བོད་ཡིག

e-texts based on the ACIP/ALL Input

/rgya gar skad du/ dz+nyA na DA ki nI sA d+ha ni/ bod skad du/ ye shes mkha' 'gro'i sgrub thabs/ /dpal rdo rje rnal 'byor ma la phyag 'tshal lo/ /gad don sna tshogs sku 'dzin pa'i/ /lha mo ye shes mkha' 'gro ma/ /bdud rtsi'i dga' stong kyis 'gro rnams/ /ku mud can bzhin dga' gyur cig /'dir ni rdo rje 'dzin pa'i sku/ /bsam yas rdo rje rnal 'byor ma/ /bla na med pa'i gnas thob phyir/ /bsten bya rdo rje phag mo'o/ /yid dang rjes su mthun pa'i sa phyogs 'ga' zhig tu nub tu mngon par phyogs pa skra grol bas gtor ma sbyin pa sngon du 'gro bas skad cig gis bdag nyid ye shes mkha' 'gro ma'i gzugs su lhag par mos pa byas la/ rang gi snying ga'i sa bon gyi 'od zer gyis/ ye shes mkha' 'gro ma 'khor dang bcas pa nam mkhar bkug pa la snying ga'i sa bon las skyes pa'i lha mo rnams kyis phyi dang cig shes kyis mchod pa yang dag par mchod cing/ /sdig pa bshags pa nas btang snyoms kyi bar du rnam par bsgoms te/ /aoM swa b+hA ba shud+d+haaoM dzaM b+ha ni hUM phaT zhes pas rdo rje'i ra ba dang/ aoM dzriM swAhA zhes pas rdo rje'i gur rnams bsgoms te/ /aoM hUM phaT ces pas bgegs la phur bus gdab par bya'o/ /de'i dbus su/ /yuM k+ShuM suM hUM hUM rnams kyis rim pa bzhin du bskyed pa'i rlung dang me dang chu dang sa dang lhun po rnams kyi steng du/ sna tshogs pad+ma dang sna tshogs rdo rje'i lte bar/ aoM hUM phaT zhes yongs su gyur pa las rin po che sna bdun gyis spras pa'i gsar gyi rang bzhin gyi khang pa brtsegs pa'i dbus dang phyogs bzhi rnams su seng ge lnga rnams la sna tshogs chu skyes la gnas pa'i nyi ma'i dkyil 'khor lnga rnams so/ /dbus su seng ge las gdugs dkar po'o/ /de'i dbus kyi nyi ma la A li kA li las skyes pa'i zla ba dang nyi ma'i dbus su gnas pa'i hUM las skyes shing/ /des byin gyis brlab pa'i rdo rje rnam par bsgoms so/ /aoM badzra shud+d+hazla ba la sogs pa rnams kyis bskyed pa'i ye shes mkha' 'gro ma dang/ /de bskyed pa dang dus mnyam du dkyil 'khor ba rnams kyang rang rang gi sa bon rnams kyis bskyed par bsams nas/ aoM yo ga shud+d+had +harmAye shes mkha' 'gro ma sngon mo ste/ 'di'i cod pan gyi steng du rdo rjes mtshan pa/ /sangs rgyas lnga 'phro ba rnams kyis brgyan ba'i dar dbyangs bcings pa rtsa ba'i zhal khros shing gad rgyangs dang bcas pa/ g.yas pa dkar po bzhad pa/ g.yon pa dmar po sgeg pa dang bcas pa/ zhal so sor spyan gsum gsum dang ldan pa/ phyag g.yas pa gsum na steng du byas pa'i kha TwAM ga dang dgra sta dang rdo rje'o/ /g.yon pa gsum ni dril bu dang khrag gi gang ba'i thod pa dang ral gri bsnams pa'o/ /shar du rdo rje mkha' 'gro ma dkar mo sgeg pa'i nyams can no/ /byang du 'jigs byed mkha' 'gro ma gser mdog go /nub du ro langs ma sngon mo'o/ /lhor gtum mo dmar mo steng bzhi po 'di rnams g.yas dang cig shos kyi phyag gnyis steng du byas pa'i kha TwAM ga dang khrag gis gang ba'i thod pas mdzes pa'o/ /dbang ldan du seng ge mo seng ge'i dong pa can g.yon pa dang g.yas pa'i lus phyed/ phyed dkar po dang ser po dbang po dkar po la'o/ /mer stag mo stag gi gdong pa can g.yon dang g.yas pa'i lus phyed phyed sngon po dang dkar po rin po che bdun po la'o/ /bden bral du ce sbyang mo ce spyang gi gdong ba can g.yas g.yon gyi lus phyed phyad dmar po dang nag po ma he la'o/ /rlung du 'ug pa mo 'ug pa'i gdong pa can g.yon dang g.yas pa'i yan lag ser po dang dmar po gdengs can gyi dbang po brgyad kyi mjug ma rnams la ste/ bzhi po 'di rnams g.yas pa dang g.yon pa'i phyag gnyis rdo rje lcags kyu dang sdig mdzub dang bcas pa'i zhags pas brgyan pa'o/ /de nas shar sgor rgyal dbang mo dkar mo phyag gnyis snyim pa'i tshul du khar bzhugs pa'o/ /byang du mar me can ser mo snyim pa kha sbyar ba mar me lta bu spyi bor 'jin pa'o/ /nub tu mjib byed ma dmar mo khrag gis gang ba'i snyim pa steng du byas pa kha dang nye bar bzhag nas khrag gi rgyun 'thung pa'o/ /lhor kaM bo dzraM nig mo rdo rje thal mo'i mthe bo'i rtse mo gnyis phan tshun yang dag par sbyar te mdzub mo gnyis khab lta bu b+ha ga'i gnas su bzhag nas rang gi b+ha ga nye bar ston pa ste/ bzhi po 'di rnams yi dags kyi snying gar gnas pa'o/ /rdo rje mkha' 'gro ma la sogs pa bcu gnyis spyan gsum la zhal gcig pa rnams so/ /lha mo bcu gsum po rnams kyang lha'i mchog gi gos dmar po gyon pa/ /mgo la thod pa lnga'i phreng ba can/ phyag rgya lnga dang ldan pa/ sems dpa' i skyil krung gis bzhugs pa/ lag 'gro'i rgyal po brgyad kyis rnam par mdzes pa/ bskal pa'i mdza' i me 'bar ba lta bu'i 'od zer gyi phung po 'bar ba rnams kyis 'jig par byed pa bsgom par bya'o/ /de'i rjes la bdag nyid mgo bor k+ShuM mig la hUM rna ba dang sna'i nang du yuM/ lce la suMthugs byin gyis brlabs nas/ rang gi snying ga'i sa bon gyi 'od zer rnams kyis ye shes kyi 'khor lo nam mkhar spyan drangs la/ sngar bzhin yang dag par mchod la dam tshig bstan par bya'o/ /de la rdo rje khu tshur gnyis bcings te/ gung mo gnyis rab tu brkyang ba'i rtse mo dang rtse mo sbyar ba ni/ aoM hUM swAhA zhes pas ye shes mkha' 'gro ma la bstan par bya'o/ /mthe bo rgan po dag gung mo gnyis la yang dag par reg cing bskyod ba'i phyag rgya/ aoM badzra DwAM? ki ni hUM phaT swAhA/ zhes pas rdo rje mkha' 'gro ma la'o/ /khu tshur gnyis mnyam phor bcings te mthe bong rgan po gnyis rab tu brkyang ba ni/ aoM gau rI hUM zhes pas 'jigs byed ma la'o/ /phyag rgya 'di nyid bcings nas mthe'u chung gnyis rab tu brkyang ba ni aoM bet+tA lI hUM zhes pas ro langs ma la'o/ /phyag rgya 'di nyid bcings te gung mo'i sor mo gnyis rab tu brkyang ba ni/ aoM tsaN+Da lI hUM swAhA zhes bas gtum mo la'o/ /rdo rje khu tshur gnyis bcings te mdzub mo gnyis rab tu brkyad ba'i rtses mo sbyar ba'o/ /aoM AM swAhA/ aoM a'uM swAhA/ aoM rAM swAhA/ zhes seng ge mo la sogs pa bzhi po rnams la'o/ /aoM lAM swAhA/ aoM aiM swAhA/ aoM aauM swAhA/ aoM ala de dang de'i phyag rgya bstan par bya'o/ /de'i rjes su pad skor sngon du 'gro bas ye shes kyi 'khor lo/ /dam tshig gi 'khor lo la ji ltar rigs par bzhugs par bya'o/ /de nas snying ga'i sa bon gyi 'od zer gyis spyan drangs pa'i de bzhin gsheT pa dang lha mo rnams kyis mngon par dbang bskur ba'i par mchad par rgyas 'debs par bsam par bya'o/ /de la ye shes mkha' 'gro ma la sogs pa rnams rim bzhin mi bskyod pa dang rnam par snang mdzad dang rin chen 'byung ldan dang 'od dpag med dang don yod grub pa rnams kyis so/ /seng ge ma la sogs pa rnams la mi bskyod pa dang rnam par snang mdzad dang rin chen 'byung ldan dang 'od dpag med rnams kyis so/ /rgyal dbang mo la sogs pa rnams la rnam par snang mdzad dang rin chen 'byung ldan dang 'od dpag med dang don yod grub pa rnams kyis so/ /de'i rjes la spros pa'i mchod pa'i lha mo rnams kyis bdag la mchod cing bstod nas des nye bar bstabs ba'i bdud rtsi myangs te/ bde ba chen po'i pad+mar zla ba'i dkyil 'khor la gnas pa kha 'og tu phyogs pa smin ma'i dbus su 'phyar ba'i thig le dang hUM yig las bdud rtsi'i rgyun 'dzag par bsam par bya'o/ /zhes pa'i thig le'i rnal 'byor bsgoms pa'i mthar phra mo'i rnal 'byor yun ring du rnam par bsam par bya'o/ /skyon sngags bzlas par bya ste/ de la ye shes mkha' 'gro ma'i sngags/ /aoM h+rIswAhA/ aoM gau rI hUM swAhA/ aoM bet+tA lI hUM swAhA/ aoM tsaN+Da lI hUM swAhA/ aoM badzra si ha ni AM swAhA/ aoM badzra bya g+h+ra a'i swAhA/ aoM badzra jam+bu ki a'uM swAhA/ aoM badzra au lu kA syArI swAhA/ aoM badzra DI ba ta te dze aiM swAhA/ aoM badzra tsu ShI ni tsuShA sa sarba sa tran swAhA/ aoM badzra kaM po dzi a'jigs med myur thob shog / ces pa ye shes mkha' 'gro ma'i sgrubs thabs/ paN+Di ta chen po 'jigs med 'byung gnas sbas pas mdzad pa rdzogs so// //'di ni dpal ldan sa skya'i chos gra chen por/ dge slong rin chen rgyal mtshan gyis/ rgya dpe las bsgyur cing zhus te dag par byas pa'o/ /'di 'gro ba du ma la phan par gyur cig/ //ye shes mkha' 'gro ma'i sngags ni/ aoM h+rImkha' 'gro ma la sogs pa'i sngags kyang bzlas par bya'o/

CLOSE WINDOW