CLOSE WINDOW

N1312: sgyu 'phrul chen mo'i dkyil 'khor gyi cho ga bla ma'i zhal snga'i man ngag ces bya ba
བོད་ཡིགe-texts based on the ACIP/ALL Input

/*/ /rgya gar skad du/ gu ru au pa de sha nA ma ma hA mA yA maNaD lo pa yi ka /bod skad du/ sgyu 'phrul chen mo'i dkyil 'khor gyi cho ga bla ma'i zhal snga'i man ngag ces bya ba/ bcom ldan 'das 'jig rten dbang phyug la phyag 'tshal lo/ /rang rig rnam pa yang du 'ong ba'i sku/ /rnam par rtog pa'i 'jug pa ma lus gsal/ /rnam dag rig pa gnyis med sku 'chad pa'i/ /khrag 'thung dpa' bo rdo rje can phyag 'tshal/ /sgyu 'phrul chen mo'i cho ga de'i/ /man ngag legs par rgyun chags pa/ /'dul ba byin gyis legs par ni/ /dkyil 'khor rim pa gsal bar bya/ /rgyud 'dir shin tu zab dang drad ba'i tshig ni phal cher spros pa'i bdag nyid la/ /chags med blo yi nor can rnams kyis kyang ni rigs min bdag la'ang smra nus med/ 'on kyang dpal ldan bla ma'i zhabs kyis legs par gsungs pa phra mo rkos tsam dang/ rdo rje spun gyis gsal ba btab pas bdag gis dran par bya phyir cung zad brjod de la dang por bden pa dang/ dkon mchog dang/ las dang 'bras bu la sogs pa la mngon par yid ches pa dang ldan pa sems can ma lus pa la bu gcig pa ltar byaMs pa/ khams gsum pa'i sems can gyi tshogs kyi sdug bsngal gsum gyi sbyor bas sdug bsngal bar gyur pa la dmigs nas de dag gdon pa'i bsam pas yid rdzogs pa'i byang chub tu byas la/ sbyin p a dang tshul khrims la sogs pa dang ldan pa sgyu 'phrul chen mo nas gsungs pa'i rim pas chu la sogs pa'i rjes su gnang ba dag gis dbang bskur ba 'jig rten gyi chos brgyad kyis ma gos pa'i bsam pa can gsang sngags dang rgyud dang dngos grub shes pas/ me tog dang 'bras bu la sogs pas rgyan pa'i ri 'am/ chu bran dang 'bab chu'i 'gram 'am/ dur khrod la sogs pa'i yid dang mthun pa'i gnas gang yang rung ba 'bab zhig tu/ tho rangs gdong pa rgyud dang dngos grub shes pas/ me tog dang 'bras bu la sogs pas rgyan pa'i ri 'am/ chu bran dang 'bab chu'i 'gram 'am/ dur khrod la sogs pa'i yid dang mthun pa'i gnas gang yang rung ba 'bab zhig tu/ tho rangs gdong pa dag pa la sogs pa bya ste/ stan shin tu 'jam pa la 'dug nas snying khar nyi ma la yi ge hUM bkod la de'i 'od zer las byung ba'i phyi dang nang gi mchod pa rnams kyis/ mdun gyis gnas su bla ma dang sangs rgyas dang byang chub sems dpa' rnams dang/ dkyil 'khor lha lnga'i bdag nyid can gyi 'khor lo can mgon po la yang dag par mchod de/ sdig pa bshags pa dang/ bsod nams la rjes su yi rang ba dang/ gsum la skyabs su 'gro ba la sogs pa dang/ smon lam gdab par byas la/ stong pa nyid bsgom par bya'o/ /aoM shU n+ya tA dz+nyA na badzra swa b+ha ba A ta ma ko haM/ zhes yid kyis gdon par bya'o/ /de ma thag tu nam mkhar mtsho skyes dmar po 'dab ma bzhi pa la gnas pa'i nyi ma la thig le 'phro 'du can lnga gnas pa sngon du bsams la/ de nas yung ces phyogs bcu 'am bzhi'i thig la las byung ba'i mkha' 'gro ma bde ba chen po shin tu dga' ba las chags pa'i gzugs/ byams pa chan po dang/ snying rje dang/ dga' ba dang/ btang snyoms sngon goms pa'i rang bzhin can bzhi gar byed cing glu yid du 'ong ba'i skad snyan pa skul bar byed par bsam mo/ /ha les hi bi ya si ya ka ma la ba po hi au pa dz+nyA a la la la la ho/ ma hA yu kha na/ a ra hi au nre te Na/ ra bi ki ra Ne/ Na pa phul ni li au ka ma lu ma hA su he a la la la la ho/ ma hA su he na a ra hi au ne tya na/ de nas 'gro pa ma lus pa 'khor ba'i sdug bsngal las gdon pa'i bsams pa can/ 'gro ba sgyu ma dang/ rmig rgyu dang/ dri za'i grong khyer lta bu yang dag pa ji lta ba bzhin de kho na'i ngo bor bltas la/ thig le dbus ma las byung ba'i yi ge hUM yongs su gyur pa na ain dra nI la lta bu'i 'od ye shes lnga dang sku gsum gyi bdag nyid mchog tu dga' ba mdzes pa'i zhal bzhi pa/ phyag bzhi pa skul thal pa'i rdul gyis bsgos pa/ 'di'i rtsa ba'i zhal ni lus ltar mthing kha/ g.yas ser rgyab dkar dmar g.yon mer kad ltar 'bar ba spyan gsum pa/ mi'i lpags pa la sogs pa dang/ phyag rgya lngas brgyan pa/ dbus skra dmar ser gyen du 'bar ba nyi ma'i gdan mnga' ba mi bskyod pas dbu brgyan pa'i thod pa'i phreng ba can/ rol pa'i phyag g.yas pa dang cig shos dag gis mda' bzhu bsnams pa/ khrag gis bkang ba'i thod pa dang/ dril bu g.yer kha dang bcas pa kha TwAM gas brel ba dag gis rang gi ngo bo dang gnyis su med pa'i rang snang ba'i sangs rgyas mkha' 'gro ma'i gzugs la 'khyud pa/ 'od zer gyi sgo'i mdza' las byung ba'i thub pa'i dbang po'i tshogs kyis 'gro ba'i bya ba bsgrub pa/ rang rang gi phyogs na gnas pa'i lha mo yis zhal du bltas pas gar gyis goms pas gnas pa'i sbyor bas gar mdzad pa'i snying rje'i stobs su bdag nyid bsam par bya'o/ /gzhan dgad re phyag drug pa yin te sngar bstan pa'i phyag bzhis sngam bzhin du phyag mtshan bzhi bsnams pa/ gzhan dag gis sangs rgyas mkha' 'gro ma la 'khyud pa'o zhes zer te/ rgyud nas phyag bzhi zhes pas phyag gnyis 'khyud pas brel bar bstan pa'i phyir legs par byas pa'o/ /ji skad du dpal gsang ba 'dus par 'dod pa'i rgyal po bzhi par bshad pa lta bu'o zhes so mkha' 'gro ma rnams kyi phyag mtshan la sogs pa brjod par bya ste/ de la shar phyogs su rdo rje mkha' 'gro ma mdog sngon mo/ sngon po dang ser po dang/ dkar dmar dang/ ljang khu'i zhal bzhi dang ldan pa/ sa dang me long lta bu'i ye shes la sogs pa'i ngo bo/ /g.yas pa dag gis rdo rje sngon po dang thod pa 'dzin pa/ g.yon pa dag gis dril bu dang kha TwAM ga 'dzin pa'o/ /lho phyogs su mnyam pa nyid kyi ye shes dang chu'i khams la sogs pa rnam par dag pa rin chen mkha' 'gro ma ser mo phyag g.yas pa dag gis rin po che'i snye ma dang mdung rtse gsum pa 'dzin pa/ phyag g.yon pa dag gis lce spyang gis mgrin pa btsir ba dang/ gdan mchog gzud ba'o/ /kha cig na re lce spyang thod pa na gnas pa 'dzin pa'o zhes pa'o/ /ser po dang sngon po dang/ dmar po dang ljang khu'i zhal can no/ /nub phyogs su pad+ma mkha' 'gro ma/ dkar dmar/ me dang so sor rtog pa la sogs pa'i rang bzhin dkar dmar dang/ gser bzhu ba dang/ sngon po dang/ ljang khu'i zhal bzhis mdzes pa/ g.yas dag na sna tshogs pad+ma'i 'dab ma dang mda''dzin pa'o/ /cig shos dag gis thod pa dang gzhu 'dzin pa'o/ /byang phyogs su sna tshogs mkha' 'gro ma rin po che mar ka ta ltar 'bar ba bya ba grub ba dang rlung la sogs pa rnam par dag pa'i rang bzhin/ ljang khu dang/ ser po dang dkar po dang sngon po'i zhal dang ldan pa g.yas pa dang cig shos dag gis ral gri dang Da ma ru dang zhags pa dang zhag gi bum pa can bsam mo / lha mo thams cad ni zhal bzhi pa ste/ bcom ldan 'das kyi zhal gyi mdog phyogs kyi cha gang gang gi ci 'dra bar phyogs kyi cha de'i bcom ldan 'das ma'i mdog kyang de 'dra ba yin no/ /de ma thag tu yan lag drug dgod par bya ste/ dpral ba dang/ mgul ba dang/ mig dang/ rna ba dang/ sna dang/ snying kha rnams su/ aoM A'khor spyan drangs la/ mchod yon la sogs pa phul te dam tshig gi dkyil 'khor dang lhan cig du bya'o/ /de'i rjes la snying kha na gnas pa'i nyi ma'i dkyil 'khor la gsang sngags kyi yi ge hUM gnas pa'i 'od zer gyis phyogs bcu na bzhugs pa'i mgon po rnams bskul te/ de'i 'od las byung ba'i rig pa chu shel lta bu'i bum pa ye shes kyi bdud rtsis gang ba lag na thogs pa rnams kyis dbang bskur ba dang/ bdag nyid mi bskyod pa cod pan du bsam mo/ /btsun mo rnams la ni/ yang 'dir rim pa bzhin du mgo bor rtag pa dang/ rin chen dbang dang/ snang ba mdza' yas dang/ don yod grub pa rnams bsam mo/ /de nas ting nge 'dzin las byung pa'i lha mo mchod pa dam pas brel ba rnams kyis 'dod pa'i yon tan rnams kyis phyogs bcu na bzhugs pa dkyil 'khor gyi 'khor lo can mgon po bdag nyid he ru ka la legs par mchod de/ mche ba gtsigs shing 'jigs chen po/ /sgyu ma'i me tog phreng bas brgyan/ /sha chen po dag gsol mdzad pa/ /he ru ka la bdag phyag 'tshal/ /zhes bya ba'i bstod pa'i glu rnams kyi bstod par bya'o/ /de ma thag tu rang snang ba dpal sangs rgyas mkha' 'gro ma dmar mo dga' ba la spros pa'i mgo dang/ snying kha dang/ lte ba dang/ gsang ba dang/ brla zur dang/ rkang pa la thug par rim pa bzhin du sa bon/ aoM hUM sa bon a ha rnams kyi rigs lnga'i bdag nyid can dang/ yi ge h+rIyi ge hUM yongs su gyur pa las gsang ba'i rdo rje/ yi ge aoM las sbrul pa'i nor bu/ bu gar phaT bkod la/ byed pa sna tshogs pa las rgyal ba rjes su chags par bya ba brtsam par bya'o/ /rdo rje dang pad+ma'i phaT gyi sgra dag gis bkug pa'i rgyal ba'i tshogs bde bar gnas pa phab pa las zhu ga'i rdo rje'i lam nas byung ba lha mo'i pad+ma'i lte bar lhung ba sems dam pa'i ngo bo/ /lces rnam pa sna tshogs pas phyogs te myangs la mgon po'i lus dang ngag dang sems tshim par bya'o/ /snying khar byung ba bzhi'i rang bzhin pad+ma dmar mo 'dab ma bzhi pa la nyi ma'i dkyil 'khor la gnas pa'i thig le dkar po zla ba'i dkyil 'khor dang kha sbyar ba pad+ma'i rtsa lag gis skud pa dang 'dra ba'i ri mo phyed dang bdun gyi legs par dkris pa ste/ de la rgya mtsho'i chu lta bu blugs pas skyes bu chen po'i mtshan sum cu rtsa gnyis dang/ dpe byad bzang po brgyad bcu sgrub par byed pa dbyangs dang gsal byed rnams nyid ldab tu brgyus pa'o/ /de'i steng gi bug nas sgros? pa'i tshe na me tog ma la ti brgyud pa'i phreng ba lta bu phyung la/ sdud pa'i tshe na de bzhin du gzhug go /yi ge gsum bzlas par bya ste/ rlung 'byung ba nas yi ge gsum yang 'byung zhing 'jug pa nas yang de la/ gnas pa yang thig le dkar po'i dbus gnas pa yin no/ /de ltar ri mo phyed dang bdun la dbyangs dang gsal byed brgyus pa yang 'jug pa dang gnas pa dang 'byung ba sems kyi rgyu ba gzhan du ma song bar bsam mo/ / a oM Ala gzhag la/ sems can mdza' yas pa bsgral ba'i don du smon lam gdab bo/ /rdo rje 'chang gis rnam par bsgoms pa yi/ /stobs las bdag gis dge ba gang byung ba/ /de yis 'gro ba 'di dag myur bar ni/ /snying rje'i stobs kyis lus can du gyur cig / rdo rje 'chang gi rnam pa'i sems 'di 'dra ba gzung ba dang 'dzin pa'i rnam pa dang bral ba'i lus dang ngag gi rang bzhin gyi las gang ci yang rung ba de dag ni phyag rgya dang sngags kyi rnam pa yin no zhes de bzhin gshegs pa rnams kyis gsungs so/ /gzung ba la sogs pa'i rnam pa dang bral ba nyid kyang de'i dus na de la snang ba med pa'i phyir ro/ /'di ltar gang snang ba de kho na yang dag pa'i tha snyad kyi lam la 'dzug pa yin no/ /ji ltar sems yongs su gsal ba'i ngo bo bde bar myong ba de'i dus na sdug bsngal ni ma yin la/ rnam par rig byed nyid kyang thams cad snang ba yin no/ /'di ltar yang bems po rang gsal ba nyid na/ bems po nyid du mi rigs pa'i phyir ro/ /logs pa yin na yang gsal ba mi dmigs pa'i phyir te/ de'i dus na rang gsal ba bzhin mgon po'i rnam pa bde ba chen po'i ngo bo dang rnal 'byor ma la sogs pa'i gzugs su snang ba ma gtogs pa gsal ba'i ngo bo gzhan pa ni med do/ /gal te ka ba'i gsal ba bzhin du rnal 'byor ma rnams kyi snang ba yin no zhe na/ 'di ni tha dad pa med kyang mthong ste/ nam mkha' i rang bzhin lta'o/ / gzhan yang dus mnyams pa na yang cig car dmigs pa'i phyir g.yas dang g.yon gyi rwa lta bu yin na ci gang gi gzung ba 'am 'dzin pa yin/ dus tha dad pa na yang gcig snang ba yin pa na gzhan mi dmigs pa'i phyir na yang gzung ba dang 'dzin pa'i dngos po med do/ /mgu ba dang yid bsad pa la sogs pa nang gi bde ba la sogs pa'i ngo bo dang/ sngon po la sogs pa ni phyi rol gyi gzung ba yin no zhes so/ /brjod par bya ba ni ma yin te mngon sum gyi phyi rol dang nang gi yin no zhes bya bar ni mi nus te/ mngon sum ni rnam par rtog pa med pa'i phyir ro/ /de'i rjes las thob pa'i rnam par rtog pa'i yul dngos po med pa'i phyir ro/ /rjes su dpag pa la khyab pa ma grub po/ /de bas na lnga'i bdag nyid kyi dkyil 'khor gyi 'khor lo'i ye shes de ni gcig nyid dang/ du ma nyid dang/ tha dad pa dang/ dngos po dang/ dngos po med pa la sogs pa'i kun tu rtog pa ma lus pas stong pa'i phyir rnam par rtog pa gzung ba la sogs pa'i rnam pa dang bral ba gang ba'i ngo bo yin no/ /bde ba'i bdag nyis kyis rgyu las skyes pa'i phyir bde ba'i rang bzhin gnyis med par snang ba nyams su myong ba bdag dang bdag gir 'dzin pa'i mtshan nyid 'khor ba dang 'gal ba yongs su nyams pa med pa'i chos yin te/ 'tshe ba med pa yang dag pa'i don gyi rang bzhin yin pa'i phyir/ blo de'i phyogs su 'dzin pas na mngon sum du bya ba yin no/ /'gal ba yang gang dang lhan cig tsam yang dmigs pa de ni shin tu goms pa'i dbang gis gnyen pos rang gi mi mthun pa rtsad nas 'byin pa kho na yin no/ /gang yang shin tu goms pa de bsgom pa'i stobs kyis gsal bar nye bar 'gro ste/ 'dod pa dang mya ngan la sogs khyab pa grub cing rang gi mi mthun phyogs tha mal pa'i nga rgyal dang/ tha mal pa'i rnam pa dag rtsad nas 'don par grub yin no/ /rnam pa med pa'i shes pa ni rmi lam du yang nyams su myong ba ma grub pa'i phyir 'ga' i yang gnyen po nyid ma yin no/ /pha rol tu phyin pa'i tshul gyis lta ba las yang sgyu ma lta bu bdag med pa'i lta ba dang ldan na yang sbyin pa la sogs pa tha mal pa'i rnam par rtog pa'i gnyen pa yin mod kyi de lta na yang tha mal pa'i rnam par mi 'gyur la/ tha mal pa'i rnam par rtog pa dang/ tha mal pa'i rnam pa gnyis ka ni spang bya yin no/ /gal te sbyin pa la sogs pa las longs spyod chen po la sogs pa nyid dang/ sbyin pa la sogs pa'i 'bras bu las skyes bu chen po'i mtshan sum cu rtsa gnyis dang dpe byad bzang po brgyad bcu'i bdag nyid kyi sprul sku 'grub par 'gyur ba yin no zhe na / de dag ni mngon sum dang rjes su dpag pa dag gis las de dang de dag gi 'bras bu nye bar longs spyod pa'i mtshan nyid 'di yin no/ /de dag gis ni skyes bu chen po'i mtshan 'di dag yin no zhes 'grub pa ma yin no/ /yang bsgom pa'i stobs kyis ni dus mnyam par phun sum tshogs pa thams cad la dmigs pa'i mtshan dang dpe byang 'bar ba'i sku dmigs pa dang/ yang dag par rig ba tsam gyi ngo bo dkyil 'khor gyi 'khor lo'i rnam pa'i sems gsal bar snang ba nye bar 'gro ba can ci ste mi 'grub/ /don 'di ni bla ma'i zhal snga nas kyang ngan don gyi skrad du gsungs te/ gzugs sku gang yin sgom byed pa/ ka yi des par byang chub thob pa yin/ /chos sku rgyal ba'i bsam gtan gyis thob na/ /gzugs kyi sku la ci ste bsgom mi byed/ / gal te gzugs sku bsod nams tshogs kyis thob na'ang/ /de yi yun rings dus gzhan dman pa ste/ /'bras bu'i khyad par rgyu yi khyad par las/ /sku gsum dus mnyam par ni snang ba yin zhes so/ /yang na bdag gi gzugs gang dag 'dzin par lhag par sgro btags pa la sogs pa'i rgyu de dag las sbyin pa la sogs pa 'byung ba ni de kho na nyid du bdag med pa dang ldan pa yin mod kyi/ de lta na yang srid pa'i sdug bsngal dang lhan cig 'gal ba med de/ gang gi phyir sbyin pa la sogs yod kyang de tha mal ba'i rang gi ngo bo las byung ba srid pa'i sdug bsngal ldog bar mi 'gyur ro/ /dgongs pa ni 'di yin te/ re shig sems can du lta bas sbyin pa la sogs pa ni tha mal pa'i rnam par rtog pa srid pa'i sdug bsngal dang 'gal bar mi 'gyur te/ bdag med pa'i lta ba kho na dang dngos su 'gal ba yin no/ /de ltar ye shes zhabs kyi zhal snga nas/ /tha mal pa'i rang gi gzugs kyis ni/ /bdag med ldan pa'ang sbyin pa la sogs bas/ /'gal ba dag ni yod min gang gi phyir/ /'di ni bden yang der ni ldog mi 'gyur zhes gsungs so/ /mchog tu dga' ba'i rgyud ni mi 'gyur te/ btang snyoms gyi rang bzhin yin pa'i phyir ro/ / dka' ba brgya phrag gis rten cing 'khrug brdzogs pa'i byang chub kyang skal ba mi nyung bas thob par bya ba yin te/ des na pha rol tu phyin pa'i tshul ni skyes bu mchog gi don gyi lam gyi rgyu legs pa ma yin no/ /dkyil 'khor gyi 'khor lo'i rnam ba'i sems 'di ni dngos po kho nar 'khor ba'i sdug bsngal ma lus ba dang 'gal/ mchog tu dga' ba bde ba tshogs med cing 'de ba'i thabs rgyud pas na rgyu yin te/ 'di kho nar lam gyi bden par rigs pa'i phyir na/ rtog pa dang ldan pas bden par bya ba yin no/ /gal te 'o na de lta na ni sbyin pa la sogs pa 'bras bu med pa nyid yin no/ /zhe na de ni dka' bas brten par bya ba 'gro ba'i don bya kho na dgos pa'o/ /'di ltar yang dang por kho nar 'gro ba'i sdug bsngal n ye bar bya ba'i don du 'gro ba sdug bsngal bar gyur pa la lta ba byang chub kyi sems smon pa dang 'jug pa'i ming can rnams pa gnyis bskyed pa snying rje kho nas rgyu med par mchog tu mnyes gshin pa kho nar 'jug pa ni dgos pas ma yin no/ /des ting nge 'dzin gyi skabs na spro ba dang bsdu ba'i tshul gyis byed cing ting nge 'dzin las langs pa na chos dang zang zing la sogs pa dmigs pa med pa'i sbyor bas byed pas rdzogs pa'i gnas skabs na yid bzhin gyi nor bu'i tshul gyis sbyin pa la sogs pa sems can gyi don byed pa ni dgod pa'i gtso bo yin te/ de bzhin gshegs pa nyid ni zhad la 'byung ba yin no/ /ji srid du tha dad par zhen pa de srid du dge ba bcu'i las kyi lam dang de'i cig shos spang pa dang/ dkyil 'khor la sogs bya ba dang/ mchod rten gyi las la sogs pa la nges par nan tan du bya'o/ /gzhan yang rig pa dang ldan pa'i phyir dang/ skyes bu'i don gtso bo slu ba med par bcom ldan 'das kyis gsungs pa dang 'breg pa'i phyir ro/ /de bzhan du rgyan las kyang/ gal te gnyis med pa brten nas/ /'jig rten pha rol bzlog byed na/ /'di la 'ang gyis shig min zhe na/ /'di zhes bya ba gnyis gnas so/ / gal te gnyis med kyis mgu yod/ /thams cad du ni grol bar 'gyur/ /tha snyad du ni 'jug ce na/ 'jig rten pha rol 'ang soms shig /ces gsungs so/ /bla ma'i zhal snga nas kyang/ ji srid du ni tha dad yod/ sdig pa spang zhing bsod nams tshogs bsag gis shes gsungs so/ /de nas ting nge 'dzin las langs la rang dang gzhan he ru ka'i rnam pa lta bur sems shing/ g.yel ba med pa'i yid kyis bsod nams dang mnyam pa dang bshad pa la sogs pa bya'o/ /mchod ston gyi dus su ni yi ge yo sngon po las byung ba/ zla ba phyed pa'i rnaM brgyal mtshan kyis mtshan pa'i rlung gi dkyil 'khor de'i steng du yi ge raM dmar po las byung ba'i zur gsum pa med dkyil 'khor/ de'i steng du yi ge a yongs su gyur pa las me'i snod de de'i nang du bza' ba la sogs pa'i yi ge hUM gis byin gyis brlabs pa/ 'bar ba dang/ rtogs pa dang gsal ba'i rim pa las/ yi ge aoM gyis ye shes kyi bdud rtsi'i rang bzhin thim pas thabs gcig du byas pa sngags kyis byin gyis brlabs te/ yi ge hUM las byung ba'i rdo rje dkar po bkod pa'i lce dam pa de las byung ba'i 'od zer sbu gu 'dra bas drangs pa'i sbyor bas/ lha'i gzugs rgyal ba'i tshim par bya'o/ /aoM Azhes pas ni bdud rtsi myang ba'i sngags so/ /khrus kyi dus su ni sngar bstan pa'i dbang skur ba'i chog yis bya'o/ /de ltar sna tshogs ba'i snying rje'i stobs kyi rang bzhin du brtag cing de'i phyir gzhan dang gzhan ma yin pa'i rang bzhin yongs su shes na 'ang rnal 'byor pa 'dod pa lnga'i longs spyod kyi srid pa'i nyes pas mi gos so/ /cung zad dbang bskur thob pa yi/ /ma lus pa ni mdzes shes so/ /gang zhig gar byed mthung byed pa /thos pa tsam las sems rmongs pa'o/ /de lta bu'i rdo rje slob dpon mnyam par gzhag pa kun rdzob dang don dam pa'i bden pa gnyis rnam par 'byed pa rigs pa/ rgyud kyi don len pa dang 'chang ba dang ston par nus pas/ slob ma dad pa can phyi dang nang gi yo byad thams cad tshogs pas dpang bskur ba'i don du lan gsum gsol ba btab pa/ rang nyid bcom ldan 'das kyi gnad pas bsam/ /lha so sor yi ge gsum phra re re kho nas bzlas nas sngon du bsnyen pa byas pa/ rang nyid thun bzhir rang gi 'dod pa'i lha'i rnal 'byor pas phyi nang gcig tu sa sbyang ba rab bsgrub pas 'dir bshad pa'i gtor ma sbyin sngon du byas la bgegs bskrad pa'i sngags bzlas shing/ dkyil 'khor bri bar bya ba'i phyir brtsams par bya'o/ /de nas dkyil 'khor gyi khang ba'i don du sa yongs su brtags la/ khyim sa brtag pa'i mtshan nyid bstan pa'i cho ga dang/ mchod yon gyi tshogs khung bu brkos pa dgang ba la sogs pa byas nas/ shing dang rdo dang gseg ma dang/ sol ba bsal pa'i gnas su dkyil 'khor bzhengs par bya'o/ /btung ba dang mnyam par bcag par byas nas/ aoM b+huM khaM zhes bya ba'i sngags kyis nam mkha' i rang bzhin du bltas la hUM laM hUM zhes pas rdo rje'i rang bzhin du byas nas/ aoM me de ni badzri b+ha ba badzra ban d+ha hUM zhes bya bas byin gyis brlab bo/ /zug rdu'i nyes pa thams cad ni/ /gal te dbyung bar mi nus na/ /lag pa gtad de sngags bzlas nas/ /yi ge gsum gyis de erko bya/ yang thog steng dang ba lang lhas/ /gtsug lag khang sogs mtsho 'gram dang sngar ni sbyang byas sa yi char/ sbyad pa la sogs mi bya'o zhes so/ /de nas mtshan mo rang gi 'dod pa'i lha'i rnal 'byor gyis gnas pas sa rdo rje rang bzhin du byin gyis brlabs nas nang gis dag par bya'o/ /de la cho ga 'di yin te/ lo pa ris kyis thig gis btab la/ ji skad du bstan pa'i dkyil 'khor de'i dbus su bsdad de/ he ru ka'i nga rgyal mngon sum du byas la/ sgo skyong ma'i rnal 'byor ma lo bcu gnyis lon pa'i na tshod bzhi/ rdo rje mkha' 'gro ma la sogs pa'i nga rgyal byas la/ rnal 'byor gyi bya ba gcig la goms pa'i lha mo de rnams kyis tshigs su bcad pa re re brjod par bya'o/ /de bzhin gshegs pa kun zhig / de bzhin gshegs pa kun gyi gnas/ /chos kun mchog la yang dag byung/ /dkyil 'khor dam pa bshad du gsol/ /mtshan nyid thams cad yang dag rdzogs/ /mtshan min thams cad rnam spangs pa/ /kun tu bzang po sku yi mchog / dkyil 'khor dam pa bshad du gsol/ /zhi pa'i chos ni mchog las byung/ /ye shes spyod pa rnams spyod pa/ /kun tu bzang po gsung gi mchog /'khor lo sgyur ba dkyil 'khor gsungs/ /sams can kun phyi sems chen po/ /rang bzhin dag pa dri ma med/ /kun tu bzang po thugs kyi mchog /'khor lo sgyur ba dkyil 'khor gsungs/ /de nas bla mas 'khor lo de blo yis nam mkhar bteg la/ 'dod pa'i lha'i sbyor ba khros bas/ /rkad pa'i mthil rdo rje 'bar ba dang/ /rdo rje gsor ba la brtson pa/ /'gyid pa rdo rje goms pa'i gar/ /mche ba gcigs bcas hUM sgrogs pas/ /lus ngag sems la gnas pa yi/ /bgegs kyi tshogs rnams gud nyon cig / da ni dpal ldan rdo rje 'chang/ /bsrung ba'i 'khor lo rab sbyor ba/ /gal te 'ga' zhig 'da' dod na/ /rdo rje 'bar ba'i lus kyis ni/ /lus gsum 'byung ba dag byas te/ /'di ni de gzhom gzhan du min /aoM g+ha g+ha g+ha ta ya g+ha ta ya/ sarbba buSh+Tha na phaT/ kI la ya/ badzra kI la ya/ badzra d+ha ra adz+nya ba ya ta/ kA ya bA ka tsit+ta kI la ya hUM phaT ces brjod la bgegs med par bya ba'i phyir/ smad mdud lta bu la stod bgegs kyi dgras dbus sus ?? rdo rje ra ba'i phyi rol du dbang chen dang me'i dkyil 'khor dag gis phyogs dang mtshams bcing bar byas nas/ sa gzhi do rje'i rang bzhin du byas te/ de nyid du rnal 'byor ma sgo skyong ma bzhi dang lhan cig nyal bar bya'o/ /de dag ni phyi dang bar nang gis 'du ba dang nyi ma dang po la sa yongs su gzung ba yang yin no/ /nyi ma gnyis pa la ni bum pa lnga pa sna tshogs pad+mar nyi ma la gnas pa'i lha mo lnga' mtshan ma dris te/ lhag par gnas par bya'o/ /de dag kyang gser la sogs pa las grub pa'am/ sa'i rang bzhin nag po dang rtsa ba med pa mcu 'phyang ba/ mgrin pa mthob/ /lto ba che ba la shing ha sa ka ra la sogs pa 'bras bu dang bcas shing/ 'dab ma dang ldan pa la/ mgul bar ras zung gis rgyan pa/ mon sran gre'u dang/ til dang/ nas dang/ gro dang/ 'bras so ba zhes bya ba'i 'bru lnga dang/ sa ha dang/ ha sa de ba dang/ sa hi ki ri ka ni ka dang/ kaN Da ka ri dang/ 'bri ha ti zhes bya ba sman lnga dang/ gser dang/ dngul dang mu tig dang/ byu ru dang/ mu men zhes bya ba'i rin po che lnga dang/ de dag dang ldan pa las 'dren pa'i bum pa ni dbus su ste/ go rims ji lta ba bzhin du gzhag la/ de dang de dag tu mchod yon gyi snod du dri chab blugs te/ me tog dkar po cig kyang bcug la/ nye bar mchod pa lngas mchod nas/ rdo rje rtse mo tog gi phreng ba btags te/ rang gi lha'i gzuT can du bsams nas/ yi ge gsum so so la brgya rtsa brgyad mdon par bsngags la/ snod du mchod yon gyi chu blugs par bya'o/ /'di dag ni rab gnas kyi cho gar grags pa'i cho ga'i yang lhag par gnas pa'o/ /yi ge gsum gyis me la sogs pa'i yo byad lhag par gnas pa'o/ /de nas phyi de nyid par dkyil 'khor gyi khang pa'i khyams dang sgo dang/ nye bar zhugs te/ slob dpon gyi mdun du 'dug pa mkhas shing spro ba chen po dang/ byas pa gzo zhing nga rgyal med/ /rigs dang yon tan dang ldan dang/ /gzugs dang kha dog lang tshor ldan/ /bde bar gshegs pa'i sngags bsgrubs la/ /don du gnyen zhing mngon par brtson/ /dge bsnyen ma yin yang dge bsnyen gyi sdom pa phog la spro ba bskyed pa'i phyir brjod do/ /dkyil 'khor gyi cho ga las/ 'khor bzhi char yang rjes su gnang/ /rang gi bslab dang shin tu ldan/ /theg chen la dga' i bdag nyid can/ /kha cig gsang sngags 'grub don gnyer/ /'di na dkyil 'khor 'jug par byed/ /bsod nams 'dod bde las gzhan/ /gzhan dag 'jig rten gzhan don gnyer/ /'jig rten pha rol don gnyer ba'i/ /dang pa mang du byas na ni/ /blo ldan dkyil 'khor 'jug bya yi/ /tshe 'di'i 'bras bu 'dod mi bya/ /tshe 'di 'dod par gyur pa la/ /'jig rten pha rol de bzhin min/ /skyes bu 'jig rten pha rol gnyer/ /tshe 'di'i 'bras bu rgyas pa nyid/ /de nas de dag rang gi lus la bcug ste/ rang gi rdo rje nas byung ba rang gi pad+mar bcug la bton te lan gsum gdon du gzhug go /dga' chen khyod bdag ston pa bas/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo dam tshig de nyid bdag la gsol/ /sangs rgyas chos dang dge 'dun te/ /skyabs gsum dag ni dag la gsol/ /thar pa chen po'i grong mchog tu/ /mgon po bdag ni gzhug par mdzed ces so/ /gsang sngags spyod pa'i cho ga 'di/ /khyod ni tshul chen snod yin te/ /khyod la yang dag bstan par bya/ /dus gsum byung ba'i sangs rgyas rnams/ /sku gsung thugs kyi rdo rje can/ /rdo rje gsang sngags mthu yis ni/ /ye shes mnyam me mad yang dag brnyes/ /gsang sngags sbyor ba mnyam med de/ /shAkya seng ge tshogs mchog gi/ /bdud sde drag po chen po yi/ /dpud chen dag kyang de yis bcom/ /'jig rten rjes 'jug gshegs nas ni/ /'khor lo bskor nas mya ngan 'das/ /de bas kun mkhyen thob bya'i phyir bu yis blo gros 'di gyis shig ces brjod do/ /de dag la skyabs gsum sbyin par bya ste/ lan gsum du 'don du gzhug go /sdig pa bshags pa dang/ bsod nams la rjes su yid rang ba dang byang chub tu sems bskyed par bya ste/ sems dang ngag dang lus rnams la rdo rje dang pad+ma dang de bzhin du 'khor lo ste/ de rnams su hUM Abo dang mgrin par byugs te/ me tog la sogs pa'i rim pas sbyin/ /me tog spyi bor mdun du spos/ /mar me slang yang snying khar dri/ /he ru ka yi rnal 'byor pas/ /'di dag snyoms par 'dzin pas so/ /so shing a sha tha dang au dum par mi 'khyog pa srin bu med pa ma gas pa rma med pa sor bcu gnyis pa/ mthe'u chung tsam rtse mor me tog mdzes pa can sbyin no/ /de yang 'char bcug la ba lang gi lcibs zur la zhi par zu bshi tsam ? byug pa'i sa la mdun du kha shad du bltas/ te ltos pa med par dod par bya'o/ /phyi rol tu lhung na bgegs sna tshogs pas dngos grub med do/ /nang du lhung ba ni zhi ba la sogs pa'i las go bar bya'o/ /de nas ye ge hUM l as byang zhing de nyid bzlas pa'i chu 'thor 'thung gi phyi nas aoM h+rIgsum bsgril mdud pa gsum dang ldan pa rang gi 'dod pa'i lha'i bzlas pa byas lag par bcing la/ /yi ge hUM las skyes pa'i ku shags pa mnyam pa gcig sngas kyi phyir/ gzhan sa bon hUM las skyes pa gdang bar byin la/ rang gi sngags kyi yang dag par bsrungs nas/ /chos bstan pas spro ba bskyed pa'i phyir brjod do/ /'jig rten du ni kun mkhyen rnams/ au dum pa ra'i me tog bzhin/ /brgyal ma na ni res 'ga' zhig /'byung 'gyur yang ni mi 'byung ngo/ /gsang sngags spyod pa'i tshul 'byung ba/ /de bas kyang ni kon pa ste/ /gang gis mnyam med sems can don/ /mya ngan mi 'dar byed par nus/ bskal pa bye ba du ma ru/ /sngon chad sdig pa byas ba gang/ /de kun dkyil 'khor 'di 'dra ba/ /mthong bas zad par 'byung yin na/ /grags pa mdza' yas sngags spyod pa'i/ /tshul la gnas pa smos ci dgos/ /skyob pa'i gsang sngags bzlas nas ni/ /go 'phang ?? med par 'gyur/ /gang dag spyod pa mchog 'di la/ /blo gros shin tu mi g.yo ba/ /de ngag ni ngan 'gro dag /sdug bsngal kun 'byung bcad pa yin/ /bdag nyid chen po khyed rnams kyis/ /rnyed pa mnyam med de ring rnyed/ /gang phyir gyal ba'i sras bcas pa/ /bdag nyid chen po kun gyis ni/ /bstan pa 'di la khyed rnams kun/ /yongs su gzung skye bzhin bar gnas/ /de phyir khyed rnams theg chen rnams/ /legs pa nyid du skye bar 'gyur/ /theg pa chen po char 'byung ba'i/ /lam tshogs 'di ni dpal dang ldan/ /khyed rnams der ni dong bas na/ /rang byung skal pa chen po pa/ /'jig rten thams cad mkhyen pa yi/ /de bzhin gshegs pa rnams su 'gyur/ /zhes so/ slob ma slob dpon nyid don gnyer/ /'khor los mi ldog dbang bskur ba/ /gsal nas mgon po bdag la ni/ /'khor lo'i lha ni de nyid dang/ /slob dpon gyis ni las rnams dang/ /sangs rgyas kun gyis dam tshig dang/ /sdom dang gsang ba dam pa dag /sems can kun gyi don gyi phyir/ /rtag tu slob dpon bdag gyur gsungs/ /shes so/ /khyad par gyi sdom pa nyan du bcug la/ /rmi lam du gang cung zad mthong ba nad pa rang la spros shig /ces brjod do/ /khyim gzhan du seng ge'i nyal thabs su nyal du gzhug go/ de dag ni slob ma lhag pa dag nas pa 'od nas bla ma dkyil 'khor gyi khang par slob dpon rnal 'byor ma bzhi dang lhan cig tu gzhugs te/ phyogs su phur bus btab nas/ /rdo rje ra ba'i phyi rol tu dbang chen dang/ raM las mo'i dkyil 'khor gyi phyogs dang mtshams bcing bar byas la sa'i lha mo la mchod de/ skyob pa sangs rgyas thams cad kyi/ /spyod pa'i tshul dang khyad pa dang/ /sa dang pha rol phyin pa la/ /lha mo khyod ni dbang du gyur/ /shA kya seng ge skyob pa yis/ /'ji ltar bdud kyi sde bcom pa/ /de bzhin bdag gis bdud kyi stobs/ /pham par byas te dkyil 'khor bri zhes brjod do/ /de dag ni sa lhag par gnas pa'o/ /de nas nam mkhar bzhugs su gsol ba'i 'khor lo blo yis spyan drangs la bdud rtsi lnga nye bar byugs pa'i dkyil 'khor lnga rnams su rang ji lta ba bzhin bcug nas legs par mchod do/ /mche ba gtsigs pa zhes bya ba la sogs pa'i tshigs su bcad bas yang dag par bstod nas bdud rtsi lnga dbu lo/ /pus mo g.yas pa phab la lag tu bdug spos kyi snod thogs te lan gsum brjod par bya ste/ bcom ldan khrag 'thung chen po mchog /rigs sngags rgyal khyod phyag 'tshal lo/ /thugs rje'i bdag nyid dkyil 'khor ni/ /mgon po bri bar 'tshal lags na/ /slob ma rnams la brtse ba dang/ /khyed rnams la yang mchod pa'i phyir/ /bcom ldan bdag ni gus pa la/ /de ni bka' drin mdzad par rigs/ /'gro ba'i 'khor lo bya rdon gsol/ /sangs rgyas rnams ni bdag la dgongs/ /byang chub sems dpa' 'bras gnas dang/ /gang gzhan gsang sngags lha rnams dang/ /'byung po rdzogs byang la gnas dang/ /yang dag rdo rje'i spyan mnga' ba'i/ / bstan pa la mngon dga' ba kun/ /bdag ni che ge mo rdo rje/ /dpal ldan khrag 'thung dkyil 'khor ni/ /ji ltar nus pa'i yo byad kyis/ /'gro ba'i don phyir bris lags na/ /thugs brtse bar ni dgongs nas su/ /deng bdag slob mar bcas pa la/ /dkyil 'khor lhan cig gyur pa kun/ /nye ba ru ni mdzad par rigs shes so/ /de dag ni 'khor lo'i dbang po lhag par gnas pa dang/ sangs rgyas dang byang chub sems dpa' rnams lhag par gnas pa'o/ gal te rab tu gnas par bya ba'i lha yod par gyur na/ lha'i bkra shis kyi tshig su bcad pa rnams kyi phyi dang nang gi dbang bskur ba sbyin pa sngon du song bas/ de la yang tshigs su bcad pa 'di nyid gdon pa sngon du 'gro ba'i rab gnas kyi tshig las bstan pa'i rim pa las lhag par gnas par bya'o/ /'di ni rab tu gnas par bya ba'i lha lhag par gnas pa'o/ /de nas thig skud kha dog lnga bdud rtsi lngas brlab pa snod lngar gzhag pa dkyil 'khor gyi 'khor lo lnga'i bdag nyid dbus rgyan du bzhugs pa'i rtag pa la sogs pa'i ngo bo nyid rnams la nam mkhar bzhugs pa'i thugs kar gnas pa de dag gi kha dog can gyi 'od zer gyi thag skud bltas la/ aoM me pra yats+tsha shwa shwa ta sU traM swA tsa krA sU tra NA hUM zhes brtag pa'i gnas su rin chen 'byung ldan la sogs pa yang sbyar te/ gsol ba gdab pa dang/ de rnams kyis btang ba rab tu g.yo zhing 'bar ba'i mig gi rdzims 'dren pa'i 'bar ba'i ltabs bkug la gcig tu gyas te/ aoM An+yo n+yA nu ga tA marba d+harma hUM/ aoM Ama rang gi 'dod pa'i rnal 'byor pa/ thig skud 'dzin cing rdo rje dril bu 'dzin pa dang lhan cig du bla ma rdo rje dang sarbba dril bu 'chang bas ye shes kyi thig skud g.yon pa'i rdo rje'i khu chur gyis gzung ste/ dza zhes bya ba gsum gyis slob ma la btad la/ /slob ma kyang dza dza dza zhes brjod cing 'go bas song ste/ lte ba'i phyogs su go zhag la/ gnam thig gdab bo/ de bzhin du 'og gi thig kyang gdab po/ /aoM brdzas sa ma ya sU traM ma ti ma hUM/ thig gi sgras sems can gyi don gyi phyir de bzhin gshegs pa rnams bskul bar bya'o/ /bla ma nub kyi sgor gnas te/ shar du kha bltas la tshangs thig gdab bo/ /de nas g.yas bskor du 'gro bas song bas lho'i sgor gnas te/ byang du kha bltas la tshangs thig gnyis pa'o/ /de nas de bzhin du sod nas me'i phyogs kyi grwar gnas te/ byang du kha bltas la/ shar phyogs kyi thig go/ de nas de bzhin du song nas rlung gi phyogs kyis grwar gnas te/ lhor kha bltas la nub phyogs kyi thig go / de nyid du gnas te/ shar du gdong bltas la byang phyogs kyi thig go /de nas de bzhin du song ste me'i phyogs kyi grwar gnas te/ nub du gdod bltas la lho phyogs kyi thig go de nyid du gnas te rlung gi phyogs kyi grwar mdon du phyogs pas grwar thig go / de nas de bzhin du song nas bden bral gyi phyogs kyi grwar gnas te/ dbang ldan gyi phyogs su gdod bltas pas grwa'i thig gdab bo/ /slob ma g.yas bskor gyis rim pas song nas bla ma la kha bltas la de dang der bsngad do/ /gal te thig 'debs ba su yang med na ni de'i tshe grogs med pas rang nyid kyi phung bu la brtags la de bzhin du thig gdab bo/ /de nas thig skud nyid lta ba byas la/ /dbang ldan gyi phyogs nas bcams te khor yug gi gdab bo/ /mtshan min pas ni dngos mi 'gyur/ /thig skud chad na bla ma 'chi lhag chad las kyi nad du 'gyur/ /phyogs rmongs slob ma rnam par 'khor/ /zur bzhi ba la sgo bzhi ba/ /rtabs bzhi yis mdzes pa ste/ do shal do shal phyed pas spras/ /dar dang me tog phreng bas brgyan/ /steg bu la brten gzungs kyis tshogs/ /mchod pa rnams kyis 'brel ba ste/ /grwa yi cha ni thams cad dang/ sgo khyud kyi ni mtshams rnams su/ /rdo rje rin chen rnams kyis brgyan/ /rlung gis bskyod pa dril bu bcas/ /ba dan rnams kyi phyi yi grwar/ /phyi yi dkyil 'khor thig gdab po/ /de yi nang du pad+ma ni/ /'dab ma brgyad pas nye bar mdzes/ /snying po go sar dad ldan pa/ /phyi yi 'khor lo'i phyed du ni/ /zhes bya ba la sogs pa sbyar bar de dag ni ye shes kyi thig tu bya ba dang gdab pa'o/ /de bzhin du rin po che las byung ba'am/ /lcags lngas las byung ba'am/ khams las byung ba'am/ /yang na 'bras sA lu las byung ba'am/ /dmar pos phag tshos pa'ang rud/ /sol ba la byas dge ba ste/ /de ltar sbyar ba'i rdul tshon lnga/ /snod lngar gzhag pa la rtag pa sogs pa bkod de ye shes kyi rdul tshon de bzhin du bkug nas gzi bskyed la/ /aoM badzra tsi tra sa ma ya hUM zhes pa 'des bla mas mngon par bstags nas 'khor lo'i nang du 'dug la/ shar du kha bltas te/ dbang ldan gyi grwa nas g.yas bskor gyi rim pas rdo rje khu tshur g.yon pas so sar thugs rje'i stobs kyis nga rgyal dang ldan pas bgegs 'jil bar byed cing rdul tshon dgye bar bya'o/ /phyi nas sgrub pa'i grogs mchog gis bya'o/ /dkar po ser po de bzhin dmar/ /ljang khu dang ni nag po nyid/ /mnyam zhing g.yas bskor yo min dang/ /mchad par ni ri mo dgye/ /spom par gyur na nang du 'gyur/ /phra mo yis ni nor 'joms te/ /yon pos rnam sdad chad pa yis/ /bla ma dag dang slob ma 'chi/ / shar phyogs su ni dkar po che/ /lhor ni ser po snang ba ste/ /nub kyi cha ni dmar po'o/ /byang ni ljang khu yang dag ldan/ /dbus kyis gzhi'i cha de ni ain dra ni la mtshungs pa'i 'od/ /'di dag ni tshon gyis rim pa ste/ rnal 'byor ma rnams ni rtag pa la sogs pa'i ngo bo yin pa'i phyir dang/ 'dren pa mi bskyod pa'i rang bzhin yin pa'i phyir ro/ /sngar bstan pa'i mdog dang mtshon cha 'dzin pa/ /sngar bstan sna tshogs pa 'bar ba/ ang bstan pa yi gnas rnams su/ /lha lnga po dag mkhas pas bri'o/ /yang na gzhan dag na re/ rang gi bla ma'i rim pa gsal bar byas pas dbus dang phyogs bzhir shin tu gsal bar bya ba'i mtshan ma dgod pa yin no zhes zer te/ de bzhin du 'dab ma brgyad kyis bskor ba'i chu skyes mtshungs pa med pa la/ phyogs rnams ni dmar po/ mtshams rnams ni ji ltar mdzes pas spras pa'o/ /phyogs kyis 'dab mar rdo rje nor bu'i snye ma dang/ sna tshogs pad+ma des 'bar ba'i ral gri ste/ lte bar pad+ma'i snod ni 'od tshogs pa dag tu 'di ni bri ba'i dkyil 'khor cho gas bri bar bya/ nyi ma gsum pa la mtshan ma dgod pa la sogs brdul tshon dgye bar grub pa dang/ thugs rje'i stobs rnal 'byor gyis zhugs la/ bskor ba byed cing chad pa dang lhag pa'i nyes pa zhi bar bya ba'i phyir bltas la/ rgyas pa'i yang rung ste sbyin sreg bya'o/ /gser ram zangs las grub pa'i 'am ni mchod sbyin gyi shing las byas pa'i dgang gzar te de'i dbyug pa ni skyes bu tshad dang ldan pa'i mthe bo'i sor nyi shu rtsa bzhi pa chad sa gzung bar rung ba/ de'i steng du sor bzhi ba'i kha zur bzhi ba'i sor gnyis dam 'bar srungs pa/ rdo rje rtse lnga pa sor gnyis pas byin gyis brlabs pa/ ro 'bab pa'i ba gar sor gcig tsam 'am/ mthe'u chud tsam ste/ de'i ste du pad+ma'i rnam pa tshur sor brgyad pha zhed du thad dkar song bzhi pa/ sor gnyis brkos pas rdo rje rtse gsum pa song bzhi pa can/ /dbyug pa'i 'og tu rdo rje rin po che sor drug pa can no/ /blugs gzar ni khru gang tsam pa kha pad+ma'i lo ma lta bu rgyar sor gnyis pa la/ sor gcig dma' bar brus pa'i dbus su rdo rje rtse lnga pa/ /sor cig tsam yod pa dbyug pa'i 'og tu rdo rje rin po che can no/ /sar mo lnga yi sbyor bas kyang dgang gzar blugs gzar bya zhing/ sor mo gsum gtsar bas sreg blugs gcig bya'o/ /dkyil 'khor gyi khang pa'i shar phyogs su zhi ba'i thab khung dang/ dbang gi thab khung bya'o/ /lhor rgyas pa dang/ nub du dgug pa dang/ byang du brag shul spyod pa'i thar khung bya'o/ /las thams cad pa'i thab khung ni rgyar khru gang tsam/ khru phyer brus pa zlum po pad+ma rgyas pa lta bu'i rnam pa/ kha khyer can phyi rol rdo rje'i phreng bas bskor ba/ de'i nang du rim pa bzhin du thod pa dang rdo rje dang rin po che dang/ sna tshogs pad+ma dang/ ral gri byin gyis brlab pa/ bdud rtsi lnga 'am/ snub tshan nam/ pa'i mar ram/ las dang rjes su mthun pa'i sbrang rtsi dang bdud rtsir bcas pa'i yaM shing dang/ til dang sA lu dang/ zan dang/ nas dang/ 'o ma dang/ zho dang/ 'bras yos dang/ ku sha sngon po dang/ dur ba dang/ tsU da'i lo ma dang tsan dan gyi phye ma dang/ me tog pri yang ku dang/ me tog dkar po dang/ se 'bru dang dri zhim po dang ldan pa dang/ ji ltar nus pa'i sreg rdzas rnams so/ /de la yaM shing ni ba lang sha dang/ au dum bar dang/ gasmi ri dang/ a shwa ta tha dang/ kak+Sha dang/ shi mi dang/ n+ya gro b+ha la sogs pa 'o ma can gyi shing las byung ba/ rlon ba mnyam par bcad pa/ mtho gang tsam 'am/ mthe'u chung tsam rtse mo'i cha las byung ba/ sbrang rtsi dang 'o mar rtse mo gnyis byugs la/ bsreg par bya ba yin no/ /rnyings pa dang/ gas pa dang/ khong stong dang/ chag pa dang/ shan pa med pa dang/ thung ba dang/ yo ba dang/ rtse mo kha brag pa dang/ 'phras pa dang/ sbom pa dang/ ring ba dang/ srin bus zos pa dang/ srog chags dang bcas pa nyid ni dor bar bya ba yin no/ /bud shing ni 'o ma can gyi shing de dag nyid srog chags med pa'am/ dgon pa'i ba lang gi lci ba skam po yin te/ thab khung bas dma' ba' o/ /zhi ba dang rgyas pa dang/ dbang gi las la 'o ma can gyi shing gtsubs pa las byung ba'i me 'am/ rgyun zhag gi me 'am/ dge 'dun gyi tshang mang nas kyi me ni zhi ba dang/ rgyas pa'i las la'o/ /rgyas pa la ni rgyal po 'am zhang blon gyi khyim nas byung ba'am/ nags tshig pa'am/ dge 'dun gyi'o/ /dbang la ni rje'u rigs dang/ rje'u rigs min pa'i khyim nas byung ba'o/ /dbug pa la ni gar mkhan dang/ slongs mo ba'i khyim gyi'o/ /ma rungs pa la ni dur khrod kyi rus pa dang/ rngo ba dang/ gtum po la sogs pa'i khyim nas byung ba'o/ /mchod yon gyi snod ni gser ram dngul lam/ /zangs sam/ rdo 'am/ shing dam/ sa'i rang bzhin du/ dung dam/ nya phyis sam/ /lo ma skyong ba'ang rung ste/ me tog dang/ til dang/ ku sha dang/ 'bras yos dang ldan pa'i dri zhim pa'i chu can no/ / zhi ba la sogs pa'i las dang rjes su mthun par lha'i nga rgyal/ de dang mthun par byas shing brgyan la/ las de la bstan pa'i phyogs su kha blta ba dang/ de la brjod pa'i ston la sogs pa'i byed brag dang/ rdo rje slob dpon gyi g.yon phyogs su mchod yon la sogs pa bkod de/ g.yas su las dang mthun pa'i sreg bya la sogs pa'i yo byad thams cad gzhag pa/ lhag pa'i bsam pa de dang/ de bzhin du byas te/ rdzas de dag bsregs pa sngon du 'gro bas de dad de'i las bya'o/ /de la dbus su pad+mar gnas pa'i sa bon hUM las byung ba'i rdo rje me'i snying khar raM dang bcas pa'i sum mdo'i ris can gyis mtshan pa/ phyag drug pa ser po/ ser po dang sngon po dang/ dkar po'i zhal gsum pa/ rtsa ba'i phyag dag gis shes rab ma la 'khyud pa/ phyag g.yas pa dang/ cig shos gzhan dag gi mi 'jigs pa dang/ phreng ba dang/ /thag gu dang/ nga byug pa 'dzin pa dang/ ye shes kyi cho ga bzhin du spyan drangs pa la sogs pa sngon du 'gro ba can bsam la sbyin sreg bya'o/ /dgang gzar dang blugs gzar gyi kha la 'dod pa'i lha yi sa bon rab tu 'bar ba bsams te byin za'i zhal du yang yi ger dkod la dgang blugs 'bul lo/ /de'i snying khar yang lha'i 'khor lo bsams nas bdud rtsi'i bdag nyid can gyi gtor ma rnams kyis tshim par bya'o/ /aoM a ka na ye swAhA/ zhes pa ni yaM shed bsregs pa thams cad dang mar gyi'o/ /aoM sarbba pA paM da ha na badzra ya sarbba pA paM dA ha swAhA til gyi'o/ /aoM badzra A yu She swAhA/ dur ba'i'o/ /aoM badzra puSh+Ta ye swAhA/ 'bras thug po che ma gas pa'i 'o/ /aoM badzra saM ba de swAhA/ zhes pa ni yaM sheng bsregs pa thams cad dang mar gyi'o/ /aoM sarbba pA paM da ha na badzra ya sarbba paM da ha swAhA til gyi'o/ /aoM badzra A yu She swAhA/ dur ba'i'o/ /aoM badzra puSh+Ta ye swAhA/ 'bras thug po che ma gas pa'i 'o/ /aoM badzra saM ba de swAhA zho zan gyi'o/ /aoM a pra ti tha ta badzra ya swAhA/ ku sha'i 'o/ /rgyas pa'i mdza' mar yi ge aoM bskul ba dad ldan pa'o/ /zhi ba'i mthar ye ge swAhA bskul ba dang ldan pa'o/ /dbang la ni yi ge ha'o/ /dgug pa la ni yi ge dza'o/ /dbye ba la ni yi ge hUM ngo/ /dgar ba li ni ye ge hUM ngo/ /drag shul spyod pa la yi ge phaT te/ 'on kyang bskul ba 'ang brjod par bya ste/ rim pa 'dis lha thams cad tshim par bya'o/ /'bar ba'i mtshan ma rnams rtag par bya ste/ dbang po gzhu 'dra ba kha dog dkar ba dang/ byu ru bcag pa lta bu dang/ /g.yas su 'khyil zhing shin tu snum/ ldam bu chu shel mchung sa? pa'i 'od/ /leb rgan ci 'dra mar gyi ni/ /sreg blugs blugs gzar rnams dang/ rdo rje rtse gsum dang/ mdung dang/ pad+ma dang/ nya dang/ dpal pe'u dang/ rnga yab dang/ rgyal mtshan dang/ gdug la sogs pa dang/ bum pa dang/ g.yung drung gi rnam pa 'byung ba dang/ pi wang dang/ rdza rnga zab pa dang/ dri zhim pa dang/ shin tu yid 'phrogs pa dang/ ge gsar dang/ rdul ltar snang ba dang/ du ba med pa dang/ 'bar ba dang/ nyi ma ltar snad ba dri ma med ba ste/ de dag la sogs pa 'bar ba'i mtshan nyid dge ba rnams shes par bya'o/ /mtshan ma med pa ni dpal he ru ka'i rnal 'byor nyid kyi man ngag ji lta bar bgegs med par bya'o/ /mthar ni dgang blugs phul la gsang gtor dang/ 'thor 'thung dang/ mchod yon dbul ba sngon du bya bas legs par mchod de/ yang dag dag par bstod la/ gshegs su gsol bar bya'o/ /sreg rdzas lhag mar slar yang me la sbyin sreg bya'o/ /yong srid na zhi ba la sogs pa don du gnyer ba'i skye bo de g.yon logs su gzhag la/ de'i mthe bong g.yas pa gzung la g.yas su bskor ba'i tshul gyis byur bsal ba sngon du byas nas che ge mo la zhi bar gyis shig ces bya ba la sogs ba'i bskul tshig dang ldan pas bdun phrag gsum sreg blugs phul nas/ de nas yon blangs la me lha yang gshegs su gsol bar bya'o/ /de'i rjes la rnam par rgyal ba'i bum pa shar ngos su gzhag ste/ de'i steng du bum pa thams cad nas chu cud zad blugs pa'i pad+ma'i snod sa ha ka ri lo 'dab dang ldan pa zhig chu'i dbang bskur ba'i don du gzhag go /de dang nye ba man ngag bzhin la sogs pa la gnas pa'i pad+ma ban d+ha gzhag bdud rtsi lnga dang ldan pa zhig bdud rtsi btung ba'i don du'o/ /sna tshogs mkha' 'gro ma'i bum pa yang 'jug par 'dod pa rnams kyi g.yas logs su dkyil 'khor gyi khang pa'i sgo dang nye bar rtswa ku sha'i tshun po dang ldan pa zhig gsang gtor byi don du bzhag go / bum pa gzhan dag ni ji ltar mdzes pa'o/ /slob dpon gyis gdan yang sgo dang nye bar gding ngo/ /de nas man ngag ji lta ba bzhin dkyil 'khor bsgrub par byas nas bla na yod pa la sogs pa'i mchod pa'i mthar/ /mgon bos dngos grub thams cad yod par mdzod cig ces gsol ba gdab bo/ /de'i rjes su phyi rol du byung ste/ 'dir 'chad pa'i gtor ma sbyin nas/ bla ma slob ma bzhin du blos zhugs la dbang bskur ba la sogs pa dang/ so sor phyag btsal ba la sogs pa byas te/ bdag ni slob dpon du gyur nas thams cad bya'o zhes rang gi blos mos par bya'o/ /de kho na nyid dang 'khor lo yang gzugs brnyan ltar chos nyid kyis shes par byas nas gdon te nam mkha' las byung mtshan b+han? phyir/ thog ma tha ma med pa'i mchog /sems dpa' rdo rje che rang bzhin/ /he ru ka dang bdag grub mdzod/ /kun mchog dngos grub chen po ste/ /dpang phyug chen po lhag pa'i lha/ /rdo rje 'dzin pa kun bya rkyel/ /mi 'gyur mchog tu bdag grub mdzod/ /nyes pa mi mnga' rtag pa khyod /'dod chags kun gyi rjes chags pa/ /'dod chags chen po dga' ba che/ /bcom ldan de nyid kyis grub mdzod/ /shin tu dag pa kun gyi mchog / gzod nas grol ba de bzhin gshegs/ /kun tu bzang po kun bdag nyid/ /byang chub sems dpar bdag grub mdzod/ /kun mchog dngos grub chen po ste/ dbang phyug chen po phyag rgya mchog /grub pa'i rdo rje cher bstod pa/ /rdo rje snyems bdag bdag mdzod cig / sems can kun gyi yid khyab pas/ sems can kun gyi yab nyid de/ /dam tshig chog gi 'dod pa yin/ /bde ba gang gi ye shes mchog /shes rab thabs kyi dkyil 'khor yin/ /bden pa de yis bdag la mgon/ /khyed kyi 'dod pa yongs rdzogs mdzod/ /chos rnams gzugs brnyan lta bu ste/ dag cing gsal la rnyog pa med/ /gzung du med cing brjod du med/ /rgyu dang las las kun tu 'byung/ /de bzhin kho na nyid las skyes/ /bden pa 'di yis dkyil 'khor du/ /gzugs brnyan gsal bar slob ma ni/ /kun gyi dri med mthong bar shog /de nas slob ma mchod par 'os pa yis/ /cha byang can phyi rol du g.yogs dmar pos bcings la/ me tog gcig tu dkar ba thal mos gzung la/ skyes bu mkhas pas khrid de yol ba gnyis kyis bar du bcug la/ bla mas hUM zhes pas yol ba'i bla nas bteg la/ ku shi'i chun pa chus bsangs la/ sdug pa khyod su yin zhes dri bar bya'o/ /sdug pa ngan bu ni skab pa bzang po pa yin no zhes bzod pa dang ldan pa legs par mchod de dkyil 'khor gyi khang par gzhug par bya'o/ /aoM sarba yo ga rtsit+ta aud pa ta ya mi zhes bya bas byang chub dam par sems skyed du bcug nas/ de'i snying khar sa bon las rdo rje ste/ brjod par bya'o/ /su ra ta sa ma ya stwaM ho sid+d+hi badzra ya shA su khaM/ deng khyod de bzhin gshegs pa thams cad kyi byin gyis brlabs par 'gyur gyis/ de bzhin gshegs pa thams cad kyis mchog tu gsang ba 'di dkyil 'khor du ma zhugs pa rnams la smra bar mi bya'o/ /ma dad par yang ma byed cig /dzaslob bkug nas bcug ste / de la a khaM bi ra hUM zhes gdong bcing bcug nas dkyil 'khor gyi sgor khri'i steng du gzhag la/ deng khyod de bzhin gshegs pa thams cad kyi rigs su zhugs kyis/ ngas khyod la ye shes gang gis de bzhin gshegs pa thams cad kyi dngos grub kyang thob na/ dngos grub gzhan lta ci dgos/ /de lta bu'i rdo rje'i ye shes bskyed par bya yis/ khyod kyis dkyil 'khor ma mthong ba'i mdun du ma smra zhig /khyod rang gi dam tshig nyams par 'gyur ta re/ zhes brjod do/ /de'i snying khar rdo rje gzhag la/ rdo rje sems dpa' rang nyid ni/ /de ring khyod kyi snying la zhugs/ /gal te tshul 'di smras na ni/ /de ma thag tu dral te gshegs/ /pad+ma'i snod na bdud rtsi lnga srin lag dang mthe bos de'i khar byin nas/ 'di ni khyod kyis dmyal ba'i chu/ /dam tshig 'das na sreg par byed/ /dam tshig bsrungs las dngos grub ste/ /rdo rje bdud rtsi'i chu 'thungs shig /aoM badzrod ka Tha zhes brjod la 'thung du gzhug go /slob ma'i dam bca' brtag par bya ba'i phyir 'di skad do/ /de nas brtsams te khyod kyi phyag na rdo rje nga yin gyis/ ngas 'di byos shig ces bsgo ba gang yin pa de khyod kyi bya dgos so/ /khyod nga la brnyas par ma byed cig /khyod yang ba ma spangs par dus byas nas sems can dmyal bar gyur ta re/ de nas de bzhin gshegs pa thams cad kyis kyang byin gyis brlabs du gsol/ rdo rje sems dpa' bdag la dbab du gsol/ zhes smar gzhug go /slob ma'i lus dang ngag dang yid la chu dang rlung dang sa la ha a hUM rkang mthil du yang yi ge dzdze zhes brjod cing bsams nas/ rlung dang me dang sa 'khor lor song ste/ rlung gi me'i 'khor lo spar ba dang/ yi ge dzdze'i 'od zer rnams slob ma rdul phra rab rnams la bzhugs pas dbab pas bya ste/ a be sha ya sto ba ya ra ra ra ra tsa la ya tsa la ya hUM ha a dzdzai zhes bshad cing 'gying ba dang bcas pas dril bu dkrol lo/ /sgo skyong ma bzhi dril bu dkol ba la gzhol bas don gzhug go /'bas par gyur na de'i lce la yi ge dmar po can nyid kyi 'od dpag tu med pa bsams nas/ rdo rje dge ba dang mi dge ba smros shig ces brjod do/ /bsam ba brtan bar bya ba'i phyir taSh+Thi badzra zhes bya bas nye bar bsdu bar bya'o/ /dbab pa'i cho ga'o/ p ra tIts+tsha badzra ho kama hA ba la zhes brjod cing bdags par bya'o/ /rigs gang du me tog de lhung ba de'i rnal 'byor sbyin par bya ba'am/ 'dod pa'i khyad par gyis rnal 'byor gyi sbyin par bya'o/ /'di dag ni rgyud gzhan nas gsungs pa'i phreng ba'i dbang bskur ba yin no/ /de'i mig gnyis la yi ge aoM bsams la/ rdo rje sems dpa' deng khyod kyis/ /cig 'byed par ni brtson par bya/ /mig ni thams cad 'byed mdzad de/ /rdo rje'i mig ni bla na med/ /ces brjod cing gdong g.yogs dkrol nas/ /rim gyis bcom ldan 'das kyis dkyil 'khor gyi 'khor lo can bstan par bya'o/ /de nas ni slob ma gzhug pa'i cho ga'o/ /de nyid du khri la mngon par phyogs par skyil krud du 'dug tu bcug la/ s ngar bstan pa'i rnam pa rgyal ba'i steng du gzhag ba'i mchod yon gyi snod nas lo 'dab gyis blangs pa'i chus slob ma 'dod pa'i lhar bsgoms pa'i rnal 'byor pa'i mgo bor badzra a b+hi Shiny+tsa zhes dag tu brjod cing gtor bar bya'o/ /'di ni chu'i dbang bskur ba'i cho ga'o/ /ras la sogs pa la cod pan byas te/ de'i rigs kyi dbang pos mtshan par bsams la/ de'i mgor bor bskon no/ /cod pan gyi dbang bskur ba'o/ /cod pan nyid la brjod par gyur pa gzhan dag bya ste/ de'i snying khar rdo rje legs par gzhag la/ sangs rgyas rdo rje'i dbang bskur bas/ /de ring khyod la dbang bskur 'gyur/ /sangs rgyas thams cad rab bsgrub phyir/ /rdo rje 'di de khyod kyis long zhes brjod cing lag pa g.yas pas 'dzin du gzhug go /de dag ni rdo rje dbang bskur ba'o/ /rang gi bdag po'i rnal 'byor pas/ de'i brang du de nyid kyi rdo rje dang/ /dril bu 'dzin pa'i lag pas gnyis bor bzhag la/ aoM badzra nA ma a b+hi She ka ta kye rdo rje che ge mo zhes bya ba te phreng ba sa la lhung ba dang mthun pa'i ming gdags so/ /ming gi dbang bskur ba'o/ /de bzhin gshegs pa lnga'i ngo bo'i dbang bskur ba lnga po 'di ni me long lta bu la sogs pa'i ye shes lnga'i ngo bo sgrub par byed do/ /dbang bskur ba lnga po de dag la rig pa'i dbang ba'i sgras kyang brjod par bya ba yin te/ ma rig pa lnga'i gnyen po rig pa'i ngo bo ye shes lnga po rnams sgrub par byed pa'i phyir ro/ /de nas 'di la brtul zhugs dang/ /lung bstan pa dang/ dbugs dbyung ba sbyin par bya ste/ 'de de sangs rgyas thams cad nyid rdo rje sems dpa' lag na 'dug / khyod kyis kyang ni rtag tu bcad/ /phyag na rdo rje brtul zhugs bstan/ /aoM sarbba ta thA ga ta sing d+hi badzra sa mA ya tiSh+Thi e Sha twaM d+ha ra ya mi hi hi hi hi hUM zhes rdo rje tul zhuT sbyin nas/ de kho na nyid kyis gzung ngo/ /thog mdza' med pa'i sems dpa' ni/ rdo rje sems dpa' dga' ba che/ kun tu bzang po kun bdag nyid/ /rdo rje bsnyems tshul bdag po'i bdag ces so/ /'di de sangs rgyas thams cad kyis/ /shes rab dbyangs kyi rjes 'gror bshad/ /khyod kyis kyang ni rtag tu bcad/ /byang chub mchog tu rgyal ba bzhed/ ces brjod cing dril bu legs par blangs la/ de chos kyis dkrol bar bya ste/ srid pa ngo bo nyid kyi dag / ngo bo nyid kyis srid bral byas/ /rang bzhin dag pa'i sems dpa' mchog/ srid pa mchog gi byad pa yin zhes so/ /gal te mi ldog pa'i dbang bskur ba sbyin par bya ba ma yin na chos bstan pa'i 'og tu brjod par byed bzhin pa'i rim pas lung bstan pa dang/ dbugs dbyung ba dag sbyin par bya ste/ cho ga 'di ni rig pa'i dbang bskur ba dang 'brel ba yin no/ /slob ma khri las babs la bla ma yang dag par mchod de/ byang chub rdo rje sangs rgyas la/ /mchod chen ji ltar gsol ba bzhin/ bdag kyang bskyab pa'i don gyi phyir nam mkha' rdo rje bdag la stsol/ /de nas bla ma mnyes pa dang/ /sdom pa bzhi byin nas/ khri de nyid la pad+ma 'dab ma brgyad par snga ma bzhin du 'dug ste/ 'dod pa'i lha'i rnal 'byor ba'i rang gi snying kha nas sprul pa'i rig pa mchod pa dang ldan pa rnams kyis/ rdo rje chen po'i dbang bskur ba/ /khams gsum pa yis phyag byas pa/ /gsang ba gsum gyi gnas las byung/ / sangs rgyas kun gyis sbyin par bya/ zhes brjod cing de dag gis dbang bskur bar bsams te/ bla mas kyang tshig bcad 'di brjod do/ /zur bzhi pa la gru bzhi pa/ bkra shis rnams kyis nye bar mdzes/ /dpangs su khrud do nyams dga' ba'i/ /khrus kyi stegs bu rab brtag bya/ /rab gnas la yang rim pa 'di yin te/ phyi rol gyi cho ga la'ang rim pa 'di ltar khong du chud par bya'o/ /de nas dkyil 'khor dang lha'i de kho na nyid man ngag ji lta ba bzhin bstan par bya'o/ /phyir mi ldog pa'i dbang bskur ba'o/ /bdun po gcig tu byas nas bum pa'i dbang ni dang po ste zhes bya ste/ dbang bskur ba bdun ni bum pa'i dbang bskur ba'i sgras brjod par bya ste/ de yang dang po yin no/ /gsang ba dang shes rab kyi dbang bskur sbyin par bya ba yin no/ /de'i tshe 'dir lung bstan pa dang/ rjes su gnad pa byin nas dbugs dbyung sbyin no/ /de'i tshe 'di bya ba dang/ spyod pa'i rgyud la sogs pa gzhan la mchod par 'os par 'gyur te/ rnal 'byor bla ma la sogs pa ni ma yin na/ /phreng ba chu dang bde gshegs cod pan 'ching/ /phyag rgya gtso bo'i rang rigs bdag po dang/ dpal gyi rdo rje ming phyir mi ldo gces/ 'dir ni the tshom med par bdun yin no zhes bya ba ni bsdu ba'i tshigs su bcad pa'o/ /de nas yang dag par mchod de/ /bzhin mdzos mig ni dkyus ring zhing/ /rgyan rnams kun dang gos bzangs dang/ /lha rdzas dri yis byugs pa can/ /rnal 'byor gcig gis bya ba goms rigs kyi bu mo gang yang rung/ /bla ma la ni phul byas nas/ /byang chub rdo rje sangs rgyas la/ /mchod chen ji ltar bgyis pa ltar/ /bdag la'ang bskyab pa'i don gyi phyir/ /nam mkha' rdo rje ded bdag gsol/ zhes tshigs bcad 'dis gsol ba btab pa dang/ bla mas slob ma sdom pa bzhin byin pa yol pa'i bar du gzhag la/ bsad pa'i mchod pa'i mthar yol ba'i bla nas bteg la/ g.yon pa'i so mo mid med dang rgan pos rdo rje gzung ste/ gsang ba'i dbang bskur sbyin no/ /des kyang/ e ma'o bde ba zhes brjod de blang bar bya'o/ /slar log nas bla mas chu skyes gnas pa rang nyid kyis myangs la/ des kyang rang gi rdo rje myang du bcug la rang gi stan gor bu la sogs pa 'dug par gyur pas/ de nas phan yon brjod par bya ste/ /'di de rdo rje thams cad kyi/ /dbang bskur ba yi go 'phang mchog /gsang sngags rnams ni thams cad dang/ /las mchog rab 'byam 'grub par byed/ de dag ni gnyis pa gsang ba'i dbang bskur ba yin no/ /yang de bzhin du gsol ba gdab po/ /mdun na 'dug pa de dag gi lag pa g.yas pa dag rang gi lag pa g.yon pa'i steng du gzhag pa byas nas kha bltas te/ dpal ldan shes rab dang grang las/ /de nyid yang dag dmigs par bya/ /'di nge gzungs ma nyams dga' ba/ /bsten byar sangs rgyas rnams kyis rtags/ /'khor lo'i rim pa rab 'byor bas/ bde ba dam par myang bar gyis/ /rdo rje dkyil 'khor rang gi sems/ /nor bu'i nang du son pa ltos shes brjod do/ /yol ba'i nang na blo ma'i lus la gzhug par bya'o/ /phyi'i lha'i bu mo rnams kyis kyang mnyan na 'dug pa'i bla ma phyir bskyed la/ /slob ma gsang ba'i mchod pas gnas pa la bltas te/ nam mkha' la gnas pa'i dkyil 'khor gyi 'khor lo kha dog dkar po khang pa brtsegs ma dang lhan cig bsams nas/ /mar gyi bum pa bzhin du zhu bar gyur pa dbang bskur ba'i gnas su mdzad de/ /slob ma'i lus la gzhug par bya'o/ /phyi'i lha mo rnams kyis kyang mnyan na bskal pa bzang po'i ci co dang gar dang glu dang sil snyan gyi sgra dbyangs dang dris bsgos pa'i gos dang tsan dan gyi phye ma 'dor ba la sogs bya'o/ /bkra shis gang zhig dga' ldan lha yi gzhal yas khang gi ni/ snying po nas ni 'gro la phan phyir 'dir gshegs las byung dang/ /dbang po bcas dang lha yis de bzhin gshegs pa bskor ba yi bkra shis des ni de ring khyod la zhi bar byed gyur cig / ces bya ba la sogs pa'i tshigs su bcad pa gdon par bya'o/ /de bzhin du rmongs la gti mug bdag nyid sgyor/ /gti mug dga' ma bdag ldan pas/ /gti mug rgyun phyis dbang bskur bas/ /gti mug rdo rje rang nyid gyur/ /sdang la zhe sdang bdag nyid sbyor/ /zhe sdang dga' ma bdag ldan pa/ /zhe sdang rgyun gyis dbang bskur bas/ /zhe sdang rdo rjer rang nyid gyur/ /chags la 'dod chags bdag rnal 'byor/ / rdo rje dga' ma bdag ldan pa/ /ye shes rgyun gyis dbang bskur bas/ /shes rab ye shes su rang rgyur zhes kyang brjod do/ /de dag gis mchod pa'i mthar bla ma yol ba'i bar nas 'ongs te/ rang gi stan la 'dug la mdun du tsog bur 'dug pa de dag gis lag pa dga' gri lag pa g.yon bar gzhag la/ lag pa g.yas pa slob ma'i mgo bor gtad de/ thabs gzhan gyis ni sangs rgyas min/ /de phyir rig pa 'di ni mchog /gnyis su med pa'i chos kun ni/ /gnyis kyi dngos po mtshon gyur pa/ de phyir khyod kyis rtag tu ni/ /'khor ba gral bar mi bya'o/ /'di de sangs rgyas thams cad kyis/ /rigs pa'i rtul zhugs bla na med/ /rmongs pa gang zhig 'da' byed la/ /de la dngos grub mchog med ngo zhes/ gzhan yang ji ltar dbang bskur ba las ni/ /sangs rgyas la sogs kun thob pa/ /de ltar byang chub sbyod sogs dang/ /dge ba tshul gzhan gyis kyang min/ /lhag pa'i dam tshig bsrung bar bya/ /rtag tu sdom pa bskyad par bya/ /bza' bsha lnga bdud rtsi ste/ /bsrung ba 'di las dam tshig gzhan/ /dkon mchog 'jig gsad bud med kun/ /gzhan la len dang ngag gi brdzun/ /rnal 'byor rgyun du 'da bshad pa kun/ /de dag chog bzhin bsrung bya/ /'di dag ni gsum pa dang bzhi pa'o/ /dge ba'i bshes gnyen rigs dang tshul khrims dang ldan zhing/ /man ngag dang bcas yan ??? gnyis gsung goms pa/ /she rab can dang mngon pa tson tshul gnyis shes pa yi/ /'bad pas shin tu dus ni ring por mnyes par bya/ /dad pa'i rang bzhin brtson 'grus rang bzhin brtse bdag nyid/ /las dang 'bras bu rnams dang zab mo'i chos rnams dang/ /gang zhig 'di 'dra rnams la rtag tu gus bar 'brel/ /ji zhin ltar ni blo gros gsal bar thob par 'gyur/ /gzhan ni sdig pa'i gsang sngags gdon par byed pa las/ /dug ni gsal bar bya phyir zhugs pa lta bu ste/ /skye ba 'di nyid la ni sdug bsngal myong 'gyur zhing/ /shin tu mun nag ches mi bzang par 'jug par 'gyur/ /de nas lung bstan pa dang/ rjes su gnad ba dang/ dbu gsang byung bya ste/ /bla ma lha las babs pa'i bya ba rgya dang ldan pas/ aoM 'di ni ngas khyod lung bstan te/ rdo rje sems dpa' de bzhin gshegs/ /srid pa shin tu dag bya'i phyir/ /srid pa'i ngan 'gro rnams las bton/ /kye de bzhin gshegs pa rdo rje che ge mo zhes bya bar/ sid d+ha b+hur b+hu ba swayi/ /sngags pa 'gro ba kun gyi bdag /bla na med pa'i byang chub tu/ /bde gshegs kyis kyang lung bstan mdzad/ /ji lta ji ltar sems can rnams/ /ngo bo nyid kyis 'dul 'gyur ba/ /de ltar de ltar chags la sogs/ /bcang bas sems can don bya'o/ /nyin re zhing ni thun bzhi ru/ /'dod lha'i rnal 'byor dang ldan par/ /gyur nas thun med cig shos kyi/ /dngos grub thob par sgrub par byos/ /mi snad pa ni khams stong la/ /mngon shes ldan pa nyid stod yin/ /rig pa 'dzin pa sum stod la/ /rdo rje can ni 'gro kun bdag /zhi rgyas la sogs las gang dam/ /de las gzhan pa gang 'dod pa/ /'khor los rjes mnyes sbyor ba yis/ /bsgrub na myur du 'grub par 'gyur de dag ni rjes su gnang ba'o/ /mchog gsang dkyil 'khor dam pa ni/ /mthong ba dad ni zhugs gyur pas/ /sdig pa kun las de grol bar/ /khyed rnams de nyid legs par gnas/ /shes bya ba la sogs pa ni dbugs dbyung ba'o/ /de nas bla ma la rang gi lus dang/ bu dang chud ma la sogs pa'i yon phul phyag btsal te/ bla mas kyang shin tu gnas par gyur cig /ces shis pa sbyin par bya'o/ /de nas brtsams te rgyud gzhan du bri ba'i phyag rgya'i la sogs pa spas pa'i de kho na nyid bcu gang yin pa bstan par bya ste/ skal ba can du gyur pa'i phyir ro/ /bzang po'i zhal snga nas/ gsang ba shes rab dag gis dbang bskur nas de kho na nyid yang dag par bstan par bya'o/ /zhes gsungs so/ /rmongs la zhes bya ba la sogs pa/ sngar brjod pa'i tshigs su bcad pa'i don dang blad par byang ba'i don de kho na nyid rang rig pa'i na ngon sum gyi grub pa yang brjod ya rdzong byed kyi ngo bor brdar byas pa yis go bar bya'o/ gtor ma'i nye bar sbyar ba yang thun bzhir shing rta 'am/ bskon pa'am khur ram tha na snyim pa gsum tsam bza' ba dang bca' ba dang/ btung ba dang/ lngag pa dang myang pa dang/ gzhib pa dang/ me tog dang/ bdug pa dang/ di dang/ lha bshos dang/ gdugs dang/ rgyal mtshan dang/ ba dan dang/ ldan pa/ bla re rnam par bkra bar bris pa/ sgra chen po rda brdud ba dang ldan pa bltas te/ med na yang yid kyis thams cad bsam la gsang sngags 'di dag byin gyis brlabs la sbyin no/ /aoM sh+rI he ru ka ma hA badzra A kaDa Nhya ya/ A ka Da Dhya ya/ pra be sha ya/ pra pe sha ya/ ban d+ha ya/ ban d+ha ya/ to Sha ya/ to Sha ya/ sarbba badzra DA ki Ni nI hI da yaM hUM hUM hUM phaT/ aoM bud d+hA DA ki NI pra tA ts+tshi ma ma ba laM ma hUM phaT aoM badzra DA ki NI pa ti ts+tsha ma ma bi laM hUM phaT/ aoM ra Tna DA ki nI pra tIs ma bi laM traM phaT/ aoM pad+ma DA ki ni pra tI ts+tsha ma ma pa la hIma pa la a phaT/ aoM sarba bud d+ha DA ki nI phra tI ts+tsha ma ma pa yi hUM to/ aoM sarbba yo gi nI pra tI ts+tsha mos pa li hUM ha ha ha hI/ gal te dur khrod la sogs par gnas nas spyan par bya ba yin na/ de'i tshe he ru ka'i gzugs sprul pas bstan par gyur pa rnal 'byor ma'i tshogs kyis yongs su bskor bar sbyin no/ /yang ni he ru ka'i rnam par brgyan cing bcos nas 'dren pa mang po la sogs pa na tshod le bcu gnyis dang ldan pa bcos nas sangs rgyas mkha' 'gro ma la sogs pa'i gzugs sgrub par byed par brgyan te/ he ru ka'i spyod pas phye ba rdo rje'i glu len cing rol ba'i rdo rje goms pas kyang gar byed pa/ /ba TwaM ga dang/ Da ma ru la sogs pa yid 'phrog pa'i rnal 'byor ma stong phrag rnams dang/ cher rnam par sgeg pa sdon du song bas rtag tu 'gro ba gdon pa'i bsam pa ma gtad ba/ stong pa nyid dang/ snying rje'i snying po'i can rnal 'byor ma'i tshogs bzhin du de dang de byed cing 'gro ba'i dge legs gyi don kho nar sbyin no/ /dkyil 'khor rtsom pa nas gshegs su gsol ba'i mthar thug par nyi ma re re zhing dge 'dun la mchod yon dang bcas pa sbyin no/ /rgyun mi 'chad pa dpag tu med pa'i pa'i me tog dang/ bdug pa dang/ dri dang/ lta bshos dang/ mar me la sogs pa dang/ gar dang/ glu dang/ sil snyan dang/ pheg rdob pa sna tshogs dang/ gdugs dang/ rgyal mtshan dang/ ba dan sna tshogs pa la sogs pa dang/ rnam par rgyal ba'i tshogs dgong pa dang/ sgeg pa rnam pa sna tshogs pa rnams kyis mchod pa bya'o/ /dkyil 'khor gyi khang pa la yang mu tig dang/ nor bu dang/ byu ru rab tu 'phyang ba dang/ me tog dri zhim po dang/ ras shin tu yid du 'ong ba rnams kyis brgyan par bya'o/ /phyogs brgyad du phyogs skyong ba'i kha dog lta bu'i pa dan gyis klubs par bya'o/ /dkyil 'khor gyi khang pa'i phyi rol gyi phyogs kyi cha bzhir bla res bkab pa rnams su yu ba bsgreng pa gser gyi yu ba can rnams su bskur sti chen po sngon du 'gro bas seng ge'i gdan bshams la/ 'phags pa shes rab kyi pha rol tu phyin pa dang/ sa bcu pa dang/ zla ba'i sgron ma dang/ gsar 'ong dam pa la sogs pa'i mdo sde gdon par bya'o/ /dkyil 'khor bri ba ni gal te bgegs la sogs pa byung na de'i tshe man ngag ji lta ba bzhin du seng ge'i rnam par bgyings pa'i phyag rgyas sdang ba rnams bcad par bya'o/ /nyi ma re re zhing las so so la bla ma la yon dbul bar bya'o/ /sa gzhi sdug pa'i chud ma dang/ /rin po che dang 'bar ba'i gser/ /nor bu me tog byu ru sogs/ /lus kyang gus pas dbul par bya/ /rta dang glang po'i de nyid kyang/ /rgyan kun gyis ni brgyan pa dang/ /bung med bzang mo 'ang bla ma la/ /dngos grub 'dong pas dbul bar bya/ /sar ni rnam pa sna tshogs dang/ /rgyan rnams kyang ni dbul bya ste/ /gang gis bla ma 'di mnyes pa/ /de ni rab tu 'bad pas bya/ /de nas ting 'dzin zin nas phyi dang nang gi mchod pa byas la gtor ma byin nas smon lam sngon byas te/ phyi rol kyi 'khor lo'i snying kha'i nang du chud par bya'o/ /aoM a kA ro mu khaM sarbba d+ha rma NAM A dya nud pan na twa twa hUM muba'i sngags kyis rdul tshon gshegs su gsol bar bya'o/ /'di nyid kyis bum pa dang/ phyag mtshan dang/ dman ma la sogs pa rnams kyang gshegs su gsol bar bya'o/ /mkha' 'gro mi'i gnod pa zhi bar bya ba'i phyir lha'i rdul tshon 'dod pa rnams la byin nas gzhan dag bsdus te/ rnam par rgyal ba'i bum par blugs la/ yong par gyur na glang po che'i phrag par gzhag la/ sil snyan sgra sgrogs pa'i sgra sngon du 'gro ba'i rgya mtshod 'bab chu dang sted ka chen po rnams su man ngag ji lta ba bzhin du klu'i rig brgyad la phyi'i me tog dang 'o ma la sogs pas legs par mchod do/ /de dag kyang de bzhin gshegs pa'i brdul phra rab kyi tshogs ma go bo gzhag nas/ rang gi khyim du dang pas 'gro bar byed do/ /de nas bum pa chus dag par byas nas de bzhin du 'ongs te/ zhi ba'i chu des khrus dang bas dbang 'dod bzhi don kun grub par bya ba'i phyir/ / khrus dang btung pa'i don du 'dod pa rnams la chu de sbyin par bya'o/ /nyi ma gsum 'am/ nyi ma bdun nam/ nyi ma gcig tu 'tshom par dga' ston chen po bya'o/ /sgyu 'phrul tshon mo brjod pa'i rgyud shin tu rgya che ba stong phrag bcu gnyis yod de de yang de kho na nyid bsdus pa'i rgyud rnams kyi bla ma ste/ des na dkyil 'khor gyi rim pa 'di dag thams cad mdor bsdus pa dang rgyas pa'i sems can gyi bsam pa dang pa'i dbang gis skabs sna tshogs pa na yong pa yin no/ /rgyud bla ma'i yang bla ma gzhung dgu bcur bgrangs pa 'di ni mdor bsdus pa la dga' ba'i sems can gyi bsam pa'i dbang gis bsgom pa'i rim pa tsam la brten nas bstan pa yin no/ /bar ma la dga' ba rnams kyis mtshan yang dag par brjod pa'i dkyil 'khor bzhin du bsgom pa'i rim pa mtshungs pa yin pa de'i phyir na rgyud rgyas pa las thams cad bstan pa ste/ bsgom par bya ba dang bri bar bya ba lta lnga'i bdag nyid kyi dkyil 'khor gyi 'khor lo zur bzhi pa la sogs pa dang ldan par bya'o/ /rgyas pa la dga' ba rnams kyis kyang rgyud rgyas par lha shin tu rnam pa mang po'i bdag nyid can du bri bar bya ba dang/ bsgom par bya ba'i dkyil 'khor de nas bshad pa'i dkyil 'khor rim bkho nas shes par bya'o/ /zhes bdag gi bla ma gsung ngo/ /'di nyid kyi phyir/ /'dir tshigs su bcad pa dgu bcur grags pa ni rgyud rgyas pa'i phyogs gcig tu gyur pa yin pas na/ da'i skad bdag gis thos pa dang zhes bya ba la sogs pa ma gsungs so/ /de nyid kyi phyir rgyud rgyas pa'i rjes su 'brangs nas/ de nas mkha' gro ma kun gyi shes bya ste/ de nas kyi sgra ni de ma thag pa'i brjod par byed pa yin pas dang por sbyor ba yin no/ /'di dag spros pa dang bcas par ni rgyud bla mar thub pa nyid thams cad gsungs pa yin no/ /de yang tshig tsam tha dad pas bstan pa yin gyi/ rang 'dir sngon med pa ni cung zad kyang med do/ /chog sngon 'gro dkyil 'khor chog gzhung du legs byas pas/ 'dir ni bdag gis dges gsal ba thob pa gang yin nges/ khams gsum par gtogs pa yi sems can de ni yud tsam gyis/ med pa'i dkyil 'khor la'i lus can 'dir gyur cig / sgyu 'phrul chen mo'i dkyil 'khor gyi cho ga /bla ma zhal sna yi man ngag ces bya ba slob dpon mkhas pa 'dul ba byin gyi mdzad pa rdzogs so// //dang po snga bar langs la/

CLOSE WINDOW