar bya'o/ /sen mo btab pas kyang chags pa skye bas 'dir sen mo btab par bya zhes pa ste/ de nyid gsungs pa/ sen mos zhes pa la sogs pa'o/ /sen mo ni 'bras phub kyi phyed tshad do/ /ma zhes pa ni ri mo'i rnam gangs so/ /sen mo'i rma de yang rnam pa bzhi ste/ zab pa dang ni mi zab dang/ /chu ri dang/ lcags kyu la sogs pa'i rnam pa'o/ /zab pa ni rked pa dang/ mtshan khung dang/ rgyab tu'o/ /mi zab pa ni b+ha ga dang spyi bo la sogs par ro/ /sor mo thams cad kyis reg cing sprug pa ni tshu ri ste nu ma dang 'gram pa la sogs par ro/ /'bras phub kyi phyed ni zla ba phyed pa'i rnam pa lta bu'i sen mo ni sma ste ji lta ba'i sbyor bas gdab cing sbyin par bya'o/ /sen mo 'debs par byed pa gcig pu ni ma yin te/ 'o la sogs pas kyang byed ces pa ste/ de nyid gsungs pa/ gos dang phral zhes pa la sogs pa'o/ /gos dang phra zhes pa ni gcer bu'o/ /de ni zhes pa ni mA ma kI'o/ /'og ces pa de ni de'i snag po che ste/ steng zhes pa ni nu ma gnyis dang/ gdong dang/ pad+ma'o/ /blta bar bya zhes pa ni mig gdangs ste/ blta bar bya'o/ /bltas nas ci zhig byed ces pa la 'o bya'o/ /zhes pa la sogs pa'o/ /pad+mar 'o bya ba ni nye bar mtshon pa'i don te 'gram pa la sogs pa'o/ /sdug pa ni ru sbal gyi rgyab 'dra'o/ /'dis ni 'di ltar gsungs te/ thog mar sngags pa rnams kyis snag po che la sogs pa lta ba dang 'khyud pa dang 'o bya ba dang/ sen mo gdab pa dang/ nu ma dang/ b+ha ga gnyed pa sngon du song bas snyoms par 'jug pa'i bsgom pa bya zhes pa'o/ /de ltar phyi dang nang du des de kho na nyid de yang dag par rig par byas nas/ legs so zhes pa sbyin zhes pas na gsungs pa/ dgyes nas zhes pa ni de ma thag tu gsungs pa'i shin tu chags pa la dga' ba'o/ /tshig nyid gsungs pa legs so zhes pa la sogs pa'o/ /gang du khyod dang lhan cig snyoms par zhugs pa'i bsgom pa phyir bsgrub pa dang de kho na nyid gsal bar bya ba'i phyir bud med kyi bya ba byas pa de ni legs te mdzes pa'o/ /'dod pa'i chags pa ni gzugs la sogs pa'i 'dod pa la nye bar longs spyod pa'i thabs kyis sngags bsgrub par nus pa'o/ /des nang dga' ba ni dga' ba dang/ yid bde bar byas so/ /gang 'dod pa zhes pa ni gang la 'dod pa de ni 'dod pa 'am 'dod pa zhes pa'i don to/ /de dang de ni ster zhes par dgongs so/ /mchog ces pa la ni mngon par 'dod pa'i dngos po ste/ gsol ba btab pa'i de ma thag tu tshig dang ldan par de rab tu ster ba'o/ /ci zhig ces pa ni zhig go /'am gyi sgra ni de kho na nyid brjod pas bla lhag pa'i don rab tu gsal ba'o/ /gang du khyod ci 'dod pa'i don gsungs pa de nas zhes pa la sogs pa'o/ /de nas zhes pa ni mchog rab tu byed pa'o/ /de ma thag tu'o/ /'di zhes pa ni thugs la gnas pa rnams so/ /brjod par 'gyur ba rnams ni tshig go /de nyid gsungs pa/ bcom ldan bdag gi de kho na nyid ces pa la sogs pa'o/ /bdag gi de kho na nyid ces pa ni khyod kyi de kho na nyid de snying po'i ye shes zhes pa'i bar du'o/ /de khyad par ji lta bu zhes pa la gsungs pa/ byang chub sems zhes pa la sogs pa'o/ /byang chub kyi sems ni stong pa nyid do/ /de'i rnam par 'phrul pa ni byang chub kyi spyod pas te gang yin pa de ni de skad du gsungs so/ /phra zhes pa ni phra mo'i rnal 'byor ro/ /ches phra ni shin tu yang yul rnams las log pa'o/ /sems rtse gcig tu byed pa'i ting nge 'dzin ni ye shes so/ /yang bzhig pa'i dus kyi rdul phra rab rnams ni mu stegs pas de kho na nyid du brjod de'i phyir phra ba'i rdul bas kyang ches phra ba ni chos kyi sku ste shin tu yang phra bar gnas pa nyid kyis sam/ rtsa'i khong stong gi rdul nyid kyang phra ba'o/ /'dra ba las 'dra ba'i 'bras bu 'dra ste rgyun mi 'chad pas na mi zad pas so/ / gzung ba dang 'dzin pa dang bral bas stong pas so/ /cung zad kyang gsal ba 'am bzhag pa med pa nyid kyis 'bri ba med pa'o/ /gang zhig de lta bur gyur pa'i 'gro ba'i grong du ji ltar gnas zhes pa la gsungs pa la/ ji ltar ro zhes pa la sogs pa ste/ rdo rje'i tshig 'dis de kho na nyid dang bcings pa dang thar pa dang gnas pa'i rang bzhin dang/ 'gags pa'i dang skyes pa dang/ dge ba dang mi dge ba'i rnam par smin pa rnam pa sna tshogs pa la sogs pa don du mar 'dod do/ /ji ltar zhes pa ni gang gi tshul gyis so/ /'di zhes pa ni de ma thag tu ngas bsngags shing stong pa'i de kho na nyid do/ /de zhes pa ni srid pa gsum gyi nang na gnas pa rnams so/ /lus ni lus la'o/ /rol pa ni khyad par gnas pa ste/ dge ba dang mi dge ba nye bar longs spyod pas 'jig rten 'di dang/ 'jig rten gzhan du/ sna tshogs pa'i 'gro bar 'pho zhing lus gtong ba dang/ lus yongs su 'dzin pa la sogs pa'i rol pas longs spyod ces pa'i don to/ /dbang po gnyis zhes pa ni bud med kyi dbang po dang skyes pa'i dbang po ste de dag gis byin gyis brlabs kyis mig la sogs pa'i dbang po sna tshogs pa'i rten te/ de'i bdag nyid kyis so/ /yul mdza' dag la ji ltar nye bar longs spyod snyam pa la/ spyod ces pa ste yul dang yul can nye bar btags nas longs spyod de dbang po gnyis kyi longs spyod ces gsungs so/ /'di la zhes pa ni de kho na nyid dang 'gro ba mdza' dag gi skye ba dang 'jig pa la sogs pa'i rab tu bya ba rnam pa rnams so/ /the tshom ni rnam par rtog pa'o/ /de thob pa ni thob par gyur pa'o/ /hi'i sgra ni gang gi phyir gyi don te/ gang gi phyir nga yis the tshom thob par 'gyur ba de'i phyir the tshom dang bral bar bya ba'i don du/ de kho na nyid bskyed pa la sogs pa'i khyad par bya ba shes par mdzod cig pa'o/ /mchog ni shin tu 'o/ /bdag ni ngo mtshar bas 'dod ces pa lhag pa'o/ /zhus pa'i lan gdab pa'i phyir gsungs pa bka' stsal zhes pa la sogs pa'o/ /zhes pa'i sgra ni dris pa rdzogs nas so/ /bka' stsal zhes pas ni tshigs so/ /gang gi tshig gis zhes pa la bcom ldan zhes pa la sogs pas so/ /bcom ldan 'das zhes pa ni shes rab ldan pa'o/ /ye shes kyi rdo rje rtse lnga pa zhes pa 'dis ni rdo rje can no/ /rdo rje ltar mi phyed pas so/ /bdud rtsi ni mya ngan las 'das pa'o/ /bde ba ni yid bde ba nyid kyis rdo rje bdud rtsi bde ba che'o/ /ci zhig gsungs zhes pa la gsungs pa/ de kho na nyid bdag ma ni lha rnams kyi rnal 'byor te/ de'i rnam par rtog pa skyed pa'o/ /yang na rnal 'byor ni de kho na nyid kyi khyad par te/ de'i rnam par rtogs par bya ba'i don du gsal bar byed pa'o/ /shin tu phra zhes pa ni rtsa'i nang khong stong ste/ dga' ba la sogs pa'i tshul nyid kyi de mtshon par dka' ba nyid de ni phra ba nyid du gsungs so/ /gsang ba zhes pa ni gsal bar ma byas pa'o/ /shes dang zhes pa ni rnal 'byor pa'i shes pa'i rang bzhin no/ /shes bya zhes pa ni shes pa de nyid kyi yul gyi rang bzhin no/ /'jig pa med pas na zad med do/ /cung zad kyang bsal bar bya ba dang bzhag par bya ba med pas na 'bri med do/ /rtag pa'i rdzas med par gsungs pa nyid kyis na rtag med do/ /thog min zhes pa ni ma skyes pa'o/ /thog ma zhes pa ni skyes pa ste/ de gnyis spangs pa ni bral ba'o/ /yod pa nyid ni gzung ba dang 'dzin pa la mngon par zhen pa nyid kyis/ yang dag pa ma yin pa la kun tu brtags pa'i gnas skabs so/ /med pa nyid ni de gnyis med pa nyid kyis yongs su grub pa'i gnas skabs so/ /mig la sogs pa gzugs la 'jug pa ni dbang por bcas zhes pa ste/ dbang por bcas pa ni rgya che ba'i gzugs/ /mig la sogs pa 'jug pa ni rnam par shes pa log pa'i dbang po med pa ste/ sprul gnyid log pa'i sgra lta bu kun gzhi rnam par shes pa'i rnam pa'o/ /'dis ni 'di skad brjod do/ /gang zhig khyod kyis nga la dris pa de lta bur 'gyur ba ma mthong zhes pa ste/ 'di nyid gsungs pa ma mthong zhes pa la sogs pa'o/ /gang rnams kyis man thong zhes pa la gsungs pa/ 'byung po kun gyis zhes pa la sogs pa'o/ /'byung po ni sems can te de rnams kyi ma mthong ba ni mig la sogs pa'i rnam par shes pas kyang yang dag par mi rig pa ste/ phra ba la sogs pa'i yon tan gyi bdag nyid kyis te/ drug pa'i don gyi bdun pa'o/ /de kho na de'i rnam par dbye ba brjod bya mang du yod kyang gzhung nyung dus rgyas par bstan par mi nus te/ rgyud 'di gzhung nyung ngu la don rgyas par dgongs zhes bsams pa'o/ /gal te yang de la dga' bas bstan par mi nus te/ 'on kyang man ngag tsam gyis bstan pa nyid de/ de la gzhung mang bas 'jigs pas mdor bsdus nas bstan pa gsungs pa/ rnal 'byor lam gyis zhes pa la sogs pa'o/ /rnal 'byor zhes pa ni byang chub kyi sems bsgoms pa la sogs pa'i rtsa'i 'o ma yongs su grub pa/ sku dang gsung dang thugs ye shes dbyer med pa'i bdag nyid kyi lha'i rnam pa'o/ /de bzhin du yang 'khor lo sdom pa las gsungs pa/ ye shes phyag rgya snyoms 'jug rnal 'byor gyi zhes brjod pa'o// lam de bsgom nus pa des mthong bar 'gyur zhing so sor snang ba dang shes shing mngon sum du 'gyur zhes pa'i bar du'o/ /mang du brjod pas ci zhig dgos te/ khyod de kho na gang la dga' ba shes par gyis par dgongs te/ rnal 'byor gyi lam gyis mthong bar 'gyur zhes gsungs par 'gyur ro/ /rnal 'byor de rnam pa du zhig ces pa la gsungs pa/ rnam pa gnyis zhes pa la sogs pa'o/ /lha'i rnam par bsgom pa'i rnal 'byor rnam pa gnyis dngos grub kyi rnam pa'o/ /gang gi dbye bas rnam gnyis zhes pa la gsungs pa/ phyi dang zhes pa la sogs pa'o/ /phyi ni bum pa dang gos dang rtsig pa la sogs pa'o/ /nang gi phung po lnga'i bdag nyid do/ /'dis ni lha rnams dmigs pa'i yul du gsungs so/ /de bzhin du yang bde mchog las gsungs pa/ de nyid med pa'i rnal 'byor sems/ /lha ru dmigs par rtogs pa ste/ /gzugs brnyan rang bzhin rnal 'byor dag /dbang bskur la sogs skye ba ste/ /shin tu de nyid sems rnal 'byor// ? pa'i rnal 'byor zhes brjod do/ /zhes pa'o/ /de la phyi'i rnal 'byor nye bar bstan pa'i phyir/ gsungs pa/ phyi zhes pa la sogs pa'o/ /nang las ltos na phyi'o/ /gzugs ni kha dog dbyibs kyi bdag nyid do/ /dbyibs ni gru bzhi la sogs pa ste thams cad gcig tu 'dus pa'i gzugs kyi phung po zhes rnam par bzhag pa bstan to/ /sogs pa'i sgras ni dri la sogs pa yang bzung bar bya'o/ /de yang 'byung ba'i rnam pa ste/ 'byung ba yang sa la sogs pa'o/ /de rnams kyi rnam pa ni khams kyi rtsa srab? la sogs pa'i cha shas so/ /ci 'di dag rtsam nyid dam gzhan yang zhes pa la gsungs pa/ 'dus byas zhes pa la sogs pa'o/ /'dus byas ni shing bzo mkhan la sogs pas nan tan du bcas legs kyi las kyi rim pas lha'i gzugs brnyan byas pa'o/ /de ru gzugs 'byung ste rim par bsgoms shing legs par byas pa ni 'dus byas rdzogs pa ste/ lha la dmigs pa'i rnam pa ni phyi'i rnal 'byor ro/ /nang gi rnal 'byor ni rang gi lus la rtsa'i rab tu sbyor bas skye zhing rim par 'dus pas rdzogs pa ni lha'i gzugs su ma gsungs kyang go bar bya'o/ /ci gzugs la sogs pa'i phung po gang gis 'dir rnal 'byor gyi dmigs pa'i rten byed pa nyid kyis bsgom pa'i yan lag tu brjod dam zhes pa la gsungs pa/ brtan pa la sogs pa ste 'dis ni thams cad bsgom pa'i bdag nyid ni rnal 'byor pa zhes bsdus par 'gyur ro/ /de bzhin du yang bde mchog las gsungs pa/ 'di ni thams cad bsgoms pas 'gyur zhes pa'o/ /snod ni ri la sogs pa'o/ /g.yo ba ni mig la sogs pa'o/ /sna tshogs zhes pa ni 'gro ba mdza' dag go / khams gsum zhes pa ni 'dod pa dang gzugs dang gzugs med pa'i khams sam/ ma lus zhes pa ni gang gi phyir gyi don te lnga pa'o/ /gang gi phyir snod bcud la sogs pa ma lus pa la stong pa nyid kyi rang bzhin gyis khyab pa'o// gang gis khyab ces pa la gsungs pa/ de nyid ces pa la sogs pa'o/ /de zhes pa ni de kho na nyid kyis so/ /gcig pus zhes pa ni phyi'i don med pas gnyis pa med pa'o/ /thams cad rnam par shes pa nyid ces pa ni/ khams gsum thams cad kyang rnam par shes pa tsam nyid do/ /de nas dngos po thams cad kyi sems nyid kyis bsgom bya'i dngos po thams cad kyang sems su 'gyur zhes pa ste/ snod la sogs pa bsgom byar dmigs pa nyid kyis gsungs pa/ de gsungs par gyur pa gang gi phyir snod bcud la sogs pa la des khyab pas na/ khams gsum yang dag rnam par shes pa tsam ste/ de'i phyir bstan pa la sogs pa lha rnams su sbyar ba rigs zhes pa'o/ /gal te thams cad de'i rang bzhin yin na thams cad de'i rnam par 'jig rten pa rnams kyi ci ste ma shes zhes pa la gsungs pa/ gang phyir zhes pa la sogs pa'i rgyus te/ kun gyi bdag nyid ni dngos po thams cad kyi'o/ /bdag nyid ces pa ni rang gi rnam par shes pa'i phung po ste/ rnam par shes pa drug gi tshogs la brten pas rang rig pa'i tshul gyis so/ /de'i phyir mi shes pa ni gti mug gi skyes bu ste rigs pa thams cad la spyan la sogs pa rnams kyis ma rtog pa ni gti mug dang bcas pas mi shes pa'o/ /gal te mi shes na sems kyi des kho na nyid ji ltar rtogs par 'gyur zhes pa la gsungs pa/ sems zhes pa la sogs pa'o/ /sems rang sems kyi tshul gyis bdag nyid kyis zhes pa ni sems dpa' o/ /sems kyi tshul zhes pa ni/ thams cad du dga' ba dang/ mi dga' ba dang/ phung po la sogs pa rig pa'i bdag nyid kyi srog go / shes dang zhes pa ni thams cad du song bas khyab 'jug ste/ shes pa'i rang bzhin gyi skyes bu'o/ /shes bya'i rang bzhin zhes pa ni/ shed bu dang shed las skyes rang rig pa po dang byed pa po la sogs pa'i rdzas kyi gzugs so/ /rgyud nyid ces pa ni dbang phyug nyid de de dbang phyug tu smra ba rnams chos rnams kyi rgyu ni dbang phyug nyid ces smra'o/ /chos kyi dngos bdag ces pa ni zhi ba'i grub mdza' ste/ bsod nams la sogs pa'i tshes rab tu 'phel ba ni/ chos kyi gzugs kyi dbang phyug chen po ste zhes dbang phyug chen por blta'o/ /de kho na nyid rab tu bstan pa'i don du 'dis rdzas su mthun pa dang ldog pa gsungs pa ste/ gcig nyid dang du ma nyid kyis bsgrub par bya ba'i chos dang/ gtan tshigs dang dpe rnams gsungs pa chos rnams zhes pa la sogs pa'o/ /du ma nyid kyis zhes pa'i tshig gis gcig nyid bsgrub bya ma yin pa'i gtan tshigs gsungs so/ /du ma nyid du mi 'byung zhes pa 'dis du ma nyid bsgrub bya'i chos su mi 'gyur ba'i gtan tshig gsungs so/ /chu bo'i rgya mtsho'i dpe nyid kyang gnyis ka'i dper bzhed de/ 'dis ni du ma nyid dang gcig nyid bsgrub bya'i dper brjod par bya ste/ de la sna tshogs nyid ma grub pas gang zhig de ma thag tu gsungs pa'i sems la sogs pa'i tshes du ma rnams ji ltar 'grub/ du ma'i dngos po ni gcig las log pa sna tshogs pa'i rnam par yod pa ste/ des na chos du ma nyid kyi rgyus mu stegs sems dpa' la sogs pa du ma'i rnam par snang ngo/ /'di lta bur nye bar dmigs pa ci 'dra zhes pa la gsungs pa/ chu bo'i rgyun zhes bya ba la sogs pa'o/ /rgyun gyi sgra 'di ni sdud pa po/ /rgya mtshor ji ltar chu bo rnams 'bab pa ni si ta dang/ sind+hu dang/ gang+gA la sogs pa'o/ /rgyun ni chu bo'i rab tu 'bab pa ste/ 'bab pas 'di ni chu bo sin du dang/ 'di ni si ta'o/ /'di ni gang+ga'o/ /zhes sna tshogs su dmigs par mi 'gyur te/ de bzhin du zab cing gting dpag par dka' ba'i chos kyi dbyings las phyi rol tu gyur pa'i mu stegs pa rnams/ 'di ni bdag gi srog dang/ skyes bu dang gang zag dang/ zhes sna tshogs par so sor snang ste/ ci de kho na nyid la 'dir du ma'i rnam pa yod pa nyid dam zhes pa la med par bstan pa'i phyir gsungs pa/ gcig ces pa ste 'dir gang zhig mngon par 'dod pa'i de kho na nyid de ni gcig gi tshul du bzung ba nyid do/ /gcig pa nyid ci'i phyir zhes pa la gsungs pa/ du ma nyid du zhes pa la sogs pa'o/ /du ma nyid zhes pa ni sems dpa' la sogs pa de rnams so/ /gang zhig du ma nyid sna tshogs kyi rnam par yod pa ni mi skye ste/ rigs pas mi rtog pa'i phyir ro/ /gang gi phyir du mar 'gyur ba ni gcig las 'grub po/ / ji ltar chu bo rnams su du mar 'grub pa ni rgya mtsho las 'grub po/ /gal te du ma'i rgyus sna tshogs kyi rnam par rtogs na de lta na rgya mtshor zhugs pa'i chu bo rnams sna tshogs su so sor snang bar rigs so/ /de'i phyir du ma nyid du mi 'byung zhes pa'i rigs pa gsungs pa'o/ /de la rang bzhin gyis yod pa'i chu bo rnams 'dir dngos po dang dngos po med pa la sogs pa gcig pa nyid du brjod par mi nus te/ ji skad du gsungs pa/ ji srid chu ru chu zhugs pa/ /de nyid ro mnyam gyur pa yin/ /sems la skyon yon rnam pa dag /rmongs pa gnyen po'i phyogs 'chad med/ /ces pa'o/ /'di rnams gsungs par gyur pa/ sems dpa' dang bdag la sogs pa yod par rigs pas mi rtogs so/ /gal te rigs pa yod par gyur kyang/ gang zhig sems dpa' la sogs pa'i chos thams cad bdag med par zhugs par 'gyur ro/ /de lta bas na de rnams sna tshogs su so sor snang bar mi 'gyur te/ ji ltar rgya mtshor zhugs pa'i chu bo rnams sna tshogs kyi gzugs su so sor snang ba med pa bzhin du/ sna tshogs ma grub pas de kho na nyid gcig pa'i rnam pa nyid du go bar bya zhes pa'o/ /de kho na nyid gcig pa de ltar de kho na nyid gsum gang las thob par bya zhes pa la gsungs pa/ bla ma'i zhal las zhes pa la sogs pa'o/ /rgyud dang sngags rnams ston pa ni bla ma'o/ /de'i zhal ni nye bar bstan pas so/ /thob pa ni shes pa'o/ /de la man ngag bstan pa gsungs pa/ nang du zhes pa la sogs pa'o/ /rtsa rnams lus la ji lta ba'i gzugs kyis gnas pa'o/ /gang du gnas zhes pa la gsungs pa/ b+ha ga'i dbus su nam mkha' i gang zhes pa la sogs pa'o/ /nam mkha' zhes pa ni pad+ma'i lte bar rtsa'i khong stong gi gnas so/ /de khyad par ji lta bu dang ldan zhes pa la gsungs pa/ nam mkha' lnga zhes pa la sogs pa'o/ /nam mkha' lnga zhes pa ni/ khrag dang/ dri chu dang/ dri chen dang/ khu ba 'jag pa'i bzung bas rtsa lnga'i khong stong ni nam mkha' i phyogs so/ /bshad lugs gzhan yang chu dang me dang sa dang rlung ste/ grang ba dang/ dro ba dang gnyis ka dang/ dri'i mtshan gyis nam mkha' i dkyil 'khor gyi nang du 'dus pas nam mkha' lnga yis brgyan pa'o/ /nam mkha' gcig pus ni ma yin te pad+mas kyang brgyan zhes pa la gsungs pa lte ba zhes pa la sogs pa ste/ lte ba'i dbus su ze 'bru'i ge sar ni de'i 'gram nas skyes pa ste de yis ldan pa'o/ /'dab ma brgyad ni 'dab ma brgyad pa'i pad+ma ste des brgyan pa'o/ /de'i zhes pa ni pad+ma'i nam mkhar ro/ /gang zhig rdo rje'i nor bu dang pad+ma'i lto ba dag sbyar zhing gzir ba de'i dbus su'o/ /rdo rje can zhes pa ni 'dod chags chen po'i bdag nyid kyi rdo rje bdud rtsi'i snying po'o/ /de ji lta bu'i rnam par gnas zhes pa la khu ba zhes pa la sogs pa'o/ /khu bas phye ba nyid kyis khu ba ste bdud rtsi gzhom du med par yang dag par rig pa'i tshul 'dis na bdud rtsi'i gzugs so/ /gzhan yang de'i bye brag tu bya ba'i phyir gsungs pa/ cha dang zhes pa la sogs pa'o/ /cha zhes pa ni a yig la sogs pa ma mo rnams so/ /cha min ni ka yig la sogs pa'i gsal byed de/ de gnyis las rnam par grol ba ni bral ba'o/ /thig le zhes pa ni aM yig go /thig le nyid ring por brjod pa ni nA da'o/ /de gnyi ga spangs pa ni dbyangs med pa zhes pa'i don to/ /gnas der ci zhig byed ces pa la gsungs pa/ 'dzag ces pa la sogs pa'o/ /ci zhig 'dzag ces pa la bdud rtsi zhes pa la sogs pa'o/ /bdud rtsi khu ba'i gzugs ni zhu ba'i tshul zhes pa'i don te/ 'dod chags chen po'i tshul nyid kyis so/ /de'i man ngag ni 'di yin te/ pad+ma'i nor bu'i dbus su mchog tu bde ba'i dga' ba rang rig pa'i rang bzhin dbyangs dang bral ba'i ha yig ni rdo rje bdud rtsi'o/ /snying po de kho na nyid ces dgongs so/ /'khrig pa'i chas kyi yang dag par sbyor bas de dang 'dra bar 'dod chags chen po'i tshul 'khrig pa'i chos kyi gnas skabs so/ /de'i tshul ji lta bu zhes pa la lus kyi rab tu sbyor bas rgyas par bya ba'i phyir gsungs pa gzhi zhes pa la sogs pa'o/ /gzhi zhes pa ni srog chags kyi lus la gnas pa rnams kyi gzhi'o/ /gang rnams kyi gzhi zhes pa la kun gyi zhes pa la sogs pa'o/ /khu ba dang/ rus pa dang/ rkang dang/ sha dang/ khrag la sogs pa'i ro bcud rnams so/ /thams cad du rlung gi rnam pa gzhom du med pa'i rnam par shes pa ste/ snying gar gnas zhes pa gsungs par gyur pa'o/ /de ltar gyur pa de'i 'gro ba'i spyod pa gsungs pa 'og dang zhes pa la sogs pa'o/ /'og ces pa ni snying ga'i 'og ste lte ba dang b+ha ga'o/ /steng zhes pa ni sna'i rtse mo nas ji srid nam mkha' i bar du ste/ 'di rnams kyi mthar thug par rlung gi rnam pas khyab par byed ces pas so/ /yang na 'og ces pa ni rkang pa'i mthil lo/ /steng zhes pa ni spyi gtsug gi mtshams kyi mthar thug pa'i lus mdza' dag la myos byed kyi rnam pa khyab cing gnas zhes pa ni khyab par byed pas so/ /gang du gsungs pa'i lus 'di dag la ji lta ba bzhin rol te de'i phyir/ 'dis ni rol pa rgyas par bshad pa nye bar bstan zhes pa lhag ma'o/ /'di'i rnam pa gcig pus khyab pa ni ma yin te/ bya ba gang gi khyab byed ces pa gsungs pa/ blta dang zhes pa la sogs pa'o/ /blta ba la sogs pa'i bya ba rnams ni khyab bya ste/ gzhan ni de nyid rnam par gnas zhes pa 'dir 'brel to/ /blta dang zhes pa ni mig gi rnam par shes pa la brten nas lha'i spyod yul bsgribs pa la sogs pa'i dngos po'i bye brag rnams kyang yang dag par shes pa'o/ /de ltar rna ba'i rnam par shes pa la brten nas lha'i spyod yul bsgribs pa la sogs pa'i dngos po yongs su bcod pas sgra nyan par byed do/ /snom pa ni sno'i rnam par shes pa la brten nas dri bzang po la sogs pa'i dri rnams snom par byed do/ /lce'i rnam par shes pa la brten nas ro zhim po la sogs pa'i rdzas rnams myang bar byed do/ /lus kyi rnam par shes pa la brten nas bde ba'i reg pa dang phreng ba la sogs pa'i rgyan rnams la reg pa'i bag chags kyis reg par byed do/ /yid kyi rnam par shes pa la brten nas tshig rab tu rgyas pa ste legs par sbyar ba la sogs pa'i mdzes pa rnams so/ /ri mo zhes pa ni ri mo mkhan la brten nas ri mo'i las shes pa'o/ /dri za pa brten nas dri za'i cho ga shes pa'o/ /a ni kun gyi don te/ ster ba ni kun tu ster bar byed cing yang nas yang du ster ba'o/ /'dzin po zhes pa ni so sor 'dzin cing zhes pa'i sred pa'i rnam par shes pa la brten nas len par byed do/ /rol rtsed ces pa ni nor la sogs pa la brten nas cho lo'i gtam la sogs pas longs spyod pa'o/ /rgyug pa zhes pa ni 'grol la brten nas mgyogs par rgyug pa'o/ /ngal zhing chad pas dbugs 'byin pa 'byung bar 'gyur ro/ /gnyid kyi rang bzhin gyis non pas nyal par byed do/ /gnyid dang bral bas rab tu sad par 'gyur ro/ /de nyid ces pa ni de kho na nyid kyi rgyal po'o/ /gnyid gdug pa ni dngos po mdza' dag gi bag chags las rmi lam du yang glang po dang shing rta dang/ rta la sogs mngon sum lta bur mthong ba'o/ /rgod pa'i dngos po la brten nas rgod par byed do/ /mya ngan gyi rang bzhin la rten nas ngu bar byed do/ /spro ba'i rang bzhin gyis gar byed do/ /gar mkhan la brten nas so/ /ltad mo la brten nas rdza rnga dang rnga rings dang/ rnga bo che la sogs pa'i rol mo byed do/ /yul gyi mi la sogs pa'i mi la brten nas/ kar+Na ta la sogs pa'i sna tshogs pa'i gtam smra bar byed do/ /sman gyi sbyor bas rlung can du byed pa dang/ chang gis myos pa ni smyon pa ste tha mal pa las gzhan du smra ba'o/ /chang la sogs pa'i btung bas gzi zhing myos pa ni bya ba dang bya ba ma yin pa mi dpyod pa ste/ chang gis 'di thams cad nyid ces dgongs so/ /gti mug ni gti mug gi bdag nyid can no/ /'dod chags zhes pa ni chags pa'i 'dod chags dang khro ba'i 'dod chags so/ /chags pa'i rang bzhin ni spo ba las 'dod chags te sgeg pa'i bdag nyid do/ /khro ba'i rang bzhin gyi sbyor ba las ni rang gi dngos po'o/ /tsam gyi gzugs zhes pa ni du ma'i gzugs kyi rang bzhin zhes pa'i don to/ /gzugs yang dag par brje ba'i las thob pa las bud med kyi dngos po dang ldan na sun med du 'gyur ro/ /skyes pa'i dbang po thob na skyes par 'gyur ro/ /gnyis ka'i mtshan ma med na ma ning ngo/ /sna tshogs gzugs zhes pa ni lha dang lha ma yin la sogs pa'i bag chags kyi mtshams sbyor la mnyam par brten pa'i sbyor ba las so/ /lha la sogs pa'i rkang gnyis pa dang/ rkang bzhi pa dang/ rkang mangs? dang/ rkang med la sogs pa rnam pa sna tshogs pa'i rnam pa'o/ /sna tshogs bdag nyid ces pa ni sna tshogs pa'i dngos po'i rang bzhin gyis so/ /sna tshogs gzugs kyi nor bu 'dis dpes so sor rtogs par bya ste/ ji ltar nor bu gcig nyid la 'bru dang me tog la sogs pa la nye bar brten nas kha dog sna tshogs pa 'byung bar 'gyur ro/ /de bzhin du de kho na nyid kyang 'gro ba mdza' dag gi bag chags la nye bar brten nas sna tshogs pa'i gzugs su 'gyur ro/ /khyab bya khyab byed dngos po yis zhes pa 'dis ni lus logs pa'i dngos po ni khyab bya'o/ /lta bar byed pa dang nyon mongs pa'i bya ba rnams ni khyab bar byed pa ste/ de dag gi dngos po ni rang bzhin te khyab bya dang khyab byed kyi dngos po'o/ /des na mchog ni de kho na nyid do/ /rnam par shes pa gzhom du med pa'i rnam pa ste de lta bur 'gyur ba'i 'gro ba'i grong du rnam par gnas pa'o/ /gang du brjod pa ji ltar dbang po gnyis ni spyod ces pa dang/ de ni 'di yis mthong bar 'gyur zhes pa nas brtsams te/ rnam par gnas zhes pa'i mthar thug pa'i gzhung gis dbang po gnyis kyi nye bar longs spyod pa bstan to/ /ji srid de kho na nyid la spyod pa yod dam zhes pa la/ med par bstan pa'i phyir gsungs pa/ 'di la zhes pa la sogs pa'o/ /'di zhes pa ni de ma thag tu gsungs pa'o/ /de nyid ces pa ni srog gi bdag nyid kyi ha yig go /bdag ma zhes pa ni bod pa'o/ /bzlas pa med ces pa ni stong phrag la sogs pa'i grangs su bcad pa'i sngon gyi bsnyen pa med pa'o/ /'dzin pa zhes pa ni srog dang rtsol ba la sogs pa'i bsgom pa'o/ /phreng ba'i grangs bzung ba'i phyir 'dzin pa'o/ /bya ba ni nas dang lo ma dang so ba la sogs pa za bas snum bag med pa'i zas za ba'o/ /bsnyung ba ni zas mi za ba'i 'o/ /'dod pa lnga la nye bar longs spyod pa nyid kyis pa'o/ /'dzin pa la sogs pa'i nye bar longs spyod pa thams cad ni med cing 'dod pa thams cad la nye bar longs spyod pa la 'jug pa ni yod par dgongs so/ /de nas 'dod pa thams cad la nye bar longs spyod pa nyid kyis 'grub ces bstan pa'i phyir gsungs pa/ mchod par bya zhes pa la sogs pa'o/ /nyon mongs pa rnams 'joms pas ni b+ha ga'o/ /'dod par bya ba nyid kyis pad+ma'o/ /de yang dag par rig pa ni mchod pa 'am me tog la sogs pa'i mchod pa'i mchod pa ste mchod cing dbul bar bya'o de'i de ma thag tu bdud rtsi bza' bar bya'o/ /des cir 'gyur zhes pa la gsungs pa/ 'dis ni zhes pa ni mchod pa'i rnam pa 'dis mchod pas so/ /'grub pa ni 'bras bu thob par 'gyur ro/ /de nyid ces pa ni snying po mchog tu khyad par du 'phags pa'o/ /rdo rje bdud rtsi bde ba tshe zhes pa ni bde ba chen po'i rang bzhin no/ /pad+ma gcig pu kho na mchod par bya ba ma yin te/ der gnas pa'i rtsa yang mchod par bya zhes bstan pa'i phyir gsungs pa gang gis zhes pa la sogs pa'o/ /gang gis zhes pa ni sngon du snyoms par 'jug pa bstan pa rnams kyis so/ /brtag pa gnyis pa las kyang rgyas par gsungs pa/ rtsa ni pad+ma'i lte bar gnas/ /char 'bab par ni bshad pa ste/ /reg pa'i mchod pas mchod par bya/ /zhes par 'brel to/ /khyad par ji lta bu'i bdag nyid ces pa la sum cu rtsa gnyis zhes pa la sogs pa'o/ /rgyun ma dang rtag ma dang/ yul ma dang/ phreng ma dang/ lcug ma dang/ dkyil 'khor ma dang lnga pa ma dang/ lte ba'i rab ma dang/ ka ba ma dang/ rnam rkang ma dang/ 'jig ma dang/ g.yon ma dang/ me'i snam dang/ gru ma dang/ nor bu'i kha dog dang/ mgrin pa'i skud pa dang/ shing rta'i gso ma dang sprul gyi lce ma dang gdong na mo dang gdong dug ma dang/ phyogs ma dang mi 'phrogs ma dang/ langs ma dang/ bde langs ma dang/ bzang mo dang/ mig bzangs ma dang/ 'dus pa dang/ 'byung na ma dang/ brag 'bab ma dang/ dri chu 'dzag ma dang/ khu ba 'bab ma dang/ gtsang ma zhes pa ste sum cu rtsa gnyis so/ /'di rnams kyi nang na gtso bo ni gtso bor myos byed 'bab pa ste/ rtsa thams cad la 'di nyid ni sgor gyur pa nyid kyis so/ /ji ltar chu bo rnams la rgya mtsho sgor gyur pa de bzhin du rtsa rnams la myos byed 'bab pa sgo nyid do/ /sum cu rtsa gnyis kyi nang gcig pu las gtso bo yod pa ni ma yin te/ de las gzhan rtsa dgu yang gnas pas so/ /de rnams kyi nang gi gtso ba'i yang mchod par bya zhes bstan pa'i phyir gsungs pa/ de rnams las kyang zhes pa la sogs pa'o/ /de rnams las zhes pa ni rtsa sum cu rtsa gnyis po rnams las so/ /gzhan zhes pa ni gzhan rnams te/ sgrol ma dang/ rnam sgrol dang/ mkhur chos dang nye ba'i mkhur tshos dang/ snam dang/ nye ra'i sna ma dang/ 'gram pa'i phreng ma dang/ bshang lam gnas ma dang/ bya gdong ma zhes pa'o/ /rtsa dgu'i rim pa ni mig la sogs pa'i sgro dgu phor gnas pa rnams so/ /ji lta ba'i sbyor bas mchod par bya ba ni/ rtogs par byas la de'i gnas rnams su nges par bstan par bya'o/ /'di'i thun mong ma yin par bstan pa'i phyir gsungs pa/ 'di dag ces pa la sogs pa'o/ /'di dag ces pa ni de ma thag tu gsungs pa nyid do/ /gsang ba zhes pa ni thun mong ma yin pa nyid kyis gsang ba'o/ /mchog ces pa ni rab mchog go /rnal 'byor zhes pa ni gnyis su med pa'i ting nge 'dzin gyi rnal 'byor ro/ /bshad pa zhes pa ni rtsa'i rab tu dbye ba la sogs pa bstan pa'o/ /de bzhin gshegs pas rnam mi shes ta/ rdo rje bdud rtsi bstan pa'i don du dran pa'i lam du nye bar song ba med pa'o/ /gang dang gang gis rnam par mi shes zhes pa la gsungs pa/ sna tshogs zhes pa la sogs pa ste sna tshogs ni don yod grub pa'o/ /rnam par snang mdzad ni rab tu gnas par zad do/ /sogs pa'i sgras ni snang ba mdza' yas dang rin chen 'byung ldan la sogs pa'o/ /de rnams kyis rnam par mi shes pa'i don ni shes kyang gzhan dag la ma bstan zhes pa'i don to/ /de lta bu'i tshogs gsol ba 'debs par byed pa med pas na'o// de lta bu'i cho gas de bzhin gshegs pa la sogs pa la gsol ba gdab pas gsol ba 'debs par byed pa yod na/ bstan pa'i bye brag rnams bsten par 'gyur ro/ /de bzhin du yang gsang ba 'dus pa las/ /ji srid mar me mdzad sogs kyis/ /rgyud rnams bstan par ma gyur to/ /zhes pa'o/ /de kho na nyid bsdus pa la sogs par/ rdo rje'i rigs can rnams rang gi yid la brjod par byed de/ bcom ldan 'das kyi bstan pa de gsungs so/ /gal te chu la ji lta ba bzhin ma rtogs na de bzhin gshegs pa rnams kyis ma mkhyen pa dang ma gzigs pa cung zad kyang med do/ /zhes pa dang 'gal bar 'gyur ro/ /gang zhig 'dir gsungs pa/ byang chub sems dpa' rnams dang de bzhin gshegs pa rnams kyis kyang de sgom par byed do/ /zhes pa dang yang 'gal bar 'gyur ro/ /khyod kyis kyang ji ltar bstan pa zhes pa la/ rang gis bstan pa'i rgyu gsungs pa/ shin tu chags pa zhes pa la sogs pa ste/ nga yis bshad bces pa 'dir 'brel to/ /chags pa'i bde bas zhes pa ni 'dod pa thams cad la bde bar longs spyod pa bdud rtsi'i rnal 'byor gyi snod can gyi 'jig rten pa la zhes pa ste/ gtan tshigs kyi gsum pa'o/ /mchog gi rnal 'byor rab gsal byas ni/ gong du de ma thag tu brjod pa nyid do/ /gsang ba'i pad+ma ni khyod kyi chos 'byung ngo/ /lta ba yang de la'o/ /shin tu sdug pa'i sha dang ldan pa ste pad+ma'i 'dab ma sbom pa'o/ /yang dag par sbyor ba'i rnal 'byor bsgom pa'i lta ba'i rgyus de kho na nyid do/ /rdo rje bdud rtsi bde ba che ba'i rgyud ngas bshad cing rab gsal byas pa'o/ /de gsungs par 'gyur ba rdo rje bdud rtsi'i chos kyi snod dang ldan pa'i sems can mthong nas/ khyod kyi pad+ma lta ba'i gsol 'debs par byed pa des na nges kyang bshad ces pa'o/ /mA ma kIs rang dgar brtsams pa ni ma yin par bstan pa'i phyir gsungs pa/ rdo rje can gyis gsungs zhes pa la sogs pa'o/ /rgyas par bstan pa'i dbang du byas te gsungs pa/ rdo rje bdud rtsi zhes pa la sogs pa'o/ /rgyas par bstan pa'i ming gsungs pa/ de kho na nyid ces pa la sogs pa'o/ /de kho na nyid ces ba ni dbyangs dang bral ba'i ha yig snying gar ro/ /des na rnal 'byor ni dkyil 'khor bsgom pa'o/ /de'i ye shes ni de'i rnam pa ste de kho na nyid kyi rnal 'byor gyi ye shes so/ /gzhung gang gis de rgyas par bstan pa de nyid ni de bzhin du brjod ces pa'o/ /le'u gnyis pa'i rgya cher 'grel pa'o// //da ni dkyil 'khor ba rnams kyis rtsa ba'i sngags rnams shes par 'dod pas/ mA ma kI'i klu yis gsol ba 'debs bar byed ces gsungs pa/ de nas zhes pa la sogs pa'o/ /de nas zhes pa ni gnyis pa bstan pa'i de ma thag tu'o/ /dgyes zhes pa ni de kho na nyid rtogs pas de yang dag par dgyes pa'o/ /lha mo de zhes pa mA mi kA'o/ /dpung rgyan la sogs pa'i rgyan gyis brgyan nas so// dgyes par byed ces pa ni dgyes pa skyed par ro/ /gang zhig dgyes par bya zhes pa la gsungs pa/ de zhes pa la sogs pa'o/ /de zhes pa ni rdo rje bdud rtsi'i rgyud ston pa po'o/ /sems dpa' chen po ni byang chub kyi bdud rtsi'i bdag nyid de/ sems dpa' i sems gang yin pa de ni de bzhin du gsungs so/ /gang gis dgyes par byed ces pa la/ glu blangs zhes pa la sogs pa'o/ /glu zhes pa ni lha rnams la yang dag par mnga' ba'i yon tan gyi sgo nas bstod pa'o/ /'di yis zhes pa ni 'chad par 'gyur ba'o/ /gang gis ci zhig byas na dgyes par bya zhes pa la glu blar zhes pa ni/ dbyangs sna tshogs snyoms par 'jug pa glu mkhan gyi bye brag ste/ phun sum tshogs par byed do/ /de la glu gsungs grol zhing grol ba zhes pa la sogs pa'o/ /shin tu chags pa la snyoms par zhugs pas de'i 'dod chags chen po'i bdag nyid so sor snang ba rdzogs pa dang/ de yongs su shes pa'i nges pa la sogs 'dir gsungs so/ /grol zhing grol zhes pa shin tu chags pa'i bya ba yongs btang zhes pa'i don to/ /bdud rtsi grol ba 'dis ni rdo rje'o/ /bde chen zhes pa ni bod pa'o/ /la lar nyon cig nyon zhes pa'i tshig yod do/ /shin tu chags pa'i bya ba yongs su gtong ba'i rgyu gsungs pa shes zhes pa la sogs pa'o/ /shes zhes pa ni yang dag pa'i shes pas so/ /nga yis zhes pa ni nga yis so/ /ci zhig shes zhes pa la don dam zhes pa la sogs pa'o/ /don dam zhes pa ni de kho na nyid kyi man ngag mi bslu ba nyid do/ /de bstan pa'i phyir gsungs pa/ gnas zhes pa la sogs pa'o/ /gnas zhes pa ni bde ba zhes pa 'dir 'brel to/ /gang du gnas zhes pa la gsungs pa/ b+ha ga zhes pa la sogs pa'o/ /dri ma med par 'dod pa nyid kyis pad+ma ste der gnas pa'o/ /dbyer med ces pa ni bdud rtsi dbyer med pa'i tshul gyis bdud rtsi zhu bar gcig tu gyur pa zhes pa'i don to/ /bde pa zhes pa ni bla na med pa'i bde ba'i rgyu can te/ rdo rje bdud rtsi'i snying po'o/ /de nyid 'di gang gi zhes pa la rdo rje zhes pa la sogs pa'o/ /rdo rje bdud rtsi'i 'o 'di zhes pa ni de kho na nyid 'di'o/ /mdzes zhes pa ni don te/ mdzes zhes pa'i bar du ste/ bdud rtsi zhu ba dbyer med pa'i tshul ni rdo rje bdud rtsi'i snying po'o/ /b+ha ga'i pad+mar gnas pa ye shes kyi rang bzhin zhes gsungs par 'gyur te/ stong pa nyid kyi rang bzhin las bzhengs pa'i glu 'dis zhes bsdus pa'o/ /glu 'di'i rab tu sbyor ba gsungs pa/ glu zhes pa la sogs pa'o/ /glu zhes pa ni de ma thag tu gsungs pa ste/ glu'i rab tu sbyor bas glu blang bar bya ba ni/ phun sum tshogs par bya zhes pa'i don to/ /de la rab tu sbyor ba/ rnams gsungs pa/ 'jam pa'i zhes pa la sogs pa'o/ /'jam pa'i zhes pa ni 'jam zhing snyan pa'i bye brag dang ldan pa'o/ /sgra ni sgra dbyangs kyis te snyan pa nyid kyis mgrin pa'i yon tan gsungs so/ /man+ta tar zhes pa 'dis ni dbyangs kyi gnas rnams gsungs te/ snying gar chung rab tu sbyor bas ni man+ta'o/ /mgo bor gnas pa'i sbyor bas ta rA'o/ /ka ka la zhes pa ni gnyis su thos pas brjod pa ste/ 'dod pa rdzogs pa ni dbyangs te/ dbyangs kyi dkyil 'khor du dbyangs rnams mchog tu bsngags pa'o// gcig rdzogs par rab tu ston pa ni drug ldan du yang gsungs pa/ gnyis su thos pa mchog yin te/ rdzogs pa ka ka li yin no zhes so/ /de yang pi wang gi rgyud la sor mo'i rtse mos dal bus brdabs nas shin tu gsal ba ma yin pa ni rta ra'i dbyangs su mtshon par bya'o/ /'jam pa'i sgras man+t+ra dang/ ta ra dang/ ka ka la rnams brjod pa'i gnas kyis blang bar bya'o/ /drug ldan la sogs pa grong pa'i chags pas glu blang bar bya zhes gsungs pa/ drug ldan la sogs zhes pa la sogs pa ste/ drug ldan ni gcig go/ /sogs pa'i sgras ka ku b+ha dang/ pany+tsi pi dang/ ke si ka dang/ Ta ka ra la sogs pa'o/ /tu'i sgras ni 'am gyi don to/ /thun mong gis kyang glu blang bar bya zhes gsungs pa/ sna tshogs zhes pa la sogs pa'o/ /sna tshogs ni shin tu yang 'jam zhing snyan pa'o/ /thun mong zhes pa ni drug ldan la sogs pa'i dbyangs kyi bye brag gzhan ni sgra'i khyad par te zhes glu blang bar bya ste/ de ni thun mong gi ming de yang me tog thun mong gi dus su 'dod chags kyi bdag nyid do/ /de bzhin du yang gsungs pa/ dgun gyi gnas ni byung ba dang/ /dpyid kyi dus dag 'ong ba ru/ /drang zhing dro dus chags pa yi/ /bdag nyid thun mong ba ni zhes pa'o/ /yang na sna tshogs 'di rdo rje bdud rtsi'o/ /de'i thun mong pa ni me tog yod pa'i nags te/ rtag par dpyid ni 'dod chags la sogs pa'i tshogs so/ /de gsungs par gyur pa/ gzhan gyi rab tu sbyor ba yis/ /glu dag blang bar byas pa yin/ /zhes pa'o/ /de la glu 'di'i 'bras bu gsungs pa/ 'dis ni zhes pa la sogs pa'o/ /'dis zhes pa la sogs pa ni glus so/ /blangs zhes pa ni bstod pa ste sangs rgyas byang chub 'grub ces pa gnas 'dir 'brel to/ /'dod chags ni shin tu chags par gyur pa'o/ /mchog tu gyur pa'i gnas skabs kyi bde ba'o/ /de dag gi rnam 'phrul gyi don ni gang gis byin gyis brlabs pa de ni de bzhin du gsungs so/ /rdo rje bdud rtsi bde ba che ba'i rang bzhin nyid kyis de ni rdo rje bdud rtsi bde ba che ba'o/ /glus bstod par byas na gsol pa gdab bar bya zhes gsungs pa la mchod ces pa la sogs pa'o/ /mchod ces pa ni gsol cig pa'o/ /the tshom ni rnam rtog go /gang gi the tshom bsal zhes pa la gsungs pa/ de kho na nyid kyi zhes pa la sogs pa'o/ /de nyid gsungs pa/ gsang ba zhes pa la sogs pa'o/ /gsang ba'i dkyil 'khor zhes pa ni le'u dang por gsungs pa'i lha mo'i 'khor lo'o/ /de brjod pa ni/ khyod kyis bshad par gyur pas so/ /khyod kyi drin zhes pa ni khyod kyi nyams su myong ba las so/ /nga zhes pa ni bdag mo'o/ /rdo rje can zhes pa ni bod pa'o/ /ye shes kyis zhes pa ni le'u gnyis par gsungs pa'i de kho na nyid kyis so/ /byas pa dag ces pa ni byas par gyur pa rnams te de kho na nyid cig bus ni ma yin te/ byas par gyur pa rnams so/ /ngas kyang yang dag par sbyor ba'i sgom pa la nye ba'i rnal 'byor pa'i phyag rgya'i rnam par bshad pa'i dbye ba bstan pa'i phyir gsungs pa/ shin tu chags pas zhes pa la sogs pa'o/ /shin tu chags pas zhes pa ni don dam la shin tu chags pa'i bya bas so/ /bcom ldan 'das zhes pa ni bod pa'o/ /rdo rje bdud rtsi yang dag 'byung zhes pa ni rdo rje dang pad+ma las bdud rtsi de rnams yang dag par 'byung ba'o/ /rdo rje bdud rtsi 'byung ba ni rdo rje las byung ba dang/ pad+ma rgyas pas khu ba steng du g.yo ba'o/ /de'i steng du sbyor ba'o dang 'khyud pa la sogs pa'i 'dod pa nyams su myong ba de la ngas kyang brjod cing rab tu bstan pa zhes pa'i don to/ /rdo rje theg pa yang dag 'byung ni sngags kyi theg par bsdus pa'o/ / de kho na nyid rtogs pa snyoms par 'jug pa de'i don du phyag rgya gang zhig bya ba'o/ /de la ngas kyang rab tu bstan pa 'dis bdag ni the tshom dang bral zhes dgongs so/ /'on kyang da rung du bdag la the tshom yod ces pa ste/ de nyid gsungs pa/ da rung kyang zhes pa la sogs pa'o/ /the tshom zhes pa ni yid gnyis so/ /gang la the tshom yod ces pa la gsungs pa/ phyag rgya zhes pa la sogs pa'o/ /phyag rgya zhes pa ni dam tshig gi phyag rgya la sogs pa'i phyag rgya rnams so/ /sngags ni dkyil 'khor pa rnams so/ /de dag gi rnam 'phrul ni rang rang gi yul rnams la rnam par sbyor ba ste/ de la ci rigs gsum gyi dam tshig gi phyag rgya la sogs pa'i phyag rgya rnams su brjod pa zhes dgongs so/ /de brjod pa zhes gsungs pa ji ltar zhes pa la sogs pa'o/ /ji ltar zhes pa la rtsa ba'i rgyud kyi rim pas sam/ yang na thig le la sogs pa'i rim pas rdzogs pa rdo rje bdud rtsi la sogs pa'i lha rnams sngon du bstan pa de rnams kyi dam tshig gi phyag rgya la sogs phyag rgya rnam pa ji lta bu sngags bris pa yang yi ge'i gzugs ni ji lta bur gyur zhes dgongs so/ /sngags rnams zhes pa ni yi ge ste lha rnams kyi rgyu sngags yongs su gyur pa las de rnams kyang gang du bskyed/ ci phyi lugs kyi byang chub sems ye shes sam/ gsang ba'i theg pa'i byang chub kyi sems ye shes dgongs so/ /'di rnams zhes pa ni lha rnams kyi rnal 'byor la sogs pa rdzogs pa'i bye brag 'di rnams la bdag the tshom yod kyi/ gzhan la ni ma yin no/ /des na mdor bsdus nas sngags dang lha rnams kyi bskyed pa yang bdag la gsungs zhes gsol ba 'debs par byed do/ /gsol ba btab pa'i de ma thag tu bcom ldan 'das kyis lha rnams bskyed pa gsungs par bzhed nas zhes pa ste/ de nyid gsungs pa/ bcom ldan 'das zhes pa la sogs pa'o/ /zhes pa ni de ma thag tu'o/ /bka' stsal pa zhes pa ni gsungs pa'o/ /ci zhig bka' stsal zhes pa la bshad kyis nyon zhes pa la sogs pa'o/ /sngags dang phyag rgya zhes pa'i bsgom pa ni/ dkyil 'khor la sogs pa la nye bar sbyar ba ni phyag rgya ste lag pa'i phyag rgya dang mtshan ma'i phyag rgya'o/ /sngags ni aoM yig la sogs pa'i gzugs te/ de dag las byung ba ni bskyed pa'i des pa'o/ /de la thog mar phyag rgya'i rab tu dbye ba bstan pas phyag rgya'i nges pa bya ba gsungs pa/ phyag rgya zhes pa la sogs pa'o/ /rnam gsum zhes pa ni sku dang gsung dang thugs kyi dbye ba rnams gsum mo/ /sku dang gsung dang thugs las yang dag par byung zhes pa ni/ sku dang gsung dang thugs log pa 'am/ sku dang gsung dag thugs las byung ba'o/ /de rnams nyid rgyas par bstan pa'i phyir gsungs pa/ sku gsung zhes pa la sogs pa'o/ /sku zhes pa ni sku rdo rje lag pa'i phyag rgya'o/ /gsung zhes pa ni gsung rdo rje sngags kyi las rnams dang sngags dgod pa la sogs pa'i bya ba gang yin pa ni gsung gi phyag rgya'o/ /thugs zhes pa ni thugs rdo rje'i mtshan ma'i phyag rgya ste/ rdo rje dang dril bu la sogs pa'o/ /mtshan ma'i phyag rgya de yang bsam gtan ni byang chub kyi sems bsgom pa la sogs pa'o/ /bri ba ni sngon po la sogs pa'i kha dog gis te/ dkyil 'khor la sogs pa rnam pa gnyis so/ /'di rnams kyi nang nas 'dir dgos pa de rnams bstan pa'i phyir gsungs pa/ rdo rje bdud rtsi zhes pa la sogs pa'o/ /lag pa'i phyag rgya rnam par zhes pa ni de'i mtshan nyid ma gsungs pa ste/ sku'i rang bzhin gyis gnas par byas nas zhes pa'o/ /rnal 'byor phyag rgya zhes pa ni rtags dang ldan pa'i chos 'byung gi phyag rgya'o// gsung gi phyag rgya yang sngags kyi gzugs kyi bya ba thams cad la shes par bya'o/ /mtshan ma'i phyag rgya zhes pa ni rdo rje dang 'khor lo la sogs pa'i phyag rgya'o/ /de rnams dkyil 'khor la sogs pa la bri bar mi bya'o/ /gsung gi phyag rgya yang chos 'byung yang dkyil 'khor la sogs pa'i bya ba thams cad la sbyar bar bya zhes dgongs so/ /phyag rgya dang mtshan ma med par dkyil 'khor la sogs par ji ltar 'gyur zhes pa la gsungs pa/ phyag rgya mngon sum gzugs la ni zhes pa la sogs pa'o// mngon sum zhes pa ni mi'i phyag rgya mi rnams so/ /gang zhig gi rnam pa'i b+ha ga'i pad+ma ni de'i gzugs so/ /lha rnams lha'i btsun mo ni zhi ma la sogs pa'i lha mo rnams so/ /b+ha ga'i pad+ma ni sna tshogs su byas pa khams kun gyi rang bzhin du gnas pa'o/ /dbang po thams cad bde 'gyur ba zhes pa ni dbang po thams cad bde ba las skyes pa'i rdo rje des ldan zhes pa'i don to/ /de rnams 'di lta bu'i cho gas dkyil 'khor la sogs pa'i lha rnams kyi gnas su kun tu gzhag nas mchod par bya zhes gsungs par 'gyur te/ 'di nyid gsungs pa/ rdo rje pad+ma mnyam sbyor bas/ /bya ba thams cad bsgrub par bya zhes pa'o/ /bya ba thams cad ces pa ni dkyil 'khor dang sbyin sreg dang lha rnams kyi rnal 'byor bsgom pa la sogs pa'i bya ba rnams rdzogs par bya'o/ / de ltar dkyil 'khor la sogs pa'i cho gas phyag rgya'i nges pa'o/ /da ni lha rnams dang rtsa ba'i sngags myos byed 'bab pa'i rtsa skyed byed do/ /nges par bya bar 'dod pas dang po'i 'di nyid kyi dpe? gsungs pa/ ji ltar dpag bsam gyi shing chen ni zhes pa la sogs pa'o/ /dpag bsam gyi shing zhes pa ni 'dod pa'i 'bras bu'i shing ngo/ /brgya lhag pa'i lo ma stong phrag gcig gang la yod de ni de bzhin du gsungs so/ /de'i rang bzhin gsungs pa/ rtsa ba zhes pa la sogs pa ste/ ldan pa zhes pa 'dir 'brel to/ /tu'i sgra ni dpag bsam gyi shing de nyid rtsa ba dang 'dod pa'i 'bras bu rnams skye bo rnams la mkho ba ste/ rtsa gcig pu'i 'bras bu'i khams 'tsho ba'i tshul ma yin no/ /de la zhes pa ni de la 'dor ba'i shing la 'dod pas 'jug pa lhag ma'o/ /des na blang zhes pa ni de'i phyir blang bar bya ste/ 'dod pa'i 'bras bu yang dag par 'byung zhes dgongs so/ /de ltar rtsa ba nyid kyis kyang 'bras bu sna tshogs pa nyid skye pa'i dbye ba'i rgyu ru rung ba ste/ sems gang gis brtags pas kyang 'bras bu 'byung ba zhes pas na/ dpag bsam gyi shing gi rtsa ba'i rang bzhin gyis 'dod pa'i bag chags sna tshogs bskyed par byed pa po'o/ /de bzhin du gang rnams kyi lus kyi bdag nyid kyi rtsa sngags la sogs pa skyed pa can zhes mtshon par bya ba gsungs pa/ de ltar zhes pa la sogs pa'o/ /de ltar zhes pa ni de bzhin du myos byed 'bab pa'i rtsa ma zhes par 'brel to/ /gang rnams kyi ma zhes pa la/ gsungs pa/ sngags dang zhes pa la sogs pa'o/ /sngags ni ha yig la sogs pa'i snying po'o/ /phyag rgya ni chos 'byung gi mtshan ma'o/ /gang rnams kyi ma skyed byed ma de yang skye gnas la skye ba'o/ /sngags kun ni 'chang par 'gyur pa'i byang chub kyi sems kyi rang bzhin rnams so// de gsungs par gyur pa ji ltar rtsa ba'i bdag nyid kyi dpag bsam gyi shing dag las 'dod pa'i dbang las sa bon la sogs pas 'bras bu bskyed pa de bzhin du/ myos byed 'bab pa'i rtsas sha dang rtsa'i bdag nyid dang/ bde ba chen po'i rang bzhin gyi lha rnams rang byang chub kyi sems kyi rang bzhin gyi sngags rnams skyed par byed pa'o/ /zhes pa'o/ /'dis ni rtsa ba'i sngags 'o ma'i rnam pa rdo rje bdud rtsi'i dkyil 'khor gyi steng du chos kyi 'byung gnas kyi phyag rgya yongs su gyur pa las/ lha rnams kyi rnal 'byor nye bar bsdus pa'o/ /de ltar sngags la sogs pa skyed pa rab tu gsal bar byas nas/ da ni sngags btu ba gsungs pa/ de nas zhes pa la sogs pa'o/ /rdo rje der gnas zhes pa ni skyes bu'i bya ba'i sbyor bas gnas nas so/ /mA ma kI zhes pa ni bod pa'o/ /gang gis mtshan mar bya zhing shes par bya ba de ni sngags kyi btu ba zhes pa'i don to/ de gsungs pa dang po zhes pa la sogs pa'o/ /dang por zhes pa ni thog mar ro/ /rnam par snang mdzad ces pa ni aoM yig go /sbyar zhes pa ni yang dag par bri pa'o/ de'i de ma thag tu rdo rje bde ba chen po ni dbyangs dang ldan pa'i ha yig dbyangs dang ldan par bya ste bri bar bya zhes dgongs so/ /sa bon bzhi dang mnyam par ldan zhes pa la badzra a mri ta zhes pa'i ming gi yi ge bzhi ste de dang ldan pa'o/ /mthar ni mjug du ste swAhA'i yi ge sbyar bas 'di bzhin du 'gyur te/ aoM ha badzra a mi ta swA hA/ 'dir bla ma gzhan gyi bshad pas aoM yig gi de ma thag tu badzra a mri ta ma hA su kha zhes pa'i tshig rkang 'di sbyar ta sa bon bzhi ni rnam dang dbye ba bzhi pa dang mnyam par ldan pa'o/ /mthar ni swA hA'o/ /aoM badzra a mri ta ma hA su khA ya swAhA/ /zhes pa ni yi ge bcu gnyis kyi sngags 'dir bshad pa ni rdo rje bdud rtsi'o/ /mA ma kI'i sngags gsungs pa yang ni zhes pa la sogs pa'o/ /yang ni zhes pa ni de ma thag tu'o/ /rnam par snang mdzad ni aoM yig go /sbyin zhes pa ni thog mar ro/ /gnyis pa'i zhes pa ni gnyis pa'i sde tshan te ka sde'o/ /de'i bzhi pa ni g+ha yig go /sbyin par bya'o/ bzhi pas mnyam par ldan pa yin zhes pa ni de ai yig gis ldan par byas pa'o/ /mdza' ru swAhA sbyar bar bya zhes pa rjes su mthun no/ /aoM g+hi swAhA mA ma kI'i snying po'o/ /zhi ma la sogs pa'i sngags btu ba gsungs pa/ zhi ma la sogs pa'i lha mo brgyad po rnams 'og gi lte ba'i dbus su gang zhig gnas pa rdo rje bdud rtsi'i snying po de ji lta bu'i khyad par ldan zhes pa la gsungs pa/ brgyad pa brgyad ces pa la sogs pa'o/ /brgyad ni brgyad dang brgyad de mdza' i dbyangs so/ /des brgyan pa ni ldan par byas pa'o/ /de gsungs par gyur pa/ tsheg drag dang bcas ha yig ni/ bdag po'i snying po dang ldan pa/ lha mo rnams kyi sngags ni btu zhes pa'o/ /lha mo gang rnams kyi sngags zhes pa la gsungs pa/ 'dab ma brgyad du zhes pa la sogs pa'o/ /dkyil 'khor gyi pad+ma'i 'dab ma la gnas pa'i mchod pa rnams kyis mchod par byed ces pa'i don to/ /de'i sngags gsungs pa/ sde tshan gyi mdza' son zhes pa la sogs pa'o/ /sde tshan ni a ka tsa Ta ta pa ya sha ste de rnams kyi mdza' gang zhig sa bon ni/ aM nga nya Na na ma wa sa zhes pa'i yi ge rnams btu ba so sor yang dag par blangs nas sngags su bya'o/ /ci zhig sngags su bya zhes pa la gsungs pa/ bsngags brgyad ces ces pa la sogs pa'o/ /tu'i sgras ni dbye ba ston par byed do/ /brgyad ces pa ni rim pa ji lta ba bzhin du yi ge re res sngags brgyad rnams su bya ba'i sngags rig ces pa ni slob dpon gyis so/ /sa bon de rnams dbyangs dang bcas pa zhes pa gsungs pa// mnan zhes pa la sogs pa'o/ /stong pa'i lha mo zhes pa ni thig le ste des spyi bor brgyad po rnams so/ /aoM yig dang swAhA'i yi ges dang po dang mthar ldan par byas pa'o/ /de gsungs par gyur pa ha yig dang ldan de bzhin mdza' / yi ge re re thig ler bcas/ /aoM yig swAhA ri bong bcas ldan pa ste/ rim par zhi ma la sogs zhes pa'o/ /aoM a ha swAhA zhi ba'i 'o/ /aoM da ha swAhA zhi bar smra ma'i'o/ /aoM nya ha swAhA ni gtum mo'i 'o/ /aoM Na ha swAhA ri bong can ma'i 'o/ / aoM na ha na swAhA/ ri bong can gyi dkyil 'khor gyi'o/ /aoM maM ha swAhA ri bong can gyi ri mo'i'o/ /aoM baM swAhA/ yid shes ma'i'o/ /aoM saM ha swahA/ yid 'dod ma'i 'o/ /sgo skyong rnams kyi sngags gsungs pa/ sgo skyong rnams zhes pa la sogs pa'o// sgo skyong rnams ni dkyil 'khor du gsungs pa rnams te drug pa'i gnas su bdun pa'o/ /de gsungs pa bzhi zhes pa la sogs pa'o/ /dkyil 'khor du gsungs pa dang mnyam par ldan pa rnams te dang po'i mang po'i tshig gis drug pa phyis nas bdun pa'i gnas bzhis nye bar ldan pa ste/ rdo rje'i tshig 'dir bzhi zhes pa'o/ /gang zhig dkyil 'khor du gsungs pa'i sgo skyong bzhi po rnams ni khro gnyer can la sogs pa'o/ /bzhi po 'di rnams kyi rim par ma ning gi yi ge bzhi rnams te/ ri rI/ li lI/ zhes pa'i yi ge re re aoM yig dang swAhAr ldan pas sngags so sor brjod par bya'o/ /aoM ri swAhA/ khro gnyer can gyi'o/ /aoM ri swAhA/ mi bzad 'jigs pa'o/ /aoM li swAhA/ rta'i tshul can gyi'o/ /aoM lI swAhA/ tshogs kyi bdag po'i'o/ /ma ning gi yi ge bzhi po 'di nyid ni me tog ma la sogs pa'i yang sngags nyid ces gsungs pa bzhi zhes pa la sogs pa ste/ dkyil 'khor dngos su ma bkod pa'i sngags bskyed pa 'dir gsungs zhes mngon par the tshom du gyur pa la dang po'i mang po'i tshig can gyis drug pa'i gnyis pa'i gnyis tshig phyis nas/ gnas bzhi nye bar bkod par bya ste 'dir yang tshig gi mthar bzhi zhes pa'o/ /dkyil 'khor du dngos su ma gsungs pa 'di nyid du nye bar dgod pa ni me tog la sogs pa'i lha mo'o/ /bzhi pa de rnams kyi nang nas me tog ma dang bdug spos ma'i lha mo dag rim par ma ning bzhi pa dang mnyam par ldan pa ni yi ge gnyis gnyis kyis swAhA dang rnam par snang mdzad kyi sngags su rig par bya'o/ /tu'i sgras ni bye brag tu dbye ba nye bar bstan pa'o/ /aoM ri rI swAhA me tog ma'o/ /aoM li lI swAhA/ bdug spos ma'i'o/ /gang du de ltar me tog ma dang bdug spos pa'i sngags btus na/ mar me ma dang dri ma'i yang ji ltar brjod par bya snyam pa la/ rnam par dbye ba drug pa mthong bas tu'i sgra'i nus pas 'dir yang rdo rje'i tshig ni thun mong ma yin pa nyid kyis aoM yig dang swAhA'i yi ges rim pa ji lta ba bzhin du mar me dang dri ma'i sngags dag ni man ngag gis zhes pa ste/ aoM dI pA ya swAhA/ mar me ma'o/ /aoM gand+hA ya swAhA/ dri ma'o/ /phyag rgya dang sngags rnam par bkod nas sngags dang dkyil 'khor la mchod pa bya zhes pa gsungs pa/ mchod par bya zhes pa ni mchod cing dbul bar bya ba ste/ mchod pa thams cad la mngon par chags pas/ phyi dang gsang ba'i mchod pas so/ /gsang ba'i dkyil 'khor ni pad+ma'i 'khor lo'o/ /mA ma kI zhes pa ni bod pa'o/ /'dis ni le'u gnyis par gsang ba chos kyi 'byung gnas kyi dkyil 'khor bsdus pa'o/ /sdud par byed pas rang dgar brtsams pa ni ma yin no/ /zhes bstan pa'i phyir gsungs pa/ bcom ldan rdo rje can gsungs zhes pa la sogs pa'o/ /sngags kun 'byung ba'i dbang du byed pa gsungs pa/ rdo rje bdud rtsi zhes pa la sogs pa'o/ /le'u'i ming gsungs pa/ sngags 'byung pa zhes pa ste/ sngags ni de ma thag tu gsungs pa rnams so/ /'byung ba ni btus pa ste le'u gang gis de brjod cing ston pa de ni le'u'i ming ngo/ /grangs gsungs pa gsum zhes pa ste/ le'u gsum pa'i rgya cher 'grel pa'o// //de ltar bzlas pa dang bsgom pa dang sangs rgyas rjes su dran pa'i rgya ru sngags btu ba yang dag par bstan nas/ da ni sbyin sreg med par sngags dang 'khor lo'i nus pa rnams mi 'byung zhes pas/ sbyin sreg gi cho ga bstan pa'i phyir gsungs pa/ de nas des na yang dag bshad ces/ pa la sogs pa'o/ /de nas zhes pa ni sngags bstan pa'i de ma thag tu'o/ /des na zhes pa ni sngags rnams kyi 'bras bur myur ba'i rgyus so/ /sbyin sreg las ni don to/ /cho ga ni bya ba'i rim pa ste/ thab khung dang ho ma shing la sogs pa'i rim pa rnams so/ /de ji lta bur gyur pa zhes pa la gsungs pa/ rnal 'byor zhes pa la sogs pa ste/ 'dod pa lnga la nye bar longs spyod pa'i sgom pas gang byang chub de ni rnal 'byor gyi rgyud do/ /de'i tshogs ni rdo rje bdud rtsi'i rgyud kyi cho gas zhes pa'i don to/ /rnam par snang mdzad la sogs pa'i rang bzhin gyi sku dang gsung dang thugs rnams so/ /bsgrub par bya ba ni rdzogs par byas zhes pa ste/ sku gsung thugs kyi bsgrub pa'i thabs so/ /skyon thams cad dang bral bas zhi ba'o/ /nor la sogs pa yang dag par 'phel bas rgyas pa'o/ /rang gi dbang du byed pa ni dbang ngo gsod pa ni mngon spyod do/ /phan tshun 'gal bar byed pa ni rnam par sdang ba'o/ /rang gi gnas nas 'byung ba ni skrod pa'o/ /sngags zhes pa ni sngon du gsungs pa'i snying po rnams so/ /phyag rgya ni rdo rje bdud rtsi la sogs pa'i phyag rgya chen po'o/ /de'i sgrub thabs ni rdzogs pa rnams so/ /de zhes pa ni de ma thag tu gsungs pa ste/ thams cad bstan par bya ba ni rdo rje bdud rtsi yang dag par 'byung ngo/ /sbyin sreg dag gis bsdus zhes pa la gsungs pa'i/ rdo rje bdud rtsi zhes pa la sogs pa ste/ bdud rtsi ni mya ngan las 'das pa la sogs pa'i 'bras bu'o/ /de'i yang dag 'byung ni gang du rdo rje bdud rtsi yang dag 'byung ba'i rgyud dang zhes dgongs so/ /de la dang por sbyin sreg gis gzhi yang dag par sbyangs pa bstan pa'i phyir gsungs pa/ rdo rje sems dpar bsnyems byas nas zhes pa la sogs pa ste/ sa gzhi rnam par sbyar bar bya/ /zhes pa 'dir 'brel to/ /rdo rje sems dpar bsnyams byas nas zhes pa ni rdo rje bdud rtsi'i rnal 'byor gyi nga rgyal lta bus so/ / dril bcas gnyis med ces pa ni/ g.yas pas snying gar rdo rje 'dzin pa dang/ g.yon pas dril bu rked pa'i ga nas su 'dzin pa'o/ /'jug par bya zhes pa ni sbyin sreg gi khang par ro/ /dkyil 'khor slob dpon zhes pa ni sbyin sreg gi slob dpon no// dkyil 'khor gyi sa gzhi yang dag par sbyang zhes pa ni dkyil 'khor slob dpon zhes pa 'dis bsdus pa'o/ /zhugs nas des ci zhig bya zhes pa la/ gsungs pa/ khams gsum rnam rgyal zhes pa la sogs pa ste/ khams gsum rnam par rgyal ba khro bo'i rgyal po'i lha'i rnal 'byor byas nas/ g.yas brkyang ba la sogs pa'i byed pas sa gzhi yang dag par sbyor bar bya zhes dgongs so/ /de nyid gsungs pa/ g.yas brkyang zhes pa la sogs pa'o/ /rkang stabs zhes pa ni rkang pa gnyis kyis so/ /g.yas brkyang byas pa ni gang gis de byas pa'i g.yas brkyang ba'o/ /g.yas ni rkang pa g.yas pa ste rkang mthil lnga tshad du dgrang ba'o/ /g.yas brkyang ba ni byed pa 'di ni thor gshal bzhin du g.yon pa bkug cing bskums pa'o/ / g.yon brkyang ni rkang pa de gnyis kyis so/ /slar yang ni de ma thag tu'o/ /sbyin zhes pa ni bya ba'o/ /g.yas pa bskum par byas nas ni/ /rkang pa g.yon pa bgrang bar bya/ /g.yas brkyang yongs su bzlog pa ni/ /g.yon brkyang yin par shes par bya/ /mnyam pa'i rkang stabs zhes pa ni rkang pa drang po'o/ /mnyam pa'i rkang pa ni rkang pa gnyis mnyam pa ste rkang mthil tsam gyi bar lag gis gnas pa tha mal gyi rang bzhin du gnas pa de ni mnyam pa'i rkang stabs zhes pa'i ming du 'gyur ba'o/ /mi mnyam stabs ni mi mnyam pa'i stabs nyid de/ rkang mthil phye dang bzhi'i tshad kyis rkang pa gnyis kyi bar lag tu gyur pa ste/ rkang pa gnyis kyis gru gsum du gnas shing brla gnyis par med par gshibs pa ni mi mnyam pa'i rkang stabs zhes brjod pa ste/ rkang stabs 'di rnams kyis yongs su bskor zhing sa gzhi sbyang bar bya ba ni/ shing bu dang/ rdo ba dang/ gyo mo la sogs pa'i zug rngu rnams bsal bar bya zhes pa'i don to/ /ji ltar reg na 'jam par 'gyur ba bde bzhin du sbyang zhing dag par bya'o/ / de nas bgegs rnams bskrad par bya zhes gsungs pa/ de nas zhes pa la sogs pa'o/ /bgegs zhes pa ni ne le dang/ lce sbyang la sogs pa dang/ gzhan yang gang zhig yi dags kyi mi la sogs pa ni bgegs te de rnams so/ /de ltar sa'i gzhi rnams rnam par sbyangs nas/ mchog gi rnal 'byor pas sa'i lha mo'i sngags 'dis spyan drangs te byin gyis brlab pa dang/ lhag par gnas pa la sogs pa bya zhes pa ste/ de nyid gsungs pa/ bla ma la phyag 'tshal ba la sogs pa'o/ /bla ma zhes pa ni sngags kyi mkhan po ste/ 'di la phyag byas nas phyi nas sa'i lha mo gser gyi kha dog can phyag na bum pa bsnams pa bkug cing gzhug pa dang bcing ba dang/ dbang du bya ste dri zhim po la sogs pa dang/ mchod pa rnam pa lngas yang dag par mchod nas lhag par gnas pa nye bar bya'o/ /de la spyan drangs pa'i sngags gsungs pa/ aoM e hye hi mahA de bi zhes pa la sogs pa'o/ /'dis lhag par gnas pa la sogs pa byas nas/ sa gzhi mnyam par byug par bya/ /zhes pas de nyid gsungs pa/ dri chen dri chu zhes pa la sogs pa'o/ /byug par bya zhes pa ni byug pa nyid do/ /de nas sha chen gyi bdug spos kyis bdug par bya'o/ /yang dag par bdug nas kyang de'i dbus su phyag rgya bzhag nas mchod pa bya zhes gsungs pa la/ de nas zhes pa la sogs pa'o// de nas zhes pa ni bdug spos byin pa'i de ma thag tu'o/ /rig ma gzhug par bya zhes pa ste/ de nyid gsungs pa/ rig ma zhes pa la sogs pa'o/ /rig ma ni lha mo'o/ /ci rdzas la sogs pa la brdungs shing/ lugs su blugs pa de gzhug gam zhes pa la ma yin par gsungs pa gtum mo zhes pa ni gtum mo la sogs pa'i mi'i bu mo zhes pa'i don to/ /gtum mo ni gtum mo nyid do/ /reg min glu len pa'i rigs su skyes pa ni g.yung mo'o/ /rigs ngan gar byed pa'i bu mo gar mkhan ma'o/ /bram ze mo ni gnyis skyes kyi rigs su skyes pa'o/ /dmangs rigs ni dmangs rigs ma nyid do/ /rgyal rigs mtshan la sogs pa'i rigs su skyes pa ni rgyal rigs so/ /'di rnams ni zhi ba la sogs pa'i las kyi dbye bas gsungs te/ go rims ma 'chol bar shes par bya'o/ /gzhan thun mong pa rnams kyang yan lag la sngags rnams dgod ces pa ste/ de nyid gsungs pa/ h+ri yig ces pa la sogs pa'o/ /yan lag la zhes pa ni snying dang smin phrag dang/ mgrin pa dang/ spyi bo rnams su d+hi yig dgod par bya'o/ /b+ha ga'i dbus su zhes pa ni b+ha ga'i sgras de'i lte bar brjod par bya ste/ b+ha ga yang yin la/ dbus kyang yin pas b+ha ga'i dbus te/ der b+h+ruM yig dgod par bya'o/ /de ltar yi ge rnam par bkod nas spyan la sogs pa'i gzugs bsgom par bya zhes pa de gsungs pa/ spyan ma sgrol ma zhes pa la sogs pa'o/ /de la bram ze ma ni dmangs rigs mo ste zhi ma spyan ma'i rnam pa ste/ kha dog dkar mo'o/ /zhal gsum ni dkar po dang nag po dang/ nyi ma'i mdog go /phyag drug ni 'khor lo dang rdo rje dang/ dril bu dang/ lcags kyu dang/ zhags pa 'dzin pa'o/ /rdo rje bdud rtsi cod pan du brgyan par bsgom par bya'o/ /dbang du bya ba gtum mo ni sgrol ma ste/ kha dog dmar mo'o// zhal gsum ni dmar po dang/ dkar po dang/ nag po'o/ /phyag drug na lcags kyu dang/ rdo rje dang ral gri dang dril bu dang/ 'khor lo dang/ zhags pa bsnams pa/ rdo rje bdud rtsi cod pan du byas pa'o/ /mngon spyod la sgrol ma nyid rab tu brtag par bya ste rnam par 'gyur zhing kha dog nag po'o/ /zhal gsum ni nag po dang/ dkar po dang/ nyi ma lta bu'o/ /phyag drug na ral gri dang/ 'khor lo dang dril bu dang/ zhags pa dang/ rdo rje 'dzin pa/ rdo rje bdud rtsi'i cod pan can no/ /rgyas pa la gar mkhan ma 'am/ rgyal rigs ma ni gos dkar mo'i gzugs te kha dog ser po'o/ /zhal gsum la ser po dang/ dkar po dang/ nyi ma'i mdog go /phyag drug na rdo rje dang/ 'khor lo dang/ ral gri dang/ dril bu dang/ zhags pa dang/ lcags kyu rnams 'dzin pa'o// rdo rje bdud rtsi po tis brgyan cing mtshan par shes par bya'o/ /de ltar las kyi dbye bas gzhan yang bsgom par bya'o/ /mchod pa rnam pa lnga mngon par mchod nas snyim pas me tog 'phang zhes pa ste/ de nyid gsungs pa/ me tog 'phang zhes pa la sogs pa'o/ /de la b+ha ga'i dbus su me tog ni khu ba ste gzhug par bya'o/ /de ltar sbyin sreg gi bzhi legs par byas par 'gyur ro/ /dkyil 'khor cho ga yang thun mong ba ste bu mo gzhan yang shes par bya'o/ /dkyil 'khor gyi khongs su gtogs pa'i sbyin sreg gi cho ga de bstan pa'i ched du gsang ba'i chos kyi dkyil 'khor yang bsdus pa ste/ 'dis ni 'dir dkyil 'khor ni rnam pa gnyis te phyi ni rdul tshon gyi dkyil 'khor ro/ /gsang pa'i chos kyi dkyil 'khor kyang nges pa'o/ /de ltar rnal 'byor gyi gnas kyi sar gyur nas/ sa phyogs dag tu thab khung bya zhes pa ste/ de nyid gsungs pa/ de nas zhes pa la sogs pa'o/ /kun tu bri zhes pa ni rnam par dgod pa'o/ /de yang tshang dang/ tshad kyi rnam pa ste chu dang zheng gi mtshan nyid dag go /de la tshad dang rnam pa gsungs pa/ zhi ba'i zhes pa'o/ /zhi ba'i thab khung ni zlum po'i rnam pa khru gang gi tshad du thig gdab par bya'o/ /thig btab nas thabs su brko ba ni khru phyed sa la zhes pa ni 'og gi zabs su brko ba'o/ /kha dog dkar pos byug par bya zhes pa ni tsan dan dkar pos so/ /logs zhes pa ni tshangs thig gi logs gnyis la bltos nas bdun pa'i gnyis pa'i tshig can bstan no/ /'khor ba'i rnam pa zhes pa ni zlum po so sor bzhi'i kha khyer zhes par dgongs so/ /rgyas pa'i thab khung gsungs pa/ rgyas pa zhes pa la sogs pa'o/ /rgyas pa'i thab khung ni/ rgyar khru gnyis kyi tshad do/ /khru gang 'og tu brko ba'o/ /sor brgyad kyi kha khyer kun nas gru bzhir ro/ /btsag dang sind+hu ra dang/ btsag gi ming gi me tog ser po'i rigs kyi bye brag go / btsag ser po zhes pas gzhan du de'i kha dog gis bri zhing sbyin sreg bya zhes so/ /mngon spyod kyi thab khung na gsungs pa/ mngon spyod ces pa la sogs pa'o/ /mngon spyod kyi thab khung ni khru gsum rgyar sor mo nyi shu/ zabs su sor mo bcu'o/ /sor mo gsum gyis kha khyer gyi phreng ba'o/ /dur khrod kyi sol bas bri bar bya zhes pa'o/ /dbang dang dbu dgug pa dag thun mong ste/ thab khung gi mtshan nyid dag gcig pu gsungs te/ zla phyed ces pa la sogs pa'o/ /zla ba phyed pa lta bu rgyas pa'i hoM khung gi tshad dang mnyam pa thab khung gi phyed kyi tshad kyi thabs su'o/ /tshad dang rjes su mthun nas kha sbyar bris nas kha dag dmar pos byug par bya'o/ /thab khung thams cad kyi dbus su rim pa ji lta ba bzhin du chu dang/ sa dang me dang rlung gi dkyil 'khor gyi steng du rtags dang bcas pa'i chos 'byung gi phyag rgya yang ji lta ba'i sbyor pas bzhag par bya'o/ /las rnams kyi don du phyogs kyi cha rnams bstan par gsungs pa/ phyogs kyi cha rnams zhes pa la sogs pa'o/ /phyogs kyi cha ni rab tu grags pa'o/ /me lha'i kha dog gi nges pa gsungs pa/ mngon spyod ces pa la sogs pa'o/ /mngon spyod ni mngon spyod kyi las rnams te/ me lha la sogs pa'i kha dog nag por bsgom par bya'o/ /dbang la sogs pa'i kha dog bstan par 'dod nas kha dog lngas zhes pa la sogs pa ste/ kha dog lnga yis dbang du bya zhes pa'i rdo rje tshig 'dis yi ge so sor bral ba'i nus pas kha dog lnga ni ser po dang dmar po dang dkar po'i kha dog ces pa'i don to/ /las rnams la dmar po la sogs pa'i kha dog rnams gang gang zhe na/ zhes pa la na ba sa yig ces pa la sogs pa ste/ na yi ge dang ba yig dang/ sa yig gis dbang dang/ rgyas pa dang zhi ba dang brjed pas de'i rang bzhin du sbyor ro/ /na dang ba dang sa'i las zhes pa'i don to/ /de bzhin du yang gsungs pa/ gab bya chen po zla ba'i 'od// yi ge so sor phral bas ni/ /pa yig pad+ma rA ga ste/ /de bzhin na yig gser yin no/ /tsa yig zla ba chu shel yin/ /kha dog kha dog nye bar bstan/ /na yig dbang gi ming can te/ /b+ha yig rgyas par brjod pa yin/ /sa yig zhi bar shes par bya/ /kha dog dang ni las rnams brjod/ /las kyi dbye bas srag rgyas rnams bstan par 'dod nas gsungs pa/ til dang 'bras zhes ba la sogs pa'o/ /til zhes pa ni ma grubs pa'i til lo/ /'bras ni sa lu'o/ /'o ma dang mar dang mar ni ba'i 'o/ /sbrang ni sbrang rtsi'o/ /bdud rtsi lnga zhes pa ni bri chen dang dri chu dang khu ba dang khrag dang sha chen no/ /sreg rdzas 'di rnams kyis rgyas pa dang/ zhi ba la sreg blugs bya'o/ /mngon spyod kyi rdzas gsungs pa/ sreg rdzas dag ni thams cad kyis zhes pa la sogs pa ste/ yam shing rnams kyang tsher ma dang mar khu tsha ba dang kha ba la sog pa'i shing khun las skyes pa sor mo bcu'i chad kyis so/ /dbang gi rdzas rnams kyang yam shing gsungs pa/ 'o ma can gyi shing zhes 'o ma dang bcas pa'i shing pa Ta dang bim pa li dang au dum bA ra la sogs pa'i shing la sor brgyad do/ /dri zhim zhes pa ni sa la la ki dang gu gul shing dang kha di ra'i shing dang ngo/ /sbyin sreg gi cho ga'i gtor chog bya zhes gsungs pa/ kha zas zhes pa'o/ /rnam pa sna tshogs zhes pa ni las kyi dbye bas zhi ba la zho dang 'o ma dang/ 'bras zan la sogs pa'i bza' ba mdzes pa'o/ /rgyas pa la mar dang 'o ma dang sbrang rtsi dang/ sha dang/ ro zhim pa la sogs pa'o/ /khro ba la tsha ba dang/ la phug dang/ tshwa la sogs pa legs par sbyar te bza' bar bya'o/ /dbang la mar dang sha chang dang/ 'bras bu dang/ sha kar la sogs pa'o/ /gtor ma zhes pa ni lha bshos so/ /sbyin sreg gi lhag pa'i lha rnams dang/ 'byung po'i gtor ma dang/ 'byung po rnams gsungs pa/ kun zhes pa la sogs pa'o/ /'byung po kun zhes pa ni 'bras dang/ sran ma dang tshwa la sogs pa mar khus bsres nas brgya byin dang me sta dang/ gshin rje dang/ srin po dang/ chu dag dang/ rlung lha dang gnod sbyin dang/ dbang ldan la sogs pa la sbyin par bya'o/ /gtor ma de yang he ru ka'i phyag rgyas sbyin par bya zhes gsungs pa/ he ru ka zhes pa la sogs pa'o/ /he ru ka'i rnal 'byor gyi sngags gang zhig he ru ka'i phyag rgyar brjod pa ni he ru ka'i sngags kyis zhes pa'i don to/ /gang cung zad ces pa ni rtag par gtor ma gus pas chu dang bsres nas sbyin par bya'o/ /sgrub pa pos ni de yang he ru ka'i phyag rgya nyid do/ /des cis 'gyur zhes pa la gsungs pa/ 'grub ces pa'o/ /de ltar rnal 'byor pa rnams kyis so/ /yid la ci 'dod pa ni phun sum tshogs par 'gyur zhi ba la sogs pa'i las rnams kyi dus bstan pa ni zhi ba la sogs pa'o/ /ston gyi dus ni ston zla 'bring po'i tha chungs so/ /dgun ni dgun zla ra ba dang 'bring po'o/ /dpyid ni dbyar zla ra ba dang 'bring po'o/ /ci dus 'di thams cad du rtag par sbyin sreg bya ba 'am zhe na/ ma yin par gsungs pa snga dro thun gcig ces pa la sogs pa/ snga bar zhes pa ni nyi ma gzhan ni thun mtshams lhag ma rnams ni go bla'o/ /sbyin sreg la sogs pa'i lha rnams rdzogs nas sngags bstan pa gsungs pa/ hUM yig gis zhes pa la sogs pa'o/ /hUM yig ni 'dir rang gis las la bskul ba'i dbye ba las thams cad par bzhed do// des lha gzhan rnams rdzogs par byas nas srag blugs sbyin par bya zhes par 'brel to/ /gang du rdzogs par bya zhes pa la/ 'brel pa gsungs pa/ thab khung dbus su zhes pa la sogs pa'o/ /thab khung dbus ni sngon du gsungs pa'i zhi ba la sogs pa'i thab khung ste/ shing skam po las me 'bar ba'i dbus su'o/ /rang gi lha zhes pa ni 'dod pa'i lta rnams so/ /las rnam pa gsum la ni rdo rje bdud rtsis so/ /mngon spyod ni rje btsun gshin rjes so/ /de la zhi ba la kha dog dkar po'o/ /zhal gsum ni dkar po dang/ nag po dang/ nyi ma lta bu'o/ /phyag drug ni 'khor lo dang rdo rje dang/ ral gri dang lcags kyu dang zhags pa dang dril bu 'dzin pa'o/ /rdo rje bdud rtsis cod pan brgyan pa'i rdo rje bdud rtsi rdzogs par bya'o/ /rgyas pa la kha dog ser po dang/ zhal gsum ni ser po dang/ dkar po dang/ nyi ma lta bu'o/ /phyag drug ni rdo rje dang 'khor lo dang/ ral gri dang/ lcags kyu dang/ zhags pa dang/ dril bu ste mtshon cha 'dzin pa'o/ /rdo rje bdud rtsi cod pan gyi bdud rtsi bsgom par bya'o/ /dbang la rdo rje bdud rtsi kha dog dmar po zhal gsum ni dmar po dang/ dkar po dang nag po'o/ phyag drug na lcags kyu dang rdo rje dang/ ral gri dang/ 'khor lo dang/ zhags pa dang/ dril bu rnams kyis brel ba'o/ /rdo rje bdud rtsi cod pan la sogs pa rdzogs par bya'o/ /mngon spyod la ni gshin rje kha dog nag po/ /zhal gsum ni nag po dang/ dkar po dang ni ma lta bu'o/ /phyag drug ni ral gri dang rdo rje dang 'khor lo dang/ lcags kyu dang zhags pa dang/ dril bu rnams kyis brel ba'o/ /rdo rje bdud rtsi cod pan du brtan par bya'o/ /dgang blugs zhes pa ni gang ba'i yan lag dang gnyi ga bsreg pa'o/ /dgang gzar gyi yu ba ni khru gang gi tshad do/ /mgo bo sor bzhi pa'i tshad kyi khru bzhi'o/ /sor gnyis kyis zab su'o/ /sor gcig tshad kyis mchu'o/ /sor bzhi pa'i dgang bzar la chos 'byung gi phyag rgyas dbus su mtshan pa'i dgang gzar ro/ /de bzhin du steng sor gnyis pa mthe bo'i tshad zabs su'o/ /dbus su chos 'byung gi phyag rgyas mtshan pa pad+ma'i 'dab ma'i rnam pa lta bu'i blug gzar bkang ste de ru sbyin par bya'o/ /sbyin sreg 'bum phrag gis rab tu 'grub ces gsungs pa/ 'bum zhes pa la sogs pa'o/ /ci dang por lha rnams la sreg blugs gtso bo yin nam zhe na/ ma yin par gsungs pa/ thog mar zhes pa la sogs pa'o/ /thog mar ni dang por te g.yas su sreg rdzas g.yon du mchod pa rnams gzhag nas ji lta bzhin du bshad pa'i me 'bar ba'i dbus su las thams cad pa'i rang bzhin gyis aoM yig gis sam gzhan gyis me lha bskyed la dgug par bya'o/ /sngags kyis spyan drangs zhes gsungs pa la/ me zhes pa la sogs pa'o/ me zhes bya ni rang gi las dang rjes su mthun pa'i ye shes kyi mer dgongs so/ /de la zhi ba'i me lha ni kha dog dkar po zhal gsum ni dkar po dang/ nag po dang nyi ma lta bu'o/ /phyag drug ni 'khor lo dang/ 'grang phreng dang rdo rje dang/ zhags pa dang/ ril pa spyi blugs dang/ dril bu rnams 'dzin pa'o/ /rgyas pa'i me lha ni kha dog ser po/ zhal gsum ni ser po dang/ dkar po dang/ nyi ma lta bu'o/ /phyag drug na rdo rje dang mchog sbyin dang/ 'khor lo dang/ zhags pa dang/ dril bu dang ril pa spyi blugs rnams bsnams pa'o/ /dbang gis me lha ni kha dog dkar po ste/ zhal gsum la dmar po dang dkar po dang nag po'o/ /phyag drug na lcags kyu dang rdo rje dang dril bu dang ril pa spyi blugs dang/ zhags pa rnams kyis brel ba'o/ /mngon spyod kyi me lha ni kha dog nag po ste/ zhal gsum ni nag po dang dkar po dang nyi ma lta bu'o/ /phyag drug ni ral gri dang rdo rje dang 'khor lo dang/ zhags pa dang/ dril bu dang ril pa rnams kyis 'brel pa'o/ /thams cad bsdu pa rdo rje bdud rtsis brgyan pa/ ji ltar rnal 'byor gyi gdan gyi 'du shes par bya'o/ /me lha 'di rnams thams cad kyi rnam pa dang rgyan rnams brjod par 'dod nas gsungs pa/ lha'i zhes pa la sogs pa'o/ /lha'i phreng ba zhes pa ni/ spyi bor me tog gi phreng ba 'dzin pa'o/ /drag po'i zhes pa ni drag po'i dngos po ni drag po ste spyan gsum drag po lta bur snang bas zag pa ste spyan gsum zhes pa'i don to/ /de gsungs pa/ thog mar mngon par 'dod pa'i me/ /spyan drangs yon chab zhabs gsal dang/ gdan dang zhal bsil bsang gtor dang/ /mchod pa rnam lngas yang dag mchod/ /gang ba'i sreg blugs la sogs gsum/ /phul nas yid kyis mchod par bya/ /bstod cing bdud rtsi myang ba'i mthar/ /nang du zhugs shing zhu bar bsgom/ /phyi nas rang gi lha rnams ni/ /sngon bzhin hUM yig las byung ba/ /dgod ci sbyin sreg la 'jug bya/ /zhes pa'o/ /me lha rnams thun mong du spyan drangs pa'i sngags gsungs pa/ e hye hi zhes pa la sogs pa'o/ /sngags 'dis mdun du spyan drangs nas/ /de la yon chab dbul bar bya/ /arg+haM pra tIts+tsha zhes pa'o/ /de nas spyi bor me tog zhes pa ni/ me tog gi sngags gsungs pa'o/ /aoM di bya puShpa zhes pa la sogs pa'o/ /mig gnyis la ni mar me zhes pa mar me'i sngags gsungs pa/ aoM dI pa ni dzwA la ni zhes pa la sogs pa'o/ /sna la bdug spos zhes pa'i sngags gsungs pa/ aoM tsan dan zhes pa la sogs pa'o/ /lus kun la ni dri yin zhes pas/ dri'i sngags gsungs pa/ aoM nA nA gand+ha su gand+ha zhes pa la sogs pa'o/ /bskul tshig dang bcas pa'i rnams ni las thams cad pa'i me lha'i thun mong ni sngags rnams dang rdo rje bdud rtsi'i sbyin sreg gi lhag pa'i lha rnams dang dkyil 'khor du gsungs pa'i me tog la sogs pa'i mchod pa'i sngags rnams su rtogs par bya'o/ /sbyin sreg gi rim pa bstan pa gsungs pa/ dang por zhes pa la sogs pa'o/ /nges pa byas zhes pa ni sbyin sreg gi nges pa byas pa ste/ slob dpon gyis dang por me lha mchod pa'i cho ga byas nas/ rang gi lha rnams gang dag par mchod pa byas te sbyin sreg la 'jug par bya'o/ /sbyin sreg gi las rnams rdzogs nas kyang glu dang gar la sogs pa rnal 'byor gyi rol rtsed kyis tshogs kyi dkyil 'khor dgyes par bya zhing bzod par gsol nas/ bla ma rdo rje 'dzin pa gshegs su gsol bar bya'o/ /phyi nas me lha gshegs su gsol bar bya'o/ /las thams cad thun mong du gshegs su gsol ba'i sngags gsungs pa/ aoM agna ye swA d+hi da karma sarba satwa su kha a pa haM zhes pa la sogs pa'o/ /mA ma kIs rang dgar brtsams pa ma yin par bstan pa'i phyir gsungs pa/ bcom ldan rdo rje can gsungs pa zhes pa la sogs pa'o/ /sngon bzhin du rgyas par bshad par nye bar bsdu ba'i phyir gsungs pa/ rdo rje bdud rtsi zhes pa la sogs pa'o/ /sbyin sreg gi le'u zhes pa ste bzhi pa'i rgya cher 'brel pa'o/ / //da ni las kyi tshogs rnams bstan pa gsungs pa/ sbyin sreg cho ga gsungs nas ni zhes pa la sogs pa'o/ /sbyin sreg gi cho ga rnams de srid du gsungs nas/ de ma thag tu mig sman gyi rab tu sbyor ba bstan pa'i phyir/ gsungs pa/ mar khu che zhes pa la sogs pa/ mar khu chen po zhes pa ni mar khu ba chen po dang bcas pas dur khrod kyi ras la byas pa'i sdong bu ste gang du thod pa mi'i mgo bo yin pa de ni de bzhin te/ nag po'i tshes brgyad dang bcu bzhi'i nub mo dur khrod du thod pa gsum gyi steng du mar khu chen po'i mar me'i snod kyi thod pa bzhag ste/ de'i steng du bud med kyi thod pas kha bkab nas mig sman blang bar bya ste/ de la 'ug pa'i mgo bo bsregs nas khrag chen pos lad mang du bsnos te/ de nyid kyi nub mo ? gdan la yang dag par rtags nas phye ma 'jam zhing zhib par bya'o/ /mig sman dang bcas par gcig tu bsdus nas/ bya rgod kyi rkang pa'i pags par btum pa 'am/ bya rgod kyi rkang pa'i rus pa'i sbu gu gang zhing bsgrub par bya zhes bar 'brel to/ /gang dang gang gi snying po dang bcas pa de dang des ni 'grub ste/ mig sman gyis bdag gyis bdag nyid la 'am gzhan gyi mig la byug pa bya ste/ mi rus kyi thur mas so/ /de dang de'i gzugs kun byed do/ /de la mig sman ji ltar bsgrub par bya zhes pa la gsungs pa/ mig sman zhes pa la sogs pa'o/ /mig sman ni sngon du gsungs pa'o/ /gang zhig sngags dang sman gyi sbyor bas legs par sbyar ba ni sbyor bas 'grub ces brjod pa'o/ /rdo rje bdud rtsi las byung ba zhes pa ni/ rdo rje bdud rtsi rgyud kyi rim pa'i gzhun gi b+ha ga'i dbus su bsgrub par bya/ zhes brjod par bya ste/ thog mar phyag rgya byin gyis brlabs shing phyi nas mig sman gyi sgrub thabs dang/ yang dag par sbyor bas gzhug cing bsgom par bya'o/ /ji srid dngos grub kyi mtshan ma 'byung bar zhes pa'o/ /snying po dang bral ba'i sman 'di gcig bus zhi ba la sogs pa la yang byed ces gsungs pa/ zhi ba zhes pa la sogs pa'o/ /mig sman gyis mig la byugs te zhi ba la sogs pa'i lta stangs kyis bltas nas zhi ba la sogs par 'gyur ro/ / bza' la sogs pas/ gzung ba rnams la mig sman gyis byugs na gza' la sogs pa 'joms par 'gyur ro/ /mig la mig sman gyis byugs te rgyal po la bltas na rgyal po'i mchod pa thob par 'gyur ro/ /mig la mig sman gyis byugs te khro ba'i lta bas dgra rnams la bltas na dgra rnams brlag par 'gyur ro/ /de bzhin du bgegs rnams la bltas na bgegs thams cad skrod par 'gyur ro/ /'chad par 'gyur ba'i sngags kyis mngon par bsngags shing bzlas par bya zhes gsungs pa/ khri ru bzlas zhes pa la sogs pa'o/ /khri ni stong phrag bcu mngon par bsngags nas mig sman gyis mig la byug par bya zhes pa'i don to/ /de'i sngags gsungs pa/ aoM kA ma ru pi ni zhes pa la sogs pa'o/ /bdag ma'i rnal 'byor gyis mngon par bsngags pa dang bsgrub par bya zhes gsungs pa/ dang po'i zhal ni nag nga zhes la sogs pa'o/ /bdag ma'i kha dog dang mtshan ma rnams sba'o/ /b+ha ga'i dbus su zhes pa ni b+ha gi nyid ni phyag rgya'i dkyil 'khor ro/ /bsgrub par bya zhes pa ni rmi lam gyi mtshan ma'i bar du'o zhes pa'o/ /thig le'i rnal 'byor gyi sgrub thabs gsungs pa/ gur gum zhes pa la sogs pa'o/ /b+ha ga'i rnam pa zhes pa ni bud med kyi skye gnas su gur gum bcug ste/ phyi nas sgrub thabs 'di la zhugs te/ kha sbyar gyi rnal 'byor gyis sngags bzlas shing bsgrub par bya zhes pa lhag ma'o/ /de la sngags bstan pa'i phyir gsungs pa/ aoM yig dbyangs kyis phye ba zhes pa la sogs pa'o/ /dbyangs kyis phye zhes pa ni dbyangs rnams kyi a yig la sogs pa rnams so/ /phye ba ni char te gnyis pa dbyangs ring po'i bdag nyid ces pa'i don to/ /aoM yig dang dbyangs kyi dbye ba ni aoM yig dbyangs kyis phye ba ste/ de nyid ni dang por yod pa gang yin pa de ni aoM yig dbyangs kyis phye ba'o/ /aoM a mri ta zhes brjod par bya zhes pa ni 'di rnams kyi de ma thag tu a mri ta zhes pa'i yi ge gsum po bri bar bya zhes pa'i don to/ /de nas phaT yig go/ phaT yig gi de ma thag tu sprin gyi sgra sgrogs pa ni hUM yig go/ a mri ta yis mnyam par ldan zhes pa ni a mri ta ni haM yig go/ des ldan zhing mthar swAhA yang ngo/ /aoM A a'i a'u rI lI/ ai aau ader btu zhes pa ni bri bar bya zhes dgongs so/ /btus nas ci zhig bya zhes pa la gsungs pa/ bzlas pa zhes pa la sogs pa ste sngon du bsnyen pa 'bum phrag gcig bzlas nas phyis mig sman sgrub pa bzhin gur gum yang zhes gsungs par gyur pas so/ des dpral bar thig le bya zhes gsungs pa/ thig le zhes pa la sogs pa'o/ /thig le ni 'bras bu ste go sla'o/ /smyo bar byed pa gsungs pa/ d+ha tu ra la zhes pa la sogs pa ste gser shing gi sa bon no/ /khu bas lan mang du bsnos dgos te sha chen dang mnyam par ldan pa la gshin rje'i sngags brgyad brgya bzlas pa byas nas chang dang bcas par gang la byin pa de ni smyon par 'gyur ro/ /phyis bskams nas 'chi'o/ /de la gshin rje mthar byed kyi sngags gsungs pa/ aoM h+rIla sogs pa'o/ /bud med rnams rjes su chags par byed pa gsungs pa/ go ro tsa na zhes pa la sogs pa'o/ /de gsungs par gyur pa tsan dan gyis nye bar byugs pa'i b+ha ga'i steng du go ro tsa nas bruM yig yang dag par bri ba ni rdo rje'o dang bcas par yang dag par sbyar bar bya'o/ /ji srid myos byed 'gro ba de bzhin du rje'o bran bzhin du 'gyur ro/ /bsad pa'i rab tu sbyor ba gsungs pa/ dri chen dri chu zhes pa la sogs pa'o/ /dri chen dang dri chu la dgra bo'i gzugs brnyan byas la mi dus kyi phye ma dang mi'i skras dkri bar bya zhing sha chen gyis bdug par byas nas/ gshin rje'i sngags brgyad brgya bzlas so/ /de nas dgra bo'i khyim gyi sgo der gzugs brnyan brkos nas gzhug par bya'o/ /nyi ma bdun gyi nang du dgra bo de 'chi bar 'gyur ro/ / yang na sbyin sreg gis bsad par bya zhes gsungs pa la/ dri chen dri chu khrag dag ces pa la sogs pa ste/ 'di'i bsdus pa'i don to/ /shing gcig gam bzhi mdo'i gnas su nyi ma phyed dam nam phyed na gshin rje'i rnal 'byor gyis dgra bo mnan te/ sha chen gyis stong phrag gsum du thab khung gru gsum dur khrod kyi mes sbyin sreg byas nas dgra bo 'chi bar 'gyur ro/ /rdo rje bdud rtsi'i byed pa po gsum pa/ bcom ldan rdo rje can zhes gsungs pa la sogs pa'o/ /rdo rje bdud rtsi zhes pa ni dbang du byed pa'i le'u rdzogs pa'o/ /las tshogs zhes pa ni ming ngo/ /lnga po zhes pa ni grangs te le'u lnga pa'i TI kA'o// //de ltar dkyil 'khor la sogs pa'i sgrub thabs de srid du bstan nas da ni 'dir rdo rje hUM mdzad kyi sgo nas thang khu'i sgrub thabs bstan pa'i phyir gsungs pa/ rdo rje bdud rtsi rgyud chen las/ /rdo rje hUM mdzad sgrub thabs ni/ /zhes pa la sogs pa'o/ /rdo rje bdud rtsi zhes pa ni rgyud 'di nyid do/ /rdo rje hUM mdzad ces pa ni rdo rje bdud rtsi'i bde ba chen po'i hUM yig gi snying po yongs su gyur pa las khro bo'i rdo rje'o/ /de las rdo rje hUM mdzad khro ba'o/ /de'i sgrub thabs ni gang yang thang kha'i cho ga bsgrub par bya zhing dngos su bya'o/ /de'i sgrub thabs mdor bsdus nas bshad par bya'o/ /de'i sgrub thabs ji lta bu zhes pa la gsungs pa/ dkyil 'khor rnams zhes pa la sogs pa'o/ /dkyil 'khor rnams zhes pa ni sngon du gsungs pa'i 'chad par 'gyur ba'i rdo rje bdud rtsi dang he ru ka la sogs pa'i dkyil 'khor rnams so/ /gang zhig cho ga'i rim pa ni thang kha thig gdab pa dang/ lha rnams dgod pa la sogs pa'i rim pa rnams so/ /dkyil 'khor de dang 'dra bar thang kha sgrub thabs kyang zhes par dgongs te/ bstan pa 'dis thang kha'i sgrub thabs nyid brjod par bya ste/ bgrang phreng dang rdo rje dang dril bu 'dzin pa'i sgrub pa po'i mdun du thang kha bri bar bya/ tshig gis dkyil 'khor gyi cho ga gang du yang sgrub pa po bri ba'i cho ga mi gar yang gsungs pa med do/ /de'i phyir thang kha'i sgrub thabs 'di nyid yin no/ /de la dkyil 'khor gsungs pa/ dkyil 'khor zhes pa la sogs pa'o/ /dkyil 'khor zhes pa ni rdo rje hUM mdzad kyi dkyil 'khor te/ thang kha yang de bzhin du gru bzhi par thig gdub par bya ste/ ji ltar 'jig rten gsum sgrol bas dkyil 'khor mi thob pas/ 'jig rten gsum ni lha chen po la sogs pa'o// de rnams sgrol ba ni gsum la skyabs su 'gro ba la sogs pa'i 'dul bas so/ /gang zhig rdo rje hUM mdzad des ni 'jig rten gsum sgrol bas de'i dkyil 'khor yang 'jig rten gsum sgrol ba'i dkyil 'khor ro/ /lha mo dbu ma bla ma la yon tu phul te lha tshan po nyid ni phyir phyung nas sgren mo la sogs pas yongs su gang ba'i dkyil 'khor zhes pa'i don to/ /dkyil 'khor gyi thig 'dis ji ltar gdab par bya zhes pa la gsungs pa/ khru gang zhes pa'o/ /khru gang dang khru gnyis dag tu dkyil 'khor gyi tshad gang yin pa des thig gdab par bya ste/ nang du ni khru gcig go /bar ma yang khru gcig go /phyi rol tu yang khru gcig nyid do/ /'gyur? ma gsum la khru gsum zhes par dgongs so/ /zla ba'i dkyil 'khor 'dra bar ni zhes pa ni snying po'i dkyil 'khor zlum pa'o/ /de'i dbus su khro bo bzhag par bya zhes gsungs pa/ bzhag par bya zhes pa la sogs pa'o/ /bzhag par bya zhes pa ni gsang ba la pad+ma'i bdud rtsi'i dkyil 'khor gyi steng du 'gying bag gi zhabs kyis gnas pa kha dog nag po zhal ni nag po dang/ dkar po dang/ nyi ma lta bu'o/ /nyi ma'i 'od can rdo rje bdud rtsi cod pan la sogs pas brgyan pas so/ /phyag rgya zhes pas ni/ lag gnyis phan tshun rgyab sbyar te/ mthe'u chung mdus nas sdigs 'dzub tu bkug pa ni/ rdo rje hUM mdzad kyi phyag rgya'o/ /rig ma bzhi dang mnyam par ldan zhes pa ni kI li kI li dang/ rdo rje mtshon cha dang/ rdo rje snying po dang/ reg rdo rje lha mo rnams te/ de rnams kyis bskor ba'o/ /zhal gsum phyag drug ces pa ni tshig gis kI li kI li'i kha dog dmar po zhal gsum ni dmar po dang/ dkar po dang nag po'o/ /phyag drug ni a mra'i shing dang/ mda' dang/ rdo rje dang/ 'khor lo dang/ gzhu dang/ zhags pa rnams te g.yon du'o/ /rdo rje mtshon cha ma ni gser gyi kha dog zhal gsum ni gser po dang/ dkar po dang/ nyi ma lta bu'o/ /phyag drug ni gzhu dang mda' dang gnyis kyis chu srin gyis rgyal mtshan dang/ rdo rje dang/ zhags pa dang/ 'khor lo rnams te g.yas su'o/ /rdo rje snying po ma ni nag po dang dkar po dang nyi ma lta bu'o/ /phyag drug ni rdo rje dang/ bdug spos dang/ gzhu dang/ mda' dang/ 'khor lo dang/ zhags pa ste mdun du'o/ /reg rdo rje ma ni pri yang ku ltar ljang gu'i kha dog go/ zhal gsum ni ljang khu dang/ dkar po dang/ nyi ma lta bu'o/ /phyag drug la gnyis kyi snying gar rdo rje dang dril bu'o/ /gzhu dang/ mda' dang/ rdo rje dang/ 'khor lo ste rgyab tu'o/ /au ma zhes pa ni lag pa g.yon na rtse gsum 'dzin pa/ kha dog dkar mo ste dkar mo'i snying gar zhabs g.yon pas gnas pa'o// cung zad ces pa ni zhal dang po cung zad mche ba gtsigs pa'o/ /phyag lhag ma rnams kyi mtshon cha gzhan gsungs pa/ g.yas na zhes pa la sogs pa'i rig ma rnams dang/ 'chad par 'gyur ba'i me tog ma la sogs pa rnams nas rdza rnga ma'i mthar thug pa dang sgo skyong rnams kyang zhal gsum pa/ phyag drug par bya zhes gsungs pa/ rig ma yang zhes pa la sogs pa'o/ /lcags kyu ma ni kha dog dmar po/ zhal gsum ni dmar po dang/ dkar po dang/ nag po'o/ /phyag drug ni lcags kyu dang/ ral gri dang/ mda' dang/ gzhu dang/ sdigs mdzub dang/ 'khor lo 'dzin pa 'gying bag dang bcas pa'i zhabs te shar sgor ro/ /rdo rje zhags pa ni kha dog dkar po ste/ zhal gsum la dkar po dang/ nag po dang/ nyi ma'i mdog go /phyag drug ni zhags pa dang/ ral gri dang/ mda' dang/ gzhu dang sdigs mdzub dang/ rdo rje rnams 'dzin pa/ lho'i sgor gdan la 'gying bag gyis bzhugs pa'o/ /rdo rje lcags sgrog ni kha dog ser po ste/ zhal gsum ni ser po dang/ dkar po dang/ nyi ma lta bu'o/ /phyag drug ni gnyis na lcags kyu dang/ gzhu dang/ mda' dang/ ral gri dang sdigs mdzub rnams te/ nub spor 'gying bag gis gnas so/ /rdo rje dril bu ni kha dog ljang khu dang/ zhal gsum la ljang gu dang/ dkar po dang/ nyi ma lta bu'o/ /phyag drug ni dril bu dang/ ral gri dang/ mda' dang/ gzhu dang/ sdigs mdzub dang/ rdo rje rnams 'dzin pa/ byang sgor 'gying bgags bzhugs so/ /sgo skyod rnams ni nges par khro bo'i gzugs bya'o/ /me tog ma ni kha dog dkar po zhal gsum la dkar po dang/ nag po dang/ nyi ma lta bu'o/ /phyag drug ni spyi bor thal mo sbyar ba dang me tog gi snod dang/ gzhu dang/ mda' dang/ 'khor lo rnams 'dzin pa rim pa gsum pa'i me'i mtshams su'o/ /bdug spos ma ni du ba'i kha dog ste/ zhal gsum ni du ba'i dang/ dkar ba dang nyi ma lta bu'o/ /phyag drug na bdug spos kyi snod dang/ spyi bor thal mo sbyor ba dang/ gzhu dang/ mda' dang/ 'khor lo rnams 'dzin pa dbang ldan gyi mtshams su'o/ /mar me ma ni kha dog ser po/ /zhal gsum la ser po dang/ dkar po dang/ nyi ma lta bu'o/ /phyag drug na mar me dang/ spyi bor thal mo sbyar ba dang/ mda' dang/ gzhu dang/ rdo rje rnams 'dzin pa bden bral na'o/ /dri ma ni kha dog dmar po ste/ zhal gsum la dmar po dang/ nag po'o/ /phyag drug la gnyis kyis dri'i dung phor dang/ spyi bor thal mo sbyar ba dang/ gzhu dang/ mda' rnams 'dzin pa rlung na'o/ /rim pa gnyis pa'i dpang ldan gyi mtshams na sgeg me kha dog dmar po ste/ zhal gsum la dmar po dang/ dkar po dang/ nag po'o/ /phyag drug na gzhu dang/ mda' dang/ spyi bor thal mo sbyar ba dang/ rdo rje dang 'khor lo rnams 'dzin pa'o/ /me mtshams na phreng ba ma kha dog ser po ste/ zhal gsum la ser po dang/ dkar po dang/ nag po'o/ /phyag drug la gnyis kyis me tog gi phreng ba dang/ spyi bor thal mo sbyar ba dang/ gzhu dang/ mda''dzin pa'o/ /bdan bral du glu ma ni kha dog autpal sngon po lta bu ste zhal gsum ni sngon po dang/ dkar po dang/ nyi ma lta bu'o/ /phyag drug na kha rnga dang/ pi waM dang/ gzhu dang/ mda' dang/ spyi bor thal mo sbyar ba'o/ /rlung mtshams na gar ma ni kha dog ser po zhal gsum la ser po dang dkar po dang nyi ma lta bu'o// phyag drug la gar gyi rnam pa dang/ gzhu dang/ mda' dang/ spyi bor thal mo sbyar ba'o/ /pi waM ma ni kha dog dmar po zhal gsum la dmar po dang/ dkar po dang/ nag po'o/ /phyag drug pa la pi waM dang/ gling bu dang spyi bor thal mo sbyar ba dang gzhu dang/ mda''dzin pa shar du'o/ /gling bu ma kha dog ser po ste zhal gsum ni ser po dang/ dkar po dang nyi ma lta bu'o/ /phyag drug la gling bu dang/ spyi bor thal mo sbyar ba dang/ gzhu dang mda' rnams 'dzin pa lho ru'o/ /rnga ma ni kha dog dkar po ste/ zhal gsum la dkar po dang/ nag po dang/ nyi ma lta bu'o/ /phyag na rnga dang/ gling bu dang/ spyi bor thal mo sbyar ba dang/ gzhu dang/ mda' rnams 'dzin pa nub tu'o/ /rdza rnga ma ni du ba'i kha dog ste/ zhal gsum ni du ba dang/ dkar po dang/ nyi ma lta bu'o/ /phyag drug na rnga dang/ gling bu dang/ spyi bor thal mo sbyar ba dang/ gzhu dang/ mda' rnams 'dzin pa byang du'o/ /rim pa gsum pa'i phyogs bzhir byang chub sems dpa' rnams bri zhes gsungs pa/ 'jig rten gsum zhes pa la sogs pa'o/ bskal ba bzang po zhes pa ni/ byams pa la sogs pa byang chub sems dpa' rnams su dgongs so/ /byams pa kha dog ser po ste mchod sbyin gyi phyag rgya dang nA ga ge sar phyag na 'dzin pa'o/ /'jam dpal ni gser gyi kha dog ste mchog sbyin dang po ti phyag na bsnams pa ste shar du'o/ /nam mkha' i snying po ni autpal sngon po'i kha dog ste/ ral gri dang/ chos 'byung gi phyag go /rin chen phyag ni kha dog dmar po ste phyag na rin chen dang pad+ma ste lhor ro/ /kun tu bzang po ni kha dog gser lta bu ste me tog dang pad+ma phyag na'o/ /'jig rten dbang phyug ni shel lta bu'i kha dog go/ mchog sbyin dang pad+ma phyag na'o/ /nub tu'o/ /sgrib pa rnam sel kha dog gser lta bu ste sgrib pa sel pa'i phyag rgya'o sa'i snying po ni kha dog ljang gu snying ga'i g.yas su thal mo sbyar ba ste byang phyogs su'o/ /kI li kI la sogs pa nas sa'i snying po'i mthar thug par rdo rje bdud rtsi'i po tis cod pan du mtshan pa sna tshogs pa'i rin po che la sogs pas brgyan pa/ zla ba'i dkyil 'khor gyi steng du 'gying bag gis gnas par Frang rang gi kha dog dang rjes su mthun pa'i 'od kyis dkyil 'khor bri'o/ /bcom ldan 'das kyis 'og phyogs su sgrub po'o/ /g.yas su bgrang phreng/ g.yon du rdo rje dril bu gzhag pa bri bar bya zhes gsungs pa bdun du zhes pa la sogs pa'o/ /mdun du ni 'og tu'o/ /gsungs pa'i dkyil 'khor 'di nyid dang thang kha'i sgrub thabs kyi nye bar mchod pa gsungs pa/ gtor ma ni gtor bya'i mchod pa zhes pa la sogs pa'o/ /gtor ma zhes pa ni sna tshogs pa'i lha bshos so/ / gtor bya ni 'byung po'i gtor ma'o/ /mchod pa ni rnam pa lnga'o/ /chang ni 'dod pa'i chang ngo/ /sha ni ra la sogs pa'o/ /khu ba ni sna tshogs pa'i rnam pa ste khu ba'i btung ba rnams la chags so/ /mchod pa'i bye brag 'di rnams kyis shin tu yang d ag pas dkyil 'khor dang thang kha yang dag par mchod nas nag po'i brgyad dam bcu bzhi la thang kha'i mdun du hUM yig gis phyugs kyi gzugs zan bcos pa'i rang bzhin las ra 'am ma he 'am skyes bu ltung bar bya zhing mnan te mtshod ma btso bar ba'o/ /de bzhin du yang bde mchog las gsungs pa/ phyugs ni zan btsos rang bzhin las zhes pa'o/ /'dis ni sngags kyi spyod pa bya zhes pa ni/ brtso ba'i sngags kyis rnam par bya'o/ /cho ga 'di yis bsgrub par bya zhes gsungs pa ni bsgrub par bya zhes pa la sogs pa'o/ /yi ge gcig pa'i sngags pa ni hUM yig bzlas par bya zhing phyi nas slob dpon mchod par bya'o/ /ji ltar mchod par bya zhes pa la/ bdag nyid ces pa la sogs pa'o/ /bdag nyid ces pa ni rang gi lus te gtso bor 'dis bsrung ba 'am sa gzhi bsrung ba'o/ /'dis mchod pa nyin gcig pu ni ma yin te/ ma la sogs pa'i bud med kyang dngul bar bya zhes gsungs pa ma dbul zhes pa la sogs pa'o/ /bdag nyid ces pa ni rang gi lha rnams kyis gzugs rdzogs pa'i/ /sku gsungs zhes pa ni rdo rje hUM mdzad kyi sgrub thabs so/ /slob dpon kyang yang dag par mchod nas de nyid du 'jig rten sgrol ba'i slob ma dang dam tshig dang sdom pa rnams bzung bar bya zhes gsungs pa nges pa zhes pa la sogs pa'o/ /nges pa zhes pa ni bslab pa dang dam tshig dang sdom pa rnams so/ /dkyil 'khor dang dam tshig la 'jug par bya zhes gsungs pa/ dkyil 'khor chen po zhes pa la sogs pa'o/ /rdo rje sems dpa' i zhes pa ni rdo rje hUM mdzad kyis te/ gang gis phyir rdo rje bdud las rnam par byung ba rdo rje bdud rtsi de'i phyogs pa ste/ de'i phyir bdud rtsi lnga dang ldan par bya'o/ /'dis ni thog mar bsgrub pa la rtsom pa'i sgrub thabs kyi cho ga gsungs so/ /des gsungs pa 'gyur ba 'di dag thams cad dam tshig byin gyis brlabs pa sngon du 'gro bas gtso bo la sogs pa'i cho ga rnams phun sum tshogs pas bla ma dgyes par bya ste/ chang la sogs pa'i mchod pas yang dag par mchod nas/ lha rnams thang kha'i mdun du phyag rgya dang yang dag par sbyor bas bsgom zhing bsgrub par bya zhes pa'o/ /de la bsgom pa'i rnal 'byor gsungs pa/ rdo rjes se gol zhes pa la sogs pa'o/ /lag pa gnyis rdo rjer bcings te/ se gol gtogs pa ni rdo rje se gol te yis mnyam pa dang mi mnyam pa'i sbyor ba'o/ /mnyam par dag pa'i sbyor ba des rdo rje hUM mdzad kyi sgrub thabs brjod cing bstan nas/ gang rnams su slar rgyas par brjod pa zhes gsungs pa/ rnal 'byor rnal 'byor pa zhes pa la sogs pa ste/ dra bo dang bcas pa'i rtsa'i 'o ma las bskyed pa'i rim pas rdzogs pa'i khro bo'i lnga'i rnam pa ni rnal 'byor pa ste/ de gang rnams kyis rig pa de rnal 'byor pa dang rnal 'byor ma'o/ /byang chub sems zhes pa ni stong pa nyid de'i rnam 'phrul sems so sor rig pa la sogs pa byang chub kyi spyod pa de gang gis rig pa de ni de bzhin du gsungs so rdo rje se gol bsdus pas ye shes sems dpa' byin gyis brlab pa la sogs pa sngon du song bas so/ /lha rnams kyi rnal 'byor bstan pa sgom par bya zhing bsgrub par bya zhes gsungs par gyur pa'o/ /rnal 'byor de rnams kyi bsgom pa gsungs pa/ rnam 'phrul zhes pa la sogs pa'o/ /rol zhes pa ni shin tu chags pa'i rol rtsed do/ /rig ma ni sngon du gsungs pa'i gdol ba la sogs pa'i bu mo ste lha mo'i gzugs so/ /de rnams dang bcas pa'o/ /sna tshogs nor ni rnam pa sna tshogs pa ste/ shin tu chags pa'i rol rtse phun sum tshogs par bya zhing bsgrub par bya zhes par dgongs so/ /rol rtse de nyid gsungs pa/ b+ha ga'i dbus su zhes pa la sogs pa'o/ /dpa' bo ni ha yig gi bdag nyid kyi rdo rje bdud rtsi ste/ de'i gnas so/ /khas ni lce reg pa ste chags pa myong ba la sogs pa byas nas so/ /de nyid gnas zhes pa ste/ de nyid rdo rje bdud rtsi gzhom du med pa'o/ /de'i gnas ni pad+ma'i lte ba'o/ /de la sogs pa'i g.yon pa'i gung mo dang mdzub mo dag gis blang bar bya ba ni cung zad kha kha mu kha blang nas so/ /blangs nas nam yang sku drin gyis mi skyob ces gsungs pa/ blangs pas zhes pa la sogs pa'o/ /blangs zhes pa ni blangs par gyur pas so/ /brtson 'grus ni shin tu chags pa'i sgom pa la spro ba'o/ /stobs ni shin tu chags pa'i bya ba la nus pa'o/ /nyam pa ni phyag rgya'i bde ba skyed pa dang sgrub pa po yang nad med cing nyam stobs dang ldan par dgongs so/ /yang dag par blangs nas ci zhig bya zhes pa la gsungs pa/ blangs nas zhes pa la sogs pa'o/ /rig ma chen mo zhes pa ni yang dag par bod pa'o/ /'o bya zhes pa ni lces reg par bya zhes pa'i don to/ /des cing 'gyur zhes pa la gsungs pa/ gru zhes pa la sogs pa'o/ /sangs rgyas nyid ni rdo rje bdud rtsi nyid do/ /bdud rtsi ni mi gnas pa'i mya ngan las 'das pa'o/ /khu ba'i gzugs na chos nyid mi 'gyur ba'i tshul te 'dis ni khu ba'i tshul ni chos kyi sku zhes pa'i don to/ /bdag mas rang dgar brtsams pa ma yin par bstan pa'i phyir gsungs pa/ bcom ldan rdo rje can zhes gsungs pas zhes pa la sogs pa'o/ /rdo rje 'dzin pa dbang phyug dang ldan pas rdo rje can no/ /rigs gsum gyi bdag nyid kyis sku gsung thugs kyi rdo rje can no/ /rdo rje bdud rtsi'i rgyud ces pa ni gzhi'o/ /rdo rje hUM mdzad kyi sgrub thabs gang gis bstan pa de ni de bzhin te le'u drug pa'i TI kA'o// //de ltar dkyil 'khor dang bzlas pa dang/ sbyin sreg dang thang ga dang bsgom pa'i cho ga rgyas pas rdo rje bdud rtsi'i sgrub thabs yang dag par bstan nas/ da ni dbang bskur ba med pa la mngon par 'dod pa'i sngags kyi dngos grub kyi 'bras bur mi 'gyur zhes pa 'dis na sngon du gsungs pa'i de kho na nyid gsal bar byas pa'i phyir dbang bskur ba'i rim pa nye bar bstan pa gsungs pa/ de nas zhes pa la sogs pa'o/ /de nas zhes pa de ma thag tu'o/ /chags pa'i zhes pa ni 'khyud pa la sogs pa'i bde ba'o/ /des rol pa ni rnal 'byor gyi longs spyod de der gnas par gyur pa'o/ /thal mo sbyar te phyag 'tshal ba ni glu'i tshul can gyis so/ /'di zhes pa ni 'chad par 'gyur ba rnams so/ /blang bar bya zhes pa ni glu blang ba'o/ /de la glu gsungs pa dkar min chu skyes lus zhes pa la sogs pa ste/ phyag 'tshal zhes pa 'dir 'brel to/ /dkar min ni pad+ma ljang gu lta bu'o/ /lus ni lus nyid de gang zhig dpa' bo rdo rje rdo rje bdud rtsi de ni de bzhin du gsungs so/ /dpa' bo zhes pa ni khro gnyer can dang mi zad 'jigs pa la sogs sgo skyong rnams kyis dkyil 'khor yongs su bskor ba ni dpa' bo'i dbus su yongs su bskor ba'o/ /phyag rgya'i tshogs zhes pa ni zhi ma la sogs pa'i lha mo rnams kyi tshogs te de rnams dang lhan cig ces pa'i don to/ /gsang ba'i dkyil 'khor gyi bdag po sku rdo rje'i rang bzhin gyis yang dag par bstod nas phyag rgya yang dag par sbyor bas chags pa'i rdo rje'i rang bzhin gyis bstod pa gsungs pa/ ston kha'i dus kyi nam mkha' lta bu'i dri ma med pa'i rdo rje bdud rtsi'i ting nge 'dzin gsal bar bya ston pa'i dus su/ ko ki la dang phreng kha lta bu'i snyan cing 'jam pas mchog tu dga' ba'i bdud rtsi'i rnal 'byor ston pa'i ngang tshul nyid kyis ko bya ki la dang/ b+h+re da bya ba'i sgra'o/ /rdo rje bdud rtsi'i ting nge 'dzin gyi bdag nyid dang bcas pa'i sgrub thabs kyis bskal bzang ngo/ /shin tu chags pas min zhes pa ni/ lha mo dang yang dag par sbyar bas gnas pa 'am kha sbyar gyi rnal 'byor gyis sems can thams cad kyi don la 'jug pa'o/ /thugs kyi rdo rje'i rang bzhin gyis phyag 'tshal ba gsungs pa/ dngos po kun gyi bdag nyid de zhes pa la sogs pa'o/ /dbang po'i lam gyis phyag bya ba ni zhes bya ba'o/ /dngos kun bdag nyid gus pa rgya che ba'i dad pa'i bsnyen bkur bya'o/ /rdo rje hUM mdzad kyi rang bzhin gyis thams cad do/ /rdo rje hUM mdzad dang he ru ka la sogs pa'i yang dag pa'i lam nye bar bstan pa nyid kyis kun shes so/ /des na 'di nyid sems can thams cad kyang mdza' zhing mthun pa'o/ /yang dag dbang po ni gsum ste/ sku dang gsung dang thugs kyi mtshan nyid rnams te/ de rnams kyi lam ni rnam pa gsum gyi phyag 'tshal ba'i rim pa des so/ /yang na dbang po ni gsang ba ste/ de'i lam gyis de gsal bar brdas phyag bya ba'i rim pas de bzhin du gsungs pa/ gsang ba bstan par bya'o/ /gang zhig phyag 'tshal zhes pa ni rgyas par bstan pa zhes pa ste/ gsang ba'i dbang po nyid kyi lam byang chub kyi sems gang yin pa de ni de bzhin du gsungs pa ste/ byang chub kyi sems des/ phyag 'tshal zhes pa ni bshad pa gsum pa'o/ /gsang ba'i chos kyi dkyil 'khor gyis rang bzhin gyis phyag 'tshal ba gsungs pa/ khams gsum pa zhes pa la sogs pa ste/ bdun pa'i don gyi drug pa ste/ khams gsum ma lus pa pa'o/ /'dra bas dpe ste mi 'dra ba med pas so/ /nyi shu bzhi zhes pa ni nyi shu bzhi nyid do/ /rig ma chen mo ni rtsa rnams te/ sngon du gsungs pa'i rtsa bzhi bcu rtsa gcig gi nang nas sgrol ma dang/ rnam grol dang gand+ho dang nye ba'i gand+ho dang sna ma dang nye ba'i sna ma dang rkang ma dang/ rnam rkang ma dang/ lte ba'i drang ma dang/ 'jigs ma dang/ rnam 'jigs ma dang/ g.yon ma dang/ lnga ma dang/ dkyil 'khor ma dang / bshad gnas dang/ dri chu 'bab pa dang/ khrag 'bab ste rtsa bcu bdun gsungs nas/ lhag ma nyi shu rtsa bzhi myos byed 'bab pa la sogs pa ni rig ma'o/ /sngags dang 'khor la rdzogs par byed pa shin tu chags pas gang zhig chags par bya ba de ni phyag btsal ba'o/ /gang zhig shin tu chags pas ngal ba 'am 'jigs shing spu langs pa ste/ chor ma lta bu lus la mtshan zhes par 'brel to/ /la lar lus la mnyam par ba spu langs zhes pa'i tshig yod do/ /de ltar rdo rje bdud rtsi'i glu dag brjod nas/ da ni bdag nyid la rten nas glu'i phyag btsal ba gsungs pa/ autpal sngon po zhes pa la sogs pa'o/ /autpal sngon po'i 'dab ma ljang gu chen po'o/ /sangs rgyas ni rnam par snang mdzad do/ /de bzhin gshegs pa zhes pa ni snang ba mdza' yas so/ /rdo rje zhes pa ni rdo rje 'dzin pa ste/ de'i phyir bdag nyid kyis yid kyis rjes su chags pas mdzod gcig pa'o/ /shin tu chags bde zhes pa ni bod pa'o/ /gang zhes pa ni bdag gi rjes su chags pa gang gi rgyus sa gsum gyi sems can mdza' dag don bya zhing bsgrub par bya ste/ rdzogs par bya zhes pa ni glu'i don no/ /gzugs kyi sku'i rang bzhin gyis yang dag par bstod nas/ chos kyi sku'i rang bzhin gyi glu gsungs pa/ stong pa rdul phran zhes pa la sogs pa'o/ /stong pa zhes pa ni gnyis su med pa'i ye shes kyi rang bzhin gyis so/ /rdul med ni nyon mongs pa dang bral ba gang yin pa de ni rdul med de mi gnas pa'i mya ngan las 'das pa'i rang bzhin la brten pa nyid kyis so/ /mchog gi go 'phang chen po ste/ 'gyur ba med pa'i rdo rje yin zhes pa la/ gshig tu med pa'i chos nyid mi 'gyur ba'i bdag nyid/ skye ba dang 'gag pa dag mi dmigs pa thog ma dang tha ma med pa ste glu tshig phyed snga mas ni chos kyi sku'i yon tan brjod do/ /phyed phyi mas ni glu yi 'bras bu gsungs so/ /gang gis g.yo bcas ni g.yo ba zhes pa la sogs pa'o/ /gang gis g.yo bcas mi g.yo ba ni/ lha dang mi rnams kyis 'jig rten la khyod de lta bur gyur pa bsgom par bya'o/ /je ji ltar 'khor bar skye zhes pa ste/ srid pa gsum du mi skye bar dgongs so// de gsungs par gyur pa gang khyod stong pa rdul med pa mchog gi go 'phang mi 'gyur ba thog ma dang/ tha ma med pa'i rdo rje bsgom par gyur pa de 'khor bar mi skye zhes par dag go /gang sngon du 'gro bas dbang bskur nas de kho na sbyin zhes pas de rtogs par bya ba'i phyir glus gar bya zhes gsungs pa/ glu 'di dag ni blangs gyur pas/ zhes pa la sogs pa 'dis zhes pa ni de ma thag tu gsungs pa'o/ /rdo rje bdud rtsi'i gar la sogs pa'i rnam 'phrul zhes pa ni/ rdo rje gar zhes pa'i rnam 'phrul te rdo rje bdud rtsi'i mdun der dbang bskur gyi man ngag rtogs par bya ba'i don du rkang stabs brgyad kyis gar bya zhes par 'brel to/ /b+ha ra ta la sogs pas rjod byed pa ni gar nye bar bsdus te/ b+ha ra ta ni rjod byed gar/ sat+twi ka ni sat+twi ka'o/ /a ra b+ha Ta yan lag can/ ke si ka ni sbar mi btub b+ha ra ta'i sgras ni gar gyi mtshan nyid yongs su dpyad pa'i don to/ /rkang stabs rim par zhes pa la sogs pas rkang stabs kyis bskyod pa gsungs so/ /pra sta zhes pa la sogs pas bskyod pa'i gnas rnams bstan par byed do/ /de bzhin du yang gsungs pa/ 'gro ba'i bskyod pa bri ta ste/ pi las sar bcas gnas rnams ston zhes pa'o/ /mi bskyod ces pa la sogs pas ni nyid lag rnams kyi las so/ /lag pa bskyod pa ni lus kyis bskyod pa ma yin par bsdus zhes pa ni man ngag go / b+ha ra ha la sogs pa ni b+ha ra ta ra dran zhes pa'i tshig las te/ 'di rnams thams cad ni b+ha ra tar bkod pa'i mtshan nyid du mngon par brjod do/ /de la b+ha ra tar gsungs pa'i mtshan nyid kyis khengs zhes pas b+ha ra ta'i gang zhig gtso bor dag gis dpa' bo'i ngo mtshar rmad du gyur par ro/ /gtso bo de ni b+ha ra ti'o/ /gang du gar gyi bzhad gang dang/ gar mkhan ma dang/ 'gram na gnas pa rnams dang/ mdo rtsa 'dzin pa dang bcas par phan phun kun tu smra bar byed de ni b+ha ra ta'i tshul can te che ge mo zhes pa'i gar dag bya ba'o/ rgyu ci'i phyir zhes pa la sogs pa'i tshig gis 'dir dpe brjod pa glu dag par blta bar bya'o/ /snying stobs kyi dngos po ni sang ti ste ngag dang lus ston pa can te/ snying stobs shas che zhing snying rje shas chung ba'i ro dag ni sat+twi ki'i rim pa'o/ /gang chung zad dngos po yongs su bsgyur zhing brjes pa der gang zhig rgod par byed pa don sat+twi ka'i tshul te 'di'i dpe brjod pa dpyid kyi sde ma sbrul gyis so btab pas srog chad pas dus kyis skyes bus thub pa'i lus la de'i srog bcug pas/ de'i lus kyis sngar gyi dpyid kyi sde ma'i bya ba kun byed pas slob ma rnams sman pa dang g.yo can rnams rna skad cher rgod par gyur pa do ni b+ha ga bar rdzra ga zhes par bya'o/ /a ra b+ha ta'i gnas skabs su skyes pa ni a ra b+ha ti ste mig 'phrul gyis nyal ba las langs nas mya ngan dang 'gyel ba dang drag po dang 'jigs par byed pa'i ro rnams dang ldan pa ni a ra b+ha ti'i mtshan nyid do/ /gang du dngos po khyad par du 'phags pa'i rab tu sbyor bas kyang shin tu rnam par bkra ba'i gzugs la sogs pas bsal bar byed de/ de ni a ra b+ha ta'i tshul tsan gyis rmi lam gyi gar mkhan la blon pos chags pa smra na yang dag par sma sna nas yang ri mo'i rnam par bkra ba ba tshwa'i rgyal po la nye bar bstan zhes pa ni dpe brjod par blta zhing shes par bya'o/ /glu du ma dang rol mo'i cha byad kyis yul la sogs pa sgeg chos mngon par ston pa sna tshogs pa'i rgyan dang/ phreng ba'i rgyan rnams dang ldan par smad 'tshong ma bzang mo dang snyan dngags kyi tshig shin tu legs pa sna tshogs pa brjod pas rgyan pa rgod pa dang du ba dang khro ba rnams dang ldan pa'i sgeg chos ni ke si ka'i rim pa'o/ /gang la yang yid bcugs pas khro ba la gang gis mthun 'jug dang/ zhal lon byed pa ni ke si ka'i tshul lo/ /rin chen 'khor lo'i gar las chags pa smra ba dga' zhing yid bcug pas khros te rkang pa'i drung du 'gyel bas ba tshwa'i rgyal pos zhal lon byas shing mgul bar byas zhes pa ste/ de ltar dpe brjod par shes par bya'o/ /b+ha ra ti zhes pa ni drang srong b+ha ra tis gang zhig rab tu brjod pa'i gar gyis mtshan nyid de ni b+ha ra ta gar gyi mtshan nyid bstan bcos der mtshan nyid 'dir b+ha ra ta la sogs par brjod do/ /mtshon bya dang mtshan nyid du ldan pa'i gar dag mA ma kIs brjod ces pa ni bstan pa ste gang zhig 'jig rten las rab tu grags pa'i b+ha ra ta'i bstan bces nye bar bstan par 'gyur zhes dgongs so/ /gar 'di nyid kyi bskyed pa'i lugs gsungs pa/ mthun pa'i rkang stabs zhes pa la sogs pa ste/ rkang pa g.yon pa'i g.yon logs su rkang pa g.yas pa rab tu sbyar ba na mthun pa'i rkang stabs zhes bya'o/ /rkang pa g.yas pa'i g.yas logs su/ rkang pa g.yon pa rab tu sbyor ba ni g.yon pa'i rim pa'i rkang stabs zhes bya'o/ /de gnyis kyis sbyong pa ni 'gyid pa'i rim pa rkang pa gang du gar byed pa ni mthun pa'i rkang stabs dang rim pa'i stabs byed pa'o/ /la lar mthun pa'i rkang stabs rim par byed ces pa'i tshig yod do/ / d e'i don ni 'di yin te ji ltar bkod pa'i rim pas rkang pa g.yas pa dang g.yon pa dag g.yas pa dang g.yon pas logs su 'gyid pa yis bzhag pa ni mthun pa'i rkang stabs rim par byed ces 'gying bag gi lag pa dang rkang pa'i bskyod pa ni la li ta'o/ /rnam par rgyas pas lag pa dang rkang dag gis bskyod pa de ni rnam par rgyas pa'o/ /la lar rnam par rab 'phyang zhes pa'i tshig yod de der rnam par rab tu 'phyang bar gyur pa'i sgeg chos gang yin pa de ni da ltar zhes pa'i don te// gang gis spras te la sogs pa'i dngos po ston par byed pa ste/ de ni gnas nas 'jug ces gsungs pa/ prasta ni zhes pa la sogs pa'o/ /prasta ni reg pa'o/ /b+hi la sar? bcas ni sgeg ba dang bcas pa'o/ /ston pas ston pa'i gnas pa nye bar bsdus pa'o/ /b+ha ra ta ka bed pa'i mtshan nyid brjod de/ cung zad logs dang cung zad tsam mdun du dang/ cung zad brkyang pa dang gnyis par nye par bsnyen pa dang/ rang gi gnas nas rkang mthil gyi tshad kyis bcag pa dang/ gang zhig tshang ra bstod? nas gar byed pa de ni 'gying bag can te lag pa ni nges pa med do/ /gdong pa zhi bar lta zhing zur mig gis lta bar byed pa ni gnas bstan zhes pa'i gnas so/ /smin bskyed ces pa ni smin ma bsgrul? zhing zung mig dang/ bstod pa dang bsdus pa dang rgyas pa ston par gyur pas gang zhig gar byed pa'o/ /lag pa bskyod pa zhes pa ni lag pa gnyis bsror? zhing bskyod pa ste 'gyid bag gi lag pa logs rnams su rab tu brkyang ba'o/ /lag pa'i lcug ma ni g.yon pa'i so sor mi sngo bar dgod pa dang/ rgyab la sogs par lag pa bstan pa'o/ /lag pa bskyod pa'i sbyor ba des bcas pas so/ /gar bya zhes pa ni bzhi pa'i don gyis gsum pa'o/ /brgyad ces pa ni 'di rnams de ma thag tu gsungs pa'i b+ha ra ta la sogs pa'o/ /lag pa bskyod par bya ste/ brgyad ni gar gyi rnam pa rkang stabs so/ /rkang stabs lnga ni brgyad du 'gyur zhes pa'i don to/ /b+ha ra ta ra rkang stabs lnga zhes brjod de'i gar gyis gar bya zhes dgongs so/ /rkang stabs lnga po 'di nyid brgyad kyi don gyi mtshan nyid du brjod do/ /sngon brjod pa'i gnas pa byas nas lag pa g.yon pa kha 'og tu bstan de lte ba'i gnas su bzung ba'o lag pa g.yon pa thal lcag gi tshul gyen du byas nas 'gying bag dang bcas rkang pa rkang mthil tsam gyis gyen du bteg cing g.yas dang g.yon pa'i rkang pa'i phyi logs su sbyar sbyar bar bya ste/ de nyid kyis dus mnyam par lcug ma zhes bya ba ste/ lag pa g.yon pa gyen du bsgreng ba dang de nas lte ba'i g.yon logs su dgod pa'o/ /tshang ra g.yas phyogs su byas nas lag pa bskor zhing de nas g.yon phyogs su/ /rkang pa g.yon pa btang ba dang/ lcug ma'i lag pas g.yas su 'gyid bag tu bya ba dang/ mgo bo cung zad pa stod nas lus cung zad smad de 'gro pa'i rkang stabs lnga zhes pa'o/ / //ci thabs gzhan gyis dbang bskur ba la sogs pa med dam gang gis 'di lta bu 'dir bstan zhes dogs pa bsal ba'i phyir/ gar gyis kyang rang 'dod pa'i lha rnams dgyes par 'gyur te/ de'i don du gsungs pas nges pa med do/ /de bzhin du yang gsungs pa/ dri dang phreng ba la sogs pas/ lha rnams de bzhin du dgyes shing mchod par gyur bas ma yin no/ /ji ltar glu sogs gar gnas kyis/ bstod pas dgyes shing bkra shis 'gyur zhes so/ /de gsungs par gyur pa/ gar dang gar gyis dbang bskur sbyin zhes pa'o/ /yang gsungs pa/ gar dang gar gyis sbyin sreg bya zhes so/ /snyoms par 'jug pa'i rnal 'byor gyis de kho na nyid gsal bar bya bar 'dod pas gsungs pa/ gar zhes pa la sogs pa'o/ /rdo rje dbyug pa zhes pa la bsgrub bya de yang rdo rje bcing bas blangs nas nga la 'o bya'o/ /des kyang de'i pad+ma la 'o bya'o/ /de ltar lha mo'i pad+ma la'o bya zhing pad+ma bstan par bya'o// mchod pa zhes pa ni reg pa'i mchod pa'o/ /bsang ba bsil bar shes nas mi g.yo bar rab tu gnas zhes gsungs pa/ de bzhin du nor bu gsang ba'i thig le las gsungs pa/ gang zhig bsil bar byed pa dang/ /mi g.yo bar ni bzhag par bya zhes so/ /de nas bcom ldan 'das bdud rtsi sgom par byed par 'dod pas don 'di gsungs pa/ bdud rtsi bsam gtan zhes pa la sogs pa'o/ /bdud rtsi'i bsam gtan ni rtsa thams? cad gcig tu byas te/ myos byed 'bab pa'o ma'i rgyun 'dzag par gyur par bsgom par bya zhes pa'i don to/ /de nas rtsa'i 'o ma'i thig le gzhom du med par bsgom par bya zhes gsungs pa/ bsgoms pas zhes pa la sogs pa'o/ /bsgoms pas zhes pa ni rtsa'i 'o ma las skyes pa gzhom du med par mngon du byed par 'gyur ro/ /de nyid 'di ltar bstan te mchog ces pa la sogs pa'o/ /mchog ces pa ni bla na med pa'o/ /de nyid ces pa ni rang rig sa phyin ci ma log pa'o/ /bdud rtsi zhi ba lta bu'i thig le yi ge'i rnam pa'i tshul zhes pa 'dir bdud rtsi thig le'i gzugs ni ha yig ces pa'i don to/ /de kho na nyid rtogs par byed pa mA ma kIs gsal bar byed ces gsungs pa nam mkha' i dbus zhes pa la sogs pa'o/ /nam mkha' dbus zhes pa ni bya gdong ma'i nang du ste/ pad+ma'i lte ba nor bus 'bigs pa'i sa phyogs so/ /zla ba bzhin ni zla ba 'dzags pa lta bu'o nor bu gsang ba'i thig le las gsungs pa/ pad+ma'i dbus su nor bu'i tshad/ /nor bu shel bzhin rig pa ste// zhes gsungs pa'i 'bras bu dang 'dra'o zhes gsung/ /cha dang cha min las grol ba'i thig le'i tshul nyid kyis stong pa mchog tu dga' ba phyin ci ma log pa'i de kho na nyid do/ /de nyid brjod ces pa ni le'u gnyis par gsal bar byas ba'o/ /de nyid rgyun mi 'chad pas mi zad pa'o/ /bstan pa'i tshul nyid rgyun mi 'chad pas mi zad pa'o/ /bstan pa'i tshul nyid kyi 'grib pa med do/ /rtsa'i sbubs la gnas pa nyid kyis phra ba'o/ /rdo rje bdud rtsi rdzogs pa'i rgyud nyid kyis rdo rje sems dpa' 'o/ /rkan dang mchu la sogs pa'i rtsol bas gzhig tu med pa ste/ brjod du med ces gzhom du med pa ni ha yig ces pa'i don to/ /ci 'di rnams thams cad du gnas sam zhes pa la ma yin par gsungs pa/ lte ba zhes pa la sogs pa'o/ /lte ba ni pad+ma'i lte ba ste shin tu chags pas bgrod pa'i dus su gang du gnas par bya ba de ni dbus su/ gang gi lte ba'i zhes pa la gsungs pa/ ge sar zhes pa la sogs pa'o/ /ge sar gsang ba'i spyod yul ni pad+ma'i ste drug pa'i gnas su bdun pa'o/ /der gnas zhes pa ni ji ltar shes par bya zhes pa la gsungs pa/ 'dzag ces pa la sogs pa'o/ /b+ha ga dang ling ga yang dag par sbyor ba'i dbus su mnyam par bzhag 'am/ mnyam par chags pa'i dbus 'dzag par gyur pa khu ba'i gzugs kyis bde ba 'dzag par 'gyur te/ chags pa'i dus su rang rig ma'i mngon sum nyid kyis nye bar dmigs zhes pa'i man ngag 'dis rdo rje dang pad+ma yang dag par sbyor ba med na de dag ji ltar rtogs par 'gyur zhes pa'o/ yon tan mdza' dag gi 'byung gnas su gyur pa nyid kyis 'jig rten pa'i yon tan dag kyang bstan pa'i phyir gsungs pa/ de nyid ces pa la sogs pa'o/ /de nyid ces pa ni de kho na nyid kyi rgyal po'o/ /gang zhig phung po lnga dang las rnams kyi gnas la brten pa de ni srog chags te sems can no/ /srog ni 'tsho ba zhes pa ste dbang phyug tu smra ba rnams sems so/ /rnam shes phung po'i sgras phung po lnga po rnams spyir smras pa'o/ /grangs can gyi lta ba'i dgang du byas te gsungs pa sangs rgyas zhes pa la sogs pa'o/ /gang zhig skyes bu'i rang bzhin nang du shes pa de dbye zhing rtogs pas sangs rgyas so/ /gang zhig las mdza' dag dang ldan zhing mtho ris kyis chos kyis rgyal po byed pa de ni rdo rje 'dzin pa'o// brgya byin ni grags par zad do/ /tshangs pa zhes pa ni tshangs par smra ba rnams kyis thams cad tshangs pa'i gzugs su smra ba'o/ /pa ra ha ma sa ra smra ba khyab 'jug ste/ pa ra ha ma sa zhes smras pa'o/ /dbang phyug chen por smra ba rnams kyis dbang phyug tu smra'o/ /bshad lugs gzhan ni tshangs pa dang/ khyab 'jug dang dbang phyug chen po ste lha gsum ni gzugs gcig ces dngos po gcig tu smra ba rnams sems so/ /'jig rten pa'i rang dbang gi dbang du byas te gsungs pas zhes pa la sogs pa'o/ /sems can thams cad kyi nye bar 'tsho ba nyid kyis sam/ rnam rtog med par nges phan pa dang gnod pa byed pa nyid kyis sa zhes bya'o/ /dngos po thams cad mnyam zhing snyoms par byed pas chu ni chu nyid do/ /dngos po thams cad yongs su smin par byed pa'i rgyu nyid kyis me nyid do/ /dngos po thams cad rab tu bsgyur ba nyid kyis rlung ngo/ /rang bzhin gyis 'od gsal ba nyid kyis dang/ go skabs 'byed pas na nam mkha' 'o/ /shing la sogs pa'i lha rnams kyi rang bzhin nyid kyis bstan pa'o/ /g.yo bas byin gyis brlabs pa 'gro ba rnams te rkang pas rgyu pa'o/ /sna tshogs ni tshangs pa dang me lha rnams kyis bye brag go /'dod pa dang gzugs dang gzugs med pa'i rang bzhin gyis khams gsum pa'o/ /ma lus zhes pa ni ma lus pa thob par bya ba'o/ /mang du brjod pas ci dgos te/ de ltar gyur pa'i 'jig rten pa dang/ 'jig rten las 'das pa'i rgyu dang 'bras bu'i rang bzhin gyi de kho na nyid do/ /bdag ni rdo rje bdud rtsi'o/ /bsam gtan bya ba ni gsal bar bya ba'i phyir cho gas mngon du bya zhes pa'i don to/ /de'i zhes pa ni las kyi drug pa'o/ /bsam gtan gcig pu ni ma yin te de'i phyir/ bdag nyid bskyed pa zhes pa gsungs pa/ de las byung zhes pa la sogs pa ste/ de las byung ba ni rdo rje bdud rtsi'i de kho na nyid kyis bskyed pas bdag go /khyod dang yang dag par sbyor ba'i phyir rtsa'i 'o ma'i thig le dang bcas pas shes par dgongs so/ /bdag nyid gcig pu bsam gtan bya ba ni ma yin te/ tshangs pa la sogs pa yang tshangs pa chen po la sogs par rdzogs nas rdo rje bdud rtsi'i go 'phang du rdzogs par bsam gtan bya zhes gsungs pa/ tshangs pa khyab 'jug ces pa la sogs pa'o/ / byang chub sems dpa' zhes pa ni rgyal tshab tu dbang bskur ba byams pa la sogs pa de rnams kyang rdo rje bdud rtsi'i go 'phang thob par bya ba'i phyir/ rdo rje bdud rtsi rgyud kyis cho gas 'grub par rigs so/ /rnam par snang mdzad la sogs ba'i de bzhin gshegs pa rnams kyang rdo rje bdud rtsi bstan pas de mngon du byed pa'o/ /shes bya zhes pa ni sa dang pha rol tu phyin pa la sogs pa'o/ /zhes pa ni rnam rtog med pa gnyis su med pa'i rnam pa'i bdag nyid do/ /gtso bo ni bdag po ste byang chub sems dpa' bsam gtan bya zhes sbyar ro/ /tshangs pa la sogs pa de gcig pu'i bsgom pa ni ma yin te/ de'i bstan pa rtogs pas kyang lha de sgom par byed ces gsungs pa/ skye dang zhes pa la sogs pa ste/ spro ba'i dus su thog mar dbang phyug skye'o/ /rang nyid skye zhes pa ni ji lta bu'i tshul gyis te de la gus pa rnams kyi gzhung ngo/ /'chi ba zhes pa ni dus su smra ba rnams 'chi ba'i dus kyi tshul gyis nub ces pa ste/ sdud pa'i dus su gang zhig nub pa ma gos pa nam mkha' dang mnyam po der dbang phyug nub par 'gyur ba zhes pa ste/ lha 'di rnams kyi rnam pas dbang phyug tshan por smra 'o/ /de kho na nyid kyi rgyal po rnam pa thams cad sbyor thams cad dang ldan pas 'gro ba mdza' dag so sor spro ba'i byed pa po rang dbang zhes pa ste rig byed gsum pos spro ba'i byed pa po'i gzugs sgom par byed do/ /rang 'byung zhes pa ni lha chen por brjod de sdud pa'i dus su nub cing mi mngon par gnas shing/ spro ba'i dus su rang nyid gsal bar 'gyur zhes pa'o/ /rang 'byung de'i gzugs ni dbang phyug chen po'o/ /gcig pu nyid ces pa ni/ la la dag de'i phyed ni mi mo dang/ phyed ni dbang phyug gi gzugs so/ /thams cad ces pas thams cad mkhyen pa ste rig byed gsum bsgom par bya zhes pa'o/ /kun tu zhes pa ni brtul zhugs drug cu rtsa bzhi'i rtogs thob nas thams cad lha chen po de'i rnam pa'i brtul zhugs so/ /zhi ba zhes pa ni gnas skabs thams cad ni dbang phyug chen po dang au ma zhes so/ /kha cig na re dbang phyug chen po'o/ /zhi bar zhes pa ni cha dang bral bar rig byed gsum b+ha ga dang rtags kyi tshul gyis thams cad du khyab ste khyab pa ni des te zhi ba nyid kyis so/ /skyes bur smra ba rnams kyi dbang du byas te gsungs pa/ dgang bar bya zhes pa la sogs pa'o/ / dgang ba zhes pa ni tshangs pa'i sgo nga'i mthar thug par spro bar kun tu dgang bar bya zhes pas skyes bu ste/ skyes bur smra pa'i mu stegs pa rnams de ltar smra ste/ dang por skyes bu yod de gang zhig 'gro ba rnams skyed cing sdud par byed pas skyes bu ste/ des na skyes bu de sgom par byed do/ /grangs can pas yongs su brtags pa'i skyes bu 'am/ skyes bu ni lus te dge ba dang mi dge ba'i las rnams kyis kun tu 'gengs pas na skyes bu de khyab 'jug rnams kyi'o/ /dbang po ni skyes bu dang rnam par shes pa skyes bur 'dod pa ni/ sangs rgyas pa'i phyogs gcig la brten te bshad pa gsum pa'o/ /lus la gnas pas lus can te/ de nyid ni gnas skabs thams cad de zhi ba pa'i phyogs gcig go / lus la gnas nas dbang po la sogs pa'i byed pas sngon po la sogs pa rtogs shing shes zhes pa ste bdag rtogs pa ba sgron ma bzhin don gsal bar byed ces pa ste/ zhi ba gnyis su med par smra ba rnams kyi'o/ /khyab 'jug gi rgyud kyi dbang du byas te gsungs pa/ rang ba zhes pa la sogs pa'o/ /khyab 'jug dbyar gyi dus su chu'i nang du nyal zhing/ ston zla tha chungs kyi zla ba nya la rang nyid rab tu bsad cing rnam par rtogs pa des na lha ste/ de'i phyir khyab 'jug pa rnams de sgom par byed do/ /sna tshogs pa'i sgyu mas thams cad du rnam par khyab 'jug ste/ sgyu ma'i gzugs 'dis khyab 'jug gi rgyud kyi rnal 'byor pa rnams so/ /dag bur bur shes pa de'i gzugs kyis tshogs pa'o/ /rdo rje 'dzin pa ni brgya byin du gyur pa ste brgya byin gyi tshul gyis bsgom par 'gyur zhes pas thams cad du blta bar bya'o/ /de gsungs par gyur pa rdo rje pad+ma sbyor gyur pas/ /'jig rten pa yi yon tan yang/ /yon tan kun gyi rang bzhin rnams/ /de ru rtogs par bya ba yin zhes so/ /gang zhig 'jig rten pa 'am 'jig rten las 'das pa'i yon tan gyi bdag nyid de dag rab tu gsal bar mi bya zhes gsungs pa/ gsal mi bya zhes pa la sogs pa'o/ /de ma thag tu nye bar bstan pa de rnams gang dag la gsang bar bya zhes pa la gsungs pa/ g.yon can zhes pa la sogs pa'o/ /dam pa'i bya ba rnams shes nas mi byed cing mi snyen pa ni g.yo can no/ /dgos pa med pa nye bar spyod cing dge ba la zol byed pa ni zol ba'o/ /slus pa ni rgyun ma'o/ /chad lta ni log par lta ba'o/ /sngags dang rgyud dag sun 'byin pas ni dam tshig la sdang ba'o/ /'di rnams la gsal bar mi bya bar shes na gang rnams la gsal bar bya zhes pa la gsungs pa/ bla ma dge la gus zhes pa la sogs pa ste/ bdag nyid thams cad kyis dge ba la bskrun pa ni bla ma la gus pa'o/ /tshul khrims dang dam tshig phun sum tshogs pa ni tul pa'o/ /gsang ba'i dkyil 'khor du zhugs pa dbang bskur bas so/ /rdo rje'i sgrub thabs kyi rgyud 'dir dngos grub kyi sgrub thabs la 'jug pa ste drug pa'i gnas su bdun pa'o/ /'di rnams bstan zhes pa na brjod par zhes par des pa ste/ gang zhig thos pa rgya che ba de ni de bzhin no/ /yang dag par bos nas dbang bskur ba'i rim pa gsungs pa/ rig mar ldan zhes pa la sogs pa'o/ /rig ma ni sngon du gsungs pa'i gdol pa la sogs pa'i phyag rgya dang yang dag par sbyor bas gang zhig dbang bskur ba de ni rig ma dang ldan pas dbang bskur ba'o/ /rig mi zhes pa ni slob ma de la dbang bskur ba spyin par bya'o/ /phyis ni de nyid ces pa ni lha rnams kyi rnal 'byor sngags dang bcas pa gsal bar bya'o/ / de la dbang bskur gsal bar bya ba'i phyir gsungs pas/ slob dpon zhes pa la sogs pa'o/ /slob dpon gyi dbang bskur bas de'i rdo rje la slob ma dang phyag rgyas 'o bya'o/ /slob dpon gyis kyang phyag rgya'i pad+ma la 'o bya'o bdud rtsi myang ba yang bya ste de ltar 'dir dbang bskur bar gyur pas so/ /de gsungs par gyur pa ji lta ba bzhin du gsang ba'i dkyil 'khor rnam par bris te/ slob dpon rab tu zhugs nas 'dus pa'i mchod pa'i dbang bskur nas bstod pa dang/ cho ga phun sum tshogs pa ji ltar gsungs pa'i cho gas slob ma gzhug par bya ba dang/ phyag btsal ba dang/ mchod nas dbang bskur ba la sogs pa'i las rnams gar sngon du song bas thams cad phun sum tshogs par bya zhes pa'o/ /mA ma kIs rang gar bstan pa ma yin par bstan par bya ba'i phyir gsungs pa/ bcom ldan rdo rje can zhes gsungs pa la sogs pa'o/ /sngon bzhin du le'u'i ming dang grangs su bcas pa'i le'u'i nye bar bsdu ba gsungs pa/ rdo rje bdud rtsi zhes pa la sogs pa'o/ /glu dang gar dag sngon du gsungs nas/ de sngon du song ba'i dbang bskur ba ni glu dang gar gyi dbang bskur ba des de kho na nyid rtogs pa de kho na nyid yongs su shes par gyur pa ste/ glu dang gar gyis dbang bskur nas de kho na nyid rtogs pa gang gis ston pa de bzhin du gsungs te/ le'u bdun pa'i rgya ched bshad pa'o// //da ni mu stegs pa rnams gdul ba'i phyir dang/ khro bo la mos pa'i rnal 'byor pa rnams rjes su gzung pa'i phyir rdo rje bdud rtsi khro bo dang bcas par shes pa'i don du de la dris pa gsungs/ yang ni bzhengs zhes pa la sogs pa'o/ /yang zhes pa ni de ma thag tu bzhad cing dris pa de ma thag pa bsdus pa'o/ /'di zhes pa ni mchod par gyur pa'i thugs la gnas pa'i don rnams gsal bar byed pa'i tshig go / ci zhig gsungs zhes pa la gsungs pa/ bcom ldan 'das zhes pa la sogs pa'o/ /bcom ldan 'das zhes pa ni yang dag bod pa'o/ /the tshom ni rnam par rtog pa'o/ /gang du the tshom 'khrungs snyam pa la/ 'dir zhes pa ste/ de ma thag pa'i khro bo'i ting nge 'dzin gyi yul de shes pas bdag ni ngo mtshar bar gyur zhes pa ni tshig lhag ma'o/ /ngo mtshar gyi yul nyid gsungs pa/ zhi pa'i gzugs shes pa la sogs pa'o/ /zhi ba zhes pa ni khyod 'gyid bzhad dang skyed pa'i gzugs so/ /rdo rje can ni khro bo rnams so/ /'di ltar ni ci'i don gyis so/ /ji ltar 'gyur zhes pa ni de ltar gsol ba btab pa can no/ /bdag nyid khro bo'i gzugs su bsnyan pa'i phyir gsungs pa/ de nas zhes pa la sogs pa'o/ /de nas ni dris pa'i de ma thag tu'o/ /khro bo'i dbang phyug gi rnal 'byor gyis bcom ldan 'das so/ /rtse lnga pa'i rdo rje 'dis ni rdo rje can te/ khro bo'i gzugs ni rnam par phyung zhes 'brel to/ /rdo rje can pad+ma mnyam sbyor ba ni bsrub bya dang/ srub byed kyis snyoms par zhugs pa'i drod kyis rtsa'i 'o ma'i bdud rtsi'i thig le des bdag nyid khro bo'i gzugs su rnam par dbyung zhing spo zhes pa'i don to/ / de'i rnam par gsung pa/ 'bar zhes pa la sogs pa'o/ /'bar ba'i phreng ba zhes pa'i 'od zer dmar po'i dkyil 'khor ro/ /drag ces pa ni rnam par 'gyur zhing mche ba gtsigs pa ste kha dog sngon po/ /phyag brgyad pa zhal bzhi ni sngon po dang du ba lta bu dang/ ser po dang/ dkar po'o/ /thod pa'i phreng ba dang bcas pa'i rdo rje bdud rtsi'i po tis cod pan du byas pa/ rgyan sna tshogs dang rgyu mas rgyus pa'i me tog gi chun 'phyang can te dkyil 'khor la 'gying bag gis gnas so/ / phyag mtshan rnams gsungs pa/ kha TwAM ga zhes pa la sogs pa'o/ /mgo bo zhes pa ni mi'i mgo bo'o/ /thod ba zhes pa ni khrag gis bkang ba'i thod pa'o/ /khrag la dgyes zhes pa ni srin po'i 'o/ /rgyu ma zhes pa ni mi'i rgyu ma'i phreng ba'o/ /phreng ba zhes pa ni rus pa'i phreng ba'o/ /rdo rje zhes pa ni rdo rje nyid do/ /'chang zhes pa ni rtse gsum mo/ /g.yas par rdo rje dang/ rgyu ma dang/ mgo bo dang/ rtse gsum mo/ /g.yon par kha TwAM ga dang/ thod pa dang/ srin po'i mgrin pa dam por btsir ba dang rus pa'i phreng ba'o/ /gnyis kyis ni 'dra ba'i phyag rgya'o/ /ri ma brgyad ni so aud ka ta la sogs pa'o/ /dur khrod chen po ni tshangs pa dang dbang phyug la sogs pa'i mgo bo'i rus pa dang/ brad? rus rkeng rus la sogs pa ma mo'i rigs dang bcas pa'o/ /dur khrod na gnas pa gang zhig 'byung po dang ro langs la sogs pa de rnams phed kyi sgra 'byin cing 'jigs pa mi zad pas gang ba'i dur khrod na gnas pa 'byung po dang ro langs ni skra rings la sogs pa'o/ /de lta bur gyur pa'i dur khrod chen po na tshangs pa la sogs pa'i lha rnams za bar dgongs so/ /he ru ga zhes pa'i khro bo ni gzugs su bdag nyid 'dzin pa'i brtul zhugs can no/ /rig ma brgyad bstan pa'i phyir gsungs pa/ btsigs bcas zhes pa la sogs pa'o/ /gtsigs bcas ni kha dog ser po zhal gsum ni ser bo dang dkar po dang/ nyi ma'i mdog go /phyag drug ni ral gri dang/ rdo rje dang/ mgo bo dang/ kha TwAM ga dang/ thod pa dang/ rus pa'i phreng ba rnams g.yas pa dang g.yon pa'i phyag gis 'dzin pa ste shar na gnas pa'o/ /rnam gtsigs ma ni kha dog sngon mo zhal gsum la sngon po dang/ dkar po dang/ nyi ma lta bu'o/ /phyag drug ni ral gri dang/ rdo rje dang mgo bo dang/ rgyu ma'i phreng ba dang/ kha TwAM ga dang/ thod pa 'dzin pa ste nub tu'o/ /g.yung mo ni kha dog du ba'i mdog lta bu ste/ zhal gsum ni du ba dang/ dkar po dang/ nyi ma lta bu'o/ /phyag drug ni ral gri dang/ rus pa'i phreng ba dang/ rdo rje kha TwAM ga dang mgo bo dang thod pa rnams 'dzin pa byang du'o/ /ser skye ma ni kha dog dmar po ste zhal gsum ni dmar po dang/ dkar po dang nag po'o/ /phyag drug ni ral gri dang/ rgyu ma'i phreng ba dang/ rdo rje kha TwAM ga dang/ thod pa dang/ srin po'i mgrin pa 'dzin pa ste me ru'o ku li ni kha dog nag po ste/ zhal gsum ni nag po dang dkar po dang/ nyi ma lta bu'o/ /phyag drug ni ral gri dang mgo bo dang/ rtse gsum dang/ kha TwAM ga dang/ thod pa dang/ rgyu ma'i phreng ba rnams bsnams pa bden bral du'o/ /ag gu ni kha dog ser po ste/ zhal gsum ni ser po dang/ dkar po dang/ nyi ma'i mdog go /phyag drug ni ral gri dang/ rdo rje dang/ rus pa'i phreng ba dang/ kha TwAM ga dang/ srin po 'dzin pa rlung tu'o/ /da ru ni kha dog nag po ste zhal gsum ni ser po dang/ dkar po dang nyi ma lta bu'o/ /phyag drug ni ral gri dang/ rgyu ma'i phreng ba dang/ rdo rje dang/ kha TwAM ga dang/ thod pa dang/ mi mgo rnams dgod do/ /lha mos yongs su bskor zhes pa'i tshig gis 'dir dkyil/ 'khor nye bar bsdus te ro langs bsgrub pa'i le'u gsungs pa'o/ /ba lang rnal sogs pa'i sgo skyong rnams dang pi waM ma'i mthar thug pa'i lha rnams kyang lta bar bya'o/ /dkyil 'khor ba thams cad ni drag po rgyan thams cad dang ldan pa rdo rje gtsug tor nor bu'i cod pan can/ 'od dmar po'i dkyil 'khor la glu blang ba'i dgongs pa dang gar byad pa mthod pa'i gnas la gnas par bya'o/ /gang zhig glu len pas rnam par gnas par gyur pa de ni glu len par bstan te/ mche ba gtsigs shing 'jigs pa chen po la sogs pas so/ /he ru ka'i bzlas pa'i sngags gsungs pa/ bzlas pa'i sngags zhes bya ba la sogs pa'o/ /gsum pa'i zhes pa ni rtsa'i sde'o/ /gsum pa ni dza'o/ /bdun pa'i zhes pa ni ya'i sde'o/ /bzhi pa ni wa yig ste de nyid gang gi gdan yin pa de ni de bzhin no/ /bdun pa'i zhes pa ni ya'i sde'o/ /gsum pa ni la'o sngon gyi yi ge'i de ma thag tu bri ba'o/ /gnyis gnyis zhes pa de ni de ma thag tu btus pa'i yi ge gnyis pa lan gnyis su bya'o/ /de nyid mdza' dag yang dag par ldan zhes pa ni zla phyed dang thig ler ldan pa ste au yig gi ha de dang bcas par yod ces pa'o/ /de ni hUM yig ste de dang yang dag par ldan pa ni de nyid mdza' dag yang dag par ldan no/ /hUM yig gi de ma thas tu phaT yig bri bar bya'o/ /drug pa ni zhes pa ni pa'i sde'o/ /bzhi pa ni b+ha yig ste de'i btu pa'i bdun pa'i dngos pos gdan du byas zhes pa'i sde'o/ /de'i dang po ni ya yig ste de nyid kyis gdan du byas pa gang yin pa de ni bdun pa'i dang pos gdan du byas pa'o/ /b+ha yig de nyid bcu gsum pa aoM yig des spyi bor mnyam par mnan pa'o/ /de dang ldan par swAhA'i yi ge'o/ /aoM badzra dzwa la dzwa la hUM phaT b+hyo swAhA/ dpa' he ru ka 'khor dang bcas pa'i rtsa ba'i sngags so/ /sngags 'di'i che ba'i yon tan gsungs pa/ de nyid ces bya ba la sogs pa/ rdo rje bdud rtsi'i mdzad pa po nyid gsungs pa/ bcom ldan zhes pa la sogs pa'o/ /sngon bzhin le'u'i te bar bsdu ba gsungs pa/ rdo rje bdud rtsi zhes pa la sogs pa'o/ /le'u gang du dpal he ru ka bskyed pa bstan pa de ni de bzhin no/ /le'u brgyad pa'i rgya cher bshad pa'o// //de la re zhig he ru ka zhes bya ba'i gtso bo'i rigs kyi khro bo ngas? bstan nas gzhan yang rigs mi mthun pa'i khro bo yod de de yang bstan pa'i phyir gsungs pa/ de'i rnam pa gsungs zhes pa la sogs pa'o/ /de nas de ma thag tu'o/ /gzhan zhes pa ni 'gying bag dang snying rje can gyi khro bo las gzhan te shin tu yang khro bo'i rigs gcig tu bzod par dka' ba'i khro bo'i gzugs so/ /ming ci zhig ces bya ba la/ bdud rtsi 'khyil ba zhes pa'o/ /thog mar ming bstan nas/ de'i rnam pa gsungs pa/ zhal gsum zhes pa la sogs/ pa ste/ nag po dang/ dkar po dang nyi ma lta bu'i zhal gsum mo/ /phyag drug drag po zhes pa ni mche ba gtsigs pa'o/ /mig sman po zhes pa ni shin tu yang mnyes pa'i mig sman gyi kha dog go /'bar ba zhes pa ni 'od dmar po'i 'bar ba'i dkyil 'khor ro/ /gtum mo zhes pa na rab tu yang gtum pa'i mig go /ser zhes pa ni mig ser zhing smin ma ser ba dang/ spu gyen du 'bar ba'i spyi bor rdo rje bdud rtsi'i po tis mtshan pa gsus pa 'phyang ba bod thung pa/ chos 'byung gi steng du pad+ma 'dab brgyad la gnas pa/ 'gyid bag tu bya ste rkang pa g.yon pas bgegs kyi rgyal po mnyam par mnan pa'o/ /phyag mtshan rnams gsungs pa/ sta re zhes pa la sogs pa ste sta re dang/ /ral gri dang/ rdo rje g.yas na'o/ /g.yon na/ sdigs mdzub dang/ gtun shing dang/ zhags pa'o/ /rig ma brgyad ni 'chad par 'gyur ba rnams so/ sgo skyong rnams ni lcags kyu ma la sogs pa sngon du gsungs pa'o/ /shar du rdo rje lcags kyu ma ni kha dog dmar mo ste/ zhal gsum ni dmar po dang/ dkar po dang/ nag po'o/ /phyag drug na lcags kyu dang/ ral gri dang/ rdo rje dang/ gtung shing dang/ sta ri dang/ sdigs mdzub bo/ lhor rdo rje zhags pa ma ni kha dog ser po ste/ zhal gsum ni gser po dang/ dkar po dang/ nyi ma lta bu'o/ phyag drug ni zhags pa dang ral gri dang/ rdo rje dang gtun shing dang sta re dang/ sdigs mdzub bo/ /nub tu rdo rje lcags sgrog ma ni kha dog dkar po/ /zhal gsum ni dkar po dang/ nag po dang/ nyi ma lta bu'o/ /phyag drug na lcags sgrog dang/ ral gri dang/ sta re dang/ gtun shing dang/ rdo rje dang/ sdigs mdzub po/ /byang du rdo rje dril bu ma ni kha dog ljang gu ste/ zhal gsum ni ljang gu dang/ dkar po dang nag po'o/ /phyag drug na dril bu dang/ rdo rje dang/ ral gri dang/ sta re dang/ gtun shing dang/ sdigs mdzub po dang/ sgo skyong rnams ni rnam par 'gyur zhing mche ba gtsigs pa/ skra ser po gyen du bgreng ba/ spyi bor rdo rje bdud rtsi'i po tis mtshan pa/ rgyan sna tshogs dang ldan pa nyi ma'i 'od can pad+ma'i gdan 'gying bas du sgom par bya'o/ /khro bo'i gdan pad+ma la rig ma rnams dgod par gsungs pa/ bdud rtsi zhes pa la sogs pa'o/ /bdud rtsi min kha dog sngon po zhal gsum ni nag po dang dkar po dang/ nyi ma lta bu'o/ /phyag drug na pad+ma dang/ bdud rtsi'i snod dang/ rdo rje dang sta re dang/ zhags pa dang/ sdigs mdzub can te shar na gnas pa'o/ /bdud rtsi zhal ma ni bri yang ku ljang gu ste/ zhal gsum ni phri yang ku dang nyi ma lta bu'o/ /phyag drug na pad+ma dang/ me long dang/ sta re dang/ zhags pa dang/ gtun shing dang/ bsdigs mdzub byed pa lhor ro/ /bdud rtsi lus can ma ni kha dog dkar po ste/ zhal gsum ni sngon po dang/ dkar po dang/ nyi ma lta bu'o/ /phyag drug na pad+ma dang zla ba'i dkyil 'khor gyi steng du sangs rgyas kyi gzugs dang ral gri dang/ sta re dang/ zhags pa dang/ bsdigs mdzub can nub tu 'o/ /bdud rtsi can ma ni kha dog dkar po ste/ zhal gsum ni dkar po dang/ nag po dang/ dmar po'o/ /phyag drug na pad+mas mtshan pa'i spyan dang zla ba dang/ /ral gri dang/ sta re dang/ zhags pa dang/ sdigs mdzub can te byang du'o/ /'di rnams ni rim pa bzhin no/ /a me ya ni mkha' ljang gu ste/ zhal gsum ni ljang gu dang dkar po dang/ nyi ma lta bu'o/ /phyag drug na pad+ma dang/ gtun shing dang/ zhags pa dang/ sta re dang sdigs mdzub byed pa ste/ me ru'o/ /gzugs bzang ma ni gser gyi kha dog ste/ zhar gsum ni gser gyi mdog dang dkar po dang/ nyi ma lta bu'o/ /phyag drug na pad+ma dang/ rdo rje dang/ ral gri dang/ sta re dang/ zhags pa dang/ sdigs mdzub can te bden bral du'o/ /snang bzang mi na kha dog ser skya ste zhal gsum ni ser skya dang/ dkar po dang/ nyi ma lta bu'o/ /phyag drug na pad+ma dang rdo rje dang/ ral gri dang/ zhags pa dang/ ? dang/ sdigs mdzub can de rlung du'o/ /bde sgrub ma ni kha dog dmar po ste/ zhal gsum ni dmar po dang/ nag po'o/ /phyag drug na pad+ma dang/ ral gri dang sta re dang zhags pa dang/ gtun shing dang/ sdigs mdzub can te dbang ldan du ?/ /thams cad khro bo'i gzugs can rgyan sna tshogs dang ldan pa nor bu 'dzin pa 'od dmar po dang ldan zhing 'gying bag gi zhabs kyis gnas pa'o/ /phyogs kyi lha mo rnams gang byed par ston pa ni/ bzhad ces pa ni cung zad bzhad po'o/ /mtshams gyi lha mo rnams kyang ku ci'i sgra byed de shin tu yang bshad pas ca co'i sgra byed par shes par bya'o/ /bdud rtsi 'khyil pa'i sngags bstan pa gsungs pa/ sngags kyi rgyal po zhes bya ba la sogs pa'o/ /rjes su dran pa zhes bya ba ni sngags ba tu bas sngags shes par bya zhes pa'i don to/ /sngags btu ba gsungs pa/ yang na zhes pa la sogs pa'o/ /yang ni zhes de ni de ma thag tu'o/ /thog mar ni dang por ro/ /rnam snang ni aoM yig go /sbyin zhes pa ni bri zhes pa'i don to/ /de'i ni yi ge'i ming can no/ /rkang pa ni de'i rkang pa'o/ /des gang ba ni aoM la ste de'i de ma thag tu bri bar bya zhes pa'i don to/ /dang po'i zhes pa ni a'i sde mtshan no/ /de'i gnyis pa ni a yig go /stong pa zhes pa ni dbyangs med pa'i ma yig go / de nyid kyi gang na ni nges 'og tu ldan pa ni ma yin te stong pa'i gdan du ma ma dag par ldan pa ni ma yig ste/ steng pa'i gdan yang dag par ldan pa'o/ /stong pa zhes pa ni a yig go /stong pa zhes pa ni thig le'i rgyus te dbyangs med pa'i a yig ste/ de'i spyi bor brgyan cing mthar swAhA'i yi ge aoM a mri te kuN+Da li a aM swAhA/ bdud rtsi 'khyil ba 'khor dang bcas pa'i rtsa ba'i sngags so/ /'di'i sgrub thabs bstan pa'i phyir gsungs pa'o/ /shin tu chags pa'i longs spyod ni khro bo'i dbang po gnyis snyoms par 'jug pa'i rnal 'byor des/ bdud rtsi dro ba myos byed 'bab pa'i rtsa'i 'o ma bdud rtsi lta bu nyi ma zhu ba'i rnam pa'i bdud rtsis myos shing brgyal ba'i don to// gang gis phyir dro ba'i bdud rtsi las byung ba'i sngags kyi rgyal po 'dis yin pa de'i bdud rtsi'i rnal 'byor gyis rdzogs par bya zhing sgrub par bya zhes gsungs pa/ bdud rtsi zhes pa la sogs pa'o/ /bdud rtsi shing tu dro bar 'char 'bab pa'i rtsa'i 'o ma des nyi ma'i steng du mtshan ma dang sngags te/ mtshan ma yongs su gyur pa las khro bo bsgom pa'i sbyor ba bdud rtsi dang bdud rtsi'i sbyor pa des bdud rtsi 'khyil ba bsgrub par bya zhing mngon du bya zhes pa'i don to/ /de bzhin du yang gsungs pa/ gsang ba'i mdzod las gsungs pa/ gang zhig drod kyi rtsa de ni/ khro pa'i gzugs bsgom par bya zhes pa'o/ /'dis ni lha rnams kyi rnal 'byor bsdus so/ /sgrub thabs kyi 'bras bu gsungs pa/ dngos grub ces pa la sogs pa ste/ gang gis de ltar bsgrub par bya zhes pa'o/ /de'i don kun ni ri lu la sogs pa'i dngos grub thams cad dang/ rang gi lha rnams rdzogs nas grub mdza' ni sngon du gyur pa'o/ /gal te skyes pa'am bud med bdud rtsi 'khyil ba de dran zhing bzlas pa des thams cad dbang du 'gyur ro/ /gang gis yang rgyun tu bsam gtan byed pa des ni skye ba 'di nyid la sangs rgyas nyid du 'gyur te the tshom med do/ /mA ma kIs rang dgar bcas pa ma yin par bstan pa'i phyir gsungs pa/ bcom ldan rdo rje can zhes gsungs zhes pa la sogs pa'o/ /sngon bzhin le'u'i nye bar bsdu ba gsungs pa/ rdo rje bdud rtsi zhes pa la sogs pa ste/ bdud rtsi rdzogs pa mya ngan las 'das pa'i rgyu'o/ / 'khyil pa ni bdud rtsi 'khyil pa ste/ de bskyed pa'i le'u gang gis ston pa de ni de bzhin te de'i le'u'o/ /le'u dgu pa'i rgya cher bshad pa'o// //mig sman la sogs pa'i dngos grub las mchog tu gyur pa ro langs kyi sgrub thabs bstan pa gsungs pa/ de nas gzhan yang zhes pa la sogs pa'o/ /de nas gzhan zhes pa ni khro bo'i sgrub thabs las gzhan pa/ ro langs kyi sgrub thabs so/ /dus nam zhig de bzhin du bsgrub par bya zhes pa la gsungs pa/ nag po'i brgyad ces pa la sogs pa bstan pa'o/ /sgrub pa'i gnas bstan pa'i phyir gsungs pa/ rtags gcig ces pa la sogs pa'o/ /shing gzhan gyis sgrib mas reg par mi gnas pa ni shing gcig go /ro ji lta bu blang zhes pa la gsungs pa/ mtshan nyid thams cad ces pa la sogs pa ste/ 'dir gsungs pa ro langs kyi sgrub thabs su bu mo'i nye bar bstan pas phyag rgya chen po la phan zhing dgos pas ro langs kyi sgrub thabs kyang bstan pa yin no/ de'i mtshan nyid bzhin du de yang mtshan nyid rtogs par bya'o/ /mtshan nyid thams cad ces pa ma yin zhing thung ba ma yin pa dang/ dkar ba ma yin zhing gnag pa ma yin pa dang/ sgom pa ma yin zhing phra ba ma yin pa dang/ lag pa la ri mor ldan pa'o/ /steng na dpyangs pa'i ro dang/ ma mo ni gtum mo'o/ /rang 'tshod? ni rang gis btsos nas za ba'i bram ze mo'o/ /rma med ni ma bug med pa'o/ /yang na bu skye ba'i dus su shi ba'o/ / bud med gzhan yang blangs nas bsgrub par bya zhes pa'o/ /ji ltar bsgrub par bya zhes pa la gsungs pa/ /cho gas khyad par du byas pa'i chu la sngags kyis mngon par bsngags pa'o/ /sman ni pa ta dang pa mi pa li dang/ au dum par dang 'dag 'chal lnga dang/ dri zhim por bsres pas bkrus te phyi nas dri zhim po'i chus bkru bar bya'o/ /ga bur dang bcas pa'i tsan dan gyis yang dag par byug cing dza ti'i me tog dang/ a ka ru de bdug spos dang/ chang dang sha la sogs pa'i gtor mas yang pad+mar mchod de/ dkyil 'khor gyi dbus su bsngags brjod nas mar khu chen pos yang dag par byugs nas rungs kar gyis khal bsnum par bya'o/ /de la dkyil 'khor gsungs pa/ dkyil 'khor zhes pa la sogs pa'o/ /he ru kar brjod dkyil 'khor zhes pa ni he ru ka'i dkyil 'khor ro/ /de ji lta bu zhes pa la/ zla phyed ces pa la sogs pa ste/ nang zla ba phyed pa'i rnam pa lta bu phyi gru bzhi pa'o/ /rig ma brgyad ni sngon du gsungs so/ /gtsigs bcas pa la sogs pa'o/ /mtshams dang logs rnams su thod pas nye bar mdzes par bya'o/ /lha mo rnams la thod pa'i gdan rnams sbyin par bya'o/ /thams cad drag po kha TwAM ga dang ral gri 'dzin pa'o/ /sgo rnams su sgo skyong rnams dgod pa gsungs pa/ phyi rol zhes pa la sogs pa'o ba lang rna ni kha dog dkar po'o/ /glang chen rna ni kha dog dmar po'o/ /'di dag ni rim pa ji lta ba bzhin no/ /gdong bzang ma ni gser gyi mdog go /gdong ngan ma ni du ba'i mdog go / sgro skyong thams cad na rim par lcags kyu dang/ zhags pa dang/ lcags sgrog dang/ dril bu 'dzin pa phyag gnyis ma zhal gcig ma/ rdo rje gtsug bung dang nor bus cod pan brgyan pa 'od dmar por bya'o/ /me tog ma la sogs pa'i lha mo rnams ro mo bar dkar po dang/ dmar po dang/ ser po dang/ dmar po'i kha dog go /zhal gcig phyag gnyis ma'o/ /phyag na me tog dang/ bdug spos dang/ mar me dang/ dri'i snod rnams so/ /rdo rje dang/ kha TwAM ga 'dzin pa ste shar la sogs pa'i phyogs rnams su rnam par gnas pa'o/ /pi waM ma la sogs pa yang dmar po dang ser po dang dkar po dang du ba'i kha dog ste/ dag byed mchod phyir thogs dang/ rdo rje dang kha TwAM ga dang gling bu dang/ pi waM ma dang/ rdo dang rdza rnga'i phyag rgya ston cing 'ching ba ste/ mtshams rnams su thams cad dmar po dang ldan pa cod pan du rdo rje gtsug pud dang nor bu bya ba'o/ /'di lta bu'i dkyil 'khor gyi dbus su bu mo'i ro bzhag nas sgrub pa po 'jug par bya zhes gsungs pa/ de nas zhes pa la sogs pa'o/ /dpa' bo zhes pa ni 'jigs pa med pa'o/ /he ru ka ni de'i rnal 'byor dang ldan pa'o/ /dung chen zhes pa ni mi'i rus pa las byas pa'i rgyan gyis rnam par brgyan pa'o/ /sngags kyi chog zhes pa sngags kyi chogs go gyon pa'i lus so/ /Da ma ru'i sgra bya zhing gar stabs kyi kang bas kar pa g.yon pa sngon du btang ste/ dkyil 'khor du 'jug par bya'o/ /der zhugs nas phyogs bzhin phred kyi sgra brjod par bya'o/ /de nas khrag chen pos bzang gtor ngang/ kha bshal la sogs pa byas te/ nyungs dkar gyis bsnun par bya zhing cho ga bya'o/ /bzlas par gyur pas zhes pa ni nyungs kar gyis bsnun par gyur pas ro dag sgra 'byin par byed do/ /sgrub pa pos 'jigs par mi bya ste yang nas yang du he ru ka'i sngags dran par bya'o/ /de nas ro langs nas bka' nod par 'gyur te/ bka' lung nod pa'i bye brag rnams gsungs pa/ rang gi zhes pa la sogs pa'o/ /ral gri zhes pa ni rig pa 'dzin pa'i rgyal po'o/ /mig sman ni mi snang ba'i dngos grub bo/ /rkang 'og gi zla ba'i bdag po nyid kyis so/ /mkha' spyod ni nam mkhar 'gro ba'o/ /mngon sbyod ni bsod pa'o/ /de nas bka' zhes pa ni sgrub pa po'i yid la 'dod ba rnams bslang bar bya'o/ /de thams cad ro langs kyis kyang ster par byed do/ /bdag ma ni bod pa'o/ /sgrub thabs kyi mchog de nyid gsungs pa /ro langs zhes pa la sogs pa'o/ /gang zhig rdo rje bdud rtsi'i rgyud las rnam par byung ba'i rim pa de ni rim par bstan pa'i ro langs kyi sgrub thabs te de nyid gtso bo'o/ /gang zhig rab tu sgrub ces pa la gsungs ba/ sku gsung zhes pa la sogs pa ste/ lha rnams kyi sku gsung thugs bsgrub pa'i don du ste mtshon par byas pas mchod par brjod do/ /mA ma kIs rang dgar ba rtsams pa ma yin pa bcom ldan zhes pa la sogs pa'o/ /sngon bzhin le'u'i nye bar bsdu ba gsungs pa/ rdo rje bdud rtsi zhes pa la sogs pa'o/ /gang du ro langs kyi sgrub thabs ston pa'i le'u de ni de bzhin de/ ro langs kyi sgrub thabs kyi le'u ste bcu pa'i rgya cher bshad pa'o/ / //da ni sngon du gsungs pa'i rdo rje hUM mdzad la sogs pa'i dngos grub dang/ pad+ma gnas pa'i phra ba'i rdo rje bdud rtsi'i dam tshig dang sngom pa med par mi 'grub ces pas bdud rtsi lnga'i sgrub thabs kyi le'u bstan pa'i phyir gsungs pa/ de nas bcom ldan 'das zhes pa la sogs pa'o/ /de nas zhes pa ni de ma thag tu'o/ /bdud rtsi'i rnal 'byor gyi dbang phyug gis bcom ldan 'das so/ /rtse lnga pa'i ye shes kyi rdo rje 'dis rdo rje can no/ /bdud rtsi ni mi gnas pa'i mya ngan las 'das pa ste/ de dang bdag nyid gcig pa nyid kyis rdo rje bdud rtsi'o/ /mchog tu dga' ba'i rang bzhin nyid kyis bde ba chen po ste ting nge 'dzin la snyoms par zhugs par 'brel to/ /rdo rje pad+ma yang dag sbyor ni phyag rgya dang yang dag par sbyor bas dbang po thams cad kyi sems dang sems las byung ba rnams 'gogs pa'o/ /des cang mi gsung bar gyur pa ni stong pa'i ting 'dzin ma dmigs nas gnas pa'o/ /de nyid gsal bar bya ba'i phyir gsungs pa/ dbugs med ces bya ba la sogs pa'o/ /dbugs ni srog gi bdag nyid kyi rlung ste/ de bsog pa'i ye shes de spros pas 'gog pa nyid kyis dbugs med de gang rnams su 'ongs pa nyid kyis so/ /g.yo ba med pa ni g.yo 'gul med pa'o/ /lta ba med ni sna rtser lta ba nub pa nyid kyis lta ba med pa'o/ /lce ya rkan la sbyar ba nyid kyis brjod pa med pa'o/ /thun mong ma yin pa nyid kyis mchog go /ting nge 'dzin la snyoms par zhugs pa ni yul du byas pa can 'dis 'dod chags la sogs pa'i dngos po rnams rim par rnam par mi rtog pa'i ye shes kyis te/ dam tshig dang sdom pa yang bsdu ba'o/ /ting nge 'dzin la snyoms par zhugs pa de mA ma kIs mthong nas dam tshig la sogs pa dris zhes pa la gsungs pa/ yang ni mA ma kIs zhes pa la sogs pa'o/ /bcom ldan zhes pa la sogs pa'o/ /bcom ldan 'das ni bod pa'o/ /phra ba'i rdo rje zhes pa ni rdo rje bdud rtsi gzhom du med pa'i snying po'i phyag rgya la yang dag par sbyor ba med na'o/ /sems can thams cad kyi snying la srog gi rnam par gang zhig gnas pa de'o/ /gang gis rnam pa yis ni dam tshig nyams su myong ba'i rnam pas so/ /de nyid dmigs par bya ba ni grub par bya ba ste/ de'i dam tshig byin gyis brlab pas gang yang grub pa'i don du bzlas pa dang sgom pa la sogs pa gsungs pa/ de lta mod kyi dam tshig dang sdom pa dang bral ba des dngos grub mngon du byed par mi 'gyur zhes par dgongs so/ /de nas bcom ldan 'das kyis dris ba dang rjes su mtshams par bstan pa gsungs pa/ de nas zhes pa la sogs pa'o/ /'di zhes pa ni thugs la gnas pa'o/ /spyan ngag gdams te zhes ting nge 'dzin las bzhengs pa'o/ /de ltar gsungs pa/ sngon du gsungs zhes pa la sogs pa'o/ /sngon zhes pa ni le'u dang por de khyod dang ngas brjod pa'o/ /ci zhig brjod ces pa la gsungs pa/ bdud rtsi zhes pa la sogs pa'o/ /bdud rtsi ni dbang po gnyis snyoms par zhugs pa las byung ba'i khu ba ste dri chen dang dri chu dang khrag dang shar ldan pas ni nyi ma so so la bza' bar bya ste/ des 'grub par 'gyur zhes dgongs so/ /bdud rtsi lnga'i dam tshig 'di thugs kyi rdo rje'i rang bzhin gyis bsngags so/ /rdzas 'di rnams kyi 'bras bu so sor gsungs pa/ re re yis zhes pa la sogs pa'o/ /thog mar bdud rtsi bza' bar bya zhes pa 'dis dam tshig myang ba'i rim pa bstan pa'o/ /ye shes ni thams cad mkhyen pa'i ye shes so/ /zhes bya ba ni sa dang pha rol tu phyin pa la sogs par shes par bya'o/ /gsung gi rdo rje'i rang bzhin rtsi dam tshig gsungs pa/ khrag chen zhes pa la sogs pa'o/ /khrag chen ni mi'i khrag go /de yis sku dang gsung dang thugs kyi dngos grub kyi don bsgrub par bya zhing rdzogs par bya ba dang/ kun tu myang bar bya'o/ /khrag gi bye brag gsungs pa bu mo zhes pa la sogs pa ste/ bu mo ni lo bcu gsum ma ste/ de'i khrag go /gang yang rung ba'i zhes pa ni bram ze mo dang rgyal rigs mo la sogs pa'i rab tu myos ma mchog de'i khrag kun tu myangs nas bya ba thams cad bsgrub par bya'o/ /sku rdo rje'i rang bzhin nyid kyis dam tshig gi rdzas gsungs pa/ stobs kyis gsang ba zhes pa la sogs pa ste/ stobs ni drag shul gyis bsad par gyur pa'o/ /nag ni dur khrod do/ /de nas thob nas sha chen po ni bza' zhing blang bar bya'o/ /gsal zhing gis phug pa dang steng du bcings nas sbyangs pa dang rma snun pa rnams ni grags pa'o/ /thams cad blangs nas so sor dus gsum du bza' bar bya'o/ /brten zhing zab pa'i rnal 'byor pa ni 'jigs pa med pas bstan pa'o/ /rnam par rtog pa med pas zab pa'o/ /dam tshig gi rdzas 'di rnams kyi 'bras bu'i rim pa gsungs pa/ tshe ring nad med 'gyur ba yin zhes pa'i la sogs pa ste/ nags su stobs kyis bsad pa'i shas tshe ring ba dang nad med par byed pa'o/ /bsang shing gi shas 'dod pa ster ba dang bde ba ster ba'o/ /steng nas bcings pas sangs rgyas dang byang chub sgrub pa'o/ /rma bsnun pas rdo rje bdud rtsi'i tshe dang stobs dang dngos grub kyi 'bras bu rab tu ster ba'o/ /gzhan yang gsung gi rdo rje dang 'brel pa'i dam tshig gi rdzas rnams bstan par bya ba'i phyir gsungs pa/ rdo rje chu zhes pa la sogs pa'o/ /de gang gi rig ma zhes pa la sogs pa'o/ /bdag gi rig ma zhes pa ni rang gi chos kyi chung ma 'am/ sgrub thabs la gnas pa'i zhabs thog pa'i'o/ /bsdu ba'i don ni 'di yin te/ rang gi rig ma'i rdo rje chu dang rnam par snang mdzad cha mnyam par phye mar zhib mor byas nas khrag chen pos yongs su sgrus te tsa na ki'i tshad tsam ril bu byas nas dus gsum du bza' bar bya'o/ /de nas rdo rje chu lag pa ya gcig gis skyor chu bcu zhing btud gar bya zhes pa'o/ /zla phyed tshes bcu bzhi'i dus gsum du shes par bya'o/ /thams cad du ni ma yin zhes pas man ngag go / dam tshig 'di'i 'bras du gsungs pa/ nyi ma re re zhes pa ni las kyi dus su dgongs pa'i tshig yin gyi/ thams cad du ni ma yin par shes par bya'o/ /gang zhig bsgrub par bya zhes pa ni rdzogs nas bza' bar bya ba'o/ /de nas de'i yon tan rnams gsungs pa'o/ /gang zhig de lta bu'i mi de rnams ni rnal 'byor dang bcas shing ldan pa'o/ /de yang thams cad mkhyen zhes pa ni bdag nyid la phan pa dang mi phan pa shes pa'o/ /'dod chags la sogs pa'i skyon dang bral ba dang/ sgrub thabs pa gang zhig zhugs pa des rdo rje bdud rtsi 'grub par 'gyur zhing mngon sum du 'gyur ro/ /rdo rje bdud rtsi'i rgyud 'di'i tshad bstan pa gsungs pa'o/ /rdo rje bdud rtsi'i rgyud 'di zhes pa la sogs pa/ ma zhes pa ni sangs rgyas kyi chos du ma 'bras bu'i tshul gyis 'dir gsungs zhes pas don mang ba 'am bde ba'i gnas kyi don mang ba'o/ /spas pa'i rim bzlog ces pa ni gzhung nyung par gyur pas so/ /sngags kyi theg pa rnams ni rdo rje bdud rtsi'i rgyud sngon du song pa can zhes ston pa'i phyir gsungs pa/ ma lus zhes pa rtsa ba dang phyi ma'i thig le la sogs pa ma lus shing lus pa med pa rnams so/ /rdo rje theg pa ni sngags kyi theg pa rnams so/ /de las byung ba ni thog mar mngon par rdzogs par sangs rgyas bcom ldan 'das kyis 'di bstan no/ /de nas sngags gzhan thams cad ston pa la 'jug ste/ don des na 'di las byung zhes gsungs/ /gang zhig 'dir phyi dang nang dang gsang ba'i rnam pa gang rab tu gsungs pa de yang rgyud gzhan du phyogs gcig tsam ston pas de'i phyir/ 'di las byung ba rdo rje'i theg pa rnams zhes gsungs pa ste bshad pa gnyis pa'o/ /gang gis phyir thog mar gzhung nyung ba la goms par byas na/ phyis gzhung rgya che ba rnams rtogs pa skye ste/ de'i phyir 'di las byung zhes pa ni gzhan no// ji ltar shes shing mdza' ba rnams la yang 'di bstan par mi bya zhes gsungs pa/ brjod ces pa la sogs pa'o/ /de kho na nyid kyis bden pa'i rnal 'byor de yid ches pas ji lta bu zhes pa la/ de gsungs pa shin tu chags pas zhes pa la sogs pa ste/ yang dag par sbyor ba'i sgom pas 'di la shin tu mngon par zhen cing 'dod pa des chags pa ni rnal 'byor rang rjes su mdun par byas pa'o/ /'di nyid gsungs pa nga yis su la yang ma bstan pa zhes pa ste/ skal pa dang ldan pa las gzhan du'o/ /so so'i skye bo bde 'gro rnams kyis mi shes pa dang/ sa la zhugs pa rnams kyis kyang mi shes zhes gsungs pa/ gsang ba 'di zhes pa la sogs pa'o/ /'di zhes pa ni de ma thag pa'i sna tshogs pa rnams so/ /de la gsang ba zhes pa ni gnyis su med pa'o/ /mchog mi thams cad la phul du gyur ba'o/ /dgyes pa zhes pa ni rnal 'byor gyi bsgom pa'i byin gyis brlabs rnams so/ /thams cad bdag nyid ni lus thams cad do/ /nam mkha' i dkyil du bde ba'i rang bzhin gyis gang zhig gnas pa'o/ /byang chub kyi sems zhu ba nyid kyis gzugs med pa nyid do/ /cha dang cha min las rnam par grol ba nyid kyis stong pa'o/ /mi 'gyur ba ni mi phyed ba'i khya ba gzhom du med pa nyid do/ /de ni byang chub sems dpa' sa la rab tu bzhugs bsngags la dbang byed pas kyang rnam par mi shes pa'o/ /yang dag par gyur pa'i yid ches pa med pas sems can chos la rab tu zhugs pa rnams chos la bzod pa bkas gnang nas ston par 'gyur zhes dgongs so/ /rgyud 'di nyid kyi rnam grangs gsungs pa rgyud 'di zhes pa la sogs pa'o/ /rdo rje ni de bzhin gshegs pa ste/ de rnams kyi gtsug tor gyi nor bu rin po cher gyur pa nyid rdo rje gtsug tor nor bur brjod do/ /gnyis pa'i phyogs la don gnyis te/ rtog par byed pa lha thams cad la dbang bskur bas cod pan nor bu rin chen du gyur pa sgom pa dang/ thig ler gyur pa ste/ rgyud 'dir shes par bya'i/ /rgyud phyi ma dang rtsa ba'i rgyud du ni ma yin no/ /zhes pa'o/ /nor bu'i sgras ni thig ler brjod pa dang/ cod pan yang ngo/ /mA ma kI la rgyud gzung ba dang/ bklag pa brjod du gnang ba ste/ zhes pa gsungs pa/ shin tu gsang la zhes zung zhes pa la sogs pa'o/ /gang gi phyir rdo rje gtsug tor nor bu zhes bya ba de'i phyir shin tu gsang la bcang bar bya zhing/ gzhung gi don yang yid la bya'o/ /shin tu gsang ba nyid gsungs pa/ pha dang zhes pa la sogs pa ste/ dam tshig la zhugs pa'i pha dang bu dag la ste/ sangs rgyas dang byang chub sems dpa' dag la yang yid mi brtan te de la man ngag de lta bu dag lta zhog gi /po ti tsam yang mi bstan pa dang/ sgra che bar klag par yang mi bya zhes dgongs pa'o/ /yang gang dag la yid brtan par bya zhes pa la gsungs/ shin tu gsang nas zhes pa la sogs pa ste/ gsang ba'i sngags gsang ba can no/ /mi bstan pa min pa ni brling pa 'jigs pa med pa dpa' bo'o/ /dam tshig mnyam shing nyams su len pa ni brtul zhugs brtan pa'o/ /g.yo sgyu med pa'i sri zhu'i dga' bas bla ma la gus pa'o/ /lha mo grub thabs rjes su gnang ba ster zhes gsungs pa/ 'di zhes pa la sogs pa'o/ /bde ba bsgrub ces pa ni dka' spyod kyi brtul zhugs med pas bde ba bsgrub ste/ 'dod pa'i yon lnga la nye bar longs spyod pas bsgrub par bya/ zhes pa'i don to/ /zhi zhes pa ni bgegs med pa'o/ /gzugs la sogs pa'i yul rnams sbyangs shing bkug nas snying por byas te/ sangs rgyas kyi yon tan rab tu skyed pa nyid kyis snying po'o/ /rnal 'byor spyod pa'i ye shes yang dag par sdud par byed pa 'dis na/ ye shes bsdus pa'o/ /rgyud kyi che ba'i yon tan gsungs pa/ rdo rje bdud rtsi rgyud chen tu/ sgrub po gang zhig dbang bskur ba zhes pa la sogs pa ste/ gang zhig rdo rje bdud rtsi'i rgyud du dbang bskur ba'i tshogs dbang bskur ba'i slob dpon la thams cad der 'ongs nas/ phyogs bcu na rnam par gnas pa'i de bzhin gshegs pa dang bcas pa 'ongs nas kun tu phyag 'tshal bar byed de/ phyag 'tshal nas 'di skad ces smra bar 'gyur te/ khyod nyid sems can thams cad kyi 'khor bsgrol ba gtso bo yin zhes so/ /rdo rje bdud rtsi'i rgyud dam/ man ngag mA ma kI la bstan par bya zhes gsungs pa/ rdo rje bdud rtsi zhes pa la sogs pa'o/ /gter zhes pa ni gter chen po lta bur bzhag pa'o/ /rgyud gcig pu gtad ba ni ma yin te snying po'i man ngag kyang gtad ces gsungs pa/ phra ba zhes pa la sogs pa ste/ rtsa'i bod? stong gi phyir tshad med pa nyid kyi phra ba'i rdo rje can zhes pa ni rdo rje bdud rtsi'i snying po'o/ /b+ha ga ni nam mkha' ste/ gang zhi rnam par gnas pa de ni snying kar yang dag par gnas zhes dgongs so/ /dang por ji ltar bslang ba de bzhin du nye bar sdud par ston pa zhes pa 'dis le'u thams cad kyi nye bar bsdu ba gsungs pa/ 'di skad ces pa la sogs pa ste/ 'di zhes pa ni le'u bcu gcig gi mthar thug pa rnams so/ /bdud rtsi'i rnal 'byor gyi dbang phyug gis bcom ldan 'das so/ /de bzhin gshegs pa thams cad rnam par snang mdzad la sogs pa'o/ /de rnams kyi sku dang gsung dang thugs kyi rdo rje can gang yin pa de ni de bzhin du gsungs so/ /'dis ni rigs gsum gyi bdag nyid bstan to/ /bdud rtsi lnga'i sgrub thabs kyi le'u zhes pa ni le'u'i ming ngo/ /le'u bcu gcig ces pa ni grangs te/ le'u bcu gcig pa'i rgya cher bshad pa'o/ / //rgyud nye bar bsdu ba gsungs pa/ sangs rgyas byang chub rab rtogs pa/ rdo rje bdud rtsi rgyud chen rdzogs/ /zhes pa ste rgyud kyi ming ngo/ /rgyas bshad 'brel ba 'di byas pa/ / bdag gi dge ba gang thob pa/ /des ni sems can ma lus pa/ /rdo rje bdud rtsi'i gnas thob shog /rdo rje bdud rtsi'i rgyud kyi rgyal po rgya cher 'grel pa bdud rtsi 'dzag pa zhes bya ba dngos grub thob pa'i slob dpon chen po b+ha gos mdzad pa rdzogs so// // gzhung gi tshad ni tshigs su bcad pa stong sum brgya yod do/ / //rgya gar gyi mkhan po tA ra pA la dang/ bod kyi lo tsa ba la la chings yon tan 'bar gyis bsgyur cing zhus te gtan la phab pa// //phyis paN+Di ta shI la ku dzha badzra dang/ klog skya shes rab brtsegs kyis bal yul du gtugs te gtan la phab po// // */ (/dpal sangs rgyas thong pa'i rgyud kyi bka' 'grel bzhugs so//) // */ /rgya gar skad du/ sh+rI bud+d+ha ka pA yi tan+ta sya pany+dzI ka dz+nya na pa ti nA ma/

CLOSE WINDOW