བོད་ཡིག

e-texts based on the ACIP/ALL Input

Arya TA ki nI badzra pany+dza ra ma hA tan+t+ra rA dza kalpa nA ma mu kha band+ha/ bod skad du/ 'phags pa mkha' 'gro ma rdo gur zhes bya ba'i rgyud kyi rgyal po chen po'i brtag pa'i rgyal po'i bshad sbyar// dpal rdo rje mkha' 'gro la phyag 'tshal lo/ /nag po shes rab las ring ba/ /gang zhig snying rjes rnam gzung ba/ /rdo rje sems dpa' zhes bya ba'i/ /'dren skyob de la phyag 'tshal zhing/ /thar mchog dbang phyug stsol ba yi/ /slob dpon zhabs la phyag 'tshal nas/ mkha' 'gro ma yi rdo rje gur/ /dran phyir cung zad bshad par bya/ /nam mkha' la zhes bya ba la sogs pas don dam par dngos po thams cad kyi don dam pa dang/ kun rdzob kyis dpyad na thams cad du bzhugs te/ ston pa po bcom ldan 'das mkha' 'gro ma'i rdo rje gur gyi bsgrub bya'i rigs pa 'gro ba thams cad la khyab par mdzad pa'i phyir re zhig gsal bar bya'o/ /sdud par byed pa rdo rje snying pos kye'i rdo rje g.yog dang gnas par khyab cing bzhugs pa zhes bya ba de brjod do/ /de la gzhung gi nang du bshad pa'i phyir 'byung ba chen po lnga rnams kyi bskyed pa'i rim pa'i 'brel pa dang/ de'i bag chags kyi bdag po de dang por bshad par bya ste/ de rnams kyi nang nas nam mkha' ni mi gsal ba'i phyir de nyid la sogs pa brjod par bya'o/ /nam mkha' la zhes bya ba ni sgrib pa med pa la'o/ /bems po la zhes bya ba ni sre ba'i tshul dang sa la'o/ /dang ba la zhes bya ba ni khu ba dang tshul lo/ /go skabs med pa la zhes bya ba ni sreg par byed pa dang/ go skangs rab tu mi ster ba'i phyir mi la'o/ /'byed pa la zhes bya ba ni mig dang yul dang rlung la'o/ /'di rnams nyid la sogs pa yang puk+ka sI la sogs par 'gyur te/ /yang na sa ni puk+ka sI ru bshad/ /chu khams ri khrod mar ni brjod/ /brod ni gdal pa mor shes bya/ /rlung ni g.yung mor rab tu grags/ /bde ba nam mkha' zhes bya ba ni lha'i rnal 'byor kun tu 'dzin pa dang/ gang dag rnams kyi gnas su dngos po rdzogs pa'i rim pa'i sems dpa' i man ngag gsungs so/ /sna tshogs la zhes bya ba ni/ stong pa nyid kyi tshul gyis 'gro ba thams cad khyab par mdzad pa'i phyir nam mkha' la'o/ /rdo rje gzhi la zhes bya ba ni sna tshogs rdo rje zhes bya ba dang / rdo rje sems dpa' i gnas thams cad dang dbang chen gyi dkyil 'khor la'o/ /gnas khang la zhes pa ni de'i gzhal med khang dang chu'i dkyil 'khor la'o/ /sems can khams la zhes bya ba ni/ /de'i steng du 'dis me'i dkyil 'khor la'o/ /yid du 'ong ba la zhes bya ba ni yid kyis yid sdud pa'o/ /de rnams kyis gnas dang rlung gi dkyil 'khor la 'byung ba chen po'i spros pa gnas pa ste/ sems can chen po la zhes bya ba ni 'tsho ba'i 'jig rten la'o/ /snod la zhes bya ba ni sems can gyi gnas dang sa la sogs pa dag la'ang spros pa brjod do/ /sa la zhes bya ba la sogs pas na sa 'og dang mi yul dang mtho ris su de bar snang la'o/ /'jig tan thams cad khyab par gnas pa gsungs pa yid la zhes bya ba gsungs pa ni 'di rnams lha mo rnams su gnas pa yin te/ de nas yang mkha' spyod ma ni thugs kyi rdo rje dang/ gsung gi rdo rje las spyod ma dang/ sku la zhabs 'og nas ma ste/ /aoM A nyid dang/ de na mkha' la zhes brjod de/ ye shes 'di nyid chen po ste/ thams cad lus la rnam par gnas/ /gnyis dang gnyis su med pa'i tshul/ /dngos dang dngos po med pa'i gtso rigs drug po 'di rnams rnam par dag par gyur pa 'di brjod par bya ste/ drug la zhes bya ba ni de nas yang rigs drug po rnams mngon par brjod par shes par bya ste/ 'dod chags zhe sdang gti mug dang/ /dam tshig sems can nor bu ste/ 'dod pa'i thar par bsgrub pa/ /'di rnams rigs ni drug tu brjod/ /bye brag tu smra ba dang/ mdo sde pa'i rdzas su btsal na gang zhag 'gro ba de yis khyab par byed pa bstan par bya ste/ lnga pa zhes bya ba ni phung po lnga po 'di rnams lha rnams su 'gyur ba ste/ de nas yang gzugs phung po la ni rdo rje yin/ /tshor ba la ni dkar mor brjod/ /'du shes chu yi rnal 'byor ma/ /'du byed rdo rje mkha' 'gro ma/ /rnam shes phung po'i tshul gyis ni/ /bdag med rnal 'byor ma gnas so/ /zhe sdang la sogs pa lnga po yang bstan to/ /de rnams par dag pa yang lha mor gyur pa ste/ de yang zhe sdang thes bshang rdo rje ma/ /'dod chags chu bdag rnal 'byor ma/ /phrag dog rdo rje mkha' 'gro ma/ /ser sna gsar ba'i dka' mo ste/ gti mug de bzhin rdo rjer bshad/ /zhe sdang la sogs spyod pa'o/ /gzugs kyi phung po sbos pa la skye mched bcu gnyis la gnas par rig par bya ste/ drug gnyis la zhes bya ba ni 'di rnams lha mo rnams su dbye bar bya zhing de yang dmig la gti mug rdo rje dgong/ /zhe sdang rdo rje rna ba la/ /sna la ser sna rdo rje ma/ /mkha' la 'dod chags rdo rje ma/ /reg la phrag dog rdo rje ma/ /yid la bdag med bsgom par bya/ /gzugs la dkar mo yang dag bshad/ /sgra la chom rkun ma rab grags/ /dri yi cha la ro langs ma/ /ro la g+hasma rI rab grags/ /reg la sa spyod mar ni bshad/ /chos kyi dbyings la mkha' spyod ma/ /bye brag tu smra ba'i gzhung gis skye mched rnams kyang 'byung ba dang 'byung ba'i bdag nyid can gyi rang bzhin gyi skye mche de/ /de la gzhung rjes su btsal bas 'gro ba la gnas pa 'di rnams kyis lha rnams dang ldan par thams cad du gnas par brjod pa nyid do/ /mdo sde pa'i gzhung gis ni 'byung ba rnams nyid 'gyur ba zhes bya ba ni/ /gzugs dang reg bya la sogs pa la zer ro/ /bzhi la zhes bya ba ni/ gzugs dang/ ro dang/ dri dang/ reg bya la ste/ 'di rnams nyid la yang phung po dang/ khams dang/ skye mched dang/ 'dod khams la sogs pa'i rang bzhin du gnas par gsungs pa/ /skye 'gro la zhes bya ba ni bzhi la yang zhes bya ba yin te/ de la 'dod khams dang/ gzugs kyi khams dang/ gzugs med pa'i khams dang/ 'jig rten gyi mchog dang / rdo rje sems dpa' la sogs pa bzhi ni 'gro ba gsum la'o/ /gzugs kyi ye shes kyis spros pa la sogs pa la gsungs pa/ gcig gis nyi shur ma tshad pa'ang zhes bya ba ni khams bco brgyad gdod ma nas ma skyes pa'i rang bzhin zhes bya ba ni/ gcig gis nyi shur ma tshang ba'o/ /de yang dbang po dang/ yul nyid dang/ dbang po rnam par shes pa nyid do/ /rnal 'byor ma rnams go bya'i phyir/ /khams ni bco brgyad dag tu bshad/ /rang bzhin gdod nas ma skyes pa/ bde ni man de bzhin brdzun pa min/ /thams cad chu zla lta bu ste/ rnal 'byor ma yi 'dod shes kyis/ /khams bco brgyad rnam par dag pa'o/ /phung po dang khams dang skye mched rnam par dag par shes par bya ste/ rang bzhin gyis ma skyes pa ni gcig tu dag pa ste/ de nyid kyis gzhan ji snyed pa sbyong bar byed pa'o/ /de rnam par dag par ji lta bu zhes na/ de khyad par du nye bar bstan pa'i phyir 'dod byas pa/ khams gsum la zhes bya ba la sogs pa ni/ de la 'dod pa'i khams su rab tu dga' bar gnyis gnyis 'khyud pa dang/ lag bcangs dang/ rgod pa dang/ blta bar brjod de sems can rnams kyi sems pa nyid dang/ pha dang bu dang ma mo rnam par gnas pa zhes brjod do/ /pha dang zhes bya ba la sogs pa ni gzugs kyi khams su brjod do/ /phyi rol gyi don la zhes bya ba ni 'dod pa'i longs spyod kyi rang bzhin spangs pa'o/ /nang la zhes bya ba yang gzugs med pa'i khams su ye shes tsam la'o/ /btsun mo kun la zhes bya ba ni 'jig rten gyi mchog dang lha mo'i 'khor la'o/ /chos zhes bya ba ni de'i tshogs la'o/ /las thams cad la zhes bya ba ni/ de'i bya ba phal pa la sogs pa ni grub pa tshad ma gcig tu 'di smra zhing/ de rnams kyi rang bzhin yang de rnams brjod par bya ste/ bdag med pa la zhes bya ba ni/ gang zag la bdag med pa ni bdag med pa'o/ /'dir ni 'khor bar 'bras bu dang byed rgyu tsam gyis bdag med bar yang bsgom pa dang/ dgra bcom la rnam par gnas pa'i gnas skabs gsungs pa/ 'bras bu la zhes bya ba ni rgyun tu zhugs pa'i 'bras bu la sogs pa rnams 'bras bur sgrub pa'i phyir ro/ /rgyu zhes bya ba ni bdag med pa bsgom pa la sogs pa byed pa las skye ba'i phyir ro/ /byed rgyu nyid 'ba' zhig ni rgyu ma yin te/ bya ba 'dir shes par bya ba'i phyir ro/ /rgyu la zhes bya ba la sogs pa la/ bya ba zhes bya ba ni bya ba'i ming ngo/ /gnyis po de yang so sor bsgrub bya dang sgrub pa'i rang bzhin gyi phyir sgrub pa gsungs pa/ bsgrub bya sgrubs rdo rje la zhes bya ba ni/ de yang rgyun tu zhugs pa'i 'bras bu la sogs pa sgrub par bya ba ni bdag med pa'i sgom pa las skyes pa'i phyir ro/ / sgrubs pa'i thabs kyang bdag med par bsgoms pas shes par bya ba'i phyir ro/ /bdag med par bsgoms pa la sogs pa yang rgyu dang bsgrub par bya ba rgyun du zhugs pa'i 'bras bu la sogs pa'i shes par bya ba'i phyir ro/ /rgyun tu zhugs pa'i 'bras bu la sogs pa'i byed pa po nyid kyi phyir sgrub pa'i thabs so/ /rnal 'byor spyod pa'i gzhung gis kyang skye 'gro'i gnas pa gsungs/ de bzhin zhes bya ba ni 'bras bu dang rgyu le yang 'di ltar blta bar bya ste/ kun gzhi rnam shes bya ba ni bdag dang sems can dang don nub cid bag chags spangs pa la'o/ /chos kyi dbyings la zhes pa ni chos rnams kyi bdag po la sogs par 'dzin pa la sogs pa rnams kyi skye ba dang/ rgyu nyon mongs pa can gyi yid la'o/ /ma byung zhes bya ba ni 'dir dbyer med pa'i rang bzhin gyi phyir so sor skye ba spangs pa'o/ /bdag med pa rnams kyi spyod pa rnam par shes pa rgyu dang 'bras bu tsam gyis 'khor bar dgra bcom pa'i gnas skabs gsungs pa/ 'bras bu zhes bya ba la sogs pa ni 'bras dang rgyu'i rnam par 'brel ba gsungs pa'o/ /bya ba la zhes bya ba la sogs pa ni 'bras bu dang bya ba du ba la songs bem la so pas byed pa'i phyir ro/ /bsgrub bya dang gtan tshigs me dang du bas shes par bya ba'i phyir 'di gnyis ka'ang sgrub thabs so/ /de yang du ba la sogs pas bsgrub pa'i thabs su shes par bya'o/ /phyi rol la sogs pa'i sgrub thabs dang/ byed pa por cha shas med par bdag nyid kyi blos ma log par mthong bas gzung ba dang 'dzin pa yang dag par rig pa'i dbye ba can lta bur brtag par bya ste/ 'di dag ni tshig tsam nyid do/ /skye 'gro la sogs pa gsungs pa/ sems can la zhes bya ba ni snod kyis 'jig rten gyi kun bzhi rnam par shes pa gcig las gcig nyid ces bya ba la sogs pa'i dgongs pa ste/ 'dis 'di'i don du mngon par 'dod pa'o/ /de la nam mkha' i khams zhes bya ba ni sems dpa' i khams so/ /de las gzhan pa rnams kyi bdag ces bya ba'i khyad par gsungs pa/ bdag med pa dang bdag ces bya ba dang zhes bya ba ni dbu ma'i gzhung gis skye 'gro gang zhig de'i gnas su gsungs pa'o/ /dngos po med dang zhes bya ba ni don dam pa las so/ /dngos med min zhes bya ba yang kun rdzob kyis dngos po'i tshul gyi phyir ro/ / nye bar thob pa'i gnas kyi khyad par gsungs pa bde ba can du zhes bya ba la sogs pa ni 'khor ba'i nang du bying ba'i gnas skabs bzhin du rnal 'byor rnam par spyod pa'o/ /a skyes zhes bya ba ni/ a zhes bya ba la sogs pa'i zla ba'i dkyil 'khor la'o/ /skyon bral la zhes bya ba ni ka zhes bya ba la sogs pa nyi ma'i dkyil 'khor la'o/ /rdul bral zhes bya ba ni rdo rje la'o/ /sdig bcom zhes bya ba ni rdo rje'i nga rgyal la'o/ dpa' rlabs med pa'i rang bzhin la zhes bya ba ni kun tu bzang po'i rnam pa la lha gnas par brjod pa'o/ /lha'i spros pa gsungs pa/ gsang ba la zhes bya ba la sogs pa la/ de la gsang ba ni chos kyi dbyings rnam par dag pa'i rang bzhin he ru ka'i dkyil 'khor 'di ni bsgrub par bya ba'o/ /mchog ni 'di skad du so sor rtog pa'i ye shes pad+ma gar gyi dbang phyug gi'o/ /dgyes pa zhes bya ba ni mnyam pa nyid kyi ye shes nyid de rdo rje nyi ma la'o/ /thams cad bdag nyid ces bya ba ni brtson 'grus kyi pha rol tu phyin pa'i mtshan nyid do/ /sangs rgyas kun khyab ces bya ba ni rta mchog gi'o/ /sems dpa' zhes bya ba nan tan la'o/ /lha'i bdag po zhes bya ba ni skyes bu'i khyad par bya ba'o/ //lha'i bdag po zhe bya ba ni skyes bu'i tshig las gsang ba zhes brjod brgyas par gsungs pa'o/ /lnga zhes bya ba la sogs pa ni mdor bstan pa'i rim pa'i rjes su yang he ru ka'i dkyil 'khor la lha'i rim pa mchog rgyas par gsungs pa/ dkar mo zhes bya ba la sogs pa ni dkyil 'khor gru bzhi pa 'phar ma gcig par dkar mo la sogs pa'i lha mo bzhi po rnams ni shar li sgro la sogs pa gsungs pa'o/ /puk+ka sI la sogs pa ni dbang ldan la sogs pa'i mtshams su yang dag par gnas pa'o/ /dgu'i bdag nyid kyi dkyil 'khor ro/ /de ltar skam pa ma la sogs pa ni sgo bsrungs ma'o/ /me tog ma la sogs pa ni mtshams kyi cha la'o/ /de bzhin du nyi lag ma la sogs pa ni sgo la'o/ /lA sye dang phreng ba ma dang de bzhin du gar ma dang glu ma rnams ni mtshams su'o/ / de bzhin du pad+ma la sogs pa ni sgor gnas pa'o/ /gling bu ma dang/ pi pad ma dang/ rdza rnga ma dang mu kun da rnams ni mtshams su shes pa'o/ /rdo rje sgo lcags ma la sogs pa ni sgor gnas pa'o/ /spyan dang mA ma kI dang gos dkar mo dang sgrol ma rnams ni mtshams su'o/ /gang du bshad pa zhes bya ba ni/ sangs rgyas dkyil 'khor dkyil 'khor nyid/ rdo rje can gyi zla phyed mtshungs/ rdo rje chos kyi pad+ma 'dra/ /nyi ma'i yid bzhin nor bu bzhin/ /rta mchog ces ni bya ba yi/ /bde gshegs kun gyi gru gsum mo/ /de nas de rnams kyi snying po'i 'phar ma'i dgongs pas 'di rnams kyi 'phar ma gnyis po rnams su yang 'gyur ro/ /skye 'gro mi zad mgron gnyer phyir zhes bya ba la/ mi zad pa zhes bya ba ni/ thar pa zad pa med pa'o/ /mgron gnyer phyir zhes bya ba ni/ mgron du gnyer ba'i don to/ /mi zad pa de yis bza' ba'i phyir 'gro ba la gud pa dang bcas pa'o/ /stong pa zhes bya ba ni kun rdzob tu yang thams cad nye bar bshad pa dngos po'i mtshan nyid dang bral ba'o/ /thabs ni stong pa nyid ma yin zhes bya ba ni lus bskyed pa'i sbyor ba las kun rdzob tu yang brdzun pa'o/ /bdag zhen bsam pa bzlog pa'i phyir/ zhes bya ba ni bdag la mchog tu 'dzin pa dang/ gang zag tu 'dzin pa dang/ chos su 'dzin pa dang/ chos kyi rang bzhin du 'dzin pa tshar bcad pa'i phyir/ kun rdzob tu yang thams cad du rigs so zhes bya bar dgongs so/ /de nas yang 'di nyid du bshad pa/ sangs rgyas kyi nga rgyal du dmigs nas chos kyi dbyings 'od gsal ba bsgom pa zhes bya ba la sogs pa mchod pa'i khyad par gsungs pa'o/ /yang rdo rje zhes bya ba la sogs pa la/ dag pa'i gnas zhes bya ba ni/ 'khor lo chen po la'o/ /gnas chen po zhes bya ba ni longs spyod kyi 'khor lo la'o/ /sangs rgyas kun gyis rab gang ba zhes bya ba ni chos kyi 'khor lo la'o/ /rdo rje rin chen kun khyab pa zhes bya ba ni sprul pa'i 'khor la lo/ /phan pa'i grong khyer zhes bya ba ni sku'i 'khor lo ste lus la'o/ /gsung dang thugs dag las rnam pa de ltar byung ba'i rang bzhin rgyas par bstan pa'o/ /rdo rje lu gu rgyud ces bya ba ni nang gi phyi rol sangs rgyas thams cad kyi sgyu ma chen po ste phyi rol dang nang gi bsnyen pa'o/ /de ltar lcags sgrogs rdo rje bcing bar bya zhes bya ba la sogs pa nyi nye bar bsgrub pa'o/ /dga' ldan du ni ldeg par 'gyur zhes bya ba ni sgrub pa'o/ /sangs rgyas rnams kyi zhes bya ba ni bsgrub pa chen po'o/ /de ltar yang 'bras bu thob par gsungs pa'o/ /'dod pa thob ces bya ba ni 'dir yang byang chub sems dpa' rnams bla na med pa la gnas pa gsungs pa'o/ /byams pa zhes bya ba la sogs pa ni/ lcags kyu ma zhes bya ba la sogs pas stobs kyis bsgrub pa gsungs pa'o/ /'bum phrag lnga bris pa zhes bya ba ni rdo rje snying po mngon par byang chub pa la sogs pa stong phrag sum cus gar gyi khyad par dang lhan cig gsungs pa'o/ /chos 'byung zhes bya ba la sogs pa ni rdo rje sgrub pa'i dam tshig go /pad+ma ni de'i b+ha ga ste de nyid bud med do/ /grol bar 'gyur ba'i thabs kyi phyir glu yis rdo rje nyid bskyed pa'o/ /mthar ni rdza rnga lA sye sogs zhes bya ba ni mthar rdo rje rja rnga la sogs pas rtse ba'o/ /bdun po rnam par dag par bya zhes bya ba ni/ sangs rgyas gnas ni rnam rdzogs dang/ rnam pa lnga po bsgom pa dang/ /kun tu bzang po'i rang bzhin dang/ /rang gi lhag pa'i lhar sgrub dang/ dkyil 'khor rnams kyi dgod pa dang/ /mchod bstod bdud rtsi la sogs pa/ /rim pa rjes su bsgom par bya/ /rnal 'byor yan lag drug tu dgod/ /rang byin gyis brlabs pa'i rim pa yang drug pa'o/ /de yang phra mo'i rnal 'byor du bshad na/ rang byin gyis brlabs pa'i rim pa gzhan gsungs pa'o/ 'gul zhes bya ba la sogs pa ni bston pa ste/ steng du spyod pa'i khyad par du gsungs pa'o/ /'phral du zhes bya ba la sogs pa ni sa spyod ma zhes bya ba la sogs pa ste/ /nges par sa spyod ma ni gsung gi rdo rje dang zhabs 'og gnas ma ni sku zhes bshad pa 'di ji ltar gong 'og 'gal bar 'gyur/ zhabs 'og gnas ma zhes 'brel pa'i phyir sa spyod ma ni sku dang gsung dang ma yin te nges pa med par nye bar bstan pa'i phyir ro/ /mtshams kyi lha mo rnams kyi 'byung ba bzhi'i rang bzhin gsungs pa/ byang sems bum pa zhes bya ba ni/ byang chub ces bya ba la sogs pa ste/ chu'i khams kyi rang bzhin ni ri khrod ma'o/ /ri rab ces bya ba ni sa'i rang bzhin te puk+ka sI'o/ /me'i thab khung zhes bya ba ni drod rnam par dag pa ste gdol pa mo'o/ /rgyal mtshan chen po zhes bya ba ni rlung gi rang bzhin te g.yung me'o/ /dkyil 'khor rnams kyi rim pa rgyas par bstan pa yang ri khrod ma dang/ puk+ka sI yis bskul la byams pa dang snying rje byed ba nye bar bstan pa 'dis don 'di yang brjod do/ /byang sems bum pa ri rab dang zhes bya ba dang/ pad+ma dang ni rgyal mtshan che zhes bya ba ni khu ba'i phyir rdo rje'o/ /dkyil 'khor rnams kyi 'byung gnas zhes bya pa ni lha rnams kyi lus kyis bsdus pa'i dkyil 'khor rnam par 'grel pa gsungs pa'o/ /brgyad brgyad dbus su gnas pa'am zhes bya pa ni so sor lha rnams brgyad po dag gi gtso bo byin gyis brlabs pa rnams kyi brgyad brgyad de/ de'u dbus su gnas pa'i dkyil 'khor gyi mchog bsgom pa zhes bya ba'i don to/ /mkha' 'gro ma'i rdo rje gur gyi dkyil 'khor ji lta bar dang por bris nas yang de'i dkyil du mkha' 'gro ma rdo rje gur gyi dkyil 'khor dgu'i bdag nyid can no/ /dbus kyi dkyil 'khor gyi shang la sogs pa'i phyogs rnams su rnam par snang mdzad dang/ /rdo rje nyi ma dang/ pad+ma gar gyi dbang phyug dang/ rta mchog gi dkyil 'khor rnams ni so so dgu'i bdag nyid can rnams te/ de ltar bltas nas gang zhig bdag por 'dod pa de'i dkyil 'khor bris nas/ de'i dkyil de nyid kyi dkyil 'khor ro/ /shar la sogs pa'i phyegs su de rnams kyi dkyil 'khor bri bar bya'o/ /yang na nyi shu rtsa lnga ru zhes bya ba ni/ gang gi tshe dkyil 'khor 'di rnams 'phar ma gnyis pa rnams su 'dod pa de'i tshe dkyil 'khor 'phar ma gnyis po bris nas/ de'i dbus kyi 'phang ma la de nyid kyi lnga'i bdag nyid can gyi dbus kyi 'phar ma la'o/ /de'i shar la sogs pa'i phyogs gzhan rnams kyi snying po'i 'phar ma rnams so sor lnga'i bdag nyid can rnams so/ /lha nyid shu rtsa lnga'i dkyil 'khor las gzhan par gyur pa gnyis po dag la yang gzhan dag he ru ka'i dkyil 'khor dgu'i bdag nyid can dang/ bdag med ma'i dkyil 'khor yang bcu gsum bdag nyid du gsungs so/ /bsdus pa'i dkyil 'khor gnyis po dag la dkyil 'khor gnyis po dag gi gnas su dkyil 'khor gyi sgo srungs dgod par bya ba gsungs/ sgo srungs rnams ni zhes bya ba la sogs pa'o/ /glang po la sogs rab tu grags bya ba ni gong du gsungs pa'i he ru ka'i phyag mtshan rnams so/ /nam mkha' i khams zhes bya ba ni chos kyi 'byung gnas te/ de'i mkha' ni nam mkha' nyid do/ /de'i rang bzhin ni mthar pa mchog gi gnas te/ khrag dang khu bas khyab pa'i lus zhes bya ba ni nye bar mtshon pa tsam mo/ /gzhan rnams kyi yang dri ma rnams 'byung ba'i phyir skyon gyi khams so/ /de bzhin du gzugs med pa'i khams ma byung ba'i phyir de yang 'byung ngo/ /gal te yang khams gsum gyi 'byung ba spangs nas/ sa dang sa 'og par snang zhes bya ba ni 'dir gnas rnams gsungs pa'o/ /ji ltar rlung gis dkrugs du gzugs med pa'i khams ma byung ba'i phyir de yang 'byung ngo/ /gal te yang khams gsum gyi 'byung ba spangs nas/ sa dad sa 'og par snang zhes bya ba ni/ 'dir gnas rnams gsungs pa'o/ /ji ltar rlung gis dkrugs pa'i sems can rnams kyi zhes bya ba ni 'jig rten gyi grags par gsungs pa te/ bstan bcos kyi grags pa ni ma yin no/ /shin tu bzhin mdzes zhes bya ba la sogs pa dang/ pad+ma me tog yang dag ldan zhes bya ba ni pad+ma dang/ me tog gis yang dag par ldan pa zhes bya ba gsang ba'i dbang cung zad gsungs so/ /pad+ma dmar po zhes bya ba la sogs pa ni shes rab yi shes gsungs pa'o/ /'phags pa mkha' 'gro ma rdo rje phur zhes bya ba'i rgyud kyi rgyal po chen po'i brtag pa'i bshad sbyar slon chen po nag po zhabs kyi mdzad pa rdzogs so/ / //rgya gar gyi mkhan ... po ga ya d+ha ra'i zhal snga nas dang/ bod kyi lo tsA ba dge slong shAkya yais kyis bsgyur cing zhus te gtan la phab pa'o/

CLOSE WINDOW