བོད་ཡིག

e-texts based on the ACIP/ALL Input

rgya gar gyi mkhan po smi ti dz+nyA na kI ra tis mdzad pa rdzogs so// /pa nTi ta de nyid kyi bsgyur cing gtan la phab pa'o// //dpal sgyu 'phrul chen po'i rgyud kyi 'grel pa bzhugs so/ /*/ /rgya gar skad du/ ma hA mA pA tan+ta sya pa ny+dza kA mA yA wa tI nA ma/ bod skad du/ sgyu 'phrul chen mo'i rgyud kyi dka' 'grel sgyu ma can zhes bya ba rdo rje mkha' grol phyag 'tshal lo/ /nyon mongs la ci mi bsrun med/ /'gro bas rgyal bar rab tu bsrungs/ /mi gtsang ba yi rnam rtog rnams sdong po dang ni tshang tshed rnams/ /bsregs pa'i me 'dra bcom byas te/ /'gro ba'i don ni bya ba'i phyir/ /rtag tu rtse mo byed pa yin/ /las las phyir ldog gyur pa'o/ /sgyu 'phrul gzungs mi'i theg pa las/ /rgyal ba'i bla ma rgyal gyur cig /don rnams ci ltar gnas pa bzhin/ /mig gnyis gsal bar ni snyon yang/ /don rnams ji ltar gnas bzhin yin/ /ji lha ji ltar gsungs pa yi/ /tshig las mi 'gal zla ba yis/ /byas pa'i rgyud kyi dka' 'grel ni/ /sgyu ma can 'di rgyas gyur cig /sgyu ma chen mo rnam bshad kyi/ /tshig bshad rnams la btho bar ni/ /bdag ni rab tu gsung mi bya/ /kye legs pa po nyid tshig 'di la/ /yongs su zhugs par bya ba min/ /don nyid snying por gzung bar bya/ /de nas mkha' 'gro ma rnams dang/ /gsang ba'i dbang phyug ma rnams kyi/ /yan dag gsang ba'i rgyud nyid ni/ /bdag gis rab tu bshad la sogs/ /'di dag gi ni tshig gnyis kyis/ /dbu nyid bag ni 'dir ma byung/ /de nas yang ni tshig sgra gnyis/ /dbu ni stong pa ma lus sbyor/ /de ltar 'gal bar bdag gis po/ /yongs bshad yong su bshad pa ni/ /rtsa ba'i rgyud las gang gi gsungs pa/ /sngags 'byung ba zhes bya ba'i le'u/ /bcu pa nyid las des par phul/ /rdzu 'phrul thams cad 'phros pa ste/ /yang na le'u nyid bcu gcig pa/ /de phyir bshad pa'i don gyi don/ /de du lha mo rgyud nyid 'di/ /de phyir gang nas byung ba bstan/ /rdo rje zhes bya mi shigs te /sems de nyid ni nam mkha' bzhin/ /bde bar gshegs pas gsungs pa ni/ /sems ni nam mkha' yang dag bshad/ /skabs ni thams cad sbyin pa'i phyir/ /de sems nam mkha' la ni 'phur/ /yang na yang dag 'gro ba ste/ /bskal ba'i dus bzhi ma byung las/ /lung dang bstan pa mi rtag go /byang chub sems ni rdo rje nyid/ /rdo rje mkha' 'gro zhes gsungs so/ de mthun rdo rje mkha' 'gro ma/ /sems nyid nam mkha' spyod par 'gro/ /byang chub sems dpa' thams cad la/ /bcom ldan 'das kyis 'od zer can/ /de yi 'jig rten khams nyid la/ /rdo rje ma lus gsungs pa zhes/ /bya ka ra Na yod par gsungs/ /de nas sgra nyid 'di ltar sgyur/ /nam mkha' 'gro la rje zhes la/ /dbyings ni de nas btags pa ste/ /nam mkha' la spyod grub thams cad/ /DA ki nI zhes bya bar grags/ /de dag gang na grags ce na/ /'byung la sogs pa'i dbyangs las ni/ mkha' 'gro ma zhes bya ba yi/ /de dag nyid gyi bshad pa rdzogs/ /de nas bshad pa 'di nyid ni/ /ma rig ri ni rnam par 'joms/ /rdo rje ye shes la sogs gsungs/ /nA zhes bya ba gsungs pa ni/ /mtshon pa'i skad la TA nyid bstan/ /skyes bu ngag ni thams cad grags/ /bde ba nyid ni thams cad rig /shes rab ma nyid stong nyid bstan/ /de bas 'di ni snying rje stong/ /de dag nyid ni gnyis su med/ /byang chub sems nyid yongs su gsungs/ gtan tshigs rim pas gang nyid rigs/ /de nas mkha' 'gro ma rnams nyid/ /rnal 'byor ma rnams nyi shu bzhi/ /de nas mkha' 'gro ma rnams kyi/ /don nyid bshad pa'i grub pa'o/ /gsang ba'i dbang phyug ma rnams kyi/ /gsang ba rnams dang sku gsung thugs/ /'khor lo gzugs kyis rnam par gnas/ /de nas dbang phyug la rnams gsum/ /gsang pa'i dbang phyug rje dpon ma/ /de dag gsang ba'i dbang phyug ma/ /yang dag gsang ba zhes bya ste/ /sa la sogs pa 'byung ba lnga/ / de dag gsang ba mchog nyid de/ /rnal 'byor ma lnga rnam par dag /gsang ba'i mchog ni rnam par gsungs/ /sa yi khams ni ltung byed bshad/ /chu khams gsod byed mar ni grags/ /me yi khams ni 'gugs byed ma/ /rlung khams gar gyi dbang phyug ma/ /nam mkha' i khams ni rab tu gsungs/ /sgyu 'phrul chen po dpang phyug tshe/ /de rnams rnal 'byor ma lnga bstan/ /sgra yi sde nyid rgyud dngos te/ /sgra rgyud gnyis su med pa la/ /de dag yang dag gsang ba'i mchog /de ltar 'di ni rab tu gsal/ /de phyir 'khor lo gsum pa las/ /dam tshig mchog ni bzhi pa'o/ /ye shes pad+ma yang dag gnas/ /mkha' 'gro ma lnga smra ba pa/ /yang dag gsang ba'i rgyud nyid rab/ /de don 'gugs pa rab tu bstan/ /de ltar rgyud 'di dag gis bshad/ /spros par bshad par bya ba'i don/ /yang rna spyi yang gsang ba'i phyir/ /lha mo thams cad mi mnyam ste/ /'o na kyang gtso bo gzhan dang dbye/ /gtso bo dbang mo nyid bya sa la/ /rje dpon ma nyid so sor bstan/ /ma lus changs pa'i sgro nyid khyab/ /g.yo ba dang ni mi g.yong/ /khyab ces bya ba nyi tsher byas/ /ma lus zhes bya ji snyed do/ /tshangs pa'i sgo nyid khams yin to/ /'dod khams rgyal po chen po bzhi/ /gzhan 'phrul dbang byed man chad du/ /tshangs pa'i khams sogs bcu bdun te/ /gzugs gyi khams la skal par bya/ /nam mkha' mdza' yas skye mched dang/ /'du shes med pa'i skye med pa'i skye mched dang/ /yod min med min skye mtshad dang/ /tshangs pa'i khams nyid de bzhin te/ /g.yod mi g.yo ldan pa ste/ /g.yo ba zhes bya 'gro drug nyid/ /mi g.yo zhes bya mi 'gul rnams/ /de dang ldan bar spyod pa ste/ /g.yo dang mi g.yo tshangs pa'i khams/ /gzhan gyi lta ba nyid la grags/ /mdzod khams bshad pa'i rim pa yis/ / rlung gi phung po rim pa bzhin/ /yang kun 'gro dang rnam par 'gro/ /yang dag 'gro ba rab tu 'gro/ /so sor 'gro dang yongs 'gro rdzogs/ /de steng dbang phyug bdun rnams gnas/ /rig pa'i bden bral dbang phyug dang/ /tshangs pa'i gnas dang tshangs pa'i zhi/ /dus kun zhi ba mthu yi sku/ /spyang sku nyid dang bdun pa rdzogs/ /de steng rlung me chu dang sa/ /de ltar thams cad grub byas la/ /gti mug ngar gyi blo gros dang/ /yon tan 'dod chags rig pa ste/ /sgrib pa sgyu ma mthar phyin te/ /sgrib pa bcu gsum de la gnas/ /de yi steng du brag bzang ste/ /de yi steng du tshangs pa'i khams/ /gang dag gis ni thams cad khyab/ /gang gis sde dpon mar gyur te/ /a la la ste khams gsum khyab/ /bcom ldan 'das ma chen mo nyid/ /ya mtshan che yang ya mtshan che/ /lha mo kun mkhyen rgyu la sogs/ /rgyu dang 'bras bu spyod pa las/ /skye ba'i rgyu ni skye ba nyid/ /dngos po rnams kyi skye ba 'am/ /'di nyid las ni skye ba'i rgyud/ /don mang gzung ba dbang po las/ /'di ltar dbang gsungs shes par bya/ /lta mo thams cad gang nyid de/ /ltung byed la sogs lha mo bzhi drag mo la sogs nyi shu bzhi/ /kha da'i zhal ma la sogs brgyad/ /de rnams thams cad lha mo nyid/ /lha mo rnams nyid sum cu drug/ lta mo kun bzhi zhes su bshad/ /tshangs pa la sogs zhes bya gang/ /chang pa zhes bya rnam par snang/ /sku yi rdo rje 'phro ba las/ /stobs chen la sogs rdo rje sems/ /tshangs pa zhes bya dpa' bo brgyad/ /de rnams kyi ni gang nyid lnga/ /spyan mi sdug la sogs pha yi/ /thod pa dum sogs yan cang du/ /sku gsung thugs la 'phro ba rnams/ /dpa' bo rnams ni bcu dang drug /tshangs pa dpa' bo nyi shu bzhi/ /de rnams snang mdzad rim pa yin/ /tshangs pa rnams kyi rgyu ba'i rgyu/ /de nyid las ni byung ba'i don/ /ci ste chen mo mthu ldan nyid/ /'di ltar bcom ldan 'das ma che/ /mtsham ni de yang bstan par bya/ /'di ltar the tshom mkhyen byas la/ /'di nyid sgyu 'phrul chen mo gsungs/ / mi srid yon tan brtan pa mo/ /gang bshad rgyu ni 'phrin las bzhi/ /don phyir gzugs ni spangs byas la/ /'di rnams gzugs bzhin ldan pa ste/ /lhu ba byed ma ni sgyu 'phrul bzhi/ /'di rnams las che sgyu rgyu che/ /'di rnams las ni 'di nyid bzang/ /de nyid chen mor phyin gsungs pa/ /de 'di nyid ni gsang ba ste/ /de rnams 'byung ba'i bdag nyid gcig /lhung byed la sogs 'di bzhi yin/ /'byung ba lnga yi bdag nyid ma/ /gsang ba chen mo de phyir yin/ /de phyir sgyu 'phrul chen mo gsung/ /'byung ba rang bzhin yang dag gnas/ /rdo rje rje dpon ma nyid gsungs/ /rdo rje 'bras bu rdo rje mtshan/ /rje dpon ma ni sgyu 'phrul che/ /dbang phyug la sogs yon tan ldan/ /gzhan las de nyid dbang phyug ma/ /de nyid chen mo dbang phyug che/ /yon tan ldan pa gcig pu min/ /bcom ldan sgyu 'phrul chen mo can/ /lha mo kun dang chengs srogs kyi/ /skyed byed min bstan par gsungs/ /sgyu 'phrul drag chen la sogs na/ /de nyid bcom ldan sgyu 'phrul che/ /drag chen drag pa las byed ma/ /lha mo rnams kyi bskyed ba'i rgyu/ /sgyu phyir de nyid brag mo min/ /'di nyid yang ni drag por go/ ci ste 'di nyid 'dir ltar bsgyur/ /'byung po nyid kyi sdud byed ma/ /'byung po zhes bya srogs chags nyid/ /khams nyid dag ni 'dus/ byed de/ /byed pa'i rang bzhin ga la yod/ /de phyir 'byung po sdud byed ma/ /de phyir bcom ldan 'das kyis ni/ /skye ba dang ni rab tu brlag /gtan tshigs nyid ni bstan pa la/ /stong nyid snying rje gnyis su med/ /yan lag gnyis ni so sor bstan/ /lha mo mang pos khyang par can/ /sgyu 'phrul chen mo zhes par grags/ /de phyir the tshom za byas la/ /de ma thag tu tshigs su bcas/ /gnyis pa dran phyir de nyid gsungs/ /gang gis ma lus khyab la sogs/ / bcom ldan 'das mas 'di dag khyab/ /de dag nyid 'di sgyu 'phrul che/ /gang de nyid ni sgyu 'phrul chi/ /de nyid srid par yang dag khyab/ /'di yi ye shes sku gcig khyab/ /gzhan yang byed pa gal te gsungs/ /'di rnams de nyid kyis ni bsdu/ / bcom ldan 'das bde chen po yi/ /khams gsum nyid ni yang dag bsdu/ /skyed byed ma phyir de nyid kyi/ /de nyid kyis ni yang dag go /gsang ba rnams kyi gzung ma 'di/ /gsar ba po rnams sangs rgyas lnga/ /rnam par snang mdzad la sogs nyid/ / de dag rnams ni yum nyid/ /sangs rgyas kun gyi skyed byed ma/ /dri ma'i snying po las gyi phyag /de dag nyid ni spang par gsungs/ /ye shes phyag rgya ma rab rtogs/ /bla med byang chub rgyu yi phyir/ /rgyal 'gro skyed byed ma ni bsgoms/ /legs ldan phyag rgya ma sogs nyid/ /bcom ldan 'das ma rdzu 'phrul che/ /legs ldan phyag rgya ma nyid don/ /gsang ba bo rnams dang ni srid/ /gsum las 'das pa rnams kyi ste/ /ci ste 'di nyid yum du 'gyur/ /the tshom za phyir/ /'di ltar gsungs/ /sgyu ma'i sgyu ma rnams grags sogs/ /bye brag 'di sgo gang nyid kyis/ /kun gyis bskur nyid rnam par grags/ /mtshan gyi gtan tshigs med ma yin/ /ba dang glang ma de ltar don/ /khyad par nyid ni da ltar gsungs/ /'dus pa dad ni rgya chen nyid/ /byang chub sems kyi rim pa gnyis/ /sgyu 'phrul chen mo zhes bya gsungs/ /rgyal ba skyed byed mthu dang ldan/ /de phyir rgyal ba rnams kyi yum/ /yum 'di nyid ni rigs yin te/ /'on kyang byang chub sems nyid 'di/ /sgyu 'phrul chen mo zhes bya ste/ /gang phyir don des 'di ltar yin/ /de nyid rab tu bstan pa'i khyir/ /bshad pa'i rgyud las bstan pa nyid/ /tshigs su bcad pa'i sde gnyis gsungs/ /a ra li nyid khu bar bsgyur/ /shes rab ma nyid bde chen gsungs/ /a ra li dang rnal 'byor ni/ /sgyu 'phrul chen mo de nyid gsungs/ /gal te bcom ldan 'das ma 'di/ /gsang ba rnams kyang skyed byed ma/ /lhas byin la sogs ma gyur te/ /rgya che 'di nyid skyon du 'gyur/ /the tshom mthor byas lan gnyis gsungs/ /rig ma 'jig rten gsum nyid de/ / lus dag yid dang sku gsung thugs/ /'jig rten gsum nyid gang gis grub/ /sangs rgyas nyid ni ma lus sbyor/ /'jig rten gsum grub ye shes dngos/ /ci snyed chos nyid 'gro byed dngos/ /'dod pa thams cad gzugs sgra rnams/ /'dod pa thams cad rab sbyin ma/ /bzlas brjod bsgom sogs nyon mongs pas/ /'dod pa thams cad byin byed ma/ /'di nyid mang pos 'bras bu gcig /de phyir nyon mongs shes rnams kyis/ /de ltar sbyin pa nyid ni bstan/ /gang gis rnam par shes tsam sogs/ /gang gis zhes gzhan med ces gsungs/ /sgyu 'phrul chen mo rnam par shes/ /rnam par khyad par shes tsam gyis/ /yang na ci ltar 'di nyid de/ /the tshom go byas 'di ltar gsungs/ /rig ma ye shes phyag rgya ma/ / grub byed dbang phyug ma zhes bya/ /grub ba po ni mkha' 'gro ma/ /dbang phyug ma nyid he ru shes/ /'di ltar shes pa tsam gyis ni/ /grub pa po la bcom ldan grub/ /nyon mongs ma byas thams cad grub/ /grub pa po la rab tu bstan/ /rnal 'byor ma mo la sogs gang/ /'khor lo gsum spyod rnal 'byor ma/ /sgo la gnas dang grwa la gnas/ /srung ma rnal 'byor ma mo brgyad/ /'jig rten khams gsum gang nyid de/ /yul lus sa bcu nyi shu bzhi/ /de rnams 'dir ni 'dus byas la/ /sku gsung thugs ni 'khor lo gsum/ /khams gsum zhes bya rab tu bshad/ /ci snyed ma lus grub la sogs/ /ci snying ces bya phung po khams/ /skye mched chos ni ji snyed do/ /de rnams ma lus ci yang grub/ /lta yi rnam pas grub par 'gyur/ /ci ste grub 'di gal te bzla/ /thams cad sgyu ma sprul pa yin/ /thams cad ces bya bar med gsungs/ /phung po skye mched khams rnams nyid/ /bcom ldan 'das ma sngar gsung mtshan/ / sgyu 'phrul chen mo nyid kyis te/ /grub pa po nyid las ni spro/ /dngos ni ci ste grub mi 'gyur/ /rnal 'byor dbang phyug ma byed gang/ /sa yi khams la sogs pa dbang/ /rnal 'byor gyis ni thams cad tsam/ /dbang phyug byed pa'i rang bzhin nyid/ /rnal 'byor dbang phyug byed pa mo/ /de ltar sgyu 'phrul byed pa yi/ /sngon ma mthong ba'i rnal 'byor gyis/ /gzhan gyi pho phrang la sogs sogs/ /mi snang ba rnams gang nyid de/ /gzhan gyi pho brang gzhan gyi lus/ /thog me'i lus ni mi bzung ba/ /mi snang zhes bya gzhan mi mthong/ /'di ltar bstan pa le'u las ni/ /seng ge rnam par rol la sogs/ /de dag bdag gis bshad par bya/ /yang na ci ste ming tsam gyis/ /las rnam byed par dga' ba gang/ /gang te dbang ni bzla bar bya/ /rnal 'byor sgyu 'phrul rig pa sogs/ /rnal 'byor de dag yi ge nyid/ /skya 'phrul zhes bya sdags gzugs rig/ /de nyid rnal 'byor sgyu 'phrul rig /yi ge dang ni sdags gzugs kyis/ /las rnams 'di ni gsal bar gsungs/ /rnal 'byor ma rnams rab tu grub/ /bag zhad rkang pa mi rkos bstan/ /A li rnal 'byor te/ /de nyid kyis mi mthong ba myong/ /nyid kyi yon tan bstan pa ste/ /de nyid kyi ni sgyu 'phrul ltar/ /de yi rnal 'byor sgyu 'phrul te/ / de nyid kyi ni go bar byed/ /rnal 'byor sgyu 'phrul rig /yi ge zhes ba mi 'gyur te/ /sdags kyi gzugs nyid rab tugs la/ /yi ge sdags kyi rang bzhin 'di/ /rnal 'byor rdzu 'phrul rig pa yis/ /yi ge sdags kyi gzuD kyi spyo/ /spro zhes bya ba sngon dang 'brel/ /ci ltar de nyid rnal 'byor rnams/ /gang phyir 'di ltar spro bar 'gyur/ /'di ltar the tshom go byas gsungs/ /klog dang bsam par byed pa dang/ /ting nge 'dzin gyis bsgom rnams sogs/ /'di lta mngor nag bar bya/ /rig pa klog pa byed ces bya/ /rnal 'byor sgyu 'phrul rig pa nyid/ /sngon bsungs las kyi mtshan nyid kyis/ /gang rig grub par brten byas la/ /klog pa tsam gyis 'grub par 'gyur/ /grub pa po nyid bsnyen sogs te/ /dka' bar mthong byas mi spyod ste/ /'di ltar the tshom go byas gsungs/ /bsnyen gnas dang ni brtul zhugs dang/ /nyon mongs mi dgos la sogs te/ /'di ltar las rnams 'grub par 'gyur/ /'di ltar the tshom go byas gsung/ /bde dang dga' rnams la sogs te/ / bcom ldan 'das ni shes rab ma/ /de nyid kyis ni sgyu 'phrul che/ /thabs bcom ldan nyid he ru ka/ thog ma de nyid rnal 'byor mchog/ shes rab thabs la sos rnams kyis/ /thabs dang shes rab sgrub thabs la/ /lung 'bogs bdag gis bstan par bya/ /mdo la rnal 'byor nyid ni khyod/ /de ltar nyid ni bstan par gsungs/ /lte dkyil dpa' bo gnas la sogs/ /lte ba'i dkyil na zhes bya gang/ /lte dkyil sprul pa'i 'khor lo nyid/ /de nyid sprul ba'i 'khor lo la/ /dpa' bo bcom ldan a ra li/ /thams cad la ni de nyid med/ /'on kyang gang phyir phyogs na bstan/ /ze'u 'bru spyod yul la zhes bya/ /ze'u 'bru 'dab ma drug cu bzhi/ /snying po bar gyi yan lag nyid/ /gsang ba mtshor ye nyid de/ /de yi spyod yul de dag la/ /ze'u 'bru gsang ba'i spyod yul la/ /dus kun 'gro don mdzad ldan nyid/ /a ra li ni zhugs par 'gyur/ /'di ltar the tshom go byas gsung/ /sems dang sems min sems dngos la/ /thog med sems dngos don phyir sems/ /dge ba nyid la yang dag dga' / /nyon mongs gnas skabs dbye ba'i phyir/ /bskul ba'i bdag nyid bsam pa yis/ /yang dag rab 'byor min pa las/ /bskul ba med phyir skyes lta bur/ /sems dngos min par sgyur la sogs/ /the tshom go byas 'di nyid gsungs/ /sems dngos zhes bya bsam rig go /'di ltar dngos nyid 'di yis te/ /sems nyid rang gsal rang bzhin te/ /shes dang shes bya'i rang bzhin gang/ /go phyir ye shes thabs nyid de/ /snying rje shes rab rang bzhin te/ /shes par bya ba bde mchog stong/ /'di dag gnyis ni gcig tu bsgyur/ /shes dang shes bya rang bzhin te/ /byang chub sems dpa' zhes bya nyid/ /gang na ci ste 'di ltar ni/ /bcom ldan 'das nyid shes par bya/ / 'di ltar the tshom go byas gsung/ /sangs rgyas bstan pa zab pa ste/ /de dag bdag gis bstan par bya/ /nyan thos rang rgyal rnams kyis ni/ /rab med phyir na zab nyid te/ /sangs rgyas rnams zhes sku gsung thugs/ /de rnams gang na bstan par byad/ /sangs rgyas kun gyi bstan pa nyid/ /bar na gsungs pa'i 'og gi gdan/ /ci ste stan byed gal te gang/ /A li kA li mnyam byed ces/ /A li zhes bya a la sogs/ /dbyangs kyi yi ge bcu drug nyid/ /kA li zhes bya ka la sogs/ /nga nya gnyis ni dri mi rgyud/ /de nyid spang phyir sum cu gnyis/ /'di ltar phreng gnyis kA lI zhes/ /A li phyogs gnyis de nyid spyod/ /kA li phreng ba gnyis sbyor mnyam/ /grangs ni bcu drug rnam par bzhag /A li kA li mnyam byas la/ /de na shar bu 'byor bya zhes/ /gnas na sangs rgyas bstan pa la/ /pad+ma'i steng du zla mtshan phyed/ /ya 'byung rlung gi dkyil 'khor zhon/ /ri las byung ba phreng gsum gyi/ /shar bu shes rab ma nyid gsung/ /'di dngos rang 'byung ma nyid gsungs/ /shes rab ma gnas de las 'byung/ /de nyid kyi ni gzugs can ma/ /lte ba'i dkyil 'khor de nyid la/ /las kyi rlung gis bskul bar 'bar/ /thams cad las ni grub byed ma/ /sgyu 'phrul chen mo zhes byar grags/ /skra rtse stong phrag yan lag ma/ /glog 'phro mnyam pa'i 'od byed ma/ /lha sku rnal 'byor rnam nyid la/ /ba spu rtse mo bu ga rnams/ /lha dang lha min 'jigs byas la/ /phyogs nyid thams cad ma la byung/ /long spyod rdzoD pa'i dkyil 'khor la/ /de dag nyid la song bar bya/ /g.yas pa'i sna spubs byung bar bya/ /mdzod sbu nyid 'gro bu ga la/ /phyogs bcu la gnas sangs rgyas rnams/ /de dang byang chub sems dpa' rnams/ /g.yon sna sbubs la zhugs byas la/ /spyi bar 'khor lo dag bsregs byas/ /rnam par ma lus dbyung bar bya/ /sdar gsungs bu ga yis ni yang/ / u spyi bol ni rab tu 'jug /'di ltar sangs rgyas bsregs pa yi/ /phyogs kyi de phyir dga' bar 'gyur/ /lto la dkyil 'khor 'od byas la/ /snga ma lta bu mi 'gul ste/ /shar du steng du 'bar zhes bya/ /gsungs pa'i rim pas shar bu gzugs/ /steng du zhu 'gro gtam tshig 'di/ /shes rab ces bya gang phyir 'gyur/ /khu ba'i gzugs kyis zhu 'gyur sogs/ /ci tsam du nyid de ltar gzung/ /bdud rtsi thigs pa'i gzugs can nyid/ /che dang ldan pa rnams kyi ni/ /skye ba dang ni 'dug pa dang/ /grol ba'i phyir na bdud rtsi yin/ /thigs pa rnam? shes kun gyi ni/ /yi ge bcu drug yang dag gsungs/ /bcu drug sgyu 'phrul chen mo ste/ /thigs pa lta bu yongs su bstan/ /dbyangs yig sgyu 'phrul chen mo nyid/ /de nyid go phyir yang na gsungs/ /'di rnams sgyu 'phrul chen mo gnas/ /de'i thigs pa rnam shes ci/ /khams kye don rnams bcu drug ni/ /de dag gzugs nyid thigs pa'i gzugs/ /khams kyi nor rnams bshad pa yin/ /yang ni bdag gis bshad par bya/ /lha mo khyod kyis mod la nyon/ /thigs pa'i gzugs ni 'di la yod/ /de phyir thigs pa'i gzugs shes bya/ /dbyangs dang 'dra bar dbyung phyir thigs/ /gang gsungs smra 'don bshad pa'i rgyud/ /gsang tshig rnam par bshad pa la/ /ra zhes par k+ta'i khams la sogs /gi ri dzin/ ga sha d+ha ba tra/ twa ga na d+ha/ ku suM tra ma ri Na/ a ri na/ pi sid+da ra/ gundu ra/ gat+taM ni de'i la/ daM sa ga ra tsa/ swa g+ha re dze ma/ 'di rnams snying po ga bur 'gyur/ /sgyu 'phrul chen mo khams bcu drug / thigs pa'i rigs pa 'byung bar 'gyur/ /chu klung ne rany+dza na nyid/ /snyan dngags kyi ni rigs par 'gyur/ /sangs rgyas bcom ldan bstan pa la/ /dpa' bo gtam rgyud skabs 'di nyid/ /de nyid spangs bya thigs pa bshad/ /thigs don rnam par shes ma byas/ /bcom ldan de phyir thogs pa gsungs/ /de yi mtshan nyid dpa' bos bshad/ /shes rab yang dag sbyor la sogs/ /nyid mgo thigs gzugs zhung 'gyur/ /'di ltar rdo rje 'chang nyid de/ byang chub sems ni rdo rje can/ /dri ma'i phyir gzhan khyad par med/ /dug bzhi rnams ni 'dra bar gtam/ /'di ltar the tshom go byas gsung/ /gang dbang po lam 'di nyid sogs/ /gang gang zhes bya 'dod pa yis/ /mig la sogs nyid nyid dbang por 'dus/ /de sgo dbang po mas nyid de/ /gang dbang pos de nyid la ma'i 'gro/ /de yi mtshan nyid rang bzhin gyis/ /byang chub sems nyid rang bzhin gyis/ /yang dag 'dod pa'i rnal 'byor zhes/ /yang da bces bya thiD gzuD can/ /de nyid bcom ldan rdo rje 'chang/ /'dod pa zhes bya gzugs kyis ni/ /de nyid kyis ni yang dag bshad/ /de nyid 'dod pa'i rnal 'byor gyis/ /sangs rgyas thams cad nyid tshe gang/ /sangs rgyas thams cad ces bya ba/ /rnam snang mdzad sogs nyid dag ste/ /de rnams bya ba byas pas ni/ /sangs rgyas thams cad mnyam par 'gyur/ /rang dang gzhan dang de bzhin gshegs snga/ /nyid kyi phyir na mnyam pa'i don/ /ci ste dri ma sangs rgyas 'gyur/ /thams cad go byas gal te bzlas/ /dam tshig chen po grub pa dang/ /ri lu chen po grub la sogs/ /goms dpa' o bas dang mngon sum byed/ /de phyir 'di nyid dam tshig rnams/ /de nyid chen po rnam tshig che/ /de ltar dam tshig chen po rnams/ /sangs rgyas rnam nyid rnam pa lnga/ /grub pa dam tshig chen po nyid/ /ri lu chen pho 'grub par bya/ /gang dag ri lu chen po 'grub/ /de dag grub pa nyid kyis ni/ /dam tshig chen po grub par 'gyur/ /gang ? dam tshig chen po 'grub/ /ji ltar de nyid ri lu yin/ /'grub pa de yi zhes bya gang/ /rnam par bshad pa'i rgyud las gsungs/ /sbrang rtsi khrag dang ga bur ldan/ / khrag dang can dan 'byor par bya/ /chogs kyi dkyil na rab tu bzhag /thams cad las ni de nyid mchog /ra sa ya na zhes bya ste/ /dam tshig chen po 'grub rgyu yin/ /rnal 'byor ri bu grub 'di nyid/ /ji ltar bya ba gal te bzlas/ /sgyu 'phrul chen mor rab sbyor bas/ /rnal 'byor sdom pa byed la sogs/ /sgyu 'phrul chen mo zhes bya gang/ /de rnams dbyangs yig bcu drug yin/ /de nyid 'di nas rab tu sbyor/ /so sor dam tshig sku gsung thugs/ /de dag nyid kyi rnal 'byor rnams/ /sgyu 'phrul chen mor rab sbyor gyis/ /rnal 'byor 'byor nyid longs spyod yin/ /dam tshig rnal 'byor sdom pa nyid/ /ci ste byed ces gal ter bzlas/ /yo byad rnam lnga ldan zhes bya/ /spyod yul gang nyid yo byad yin/ /me tog spos la sogs rnam lnga/ /'dod pa lnga nyid gzugs sgra sogs/ /de rnams kyis ni yang dag ldan/ /yo byad rnam pa lnga dag dang/ /'dod pa'i yon tan lnga dang ldan/ /'do rnams ci ltar rnyed pa bzhin/ /de ltar de rnams shin tu spyod/ /mi spang ba ni de nyid don/ /'di ltar bsdoms pas ci 'gyur te/ /'di ltar the tshom go byas te/ /grub pa'i dbang po shes bya sogs/ /yang dag rtag pa'i bya ba nyid/ /rnal 'byor dbang pos shes par bya/ /bskyed pa'i mtshan nyid grub pa ste/ /dam tshig grub pa'i ri lu nyid/ /grub pa 'di nyid 'bras bur gsungs/ /ri lu gcig pu 'di ltar grub/ /grub 'gyur zhes ni gal te bzla/ /gang grub pa ni shes byas gang/ /ye shes gang gis grub pa yis/ /grub pa'i de nyid grub par 'gyur/ /grub pa nyid ni grub byas la/ /khams gsum ma zhes lha yi khams/ /rigs 'dzin gzugs kyi rnal 'byor rnams/ /yang na lus ngag yid rnam gsum/ /dbang po lnga dang spyod yul lnga/ /de rnams gang na brten par byed/ / de nyid khams gsum zhes bya nyid/ /srid gsum sku ni bcom ldan 'das/ /byang chub sems ni rdo rje 'chang/ /gang 'khor khams ni sum cu la/ /de rnams kyis ni 'di ltar thob/ /bdag gi ye shes rab bshad bya/ /lha mo sgyu 'phrul chen mo bden/ /brdzu min bden par bdag gis bzla/ /gal te nges par 'di ltar gsungs/ /legs so legs so bcom ldan 'di/ /rang bdag khyod ni rdzu 'phrul che/ /de nyid ye shes sgyu 'phrul chen/ /bstan bzla smra dang de bzhin bshad/ /las gnyis ma nyid go bar bya/ /khyod ni ye shes brtson 'grus nyid/ /mkhas pa rnams kyis rig pa ste/ /rig ma 'jig rten gsum grub ma/ /srid pa gsum gyi skyed byed ma/ /sku gsung thugs nyid rab grub byed/ /rnal 'byor dbang phyug ces bya ste/ /chen po yang yin rnal 'byor yin/ /bsam gyi mi khyab mtshan nyid de/ /A li kA li sngon du bsam/ /rnal 'byor chen pos ngal sor gsungs/ /lto ba'i dkyil gnas gang ba yi/ /zla ba'i dkyil 'khor bsgom par bya/ /lte dkyil sems nyid 'gro ba la/ /yi ge de nyid dbang rab gsungs/ /de ni rje dpon ma nyid dngos/ /rnal 'byor dbang phyug chen mo ste/ /ci ltar de nyid ye shes yin/ /legs ldan khyod kyis gal te bstan/ /kun gyi rang bzhin dngos legs nyid/ / de dag nyid ni legs ldan te/ /chu sbyin lta bu legs ldan te/ /yang dag 'byor las skye ba dang/ /rab 'byor las skye de ltar gnyis/ /yang dag 'byor skye zhes bya ba/ /b+ha ga dkyil na yang dag gnas/ /bde ba thams cad sbyin pa'o/ /thams cad byis pa rmongs pas na/ /de la gnas pa ma shes so/ /the tshom bcad pa'i phyir na gsung/ /yi ge phreng rnams zhes bya gang/ /yi ge rnams ni a dang ka/ dbyangs dang mtshon dang gsum rnams kyi/ /phreng ba rnams kyi zhes bya ba/ /yi ge phreng ba rnams kyi bshar/ /don mi spong phyir yi ge yin/ /mi dmigs pa ni bde mchog yin/ /de rnams kyi ni tshor ba'i phyir/ /de yi phyir na legs ldan yin/ /yang na legs ldan dpe med nyid/ /yi ge phreng ba rnams kyi ste/ /A li kA li rnam sna tshogs/ /las kyi ye shes yin pa ste/ /sngags kyi shar ba spyod pa yi/ /cho ga'i le'u bzhi bcu rtsa gcig /tshig bshad sum brgya A li kA /li ni rab tu bstan pa yin/ /a yig thig le me 'od zer/ /dmar pos brgyan par byas pa ste/ /bsgrub bya snying po spyi bo gsang/ /de bzhin lte bar rnam par bsam/ /a yig thig le ldan bzang ris/ /mtshal dang 'dra ba'i mdog tu ste/ /bsgrub par bya ba'i spyi bo la/ /bse 'bras 'dra ba'i mdog ni bsam/ / myos dang brlag dang gsang dang bsam/ /ye shes nyid kyi mthu ni bstan/ /gang dag bsams tsam gyis sogs 'di/ /g.yo ba ces bya skye bo rnam/ /mi g.yo zhes bya mi 'gul rnams/ /g.yo dang mi g.yo 'grub par 'gyur/ /g.yo ba ces grub thar pa yin/ /yang na ci ste de ltar grub/ /legs ldan mi g.yo mi 'grub bo/ /byas pa'i 'bras bu'i rig pa dang/ /ye shes phya ba'i bzhi pa la/ /de ltar don nyid 'tshal ba dang/ /ye shes nyid dgongs pa rnams kyis/ /bsnyen gnas nyid la gnas mi bya/ /'di ltar the tshom go byas gsung/ /'dod pa'i longs spyod thams cad sogs/ /'dod pa'i longs spyod thams cad kyis/ /rnal 'byor pa rnams ci 'dod spyod/ /ye shes 'di ni grub par 'gyur/ /aoM sa'i don grub pa yis ye shes can gyis gal te bzla/ rdo rje rnal 'byor ma rnams kyis/ /rnal 'byor dus kun rtse la sogs/ /rdo rje zhes bya ye shes nyid/ /'di ltar rnal 'byor rdul phran nyid/ /de nyid gzugs kyis yang dag 'byor/ /de nyid gang la snang ba de/ /rdo rje rnal 'byor ma rnams te/ /de dag rnal 'byor ma rnams kyis/ /dus zhes par chad med rtag tu/ /de rnams lhan cig rtse bas 'grub/ /'dod pa'i don kun grub par 'gyur/ /de phyir de nyid brtan par bshad/ /chang dang khu ba dgug pa dang/ /gong bu de bzhin dgug la sogs pa ? chen rtog pa che/ /bdun khong kun gyi sha za 'am/ /lha mig dang ni rdzu 'phrul che/ /mngon par shes pa lnga la sogs/ /yon tan yod phyir mi 'gag gsung/ /nyin re bzhin du zla 'thung sogs/ /zla ba ces bya bdud rtsi yin/ /so sor rnam lnga btung bar bya/ /sngar gsung 'bras bu 'grub par bstan/ /rnal 'byor dbang phyug ces sngon bshad/ /lhag med las byed rig ma che/ /grub par rig ma chen mo yi/ /gang nyid rnal 'byor 'byor dbang ma/ /de nyid rnal 'byor dbang phyug ma/ de rnams rig pa'i skyes bu nyid/ /rnal 'byor dbang phyug ma rnams kyi/ /thabs dang shes rab de gnyis kyis/ /rnal 'byor dbang phyug rig pa che/ /de yi rgyud dang gtan tshigs dang/ /de ni rnam par bstan pa ste/ /de bzhin yongs su bcad pa ni de nyid kyi di rol par 'gyur/ /sbyor ba tsam gyis ma 'gug brtan/ /yi ge gnyis 'byor la zhes bya/ /yi ge ma yin thig le tsam/ /rgyud las gsungs pa'i 'di ltar yod/ /span ba dag dang dri med de/ /byang chub sems zhes rnam par bshad/ /dud zla me tog kun da 'dra/ /de yi rnal 'byor gyis ni bdag /yi ge gnyis pa rnal 'byor gyis/ /sgom pa de nyid sgoms par byed/ /bsgom bya zhes bya rnam par bsgom/ /dkar dang dmar dang ma lus 'byor/ /rgyud las 'di ltar gsungs pa nyid/ mdog ni dmar po bsam byas la/ /bsam gtan la ni zhugs par bya/ /gzugs ma dang ni yang dag ldan/ /khams gsum dag ni bsgom par bya/ /dgug par gzabs pas gsal byas la/ /yang na rab tu zhugs par bya/ /khams gsum thams cad dbang du 'gyur/ /dbang dang 'gug pa bstan byas la/ /gong bu chen po dgug par gsungs/ /a yig yang dag 'byung zhes bya/ /thig le dang bral ya yig ste/ /yang dag 'byung zhes sku gsung nyid/ /yang dag 'byor bsgom gong bu dgug / de dag rnam par goms par bya/ /gang de de las yang dag 'byung/ /gang de gong bu dgug par bya/ /rnam bshad rgyud la bstan par gsungs/ /a zhes ye ge las ni grub/ / sku bdog dkar po zhal bzhi ste/ /rdo rje khwa dang bzhin du dpa' / /zla ba phyed kyis thod mchog byas/ /ka phal dang ni tsa sa ka/ dbugs ni mi 'gul bsam par bya/ /rlung dang me nyid zhon la sogs/ /gong bu dgug pa'i stan byas la/ /de bzhin khu ba dgug par gsungs/ /kha zhes yi ge yang dag ldan/ /khe yig yang dag dang ldan gang/ /thog ma'i dbyangs yig mtshan nyid gsungs/ /bsgrub bya thig le la ni bsam/ /khu ba nyid ni zhu bar bya/ /khu ba'i dgug pa gsungs byas la/ /de bzhin chang gi dgug pa gsungs/ /ci zhes ye shes grub par bya/ /rnam par bshad pa'i rgyud las gsungs/ /zhal bzhi phyag bzhi mdog ni ser/ /thong mchog ka pA la phreng byas/ /sdigs 'dzub rdo rje dang ni zhags/ /ka pA la yang g.yon pa'i phyag /g.yas la rdo rje 'bar ba nyid/ /de bzhin gzhan la lcags kyu sbyin/ /rta yi zhal dang 'dra byas la/ /chang gis dbug pa mchog gi mchog/ de nas khrag gi dgug pa gsungs/ /ra zhes ye shes nyid kyis 'grub/ /sku mdog dmar po 'bar ba che/ /dpa' bo kA pA la phreng 'dzin/ /rgyan rnams kyis ni brgyan par byas/ /phyag bzhi zhal bzhi ce sbyang zhal/ /de dag rgyan gyis rnam par brgyan/ /g.yon pa'i phyag na kha TAM dang/ de bzhin ka pA la yang 'dzin/ /gzhan la rdo rje ral gri 'dzin/ /rak+ta sho Ni da nyi tshe/ /'grub par bya ba'i gzugs ni gzabs/ /mkha' 'gro 'khor lo spro bar bya/ /'jig byed rnams ni rnam par bsam/ /phra mo rdo rje mthu yis ni/ /khrag gi dgug pa'i rab kyi mchog / kha dog drug dang ldan pa zhes/ /kha dog drug bstan gsungs pa de/ /de ltar na ni rab tu bstan/ /snying dang mgo dang spyi bo dang/ /dpung mgo spyan dang yan lag rnams/ /lte ba snying dang kha dang mgo/ spyi bo mtshon rnams kyi ni gnas rdo rje sems dpa' snang mdzad dang/ /pad+ma gar gyi dbang phyug dang/ /de bzhin dpa' bo he ru ka /rdo rje nyi ma rta mchog ces/ /mchod pa'i rdo rje 'di rnams drug /phag mo dang ni mtshan byed ma/ /myos byed dang ni g.yo byed ma/ /skrag byed ma ni dwag mo ste/ de rnams rnal 'byor drug ni bshad/ /gnas pa bsam bya dgos pa gsungs/ /mkha' 'gro ma rnams sdom pa grub/ /ye shes mkha' 'gro ma rnams nyid/ /rdo rje mkha' 'gro ma rnams te/ /mkha' 'gro ma rnams nyi shu bzhi/ /phrin las bzhi yi rnal 'byor mkha' / /de rnams kyi ni sdom pa zhes/ /mkha' 'gro rnams kyi sdom pa la/ /gzhan gyi pho brang zhugs pa yi/ /de yi phyag na skabs 'di la/ /'pyad dang ha ra da gnyis kyis/ /de dag gzhan lam 'gog pa gsungs/ /mi gnyis la sogs shes par byas/ /spyi bo nas ni rten du 'phro/ /gzhan gyi pho brang zhugs pa'i phyir/ /mig la sogs ni gnas drug spang/ /puM hUM smuM hmyaM hmyaM yan cad dag/ sa bon drug rnams 'gog byas la/ /grub par bya ba'i yi ge dang/ /yang gsungs rgas pa'i sa bon gyis/ /yang dag par zhes bya ba'i don/ /'dren par bshad pa bzhag ste btang/ /gang gi pho brang bstan par bya/ /'di ltar the tshom go byas gsung/ /seng ge rnam par rtsa ba yi/ /de yi phyag rgya zhes bya ni/ /seng ge zhes ni mnan byas la/ /glang po che ni bsad byas la/ gzung byas rang gnas 'ong bar byed/ /rang gi ye shes ge yi/ /gzhan gyi ye shes glang po che/ /gang gi rnam par rtse ba yi/ /ye shes ri dwags kyi rgyal po/ /rtse mo rnal 'byor rig pa yin/ /seng ge rtse mo phyag rgyad gsungs/ /seng ge rnam par rtsed mo yi/ /phyag rgya yang dag de nyid ni/ /ye shes gnyis kyis yang dag dag dkris/ /phyag rgya bya bar gal te bstan/ /srog 'chags yang dag mnan byas la/ /srog ces bya ba 'phyang ba nyid/ /'chags ces bya ba ha ra ste/ /de dag gnyis ni yang dag dag/ srog dang 'chags dang yang dag mnan/ /des pa'i gnas ni dag byas la/ /de phyir rgyud las kha cig bstan/ /gong du gnas rnams la ni dag/ ma byas 'bras bu med par 'gyur/ /bur bya ba dag par gsungs/ /de ltar lus ni gang bar bya/ /kum pa ka nyid rengs par bya/ /re rtse ka ces bya ba ni/ /sna tshogs nyid ni phyung bar bya/ /zhi ba nyid ni zhi bar 'gyur/ /srog dang 'chags dang yang dag mnan/ /ji ltar sgyur ram gal te bzla/ /bsam par byas la de nyid du/ / skad cig la ni rab tu 'bar/ /gang nyid ye shes khwa lnga yis/ /ye shes gzhan nyid glang po che/ /de yi dbang po gsod par byed/ /ye shes seng ge bsam byas la/ /bsam byas ji ltar gal te bzla/ /rab tu 'bar zhes bya ba ni/ /'bar ba gzhan phyogs rang bar 'gyur/ /bsams phyir gal te 'di ltar 'gyur/ /khyod ni de phyir legs par gsungs/ /ji ltar da nyid gal te bzla/ /'og min khams ni man chod ni/ /rgyal po chen po bzhi la sogs/ /'og min khams ni man chad du/ 'jig rten khams ni nyi shu ste/ /'jig rten bdun zhes bya ba ni/ /sa 'og bdun la sogs pa ste/ /mi yi 'jig rten man chad du/ ye shes rgyal po bsgo ba yis/ /de dag kyang ni go mi nus/ /ji ltar de nyid shes par bya/ /de nyid mi shes the tshom gsung/ /thams cad so zhes bya ba ni/ /'gro ba'i rtse mo zhes bya 'di/ /'di dag 'jig rten rol mo yin/ /yang dag rdzogs pa'i sangs rgyas nyid/ /de rnams la ni ga la yod/ /'gro ba'i rtswe mo spyad pa yi/ /'jigs pas ye shes gsang ba yin/ /sangs rgyas sbyor yul ye shes che/ /bshad pa'i the tshom go byas gsung/ /gzugs ni gcig pus bsam par bya/ /gcig pu zhes bya gnyis su med/ /gong bu gzugs ni gnas pa nyid/ /de la song ba'i gzugs rnams ni/ gong bur 'gyur ba'i sems rnams de/ /gong bu bsam gtan bshad par bya/ /ji ltar rgyud gzhan las ni bstan/ /de nyid 'di na rgya chen drangs/ /pad+ma chen po mdog ni sngo/ /kha 'og lta bu ba gur ldan/ /de yi dbang byed gnas ni gang/ /kun du zla ba lta bu'i mdog kye/ /lha mo chen mo rnam par shes/ /ye shes bdud rtsi gcig pu nyid/ /srog gi dngos por sgrin pa ste/ /gong bu la gnas de nyid bstan/ /A li kA li yang dag ldan/ /sa bon de nyid sbyar bar bya/ /rnal 'byor rnams kyis khyad par du/ / 'phyad dang ha ra de gnyis kyis/ /nyi ma'i lam nas sgyu 'phrul lha/ /mo nyid dang ni ldan par byung/ /grub par bya ba'i snying par na/ /me rlung 'bar ba rab tu zhugs/ /rnam par shes pa gzung byas la/ /rang lus dkyil 'khor lta bur zhugs/ /gzhan gyi pho brang rab tu zhugs/ /de dag nyid ni bstan byes la/ /ra sa ya na bstan par bsrungs/ /sgo dgu las byung gad nor bdag/ de dag la ni rab tu 'grub/ /bsgom byar bya zhes bya ba ni/ /nor rnams gser dang dbul dang srog/ rtsa ba rtsa rnams bsgom par bya/ /yang na bshad rgyu so sar rgyu/ /yang nas la sogs pa yi/ /'byung ba lnga'i nyid nor rnams ni/ /'di ltar lus nyid nor bdag ste/ /lus nyid ra si dbang po ste/ /las kyi bdag gi skal ba yi/ /de yi dbye ba nges pa las/ /dang po de nyid ma lus bstan/ /mig dang rna ba sna dang lce/ /gsang ba g+hi g+haM la sogs sgo/ /de las byung ba las byung ste/ /ji ltar de nyid ra sa yin/ /de yi ji ltar 'byor ba bya/ /gsang ba las ni bza' bar bya/ /dngos po yin te bzhag ma yin/ /ci ltar bza' zhes gal te bza' / /thams cad rnal 'byor ma nyid yin/ /rnal 'byor gyis zhes bya ba ni/ /thams cad rnal 'byor ma dbyangs kyi/ /de dag yi ge bcu drug ste/ /chos kyi dbyings kyi rang bzhin nyid/ /lus bzhi dam tshig bzhi ni bsam/ /ba sbyor bzhi yis rnal 'byor gyis/ /pha ha ra bzhi rnam par bsam/ /grub pa po mchog nyid kyis ni/ /ji ltar dus bzhi byin gyis brlab/ /lha yi 'khor lo'i rnam pa rnams/ /ji ltar de nyid rnal 'byor ma/ /gang gi bkur stis rnal 'byor grub/ / 'di yi grub ces gal te bzlas/ /thams cad rgyan ni yang dag ched/ /gang gis 'di ni sku gsum 'grub/ /de ltar rnal 'byor mchog gi mchog /de phyir gzhan grub grub bci/ /nor tshogs grub ces bzlas pa ni/ /nges par grub pa la lus thob/ /sku gsum smon lam sbyin pa po/ /de nas rdo rje sems dpa' ste/ /sku gsum grub pa thob dang ldan/ /nor gyi tshogs kyi goms pa po/ /yang de ltar ni thob ces bstan/ /ji ste 'gyur zhes gal te bzlas/ /dbang po gnyis kyi rab tu sbyor/ /dbang po gnyis kyis rab sbyor bas/ /las byung sku gsum grub pa nyid/ /nor tshogs dbang po gnyis las byung/ /mi shigs pa yi phyir 'di nyid/ /'di ltar sku gsung grub par bstan/ /bla med de nyid grub par 'gyur/ /'di ni dam pa ci yong don/ /de nas rgyud 'di las ni bstan/ /ma lus bstan pa so sor bstan/ /de nyid dag ni gsal bar bshad/ /don min grub pa po nyid go /'di na bstan pa'i grub pa rnams/ /grab par bya zhes go byas bshad/ /'di na tshigs su bcad par 'gyur/ /tshigs su bcad rnams tshigs su bcad/ /phyed kyang tshigs su bcad pa ste/ /de nas gong bu don gyi snyan/ /dang gsar ba tu ni brtag pa po/ /tshigs su bcad pa gal te bzla/ /gzugs rnams dang ni phyag rgya rnams/ /mtshan ma rnams la de bzhin du/ /gzugs rnams la ni dbyibs rnams te/ /lha yi rnam pa'i gzugs rnams nyid/ /phyag rgya rnams la zhes bya gang/ /phyag rgyad bu rgyan la ni rigs/ /de dag bdag po bzhag pa ste/ /mtshan ma rnams kyis phyag mtshan mtshon/ /de dag gzugs la sogs pa yi/ /dbang bskur yan chad yan lag bzhi/ /ting 'dzin 'dod pa'i nor rnams ni/ /dam tshig bcu rnams bsam gtan te/ /de nyid nor ni 'bar byed dang/ /sro byed de nyid snom pa ste/ /ril bu dngos grub rnams ni de/ /thabs ni sna tshogs ma lus bstan/ /ha ra dang 'phyang ba'i 'gro ba ste/ /sngags kyi bkod pa'i 'phrin las nyid/ /ri lu rab tu grub la sogs/ /kye/ lha mo sgrub thabs sogs yid 'od/ /de dag rab tu bstan pa ste/ /lha mo yid mgyogs rnam par bstan/ /khyim brtab tu 'di ltar 'gyur/ /'du byed sngags 'di mchod pa byed/ /'chang byed klog byed bsam byed de/ /ji ste de ma bsgrags mi 'gyur/ /de nyid rnal 'byor dbang phyug ma/ /rtag tu dus kun bsrung bar 'gyur/ /rnal 'byor dbang phyug ma nyid ni/ /sgyu 'phrul chen mo bsrung pa'i don/ /sgyu 'phrul chen mo mkha' 'gro ma'i rgyud rnam par bstan pa'i le'u gsum pa rdzogs so// //sgyu 'phrul chen mo'i rgyud la rdo rje slob dpon mkhas pa dpal tu rdza ya tsan+d+ra sa sgyu 'phrul dang ldan pa'i 'grel pa byas pa rdzogs so/ / //gti mug mun pas ldongs rnams la/ /'grel pa 'di nyid mig sman byas/ /dge ba 'od rnams ci ni mdo/ /'grel pa sgyu ma can la dga' / /rje yi mnga' ris mngo smad dbyar mo thad/ /rdo rje rin chen glim btsun dbyen gnas su/ / ye shes sems dpas mos pa'i dang pas zhus/ /bde bar gshegs pa'i grags thugs rjes gnang/ /lung rigs dang mi 'gal bar bsgyur ba rdzogs so/ /'grel pa dang ldan rgyud nyid 'di/ /bsgyur ba mar me 'dra byas la/ /mkhan po bde gshegs grags pa yis/ /ri rab lta bu dge rtsa 'dis/ /sems can nyon mongs mes bsregs rnams/ /yang dag ye shes dang ldan gyur/ /dge shing bkra shis par gyur cig/ //dpal sgyu 'phrul chen mo'i 'grel pa bzhugs so// */ /rgya gar skad gu Na wa tyaM sh+rI ma hA mA yA TI ka/

CLOSE WINDOW