བོད་ཡིག

e-texts based on the ACIP/ALL Input

rdo rje dril thabs kyi mchod pa'i rim pa slob dpon 'phags pa lhas mdzad pa rdzogs sho// //dpal gdan bzhi pa'i bsgrub pa'i thabs bzhugs so/ /*/ /rgya gar skad du/ /sh+rI tsa tu rwi thi sA d+ha ni no mig /blos skad du/ dpal gdan bzhi pa'i bsgrub pa'i thabs/ thugs rje chen po 'phags pa spyan ras gzigs dbang phyug la phyag 'tshal lo/ /dngos dang dngos med dang las dpe mtshan ldan/ /de las 'gro ba'i don mdzad la btung de/ /bcu dang gsum bo ?? du bya ba'i thabs/ /rgyud na mi gsal bsdus te bri bar bya/ /de la re zhig slob dpon bum pa dang gsang ba'i dbang thob cing/ /rigs nges pa des/ mchog dang thun mong gi dngos grub thob par bya ba'i phyir 'jug par bya'o/ /yid du 'ong ba'i ??? kyi/ gnas dag tu ni rten nas su/ /bla re dag ni bri bar bya/ /sna tshogs gos ni dbyangs nas su/ /ba dan rgyal mtshan bsgreng bar bya/ /g.yer kha'i dra bas mdzes par bya/ /gnas bcu dag ni kun tu yang/ /de bzhin dri yis dkyil 'khor bya/ /mnyam med sems kyi dri yis ni/ /gru bzhi par ni byug par byaM/ lus la ste'u 'jog tsandan byug /sems ni mnyam par gnas pa ste/ /bzod pa'i me tog rnal 'byor pas/ /'bad dang ldan pas 'gram par bya/ /mnyam nyid bsgoms pa'i dug pa yis/ /rang bzhin dag pas bdug par bya/ /shes rab mang me'i snang ba ste/ /khams gsum gyi ni mun pa rnams/ /mar me 'di yis bcom nas su/ /ci ltar 'dod bzhin snang bar bya/ /mchod pa dgram par byas nas kyang bde ba'i stan la 'dug nas su/ /aoM badzra prA ka ra hUM phaT/ /lag g.yon thal mo phar bstan te/ /g.yas pa khu tshur rgyub sbyar nas/ /dbang ldan phyogs tshogs bskor bar bya/ /ra ba'i sngags dang phyag rgya'o/ /lag pa gnyis ni brkyang nas su/ / phan tshun rtse mo reg par bya/ /aoM dzuM swAhA/ dra ba'i sngags dang phyag rgya'o/ /g.yon pa khu tshur bcings nas su/ /mthe bong 'og tu brkyang bar bya/ /aoM bruM swAhA/ phur pa'i sngags dang phyag rgya'o/ /rnam par dag pa dang phan yon ni rgyud las shes par bya'o/ /rang gi snying ga'i zla dbus su/ /sa bon hUM gi 'od zer gyis/ /bla ma sangs rgyas snang byas la/ /tshigs bcad 'di ni brjod par bya/ /bdag ming 'di zhes bgyi ba ni/ /bla ma'i zhabs lham la phyag 'tshal/ /mkha' 'gro ma rnams la yang 'dud/ /sangs rgyas rnams la skyabs su mchi/ /'od zer de las byung ba yi/ /lha mo lag na spos la sogs/ /thogs pas mchod pa byas par bsam/ /sdig pa bgyis dang bgyid du stsal/ /rjes yi rang ba so sor bshags/ /sangs rgyas byang chub sems dpa' dang/ /nyan thos rang rgyal ma lus dang/ /'jig rten dge ba'i rtsa ba la/ /kun nas bdag ni yi rang no/ /chos kyi 'khor lo bskor bar 'tshal/ /mya ngan mi 'da' zhugs su gsol/ /dus 'di nas ni sangs ma rgyas/ /bar du las ni bsnyen par bgyi/ /bdag gi lus kyang dbul bar bgyi/ /bdag ming 'di zhes bgyi ba ni/ /dus 'di nas gzung ji srid du/ /byang chub snying por mchis kyi bar/ /ji ltar dus gsum mgon po rnams/ /yang dag byang chub nges mdzad pa/ /de bzhin bla med byang chub sems/ /dam pa bdag gis bskyed par bgyid/ /sangs rgyas rnal 'byor skyes sdom pa/ /sangs rgyas chos dang dge 'dun te/ /bla na med pa'i dkon mchog gsum/ /de nas brtsams te/ mchog du gsungs/ /bslab pa yi ni tshul khrims dang/ /dge ba'i chos ni bsdu ba dang/ /sems can don ni tshul khrims gsum/ /bdag gis so sor brtan par gsung/ /rdo rje rigs mchog chen po la/ /rdo rje dril bu'i phyag rgya yang/ /yang dag nyid du gzung bgyi zhing/ /slob dpon dag kyang bdag gis gzung/ /rin chen rigs mchog rnal 'byor gyis/ /dam tshig yid du 'ong ba la/ /nyin re bzhin du dus drug du/ /sbyin pa rnam bzhi stsal bar bgyi/ /byang chub chen po las byung ba'i/ /pad+ma'i rigs mchog dag pa la/ /phyi dang gsang ba'i theg pa gsum/ /dam tshes rab tu gzung bar bgyi/ /las kyi rigs mchog mthon po la/ /mchod pa ci nus bgyi ba dang/ /sdom pa thams cad ldan par bgyi/ /bla na med pa'i byang chub sems/ / dam pa de naM bskyed bgyi zhing/ /sems can kun gyi don gyi phyir/ /sdom pa ma lus bzung bar bgyi/ /ma bsgral ba rnams bsgral ba dang/ /ma grol ba rnams bdag gi dgrol/ /dbugs ma phyin pa dbugs dbyung zhing/ /'gro kun mya ngan 'das la dgod/ /byams dang snying rje dga' ba dang/ /btang snyoms bzhi po bsam par bya/ /de nas hUM gi me lce yis/ /snod bcud thams cad stong par bsgom/ /aoM swa b+hA ba shud+d+hahaM/ mnyam nyid stong par bsams nas su/ /de yi dbus su bltas nas kyang/ /der ni mtshan ma brtag par bya/ /mar me'i 'od kyi zhi ba ste/ /dmar po brdul gyis rgyas pa'o/ /nyi ma'i dkyil 'khor ltar snang ba/ /chags pa la sogs 'grub par 'gyur/ /mthar ni du ba nag mthong na/ /mngon spyod du ni rab tu grags/ /rlung gi mdog ltar 'khrugs pa yi/ /de yi mod las skrag bar 'gyur/ /zla ba dkar po'i 'od zer ltar/ /thams cad du ni dkar mthong na/ / rnal 'byor 'grub par shes par bya/ /blo ldan 'gro ba'i yang dag gnas/ /de yi nang du bsam pa ni/ /yuM las rlung gi dkyil 'khor bskyed/ /k+ShuM las me yi dkyil 'khor bsam/ /de steng suM las chu rang bzhin/ /hUM las gser gyis gzhi dang/ /ri rab chen po bsam par bya/ /de steng hUM las gzhal yas ni/ /khang pa brtsegs pa bsam pa ste/ /gser las byung ba'i grong khyer mchog /rin chen bdun po rnams kyis spras/ /g.yer kha'i dra ba'i phreng ba dang/ /dra ba dra phyed sogs pas brgyan/ /dbus dang phyogs bzhir seng ge'i gdan/ /nyi ma'i dkyil 'khor gyis brgyan par/ /'byung po glang po me mtshams su/ /rin chen bum pa gang ba'o/ /bden bral du ni ma he'i gdan/ /sngal gyi gdan ni rlung mtshams su/ /sgo bzhir yi dags gdan dgod bya/ /dbus kyi nyi ma'i gdan stengs su/ /rang gi dbugs las byung ba yi/ /hUM las rdo rje rtse lnga pa'i/ /aoM badzra shud+d+ha sarba d+ha rmA badzra shud+d+ho haM/ de las ye shes mkha' 'gro bskyed/ /sems dpa' yi ni skyil krung can/ /skra grol bas ni g.yogs pa ste/ /sangs rgyas lnga yis mdzes par bya/ /kha dog sngon po drag chen mo/ /sprul gyi rgyan gyis rnam par klubs/ /bzhad dang khrod dang sgeg pa yi/ /zhal gsum po ni spyan gsum mo/ /ha har bzhad cing 'tshig pa ste/ /na bza' dmar pos shin tu mdzes/ /kha TwAM gyen du bsgreng ba dang/ /gnyis pa na ni dgra sta nyid/ /gsum pa na ni rdo rje thogs/ /g.yon pa dril bu sgra sgrogs shing/ / gnyis pa na ni snod nyid de/ /gsum pa de bzhin ral gri 'phyar/ /'od zer sna tshogs 'bar ba ru/ /dbus su mkha' 'gro ma bsgom bya/ /aoM yo ga shud+d+ha sarba d+harma yo ga shud+d+ho haM/ ye shes kyi ni shar phyogs su/ /bdag gi chu las byung ba yi/ / sum las rdo rje mkha' 'gro bsgom/ /kha dog dkar po shin tu mdzos/ /skra grol bas ni rnam par klubs/ /phyag gnyis sems dpa' i skyil krung can/ /rgyan rnams kun gyis brgyan pa ste/ /phyag na kha TwAM rnal 'byor snod/ /shin tu mdzes pa'i na bzas glubs/ /'od zer sna tshogs 'bar ba'o/ /ye shes kyi ni byang gi char/ /bdag gi me las byung ba yi/ /k+ShuM las byung ba'i drag mor bskyed/ /kha dog ser mo shin tu mdzes/ /sems dpa' yi ni skyil krung bcas/ /skra grol bas ni brgyan pa ste/ /sprul gyi rgyan gyis rnam par klubs/ /sku la na bza' mdzes pa man bas/ /phyag gnyis kha TwAM rnal 'byor snod/ /ye shes gyi ni nub phyogs char/ /bdag gi rlung las byung ba yi/ /yuM las mkha' 'gro ro langs ma/ /phyag gnyis sems dpa' i skyil krung can/ /kha dog dmar po kun tu 'od/ /kha TwAM rnal 'byor snod bsnams zhing/ /sgra sgrol bas ni mdzes pa ste/ /lus kun sprul gyi rgyan gyis brgyan/ /shin tu mdzes pa'i na bza' gsol/ /'od zer sna tshogs 'bar bar bsam/ /ye shes kyi ni lha yi char/ /sa yi ye shes las byung ba'i/ /hUM las mkha' 'gro gtum mo bsgom/ /sems dpa' yi ni skyil krung can/ /kha dog sngon po shin tu mdzes/ /kha TwAM rnal 'byor snod bsnams shing/ /rgyan rnams kun gyis klubs pa ste/ /skra grol bas ni shin tu mdzes/ /ha har rgod pas 'jigs par mdzad/ /'od zer sna tshogs 'bar ba'o/ /dbang ldan gyi ni phyogs kyi char/ /seng ge'i gdod ni bsam bya ba/ /kha dog dmar zhing ser ba ste/ /glang po yi ni stan la bzhugs/ /rdo rje lcags kyu sdigs mdzubs can/ /shin tu mdzes pa'i na bza' gsol/ /'od zer sna tshogs 'bar ba yi/ /'bar ba'i lus can bsgom par bya/ /me mtshams stag mo zhes bya ba/ /rin chen bdun gyi stan la bzhugs/ /phyag gnyis kha dog dkar zhing sngo/ /shin tu mdzes pa'i na bza' gsol/ /phyag na lcags kyu brgyan pa ste/ /g.yon pa sdigs mdzub zhags pa can/ /'od zer sna tshogs 'bar ba yi/ /'bar ba'i lus can bsgom par bya/ /bden bral lta me ce sbyang mo/ /ha ha bzhad pas 'jigs par mdzad/ /ma he yi ni sten la bzhugs/ /mdog ni dmar zhing sngo ba ste/ /sku la na bza' mdzes pa gsol/ /phyag gnyis lcags kyu zhags pa dang/ /sdigs mdzub kyis ni shin tu mdzes/ /sprul gyis brgyan zhing rnam par klubs/ /'od zer sna tshogs 'bar ba yi/ /'bar ba'i lus can bsgom par bya/ /rlung mtshams lha mo 'ug pa mo/ kha dogs ser zhing dmar ba sta/ /klu yi stan la yang dag bzhugs/ /rgyan yang de nyid sbyar bar bya/ /phyag gnyis sems dpa' i skyil krung can/ /sdig mdzub lcags kyu zhags pa bsnams/ /'od zer sna tshogs 'bar ba yi/ / 'bar ba'i lus can bsgom par bya/ /dbus kyi mkha' 'gro ma brgyad kyi/ /phyi rol dag ni rnam bzhi la/ /shar du mkha' 'gro phu las bskyed/ /phyag gnyis kha dog dkar po ste/ /yi dags kyi ni stan la bzhugs/ /sprul gyi rgyan gyi klubs pa ste/ shin tu drag cing skra grol ba/ /'od zer sna tshogs yang dag par/ /lag gnyis kha ru bcug nas ni/ /ha har bshad pas shin tu 'bar/ /byang du 'bar ma pheM las bskyed/ /kha dog ser po shin tu drag /spyi bo'i steng du lag pa gnyis/ / thal sbyar mar me lta bur 'bar/ /drag po'i gzugs can 'tshig pa ste/ /shin tu mdzes pa'i na bzas brgyan/ /yi dags kyi ni stan la bzhugs/ /'od zer me ltar 'bar ba bsgom/ /nub tu 'jigs byed phroM las bskyed/ /kha dog dmar mo 'jigs su rung/ /yi dags kyi ni stan la bzhugs/ /shin tu mdzes pa'i na bza' rgyan/ /lag gnyis snyim par sbyar byas nas/ /khrag gi rgyun ni 'thur bang mdzad/ /me ltar 'bar zhing shin tu gsal/ /'jigs byed drag mo bsgom par bya/ lho ru 'phrog byed phri las byung/ /kha dog sngon po kun tu 'od/ /yi dags kyi ni stan la bzhugs/ /skra grol bsin brgyan pa ste/ /shin tu 'bar ba'i ni bza' brgyan/ /sprul gyi rgyan gyis klubs pa ste/ /sdigs mdzub dang ni btun shing thogs/ /sems can sems ni rmongs par byed/ /'od zer me ltar 'bar zhing drag /kun rigs pas ni thams cad bsgom/ /de nas ba dan gsum pa'i phyag rgyas/ /bsrung bar bya ste/ mgo bar ni k+ShuM ngo/ /mig tu ni hUM ngo/ /sna dang rna ba gnyis la yuM ngo/ /khar suM mo/ /mgrin par smryuM ngo/ /nam tshor ru ymruM ngo/ /snying gar hmryuM nge/ /lte bar k+Sh+mryuM ngo/ /de nas rang gi snying ga'i sa bon las 'od zer 'phros pas/ /sangs rgyas la bskul bas lha mo mang po byung ste/ /dbu rgyan dang bum pa'i/ sogs pas dbang bskur bar bsam mo/ /bdag gis dbugs kyi 'od zer gyis/ /mkha' 'gro ma rnams spyan drangs ste/ /de dag gi ni gzugs mdun no/ /dam tshig rnams ni bstan par bya/ /khu tshur gnyis ni bcings nas su/ /dbu ma gnyis ni brkyang nas su/ /rtse mo phan tshun sprad nas ni/ /ye shes lha mo bstan par bya/ /lag gnyis phan tshun sbyang nas ni/ /dbu ma dang ni mthe bong sprad/ /cung zad cig ni bskyod par bya/ /shar phyogs rdo rje ma la bstan/ /khu tshur mnyam par bcings nas su/ /mthe bo gnyis ni brkyang byas la/ /byang gi phyogs nas brtsams nas su/ /rgya 'di drag mo la bstan bya/ /phyag rgya de nyid bcings nas su/ /mthe'u chung gnyis ni brkyang par bya/ /nub tu gnas pa'i ro langs ma'i/ /phyag rgya du ni sbyar bar bya/ /phyag rgya de nyid bcings nas su/ /gung mo gnyis ni brkyang bar bya/ /lho phyogs phyag rgyar bshad pa ste/ /de ni phyag rgya bzhi pa'o/ /rdo rje khu tshur gnyis bcings nas/ /khro bo gnyis ni brkyang nas su/ /rtse mo sprad de gnas pa ni/ /mtshams bzhi yi ni phyag rgya yin/ /lag gnyis thal mo khar bcug nas/ /phuM zhes bya ba sbyar bar bya/ /shar phyogs mkha' 'gro'i phyag rgya yin/ /lag g.yon thal mo kha sbyar nas/ /spyi bo cu ni bzhag par bya/ /byang du gnas pa'i 'bar ma la/ /phyag rgya 'di ni brtan par bya/ /phyag 'tshal thal mo sbyar nas su/ /kha ru bcug ste hUM zhes bya/ /nub phyogs lha mo 'jigs byed me/ /phyag rgya ru ni sbyar bar bya/ /lag gnyis kun tu bskor nas su/ /sor mo rnams kyi rtse mo ru/ /gsang ba'i gnas su bzhag nas kyang/ /lho phyogs 'phrog byed ma la brtan/ /bskyed pa'i dus su brkyang ma ste/ /phyag rgya'i dus su aoM dang ni/ /swAhA'i bar du spel ste bzlas/ dam tshig lha mo rnams la ni/ /rdo rje khu tshur gnyis bcings nas/ /g.yon pa snying khar gzhag nas su/ /g.yas pa mchan khung gzhug bya ba/ /dam tshig sems ma rnams la bstan/ /sngags ni aoM hUM swAhA zhes so/ /de ltar ye shes sems ma dang/ /dam tshig sems ma rnams la ni/ /dam tshig so sor bstan nas kyang/ /gnyis su med par bsam par bya/ /da ni mchod pa 'byung ste/ /khro bo dang mthe bong sbyar la/ /lhag ma brkyang ste/ aoM puShpe mAle hUM swAhA/ ma tog gi sngags dang phyag rgya'o/ /me tog gi phyag rgya las dgum bsgreng ba dang/ aoM d+hU pe sh+ra ri hUM swAhA zhes pa ni bdug pa'o/ /khu tshur las mthe bo brkyang ba dang/ aoM badzra tI k+Sh+Na dI pe hUM swAhA/ zhes pa mar me'i 'o/ /lag pa g.yas brkyang ba dang/ aoM hUM swAhA zhes pa ni sngags dang phyag rgya'o/ /lag pa gnyis brkyang ste/ /gung mo'i rtsar ra mtheb mo bskyod pa dang/ /aoM ku ru ku du ma hA ba li hUM swAhA/ zhes bya ba ni gtor ma'i sngags dang phyag rgya'o/ /phyi nas mchod pa nyi shu yin/ /ye shes can gyis mchod par bya/ /hUM zhes bya ba'i glu blang zhing/ /rnal 'byor maM kun mnyes par bya/ /rdo rje khu tshur gnyis bcings la/ /rked pa'i mtshams su bzhag nas ni/ /yan lag gsum du hUM gis bskyod/ /pi wang tshul du bsgreng ba dang/ /gling bu'i tshul du 'bud pa dang/ /zad dud tshul dul bud pa dang/ /dkrol ba'i tshul du dkrol ba dang/ pa Ta ta ltar brdung ba dang/ /gar gyi tshul du bskyod pa dang/ /bsil yab tshul du g.yo ba dang/ /rgyal mtshan tshul du bskyed pa dang/ /bla re'i tshul du bre ba dang/ /ba dan tshul du 'phyar ba dang/ /gdugs kyi tshul du dga' pa dang/ /rdza rnga'i tshul du brdung ba dang/ /rnga zlum tshul du brdung ba dang/ /'dzum pa'i tshul du bzhad pa dang/ /khro bo'i tshul du khro ba dang/ /sgeg pa'i tshul du sgeg pa dang/ /bgying ba'i tshul gyis rol pa dang/ /phyag 'tshal tshul du 'dud pa ste/ /mda''dren nu ma 'khyud pa dang/ /nyi shu'o/ /rnal 'byor ma brgyad de nyid kyis/ /dngos po kun gyis mchod par bya/ /hUM zhes bya bar bdag sprul nas/ /hUM gis glu ni blang bar bya/ rgyud las byung ba bzhin du ni/ /bdud rtsi myang ba'i bar du bya// /rdo rje'i de nyid dang ldan pas/ /tshigs bcad 'di yis blang bar bya/ /rdo rje gsor ba mdzes pa yis/ /sems can rnam thar bsgral bar bya'o/ /rnam par cho su bya ba ste/ /rdo rje shin tu snying po mchog/ de kho na nyid dang ldan pa'i dril bu 'dis blang ngo/ /aoM badzra g+haN+De hUM ho/ aoM badzra g+ha N+De ra Ni ta pra ra Ni ta saM pra ra Ni ta sarba bud+d+ha k+She pra tsa li te/ pra dz+nyA pA ra mi ta nA tha swa b+hA be na badzra d+ha ra h+ri da ya/ /a ba mamto ya ni hUM hUM hUM/ ho ho ho/ a a a swAhA/ gnas brgyad dril bu'i sgra sgregs shing/ /rdo rje gsor de rang las byung ba'i lha mos bstod pa ni/ /lus can don phyir shes rab gsol btab pa/ /kun 'khyud la soD gnyis kyis gnyis sprod cing/ / sgyu ma lta bu sbyor pas shin tu brgyan/ /srid pa las sgrol khyod la phyag 'tshal lo/ /rdo rje dga' ba'i mthu dang spyan gyis gzigs/ /yi ge'i dngos po rang bzhin stong par rol/ /dngos dang dngos med las sgrol dbu mas mkhyen/ /me 'gyur kun bcom lhag ma sems pa'o/ /gnyis sprod kun khyud chu yi bya ba can/ /gnyis med chos brnyes par pa mnyes pa'o/ /bde ba'i 'khor mnan thar pa btang ba'o/ /thams cad dngos kyi rnal 'byor ma sngags rol/ /rnal 'byor ma lnga sangs rgyas de nyid mkhyen/ /gzugs ma sgyu ma sems can smin mdzad pa/ /rdo rje kun rtog chos kyi rmongs pa gcod/ /rnal ma ma rmong snying chos tshoD la 'dud/ sems can sgrol mdzad rnal 'byor bdag la bstod phyag 'tshal/ /thams cad bdag skyes ngo bo gcig la bstod phyag 'tshal/ /'khor ba'i rgya mtsho'i rmongs pa gcod la bstod phyag 'tshal/ /de nyid gcig la rtag tu bdag 'dud bstod phyag 'tshal/ /rang dgar sems can dgrol ba yi/ /rgyu med dngos la 'dud par bgyi/ /te na hUM te na te te hUM/ ston ka'i zla ltar rab mdzes shing/ /dud ltar dkar ba'i sku 'dzin pa/ /te na hUM te na te te hUM/ rdo rje dril bu'i phyag rgya can/ /gnyis 'khyud sbyor ba 'dzin pa'o/ /te na hUM te na te te hUM/ sgyu ma'i lus su thim pa yi/ /'gro ba 'dzin pa rgyu med dngos/ /te na hUM te na te te hUM/ srid pa gsum 'bar sku ni rjes chags 'dul bar ldan/ /'od zer rnon po stong ldan nyi ma stong 'drar ldan/ /rnam mad sku dang cha byad rjes chags sems dang ldan/ /rdo rje sems dpa' dbang phyug mchog rol gar mdzad pa zhes bya bas khyad par du bstod cing/ /glu dang bstod pas mchod pas mnyes par bya/ /khar bar du hUM gi sgra dang dril bu bsgrags la smon lam rnam pa gsum gdab par bya'o/ /rdo rje thal mo dam bcings nas/ /snying ga'i phyogs su bcir par bya/ /aoM swa b+ha ba shud+d+ha/ sarba d+harmA swa b+ha ba badzra shud+d+ho haM/ aoM badzra shud+d+ha/ sarba d+harmA badzra shud+d+ho haM/ aoM ye ga shud+d+ha/ sarba d+harmA yo ga shud+d+ho haM/ zhes brjod la lha'i rnal 'byor la gnas par bya'o/ /ting nge 'dzin gyi skyon sngags bzla ste/ phre?? ba de nyid ??ldan pas sngags 'dis sbyar ro/ /aoM ba te ma hA dz+nyA na sarba bud d+hA ma hA ba be hUM hUM hUM ho ho ho a swAhA/ aoM dzu swAhA/ rtsa ba'i sngag so/ /aoM hUM swAhA/ ye shes mkha' 'gro ma'i 'o/ /aoM suM swAhA/ aoM k+ShuM swAhA/ aoM yuM swAhA/ aoM hUM swAhA/ aoM smryuM swAhA/ aoM hmryuM swAhA/ aoM k+Sh+mryuM swAhA/ aoM puM swAhA/ aoM pheM swAhA/ aoM phroM swAhA/ aoM phriM swAhA/ zhes 'bum phrag gsum bzlas pas sngon du bsnyen pa byas par 'gyur ro/ /phyi nas las la sbyar ro/ /de nas langs par mdod na smon lam gdab ste/ ma lus sems can kun gyis phyir/ /smon lam dag ni gdab par bya/ /sems can thams cad nad med cing/ /sems can thams cad bde gyur cig /gang gis lam la 'gro ba yi/ /sangs rgyas nyid dang phrad par shog / ma brgal ba rnams bsgral bya zhing/ /ma grol ba rnams bdag gis dgrol/ /de ltar nyid du rnges brtse bas/ /rnal 'byor bstan chos la gnas shog /gtor ma gtang ba ni/ /dmar ba yi ni rdzas rnams kyis/ /maN+Dal gru gsum byug par bya/ /me tog dmar po bdug pa dang/ /dri dang mar me la sogs dbul/ /nye bar longs spyod gtor mar ldan/ /sha rlon dang ni nya sha sogs/ /bza' ba'i rdzas rnams thams cad la/ /bdud rtsi lnga dang bcas par dgod/ / g.yon gyi cha ru snod bzhag la/ /g.yas kyi khro bo bstan par bya/ /ha zhes pa yis kha dog dbrog /to zhes pa yi dri zhes ste/ /h+rI zhes pa yis nus pa gzhom/ /go rims de de ltar mngon par brjod/ /rnam gsum lan gsum brjod nas su/ / lha rnams gsum ni gsal bar bya/ /g.yas pa pad+ma bsams nas su/ /g.yon pa rdo rje bsgrengs nas kyang/ /pad+ma'i bskor ba bskor nas ni/ /phyag rgya chen po bstan par bya/ /aoM ha ho h+rIsngags dang phyag rgya'o/ /rdo rje khu tshur gnyis bcings la/ /rgyab dang rgyab tu sbyar bar bya/ /mthe'u chung gnyis ni bsgreng nas su/ /mdzub mo gnyis ni bsgreng bar bya/ /g.yas pa cung zad bskum nas su/ /sbyar bas lta rnams spyan drang ngo/ / a oM ku ru ku ru sa ma ya a b+hi ba ti hUMbsgoms te/ /las rnams thams cad sgrub byed cing/ /rdo rje khu tshur gnyis bcings nas/ /rgyab dang rgyab du sbyar bar bya/ /mthe'u chung gnyis ni dkris nas su/ /khro bo dag ni sgrog tu sgrel/ /aoM ti Sh+Tha ti Sh+Tha hUM/ b+ha k+Sha b+ha k+Sha dzasogs sbyar byas nas/ /gtor ma la sogs sbyar bar bya/ /zhi rgyas dbang dang dgug pa dang/ /gsang sngags dbye dang bcing ba dang/ /phyi rol gtor ma'i de nyid kyis/ /gtor ma'i las la sogs pas blo sgrub/ /mchog gi dngos grub 'dod rnams kyis/ /gsang ba'i gsang bar bsgom bya ba/ /lha yi rnal 'byor la gnas te/ /lte bsnying ga mgrin pa dang/ /mgo bo dang ni rnam pa bzhi/ /'dab ma drug cu rtsa bzhi dang/ /brgyad dang bcu drug rim pa ste/ /sum cu rtsa gnyis bsgoms par bya/ /bde chen dang ni chos 'khor lo/ /thabs kyi cha ru shes par bya/ /sprul pa dang ni longs spyod gnyis/ /shes rab cha ru shes par bya/ /aoM dang hUM dang hUM dang a dang haM/ /lte ba bzhi la dgod par bya/ /'dab ma'i yi ge tham cad la gtuM mo me'i sbar thabs dang/ /bde ba'i bskyed pa'i ri paM ni/ /bla ma'i kha las rtogs par bya/ /ting 'dzin de las langs pa'i tshe/ /gzhan ni ci yang mi bsam par/ /rdzogs pa'i rim pa'i man ngag ni/ /mchog 'dod don la mos par bya/ /yang na lha'i tshul gnas te/ /sgyu ma'i rnam pa'i bzhi ru brtag /mdor na mchog 'dod rnal 'byor pas/ /man ngag rim pa 'di nyid la/ /zas la bya ba ji bzhin du/ /ma yengs nan tan bskyed par bya/ /bdag 'dras rtsom par nus pa ma yin yang/ / sems can dman pa rnams la pan gdags phyir/ /'di byas bdud rtsi lta bu'i bsod nams kyis/ /thams cad kun gyis bden pa mthong bar shog /dpal gdan bzhi'i sgrub pa'i thabs/ /slob dpon chen po b+ha ba b+ha Tas mdzad pa rdzogs so?/ / //rgya gar gyi mkhan po chen po ga ya d+ha ra dang bod kyi lo tsa ba chen po 'gos lhas bcas kyis bsgyur cing zhus te gtan la phab ba'o// //dpal gdan bzhi'i chu'i sbyin sreg bzhugs/ / bcom ldan 'das ye shes mkha' 'gro ma la phyag 'tshal lo/

CLOSE WINDOW