བོད་ཡིག

e-texts based on the ACIP/ALL Input

/ //dpal kye'i rdo rje'i 'grel pa spyan 'byed ces bya ba bzhugs so// /rgya gar skad du/ sh+rI he badzra tan+t+ra ma hA rA dza sya pany+tsi kA na tra bi b+haM ga nA ma/ bod skad du/ rgyud kyi rgyal po chen po dpal dgyes pa'i rdo rje'i dka' 'grel spyan 'byed ces bya ba/ dpal dgyes pa'i rdo rje la phyag 'tshal lo/ /sa ma sarbArtha sid+d+hi/ na mo gu ru pA dA ya/ e ka smin sa ma ye/ b+ha ga bAn/ sarba ta thA ga ta kA ya bAk tsit+ta h+ri da ya badzra yo Shi da b+ha ge Shu pi dza ha ra/ /gleng gzhi'i dag dang po'o/ /'di yang sgra'i tshul du bshad pa dang/ don gyi tshul du bshad pa'o/ /sgra'i tshul la yang gsum ste/ sgra'i byed pa'i gnas dang sbyar ba dang/ nus pa'i rtsal dang ming khyad par du btags pa'i yon tan no/ /byed pa'i dbang du byas pa ni sgra'i gnas dang sbyar te/ de yang sgra pa'i lugs kyi ti dan+ta'i mdza' can dang su ban+ta'i mdza' can las 'dir su ban+ta byA ka ra Na'i gnas brgyad de/ gang zhes bya ba la sogs pa las/ 'dir gang gis thos na bdag gis thos zhes gsum pa sbyar/ gang gi tshe ste dus ni dang po 'am ti dan+ta gnas mi sbyar/ gang las thos zhes pas bcom ldan 'das zhes lnga pa sbyar ba dang/ gang du zhe na/ b+ha ga la zhes bdun pa 'am gnyis pa sbyar ba dang/ bzhugs zhes par 'khor bstan pas thos pa dang/ 'brel pas 'di rnams kyi phyir zhes bya ste bzhi pa'i sgra sbyar ro/ /nus pa'i rtsal ni 'di skad kyis 'di skad nas ze 'bru la a'i rnam pa'o rgyud mgo zhabs kyi don 'dren pa dang/ 'di skad kyis yang sgrom btags pa dang/ skur pa ma btab par bcom ldan 'das las thos shing bzung nas bsdus zhes pa dang/ nyan pa rnams gus pa dang bcas pa'o/ /bdag gis zhes pa ni bdag nyid kyi sngon mngon sum du thos kyi rgyud kyi brgyud pa ma yin par ston pa dang/ thos pa zhes pa ni thos pa'i rgyang bu ste/ rtogs pa ni ma yin pa'o/ /thos pa'i gnas skabs na thos kyis rtogs pa ni ma yin te/ rang gis byas pa ston pa la khyad par med pa dang/ gzhan mi gus par 'gyur ba las so/ /sdud pa po'i gnas skabs ni don dang tshig dang bcas par bsdus pas khyad par du 'gyur ro/ /dus gcig gis ni yon tan gsum 'dren par byed de/ dus gcig na 'di thos pa gzhan dag kyang thos zhes pas thos pa mang bar ston pa dang/ gzhan du ma thos pa dag srid do zhe na/ byang chub sems dpa' brtson 'grus rgyun mi 'chad pa dang/ shes bya'i sgrib pa spong ba gtso bor byed pas so/ /des ni sdud pa po che bar bstan to yang dus gcig gis bstan pa dkon par ston te/ de'i tshe kho na gsungs kyi gzhan gang du yang ma bstan pas na dkon pa'o/ /dus gcig ston pa che bar ston to/ skad cig ma la thos pas 'khor rnams rnam par thar pa'i skye mched sgrub nus pa 'am bya ba rdzogs pa'i skad cig gcig ces bya'o/ /b+ha ga bAn gyis ni yon tan gnyis 'dren te b+ha ga rnam pa drug tu brjod ces bya'o/ dpal dang grags dang ye shes dang/ /dbang phyug dang ni gzugs bzang dang/ /brtson 'grus phun sum tshogs ldan dang/ /drug po de la ldan zhes brjod/ /ces pas ye shes phun sum tshogs par bstan to/ /yang na nyon mongs la sogs bdud ces bya ste/ b+ha bAn+na'i sgra las 'joms pa ste/ nyon mongs pa'i bdud 'dod chags la sogs pa dang/ phung po'i bdud de rang dbang du ma thob pa dang/ 'chi bdag gi bdud de 'chi ba'i dus na gshin rje'i lag tu 'gro ba dang lha'i bu bdud ni dga' rab dbang phyug gi bar chad byed pa ste/ de rnams bcom pas b+ha ga bAn no/ /sarba ta thA ga ta ni ta TA'i sgras de kho na nyid du gshegs pa 'am son zhes bya ste/ chos skur gnas pa'o/ /gtas ni rtogs pa 'am byon pa ste sku gnyis so/ /de dang dpal ldan de bzhin nyid gshegs shing/ /de bzhin blar yang gshegs pa nyid ces gsungs te/ sarba ste rnam par snang mdzad la sogs pa de rnams kyi sku gsung thugs bsdus pa nas h+ri da ste snying po bsdus pa de rdo rje ltar dbyer mi byed pas rdo rje'o/ /btsun mo zhes pa drug pa ste/ spyan la sogs pa de rnams bsdus pa b+ha ga rnams te khro ba dang chags pa can 'dul ba la gnas der bzhugs pa ste/ ye shes kyi snang ba nyid gnas su snang ba de la rdo rje 'chang bzhugs pa'o/ /bi dza he ra ste bzhi mthun pa'i 'bru mang po pa'o/ /ha ra ni 'phrog pa ste/ gtso bo'i yon tan 'khor gyis 'khor gyi the tshom ston pas 'phrog pa'o/ /bzhugs zhes pas yang rgyal po pho brang na bzhugs pas/ 'khor 'dren te/ rgyal po gcig pu bzhugs pa ma yin pa dang/ thos pa'i 'grel pas 'khor dbang po dang bcas pas ston pas 'khor bstan pa dang gzhan dag ni spyod lam dang chos 'chad pa dang ting nge 'dzin dang nang du yang dag 'jog pas bzhugs zhes kyang 'chad do/ /ming khyad par can du btags pa ni 'di skad la e si na 'am aM daM zhes mi zer bar e baM zhes btags pas lo tog sel te kha cig phya dang mes po dang dbang phyug la sogs pa rgyur smra ste/ bye brag pa'i lung las/ ba ni ba sgra rnams kyi rgyu 'gro ba'i rgyu ni dbang phyug ste/ dbang phyug gis ni mtho ris sam/ ngan song dag tu 'ang ltung bar byed/ ces zer ba de lta bu dgag pa'i ched du ste e baM ni chos thams cad kyi pha dang ma de lta bu'i 'byung khungs su shes par byed la/ e baM ste bde stong dbyer med thabs shes rab dang dbyer med du ston pas na de spong ngo/ /de yang yi ge e ni mar 'gyur la/ ba ni pha zhes bya bar grags/ /thig le de ni sbyor ba ste/ sbyor te de ni rmad byung ba'o zhes pa dang e ni shes rab nyid 'gyur la/ /ba ni rab dga' i bdag po'o/ /'gro ba gang zhig yi ge gnyis/ /mi shes rtag tu 'dod pa dang/ des na sangs rgyas chos rnams las/ /phyi rol sbyor spangs thub pa bzhin/ /e baM yig gnyis sgyu ma la/ /thams cad mkhyen pa 'dir bzhugs pas/ dam tshig bstan pa'i thog mar ni/ /e baM de phyir rab tu bshad ces gsungs so// bdag gis la Ata ma'i zer ba ni mu stegs bdag tu 'dod pa yang/ /gang zag bdag tu 'dod pa ste grangs can dag ni yon tan gsum cha mnyam pa las gtso bo las bdag ste/ de las 'gyur ba de las yon tan du ma skye ste/ 'di tsam nyi shu lnga shes na/ ral ba 'am spyi bo gtsug pud kyis/ bsti gnas gang du 'gro ba der/ /grol 'gyur 'di la the tshom med/ /ces zer ba de bzlog pa'i phyir/ /mA yA ni sgyu ma'i bdag nyid du shes par bya ste/ bdag ni rtags pa dang gcig pu dang rang dbang du 'dod la sgyu ma ni de dang mtshan nyid mi mthun pas ni spong ngo/ /thos pa la sh+ru pa 'am sh+ru ne la mi zer bar sh+ru ta zer ba ni mu stegs kyi rigs byed pa sgra yon tan du 'dod pa sgras chog par 'dzin te/ de'i lung las nyes pa rnams dang 'brel pa'i phyir/ skyes bu ma byas bden don can zhes sgra rtag par 'dod pa ste spong ste/ sh+ru tra rgyu bas ma sh+ru ta rig pa shes pas sgra rtag pa de thos bya dang thos byed kyi 'brel pa mi 'thad pas na de bzlog go / dus gcig na e ka kA la mi zer bas sa ma ya zer ba ni dus yon tan du 'dod pa yod de/ de yang skye dgu 'di dag dus kyis bsdus/ /dngos po 'di dag dus kyis byed ces zer te/ rigs pa can la sogs pa 'dod pa bzlog ste/ sa ma ya ni dam tshig de dus dang mnyam pa'i dus dang/ ya yo ga sbyor bar 'gro bas na dus rtags pa ni de dag dang 'gal bas na bzlog go /de skad du yang dus ni rnam pa gsum yin te/ bde ba'i dus dang ngan pa'i dus/ /bsam gyis mi khyab dus yin te zhes gsungs so/ /bi dza ha ri la sta na 'am sti sti be se ba mi zer ba ni ther zug pa'i rtag pa spong ste/ grangs can la sogs pa rdza chag byed 'phur du 'dod pa ste/ ha ras spong ste rjes su mthun pas ston te/ 'phags pa'i tshul du bzhis bzhugs pa dang ha ras 'phrog bya dang 'phrog byed du bzhugs pa 'am/ bi dza ya yon tan dang 'joms par bzhugs pa'o/ /don bzhin du bshad pa ni gnyis te/ bshad tshul so sor sbyar ba dang brtag pa phyi ma'i tshul gyis mdor bsdus te bstan pa'o/ /bshad tshul sbyar ba ni skyed rim dang rdzogs rim mo/ skyed rim dmigs par bya ba'i yul gleng gzhi bstan pa dang/ nyams su len pa'i thabs bstan pa'o/ gleng gzhi ni 'di skad bdag gis thos pa zhes bya bas ni sdud pa po phun sum tshogs pa ston te/ sngar bstan pa'i yon tan dang ldan pa'i sa bcu'i byang chub sems dpa' rdo rje snying po'o/ /dus gcig ni dus phun sum tshogs pa ste/ ston pa gnas dang 'khor la sogs pa/ 'dus pa dus zhes bshad pa yin/ zhes pa mdo la sogs pa ltar dpyid zla ra ba la sogs pa bstan pa bzhi'i dus so/ /ston pa ni b+ha ga bAn te gong ma ltar spangs pa dang/ ye shes te de dang ldan pa'i rgyu'i rdo rje 'chang rigs bdun pa ste de yang 'og tu 'chad de/ zhal brgyad phyag ni bcu drug ste/ dpa' bo thod pa'i phreng ba can/ phyag brgya lnga ni 'dzin lha la/ bdag med ma ni nyid kyis zhus gsungs pas de'i dgongs pa yang rgyu'i rdo rje 'chang 'chad pa por 'dod do/ /gnas phun sum tshogs pa ni sarba ta thA ga ta nas d+ha ga ga la'i bar te/ bro ba dang chags pas 'dul ba la phyi chos 'byung na gtsang khang lta bu'i yon tan 'byung ba der thos so/ /'khor phun sum tshogs pa'i rnal 'byor gyi dbang phyug bye brag brgyad cu ste/ rigs lnga dang byang chub sems dpa' sa bcu la gnas pa dang/ rdo rje bdag med ma dang spyan la sogs pa sangs rgyas kyi sprul pa rdo rje mkha' 'gro ma ri rab kyi rdul phra rab dang mnyam pa rnams te/ de yang 'og ldan ma dang steng zhal ma la sogs pas 'chad do/ /de lta bur bdag gis thob par bya snyam du 'dod par bya zhes skyed rim gyi dmigs par byas la de nyid nyams su len pa ni sgrub pa po thun mong dang khyad par gyi yon tan dang ldan pas/ gnas phun sum tshogs pa bgegs dang 'tshe ba med par bya ba la 'jug pa sngar langs la lha'i nga rgyal gyi 'chags chen por phyin te/ bsam gtan gyi bar chad bsal la/ 'chags chung du phyi'i khrus tsan dan la sogs pa sbyar ba'i chus dbang bskur bar mos te khrus bya'o/ /nang gi khrus bdud rtsi'i byug pa la sogs pa bya'o/ de nas nang du maN+Dal dang mchod pa bsham thang ka dang 'bur sku rnams bzhugs la bdag dang rnal 'byor srog bsrung ba bya'o/ /de nas mchod pa byin gyis brlabs te/ rang rang gi phyag rgya dang/ sngags kyi rjes su byin gyis brlab bo/ /de nas bsod nams kyi tshogs dang ye shes kyi tshogs bsags la/ rab sngon du zhes pas ra ba dra ba bsgom pa'i nang du e chos 'byung ba sh+rI dang nA'i gnas lta bur bsam ste don le'u brgyad par 'chad do/ /baM gzhal yas khang 'byung ba/ sa chu me rlung rnams zhu ba las byung ba de yang 'og nas 'chad do/ /ze 'bru dang bcas par thig le byang chub sems las mA yA dkyil 'khor gyi bdag po bsgom ste/ de yang zla ba me long ye shes ldan/ /bdun gyi bdun pa mnyam pa nyid/ /rang lha'i sa bon phyag mtshan ni/ so sor rtog pa yin zhes zer/ /de rnams gcig gyur bya nan tan/ rdzogs pa chos dbyings dag pa'o zhes bya bas mngon par byang chub pa lngas rgyu'i rdo rje 'chang du sprul lo/ /sh+ru ta ni rig ma dang bcas pa bzhu ba las byung ba de yang/ bar dor zhugs nas bsrub dang bsrubs pas gtso bo zhu rig ma dang bcas te/ zhu ba'o/ dus gcig ni zhu ba dang ldan pa'i rig ma dang dus gcig pa'o/ /bcom ldan 'das ni glu'i dor 'bras bu he ru kas langs te/ thig le bzhi chad nas rkyen glus bskul nas yud tsam gyi mngon par byang chub pa lngas bskyed pa'o/ /de bzhin gshegs pa thams cad ni nyan pa'i 'khor rdzogs pa ste/ rang bzhin sangs rgyas rnam pa rdo rje btsun mo ste/ rnal 'byor ma'i 'khor rjes su mthun pa'i byang chub pa lngas bskyed pa'o/ /de nas nyams dga' ba'i grong khyer yin pas b+ha ga ste/ nyon mongs pa rnam par 'joms pa dag pa'i ye shes dang ldan pas so bzhugs so zhes bya bas ni sems dpa' sum brtsegs dang ye shes kyi 'khor lo dgug pa dang/ skye mched byin gyis brlab pa ni gtso bo la bskyed tshul 'khor la mos tshul du bsgom mo/ /sku gsung thugs byin gyis brlab pa dang dbang bskur ba dang/ mchod pa dang bstod pa dang bdud rtsi myang ba dang rdzogs pa'i rim pa nyung ldan du bsgom mo/ /dag pa rjes su dran pa dang sngags bzlas pa dang gtor ma dang ye shes pa gshegs pa dang dam tshig pa bsdu ba dang bcas pas bzhugs so/ /de la mnyam gzhag dang rjes thob kyi rtags 'byung ste/ thun bzhi'i rim par zhag cig dang zhag gnyis dang de bzhin te brten pa mchod nas 'jug pa dang rten dang po nang nas 'jug pa'o/ /dang po ni e ste chos thams cad stong pa nyid dbab ste thabs snang ba dang/ nga ste dbyer med bdag gis ni bdag nyid du thos shing gsal ba'o/ /sh+ru ta ste bde ba gong nas gong du 'phel ba 'am yang gsal rig gi cha ma 'gags pa'o/ /dus ni de nyid snang ba dang stong pa dbyer med pa'i sgom pa ste/ de yang pha rol tu phyin pa ni lung dang rigs pas dpyad de bsgom la/ 'dir ni man ngag gi stobs kyi chos rnams las ye shes skye ba'i chos nyid kyi tshul du bsgom mo/ /bcom ldan 'das ni des mi mthun pa 'joms pa dang ye shes dang ldan pa'o/ /de bzhin gshegs pa thams ni phung po dang khams dang skye mched la sogs pa'o/ /sku gsung thugs ni rnam par thar pa'i sgo gsum mo/ /h+ri da ya ni snying po ste bsdus pa'am dkyil lo/ /btsun mo ni yum shes rab kyi pha rol tu phyin pa ste yon tan bskyed pa'o/ /bzhugs so zhes pa ni chos nyid kyis chos thams cad la khyab pa ste/ til la til mar ji bzhin du/ /bu ram shing la bu ram bzhin zhes pa'o/ /rten dang po nang nas 'jug pa ni e ste shes rab lha mo bla na med pa'o/ /ba ni de brten pa'i thabs de yid 'bring pa'i dus su thabs du ma'o/ /nga ni dbang po rang snang ste rab 'bring tha ma gsum ste gser 'gyur gyi tshul dang bya rog sdings chags kyi tshul dang rgya mtsho lta bu'i tshul deng nang phyi rol tu snang ba dang/ phyi nang du snang ba'o/ /rang sor gnas pa skye'o/ /mA yA ni spyod lam dang bsre ste/ za ba dang 'gro nyal du yang skye'o/ /sh+ru ta ni don dam lhan skyes so/ /dus gcig ni kun rdzob lhan cig skyes bar dus gcig go /lhan cig skyes pa de nyid bcom ldan 'das te snga ma bzhin no/ /gnas gang na bzhugs she na/ de bzhin gshegs pa thams cad de sems can thams cad do/ /sku gsung thugs kyi lus ngag yid gsum ste/ de kho na rdo rje btsun mo ste/ shes rab lha mo bla na med pa phyag rgya chen po rten dang brten pa'i tshul du gnas pa na bzhugs pa'o/ /de ni zag pa med pa'i brten pa yin gyi zag bcas kyi tshul ni ma yin no/ /de'i phyir dbang rten mi gnas te/ zhig kyang dbang po 'jig pa ma yin no/ /gnyug ma'i dbang po yod par ci yis shes she na/ de lung dang rigs pas shes te/ lung ni lte bar phyag rgya chen po gnas dang po dbyangs yig rang bzhin te zhes bya ba dang phyag rgya chen po dbang bskur ba de ni 'di yi byin rlabs yin zhes gsungs pa de'i rten yang lung des bsgrub bo/ /phyag rgya chen po nyid dbang rab dang las byung ba bsgom pa rab dang rab kyis dang man ngag rab dang rab kyis bsgrub pa'o/ /de la dbang rten yod par yang ye shes yod pas de'i rten yod de/ dper na mig gi rnam par shes pa yod pas rkyen gzhan tshang yang res 'gag par 'dug pas gzhan zhig yod ces bya ba lta bu'o/ /de la goms pa las rtags gzhan yang gsum ste/ mi 'gyur ba ni lta ba'i rtags/ /dngos po kun la chags med drod/ /sgom pa'i rtags su shes par bya/ /'jig rten chos brgyad spang ba ni/ spyod pa'i rtags su shes par bya/ /yang snga ma'i gsum po sems zin pa dang de kho na 'jug pa dang/ dngos grub 'grub pa'o/ /de kho na nyid la yang rtags lnga mthong ba'i lam dang mtshungs pa yin no/ /de rnams gsum pa rtags dang sbyar nas spyod pa gsum rim gyis byed pa 'am yang na thod rgal du yang bya'o/ /gsum pos kyang lam thal byung ma yin te/ gnyis kyis ni phyag rgya chen por brgyud dgos la/ gcig gis ni thal byung du 'gro'o/ /gnyis ni gang zag gi rim pas bshad de/ yang las kyi phyag rgya khro rgyu can/ /de yang ring du spang bya ste/ /rang lus thabs dang ldan par bsgom par bya ba dang/ de la sogs pa dang/ rang gzhan don ni rab sgrub phyir/ /'khor bar thabs gzhan yod ma yin zhes pa dang/ mang du bstan no/ /de yang rim par 'gro ba 'am yang na re re nas brgyud pa yang srid do/ /de la rtag pa phyi ma'i tshul gyis don bsdu ba ni 'di ltar snang ba thams cad lhan skyes bde ba chen po yin zhing rang bzhin kyang de ltar sangs rgyas dang sems can thams cad kyang de lta bu'i yang dag par sdom pa yin te/ ci yis she na/ e baM ste gnas sa ma de ru 'am des so/ / gang gis sdom zhe na/ mA yA ste dbang gis bdag nyid dang ni shes rab thabs dbang rnams kyis so/ /sh+ru ta ste dgongs pa'i skad du thos pa de dbang gis dus la sogs pa'i skabs dag brda dang lus brda yis sma'o/ /e kA sma sim ya ste dga' ba rnams dang skad cig gis dus su gcig pa ste/ shes pa skyes pa'i tshul spong ba dang thob pa'i tshul du 'byung ba'o/ /yang bza' ba ston mo'i dus su dam tshig gcig pa'o/ /de dag gis kyang rjod bya'i chos thams cad dang rjod byed kyi chos kyi phung po brgyad khri bzhi stong rnams dpal dgyes pa'i rdo rjer 'dus dus zla ba dang lo la sogs par bsgom pas/ dang po sprin dang 'dra bar? du/ /gnyis pa du ba lta bu ste/ gsum pa srin bu me khyer 'dra/ bzhi pa ma mer lta bu ste/ lnga pa thams cad snang ba ste/ srin med nam mkha' lta bu'o/ /gzung ba dang bral ba dang/ 'dzin pa dang bral ba dang/ gnyis ka dang bral ba dang ye shes rang rig 'char ba dang/ chos nyid mthong ba lnga pa'o/ rjes thob sgyu ma rmi lam sogs/ sgyu ma'i dpe brgyad rim par mthong/ de la spyod pa rnam gsum bya/ de nas 'bras bu go 'phang gnas zhes bya ste/ gang zag spros pa la dga' bas lam de bsgom mo/ de nyid rdzogs pa'i rim bar bsgom pa ni gsum ste/ gang zag dbang po dman pa chags pa shas che bas gzhan lus la rten pa dang dbang po 'bring chags pa yang 'bring ni rang lus dang ldan pa dang dbang po rab chags pa chung bas dbyer med phyag rgya chen po dang ldan pa'o/ /de la'ang skyed pa'i rim pa nyung ldan te sngar maN+Dal dang mchod pa cung zad tsam la brten pa'i sgrub pa pos mos pa'i rnal 'byor dam bskyed pa'i rnal 'byor dam byin gyis brlabs pa'i rnal 'byor gyis tha mal gyi rnam pa bsgyur te/ de yang bdag med rnal 'byor ldan pa 'am/ yang na he ru ka dpal brtson zhes pa rten khyad par rcan nam lhan cig bsgoms la/ las kyi phyag rgya yang 'og nas g.yung mo rdo rje rigs zhe las byung ba 'am/ /rang gi srin lag rtsa ba na/ /rdo rje rtse dgu par gyur pa/ /zhes bya ba la sogs pas rtags shing btsal la/ dge ba bcu nas brtsams nas ni/ /de yi chos ni rab tu dbye/ /dbang bskur snying rjer ldan pa de dang lhan cig bsgoms te/ da yang lhar mos pa la sogs pa bsgom la/ stan bde ba la 'dug ste de la e ste/ shes rab kyi gsang ba'i gnas su ba ste thabs kyi gsang ba'i gnas su /nga thig le zla ba dang nyi ma 'dres pa'o/ /de nyid ston pa'i bdag nyid mA yA ste phyag rgya'i bdag po bsgom mo/ /sh+ru ta ni 'dzag cing rgyu ba ste sems dbab pa dang gzung ba dang bzlog pa la sogs pa'o/ /dus gcig ni lhan cig skyes pa'i dga' ba'i dus su gcig pa ste/ dga' ba gsum gyi rim gyis skyes nas bsgoms pa'o/ / bcom ldan 'das te thig le de ston par bshad de/ bcom ldan 'das la sogs pa'i yon tan dang ldan pa'o/ /de bzhin gshegs pa nas b+ha ga rnams la yis ni e baM de gnas su bstan pa'i phyir yon tan gyi khyad par brjod par bya'o/ /de bzhin gshegs pa thams cad kyi phung po lnga dang lus ngag yid gsum h+ri nga ya bcud du bsdus pa btsun mo ni phyag rgya phung po dang 'byung bas bsdus pas h+ri nga ya ste thig ler gsang ba'i gnas su bzhugs zhes bya ste/ sa stengs su zungs 'og tu gnas pa ste/ de yang gnyis 'das nas ni gnyis gnas pa/ rgyu la 'bras bus rgyas gdab pa 'am/ 'bras bu la yang rgyas rgyas gdab ces bya bas gnas pa 'am/ lus ni badzra ang ga la sogs pas bzhugs pa'o/ /de yang thun dang po chung ngu ru bsgom zhing de nas je che je che sre zhing bsgoms pas rtags 'byung ste/ sems zin pa'i rtags ni rgyal po dpung bu chung gis mi bskyod pa la sogs pa 'byung ba'o/ /de kho na nyid la 'jug pa'i rtags ni snga ma'i rnam pa lnga po 'byung ngo/ /dngos grub 'grub pa'i rtags ni thig le snga ma de mig tu bsgoms pas mig gi mngon par shes pa 'byung ngo/ /de bzhin du rna ba dang lus dang yid kyi gnas su bsgoms na mngon par shes pa rnams 'byung ngo/ /rang lus ni yang sgrub pa pos snga ma ltar sngon du 'gro ba rnams bsgoms nas e ste skye gnas su ba ste spyi bo'i gnas las nga ste thig le tshul du 'khrigs shing gnas pa dang/ rgyun mi 'chad par rgyu ba'o/ /mA yA ma ni bdag nyid de rang gi lus su bsgom pa'o/ /dus gcig ni yang lhan cig skyes pa'i dga' ba ste/ dam tshig gi dga' ba bzhi lugs 'byung dang lugs bzlog tu skye ste de las lhan cig skyes pa bsgom mo/ /bcom ldan 'das ni rang lus su bsgoms pa des mi mthun pa 'joms pa dang ye shes dang ldan te rang rang ngo bo mtshon bya mtshon byed myong ba des mtshon bya gnyug ma'i ye shes drungs phyung ste/ chu skyogs gang gis lan tshwa rgya mtsho'i ro rtogs pa lta bur shes pa'o/ /de bzhin gshegs pa rnams thams cad ni phung po lnga'o/ /sku gsung thugs ni sgo gsum mo/ /btsun mo ni 'byung ba dag pa'o/ /b+ha ga rnams la yid ni chos kun rang gi lus su bsgom pas mi mthun pa 'joms pa dang ye shes dang ldan pas so/ /bzhugs so zhes pa ni lus gdod ma nas rang nyid kyi dag pa'o/ /de la yang rtags gsum snga ma dang 'dra bar sbyar ro/ /dbyer med phyag rgya chen po ni/ /sngar bzhin du yang sgrub pa pos gnas phun sum tshogs par bya ba'i rim pa byas la lus lha'i rnam par sngar bzhin du bsgoms la/ de yang gnyis de yang rtags pa dang por 'dus pa la de yang le'u dang por 'dus/ de yang yi ge bzhi bcu rtsa bdun du 'dus de yang e baM mA ya bzhir 'dus la de yang e baM gnyis la thabs dang shes rab kyi ye shes lhan skyes su 'dod cing shes par byas la bsgom mo/ /de ltar bsgom par spyod pa 'bras bus lam du slang ngo/ /de ltar gleng gzhi bstan nas rjod byed chos la nyon cig par bstan pa ni/ de nas bcom ldan 'das kyis bka' stsal te/ 'dir sbyar te ston pa 'khor rnams la spro ba bskyed de rnal 'byor gyi dbang phyug bye ba phrag brgyad cu'i nang nas rdo rje snying po la 'dzum pa mdzad cing nyi tsher gzigs nas gsungs pa'o/ /der de rnams kyi phyir de la de nas te gnas dang 'khor skabs der sbyar ro/ /bcom ldan 'das snga ma 'dra'o/ /de bzhin gshegs pa thams cad kyi sku dang gsung dang thugs te gsang ba zhes bya bar nyon cig /snying po shin tu gsang bar zhes bya bar nyon cig /rje btsun ches gsang bar nyon cig ces bya'o/ /des ni sku ste rnam par snang mdzad sku'i gsang ba bya ba'i rgyud dang/ gsung ste snang ba mdza' yas gsung gi gsang ba spyod pa'i rgyud dang thugs te mi bskyod pa thugs kyi gsang ba rnal 'byor kyi rgyud de rnams dang ldan par nyon cig /snying po rdo rje 'chang shin tu gsang ba bla na med pa'i rgyud dang ldan pa dang rje btsun dgyes pa'i rdo rje ches gsang ba lhan cig skyes pa'i ye shes su nyon cig pa'o/ /rnam par snang mdzad ni rnal 'byor gyi ston pa yin na sku rdo rje bya ba'i rgyud dang ji ltar 'brel zhe na/ kri ya lus kyi bya ba gtso bor ston pa sku rdo rje dang sku'i gsang bar 'brel to/ /gnyis ka'i rgyud kyang zer/ /spyod pa'i rgyud gsung ste lus ngag gi bzlas pa gtso bor ston pas gsung ste/ snang ba mdza' yas gsung gi gsang bar rigs so yo ga ting nge 'dzin gtso bor ston pas thugs mi bskyod pa dang thugs kyi gsang bar rigs so/ /de nas rdo rje snying pos stan las langs te/ bla gos phrag ba gcig tu gzar nas pus mo g.yas pa'i lha nga sa la btsugs nas 'di skad ces gsol to/ /gsang ba gsum po zhu 'tshal zhes pa dang de nas bcom ldan 'das kyis bka' stsal pa/ e ma'o byang chub sems dpa' chen po rdo rje snying po snying rje chen po legs so legs so/ /e ma'o zhes pa ni ngo mtshar ba ste/ sdud pa po dang chos la'o/ /sdud pa po ni rnal 'byor gyis dbang phyug bye ba phrag brgyad cu'i nang du rdo rje snying po zhu ba po ngo mtshar ba dang/ chos gsang ba gsum las ches gsang pa shin tu gsang ba dgyes pa'i rdo rje zhu ba ngo mtshar ba'o/ /byang chub sems dpa' ni bdag don phun sum tshogs pa'o/ /chen po ni gzhan don phun sum tshogs pa'i sgo nas so/ /rdo rje snying po ni rang rigs te shes rab chen po snying rje chen po ni thabs kyi sgo nas so/ /legs so legs so zhes pa ni rang don du zhus pa dang gzhan don du zhus pas legs pa gnyis so/ /da ltar gyi dus dang ma 'ongs pa'i sgo nas legs par 'gyur ba gnyis so/ /rang gi ngo bo la shes rab dang thabs gnyis kyi sgo nas legs so ba gnyis su gsungs so/ /de ltar gnas pa legs so ba byin nas sku rdo rje la sogs pa rdo rje sems dpa' la sogs pa ming gi rnam grangs gzhan gyis bcom ldan 'das kyis bstan pa ni rdo rje'i tshig dbyings dang ldan pa yin te/ yon tan 'di rnams yod de shes bya dang lam dang 'bras bu'i dbang du byas pa dang rnam gzhag gnas skabs kyi dbang du byas te bstan pa'o/ /de la shes bya ni rdo rje sems dpa' ste stong pa nyid shes rab dang/ sems dpa' chen po ni thabs te snang ba du ma dang dam tshig sems dpa' zhes pa ni dbyer med snang stong ngo/ /snying po kye'i rdo rje zhes bya ba ni dbyer med las byung ba che ba'i bdag nyid do/ /lam ni rdo rje sems dpa' zhes bya ba ni lta ba ste/ stong pa yul dang yul can no/ sems dpa' chen po ni sgom pa ste bde ba chen po'o/ /dam tshig sems dpa' zhes bya ba ni spyod pa sgo gsum gyi tshul dang snying po zhes bya ba ni 'bras bu ro gcig go /de ni thun mong lam mngon par rtogs pa'i dbang du byas pa'o/ /lam khyad par ni rdo rje sems dpa' zhes pa ni dga' ba dang sems dpa' chen po zhes bya ba ni mchog tu dga' ba dang/ dam tshig sems dpa' ni dga' bral dang snying po dgyes pa'i rdo rje zhes bya ba ni lhan cig skyes pa'i dga' ba'o/ /de yang spong ba dang thob pa'i khyad par gzhan lus la sogs pa skye lugs bla ma'i man ngag las shes par bya'o/ /'bras bu ni rdo rje sems dpa' ni chos sku'o/ /sems dpa' chen po ni longs sku'o/ /dam tshig sems dpa' ni sprul sku'o/ /snying po dgyes pa'i rdo rje ni bde ba chen po'i sku bstan pa'o/ /rnam gzhag ni rdo rje sems dpa' ni he ru ka phyag gnyis pa'o/ /sems dpa' chen po ni phyag bzhi pa dang/ dam tshig sems dpa' ni phyag drug pa'o/ /snying po dgyes pa'i rdo rje ni phyag bcu drug pa'o/ /de'i don rgyas par bshad pa ni dris lan gyis 'chad ba'o/ /rgyas pa'i tshul ni sdud pa pos ming gi rnam grangs gzhan du bstan pas the tshom du gyur te yang dris pa dang/ rdo rje snying pos gsol pa/ gang gi phyir rdo rje sems dpa' lags zhes bya ba la sogs pa gsungs so/ /de'i lam rdo rje mi phyed ces bya bar brjod/ sems dpa' srid pa gsum gcig pa/ /'dis ni shes rab rigs pa yis/ /rdo rje sems dpa' brjod par bya/ /stong pa nyid du chos thams cad dbyer mi phyed pa'o/ /srid pa gsum ste 'dod khams gzugs med pa'i khams gsum stong par gcig pa'o/ /de shes rab kyi gzhal bar byas pas rigs pa de nyid rdo rje dang chos mthun pa ste/ sra zhing brtan la khong stong med/ /stong nyid rdo rje zhes su bshad ces pa'o/ /ye shes chen po ros gang la thabs rnam pa sna tshogs pa'o/ /rtag tu dam tshig la spyod phyir ni spyod bas pha rol tu phyin pa drug la sogs pas sems can gyi don byed pa'o/ /de dag gi bshad tshul sbyar ba yang bskyed pa'i rim pa'i tshul te/ de la bskyed pa'i rim pa ni sgrub pa po nas yang kha bskang ba snga ma dang 'dra'o/ /rdo rje mi phyed ces bya ba mngon par byang chub pa lnga pos mi phyed pa'i skur bskyed pa'o/ /sems dpa' srid pa ni phung po lnga la sogs pa'i rtsa bar rnam par shes pa'i phung po de'i de kho na nyid dgyes pa'i rdo rje ste rgyu'i rdo rje 'chang ngo/ /ye shes chen po'i ros gang ba ni rig pa dang bcas te chags pas zhu ba'o/ /rtag tu dam tshig la spyod phyir ni glu'i dor byas te/ 'bras bu'i he ru kar langs pa'o/ /yang kha bskang ba yang snga ma ltar sbyar ro/ /rdzogs pa'i rim pa ni gzhan lus shes rab la brten pa dang rang lus thabs dang ldan pa dang/ dbyer med phyag rgya chen po'o/ /gzhan lus shes rab la rten pa yang rdo rje mi phyed ni chos 'byung stong pa'o/ /sems dpa' srid pa ni a ba d+hU tI dang ldan pa'i bya rog gi gdong can gyi gnas so/ /de ni shes rab ma'i rigs pa ste/ rdo rje sems dpa' brjod do/ /ye shes chen po res gang ba ni thabs nor bu ni gzung ba'i man ngag gis bkang ba ste/ de nas thabs kyi rigs pa phul tu phyin pa'i ye shes myangs pas sems dpa' chen por brjod par bya'o/ /rtag tu dam tshig la spyod phyir zhes bya ba ni rtag tu ni mi 'gyur ba ste lhan cig pa'o/ /sa ma ya ni mnyam pa'o/ /ya yo ga ste der sbyor ba ni lus mnyam par sbyor ba ste rdo rje skyil mo krung ngo/ /rten mnyam par sbyor ba thig le gnyis gnas so/ /des gzhan don yongs su rdzogs pas ni/ /dam tshig sems dpa' brjod par bya zhes pa'o/ /de la yang lus thabs dang ldan pa la brten pa chags pa 'bring ni rdo rje mi phyed ni lte ba'i gnas stong pa'o/ /srid pa gsum ni rtsa gsum mo/ /gcig pa ni a ba d+hU tIr bsdu'o/ /der skyes pa'i ye shes ni gzung 'dzin dang bral bas shes rab kyi rigs pa'o/ /des na stong pa nyid kyi ye shes dang ldan pas/ rdo rje sems dpa' zhes byar brjod ces pa'o/ /ye shes chen po ros gang ba ni bde ba chen po gnas las lus kun tu zhu zhing gang ba'o/ /des phul du gyur pa'i ye shes myong bas sems ye shes chen por gyur pa khyad par gyi ro dang ldan pa'i phyir sems dpa' chen por brjod par bya zhes pa'o/ /rtag tu dam tshig la spyod phyir ni rtag tu ste steng 'og rgyun mi 'chad par sa ma ya ste/ mnyam pa byang chub sems kyi khyad par ro/ /ya yo ga ste/ lus dang sbyor bas mi 'bral ba'i tshul lo/ /des gzhan don ji ltar yang 'grub pas dam tshig sems dpar brjod par bya zhes pa'o/ /de la phyag rgya chen po ni chags pa chung ba gnyis su med pa'i ye shes te/ rdo rje mi phyed ni stong pa nyid do/ /srid pa gsum ni khams gsum mo/ /gcig pa ni rang rig 'od gsal dang stong pa 'od gsal lo/ /ye shes chen po ros gang ba ni thabs snang ba mi bkag par bsgom pa'o/ /rtag tu dam tshig la spyod ni spyod pa rgyun mi 'chad pa ste/ pha rol tu phyin pa dang tshad med pas 'jug pa'o/ /chags can gyi lta bus rdo rje mi phyed pa shes rab lha mo bla na med pa ste/ sems can la kun gyis dbang po'o/ /srid gsum lus ngag bsdus pa spyi bo dang rkang par bya ba ste/ spyi gtsug nas ni rkang ba'i mthar skur ba gcig la yang dag rten zhes gsungs so/ /ye shes chen po ros gang ste der bde ba chen po dbyer med bsgom pa ste ye shes rang 'bar ba'o/ /gang ba ni dbang po rang snang ba'i tshul lo/ /rtag tu dam tshig la spyod ni spyod lam dang bsres pa ste/ rtag tu 'am rgyun mi 'chad par rang gi nang ni nyams gyis gzugs dang sgra dbang po rang snang du sbyor/ dri dang ro gnyis reg bya 'gro 'dug spyod lam du bsre'o/ de la yang lta ba'i rtags mi 'gyur ba bsgom pa'i rtags dngos po kun la chags med drod/ /spyod pa'i rtags 'jig rten chos brgyad spangs pa'o/ /de yang bsdus pa'i tshul gyis ming rtags nas/ rdo rje sems dpa' ni gsang ba'i don te shes rab lta ba'o/ /sems dpa' chen po ni shin tu gsang ba'i don te thabs bde ba chen po'i ye shes bsgoms pa'o/ /dam tshig sems dpa' ni thes gsang ba'i don te dbyer med pa rtag tu spyod pa'o/ /yang na gsang ba dang shin tu gsang ba tshes gsang ba ni sngar bzhin du yang sbyar/ ming bsdus pas ni ji lta bu zhe na/ bya ba ni dri ba ste tshul gnyis kyis sngar gyi gsang ba gsum du bshad pa de snying por ji ltar bsdus pa dgyes pa rdo rje ji ltar 'dus pas don yang ji ltar bsdus she na ming bsdus pas ni ji lta bu zhes bya ste/ de la dang por snying por bsdus pa yang ston pa dang bstan pa'i tshul gyis bsdus te/ ston pa rnam par snang mdzad la sogs pa ni sku rdo rje la sogs pa dang rin chen te/ yon tan rdo rje 'phrin las rdo rje ste de rnams kun la yang sku rdo rje la sogs pa dang ldan pa yang rdo rje 'dzin zhes pas bsdus te rdo rje'i bye brag rdo rje'i 'chang zhes pas bsdus so/ /ston pa don bsdus pa ni rnam snang la sogs pa sku rdo rje la sogs pa ni ye shes lnga la 'chang de de yang byang chub kyi sems las gzhan na med pas 'dis 'dus pa'o/ /bstan pa ming bsdus pa gsang ba gsum kri ya yo ga la sogs pa gsum tha dad tu rtags pa de gsang ba 'dus pa zhes bya ba'i ming bsdus pa'o/ /don bsdus pa ni bya ba dang spyod pa las rnam grangs du ma bshad pa yang byang chub sems las ma 'das bsdus pa ste des na don de kho na nyid la ston pa dang bstan pa dbyer med do/ /dgyes pa'i rdo rje ming bsdus pas ni don gyi ste ston pa dang bstan pa bsdus pa'o/ /ston pa ming bsdus pa ni sku rdo rje la sogs pa badzra'i d+h+rik ste badzra'i ming tshul gong ma ltar gyur pas bsdus pa'o/ /don bsdus pa ni ye shes rnams sems su bsdus la de yang lhan skyes bde chen du 'dus so/ /'o na snga ma las khyad par ci yod ce na/ 'dir khro ba dang chags pas 'dul ba'i don du 'am/ yang na de bzhin gshegs pa'i sa'i skad cig ma gnyis la sogs pa yin te gzhan don rdzogs pa'o/ /sngar gyi ni de ltar ma yin no/ /bstan pa ming bsdus pa ni he badzra gyur pas bsdus kyi gsang ba dngos su ni ma yin no/ /don bsdus pa ni lhan skyes gtan la phab pa 'am sems dpa' gsum ni he dang badzra dang gnyis pa bsdus par so sor gsal bar bshad do/ /sngar gyi sems dpa' gsum gyi yon tan kun ldan par shes par bya'o/ /ston pa dang bstan pa yang 'khor ma 'ongs pa'i gdul bya la dgongs nas rnam gzhag tha dad du bya ba'i don de kho na nyid la ni khyad par med do/ /yang na ming dag tu gong ma bsdus te he ni phyi sems can gyi don sdug bsngal dmigs na skye ba'o/ /chen po ni nang gi lhan cig skyes pa'i ros phul du byung ba'i snying rje ste rang dbang med par zag pa dang bcas par rnal 'byor pa la rang gis skye ba'o/ /he ni snying rje chen po ste/ ye shes chen po'i rang bzhin bde ba chen po thabs kyi sgo nas bsdus ba'o/ /badzra ni shes rab ste/ stong pa nyid rig pa'i shes rab chen po'i lta bas bsdus pa'o/ /dbyer med ni bdag nyid kyi rgyud de dam tshig spyod pas bsdus so/ /de na shes rab kyi rigs pa dang thabs kyi rigs pa dang dbyer med kyi rigs pas dgyes pa'i rdo rje bstan to/ /ming bsdus pa'i tshul yang ming gis bsdus pa ste/ te ni snying rje ste rtag tu dam tshig spyod pas bsdus so/ /chen po nyid kyi ye shes chen pos ros gang ba bsdus ba'o/ /badzra shes rab kyis ni mi phyed pa dang srid pa gsum gcig tu sdus so/ /thabs dang shes rab bdag nyid rgyud ni rang bzhin pa dang btags pa'o/ /rang bzhin gyi rgyud ni rgyun tu rab tu grags/ /de yang rnam pa gsum yin te/ rgyu dang thabs dang 'bras bu'o/ /de la rgyu'i rgyud sems can rang 'byung ye shes ngo bor gnas pa/ thabs kyi rgyud sngags dang phyag rgya la sogs pa 'bras bu'i rgyud de nyid mngon sum du gyur pa'o/ /btags pa la ni 'brel ba dang ma tshad ba med pa dang ma 'khrugs shing 'brel na rgyud de/ mngon rtogs ma 'khrugs la tshig 'brel pa ldan pa'o/ /dang po dang dngos po gnas lugs ston pa dang sdud pa po'i snang ba gnyis pa ni sgrub pa po dang nyan pa'i yid kyi shes pa sgra spyi dang don spyir bstan pa'o/ /de ni nga yis bshad kyis nyon ni sngon byung dang rjes 'jug gnyis kar sbyar ro/ /de ltar rjed byed ston pa dang brjod par bya ba'i chos bstan nas/ de nas rgyud kyi don bshad par bya ba'i tshul yang gsum ste/ gdul bya brjod pa bskyed pa'i phyir dmigs pa'i yul dang nyams su blang ba'i thabs dang 'bras bu'o/ /dmigs par bya ba'i yul la yang gnyis te/ bskyed pa dang rdzogs pa'i rim pa'o/ /bskyed pa la gnyis te/ so sor dmigs pa dang/ spyir dmigs pa'o/ spyir dmigs pa ni lta stangs dang zhes pa nas rnam mang brjod par bya ba'i bar te brda ni dmigs pa ste/ dbugs dang sngags dang lha'i rnal 'byor ro/ rengs pa la sogs pa ste/ las rnam bzhi'o/ /'o na bde chen ni rdzogs rim yin na/ bskyed rim du 'chad pa ci'i phyir zhe na/ de ni lha'i rnal 'byor dang ldan pas so/ /ji ltar rigs pa rnal 'byor ma 'og nas las dang sngags dang rnal 'byor so sor 'chad do/ /de yang cis thob ce na/ bskyed dang zhes pa ni tshogs bsags pa'o/ /gnas dang zhes pa ni rten gyi dkyil 'khor ro/ /byed rgyu ni mngon par byang chub pa lnga'o/ /so sor dmigs pa rengs pa la sogs pa ni ji ltar rigs pa rnal 'byor rnams kyis so/ /rdzogs pa'i rim pa'i dmigs pa ni gzhan gyi don byed pa dang rnam shes ye shes su grub pa dang lus lha rnams su snang ba rang log tu 'gyur ba ste/ de skad du mtshon bya mtshon byed mtshan nyid ni/ /rnam shes kyis ni ye shes bsam/ /ye shes kyis ni shes bya lta/ /shes byas 'gro ba brtag par bya zhes gsungs so/ /de nyams su blang ba'i thabs ni lam gnyis las go rims nges pa'i rgyu mtshan dang/ he ru ka ni zhes tshig rkang gnyis gsungs so/ /bskyed pa'i rgyu ni gnyis te bskyed pa'i rim pa dang rdzogs pa'i rim pa'o/ /de la dang po gcig ni bskyed pa'i rim pa ste/ sems can las kyi dang po la/ /las rnams thams cad sgrub pa'i phyir/ /lha'i rnal 'byor rim pa zhig /rgyud las dang por gsungs pa yin zhes gsungs so/ /de nas bskyed pa'i rim pa la sdud pa po the tshom du gyur pa khong nas drang ba yang bskyed rim dngos pos mi gol le zhe na/ /de'i lan yon tan gyi ming gis bos te/ /dngos po la sgrol ba yang yod 'ching ba yang yod de shes pa dang ma shes pa'i khyad par yin pa'i phyir ro/ /'o na dngos po med pas grol lam zhe na de yang ma yin te/ shes pa dang ma shes pa'i khyad par yin pa'i phyir ro/ /des na bskyed pa'i rim pa la thabs dang shes rab tu shes pa dang rmi lam dang sgyu ma dang dri za'i grong khyer lta bur shes pa ste de ltar he ru ka bsgom bya zhes pa'o/ /de bzhin du dngos bo med pas kyang 'ching bar 'gyur te grol bar yang 'gyur ro/ /dngos med la zhen na chad pa'i lta ba ste/ mar me 'bar bsad rung gi /shin ci yang bya ru med gsungs pa dang yang rgyu dang 'dra ba'i 'bras bu ni/ /kun tu mthong ba ma yin rnam zhes bya ba dang/ lta ba rnam par 'og rnams dang/ /bdag tu lta ba bzlog pa'i phyir/ /stong pa rgyal ba rnams su gsungs zhes pas dngos po sgyu ma tsam rang snang gi sems su bya ste/ de ltar he ru ka bsgom bya'o/ /spyir kun brtags chos la lam du byed pa dang/ gzhan dbang lus la lam du byed pa dang yongs grub sems la lam du byed pa'o/ /de nyid dman pa dang mchog gis shes par bya ste/ kun brtags med pa la yod par blos btags pa dang gzhan dbang de'i rgyu mtshan rtogs pa'i shes pa/ yongs grub shes pa de nyid gzung 'dzin dang bral ba te/ dman pa'i rnam pa gsum zhes bya'o/ /mchog gi gsum ni spyir lha'i 'khor lo ru brtags pa kun brtags/ lus rtsa dang 'khor lor snang ba de gzhan dbang/ ye shes bde ba chen po yongs su grub pa'o/ de la dang po la gsum ste/ kun brtags kyi kun brtags sa bon dang mtshan mas bskyed pa'i rang rgyud du rtogs pa dang gzhan dbang ye shes kyis snang bar byas pa dang yongs grub ba de ba chen pos byin gyis brlabs pa'o/ /gzhan dbang gi gsum ni kun brtags ni rtsa phal pa 'am 'khor lo gsum mo/ /rtsa gsum dang rtsa gcig ni gzhan dbang gis dbang ngo/ /rtsa a ba d+hU tI 'aM mchog gi dbang po ni gzhan dbang gis yongs grub po/ /yang na shes rab kyi rtsa kun brtags thabs kyi gzhan dbang dbyer med yongs grub po/ /de rnams kun rdzob rnam par bzhag pa'o/ /yang bskyed rim dang rdzogs rim dang/ yongs su rdzogs pa'i rim pa'o/ /yongs grub kyi kun brtags ni mtshon bya kun rdzob/ gzhan dbang zhi mtshon bya don dam yongs grub ni dbyer med do/ /yang na stong pa nyid kun brtags/ rig ba gsal ba gzhan dbang/ de gnyis dbyer med yongs su grub po/ /de rnams nyams su blang ba ni/ de nyid nges par bya ste/ chos la lam du byed pa bskyed rim lha'i rnal 'byor sgrub thabs bzhin du le'u brgyad pa dang le'u gsum pa dang/ brtags pa phyi ma'i le'u lnga pa ltar bya ba dang lus la lam du byed pa dang/ gzhan lus dang rang lus te/ rtsa dang rlung dang byang chub sems gzung ba la sogs pa dga' ba bzhi bsgom pa ste le'u dang po dang brgyad pa dang brtag pa phyi ma'i le'u gnyis pa dang lnga pa las 'byung ba sgom mo/ /sems la lam du byed pa sems la bslab pa ste/ thabs du mas bslab po/ /lam gnyis te bskyed rim med bar bya ste / rdzogs rim nyung ldan sgrub thabs bzhin bsgom pa dang rdzogs pa'i rim pa mang ldan bskyed rim nyung ldan te mos pa'i rnal 'byor la sogs pa 'am yan lag bzhi bsgom pa'o/ /rdzogs pa'i rim pa la bzhi ste ngo bo ye shes chen po bstan pa dang rten rdo rje'i lus dang ldan pa'i chos sdom pa'i dbye ba dang/ /nyams su len pa rlung la bslab pa dang gtum mo spang ba'o/ /ye shes chen po'i rang bzhin la shes par bya ba dang/ sgom pa nyams su len pa'o/ /bslab pa shes par bya ba la gnyis te/ de kho na nyid bshad pa dang/ rnam par bzhag pa'i cha dbye ba'o/ /de kho na nyid la gnyis te/ ye shes dang chos nyid do/ /ye shes la bdag gnyis te/ lus la ye shes chen po gnas zhes pa rten bstan pa dang/ lus gnas lus las ma skyes pa zhes pa tshul lam mtshan nyid rang 'byung ye shes su bstan pa'o/ /chos nyid la gnyis te/ dngos po kun la khyab ces pas rten bstan pa dang/ rtog pa thams cad yang dag spangs zhes tshul lam mtshan nyid 'dus ma byas de bzhin nyid bstan pa'o/ /rnam par bzhag pa'i cha dbye ba la bzhi ste/ tshig dang pos rten bstan pa dang/ gnyis pa mtshan nyid dang/ gsum pas yon tan dang bzhi pas de kho na nyid kyi rang bzhin skye med du bstan pa'o/ /bsgom pa nyams su len pa la gnyis te/ mngon rtogs lam du byas pa dang/ 'bras bu lam du byas pa'o/ /mngon rtogs lam du byas pa la gsum ste/ chags can dang chags bral dang phyag rgya chen po'o/ /de la chags can ni gzhan lus shes rab las kyi phyag rgya la brten pa te/ de yang lus la zhes pa ni mtshon byed dbyer med du rang rig nyams su myong ba ste/ de rtog pa rang shugs su gcod cing mi rtog pa rang rnal tu 'jug pa'o/ /dngos po kun la khyab pa po ni mtshon bya lhan skyes don dam bde ba la mi rtog pa dang kun rdzob zhu ba dang/ dbyer med rang yang dag par rig pa'o/ /lus gnas lus las ma skyes zhes pa ni mtshon bya/ lhan skyes la 'jug tshul gsal byed kyi rgyus 'jug gi/ skyed byed kyi rgyu ma yin 'dus byas kyi skyed par byed pa'i rgyus ni ma yin no// chags bral ni rang lus thabs ldan dam tshig gi phyag rgya de yang lus la zhes pa ni lte bar rtsa gsum 'dus pa gru gsum skye gnas su'o/ /ye shes ni don dam mtshon byed bde ba'o/ /gnas zhes pa ni kun rdzob mtshon byed zhu ba'o/ /yang na ye shes bde ba'o/ /chen po ni spyi bo bde chen gyis gnas so/ /gnas zhes pa zhu ba bde ba dang bcas pa 'bab ste/ lte bar gnas pa'o/ /rtog pa thams cad yang dag spangs zhes pa ni mtshon byed dbyer med med do/ /rtog pa rang shugs su gcod cing mi rtog pa rang rnal tu 'jug po'o/ /dngos po kun la khyab pa po zhes pa ni mtshon bya lhan skyes don dam bde ba la mi rtog pa dang/ kun rdzob zhu ba dang dbyer med rang rig pa'o/ /lus gnas lus las ma skyes zhes pa ni mtshon bya lhan skyes la 'jug tshul gsal byed kyi rgyu yin te/ skyed byed kyi rgyu ma yin no/ /phyag rgya chen po la gnyis te chags bral lta bu dang/ chags can lta bu'o/ /de la chags bral lta bu de nyid mchog gi rnam 'phrul ni/ de yang dngos po kun la khyab pa po zhes pa ni don skye med kyis khyab pa'o/ /lus la ye shes chen po gnas zhes pa ni shes byed kyi don yang don dam pa'i ye shes/ rtog pa thams cad yang dag spangs zhes pa ni brten cing 'brel par 'byung ba skye med du go ba'o/ /lus gnas lus las ma skyes zhes pa ni shes bya ye shes de nyid kyang skye med du gcig par gyur pa'o/ /de la chags can lta bu ni gnyug ma'i lus te de yang lus la zhes pa ni gnyug ma de nyid la'o/ /ye shes chen po ni zag pa med pa'i ye shes so/ /gnas zhes pa ni zhu ba bsdus pas rtag pa mi 'gyur bar gnas pa nyid do/ /rtog pa thams cad yang dag spangs zhes pa ni phyag rgya chen po mtshon byed rang gi ste/ rtog pa rang shugs su gcod pa dang mi rtog pa rang rnal tu 'jug pa'o/ /dngos po kun la khyab ces pa ni dbang po rang snang la sbyar ba 'am/ mtshon bya lhan skyes so/ /lus gnas lus las ma skyes pa ni gnyug ma'i lus la gnas kyang tha mal gyi lus ma skyes pa'o/ /gsal byed kyi rgyu yin gyi skyed byed gyi rgyu ma yin pa'o/ /'bras bu la lam du byas ni sku bzhi ste/ tshig dang po long sku'o/ /tshig gnyis ba ni chos sku'o/ /gsum pa sbrul sku'o/ /bzhi pa ni bde ba chen po'i sku'o/ /rten rdo rje'i lus bstan pa ni lus la zhes pa la sogs pa ste/ rdo rje'i snying pos gsol pa zhes pa kye'i rdo rje'i lus la rtsa du lags zhes pa ni dgyes pa'i rdo rjer 'dre'o kun brtags kyi lus la kun brtags kyi rtsa du mchis pa dang/ gzhan dbang gi lus la gzhan dbang gi rtsa du mchis pa dang/ yongs grub kyi lus la yongs grub gyi rtsa du mchis zhes dgongs pa'o/ /lan du rtsa sum cu rtsa gnyis te spyir lan btab ste kun brtags kyi lus la rtsa sum cu rtsa gnyis gang zhe na/ mi phyed ma dang zhes bya ba la sogs pa byang chub kyi sems sum cu rtsa gnyis 'bab pa po zhes bya bar sbyar te rnal 'byor gyi kun rdzob bo/ /kun brtags kyi lus la yang sum cu rtsa gnyis te/ yang mi phyed ma dang la sogs pa ste/ khams dang nye ba'i khams bskyed pa'o/ /de la rnam par bzhag pa ni grangs dang las dang so so'i mtshan nyid dang gnas dang/ gtso bo dang/ phal par dbye ba 'o/ /de la grangs ni sum cu rtsa gnyis te/ mi phyed ma dang phra gzugs ma la sogs pa'o/ /las ni grangs nges pa'i rgyu mtshan te/ byang chub kyi sems 'bab pa'i phyir ro/ /so so'i mtshan nyid ni thabs dang shes rab la sogs pa'i mtshan nyid 'dzin pa'o/ /gnas ni g.yas dang g.yon la sogs pa'o/ /rkyed ma mi bskyod pa 'babs ste/ skyes pa las g.yon na gnas te/ mgrin par gnas bshad lam du sel ba'o/ /ro ma de bzhin khrag 'bab cing/ g.yas na gnas te lte ba las mgrin par sel ba'o/ /bud med rnams la ni go bzlog la shes par bya'o/ /yongs grub kyi rtsa sum cu rtsa gnyis te des rang bzhin ni srid gsum yongs gyur ni rtsa 'di gsum du gyur pa ste/ de gzung ba dang/ 'dzin pa rnam par spangs zhes pa chos thams cad stong par shes pa'o/ /yang na thabs thams cad kyi dngos po mtshan nyid du ni brtag zhes pa thabs rnam pa sna tshogs su snang ba'o/ /gtso bo dang phal par dbye ba ni gsum du bzhag go/ de yang sems can re re la rtsa bye ba phyed dang bcu dang stong phrag bdun cu gnyis su bsdus te/ de yang brgya nyi shur bsdus te/ de yang sum cu rtsa gnyis su bsdus te/ rnal 'byor ma bco lngar shes par bya'o/ /de yang rtsa rnams bye ba phyed dang bcu/ /lus kyi lte ba'i pad+mar gnas/ /'khor lo bzhi yi grangs kyis ni/ brgya dang nyi shu ltag ma yin/ /byang sems sum cu rtsa gnyis kyi/ rtsa mchog sum cu rtsa gnyis so zhes gsungs so/ /de ni rnam par bzhag pa'o/ /rang bzhin ni bshad pa'i tshul rnam par sbyar ba ste/ bshad ba'i tshul sbyar ba yang kun la ldan pa yin yang/ /bla ma'i man ngag gis skabs so sor sbyar ba ni/ ljon shing gi yal ga lta bur shes par bya'o/ /de yang bskyed pa'i rim pa dang/ rdzogs pa'i rim pa'o/ /bskyed pa'i rim pa ni srid gsum yongs gyur thams cad ni zhes pa ni cho ga'i rim pa tha mal gyi sgo gsum yongs su gyur pa'o/ /gzung dang 'dzin pa rnam par spangs zhes pa ni bdag med rnal 'byor ldan pa'o/ /yang na thabs ni thams cad kyi zhes pa ni yang na he ru ka dpal mtshon pa'o/ /dngos po ni mtshan nyid du ni brtags zhes pa ni phung po la sogs pa'i chos kun te gnyis sbyar pa las byung ba'i lha'i 'khor lor brtags shing snang ba'o/ /de la rdzogs pa'i rim pa yang gzhan lus shes rab la brten pa dang/ rang lus thabs dang ldan pa dang dbyer med phyag rgya chen po'o/ /shes rab la brten pa yang srid gsum yongs gyur thams cad ni zhes pa ni shes rab ma'i gsang ba'i gnas te rtsa gsum yongs su gyur pa'i bya rog gi gdong can no/ /gzung dang 'dzin pa rnam par spangs zhes pa ni de'i nang khong stong gi rnam pa'o/ /yang na ni a tha ste de nas so/ /thams cad ni lus thams cad do/ /thabs ni rin po che ze 'bru'i bde ba gnas pa'i thabs so/ /dngos po'i mtshan nyid du ni brtags zhes pa ni dngos po zhu ba dang mtshan nyid bde ba lhan cig skyes pa'i ngo bo bla ma'i man ngag ni bsgom pas brtags pa'o/ /de la rang lus thabs dang ldan pa ni srid pa gsum gyi rtsa gsum mo/ /yongs gyur ni skyes gnas gru gsum mo/ /thams cad de lus kun 'dus pa'o/ /gzung dang 'dzin pa rnam par spangs zhes pa ni nang khong stong lta buAm/ /yang 'og na gnas par shes rab kyi rang bzhin yin pas so/ /a tha ni a kra ste de la'o/ /thabs ni bde ba chen po'i gnas so/ /thams cad ni lus kun zhu ba'o/ /dngos po'i mtshan nyid du ni rtags zhes pa snga ma ltar lhan cig skyes pa bsgom pa'o/ /gnyis med phyag rgya chen po la gnyis te/ brten pa chos la 'jug pa dang/ rten nang nas 'jug pa'o/ /brten pa chos la 'jug pa ni shes rab dang thabs dbyer med pa'o/ /de la shes rab ni srid gsum ste khams gsum mo/ /yongs gyur ni gcig dang du ma dang bral ba'i sbyor bas rang bzhin med pas thams cad yongs su gyur pa'o/ /de la shes rab kyi ji ltar blta zhe na/ de phyir gzung dang 'dzin pa rnam par spangs zhes gsungs so/ /de la thabs kyi ji ltar blta zhe na/ pha rol phyin pa'i theg pa ltar gcig dang du bral la sogs pa sbyor ba la mi bltos pas a tha pa ste/ rnam grangs sam thabs snang ba'i bdag nyid pha rol tu phyin pa dang/ tshad med pa la sogs pa'i dngos po'i mtshan nyid brtags pa'o/ /yang na srid gsum yongs gyur thams cad ni zhes pa lus ngag yid gsum gyi khams gnyug ma'i a ba d+hU tI nges bsdus pa'o/ /gzung dang 'dzin pa rnam par spangs pa ni der skyes pa'i ye shes kyis rtog pa gcod cing mi rtog pa skye ba'o/ /de rnams la cho ga la bskang ba snga ma dang 'dra'o/ /de rnams kyis rtags ni gsum ste/ mi 'gyur ba ni lta ba'i rtags so/ dngos po kun la chad me drod 'jig rten chos brgyad spangs pa mi spyod pa'i rtags su shes par bya zhes pa'o/ /thabs ni shes pa ni bde ba'i rong rang snang bas mi rtogs pa rang rnal du 'jug pa'o/ /thams cad kyi zhes ba ni thabs dang shes rab dbyer med do/ /de lta bu'i ye shes chen po de gang du gnas shing rten zhe na/ de'i phyir dngos po'i mtshan nyid du ni brtags zhes pa ste/ dngos po ni bstan du med la thogs pa med pa'i gzugs gnyug ma'i dbang po'o/ /mtshan nyid ni der gnas pa'i ye shes chen po'o/ /du ni brtag zhes pa ste dbang po rang snang ba dang ye shes rang 'bar ba'i man ngag go /sdom pa'i dbye ba la don gnyis te/ bshad tshul sbyar ba dang brtags pa phyi ma'i rgyu mtshan btu ba'o/ /bshad tshul sbyar ba la yang don gsum ste/ nges pa'i tshig dang bshad tshul dbye ba dang mngon par rtogs pa'o/ /des pa'i tshig la gsum ste/ mang ba nyung bar sdom pa dang/ phyi rol lus la sdom pa dang/ bde ba tshan po mchog tu bstim pa'o/ /yang gang gis bsdom pa dang gang du sdom pa dang yang dag par sdom pa'o/ /de la mad ba la nyung bar sdom pa ni thabs dang shes rab la sdom pa dang/ lus ngag yid gsum sdom pa'o/ /phyi rol lus la sdom pa ni 'khor lo bzhi la sdom pa'o/ /bde ba mchog tu sdom pa ni dga' ba dang skad cig gi /bshad tshul dbye ba la gnyis te/ bskyed pa lhar sbyar ba dang rdzogs rim mo/ /bskyed pa lnga la gnyis te/ lam chog ga dang 'bras bu'o/ /de la laM ni A li kA li yongs su gyur pa las zla ba dang nyi ma'o/ /shes rab dang thabs so/ /des ni cho ga kun bsdus shing dbye bas sdom pa'i dbye ba'o/ /'bras bu yang sku gsum dang rdo rje gsum mo/ /de b+ha kun gyi 'bras bu 'dus pas sdom pa'i dbye ba'o/ /rdzogs pa'i rim pa la gsum ste/ gzhan lus shes rab la brten pa dang rang lus thabs dang ldan pa dang de kho na nyid dang sbyar ba'o/ /de yang gzhan lus shes rab la sbyar ba ni e baM mA ya lha mo bzhi ste/ de nyid phyag rgya bzhi'am lhan skyes la sogs pa'i rnal 'byor ma bzhi'o/ /des na brten thams cad der 'dus pas bsdom pa'i dbye ba'o/ /rang lus thabs dang ldan pa 'khor lo bzhi'i 'dab ma'i grangs dang rnam pa ste/ der lus kun 'dus pas sdom pa'i dbye ba'o/ /de kho na nyid dang sbyar ba la yang thun mong dang khyad par ro/ /rmun mong ni bden pa bzhi dang sde pa bzhi ste sde pa mchog tu sdom pa'o/ /khyad par ni mchog ma yin pa ste/ de yang mchog ni skad cig dang dga' ba bzhi'i bde ba mchog tu sdom pa'o/ /mchog ma yin pa'i ni de kho na nyid bzhi bde ba mchog tu sdom pas sdom pa'i dbye ba'o/ /rtag pa phyi ma'i tshul du mtshan bstan pa la gnyis te yang dag par rdzogs pa'i sangs rgyas dang/ sangs rgyas so/ /de la yang dag par rdzogs pa'i sangs rgyas ni 'khor lo bzhi sku bzhir grub pa ste/ 'bras bu bzhi dang sde pa bzhi dang/ rnam par bzhag pa'i rgyu mtshan gyis sde pa mchog tu sdom pa dang/ sangs rgyas ni sa bcu'i byang chub sems dpa' ste/ ming skye ba dag pa'i tshul gdong ma nas sangs rgyas yin bas bde ba mchog tu sdom pas sdom pa'i dbye ba'o/ /mngon par rtog pa la gnyis te/ rnam par rtog pa'i gnyen po steng sgo rlung la bslab pa dang/ nyon mongs pa'i gnyen por byang chub sems la bslab pa'o/ /rlung la gnyis te/ shes pa dang grangs la bslad pa'o/ /de la shes pa ni phyi dag par shes pa dang nang dag par shes pa'o/ /de la phyi ni rgyal po'i pho brang dang dge 'dun gyis gnas dag na dbyu gu dang chu tshod la sogs te rlung du sbyar ba'o/ /nang gi lte ba sprul pa'i 'khor lo la sogs pa 'dab ma'i grangs sbyar ba'o/ /de dag rnam par dag pa'i rang bzhin du shes nas rlung la bsgom pa ste/ zla ba nyi ma A li kA li nyin mtshan gnyis la thun bzhi bzhi brgyad du 'byung ngo/ /re mos 'byung ba'i 'pho ba ni thun phyed phyed nas te bcu drug go /de re re la yang thabs dang shes rab kyi chus chu tshod sum cu rtsa gnyis so/ /yang zla nyi gang yang rung ba gcig las 'byung ba bzhi rim kyis 'byung bas dbyu gu drug cu rtsa bzhi'o/ /de ltar drung las su rung nas grangs kyi rtsis ni gzhan du shes par bya'o/ /bslab pa ni grangs la bcu dang brgya'i bar du bslab pa dang /rlung lhan cig skyes par sbyor ba'o/ /byang chub sems la bslab pa gnyis te/ sgra'i dbye ba dang bshad tshul sbyar ba'o/ /de la sgra'i dbye ba gang du 'dzag na lto ba ste gnyis pa'i don to/ /gang 'dzag na ri bod can de dang po'i don to/ /gang las 'dzag na haM las te lnga pa'i don to/ /gang gi 'dzag na gtum mo spar ba ste/ gsum pa'i don to/ /gang gi phyir 'dzag na de bzhin gshegs pa la sogs pa bsres pa'i don te bzhi pa'i don to/ /bshad pa'i tshul sbyar ba la yang gnyis te/ bskyed pa'i rim pa dang rdzogs pa'i rim pa'o/ /de la bskyed pa la yang lte bar ni sna tshogs pad+ma'o/ /gtum mo ni rang gi rig ma'o/ /A li zla ba can rdo rje sems dpa' o/ /'bar ba ni de gnyis rjes su chags pa'o/ /de bzhin gshegs pa ni phung po lnga ste/ rdo rje sems dpa' la yod pa'o/ /spyan la sogs pa ni 'byung ba lnga ste rig ma la yod pa'o/ bsregs pa ni chags pas zhu ba'o/ /ri bong can ni khu ba'i ming gi rnam grangs so/ /'dzag pa ni thig le bzhi chang pa'o/ /haM ni bskul ba'i glu'o/ /rdzogs pa'i rim pa la gsum ste/ gzhan lus shes rab la brten pa dang rang lus thabs dang ldan pa dang gnyis med phyag rgya chen po'o/ de la shes rab la brten pa la yang tsandan lI nyi ma A li ni zla ba'o/ /lte ba ni rin po che'i ze 'bru dang bya rog gi gdong can no/ /'bar ba ni chags pas bskyed pa'o/ /de bzhin gshegs pa lnga ni lus can gyi bsdus pas bcud kyi 'jig rten no/ /spyan la sogs pa ni 'byung bas bsdus pa snod kyi 'jig rten no/ /bsregs pa ni tha mal pa mi dmigs par 'ju bar byed pa'o/ /ri bong can ni zhu pa'o/ /haM ni bde ba chen po'i gnas la yod pa'o/ /'dzag pa ni de la rgyu ba'o/ /rang lus thabs kyi bsgom pa rtsa dang 'khor lor gnas pa de yang lte bar e las rlung dang me sbar 'od zer langs pas de bzhin gshegs pa lnga bsregs te/ rnam pa dang don dang ming rnams kyang bsregs pa'o/ /mgrin par sbyan la sogs pa yang rnam pa dag don dang ming rnams bsregs nas smin phrag nas de bzhin gshegs pa rnams 'od zer du bkug ste haM la thim pas cha dang cha med du song nas sum cu rtsa gnyis mdza' bde ba 'byung pa dang hi zhu nas rkan la sogs par khyad par de dri chen bug nas byung nas/ de nas mgrin par song ste ngal bsos rang gi yi ge rnams bsos/ snying gar dbugs phyung ste snga ma bzhin byas/ lte ba'i aM de sos kyi glang po tshad pas gdungs pa la bum pa brgya yis khrus gsol ba 'am/ btsun mo rgyan pos brgyan pa 'dod pas gdungs pa la tshim par byas pa ltar bde ba dang dga' bar 'gyur ro/ /gnyis med phyag rgya chen po yang tsanDa lI ni spros pa'i rang bzhin la gtum pa'o/ /A li ni mo rtags te shes rab lha mo bla na med pa'o/ /lte ba ni sa'i dkyil 'khor sprul pa'i 'khor lo dang nam mkha' i dkyil bde chen gyi 'khor lo lte bar zung cing gnas pa'o/ /'bar ba ni mchog dbang po dang ba 'am/ ye shes rang 'bar ba'o/ /de bzhin gshegs pa lnga bsregs ni sems yongs su rdzogs pa ye shes lnga'i rang bzhin yang dbyer med pas bsregs te bde chen rdo rje sems dpar gyur pa'o/ /spyan la sogs pa ni lus rdzogs pa 'byung ba lnga'o/ /bsregs pa ni zhu ba'i thig ler dbyer med pas rdo rje sems dpar gyur pa'o/ /ri bong can ni rdo rje sems dpa' nyid kyi ming gi rnam grangs so/ haM ni bde ba lhan cig skyes pa'i rlung dang bcas pa'o/ /'dzag pa ni nang du 'bar ba ste bde gsal mi rtog pa'o/ /le'u'i mtshan yang phyogs re re nas rtag pa phal cher yin 'dir ni kun la sbyar te dang po gleng gzhi yang pa ri wa ta zhes bya ste/ brje ba 'am rnam par 'phrog pa'o/ /des na rdo rje ni dgyes pa'i rdo rje'o/ /rigs ni 'khor la sogs pa'i yan lag go /le'u ni ston pa la 'khor du 'phro zhing brje ba 'am/ ston pa la sogs pa rnams pa phye ba'o/ /yang zhus pa dang lan gyis ni rdo rje ste snying rje rigs rdo rje snying po ste des na rigs so/ /le'u ni par ts+tshe da ste yongs su gcod cing btubs nas zhus te/ bcad cing btubs nas te lan btab phye ste bstan pa'o/ /yang rgyud kyi tshul yang dmigs pa'i yul lta stangs la sogs pa dngos grub yin pas rdo rje'o/ /de bsgrub pa'i rnal 'byor pa ni rigs so/ / le'u ni pa ta la ste sra ba dang/ skyob pas gos dang 'dra bar 'tshe ba dang/ /ngo tsha skyob cing srun pas dngos grub kyang de lta bur shes par bya'o/ /yang nyams su blang ba'i thabs kyang rdo rje rdzogs rim mo/ /rigs ni skyed rim mo/ /le'u ni rnam par phye ste bstan pa'o/ /dang po ni gzhan la ltos pa 'am/ pra ma tha ste rab mchog go /le'u dang po'i de na yi sher bris pa rdzogs so// //de nas nyams su blang pa'i thabs bskyed pa'i rim pa dang rdzogs pa'i rim pa dang gnyis sdoms te le'u so so ston to/ /de la le'u gnyis pa ni bskyed pa'i rim pa'i rgyu'o/ /gsum pa ni ngo bo'o/ /bzhi pa ni 'bras bu rdzogs pa'o/ /lnga pa ni rdzogs pa'i rim pa'i lha bsgom mo/ /drug pa ni spyod pa'o/ /bdun pa ni 'bras bu'i yon tan nam de'i yan lag go /brgyad pa ni rim pa gnyis ka'i gzhi lam rten no/ /dgu pa ni rim pa gnyis dag pa'i tshul lo/ /bcu pa ni rim pa gnyis dbang lam du byed pas rgyud la skye ba'o/ /de dag ni lam nyams su blang ba'i thabs so/ /bcu gcig pa ni nyams su blang pa'i 'bras dur shes par bya'o/ /de la sngags kyi le'u bshad par bya'o zhes sdud pas mtshams sbyar ba yang/ sngags ni man+t+ra ste ma yid ste/ yid can 'gro ba kunda ste skyob pa'o/ /ji skad du ma ni yid ces brjod pa ste/ tra dang skyob pa zhes gsungs zhes pa'o/ /yang nam ma ni snying po 'am de kho na nyid twat ste/ bsrung ba 'am mi 'bral ba'o/ /yang A kA ro'i don la mos par bya'o zhes gsungs pa'o/ /ni ma man+ta ste spyan 'dren par byed pa'o/ /yang sngags ni spyan 'dren par gsungs pa ste/ dper na skyes chen 'ga' zhig la/ /che la myur ba'i sgras pos nas/ /thos pa tsam gyis 'ongs pa bzhin/ /mkha' 'gro ma dang btsun mo bzang/ /de rnams sngon du phyogs phyir ro/ /le'u ni snga ma ltar ro/ /'dir bskyed pa'i rim pa'i rgyur ji ltar 'gyur zhe na/ de yang snying po dang lha'i sngags so/ /de la snying po ni bskyed pa'i rim pa'i rgyu'o/ /lha'i sngags ni gsal bar byed pa'i rgyu'o/ /las kyi sngags ni nus pa thob par byed pa'i rgyu yin pa'i phyir som nyi mi bya'o/ /dang po la gtor ma'i sngags bstan pa yang gtor ma ni las rnams sgrub pa'i sngon du 'gro ba yin pa'i phyir ro/ /de la aoM A kA ro ni a war+Na au war+Na ste e artha ni don/ / au ha bi ga ta don bral ba'o/ /ma ma ni sems tsam/ a a kar Na rnam pa/ au hi ba ka ta rnam pa dang bral ba/ ma ma na sems tsam ste rnam pas stong pa'i sems tsam mo/ /yang aoM ni aoM ste brjod bya'i chos gzugs nas rnam pa thams cad mkhyen pa'i bar rjod byed chos kyi phung po brgyad khri bzhi stong thams cad ma skyes par ston to/ /de ltar na de yang aoM ni khas len pa'o/ /sarba d+harmA ni chos can no/ /a kA ro mu kham ni a'i sgo can du dam bca' pa'o/ /Adya nutpa n+na twAt ni thog ma nyid nas ma skyes pa'i phyir te/ gtan tshigs so/ /aoM A: hUM ni byin gyis rlob pa'o/ /phaT ni mi 'thun pa'i gegs zhi bar byed pa'i phyir ro/ /swAhA ni shes par gzhi 'dzugs pa'o/ /'byung po thams cad ni 'gro ba kun no/ /gtor ma ni ba liM? ste/ tshogs gnyis dang ldan pas stobs su 'gyur ba'o/ /de'i sngags so/ /de bzhin gshegs po rnams ni rnam par snang mdzad dang/ snang ba mdza' yas dang rin chen 'byung ldan dang/ don yod grub pa dang mi bskyod pa ste sa bon go rim bzhin no/ /de dag kyang ci la dgongs she na/ gtum mo sbar bas sa bon dang dbang bskur ba'i rigs kyi bdag po mtshon pa'am/ hUM gcig bsnan te hUM gnyis kyis rigs drug nga rgyal gyis dus su dgos pa dang/ yi ge drug gi phra mo'i rnal 'byor bstan pa dang/ bdud rtsi myang ba'i sa bon dang/ 'bum tsho lnga bsdus pa'i don kho na'o/ /de wa pi tsu badzra hUM hUM hUM phaT swAhA/ /kye'i rdo rje'i snying po'o/ /nyon mongs pa dang rnam par rtog pa'i zug rdu zhi bas de ba'o/ /ras bal ltar 'jam pas na pi tsu'o/ /sku gsung thugs hUM gsum mo/ /thugs skul bar byed pas na snying po'o/ /lhan cig skyes pa'i rten can/ 'bras bu bde ba chen po'i sku bskyed pa'o/ /sngags thams cad kyi rkang pa ni zhes bya ba la sogs pa dang ni dgyes pa'i rdo rje'i sngags rnams la aoM ni dang po'o/ /hUM phaT bar du'o/ /swAhA tha mar bzhag pa ni gdul bya rnam pa gsum du nges te/ aoM gyis ni gdul bya zhi ba'i rjes su 'dzin pa'o/ /hUM phaT kyis ni ma rung ba tshar gcod pa'o/ /swAhA ni bar pa rjes su 'dzin pa'o/ /a ka tsa Ta zhes pa ni grong khyer dkrugs pa ste phyi dang nang gi'o/ /phyi'i las kyi gtso bo ste/ sngon du dgyes pa'i rdo rje'i bsnyen pa rdzogs nas las kyi bsnyen pa bya ste/ snying ga pad+ma 'dab ma brgyad pa'i steng du yig 'bru brgyad po bkod la/ 'od zer spro bsdu dang bcas pas bzlas par bya'o/ /sgrub pa ni 'od zer des rdo khab len gyi tshul du grong khyer ba'i lus ngag yid gsum rdo khab len gyi blangs pa bzhin du 'dus par bsam zhing pur khrod pa hUM phaT swAhA zhes btags so/ /DoM ba pa lta bu'o/ /nang gi snying gar thig le brgyad bsgoms la/ de la sems zin pa dang phyi'i dbang po drug gi grong khyer rnams 'dus pa'o/ /gzhan gyi sngags kyis mi grub po zhe na/ de'i rnal 'byor ma rnams kyis kyang ngo/ /de la gnyis te/ rims dang cig car bzlas pa'o/ /rims kyis pa ni/ aoM aoM aoM hUM phaT swAhA zhes bdag med pa la 'bum mo/ /de bzhin du de nyid gsum gyi spel la lha mo kun la khri khrir sbyar ro/ /cig car ba ni aoM a nas sngags kun la hUM phaT swAhA/ zhes gtso mo dang 'khor la grangs snga ma bzhin no/ /sa bon sbyor ba ni 'og nas 'chad pa'o/ / trai lo kyA k+She pa ni 'jig rten gsum g.yos shig pa'o/ /phyag gnyis ba'i dga' ba'i rten can chos kyi sku'o/ /gzhan snga ma bzhin no/ /dzwa la dzwa la ni don dam par rtogs pa la 'bar ba'o/ /b+hyo ni tshim pa'o/ /phyag bzhi pa'i ni mchog dga' i rten can la longs spyod rdzogs pa'i sku'o/ /ki Ta ki Ti zhes bya ba ste mi mthun pa chod cig pa'o/ /phyag drug pa'i ni dga' bral gyi rten can sprul ba'i sku'o/ /aoM ni a yig au yig dang haM yig ste stong ba nyid do/ /a ni mtshan ma med pa'o/ /hUM ni snod pa med pa'o/ /bsnyen sgrub kyi lha bskyed pa'i dus su sku gsung thugs byin gyis brlab pa dang bza' btung dang bdud rtsi byin gyi brlab pa'i sngags so/ /aoM rak+Sha zhes pa ni sa sbyang ba'i dus te gnas skabs rnam pa gsum du 'gyur te/ bsnyen pa'i sa bsrung ba dang rnal 'byor gyis sa bsrung ba dang/ sgrub pa'i sa bsrung ba'o/ /aoM hUM swAhA rengs pa sngar dgyes pa'i rdo rje dpa' bo gcig pa 'am dkyil 'khor gyis bsnyen pa yang na 'di rang gi bsnyen pa sngon du song bas sgrub pa ni tshogs bsags nas rab dang/ gur gyi nang du rdo rje rnam bzhi 'am sa bon phyag mtshan las rdo rje rnal 'byor ma bskyed la/ ye shes sems dpa' dgug byin gyis brlab/ dbang bskur mchod bstod bdud rtsi myang ba byas la aoM hUM swAhA khri bzlas la sgrub pa las sbyor ni che ge mo stam b+ha ya ku ru maM zhes btags shing ting nge 'dzin gyis ngag gam lus rdo rje 'am dbang chen la sogs pas mnan par bsam mo/ /de bzhin du rnal 'byor ma re re dang sngags rnams sbyar ro/ /a phuhUM phaT swAhA gong ma tsho sbyor ro/ /de la mtshan ma thob pas sgrub ba bya ste/ rlung gi phyogs su rdzing bu byas zhes par sbyar te dang las sta go na byas te rdul tshon bris la tsa ga li dgod pa dang yang bsgom pa yang lha mo cho? sprul mnan pa gtso bos mdza' yas mnan pa de la dkyil 'khor sgrubs p a la mchod bstod bdud rtsi myang ba byas na a phu'i rnam pa zhes bya ba sta gon dus su gzugs brnyan byas pa yang mdza' yas su bskyed la rang bzhin pa bkug pa de la bstod pa byas bzlas pa byas la sgrub pa chen po ni mdza' yas der bzhag ces bya ste mnan pa byas la/ a nan+ta khro bo zhes sngags des gzir ro/ /spogs pa ni sngags bzlog ste zhes pa yi ge bzlog ste phaT ces mas bzlog pa'o/ /de bzhin du bsnyen pa dang sgrub pa dang sgrub pa las la sbyar ba go sla'o/ /lha dags pa la gnyis te phyi dang nang ngo/ /tshangs pa'i sa bon ni pa la sha rgya skyegs so/ /rgyal la sgrub pa ni skar ma rgyal gyi nyin par ro/ /ku thA rats+tshin+na ni tsa ste ris gcod pa'o/ /nyi ma gzas zin pa ni zla ba bdun bdun la gling 'di 'am/ gzhan du bza' yis zin pa'o/ /mi bskyod pa brtag cing bya ba ni/ de'i sbrul la/ dgra sta'i gzugs gcig byas la/ badzra kuThA ra sgrub pa'i don du khri bzlas shing sgrub pa las sbyar gyi dus su de bdar la dpral bar thig le gcig byas la/ lha gang la phyag byas pa de 'gas zhes pa ni dbang phyug chen po la sogs pa'i lta rten sta re dmigs la phyag btsal lo/ /bsnyen pa ni snga ma bzhin no/ /nang ni tshangs pa'i sa bon ni byang chub kyi sems so/ /rgyal la sgrub pa ni lhan cig pa'i dus so/ /ku thA rits+tshin+na ni byang chub sems kyi rim 'gro'o/ /mi bskyod pa brtag pa ni brdungs pa'o/ / nyi ma gzas zin pa ni rang byung gi me tog go / dgra sta ni gcod pas na dgra sta ste rkang pas mnan pa dang 'dra ba ste/ 'og tu 'joms pa'o/ /bzlas pa ni yang dang yang du bsgom pa ste/ lha gang la phyag byas pa ni dngos po gzugs la sogs pa dngos po la zhen pa gang yang rung ba la 'joms pa'o/ /rdo rje ma dang zhes bya ba la sogs pa gong gi rengs pa la sogs pa'i rnal 'byor re re dang lha de sbyar so/ /brtul zhugs can zhes pa ste bskyed pa'i rim pa la mtshan ma thob par bya'o/ /rdzogs pa'i rim pa la rang gi nyams thob nas bag tsha ba med pas bya'o/ /le'u gnyis pa ste/ snga ma bshad pa ltar ci rigs par sbyar ro// //de nas lha'i le'u bshad par bya zhes pa ni lha ste/ lus las byung ba dang/ bde ba la rol ba ste lha'i rgyud zhi ba'i don gyis na lha'o/ /de'i rim pa yang gnyis te phyag gnyis pa la bshad pa dang gzhan la sbyar ba'o/ /bshad pa la yang gnyis te/ dpa' bo gcig pa bskyed pa dang/ dkyil 'khor gyi 'khor lo'o/ /de la dpa' bo gcig pa ni/ de la sgrub po phun sum tshogs pa dang ldan pas rang gi snying ka la sogs pa tshigs su bcad pa gcig gis sa bon gyi 'od zer las zhes pa la sogs pa gnas bsrung ba nas brtsams te/ bya ba'i rim pa rnams mchod pa byin gyis brlab pa yan chad snga ma ltar byas la nam mkhar rje btsun la sogs pa tshigs su bcad pa phyed dang bzhis mchod nas bshags pa la sogs pa yang bya ste/ ci'i phyir tshogs ma bsags par lha mi bsgom zhe na/ rgyu dang rkyen sngon du ma song bar mi 'byung ste/ dper na myu gu bskyed pa la nyer len gyi rgyu sa bon myu gu lhan cig byed pa'i rkyen chu lud dang drod tshad med par mi 'byung ba ltar/ rgyu bsod nams kyi tshogs dang rkyen ye shes kyi tshogs gnyis bsags dgos te/ bsod nams kyi tshogs bsag pa la yang zhing sprul dgos pas de yang lugs bzhi ste/ snying ga nas sprul pa dang/ bkod pa gsal ba dang/ rang bzhin du gnas pa dang/ spyan drangs pa las 'dir spyan drang ba ste/ he ru ka phyag bcu drug pa la lha mo brgyad kyis bskor ba gcig go /de la mchod pa phyi nang gsang ba de kho na nyid kyis mchod do/ /phyi ni spos dang me tog la sogs pa'o/ /nang gi lha mo brgyad po rnams kyis mchod / dkar mo ri dags mtshan ma 'dzin ces pa ni byang chub kyi sems kyis gang ba'i thod pa lag par 'dzin ces pa ni rgyud kyi tshig zor yang du byas pa'o/ /lag pa zhes pa dang/ snod ces pa dang 'dzin ces gong 'og kun la sbyar ro/ / bdud las rgyal ba ni rang byung gi rak+ta'o chu ni dri chu'o/ /sman ni dri chen no/ /rdo rje ni sha chen no/ /ro ni sbrang rtsi ste mtshon pas chang ngo/ /cang te ni phyi'i mchod pa'o/ /'dod chags chen po rjes chags zhes pa ni gsang ba'i mchod pa ste/ 'dod chags chen po ni gtso bo 'am/ rjes chags g.yung mo ste/ g.yung mo mgul nas 'khyud pa nyid ces pa ni mchod bya'i lha mo rnams gtso bo la bsdu/ mchod byed kyi lha mo rnams g.yung mo la bsdu la/ kun du ru'i rjes su chags pa 'am yang na mchod byed kyi lha mo rnams rang la bsdu zhing g.yung mos rlung sems mtshams nas 'khyud pa'i tshul gyis mchod pa'o/ /de'i dus su bde ba'i ro nyams su myong ba ni de kho na nyid kyi mchod pa'o/ /de'i mdun du bdun rnam dag bya ste/ de skad du bla ma rdo rje 'chang mchod cing/ bdun pa yongs su dag par bya zhes gsungs so/ /de nas dang por byams pa la sogs pa tshigs su bcad pa gcig gis tshogs brgyad 'debs te/ tshig gnyis kyis bsod nams kyi tshigs nus pa dang ldan par byed/ tshig gnyis kyis ye shes kyi tshogs nus pa dang ldan par byed pa'i dgos pa'o/ /nges pa'i tshig ni dmigs pa tshad med pas sam/ 'bras bu tshad med thob pas so/ /dbye ba go rims nges pa ni skye ba'i go rims ste/ byams pa ni brtse ba dang ldan pa snying rje skyes pas de bzhin du sbyar ro/ /dmigs pa'i yul ni bde 'gro dang ngan 'gro dang/ nyan thos dang rang sangs rgyas dang/ sems can nan sangs rgyas kyi bar du rim par sbyar ro/ /bsgom pa'i thabs ni che 'bring rnam pa dgu ru phye ste/ dang po byams pa zhes pa bshes 'brel lta bu ste/ rang gi snying du bcug pa gcig pa byams pa skye/ de bzhin du gnyen rab 'bring gsum la sbyar ro/ /tha mal pa rab 'bring gsum dang dgra rab 'bring gsum du sems can thams cad la bsgom mo/ /yang de bzhin du sdug bsngal che 'bring dgu dang zag pa med pa bla na med pa'i bde bar rab 'bring dgu ru gong ma rnams la bsgom mo/ /btang snyoms ni dga' ba'i snod du bsgom pa 'am yang na dmigs pa med par bsgom mo/ /stong pa nyid sngags dang bcas pa ye shes kyis tshogs bsags la de yang stong pa'i byang chub ces pas gzung ngo/ /ye shes tshogs kyi rjes la rang mdun med stong pa zhig ce na/ rang gi blos chos stong par byas pas rang gi lus tha mal pa ltar snang ba de'i'o/ /mdun du re pha nyi ma la sogs pa tshigs su bcad pa gnyis kyis rten bsgrub ste/ rim las nyi ma'i dkyil 'khor hUM las sna tshogs rdo rje la hUM gis mtshan pa/ de las 'od zer 'phros pas phyogs su ra ba steng du gur bcing ba zhes bya ste/ 'og kyang rdo rje'i sa gzhi'o/ /chos kyi 'byung gnas ni sgom na yang sgom/ /ma bsgom kyang 'gal ba med do/ /de'i nang du re khA bsgom mo/ /da ni rten lha bsgom pa ni rdo rje rnam bzhis bskyed/ yang ni skye ye shes kyi tshogs la bltos pa'o/ /stong pa ste chos nyid dang byang chub ste ye shes so/ /de nas gnyis pa la sa bon bsdu ba ni hUM las byung ba'o/ /gsum pa la gzugs brnyan rdzogs pa ni/ rdo rje ni kha dog nag po 'jigs pa chen po/ bzhi pa la ni yig 'bru dgod pa ni rdo rje'i lte ba'i dbus gnas par/ yang ni hUM gi de nyid bsgom/ de las cir 'gyur zhe na/ hUM gi rnam par gyur pa la sogs pa tshigs su bcad pa phyed dang gnyis so/ /sems dpa' sum rtsegs bsgom/ rang 'dra ba'i ye shes pa dgug/ skye bo phyin gyis brlabs pa mos tshul lam bskyed pa'i tshul gang rung bya'o/ /dbang bskur ba nas mchod bstod bdud rtsi myang ba byas la/ rdzogs pa'i rim pa cung zad bsgom/ /sngags kyi bzlas pa bya/ gtor ma dang ye shes pa gshegs su gsol/ /dam tshig pa bsdus la spyod lam bya'o/ /de bzhin du thun bzhi'i rim pa bsgom mo/ /dkyil 'khor gyi 'khor lo sna tshogs dang rten bsgrub pa ni snga ma ltar ro/ /rten la khyad par 'di yod de/ /gur bcing ba yang rnam par bsgom gyi tshigs su bcad pa dang pos nang chos 'byung le'u brgyad pa 'khor lo sngon du ci rigs pa la sogs pas gzhan yas khang bsgoms la/ de yang khyad par 'di yin te/ 'phar ma gcig pa'o/ /de nas A li zla ba kA li nyi ma la sogs pa tshigs su bcad pa gnyis kyis cho ga bstan pa ni/ A li las zla ba bsgom pa ni me long lta bu'i ye shes las mngon par byang chub pa'o/ /kA li las nyi ma bsgom pa ni mnyam pa nyid kyi ye shes las mngon par byang chub pa'o/ /sa bon nang du son gyur pa/ /de nyid sems dpa' zhes byar brjod/ ces pa ni hUM las rdo rjer gyur pa ni so sor rtog pa'i ye shes las mngon par byang chub pa'o/ /nam mkha' i dkyil 'khor khyab par ni/ /rang gi lus mtshungs rnam par spro/ /bsdus nas snying gar bkug pa na/ /bya ba nan tan gyi ye shes las mngon par byang chub pa'o// rang gi lus mtshungs rnam par spro ba ni don de bzhin gshegs pa yin yang rnam pa lha mor spros te/ snying gar bkug ces pa ni h+ri da ya snying po ni/ rdo rje'i lte ba la bsdu ba'o/ /de rnams yongs su gyur pa ni bya ba nan tan gyi ye shes las mngon par byang chub pa'o/ /yo ga'i zhe sdang bdag nyid gyur pa ni chos kyi dbyings kyi ye shes las mngon par byang chub pa'o/ /'dir ni lugs gnyis te/ sngo dang nyi ma mtshungs pa la sogs pa gtso bo bstan pa 'am/ yang na rgyu'i rdo rje 'chang dkar por bskyed de/ de nas shing 'bras 'chos pa'i tshul du nag por gyur pa'o/ /rnal 'byor ma la sogs pas 'khor bstan te/ de dag gang gis bskyed ce na hUM gi yi ge 'don pa'i bdag ces smos te/ de la yang tshul gnyis te/ yum yod pa dang med pa'o/ /yum med na snying ga'i hUM las yi ge 'bru spros te/ 'khor rnams rjes su mthun pa'i mngon par byang chub pa lngas sems bskyed de/ yum yod na rjes su chags pa zhu ba las rgyu'i rdo rje 'chang bzhengs nas bsrub dang bsgrub pa'i sbyor ba las 'khor mngal skyes kyi tshul du rjes su mthun pa'i mngon par byang chub pa lngas bskyed de/ snga ma ltar na hUM gi yi ge las 'don pa'i bdag ces brjod do/ /phyi ma ltar na hUM gi yi ge sgrog pa'i bdag ces brjod do/ /yum ni man ngag gi bdag med la bzed do/ /de la sems dpa' su ma brtsegs bsgom/ ye shes kyi 'khor lo dgug gzhug bya/ skye mched byin gyis brlab pa dang sku gsung thugs byin gyi brlabs ba dang/ dbang bskur ba dang mchod pa dang stong pa dang bdud rtsi myang ba'i bdud bya'o/ /rdzogs pa'i rim pa yang cung zad bsgom ste/ dag pa rjes su bran pa bya/ sngags bzlas gtor ma gtang/ ye shes pa gshegs su gsol/ dam tshig pa rang la bsdu spyod lam bya/ thun bzhi'i rim pas de bzhin du bsgom/ dur khrod du ni mgon po rol zhes pa ni/ gang gi phyir dur khrod bya zhe na/ dbugs rgyu zhes pa'i rim pa yis/ ro zhes mngon par brjod par bya'o/ /ro gnas pa'i rigs pa ste/ sngar gyi ro chos kyi dbyings la gnas pa de dur khrod do/ /'dis ni khams gsum pa bdag med pa yang mtshon to/ /spyir mgon po rol pa ni gsum ste/ thabs kyi rol pa dang shes rab kyis rol pa dang dbyer med pa'i rol pa'o/ /thabs ni chos kyi 'byung gnas so/ /shes rab ni dur khrod de ro'o/ /dbyer med ni rten dang rten pa'i dkyil 'khor ro/ gzhan la sbyar ba ni phyag bzhi pa dang drug pa ste/ de la yang gnyis te/ dpa' bo gcig pa dang dkyil 'khor gyi 'khor lo'o/ /dpa' bo gcig pa ni rdo rje rnam bzhis bskyed do/ /phyag bzhi pa ni bdud bzhi las rgyal ba zhes sbyar te/ gzhan thams cad snga ma dang 'dra'o dkyil 'khor gyi 'khor lo ni mngon par byang chub pa lnga yis rdo rje 'chang bskyed/ rjes su chags pas zhu 'khor bskyed pa snga ma dang 'dra'o/ /phyag drug pa yang de dang 'dra'o/ /khams gsum gyis ro mnan pa zhes pa ni khams gsum kun tu brtags pa ste/ ma grub pa mtshan/ dkyil 'khor gyi 'khor lo ni gzhan gyi dbang ste/ kun brtags spong ba'o/ /'dis ni chos kyi dbyings dang dur khrod kyi gong gi yang mtshon pa de snga ma bzhin no/ /le'u gsum pa'o// //lha dbang bskur ba'i le'u bshad par bya zhes pa ni/ dang po yin yang gnyis par shes par bya ste lha rnams la zhes bdun par sbyar ba dang/ lha rnams kyi phyir bzhi pa sbyar ba dang/ lha rnams kyis zhes gsungs par yang sbyar ro/ /dbang bskur ba ni a b+hi Shiny+tsa a bi She ka te/ dri ma 'khrud pa 'am nus pa 'jog pas na dbang ngo/ /rang gi snying gar zhes pa ni phyag gnyis pa la sogs pa snga ma ltar bskyed pa la ye shes kyi 'khor lo dang de gcig tu byas nas gtso bo'i snying gar ro/ /sa bon bsam zhes pa ni hUM ngam aM ngo/ /de'i 'od zer lcags kyu'i rnam pa'i gzugs shes pa ni kha dog dang dbyibs kyi rnam pa'o/ /dgug pa'i yon tan dang ldan pas so/ /des ci byed ce na khams gsum du bzhugs pa la sogs pa smos te/ /spyan drang ba la rang gi snying ga nas lha mo brgyad bston nas mchod pa bya ste gsol ba gdab par bya'o/ /de nas de rnams yongs su gyur nas dbang bskur ro/ /des cing gyur ce na/ he ru ka yongs su rdzogs pa nyid ces so/ /de yang rnam par bsgom pa rang byin gyis brlabs pa bsgom zhes pa ni sgrub thabs dag las 'byung ba bzhin du yan lag drug dang/ ting nge 'dzin gsum 'am/ yang na rnam par bsgom pa ni skyed pa dang skyed pa'i rim pa yin la/ byin gyis brlab pa'i bsgom pa ni rdzogs pa dang yongs su rdzogs pa'i rim pa'o/ /thun gsum zhes pa ni nyin gcig la'o/ /langs te zhes pa ni gtso bo'i nga rgyal gyis so/ /lha'i gzugs su gnas so zhes bya ba yis ni rdzogs pa'i rim pa'i spyod lam yang bzung ste/ de gnyis ka yang 'og nas 'chad do/ /le'u bzhi pa ste sdam bzhin no/ //de nas zhes pa ni bskyed pa'i rim pa'i rjes thogs la'o/ /de kho na nyid kyi le'u rdzogs pa'i rim pa bshad par 'dod nas bshad par bya'o zhes mtshams sbyar ba'o/ /de kho na nyid tat+twa ste/ de bzhin du ro gcig pa'am/ rang bzhin ji lta wa nyid du bstan pa 'am/ shin tu ro gcig pa 'am/ bsdus shing snying bu lta bu'i don byed pas so/ /ngo bos gzugs med ces bya ba la sogs pas ni lta ba shes rab gtso bor ston te/ de yang pha rol tu phyin pa dang thun mong rten cing 'brel par 'byung ba ni/ bdag las ma yin gzhan las min/ /gnyis ka las min rgyu med min/ /zhes bya ba la sogs pas ngo bo nyid kyi skye ba bkag pa dang rang las rang skye bar mi tha de rang grub na dgos pa med/ ma grub nus pa med pas so/ /rgyu med pa las mi 'thad de ri bong gi rwa dang 'dra bas gtan med pas so/ /gnyis ka las kyang mi 'thad de/ /sgrub pa'i phung po gsum pa dang dgag pa'i phung po gsum pa gnyi ga mi srid do/ /gzhan las skye na 'das pa las sam/ ma 'ongs pa las sam de ltar ba las te/ de star mi 'thad dus mnyam pa las rgyu 'bras mi srid do/ /ma 'ongs pas kyang mi 'thad de phyis 'byung ba'i phyir na rgyu nyid min no/ /'o na 'das pa las skye bo zhe na/ zhig ba las sam ma zhig pa las skye zhe na/ zhig pa las ma yin te/ med pa'i phyir ri bong gi rwa dang 'dra'o/ /ma zhig pa las skye na dus mnyam par thal lo zhes sun 'don pa la phyogs snga ma rgyu'i dus nam zhig pa 'bras bu'i dus na zhig go zhe na/ de yang skad cig ma gzhan zhig gis chod dam mchod/ chod na snga ma zhig par skyed par byed pa'i rgyu yin/ /ma tshang na dus mnyam du 'gyur ro/ /byas pas de rang gi dus kyis chod kyi gzhan gyi dus kyis mchod de/ snga ma las skye ba dus mi mnyam par mi 'gyur ram zhe na/ rgyu 'bras gnyis la yang skad cig ma gsum gyis bsdus te/ skye ba dang gnas pa dang 'jig cha gsum yod pas gzhan dus kyi chod pa kho na'o/ /gang de skad cig ma ma yin na dngos po de gtan mang par thal te ri bong gi rwa bzhin no/ /ngo bos gzugs ni bum pa lta bur chos can du bzhag ste gcig dang du ma dang bral ba'i phyir gyi yang dag pa'i med rgyu ma la sogs pa bzhin no/ /gzhan dag gtan tshigs ma grub ste/ bum pa ni cha shas dang bcas pa'i dus yin la cha med pa gcig yin no zhe na/ dang po ltar yod pa ma yin te/ gcig ma yin te cha shas du ma yod pa'i phyir te cha shas du ma yod pa'o/ /cha shas du ma yang ma grung ste phyogs gcig rang la yang cha drug yod pas so/ /phyogs gcig med pas cha shas kyi du ma med do/ /yang ka gcig rdul phra rab yod do zhes zer na yang cha shas yong ngam med brtag ste/ yod na snga ma dang 'dra'o/ /cha shas med na ni cha shas med pa'i phyir dngos po gzugs med du thal te sems dang sems las byung ba bzhin no/ /de bzhin du lta ba po'i gang zag kyang med do/ /de bzhin du sgra la sogs pa yang sbyar ro/ /'ga' zhig sems yang dag tu 'dod do zhe na/ sems med sems las byung ba med ces snga ma dang 'dra'i rig p+pa ma grub po/ de skad du gzugs khams zhes bya stong pa ste/ de nyid du ni sgra yang bya zhes pa nas/ dmigs zhes bya ba stong pa ste/ dbus su rnam shes ji ltar 'gyur/ rna ba zhes bya stong pa yin/ bar na rnam shes ji ltar mchis zhes pa rgya cher gsungs so/ / thun mong shes rab kyi lta ba dbu ma dang cha mthun par gtan la 'bebs/ rang rig sems tsam dang cha mthun par ston te/ le'u brgyad par 'chad par 'gyur ro/ /lta ba thun mong ma yin pa thabs gtsor byas pa bde ba chen po shes pa ste/ skyed byed ma dang zhes bya ba la sogs pas ston to/ /skyed byed ma dang zhes bya ba la sogs pas ni bsgom pa dang spyod pa yin no zhe na/ bden te 'on kyang thun mong ma yin pa'i skabs su thabs gtso bor byas te/ lta ba shes rab bskyed pa'i phyir dang yang na bsgom pa'i thabs yin yang/ lta ba nyams su len pa'i thabs gtso bor byas te/ yid so sor rtog pa'i shes rab bskyed pa'i phyir som nyi mi bya'o/ /de yang gsum ste gzhan lus shes rab ste 'og sgo la brten pa dang/ rang lus thabs te steng sgo la brten pa dang/ de kho na nyid shes rab mi dmigs pa dang sbyar ba'o/ /de la shes rab la brten pa yang gnyis te/ las dang po pa dang las smin pa'o/ /las dang po pas ni ma zhes pas ni rang gis de la dbang nos pa'o/ /sring mo ni dbang lhan cig nos pa'o/ /bu mo ni rang gis dbang bskur ba'o/ /rtag tu chos ces pa ni dbang gis dus su ji lta bar rgyun mi 'chad par ro/ /rnal 'byor rig pa zhes pa ni bla ma'i man ngag brjod pa'o/ /gar ma ni shes rab che ba'o/ /chos ma ni dad pa che bas bsgyur sla ba'o/ /rdo rje ma ni bsam gtan gyis bstan pa'o/ /gdol pa mo ni brtson 'grus kyi phyag rgya ste dpa' ba' o/ /bram ze ma ni ngang tshul bzang bas bzod pa can te/ chos de rnams gang yang rung ba dang ldan pa'i las kyi phyag rgya bdag med par bsgom pa ni shes rab kyi cho ga yin la thabs kyi cho ga rang nyid dgos pa'i rdo rje bsgo mo de nyid rig pas rtag tu mchod ces pa ni zla ba bzung ba dang ldan pa'o/ /ji ltar dbye bar mi 'gyur ba ni gsang ba'i tshul lo/ /rab tu 'bad pa ni dam pa la dmigs pa'i man ngag dang ldan pa'o/ /bsten pa nyid ces pa ni 'dod pa'i yon tan nam/ bza' ba la sogs pa'i dam tshig go /ma gsang zhes pa ni mtshon pa ste/ ma 'bad cing ma bsten par 'gyur na'o/ /sbrul dang chom rkun zhes pa ni tshe 'di'i nyes pa'o/ /sa spyod me'i sdug bsngal zhes pa ni shi nas dmyal ba ste skye ba gzhan gyi nyes pa'o/ /las smin cing rdzogs pas ni skyed byed ma la sogs pa ni bgrod dang bgrod min du shes par bya'i phyir/ las kyi phyag rgya dang tha mal pa nyid la bya'o/ /thabs dang shes rab chog la sogs pa ni las dang po dang mthun no/ /rang lus thabs kyi steng sgo la brten pas ni skyed byed ma ste/ g.yon gyi rkyang ma nas rgyu ba'i rlung ngo/ /sring mo nyid g.yas kyi yom nas rgyu ba'i rlung ngo/ /rnal 'byor rigs pas rtag tu mchod ces pa ni dbus a ba d+hU tI ru lhan cig skyes pa'i lha rlung du sbyor ba'o/ /gang ma ni mig dang 'brel pa myur ba'i rlung ngo/ chos ma ni rna ba dang 'brel pa bsgyur ba'i rlung ngo/ /rdo rje ma ni sna dang 'brel brten pa'i rlung ngo/ gdol pa mo ni lce dang 'bril ba bgo? che ba med pa'i rlung ngo/ /bram ze ma ni lus dang 'brel pa nyes pa dag pa'i rlung ngo/ /thabs kyi cho ga ni rlung de rnams kyis mi g.yo mi 'gog par yul rnams la bde bar sbyor ba'o/ /shes rab kyi go cha ni 'di rnams kyis bsdus te rang bzhin med par bya ste/ /a ba d+hU tIr lhan cig skyed pa'i rlung du sbyor ba'o/ /de nyid rig par rtag tu mchod ni cho ga de rnams dang ldan pa rgyun du rnal 'byor du byed pa'o/ /ji ltar dbye bar mi 'gyur zhes pa ni thabs dang shes rab sbyor ba'o/ /rab tu 'bad ces pa ni lus ngag yid gsum gyi brtson 'grus so/ /brten pa nyid ni shes par bya'o/ /ma gsang zhes pa ni rang ka ma'i rtog pa'o/ /sprul dang chom rkun la sogs pa ni rnam rtog las sprul pa'i nyes pa ste/ rmi lam gyi sdug bsngal bzhin no/ /de kho na nyid shes rab dang sbyar ba ni/ skyed byed ma ni sems so/ /sring mo nyid ni sems las byung ba'o/ /rnal 'byor rigs pa zhes pa ni sems dang sems las byung ba de dag med cing 'gog pa ma yin te/ ma brten thabs dang shes rab la ma brten gzhan la 'gog pa sbyar ba de nyid chags bral lta bu gnyug ma'i dbang por bde ba chen po rang 'byung ba'o/ /rtag tu mchod ces pa ni dbang po rang snang rgyun mi 'chad pa'i man ngag go /gang ma ni gzugs dang tshig gi dbang po'o/ /tshos ma ni sgra dang rna ba'i dbang po'o/ /rdo rje ma ni dri dang sna'i dbang po'o/ /gdol pa ni ngo bo? dang lce'i dbang po'o/ /bram ze ma ni reg bya dang lus kyi dbang po'o/ /thabs dang shes rab go cha yis zhes pa ni phyag rgya chen po'o/ /de yang de nyid rig pas zhes pa ni gnyug ma'i dbang po der bde ba chen po rang gsal ba'o/ /rtag tu mchod ces pa ni dbang po rang snang gi man ngag go / ji ltar dbye bar mi 'gyur bar zhes pa ni lhan cig skyes pa'i phyir ro/ /rab tu 'bad pa'i zhes pa ni de yang bla ma'i man ngag gis thob pas so/ /brten pa nyid ces pa ni shes rab lha mo bla na med pa dang 'dod pa'i yon tan no/ /ma gsang zhes pa ni mtshon pa ste/ ma 'bar na 'am ma brten pa'o/ /de yang mu tra chen po dang dbang po rang snang gi man ngag mi ldan par spyod pa la 'jug pa'o/ /des na sprul dang chom rkun la sogs pa ni log pa'i brtul zhugs spyad pa'i nyes dmigs so/ /las kyi phyag rgya de dag tha ma la spang ba'i phyir phyag rgyas gang gi phyir zhe na/ thar pa'i rgyur ni brjod par bya zhes pa'o/ /gang dag gis zhe na/ rigs lnga'i zhes pa ste/ rdo rje pad+ma la sogs pa tshigs su bcad pa ste/ gang ltar zhe na/ rdo rje 'dis ni zhes pa ste/ tshig rkang gnyis kyis so/ /de yang rdo rje la sogs pa gang ba gang gis rgyas btab pas/ de de'i rang bzhin du gyur pas tha mal pa spangs nas thar pa'i rgyur 'gyur ba'o/ /de la slob dpon kha cig ni gsang ba'i gnas kyi rgyas btab pa la 'dod de/ 'dir mthun pa ma yin no/ /gang la zhe na rdo rje'i phyag rgyas g.yung mo nyid la sogs pa'i tshigs su bcad pa gcig ste/ de rnams kyang gnyis pa'i don gyis dang por shes par bya'o/ /gar ma la sogs pa ni de ltar yin na/ skyed byed ma la sogs pa ji lta bu zhe na/ 'di rnams zhes bya ba la sogs pa gsungs so/ /der yang ni 'dir bsdus par ni brjod par bya zhes pas ni rdo rje 'chang rigs drug pa'o/ /'di rnams zhes bya ba ni sngar gyi'o/ /de bzhin gshegs pa'i rigs shes pa ni rdo rje 'chang yin yang sku gsung thugs kyi rang bzhin yin pa'i phyir ro/ /de bshad pa'i phyir dpal ldan zhes bya ba la sogs pa gsungs so/ /de yang dpal ldan rdo rje 'chang bde chen gyi sku'o/ /de bzhin nyid gshegs zhing zhes pa ni chos kyi skur te/ skyed byed ma la rgyas gdab pa'o/ /de bzhin slar yang gshegs pa nyid ces pa ni gzugs slar byung ba ste longs skus sring mo la rgyas gdab pa'o/ /sprul skus bu mo la'o/ /shes rab rigs pa 'di yis ni chos kyi sku thabs kyi rigs pas gzugs sku longs skus mtshon no/ /dbyer med rigs pa 'di yis ni sprul sku mtshon no/ /de bzhin gshegs pa zhes brjod par bya zhes pa ni rdo rje 'chang bde chen gyi sku yin yang de'i chos sku gsum sku gsum gyi rigs pas de bzhin gshegs pa'i rigs brtags so/ /'o na rigs rnams du yod ce na/ rigs ni zhes bya ba la sogs pa tshigs su bcad pa gcig gis dbye ba dang bsdu bas gcig nyid drug dang lnga dang gsum du bstan to/ /de yang dag pa'i gnas skabs na rnam par rtog pa rigs su dbye ba med de bzhin du dbye ba ji lta bu zhe na/ bden te ma dag pa'i gnas skabs kyi dbye bas rnam par dag pa'i phyir/ rigs dang 'byung ba la sogs pa'i tshigs su bcad pa gsungs so/ /spyir rig gar tha dad par 'jog pa kun rdzob/ rigs gcig pa don dam pa yin te/ thar pa dang ni chu bo bzhin du ma nyid du brjod par mi bya zhes so/ /la la dag ni ji srid du khas len pa de srid du gzhan sel bar gnas te/ dper na rgyu'i tshogs pa tha dad pa las 'bras bu tha dad par snang ste/ dper na mar me tha dad pa'i sel ba'i mun pa gcig las med kyang mar me ni gcig tu gyur pa ma yin no/ de yang tshogs dang chos kyi sku dag dang 'gro ba'i don rnams spyod pa ni/ sangs rgyas thams cad mtshungs pa yin zhes gsungs so/ /rigs pas dpyad na ni yid kyi spyod yul du shin tu dga' bas chog go /da ni bsgom pa'i nyams bstan pa'i bsgom pa med ces bya ba la sogs pa gsungs so/ /de yang lta ba shes rab kyi skabs su mig gi dbang po la sogs pa gcig dang du bral rigs pas rang bzhin med pa'i phyir sgom pa po med ces pa'o/ /yang lta ba'i skabs su gzugs la sogs pa med pa'i phyir bsgom pa yang med ces lhag ma'o/ /bsgom bya med ces bya ni 'ang ste/ snga ma gnyis lta bu'o/ /de yang lta ba'i skabs su sems dang sems las byung ba rang bzhin med pa'i phyir ro/ /'on te bsgom pa ni lam gyi gtso bo yin na/ /de med na 'bras bu dang lam gzhan dag ji ltar yod par 'gyur zhe na/ de'i phyir lha dang sngags kyang yod ma yin zhes gsungs so/ /de yang 'bras bu gzhan dag nye bar mtshon pa ste/ sangs rgyas bcom ldan 'das kyang yod pa ma yin no/ /lam yang gzhan dag nye bar mtshon pa ste/ phyag rgya dang dkyil 'khor dang sgrub pa dang phrin las kyang yod pa ma yin no/ /rdo rje khu tshur la sogs pa'i btags pa'i phyag rgya yod pa ma yin/ /me la mar ldugs pa'i sbyin sreg kyang/ ru ru sphu ru la sogs pa snying po dang phred pa'i sngags btags par yod pa ma yin/ kha dog dang dbyibs su btags pa dang rtsig pa la sogs pa'i dkyil 'khor de yang yod pa ma yin no/ /de lta bu'i sgom pa'i nyams de yang rang bzhin med pa tsam du bya ba'i phyir phun sum tshogs pa'i gzhir ji ltar 'gyur zhe na/ yang dag gnas zhes bya ba la sogs pas gsungs so/ /de yang lta ba la sogs pa'i skabs su skyed byed ma la sogs pa'i thabs thun mong ma yin pa'i yid so sor rtog pa'i bde ba nyams su blangs pas/ 'dir sgom pa'i nyams mchog tu bde ba chen po kho nar rang skye bar 'gyur te/ de yang mi rtog pas rang rnal du 'jug pas spros pa med pa'i shes pa'o/ /rang bzhin las zhes pa ni bde ba chen po gnyug ma las so/ /las zhes pa ni thams cad kyi 'byung khungs sbyar ba 'am/ yang na las zhes 'ger byed kyi lnga par sbyar te/ spros pa med pas thams cad bkag nas snang ba'i ye shes chen po nyid yang dag gnas zhes pa ni gnyis med 'od gsal ba'i bdag nyid do/ /sngags dang lha ni nye bar mtshon pa'i 'bras bu'o/ /sngags ni de nyid yid can thams cad skyob par byed pas na sngags so/ /snang ba thams cad rgyas 'debs par byed pas na phyag rgya'o/ /rnam par rtog pa thams cad sreg par byed pas sbyin sreg go /kha dog sna tshogs par snang bas na rten gyi dkyil 'khor ro/ /de nas phun sum tshogs pa'i bdag nyid gdod ma nas grub pa'i phyir lhan cig skyes pa'o/ /da ni 'bras bu phun sum tshogs pa de bshad pa'i phyir rnam snang zhes bya ba la sogs pa gsungs so/ /de la yang bde ba'i ye shes de nyid 'od zer thar thug pa med par khyab pas rnam snang ngo/ /mi bskyod ces pa ni mi mthun pas so/ don yod grub ces pa ni sangs rgyas kun gyi las so/ /rin chen zhes pa ni rtog pa dkon pas so/ /dpag med ces pa ni bde chen gyi che ba'o/ /sems dpa' zhes pa ni rdo rje sems dpa' ste/ /mchog tu bde ba nyid do/ /de dag ni 'jig rten las 'das pa'i lha yin na/ 'jig rten pa'i 'bras bu phun sum tshogs pa med dam zhe na/ de'i phyir tshangs pa la sogs pa bstan no/ /de bshad pa yang tshig gsum gyis bstan te/ yang bde ba chen po de nyid mi rtog pa la khyab pa dang/ bde ba dang gsal bar bstan pa'i phyir/ thams cad sangs rgyas de nyid brjod ces pa'o/ /thams cad ces pa ni bshad pa'i skabs su thams cad kun gyi bdag nyid gnas zhes pa ni/ mi rtog pas khyab pa'o/ /de nyid brjod ces pa ni bshad pa'i skabs su dam pa'i bde bas de nyid ces pa ste/ bde ba ro gcig tu bsdus pa'o/ /sangs rgyas zhes pa ni bshad pa'i skabs su bde ba rtog phyir rnam sangs rgyas zhes pa ste/ gnyis med rang rig 'od gsal ba'o/ /'jig rten dang 'jig rten las 'das pa'i phun sum tshogs pa de la lha zhes ci'i phyir zhe na/ gang gi phyir zhes bya ba la sogs pa gsungs so/ /de yang ha ni lus so b+ha ga ni 'byung ba ste de'i lus las 'byung bas lha'o de yang lhan cig skyes pa'i don yin te tshangs pa la sogs pa ni kun rdzob lhan cig skyes pas bsdus/ rnam snang la sogs pa don dam lhan cig skyes pas bsdus pa tshegs kyi don no/ /yang na phun sum tshogs pa'i b+ha ga bAn ji lta bu zhe na/ bud+d+ha da di la zhes pa ste/ gong gi 'od gsal ba'o/ /b+ha ga bAn zhes pa b+ha bAn dzi pa ste rtog pa la sogs pa rang shugs kyis 'joms pas gang la yod pa de la bcom ldan 'das zhes bya'o/ /yang b+ha ga ni skal pa de dbang phyug la sogs pa'o// des na tshigs su bcad pa phye dang gnyis kyi bstan to/ /'on te chos thams cad la lta ba shes rab dang thabs dbyer med du gtan la dbab pa dang/ sgom pa'i nyams dang skyes pa'i de kho na nyid de lta bu yin na rten las kyi phyag rgya ma dang sring mo la sogs pa'i de kho na nyid ji lta bu zhe na de rnams thabs dang shes rab dbyer med du shes par bya'i phyir/ gang gis phyir zhes bya ba la sogs pas ston to/ /shes rab ces brjod par bya ba zhes pa ni shes rab kyi de kho na nyid stong pa nyid do/ /gang phyir skye 'gro skyed pa zhes pa ni stong pa nyid kyi mtshan ma cir snang yang/ mi 'gog par yum shes rab kyi pha rol tu phyin ma'o/ /shes rab sring mo zhes bya ba nyid ces bya ba'i ni/ b+ha ga bAn ni de skal ba dang ldan pa'o/ /de'i phyir gang gi phyir skal ba ston zhes pa ste/ skal ba ni thabs te shes rab stong nyid dang bcas pa'i phyir ro/ /de bzhin du btso blag ma bu mo dang gar ma la yang thabs dang shes rab go rims bzhin no/ /g.yung mo yang thabs su bstan pa ste/ de bzhin du gdol pa mo dang/ bram ze mo la yang thabs su shes pa shugs kyis bstan no/ /de dag ni lta ba dang bsgom pa de shes bya'i don kho na nyid do/ /sgom gsum nus pa can du byed pa sgrub pa po de kho na nyid ni/ A li kA li la sogs pa'o/ /de yang A li kA li rab brtags pas zhes pa ni brjod pa ni thams cad rlung la rag las pa ste g.yon dang g.yas nas rgyu ba'o/ /brjod pa thams cad bzlas par bshad ces pa ni rlung las grub pa 'am/ yang na A li kA li ste/ dbyings dang gsal byed kyi yi ge las grub pa'i phyir bzlas pa rlung 'byung ba dang 'jug pa aoM haM zlos pa 'am/ yang na rang gi lhan cig skyes pa'i nyams kyis rnam dag sngags kyis glu len ces bya'o/ /rkang pa'i rjes ni rgya bris pa lta bur byung ba ste dkyil 'khor yin zhes pa ni gzugs brnyan du snang ba'i phyir ro/ /des na rang gi nyid phyir dkyil 'khor brjod par bya zhes pa'o/ /dkyil 'khor ni maN+Dal bris pas na dkyil 'khor/ ma Da na nyed pas sam bris pas zhes sgra mthun pa dang/ yang ye shes de nyid rten dang brten pa ste brtag par phye mar 'chad do/ /lag pa bsgyur ba zhes pa ni gar la sogs pa'o/ /phyag rgya yin zhes pa ni bde ba'i brtags yin pas so/ /sor mo nyed pa yang de bzhin no zhes pa ni de kho na nyid kyi mtshan ma dang rtags so/ /gang sems dpa' bsam gtan du bstan pa yang tshig gnyis te/ de'i rgyu mtshan yang ji ltar zhes pa tshigs su bcad pa gcig gis so/ /ji ltar pha las de thob pa zhes pa ni slob dpon la la dag bla ma dang rdo rje 'dzin pa la 'dod do/ /der ni 'dir mthun pa ma yin no/ /dper na pha las thob pa ni rang gi nor te/ gzhan lhag ma ni 'tshol ba'i don no/ /de'i bde ba rang gi bza' zhes pa ni bo kyi ni bza' ba 'am longs spyod pa'o/ /des na lhan cig skyes pa la longs spyod pas de'i bde ba bsam gtan brjod ces pa'o/ /bde ba gang phyir 'chi ba 'dir zhes pa ni slob dpon la la dag 'chi ba'i chos su 'dod pa dang la la dag spyod lam du 'dod de/ de dag 'dir mthun pa ma yin no/ /ji lta bu zhe na/ de yang 'chi ba sdug bsngal gtso bo ste/ de bsam gtan du ji ltar 'gyur zhe na/ bden te 'on kyang bza' ba longs spyod kyi skabs su rang gi bde ba las lhag pa mi 'tshol zhing/ 'chi ba'i tshe yang rang gi bde ba dang/ mi 'brel ba de lhan cig skyes pa'i phyir ro/ /des na rgyun du rtse gcig pas bsam gtan kyang bsam gtan kho na'o/ /spyir sngags kyi lugs kyis tshe 'di la 'bras bu thob pa dang/ bar do la 'bras bu thobs pa'o/ tshe 'di la thob pa la gnyis rnam smin 'bor ba dang mi 'bor ba'o/ /de la skyed rims gtso bor bsgom pas mkha' spyod sgrub la de nas phyag rgya chen po sgrub pa ste/ bud+d+ha'o/ rdzogs rim lus 'ja' tshon ltar sgyur/ sems phyag rgya chen por 'gyur te thal byung du sangs rgyas so/ rnam smin 'dor ba ni lus lhar gsal tsam las med kyang sems phyag rgya chen por sbyor te spyod pas mthar phyin nas/ 'chi ba'i spyod lam du shes pas 'gro zhing 'tshang rgya'o/ de ltar ma nus na bar do'i gdams ngag gis sangs rgyas te/ de rtsa ba'i rgyud ltar bya ba dang/ bshad pa'i rgyud sam+bu Ta ltar gong du 'pho ba dang grong du 'jug pa la sogs pa'i gzhan dang bla ma'i zhal las shes par bya'o/ /de ltar ma nus na smon lam btab la skye ba gzhan la 'khor los sgyur ba la sogs par skye ste skye ba bdun tshun chad kyi 'grub ces bya'o/ le'u snga ma bzhin te yas bgrangs pa'i lnga pa'o/ /de nas yang dag bshad par bya zhes pa ni lta ba dang sgom pa'i rjes su 'bras bu spyod pas mthar phyin pa bshad pa'o/ /de yang spyod pa ni tsarya ste tsa ra ni rgyu ba'o/ /ya yo gi ni rnal 'byor ma sbyor ba 'am/ des cir 'gyur zhe na/ gnas dag tu rgyu zhing sbyor ba'o/ rnal 'byor gyis rnam par rgyu ba'o/ /spyod pa 'di yang bskyed pa'i rim pas brtag pa phyi mar ston la/ 'di rdzogs pa'i rim pa ste de yang bzhan lus shes rab la brten pa gsang ba'i spyod pa dang/ rang lus thabs la brten pa cung zad smyon pa brtul zhugs kyi spyod pa dang/ phyag rgya chen po la brten pa smyon pa'i brtul zhugs mchog tu gsang ba'i spyod pa'o/ /de dag gis dgos pa ni spyod mchog pha rol phyin pa ste/ pha rol phyin pa'i thun mong ngo/ mchog ni thun mong ma yin pa ste/ de na dngos grub mthar 'gro ba ste/ pha rol tu phyin pa las grub pa'i mdza' ste/ snang ba stong pa dbyer med par rtog pa'o/ dgyes pa'i rdo rje'i dngos grub kyi rgyur ro/ /grub pa'i mthar 'gro ba'i pha rol tu phyin pa dang bskyed pa'i rim pa las so zhes thun mong ma yin zhe na/ dgyes pa'i rdo rje'i dngos grub kyi rgyus te/ mchog gi dngos grub mthar thug pa thob pa'o/ de ni gsang ba la sogs pa'i thun mong ngo sgom pa po la sogs pa tshigs bcad gnyis dang/ tshig rkang pa gcig gis gsang ba'i spyod pa'i cha lugs tsam ste/ rus pa'i rgyan cha rnams kyis bzang ba'o/ de'i dgos pa dang rnam par dag pa ni go sla'o/ he ru ka sbyor skyes bu nyid ni rdzogs pa'i rim pa'i nyams kyis spyod pa byed kyang bskyed pa'i rim pa nyung ldan kyi nga rgyal gyis gnas pa ste/ de'i yon tan ni rigs lnga dag gis la sogs pa ste go sla'o/ de yang gsang ba la sogs pa'i thun mong shing gcig la sogs pa ste/ shing gcig ni shing gzhan gyi grib mas ma phog pa'o/ dur khrod ni ro mang po gnas pa'o/ ma mo'i khyim ni 'jig rten grags pa ma mo bdun? gyis gnas so/ /mtshan mo ni dus mtshan ma rgyu ba'i gnas so/ /dben pa ni skye bo nyung ba'o/ bas mdza' ni dgon pa'i tshad de/ rgyang grags gcig gam mtsho'i klong ngam grib g.yogs kyis chod pa'o/ /de ni phye ste bskyed pa'i rim pa dang thun mong ngo/ /'dir bskyed pa'i rim pa la brten nas gnas dang spyod pa ston pa yin na phyag rgya mo dang rtsa rlung dang rdzogs rim la 'brel pa yod do zhe na/ de bden de sngar ni ma smin pa'i dbang du byas la de yang gang gis dngos grub mthar 'gro ba nas tshig rkang gsum brjod pa dang/ he ru ka sbyor nas kha dog lnga la rnam pa gnas zhes zer bas so/ /'dir ni dper na a mra'i 'bras bu dang 'dra ste phyi nang gnyis ka ma smin pa'i dzo gi la thabs gtso bor byas te/ las kyi phyag rgya la bsten pa dang/ phyi smin cing nang ma smin pa'i dzo gi la thabs shes rab zung 'brel gyi sgo nas rtsa rlung la brten pa dang phyi nang gnyis ka smin pa'i rnal 'byor pa la shes rab gtso bor byas te/ nam mkha' lam khyer te man ngag la brten pa'o/ de yang 'og nas chos 'byung las skyes ye shes ni nam mkha' mnyam lhan cig thabs dang bcas zhes pa dang gang phyir yid kyis mi bsgom par/ /'gro ba thams cad bsgom par zhes dang/ gzhan gyis brjod med lhan cig skyes pa nas bla ma'i dus thabs zhes pa'o/ /des na 'brel pa yod pa'o/ /lus shes rab la brten pa las kyi phyag rgya'i khyad par la ste/ shing gcig ni gtum mo'o/ /dur khrod ni g.yung mo'o/ /ma mo'i khyim ni gar ma'o/ /mtshan mo ni tshos ma'o/ /dben pa dang bas mdza' ni bram ze ma'o/ /de dag ci'i phyir zhe na/ rnam par rtog pa 'joms pa la dpa' ba dang sme zhing rig tu mi rung ba dang mang po dag tu 'gyur zhing spyod pa dang/ tha mal ba'i rnam pa sgyur ba dang/ nyon mongs pa dang rnam par rtog pa'i skyon dang bral ba'i phyir ro/ /rang lus thabs la brten pa ni shing gcig a ba d+hU tI'o/ /dur khrod ni bya rog gi gdod can no/ /ma mo'i khyim ni rtsa gzhan dag go / dus mtshan ma ni 'khor lo gsum mo/ /dben pa 'am bas mdza' ni bde ba chen po'i 'khor lo'o/ /de dag ci'i phyir zhe na/ de nyid du 'du zhing de las byung ba dang rang gis bskul ba g.yo ba dang bral ba dang de dag tu byang chub sems 'char ba dang gnas gsum du ngal so zhing nub pa dang chags pa dang chags bral kyi skyon dang bral ba'i phyir ro/ /gnyis su med pa phyag rgya chen po ni shing gcig ni shes rab lha mo bla na med pa'o/ /dur khrod ni lus so/ /ma mo'i khyim ni dbang po lnga'i grong khyer ro/ /mtshan mo ni yid do/ /dben pa 'am/ bas mdza' ?de dag gis thabs so/ /de dag ci'i phyir zhe na/ kun phyag rgya chen po las skyes pa dang/ 'di dag gi khong na mi gsal gzugs su gnas pa dang/ 'di dang ma bral ba bzhin du rjes su 'brang ba dang spyi'i rnam pa mi gsal bar 'ba' zhig la dmigs pa dang yid dang bas dbang po dang la des ye shes rang 'bar ba'i phyir ro/ /bsgom pa bzang bar brjod par bya zhes pa ni de lta bu dag gis ni lhan cig skyes pa'i don mi bza' bar skye ba'i phyir ro/ /de yang bskyed rim dang thun mong du shing gcig la sogs pa'i phyi rol gyi gnas su bshad pa'i tshe gsang ba'i spyod pa'i thun mong ma yin pa la bshad tshul so sor sbyar ba thun mong dag tu yang gnas so/ /'di rnams kyi cho ga kha bskang ba ni snga ma dang 'dra'o/ /da ni dus bstan pa'i phyir/ cung zad drod ni thod pa na zhes pa ni/ de yang phyag rgya chen po'i man ngag nyams su len pas ni/ gsang pa'i spyod pa'i drod do/ /dbang po rang snang gi man ngag gi cung zad smyon pa'i drod do/ /spyod lam dang bse ba'i man ngag ni phyi rol gyi dngos pos mi 'gyur ba ni smyon pa'i brtul zhugs chen po'i drod do/ /de dag ni nus pa'i tshad kyi dus yin la/ da ni rgyu mtshan gyi dus bstan pa'i phyir/ gang tshe spyod pa byed 'dod na zhes pa ste/ gzhan gyi don du'o/ /gang tshe 'grub 'gyur 'dod yod na zhes pa ni rang gi don du'o/ /gang 'grub 'gyur 'dis ni spyod pa sbyad pa nyid ces pa ni de gsum gyi tshe spyod pa bya ba kho na'o/ /de ni gsang ba la sogs pa'i thun mong ngo/ /shin tu bzhin bzang la sogs pa tshigs su bcad pa gnyis kyis drod bstan to/ /gsang ba'i spyod pa thun mong ma yin pa'o/ /shing gcig pa la sogs pa yang grogs bsten pa la mi 'gal lam zhe na/ ma yin te de ni bshad pa'i tshul sbyar ba yin la/ 'dir ni dngos su bstan pa'i phyir ro/ /gang tshe dga' ba la sogs pa ni glu dang gar la sogs pa ni sbyor ba'i ngo bos bstan te go sla'o/ /de la phyag rgya'i rnam dag dang bza' btung gi yon tan ni rang dang 'brel par shes par bya'o/ /da ni cung zad smyon pa'i brtul zhugs kyi spyod pa bstan pa'i phyir/ rkun ma'i zhes bya ba la sogs pa gsungs te/ 'di'i cha byad gzhan ni smad g.yogs kha dog sna tshogs dang zhes pa la sogs brtag pa phyi mar bstan/ 'di ni tshigs su bcad pa phye dang gsum gyis cha byad bstan te go sla'o/ /rang lus thabs dang ldan pa des glu dang gar gyi snyoms par 'jug pa des sbyod pa ma yin te/ des na cang te sgra ni blangs pa ste/ zhes pa ni glu dang 'dra ba'i spyod pa'o/ /kha TwAM ga bsgom shes rab ni gar dang 'dra'o/ /rdo rje thod pa'i spyod pa yis zhes pa ni snyoms par 'jug pa lta bu'o/ /'di dag zlas pa dang bsgom pa yin zhes pa ni che ba'i bdag nyid de/ bzlas bsgom dang ldan pa'i snyoms 'jug gi spyod pa'o/ /brkam dang rmongs la sogs pa'i tshigs bcad gcig gis ni bsam pa'i khyad par ni go sla'o/ /spyir spyod pa ma byas pas sangs mi rgya 'am zhe na/ mi rgya ste spyod pa byed pa kho na ste/ dper na mi 'ga' zhig sbas pas 'jigs pa 'am/ 'di la ci'i phyir 'jigs gnod pa'i rtsal kyang med na/ 'bugs pa'i mchu yang med la/ spyod pa'i so yang med pa'i phyir 'jigs par mi bya'o/ /zhes brjod kyang/ da dung du bag tsha ba dang ldan te/ des reg pa dang gnod pa'i sbyor ba byed pas/ des snga ma'i don de khong du chud nas 'jigs pa med pa thob bo/ /de bzhin du dngos po la mngon par zhen pa lta bas rang bzhin med par rtogs/ sgom pas kyang de ltar bsgom kyang dngos po la mngon par zhen pa da dung skye bas/ spyod pa bya dgos te gtsang ba dang mi gtsang ba dang/ sdug pa dang mi sdug pa dang zhe sdang ba dang mi sdang ba dang/ bstod pa dang smad pa la sogs pa dngos po la mngon par zhen pas skye bas ro mnyam pa'i spyod pa bya dgos so/ /yang spyod pa 'di gsum mthar chags su bya dgos saM mi dgos zhe na/ la la dag ni mthar chags su yang bya/ la la dag ni thod rgal du yang spyod de/ spyod pa spyod lam du bya/ spyod lam dbang po rang snang du/ dbang po rang snang phyag rgya chen por sbyar la/ de nas rtags gsum po las bar pa las byed pa yang srid tha mal byed pa yang srid do/ /bshad pa'i rgyud nas ni spyod pa bzhi ru brtags te/ rgyal tshab kyi spyod pa dang/ rigs pa brtul zhugs kyi spyod pa dang/ phyogs las rnam par rgyal ba'i spyod pa dang/ a ba d+hU tI spyod pa'o/ /de dag dang 'di dag ci rigs su gsung phan tshun dgongs pa shes par bya'o/ /da ni smyon pa'i brtul zhugs kyi spyod ba bstan pa'i phyir tshigs su bcad pa gsum gsungs te/ 'di rnam pa gzhan bstan pa'i phyir/ brtag pa phyi ma las bza' btung ji ltar rnyed pa ltar bza' zhes pa la sogs pa bstan to lus? kyi sbyin pa byin nas ni zhes pa ni lus dang srog la mi lta'o/ /phyi nas spyod pa yang dag spyad ces pa ni de lta bu dang ldan pa'o/ /lus kyi sbyor ba ji lta bu zhe na de bstan pa'i phyir skal dang skal med rnam dpyad nas zhes pa ste/ sbyin pa'i gnas yin pa dang ma yin pa ste sbyin pa byed pa dang mi byed par ro/ /de'i phyir sbyin pa sbyin pa mi bya zhes pa ni de ltar brtags shing dpyad nas spyin par bya ba ma yin pa'o/ /spyod pa ni glu dang ldan pa'i snyoms par 'jug pa tsarya pa yin na/ 'dir ji ltar byed ce na/ 'dir ni phyag rgya chen po rang snang ba'i man ngag glu gar dang snyoms 'jug yongs su rdzogs pa de/ de yang bza' bca' la sogs pa tshigs su bcad pa gnyis kyi bstan te/ bla ma dam pa'i zhal las shes par bya'o/ /da ni spyod pa la 'jug pa'i tshul spyir shes par bya'i tshul/ dngos grub rnyed pa'i slob ma gang shes pa ni slob ma gang gis dngos grub thob pa'o/ /yang de dang ngo/ yang dag ye shes snang ba bo zhes pa ni de nyid dngos grub yin pa'o/ /yang na de yis kyang ngo/ /mnar med spangs pa'i rgyu yi phyir zhes pa ni yon tan de yis mi bskyod pa ste bla ma las byung ba gtso bo yin pa'i phyir/ 'o na ji ltar bya zhe na gong ma lta bu grub pas kyang bla ma la phyag btsal ba'o/ /da ni spyod pa'i rang bzhin dam tshig dang sdom pa bstan pa'i phyir tshigs su bcad pa gnyis ston to/ /de yang go rims bzlog te bstan pa dang bshad par gnas pa'o/ /de yang zhabs kyi tshig rkang gnyis dang dam tshig sdom pa rnam par grol zhes pa ni dam tshig gi bya ba'i tshul lo/ /sdom pa ni bsrung ba'i tshul nas so/ /rnal 'byor ldan pas spyod pa byed ces pa ni mi byed pa dang/ spyod pa gnyis ka don gcig ste mnyam pa'i don dang ldan pas so/ /de dag gi bshad pa ni bslab dang cho ga rnam par grol zhes bya ba la sogs pa ste/ srog gcod pa spong ba dang/ gos gsum rje ba dang khrus bzhi la sogs pa sdom pa mi byed pa dang sbyin sreg mchod sbyin zhes dkyil 'khor ba dang bsam gtan dang sngags dang phyag rgya dang 'phrin las la sogs pa bya ba thams cad kyang mi byed de/ de dag thams cad kyang ro mnyam pa'i phyir gnyis ka mtshungs so/ /da ni spyod pa'i rnam pa'i tshul spyir bstan pa'i phyir nges par sngon du zhes pa la sogs pa'i tshigs su bcad pa gcig gis bstan te/ go sla'o/ de yang bla ma phul ha ri ba'i lugs kyis smyon pa'i brtul zhugs chen po'i rnam pa yin par 'chad do/ /da ni spyod pa'i rgyu spyir bstan pa'i phyir sems can kun gyi don gyi phyir/ rtag tu snying rje zhes pa ste gzhan gyi don du'o/ /btung bar bya rnal 'byor btung dga' zhes pa ni bdag gi don du ste/ de yang sam+ba la'i sgras rgyags zhes bya'o/ /sam ni mnyam pa 'am yang dag pa'o/ /ba la ni stobs te bde ba'o/ /rnal 'byor btung gzhan gyi bzhi ba med ces pa ni lhan cig skyes ba'i dga' ba'i rgyags ma yin pas tshim pa med pa'i phyir ro/ /spyod pa 'og ma gnyis ka la gong du bstan pa'i dngos por bshad pa spyir 'gro ba ni gnyis ka la sbyar ro/ /spyod pa'i le'u ste drug pa'o// //de nas zhes pa ni rjes la ste spyod pa'i yan lag du'o/ /brda ni ts+tsho ma ste/ sbas pa'i don ston pa 'am/ samkhi ta ste don zur gyis ston pas na lus kyi brda'o/ /ngag gi saM gI ta 'am/ samti pa sha ste dgos pa'i skad dam tshig gi brda'o/ /mi la tsi kla klo'i skad du zhes bya ste/ 'jig rten pa la gsang ba'i dgongs pa'o/ /de yang brtag pa phyi ma las ston te/ le'u bshad par bya'o/ /zhes pa ni sdud pa po khas len pa ste/ brda dang de'i yan lag gnas la sogs pa yang ston to/ /da ni brda'i dgos pa bstan pa'i phyir/ gang gis spun dang sring mor yang zhes pa ni rnal 'byor pa dang ma'o/ /the tshom med par shes par bya ba tshogs kyi spyod pa'i skal ba dang ldan par ro/ /da ni dbang gi brda shes par bya ba'i phyir cung zad go bsnur te/ g.yon gyi mthe bong bcangs pa las zhes pa ni phal pa las khyad par du bya ba'i phyir gnyis kas kyang lag pa g.yon gyis bya'o/ / mthe bong bcangs bas phyag ces dris pa dang phyag rgya'i lan du g.yon gyi mthe bong bcangs pa las/ bsnyun gyi phyag rgyar rnam par shes zhes bya'o/ /gang gi sor mo gcig ston pa zhes pa ni sor mo tshogs pa gcig pa ste/ bum pa'i dbang dri ba'i phyag rgya'o/ / gnyis kyis legs par 'ongs pa yin zhes pa ni de lta mod kyi gsang ba'i dbang la yang reg pa yin zhes pa'i phyag rgya'i lan no/ /yang cung zad go bsnur te gang gi srin lag ston pa la zhes pa ni mthe bo dang bcas pa ste/ gsang ba'i dbang dris pa'o/ /de'i 'dren pa rab tu bstan zhes pa ni longs spyod pa ste/ bsang ba'i dbang thob pa'i lan no/ /gang zhig srin lag ster ba la zhes pa ni shes rab ye shes dris pa'o/ /sor mo gsum pas/ dbang gsum brda yis bstan pa'o/ /de'i mthe'u chung rnam par sbyin zhes pa ni de lta mod kyi bzhi pa la reg go zhes bya ba'i don no/ /gang gi gung mo ston pa la zhes pa ni bzhi pa'i don dbu ma bris pa'o/ /de'i mdzub mo rnam par sbyin zhes pa tshig dbang rin po che nye bar grol lo zhes pa'i lan no/ /da ni rtsa'i man ngag bstan pa'i phyir gang gi so ni ston pa la zhes pa ni bde ba chen po'i 'khor lo'i rtsa'i dbyibs ba ti sa te/ thod lta bur gnas pa dris pa'o/ /de yis rtse gsum rnam par bstan zhes pa ni de yang rtsa gsum las gyur ba dang rtsa gsum las 'babs pa'i lan no/ /rtsa la brten pa'i byang chub sems ji lta bu zhes pa ni kun rdzob lhan cig skyes pa'i man ngag bstan pa'i phyir/ gang zhig nu ma ston pa la zhes pa ni kun da lta bu gang na gnas zhes dris pa la/ de'i mtshams ni rab tu bstan zhes pa ste/ mtshams ni sim ste sir zhes pas 'tshogs ma na gnas zhes pa'i don to/ /gang zhig sa ni ston pa la zhes pa ni kun da skyes pa'i shes rab ma dris pa'o/ /de yi kha ni rab tu bstan zhes pa ni nye bar longs spyod ces pa'o/ /glegs bam la lar 'khor lo bstan pa ni shes rab ma la spyi bos btud pa'o/ /gang gis khro gnyer bstan pa la zhes pa ni 'dod chags kyis 'ching bar mi 'gyur ram zhe na dris pa'o/ /gtsug pud dgrol bar brjod par bya zhes pas ni lhan cig skyes pa'i rol longs spyod pa'o/ /kun rdzob de la brten pa'i sems ji lta bu zhe na/ da ni don dam lhan cig skyes pa bstan pa'i phyir/ gang zhig dpral ba ston pa la zhes pa ye shes gang sngon du byas pa dris pa'o/ /de yi rgyab ni rab tu bstan zhes pa ni sngon du byas pa spong ba'i lan no/ /gang zhig rkang mthil ston pa la zhes pa ni mngon du rtog pa med na ltung bar mi 'gyur zhes dris pa'o/ /dga' bar rnam par rol par bya zhes pas lhan cig skyes pa'i ro la longs spyod pa'o/ /yang glegs bam la lar lto yis rnam par rtse bar bya zhes pa ni dpes ston ste ci dga' bar nyon mongs pas ma gos par zhen pa med ba'i tha tshig go / phyag rgya phyag rgya'i lan gyis ni zhes pa ni dris pa dang lan no/ /dam tshig can gyi rnam par dbye zhes pa ni de ltar bya'o/ /mthu mjug bsdus pa'o/ /da ni spyod pa'i brda bstan pa'i phyir/ de la rnal 'byor mas smras zhes pa sngon 'byung du bdag med pa la sogs pa zab pa'i khyad par bstan pa'o/ /e ma bu ni snying rje che zhes pa ni rdo rje snying po sri zhur bos pa'o/ /gal te phreng ba'i lag ston na zhes pa ni ma 'ongs pa'i dus su rnal 'byor ma rnams phreng ba ston pa na zhes pa'o/ /'du bar bya zhes smra ba yin zhes pa ni snyoms 'jug la mngon par phyogs pa 'am/ phreng ba mngon par gtor byed na zhes pa ni ma 'ongs pa'i dus su ster ba'o/ /'di'i don ni sngon byung dang rjes 'jug rnam pa gnyis te/ sngon byung ni rdo rje 'chang gi 'khor na byang chub sems dpa' rnams dang rdo rje mkha' 'gro ma rnams 'du ba'i dus su lus kyi brda rnams 'og nas 'byung ba'i dag gi brda rnams brda dang brda'i lan du bstan te/ rdo rje snying po la sogs pa ma 'ongs pa'i dus su lus kyi brda dang ngag gi brda rnams kyis/ rnal 'byor pha dang rnal 'byor ma rnams so sor 'du ba'i brda dang man ngag mtshon ba'i brda ste/ 'jig rten pa las bzlog pas na dri ba yang g.yon pas bya la/ lan kyang g.yon pas gdab po/ /sngar gyi tsho la brda rkyang ba'i lan du kun la sbyar bar bya'o/ /brtul zhugs dam tshig shin tu nos shes pa ni snyoms 'jug gi spyod pa la gnas pa'o/ /da ni de bzhin du gzhan la yang gdams pa'i phyir ro/ /phyi rol der ni 'dus pa la zhes pa ni phyi 'am nang gis 'dus pa kun la'o/ /bzang po'i spyod yul la gnas zhes pa ni gnas sa la sogs pa bzang por 'du ba'o/ /de yang phyi 'du ba yin la nang ni bzang po ni rnal 'byor pa'o/ /sbyor yul ni ma'o/ /'du bar zhes pa ni rig pa'i brtul zhugs kyi thabs so/ /yang bzang mo ni nyin mo la 'chogs ba'i dus so/ /spyod yul te mtshan mo la spyod pa'i dus so/ /rnal 'byor mas smras de ni bya ba thams cad ces pa ni phreng ba ston pa ster ba ste/ rdo rje snying po la gdams pa la de ltar bya'o/ /da ni gdams pa la sogs pa bstan pa la yang dbang dang man ngag gis rnal 'byor ma mtshon pa yin la/ brtul zhugs 'du ba'i gnas ni gang dag tu spyod pa bya zhe na/ de'i yan lag du dris pa dang lan bstan pa ni gnas dang nye ba'i gnas dang ni/ zhing dang nye pa'i zhir nyid dang/ /tshan do nye ba'i tshan do dang/ /de bzhin 'du ba nye 'du ba/ /'thung gcod nye ba'i 'thung gcod nyid/ dur khrod nye ba'i dur khrod nyid/ /'di rnams sa ni bcu gnyis te/ /sa bcu'i dbang phyug mgon po nyid/ /'dis ni gzhan gyis brjod min bya zhes pa ni rtag tu gnas shing spyod pas na gnas zhes bya'o/ /yang rnal 'byor pa bzhugs pas na yang gnas zhes bya'o/ /de dang nye bas na nye ba'i gnas zhes bya'o/ /yon tan skyed par byed pas na zhing yang ma rnams gnas pas na zhing zhes bya'o/ /de dang nye bas na nye ba'i zhing ngo/ /'dod cing 'dun pas na tshan do/ /de dang nye bas na nye ba'i tshan do/ /ma ga d+ha dang a da ga ma ga d+ha ni gnas kyi gzhi po yin te 'dug zhes bya'o/ /de dang nye ba'i 'du ba'o/ /'di nas bos pas gnas gzhan thams cad 'chad de 'di la rgyas par bshad pa med do/ /bar chad med pas na 'thud gcod / de dang nye ba ni nye ba'i 'thung gcod rnam par rtog pa mi 'byung ba dang ro mang po gnas pas dur khrod do/ /de dang nye ba nye ba'i dur khrod do/ /'di rnams ni sa bcu gnyis te/ zhes pa ni rab tu dga' ba nas dpe bskrun du med pa'i bar du'o/ /sa bcu dbang phyug ces pa ni rnal 'byor gyi dbang phyug dang/ rnal 'byor ma rnams so/ /de dag ni bgrod pa'i sa'o/ /mgon po nyid ces pa ni/ bud+d+ha'i sa gsum ste/ bcu gcig kun tu 'od kyi sa dang/ bcu gnyis pa dpe bskrun du med pa'i sa dang bcu gsum pa rdo rje 'dzin pa'i sa ste mgon po'i sa gsum mo/ /'dis ni gzhan gyi brjod min zhes pa ni rab tu dga' ba la sogs pa'i ming gis mi gdags kyis gnas la sogs pa'i ming gis btags pa'o/ /byang chub sems dpa' i ming gis mi gdags kyi rnal 'byor gyi dbang phyug gi ming btags so/ /'di yang bshad tshul rnam par sbyar te/ phyi ltar bshad pa ni gong gi bcu gnyis po de 'dzam+bu'i gling gi yul sum cu rtsa gnyis su 'og na rgyas par 'chad do/ /nang ltar bshad pa ni lus kyi gnas nyi shu rtsa bzhi la sbyar ba dang rtsa sum cu rtsa gnyis su sbyar te gnas dang las dang bya ba rnams byed do/ /de skad du spyi gtsug dzA land+ha rar bshad ces bya ba la sogs pa gsungs so/ /gsang ba ltar bshad pa ni gsang ba'i gnas kyi khyad par te/ rtsa gnas brgya pa'i bye brag la ci rigs par sbyar ro/ /de kho na nyid ltar bshad pa'i gnas ni rab tu dga' bar brjod/ nye gnas dri ma med ces bya/ /zhing ni 'od byed pa yin te/ /nye ba'i zhing ni 'od 'phro can/ /tshan do lnga pa sbyang dka' ba/ /nye ba'i mtshan do mngon du gyur/ /de bzhin 'du ba ring du song/ /nye ba'i 'du ba mi g.yo pa/ /'thung bcod legs pa'i blo gros te/ /nye ba'i 'thung gcod chos kyi sprin/ /dur khrod kun tu 'od kyi sa/ /nye ba'i 'thung bcod sgrub du med/ 'di rnams sa ni bcu gnyis so/ /rdo rje 'dzin sa bcu gsum pa ni mthar thug ste/ pha rol tu phyin pa bas ni ma thob po/ /de ci'i phyir zhe na/ rgyu'i khyad par las 'bras bu'i khyad par 'byung ba'i phyir ro/ /slob dpon la la ni pha rol tu phyin pa dang/ gsang sngags kyi spyod pa gnyis ka la brten nas lam so sor thob par 'dod do/ /slob dpon la la dag ni pha rol tu phyin pas ni nges par 'byung ba thob kyi mthar thug pa ni thob par mi 'dod de/ lung las kyang rigs kyi bu khyod kyis de bzhin gshegs pa rnams kyi de kho na nyid ma rtogs par dga' ba rnam pa sna tshogs pa spyad cing ji ltar na mngon par rdzogs par 'tshang rgya bar bya snyam zhes gsungs pa dang slob dpon la la dag gis kyang 'dis ni mthor thug mi thab ste zhes gsungs pa dang/ rdo rje 'dzin pa'i sa dge ba bcu gsum par yang gsungs pa yin zhe na gsungs pa/ mthar thug pa mi thob par bstan pa dang yang lung las/ theg pa gsum gyis nges 'byung la/ /theg pa gcig gi 'bras bur gnas zhes gsungs so/ /pha rol tu phyin pa'i theg pas ni sa bcu gsum pa bshad pa med do/ /rig pa ni rgyu'i khyad par las 'bras bu'i khyad par yod de/ ji srid du phyag rgya chen po don rang gi mtshan nyid nyams su ma myong bar dngos po rnams kyi de kho na nyid mi rtogs te /de'i phyir na yang mthar thug pa mi thob bo/ /pha rol tu phyin par ni rjes su dpag pas gtan la 'bebs par byed pas lta ba yang spyi tsam gtan la 'bebs/ sgom pa yang yid au li ka snyam du sems pa spyi'i sgom pa tsam ste/ de'i phyir mthar thug pa mi thob pa'o/ /de dag gi gzhung gis kyang thabs rten cing 'brel par 'byung ba'i nus pa'i mthu ni dgag par mi nus la mngon sum dang rjes su dpag par ni thun mong du mtshungs pas rgyu'i khams kyi khyad par ni de tsam mo/ /rigs pa mang du yod kyang 'dir ma spros so/ /gong gi phyi'i gnas rgyas par bshad pa 'dod nas /kye bcom ldan 'das gnas la sogs pa gang lags zhes bya ste/ rdo rje snying pos gsol pa zhes pa kha skong ngo/ /bcom ldan 'das kyis bka' stsal pa zhes pa la sogs yul sum cu rtsa gnyis la sogs pa go sla'o/ /yang dus bstan pa'i phyir cung zad go rims bzlog ste/ kye bcom ldan 'das nyi ma gang lag nas dris pa'o/ /bcom ldan 'das kyis bka' stsal pa zhes pa ni lan ston mkhan sdud pa 'os brjod pa'o/ /sems can gyi la sogs pa tshigs su bcad pa gcig gis ni zhal gyis bzhes pa ste/ kyang zhes pa ni nyin mo 'tshog cing 'jug pa'i dus so/ / mtshan mo la spyod pa'i dus kyang mtshon no/ /dus de nyid ni yi dags zla phyed de tshig rkang gnyis so/ /yi dags zla phyed ni mar ngo'o/ /bcu bzhi ni nyi shu dgu pa'o/ /brgyad pa ni nyi shu gsum mo/ /da ni spyod pa 'am tshogs kyi rdzas bstan pa'i phyir/ rgyal mtshan la sogs pa tshigs su bcad pa gnyis kyis bstan te/ de yang rdzas su bshad pa'i tshe ni zas su nye bar longs spyod pa ni gnyug ma dang sgrub pa'i rdzas de rgyal mtshan ni dpyangs te shi ba'o/ /mtshon bsnun pa ni dpa' bo gcig g.yul ngor shi ba'i sha'o/ /lan bdun pa ni skye ba bdun pa'i sha ste 'og nas de nyid brtag pa'i thabs 'chad do/ /bsgrubs pa ni yul dang bsam ba sbyor bas gnang ba ste/ de bsad pa'i sha ste bstag pa phyi mar 'chad do/ /lhan cig skyes pa grub pa de'i tshe rgyal mtshan ni khams dang bcas pa ste bya rog gi gdong can no/ /mtshon bsnun ni rin chen ze 'bru dang bya rog gi gdong phrad pa'o/ /lan bdun pa yang bza' bar bya zhes pa ni zla ba dang mi 'brel bar nyi ma yang longs spyod pa'o/ /'bad pas snying rje bskyed pa yis zhes pa ni bla ma la 'bad pa'i man ngag gis so/ /bsad par bya ba brjod pa nyid ces pa nyon mongs pa dang rtog pa'i tshogs bkag nas bde bar slong pa'o/ /snying rje med pas mi 'grub pas zhes pa ni man ngag dang mi ldan na'o/ /de phyir snying rje bskyed pa nyid ces pa ni man ngag nyid do/ /cho ga'i gtso bo ni las kyi phyag rgya lus 'khrul 'khor dang/ rtsa'i 'khrul 'khor dang rlung gi 'khrul 'khor te man ngag gi 'gegs pa ni des rtog pa 'gegs pa'o/ /rang lus ni rgyal mtshan gyi spyi go /mtshon bsnun ni lte ba nas 'od zer gyis bsregs pas lan bdun pa ni mtshon pa yang dang yang rtsa gnyis nas lam mtshon pa'o/ /'bad pa ni lus ngag gi'o/ /snying rje ni nang gi sgom pa'o/ /bsad pa ni rtog pa'o/ /snying rje med ni nang gi nyams med pa'o/ /gdug pa ni rtog pa'o/ /cho ga'i gtso bo ni gtum mo spar ba'o/ /dbyer med phyag rgya chen po ni brten pa chos nas 'jug pa'i rgyal mtshan ni snang ba'o mtshon bsnun ni shes rab kyis bdag med pa'o/ /lan bdun pa ni yang snang ba stong pa dbyer med yang dang yang du bsgom par rang gi rtsol bas so/ /snying rje ni thabs te sems can la bskyed pa'o/ /gdug pa gzhug ni dngos po zhan par snang ba'o/ /cho ga'i gtso bo ni man ngag gi stobs kyi dngos po'i chos la brten nas rang la chos nyid 'char pa'o/ /rten dang po nang nas 'jug pa ni/ rgyal mtshan ni shes rab lha mo bla na med pa gnyug ma'i dbang po'o/ /mtshon bsnun ni ye shes rang 'bar ba ste des bskyed pa'i ye shes kyis dngos po mtshan ma 'joms pa ste / gnyis po dag ni rnam spyad na/ /gnyis med ye shes rang 'bar 'gyur zhes pa'o/ /lan bdun pa dbang po rang snang ngo/ /thams cad dgug pa gzhug pa ni yid kyi rgyu ba kun no/ /cho ga'i gtso bo ni phyag rgya chen po'o/ /dgag par bya ba ni yid dad ba'i thabs so/ /glegs bam la lar bsgrub par bya zhes pa ni gnyug ma'i dbang po dang ba'i thabs so/ /de ni yongs su rdzogs pa'i rim pa spyi don du shes par bya ba'i phyir ro/ /de la 'di ltar lta ba nyid ces pa ni tshig rkang gnyis kyi lta ba ston par khas len pa'o/ /nyin mo bcom ldan rdo rje can zhes bya ba ni chos kun tu snang ba bde ba chen po ni rdo rje sems dpa' lta'o/ /mtshan mo shes rab brtag par bya zhes ba ni chos kun stong par bdag med pa'o/ /nyin mos mtshan mo mtshon te/ de'i mtshams zhes pa ni snang ba dang stong par dbyer med pa skye ba'o/ /yang nyin mo yis 'char ba ste dga' ba dang mchog dga' o/ /mtshan mo ste dga' bral gyis mtshon nas mtshams su lhan cig skyes pa skye zhes bya'o/ /da ni spyod pa bstan pa'i phyir mi bya cung zad yod ma yin zhes pa ni bdag med pas na'o/ /rtag tu mi bza' yod ma yin zhes pa bza' ba ni spyod pa ste/ dga' ba de'i rnam pa yin pas so/ /'di la mi bsam yod ma yin zhes pa ni lhan cig skyes pa la sogs na med pa'i phyir ro/ /bzang ngan mi smra gang yang med ces pa ni don gyis stong zhing brdzun pa'i phyir ro/ /ji ltar bdag nyid ni rang spyod pa'i nyams so/ /de ltar gzhan ni yul rang shugs kyis bkag pa'i phyir bya rog stings can lta bu'o/ /de bzhin gzhan ni ci zhes dris pa dang/ mchog gi nyid de lhan cig skyes pa'i ro'o/ /de yang gzhan shes pas bsgyur na nga dang gzhan gnyis ka yang bdag dang 'dra ba de bzhin no/ /de ni spyod pa'i phan yon sngags dang phyag rgya bstan ba'i phyir tshigs su bcad pa phyed dang gnyis te go sla'o/ /da ni bsgom pa bstan pa'i phyir sh+rI ni gnyis med la sogs pa tshigs su bcad pa gcig ste/ lhan cig skyes pa'i ye shes rnam par thar pa'i sgo gsum dang ldan pa ste/ he ni rgyu sogs stong pa nyid kyi sgo'o/ /ru ni tshogs su bcad pa nyid mtshan ma med pa'i sgo'o/ /ka ni gang du mi gnas pa smon pa med pa'i sgo'o/ bde ba dang stong pa dbyer med par bsgom zhes bya ba'i don to/ /da ni 'bras bu bstan pa'i phyir rdo rje thod pa'i sbyor ba yis zhes pa ni dgyes pa'i rdo rje dang bdag med ma'i rnal 'byor ro/ /skye bo gang dang gang rnams kyis zhes pa ni sems can gang yang rung ba ste/ dug lnga go ku da ha na la sogs so/ /mkhas pas sha ni bza' bar bya ba ni sbyang ba dang sbar ba rtogs ba la mkhas pa'o/ /sems can de dbang du 'gyur zhes pa ni gang 'dod pa dbang du gyur pa dngos gyi yon tan no/ /bskyed pa'i rim pa ltar bshad ba'o/ /yang rdo rje ni thabs kyi gsang ba'i gnas so/ /thod pa ni las kyi phyag rgya'i gsang ba'i gnas so/ /sbyor ba ni snyoms 'jug go /skye bo ni pi ta ga dza na ste/ so so skyes pas zhes pa du ma'o/ /sha ni ba la ste stobs sam nus pa bden par brtags pa'o/ /mkhas pa ni bla ma'i man ngag la'o/ /bza' ba ni lhan cig skyes pa'i ro'o/ /sems can dbang du 'gyur ba ni sems rang rig pas chos kun dbang thob pa'o/ /de dag gzhan lus shes rab la brten pa'o/ /yang rdo rje ni skye gnas stong pa'i cha'o/ /thod pa ni spyi bo'o/ /sbyor ba ni 'og dang/ steng du thig le 'od zer gyi tshul du'o/ /so so skye bo ni rtsa rnams so/ /sha ni rtog par smin pa'o/ /mkhas pa ni? bzad pa dang gso ba'i man ngag la'o/ /bza' ba ni bde bar longs spyod pa'o/ /sems can de de ni yul la snang ba'i shes pa tha dad do/ /dbang du 'gyur ba ni de rnams bde bar 'du ba'o/ /de ni rang lus thabs la brten pa'o/ /rdo rje ni stong pa nyid do/ /sra zhing brtan la khong stong min/ /stong nyid rdo rje zhes brjod ces gsungs so/ /thod pa ni snang ba'o/ /snyoms 'jug ni dbyer med pa'o/ /skye bo gang dang gang rnams la snang ba sna tshogs pa'o/ /sha ni mkhas pas bza' bar bya ba ni gnyis su med par myong ba'o/ /sems can de de dbang du 'gyur ba ni/ snang ba thams cad der sbyor ba'o/ /de ni brten pa chos nas 'jug pa'o/ /yang na rdo rje ni shes rab lha mo bla na med pa'o/ /thod pa ni de bsten pa ste bde ba skyong ba dang ldan pa'o/ /sbyor ba ni bsten pa'i thabs 'dod pa'i yon tan la sogs pa'o/ /so so'i skye bo ni yid mdun na gnas pa'o/ /sha ni rtog pa dang brtags pa'o/ /mkhas pa ni gzung 'dzin gyi stong pa'i shes rab la'o/ /bza' ba ni bde ba la spyod pa'i thabs so/ /sems can de de ni dbang po rang snang gi man ngag go /dbang du 'gyur ba ni spyod lam dang bsre ba'i dag go /de ni gnyis med phyag rgya chen po la brten pa'o/ /le'u bdun pa'o// // de nas zhes pa rdzogs pa'i rim pa bstan nas/ de'i rjes la bskyed rim rdzogs rim gnyis ka'i le'u bstan par 'dod pa'o/ /rnal 'byor ma ni ? gnyis kyi dbang du rgyas pa'i bdag med ma la sogs pa'i 'o/ /'khor lo ni de dag 'du ba'i gnas te/ /gzhal yas khang dang brtsas lhan cig skyes par ro/ /'dir yang sgrub pa po nas tshogs bsags pa yan chad lha'i le'u dang 'dra ba las/ khyad par ni bdag med pa'i nga rgyal gyis thams cad byas la tshogs kyi zhing yang he ru ka phyag bcu drug pa la lnga mo brgyad kyis bskor ba la tshogs bsags par bya'o/ /bsrung ba mtshams kyi 'khor lo'i nang du nam mkha' i dbus b+ha ga zhes pa'i sdom rtsa ba'i tshig sbyar la/ nam mkha' la dbyibs med kyang khro ba dang chags pa can 'dus pa'i don du gru gsum du bstan pa dang/ skye gnas dang sgo bstun pa'i phyir gru gsum dkar po nang khong stong steng yang par bsgom mo/ /zur gsum na khams gsum 'am rnam par thar pa'i sgo gsum 'am lus ngag yid rnam par dag pa'o/ /kha dog dkar po nyon mongs pa'i skyon gyis ma gos pa'o/ /nang khong stong ni chos kyi dbyings stong ba nyid tshon no/ /steng yangs pa ni sa'i rim pa gong nas gong du yon tan 'phel bar mtshon pa'o/ /de ni phyi'i gzhi dang nang gi gzhi bstan nas rten gzhal yas khang bstan pa ni 'khor lo sa dad la sogs gsungs so/ /spyir gzhal yas khang sgrub lugs gnyis te /'byung ba rim rtsogs ni lha'i rgyal po'i khang bzangs sgrub lugs dang/ 'byung ba yongs bsgyur mi'i rgyal po'i khang bzangs sgrub pa'i lugs so/ /'dir ni mi'i rgyal po'i khang bzangs sgrub pa'i lugs so/ /de gnyis go rims nges pa yang bstan to/ /'di yang rgyud du bstan pa'i phyir/ sa'i 'khor lo bzhin du chu la sogs pa yang mtshon te shes par bya'o/ /sngon 'gro ni 'dod khams su khang bzangs la sogs par chos mthun par chu'i sngon du sa te/ gzhan dag la yang de bzhin no/ /ji ltar rigs pa me la bstan kyang de bzhin dus ni lam las byung ba ser po gru bzhi pa rdo rjes mtshan pa'o/ /chu ni bam las gyur pas dkar po zlum po bum pas mtshan pa ste/ lha ni rlung la bshad kyang snga ma bzhin te sangs rgyas spyan la sogs pa'o/ /gzhi 'byung pa nam mkha' rkyen gyis 'byung ba bzhi bstan nas rnam par shes pa'i khams rgyur bstan pa'i phyir ji ltar ni gzhi dang rkyen de ltar yin na/ rgyu ji ltar zhes dris pa'o/ /sgom pa po ni tshogs gnyis kyis sbyangs pa'i rnal 'byor pa'i sems so/ /'byung ba ni bar dor 'jug pa'i rang bzhin te khyab pa'o/ /de ni bzhin nam mkha' bstan pa'i phyir zor yang du bstan pa 'dod nas thog ma dang tha mar sbyar te/ chos 'byung las skyes zhes pa chos 'byung ni nam mkha' ste/ 'dzam bu'i gling dang skye gnas dang mthun pa'o/ /las skyes ni lnga pa yin yang bdun par sbyar de de la gnas so/ /yang skye gnas su bya ba'i tshe na lnga pa'i don nyid do/ /'khor lo nyid ni bskyed pa'i khang pa nyid de/ /'phar ma gnyis dag ni rim pa ste khyad par gyi mtshan nyid do/ /skyon med pa ni gru bzhi ba la sogs pa ste spyi'i mtshan nyid bstan pa'o/ /de ni bshad pa'i phyir ze 'bru las ni gcig 'gyur te zhes pa ni lte ba nas ze 'bru dang bcas pa ni pad+ma'i nang gi gan to li ste gtsang khang ni nang gi 'phar ma'o/ /gru gsum gyi ni phyi nas brjod ces pa ni gru gsum nas tshur mtshon pa'i rtsig pa ste bskor ba'i lha'i snam bus so/ /gnas kyi khyad par ni tshig rkang gnyis te gdan ro dang nyi ma'i gdan bco lnga'o/ /da ni brten pa lha'i rnal 'byor bstan pa'i phyir/ de'i steng du zla ba yin zhes pa ni ye shes kyi tshogs bsags pa'i sems snang ba'o/ /zla ba'i steng du sa bon nyid ces pa ni sgom pa po'i sems nyid do/ /phyi nas bdud las rgyal bas mnan zhes pa ni bsod nams kyi tshogs kyi'o/ /de dag gcig ni rgyu sa bon hUM yig gnyis kyi rkyen gyi nyi zla yin no/ /de gnyis 'dus pa la de'i phyir 'bras bu bde ba chen po ste rgyu'i rdo rje 'chang gi rang bzhin bdag med pa'o/ gnyis ni rkyen gnyis so/ /'dus pa ni rgyu sa bon bskul ba'o/ /de dag ni gtso mo bskyed pa mdor bstan pa'o/ /da ni 'khor bstan pa'i phyir tshigs su bcad pa gcig ste 'khor rnams kyang mngon par byang chub pa rnam pa lnga yis rkang mthon du bskyed par bya'o/ /spyir 'khor bskyed lugs la gnyis te byang chub sems kyi cha las bskyed pa dang/ byang chub sems kyi snang ba'i tshul du bskyed pa'o/ /'o na gtso mo dang 'khor du mi 'ong ngo zhe na rnam par dag pa btsan par byas pa'i phyir gtso bo 'khor du bstan te/ 'og nas/ rnam shes phung po'i rang bzhin gyis/ /des na bdag med ma dbus skyes/ zhes gsungs pas rnam par shes pa gtso bo yin no/ /de ni gtso mo rgyas par bstan pa'i phyir/ zla ba me long la sogs pa gsungs te/ tshigs su bcad pa gnyis te dbus ma'i steng du gtso bo mngon par byang chub pa rnam pa lngas bskyed de/ zla ba me long ye shes ldan zhes pa ni A li bcu drug gnyis 'gyur las byung ba'i zla ba ni me long lta bu'i ye shes las mngon par byang chub pa'o/ /bdun gyi bdun pa mnyam nyid ni kA li yi ge sum cu rtsa bzhi'i steng du d+ha ha ya ra la wa bsnan pas bzhi bcu tham pa nyis 'gyur las byung ba ni mnyam pa nyid kyi ye shes las mngon par byang chub pa ste/ gsang sngags las nyi ma la rta bdun pa'o/ zhes grags so/ /rang lha'i sa bon phyag mtshan ni/ so sor rtog par brjod par bya ba ni zla ba nyi ma gnyis kyi par du sa bon hUM chu de de zhu nas/ zla nyi'i steng du mtshan ma rdo rje hUM gis mtshan pa ni so sor rtog pa'i ye shes las mngon par byang chub pa'o/ /thams cad gcig gyur nan tan ni/ hUM las lha mo'i rnam par spros bsdus nas sa bon dang mtshan ma dang nyi ma dang zla ba zhu ba ni bya ba nan tan gyi ye shes las mngon par byang chub pa'o/ /rdzogs pa chos dbyings dag ba ste ni rgyu'i rdo rje 'chang sku mdog dkar po zhal gcig phyag gnyis pa'i rnam par bskyed pa ni chos kyi dbyings kyi ye shes las mngon par byang chub ba'o/ /de rnams la rgyu dang rkyen dang rnam pa dang ngo bo dang 'bras bu rnams ci rigs par sbyar ro/ /mkhas pas cho ga gsungs pa yis/ rnam pa lnga po bsgom pa nyid ces pa ni sngar gyi mjug sdud do/ /skabs kha cig tu he ru ka rnams la sbyar zhes gsungs so/ /da ni gzhan sel ba bstan pa'i phyir/ A li kA li la sogs pa gsungs te/ A li kA li ni sngar gyi rkyen gnyis so/ /mnyam sbyor ba ni rgyu sa bon bskul ba'o/ /rdo rje sems ni 'bras bu bde ba chen po'i rgyu'i rdo rje 'chang bdag med ma'i rang bzhin du bstan pa'o/ /gdan zhes pa ni rkyen ji ltar bya zhe na/ la la dag ma rdzogs pa'i rdo rje sems dpa' 'dod de/ rdo rje ni mtshan ma'i sems dpa' ni sa bon te gang na ni nyi ma dang zla ba'o/ /kha cig ni zla ba nyi ma cha phrugs gnyis su bya ste/ cha gcig zhu nas rdo rje sems dpar gyur/ cha gcig rdo rje sems dpa' i gdan gyi sbyor ba byas pa la 'dod do/ /kha cig ni gtags bstan pa yin te/ rdo rje 'chang pa bskyed pa'i dus su/ nyi zla gnyis kyis gdan gyi sbyor ba byas pas/ rdo rje sems dpa' rdzogs pa la yang 'bras bu la yang rgyu'i ming btags te/ gdan can zhes bstan te dper na nas rgyu'i dus na rkyen lung mang po dang ldan par byas pa la 'bras bu smin pa'i du su 'di lung chen po dang ldan pa'o zhes zer ba lta bu'o/ /gzhung snga ma gnyis po ni mdzes pa ma yin no/ /phyi ma 'dod pa'o/ /yi ge las byung zhes pa ni bskul ba'i rgyu nyid do/ /gong bu ni pa ste 'dus pa 'bras bu'i tshul rdo rje sems dpa' i gzugs so/ /hUM phaT yi ge 'dod mi bya zhes pa ni rgyu'i rdo rje 'chang rjes su 'chags pa'i zhu ba las mi bskyod pa'o/ /sems dpa' i gzugs brnyan las byung ba zhes pa ni rgyu'i rdo rje 'chang 'gyur ba'o/ /hUM hUM phaT phaT dag po yang mi 'dod pa'o/ /shing 'bras 'tshos pa lta bung rdo rje 'chang dkar po rdo rje bdag ma nag mo gcig tu gyur to/ /de nyid bshad pa dkyil 'khor bdag mo rnam par bsgom zhes pa ni 'bras bu'i he ru ka lta bur gyur pa'o/ /de'i mtshan nyid ci 'dra snyam pa la/ phyag mtshan zhal sogs gong ma bzhin zhes pa ni rdo rje lu gu rgyud ma dang phag mo lta bu'o/ zla ba chu shel nor bu'i 'od ces pa ni slob dpon dag gis gzhan dag du mar bshad kyis kyang/ 'dir ni bdag med ma'i rang bzhin gyi dpe ston te/ de yang shes rab kyi dpe ni zla ba dang chu shel ltar dang zhing gsal ba'o/ /thabs kyi dpe ni 'od zer lta bu snang ba'o/ /de dag gi don ni thabs shes rab rang bzhin te/ de yang bdag med ma'i rang bzhin ni shes rab yin la/ thabs ni gnas skabs te/ rang bzhin nam tha mal lo/ /de'i phyir gong gi dpe bstan pa'o/ /da ni 'khor rgyas par bstan pa'i phyir 'di ltar thams cad rdzogs ba nyid ces bya ba ni bstan pa'o/ /de ni bshad pa ste/ zla ba nyi ma'i rab dbye bas zhes pa ni rkyen gnyis so/ /A li shes rab kA li thabs/ zhes pa ni rkyen gyi rang bzhin no/ /yi ge dbye ba so so yin zhes pa ni sa bon no/ /zla ba dang nyi ma dang sa bon so so las mtshan ma gri gug/ lte ba la sa bon gyis mtshan pa de las spros pa dang bsdus nas gcig tu zhu ba dang/ de nas so so'i skur bskyed pa mngon par byang chub pa lnga snga ma bzhin sbyar ro/ /dkar mo la sogs pa rdo rje rnal 'byor ma sngon du yod kyang/ dkar mo sngon las smos pa ni tshor ba'i phung po gtso bo 'am phyi'i dkar mo dang gnyis su bzung ba'i don du smos pa'o/ /'bras bu'i lha rnams so sor grub pa'o/ /re zhig nang gi rim pa la sogs pa'i tshigs su bcad pa bzhi dang yang tshigs su bcad pa bzhi dang gnyis dang rkang pa gnyis dang tshigs su ma cad pa gnyis kyi ni bskyed ba lha rnams kyi gnas dang cha byad dang de kho na nyid dang yon tan dang yon tan dang rnam par dag pas bshad pa ste go sla'o/ /skyed rim ni zhen pa spang ba'i phyir rdzogs rim la 'jug pa'i yan lag drug gi rnal 'byor bstan pa ste/ 'dis ni 'khor lo rnams bsgoms nas/ dngos grub myur du thob par 'gyur zhes pa ni sems dangye shes kyi 'khor lo dgug pa dang sku gsung thugs dang skye mched byin gyis brlab pa dang/ dbang bskur ba dang mchod pa dang bstod pa dang bdud rtsi myang ba ste/ rigs pa'i rnal 'byor bstan pa ste/ de la sems gzung ba ni grangs la bslab pa dang/ de la sems gzung ba ni dbyings la bslab pa dang/ kha dog la bslab pa dang/ phyag mtshan dang rgyan dang cha lugs kyi bar du sems gzung ngo/ /phra mo la bslab pa ni dang po nag por rab tu bsgom zhes pa la sogs pa ni snying gar hUM nag po cig /dmar po ni mgrin par aoM do/ /ser po ni dpral bar dzriM ngo/ /ljang khu ni lte bar khaM ngo/ /sngon mo ni nam tshongs su hUM ngo/ /dkar po ni spyi bor bum ngo/ /de rnams ni de bzhin gshegs pa drug gi ngo bo yang rdzogs pa'i rim pa la 'jug pa'i yan lag tu dkyil 'khor gyi kha dog rim pa drug tu yang bsgom ste rags pa lha'i zhen pa spong ngo/ /rang bzhin de bzhin gshegs pa drug tu rgyas gdab pa'o/ /dga' bral mthar yang de bzhin no zhes pa ni zab pa'i rnal 'byor bstan pa ste 'og nas rgyas par 'chad do/ /da ni rdzogs pa'i rim pa bshad pa'i phyir tshigs su bcad pa gcig dang tshig rkang gcig dang shugs kyis bstan pa gcig gis ni sdud par byed pa'i mtshams sbyor ba na gang zhig cho ga'i yan lag gis lha bsgom pa ni bskyed pa'i rim pa'o/ /ye shes sngon du skye ba'i thabs ni rdzogs pa'i rim pa'o/ /yang na rdzogs pa'i rim pa'i rten du gyur pa dang bskyed pa'i rim pa byin gyis rlob pas kyang mtshon te/ bskyed pa dang bskyed pa'i rim pa rdzogs pa dang rdzogs pa'i rim pa ni mos pa'i rnal 'byor nas mngon par byang chub pa'i bar du rim pa kha dog dang dbyibs kyi rnam pa ni bskyed pa'o/ /las kyi phyag rgya nas phyag rgya chen po'i bar du rdzogs pa'i rim pa'o/ / /ye shes dngos su shar ba ni rdzogs pa'o/ /de dag ni de kho na nyid ni sgyu ma rnam dag dang bzhin rnam dag go /de ltar bskyed pa'i rim pa bstan nas/ da ni rdzogs pa'i rim pa bshad pa ni nam mkha' i khams ni la sogs pa sngar gyi sdom du bstan pa'i don go rims bzhin du bshad pa'i phyir lhan cig skyes pa'i don gnyis te/ shes par bya ba dbye ba'i sgo nas shes pa dang/ bskyed thabs kyi rim pa'i nyams su blangs pas shes pa'o/ /dbye ba la mtshon bya dang mtshon byed kyis dbye ba dang ngo bo nyid kyi sgo nas dbye ba dang/ rten gyi sgo nas dbye ba dang/ rnam par bzhag pa'i sgo nas dbye ba'o/ /dang po la drug ste/ mtshon byed don dam bde ba 'khor lo'i tshul du bde ba dang mngon sum ste gsang ba'i dbang por skyes pa'o/ /kun rdzob der khu ba thig le tshogs pa gcig ba'i tshul du ste/ gzugs dang ro lta bur bu ram dpe ltar skyes pa'o/ /mtshon byed ni rang rig pa des don rang gi mtshan nyid la 'jug ste dper na sprin gyi zla ba khebs pa de'i mthong nas snang ba ltar rgyud nas phyag rgya chen po las shes par byed do/ /mtshon bya'i dbang du byas pa kun rdzob lta ste/ khu ba lus la 'byung ba gnas pa dang don dam de'i bde ba dmyal ba yan chad? la yod pa'i byang chub sems de don dam lhan cig skyes pa'o/ /dbyer med sems rang rig pa bde ba la mi rtog pa ste de ltar drug go/ de nyid mtshan nyid kyi dbye na gnyis te/ kun rdzob dang don dam mo/ /de la mtshon byed ril kun rdzob mtshon bya ril don dam mo/ /rten gyi sgo nas dbye ba la bzhi ste/ shes rab bud med la gnyis thabs skyes bu la yang gnyis te don dam dang kun rdzob gnyis te gzhi'o/ /rnam par bzhag pa la bzhi ste dga' ba bzhi la lhan skyes su byas te/ skad cig bzhi ni yangs pa'i tshul dang/ dga' ba bzhi thob pa'i tshul lo/ /skyed thabs ni slob dpon gyi man ngag gis dbang gsum pa bstan pas rtog pa/ gcod pa ste/ bde ba mngon sum du 'byung mi rtog pa rjes su dpag pa'i tshul du skye'o/ /nam mkha' i khams ni pad+ma la zhes pa ni shes rab kyi gsang ba'i gnas so/ /b+ha ga zhes pa yang ye shes brjod ces pa ni thabs kyi gsang ba'i gnas so/ /snyoms 'jug ni aoM pad+ma ma hA su kha la sogs pas byin gyis brlab pa'i chos dang ldan pa'o/ /bde ba ni mtshon byed don dam lhan cig skyes pa'o/ /'khor lo ni gcod cing sbyong bas shes rab stong pa nyid zur la skye'o/ /sngon 'gro zhu ba 'am man ngag gi shugs kyis bstan pa ni mtshon byed kun rdzob lhan cig skyes pa'o/ /rigs pa ji bzhin rang rig ni mtshon byed dbyer med rang rig gsal ba'o/ /lha byang chub sems ni mtshon bya don dam lhan cig skyes pa'o/ /ji ltar 'byung ba zhu ba ni mtshon bya kun rdzob lhan cig skyes pa rnam pa gnyis ni gnyis med de mtshon bya lhan skyes so/ /de dag ni gzhan lus shes rab la brten pa'o/ /yang na nam mkha' i pad+ma ni lte ba'i pad+ma stong pa'o/ /b+ha ga'i ye shes ni ye shes kyi skal ba dang ldan pas b+ha ga ste/ /bde chen gyi gnas so/ /sgom pa snyoms 'jug ni 'og dang steng du 'od zer dang/ thig le'i tshul du rgyu ba'o/ /de'i bde ba ni 'khor lo bzhi'i lam nas so/ /sngon 'gro zhu ba ni rten sngon du 'gro ba ni zhu bas so/ /ji ltar rigs par rig ni brten pa'i chos bde ba rang rig tu nyams su myong ba'o/ /lha byang chub sems ni ma zhen par rnam par rol ba'o/ /zhu ba ni yang rten sngon du 'gro ba'o/ /lhan skyes rnam gnyis ni gnyis med do/ /de dag ni mtshon cha mtshon byed du lhan cig skyes pa yang snga ma ltar bshad do/ /de ni rang lus thabs la brten pa'o/ /brten pa chos nas 'jug pa'i phyag rgya chen po ni nam mkha' i khams ni pad+ma la shes rab kyis chos thams cad stong pa nyid du rtogs pa'o/ /b+ha ga ni thabs snang ba bsgom pa'o/ /de gnyis kyis 'khor lo de gcod cing sbyod bar byed do/ /de kho na byang chub kyi sems mos pa tsam du bsgom bsgom par bya'o/ /yang nam mkha' i khams ni pad+ma'i skud pa dang 'dra ba/ nang khong stong phyag rgya chen po'i rten no/ /b+ha ga ye shes ni der ye shes rang 'bar ba'o/ /sgom pa snyoms 'jug ni dbang po dang ba'i thabs so/ /de'i bde ba thabs so/ /'khor lo ni shes rab po/ sngon 'gro zhu ba ni de'i rten no/ /rigs pa rang rigs ni dbyer med do/ /byang chub sems ni mtshon bya shes rab bo/ /lha rnams ni thabs so/ /'byung ba zhu ba ni mtshon bya'i rten to/ /lhan cig skyes pa rnam pa gnyis ni mtshon bya dbyer med do/ /phyag rgya chen po la ji ltar mtshon bya mtshon byed du 'gyur zhe na/ bla ma'i man ngag gi stobs sam/ phyag rgya chen po dbang bskur gyis khu ba thig le kun rdzob/ bde ba don dam rang rig dbyer med/ mtshon bya ni rten dbang po khyad bar can mjal mtshon lta bu'i thig le ni kun rdzob/ zab pa med pa'i bde ba don dam/ rang rig mtshan nyid gsum dang ldan pa gsum dang bral ba dbyer med par byung gi ye shes so/ /bshad pa de rnams ni skabs 'dir lhan cig skyes pa gtan la dbab par yang 'gro'o/ /sgom par yang 'gro ste sngon du 'gro pa dang/ rtags rnams snga ma bzhin du sbyar ro/ /da ni dbye ba'i rnam par bzhag pa bstan pa'i phyir/ /tshigs su bcad pa gnyis te go sla'o/ /de nyid phyir na zhes pa ni lhan cig skyes pa'i dbye ba'i phyir/ dga' ba bzhi'i rab dbye ba zhes pa ni dga' ba la yang bzhir dbye ba'o/ /de ci'i phyir zhe na/ rdzogs pa'i rim pa'i phyogs las zhes pa ni de'i dbang du byed pa'i phyir ro/ /de lhan cig skyes pa rnam pa bzhi zhes pa ni/ lhan cig skyes pa dang dga' ba de sbyar ba'o/ /de dag ji ltar zhe na dga' ba las ni dang po'o/ /dpa' bo nyid ni skyes bu thabs kyi lhan skyes so/ /mchog tu dga' ba gnyis pa'o/ /rnal 'byor ma'i btsun mo shes rab kyi lhan skyes so/ /shin tu bde dga' ni dga' bral gyi gsum pa'o/ /thams cad ni nges ni kun rdzob lhan skyes mtshon byed lhan skyes so/ /de bde thabs las ni dga' bas lhan skyes te bzhi pa'o/ /thams cad rig ni don dam pa 'am mtshon bya lhan cig skyes pa'o/ /da ni lhan cig skyes pa'i bsgom bya'i rim pa rgyu dang rkyen dang 'bras bu'i gnas skabs kyis bstan pa'i phyir/ dga' ba bde ba cung zad de zhes bya ba ni bde ba rang gi mtshan nyid ma yin pa'i phyir ro/ /mchog dga' lhag ma ni shes pa rang rig gis mtshan nyid la sgro btags pa'o/ /dga' bral chags bral ni gnyug ma las nyams pa'i phyir ro/ /lhag ma ni yongs su lhag ma ste de gsum char gyi rnam pa'i mchog dang ldan pas so yang dang po reg par 'dod pa ni rten shes rab ma ste gnyug ma yul du byas pas so/ /gnyis pa bde ba 'dod pa ni yid kyi yul la tshim pa med pa'i phyir ro/ /'dod chags 'jigs pa yang gnyug ma las nyams pa'o/ /bzhi pa bsgom pa ni dga' ba gsum gyis rnam par lhan cig skyes pa'i ror byas pa'i phyir ro/ /rang gi rgyu dang gzhan gyi rkyen gyi 'bras bu skyon dang yon tan cir 'gyur zhe na/ mchog dga' srid pa zhes pa ni zhen cing chags pa'o/ /dga' bral mya ngan ni nyan thos lta bu'o/ /dbu ma dga' ba ni btang snyoms kyi 'bras bu'o/ /lhan cig skyes pa 'di dag spangs pa ni mi gnas pa'i mya ngan las 'das pa thob pa'i phyir ro/ /'o na lhan cig skyes pa ci zhe na/ 'dod chags med cing gnyug ma'i mtshan nyid grub pa ste/ mchog dga' ni rnam par mi rtog pa'o/ /chags bral med pa ni rang gi mtshan nyid las mnyams pa ste/ dga' bral du mi rtag pa'o/ /dbus mar mi dmigs pa ni bde ba btang snyoms su mi gnas pa ste/ dga' bral mi rtog pa'o/ /de dag ni rang gi rgya'o/ /'di la ni lhan skyes so/ /thabs ni skyes bu'i byed pa mchog dga' o/ /shes rab ni btsun mo'i bya ba dga' bral lo/ /de gnyis ka'i dga' ba ste dag 'bral lo/ /yang dag de nyid snang ba ni 'bras bu 'khor ba dang zhi ba dbyer med pa'i mi gnas pa'i mya ngan las 'das pa'o/ /'o na lhan cig skyes pa de rgyud la ji ltar skye zhe na/ bden te ro mnyam pa 'am lta ba'i ro mnyam pa ste/ shugs las ro mnyam bsgoms pas bde ba mngon sum du skye ste/ gzhan gyis brjod min zhes pa lung dang bla mas so/ /gang du mi rnyed pa ni chos gang la mi gnas pa'o/ /'on kyang bla ma'i dus thabs bsten pas te phyag rgya chen po'i man ngag las so/ /bdag gi bsod nams zhes pa ni rang gi nang nas snang ba'i byin gyis brlabs pa'o/ /da ni dbang po rang snang gi man ngag bstan pa'i phyir/ dman dang 'bring la sogs pa tshigs su bcad pa gcig gis bstan pa dang/ tshigs su bcad pa gsum gyis bshad pa ste/ dman pa ngan pa 'am phra ba yang na rags pa dang phra ba 'bring ngo mchog ni bzang ba 'am rigs pa/ 'bring ni gnyis ka ma yin pa'o/ /yang bltos nas gsum du bshad do/ /sgra yang snyan pa dang mi snyan pa gnyis ka la brten pa'o/ /de bzhin du dri ro reg bya la yang sbyar ro de yang tshigs su bcad pa phye dang gnyis kyis ni lta ba bdag med par bshad la/ /yang tshigs su bcad pa gcig dang tshig rkang pa gcig gis ni sgom pa bde ba'i rnam pa bshad do/ /don 'di yis brjod par bya zhes pa ni de dag gis bsdus pa ste/ chos kun dbang po rang snang du byin gyis brlab pa'i tshe lta ba spyi'i mtshan nyid dang/ sgom pa rang gi mtshan nyid gyur pa'o/ /de ni che ba'i bdag nyid bstan pa'i phyir tshigs su bcad pa gnyis las gcig gi ni shes bya lhan cig skyes pa'i yon tan yin la/ yang gcig gis ni nyams su blangs pa'i yon tan no/ /da ni spyod lam dang bsre ba'i man ngag bstan pa'i phyir/ tshigs su bcad pa gcig ste/ de yang go rim cung zad dkrugs nas phyag rgya chen po mngon 'dod pa ni sngar bzhin du man ngag shes pas so/ /bza' btung ni lhan cig skyes pa'i ro'o/ /khrus ni dbang du mos pa'o/ /sad pa ni thabs kyis so/ /nyal ba ni thabs kyi snyoms par 'jug pa'o/ /des ni sngon du 'gro ba ni rdzogs rim lhag par mos pa rgyun mi 'chad pa'o/ /da ni bsgom pa bstan pa'i phyir yid kyi mi bsgom pa ni spyod yul ma yin pa'i phyir ro/ /chu 'dzin nam mkha' dang 'dra ba yul med pa 'di yang ste de yang brid pa'i thabs kyis bya'o/ /de nas phyag rgya chen po bsgom ste/ yid dwangs pa tsam nam yin no/ /'gro ba thams cad bsgom pa ni lus can thams cad la phyag rgya chen po ldan so/ thams cad chos ni yongs shes ni der zag pa med par 'ba' zhig tu snang ba'i phyir ro/ /de bsdu ba'i phyir bsgom du med pa nyid ni rnam par rtog pa mdun na gnas pas so/ /sgom pa po ni ye shes chen po rgyab na gnas pa ste/ de dag ni bde ba chen po sgom pa'i thabs so/ /shes pa med par bstan pa'i phyir brtan g.yo'i dngos po ni kun gzhir gyur pa'o/ /rtsa lcug la sogs pa ni der gnas pa'i chos can de bde bar mtshon pa'o/ /bdag gi rang bzhin las ni lhan cig skyes pa'i bde ba'i rang bzhin no/ /dam pa de nyid zag pa med pa'i bde ba dang sbyar ro/ /des bsgom ni bla ma brgyud pa 'am nyams su myong ba gcig pa'o/ /de rnams ni sngar gyi chos can de rnams so/ /gcig nyid ni bde ba'i ros so/ /gzhan yod min ni sna tshogs med cing stong par byas ba'o/ /da ni dbyer med kyi 'bras bu bstan pa'i phyir tshig rkang gsum ste rang rig bde chen ni rang rig thabs bsdus pa'o/ /rang rig phyir na bsgom pa ni/ dbye med phyir de kho na bsgom pa'o/ /da ni lta ba mngon rtogs kyang bstan pa'i phyir/ rang gis rig pa ni gnyug ma'i rang bzhin no/ /'gyur ba ni tha mal gyi gnas skabs so/ /dman pa 'am brtags pa ni gnas skabs kyi mngon par zhen pa'o/ /las ni brtags pa ste dge ba dang mi dge ba'o/ /'phrog pa 'am sdud pa ni sdug bsngal lo/ /dbye ba ni bde ba'o/ /rang rig ni gnyug ma de nyid ni de'i gnas skabs kun tu 'gyur bas rgyal po dang gtso bo lta bu rgyu byed do/ /'o na rang rig pa gnyug ma'i chos de dang/ dman pa blo bur ba gnyis tha dad dam tha mi dad ce na/ 'gran thub pas ji ltar spang du btub/ tha mi dad na ni 'o na rnam par dag pa'i chos su 'gyur ram dri ma'i chos su 'gyur rnam par dag pa'i chos su 'gyur na ni 'bad pa med par grol bar 'gyur te ngo bo nyid kyis dag pa'i phyir ro/ /ma dag pa'i rang bzhin du 'gyur na ni 'bad ba 'bras bu med par 'gyur te/ ngo bo nyid ma dag pa'i phyir ro/ /dper na sol ba brdar kyang dkar po mi 'ong ba bzhin no/ /de skad du yang/ gal te rnam dag ngam gyur/ /'bad pas 'bras bu med par 'gyur/ /gal te nyon mongs de ma gyur/ /'bad pa med par grol bar 'gyur zhes zer ba la de ni de ltar mi blta ste/ rang bzhin rnam par dag pa dang/ dri ma blo bur gnyis gcig pa dang/ tha dad pa ma yin te/ de nyid dang gzhan du brjod du med pa yin pas snga ma'i skyon mi 'ong la/ rang bzhin rnam par dag pa yin pas 'bad pa don med par yang mi 'gyur/ de skad du yang rang bzhin nyid kyis rnam par dag /dri ma rnams ni blo bur pa/ gzhan yang/ chu khams gser dang nam mkha' bzhin/ dag pa gnyis pas dag par 'dod/ /ces gsungs so/ /'on kyang dri ma bla bur ba yin pas sna tshogs pa'i rtog pa mi 'jug la/ blo bur tsam spang ba'i thabs ni dgos te/ 'og nas bzhin lag kha dog gnas pa ni/ /bskyed pa tsam gyis rnam par gnas/ /'on kyang bag chags phal pas so/ /rang bzhin gyis ni mya ngan 'das zhes gsungs so/ /da ni gnyis med rang rig tu bstan nas bde ba chen po bstan pa'i phyir 'dod chags la sogs pa nyon mongs pa lnga'i bde ba ni mtshon byed lhan cig skyes pa las kyi phyag rgya la yod pa'o/ /de nas nyams dga' bzhi mtshon bya ste phyag rgya chen po la gnas pa'o/ /bcu drug cha ni zla ba bcu drug pa tshes gcig dang/ gnyis la sogs pas mi bskrun pa'am/ yang na nyon mongs pa dang bcas pa'i dga' ba bcu drug bsdus pa ni phyag rgya chen po'i lhan skyes te re re'i chas mi phod do/ /da ni rang rig mi rtog pa dang bcas pa ci zhe na/ de yang yid kyi rgyu ba nyon mongs dang bral ba ste/ de nyid kyi shugs kyis bstan to/ /da ni dbyer med de bshad pa'i phyir chos 'byung ni shes rab lha mo bla na med pa'o/ /ye shes skyes pa ni der ye shes rang 'bar ba'o/ /ji lta bu zhe na/ mkha' mnyam ste mi rtog pa'o/ /thabs ni bde ba'o/ /lhan cig skyes pa ni ro gcig pa'o/ /thabs dang shes rab rang bzhin no/ /ro gcig pa de las so/ /'jig rten gsum po ni khams gsum mam sku gsum mo/ /de las skyes ni lhan cig pa las so/ /de yang zhu ba ni rnam pa ni kun rdzob kun da lta bu'o bcom ldan ni he ru ka ste longs sku'o/ /bde ba ni don dam mo/ /gdod ma ni bdag med ma ste chos sku'o/ /de dag mjug bsdu ba'i phyir gcig dang du ma bral ba ni yid kyi rgyu ba nyon mongs pa'i bde ba dang bral ba ste mi rtog pa'o/ /skad gcig gcig ni skad cig dang bral ba'i mi 'gyur ba gcig pa ste/ phyag rgya chen po rang 'byung ba'o/ /mchog dga' ni 'ba' zhig tu dga' ba ste/ bde ba'o/ /rang rig pa ni sems so/ /ye shes 'di ni 'di nyid bde ba dang/ mi rtog pa dbyer med pa'i ye shes so/ /yang 'di zhes pa ni 'bras bu yang bstan pa'i phyir/ /ngag gi lam 'das ni rtog pa dang brjod pa'o/ /spyod yul ni gnyug ma'i dbang po'o/ /byin brlabs rim pa ni rang byin gyis brlabs pa'i rim pa'o/ /kun mkhyen ye shes ni sa bcu gsum dang mtshungs pa'o/ /de yang sangs rgyas dang mnyam nas sogs pas mi gnod dam zhe na/ yis brtag pa/ mi gnod par bstan pa'i phyir/ sa dang chu dang me dang rlung dang nam mkha' brtags pa smin pa'o/ /rang bzhin rig pa'i tshor ba 'am dbye ba mi rtog pa'o/ /kun ni rtog pas rtags pa kun no/ /skad cig ni ye shes nyid do/ /mi gnod pa 'am mi 'chid ba des mi gdon pas sangs rgyas dang 'dra'o/ /yang sprul zhing bsgyur ba nus sam zhe na/ mtho ris mi yul rkang 'og tu zhes bya ba ni sa bla sa 'og sa steng gsum mo/ /skad cig ni 'dod na de ma thag go /gzugs gcig gam ni gang yang rung bar ro/ /'gyur ba ni sprul zhing bsgyur ba'o/ de dag gis ni brtags pas mi gnod shing sprul par bstan nas/ nga ni rtog pas yang mi gdon pa ston te/ rang gzhan cha'i rnam rtog gis gzung 'dzin nam rang gzhan gyi rnam par rtog pa'o/ /mi gnod pa 'am mi 'ching ba ni ma skyes pa'i phyir bcu gsum pa dang mtshungs so/ /de ni lam gnyis gsang ba thun mong ma yin par bstan pa'i phyir/ thams cad rig byed ni bram ze la sogs pa'i 'jig rten pa'o/ /grub mdza' ni nyan thos dang rang sangs rgyas dang pha rol phyin pa'o/ /las rgyas la sogs pas ni bya ba dang spyod pa dang rnal 'byor gyi rgyud do/ /dag pa'i dngos grub mi grub pa ni de dag la phyag rgya chen po'i dngos grub mi skye bas so/ /rang rang gi 'bras bu'i dngos grub yod do zhe na/ phyag rgya chen po bskyed rim nyung lnga de la brten nas/ gnyug ma'i dbang por ma skyes bar du yid kyis brtags pa'i 'bras bu thob kyang yang ni srid par skye bar 'gyur ro/ /de'i phyir 'jig rten 'di'i tshe 'di'o/ /pha rol ni skye ba gzhan du'o/ /de med pas ni lam gnyis so/ /dngos grub med ni thabs dang shes rab dbyer med do/ /da ni rnal 'byor bla ma'i rgyud dag las kyang bla na med pa'i rgyud khyad par du bstan pa'i phyir/ gang gis mi shes pa ni bla ma'i rgyud shes pas kyang ngo/ /kye'i rdo rje ni lhan skyes ston pa'i rgyud do/ /de ni de rnams so/ /ngal ba ni bla ma'i rgyud shes pa'o/ /don med ni rnal 'byor rgyud la sogs pa gzhan dag go /yang ral ba ni pha rol tu phyin pa dang grub mdza' rnams so/ /don med pa ni mu stegs pa'o/ /mi shes pa ni bya ba'i rgyud nas bla ma'i rgyud man chad do/ /'on kyang bla ma'i rgyud las kyang ji ltar khyad par du 'gyur zhe na de dag gis ni don dam pa byang chub sems kyi che ba'i bdag nyid ston la/ 'dir ni bskyed pa'i rim pa nyung ldan chags pa dang ma rungs pa rjes su bzung ba dang/ tshar bcad ba la brten nas phyag rgya chen po'i man ngag lhan cig skyes pa dang 'bar ba'i thabs nye ba'i phyir ro/ /de'i phyir chu bo rgyun ni mnyam par bzhag pa dang/ mnyam par bzhag pa las langs pa'i rnal 'byor rgyun mi 'chad pa'o/ /mar me 'bar ba ni lha'i rnam pa dang nga rgyal lo/ /rtag tu ni rgyun du'o/ /'di nyid ni he ru ka 'am bdag med ma'o/ /rnal 'byor ni snyoms par 'jug pa dang ldan pa'o/ /nyin dang mtshan du bzhag pa ni de dag tu gdams pa ste/ nyin mtshan gcig la bsgom pa thun bzhir mi sgom pa thun bzhir mnyam bzhag dang spyod lam du shes par bya'o/ /yang chu'i rgyun ni zla ba byang chub sems so/ /mar me 'bar bas ni snyoms par 'jug pas 'dod chags chen po'i me'o/ /rtag tu de nyid ni zhu ba sngon du song ba'i don dam lhan cig skyes pa'o/ /rnal 'byor ni tha mal gyi rnam par rtog pa bsgyur nas thabs dang shes rab kyi lhar gso ba'o/ /nyin mo 'char ba ste dga' ba dang mchog dga' o/ /mtshan mo ni nub pa ste dga' bral gyi dga' ba'o/ /rnam par bzhag pa ni lhan cig skyes pa'i rang bzhin du'o/ /de yang dang po chu tshod dang thun phyed dang thun cig dang nyi ma phyed dang mtshan mo dang je che je che la bslab bo/ /yang chu bo'i rgyun ni haM las rdo rje 'dzin pa gso ba'o/ /mar me 'bar ba ni de bzhin gshegs pa gsang ba ste gtum mo spar ba'o/ /rtag tu de nyid ni de gnyis rgyun mi 'chad pa'o/ /rnal 'byor ni sbyor ba ste nyin mtshan ni steng 'og gi g.yas g.yon no/ /rnam par bzhag pa ni steng 'og thig le bzhag pa 'am/ g.yas g.yon a ba d+hA tI ro de ni rang lus thabs dang ldan pa'o/ /yang chu bo'i rgyun ni snang ba'o/ /mar me'i rtse mo ni stong pa shes rab po/ /rtag tu de nyid rnal 'byor ni snang ba stong pa dbyer med du bsgom pa'o/ /nyin dang mtshan mo brda yis mtshon pa ste/ nyin mo snang ba mtshan mo shes rab/ de gnyis kyi mtshams dbyer med bsgom pa'o/ /yang na chu bo'i rgyun ni phyag rgya chen po'o/ /rab 'bar ni kun rdzob lhan skyes so/ /mar me 'bar ba ni don dam lhan skyes te ye shes rang 'bar ba'o/ /rtag tu de nyid rnal 'byor ni dbang po rang snang ngo/ /nyin dang mtshan du ni spyod lam dang bsre ba'o/ /rnam par bzhag pa ni 'bras bu che ba khams gsum ro gcig tu 'byung ba'i bdag nyid do/ /de dag gi sngon du 'gro ba'i cho ga dang mjug gi rim pa ni snga ma bzhin du sbyar ro/ / //le'u brgyad pa'o/ /de nas zhes bya ba ni rim pa gnyis kyi don bstan pa'i rjes la'o/ /rnam par dag pa ni gnyis te rang bzhin rnam par dag pa dang/ sgyu ma yongs su dag pa'o/ /rang bzhin rnam par dag pa ni rnam par dag pa dang mchog tu rnam par dag pa ste/ /rnam par dag pa ni chos thams cad skye ba med par spros pa dang bral ba'o/ /mchog tu dag pa ni bde ba chen po'i thun mongs ma yin pa dag pa'o/ /sgyu ma yongs su dag pa ni chos thams cad rmi lam 'am sgyu ma lta bu'o/ /sgyu ma'i mchog tu yongs su dag pa ni lha'i rnal 'byor sgyu ma dang rmi lam la sogs par shes pa'o/ /de skad du yang gzugs kyi de bzhin nyid shes na chos thams cad kyis mdo dang rgyas pa shes par 'gyur ro/ /zhes gsungs ba dang/ gzugs khams shes bya stong pa ste zhes bya ba la sogs pa sngar gsungs pa dang mtshungs so/ /yang gzugs kyang rmi lam lta bu sgyu ma lta bu'o/ /mya ngan las 'das pa yang rmi lam lta bu sgyu ma lta bu'o/ /mya ngan las 'das pa las ches lhag pa'i chos shig yod na yang rmi lam lta bu sgyu ma lta bu'o/ /zhes gsungs so/ /gzhan yang seng ge zla ba'i grong khyer bzhin zhes bya ba la sogs pa rgya cher gsungs so/ /le'u bshad pa ni sdud par byed pas khas len pa'o/ /dngos po thams cad ni brtan g.yo bsdus pa'o/ /dag pa ni tha mal pa'i rang bzhin dang bral ba'o/ /de bzhin nyid ni ma bcos pa ste rang bzhin rnam dag gi bstan pa'o/ /phyi nas zhes bya ba ni le'u brgyad par ni bskyed pa'i sngon du bstan la/ 'dir ni de las bzlog pa bstan to/ /de ci'i phyir zhe na/ der ni rtan dang brtan pa'i dbang du byas te/ rten sngon du 'gro ba'i phyir ro/ /'dir ni de kho na nyid kyi dbang du byas te/ rang bzhin rnam par dag pa'i khyab pa'i phyir ro/ /re re'i dbye ba ni chos re re la yod pa'i lha'o/ /lha rnams kyi brjod pa ni rten dri za'i grong khyer dang/ brten pa rmi lam lta bu dang/ longs spyod sgyu ma lta bu ste/ sgyu ma rnam dag tu bstan pa'o/ /'di rnams phyogs gcig tu bstan pa rgyud zor yang ba'i dgos pa dang/ bdag med ma dang he ru ka gnyis khyad par med par bstan pa'i don to/ /da ni rang bzhin rnam par bshad pa'i gang la dag pa'i tshig rkang gnyis kyis bstan pa ste go sla'o/ /gang ltar dag pa ni gzugs la sogs pa'i tshig rkang gnyis dang rang bzhin gyi dag pa'i tshig rkang gcig ste go sla'o/ /gang dag pa ni nyon mongs shes bya'i sgrib pa'o/ /gang gis dag pa ni dag byed gzhan la mi bltos pa'o/ /de ci'i phyir zhe na/ dag pa gzhan gyis rnam grol min zhes pa ni dam bca' pa'o?/ /yul rnams dag pa'i rang bzhin ni de bsgrub par byed pa'o/ /rang rig bde mchog ni sgrub pa'i khyad par ro/ /gzung ba med pa'i phyir 'dzin pa med do/ /de ltar med pas rang bzhin bde ba mchog go /yang 'dir kha cig dag pa dag par byed ces rtog pa la de yang le'u brgyad pa'i skabs su bshad pa ltar shes par bya'o/ /de ni sdud par byed pas 'gro ba sangs rgyas kyi bdag nyid rang bzhin gyis dag pa la the tshom gyi dri ba dang lan tshigs su bcad pa phye dang bzhis ston te/ go sla'o/ /da ni nyams su blangs pa'i thabs bstan pa'i phyir/ dag pa zhes pa ni rang bzhin rnam dag gis so/ /dug med byas ni lta ba'i dpe ste bsgom pa la sogs pa'i dpe yang ji ltar me yis tshig pa la sogs te brtag pa phyi ma la'o/ /rten bya 'di ni dpe don te 'dod pa'i yon tan no/ /brten pa nyid ni phyag rgya chen po dang gar byed pa'i thabs su'o/ /da ni sgyu ma'i rnam dag bshad pa'i phyir/ gzugs la sogs pa'i phung po lnga ni go sla'o/ /'di dag rnam dag ni lha ru 'gyur ba tsam mo/ /'di nyid rnal 'byor ni sgyu ma dag pa'o/ /'grub 'gyur ni phyag rgya chen por ro/ /da ni gnas zhar la 'byung ba ste go sla'o/ /bskyed pa'i rim pa'i phyogs shes pa ni rang bzhin rnam dag tu thal du dogs pa'o/ /srid pa dang zhi ba ni reg dang chos kyi khams la mi rtog pa 'dir yang ngo/ /lha mo 'di gnyis sa spyod mkha' spyod do/ /gnas la ni rang bzhin 'gyur ba'o/ /yang gzugs dang sgra la sogs pa ni yul dag pa ste go sla'o/ /rtag tu 'di dag rnam dag ni lha ru 'gyur ba tsam mo/ /'di nyid rnal 'byor ni sgyu mar dag pa'o/ /'grub 'gyur 'dir yang phyag rgya chen po'i rten no/ /da ni zhar las byung ba ste de yang rang bzhin dang/ sgyu ma rnam dag gis rdzogs pa dang/ bskyed pa'i rim pa ston te phyag gi dag pa stong pa nyid ces pa ni stong pa bcu drug ste nang stong pa nyid la sogs pa chos thams cad stong pa nyid dang/ dngos po med pa'i ngo bo nyid ni spyir bsdus te/ bcu drug pa'o/ /bdud dag pa la zhabs rnams nyid ces pa ni lha'i bu'i bdud tshangs pa ser po/ /'chi bdag gi bdud de gshin rje nag po/ /nyon mongs pa'i bdud de/ chu bdag dkar po/ /phung po'i bdud de gnod sbyin sngon po/ /zhabs rnams ni sbyin pa dang snyan par smra ba dang/ don mthun pa dang don dpyod pa'o/ /rnam thar brgyad kyi zhal rnams nyid ces pa ni nang gzugs med pa la phyi rol gyi gzugs su blta ba ni dang po'o/ /phyi rol gyi gzugs med pa la nang gi gzugs su blta ba ni gnyis pa'o/ /bzang bar mos pa 'di ni gsum pa'o/ /nam mkha' yas skye mched dang/ rnam shes mdza' yas skye mched dang/ ci yang med pa'i skye mched dang yod min med min skyo mched dang snyoms par 'jug pa dang/ 'gog pa la snyoms par 'jug pa ste brgyad do/ /rdo rje gsum gyi dag pa'i spyan ni sku rdo rje gsung rdo rje thugs rdo rje'o/ /de dag ma yin lhag par mos pa ni dag pa'i rang bzhin rnam dag dang mthun pa ni de nyid dag pa yin/ sgyu ma rnam dag mthun pa ni sha dang khrag rus pa la sogs pa lhar mos pa'o/ /'o na de nyid dag pa ji lta bu zhe na/ de brtan pa'i phyir brtag pa phyi ma'i lha dag par bstan te go sla'o/ /yang rdo rje ma la sogs pa chos can dag pa nyon mongs pa lnga ste go sla'o/ /bskyed pa'i rim pa'i phyogs shes pa ni de'i lugs kyis so/ /zhe sdang la sogs pa sbyong ba ni bshad ma thag pa'o/ /'dis ni phung po sbyang ba ni rnam grangs gzhan du brtan pa sngar bzhin no/ /da ni mjug bsdu ba'i phyir gang dang gang gis bya ba ni phung po dang nyon mongs pa la sogs pa de nyid do/ /'jig rten ni rdzogs pa'i rim pa'i de kho na nyid mi shes pa'o/ /bcing ba ni 'khor ba'o/ /de dang des ni phung po la sogs pa de nyid do/ /grol ba ni rdzogs pa'i rim pa rtogs pa'o/ /de nyid mi shes ni rdzogs pa'i rim pa'o/ /'jig rten mi grol ba ni grub pa'i mdza' la ma zhugs pa'o/ /de nyid rnam spangs ni grub pa'i mdza' ngan pas bsgyur ba'o/ /dngos grub mi rnyed pa ni bskal pa du mas phyag rgya chen po'i dngos grub mi 'grub pa'o/ /de'i phyir de dag bzlog ste/ /dri med sgra med la sogs pa rdzogs pa'i rim pa'i de kho na nyid spros pa dang bral ba'o/ /tha mal pa dang grub mdza' ngan pas bsgyur ba med pa'o/ /thams cad rnam par dag pa ni rang bzhin rnam dag tu'o/ /rang bzhin dag pas grol ba grol bar shes so/ /yang dang dang gang gis zhes bya ba ni snga ma dang 'dra ba'o/ /de dang des ni bcing ba ni brtags pa'i dngos po'o/ /des ngan song du 'gro ba'o/ /'gro ba ni lha'i rnal 'byor du byas pa ste/ de nyid du mi shes 'jig rten ni snga ma bzhin no/ /mi grol ba ni lha'i rnal 'byor mi shes pa'o/ /de nyid rnam spangs ni pha rol tu phyin pa'i grub mdza' la sogs pa'o/ /dngos grub mi rnyed ni thun mong gi dngos grub rnams so/ /de'i phyir dri med ces bya ba la sogs pa sbyar te/ lha'i rnam par mos pa'o/ /thams cad rnam par dag ces pa ni sgyu ma yongs su dag pa ste/ de yongs su shes pas 'gro ba grol bar shes pa'o/ /le'u dgu pa'o// //de nas ni bdag don dag pa dang ldan pa'i rjes la/ gzhan don bstan pa'i phyir ji ltar dkyil 'khor zhes pa ni rdul mtshon no/ /rim pa zhes pa ni sa'i cha dbye ba la sogs pa'o/ /yang dag bshad ni sdud par byed pa khas len pa ste/ ma nor ba 'am gzhan don yin pa'i phyir ro/ /yang gang gis zhes pa ni ji lta ba bzhin te de kho na dris pa'o/ /slob ma ni dam tshig dang sdom pa ru ldan pa'o/ /dbang bskur ba ni brlan par byed cing 'khru ba ste zhing sa chus brlan pa lta bu'o/ /cho ga ni thabs kyi rim pa'o/ /rab tu bshad pa ni yang dag pa las bsnan pa ste sdud par byed pa khas len pa'o/ /de'i rim pa ci zhe na/ de dag gi go rim kyang bla ma la rag las par bya ba'i phyir dkrugs pa'o/ /de yang dang po gnas bstan pa'i phyir tshal ni nags sam skye shing gi ra ba'o/ /dben pa ni tshal de nyid la bya ba'i dgon pa'am pas mdza' o/ /yang na skye bo mi 'du ba gang yang rung ba'o/ /byang chub sems dpa' i khyim ni rnal 'byor pa 'am rgyal po la sogs pa snying rje dang ldan pa'o/ /yang gtsug lag khang ste po ti glegs bam gnas pa'o/ /de'i bdag po byang chub sems dpa' yin pa'i phyir/ dkyil 'khor khang pa ni sgrub pa'i gnas sam lha khang ngo/ /dkyil 'khor bzhengs pa ni bsnyen pa dang 'brel ba'i tshe maN+Dal bri ba dang/ dam tshig bsgom pa yin la/ sgrub pa 'phel ba'i tshe dkyil 'khor khang pa yang tshal la sogs pa dang ldan pa/ dkyil 'khor gyi dan du khang pa brtsigs pa dang dkyil 'khor mchog ni bri ba'o/ /de'i rjes la 'khor lo'i bdag po'i bzlas pa 'bum/ dkyil 'khor ba'i de bzhin khri zhes bya ba ni slob mas lan gnyis lan gsum gyi bar du gsol ba gdab pa dang/ bsnyen pa bya ste bdag med ma'i le'u brgyad pa ltar rdzogs par bsgoms la/ mchod bstod bdud rtsi myang ba dang rdzogs pa'i rim pa cung zad bsgom/ /zla ba dang chu zla lta bu'i bsam gtan gyis sgra brnyan dang brag cha lta bu'i bzlas pa bya ste/ aoM a Azhes sbyar la bdag med ma la 'bum gzhan la khri khri bya'o/ /dgyes pa'i rdo rje la ni gong du bstan pa dang/ 'og nas 'chad pa dang/ kun la sbyor ba gsum mam yang na yan lag drug gi rnal 'byor byas la/ de wa pi tsu 'am aSh+TA nA na 'bum/ bdag med ma la yang/ aoM badzra n ai rAtna khaM aoM Adus kyi bsnyen pa 'og nas zla drug goms zhes pa zla drug gam lo 'am/ zla ba gcig gam tha ma tshad du phyin pa'i bar du bya'o/ /de nas dkyil 'khor bri bar gsol ba gdab pa'i rjes la bsgrub par bstan pa'i phyir bdag nyid rnal 'byor pa'o/ /dang po lha ni mchog gi lha ste rdo rje 'dzin pa'o hUM las rdo rje can dgyes pa'i rdo rje'o/ /byas te nor sbyin sbyang bar 'brel te/ sa'i mtshan nyid brtag pa yang bya'o/ /phyi nas dkyil 'khor bri ba ni de dag gis rjes la khas len pa'o/ /de'i rjes la gang gis sbyang zhe na/ gong du gsung ba'i sngags shes pa ni/ aoM rak+Sha la sogs pa'o/ /mkhas pas 'dzin ma sbyang ba ni phyag rgya dang ting nge 'dzin la mkhas pas kyang ngo/ /gong gi sngags ni zang zing gi sbyin pas rgyud tshim pa brtag pa phyi ma ltar byas la/ a kA ro mu khaM la sogs pas chos kyi sbyin pas rgyud dag par byas pas so/ / de la gtor ma sbyin pa ni/ phyogs kyi bdag po bkug ste khyad par du sa'i bdag po la/ gtor ma dang gter yang gzhug pa'o/ /de'i don ni 'di yin te/ dang po rnam bcang sa gzhi gzung/ gnyis pa sta gon gnas par bya/ nub gsum pa la 'jug pa'o// zhes gsungs pas dang po sa'i cho ga ni don rnam pa drug ste/ sa brtag pa dang/ sa bslang ba dang/ sa sbyang ba dang/ byin gyis brlab pa dang/ gzung ba dang/ bsrung ba'o/ /de la brtag pa ni phyi'i brtag pa dang/ nang gi brtag pa'o/ /de la phyi'i gnas la brtag pa ni gong gi tshal dang skye bo mi gnas pa dang zhes par 'brel lo/ /phyogs las brtag pa ni de rnams kyi byang dang shar gyi phyogs su'o/ /kha dog dang dbyibs las brtag pa ni/ au dum+ba ra n+ya gro d+ha/ /a shwata tha dad pa la sha/ ba ku la dang a rdzu nar/ /bcas pas ru sbal rgyab 'dra bar/ /sa ni drug po spang bar bya zhes gsungs pa tsha rgo can la sogs pa dang/ ro khung du chu song ba 'dra ba la sogs pa mtshan ma ngan pa rnams spang bar bya'o/ /nang gi brtag pa ni bde bar gshegs pa la mchod pa byas la gtor ma btang ste/ lhag pa'i lha'i rnal 'byor tsam gyis nyal bar bya'o/ /de la rmi lam gyi mtshan ma ngan na gzhan du 'pho'o/ /bzang na de nyid du bri bar bya'o/ /bslang ba la gnyis te/ mngon pa la bslang ba dang/ mi mngon pa la bslang ba'o/ /mngon pa ni rgyal po 'am zhing bdag la tshig dang rin gyis kyang nyo bar bya'o/ /mi mngon pa la bslang ba ni de bzhin gshegs pa la mchod pa byas te/ sa bdag la a kA ros gtor ma byin la bslang bar bya'o/ /sa sbyang ba ni sbyang ba dgos pa dang mi dgos pa'o/ /sbyang mi dgos pa ni phyugs lhas dang ni chu 'gram dang/ /rdo leb dang ni gtsug lag khang/ /dkyil 'khor khang pa'i nang du yang/ /yang thog las kyi sbyang ba ni/ /spyang ba la gsum ste/ las dang bya bas sbyang ba dang/ sngags dang phyag rgyas sbyang ba dang/ ting nge 'dzin gyis sbyang ba'o/ /las dang bya bas sbyang ba ni lto 'phye'i rim par shes par bya ste/ ston zla tha chung la sogs nas brtsams nas bzla ba gsum gsum du/ lto 'phye lho dang nub dang ni/ /byang shar de yi mgo bo ste/ /g.yon pa'i zur gyis nyal ba yin/ /de yi lto shes byas la brko/ /mgo dang rgyab sogs nas brkos na/ /skyon ni rgyas pa las shes bya/ /de yang lte ba lkog ma pus nub tsam/ /sa de yongs su brkos nas ni/ /slar yang sa des dgang bar bya/ /gal te lhag par gyur na ni/ /dngos grub yod par ston pa yin/ /de ltar brkos pas sa'i mtshan ma ngan pa byung na bsal la sa bzang pos bkang ste/ gter kyang gzhug go / der khru gang tsam gyi dong brus te chu dang me tog byugs? te phar gom pa brgyar 'gro bar bya'o/ /chu de shar nas nub tu rgyu ba dang/ lho nas byang du rgyu ba dang/ g.yas su 'khor zhing 'khyil na mtshan ma bzang ba dang ngan pa yang shes par bya'o/ /sngags dang phyag rgyas sbyang ba ni lag pa g.yas pa rdo rje rtse gsum pa'i phyag rgya bcas la/ sa la brdab cing aoM sarba pA pi da ha na ma ma rak+Sha rak+Sha hUM phaT swAhA/ zhes brjod do/ /ting nge 'dzin ni sa gzhi de mi dmigs par bsgom zhing shin tu dag par bsam mo/ /kha cig tu ni las dang bya bas sbyang ngo/ /kha cig tu sngags dang phyag rgyas sbyang ngo/ /kha cig tu ni ting nge 'dzin tsam mo/ /de dag ni ci rigs par shes par bya'o/ /de nas byin gyis brlab pa ni lam las sa gzhi stong pa nyid du bsam/ /laM las gser gyi sa gzhi chen por byin gyis brlabs/ suM las ri rab rin po che sna bzhi'i rang bzhin du byin gyis brlab pa/ hUM las sa gzhi rdo rje byin gyis brlabs/ aoM badzra me di ni badzri b+ha ba ban d+ha hUM zhes brjod/ /rdo rje'i sa gzhi'i rang bzhin nam mkha' i khams rnam par dag par bsam mo/ /sa gzhi yongs su gzung ba ni me long ngos ltar mnyam pa'i dkyil 'khor gyi dbus su 'dug la/ yan lag drug gi rnal 'byor ram sbyor ba rnam pa gsum bsgom ste/ /bzlas pa'i mthar thug gi bar du bya'o/ /de yang 'og nas/ khrus dang gtsang sbra dri zhim lus/ /sna tshogs rgyan gyi rnam par brgyan/ /slob dpon dkyil 'khor 'jug pa nyid/ /'bad pas hUM las rdo rje can/ /byas te phyi nas dkyil 'khor bri/ zhes bya ba sa'i cho ga 'brel lo/ /de'i rjes la tshad ji tsam du zhe na/ dkyil 'khor khru gsum ni chung ba'i tshad do// de yang sku gsum pa'i bdag nyid pas so/ /sor gsum ni sku gsung thugs so/ /de'i rjes la bsrung ba'i phyir/ /rdo rje sems dpa' bsnyems byas ni gsol ba gdab pa'i rjes la ldang ba dang 'gying ba dang/ kun tu blta ba dang/ rdo rje 'gros kyis bskor ba'o/ /g.yas brkyang zhes pa ni g.yas brkyang la sogs pa stang stabs rnams bya ba 'am/ gtso bo'i 'dug tshul skyil krung phyed pa yin te g.yon bskum pas gnas so/ phyag gnyis dgyes pa'i rdo rjer sbyar ba ni/ phyag gnyis pa'i he ru ka ma yin te/ rdo rje dril bu gnyis kyi phyag rgya dang ldan par sbyar ba'o/ /slob dpon dkyil 'khor du 'jug pa na/ re kha'i nang du song ste bltas nas me tog gi phreng ba dbul lo/ /'dir ni dkyil 'khor bsgrub pa dang 'brel pa'o/ /'di yang sngon du shes pa'i go rims te slob dpon gyis ji ltar byas nas 'jug ce na/ khrus dang gtsang sbra ni chu dang sa la sogs pa 'am ting nge 'dzin gyis so/ /yang dri zhim lus ni gos sar pa'o/ /sna tshogs rgyan ni rin po che 'am rus pa'i rgyan no/ /rnam par brgyan ni mgul brgyan la sogs pa rim par bkod pa'o/ /hUM hUM bsnyems pa ni nga rgyal 'am ldang pa la sogs pa rdo rje 'gros kyi dus brjod pa'o/ /hi hi 'jigs pa ni ha ha la sogs pa brgyad de stang stabs kyi dus su brjod pa'o/ /de'i don ni de yin te bsrung ba ni rnam pa drug ste/ rdo rje blta bas bsrung ba dang/ dengs shig pas bsrung ba dang/ bka' bsgo bas bsrung ba dang/ rdo rje 'gros kyis bsrung ba dang/ stang stabs kyis bsrung ba dang/ rdo rje phur pas bsrung ba'o/ /de la lta bas bsrung ba ni/ sngar gyi sa gzung ba'i slob dpon la grogs gau rI la sogs pa bzhi'i nga rgyal dang ldan pa bzhi yis mchod pa cig byas te/ de bzhin gshegs pa kun zhi ba zhes bya ba la sogs pa bstod pa dang/ gsol ba btab pa'i rjes la/ sngar gyi dkyil 'khor la mchod pa zhig byas te/ ma dang Ta las mig nyi zlar bskyed/ /a las rkang pa rdo rjer skyed la sngar gyi dkyil 'khor nam mkha' la bkod de hUM phaT ces brjod la/ nyi ma dang zla ba'i mig gis bsad pa dang gso ba bya'o/ /de nas dengs shig pas bsrung ba ni dbang ldan gyis mtshams su phyin la/ bdag nyid khro ba'i nga rgyal gyis 'di skad brjod par bya'o/ /sa phyogs 'dir slob dpon 'di zhes bya bas slob ma 'di zhes bya ba rdzogs pa'i byang chub la rdzogs par bya ba dang/ sems can thams cad bla na med pa'i byang chub thob par bya ba'i phyir dkyil 'khor rgyal po 'di zhes bya ba rtsom gyis/ gang su yang rung bas sa phyogs 'di na gnas pa'i lha dang/ lha ma yin dang/ gnod sbyin dang/ srin pho dang/ yi dags dang/ sha za dang/ brjod byed dang/ 'byung po dang/ gnon po dang/ nam mkha' lding dang/ mi 'am ci dang rigs 'dzin la sogs pa rgan po dang rgan mo dang 'khor dang g.yog tu bcas pa rnams 'dir ma gnas par gzhan du dengs shig /de ltar rdo rje 'dzin gyi bka' thos nas myur ba nyid du dengs shig / gang dag mi 'gro ba de dag ni phyag na rdo rje rab tu 'bar ba hUM kar shin tu khros pas ye shes kyi rdo rje chen po kun nas rab tu 'bar bas mgo tshal brgyar 'gas par gyur ta re zhes lan gsum brjod do/ /de nas bka' bsgo ba'i bsrung ba ni/ /nga ni dpal ldan rdo rje 'chang/ /nyon cig bar chad bgegs kyi tshogs/ /bsrung ba'i 'khor lo'i sbyor ba yis/ /lus ngag yid la gnod pa rnams/ /'dir ni 'jig 'joms gzhan du min zhes rdo rje'i gnas su 'khor lo dang rin po che dang/ pad+ma dang ral [i] */ /gri la sbyar la tshigs su bcad pa lnga sbyar gyi bskrad par bya'o rdo rje rtse gcig pa dang rtse gsum pa dang/ sna tshogs rdo rje'i 'gros kyis dkyil 'khor bskor zhing bsrung bar bya'o/ /stang stabs bsrung ba ni g.yas brkyang dang ni g.yon brkyang dang/ sa ga dang ni zlum po dang/ mnyam pa'i 'dug stangs rnam pa lnga/ shar nas brtsams te dbus kyi bar du bsdus nas rnam pa lnga po bya/ rgyas par 'dod na stang stabs ni drug cu rtsa gcig la sogs te sgyu 'phrul dra ba'i tshul du bya/ rdo rje phur pas bsrung ba ni phur bu rnam pa lnga/ stod khro bo'i rnam pa smad phur pa brtse gcig par bskyed la/ phur pa'i sngags brgya rtsa brgyad bzlas te/ g+ha g+ha ta'i sngags kyi phyogs bzhi dbus dang lngar gdab par bya'o/ /sta gon gyi cho ga ni 'og nas shes par bya'o/ /de'i rjes la thig bri ba'i phyir thig skud sar pa ni gzhan lu longs ma spyad pa'o/ /tshad ni nyis 'gyur dang nyi shu cha'o/ /mdzes pa ni dri zhim po'i snod kyis mdzes pa'o/ /rang 'dod lha'i gzugs kyi ni dgyes pa'i rdo rje dang grogs bdag med ma 'am gau rIs so/ /shes rab can gyis gdab pa'i las dang bya pa la mkhas pa yis sa'i dbye ba las ma 'das pa'o/ /de la thig sgrub pa'i cho ga ni ras bal rin la ma brtsegs par nyos la/ khye'u dang bu mo gzhon nu mas bkal te/ be'u lnga kha dog so sor bsgyur nas snod gtsang ma'i nang du phyogs so sor bzhag ste/ bum aM dzriM khaM hUM bkodla de bzhin gshegs pa lngar bskyed rang bzhin pa spyan drangs la bstim a n+yo n+ya a nu ga ta la sogs pas bzlas la bsgril bar bya'o/ /de la mchod pa lngas mchod/ thig bsgrub pa'i rim pa'o/ /de nas bdag nyid dang grogs kyi ye shes kyi thig gdab pa der las kyi thig gdab par bya'o/ / des cir 'gyur zhe na/ 'og nas ston pas dkyil 'khor 'di skad gsungs zhes bya bar sbyar ro/ /de'i rjes la tshon bstan par bya ba'i phyir/ rdul tshon dam pa'i tshon dang ni rin chen lnga'i phye mar 'brel lo/ /yang 'bring po ni yang na 'bras la sogs par 'brel lo// [i] tha ma ni so phag dab sa la sogs pa'i tshon te brtag pa phyi mar shes par bya'o/ /tshon sgrub pa ni tshon rtsi kha dog lnga phyogs so sor bzhag la sngar gyi yig 'bru lnga yis de bzhin gshegs pa lngar bskyed rang bzhin pa bstim/ mchod pa rnam pa lngas mchod/ badzra sa ma ya'i sngags bzlas pa tshon rtsi sbar ro/ /gzi bskyed de dbang ldan gyis mtshams nas tshigs su bcad pa re brjod cing mtho gang tsam drang par bya'o/ /de yang dkar po ser po dmar po ljang/ /mthing ka nang du shes bya ste/ /'di ni tshon gyi rim par bshad/ /de bzhin phyogs kyang shes pa bya/ /de'i rjes la dkyil 'khor gyi mtshan nyid bstan pa'i phyir ston pa nga ma yin pa gzhan dag kyang ngo/ /yang sdud par byed pa khas len pa'o/ /dkyil 'khor 'di skad gsungs pa ni/ /gzhan dag dang 'dra bas 'dir yang 'dod pa'o/ /de yang tshigs bcad gnyis te go sla'o/ /de'i rjes la dkyil 'khor khyad par bya ba mtshan ma dgod pa'i phyir/ 'phar ma gnyis bzang ba la sogs pa tshigs su bcad pa gnyis te go sla'o/ /de'i rjes su bum pa la sogs pa rdzas dgod cing 'brel pa bstan pa'i phyir bum pa brgyad la sogs pa ni bcu ste/ rnam par rgyal ba dang las thams cad pa'o/ /'dir ni bum pa rgyas pa ni bcu drug ste/ lha mo bco lnga la bum pa re re/ las thams cad pa dang bcu drug go /dpal dgyes pa rdo rje la ni bum ba bcu'o/ bsdu ba ni drug tu shes par bya ste/ rigs lnga la re re/ las thams cad pa drug go /gang ba'i bum pa ni nges pa med de ci 'byor pa dbul bar bya'o/ /rnam par rgyal ba shar du bkod pa ni phur pa ste/ gtso bo'i mdun nas shar du'o/ /las thams cad pa'i bum pa ni shar gyi sgor ro/ /gzhan dag go sla'o/ /de'i rjes la ji ltar bsam gtan de bzhin 'dir ni dam tshig gi 'khor lo sgrub thabs ltar bskyed pa'o/ /de nyid ji ltar zhe na/ bsrung ba ni sngags kyis so/ /gsungs pa 'am rjod pa [ii] */ /ni aoM rak+Sha la sogs pa ste/ bdag bsrung ba nas brtsams te bya'o/ /yang na ye shes kyi 'khor lo bcug ste bgegs bsal ba'o/ /de'i rjes la mchod pa ni lha mo brgyad la sogs pas mdun du 'od zer gyis spyan drangs pa la'o/ /gsol ba gdab pa ni mchod pas mnyes pa ni sangs rgyas dang byang chub sems dpa' rnams la'o/ /de yang de nas he ru ka'i gzugs kyis dbang bskur bar 'gyur ro/ /ji ltar bshad pa ni bshad pa'i rgyud dag gaM rnal 'byor gyi rgyud du'o/ /'dir yang bya ba ni mchod bstod la sogs pa rgyas par 'dod na'o/ /de'i ting nge 'dzin ni 'di yin te/ phyag mtshan bkod nas mdang sta gon gyi dkyil 'khor nam mkha' la bkod pa phab ste/ gnyis bsre bar bya ba'o/ /de nas bum pa dgod pa dang rgyan bri ba dang mchod pa rnams bshams la/ bdag nyid khrus dang gtsang sbra dang rgyan gyon nas dkyil 'khor gyi shar sgor stan bde ba la 'dug ste/ gtso mo dang mos par gcig tu bsams te/ bdag bsrung ba nas tshogs bsags pa dang/ rten gyi rnal 'byor bsgom pa dang/ /brten pa lha'i dkyil 'khor le'u brgyad ba ltar bsgoms te/ mchod bstod bdud rtsi myang ba'i bar du bya ba ni bdag nyid la ldan pa phun sum tshogs pa'o/ /da nas dkyil 'khor sgrub pa ni na nam phyag mtshan tsam las lha mo'i 'khor lo rdzogs par bskyed/ ye shes pa spyan drangs/ skye mched byin gyis brlabs/ sku gsung thugs byin gyis brlabs/ dbang bskur mchod pa dang bstod pa rgyas par bya/ bdud rtsi myang/ bzlas ba'i bar du bya'o/ /de'i rjes la gang zhig dbang ni rab tu dbye ba ni dbang bzhi'i rim pa 'am chu la sogs pa'o/ /rang gi dkyil 'khor tshogs sbyin ni khyad par gyi lugs kyis so/ /mchod dang gsol ba gdab pa nyid ces 'dir [ii] yang 'brel ta/ mchod pa ni thun mong gi mchod pa dang/ khyad par gyi mchod pa brtag pa phyi ma nas/ zhim pa'i bza' ba btung ba dang zhes 'dir 'brel/ thun mong gi gsol ba gdab pa dang/ dga' chen khyod bdag ston pa bas zhes bya ba dang/ khyad par gyi gsol ba gdab pa/ 'khor ba 'dam gyi tshogs dag tu/ /bying ba skyabs med bdag la skyobs zhes bya ba la sogs pa 'dir 'brel lo/ /dbang bskur ba thun mong rig pa'i dbang lha dang/ khyad par bdag po'i dbang dang drug ste/ de skad du yang drug po bdag po'i dbang gis dang/ zhes bya ba gsungs pa'i phyir ro/ /de'i rjes la gsang ba'i dbang bstan pa'i phyir/ der zhes pa ni bum pa'i dbang gis gnas de nyid du'o/ /rigs nga las byung ni dman pa rnams dang/ bram ze'i rigs su skyes pa ste/ des rigs pa skyed pa ste rim pa'o/ /bzang mo ni sgo gsum gyi khyad par ro/ /gzhug pa ni las dang po pa yin na slob ma bzhin du'o/ /yang na ji ltar gang rnyed ni rigs dang sgo gsum gyi yon tan dang mi ldan kyang ngo/ /de bzhin ni phyogs gnyis pa de la'o/ /bcu drug pa lon pa na tshod gtso bo kho na'o/ /khu ba ldan pa ni shes rab rang bzhin dang ma yin pa'o/ /ji srid ni gang gi tshe'o/ /de srid ni de'i chol lo phyag rgya bsten ba ni lang tsho dang ldan pa de nyid chang la sogs pa'o/ /phyag rgya ni gdong bcing ba ni 'jug pa'i tshul lo/ /thabs kyi gdong yang de bzhin ni slob ma 'jug pa dang phan tshun du mthun pa'o/ /yang na phyag rgya ni gdong bcing ba ni bdud rtsi len pa'i dus su te/ 'di yang bya ba'i rim pa dang nod pa'i rim pa'o/ /bya ba'i rim pa ni slob ma 'jug pa bzhin du phyag rgya ma yang dkyil 'khor du gzhug pa dang/ tshul bzhin du byas la nod pa'i bdud rtsi len pa'i dus te der yang gdong bcing ngo/ /slob dpon la la ni 'dir zla ba gzung ba'i man ngag la yang 'chad do/ /'dir ni slob dpon gyis de kho na nyid nyams su myong ba de'i cha bu la sbyin zhes bya ba'o/ /brten pa de las gang byung ba ces bdud rtsi de nyid do/ /thabs kyi gdong yang de bzhin zhes pa ni ster ba'i dus su ste/ slob ma'i khar ni lhung zhes par 'brel ba'o/ /da ni gsum pa bstan pa'i phyir ro/ /mnyam ni lhan cig skyes pa'i ro'o/ /slob ma'i spyod yul ni sngon du man ngag bstan pa'o/ /de nyid la yang de gsang ba'i rten nyid la'am rig ma gzhan la'o/ /bya bar bya 'am nges par bya ni/ sngon du man ngag bstan pa bzhin nyams su blangs pa'o/ /des cir 'gyur zhe na/ rang rig ye shes ni don dam lhan cig skyes pa'o/ /gyur pa ni kun rdzob lhar skyes las te/ de dag gi rim pa brtag pa phyi ma las bstan to/ /'di la yang bya ba'i rim pa dang nod pa'i rim pa gnyis so/ /gsum pas go phye ba'i slob ma'i nyams su myong ba de nyid bshad pa ni bzhi ba ste/ de la yang rten can dang rten med gnyis so/ /slob dpon la la ni rten can du yang 'dod do/ /bla ma'i gzhug gis ni tshig dbang rin po che zhes bya ste rten med do/ /de skad du yang/ de ltar de ba'i yang bzhi pa zhes gsungs pas so/ /de'i khyad par bstan pa ni dbang bzhi pa ste/ rang gzhan ni gzung 'dzin no/ /yang dag rig pa ni dang po yin yang gsum pa ste/ de dag des spangs pa'o/ /des cir 'gyur zhe na/ mi rtog pa ste/ mkha' mnyam ni dpe'o/ /rdul ni rnam par rtog pa dang/ nyon mongs pa'o/ /de'i phyir stong pa nyid dpe las de las byung ba'o/ /de dang lhan cig tshim pa ni thabs ci zhe na/ dngos dang dngos med ni chos can no/ /bdag nyid mchog ni bde ba chen po'i rang bzhin no/ /de dag ni dbyer med bstan pa'i phyir/ shes rab thabs ni rtog pa dang bde ba'o/ /shin tu 'dres pa ni dbyer mi phyed pa'o/ /yang chags dang chags bral ni/ /mchog dga' dang dga' bral gyi rnam pas so/ /'bres pa ni dbyer mi phyed pa ste lhan cig skyes pa'i ro'o/ /da ni de'i rang bzhin nam che ba'i bdag nyid bstan pa'i phyir/ /de nyid srog chags rnams kyi srog ni sems can kun yang lhan cig skyes pa'i 'tsho ba brten pa yin te/ yi ge dam pa zhes pa ni ak+Sha ra ste mi 'gyur ba'i phyir ro/ /'gro ba'i bdag nyid ni lhan cig skyes pa de'o/ /thams cad khyab pa ni sems te don dam lhan cig skyes pa'i phyir ro/ /lus kun la gnas pa ni kun rdzob po/ /dngos dang dngos med de las byung ba ni dngos po kun rdzob lhan cig skyes pa dang/ dngos med don dam du gnas pa'o/ / yang na dngos po ste gzugs la sogs pa lnga dang/ dngos po de chos so/ /gzhan ni dbang po'o/ /gang rnams de rnams ni brtan g.yo'o/ /rnam shes ni mig la sogs pa'o/ /kun gyi tshul ni gzugs la sogs pa de dag dang lhan cig skyes par snang ba'o/ /'o na lhan cig skyes pa de nyid chos kun gyi rang bzhin yin na grub mdza' ngan pas brtags pa'i chos rnams su mi 'gyur ram zhe na/ nyes pa med de skyes bu ni pu ru Sha ste snod kyi 'jig rten du bcud kyis 'gengs par byed pa'o/ /sngon rabs ni bi ta ka ste phya 'aM mes po ste tshangs pa'o/ /dbang phyug ni ma he shwa ra ste kun la dbang ba'i bdag po'o/ /dbang phyu chen po 'am lha chen po zhes rjod do/ /bdag ni rtag pa'i khyad par ldan pa'o/ /gso ba ni 'dzin pa te dbugs so/ /sems can ni shes pa ste nus pa shes can no/ /dus ni yon tan no/ gang zag ni bud ga la te/ byed pa po 'am/ las kyi 'bras bu gang zhig smin par mdzad pa'o/ /de dag tu btags pa ma zad de/ dngos po kun gyi rang bzhin ni mya ngan las 'das pa'i bar du'o/ /sgyu ma'i tshul lam gzugs ni ma hA mA yA ste bden pa yang ma yin brgyun pa yang ma yin sgyu mtshan po'i yang dag gnas ni zag pa med pa'i bde bar rang snang ba'o/ /de'i phyir nyes pa med pa kho na'o/ /da ni the tshom gyi yul bstan pa dang lhan cig skyes pa ji ltar nyams su blangs pa'i thabs bstan pa'i tshigs su bcad pa gcig ste go sla'o/ de bzhin gshegs pa dang rdo rje snying po sngon du'o/ /mkhas pa ni rjes su 'jug pa'i pha rol tu phyin pa la'o/ /de skad des thos ni zag pa dang bcas pa chags pa las byung ba 'am zag pa'i bdag nyid du thos pa'o/ /mchog tu ngo mtshar na dman pa 'am/ /spyod yul ma yin pas so/ /brgyal zhing sa la 'gyol ba ni skrag pa 'am che ba'i bdag nyid ston pa'o/ yang na brgyal ba ni sems kyi khyad par ro/ /'gyel ba ni lus kyi bkod pa'o/ /'dir dga' ba'i grangs la the tshom skyes bas ltar bstan kyang don la bzhi pa la the tshom skyes te/ shin tu zab pas spyod yul ma yin par dogs pa dang/ yang na shin tu dman pas ngan pa ru rtog pa skyes pa'o/ /da ni de dag gi rgyu mtshan sems la gnas pa'i so sor brjod pa'i phyir/ dang po dga' ba 'gro ba ni brtags pa'o/ /mchog dga' 'gro'i brtag pa ste 'khor bar dga' bral dga' ba'ang 'gro ba'am brtag ba ste mya ngan las 'das par ro/ /de nas 'khor ba mya ngan las 'das pa'i mthar 'gro bas ngo mtshar ba 'am brgyal ba'o/ /yang na zab pa che ba'i bdag nyid dga' ba gsum gyis mi rtog pa'o/ /spyod yul ma yin par dogs na ngo mtshar zhing brgyal ba'o/ /de'i phyir dga' ba gsum la lhan skyes med ces pa'o/ /da ni the tshom bsal ba'i phyir sdud par byed pas/ /bcom ldan bka' stsal kye'i rdo rje zhes pa'o/ /sang rgyas kun gyi sku gcig ni bde ba chen po'i sku'o/ /rdo rje snying pos rtogs bya ni sngon byung dag go/ the tshom ni dman pa 'am spyod yul ma yin pa gong du brjod pa nyid do/ /bzang ba 'am legs par ba ni las len pa'o/ /ci zhe na/ de yang dang bar dam pa dogs sel ba'i phyir ro/ /'dod chags med cing chags bral med ni dga' ba dang dga' bral te/ brtag pa de dag lhan cig skyes pa la med do/ /dbu ma zhes pa ni dga' ba ste/ grangs kyi dbu mar yang ma yin la/ don gyi dbu mar de kho na nyid kyis khyab pa yang ma yin te nyams myong skyes pa'i dbu ma ste/ de yang mi dmigs so/ /de dag kyang lhan cig skyes pa la mi ldan yang blos brtags nas dma' par 'gro'o zhe na/ de'i phyir gsum po spangs pa'i nyid ces pa ni spangs te nyams su blang ba'i phyir ro/ /lhan cig skyes pa'i byang chub zi dri ma dang bral bas rtogs pas ste/ yang dag pa'i 'bras bur brjod do/ /da ni spyod yul ma yin par dog pa'i the tshom bsal ba'i phyir ro// yang na zhes pa ni dman par dogs pa las phyogs gzhan du'o/ /de nyid ces pa ni lhan cig skyes pa'o/ /thams cad bdag ces pa ni dga' ba gsum gyi rang bzhin yin pa'i phyir dga' ba gsum dang ldan pa'i tshe/ de'i bdag nyid kyang rtogs par spyod yul ma yin pa kho na'o/ yang na zhes pa ni rang bzhin gcig kyang rnam pa'i phyogs gzhan du bstan pa'i phyir ro/ /kun rnam par spangs ni gsum dang lhan cig skyes pa rnams phan tshun du spongs bas so/ /'o na rnam pa mi mthun na gsum po mi dgos la/ gsum po med na spyod yul du mi 'gyur zhe na/ de'i phyir dga' bral dang po mtshan zhes pa ni rnam par mtshon pa'i thabs ni go rims te/ gnyis kyi 'og dang gcig gi gong ste/ gsum pa'o/ /rang bzhin mtshon pa'i thabs dang shes rab kyi tshul du mthun dga' ba gsum la gnas pa'o/ /de'i phyir na dga' ba gsum po spangs zhes pa ni lhan cig skyes pa ste spyod yul du gyur pa kho na'o/ /da ni the tshom med par nyams su blangs pa'i rtag ji lta bu zhe na/ dang po sprin dang 'dra ba ni dbang gis dus kyi stobs te de yang swA hA dzwa 'am las kyi phyag rgya la brten nas/ sprin khral bu'i zla ba lta bu mthong ba dang ma mthong ba'i gnas skabs so/ /mthong ba de yang don rang gi mtshan nyid kun tu sbyor ba ni rgya mtsho'i lan chwa'i chu ru? zad kyis kun shes pa'o/ /grub pa sgyu ma lta bu ni sgom pa'i dus kyi stobs te/ maM na dza 'aM d+harmA mu tra la brtan pas rang gi mtshan nyid ma yin pa/ sgyu ma'i gzugs brnyan lta bu snang ba'o/ /de nas rmi lam 'dra ba ni spyod pa'i stobs te khe? tra dze'i? sa ma ya mu tra la brten pas/ don rang gi mtshan nyid la phyogs pa rmi lam be'ur chad pa lta bur snang ngo/ /sad pa ni sngar gyi sprin dang 'dra bar snang ba ste gsal ba'i phyir ro/ gnyid log ni sgyu ma dang rmi lam ste mi gsal ba'i phyir ro/ /de dag ni 'char ba dang nub pa ste thabs dang shes rab yin pas mi phyed pa ni phyag rgya chen po'o/ /grub ces pa na yang mi phyed ces smos pa ni 'bras bu'i dus kyi stobs man+t+ra 'aM ma hA man+t+ra la brten nas mtshan nyid ma grub par snang ngo/ /phyag rgya'i rnal 'byor zhes pa ni phyag rgya chen po'o/ /grub ces pa ni gdon mi za ba'o/ /de'i rjes la man ngag bstan par bya ba'i phyir phyi nas zhes pa ni dbang gi rjes la'o/ /de nyid yang dag bshad ni dbyer med pa'i man ngag sdud par byed pas khas len pa'o/ /yang dang ni don dam lhan cig skyes pa ni shes rab kyi man ngag bstan pa'i phyir/ rnam dag ye shes ni sems rang bzhin gyis dag par dam bca' ba ste bstan pa'o/ /bshad par 'dod nas 'khor ba dang mya ngan las 'das zhes pa ni dngos po dang dngos med la sogs pa gzhan dag kyang ngo/ /khyad par ni brtag pa'i khyad par ro/ /cung zad ni nyung ba bag tsam phra ba ste/ sems tsam du yang ngo/ /yod ma yin ni gcig dang du bral gyis so/ /'o na lam gyi dus su lta ba ji lta bu zhe na/ tshig rkang gnyis te go sla'o/ /yang spyod pa ji lta bu zhe na/ tshigs su bcad pa gcig ste go sla'o/ /yang sgom pa ji lta bu zhe na/ rkang pa gcig go/ 'bras bu don gyi rang bzhin ji lta bu zhes na rkang pa gcig go/ da ni kun rdzob lhan skyes sam/ thabs kyi man ngag bstan pa'i phyir/ rdo rje snying pos gsol pa ces pa ni ye shes rnal par dag pa ni rigs na lus dag pa mi rig pa khong du bzhag ste dris pa'o/ /gtsong nas rang bzhin med pa'i zhes pa ni sems dag pa des so/ /lus kyi rang bzhin ngag ba na phra ru ste de ru de'i phyir gang du logs su 'brel lo/ /de yang rgyu mtshan ni lus 'byung ba'i bdag nyid yin pa'i phyir/ dag pa mi rigs so zhe na/ dag pa yin na 'byung ba ma yin na dag pa'i lhan skyes ma yin zhe na/ kun rdzob lhan skyes lan btab pa yi ni 'byung ba yin/ de nas de la'o/ /bcom ldan rdo rje can ni rdo rje 'dzin pa'o/ /de'i khyad par bstan pa'i phyir mkha' 'gro ni bdag med ma puk+ka sI la sogs pa bzhi'o/ /bde ba ster ni rgyu'i rdo rje 'chang snyoms par 'jug pa 'am/ glu'i dor 'bras bu he ru ka ldang ba de'o/ /dgyes pa'i rdo rje'o/ /yang mkha' 'gro ni DA kI ni ste zhing dag tu rgyu ba'i las phyag rgya'o/ /bde ba ster ni lhan cig skyes pa'i ro dang mi 'bral ba'i thabs kyis dgyes pa'i rdo rje'o/ /de ni gzhan lus shes rab la brten pa'o/ /yang mkha' 'gro ni rtsa rnams so/ /bde ster ni kun da lhan skyes te lus la gnas pa'i dgyes pa'i rdo rje'o/ /de ni rang lus thabs dang ldan pa'o/ /yang mkha' 'gro ni phyag rgya chen po'o/ /bde ste rin gnas pa ste/ zag pa med pa'i bde ba chen po ste gnyis su med pa'i dgyes pa'i rdo rje'o/ /de ni dbyer med do/ /gsungs zhes pa the tshom sel bar ro/ /de nyid ci zhe na/ rlom sems med pa'i rang bzhin ni sems dag pa de'o/ /bdag ni 'byung ba'i bdag nyid do/ /thams cad ni 'gro ba kun gyi'o/ /lus la rnam par gnas ni gnyug ma'i dbang po la brten pa'o/ /bstan pa de dag kyang so sor bshad pa'i phyir/ kye bcom ldan 'das zhas pa ni/ mjes pas bod pa'o/ /ci'i slad du zhes pa ni lus la gnas lus dag pas ni rgyu mtshan dis pa'o/ /'byung ba chen po ni lnga pos phung po'i rigs ni bsdus pa ste lus so/ /de ji ltar bskyed cing rten lags zhes pa'o/ /de lan bstan pa yang 'byung bas skyes pa'i tshul bstan pa'i phyir/ bcom ldan 'das kyis bka' stsal zhes pa'o/ /gang gis dus su zhe na/ po la kak+ko la sbyor bas zhes pa ni lhan cig skyes pa sbyor ba'o/ /reg pa sra ba'i chos ni snyoms 'jug la sa'i mtshan nyid ldan pas so/ /sa ni de las skye zhes pa sar bsgrub pa'o/ /byang chub sems khu ba ni gsher ba ste/ snyoms 'jug de la chu'i mtshan nyid dang ldan pas so/ /chu'i khams ni 'byung zhes pa ni der bsgrub po/ /bsgrub pa 'am bskyed pa ni snyoms 'jug la'o/ drod ni me'i mtshan nyid ldan pas so/ /skyes te zhes pa ni mer grub pa'o/ /'gro zhes pa ni snyoms 'jug gi zla ba g.yo ba rlung gi mtshan nyid dang ldan pas so/ /rlung ni rab tu grags zhes pa pra ti ste rab tu bsgrub bo/ /bde ba zhes pa ni snyoms 'jug gis sam zhu ba la brten pa'i chos so nam mkha' i khams zhes bya ba ni khyad par nam mkha' i mtshan nyid dang ldan pa nam mkha' i sgrub pa'o/ /lnga yis yongs su bskor zhes pa ni de dag 'dus pa'o/ /gang phyir 'byung ba che bde zhes bya ba ni 'byung ba las gyur cing bskyed pa'o/ /de'i phyir zhes pa ni 'dus byas pa'i phyir ro/ /bde ba de nyid min zhes pa ni lhan skyes ma yin pa'o/ /de dag gis mi 'byung ba dang ldan pa'i lus kyi bskyed pa rgyu byed pa tsam gyis lus dag par bstan nas/ di na lhan cig skyes pa yin pas lus dag pa la bstan pa'i phyir/ lhan skyes dga' zhes pa ni gzod ma nyid nas lus dang sems dang lhan cig skyes pa'i phyir ro/ /'o na lhan skyes yin zhe na/ lhan cig skyes pa gang skyes zhes pa don dam de lhan skyes lus dang lhan skyes sems yang de lhan cig skyes dang lhan skyes pas der 'gyur ro/ /gang skyes pa zhes pa ni de dang ldan pa gang dang gang yod/ /lhan cig skyes par de brjod do zhes pa mi de dang de kun no/ /de phyir kun rdzob kun tu lus dang lhan skyes pas rang bzhin lhan cig skyes zhes brjod pa ste/ don dam lhan skyes bzhin du kun kyang yin la de na lus dag par bstan to/ /da ni phyag rgya chen po 'am dbyer med lhan skyes bstan pa'i phyir/ rnam pa thams cad ces pa ni bskyed rim la sogs pa chos du ma'o/ /sdom zhes pa ni mdor bsdus pa'o/ /ci zhes pa ni sems su sdud pa'i tshul lo/ /de yang chos du ma de dag ji ltar bsdu zhe na/ phyag rgya dang bral zhes pa ni bdag med ma'i phyag rgya sngags la sogs pa bral ba stong pa ste/ shes rab kyis bsdus pa'o/ /de bzhin dkyil 'khor dang lha dang phyag rgya dang sbyin sreg dang mchod sbyin la sogs pas brtag pa rnams med pa dang/ yang dag pa'i sngags la sogs yod par bstan pa ni le'u lnga pa ltar shes par bya ste/ de yang thabs kyis bsdus pa ni yo ga'i rnal 'byor pa'o/ /snying rje ni snang ba kun no/ /thabs ni bde ba'i ror gyur pa'o/ /de dag bsdus te mi gdags pa'i phyir ye shes ni stong pa'o/ /thabs ni snying rje dbyer med ni de dag gis chos kun bsdus nas de dag nyid kyang zag pa med pa'i lhan cig skyes par gcig pa'o/ /des cir 'gyur zhe na/ sems tsam yin te/ de'i byang chub sems zhes brjod pa ste lhan cig skyes pa'o/ /da ni bstan pa de dag rgyu mtshan so sor bshad pa'i phyir/ /bsngags bzlas zhes pa ni bskyed pa'i rim pa'i rnam pa thams cad kyi chos so/ /med ces pa ni bdag med ma'i phyag rgya gcig dang du bral gyis so/ /yang med ces pa ni rgyu 'am ngo bo la sogs pa dang bral bas so/ /de bzhin du gzhan dag la yang/ /da ni thabs kyi bsdus pa bstan pa'i phyir ro/ /de'i sngags bzlas zhes pa ni snad brgyun tu gnas pa'o/ /de dka' thub ni thabs bde ba zhu ba mi 'bral bar tshangs par spyod pas so/ /sbyin sreg ni snying rje snang ba'i sreg blugs mchod pas rnam rtog dang nyon mongs pa med pa'o/ /dkyil 'khor pa ni snying rje snang ba bde ba'i lha ste nyon mongs pa zug rdu zhi bas so/ /dkyil 'khor ni thabs bde ba ste/ lhan cig skyes pa 'dus pa'i gnas yin pas so/ /da ni rnam pa thams cad sdom pa gcig gi rgyu mtshan ni bstan pa'i phyir/ mdor bsdus zhes pa ni gang dag ce na/ sngags la sogs pa rnam pa kun no/ /gang ltar zhe na/ stong pa snying rjes so/ /gang gis zhe na 'dus pa'i zhes pa ste/ dbyer med kyis so/ /gang gi phyir zhe na/ sems ni zhes pa ste/ byang chub sems so/ /gzugs can zhes pa ni rU pa ste lhan cig skyes pa'i tshul lam rang bzhin no/ /le'u bcu pa'o/ / //da ni le'u dang po la lta stangs la sogs pa rim pa gnyis kyis dmigs pa'i yul che ba'i bdag nyid 'dir 'bras bu 'grub par bstan pa'i phyir mnyam pa ni mig 'bras gnyis so/ /ma rungs ni he ru ka'i nga rgyal gyis so/ /dpral ba can ni mig 'bras gnyis ni dpral ba la brten ni cung zad gyen du bltas nas thur du 'phogs pa'o/ /ltung bar brjod ni bsgrub bya 'gyel bar byed pa'o/ /gzhan dag ni lta stangs rnams dang/ dbugs dang dpe dag ste/ gzhan dag dbugs kyi sgrub pa yang 'byung ba nyid kyis ltung bar byed/ rdzub pa yis ni dbang du byed/ /dgad ba yis ni 'gugs par byed/ /zhi ba yis ni rengs par byed/ /ces bya ba ni phyir 'byung ba dang/ nang du rdzub pa dang dbugs nang du 'gengs pa dang dbugs zhi bas rengs par byed do/ /dpe gtan la dbab pa ni rlon pa'i shing las sgyel ba'i nyams sad pa'i gnas so/ /me tog can la ni dbang gis nyams sad pa'i gnas so/ /rdo rje'i shid ni shing thad chu can de dgug pa'i nyams sad pa'i gnas so/ /g.yo bcas rtswa ni 'jag ma ste/ rengs pa'i nyams sad pa'i gnas so/ /zla ba drug goms pa'i sbyor ba ni/ dpal he ru ka'i bzlas pa dang bsgom pa ste/ gzhan dag ni bkag pa ni ma yin no/ /sgrub pa ni bsgrub bya ltung ba la sogs pa'o/ /the tshom med pa ni 'di lta ste dpe la grub na'o/ /yang dbang dam spyod pa'i dus su las kyi phyag rgya la brten pa ni/ mnyam pa ma rungs 'phral ba can ni/ snyoms par 'jug pa'i dus su zla ba nam mkha' i dkyil la sogs par 'bab pa'o/ /dbang ni sgyel ba'i thabs so/ /dgug pa ni bzlog pa ni man ngag go/ /rengs pa yis ni gzung ba'i thabs so/ /dbugs dang sbyar te ltung ba ni dbab pa'i dbang ni bsgyel (ba'o/ /dgug ba ni bzlog pa'o/ /rengs pa ni nam mkha' i dkyil 'khor du gzung ba'o/) /de dag so sor gtsor gad la brten zhe na/ rlon pa'i shing ni chos kyi phyag rgya 'am yid skyes so/ /me tog ni dam tshig gam zhing skyes so/ rdo rje'i shing ni phyag rgya chen po 'am sngags skyes so/ /g.yo bcas ni las kyi phyag rgya 'am lhan skyes so/ /zla ba drug goms pa'i sbyor ba ni dbang gi tshe bsnyen pa'i dus yin la/ spyod pa'i drod skyes pa'i dus so/ /yang 'khrul pa mi bya ni the tshom yid gnyis mi bya'o/ /'di la zhes pa ni phyag rgya 'am rnal 'byor ma dag las bsgrub pas so/ /sangs rgyas rdzu 'phrul bsam mi khyab ni lhan cig skyes pa'i sdom pa rang yin pa'i phyir ro/ /da ni don bdag gi don du bsgrub nas gzhan don ji ltar bya zhe na/ lta stangs ni bzhi po bsgrub ces pa ni rlung la sogs pa la yod do/ /mkhas pa ni bdag med ma ste shes rab po/ /sems can 'jug ni snying rje thabs so/ /'o na snying rje 'jug pa yin na/ rengs pa la sogs pa gnod par mi 'gyur ma zhe na de phyir bsad pa ni ma rA na ste/ brtegs pa yang ma yin pa'o dam tshig ni zhe sdang dag pa snying rje ste de dang bral ba'i phyir ro/ /'o na yang bsad pa ma yin yang/ rengs pa la sogs pa gnod do zhe na/ de'i phyir sems can bslu ba ni gzhan gyi don dang spangs pa'o/ /bya ba ma yin ni kha na ma tho bar grags kyang ngo/ /thams cad byin mi gnod par byed pa'o/ /sems gnod par tsam zhes pa ni gnod pa nud? yang nyes par 'gyur ro/ /phyag rgya'i dngos grub mi rnyed ches bzhi gegs byed ba'i phyir ro/ /yang rdzogs pa'i rim pa bshad pa ni lta stangs ni dbab pa la sogs pa'i man ngag go/ bzhi po sgrub pa ni phyag rgya dang rnal 'byor ma la'o/ /mkhas pa ni gzung ba la sogs pa'i man ngag go/ sems can 'jug pa rdo rje'i 'dzin pa ste nus pa dang ldan pas so/ /bsad pa ma yin pa ni lhan cig skyes pa gnyis dang mi 'bral lo/ /nyams pa ni dral ba'o/ /dam tshig ni tshul khrims te tshangs par spyod pa'o/ /yang dam tshig ni sdom pa ste/ rnal 'byor ba'i srog go de'i phyir mi 'bral bar bya ba kho na'o/ /sems can bslu pa ni dbang po rang snang dang ba'o/ /yang ni snang ba lhan cig skyes par sbyor ro/ /bya ba ma yin thams cad ni spyod pa kun la 'jug pa'o/ /sems can gnod pa tsam ni man ngag dang mi ldan pas spyod pa'i bya ba kun gyis gnod pa'o/ phyag rgya'i dngos grub ni yongs su rdzogs pa'i phyag rgya chen po'o/ /rnyed mi 'gyur ni man ngag dang brtul zhugs log pas so/ /dam tshig gi rdzas ni de la dam tshig bza' bya ba/ /na dad ga ha dang po dang/ /mdza' yi shwa dang dang po'i shwa /kye yi rdo rje dngos grub phyir/ /bdud rtsi lnga yang de bzhin bza' / zhes bya ba ni nan ra mi'i sha /ga gor ba lang gi sha/ ha ha sti glang po'i sha/ a shwa ste rta'i sha dang/ shwa ma byi'i sha dang lnga dang/ bi mu mar shu bdud rtsi lnga ni bskyed pa'i rim pas sbyang ba dang sbar ba dang rtogs par byas te bza' ba'o rdzogs pa'i rim pa la ni byang chub sems kyi rim gro'i don du bza' ba'o/ /spyir gang zag gis rim pas brtags te bza' ba dang/ sres te bza' ba dang/ dngos su bza' ba ci rigs par shes par bya'o/ /kye'i rdo rjes gsungs mtshan nyid /skye ba bdun pa de nas brtag ces pa ni/ /skye ba bdun pa'i sha bza' ba ste/ de yang dang por brtag pa ste/ nang gi brtag pa dang phyi'i brtag pa'o/ /nang gi brtag pa ni/ dga' bral dga' ba la smod pa zhes las kyi phyag rgya'i dga' ba spong ba dang/ mig dang ldan zhes bya ba ni shes rab shin tu che ba'o/ /phyi'i brtag pa ni skad snyan mig dang ldan pa ni zhes pa ni mig dkar nag phyed pa'o/ /dri lus gzi brjid chen po ni lus la dri bzang po yod pa dang/ gang zag gzhan pas gzi brjid che ba dang/ de'i grib ma bdun du 'gyur ba ni nya'i dus su bya rgod kyi rje dar gyi sbubs rnam par snang mdzad kyis byugs la/ bltas na de'i grib ma bdun byung na skye ba bdun par shes par bya/ de ni zos pa tsam gyis ni/ skad cig la ni mkha' spyod 'gyur zhes pa ni de'i sha bza' ba ste/ rgyal po ain+d+ra b+hu ti'i gtam brgyud lta bu'o/ /yang de'i bka' drin nod pa yin no/ /rdzogs pa'i rim pa ltar na ni/ /kye'i rdo rje gsungs mtshan nyid ces pa/ dgyes pa rdo rje'i rgyud 'bum tsho lnga'i nang du skye ba bdun pa'i brtag pa gsungs pa ste/ skye bdun pas ni nyi ma mtshon pa ste/ zla ba byang chub kyi sems bza' zhes bya'o/ /gang gis dus su zhe na/ dga' bral dga' ba la smod pa zhes pa lhan cig skyes pa'i dga' ba'i dus su'o lan bdun ban ni 'grub par 'gyur zhes pa ni lhan cig skyes pa de bsgom pa'i yon tan skad snyan mig dang ldan zhes pa la sogs pa skye ba bdun pa'i yon tan 'byung ngo/ /da ni rim pa gnyis kyi he badzra'i sgrub thabs bstan nas rgyud 'dir lha gzhan gyis mi 'grub ce na de'i ku ru kul+le'i sgrub thabs bshad par bya ste/ gong du brtag pa bcu gnyis pa rgyas par gsungs pa mdo ru bsdu zhes bya ba ni dgyes pa'i rdo rje 'bum tsho lnga pa ru/ ku ru kul+le shlo ka ni khri pra gsum gsungs la/ brtag pa ni bcu gnyis rgyas par gsungs pa de rtsa ba'i rgyud mdor bsdus pa 'di ru bsdus nas ston par byed pa ste/ 'di'i don ni sngon du dgyes pa'i rdo rje'i bsnyen pa rdzogs pa 'aM/ yang na 'di nyid kyi bsnyen pa bya ste/ de yang lugs gnyis te/ dpa' mo gcig pa dang dkyil 'khor gyi 'khor lo'o/ /dpa' mo gcig par bsgom par 'dod pa yis tshogs bsags pa dang/ bsrung ba mtshams kyi 'khor lo'i nang du rdo rje rnam bzhi 'aM sa bon/ phyag mtshan tsam la h+rI:las byung ba'i lha mo ni/ kha dog dmar zhing phyag bzhi ma/ autpa la dang lcags kyu'i 'dzin/ /'di ni bsgoms pa tsam gyis ni/ /zhes pa de la ye shes bstim pa dang skye mched byin gyis brlab pa dang/ dbang bskur ba dang mchod bstod bdud rtsi myong ba byas la/ bzlas pa'i mthar thug par bya'o/ /dkyil 'khor gyi 'khor lo ni bsrung ba mtshams kyi 'khor lo yan chad snga ma bzhin byas la/ chos kyi 'byung gnas kyi nang du rten gzhal yas khang le'u brgyad pa ltar bsgoms la/ brten pa lha bsgom pa ni mngon par byang chub pa rnam pa lnga yis dbus su rdo rje ku ru kul+le/ shar phyogs su sangs rgyas ku ru kul+le/ lho phyogs su rin chen ku ru kul+le/ nub phyogs su pad+ma ku ru kul+le/ byang phyogs su sna tshogs ku ru kul+le/ mngon par byang chub pa lnga'i rkang thon du bskyed par bya sa bon dang/ phyag mtshan dang sku mdog byad thams cad mthun par bya ste dbang gi las bsgrub pa'i phyir ro/ /de la sems dpa' sum rtse gnas ye shes kyi 'khor lo spyan drangs/ byin gyis brlabs dbang bskur mchod bstod bdud rtsi myang pa'i bar du byas la thun bzhi'i rim pas bzlas pa bya ba ni mtshan ma thob thob du bya'o/ /de nas bsgrub pa bya ba ni cho ga snga ma dang 'dra ba las/ rang gi thugs ga lha'i thugs ka nas 'od zer lcags kyu'i tshul gyis rdo khab len ltar bsgrub par bya ba'i lus ngag yid gsum rang dbang med par 'ong bar bsam mo/ /'di ru byams pa chen po ni man ngag go sngags la ni so sor ming la ba shi sku ru na hUM phaT swAhA spel lo/ /de'i grangs kyi tshad ni/ 'bum phrag cig gis rgyal po ni bsod nams las grub pas so/ /phal pa nyid ni dman pas grangs nyung ba'o/ /phyugs ni dud 'gro'i gtso bo ste klu'o/ /gnod sbyin yang glegs baM la lar bak+Sha na bya ba bya ste/ ya k+Sha yin pas gnod sbyin no/ /de dag la grangs mang bar bya ba ni 'gro ba gzhan du gtogs shing ma rungs pas so/ /lha ma yin yang de bzhin no/ /lha ni 'gro ba gzhan pas bsod nams lhag pas so/ /sngags pa grangs nyung ba ni 'gro ba gcig pa dang/ dam tshig gis brtse ba'i phyir ro/ /rdo rje snying po ni sdud pa pos zhus pas so/ /mngon par byang chub ni rim pa gnyis so/ /brtag pa ni cho ga bzhi po/ /rgyal po ni de kho na nyid dam rdzogs pa'i rim pa dang ldan pas so/ /le'u bcu gcig pa ni lhag ma'o/ / brtag pa dang po rdzogs so/ / //daM ni brtag pa phyi mar bstan pa'i don bshad pa'i phyir ro/ /rdo rje snying pos gsol zhes pa ni mkha' 'gro ma rnams dang so sor sdom pa'i tshul gyis so/ /bcom ldan rdo rje ni rdo rje 'dzin pa'o/ /snying po ni sar te bcud du bsdus pa'o/ /bdag ni bdag nyid dam bdag po kye'i rdo rje'i/ de nas bshad du gsol zhes bya bar 'brel lo/ /yang na sangs rgyas thams cad gcig bsdus pa'i snying po ni bcud du gyur pa'i/ rab gnas kyi mtshan nyid do/ /de bshad du gsol zhes bya'o/ /de'i don ni 'di yin no/ /rab tu gnas pa yang sngon du bsnyen pa bya ste/ rab mthong sngags kyi pha rol son zhes bya ba ni de yang yan lag drug gam ting nge 'dzin gsum gyis byas la/ de yang gsum ste/ grangs kyi bsnyen pa 'bum dang/ tso dang 'khor ni tshang bar bya/ /dus kyi bsten pa zla drug+goms pa la sogs pa ni ci rigs par shes par bya/ mtshan ma ni lhas gnang ba 'am/ rmi lam gyi bar du bzang po 'byung ba dang/ slob dpon mtshan nyid dang ldan pa la gsol ba lan gnyis dang la na gsum gyi bar du gsol ba gdab par bya'o/ /sngar sa'i cho ga yang le'u bcu pa ltar bya ste/ de'i sngon du bgegs bsal ba'i don du ci gsungs sbyin sreg byas nas zhes ba cho ga bzhin bya'o/ /sta gon la sogs byas nas ni/ bya ba bdag nyid la ldan pa phun sum tshogs ba bya ba ni yan lag drug gam sbyor ba gsum byas la/ de nas sa'i lha mo lhag par gnas pa ni rlung mtshams su maN+Dal gcig byas la me tog gi tshom bu gcig bkram ste/ baM las bum pa de las sa'i lha mo sku mdog ser ba g.yas pa khas len pa g.yon pa buM pa bsnams pa gcig bskyed de/ rang bzhin pa spyan drangs nas mchod pa byas nas/ ma ma rin chen zhes bya ba dang/ sa dang pha rol phyin pa zhes bya ba gzhan nas 'byung ba tshig gnyis kyis dbang por gsol ba/ bstim pa 'am yang na dbang por bzhugs so/ /lha lhag par gnas pa ni dkyil 'khor khar pa 'am gzhan du maN+Dal sbyor ba lngas byug la/ gtso bo'i gnas su dri'i thig le gru bzhi bya/ gzhan la zlum po bya/ pad+mar bsams la me tog tshom bu rang rang gi sngags bzlas zhing lhar mos la/ de la mar me dang lha bshos la sogs pa bkram ste/ slob dpon gyis sa bon tsam 'am phyag mtshan las lhar bskyed la/ ye shes 'khor lo mdun du bkug pa la bla na med pa'i mchod pa byas la dgug gzhug la sogs pa bya/ de la skye mched byin gyis brlabs pa dang/ sku gsung thugs byin gyis brlabs dbang bskur mchod bstod bdud rtsi myang nas bzlas pa mthar thug pa'i bar du byas la/ rab gnas kyi don du tshig bsgyur la bya'o/ /de nas bum pa dang yo byad kun lhag par gnas pa bya de nas yon bdag slob ma dbang bskur na/ sta gon zangs kyis bya/ mi bskur na spyan ba dang spro ba bskyed tsam bya'o/ /de nas bar du gnas pa la/ snga bar sku gzugs sbyar ba dang zhes bya ba ni sta gon byed pa dang nyin gcig par bya ba'o/ /sta gon byed pa ni gnyis te/ rten sbyar pa dang/ mgon po bsdu ba'o/ /rten sbyang ba ni stegs bu khru gang dbang su khru phyed pa'i steng du sku gzugs gral nas phyug la/ sbyar ba lnga ni dang po khrus kyis sbyar ste/ 'dag chal la sogs pas bkru ste/ de nas me'i nang du yungs kar blugs zhing sbyar ba'i sngags bzlas zhing bskor zhing bya'o/ /de na chu'i nang du snga ma bzhin bya'o/ de nas rtswa dur bas sbyang ngo/ /de nas shun pa lngas dril phyis bya'o/ /de dag ni bya byung lnga dang/ 'bru mar bskus la bag phyes dril phyis bya'o/ /de nas las thams cad pa'i bum pa nas khrus bya/ bkra shis gdon zhing bya bas la sku phyis la sbyang ngo// ras ris dang mchod rten dang lha khang la me long la khrus bya'o/ /de nas mgon po bsdu ba ni sangs rgyas dang byang chub sems dpa' thams cad spyan drangs la mchod pa dang bstod pa byas la gsol ba gdab par bya'o/ /de nas nang par snga bar dbang bskur na rmi lam dri ba sbyor/ /nam mkha' la bteg la/ thig dang tshon dang kha sbyar dbab pa bsre'o/ /de nas rgyan dgram bum pa dgod pa la sogs pa bya'o/ /de nas dkyil 'khor sgrub pa ni yan lag drug gam sbyor ba gsum gyi bdag nyid la ldan pa phun sum tshogs pa las kyi slob mas byas la bla ma la mos pa 'pho bar bsgoms nas/ sa bon phyag mtshan tsam las lha bskyed/ rang bzhin pa spyan drangs la bzhi bsres la mchod bstod bdud rtsi myar ba bya'o/ /de nas rab tu gnas pa ni bzhi ste rab tu gnas pa dang/ mda' dbul ba dang/ spyan dbye ba dang/ zhal bsro ba'o/ /rab gnas la gnyis te/ thun mong dang khyad par dang rab tu gnas pa'o/ /de la thun mong ni sbyang ba lnga po dang mgon po bsdus pa la tshon bsgyur la bya/ nyon cig pa yang 'dra'o/ /de la rten rang rang gi lha gang yin par bskyed/ mi gsal na lhag pa'i lhar bskyed/ po ti la sngags ni a las rdo rje chos su/ mdo sde ni snang ba mdza' yas su/ yum shes rab kyi pha rol tu phyin mar phra las bskyed/ mchod rten nam gtsug lag khang ni bum las gzhal yas khang ngam/ rdo rje dbyings kyi dbang phyug mar bskyed/ nam mkhar bzhugs pa'i sangs rgyas rnams sku gzugs snying gar rab tu bzhugs/ /ji ltar sangs rgyas thams cad ni/ /dga' ldan gnas zhes bya ba ste/ /sngar gyi sta gon nam mkhar spyan drangs pa bstim pa tsam byas te byin gyis brlabs dbang bskur/ mchod bstod byas la bzhugs so/ /khyad par gyi rab gnas ni dkyil 'khor ba rnams bstims la yang snga ma bzhin bya'o/ /spyan dbye ba ni gnyis te/ thun mong spyan dbye ba ni gser gyi thur ma la sogs pa rdzas dang sngags kyis bya/ khyad par spyan dbye ni ye shes dbab pa zhal bzhad pa'am ldeg pa 'am/ snyan cha 'khrol ba 'am sa g.yo pa'i bar du bya'o/ /mnga' dbul ba la gnyis te/ lha ltar mchod pa dang/ slob ma ltar dbang bskur ba'o/ /mchod pa ni mchod pa'i khyad par dpag tu med pa rgyal po gcig gi yo byad de/ gdugs dang ba dan la sogs pa dang/ spos dang me tog la sogs pa brgya bas lhag cing bcu las mi nyung bar bya'o/ /ras yug brgya 'am stong ngam ba lang gi khyu brtags pa dang/ rin po che sna bdun la sogs pa dbul lo/ /slob ma ltar dbang bskur ba ni chu nas brtsams nas rig pa'i dbang dang brtul zhugs dang rjes su gnang ba dang/ lung bstan pa la sogs pa mchod gnas su gtad pa shis pa brjod bar bya'o// zhal bsro ba ni rgyas pa'i sbyin sreg gam shis pa'i sbyin sreg bya'o/ /dge 'dun la mchod pa dang/ yul khrims kyi shis pa'i ston mo bya/ nad pa yin na tshogs kyi mchod pa dang tsA ru'i ston mo bya'o/ /gtsug lag khang yin na nag po chen po bsgom par bya ste/ rten yod pa'i drung du phyin la mchod pa dang gtor ma bshams la/ dang por rang bskyed rang bzhin pa bstims la byin gyis brlab pa byas la/ mchod bstod byas la bka' bsgo ba bya/ 'di rnams kyi cho ga ni lag tu slang ba'i rim pa shes par bya'o/ /la la ni rab tu gnas pa'i lha ni gshegs su gsol bar 'dod do/ /bla ma ni sku gzugs la sogs par phal cher mi shes so/ /rten khyad par can ma yin pa la ni phog cig /byin gyis brlab pa tsam byas la gshegs so/ /brtag pa phyi ma 'di ni mngon par rtogs pas mi 'ching ste/ brtag pa snga ma'i yan lag tu ston te de yang rab tu gnas pa ni le'u bcu pa'i ma tshang ba 'di yis kha bskang bar bya'o/ /le'u gnyis pa ni brtag pa snga ma'i rim pa gnyis sbyir shes par bya ba nyams su blang/ nyams su blang ba'i 'bras bu'i tshul gyis gtan la 'bebs so/ /le'u gsum pa ni gleng gzhi'i don du gtan la 'bebs so/ /le'u bzhi pas ni kha 'thob gyi don dka' ba gtan la 'bebs so/ /le'u lnga pa ni he ru ka phyag bcu drug pa'i mngon par rtogs pa'i dkyil 'khor dang/ rdul tshon gyi dkyil 'khor le'u gsum pa dang/ bcu pa'i ma tshad ba gtan la 'bebs so/ /drug pa bdun pa gnyis kyis spyir bris sku dang glegs bam la brten nas sngar tshogs kyi 'khor lo ma bstan pa 'dir gtan la 'bebs so/ /le'u brgyad pas ni 'jug pa'i gang zag dad pa can dang 'dul bar dka' ba'i thabs rgyud 'dir 'jug pa'i thabs ston to/ /dgu pa ni bgrang phreng dang las so so'i bza' ba'i dam tshig bstan to/ /bcu pa dang bcu gcig pas ni zhe sdang can dang/ chags pa can rgyud 'dir 'jug pa'i tshul lam thabs ston to/ /bcu gnyis pas ni dbang bzhi 'i don gyi tshig bshad sngar ma gsungs pa'i kha skong ba bstan to/ /rab gnas kyi le'u bshad pa ste dang po'o// //da ni brtag pa snga ma'i rim pa gnyis kyis thob pa'i thabs dang shes rab mi phyed pa phyag rgya chen po ji lta bu zhe na/ de'i phyir rdo rje snying pos dris pa'o/ /chos kun zhes pa ni gzugs la sogs pa'i rang bzhin no/ /nam mkha' lta bu ni shes rab zab pa'i dpe'o/ /rgya mtsho lta bu'i lhag ma ste thabs zab pa'i dpe'o/ /de yang rim pa gnyis kyi don ni zab pa'i ste/ dbyer med pa yin na/ bskyed rim sku ba zhes pa ste/ ril po'i mtshan ma'o/ /ji ltar ram de bzhin zhes pa ni dpe'o/ /rang 'dod lha'i gzugs ni lhag pa'i lha'o/ /sems can gzugs bsgom pa/ ji ltar bsgrub ni phyag rgya chen po ste spong ba'i sgra'o/ /yang na thabs de zhu 'tshal zhes zhu ba'o/ /bcom ldan 'das kyis gsungs pa'i lan du'o/ /bdag med rnal 'byor ni chos kyi sku shes rab dang ldan pa'o/ /he ru ka dpal ni longs sku thabs so/ /gzhan pa'i sems ni shes rab dang thabs ma yin pa'o/ /skad cig kyang ni yud tsam du yang ngo/ /dngos grub 'dod pa ni phyag rgya chen po dbyer med pa'i phyir ro/ /mi gnas pa ni gzhan pa'i sems so/ /da ni bstan pa de bshad pa'i phyir yang dang po goms par byed dus ni bzang po rtag tu dang 'brel te/ las smin cing byang ba la yang ma yin pa'o/ /gnas kyi sngags pa ni bde ba bskyed pa 'chad par 'gyur ba'o/ /sems gcig mnyam gzhag ni de'i yon tan no/ /gnas bzang po ni des yon tan bskyed pa'i phyir ro/ /rang khyim ni rnal 'byor pa'i'o/ /mtshan dus ni ne se ga la ste dus sam du mtshan ma rgyu ba'i gnas so/ / grub pa'i sems ni phyag rgya chen po la dmigs pa'o/ /rnal 'byor ma bsgom ni 'dod pa'i lha bdag med ma'o/ /shes rab can ni nam mkha' lta bu'o/ /yang na ni 'dod pa'i lha mos phyogs gzhan du'o/ /he ru ka dpal ni dgyes pa'i rdo rje'o/ /de yang la la dag phyag bcu drug pa kho na la 'dod do/ /'dir ni rdo rje bdag med ma dang gnyis kyis myur ba nyid du phyag rgya chen po sgrub par 'dod de/ 'o na lha gzhan dag gis ma yin zhe na/ gzhan dag gis ni myur ba nyid du phyag rgya chen po thob pa ma yin te/ / so sor rten cing 'brel par 'byung ba so sor nges pa'i phyir/ sa lu la sogs pa'i sa bon bzhin no/ /ji skad du yang 'jam dpal gyis ni blo 'phel byed/ /so sor 'brang mas byin pa srun/ nag po chen pos tshar gcod 'gyur zhes rgya cher gsungs so/ / de nas he ru ka phyag bcu drug pa dang bdag med ma'i gzugs ni tshul lam rang bzhin no/ /thabs rgya mtsho lta bu'o/ /de'i phyir tum pi ste ku ba lta bu ma yin pa'i gnas yon tan dang bcas pa'o/ /yang spyod lam gyi dus su yang yon tan dang bcas pa bstan pa'i phyir/ rkang pa khru ba la sogs pa ni go sla'o/ /brtul zhugs can thabs dang bcas pa'i he ru ka mos pa'o/ /rnal 'byor ma ni shes rab dang bcas pa'i bdag med ma longs sku'o/ /rnam par bsgom pa ni longs spyod la mos pa'o/ /gzhan pa'i tshul la sogs pa ni snga ma ltar ro/ /da ni mnyam par gzhag pa bstan pa'i phyir/ bsam gtan ni dbyer med dang ldan pa'i rtse gcig pa'o/ /nyon mongs 'jig pa'i yon tan no/ /rdo rje snying po ni bde pa'o/ /nga yis bshad pa ni bcom ldan 'das nyid kyis zhal gyis bzhes pa'o/ /brtse ba ni sems can don du ste gzhan du'o/ /dngos grub don ni bdag don no/ /yang bsdu ba ni phyogs gzhan ma yin no/ /zla ba phyed du rtogs ni sgom pa ste dus myur ba'i tshang ngo/ /bsam pa thams cad spang ni nyo tshong dang zhing la sogs pa'o/ /yang na snga ma bzhin te dbyer med pa'i de kho na nyid dang ldan pas so/ /lha'i gzugs su sems pa ni snga ma ltar phyogs gnyis so/ /nyi ma gcig tu ma chad pa ni chung du na thun gcig tu yang ngo/ /sgom pa'i lha'i rnam par gsal ba'o/ /yongs su brtag pa ni gnyis su med pa'i de nyid dang ldan pa ste/ de'i phyir ku ba lta bu ma yin zhing dngos grub tu nges par mnyam gzhag gi yon tan no/ /da ni spyod pa bstan pa'i grogs dang ldan pa'i yon tan bstan pa'i phyir/ rang gzhan don bsgrub pa ni phyag rgya chen po rnam pa kun gyis mchog dang ldan pas so/ /'khor ba ni zhes pa ni rnal 'byor pa 'dod chags ma spangs pas so/ /thabs gzhan med pa ni nyan thos la sogs pa ma yin pa'o/ /de'i phyir rig ma goms pa ni bsgom pa'i dus su 'phral du mngon du byed pa 'am/ yid ches ni sbyod pa'i dus nyid du yon tan 'byung ba bstan pa'o/ /de bshad pa'i tshigs su bcad pa gcig ste go sla'o/ /phan gnod 'bras du 'byung ba ni 'phral du nyams su myong ba'o/ /de ltar nges par shes nas ni ma 'ongs par yang shes par bya'o/ /rnal 'byor pa rnams skad cig kyang zhes pa ni 'di dag dang gzhan du'o/ /ji ltar du 'bod gnas su skye ni du 'bod ni mtshon pa ste/ sdug bsngal can kun tu'o/ /ji ltar skyes na ni spong ba'i sgra ste/ mi'i 'gro ba kho na'o/ /de ni spyod pas mthar phyin pa'i che ba'i bdag nyid bstan pa ni/ mtshams med lnga ni byed pa dang zhes pa ni pha gsod pa dang ma gsod pa dang/ dge 'dun gyi dbyen byed pa dang/ dgra bcom pa sun 'byin pa dang/ sangs rgyas kyi sku la ngan sems kyi khrag 'byin pa dang/ srog chags gsod pa dga' ba dang/ zhes pa ni mi dge bcu spyod pa'o/ /gzhan gang skye ba dman gang ni zhes pa ni smyug ma mkhan dang/ phag gsod pa la sogs pa dang/ rmongs dang ma rungs pas byed dang/ zhes pa ni rgya pa dang nya pa dang rkogs byed pa la sogs pas kyang 'gyod pa'i bsam pa snga ma'i las spangs te/ dgyes pa'i rdo rjer zhugs na 'grub par 'gyur ro/ /dge ba bcu la goms pa dang zhes bya ba la sogs pa ni dam pa rnams kyis nges pa nyid du 'grub par 'gyur ro/ /da ni spyod pa'i tshul dngos bstan pa'i phyir/ 'di'i dgos pa ni le'u drug par shes par bya'o/ /rnam pa cha lugs dang lha'i nga rgyal dang/ gnas de rnams kyang le'u drug pa ltar shes par bya'o/ /drod tshad ni skad cig mar ltar gsal ba dang/ dngos po lhar gsal ba dang/ dngos po sgyur nus pa ste/ 'di ni bskyed pa'i rim pa'i spyod pa'i drod tshad do/ /rgyu mtshan gyi drod spyod pa la sogs pa'i grogs bstan par bya ba'i phyir/ zla ba gcig tu gsang la sbyong pa ni dus myur ba'i tshad do/ /ji srid phyag rgya ma rnyed pa ni ma rnyed pa'i tshe ji ltar btsal ba'o/ /gnang ba sbrin pa sngags pa la ni tshol ba'i nus pa dang ldan pa'o/ /rnal 'byor ma'i bsgo ba ni mkha' 'gro mas nam mkha' nas bstan pa'o/ /ji ltar bsgo zhe na/ phyag rgya che ge mo zhig ni zhing dang zhing skyes ma'i ming ngo/ /khyed la zhes pa ni dgon pa'i gnas su ste gsang ba'i spyod pa'o/ /sems can don gyis zhes pa ni grong khyer dag tu 'khyams pa 'am mos par 'gyur pa'o/ /rdo rje 'dzin ni rnal 'byor pa la pos pa'o/ /dgyes pa'i rdo rje'i nga rgyal gyis zhes pa'i tha tshig go / 'o na spyod pa ni sgo gsum gyi bdag nyid can yin la/ gsang ba'i spyod pa ni grogs dang bcas pa yin pas brtan pa ma thob na gang dang 'grogs she na/ spyod pa sgo gsum ni le'u drug pa ltar shes par bya'o/ /gsal ba'i spyod pa'i grogs ni gnyis te zhing skyes ma dang lhan skye ma'o/ /brtan pa ma thob kyi bar du lhan skyes ma dang 'grogs te spyod pa'o/ /lhan skyes ma ni de nyid bstan pa'i phyir/ rnyed pa de yang mig yangs ma zhes bya ba la sogs pa tshigs su bcad pa gnyis te/ rang bzhin gyi yon tan dang sbyangs pa'i yon tan dang ldan pa ste/ rang bzhin gyi yon tan ni byad gzugs dang lang tsho dang rigs kyi yon tan no/ /spyangs pa'i yon tan ni dge ba bcu nas brtsams nas ni zhes bya ba la sogs pa sems bskyed pa dang/ /sdom pa dang dam tshig sbyin pa dang/ dbang bskur nas lha bsgom pa dang ldan par bya'o/ /da ni yang na yid skyes dang lhan cig 'grogs pa'i phyir /zla ba gcig ni sngon du de nyid bsgrub pa'i don du'o/ /skal ldan the tsom med ni spyod pa'i grogs nus par ro/ /mchog thob ni yid las byung ba'i chos kyi phyag rgya gsungs pa'i phyir ro/ /bud med ni 'dod pa'i bud med 'dra bas so/ /rtog pa kun yang dag spong ba ni de ltar brten pa'i yon tan no/ des ni cung zad smyon pa'i brtul zhugs kyi grogs bstan to/ /de skad du yang/ snying la gnas pa'i lha mo che/ /yon tan thams cad bskyed pa'o/ /zhes gsungs so/ /'di'i spyod pa'i ldang tshad kyang le'u drug pa ru cang te'i sgra ni bzlas pa ste bya ba la sogs pa 'dir sbyar ro/ /da ni sngags skyes dang spyod bsten pa'i phyir/ yang na phyogs gzhan te sngar gyi dag la yang ngo/ /bdag gis nus ba ni sgom pa dang sngags kyis so/ /lha dang lha min la sogs pa dgug pa ni til mchog ma dag go khyed la spyad ni snga ma ltar ro/ /'dis ni smyon pa'i brtul zhugs chen po'i grogs gang yang rung ba dang/ 'grogs saM/ grogs byed par 'gal ba med do/ /'di'i spyod pa'i rgyu mtshan yang/ A li kA lir rab brtag pas/ /brjed pas bzlas par yang dag bshad ces bya ba la sogs pa le'u drug pa ltar shes par bya'o/ /da ni tha mal pa dgag pa'i phyir bdag gi dal ba 'am bstan pa ni ting nge 'dzin no/ /mngon du ni pri ta ya ste/ rkyen nam yid ches su yang ngo/ /gang bshad ni thabs dang shes rab gnyis med dang ldan pa'o/ gzigs pa'i gzugs saM tshul ni he ru ka dang bdag med pa'i nga rgyal gyis so/ /spyod pa longs spyod phyir ni zhes pa ni tha mal gyi grogs so/ /spyod pa ma gsungs pa ni tha mal lam lto dgang bya'i dpung gnyen no/ /de skad du yang kye bcom ldan 'das gal te sita la sogs pa de zos na ji ltar mi gtsang bar mi 'gyur/ bcom ldan 'das kyis bka' stsal pa/ pho nya gtsang sbra dang po ste/ /gnyis pa zhi ba'i btung ba yin/ /snod gcig tu ni zas za ba/ /gtsang sbra gsum pa yin par brjod/ /rnal 'byor phyi rol la dga' ba/ /sbrang rtsi 'di ni brtsam par bya/ /rang sems dri ma can 'gyur na/ /gtsang sbra 'di yis ci zhig bya/ /'dod don thams cad sgrub byed pa'i/ /mi mthun chos rnams gang zhig dang/ / zas dang longs spyod phyir byas na/ /khyi yi skye gnas brgyar skye zhing/ /dme sha can du skye bar 'gyur/ /dper na la la mar 'dod pas/ /'bad pas chu ni bsrubs sgyur kyang/ /mar sar 'byung bar mi 'gyur gyi/ /lus nyon mongs pa kho nar zad/ /'tsho ba'i thabs kyi rgyur gyur pa/ /'dzin cing mchod par byed pa yi/ /rnal 'byor gzhan la brten pa yang/ /de bzhin ngal ba don med 'gyur zhes pa gsungs pa dang/ de kho na nyid kyi don dang ldan na/ dung dang nya phyis mu tig ste/ /gsum ga rgyu las byung yin na/ /chos kyi ye shes lus can gyi/ /thod pa la ni su zhig smod ces gsungs so/ /da ni bsam pa'i khyad par yang yid ni brtan nam g.yo zhes bya ba ni bskyed pa'i rim pa'i spyi'i mtshan nyid tsam mo/ /rang gi sems brten pa ni bzhi? mi g.yo bar ro/ /rdo rje snying bos gsol zhes pa ni gzhan la ji ltar rigs pa'o/ /bdag med rnal 'byor ni bdag med par bsgoms par ldan pa'i bud med do/ /phyag rgya nyid ces ji ltar zhes bya ni spong ba ste/ rang nyid phyag rgya yin na/ de'i rgyu mtshan bstan pa'i phyir/ phyag rgya ni rang nyid yin pa'i phyir ro/ /phyag rgya gnyis ni yang phyag rgya la brten pa'i dngos grub ji ltar 'gyur zhes pa ni thabs lam brten pas spong ba'i sgra'o/ /phyag rgya zhes pa ni phyag rgya chen po ste dbyer med do/ /bcom ldan 'das kyis gsungs pa ni de'i yan lag go / bud med gzugs ni spang zhes pa ni phyag rgya'i rten rnam par bsgyur ba ste bstan pa'o/ /de bshad pa ste nu ma spang bar 'brel lo/ /po lar bsgyur te ji ltar zhe na/ kak+ko la dbus gnas ni dbus nas skyes pa'o/ /'gram gnyis ni khur ba'o/ /dril bu ni 'bras bu'o/ /ze 'bru ni kon ta'o/ /bo la ni rin po che'i pho brang ngo/ /de nas skyes bu nyid du 'brel lo/ /ji ltar zhe na/ 'bad pa med par skyes bur 'gyur ro/ /ci'i phyir zhe na/ gsal bar nus pa'i phyir ro/ /'di las skyes bur 'gyur ba de las so/ /phyag rgya'i dngos grub phyag rgya chen po sgrub par byed nus pa kho na'o/ /yang spangs gzhan zhes pa ni bdag gzugs bsgyur te/ gzhan zhes pa ni kak+ko la las gzhan pa'o/ /cir zhe na/ bcom ldan 'das kyis gzugs ni he ru ka'o/ /bstan pa de bshad pa'i phyir/ lhag ma zhes pa ste bo la las gzhan pa'i sku'o/ /bdag nyid chen po ni sgeg pa la sogs pa'i nyams so/ /dga' chen he ru ka'i gzugs ni thabs bde ba dang ldan pa'o// he ru ka sbyor ni sku gsung thugs su'o/ /de nas gsal bar nus pa'i rnal 'byor du 'brel lo/ /shin tu goms pa las byung ba'i phyir ro/ /'di las ni he ru kar bsgyur ba de las mo/ /phyag rgya'i dngos grub ni phyag rgya chen po sgyur nus pa kho na'o/ /da ni bskyed pa dag par bstan pa'i phyir ro/ /skye dang 'jig pa ni tshogs gnyis sam A li kA lis saM/ zla ba nyi ma 'am/ byang chub bar bskyed pa 'am/ rjes su chags par zhu ba la sogs pa'o/ /thabs dang shes rab mi 'ching mi gnod ces la ni de rnams thabs dang shes rab yin pa'i phyir ro/ /bstan pa de bshad pa'i phyir thabs ni 'byung ba zhes bya ba ni skye ba ste/ bsod nams kyi tshogs pa'o/ kA li dang/ nyi ma dang/ byang chub pa lngas bskyed pa la sogs pa'o/ /de'i phyir de rnams ni thabs yin pas mya ngan las 'das pa mthar phyin pa ni lhag ma'o/ /yang 'jig pa ni ye shes kyi tshogs dang A li dang zla ba dang rjes su chags pas zhu ba la sogs pa kun nas gang yang rung ba'o/ /shes rab ni 'di rnams kyi rang bzhin yin pas srid pa mthar byed pa'o/ /de dag bsdus pa'i phyir ta de nas zhes pa ni shes rab yin pas na'o/ /'di la ni ye shes la sogs pas na'o/ /de nyid las ni zhes pa ni bsod nams tshogs la sogs pa'o/ /des na zhes pa lhag ma ste thabs yin pas so/ /gang la 'am la la ni tha mal pa'i tshe na'o/ /'jig pas 'jig pa 'am zad par 'gyur zhes pa ni zhig nas med par ro/ 'jig pa'i dngos po ni gdong ma nas shes rab yin pas 'jig pa'i rgyu med pa'o/ /zag pa med ni zhig nas zad la yin pas so/ /de bzhin du yang thabs skye ba la yang lhag ma khong nas phyung ste shes par bya ste/ la la skye ba skye bar 'gyur nyon mongs pa'i skye ba yin pas so/ /skye ba'i dngos med zad par 'gyur/ thabs dang shes rab kyi skye ba yin pa'i phyir ro/ /de dag gis ni bskyed pa'i rim pa thabs kyi cho ga dag par byas nas/ bskyed pa lha'i mtshan ma dag pa'i phyir bskyed pa'i rim pa ni rnal 'byor 'di las dang po nas gzung ba'o/ /brtul zhugs can ni bskyed rim mthar byed pa'i bar gyis so/ /spros pa ni kha dog dang mtshan ma la sogs pa'o/ /bsgom pa ni gsal bar ro/ /rmi lam ltar gsal ba sems kyi chos yin pas so/ /de'i phyir spros nyid ni spros pa med ces bya ste/ bskyed pa'i ngo bo dag par byed pa'o/ /da ni bskyed pa'i rim pa'i yon tan nam/ spyod yul dag par bstan pa'i phyir/ ji ltar sgyu ma zhes pa ni rig ma la brten pa la sogs pas bde ba'i sgyu ma lta bu myong ba'o/ /de bzhin rmi lam gsal ba sems kyi chos su'o/ /da ni skye ba'i rten dag par bstan pa'i phyir/ ji ltar ni gzhal yas khang ngo/ /bar srid dam dri za'i grong khyer ni nam mkha' la 'tsho ba'i khang bzangs so/ /rtag tu goms pa'i sbyor ba ni dag pa dang ldan pas snga ma ltar ro/ /dkyil 'khor nyid kyang de bzhin snang ni bskyed rim de ltar shes nas/ rdzogs rims la sbyor nus pas so/ /da ni rdzogs rim pa bstan pa'i phyir/ phyag rgya chen po'i dbang bskur ni/ kun rdzob phyag rgya chen po'i gzugs phal pa'i pad+ma can la brjod pa ste/ las kyi phyag rgya'o/ /dbang bskur ni gsum pa dang 'dra ba las rten khyad par can du nyams su myong ba'o/ /ji ltar gzung ba'i bde chen pa ni zla ba gzung ba'i man ngag las bskyed pa'o/ /de'i byin rlabs sam mthu ni gsal ba'i bde ba'o/ /byin rlabs skyed pa la brten nas brten par 'gyur bas dkyil 'khor yin pa kho na'o/ /gzhan dag las dkyil 'khor 'byung ba med ni lhan cig skyes pa las gzhan pa las so/ /da ni gzhan lus shes rab la brten pa'o/ /gsum pa chags bral yang phyag rgya chen po ni lte ba la gnas pa'i thig le 'am yi ge'o dbang bskur ba ni spyi bo'i haM las zhu ba ste/ gur gum gyi char la sogs pa dang ldan pa'o/ /shes pa'i bde chen ni gsal ba'i bde ba'o/ /gzhan dag snga ma ltar ro/ /de ni rang lus thabs la brten pa'o/ /gsum pa chags bral gyi dbang bskur te/ nyams su myong ba ni snga ma dang 'dra'o/ /yang phyag rgya chen po ni shes rab lha mo bla na med pa'o/ /dbang bskur ba ni bsten pa'i thabs chags pa yang chags bral lta bu'i tshul lo/ /shes pa'i bde ba che ni gnyis su med pa'i shes pa 'ba' zhig go /byin rlabs ni snang ba byin gyis rlob pa'o/ /gzhan las ni gnyug ma'i dbang po ma smin pa las so/ /dkyil 'khor 'byung ba med na sgo gsum nus pa med pas rkang pa nyed pa dang dkyil 'khor med pa dang/ des mtshon nas phyag rgya dang sngags kyang med pa ste/ yang dag pa'i brtul zhugs dang mi ldan pa zhes bya ba ni tha tshig go / da ni de'i rgyu mtshan dang snang ba'i man ngag bstan pa ni go sla'o/ /bde ba gnag cing zhes bya ba la sogs pa ni rten gyi dkyil 'khor mtshon te/ bde ba chen po kha dog rnam pa lngas mtshon pa'o/ /yang brten pa'i dkyil 'khor mtshon ta / nag po ni rdo rje 'chang ngo/ /ser po ni rin chen 'byung ldan dmar po snang ba mdza' yas dkar po rnam par snang mdzad/ ljang khu don yod grub pa/ sngon po mi bskyod pa 'tshon pa'o/ /de bzhin du rgyu ba dang/ mi rgyu ba la sogs pa thams cad phyag rgya chen pos bde bas mtshon pa'o/ /de yang rdo rje sems dpa' bde zhes pa la go bzlog ste/ snang ba bde ba chen po nyid du rdo rje sems dpar brjod do/ /de nas bde ba chen po la the tshom dri ba'i phyir/ rdo rje snying pos gsol pa/ rdzogs ba'i rim pa'i rnal 'byor ni dbang las thob cing dkyil 'khor du gnas pa'i bde chen no/ /satwa su kha ste daM pa 'am de'i bde ba ni rdzogs rim gyi bde chen no/ /de nas bskyed pa yid ni ci zhig 'tshal du 'brel ci'i phyir zhe na/ rdzogs pa bsgom pa med pa'i phyir ro/ /bcom ldan 'das kyis bka' stsal pa ni lan du'o/ /e ma ni a ho ste de ltar yin na 'ang ngo mtshar ba'o/ /byang chub sems dpa' i che ba ni gus pa'i tshul du bod pa'o/ /'di ni zhes pa ni 'di la ste rdzogs rim la'o/ /dad pa'i shugs kyi nyams pa'i rdzogs rim nyid nyams pa'o/ /ci'i phyir zhe na/ lus kyi dngos med ni bskyed rim gyi gsal ba dang bcas pa'i lus so/ /gang las bde ni lnga pa yin yang bdun pa'i don te/ des na rten med pa'i phyir brten pa'i bde ba smra bar mi nus pa'o/ /khyab bya khyab byed tshul ni phan tshun du'o/ /bde ba 'gro ba khyab pa ni gsum dang gnyis pa yin pa yin pas 'gro ba dang 'gro ba yang bde ba khyab pa nyid do/ /ji ltar ni dpe'o/ /me tog ni rten no/ /dri ni brten pa'o/ /me tog dngos med ni brten pa'i phyir ro/ /shes mi 'gyur ni brten pa 'dri mi shes pa'o/ /de bzhin ni dpe las 'byung ba'o/ /gzugs sogs dngos med ni rten pa'i phyir ro/ /bde ba nyid kyang mi dmigs pa ni rten dmigs mi shes pa'o/ / rdzogs rim la brten med pa ni thabs bde ba mi 'byung ba bstan nas mi rtog par mi 'byung bar bstan pa'i phyir/ dngos po ni skye ba 'am chags pa'o/ /da ni bdag tu mi dmigs pa 'am mi rtog pa'o/ /dngos po med pa bsdu ba 'am thim pa'o/ /da ni yang mi rtog pa'o/ /ci'i phyir zhe na/ dngos po rtog pa'i phyir ro/ /zhes bya ba bde ba de dag ni rmi lam ltar rtog pa'i phyir bud+d+ha rtogs pa 'am/ sangs rgyas la/ nga ste mi rtog par rtogs pa'o/ /de bzhin du dngos po med par lhag ma ste/ khong nas drang ngo/ /des ni de skad 'chad par 'gyur te/ bskyed rim dngos po la dngos po med pa brten pa'i lus med na brten pa'i bde ba mi 'byung la /de lhan cig tshol bas mi rtog pa dang/ rtogs ba gsal ba yang mi 'byung ba'o/ /de'i phyir gang zhig dam pa su zhig go /le lo bsnun pa 'am btsos ma ni rten gyis chos la dga' ba sems pa'o/ /rmongs pa ni brten pa'i chos su ma shes pa'o/ /nga mi shes pa ni rtogs pa med pas sangs rgyas ma yin pa'o/ /de yang bskyed pa lha'i rnam pas chog pas lus ci dgos zhe na/ de'i phyir gnyug ma'i lus bstan pa ni btsun mo b+ha ga bde chen du zhes bya ba la sogs pa ste/ de yang bshad tshul so sor sbyar te/ sngon du 'gro ba'i cho ga rnams snga ma bzhin byas la e'i rnam pa'i cha byad ces bya ba ni chos kyi 'byung gnas gzhal yas khang gi rnam pa dang bcas par bsgom/ sangs rgyas rin chen za ma tog ni rgyu'i rdo rje 'chang bskyed pa dang/ 'bras bu'i he ru kar gyur pa dang/ 'khor bskyed pa dang sems dpa' sum brtseg bsgom pa ste/ za ma tog ces bya ba ste rten dang brten pa'i dkyil 'khor ro/ /bde ba can du gnas sam bzhugs zhes pa ni ye shes kyi 'khor lo dgug pa nas bzlas pa'i mthar thug pa'i bar du bskyed pa'i rim pa ltar sbyar ro/ /yang rdo rje btsun mo gzugs dang lang tsho la sogs pa dang ldan pa'o/ /b+ha ga ni bya rog gi gdong can te ye shes skal ba dang ldan pa'i phyir ro/ /e'i rnam pa'i cha byad gzugs ni gsang ba'i gnas kyi spyi bo/ /sangs rgyas rin chen za ma tog ni de dang 'brel pa'i thabs kyi gnas so/ /bde ba can zhu bde'o/ /rtag tu gnas bzhugs ni gnas gnyis dang 'brel lo/ /de dag gzhan lus shes rab la brten pa'o/ /yang rdo rje btsun mo ni rdo rje lus kyi rtsa'o/ /b+ha ga ni ye shes so/ /e'i rnam pa ni skye gnas so/ /sangs rgyas rin chen ni bde chen no/ /za ma tog ni snod yin pas za ma tog dang 'dra'o/ /bde ba can ni zhu bde'o/ /rtag tu bzhugs saM gnas ba ni byon te gnas pa'o/ /de ni rang lus thabs la brten pa'o/ /yang rdo rje btsun mo shes rab lha mo bla na med pa'o/ /b+ha gar ni gnas bzang po der 'jug pa dang ldog pa'o/ /e'i rnam pa ni sa'i dkyil du zug pa'o/ /sangs rgyas rin chen ni nam mkha' i dkyil du zug pa'o/ /za ma tog ni gong dang 'dra'o/ / bde ba can ni gnyug ma'i dbang po zhu ba dang bcas pa'o/ /rtag tu bzhugs sam gnas pa ni ye shes chen po 'ba' zhig go /de dag ni gnyis phyag rgya chen po'o/ /de bshad pa'i phyir btsun mo'i b+ha gar 'brel lo/ /de tshigs su bcad pa gcig ste go sla'o/ /de'i tshe bstan pa ni 'chad po nga ni zhu ba ston pa yin pas so/ /chos ni nga bde ba ston pas so/ /nyan pa nga ni rtog pa bsal ba 'byung ba'o/ /'jig rten pa ni lus la gnas pa'o/ /bsgrub bya ba ni sems dpa' la gnas pa'o/ /'jig rten nga ni kun rdzob lhan skyes so/ /'jig rten 'das pa nga ni don dam lhan skyes so/ /go rims bzlog ste nga'i rang bzhin ci zhe na/ lhan cig skyes dags zhes pa'o/ /de ji ltar shes par bya zhe na/ mchog dga' dga' bral dang po ni gsum pa 'am khyad par te kun rdzob dang don dam mo/ /de'i dpe yang bdun pa ni rims dang khyad par ma shes pa'o/ /mar me ltar ni gsum gyi bar du mtshon pa 'am gsum la khyad par mtshon pa'o/ /de ltar med kyi 'am de bzhin du ni lhan skyes la mtshon du med kyi 'am/ dpe dang mthun par ro/ /bu ni rdo rje snying po ste rtogs par 'dod pa kun no/ /yid ches par sta ya ste/ rkyen nam sngon du byed pa'o/ /da ni de dag sngar gyi dris pa'i lam du bsdus pa'i phyir ro/ /de med pas na 'brel te/ de med pa 'am ma rtogs pa ni lus so/ /bde med 'gyur ni zhu ba de'o/ /de med na zhu ba de legs? na'o/ /de yod min mi rtog pa gsal ba'o/ /ci'i phyir zhe na/ nus pa med phyir zhes pa ni rten kun shes pa'o/ /bltos dang bcas ni brten pa dag la'o/ /'o na lus kyis chos mod lha bskyed pa ci dgos she na/ de'i phyir lha'i rnal 'byor las zhes bya ba ni lha? ru byas pa las so/ de nas de nyid du 'brel te de'i phyir ro dngos med tshul min ni lus ltar byas pa'i phyir ro/ /de nas bde bar 'brol te/ de bas sa de'i phyir na sems kyi chos bde ba yin pa'i phyir ro/ /sangs rgyas ni rtogs pa'o/ /dngos po min ni bems po'o/ /des ni 'di skad ston to/ /lus dang lha dang bde ba mi rtogs la la dbyer med bstan to/ /de bstan pa'i phyir zhal phyag rnam pa'i gzugs ni gzugs tha mal pa bsgyur ba'o/ /de nas lha'i rnam par 'brel te/ de'i gzugs ni ji ltar 'gyur ba'o/ /bzhin lag kha dog ni 'di ltar gnas pa'o/ /'o na bskyed mi dgos pas bskyed rim ma yin no zhe na/ de'i phyir bskyed tsam nyid na zhes bya ba ni lus ltar byas pa tsam mo/ /yang gnas ni de yang lus rdzogs pa'i rim pa'o/ /de nas mchog tu bde bar 'brel te/ gzugs med pa ni sems so/ /de'i phyir ni sems kyi chos nyid bde yin pas so/ /'gro kun ni sems kun no/ /lhan cig skyes pa ni dbyer med pa'i bde ba'o/ /de'i phyir rang bzhin lhan cig skyes par brjod do/ /rnam dag sems ni sems dag pa'o/ /rang bzhin mya ngan las 'das pa ni rtogs pa ste/ sangs rgyas de kho'o/ /des ni 'di skad ston te lus sems lhan cig skyes pa'i rang bzhin du bstan to/ /de'i phyir 'on kyang zhes pa ni lhan cig skyes ba de ltar min yang zhes pa'o/ /bag chags phal ba ni sprin dang khu rlangs lta bur blo bur du mngon par zhen pa'o/ /da ni spang ba'i tshul nyams su blang ba'i thabs bstan pa'i phyir/ dug ni dum bu la sogs pa tshigs su bcad pa gcig gis lta bar shes rab kyis spros pa dang/ mtshan ma spang pa'i dpe ste/ de yang mu stegs su 'brel de yang rtag chad kyi spros pa dug gi de nyid shes pas mi gnod la/ ma shes na gnod pa ste/ de'i phyir mu stegs kyis mi shes pa'o/ /ji ltar rlung gis zin pa zhes pa ni dbyer med spyod pas spros pa'i dpe ste/ mi gtsang ba dang mi dge bas zin pa'o/ /mon sran ster ba ni mi gtsang ba dang mi dge ba la spyod du 'jug pa ste/ bzlog pa'i sman gnyen po'i smin yin pas so/ /rlung gis rlung la bsnun pa ni mi mthun pa la spyod bas mi mthun pa ldog pa'o/ /de nas sangs rgyas su 'brel te sangs rgyas pa'i nyan thos pa dang rang sangs rgyas kyis mi shes pa'o/ /rnam rtog las ni zhes pa ni dbyer med 'bras bu spong ba ste/ de yang rnam rtog gis rnam rtog spong ba ste/ srid pas srid pa dag pa'i phyir ro/ /rtog pa dang brtags pas mya ngan las 'das pa chen po thob pa'o/ /ji ltar rna bar chu zhugs pa 'khor bar zhugs pa'i dpe'o/ /chu gzhan gyis dgug pa ni 'khor ba nyid 'bras bur gyur pa'i dpe'o/ /de bzhin dngos po'i rnam rtog ni dpe las byung ba ste/ brtags pa 'khor ba spang ngo/ /rnam par nges par spang bar bya ni 'bras bu nges par 'gyur ba la mkhas pa'o/ /yang sangs rgyas su 'brel na ni bskal pa du mar sbyong bas mi shes so/ /ji ltar mi shes pa ni nyon mongs thams cad bsgom pas spong ba ste/ me yis yang na gdung ba ste ni rim gyis bsrung ba'i thabs so/ /de bzhin 'dod chags ni dpe las 'byung ba'o/ /'dod chags 'dul ba ni rim gyis dal bus zhu ba de chags pa'i cha rtogs pa'i man ngag go /sangs rgyas pas mi shes pa ni bya ba dang spyod pa dang rnal 'byor gyi rgyud kyis so/ /da ni bsdus te che ba'i bdag nyid bstan pa'i phyir/ skye bo mi bzad pa'i las ni bla ma 'phags pa dang 'dra ba'i chos ma thob pas so/ /gang dang gang gis spyir nyon mongs pa dang mtshungs par ldan pa'i sems so/ /'ching 'gyur ni gnad pa'o/ /thabs ni rjes su rgyud pa'i tshul lo/ /de nyid las dang nyon mongs pa'o yang na lte ba la sogs pa'i de nyid do/ /srid pa'i 'ching ba ni 'khor bar skye ba'i rgyu'o/ /grol ba ni de'i nus pa 'joms pa'o/ /de dag gis spyir bstan nas sgom pa khyad par du bstan pa'i phyir/ chags pa zhes pa ni tha mal pa'o/ /'jig rten 'ching ba ni lo ka ste/ phyi ma la gnod ces bya ba'i tha tshig go / 'dod chags nyid rjes su chags pa'i sgom pa'o/ /rnam grol ni de kho na nyid la mos pa tsam ni ma yin gyis/ lhan cig skyes pa'i rang gi mtshan nyid skye ba'i phyir ro/ /bzlog pa'i bsgom pa nyid ni mtshon pa ste/ sgom pa dang spyod pa la brjod du zin kyang lta ba dang 'bras bu la yang ngo/ /da ni 'bras bu bstan pa'i phyir/ /kun tu ru las zhes pa ste/ /dga' ba chen po cig nyid ni zhu ba zhes pa'o/ /tshigs su bcad pa gcig ste go sla'o/ /de'i bshad pa yang tshigs su bcad pa lnga ste go sla'o/ /lus lhan cig skyes pa'i 'bras bur bstan nas sems bstan pa'i phyir ro/ /sems ni chen po nyid ni sngar gyi dga' ba chen po ste/ de nas bde chen mchog tu yang 'brel lo/ /'dod chags la sogs sems ni lnga nyon mongs pa'i gnas skabs so/ /dbye ba ni che long du dbye bas so/ /lnga ru 'gro ba ni ye shes lngar 'gro ba dang des rigs lngar yang 'gyur ba'o/ /de dag cis she na/ de nas lnga'i gzugs su 'brel lo/ /lnga'i gzugs kyis ni 'byung ba lnga'o/ /rnam par mtshon nas rtags ni sems la yang ngo/ /rigs ni lnga'o/ /de nyid las 'byung ba lnga dang ye shes lnga las gyur pa'o// de dag las dbye ba ni de'i phyir rang bzhin ni de bzhin gshegs pa'i rigs su 'brel lo/ /de las du ma ni rigs ni rnam pa brgya zhes pa'o/ /de la stong phrag du ma skyes zhes pa ni de las khrir 'gyur ba ni lhag ma'o/ /de las 'bum phrag rigs chen ni zhes pa'o/ /de la dbye ba'i rigs zhes pa'o/ /de gzhan dag ni lhag ma'o/ /de las gang+gA klung bcu'i bye ma zhes pa'o/ /de las rigs ni grangs med do zhes pa'o/ /de lta na de kun kyang mchog tu dga' ba ste/ lhan cig skyes pa nyid dbyer med pa'o/ /rigs las byung ni rgyu 'am rang bzhin no/ dgyes pa'i rdo rje ni rgyud spyi 'am he ru ka'o/ /mkha' 'gro ma ni bdag med ma la sogs pa'o/ /dra ba ni de dag gis zhus pa 'am de dag gi don du gsungs par 'brel lo/ /sdom pa ni snyoms 'jug gam bde mchog sdom pa'o/ / dngos grub gtan la dbab pa ni lam gnyis kyi ji ltar mthong ba 'am dbyer med phyag rgya chen po gtan la dbab pa'o/ /brtag pa gnyis pa'i le'u gnyis pa'o// //de nas de'i rjes su'o/ /rdo rje can ni he ru ka'o/ /rnal 'byor ma rnams ni bdag med ma la sogs pa'o/ /rgyud kun gyi gleng gzhi ni e baM ngo/ /thabs ni dbang la sogs pa'o/ /bka' stsal pa ni ma zhus par gnang ba sbyin pa'o/ /de yang gleng gzhi ni ci zhe na/ sdom pa dang zhes pa ste/ bde mchog go /de'i gnas e baM ste gleng gzhi'o/ /dbang la sogs pa ni thabs te gong ma'i bka' stsal ba dang 'brel te/ le'u 'dis ni le'u dang po'i gleng gzhi gtan la 'bebs te/ chos thams cad dgyes pa'i rdo rjer ston la yang brtag pa dang por bsdus te/ de yang rdo rje rigs kyi le'u dang mdo ru bsdus te/ de yang gleng gzhi'i yi ge sum cu rtsa bdun nam yi ge bzhi bcur bsdus/ de yang yi ge bzhi dang e baM yi ge gnyis su bsdus te/ bstan pa de shes par byed de/ sdom pa ni e baM ste chos thams cad thabs dang shes rab dang lhan cig skyes pa'i ye shes su sdom la gang gis sdom na mA yA ste dbang rnam pa bzhi'i tshul gyis sdom ste/ At+ma ste rtogs par byed de/ sru ta ste dgongs pa'i skad kyis te/ dag brda dang lus dang e ka smin sa ma ya ste/ skad cig ma dang dga' ba bzhi'i rtog pa skye la/ sa ma ya ste de dag gi dus su bza' ba tshogs kyis 'khor lo dang/ mchod pa dang bya ba'i rims pa rnams lag len du 'brel lo/ /bstan pa de bshad pa'i phyir sdom pa bka' stsal zhes pa ni rten dang bcas pa'o/ /de yang sangs rgyas kun gyi sdom pa ni rnam par snang mdzad la sogs pa'i sdom pa'o/ /a baM ni yi ger rab tu gnas ni las kyi phyag rgya dang bcas pa'i gsang ba'i gnas so/ /e baM rnam pa'i tshul gcig ni bde chen ni nyi zla 'dres pa'i bde chen no/ /de ni gzhan lus la brten pa'o/ /yang e baM ni skye gnas dang spyi ste rten no// bde chen ni rgyun mi 'chad par zhu ba dang bcas pa ste brten pa'o/ /de ni rang lus thabs so/ /yang e baM yi ge rab tu gnas ni nam mkha' i dkyil dang sa'i dkyil du zug pa'i phyag rgya chen po ste rten no/ /bde chen ni lhan cig pa 'ba' zhig ste brten pa'o/ /de dag ni sdom pa bshad nas thabs bstan pa'i phyir/ dbang las yang dag shes pa ni dgongs pa'i skad la sogs pa yang mtshon te yang dag shes pa'o/ /de la dbang ni phyi rol gyi snyom 'jug gzhan lus la rten pa dang/ nang gi snyoms 'jug rang lus la brten pa dang/ phyag rgya chen po gnyis med kyi dbang ngo/ /da ni mkha' 'gro ma'i sdom pa de e baM du dris pa de nas la sogs pa go sla'o/ /bcom ldan 'das kyis bka' stsal pa zhes pa ni lan no/ /e'i cha byad la sogs pa ni mkha' 'gro ma'i sdom pa ni bde chen yin la/ de sdom pa ni gleng gzhi e baM yin te/ de dag gi bshad pa yang gzhan lus shes rab la brten pa la sogs pa snga ma ltar ro/ /da ni thabs bstan pa'i phyir bstan pa'i go rims bzlog ste/ skad cig la bstan pa yang skad cig dbye ba ni rnam pa sna tshogs pa la sogs pa rnams so dbye ba nyid ni dga' ba rnams so/ /dga' ba de la skye zhes pa ni da'i phyir ro/ /skad cig shes nas zhes pa ni spong ba'i rim pa'o/ /bde zhes pa ni thob pa'i rim pa'o/ /de dag ni gang gi sdom pa'o/ /e baM yi ger rab tu sdom pa'o/ /rab tu brtan? nas pa ni bde ba chen po ro gcig pa'o/ /bde ba mchog tu sdom pa'o/ /da ni rnam pa sna tshogs la sogs pa ni grangs dang mtshan nyid dang sbyar te 'khyud dang 'o byed la sogs pa zhes bya ba la sogs pa las kyi phyag rgya'i dga' ba rnam pa bzhi ni slob dpon kha cig gsad gnas kyi khyad par rdo rje'i nor bu'i rtsa ba dang/ rked pa dang/ rke dang bum par thig ler gnas pa la 'chad do/ /kha cig ni gnyis rdo rje nor bu'i cha la gnas gnyis pad+ma'i cha la gnas pa la lhan cig skyes pa'i dga' ba brtsig nas de'i rjes la dga' bral 'dod do/ /dgongs pa ni 'di yin te/ 'o dang 'khyud pa la sogs pa'i ka ru Na'i bye brag sna tshogs pa la rtog pa 'dres pa ni rnam pa sna tshogs kyi skad cig ces bya ste/ de'i rnam par dpyod pa yongs su gcod pa ye shes cha cung zad thob pa dga' ba'o/ /rnam par smin pa de las bzlog ces phyi rol gyi rtog pa spangs te shes pa nang du thim nas kun du ru'i sbyor ba'i bar ni/ snga ma las khyad par du smin pas rnam par smin pa'i skad cig ma yongs gcod ni mchog dga' i ye shes so/ /gros ni rnam par nyed par brjod ces pa ni bo la'i gnas su thig le byang chub kyi sems phyin pa la/ mi 'thun pa'i rnam par rtog pa spangs te/ gnyen po ye shes su gyur pa ni rnam par nyed pa'i skad cig ma 'am yongs su gcod pa ni dga' bral gyi ye shes so/ /mtshan nyid bral ba gsum las gzhan zhes pa ni de'i tshe thig le byang chub kyi sems zin pa ni mi mthun pa'i phyogs thams cad bral te/ gnyen po ye shes 'ba' zhig tu gnas pa ni mtshan nyid bral ba'i skad cig ma rnam par bcad nas te/ yongs gcod ni lhan cig skyes pa'i ye shes so/ /'di rnams skyes pa ni man ngag lus kyi 'khrul 'khor dang/ dbugs kyi 'khrul 'khor dang/ rtsa'i 'khrul 'khor gsum ni dbang gi dus su bla ma las shes par bya'o/ /de bzhin du dbang gi man ngag kyang bsgom pa'i man ngag bla ma las shes par bya'o/ /gzhan yang dam tshig gi phyag rgya'i dga' ba bzhi dang/ phyag rgya chen po'i dga' ba bzhi dang/ skad cig ma bzhi yang spong ba'i tshul yang thob pa'i tshul du lugs las 'byung ba dang lugs las bzlog pa'i ci rigs par shes par bya'o/ /yang slob dpon zhes bya ba la sogs pas ni skad cig spong ba'o/ /mchog dga' ba thob pa'i cha la 'jug pa bzhin du dbang dbyer med la 'jug pa/ dbye ba'i grangs dang sbyar ba bstan pa dang/ mtshan nyid dpe las bshad pa ste/ de dag kyang phyir bzhi ru grangs nges she na/ 'jig rten pa la rgod pa dang lta ba dang lag changs la sogs pa bzhir bsdus pas/ de sbyang ba'i don du rgyud rnam pa bzhir bstan la/ dbang yang rnam pa bzhi ru bstan to/ /des ni nges tshig bsdu ba ste/ gtor dang blugs ba zhes bya 'dis/ dbang zhes mngon par brjod par bya/ dang po la bum pa'i dbang ngam slob dpon gyi dbang zhes bya ba ni/ a b+hi Shiny+tsa dri ma 'khrus pas na dbang ste/ lus kyi dri ma 'khrud par byed/ bum pas nye bar mtshon pas bum pa'i dbang zhes bya/ sdig pa mi dge ba las ring du 'gro bas na slob dpon gyi dbang zhes bya/ ma rig pa lnga bzlog cing rig pa'i ye shes lnga bskyed pa'i phyir rig pa'i dbang zhes bya/ a b+hi Shi ka ste nus pa 'jog pa ni sprul pa'i sku'i nus pa 'jog/ bsku ba'i gnas ni lus la bskur la dbang rdzas ni bum pa dang/ dbu rgyan la sogs pa'o/ /gsang ba'i dbang la a b+hi Shiny+tsa ste nyan thos dang rang sangs rgyas rnal 'byor gyi rgyud man chad la gsang bas na gsang ba'i dbang zhes bya'o/ /ngag gi dri ma 'khru bas na dbang zhes bya'o/ /a b+hi She ka ste longs spyod rdzogs pa'i sku'i nus pa 'jog pa'o/ /bskur ba'i gnas ni mgrin par bskur la/ bskur ba'i rdzas ni slob dpon gyis nyams su myong ba'i thig le byang chub kyi sems so/ /shes rab ye shes kyi dbang ni shes rab ma la brten nas ye shes skye bar byed pas na shes rab ye shes kyi dbang zhes bya'o/ /a b+hi Shiny+tsa ste yid kyi dri ma khru bar byed do/ /a b+hi She ka ste chos kyi sku'i nus pa 'jog par byed pas dbang zhes bya'o/ /gnas gang du bskur na gsang ba'i gnas su bskur ro/ /bskur ba'i rdzas ni phyag rgya mtshan dang ldan pa'o/ /dbang bzhi pa ni de ltar de bzhin yang bzhi pa zhes pa ni gsum pas go phye ba'i tshig dbang rin po che ste/ a b+hi Shiny+tsa ste lus ngag yid gsum gyi bag la nyal gyi /dri ma 'khrud par byed do/ /a b+hi She ka bde ba chen po'i sku'i nus pa 'jog par byed do/ /bskur ba'i gnas ni lus ngag yid gsum char la'o/ /bskur ba'i rdzas ni slob dpon la la dag ni rten can du yang 'dod do/ /bla ma'i gzhung gis ni rdzas mi 'dod do/ /dang pos ni rdo rje 'chang gi rigs su byed do/ /gnyis pas ni rdo rje 'chang gis sras su byed do/ /gsum pas ni rdo rje 'chang gi go 'phang la 'god do/ /bzhi pas ni rdo rje 'chang gi ngo bor byas te/ gzhan don yongs su rdzogs pa'i go 'phang la 'god do/ /da ni de dag gi cho ga'i rim pa ni shes rab bcu drag la sogs pas dbang bskur gyi rim pa yang bla ma la reg las par bya ba'i phyir/ ji ltar dbang bskur du 'brel to/ /de nas slob ma'i bya ba bshad ces pa ni tshig bshad bsgyur ba'o/ /bla ma phyag brgya ldan mthong zhes pa ni rang gi phyag rgya phul ba dang bcas pa la'o/ /de nas mchod bstod gsol btab ji bzhin bya zhes 'brel pa la'o/ /de yang mchod pa de nas zhim pa'i bza' bar 'brel te rkang pa drug ni go sla'o/ /de nas bstod pa ni kye bcom ldan 'das su 'brel te tshigs su bcad pa gcig go /gsol ba btab pa'i yang tshigs su bcad pa gcig go / da ni slob dpon gyi las bstan pa'i phyir/ slob dpon gyi dbang ni khyad par du gyur pa ste go sla'o/ /de nas gsang ba'i dbang bstan pa'i phyir shin tu bzhin bzangs mig yangs ma rkang pa gnyis kyis rjes la ston pa ni bla ma'o/ /shes rab ni de ma thag gi phyag rgya'o/ /rab tu mchog ni tha mal du ma yin pa'o/ /de nas mthe bong srin lag du 'brel te/ las dang po pa'i dbang bskur thabs so/ /slob ma'i kha ni longs spyod kyi gnas su'o/ /dbab pa 'am ltung ba ni rdo rje 'chang gi rigs dang bcas pa'o/ / da ni gsum pa bstan pa'i phyir/ de nas de nyid du ni zhes pa ni tshig rkang gnyis bstan pa'o/ /bshad pa'i phyir phrag dog khro ba 'brel te slob ma mtshan nyid dang ldan par shes par bya'o/ /ston pas gnang ba sbyin pa ni man ngag bshad pa dang bcas par ro/ / kun du rus ni lhan cig skyes pa la sbyor ba ste/ de nas mchog tu dga' bar 'brel te/ mchog tu dga' ba yang dag 'thob ni lhan skyes so/ /yang na mchog kyang yin la yang dag thob kyang yin pas lhan skyes so/ /rim pa gang du 'thob ce na sna tshogs spangs pa'i skad cig ni sna tshogs pa la sogs pa ste/ dga' bral gyi sngon du 'thob pa'o/ /yang na sna tshogs spangs pa'i dga' ba'o/ /skad cig ma rnam par smin pa ste mchog dga' o/ de yang spangs zhes bya ba'i tha tshig go /de nas yang dag thob ni lhan skyes so/ /de'i thabs bstan pa'i phyir gong gi rdo rje 'dzin nas de bshad pa'i phyir ston pas smras pa sems dpa' chen po 'brel to/ /des 'di skad ston te ston pas smras pa ni man ngag sngon du bshad pa ste/ zla ba 'dzin pa'i man ngag gis rdo rje 'dzin pa dang 'dra bar grub pa'o/ /de'i phyir tshe'i chen po ni gsol ba 'debs pa'i slob ma la bod pa'o/ /bde ba chen po zung ni zhu ba'i zla ba'o/ /ji srid byang chub 'thob bar du'o/ /sems can don gyi nus pa dang ldan pa'o/ rdo rje 'dzin gyi zhu ba bde dang mi 'bral bas yon tan gyi ming ngo/ /de nas gong gis brjod nas gtad par 'brel te/ brjod par byas pa zhes pa ni de ma thag gi man ngag go /gtad pa ni lag tu'o/ /ston pas smras pa ni shes rab dang gnyis ka la'o/ /sems dpa' chen po ni thabs la bod pa'o/ /phyag rgya bde ba dang ldan pa ni dbang gnyis pa'i yon tan dang ldan pa gzhan no/ /khyer zhes pa ni yol ba'i gnas su ste/ de'i tshigs su bcad pa yang 'chad par 'gyur ro/ /de nas zhi ba bstan pa'i phyir slob ma rdo rje can mthong du 'brel lo/ /slob ma rdo rje can ni gsum pa thob pas so/ /mthong ba ni slob dpon gyis pa'o/ /rdo rje can gyis smras pa ni bla mas tshig dbang rin po che'o/ /de nyid ni e d+ha ste b+ha ga gsum rnam par nyams su myong pa de nyid do/ /ye shes chen po ni zag pa med pa'o/ /thams cad lus la rnam par gnas ni gnyug ma'i dbang por lus can kun la'o/ /de'i phyir gnyis ni snang bar ro/ /gnyis med tshul ni de kho na nyid do/ /dngos dang dngos med ni yod pa dang med pa'o/ /yang la lus ni lus dang sems so/ /bdag nyid gtso bo ni lhan cig skyes pa gsal ba'o/ /brtan g.yo khyab pa ni bdag med pa'i shes pa de nyid de shes rab bo/ /sgyu ma'i gzugs can ni snang ba bde ba'i ro ste thabs so/ /de'i dkyil 'khor ni thabs so/ /'khor lo ni shes rab mngon du gyur pa'i nges bar 'gro ba ni gnyis su med par gsal ba'o/ /de de dag ni rnal 'byor ma rnams la dbang bstan nas dbang de nyid la the tshom bsal ba ni/ man ngag ste de'i phyir de nas zhes pa ni dbang gi rjes la'o/ /rdo rje snying pos rnal 'byor ma rnams la bzod par gsol ba ni khyed la gnang ba'i 'phro yin yang ngo/ /bcom ldan 'das gsol ba ni the tshom skyes gnas so/ /dkyil 'khor 'khor lo ci zhes pa ni sdom pa ste gnas pa'o/ /dkyil 'khor thog mar bshad pa ni/ sangs rgyas kun bdag ni rdo rje 'dzin pa 'am rnam par snang mdzad la sogs pa'i bdag nyid do/ /grong khyer gtso bo ste khang bzang so/ /bcom ldan 'das ni bde ba'o/ /bdag ni rdo rje sems dpa' o/ /'khrul 'gyur ni bzhi pa'i don dbyer med pa'i lhan skyes la dkyil 'khor du gsungs pa grong khyer khang zangs yin pas/ de'i phyir 'khrul zhing the tshom du gyur pa'o/ /ji ltar rigs pa ni rigs pa gang gis so/ /bshad du gsol ni the tshom sol cig pa'o/ /bcom ldan 'das kyis bka' stsal ni thabs bde ba chen po'i rigs pas dkyil 'khor du bsgrub pa'o/ /dkyil ni maN+Dal ste dkyil lam dbus so/ /de ci'i phyir zhe na/ sar ni snying po'am bcud de de'i phyir brjod do/ /de nyid gang zhe na/ byang chub sems ni bde chen po zhes pa ste/ thabs dang shes rab dbyer med pa'i lhan cig skyes pa'i ro'o/ /ad+han+nan+ta ka ra ti'i sgra dang por mthar byed pa 'am len par byed pa'o/ /de yang dang por ni dkyil 'khor snying po'o/ /mthar ni bskor ba'o/ /yang na blang bya ni bde chen no/ /len par byed pa zhes bya ni nyams su len pa'o/ /de'i phyir 'dus pa ni maN+Dal na ste bskor bya skor byed dam blang bya blang byed sdom pa'o/ /de'i maN+Dal ma ta ste dkyil 'khor nyid du brjod do/ /da ni 'khor lo ci zhes pa ni bstan pa bshad pa'i phyir yang sangs rgyas kun bdag ni snga ma ltar ro/ /grong khyer la lhag ma ste 'khor lo'o/ /bcom ldan 'das snga ma ltar ro/ /'khrul 'gyur ni dbang bzhi pa'i don lhan cig skyes pa la gsungs pas 'khor lo ni tsakra b+ha b+ha rad ste/ gcod par byed pa'i 'khor lo yin pas 'khrul cing the tshom du gyur pa'o/ /ji ltar rigs pa ni shes rab mi rtogs pa'i rig pa'o/ /bshad du gsol ni snga ma ltar/ bcom ldan 'das kyis bka' stsal ni shes rab kyis rigs pas 'khor lor sgrub pa'o/ /de nas 'khor lo zhes gnas su 'brel te/ de yang tsakra ni ba haM ste zhes gnas pa dang zhes brjod pa ste/ ci'i phyir zhe na/ nam mkha' i khams ni stong par ro/ /yul la sogs pa ni dbang po la sogs pa'i chos ji snyed pa'o/ /rnam par sbyong ni gcig dang du ma dang bral ba la sogs pa'i shes rab kyi rigs pa dang 'dra bar bdag med pa'i rang bzhin du sbyar ro/ /de ni de nyid kyi rigs pa ni sdom pa ste/ dbang gsum par shes par bya ba'o/ /bo la kak+ko la sbyor ni zla ba gzung ba ste bshad zin/ de'i bde ba rten dang brten pa ni 'brel ba'i rtags so/ /shes par gyur pa 'am bya ba ni des mi rtog par ro/ /da ni gleng gzhi e baM la sdom pa'i chos te/ rtog pa'i yan lag tu thabs kyi rim pa dbang la sogs pa ni go bzlog ste/ bstan nas bsrung sdom gyi dam tshig dang thabs su 'gyur bar bsams nas/ rdo rje snying pos dris pa/ bcom ldan 'das kyis lan te/ khyod kyi srog chags bsad par bya/ /brdzun gyi tshig kyang smra ba dang/ /khyod kyi ma byin par yang long/ /pha rol bud med bsten par gyis zhes bya ba ni 'di dag gi dgongs pa ni bzhi ste/ dgongs pa'i skad kyis bshad pa dang/ dge ba thul gyis gnang ba dang/ yul dang/ bsam pa dang/ sbyor bas gnang ba dang/ mnyam pa de kho na nyid la dgongs pa'o/ /dgongs pa'i skad kyis bshad pa ni/ sems gcig srog chags gsod pa nyid ces pa ni bdag gzhan du 'dzin pa'i zhen pa spang bar bya'o/ /'jig rten bsgral zhes pa ni brdzun dang 'dra ba ste/ khas len cing dam bca' ba'o/ /btsun mo zhu ba ma byin pa ni zla ba ma yin par nyi ma blang ba'i man ngag go /gzhan gyi bud med rang mtshungs mdzes zhes pa sangs rgyas spyan dang mA ma kI la sogs pa bsten pa'o/ /de dag ni go rims su bshad do/ /dge ba thul gyis gnang ba ni srog chags gcig bsad na mang po dang srog thar bar mthong ba ni sngon bcom ldan 'das ded dpon du gyur pa'i tshe/ tshong pa gcig la shag pa'i tshal ba gcig bsnun te/ bsad nas tshong pa gzhan thar ba lta bu'o/ /ji ltar sdig par mi 'gyur zhe na/ snying rje ldan phyir byams phyir dang/ sems dge ba la nyes pa med ces gsungs so/ /brdzun gnang ba ni nyan thos dag la ni rnam pa thams cad du ma gnang ste/ nam mkha' mthong dang sen mo mthong zhes brjod pa dang/ theg pa chen po ni srog gi skyabs su 'gyur na gsod pa mi dag gis gsod pa 'ba' zhig skyabs su song ba bdag gis mthong nas mthong bzhin du ma mthong zhes shes bzhin du brdzun kyang gnang ngo/ /ma byin par blang ba ni/ ser sna can gyi nor 'phrogs shing brkus la/ sems can gzhan pha rol gyi skyabs sam phan par sbyin no/ /pha rol gyi bud med bsten pa ni gzhan pha rol srog gi skyabs su gyur na 'dod par log par kyang sbyad de/ dper na bram ze'i khye'u skar ma'i gtam brgyud lta bu'o/ /de skad du gal te sbyin pa'i dus dag tu tshul khrims btang snyoms bzhag par gsungs zhe'o/ /yul dang bsam pa la sogs pas gnang ba ni 'og nas bstan pa la gnod pa byed pa dang/ bla ma'i dgrar gyur pa la sogs pa'o/ /bsam pa ni snying rje'i dbang gis bsams pa dkar ba'o/ /sbyor bas gnang ba ni kha sbyor 'byed pa ste/ 'og nas bsam gtan sngags kyi sbyor ba yis zhes pa la sogs pa ste/ 'dir ni bsam gtan dang sngags tsam gyis phyir/ 'khrul 'khor dang sbyin sreg la sogs ba ni bkag pa'o/ /de bzhin du gsum po la yang ci rigs par sbyar bar bya'o/ /mnyam ba de kho na nyid ni mga? dang bdag tu 'dzin pa'i rnam par rtog pa nub pa'i dus tsam na/ dge ba dang mi dge ba thams cad kyang mnyam par shes pa'i dus na thams cad bya ba kho na yin no/ /de nas rnal 'byor pa thams cad kyis bcom ldan 'das la 'di skad ces gsol zhes bya ba ni/ rdo rje snying pos dbang bzhi pa'i 'khor lo dri ba ma rdzogs pas/ dri ba gnyis pa skabs ma yin par shes nas zhes pa'o/ /de yang yul la sogs pa'i grangs dris pa dang/ lan ni go sla'o/ /da ni sngar gyi gcig dang du bral la sogs pa dang 'dra ba'i rang bzhin sbyor ba bstan pa'i phyir/ rang bzhin ci lags dris pa'i lan du/ rang bzhin gdod nas ma skyes pa zhes pa ni rang bzhin nyid du 'brel te/ de'i khyad par ci zhe na/ a ta a nu ta pa na ste/ gdod ma nas ma skyes pa'i phyir ro/ /dper na thams cad chu'i zla ba lta bu'o/ /'dod pas ni grub pa'i mthas so/ /yang na 'don na ste zab mo la mos na'o/ /rnal 'byor ma ni bod pa'o/ /shes rab kyi ni gdams pa'o/ /da ni dpel nges pa bskyed pa'i man ngag tu bstan pa'i phyir/ 'di lta ste tadya thA ste/ dper na zhes pa 'am/ 'di lta bu ste gzhan dag ni gtsubs shing gtsubs bstan zhes pa la sogs pa ni chos thams cad rten cing 'brel par 'byung ba yin pas chos thams cad rang bzhin med par gtan la dbab pa'o/ /yang na gtsub shing ni rtsa a ba d+hU tI'o/ /gtsub stan ni lte ba'i pad+ma'o/ /lag pa'i rtsol ba ni la la nA dang ras nA gnyis te/ de gnyis nas rlung rgyu bas a ba d+hu tI'i gnas su chung pa dang/ rnam par mi rtog pa'i ye shes skye ste/ dus kyi gnang zhes bya ste/ lag tu len pa'i bla ma las shes par bya'o/ /da ni rten cing 'brel par 'byung ba che ba'i man ngag gis lta ba rtogs nas/ de nas rnal 'byor ma bdag med ma la sogs pa'i mchod pa byas te go sla'o/ de nas bcom ldan 'das dgyes nas zhes pa ni dam tshig gi mchod pa dang/ bde mchog sdom pa'i mchod pas so/ /rang byin gyis brlab pa ni bsgom pa'i man ngag gis rang gi mtshan nyid rang skyes pa'o/ /bstan pa ni de'i phyir ro/ /kye kye ni mdzes pas bod pa ste gnang ba sbyin pa dang/ nyan pa la spar ba ste go sla'o/ /da ni smyon pa'i brtul zhugs chen po'i spyod pa dam tshig dang sdom pas gnyug ma'i dbang po dangs par byed pa'i thabs dang cung zad smyon pa'i brtul zhugs sngar gyis las rnam pa gzhan gyis dbang po dang bar byin gyis brlab pa'i thabs bstan pa'i phyir bcom ldan 'das kyis bka' stsal pa la sogs pa bstan te go sla'o/ /de nas rdo rje snying pos gsol zhes pa ni bdag dri ba'i skabs yin pa bzhin du/ rnal 'byor ma rnams kyang ma yin te/ sngar dbang po'i grangs bstan pa'i skabs su gti mug la sogs ldan zhes pa gnang ba de lus pa'i phyir ro/ /thams cad yul gyi rnam dag ni le'u dgu par sgyu ma rnam dag go /de'i phyir bcom ldan 'das kyi gsungs so/ /dbang po drug la ma gsungs pa'i le'u dgu par ma bstan cing/ dbang po'i grangs bstan pa'i skabs su gnang pa mdzad de gsol pa zhes snga mar 'brel lo/ /gzhan dag ni go sla'o/ /go cha zhes bya ba ni tha mal gyi dbang po spangs nas/ lhar sa bon las mos pa mi mthun pa 'jug mi nus pas ka ba tsa ste go cha 'am khrab po/ /sems dpa' chen po pos nas dgos pa yod par bstan pa'o/ /rdo rje snying pos gsol zhes pa ni gleng gzhi dang sdom pa la dgos pa'i yan lag gi thabs rnal 'byor ma kun la gnang ba ste/ ma lus par bsam nas dris pa'o/ /dgongs pa'i skad ci zhes pa ni sngar gnang yang nges par ma gsungs so/ bcom ldan 'das kyis nges par gsungs pa ni bshad par ro/ /rnal 'byor ma'i dam tshig chen po ni rdo rje snying pos dris kyang rnal 'byor ma la thugs ston pas mngon rtogs skyes pa'o/ /nyan thos la sogs mi shes pa zhes pa ni rang rgyal ba dang/ pha rol tu phyin pas mi shes pa'o/ /'o na bya ba'i rgyud la sogs pa rgyud sde gzhan gyis kyang shes sam zhe na/ dbang gi thabs kyis ston pa'i gleng gzhi sdom yod kyis kyang/ dgongs pa'i skad cig ma bsgrags shing ma bshad pas 'dir nges par bstan pa go sla'o/ /da ni nyams su len pa su dag dang smra zhe na/ de'i phyag brgya ni g.yungs mo la sogs pa go sla'o/ /da ni skad cig ma smras pa'i skyon bstan pa'i phyir rdo rje snying po la sogs pa'o/ /dgyes pa'i rdo rje dbang bskur zhes pa ni dbang bskur ba'i dus su 'am/ yang na dbang thob nas dus thams cad du'o/ /rang gi dam tshig rigs rnyed nas zhes pa ni khyad par gyi dus te zhing skyes ma la sogs pa rnyed nas spyod pa'i tshe'o/ /le'u gsum pa'i 'o// //de nas ni rjes la ste le'u snga ma'i'o/ /rdo rje snying po la sogs pa rdo rje mkha' 'gro ma the tshom du gyur pa ni sngar ni so sor dris pa da ni sdom ste bcom ldan 'das la gsol to/ /de dag gis so sor dris pa ni go sla'o/ /bcom ldan 'das kyis bka' stsal pa zhes pa lan rims kyis te/ dang por glu'o/ /rdo rje'i glu yang bzhir gnas te bskyed rims kyi nga rgyal dang ldan pa'i dpa' bo'i ston mo dang/ tshogs bya ba dang/ gzhan lus shes rab la brten pa kun gyis chags pa'i chos su bstan pa dang rang lus thabs dang ldan pa dang/ gnyis med phyag rgya chen po'o/ /bskyed rim la gnyis te/ dpa' bo'i ston mo dang tshogs so/ /dpa' bo'i ston mo la bzhi ste/ 'du ba'i khyad par dang longs spyod dang dam tshig dang rtogs pa'o/ /de la 'du ba'i kol ai riTTha ste gnas la sogs pa'i rnal 'byor pa dang/ mummu ni zhing la sogs pa'i rnal 'byor ma rnams dang ga na ste nye bar 'dus nas he le ka li ste skal ba dang ldan pa ni gzhug /du d+hu ru ste skal dang mi ldan pa ci? mi bzhug go ni rang shu rus pa nga rgyan brtags pa'o/ /kri? bi ta'i badzra zhes pa ni cang te'i sgra ni brdung ba dang bcas pa'o/ /gA ru Na ni brtse ba dang ldan pa'o/ /a ai nar la ste zhes 'gras pa med pas so/ /ha di dza sa ra ba ster btsal nas so/ /pa ni a ai ste dbus su bcug pa dang bcas pa'o/ /kun kyang rtogs pa bskyed cing bsgom ste longs spyod kyi rnal 'byor kun dang spyad par bya ba'i ro la sogs pa rdzas kun la ro ni phreng ba kha na ste gang nas kyang ma 'ongs/ /khe Ta ka ra na ste gang du yang 'gro ba'i dogs pa med pa'o/ /gzhan dag bza' btung gi tshogs ni shud d+he ste/ dag pa dang/ a shud d+ha ste ma dag par ro/ /ma ni a ai ste mi lta bar ro/ /gtsang ba dang mi gtsang ba med pa'i phyir dag pa dang ma dag par mi blta ste ltar rtogs pas bsgom pa dang/ ti hi ba la ste stobs bza' ba dang/ ga Dem ste 'bad pas chang btung ba ste longs spyod do/ /de nas dam tshig ni rtsa au ma ste/ gzhi mnyam la sogs pa'o/ /a ai b+ha ru kha pi ste der khengs par bza' btung ngo/ /rtogs pa ni mngon rtogs 'khrugs te shes par bya'o/ /tshogs la gnyis te yul mnyam pa dang/ sbyor ba mnyam pa'o// de yang tshig gi go rims bzlog pa'o/ /de yang yul mnyam pa ni Dim ste g.yung mo nye bar mtshon pa ste bram ze mo'i bar du mi spangs par spyad do/ /kye ha hi ni b+ha dza'i ste mi spangs bar bshad do/ /sbyor ba mnyam pa ni ma las dze ste yab yum lus cha mnyam pa dang kun du ru b+ha ta'i snyoms 'jug las byung ba'i zhu ba de mnyam par mi spang pa'o/ /da ni gzhan lus shes rab la brten pa la rjes su chags pa'i tshes su bstan pa'i phyir la tshig bzhi la rkang pa gnyis su sbyar te blang ngo/ /de yang bzhi ste/ snyoms par 'jug pa'i sbyor ba dang ldan pa dang/ yon tan spong ba'i khyad par ldan pa'i sbyar ba dang/ yon tan thob pa'i khyad par dang ldan pa'o/ /sbyor ba dang dbyer med bsgom pa'i khyad par dang ldan pa'i sbyor ba'o/ /de la snyoms par 'jug pa'i sbyor ba'i chos ni kol ai ri ste rnal 'byor pa'i lus dang po la ste gsang ba'i lus so/ /mummu ste rnal 'byor ma'i lus dang kak+ko la ste gsang ba'i gnas so/ /g+ha na ste phrad cing zhugs pa'o/ /kri pi ta ho badzra ai ga dung zhing rtse ba'i ngag stan pas so/ /kA ru Ni ka a aiN rol ste chags shing gdung ba'i sems shin tu 'phel ba'o/ / de na DiN+Di ma ta h+riN+Na badzdza a ai ste/ des g.yung mo la sogs pa yang mi spang bar ro/ /ma las dza 'dus ba lus mnyam bar sbyor ba shu bde cha mnyam pa'o/ /de nas yon tan spong ba'i khyad par ba la khA dza ste bde ba rtogs pa spang nas/ mi rtog pa la 'jug pa'o/ /gten ma ste 'bar bas zhu ba dang mi 'bral zhing/ 'thungs pas dam tshig tu lus rgyud pa med par stobs can du 'byung ngo/ /ha le ka le ste lhan cig skyes pa'i skal pa dang ldan pas so/ /du bar ni skal med spong ba ste chags pa la sogs pa'i skal med spong ba'o/ /de nas tshig rkang gnyis kyis sbyor ba snga ma bzhin no/ /nga ni yon tan thob pa'i khyad par ni rnal 'byor ma la tsa au sam la sogs pa phung po lnga'i bdag nyid kyis ro bsdus pa zhu ba kun da lta bur a ai b+ha ru ste lus gang bas 'jog gi gnyug ma'i ye shes thob pa'o/ /rnal 'byor mas ni tsa au sa ma la sogs pa 'byung ba lnga'i ro'i bdag nyid 'dus pa nyi ma'i rnam pa can kun 'dus lus bkang ba'i gnyug ma'i lus thob pa'o/ /tshig rkang gnyis kyis sbyor ba ni 'dir yang snga ma bzhin no/ /da ni dbyer med bsgom pa'i khyad par ni kun rdzob byang chub sems te man ngag gi tshul du gzung ba dang dam tshig tu bza' ba'o/ /man ngag ni bsgrub pa ni sa 'og sa stengs sna bla ma yin pa nam mkha' dkyil du phram kha Na ste/ 'gro 'ong gi dogs pa med par mi g.yo bar gzung ba'o/ /dam tshig gi tshul ni lag pa dang snod ma yin par dag pa dang ma dag par gtsang ba dang mi gtsang ba med par lces blang ngo/ /da yang man ngag gis gzung ba ni ni ram shu ste/ lus thams cad rus pa dang 'dra bar brgyan pa gnyug ma'i bde ba la 'jug go/ /de yang dam tshig tu zos ta hi dza sa rawa'i ro dang 'dra bar rtog pa med par 'jug go / g.yung mo mi spang pa dang kun du ru ni snga ma lngar gzhan dag la sbyar ro/ /rang lus thabs dang ldan pa ni/ ko la ai ri Tthi ste mgo bo'i gnas so/ /bo la ste haM ngo/ /mummu ni ste lte ba'o/ /kak+ko la ste aM ngo/ /ga na ste byang chub kyi sems rgyun steng 'og tu 'dus pa'o/ /kri pi ta ste nA da'i sgra sgra'i rtse mo dbab pas phra ba'o/ /kA ru Na ste chags pas nang du bltas pa'o/ /a ain ste phyi rol tu mi g.yeng bas so/ /b+ha la kha tsha ste phyi rol gyi rtog pa spang ba'o/ /ga ta ma de nang gi ro myang ba'o/ /ha le kle ste rlung skal ba dang ldan par nang du gcug pas so/ /du d+hu ra ste/ phyi rol gyi rtog pa gzung ba'i yul spang ngo/ /tsa au sa ma la sogs nyon mongs pa lnga'o/ /ga na bza' ste de dag rang rig 'ong gsal du mi rtog pa'o/ /phreng ba na ste stengs nas byang chub kyi rgyu ba dang 'og nas rlung dang 'od zer rgyu ba ste/ de gnyis la shud+d+ha a/ a shu d+hA ste/ bzang ngan du mi rtog go /ni raM shu ste zhu ba 'dus pa ste yang sa ra ba ste ro dang 'dra ba'i bde ba la mi rtog pa skye ba'o/ /de ltar de nyid g.yung mo la sogs pa bltos pa med cing spang bla med par nang gi kun du ru'i sbyor ba'o/ / gnyis med phyag rgya chen po la drug ste/ lta ba dang spyod pa dang sgom pa dang dbang po rang snang dang/ spyod lam dang bsre ba dang/ 'bras bu sogs pa'o/ /de la lta ba ni ko la ai re ste dngos po rU pa la sogs pa phung po dang khams dang skye mched thabs kun tu snang ba'o/ /mun? ni gcig dang du bral gyis shes bya stong zhing bdag med pa mi rtog cing mi dmigs pa'o/ /bdag med pa'i shes rab bo/ /de gnyis dbyer med par byas pa'o/ /spyod pa la gnyis te spyod pa dang spyod pa'i rgyu mtshan no/ /spyod pa ni ga na ste cung zad smyon pa'i rdo rje thod pa'i spyod pas nga rgyal du bsgom pa dang/ kri pi te ste cang te'u sgra bzlas pa byed pa'o/ /spyod pa'i rgyu mtshan ni kA ru Na ste sems can kun snying rje 'jug pa dang/ ba la kha dza ste zhe sdang med pas rnam par rtog pa'i stobs bza' ba'i zas dang ga rten ma a ni pi ste bde ba'i ro mthun pa'i bsgom pa dang ldan pa ste/ 'bad pa'i tshul gyis spyod pa byed do/ /yang bsgom pa'i rten brten pa ni ha li ka li dza ste rnam par mi g.yeng ba'i/ dbang po ye shes kyi skal ba can brten pa'o/ /du ? hu ste skal min ni yid kyi rjes su 'brang ba'i tha mal pa'i dbang po spang ba'o/ /dbang po rang snang ni skal ldan gyis dbang po dang bar byed pa dang/ dbang po de'i byin rlabs rang snang ba ste don gyi tshul gnyis so/ /de yang rtsa dbus ma ni gzugs sdug gu kats+tsha ri sgra snyan pa sri dA dri zhim po ka pu ra ro zhim po ma las dza reg bya 'jam pa la sogs pa'o/ sogs pa lnga po 'dod pa'i yon tan lnga ste gzugs la sogs pa'o/ /d+ha ru kha ste bkang zhing tshim pas dbang po dang ba dang/ khengs par zos shing 'thungs pas byin rlabs mi rtog par snang ba'o/ /spyod lam dang bsre ba ni 'jug pa dang spyod pa'o/ /'jug pa ni bza' ba la sogs pa gang la 'jug kyang/ khe Ta ka ra ste 'jug dang 'gro ba ni rtag dang/ phreM kha na 'od zhing bzlog pa mi rtag pa'o/ /spyod pa ni shud+d+ha ste dag pa dang mngag pa dang gcong ba dang mi gtsang ba dang/ yid du 'ong ba dang mi 'ong ba la sogs pa zhen pa tsam du mi bya'o/ /'dra bu rdzogs pa ni lta ba la sogs pa kun gyi 'bras bu chen po ste/ rten lus dang brten pa sems thabs shes rab dbyer med do/ rten yang lus can kun la gnas pa ni ri shud+d+he/ dbang po dang pa'i dbus su zhu ba de rdzogs pa'i thabs so/ /brten pa sems ni ro dang 'dra bar rnam par rtog pa'i zug rngu med pas mi rtog pa rang rnal du 'jug pa ste shes rab bo/ /da ni dbyer med bstan pa'i phyir ma la sa dzem ste chu dang 'o ma dang/ nam mkha' i bzhin du kye aM 'dus shing dbyer med pa'o/ /de yang kun tu pa ta ai ste rang rig pa kun du ru ste kun tu sbyor ba'o/ /brten pa sems ni sar pa ste ro dang 'dra bar rnam par rtog pa'i zung rngu med pas nyi ma'i 'od zer dro gsal gyis kun la khyad pa bzhin du lus kyi dangs mdangs sems kyi dangs ma dbyer med des g.yung mo la sogs pa rigs ngan pa dang/ bzang po la khyad par med par 'bras bu ma hA mu h+ra de lcags kyi khang rum 'bar ba snang yang mi sbyor de bzhin du yi dags dang lha'i longs spyod kun tu snang yang mi sbyor ro/ /DiN+Di ma ste g.yung mo la sogs pa mi spang ba ste/ rang rig gi 'od zer mdza' yas pa snang bas 'byung ba lnga dang ye shes lnga la sogs pa rigs kyi dbye ba yongs su rdzogs pa'o/ /yang na bla na med pa'i rigs dbye ba yongs su rdzogs pa'o/ /de ltar byas pas rtags gsum 'byung ste se 'dzin pa'i rtags dngos grub pa'i rtags de kho na nyid la 'jug pa'i rtags so/ / yang na lta ba'i rtags bsgom pa'i rtags tsarya'i rtags so/ /dpal dgyes pa rdo rje'i rgyud nas rdo rje'i glu /brtag pa gnyis kyi don yang 'dir gnas shing lam gyi rim pa nye bar rdzogs pa ni tha mal phyag rgya chen po'i nye bar gnas pa'o/ /da ni rdo rje gar bstan pa'i phyir/ /dran pas mi 'phrogs rnal 'byor zhes pa ni g.yeng bar ma gyur pa'o/ /he ru ka'i gzugs kyis gar zhes pa ni rigs bsdus pa lus kyi spyos so/ /chags bral min goms sems kyis ni zhes pa gang gi he ru ka ste dga' bral ma yin pa'o/ /'dod chags sems kyis zhes pa ni mchog dga' 'am thabs kyi khyad par las so/ /bsgom pa nyid ni lhan skyes so/ /da ni glu dang gar thun mong du yon tan gyi cha ston te/ rdo rje chos ni 'od dpag tu med pa gsung gi rigs te glu'o/ /sangs rgyas ni rnam par snang mdzad de gar ro/ /rnal 'byor ma ni rjes su chags pa'i yul lo/ /ma mo ni gar gyi chags pa'i yul te de dag ni thugs so/ /glu dang gar ni 'di dag gi sngar gyi mtshan nyid dang ldan pa'o/ /glu blang gar yang bya ni he ru ka'i nga rgyal la sku dang gsung gi yon tan dang ldan pas thugs kyis yul rnal 'byor ma dang ma mo dang ldan pa'o/ /yang na rdo rje chos sangs rgyas ni sku mdog dkar po'i glu'i grogs su bstan la/ rnal 'byor ma dang ma mo gar gyi grogs 'bras bu he ru kas gar byed pa bstan to/ /da ni de'i phan yon bstan pa tshogs bsrung ni 'khor lo/ /bdag gi gtso bo 'am byed pa'o/ /'jig rten dbang du byed pa ni yid 'phrogs pa'i/ /sngar gyi zlos pa ni glu'o/ /gar bsgom pa ni snga ma ltar ro/ /da ni rim pa bstan pa'i phyir tshogs kyi bdag po lngar byas ni slob dpon gyi glu dang nang nang du bsgom pa 'am dngos su dang por bya'o/ /dri mtshon pa ni dngos grub shis pa'i mtshan ma gar gyi'o// sgog pa'i dre ni ngan pa'o/ /bya rgod dri ni cung zad ngan pa'o/ /ga bur ni zhim pa'o/ /mA la ya dza ni he mA la ya dzi ste kha ba can las skyes pa ste tsandan shin tu zhim pa'o/ /da ni glu'i mtshan ma'i ngang pa'i ni dang po'i sgra'o/ /bung ba ni bar du'o/ /ba lang tshe'i sgra ni tha mar ro/ /de gang du zhe na/ glu'i mdza' nas mnyan par bya ni dril bu'i sgra mdza' lta bu'o/ /gnas gang du zhe na/ phyi rol gyi tshal du skye shing gir ba 'am dur khrod du'o/ /glu'i byin rlabs mtshan nyid ni dngos grub pa ma shis pa brjod pa'o/ /da ni phyag rgya'i lan phyag rgya rtags dang mtshan ma la sogs pa'o/ /'di ni rigs mtshon pa ste bskyed pa'i rim pa mdza' dag rnam pa gnyis te/ zhi ba'i rnam pa dang khro bo'i rnam pa'o/ /de dag thams cad kyang rgyal ba rigs lnga las mi 'da' ste/ rgyu sems can gyi gnas skabs nas sbyang gzhi rnam pa lnga yod pas de sbyong byed kyang rigs lnga ste/ de skad du yang zhi ba yi ni dkyil 'khor ro/ /khro bo yi ni dkyil 'khor te/ /rjes su gzung bar bya phyir ram/ /gzhan dag tshar bcad bya phyir bshad/ yang lha dang lha mo tha dad pa de dang de'i rigs 'byung ste/ de med kyang de yod de/ 'gro ba'i don du bstan pa yin zhes gsungs so/ /de rnams kyi rgyu mtshan ni 'og nas 'chad do/ /yang rnal 'byor ma rnams kyi sa bon ni A li dang po la sogs pa ste de bzhin no/ /da ni rtsa'i grangs las rnal 'byor ma'i grangs bstan pa'i phyir/ rigs kyi le'u las rtsa rnams gang zhes pa ni le'u dang po las so/ /bcu drug gnyis gsungs pa ni sngon du dris pa ste/ bden te zhes pa ni lhag ma'o/ /ji lta bu zhen rtsa'i gnyis gnyis zhes pa ni thabs dang shes rab kyi rtsa gnyis sdom pa dang/ rnal 'byor ma re re zhes pa ni rdo rje rnal 'byor ma la sogs pa'o/ /gsum du brjod ces pa ni rkyang ma la sogs pa'o/ /bdag med rnal 'byor zhes pa ni rtsa gsum sku gsung thugs kyi rang bzhin du gcig pa'o/ /'o na rnal 'byor ma rnams kyi sa bon tha ma lhag ma dang rtsa rnams kyi tha ma lhag pa ci byed tso na/ de'i phyir gang phyir bcu drug cha med ces pa ni dbyangs yig bcu drug pa med pa'o/ /cha med ces pa ni rtsa sum cu rtsa gnyis pa med pa 'am bdag med ma bzhin du mkha' spyod ma gsum 'dus pa'o/ /'bad pa ni bla ma las rnyed pa'i man ngag gis te dbyangs yig bco lnga pa las bcu drug pa thig le byang chub kyi sems kyi rang bzhin la med pa dang/ dri ba dang brjod pa tsam du ni yod do/ /rtsa bdud bral ba yang byang chub kyi sems gnas pa tsam las 'phel ba dang 'grib pa'i bya ba mi byed do/ /de'i phyir spangs pa'o/ /dper na phyi'i zla ba dkar po dang nag po'i phyogs 'phel ba dang 'grib pa bco lnga las med pa'i phyir ro/ /'o na phyi'i zla ba med pas bcu drug pa dang sum cu rtsa gnyis pa la ci gnod ce na de'i phyir bco lnga'i zla ba bdag nyid kyi zla ba byang chub sems su 'gyur zhes pa ste lus la rtsa gnyis la byang chub kyi sems g.yon nas 'phel ba bco lnga dang/ g.yas nas 'grib pa bco lnga rgyu ba'i phyir ro/ /de dang sa bon yi ge dag dang ci 'brel zhe na/ de'i phyir bde ba chen po ni rten te zhu ba'o/ /A li gzugs ni zhu ba'i gnas bco lnga las a la sogs pa bco lngar 'gyur ba ste/ de'i rtsa rnams kyang de rnams yin pa'i phyir rnal 'byor ma rnams zhes pa ni bdag med ma la sogs pa bco lnga'o/ /de'i cha ni rten zhu ba de yang rten rtsa'i chos so/ /da ni sngar gyi rnam dag dris pa'i lan du byang chub kyi sems bstan pa'i rdo rje snying pos gsol zhes pa'o/ /ga pur nges par cis mi spang zhes pa ni kun rdzob mi spang ba'i thabs te don dam yang shugs kyis dris pa'o/ /rnal 'byor ma kun las byung zhes pa ni 'chad par 'gyur ba'i shin tu bzhin bzangs la sags pa las byung ba'o/ /lhan skyes rang bzhin ni kun rdzob bo/ /zag med dang 'grib med ni gzung ba'i thabs kyis mi 'bral ba'o/ /btung mchog ni bdud rtsi yin pas so/ /des ni 'di skad ston te kun rdzob lhan cig skyes pa'i tshul ni rten rnal 'byor ma las byung/ gnas pa'i tshul gzung ba'i man ngag byas la/ yon tan btung mchog ste lus rgud pa la sogs sel bas so/ /de ltar lags sam zhes zhus pa'o/ /yang rnal 'byor ma kun las byung ni stong pa shes rab kyi rang bzhin las so/ /lhan cig skyes dga' ni bde ba thams cad kyi rang bzhin te/ de nam mkha' i nyid du 'brel te nam mkha' i rang bzhin gnyis su med cing bdag med pa'o/ /des kyang 'di skad du stan te rnal 'byor ma kun las byung ba'i chos kyi sku lhan cig skyes dga' longs sku 'khyud nas/ nam mkha' dbyer med bde chen gyi sku lags sam zhes zhus pa'o/ /bcom ldan 'das kyis bka' stsal zhes pa ni yin par zhus so/ /ji skad smras pa de bzhin zhes pa ni/ bdud rtsi dang bde chen gyi skur byas pa ste bstan pa'o/ /de bshad pa yang rdo rje snying pos gsol zhes pa ni bdag gi yin yang de las rgyas par ro/ /thabs gang gis bskyed lags zhes pa ni lam rim pa gnyis dris pa'o/ /ma bskyed na bsod nams med sdig pa med pas bskyed de mi spang bar zhus pa yang bka' stsal zhing rim gnyis su'o/ /dkyil 'khor ni rrten gyis rnal 'byor ro/ /'khor lo ni brten pa'o/ /thabs ni ye shes dgugs pa dang dbang dang mchod pa la sogs pa'o/ /ci rdzogs rim gyi skabs su mi 'gal lam zhe na/ bskyed rim nyung ldan tha mal gyi rnam par bsgyur ba tsam yin pa'i phyir rang zhes pa ni phyag rgya chen po nyid do/ /byin gyis brlabs pa zhes pa ni/ sngar bstan pa bzhin du dbang po rang snang ba 'am 'chad par 'gyur ba ltar spyod lam dang bsre'o/ /rim pas zhes pa ni rdzogs rim mo/ /kyang ni bskyed rim bsdu ba ste gnyis so/ kun rdzob don dam bskyed rim pa ni go rims bzhin du'o/ /kun de lta bu'i zla ba ste zhu ba'o/ /bde ba ni mtshon pa ste nam mkha' lta bu'o/ /da ni de dag sdom pa'i gnas bstan pa'i phyir bud med zhes bya ba la sogs pa tshigs su bcad pa phyed dang gnyis te/ e bam rnam pa'i rang bzhin du shes pa shes rab kyi gsang ba'i gnas dang/ thabs kyi gsang ba'i gnas dang/ gnyis sbyar ba las shes par bya ba dang yang lte ba'i gnas dang spyi bo'i gnas su sbyar ba las shes par bya/ gnyug ma'i dbang po dang de bsten pa'i thabs dang bcas pa las shes par 'gyur ro/ /da ni de dag rang bzhin bstan pa'i phyir ro/ 'di nyid ni don dam kun rdzob bo/ /'khor ba ni bslad pa'o/ /mya ngan las 'das pa ni/ gnyug ma ma bcos pa'o/ /de'i phyir 'khor ba spangs nas gzhan nyan thos lta bu'o/ /mya ngan las 'das pa mi rtogs ni rang bzhin gnyug ma ma shes pa ste bstan pa'o/ /de bshad pa'i phyir 'khor ba gzugs dang sgra la sogs zhes pa ni yul gyi skye mched rnams so/ /'khor ba tshor ba la sogs pa ni phung po rnams so/ /'khor ba dbang po'i nang gi skye mched do/ /'khor ba zhe sdang la sogs pa ni nyon mongs pa lnga 'am rnam par shes pa'i khams so/ / 'di rnams chos ni mya ngan 'das ni gnyug ma las mi 'gyur zhing/ rang gi mtshan nyid 'dzin pas chos so/ /rmongs phyir 'khor ba ni rang gi mtshan nyid ma rtogs par 'khor ba ltar log snang ngo/ /rmongs byed 'khor ba dag pa ni blo bur ba med pa'o/ /mya ngan las 'das par 'gyur ni dag pa'i lus dang sems la dbang thob pa'o/ /rtog pa med pa'i byang chub sems ni lus dang sems kyis lhan cig skyes pa'o/ /kun rdzob don dam rten dang brten pa'o/ / tshul can ni rung ba ste/ rten yi ge yang bskyed pa ma yin pa'i rang bzhin no/ /da ni kun rdzob bskyed pa'i thabs bstan pa'i phyir/ shin tu bzhin bzangs nas der sbyor ba las byung ba ni rnal 'byor ma kun las byung bshad pa'o/ /bstan pa gzhan gyis bshad pa yang/ mi spang ni mi spang ba'i lan no/ /ga pur ni lhan cig skyes dga' i lan no/ /mkhas pa ni 'grib med ma zad med kyi lan no/ /lag tu mi blang ba la sogs pa ni btung mchog gi lan du'o/ /da ni don dam lhan skyes su bstan pa'i phyir lhan skyes rnam dag nyid kyis lan ga pur nyid ni bdag med ma la sogs pa don dam bskyed pa gsungs te/ kun rdzob nyid ni kun rdzob snga ma de nyid do/ /bdag med ma de ni rnal 'byor ma'o/ /bde ba bdag med tshul can ni thabs dang shes rab kyi rang bzhin no/ /de ni bdag med ma ste shes rab kyi'o/ /bde ba ni thabs so/ /phyag rgya dbyer med do/ /de ji ltar skye zhe na/ lte ba'i dkyil 'khor nyid du gnas ni bzhi ste pad+ma'i ze 'bru las dang por dbyangs yig ni e ste rten no/ /blo zhes pa ni phyag rgya chen po'i chos te brten pa'o/ /sangs rgyas rnams kyis btags pa ni dgyes pa'i rdo rje 'am gzhan gyis te yul du'o/ /rdzogs pa'i rim pa'i rnal 'byor ni rnal 'byor pa 'am bde ba chen po nas 'bab pa'o/ /de nyid bcom ldan shes rab ni lte ba na gnas pa ste yum du byas pa'o/ /de ni rim min la sogs pa ni de dag las 'das pa'o/ /lhan cig skyes dga' byed pa ni bde ba chen po la phog pas so/ /de las skyes pa ni mtshon bya las byung ba'i mtshon byed myong bas so/ /rnal 'byor pas de'i bde ba'i bza' ba ni gzhan la mi bltos par ro/ /yang na ga pur nyid ni bdag med ma la sogs pa phyag rgya chen po'i sa'i dkyil dang nam mkha' i dkyil du gnas pa'i gnyug ma'i dbang po ste/ ga pur nyid ni bdag med ma ni skye ba med do/ /bde ba bdag med tshul ni bde ba'i zur la bdag med par rtogs pa'o/ /de'i bde ba phyag rgya chen ni rten khyad par can du myong ba'o/ /lte ba'i dkyil ni brtan pa'i dkyil dang nam mkha' dkyil du gnas pa'o/ /dang po dbyangs yig ni ma tra ste/ phyi mo lam thog ma'o/ /blo zhes sangs rgyas rnams kyis btags ni bud+d+ha ste rtogs pa las 'byung ngo/ /de skad du ma zhig na bar gyur la bu ni mang yod pa/ /de kun yid mi bde zhing de la rim go byed/ /de bzhin phyogs bcu 'jig rten khams kyi sangs rgyas kyang/ /yum gyur shes rab dam pa 'di la dgongs pa mdzad ces gsungs so/ /de las skyes pa'i rnal 'byor ni de nyid bsgoms pa'o/ /de nyid bcom ldan shes rab ma ni yon tan thams cad skyed par byed pa'o/ /de'i mtshan nyid dbyibs dang kha dog la sogs pa yin te ring min la sogs pa'o/ /de dang lhan cig ces bya ba ni der skyes pa'i ye shes so/ /bde ba bzhi pa ni zag med mthar thug pa'o/ /gzugs sogs nyid kyis spyad pa nyid du ste der sbyor ba'o/ /de'i chos dkyil 'khor 'khor lo la sogs pa snga ma bzhin no/ /me long ye shes ni chos rnams de la snang ba'o/ /mnyam nyid ni ro gcig par rtog pa'o/ /so sor rtog pa sems can gyi don gyi sprul ba ston pa'o/ /bya ba nan tan ni bya ba thams cad bsgrub pa'o/ /chos dbyings des kun la khyab pa'o/ /ji ltar rigs pa bzhin no/ /de ltar mtshan nyid bstan nas chos bstan pa'i phyir/ /de dang lhan cig gi phyag rgya che ni rten dag pas bdag po byas nas ma dag pa dang rnam par byang ba'i chos dgyes pa'i rdo rje dang bdag med ma dbyer med pa'i rang bzhin te go sla'o/ /da ni lus sdom pa bstan pa'i phyir/ rdo rje snying pos gsol zhes pa'o/ /'khor lo bsgom pa ni sems bskyed pa'i thabs te/ dkyil 'khor dang 'khor lo dang rang byin gyis brlabs pa'o/ /lam dang zhes bya pa ni bskyed pa dang rdzogs pa'i rim pa'o/ /lha rnams ji ltar ni ga pur kun dang bde ba nam mkha' lta bu'o/ 'byung ba nyid ni bskyed pa ste kun rdzob dang don dam gyi sems gnyis so/ /thams cad bcom ldan 'das gsungs nas/ phyag rgya chen po rgyas btab pa yang gsungs pa'o/ /sdom pa bdag la bshad du gsol zhes pa ni dam tshig gi phyag rgya'i tshul du'o/ /bcom ldan 'das kyis bka' stsal ni de'i lan du'o/ /rnal 'byor ma lus ni bdag med par bya ba'o/ /dbus gnas ni lte bar ro/ /aM sdom par gnas ni bdag med ma'i yi ge'i rnam pas so/ /ji ltar phyi rol de de bzhin nang du snying gar dgyes pa'i rdo rje hUM gi rnam bar ro/ /sdom pa de nyid ni snyoms 'jug go / rab tu phye ba 'am bshad ni rnam pa sna tshogs la sogs par dbyer ba'o/ /po la'i bde ba ni gsang ba'i gnas kyis yang bskul ba 'am hUM de nyid do/ /phyag rgya chen por phyag rgya de nyid la sbyar ba 'am sngar gyi dang 'dra bas so/ /rdo rje skyed mched thabs nyid ni hUM zhu ba gsang ba'i dbang por nyams su myong ba'o/ /'dis ni gsang ba'i snyoms 'jug ni nang gi snyoms 'jug gis so/ /phyi rol gnyis bstan pa med dam de bzhin no/ /bdag med mar bsgom pa la'o/ /des ni 'di skad bstan par 'gyur te phyag rgya lam brten par phyag rgya chen no ji ltar 'grub nus snyam pa'i dogs pa sel bar bya ba'i phyir sngags kyi he ru ka'i gzugs su gyur pa ni rnal 'byor mas bya ba'i thabs yin la/ 'dir ni rnal 'byor pas bdag med ma bsgom pa'i thabs so/ /de ltar snyoms 'jug gi sdom pa bstan nas/ da ni phyir lus la gnas pa'i sdom pa'i bstan pa'i phyir/ sku gsum lus kyi la sogs pa ste/ tshigs su bcad pa phyed dang gnyis kyis brten pa ni khyad par du byas ba ming bstan to/ /tshig rkang gnyis rten dang brten pa dang sku ste bde ba chen po yang lhag ma'o/ /yang tshig rkang gnyis kyis ni lus can kun la yod par bstan pa'o/ /sprul par gnas brtan pa la sogs pa ni rgyu mtshan bshad pa'o/ /e baM la sogs pa bstan pas de bshad pa yang las kyi rlung gis bskul zhes pa ni 'doms char du yaM raM las bskul ba'am snyoms 'jug gi dus bskyed pas so/ /bcom ldan 'das shes rab brjod ni bdag med ma aM gyi gzugs can no/ /ji ltar byas pa ni dka' ba'i bya ba du ma'o/ /de bzhin spyod ni ye shes rtog pa dang 'dren ma du ma bskyed cing nyams su myong ba'i phyir ro/ /rgyu mthun zhes pa ni rab tu grags ni rgyu mtshan des sgrub po/ /yang las chung zhes pa ni rlung dang me'am snyoms 'jug la mi bltos pa'o/ /'bras bu tsha ba ni ye shes rtse gcig pa myong ba'i phyir ro/ /rnam smin de las bzlog rgyu 'bras che chung bzlog pa'am rgyu mthun dang mi 'dra bar bzlog pa ste rnam smin grub pa'o/ /gnas skyes bur 'brel te mgrin pa longs spyod kyi bdag por byed par 'dod pas skyes bu byed par 'bras bu'o/ /der ni rnal 'byor dag phyir ni bde chen du'o/ /dri med nyid ni blo bur spangs pa ste/ bral ba'i 'bras bu'o/ /gang phyir sprul pa la sogs pa ni de rnams dang chos mthun du byas pa 'am/ phyi rol gyi zhen pa spangs pa'i phyir ro/ /de dag gis ni sems dang lus rdzogs pa'i sangs rgyas su bstan nas/ da ni sa bcu ba'i sangs rgyas su skye ba dag pa bstan pa'i phyir/ go rims cung zad bsnor te/ 'di dag rkyen gyis sems can rnams su 'brel te rkyen gyis ni sa ma ya kri ba ste/ sems can rnams ni de dag tu gyur pa'o/ /sangs rgyas nyid du the tshom med pa ni don la skye ba dag pas so/ /cis shes na zla ba bcur ni sa rnams phyir ni dag pa yin pa'i phyir ro/ /sems can sa bcu'i dbang phyug ni de las mdzad pa 'byung ba'o/ /gang dag zhe na/ de la lte ba gnas su brjod du 'brel te/ gnas ni rgyal ba'i gnas dge 'dun gyis gnas lta bu'o/ /skyes gnas ni mngal lam chos 'byung ngo/ /'dod chags bral ba 'byung ba ni btsun mo nang nas 'byung ba'i rab tu 'byung ba'o/ /mngal gyi khru mchos gos kyi gtso bo ci ber ro/ /de bzhin ma ni mkhan po nyid ni mkhan po lta bu ste/ de la nod pa'o/ /mgo bor thal mo sbyar ba ni skye ba'i dus na'o/ /phyag ni der zhes bya'o/ /'gro ba'i bya ba ni skye gnas tha mal gyi bya ba'o/ /khrims ni sin khya ste bslab pa'i rim pa'o/ /gnas ni band+ha na dza ste ston pa'i tshig gam nod pa'i gnas so/ /de bzhin a haM thog ma nyid nas skad 'don pa'o/ /sngags bzlas ni A li kA li bsdus pa'o/ /gang du zhe na/ skye gnas 'khor lo ni lte bar ro/ /rnam par a ni aM yig go /bde chen gyi yang ni spyi bor ro/ /rnam pa haM ni yig go /gcer bu skra dang kha sbu bregs ni thog ma nyid nas dge slong nyid do/ /khyad par ni ci zhe na/ gong gi a haM dang ldan pas sngags 'do na skyes pa'o/ /da ni rdzogs pa'i sangs rgyas dang sangs rgyas su bstan pas skrag pa'i the tshom du gyur pas ni de nas rnal 'byor ma la sogs pa'o/ /de ni de dbugs dbyung bar bya ba'i phyir ro/ /yang rdo rje can gyis ni dgyes pa'i rdo rjes so/ /lha mo thams cad gzigs nas ni 'gyel pa rnams so/ /gsang ba'i phyir ni dran pa rnyed nas dbugs dbyung ba'o/ /yang dag par bstod pa ni yon tan brjod pa'o/ /ci zhe na/ /pi to dza la sogs pa ming khyad par ldan pa'i sa la sogs pa bsdus pa'i lha mo spyan la sogs pa chos kyi snod yin par bstod pa'o/ /gang zhig sus kyang mi shes pa ni byang chub sems dpas kyang ngo/ /de nyid nga yis spro yis nyon gdams par gnang ba'o/ /bcom ldan 'das kyi gsung ni lha mo dag la bstod pa de dag go/ /rmi lam lta bur thos nas brgyal ba'i skabs su yang yud du dran pas so/ /thams cad srog rnyed par 'gyur ni brgyal ba cung zad sangs pa'o/ /da ni dbugs gnyis pa dbyung ba'i phyir ro/ /bcom ldan 'das kyis bka' stsal pa ni dran pa cung zad rnyed pa rnams la'o/ /bcom ldan 'das kyis gsungs pa ni lha mo dag la bstod pa dag go /sems can rnams ni sangs rgyas nyid ni stong pa nyid ni rtogs pas so/ /'on kyang blo bur dri mas bsgribs ni stong pa sangs rgyas kyi rang bzhin yin yang sgrib pa'o/ /de nyid gsal nas sangs rgyas kyi sgrib pa de nyid bdag med par bsal ba'i sangs rgyas so/ /lha mos gsol pa ni dran pa brtan par gyur nas so/ /bcom ldan 'das de de bzhin te sems can gyi sems bdag med pa'i dbang du byas pa'i tshe'o// bden de ni don dam du'o/ /brdzun pa ma lags ni kun rdzob thabs kyi dbang du byas pa'o/ /yang na bcom ldan 'das kyis gsung de mi brdzun pa'o/ /da ni dbugs gsum pa dbyung ba'i phyir bcom ldan 'das kyis bka' stsal ni lha mo dag rtogs pa dang ldan pa la/ bde ba'i nyams bskyed pa'i phyir ro/ /mi shes btsan dug du dpe'o/ /rmongs spangs de nyid kyis ni zhes pa ni dpe las 'byung ba sngar gyi bdag po'o/ /de'i mya ngan yongs su gcod ni stong par rtogs pas dbugs gnyis pa byung na zhes bya ba'i tha tshig go/ /de bzhin dpe ltar ro/ /zhi ba 'am thar pa'i bdag med pa dpe las byung ba'o/ /thabs shes rab ni bde pa'o/ /dgyes pa'i rdo rje la sogs ni lhan cig skyes pa'i ror byas pa'o/ /ma rig pa la sogs pa ni nyon mongs pa'i sgrib pa'o/ /gti mug la sogs pa ni shes bya ba'i sgrib pa'o/ /yang na ma rig pa la sogs pas mi 'dzin ni sngar bdag med par byas pas so / gti mug la sogs pas mi 'chid ni lhan cig skyes pa'i bde bas so/ rang dang rang gi byang chub phyir ni gnyug ma'i ye shes yin pas so/ /sangs rgyas ma yin sems can ni zhes pa ni lhan cig skyes gnyis las gzhan pa'i lus sems so// gcig kyang yod pa ma yin ni bde chen dang ldan pa'i sangs rgyas 'ba' zhig go / 'o na dmyal ba la sogs pa ci zhe na/ de'i phyir rtag tu rang bzhin bde ba can ni gnyug mar ldan pa yang ma shes so/ /'o na lha la sogs pas myong zhing shes so zhe na/ de'i phyir lha dang lha min zhes pa ni bde ba myong zhing shes kyang ngo/ /bde ba gang phyir mi shes zhes pa ni rtag tu gnyug ma'i rang bzhin mi shes pa'o/ /de dag bsdu ba'i phyir 'jig rten khams ni la sogs pa'i/ rdo rje snying po snying rje che ni lha mo rnams dbugs phyin nas de'i don bsdus nas 'dir brjod pa'o/ /kye'i rdo rje'i thabs rnyed ni dbugs dbyung gsum pa ltar ro/ /yul rnams ni gzugs la sogs pa'i 'dod pa'i yon tan no/ /rnal 'byor ni bdag med pas so/ /bla med rnyed ni bde ba'i res so/ /da ni sngar bstan pa'i phyag rgya nges pa'i rgyu mtshan bshad pa'i phyir/ rdo rje snying pos gsol zhes pa la sogs pa gsungs te/ rdo rje snying pos gsol ba ni sa ni puk+ka sIr bshad pa/ gang phyir gti mug sra ba nyid ces pa la sogs pa ni/ sngar gyi phyag rgya'i rgyu mtshan dris ba ste/ ma log pa la phyag rgya zhes pa na de nyid mi 'thad bar ston te/ lus la sems kyi phyag rgya 'debs pa dang/ thugs la sku'i phyag rgya 'debs pa mi rigs zhe na/ 'dir ni mi 'thad pa med de/ sems spangs nas ni lus kyi ni/ mdzes pa gzhan du mi 'gyur ro zhes pa ni byin gyis brlabs bya dang rlob byed kyi dbang du byas te gsungs so/ /yang sems spangs nas ni lus kyi ni zhes pa ni snga t+t+ma dang gnyis ka la rtsa ba'i tshig sgyur te 'dir ni lus spangs nas ni zhes bya ste rten dang brten pa'i rgyu mtshan no/ /rdo rje snying pos gsol pa me ni gdol pa mor bshad ces pa ni 'dod chags kyi phyag rgyar rigs pa las/ rin chen 'byung ldan gyi phyag rgyar ji ltar 'gyur zhe na/ 'di ni rgyu la 'bras bu'i rgyas btab pa'i rigs pa ste/ ser sna dang sha 'bras bu? yin pa'i phyir ro/ /rdo rje snying pos gsol pa/ gang phyir rlung gi g.yung mo nyid ces pa ni g.yung mo la phrag dog gi phyag rgyas rigs pa yin no zhe na/ 'dod chags kyi phyag rgyas phrag dog la 'debs pa ni 'bras bu la rgyu yis rgyas btab pa'i rgyu mtshan dang/ de bzhin du gau? rI dang tsau rI la sogs byin gyis brlabs bya rlob byed dang rten dang rten pa'i rgyu mtshan gyis snga ma dang 'dra'o/ /ro langs ma dang g+hasma rI yar rgyu la 'bras bu'i rgyas gdab pa dang/ 'bras bu la rgyu yis rgyas gdab pa snga ma bzhin no/ /de nas gtor ma bstan pa'i phyir dgyes pa'i rdo rje ni 'gyur ma thag ba 'am/ rdo rje 'dzin ni nye ba'i rgyu'i rang bzhin yin bas so/ /snyoms 'jug gnas pa'i dgyes pa'i rdo rje'o/ /lha nyid ni lus las 'byung ba ste zhu ba dang bcas pa la'o/ /sems can don phyir ni 'chad par 'gyur ba'i phan yon no/ /gtor ma che ni ba liM ste stobs sam nus pa dang ldan pa'o/ /bdag med mas zhus pa ni gzhan gyi don du'o/ /e baM rnam par bzhugs ni snyoms 'jug gi tshul lam/ e baM des bzhugs ni sngon byung dang rjes su 'jug pa gnyis sngon byung du/ bcom ldan 'das chos 'byung dang gzhal yas khang na gnas pa'o/ /rjes su 'jug pa ni sgrub pa po dang mgron te/ chos 'byung gi nang du pad+ma suM brtsegs pa bsgom pa dbus kyis lte ba la rang gnas so/ /'dab ma la mgrin dmigs la bya'o/ /yang gtor ma e baM ste rlung dang me dang thod par sbyar ba la sogs pa'o/ /byin gyis brlabs pa'i tshe/ aM hUM aM baM gi brdas shes rab dang thabs su byas pa'o/ /gzhan dag ni de bzhin de'i don ni 'di yin te/ gtor ma sngar bshad pa'i bdud rtsi spyangs pas bsgrub nas chos kyi 'byung gnas nang du ni pad+ma 'dab ma sum brtsegs bsam dkar dang sngo dang dmar bde/ /steng du aM las tshangs la sogs/ bar du hUM las brgya byin sogs/ /'og tu a las mdza' yas sogs/ pad+ma'i mdog bzhin bskyed par bya/ /rang bzhin spyan drangs gnyis med bstim/ /byin brlabs dbang bskur tshul bzhin bya/ /steng la rtag pa mi bskyod dbus/ /'og ma snang ba mdza' yas mtshan/ /ljags la rdo rjer brlabs la dbul/ /bsngo pa gnyis te zang zing chos/ /rim pa bzhin du sngo ba'o/ /da phan yon gnyis te re zhig dang rgyun du byin pa'i phan yon no/ /yang sngar ni phyag rgya'i nges pa bsgrub pa las mkha' spyod ma la sogs pa rigs gsum bya ba dang rigs kyi dbye ba go sla'o/ /le'u bzhi pa'o// //da ni he ru ka phyag bcu drug pa la gsungs pas/ de'i sgrub thabs bshad par zhus pa ni/ phyag ni bcu drug zhal brgyad pa zhes pa ni rdo rje 'chang la bdag med mas gsol ba gdab pa'o/ /dpa' bo thod pa'i phreng ba can ni mgo lnga bcu'i phreng ba 'phyang ba ste/ 'du byed lnga bcu dag pa'o/ /gzhan dag ni rnam par dag pa'i sngar bshad zin to/ /bco lnga yongs su bskor ba'i bdag gi 'khor lo khyed kyis bshad ni le'u brgyad par gsungs pa'o/ /khyed kyi dkyil 'khor ji ltar lags zhes dris pa'o/ /bdag med ma las 'o mdzad nas zhes bya ba la sogs pa ni zhe sdang can dang chags pa can 'dul ba'i don to/ 'khor lo ji ltar sngar gsungs pa zhes pa'i don 'dir sgrub pa'i thabs ni sgrub pa pos gnas gang yang rung bar bya ba dang/ tshogs bsag pa dang/ bsrung pa mtshams dang/ chos kyi 'byung gnas bsgom pa snga ma ltar byas la 'khor lo sa dang chu ni sngon/ /ji ltar rigs pa byin za yi zhes le'u brgyad pa ltar bsgoms la / khyad par ni 'phar ma gcig pa la sogs pa dang ldan pa'i rjes la/ tshangs pa dbang po nye dbang grags la sogs pa sbyar la/ dur khrod brgyad dang bcas bdud bzhi bsnol mar bsgoms nas a la badzra zhes pa'i sngags brjod de/ de skad du yang/ mi mnyam med pas gru bzhi ste/ /dran pas dbang po sgo bzhi yin/ rnam mthar brgyad kyi ka ba ste/ /ting 'dzin bzhi yi kha khyer te/ /bsam gtan bzhi yi rta babs can/ /'dod pa'i yon tan lnga yis spras/ nyon mongs che chung rnam dag pa'i/ /dra ba dang ni dra ba phyed/ /khams gsum bdag ni med pa yi/ /dur khrod brgyad kyi nye bar mdzes/ /tshangs pa la sogs mnan pa ni/ /tha mal rnam sbyod gzhal yas khang rten gyi rnal 'byor drod gsher las skyes pa dang mthun pa rnam par snang mdzad kyi bdag dag pa'o/ /de nas 'dod chags chen po rjes chags zhes bya ba sho lo ka gcig sbyar te/ de la dbus su nga yod ces bya ba ni rdo rje 'chang bskyed pa ste/ A li zla ba kA li nyi/ /sa bon nang du son gyur pa/ /de ni sems dpa' zhes byar brjod/ /nam mkha' i dkyil 'khor khyab pa ni/ /rang gi lus mtshungs rnam par spro/ /bsdus nas snying gar dgug pa ni/ /yo gi zhe sdang bdag nyid ces// mngon par byang chub lnga sbyar te/ /zla ba me long ye shes ldan/ /bdun gyi bdun pa mnyam nyid ldan/ /rang lha'i sa bon phyag mtshan ni/ /so sor rtog pa yin zhes zer/ /de rnams gcig gyur bya nan tan/ /rdzogs pa chos dbyings dag pa'o/ zhes pa rdo rje 'chang sku mdog dkar po gong du gsungs pa dang/ 'og nas 'chad pa'i phyag mtshan la sogs pa dang ldan par bskyed la/ rdo rje dang pad+ma byin gyis brlabs la rjes su chags pa'i sngags brjod pa ni rjes su chags pa'i yan lag ste/ sgong skyes dang chos mthun ba'o/ /de'i rjes la grong khyer nyams dgar khyod dang nga dga' bas shin tu rol pa las zhes sbyar te/ de yang dang po skyes bu bsam de nas/ mkha' 'gro ma'i 'khor lo spros zhes gsungs te/ 'khor rjes su mthun pa'i byang chub pa lngar mngal skyes kyi sgong skyes dang 'dra bar bskyed de/ gaM tsa la sogs pa tshig gnyis sbyar ro/ /don ni snying ga nas 'od 'phros sangs rgyas dang byang chub sems dpa' bkug nas zhal du zhugs/ snying gar zhu srog dag pa'i lam nas byung ste/ yum gyi pad+mar thig le de las sa bon brgyad du gyur pa dang/ mdun gyi tshangs pa'i gdan stengs su A li las zla ba kA li las nyi ma de dang bar nas gaM de las gri gug gi de spro bsdu byas nas zhu ba las gau rI bskyed de/ dkar mo dbang mo'i phyogs byung nas zhes bya ba la sogs pa sbyar ro/ /rlung gi mtshams su g.yung mo ni zhes pa'i mthar te/ rlung mtshams na nyi ma'i stengs na thag bzangs rigs mnan pa'i steng du A li zla ba kA li las nyi ma/ de nyid bar du DaM de las rdo rje de la DaM gyi mtshan ma de spros bsdus nas zhu ba las g.yung mo bskyed do/ /gzhan la yang de bzhin sbyar ro/ /de skad du zla ba nyi ma'i rab dbye bas/ /dkar po la sogs rab tu grags zhes gsungs so/ /de ltar 'khor bskyed nas gtso bo 'gyur ba ni de nas rdo rje chags chen las rig ma bcas pa bzhu bar gyur zhes pa ste/ rgyu'i 'gyur ba ni sngar gyis thig le byang chub sems 'bru lngar gyur ba de gtso bo'i zhal du zhugs pas gtso bo dang rig mar bcas pa zhu'o/ /de nas rkyen gyis 'gyur ba ni/ sna tshogs glu yi mchod pa las/ /de nas lha mo rnams kyis bskul zhes pa ste/ mtshams kyi lha mos bskul te chos can rnam par dag pa 'byung ba bzhis 'bras bu bskyed pa dang/ ngo bo tshad med pa bzhis sems can gyi don byed pa dang las so sor nges pa ste/ mtshams nas slang ba'i las dang/ sgoms ye shes kyi 'khor lo dgugs pa la sogs pa'o rje btsun zhes byams pa chen po puk+ka sI'i glu ste sri zhu bod pa'o/ /snying rje'i yid kyis bzhengs shig pa ste thig le las bskul ba'o/ /puk+ka sI ni bdag la skyob pa ni sems can gyi don mdzod cig pa'o/ /stong pa'i rang bzhin nyid spongs la/ theg le stong pa dang 'dra ste gzhan don mi nus pa'o/ /bdag la bde chen sbyor ba ni gzhan don la bskul pa ste gzhan bde bas bdag bde ba'o/ /khyed med na ni bdag 'gum pas zhes pa snying rje chen po sha ba rI'i glu ste bdag gi srog snying rje gzhan don med na snying rje med pa bdag 'gum pa zhes pa'o/ /kye'i rdo rje zhes bod pa'o// stong pa snga ma dang 'dra'o/ /ri khrod ma 'bras bsgrub pa ni gzhan don mdzod cig pa'o/ /dga' gtso zhes pa ni ngang pa'i dga' ba'i glu ste/ khyed dang po sems bskyed tsam na sems can mgron du bos nas da stong pa la ci'i phyir bzhugs zhes pa'o/ /'o na rang gis gzhan don byas mod ce na/ khyed med na ni phyogs mi khums zhes pa ste bdag gi don mi shes par dgongs pa'o/ /de'i phyir bdag zhu bar bgyid ba'o/ /mig 'phrul lta bur zhes bya ba shlo ka gcig sbyar te/ btang snyoms g.yung mo'i glu ste/ khyed sbrul pa lta bu sgyu ma lta bu mnga' ba ste/ de ci'i phyir zhe na/ bdag gis khyed kyi thugs 'tshal zhes pa'o/ /de'i 'thad pa g.yung mo bdag nyid dran nyams ni grong khyer chen po'i mi zhes bya ste/ /snying rje rgyun chad ma mdzad ni thig le spongs zhes bya'o/ /de'i rjes su a dang hUM gis rdo rje che zhes bya ba shlo ka gcig sbyar te 'bras bu he ru kar bzhengs pa ni brdzun skyes dang mthun pa yud tsam gyi mngon par byang chub pas bskyed de/ bdag po sa bon dag gis ni tshig gnyis sbyar te/ thig le de cha gnyis las 'og zla ba me long lta bu steng nyi ma mnyam pa nyid de/ bar du yi ge aM dang hUM las rdo rje chen po ste/ gri gug de las sa bon gyis mtshan pa ni so sor rtogs pa'i ye shes de las spro ba dang bsdus nas zhu ba ni bya ba nan tan no/ /de las skur bzhengs pa ni chos kyi dbyings kyi ye shes so/ /de'i mod la zhabs rnams sa la brdebs pa la sogs par gyur to/ /'dir thig le gnyis byas la yum yang 'gran thub du bskyed de bdag med ma gtso bo yin pa'i phyir ro/ /zhal brgyad pa la zhabs bzhi zhes sbyar te rnam dag phal cher sngar bshad do/ /sna tshogs rdo rje ni mi bskyod pa'i rigs mtshon pa'o/ /thal bas lus la byugs pa ni drug pa rdo rje 'chang gis dkar ba'o/ /rba rlabs med pa'i bde ba zhes pa lhan cig skyes pa'i ngo bo'o/ /de'i rjes la glang po rta bong zhes sbyar te/ /glo dang dbugs dang de bzhin smyo/ /khrag skyugs mdze dang mi rdzi ka /mcher ba mchin pa rang gzugs ni/ /go rims bzhin du spong phyir ro/ /phra ba yang ba mchod par bstan/ /bdag por gyur par bdag ldan pa/ /gang yang phyin cing 'dod dgur ldan/ /dga' dgur spyod par bde bas so/ /de skad du yang 'gro ba rnams kyi nang na ni/ /mi rnams kyi ni 'gro ba mchog / de rnams nad ni zhi don du/ /glang po la sogs 'dzin pa ni/ /nyid kyi sku la bzlog par mdzad zhes pa'o/ /sgeg cing dpa' ba mi sdug pa/ /rgod cing drag shul 'jigs su rung/ /snying rje rngam dang zhi ba yi/ /gar dgu'i ro dang ldan pa nyid ces pa/ /rig ma la 'khyud bdud bzhi mnan/ /smin ma bcum zhing zhal gdangs pa/ /thod pa'i do shal mche ba gtsigs/ /sprul pa 'phro zhing thod khrag gang/ /brgyad po rim par sbyar byas la/ /zhi ba sbyin ni sems can don/ /de'i rjes su dkar mo g.yas na gri gug ste zhes pa la sogs pa sbyar ro/ /sngar 'khor bskyed kyang gtso bo ma bstan pas ma bshad la/ 'dir gtso bo bstan pas de'i rjes su 'khor bar dgongs so/ /g.yas pa thabs kyi nyon mongs 'joms la/ g.yon pa shes rab kyi chos 'chad par la sogs kun la sbyor ro/ /de'i rjes su ma mo'i 'khor lo grong nyams dga' zhes pa shlo ka gcig sbyar te/ sems dpa' sum brtsegs bsgoms te/ thams cad rdo rje 'di yis ni/ / rang sngags yi ge rdzogs pa dang/ /sa bon phyag mtshan gyur pa las/ /sku rang 'dra ba sgom par byed/ /de yi thugs ka'i sa bon las/ /lha dgu'i rnam par spyan drangs te/ /phyag mtshan rdo rje hUM gis mtshan/ /rjes kyi ye shes ting 'dzin sems/ / lha rnams kun la bsgom par bya/ /de nas rdzogs par bya ba'i phyir/ /ye shes 'khor lo dgug ba ste/ /dam tshig 'khor lo la mnyam thim/ /ye shes 'khor lo chen po 'bar/ /rang gi ting nge 'dzin sems dpa' la 'od zer 'phros te/ sangs rgyas dang byang chub sems dpa' thams cad lha dgu'i rnam par spyan drangs te/ gzhal yas khang gi phyi rol du byon pa la/ /rang gi snying ga nas gau rI la sogs pa spros te aoM sarba ta thA ga ta pU dza zhes mchod pa byas la gau rI la sogs pa bzhis dbugs la sogs ba bya'o/ de nas ma rtas pa rtas par byed pa skye mched byin gyis brlabs pa dang/ sku gsung thugs byin gyis brlab pa sngar dang mthun par bya'o/ /de nas dbang bskur ba ste snga ma bzhin du spyan drangs pa la yang mchod pa snga ma ltar bya'o/ /de nas gsol ba gdab pa aoM sarba ta thA ga ta a b+hi Shiny+tsa tu mAM zhes brjod la le'u gsum pa bzhin dbang bskur bar bsam/ gong gi rang gi rigs kyis dbu brgyan no/ /de nas dbang bskur ba'i sngags brjod par bya'o/ /de nas rang gi thugs ka nas gau rI byang chub kyi sems 'dzin pa la sogs pa spros te/ lha mo bcu drug gis bdag dang dkyil 'khor gyi lha rnams mchod nas mchod pa'i sngags kyang brjod do/ /bstod pa la 'byung ba rnams brjod la/ bstod pa'i sngags kyang brjod do/ /bdud rtsi myang ba yang bya ste/ yaM las rlung dang raM las ma/ /kaM las thod pa rnams gsum bskyed/ /aM las thod pa chen po ste/ nyi zla kha sbyor nang du ni/ /sa bon ming ni yi ge las/ /bdud rtsi lnga dang sha lnga bsam/ /de stengs hUM las rdo rje ni/ /kha bcad rgya gram hUM gis mtshan/ /snying ga'i hUM las 'od zer spros/ /rgya gram hUM gis ba dan bskyod/ /me sbar rdzas rnams zhu ba las/ /aoM las 'od byung ye shes kyi/ /bdud rtsi bkug nas rdo rje zhu/ /de nyid gsum gyis byin gyis brlabs/ / dkyil 'khor ba yi lha rnams kyis/ /ljags la rdo rje nas 'bru tsam/ /bsams te so sor rang sngags kyis/ /brjod pas bdud rtsis tshim par bsam/ /aoM sarba ta thA ga ta a mri ta su satwA nAM badzra swa b+hA ba At+ma konyahaM/ de nas nag po rab tu bsgom zhes bya ba la sogs pa kha dog drug gi rnal 'byor dang/ phra mo'i rnal 'byor le'u brgyad pa ltar bsgoms la/ rdzogs pa'i rim pa ni phyag rgya chen po'i gdams ngag gaM a ba d+hU tI rnams gsum gyi man ngag gam/ gtum mo la sogs pa gang yang rung ba gcig bsgoms la dag pa rjes su dran pa dang sngags bzlas pa dang gong du bshad pa'i gtor ma yang btang bar bya ste/ thun bzhi'i rim pas bsgom par bya'o/ /de la rtags la sogs sbyar ba dang/ spyod pa'i rim pa sngar bstan pa bzhin du bya'o/ /da ni de la sngags bstan pa ni bo la bzhi par mdzad nas ni zhes bya ba la sogs pa ngo mi chogs pas khyed la bshad ces bya ba la sogs pa ni phan yon dang bcas pa'i sngags brjod par zhal gyis bzhes pa'o/ /'bar ba'i phreng ba 'khrug pa yi/ /dkyil 'khor rab tu bzhengs nas ni/ zhes bya ba zla ba lta bu'i bsam gtan dang/ chu zla lta bu'i dkyil 'khor pa bsgoms la/ sgra ring ba dang bzang ba yis zhes pa ni/ sgra brnyan pa phrag cha lta bu'i bzlas pa ste/ bzlas pa 'bum gyis rnal 'byor bdag ces pa ni bsnyen pa'i grangs bzlas pa khri yis bsal ba dang zhes pa dang/ sgrub pa'i grangs so/ /rig byed rnams kyi dang po sbyin zhes pa ni sngags btu ba ste/ rig byed ni bzhi ste/ mchod sbyin gyi rig byed dang/ snyan dngags kyi rig byed dang/ srid srung gi rig byed dang/ des brjod kyi rig byed de/ de nas aoM las 'dren pa'o/ /zla phyed thig les rnam par brgyan pa ni aoM/ de nas ni sngags ril por btus ba ste/ aoSh+TA la sogs pa'o/ /'dir dgongs pa ni gtso bo dang 'khor gyis grangs ni sngar bstan zin to/ /gtso bo bzlas ba la zhi ba dang khro bo'i ste/ zhi ba'i sngags kyi le'ur bshad zin no/ /khro bo'i 'di yin te/ 'bras bu he ru ka'i nga rgyal gyi bzlas pa bya'o/ /sngags kyi 'bras bu'i don ni gzhan du shes par bya'o/ /de nas lha mo de dgyes nas zhes pa la sogs pa sgrub pa'i dkyil 'khor zhus pa'o/ /de la ston pa zhes pa nas nyid kyi dkyil 'khor bri par mdzad ces pa ni sngon byung dang rjes su 'jug pa rnam pa gnyis te/ sngon 'byung du khro chags rnam pa gnyis dang ldan pa'i rdo rje 'chang chen pos dkyil 'khor bri ba bstan to/ /rjes su 'jug pa ni nyid kyi zhes pas gang zag bzhi'i rim pa ston te/ thos bsam gyi mthar phyin pa'i rtags ma thob kyi bar du las dang po pa'i gang zag yin te/ rang nyid kyis dkyil 'khor la sogs pa'i las thams cad bya'o/ /gnyis pa gsum pa phab ste/ sri zhes pa cung zad ye shes la dbang po sprin dang 'dra ba'i rtags dang/ mngon par shes pa gcig tsam thob pa dang/ gsum pa ye shes la dbang ba'i rtags ni du ba dang/ srin bu me khyer dang mngon par shes pa gsum tsam thob pa dang/ khye'u dang bu mo gzhon nu ma las ye shes phab ste 'bri ru gzhug go / yang dag pa'i ye shes la dbang ba'i rtags ni nam mkha' lta bu mthong ba dang/ mngon par shes pa lnga thob pas dkyil 'khor sprul la dbang bskur bar bya'o/ /zhes bya ba'i don to/ /de'i don ni 'di yin te sngar bstan pas bsnyen pa rdzogs nas/ de nas sgrub pa ni sa'i chog dang sta gon gyis cho ga dang dbang bskur ba'o/ /de la sa'i cho ga ni le'u bcu pa nas bshad pa bzhin du byas la/ sta gon du gnas pa dang/ bum pa dang slob ma sta gon du gnas pa'o/ /lha'i sta gon ni brtag pa phyi ma'i le'u dang por bshad pa ltar bya'o/ /bum pa sta gon rnam grangs ni rgyas par bsdus na bcu 'am drug ste/ rnam par rgyal ba dang/ lha mo brgyad kyi bum pa dang/ las thams cad pa dang bcu'o/ /yang na rnam rgyal gtso bo'i bum pa dang lha mo brgyad po rigs bzhin du bsdus la lnga las thams cad pa dang drug go / gang ba'i bum pa ni gcig par shes par bya'o/ /lha so so'i mtshan mas mtshan pa las bum pa rin po che'i bum pa 'am/ gzhal yas khang du bskyed/ paM las pad+ma 'dab brgyad bskyed la/ rnam par rgyal ba'i bum par sa bon tsam las lha tshang bar bskyed/ ye shes pa spyan drangs la mchod bstod bzlas pa byas lta zhu bar bsam mo/ /gzhan dag la lha re re'am/ lta gnyis gnyis bskyed la cho ga snga ma bzhin bya'o/ /de nas slob ma'i sta gon ni khrus byas te kun gyis maN+Dal phul la/ dga' chen khyod bdag ston pa bas zhes bya ba la sogs pas gsol ba gdab pa dang/ bu tshur theg pa chen po zhes bya ba la sogs pas spro ba bskyed la/ bdun rnam par dag pas sbyad bar bya/ de nas thub pa nyi ma ma lus zhes bya bas sdom pa la gsol ba gdab/ rtog pa rnams ni legs par bsdus nas mi zhes bya ba la sogs pas ni sdoms pa bshad/ sdom pa dbog go / de nas sems bskyed pa gsang ba sta gon las gnas te mchod par bya'o/ /de nas so shing dor ba'i cho ga bya/ hub gsum gyis chu blud/ ku sha sbyin srung skud gdags la zab cing rgya che ba'i chos bshad par bya'o/ /de nas sbyor la sbyin sreg gi lhag par gnas par yang bya'o/ /rmi lam ma brjod par bsgos la nyal khang du gtang/ de dag gis cho gar bya ba ni mtsho skyes kyi dkyil 'khor gyi cho ga ltar shes par bya'o/ /de nas nang par sngar langs la rmi lam brtag /mchod bstod bya ste/ sta gon gyi dkyil 'khor nam mkha' la bteg la nyi zla kha sbyar du bcug la/ dbyangs yig gis rgyas gdab par bya'o/ /thig dang tshon ni le'u bcu pa ltar shes par bya'o/ /dkyil 'khor gyi mtshan nyid bstan pa ni/ 'phar ma gcig dang sgo bzhi ba zhes bya ba nas/ brgyad pa ze ba bcas par bri zhes bya ba'i bar du dkyil 'khor gyi rnam dag sngar bzhin shes par bya'o/ /de nas mtshan ma tsa ka li dgod pa ni snying pos skyes pa'i thod pa nyid/ /mdog dkar cha ni gsum pa bri/ /de'i rjes su dbus su thod pa dkar po yang tshig gnyis sbyar ro/ /de nas dbang ldan du ni sha ra ba zhes bya ba nas phyag mtshan brgyad du rab tu grags zhes pa ste rang rang gi sngags la de nyid gsum spel zhing lha ru mos pa dgod par bya'o/ /da nas bum pa dgod pa ni de nas rnam rgyal nyid ces bya ba la sogs pa bum pa'i yo byad thams cad gsos gdab ste/ sta gon gyi gnas rol mo dang bcas pas spyan drangs la rnam par rgyal ba'i bum pa ni gtso bo'i spyan sngar bzhag par bya'o/ /bum pa gzhan rnams ni rang rang gi gnas la nye bar bzhag go /las thams cad pa'i bum pa ni sgo'i g.yas phyogs su dgod par bya'o/ /de bzhin du mchod pa thams cad kyang nye bar bsham/ bla re dang rgyan dang gdugs dang ba dan la sogs pa dang rta bab dang rol mo pa dang na bza' i bye brag thams cad kyang lha rnams la ras zung re re dbul bar bya'o/ /de nas dkyil 'khor bsgrub pa ni/ mang du brjod pa ci zhig bya/ ji ltar de nyid bsdus pa yi/ dkyil 'khor cho ga de bzhin du zhes bya ba ni/ spyir de dag thams cad mthun par shes par bya'o/ /khyad par ni dkyil 'khor gyi shar sgo ru stan bde ba 'dug ste/ yan lag drug gi rnal 'byor ram sbyor ba rnam pa gsum bzlas pa'i bar du bya ba ni bdag nyid ldan pa phun sum tshogs pa'o/ /der dkyil 'khor gyi lha rnams sa bon phyag mtshan tsam las bskyed pa ye shes kyi dkyil 'khor dgug / skye mched byin gyis brlab/ sku gsung thugs byin gyis brlab/ mchod bstod rgyas par bya/ bdud rtsi myang ba bzlas pa'i bar du bya'o/ /de nas slob mas maN+Dal byas la gsol ba gdab pa dang/ cho ga rnams ni sta gon gyi skabs bzhin 'dir bya'o/ /de dag thun mong gi cho ga thams cad ni ji ltar de nyid bsdus pa ltar bya'o/ /khyad par gyi cho ga ni le'u bcu par bstan pa bzhin no/ /'jug pa'i cho ga la dam tshig bsgrags mna' chu blud/ /de nas ye shes dbang pa dang/ me tog dor ba dang/ dkyil 'khor gyi lha ngo bstan nas/ dkyil 'khor gyi de nyid dang/ lta'i de kho na nyid bcas pa ni 'jug pa'i rim pa'o/ /de nas dbang bskur ba la khyad par du yi dam gyi lha'i dbang bskur ba dang/ bum pa'i dbang bskur ba nas brtsams nas rjes su gnad ba thun mong dang khyad par dang/ dbugs dbyung ba dang lung bstan pa rnams mthun par bya ba yin no/ /de nas khyad par gyi dbang bskur ni gsad ba'i dbang sngon du song bas shes rab ye shes kyi dbang bskur ba la gnyis te chags can gyi dbang bskur ba dang chags bral gyi dbang bskur lugs so/ /dang po bshad pa/ bcu gnyis brgyad gnyis lon pa yi/ rigs ma bde chen brgyad po nyid/ ces bya ba la sogs pa ni na tshod kyi yon tan dang/ rigs kyi yon tan dang/ sbyangs pa'i yon tan la sogs pa ni snga ma dang 'dra bar gzhug go /ma dang sring mo nyid dang zhes bya ba la sogs pa ni sgra ji bzhin ma yin pa ste/ slob dpon gyi dbang nod pa dang/ rang dang lhan cig dbang nod pa dang/ rang gi bum pa'i dbang bskur byas pa dang/ de la sogs pa chos kyis bsdus pa yin no/ /dam du 'khyud dang 'o byed pa la sogs pa nas de la rtsed mo rtsa bab bya zhes bya ba'i bar du ni thun tshod dang po'o/ /de nas thun tshod gnyis pa la zhes bya ba nas slob dpon la sogs rab phye zhes bya ba'i bar ni bya ba'i rim pa ste mchod pa dang bstod pa dang gsol ba gdab pa snga ma bzhin du bya'o/ /de nas dbang bskur ba dngos ni de nyid la bstan par bya/ dga' bral dang po mchog mdza' can/ thams cad rgyud du sbas pa ste/ mdza' yis mdza' yi phye ba nyid ces bya ba ni rgyud kyi rim pa dang sbyar te bya ba'i rgyud dang spyod pa'i rgyud dang rnal 'byor rgyud dang/ rnal 'byor bla na med pa'i rgyud de/ dang po ru blta ba tsam gyis dga' ba'i ye shes sbas te bstan pa'o/ /gnyis pa ru lha rnams phan tshun rgod pa tsam gyis mchog dga' i ye shes sbas te bstan pa'o/ /gsum par ni lha dam tshig sems dpa' dang/ ye shes sems dpa' phyag rgya 'khyud pa tsam gyis dga' bral gyi ye shes sbas te bstan te/ /'dir ni kun tu ru yis lhan cig skyes pa'i ye shes gtan la phab ste bstan to/ / yang dang po dga' ba lam nas zhugs pa yin no/ /gnyis pa mchog dga' gnyen po dang ldan pa yin no/ /gsum pa dga' bral gnyen por gyur pa ste/ mi mthun pa bral ba yin no/ /bzhi pa lhan cig skyes pa ste/ gnyen po 'ba' zhig gi ngo bo yin no/ /de nas chags bral gyi dbang bskur ba bstan pa ni/ rdo rje mchod pas yang sbyar nas lha de zhes bya ba la sogs pa zhus pa'o/ /bcom ldan 'das kyis bka' stsal zhes bya ba ni lan te/ der mi thog ma tha ma med/ srid med mya ngan 'das pa med/ /'di ni mchog tu bde chen nyid/ /bdag med gzhan yang med pa nyid ces pa ste 'dis ni bya rog gi mig dang 'dra bar snga ma dang phyi ma gnyis kyis don gtan la 'bebs te/ shes bya'i dbang du byas te bshad pa dang/ snga phyi'i don lhan cig skyes par gtan la dbab pa dang/ rdzogs pa'i rim pa mngon rtogs cig car ston to/ /dbang po ni thog ma dngos po skye bar ma grub/ dbus gnas pa ma grub tha ma 'gag par ma grub/ srid med 'khor ba'i dngos po thams cad kyang mi gnas so/ /mya ngan las 'das par yang mi gnas so/ /bdag dang gzhan med pa ste gzung dang 'dzin pa'i dngos po yang med do/ /'dir ni mchog tu bde chen ni 'bras bu'i mtshan nyid de/ ma bcos pa'i rang byung gi ye shes chen po ston to/ /yang thog mar dga' ba/ dbu ma mchog dga' i tha ma dga' bral lo/ /srid med mya ngan 'das med ni lhan cig skyes pa'i dga' ba ste/ 'khor ba mya ngan las 'das pa dbyer med pa'o/ /'di ni mchog/ bde chen nyid ni zag pa med pa'i don gyi ye shes mtshon pa'o/ /bdag med gzhan med ces bya ba ni bdag gzhan gyi rtogs pa 'gags pa'o/ /yang srid med ces pa phyi snod kyi 'jig rten dang/ /nang bcud kyi sems can thams cad brten pa'i dkyil 'khor du bsdu/ mya ngan las 'das pa med ces pa ni/ rten dang brten pa'i dkyil 'khor he ru ka dang bdag med mar bsdus pa'o/ /bdag med gzhan med ni bdag med ma yang he ru ka la bsdu ba'o/ /der thog ma dbus mdza' med ni thugs ka'i zla ba dang nyi ma ni dbus kyi yi ge hUM la bsdu ba'o/ /hUM yang zhabs kyu la de ba la la yang ha la'o/ /ha ni zla tshes ni thig le la'o/ /thig le nA da mar me ltar phra ba'o/ /'di ni mchog tu bde chen nyid ces bya ste/ lhan cig skyes pa'i ye shes spros pa tha dad dang bral ba bsgom pa'o/ /da ni dbang bskur pa'i thabs bstan pa ni gcig longs spyod kyi ni rlabs nyid la/ rang gi g.yas dang lag gzhan gyis/ mthe bong dang ni srin lag gang/ da ni rnal 'byor pa yis btsir zhes pa la la nA dang ra sa nA gnyis rang gi lag pa dang/ bla ma'i lag pas btsir ba ste/ de las dga' ba bzhis rim gyis ye shes skye bar 'gyur ro/ /de la ci zhig skye zhe na/ gzhon nu'i dga' ba ji lta ba 'am/ lkugs pa'i rmi lam ji lta ba/ zhes bya ste/ nyams su myong pa brjod du med pa'i dpe'o/ /ji ltar mtshon du btub ce na/ mchog gi mdza' dang dga' dral dbus/ stong dang stong min he ru ka shes pa ste/ mchog gi mdza' ni mchog dga' ba'o/ /dga' bral dbus ni dga' bral yang yin la/ dbus yin te mchog dga' i rjes la zhes bya'o/ /tha ma ni lhan cig skyes pa ste/ de'i don stong dang zhes pa rnam par thar pa'i sgo gsum mo/ /stong min ni gnyis su med pa'i ye shes te dpal he ru ka zhes bya ba'i don to/ /kha cig ni dga' bral dbus zhes bya ba ni dga' bral tha mar te/ gsum par lhan cig skyes pa yin zhes zer ro/ /'di la brtag pa mang du yod mod kyi kyang spros pa mang du dogs pas ma byas pa'o/ /dbang de rnams bskur ba'i thabs ni bla ma las shes par bya'o/ /le'u lnga pa'i bshad pa'o// //da ni bris sku dang glegs bam la sogs pa'i mtshan nyid ji ltar bya ba dang cho ga ji ltar bya ba dang tshogs kyi 'khor lo sngar 'du ba la sogs pa'i gnas bstan kyang mngon rtogs pa ma bstan pas le'u gnyis gsungs so/ /lha mo la ni dam 'khyud cing zhes bya ba nas/ mnyam sbyor bde ba myong mdzad nas zhes pa'i bar gyis/ gtso bo chags pa dang khro bo'i tshul gyis gsungs pa'o/ /phyag rgya lnga ni rab phye zhes pa nas sangs rgyas lnga'i phyag rgyas gdab ces pa'i bar ni dgongs pa dang/ phyag rgya lnga'i rnam dag go sla ba dang/ sngar bshad do/ /de nas rab tu bzhad mdzad cing bya ba nas byed pa bde ba chen po gsungs kyi bar gyis bris sku'i bya ba dang cho ga zhus pa'o/ /bcom ldan 'das kyis bka' stsal zhes pa nas 'dir ni 'dri mkhan dam tshig can zhes pa la sogs pas sgrub pa po dang ri mo mkhan dang ras yug 'khal ba dang 'thag pa'i bar kyang dam tshig can gyis bya'o/ /dben pa'i gnas su tshon kyod dang pir la sogs te/ mchod pa dang tshogs kyi 'khor lo ci 'byor pa bya'o/ /de nas de la lha mos zhus zhes pa la sogs pa le'u bdun pa sbyar te/ glegs bam ji lta ji ltar bya ba snga ma dang 'dra ste go sla'o/ /b+ha gar ling ga rab gnas zhes bya ba nas/ sgrub pa can gyi dngos grub 'gyur gyi bar gyis tshogs kyis dgos pa bstan to/ /le'u gnyis gcig tu bskor te mngon rtogs su shes par byed pa'i tshe/ tshogs kyi 'khor lor 'dod pa dang/ la la dag spros bcas kyi spyod par yang bzhed do/ /de la tshogs kyi 'khor lo ni bzhi ste/ phan yon dang/ gnas dang/ zla ba dus dang/ 'jug pa'o/ /de la phan yon ni ston mo bza' ba 'am tshogs la zhugs pa'i dus su sgrub pa dang dngos grub tu 'gyur te gdul bya brod pa skye'o/ /gnas ni dur khrod la sogs pa'o/ /dus ni zla ba ngo gcig gi bcu bzhi pa 'am mtshan phyed dam bsam pa'i khyad par ldan pa'o/ /'jug pa la gnyis te/ thun mong dang khyad par ro/ /thun mong la gsum ste/ gdan bri ba ni gdan la rab 'bring gsum ste/ stag gi pags pa dang/ zhing gi pags pa dang/ dur khrod kyi ras te ro ru mos pas bya'o/ rgyan dgram pa la yang gsum ste/ thal chen gyi byugs pa dang/ zhing dang stag gi pags pa dang/ rus pa'i rgyan no/ /rnal 'byor pa lha'i tshul du dgod pa'o/ /thun mong ma yin pa la dpa' bo'i ston mo dang tshogs kyi 'khor lo'o/ /dpa' bo'i ston mo la bzhi ste/ sder dgod cing bza' ba'i ston mo gtso bo bstan pa dang/ sder la gsum ste/ zhing gi pags pa/ 'bring du 'khrod kyi ras tha ma shing lo'i sder ro/ /ji ltar bza' ba'i tshul tshod ma dang bcas pa dang/ de skad du/ ltos shig dga' ba yi ni chos/ /'di la rnam rtog yod ma yin/ /bram ze khyi dang gdol pa gsum/ /rang bzhin gcig las lhan gcig bza' zhes gsungs so/ /btung ba'i gtso bo su ra ste cung zad tsam dang/ ji ltar btung ba'i tshul snod dang bcas pa'o/ /tshogs la gnyis te las dang po pas yon tan dang ldan pa'i phyag rgya g.yas su 'dug ste bsgom pa dang/ las smin pas bgrod dang bgrod min du mchod pas 'bras bu dang bcas pa'o/ /'di'i don ni mngon par rtogs pa dam tshig bsgrub pa dbang bskur ba dang rab tu gnas pa dang/ dngos grub bsgrub pa dpa' bo ston mo tsam dang ga na tsakra la brtan pa'o/ /tshogs kyi 'khor lo ni gnas dben par yo byad rnams 'tshogs par byas te/ rnal 'byor ma rnams dang pha/ rnams 'tshogs par byas la dang por bya ba'i rim pa thig gdab pa dang maN+Dal bya ste/ mchod pa bshams te gdan rnams la rang gi rgyan dang bcas pa la so sor dgod do/ /de nas las kyi rdo rje mchod pa nas tshogs dang/ tshad med pa dang stong pa nyid dang ra ba dang dra ba dang rten gyi rnal 'byor bsgoms to/ sbyor ba gsum ma yan lag drug bsgoms la/ de nas bla mas dkyil 'khor bsgrub pa'i tshul du rnal 'byor pa rnams lhar bskyed pa dang ye shes par bsgrub par bya'o/ /phyogs mchems kyi rnal 'byor pa rnams ni rang rang gi lhar mos shing bskyed la/ de nas las kyi rdo rjes tshogs rlabs spyan drangs la dbul ba'i rim pa maN+Dal byas la rim pa bzhin du dbul/ /tshogs dbul ba la slob dpon gyis byin gyis brlabs pa'i glu dang gar bya'o/ /slob ma rnams rang rang gi man ngag bsgom mo/ /de nas ci rigs par bya'o/ /dbang bskur ram rab gnas byed na dus der bya'o/ /dngos grub sgrub pa ni yang dang yang du bya'o/ /dpa' bo'i ston mo ni lha'i nga rgyal tsam gyis bya'o/ /ga na tsa kra'i ldang tshad yang shes par bya'o/ /le'u drug pa dang bdun pa'i bshad pa'o// //de nas rnal 'byor ma zhes bya ba la sogs pas brtags nas las kyi phyag rgya la phyag chen po ji lta bu zhes bris pa dang/ bcom ldan 'das kyis bka' stsal zhes pa la sogs pa lan gsungs te/ gang zag bzhi las chags can 'dul ba la dgongs nas lha mo rigs bzhi ste/ glang po can dang dung can dang padmo can dang ri mo can te/ 'dir ni pad+ma can bstan to/ /rdo rje'i rigs dang rin po che'i rigs dang pad+ma'i rigs dang las kyi rigs te go rims bzhin du sbyor ro/ /de nas rnal 'byor ma la sogs pas smon lam gdab pa zhus pa dang/ bcom ldan 'das kyis bka' stsal pa ni dad pa can 'dul ba ste/ bskyed pa'i rim pa la smon lam gdab pa dang/ rdzogs pa'i rim pa la gdab pa'o/ /rigs su skye dang zhes bla ma la 'jig rten pa'i rigs btsun pa 'am yang na theg pa chen po'i rigs can du skye ba dang/ dam tshig ma nyams pa dang/ dgyes pa'i rdo rje phyin ci ma log par ston pa dang lag pa rdo rje dril bu 'khrol/ /zab mo'i chos ni klog pa dang/ zhes pa ste lus dang ngag dang yid de/ lha'i rnal 'byor dang/ bzlas pa dang/ bsgom pa de dang ldan pa'i bla ma de 'dra ba dang/ skye ba gang du skyes dang phrad par shog pa'o/ /yang na rang nyid de bzhin skye bar shog ces bya'o/ /btsun mo zhu ba zhes bya ba ni thig le bsgom pa dang/ rdzogs rim de kho na bsgom pa bla ma dang rang yang de dang phrad par shog ces pa'o/ /lha mo de dgyes nas zhes pa gti mug can 'dul ba'i thabs zhus pa/ bcom ldan 'das kyis bka' stsal pa lan te/ dang po bso sbyong sbyin pa ni bsnyen gnas gzung ba dge tshul dang de ci rigs par sbyin no/ /des rjes bslab pa'i gnas bcu ni mi dge ba bcu spong ba byang chub sems dpa' i sdom pa sbyin pa'o/ /de la bye brag smra ba bstan pa ni so sor thar pa dang ldan pa la bye brag tu smra ba'i grub mdza' bstan te/ gzung ba'i yul rdul phra rab dang nang 'dzin pa'i sems gnyis yod par ston pa'o/ /mdo sde pa yang de bzhin no zhes pa dge slong gi sdom pa dang ldan pa la mdo ste pa'i grub mdza' bstan pa'i phyir gzung ba'i yul 'dus par snang zhing nang 'dzin pa'i sems kyang yod de rnam pa dang bcas pa de/ sbyar ba dang ni bskor ba dang/ par med rnam par gnas kyang rung zhes bya'o/ /de nas rnal 'byor spyod pa bstan zhes pa byang chub sems dpa' i sdom pa dang ldan pa la sems tsam bstan te/ rnam bcas dang rnam med de rnam pa sna tshogs pa shes pa gcig tu bden pa'o/ /rnam med ni brtags te shes pa shel dag pa lta bur snang ba ste/ rigs pas 'grub cing rigs pas mi gnod par 'dod pa'o/ /de'i rjes su dbu ma bstan pa ni sgyu mar smra ba dang rab tu mi gnas pa'o/ /sgyu mar smra pa ni rnam bcas yang dag pa bcad nas yongs gcod sgyu mar 'dod/ /rab tu mi gnas pa ni spros pa'i mdza' bzhi bcad nas khas len yang med pa'o/ /sngags kyi rim pa kun shes nas ni bya ba dang spyod pa dang rnal 'byor rgyud de phyi rol dbyings kyi rnal 'byor bstan pa'o/ /dgyes pa'i rdo rje mthar thug phyag rgya chen po lhan cig skyes pa bstan pa'o/ /de skad du/ dang po zhing ni spyod ba'i phyir/ /drug cu pa yis kha zas gdab/ /de nas 'bru rnams rim gyis gdab/ /phyi nas 'bras dkar sa bon no/ /bslab tshig lnga pa'i rim pa yis/ /rgyud ni de ltar sbyang bar bya zhes gsungs so/ /le'u brgyad pa'o// /da ni zhe sdang can gyi gang zag gdul ba'i don du de nas kha sbyar 'byed pa'i mtshan nyid yang dag rab tu bshad ces bya ba shlo ga gcig gis dgos pa bstan no/ bstan pa la gnod pa byed pa dang zhes pa tshig gsum gyi yul gyi gnang ba bstan to/ /snying rjes bsad par bya ba nyid ces bya ba ni bsams pas gnad ba'o/ /bsgrub bya'i rtsa ba la zhes bya ba la sogs pa ni sbyor bar gnang ba'o/ /sangs rgyas kyang mi nges par 'jig ces pa ni sangs rgyas kyi bsrung ba yang 'jig ces bya'o/ /dman? la dor ba tshig go /de'i lam du khab ni me zhes bya ba la sogs pas ni shes pa spyod pa bstan pa'o/ /sngags dang bsam gtan tsam gyis bsad par bya'o/ /sbyin sreg dang 'khor lo dang phyag rgya dang rdzas kyi sbyor ba rnams ni sbyor bas gnang ba'o/ /man ngag gi rim pa ni bla ma las shes par bya'o/ /de'i 'thad pa ni brjod bya nus pa dang ldan pa dang/ rjod byed nus pa dang ldan pa ste/ rtog med dngos grub sbyin pa po zhes tshig dang pos rdzogs pa'i rim pa bstan to/ /srid pa sbyang pa nyams dga' tshig gcig gis bskyed pa'i rim pa mdor bstan pa'o/ /de'i rgyas par bshad pa rin chen gzi brjid 'bar ba yi zhes pa la sogs pa'i dpe dang don gnyis su sbyar te dper na mu tig la sogs pa'i rin po cha'i khyad par rnams bu ga med par gyur na rgyan la sogs par mi btub la phug na rgyan la sogs pa dga' bskyed par byed do/ /de bzhin du 'dod pa'i yon tan rnam pa lnga thabs de kho na nyid kyis zin na/ bdud rtsi lta bur 'gyur ro/ /dngos po la mngon par zhen pas ni dug du 'gyur ro/ /'khor ba ni rnam pa he ru ka zhes bya ba ni bskyed pa'i rim pa'i rgyas par bshad pa ste/ rnam par dag pa'i don phal cher rnam par dag pa'i le'ur bshad do/ /pags pa byang chub yan lag bdun ni dran pa dang ting nge 'dzin dang shes rab dang/ brtson 'grus dang dga' ba dang/ btang snyoms dang shin tu sbyangs pa dang ste/ pags pa rim pa bdun gyi tshul du gnas pa dang sbyar ro/ /rus pa bden pa bzhi po nyid ni tshogs chen po bzhi las sdug bsngal gyi bden pa dang kun 'byung gi bden pa dang/ 'gog pa'i bden pa dang/ lam gyi bden pa'o/ /gzhan dag ni go sla bas ma bshad do/ /bdag med mas gsol pa sngags bsdu ba ni ji ltar 'gyur zhes bya ba la sogs pas ni rjed byed nus pa dang ldan par ston te/ las dang po pas dngos grub sgrub pa ni sngags dag pa las 'byung ste/ de'i don du sngags btu ba gsungs pa/ bcom ldan 'das zhes bya ba la sogs pas ni/ a A/ ai a'i/ au a'u/ ri rI/ li lI/ e ai/ ao aau/ aM a: dbyangs zhes bya ba dang po ste/ chen zhes bya ba la sogs pa skabs kyi gzhan yang sbyar ro/ /'dir yang rnal 'byor ma'i sa bon du sbyar bas ni rim par bstan te rkyen du sbyar ba dang/ yan lag tu shes par bya ste gzhan du sbyar ro/ /ka kha ga g+ha nga/ tsa tsha dza dzha nya/ Ta Tha Da Dha Na/ ta tha da pa pha ba b+ha ma/ ya ra la wa/ sha Sha sa ha k+Sha/ aoM Alnga lngar shes/ pa pha ni lnga par shes/ ya ra ni mthar gnas zhes bya'i 'byung ba bzhi sa bon zhes bya drug pa'i sde zhes bya/ sha Sha ni bdun pa zhes bya brgyad pa'i sde pa zhes bya auSh+ma zhes bya sde tshan 'di rnams me de yi ge 'di rnams las sngags bcu par bya'o/ /yi ge 'og ma gsum ni yi ge'i bdag po zhes bya/ yi ge'i dbang phyug ces bya/ yi ge thu bo zhes bya/ rig byed dang po zhes bya/ gti mug rigs zhes bya/ rnam par snang mdzad ces bya ste/ gnyis po la yang skabs kyis shes par bya'o/ /'dis ni rgyud thams cad kyi sngags btu ba la 'jug go / 'bru so sor sbyar ba ni go sla'o/ /le'u dgu pa'i bshad pa'o/ /de nas chos kun sdom gcig pa'i zhes bya ba la sogs pa spyir bstan pa bzlas pa'i rten bgrang phreng dang bza' ba gnyis ston te/ las so sor phreng ba ni/ shel gyis rel? pa'i bzlas ba nyid ces bya ba la sogs pa go sla'o/ /rengs pa'i 'o ma btung ba nyid ni chad dam/ byang chub kyi sems so/ /dbang la rang gi 'dun pas dbyad ni gang 'dod pa'o/ /bsad pa la ni sihla nyid ni rang 'byung gi khrag go /dgug pa la ni gzhi mnyam nyid ni dri chen no// sdang las sA lu skyes par brjod ni sha chen no/ /bskrad pa nyid la gla ba brjod ni dri chu'o/ /yang na mdza' sha dang zhes pa la sogs pa ni rab gnas kyi le'ur bshad do/ /de dag gis kyang rengs pa la sogs pa'i las go rims bzhin no/ /de skad du yang gsang sngags bsgrub pa lnga bcu ste/ dbang gi las la de yi phyed/ /zhi la brgya phrag gcig yin te/ /de bzhin rgyas la brgya lhag pa'o/ /mngon spyod la ni drug cu ste/ /las kyi khyad par gyis ni sbyad?/ /las kyi bye brag ji bzhin du/ bgrang ba'i phrang ba la sogs bya/ /phyogs dang phyogs mtshams brgyad dang ni/ /dgu pa dbus kyi sangs rgyas te/ /skud pa dgu la byin gyis brlabs/ /ri lu rnams ni dgra bcom ste/ /steng du mchod rten rtag par bya/ /mchod rten chos kyi dbang po bas/ /steng du chos dbyings yin no zhes gsungs pas ni bgrang phreng gi las kyi bye brag bstan to/ /le'u bcu pa'i'o// //kye'i rdo rje dam 'khyud cing zhes bya ba la sogs pa khro chags rnam pa gnyis dang ldan pa yis kun rdzob kyi rnam pa'i skyes pa dang bud med kyi rigs mtshon pa'i rtags gsungs pa/ /bud med dam ni skyes pa yis/ /gang gis srin lag rtsa ba na/ /rdo rje rtse dgu par gyur pa zhes bya ba la sogs pa rigs kyi mtshan ma dang/ rnal 'byor pa gang nag po yin/ de yi lha ni mi skyod pa/ zhes bya ba la sogs pa ni kha dog gi mtshan ma dang/ gzhan yang spyod lam dang/ mchod pa'i rten dang/ chos 'byung la sogs pas de rnams mtshon te/ rgyud 'dir ni gnyis mtshon gzhan du ni gzhan dag kyang bshad do/ /de skad du yang/ gang zhig smin ma g.yo byed cing/ /kun tu chags pas lta ba dang/ /sngon gyi gzugs ni bsdus nas su/ /shi nas 'jog par byed pa dag / gzugs can mar ni shes bya ste/ /dpa' bo gnyis med par bsten bya zhes gsungs pa dang/ yang dmar zhing ser ba'i bud med gang/ /pad+ma'i 'dab ltar dkyus rings mig /rtag tu gos dkar la dga' zhing/ /tsandan sar pa'i dri dang ldan/ /bder gshegs 'dus pa nyid la dga' / /zhen par lta ba'i rjes su 'gro/ /khyim du pad+ma bri bar byed/ /pad+ma gar dbang rigs 'byung yin zhes gsungs so/ /'dis ni sems can gyi dus na de dang de'i rigs su shes pas rang nga rgyal mi gcig pa dang/ gzhan la mtho mi 'tsham pa dang/ brnyad par mi bya ba'o/ /sangs rgyas pa'i dus su rigs? de dang de ru sangs rgyas par 'gyur ro/ /b+ha ga ling gar 'o mdzad nas zhes bya ba la sogs pas ni lus kyi 'khrul 'khor bstan te/ bla ma las shes par bya'o/ /le'u 'dis ni spyod pa dang shes rab ye shes kyi dbang dang/ las kyi phyag rgya la brten te/ bsgom pa'i yan lag bstan to/ /le'u bcu gcig pa'o// /de nas rdo rje can gyi dbang bzhi'i don ni bka' stsal pa zhes bya ba la sogs pa le'u tha ma 'dir dbang bzhi'i tshigs su bcad pa dang/ rdo rje dang pad+ma dang byin gyis brlabs pa ston to rdo rje rab gnas rdo rje nyid/ /che dang chen po dril bu zung/ /zhes bya ba ni bum pa'i dbang nas brtsams nas ni/ /brtul zhugs kyi dbang khyad par rdo rje slob dpon gyi brtul zhugs bstan to/ /de ring rdo rje slob dpon gyur/ /slob ma bsdu ba nyid du gyis/ /zhes pa ni lung bstan pa dang/ rjes su gnang pa dang/ dbugs dbyung ba dang slob dpon gyi las la sogs pa thams cad bstan to/ /ji ltar 'das pa'i sangs rgyas kyis/ /byang chub sras rnams dbang bskur ba/ /bdag gi gsang ba'i dbang gis ni/ /sems kyi rgyud kyi dbang bskur to/ /zhes bya ba ni byang chub kyi sems sbyin pa'i tshigs su bcad ba'o/ /lha mo dga' sbyin gnas sbyin ma zhes bya ba ni shlo ka gcig gis ni rigs ma sbyin pa'o/ /ye shes 'di ni che phra zhing shes pa ni gsum pas go phye ba'i bzhi pa'i don te/ rdo rje nam mkha' i dkyil lta bu ni rtog pas stong pa'i dpe yis bstan to/ /rdul bral thar pa zhi ba nyid nyon mongs pa dang blo bur ba thams cad zhi ba'o/ /khyod dang yang ni de yi pha zhes pa ni rang gi sems te de'i bde ba lhan cig skyes pa'i ye shes so/ da ni rdo rje dang pad+ma byin gyis brlabs te/ aoM pad+ma su kha d+ha ra la sogs pas bstan te/ rdo rje 'chang bskyed pa'i rdo rjes la 'khor bskyed pa'i don du byin gyis brlabs pa dang/ tha mal pa spangs pa'i dgongs pa'o/ /yang spyod pa dang las kyi phyag rgya bsgom pa'i sngon du yang 'gro ba'o/ /spyi bor ni aoM gyi rnam pa/ snying gar hUM gi rnam pa ze 'bru la ni a'i rnam pa'o/ /zhes bya ba ni sku gsung thugs kyi byin gyis brlab pa'i sa bon no/ / yang ze 'bru ni rnam pa'o/ /zhes pa 'dod dang pad+ma byin gyis rlob pa yang bzung ste/ hUM las rdo rje aoM gyis nor bu phaT kyis bug sgo dgag /aoM gyis pad+ma as ze 'bru phaT kyis bug sgo dgag pa'o/ /gong du yang hUM gi phaT kyi rnam pa 'dod mi bya zhes gsungs pa ni bdag med ma la bkag pa'o/ /dgyes pa'i rdo rje la ni 'dod pa kho na'o// //rgyud kyi rgyal po chen po sgyu ma brtag pa zhes bya ba ni phyag rgya chen po ste sgyu ma chen po zhes bya'o/ /brtag pa ni cho ga zhib mo'o/ /brtag pa sum cu rtsa gnyis las phyung ba zhes bya ba ni mi bskyod dgyes pa'i rdo rje la bsdu bya/ /brtag pa sum cu bsdu byed gnyis te/ /de yang bsdu bya bsdu byed du byas pa sum cu rtsa gnyis/ brtag pa gnyis kyi bdag nyid bstan pa dang bshad par gnas pa'o/ /kye'i rdo rje'i mkha' 'gro ma dra ba'i sdom pa ni rdo rje bdag med ma la sogs pa zhu ba po'i gtso mo'o/ /de yang dra ba ni thabs dang shes rab bo/ /sdom pa ni phyag rgya chen por sdom pa 'am// rgyud 'dir sdom zhes bya'o/ /rgyud kyi rgyal po chen po rdzogs so// //bla ma dam pas rkyen byas so sor rtog pa'i nyer len gyis/ /slob ma dam pa 'ga' yis yang dang yang du gsol btab nas/ /rgyud kyi 'grel pa dka' don spyan 'byed pa dag gis byas/ /'di las bsod nams kyis ni rjes su 'brang dang sems can rdo rje 'dzin thob shog /rgyud kyi rgyal po chen po dpal dgyes pa rdo rje dka' 'grel spyan 'byed ces bya ba/ slob dpon chen po mkhas pa d+harmma kIrtis mdzad pa rdzogs so/

CLOSE WINDOW