བོད་ཡིག

e-texts based on the ACIP/ALL Input

/*/ /rgya gar skad du/ mahA mA yA sA d+ha naM/ bod skad du/ sgyu 'phrul chen mo'i sgrub thabs/ dpal rdo rje sems dpa' la phyag 'tshal lo/ /sgyu ma chen mo rnam sgeg pas/ /sna tshogs sgyu ma bzhad gang ltar/ /thugs rje'i stobs can dga' ba can/ /sgyu mas rnam rgyal phyag 'tshal lo/ /sdug bsngal gsum gdungs bdag nyid khams gsum pa/ /gang las byung ba'i bde ba chen po yod/ /thugs rje chen po'i rig pa rtogs chen po'i/ de nyid rnam brgyan bla ma bzang la 'dud/ /sgyu ma chen mo'i rjes 'brangs nas/ /snying rje'i stobs can rdo rje yi/ /gang zhig sgrub par 'dod pa yis/ /bdag gis sgrub thabs 'di brtsams so/ /snying kha'i nang du zla ba la/ /zla dkyil rang gi sa bon bsam/ /de yid 'od kyis lus reg pas/ /lus kyi dran pa nyer gzhag pa/ /de gyur pa las lus rnams dang/ /'jig rten srid pa snang ba la/ /mdun na lha dang sangs rgyas rnams/ /gus pas ma lus mchod par bya'o/ /dkon mchog gsum la sogs pa yi/ /chigs bcad gsum ni klag par bya/ /tshangs pa'i gnas bzhi bsgom byas la/ /stong pa nyid ni bsgom byas nas/ /gsang sngags kyang ni brjod pa bya/ /bsrung ba'i sngags kyang dran byas la/ /rdo rje ra sogs rnam par bsam/ /chos kyi dbyings su chud pa yi/ /de nang 'byung ba bsam par bya/ /steng du ri rab bsgoms byas te/ /'byung ba'i ri rab gyur pa las/ /gzhal yas khang ba bsam byas te/ /zur bzhi dang ni ldan pas gnas/ /rgyud rnams kun nas 'byung ba bzhin/ /phyi yi phyogs dang mtshams rnams su/ /dur khrod kyis ni rnam par brgyan/ /de yi ming dang mtshan nyid ni/ /ji bzhin lung gis bshad par bya/ /gtum drag cig ste dbyibs can ni/ /gnyis pa tshang tshing gsum pa yin/ /'bar ba zhes bya ba bzhi pa yin/ /mi thong zhes bya lnga pa yin/ /mi bzad pa dang ha har rkod/ /brgyad pa g.yer ka can du 'dod/ /dang po tshig pa zhes bya ste/ /gnyis pa yang na mi tshig pa/ /gsum pa dum bur gyur ba ste/ /bzhi pa dum bur ma gyur pa/ /lnga pa 'jig pa zhes bshad de/ /drug pa 'jigs par byed pa yin/ /bdun pa mdung rtse bskyon pa ste/ /brgyad pa bsgeg pa zhes bya'o/ /khra dang lce spyang 'ug pa dang/ /gtum po'i khyi dang srin po phag /ro langs khro ba dregs khro ma/ /brgyad kyi gtso bo yang dag bskor/ /gzhal yas khang pa'i dbus su ni/ /pad+ma dmar po bsam bya ste/ / de'i dbus su zla ba yi/ /dkyil 'khor chen po nges 'byung ba'i/ /de yi dbus su sa bon ni/ /rnam pa lnga ni rims bsgoms pas/ /de bas sbres dang bsdu ba dag /byas nas snying rje'i stobs can sogs/ /sa bon lnga las bdag nyid lnga/ /ye shes lnga ldan khyab bdag nyid/ /zhal bzhi pa la phyag bzhi ba/ /spyan gsum sku mdog nag po ljang/ /skyil krung phyed pa'i gar gyis bzhugs/ /lha mo'i tshogs kyis rnam par brgyan/ /phyag rgya drug dang yang dag ldan/ /yan lag thal ba'i rdul gyis byugs/ /dum pa'i rgyan gyis ske rags can/ /thong rlon phreng bas brgyan pa ste/ /sngo dang ser dang dkar dang ljang/ /zhal bzhi po dang ldan pa la/ /thod pa kha TwAM 'chang ba dang/ /de bzhin mnga' dang gzhu 'dzin pa/ /lugs 'byung lugs las bzlog pa yi/ /sgegs pa la sogs nyams dang ldan/ /zhal bzhi'i me dog can lha mo bzhi/ /'dab ma bzhi la rnam par bsam/ /zhal bzhi ba la phyag bzhi pa/ /spyan gsum gtso bo'i zhal dang mtshungs/ /shar gyi zhal ni thams cad kyang/ /rigs kyi gtso bo dang mthun pa/ /g.yon pa dril bu kha TwAM ga /slar yang lha mo g.yas pa la/ /rdo rje dang ni thod pa bsnams/ /gnyis pa lho yi 'dab ma la/ /ser mo zhal gyi kha dog ni/ /ser dang sngo dang dkar dang ljang/ /kha dog ldan pas rnam par bzhugs/ /phyag ni g.yon pa brla stong na/ /thod dang lco spyang bsnams pa ste/ /g.yas ni rin chen mdung dag dang/ /chu khams riT chen mkha' 'gro ma'o/ /gsum pa nub kyi 'dab ma la/ /me yi khams kyi rang bzhin can/ /dkar dmar mdangs kyi 'od gsal ba/ /rnal 'byor pad+ma'i mkha' 'gro ma'i/ /dkar dang sngo dang shin tu ser/ /ljang khu'i mdog ste zhal bzhi pa/ /sna tshogs pad+ma mda' dang bcas/ /g.yon pa thod pa gzhu 'dzin ma'o/ /byang kyi phyogs kyi 'dab ma la/ /rnal 'byor sna tshogs mkha' 'gro ma/ /ljang sngon de bzhin ser po dang/ /dkar po'i zhal can phyag bzhi pa ral gri dang ni cang te'u dag / g.yas na rtag tu 'dzin pa dang/ /g.yon na thod pa zhags pa snams/ /rlung gi khams kyi mkha' 'gro ma/ /de ltar rnam par bsgoms par bya/ /rang rang sa bon gang yin dgod/ /sngags kyi skur ni bsgom byas la/ /ye shes dkyil 'khor chen po ni/ /dbang bskur chen po bsams par bya/ /gtso bo'i dbu la mi bskyod pa/ /mchod cing bstod la bdud rtsi myang/ /byas nas bzlas dang brtul zhugs spyad/ /sgra med bzlas pa bya ba dang/ / h+rI:I yi ge bzlas pa'i gzugs/ /A sogs rnal 'byor ma sogs la/ /dbug sa rdub pa yi rgyun tu ni/ /brgyad pa'i mdza' dang yang dag ldan/ /drug pa dang ni thig ler bcas/ /dbus 'byung ba yang rnal 'byor bas/ /bsgom dang bsgom min rnam par spangs/ /sngags dang dbyibs dang chos bdag nyid/ /rnal 'byor 'gro ba'i gtso bor 'gyur/ /gzhan yang rdo rje bzlas pa dang/ /bzlas dang rdo rje 'chang ba bsgom/ /bzlas pa gnyis pa byas nas ni/ /gang su med mnyam par gzhag pa yis/ /mthar yang yi ge gsum gyis ni/ /brgyad pa'i mdza' las rnam par gnas/ /au yi yi ge thung dur bcas/ /yi ge mchog ni dam pa ste/ /a sogs yi ge rnal 'byor ma/ /h+rIger yang dag sbyor/ /a la mdza' dang yang dag ldan/ /sa bon lnga yi dgos par bcas/ /pad+ma kha bye byas nas ni/ /yi ge rnams ni bsgom par bya/ /de ltar rnal 'byor rtogs byas nas/ /'dod pa'i don grub rdo rje can/ /sngags kyi byin brlabs de nas ni/ /rnal 'byor chen po de mnyam gzhag /rang bzhin shes rab yan lag gis/ /gsang ba'i ze 'bru'i spyod yul du/ /lte bar gnas pa'i ri mol/ /de la gnas bar sbyar bar bya/ /A li kA li mnyam byas nas/ / 'bar ba la sogs sngags pa yi/ /seng ge'i rnal 'byor phyag rgya ni/ /bcings te gtum mo gzhug par bya/ /gzugs med lha yi rnal 'byor byas/ /rtog pas yang dag sgyur nas ni/ /brgyad pa'i mthar ni thig ler bcas/ /bde ba chen po 'dzag par 'gyur/ /lan gnyis lan gsuM goms byas te/ /bde ba chen po 'dzag pa na/ /rnal 'byor la sogs gnas bya'o/ /gzhan yang rnal 'byor la bos nas/ /rnal 'byor ma yis slong bar byed/ /skye ma mnyen mchog rdo rje yi/ / 'od kyi pad+ma kha phye zhig / a la la la la ho/ /bde ba chen po rab tu dgyes pa'i gar mdzod cig /nyi ma'i 'od kyi pad+ma kha rab 'byed pa bzhin/ /bde ba chen po rab tu dgyes pa'i gar mdzod cig /de ltar thugs ni dgyes gyur nas/ /sgeg pa chen po rnam par bsgyings/ /lha mo'i tshogs kyi dbus na ni/ /dgyes pa'i dga' pas rnam par rol/ /bdag gi sgrub thabs 'di byas pa'i/ /bsod nams 'di yis 'gro ba kun/ /sgyu 'phrul chen mo khyab bdag gi/ gtso bo'i bdag nyid thob par shog / slob dpon chen po dpal rin chen rdo rje'i zhal snga nas mdzad pa'i/ sgyu 'phrul chen mo'i sgrub thabs rdzogs so// //rgya gar gyi mkhan po mkhas pa chen po dz+nyA na sh+rI b+ha dang/ bod kyi lo tsa ba dge slong 'phags pa'i shes rab kyis bsgyur ba'o/ / //rgya gar skad du/ sh+rI bud+d+ha DA kI swad+ha naM/ bod skad du/ sangs rgyas mkha' 'gro ma'i sgrub thabs/ 'jig rten dbang phyug la phyag 'tshal lo/ / mtshan nyid ldan pa'i rnal 'byor pas/

CLOSE WINDOW