Input 
| བོད་ཡིག | e-texts based on the ACIP/ALL Input |
sh+rI he badzra sya/ badzra pa do d+d+ha ra Na nA ma pany+tsi kA/ bod skad du/ dpal dgyes
pa'i rdo rje'i dka' 'grel rdo rje'i tshig btu ba zhes bya ba/ dpal dgyes pa'i rdo rje la phyag 'tshal lo/ /'khor bar mi gnas
'khor bar rgyu la phyag 'tshal lo/ /'jigs pa zhi mdzad 'jigs pa bskyed la phyag 'tshal lo/ /chags bral 'dod chags
bdag la phyag 'tshal lo/ /mun sel mun nag 'dra la phyag 'tshal lo/ /gang gi drin gyis bdag blo dge 'jug dang/ /
mtshungs med shes rab skyabs dang ldan gyur pa'i/ /'khor ba bla mar gyur pa ji snyed pa'i/ /zhabs rdul spyi bo'i
gtsug gis gus blangs nas/ /dpal ldan rgyud rgyal dgyes pa'i rdo rje 'di'i/ /rdo rje'i tshiig rnams mkhas pas sbas pa rnams/ /
sgra bzhin pa la zhen pa bzlog pa'i phyir/ /bdag gis cung zad gsal bar btu bar bya/ /'di ltar yang dag par rdzogs pa'i
s angs rgyas kyis nga'i gsung rab rnams 'di skad bdag gis thos pa'i dus gcig na zhes bya ba la sogs pa gleng gzhi dang ldan
par bsdus shig ces gsungs pas/ de'i phyir yang dag par bsdus pa po byang chub sems dpa' rdo rje'i snying pos 'dir gleng gzhi nye bar dgod
'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku dang/ gsung dang/ thugs
rdo rje btsun mo'i b+ha ga la bzhugs te/ zhes bya ba dang por bkod pa'i/ 'dir yang dang por phun sum tshogs pa brjod par byed pa thun
mong gi lugs kyi bshad par bya ste/ de la 'di skad ces bya ba ni dris pa'i tshig gi lan te/ byang chub sems dpa' rnams kyi byang chub sems dpa'
r do rje'i snying po la khyod kyis bcom ldan 'das la ji ltar thos pa ltar smros shig ces dris pa dang des bdag gis 'chad par byed pa 'di skad bcoM
ldan 'das las thos so/ /zhes lan btab pa'i phyir ro/ /bdag gis zhes bya ba ni 'di skad thos pa de nyid mngon du thos kyi gcig nas gcig tu
brgyud pa las ni ma yin no zhes bstan pa'o/ /thos pa zhes bya ba ni rna ba'i rnam par shes pas yul du byas pa'o/ /'dis na mngon sum du byas par khas mi
len te/ de ni thams cad mkhyen pa de kho na'i yul yin pa'i phyir ro/ /dus gcig na zhes bya ba ni/ dus yang dang yang du 'di mnyan pa ma yin gyi/ dus gzhan du ni
gzhan thos la/ dus gcig na ni 'di thos zhes bsam pa'o/ /de bla na 'di skad bdag gis thos pa'i dus gcig na/ zhes bya ba'i tshig 'di rnams rim pa bzhin
du/ gya tshom du mi 'jug pa dang/ legs par gzung ba dang/ ston pa'i mngon sum du slob ma yin pa dang/ thos pa mang po'i yon tan rnam pa bzhis/ sdud pa
po phun sum tshogs pa bstan to/ /dus phun sum tshogs pa bstan pa dus gcig na zhes smos pa nyid do/ /'di ltar bcom ldan 'das kyi sprul pa'i sku'i lo brgyad cur 'dzam bu'i gling du bzhugs pa de srid
la rgyud rin po che 'di ni yang nas yang du ma gsungs kyi/ dus gcig na/ lan cig gsungs pa kho na ste/ de bas na 'di'i dus na dus gzhan pas khyad par 'phags pa de kho na'o/ /de bzhin du 'dis
ni rnyed dka' ba'i phyir bstan pa'i bdag nyid phun sum tshogs par yang legs par brjod pa'o/ /de ltar yang/ 'jig rten du ni kun mkhyen rnams/ /au du m+ba ra'i me tog bzhin/ /rgya lam
na ni lan 'ga' zhig / 'byung 'gyur na yang mi 'byung ngo/ /gsang sngags spyod pa'i tshul byung ba/ /de bas kyang ni dkon pa ste/ /zhes gsungs so/ /ston pa phun sum tshogs pa brnyad par
bcom ldan 'das zhes smos te/ bdud bzhi'i dgra bcom pa'i phyir/ mdzad pa'i nges pa'i tshig gi tshul gyis/ bcom ldan 'das te nges so/ /yang na nyon mongs pa 'joms pa'i don gyis shes
rab ni bcom pa'i sgras bstan la/ de dang bcas pas bcom ldan 'das so/ /yang na 'jigs pa bral bas ni/ bcom ldan 'das te/ ji ltar 'phags pa phyir mi ldog
pa'i 'khor lo zhes bya ba las/ nam mkha' lta bu'i chos rnams ni/ lus can dag la rab ston kyang/ /'di la 'jigs pa mi mnga' bas/ /de'i phyir
bcom ldan 'das zhes bshad/ /ces gsungs pa lta bu'o/ /yang na yon tan mdza' yas pa ldan pa'i phyir/ bcom ldan 'das te/ de nyid ni 'di nyid las/ yon tan drug ces
bshad pa ni/ /dbang sogs yon tan mdza' dag go /zhes 'chad par mdzad do/ /yang na srid pa rang mya ngan las 'das pa bral bas bcom ldan 'das te/ rtag pa mi gnas pa mya ngan las 'das?
pa'i rang bzhin yin pa'i phyir ro/ /'di dag ni rnam grangs kyis rab tu sbyor bas yin gyis/ the tshom gyis sbyor bas ni ma yin no/ /'khor phun sum tshogs par brjod par
de bzhin gshegs pa thams cad dang/ sku dang gsung dang/ thugs dang/ rdo rje btsun mo rnams zhes bya ba smos te/ 'di ltar 'jig rten las 'das pa'i 'khor
rnam par snang mdzad la sogs par/ de bzhin gshegs pa thams cad dang/ sa'i snying po la sogs pa byang chub sems dpa' rnam pa gsum gyi bsdus pa sku dang/
gsung dang/ thugs rdo rje'i byang chub sems dpa' rnams dang/ bdag med rnal 'byor ma la sogs pa rdo rje btsun mo rnams dang/ thabs gcig tu thos zhes bya ba'i don to/ /de bzhin du 'jig rten pa'i 'khor rnams dang yang ste/ de
ltar yang rgyud 'di nyid kya brtag pa sum cu rtsa gnyis pa mkha' 'gro ma rdo rje gur las/ rje su yi rang brjod pa las/ lha la sogs pa'i 'khor smos pa'i phyir ro/ de ltar ci'i phyir dang por ma byas she na/ 'di'i zlas grub pa'i phyir mi dgos te/ des par 'du bar
zla'i sgo nas rtog par 'gyur ba kho na'o/ /gnas phun sum tshogs pa gsal bar bya ba'i phyir/ /b+ha ga zhes bya ba smos te/ yais kyi bdag nyid kyi phyir bems po ma yin pa'i khad pa brtsegs pa/ gru bzhi sgo bzhi pa 'jig rten las 'das pa'i rkyen gyis
khyad par gyi spras pa/ tshad med pa'i bsod nams kyis rgyu las byung ba de ni b+ha ga ste de na'o/ /'di nyid gdan zhe na/ gar dag skal pa dang ldan pa de dag la ni rgyal po'i khab la sogs pa tha mal pa'i gnas 'di dag nyid de ltar snang ba'o/ /kha gcig na re 'dod
chags dang bcas pa'i lam ni gzhan 'phrul dbang byed kyis gnas su bshad do/ /zhes zer la de nyid kyi phyir ri rab ri'i rtse mo khang bu brtsegs pa'i gzhal yas khang na b+ha ga ste der zhes so/ /kha gcig na re longs spyod rdzogs pa'i sku yis 'di
gsungs la/ de yang gzugs kyi rtse mo 'og min na gnas pas/ gzhi tshad med pa thams cad kun tu son pa/ mdza' de bzhin gshegs pa'i yul du gyur pa stug po bkod pa'i zhing khams kho na b+ha ga ste der zhes so/ /bzhugs te zhes bya ba ni
gdul bya rnams kyi yul dang mthun par spyod lam bzhi dang ldan par bzhugs pa'o/ /de ltar na 'di skad bdag gis thos pa zhes pas nas/ bzhugs te zhes pa'i bar gyis rgyud kyi rgyal po 'di'i phun sum tshogs pa rnam pa drug lags
par gsungs pa lo/ da ni rgyud kyi gleng gzhi sdud pa po phun sum tshogs par bstan pa'i sgo nas bshad de/ de yang de bzhin gshegs pa thams cad ni rnam par snang mdzad la sogs pa'o/ /de rnams sku dang/ gsung dang/ thugs ni
mi phyed pa'i rdo rje ste/ de rnams nyid 'di ltar gdul bya'i dbang gis btsun mor gyur pa'o/ /de rnams kyi b+ha ga ni bla ma'i yang bla ma'i chos bstan pa dang mthun pa'i chos khang pa brtsegs pa ste de la'o/ /bzhugs te zhes pa ni sdam bzhin no/ /su bzhugs
shen/ bcom ldan 'das te snga ma bzhin no/ khyad par ji lta bu dang ldan zhen/ de'i phyir 'di skad bdag gis zhes pa ste/ tshad med pa bzhi po dang ngo/ /thos pa ni ldan par 'gyur ba'o/ /dus gcig na ni skad cig gcig la'o/ /de bas na 'di skad du tshad med pa
bzhi dad ldan par gyur pa'i bcom ldan 'das btsun mo'i b+ha ga la bzhugs pa de sdud pa pos skad cig gis mngon du byas nas yang dag par sdud pa po bdag nyid rnam pa thams cad mkhyen par khas blangs pa'o/ /zhes bstan par 'gyur ro/ /da ni
rgyud kyi gleng gzhi skye po 'dod chags can dga' bar byed pa'i tshul gnyis pa brjod de/ de la 'di skad ni/ ston pa sum cu rtsa gnyis mtshan gtso bo dpe byad brgya dcu'i sku/ zhes pa'o/ /bdag gis ni 'dod chags dang bcas pa'i sems kyis so/ /thos
pa ni bston pa'o/ /dus gcig na ni skabs gcig na'o/ bcom ldan 'das zhes pa ni kun rdzob byang chub kyi sems me tog kun da lta bu'o/ /de bzhin gshegs pa thams cad kyis zhes bya ba la/ de bzhin gshegs pa thams cad kyi sku dang/ gsung
dad rda thugs de rnams nyid rnam par mi rtog pa ting nge 'dzin gyi tshul gyis rdo rje'o/ /yang de rnams nyid 'dod chags chen pos 'dul ba'i dbang gis/ btsun mor gyur pa'o/ /de rnams kyis b+ha ga ni yi ge e 'dra ste/ de la gnas pa'i khang pa brtsegs??
pa rnams la'o/ /bzhugs te zhes pa rnam pa gnyis ma spangs pas gdul bya 'dod chags chen pos 'dul ba dang/ rjes su mthun par bzhugs pa ste/ /'di ltar ston pa sum cu rtsa gnyis mtshan/ /gtso bo dpe byad brgyad cu'i sku/ /btsun mo'i b+ha gra bde
ldan la/ /khu ba'i ming gis bzhuD bar 'gyur/ de med na ni bde med 'gyur/ /bde ba med na nga med 'gyur/ /zhes gsungs pI phyir ro/ da ni rgyud kyi gleng gzhi ston pa phun sum tshogs pa brjod pas kyang bshad de/ /'di ltar 'di skad ni chos kyi sku'o/ /bdag gis ni longs
spyod rdzogs pa'i sku'o/ /thos pa ni sprul pa'i sku'o/ /dus gcig na zhes bya ba ni lhan cig skyes pa'i dga' ba 'byung ba'o/ /bcom ldan 'das zhes bya ba ni sku gsum dbyer med pa bde ba chen po'i rang bzhin no/ /'dir gsungs pa/ /'chad pa po steng
yi chos/ /rang yon ldan pas nyan pa da zhes so/ /de bzhin gshegs pa thams cad kyi sku dang/ gsung dang/ thugs rdo rje'i btsun mo ni sngam bzhin no/ /de'i b+ha ga la zhes pa ni 'di skad du/ rdo rje btsun mo dam pa yi/ b+ha ga yi ge e gzugs
'dra/ /sangs rgyas rin chen za ma rtog/ bde ldan nga yi gtsug lag khang zhes gsungs pa'i don no/ /bzhugs te/ zhes pa ni 'khor rnam pa gsum gyis yid dang mthun par ro/ /'di dag ni rgyud kyi gleng gzhi rnam par bshad pa gzhir
byas pa'o/ /gleng gzhi de lta bu dang ldan pa'i rgyud 'di'i dgos pa la sogs pa yang brjod par bya ste/ 'di skad bdag gis thos pa zhes bya ba la sogs pa gzhung 'di ni rjod par byed pa'o/ des yang dag par bstan par bya ba'i don gyi tshogs
ma lus pa ni brjod par bya ba'o/ /'di dag rgyu dang 'bras bur gnas pa ni 'brel pa zhes pa ste/ phan tshun rag las pa'i phyir ro/ /'di dag la rten te legs par rtogs pa sngon du song bas/ sku gsum gyi mthar thug pa grub pa'i bar na dgos pa'o/ /
'khor ji srid du gzhan gyi don 'byung ba ni 'dir dgos pa'i yang dgos pa ste/ mi gnas pa'i mya ngan las 'das pa'o/ de ltar yang gsungs pa/ gzhan don phun sum sangs rgyas kyi/ /'bras bu'i gtso bor bshad pa ste/ sangs
rgyas nyid sogs de las yang/ /de yi don gyi 'bras bur brjod ces so/ /'di ni dgos pa la sogs pa brjod pa'o// //da ni le'u dang po'i rdo rje'i tshig btu bar bya ste/ /lus su gnas dang ye shes che/ /rtog pa thams cad spangs pa yis/
dngos po kun la khyab byed de/ /lus su gnas kyang lus mi skye/ zhes bya ba la/ lus su gnas dang zhes pa dmigs pa dang bcas pa de bzhin gshegs par dbugs dbyung pa'o/ /ye shes che zhes pa ni dmigs pa med par rdo rje 'chang
chen por dbugs dbyung ba'o/ /rtog pa thams cad spangs pa yi zhes pa ni rnam par mi rtog pa'i ti nge 'dzin gyi tshul gyis so/ /dngos po kun la khyab byed de zhes pa ni thams cad ni 'gro ba'i don byed pa'o/ /lus su gnas kyang zhes bya ba
ni/ chos dang po longs spyod dang sprul pa'i bskur bcas kyang ngo/ /lus mi skye zhes pa ni de las gzhan pa'i lus las ma'i byung zhes bya'o/ /'di skad du bskyed pa'i rim pa dang rdzogs pa'i rim pa la gnas pa'i rnal 'byor pa rnam par mi
rtog pa'i tshul gyis 'gro ba'i bde ba la spyod pa ni sku gsum la gnas pa ste/ /de'i phyir lus gzhan las de 'byung gi /bdag nyid kyi sems kyi rgyu'o zhes bstan par 'gyur ro/ /yang na lus su gnas dang ni phyag rgya chen po'i rang bzhin
gzugs kyi sku'i ngo bo'o/ /ye shes che zhes pa ni mi dmigs pa'i thabs dang shes rab kyi bdag nyid do/ /rtog pa thams cad spangs pa yi zhes bya ba ni/ rnam par rtog pa ma lus pa nub pa'i rang bzhin no/ /dngos po kun la khyab byed de zhes pa
ni thog ma dang tha ma med cing mi nyam pa dang mnyam pa nam mkha' lta bus chos thams cad la khyab par byed pa mchog tu zab ba'i rang bzhin chos kyi sku'o/ /lus su gnas kyang zhes pa ni lus kyi rnam pa yin yang ngo/ /lus mi skye zhes bya ba ni/
lus de yang lus kyi shes par mi byed ces pa'o/ /'di skad bstan te/ gzugs kyi sku dang/ chos kyi sku'i bdag nyid can gyi chos kyi sku ni/ sku gsum gyi mchog gi rnam pa yin mod kyi/ de ltar lus can du 'byung ba ma yin no/ /sme sha lta bar 'bar
pa yis/ /de bzhin gshegs pa lnga bsregs shing/ /spyan ma la sogs bsregs pa dang/ /haM las zla ba 'bab pa'o/ /zhes bya ba la/ sme sha zhes bya ba ni/ reg par bya ba ma yin pa yi ge aoM gyi gzugs can ma shes rab kyi pha rol tu phyin pa'i
rang bzhin rnam par rtog pa thams cad kyis reg par mi nus pa'o/ /de yang 'bar ba dang/ mched pa dang/ dro ba dang/ du bar 'thibs pa dang/ gsal ba la sogs pa'i gzugs kyis gnas pa'o/ /lte bar zhes bya ba ni/ sprul pa'i 'khor lo'i
'dab ma drug cu rtsa bzhi pa'i pad+ma'i lte bar ro/ /'bar ba yi zhes bya ba ni/ 'bud pa dang/ 'bar bas sbar te/ mar me'i rtse mo lta bur a ba d+hU ti'i rtsa'i lam nas song ba'o/ /de bzhin gshegs pa lnga bsregs shing zhes bya ba ni/ de nas snying khar
gnas pa'i chos kyi 'khor lo pad+ma 'dab ma brgyad pa'i lte bar hUM dang/ 'dab ma bzhi la sa bon bzhi gnas ba rnams legs par bsregs pa'o/ /spyan ma la sogs pa bsregs pa dang zhes bya ba ni/ 'khor lo de nyid kyi mtshams kyi 'dab ma
bzhi la sa bon bzhi gnas pa legs par bsregs pa'o/ /de bas na phung po lnga dang/ khams bzhi'i bdag nyid sangs rgyas lnga dang/ /lha mo bzhi'i rnam par rtog pa'i bdag nyid rnams bsregs pas/ snang ba med pa la 'jug par 'gyur ro/ /de nas
yang bar chad med par mtshan ma dang bcas par langs te/ longs spyod kyi 'khor lor song nas longs spyod rdzogs pa'i sku yis gnas so/ /de'i 'og tu bde ba chen po'i gnas su song nas rnam par rtog pa ma lus pa ni bdag gis bsreg
so zhes sams pas/ phyin ci log gi rnam par rtog pas ma lus bas mi gos pas/ stobs dang mi 'jigs pa dang/ chos ma 'dres pa'i rang bzhin gyi zla ba'i thig le sum cu rtsa gnyis nas bab nas/ sprul pa'i 'khor lor 'dzag pa'o/ /de bas haM bsregs
zla ba 'bab pa'o/ /zhes gsungs pa ste/ 'dir haM bsregs pa zhes pa ni bsreg pa yin te/ gzhan du na byang chub sems bab pa'i gzhi mi 'byung ba'i phyir ro/ /'di la man ngag ni/ bskyed pa'i rim pa la gnas pa'i rnal 'byor pas rkang pa'i mthil dag ni
gsang ba'i gnas kyi mthar thug par rlung gi dkyil 'khor du rnam par bsams la/ de nas yang gsang ba'i gnas nye 'khor dang bcas pa mE di kyor? gru gsuM du byas te/ de yang a ba d+hU ti'i rtsa'i laM nas song ste snying ga chos kyi 'khaur pad+ma 'dab ma brgyad pa ma lus
par bsregs te/ snang ba med pI yis la 'jug pa'o/ /de nas yang slar 'od zer gyis gzugs kyis lam de nyid nas byung ste/ mgrin par son pa dang/ longs spyod kyi 'khor lo la long spyod rdzogs pa'i sku yis gnas so/ /de nas yang slar longs
spyod rdzogs pa'i sku dor nas/ /'od zer gyis gzugs kyis lam de nyid nas byung ste/ /spyi bo bde ba chen po'i 'khor lor song nas yi ge haM dkar po kha spubs par gnas pa la reg pas dra bar byas te/ slar 'og tu thim pa'i tshul gyis song ba dang/
de nas haM las khu 'phang gi ri lu lta bur zla ba 'bab pas 'khor lo'i gnas rnams su song ste/ chos kyi 'khor lo yang bspubs nas/ sprul pa'i 'khor lor sod ba dang/ slar gyen du dang pa'i gnas kyi mthar thug par 'phangs te/ de nas slar
yang babs pa'i rim pa yis gang gis tshe mngon sum gyur gyi bar du'o/ /de nas snang ba med pa la 'jug par 'gyur ba'o/ /don 'di nyid gsal bar bya ba'i phyir/ rtog pa dang po'i le'u brgyad pa las/ gang gis dgyes rdor mi shes pa/ kha de'i
rtse mor gnas pa sprul pa'i 'khor lo 'dab ma drug cu rtsa bzhi pa la brten pa aM gi yi ge 'od zer kha dog lnga pa bltas te/ de nas rlung gi dkyil 'khor nas rlung langs pas/ me'i dkyil 'khor 'bar bar gyur pa dang/ yi ge aM las mar
me'i rtse mo lta bu'i 'od byung ste/ /chu bo'i rgyu ni 'thab pa dang/ /mar me'i snang ba 'brel ba bzhin/ /ngal pa 'bras bu med pas na/ /rtag tu de nyid spyor ba yis/ /nyin dang mtshan du gnas par bya/ zhes gsungs la/ de bzhin du brtags pa
gnyis pa'i le'u bzhi pa las kyang/ lte ba'i dkyil 'khor la gnas pa/ /dbyangs yig dang po'i ngo bo nyid/ /blo ldan mkhas pas der brtag go /de 'dir bcom ldan shes rab ma/ /rdzogs pa'i rim pa'i sbyor ba yis/ /ring po ma yin thung du min/ gru
bzhi ma yin zlum bu min/ /bro ba'i ro dang dri min te/ /lhan cig skyes dga' byas pa yis/ /rnal sbyor pa yis de bskyed la/ de yi bde ba spyad pra bya/ phyag rgya chen po bde sbyin pa'i/ /mdos grub de yi lhan cig 'gyur/ /gzugs dang sgra dang de bzhin dri/ /ro dang reg bya de bzhin
'dir/ /chos kyi dbyings kyi ngo bo yi/ /shes rab tu ni nye bar spyad/ /de ni lhan cig skyes dga' dngos/ /do 'dir bde chen rnal 'byor bzang/ /de 'dir do dkyil 'khor lo dang/ /ye shes lnga yi ngo bo nyid/ /me long lta bu'i ye shes he/ /mnyam pa nyid kyi ye
shes so/ /so sor rtog par yang dag 'gyur/ /de 'dir bya ba nan tan te/ /chos dbyings rnam par dag pa ste/ /de 'dir dkyil 'khor bdag por gsungs/ /de 'di'i bdag med rnal 'byor ma/ /chos kyi dbyings kyi bdag nyid do/ /zhes gsungs so/ /de la 'dir rnal
'byor rnam pa gnyis kyang 'di'i yan lag yin te/ 'di lta ste/ shin tu spros pa'i yan lag dang/ mdor bsdus pa'i yan lag go de la shin tu spros pa'i yan lag ni/ rje btsun nag po'i zhal snga nas kyis rim pa bzhi par gsam
bar rab tu mdzad do/ /mdor bsdus pa'i yan lag 'dir brjod de/ lus la 'khor lo bzhi rnams gnas/ /sprul dang chos dang longs spyod dang/ /bde ba chen po zhes bya'o/ /de la sprul dang longs spyod ni/ /shes rab rang bzhin gyen phyogs shing/ /lte ba nyi
mas rab brgyun pa/ /drug cu rtsa bzhi brgyad phrag gnyis 'di gnyis 'dab mar shes par bya/ /de dag dbus nas ai dang ao/ /'od zer gyen du rgyu ba'o/ /de bzhin tshes dang bde chen ni/ /thabs kyi rang bzhin thur bltas ldan/ /'di dag lte ba zla bas brgyan /zla
dbus hUM dang haM ldan pa'o/ /brgyad dang sum cu rtsa gnyis kyi/ /'dab mas 'di gnyis mdzes par byas/ /de nas mchongs dang reg ldan dang/ /'phyang dang rab ldan 'bar ba dang/ /slar yang rab gnas thim pa dang/ /shes rab bzhi la gnas par bsam/ /rim pa
dag ni 'di nyid kyis/ /gang tshe sems ni brtan gyur dang/ /snang ba med la 'jug par bya/ /zhes bya ba ni 'di'i man ngag go /de bzhin du/ /lta bar pad+ma dmar po ni/ /rnam rgyas 'dong ma bzhi pa gnyis/ /gyen du phyogs pa'i lte ba'i/ /nyi ma shes rab ai gzugs
ma'o/ /'di yi 'dab ma gzhan la ni/ /dbyangs kyi yi ge bcu bzhi ste/ /'og dang steng dang mtshams su yang/ /bsam bya de rnams 'bar ba yis/ /pad+ma'i rtsa ba'i skung pa ltar/ /shin tu pra ba'i ri mo rnams ska? bar med yid kyis bris pa rnams/ /rnal 'byor
can gyi rnams bsams na/ /nyi ma dag ni chung? shas kyis/ /mngon du byed 'gyur 'khru? lnga med/ /ces bya ba 'di yang mdor bsdus pa'i yan lag go /'di lta bu la sogs pa spros pa dang bcas pa'i rdzogs pa'i rig pa rnams ni/ spros pa med pa'i
rdzogs pa'i rim pa la 'jug par bya ba'i don kho na yin par shes par bya'o/ //le'u dang po'i rdo rje'i tshig btu ba'o// //da ni le'u lnga pa'i rdo rje'i tshig la 'jug par bya ste/ 'dir ni ma dang sring mo sogs/ /rnal 'byor ldan pas rtag tu mchod/ ces bya ba
la/ 'dir ni zhes bya ni gsang/ ba bla na med pa 'dod chags dang bcas pa'i lam 'dir ro/ /ma dang zhes bya ba ni las kyi phyag rgya gang zhig gi rig ma shes rab mar byin gyis brlabs pa'o/ /sring mo sogs zhes bya ba la/ /sring mo ni gang zhig rang dang na tshong mtshung
pa'i bud med las kyi phyag rgyar byin gyis brlabs pa'o/ /sogs zhes bya ba ni bu mo dang/ tsha mo la sogs pa gzung ba'i phyir ro/ /'di dag kyang rang pas gzhon pa la sogs pa phyag rgyag rgyar byin gyis brlabs pa la bya'i sgra ji bzhin par ni ma yin te/ rgyud
rnams las gsungs pa'i 'khrul pa gsal ba'i phyir/ bcom ldan 'das kyis rnal 'byor chen po'i rgyud la lar gsungs pa/ ma dang bu mo sring mo sogs/ /bgrong bya min la bgrod par byed/ /ces bya ba la sogs pa rgya cher gsungs so/ /de'i
phyir brtag pa gnyis pa'i le'u lnga pa las/ ma dang bu mo sring mo dang/ /tsha mo sru mo me'u mo dang/ /sgyug mo rang gi ne ne mo/ /rig ma brgyad du rnam grags te/ 'o byed dam du 'khyud pa yis/ /rnal 'byor ba yis mchod par bya/ /zhes gsungs pa yang/ dkar
mo dang/ rkun mo dang/ ro langs ma la sogs pa brgyad du byin gyis brlabs pa'i rig ma brgyad la dgongs pa'o/ /de bzhin du brtag pa gnyis pa'i le'u bdun pa las/ gang zhig mdang sring mo dang/ /tsha mo dang ni sgyugs mo la 'ang/ /tshogs kyi 'khor
lo'i mtshad chen po/ /byas nas dngos grub nges 'thob po/ /zhes gsungs pa la sogs pa thams cad snga ma bzhin du de lta bar bya'i/ /sgra ji bzhin pa ni ma yin no/ /rnal 'byor ldan pas zhes bya ba ni thabs dang shes rab kyi ti nge 'dzin rdo rje dang
pad+ma byin gyis brlabs pa'i mthar thug pa la gnas par gyur pa'o/ /rtag tu mchod ces bya ba ni ji srid spros dang bral ba'i gnas ma thob kyi bar du snyoms par 'jug pa'i bde bas tshim par bya ba'o/ /de 'dir bsdus pa'i
don ni na chod la sogs pa'i bud med/ ma la sogs pa'i brdas bstan pa dag gzung la legs par sbyangs te bdag nyid kyang sbyangs la/ de dang snyoms par 'jug pa'i bde bas lus kyi bdag nyid phung po dang/ khams dang/ skye mched kyi bdag nyid
lha'i dkyil 'khor rnams des tshim par byas te/ de nas rdo rje nor bu'i nang du sems son pa bla na med pa'i mchod pas dgyes par bya'o/ /gang gi tshe bla na med pa'i mchod pa la legs par gnas ba na des snyoms par 'jug pa'i mchod pa brtsam par
mi bya'i/ /bla na med pa'i mchod pa kho na la gnas par bya'o/ /de ltar gsungs pa/ bud med sbangs shing dor nas su/ /ye shes phyag rgya goms par byed/ ye shes grub de nas ni/ /phyag rgya chen pos byang chub 'grub/ /ces pa'o/ yang gsungs pa/
gsang ba'i snyoms par 'jug pa 'dis/ /phyi rol sbyor ba blta mi bya/ /zhes so/ /de bas na gang ngag phyag rgya chen po dang snyoms par 'jug mi nus pa de dag las kyi phyag rgya dang/ ye shes kyi phyag rgya dang snyoms par 'jug pa gsungs kyi phyag rgya chen
po dang snyoms par 'jug nus pa rnams la ni ma yin no/ /de'i phyir brtag pa gnyis pa'i le'u brgyad pa las/ ha cang mi ring mi thung zhing zhes pa la sogs pa phyag rgya chen po bstan pa ni thugs rje chen pos chad pa stong pa bstan pa'i dpe yis/ /
dman pa rnams bring par gsungs pa kho na'o/ /de ltar min na spros pa med pa'i rdzogs pa'i rim pas ci zhig bya/ /pha las thob pa'i ji lta'i bde/ /bde ba de ni bdag nyid spyod/ /gang gi 'chi pa'ang bde ba ste/ /bde ba de ni bsam gtan brjod/ /
ces bya ba ni/ /pha ste sems can gyis rnam pa ni pha zhes bya'o/ /pha de las thob pa'i bde ba ji lta ba'i bde ba ni sems can thams cad la phan 'dogs pa'i mtshan nyid kyi bde ba tsam mo/ /bde ba ni de ni bdag nyid spyod ces bya ba ni/ rang gi bdag nying
bla na med pa'i stong pa dang/ snying rje'i ngo po thog ma med pa nas mngon par sangs rgyas par rtog par bya ba'o/ /bde ba de yang ji lta bu yin zhe na/ /de'i phyir gang gis 'tsho ba'ang bde ba ste zhes bya ba gsungs te/ bde ba gang gis 'chi ba ni lus dang
yid kyis rtsol ba'i srog gi rlung 'gags pa ni gang gis 'chi ba'o/ /nges cir 'gyur zhe na/ bdag gi bde ba de ni zhes bya ba smos te/ de ni bla na med pa yang dag par rdzogs pa'i byang chub kyi rang bzhin no/ /bsam gtan zhes bya ba ni de nyid rnam par
mi rtog cing rtse gcig pa'i phyir ro/ /brjod ces bya ba ji ltar bshad pa ni kun rdzob pa yin no zhes bya ba'i tha chig go /'di skad bstan te/ chos thams cad sems tsam du rtogs pas de dang mi ldan pa rnams la byams pa chen po sngon du byas
te/ snang ba med pa la 'jug pa ni tha mal pa'i srog chad pa'i ngo bo 'chi ba zhes bstan pa rdzogs pa'i byang chub thob ste/ bsam gtan zhes bya ba'i ming gis kun rjob tu gnas par ma gyur to/ /yang pha zhes bya ba ni shes rab dad ye shes
kyi bdag nyid kyi sems so/ /ji ltar zhes bya ba ni tshogs pa ji lta ba'i 'o/ /bde ba ni khams gsum pa'i bde ba'i rang bzhin no/ /thob pa zhes pa ni rnyed pa'o/ /bde ba de ni bdag nyid spyod ces bya ba ni bla na med pa'i bde ba de bzhin gshegs
pa'i rang bzhin de las kyis phyag rgya la mi bltos par bsgom pa tsam gyis 'grub par bya'o/ /gang gis bde bzhes bya ba ni rang bzhin gyis 'byung ba'o/ /'chi ba zhes bya ba ni zag pa dang bcas pa'i phung po dang/ /khams dang skye mched
rnams shin tu skye ba med bas shi bar byas pa'o/ /bde ba ni bsam gtan brjod/ /ces bya ba ni bsam gtan phul du byung ba las de 'byung ba'o/ /de nyid rdo rje 'chang bde ba chen po'i rang bzhin no/ /brjod ces bya ba ni bla ma rnams
kyis rang gi sems kho na las de 'byung gis skye'o zhes brjod do/ /'di skad du/ rnal 'byor ba'i shes rab dang ye shes kyi bdag nyid kyis sems bde ba'i 'byung gnas de tshogs pa bzang ngan gyis 'gro ba dam pa dang/ dam pa ma yin par gyur pa
thams cad la bde ba chen po dbyer med par rtogs pa 'thob pa'i thabs ni rang gi sems khon bas/ /rang bzhin gyis bde ba 'byung ba zag pa dang bcas pa'i chos rnams 'gags pa thob pa ni bsam gtan phul du byung pa brlabs pa las byung bar
bla ma dam pa rnams kyis gsungs so zhes bya ba ste 'di ni 'dir man ngag gi ste/ de bas na brtag pa dang po'i le'u bcu ba las/ phyag rgya'i rgyu dang rnam par bral zhes gsungs pa ste/ skye bo shes rab dang snying rje'i rkang pa dang ldan ba de dag la ni dang po
yang gsang ba shes rab ye shes dang/ bzhi pa rnams dgos pa ma yin la/ phyi nas kyang spros pa dang bral ba'i phyag rgya chen po ma rtogs par phyag rgya gzhan la rten ba nyid mi dgos so/ /de ltar na de dag ni 'dod chags kyis nyes pas
kyang ma reg la/ 'dod chags kyis grol bar byed pa'i thabs la yang gnas pas na gsang ba dang/ shes rab ye shes kyi gnas kyi man ngag rnams gzung ba dang/ sbyin pa la dbang thob pa yang yin no/ /ji ltar na de dag dbang bskur ba
dang bral bzhin du/ /de yi man ngag 'dzin pa dang/ /sbyin la dbang thob de lta na/ /yang dag dbang ni bskur ba la/ /de nyid bstan ces rdor 'dzin gsungs/ /gzhan du de la dngos grub ni/ /med cing byang chub med par 'gyur/ /zhes bya ba la sogs pa
yang de lta min no zhe na/ de ni ma yin te dper na mig sman gyi thur mas mig dbye ba'i chor ba sdug bsngal ma myong ba rnams la/ thur ma'i rig pa gzung ba dang/ sbyin pa'i dbang med pa ni ma yin pa ltar/ /de yang de dang 'dra'o/ /gal te de ni ma
yin te 'dir nyams su myong ba'i ngon ston pa yin no zhe na/ de ni ma yin te/ lhan cig skyes dga' gzhan dag gis/ /brjod min gang nas mi rnyed kyang/ /zhes gsungs pa'i phyir dang/ /de bzhin du/ gzhon nu ma'i rab dga' ltar/ /bstan du med pa'i
bde ba 'byung/ /zhes gsungs pas/ rang gis nyams su myong ba ji lta ba slob ma la brjod pa ma yin no/ /gzhan yang nyams su myong ba'i don brjod na/ ci dbang po gnyis las byung ba'i bde ba nyams su myong ba brjod pa'am/ yang na spros pa dang
bral ba'i ye shes rtogs pa brjod/ /dang po ni ma yin te/ de ni bla ma la rag mi las shing 'dod chags dang ma bral ba thams cad la 'byung ba'i phyir ro/ /phyogs gnyis pa ltar na ni de thob pa la rag mi las shing pha rol tu phyin pa'i rnam pa
dang mi ldan pa 'ga' zhig gis kyang 'grub par thal ba'i phyir ro/ /gang gsungs pa'i yang dag dbang bskur ba la zhes bya ba la sogs pa ni zlog par byed pa nyid ma yin te/ rig pa'i dbang gis dgongs pa dang yul thams cad ma gzung ba'i phyir
ro/ /de lta mod kyi 'di ni rigs pa ma yin te/ rig pa'i dbang ni sku rnam par dag pa yin la/ gsang ba dang shes rab ye shes dag pa ni gsung dang/ thugs rnam par dag pa yin pa'i phyir/ gang gis rig pa'i dbang bskur ba de ni sku 'ba' zhig rnam par
dag pa yin gyi thugs dang gsung dag pa ma yin no zhe na/ de lta mod kyi 'di ni mchog tu 'khrul pa'i gnas gang zag gi bsam pa la brten pa tsam yin gyi nges par gyur pa nyid ma yin no/ /de ltar min na rig pa'i dbang yongs su nyams par 'gyur te
'di ltar chu dang cod pan dang rdo rje dang dril bu dang/ ming gis rim pa bzhin du me long lta bu dang mnyam pa nyid dang so sor rtog pa dang/ bya ba grub pa dang/ shin tu rnam par dag pa'i chos kyi dbyings kyi ye shes rnams 'grub par
gsungs pa'i phyir ro/ /gang yang ye shes lnga rnam par dag pa'i mthar gyur kyang gsung dang thugs rnam par ma dag pa zhig na su zhig bstan pa 'di la brtson par 'gyur/ de bas na gang gis rig pa'i dbang gzung ba de ni dbang rnam pa gsum la dbang
ba kho na'o/ /de ltar na 'di dag bstan par mi 'gyur te/ don med do zhe na/ thams cad du ni dgag par mi sbyor ro/ /dper na 'ga' zhig tu mu tig gi do shal dag pa bas/ chang stong pa bstan pa nyid ches thabs su 'gyur ba lta bu'o/ /le'u lnga pa'i rdo rje'i
btu ba'o/ / //da ni le'u drug pa'i rdo rje'i tshig btu ba la 'jug par bya ste/ shing gcig drung ma dur khrod du/ /bsgom pa dag ni dge bar gsungs/ /mtshan mo me mo'i khyim de bzhin/ /yang na dben ngang bas mthar ni/ /cung zad drod ni thob byas
la/ /gang zhig 'dod pas spyod pa bya/ /zhes bya ba la shing gcig ces bya ba ni lag pa la sogs pa la yal ga du ma dang ldan pa'i lus nyid do/ /dur khrod ces bya ba ni rang gi lus nyid de/ /de ltar yang 'di nyid las/ /dbugs dang rab tu ldan pa la/ /
dur khrod ces ni mngon par brjod ces gsungs so/ /khams bdun pa ni ma mo ste de rnams 'dus pa ni ma mo'i khyim mo/ /de bas na de yang rang gi lus nyid do/ /'dod chags la sogs pa gnyid log pa'i dus ni mtshan mo'o/ /dpen pa ni rnam par
rtog pa mi rgyu ba'o/ /bas mdza' zhes bya ba ni/ pad+ma'i lte bar ro/ /bsgom pa dag ni dge bar gsungs zhes bya ba ni rang gi lus dang 'dra bI shes rab ma dang snyoms par 'jug pas rdzogs pa'i rim pa bsgom par bsngags pa'o/ /'di skad bstan
te/ rang gi lus tha mal pa'i 'dod chags la sogs pa dang bral ba rnam par rtog pa ngan pa dang bral bas rig ma'i pad+ma'i lte bar rdo rje bzhag ste/ man ngag ji lta bas bsgom par bya'o/ /gang zhig rnal 'byor ngal bar byas pas
nus pa khyad par can rnyed pas nye bar 'tshe bas mi gnod pa'i mthu de ni drod ces brjod la/ de yang yongs su rdzogs par ma yin pas na cung zad thob ces byas la zhes smos so/ /de ltar drod thob pa de dag kyang nges par ni spyod pa byed
pa ma yin te/ rang gi 'dod pa la rag las pas na gang zhig 'dod pas spyod pa bya zhes gsungs so/ /'di dag ni sgra ji bzhin bshad pa ni go sla'o/ /rtag tu snying rje btung bya ste/ /sems can kun gyi don gyi rgyur/ /rnal 'byor ba tung dga' i rnal
'byor pa/ /btud pa gzhan gyis gzi mi byed/ /ces bya ba la rtag tu zhes bya ba ni dus thams cad du'o/ /snying rje zhes bya ba ni sems can thams cad kyi sdug bsngal bsal bar 'dod pas so/ /btung bya ste/ zhes pa ni longs spyod rdzogs pa dang
sprul pa'i skur gyur pas 'jig rten thams cad la chos bstan pas mi gnas pa'i mya ngan las 'das pa'i grong khyer du 'dzud pa'o/ /de nyid kyi phyir sems can kun gyi don gyi rgyur zhes gsungs so/ /rnal 'byor ni thabs dang shes
rab gnyis su med pa'i ye shes 'di nyid kyang dam pa dag gis 'dod cing don du gnyer bar bya ba yin pa'i phyir btung ba'o/ /de 'thung ba la dga' ba'i rnal 'byor pa des ni chos kyi sku thob par 'gyur te blang par bya ba'i phyogs so/ /
phyogs cig shos bstan par btung pa gzhan gyis gzi mi byed ces gsungs te/ stong pa nyid dang snying rje'i bdud rtsi'i btung ba las gzhan pa thams cad kyi bzi par mi byed pa ste/ chos kyi sku thob par mi 'gyur ro/ /'di ltar gsungs pa/
mtshan dang dpe byang kyi sku gzugs kyis sgrub pa la mngon par dga' bar gyur na 'di ni brtson 'grus rtsom pa ma yin no/ /'on kyang sangs rgyas kyi chos ma 'dres pa la sogs pa lhun gyis grub par 'jug pa'i chos kyis
mngon par rtogs pa bsgrub pa la mngon par dga' bar 'gyur ro zhes so/ /yang na rtag tu snying rje btung bya ste/ zhes bya ba dus thams cad du snying rje chen po sngon du song bas chang la sogs pa rnams bdud rtsi'i chur byin gyis brlabs te/ /bdag nyid lta'i
dang 'dzin pa dad bcas pas btung bar bya ste longs spyang par bya'o/ /sems can kun gyi don gyi rgyun mi 'chad par yid la byed pa'o/ /rnal 'byor pa zhes pa ni dam tshig dang ting nge 'dzin gyi tshul ma lus par shes pa'o/ /bcud? min gzhan gyis cos
par bya'o/ /rnal 'byor ni thabs dang shes rab kyi ti de 'dzin to/ /de btung ba la dga' ba ni rtag par rgyun mi 'chad par yid la byed pa'o/ /rnal 'byor pa zhes pa ni dam tshig dang ting nge 'dzin gyi tshul ma lus par shes pa'o/ /btud min gzhan gyis cos
bya ba ni/ /'gro ba rnams mngon par ma dang ba rnams byed pa bsrung bar bya ba la sogs pa'i dam tshig nyams par byed pa thabs dang shes rab kyi tshul las ring du song ba'o/ /bzi bar byed ces pa ni/ rnam par g.yeng ba sngon du song bas lus dang ngag
dad yid 'bri bar byed ba ste/ brgyal ba dang 'dra bar 'gyur ro/ /gang gsungs pa yang/ ngar 'dzin pa ni bskyed pa'i phyir/ /ji ltar ye shes mi brgyal bar/ /dam pa dga' ba'i sems kyis ni/ /chung ngu nyid la goms par bya/ /zhes so/ /le'u drug pa
rdo rje'i tshig bcu pa'o/ / //da ni le'u bcu pa'i rdo rje'i tshig btu ba la 'jug par bya ste/ mchog tu dga' ba'i bsgom bya dang/ zhes bya ba ni gru bzhi la sogs pa'i yon tan dang ldan pa'i rten gyi dkyil 'khor te/ de med ces bya bar sbyar ro/ /
sgom pa po yang med pa ste/ zhes bya ba ni/ gang la lha dgu la sogs par bkod pa'i lha rnams te/ brten pa'i dkyil 'khor de med pa'o/ /lus med gzung med 'dzin pa'ang med ces pa ni/ gzugs kyi phung po la sogs pa'i rang bzhin
rdo rje ma la sogs pa lnga dang/ gzugs la sogs pa'i rang bzhin dkar mo la sogs pa drug dang/ mig la sogs pa'i rang bzhin gti mug rdo rje ma la sogs pa drug med ces pa'o/ /sha med khrag med pa bshad gci med ces
pa ni spos mo la sogs pa mtshams bsrungs pa bzhi med ces pa'o/ /sme ba med cing rmongs pa'ang med ces bya ba dang/ khrus dang gtsang sbra med pa ste/ zhes bya ba ni spyan ma dang/ bdag nyid ma dang/ gos dkar ma dang/ sgrol ma
rnams med ces pa'o/ /chags med sdad med gti mug med/ /phrag dog phra ma nga rgyal med/ /ces pa ni rigs drug 'khor los sgyur ba mi bskyod pa dang/ sgyu 'phrul dra ba dang/ rdo rje nyi ma dang/ pad+ma gar gyi dbang phyug dang/ rdo rje myur 'gro?
dang/ dam pa dang po rnam med ces pa'o/ /sgom dang bsgom pa lta bu dang zhes bya ba ni lam dang der brten pa dag ste/ med ces bya bar sbyar ro/ /dgra dang gnyen gshes dag dar ni shes bya ba ni/ gzhon par bya ba'i bdag nyid nyon mongs pa dang/ nye bar blang bar
sangs rgyas kyi yon tan dag ste/ de dag kyang med ces bya bar sbyar ro/ /rlabs med lhan cig skyes bshad de/ sna tshogs dang bral ba'o/ /zhes bya ba la yul gyi chu bo la rkyen dag gis rlung gis bskul zhing 'byung ba'i bdag nyid rnam par
rtog pa dag ni rlabs te/ gad la de chad pa de ni spros pa dang bral ba dpe can gyi lhan cig skyes par bshad do/ /de nyid kyi phyir 'di ni rtog ba sna tshogs nub par mar me'i rgyun rlung med pa ltar zhi ba/ ye shes rang dang gzhan rig pa bral ba nyid
kyis bdag med pa gang yin pa de nyid kyi phyir/ sna tshogs dang ni bral ba'o/ /zhes gsungs te/ /'di lta bu'i lhan cig skyes pa la 'dod par bya'i/ /dpe'i lhan cig skyes pa'i byis pa'i skye bo thams
cad dang mtshungs par spyod pa dbang po gnyis las skyes pa'i bde ba la ni gdung bar mi bya'o/ /brtag pa dang po'i le'u bcu pa'i rdo rje'i tshig btu ba'o/ /da ni brtag pa gnyis pa'i rdo rje'i tshig btu ba la 'jug par bya ste/ rang gi
khyim du mtshan mo ni/ /grub pa nga zhes bsam par bya zhes bya ba gsungs te/ /rang gi rnam par rtog pas phung po lnga len pas na sred pa dang bcas pa'i phung po lnga po de dag ni rang gi khyim mo/ /mtshan mo zhes bya ba ni dbang po'i grong
gnyis log pa ste/ gang yul la mi 'jug pa'o/ /grub pa nga zhes bsam par bya zhes bya ba ni tha mal pa'i rnam par rtog pa las grol bas grub pa'i skyes bu dpal he ru ka la sogs pa ni bdag go zhes bsam par bya'o/ /de ltar
yang gsungs te/ tha mal rnam pa gzhom pa'i phyir/ /rang la lha yi ngar 'dzin bya/ /dar 'dzin de yang gzhom pa'i phyir/ /dmigs pa med pa rnam par bsgom/ /gang tshe sems ni mnyam gnas pa'ang/ /de'i tshe de nyid yin par
nges ces so/ /ji ltar dar 'dzin pa'i tshul yang/ /dang po'i las can rnal 'byor pa/ /des ni sprul sku la goms bya/ /sprul pa brtan par gyur pa na/ /longs spyod rdzogs pa brtan par bsgom/ /sprul pa'i sku ni gsal
gyur cing/ /phongs spyod rdzogs pa gsal tsam na/ /chos sku dmigs pa med 'di ni mdor bsdus smos ba'o/ /zhes gsungs so/ /le'u gnyis pa'i rdo rje'i tshig btu ba'o// //da ni le'u
bzhi pa'i rdo rje'i tshig btu ba la 'jug par bya ste/ 'jug pa'i bde ba phyag rgya che/ /rdo rje skye mched thabs yin no/ /zhes bya ba la/ 'jug pa ni rdo rje'o/ /de'i bde ba ni nor bu'i nang du song ba'i bde ba'i ye shes so/ /de nyid ni chos
thams cad bdag nyid gcig par rgyas 'debs pa'i phyir/ /phyag rgya chen po'o/ /rdo rje ni mi dmigs pa'i ye shes te/ de nyid dkyil 'khor gyi 'khor lo skye bo'i sgor gyur pas ni/ skye mched do/ /thabs yin no zhes bya ba ni phul du
byung ba'i ye shes su nye bar 'gro'o/ /yang na 'jug pa ni rdo rje'o/ /de'i bde ba ni dam pa'i bde ba mdza' dang bral ba'i dang po'o/ /ye shes de'i rang bzhin ni phyag rgya chen po ste/ yi ge aM gi gzugs can ni shes rab ma'o/ /rdo rje ni mi phyed
pa'o/ /skye ba ni rnam par shes pa ste/ mched pa ni zhum pa dang longs spyod pa dang/ dbang byed pa'i rim pa'o/ /thabs yin no zhes pa ni/ de nyid kyang gnas dang nye ba'i gnas la sogs pa dag tu khrod pa'o/ /rab tu dam par gyur
t e skrag nas 'dar bar gyur cing brgyal nas sa la dgyel to zhes bya ba la so so skye bo'i de bzhin nyid dang bla na med pa yang dag par rdzogs pa'i sangs rgyas kyi de bzhin nyid lhan cig dbyer med par bsgrub pa'i tshes 'di ni ngo mtshar du bya
ba yin no zhes shes pas na rab tu dam par gyur to zhes gsungs so/ /skrag nas ces bya ba ni 'khor ba ji srid du mi gnas pa'i mya ngan las 'das pa'i rang bzhin phyag rgya chen po bstan du med cing rtogs par dka' ba mchog tu
zab pas dad pa dman pa rnams kyis 'jug par mi nus pas na'o/ /'dar bar gyur cing zhes bya ba ni/ /'jig rten thams cad las yang dag par 'das pa dka' ba med cing myur ba'i thabs bla na med pa dgyes pa'i rdo rje zhes
bya ba'i chos thos pas/ 'da' bar gyur pa la sogs pa'i mtshan ma rnams thob pa'o/ /brgyal nas zhes bya ba ni chos thams cad dbyer med pa bde ba chen po'i rang bzhin rnam par rtog pa'i ting nge 'dzin gyi tshul gyi sems dang sems
las byung ba thams cad shin tu skye ba med par byas pa'o/ /sa la dgyel to zhes bya ba ni/ bag chags dang bcas pa'i phung po la sogs pa bcad pa de kho na'i chos thos pas dman pa dag 'jig ste/ lus kun sa la lhung bar gyur pa'o/ /le'u
bzhi ba'i rdo rje'i chig btu ba'o/ / //da ni le'u bcu gcig pa'i rdo rje'i tshig btu ba la 'jug par bya ste/ ye shes 'di ni chos phra ste/ zhes bya ba ni rtag tu nyams su myong ba'i bdag nyid bem po dang bral ba'i ngo bo nyid kyi phyir ye shes ni 'di na'o/ /chos
phra ste zhes bya ba ni de tsam du yang blo rags pa dag gis rtogs par mi nus pa'i phyir te/ gang yang yang dag pa nyams su myong bar bya ba ma yin pa lha smos kyang ci dgos/ /rdo rje ni sems so/ /de yang rnam par mi rtog pa'i rang bzhin gyi phyir snying po zhes bshad do/ /
rang bzhin gyis rnam par dag pa'i bdag nyid yin pas na/ sems de nyid ston ka'i nyi ma phyed kyi nam mkha' lta bu kho na bas nam mkha' 'dra ba zhes gsungs so/ /'dod chags la sogs pa nyon mongs pa'i rdul med pas na rab zhi ba zhes so/ /mi gnas pa'i mya
ngan las 'das pa'i bar pa sbyin pas grol sbyin no/ /sgrib pa rnams rab tu zhi bas na rab zhi ba'o/ /bla ma'i bla ma de kho na ye shes rang byung gi ming gis brnyad pa rtogs pa'i thabs su gyur pas na/ khyod kyi phar ni khyod nyid 'gyur zhes pa'o/ /'di
skad bstan te/ dbang bzhi pa'i skabs su rnam par rtog pa thams cad nub pa'i ye shes de bla ma'i man ngag dang/ rang gi bsod nams kyis mthus mngon sum du byos shig /ces brjod pa'o/ /'di yang yang dag pa'i ye shes mngon
sum du byas pa dang/ de dpe'i ye shes mngon sum du byas pa'i dbye bas rnam pa gnyis nyid du shes par bya ste/ de lta min na dpe'i ye shes 'ba' zhig la ni don med la dpe can gyi ye shes nyi tshe 'byung bar yang dang por dpe sngon du nges par 'gro ba'i phyir
na mi srid pa'o/ /de bas na dpe'i ye shes kyis ni 'di smad pa nyid la/ dpe can gyi ye shes kyis mchog tu gyur pa kho na'o/ /de'i phyir gang gis dbang po nyid nas dpe la ma brten pas dpe can gyi ye shes 'byung bar nus pa de dag ni dpe'i ye shes la mi brten
la/ 'ga' zhig dpe'i ye shes la ma brten par dpe can la 'jug par mi 'gyur ba de dag ni gnyi ga la brten pa'o/ /'dir yang nges par tshangs par spyod pa'i sngags bas ni dpe'i ye shes nyams su myong bar mi bya ste/ rtsa ba'i rtsa bas bla ma dang bcas te ngan 'gror
gzhor ba'i phyir ro/ /gang zhig ngas de nyams su myong bar 'gyur gyi/ /gzhan gyis ni ma yin pa de dag gis kyang/ dang po'i sdom pa nyams par mi bya'i legs par gtang bar bya'o/ /le'u bcu gcig pa'i rdo rje'i tshig gtu ba'o// //
dpal ldan rgyud rgyal 'di la rnam dpyod pa'o/ /skye bo bla 'phags du mas rnam mang du/ /don gyi sdeb sbyor mang du lhur blangs pas/ /shin tu gsal ba rnam bshad rnam mang mdzad/ /bdag gis de rnams la gnas don nyid 'dir bsdus kyi/ sngon chad
ma byung 'ga' zhig 'dir brjod gang yang med/ /'on kyang 'di las dri med bsod nams gang skyes des/ /bdag ni rnam kun 'gro ba'i don la mngon dgar bshad/ /dpal dgyes pa rdo rje'i dka' 'grel/ rdo rje'i tshig btu ba zhes bya ba nang gi don
bshad pa/ slob dpon chen po kA ma d+he nus pas mdzad pa rdzogs so// //rgya gar gyi mkhan po bi na ya de ba dang/ /lo tsA ba dge slong chos kyi shes rab kyis bsgyur cing zhus te gtan la phab pa// //
dpal dgyes pa rdo rje'i rgyud kyi don sdus pa zhes bya ba bzhugs so/ / //rgya gar skad du/ sh+rI he badzra nA ma saM gra ha/ bod skad du/ dpal dgyes pa'i rdo rje zhes bya ba'i rgyud kyi don bsdus pa/ dpal
rdo rje sems dpa' la phyag 'tshal lo/
CLOSE WINDOW