བོད་ཡིག

e-texts based on the ACIP/ALL Input

rtogs 'dod pa phyag na rdo rje/ gzhan yang mtshan nyid bstan pa ni zhes pa la sogs pas sbyor ba'i gdan brtsams so/ /dang por rdo rje de kho na zhes pa la sogs pas ni kho na nyid bzhi so sor phye nas go bar byas pa'o/ /de la rdo rje'i de kho na nyid ces pa ni don dam pa'i rang bzhin nyid de/ ye shes lnga'i ngo bo nyid kyi phyir ro/ /dril bu'i de kho na nyid ces pa ni sgra'i rjes su 'gro ba nyid kyi phyir na/ shes rab kyi pha rol tu phyin pa'i rang bzhin no zhes pa'i ji snyed pa'o/ /bgrang phreng gi de bzhin gshegs pa thams cad kyi rang bzhin gyis bsgom par byas pa nyid kyi phyir zhes pa'i don to/ /ye shes kyi de bzhin nyid ni ji ltar cher gnas pa'i tshig gi don ngo bo nyid kyi rgyas pa mthar phyin pa'o/ /de kho na nyid de dag gis shes na /des ni bla na med pa'i mya ngan las 'das pa shes bya'i pha rol tu phyin pa thob bo zhes gsungs pa/ de bzhin nyid kyi yan lag bzhis/ /'dod pa'i phyi rol zhes gsungs pa/ de la re zhig rdo rje'i de kho na nyid go bar byas nas gsungs pa/ dbus su rnam snang mdzad pa'i lha zhas pa la sogs pa de la dbus su bcu gsum sgo nga ru/ ye shes lha nyid thim par bya zhes pa ni/ de la yang bcu gsum zhes pa ni de lha rnams kyi ris shes pa'o/ /de rnams kyi bskyed pa'i gnas ni sgo nga ste/ tshangs pa'i sgo nga zhes ji snyed pa'o/ /ye shes lha nyid ces pa ni/ rnam par snang mdzad chen po'am/ rdo rje 'dzin pa'am/ kun tu bzang po 'am/ dpal mchog dam pa zhes rnam grangs so/ /don ni 'di lta ste/ rdo rje'i bum pa'i dbus su rnam par snang mdzad chen po bsgom par bya'o zhes pa'i tha tshig go/ /yang rdo rje sum pa'i ngog? gi pad+ma dang rtse lnga la ji ltar gsungs pa'i lha rnams bkod par bya'o zhes gsungs pa/ padmo lha mo brgyad dag ni zhes pa la sogs pa'o/ /rdo rje lcags kyu la sogs bzhi/ /de bzhin lte ba'i phreng ba'i phyogs/ /rnam par snang mdzad chen po bdkod? pAr 'dzuM? yis phyogs 'di ni/ rdo rje lcags kyu la sogs pa bzhi bkod par bya'o zhes pa'i tha tshig go /ji ltar gsungs pa'i rdo rje de nyid de bzhin du bsam par bya'o zhes gsungs pa/ gang zhig rdo rje de kho na rdo rje bdag nyid sems dpa' zhes pa'o/ dril bul yang phyogs mtshams brgyad la sgrol ma la sogs pa'i lha mo brgyad bsgom par bya'o zhes gsungs pa/ phyogs brgyad dag tu shes par bya/ /lha mo brgyad du grags pa yin/ /mdog mdzes dngar byed mdangs can dang/ /bzhi pa rdo rje phreng ma'o/ /zhes pa ni rdzun de ma dang/ rin chen sgron ma dang/ khro gnyer ma dang/ rdo rje lu gu rgyud ma lha mo bzhi rnams so/ /nam mkha' i dkyil du gzugs dag ni zhes pa ni/ shes rab kyi pha rol tu phyin ma dbus su bkod par bya'o/ zhes ji snyed pa'o/ /de ltar bsgos pa'i rnal 'byor pa'i bzlas pa med par mchog gi dngos grub mi 'gyur ro zhes te/ de rtogs 'dod pas bgrang phreng gi de kho na nye bar ston pas gsungs pa/ nyon cig rdo rje yang dag pa/ zhes pa la sogs pa'o/ /bgrang phreng ri lu'i tshul gyis zla bar bya zhes gsungs pa/ sngags bsgrub pa ni lnga bcu ste/ zhes pa la sogs pa'o/ /yang na ji ltar bzla bar zhe na gsungs pa/ rdo rje ma dngos g.yon pa ste/ g.yas pa rdo rje'i ngo bo zhes pa ste/ ye shes mkha' 'gro ma la sogs pa'i sngags ni g.yon pas 'dren pa dang/ rdo rje sems dpa' la sogs pa'i sngags ni g.yas pas drang ngo zhes pa'i don to/ /de nyid rtogs pa med par bya ba thams cad kyi dngos grub mi thob po zhes bsam pas/ ye shes kyi de kho na nyid bshad pa ye shes de nyid bye brag dag / nyin cig yang dag rdo rje che zhes pa la sogs pa ste /de la ye shes khyad par nyid du gnas zhes pa ni de las yang ye shes khyad par zhes pa ni/ nag po dang ser po la sogs par khyad par ro/ / nyid du gnas zhes pa ni rang bzhin bsres nas tshar gnas so zhes pa'i don to/ /de ltar yang gsungs pa/ dngos po thams cad rang bzhin gyis/ /rang bzhin dang bcas cher gnas te/ bdag dngos gzhan dngos gnyi ga ni/ /rnam pa'i cha can kun rdzob phyir zhes pa'o/ /bsam pa ni 'di lta ste/ phan chun klan ka sdangs pa yis/ /go bar byas nas de dag thams cad ni sems tsam kho na zhes pa'o/ /de kho na gsal bar byas nas gsungs pa/ thun mong ye shes brjod pa ni/ zhes pa la sogs pa'o/ /de la gnyis med ces pa ni/ dbyer med par snang ba'o/ /gnyis dang ni zhas pa ni/ phye nas so sor snang za'o/ /chog gnyis zhes pa ni/ shin tu dbye bar cher rtogs pa'o/ /don ni 'di lta ste/ dbyer med pa dang/ dbye ba dang/ shin tu dbye bas 'byung ba gang zhig kyang/ de kun rnam par shes ba tsam kho na yin no zhes pa ste/ kye rgyal ba'i bu khams gsum ni sems tsam zhes gsungs pa'i phyir ro/ /de kho na gsal bar byas bas gsungs pa/ gnod sbyin lha min grub pa po zhes pa la sogs pa ste/ ye shes tsam zhig gnas pa la 'gro ba la byang par du so sor snang ba'o zhes pa'o/ /ji ltar yin zhe na gsungs pa/ gang gis ye shes khyad par ni zhes pa la sogs pa ste/ de la nyi shu rtsa gsum lha rnams ni/ zhes pa ni rgyal tshan rigs bzhi nas brtsams nas 'og min gyi lha'i rgyal po'i bar du ji snyed pa'o/ /gong du gnyis 'gyur 'phel pa ni zhes pa ni/ rnam par shes pa shin tu khyad par du gong ma'i rim pas gnyis 'gyur 'phel ba'i zhes pa'i don to/ /yang nas yang du khyad par du gsungs pa/ 'dod pa lnga yi ye shes dag /ye shes ye shes gong ma 'phel zhes ba ste/ de la don ni 'di lta ste/ rgyal chen rigs bzhi dang po nas/ gzhan 'phrul dbang byed kyi lha'i rgyal po'i ji snyed kyi bar 'dod pa lnga'i ye shes khyad par du 'phel lo zhes pa'o/ /spyod grol thabs ni 'dod pa dang zhes pa ni mtho ris dang mya ngan las 'das pa'i go 'phangs brtsams pa'o/ /rnal 'byor gtsug lag snying po de nyid ces pa ni/ de brtsams pa de ni snying po sbyor pa goms pas thob po zhes pa'o/ /de kho na gnas sal bar byed 'dod pas gsungs pa/ snying po snying po gtsug lag ste/ rnal 'byor lam ni blta bar bya zhes pa'o/ /dpal ldan gdan bzhi pa gzigs pa las sbyor ba'i gdan gyi le'u dang po'i rnam par bshad pa'o/ / //de kho na nyid cher rtogs pas zhi ba la sogs pa'i las bsgrub par bya'o zhes gsungs pa/ 'khor lo bsgrub pa'i bye brag ces pa la sogs pa'o/ /de la dang po tha ma dbus gnas pa zhes pa ni/ de la dang po tha ma ni yi ge aoM dang yi ge ha'o/ /dpal dbus kyi ri mig la/ /dkong par bya ba ji snyed pa'i/ /dbus na bdag ni bsams nas su zhes pa ni/ ye shes mkha' 'gro ma'i sa bon no/ /brgyad pa'i yi ge brgyad dag la zhes pa ni/ yi ge sum la sogs pa'i sa bon bar gyi re'u mig brgyad la bzhag par bya'o/ /sgra'i sa bon bcu gnyis la zhes pa ni re'u mig bcu gnyis pa la sgra'i sa bon bcu gnyis bkod pa'o/ /ji ltar sde tshan gsum pa dang zhes pa ni ji ltar go rims bzhin du de'i yi ge gzung ste/ sde gsum gyi yi ge bco lnga bzung bar bya'o zhes ji snyed pa'o/ /yi ge lhag ma bcu gcig dang ni zhes pa ni/ sde ba bzhi'i dang po yi ge ta gzung bar bya ste/ yi ge ta de dang bcu drug re'u mig bcu gnyis la bkod par bya'o zhes pa'o/ /ji ltar sde tshan dang po las/ /thog ma'i yi ge gcig gzung ste/ /lcags kyu yis ni gtses pa dang/ /rtsa bar ra yig gdags par bya/ /steng du bdud rtsi thigs pa rnams zhes pa ni yi ge kruM do/ yi ge gnyis 'gyur sa bon dang/ /rtsa bar nga ro sbyar bar bya zhes pa ni yi ge k+ShuM do/ /bdud rtsi zhes bya mthar gzhag ste zhes pa ni/ de la bdud rtsi bya ba zhes bya ba ni yi ge sa'o/ /mthar bzhag ste zhes pa ni yi ge k+ShuM gi glon bzhag par bya'o/ /de ltar zin ma thag tu aoM kruM sa swAhA/ zhes bzlas par bya'o/ /zhes so/ /gal te na phyag 'tshal ba dang/ bsreg pa mthar bzhag go /zhes 'dir ma bstan na yang sar? 'on kyang don du shes par bya'o zhes so/ /de ltar yang gsungs pa/ phal du sngags rnams thams cad du/ phyag 'tshal swAhA ldan pa'o/ /de bas rang bzhin kho na la lung du ma bstan yang don du de gnyis gzhug par bya'o/ /bdud rtsi gug kyed kun bcas pa zhes pa ni/ yi ge suM ste/ thig le dang yi ge nga ror ldan pa'o zhes pa'i don to/ / lcags kyu yi ge bsams nas ni zhes pa ni yi ge k+ShaM ngo/ /bdun la nga ro sbyar ba yis ces pa ni sgra yig bdun pa'i yi ge ri'o/ /yang na yi ge e'o/ /ye shes rnam shes zhes pa ni yi ge hUM ngo/ /phyogs na bdud rtsi bzhi dag ni zhes pa ni/ a A a M aphyag rgya bcas pa bcom ldan 'das rnam par snang mdzad bsgom par bya'o zhes pa'o/ /dpal ldan gang na bzhi pa gzigs pa las sbyor ba'i gdan le'u gnyis pa'o// //de dag la sogs pa'i las grub pa'i rnal 'byor pas gzhan la byin gyis brlabs par bya'o zhes gsungs pa/ byin rlabs rim pa ji ltar lags/ /sems can gang gis rtogs pa dang/ zhes pa la sogs pa'o/ /de kho na bcom ldan 'das kyis slar gsungs pa/ snying khar zla ba bsams nas ni/ /dbu su sa bon hUM bsgoms te/ zhes dang po brtsams nas /gnyis med gtor ma ldan pa yis/ /dbang bskur nas ni zhi bar 'gyur/ zhes mthar thug sa'i bar ji snyed pas byin gyis brlabs kyi rim pa gsungs so /dpal ldan gdan bzhi pa gzigs pa las sbyor ba'i gdan le'u gsum pa'o/ / //da ni rdo rje dang dril bu la sogs pa sbyor pa dang/ me tog la sogs pa dbyer med pa ji ltar sbyar bar bya'o zhes/ phyag na rdo rje shes 'dod pas /gnyis med sbyor pa'i snying po ni zhes pa la sogs pas sbyor ba'i gdan le'u bzhi pa brtsams so/ gzung 'dzin rnam par rtog pa spangs pa'i chos thams cad mnyam pa nyid du sbyor ba yis slar lan btab pa gsungs pa/ gnyis med sbyor ba de nyid dang/ rdo rje dril bu phyag rgya yang/ zhes pa la sogs te rdo rje dril bu la sogs pa'i bsgom pa gsungs pa ni/ 'og tu ston pa'i rim pas brtsam par bya'o zhes pa'i don to/ /ji ltar brtsam par bya zhe na gsungs pa/ rdo rje de ni bdag nyid de/ /dril bu chos kyi gzungs ma'o zhes te/ de la rdo rje de nyid bdag nyid de zhes pa ni rten cing 'brel par 'byung ba nyid kyi phyir na dod dam par brtags pa la rang gi phung po kho na rdo rjer bsgyur te/ rdo rje bzhin du rang bzhin stong pa nyid kyi phyir dang/ de bzhin du mi 'jig pa nyid kyi phyir ro/ /dril bu chos kyi gzungs ma'o zhes pa ni shes rab kyi pha rol tu phyin pa'i rang bzhin nyid kyi phyir na/ de'i rang bzhin yang de ltar rdo rje thabs kyi dus kyi gzhan gyi dril bu shes rab ma zhes shes bar bya'o/ /phyag rgya kha sbyor tshul gyis ni/ /de la thabs nam thim par 'gyur zhes pa ste/ de dag thams cad kho nas phyag rgya'i rang bzhin no zhes pa'o/ /de ltar yang dpal ldan gsang ba 'dus pa la gsungs pa'o/ /gal te dngos grub mchog 'dod na/ lag pa'i phyag rgya mi bca' 'o zhes so/ /dra ba phur bu ra ba yis/ /bdud dang gnod pa gsal bar bya zhes pa ni/ ji ltar dra ba dang ra ba la sogs pa'i phyag rgya dang sngags kyis phyi'i sdang ba dang bdud la sogs pa rnams 'joms pa de ltar rang gi sems las byung ba rnam par rtog pa'i bdud la sogs pa de rnams kyang sbyin pa'i pha rol tu phyin pa la sogs pa'i ra ba la sogs pas spang bar bya'o zhes so/ /de ltar mnyam sbyor ba de mchog gi rgyud phyi ma las gsungs pa/ bdud ni rang sems las byung ste/ /sngon gyi ser sna bsten phyir ro zhes so/ /de kho na bstan 'dod pas gsungs pa/ bdud med bdud kyis ma yin pas zhes pa la sogs pa'o/ /bzod pa'i me tog rnal 'byor pas zhes pa la sogs pa ni/ bzod pa'i me tog bkang nas sbyin par bya'o zhes pa'i don to/ /de la bzod pa gong ma dang 'di ni khyad par ci zhig yod de sems kho na khyad par ro/ /ral gri la sogs pa'i mtshon chas brdeg pa la ci yang mi sems par bzod nas byams pa bsgom pa dang/ ji ltar ngag rtsub pa la sogs pa 'phrog pa la ci yang mi sems pa'i bzod pa'o/ /dper na byams pa dang snying rje gnyis phye ba lta bu'o/ /de ltar stong pa nyid dmigs pas ji ltar gnas par bya zhe na gsungs pa/ mnyam par ldan pa'i gnas dag nas/ /skyes bu gcig gi tshul gyi bar zhes pa ste/ de yang bsam pa 'di lta ste/ sna'i rtse mo la mig bzhag pas/ khru gang tsam bzhag par mnyam pa nyid kyis bsam par bya'o zhes pa'o/ /rdo rje gong du bstan pa rnams/ /nyi shu rtsa brgyad lha nyid dang zhes pa ni/ bum pa dang steng 'og dbus kyi rtse mo lha gsum bzhag nas 'khor gyi lha kho na nyi shu rtsa brgyad ces gsungs te/ gcig tu brtsis nas sum cu rtsa gcig ces pa'i don to/ /dril bu yang ji tsam gyis bsgom par bya zhe na/ gsungs pa dril bu dbus su bsgom pa ni/ nyi shu rtsa gsum lha rnams dag ces pa la sogs pa ste/ de la 'og gi pad+ma'i 'dab ma la sgrol ma la sogs pa'i lha mo brgyad dang/ de la yang shes rab kyi pha rol tu phyin ma'i zhal dang/ gong gi pad 'dab brgyad la byang chub sems dpa' brgyad dang rtse lnga dang/ rigs lnga dang/ ye shes dang/ rnam shes dang/ rnams kyi bdag nyid dbyig pa dang/ nyi shu rtsa gsum du 'gyur ba'i don to/ /rdo rje mdzub mo rtse mo ru/ /bdud rtsi yi ge bsams nas su zhes pa g.yon gyi mdzub mo la yi ge sa bkod par bya'o/ /g.yon gyi phyogs su bstan pa yi zhes pa ni/ sku la sogs pa la reg par bya'o zhes pa'o/ /lha mo'i mdun du gzugs par bya zhes pa ni gsang ba'i pad+ma la bzhag par bya ba'o zhes pa'i don to/ /bco brgyad dag gis gnas rnams ni/ zhes pa nu ma dang lag pa'i rtse mo dang/ mgrin pa dang/ ma mchu dang/ 'gram pa dang/ mig dang/ rna ba'i rtsa ba dang/ spyi bo dang/ yan lag mchog gsang ba rnams so/ /gnas dgu la zla ba'i cha shas kyi tshul gyis yar dang mar lan gnyis sbyor bar reg par byas na gnas bco brgyad bsgyur ro zhes pa'o/ /de ltar brgyad brgyad la gsungs pa/ nu ma lag rtse mgrin pa dang/ ma mchu de bzhin 'gram pa mig /rna ba spyi bo yan lag mchog /de dag kun la bdud byed pa/ /na bza' dkar la mar yar du/ /zla ba nag na log par bshad/ /mthe po'i rtsar ni yi ge a/ /rje ngar gnyis la de bzhin a/ /brla gnyis la ni yi ge ai/ /yi ge a'i ni gsang bar brten/ /lce yi rtsa la yi ge au/ /de bzhin bsdus par yi ge a'u/ / nu ma'i rtsa la yi ge ri/ /yi ge rI ni lag par gnas/ /mgrin pa kho nar yi ge li/ /de bzhin spyi bor yi ge lI/ /'gram pa'i phyogs su yi ge e/ /de bzhin ai ni mig gnyis la/ /rna ba'i rtsar ni yi ge ao/ /yi ge aau ni spyi bor gnas/ /aM a yan lag lus kun la/ /cho ga rnams ni sbyor bar bya/ /'o btab ba dang 'khyud la sogs/ /so so btab pa dang sbyor ba rnams/ /gnas rnams brtags nas sbyor byas te/ /yi ge rma re rnam par bsam/ /de ltar bsams pa tsam gyis ni/ /bud med dga' ste gzhan du min/ /pho mo mtshan ma med sbyor kyang/ /gzhom pa tsam gyis ngo bzang dga' zhes so/ /bdud rtsi thams cad kun gnas pa zhes pa ni gnas bco brgyad la byang chub sems gnas pa'o zhes ji snyed pa'o/ bshad par byed pa'i don kho na gsal bar byed bas gsungs ba/ mdzub mo de yis bskyod byas nas/ /bdud rtsi chu dag 'dzag par 'gyur zhes pa'o/ /de ltar bskul ma thag tu yang phyag rgya chen po brtan por byas nas gnyis su med pa'i snyoms par zhugs pa sbyor te bya ba brtsam par bya'o zhes gsungs pa/ btsugs nas gnyi gas 'khyud byas nas ces pa la sogs pa ste/ de la 'khyud nas zhes pa ni/ mi shes pa'i 'dam du bying ba rnams bla na med pa'i 'bras bu thob par bya pa'i don du 'jig rten las 'das pa'i sting rje chen po dang du blang ba'i 'khyud pa'o/ /kha shar la sogs gnas par bya zhes pa ni gnyis su med par snyoms par zhugs pa la lha mo ni kha shar du blta bar bya ba'o/ /don ni 'di lta ste/ bsgrub bya lha mo gtsor 'gyur ba'i phyir dang/ lha ni gtso bor ma yin pa'i phyir/ de bas na lha mo kha shar du blta bar rigs te/ khyad par du yang 'di ni mkha' 'gro ma'i tan tra nyid yin pa'i phyir ro/ /de ltar rgyal po'i bu mo zhes pa la smras pa/ gnyis pa yi ni gtsor 'gyur bas/ /de bzhin du ni bsnyen par bya/ /ci phyir de ltar khyad par du/ /cho ga rab mchog bshad pa'o/ /rol par 'phen pa'i lha mo rnams zhes pa ni rol pa'i skyil mo krung gis gnas pa'i lha mo dang zhes pa'o/ /rdo rje zhes pa'i ni rdo rje sems dpa' gnon po'i lus shes pa'o/ /ji ltar gnon zhe na gsungs pa/ rkang bas rkang pa'i zhes pa'o/ /de dag gi byed pa bya ba de ni 'dug pa zhes bshad do/ /de yang rnal 'byor pa 'dug pa'i rnam par brtag pa rnam pa gnyis su 'gyur ro/ /de ltar yang smras pa/ sku yi phyi rol bzhag pa ni/ /bud med rkang pas bkang par bya/ /'dug pa rnam gnyis bstan pa'i phyir/ /pho yi 'dug stangs rnam rtog phyir zhes so/ /g.yon gyi dril bu brla dag kyang zhes pa ni/ shes rab kyi pha rol tu phyin ma'i lag pa g.yon pa brla'i rtsa'i 'og tu bzhag par bya ste/ des ni snying rje chen po'i 'dod chags shes pa'i don to/ /lag pa g.yas pa gzhag pa ni/ /gong du 'brel pas 'dir mi bshad do/ /'khyud pa kho na ni thabs med par sems can sna tshogs don byed pa las 'jug pa med do zhes pa'o/ /de kho na mngon par byed pas sna tshogs ston pas gsungs pa/ dril bu lag gnyis gsungs pa yi zhes pa'o/ /ma byung ba'i so so'i skye bo'i rnam par rtog pa la gnas par mi bya'o zhes gsungs pa gnyis kas sa bon bzlas par bya zhes pa la sogs pa'o/ /g.yon du 'phen pa'i lha mo ni/ /kha ni lho ru phyogs par 'gyur zhes pa ni/ lha mo g.yon pa 'phen nas gnas pa ni lhor kha blta bar bzhag par bya'o/ /zhes pa'o/ rdo rje de ni yang 'phags pas zhes pa ni/ rdo rje sems dpa' de yang byang du kha bltas nas gnas par bya'o zhes pa ji snyed pa'o/ /rkang mthil gnyis kyang btsir bar bya zhes pa ni/ lha mo'i rkang mthil gnyis kyi rdo rje sems dpa' i lag mthil gnyis la gzir bar bya'o zhes pa'o/ rdo rje g.yas su nu ma ste/ de bzhin gcig gis gsang bar ro zhes pa ni/ rdo rje sems dpa' dril bu lag pa gnyis ga yis/ /rkang pa bsnams nas rtse bar bya zhes pa ni/ de la dril bu zhes pa ni/ shes rab kyi pha rol tu phyin ma'o/ de'i lag pa gnyis kyis rdo rje sems dpa' i rked par ji ltar shin tu bsdam par gyur pa de ltar gzir bar bya'o zhes pa'o/ /rdo rje g.yas su nu ma ste/ de bzhin gcig gis gsang bar ro zhes pa ni/ rdo rje sems dpa' i lag pa g.yon pas gsang pa la reg cing g.yas pas ni nu ma la gzir bar bya'o zhes pa'o/ /dril bu rdo rje kha dag dang/ /yang dang yang du phrad par bya/ /zhes pa ni/ de la dril bu ni shes rab ma'o/ rdo rje sems dpa' i kha'i kha la sogs pa 'os btab pa ni/ gnas dgu la yang na yang du g.yas su 'kher nas 'os btab par bya'o/ zhes pa'o/ /sa bon gnyis bcas bzlas pa yis/ /zhes pa la sogs pas ni/ thabs dang shes rab gnyis kyis ji ltar rang rang gi sa bon bzlas te/ lho'i phyogs su gnas pa'i 'jig rten gyi sems can rnams bsgral bar bya'o zhes pa'i don to/ /rkang pa mnyam par nub phyogs ni zhes pa la sogs pas ni nub phyogs kyi byed pa brtsams nas/ gnyi ga rkang pa g.yas pa mnyam por stabs kyis bzhag ste/ rkang pa g.yon pa'i bus mo gnyi gas phan tshun gnon par bya'o/ /de ltar yang smras pa/ dpung pas dgug pa'i brla nu mar/ /gsum 'dus mdun du zil gnon te/ zur gsum gnas la lag sbyor ba/ /kha sprad kha sbyor dran pa'o/ /mgrin pa'i ltag khung phan tshun dpung pa'i zhabs pas dkris te/ dril bu'i lce dri bas rdo rje sems dpa' i lce la reg ste/ 'gul bas ji ltar rang gi sa bon bzlas par bya'o zhes pa'i don to/ /da ni byang gi 'phen pa gsungs so/ /ji ltar mgrin pa'i rgyab tu dkri bar bya'o/ / zhes gsungs pa/ rdo rje mnyam pa'i dbus su ni/ zhes pa la sogs pa ste/ rdo rje sems dpa' i dpung pa gnyis kyi lha mo'i mnyam pa'i dbus su nu ma'i drung du dkris te/ dril bu lag pa gnyis kyis kyang rdo rje sems dpa' i rna ba'i rtsar brtsir bar bya ste/ sbyar nas sen mo gdab par bya'o zhes pa'i don to/ /de ltar yang smras pa/ 'khyud pa dang ni btab pa dang/ /sos btab de bzhin sen mo rgyab/ /steng ni rnam pa lnga shes te/ /'og ma yid ni rnam pa bzhi/ /sen mo gdab pa lag g.yon gyis/ /lte ba'i rtsa dang mtshan du yang/ /yan lag mchog dang spyi bo dang/ /glang chen lag pa bzhin du reg ces pa'o/ /kun bsngams ma mchu gnyis kyis ni/ /zhes pa la sogs pas ni dga' nas rjes su chags te/ ma mchu phan tshun btung bar bya'o/ /zhes pa'i don te/ / sems can thams cad ces pa la sogs pa ni don gsal lo/ /dril bu'i lha'i sbyor ba rnams shes pa la sogs pas ni shes rab kyi pha rol tu phyin ma'i lus/ rdo rje sems dpa' i lus la sngags kyi yi ge brgyad gong nas gsungs pa'i rim pas bsgom par bya'o zhes pa'o/ /de ltar de kho na nyid so sor byed ma thag tu lha mo dang/ rang gi lus ni chos kyi dbyings kyi ngo bo nyid thabs kyi bdag nyid rnam par rtog pa med pa'i bdag nyid du sems gyur pa la bya ste/ yang sems de'i rgyab du gyur pa rnam par rtog pa dang bcas pa'i dbyangs dang bstod pa brjod pas bskul te/ sems can gyi don gyi rgyu'i phyir bslang bar bya'o/ /de ltar dpal gsang ba 'dus pa'i tan+t+ra las gsungs so/ /rdo rje sems dpa' i bdag ces brjod ces pa la sogs pa'o/ langs ma thag tu chags pa'i sems kyis shas rab ma dang bcas pas/ rdo rje sems dpa' i nga rgyal te/ aoM badzra satwa a haM zhes brjod pas bya ba'i don to/ /me tog rnams ni chu skyes rnams/ /nang gi gsang ba'i mchan nyid kyis/ /myu gu rtsa ba me tog ni/ /bandu ka ni 'bar bas 'dra/ /zhes pa ni pad+ma dmar po dang 'dra ba'i nang gi dbus su gsang ba'i gnas pa mkha' 'gro chu'i rtsa zhes ji snying pa'o/ de yang ming dang gzugs kyi myur gur skyes pa dang/ sdong bu dang/ me tog dang/ 'bras bu dang/ rtsa ba dang/ sa bon la sogs pa'i rkyen zhes pa'i don to/ /de ltar yang gsungs pa/ nyi shu rtsa bzhi rtsa rnams ni/ /rgyud chen lha mo rtsa rnams te/ /de la mkha' 'gro mchu yi rtsar/ /mkhas pa yis ni bskul bar bya zhes pa'i ngon to/ /mthong ka gnyis dang kha gnyis la/ /khong pa la yang gcig brjod de/ /rtsa lnga yi ge kha dgong pa/ /rtag tu kha la bskul bar bya/ /gang zhig rkang mthil la 'gul ba/ /mkhas pas rkang pa'i mthe bor yang/ /spyi bor gsum 'dus brla gnyis la/ /lag pa'i rtsa la reg par bya zhes pa'o/ /nang gi gsang ba'i pad+ma de rgyas pa la ji ltar sa bon du 'gyur zhe na/ gsungs pa/ thong ka gnyis su sa bon rnams zhes pa la sogs pa ste/ de thong ba gnyis su sa bon ni stag mo'i sa bon no/ /rnams zhes bya ba'i tshig ston pas na brtsegs pa'i yi ge bzhi char gzung ngo zhes pa'i don to/ /sa la sogs pa bzhi kho na dang/ yi ge brgyad? thabs dang shes rab kyi rang bzhin nyid kyi phyir na/ 'gro ba deng skye ba dang 'khor ba la gnas pa'i gzugs yin par shes par bya'o zhes pa'i don to/ /ji ltar sde tshan gsum pa la sogs pa ni bshad zin to/ /lha mo gzugs ni bsams nas ni zhes pa ni/ /sa bon de kho nas bskyed pa'i ye shes mkha' 'gro ma'i gzugs bskyed par bya'o/ /zhes pa'o/ sa'i zhes pa ni yi ge hUM ngo/ /dbus su thim par bya zhes pa ni snyoms par 'jug pa'i sbyor ba ji snyed pa'o/ /don kho na gsal bar byed pas gsungs pa/ dus kyi med dang yi dags ma zhes pa la sogs pa ste/ /de la dus kyi me zhes pa ni lag pa g.yas pa'o/ /yi dags me zhes pa ni lag pa g.yon pa'o/ /phan tshun lag pa gnyis kyis 'khyud nas/ lag pa gcig dang lhan cig tu 'grel ba'i gnas la rtse gsum gyi tshul du bzhag par bya ba ste/ sreng pa'i thabs kyis gzugs so/ /bdud rtsi btung ba'i sems kyis ni zhes pa la sogs pa ni ngon gsal ba'o/ /yan lag bco brgyad gnas dag la zhes pa la sogs pa ni zla ba'i cha shas kyi tshul gyis sngon du bshang zin to/ /mkha' 'gro ma yi mchu 'dra'o/ /zhes pa ni de la 'gro mchu zhes bya ba ni gsang ba'i pad+ma'i rtsa ba'o/ /phyag rgya de la bskul bar bya zhes pa ni/ gal te shes rab ma sra bar 'gyur na/ de tshe glang chen gyi lag pa la sogs pa ni las ji ltar bzhu ba de ltar bya'o/ / de ltar yang gsungs pa/ yan lag mchog ni gnyis shes te/ /de bzhin de ni mchog dang sra/ /sra ba la ni rgyu byas pa/ /byas pa rigs kyi bu med min zhes pa'o/ /g.yas kyi rdo rje'i mchu rnams zhes pa la sogs pas ni dus mnyam po ji ltar gyur pa de ltar rdo rje'i chu zag pa'i rgyu bya'o/ /de kho nas sems 'dod pa bskul ba'i don du thong dang yang gnas dag du/ de nas sen mo gdab par bya zhes pa'o/ /de nas rdo rje rtse phyag rgya zhes pa la sogs pas ni bshad zin pa'i don kho na gsal bar byas pa'o rdo rje rol pa'i rkang pa yis zhes pa la sogs pas ni phan tshun rol pa la 'phen pas/ bde pa'i stan rnam par bkod pa sna tshogs bkod pa sna tshogs bkod pa'i byed pa dang/ dbyigs la sogs pa'i rnal 'byor pa dang/ rnam 'byor ma'i gsang ba'i rol pa bshad par bya'o/ /dril bu rol pa'i tshul gyis ni zhes pa la sogs pas ni/ sems dpa' i skyil mo krung byed pa rdo rje sems dpa' i brla'i steng na shes rab kyi rol tu phyin ma gnas te/ brla'i zhabs pas sku la dkri bar bya'o zhes pa'i don to/ / snying po med pa'i 'khor bstong pa la zhes pa la sogs pa ni de la snying po zhes pa ni mkha' 'gro ma'i dra ba'i sdom pa zhes bya'o/ /'dus pa zhes pa ni sangs rgyas thams cad dang mnyam par sbyor ba'i rang bzhin no/ /de bas na sangs rgyas thams cad kyis gang mkha' 'gro ma'i dra ba'i bde mchog de thob po/ /gang las yin zhes na/ gsungs pa/ gong ma'i tshig snying po med pa'i 'khor ba stong pa la zhes so/ /ci 'dra ba yin zhes na gsungs pa/ 'jig rten la ni dpe byas pa/ / chu shing la ni snying po med/ /de yi 'bras bu snying po can/ /bza' ba la ni bdud rtsi 'dra zhes so/ /don ni 'di ltar gsungs par 'gyur te/ gong du gsungs ba'i rol pa'i thabs bya ba la sogs pa snying po med pa'i yis/ ji ltar bu ram shing gi zhing lung kyi phung po bsags pas bkang pa ltar bdud rtsi dang 'dra ba'i mya ngan las 'das pa'i mtshan nyid kyi 'bras bu bskyed par 'gyur ro zhes pa'o/ /lung las kyang grags te/ 'di lta ste/ kye 'od srungs ji ltar lung kyi phung po bu ram shing gi zhing la sogs pa la phan par 'gyur pa de kho na ltar/ kye 'od srung 'dod chags pa rnams kyang thams cad mkhyen pa la phan par byed par 'gyur ro zhes grags so/ / dngos zhes pa ni rnam par rtog pa ste/ rnam par grol ba zhes pa ni bsal yongs su bor ba'o/ /de la dngos grub ni zhes pa ste/ thar pa grub pa'o zhes pa'o/ de ltar yang 'phags pa lha'i zhabs kyis gsungs pa/ rnam par rtog pa thams cad spangs pa'i phyir thar par zhes pa'o/ /phan tshun 'khyud pa'i sbyor byas te zhes pa ni/ thabs dang shes rab 'du pa'o/ /ci'i phyir yin zhe na/ gsungs pa/ de yis thams cad don ni byed par 'gyur zhes pa ni/ sems can gyi khams ma lus pa kun 'khor ba las bsgrol bar bya'o zhes pa'i don to/ /des ni rnal 'byor ma'i ye shes kyi sdom pa la gzhan gyis 'khor ba la snying po med pa yin no/ /zhes ji snyed pa'o/ /sman la sogs pa'i khyad par dang/ /'phen pa dang ni ldan par bya/ /zhes pa ni steng stabs bya ba dang sman gyi khyad par bya ba'o/ /khyad par sgra ni nye bar blang bas na khri nyis stong pa las gsungs pa'i mchan khung sbyor ba dang por tshig 'dus pa gsungs te/ de la mchan khung sbyor ba ni 'di lta ste rgyal ba lhan cig gtsug tor dzA ri lag ba'i mchim bu mo dang/ ral pa mi dang dga' ba 'jigs pa rmongs pa rgyal ba rdo rje rnams/ /bzhi cha bzhir ru byas ste lnga yi lus kyi yang bsres na/ /khyo dang bur med dbang du sbyor ba sum cu rtsa bzhi cha zhes pa la sogs pa mchan khung sbyor ba mthar thug pa bri bar bya'o/ /gur gum zhes pa ni gsal to/ /sbyor ba'i gnas su zhes pa na che mnyam por sbyor ba'o/ /dbang po lag dang zhes pa ni rtsa ba sor mo lnga'i tshul lo/ /bdag lnga'i ni zhes pa ni mig la sogs pa'i dbang po lnga'i dri ma'o/ /yan lag lnga zhes pa la sogs pas ni gcig lha mo'i khyad par dang las kyi khyad par gyi don shes par bya ba de go sla'o/ /gzhan yang 'phen pa'i thabs ngag ni zhes pa la sogs pas ni 'phen pa bco brgyad gsungs te/ kun tu phyogs dang mtshams bcad la gnas pa'i bgegs 'phen pa dang/ gtong ba bskrad par bya'o zhes ji snyed pa'o/ /de yang phyi dang nang ste/ phyi'i 'phen pas ni phyi'i bgegs rnams bskrad par bya'o/ /nang gi 'phen pas ni nang gi bdud bskrad par bya'o zhes pa'o/ /gnyis ni sbyar nas 'phen pa yis zhes pa ni kha sbyor ba ste/ de kho na ni don dam pa'i phyag rgya zhes gsungs pa nyid kyi phyir ro/ /de bas phyag rgya de nyid bcing bar bya zhes pa ni mtshan nyid gong du bshad zin to/ /mnyam pa'i thabs zhes pa ni rkang pa phan tshun sor mo'i mthe bo'i gshibs nas sbyor ba mnyam po'i thabs so/ /dbye ba'i thabs zhes pa ni de kho na rkang pa gcig bkug na dbye ba'i thabs so/ /zlum po'i thabs ni khru do'i phyi rol tu rkang pa sor mo phyi ro bltag par bya ste/ spus mo gnyis yar bsgred ba mar bkug nas ngang pa'i gshog pa'i tshul ni zlum pa'i thabs so/ /stir kra ma'i thabs ni zhes pa ni rkang pa g.yas pa sa la bzhag ste/ rkang pa g.yon pas 'jig rten gsum 'gom pa'i tshul gyis 'gying bag gis yar btang ba ni sti ra kra ma'i thabs so/ /ru spal gyi thabs zhes pa ni g.yas pa'i rkang mthil gyis g.yon pa'i bol la gnon par bya ba ni ru sbal gyi thabs so/ /g.yas brkyang ba ni g.yon pa'i rje ngar bkug nas g.yas pa mtho lnga'i tshad du brkyang pa ni g.yas brkyang ba'i thabs so/ /g.yon brkyang ba dang/ zhes pa ni de la g.yas bkug nas g.yon kho na bzhin du brkyang ba'i g.yon brkyang ba'o/ /gcig tu g.yas pa dang zhes pa ni/ rkang pa gcig lar bteg nas gcig gis g.yas su bsker ba ni gcig tu gnas pa'o/ /gdug pa zhes pa ni rol pa la sogs pas 'phen nas de ltar phyogs su kha bltas nas gnas pa'o/ /rkang pa'i 'phen pa dang zhes pa ni rnam pa sna tshogs kyi rkang pa 'phen pas na/ rkang pa'i 'phen pa'o/ /gal te bden na phye ba la sogs pa la thams cad 'dus pas phyin ci log pa'i brla dgod pa '? ba yang de'i skad cig ma de kho na chad pa gong du 'byung/ gnyis yis kyang med par bya'o/ /mchod sdong gi tshul dang zhes pa ni rnal 'byor ma'i rkang pa gnyis bsdus nas phye la bzhag par byas pa ni/ /mchod sdong gi tshul lo/ /de ltar yang smras pa gcig tu bkug nas bzhag pa ni/ /bud med pus mo bkug pa ste/ /'dug pa'i skyes bu dang ldan pa/ /rkang pa gzung zhes rab tu grags/ /pus mo gnas pa dang zhes pa dang/ phus mo gnyis phan tshun gshig mas g.yon gyi glon gzir ba ni/ pus mos gnas pa'o/ /legs par 'dus pa dad zhes pa ni/ rdo rje sems dpa' dpung pa'i zhabs shes rab kyi pha rol tu phyin pa'i mgul pa nas brtan por 'khyud de lta mo'i rje dar steng du bkod nas kha sbyor ba de ni legs par 'dus pa'o/ /de ltar yang smras pa/ bud med mgul pa dam bor 'khyud/ /pho yis dbung pa gnyis kas kyang/ /gru mo gnyis la bzhag ba ni/ /bud med rje dar 'dus par bshad ces pa'o/ /mnyam par gnas pa dang zhes pa ni gnyis ka gnas ba'o/ /dus kyi me yi snying po dang/ zhes pa ni/ lha mo rkang mthil g.yas kyis rdo rje sems dpa' i snying gar bzhag pa la sogs pa thong ka bgrong pa zhes bya ba byed pa'i dus kyi me'i snying po'o/ de ltar yang smras pa/ bud med rkang pa'i mthil bzhag pa/ /pho yi snying kha'i la ni yang/ /thod ka gnyis ka bgrod pa yis/ 'dug pa rkang pa brkyang pa'o/ /bsregs brkyad pa ni don bsal lo/ /gnas ngan pa dang zhes pa ni 'gul nas 'dug pa de ni tha 'khob ba'i spyod pa ste/ gnas dan pa'o/ /de ltar yang smras pa/ de la 'dug pa po'i brla bzhag pa/ /bud med rje dar mdza' khob bshad/ /phyi rol bud med rkang pa'i/ /'phen pa dbus kyi tshul du 'dod/ /gcig tu 'dus pa zhes pa ni gong du gsungs pa'i legs par bsdus pa kho na la rkang pa gcig 'dus pas na/ rkang ba gcig tu bsdus pa'o/ /de ltar yang smras pa/ 'dus ba yi po dang ldan pa/ /de yi rtse gsum 'byung ba'i phyir/ /phyin ci log par rab sbyor ga /bkram pa dag ni yang dag 'byung/ /bco brgyad dag gi 'phen pa yis/ /mchod pa'i dus su rab sbyor bya zhes pa ni/ phyi nang gi mchod pa la ji ltar rim par spyod bar bya'o/ /yon tan kun gyi sbyor ba yis zhes pa ni/ ji ltar 'byor ba nye bar spyod pa lnga la sogs pa mtshan par bya'o zhes pa'o/ /snying gar mnye ba dang/ zhes pa la sogs pas ni/ dpung gi byed pa'i ste go sla'o/ /rdo rje dril bu phyag rgya dag /ces pa la sogs pas ni rgyas par sngon du bshad zin to/ /'dir ni mdor bsdus pa bshad de/ rdo rje zhes pa ni nye bar len pa'i rkyen no/ /dril bu zhes pa ni lhan cig byed pa'i rkyen to/ /de gnyis sbyor bas ming dang/ gzugs kyi myu gu zhes bya ba phyag rgya chen po sems can gyi don byed pa sbyor ba 'byung ngo/ /de kho na med par ni mi 'grub po zhes gsungs pa/ mtshan mo zla ba med pa'i zhes pa la sogs pa'o/ /A li kA la thogs bsgoms na zhes pa ni/ gong du gsungs pa'i rim pas bsgom mo zhes pa'i don to/ /thabs dang shes rab phyin pa rnams/ /'khor ba brgal bar gnas par 'gyur zhes pa ni/ don ji ltar 'gyur zhe na/ blun po dang nyan thos la sogs pa ni mi brgal lo zhes pa'i tha tshig go/ de ltar yang dpal bde mchog gi rgyud las gsungs pa/ nyan thos thams cad skal ngan te/ /shin tu mya ngang 'das phyir ro/ /phyi rol gyi mu stegs pa rnams la yang gsungs pa/ mu stegs thams cad skal ngan te/ bdag dang bdag gir 'zin phyir ro/ /zhes so/ debs gsungs pa/ sems ni shes ltar dag pa la/ /de yi chos ni bstan par bya zhes pa ste/ de dag kyang zab mo'i chos stan pa yis the tshom bsal nas mnyam pa nyid du byas ste/ de nas de bzhin gshegs pa thams cad kyi dam tshig de kho na nyid 'di bstan par bya'o zhes pa'o/ /sems can ngan bya phyi ru ni/ /nan tan de kho na nyid dmigs zhes pa ni rang bzhin med pa sgom pa yis rang gi sems mnyam pa nyid du bya ste/ ji ltar gsungs pa'i snying rje lha'i sbyor ba yis bsnyen par bya'o zhes bya'o/ /gal te de kho na nyid dmigs su mi nus na/ /ji ltar bya zhe na gsungs pa/ nang gi sa bon dbus gnas pa/ /A lis sa bon gzung bar bya zhes pa ste/ de la nang gi gsang ba'i sa bon zhes pa ni hUM ngo/ /phyogs kun nas ni thal sbyor te zhes pa ni phyogs bcu na gnas pa'i rnal 'byor ba dang/ rnal 'byor ma'i dra ba la bstod pa dang/ mchod pa la sogs pas bstod nas smon lam gdag par bya'o zhes pa'o/ /kye ma'o chos kyi mchog gi lam zhes pa la sogs pa ni don go sla'o/ /yi go gnyis 'gyur thig pa dang/ zhes pa la sogs pa ni gong du bshad zin pa'i phyir ni 'dir mi 'grel ba'o/ /rdo rje slob dpon dpal dge ba'i go chas mdzad pa dpal gdan bzhi pa gzigs pa las sbyor ba'i gdan gyi rnam par bshad pa rdzogs so// //de dag gdan gsum ni sgrub pa bo dge ba'i go chas sems can la thugs rje dgongs nas mdzad de/ gdan 'di ni gleng gzhi'i nang na mkha' 'gro ma rnams kyis ma gnang do zhes kyang zer/ TI ka mdzad pa'i thad ka nas mkha' 'gro ma dang zhal mjal nas grub ste mi snang bar song ngo/ /zhes kyang zer/ phyi nas rgya gar gyi mkhan po smri ti dz+nya na kI rtis bla ma'i rgyud las thos pa ji bzhin du de ltar gdan bzhi pa'i gdan phyi ma'i TI kA 'di brtsams so/ /de nas thugs rje chen pos skye ba bcom ldan 'das rdo rje sems dpa' phyag na rdo rje la bskul ba/ nyon cig rdo rje ji ltar lam zhes pa la sogs pa gsang ba'i gdan gyi le'u dang po brtsams so/ /slob dpon yon tan ci 'dra dang zhes pa la sogs pa ni phyag na rdo rje slar zhus ba ste/ de la slob dpon yon tan ci 'dra zhes pa ni/ rdo rje slob dpon gyi yan lag dang nyid lag ga yon tan ci 'dra zhes zhus pa'o/ /slob dpon ji ltar sbyar ba dang zhes pa ni/ /slob dpon gyi yon tan gang dang ldan pa la bya zhes zhus pa'o/ /bla ma zhes bgyi ji ltar lags shes pa ni rdo rje slob dpon brnyas pa'i sdig pa dang/ bstod pa'i bsod nams ji ltar yin zhes zhus pa'o/ /de nas bcom ldan 'das rdo rje sems dpas rdo rje slob dpon gyi yan lag gi yon tan ston 'dod pas gsungs pa/ lag na rdo rje de nyid nyen zhes pa la sogs pa ste/ de la byang chub rdzogs pa'i mtshan nyid kun zhes pa ni rdo rje slob dpon gyi lus dngos ni yang dag par rdzogs pa'i sangs rgyas kyi mtshan nyid do zhes pa'i don to/ yan lag byang chub sems dpa' ste zhes pa ni rdo rje slob dpon gyi yan lag byang chub sems dpa' i rang bzhin yin no zhes pa'i tha tshig go / spyi gtsug dag tu rigs lnga ste zhes pa ni rdo rje slob dpon gyi dbu ni rnam par snang mdzad la sogs pa'i rigs lngas dbu brgyan no zhes ba'i don to/ /'jig rten ba ni rkang pa'i gdan zhes pa na rdo rje slob dpon gyi rkang mthil gyi gdan ni 'jig rten gyi lha chen po la sogs pa'i dngos po zhes pa'i tha tshig go/ 'od zer gnod sbyin gsang la sogs zhes pa ni/ rdo rje slob dpon gyi gsang ba'i ris gnod sbyin la sogs pa'i rang bzhin no zhes pa'o/ /ye shes can gyi shes bya'i rtags zhes pa ni rdo rje slob dpon gyi yon tan de 'dra ba ye shes can slob mas shes par bya'o/ /da ni slob dpon ji ltar sbyor ba dang zhes pa'i lan bshad 'dod pas gsungs pa dul zhing zhi ba'i cha byad kyis zhes pa la sogs ba ste/ de la dul zhing ni lus dgag sgo nas so/ /zhi ba'i cha byad ces pas ni/ khro bo'i tshul med pa'o/ /snying rje phan pa'i sems kyes na sems can sdug bsngal dang bral bar bya'o zhes pa'o/ /phan pa'i sems kyis shes pa phyi nas sems can kun sdug bsngal kun dang bral bar bya'o zhes pa'i shes rab bo/ /de kho na bcu yongs su shes na zhes ba'i rdo rje'i de kho na nyid dang/ dril bu'i de kho na nyid dang/ ye shes kyi de kho na nyid dang/ lha'i de kho na nyid dang/ dkyil 'khor gyi de kho na nyid dang/ sbyin sreg gi de kho na nyid dang/ sngags kyi de kho na nyid dang/ rdul mtshon gyi de kho na nyid dang/ gtor ma'i de kho na nyid dang/ dbang bskur ba'i de kho na nyid dang/ bcu po rnams so/ /da ni bla ma zhes bgyi ga ji ltar laT zhes pa'i lan/ bla ma la bkur ba'i don bstan par gsungs pa/ gzhan yang nyon cig de kho na zhes pa la sogs pa ste/ de la slob mas spyod pa'i las rnam ni zhes pa ni slob mas slob dpon la byar mi rung ba rnams so/ /gsang ba zhes pa ni thabs dang shes rab sbyor ba'o/ /dam tshig tshul zhes pa ni dam tshig gi sdom pa'o/ /rnal 'byor gtor ma zhes pa ni mkha' 'gro ma'i gtor ma'o/ /gsang ba la sogs pa ni bdud rtsi lnga dang lcags kyu lnga la sogs pa'i mched pa'o/ /myur du mnar med ltung bar 'gyur zhes pa ni de dag la sun dbyung ba'i slob ma ni tsha ba'i dmyal ba ma nar med par skye bar 'gyur ro zhes pa'o/ /ma la dang lha ma dang stan rnams dang zhes pa ni slob dpon gyi mal la sogs pa la 'gom pa dang/ slob dpon gyi mig mi nyan pa ni tshe 'dir nor med cing dpal yang med par bdud dang bgegs kyis brtse bar 'gyur ro zhes pa'o/ /gal te grib ma 'goms 'das na/ /mchod rten bshig pa byas pa dang 'dra zhes pa ni/ rdo rje slob dpon gyi grib ma 'gom pa ni mchod rten bshig pa'i las mtshams med pa lnga dang nye ba'i las yin pas/ mnar med pa'i dmyal bar skye bar 'gyur ro zhes pa'i don to/ /mtshams med pa'i las ni mnar med pa'i dmyal ba kho nar skye ba'i phyir ro/ /de bas na mi bya'o zhes gsungs pa/ rdo rje slob dpon smod rnams ni zhes pa la sogs pa'o/ /dmad du mi rung ba ci'i phyir zhe na gsungs pa/ sngags dang phyag rgya sbyor la sogs/ /de yi lam gyis 'grub phyir ro zhes pa ste/ slob dpon gyi bka' lung gi byang chub kyi rgyur 'gyur ba'i phyag rgya dang sngags la sogs pa thob pa'i phyir ro/ /da ni slob ma gzung ba la dang po bslab pa byin nas gzung zhes pa ni/ dkyil 'khor dang la sogs pa'i sgra yis dbang bskur ba dang/ gtor ma rnams bstan nas slob ma gzung bar bya'o/ zhes dbang bskur ba'i khyad par de kho na bshad 'dod pas gsungs pa/ gong du yi ge gcig gis na/ /sangs rgyas lnga ru bstan par bya zhes pa ste/ de la sangs rgyas lnga yi ge hUM ste dbyig pa 'jig rten dbang phyug go zhes gsungs pa'i phyir ro/ /don ni 'di lta ste/ slob ma dang por yig 'bru gcig la snying po hUM bstan nas dbang bskur bar bya'o zhes pa'o/ /sngags kyi dbang dang ldan pa yis/ /yi ge brgyad dag bsgom par bya zhes pa ni/ de la yi ge brgyad ni suM k+ShuM yuM hUM/ smryuM smryuM smryuM zhes pa'o/ /don ni 'di lta ste slob ma la yig 'bru brgyad bkod nas/ sngags kyi dbang bskur ma thag tu sbyi bo la sogs yan lag brgyad la yi ge 'bru brgyad sgom zhing bstan par bya'o zhes pa'i don to/ /gnyis med gtor ma'i dbang bskur ba/ de yi chos kyang shes par 'gyur/ /zhes pa ni chos nyid kyi dngos dang dngos med gnyis su med pa'i chos slob ma la bstan nas gnyis su med pa'i dbang bskur ba yin no zhes pa'i don to/ /sbyor ba'i dbang dang ldan bya ba/ /ye shes rnam shes bstan pa yin zhes so/ /rdo rje slob dpon dbang bskur ba/ /zhes pa la sogs pa ni de la ye shes ni thabs ste lha'o/ /rnam shes te shes rab ste lha mo'o/ /de nyid sbyor ba'i don bstan nas sbyor ba'i dbang bskur ba'o/ /de ltar yang gsungs pa/ thabs dang shes rab snyoms 'jug pa/ /sbyor ba zhes su grags pa yin zhes so/ /de la gsang ba ni lnga ste/ srog gcod pa dang ma byin bar len pa dang/ 'dod pas log par g.yem pa dang/ brdzun smra ba dang/ 'dod chags la sogs nyon mongs pa ma spangs pa'o/ /de la srog gcod pa ni nyon mongs pa spangs pa'o/ /ma byin par len pa na nyin thos la sogs pa la ma byin pa'i dam rdzas blang pa'o/ /'dod pas log par g.yem pa ni/ /de bzhin gshegs pa la mchod pa'i phyir/ de bzhin gshegs pa la sogs pa bsgoms nas phyin ci log gi 'dod chags la sogs pa spyod pa'o/ /brdzun du smra ba ni yang dag pa'i don brjod du mi lang bas bsngags bzlas pa'i brdzun du smra'o/ /'dod chags la sogs pa'i nyon mongs pa ma spangs pa ni yang dag pa'i 'dod chags la sogs pa dang ldan pa'o/ /sogs shes pa'i sgra ni dkyil 'khor dang sbyin sreg dang/ mchod pa dang/ gtor ma la sogs pa'o/ /don ni 'di lta ste/ slob ma gsang pa la sogs pa thams cad bstan pa ni rdo rje slob dpon gyi dbang bskur par 'gyur zhes pa'o/ /dang por bslab gzhi gzung nas su zhes gsungs ba/ de ji ltar bya zhes na gsungs pa/ dang por re zhig slob ma rnams/ /bslab pa'i don du gsol ba gdab ces pa ste/ slob ma rnams kyi slob dpon la slob ma'i dga' ba gang yin pas zhu bar bya'o zhes pa'o/ /de ltar zhu bar bya zhe na gsungs pa/ bla gos phrag pa gcig gzar nas zhes pa la sogs pas so/ /slob dpon gyis bslab pa ji ltar sbyin bar bya zhe na gsungs pa/ bla ma stan la bzhugs nas su zhes pa la sogs pa ste/ gdan la skyil mo krung gis bzhugs pa'i slob dpon gyis phyag g.yas pas pus mo sa la gtsugs pa'i slob ma'i thal mo la gzung nas bslab pa sbyin no zhes pa'i tha tshig go/ slob dpon la sa la pus mo gtsugs shing thal mo sbyar ba'i slob mas zhus pa'i tshig gang yin zhe na/ gsungs pa/ sangs rgyas chos dang dge 'dun dang/ zhes pa la sogs pa dang po gzung nas/ aoM yo ga shud+d+habdag gis bsgral zhes pa ni srid pa'i rgya mtsho la lhung pa'i sems can yang dag ba'i rig pa dang mi ldan pas/ ngan song gsum ni ma bsgral zhes pa'o/ /de dag yang dag pa'i chos kyi don bstan pa dang/ sbyan ras gzigs kyi dbang phyug bzhin du/ dmyal ba la sogs pa na 'gro ste/ chos ston zhing yang dag pa'i rigs pa dang ldan par byas nas srid ba'i rgya mtsho las dbyung bar bya'o zhes pa'i tha tshig /me grol ba rnams bdag gis dgrol zhes pa ni/ /dam song nas yang byung nas yang bdag dang bdag gir 'dzin pa rnams kyis srid ba'i 'dod chags la sogs pa'i bcing ba las ma grol ba ni lha dang mi'o/ /de dag yang chos thams cad bdag med pa'i don bstan nas 'dod chags kyi bcing ba dang/ zhe sdang gi bcing ba dang/ gti mug gi bcing ba las grol bar bya zhing/ mya ngan las 'das bar bya'o zhes pa'i don to/ /de ltar rjes su brtse ba'i phyir zhes pa ni/ de lta bu'i sring ba'i rgya mtsho la lhung ba'i ngan song gsum dang mtho ris gnyis la byang chub kyi bsad pa dang/ /gsong du 'jug pa ma yin pa'i sgo nas gnod par mi bya ste/ /brtse zhing gdung bar bya'o zhes pa'o/ /slob ma de dag la gdan la bzhugs pa'i slob dpon gyis slar lan btab pa ston 'dod pas gsungs pa/ /lus kyi rnam pa gsum nyid nang/ /zhes pa la sos pa nas ji ltar gsungs pa'i chos bstan bya zhes bya ba'i bar du ste/ de la lus kyi rnams pa gsum nyid ni zhes pa ni srog gcod pa dang/ ma byin par len pa dang/ 'dod pas log par g.yem pa'o/ / dag gi ? ba rnam bzhi dang zhes pa ni brdzun du smra ba dang/ phra ma dang tshig rtsub dang/ /tshig brlang pa'o/ /yid kyis kyang ni rnam gsum ste zhes pa ni/ brnab sems dang/ gnod sems dang/ log par lta pa'o/ legs par bsdams pas lus bsrung ro zhes pa ni/ /mi dge ba bcu las khyod kyis phung po gzem par bya'o zhes bya'o/ /mnyam nyid ye shes sems kyis su/ /ji ltar gsungs pa'i chos bstan bya/ /zhes pa ni slob ma bdag gzhan med pa'i sems bskyed na rnam par mi rtog pa'i shes rab kyi pha rol tu phyin pa'i don bstan par bya'o/ /de ltar chos bstan pa'i 'og tu bslab pa ji ltar sbyin par bya zhe na/ gsungs pa/ de nas gos kyi mig bkab cing zhes pa la sogs pa'o/ /de la gtor ma'i sa ru zhes pa ni phyi nang gi sgo'i bar gyi sa'o/ /slob dpon la slob mas bslab pa ji ltar sbyin pa'i mdun du yang phyag 'tshal ba'i tshig gsungs pa/ /sangs rgyas thams cad kyi dngos kyi sku zhes pa la sogs pa'o/ /de nas slob dpon gyis slob ma la smon lam btab pa'i don 'dod pas gsungs pa/ slob ma shes pa don dam smra ba'i seng ge yis/ /nyon mongs srid pa nyes pa bskyed pa'i sa gzhom dang/ /rnal 'byor chogs nyon mongs g.yos pa gcod pa'i phyir/ /rnal 'byor don dam rgyal po de nyid 'grub gyur cig ces de shes bya'i chos la don dam pa'i tshig gis brjod nas seng ge bzhin du rtogs pa dang bral nas srid pa'i rgyur gyur pa nyon mongs pa gcod pa'i don du rnal 'byor cho ga dang/ rnal 'byor gyi don dam pa rgyal po de nyid slob ma la grub par shod cig ces pa'o/ /de ltar smon lam btab pa'i 'og tu slob ma'i lus ngag yid la yi ge bkod pa gsungs pa/ a ni yig 'bru kun gyi mchog ces pa la sogs pa ste/ de la ye shes rdo rjer pyin gyis brlab pa zhes pa ni slob ma'i lus ngag yid las/ aoM Asbyin par bya zhes pa ni/ yi ge bkod zin ma thag tu bdud rtsi lnga dang/ lcags kyu lnga dang ldan pa'i dam tshig bdud rtsi'i 'od kha la blud nas sbyin par bya'o/ /bdud rtsi ci 'dra ba yin zhe na gsungs pa/ ha zhes pa yis kha dog 'phrog ces pa la sogs pa ste don bshad zin to/ /dam tshig phog zin ma thag tu gdod g.yogs dkrol nas slob ma brkyang phyag bya'o zhes gsungs pa/ des ni mig grol mthong ma thag /thams cad yan lag lngas phyag bya zhes pa la sogs pa ste/ de la sbyor ba'i gdan la dbul bar bya zhes pa ni me tog gi phreng ba lag par gzud nas dkyil 'khor gyi steng du gtor la phyag bya'o zhes pa'o/ /de kho na'i don gsungs pa de nas brtag par bya ba yang ji ltar brtags ni bstan par bya zhes pa ni/ gong du dkyil 'khor gyi steng na gtor ma'i me tog gi phreng ba phyogs gar lhung ba slob dpon gyis mtshan ma gzung bar bya'o zhes pa'o/ /dkyil 'khor la me tog gang yang rung ba la lhung ba'i lha de ni slob ma la yi dam gyi lhar sbyin par bya'o zhes ston pas/ gsungs pa/ ji ltar lus dang ldan pa ni/ /mkhas pa yi ni sbyin par bya zhes pa'o/ /de la lus dang ldan pa ni zhes pa ni slob ma'i lus dang/ me tog gi mtshan ma'i lha dang sbyor bar bya'o/ zhes pa'o/ /mkhas pa yis zhes pa ni slob dpon no/ /de nas bslab pa'i tshig las mi 'byung ba gang dag tshig ste/ 'gal ba thams cad slob dpon rang gi yid kyis brtags nas bya ste/ slob ma la smra bar bya'o zhes pa'i tha tshig go /yang bslab pa sbyin pa'i sngon du mkha' 'gro ma dang/ slob dpon la slob mas rang rang gi lus dbul ba'i tshig gsungs pa/ bla ma'i zhabs kyis drung du ni zhes pa la sogs pa dang po nas/ aoM sa ka la satwa pa ri tra nA yA/ At+ma naM ni rya ta yA/ mi zhes pa'i bar du'o/ /gong du bslab sogs sbyin par bya zhes pa'i bslab pa'i tshig ni gang zhe na/ brgyal khro ba med bya zhing zhes pa la sogs pa dang po gzung nas/ a a aoM Adam tshig byin nas dbang bskur ba'i 'og tu slob ma la sa bon bkod pa gsungs pa/ rdo rje phyag rgya sogs ldan pas/ /yan lag drug tu sa bon dgong ces pa ste/ de la rdo rje phyag rgya ni zhes pa ni rdo rje rtse lnga'o/ /de ltar yang ni pa ki las gsungs pa ye shes pad+ma dang sbyar te/ /sa yi dugs dang rnam shes sbyor/ /gnyi ga lu gu rgyud bcings te/ /lhag ma rnams kyi gyen du bsgreng/ /dud pa dri ma gsum spangs te/ /rtse lnga rdo rje 'dzin ces so/ /yan lag drug du sa bon dgod ces pa ni/ de la yan lag drug ces pa ni/ /spyi bo dang/ mig dang/ rna ba dang/ sna dang/ lce dang/ snying ga'o/ /sa bon zhes pa ni k+ShuM dang/ hUM dang/ yuM dang/ suM dang/ hUM ngo/ /don ni 'di lta ste/ rdo rje slob dpon gyis rtse lnga pa'i phyag rgya bcas nas slob ma'i spyi bo la sogs pa la reg nas yi ge k+ShUM la sogs pa brjod nas bkod bar bya'o zhes pa'o/ /yi ge lnga drug tu byas pa ni rna ba dang snal yi ge yuM kho na bkod pas drug go /gzhan yang chos rnams thams cad la/ /byang chub rdzogs pa'i rim pa bstan zhes pa ni/ dbang bskur ba dang/ yig 'bru bkod pa las gzhan lung dang man ngag gi chos dang gzhan yang lha'i de kho na nyid dang/ dkyil 'khor gyi de kho na nyid la sogs pa yang dag pa'i byang chub kyi rgyu ston par bya'o zhes pa'o/ /dbang bskur zin ma thag tu yon dbul ba'i don gsungs pa/ de nas rtag tu slob dpon la zhes pa nas/ bla ma'i yon du dpul bar bya zhes pa'i bar du'o/ /gong gi byang chub rdzogs pa'i rim pa bstan ces pa'i tshig gi byang chub rdzogs pa'i rim pa gang yin pa de yis kyi tshogs kyi sgo nas gsungs pa/ chos kyi rang bzhin dag pa rang bzhin de ni ngo bo med/ dngos po rang bzhin yang med de/ byang chub rdzogs pa'i rim pa bstan ces pa ste/ de la rang bzhin de ni ngo bo med ces pa ni chos nyid rang bzhin stong pa nyid kyi phyir na/ dngos su mi 'gyur te bsam pa las 'das pa'i phyir ro/ /ngo bo rang bzhin yang med de zhes pa ni dmigs pa'i chos rnams ngo bo yang stong pa nyid kyi rang bzhin te zhes te/ rten cing 'brel ba las 'byung ba'i phyir ro/ /des na ngo bo dang rang bzhin ni dbyer med las bstan te/ rten cing 'brel ba'i chos dang stong pa nyid tha mi dang pa'i phyir ro/ /de ltar yang klu grub zhabs kyis shes rab kyi pha rol tu phyin pa'i bstod pa las gsungs pa/ ngo bo las gzhan stong pa min/ /stong pa la yang ngo bo med/ /des na rten cing 'brel pa stong nyid/ lha khyod kyis ni bstan pa'o/ /zhes pa'o/ /yang dang yang du gzhan yang byang chub rdzogs pa'i rim pa bsod nams kyi tshogs kyi sgo nas gsungs pa/ sngon du bzod pa'i tshul gyis ni/ zhes pa la sogs pa ste/ de la kun mkhyen slob ma zhes pa ni phyi nang gi don bstan zin par slob ma ni kun mkhyen zhes bya'o/ mnyam nyid ye shes bskyed nas ni/ thams cad mnyam par lta bar bya'o zhes ba ni dngos po ngang dngos po med pa'i sems bskyed nas/ sems can kun mnyam por blta'o zhes pa'o/ / rtag tu mnyam par spyod pa yi/ /sbyor ba'i bsam gtan mchog tu brtson/ /zhes pa ni yod med dmigs par sbyor ba'i ting nge 'dzin bsgom par bya'o zhes pa'i tha tshig go /de kho na'i dbe bstan pa/ sems can sbyin la sred pa'i gzhi/ /tshod bzhin 'bras bu 'phel ba yis/ /de yi myu gu ljon shing gis/ /'gro ba'i lam ni 'gag par 'gyur zhes pa ste rnal 'byor pas sbyin pa la sogs pa dmigs pa'i tshul gyis byas na tshong bzhin du 'phel nas tshe phyi ma la 'bras bur 'gyur ro/ /'bras bu de srid pa'i dngos po yin pas mya ngan las 'das pa'i 'gro ba'i ljon shing bzhin du 'gag par 'gyur ro zhes pa'i don to/ /'bras bu de kho na gang zhe na gsungs pa/ mtho ris longs spyod 'dod phyi ru zhes pa la sogs pa ste/ dmigs pa'i tshul gyis bsod nams kyis ni mtho ris lha dang mir skyes nas longs spyod pa de ni srid pa la ltung ba yin no zhes pa'i tha tshig go / de'i phyir na rnal 'byor pas gnyis su med pa'i don bsgoms pa spangs nas mchod rten bskor ba la sogs pa'i dmigs pa'i las kun mi bya'o zhes ston 'dod pas gsungs pa/ mchod rten las ni mi bya zhing zhes pa la sogs pa'o/ /ci'i phyir zhe na/ gtsug lag rnams ni rnyed sla ste/ 'di yi lung ni thos pa dka' zhes pa la sogs pa ste/ phyi'i gtsug lag rnams thos pa dang shes par bya ba ni sla'o/ /gnyis su med pa'i don man ngag du gyur pa ni slob dpon gyi zhal nas ma yin pa gzhan nas rnyed par dka' bas de kho na bsgom par bya'o zhes pa'i tha tshaM go/ /bdag nyid lha ni mchog yin no zhes pa ni/ gzhan sku gzugs la sogs pa'i lha dang/ rang gi snying gar bsgoms pa'i ye shes sems pa'i lha gtsor gyur pas na bsgom pa kho na bsngags pa'o/ /de bas na bcom ldan 'das nyid kyis gsungs pa/ lus la tshang ma sems yin no zhes pa'o/ /'o na phyi'i gzugs brnyan dang/ mchod rten la sogs pa ji ltar yin zhe na gsungs pa/ bdag nyid gzugs su mi shes pas/ /gzugs brnyan la sogs pa brtag par bya zhes pa'o/ /paN+Di ta smri ti dz+nyA na kIr tis mdzad pa'i dpal ldan gdan bzhi pa gzigs pa las/ gsang ba'i gdan gyi le'u dang po'i rnam par bshad pa rdzogs so/ / //da ni slob dpon lung nas ston 'dod pa'i bar bya'o zhes pa tshig gi don ston 'dod pas bcom ldan 'das rdo rje sems dpa' nyid kyis de la 'byor pa rnyed dka' ba zhes pa la sogs bas gsang ba'i gdan le'u gnyis pa la sems kyis bsgrub pa brtsams so/ /de la rang don spyod pa'i sngags pa rnams/ /de bzhin nyid med srid par 'khor zhes pa ni/ rang gi don du dmigs nas sbyin pa la sogs pa gtong pa'i rnal 'byor pa dang/ gnyis su med pa'i don stong pa nyid de kho na nyid mi shes pa ni mngon par rtogs pa dang ldan na yang srid bas 'khor ro/ /zhes pa'i the tshig go/ de nas de bzhin gshegs pa'i don la the tshom zos pa phyag na rdo rjes zhus pa/ ya mtshan can gyi lus ngag pa zhes pa la sogs pa ste/ de la ya mtshan can gyi lus ngag la zhes pa ni gnyis su med pa'i stong pa nyid kyi rang bzhin la phung por snang ba'i ni ya mtshan no/ /de kho na bshad pa chos nyid 'di dag bstan pa yin zhes pa ste/ chos nyid gnyis su med pa stong pa nyid las 'di dag phung po dang khams dang skye mched bstan pa'o/ /de 'dra ba'i lus de kho na la tshad mar gyur pa gang yin zhes yang zhus pa/ gang gis tshang mar sbyor ba dang zhes pa la sogs pa'o/ /de la don bsdus pa'i sgo nas lan gsungs pa/ nyon cig ji ltar rdo rje mtshan zhes pa la sogs pa ste/ de la lus la tshad ma sems yin te zhes pa khams gsum gyi sems can gyi phung po lnga'i sang ma ni sems yi no zhes pa'i tha tshig go/ gang gis tshad ma rnams zhes pa la sogs pa ni zhus pa'i lan gsungs pa/ bdag gi khams la bdud rtsi yis/ /gtor ma'i las rnams gsungs pa yin/ zhes pa ste/ 'og nas 'byung ba'i bdud rtsi'i tshogs bdag gis lus kyi lha rnams tshim dpar bya ba ni gtor ma'i tshad ma zhes pa'i tha tshig go/ chu dang me zhes pa la sogs pa zhus pa'i lan gsungs pa/ dkyil 'khor me dang chu dag dang zhes pa ste/ chu la sogs pa 'byung ba chen po bzhi lus tshad mar gyur pa ni dkyil 'khor yin no zhes gsungs pa'o/ /sngags dang phyag rgya'i tshad ma zhes pa'o/ /'di la 'gro ba zhes pa la sogs pa zhus pa'i lan gsungs pa/ 'bras bu thob pa'i rnal 'byor pa/ /srid pa'i rgya mtshor ltung bar 'gyur zhes pa ste/ gang zhig la brten nas bsgom par byas na/ rnal 'byor pa'i srid pa'i 'bras bur 'gyur te/ des mya ngan las 'das par 'gro ba'i lam 'gags nas srid pa la 'khor te/ dmigs pa'i tshul gyis bsgom pa'i phyir ro/ /de ltar yang klu sgrub zhabs kyis rnal 'byor spyod pa 'di dbu ma las gsungs pa/ gang dag stong nyid mi shes pa/ / de dag thar pa'i skal mi ldan/ /srid pa'i 'khor ba 'gro drug la/ /gti mug can de yang dag 'khor zhes so/ /bcom ldan 'das rdo rje sems dbas lus la sems tshad ma bstan pa'i don la the tshom zos nas phyag na rdo rjes yang zhus pa/ phyag na rdo rjes yang gsol ba zhes pa la sogs pa'o/ /zhus pa'i lan rgyas pa'i sgo nas ston 'dod pas gsungs pa/ nyon cig 'khor ba'i zhus pa de zhes pa la sogs pa ste/ de la sems kyi mtshan nyid gdul bar bya'o zhes pa ni 'khor ba'i nang nas lus la tshad mar gyur pa'i sems de kho na 'dul mya ngan las 'das te/ gzhan du ni ma yin no/ /sems de kho na khams gsum du khyad par du snang ba'i ston 'dod pas gsungs pa/ ma dgar ye shes gzugs med pa/ /mkha' 'gro rlung gis bskyod pa bzhin zhes pa ni/ / gzugs med pI khams su sems phung po bzhin gyur pa ni nam mkha' la rlung bzhin du rang dgar snang ngo zhes pa'o/ /gzugs dang gzugs na sems kyis kyang/ /ting 'dzin dmigs nas 'grub par 'gyur zhes pa ni/ de la gzugs dang zhes pa ni gzugs kyi khams kyi kham so sems de tshangs ris la sogs pa gzugs khams bcu bdun du 'gyur ro zhes pa'o/ /ting 'dzin dmigs nas 'grub par 'gyur zhes pa ni bsam gtan bzhi rtog dpyod dga' bde bzhir dmigs pa'o/ /don ni 'di lta ste/ gzugs khams de ni bsam gtan bzhi la phung po lngar gyur nas gzugs bcu bdun du snang ngo zhes pa'o/ /'dod pa'i lha sogs 'dod can rnams/ /rtag tu 'dod pa spyod pa yin zhes pa ni/ /'dod khams na sems de 'dod pa'i lha rgyal chen ris bzhi la sogs pa 'dod pa'i lha ris drug phung pa lngar gyur nas/ rtag tu 'dod chags kyi longs spyod pa snang ngo zhes pa'o/ /de ltar 'khor ba'i mi rnams ni/ /rang dgar sa dag 'grub par 'gyur/ /'dod pa'i khams de kho na la yang sems de ni dmyal ba brgyad dang yi dags dang/ bya'o song dang/ gling bzhi rnams la phung po lngar 'gyur te/ 'khor zhing snang ngo/ /de la yang mir 'gyur pa la sems btul nas 'dod pa'i sa mya ngan las 'das pa bsgrub par bya'o/ /de bas na khams gsum la sems gtso ba'i phyir na lud la sems tshad do zhes gsungs so/ /de dang mdo las kyang gsungs pa/ kye rgyal ba'i bu khams gsum ni sems tsam mo zhes pa'o/ /da ni sems 'dul ba'i thabs mdor bsdus nas gsungs pa/ de las sgrol pa'i dngos po ni zhes pa la sogs pa ste/ de la de las sgrol ba'i dngos po ni zhes pa ni de dag khams gsum las grol nas mya ngan las 'das pa'i rgyu nyon cig ces pa'o/ /rgyu gang zhe na gsungs pa/ 'gro ba 'grub byed rnal 'byor pas/ /rnam shes lhan cig shes par bya zhes pa ste/ mya ngan las 'das pa'i lam sgrub par byed pa'i rnal 'byor pa thabs dang shes rab dang/ rang bzhin lhan cig gcig pa'i ye shes dang rnam par shes pa kho na'i mtshan nyid kyi phyag na rdo rjes shes par bya'o zhes pa'i tha tshig go /don de kho na yang dang yang du nus pa/ sems kyi ngo bo the tshom na zhes pa la sogs pa'o/ /de kho na'i lan stod pas gsungs pa/ shel dang mtshungs par sems pa ni zhes pa la sogs pa ste/ de la shel dang mtshungs par sems pa ni/ zhes pa ni sems ni nyon mdes pa blo bur yin pas bshel bzhin du dag pa ste/ rang bzhin 'od gsal ba'i phyir ro/ /ngo bos na skyon dang yon tan sems la med ces pa ste/ de la skyon ni nyon mongs pa'o/ /yon tan ni de'i gnyen po lam gnyis kyi shes rab po/ /de gnyis don dam par med do zhes pa'i tha tshig go / nge 'dra ba'i sems gzung 'dzin gyi sgo nas gzhan dbang du 'gyur te/ srid pa'i nyon mongs pa can du 'gyur ro zhes ston pas gsungs pa/ sbyor pa yul du 'jug pa yin/ /'khor ba'i skyon gyis gos pa yin zhes pa ni/ de la sbyor ba zhes pa ni mig la sogs pa dbang po drug go/ yul du zhes pa ni gzugs la sogs pa'i spyod yul drug go/ 'jug pa yis zhes pa ni 'jug pa'i rnam par shes pa drug go /gzung 'dzin de dag gi dbang gi sems de srid pa'i nyon mongs pa'i skyon gyis gos pa zhes pa'o/ /srid pa'i rgyur gyur pa spangs pa mya ngan las 'das pa'i rgyur gyur pa la brten par bya'o zhes gsungs pa/ yul la gnas pa spangs nas su/ /ji ltar gnas su sbyar ba bya zhes pa ste/ srid pa'i dngos po phyin ci log pa'i sbyod yul spangs nas yang dag pa'i gnas pa'i mya ngan las 'das pa'i dngos po mi dmigs pa'i tshul gyis lha mo ru bsgom par bya'o zhes pa'o/ /de ltar yang kun nas nyon mongs pa 'am byang ba'i ka ri ga las gsungs ba/ gzhan yang 'di yi rang bzhin ni/ /mtshan nyid cha ni gnyis pa ste/ brtag pa'i cha yis 'khor ba ste/ /grub pa'i cha yis mya ngan 'das zhes pa'o/ /de'i dper gsungs ba/ bu dang slob ma bslab pa bzhin zhes pa ste/ skyon dang yon tan phyogs med pa la bu dang slob ma byin pa'i dus na yon tan kho na lobs par byas nas yang dag pa'i rig pa dang ldan par byas pa bzhin du rang bzhin 'od gsal ba'i sems kyang yang dag par rdon rtogs par byas nas mya ngan las 'das par bya'o zhes pa'o/ / de'i dbus su zhes bya ba rnam par shos pa mkha' bzhin brtag ces pa ni sems de ni yod med kyi dbus su brtags nas rnam par shes pa yang rtag tu nam mkha' bzhin du tha snyad du yang la spyad du med par snang do zhes pa'o/ /mtshan nyid ci 'dra pa yin zhes na gsungs ba kha dog med cing mtshon kun dngos zhes pa ste de la kha dog med cing zhes pa ni/ sems de dbang po las 'das pas nag po dang/ ser po la sogs pa'i dngos po ma yin te/ dngos po thams cad rten cod 'brel ba tsam gyis 'byung ba'i phyir ro/ /mtshon kun dngos shes pa mtshon thams cad kyi ngo bo yang sems las byung ba yin pas mtshon kun dngos yin te/ phyi'i rjes su med pa'i phyir ro/ /'brel pa med cing zhes pa ni sems de thogs pa med pa'i phyir ro/ /'brel ba'i gzugs zhes pa ni sems de yang yan lag dang nyid lag tshad pa'i gzugs sam bum pa dang snam bu la sogs par gyur pa'o/ /gzugs med ces pa ni sems dang sems las byung ba'i tshes nyid kyi phyir ro/ / thams cad gzugs can dang zhes pa ni gzugs dang sgra dang dri la sogs pa'i ngo bo nyid yin pa'i phyir ro/ /mi ring ba ni zhes pa ni chos nyid kyi tshad med pa'i phyir ro/ /de bzhin ring zhes pa ni chos nyid kyi rang bzhin mdza' yas pa'i phyir ro/ /sems kyi de kho na nyid kyis rdzu 'phrul dngos med 'grub par 'gyur zhes pa ni/ yod med dbus kyi sems de kho na nyid kyi rdzu 'phrul dngos su snang ba rang bzhin dngos po med pa 'grub par bya'o zhes pa'i tha tshig go/ /mtshan nyid med pa'i sems kyis kyang zhes pa ni spyi'i mtshan nyid stong pa nyid kyi phyir ro/ /mtshan nyid thams cad spyad par bya zhes pa ni rang bzhin rang gi mtshan nyid bum pa ngang snam bu la sogs pa'i ngo bo'i phyir ro/ /da ni de lta bu'i rang bzhin sems kyis ji ltar bsgom zhe na gsungs ba/ dngos ming bsgom pa'i dngos po yos/ /bsgom pa de ni dpyad par bya zhes pa ni don dam pa'i bden pas ni med la/ kun rdzob kyi bden pa'i sgo nas ni bsgom pa dpyad par bya'o zhes pa'o/ /ji ltar dpyad par bya zhe na gsungs pa/ /gzug dang stong pa'i dbus su ni/ /sems ni mkhas par bya ba ste/ /zhes pa ni rten cing 'brel par 'byung ba las 'byung ba'i gzugs la sogs pa yod par dmigs pa dang rang bzhin gyis 'du byed pa'i chos stong pa nyid du med pa de gnyis dbus yod med kyi sems ni mkhas pa rnal 'byor pas dpyad par bya'o/ /da ni de ltar dmigs pa can gyi rnal 'byor pa'i yon tan gsungs pa/ thams cad kun tu dmigs pa yis/ /rnal 'byor lus la nad med 'gyur zhes pa ste/ de la rnal 'byor pas bsgoms na srid pa'i skyon chad pa dang dngos po'i skyon du mi 'gyur ro zhes pa'o/ /yang sems kyi yon tan brjod 'dod pas gsungs pa/ gsang ba'i gsang ba zhes pa la sogs pa ste/ de la gsang ba'i gsang ba ni brjod du mi lang ba'i phyir ro/ /gsang chen zhes pa ni spyod yul las 'das pa'i phyir ro/ /rnam shes ye shes gsal ba dang zhes pa ni mtshan nyid dang/ mtshan ma las 'das pa'i phyir ro/ /de 'dra'i de kho na nyid kyi sems ni bla ma'i lung kho nas thob ces gsungs pa/ gtsug lag klog pa'i gsang ba las zhes ba la sogs pa'o/ /de ltar sems kyi tshad dam rgyas par bshad nas/ phyag rgya tsham rgyas par ston 'dod pas gsungs pa/ mnyam pa'i sems dang bcas pa'i lus zhes pa ste/ de la lus gnyis gsang ba'i steng du bzhag ces pa ni sems dpa' i skyil mo krung bcas pa'i rnal 'byor pas ting nge 'dzin gyi phyag rgya spang bar bya'o/ /zhes pa'o/ dbug ni lte ba'i drung bar ro/ /zhes pa ni ngang la bum pa'i ting nge 'dzin bsgom mo zhes pa'o/ /dkyil 'khor tshul du sbyar bar bya zhes pa ni dgu pa dang ?? med par dpung la bkyed nas zlum por 'jug par bya'o/ /zhes pa'o/ gzhan ni sbyor ba'i gdan le'u bzhi pa la bshad zin pas ma 'brel to/ /da ni bsgom de kho na'i 'phro tshad ma'i gtor ma rgyas par ston 'ded pas gsungs pa/ bdud rtsi gtor ma chims pa'i lus zhes pa la sogs pa ste/ de la kha dog ser po zhes pa la sogs pa ni bdud rtsis chim pa'i mdun du yig 'bru bkong pa'o/ /ka sha gnyis 'gyur yi ge ni zhes pa ni me'i rang bzhin k+ShuM ser po ste/ ka dang sha brtsegs pa'i phyir ro/ /thams cad gzugs ni 'jigs byed pa/ /dril bu yi ge mig la'o/ /zhes pa ni/ sa'i khams kyi rang bzhin yi ge hUM nag po ste/ lus ni 'jam la dril bu'i mchog ces 'dir gsungs pa'i phyir na 'jam dpal dang dril bu dang gnyis kyi rang bzhin no/ /yi ge hUM la shes par bya ba'i phyir ro/ /stong pa'i sa bon ldan pa zhes pa ni/ stong pa ni rna dang sna'i bu ga ste/ de la bkod pa la rlung gi rang bzhin yum dmar po zhes pa'o/ /bdud rtsi chu'i sa bon ni zhes pa ni chu'i rang bzhin yi ge suM dkar po/ /seng ge'i sa bon brtsegs pa yis zhes pa ni smryuM dkar sar ro/ /stag mo'i sa bon ni brtsegs pa yis zhes pa ni hmryuM dkar nag go /ce sbyang sa bon brtsegs pa yis zhes pa ni ymryuM dmar nag go /phyugs kyi sa bon gyis bsrung zhes pa ni k'skraM dmar ser ro/ /sa bon dag kyang gzung nas kyang lha dgyed dag kyang sbyang bar bya zhes pa ni yi ge k+ShuM la sogs pa sa bon de brgyad kyis/ drag mo'i mkha' gro ma la sogs pa brgyad/ rnal 'byor pa'i spyi bo la sogs pa'i gnas brgyang la bsgom par bya'o/ /zhes pa'o/ de dag mdog dang sa bon ni lus la thams cad 'bar bar ro zhes pa ni/ rnal 'byor pa'i lus brgyad la sa bon de dag 'bar bar bsgom mo zhes pa'i tha tshig go /de nas de ltar lha bsgom pa ni rnal 'byor pas bdud rtsi dbab pa'i cho ga gsungs pa/ steng gi mche ba gnyis pa las shes bya la sogs pa ste/ de la chu 'byin ro 'dra'o ma mchu zhes pa ni ya so mche ba'i nang rol lce rtsar thug pa rtag tu chu 'dzag pa'o ma'i chu zhes pa'i rtse'o/ /de la 'dzeg pa'i chu ni ci 'dra ba yin zhe na/ tsha chu'i mdog ltar gyur 'dra ba'i/ /chu ni mche ba gnyis kyi chu zhes so/ /chu gang nas 'bab ces na gsungs pa/ lce yi dngos kyis dngos kyi brten pa yi/ /chu yang steng gi bdud rtsi lce/ /steng 'byung zhes so/ /bdud rtsi 'bab pa'i rtsa gang zhe na/ dpral ba ces pa ni mig gi rtsa'o/ /spyi gtsug ces pa ni tshangs pa'i rtsa spyi bo'i rtsa'o/ /sna dag dang zhes pa ni sna'i rtsa'o/ /rna ba gnyis kyis rgyab nas kyang zhes pa ni rna ba'i rtsa'o/ /'di bzhi dang gong gi mche ba'i rtsa dang lnga 'dus nas 'bab pa'i bdud rtsi lce drung du 'byung do zhes pa'i tha tshig go / dper na ci 'dra ba yin zhe na gsungs pa/ ba yi nu mar bzhag pa bzhin/ /ngo bo drangs nas 'byor bar bya zhes pa ste/ ji ltar ba'i lus la khyab pa'i 'o mnu ma la 'dus pa bzhin du/ rtsa lnga'i dngos po las drangs nas lce drung kho nar bzhag par bya'o zhes pa'o/ /bdud rtsi dngos bsdus pa des ci bya zhe na gsungs pa/ mchod rten dbu ru sa bon ni zhes pa la sogs pa ste/ srol mdud nang du mchod rten bsams nas/ de'i rtse mo na yi ge bkod de/ yang na yi ge hUM gi dbyibs mchod rten du shes par bya ste/ de la gong nas 'dus pa'i bdud rtsi des yi ge hUM gi steng du blug par bya'o/ /mchod rten de na mang zag pa gar thim zhe na gsungs pa/ lhag ma srol gong thim par bya zhes gong nas bdud rtsi drangs pa'i don bten nas 'og nas yad 'dren pa'i cho ga gsungs pa/ yar 'dren mar 'dren sa bon gyis/ /thams cad thabs kyis drangs nas su zhes pa ste/ de la yar 'dren mar 'dren sa bon ni yi ge phaT de lus smad las thabs kyis drangs nas srol gong la thim par bya'o zhes pa'o/ smad kyis gnas drangs pa'i sa dgu gsungs pa/ chu so rgyab kyi chu mdo dang zhes pa la sogs pa ste/ de la rkang par dus dang yi dags me zhes pa ni/ de la dus kyi me ni rkang pa g.yas pa'o/ /yi dags me rkang pa g.yon pa'o/ /gdan chog zhes pa ni lte ba'i 'o/ /de yi gnas kyi bdud rtsi dag /ba lang rmig par thim par bya zhes pa ni/ de la ba lang rmig pa ni glo ba ste ba lang rmig pa dang 'dra ba'i phyir ro/ /don ni 'di lta ste bdud rtsi nge srol gong nas drang nas yang glo bar la thim par bya'o/ /zhes pa'o/ srol gong nas 'dus pa'i bdud rtsi de yang gar bya ba nas bzhag par bya zhe na gsungs pa/ sgo cig nas ni grangs nas kyang/ /sgo dgu dag tu bzhag par bya zhes pa ste/ de la sgo gcig nas ni srol gong nas drangs nas glo ba la 'dus pa'i bdud rtsi yang 'jug do la sogs pa gnas dgu la yang bzhag par bya'o zhes pa'o/ /de ltar thabs kyis bdud rtsi 'dren pa'i rnal 'byor pas/ ting nge 'dzin gang bsgom par bya zhe na gsungs pa/ lus la thams cad gnas pa yi zhes pa la sogs pa'o/ ting nge 'dzin sbyong ba de kho na gsal bar ston 'dod pas gsungs pa/ snying ga dbus su zla ba bsam zhes pa ste/ de la snying gi dbus su zhes pa ni rang gi snying ga'i dbus su zla ba'i dkyil 'khor bsgom par bya'o/ /ci 'dra ba yin zhe na gsungs pa/ shin tu mdzes pa mdangs ldan te zhes pa'o/ /de'i dbus su bkod pa'i sa bon gsungs pa/ kha ba kun da zla ba 'dra zhes pa la sogs pa ste/ de la kun rig ces pa ni bi ro tsa na'o/ /de dang bcas pa zhes pa ni yi ge aoM ste bai ro tsa na'i sa bon gyi phyir ro/ /aoM de ni bdud rtsi'i yi ge zhes bshad do/ /de ltar gsang ba 'dus pa'i no bi ka 'jig rten snang ba las kyang gsungs pa/ spyi bor zla ba phyag 'tshal brlan/ /ram pa'i sems kyi chu rgyun ni/ /dbab par rim par byas nas su/ /sku gsung thugs la thim par bya zhes so/ /don ni 'di lta ste/ zla ba'i dkyil 'khor 'o mas brlan pa'i dbus su kha ba dang kun da dang 'dra ba'i mdog 'o mas gsher ba'i bsil ba'i 'od dang 'dra ba'i yi ge aoM bkod par bya'o zhes pa'o/ /ma ning rnams ni spangs nas su zhes pa la sogs pas ni de la ma ning rnams ni spangs nas su zhes pa ni sgra yig bcu drug la ri rI dang li lI bzhi spangs par bya zhes pa'i tha tshig go/ sgra'i yi ge thams cad dag ces pa ni bcu drug la bzhi spangs ma thag tu bcu gnyis te/ a A ai a'i au a'u e ai ao aau aM artsi'i yi ge aoM de bsgom pa'i sa gsal bar ston pas gsungs pa/ ba lang rmig pa'i steng du ni/ /bdud rtsi dag tu bzhag byas nas zhes pa ste/ glo ba'i steng gi sgo nga 'dra ba'i snying gi dkyil du zla ba la gnas pa'i bdud rtsi'i yi ge aoM bzhag nas bsgom par bya zhes pa'i don to/ /yang na yig 'bru des ye shes sems dpar gyur nas bsgom par bya'o/ /zhes pa'i don sngon 'dod par gsungs pa/ ye shes gzugs su bsgom byas nas/ /gzugs mdog la sogs mdangs ldan pa/ /zhes pa ste/ snying gi dkyil du zla ba'i dkyil 'khor gyi steng na ye shes sems dpa' i gzugs su sku mdog dkar ba'o/ /bo d+hi mchog gi phyag rgya dang ldan pa 'od zer bsil ba bsgom par bya'o zhes pa'o/ /'jigs pa med cing mtsho med par/ /dngos pa dngos po bsgoms par bya/ /zhes pa ni/ dngos po rnal 'byor pas dngos po ye shes sems dpar bsgom pa de la/ rang bzhin med pa la mi 'jigs nas dngos po dmis pa la 'tshe ba med par stong pa dang dngos po spangs nas bsgom par bya'o zhes pa'i tha tshig go / de ltar bsgom pa'i rnal 'byor pas zla ba'i sngags gsungs pa/ 'o ma zla ba'i sngags la zhes pa ste yi ge aoM mo/ /phyag 'tshal bsregs pa mdza' bzhag ste zhes pa ni yi ge aoM gyi gong 'og tu aoM dang swAhA bzhag par bya'o/ /'di lta ste/ aoM aoM swAhA zhes pa ste/ bdud rtsi'i thabs ting nge 'dzin bsgom pa'i rnal 'byor pa'i yon tan dang mthu ston 'dod pas gsungs pa/ mnyam gzhag bzlas pa'i ngo bo yis zhes pa dang po gsungs pa nas/ gzugs kyis ye shes bdag nyid che zhes pa'i bar? du'o/ /bdud rtsi'i thas kyis ting nge 'dzin gang du bsgom zhe na gsungs pa/ de yi sbyor ba'i gnas dag ni zhes pa la sogs pa'o/ /de ltar sems tshad ma la sogs pa'i bzhi'i don rtogs nas sems snang bar sbyor ba'i ting nge 'dzin rnal 'byor pa'i byin rlabs kyi don nyan 'dod pa phyag na rdo rjes zhus pa/ 'khor ba las rgal mtshan nyid dag ces pa la sogs pa'o/ /de nas ye shes dpang po rdo rje sems dpas zhus pa'i don ston 'dod pas gsungs pa/ nyon gcig ye shes de kho na zhes pa la sogs pa ste/ de la sngon du gnyis su med sems kyis/ /'dod chags nyon mongs dri med mtshos/ /bdag gi lus ni bkru bar bya zhes pa ni ting nge 'dzin gyi sngon du gzung 'dzin gnyis dang bral ba'i sems bsgom pa/ /'dod chags la sogs pa'i nyon mongs pa'i dri ma med pa'i chu dang 'dra bas bdag gis lus bkru nas dag par bya'o zhes pa'i don to/ /de kho na'i yon tan ston 'dod pas gsungs pa/ rgya mtsho zab mo lta bu yi zhes pa la sogs pa ste/ de la stong pa nyid kyi ye shes te 'gyur ba med ba de kho na nyid ces pa'o/ /dper na ci 'dra zhe na/ rgya mtsho zab mo lta bu'i zhes pa ste/ rgya mtsho gting mi rtogs pa dang/ gsher bci 'dra ba bzhin du/ /de bzhin du stod pa nyid kyi ye shes kyang rnam par rtogs pa med cing snying rjes brlan pa zhes pa'o/ /phyi dang nang zhes pa ni/ bdag dang bdag gir 'dzin pa'o/ /lus ni shel ltar dag par 'gyur zhes pa ni/ de lta bu'i stong pa nyid kyi ye shes bsgoms na/ rang gi lus dag par 'gyur ro zhes pa'i don to/ shel dang mtshungs pa'i lus de ni zhes pa ni de la sogs pa ye shes dbang po zhes pa ni yid de/ yid kyi rnam par shes pa'i rten gyi phyir ro/ /'di ni 'di lta ste/ shel dang dud dang kun da dkar zhing gsal ba la tshon sna tshogs kyis bcos pa/ bzhin du dri ma med pa'i lus la dam pa'i chos kyi chos ye shes kyi dbang sna tshogs ji ltar 'dod par bcas par bya'o zhes pa ni tha tshig go/ lus gsal bar bya ba'i thabs ston 'dod pas bcom ldan 'das kyis gsungs pa/ rang bzhin gyis ni rnal 'byor pa/ bzang byed dan byed gyur pa yi zhes pa la sogs pa ste/ rnal 'byor pa thams cad kyi dge ba dang mi dge bas gyur pa'i srid pa'i dngos po rang bzhin gyi stong pa nyid do/ /'dus byas pa'i chos nyid kyi phyir ro/ /des na stong pa nyid kyis rang bzhin rtogs nas 'joms te gnyis su med pa'i ye shes snang bar bya'o/ /de ltar stong pa nyid kyi mtshan nyid brtags nas stong pa nyid mngon par rtogs pa gsungs pa/ stong nyid gong gi mtshan nyid kyi zhes pa la sogs pa ste/ de la 'gro ba bcud kyi 'jig rten no/ /gzugs la sogs pa'i snod kyi 'jig rten no/ /don ni 'di lta ste/ gong du gsungs pa'i stong pa nyid kyi bcud dang snod dngos po thams cad rang bzhin gyis stong par bsgoms te/ mnyam pa nyid du sems bskyed par bya'o zhes pa'o/ /stong pa nyid bsgoms zin ma thag tu/ mnyam pa'i sems kyis sa bon bskyed pa gsungs pa/ de yi dbus su bsam par bya zhes pa la sogs pa ste/ de la dbus su bsam par bya zhes pa ni/ mnyam pa nyid kyis sems de'i dbus su/ sa bon bsgom par bya'o zhes gsungs pa'o/ /sa bon gang zhe na/ 'o ma zla ba sa bon dbus zhes 'o ma brlan pa'i zla ba'i dkyil du sa bon a zhes pa la sogs pa'o/ /sa bon de bo na gsal bar ston pas gsungs pa/ A li kA li sbyor ba yi/ /de yi dbus na gnas pa yi zhes pa ni/ thabs dang shes rab kyi sbyor ba'i nang nas byung ba ni yi ge a zhes pa'o/ /de la A li kA li'i tshig gis khyad par byas pa'o/ /de yi sa bon de kho na/ /'od zer 'bar ba bsam par bya zhes pa ni zla ba'i dkyil 'khor gyi steng du sa bon yi ge a kha dog dkar zhing 'bar ba rang gi sems dang dbyer med par bsgom par bya'o/ /de'i yon tan gsungs pa/ /gang gis de nyid sa bon gyis/ /myur du ye shes snang bar 'gyur zhes so/ /mnyam pa'i sems las sa bon 'byung ba bshad nas/ sa bon las bskyed pa bshad pa/ de yi 'og tu ye shes sku zhes pa la sogs pa'o/ /de bsgom pa'i zla ba'i sngags gsungs pa/ phyag 'tshal bsreg pa mthar bzhag ste/ sa bon 'di ni bzlas par bya zhes pa ste/ aoM a swAhA zhes pa la sogs pa'o/ /ji ltar sde tshan gsum pa ces pa la sogs pa ni/ a'i yi ge spas gong du bdag gis gdan le'u bzhi pa las bshad zin te/ bzlas dang bsam gtan pa rnal 'byor pa zhes pa la sogs pa go sla'o/ /de nas byin rlabs sogs nang du/ /bzlas dang bsam gtan mchog brtson pas zhes pa ni/ de ltar bsgoms shing bzlas pa'i rnal 'byor pas sems brtse gcig tu gyur ba'i 'og tu phyogs bcu'i 'jig rten na snang ba'i byin rlabs bya'o/ /ji ltar bya ba zhe na gsungs pa/ spro ba'i 'od zer rnams spros te/ sa bon rim pa gsum yang bsam zhes pa ste/ de la rim pa bdun zhes pa ni/ 'jig rten 'dun zhes pa la sogs pa'o/ /yang na rlung gi dkyil 'khor gyi bar zhes pa la sogs pa'o/ /don ni 'di lta ste/ de tsam gyi bar du / phyogs bcur 'od zer spros nas bsdu bar bya'o zhes pa'o/ /snang bar bya bar 'dod pas/ rtag tu sems kyis bsgom par bya zhe na pa ni de ltar rtag tu bsgom par 'dod pa'i rnal 'byor pas phyogs bcu'i 'jig rten snang bar 'gyur ro zhes pa'o/ /da ni gzhan gyi sems shes par bya ba'i bsgom pa bstan pa gsungs pa/ snying ga'i dkyil 'khor dbus gnas par zhes pa la sogs pa ste/ rang gi snying gar yi ge hUM bsgoms nas de'i 'od zer gyis dngos po thams cad gong ma'i mtshan nyid bzhin du stong pa nyid bsgom par bya'o zhes pa'o/ /stong pa'i sems kyis gdan dang sa bon gsungs pa dang/ rlung gi dkyil 'khor dbus gnas par zhes pa la sogs pa ste/ de la de dbus ye shes sa bon ni zhes pa ni hUM ngo/ /sa bon des sku bskyed pa bsungs pa/ de nas ye shes gzugs su ni zhes pa nas/ gong gi mtshan nyid kun shes pas zhes pa'i bar du'o/ /snying ga'i dkyil 'khor dbus gnas par zhes pa la sogs pa ni/ gong ma'i 'o ma sa bon a rang gi snying gar bsgom par bya'o zhes pa'o/ /de yang ji ltar bsgom par bya zhe na gsungs pa/ kha dog dkar po 'od 'bar ba/ /dngul dkar po ni thams cad du 'o zhes pa ni/ kha dog dkar po la 'od zer dngul dkar po spros pa/ gzhan gyi sems la phog par bsgom par pa de'i snying gar yi ge bsgom pa gsungs pa/ gang gi snying gi dbus su ni/ zhes pa la sogs pa'o/ /don ni 'di lta ste/ gzhan gyi sems shes par bya ba'i sems can rnams kyi rnam par shes pa'i yi ge hUM du gyur te/ phyogs brgyad du dmar por bsgom par bya'o zhes pa'o/ /de'i yon tan ston pas gsungs pa/ rtog tu mnyam nyid mthong ba yis zhes pa la sogs pa ste/ de la des na bsam pa thams cad kyi yi ge de la mthong bar 'gyur zhes pa ni/ pha rol gyi sems la bsgom pa'i yi ge hUM la pha rol gyis ci sems pa'i rtags rang gi sems kyis mthong ngo zhes pa'i don to/ /da ni nang gi sbyin sreg nyan 'dod pa phyag na rdo rjes zhes pa/ de nas me yi las rnams ni zhes pa la sogs pa'o/ /bcom ldan 'das kyis zhus pa'i lan gsungs pa/ nyon cig me yi de kho na zhes pa la sogs pa ste/ de thams cad ye shes la gnas so/ /zhes pa ni/ de la re zhig thams cad ye shes la gnas so zhes pa ni/ phyag na rdo rjes sems can thams cad ye shes la brten no zhes pa'o/ /skyes pa'i lus la ye shes me zhes pa ni ye shes kyi me de yang sems can thams cad kyis lus la gnas so zhes pa'o/ /ci'i phyir zhe na/ sems kyis thams cad byin brlabs pas zhes pa ste/ /sems can thams cad dang/ sems dbyer med pas na phan tshun byin gyis brlab po ces pa'i tha tshig go /de'i sreg lugs rnal 'byor pas zhes pa ni ye shes kyi me de'i sbyin sreg rnal 'byor pas bya'o zhes pa'o/ /nang gi sbyin sreg gi me bstan nas/ nang gi sbyin sre gi hoM khung gis ston 'dod pas gsungs pa/ bdag nyid sems kyis sreg blugs ni zhes pa nas/ klu dbang 'khyil bas bskor pa'o zhes pa'i bar du ni bla ma'i lung gis shes par bya'o/ /de yi dbus su padmor shes zhes pa ni hoM khung de'i dbus su pad+ma 'dab brgyad 'od 'bar bar bsgom pa'o/ /nyi ma'i dkyil 'khor dbus gnas par/ /ye shes lha mo bzhugs par bsam zhes pa ni/ pad+ma'i snying po nyi ma'i dkyil 'khor la ye shes mkha' gro ma sngon mo bsgom par bya'o/ /gzhung tshig dkar po 'bang pa la/ /rdo rje mkha' 'gro bsam par bya zhes pa ni gzhud tshigs kyi nub phyogs kyi 'dab ma rdo rje mkha' gro ma dkar mo'o/ /g.yas kyi brla yi dbus su ni/ /ye shes drag mo bsam par bya/ rnal 'byor pa'i g.yas mtshan phyogs kyi 'dab ma la drag po'i mkha' 'gro ma ser po'o/ /lte ba dmar po 'bar ba la/ /rdo rje mkha' 'gro bsam par bya zhes pa ni/ /rnal 'byor pa'i lte ba'i phyogs kyi mdab ma la dmar po'o/ /g.yon gyi brla ni nag po ru/ /gdol pa 'bar byed drag mo'o/ /zhes pa rnal 'byor ma'i mchan g.yon phyogs kyi 'dab ma la gdol ba mo nag mo'o/ /me lnga yi ni bdag nyid rnams zhes pa ni sngon po dang/ dkar po dang/ /dmar po dang/ /ser po dang/ nag po'i ro langs ma me lus la 'bar ba zhes pa'o/ /gzugs ni mthe bong tsam du lta zhes pa ni lha mo de lnga'i sku tshad ni/ /mthe rong tsam du bsgom mo zhes pa'o/ /lha mo de lnga'i rang bzhin gang zhe na/ /chu dang me dang rlung rnams ni/ sa dang ye shes rnam pa lnga zhes pa ste/ sa la sogs pa'i 'byung ba chen po bzhi dang/ rnam par shes pa rnam par lngar byas te/ /sangs rgyas kyi bka' las 'byung ba chen po bzhi dang rnam par shes pa lngar byas te/ sangs rgyas kyis bka' las 'byung ba chen po bzhi kho nar 'byung bas/ /nam mkha' i ni ma yin no/ /spyod du med pa'i phyir ro/ /gang dang gang du 'byung ba chen po lnga zhes 'byung na/ de dang de la ni mkha' ni ma yin te/ /ye shes kho na la shes par bya'o/ /bdag nyid lnga yi lha rnams la zhes pa ni rnal 'byor pa rang gi 'byung ba chen lo bzhi dang/ ye shes lnga dang ye shes mkha' 'gro ma la sogs pa lha mo lnga dang sbyar bar bya'o/ /'di lta ste/ ye shes dang ye shes mkha' 'gro ma'i/ /chu'i khams dang rdo rje mkha' 'gro ma'o/ /me'i khams dang/ drag po'i mkha' 'gro ma'o/ /rlung gi khams dang ro langs kyi mkha' 'gro ma'o/ /sa'i khams dang gdol pa'i mkha' 'gro ma rnams sbyar bar bya'o zhes pa'o/ /sreg blugs kyi cho ga mchog ces pa ni rnal 'byor pa'i sbyin sreg phyi nang gnyis la nang gi sbyin sreg mchog tu gsungs so/ /zhes pa'i tha tshig go/ de ltar yang gsang ba 'dus pa'i no pi ka 'jig rten snang ba las kyang gsungs te/ phyi'i sbyin sreg rjes dpag ste/ /sems ni sems can kyis yin pas/ /bla na med pa 'di yin te/ /ye shes me ni 'bar byas nas/ /phung po bud shing sreg ba'o/ /bco brgyad dag gi yan lag nas zhes pa la sogs pa ni bshad zin to/ /nang gi sbyin sreg gi hoM khung la sogs pa bshad nas/ nang gi sbyin sreg gi bsgom pa gsungs pa/ me yi nang du bsreg pa'i rgyu zhes pa la sogs pa ste/ de la re zhig me'i nang du bsreg pa'i rgyu zhes pa'i zas dang btung ba dang bdud rtsi la sogs pa'o/ /dang po sgra yig sa bon rnams zhes pa ni/ yi ge a'o/ /'di ltar de kho na bsgoms na zhes pa ni nang gi sbyin bsreg rdzas dang btung pa la sogs pa yi ge a de kho na nyid kyis sbyang bar bya'o zhes pa'o/ /bdag nyid sreg blugs rgyas par 'gyur zhes pa go sla'o/ /de kho na'i don bcom ldan 'das kyis gsal bar ston 'dod pas gsungs pa/ gang zhig cung zad bza' btung rnams/ /bsngo ba byas nas bza' bar bya zhes pa'o/ /nang gi sbyin sreg gi yon tan gsungs pa/ 'di ltar spyod pa'i rnal 'byor pa/ /bu lon du ni mi 'gyur ro zhes pa ste/ zas btung ba la rnal 'byor pas gong nas gsungs pa'i man ngag tu byas nas bdud rtsir 'gyur te/ snyigs mar ni mi 'gyur ro zhes pa'o/ /zhes pa'i tha tshig go /dper na bu lon bzhin du skyon du chag par mi 'gyur ro zhes pa'i don to// //paN+Di ta dran pa'i ye shes grags pas mdzad pa'i dpal ldan gdan bzhi pa gzigs pa las gsang ba'i gdan le'u gnyis pa'i rnam par bshad pa rdzogs so/ / //da ni lus kyi mnyam pa dang/ ye shes kyi mnyam pa dang/ 'phro bar bya ba dang/ dbugs 'byung 'jug gi bya ba'i man ngag bzhi rtogs 'dod pa phyag na rdo rjes zhus pa'i tshig lus kyi sbyor ba'i mtshan nyid ni zhes pa la sogs pas gsang ba'i gdan le'u gsum pa brtsams so/ /de la spre'u ltar ni mi brtan pa zhes pa ni/ /spre'us gcig tu mi tshugs pa bzhin du gzugs la sogs pa'i spyod pa'i yul du skad cig ma g.yeng zhing mi brtan pa'i rnam par shes pa ji ltar mnyam por sbyor ba zhes zhus pa/ /mnyam nyid gang gis sbyar bar bgyi zhes pa'o/ /ngo mtshar zhes pa ni snga phyi med pa'o/ /de'i lan bcom ldan 'das kyis gsungs pa/ sems 'phyar ba yi bye brag nyid/ /nyon cig rdo rje gnas chen no zhes pa ste/ de la ni phyag na rdo rje'o/ /gsang chen po zhes pa ni/ gsang ba ni gnod sbyin te/ de'i gtso bor gyur bas/ gsang chen te phyag na rdo rje'i khyad par ro da ni de dag gi bzhi'i nang nas re zhig lus kyi mnyam par ston 'dod pas gsungs pa/ mnyam nyid gnas pa'i sems kyis na/ spangs nas kA li 'jug par bya zhes pa ste/ de la kA li zhes pa ni lus te/ thabs nyid kyis rgyur gyur pa'i phyir ro/ /don ni 'di lta ste/ gnyis su med pa'i sems chos nyid las sems can gyi don du lus bskyed par bya'o zhes pa'i don to/ /lus de lnga dang mnyam par bstan pa la re zhig chu dang mnyam par sbyor ba la tshang ma bzhi gsungs pa la chu'i las kyi tshad ma dang sbyor ba ni/ thams cad chu yis tshad ma yis/ /lus kyi myu gu 'byung ba yin zhes ba ste/ sa bon las myu gu 'byung ba ni/ brlan pa las yin pa'i phyir/ lus kyi myu gu 'byung ba yang chu'i khams gtso bo'i phyir ro/ /chu'i rang bzhin gyi sbyor ba'i tshang ma gsungs pa/ gzugs la chu med na mi rung ste/ gzugs kyi tshad ma chu yin no zhes pa ste lus la gsher ba'i rang bzhin ni chu'i khams gtso bo'i phyir ro/ /chu'i rten gyi sbyor ba tshad ma gsungs pa/ 'dis ni thams cad khyab 'gyur na/ /blo ldan chu yi tshad ma na zhes pa ste/ lus kyi yan lag kun la chus khyab nas gnas pa gtso bo'i phyir ro/ /chu'i lha mo'i tshad ma sbyor ba gsungs pa/ rdo rje lha mo lus kyi rnams/ /blo ldan tshad ma zhes bya'o zhes pa ste/ lus kyi chu'i gtso bo ni lha mo rdo rje mkha' 'gro ma zhes bya'o/ /de nas me dang sbyor ba tshad ma bzhi gsungs pa las/ me'i rang bzhin sbyor ba tshad ma gsungs pa/ me'i lus la thams cad de/ /gzugs la 'bar ba drod yin te zhes pa ni/ lus la drod dang ldan pa'i rang bzhin me'i khams gtso ba'i phyir ro/ /me'i las kyi sbyor ba tshad ma gsungs pa/ nang du bza' ba'i tshad ma rnams/ /tshad mar me ni grags pa yin zhes pa ste/ lus la bza' ba dang btung ba thams cad 'ju ba dang/ smin pa'i las byed pa la me'i khams gtso ba'i phyir ro/ / me'i rten gyi sbyor ba tshad ma gsungs pa/ lus la thams cad khyab pas na/ /me zhes grags pa kun tu shes zhes pa ste/ lus kyi yan lag kun la dro ba'i dngos po'i rten gtso bo'i phyir ro/ /me'i lha mo'i sbyor ba tshad ma gzungs pa/ drag mor bstan pa lus kyi rnams/ /tshad mar grags pa mchog tu brtson zhes pa ste/ lus kyi me'i gtso ba ni drag mo'i mkha' 'gro ma zhes bya'o/ /rlung dang tshang ma bzhi sbyor ba gsungs pa la rang bzhin sbyor ba tshad ma gsungs pa/ lus la rlung gis thams cad du nang gi bu ga dra ba bzhin zhes pa ste/ lus kyi bu ga dang dra ba la rgyu ba'i rang bzhin rlung gi khams gtso ba'i phyir ro/ /rlung gi las kyi sbyor ba tshang ma gsungs pa/ sems kyi tshad ma dbugs yin pas/ tshad mar grags pa rtog pa yin zhes pa ste/ lus kyi sems rlung gi srog 'dzin pa'i las byed pa la rlung gi khams gtso ba'i phyir ro/ /rlung gi rten gyi sbyor ba tshang ma gsungs pa/ gang gi mngon par shes par dbus lus la/ sbyor bar gnas pa ni/ zhes pa ni ye shes so/ /lus kyi ye shes la brten pa la rlung gi khams gtso ba'i phyir ro/ /rlung gi lha mo'i sbyor ba tshad ma gsungs pa/ lha mo ro langs thams cad du/ /mkhas pa yi ni shes par bya zhes pa ni/ lus kyi rlung gi gtso bo ni lha mo ro langs mar shes bar bya'o/ /sa dang sbyor @062b ba tshang ma bzhi gsungs pa la/ sa'i rang bzhin sbyor ba'i tshad ma gsungs pa/ sa yi thams cad dbyibs kun tu/ /gzugs la yon tan dbang brgyan pa zhes pa ni/ lus la dbang po dang gzugs la sogs pa brgyan pa'i rang bzhin las gtso ba'i phyir ro/ / sa'i las kyi sbyor ba tshang ma gsungs pa/ tshad ma sa yi gnas byung pa'i/ /sa ni gzugs su snang ba yis shes pa ste/ lus la gzugs kyis chu dang me dang rlung dang rnam par shes pa rnams kyis gnas su gyur nas 'dzin pa'i las byed pa las gtso ba'i phyir ro/ /sa'i rten gyi sbyor ba'i tshod ma gsungs pa/ de bas yon tan ldan pa yis/ /sa ru grags pa'i bdag nyid ni zhes pa ste/ de la yon tan ni gzugs dang dbang po la sogs pa'o/ /lus de dag gi rten la sa'i gtso ba'i phyir ro/ /sa'i lha mo'i sbyor ba tshang ma gsungs pa/ bdag nyid gdol pa'i lha mo ste/ /thams cad du ni gtso mor grags zhes pa ni/ lus kyi sa'i khams gtso ba'i lha mo gdol pa mo zhes pa'o/ /ye shes kyi sbyor ba tshad ma'i bzhi gsungs pa/ ye shes kyi rang bzhin tshad ma sbyor ba gsungs pa/ sdang dang byed dang longs spyod pa/ /som nyi yid ni gcod pa'o zhes pa ste/ lus la byed pa po dang/ sdud pa po dang longs spyod pa yin gyi the tshom gcod pa'i gtso bo'i phyir na ye shes kyi rang bzhin te/ nges par rtogs pa'i rnam par rtog pa dang ldan ba'i phyir ro/ /ye she kyi las kyi sbyor ba tshad ma gsungs pa/ dbang po thams cad sems dag gis/ /mtshon pa mtshan nyid shes par bya zhes pa ste/ de la dbang po thams cad ces pa ni/ mig la sogs pa drug go /sems dag gis zhes pa ni mig gi rnam par shes pa la sogs drug go / mtshon pa zhes pa ni gzugs dang sgra la sogs pa'o/ /mtshan nyid ces pa ni mdog dang dbyibs dang snyan pa dang mi snyan pa la sogs pa'o/ /don ni 'di lta ste/ mig la sogs pa'i dbang po'i sgo @ 063a nas mig gi rnam par shes pa la sogs pas gzugs la sogs pa'i mtshan nyid la shes pa'i las byed pa'i gtso zhes bya'o/ /ye shes kyi rten gyi sbyor ba tshad ma gsungs pa/ sbyor ba'i longs spyod rgyal dbang mo/ /yul la sogs pa'i bde ba 'am zhes pa ste/ de la rgyal po ni ye shes so/ /don ni 'di lta ste/ bde ba la sogs pa'i spyod yul la dbang por sbyar nas ye shes kyi longs spyod nas brten pa gtso ba'i phyir ro/ /ye shes lha mo'i sbyor ba tshad ma gsungs pa/ lus kyi ye shes rgyal mo yis/ /tshad mar rnal 'byor mas rtogs bya zhes pa ste/ de la rgyal mo zhes pa ni ye shes kyi mkha' 'gro ma'o/ /don ni 'di lta ste/ lus kyi ye shes kyi lha mo'i gtso mo ni ye shes mkha' 'gro ma yin par rnal 'byor pa mkhas pas shes par bya'o zhes pa'i don to/ /de nas 'byung ba chen po chu la sogs pa lnga dang lus sbyor ba bstan nas ye shes la 'byung ba chen po bzhi sbyor ba ston bas gsungs pa/ de la re shig chu dang sems sbyor ba ste/ chu ni sems las 'byung bas na/ /rnam par shes pa chu'i khams zhes pa ste/ gnyis su med pa'i sems las chu'i khams bskyed pa'i phyir ye shes dang chu'i khams ni gcig go /de gnyis dbyer med ba'i don stan pa la/ gal te chu ni gzhan du na/ /sha ni ci ste chu mi 'byung zhes pa ste/ ye shes dang bral ba'i ro la chu med pas na/ ye shes dang chu'i khams tha mi dad par mngon no zhes pa'o/ /ye shes dang me sbyor ba gsungs pa/ rnam shes me ru 'byung ba nas lus la dro ba nyid du nges zhes pa'o/ /de gnyis dbyer med pa kho na gsungs pa/ ye shes 'phos pa'i lus la ni/ /ci ste dro ba nyid mi snang zhes pa ste/ ye shes dang bral ba'i lus la drod med pas na ye shes dang me'i khams tha mi dang mdon no zhes pa'i tha tshig go /ye shes rlung dang sbyor pa gsungs pa/ rnam shes rlung gi lus ngag la/ /'byung 'jug dbugs ni du ba 'dra zhes pa'o/ /de gnyis dbyer med pa'i don kho na gsungs pa/ ye shes 'phos pa'i lus dag ni/ /de dag la yang dbugs med do zhes pa ste/ ye shes dang bral ba'i lus la ni dbugs med pas na/ ye shes dang dbugs tha mi dad par mngon zhes pa'i tha tshig go / ye shes dang sa sbyor ba gsungs pa/ sems ni sa ru byung bas na/ /lci ba ro ni snang ba yin zhes pa'o/ /de gnyis dbyer med pa'i sems yin pas lus la lci ba nyid du snang ste/ sa'i snying po ni lci ba yin pa'i phyir ro/ /de gnyis dbyer med pa'i phyir ro/ /de gnyis dbyer med pa'i don kho na gsungs pa/ ye shes 'phos pa'i lus dag ni/ /chu yi nang du lding ba'o zhes pa ste/ ye shes dang sa'i khams ni tha mi dad par mngon te/ ro la lci ba med pa'i phyir ro/ / yid kyi rnam par shes pa kun yang don du sems dang ye shes kho nar shes par bya ste/ rdzas gcig gi dus snga phyi khyad par tsam gyi phyir ro/ /de ltar mdzod ko Sha las gsungs pa/ drug po 'gags ma thag tu ni/ /rnam shes gang yin de yod do/ / zhes pa'o/ /lus kyi tshad ma lnga car yang zhes pa ni/ gong du gsungs pa'i chu dang me dang rlung dang/ sa dang ye shes tshad mar sbyor bas na/ lus sbyor ba zhes pa'o/ /de yan chad kyi lus kyis sbyor ba'i mtshan nyid ni zhes pa'i/ zhus pa'i tshig gis lan bshad pas mnyam pa nyid gang gis sbyar bar bgyi/ zhes pa'i tshig gis zhus pa'i lan btab pa/ lnga mar gcig gi ngo bo ste/ /gcig tu gyur par shes byas nas/ /zhes pa ste/ chu la sogs pa de lnga yang/ /sems gcig gis rang bzhin gyi phyir na/ chos nyid gcig gi rang bzhin zhes shes par bya ba'i don te/ gnyis su med pa'i sems dang chos dbyer med pa'i phyir ro/ /de'i yon tan gsungs pa/ rnal 'byor pa yis gnas blta'o zhes pa ste/ lus sbyor ba'i man ngag ste/ de ltar bsgom pa'i rnal 'byor pas/ /mya ngan las 'das pa'i lam thob po/ /zhes pa'i tha tshig go /yang de'i yon tan kho na gsungs pa/ de ltar mtshan nyid mngon par shes pa yi zhes pa la sogs pa ste/ bla ma dge ba'i bshes gnyen bsten nas/ lus la sbyor ba'i mtshan nyid ces pa ni/ srid pa'i 'khor ba las thar ro zhes pa'i tha tshig go /da ni thugs rjes skyo ba'i bcom ldan 'das rdo rje sems dpa' phyag na rdo rje sems dpa' thugs kyis mkhyen nas rtogs te/ mnyam nyid gang gis sbyor bar bgyi zhes pa'i lan ye shes sbyor ba ston 'dod pas gsungs pa/ dbang po yul gyi ye shes ni zhes pa la sogs pa'o/ /de la dbang po yul gyi ye shes kyis/ /gnod par byed bsdam par bya zhes pa ste/ de la yul ni gzugs dang sgra la sogs pa'o/ /ye shes ni mig gi rnam par shes pa la sogs pa'o/ /don du na 'di lta ste/ rnal 'byor pas dang po gnod pa byed pa gzugs la sogs pa'i spyod yul la phyin ci log pa'i sgo nas 'jug pa'i mig la sogs pa'i rnam par shes pa bsdams nas gdul bar bya'o zhes pa ste/ rnal 'byor pa'i sbyod yul ni/ dam tshig tsam yin gyi longs spyod ni ma yin no/ /phyir ro/ /de ltar bcom ldan 'das nyid kyis sbyor ba'i gdan le'u bzhi pa las gsungs pa/ 'dod la dga' nying ma yin te/ /longs spyod phyi ru sbyang mi bya zhes pa'o/ / de ltar 'jug pa'i rnam par shes pa lnga bsdam pa bstan nas/ rnam par rtog pa rnam par shes pa bsdam pa gsungs pa/ sgong skyes khyi ma gyi gnas dag tu/ dbus su rnam par bsdam par bya zhes pa ste/ de la sgo nga zhes pa ni snying ste sgo nga dang 'dra ba'i phyir ro/ /sgo nga de la skyes pa'i sems ni sgo nga skyes zhes bya'o/ /dper na mig la brten pa'i rnam par shes pa ni mig gi rnam par shes pa zhes zer ba bzhin no/ /don ni 'di lta ste/ sgong skyes kyi gnas snying gi dkyil du sems dang dbyer med pa'i rtog pa'i rnam par shes pa bsdams par bya'o zhes pa'i tha tshig go / de kho na gsal bar ston pas/ gsungs pa/ mi brtan dngos po g.yengs pa yis/ /g.yo zhing g.yo bar byed pa'i sems/ /bsdams pa gnas kyi rten dag ni/ /rnam shes pad+ma'i gdan la'o zhes pa ste/ sems g.yo bar byed pa rtog pa'i rnam par shes pa bsdam pa'i gnas sgo nga'i dkyil gyi pad+ma bsgom par bya'o/ zhes pa'i tha tshig go /pad+ma'i dkyil du rnam par shes pa bsgom pa ni/ dbyibs ji lta bu yin zhe na gsungs pa/ rgyu kun gyis ni rnal 'byor pas/ rnam par shes pa gsungs su mtshon zhes pa ste/ de la rnam shes gzugs zhes pa ni yi ge hUM ngo/ /don ni 'di lta ste/ rnal 'byor pas dang por rgyu bsgom pa'i gnas skabs su rnam par shes pa ni de ni yi ga hUM gi gzugs kho nas mtshon par bya'o zhes pa'o/ /gzugs med pa'i rnam par shes pa yi ge hUM gi dbyibs su dmigs pa ci'i phyir zhe na gsungs pa/ gzugs zhes bya ba'i dngos po yis/ /sbyor ba bsgrub pa'i don phyir ro zhes pa ste/ ting nge 'dzin sbyor ba dngos grub thob 'dod pa'i phyir na rnal 'byor pas hUM gzugs dngos po bsgom mo zhes pa'o/ /de nas ye shes bsdam pa'i gnas bstan nas ye shes bsdam pa'i sbyor ba'i thabs gsungs pa/ chu shing me tog lte ba nas zhes pa la sogs pa ste/ de la chu shing me tog ces pa/ pa lang gi rmig pa 'dra can te/ kha mar blta ba dang/ dbyibs chu shing me tog 'dra ba'i phyir ro zhes pa ni/ lte ba nas yang bsgreng srog rtsa zhes pa'o/ /snying du 'gre ba yang gnas pa yis zhes pa ni lte ba nas yar 'greng ba snying kha na gnas pa'o zhes pa'i don to/ /rtag tu kha ni mar phyogs pa zhes pa ni/ ba lang gi rmi pa dra ba de ni yar mar 'gug nas kha mar blta'o zhes pa'i tha tshig go /mkhas pa yis ni rgyas par bya'o zhes pa ni/ rnal 'byor pa thabs mkhas pas bdud rtsis ba lang gi rmig pa de rgyas par bya zhes pa'i tha tshig go / de nas rgyas pa'i chu shing gi me tog la bdud rtsi 'dzag pa'i dkyil 'khor gsungs pa/ 'dab ma brgyad du rtag tu gyur/ /gsungs pa ge sar ldan pa yi zhes pa ste/ gong du sbrin sreg gsungs pa bzhin du 'dir yang lte ba'i thang ka na ge sar ldan pa'i 'dab ma brgyad bsgom par bya'o zhes pa'o/ /de la bkod pa'i lha gsungs pa/ de dbugs rtag tu gsungs pa ni/ rnam shes ye shes sbyor ba nyid ces pa ni de la ye shes rnams kyi yi ge hUM ngo/ /de pad+ma de'i dbus su bsgom par bya'o zhes pa'i don to/ /de nas gong du chu shing gi me tog rgyas par bya ba'i cho ga gsungs pa/ yang dag sbyor pa shar phyogs nas shes pa ste/ de la yang dag sbyor ba ni/ ye ge hUM ste sangs rgyas lnga dang ye shes lnga dang/ rnam shes sbyor ba'i rang bzhin gyi phyir ro/ /shar phyogs nas zhes pa ni/ hUM de'i shar phyogs lte ba'i phyogs la'o/ /'khor khor yug sor brgyad de zhes pa ni/ /mdun du phyogs sor brgyang kyi phyi rol zhes pa'o/ /gzhung tshigs nub kyi phyogs su ni zhes pa ni yi ge hUM de kho na'i rgyab gzhung tshig gi phyogs zhes pa'o/ /de yang ji tsam gyi phyi rol yin zhe na/ 'og tu sor yang lnga pa ste zhes pa ste/ de la 'og ces pa ni/ sor lnga'i phyi rol gyi khor yug ces pa'o/ /de'i zhir gi sa bon rnams zhes pa ni/ de'i zhing zhes ba ni shar phyogs nas nub phyogs te/ de gnyis kyi sa bon ni/ /yi ge su dkar po dang/ yu dmar po'o myu gu 'byung ba'i 'od zer bzhin zhes pa ni/ bdud rtsi'i sa bon su dkar po las byung ba'i myu gu zhes pa'o/ /sa bon de'i 'od zer rnams zhes pa ni/ rlung gi sa bon yu yis 'od ces ba'o/ /chu shing me tog rgyas pa la zhes pa'i don ni 'di lta ste/ lta ba'i phyogs na gnas pa'i yi ge su dkar po'o/ /bdud rtsi'i 'od gzhung tshig gi nub phyogs na gnas pa'i yi ge su dmar po yis yang deng pa'i bdud rtsi'i 'od chu shing gi me tog la thim par rgyas par bya'o zhes pa'o/ /'og gi bdud rtsi rgyas par byed pa'i thabs bstan nas/ steng gi bdud rtsi rgyas par bya ba'i thabs gsungs pa/ sgrags pa lnga yi mchod rten gyis/ /'og tu bsnubs nas gshegs par bya zhes pa ste/ gong gi le'u'i don bzhin du lce drug nas bdud rtsi babs pas mchod rten/ mchod rten la bab pa srol kong/ srol kong nas 'babs pas chu shing gi me tog la thim par bya'o/ zhes pa'i tha tshig go /de nas gong du bstan pa'i pad+ma 'dab ma brgyad la rgyas pa'i chu shing la 'dzegs pa'i bdud rtsi'i don bstan pa/ 'dab ma brgyad kyis brgyan pa yi/ /pad+ma mdangs can gshegs par bya zhes pa ste/ pad+ma 'dab brgyad kyi dkyil du bkong pa'i mdangs can sa bon de la/ de chu shing gi bdud rtsi'i thigs pas thim par bya'o/ /de kho na gsungs pa/ pad+ma 'di yi gdan la ni/ /sgong skyes ye shes gnas yin no zhes pa ste pad+ma'i dkyil gyi mdangs can sa bon ni sgo nga las skyes pa'i sems dang/ dbyer med pa'i yi ge hUM zhes pa'o/ /yi ge hUM gi kha dog ci 'dra zhe na gsungs pa/ /dbus su shes dang mtshungs pa yi/ /ye shes rnam shes ston pa'o zhes pa'o/ /de nas yang pad+ma 'dab brgyad la sa bon dkod pa gsungs pa ma ba 'gro ma bzhi'i sa bon ni/ /phyogs kyi 'dab mar bzhag par bya zhes pa ste/ rdo rje mkha' 'gro ma la sogs pa bzhi'i sa bon ni phyogs kyi 'dab mar bzhag par bya zhes pa ste/ rdo rje mkha' 'gro ma la sogs pa'i sa bon shar gyi 'dab ma la sogs pa la dgod par bya ba'o/ /de'i sa bon gang zhe na sa bon dang po sgra la sogs/ /ji ltar mtshan nyid gsungs pa bzhin zhes pa ste/ de la sa bon dang po sgra la sogs zhes pa ni a ste/ sgra yig bcu drug gi phyir ro/ /ji ltar mtshan nyid gsungs pa bzhin zhes pa ni 'og tu dgong pa dang/ glor dbyug pa 'dogs pa dang/ steng na zla tshes dang/ /thig le 'dogs pa'o/ /yi ge ni 'di lta ste/ a A/ aM abya zhes pa ste/ seng ge mo la sogs pa bzhi'i sa bon ma ning gi yi ge ri rI/ li lI mtshams kyi 'dab ma la bkod par bya'o zhes pa'o/ snying gar dngos po dngos po yis zhes pa ni/ /dngos po'i rnal 'byor pas yig 'bru dngos po snying gar bsgom pa'o/ /gang zhe na snying gar bstan pa'i yi ge bzhag ces pa ste/ /le'u gong ma la snying gar bzhag pa'i yi ge bdud rtsis bran pa'i yi ge aoM ston pa la ni 'dir yang bdud rtsi'i yi ge aoM kho na la shes par bya'o/ /de nas de lta bu'i chu shing gi me tog las bdud rtsi'i rgyun nur phyur ste pad+ma'i yig 'bru la phog pa bstan pa gsungs pa steng gi ba lang rmig pa las/ bdud rtsi rgyun ni sgo dgu nas/ /rtag tu 'jig gsol rnal 'byor pas/ /yi ge dkar po la sogs kun shes pa ste/ steng gi ba lang rmig ba las/ /bdud rtsi chu rgyun chu 'bab ste/ /'og gi pad+ma 'dab brgyad dang/ /snying po la bkod pa'i yi ge 'bru dkar po dgu la bdud rtsis phog par bya'o zhes pa'o/ /yi ge 'bru dgu ni 'di lta ste/ hUM a Asod de nas de ltar bsgoms pa'i rnal 'byor pas/ /'od zer 'phro ba gsungs pa/ 'bar byed spu yi bu gnas/ /bdud rtsi dkar po snang bar bya zhes pa'o/ /yang de ltar bsgom pa'i rnal 'byor pas zla ba'i gnas gsungs pa/ ye shes rnam shes sa bon ni/ /rnal 'byor pa yis kun tu bzlas zhes pa ste/ /de la ye shes sa bon rnams shes ni zhes pa ste/ yi ge hUM de aoM hUM swAhUM/ zhes pa'o/ /aoM swAhA med na yang don du shes par bya ste/ sngags rnams thams cad phal du ni/ /phyag 'tshal lo bsreg pa ldan pa'o/ /zhes gsungs pa'i phyir ro/ /'gro dang 'chag dang 'dug pa dang zhes pa la sogs pa ni bshad zin to/ /ye shes 'byung ba sbyor ba yi zhes pa ni/ de dag gyi ting nge 'dzin ye shes sbyor ba zhes mtshan ston pa'o/ /de ni sems 'phro bar sbyor ba ston 'dod pas/ rdo rje sems dpa' 'thob par sbyor ba'i mtshan nyid ni zhes pa la sogs pas bskul lo/ /de la 'phro ba zhes pa ni rang gi rnam par shes pa thabs kyis mtho ris la 'bro ba'o/ /sbyor ba'i mtshan nyid ces pa ni/ de lta bu'i ting nge 'dzin sbyor ba'i mtshan nyid 'og nas 'byung ba'o/ /de nas phyag na rdo rjes zhus pa sgo dgu la sogs ji ltar gnas pa dag /ye shes dbang la bdag phyag 'tshal zhes pa la sogs pa ste/ de la ye shes dbang ni rdo rje sems dpa' ste/ rnam par shes pa brgyad kyi gtso ba'i phyir ro/ /lan slar gsungs pa/ 'chi ba'i dus kyi tshad ma ni zhes pa la sogs pa ste/ de la 'chi ba'i dus zhes pa ni/ bdag gi gdan le'u gnyis pa las dbugs chad ba la sogs pa ste/ de ltar shi ba'i dus kyi sgo'i khyad par gyi yon tan dang skyon bstan pa/ lam bzang po ni mdzes pa'i gnas/ /lam ngan pa'i srid pa'i skyon zhes pa ste/ de la lam bzang zhes pa ni sgo drug go /mdzes pa'i gnas zhes pa ni mtho ris so/ /lam ngan pa zhes pa ni sgo gsum mo/ /srid pa'i skyon zhes pa ni ngan song gsum mo/ bzang po'i sgo drug dang dan pa'i sgo gsum gang zhe na/ gsungs pa/ thigs pa lte ba'i spyi gtsug dang/ zhes pa la sogs pa'o/ /de nas sgo dang sbyor ba'i skyon bstan pa la/ de la re zhig yon tan bstan pa/ lte ba 'dod can mtho ris te zhes pa ni rnal 'byor ba'i lte ba nas ye shes 'phron/ 'dod khams kyi lta'i ris rgyal chen ribs bzhi la sogs pa drug cu skyer? song ngo/ /zhes pa'i tha tshig go /thigs pa gzugs kyi lus rnams ni zhes pa ni/ dbral ba'i thigs pa nas ye shes 'phron/ gzugs kyi lha ris tshangs pa la sogs pa bcu bdun du skyer song ngo/ /zhes pa'i tha tshig go /gong ma gong ma'i gnas su ni/ /'gro ba de yi yongs su brtags zhes pa ni/ de la gong ma ni spyi bo'o/ /gong ma'i gnas ni gzugs med pa'i khams te srid pa gong mar gyur pa'i phyir ro/ /don ni 'di lta ste/ rnal 'byor pa'i spyi bo nas rnam shes 'phro na/ gzugs med pa'i khams nam mkha' mdza' yas la sogs pa'i ris bzhi la skyer song ba brtags par bya'o zhes pa'i tha tshig go /sna yis gnod sbyin gnas su ste zhes pa ste/ sna nas ye shes 'phro na/ ri rab kyi rtse mor mig mi bzang la sogs pa'i gnod sbyin gyis ris su skye bo zhes pa'i tha tshig go /rna ba gnyis ka grub pa'i lha zhes pa ni de la grub pa'i lha ni brgyad de/ ral gri grub pa'i lha dang/ mig sman gyi grub pa'i lha dang/ ri lu grub pa'i lta dang/ sa 'og grub pa'i lha dang/ mi snang grub pa'i lha dang/ yud tsam gyis phyin pa grub pa'i lha dang/ nam mkha' la 'phur ba grub pa'i lha dang/ kun tu mthong ba grub pa'i rnams so/ /don ni 'di lta ste/ rna ba nas rnam par shes pa 'phro na/ lha de dag gi ris la skye'o/ /gal te mig las ye shes 'phro/ /mi rnams kyi ni rgyal por 'gyur zhes pa ni mig nas ye shes 'phro na mi'i 'khor lo sgyur ba'i rgyal po la sogs par skye'o zhes pa'o/ /de nas sgo'i yon tan bstan nas skyon bstan pa srid pa'i sgo yis yi dags rnams zhes pa ni de la srid pa'i sgo ni kha'o/ /de ci'i phyir zhe na/ srid pa'i phung po lnga de gnas par byed pa'i zad de nas bcug phyir na/ srid pa'i sgo zhes bya'o/ /don ni 'di lta ste/ ye shes 'phron yi dags su skye ba'o zhes pa'o/ /de bzhin du chu yis dung 'gro ste zhes pa ni de la chu zhes pa ni pho mchen mo mtshan no chu yis laM gyi phyir ro/ /chu'i lam gyi sgo nas 'od zer 'phro na/ dud 'gro la skye'o zhes pa'o/ /dmyal ba brgyad kyi dngos po rnams/ /chu min rnam shes myur du 'gyur zhes pa ni/ /de la tu? mi ni dri chen gyi lam ste/ snyigs ma byung ba'i phyir ro/ /chu min gyi sgo nas 'phro na/ yang sos la sogs pa dmyal ba brgyad la skye'o zhes pa'o/ /de ltar yon tan dang skyon sbyor ba'i phyir na/ rnal 'byor pas shi ba'i dus la bab ma thag tu/ yon tan gyi sgo nas 'phro bar bya ba ni mchog yin no zhes gsungs pa/ gang zhig sgo yi bye brag gis zhes pa la sogs pa'o/ /de nas 'pho ba'i thabs ston pas gsungs pa/ bum par sngon du brtsams nas ni zhes pa la sogs pa ste/ dngos po dbugs dgag pa'i ting nge 'dzin bya'o zhes pa'o/ /thams cad sgo ni dgag par bya zhes pa ni/ gong gi sgo ni dgu po dgag par bya zhes pa'o/ /ji ltar dgag par bya zhe na gsungs pa/ sgrogs pa lnga yi mchod rten gyi/ /sgo ni dgag par bsgom par bya zhes pa ste/ kha la srog gi thad kar dgag par bya'o zhes pa ni man ngag go/ de nas dgag pa spyi bo la sogs pa sgo drug tu dgag pa'o/ /de nas 'og gi sgo la yang/ /rgyu yi sa bon dkar po'o zhes pa ni/ 'dir 'og gi sgo ni lte ba la shes par bya ste/ de la chu'i sa bon su dkar pos dgag par bya/ chu dang chu min me yi ni/ de yi sa bon 'bar bar byas zhes pa ni de chu ni pho mtshan no/ chu min dri chen gyi lam mo/ /de gnyis kyi sgo ni me'i sa bon ser bos dgag par bya'o/ /de ltar sgo dgag pa'i rnal 'byor pas dbugs mi g.yo bar bsgom pa gsungs pa/ bum pa de la dbugs kyis ni/ /shin tu mnyam bzhag bsgom par bya zhes so/ /yang dbugs dgag pa'i rnal 'byor pas lus ji ltar bsgom par bya zhe na/ gsungs pa/ lus la rlung gi kha dog dang zhes pa la sogs pa ste/ lus kun rlung gis gang zhing rlung gi mdog tu tha'? thI mdog tu bsgom pa'o/ /sems kyi rlung gi dkyil 'khor la zhes pa ni rang gi sems rlung gi dkyil 'khor du zla gam bsgom par bya'o zhes pa'o/ /dkyil 'khor de la bkod pa'i sngags gsungs pa/ rlung gi sa bon drung par du zhes pa ste/ yi ge ya dkyil 'khor du dgod par bya'o zhes pa'o/ /lus gar bsgom zhe na gsungs pa/ rlung gi mdza' yi rtsa bar mi zhes pa ste/ rlung gis gang ba'i lus kyi mdza' rkang mthil la bsgom mo zhes pa'o/ /thigs pa nga ro ldan pa yis zhes pas ni/ rlung gi sa bon ya rkyang pa la zhabs bkyed dang thig le sbyar bar bya'o/ /des na yi ge yum 'gyur ro/ /sa bon sems kyis drang bar bya zhes pa ni/ sems kyi sa bon yi ge hUM/ de yang drang bar bya'o zhes pa'i tha tshig go/ gang gis drang zhe na/ rdo rje sa bon drag po la/ /lcags kyu yi ge sbyar byas te zhes pa ste/ de la rdos sa bon zhes pa ni yi ge hUM drag po'i sa bon zhes pa ni yi ge k+ShuM ngo/ don 'di lta ste/ yi ge hUM ni k+ShuM gis 'dren par bya'o zhes pa'o/ /gnas gang las ji tsam gyi bar du drang bar bya zhes na gsungs pa/ nyi shu rtsa gcig dbus dag gis zhes pa la sogs pa ste/ dbugs nyi shu rtsa gcig gi bar du drang bar bya'o zhes pa'o/ /tshogs gcig gnas nas tshig gcig go /tshigs dgu gong ma'i bar du'o/ zhes pa ni rkang mthil dang/ long bu dang/ bus mo dang/ rked pa dang/ lte ba dang/ snying ga dang/ dpung pa dang/ gre ba dang/ spyi bo'i bar du 'dren par bya'o zhes pa'i tha tshig go / yar 'dren pa bstan nas/ 'og nas phul ba'i yi ge sbas bshad pa/ yar bzlog mar bzlog sa bon gyis/ /sbyar bya yi ge phyed dang gnyis zhes pa ste/ de la sa bon ni yi ge phaT to/ /de bshad pa yi ge phyed ces te/ de la pha ni yi ge rangs pa'o/ /Ta ni phyed de pha la 'dog pa'i phyir ro/ /de nas yang gong ma yar 'dren pa'i sa bon gyi yi ge sbas gsungs pa/ nga ro drag tu brjod pa'i sa zhes pa ni/ yi ge k+ShuM gi zhabs dkyed thig le la'o/ /brgyad kyi tha ma'i sa bon dang zhes pa ni ya la sogs pa'i yi ge brgyad kyi tha ma k+Sha'o/ /k+Sha de kho na ston pas gsal bar gsungs pa/ sde tshan dang po gong ma'i zhes pa ste/ yi ge ka'o/ /yi ge phyed kyi sbyar byas te/ zhes pa ni/ yi ge k+Sha la phyed ka yin no zhes te/ ka dang sha brtsegs pa'i phyir ro/ /gong gi phul ba'i 'phro cho ga'i ting nge 'dzin yang ston pa/ rlung gi dkyil 'khor 'og nas ni/ /nga ros phyed nas sdod par bya/ zhes pa ste/ rkang mthil nas rlung gi dkyil 'khor gyi 'og nas/ phaT kyis mas phul nas bteg go zhes pa'i tha tshig go/ rlung gi sa bon dang ldan pa'i rlung gi dkyil 'khor bsams par bya zhes pa ni phaT kyis yar phul ba'i rlung gis dkyil 'khor de dbugs dang/ sems dang/ srog dang ldan pa bsgom mo zhes pa'o/ /nyi shu rtsa gcig gnas nas ni/ /gang nas du ming btags pa ste/ zhes pa ni dbugs nyi shu rtsa gcig gi bar du 'dren nas gnas dgu yar phyin pa 'og ma'i gnas la mi btong ngo zhes pa'i tha tshig go / bzlog par bya ba'i rnal 'byor pas/ rtsa bar phye ni bab par bya/ /zhes pa ni rkang mthil nas rlung gi dkyil 'khor yar bzlog pa'i rnal 'byor pas rked pa'i bar du brlab par bya'o zhes pa'o/ /tshig dgu las ni yar gtod na mod la 'pho ba zhes bya'o zhes pa ni/ tshigs dgu'i ya tha spyi bo nas rnam par shes pa 'pho ba ni mod la 'pho bzhes pa ste/ rab cis pa'i tha tshig go /de ltar 'pho ba shes pa'i yon tan bram ze la sogs pa bsad na yang sdig par mi 'gyur zhes pa'o/ /nyin re bram ze sad na yang/ zhes pa la sogs pa ste/ de la mtshams med lnga dag byed pa dang/ zhes pa ni pha gsod pa dang/ ma gsod pa dang/ dgra bcom pa gsod pa dang/ ngan sems kyis de bzhin gshegs pa la khrag phyung ba dang/ dge 'dun gyi de byen byas pa'o/ /de'i dper bstan pa/ ji ltar 'dam nas skyes pa yi/ pad+ma'i mdangs ni mdzes par 'byung zhes pa'o/ /ngon gsungs pa/ de bzhin 'dam pa'i lus la ni/ /ye shes sku ni rang dgar 'byung zhes pa ste/ nye bar len pa phung po zag pa dang bcas pa nas kyang sgo'i khyad par gyis ye shes 'pho na/ mtho ris la sgye ste/ pad+ma bzhin du dri mas mgos pa zhes pa'i tha tshig go /dus gang la 'pho ba sbyor ba zhe na gsungs pa/ dus la bab na 'pho bya ste/ zhes pa ni shi ba'i dus la bab na bya'o/ /gzhan du ni ma yin no zhes pa'o/ /gzhan du ni 'pho ba byas na cir 'gyur zhe na/ gsungs pa/ dus min lha rnams gsod par 'gyur zhes pa ste/ shi ba'i dus ma yin pa la 'pho ba byas nas/ rigs lnga la sogs pa'i lha gsod par 'gyur te/ phung po lnga rigs lnga'i ngo bo nyid kyi phyir ro/ /da ni 'byung 'jug gi sems sbyor ba ston 'dod pa bcom ldan 'das kyis gsungs pa/ sbyor ba grub pa'i bye brag dag /nyon cig rdo rje de kho na zhes pa la sogs pa'o/ /de la mnyam pa nyid kyi stong pa nyid bsgoms pa gsungs pa/ mnyam nyid sems kyi dngos po yis shes pa la sogs pa nas/ yi ge sa bon rnam par dgod ces pa'i bar du'o/ /de la sa bon ni su la sogs pa brgyad do/ /de ltar lha bsgoms pas snying po la bkod pa'i yig 'bru gsungs pa/ A li kA li la sogs pa zhes pa ni yi ge a dkar po'o/ /bsgom pa'i sa bon kho na bshad pa/ chu shing me tog pad+ma la zhes pa la sogs pa ste/ ba lang rmig pa'i steng gi snying gar sgong skyes sems kyi yi ge hUM a dang ldan pa gcig dbyer med par bsgom mo zhes pa'i tha tshig go / de nas ting nge 'dzin bsgom pa'i rnal 'byor pas phyi'i las gsungs pa/ de nas phyi'i sbyor ba la sogs pa shes pa'o/ /sems kyi gnyis 'gyur ba dag la zhes pa la sogs pa ni/ de la sems kyi gnyis 'gyur zhes pa ni/ rang gi sems kyi phyi nang gnyis su phye nas bsgom pa'o/ /de la phyi rol gyi sems ji ltar bsgom zhe na/ sa dag la zhes pa la sogs pa ste/ phyi rol gyi sems dpa' i dkyil 'khor dang/ rlung gi dkyil 'khor dang/ me'i dkyil 'khor dang/ nyi ma'i dkyil 'khor rnams brtsegs pa'i dbus su A li kA li la sa bon gyi yi ge a dmar po bsgom par bya'o zhes pa'o/ /de ltar phyi nang bsgoms nas bzlas pa gsungs pa/ 'byung 'jug tu ni bzlas par bya zhes pa ni/ aoM a swAha'i sngags dbugs 'byung ba ni bzla/ dbugs 'jug ba la ni slar bsdu zhes pa'i tha tshig go /de ltar bzlas pa las ci byed ces gsungs pa/ ye shes sa bon 'byung ba yi/ /dkyil du 'joms par byed par 'gyur/ zhes pa ni/ dbugs 'jug pa dang/ sngags bzlas pa 'grogs pa'i sa bon a 'byung bas/ phyi'i nyi ma'i dkyil 'khor gyi a'i dkyil du thug par bsam par bya'o zhes pa'o/ /de kho na'i don bsal bar gsungs pa/ 'byung bas bzlas pa dang zhes pa la sogs pa'o/ /de ltar 'byung ba dang/ 'jug pa mnyam pa nyid du bsgom par rnal 'byor pas mnyam pa bsgom pa gsungs pa/ 'byung ba'i mtshan nyid bstan pa dang zhes pa la sogs pa'o/ /ting nge 'dzin de kho na bsgom pa'i rnal 'byor pas gzhan gyi sems shes pa'i tshig gsungs pa/ de nas phyi sogs lus rnams ni zhes pa la sogs pa'o/ / paN+Di ta smri ti dz+nyA na kI rtis mdzad pa'i dpal ldan gdan bzhi pa gzigs pa las gsang ba'i gdan gyi le'u bzhi pa'i rnam par bshad pa rdzogs so/ / //da ni sems dang ye shes sbyor ba dang/ tshad med pa bzhi dang/ sems sbyor ba dang/ thig le'i ting nge 'dzin dang/ ting nge 'dzin phra mo dang/ sngags bzlas pa dang/ mtshan ma dang/ mchod rten gyi de kho na nyid dang/ dbyings dang/ ye shes rnams sbyar ba zhu 'dod pas phyag na rdo rjes gsang ba'i gdan la gsang ba nyid la ces pa la sogs pa ste/ gsang ba'i gan na le'u bzhi pa brtsams de la gsang ba'i gdan gyi nang na le'u 'di gsang ba'i phyir ro/ /sems dang ye shes mnyam pa gyi ba zhes pa ni/ sems ni zag pa ste/ de ni gnyis su med pa'i tshes 'byed pa'i shes rab kyi phyir ro/ /ye shes ni rgya che ba ste/ snying rje la sogs pa rnams kyi de ngo bo phyir ro/ /byang chub rdzogs rim ji ltar lags zhes pa ni nyan thos dang/ rang sangs rgyas dang/ byang chub sems dpa' dang/ yang dag par rdzogs pa'i sangs rgyas dang/ rdo rje'i rigs dang/ sangs rgyas kyi rigs dang/ rin chen gyi rigs dang/ pad+ma'i rigs dang/ las kyi rigs kyi theg pa dgu'i nang na yang dag par rdzogs pa'i byang chub kyi theg pa gang yin zhes zhus pa'o/ /bcom ldan 'das rdo rje sems dpa' zhus pa'i lan gsungs pa/ gsang ba'i gsang ba mchog gi zhes pa la sogs pa ste/ de la gsang ba ni sku gsung thugs te/ nyan thos la sogs pa dang/ thun mong ma yin pa'i phyir ro/ /gsang ba ni thabs dang shes rab ste/ sems dang ye shes kyi rang bzhin nyid kyi phyir ro/ /don ni 'di lta ste/ sku gsung thugs las kyang thabs dang shes rab gsang bas na/ gsang ba'i gsang ba zhes so/ / des na chos mchog ste/ yang dag par rdzogs pa'i sangs rgyas mi gnas pa'i mya ngan las 'das pa'i rgyu'i phyir ro/ /kye phyag na rdo rje yang dag pa'i byang chub kyi rim pa ni 'di yin no zhes pa'i don do/ /mdor bsdus pa ji ltar bsgom par bya zhe na gsungs pa/ sems ni mnyam nyid bskyed pa yis/ 'dod chags la sogs ring du spong/ zhes pa ni gnyis su med pa'i don mnyam pa nyid kyi sems bskyed pa'i rnal 'byor pas phyin ci log gi 'dod chags la sogs pa nyon mongs pa spang par bya'o zhes pa'o/ de nas yang thabs dang shes rab kyi don rgyus bar gsungs pa la/ re zhig thabs gsungs pa/ yid du 'ong ba'i sa phyogs su zhes pa la sogs pa ste/ de la yid du 'ong ba zhes pa ni chu dang/ me tog dang/ shing thog dang ldan pa'i sa'o/ /yang na gsang ba'i phyogs shes pa'o/ /bde ba'i stan la 'dug nas ni zhes pa? chin?/ 'jam pa dang 'thug pa'o/ /yang na thabs dang shes rab spyor ba'i bde ba myong nas 'dug pa zhes pa'o/ /bde ba'i sems kyis khams la sogs pa bco brgyad thabs dang shes rab kyi bde ba las byung ba'i sems kyis bsgom par bya'o zhes pa'i tha tshig go / gang bsgo rma zhe na gsung pa/ snying rjer phan pa'i sems ni bya zhes pa ste/ lus kyi 'khor gyi lha rnams gsang ba'i mchod pas mnyes par bya ba'i bsod nams snying rje'i sems kyis sems can byams pa la bsngo par bya zhes pa'o/ /da ni shes rab kyi don rgyas par ston par gsungs pa/ gtsug lag de bzhin nyid thob pa zhes pa la sogs pa ste shes rab ni rnal 'byor pa'i gtsug lag de kho na nyid thob pa la shes par bya'o/ /ji ltar thob bar bya zhe na gsungs pa/ slob dpon lung dang man ngag la zhes pa ste/ shes rab kyi de kho na nyid de ni slob dpon gyi man dag snyan khung du thob kyi/ gzhan du ma yin te/ dam pa'i go 'phad rgyu nyid kyi phyir ro/ /de kho na nyid brgyud pa'o/ /de la gsang ba zhes pa ni/ gdod ma'i rang bzhin gyi phyir ro/ /de nyid ni mi 'jigs pa'i rang bzhin gyi phyir ro/ zhes pa ni mi skye ba'i rang bzhin gyi phyir ro/ /de ltar gsang ba 'dus pa las gsungs pa/ mi 'jigs pa dang mi skye ba/ /mgon pos gang de gsungs pa'o/ /de kho na nyid brgyud pa yi zhes pa ni/ de ni man dag gi rgyud kyis shes par bya'o/ /da ni tshad med pa bzhi dang sems bsgyur ba gsungs pa/ gang gi mtshan nyi thams cad du zhes pa la sogs pa ste/ gong na gsungs pa/ stong pa nyid kyi mtshan nyid kyi stong pa nyid bsgom par bya'o zhes pa'o/ /de dang stong pa nyid kyi dag pa'i sems kyis byang chub kyi rim pa bsgom par bya'o zhes gsungs pa/ byang chub rdzogs rim gtso bar bya'o zhes pa'o/ /ji ltar gtso zhe na gsungs pa/ zla ba'i dkyil dbus gnas pa zhes pa la sogs pa nas/ rdo rje sems dpa' bdag ces brjod ces pa'i bar du go sla'o/ /dam tshig sems dpa' rnams nas nang du bsgom bar gsungs pa/ chu shing me tog lte ba nas zhes pa la sogs pa ste/ sngon bzhi pad+ma rgyas par bya zhes pa'i bar yan chad ni bshad zin to/ shin tu brgyan pa'i 'dab ma brgyad/ gser sdong bur bcas pa la zhes pa ni/ 'dir ni chung shing gi me tog gi steng du 'don te/ snying bo dang ldan pa pad+ma 'dab brgyad ces bya ba bsgom par bya'o/ /gang sgom zhe na gsungs pa/ dbus kyi sgong skyes gdan la ni zhes pa ste/ de la sgod skyes ni sems so/ /de'i gdan ni snying po'i sgo nga'o/ /snying gi dkyil du pad+ma 'dab ma brgyad bsgom par bya'o zhes pa'i tha chag go pad+ma'i snying po dang 'dab ma la bkod pa'i sngags dang de'i mdog gsungs pa/ bkod bya'i yi ge dgod par bya zhes pa la sogs pa'o/ /de nas yi ge 'bru bkod pa ston par gsungs pa/ de yi dbus su rnam shes dang/ ye shes de nyid sbyar bar bya zhes pa ste/ pad+ma de'i dbus su snying po la rnam shes kyi snying po hUM dkar po bkod par bya'o zhes gsungs pa'o/ /byams par ldan pa shar phyogs kyi/ 'dab ma sa bon ma 'khrugs pa'i zhes pa ni shar phyogs kyi 'dab ma la byams pa'i rang bzhin mi bskyod pa'i sa bon yi ge ma bkod pa'o/ /snying rje lho yi sgo ru ste/ rin chen sa bon de kho na zhes pa ni lho'i 'dab ma la snying rje'i rang bzhin rin chen 'byung ldan gyi sa bon yi ge a bkod pa'o/ /nub kyi sgo yi 'dab ma la/ 'od dpag med kyi sa bon dgod ces pa ni nub kyi 'dab ma la dga' ba'i rang bzhin snang ba mdza' yas kyi sa bon yi ge a bkod pa'o/ /lhun po che yi 'dab ma la/ gtso bo don yod grub pa bsam zhes pa ni/ de la lhun po che'i phyogs zhes pa ni byang phyogs kyi 'dab ma la zhes pa'o/ /de la btang snyoms kyi rang bzhin don yod grub pa'i sa bon yi ge AM bkod par bya'o/ /yig 'bru de bzhi spas pa gsungs pa/ dang po sgra sgrogs sa bon la/ dbyig pa thig le go rims bzhin zhes pa ste bshad zin to/ /yi ge bzhi pa bkod pa ni/ 'od zer dkar pos rnam par brgyan zhes pa ni/ gong gi sa bon bzhi'i kha dog go /mchems kyi 'dab ma la yig 'bru bkod pa gsungs pa/ phyogs mtshams dag ni bzhi pa ru/ /ma ning gong du gsungs pa bzhin zhes te/ ri rI li lI kha dog dkar po rnams so/ /sems ni de yi dbus dag tu/ /yi ge ru ni brtag par bya zhes pa ni/ yi ge de rnams ni stong pa nyid sems kyi dkyil la bsams nas bsgom par bya'o zhes pa'o/ /don de kho na the tshom zos pa phyag na rdo rjes su yang zhus pa/ stong pa'i mtshan nyid med pa yin zhes pa la sogs pa ste/ mtshan nyid med pa sems stong pa las snying rje la sogs pa'i rang bzhin yi ge 'bru dgu 'byung ba'i ltar yin zhes zhus pa'o/ /de'i lan gsungs pa/ bcom ldan 'das kyis bka' stsal pa/ nyon cig rdo rje de kho na zhes pa la sogs pa ste/ de la mtshan nyid stong pa mtshon pa yis/ /snying po med pa'i snying po rnams zhes pa ni/ stong pa nyid kyi mtshan nyid mtshon pa ni snying po dngos su med cing/ dngos su snang ngo zhes pa'i tha tshig go /de'i dper gsungs pa/ bdud rtsi chu shing snye ma bzhin zhes pa ste/ chu shing gi snying po med pa la 'byung ba'i snye ma'i 'bras bu zos pa la bdud rtsi dang 'dra ba'i ro 'byung ba ltar/ stong pa nyid sems las byung ba'i snying rje yang de bzhin gshegs pa'i longs spyod kyi sku'i 'bras bu'i rgyur 'gyur ro zhes pa'i tha tshig go /bsdus pa'i don bstan nas/ yang rgyas pa'i bstan pa 'dod pas gsungs pa/ dbus su gnas pa'i ye shes te zhes pa la sogs pa ste/ de la ye shes ni yi ge hUM ngo/ /ye shes gzugs ni gzugs med do/ /zhes pa ni yi ge hUM de stong pa'i rang bzhin gzugs med de/ 'o na ci 'dra zhe na/ mtshan nyid med pI mtshan nyid de zhes pa ste/ yig 'bru'i dbyibs kyi mtshan nyid dang ldan na yang/ rang bzhin gyis stong pa nyid pas mtshan nyid med do/ /ci'i phyir zhe na/ ye shes sku la gos pa med ces pa ste/ chos nyid ye shes kyi sku la dngos pos mi gos te/ rang bzhin gyis 'od gsal ba'i phyir ro/ /des na yig 'bru dgu'i rang bzhin 'di lta ste/ zhes ston pas gsungs pa/ dngos po dngos med bral bas zhes pa la sogs pa ste/ gang gis mtshan nyid shes pa yi zhes pa la sogs pa ni rnal 'byor gang gis spyi dang rang gi mtshan nyid ye shes dang rnam par shes pa'i mnyaM pa nyid shes pa de ni/ myur bar byang chub kyi lam thob bo zhes pa'i tha tshig go /mnyam pa nyid de ji ltar shes par bya zhe na/ gsungs pa/ bla ma'i lung gi lam ngag gis zhes pa la sogs pa ste/ ye shes dang rnam par shes pa'i gzugs kyi mtshan nyid ni bla ma'i man ngag gis gtsug lag bstan par bya'i gzhan du ma yin no/ /de kho na gsal bar gsungs pa/ de kho na dpa' bos bstan zhes pa ste/ /de la dpa' bo ni de bzhin gshegs pa 'am bla ma sogs pa ste/ nyon mongs pa'i g.yul las dpa' ba' i phyir ro/ /dpa' bo de kho nas gnyis pa'i stong pa nyid bstan no zhes pa'i tha tshig ste/ snyan khung nas snyan khung brgyud pa'i phyir ro/ /'di bsgoms pas ni thams cad du/ 'od dkar po rnam par brgyan ces pa ste/ de la 'di zhes pa ni yi ge 'bru dgu'o/ /de dag gi 'od zer dkar pos phyogs bcu thams cad scang ba bsgom par bya'o zhes pa'o/ /da ni thig le'i ting nge 'dzin ston 'dod pas bcom ldan 'das kyis gsungs pa/ sgrogs pa lnga yi mchod rten dang/ bdud rtsi sa bon bsams nas ni zhes pa ste/ sgrogs pa lnga yi mchod rten bsgoms pa'i sa ru zla ba'i dkyil 'khor gyi steng na bdud rtsi'i sa bon yi ge aM bsgom par bya zhes pa'o/ /ji ltar bsgom par bya zhes gsungs pa/ kha dog dkar po'i 'od mjos pa/ bdud rtsi rgyun gyi gzhag pa gsol zhes pa ste/ bdud rtsis brlan pa'i zla ba'i dkyil 'khor/ aM las zags pa'i bdud rtsi'i rgyun 'og tu thig le la bzhag par bya'o zhes pa'o/ / de'i 'og tu thig le'i sgom pa gsungs pa/ mthe bong tshad tsam zlum po yi/ /zla pa'i dbus su thogs pa ste/ zhes pa la sogs pa ste/ mgrin par zla ba'i dkyil 'khor gyi dbus su mthe bong tsam gyi thig le zlum po bsgom par bya'o zhes pa ste/ de'i dbus kyi sa bon gsungs pa/ A li kA li las byung ba'i zhes te/ yi ge A'o/ de'i dbus su sgo rnams la zhes pa ni/ thig le de'i dbus kyi yi ge la bdud rtsi'i rgyun gyi bsags par bya'o zhes pa'o/ /thigs pa bsam pa rab tu grags zhes pa de yan chad thig le'i ting nge 'dzin zhes bstan pa'o/ /de ni phra mo'i ting nge 'dzin ston 'dod pas gsungs pa/ skra yi rtse mo brgya yi char zhes pa la sogs pa ste/ de la skra'i rtse mo brgyar zhes pa ni tshang gsungs pa'o/ /gang zhe na/ rdul phran gzugs tsam pa yi sems zhes pa ste/ sems dang po las 'das pa rdul phran du bsgem ba'o/ /dbyibs gang zhe na/ gsungs pa mtshan nyid mtshon pa'i ye shes can/ rnam shes rang gi ngo bo ste zhes pa ste/ ye shes dang rnam par shes pa'i sa bon yi ge hUM gi dbyibs kyi mtshan nyid du mtshon pa brtags par bya'o/ /bsgom pa gsungs pa/ gang gi thigs pa'i thabs gnas pa/ mtshan nyid shes pas bsam bar bya zhes pa ste/ gong gi thig le'i gnas kho na la yi ge hUM phra mo'i ting nge 'dzin gyi mtshan nyid kyang bsam par bya'o zhes pa'i tha tshig go /ting nge 'dzin phra mo de yang lus dang ngag dang gang du bkod nas bsgom par bya zhe na gsungs pa/ snying dang tshangs pa'i sgo dang ni/ /thigs pa sgo yi lam nyid du zhes pa ste/ de la snying dang ni snying gar ro/ /tshangs pa'i sgo ni spyi bor ro/ /thig pa sna yi lam nyid du/ /zhes pa ni mgrin pa ste/ der ting nge 'dzin phra mo bsgom par bya'o zhes pa'i phyir ro/ /bla ma'i lung ni de kho nas/ rnam shes ye shes gzung bar bya/ /zhes pa ni/ rnam shes ye shes kyi yig 'bru hUM bla ma'i man ngag kho nas tshad shes par bya'o zhes pa'i tha tshig go /phra mo'i ting nge 'dzin 'di ni bla ma'i man ngag kho nas thob kyi gzhan phyi'i lam la sogs pas ni mi 'thob po zhes ston pas gsungs pa/ phyi yi lam gyis ma yin te/ gtsug lag gis kyang ring ba yin zhes so/ /de ci'i phyir zhe na/ gsungs pa gtsug lag ngag ni rnyed sla ste/ de yi dgos pa rnyed dka' bas zhes so/ /'o na ji ltar shes par bya zhe na gsungs pa/ thabs la mkhas pa'i rnal 'byor pas zhes pa la sogs pa'o/ /da ni sngags bzla ba'i thabs ston bas gsungs pa/ yid ni sngon du gtong pa'i chos zhes pa la sogs pa ste/ de la yid ni yid kyi rnam par shes pa'i rten yid do/ /yid de chos thams cad kyi gdong ma'o zhes pa'o/ /'di lta ste/ lus ngag yid las yid kyi las sngar 'byung ste/ yid kyis bsam pa'i 'og tu lus dang ngag spyod pa'i phyir ro/ /de ltar mdzod kyi nang nas kyang gsungs pa/ sems pa yid kyi las yin te/ des bskyed lus dang ngag gi las zhes so/ /yid dag cing ni yid 'gro ba zhes pa ni dag pa'i yid yin te/ lus ngag ni ma yin no/ /'di lta ste/ yid dag pa'i rnal 'byor pas lus dag gi las mi dag na yang skyon du mi 'gyur ro zhes pa'i don to/ /de ltar yang gsungs pa/ rtog pa byang chub sems dpa' yi/ /gal te dge 'am mi dge ba/ /de kun dge bar song 'gyur te/ ci phyir yid ni dbang 'gyur phyir zhes so/ /ci'i phyir zhe na/ yid 'gro ba zhes te/ dge dang mi dge ba'i bag chags la yid 'gro pa dang/ mya ngan las 'das pa la yid 'gro ba'i phyir ro/ /des na yid dngos thams cad du zhes pa ni/ lus ngag yid kyi dngos po'o zhes pa'i tha tshig go /des na blo dang ldan pa'i rnal 'byor pas yid dag par bya ba la bsgrims nas nan tan du bya'o zhes pa'o/ /lus ngag yid gtso bor bstan nas yid las gzhan med cing don bstan pa gal te bzlas 'dod rnal 'byor pas/ snying gis bsam pa spangs na'o zhes pa ni/ /rnal 'byor pas sems spangs nas/ gzhan du bzla ba ni med do/ zhes pa'i tha tshig ste/ lus ngag gi las gzugs nyid kyi phyir ro/ /de ci'i phyir zhe na/ rgya'i phyi ru sa bon te/ de kho na ni gzugs la sogs pa las bya'i sngags kyang don dam par ma mthong ste/ /yig 'bru yin te/ rten cing 'brel par 'byung ba'i phyir ro/ /'di lta ste/ che ge mo shAndiM ku ru zhes smra ba'i tshig la che ge mo smra tsam na shAn+tiM ku ru'i sgra mi 'byung ngo/ /shAn+ta ku ru zhes brjod na/ che ge mo la thal bar 'gyur ro/ /de yang che brjod tsam na ge mi 'byung ngo/ /ge brjod tsam na che thal lo/ /de bzhin du de gnyis brjod tsam na mo mid do/ /mo brjod tsam na che ge thal lo/ / des na las byas pa'i sngags kyang rten cing 'brel par 'byung ba mngon par btags pa tsam yin te/ don dam par ni ma yin no/ /de ltar sngags kyi rang bzhin bstan nas sngags bzla ba'i thabs bstan pa gsungs pa/ gzugs sogs srid pa'i longs sbyod dag /sa bon bzlas shir spyar par bya zhes pa ste/ yi ge hUM gi gzugs la sogs pa yang dag pa'i kun rdzob tu dmigs nas bzlas te/ bsod nams kyi tshogs des/ tshe 'di'i sring pa'i nang na longs spyod kyi 'bras bur bya'o zhes pa'o/ /bzla ba'i sngags gang zhe na gsungs pa thams cad kun gyis bkur ba yi zhes pa la sogs pa ste/ de la thams cad kun gyis bkur ba zhes pa ni rnam par snang mdzad kyi rang bzhin zla tshes dang thig le ste/ shin tu rnam par dag pa'i chos kyi dbyings nyid ye shes nyid kyi phyir ro/ /de bzhin spyi bor gnas pa la zhes pa ni zla tshes dang thig le hUM gi dbu steng na rtag par bzhag par bya'o/ /rtag par rtsa bar rtse byas nas zhes pa ni/ 'og rtag par zhabs bkyed rtag shes pa'o/ /don de gnyis kho na ston pas/ thigs par ro ldan pa yis zhes pa'o/ /de lta bu'i sa bon gang zhe na/ gsungs pa/ ye shes rnam shes sa bon nyid ces pa ste/ yi ge hUM ngo/ 'khor ba'i longs spyod kyi don du sngags te bzlas na yang/ sgra dang tshigs med par yid kho nas bzla bar bya'o zhes ston pa 'khor ba'i longs spyod spyod pa yi/ sgra med dag na spangs nas su/ /yid kyis bzlas dang ldan par zhes pa'o/ /da ni mtshan ma brgyad ston 'dod pa/ bcom ldan 'das kyis gsungs pa/ mi g.yo rtag tu thabs gnas pa zhes pa la sogs pa ste/ de la mi g.yo na 'jig pa med pa'i phyir ro/ /rtag tu zhes pa ni mi 'chang po'i phyir ro/ /thabs gnas pa zhes pa ni de gnyis kyis thabs la gnas pa'i rang bzhin kyi phyir ro/ /rtag pa ni zhes pa ni de bzhin gshegs pa'i rgyu nyid phyir/ chos kyi dbrings nyid de zhes pa ni 'phags pa'i chos kyi rgyu'i phyir ro/ /rgyun tu phra pa zhes pa ni skad cig ma snga phyi bar du yang dbang po las 'das pa'i phyir ro/ /mi gos pa zhes pa ni nyon mongs pa med pa ste rang bzhin gyis 'od gsal ba'i phyir ro/ /de ltar ji lta bu'i yon tan dang ldan pa'i sems gang zhe na/ ye shes rnam shes thim par byed ces te/ thabs dang shes rab gnyis su med pa'i phyir ro/ /sems des ni byang chub kyi lam mthong ngo zhes gsungs pa/ ye shes dngos po rnam shes kyis/ byang chub rim pa mthong bar 'gyur zhes so/ /byang chub kyi lam mtshan mar gyur pa brgyad gsungs pa/ mar me ltar ni thams cad du zhes pa la sogs pa ste/ de la mar me ltar ni thams cad du/ mtshan ma dang po mthong ba yin zhes pa ni/ rnal 'byor pas ye shes dang po la phyin ci ma log pa'i nyon mongs pa bsregs pa'i ye shes kyi mar me ltar 'bar te chung du'i phyir ro/ srin bu'i me ltar snang ba'o/ /gnyis pa yi ni mtshan ma brtags zhes pa ni ye shes gnyis pa la srin bu me khyer ltar tshig tshig 'phro ba yin te/ 'bring po nyid kyi phyir ro/ /rdul phran dkar po me stag gzhan/ zhes pa ni ye shes gsum pas rnal 'byor pas ye shes gyi me phyogs bcu na dkar po 'phro bar mthong ngo/ /chen po nyid kyi phyir ro/ /de mthong ma thag tu nyon mongs pa'i sgrib pa sbyangs te 'phags par gyur nas mthong ba'i lam rtogs par 'gyur ro zhes pa'o/ /de nas shes bya'i sgrib pa spangs pa'i rtags gsungs pa/ 'dod pa lha yi longs spyod rnams/ /bzhi pa la ni sems kyis mthong zhes pa ni rnal 'byor pas ye shes bzhi pas 'dod khams kyi 'dod pa'i 'dod chags lnga che chung 'bring po dgu'i sgo nas bral lo zhes pa'i tshig go /mtho ris gzugs kyi lha rnams kyang/ /lnga par sems kyis mthong bar 'gyur zhes pa ni ye shes lnga pas gzugs khams kyi bsam gtan bzhi srid pa'i 'dod pa'i 'dod chags che chung 'bring po dgu'i sgo nas bral lo zhes pa'i tha tshig go /drug par gzugs med longs spyod de/ zhes pa ni ye shes gzugs med pa'i khams bzhi srid pa'i 'dod chags dang bral lo zhes pa'o/ /bdun pa la ni chos kyi dbyings zhes pa ni/ ye shes bdun pas khams gsum gyi 'dod chags dang bral ba'i rnal 'byor pas sgrib pa thams cad spangs nas mya ngan las 'das pa chos kyi sku yongs su grub pa la bzhugs te/ gzung 'dzin med par 'gyur ro/ /brgyad pa dag la rang dga' ba'i rnal 'byor sangs rgyas 'bras bu thob ces pa ni/ ye shes brgyad pas de ltar gyi sku mngon du gyur pa'i rnal 'byor pas sngon gyi smon lam dang snying rje'i dbang gis sems can gyis don du mi gnas pa'i mya ngan las 'das pa la dag pa 'jig rten pa'i ye shes kyi longs spyod rdzogs pa'i sku 'am/ sprul pa'i sku dmigs nas rang dgar sems can gyi don gyi 'bras bu med ngo zhes pa'i tha tshig go/ ye shes kyi khyad par de ltar gsungs pa/ rnal 'byor pa yis khyad par gyis/ /snga ma phyi mas sun phyung ngo zhes pa'o/ /de ni mchod rten gyi de kho na ston 'dod pa bcom ldan 'das kyis gsungs pa/ yang dag lta ba'i gzugs can gyis zhes pa la sogs pa ste/ de la yang dag lta ba'i gzugs can gyis zhes pa ni gzugs can ni sems can gyis dang por yang dag pa'i don stong pa nyid bsgom mo zhes pa'i tha tshig go / ci'i phyir na yang dag de kho na shes pas/ nan tan gyis ni sbyor ba tsam zhes pa ni yang dag pa'i stong pa nyid kyi don mi shes na bsgom pa sbyor ba la sogs pa skyon no zhes pa'i tha tshig go / de nas stong pa nyid bsgom pa thabs ston pa bcom ldan 'das kyis gsungs pa snying gar zla ba bsam byas te/ zhes pa la sogs pa ste/ zla tshes can yi ge snying gar bsgoms nas de'i 'od zer gyis phung po dang khams stong pas bsgom mo zhes pa'i tha tshig go / stong pa nyid kyi ting nge 'dzin mjug bsdus pa ston pas gsungs pa/ mjug du zla ba'i sa bon ni/ /mkhas pa yis ni bsgom par bya/ /zhes pa ste/ phung po dang khams thams cad rang bzhin stong par bsgom pa'i rnal 'byor pas/ jug tu zla ba'i dkyil 'khor gyi steng na sa bon yi ge hUM bsgom par bya'o zhes pa'o/ /sa bon des mchod rten bskyed bar bya ba'i tha tshig gsungs pa/ sems kyis de la bskyed pa ni/ mchod rten bzhugs pa'i gnas dag ste zhes pa la sogs pa'o/ /mchod rten de yang ji ltar bsgom par bya zhe na gsungs pa/ zhabs bkyeng 'gugs pas zhes bya zhes pa ni/ yi ge hUM gi zhabs bkyeng 'gugs pa gang de mchod rten gyi sa gzhi zur brgyad pa zhes shes per bya ste/ yi ge hUM dang mchod rten dbyer med pa'i phyir ro/ /phyogs brgyad dag gi khams sa ste zhes pa ste/ sa gzhi zur brgyad pa'i rang bzhin phyogs brgyad kyi gling gi 'jig rten gyi khams kyi lha rnams bsgom par bya'o zhes pa'o/ /dril bu nam mkha' dbus gnas par/ /lhun po'i nas kyi lha nyid du zhes pa ni/ mchod rten gyi bu'i rang bzhin ni ri rab ste/ de la sum cu rtsa gsum gyi lha man chang rnams gnas pa bsgom par bya'o zhes bya ba'i tha tshig go /'dod pa spyod pa lha yi rnams/ /bre ru nges par brtag par bya'o zhes pa ni/ mchod rten gyi bre'i dbyibs la sogs pa bzhi'i rang bzhin ni mdza' bral la sogs pa ste/ 'dod khams kyi lha rigs gnas pa bsgom par bya'o zhes pa'o/ /bdag med chos kyi dbus gnas par/ steng 'og dag ni mu med do zhes pa ni de yan chad ni mu 'brel ba med do/ bdag med pa'i rang bzhin srog shing dkyil du brten pa tsam yin no zhes pa'i tha tshig go /de dag gang zhe na gsungs pa/ gzugs kyi khams kyi mtho ris dag /'khor lo dag tu rnam par brgyan ces pa ste/ mchod rten gyi 'khor lo bcu bdun gyi bar bzhin ni gzugs kyi khams tshangs ris la sogs pa lnga'i ris kyi gnas bcu bdun te/ de la gzugs kyi lha rnams bsgom par bya'o zhes pa'o/ /don de kho nas gsal bar gsungs pa/ bcu bdun dag gi gzugs kyi rnams/ go rims bzhin du rnam par gnas zhes pa'o/ /gzugs med sring pa thams cad lta/ /chos kyi srog nyid du thim zhes pa ste/ 'khor lo bcu bdun las yar 'phags pa srog shing gi rang bzhin ni gzugs med pa'i khams te/ nam mkha' mdza' yas la sogs pa bsgom par bya'o zhes pa'o/ /mchod rten sku ru bskyed pa ni/ thams cad lha yi gnas yin no zhes pa ni/ de ltar mchod rten gzugs kyi rang bzhin khams gsum du bsgoms te/ khams gsum gyi lha gnas pa bsgom mo zhes pa'i tha tshig go / steng gi sgong skyes gdan la/ bdag gi sems su rtag par bya zhes pa ni/ de la sgom zhes pa ni sems kyi skye sa snying 'dra ba mchod rten steng gi zlum po'i nger rang gi sems gnas pa bsam par bya'o zhes pa'i tha tshig go / sems dang ye shes dbyer med pas/ gnyis med mnyam pa'i khyad par gyi zhes pa'o/ /gang dang gang du mnyam par dbyer med pa bsgom pa zhe na/ gzugs dang stong pa'i dbus su na/ /de bzhin dngos po dngos med do/ /zhes pa de la gzugs ni phyi nang gi dngos pos bdag tu 'dzin pa'o/ /yang na mchod rten gyi gzugs so/ /stong pa ni ye nas dge ba dang mid ge ba'i rgya las chang par lta ba'o/ /de gnyis med pa'i mnyam pa nyid ces pa'i tha tshig go /nge nas chos thams cad dngos po ma yin dngos po med pa yang ma yin par bsgom par bya'o zhes? pa'i tha tshig go / mnyam pa'i sems de'i khyad par ston pa/ gzung 'dzin la sogs pha rol gyi zhes pa ste/ de la gzung pa ni spyod yul lo/ /'dzin pa ni dbang po la sogs pa'o/ /sogs pa'i sgras ni gcig dang du ma la sogs pa'o/ / de dag spangs pa'i sems ni pha rol phyin pa'o/ /bzang byed log pa ma yin pa zhes pa ni/ de la bzang ba ni dge ba'o/ /leg pa ni mi dge ba'o/ /de gnyis kyang spang pa'i sems zhes pa'i tha tshig go /de yi dbus su dngos po ni/ /mtshan nyid mtshon pa'i brtan pa thob ces pa ni/ gzugs dang stong pa la sogs pa'o/ /dbus mnyam pa nyid kyi sems thob pa de'i mtshan nyid bsgom par bya mtshon par bya zhes so/ /de ltar bsgom pes mchod rten sbyin pa la sogs pa'i mchod pas mchod cing bsgom par bya'o zhes gsungs pa/ sbyin pa tshul khrims bzod sogs pas zhes pa la sogs pa'o/ /chos kyi dbyings mchod rten de bsgom pa'i yon tan ston 'dod pas gsungs pa/ chos kyi dbyings kyi ngo bo ni zhes pa la sogs pa'o/ /de ni dbyings ye shes sbyor 'dod pa'i bcom ldan 'das la zhu 'dod pa phyag na rdo rjes gsol pa/ gsang bar sbyor ba'i mtshan nyid kyi zhes pa la sogs pa ste/ de la gsang ba ni dbyings dang ye shes so/ /de la dbyings zhes pa ni 'byung ba bzhi pa'o/ /ye shes ni gzugs med pa'o/ /de gnyis sbyor ba'i thabs zhus pa'o/ /de nyid de nyid mchog de nyid ces pa ni/ sku gsung thugs kyi de kho na mchog tu gyur pa'i phyir ro/ /de nas lan gsungs pa/ bcom ldan 'das kyis bka' stsal ba zhes pa la sogs pa ste/ de la dbyings zhes pa ni 'byung ba dang por re zhig rnal 'byor bas bdag nyid rang dgar byed pa'o/ /zhes pa ni rdo rje theg pa'i tshul gyis ni rnal 'byor bas rang gi sems rang bzhin gyis 'dul bar bya ste/ dka' thub nas ni ma yin no/ /de'i dper bstan pa/ rtag rgod lta bu'i sems de ni/ mkhas pa yis ni blta bar bya zhes pa ni/ mdun du dul ba'i rta god thabs kyis ji ltar kha lo slob pa bzhin du dman pa la 'jug pa'i sems kyang phyin ci log pa'i spyod yul las kha lo sgyur nas yang dag pa'i 'jug pa la 'jug par bya'o zhes pa'i tha tshig go /yang ji ltar 'dul ba'i dpe dang don gsungs pa/ ji ltar bung ba dud kyi me tog las/ /rgyags pas myos nas sems ni brtan pa bzhin/ /longs spyod kyis g.yengs rnam smin sa bon can/ de bzhin sred las drangs nas yid ni bsdam par bya zhes pa ste/ me tog pad+ma'i sdong po'i rtsi ba la chags pa'i bung pa nyi ma thal ba'i dus su/ pad+ma'i 'dab mas bsdam pa sems kyis mtshor ba bzhin du/ nyon mongs pa can gyi sems kyang dka' thub spangs nas longs spyod kyis g.yeng du bcug ste/ sems de yang dag pa gnyis lta med pa'i ye shes dang 'byor nas mya ngan las 'das pa la bkod par bya'o zhes pa'i tha tshig go / 'dul ba so sor thar pa'i nang na ni spong ba'i mtshan nyid bdun gyi sgo nas dka' thub ste sems can 'dul bar bstan na/ 'di ni yid kyi sgo nas sems 'dul bar gsungs pa ci'i phyir zhe na gsungs pa/ yid bsdams pas ni 'grub pas zhes pa la sogs pa ste don gong na bshad zin to/ /de ltar yid dbang du gyur pa'i rnal 'byor pas lha mo bsgom pa gsungs pa/ zla ba'i dkyil 'khor dbus gnas par zhes pa la sogs pa ste/ de la phyag rgya chen po snying gar te zhes pa ni byang chub mchog gi phyag rgya'o/ /sgrogs pa lnga'i mchod rten gyi zhes pa la sogs pa ni/ mgrin pa la yi ge yu yis bsrung bar bya'o zhes pa'i tha tshig go /me yi yi ge 'bar ba yis/ /de bzhin chu dang chu min gnyis zhes pa ni/ yi ge k+ShuM gis pho mtshan dang dri chen 'byung ba'i lam la bsrung bar bya'o zhes pa'o/ /chu shing me tog pad+ma nas dang por bzung nas rgyas par ring du spyod par 'gyur zhes pa'i bar du chu nyid me tog rgyas par bya ba ni gong du bshad zin to/ /de yis dbus su sgo nga zhes pa ni/ chu shing gi dbus kyi sgo nga la snying ste/ sgo da dang 'dra ba'i phyir ro/ /de'i kha dog gsungs pa/ kun da dkar dang zla ba'i mdog ces so/ /de nas sgo nga'i dkyil du sa bon bkod pa gsungs pa/ phyogs dang phyogs su phyogs sa bon zhes to/ phyogs kyi sa bon bzhin bkod par bya'o zhes pa'o/ /sa bon gang zhen/ phyogs gnyis su ni khams bzhi ste/ zhes pa ni chu dang me dang rlung dang sa'i khams kyi sa bon sruM kruM yuM hUM bkod par bya'o/ /ye shes kyi sa bon a A aM a ni ma yin zhes pa'i tha tshig go /phyogs mtshams brtsegs pa'i sa bon bzhin zhes pa ni/ 'dir yang khams kyi rang bzhin brtsegs pa'i yi ge smryuM hmyuM ymyuM k+Sh+myuM mtshams bzhir bkod par bya'o/ /ma nang gi yi ge ri rI dang li lI ni ma yin no zhes pa'i tha tshig go /dbus su de kho na dmigs nas ye shes sems kyi ngo bo nyid ces pa ni yi ge de brgyad kyi dbus su ye shes dang rnam shes kyi sa bon hUM bsgom pa'o/ /yi ge de rnams kyi 'od dang/ kha dog gsungs pa/ dkar zhing dag pa mnyam pa'i 'od/ /lha mo'i yi ge bsgom par bya zhes so/ /de nas dbyings dang/ ye shes sbyor ba'i thabs stan 'dod pas gsungs pa/ sems kyi dar dkar bsgom pa ni/ de nas gzugs ni gshig par bya/ phyogs dang phyogs su gzhig pa dang/ /phyogs mtshams phyogs ni de bzhin no zhes pa ste/ de ltar yig 'bru dgu rang dkar bsgom pa'i rnal 'byor pas phyogs dang phyogs mtshams kyi gzugs kyi rang bzhin yig 'bru brgyad bshig nas dkyil kyi yi ge hUM la 'dug pa bsgom par bya'o/ /don de gsal bar gsungs pa/ thams cad gzugs ni bshig nas su/ /ye shes rnam shes lhag ma ste zhes pa ste/ phyogs brgyad kun gyi gzugs kyi yi ge bshig nas/ ye shes dang rnam shes kyi yi ge hUM gcig pu lus par bsgom pa'o/ /'dus ma thag tu hUM de'i kha dog dang/ rang bzhin khyad par du gsungs pa/ chu ni shar gyi phyogs su ste/ /kha dog dkar po'o 'od kyi mdog ces pa ste/ yi ge cu'i sa bon dang mdog dkar por 'gyur ro zhes pa'i tha tshig go /ser po 'od du 'bar ba'i me/ /rtag pa ru ni byang du ste zhes pa ni hUM gi byang gi ngos me'i sa bon k+ShuM thim pas me'i rang bzhin dang mdog ser bo'o/ /rlung ni nag po'i kha dog ni nam mkha' i gzugs can nub du'o zhes pa ni/ de la nam mkha' i gzugs can ni hUM/ gzugs med ye shes kyi rang bzhin gyi phyir ro/ /rlung de'i nub kyi ngos rlung gi sa bon yuM der thim nas rlung gi rang bzhin dang mdog nag po'o/ /lho phyogs ni dmar po ru/ lho yi phyogs kyi bsam bar bya zhes pa ni/ hUM gi lho'i ngos sa bon hUM thim pa'i phyir na/ sa'i rang bzhin dang mdog dmar po'o/ de gnyis kha dog 'chol ba ni bgal brten pa'i phyir ro/ /phyogs mtshams ?? pa'i kha dog gis/ grwa bzhi dag tu bsam par bya zhes pa ni/ hUM gi grwa bzhi mdog bsres pa'i tha tshig go /'di lta ste me'i mchams ni dkar po dang dmar po bsres pa'i mdog go / dbang ldan gyi mtshams ni dkar ser bsres pa'i mdog go /rlung gi mtshams ni ser nag bsres pa'i mdog go /bden bral gyi mtshams la ni dmar nag bsres pa'i mdog go /de nas dbyings dang ye shes sbyor bstan nas/ ye shes de yang gnyis su med pa'i sems la sbyor ba bstan 'dod pas/ bcom ldan 'das kyis gsungs pa lhag ma'i rnam shes dbus su ni/ sgong skyes bcas par gshig par bya zhes pa ste/ de la sgong skyes ni gnyis su med pa'i sems so/ /don ni 'di lta ste/ rnam par shes pa'i yi ge hUM de gnyis su med pa'i yi ge sems dang bsres nas 'jug par bya ste/ gnyis su med par bsgom par bya'o zhes pa'i tha tshig go /'o na hUM de'i mtshan nyid ci 'dra zhe na gsungs pa/ de yi mtshan nyid mtshon pa yis/ /mtshon pa'i mtshan nyid gzugs med do/ /zhes bya ba'o/ /de'i don gsal bar ston pas yang gsungs pa/ sems kyis dngos po stong pa bas zhes pa la sogs pa ste/ de lta bu'i stong pa rang bzhin gzungs su snang ba ci 'dra zhe na/ rnam par mi rtog stong pa'i dbus/ /me rtag rdul ni phra mo tsam zhes pa ste/ bdag gzhan dbyar med pa stong pa'i dbus ni me stag dang 'dra ste/ bzugs su snang ban yang sa la lhung ma thag tu med pa bzhin no/ /A li kA li'i sa bon ni/ /rdul phran mig gi dbus gnas par zhes pa ni rdul phran te/ A li kA ye? sa bon yi ge a'i rang bzhin gnas te/ dang po nas mi skye ba'i rang bzhin gyi phyir ro/ /des na chos kun las 'byung ba a kA ro mu khaM sarba d+harmA NaM A dyA nutAn+na twA ta zhes so/ /ming dang bral ba'i gzugs dag gis/ /thams cad kun kyang rdul zhes bya zhes pa ni/ dbang po las 'das pas na gzugs la 'du shes kyi ye shes chos kun cing las 'das pa rdul phran gyi rang bzhin du 'dod pa ste/ mya ngan las 'das pa'i phyir ro/ /des na dbyings dang ye shes sbyor pa yi ting nge 'dzin ni yod med ma yin par ston pa/ stong pa ru yang mi dmigs te/ zhes pa la sogs pa de'i dper gsungs pa/ rlung min nam mkha' yang ma yin/ mnyam par dbus su brtag par bya zhes pa ste/ dper na gzugs rlung rgyu ba ni nam mkha' la ste/ nam mkha' ni rlung mi thogs pa'i stong pa ste/ de ltar nam mkha' dang rlung dbyer med pa bzhin du/ gzugs dang stong pa yang dbyer med de/ /gzugs gang yin pa yang stong pa'i rang bzhin de ma yin/ stong pa gang yin pa gzugs kyi rang bzhin de ma yin te de ltar logs su med do/ /mnyam par blta bar bya'o zhes pa'i tha tshig go/ da ltar klu sgrub zhabs kyis shes rab kyi pha rol tu phyin pa bstong pa las gsungs pa/ dngos po las gzhan stong pa med/ /stong pa las gzhan dngos po med/ rten cing 'brel par 'byung stong nyid/ /lha khyod kyis ni bstan pa'o/ /zhes so/ ji ltar rtogs par bya zhe na gsungs pa/ bla ma'i lung ni rtogs pa'o zhes pa la sogs pa'o/ /de nas dbyings dang ye shes mngon du gyur pa'i rnal 'byor pas sbyang ba dang 'bras bu gsungs pa/ ye shes grub pa'i rnal 'byor pa zhes pa la sogs pa ste/ de la kun tu rtog pa lus sems rnams/ /gal te yul 'khor srung 'dod na/ zhes pa ni/ de la yul 'khor ni phung po dang khams so/ /gal te phung po bskyed 'dod na/ rnal 'byor pa sems can gyi don du sems rnam par rtog nas sems can gyi don du phung po bskyed par bya'o zhes pa'o/ /ye shes dbang po longs spyod rnams/ /dngos grub lus la rang dgar ro zhes pa ni de lta bu'i ye shes thob pa'i rnal 'byor pas/ gal te 'dod na theg pa 'og ma'i dge sbyong gi 'bras bu rgyun tu zhugs pa'i 'bras bu mthor pa'i lam dang bsgom pa'i lam snga car phyin pa 'bras bu thob po zhes pa'o/ /khams gsum ye shes mthong ba dang zhes pa ni dgra bcom pa ste/ khams gsum gyi 'dod chags dang bral ba'i phyir ro/ /de yang gnyis su med pa'i ye shes thob pa'i rnal 'byor pas/ gal te 'dod na dgra bcom pa'i 'bras bu thob po zhes pa'i tha tshig go / dang po'i 'bras bu dang phyi ma'i 'bras bu gsungs pas na/ lan cig phyir 'ong ba'i 'bras bu dang/ phyir mi 'ong ba'i 'bras bu yang thob bo/ /don du shes par bya dgod pa'o/ /de gnyis kyang gal te 'dod na rnal 'byor pas thob po zhes pa'i tha tshig go / yid kyis rang dga' i gnas dag tu/ gzugs can mkha' la rgyu ba rnams/ zhes pa ni gnyis su med pa'i ye shes thob pa'i rnal 'byor pa 'jig rten dang 'jig rten las 'das pa 'bras bu sna tshogs gang 'dod pa la spyod de/ gzugs can mkha' la thogs pa med par rgyu ba bzhin no zhes pa'o/ /bdag don gyi 'bras bu bstan nas/ gzhan don gyi 'bras bu gsungs pa/ sems can dag na ci 'dod pas/ myur du mchod ni sbyin par 'gyur zhes so/ /sems can gyi don ji ltar byed cen/ gsungs pa lus dang dbang po 'dod pa rnams/ rang dga' du ni bdag med byed ces pa ste/ rnal 'byor pas sems can gyi don byed pa la/ lus dang dbang po la sogs pa la/ bdag dang gzhan dmigs pa'i tshul gyis spyod do zhes pa'o/ /chos kyi dbyings rtogs pa'i rnal 'byor pas mya ngan las 'das par zad kyi gzhan gyis ni ma yin no zhes ston pas gsungs pa/ chos kyi dbyings kyi ngo bo yis zhes pa la sogs pa'o/ /de dag bsgom pa'i rnal 'byor pa'i gnas bstan pa/ yid nga ri khrod nags 'tshal dang/ zhes pa la sogs pa'o/ /de nas don bsgom par 'dod pa'i rnal 'byor pas/ phyin ci log pa'i lus bdud rtsi slong ba byas nas/ 'grub par bya'o zhes ston pas gsungs pa/ na ga mu la pa lak+Sha zhes pa la sogs te/ de la nag mu la ni sbyin pa khyad par can no/ /pa lak+Sha ni rgya skyegs kyi me tog go /me mab? byas te cha snyams te zhes pa ni/ de la sman cha gsum du bsnyams nas mnyam por bya ba'o /du du yin zhe na gsungs pa/ ma ga ta'i srang bcu gnyis zhes te rdo rje gdan drung yul ma ga d+ha'i srang chen po gsum ga la bcu gnyis bcu gnyis sbyar bar bya'o zhes pa'o/ /ji ltar bza' zhe na/ ba'i 'o ma bskol ba la zhes pa la sogs pa'o/ /sman gyi yon tan gsungs pa/ rnal 'byor pa yi lo brgya ru zhes pa la sogs pa ste/ /de la 'dul ba bsrung zhing longs spyod ces pa ni/ de la sman de bsgrub pa la 'dod chags dang/ gnod pa'i zad dang chang las bsrung bar bya ba'o zhes pa'o/ /phyin ci log pa'i lus sman gyis thub na yang dag pa'i rgyur 'gyur ba'i dpe bstan pa/ ji ltar bu mo gzhon nu gtam gyis brid nas spyod pa bzhin du/ phyin ci log pa'i lus kyang bdud rtsim sleng ba grub nas brid de/ yang dag pa'i lam du 'jug par bya'o/ zhes pa'i tha tshig go /de ni le'u bcu drug gi don rtogs pa phyag na rdo rje la sogs pa 'khor de dag thams cad dga' zhing mgu nas bcom ldan 'das rdo rje sems dpa' la bstod pa gsungs pa de nas rnal 'byor dang/ zhes pa la sogs pa'o/ thugs rje chen po'i mnga' bdag rdo rje sems dpas phyag na rdo rje la sogs pa'i 'khor de dag la rnal 'byor gyi gzugs lag gdan bzhi pa'i che ba'i yon tan 'dod pa la gsungs pa/ nyon cig rdo rje ji ltar zhes pa la sogs pa'o/ /de la tshig rkang tsam zhes pa ni/ tshigs su bshad pa bzhi cha'o/ /mtho ris zhes pa rgyal chen rigs bzhi la sogs pa'i 'dod pa'i lha ris drug dang/ /tshangs pa la sogs pa gzugs khams bcu bdun no/ /yang na 'khor lo 'khor lo 'bar zhes pa ni/ gser gyi 'khor los sgyur ba'i rgyal po la sogs pa'o/ /gzugs med sring pa'i sems grub po zhes pa ni/ nam mkha' mdza' las skyes ched la sogs pa'o/ /gzugs med pa'i khams bzhi'o/ /rdzogs pa'i byang chub myur thob? bo zhes pa ni/ rdo rje sems dpa' i go 'phang mi gnas pa'i mya ngan 'das pa mngon du gyur pa'o/ /rgyud kyi don rtogs mkhan po yis/ gsang ba'i gdan 'grel 'di brtsams pas/ /bdag gis bsod nams gang thob de/ sems can kun gyis thob par shog/ rgya gar gyi mkhan po dran pa'i ye shes grags pas/ bla ma la man ngag thob pa gdan bzhi pa las/ gsang ba'i gdan gyi rnam par bshad pa mdzad de/ bsgyur zhing zhus nas gtan la phab pa rdzogs so// //mchan khung gi sgrubs thabs bzhugs so/ / / */ rgya gar skad du/ ka kwra? ma ta/ bod skad du/ mchan khung gi sbyor ba/ rdo rje mkha' 'gro ma la phyag 'tshal lo/ /rgyal po lhan cig gtsug phung ja ri lag/ /mgo dang mchi ma gzhon nu dang/ /nyi ma ral pa 'jigs rmongs dang/ /dbang po dang ni rdo rje rnams/ / bzhi cha bzhi ru byas pa ste/

CLOSE WINDOW