བོད་ཡིག

e-texts based on the ACIP/ALL Input

/rdo rje sgrol ma'i sgrub thabs rdzogs so// //rgya gar skad du/ sh+rI badzra tA ra sAd+ha naM/ bod skad du/ dpal rdo rje sgrol ma'i sgrub thabs/ dpal rdo rje sgrol ma la phyag 'tshal lo/ /tshangs sogs 'jig rten mthu chen gtsug gi nor bu dang/ /sa bcu'i rgyal sras dbang thob gzhon nu'i cod pan gyis/ /zhabs pad la gtugs ma lus 'phongs las sgrol mdzad yum/ /dpal ldan ye shes lha mo rgyal gyur cig /'jig rten dbang phyug dpal ldan ma/ /rten cing 'brel 'byung stong nyid skyes/ /'gro skyob ma de'i sgrub thabs bri/ /re zhig sgrub pa po 'phags ma sgrol ma chen mo la yang dad pa thob pas/ nags tshal dang phug dang dur khrod la sogs par/ dben pa'i yid kyis snying rje'i stan la 'dug la/ dang po kho nar chos thams cad rten cing 'brel par 'byung ba'i rang bzhin skye ba med par bsgom par bya'o/ /de nas snying rje chen pos bskul te/ pam las pad+ma a las zla ba'i steng du dbyangs dang gsal byed kyis rnam par brgyan pa'i rang gi rnam par mi rtog pa'i bdag nyid tAM ljang gur bsgom/ de las 'od 'phros pas phyogs bcu'i sems can thams cad kyi gdung ba zhi bar byas nas byams ba dang snying rje dang dga' ba dang btang snyoms la bzhag ste/ slar 'dus pas tAM la thim par blta'o/ de ma thag tu dpal rdo rje sgrol ma chen mo sku mdog ljang gu 'am ai tra bcag pa 'am ston gyi nam mkha' dri ma med pa lta bu/ lang tsho la babs pa'i cha lugs/ sgeg cing zhi la yid du 'ong ba dpe med pa bsam ste/ skyil krung phyed bas brtan pa'i sku 'gying ma/ phyag g.yas mchog sbyin ma/ g.yon pas autpal sngon po rgyas pa'i sdong bu thugs khar 'dzin pa/ cod pan la sogs pa rin po che rnam pa du ma 'od 'bar bas nye bar mdzes shing/ rang bzhin gyi 'od kyi dkyil 'khor khor yug 'dom gsum mnga' ba/ zhal 'dzum pa'i cha byad blta bas mi ngoms pa/ spyan mnga' zhing thams cad gzigs pa'i bdag nyid ma/ nu ma 'bur zhing rked pa rnam par 'phra ba la brla rab tu rgyas ma/ tshon brgya rtsa gcig gis spras pa'i na bza' sham thabs can/ rin po che'i me tog dang rdo rje'i phreng ba do shal brgyus pa'o/ /de nas thugs kar nyid kyi sa bon gyi yi ge bltas nas de'i 'od zer gyis ye shes kyi 'phags ma byang chub sems dpa' i tshogs kyis bskor ba spyan drangs te/ phyag 'tshal ba dang/ ji snyed 'byor pa dang blos sprul pa'i mchod pas mchod la/ sdig pa bshags pa la sogs pa bya ste/ dngos grub blangs nas ro gcig tu gzhug par bya'o/ /de'i rjes la snying po can gyi mthar sngags 'di dang/ gzungs 'di nye bar bkod la rtse gcig tu bzlas so/ /aoM tA re tut+tA re tu re swAhA/ na mo ratnA tra yA ya/ na maka ru Ni kA ya/ tadya thA/ aoM tA re tut+tA re tu re sarba duSh+Ta na/ pra duSh+Ta Na/ ma ma krit+te/ dzaM b+ha ya/ staM b+ha ya/ mo hA ya/ band+hA ya/ hUM hUM hUM/ phaT phaT phaT/ sarba duSh+Ta staM b+ha ni tA re swAhA/ snying po'i sngags la ni 'bum phrag bcus bsnyen pas/ gzungs sngags la ni 'bum phrag gcig gam gsum la sogs pa ci rigs par shes par bya'o/ /de ni las la sbyar ba yang de nyid do/ /stobs bskyed pa'i phyir gtor ma sbyin pa ni/ bcom ldan 'das ma'i nga rgyal gnas bas/ autpa las mtshan pa'i mdzes bar bza' ba bzang po tshod ma dang bcas pa sbyar te/ bgegs bsal zhing yi ge bzhis dri ma gsang ba dang/ bdud rtsir bsgyur ba dang/ spel ba dang/ mngon bar dgyes pa'i rgyur lan gsum du byin gyis brlabs la/ pad+ma kha phye ba'i phyag rgyas dbul bar bya'o/ /aoM a kA ro khu khaM sarba d+harmmA NaM Adya nutpan+na twAt/ aoM Agrih+na a mri ta/ khA hi khA hi/ tiSh+Tha tiSh+Tha/ hUM hUM phaT phaT swAhA/ band+ha band+ha/ ha na ha na/ da ha da ha/ gardza gardza/ bi spho Ta ya bi spho Ta ya/ sarba b+hi ka na nA bi nA ya/ mahA g+ha na pa ti dzi windA na ka ra ya hUM hUM phaT phaT swAhA/ rnam dag rdo rje sgrol ma che/ / skye bo dman la lha mo'i tshul/ /de nyid 'od kyi rnam pa las/ /rang bzhin rnam pa gzhan yod min/ /khams gsum 'od kyis bsdus nas ni/ /dpal mo nyid la mngon par thim/ /sku yang dbyangs dang gsal byed la/ /de yang rdo rje 'dzin ma la'o// rim gyis de yang thig le ste/ /thig le stong pa yi ge med/ /de nyid sems kyi mtshan nyid de/ /rang sems gdod nas ma skyes pa'o// //dpal ldan ye shes sgrol ma'i sgrub thabs ni/ /mtshan ma mchog mthong bla ma las thob ji bzhin du/ /sgrub po rnams la phan phyir bdag gis bris pa yis/ /'gro ba ma lus myur du 'phags ma mnyes byed shog /dpal ldan rdo rje sgrol ma'i sgrub thabs/ slob dpon dge ba'i mgon pos mdzad pa rdzogs so// // paN+Di ta chen po bud+d+ha sh+rI b+ha dra dang/ lo tsA ba gnubs byams pa dpal gyis bsgyur ba'o// //rgya gar skad du/ sa ma ho ma bi d+hi nA ma/ bod skad du/ ro bsreg pa'i cho ga zhes bya ba/ bcom ldan 'das rdo rje mkha' 'gro la phyag 'tshal lo/

CLOSE WINDOW