བོད་ཡིག

e-texts based on the ACIP/ALL Input

/ //rgya gar gyi mkhan ... po ga ya d+ha ra'i zhal snga nas dang/ bod kyi lo tsA ba dge slong shAkya yais kyis bsgyur cing zhus te gtan la phab pa'o/ / //rdo rje dra ba'i dka' 'grel rgyas pa zhes bya ba bzhugs so// //*/ /rgya gar skad du/ DA ki nI badzra dzA li pany+dza ra tan+t+ra rA dza sya tat+tA pauSh+Ti ka bany+dzi kA nA a/ bod skad du/ rgyud kyi rgyal po mkha' 'gro ma rdo dra ba'i dka' 'grel de kho na nyid rgyas pa zhes bya ba/ thugs rje chen po 'phags pa spyan ras gzigs dbang phyug la phyag 'tshal lo/ /rlabs tshogs g.yo ba'i mtsho yi chu ni chu skyes dmar po'i steng gnas dang pa yi/ /phreng bas brgyan ltar gang gi phyag rnams thod pa'i phreng bas shin tu mdzas byas la/ /'phral gyi char sprin lta bur sdo zhing lcug ma'i nags bzhin bcu drug phyags gis gnas/ /mche ba dang bcas zhal dang sku ru ldan pa'i gar mdzad de la rab 'dud cing/ /zab cing shin tu gting dpag dka' la don dam rin po che yi gnas su gyur pa yi/ /dam pa'i chos kyis gzhung lugs rtogs par nus pa'i rnam dag blo dang ldan pa gang/ / bshes gnyen dam pa'i zhabs kyi pad+mar gus phyag 'tshal te yang dag rig pa las/ /de kho na nyid dran par bya phyir de nyid rab gsal dka' 'grel bri bar bya/ /mkha' dang zhes bya ba la sogs pa la/ mkha' zhes bya ba ni par ma'i rang bzhin te/ rig pa bzhi'i chos 'byung ba'i phyag rgya kha dog dkar po gru gsum pa smad zhum zhing stod yangs pa sna tshogs rdo rje pad+mas nang mtshan pa'o/ /bems po zhes bya ba ni sa'i dkyil 'khor te/ kha dog ser po gru bzhi la grwar rdo rje rtse gsum pas mtshan pa lam las byung ba'o/ /dang bzhes bya ba ni chu'i dkyil 'khor te kha dog dkar la zluM ba buM pas mtshan pa baM las byung ba'o/ /go skabs ces bya ba ni khyad par rgyu zhing skabs med pas na glung gi dkyil 'khor te/ kha dog dud kha gzhu lta bu rgyal mtshan gyis mtshan pa yaM las byung ba'o/ /gsal bzhes bya ba ni bla na med pa'i ye shes kyi 'od 'bar ba'i ngo bo nyid kyi phyir me'i dkyil 'khor te/ kha dog dmar po gru gsum 'bar bas mtshan pa raM las byung ba'o/ /sna tshogs zhes bya ba ni dkyil 'khor bzhi'i 'og na gnas pa'i sna tshogs pad+ma'o/ /rdo rje'i gzhi zhes bya ba ni rdo rje'i mchog thams cad kyi rten gyur pa'i sna tshogs rdo rje'o/ /gnas khang zhes bya ba ni khang bu brtsegs pa ste/ b+h+ruM dang 'khor lo las byung ba'i rnam par snang mdzad kyi ba spu'i bu ga nas byung ba'i bdud rtsi'i rgyun gyis 'byung ba chen po bzhi zhu ba las gyur pa'o/ / sems can khams zhes bya ba ni de nyid de/ sangs rgyas dang byang chub sems dpa' i tshogs 'phro bas yongs su gang ba'i phyir ro/ /yang de'i nyid ni yid du 'ong ba zhes kyang bya sti shin tu bzang zhing gsal ba'i rin po che rnams las bsgrub pa'i phyir ro/ /yang ni de nyid gzugs la sogs pa'i yul rnams kyis yongs su gang bas na yid 'ong ba'o/ /de dag gis ni 'di skad du chos 'byung ba'i nang du son pa'i sna tshogs rdo rje dang pad+ma la gnas pa khang bu brtsegs pa bsgom par bstan pa'am/ gzhal yas khang lnga'i nang ngo/ /kha cig ni 'og nas 'byung ba'i rgyud kyi rim pas bdag med pa'i dkyil 'khor gyi 'khor lo ston par byed do zhes zer ro/ /mkha' zhes bya pa ni sangs rgyas thams cad yang dag par sdud par byed pa'i bdag med pa'o/ /bems po zhes bya ba ni sa'i khams kyi rang bzhin puk+ka sI'o/ /dang ba zhes bya ba ni chu'i khams kyi rang bzhin sa ba rI'o/ / go skabs med ces bya ba ni rlung gi khams kyi rang bzhin Dom+bi? nI'o/ /gsal ba zhes bya ba ni ma'i khams kyi rang bzhin tsanDa lI'o/ /sna tshogs zhes bya ba ni lus dang longs spyod gnas su gnang ba'i kun gzhi rnam par shes pa yongs su gyur pa'i me long lta bu'i ye shes dang/ gzugs kyi rang bzhin rdo rje ma'o/ /rdo rje'i gzhi zhes bya ba ni/ rdo rje rnams kyi brten te/ sangs rgyas thams cad kyi mnyam pa nyid kyi ye shes dang/ tshor ba'i rang bzhin nang gi gau rI ma'o/ /gnas khang zhes bya ba ni gzung ba gzugs la sogs pa'i rang bzhin gyi gnyen po rnam par rtog pa thams cad thim par gyur ba'i so sor rtog pa'i ye shes dang/ 'du shes kyi rang bzhin pa ri DA kI nI'o/ /sems can khams zhes bya ba ni gdul bya'i sems can gyi khams sna tshogs gdul bar byed pa'i bya ba nan tan gyi ye shes dang 'du byed kyi rang bzhin badzra DA kinI'o/ /yid 'ong ba zhes bya ba ni de bzhin gshegs pa thams cad kyi dkyil 'khor yid du 'ong zhing dgug par byed pa ste/ dad pa dang gzugs kyi skye mched kyi rang bzhin gau rI ma'o/ /sems can zhes bya ba de dag 'jug pa ste/ brtson 'grus dang sgra'i skye mched kyi rab bzhin tsau rI'o/ /snong ces bya ba ni gnas su skyed cing 'ching ba ste/ dran pa dang/ dri'i skye mched kyi rang bzhin be t+tA lI'o/ /'jig rten zhes bya ba ni don sna tshogs la lta zhing mnyes par byed pa ste/ ting nge 'dzin dang/ ro'i skye mched kyi rang bzhin g+ha sma rI'o/ /sa 'og sa steng sa bla zhes bya ba la/ sa 'og ni reg bya'i skye mched kyi rang bzhin sa 'og na rgyu ba'o/ /sa steng ni rnam par shes pa'i phung po'i rang bzhin te/ slar yang bdag med ma nyid de bstan pa'o/ /sa bla zhes bya ba ni chos kyi skye mched kyi rang bzhin mkha' la rgyu ma'o/ /bar zhes bya ba ni logs su rgyu ba ma yin gyi steng dang 'og tu 'gro ba zhes bya ba'i bar du'o/ /des ni bdag med ma'i 'khor lo bstan to/ /yang gong du thal ba'i 'phro bshad par bya ste/ sems can snod kyi 'jig rten dang zhes bya ba ni kun gzhi rnam par shes pa gnas gyur pa ste/ de la snod ces bya ba ni gnas su snang ba yongs gyur pa'i khang bu brtsegs pa bshad pa nyid do/ /sems 'jig rten zhes bya ba ni rtag pa ste/ byang chub sems dpa' la sogs pa'i lus ngang longs spyod du snang ba gnas gyur pa'i me long lta bu'i ye shes kyi rang bzhin no/ /sa 'og sa steng sa bla ngang zhes bya ba ni skam ba ma ste/ sa 'og dang sa stengs dang sa bla na gnas pa'i gdug pa rnams kyi mgrin pa 'don pa'i phyir ro/ /bar dang zhes bya ba ni zhags pa ma ste/ gdug pa rnams btsal nas nang du 'chid bar byed pa'i phyir ro/ /yid ces bya ba ni 'tshod pa ma ste/ gdug pa rnams bsal nas 'jig rten dag pa'i yid kyi yang dag pa'i dra bas bsdams pa'i phyir ro/ /lus zhes bya ba lcags kyu ma ste/ gdug pa'i lus phugs nas 'gugs pa'i phyir ro/ /dag ces bya ba me tog ma ste/ byang chub kyi yan lag la dam pa'i me tog gi za ma tog 'bul pa'i gsung rab kyi ngo bo nyid yin pa'i phyir me tog ma'o/ /gcig ces bya ba ni bsdug sngos ma ste/ chos/ thams cad zag pa med pa'i bdug pas gcig tu slon pa'i phyir ro/ /gnyis zhes bya ba ni mar mi ma ste/ snying rje'i snum las byung ba'i gnyis su med pa'i ye shes kyi sgron ma ma ste/ gnyis kyi rab rib bzlog nas sangs rgyas kyi yon tan snang bar byed par phyir ro/ /mkha' bde zhes bya ba ni byug pa ma ste/ nam mkha' ma lus par rgyas pa'i bla na med pa'i dbyings kyi dri la dga' zhing grags pa'i rang bzhin yin pa'i phyir ro/ /rtag pa'i dkyil 'khor pa rnams so/ /drug dang lnga dang zhes bya ba ni/ rdo rje nyi ma ste/ nga rgyal la sogs pa'i nyon mongs pa drug dang/ sgrib pa lnga'i gnyen po mnyam pa nyid kyi ye shes kyi rang bzhin yin pa'i phyir ro/ /drug gnyis zhes bya ba ni lag na nyi ma ma ste/ nyi ma bcu gnyis bsdus pa'i snang bas ma rig pa'i mun nag zlog par byed pa'i phyir ro/ /bzhi zhes bya ba ni rnal 'byor bzhi'i ye shes kyi snang bas rnam par rtog pa'i rab rib sel bar byed pa'i phyir ro / 'gro ba rnams zhes bya ba ni rin chen sgron ma ste/ 'gro ba rnams kyi mun pa'i dra ba 'joms par byed pa'i phyir ro/ /nyi shur gcig gis ma tshang ba zhes bya ba ni lag na glog 'dzin ma ste khams bcwo brgyad dang gang zag tu 'dzin pa ste/ rnam par rtog pa bcu dgu'i chu po gnyis su med pa'i ye shes kyi snang bas sel bar byed pa'i phyir ro/ /khams gsum po ni ma lus dang/ zhes bya pa ni sgeg mo ste/ khams gsum ma lus pa thams cad la pha rol par ston pa'i phyir ro/ /pha zhes bya ba ni phreng ba ma ste/ nyon mong pa la sogs pa rnams kyis bcing ba las skol pa'i phyir dang/ don dam pa'i rin po che la rol cing 'dzin pa'i phyir ro/ /bu ga zhes bya ba ni gla mkhan ma ste/ thar pa'i grong khyer du 'jug par mdzad cing bla na med pa'i chos ston pa'i dbyangs kyis skyob pa'i phyir ro/ /ma zhes bya ni gar mkhan ma ste/ gar gyi phyag rgya bskyong pa yis bdud kyi rgya mtsho las grol ba'i phyir ro/ rdo rje nyi ma'i dkyil 'khor ba rnams so/ /phyi rol don zhes bya ba ni bcom ldan 'das pad+ma gar gyi dbang phyug ste/ gzung ba la sogs pa'i rnam par rtogs pas bcings shing mnan nas ngon rnams la gzigs pa'i so sor rtog pa'i ye shes kyi rang bzhin yin pa'i phyir ro/ /nang dang zhes bya ba ni lag na pad+ma ma ste/ snying rje chen po'i 'dod chags chen pos nang zhes bya ba pad+ma'i bdag nying ston pa'i phyir ro/ /btsun mo kun gyi chos dang ni zhes bya ba ni lag na chos 'byung ma ste/ bde ba chen po spel bar bya ba'i phyir chos 'byung bas snams pa'o/ /las rnams thams cad ces bya ba ni lag na lcags sgrogs ma ste/ sangs rgyas dang byang chub sems dpa' thams cad byams pas 'ching ba'i las byed pa'i phyir ro/ /bdag med ma zhes bya ba kun tu 'khyud ma ste/ chos thams cad bdag med par bstan pa dang/ sangs rgyas rnams la chags pas rjes su 'ching ba'i phyir bdag la kun tu 'khyud bar ston pa'i phyir ro/ /'bras bu zhes bya ba ni gling bu ma ste/ bu ga dang ldan pa'i gling bu 'bud pa'i phyag rgyas chos rnams stong pa nyid du dral ste/ ston pa'i phyir ro/ /rgyu zhes bya ba pi wang ma ste skye ba dang 'gag pa la sogs pa'i sgras 'dod chags la sogs pa bsal zhing dor bar bya ba nying du ston pa'i phyir ro/ /bya bar grags zhes bya ba ni rdza rnga ma ste/ rdza rda'i kha gcig la rdung ba'i tshul gyis bdag med/ ba'i byang chub tu bya ba ston pa'i phyir ro/ /bsgrub bya sgrub thabs rdo rje can zhes bya ba ni rnga chen ma ste mgrin par btags nas lag pa gnyis rdung pa'i tshul gyis rgyu dang bcas pa'i sku gsum snon pa'i phyir ro/ /pad+ma gar gyi dbang phyug gi dkyil 'khor ba rnams so/ /'di ltar kun gzha rnams shes 'gyur zhes bya ba ni/ bcom ldan 'das 'du byed kyi phung po'i rang bzhin rta mchog ste/ kun gzhi rnam par shes pa ltar bya ba nan tan gyi ye shes kyis sku sna tshogs sprul zhing rnam par rtog pa bcom pa'i phyir ro/ /chos kyi dbyings zhes bya ba ni rdo rje sgo lcags ma ste/ zag pa med pa'i dbyings kyis thams cad mkhyen pa'i ye shes srung bar byed pa'i phyir ro/ /ma byung dang zhes bya ba ni lde kyog 'dzin ma ste ye shes gzung nas de'i sgo bcad pas nyon mongs pa la sogs pa'i rtog pa 'jug par mi byed pa'i phyir ro/ /sems can khams zhes bya ba ni rdo rje sgo glegs ma ste/ sems can gyi khams ltar ye shes skyes pa mi 'dor ba dang nyes pa rnams kyi skabs mi 'byed pas thog ma dang tha ma med pa'i phyir ro/ /nam mkha' i khams zhes bya ba ni rdo rje yol ba ma ste/ rang gi 'od kyis btsun mo rab tu bsrung ba'i phyir nam mkha' i dbyings su khyab pa'i yol ba 'dzin pa'i phyir ro/ /bdag med ces bya ba ni sangs rgyas spyan ma ste/ sangs rgyas thams cad sems can gyi bdag nyid kyis me long lta bu'i ye shes kyi chos yin pa'i phyir ro/ /bdag nyid tha snyad ces bya ba ni mA ma kI ste/ gnyis po rnam par spyod na/ gnyis med pa ni tha snyad yin la/ de 'di la yod pas na bdag gis tha snyad can te/ de gnyis pa'i chos yin pa'i phyir ro/ /dngos dang bral ba zhes bya ba ni gos dkar mo ste/ gnyis kyi dngos po rnams stong pa nyid kyi rnam par dpyad na rtog pa dang bral ba'i chos nyid pa'i phyir ro/ /dngos med pa zhes bya ba ni sgrol ma ste/ sangs rgyas kyi sprul pa sna tshogs kyis 'jig rten gyi khams ma lus pa rnams su cho ston pa 'gro zhing sgrib pa'i dngos po dang bral ba'i chos nyid yin pa'i phyir ro/ /rta mchog gi dkyil 'khor pa rnams so/ /bde ba zhes bya ba ni kau rI ste/ bde ba chen po'i rang bzhin ye shes kyi dkyil 'khor yin la /de dang pas srung zhing 'gugs par byed pa'i phyir ro/ /gru gsum la zhes bya ba ni tsau rI ste/ de la kha cig na re khams gsum zil gyis gnon pa'i gzugs ston par byed pa zhes zer ro/ /ye shes kyi dkyil 'khor gyi gru ni gnyis su nges pa yin la/ gru gcig tu nges pa yin na ni / de la goms par 'dzin pa'i phyir ro/ /yang na brtson 'grus kyis lus la sogs pa la sku la sogs pa 'dzud pa'i phyir ro/ /rdul med ces bya ba ni dran pa'i rang bzhin ni ro langs ma ste/ rdul ni dam tshig dang ye shes kyi rtog pa yin la/ gnyis po stong pa nyid kyi dra pas lcags sgrog gis gcig tu byed pa'i phyir ro/ /skyon bral zhes bya ba ni g+ha sma rI ste/ rdo rje dril bu'i sgras 'bebs par byed cing ting nge 'dzin gyi rang bzhin gyis rnam par g.yeng pa'i skyon thams cad bsal ba'i phyir ro/ rdul bral zhes bya ba ni puk+ka sI ste/ sbyin pa'i pha rol tu phyin pa dang/ snying rjes ser sna dang/ /sngar ba'i nyes pa bsal ba'i phyir te/ sa dang po rab tu dga' ba dang/ sa'i khams kyi rang bzhin no/ /sdig bcom zhes bya ni sa ba rI ste /tshul khrims dang/ byams pas tshul khrims 'chal pa dang/ mi rtse ba'i sdig pa bcom pa'i phyir te/ sa ji ma med pa dang/ chu'i khams kyi rang bzhin no/ /khro gnyer med pa zhes bya ba ni tsaN+Da lI ste/ dga' ba dang/ bzod pas rnongs shing zhum pa dang/ /khro ba'i gnyer ba bsal ba'i phyir te/ sa 'od byed pa dang/ me'i khams kyi rang bzhin no/ /mnyam gzhag pa zhes bya ba ni Dom+ba nI ste/ btang snyoms dang/ brtson 'grus kyi pha rol tu phyin pas snyoms las dang rnam par g.yeng ba bcom pa'i phyir te/ sa 'od 'phro ba can dang mngon par 'du byed pa med pa'i rang bzhin no/ /nang gi bde mchog rig pa zhes bya ba ni he ru ka ste/ nang gi ni 'jig rten dang 'jig rten las 'das pa'i dngos po rnams yin la de'i bde ba ni rab tu zhi zhing mi 'gyur bar dbang du gyur pa'o/ /mchog ni mdzes shing yid du 'ong ba ste/ de rig pa'i ngang tshul 'di la yod pas na nang gi bde ba mchog rig pa'o/ /dpal he ru ka'i dkyil 'khor ba rnams so/ /'khor los sgyur ba lnga po de dag nyid slar yang bston pa'i phyir gsang ba zhes bya ba la sogs pa smos te/ gsang ba zhes bya ba ni dben pa ste/ shin tu rnam par dag pa'i chos kyi dbyings kyi ye shes te/ sna tshogs 'di dag gnyis kyi stong pa las byung ba'i phyir gsang ba'am/ 'dod chags la sogs pa nyon mongs pa'i rtog pa bor zhing btang bas gsang ba ste/ de la gnas pa yin pa'i phyir ro/ /de nyid ni he ru ka ste/ de'i gnas pa yang de skad ces bya'o/ /mchog ces bya ba ni dag pa 'jig rten pa'i ye shes kyis gzhal zhing yongs su bcad nas nges par byas pa ni so sor rtog pa'i ye shes te/ de nyid ni pad+ma gar gyi dbang phyug ste/ de'i gnas la yang de skad ces bya'o/ /dgyes pa zhes bya ba ni sangs rgyas thams cad kyi mnyam pa nyid kyi ye shes kyis des mnyam nyid du rol cing rtogs pa'i phyir de nyid ni rdo rje nyi ma ste/ de'i gnas la yang de skad ces bya'o/ /thams cad bdag nyid ces bya ba ni bya ba nan tan gyi ye shes te/ sangs rgyas thams cad kyi sprul pa'i sku'i bdag nyid yin pa'i phyir ro/ /de nyid ni rdo rje rta mchog ste/ de'i gnas la yang de skad ces bya'o/ /de rnams kun kyang bdun pa'i don gyi mdza' can bsgyur bar byas la/ dang po'i mdza' can du rtogs par bya'o/ /rtag tu bzhugs zhes bya ba ni sku gsum gyis mi g.yo bar bzhugs pa ste/ chos kyi sku'i rang bzhin gyis brtags pa'o/ /longs spyod rdzogs pa'i sku ni nyams pa med par bzhugs pas rtags pa'o/ /sprul pa'i sku ni rgyun mi 'chad pas rtags pa'o/ /sangs rgyas dngos zhes bya ba ni me long lta bu'i ye shes te/ sangs rgyas thams cad kyi lus dang longs spyod dang gnas kyi rang bzhin yin pa'i phyir ro/ /de nyid rtag pa ste de'i gnas la yang de skad ces bya'o/ /sems dpa' chen po zhes bya ba ni rdo rje sems dpa' ste/ shes bya'i rang bzhin gyis so/ /'di ni zhes bya ba ni 'di la ste rtag tu da ltar byung bas so/ /rang byung zhes bya ba ni don dbang rgyu la sogs ba med pa'i phyir ro/ /bcom ldan 'das zhes bya ba la b+ha ga ni dbang phyug la sogs pa drug ste/ de 'di la yod pas na bcom ldan 'das so/ /de skad du/ dbang phyug dang ni gzugs bzang dang/ /dpal dang grags dang ye shes dang/ brtson 'grus phun sum tshogs ldan pa/ /drug po 'di dag bcom bar bshad ces so/ /gcig pu zhes bya ba ni gnyis med pa ste/ chos kyi sku'i tshul gyis so/ /lhag pa'i lha zhes bya ba ni lhag par gyur pa'i lha ste/ longs spyod rdzogs pa dang sprul pa'i sku'i tshul gyis so/ /'bum phrag lnga po he badzra zhes bya ba ni sngar bshad pa'i rgyud rgyas pa'o/ /dkyil 'khor lnga ba zhes bya ba ni 'bum phrag lnga mdor bsdus pa'i rgyur kyi dkyil 'khor lnga po gtso bor gyur bas mkha' 'gro ma rdo rje dra ba zhes bya bar bstan pa'o/ /de nyid kyi phyir 'di skad bdag gis thos pa zhes bya ba la sogs pa rgyud 'dir ma smos te/ rgyud rgyas pa la bltos pa'i phyir ro/ /snying khar g.yon bcangs sdigs mdzub ste/ /sna tshogs kha dog cher 'bar ma'o/ /zhes bya ba ni dkar po la sogs pa'i kha dog dang ldan pa ste/ kha dog de dag kyang bsdus pa'i dkyil 'khor la ston par 'gyur ro/ /shin tu gti mug che zhes bya ba la gti mug ni bag chags dang bcas pa'i kun gzhi rnam par shes pa yin la/ de shin tu gnon pas na shin tu ste/ sems can gyi mtshan nyid zag pa med pa'i dbyings kyi rang bzhin me long lta bu'i ye shes so/ /de nyid kyi gti mug de gnod pa'i phyir chen po yin no/ /shin tu gzi brjid che zhes bya ba la/ gzi brjid ni nga rgyal la sogs pa'i nyon mongs pa drug go/ de sangs rgyas thams cad mnyam pa nyid kyi ye shes kyis gnod pas na shin tu gzi brjid de de nyid kyi phyir gzi brjid chen po'i/ /shin tu 'dod chags 'dod chags che zhes bya ba la/ 'dod chags ni yul rnams la zhen pa ste/ de so sor rtog pa'i ye shes kyi gnod pas na shin tu ste/ de nyid phyir 'dod chags chen po yang yin no/ /phrag dog chen po sgrib pa zhes bya ba la rang gi ngo bo nyid rtogs pa'i phyir dang/ sku gsum thugs kyi sprul pas 'khor ba ji srid par bzhugs shing mi gnas pa'i mya ngan las 'das par gyur pa na/ phra dog chen po sgrib pa che zhes bya ba ste/ bya ba nan gyi ye shes so/ /rnam par rtog pa'i rab rib 'phrog ces bya ba ni bdag tu lta ba'i rab rib bo/ /theg pa gzhan ni rnam par spangs zhes bya ba ni nyan thos la sogs pa'i mya ngan las 'das pa la bzlog pa'i phyir ro/ /mi bskyod ye shes las byung ba zhe bya ba la/ nyon mongs pa'i rtog pas mi g.yo bas na/ shin tu rnam par dag pa'i chos kyi dbyings kyi ye shes ni mi bskyod ye shes so/ /'byung ba ni de las skyes pa'o/ /skye 'gro mi thad don gnyen phyir zhes bya ba la 'gro ba ni sangs rgyas rnams te mi zad pa ni 'bri ba med pa'o/ /de rnams kyi ci zhig ce na/ mgron du gnyer ba ste bsten cing ri mor bya bas na mgron ni mthar phyin pa'i shes rab yin la de srungs bas na gnyer ba ni shes rab dang snying rje chen po'o/ /de nyid ni don te dgos pa zhes bya ba'i bar du'o/ /sgrib pa lnga ni 'joms pa'o zhes bya ba ni don dang sems can dang/ bdag dang rnam par rtog pa dang 'du byed dang 'jug pa'i rnam par shes pa lnga po 'joms pa ste/ de la don dang sems can gyi don rnam par rtog pa 'joms pa ni me long lta ba'i ye shes so/ /bdag tu lta ba 'joms pa ni mnyam pa nyid kyi ye shes so/ /gzung ba dang 'dzin pa'i rnam par rtog pa 'joms pa ni/ so sor rtog pa'i ye shes so/ /'du byed ni sems rnam par g.yeng ba nyid de/ de 'dzems pa ni bya ba nan tan gyi ye shes so/ /'jug pa'i rnam par shes pa rnam pa lnga 'dzems pa ni/ chos kyi dbyings shin tu rnam par dag pa'i ye shes te 'joms pa ni bcom pa las gyur pa'o/ /dbang po gang dang gang lam nas zhes bya ba ni/ dbang po rnams kyi yul gad dang gang rnyed pa ste mngen sum du bya ba zhes bya ba'i don to/ / mchog tu phan pa'i rnal 'byor gyi zhes bya ba la/ mchog ces bya ba ni sangs rgyas thams cad kyis mngon par shes pa'i rang bzhin gyis so/ /phan pa zhes bya ba ni lhun gyis grub par 'jug pas so/ /rnal 'byor zhes bya ba ni shes rab dang thabs kyi rang bzhin gyi so/ /ce ste gzung ba dang 'dzin pas snang bas 'khrul pa'i rang bzhin 'ba' zhig yin no snyam du dogs pa la/ sangs rgyas kun gyi rang bzhin 'jug ces bya ba smos te/ sangs rgyas thams cad kyi ye shes gnyis kyis stong pa nyid kyis gang dang gang nyams su myongs pa de dang de/ brdzun pa nyid du yongs su gcod pas 'khul ba med pa kho na'o/ /zhes bya ba'i don to/ /dngos po gang dang gang gis ni/ zhes bya ba ni rigs gang dang gang gis don zhes bya ba'i don to/ /sems can rnams kyi rigs 'dod chags dang zhe sdang dang/ gti mug dang nga rgyal dang phrag dog dag gi rigs lnga'i bye brag gis so/ /de nas de'i rang bzhin 'gro zhes bya ba ni des byang chub kyi rigs lngar 'gyur pa'o/ /sna tshogs gzugs can nor bu zhes bya ba ni nor bu shes sgod ste/ mja' ba' i me tog la sogs pa'i kha dog nye bar pa sgyur tu rung ba'i phyir ro/ /thugs kyi rdo rje las byung zhes bya ba ni rdo rje lta bu'i ye shes las skyes pa'i phyir ro/ /rang gi rnam rtog ces bya ba ni bdag tu 'dzin pa la sogs pa'i lta ba ste/ gnyis brtags pa'i phyir ro/ /rnam dag ces bya ba ni blo bur gyi dri ma rnam par bral ba'o/ /sems dag pa ni bde ba yin zhes bya ba ni/ dri ma gsum spangs pa las zag pa med pa'i bde ba chen por 'gyur ba'i phyir ro/ /ci ste mdog dang mchan ma la sogs pa'i spros pas grol ba'i thabs su ci ltar 'gyur snyam du dgongs nas gal te stong thabs yin na/ zhes bya ba la sogs pa smos te/ gal te thabs dang bral ba'i stong pa 'ba' zhig lam du 'dong na de'i tshe bskal ba bye bas kyang sangs rgyas nyid du mi 'gyur te/ nam mkha' mdza' yas skye mched la sogs pa zhi ba'i 'bras bu nyid kyis mi khom pa thob par 'gyur ro/ /'di ni pha rol tu phyin pa'i lugs las kyang 'dod pa ma yin te/ pha rol tu phyin pa lnga'i thabs dang ldan pa'i shes rab kyi pha rol tu phyin pa bsgom par bya'o/ /thabs dang bral ba'i shes rab 'ba' zhig gis ni ma yin no/ / zhes bya ba la sogs pa'o/ /ci ste stong pa de nyid lam gyi gnas skabs na ni thabs yin la/ smin pa'i gnas skabs na ni 'bras bu yin no snyam du sems na/ rgya la zhes bya ba la sogs pa smos te/ de'i tshe lam dang smin pa gnyis kyi stong pa nyid la bye brag med pa'i phyir 'bras bu 'dod pa bzhin du stong pa nyid thabs ma yin par 'gyur ro zhes bya ba'i don to/ /rgyu ni spros pa'i ngo bo nyid de dmigs pa dang bcas pa'i phyir ro/ /'bras bu ni spros pa med pa'i ngo bo nyid de dmigs pa med pa'i phyir ro/ /de'i phyir rgyu dang 'bras bu tha dad par grub bo/ /de'i phyir thabs ni stong pa nyid 'ba' zhig ma yin par grub pa'o/ /'o na ci'i phyir stong pa nyid gsungs snyam du sems na/ phyin ci log bzlog pas thabs kyi yan lag nyid du bstan pa'i phyir lta ba las ni log pa rnams zhes bya ba chos la bdag med pa la sogs pa lta ba log cing mi mthun pa'o/ /bdag tu lta ba 'tshol rnams kyis/ zhes bya ba ni bdag tu lta ba 'tshol ba ste/ bdag tu 'dzin pa la mngon par zhen pa ste/ de rnams kyi bdag tu 'dzin pa'i lta ba bzlog pa'i phyir stong pa nyid rgyal bas gsungs so zhes bya ba'i don to/ /ci ste pha rol tu phyin pa'i tshul las shes rang kyi pha rol tu phyin pa'i thabs kyis zin pa'i pha rol tu phyin pa lnga bskal pa grangs med pa gsum du spyod cing mgo sbyin par btang ba la sogs pa dka' ba'i spyod pa sna tshogs kyis byang chub 'grub par bstan pa yin na/ dkyil 'khor 'khor lo la sogs pa'i thabs kyi ci bya zhe na/ de'i phyir dkyil 'khor 'khor lo zhes/ /thabs ni bde ba'i sdom pa ste/ zhes bya ba la sogs pa smos te/ de'i phyir zhes bya ba ni 'khor dang bcas pa'i pha rol tu phyin pa lnga de dag nyid lha'i dkyil 'khor gyis 'khor lor bsdus pa thabs yin te/ bde ba'i thabs zhes bya ba ni dka' ba'i spyod pa ma yin pa'o/ /sdom pa zhes bya ba ni/ bde ba nyid du bstan pa ste/ 'dod pa'i nye bar skyed pa thams cad la spyod cing dbang po gnyis kyi bde ba nyams su myong ba dang ldan pa'o/ /sangs rgyas nga rgyal zhes bya ba ni tha mal pa'i nga rgyal dang bral ba'o/ /myur du zhes bya ba ni tshe 'di nyid la/ ci ste sangs rgyas kyi sku chos kyi sku rnam pa med pa'i tshul gyis bsgom par bya ba 'am zhe na/ sum cu rtsa gnyis zhes bya ba la sogs pa smos te/ thabs ni sku gsum gyi gzugs can gyi ting nge 'dzin gsum gyi rang bzhin gyi gnas par bstan to/ /rnam pa thams cad kyi mchog ces bya ba la sogs pa la rnam pa thams cad kyi mchog ni dam pa ste/ stong pa nyid kyi rang bzhin no/ /rgya tsha ba ni thabs che ba'i rang bzhin no/ /nges sems can rnams 'khor los sgyur pa lnga la 'jug pas na sems can 'jug pa'o/ /de gsal bar byed pas na le'u dang po'o/ /mkha' 'gro ma rdo rje dra ba'i dka' 'grel de kho na nyid gsal ba las/ le'u dang po'i rnam par bshad pa'o/ / //de nas zhes bya ba ni le'u dang po'i rjes thogs la'o/ /'jig rten gsum thobs ces bya ba ni sa gsum mo/ /de la 'di'i dgongs pa ni pho brang khang bu sum brtsegs dad ldan ba'o/ /dam tshig mchod pa zhes bya ba ni rang rang gi 'khor los sgyur ba'i dbye bas phye ba'i ji ltar rig pa'i mchod pas rdzas rnams las 'da' bar mi bya'o/ /kun tu bzang po'i sa bon bdag ces bya ba ni sa bon hUM las bskyed pa'o/ bgreng ba nyid ces bya ba ni sdigs mdzub kyis gsod par 'jam pa ste g.yon pa'i sdigs mjub ces pa'i don to/ /gnyis bo dag gis phyag rgya sbyor zhes bya ba ni rdo rje bcing ba byas nas srin lag gnyis sgrog tu sprel la mthe bong gnyis kyis gung mo'i sen mo gnyis mnan nas mdzub mo gnyis bkan te cung zad dgug pa ni rin po che'i tshul du byas nas/ snying gar bzhag pa'o/ /gnod sbyin mo dang klu mo dang zhes bya ba la gnod sbyin mo bsgrubs pas gser gyi stegs bu la sogs pa yi ge khrim gi 'od zer gyis bgug la bcug ste/ gnod sbyin mo mdogs ser mo gdugs dkar po thogs pa/ bskal ba'i me lta bu gshin rje mthar mdzad kyi mgo bor mnan cing khrim gis snying gar mtshan pa bsgom par bya'o/ /klu mo la ni yi ge nam gis so/ /stobs chen ting nge 'dzin la gnas nas zhes bya ba la sogs pa la/ pad+ma 'dab ma brgyad ces bya ba ni 'og nas gyur ba'i drag shul gyis bsgrub pa'i don du rlung dang me dang/ chu la sogs pa'i rim gyis klu'i dkyil 'khor bris par pad+ma 'dab ma brgyad par 'dab ma'i mdog rnams phyogs kyi klu brgyad kyi mdog ltar bris pa'o/ /klu brgyud ces bya ba la sogs pa la/ shar du ni mdza' yas nag po/ lhor ni nor rgyas dkar po/ nub tu 'jog po dmar po/ byang du stobs kyi rgyu sngon po/ me mtshams dang bden bral gyi mtshams su ni pad+ma dang pad+ma chen po ser skya'o/ /rlung mtshams su ni dung skyong ser po'o/ /dbang ldan du ni rigs ldan kha dog sna tshogs bsgom par bya'o/ /rdo rje mkha' lding gdan du mdzad ces bya ba ni de rnams kyis mjug ma gang las skyes ba'i khyud gis rkang pa g.yon brkyad pas mnan cing bskal pa ma ltar 'bar zhing stobs po che'i rnal 'byor gyis de'i gdan la bzhugs pa'i klu'i bdag po zhes bya ba ni mdza' yas la sogs pa ste/ de dag nyid lag par bsam la/ hUM dag dang ni spel pa yis/ /yi ge phu yi sngags brjod bya zhes bya ba ni phreng sngags kyis mthar hUM phu hUM phaT ces brjod pa'o/ /rab tu bsgom zhes bya ba ni/ /nam mkha' i ngos la khro ba yis/ /'od kyis rmongs par gyur pa yi/ /klu rnams kyis chu'i tshogs 'bebs pas bsgoms pa'o/ /nges par char 'bab bo/ /sangs rgyas de nyid dbye bar bya/ /zhes bya ba ni sangs rgyas kyi rgyur gyur pa'i lam gyi de kho na nyid do/ /lhag ma ni go sla'o/ /don gyi khyad par gzhan ni bla ma'i man ngag las shes par bya'o/ /dag pa'i gnas zhes bya ba ni dam pa dang po la sogs pa'i gnas so/ /rdo rje lug gu rgyud ces bya ba la sogs pas ni drag shul gyis bsgrub pa'i phyir las dgug pa dang bcing ba la sogs pa bstan pa'o/ /mkha' 'gro ma bzhi zhes bya ba la sogs pa ni gau rI la sogs pa de dag nyid do/ /de dag gis ni 'di skad du ston te/ bsgom pa dang bzlas pa la zhen pa la yang spyan ras kyis mi 'tshon de'i tshe zla ba drug tsam du mchod pa thams cad kyis mchod la gsan par gsol te/ yang zla ba drug tu snying gar lcags kyus dgug pa la sogs byas nas zla ba gzhan la drag shul gyi phur pas gdab par ston par 'gyur ro/ /sangs rgyas gar mkhan zhes bya ba ni/ sangs rgyas rnams kyis gar mdzad pa'o/ /ci ste glu dang rol mo ngag 'khyal ba smra ba dang 'dra bar ston pas sdig pa nyid kyis ngan song du ltung bar mi 'gyur ram zhe na/ sangs rgyas gar mkhan rdo rje yis/ /'dod chags can gyi byang chub sgrub ces bya ba la sogs pa smos te sangs rgyas gar gyi rdo rje zhes bya ba'i ni phyag rgya dang byed pa la sogs pa'o/ /'dod chags can zhes bya ba ni yul la zhen pa rnams te 'dod pa la chags pa dang ldan pa'o/ /byang chub sgrub ces bya ba ni sangs rgyas nyid do/ /lag pa dang rkang ba dang lta stangs dang phyag rgya rnams kyis bsod nams ye shes bsog par mdzad pa ste ji ltar lcags la sogs pa'i gong bu chung yang chu'i nang du 'bying ba de nyid snod du byas na che yang steng du 'phyo bar 'gyur ba bzhin no/ /de bzhin du yang rdo rje'i gar la sogs pa ni 'dus byas pa'i phyag dang zhabs dang/ zhal yin pa'i phyir zhal cig dang phyag gnyis dang ldan par bya'o/ /rdo rje can zhes bya ba ni rdo rje gang la yod pa ni rdo rje 'chang ste kye'i rdo rje'o/ /de la g.yas kyi thod pa rnams nye bar bsdus pa ni rdo rje'o/ phyag g.yon pa'i thod pa rnams nye bar bsdus pa ni thod pa dang kha TwAM ga'o/ /de bzhin du bstan pa ni rtag pa'i g.yas su ni 'khor lo'o/ /nyi ma'i g.yas su ni rin po che'o/ /pad+ma gar gyi dbang phyug gi g.yas su ni pad+ma'o/ /rta mchog gi g.yas su na ral gri'o/ /g.yon pa rnams su kha TwAM ga dang thod pa'o/ /zhabs ni phyed krung bcas pa'i gar gyis bzhugs pa'o/ /phyag la sogs pa ji ltar bsdus pa bzhin du ma mo la sogs pa'i dkyil 'khor ba rnams kyang bsdus par bya ste/ gau rI la sogs pa bsdus pa ni mA ma kI'o/ /skam pa ma la sogs pa bsdus pa ni sangs rgyas spyan no/ /phyag na pad+ma can la sogs pa bsdus pa ni dkar mo'o/ /phyag na nyi ma can dang/ sgo lcags ma la sogs pa bsdus pa ni sgrol ma'o/ /khro bo rnams dang sgo skyong rnams bsdus pa ni/ khro bo mi g.yo ba'o/ /kha cig na re khro bo'i 'khor lo bsdus pa'o/ /zhes zer ra/ /me tog snyim pa rab sbyor bas zhes bya ba la lag pa gnyis su a las zla ba'i dkyil 'khor der hUM las rdo rje dkar po bskyed la sor mo rnams kyang rdo rje'i tshul du mos te/ me tog gi thal mo spyi bor sbyar te phyag bya ba ni me tog gi snyim pa'o/ /de nas de bzhin gshegs pa rnams la phyag byas nas bdag nyid nges par dbul ba ni rab tu sbyor ba'o/ /de nas 'og nas 'byung ba bzhin du smon lam gdab pa'o/ /'du shes med pa zhes bya ba ni nam mkha' mdza' yas skye mched la sogs pa rnams so/ /hUM zhes bya ba ni lus dang brjod pa dang yid de/ lus ni ha'o/ /brjod pa ni au'o/ /yid ni ma'o/ /mi bskyod pa zhes bya ba ni gnyis kyi rnam par rtogs pas g.yo ba'o/ /bdag gi stobs bcom pa zhes bya ba ni/ /gnyis po med pas snang ba tsam yin pa ri phyir ro/ /aoM zhes bya ba ni don gyis stong pa dang yid de/ sems tsam gyi ngo bo nyid do/ /tshangs pa zhes bya ba ni gnas pa'i mya ngan las 'das pa'o/ /rnam par snang mdzad ces bya ba ni ye shes kyi me 'bar bas snang ba'i phyir ro/ /A zhes bya ba ni nam mkha' dang tshungs pa'o/ /gar gyi dbang phyug ces bya ba la sogs la/ gar na rnam par rol pa'o/ /dbang phyug ni de'i gtso bo ste/ chos thams cad so sor rtog cing rnam pa sna tshogs kyi 'dul bya rnams la longs spyod pa'o/ /traM zhes bya ba ni sangs rgyas thams cad kyi de kho na nyid nyams su myong bas chags shing mnyam pa nyid de/ sangs rgyas thams cad kyi de kho na nyid ni yi ge te'o/ /nyams su myongs pas chags pa'i mnyam pa ni ra'o/ /yid ni ma'o/ /gdugs gcig ces bya ba ni mnyam par 'gegs pa'o/ /tsha ba sel ba zhes bya ba ni nyon mongs pa'i gdung ba sel ba'o/ /'khor lo'i rnam pa zhes bya ba ni nyi ma lta bu'i ye shes so/ /khaM zhes bya ba ni nam mkha' dang mnyam pa'i sprul pa'i yid de/ laM rdo rje mgyogs 'gro zhes bya ba ni chos kyis 'gyogs 'gro ba ste/ de dang der sprul pa sna tshogs ston pa'o/ /snying rje'i chang zhes bya ba ni gnyis kyi rtog pa bzhu nas ro gcig mnyam pa'i rang bzhin no/ /mA ma kI zhes bya ba ni gnyis kyis sgyu ma 'joms pa'i las te mA ma kI ni mi bskyod pa'o/ / zhe ba zhes bya ba ni gzung ba la sogs pa rnam par rtog pa zhi ba'i phyir sems tsam nyid do/ /chags pa zhes bya ba ni gnyis kyis stong pa'i ye shes nyams su myong bar yongs su gcod par gnas pa'o/ /dbang mo che zhes bya ba ni 'jig rten gyi khams sna tshogs su sprul pa rnams kyis rjes su 'dzin pa'i rang bzhin no/ /mig yon zhes bya ba ni steng dang 'og tu blta ba ste/ 'khor ba dang zhi ba lta ba'o/ /de la phyogs gcig tu bstan pa ni khang pa sum brtseg byas nas khang pa 'og mar ni gar byed pa'i gar mkhan rnams bzhag pa'o/ /bar mar ni bza' bca' la sogs pa'i yo byang bzhag go/ steng mar ni dkyil 'khor 'khor lo'i khar bzhag la dkyil 'khor 'khor lo'i sgrub thabs las go rims smos pa bzhin ting nge 'dzin gsum bya ste/ slob ma bzhi dang rnal 'byor ma bzhi dang bcas pas rang rang gi 'khor los bsgyur bar bcos par bya zhing/ rnal 'byor ma med na skyes pa rnams kyis bud med kyi gzugs gzung la khro bo dang sgo skyod thams cad mi g.yo bar bsdus pa dang bcas pas so bdud thams cad gzhom par bya'o/ /bsdu bde yang khang dbu brtsegs pa rnams ni khang du brtsegs pa la'o/ /zhal rnams ni zhal la'o/ /phyag rnams ni phyag la'o/ /zhabs rnams ni zhabs la'o/ /glang po che la sogs pa'i thod pa rnams ni bcom ma'i rdo rje la'o/ /de bzhin du rma bya'i thong ba rnams ni 'khor lo la'o/ /snod la sogs pa'i thod pa rnams ni rin po che la'o/ /dom la sogs pa'i zod pa rnams ni pad+ma la'o/ /sa la sogs pa'i snod rnams ni ral gri la'o/ /de bzhin du g.yon pa'i mtshan rnams ni kha TaM ga dang thod pa la bsdu'o/ /de la dang por yol bas bcad la slob dpon gcig pu me long mdun du bzhag ste/ rang rang gi lha'i zhal dang/ phyag dang/ bcos ma'i rdo rje dang kha TAM ga dang thod pa dang ldan pa nor bu la sogs pa'i mdog tu tsho ni gyis byug cing bcos ma'i mchod phyir thog pa la sogs pa'i rgyan gyis brgyan pa/ rkang pa'i mthil du hUM gis rdo rje rtse gcig rang rtse gsum dang rtse lnga yi dang/ a yis bskyed pa'i rdo rje rgya gra ma rnams rim gzhin du bsams la 'og nas 'byung ba'i rdo rje 'gros rnams dang sbyar bar bya'o/ /de bzhin du khra bo chen pa'i khro gnyer gyis smin ma bcum pa'i lta ba mig g.yon par nA las byung ba'i zla pa/ g.yas par ma las byung ba'i nyi ma la hUM zhes bya ba la bkod nas/ 'bar ba'i lta ba dang/ he ru ka'i nga rgyal gyis hUM zhes bya ba brjod nas 'og nas 'byung ba'i rdo rje 'gros kyis bskor phar bya'o/ /de yang dang po yol ba rim gyis bsal cing sa rab tu dga' ba la sogs pa'i sgrib pa bsal ced bstan pa'i phyir ro/ /rim pa bzhin du dbu brgyan dang/ dpral ba dang spyan dang kos ko dang mgrin pa dang/ prag pa dang phyag dang snying ga dang lte ba dang rkyed pa dang brla dang zhabs kyi bar du bsten pas rdo rje can phyung ste/ phyed krung bcas nas g.yas pa man te/ mnyam pa'i 'dug stangs kyi gnas la/ sngar smos pa bzhin du me tog gi thal mo spyi bor gzung la/ de bzhin gshegs pa thams cad la phyag 'tshal zhes bya bas phyag bya ba dang/ de bzhin gshegs pa thams cad la bdag nyid dbul lo zhes bya bas bdag nyid phul nas 'di skad du sems can bsdu bas bsdus pa ji snyed pa sgor las skyes pa dang/ drod gsher las skyes pa'am brdzus te skyes par ma/ mngal nas skyes pa yang rung ste/ gzugs can nam gzugs can ma yin pa'am/ g'du shes can nam 'du shes med pa'am/ 'du shes can yang ma yin 'du shes med pa yang ma yon pa rnams kyang rung ste/ de dag thams cad bdag gis phyag rgya chen po'i go 'phangs la rab tu bzhag par bya'o/ /zhes smon lam btab la/ sems can gyi khams rnams mun pa dang 'dres par blta zhing/ aoM kro d+ha driSh+Ti hI/ zhes bya ba dang/ hUM gi mig 'bras kyi 'ong zer 'jigs pa me ltar 'bar bas 'gro ba gsum po thal ngar byis nas phyed grung byas pa'i gor la gnas te/ slar yang rgyal mtshan chen po dang/ dril bu'i sgras blangs la gar chen po'i rol mo'i bskor bar bya'o/ /gdams ngag las 'ongs pas rdo rje 'gros rnam pa bzhi sbyar bar bya ste/ skang mthil gyis hUM las byung ba'i rdo rje rtse gcig pas sa gzhi la g.yog cing rdo rje dang dril bu rked par gzung la aoM e ka sU tsi ka badzra pA da badzra ma hA kro d+ha/ b+hany+dza b+hany+dza sarba du Sh+Ta sU rA Na hUM phaT ces brjod nas/ rdo rje rtse gcig pa'i 'gros kyis bskor ro/ /de nas de bzhin du rdo rje rtse gsum pa'i 'gros kyis bskor te/ sngags ni aoM traM sU tsi ka badzra pA da badzra ma hA kro d+ha b+hany+dza b+hany+dza sarba duSh+TA sU rA Na hUM phaT/ de'i 'og tu rdo rje rtse lnga pa'i 'gros kyis bskor te/ sngags ni aoM pany+tsa sU tsi ka badzra ma hA kro d+ha b+hany+dza b+hany+dza sarba du Sh+TA sU rA Na hUM phaT ces bya'o/ /de'i 'og tu mdza' i dbyangs yig las skyes pa'i rdo rje rgya gram bsams la/ /rdo rje rgya gram gyi 'gros kyis bskor ba bya ste/ sngags ni aoM bi shwa badzra pA da badzra mahA kro d+ha b+hany+dza b+hany+dza sarba du Sh+Ta sU rA Na hUM phaT/ ces bya'o/ /de nas gzhan yang bshad pa ni/ /rang gi lhag pa'i lhar dmigs la/ /lha'i rgyan gyis brgyan pa ste/ /yo byad thams cad dmigs byas la/ /lto ba'i me la sbyin sreg bya/ /shar dang nub 'dir byang dang lhor/ /phyogs su gnas pa'i rnal 'byor pa/ /mtshams na gnas pa'i lha mo rnams/ /tshe yi mchog gi mchod par bya/ /de bzhin du rnal 'byor pa rnams kyis kyang so so rang gi ngo bo yol bas bar du bcod la rang rang gis bsdu pa'i gzugs kyis bcos ma byas nas/ ri bo lhun po'i steng du gnas par bsams te gar bya'o/ /de la rtag pa ni shar phyogs kyi sgor mdog dkar po bcos ma'i 'khor lo thogs nas snga ma bzhin du thams cad bya ste/ aoM gyi mig 'bras dang ldan pas byams pa'i lta bas blta zhing ba dud rtsi bsil ba'i 'od kyis phreng bas med pa'i rtul zhugs 'dzin pa'i lta bar ltung ba rnams sangs rgyas kyi gti mug mi gnas pa'i mya ngan las 'das pa la dgod par bsam mo/ /de bzhin du nub sgo nas pad+ma gar gyi dbang phyug mdog dmar po bcos ma'i pad+ma 'dzin pa h+rI:I mig 'bras dang ldan pas/ aoM badzra driSh+Ta ru Ta ma Ta zhes bya ba dang/ g.yon la brten pa'i lta ba'i lcags kyu'i/ 'od kyis nyan thos la sogs pa'i byang chub la gnas pa rnams rjes su chags pas 'dod chags kyi byang chub la dgod par bsam mo/ /de bzhin du rta mchog byang sgor m dog ljang gu bcos ma'i ral gri thogs shing rta gdong ljang gu dang ldan pas ji lta ba bzhin du 'bar ba'i lta bas lcags kyus thams cad mkhyen pa'i lam la brten nas nyan thos kyis lam du zhugs pa rnams thob pa'i byang chub sems dpa' la sogs pa sprul pa sna tshogs kyis byang chub chen po'i lam du khrid par bsam mo/ /de bzhin du lho phyogs kyi sgor rdo rje nyi ma mdog ser po bcos ma'i rin pa che dang ldan pas/ aoM rI bta dri sha aM ku sha ra:?? zhes bya ba dang/ nyi ma dang zla ba'i mig g.yas su rten cing myur bas g.yo ba lta ba'i pad+ma'i lcags kyus ser sna la sogs pa'i nyes pa bsal nas mnyam pa nyid kyi ye shes la sbyar bar bsams nye/ de skad du yang/ shar dang nub dang byang phyogs dang/ /lho yi phyogs su rim bzhin sbyar/ /zhes gsungs so/ /de dag thams cad kyang bcos ma'i stag lpags kyi na bza' dang bcos ma'i skra kham ser dang/ sangs rgyas lnga'i thod pa'i cod pan dang spyan gsum pa/ bcos ma'i sna tshogs pad+ma dang nyi ma la phyed krung bcos pa'i gar gyis bzhugs pa ste/ khyad par du rtag pa'i zla ba'i gdan dang 'od can no/ /de bzhin du dbang ldan gyi mtshams su spyan ma mdog dkar mo bcos ma'i 'khor lo 'dzin pas byams pa'i lta bas sems can rnams kyi nye bar 'tshe bzhi bar mdzad do/ /de bzhin du me'i mtshams su mA ma kI mdog sden mo bcos ma'i rdo rje thogs nas rdo rje lta bas gzhan gyi dpung gis nyen pa rnams bsrung ba'o/ /de bzhin du bdan bral mtshams su gos dkar mo bcos ma'i pad+ma 'dzin pa rjes su chags pa'i lta bas skye bo rnams la rjes su chags par mdzad pa'o/ /de bzhin du rlung mtshams su sgrol ma ljang gu autpa la bsnams pa 'bar ba'i lta bas gdul bya rnams 'gugs pa mdzad do/ /de dag kyang snga ma ltar bcos ma'i skra kham ser dang/ bcos ma'i zhal dang bcos ma'i pad+ma dang nyi ma la g.yon brkyang bas bzhugs shing kha dog tshon gyis bsgyur ba g.yon pa snying gar khu tshur sdigs mdzub byed pa'o/ /de bzhin du khro bo mi g.yo ba ral gri dang sdigs mdzub dang klu'i zhags pa thogs pa/ bcos ma'i sna tshogs pad+ma dang nyi ma la g.yon brkyang ba gnas shing/ rin po che la sogs pa'i rgyan sna tshogs dang/ gos bzang po bgos pa 'khor los sgyur ba rnams dang lha mo rnams dang logs nas bskor zhing sun 'byin par byed pa steng dang 'og na bltas pas srid pa dang zhi pa mnyam par bsam mo/ /kun kyang rdo rje 'gros la sogs pa dang pad+ma'i skor ba lnga dang ldan pas rim bzhin du rkang stabs kyi tshul dgu bcu rtsa brgyad kyi gar bya zhing glu blang bar bya ste/ stong pa gos med mchog gi gtso rmi lam sgyu ma'i rang bzhin du/ /ji srid ma grub par du ni/ /sems kyi rang bzhin bsgom par bya/ /mA ma kI'i glu'o/ /srid min mya ngan 'das min gang/ /de ni bde chen rdo rje ste/ /gang gi yid la bsgoms med pa/ /de yis bya ba sgrub pa yin/ /spyan ma'i'o/ /sngags dang yi ge rnams spangs shing/ /thig le sgra dang bral ba'i sems/ /de ni mchog tu bde chen te/ /'di la bsal dang bzhag pa med/ /gos dkar mo'i'o/ /ji ltar gzugs brnyan rang bzhin nyid/ /de ltar dngos rnams sgom byed pa/ /stong nyid gos med mchog gi gtso/ /de la bsod nams sdigs pa med/ /sgrol ma'i'o/ /ji ltar chu yi zla ba bzhin/ /bden pa ma yin brdzun pa min/ /dkyil 'khor 'khor lo mchog gis ni/ /lus kyang de bzhin blta bar bya/ /zhes 'khor thams cad kyis gsungs so/ /chos 'byung gar gyi grong khyer du/ zhes bya ba ni tshon gyi gnas chos 'byung bar ro/ /mkha' 'gro ma rdo rje dra ba'i dka' 'grel de kho na nyid gsal ba las/ le'u gnyis pa'i rnam par bshad pa'o// //rdo rje dra ba'i ting nge 'dzin gnas zhes bya ba ni dgyes pa'i rdo rje'i ting nge 'dzin du gnas pa'o/ /'byung po chen po'i gtor ma zhes bya ba ni 'byung po chen po rnams tshim par bya ba'i gtor ma'i mchod pa nye bar spyad pa dang bcas pa'o/ /de skad du yang yan lag rgyan kun gyis brgyan cing/ /rdo rje rgyan gyis mdzes byas la rdo rje dril bu gzung nas su/ /lam gyi bzhi mdor ma btang/ /me tog spos dang mar me dang/ /dri yi dung sogs g.yas su gzhag /g.yon du sngags kyi mchod yon snod / snod gzhan mdun du bzhag nas ni/ /sngon du zhal bsil cho ga yis/ /me tog la sogs rim bzhin dbul/ /me tog mchod sogs byas nas su/ /bzang po'i snod du dbul bar bya/ /me tog tshul du bskyod pa dang/ /bdug pa'i tshul du bskyod pa dang/ /mar me 'degs pa'i tshul dang ni/ /dri yi tshul du byug par bya/ /rol pa'i lag pas sgeg pa dang/ /phreng tshul mkha' 'gro phreng ba ma/ /hUM zhes bya bas glu blangs zhing/ /gar la pus mo dgug par bya/ /'di dag bla med mchod pa ste/ /sangs rgyas rnams ni mnyes mdzad pa'o/ /shA mkha' i khams kyi dbus gnas par/ zhes bya ba ni chos kyi 'byung gnas kyi nang du son pa'o/ /pad+ma zhes bya ba ni pad+ma dmar po 'dab ma brgyad pa'o/ /bsgom bya zhes bya ba ni stong pa nyid bsgom pa'i rjes la'o/ /hUM las zhes bya ba ni hUM rnams la ste/ /phyogs dang phyogs mtshams kyi 'dab ma rnams su brgya byin la sogs pa kha dog sngon por bya'o/ /de bzhin du tshangs pa la sogs pa rnams ni steng du aoM de rnams las de kha dog dkar por bya'o/ /klu la sogs pas sa 'og rnams ni Athogs shing rang gi rig mas 'khyud pa'o/ /g.yas brkyang ba'i zhabs kyi gdan la zhes bya ba ni sna tshogs pad+ma dang nyi ma la'o/ /tshangs pa la sogs pa rtag pa zhes bya ba ni rnam par snang mdzad do/ /dbang po sogs rdo rje zhes bya ba ni mi bskyod pa'o/ /karko Ta la sogs pa gar gyi dbang phyug ces bya ba ni snang ba mdza' yas so/ /thams cad rigs ni gsum las skyes zhes bya ba ni gti mug dang zhe sdang dang 'dod chags kyi rang bzhin yi ge gsum las byung ba'o/ /gau rI yis ni dgug par bya zhes bya ba ni dam tshig 'khor lo bskyed pa las ye shes kyi 'khor lo gau rI'i lcags kyus dgug pa'o/ /tsau rI'i zhags pas bcug nas ni/ /zhes bya ba la sogs pa ni go sla'o/ /de nas mchod yon zhabs bsil nas/ /sngags 'di yis tshim par bya zhes bya ba la/ /mchod yon dang zhabs bsil ni nye bar mtshon pa tsam ste/ /mchod pa dang bstod pa byas la/ /aoM la sogs pa'i yi ge gsum gyis sbyangs pa dang/ /btso ba la sogs pas bdud rtsir byas la tshim par bya ste zhi ba la sogs pa ni rdo rje dkar po la sogs pas brgyan pa'i zhal du cung zad phye bar dbul lo/ /gsod pa la sogs pa la ni kho bo'i rdo rjes brgyan pa'i zhal gdeng par ro/ /lhag ma ni go sla'o/ /de nas zhes bya ba la sogs pa gzhung gi tshig sna tshogs la rdo rje'i ming rnams dkrugs pa nyid du snang ste/ de rnams 'dir rim pa bzhin du bsdebs la brjad par bya'o/ /de la rdo rje bzhad pa dang/ rdo rje rnam par rol pa dang/ rdo rje 'gying pa dang/ rdo rje a la la rnams ni zhe sdang gi rigs so/ /rdo rje ye shes dang/ rdo rje 'bebs pa dang/ rdo rje pha rol tu phyin pa rnams ni gti mug gi rigs kyi'o/ /rdo rje myu gu dang/ /rdo rje pad+ma dang/ rdo rje pad+ma'i myu gu dang/ rdo rje kun tu gzigs pa dang/ rdo rje 'dod chags rnams ni 'dod chags rigs kyi'o/ /rdo rje yid bzhin nor bu dang/ rdo rje yan lag med pa dang rdo rje mchog tu dga' ba dang/ rdo rje dga' ba'i bde ba dang/ rdo rje dga' ba rnams ni rin po che'i rigs kyi'o/ /rdo rje shes rab dang rdo rje shes rab myu gu dang/ rdo rje snying rje myu gu dang/ rdo rje nam mkha' rnams ni dam tshig gi rigs/ mkha' 'gro ma rnams kyi brjod par bya ste/ rdo rje snying po dang rdo rje mtshon cha dang/ rdo rje e ma bde ba dang/ rdo rje bdag med ma dang/ rdo rje bdag med pa dang/ rdo rje lag pa rnams ni zhe sdang gi rigs kyi'o/ /rdo rje spyan ma dang/ rdo rje mkha' 'gro ma dang/ rdo rje ser skya ma dang/ rdo rje sgyu 'phrul rnams ni gti mug gi rigs kyi'o/ /rdo rje 'bar ma dang/ rdo rje bebs ma dang/ rdo rje 'bebs ma dang/ rdo rje ro langs ma dang/ rdo rje lcags kyu ma dang/ rdo rje phreng ba rnams ni rin po che'i rigs kyi'o/ /rdo rje phreng ba ma dang/ rdo rje sgeg mo dang/ rdo rje bzhad ma dang/ rdo rje kun tu 'khyud ma dang/ rdo rje rgyas ma dang/ rdo rje pad+ma dang/ rdo rje chags pa ma rnams ni 'dod chags kyi rigs kyi'o/ /rdo rje 'byung ma dang/ rdo rje rgod ma dang/ rdo rje sgrol ma dang/ rdo rje rnam par rol ma dang/ rdo rje blo gros dang/ rdo rje ging ka ma dang/ rdo rje kha chu ma dang/ rdo rje dbugs dbyung ma rnams ni dam tshig gi rigs kyi'o/ /'dod chags zhes bya ba la sogs pa la/ 'dod chags ni snying rje chen po'o/ /zhe sdang ni gnyis mi zad pa'o/ /gti mug ni gnyis su mi shes pa'o/ /kun tu dam tshig ces bya ba ni kun tu rnam par sprul pa'o/ /sems dpa' zhes bya ba ni dngos po gsum gcig tu gyur ba ste/ shin tu rnam par dag pa'i dbyings so/ /nor bu zhes bya ba ni sangs rgyas thams cad mnyam pa nyid kyi khyad par du 'phags pa'o/ /des ni rigs drug go/ rigs lnga dang gcig ste/ gzhan byang chub sems dpa' rnams kyi rigs lnga'o/ /'dod pa zhes bya ba ni 'dod chags dang zhe sdang dang gti mug dang ldan pa'i sems so/ /mkha' 'gro ma rdo rje dra ba'i dka' 'grol de kho na nyis rgyas pa las/ le'u gsum pa'i rnam par bshad pa'o// //rdo rje snying po mngon byang chub brtag pa'i rgyal po dang po nyid ces bya ba la sogs pa go sla'o/ /sku yi lag pa'i phyag rgya zhes bya ba la/ sku'i zhes bya ba ni sku'i bya ba'o/ /phyag rgya zhes bya ba ni 'da' bar mi bya ba ste/ hUM gi rdo rje sbyangs pa'i lag pa'i sor mo rnams kyi rdo rje dang 'khor lo la sogs pa bca' ba'o/ /de bzhin du rkang ba bskyod pa dang/ lta ba'i phyag rgya la sogs pa yang gzung bar bya'o/ /dag gi phyag rgya zhes bya ba ni dag gi bya ba ste/ hUM las skyes pa'i rdo rje dkar pos mtshan pa'i lces khro bo la sogs pa'i sngags bzlas pa'o/ /sems kyi phyag rgya mtshan ma yin zhes bya ba la sogs sems kyi sgrub pa'i phyag rgya ni brtsams pa'i sku gzugs dang thad kal sogs pa mtshan ma skam pa ma la sogs pa'o/ /lung kha cig las ni ri mo'i mtshan ma ni phyag rgya yin zhes 'byung ste/ ri mo ni rdul tshon gyi dkyil 'khor ro/ /phyag rgya ni der bri ba'i gya ser la sogs pa las byas pa'i mtshan ma gri bar bya'o/ /de nyid bsam gtan dkyil 'khor la'o zhes bya ba ni bsam gtan gyi lha'i mtshan ma ste/ thugs kyi mtshan ma'o/ /de yang skam pa la sogs pa dngos su smos pa rnams te/ de bas puk+ka sI la sogs pa'i ri mo'i dkyil 'khor gyi rjes su 'brangs nas seng ge la sogs pa bri bar shes par bya'o/ /g.yas kyi lag na zhags pa ste zhes bya ba ni go sla'o/ /nam mkha' kun tu rgyu zhes bya ba la/ nam mkha' kun ni shes rab kyi ye shes so/ /mkha' 'gro ma'i rgyud ces bya ba ni rgyu'i rgyud dang/ 'bras bu'i rgyud dang/ thabs kyi rgyud do// de la phan zhing 'bras bu'i ngo bor 'gro bas na rgyu ste/ chos thams cad dmigs pa thog ma dang tha ma med pa'i dbyings kyi rang bzhin no/ /de'i phyir rgyus 'bras bu bsdu ba med pa'i phyir 'bras bu'o/ /bsdu bar bya ba'i rteg pa'i ngo bo nyid med pa'i phyir ro/ /thabs kyi rgyud ces bya ba ni sngags dang phyag rgya dang dkyil 'khor 'khor lo/ /sogs pa rnams so/ /rgyud rnams kun gyi bla ma ste/ zhes bya ba ni rnal 'byor gyi rgyud bla na med pa ste/ bya ba dang spyod pa'i rgyud la sogs pa'i bla mar gyur/ pa'i phyir ro/ /yangs shing gting dpag dka' ba ste/ zhes bya ba la/ yangs pa ni thabs kyi rgyud do/ /gting dpag dka' ba ni 'bras bu'i rgyud do/ /de rnams sangs rgyas rnams rigs lnga'i ye shes gzhan gyi spyod yul ma yin par phyir ro/ /des na rigs dang gzhan gyis mi rig pa nyid do zhes bya ba gsungs pa ni lhag ma go sla bas bshad pa ma byas so/ /ting 'dzin mchog la dga' gnas te/ zhes bya ba ni man ngag ji lta ba bzhin du/ mchod pa'i yo byad sna tshogs kyi dkyil 'khor sgrub pa la sogs pa byas nas/ slob ma dkyor du 'jug pa'i tshogs dang por rang nyid zhugs nas/ chu la sogs pa rjes su gnang ba'i mthar thug pa'i dbang 'khor lo'i bdag po la gnos nas/ bden pa'i byin rlabs bsgrags pa la sogs pa'i mthar bgegs dgras bzas pa'i ras kyi gdong g.yog dang steng g.yo byas la/ snying gar mchog tu dga' ba'i chang? bzhin te he ru ka'i thugs kar a'i 'od zer gyis rdul phra rab kyis lus thams cad bkang? pa'i ting nge 'dzin la gnas pa'o/ /rig pa'i dbang zhes bya ba ni/ ma rig pa bzlog pa ste/ de nyid na 'khru bas na dbang ngo/ /de la de kho na nyid kyi sgrib pa dang don dang sems can dang bdag dang/ rnam par rtog pa dang/ bdu byed dang/ bcug pa'i rnam par shes pa rnams go rims bzhin 'khru bar byed pa'i dbang rnam pa drug go /de yang 'di nyid las/ chu yi dbang ni dang po ste/ /dbu rgyan dbang ni gnyis pa'o/ /rdo rje'i dbang ni gsum pa ste/ /cang gi bdag po bzhi pa yin/ /ming gi dbang bskur lnga pa yin/ /sangs rgyas nyid ni drug pa ste/ /bum pa'i dbang ni bdun pa yin/ /gsang ba'i dbang bskur brgyad pa ste/ /shes rab ye shes dgu pa'o/ /zhes gsungs so/ /gsum ni 'og nas 'chad do/ /ci ste rdzogs pa'i sangs rgyas kyi/ dbang dang por bskur ba yin na/ ji ltar drug par 'jog ce na/ rim pa la dang po yin yang me long lta bu'i ye shes la sogs pa ye shes lnga rnam par dag pa la bltos nas/ shes bya rnam par dag pa yin pa'i phyir drug par bzhag go/ de la dkyil 'khor du zhugs pa'i rjes la/ pra Shitsatsha badzra haMmahA ba la zhes bya bas slob ma'i mgor me tog gi phreng ba bcing ba ni sangs rgyas nyid du khas len pa'i phyir/ /rdzogs pa'i sangs rgyas kyi dbang ste me tog phreng ba'i dbang do/ /thog mdza' med pa'i chos zhing rnam par dag pa'i rang bzhin no/ /rang rig skyes bu'i chu dang ni/ kun nas bum pa brgyad por bcas/ /zhes bya ba la/ rang rig skyes bu'i chu zhes bya ba na rig pa dang bcas pa'i 'khor lo'i bdag por snyoms par 'jug pa las skyes pa'i byang chub sems kyi chus gang ba ste/ rnam par rgyal ba'i bum pa'o/ /yang na snyoms par 'jug pa'i mchod pa las byung ba'i chus bum pa brgyad po yang dag par bya'o/ /de dang bcas pas don gcig por go par bya'o/ /kun nas zhes bya ba ni phyogs brgyad na gnas pa ste/ sgo bzhi dang mtshams na gnas pa'i lha mo brgyad kyi mtshan ma rnams kyis mtshan cing nang du yang de dag gis bkang ba'o/ /bcu pa ni bgags dgra'i mtshan mas mtshan pa ste/ bum pa bcu las nyung bar mi bya'o zhes gsungs pa'i phyir ro/ /mnyes par bya zhes bya ba ni bkru bar bya'o/ /gang la zhe na/ rdo rje can bsams zhes bya ba smos te/ slob ma he ru kar bsgoms pa la'o/ /rdo rje sems su rab bsgoms pa zhes bya ba ni kun gzhi rnam shes gnas gyur pa'i/ me long lta bu'i ye shes su bsgoms pa'o/ /yang na rdo rje sems zhes bya ba ni de bzhin gshegs pa rnams so/ /rab bsgoms pa zhes bya ba ni cod pan la de rnams kyis byas shing mtshan pa'o/ /rdo rje nyi ma rab bsgom bya zhes bya ba ni slob ma'o/ /dbang gis ni de gyur pa las dbu rgyan no/ /rdo rje'i tshig ni rab tu sbyar zhes bya ba ni dbang bskur ba de gnyis la yang badzre ab+hi Shany+tsa zhes brjod par bya'o/ /rtse dgu pa zhes bya ba ni rtse mo lnga pa nyid do/ /ji ltar sbyar snyam pa la/ 'og gi ngos kyi rtse mo bzhi ni sgo skyong ba rnams kyi rang bzhin no/ / stang gi ngos kyi rtse mo bzhi ni mtshams kyi lha mo bzhi'i rang bzhin no/ /steng 'og gi dbu ma'i rtse mo gnyis ni dkyil 'khor gyi bdag po dang de'i rig pa'i rang bzhin no/ /de ltar yang slob dpon kun dga' snying po'i zhal snga nas sangs rgyas mnyam sbyor gyi nI kA las/ ngos kyi rtse mo bzhin no/ /snang ba mo la sogs pa'i lha mo rnams kyi rnam par dag pa yin la/ gzhan bzhi ni myur 'gro ma la sogs pa'i 'o zhes gsungs so/ /dbu ma ni rdo rje sems dpa' i rang bzhin te dbu ma la dbye ba med pas lnga yang grangs dgur 'gyur ro/ /de ltar yang rdo rje gdan bzhi las gsungs pa/ kun gyi dbu ma rnam snang mdzad/ ces bya ba'i rwa dbus ma ni rnam snang ngo bo ste/ steng 'og gnyis ka'i ngo bo yang de bzhin go bar bya'o/ /rdo rje chen po zhes bya ba ni so sor rtog pa'i ye shes kyi pad+ma gar dbang gi rang bzhin bas so/ /snying gar zhes bya ba ni gzung bar bya ba zhes bya ba ni lhag ma can no/ /slob ma la 'jig rten dbang bya zhing/ zhes bya ni slob ma pad+ma gar dbang gi rnam par bya'o/ /de ring khyod dbang bskur zhes pa ni der yang dag par rdzogs pa'i sangs rgyas rnams kyis so/ /'di de sangs rgyas thams cad nyid ces bya ba ni byang chub thams cad bskyed pa'o/ /slob ma rta mchog lha mo ni zhes bya ba ni rdo rje rta mchog go /sgrol mas 'khyud pa bsam par bya zhes bya ba ni sgrol ma dang snyoms par zhugs pa'o/ /rdo rje bdag po zhes bya ba ni rdo rje rnams kyi bdag po bya ba nan tan gyi ye shes kyi gdul bya rnam par dag pas gdul pa'i phyir ro/ /lag pas rdo rje dril bu 'khrol/ zhes bya ba ni rdo rje dang dril bu dang ldan pas sgrol ma la 'khyud de phyi nas dril bu 'khrol ba'o/ /slob ma rnam snang byas nas ni/ rtag pa'i gzugs su bskyed la/ ming gi dbang bskur ba zhes bya ba ni slob ma'i spyi bor lag pa bzhag nas ming gdags pas dbang bskur ba ste/ chos kyi dbyings rnam par dag pa'i rang bzhin no/ /dbang drug po dag nye bar bsdu ba gsungs pa/ gang gang zhes bya ba la sogs pa gsungs te/ gang gang snang ba zhes bya ba ni chu la sogs pa snang ba rnams so/ /kun gyi rang gtso zhes bya ba ni de nyid thams cad kyi bdag nyid do/ /gtso bo ni bdag po'o/ /he ru ka zhes bya ba ni nye bar mtshon pa ste/ so sor rang gi 'khor los sgyur pa'i bdag por blta bar bya'o/ /gang zhes pa ni gang gi phyir zhes bya ba'i don to/ /rang bzhin dag pa zhes bya ba ni 'khru ba ste/ dbang bskur ba rnams so/ /dri med ces bya ba ni rang bzhin gyis rnam par dag pa'i phyir ro/ /chos zhes bya ba ni sangs rgyas rnams kyi chos so/ / de nyid ci zhig ce na/ sangs rgyas ye shes zhes bya ba smos te ye shes lnga chos nyid rnam par dag pa'i dbyings dang drug go/ de dag tu zad dam ce na/ ma yin te brtul zhugs dang ldan lung bstan par yang bya'o/ /de nyid gsungs pa/ 'di zhes bya ba la sogs pa la/ sarba ta thA ga ta sid+d+hA badzra zhes bya ba ni yang dag par rdzogs pa'i byang chub po/ /sa ma ya taSh+Tha zhes bya ba la ye shes kun tu 'gro ba thob pas na/ dam tshig ste yang dag par rdzogs pa'i byang chub po/ /tiSh+Tha ni de gnas pa'o/ /de nyid yi ge drug gi bstan te/ de la hi zhes bya ba ni don dang sems can gyi nyes pa rdul dang bral ba ste me long lta bu'i ye shes so/ /hi hi hi hi zhes bya ba ni bdag tu 'dzin pa la sogs pa'i dri ma dang bral ba ste/ mnyam pa nyid dang/ so se rtog pa dang/ bya ba nan tan dang/ chos kyi dbyings rnam par dag pa'i ye shes so/ /hUM zhes bya ba ni gzung ba la sogs pa'i dri ma dang bral ba'i chos nyid rnam par dag pa'o/ /sgrub thabs kun gyi cho ga yis zhes bya ba ni dkyil 'khor gyi yo byad rnams so/ /cho ga ni ji lta ba bzhin du 'bul ba ste/ sgyu ma la sogs pa dang mtshungs par mos pa'o/ /mchod pa bla med kun ces bya ba ni phyi dang gsang ba dang de kho na nyid kyi mchod pa rnams so/ /brtul zhugs zhes bya ba ni mi phyed pa'i dam bca' o/ /de nas rdo rje la gnas lag zhes bya ba ni tshigs su bcad pa brjod kyi 'og tu slob dpon gyi lag nas slob ma'i lag tu sbyin pa'o/ /ci 'dra zhe na/ thog mdza' med ces bya ba la sogs pa smos te/ thog mdza' med pa zhes bya ba ni chos nyid rnam par dag pa'i chos kyi sku'o/ /sems dpa' zhes bya ba ni chos thams cad ro gcig pa'o/ /rdo rje sems dpa' i zhes bya ba ni mi bskyod pa'i rang bzhin me long lta bu'i ye shes so/ /dga' ba che zhes bya ba ni rin chen 'byung ldan dang mnyam pa nyid kyi ye shes so/ /kun tu bzang po zhes bya ba ni kun nas dge ba ste snang ba mdza' yas dang so sor rtog pa'i ye shes kyi rang bzhin no/ /kun gyi bdag ces bya ba ni bya ba nan tan gyi ye shes dang/ don yod grub pa'i rang bzhin no/ /rdo rje snying po zhes bya ba ni chos kyi dbyings rnam par dag pa'i ye shes dang/ rnam par snang mdzad kyi tshul gyis so/ /gtso bo zhes bya ba ni de bzhin gshegs pa'i gtso bo yin pa'i phyir ro/ /shes rab dbyangs te rjes 'gro ba zhes bya ba ni gdul bya'i rgyud thams cad kyi so so'i bsam pa dang mthun par chos nyid rtogs par byed pa'i phyir ro/ /dbugs dbyung thams cad byin nas su zhes bya ba ni mthong ba dang btsod pa yis zhes bya la sogs pa'i tshig gis so/ /rang nyid shAkya thub 'gyur te zhes bya ba ni/ g.yon pa'i khu tshur gyis snying gar chos gos gzung la/ g.yon pa mchod sbyin gyi phyag rgya bcas nas mnyam pa'i rkang stabs la gnas te/ de bzhin gshegs pa rnams dang lhan cig lung bstan par bya'o/ /srid pa shin tu sgrub pa'i phyir zhes bya ba ni mi gnas pa'i mya ngan las 'das pa thob pa'i bya ba'i phyir ro/ /b+hur b+hu ba swa zhes bya ba ni 'jig rten rig pa'i dbang thob pas/ ting nge 'dzin gsum bsgom mo zhes bstan pa'i phyir de nas zhes bya ba la sogs pa smos te/ rdo rje ting nge 'dzin zhes bya ba ni sbyor ba dang po dang dkyil 'khor rgyal mchog dang las rgyal mchog gi ting nge 'dzin to/ /rdo rje dam tshig phyung nas ni rang gi snying khar zla ba 'am nyi ma la rang gi sa bon bsams la de'i 'od zer phyung ste/ rang gi 'khor los sgyur ba bla ma dang sangs rgyas dang byang chub sems dpa' rnams dmigs nas dkon mchog gsum la skyabs su mchi zhes bya ba la sogs pa brjod par bya'o/ /bla ma rdo rje can zhes bya ba ni nye bar mtshon pa'o/ /mchod pa zhes bya ba ni/ rang gi snying ga'i 'od las byung ba'i mchod pa'i lha mo rnams kyis mchod pa'o/ / bdun po rnam par dag par bya ba zhes bya ba ni sdig pa bshags pa dang/ bsod nams kyi rjes su yi rang ba dang bsod nams yongs su bsngo ba dang/ gsum la skyabs su 'gro ba dang/ zhu ba dang gsol pa gdab pa dang lam bsten par bya ba rnams so/ /byang chub tu sems bskyed nas/ zhes bya ba ni/ don dam pa dang/ rjes las skyes pa dag 'jig rten pa'i ye shes las byung bas srung ba'i 'khor lo la sogs pa'o/ / chos kyi 'byung gnas rnam par bsgom zhes bya ba sngon du bsrung ba'i 'khor lo bsgom nas/ der mos pa spyod pa'i sa dang bcas pa'i sa bcu gsum pa'i rang bzhin chos 'byung ba'i phyag rgya zhabs phra ba ster yangs pa dkar bo rdo rje 'dzin pa'i bdag nyid bsgom pa'o/ /der ni sangs rgyas gnas khang bsgom zhes bya ba ni de'i nang rdo rje pad+ma'i steng du 'byung ba chen po bzhi dang/ b+h+ruM dang 'khor lo la sogs par snang mdzad yongs su gyur pa las khang bu brtsegs pa bsgom pa'o/ /rnam pa lnga po bsgom par bya zhes bya ba ni a la sogs pa'i dbyangs yig bco lnga las zla ba/ ka la sogs pa'i gsal byed sum cu rtsa bzhi las nyi ma de'i 'od kyis sangs rgyas kyi yon tan thams cad bkug ste skar ma lta bur btsud nas de dag phan tshun du gzugs brnyan lta bur blta bar bya ste/ me long lta bu'i ye shes so/ /de'i steng du hUM dang aM yongs su gyur pa las rim pa bzhin du sna tshogs rdo rjes mtshan pa'i thod pa dang gri gug lte bar nyi ma la sa bon gyis mtshan pa ni so sor rtog pa'i ye shes so/ /de'i 'od zer las lha mo bco lnga'i dkyil 'khor gyi 'khor lo 'phros te 'gro ba'i don byed pa ni bya ba nan tan gyis ye shes so/ /bsdus nas sa bon dang/ phyag mtshan dang zla ba nyi ma de dag thams cad yongs su gyur pa las byung ba'i dang po'i skyes bu zhes bya ba kun tu bzang po phyag bcu drug pa zhal brgyad pa zhabs bzhi pa 'og nas 'byung ba'i mdog dang mtshan mang ldan pa ni shin tu rnam par dag pa'i ye shes te/ mngon par byang chub pa lnga'o/ /bsgom par bya zhes bshad do/ /mkha' 'gro ma'i 'khor lo spros zhes bya ba ni/ de nas rdo rje chags chen te zhes bya ba'i mthar sbyar bar bya'o/ /dri za bzhin du zhugs nas ni/ ltung ste zhu ba rjes dran bya zhes bya ba la/ skye bzhin pa'i lha'i rnam pa ltar/ hUM aM zhes bya ba hobcug ste/ yi ge bzhi rang gi zhal nas zhugs te/ pad+ma'i snying por bsams te/ 'dod chags chen po zhu bar bltas la/ de'i 'od kyi mthus dang po'i skyes bu rig pa dang bcas pa yang me lce 'bar ba dang 'dra bar 'od 'bar ba dang zhu ba'i gzugs su gyur par bsgom pa'o/ /mtshams kyi lha mos bskul bar bya/ zhes bya ba ni zhu ba'i 'od las byung ba'i mkha' 'gro ma rnam pa bzhis/ khyod ni zhe sdang rdo rje zhes bya ba la sogs pa'i glus bslang bar bya'o/ /'khor lo'i 'dren pa bskul nas ni/ zhes pa ni glus bskul ba'i 'og tu lha mo bzhi zhu ba'i gzugs su bsdus nas sa bon dang mtshan ma yongs su gyur pa las zhal la sogs pa'i 'og nas 'byung ba dang ldan pa'i skur ba zhengs ba'o/ /mig sogs rnams la gti mug sogs/ zhes bya ba la/ mig dag la ni gti mug rdo rje'o/ /rna ba dag la ni zhe sdang rdo rje'o/ /sna dag la ni ser sna rdo rje'o/ /lce dag la ni 'dod chags rdo rje'o/ / lus la ni phrag dog rdo rje'o/ /yid la ni bdag med mkha' 'gro ma ste/ de rnams kyi mdog la sogs pa ni 'og nas ston par 'gyur ro/ /rdo rje gsum bo gnas gsum dgod/ ces bya ba ni/ snying ga dang/ mgrin pa dang/ spyi bo'i gnas su mkha' la sbyong ma dang/ sa spyod ma dang/ sa 'og na spyod pa rnam pa gsum dgod do/ de dag gi thugs kyi lta bas hUM aM/ aoM zhes bya ba rnams sngon po dang/ dmar po dang/ dkar po'i mdog tu rim bzhin du bsam par bya'o/ /de'i 'og tu dbang bskur bar gsol bas dbang bskur bstan pa'i phyir rig ma brgyad kyis dbang bskur bya zhes bya ba smos te/ rang gi snying gar nyi ma la gnas pa'i thod pa dang/ zangs gri'i sa bon las byung ba'i 'od kyis skul ba'o/ /lha mo brgyad kyi phyag gi pad+ma bdud rtsis gang ba'i bum pas brgyan pas spyi bor bkru bar bsgom pa'o/ /de nas rdo rje rjes chags te/ zhes bya ba la/ rdo rje ni de bzhin gshegs pa rnams so/ /de rnams kyi rjes su chags pa ni rdo rje pad+ma sbyangs nas/ mnyam par sbyor ba'i sgyu ma'i sgras de bzhin gshegs pa thams cad bdag la btsung ste/ aoM sarba ta thA ga ha a nu rA ga na badzra swab+hA ba At+ma ko nya haM zhes bya bas bde ba chen po la longs spyod pa'o/ /de dag ni rang bzhin gyi sku'i bdag nyid sbyor ba dang po'i ting 'dzin to/ /de nas pad+ma'i nang du so so'i sa bon yongs su gyur pa las so so'i yi ge brjod nas sgo dang/ mtshams kyi lha mo rnams de dang der spro zhing dgod par bya'o/ /ye shes 'khor lo bzhug par bya zhes bya ba ni sa bon de dag las byung ba'i 'od kyi ye shes kyi 'khor lo bkug nas/ slar yang bgegs bsal ba dang/ mchod pa byas dgug pa dang/ gzhug pa dang/ bcid ba dang/ dbang du bya bar bsgrub pa'o/ /de nas bdud rtsi myang bar bya zhes bya ba ni 'khor lo'i gtso bo la bstod par bya zhes bya ba'i 'og tu sbyar bar bya'o/ /lha mo brgyad kyis mchod nas ni zhes bya ba ni snying ga'i sa bon las spros pa'i rig ma brgyad gyis mchod pa'o/ /'khor lo'i gtso bo bstong bar bya zhes bya ba ni/ 'og nas 'byung ba'i glu dang sbyar ro/ /de nas yan lag drug po bsgom zhes bya ba ni kha dog rnam par drug 'khor lo sgyur ba drug gi rang bzhin gyi gnas su ston pa ste/ de la nag po dang/ dmar po dang/ ser po dang/ ljang gu dang/ sngon po dang/ dkar po'i rims kyis lhan cig skyes pa'i dga' ba tsam gyi bdag nyid du 'khor lo'i bdag po rnams bsgom par bya'o/ /de dag ni longs spyod rdzogs pa'i sku'i bdag nyid dkyil 'khor rgyal po mchog gi ting nge 'dzin te gnyis pa'o/ /bdag byin brlabs pas byin gyis brlab ces bya ba la bdag byin gyis brlab pa ni rang gi ye shes te/ des gzhan dag byin gyis brlab pa ni rang gi ye shes su sbyar ba'o/ /de dag gi sprul pa'i sku'i bdag nyid las rgyal po mchog ces bya ba'i ting nge 'dzin gsum pa'o/ /cho ga de yang sgrub thabs su shes par bya ste/ rgyud kyi tshul las 'byung ba re zhig 'dir sbyar bar bya ste/ bdag byin gyis brlab pa ni mtshan ma rnam pa lnga ston par le'u bcu bzhi pa las gsungs te/ bdag byin brlabs nas byin brlab pa/ mdor bsdus nas ni bshad par bya/ /snying ga'i dbus gyur zla ba ste/ /zla ba'i gzugs la mi shigs pa/ 'od zer sna tshogs kun tu 'phro/ /de yis rdo rje rnam par bsgom/ /rdo rjes bdag med rnal 'byor ma/ /bsgoms te tshogs bskul nas su/ /mkha' 'gro'i sna rtse nang gnas por/ /yungs kar zhes bya ba rnam par bsgom/ /khams gsum rgyu dang mi rgyu ba/ /'gro ba ma lus der bsgom bya/ /'di ltar rtag tu bsgom pa yis/ /bdag byin brlab pa 'grub par 'gyur zhes bya ba smos te/ de la mdor bsdus zhes bya ba ni go rims bzhin du'o/ /snying gi dbus gyur zhes bya ba ni shes rab kyi pad+ma nang du'o/ /zla ba ni zla ba'i dkyil 'khor ro/ /mi shigs pa zhes bya ba ni thig le dang/ zla tshes dang/ dbyangs yig drug pas brgyan pa'i yi ge ha'o/ /'od zer sna tshogs kun tu 'phro zhes bya ba ni 'od zer sna lnga dang ldan pa'o/ /de yi rdo rje rnam par bsgom zhes bya ba ni hUM yongs su gyur pa las byung ba'i rdo rje sngon po nas 'bru tsam bsam pa'o/ /rdo rjes bdag mod mkha' 'gro ma/ bsgoms nas zhes bya ba ni rdo rjes mtshan pa'i don to/ /cho gas skul nas su zhes bya ba ni dbang po gnyis kyi sbyor bas dbab pa'o/ /mkha' 'gro ma yi sna rtser gnas zhes bya ba ni gnyi ga'i sna'i rtse mo'i mtshams su'o/ /khams gsum rgyu dang mi rgyu ba zhes bya ba ni rten dang rten pa'i dkyil 'khor ro/ /der zhes bya ba ni rdo rje lta ba'i nang du'o/ /yang na snying ga'i dbus gyur ba zhes bya ba ni rang gi snying gar ro/ /zla ba dang mi shigs pa ni bshad zin to/ /phra mo zhes bya ba ni rdo rje yongs su gyur pa'i thig le ste/ mkha' 'gro bdag med ma zhes bya ba ni bdag med ma nyid ston pa'o/ /cho gas bskul nas su zhes bya ba ni sngar bshad pa bzhin du snying ga nas bskul ba'o/ /gang du zhe na/ mkha' 'gro ma yi sna rtser gnas zhes bya ba ste/ pad+ma'i sna'i rtse mor ro/ /lhag ma ni sngar bshad pa bzhin du sbyar ro/ /cho ga'i go rims rim pa yis/ /de nas mtshan ma mtshon par bya zhes bya ba la/ /cho ga'i go rims ni goms pa phul du byung ba'o/ /rim pa zhes bya ba ni mtshan ma rnams rim gyis skye ba'o/ /gzhan dag na re rim pa'i mtshan nyid tha dad pa ste dus gcig tu skye bar 'gyur zhes zer ro/ /dang po sprin gyi rnam pa ste zhes bya ba ni phra mo'i 'od zer dang po sprin dang 'dra bar mthug pa ste/ he ru ka'e'o/ /gnyis pa du ba lta bu yin zhes bya ba ni 'od zer ygnyis pa nam mkha' la chags pa'i dud sprin ltar snang ba ste rtag pa'i'o/ /gsum pa srin bu me khyer 'dra zhes bya ba la mkha' zhes bya ba ni chos kyi dbyings so/ /au 'dod lta zhes bya ba ni shar cing skyes pa ste/ sangs rgyas kyi sku yin la/ de ltar snang ba'i 'od ni gsum ba ste/ nyi ma'i yin no/ /bzhi pa mar me lta bur 'bar/ zhes bya ba ni mar me'i rtse mo ltar 'bar ba ste/ pad+ma'i yin no/ /lnga pa rtag tu snang ba ni/ sprin med nam mkha' lta bu'o zhes bya ba ni snang ba gang nam mkha' i rnam pa ltar rgyun tu gsal bar snang ba ste/ rta mchog go/ thams cad mkhyen ba'i rgyu yin no zhes bya ba ni ting nge 'dzin rnyed pa'o/ /phyi nas sgyu ma'i tshul du zhes bya ba ni ting nge 'dzin rnyeng nas mtshan ma'i dkyil 'khor la bsdu zhing rmi lam ltar brdzun pa nyid kyis ni nyi ma dang zla ba'i dkyil 'khor shin tu phra ba'i rnams bdag med pa nyid du bsdu bar bya'o/ /'di sa gnyis pa thams cad stong pa nyid du rtogs nas gnas pa ste mos pas spyor ba'i sas byin gyis brlabs pa'o/ /skad cig 'gyur zhes bya ba ni yang lhag par dga' ba ste/ sngar ma rtogs pa'i chos nyid rtogs pa'i phyir ro/ /de yang chos kyi dbyings kun tu 'gro ba'i don du rtogs pas bdag dang gzhan gyi 'khor lo gsum bo mnyam zhing gzugs brnyan gyi rnam pa lta bu'i sku snang ba ste/ rab tu dga' ba'i sas byin gyis brlabs pa'o/ /khams gsum rgyu dang mi rgya ba zhes bya ba la rgyu ba ni sems can kyi rgyu ba ni snod kyi 'dzin no ma lus lus pha med na ni zhes pa ni 'dod pa dang gzugs med po'i khams mdza' dag so/ 'grub ces bya ba ni gnas gsum yongs su gyur ba'i chos kyi sku thob par 'gyur pa'o/ /rdo rje'i lus can zhes bya ba ni sa mi g.yo ba la sogs par 'jug pa'o/ /de ci zhig ce na/ gong du thal pa'i sku ni ye shes kyi phung po zhes bya ba la sogs pa smos te/ de la ye shes phung po zhes bya ba ni/ mtshan sum cu rtsa gnyis dang dpe byad bzang po brgyad cus brgyan ba'i longs spyod rdzogs pa'i sku ste/ me long lta bu'i ye shes la sogs pa'i rang bzhin yin pa'i phyir ro/ /blo ldan zhes bya ba ni sprul pa'i sku ste/ 'gro ba mdza' dag gi yid dang 'tsham pa'i phyir ro/ /yang na dag pa 'jig rten pa'i ye shes kyis rnaM pa thams cad ji lta ba bzhin du mkhyen pa ste/ mkhas pa zhes bya ba'i don to/ /khams gsum ma zhes bya ba ni sangs rgyas kyi zhing yongs su dag pa'i rang bzhin te khang bu brtsegs pa'o/ /gsal ba zhes bya ba ni shin tu 'bar ba'i rin po che bdun las bsgrabs pa'i phyir ro/ ji? srid skye gnas las 'byung gnas/ zhes bya ba ni/ skye gnas ba zhis mngal skye sgong skye drong sher skye brdzus te skye bas bsdus pa'i skye bo rnams so/ /phyag rgya chen po rjes su zhes bya ba ni lha la sogs pa'i skye bo khyad par can rnams phyag rgya chen po la 'thob pa'i 'khor du 'gyur ba'o/ /de dag kun la nye bar spyed ces bya ba ni bla na med pa'i chos kyi longs spyod la spyong pa'o/ /zhal brgyad cas bya ba ni sgra ji bzhin pa ste rnam par thar pa'i sgo/ brgyad rnam par dag pas so/ /ain+d+ra nI la mtshungs pa'i 'od ces bya ba na sku'i kha dog ste/ byams pa'i sems dang ldan pas so/ /zhabs bzhi pa zhes bya ba ni bdud bzhi rnam par dga' so/ /dang po'i zhal ni nag po ste zhis bya ba ni mtshan ma med pa'i sgro dag pas so/ /dgar po par pos rnam par brgyan ces bya ba la/ stong pa nyid kyi sgo sbyangs pas na dkar po'o/ /smon ba med pa'i sgo ma chags pas na dmar po'o/ /bdud bzhi mnyam par mnan pa ste zhes pa ni phung po dang nyon mongs pa dang 'chi bdag dang lha'i bu bdud do/ /spyi bor rdo rje 'dzin pa zhes bya ba ni mi bskyod pa'o/ /sna tshogs gzugs can btsun mo rnam zhes bya ba la/ gti mug rdo rje ni dkar mo'o/ /zhe sdang rdo rje ni sdon mo'o/ /ser sna rdo rje ni ser mo'o/ /'dod chags rdo rje ni dmar ma'o/ /phrag dog rdo rje ni ljang gu'o/ /bdag med rnal 'byor ma ni nag mo'o/ /gri gug thong pa phyig na bsnams zhes bya ba la/ gri gug ni g.yas na'o/ /thod pa ni g.yon na'o/ /srog dang bral ba steng du gnas zhes bya ba ni ro'i snying gar nyi ma la g.yon brkyang pas gnas pa'o/ /mkha' spyod ces bya pa ni snying gar mdog sngon mang sa spyod ces bya ba ni mgrin pa ste kha dog dmar mo'o/ /sa 'og spyod pa zhes bya ba ni sbyi bor te kha dog dkar po'o/ /rgyud 'dir nyi ma'i 'od dang gdan can yin pas nyi ma'i dkyil 'khor la bsgom mo/ /gzugs dkar mo zhes gsungs pa'o/ /lhag ma go sla'o/ /byang chub sems kyi bum pa ni/ me yi thabs tu rgyal mchan che/ zhes bya ba ni bsdus pa'i dkyil 'khor gyi mtshams na gnas ba'i lha mo rnams kyi mtshan ma'o/ /de dag sgo skyong rnams ni go rims ji lta bzhan no/ /yang na ni mtshan ma 'ba' zhig bsgom mo/ /'khor los sgyur ba lnga'i sgrub thabs ni mngon bar 'byung ba bsdus pa las shes par bya'o/ /zangs gri dang ni chu skyes dang/ /khwa TAM ga bsnams bdag med ma/ /bdud de de sgrub thabs ni/ /rim pa bzhin du bri bar bya/ /de la sngags pa stong bal sogs pa'i yon tan dang ldan zhing/ byams pa la sogs pa sngon du 'gro ba'i byang chub kyi yid can/ dpal mkha' 'gro ma rdo rje dra ba'i dkyil 'khor du dbang bskur zhing rjes su gnang ba zab mol lhag par mos pa de kho na nyid bcu shes shing dam tshig dang sdom pa la gnas nas rang gi sdags mnyes par byed pa la brtson pas/ ri bo la sogs pa gnas yid du 'ong ba la lar/ bsam gtan khang pa tsan dan la sogs pa dri zhim pos gru bzhi bar byugs nas bde ba'i bstan la rdo rje skyil krung gis 'dug ste/ phyag gi lo ma ting nge 'dzin gyi phyag rgyar byas la rang gi snying gar nyi ma la yig ge aM bkod nas gdong bkru ba la sogs pa bya ste/ aoM rak+Sha k+Sha hUM hUM hUM phaT phaT phaT zhes bya ba'i sdags kyis gnas dang bdag bsrung ba byas shing rang gi snying ga'i sa bon gyi 'od kyis dkyil 'khor gyi 'khor lo mdun du dmigs la phyag nas mchod bar bya ste/ de la go rI ri bong can gyi snod thogs pa dang/ tso rI nyi ma'i snod thogs pa dang bet+ta lI chu'i snod thogs pa dang/ g+ha sma rI sman thogs pa dang/ buka sI rdo rje snod thogs pa dang/ sab rI ro'i snod thogs ba rnams kyis mchod nas/ tsan lI rde'u chung brdung zhing/ Do mri nIs mgrin pa nas 'khyud de mnyes par bya'o/ /de'i rjes la dkon mchog gsum la skyabs su mchi zhes bya ba nas/ 'gro ba phan phyir sangs rgyas 'grub par shog bya ba'i bar du brjod nas/ bde bar gshegs pa'i tshogs kyi spyan sngar sdig pa'i phung po dag bshegs par bgyi'o/ zhes bya ba dang/ bde gshegs thub pa rnams dang/ srid ba gsum gyi skye bo dam pa rnams kyi bsod nams kyi chogs kyi dpal la dad pas rjes su yi rang bar bgyi'o/ /zhes bya ba dang/ ji srid byang chub snying por mchis kyi bar du rtog pa yongs su bcom pa'i rgyal ba sangs rgyas rnams la skyabs su mchi zhes bya ba dang/ de bzhin theg pa chen po'i chos kyi mchog la skyabs su mchi'o zhes bya ba dang/ de bzhin du phyir mi ldog pa'i tshogs kyi byang chub sems dpa' i dge 'dun la skyabs su mchi'o zhes bya ba dang/ mkha' 'gro ma rdo rje dra ba'i de kho na nyid kyi rgyal po bla na med pa'i byang chub kyi lam bsten par bya'o/ /zhes brjod nas/ skye ba med pa'i sbyor ba yis/ /skye ba 'di ni rab tu grags zhes bya ba'i tshul gyis dngos po thams cad rnam par dpyad na med cing/ /ston ka'i nam mkha' i dkyil ltar snab ba med la spros pa med pa nyid du bsgom nas/ aoM shU n+ya tA dzA na badzra swa ba A tama ko haM zhes bya bas byin gyis brlabs pa'o/ /de nas mdun du ri las nyi ma'i dkyil 'khor te/ nyi ma der ni hUM byung rdo rje bsam/ /rdo rje bsam/ /rdo rje de nyid kyis ni rnam par bsgom bya ba/ /ra ba dang ni dra ba rab tu bcing par bya/ /zhes bya ba la sogs mngon du byas la/ de'i dbus su b+hUM las 'khor lo ser po rtsibs bcu la mi g.yo ba lta bur 'khor ba/ /hUM bcu yis ni sbyor ba yis/ /khro bo bcu ni rnam par bsgom/ zhes bya ba 'dis khro bo bcu bsams te/ de la shar la sogs pa'i rtsibs la ni gshin rje mthar byed sngon po'o/ /lho phyogs su ni shes rab mthar byed dkar po'o/ /nub phyogs su ni pad+ma mthar byed dmar po'o/ /byang phyogs su ni bgegs mthar byed sngon po ste/ rim pa bzhin du tho ba dang/ dbyug pa dang/ pad+ma dang/ rdo rje gdeng po thogs pa thung zhing gsus pa che ba/ sbrul brgyad kyi rgyan gyis grubs pa/ skra kham pa gyen du brdzes shing mig dmar la zlum pa/ rnam par snang mdzad dang mi skyod pa dang/ snang ba mdza' yas dang don yod grub ba'i dbu rgyan dang/ stag lpags kyi sham thabs bgos pa'o/ /mtshams kyi khro bo ni nag po ste/ gnod mdzes dang gcug tor 'khor los sgyur ba'i bar du gtsug tor dang/ lcags kyu dang/ mdung rtse gsum pa dang/ ral gri dang/ gtun shing rnams thogs bste/ de la mi mtshams su Tak+ki rin po ches brgyan pa dang/ lha'i na bza' bsnams ba'o/ /bden bral du ni dbyug pa sdon po'o/ /rlung mtshams su ni stobs po che ste/ de dag ni gshin rje gshed pa sogs pa dang 'dra'o/ /dbang ldan du ni mi g.yo ba ste Tak+ki lta bu'o/ /steng du gtsug tor ser po'o/ /'og tu gnod mdzas nag po ste/ rgyan la sogs pa Tkek lta bu'o/ /thams cad kyang sna tshogs pad+ma dang nyi ma'i gdan la g.yon brkyang pas gnas ba'o/ /lag pa g.yon pa rnams kyis klu'i zhags pa dang/ ldigs mdzub thogs pa/ mi bskyong pa dang nor bu'i dbu rgyan can/ dbus na dkyil 'khor lnga la khro bo gzhan yang ldan pa'o/ /de nas 'bar ba'i tshogs pad+ma phyogs bcing ba la sogs pa byas nas/ de 'di dug chos 'byung ba zhes ba'i phyag rgya gru gsum pa nang nam mkha' i rang bzhin la/ sna tshogs rdo rje dang pad+ma'i steng du/ yaM raM paM laM gaM sa bon rnams las byung ba rlung dang me dang chu dang dbang chen gyi dkyil 'khor rnams dud ka rang dmar po dang dkar po dang/ ser po'i kha dog can no/ /der b+h+ruM dang 'khor lo las byung ba'i rnam par snang mdzad kyi ba spu'i bu ga las bdud rtsi'i chu rgyun 'dzag pas 'byung ba bzhi zhu b a las byung ba'i khang bu grtsegs pa bzhi pa kha khyer bzhi dang ldan pa rta babs bzhis brgyan pa me tog gi phreng bas brgyan pa la/ lha bco lnga'i gnas su sna tshogs pad+ma la ro'i gdan la snying khar nyi ma'i dkyil 'khor gyis brgyan pa bsgoms la/ ao sarba ta thA ga ta nI la ya badzra swa b+hA pa A tam ko haM/ zhes brjod par bya'o/ /de nas gdan dbus ma'i steng du sgra yig bco lnga las byung ba'i zla ba dang/ ka la sogs pa'i gsal byed sum cu rtsa bzhi las byung ba'i nyi ma bsams la/ de'i 'od kyis ded 'dra bar sangs rgyas kyi che ba'i yon tan rnams btsud de brgyas par bya'o/ /de'i steng du dbyangs yig dang po thig le dang bcas par gyur pa las sa bon de nyid kyis mtshan ba'i zangs gri/ de'i 'od zer gyi sgo las rnal 'byor ma bco lnga'i 'khor lo spro ba dang bsdu ba'i rim pas bdag nyid med mar bsgom par bya ste/ ro'i snying ga'i steng gi nyi ma la phyed krung bcas pha'i gar gyis rol cing/ /mgo bo'i phyogs su 'jig pa'i dus kyi me 'bar ba'i skra dmar ser gyen du 'bar ba brjos pa/ rgyal ba mchog gi rdul phra rab las bsgrubs pa'i sku/ dmar la zlum pa'i spyan gsum pa nyi ma phye ba lta bu'i 'od kyis bdud sreg par mdzad pa/ mgo po rlon pa lnga bcu'i phreng bas nam tshong gi phyogs su brgyan pa/ phyag rgya lnga'i spras pa/ srid ba dang zhi ba la mi gnas pa'i chos kyi dbyings kyi rang bzhin du bsams nas/ aoM d+ha rmA d+hA tu swA b+hA ba A tam ko tuM/ zhes bya bas nga rgyal bya'o/ /phyag g.yas kyis zangs gri 'phyar zangs gri 'phyar zhing phyag g.yon pas lta dang lha ma yin la sogs pa'i khrag gis bkang ba'i thod ba dang kha TAM ga mchod phyir thogs kyi tshul du nga snams pa ste/ mig gnyis su gi ta mug rdo rje ma'o/ /rna ba dag la ni zhe sdang rdo rje ma'o/ /sna la ser sna rdo rje ma'o/ /lce la 'dod chags rdo rje ma'o/ /lus la phrag dog rdo rje ma'o/ /yid la bdag med rnal 'byor ma'o/ /yang gzugs kyi phung po dang/ gti mug la ni rdo rje ma'o/ /char ba dang nga rgyal la ni rdo go ri ma'o/ /'du shes dang 'dod chags la ni chu ma'o/ /rnam par shes pa dang zhe sdang la ni bdag med ma'o/ /de bzhin du sa'i khams dang byams pa ni puk+ka sdi'o/ /de bzhin du chu dang snying rje ni sa ba rI'o/ me dang dga' ba ni tsaN+Da lI'o/ /rlung dang btang snyoms ni Do mib nI'o/ /de dag gis rim pa bzhin nang du gzugs dang sgra dang dri dang ro rnams sbyang zhing/ reg bya dang chos kyi khams la ni sa 'og dang/ gnas pa dang mkha' sbyod mar bsam mo/ /de ltag par bsams nas snying ga'i zla ba'i hUM gis mkha' spyod ma sngon mo'o/ /mgrin par zla bar ni a yis sa spyod ma dmar ma'o/ /mgo bo'i zla bar ni ao gyis sa 'og na gnas pa dkar mo bskyed la/ aoM sarba ta thA ga tA khe tsa ri badra swa btA ba A t+ma koSha taM/ aoM sarba ta tha' ga ta b+hu tsa ri badzra swa b+hA ba A tam ko nya haM/ aoM sarba ta thA ga ta pa ta la ba si ni badzra swa b+ha ba A t+ma ko nya haM/ zhes bya bas nga rgyal byas la/ rang gi snying ga'i nyi ma'i zangs gri'i lte ba'i aM las byung ba'i 'od kyis 'od kyis de bzhin gshegs pa rnams bkug la/ de bzhin gshegs pa thams cad kyis bdag la dbang bskur rab tu stsol zhes bya bas de rnams he ru ka'i gzugs su gyur nas/ me tog gi char dang rnga sgra dang bcas par spyan ma la sogs pas ga lan cig gzugs rdo rje la sogs pas bstod cing mchod nas dbang bskur ro/ / dbang bskur nas spyi bor mi bskyod ba bsgoms te/ aoM sarba ta thA ta ta a b+hi She ka ta badzra swa b+ha ba A tam ko nya haM/ zhes nga rgyal bya ste/ 'di ni ngo bo nyid nyid kyi sku la rang bzhin sbyor ba dang po'i ting ngo 'dzin to/ /de nas bar gi snying ga'i sa bon la gnas bcu bzhir ro'i snying gar zla ba dang/ nyi ma la so so'i sa bon spros nas/ sa bon dang zangs su gri yongs su gyur pa las snga ma shin lha mo rnams bsgom par bya'o/ /AM ai a'i auM rnams ni badzra dad go rI dang/ ba ri dang/ badzra DA ki ni rnams so/ /a'uM raM rAM laM ni pukak sI dang sa ba rI dang tsaNda lI dang/ Do m+baM e ni gau rI dang/ tsa rI dang/ betat lI dang b+ha sma rI'o/ /aoM ni sa sbyong ma'i'o/ /aoM ni mkha' spyod ma ste/ rim pa bzhin du skyed la thams cad kyang mdog dang mtshan ma la sogs pa bdag med ma dang mtshungs par/ ro'i snying gar gar stabs kyis bsgom mo/ /gnas gang dang gang du zhe na/ rgyud gzhan las gsungs pa/ dbang por rdo rje gshin gau rI/ chu'o phyigs chu ya rnal 'byor ma/ /gnod sbyin rdo rje mkha' 'gro ma/ /dbus su bdag med rnal 'byor ma/ /dbang ldan pukak sA yin te/ /sreg byed mtshams su sha ba rI/ /srin po'i mtshams su tsa tA lI/ /Do mib rtag tu rlung du gnas/ /shar gyi sgor ni ga rI ste/ /lhor ni tso rI'i gzugs can no/ /nub tu bet't lI yin te/ /de bzhin byang du b+ha sma ri/ /'og tu sa spyod ma yin te/ /steng du mkha' la spyod mar 'dod/ /ces bya ba'o/ /de ltar dkyil 'khor yongs su rdzags par bltas nas/ thams cad kyi snying kha nas byung ba'i 'od kyi scags kyus thub pa'i dbang po rnams/ rnal 'byor ma bco lnga'i tshul du drangs la/ sgo skyong ma rnams kyis bgegs bskrad cing/ gau rI la sogs pa rnams kyis mchod do/ /aoM badzra go rI ArSha ya dzabrlabs te/ sku la sogs pa byin gyis brlabs pa sngon du 'gro bas dbang bskur li rigs kyi bdag po dbul bsgom par bya ste/ de la rdo rje ma la sogs pa snams kyi ni rnams par snang mdzad dang/ rin chen dbang dang/ 'od dpag med dang/ don yod grub pa rnams so/ /mtshams na gnas pa dang/ sgo skyong ma rnams kyis ni/ sems kyi ni dbang dang/ rtag pa dang rin chen dbang dang/ snang ba mdza' yas rnams so/ /sa la spyod ma ni rnam par snang mdzad do/ /mkha' spyod ma ni snad ba mdza' yas so/ /de nas gau rI la sogs pas rang gi mchod rdzas rnams kyis thong pa yongs su gang bas bcom ldan 'das bdud rtsis yongs su mchod la/ dkyil 'khor pa gzhan dag gis kyang longs spyad nas/ aoM sarba ta thA ga ta a mri ta swa b+hA ba Ahma ko nya haM/ tsaN+Da lI yis rde'u chung rdung zheng Do m+bis sku la 'khyud par bya'o/ /de nas gsad ba'i pad+mar bskyed pa'i rdo rje dang rjes su chags pas/ aoM sarba ta thA ga ta pu dza badzra swa b+hA ba A t+ma ko nya haM/ zhes bya ba mchod la/ khyod ni rnal 'byor ma rnams yongs su bskor/ zhes bya ba la sogs pas bstod de/ aoM sarba ta thA ga te stu ti pu dza badzra swa b+hA ba At+ma konya haM/ zhes bya bas bstod de/ slar yang aoM pad+ma su kha d+ha ra ma hA rA ga su khaM dad tsa tu rna nda? b+ha ga bi shA hUM hUM hUM kar yaM ku ru sha ma/ aoM badzra mhA de Sha tsa tu rna n+nga dA ya ka/ kha ga mu khe ka rA so nA tha hUM hUM hUM ka ra yaM ku ruM Sha me zhes bya bas rdo rje dang chags pa spyad nas/ aoM sarba ta thA ga ta a nu rA ga ta badzra swa b+hA ba at+ma ko/ haM/ zhes bya ba ni longs spyod rdzogs pa'i sku'i bdag nyid/ dkyil 'khor rgyal mchog gi ring nge 'dzin to/ /de nas lta bar 'dab ma drug cu rtsa bzhi ba'i dbus su aM/ snyid gar 'dab ma brgyad pa'i su hUM/ mgrin par 'dab ma bcu drug pa'i dbus su aoM/ mgo bor 'dab ma sum cu rtsa gnyis pa'i dbus su haM zhes bya ba bkod la/ lte bar gtum mo sbar pa yis/ /de bzhin gshegs pa lda bsregs te/ /spyan la sogs pa'ang bsregs bar bya/ /bsregs pas haM las zla 'dzag 'gyur/ zhes bya ba la sogs gtum mo bsgom par bya'o/ /de'i 'og tu rang rang gis bon gyi 'od las rang rang gi sprul pa phyung ste/ rang rang gi ye shes la sems can rnams bkod nas dkyil 'khor bsdus la/ dkyil 'khor gyi bdag bo rdo rje 'dzin chen po'i go 'phang la gnas nas bsgom pas du ba na 'gog pa'i tshig gis/ aoM a A ai a'i/ au a'u/ ri ri/ li lI/ e ai/ ao aau a aba'i chogs so/ /kha zas la longs spyod pa la ni bdud rtsi myang ba'i chogs so/ /dga' ba la spyod na rjes su chags pa'i cho gas so/ /ngal du ba la ni spyi bor aoM las bdud rtsi 'dzag pas lus rta ba sngon btang la sngags bzlas pa bya'o/ / ji skad du bstan pa'i dam tshig nyams pa la/ dam tshig ces bya ba byung nas ni zhes bya ba la sogs pa'i tshul gyis dpal rta mchog gi ting nge 'dzin la gnas nas/ sna tshogs rdo rje dang yi ge khaM gis pon gyi 'od kyis ji lta ba bzhin du dbang bskur bar bya'o/ /bdud gzhom pa la ni bgegs dgra'i 'khor lo la gnas par bya ste/ 'di dag ni sprul ba'i sku'i rang bzhin las rgyal mchog gi ting nge 'dzin to/ /mkha' 'gro ma yis 'khor lo ni/ bris la dge ba gang snyed pa/ /des ni skye 'gro srid mtsho las/ /brgal nas rgyal mchog nyid gyur cig /bdag med ma'i sgrub thabs rdzogs so// //'og nas 'byung ba'i lha rnams kyi sgrub thabs gzhan dag kyang bde blag tu rtogs par bya ba'i phyir/ 'dir rim pa bzhin du bri bar bya ste/ de la sngar ma dang 'dra bar snying gar zla ba la bsams pa'i tAM gi 'od zer gyis dkyil 'khor gyi 'khor lo mdun du dmigs la phyag bya ba dang/ mchod pa la sogs pa sngon du 'gro bas don dam pa byang chub kyi sems bsgom la/ /bsrung bya ba ste/ chos 'byung ba'i nang du khang du brtsegs pa'i 'og tu nyams su blangs nas/ mngon par byang chub pa lnga'i rim pa'am/ zla ba dang rdo rje rims kyis kyang rung ste/ yi ge tAM dang autpa la sogs su gyur pa las spro ba dang/ bsdu ba'i rim pa sngon du 'gro bas/ rdo rje sgrol ma bskyed par bya ste/ de yang gsungs pa/ ma mo'i dkyil 'khor dbus gnas par/ lha mo sgrol ma bsgom bya ste/ /zhal bzhi pa la phyag brgya nga/ rgyan rnams kun gyi rnam par klubs/ /gser gyi mdog tu rnam par bsgom/ /gzhon nu ma yi mtshan gyis 'bar/ /rdo rje nyi mas dbang bskur te/ /sangs rgyas bzhi yi cod pan che/ /na chung gzhon nu mdangs bzang zhing/ /gser gyi rna cha g.yo ba can/ /sna tshogs pad+mar bzhugs nas ni/ 'od zer dmar pos rnam par klubs/ /rdo rje zhags pa ral gri dang/ /de bzhin g.yas na mda' ni bsnams/ /rdo rje lcags kyu autpa la/ /gzhu dang sdigs mdzub g.yon pas 'dzin/ zhes pas so/ /de'i 'og tu mig dang sku la sogs pa byin gyis brlab pa dang/ dbang bskur ba'i mthar thug pa snga ma bzhin du nyams su glang bar bya ste/ 'di ni sbyor ba dang po'i ting nge 'dzin to/ /gzhan dag kyang gsungs pa/ /rdo rje skyil krung spyod pa yis/ /sa gsum pa ni bsgrub par bya/ zhes bya ba la sogs pa ste/ thams cad kyang sna tshogs pa'i stan la rdo rje skyil krung gi bzhugs shing/ 'od zer dmar pos brgyan pa'o/ /de dag kyang gang zhe na/ shar du me tog sgrol ma ste/ yi ge aoM gyis bskyed pa'o/ /kha dog dmar po yid dga' ma/ /phyag na me tog phreng ba bsnams/ /zhal gcig pa la phyag gnyis pa/ /rgyan rnams kun gyi rnam par klubs/ zhes bya ba ni thams cad kyi'o/ /lho ru spos kyi sgrol ma ste/ /yi ge tAM gis bskyed pa'o/ /kha dog sngon mo yid 'ong ma/ /phyag du bdud pa'i phor ba bsnams/ /nub du mar me'i sgrol ma ste/ /yi ge re yi bskyed pa yis/ /kha dog ser mo rnams brgyan g.yon/ / mar me'i kong bu phyag na bsnams/ /byang du dri yi sgrol ma ste/ /yi ge tus bskyed kha dog dmar/ dri yi dung chos phyag na bsnams/ /snying po'i dkyil 'khor bsgom par bya/ zhes bya ba la sogs pa ste/ shar la sogs pa'i sgo rnams su ni yi ge hA yis lcags kyu sgrol ma'o/ /re yis zhags pa sgrol ma'o/ /tu yis lcags sgrog sgrol ma'o/ /re yis bgegs pa'i sgrol ma ste/ /rim bzhin du kha dog dkar po dang ser po dang/ dmar po dang ljang gu ste/ lcags kyu dang zhags pa dang/ lcags sgrog dang dril bu bsnams pa'o/ /'og tu yi ge sa yis nges 'dul sgrol ma ste/ kha dog sdon mo phyag na klu'i zhags pa bsnams pa'o/ /steng du yi ge ha yis bskyed pa'i gtsug tor rnam par rgyal ma'i sgrol ma kha dog ser mo phyag na 'khor lo bsnams pa'o/ /kha cig ni bcom ldan 'das ma'i thugs kar lha mo rnams bsgom par bya'o/ /zhes zer ro/ /kha cig gdan la bskyed par 'dod do/ /de nas sngon bzhin du ye shes kyi 'khor lo bcu gal mchod pa dang bstod pa dang/ bdud rtsi myang ba'i mthar thug pa nyams su blangs nas spro ba dang bsdu bas 'gro ba'i don byed cing/ ji srid 'dod pas bsgoms la/ aoM tA re tud tA re tu re swAhA/ zhes bya ba bzlas shing/ /naMb+ha ya mo ha ya ban d+ha ya hUM hUM hUM phaT phaT phaT sarba du Sh+Ta na sta b+ha ni tA re swAhA/ /zhes bya bas kyang bsgrub par ste/ rdo rje sgrol ma'i sgrub thabs so/ /rdo rje gzhi'i rim gyis snga ma lta ra snying gar nyi ma lala/ mchod pa nas sdig pa bshags pa dang stong pa nyid dang bsrung ba'i 'khor lo dang/ chos 'byung ba'i bar du bsgoms nas der dur khrod brgyad kyis dbus su h+rIp ar byang chub pa rnam pa snga'i rim gyis h+rIcing/ dmar la zlum pa'i spyan gsum pa/ zhal gcig phyag bzhi pa la/ phyag dang po gnyis na au tA la/ phyag dang po gnyis na au tpa la kha zum pa'i 'da' dang me tog rgyas pa'i gzhu bsnams pa/ gzhan gnyis kyis lcags kyu dang au tpa la'i zhags pa bsnams shing/ bdog dmar ba/ /do'i snying ga'i nyi ma la phyed krung bcas pa'i nyi mad gar gyis bzhugs par dur khrod brgyad kyi dbus su bsams nas/ rdo rje se gol gyi phyag rgya bcas te/ aoM badzra sa mA dzasems dpa' bkug la snga ma bzhin du dpang bskur nas/ snang ba mdza' yas dbu brgyan du bsams te/ mchod pa dang bstod pa dang bdud rtsi myang ba byas la spro ba dang bsdu bas 'gro ba'i don byed cing/ ji srid 'dod kyi par du/ bsgoms nas/ aoM ku ru ku l+le h+rIkhri phrag bzlas la/ de nas nya'i cu ba mo snying ga'i h+rIdog dmar po khro zhing rgyags pas myos pa brgyad bsams la/ dbugs kyi rlung gi sna sgo g.yon pa nas spur te/ bsgrub bya'i sna sgo g.yas pa nas snying gar zhugs nas de'i snying ga na gnas pa'i dbyangs yi ge thung du brgyad la myos pas 'jib cing phye mar byed par bsam mo/ /de nas rnal 'byor pas me tog gi gzhu dang autpa la'i mda' rna drung du bkang ste/ lte ba chang ba la gtad nas bsgrub bya'i snying ga'i pad+ma'i lte bar bsnun pas bung ba de rnams de'i rang gi dam tshig gis bskul nas/ so sor dbyangs yig rnams gzung ste/ sna sgo g.yon nas byung ste/ rnal 'byor pa'i sna sgo g.yas par zhugs nas/ rang gi dam tshig gi ye shes pa dang/ gnyis su med par bsams te/ de nas autpa la'i sdong bu'i zhags pas mgrin pa bcings la/ lcags kyus snying ga gzer te/ 'od zer 'bar bas 'khrugs shing mgal me'i 'khor lo ltar sngags kyi phreng ba bsams nas/ aoM ku ru kul+le h+rIy a h+rIla yi ge haM bsams nas/ mchod pa dang/ sdig pa bshags pa la sogs pa sngon du 'gro bas stong pa nyid du bsgoms la/ mngon par byang chub pa lding rim gyi sa pon dang ral gri'i mtshan ma yong su gyur pa las/ rdo rje lun? med zhal gcig phyag bzhi pa 'am/ phyag drug par bsgoms par bya ste/ kha dog ser po sgeg cing ral pa'i thor tshugs can lo bcu drug lon pa gzhon nu'i rgyan can/ phyag g.yas na mda' dang ral gri dang me long bsnams shing/ g.yon na gzhu dang autpa la dang a shwa ka'i 'dam bsnams pa/ g.yon brkyang bas bzhugs par bsams la/ sdam ltar ye shes sems dpa' bcu gnas/ snying ga'i sa bon gyi 'od zer gyis 'gro ba'i don byed bzhin bar bsams la/ aoM many+dzu g+ho Sha ya h+rIbsdigs nas me long bstan la/ rkang pa gzhu yis bcings te autpa la'i zhags pas drangs nas smas par bsgoms na/ gdon mi za bar 'gugs par 'gyur te lus med rdo rje'i sgrub thabs rdzogs so// //rdo rje bzhi yis rim gyi sa snga ma bzhin du bsgrub par bya ste/ snying gar zla ba la yi ge aoM bsams nas/ mchod pa la sogs pa/ stod pa'i byang chub kyi bar du nyams su blangs la/ saM las bskyed pa'i pad+ma dkar po dang/ zla ba la yi ge a spres pa dang bsdu ba'i sbyor bas yongs su gyur pa las shes rab kyi pha rol tu phyin ma zhal gcig phyag gnyis/ yid du 'ong zhing sku mdog dkar mo rgyan thams cad kyi klubs pa phyag g.yas na pad+ma dmar po bsnams shing g.yon shes rab kyi pha rol du phyin pa'i po ti bsnams pa/ rdo rje skyil krungs su bzhugs par bsams la/ rdo rje bsdu ba'i phyag rgya dang/ aoM badzra sa mA dza dzala aoM bsams nas/ de la sngags kyi phreng ba kha nas byung zhing lte ba'i gnas su 'jug pas mgal me ltar bsgoms la/ aoM pi tsu pi tsu pradzrA barbd+ha ni dzwa la dzwa la me d+ha bardta ni/ d+hi ri d+hi ri shud d+hi bard+hi swAhA/ zhes bzlas par bya'o/ cho ga 'di ni gzhan dag tu yang sbyar bar bya ste/ de skad du yang gsungs pa/ dang po stong pa'i byang chub ste/ gnyis pa la ni sa bon bsdu/ /gsum pa la ni gzugs rdzogs te/ bzhi pa la ni yi ge dgong ces so/ /laM gi yi ge las skyes pa/ /'jig rten dbang phyug thub pa che/ /zhal gcig pa la phyag gnyis pa/ /pad+ma dkar pos rnam par klubs/ /dbu rgyan rdo rje chos kyis brgyan pad+ma'i gdan la bzhugs par bsgoms/ /aoM ma Ni padme hUM/ sngon bzhin du rdo rje bzhi'i rim pas thams cad du blta bar bya'o/ /maM gi sa bon las byung ba/ /'jam pa'i dbyangs ni ser po ste/ /phyag na me tog mchod sbyin brgyan/ /mi bskyod rdo rje spyi bor 'dzin/ /aoM many+dzu badzra muM swA hA/ /yaM gi yi ge las skyes pa/ /rdo rje tho ba sdigs mdzub bsnams/ /mdog sngon ma he'i rgyab tu ni/ g.yon brkyang bzhugs pa'i gshin rje gshed/ /khro bo'i gzugs can skrag byed pa/ /dbu rgyan rnam par snang mdzad pa bzhugs/ / a oM h+rIgar bzhugs/ /spyi por rdo rje rigs kyis brgyan/ /khams gsum rnam rgyal bsgom par bya/ /aoM hUM phaT swAhA/ tAM gi yi ge las byung ba/ /lha mo kha dog sngo bsangs ma/ /mchog sbyin dang ni au tA la bsnams/ /sna tshogs pad+ma'i stan la ni/ /rtag tu bzang po'i stangs kyis gnas/ /spyi bor don yong grub pas brgyan/ /bskal bzangs shin tu bgags ma yi/ /sgrol ma'i gzugs su bsgom par bya/ /aoM tA re tut+tA re tu re swAhA/ yi ge maM las byung ba ye/ /mchog sbyin mya ngan med shing bsnams/ /nyi ma 'char ka lta bu'i mdog /rnam par snang mdzad dbu rgyan can/ /rta bdun ldan pa'i shing rta la/ /g.yas brkyang ba yi sbyor ba yis/ /sgeg cing yan lag brgyan pa yi/ /brtul zhugs can gyi 'od zer bsgom/ /aoM mA ri n+yai swAhA/ /yi ge tsum las byung ba yi/ /ston ka'i zla ba lta bu'i mdog /rin chen snyim pa snying gar 'dzin/ sna tshogs pad+ma'i stan la ni/ /rol pa'i stabs kyis yang dag bzhugs/ /rnam par snang mdzad spyi bor brgyan/ /byang chub sems ni 'dzag cing 'bab/ /myos dang bcas pa'i skul byed bsgom/ /aoM tse le tsu le cu nde swA hA/ /yi ge baM las byung ba yis/ /lha mo nor rgyan kha dog ser/ /mchog sbyin snye ma phyag na bsnams/ /rin chen pad+ma'i stan la ni/ /rdo rje skyil krung sbyor bas bzhugs/ /rin po chen dbang po dbu rgyan can/ /aoM ba su d+ha re ba su bi Sh+Ti pA ta ya ba su swAhA/ /yi ge ji las byung ba yi/ /gnod gnas su ni bsgom bya ste/ /mdog ser rgyan kun gyis brgyan ci'i/ /g.yas kyis skyur rtsi shing thog bsnams/ /g.yon na rin po che yi khri'u/ /rin chen dbang po cod pan can/ /aoM dzaM bg+ha la dza len dra ye swAhA/ /yi ge pa las byung ba yi/ /'khor lo dang ni ril gri bsnams/ /rnam par snang mdzad cod pan can/ /zlum po yi ni stabs gnas nas/ /gzhon nu gzugs ni skye dang ldan/ /so sor rjes su 'brang ba bsgom/ /aoM ma Ni d+ha ri badzri Ni ma hA pra ti swa re hUM hUM phaT phaT swAhA/ /hUM gyi yi ge las byung ba'i/ /nag po chen po phyag gnyis pa/ /zhal cig mdog sngon cher 'bar zhing/ /zangs gri dang ni thod pa bsnams/ /mgo bo'i phreng ba'i ngo shal khyas/ /mche ba gcigs zhing 'jigs su rung/ /bongs thung gzi brjid chen po ste/ /kha khrag ni 'dzin par bsgom/ /slob dpon la rtag sdang ba dang/ /gang zhig dkon mchog gsum la gnod/ /sems can sna tshogs gsod pa rnams/ /nag po chen pos za bar byed/ /aoM ma hA ka la shA sha nA pa hA ri re Shpo pa shtsi ma kA lo yaM din+tad ratna tra yA pa ka ri nA n+ya di pra ti dz+nyAM sma ra si ta dA ai daM duSh+Ta kha kha khA hi mA ra mA ra grih+Na band+ha band+ha/ ha na ha na/ da ha da ha/ pa tsa pa tsa/ di na me ke na hUM phaT/ hUM las byung ba zhes bya ba ni hUM yongs su gyur pa las bskyed pa'o/ /rten tu zhes sdang pha rol son/ zhes bya ba ni gnyis po zad pa'i mthar thug pa'o/ /sems ni nang du khros pa ste/ zhes bya ba ni khros pas khengs pa'i yid dang ldan zhes bya ba'i don to/ /na masogs pa la/ /tsan d+ha ma d+ha la zhes bya ba ni gshin rje dang srin mo la sogs pa'o/ /aoM k+She pa zhes bya nga ni khyad du gsod pa'o/ /de byed pas ni tsan d+ha man d+ha la k+She pa byed pa'o/ /hUM zhes bya ba ni gzung ba la sogs pas/ stong pa'i sgra'i rkyen med pa'i yid do/ /phaT ces bya ba ni gdug pa rnams ltung bar byed pa'o/ /mi mo'i pad+ma gas chag med ces bya ba ni mi ma'i nye bar mtshon pa ste/ skyes pa yi yang gzung bar bya'o/ /pad+ma ni thod pa'o/ /gas chag med pa ni zag rdol med pa'o/ /de ltar yang gsungs pa/ /zla ba glang gdon pad+ma 'dra/ /gzhan yang gser gyi sgo dang ldan/ /bram ze la sogs thod pa dang/ /smad pa'i rigs byung thod pa dang/ /dum du gcig dang ldan pa yi/ /mi yi thod pas shes bar bya'o/ /rna ltag gi ni bu ga dang/ /lta pa yi ni bu gar ldan/ /ma mo'i mdzes shing gas chag med/ /ye shes can gyi shes par bya/ /dpral ba 'am rna ba'i steng du ni/ /mu tig phreng ba'i ri mo yod/ /dum gcig dum gnyis dum gsum bzhi/ /bcu gnyis pa dang bcu drug par/ /de bzhin du ni gas chag med/ /zla ba lta bur shes par bya/ /cung zad ring zhing shin tu mdzes/ /dmar zhing ser ba ba lang gdong/ /pad+ma 'dra ba pad+ma ste/ /dmar ser dang ni dkar po yin/ /theg pa de dag bsngags pa ste/ /de la lhag ma spangs par bya/ /gas dang zags pa la sogs pa'i/ /thod pa shin tu gzung min yin/ /rig ma bzhi yi rab sbyor gyis/ /zhes bya ba la/ rab tu sbyor ba ni dgug pa la sogs pa'i las so/ /rig ma bzhi las de dag la/ rim pa bzhin du sbyan la sogs pa'i lha mo rnams kyi dgug pa la sogs pa bya'o/ /sangs rgyas kun gyis dgang bar bya zhes bya ba ni phung po dang khams dang skye mched rnams kyis lha'i rang bzhin gyi zhal gyis bkang ste/ sangs rgyas kyi rdul phra rab kyis so/ /yang na rigs pa bzhi'i rab sbyor gyis/ /zhes bya ba ni/ snying ga rdo rje lcags kyus dbug pa dang/ mgrin pa zhags pas bcings nas rlung gi dkyil 'khor la bskyon te/ /bkug la spyi bor lha mo rnams kyi bdud rtsi'i bum pas khrus gsol pa'o/ /rkang rjes ni snying ga'i sa bon no/ /rdul ni de'i 'od zer ro/ /cho ga ni de las spros pa'i lcags kyu dang zhags pa thogs pa'i lta'o/ /yang na rkang rjes kyi rlung ni rkang pa bor ba'i sa'o/ /cho ga ni chu mgram? gnyis kyis dang/ rkang rjes kyis rul bsres pa'i sa las gzugs brnyan bya'o/ /rkang bas mnan te bzlas pa bya zhes bya ba la/ /bum mo dgugs pa la ni g.yon brkyang bas mnan par byas la/ /skyes pa la ni g.yas brkyang pas mnan par bya ste/ sngags thod pa la bris la zhes bya ba ni lhag ma'o/ /de zhes bya ba ni gshin rje'i mthar byed do/ /bzlas pa zhes bya ba ni bskul tshig dang bcas pa'i sngags 'don pa'o/ /'di'i bsdus pa'i don ni 'di yin te/ bud med 'gugs par 'dod pas bu mo'i thod pa mtshan dang ldan pa blangs la gur gum dang go ro tsa na dang/ srin lag gi khrag gis thod pa'i rgyab du lte ba dang/ bcas pa'i pad+ma 'dab ma brgyad bris la lte bar bsgrub b ya spyan ma la sogs pa'i gzugs su bris nas de'i snying gar phreng ba'i sngags che ge mo A kar Sha ya dzagar gro ga la sogs pa la bris pa'i sngags bcug nas rkang mthil du hUM las byung ba'i rdo rje lcags kyus mtshan pas gzugs brnyan gyi snying ga rkang pa g.yon brkyang pa lcags kyu'i tshul can gyis mnan nas phreng sngags bskul/ tshig dang bcas pa bzlas pas bsgrub par bya'o/ /bsgrub bya yaM las bskyed pa'i rlung gi dkyil 'khor la yi ge dze 'od kyis blangs nas bskyon te/ des bskul bzhin pa rang gi snying gnas lcags kyu dang zhags pa thogs pa'i khro bo spros? nas de la bka' sgo ste des ji lta ba bzhin du drangs te/ rlung gis bteg nas 'ongs pa dang/ khro bo la sogs pa de dag la tsan dan gyi chu'i arg+ha la sogs pa sbyin par bya ste/ des gnod sbyin mo dang mi la sogs pa 'gugs par 'gyur ro/ /skyes pa dgug pa la ni skyes pa'i thod pa dang/ g.yas brkyang bas mnan par bya'o/ /sku gsum skye gnas bsgoms pa yis zhes bya ba ni/ gdan dang/ sa bon dang/ mtshan ma rnams kyis lha'i gzugs bskyed par bya'o/ /si tad+d+ha bd+ha? re zhes bya ba ni rdo rje dbyug pa dkar po dang pad+ma thogs pa'o/ /bi bi da su rA su ra mA ra da ya ti zhes bya ba ni lha dang lha ma yin sna tshogs 'joms pa'o/ /bu da ni ma the zhes bya ba ni 'byung po dang yi dags dang sha za dang gnod sbyin la sogs rnams/ gtogs par byed pa'o/ /lhag ma gong bzhin no/ /'byung po yi dags sha za dang/ /mkha' 'gro ma yi 'khrugs nas su/ /rgyas btab hUM gis bsgyings par bya/ /zhes bya bas 'byung po la sogs pa zab cing rgyas btab pa la hUM zhes 'don cing khro bo dang bcas pa'i khro gnyer bskor ba smin ma bcum pa dang bcas pas bsgyings shing blta'o/ /rdo rjes gzir bas bde bar 'gyur zhes bya ba la/ /rdo rjes gzir ba zhes bya ba ni rnal 'byor ma'i lag pa gnyis dang/ rkang mthil gnyis su hUM las byung ba'i rdo rje bsams la/ dril zhing mnye ba dang/ hUM las bskyed pa'i rdo rje 'bar bar bskyed pa'i yungs kar gyis brdeg pa'o/ /bde bar 'gyur zhes bya ba snga ma bzhin du 'gyur ba'o/ /'di'i don yang gzhan gyis mi thub pa'i rnal 'byor la gnas te/ bsrung ba bye nas lag mthil gnyis dang rkang mthil gnyis su hUM las byung ba'i rdo rje 'bar ba bsams la yid kyis bsgrub bya'i lus las srin po la sogs yid kyis drangs nas lag pa'i bar du mnyes zhing rdo rje 'bar bar bsregs la/ yang rkang pa'i 'og tu bcug ste/ mnyi zhing tshig par bsgoms nas/ a mu ka rA k+Sha sa a ti b+hyo mo dza yid zhes bskul tshig dang bcas par sngags bzlas pa'am/ yang na bsgrub bya'i lus kyi steng du gnas te/ srin po la sogs pa de dag nyid yin par dmigs nas bcing bar byas na/ bsgrub bya dbugs chad par 'gyur bar bsams te/ de nas bsgrub bya'i rtsib logs gnyis su rdo rje dang bcas pa'i lag pa gnyis kyis gzir la bsgrub bya'i snying ga dang/ mgrin par yang/ hUM gis bskyed pa'i rdo rje 'bar bas bsreg cing/ yungs kar gyi rgyal po hUM gis rdo rje 'bar bar bskyed la/ sngags brgya brgyad bzlas te de'i 'og tu yungs kar re re la sngags lan re bzlas bas bsnun pas phye mar gyur par blta'o/ /des ni srin pa la sogs pa snying rje dang bcas shing gdung rab 'gyur te/ ji srid du shing gi yal ga chag par gyur pa'i mna' bor na btang bar bya ba yin no/ /yang na rdo rjes gzir ba zhes bya ba ni/ srin po la sogs pa gzung bar bya ba ste/ gdul bya rnams 'dun par bya ba'i phyir srin po la sogs pa gzung bas tshar bcad pa'o/ /bde bar 'gyur zhes bya ba ni/ tshar bcad nas byang chub kyi lam du bcug pa ste/ ltung ba'i gnas nas blang bar bya'o/ /rdo rje rim pa yang 'di yin te/ bdag nyid gzhan gyis ma thub pa'i rnal 'byor du gnas la/ zla ba mar ngo'i tshes dang skar ma drag po la mdung gis gsod pa dang/ bsgegs nas gsad pa'am/ mtshon gyis gsad pa gzhan yang rung ste/ de'i thod pa blangs te/ dur khrod kyi sol bas hUM las bskyed pa'i mche ba gcigs shing 'jigs su rung ba skra gyen du brdzes bshing thong pas bcings la lag pa g.yas pa ro langs kyis zangs gri 'phyang zhing g.yon par sdig mdzub byed pa'i don bris la de'i snying ga dug dang rus phye dang/ mdzub mo'i khrag tu bcas pas/ che ge mo grah+Na zhes bya ba'i bskul ba'i tshig dang bcas pa'i sngags bris la/ yang thod pa gnyis pa bsgrub bya'i rkang rjes kyi rdul dang/ dur khrod kyi thal ba dang sol bar bcas pa'i rdo rjes sprus la/ gzugs brnyan te ta la'i 'dab ma la dug dang 'dzub mo'i khrag tu bcas pas bskul tshig dang bcas pa'i sngags bris la snying gar bcug nas dug dang lan tsha dang ske chos byug go / de nas snying yang dgug pa la sogs pa byas nas gdon gyi thod pa steng du gdon zhing kha sbyar la dur khrod la sogs pa'i gnas su des de gzung bar bsams te/ mtshan phyed na sdog pas mnan la bsgyings pa dang bcas pas sngags bzlas na gdon mi za bar gdon gyis zin par 'gyur ro/ /rims la sogs pas 'dzin pa'i cho ga yang de nyid do/ /hu lu hu lu zhes bya ba ni mdzod cig mdzod cig pa'o/ /mahA pad+ma zhes bya ba ni dran pa rnam par dag pa yin pa'i phyir na pad+ma 'dra bar nyes pas ma dgos pa'o/ /a mri taM ku ru ba zhes bya ba ni gcig dang bral ba'i phyir rang bzhin mya ngan las 'das pa nyams su blang ba'o/ /bi sha na a zhes bya ba ni rnam par rtog pa'o/ /a la la zhes bya ba ni rang bzhin gyis skye ba med pa ste des na dngos po rnam par rtog pa nyid kyis bcom pa nyid du ston to/ /dug chen po'i ni 'gugs par byed ces pa ni/ snying gar nyi ma la gnas pa'i hUM gi 'od zer gyis khams gsum na gnas pa'i dug rnams 'gugs pa'i phyir ro/ /de bzhin brgyal las slong bar byed ces bya ba ni bya khyad gi bstan bcos las 'byung ba bzhin srag dang dran pa nyams pa rnams sad par byed pa ste/ de yang rta mgrin gyi rnal 'byor bya khyung gi rgyub tu nyi ma la gnas pa bsgom la bsgrub bya'i snying gar hUM las byung ba'i nyi ma la yi ge hUM bkod do/ dug ldang bar bya ba'i phyir hUM gi 'od zer gyis yan lag kun la gnas pa'i dug 'bar bar bya'o/ /de nas lag pa g.yon pa'i mthil paM las byung ba'i pad+ma dkar po 'dabs ma brgyad pa bsams la/ der hUM dkar po 'od dang bcas shing bdud rtsi 'dzag par dgod pa'am/ yang na zla ba'i dkyil 'khor la yi ge ha 'am/ aoM h'rA hi hUM dza bu zhes bya ba drug bkod kyang rung ste/ lag pa des mgo bo nas brtsams nas rkang pa'i bar du byas la/ yi ge'i 'od kyis bdud rtsi'i rgyan gyis yan lag kun gyi dug drangs nas rkang pa'i rtse mo nas mdog nag po drangs par bsgoms la/ sngags kyi phreng ba bzla zhing sngags kyi 'od zer dkar pos lus thams cad dag par bya'o/ /yang na bsgrub bya'i mgor h+rIlus kha dog dkar por bsams la yang dang yang du byas la 'phreng ba'i sngags bzla'o/ /gnyi ga ltar na yang nges par dug med par 'gyur ro/ /yang spang leb dkar po dang bsgrub bya'i ming gi yi ge re re haM dang spel la dkar por bris nas sbyor ba de nyid kyis phreng ba'i sngags bzlas pa'am/ bsgrub bya'i gzugs bris la/ yang spyi bor h+rIro/ /yang na dug gis zin pa'i haM sa ming dang/ bsgrub bya'i ming du yi ge re re zhing spel ba de spang leb la bris la/ yi ge tha dang aoM gyis bskor nye ha dang mi'i sa bon gyis cho ga bzhin du sbyar na du ba'i mdog lta bus 'dren par byed do/ /dkar pos ni nye bar zhi bar 'gyur ro/ /ser pos ni 'ching bar byed do/ /badzra sa do ha dar pa ya zhes bya bas ni/ badzra ni khros pa'o/ /dar pa ya ni dregs pa'o/ /a mri ta kuN+Da li zhes bya ba ni bde ba'o/ /rlung sbur zhes bya ba ni rlung gi spur zhing khyer ba'o/ /bsgrub bya'i ming gzung nas su zhes bya ba ni ming dang spel ba'i sngags bri bar bya'o/ /tshogs bdag rkang pa'i 'og tu dgod ces bya ba la tshogs ni a mri ta kuN+Da lir zhes bya ba'i tshig go /rkang pa'i 'og tu dgod ces bya ba ni rkang pa'i mthil du bri ba 'am tshig gi mthar bzla ba'o/ /hUM dang phaT kyis bsgyings par zhes bya ba ni gsang mthon por bzla ba'o/ /hUM gis bdud rtsi'i ting 'dzin bya ba ni hUM bskyed pa'i bdud rtsi 'khyil par bsgom pa'o/ /khro bo'i sdigs kyi rab sbyor gyi zhes bya ba ni/ rab tu sbyor ba ni 'di yin te/ pha mes kyi na gsu shing bsnyon byed bsregs pa'i sol ba dang/ ba bla dang ni ma pa'i lo ma'i khu ba dang rkang pa g.yon pa'i srin lag gi khrag tu bsres te rlung gis spur pa'i gos la sogs pa la bya rog chen po'i sgro rtsa'i smyug gus rlung gi dkyil 'khor la gnas pa'i ral gri'i 'khor lo lte ba yangs par bris la/ lte bar bsgrub bya'i gzugs bris te/ de'i snying gar ming dang spel ba'i sngags kyi phreng ba bris nas/ rdza mkhan gyi 'khor las byung ba'i 'dzim pa dang rkang rjes kyi rdul dang/ lam gyi bzhi mdo'i sa rnams las gzugs brnyan byas la/ ras ma snying gar sbcug ste/ thod pa kha sbyar gyis nang du gzhag nas/ dgug pa sngon du 'gro ba na/ na ma ta bud+d+he b+hyo na badzra kro d+ha ya mahA daM Sh+Tong ka Ta btai ra bA ya/ aoM a mri ta ku N+Da lia mu ka au ts+tsha TA ya hUM phaT/ zhes bya ba'i phreng ba'i sngags brgya rtsa brgyad bzlas la/ ma mo'i khyim mam lam gyi bzhi mdo 'am dur khrod du sba'o/ / bsgrub bya yang rlung gis bteg pa'i rnga mo la bskyon te/ lag na dbyug pa thogs pa'i khro bo drag pos brdeg cing lho phyogs su khrid par bsams na gdon mi za bar 'khrid par 'gyur ro/ /lhag ma ni go sla'o/ /ya mi ni gshin rje la sogs pa'o/ /da N+Da ni de rnams gsod cing chad pa gcod pa'o/ /nI la ya zhes bya ba ni lus kyi kha dog go /nI la ya zhes bya ba ni dbyug pa'i kha dog ste/ ming nas bod pa'o/ /tu ru tu ru zhes bya ba ni rings par ro/ mu ru mu ru/ zhes bya ba ni mdzod cig mdzod cig pha'o/ /sarba duSh+Ta na zhes bya ba ni dkon mchog gsum la sdang ba rnams so/ /sbyor ba'i cho gas bsgrub par bya ba la/ sbyor ba'i tsho ga ni 'di yin te/ 'phags dbyug sngon gyi rnal 'byor dang ldan pas dur khrod kyis la ba dang/ grog mkhar gyis dang/ phub ma dang/ sha chen dang/ rkang rjes kyi rdul rnams las gzugs brnyan byas la dug dang khrag dang rams dang bcas pa'i tsha ba gsum dang/ ni m+ba'i lo ma'i khu bas/ dur khrod kyi ras la mi rus kyi smyu gu sna tshogs rdo rje la gnas pa'i nyi ma'i dkyil 'khor de'i dbus su sgrub bya'i ming dang spel pa'i phreng sngags bris nas gzugs brnyan gyi snying gar bcug ste/ dgug pa sngon du 'gro bas thod pa gnyis kyis nang du bcug la/ de gsod byed kyi khro bo gtum por bdag nyid bsgoms nas mtshan phyed dam nyi ma'i gung la rkang pa'i rus pa dang ni ni mpa'i lo ma'i mkhar bsdad cing/ sdog pa g.yon pas mnan la/ che ge mo mA ra ya phaT ces bya ba dang spel ba'i phreng sngags khro bo'i tshig gis bzlas na nyi ma bdun gyis 'chi bar 'gyur ro/ /des kyang ma grub na dur khrod du song ste nimpa'i shing la me sbar la/ de'i dbus su khro bo'i rgyal po spyan drangs te/ zhal shin tu gdangs bar bsams te/ mtshon rnon pos gzugs brnyan gyis rkang pa g.yon pa'i mthe'u chung nas sbams te/ gtubs nas bskul ba'i tshig dang bcad pa'i phreng sngags zlos shing shin tu khros pas sbyin srog tu phul na/ gdon mi za bar de'i mchen mo 'chi bar 'gyur ro/ /au tsu shma kro d+ha rA dza zhes bya ba ni ming ste shin tu gsal ba'i lus dang ldan pa'i phyir ro/ /na mapa'i phyir snying gzer ba'o/ /de la dbyar zla tha chung la ni karko Tas so/ /ston zla ra ba la ni shaM ka pa las so/ /ston zla 'bring po la ni ta k+Sha kas so/ /ston zla tha chung la ni ba su tas so/ /de bzhin du dpying zla 'bring po la sogs pa rnams la yang rim bzhin du 'chang 'bebs par shes par bya'o/ /sngar bstan mod kyi 'dir bshad par bya ste/ sngar bstan pa bzhin stobs po che'i rdo rje'i ting nge 'dzin zhal bzhi phyag brgyad pa 'am/ zhal gcig phyag gnyis pa ste/ de la gnas nas kham por so ma btang pas roms kyi khu bas ral gri lce brgyad pa'i 'khor lo'i dbus su pad+ma 'dab brgyad kyi lte bar shu lo ni'i sngags dang spel ba'i sngags klu rnams kyi snying po bris nas/ khaM phor kha sbyar te/ skud pa sngon pos dkris la shu lo ni dang/ klu rnams bkug ste/ mchod nas bka' bsgo ba ste/ klu gnas pa'i rdzing bu la sogs par gzhug go/ yang na tA la'i 'dab ma la sna tshogs rdo rje rtse lnga pa'i sngags kyi tshig dang bcas pa snag chas bris la/ de nyid me lce 'bar ba dang 'dra bar bsams nas de las gyur pa'i lha mo ral gcig ma zhal gcig phyag gnyis pa bzangs gri dang thod pa bsnams shing mdog sngo ba skra kham ser gyen du brdzes shing thod pa gsum gyis bcings pa bsgoms la/ mchod de bka' bsgo bas tA la'i 'dab ma klu'i mtshor bor/ de nas dben pa'i sa gzhan du me'i dkyil 'khor la rlung gi dkyil 'khor dbus su chu'i dkyil 'khor la pad+ma 'dab ma brgyad bris la/ de'i lte bar chu'i lha sku stong skyes bu'i gzugs can gdengs ka bdun dang ldan zhing mdog dkar ba phyag gnyis na sbrul zhags thogs pa bri'o/ /shar la sogs pa'i phyogs rnams su ni a nanda sdo bsangs dang/ ba su ka dkar po dang/ tA k+Sha ka dmar po dang/ kakeT sngon po'o/ /me dang bden bral gyis mtshams su pad+ma dang pad+ma chen po skyo bo'o/ /rlung mtshams su ni shaM ka pa la ser po'o/ /dbang ldan du ni ku li shaM sna tshogs kyi mdog go /de nas klu thams cad yi ge rnams las bskyed pa la sogs pa byas la/ bu ram dang 'o mal sogs pa'i klu rnams dga' ba'i lha bshos yi ge phu bzlas la dbul zhing/ me tog sngon po dang dri dang ba dan sngon po dbul zhing/ spos dang/ rgya spos dang/ kundu ru dang/ sen mo dang/ yungs dkar dang/ nag ge sar rnams kyi phye dang/ nA ga ge sar rnams kyi phye ma sha ka ra dang bcas pa'i bdug pa dang/ mar las byung ba'i mar me rnams mngon par bsngags la dbul lo/ /de bzhin du bum pa sngon po chu sngon pos bkang ba yang dbul te/ yi ge phu dang nad du sprel ba'i sngags kyis dgug cing bcug la/ arg+ha sbyin pa sngon du 'gro bas de ltar mchod nas/ bcom ldan 'das kyi bkas klu khyed rnams bdag la dga' bzhin du char phob gcig ces brjod la klu rnams nam mkha' la char 'bebs phar bsams nas/ aoM shu la pA ni brsha ya shI g+hwaM aoM dzyo ti ning na da parsha pa ya shI g+h+raM zhes bya ba'i bskul tshig dang bcas pa'i sngags bzlas na 'bab par 'gyur ro/ /de nas kyang mi 'bab na hoM khud zlum po byas la/ de nyi du klu'i dkyil 'khor bris te/ spyan drangs pa la yi ge ni lce la bsams la/ arg+ha la sogs mchod pa sngon du 'gro bas bu ram dang bcas pa'i mar gyi dgang blugs gsum phul la bu ram dang bcas pa'i 'o ma la sogs pa'i sbyin sreg blugs shing/ aoM a nan zhes bya bas byin gyis brlabs pa phul na/ tshim nas char 'bebs par 'gyur ro/ /de nas yang 'babs par ma gyur na/ chad bas bcad par bya ste/ rlung dang me la sogs pa'i rim gyis dkyil 'khor bris la de'i dbus su stobs po che'i ting nge 'dzin bya khyud gis klu rnams kyi mjug ma brdzis pa'i steng du me dpung 'bar pa 'dra ba'i phyag brgyad kyis klu rnams gzir bar bsgoms la/ aoM zhes bya ba dang/ spel ba'i nang dang bcas pa'i sngags 'di nyid/ barsha ya shI g+h+ra zhes bya ba'i bskul tshig dang bcas pas ba spyings te zlos shing bsdigs na klu rnams khro bos skrag nas myos bzhin du nam mkha' la char 'bebs par bsams na/ 'bab bar gyur ro/ /ci ste des 'bab par ma gyur na de'i tshe chung du dang 'bring po dang/ chen po'i phye dang gis klu rnams la mngon spyod bya ste/ de'i rim pa yang 'di yin no/ /mtshon gyis bad pa'i sas sam dur khrod kyis ras la dug dang ske tshe dang/ lan tsha dang/ mar nag dang/ tsha ba rnams kyis ral gri'i 'khor lo'i lte ba la pad+ma 'dab brgyad bres te/ 'dab ma rnams la klu rnams kyi snying po dang/ lte bar baM las zhes bya ba hUM dang spel ba bris la/ chu 'gram gnyis kyis dur khrod kyis dang thal ba dang grog mkhar gyi sa dang/ shing gcig pa'i drung gi sa rnams bshad gci dang bcas pa rnams las klu'i gzugs brnyan byas la snying gar ras ma bcug ste/ dgug pa sngon du 'gro bas tsha ba gsum dang/ sked tshe byugs la/ hoM khud gru gsum dur khrod kyi shing bu las me sbar te/ gzugs brnyan me la gdung zhing sngags brgya rtsa brgyad bzlas na 'bab par 'gyur te/ chung du'o/ /'bring po ni des kyang ma phebs na/ sa gzhi 'di nyid du klu'i dkyil 'khor bris la/ gos sngon po dang cod pan sngon po bcings pa 'am gcer bu yang rung ste/ nyi m a la gnas pa'i rdo rje 'bar bas mtshan pa'i rkang ba g.yon pas gzugs brnyan gan rkyal du bzhag ste mnan la bsgyings pa dang bcas pa'i phaT ces bya bas spyi bor dral la nam mkha' la khrag gi char 'bab par bsams nas snga ma ltar ni brgyad dang spel zhing/ barsha pa ya shI g+h+ri zhes bya ba'i bskul tshig dang bcas pa'i sngags bskyings shing khro bo'i tshig bzlas na 'bab par 'gyur ro/ /chen po ni des kyang 'bab par ma gyur na/ dug dang lan tsha dang/ ske tshe dang/ da du ra rnams las klu'i gzugs brnyan byas la/ seng ldeng gi phur bu song dgu pa snying gar btab ste/ ho khung gru gsum par shan pa'i me 'am/ dur khror kyi me phun as lus bshang gcis byug cing kha lhor bltas la stobs po che khro bo'i zhal gangs shing lce la hUM gis byin gyis brlabs la gzugs brnyan gyi mjug ma nas brtsams te mtshon rnon pos gtub nas sbyin sreg brgya rtsa brgyad dbul zhing sngags luD las zlog ste/ /bzlas na 'bab po/ /ci ste lan gsum gyis 'bab par ma gyur na de'i tshe stobs po che nyid kyis nyes pa dug dang/ ske tshe dang dngu rar bcas pa las stobs po che'i gzugs brnyan byas la bkug nas bdag nyid gnod mdzes su bsgoms te/ nyi ma la gnas pa'i rdo rjes mtshan pa'i rkang pas gzugs brnyan gan rkyal du mnan te/ barsha pa ya shI g+haM zhes bya ba'i bskul tshig dang bcas pa'i hUM bzhi sngags lan bzhi khrir bzlas nas/ stobs po ches char 'bebs su 'dzud do/ /des kyang ma phebs na de'i tshe mngon spyod kyis thabs khung du gnod mdzes rgyal po spyan drangs te/ hUM gis mtshan pa'i zhal gdangs par bdag nyid gnod mdzas su bsgoms nas/ gzugs brnyan snga ma nyid tshinda tshinda zhes tshig dang bcas pa'i hUM bzhi pa'i sngags kyis gtub cing lan khrir sbyin sreg byas na gdon mi za bar stobs po che nyid kyis char 'bebs so zhes sbyor ba thams cad la grags so/ /char bab nas klu rnams dang stobs po che dbugs dbyung ba'i phyir/ hoM khung dkar po zlum por rnam par snang mdzad la sogs pa'i zhal du de'i sngags nyid kyi mar dang 'o ma la sogs pa'i sbyin sreg khri byas na gdon mi za bar zhi bar 'gyur ro/ / char shin tu ches pa la ni sngar bstan pa'i mngon spyod kyi thabs khung du dpal rdo rje sems dpa' la phul ba'i me tog snying ba dang ras bal gyi sbyin sreg lan brgya phul na chad par 'gyur ro/ /a tsa li ni de kho na nyid kyi don to/ /ka na zhes bya ba ni de la blos blta ba'o/ /tse ta tse ta zhes bya ba ni pho nya ltar bka' bsgo ba thams cad 'gug pa'i phyir ro/ /mo ta mo ta zhes bya ba ni lag pa'i shugs kyis ri bo zhes bya ba dang sbyar ro/ /tu ta tu ta zhes bya ba ni de kho na nyid mthong pa'i mtshon chas ma rig pa'i skud pa ring por zhes sbyar ro/ /'dir sbyor ba ni 'di yin te/ skyes pa'i thod pa la rkang pa g.yas pa'i mdzub mo khrag dang/ lan tsha dang/ mar nag dang/ tsha ba rnam pa gsum gyis lha chen po la sogs pa'i chung ma dang bcas pa'i gzugs bris la rdo rje mi g.yo ba'i rnal 'byor gyis de nyid kyi sngags zlos shing dgug pa'o/ /rlung gi dkyil 'khor sbyor ba yis/ /seng+ges bskyon pa'i cho ga bya/ /zhes bya ba ni yaM las bskyed pa'i rlung las si las bskyed pa'i seng+ga'i rgyab tu bskyed de lcags kyu dang/ zhags pa thogs pa'i lha dgug par bsam pa'o/ /sum b+ha ni sum b+ha zhes bya ba ni bod pa ste/ sgrib pa thams cad 'joms pas ni sum b+ha'o/ /grih+Na grih+Na zhes bya ba ni rab gis gzung zhig pa/ grih+Na pa ya zhes bya ba gnyis ni gzhan 'dzin du chug gcig pa'o/ /a na ya ho zhes bya ba ni de nyid khrid la shog cig pa'o/ /ho zhes bya ba ni gus pa dang bcas pa'i bod pa'o/ /hUM phaT ces bya ba ni bsad pa'i phyir bod pa'o/ /yang na hUM bzha'i bka' bsgo ba'o/ /phaT ces bya ba ni 'gog par byed pa'o/ /Tak+ki hUM zhes bya ba la Tak+ki ni 'dod pa'o/ /hUM zhes bya ba ni khro ba'o/ /dzatu 'dod par gsungs/ /hUM zhes bya ba khro bor brjod/ /dzazhes bya ba ni chos kyi longs spyod kyis dge ba'i 'byung gnas su gyur pa'i phyir ro/ /tshinda tshinda zhes bya ba ni gzhan gyi sngags dang sbyar ro/ /b+hinda b+hinda zhes bya ba ni phyag rgya thams cad dang sbyar ro/ /tsi ri tsi ri zhes bya ba rtsa ba lam gsod pa'i don rnams dang sbyar 'o/ /gi ri gi ri ni slon par byed pa'o/ /mA ra ya mA ra ya zhes bya ba ni mi snang bar gyis shig pa ste/ gzung ba dang 'dzin pa stong pa nyid kyis bdud rnams nam mkha' dang mnyam pa'o/ / nyid kyi phyir chos kyi dbyings la/ yul dang yul can med pa'i phyir hUM bcu smos so/ /gnas gsum ltung ba'i phyir phaT gsum smos so/ /bdag nyid ces bya ba la sogs pa la bdag nyid bsrung na gtsug tor 'khor los sgyur ba'i rnal 'byor gyis bsrung ba'i 'khor lo'i dbus su gnas nas/ /rang gi snying ga'i 'khor lo'i lte bar hUM gi thig le rang gi gzugs sam/ /gzhan bsams nas 'khor lo g.yon du bskor bar bsams na bsrung bar 'gyur te gzhan la yang de bzhin no/ /dpung par rig pa gzung na sa ni zhes bya ba 'khor lo rtsibs bcu pa'i rtsibs rnams la/ hUM bris shing lte ba la ming bris nas mu 'khyud la phreng ba'i sngags man ngag ji lta ba bzhin bris te/ dpung par gdags par bya'o/ /khro bo chen po zhes bya ba la sogs pa la/ snying po zhes bya ba ni dam pa'i don to/ /ci zhig ce na/ sngags rnams te/ le'u gang du de dag la 'jug pa yod pa de dag la de skad ces bya'o/ /mkha' 'gro ma rdo rje dra ba'i dka' 'grel de kho na nyid rgyas pa las le'u bzhi pa'i rnam par bshad pa'o/ / //de nas bcom ldan rdo rje can/ /rdo rje sems dpa' i snying la zhugs/ /zhes bya ba ni sngags kyi lha thams cad la bya ba'i don to/ /sangs rgyas sku zhes bya ba ni mngon par byang chub pa lngas rdo rje sems pa'i sku rdzogs pa'o/ /rdo rje sems dpa' zhes bya ba ni dpal he ru ka'o/ /gzhan la yang de ltar blta'o/ /sangs rgyas gzugs las byung ba'i dkyil 'khor/ zhes bya ba ni bsdus pa'i dkyil 'khor la/ rtag pa la sogs pa'i dkyil 'khor ba rnams kyi gco bo ste bdag po'o/ /sngags rnams zhes bya ba ni sngags kyi lha rnams so/ /snying gar ye shes dam tshig bzhugs zhes bya ba ni ye shes sems dang les bon dang/ mtshan ma'i tshul gyis snying gar dgong pa'o/ /ye shes sems dpa' i rab sbyor bas/ zhes bya ba ni dam tshig gi dkyil 'khor dang ye shes kyi dkyil 'khor gcig tu sbyor zhing bsrog pa'o/ /sgyu la rnam gsum zhes bya ba nang??? bya ba ni 'dod chags zhe sdang dang gti mug skyed par byed pa'i bde ba sdug bsngal dang btang snyoms kyi yul rnams so/ /bsrung ba'i dam tshig dbus gnas pa/ zhes bya ba ni b+h+ruM las bskyed pa'i 'khong lo seng po rtsibs bcu gnas pa'i dbus su'o/ /dkyil 'khor lnga zhes bya ba ni bsdus pa'i dkyil 'khor ro/ /nyi shu rtsa lngar phye ba yi/ rdul tshon gyis kyang zhes bya ba ni skud pa bsdu bar bya'o/ /nyi shu rtsa lnga ni rnam pa nyi shu rtsa lnga ste/ rtag pa la ni sngon po rang ser po dar dmar mo dang ljang khu dang dkar po'o/ /nyi ma la ni dkar po dang/ sngon po dang/ dmar po dang/ ljang khu dang/ ser po'o/ /gar gyi dbang phyug la ni dkar po dang/ ser po dang/ sngon po dang/ ljang khu dang/ dmar po'o/ /rta mchog la ni dkar po dang/ ser po dang/ dmar po dang/ sngon po dang/ ljang khu'o/ /he ru ka la ni dkar pa dang/ ser po dang/ dmar po dang/ ljang khu dang/ nag po ste/ 'dir ni sangs rgyas mgon po rnams/ gang zhig dbus gnas dkyil 'khor yin zhes smos pas so/ /'dir sems gtso bo nyid du bstan pa'i phyir/ /bsdus pa'i dkyil 'khor gtso bo he badzra nyid yin par bstan mod kyi/ gzhan dag kyang dgag pa ma yin te/ gnas 'pho ba dang/ bstan pa'i rim gyis ji ltar 'dod pa bzhin gzung bar bya'o/ /de nyid kyis na gtso bo'i bye brag gis sa'i chu'i kha dog gzung ngo/ /dkyil 'khor re re ?? sgoms pa 'am/ zhes bya ba ni dkyil 'khor so so'i rim pas bsgoms pa'o/ /yang ma bsdus pa'i dkyil 'khor te zhes bya ba ni bsdus pa'i dkyil 'khor te/ 'khor los sgyur ba lnga dbus su gyur ba'i dkyil 'khor lnga bsgoms pa'o/ /brgyad brgyad kyi ni dbus zhugs pa'am/ zhes bya ba de nyid kyi bshad pa ste/ ma mo brgyad brgyad kyis bskor ba'i 'khor los sgyur ba lnga rnams bsdus pa'o/ /sgo skyong ma rnams sgor dgod pa/ /de tshe bsdus pa'i dkyil 'khor yin/ /zhes bya ba ni dkyil 'khor chen po lag na lcags kyu thogs pa la sogs pa'i lha mo rnams sgor dgod do/ /zhes bya ba'i don to/ /nya dang rgyal po zhes bya ba la/ nya ni ro hi ha'i nya'o/ /rgyal po ni sbrul gyi rgyal po'o/ /'gro ba rnams kyi rab mchog ni/ mi rnams kyi 'gro ba ste/ /zhes bya ba ni mi rnams kyi 'gro ba la brten nas des pa'i rigs can rnams kyis mngon du dang rim gyis kyang/ byang chub ba rnam pa gsum po par 'gyur gyi 'gro ba gzhan gyis ni ma yin te/ de rnams skye gnas dang shes rab dman pa'i phyir ro/ /de nyid kyis na mi rnams kyi 'gro ba gya nom pa nyid do/ /glang po la sogs nad rnams bsnams zhes bya ba ni phyag g.yas kyi thod pa na bsnams pa rnams ni nad yin la/ don gyis na g.yon pa na bsnams pa rnams ni sman yin no zhes bya ba'i don to/ /nad thams cad dbugs dbyung zhing rab tu zhi ba rdo rje zhes bya ba la nad thams cad rab tu zhi ba de las dbugs dbyung ba gang du ston pa de la de skad ces bya'o/ /mkha' 'gro ma rdo rje dra ba'i dka' 'grel de kho na nyid rgyas pa las// //le'u lnga'i bshad pa'o// // lus rnams thams cad 'dzin pa'o/ /zhes bya ba ni sngags kyi lha thams cad 'dzin pa'o/ /sems ni rjes dran zhes bya ba la sogs pa dkyil 'khor gyi lha spro ba'i dus dang mtshan ma lnga thob nas rdo rje phra mo spro ba'i rim gyi rjes su dran pa bstan pa'o/ /rdo rje sems dpa' rnam bsgoms nas zhes bya ba ni dgyes ba rdo rje bsgom pa'o/ /phyag rgya bzhi yi rgyas gang ba pa/ zhes bya ba ni sku gsung thugs dang/ sa bon dang mtshan ma'i tshul gyis ye shes sems dpas so/ /yang na lte ba dang/ snying ga dang/ mgrin pa dang/ mgo bo'i rnams su drug cu rtsa bzhi dang/ brgyad dang/ bcu drug dang/ sum cu rtsa gnyis kyi 'dab mcan gyi pad+ma/ sprul pa dang/ chos dang/ longs spyod dang/ bde chen po'i 'khor lo la rims bzhin du/ aM dang hUM dang aoM dang haM gis byin gyis brlabs pa'o/ /rta la sogs pa la yang de bzhin no/ /zhe sdang rgyal po che zhes bya ba ni dgyes pa'i rdo rje'o/ /zhe sdang thams cad zang mdzad pa/ zhes bya ba ni gnyis dang bral ba'i rang bzhin no/ /sbro ba'i sbyor ba bsgom bya zhing/ rab tu bsdu ba bstan pa ste/ zhes bya ba ni/ rang gi sku'i sbrin mtshan ma'i sprin sngags kyi thig le las sbro zhing bsdu ba ste/ thig le phra mo dang rjes su dran pa rnams bsdu pa'o/ /rdo rje sems la mi phyed pa/ zhes bya ba ni bgyes pa'i rdo rje sna tshogs rdo rje dbu rgyan bya ba'o/ /de bzhin du rtag pa la ni chos kyi 'khor lo'o/ /nyi ma la ni rin chen no/ /gang gyi dbang phyug la ni pad+ma'o/ /rta mchog la ni ral gri'i dbu rgyan du shes par bya'o/ /dpag tshad bye ba zhes bya ba ni grangs med par mtshon pa'o/ /sangs rgyas nga rgyal la ni dmigs bya zhes bya ba ni/ bdag nyid sangs rgyas kyi rang bzhin du mos pa'o/ /chos kyi dbyings ni 'od gsal bar/ /gang phyir bsgoms pa de yis ni/ /sems can sangs rgyas dang mnyam 'gro/ zhes bya ba ni sangs rgyas kyi sku 'od gsal zhing sgyu ma ltar bsgoms pas sangs rgyas nyid du 'gyur bas so/ /bden min rtog pa'i rnam rtog gis/ sems ni dri ma can du byas/ zhes bya ba la/ bden min rtag pa ni bdag dang bdag gi gzung ba dang 'dzin par zhen pa'o/ /de nyid ni rnam par rtog pa sna tshogs su zhen pa'i blo/ /gzhan gyi dbang gi ngo bo nyid de/ des sems kyi rin po che spags ba'o/ /ji ltar nam mkha' zhes bya ba ni nam mkha' khug rna la sogs pa dang bral ba ltar blo bur gyi dri ma dang bral ba'o/ /'jig med pa la zhes bya ba ni rang bzhin gyis brtan pas brtag pa'o/ /sems kyi rin chen rab tu bskul zhes bya ba ni bde ba'i don bsgoms pa'o/ /ci ste phyi rol gyi ka dang bum pa la sogs pa snang ba nyid dmigs pa yin te/ gang na seng+ge gnas pa der seng+ger snang ba skye'i/ /med pa'i phyogs su ni ma yin no zhe na/ 'khrul pa bstan pa'i rin po che sems cher bya ba smos te/ 'di'i don ni rmi lam la sogs pa dang 'dra bar don med bzhin du yang sems 'ba' zhig don du snang gi gnyis yod nas snang ba nim yin no/ /zhes bya ba yin no/ /khams gsum gyi ni rgyal srid che zhes bya ba ni longs spyod rdzogs pa dang sprul pa'i sku'i khams gsum gyi bdag por gyur pa'o/ /rdo rje sems dpa' i snying por rab tu gsal ba zhes bya ba ni chos thams cad bdag med pa'o/ /mkha' 'gro ma rdo rje dra ba'i dka' 'grel de kho na nyid rgyas ba las/ / le'u drug pa'i rnam par bshad pa'o/ / //de nas rdo rje zhes bya ba ni nam mkha' lta bu'i chos kyi sku'i bdag nyid do/ /rnam pa lnga po bsgom par bya zhes bya ba ni/ A li bco lnga las byung ba'i zla ba dang/ kA li sum cu rtsa bzhi las byung ba'i nyi ma sangs rgyas thams cad kyi yon tan skar ma lta bu/ zhugs pa dang aoM dang hUM laMs byung ba'i thangs gri dang/ thod pa dang/ rnal 'byor ma rnams kyi 'khor lo spro ba dang bsdu ba dang/ rdo rje 'dzin pa'i gzugs su bskyed pa dag bsgoms pa'o/ /dkyil 'khor ji lta ba'i tshul bzhin du dgod ces bya ba ni rang gi lhag pa'i lha'i sku las dkyil 'khor ba rnams spro zhing bsdu ba'o/ /'byung bzhi'i dkyil 'khor zhes bya ba ni sa la sogs pa'i dkyil 'khor ro/ /de stangs sangs rgyas bsams nas su zhes bya ba ni bruM las rnam par snang mdzad bskyed pa'o/ /mi phyed pa zhes bya ba ni ye shes thams cad mi phyed cing rang bzhin dbyer med pa ste/ 'dis ni phreng ba dang chu'i dbang bskur ba'i rnam par dag pa shan tu rnam bar dag pa chos kyi dbyings dang me long lta bu ye shes kyi chus mi shes pa'i dri ma 'khru bar bshad pa'o/ /skye ba med cing 'jig pa med ces bya ba ni rtag chad dang bral ba ste/ 'dis ni ming gi dbang gi rnam par dag pa chos kyi dbyings kyi rnyar dag ? yai su bstan to/ /rin chen zhes bya ba ni sangs rgyas rnams so/ bla ma'i bla zhes bya ba ni nga rgyal chen po bla na med pa'i phyir ro/ /'dis ni rang gi bdag pos mtshan pa'i rin po che sna tshogs kyi cod pan dbang mnyam pa nyid kyi ye shes su rnam par bstan to/ /'dod chags la sogs mtshan nyid 'dzin pa'i phyir zhes bya ba ni so sor rtog pa'i ye shes kyis chos rnams kyi chos nyid la chags shing/ rdo rje 'dzin pa'o/ /'dis ni rdo rje'i dbang bskur ba rnam par dag pa bstan to/ /dngos grub 'bras bu rab ster ba/ zhes bya ba ni bya ba nan tan gyi ye shes kyi don yod pa'i 'bras bu ster ba ste/ shes rab kyi dbyangs kyis 'jig rten gyi khams ma lus bar khyab pa'o/ /'dis ni bdag po'i dbang gi rnam par dag pa bstan to/ /rig pa'i tshig rdo rje zhes bya ba ni de dag ma rig pa bzlog pa'i rang bzhin can no/ /bum pa'i dbang ni dang po ste zhes bya ba la sogs pa gsang ba gsum gyi rang bzhin can no/ /de nas de ltar de bzhin min zhes bya ba ni/ mtshon par bya ba'i de kho na nyid kyi ye shes ji lta ba bzhin du mtshon par bya ba ye shes ma yin pa ste/ de ni rgya che ba dang/ zag pa med pa dang/ rgyun du 'byung ba'i phyir ro/ /rdo rje sa bon zhes bya ba la/ rdo rje ni de bzhin gshegs pa rnams so/ /sa bon ni zhu ba'i gzugs su gyur pa'o/ /rigs kyi ming zhes bya ba ni so so'i rigs kyi sngags 'don pa'o/ /mkha' 'gro ma rdo rje dra ba'i dka' 'grel de kho na nyid rgyas pa las le'u bdun pa'i rnam par bshad pa'o/ / //zhe sdang rdo rje khyod ces bya ba ni gnyis zad pa'i rang bzhin can te/ 'joms pas na zhes sdang ngo/ /rnam dag thugs zhes bya ba ni/ sgrib pa thams cad zang pa'i phyir ro/ /gti mug rdo rje zhes bya ba ni gnyis su mi shes pa'i phyir ro/ /dag pa'i sku zhes bya ba ni mi chen po'i mtshan sum cu rtsa gnyis dang/ dpe byad bzang po brgyad cus brgyan pa'i phyir ro/ /dam pa'i so sor rtog pa zhes bya ba la dam pa ni sangs rgyas rnams so/ /so sor rtog pa'i rnam pa thams cad mkhyen pa'i ye shes so/ /sangs rgyas kun gyi gzugs kyis zhes bya ba ni lus med pa'i gzugs kyis sprul pa'i sku ston par byed bas so/ /phyag rgya chen po zhes bya ba la sogs pa la/ /ci ste rang gi rang bzhin gyis ma dag pa 'ga' yang yod pa ma yin na/ /gang zhig gang gis dag par byed/ ji ltar dag par byed snyam pa la/ gang gi tshe 'gal ba'i dngos po yod min yang zhes bya ba la sogs pa smos so/ /'gal ba'i dngos po ni ma dag pa'i dngos po'o/ /gang tshe zhes bya ba ni don dam pa'i dbang du byas pa'o/ /de'i tshe na sbyang bar bya ste zhes bya ba ni kun rdzob kyi bden pa'i dbang du byas pa ste/ kun rdzob kyi bden pa la chu'i rnyog pa dang nor bu ltar dri ma sbyong ba la sogs pa srid do/ /zhes bya ba'i don to/ /'khor lo zhes bya ba ni dkyil 'khor gyi 'khor lo ste lam gyi bden pa'o/ /'o na ji ltar don dam pa'i bden pa gzung zhe na/ chos nyid rang bzhin tsam du rnam par bsgom zhes bya ba ni chos nyid rang gi lha'i sku rang bzhin bsgom pa ste lus gcig tu ba sgoms pa'o/ /rnam par dpyad na chos nyid dngos po bden pa min zhes bya ba ni bden pa ni de kho na nyid kyis dngos po'o/ /rnam par dpyad pa ni rten cing 'brel bar 'byung ba la sogs pa'i mtshan nyid bsams na'o/ /yod ma zhes bya ba ni gnyis rnam par spyad na'o/ /'jig rten 'gro ba bsams par nus ma yin zhes bya ba la 'jig rten ni sangs rgyas rnams so/ /'gro ba ni ye shes te/ bsam par mi nus pa ni bsam gyis mi khyab pa'i spyod yul yin pa'i phyir ro/ /ma mo'i dkyil 'khor zhes bya ba ni rnal 'byor gyi 'khor lo'o/ /zhal bzhi zhes bya ba ni zhal dbus ma ni ser po'o/ /de nas sgo skyong ma rnams dgong ces bya ba ni lcags kyu dang lcags sgrog ma la sogs pa dgod pa'o/ /'og tu gnang mdzes rab bsgom zhes bya ba ni kha dog sngon mo ro/ /gtsug tor rnam par rgyal ma zhes bya ba ni kha dog ser mo'o/ /tA re zhes bya ba la/ /tut+tA zhes bya ba ni des pa'i tshig gi tshul du gcig shos phyin zhes khyod ces bya bar 'gyur la/ tA re ni sgrol ma'o/ /tu re zhes bya ba ni thams cad la longs spyod pas tshim par byed pa'o/ /gtum po'i sa bon zhes bya ba ni sge tshe'i sa bon no/ /rdo rje chu zhes bya ba ni khu ba'o/ /rdo rje nyi ma zhes bya ba ni zla mtshan no/ /rta mchog ces bya ba ni sha chen po'o/ /pi tsu pi tsu zhes bya ba ni shin tu bar g.yang ba ste/ ras bal dang chos mthun pas na phra mor 'bugs pa'i shes rab po/ /dzwa la dzwa la zhes bya ba ni de nyid sems 'od gsal ba'i phyir ro/ /de ri di ri zhes bya ba ni brtan pa ste dran pa ma nyams pa'o/ /'jig rten sbyod pa'i lugs kyi zhes bya ba la lugs ni gnas pa ste/ tha mal pa'i tshul gyis nye bar gnas pa'o/ / mchog ces bya ba ni dam pa'o/ /byang chub yan lag de dang bcas zhes bya ba la/ byang chub yan lag ni bu mo rnams so/ /ho zhes bya ba ni gang gi phyir zhes bya ba dang nyid ces bya bar yang 'gyur te/ sgeg mo la sogs pa'i phyag rgya dang bcas pa'i byang chub kyi yan lag nyid kyis mchod pa ni dam pa ste/ de kho na nyid ston pa'i phyir ro/ /tshangs pa'i thig las cha gnyis por zhes bya ba ni sgo'i phyed spangs pa'o/ /cha drug ces bya ba ni cha drug go/ sgo'i cha gnyis por zhes bya ba ni sgo'i tshad gnyis zhes bya ba'i don to/ /cha brgyad kyis sgo gnyis ldang na dgu ci smos zhes bya ba la bsdu'i dkyil 'khor du sgo gnyis kyi bar bcad pa'i don du cha dgu smos pa'o/ /cha dgu zhes bya ba ni cha dgu pa'o/ /mkha' 'gro ma rdo dra ba'i dka' 'grel de kho na nyid rgyas pa las/ /le'u brgyad pa'i rnam par bshad pa'o/ //rig pa 'dzin pa zhes bya ba ni gza' dang thor tshugs la sogs pa'i yon tan dang ldan pa'o/ /g.yas brkyang thams? ?? skyar ba yis ni zhes bya ba ni dang po ste/ phyin pa ci bde bar bya ba'o/ /rdo rje se gol sbyor ba yis/ /zhes bya ba ni lag pa gnyis dbung mgor bcings pa byas la/ badzra sa mA dzabkug nas mthe bong dang/ gung mo se gol brdebs ba'i'o/ /rdo rje yi ge zhes bya ba ni yi ge sa bon gang yin yang do/ /rdo rje dkyil 'khor zhes bya ba ni rlung gi dkyil 'khor ro/ /rdo rje spungs pa zhes bya ba ni sa bon raM las gyur ba'i me'i dkyil 'khor ro/ rdo rje smim pa zhes bya ba ni nyam la gnas pa'i hUM yig gis bskyad pa'i rdo rje aM gis mtshan pa'i bdud rtsi smin par bya'o/ /nam mkha' dbyings kyi dbus gnas pa zhes bya ba ni nam mkha' i khongs su chud par gnas pa'o/ /chos 'byung grong khyer zhes bya ba ni/ rang gi 'od kyi rig ma'i pad+mar me'i dkyil 'khor la gnas pa'o/ /rdo rje ser mo zhes bya ba ni rang gi khro bo'i rdo rje'o/ /lhag ma ni bla ma'i kha las shes par bya'o/ /du ra du ra zhes bya ba ni brod cig brod cig pa'o/ /tshinda tshinda zhes bya ba ni de nyid gsal bar byed pa'o/ /hUM zhes bya ba ni ngas par 'joms pa'o/ /dar zhes bya ba ni bstan pa'o/ /dur ya zhes bya ba ni bshad pa'o/ /duSh+Ta naM mA ra du ya zhes bya ba ni rdo rje lta bas mi snang bar gyis shig pa'o/ /badzra dtrika ces bya ba ni gnyis su med pa'i ye shes da'i rang bzhin gyis 'dzin pa ste/ de yang gsang pa 'dus pa las/ rgyu lnga dag tu rig pa ni/ /rdo rje zhes byar brjod pa ste/ /dtrika ces bya ba 'dzin bar bshad/ /rnam shes rdo rje 'dzin par 'dod ces gsungs so/ /de la rgyu zhes bya ba ni gzung ba rnams so/ /rig pa zhes bya ba ni 'dzin pa rnams so/ /lnga zhes bya ba ni lnga lnga ste bcu'o/ /rdo rje zhes bya ba ni de dag bsdus nas sems kyi rang bzhin du gcig pa'o/ /'dzin pa zhes bya ba ni gnyis su med pa'i ye shes de'i rang bzhin gyis 'dzin pa'o/ / rnam shes zhes bya ba ni rnam par shes pa'i phung po ste/ sangs rgyas rnams kyi zag pa med pa'i rnam par shes pa'i tshogs so/ /badzra nA ma zhes bya ba ni ming yin la/ de'i sa ma ya ni gdul bya'i sems can thams cad la rjes su chags pas lta ba'o/ /hu lu hu lu zhes bya ba ni 'gro ba'o/ /bla na med pa'i lam du zhugs pa'o/ /A ro lika ces bya ba ni 'di yang gsang ba 'dus pa de nyid las/ thams cad nas ni thams cad kun/ /mtshon cha'i mtshan nyid mtshon pas na/ /rol pa bo la sogs pa kun/ A ro li ka ces bya bar bshad/ ces gsungs te/ de la thams cad ces bya ba ni rol pa po ste 'du shes so/ /thams cad kyi zhes bya ba ni rol par bya ba ste/ mchon bya'i dngos po rnams so/ /kun zhes bya ba ni mtshan nyid de 'du shes kyi khongs su chud pa'o/ /'du shes ci 'dra zhe na/ mtshan med par khongs su chud par bstan pa'i phyir/ A ro lika ces bya ba smos te/ nges pa'i tshig gi tshul du ni A zhes bya ba ni bdag ste/ chol pa po'o/ /ro zhes bya ba ni mtshen par byed pa'o/ /lika ces bya ba ni mtshan nyid khongs su chud pa'o/ /sha shwa ta zhes bya ba ni mid do/ /pa ra ma sha sha ta zhes bya ba ni mchog tu rtag pa ste/ longs spyod pa'i bskur khe mor 'jug pa'o/ /e ta he zhes bya ba ni tshul spyon cig pa'o/ /dzi na dzi ka zhes bya ba ni yang gsang ba 'dus pa'i bshang pa las yod med kyi dbus las 'das pa ste/ 'byung ba dang 'byung las gyur las 'byung/ /sems can kun kyi lus rnams ni/ /bskyed las rgyal ba dzi na dzi ka/ ces gsungs te/ de la yod pa zhes bya ba ni sems can phyi rol tu gyur pa'i don dang skye ba'o/ /med pa zhes bya ba na ning 'dzin pa dang 'gag pa'o/ /dbus zhes bya ba ni par dang gnas? pa ste/ de dag dang bral ba'a/ /ci zhig ce na/ 'byung dang 'byung las gyur las byung/ zhes bya ba ste/ zag pa med pa'i gzugs kyi phung po'o/ /sems can kun zhes b7a ba ni sangs rgyas rnams so/ /lus zhes bya ba ni gsang ba'i sku'o/ /skyed pa zhes bya ba ni skye ba'o/ /rgyal ba zhes bya ba ni nges par bstan pa ste/ nges pa'i tshig gi tshul gyis ni dzi na dzi ka go/ badzra sUrya zhes bya ba ni ming do/ /to mo bi nga ya na zhes bya ba ni nga rgyal gyi dbye ba rnam drug gi mun pa sel bar byed pa'o/ / sa ma ya stwaM haM zhes bya ba ni sangs rgyas thams cad mnyam pa nyid kyi bdag nyid can na/ /ratNa dtrika? ces bya ba ni yang gsang ba 'dus pa'i bshad pa las/ don rnams thams cad 'byung bas na/ sems ni rin chen zhes byar bshad/ rig pa pos nges rig pas na/ /tshor ba rin chen 'dzin par 'dod/ /ces gsungs te/ de la sems zhes bya ba ni sems nyid do/ /ci 'dra zhe na/ don rnams thams cad 'byung bas na sangs rgyas dang byang chub sems dpa' i yon tan ro gcig par 'byung ba'o/ /de nyid ni rig pa ste/ de kho na nyid kyi rig pa po'o/ /nges pa ni gdon mi za ba'o/ /rigs ni nyams su myong ba ste/ sems kyi rang bzhin tshor ba'i yul lo/ /tshor ba ni mnyam pa nyid rig pa'i rang bzhin te/ nges pa'i tshig gi tshul gyis na ratna d+h+rika go/ pu phu phu hi hi hi zhes bya ba ni rang bzhin gyi rta'i skad do/ /yang na phru zhes bya ba ni spri/ shing 'phur pa'o/ /hi zhes bya ba ni rta ltar 'gro ba ste sprul pa'i sku thams cad du 'gro ba'o/ /pradz+nyA d+h+rika ces bya ba ni yang pa 'dus pa'i bshad pa las/ rab tu gsal bas rnam shes ni/ pradz+nyA zhes byar brjod pa yin/ /sems ni 'du byed kyis 'dzin pas/ /shes rab 'dzin pas zhes byar brjod ces gsungs te/ de la rab tu gsal bzhes bya ba ni rang bzhin gyis 'od gsal ba'o/ /ci zhig ce na/ rnam shes te/ nges pa'i tshig gis ni/ dz+nyA zhes bya ba ni rnam shes yin la/ pra zhes bya ba ni 'od gsal ba'o/ /'du byed ces bya ba ni 'du byed kyi phung po ste/ ci 'dra ba zhig ce na/ sangs rgyas rnams kyis brtson 'grus kyis gus par de kho na nyid sems pa'o/ /mkha' 'gro ma rdo rje dra ba'i dka' 'grel de kho na nyid rgyas pa las le'u dgu pa'i rnam par bshad pa'o// // rdo rje'i mig gis zhes bya ba ni thogs pa med pa'i sbyan gyi so/ /rdzu 'phrul sna tshogs dra ba yis zhes bya ba ni ltag par mos pa dang/ mngon du phyogs pa dang/ mngon par 'du byed ba med pa dang/ lha'i rdzu 'phrul lo/ /dal? lhag par mos pa ni sems can rnams sangs rgyas kyi gzugs dang/ sangs rgyas rnams kyang sems can gyi lus dang dbyer med par mos pa'o/ /mngon du phyogs pa zhes bya ba ni nam mkha' las pad mdzod la sogs pa ston pa'o/ /mngon par 'du byed pa med pa ni skye ba dang byang chub pa zhes bya ba dang/ chos kyi 'khor lo bskor ba la sogs pa lhun gyis grub par ston pa'o/ /mkha' 'gro ma rdo rje dra ba'i dka' 'grel de kho na nyid rgyas pa las/ le'u bcu pa'i rnam par bshad pa'o/ / //zhi ba'i sems zhes bya ba ni rab tu dang ba'i sems so/ /dbang bskur ba zhes bya ba ni rnam par snang mdzad pa sogs pa'i kha dog dkar po lha'i rnam 'byor la gnas nas/ spre'u dang 'dra ba la sogs pa ni nang bcom ste/ rang gi snying ga 'am shes rab kyi pad+mar sgrub par bya ba chu'i dkyil 'khor la bzhag ste/ bum pa dkar po thogs pa'i bdud rtsi'i rgyun gyis dbang bskur nas/ sangs rgyas thams cad kyi sdul phra rab kyis bsgrubs pa'i lha'i skur blta'o/ /rgyas pa'i sems zhes bya ba yod do/ /'dir yang rdo rje nyi ma'i rnal 'byor gyis dbang chen gyis dkyil 'khor la gnas par bya ba'i bsgrubs par bya ba la bum pa ser po'i chu rgyun gyis dbang bskur ba snga ma bzhin no/ /rjes su chags pa'i sems zhes bya ba ni zhen pa'i sems te/ gar gyi dbang phyug la sogs pa'i rnal 'byor la gnas nas bum pa dmar po'i chu rgyun gyis dbang bskur ba snga ma bzhin no/ /gdug pa'i sems zhes bya ba ni gdug mi gdug pa mi bzod pa ste/ mi bzad pa'i sems so/ /me'i sprin tshogs kyi char pas gsong par byed pa'o/ /mkha' 'gro ma rdo rje dra ba'i dka' 'grel de kho na nyid rgyas pa las le'u bcu gcig pa'i rnam par bshad pa'o// //ri sul cha tshad zhes bya ba ni 'dab na gnas pa'i bkang sa'o/ /yang na byang chub sems myang ba las mi g.yo ba'i phyir ri sul ni shes rab po/ /tshang tshid phug ni de'i chos 'byung ba'i nang du chud pa'i pad+ma'o/ /me tog 'bras pu la sogs brgyan zhes bya ba la me tog gi sngon gyis las so/ /'bras bu ni de'i tshe 'di'i lus te/ rnam par smin pa yin pa'i phyir ro/ /yang na me tog gi rdul lo/ /sogs kyis ni na so la sogs pa gzung bar bya'o/ /byang chub sems zhes bya ba la sogs pa la ca ste ?? ba dang 'dzin ba la sogs pa'i dngos po brtag pa nyid kyis ji ltar don dam pa byang chub kyi sems su gyur snyam nas/ dngos po bden brdzun rnam dbyang na zhes bya ba la sogs pa smos te/ rigs pas rnam par dpyad na/ gzung ba dang/ ?? ba'i dngos bo nyid du mi rung bas/ mi bden zhing sems 'ba' zhig rnam par gnas so/ /zhes bya ba'i don to/ /ci ste gzung ba la sogs pa'i phyir rol gyi dngos por mi dud yang rnam par shes pa nyid du rdzas su yod do zer na/ skye ba med pa'i sbyor ba yis zhes bya ba la sogs pa smos te/ gcig dang du ma la sogs pa'i sbyor ba 'dis ji ltar phyi rol gyi don la gnod pa ltar rnam par shes pa la yang gnod par byed pa yin te/ 'dir btang snyoms su bzhag ba'am dngos po don dam pa las 'ga' yang yang pa ma yin no/ /skye ba 'di ni zhes bya ba ni stong pa ste stong pa nyid kyi rang bzhin du byung ba'o/ /aoM zhes bya ba la sogs pa la/ aoM zhes bya ba ni don 'di'o/ /shU n+yata dz+nyan ste rab tu gsal tsam yin pa'i phyir ro/ /badzra zhes bya ba ni bdag nyid mi phyed pa'i phyir sgrib pa thams cad 'joms pa'i phyir ro/ /yang na stong pa nyid kyis don can gyi me long lta bu'i ye shes ni aoM zhes bya'o/ /mnyam pa nyid kyi ye shes ni/ shU n+ya so sor rtog pa'i ye shes ni dz+nyA na'o/ /bya ba nan tan gyi ye shes ni badzra ste/ sprul pa'i sku nam mkha' ji srid par gnas pa'i phyir ro/ /shin tu rnam par dag pa'i ye shes ni spa btA ba At+ma ko haM ngo/ /mi 'chi sbyor ba zhes bya ba ni/ bsrung ba'i 'khor lo la bgegs dgri'i rnal 'byor du gnas pa'o/ /rdo rje dkyil 'khor zhes bya ba ni rlung gi dkyil 'khor ro/ /'od phyi dkyil 'khor ni mi long gi dkyil 'khor/ /mkha' 'gro'i dkyil 'khor ni dgye sa pa'i rdo rje'i dkyil 'khor ro/ /sa'i cha zhes bya ba ni bdag med ma'i dkyil 'khor mkha' 'gro ma rdo rje dra ba'i dka' 'grel de kho na nyid rgyas pa las le'u bcu gnyis pa'i rnam par bshad pa'o// //bya ba'i rgyud ces bya ba ni phyi rol tu tham la sogs pa'i lhad dmigs pa dang/ gtsang spra dang mi smra ba la sogs pa lhur spyod pa'o/ /bya ba'i sbyor ba zhes bya ba ni/ /bdag las phyi rol tu dmigs pa'o/ /rnal 'byor zhes bya ba ni rang gi 'khor los sgyur ba'i ye shes dang bdag nyid ro gcig tu dmigs pa'o/ /rnal 'byor bla? ma zhes bya ba ni rang gi rig pa dang 'khyud pa las byung ba'i dga' ba mchog gi gsang chen la sbyod pa'o/ /rnal 'byor bla na med pa zhes bya ba ni rang gi lha'i rdo rje pad+ma sbyor ba las skyes pa'i bde ba mchog la dmigs pa'o/ /stong nyid snying rje dbyer med ba zhes bya ba la stong pa nyid ni gnyis po gtan med pa'i mtshan nyid de yang dag pa'i mdza' o/ /de nyid don dam pa dang/ de bzhin nyid ces bya ba la sogs pa'i rnam grangs so/ / snying rje ni pha rol tu phyin pa lnga pa bsdus par 'gyur ba'i lha'i dkyil 'khor te/ de dang dbyer med pa'i ro gcig tu gyur pa'o/ /de la rgyu rdo rje 'dzin pa'i ho gnyis dang sbel ba'i yi ge gnyis zhugs pa'am/ sku gnyis bzhugs kyang rung ste/ lte ba'i pad+mar 'dod chags kyis me 'bar bas bzhu ba las sku gnyis zhu bar gyur pa'i bdag nyid ni stong pa nyid do/ /de las byung ba'i 'od zer rnams kyis 'gro ba rnams la phan 'dogs pa ni snying rje ste de ngad dbyer med pa'i lha'i sku'i rang bzhi no/ /mkha' 'gro ma rdo rje dra ba'i dka' 'grel de kho na nyid rgyas pa las le'u bcu gsum pa'i rnam par bshad pa'o/ / //bzang po'i spyod yul zhes bya ba la bzang po ni ri lu la sogs pa'i dngos grub rnams so/ /spyod yul ni sbyod pa ste sgrub pa'i thabs zhes bya ba'i bar du'o/ rdo rje zhes bya ba ni dgyes ba'i rdo rje'o/ /lugs gsum zhes bya ba ni gzhan las gsungs pa'i des ba 'dir sbyar te/ mdangs bzangs ri bong can dang 'ong byed rnams/ /gsum bzhi rigs byed grangs kyi man cha dang/ /thub pa'i yon tan mnga' yi grangs bzhin du/ /ra tir babs pas ri lu bkri bar bya/ /yang na gzhan nas gsungs pa/ /gser dang dngul dang de bzhin zangs ma rnams/ /me dang mda' dang zung gi man cha dang/ /bcu drug gsum dang drug ste rim bzhin du'o/ /ri lu mthug por bkri zhes gsungs pa de bzhin du'o/ /klu'i rgyal po zhes bya ba ni sprul mgo gnyis pa'o/ /sa bon zhes bya ba ni khu ba'o/ /rdo rje sor mo zhes bya ba ni sor mo glang po che'i sna lta bu la sogs pa'o/ /rdo rje lce zhes bya ba ni hUM dang rjos mchan pa'i lce'o/ /rdo rje sems dpa' zhes bya ba ni rang gi mtshan no/ /rdo rje 'khyud pa zhes bya ba ni mgrin par dam por bsngams pa'o/ /rdo rje snying po zhes bya ba ni mi phyed pa'i bde ba'o/ /pad+ma chaT pa zhes bya ba ni rdo rje dang ldan pa'o/ /rdo rje'i bdag nyid 'gugs par bya zhes bya ba ni kha sbyor byed pa ste/ /bla ma'i bka' las shes par bya ste/ rdo rje can gyi sar 'gro 'gyur zhes bya ba ni lug gi shing rta'i sted du raM las nyi ma'i dkyil 'khor gzhag la der hUM la rdo rje can gyi gzugs su bskyed nas mig la sogs pa byin gyis brlabs te/ bsrung zhing kha sbyor la sogs pa'i gnas su bkri zhing bzhugs par bya'o/ /zhes bya ba'i don to/ bdag byin brlabs pa'i rnal 'byor zhes bya ba ni rdzogs pa'i rim pa'i rnal 'byor ro/ /snying ga'i dbus 'gyur zhes bya ba ni nor bu gnyis bcings pa'i mtshams su'o/ /rdo rje bdag med mkha' 'gro ma zhes bya ba ni rdo rje yongs gyur pa las bdag med ma'i rang bzhin gyis yungs kar phra mo rin po che bsam pa'o/ /brtan pa dang g.yo ba zhes bya ba ni dkyil 'khor kyi 'khor lo'o/ /ba cig ni byang chub kyi sems 'dzag pa'o/ /zhes zer ro/ /rnam par dag mdza' zhes bya ba ni rnam par dag pa'i mdza' ste dbu mar gyur pa'o/ /rtog pa'i dra ba zhes bya ba ni gzung ba dang 'dzin pa rnams so/ /bems po min zhes bya ba ni/ rab tu gsal ba tsam yin pa'i phyir ro/ /brdzun pa zhes bya ba ni gzung ba la so gras pa'o/ /bdag nyid ces bya ba ni kun nas nyon mongs pa'i gzugs kyis so/ / sgrib pa lnga zhes bya ba ni 'dun pa dang gnod sems dang/ snyoms las dang/ gnyid dang/ the tshom za ba rnams so/ /rnam pa thams cad mkhyen pa zhes bya ba ni rnam pa thams cad la mkha' pa'o/ /'bras bu dang rjes su mi mthun ba'i rgyu las 'grub pa dgag par bya ba'i phyir/ 'di ltar mtshan sum cu rtsa gnyis dang zhes bya ba la sogs pa smos te/ 'di'i don ni shes rab kyi pha rol tu phyin pas rjes su gzung ba'i pha rol tu phyin pa lnga bsdus pa'i dkyil 'khor kyi 'khor lo nyid thabs yin gyi tshul gzhan dang steng pa nyid 'ba' zhig ni nam mkha' mdza' yas skye mchad la sogs pa ltar zhig nyid kyis mi khom pa thob par 'gyur zhes bya ba yin na/ /bdan pa ma yin zhes bya ba ni gcig dang du mas dpyad na snang ba tsam yin pa'i phyir ro/ / brdzun pa yang ma yin zhes bya ba ni longs spyod rdzogs pa dang sprul pa'i sku sna tshogs su ston pa'i phyir ro/ /dor bar bya ba ma yin zhes bya ba ni spang bar bya ba'i sgrib pa'i ngo bo nyid mad pa'i phyir ro/ /blang bar bya ba ma yin zhes bya ba ni sngon amed pa skyed par byed pa'i phyir ro/ /khu tshur zhes bya ba ni sor mo thams cad bskums pa'o/ /seng+ge'i rnab zhes bya ba ni mdzub mo dang cung zad bskum pa'o/ /'dod pa zhes bya ba ni pri yang ku'o/ /bo la zhes bya ba ni g+han rta ri sa'o/ /sa li ja zhes bya ba ni khan da sa'o/ /ka cor zhes bya ba ni sha ti'o/ /'di ni tshogs kyi dkyil 'khor zhes bya ba la/ 'de zhes bya ba rgyu mtshan te/ bsod nams kyi bsag pa'i phyir ro/ /rdo rje sems dpa' zhes bya ba ni hUM gis bspyod? pa'o/ /da ru zhes bya ba ni pad+ma'i sna rtsa ste pad+ma'i nor bu'o/ /dbyangs zhes bya ba ni dag ste/ /nor bu der sangs rgyas kyi gsung ni rang bzhin a de gong pa'o/ /yid bzhin nor bu zhes bya ba ni rde? nor bu'o/ /nor bu'i sgro ru yi ge bcos? bya ba ni phaT? ser po'o/ /spyan gyi lag pa zhes bya ba ni mjug ma'i rgyab mo yong e 'gro/

CLOSE WINDOW