བོད་ཡིག

e-texts based on the ACIP/ALL Input

/ //rgya gar skad du/ he badzra dwi b+hudza sA d+ha ni/ bod skad du/ kye rdo rje phyag gnyis pa'i sgrub thabs/ /rje btsun thugs rje chen po la phyag 'tshal lo/ /khrag 'thur 'jig rten gsum 'phen dang/ /dpal mgon bla ma la btud de/ /de sgrub chog zhi ba yi/ /zhal snga nas gsungs rab dbye bya/ /dbang bo zhal gcig phyag gnyis pa/ /bdag med ma yis mgul nas 'khyud/ /'khor lo la sogs rgyan dang ldan/ /spyan gsuM zhal gnyis 'dam skyes mnga' / /rgyud 'dir bsgom pa la dbang bar bya ba'i rnal 'byor bas/ nang par snga bar mal nas langs te/ rang gi snying gar nyi ma la gnas pa'i hUM bltas la/ de'i 'od zer gyis dpal he ru ka snang bar byas te/ me tog la sogs pa'i nye bar spyod pa lngas legs par mchod nas/ de'i spyan sngar sdig pa bshags pa dang/ bsod nams la rjes su yi rang ba dang/ skyabs su 'gro ba byas la/ /byang chub chen por sems bskyed de/ sems can thams cad la lha rdzas bde ba nye bar sbyor ba'i byams pa dang/ sdug bsngal thams cad nye bar sel ba'i rnam pa'i snying rje dang/ bde ba de dag rgyun mi 'chad par nges ba'i rnam pa'i dga' ba dang/ nyon mongs pa dang/ gzung ba dang 'dzin pa la sogs pa mi byed pa'i mtshan nyid kyi btang snyoms bsgom mo/ /de nas tshes dang gang zag la sogs pa'i dri mas ma gos pa'i ngo bo/ /chos thams cad skye ba med pa'i tshul la zhugs pa'i stong pa nyid rnam par bsgoms la/ /aoM shu n+ya tA dz+nyA na badzra swa b+ha ba At+ma ko haM zhes bya bas byin gyis brlab po/ /de nas sang bar byas la nam mkha' i phyogs su nyi ma'i dkyil 'khor la gnas pa'i hUM yig ste de yongs su gyur ba las rdo rje'i lte ba la gnas pa'i hUM yig bltas nas/ de'i 'od zer las 'byung ba'i dpal he ru ka'i gzugs byin 'gro ba mi lus pa'i don byas pa de nyid du gzhug go/ de yongs su gyur pa pas dpal he ru ka sna tshogs pad+ma'i 'dab ma la gnas pa'i ro'i steng du nyi ma'i dkyil 'khor la bzhugs pa phyag gnyis pa spyan gsum pa/ phyag g.yas na rdo rje/ g.yon na rdo rjes mtshan pa'i thod pa bsnams pa/ gang dang bcas pa stag gi pags pa'i sham thabs can/ dbu la mi bskyod pa'i bdag nyid mi mgo las byas pa'i 'khor lo/ snyan la 'od dpag med kyi bdag nyid rna cha gdub 'khor/ mgul du rin 'byung? gi bdag nyid mgur chu/ phyag la rnam par snang mdzad kyi bdag nyid gdu bu 'chang ba/ rked pa la don yod grub pa'i bdag nyid ska rags dang ldan pa/ skra'i mchod phyir thogs dang/ dpung rgyan dang/ zhabs gdub dang ldan pa/ dbu skra dmar ser gyen du phyogs pa/ /bdag med ma zhal gcig phyag gnyis ma/ gri gug dang thod pa 'dzin pas 'khyud pa ste/ de lta bur gyur par bdag nyid rnam par bsgoms la/ de nas 'di'i rna ba la bdag med ma/ mig dag la rdo rje ma/ sna la gsang ba'i dkar mo lce la chu'i rnal 'byor ma/ lus kyi dbang po la rdo rje mkha' 'gro ma yid la bdag med mar mos par bya'o/ /de nas mgo bo la pad+ma sum cu rtsa gnyis pa'i steng du haM yig thur du bltas pa'o/ /mgul par 'dab ma bcu drug pa'i steng du aoM yig steng du bltas pa'o/ /snying gar 'dab ma brgyad pa'i steng du thur du phyogs pa'i hUM yig go/ lte bar 'dab ma drug cu rtsa bzhi pa'i steng du phyogs pa'i aoM yig bsam mo/ /de nas dam tshig sems dpa' dang 'dra ba'i ye shes sems dpa' spyan drangs te/ dzayig las byung ba'i 'od zer de rnams kyis/ de bzhin gshegs pa thams cad kyi rang bzhin ce ru ka spyan drangs te/ mchod pa byas la/ de bzhin gshegs pa thams cad kyis bdag la dbang bskur du gsol zhes gsol ba gdab so?/ de nas de rnams kyis bdud rtsi lnga yig gang ba'i nor bu'i bum ba dag gis dbang bskur ba dang/ bdag la mi bskyod pa'i cod pan du bsam mo/ /de nas rnal 'byor ma thams cad kyis tshogs kyi rang rang gi byang chub kyi sems la sogs pas rdzas kyi mchod pa bya'o/ /de nas mche ba gtsigs pa 'jigs chen po/ /rgyu? ma'i me tog phreng bas brgyan/ /sha chen po dag gsel mdzad pa/ he ru ka dpal bdag phyag 'tshal zhes bya ba 'des bstod do/ /de nas nam mkha' la hUM yongs su gyur pa las rdo rje'o/ /de'i 'og tu yi ge Ami dbang ba dang/ de'i rdzas rnams bsdus pa dang/ smin nas khu bar byas te/ de bzhin gshegs pa thams cad kyi gzugs ston pa'i ye shes kyi nyi mar byed de/ ye shes gyi sa bon de'i 'od zer rnams kyis de bzhin gshegs pa thams cad kyi ye shes gyi bdud rtsi bkug ste/ dngos po rnams dang lhan cig tu byis nas/ aoM Ade nas snying ga'i 'od nyi ma la rdo rje'i lte bdag nas pa'i hUM yig ye legs par bskor nas gnas pa'i/ aoM trai lobyA k+She pa hUM hUM hUM phaT swAhA zhes bya ba'i yi ge bcu gnyis pa'i sngags kyi phreng ba mar me'i phreng ba bzhin du 'bar ? yid kyis mngon par bris la/ rim pa brjod bzhin pa bzhin du rgyun mi 'chad par bzlas pa bya'o/ /gung dang phyi dro'i thun mtshams ni yud tsam gyis dpal he ru ka'i gzugs su byas te/ de nas mig la sogs pa rnam par dag pa dang/ 'khor bzhi bsgom pa dang/ mchod pa dang/ bstong pa dang/ bdud rtsi myang ba la sogs pa bya'o/ /'jig rten gsum 'phen dpa' po ya/ sgrub pa'i thabs mchog byas pa las/ /bsod nams gang zhig grub pa des/ /'gro kun rdo rje 'dzin gyur cig/ kye rdo rje phyag gnyis pa'i sgrub thabs rdzogs so/ / //mkhas pa chen po tA ra sh+ri'i zhal snga nas mdzad pa/ bal po'i paN+Di ta su ma ti kIr ti dang/ bod kyi lo tsa ba mar pa chos dbang gis bsgyur ba'o// //rgya gar skad du/ he badzra sya She ka niShtsa ya nA ma/

CLOSE WINDOW