བོད་ཡིག

e-texts based on the ACIP/ALL Input

/rgya gar skad du/ sh+rI tsa turpi thI yo ga tan+t+ra sA d+ha no phi ka/ bod skad du/ rnal 'byor gyi rgyud dpal gdan bzhi po'i sgrub thabs/ dpal rdo rje sems dpa' la phyag 'tshal lo/ /yi ge bzhi dang phyag rgya ni/ / bzhi la sogs pas rnam brgyan dang/ /slob ma man ngag 'gyed pa'i zla/ /klu sgrub la yang phyag 'tshal te/ /cho ga rdzogs shir rnam gsal ba/ /sngags dang phyag rgya sogs pas brgyan/ /sems can kun la phan bskyed pa/ rnal 'byor grub pa bshad par bya/ / sdeb sbyor dang ni tshig drang med/ /sgra yi mtshan nyid rnam spangs la/ /rnal 'byor tshig gi rnal 'byor pa'i/ /rnal 'byor bstan bcos yin par bshad/ /'di la dang por dpal gdan bzhi pa zhes bya ba'i/ /rnal 'byor ma'i rgyud chen po'i lha rnams mnyes par byed 'dod pa'i/ /'dod pa zhi ba la sogs pa'i yon tan dang ldan pa'i rnal 'byor pas yid dang rjes su mthun pa'i gnas gang yang rung bar sems can thams cad la phan pa dang bde bar bya ba'i phyir dpal rnal 'byor nam mkhar bdag nyid gyur cig snyam pa'i bsam pas nang tshangs can gyi stan 'jam po la sogs pa la sems dpa' i skyil mo krung 'dug ste/ dri'i dkyil 'khor khru gang ba/ grub bzhi par mnyam zhing rnam par dag par byas la/ me tog yid du 'ong ba'i sil ma sa gtor bar bya'o/ /de skad du yang/ dri la sogs pa g.yas su bzhag / bsang gtor g.yon du bzhag bya zhing/ mdun du mchod yon la sogs dang/ yungs kar me tog tsan dan bzhag /ces gsungs pa'i phyir ro/ /de ltar ting nge 'dzin dang po la dmigs nas lkog ma la sogs pa sbyar bar bya ste/ lag pa g.yas par nyi ma'i dkyil 'khor dmigs la/ hUM las byung ba'i rdo rje rtse mo lnga pa la/ aoM hUM suM k+ShuM yuM yongs su gyur pa las/ lha mo rnams rtse mo rnams la bsgom par bya'o/ /lag pa g.yon par zla ba rnam par bkod la/ h+rIbrkyed par hmryuM smryuM k+Sh+mryuM ymryuM yongs su gyur pa las/ byung ba'i lha mo rnams bsam par bya'o/ /dkar po dang dung kha dang dung dang pad+ma la sogs pa ni g.yas pa'i sor mo dgod do/ /gi thaM dang dri ma gsum dang 'jigs pa dang sa'i bdugs ni g.yon pa la dgod do/ / ye shes dang rnam par shes pa gnyis ni mthe bong gnyis pa ste/ lag pa la sogs pa'i las can ma rnams so/ /lkog mar zla ba legs par bsam pa la gnas pa'i pad+ma'i 'dab ma gcig la/ rdo rje bzang po nas 'bru tsam dbus su yi ge aoM dang ldan par lce la bsams te sbyang ngo/ /snying ga'i nyi ma'i dkyil 'khor gyi rdo rje'i lte ba la gnas pa'i yi ge hUM gi 'od zer gyi sprin gyi tshogs kyis sems can rnams 'bad pas yang dag par sbyangs nas bod zer gyi phreng ba rnams skad cig tsam gyis yongs su gyur pa las/ rin po ches brgyan pa'i gnas su pad+ma dang zla ba'i gdan la bzhugs pa/ dung dang/ kun da ltar dkar zhing 'od bzang ba/ phyag gnyis pa sems dpa' i skyil mo krung du zhugs pa/ sangs rgyas lngas dbang bskur ba'i cod pan mnga' ba/ phyag g.yas pa rdo rje jugs kar gdengs shing 'jog pa/ g.yon pa dkur bsten pas dril bu bsnams pa/ skul rgyan thams cad kyis brgyan pa/ na bza' shin tu mdzes pas brgyan pa/ 'od zer gyi phreng pa dpag tu med pa 'phro bar bsams la/ badzra sa hwa hi zhes brjod de/ g.yas pas rdo rje gsor nas 'od zer lnga'i tshogs kyis sa 'og rim pa bdun dang/ bgegs rnams tshig par gyur par bsam mo/ /de skad du/ gzhi dang rnam gzhi nyid dang ni/ /gzhi nyid gzhi med ro yi gzhi/ /gzhi bzangs dang ni nges pa'i gzhi/ /sa 'og bdun du bsgrags pa yin/ /zhes bas bshad pas so/ /de ltar yongs su spyangs nas gzung ba dang 'dzin pa las rnam par grol zhing/ sbyin pa rnam par dag pa'i rdo rje'i ra ba rim pa gsum bya'o/ /steng du tshul khrims rnam par ngag pa'i rdo rje'i ra pa rnam pa gsum bya'o/ /'og tu bzod pa rnam par dag pa'i phur bu'i ra ba la/ gnod par byed pa 'gog par byed pa/ gzhom pa'i phyir phur bus gdab po/ /de ltar bsrung ba'i 'khor la bsams nas/ lcags kyus ye shes kyi mkha' 'gro ma dang lhan cig sbyor bas bkug la/ dam tshig gi phyag rgya bstan par bya ste/ rdo rje khu tshur gnyis bcings la/ g.yon pa snying gar bzhag nas/ g.yas pa bkug nas bstod de/ 'jog pa'i dam tshig gi phyag rgya bstan par bya'o/ /de nas gdan dbul bar bya ste/ rin po che'i seng ge'i gdan gyi steng du pad+ma dang/ zla ba'i steng du bzhugs nas/ gdugs dkar pos brgyan par byas la/ mchod yon dang/ zhabs sil dang/ mchod pa rnam lngas yang dag par mchod de/ rdo rje dril bu blangs la/ aoM kA ya tu Sh+ra ho/ bAk+tu Sh+ya ha/ tsit+ta tu Sh+ya ho/ zhes dril bu dkyil zhing bstod pa'i mchod pas bstod par bya'o/ /de nas tha mal pa'i spyor bas dmigs la/ lha de nyid kyi spyan sngar bdag nyid dbul bar bya'o/ /aoM bany+tsa DA ki nAM pu dzo paspA nA yAt+ma nAM ni ryA ta yA mi/ aoM a ce rya bu co bs+thA na yA hma nAM ni rya ta yA mi/ aoM satwa rthA t+tA rA yA t+ma nAM ni ryA ta yA mi/ khro dang nga rgyal las ldog cing/ /brdzun dang zhe gcod tshig rnams dang/ /sdig pa'i grogs dang 'tshe ba'i gzhi/ /ma byin len pas ldog par bgyi/ /sangs rgyas chos dang dge 'dun la/ rtag par bdag nyid skyabs su mchi/ /theg pa gsum ni thams cad dang/ /rnal 'byor gsang sogs mkha' 'gro ma/ /dpa' bo dpa' mo dbang phyug ma/ /byang chub sems dpa' bdag nyid che/ /khyad par du yang slob dpon la/ /bdag ni rtag par skyabs su mchi/ / rang nyid kyi byang chub kyi sems tshigs su bcad pa yang brjod par bya ste/ pha dang ma na gsad pa dang/ /rgyal po gtsang sbrar spyed gnyis dang/ /pho brang 'khor bcas bcom pa ni/ /dag pa'i lus zhes bya bar bshad/ /de nas snying ga'i pad+ma dkar po la k+ShuM bsams la/ de las byung pa'i 'od zer gyi tshogs kyis sems can thams cad dang/ bdag nyid kyang mi snang bar bya ste/ sgra ma 'gags par bsams la/ aoM swa b+hA ba shud+d+ha sarba d+harmA swa b+hA ba shud+d+ha haM/ zhes brjod do/ /yuM k+ShuM suM hUM las rlung dang me dang chu dang sa'i dkyil 'khor bsam la/ k+ShuM las 'o ma can gyi rgya mtsho/ suM las ri rab bsam pa'i steng du rdo rje buM gi 'od zer gyi tshogs kyis bgegs thams cad bsregs nas/ 'od zer de rnams yongs su gyur pa las/ /rin po che sna tshogs bkod pa'i khang pa brtsegs pa bsams par bya ste/ zur bzhi pa la sgo bzhi pa/ /rta babs bzhis ni rnam par brgyan/ /rdo rje'i ka bas brgyan par yang/ /sna tshogs mtshan mar rnam par dgod/ /dril bu dra ba'i phreng ba dang/ /dra ba dra phyed bskor ba la/ /zur bzhi dag tu rdo rje dang/ /rin chen zla ba phyed pas brgyan/ /sgo rnams su ni bum pa la/ / gnas pa'i rgyal mtshan bsgreb bar bya/ /shar gyi skor ni pad+ma la/ /seng ges mtshan ma bsgreng bya ste/ /byang sgor pad+ma rma bya yis/ /mtshan ma dag ni bsgreng bar bya/ /pad+ma dad pas mtshan pa yi/ /rgyal mtshan nub tu bzhag par bya/ /pad+ma chu srin gyis mtshan pa/ /de bzhin lho yi phyogs su bzhag / dang po'i dkyil 'khor phyogs kyi mdog /gnyis pa khrag ltar dmar pa'o/ /gsum pa mkha' ltar sngo bsangs te/ /snam bu gser gyi mdog can no/ /rnal 'byor dbang phyug che rnams kyang/ /rtag tu tshul ni 'di bzhin rtag /dbus su seng ge yi ni gdan/ /shar du glang po che'i gdan/ /byang phyogs su ni rma bya'i gdan/ /nub du nam mkha' lding gi gdan/ /lho ru ci bgyi zhes bya'i gdan/ /dbang ldan phyogs su seng ge'i gdan/ /me phyogs rdo rje gdong gi gdan/ /bden bral phyogs su ma he'i gdan/ /rlung gi phyogs su lce sbyang gdan/ /sgo bzhi dag tu ro yi gdan/ /gnyis pa'i 'khor lo zlum po la/ /pad+ma dang ni zla ba'i gdan/ /rim pa gsum pa nyid la ni/ /'jig rten pa yi rab grags gdan/ /de ltar gdan yongs su brtags nas de bsrung bar bya'i phyir/ rdo rje ra ba la sogs pa dang/ dra ba dang phur bu la sogs pa byas la/ gtso bo'i gdan pad+ma dkar po la A li yongs su gyur pa las/ zla ba'i dkyil 'khor/ de'i steng du kA li yongs su gyur pa las/ nyi ma'i dkyil 'khor te/ gnyis pa de'i steng du yi ge hUM la phyogs kyi 'dab ma la gnas pa'i lha mo bzhis bskul bar bsam par bya ste/ dza dza dza dza badzra satwa ba tA na ra sid+d+hi/ mahA mahA ha ha ha ha hUM kara nA tha/ sa ma yo haM na ma ti mi te/ ba ba ba ba badzra sphoTa gu dya dga te de ha d+harmA/ a a a a A ho to ShaTa/ badzra li ma ka shu lo ya na hUM? bzhi po des de ltar bskul nas/ yi ge hUM der thim par gyur par bsams la/ de'i 'od zer yongs su gyur pa las rdo rje rtse lnga pa bsam par bya ste/ mnyam pa nyid kyi ye shes/ /aoM badzra shud+d+hazer gyi tshogs kyis sems can thams cad yongs su sbyangs nas/ bya ba sgrub pa la ro gcig par gyur pa dang/ seng ge'i gang na gyi steng du rang gi gnas su sbyang zhing/ nyi ma'i dkyil 'khor yang bsams la/ gdugs dkar pos brgyan te/ de nas zhal gsum pa dang/ phyag drug pa sems dpa' i skyil mo krung gis bzhugs pa/ skra ni grol zhir rnam par 'phro/ thod pa'i phreng bas rnam par bcings/ /rdo rje brgyan pa'i rtse bran yang/ /sangs rgyas lngas ni rnam par brgyan/ /sku mdog sngo zhing shas cher grags/ /sgrul kyi rgyan gyis rnam par brgyan/ /khro bo sgeg ba rnam par bzhad/ /zhal gsum spyan ni rnam pa gsum/ /gang rgyangs ha has zhal dgangs pa/ /na bza' dmar pos nye bar mdzes/ /kha TwaM ga ni gyen du bsgreng/ /gnyis pa la ni dgra sta nyid/ /gsum pa rtag tu rdo rje can/ g.yon gyi dril bu nges dkrol zhing/ /gnyis pas rnal 'byor pa yi snod/ /de bzhin gsum pas ral gri bsnams/ /'od zer dpag med ldan par ni/ /mkhas pas dbus su bsgom par bya/ /sku mdog dkar zhing rab mdzes pa'i/ /phyag gnyis mgrin par 'khyung nas su/ /ma mchu tshems kyis 'debs par mdzad/ /zhabs kyi tshigs kyis dkris nas su/ /rdo rje pad+mar thim par mdzad/ /yan lag rgyan kun gyis brgyan cing/ /shin tu mdzes pa'i gos gsol nas/ /shes rab dang ni 'dus nas bzhugs/ /de nas ba ngan gsum pa'i phyag rgyas yi ge brgyad dgod par bya ste/ k+ShuM ni spyi bor rnam par bsam/ /yi ge hUM ni mig gnyis su/ /yuM ni rna ba sna gnyis su/ /suM ni lce la yang dga' bar/ /lkog mar smryuM bsam par bya/ /nang 'tshong de bzhin hmryuM bsam/ snying ga'i phyogs su ymryuM po/ /lte bar k+Sh+mryuM dgod par bya/ /de ltar bsams nas lcags kyu dkar pos ye shes kyi mkha' 'gro ma bkug la/ dam tshig gi phyed rgya bstan cing/ mchod yon dang/ zhal bsil dar gdan bstabs la yang dag par mchod do/ /aoM badzra aM ku s ha dzabskur ba brtag par bya'o/ /sngags 'dis rgyan gyi phyag rgya dbul bar bya'o/ /bshad ma thag pa'i rim pas gsang sngags kyis bskyed pa'i lha'i sku la mngon par zhes pa bsal bar bya ba'i phyir sngags 'dis brjod bar bya ste/ aoM yo ga shud+d+hahaM/ de nas tha thangs dang shes rab shin tu thim zhing/ /sgyu ma lta buar lhag par mos pas/ bdag dang gzhan gyi don rdzog par byed pa'i dkyil 'khor dbyung bar bya ste/ suM bzlas pa las yang dag 'byung/ /dung dang kun da zla 'od bcas/ /phyag gnyis skra ni rnam par grol/ /sangs rgyas phreng bas rnam par brgyan/ /yan lag rgyan rnams rnam par brgyan/ /rigs gsum khro bo hUM mdzad pa/ /kha TwAM ga dang rnal 'byor snod/ /'od zer dpag tu med pa 'bar/ /sham thabs glang po'i pags pa ste/ na ra'i pags pa gos su mnabs/ /me yi dkyil 'khor 'od 'khor lo/ /glang chen rol pa'i stabs kyis bzhugs/ /rdo rje lcags kyus bkug nas ni/ /rdo rje mkha' 'gro ma shar du/ /aoM Abzang mkha' 'gro ma/ /sku mdog ser mo shin tu mdzes/ /rnam par gcigs pa ha har bzhad/ /dbu skra gyen du rnam par 'bar/ /sangs rgyas lnga'i dbu rgyan can/ /rma bya'i gdan ni rnam mnan nas/ /skyil krung dag ni phyed pas bzhugs/ /rgyan rnams kun gyis sku la brgyan/ /phyag gnyis rnam par mdzes pas na/ /kha TwAM rnal 'byor snod dag bsnams/ /me yi dkyil 'khor la bzhugs pas/ /sham thabs glang po'i pags pa ste/ /na ra'i thags pa gos su mnabs/ /lha mo de de ltar bsgom bya ba/ / rtag tu byang gi phyogs su bzhugs/ /aoM A swAhA/ A skyes me yi dbugs las byung/ /ro langs ma ni nub tu dgong/ /mkha' lding gdan la bzhugs nas ni/ /cog bu'i 'dug stangs dag gis bzhugs/ /kha dog dmar zhing shin tu mdzes/ /phyag gnyis 'jigs pa'i hUM mdzad pa/ /skra ni 'bar zhing rnam par dgyes/ /sangs rgyas lnga yis rnam par brgyan/ /kha TwAM rnal 'byor snod bsnams shing/ /rgyan rnams kun gyis rnam par brgyan/ /sham thabs glang po'i pags pa ste/ /na ra'i pags pa gos su mnabs/ /mi g.yo 'chi ba med pa yi/ /bsam pas kun nas bsgom par bya/ /aoM A swA hA/ A skyes rlung gis dbugs 'byin 'byung/ /gtum mo lha yi dbang phyug ma/ /mdog sngon mi bzad chen mo ste/ /ha ha'i gang rgyangs 'jigs pa sgrogs/ / zib? gyi'i gdan la gnas nas ni/ /bus mo'i skyil krung dag gis bzhugs/ /dbu skra dmar po rnam par 'thor/ /sangs rgyas lnga yis rnam par brgyan/ /phyag gnyis rnal 'byor snod dang ni/ /kha TwAM ga ni rab tu bsnams/ /sku la rgyan rnams kun gyis brgyan/ / sham thabs glang po'i pags pa ste/ /na ra'i pags pa gos su mnabs/ /lho ru rtag tu bsgoms par bya/ /aoM a a aM swAhA/ ri yi sa bon las byung ba/ /lha mo'i ming ni seng ge can/ /seng ge'i gdan la rnam par bzhugs/ /rol pa'i stangs stabs dag dang ldan/ /dkar dang ser la sogs mdog can/ /'bar ba'i 'od dang 'dra ba'i 'od/ /phyag gnyis na bza' dmar po bsnams/ /rgyan rnams kun gyis rnam par brgyan/ /lag pa gyen gdengs ral gri dang/ /g.yon pa sdigs mdzub zhags pa'o/ /bdud rnams thams cad skrag byed pa/ /dbang ldan phyogs su rnam par dgod/ /aoM ri swAhA/ rI yi sa bon las byung pa/ rdo rje mchu can zla bas brgyan/ /dkar dang gnag la sogs mdog ldan/ /dkyil 'khor tsham dam gnas pas bzhugs/ /phyag gnyis khro bo'i bzhad par ldan/ /na bza' dmar pos rnam par brgyan/ /lcags kyu zhags pa sdigs mdzub ldan/ /stag mo mi yi phyogs su bkod/ /aoM rI swAhA/ li yi sa bon las byung ba/ /wa mo nag mo rnam par mdzes/ /ma ha'i gdan la rnam gnas shing/ /skyil krung phyed par yang dag ldan/ /phyag gnyis dgra sta zhags pa bsnams/ /me yi dkyil 'khor dag gis brgyan/ /mche ba'i gzugs ni gtsigs pa dang/ /ha ha bzhad cing shin tu 'jigs/ /na bza' dag ni dmar por man bas/ /bden bral phyogs kyi lha mo yin/ aoM baM swAhA/ lI yi sa bon las byung ba'i/ /lha mo 'ug pa mo ni dbyung/ /sku mdog dmar dang ser bar snang/ /lce sbyang gi ni gdan la bzhugs/ /cog pu'i 'dug stangs yang dag ldan/ /phyag gnyis dbyig pa snod bsnams shing/ /rgyan rnams kun gyi rnam par brgyan/ /na bza' dag ni dmar po gsol/ 'bar ba'i me dang mnyam pa'i 'ong/ /lha mo de ltar bsgom bya ba/ /shen pa rlung gis phyogs su gnas/ /aoM lI swAhA/ nang gi dkyil 'khor sgo rnams su/ /sgo srungs rnam pa bzhi dag ni/ /lha 'gugs la sogs rnam par 'brel/ /bsgom pa de nyid bdag gis bsgom/ /rang sngags las byung mkha' 'gro ma/ /rgyal pa'i dbang mo zhes bya ba/ /mdog dkar phyag ni gnyis dang ldan/ /rgyan rnams kun gyis sku la brgyan/ /gtum mo skra ni rnam par 'thor/ /de yi zhal du phyag mdzung cing/ /ha ha zhes bzhad rab 'jigs ma/ /yi dags kyi ni gdan la bzhugs/ /'gugs pa la ni rab brtson pa'i/ /lha mo shar gyi sgo ru dgong/ /aoM aM swA hA/ rang sngags las byung lha mo ni/ /glang po'i dbang mo zhes bya ba/ /drag po chen mo sku mdog ser/ /yi dags gdan la rnam par bzhugs/ /phyag gnyis thal mo sbyar ba dang/ /dbu skra gyen du me ltar 'bar/ /mi bzang gzugs kyis bzhad bya zhing/ /shin tu mdzes pa'i 'od kyis brgyan/ / 'od zer 'bar bas 'khrugs shing gsal/ /byang gi phyogs su rnam par dgod/ /aoM aiM swAhA/ rang sngags las byung 'jib ma ni/ /rgyal ba'i dbang mo zhes bya ba/ /mdog dmar 'jigs pa'i sgra sgrogs pa/ /yi dags kyi ni gdan la bzhugs/ /rab mdzes gos ni rnam par mnabs/ /phyag mthil gnyis na srang bu dmar/ /thal mo khyer bas khrag gsol ba/ /me 'bar ba yi 'od mda' ba/ /drag po 'ching bar byed pa yi/ /'jib ma nub du bsgom par bya/ /aoM h+ri haM swAhA/ rang sngags las byung lha mo ni/ /kaM bu dzi ni zhes bya ba/ /mdog gnag ro yi gdan la bzhugs/ /phyag gnyis skra ni rnam par 'thor/ /rab mdzes na bza' dmar po mnabs/ /sangs rgyas kun gyis rnam par brgyan/ /phyag na tho ba sdigs mdzub ldan/ /'gro ba'i sems ni rmongs par byed/ /drag cing me 'bar 'dra ba'i 'od/ /lho phyogs su ni bsgom par bya/ /aoM phri swAhA/ rim pa dag ni gnyis pa la/ /rnal 'byor ma rnams mkhas pas dgod/ /spos byed 'dzu byed gtum mo ni/ /shar gyi phyogs kyi lha mo yin/ /bdud rtsis gang ba'i thod pa la/ /sgeg pa'i phyag ni rnam par mdzes/ /drag mo khrag 'thung sha tha ma/ /byang gi phyogs kyi lha mo yin/ /lcags kyu la sogs lnga rnams kyis/ /bkang pa'i thong pa phyag na bsnams/ /gtum 'bar 'jigs su rung ba ni/ /nub kyi phyogs kyi lha mo yin/ /lag pa gnyis kyis pad+ma'i snod/ /thogs pa ru ni rnam par bgod/ /thong can rdo rje can gun Di/ /lho yi phyogs kyi lha mo yin/ /thod pa bza' btung gis khengs dang/ /rdo rje dag ni phyag na bsnams/ /sgeg mo dri ni dbang ldan du/ /pi wang me tog mo yi phyogs/ /glu ma bdug spos bden bral du/ /gar ma mar me rlung gi phyogs/ /sdug pa'i lha mo nyi shu yang/ /rgyan rnams kun gyis rnam par brgyan/ /'di dag rgyan sogs phyogs dang mtshungs/ /pad+ma zla ba'i steng na gnas/ /gsum pa gzhan gyi gdan la ni/ shar sgor khyab 'jug gsol bka' i tshul/ /tshangs pa lag na rda yab bsnams/ /byang gi sgor ni rnam par gnas/ /drag po la sogs bstod sgrar ldan/ /nub kyi sgor ni gzhag par bya/ /brgya byin rin chen gdugs thogs la/ /lho yi phyogs su bzhag par bya/ /rnga dag brdungs zhing rda yab thogs/ /gar dang glu yis brgyan pa dang/ /sder bcas chung mar bcas pa yi/ /brgya byin byang shar mtshams su gzhag /lag na rin chen myu gu thogs/ /mu tig do shal dag gis brgyan/ /sde dang bcas shing chung mar bcas/ /ku be ra ni shar lhor bzhag /rgyal mtshan gdugs dang bla brer bcas/ /sde dang bcas shing chung mar bcas/ /'byung po'i tshogs kyi rgyal dbang po/ /lho nub phyogs su bzhag par bya/ /pi /wang gling bu du ma yis/ /glu dang gar la sogs pa mkhas/ / chung mar bcas pa'i klu dbang ni/ /nub byang mtshams su bzhag par bya/ /de ltar dkyil 'khor pa'i lha'i 'khor lo'i gnas ji lta ba bzhin du bzhag la/ /yang lcags kyu dkar pos ye shes kyi dkyil 'khor spyan drangs nas dam tshig gi dkyil 'khor la bzhag ste/ /sngar bshad pa'i sngags dang phyag rgya dang bcas pas dam tshig gi phyag rgya bstan la/ rang gi gzugs rnams la ye shes sems dpa' gzhug par bya'o/ /de rnams kyi thugs kar sngags kyis phreng ba rab tu 'bar ba ni chos kyi phyag rgya'o/ /spro ba dang bsdu ba ni las kyi phyag rgya'o/ /da ltar phyag rgya bzhi dang sbyar nas thams cad kyi cod pan la rnal 'byor nam mkha' i dbang bskur ba nyid du bsam par bya'o// //de nas phyag rgya bstan par bya ba'i phyir gsungs pa/ de rnams ming gi gsang sngags ni/ aoM dang bsreg pa'i mdza' ma'o/ /dri ma gsum gyi tshigs gsum la/ /ro tsa na ni lcags kyur sbyar/ /aoM A karSha Ni hUM phaT swAhA/ 'jig rten pa la sogs pa dgung pa'i sngags dang phyag rgya'o/ /khu chur gnyis sbyar brtan bcings nas/ /dri ma gsum gyis bdug spos gtang/ /gnyis po reg pa'i sbyor ba yis/ /rdo rje mdung thung bstan par bya/ /aoM tiSh+Tha A sa na swAhA/ gdan gyi sngags dang phyag rgya'o/ /pad+ma ye shes dkris pa yis/ /sa yi gdugs dang rnam shes mnan/ /gnyis po lcags skrogs dkris nas ni/ /lhag ma bdan gsum par bsgreb/ /dri ma gsum ni bdug spos reg /rdo rje rtse ni lnga ba yin/ /aoM hUM hargyal/ khu tshur gnyis ni brtan bcings la /gung mo gnyis ni brkyang bar bya/ /mdzab mo bdun du kha sprad la/ /ye shes lha mo dag la bstan/ /aoM aoM a swAhA/ ye shes mkha' 'gro ma'i sngags dang phyag rgya'o/ /lag pa dang ni lag par sbyar/ mthe bong dbus su gzhug par bya/ /yang dang yang du bskyod byas la/ /shar gyi rdo rje can la bstan/ /aoM suM sa swAhA/ rdo rje can ma'i sngags dang phyag rgya'o/ /khu tshur mnyam par brtan bcings la/ /mthe bong gnyis ni rnam par brkyang/ /drag mo la ni phyag rgya bstan/ /byang gi phyogs su brtsam par bya/ /aoM k+ShuM k+Sha swAhA/ drag ma'i sngags dang phyag rgya'o/ /'di yi phyag rgya brtan bcings la/ /gung mo gnyis ni rnam par brkyang/ /nub kyi phyogs su ro langs ma/ /phyag rgya de la sbyar bar bya/ /aoM yuM ya swAhA/ /ro langs ma'i sngags dang phyag rgya'o/ /phyag rgya de nyid brtan bcings la/ /mthe'u chung gnyis ni rnam par brkyang/ /lho yi phyogs su gtum mo la/ /phyag rgya de ni rnam par brkyang/ /aoM hUM swAhA/ gtum mo'i sngags dang phyag rgya'o/ /phyag rgya kun gyi dang po ru/ /pad+ma'i skor ba sngon du bya/ /rdo rje bsdams pa gnyis byas la/ ro rtsan dkar po'i lcags sgrogs yin/ /aoM smryuM swAhA/ seng ge ma'i sngags dang phyag rgya'o/ /de yi phyag rgya bstan bcings la/ /dri ma gsum dang bdug spos btang/ /aoM hmryuM swAhA/ /stag mo'i sngags dang phyag rgya'o/ /de yi phyag rgya bstan bcings la/ /sa yi gdugs dang par lcags sgrog / aoM ymryuM swAhA/ wa mo'i snga gas dang phyag rgya'o/ /rdo rje bcings pa gnyis las ni/ /phan tshun du ni mngon par bskyod/ /aoM phaT hUM swAhA/ /'ug pa mo'i sngags dang phyag rgya'o/ /lag pa gnyis ka khar bcug ste/ /rgod pa bla na med pa byad aoM hUM hu swAhA/ mkha' 'gro rgyal po'i dbang mo'i sngags dang phyag rgya'o/ /thal mo spyi bor sbyar nas bzhag /aoM phaT hUM swAhA/ sgron ma'i sngags dang phyag rgya'o/ /yi dags thal mo khar bcug nas/ hUM zhes bya ba rab tu sgrogs/ /aoM pheM hUM swAhA/ 'dzib ma'i sngags? dang phyag rgya'o/ /zla ba'i khu tshur brtan bcings la/ /rna ba'i rtsa ru sbyar bar bya/ /aoM h+rI hUM swAhA/ ki po ji'i sngags dang phyag rgya'o/ /dkyil 'khor nang gi lha mo bcu gsum gyi sngags dang phyag rgya'o/ /zla ba'i lag pa brkyang nas su/ /rnam shes dag ni dgug par bya/ / mdun gyi gnyis ni sbyar bar bya/ /bdud rtsi'i chu ni sngon 'gro ba'i/ /aoM ha ho h+rirnal 'byor ma gsum gyi sngags dang phyag rgya'o/ /rdo rje thal mo brtan bcings nas/ /nyi ma dang ni zla ba spro/ /aoM ku ru ku ru ku ru swAhA/ nub kyi phyogs kyi rnal 'byor ma gsum gyi sngags dang phyag rgya'o/ /zla ba nyi ma gnyis brkyang nas /rgyab kyi rgyab tu sbyar bar bya/ / sor mo'i rtse mo'i sprad pa ni/ /lho'i rnal 'byor ma gsum rgya/ /aoM bat+tA lI hUM swAhA/ rdo rje khu tshur gnyis bcings la/ /rkeng pa gnyis kyi mtshams su bzhag /aoM hUM ho swAhA/ sgeg mo'i sngags dang phyag rgya'o/ /zla ba'i khu chur brkyang nas su/ /mthe bong bsgreng bar shes byas la/ bzung nas nyi ma'i lag pa ni/ /dung ltar sbyar ba dri yi rgya/ /aoM su pri ya gan d+he hUM swAhA/ dri'i sngags dang phyag rgya'o/ /pi waM 'dra ba'i pi waM gis/ aoM hUM ho swAhA/ pi waM gi sngags dang phyag rgya'o/ /thal mo gnyis ka sbyar nas ni/ /spyi bor bskor nas dbye bar bya/ /aoM sh+rAM swAhA/ me tog gi sngags dang phyag rgya'o/ /rdo rje khu tshur gnyis bcings te/ /dkar po bteg nas mdun du sbyar/ /glu len pa ltar bya ba ni/ /glu yi phyag rgya yin par bshad/ /aoM hUM aM swAhA/ glu'i sngags dang phyag rgya'o/ /rdo rje khu tshur brtan bcings te/ /zla bas mtshan ni gzung bar bya/ /aoM ai swAhA/ bdug pa'i sngags dang phyag rgya'o/ /zla ba'i lag pa g.yas pa yis/ /phrag pa dag tu rnam par bzhag /aoM su d+hi tye swAhA/ gar gi stags dang phyag rgya'o/ /thal mo bcings nas spyi bor bzhag/ aoM k+ShuM swAhA/ mar me'i sngags dang phyag rgya'o/ /rim pa gnyis pa'i lha mo nyi shu'i sngags dang phyag rgya bshad zin to/ /nyi ma'i khu tshur bcings nas su/ /gyen du rnam par grol bar bya/ aoM k+ShuM swAhA/ khyab 'jug gi sngags dang phyag rgya'o/ /rdo rje khu chur bcings nas ni/ snying dag tu ni rnam par bskyod/ /aoM sa swAhA/ tshangs pa'i sngags dang phyag rgya'o/ /ba dan gsum pa gyen du 'greng/ /aoM hUM swAhA/ drag po'i sngags dang phyag rgya'o/ /zla ba'i khu tshur brtan bcings la/ /de nas nyi ma'i lag pa brkyang ro tsan ni gzhug par bya/ aoM maM mu hUM swAhA/ brgya byin gyi sngags dang phyag rgya'o/ /nyi ma'i khu tshur brtan bcings la/ /dkar po dud pa bsgreng bar bya/ /dpral ba'i steng gi thad sor byug /dbang po yi ni dam tshig 'dod/ /aoM mu mu swAhA/ /dbang po'i sngags dang phyag rgya'o/ /rdo rje khu tshur brtan bcings la/ /ro tsa na ni dkar po brkyang/ /sngon ma gnyis ni kha sprad la/ /rin chen lta bur sbyar bar bya/ /aoM d+ha nA gre hUM swAhA/ ku be ra'i sngags dang phyag rgya'o/ /khu tshur byas nas dkar po bsgreng/ /aoM d+hA ta ni hUM phaT swAhA/ 'byung po'i sngags dang phyag rgya'o/ /khu tshur byas nas dkar po bsgreng/ /aoM b+hu ra b+hu ba swAhA/ klu'i bdag po'i sngags dang phyag rgya'o/ /lag pa g.yon pa rgyab bstan cing/ /lag pa g.yon pa mdun bstan la/ /dbang ldan gyis ni phyogs dag tu/ /lan gsum bar du bskyod par bya / aoM badzra prA ka ra hUM phaT/ rdo rje ra ba'i sngags dang phyag rgya'o/ /lag pa gnyis ni brkyang nas su/ /rtse mo dag tu reg par bya/ /aoM dzuM swAhA/ rdo rje ra ba'i sngags dang phyag rgya'o/ /lag g.yon khu tshur byas nas ni/ /mthe bong brkyang nas smad par bya/ /aoM bruM swAhA/ phur bu'i sngags dang phyag rgya'o/ nyi ma'i lag pa brkyang nas ni/ /rnal 'byor ma rnams kun la bstan/ aoM pra tI tshtsa su gand+he hUM swAhA/ dri'i sngags dang phyag rgya'o/ /de nyid legs par bcings nas ni/ /rked ba'i 'og tu sbyar par bya/ / aoM puShpe swAhA/ me tog gi'o/ de nyid bcings la bdug spos dbul/ /aoM d+hU pe ma li ni hUM swAhA/ bdug pa'i 'o/ nyi ma'i khu tshur mthe bong brkyang/ /aoM na di tI k+Sh+Na dAM pe hUM swAhA/ mar me'i 'o/ lag pa gnyis ni brkyang nas kyang/ /dbus su mthe bong bskyod par bya/ /aoM ku ru ku ru mahA b+hak+Sha sh+ri sh+ri hUM swAhA/ lha ba shos kyi'o/ /de ltar sngags dang phyag rgya dang bcas pa'i mchod pa rnaM pa nyi shu hUM dang sbyar bas/ lha mo rnams kyis mchod cing bstod bzhin pa'i bdag nyid ye shes mkha' 'gro ma'i gzugs su bsam par bya'o/ /de nas bdag dang gzhan mchod par bya ba'i phyir/ /bdud rtsis bkang ba'i dung chos blangs la/ /rnal 'byor ma thams cad kyi mdun du/ /sngags 'dis se gol gsum gtog par bya'o/ /aoM ha ho h+rI swAhA/ bdud rtsi lnga sbyin pa'i sngags dang phyag rgya'o/ /sngar bshad pa'i rnam par dag pa'i rdo rje dang dril bu blangs la/ yi ge hUM gi dbyangs dang bcas pa'i sngags 'di gdon par bya'o/ /aoM hUM hUM/ aoM pra dz+nyA hUM hUM hUM/ aoM phaiM g+he/ phaiM g+he/ aoM phaiM/ aoM g+h+raM g+h+raM g+h+raM hUM swAhA/ mnyes pa chen por bya ba'i sngags so/ / de nas rdo rje dril bu dkrol/ /'bad pa yis ni gsang sngags gngon/ /rdo rje khu tshur gnyis bcings la/ /rgyab kyi rgyab tu sbyar bar bya/ /sa gdugs pad+ma bcings pa dang/ /aoM badzra g+haN+Da ho/ aoM badzra g+haN+Da ra Ni ta pra ra Ni ta/ sarba bud d+ha k+She tra pra tsA li ti/ badz+nyA pa ra mi tA nA da swa b+hA be badzra d+harmA h+ri da ya saM to Sha ni hUM hUM hUM swAhA/ rdo rje dril bu'i sngags so/ /rdo rje khu tshur gnyis bcings nas/ /rked pa'i mtshams su bzhag par bya/ /khro bo'i sgeg dang bzhad pa dang/ /lus ni dgugs gsum ltar bzhag ste/ /sgeg ma'i tshul gyis sgeg pa dang/ /pi waM tshul gyis pi waM dang/ /gling bu'i tshul gyis 'bud pa dang/ sil snyan tshul gyis dkrol ba dang/ /brdeb pa'i tshul gyis brdebs pa dang/ /gar gyi tshul gyis yan lag bskyod/ /rlung yang tshul gyis g.yo ba dang/ /gyal? mtshan tshul gyis bsgreng ba dang/ /bla bre'i tshul gyis bre ba dang/ /ba dan tshul gyis 'phyar ba dang/ /gdugs kyi tshul gyis dgab pa dang/ /cang te'u tshul gyis brdeg? pa dang/ /rnga yi tshul gyis brdung ba dang/ /bzhad pa'i tshul du 'dzum pa dang/ /gar gyis tshul gyis gar byed pa / khro po'i tshul gyis khro ba dang/ /sgeg pa'i tshul gyis sgeg pa dang/ /'gying pa'i tshul gyis bsgyings pa dang/ /mda''dren num 'khyud pa dang/ /rdo rje gsor zhing phyag 'chal pa'i tshul gyis 'dud par byed pa ste/ mchod pa nyi shu de nyid kyis/ /hUM gis glu dang sbyar bar bya/ /de nas bstod pas mchod bya ste/ /sems dpa' chen po dang po'i mchog /dgyes chen rnams kyi dga' ba che/ /kun tu bzang po kun gzigs pa'i/ /rdo rje bsnyems pa bdag po'i bdag /thugs kyi sems dpa' ting 'dzin mchog /rdo rje chen po stobs po che/ /kun tu bzang po spyod pa'i mchog /snying por gyur cing bdud 'joms pa/ sangs rgyas kun gyi byang chub che/ /sangs rgyas byang chub rdzogs pa'i mchog /hUM mdzad hUM de 'jig rten gyi/ /bdag po thugs kyi gtso bo nyid/ /'dod chags chen po bde ba che/ / 'dod dang thar pa'i nor che ba/ /dus gsum srid gsum mchog gsum ste/ /'jig rten gsum mchog khams gsum pa/ /mi rgyu ba na mchog tu gsal/ /shin tu phra dang sbom pa'i tshogs/ /rgyu ba rnams kyi rab mchog brnyes/ /srid pa'i 'khor lo sbyod mdzad pa/ /thog mdza' med cing gsal ba min/ /sngon du sngag pa rnam par gnas/ /thugs kyi phyag rgya sbyor ba che/ /dam tshig de nyid blo gros che/ /rdo rje khro bo khro bo che/ /'bar zhing 'jigs pa 'dul ba po/ /gdug pa mchog ni gdug pa che/ /drag cing khro la 'jig par byed/ /de bzhin gshegs pa'i dngos grub che/ /mchog gi las can las chen po/ /dam tshig las ni bzang po'i lam/ /byang chub sems ni rtogs mdzad pa/ /thams cad dag byas pad+ma che/ /shes rab thabs kyi nor che ba/ /'dod chags dag pa'i ting 'dzin mchog / sna tshogs chags pa'i dbang phyug che/ /nam mkha' mdza' yas rtag pa'i don/ /sems can kun gyi gnas chen po/ /dpal gyi 'byor pa 'byor ba'i rgyal/ /bsam pa thams cad rdzogs mdzad pa/ /phyag 'tshal 'dud cing phyag 'tshal 'dud/ /dad pas khyod la 'jug bgyid pas/ /deng bdag rdo rje sems grub mdzod/ /rdo rje dril bu'i sgra dang ni/ /bstod pa 'di yis bstod par bya/ /de nas rdo rje glu la sogs pa blang bar bya ste/ hUM hUM hUM/ de pa'u pa'u na ra sa/ pa ru do na da ling+ga/ na dzo ya ba yu/ ha batdza hUM te Na Na hUM/ te te hUM/ b+ha bA b+ha bA/ bi mu da de bi se su b+hu dza na/ ku ti ma ra ra ho/ bu dzi ni bo ti kadzdza ti ti/ de na Na hUM hUM/ te na na te te hUM/ a ma ti/ a na ga g+ha/ a sat+ti/ bi mut+ti/ sun+na bi sun+na/ naM sa na sa ra/ bI da bI/ te na na/ hUM hUM te na na hUM/ te te hUM ma ra pa pany+tsA ba hUM ba ha de hUM/ su na sansa re kadzdzu tu hUM ha'u dza na pa te te na na hUM/ de nas phyi rol gyi rnal 'byor ma dpag tu med pas kyang/ ba 'u na gonda ma hUM li ni Shin+na ma/ /d+ha pa la saM sa ga/ ka ma ni ti na ma/ a mo ta bi bi shud+hA si d+hi nu kany+tsa kany+tsa/ na ba ra ta d+ha Nu ka Na ti ma hUM/ a ti pa sa g+ho re maN ru Di na yi/ sadzdza ka pa le so ni bk+Sha khe/ dzA ya dzA ya/ aud d+ha ri ta b+ha ba hUm/ mar ga ya ra ya/ so su hi hUM/ kindu bar b+hi sa na g+ho ru daN+Da/ sa dza ba ka lam/ ba sya mi ltos na mi pa hUM/ so hi li lu Ni tsha badzdza lu/ ha ri ha ra mu tra tri pa da pa hUM/ mA ra bi d+ha ra na ki ta yoM na ma hA mahA hUM/ rnga yi ni ba hUM/ rdo rje'i gru ni de nyid dang/ rdo rje dril bur rab mchod cing/ /pany+tsa ma dang ko shi ki/ bsres pa'i mtshan nyid bzang pos zlar/ /de nas rim pa gsum pa 'jig rten pa la sogs pa bstod par byed pa/ dpal ldan de nyid rgyal po'i dbang phyug dam pa cod pan mdzes/ /gsang ba'i gdan la sku mchog 'ong 'bar dang ldan zhing/ /dpal ldan rdo rje dril bu bskyad sgras rnal 'byor mnyes/ /dpal gyi ye shes dam pa'i dbang phyug longs spyod rnams la spyod/ /de la sogs pa'i bstong pa rnam pa sna tshogs pas bstong par bya'o/ /rdo rje thal mo sbyar nas ni/ /snying ga'i phyogs su gzhag par bya/ /aoM shud+d+ha d+harmA hUM/ a a aoM a swAhA/ de ltar mnyes par byas nas/ /ji skad bshad pa'i lha'i 'khor lo thun bzhi'i rim gyis/ /rim pa ji lta ba bzhin du bsgrom par bya'o/ /bsgom pas skyo na gsang sngags bzlas bya ste/ /ha cang myur min dal ba min/ /gsal ba ma yin gsang sags ni/ / mtshangs pa yang ma yin pa/ /kun rtog thams cad spangs te bzla/ /de nas kyang ni skyo gyur na/ /bstod de rdo rje gzung nas ni/ /rdo rje dril bus rab bskul la/ /'khor lo can rnams glu yis bstod/ /gus pas legs par mchod nas ni/ /dge ba rnams ni yongs su bsngo/ / mnyes par byas nas gshegs su gsol/ /slar yang gshegs pa mdzad par gsol/ /gshegs su gsol ba'i sbyor ba yi/ /rdo rje thal mo snying gar bsdam/ /aoM na ma ste hUM/ na ma mi hUM/ na mo na mo swAhA/ rdo rje khu tshur gnyis bcings la/ /snying ga ru ni la ba bsdams/ /nyi ma sa la bzhag nas ni/ /gsang sngags 'bad de brjod par bya/ /aoM gats+tsha gats+tsha swa b+ha ba ni hUM swAhA/ 'jig rten las 'das pa'i ye shes kyi lha rnams gshegs su gsol ba'o/ /aoM gats+tsha gats+tsha pu na rA ga ma na ya hUM phaT swAhA/ se gol lan gsum brdab pa dang bcas pa ni 'jig rten pa'i lha rnams gtang ba'i sngags/ /de ltar dkyil 'khor pa'i ye shes kyi dkyil 'khor gyi lha rnams gshegs su gsol nas/ dam tshig gi lta rnams snying ga'i pad+ma dkar po la thim par gyur par bsams la/ go cha chen po dang/ dang pa'i gshog pa la sogs pa byas la/ yi ge brgya pas brtan pa nyid du bya'o/ /de la yi ge brgya pa ni 'di yin te/ aoM dz+nyA na DU ki nI sa ma ya/ ma nu pA la ya/ dz+nyA nA DA ki nI twe no pa tiSh+Tha/ dri Dho me b+ha ba/ su to Sh+yo me b+ha ba/ a nu rak+to me b+ha ba/ su bo Sh+yo me b+ha ba/ sarba sid+d+hi mme pra ya ts+tsha/ sarba karma su tsa me/ tsit+taM sh+re yergya nyid kyi go cha bcings nas phyogs bcu na zhugs pa'i de bzhin gshegs pa thams cad la bcom ldan 'das ji ltar bde bar mdzod cig / ces gsol ba btab ste ldang bar bya'o/ /rim pa 'dis lha'i yid la bya pa nyid kyis/ /ji srid mchog dam pa ma thob pa'i par du rtag tu gnas par bya'o/ /de nas rgyud las gsungs pa yi/ /sgrub pa'i cho ga'i man ngag gis/ /nges par bdag gis bsgrub par bya/ /aoM hUM hUM gti/ dzrIM miM gIM hUM/ khruM haM ho/ dam tshig bcu pa'i sa bon ni de dag go / spyang zhing rtogs dang de bzhin sbar/ /mi rtogs pa yi sems kyis ni/ /dga' ba'i sems dang bza' bya zhing/ /de bzhin gshegs kun tshim par bya/ /dpal gang na bzhi pa zhes bya ba'i rnal 'byor chen po'i rgyud kyi sgrub pa'i thabs slob dpon rje brtsun Arya de ba'i zhal snga nas kyis mdzad pa rdzogs so/ / //rgya gar gyi mkhan po kA ma la gu pta dang/ zhu chen gyi 'o tsa ba dge slong rin chen bzang pos bsgyur cing zhus te gtan la phab pa'o// //dpal rdo rje gang na bzhi'i sgrub thabs bzhugs so/ rgya gar skad du/

CLOSE WINDOW