བོད་ཡིག

e-texts based on the ACIP/ALL Input

/ //rgya gar gyi mkhan po chen po ga ya d+ha ra dang bod kyi lo tsa ba chen po 'gos lhas bcas kyis bsgyur cing zhus te gtan la phab ba'o// //dpal gdan bzhi'i chu'i sbyin sreg bzhugs/ / bcom ldan 'das ye shes mkha' 'gro ma la phyag 'tshal lo/ /chu yi sbyin sreg rim pa zhig/ 'gro ba sems can don du ni/ /cung zhig bstan par bya ba yang/ /khyad par bsgrub pa'i don du bshad/ /chu yis sbyin sreg ji ltar 'gyur sgrub pa po ni the tshom skye/ /mes kyang sdig sreg sdig pa sbyong/ /chus kyang de bzhin 'dra bas na/ /nges na sbyin sreg ces bya'o/ /sa gzhi la sogs mtshan ldan par/ /shin tu yangs shing gru bzhi la/ /kun tu dris byug maN+Dal steng/ / bla re la sogs rgyan rnams bre/ /dbus su chu yi snod sogs la/ /dri ni dkar pos byugs nas ni/ /buM pa skyon bral yon tan ldan/ /dbyibs ni gru bzhi 'am zlum po la/ /thabs khung lta bu'i dbyibs can de/ /bcu bzhi kha tshang sum gnyis zabs/ /chu dang 'o mar bsres pa yis/ /dri zhim chu yis dgang bar bya/ /kha ni shing lo sar bas brgyan/ /yang na bum pa brgyad sogs kyi/ /gzhung gi don du 'dod par shes/ /'dir ni blo dman don grub gcig /bdag nyid ye shes mkha' 'gro ru/ /skad cig gis ni bskyed nas kyang/ /mchod pa la sogs bya ba'o/ /de nas stong pa'i dang las kyang/ /mchod gsum 'am skad cig mas/ /ye shes mkha' 'gro zhal gsum ni/ /bzhad dang khro bsgeg dang bcas phyag gnyis rdo rje dbyug pas mtshan/ /sems dpa' i skyil krung rgyan gyis klubs/ /kha dog dkar po'i ni bza' gsol/ /byin brlabs la sogs rdzogs byas la/ /chu skyon la sogs med pa yi/ /lag gnyis thal mo sbyar nas pad+ma'i tshul du cung zad dbye/ /aoM ka ma la be ha swAhA/ /pad+ma'i sngags dang phyag rgya'o/ /zla ba'i dkyil 'khor brgyan pa yi/ /pad+ma chu yi nang bkod la/ /gdugs dkar po yis g.yogs pa yi/ /sa bon dbus su bsgom par bya/ /rang gis dbugs las byung ba yi/ /sa bon las ni gzugs su bskyed/ /sku mdog la sogs gong dang mthun/ /sngags dang phyag rgyas spyan drangs bstim/ /lag gnyis phan tshun khu tshur bcings/ /mdzub mo gnyis ni brkyang nas su/ /mdzub mo/ gnyis ni mdud par bya/ /dam tshig phyag rgya rab tu grags/ /aoM sa ma ya tiSh+Tha? hUM phaT/ dam tshig sngags dang phyag rgya'o/ /me tog bdug spos dri la sogs/ /mkhas pa yis ni mchod par bya/ /rdo rje khu tshur gnyis bcings la/ /g.yon pa snying gar bzhag gnas su/ /g.yas pa steng nas dbub par bya/ /rtsa ba'i phyag rgyar rab tu grags/ /aoM dzuM hUM swAhA/ rtsa ba'i sngags dang phyag rgya'o/ /kun da la sogs rtsa mdog dkar/ /rtse mor dung pa btsugs nas su/ /lha mo'i dbu steng rdo rje yi/ cod pan la ni gtor bar bya/ /gsang sngags lan re bzlas nas su/ /lan re skyor bas dbul bar bya/ /lan grangs khri yi las kyis ni/ /thams cad rig cing cho 'phel 'gyur/ /ka ri ba ra'i me tog dmar/ /durba dang ni ldan pa yi las ni khri phrag byas pas ni/ /khyim rnams zhi bar rab tu grags/ /na ga puShba'i yam shing ni/ /'o mas spangs te dbul bar bya/ /las 'di khri phrag byas pa yis/ /grong ni zhi bar byed par 'gyur/ /pad+ma yi ni yam shing rnams/ /khri phrag tu ni bzlas nas su/ /las rnams kun la sbyar byas nas/ /yul phyogs zhi bar byed par 'gyur/ /pri yang ku dang pi wa dang/ /de bzhin autpal ku mu da/ /rgyal po las la sogs sbyar na/ /pha rol yul 'khor 'joms bar 'gyur/ / sngags pas rtag tu skyor chu gtor/ /brgya rtsa brgyad du gtor byas pas/ /bye brag tu ni rgyas par 'gyur/ /bcom ldan ye shes mkha' 'gro ma/ /sems dpa' i skyil krung phyag gnyis ldan/ /rgyan rnams kun gyis rnam par klubs/ /phyag gnyis rdo rje dbyug to bsnams/ /kha dog dkar bo'i shin tu mdzes/ /bzhad cing khro la sgeg dang bcas/ /shin tu mdzes ba'i na bza' gsol/ /ye shes mkha' 'gro ma la phyag 'tshal lo/ /'phrin las bcol 'byas nas ni/ /yi ge brgya pas bshags pa bya/ /badzra muMzer gyis/ /bdag dang slob ma gnyis ka yi/ /lus ngag ying gsum sgrib pa sbyong/ /me dang 'dra bar chu yis kyang/ /sdig pa 'dag pa kho nar gsungs/ /bdag gis 'di byas dge ba yis/ /sems can ma lus thams cad kyang/ /sdug bsdal? ma sum byang nas kyang/ /thams cad ma lus byang chub thob par shog/ /slob dpon b+ha ba'i man ngag rdzogs sho// //lo tsa ba tshul khrims gzhon nus bsgyur cing gtan la phab pa ste// // ye shes mkha' 'gro'i sgrub thabs bzhugs so/

CLOSE WINDOW