བོད་ཡིག

e-texts based on the ACIP/ALL Input

/'dis sems can mang po dpag tu med pa la phan par gyur cig / yan lag bcu gnyis srid rtsa bton/ /dag pa rnam pa bcu gnyis 'chang/ /kye yi rdo rje phyag 'tshal nas/ /spyod mchog le'u rgyas bshad 'di/ /'bum phrag lnga pa'i rjes 'brangs nas/ /'gro la snying rjes gdungs pa yis/ /rdo rje snying po ngas bshad bya/ /de la kye'i rdo rje'i dkyil 'khor du zhugs pa'i rnal 'byor pa sngon gyi dam bcas pa las mi 'dor ba la brtson pa dang ldan pas/ sems can kun gyi phyir spyod pa la 'jug par bya ba yin pas/ de nas gzhan yang rab bshad bya/ /spyod pas pha rol phyin mchog nyid/ /kye yi rdo rje dngos grub rgyus/ /gang gis dngos grub mthar 'gro ba zhes bya ba gsungs te/ de nas zhes bya ba ni de kho na nyid kyi le'u bshad pa'i rjes su bstan pa yin pas mtshams sbyar ba'i tshig go/ kye'i rdo rje'i dngos grub kyi rgyu'i tshul gyis khams gsum po kye'i rdo rjer 'grub par bya ba'i phyir/ spyod pa brtsams zhes bya ba'i don yin la/ de las gzhan pa'i spyod pa ni ma bstan te dgos pa med pa'i phyir ro/ /spyod pa'i dgos pa ni dngos grub mthar 'gro ba zhes bya ba yin te/ bdag dang de las gzhan pa'i skye bo rnams phyag rgya chen po'i dngos grub kyi mthar 'gro ba'i spyod pa brtsams zhes bya ba'i don to/ /de'i don yang rtsa ba'i rgyud nyid la 'jug par bya ste/ ji skad du/ cho ga yan lag kun ldan yang/ /spyod pa ma brtsams dngos mi grub/ /de bas phyag rgya'i dngos gru rgyu/ /chags med spyod pa 'di yin no/ /snying rje rnam par chad tsam gyis/ /sems can don gyi spyod mi 'grus/ /de bas snying rje dang ldan zhing/ /'bad pas spyod pa spyad par bya/ zhes bas 'di'i don yang shes par bya'o/ /de la spyod pa byed par 'dod pa'i rnal 'byor pas/ phyi nang gi dbye bas phyag rgya rnams bcing bar bya ste/ rgyud 'di nyid las kyang/ sgom pa po yis rnam 'dzin pa/ rna ba dag las rna cha bzang/ /spyi bor 'khor lo rnam par gzung/ /lag pa gnyis la lag gdub gnyis/ /rked pa ska rags gnyis bskor gzung/ /rkang par de bzhin rkang gdub bo/ /dpung pa la ni dpung rgyan nyid/ /mgrin par dus phreng mgul to ste zhes bya ba gsungs te 'di'i don yang 'bum phrag lnga pa nyid na gsal bas de la 'jug par bya ste/ gal te spyod pa rtsom 'dod pas/ /sems can 'dun par bya ba'i phyir/ /mi bskyod 'khor lo'i gzugs nyid kyis/ /lus mchog la ni rnam brgyan te/ /srid pa gsum du 'khor los bskor/ /lus mchog la gnas chu rgyun gyis/ /cig car chos kyi 'khor lo bskor/ /'gro ba'i don chen byed par 'gyur/ /dpag med rna cha'i gzugs nyid kyis/ /rna ba dag la rnam brgyan te/ /srid pa gsum la chags par bya/ /de 'dis 'gro ba'i don byed 'gyur/ rin chen mgul rgyan gzugs nyid kyis/ /bdag gi mgul pa rnam brgyan te/ /'gro 'di ro yis btul byas nas/ /'gro ba chu bzhin 'ju bar 'gyur/ /rnam snang lag gdub gzugs nyid kyis/ /lag pa dag pa rnam brgyan te/ /'gro ba'i don la 'jug byas na/ /skye bo sa ltar brtan par 'gyur/ /don yod ska rags gzugs kyis ni/ /rked pa la ni rnam brgyan pa/ /'gro 'di rlung gis btul byas na/ /thog med rlung gis 'gro ba 'dul/ /byang chub sems kyis rang bzhin gyis/ /thal bas lus la rnam brgyan te/ /mchog gi spyod pa rab spyad na/ /bde ba'i yid kyis 'gro ba 'dul/ zhes gsungs pas 'di'i don rgyas par khong du chud par byas te/ nges pa'i don du sa dang chu dang me dang rlung dang nam mkha' dang ye shes zhes bya ba'i bdag nyid can 'khor lo drug la brten pa'i khu ba drug dang rlung drug phyir 'byung ba 'gags pas/ spyod pa spyad par bya ba yin la/ des skye bo gdul bar dka' ba thul bar 'gyur te/ gzhan du ni ma yin no/ /de bas na de 'gags pa'i brdar bstan pa ni/ 'khor lo la sogs pa drug du bstan te/ spyod pa byed pa rnams kyis phyi'i gzugs rnams kyang bcang bar nges so/ /gzhan yang dpa' ba dang/ bde ba'i zas dang/ thabs dang shes rab la gnas pa dang/ rigs lnga'i tshul du gnas pa dang/ kha dog lngas ston pa dang/ rigs gcig tu bsdu ba dang/ kha dog dang rigs gzhan gyis mi rigs par byas la spyod pa spyad zhes su sbyar te/ de yang bsdus pa'i rgyud 'di nyid las ji skad du/ bgo ba stag gi pags pa nyid/ bza' ba mi 'chi bcu phyed de/ /he ru ka sbyor skyes bu nyid/ /kha dog lnga la rnam gnas te/ /rigs lnga dag dang mnyam ldan pa/ /rigs gcig tu ni rnam par brtag /gang phyir bye brag mtshon mi bya zhes bya ba ste/ nang gi phyag rgya drug 'gags pa las stobs dang/ gzi brjid 'di dag 'byung bar 'gyur te/ 'di ltar gnod sbyin gyi bdag po phyag na rdo rje lta bur cher drag la mi bzad pa rnams kyis kyang 'jigs skrag par mi 'gyur na/ 'jig rten pa phal pa lta bu rnams lta ci smos/ de bas na phyi dang nang gi bdud ma rungs pa rnams las rgyal bar bya ba'i phyir yang phyi rol tu stag gi lpags pa gos su gyon pa dang/ skye bo rnams 'dun par bya ba'i phyir lha'i yul nas bdud rtsi drang ba la sogs pa byas te bza' ba dang/ gzhan yang sngags kyi tshul du zhugs pa'i skye bo la phyi'i dngos grub kyi ched du'o zhes bya ba la sogs pa dang/ gzhan yang ba zhes bya ba'i sgra dang ldan pa'i mi 'chi bcu'i phyed po rnams sbyar ba la sogs pa bya ste/ rtog pa spangs la bdag bza' ba dang/ gzhan la sbyin par yang bya ste/ las kyi dang por gtogs par bya ba'i ched du'o/ /bdud rtsi za ba 'di'i nges pa'i don yang rtsa ba'i rgyud chen po nyid na gsal bas de la 'jug par bya ste/ de yang ji skad du/ bza' ba mi 'chi bcu phyed rnams/ /skye bo rtogs par ma gyur la/ /go la sogs pa'i rigs dngos nyid/ /rnal 'byor dbang phyug spyod pa yis/ /gci sogs phyi ru rgyu med pas/ /bsten cing de nyid thim pa ste/ /tshangs par spyod pa brtul zhugs mchog /dka' thub mthar phyin dka' thub che/ zhes gsungs te/ de bzhin gshegs pa'i nges pa'o/ /gzhan yang rang nyid stong pa dang/ snying rje tha mi dad pa la gnas te he ru kar byas la/ phyi rol gyi skye bo gdul ba'i ched du rdul tshon la sogs pa gang dag kha dog lngar gnas pa de dang de bzhin gshegs pa lnga 'am drug gi yon tan dang ldan par bstan pas kyang gdul bar dka' ba'i skye bo 'dul la/ mos par 'gyur pa de bas rigs lnga dag dang mnyam par ldan pa bstan par bya ba dang/ de bzhin du chos kyi dbyings kyi bdag nyid pas kha dog dkar po/ /rigs dang mtshon thams cad par bsdus te/ bstan par bya ba yin pas/ rigs gcig tu ni rnam par brtag /zhes bya ba dang/ de bzhin du de ltar bstan pa de dag kyang/ sngags kyi tshul gyis las kyi dang por gtogs pa las gzhan pa/ nyan thos kyi lam la gnas pa dang/ rang rgyal ba'i lam la gnas pa dang/ mu stegs byed pa la gsar zhing sba bar bya ba yin te/ de bas na kha dog du ma nyid kyis ni/ gang phyir bye brag mtshon mi bya/ zhes bya ba'i don to/ /gzhan yang spyod pa'i mchog byed pas/ sems can rnams kyi don du nang gi ma rungs pa'i sems kyis dpa' bo he ru kar bsgrubs la/ kha dog ste rigs lnga'i bdag nyid du gnas par bya ste/ 'di ltar rgyal rigs dang/ rje rigs dang/ bram ze'i rigs dang/ dmangs kyi rigs dang/ gdol pa la sogs pa ste/ de rnams kyi nang du de rnams dang mthun pa'i lus su bsgyur? la/ spyod pa bstan par bya ba dang/ de rnams kyi nang du song ste/ rang rang gi rigs rnams sun phyung la rigs thams cad rdo rje'i rigs su rigs gcig par bsgrub par bya ba dang/ de bzhin du rje'u rigs kyi nan du rigs bzhi po mtshon par bya ba spas te/ de nyid dang mthun par zhugs te gdul ba'i chos bstan pa dang/ de bzhin du rigs thams cad kyi nan du phan tshun mi rig par bya zhing chos bstan pa dang/ de bzhin du las kyi phyag rgya bsgrub par bya ba'i ched du yang 'jig rten pa'i kha na ma tho ba spang bar bya ba'i rgyus rigs gzhan gyi lus su bsgyur te las kyi phyag rgya bsgrub par nges so/ /de'i phyir rigs ni ma nyid dag gis/ /gang phyir bye brag mtshon mi bya zhes bya ba gsungs so/ /'di rnams kyi nges pa'i don ni rtsa ba'i rgyud nyid na gsal te de bas de la 'jug par bya'o/ / de yang ji skad du/ stong nyid he ru kar sbyor bas/ sa chu me rlung nam mkha' zhes/ /khu ba rlung gnyis gnas pa la/ /mi phyed lam du bcug byas pa/ /dus mdza' i me yis thal bar byed/ /nam mkha' bzhin du mtshon du med/ zhes bya ba gsungs te/ gang du stong pa zhes bya ba'i lam la gnas na ye shes gzi brjid mched par 'gyur la/ gzi brjid des khu ba'i rigs rnam ba lnga dang/ rlung gi rigs rnam pa lnga po ro mnyam zhing gcig tu 'dres par 'gyur ba nyid/ mtshon du med cing tha dad pa'i rang bzhin spangs pa'i sa gsungs ba ni de bzhin gshegs pa'i nges pa'o/ /gzhan du na sems rtse gcig bar mi gnas pas khu ba dang gci ba dang bshad pa la sogs pa ni/ rigs tha dad par gnas shing bye brag tha dad pa zhes bya'o/ /da ni sgrub pa po'i gnas kyi khyad par brjod par bya ba'i phyir/ bsdus pa'i rgyud 'di nyid las/ ji skad du/ shing gcig dang ni dur khrod dang/ /ma mo'i khyim dang mtshan dus sam/ yang na dben pa'am bas mdza' ru/ /de ru bsgom pa bzad bar brjod zhes bya ba'i don ni phyi dang nang gi bye brag gis phye la shes par bya'o/ /de yang re zhig gi phyi'i na las dang po pa'i sgrub pa po bdag yid nyams dga' zhing skye bo'i 'du 'dzis dben pa'i sa phyogs su bsgrubs na dngos grub kyi mtshan ma 'byung bar 'gyur la/ gnas de dag kyang mi ma yin pa gnas pa'i shing gcig skyes pa dang/ ma mo'i khyim zhes bya ba gnod sbyin mo dang sha za mo gang na gnas pa dang/ dben ba 'am bas mdza' ste yang na de las gzhan pa'i mi ma yin pa gang du 'du ba'i gnas mi rgod la sogs pas dben pa'i gnas de ru rnal 'byor pas 'khod la sems can thams cad la snying rje chen po bskyed de/ de na gnas pa'i mi ma yin pa rnams la gtor ma dus gsum du btang zhing/ mi ma yin ba de dag la 'di skad ces kho bo 'di dang 'di lta bu zhig byed kyis de dang de khyed kyis bsgrub par rigs so zhes yang dang yang du bsgo ba na mi ma yin pa de dag gis kyang sgrub pa po la mngon par dga' bas las de sgrub bar byed la de grub bas gdod 'gro ba'i don byed nus par 'gyur ro/ /gnas 'di'i nges pa'i don ni ji skad du/ rtsa ba'i rgyud lam/ rang lus ri bo mchog yin te/ /de las skyes ba'i shing chen gang/ /rtse mos lha rnams smin byed cing/ /rtsa bas klu sogs smin par byed/ /yal ga de yis mi la sogs/ /yongs su smin byed shing de yin/ /de ru gnas par rab tu brjod/ /gang du dbugs ni mi rgyu ba/ /de ni dur khrod ces su bshad/ /ma mo'i khyim ni stong pa nyid/ /seng ge rnam rol phyag rgya'o/ /mtshan ma'i spros pas mi brdzi zhing/ /rtogs par dka' bas mtshan mo yin/ /sa bon yi ge phyag mtshan dang/ /kha dog dbyibs dang rigs mi mnga' / /phyag rgya sbyin sreg gtor mas dben/ /dben pa 'am bas mdza' de yin la/ /bsgom pa bzang po'ang? de nyid yin/ zhes bya ba ni de bzhin gshegs pa'i nges pa'o/ /spyod par nus pa'i tshang bstan pa'i phyir/ cung zad dror ni thob pa na/ /gal te spyod pa byed 'dod pa/ /'on te 'grub 'gyur 'dod yod na/ /'dis ni spyod pa spyad ba nyid/ /ces gsungs te/ 'di'i don yang/ rtsa ba'i rgyud nyid la 'jug par bya ste/ de yang ji skad du/ gal te spyod 'byed 'dod pa /yan lag drug sbyor gang yin te/ /du ba smig rgyu la sogs pa'i/ /drod ni dang por bskyed par bya/ zhes bya bar gsungs te/ 'di'i don ni yang rnal 'byor pas sems can gyi don du spyod pa byed par 'dod pa rnams kyis/ /dang por du ba dang smig rgyu la sogs pa rnams kyis drod bskyed nas spyod pa la 'jug par bya'o/ /gzhan du na 'jig rten pa'i bzhad gang du 'gyur ro/ /des skyes bu 'dod chags can rnams 'dul bar bya ba'i ched du/ 'pho ba med pa'i ye shes nyams su blangs la gdod/ /shin tu bzhin bzangs mig yangs ma/ /rang gi dbang bskur snying rje can/ /btsun mo rdo rje'i rigs bzung la/ /spyod par bya bar brtags par bya/ /rdo rje'i rig kyi dngos med na/ rang 'dod lha yi rigs kyis bya zhes bya ba gsungs te/ 'di'i don yang gdol pa'i rigs las byung ba'i bu mo skyes bu gzhan gyis reg par bya ba ma yin pa 'am/ yang na rigs gang yang rung ste gzugs dang lang tshes brgyan pa la byang chub kyi sa bon gyis sbyangs te zhes bya ba rang gi de la mi dad pa med par snyoms par 'jug pa'i las byas la/ bde ba'i byang chub kyi sems des de'i sems sbyangs la/ de dang lhan cig kun tu 'gro bar bya zhing rdo rje'i glu la sogs pas skyes bu 'dod chags can rnams gdul ba dang/ don yod grub pa'i rigs las byung ba'i gar bya ba ste/ de ni rgyud bsdus pa 'di nyid las ji skad du/ gal te dga' bas glu blangs te/ /de tshe rdo rje mchog dang ldan/ /gal te dga' ba skyes pa na/ /thar pa'i rgyus ni gar bya'o/ /de tshe rdo rje rkang pas gar/ rnal 'byor mnyam par bzhag pas bya/ /zhes bya ba gsungs pa la/ 'di'i nges pa'i don yang 'bum phrag lnga pa las ji skad du/ stong nyid ma skyes zhi ba ni/ /bud med ces su de brjod cing/ /rtsa yi mdud pa bcu drug nas/ /bde ba'i thig le bcu drug 'byung/ /bcu drug lo yang de yin la/ /sems kyi sbyangs pa'ang de yin no/ /de bzhin du bde ba'i nga ro ni glu dang bde bas g.yo ba'i gar dang/ bde ba'i rigs pas 'gro ba'i rkang pa dang ldan pas gnas par bya ba ste/ rnal 'byor mnyam par bzhag par bya zhes bya ba ni nges pa'i don to/ /gzhan yang 'khor lo'i gzugs kyis mi bskyod pa zhes bya ba nas ska rags la ni don yod gnas zhes bya ba'i don ni sngar bstan pa nyid do/ /de las gzhan pa'i don rnams ni 'di lta ste/ kha TwAM gzugs kyi shes rab dang/ /thabs kyi gzugs kyi cang te'u nyid/ /zhes bya ba gsungs te/ kha ni nam mkha' i gzugs can no kha TwAM ni dka' thub kyi gnas pa yin la/ bsdus pa'i don gyis chos thams cad nam mkha' i rang bzhin du gnas zhes bya ba'i don to/ /Da ma ru'i skra ni khams gsum? du sems can thams cad la cig car du chos kyi 'khor lo bskor ba'i don to/ /de pas na kha TwAM ga dang cang te'u gzung ba nyid la nyon mongs pa las zhe sdang bskyed cing dbugs phyir rgyu ba dang nang du 'jug pa dang gnas pa gsum ni A li kA li nyid de/ ngo bos ni de'i phyir/ glu ni rnam dag sngags su gsungs/ /gar ni bsgom par bya ba nyid/ /de yi phyir na glu dang gar/ /rnal 'byor pas ni rtag tu bya/ /zhes gsungs pa dang/ de bzhin du/ sman ni rnam par bza' ba ste/ chu ni rtag tu btung ba nyid/ zhes bya ba yang rnam pa gnyis su rtogs par bya ste/ phyir ni 'jig rten pa'i dngos grub kyi don du dri chen dang/ dri chu rnams sbyang ba dang spel ba la sogs pa byas la/ rtog ba med pas bza' ba yin la nga'i stobs kyis/ rga shis zil gyis mi non cing zhes gsungs so/ /nges pa'i don rtsa ba'i rgyud las/ ji skad du/ g.yon pa'i steng 'og shes rab thabs/ /'byung 'jug bral ba zos pa yin/ /g.yas pa'i steng 'og shes rab thabs/ /'byung 'jug bral ba btung ba nyid/ ces bya bar gsungs te/ des rga shi zil gyis mi non zhing/ rtag tu bsrung bar 'gyur ba yin/ zhes bya ba ni nges pa'i don yin la/ gzhan du na phyi'i dri chen dang dri chu zos shing 'thungs pas ni rga shis zil gyis mi non par 'byung bar mi 'gyur te 'jig rten pa rnams kyis kyang dbya bar 'gyur ro zhes pa ni nges pa'o/ /gzhan yang rkun ma'i skra la cod pan byas la/ de la hUM 'byung spyar bar bya/ /sangs rgyas lnga yi thod pa rnams/ /rnal 'byor spyod pas rnam par 'dzin/ /thod pa sor lnga pa yi char/ /byas pas cod pan 'dzin par byed/ /thabs dang shes rab rang bzhin las/ /skra yi ska rags gnyis bskor nyid/ /thal ba skra yi mchod phyir thogs/ /rnal 'byor pa yi spyod pa 'dzin/ /zhes bya ba gsungs pas/ dge ba'i chos thams cad dbrog par bya ba'i phyir/ rkun ma'i skra ces bya ba'i rtsa las cod pan du brda bya ba dang/ de ru hUM las yongs su byung ba'i rdo rje rgya gram yongs su bzung ba ste/ sems can gyi don sna tshogs pa byed pa'i phyir ro/ /mngon par rdzogs par byang chub pa rnam pa lnga dang/ rnam pa nyi shu mngon par rdzogs par byang chub pa'i tshul gyis/ gang ba dang bzang po la sogs pa zla ba yar ngo'i lnga tshan rnams kyang yin la/ /de'i phyir a ai ri au li zhes bya ba sa dang chu dang me dang rlung dang nam mkha' i chos can du shes par bya ba'i phyir/ sangs rgyas lnga'i thod ba rnams zhes bya ba la sogs pa dang/ thod pa sor lnga pa'i cha zhes bya ba la sogs pa rgyas par gsungs so/ /de bzhin du 'jig rten pa'i lha nga rgyal can rnams gdul bar bya ba'i don du/ mi ro'i skra'i ska rags gnyis bskor dang/ dbang phyug chen po'i brtul zhugs kyi ched du thal bas lus la byugs pa dang/ tshangs pa'i brtul zhugs kyi ched du mi ro'i skre'i tshangs skud dang/ lha rnams kyi dga' ba'i rtse mo'i ched du cang te'u gzung ba dang/ dbang phyug chen po'i rgyal mtshan gyi ched du keng rus gzung ba dang/ thod ba'i dum bus brtul zhugs kyi ched du rdo rje'i thod pa bzung bar bya ba ste/ 'di dag bzlas dang bsgom pa yin zhes gsungs so 'di'i nges pa'i don yang rtsa ba'i rgyud las/ /ji skad du/ stong nyid snying rje'i mi phyed phyir/ /skra yi ska rags brjod pa yin/ /thal ba byang chub sems su gsungs/ /khu ba mi 'bed tshangs spyod phyir/ /skra yis mchod phyir thogs pas brgyan/ /de bas tshangs spyod brtul zhugs mchog /cang te'u bde ba'i sgra yis ni/ /'jig rten gsum po dbugs 'byin cing/ /stong pa'i rnam pas kha TwAM ga /bde ba lus skyod thod par brjod/ /de phyir/ 'di dag bzlas dang bsgom pa yin zhes gsungs so/ /gzhan yang spyod pa byed pa'i rnal 'byor pas ngo tsha ba dang dogs pa la sogs pa rnam par ma spangs pas spyod pa byed pa ni 'jig rten pa'i bzhad gang du 'gyur la/ /sems can don du yang mi 'gyur ba de'i phyir/ /brkam dang rmongs dang 'jigs pa dang khro/ /ngo tsha'i 'bras bu rnam par ?/ zhes gsungs so/ /de bzhin du de nyid ji snyad? du?/ nges par mngon du lta min gang/ /brgya byin lta bu yin na yang/ /de la 'jigs par mi bya ste/ seng+ge'i gzugs kyis rnam par rgyu/ zhes gsungs te/ de bas na dogs pa dang bag tsha ba mi bya'o/ /de ltar spyod pa byed pa'i rnal 'byor pas le lo la gnas par mi bya ste/ le lo dang ldan pa'i gnyid spangs la/ gti mug chen po gnyid la gnas te sbyor pa spyad do/ /de'i phyir/ bdag nyid kyis ni gnyid spangs nas/ /the tshom med par spyod pa bya/ /zhes pa dang/ de bzhin du bde bar gshegs pas kyang dka' ba mdzad pa'i dus su rgyal srid kyi 'byor ba dang btsun mo 'khor rang nyid kyi sku lus kyi mthar thug pa sems can gyi don du btang ngo/ /spyod pa byed pa'i rnal 'byor pas kyang rang gi lus la bltos pa med par bya ba yis/ lus kyi sbyin pa byin nas ni/ /phyi nas spyod pa yang dag brtsams/ /zhes gsungs te/ de yang nam mkha' gos su gyon par bya'o/ /pa mi srun pa dang khyi mi srun pa dang/ byis pa'i skye bo ma rungs pa ngan du smra ba rnams ni chos ston pa'i bla mar brtag cing nyi ma'i tsha bas gdungs pa dang grang bas nyen pa dag brjod par bya ba'i gzhi yin no/ /de las gzhan pa'i bdog pa sbyin pa gtong ba na sbyin par bya ba'i gzhi'i khyad par du mi dbye ba ste/ mdun du ji ltar snang ba de la sbyin par bya ba nyid pas/ skal dang skal min rnams spyad pas/ /de phyir sbyin ba sbyin mi bya/ /zhes gsungs pa dang/ de bzhin du/ rtog pa med pa'i tshul gyis ni/ / bza' bca' de bzhin btung ba nyid/ /ji ltar rnyed pa rab tu bza' / /yid 'ong mi 'ong mi rtog phyir/ /zhen pa tsam du mi bya'o/ /bza' dang bca' min spyod pa dang/ /de bzhin btung dang btung min nyid/ /'gro dang 'gro min sngags pa yis/ /rnam rtog nyid du mi bya'o zhes gsungs te/ 'di'i don yang ro dang ?bcags? pa tsam gyis bza' ba dang/ btung ba dag la bye brag mi dbye ba la/ las kyi phyag rgya bsgrub par bya ba'i phyir rigs bzhi'i bud med la bgrod par bya ba ma yin zhes bye brag mi dbye ba'i don to/ /gzhan yang rdo rje slob dpon ni rang gi 'dod pa'i lha dang tha mi dad par bkur bar bya ba'i phyir/ bdag gis rig pa 'dzin pa'i sa la gnas pa yin yang dor bar mi bya ste/ dngos grub rnyed pa'i slob ma gang/ /yang dag ye shes snang ba bo/ /mnar med spangs pa rgyu yi phyir/ /grub pas bla na ? mngon phyag bya/ zhes bya ba gsungs te/ zla ba zla ba'i tshig 'dis ni dus gsum gyi sangs rgyas rnams kyang dus gsum du nyid kyi 'dod pa'i bla ma la gus pa dang bcas pas 'dud na/ slob ma la zhugs pa'i las dang po pa rnams kyis ci'i phyir spang zhes bya ba'i don to 'di'i nges pa'i don ni sngon du rgyas par bkrol ba nyid do/ /gzhan yang spyod pas bslab pa dang dbang bdun dang sbyin sreg dang mchod sbyin dang dka' thub dang sdom pa la sogs pa 'jig rten gyi tha snyad rnams la ched cher gzung bar mi bya ba nyid dang/ yang na phyi rol pa'i lha zhi ba la sogs pa'i bslab ba dang sbyin sreg la sogs pa la ched cher mi gzung ste/ de bas na de'i phyir/ bslab dang dbang las rnam par grol/ /de bzhin ngo tsha'i 'bras bu nyid/ /dngos po kun gyi rang bzhin 'di/ /rnal 'byor snying rje chen pos spyad/ /sbyin sreg mchod sbyin bka' spyod 'das/ /sngags dang bsam gtan rnam par spangs/ /dam tshig sdom las rnam grol te/ /rnal 'byor ldan pas spyod pa bya/ zhes gsungs so/ /de bzhin du gzhan yang sems can kun gyi don gyi phyir/ /snying rje rtag tu btung bya ste/ /rnal 'byor btung dga' ? rnal 'byor pas/ /btung ba gzhan gyi bza' mi bya/ zhes bya ba smos te/ don 'di yang phyi dang nang gnyis su go bar byas la/ de yang 'jig rten pa'i mthun 'jug tu tshogs dang dpa' bo'i bza' ba la sogs pa'i dus su ni/ 'bru la sogs pa'i chang rnams myos pa ma yin pa'i bar du btung ba yin la/ nges pa'i don du ni btung ba gzhan zhes bya ba 'jig rten pa rnams myos par byed cing bya ba ma yin pa byed pa'i rgyun? 'brum dang sa la sogs pa sbyor ba'i chad rnams skra'i rtse mos kyang btung bar mi bya'i/ bla ba byang chub sems kyi chang gi rgyun gi btung ba la rgyan ma chad par 'khrungs? pas/ bdag gi lus la sogs pa bde ba'i rol brlan par bya ba ni nges pa'i don du de bzhin gshegs pas gsungs so/ /kye'i rdo rje'i nges pa'i don gyi rgya cher bshad pa las spyod pa'i le'u'i rgya cher bshad pa ste drug pa'o// // bcu drug phyed phyed thig le can/ /ston pa longs spyod rdzogs sku la/ /phyag 'tshal nas ni ts+tsha ma yi/ /rgyas bshad rdo rje snying pos bris/ /de nas brda'i le'u bshad par bya'o zhes gsungs pa la/ brda' ni rnam pa gnyis su go bar bya ste/ de yang ji skad du/ rtsa ba'i rgyud nyid la he ru ka ldan rnal 'byor gyis/ /lus dang ngag gi brda la bslab/ /lus ngag brda yis mi smra na/ /sangs rgyas kyang ni nges par 'jig /ces gsungs te/ de bas na de'i phyir/ kye'i rdo rje'i rnal 'byor la gnas pa'i rnal 'byor pa dang rnal 'byor ma rnams kyi lus ngag gi brda'i man ngag 'bad pas yid la gzung ste/ phyi rol gyi skye bo mi srun pa rnams dang rigs gzhan gyi pho nya dang pho nye mo rnams tshogs pa'i nang du tha mal pa'i tha snyad kyis brjod par mi bya'i/ bdag cag rnams kyis gsar chen gang yin pa de brdas brjod pa na skye bo ma rungs pa dang phyi rol gyi pho nya dang pho nya mo rnams rmongs par 'gyur ro/ /de nas gsang chen rnams brda yis mi smra ba gang yin pa de ni/ 'jig rten 'di dang 'jig rten gzhan gyi dngos grub gnyi ga nyams par byas nas mnar med par 'gro bar 'gyur ro/ /de la mngon du ni lus kyi brda dang phyi nas ni ngag gi brda ste le'u 'dir ni lus kyi brda 'ba' zhig ston la ngag gi brda ni le'u gzhan nas ston par 'gyur ro/ /de ltar na brda de dag gnyi ga yang nges pa dang drang ba'i don du shes par bya ste/ de las bsdus pa'i rgyud 'di nyid nas ji skad du ston bzhin pa rnams ni drang ba'i don du shes par bya la/ nges pa'i don ni rtsa ba'i rgyud las shes par bya'o/ /de la re zhig gang gis spun dang sring mo yang zhes bya la/ spun dang sring mo ni thabs dang shes rab kyi cha'i bye brag the tshom med par shes bar bya zhes pa ni/ drang ba dang nges pa'i don gyi thabs dang shes rab ji lta ba bzhin du shes pa'o/ /de la gang zhig sor mo gcig ston pa zhes bya ba ni skyes pa 'am bud med gang zhig gis blo bur du mdun du 'ongs pa la sor mo gcig ston pa de'i tshe/ legs par 'ongs sam zhes dri ba'i don du rtogs par bya'o/ /de bzhin du gnyis kyis legs par 'ongs pa yin zhes pa ni lan du sor mo gnyis brkyang bas bde bar 'ongs so zhes bstan par bya'o/ /gzhan yang/ g.yon gyi mthe bong bcangs bas ni/ /bsnun gyi phyag rgyar rnam par shes/ zhes bya ste gang zhig la bsnun 'dri ba'i brdar shes par bya ste/ lus ngag yid gsum bde 'am zhes bya ba'i don to/ /gang zhig srin lag ster ba la zhes pa ni thabs kyi cha yin la/ de yi mthe chung rnam par sbyin zhes bya ba ni shes rab kyi cha ste steng 'og gi bye brag gis rlung dang me'u rtogs par bya'o/ /gang zhig gung mo ston pa la/ /de yi 'dzub mo rnam par sbyin zhes pa ni de bzhin du steng 'og gi cha chu dang ma rtogs par byed pa yin la/ de bas de dag rnams kyang phyi dang nang gi stong pa dang snying rje'i brda nyid yin no/ /gang de ni dpal mchog gi dang po'i sangs rgyas kyi rgyud ces bya ba las kyang ji skad du/ shar dang nub tu sa dang rlung/ /phan tshun thabs dang shes rab yin/ /lha dang byang du me dang chu ? phan tshun thabs dang shes rab yin zhes pa dang/ de bzhin du/ zla ba'i lam gyi dri chen rtsa/ nyi mas dri chu 'bab pa'o/ / steng 'og sems kyi rtsa gnyis ni/ /sa bon 'bab dang mun can ma/ zhes gsungs so/ /gang zhig ming med ston pa la/ /de yi mgrin pa rab tu bstan/ zhes pa ni nam mkha' lta bu'i chos shes sam zhes 'dri ba la/ de'i lan du mgrin pa bstan par bya ba ni ro? drug la longs spyod pa'i lam mgrin pa'i 'khor lo yin te/ de'i stobs kyis rtsa rnams byas par 'gyur la/ des nam mkha' lta bu'i chos ston pa gar gyur zhes bya ba'i don bstan to/ /gang zhig gos ni ston pa la/ /de yi rtsa ba ?? ? zhes bya ba ni/ skyob pa mtshan nyid shes sam zhes 'dri ba la/ lan du nga yis shes te lus ngag yid gsum gyi bdag nyid rtsa gsum gyi rang bzhin shes na'o zhes bya ba'i don no/ /gang zhig nu ma ston pa la/ /de yi mtshams ni rab tu bstan zhes bya ba ni/ de nyid gom? gyi bstan bcos kyis thob pa yin na /de shes sam zhes 'dri ba la/ lan du nga yis shes te dbang po gnyis sprad pa'i bde ba rtogs zhes bya ba'i don to/ /gang zhig so ni ston pa la/ /de yi kha ni rab tu bstan/ zhes bya ba ni shes rab kyi rang bzhin shes sam zhes 'dri ba la/ lan du de yis shes te thabs dang shes rab ldan na ro zhes pa'i don to/ /gang zhig khro gnyer ston pa la/ /gtsug phud dgrol ba bstan par bya/ zhes pa ni/ 'o na khyod dang nga gnyis thabs dang shes rab kyi rang bzhin la rtsod do zhes zer ba la/ lan du 'jigs pa med de brtsod par bya'o zhes bya ba'i don to/ /gang zhig dpral? ba ston pa la/ /de yi rgyab ni rab tu bstan/ zhes bya ba ni/ gang mkha' 'gro ma rnams kyi gnas lus kyi mchog mgo la yod na de khyod kyis shes sam zhes 'dri ba la/ /lan du nga yis shes te mgo bo las gzhan rgyab la sogs pa lus gzhan la yang mkha' 'gro ma'i gnas yod ces bya ba'i don to/ gang zhig rkang mthil ston pa la/ /lho yis rnam par rtse bar bya/ zhes ba ni/ 'o na gnas de dag tu ji ltar bgrod par bya zhes 'dri ba la/ lan du gar gyi bstan bcos sngon du 'gro bas chags pa dang ldan pa'i sems kyis snyoms bar zhugs nas gnas de rnams su phyin par 'gyur zhes pa'i don to/ /phyag rgya phyag rgya'i lan gyis ni/ /dam tshig gis ni rnam par dbya/ zhes pa ni/ lus kyi phyag rgya'i brda shes pas/ /gsang chen thams cad rtogs par bya/ zhes pa'i don to/ /de la rnal 'byor mas smras pa/ e ma bu ni snying rje che/ zhes bya ba ni/ e ma thabs chen po'i rang bzhin khyod kyis brda dang bde ba ma yin pa thams cad goms par gyur to zhes bya ba'i don to/ /gal te phreng ba lag ston na/ /'du bar bya zhes smra ba yin/ /phreng ba mngon par btang byas nas/ /dam tshig la mnos brtul zhugs bzang/ zhes bya ba ni/ de ltar brda'i lan la rnal 'byor ma thams cad rangs nas lag na phreng ba ston par byed cing/ rigs kyi bu khyod dang nga gnyis bde ba'i phreng ba rgyun mi 'chad pa'i brtul zhugs la gnas par bya'o zhes ston la/ gzhan yang 'di skad ces/ de la phyi rol zhes 'du ba/ bzang po'i spyod yul gnas pa ni/ /de la 'du ba'i rnal 'byor mas/ /gang smras de ltar thams cad ba/ zhes bya ba ni/ khyod ni skal pa dang ldan te phyi dang nang gi dgongs pa'i skad thams cad kyang shes pa de bas de'i phyir/ khyod dang bdag cag phyi'i gnas su 'dus la phyi dang nang gi bde ba'i ston mo la longs spyad par bya'o zhes bsgo ba na/ rnal 'byor pa des kyang thams cad dang du blang ngo zhes bya ba'i don to/ /kye bcom ldan 'das 'du ba'i gnas du lags zhes rdo rje snying po la sogs pa phyi dang nang gi gnas kyi khyad par zhus pa'o/ /bcom ldan 'das kyis bka' stsal pa/ gnas dang nye ba'i gnas dang ni/ /zhing dang nye ba'i zhing nyid dang/ /tshan d+ho nye ba'i tshan d+ho dang/ /'du ba nye ba'i 'du ba dang/ /grong khyer nye ba'i grong khyer dang/ /dur khrod nye ba'i dur khrod de/ /'dir rnams sa ni bcu gnyis phyir/ /sa bcu'i dbang phyug mgon po nyid/ /de phyir gzhan du btsal mi bya zhes bya ba gsungs te/ 'dis ni 'khor lo gsum gyi bdag nyid dang/ 'khor lo drug gi bdag nyid dang/ 'khor lo bzhi'i bdag nyid la gnas pa rtsa'i rigs thams cad sa bcu nyid du ston te/ de yang 'khor lo gsum gyi bdag nyid ni sku dang gsung dang thugs kyi bye brag dang/ ma 'og sa stengs sa bla'i dbye bas bde mchog 'khor lo'i rgyud kyi don brjod do/ /'khor lo drug gi bdag nyid ni/ sa dang chu dang me dang rlung dang nam mkha' dang ye shes kyi dbye ba 'am/ gzugs dang tshor pa dang 'du shes dang 'du byed dang rnam par shes pa dang ye shes kyi dbye ba 'am/ yi ge drug gi dbye bas phye ba yin te dang po mchog gi sangs rgyas kyi rgyud kyi don to/ /gang du bzhir bstan pa ni sprul pa drug cu rtsa bzhi dang/ chos brgyad dang/ longs spyod bcu drug dang/ bde ba chen po sum cu rtsa gnyis la sogs pa ste/ de ltar 'khor lo bzhi'i dbye ba dang/ sku bzhi dang dbang bzhi dang/ dga' ba bzhi dang/ skad cig ma bzhi dang 'bras bu bzhi la sogs pa'i bye brag gis kye'i rdo rje'i rgyud du bstan te de ltar thams cad bzhi bzhi'o zhes gsungs pa'i phyir ro/ /de bas na phyi rol tu ni sha dang khrag la rgyug par byed pa grong la brten pa'i lha mo rnams ni phyi'i gnas de dag na gnas pa yin la/ /ji ltar phyi rol de bzhin nang/ zhes gsungs pa'i phyir/ nang gi gnas ni lus la rtsa'i gzugs kyis gnas par gsungs te de las gzhan du mi blta'o/ /de yang lus la ni dzA land+ha ra zhes pa nas skyed tshal ra ba rdzing bu'i 'gram zhes pa yan chad 'di lta ste/ rtsa ba'i rgyud las ji skad du/ spyi po dang ni spyi gtsug dang/ /rna ba g.yas pa rtsib logs dang/ /de bzhin rna g.yon smin dbus dang/ /lag ba mchan khung dag dang ni/ /nu ma gnyis dang lte ba dang/ /sna rtse dang ni kha yi lam/ /phrag gong gnyis dang pho mtshon dang/ /rtags dang bshad lam brang gi gnas/ /byin ba dang ni sor mo dang/ /rkang pa'i bol dang mthe bong dang/ /pus mo rnams su go rims bzhin/ /gnas dang sa sogs blta bar bya/ /ces gsungs so/ /de bas na de'i phyir sems can rnams la spyod pa dang grol ba'i 'bras bu ster ba'i lha mo dang gnas 'di rnams ni lus can thams cad kyi lus nyid la rtsa dang khu ba'i gzugs kyis gnas so/ /da ni nyi ma'i dus kyi khyad par brjod pa'i phyir/ /rnal 'byor ma rgyud kye rdo rjer/ /rnal 'byor ma'i legs 'du ba'i/ /sems can kun gyi don gyi phyir/ /nyin mo'i dus kyang rab bshad bya/ /zhes bya ba la 'dir nyi ma'i dus ni rnam pa gnyis te/ phyi dang nang gi'o/ /de la phyi'i zla ba mar gyi ngo'i bcu bzhi la sogs pa la grong gi lha mo rnams gong du brjod pa'i phyi'i gnas rnams su lus can thams cad kyi mdangs dprog par bya ba'i phyir rgyu ba yin/ /nang du ni khu ba dang rlung la sogs pa dbugs dang chu srang dang chu tshod la sogs pa'i khyad par gyi gnas su 'pho zhing 'du bar 'gyur ro/ /de bzhin du dngos grub gnyis la 'dun pa'i rnal 'byor pas kyang phyi dang nang gi bye brag shes par byas la/ thun mong gi dngos grub kyi don du mar ngo'i bcu bzhi la sogs pa la/ mtshan mo dur khrod du song ste/ dpa' bo'i ston mo la sogs pa la 'du bar bya ba yin no/ /de ni 'di ltar kye bcom ldan 'das nyi ma gang lags zhes bya ba smos te phyi dang nang gi nyi ma'o/ /bcom ldan 'das kyis bka' stsal pa/ mar gyi ngo yi bcu bzhi dang/ /de bzhin du yang brgyad pa nyid/ /ces bya ba gsungs te/ mar ngo'i bcu bzhi ni nyi shu rtsa dgu'o/ /de bzhin du mar ngo'i brgyad ni nyi shu rtsa gsum mo/ /de yang nges pa'i don ni rtsa ba'i rgyud nyid la 'jug par bya ste/ ji skad du/ byang chub sems kyi rgyu ba? 'di/ /yar ngo mar ngo rab tu gnas/ /yar ngo yis ni skyed byed ma/ /mar ngo yis ni 'joms byed ma/ /mar ngo'i bcu bzhi la sogs kyis/ /byang chub sems kyi mkha' 'gro ma/ /bde chen 'khor los 'du bar mdzad/ /'di ni nges pa'i don du bshad/ /ces gsungs so/ /gzhan yang bza' ba gsungs pa ni/ /rgyal mtshan dang ni mtshon bsdun nyid/ /lan bdun pa yang bza' bar bya/ zhes bya ba la/ rgyal mtshan ni rgyal pos rkun po la sogs pa skyes pa 'am bud med 'ga' zhig chad pas bcad de lus mtshon gyis dral nas ngo shing la dbyangs te bzhag pa'o/ /lan bdun pa ni 'di na skyes pa 'am bud med 'ga' zhig skye ba bdun du mi'i lus su brgyud pa yin la/ /de'i mtshan nyid kyang grib ma bdun du 'byung ba dang/ mig mi 'dzums pa dang/ dpral ba la gnyer ma gsum yod pa dang/ lus la dri zhim po 'byung ba la sogs pa nyid yin te de lta mthong na phyag tu me tog dag phul te bskor ba byas la 'di skad ces rnal 'byor gyi dbang phyug chen po de ni bdag cag lta bu'i don bgyi ba'i dus la bab po zhes brjod pa na de'i lus 'dor bar 'gyur ro/ /de dong nas kyang de'i sha la rgya shug gi tshig gu tsam gyi ri lu byas te/ bdag cag thams cad kyis bza' bar bya zhing sems can thams cad la khyed tshad du bgo bar bya'o/ /des ni nam mkha' la spyod pa'i dngos grub ster ba yin no/ /de bzhin sha phal pa rgyal mtshan mtshon dang bsnun pa la sogs pa'i sha ni sbyang pa dang spel ba la sogs pa byas la ril bur byas te zos bas kyang gnyer ma dang skra dkar la sogs pa 'joms par nges so/ /'di dag gi nges pa'i don yang 'bum phrag lnga pa las/ ji skad du/ rtsa yi shing gzugs las sbyangs pa'i/ /lus kyi rgyal mtshan mchog 'di yis/ /byang chub sems kyi sha zos na/ /rnal 'byor dngos grub mchog tu 'gyur zhes gsungs te/ lan bdun pa yi nges pa'i don ni ji skad du/ gang yang lus can thams cad kyi/ /lus 'di skye ba bdun yin te/ /ro drug ldan pa'i bza' btud ngag / kun tu zos shing 'thungs pa las/ /zhu zhing bcud ni rgyas pa de/ /skye ba dang por de brjod do/ /de nas de la khrag 'byung ba/ /skye ba gnyis pa rab tu brjod/ /de las sha byung gsum pa ste/ /pags par gyur pa bzhi pa dang/ /rtsa ru gyur pa lnga pa'o/ /de las rus pa drug pa ste/ /zhag dang rkang mar bdun pa'o/ zhes sngon du brjod do/ /gzhan yang 'bad pas snying rje bskyed pa yis/ /bsad par bya ba brjod pa nyid/ /snying rje med na mi 'grub pas/ /de phyir snying rje bskyed par bya/ zhes bya ba ni/ phyi dang nang gi dbye bas re zhig gi phyir ni/ /mtshams med lnga ni byed pa dang/ /sangs rgyas bstan pa 'khrug byed pa/ /zhe sdang rigs ni ting 'dzin gyis/ /re zhig tsam zhig bsad bya yis/ /rnam pa kun tu gzhom mi bya/ /de ste kun tu gsang byas nas/ /rnal 'byor dam tshig las nyams phyir/ /grub pa nas yang yong mi srid/ zhes bya ba ste des ni gdug pa can thams cad thul bar 'gyur/ /de bas na gdug pa can thams cad gzhug pa ste/ zhes bya ba gsungs so/ /gzhan yang nges pa'i don ni rtsa ba'i rgyud las ji skad du/ steng dang 'og gi srog chen po/ /rnal 'byor chen pos gsad cing gso/ /de min srog chags mi gsod de/ /gdug pa de dag rtag par bsad/ ces gsungs so/ /de ni nges pa'i don to/ /cho ga'i gtso bos dgag par bya/ zhes bya ba ni/ phyi nang gi srog gnyis cad la khyab pa yin te/ phyir ni zhe sdang rigs kyi ting nge 'dzin gyis dgag par byas la/ nang du stong pa chen pos dgag par bya'o/ /gzhan yang nyin mo dang mtshan mo'i dus thabs dang shes rab kyi char brtag par bya ste/ 'di ltar/ nyin mo bcom ldan rdo rje can/ /shes rab mtshan mor brtag par bya/ zhes bya ba ste/ de ni/ gang zhig shes rab dngos med de/ /dngos po thabs su brtag par bya/ zhes bya ba'i don to/ /'di'i nges pa'i don yang rtsa ba'i rgyud las ji skad du/ g.yas g.yon nyin zla'i mtshan nyid can/ / bsil dang tsha bar byed pa de/ /gang de skyon yon gnyis kyang yin/ /de ni thabs dang shes rab bo zhes gsungs so/ /de bzhin du/ mi bya cung zad yod ma yin/ /rtag tu mi bza' yod ma yin/ /'di la mi bsam pa yang med/ /bzang ngam ngan zhes mi smra med/ zhes bya ba ni/ rgyu ba dang mi rgyu ba 'di dag thams cad rang las yongs su byung ba'i phyir ro/ /de bas na/ ji ltar bdag nyid de ltar gzhan/ /de bzhin bdag dngos mchog yin te/ zhes bya ba rang gi rang bzhin ji lta ba bzhin du shes pa na khams gsum gyi 'khor los bsgyur ba gcig po yang yin no/ /'di nyid kyi phyir/ 'di ltar sems pa'i rnal 'byor pas/ /bza' dang btung ba la sogs spyad/ /yan lag ji snyed bsgyur ba dang/ /tshigs rnams rab tu nyed pa nyid/ /he ru ka dpal gnas bzhugs pas/ /de snyed sngags dang phyag rgyar brjod ces gsungs te/ de yang ji skad du/ dkyil 'khor lha 'dir lus nyid yin/ /gzhan dang lha dang dkyil 'khor ni/ /btsal bas nam yang mi rnyed ces/ /'dren pa dpa' bos rab tu gsungs/ /sh+rI ni gnyis med ye shes te/ /zhes pa ni bdag dang gzhan gyi dpal gnyi ga'i cha rim 'dzin pa'o/ /he ni rgyu sogs stong pa nyid/ ces pa ni/ las dang ye shes dang phyag rgya bcing ba dang gtor ma la sogs pa'i rgyu dang bral ba'i ting nge 'dzin bde ba chen po'o/ /ru ni tshogs dang bral ba nyid/ ces pa ni/ kun tu brtags pa'i mtshan nyid las grol ba'i bde ba nyid de/ gang de ji ltar bsgrub snyam pa la/ ka ni gang duAng mi gnas pa/ zhes bya ba gsungs te/ tshogs pa dang dmigs pa'i chos las bral ba phan tshun du bltos pa med pas bsgrub par gsungs so/ /de bas na he ru ka'o/ /gzhan yang rdo rje thod pa'i rnal 'byor gyis/ zhes pa ni/ lus skyong ba'i rnal 'byor gyis so/ /skye bo gang dang gang rnams kyi/ /sha ni mkhas pas bza' byas na/ /sems can de de dbang du 'gyur/ zhes bya ba ni/ rnal 'byor pa bdag gis lus skyong ba'i rnal 'byor mngon du byas na/ sangs rgyas rnams kyang dbang du 'gyur na/ 'jig rten gsum na gnas pa'i skye bo phal pa rnams ji ltar bsgo ba bzhin byed pa smos kyang ci dgos/ gzhan du na rnal 'byor pas bud med kyi skye bo rnams la 'jug pa na byang chub sems kyi sha phyi rol tu mi btang bar zos na rang gi lus la dbang du 'gyur te/ de ni rnal 'byor pa mkhas pa zhes brjod do/ /kye'i rdo rje'i nges pa'i don gyi rgya cher bshad pa las brda dang gnas gtan la phab pa'i le'u'i rgya cher bshad pa ste bdun pa'o// //byang chub sems ni zla bar gyur/ /cha shas bco lnga'i bdag nyid can/ /de 'gyur rnal 'byor bdag med ma/ /mi yi gzugs kyi tshul bsgyur nas/ /'jig rten gsum po dbang du mdzad/ /de la gus pas rab btud nas/ /bdag med dkyil 'khor rgyas bshad ni/ /rdo rje snying pos bri bar bya/ /de nas rnal 'byor ma'i 'khor lo bshad par bya'o/ /zhes bya ba la sogs pa smos te/ rnal 'byor ma ni zla ba mar ngo'i chos can tshes bco lnga po mun pa'i rdul skyed par byed la/ snang ba'i rdul ni 'joms par byed cing 'khor pa'i byang chub kyi sems kha thur du bltas pa gang yin pa de la brjod par bya'o/ /de yang rtsa ba'i rgyud las ji skad du/ sku gsung thugs kyi dbye ba yis/ /dkyil 'khor rnam pa gsum du brtags/ /dang por dgyes pa'i rdo rje nyid/ /sku yi dkyil 'khor zhes su brjod/ /de rjes bdag med ma bshad pa/ /thugs kyi dkyil 'khor yin par gsungs/ /de rjes ku ru kul+le bshad/ /gsung gi dkyil 'khor yin par 'dod zhes gsungs pa'i phyir da ni rnal 'byor ma'i 'khor lo bshad par rigs so/ /nam mkha' i khams su b+ha ga bsam/ / dbus su rnam par bsgom pa ni/ /'khor lo sngon du ci rigs par/ /lha rnams ji ltar 'byung ba nyid/ ces bya ba gsungs te/ 'di'i don yang sngon du 'gro ba'i bsrung ba'i 'khor lo la sogs pa ni he ru ka bskyed pa nyid kyi dus su bstan pa las shes pa nyid du bya'o/ /'dir ni gnad kyi gnas tsam zhig bstan par bya ba'i phyir nam mkha' i dbyings su zhes bya ba la sogs pa smos pa yin te/ rang gi bdag po mchod pa sngon du 'gro bas/ /aoM shU n+ya tA dz+nyA na zhes pa la sogs pa'i tshul gyis snod dang bcud sbyang pa byas la/ chos thams cad nam mkha' i dkyil ltar mos par bya ste/ de'i rjes la de bzhin gshegs pa thams cad kyi sku dang gsung dang thugs mtshon par bya ba'i phyir nam mkha' i dbyings der yi ge e'i dbyibs lta bu dpag tshad rgya khyon dpag tu med par bsgoms la/ de'i nang du 'khor lo sngon du ci rigs par zhes bya ba'i don sa dang chu dang me dang rlung zhes bya ba'i dkyil 'khor rim gyis bskyed la/ de dag yongs su gyur pa las/ bcom ldan 'das ma'i dkyil 'khor gyi 'khor lo sgo bzhi dang rta babs dang ldan pa bsams te/ 'phar ma gnyis dag skyon med pa zhes bya ba ni/ yul dang yul can gyi lha mo'i tshul gyis 'phar ma gnyis su bcad cing/ ze 'bru las ni gcig 'gyur te/ zhes bya ba ze 'bru dang nang gi 'phar ma la ni phung po lnga rnam par dag pa'i lha mo ste/ sngon du brjod pa'i stong pa chen po yi ge lnga'i chos can no/ /gang yang de ni rang bzhin chen po lnga zhes kyang brjod la 'phar ma phyi ma rnams ni phyi rol tu 'gyur ba yin no/ /de'i phyir gru gsum la ni phyi ma brjod ces gsungs so/ /de dbus ro ni bco lnga yis/ /gdan gyi bdag nyid rnam par bsam zhes bya ba ni/ khams thams cad srog gi rlung la zhon nas rgyu ba'i phyir/ phyi rol tu ro ru brtags so/ /de'i steng du zla ba yin/ zla ba'i steng du sa bon nyid/ zhes bya ba ni ji skad du rtsa ba'i rgyud nyid las/ dang po khu ba pha las 'byung/ /rnam shes rlung ldan der 'jug ste/ /de la ma yi khrag gis sbyar/ /don 'di yis ni bskyed rim bstan/ zhes gsungs pas/ ro dang zla ba dang sa bon dang nyi ma'i dkyil 'khor gyis mnan par gsungs so/ /gnyis 'dus pa las bde chen po zhes pa ni khu ba dang khrag gi rang bzhin dang srog 'byung 'jug gi rim pa dang/ la la nA dang ra sa nA 'dom pa dang/ steng 'og gnyis 'dom pa'i phyir ro/ /A li zla ba'i gzugs kyis gnas/ /kA li gzugs kyis snang byed do zhes bya ba ni/ phyi rol bskyed pa'i rim pa la/ A li yongs su gyur pa'i zla ba'i dkyil 'khor srog 'ong ba'i tshul dang/ kA lis nyi ma'i dkyil 'khor srog 'gro ba'i tshul du bsam pa ni drang ba dang nges pa'i don to/ /zla ba nyi ma 'dus pa las zhes pa ni/ nyi zla'i rang bzhin dang rnam par shes pa gsum 'dus pa las so/ /dkar mo la sogs rab tu grags zhes pa ni/ phyi rol tu ni bcud kyi srid pa bskyed pa dang/ nang du dam pa'i srid pa bskyed pa zhes grags so/ /de ni dkar mo la sogs pa'i lha mo bco lnga'i bdag nyid thams cad tshul de ltar skye zhes bya ba'i don to/ /zla ba ye shes me long ldan/ /rta bdun pa ni mnyam nyid ldan/ /rang lha'i sa bon phyag mtshan ni/ /so sor rtog par brjod par bya/ /thams cad gcig gyur nan tan nyid/ /rdzogs pa chos dbyings dag pa'o zhes bya ba ni/ rlung gis bskyod pa dang/ me yis spar ba dang chu yis yongs su smin par byed pa dang/ sa yis kun tu 'dzin pa dang nam mkhas kun tu 'phel bar byed pa ste/ mgrin pa dang rkan dang spyi bo dang mchu dang so yi chos can rnams ni ye shes lnga'i bdag nyid de byang chub pa rnam pa lnga'i don zhes bya'o/ /de bas mkhas pas cho ga gsungs pa yis/ /rnam pa lnga po bsgom par bya/ /zhes gsungs te/ drang ba dang nges pa'i don du rtogs par bya'o/ /A li kA li mnyam sbyor bas/ /rdo rje sems dpa' nyid kyi gdan/ /zhes bya ba ni byis pa rnams kyis rtogs par bya ba'i phyir/ phyi rol tu A li dang kA li yongs su gyur pa'i nyi zla'i gdan du gsungs la/ yang dag par na/ yi ge las byung gong bu yi/ /hUM phaT yi ge mi 'dod de/ /sems dpa' gzugs brnyan las byung ba/ /dkyil 'khor bdag po rnam par bsgom/ /zhes bya ba gsungs la/ de lta bu'i tshul gyis bdag med pa'i 'khor lo bsgom pa ni nges pa'i don to/ /'di'i don ni mchog gi dang po'i sangs rgyas kyi rgyud ces bya ba las kyang ji skad du/ A li kA li sbyar ba yi/ hUM yig 'dod min rgyal po kye/ ces gsungs so/ /'jam pa'i rdo rjes bshad pa'i bsdus pa'i rgyud kyi le'u lnga pa las kyang ji skad du/ a dang ka sogs gang gcig ri bong nyi ma gdan de rdo rje can la med/ /yi ge hUM 'gyur mtshan ma med cing kha dog dbyibs la sogs pa 'dir mi bzhed/ gzhan yang mi 'gyur las skye 'gyur ba zad par gyur pa de ni bzang po'i dbang por ldan pa ste/ /rnam pa kun gyi mchog dang ldan zhing rgyal ba sgyu ma sgyu ma sna tshogs 'dzin/ /zhes gsungs so/ /bskyed pa'i rim pa'i tshul ni gong du bstan pa ltar/ /phyag mtshan zhal sogs gong ma bzhin/ /zla ba chu shel nor bu 'od ces bya ba gsungs so/ / skabs 'dir ni phyag mtshan dang gri gug dang thod par brtag cing zhal mdog thams cad ni nag po 'ba' zhig tu brtag ces pa'i don to/ /de ni 'di nyid las thabs dang shes rab rang bzhin gyis/ /'di ltar thams cad rdzogs pa nyid/ /zla ba nyi mar rab dbye ba/ /A li shes rab kA li thabs/ /'di ltar dkar mo la sogs pa/ /kha dog dbye bas tha dad yin zhes bya bas gsal bar bstan te/ phyi nang gi byang chub pa rnam pa lnga la sogs pas bskyed pa'i tshul du ni gcig la kha dog tsam gyis bye brag tu byas zhes bya ba'i don to/ /gnas kyi bye brag bstan par bya ba'i phyir/ re zhig nang gi 'phar ma la/ /rnal 'byor ma lnga nges bzhugs pa/ /phung po lnga yi rang bzhin du/ /rnal 'byor rig pas rtag tu bsgom/ zhes gsungs te/ tshes bcu drug nas nyi shu'i bar te sku'i rang bzhin zhes bya ba'i don to/ /dbang por rdo rje zhes pa ni dbang po'i phyogs su lha mo rdo rje ma dang/ gshin rje'i phyogs su dkar mo dang/ chu bdag gi phyogs su chu'i rnal 'byor ma dang/ lus ngan gyi phyogs su rdo rje mkha' 'gro ma dang/ dbus su bcom ldan 'das bdag med rnal 'byor ma zhes bya ba ste/ de rnams ni sku'i chos can gyis bsdus pas phung po lnga'i lha mo rnams so/ /de ni phyi rol gyi 'phar ma bshad par bya ba'i phyir/ phyi rol gyi ni 'phar ma la/ zhes bya ba la sogs pa smos te/ dkar mo chom rkun ro langs ma/ zhes bya ba dang/ g+hasma rI zhes bya ba bzhi ni phyi'i 'phar ma'i phyogs bzhir rim pa bzhin du dgod de/ tshes nyi shu rtsa lnga'i bdag nyid gsung gi rang bzhin no/ /de bzhin du puk+ka sI dang ri khrod ma dang gdol pa mo dang Domdi nI rnams ni mtshams rnams su dgod de/ tshes nyi shu drug nas sum bcu'i bar du rnam par dag pa'i tshul gyis thugs kyi rang bzhin du brjod do/ /'og ldan ma dang steng ldan nyid/ /mkha' spyod ma dang sa spyod brjod/ ces bya ba ni 'og ldan ma ste/ gsung gi rang bzhin lnga tshan bar pa'o/ /mkha' spyod ma ste thugs kyi rang bzhin lnga tshan gsum pa'o/ /'di gnyis ngag ni lus can thams cad kyi srog rnam pa gnyis yin te/ steng gi srog dang 'og gi srog go /'di gnyis nyid las gsang ba 'dus pa la sogs pa'i thabs kyi rgyud dang/ dgyes pa'i rdo rje la sogs pa'i rnal 'byor ma'i rgyud rnams kyang byung ste/ de la steng nas ni thabs kyi rgyud do/ /'og nas ni shes rab kyi rgyud byung bar gyur to/ /de'i phyir srid dang zhi ba'i rang bzhin gyis/ /snying rje chen po 'di dag gnas/ /zhes bstan to/ /lha mo thams cad sku mdog gnag /ces pa ni shes rab stong pa nyid kyi brda ston pas sku mdog nag mo'o/ /drag cing phyag rgya lnga yis brgyan/ zhes pa ni lha mo thams cad kyang tshes lnga tshan gyi rang bzhin dag pa las/ 'khor lo rna cha mgul rgyan dang/ phyag gdub ska rags rnam pa lnga/ /sangs rgyas lnga yang rnam dag cing/ /'di lngas phyag rgya dag pa'o/ /zhes gsungs so/ /gzhan yang zhal gcig spyan ni dmar ba rnams/ /phyag na gri gug thod pa 'phyar/ zhes gsungs pa ni/ srid pa dang zhi ba'i rang bzhin ston pa yin la bdag med ma ji lta ba de bzhin du lha mo bcu bzhi po rnams kyang de nyid du gcig cing tha mi dad do/ /'di ltar na/ ji ltar bdag med rnal 'byor ma/ de ltar thams cad rnam bshad de/ /lag pa gcig ni thod pas 'brel/ /g.yas pa na ni gri gug bsnams/ /zhes bya ba la kha dog dang phyag mtshan dang zhal la sogs pa bdag med ma nyid las tha mi dad par bstan pa'i don to/ /g.yon pas kha TwAM ga nyid de/ /stag gi pags pas rnam dkris shing/ /ro la zhon cing gzi brjid 'bar/ /zhes pa'i des pa'i don ni gong du brjod par zad do/ /phyag gnyis skra ser gyen du 'bar/ zhes pa ni ji srid gnyis su snang ba'i cha bstan pa'i phyir ro/ /ting nge 'dzin gyi stobs kyis khams thams cad gyen du 'bar ba'i phyir dbu skra gyen du mdzes pa'o/ /nga rgyal la sogs sgyon drug rnams zhes pa ni sa'i khams nas ye shes kyi khams drug po steng gi rgyu ba dang 'og gi rgyu ba pas bskyed pa gsum dang mas bskyed pa gsum ste drug lus can rnams la lugs su 'byung ba rnams so/ /gcod phyir gri gug rnam par gnas/ zhes pa ni nges pa'i don du ston pa nyid las brjod de des skyon drug po gcod par gsungs so/ /dngos dang dngos min rnam rtog gi / bdud rnams rnam pa bzhi yi khrag /mgo bo'i pad+ma'i snod du ni/ /dngos grub phyir ni btung bar bya/ zhes bya ba la 'di'i des pa'i don ni ji skad du rtsa ba'i rgyud las/ rang gi lus mchog pad+ma nas/ /bsam gtan bzhi yi bsad pa yi/ /bdud bzhi'i sha dang khrag gnas pa/ /rnal 'byor rig pas rtag par btung/ /skye rga zil gyis non par 'gyur/ zhes gsungs te/ 'khor ba pa'i gnas skabs rnams bzhi ni bdud yin la/ bdud bzhi po de dag gi sprul par phung po'i bdud dang snying kar 'chi bdag dang mgrin par nyon mongs pa dang spyi bor lha'i bu'i bdud de/ zla ba cha bcu drug pa las ni cha bzhi bzhi gsod la srog nyi khri chig stong drug brgya'i nang nas srog lnga stong bzhi brgya bsad pas khrag 'thungs pa yin zhing dngos dang dngos min yin gyi rnam rtog bcom pa yang yin no/ /stong pa'i rnam pa kha TwAM ga / thabs kyi ro ni rnam par brtag / zhes pa ni sngon du rgyas par bstan to/ /'dis ni 'khor lo rnam bsgom na/ zhes pa ni/ phyi dang nang gi bdag nyid can drang ba dang des pa'i don du shes nas bsgom na dngos grub myur du thob par 'gyur zhes gsungs te des pa'i don to/ /'di'i don yang rtsa ba'i rgyud las ji skad du/ rnam rtog rgya ru chud pa yi/ /'bro ba gsum po rnam gzigs nas/ /ji lta ji ltar grol 'gyur ba'i/ /de dang de yi thabs bstan to/ /rnam rtog bag chags kyis bcings la/ /thog mar rtog pa'i cho ga bstan rnam rtog rang bzhin shes pa na/ /mi rtog pa la rnam 'jug bya/ /dkyil 'khor 'khor lo bsgom pa dang/ /lha rnams ji ltar bskyed pa dang/ /ye shes dgug dang dbang bskur dang/ /de bzhin 'khor lo rtsa dang ni/ /khu ba rlung rnams gang bstan te/ /phyis pa rnams ni gzhug pa'i phyir/ /'jig rten mgon pos bstan pa yin/ /ma yin nges don gzhan du spyad/ /dkyil 'khor tshul dang lha dag dang/ /ye shes dgug dang dbang bskur dang/ /khu ba rlung du su lta ba/ /kye yi rdo rje des ma shes/ /zhes gsungs so/ /da ni rgyud thams cad kyi bskyed pa dang rdzogs pa'i rnal 'byor ma'i drang ba dang/ nges pa'i don gyis yan lag drug tu bsdu ba bstan te/ de la gang rdzogs pa'i rim pa'i gnas skabs su yan lag drug bstan pa de ni nges pa'i don yin la/ bskyed pa'i rim par yan lag drug tu bstan pa de ni drang ba'i don du shes par bya'o/ /'di lta ste/ dang por nag po rab tu bsgom/ /gnyis par dmar por rnam par bsgom/ /gsum pa la ni ser por bsgom/ /bzhi par ljang khu de bzhin no/ /lnga par kha dog sngon po dang/ /drug par dkar po lus can te/ yan lag drug bsgom rnal 'byor pas/ /khyad par dga' mthar yang de bzhin zhes bya ba gsungs te/ 'dir ni re zhig byis pa rnams kyis rtogs par bya ba'i phyir/ mi bskyod pa dang dpag med 'od dang don grub dang/ /rin chen 'byung ldan dang rdo rje sems dpa' dang rnam snang gtso bo ste yan lag drug go/ /'di ni sa dang chu dang me dang rlung dang nam mkha' dang ye shes su yang grub la gzhan yang kha dog gcig tu rtog pa spangs par bya ba'i phyir kha dog rnam pa drug kyang gsungs te phyis pa rnams kyis rtogs par bya pa'i don to/ /gzhan yang skye bo grangs can pa rnams gzhug par bya ba'i phyir/ khams drug yi ge'i chos kyis bstan la de yang bsdu ba'i yi ge ni rnam pa drug yin te 'di ltar a air au li zhes bya ba lnga dang/ de rnams kyi mthar grangs sam shes rab kyi yi ge gang rung gcig bzhag bas drug go / de yang mtshan yang dag par brjod pa las/ thig le stong pa yi ge drug ces bstan la drug po de gsal byed 'ba' zhig sum cur gnas pa la nye bar bsgyur bas brgya brgya brgyad cur 'gyur zhing zla ba drug gi zhag tu 'gyur ro/ /yang de bzhin du thabs sam shes rab kyi yi ges mdza' brten pa rnams kyis sum cu po la nye bar bsgyur bas brgya brgyad cu ste de ltar sum brgya drug cur grub bo/ /de yang 'di ltar gang du cho ga drug dang bcas pas bsgyur ba ni shes rab dang thig le dang bcas pas bsgyur ba thabs su rtogs par bya ste/ lo gcig gi chos su grub po/ /'di'i rgyas pa ni rtsa ba'i rgyud las khong du chud par bya'o/ /de bzhin du 'jig rten pa'i dngos grub 'dod pa'i byis pa rnams kyis bsad pa la sogs pa'i las kyi dbye bas dkyil 'khor la kha dog bye brag tu bsgom zhes pa ni 'di ltar gsang ba'i 'khor lo ljang khu dang sprul pa ser po dang/ chos nag po dang/ longs spyod dmar po dang/ dpral bar dkar po dang/ gtsug tor sngon por bsgom par bya ste 'jig rten pa'i rdo rje'i tshig go /de ltar brjod pa de dag gis ni bskyed pa'i yan lag drug ma dong bstan pa'o/ /dga' bral mdza' yang de bzhin no zhes pas ni/ rdzogs pa'i rim pa'i yan lag drug bstan pa yin te/ de ltar skyed pa'i rim pa nyid dang ni/ /rdzogs pa yi yang rim pa nyid/ /rim pa gnyis las mnyam gnas nas/ /rdo rje can gyi chos 'chang ngo/ zhes gsungs la/ rdzogs pa'i rim pa'i yan lag drug po de dag kyang dpal gsang ba 'dus pa'i le'u bco brgyad pa las ji skad du/ so sor bsdud dang bsam gtan dang/ /srog rtsol de bzhin 'dzin pa dang/ /rjes su dran dang ting 'dzin te/ /sbyor ba yan lag drug ces bya/ zhes gsungs te/ don 'di ni dang po'i mchog gi sangs rgyas dang mtshan yang dag par brjod pa las/ rgyas par khong du chud par bya'o/ /gzhan yang rgyud 'di nyid las byis pa rnams gzung pa'i rjes la 'jig rten pa'i kun rdzob kyi skabs su bstan pa yan lag drug po 'di lta ste/ bskyed pa yi ni cha bshad do/ /zhes pa ni bskyed pa'i rim pa ste rtog pa'i rnal 'byor gyi yan lag drug bstan nas/ snyoms par 'jug pa'i yan lag drug bstan par bya'o/ /zhes pa'i don to/ /nam mkha' i khams na pad+ma la/ /b+ha ga zhes bya ba'i ye shes brjod/ /bsgom pa zhes bya'i snyoms 'jug nyid/ /de yi bde ba 'khor lor brjod ces bya ba gsungs te/ phyir nam mkha' i khams/ nang du pad+ma dang/ phyir chos kyi 'byung gnas gru gsum nang du bde ba'i ye shes kyi khyad par nyams su myong ba'o/ /de nyid phyi rol tu snod bcud kyis rim pas bsgom pa yin ma nang du ni gnyis gnyis snyoms par 'jug pa yin no/ /phyi rol tu ni dkyil 'khor gyi khang bu dang/ nang du ni thig le bzhi'i bde ba 'khor lo'o/ /de nyid ni 'di ltar rim pa ji bzhin rang nyid rig ces bya ba ste phyi'i dkyil 'khor gyi 'khor lo ni sa chu me rlung bzhi yongs su gyur pa yin la/ nang du sa chu me rlung bzhi'i thig le 'pho ba'i rim pa skad cig ma bzhi'i rim pas phye bas rang gi rigs pas phye ba'o/ /lha zhes bya ba byang chub sems/ /ji ltar 'byung ba khu ba yin zhes bya ba gsungs te/ gzhal yas khang de'i nang du go rims rang gi rig pa'i khu ba byung ba'i bde ba rtog pa ni lha yin te/ de ltar na snyoms par 'jug pa'i yan lag drug bstan to/ /da ni dga' ba bzhi'i rigs pa bstan pa'i phyir/ lha cig skyes pa rnam pa gnyis/ /re zhig mi mo shes rab nyid/ /skyes bu thabs su brjod par bya zhes bya ba gsungs te/ dbang po gnyis kyis snyoms par 'jug pas sangs rgyas par 'dod pa rnams la skyes pa dang bud med dag ni thabs dang shes rab kyi sgrar bstan te yang dag par ni ma yin no/ / yang dag par ni/ kun rdzob don dam dbye ba las/ /phyis ni de dag rnam gnyis so zhes gsungs pa'i phyir dga' ba bzhi yin la/ de rnams kyang mtshon cha mtshon byed dbye bas kun rdzob kyi bde ba 'dzag pa'i bdag nyid ni thabs yin zhing/ don dam pa'i bde ba mi 'gyur ba ni shes rab tu rtogs par bya'o/ /gzhan du na re zhig skyes bu rnam pa gnyis te/ khu ba dang ni de bde nyid/ skyes bu bzhin du shes rab ste/ /khu ba dang ni bde ba nyid/ /de nyid phyir ni dga' ba ni/ /bzhi yi rab tu dbye ba yin/ zhes gsungs te/ skyes pa dang bud med dag gi khu ba ni thabs yin la bde ba ni shes rab bo/ /de bzhin du rdzogs pa'i rim pa'i phyogs la'ang/ 'di ltar lhan cig skyes rnam bzhi zhes bya ba ni mtshon par byed pas yongs su dor te/ mtshon bya don dam pa'i phyogs la'ang/ rlung dang chu yis bsdus pa'i ting 'dzin dang/ me dang sa yis bsdus pa'i ting nge 'dzin bzhi yin no/ /de ni 'di ltar mtshan yang dag par brjod pa las kyang/ bsam gtan bzhi po'i rtse mo can/ zhes gsungs so/ /dga' ba de dag kyang/ dga' ba de dag kyang/ dga' ba dang po dpa' bo nyid/ /mchog tu dga' ba rnal 'byor ma/ /shin tu bde dga' thams cad nges/ /de bde thabs las thams cad rig / ces bya ba gsungs te/ lugs dang lugs las bzlog pa'i bye brag gis skyes bu rnams la ni dang por rlung gi khams 'khrug go /de nas ni me dang chu dang sa rim bzhin du 'khrug go /bud med rnams la ni go bzlog ste dang po sa nas 'khrug go /dga' ba de dag gi khyad par gsungs pa ni/ dga' ba bde ba cung zad de/ /mchog tu dga' ba de bas lhag /dga' bral dga' bas chags bral yin/ lhag pas lhan cig skyes dga' nyid ces bya ba gsungs te/ don 'di yang rdo rje'i tshig 'og ma 'di nyid kyis rtogs par bya'o/ /'di ltar/ dang po reg par 'dod pa dang/ /gnyis pa bde bar 'dod pa dang/ /gsum pa 'dod chags 'jig pa nyid/ /des na bzhi pa bsgom par bya/ zhes bya bas bstan te/ 'di ltar/ bum pa dang gsang ba dang shes rab ye shes rnams ni nyams shing 'jig par byed pa'i bdag nyid pas bsam gtan bzhi pa bsgom par nges so/ /de bzhin du mchog gi dang po'i sangs rgyas kyi rgyud las kyang/ gsum po 'jig rten kun rdzob ste/ /bzhi pa dag ni don dam nyid/ ces gsungs so/ /mchog tu dga' ba srid par brjod/ /dga' bral las ni mya ngan 'das/ /dbu ma dga' ba tsam nyid de/ /de phyir lhan cig skyes pas spangs/ /zhes gsungs te/ tshig 'di dag ni go rims bzlog par gzung bar bya ste/ dbu ma dga' ba tsam zhes pa ni dga' ba dang po'o/ /de nas mchog tu dga' ba'o/ /de nas khyad par gyi dga' ba ste/ stobs kyi spyod pas khyab par bya ba'i phyir go zlog nas gsungs te/ bla ma'i zhal las shes par bya'o/ /de ltar brjod pa'i dga' ba gsum ni srid pa ste 'jig pa'i rang bzhin can yin zhing gtan tshigs 'dis na 'jig rten las 'das pa'i lhan cig skyes pa'i dbye bas sngon ma rnams shes rab kyi yan lag gis dor te/ gnas phyi ma rnams la 'bad par bya'o/ /de las kyang shes rab chen po'i lhan cig skyes pa sngar gyi shes rab kyi yan lag thams cad kyis mtshon par byas pa 'di lta ste/ brjod pa'i yul las 'das pa nyid rnal 'byor pa rnams kyis phrag par blang bar bya'o/ /'di ltar/ 'dod chags med cing chags bral med/ /dbu mar dmigs par mi 'gyur ro/ /'di la thabs dang shes rab med/ /yang dag de nyid snang ba'o/ /gzhan gyis brjod min lhan cig skyes/ zhes bya ba gsungs te/ yar ngo mar ngo 'dod chags dang/ chags pa dang bral ba yin zhing/ dbu ma cha bcu drug pa yin zhing dngos su na nyi ma dang zla ba dang sgra gcan zhe 'am/ skyes pa dang/ bud med dang/ ma ning zhe 'am/ aoM dang/ A:hUM zhe 'am/ cha shas dang/ thig le dang/ sgra zhes gang yang mtshon par mi 'gyur ro/ /de bas na de'i phyir mya ngan las 'das pa'i bde ba la zhen pa rnams kyi bla ma ma gtogs pa rnyed par mi 'gyur te/ bla ma'i rjes su 'brang bar bstan to/ /'di ltar gang du yang ni mi rnyed de/ /bla ma'i dus thabs bstan pa yis/ /bdag gi bsod nams las shes bya/ /zhes bya ba ste/ mtshon par byed pa ngang? mtshon par bya ba dag bla ma rin po che'i mgur gyi bum pa las bdag gis bsod nams kyi tshogs kyi yan lag sngon du 'gro bas rig par bya'o/ /mtshon bya sngon du rnyed nas 'di ltar blta bar bya ste/ dman pa 'bring dang mchog rnams dang/ gzhan dang gang rnams kyang/ ro mnyam de nyid bsgoms pa yi/ /'di kun mnyam pa nyid du blta/ /zhes gsungs te/ mdor bstan pa'o/ /rdo rje'i tshig 'dis ni mtshon bya mngon du rnyed pa rnams kyis rgyu ba dang mi rgyu ba'i 'jig rten gsum po phra ba'i 'du shes dang rags pa'i 'du shes dang dbu ma'i 'du shes spangs te/ mtshon du med par mtshon par bya bar ston to/ /ji skad du/ rtsa ba'i rgyud las kyang/ rig pa'i skyes bu blo ldan gyis/ /sgra dang thig le rnams spangs te/ /mtshon du med par mtshon byas nas/ /kye yi rdo rje'i skur 'dzin 'gyur/ zhes gsungs te/ rgyas par bstan par bya ba'i phyir dman pa rnams ni phra ba'i don/ /mchog gi dngos por brjod par bya/ /dbu ma gnyis kyis spangs pa nyid/ /ces bya ba gsungs te/ mi rgyu ba bstan pa'i dngos po rnams sam yang na 'dod pa dang gzugs dang agzugs med pa rnams su blta ba'i shes pa 'am/ yang na dngos po gang zhig mchog dang 'bring dang tha ma ste ting nge 'dzin gsum gyi tshul can spangs te lhan cig skyes par ro mnyam par bsgom zhes bya ba'i don to/ /gzhan rnams zhes bya ba dbang po drug /gang rnams de rnams brtan dang g.yo zhes bya bas ni/ brtan pa dang g.yo ba dag las g.yo ba rnams kyang dngos po gsum du gnas par mi brtag ste/ 'di ltar lhan cig skyes pa'i rong mnyam pa'i phyir ro/ /'di kun zhes bya ba nyid med/ ces pa ni phyi dang nang gi chos can gyi 'jig rten gsum po 'di dag bdag dang gzhan gyis stong zhes bya ba'i don te/ /mnyam nyid mtshungs par 'dod pa ste/ ro mnyam de nyid bsgom pa ni/ /mnyam zhes bya ba mtshungs par brjod/ /ro ni de yi 'khor lo yin/ zhes bya ba la/ de ltar brjod pa'i rim pas 'jig rten gsum gyi srid pa'i 'khor lo yan lag bcu gnyis lugs su 'byung ba 'di nyid kho na las 'od gsal ba'i bde ba'i 'khor lo 'byung bas gzhan du mi btsal zhes pa'i don to/ /gtan tshigs 'di nyid kyi phyir na/ bsgom pa ro gcig mnyam pa nyid/ /don 'di yis ni brjod pa yin zhes gsungs te/ mnyam pa dang ro gcig par bya ba'i gzhi ni srid pa'i 'khor lo nyid de/ 'di las ma gtogs pa'i don gnyis pa ni 'ga' yang yod par ma mthong ngo/ /de bas na de'i phyir/ nga las 'gro ba thams cad 'byung/ /nga las gnas gsum po yang 'byung/ /nga yis 'di kun khyab pa ste/ /'gro ba'i rang bzhin gzhan ma mthong/ /zhes bya ba smos te/ /'od gsal ba bde ba'i 'khor lo 'di nyid byis pa rnams la pha nyid mthug po dang sad pa dang rmi lam dang gnyid kyi bde bas 'khor zhing gnas so/ de ni chos kyi dbyings mngon par 'byung ba zhes bya ba theg pa chen po'i mdo las kyang/ dam pa rnams la bde skye zhing/ /byis pa rnams la 'jigs par ston/ /khyod ni mthong na grol gyur te/ /ma mthong na yang grol bar 'gyur/ /zhes gsungs so/ /de bas srid pa nyid sangs rgyas dang byang chub sems dpa' rnams kyi bzhugs gnas mchog tu shes par bya ba la gnas par bya'o/ /'di ltar/ de ltar rnal 'byor bas shes nas/ /shin tu mnyam bzhag gang bsgoms pas/ /bsod nams chung ba'i mi yis kyang/ /de ni 'grub par the tshom med/ ces smos te/ don 'di rtsa ba'i rgyud las gsal bar gsungs te/ ji skad du/ srid pa'i 'khor lo 'di spangs nas/ / gnas mchog 'tshol 'dor skyes bu gang/ /mtshams med lnga ni byed pa po'i/ /skyes bu tha shal de dag brlag /ces gsungs so/ /'di lta bu'i tshul la mi gnas par mnyam par 'jog pa'i rnal 'byor pas kye'i rdo rje'i dngos grub myur du thob par 'gyur zhes pa'i don to/ /brda' dang btung dang blugs pa dang/ nyal dang log dang sems pa na'ang/ /phyag rgya che la mngon zhen na/ de yi mngon du 'gro bar 'gyur zhes gsungs te/ don 'di yang rtsa ba'i rgyud nyid las ji skad du/ phyag rgya che la rab gnas na/ /'gro 'am 'chag dang nyal ba dang/ /de bzhin mtshams med las byas na'ang/ /grol 'gyur 'di la the tshom med/ /'di gnas bzhin du rnal 'byor gang/ /btsun mo'i 'khor dang ldan na yang/ /nga yis 'chi bar ma mthong ste/ /'di nyid da ltar kye'i rdo rje zhes gsungs so// //bsdus pa'i rgyud 'di nyid las rdo rje'i tshigs 'dis gsal bar rab tu bstan pa yin te/ gang du yid kyis ma bsgoms na/ /'gro ba thams cad bsgoms 'gyur te/ /sgom pa med pa'i bsgom nyid kyis/ /chos rnams thams cad yongs shes bya/ zhes bya bas gsal bar byed de/ tshig 'dis rgyud mdza' dag gi don gsal bar gsungs la/ dbugs 'byin pa rnam pa gnyis las kyang rdo rje 'dzin chen po'i dbugs 'byin pa yin no/ /shes rab chen po'i yan lag drug gi dang po so sor sdud pa zhes su dpal dang po'i sangs rgyas dang/ gsang ba 'dus pa la sogs par tha snyad btags pa yin la/ 'bad pa thams cad yongs su 'dor bas 'grub/ ces par dgongs so/ /'di kho na shes rab kyi pha rol tu phyin pa'o/ /'di nyid bdag med ma'o/ /'di nyid he ru ka'o/ /'di nyid dus gsum gyi sangs rgyas so/ /'di nyid srid pa'i rgya mtsho las thar bar sgrol ba'o/ 'di nyid yi ge med pa'i mdo yin no zhes pa ste/ nges pa'i don no/ /gzhan yang rdo rje 'dzin pa chen po'i dbugs 'byin pa 'di byis pa'i skye bo rnams la sna tshogs pa'i dngos por snang ste 'di lta ste/ tha snyad du mar 'dogs shing gnas pa ni/ rgyu ba dang mi rgyu ba dang/ bdag dang gzhan dang/ srog dang gso ba dang gang zag dang byed pa po dang shed bdag dang shed can dang/ pha ma dang bla ma dang 'jig rten gyi mes po dang/ sa dang chu dang me dang rlung dang nam mkha' dang/ ri bo dang rgya mtsho dang/ gling dang/ nags ma dang/ shing gel pa dang/ lcug ma dang 'khril shing la sogs par gnas te/ 'di rnams kyang rang gi ngo bo las gzhan pa yod par dus gsum gyi mgon po rnams kyis yod e ma gsungs la/ 'di rnams la mchog dang dam par lta ba'i skyes bu kho na kye'i rdo rje'i sku yin no/ /de'i phyir 'di lta ste/ brtan dang g.yo ba'i dngos po gang/ /rtswa lcug 'khril shing la sogs pa/ rang rang ngo bo'i rang bzhin las/ /dam pa'i de nyid nges bsgom bya/ /de rnams nyid las mchog gzhan med ces gsungs te/ 'di dag gi ngo bo spang pas kyang ma yin la mi spang pas kyang ma yin zhes bya ba'i don to/ /'di ltar/ rang rig bde ba chen po nyid/ /rang rig las ni byang chub 'gyur zhes bya ba la don 'di nyid rtsa ba'i rgyud nyid las ji skad du/ rdo rje snying po 'di lta ste/ sdug bsngal gyi rang bzhin 'khor lo kho na ji lta ba nyid du bzhag gis dper na nam mkha' i dbyings chen po 'di tshon du mas kha dog tu bya ba la rtsol ba mi byed pa yin no/ /de bzhin du kye'i rdo rje la gnas par 'dod pa'i rnal 'byor pas kyang tshul de ltar bslab par bya'o zhes bya ba'i don to/ /rang rig phyir na sgom pa nyid/ /rang gis rig pa'i 'gyur ba las/ /mnan pa las ni las skyes te zhes bya bas ni mtshon par bya ba dang/ mtshon par byed pa gnyis ka gsal bar ston pa yin la/ 'di ltar mtshon par byed pa'i dus su dga' bral dang po mchog mdza' can/ zhes bya bas mtshon byed blos mngon du byas nas/ rang gis rig pa bsgom par bya zhes bya ba'i don to/ de bas na mtshon byed de nyid mnan zhing dbang du byas pa las mngon par gsal bar 'gyur ro/ /de'i phyir ji skad du/ rang gis 'phrog cing rang gis byed/ /rang nyid rgyal po rang gtso bo/ zhes gsungs pa'i tshig gis bye brag tha dad par gsungs te/ mtshon par byed pa'i dus kyi rdo rje'i tshig go / de lta bu'i mtshon byed thog ma nyid du nan tan gyis btsal la/ phyis bsam gtan gyi khyad par gyis spangs te/ 'di ltar mtshan yang dag par brjod pa las/ srid pa'i 'dod chags sogs spangs pas/ srid gsum dga' ba chen po pa/ /sprin dkar dag pa bzhin du dkar/ /'od bzang ston ka'i zla ba'i 'od/ /nyi ma 'char ka'i dkyil ltar mdzes/ /zhes gsungs pa'i phyir ro/ /de bas gang mtshon byed de ni srid pa'i 'dod chags te/ nyon mongs pa mdza' dag gi stobs kyis 'byung la/ de dang mi mthun pa ni dper bya kun las 'das pa ste zhes bya ba/ mtshon bya mngon du rnyed pa khyad par du 'phags pa yin no/ /de bas na bsdus pa'i rgyud 'di nyid las/ 'dod chags zhe sdang phrag dog dang/ de bzhin gti mug nga rgyal nyid/ /de kun de gnas nyams dga' par/ /bcu drug char yang mi pa'o/ /ces gsungs so/ /de bzhin du/ chos 'byung las skyes ye shes ni/ zhes pa ni skye gnas la brten pa'i bde ba'o/ /mkha' mnyam lhan cig thabs dang bcas/ /shes pa ni zag pa med pa'i bde ba'i thabs kyis so/ /gzhan du yang/ thabs dang shes rab rang bzhin las/ /'jig rten gsum po de las skyes/ zhes bya ba gsungs te/ sprod pa'i bde ba kho na las/ /'jig rten gsum po yang skyes shing/ mi 'gyur ba'i ye shes kyang de las skyes pa yin no/ /'di nyid kyi phyir pha dang ma 'am thabs dang shes rab ces bya bar skabs kyi khyad par la bltos te tha snyad 'dogs par mdzad do/ /gsang chen 'di'i skabs ni rten dang brten pas tha dad pas byas te tha snyad 'dogs pa yin te/ khu ba'i rnam pa bcom ldan yin/ /de yi bde ba 'dod mar brjod/ ces gsungs pa khu ba ni pha yin la/ bde ba ni mar rtogs par bya'o/ /ci'i phyir bde ba las shes rab tu brjod ce na/ 'di nyid kyis na med pa las/ /gang zhig dngos med shes rab de/ /dngos po thabs su brjod par bya/ zhes kyang gsungs la/ de bzhin du bde ba kun tu rtog pa'i dra bas gcod do/ /gcig dang du ma dang bral ste/ skad cig gcig las mchog dga' ba/ zhes bya ba rtogs te 'di ltar skad cig bzhi dang dga' ba bzhi'i cha shas kyi phye bas rig par 'gyur ro/ /ji lta bu zhig rig ce na/ rang gi rig pa'i ye shes 'di/ /ngag gi lam 'das spyod yul te/ /'di ni byin rlabs rim pa'i phyir/ /kun mkhyen ye shes de lta bu/ /sa dang chu dang rlung dang ni/ /me dang nam mkha' nyid dang ni/ /rang bzhin rig pa'i tshor ba yis/ /kun gyi skad cig kyang mi gnod/ /mtho ris mi yul sa 'og rnams/ /skad cig gis ni gzugs gcig 'gyur/ zhes gsungs la/ 'di ltar phyi dang nang du phye bas/ dper bya ba las 'das pa'i bde ba'i bsam gtan gang la gnas na/ 'jig rten gsum gyis 'og sa stengs sa bla gsum du gnas pa rnams kyis kyang bdag la mi gnod de/ gang gis skad cig de la mi 'gyur ba'i bde ba'i ye shes su ma gyur pa gang yang med pa'i phyir ro/ /gzhan yang khams gsum 'di dag ni/ bdag dang bdag gis 'dzin pa'i lcags sgrogs gis bcing pas gnod par 'gyur la/ dbang phyug chen po 'di ni/ rang gzhan cha yi rnam rtog gis/ /gnod pa nyid du 'gyur ba min/ zhes pa'i don to/ /'di na byis pa phal cher ni 'jig rten pa rnams kyis rig byed sde bzhi dang/ grub pa'i mdza' du ma dang/ 'jig rten lta bu'i grub pa brgyad la sogs pa shes pas grol bar 'dod de/ gang de ni mes po chen pos bkag ste/ 'di ltar/ thams cad rig byed grub mdza' dang/ /de bzhin las rgyas la sogs las/ /srid par dag pa'i dngos grub min/ /slar zhing srid par skye bar 'gyur/ /zhes gsungs pa ste/ nges pa'i don to/ /'jig rten 'di dang pha rol tu/ /de med pas na dngos grub med/ /ces bya ba ni 'di ltar brjod pa dang bral ba'i dngos grub kyis dman pa'i byis pa ni 'khyam zhing rnam par 'khyams par 'gyur la/ de'i dbang gis sdug bsngal rgyun mi 'chang pa yang yin no/ /de bas na thar bar bya ba'i phyir 'jig rten pa'i dbang phyug chen po brgyad la sogs pa la 'dod cing zhen pas gnas par mi bya'o/ /gang gis mi shes kye rdo rje zhes bya ba ni gong du bstan pa de lta bu kye'i rdo rje mi shes pa'o/ /de ni ngal ba don ma de 'gyur zhes bya ba ni/ gang gis spros pa'i mtshan ma mi mnga' ba'i kye'i rdo rje dang bral bas lus dang ngag dang yid kyi spyod pa bskal pa bgrang ba las 'das par sbyad kyang 'bras bu dang bral ba'o/ /zhes bya'o bo'i rgyun ltar rab 'bab pa/ zhes pa ni nyan thos dang rang rgyal ba la sogs pa lam la gnas pa dag ni chu bo lta bu'o/ /gzhan du na byis pa rnams la nyan dang mtshan du chu bo gang gi rgyun kha 'og tu bltas te 'bab pas/ mtshan ma'i rtog pa byung ba yin no/ /mar me'i rtse mo lta bur bcing/ zhes pa ni de ltar lam gnyis la gnas pa'i rnal 'byor pa yang dmigs pa'i lam la gnas par 'gyur bas rang rang gi lam bcad pa yin no/ /de bzhin du kha thur du bltas pa'i chu bo yang mar me'i rtse mo ltar dbyer med pa'i lam du bsgyur bar bya ste/ chu bran mdog dang ro dang dbyibs tha dad pa gaM gA si tal sogs pa phyi'i dug can du chud pa na tha mi dad pa bzhin no/ /rtag tu de nyid rnal 'byor gyis/ /nyin dang mtshan du rnam par bzhag /ces bya ba ni dngos po rnams ro gcig pa'i de kho na nyid la spyod lam thams cad du bzhag ces bya ba'i don to/ /'dir mang smras pas ci zhig bya/ /blo yi yul du gang gyur pa/ /de dag ro mnyam bsgom par bya/ /mkha' ltar khyab pa'i dngos grub 'byung/ /kye'i rdo rje'i nged pa'i don gyi rgya cher bshad pa las/ rnal 'byor ma'i 'khor lo'i rgya cher bshad pa ste brgyad pa'o// //dngos med ngo bo las byung ba/ /rdo rje can la phyag 'tshal nas/ /rnam dag le'u rgyas bshad ni/ /rdo rje snying pos bri bar bya/ /'di ltar ma sbyangs pa'i dug la sogs pa'i dngos po ni gsod par byed pa kho na bas/ skyes bu blo dang ldan pa rnams kyis de sbyad ba'i rigs so/ /de bas 'di ltar gsang chen rnam pa gsum gyi tshul gyis lus dang ngag dang yid rnam pa gsum rnam par dag par bya'o/ /de lar zhig /de nas mchog tu rnam par dag pa'i le'u bshad par bya'o/ /zhes bya ba ni rnal 'byor ma'i 'khor lo bshad pa'i rjes thogs su zhes bya ba'i don to/ /nges par dngos pos thams cad kyi zhes pa ni khams gsum pa'i dngos po thams cad do/ /dag pa de bzhin nyid du brjod/ /ces pa ni dngos po'i dug sel bar byed pa'i sman mi 'gyur pa'i de bzhin nyid kho na yin no/ /de yang re zhig byis pa rnams kyis rtogs par bya ba'i phyir/ phyis nas re rer phye ba yis/ /lha rnams kyis ni brjod par bya/ zhes bya ba la bskyed pa'i rim pa'i phyogs la/ aoM shU n+ya tA zhes pa la sogs pas ni/ nges par dngos po thams cad sbyong ba yin la/ de bzhin du gzhal yas khang dang lha la sogs pas brtags pa ni drang ba'i don to/ /de ni 'di nyid de/ phyi nas re rer dbye ba yis/ /lha rnams kyis ni brjod par bya/ /phung po lnga dang dbang po drug /skye mched drug dang 'byung chen lnga/ /rang bzhin gyis ni rnam par sbyad/ zhes bya ba ste/ mi rgyu ba'i khams rnams gzhal yas khang du brtag cing rgyu ba'i khams rnams lha ru brtag pa ni re zhig rnam par spyang pa'o/ /de las phung po lnga dang zhes bya ba ni/ gzugs nas rnam par shes pa'i bar du phung po lnga po rnam snang la sogs pa lnga ru sbyad? do/ /de bzhin du dbang po dang skye mched dang/ 'byung ba chen po la sogs pa rnams/ byang chub sems dpa' rnams dang/ rig ma lnga rnams su sbyang ngo/ /nyon mongs shes bya'i sgrib sbyang bya/ /rang rig bdag nyid dag pa nyid/ /dag pa gzhan gyis rnam grol mi/ zhes bya ba la sbyad bar bya'i dgos pa ni/ nyon mongs pa dang shes bya'i sgrib pa sbyad ba'i phyir ro/ /de la ji ltar dag par bya zhe na/ rang rig bdag nyid ces bya ba smos te/ gzugs la sogs pa ngo bo nyid kyis skye ba med par shes pa gang yin pa ni/ dag pa zhes de la brjod de/ de ma rtogs pa gzhan gyis dag par mi bya ba ni nges pa'i don to/ /de bas de'i phyir/ yul gyi dngos por dag pa'i phyir/ rang gis rig pa'i bde ba'i mchog /gzugs la sogs pa'i yul rnams dang/ /gzhan yang rnal 'byor pas mthong ba/ /dngos po de kun dag pa ste/ /'di ltar 'gro ba sangs rgyas bdag ces bya ba la 'di ltar byis pa rnams kyis rtogs par bya ba'i phyir/ /gzugs la sogs pa rnams ngo bo nyid kyis sangs rgyas gtso bo la sogs pa ste 'di ltar gzugs rnam par snang mdzad zhes pa la sogs pa'i tshig gis so/ /de'i phyir dpag bsam gyi shing dang bum pa bzang po dang yid bzhin gyi nor bu dang ral gri la sogs par snang zhing don byed pa'i yul rnam par sbyad ste byis pa rnams la drang bar gsungs so/ /kye bcom ldan 'das rnam par ma dag pa gang lags/ zhes bya ba ni bcom ldan 'das la rdo rje snying pos gsol ba btab pa/ gong du bcom ldan 'das kyis gzugs la sogs pa'i yul dang/ mig la sogs pa'i dbang po rnams ni gdod nas sangs rgyas lags na/ de las gzhan pa'i dngos po gnyis pa bdag gis ma mthong zhes pa'i don to/ /bcom ldan 'das kyis bka' stsal pa/ zhes bya ba ni rdo rje'i snying po'i lan du'o/ /gzugs la sogs pa'o zhes bya ba ni gzugs la sogs pa 'di nyid byis pa rnams la rnam par ma dag pa yin te 'di ltar gsod pa'i phyir ro zhes pa'o/ /de ci'i slad du zhe na/ zhes pa ni rdo rje snying pos slar gsol pa'o/ /gzung ba dang 'dzin pa'i dngos po'i phyir ro/ /zhes bya ba ni byis pa'i skye bo rnams bdag dang bdag gir 'dzin te 'di ltar skyes bu dang rang bzhin du 'dzin cing/ de bzhin du 'gyur ba dang/ de bzhin du sgra dang snyan ngag dang byed pa'i tshig la sogs par 'dzin pa'i phyir ro zhes dgongs so/ /kye bcom ldan 'das gzung ba dang 'dzin pa gang lags/ zhes bya ba ni gang gis gang la ji ltar 'dzin zhes zhus pa'o/ /bcom ldan 'das kyis bka' stsal pa/ zhes pa ni lan du'o/ /mig gis gzugs la 'dzin par byed/ /sgra la rna bas nyan par byed/ /sna yis dri la snom par byed/ /lce yis ro la myong bar byed/ /dngos po kun gyis reg par byed/ /ces gsungs te/ byis pa rnams ni yul dang yul can dang/ bdag dang bdag gi dang bde ba dang sdug bsngal gyi tshul du yul rnams la 'jug pas/ rnam par ma dag pa yin la rnal 'byor pa mkhas pa ni/ de nyid thabs kyis 'jug par byed de/ des rnam par dag go /'di ltar bde ba dang sdug bsngal thams cad ni/ bzod ma nas ngo bo nyid kyis stong zhing zhing dben te/ gang gis de ltar shes pa de ni rnam par sbyangs pa ste nges pa'i don to/ /des na yid kyis bde sogs thob pa rnams/ /dag pas dug med byas nas ni/ /bsten bya 'di dag bsten par bya zhes bya ba la rnal 'byor pa mkhas pa dang/ byis pa'i rang bzhin can dag gis 'di ltar rim pa bzhin du bden pa gnyis la brten te/ rnal 'byor pa mkhas pas kyang sgyu ma'i dpe bcu gnyis dang/ dam tshig gi 'khor los kun rdzob kyi bden pa mi spang ste/ rang rang ji ltar 'dul ba bzhin du dkyil 'khor gyi 'khor lo bstan to/ /de bzhin du las dang po pa dag gis ni bdag dang bdag gir 'dzin pa ni/ 'di lta ste/ rus dang rigs dang rgyu dang cho 'brang du 'dzin pa las bzlog ste/ rdo rje'i rigs zhes bya ba kun rdzob kyi mngon par dbang bskur ba bdun la gnas te/ gtsang ba dang mi gtsang ba'i rtog pa las rim gyis bzlog par bya ba'i phyir/ rigs bzhi po rnams nang phan tshun du go dang/ ku la sogs ba'i bza' ba dag thun mong du bza' zhing/ rigs dang rigs ma yin pa la bgrong par bya ste/ ma dang sring mo la sogs pa rnams dang lhan cig tu gnas par bya ba ste/ gang des tha mal pa'i rnam par rtog pa cher rags pa rnams las ldog go /de bas na rdo rje'i rigs ni mngon par dbang bskur ba bdun nyid kyis ming 'thob po/ /des na bdag cag rnams kyis phung po dang khams dang skye mched dang dbang po dang 'byung ba dang/ 'byung ba las gyur pa ji snyed pa dang/ de bzhin du las dang las kyi dbang po'i bya ba rnams lha nyid du brtag gi /de las gzhan gyi tshul du ma brtag ste/ de ltar na dang po'i las can gyi rnal 'byor pa rnams kyis/ gzugs phung rdo rje ma yin te/ /tshor ba la yang dkar mor brjod/ /'du shes chu yi rnal 'byor ma/ /'du byed rdo rje mkha' 'gro ma/ /rnam shes phung po'i tshul gyis ni/ /bdag med rnal 'byor ma gnas so/ /rtag tu 'di dag rnam dag pas/ /de nyid rnam 'byor pas 'grub 'gyur/ /zhes gsungs te/ 'di ltar shel gyi nor bu'i nye 'khor du kha dog gang dang gang gzhag pa de dang de'i kha dog tu 'gyur ba bzhin no/ /rdo rje 'chang chen pos kyang byang chub sems dpa' rdo rje dbyings zhes bya ba la/ rigs kyi bu sems de ni ji ltar sbyangs pa de ltar 'gyur ro zhes gsungs so/ /'di'i phyir na phung po lnga lha mo lnga ru brtag par bya ste/ nang gi tshul du bstan par ni/ /rnal 'byor ma'i 'khor lor rgyas bar bstan to/ /de ni nang gi 'phar ma ste/ phung po lnga dag pa'o/ /yul rnams lha ru brtag par bya ba'i phyir/ de nas phyi'i 'phar ma bshad/ /dbang ldan du ni puk+ka sI/ /mer ni de bzhin ri khrod ma/ /bden bral gdol pa mo gzhag cing/ /rlung du g.yung mo rnam par gzhag /ces pas ni 'byung ba bzhi'i lha mo bstan to/ /de bzhin du yul gzugs la sogs pa 'byung ba bzhi'i lha ru brtag pa ni 'di lta ste/ dbang dkar gshin rjer chom rkun ma/ /chu yi phyogs su ro langs ma/ /lus ngan du ni g+hasma rI/ /zhes pas bstan to/ /gzhan yang/ 'og tu sa spyod ma zhes brjod/ /steng du mkha' spyod ma zhes bshad/ /ces pa ni phyi nang gi tshul gyis gong du rgyas par bstan to/ /bskyed pa'i rim pa nyid kyi phyogs zhes bya ba ni de ltar brjod pa'i rim pas las dang po pa rnams la bstan pa'o/ /srid dang zhi ba'i rang bzhin gyis/ /zhes bya ba la/ srid pa? nam mkha' spyod ma yin la zhi ba ni sa spyod ma yin no/ /de yang rgyud gzhan las ji skad du/ srid pa ni dpral ba yin zhing mya ngan las 'das pa ni/ nor bu'i mgrin pa las zags par 'gyur ba'o zhes gsungs so/ /lha mo 'di gnyis rnam par gnas/ /zhes bya ba ni srid pa dang zhi ba'i rang bzhin du steng dang 'og gi lha mo gnyis shes par bya'o/ /bskyed pa'i rim pa la rnam par dag par bstan pa byis pa rnams kyis rtogs par bya ba 'di lta ste/ gzugs la dkar mor brtag par bshad/ /sgra la chom rkun ma ru grags/ /dri yi cha la ro langs ma/ /ro la g+hasma ri ru grags/ /zhes bya ba gsungs te/ byis pas brtags pa'i dngos po bzhi po rnams de ltar mos par byas te goms pa las kun rdzob du gsang ba la sogs pa grub pa yang yin la/ las 'di bzhi'i nges pa'i don bstan pa ni/ rtsa ba'i rgyud las 'di lta ste/ rdo rje snying bo lus can rnams kyi rang gi lus las 'byung ba'i byang chub kyi sems kyi chus nyon mongs pa'i gdung ba zhi bar byed pa ni zhi ba'o/ /snga na med pa'i bde ba gya nom pas lus dang ngag dang sems rgyas pa'i phyir rgyas pa'o/ /lus dang ngag dang yid sdug bsngal ba las bzlog ste bde bas dbang du byas pa'i phyir dbang ngo/ /de'i stobs kyis srog nyi khri chig stong rgyu ba dang/ byang chub sems kyi thig le kha thur du bltas pa'i rgyu ba gsod pa'i phyir mngon spyod do/ /de bzhin du zhi ba chu yis bsam gtan dpral bar bsam pa dang/ dbang me'i bsam gtan mgrin par bsam pa dang/ bsad pa rlung gi bsam gtan snying kha dang/ rgyas pa sa'i bsam gtan lte bar gnas/ zhes gsungs so/ /reg la sa spyod ma zhes bshad/ /chos kyi dbyings la mkha' spyod ma/ zhes bya ba ni phyi dang nang gi tshul gyis rnam par shes pa nam mkha' i khams zhes bya ba srog gi rlung steng nas rgyu ba rnal 'byor gyi rgyud kyi de kho na nyid de 'dus pa la sogs pa'i de kho na nyid du bstan zhing pha'i sems zhes su bstan no/ /de bzhin du sa spyod ma zhes bya ba ni mchog tu mi 'gyur ba'i ye shes kyi khams shes bya ba/ lus can rnams kyi khu ba'i thig le 'og tu 'jig pa'i bde ba rnal 'byor ma'i rgyud kyi de kho na nyid de/ kye'i rdo rje la sogs pa'i de kho na nyid du bstan cing ma'i sems shes su bstan to/ /de ni dang po'i sangs rgyas kyi rgyud ces bya ba las kyang ji skad du/ steng 'og sems kyi rtsa gnyis ni/ /sa bon 'bab dang mun pa can/ /thabs kyi thugs ni mun pa can/ sa bon 'bab pa shes rab kyi/ /zhes gsungs te/ rdo rje'i tshig 'dis don 'di khong du chud par bya'o/ /de bzhin du rtag tu 'di rnams rnam dag pas/ /de nyid rnal 'byor pas 'grub 'gyur/ zhes bya ba ni drang ba dang nges pa'i don gyi dbang gis/ rim pa bzhin du yid la byas nas/ 'jig rten dang 'jig rten las 'das pa'i de kho na nyid rim bzhin du 'thob par 'gyur zhes bya ba'i don to/ /gzhan yang phyag gi dag pa stong pa nyid/ /bdud rnams dag pas zhabs rnams te/ /rnam par brgyad kyi zhal rnams yin/ /spyan gyi dag pas rdo rje gsum/ zhes bya ba ni rim pa bzhin du zla ba mar ngo'i chos can stong pa nyid bcu drug dang/ 'jig rten pa'i sang pa la sogs pa'i chos can gnas skabs bzhi 'gags pa dang/ chos kyi 'khor lo thun mtshams brgyad kyi mtshan nyid can dang/ sku gsung thugs kyi mtshan nyid can/ aoM A:hUM zhes pa dang/ gzhan yang sa ni puk+ka sI zhes bshad/ /chu khams rngon pa ma zhes brjod/ /me ni gtum mor shes par bya/ /rlung ni g.yung mor rab tu grags/ zhes pa ni las rnam pa bzhi'i tshul gyis phyi dang nang du rtogs par bya ste/ drang ba'i don ni 'di ltar rtsa ba'i rgyud nyid las/ ji skad du/ srog ni rdo rje'i rigs kyis bcad/ /don yod grub pas brdzun du smra/ /rin po che yis brku bar bya/ /dpag med 'od kyi mi tshangs spyad/ /ces gsungs te/ de ji lta ba bzhin du shes pas ni/ dngos grub gnyis kyi rgyur dgongs so/ /de bzhin du gtso bo dang phal pa'i dbye bas/ zhe sdang zhes bshad rdo rje ma/ /'dod chags chu yi rnal 'byor ma/ /phrag dog rdo rje mkha' 'gro ma/ /ser sna gsang ba'i dkar mo nyid/ /de bzhin gti mug rdo rje ma/ /zhes bya ba ni rim pa bzhin du mi bskyod pa dang/ rin chen 'byung ba dang/ don yod grub pa dang/ dpag med 'od dang/ rnam snang mdzad la sogs pa rnams su rnal 'byor sde gnyis kyis rtogs par bya bar gsungs te/ 'on kyang skabs 'di las byis pa'i rnal 'byor pa rnams kyis rtogs par bya ba'i phyir gsungs pa yin te/ ci mngon zhe na/ zhe sdang la sogs rnam spyod pa/ /bskyed pa'i rim pa'i phyogs la ni/ /'dis ni phung po sbyang bar bya/ /zhes gsungs pa'i phyir ro/ /de ltar brjod pa'i rim pas rnal 'byor pa mkhas pa rnams kyis kyang/ bden pa gnyis dang rim pa gnyis kyi tshul la brten te/ byis pa rnams kyis sems grol par 'gyur ba de ltar chos bstan par bya ba ni/ de bzhin gshegs pa'i nges pa'o/ /de pas de'i phyir rtsod pa rab tu rgyas pa'i dus 'dir yang/ 'dod chags kyis 'dul bar 'os pa rnams la/ 'dod chags kyi chos bston par mdzad pa yin no/ /gang dang gang gis 'jig rten 'ching 'gyur ba/ /de dang des ni 'ching pa las grol te/ /de nyid mi shes 'jig rten mi grol zhing/ /de nyid rnams spangs dngos grub rnyed mi 'gyur/ /zhes bya ba ni thugs rje chen po mnga' ba'i dpa' bo rnams kyi thabs de nyid mchog tu gzigs te bstan pa yin pa de'i phyir/ tshig dang yi ge 'dis re zhig byis pa rnams 'dren par mdzad de/ gzhan dag gis brnyas par mi bya'o/ /rgyud 'di nyid las kyang ji skad du/ dper na rna bar chu zhugs la/ /chu gzhan gyis kyang gdon par bya/ /gzhan yang me yis tshig pa la/ /slar zhing me yis gdung bar bya/ /de bzhin 'dod chags mes tshig la/ /'dod chags nyid kyis gdung bar bya/ zhes gsungs so/ /de'i phyir dri med sgra med gzugs nyid med/ /ro dang sems kyis rnam par dag pa med/ /reg med chos med thams cad rnam par dag /rang bzhin dag pa'i 'gro la 'gro bar shes/ /zhes bya ba gsungs te/ dang por nyon mongs pa rnams kyi rang bzhin thog mar bstan par byas nas/ phyis de nyid thabs kyis rim bzhin spang bar bya zhes bya ba ni/ de bzhin gshegs pa'i gdams ngag yin la/ rtsa ba'i rgyud las kyang ji skad du/ gang gang sgra dang cha byad kyis/ /'gro ba rnams ni 'dul 'gyur ba/ /de de'i sgra dang cha byad kyis/ /rdo rje 'dzin rnams chos ston mdzad /ces gsungs ba dang / gzhan yang ji skad du /tshangs dbang khyab 'jug 'dod lha dang/ /drag po sred med bu la sogs/ /de rnams gzugs kyang re zhig bsngags/ /'di rnams 'jig rten dbugs 'byin yin/ /zhes gsungs so/ /gzhan yang kye rigs kyi bu dag gnyis gnyis sprod pa la sogs pa'i nyon mongs ni/ ngo bo nyid kyi nyon mongs pa'i rang bzhin ma yin gyi/ skyes bu rnams kyi bsam pa'i bye brag las nyon mongs par bstan pa yin no/ /zhes gsungs pas don de dag thams cad de ltar rtogs par bya'o/ /kye'i rdo rje'i nges pa'i don gyi rgya cher bshad pa las/ rnam par dag pa'i le'u'i rgya cher bshad pa ste dgu pa'o// //ngo bo nyid chos longs spyod rdzogs/ /sprul pa'i sku ni mtshan nyid can/ /grub pa rnam bzhi ster mdzad pa/ /rdo rje mgon po bdag phyag 'tshal/ /sgrub po rnams la phan pa'i phyir/ /gang gis slob ma dbang bskur ba'i/ /rgyas bshad dri ma med pa dag rdo rje snying pos legs par bstan/ /de nas ji ltar dkyil 'khor gyi/ /rim pa yang dag rab tu bshad/ /ces bya ba smos te/ de la rdo rje slob dpon gang gis slob ma gang zhig dkyil 'khor du gzhug par bya ba'i phyir/ gdod ma nyid du rang dang slob ma nyid kyi rnam par rtog pa las byung ba'i bgegs bsal bar bya'o/ /de yang 'di ltar gza' bzang ba dang/ chos bzang po dang/ skar ma bzang po dang sbyor ba dang byed pa shis pa dag la cho ga brtsam par bya ba ni/ de bzhin gshegs pa'i nges pa ste/ 'jig rten dang 'jig rten las 'das pa'i dbang gi bye brag blo la legs par bsdogs la/ brtsam gyis gzhan du ma yin no zhes bya ba'i don to/ /gang gis slob ma dbang bskur ba'i/ /cho ga rab tu bshad par bya/ /zhes bya ba ni mdor bstan pa'i tshig go /de yang 'di ltar sngon du rdo rje slob dpon 'jug pa'i phyir/ dang por lha yi dngos byas te/ /hUM las rdo rje 'bad byas pas/ /rnal 'byor can gyis sa sbyangs te/ /phyi nas dkyil 'khor bri bar bya/ /zhes bya ba la dang por rdo rje slob dpon nyid khams gsum las rnam par rgyal ba'i khro bo'i bdag nyid kye'i rdo rje zhal gcig phyag gnyis par hUM gi sa bon las bskyed de/ bsrung ba'i 'khor lo la sogs pa bya zhing sa legs par spyangs la/ ting nge 'dzin gyis dkyil 'khor du rang nyid 'jug par bya zhes bya ba nges pa'i don to/ /gnas kyi khyad par bstan par bya ba'i phyir/ skyed mos tshal dang dben gnas dang/ /byang chub sems dpa' i khyim dag dang/ /khang stong dag ni lding khang du/ /dkyil 'khor mchog ni bri bar bya/ /zhes pas bstan te/ 'di ltar gnas 'di dag ni bkra shis pa dang/ yid dga' ba dang/ dngos grub myur du ster bar byed pa yin pas 'bad pas btsal bar bya ba yin no/ /gnas der sa'i dkyil 'khor gyi stegs bu ji tsam 'dod par brtsigs la/ rgyud nas 'byung ba'i thig gis 'khrul pa med par thig btab la/ rdul tshon btang bar bya'o/ /rdul mtshon mchog gi bri ba 'am/ /yang na par par gyur pa ste/ /rin chen lnga'i phye ma dang/ /yang na 'bras phye la sogs so/ /zhes bya ba la rdul tshon ni rnam pa gnyis te/ byi ru la sogs pa rin po che lnga'i phye ma mchog tu bstan la/ de ma 'byor pas 'bras phye la sogs pa tshon gyis bsgyur bas kyang bri bar bya zhes bya ba'i don to/ /de la dkyil 'khor khru gsum dang/ /sor mo gsum gyi lhag par bya/ /zhes bya ba ni/ lus ngag yid gsum gyi dbye bas sam/ yang na rdul dang mun pa snying stobs kyi tshul gyis tshad bstan pa'o/ /der ni rigs lnga las byung pa'i/ / rig ma bzang mo rnam par gzhug/ ces bya ba ni de ltar dkyil 'khor cho ga bzhin du bris la/ sngags 'chang rang nyid chu zla lta bu'i bsam gtan dang ldan pas/ rdul tshon gyi dkyil 'khor byin gyis brlab cing rang nyid legs par zhugs la/ de'i rjes su slob ma dag la bsnyen gnas kyi sdom pa dang/ phyi'i dam tshig gi sdom pa byang chub mchog tu sems bskyed pa la sogs pa sngon du 'dzin du bcug la de'i rjes su 'jig rten pa'i dbang rnams bye brag bzhin sbyin par bya ste/ de yang 'di ltar byis pa rnams drang bar bya ba'i phyir rdo rje slob dpon gyi dbang zhes bya ba yongs su rdzogs par bya'o/ /de nas byis pa rnams la 'dod chags kyi lam bstan par bya ba'i phyir 'og nas ston bzhin pa'i bu mo rigs lnga'i rtags can gsang ba'i theg pa la mchog tu gzhol ba sngon du legs par sbyangs la/ dkyil 'khor du gzhug go /de yang ji ltar nyi ma'i lo dang ldan pa dang/ rgyal po'i lo dang ldan pa dang lo nyi shu dang ldan pa rnams sku gsung thugs kyi lo'i bye brag gis phye la/ dkyil 'khor du gzhug gi / nyi ma'i lo dang ldan pa yod bzhin par rgyal po'i lo la sogs pa mi gzhug go /'on te nyi ma'i lo dang ldan pa med par gyur na/ rgyal po la sogs pa'i lo dang ldan pa gzhugs par bya ste/ 'di ltar yang na ji ltar gang rnyed de/ de ltar bcu drug lon pa nyid/ /ces bya ba gsungs te/ 'di ltar bde ba dam pa ster ba'i nyi ma'i lo'i phyag rgya ni mchog tu bstan la/ rgyal po'i lo ni 'bring po yin no/ /nyi shu'i lo ni tha ma yin par gsungs pa'i phyir ro/ /ji srid khu ba ldan gyur pa/ /de srid phyag rgya bstan par bya/ /zhes bya ba ni 'di ltar don gnyis su go bar bya ste/ bud med rnams kyi bde ba'i rgyur 'gyur pa ni nyi ma'i lo nas 'byung ba yin gyi/ de las snga par ni ma yin no/ /de bzhin du nyi shu 'das nas de nyid 'jigs pa'i phyir dang/ gzhan yang rig sngags 'chang dang/ rdo rje slob ma dag gis 'gyur ba'i bde ba ji srid nyams su myong bar 'gyur pa de srid du bsten par bya ba yin pas/ de skad ces bya'o/ /phyag rgya'i gdong yang bcing ba dang/ thabs kyi gdong yang de bzhin te/ zhes bya bas ni bu mo dang skyes bu dang dbang bskur ba dag phan tshun du gdong g.yogs bya pa ni go cha'o/ /bsten pa de las gang 'byung ba/ /slob ma'i khar ni ltung bar bya/ /zhes bya ba ni rig sngags 'chang gi slob dpon gyis/ yu ba ti la ji lta ba bzhin du brten par byas la/ gu hya ba ra ta ka na gnas pa'i sems kyis mtshal dang mnyam par bsres la slob ma'i kha'i lam nas longs spyod rdzogs par sbyar la gsung gi rang bzhin du bstan par bya ba nyid gsang ba zhes bsgrags so/ /ro mnyam slob ma'i spyod yul nyid/ /de nyid la yang bya bar bya/ /rang rig ye shes nyid du 'gyur/ /zhes bya ba ni de ltar gsang ba zhes bya ba rtogs par byas la/ 'jig rten pa'i 'dod chags kyi de kho na nyid ji lta ba bzhin du bstan par byas la/ gang gis gnas su mtshon par 'gyur ba'i gnas su brtag pa'i rgyal po dang/ thugs kyi bdag po dag gi mtshams phra ma gzhug par bya ba ste/ rdo rje 'chang gi bka' lung ngo/ /des te phyis ni phra ma btang la/ tshogs kyi mchod pa chen po byas la/ 'dod chags kyi bstan bcos 'og nas 'byung ba ma lus pa byas la yang bla ma chen po rig sngags 'chang las de las gong du gyur pa'i 'o ma bsgrub pa'i rim pa/ srog dang rtsol bas btsal bar bya'o/ /de nas gang du mtshon byed gsal pa kho na de la/ rang rig ye shes nyid du 'gyur zhes gsungs te/ gang de ni shes rab ye shes kyi de kho na nyid de de lta bur ston cing gsal bya bya pa ni/ rig sngags 'chang gi las yin la/ brtan par gnas shing bdud kyi yul spong ba ni slob ma las so/ /de ltar rgan po ltar yul ring bar gnas pa'i ye shes rang rig pa spangs te/ ye shes chen po la 'jug par bya'o/ /de ni ji skad du/ rtsa ba'i rgyud las/ rang rig ye shes rnam spangs la/ /mtshon du med pa mtshon bya ste/ /sgra dang thig le rnam par spangs/ /yi ge las 'das mtshan nyid do/ /zhes gsungs la/ de bzhin du gzhan yang mtshan yang dag par brjod pa las kyang/ ji skad du/ bdag rig gzhan rig thams cad pa/ /kun la phan pa'i gang zag mchog /dper bya kun las 'das pa ste/ /shes dang shes bya'i bdag po mchog /ces gsungs pa de bas na/ 'jig rten lta bu'i ye shes rang rig pa spangs la/ mi 'gyur ba'i bde ba chen po bsgom par nges so/ /de'i phyir rang gzhan yang dag rig pa spangs/ /mkha' mnyam rdul bral stong pa nyid/ /dngos dang dngos med bdag nyid mchog /thabs dang shes rab shin tu 'dres/ /chags dang chags bral rnam par 'dres/ /zhes bya bas bstan te/ 'di ltar 'jig rten pa'i 'dod chags gang yin pa ni 'jig pa dang 'gyur ba dang/ rang nyid 'ba' zhig rig pa dang/ phyogs gcig pa dang/ dngos po dang dngos po med pa'i bdag nyid tha dad pa dang/ thabs dang shes rab ces yang dag pa ma yin par brdar bstan cing cher ma 'dres pa dang/ chags pa dang chags pa bral pa'i phyogs ches tha dad pa'i phyir gang de spangs la mi 'gyur ba'i bde ba bzhi pa zhes bya ba bsgom par nges so/ /de bas de'i phyir lhan cig skyes pa'i ye shes chen po 'di nyid lus can rnams la 'khor pa las 'don cing rig pa 'dzin pa'i gnas su 'khrid de/ dbugs cher 'byin pa yin te/ 'di ltar/ de nyid srog chags rnams kyi srog / de nyid mchog tu mi 'gyur pa/ /de nyid 'gro ba'i bdag nyid de/ /de nyid kun la khyab pa po/ /zhes gsungs te/ 'di ltar 'gyur ba med pa'i bde ba chen po gang yin pa'i de ni/ sangs rgyas thams cad kyi sku dang gsung dang thugs kyi mchog tu gsang ba ste/ 'jig rten phal pa'i bdag tu lta ba thams cad sun 'don cing ma rungs par byed pa yin no/ /de bzhin du 'khor ba pa rnams la lus la gnas pa'i khu bas rtogs par byed de/ khu ba med na rtogs par mi 'gyur te/ khu ba la brten de rtogs par bya ba ni 'dod chags kyi chos kyi tshul lo/ /des na thams cad lus la rnam par gnas/ zhes gsungs so/ /de bzhin du dngos dang dngos po med pa rtogs par byed pa dag byang chub sems kyi khu ba de nyid las 'byung ste/ / 'di ltar khu ba thung du bltas pa las/ bdag dang bdag gir 'dzin pa'i gzhi 'byung la/ khu ba de nyid gyen du bltas shing rgyas pa las ni/ chos thams cad kyi mdo dang rgyas pa rtogs par 'gyur ro/ /de lta bas na/ dngos dang dngos med de las 'byung/ /gzhan dang gang rnams de rnams dang/ /rnam par shes pa kun gyi tshul/ /skyes bu sngon rabs dbang phyug dang/ /bdag dang gso ba sems can dang/ /dus dang gang zag nyid dang ni/ /dngos po kun gyi rang bzhin 'di/ sgyu ma'i gzugs kyi yang dag gnas/ /zhes gsungs te/ de ltar byang chub sems kyi khu ba thur du zags pa las grub pa'i mdza' dang/ lta ba thams cad dang/ snyan dngags dang/ lo rgyus kyi chos dang/ phywa dang dbang phyug dang byed pa po la sogs pa du ma 'byung bar grags so/ /de lta bas na lus kyi rten 'bad pas bsrung bar bya zhing 'di ltar gnas pa rnams sgyu ma lta bur shes par bya zhes dgongs so/ /gang sgyu ma lta bu de nyid rtogs par bya ba'i phyir/ dang po dga' ba tsam nyid de/ /gnyis pa'i grangs las mchog dga' nyid/ /gsum pa la ni dga' bral nyid/ /bzhi pa lhan cig skyes par brjod/ /ces bya ba las 'di ltar lus la gnas pa'i khu ba nyid nang du dga' ba bzhi'i tshul du brten pas sgyu ma'i gzugs 'thob par 'gyur ba ni/ 'dod chags kyi chos kyi tshul nyid du bstan de/ de bzhin gshegs pa'i bka' lung ngo/ /de las gzhan yang rdo rje phreng ba zhes bya ba'i rgyud chen po las/ ji skad du/ rang lus ? 'gyur ba med pa de/ /mchog gcig gis ni shes bya ste/ /de ni dpe yis nyer mtshon nas/ /bla ma'i drin gyis shes par bya/ zhes gsungs la/ de bzhin du sgyu 'phrul dra ba las kyang/ bcu drug phyed byed thig le can/ /yan lag med pa'i rtsis las 'das/ /bsam gtan bzhi pa'i rtse mo can/ /bsam gtan yan lag kun shes shing/ /zhes bya ba la sogs pa rgya cher gsungs so/ /rdo rje snying po la sogs kun/ /mkhas pas de skad des thos pas/ /mchog tu ngo mtshar gyur nas ni/ /brgyal zhing sa la 'gyel par 'gyur/ /zhes bya ba ni bcom ldan 'das kye'i rdo rjes rdo rje snying po la sogs pa rnams la 'dod chags kyi tshul gyis chos 'di bstan pa'i tshe/ shin tu ya mtshan du gyur nas sa la 'gyel te/ 'di ltar bcom ldan 'das kyi gsung kha cig tu 'chir bar bstan pa de nyid kyis grol bar bstan cing rang rang gi lus nyid las gzhan du sangs rgyas btsal bar ma gsungs te/ lus 'di nyid las sangs rgyas yod do zhes gsungs na/ kho bo cag gi dang du rtogs par ma gyur grang zhes pa ste/ 'di ltar bcom ldan 'das kyis cho 'phrul bstan pa'o/ /'o na 'dod chags de nyid la rim pa ji lta bu'i tshul gyis bslab par bgyi zhing/ ji ltar 'bad par bgyi zhes/ bcom ldan 'das kye'i rdo rje la zhus pa dang/ bcom ldan 'das kyis lam du gsungs pa/ dang por dga' ba 'gro ba'i gzugs/ /de bzhin mchog dga' 'gro ba nyid/ /dga' bral dga' ba'ang 'gro ba nyid/ /gsum po lhan cig skyes pa med/ /bcom ldan bka' stsal kye'i rdo rje/ /sangs rgyas kun gyi sku gcig pa/ / rdo rje snying pos rtogs bya'i phyir/ /the tshom med par sel ba ni/ /'dod chags med cing chags bral med/ /dbu mar dmigs par mi 'gyur ro/ /gsum po spangs pa nyid kyi phyir/ /lhan cig skyes pa byang chub brjod/ /ces gsungs te 'dod chags kyi tshul gyi tshes de la/ byis pa rnams la skad cig rnam pa bzhi phye bas bde ba'i ro rdo rje slob dpon rig sngags 'chad las shes par 'gyur la/ /de yang 'di ltar rig sngags 'chang gi bka' bzhin du dga' ba gsum po ni/ srid pa gsum po bskyed pa na yongs su dor te/ bzhi pa bsgom par nges so/ /'di ltar dga' ba gsum gyi mtshan nyid can gyi bum pa dang gsang ba dang shes rab ye shes rnams ni 'jig rten lta bu'i bde ba ste/ kun rdzob pa nyid yin pa'i phyir/ yongs su dor la yid nang du chud pa'i bde ba/ 'dod chags dang chags pa dang bral ba dang/ dbu ma spangs pa'i bde ba nyid kyi spyod pa dang grol ba ster ba yin no/ /yang na de nyid thams cad bdag /yang na kun gyi rnam par spangs/ /zhes bya ba ni 'jig rten pa'i dga' ba bzhi char spangs la/ 'jig rten las 'das pa'i dga' ba bzhi po ma lus par bsgom zhes bya ba'i don to/ /'jig rten pa'i bzhi po las/ legs par mtshon par byed pa ni/ dga' ba bzhi po'i 'char pa thams cad kyi yongs su gang ba nyid dang du blang ngo zhes bstan pa'i phyir/ de yang dga' bral dang por mtshan/ /dga' ba gsum po rnam par spangs/ zhes gsungs so/ /'di ltar 'jig rten lta bu'i bde ba dag spangs nas gang gi dus su lhan cig skyes pa chen po la gnas pa de ni/ las dang po pa'i sa las 'das te/ dang po sprin dang 'dra ba yin/ /grub pa sgyu ma lta bur 'gyur/ /zhes bya ba smos te/ dang por bde ba'i ting nge 'dzin gsal ba dang mi gsal ba'i bye brag 'dren par 'gyur ro/ /de'i phyi nas ni bde ba'i ting nge 'dzin gsal ba'i phyogs shas che bar 'gyur la/ mi gsal ba zil gyi non par 'gyur ro/ /de bzhin du nyal dang log pa'i khyad par las/ /rtag tu rmi lam 'dra bar 'gyur// zhes bya ba ni/ de dag gi rjes la dus rtag tu gnyid log pa dang sad pa'i gnas skabs kun la chos thams cad sgyu ma ltar gnas shing/ rnam par rtog pa'i mtshan ma'i ngo skabs rnam pa kun tu mi byed pa 'di ni brtan par gyur pa'i mtshan ma'o/ /de bzhin du rtsa ba'i rgyud chen po las kyang/ ji skad du/ dang po'i sa las 'das pa yi/ /rnal 'byor ting 'dzin gang la gnas/ /ting 'dzin de yi mtshan ma ni/ /rnam pa gsum du rig par bya/ zhes gsungs so/ /de ltar na mtshan ma rnam pa gsum po de dag ni byang chub pa nye bar gzhol bar byed pa'i rtags yin no/ /de bas na/ dngos grub mtshan nyid dbyer med pa'i/ /phyag rgya rnal 'byor pa yis 'grub/ /ces gsungs so/ /da ni sngon du brjod pa'i phyir dkyil 'khor gyi mtshan nyid dang/ dbyibs la sogs pa dang/ thig skud kyi mtshan nyid dang/ rdul tshon gyi mtshan nyid dang/ bum pa dang rdzas la sogs pa bstan pa'i phyir/ ston pas dkyil 'khor 'di skad gsungs/ /gru bzhi yang dag 'bar ba nyid/ /sgo bzhi gzi brjid chen po ste/ /do shal do shal phyed pas brgyan/ /phreng ba sna tshogs rnga yab ldan/ /ka ba brgyad kyis rnam par mdzes/ /rdo rje srad bus mnyam par ldan/ zhes bya ba ni/ sgra ji bzhin pa de rtogs par sla'o/ /gzhan yang/ me tog sna tshogs nye bar brgyan/ / bdug pa mar me de bzhin dri/ /bum pa brgyad la sogs pas ldan/ /de yang yal ga la sogs bcas/ /mgrin pa gos kyis bgab par bya/ /rin chen lnga ni yongs su gzhug /ces bya ba la sogs pa rnams ni dkyil 'khor gyi yo byad bstan pa ste rtogs sla'o/ /rnam par rgyal ba shar du sbyin/ /zhes bya ba ni las thams cad pa'i bum par byin gyis brlabs la/ khro bo bgegs kyi dgra'i sngags kyis byin gyis brlabs pa ni chu nang du blugs la/ dkyil 'khor gyi khang ba'i shar du dgod ces bya ba'i don to/ /rang 'dod lha yi gzugs kyis ni/ zhes bya ba ni/ zhal gcig phyag gnyis pa'i rnal 'byor gyis so/ /gsar pa legs par bsgrims pa dang/ /shin tu tshad ma mdzes pa yi/ /srad bus shes rab can gyis gdab/ /ces bya ba ni ras bal dkar po dri ma med pa la/ blo dang ldan pa'i sngags pas lnga bsgril du bya ste/ de yang de bzhin gshegs pa lnga'i kha dog dang ldan pa'i tshon gyis so sor bsgyur la/ cho ga bzhin rgyal ba rigs lngar byin gyis brlabs la/ phyogs cha ma nor bar thig gdab ces pa'i don to/ /de bzhin du dkyil 'khor gyi lha bsnyen par bya ba ni/ 'khor lo'i bdag po'i bzlas pa 'bum/ /dkyil 'khor can gyi de bzhin khri/ zhes bya ba ni rig sngags 'chang gi slob dpon gyis dkyil 'khor pa bsten par bya ba'i don du/ gtso bo'i rtsa ba'i sngags sngon du 'bum bzlas shing de bzhin dkyil 'khor pa rnams kyi ni khri khri yongs su bzlas te mnyes par bya'o/ /phyogs skyong la dus gsum du gtor ma yang sbyin no/ /de'i rjes su la gdod sa'i mtshan nyid legs bar brtags te/ 'di ltar dkyil 'khor chen po'i cho ga'i tshul du sa sbyang bar bya ste/ 'di ltar/ gong du gsungs pa'i sngags nyid kyis/ /mkhas pas sa ni rnam par sbyang/ /gong gi a sogs sngags nyid kyis/ /de la gtor ma rnam par sbyin/ zhes bya ba ni/ ji ltar gtso bo'i dkyil 'khor sngon du bstan pa'i skabs su gsungs pa ltar skabs 'dir yang de ltar khong du chud par bya'o/ /de bzhin du bsrung ba'i 'khor lo dang/ rang gi lha'i nga rgyal gang dang gang yin pa de dang de'i rnam par sbyang ba dang/ de bzhin du dbang gi bye brag dang mchod pa dang gsol ba gdab pa thams cad sngon bzhin du bya'o/ /khyad par du bdag med ma'i dkyil 'khor ni/ 'phar ma gnyis bzad rnam bris nas/ /ces bya ba tsam gyi bye brag tu byas pa yin gyis khyad par gzhan ni med do/ /de bzhin du lha'i mtshan ma gzhag pa ni/ sngon gyi gtso bo'i dkyil 'khor la g.yas kyi phyag mtshan thams cad dgod pa yin la/ 'dir yang gri gug 'ba' zhig tu dgod par bya'o/ /de bas de'i phyir myur du dkar mo la srogs bri/ /shar du gri gug rnam bris te/ /lho dang nub tu de bzhin no/ /byang dang me yi mtshams dang ni/ /bden bral rlung du de bzhin no/ /zhes bya ba ni/ lha mo'i mtshan ma dgod pa'i tshul te/ 'phar ma rnam pa gnyis la rim pa bzhin du yul dang yul can gyi lha mo rnams kyi phyag mtshan dgod ces bya ba'i don to/ / de bzhin du dbang ldan du ni ci gsungs pa/ /de lta de ltar 'og dang steng/ zhes bya bas ni lha mo'i dkyil 'khor gyi mtshan ma la sogs pa legs par bstan pa yin no/ /da ni slob dpon rig sngags 'chang ba bdag nyid dkyil 'khor du 'jug pa ston te/ 'di ltar/ rdo rje sems dpa' bsnyems byas nas/ /rkang pa g.yas pa brkyang bya ste/ /phyag gnyis kye'i rdo rjer sbyor bas/ /slob dpon dkyil 'khor 'jug par bya/ /zhes bya bas ston te 'di ltar rig sngags 'chang thabs dang shes rab gnyis su med pa'i sbyor bas sems can thams cad la mnyam pa'i snying rje bskyed de/ snying rje'i gar stabs dang ldan pas/ dkyil 'khor du 'jug ces pa'i don to/ /gzhan yang khrus dang gtsang sbra dri zhim lus/ /sna tshogs rgyan gyis rnam par brgyan/ /zhes bya ba yang tshul bzhin du byas la/ rnam par rtog pa'i bgegs gzhil bar bya ba'i phyir/ hUM hUM bsnyems par byas nas ni/ /hUM hIs rnam par 'jigs par byed/ ces bya ba zhal nas brjod cing dkyil 'khor du 'jug pa la sogs pa'i las bya ba ni/ de bzhin gshegs pa'i nges pa'o/ /de nas slob ma 'jug pa'i man ngag bshad par bya ste/ phyi nas de nyid yang dag bshad/ /rnam dag ye shes gzugs can dang/ 'khor ba rnam par rtog pa'i bdag /khyad par cung zad yod ma yin/ zhes bya bas bstan te/ rdo rje slob dpon rig sngags 'chang gis/ gdong ma nyid nas chos thams cad rmi lam lta bu dang/ chu zla lta bu la nye bar gnas te/ slob ma dkyil 'khor du gzhug pa dang/ las rgyas pa thams cad bya ba'i skad cig de la ni ma yin no/ /de ci'i phyir zhe na/ chos thams cad bzod ma nyid nas ngo bo nyid kyis dben pa'i phyir ro/ /de ste gang la 'du shes 'di dag gis dben pa'i skye bo las 'di dag la 'jug cing slob ma sdud pa dag ni/ glang po che smyon pa dang mtshungs te/ rang gi sde brlag par byas nas pha rol gyi sde phung bar byed pa yin no/ /de ltar brjod pa'i tshig gis don gyi khyad par gyis rnal 'byor gyi rgyu ba dang bya ba'i rgyud la 'jug pa'i sngags 'chang rnams kyis khyad par gyi chos kyang 'dir bstan la/ 'dir rnal 'byor chen po la khyad par du lhan cig skyes pa'i ting nge 'dzin gyis khyad par 'phags par bstan te/ 'di ltar gang du lhan cig skyes pa ces pa de ltar sgra gnyis su go bar byas te/ gang zhe na/ dang por byis pa rnams kyis rtogs par bya ba'i phyir dbang po gnyis kyi bde ba'i skad cig la bstan pa dang/ gang du dbang po gnyis kyis bde ba'i skad cig spangs te/ lhan cig skyes pa chen por gang gnas pa 'di ni rig sngags 'chang gi slob dpon chen po yin no/ / de la dgongs nas mchog dgar bsgom pa med cing bsgom pa po yang med/ /lus kyang med cing gzung ba med dang 'dzin pa po yang med/ /sha dang khrag kyang med cing bshad pa dang ni lci ba med/ /skyug bro rmongs med gtsang sbra mchod phyir thogs med dang/ /chags med sdang ba med dang rmongs med phrag dog med/ /ser sna med cing nga rgyal med la mthong bya med/ /sgom dang sgom pa po med bshes dang dgra med cing/ /rlom sems med pa'i lhan cig skyos pa sna tshogs nyid/ /ces bya ba gsungs so/ /rnal 'byor chen po'i don gyi khyad par ston pa'i tshig 'dis ni 'di skad ston te/ mchog la sogs pa'i mtshan nyid can gyi ting nge 'dzin rdo rje nor bur son pa'i khu ba'i bde ba 'ba' zhig lhan cig skyes pa ma yin te/ gang yang de ni byis pa'i skye bo rnams kyis rtogs par bya ba'i phyir gsungs pa yin la/ rig sngags 'chang gi gnas ni gang gi tshe rnal 'byor pa la lus la sogs pa'i 'du shes gzung bar bya ba dang/ 'dzin par byed pa las log pa dang/ de bzhin du gang du rdzas kyi rdo rje la sogs pas phug cing dral na yang sha dang khrag gis gnod pas mi brdzi ba dang/ gang la bshad ba dang gci ba 'byung ba med pa dang/ gang la skyugs pa dang zhag dang/ chu ser dang/ ngar snabs dang/ bad kan med de mi 'byung ba dang/ gang la'ang mi thogs par 'gro zhing brjod pa dang/ chags pa la sogs pa'i rigs can gyi rgyal ba drug tu rtogs pa gang la yang mi 'jug pa de nyid rig sngags 'chang gi khyad par yin par nges pa'i don du bstan to/ /gang de nyid rlom sems thams cad dang bral ba'i lhan cig skyes par yang bstan to/ /gzhan yang sngags 'chang gi slob ma mchog rnams kyi rna ba'i bug par yang 'di nyid blugs so/ /de ci'i phyir zhe na ngo bo nyid kyi gnas pa'i rang bzhin yin pa'i phyir ro/ /gang ngo bo nyid kyi gnas pa'i chos ni/ de bzhin gshegs pa rnams kyis kyang/ bcos shing bsgyur bar yang mi spyod pa de'i phyir ro/ /rdo rje snying pos 'di skad gsol/ /gzod nas rang bzhin med pa yi/ /lus kyi rang bzhin dag pa la/ /ci slad 'byung ba'i bdag nyid lags/ zhes bya ba ni/ 'di ltar phung po dang khams la sogs pa gzod ma nas rang bzhin gyis dag pa lags na ci'i slad du 'byung ba dang/ 'byung ba las gyur pa'i lha dang/ las dang las kyi dbang po'i bya bar brtag ste/ 'di ni chos nyid kyi tshul dang/ mi mthun zhes pa'i don to/ /de bzhin du rnam par 'phrul pa byin gyis brlabs pa'i rgyud ces bya ba las kyang ji skad du/ sangs rgyas mchan ma mi mnga' zhing/ /chos kyi sku la rnam par bzhugs/ /mtshan med 'dus ma byas pa yi/ /mtshungs pa mi mnga' chos gsungs na/ /dpa' bo chen po ci slad du/ /mtshan mar bcas pa'i cho ga 'di/ /gsang sngags spyod pa ston par mdzad/ /'di ni chos nyid tshul ma lags/ /de skad gsol nas bcom ldan 'das/ /rnam par snang mdzad chen po yis/ /de tshe lag na rdo rje la/ /chos kyi mtshan nyid 'di nyon gsungs/ /chos 'di rtog dang bral ba ste/ /kun rtog thams cad spangs pa yin/ /de la sems dang sems 'byung gi /rtog pa rab tu spong bar 'gyur/ nga yis chos sngon sangs rgyas pa/ /de ni mkhas las byung ba ste/ /log par rtog pa'i spyod yul pa/ /byis pa rnams kyis mi shes so/ /yul du mtshan ma la sogs pa/ /mun gyis bsgribs pa rnams 'dod do/ /de dag bzung par bya ba'i phyir/ /cho ga 'di yang brjod pa yin/ /yul med dus kyang med pa ste/ /bya ba med cing byed pa yang/ /chos rnams kun la yod med de/ /chos rnams nyi tshe 'ba' zhig go /zhes gsungs te/ 'di ltar tshul ma lags ces pa yan chad zhu ba'i lung yin la/ de skad gsol nas ces pa la sogs pa ni lan gyi lung du rtogs par bya'o/ /de nas bcom ldan rdo rje can/ /mkha' 'gro bde ba ster bas gsungs/ /zhes bya ba ni rdo rje snying po la lan gsungs pa'o/ /rlom sems mang pa'i rang bzhin dag /thams cad lus la rnam par gnas/ /zhes bya ba la 'di ltar kye rdo rje snying po gang byis pa rnams la ngas khu ba'i gzugs dang/ de'i lam dang rlung dang de'i lam dag spros te/ bstan pa de nyid kho na rig sngags 'chang gi slob dpon mkhas pa rnams la gzod ma nas rnam par dag pa kho nas gnas la/ 'on kyang byis pa so so'i skye bo rnams mtshan ma'i 'du shes kho nas bcings te gnas ces pa'i don to/ /kye bcom ldan 'das ci'i slad du 'byung ba chen po'i phung po lags/ zhes bya ba ni gong du brjod pa nyid de/ kye bcom ldan 'das chos thams cad gzod ma nas dag bzhin pa las/ gsang sngags spyod pa rnams las 'byung ba chen por bstan pa'i dgos pa ci lags ces pa'i don to/ /bcom ldan 'das kyis bka' stsal pa/ bo la kak+ko la sbyor las/ /reg pa'i sra ba chos kyi ni/ /sa ni de las 'byung bar 'gyur/ /byang chub sems ni khu ba'i phyir/ /chu yi khams ni 'byung bar 'gyur/ /bskyod pa las ni drod skye ste/ /g.yo phyir rlung du rab tu grags/ /bde ba'i phyir na nam mkha' i khams/ ces bya ba la/ kye rdo rje snying po chos thams cad de ltar gzod nas dag pa yin gyis kyang 'on kyang/ kun rdzob kyi dngos por rgyu dang 'bras bur mi bslu ba'i chos su gnas te/ byis pa'i skye bo rnams gang du gzung par bstan pa ste gnyis sprad pa na/ 'di lta ste/ lus dang lus su phrad pa la sogs pa na mkhrad par gnas pa sa dang/ sa las chu skye ste/ 'di ltar byang chub sems de nyid chu yin pa'i phyir ro/ /skyod cing g.yos pa las dro pa 'byung ba'i phyir me'o/ /me dang khu ba g.yo ba'i phyir rlung ngo/ /gang du rtog pas dben pa'i bde ba skye ba de'i phyir nam mkha' o zhes pa'i tha tshig go /lnga po rnams su rab tu gnas/ /shes pa ni sprod pa la sogs pa'i dus su de ltar 'gyur ba lnga'i rang bzhin du phyir 'byung ba chen po yin zhes pa'i don to/ /gang phyir 'byung ba che bde ba/ /de phyir bde ba de nyid min/ /zhes bya ba ni 'di ltar rtsol ba'i shugs kyis 'byung ba chen po lnga rim par 'byung ba de'i dbang gis bde ba de'i phyir 'di ni 'jig rten pa'i kun rdzob pa ste yang dag pa'i lhan cig skyes pa ma yin zhes pa'i don to/ /'o na ci zhe na/ lhan cig skyes pas gang skyes pa/ /lhan cig skyes par de brjod bya/ /rang bzhin lhan cig skyes zhes brjod/ /ces bya ba smos te/ 'di ltar bya ba dang spyod pa kun las 'das pa dang/ rang bzhin du gnas pa nam mkha' i mtshan nyid can kho na lhan cig skyes pa ste/ dka' thub dka' spyod kun las 'das shing rang bzhin du gnas pa nyid kyi phyir zhes pa'i don to/ /rtsa ba'i rgyud las kyang ji skad du/ ngo bo nyid du gang gnas pa/ /de nyid lhan cig skyes pa ste/ yi ge las 'das mtshan nyid can/ /ngag gi brjod pa'i lam las 'das/ /ces bya ba gsungs so/ /rnam pa thams cad sdom gcig pa/ /phyag rgya byed pa spong ba'i phyir/ /rnal 'byor snying rje thabs su 'gyur/ /stong nyid snying rje mi phyed pa/ /byang chub sems zhes brjod par bya/ /zhes bya ba la/ sangs rgyas thams cad kyi sdom pa'i bdag nyid gcig pa dang/ las dang ye shes kyi rgyu'i byed pa dang bral ba dang/ rnal 'byor pa la snying rje ste thabs kyi bdag nyid kyi byang chub sems kyi bde ba rgyun ma chad par rgyu ba dang/ nor bu'i stong pa dang bral ba'i snying rje tha mi dad pa dang/ dbye ba med pa'i tshul zab mo gang la/ don dam byang chub kyi sems zhes bya ba lhan cig skyes pa'i ye shes chen por yang brjod par bya'o/ /zhes bya ba'i don to/ /ci mngon zhe na/ sngags bzlas med cing dka' thub med la sreg blugs zer/ /dkyil 'khor pa yang yod min dkyil 'khor yang ni med/ /de ni sngags bzlas dka' thub dang ni sbyin sreg de/ /de nyid dkyil 'khor ba yin de nyid dkyil 'khor nyid/ /mdo du bsdus na sems ni 'dus pa'i tshul can no/ /zhes gsungs te/ gang la sangs rgyas thams cad kyi de kho na nyid la skad cig thams cad zad par bgrang ba'i phyir bzlas pa'o/ /'jig rten pa'i chos brgyad la sogs pa la mngon par zhen pa med par spong ba med pa'i tshul du spong? ba'i phyir dka' thub bo/ /tshig dang yi ge dang sems kyi rgyu ba la sogs pa bsreg pa'i phyir sbyin sreg go /rgyu ba dang ni mi rgyu ba mdza' dag gi snying po la gnas pa'i phyir dkyil 'khor ba dang dkyil 'khor ro/ /de ltar na sems nyid gcig tu bsdus te spyod pa 'di ni lhan cig skyes pa zhes bstan to/ /kye'i rdo rje'i nges pa'i don gyi rgya cher bshad pa las/ dbang gi le'u rgya cher bshad pa ste bcu pa'o// //khams gsum rnam rgyal rang bzhin pa/ /zhal gcig phyag gnyis la btud de/ /lta stangs le'u yi rgyas bshad ni/ /rdo rje snying pos bshad par bya/ /rtsod pa rab tu rgyas pa'i dus 'di na/ 'gro ba dam pa ma yin pa mang po rnams 'byung bar 'gyur bas/ de rnams la khro bo'i cha lugs dang sdang ba lta bus 'dul gyi gzhan du 'jug pa ma gzigs pas zhal gcig phyag gnyis pa lta bu dang/ khams gsum rnam par rgyal ba lta bu dang/ hA lA hA lA lta bu dang/ rta mgrin lta bu dang/ gshin rje gshed po lta bur sprul par mdzad pa yin no/ /de'i phyir lta stangs la sogs pa'i khyad par dang/ dbugs kyi khyad par dang/ 'dug stangs dang phreng ba dang me thab dang/ sreg rdzas dang/ nam phyed la sogs pa'i dus kyi khyad par gsungs la/ de las kyang 'dir ni lta stangs dang/ rlung gi khyad par bstan te/ dus dang me thab la sogs pa'i khyad par rnams ni sbyin sreg gi skabs dang/ rgyud rgyas pa gzhan du shes par bya'o/ /mnyam par ma rungs dpral ba can/ /rtag tu btung bar byed par brjod/ /ces bya ba la sogs pa 'dir rten cing 'brel te 'byung ba ni chos rnams kyi mtshan nyid de/ de bzhin gshegs pa rnams kyis kyang rgyud de dang der gsungs so/ /de bas na gdug pa gang zhig 'dul ba'i sbyor ba la brtson pa'i rnal 'byor pas mi bskyod pa lta bu'i sku mdog tu rang nyid lhag pa'i lhar bsgyur la/ mig gnyis dus gcig gcig tu dpral ba'i phyogs su blta bzhin du bsgom pa dang/ bzlas pa dang sbyin sreg byas pas ltung bar 'gyur te/ steng na zhe sdang gi rigs can gyi sku bzhugs pa'i phyir ro/ /dbang gi lta stangs g.yon na gnas/ /g.yon pa na ni gzugs brnyan gnyis/ /ces bya ba la sbyor ba gang zhig gis 'jig rten gsum po dbang du byed pa la brtson pa'i rnal 'byor pas/ rang nyid pad+ma rA ga lta bur bsgyur la mig gnyis dus mnyam du g.yon gyi phyogs su blta bzhin du bsgom pa la sogs pa byas pas 'gro ba dbang du 'gyur te/ g.yon gyi phyogs na pad+ma rA ga lta bu'i sku bzhugs pa'i phyir ro/ /g.yas pa'i cha la dgug pa nyid/ /steng nas kyang ni gzugs brnyan gnyis// zhes bya ba la de bzhin du 'gro ba gsum po 'gugs pa la brtson pa'i rnal 'byor pas/ rang nyid nyi ma 'char ka lta bu'i skur bsgyur la mig gnyis dus mnyam du g.yas kyi steng phyogs su cung zad blta bzhin du bsgom pa la sogs pa byas pas 'gro ba gsum po 'gugs par 'gyur te/ g.yas phyogs na nyi ma char ka lta bu'i sku bzhugs pa'i phyir ro/ /dbus ma rengs pa'i lta stangs nyid/ /sna yi rtse mo'i dbus su gnyis/ /zhes bya ba la de bzhin du 'jig rten gsum po rengs pa la brtson pa'i rnal 'byor pas/ rang nyid gser btso ma lta bu'i skur bsgyur la mi gnyis dus mnyam du sna'i rtse mo'i dbus su lta bzhin du bsgom pa la sogs pa byas pas 'jig rten gsum po rengs par 'gyur te/ dbang chen sku gser gyi mdog lta bu dbu ma na bzhugs pa'i phyir ro/ /da ni lta stangs bzhi'i? dus su bsgrub par bya ba'i rlung bstan par bya ba'i phyir/ 'byung ba nyid kyi ltung bar byed/ ces bya ba la lta stangs de nyid kyi dus su rang gi srog 'byung ba ste rlung phyir 'byung ba bzhin du sbyor ba la brtson par bya ste/ rlung phyir phyung nas lus can thams cad tshe'i dus byed pa'i phyir ro/ /brdubs pa yis ni dbang du byed/ ces bya ba ni lta stangs de nyid kyis dus su rang gi srog rlung nang du brdub bzhin du sbyor pa la brtson par bya ste/ srog gi rlung nang du gnas bas thams cad dbang du 'dus pa'i phyir ro/ /dga' ba yis ni 'gugs par byed/ ces bya ba la/ lta stangs de nyid kyi dus su rang gi srog rlung phyir ma btang bar bum pa can gyi sbyor bas nang du legs par bkang zhing bzung bas sbyor ba la brtson par bya ste/ erlung nang du gnas shing phyir 'byung ba med pa can kun gyi bdud rtsi'i rgyun zla ba lta bu 'gugs pa'i phyir ro/ /zhi ba yis ni rengs par byed/ ces bya ba la lta stangs de nyid kyi dus su rang gi srog gi rlung phyi nang du spro ba dang/ brdub pa ma yin pas ji lta ba bzhin du gzhag la sbyor ba la brtson par byas te/ 'gro ba kun gyi srog rlung g.yo ba dang bral bas rengs par 'gyur ba'i phyir ro/ /da ni rnal 'byor gyi tshad bstan par bya ba'i phyir/ rlon pa'i shing la ltung byed nyid/ ces bya ba la sogs pa smos te/ lta stangs bzhi po rnams bsgrub par bya ba'i phyir bsgom pa dang bzlas pa dang sbyin srog la sogs pa cho ga bzhin bsgrubs nas/ re zhig bems po'i rdzas kyi dngos po rnams la nyams sad pa dang/ ting nge 'dzin brtan par gsungs so/ /de bas 'di'i phyir blon po shing la ltung byed cing/ zhes bya ba la sogs pa smos te/ de las khyad par du gsod pa'i sbyor pa goms pas thog mar re zhig / shing ljon pa yal ga dang lo mar ldan pa rlon par 'dug pa gang zhig la rnal 'byor pas rlung 'byung bzhin du bsad pa'i lta bas bltas pa'i che skam par 'gyur ba'i dus de tsam na mi rungs pa la yang sbyar par bya'o/ /zhes bya ba'i don to/ /dbang ni me tog rab tu grags/ zhes bya ba ni de bzhin du lta stangs dang rlung gang dag dang ldan pas me tog gang la bltas pas skam pa de nas sbyar bar bya zhes bya ba'i don to/ /rdo rje'i shing la 'gugs pa nyid/ ces bya ba ni de bzhin du lha stangs dang/ rlung gang dang ldan pas/ badzra la ta zhes pa'i shing shin tu mkhrang cing rtsub pa la rnal 'byor pas bltas ba na/ 'dras kyi snye ma legs par smin pa ltar dgug par gyur pa na sbyar bar bya ces pa'i don to/ /g.yo bcas rtsa la rengs byed nyid/ ces pa ni 'di ltar lta stangs pa rlung gang dag dang ldan pas sgang du mthon po dang/ ri bo la sogs pa'i rtse mo gang dag na skyes pa'i rtsa phra mo shin tu mnyen pa/ rta'i rnga ma'i nyag ma tsam la rlung gis bskyed na cher g.yo ba'i bdag nyid can la rnal 'byor pas bltas pa na rlung la sogs pas mi sgul ba na sbyar bar bya'o/ /zhes bya ba'i don to/ /'di'i nges pa ni rtsa ba'i rgyud las ji skad du/ srog rlung byang chub kyi sems dang ldan pa rnal 'byor rang gi lus la gsod par nus pa dang/ de bzhin du srog gnyis po rang la dbang du gyur pa dang/ rang gi byang chub kyi sems ji lta ba bzhin du 'gugs nus pa dang/ de bzhin du srog gnyis po rengs par byas te mi g.yo ba na phyi nang gi bdag nyid can la 'khor lo ltar bskor gyi/ gzhan du 'jig rten pa'i bzhad gang du 'gyur bas mi bya ba ni nges pa'o/ /de ni sbyor ba grub pa'i dus bstan pa'i phyir gsungs pa/ zla drug goms pa'i sbyor pa yis/ /'grub 'gyur 'di la the tshom med/ /'di la 'khrul par mi bya ste/ /sangs rgyas rdzu 'phrul bsam mi khyab/ /ces bya ba gsungs te/ zla ba drug tu rgyun mi chad par gnas pas mthang 'khor de yan lag drug gis bla ma'i bka' ltar byas nas 'grub par 'gyur ba'o/ /zla ba drug ces pa'i sgra 'di ni rgyud thams cad kyi thun mong gi chos su gsungs so/ /de lta bas na gang gis dang por rang gi lus la rnam pa bzhi po bsgrubs nas sems can gdul bar bya ba dag ni de bzhin gshegs pa'i nges pa yin pas 'di la 'khrul pa dang dogs pa spang ngo zhes bya ba'i don to/ /lta stangs bzhi rnams bsgrubs nas ni/ /mkhas pas sems can gzung bar bya/ /'di dag bsad par mi bya ste/ dam tshig nges par nyams par 'gyur/ /zhes bya ba ni 'di ltar bsad pa la sogs pa'i las gang dag gsungs pa de dag sems can gdul ba'i phyir re zhig sgrag par bya ba yin la des 'jug par yang 'gyur te/ gzhan du ni nges par gtan du gsang na phyag rgya chen po'i dam tshig nyams te mnar med par 'gro bar 'gyur ro/ /de bas na nges pa'i don du las rnam pa bzhi po rang gi lus la bsgrub pa gsungs so/ /de yang 'di ltar sems can bslu ba spangs nas ni/ /bya ba ma yin thams cad bya/ /sems can gnod pa tsam gyis ni phyag rgya'i dngos grub rnyed mi 'gyur/ /zhes gsungs te 'di ltar bsad pa la sogs pa'i las lha ci smos kyi gang la bslu bar bya ba'i thabs nye bar gzung ste gnas pa tsam gyis sems can thams cad dang bslus pa gang yin la/ des dam tshig nyams te rnam pa kun gyi mchog dang ldan pa'i phyag rgya'i grub pa las nyams par 'gyur ro/ /zhes pa'i don to/ /da ni sgrub pa po rnams la bza' ba dang bsrung ba la sogs pa'i dam tshig bstan par bya ba'i phyir/ de ru dam tshig bza' bya ba/ /na dang ga ha dang po dang/ /mdza' ma'i shwa dang dang po'i shwa/ /kye'i rdo rje'i dngos grub phyir/ /bdud rtsi lnga yang de bzhin bza' / /zhes bya ba la kye'i rdo rje'i dam tshig la gnas pa rnams kyis phyi nang gi bye brag gis phye la bza' ba dang bsrung ba bya'o/ /de la skyes bu'i ming gi dang po'i yi ge na'o/ /gang gi ba lang gi ming gi dang po'i yi ge ga'o/ /ha ni glang po che'i ming gi dang po'i yi ge'o/ /shwa ni rta'i mdza' ma'i ming gi yi ge'o/ /de bzhin du shwa ni khyi'i ming gi dang po'i yi ge'o/ /rjes 'di rnams mnyam par byas la mthe bo'i tshigs mdud tsam gyi ril bu byas te sbyang ba dang/ /spel ba dang sbar ba dang bdud rtsir byas te thos pas phyi'i dngos grub tu 'gyur la/ de bzhin du gang gi go la sogs pa'i ming can mig la sogs pa'i dbang po rnams yul las bzlog ste gnas par gsungs pas mchog gi grub par 'gyur ro/ /de bzhin du bdud rtsi lnga ste/ bi dang mu dang ma dang ra dang shu rnams kyang phyi nang gis phye la spyad par bya ba de bzhin gshegs pa'i bka' lung ngo/ /kye rdor las gsungs mtshan nyid ldan/ /skye ba bdun pa de nas mtshon/ /khyad par dga' ba la smod pa/ /lan bdun pa ni 'grub par 'gyur/ /zhes bya ba'i drang ba dang nges pa rnams mngon du bstan pa yin la/ 'on kyang ji lta ba'i skye ba bdun pa'i mtshan nyid ma bstan pa gsal bar bstan par bya ba'i phyir/ skad snyan mig ni sdug pa dang lus la dri ldan gzi brjid che/ /de yi grib ma bdun du 'gyur/ /mthong nas rnal 'byor pa yis mtshon/ /zhes bya ba gsungs te/ gang zhig mi mo la la dag /skad kyi nga ro mdzes pa dang/ /mig dkyus ring la dkar nag 'byes pa dang/ /lus la gla rtsi lta bu dang/ /ga bu lta bu'i dri dang ldan pa dang/ de bzhin du gzi brjid che ba dang/ gring ma bdun 'gyur gang la yod pa de ni skye ba bdun par mtshon cing rtogs par byas la/ de lta bu rnyed nas rnal 'byor pas rgya shug gi tshig gu tsam gyi ril bu byas te thos pas mkha' la sbyod par 'gyur zhing bskal pa dpag tu med par 'tsho la de lta bu'i rnam par smin pa'i lus kyis ni/ gang dag mtshams med pa byas pa dang/ gang gis chos dbyings kyi bde ba khyad par du gyur pa las bshung ba yang lus de nyid kyis 'dag par gsungs so/ /de bas na/ de ni thos? pa tsam gyis kyang/ /skad cig la ni mkha' spyod 'gyur/ /zhes gsungs pa yin no/ /da ni rigs su mdzad pa'i lha mo'i sgrub pa brjod par bya ba'i phyir/ ku ru kul+le'i sgrub thabs bshad par bya ste/ zhes bya ba la sogs pa la 'di yang rtsa ba'i rgyud las ji skad ? ? pa gsum po chags pas rmongs/ /de dag gzung bar bya ba'i phyir/ /bcom ldan kyi yi rdo rje yis/ /mo gzugs 'jig rten dbang du mdzod/ /ces gsungs la/ bcom ldan 'das nyid sku mdog chags pa dmar po'i tshul du bstan nas 'gro ba ? pa yis/ /? du brtag pa bcu gnyis las/ /rgyas par gsungs pa mdo ru bsdu/ /zhes bya ba la/ bsrung ba'i 'khor lo dang gzhal yas khang dang/ bdun po 'phyar ba dang/ ye shes lngas bskyed pa la sogs pa rnams/ sngon du kye'i rdo rje nyid sgrub pa'i dus su ji skad bstan pa bzhin bsgrubs la gnas pa yin la/ 'dir ni lha mo'i sa bon dang/ mdog dang/ phyag mtshan dang/ gdan gyi gnas tsam zhig bstan par shes par bya'o/ /lha mo h+rIautpal lcags kyu 'dzin/ /'di ni bsgoms pa tsam gyis ni/ /'jig rten gsum po dbang du byed ces bya ba la khyad par du kye'i rdo rje bskyed pa'i sa bon ni hUM yin la/ de bzhin du bdag med ma la sogs pa bskyed pa aoM gyi yi ge yin te 'di'i ni h+rI:las bskyed cing zhal nas h+rI:I sgra sgrogs pa'i bdag nyid de/ dang po h+rI:yig yongs su gyur pa las/ autpa la dang/ der de bzhin gshegs pa rnams bstim pa las/ lha mo dmar mo phyed krung can phyag bzhi'i dang po gnyis na autpa la'i gzhu dang mnga' bsnams shing/ autpa la dang lcags kyu 'dzin pa/ sku la mi mgo brgya phyed kyi do shal dang/ dbu rgyan la dum bu lnga dang thor tshugs zla ba phyed pa dang/ dbu skra dmar po gyen du 'greng ba dang ldan pa ste/ 'di lta bur mos pas/ aoM ku ru ku l +le h+rE'di lta ste/ 'bum phrag gcig gis rgyal po rnams/ /khri yi 'jig rten phal pa nyid/ /bye bas phyugs dang gnod sbyin sogs/ /bdun 'bum gyis ni lha min rnams/ /'bum phrag gnyis kyis lha rnams nyid/ /brgya phrag gcig gis sngags 'chang rnams/ /zhes pa ni dbang du byed/ ces tshig tu sbyar te thams cad du sbyin sreg bzlas pa'i grangs kyi bcu char bya zhing/ lta stangs dang srog gi kun du spyod pa dang ldan par bsgrubs na 'grub la gzhan du na 'jig rten pa'i bzhad gang du 'gyur ro/ /de la ku ni bde ba chen po'o/ /ru ni longs spyod rdzogs pa'o/ /kus ni chos so/ /l+les ni sprul pa yin par shes par bya'o/ /de ltar bstan pa'i rim pa yis 'gro ba 'dul bar 'gyur ro/ /de ni ji skad du pad+ma rigs kyi mngon par shes pa'i ye shes kyi dngos grub kyi rgyud ces bya ba las kyang/ 'dod chags mngon shes bskyed nas kyang/ /rab mnyam bzhag pas bsgoms nas su/ /mngon shes lngar ni bdag 'gyur nas/ /dag pa'i dngos grub thob 'gyur zhes/ /bcom ldan rdo rje can gyis gsungs/ /zhes gsungs la/ de bzhin pad+ma rigs kyi byang chub chen po'i ye shes kyi dngos grub kyi rgyud ces bya ba las kyang ji skad du/ 'jig rten dbang phyug ting 'dzin gnas/ /de bzhin chos kyi phyag rgya las/ /byang chub chen po'i ye shes 'di/ /bsgoms na dngos grub thob par 'gyur zhes/ bcom ldan spyan ras gzigs kyis gsungs/ zhes gsungs pa'i phyir/ 'gro ba 'dul ba la brtson pa rnams kyis lha mo 'di la bsgrub par bya'o/ /kye'i rdo rje mkha' 'gro ma dra ba'i sdom pa zhes bya ba la kye dang rdo rje zhes bya ba ni gang du rgyal par bstan la/ mkha' 'gro ma zhes bya ba ni nam mkha' lta bu'i ting nge 'dzin gang la yod pa de la de skad ces bya'o/ /dra ba ni tshogs te de rnams mang ba la bya'o/ /rdo rje snying po mngon par byang chub pa'i brtag pa zhes bya ba kye'i rdo rje rtsa ba'i rgyud 'bum phrag lnga yang brtag pa gnyis su gnas te dang por rdo rje snying pos zhus pa'i brtag pa dang/ phyi nas bdag med mas zhus pa'i brtag pa yin la/ bsdus pa'i rgyud 'dir yang de ltar khong du chud par bya ste/ de yan chad phal cher rdo rje snying pos zhus pa la dgongs pa yin gyi dngos su ni rdo rje snying po la brtan pa ma yin te/ 'di ltar rdo rje snying po ni dus gsum gyi de bzhin gshegs pa thams cad kyi gsang chen sdud par snang zhing zhu ba po dang/ gsang ba'i bdag po zhes kyang bstan cing lung bstan te/ de bas 'di'i tshig ni phal che ba la dgongs pa'o/ /brtag pa gnyis pa la yang ma zhus pa ni med do/ /kye'i rdo rje'i nges pa'i don gyi rgya cher bshad pa las/ lta stangs dang/ ku ru kul+le'i sgrub pa'i bshad pa ste le'u bcu gcig pa'i bshad pa dang/ rgyas par rdo rje snying po mngon par byang chub pa zhes bya ba'i brtag pa dang po'i rgya cher bshad pa ma lus pa rdzogs par bstan pa'o/ / //khong stong sku ni mi mnga' la/ /rdo rje lta bu'i sku lus can/ /kye yi rdo rje khyod phyag 'tshal/ /ma rig thibs pos nan pa yi/ /'jig rten gsum po 'di mthong nas/ /bdag gi snying ni 'jag par 'gyur/ /de phyir rab gnas le'u yi/ /rgyas bshad rdo rje snying pos bri/ /da ni brtag? pa gnyis pa'i rgya cher bshad pa bstan par bya ba yin la/ de las kyang dang por rab gnas thams cad kyi spyi'i mtshan nyid legs par bstan par bya ba'i phyir/ rdo rje snying pos gsol pa/ zhes bya ba la sogs pa smos te/ bcom ldan 'das shes pa ni bcom ldan 'das la bod pa'o/ /rdo rje snying po bdag /sangs rgyas thams cad gcig bsdus pa/ zhes bya ba ni sangs rgyas thams cad kyi gsung gcig tu bsdus pa'i bdag nyid kyi rdo rje snying po bdag ste/ dngos su na dus gsum gyi de bzhin gshegs pas gnang zhing bstod pa gsang ba'i bdag po yin zhes pa'i don to/ /rab gnas mtshan nyid bzang po nyid/ /rim pa ji bzhin bshad du gsol/ /zhes bya ba ni sngon du bcom ldan 'das kyis slob ma dkyil 'khor du gzhug pa'i don du dkyil 'khor gsungs pa'i rab tu gnas pa ji ltar bgyi zhes pa'i don to/ /bcom ldan 'das kyis bka' stsal pa/ ci gsungs sbyin sreg byas nas ni/ /dkyil 'khor dam pa bzhengs pa dang/ /zhes bya ba la rigs sngags 'chang gi slob dpon gyis slob ma'i don dang/ de las gzhan pa'i glegs bam dang/ sku gdung dang/ ras kyi gzugs la rab tu gnas par byed 'dod pas/ sngon du rgyas pa la sogs pa'i sbyin sreg byas la/ de nas rigs dang mthun pa'i rdul tshan bri'o/ /de nas sta gon la gnas par bya'o/ /nam mkha' i khams la bzhugs pa'i sangs rgyas rnams rab gnas kyi gzhi la bstim par byas la/ rab tu gnas pa'i gzhi de sbyang ba ste/ de nas snga bar sku gzugs sbyang bar bya'o/ /sta gon la gnas byas nas ni/ /nam mkhar bzhugs pa'i sangs rgyas kun/ /sku gzugs snying khar rab tu gzhug /ces gsungs te/ 'di'i nges pa'i don ni rtsa ba'i rgyud las ji skad du/ bla mas gnang ba'i sta gon la/ /lus kyi dkyil 'khor dbus gnas te/ bdag gi lnga phung sbyin sreg nas/ /khu ba'i gzugs kyi sangs rgyas bstim/ /bdag gi lnga phung lha gzugs spyad/ /rab tu gnas la byin rlabs mchog /yul? du gnas shing byin rlabs che/ /mchog gi rab tu gnas pa'o/ /zhes gsungs te nges pa'i don to/ /? 'dod lta mnyam rnal 'byor pa/ /rab mthang sngags kyis pha rol son/ /zhes bya ba ni tshul ji ltar rab tu gnas pa byas nas rang gi 'dod pa'i lha kye'i rdo rje dang mnyam la/ sngags thams cad kyi pha rol tu son pa'i rnal 'byor pa yin zhes bya ba'i don to/ /aoM badzra puShpe A:hUM swAhA/ zhes pa ni me tog gi'o/ /aoM badzra d+hA pea'a:hUM/ swAhA/ spos kyi'o/ /aoM badzra dI pe A:hUM swAhA/ mar me'i 'o/ /aoM badzra gand+he A:hUM swAhA/ dri'e'o/ /aoM badzra nai be dye A:hUM swAhA/ zhal zas kyi'o/ /sna tshogs hUM la rdzogs pa dang/ me tog la sogs dbul ba nyid/ /gong ma rgyud kyi cho ga'i rim/ /mchod yon zhal bsal gong bzhin dbul/ zhes bya ba la rang rang gi sngags kyi byin gyis brlabs shing dbul bar bya ba de bzhin gshegs pa de yin la/ nges pa'i don ni ji skad du rtsa ba'i rgyud las yid 'od nyi zla'i me tog dang/ /ral pa med pa'i tshul khrims spos/ /bde ba gsal bas mar me yin/ /bde bas tshim pas dri yi mchog /lus ngag yid gsum bde rgyas pa/ /ting 'dzin zas te zhal zas mchog /'jam zhing snyan par smra ba dang/ /rang srog sgra ni sil snyan sgra/ /zhes gsungs pa ni nges pa'i don to/ /de bzhin du byang chub kyi sems ma shor bar bsten pa'i bde ba'i khrus dang/ de nyid kyis bde ba'i gnas su khrid pa'i phyir zhabs bsil ba yin no/ /da ni sbyin sreg bstan pa'i phyir/ /zhi bar thab khung zlum po nyid/ /dpral bar chu yi dkyil 'khor ro/ /rgyas pa nyid kyi gru bzhi ni/ /lte bar sa yi dkyil 'khor ro/ /bsad pa la ni grug? sum nyid/ /gtsug gi 'khor lo nam mkha' i rang bzhin no/ /'di nyid la ni lhag ma bsgrubs shes pa ni dbang la mgrin pa me'i rigs la'o/ /khru gang dang ni khru phyed nyid/ /zhi ba'i steng dang 'og tu yin/ /zhes pa nas/ bsang ba'i steng dang 'og tu'o/ /zhes pa ni sgra ji bzhin du bstan pa ste nges pa'i don yod par ma gsungs so/ /da ni kha dog gi bye brag bstan par bya ba'i phyir/ zhi bar kha dog dkar por 'gyur/ /rgyas la ser po de bzhin no/ /bsang ba la ni kha dog gnag /dbang la dmar po rab tu grags/ /zhes bya ba la phyir ni las kyi bye brag las ka dog bye brag tu bya zhes kyang gsungs la de bas na skabs 'dir me thab thams cad kha dog de ltar bsgyur bar bya'o/ /de bas na 'khor lo bzhi'i bye brag las ka dog tha dad par bya'o/ /de bas na zhi ba dkar po chu'i bsam gtan dpral bar ro/ /rgyas pa ser po sa'i bsam gtan lte bar ro/ /bsad pa nag po nam mkha' i bsam gtan ni gtsug tor du'o/ /dbang dmar po me'i bsam gtan ni mgrin par ro/ /de ltar na dbang bzhin du dgug pa dang gsang ba bzhin du sdang ba la sogs pa la thab kyi kha dog dang dbyibs tha mi dad par bya'o zhes pa'i don to/ /da ni sreg rdzas kyi bye brag bstan par bya ba'i phyir/ zhi la til dang rgyas la zho/ /bsad la tsher ma de bzhin no/ /sdang la sogs pa'ang tsher ma yin/ /dbang dang dgug pa aurpa la/ zhes bya ba la de yang rim pa bzhin/ zhi ba la dang po til bsreg go /rgyas pa la dang por zho/ /bsad pa la dang por tsher ma can gyi shing bsreg go /de bzhin du sdang ba la sogs pa la dang bar tsher ma can no/ /dbang dang dgug pa dang por autpa la bsreg go /lhag ma na gzhan dang mthun no/ /aoM agna ye/ mahA he dza/ sarbbA kA ma pra sA d+ha katshogs 'dzin/ /kye yi rdo rje khros mchod pa'i/ /lha mo khyod ni dbang du 'gyur/ /che ge mo bdag dkyil 'khor 'bri/ /zhes bya ba ni thog mar sbyin sreg gis btsal ba'i dus su sa nad med pa rnyed pa dang sa'i lha mo la gzhu dbang gsol ba'i tshig go/ swAhA ny+tser? pa/ pa dArthany+tsa/ sa b+hi taM gats+tsha ta bya g+hu ka/ A ga mi Sh+ya saM/ ya thA kA le/ sarba sid+hi ku rur shwa me/ zhes pa ni bdag dang gzhan gnyis ka'i don sgrub pa'i sgo nas mes dgyes par bya ba'i bstod pa'o/ /dza:hUM baM hopa'i sngags rnams ni rim pa bzhin/ mchod yon dang zhabs bsil dang zhal zas rnams kyi yin te phyi dang nang gis dbye bar bya'o/ /kye'i rdo rje mkha' 'gro ma dra ba sdom pa'i nges pa'i don ni sngon du bshad zin to/ /kye'i rdo rje'i nges pa'i don gyi mched bshad pa las brtag pa gnyis pa'i rab gnas kyi le'u'i rgya cher bshad pa ste dang po'o/ / //'dod chags zhe sdang gti mug dang/ sred dang phrag dog 'joms mdzad pa'i/ /thub pa skyes mchog la btud nas/ /dngos grub gtan la 'bebs pa yi/ /le'u gang gis rgyas par bshad/ /sems can sdug bsngal mun 'thoms la/ /de yi rgya cher bshad pa ni/ /rdo rje snying pos bri bar bya/ /nga ni 'jig rten dang 'jig rten las 'das pa'i dngos grub le'u gang gis legs par ston pa de bshad par bya'o/ /rdo rje snying pos gsol pa/ nam mkha' lta bu'i chos rnams las/ /rgya mtsho'i ku ba ji bzhin du/ /rang 'dod lha yi gzugs las ni/ /sems can ji ltar 'grub par 'gyur/ /zhes bya ba la/ kye bcom ldan 'das kyis thog ma dang tha ma dang bar thams cad du chos rnams nam mkha' lta bu'o/ /zhes yang dang yang du gsungs la/ bdag gis kyang khong du chud lags na/ 'gro ba 'di dag ni rang gi rnam par rtog pas bskyed de/ dper na rgya mtsho chen po la ku ba stong pa dag skyes bu 'ga' zhig gis dar nas sa phyogs shig tu mi gnas par 'phyo ba ltar/ rang rang gi rnam par rtog pas bskyod de gnas pa 'di dag gis ji ltar bsgrubs na 'grub par 'gyur zhes zhus pas so/ /bcom ldan 'das kyis bka' stsal pa/ bdag med rnal 'byor ldan pa 'am/ /yang na he ru ka dpal brtson/ /gzhan gyi sems kyis skad cig kyang/ /dngos grub 'dod pas mi gnas so/ /zhes bya ba gsungs te/ kye rdo rje snying po de ltar yin gyis kyang/ las kyi dang po la gnas pa'i rnal 'byor bas gong du bstan pa'i dkyil 'khor du zhugs la/ bskyed pa lha'i nga rgyal gyi dus dang/ de yongs su rdzogs nas bdag med ma'i rnal 'byor la gnas par byas na nges par kye'i rdo rjer 'gyur ro/ /de'i phyir dngos grub 'dod pas rim pa gnyis la brten pa ma rtogs pa gzhan gyi sems kyis skad cig kyang mi gnas so/ /zhes bya ba gsungs so/ /de yang las kyi dang po pas thog mar re zhig kha dog dang dbyibs kyi bdag nyid mngon par zhen pas gsal la/ de mthar gyur pa na bdag med ma'i rnal 'byor la bslab par bya'o/ /bdag med ma de yang ji lta bu zhig snyam pa la/ ji ltar nam mkha' i phyogs rnams kyi/ /kun la'ang rtag par mi gnas pa/ /de bzhin chos rnams thams cad la// gsang sngags mgon po mi gnas so/ /ji ltar dngos rnams nam mkha' la/ /gnas shing rtag tu rnam snang yang/ /de ni gnas su mi 'gyur ba/ /gsang sngags mgon po'ang de bzhin no/ /nam mkha' dus gsum la sogs dang/ /ji ltar 'bral ba 'dod pa bzhin/ /de ltar gsang sngags mgon po yang/ /dus gsum med kyang rnam par snang/ /ming tsam du ni gdags pa'i gnas/ /byed pa po la sogs dang 'bral/ /nam mkha' la ni tha snyad du/ /mkhas pa rnams ni 'dogs par byed/ /ming ma gtogs par cung zad kyang/ /yod pa ma yin nam mkha' bzhin/ /de bzhin gsang sngags dbang phyug kyang/ /tha snyad tsam du snang bar zad/ /me dang chu dang rlung ma yin/ /sa dang nyi ma 'ngam yin zhing/ /zla ba la sogs gza' kun min// nyin par dang ni mtshan mo'ang min/ /skye ba dang ni rga ba'ang min/ /'chi ba dang ni rgud pa'ang min/ /skad cig ma yin yud tsam min/ /lo la sogs pa yang ma yin/ /'jig pa dang ni 'chags pa dang/ /bskal pa'i grangs kyang yong ma yin/ /dge rang mi dge las byung ba'i/ /'bras buAng yod pa ma yin no/ /kun mkhyen go 'phang 'dod pa yis/ /rtog pa rnam pa sna tshogs la/ /de kun gang la med 'gyur ba/ /da la rtag tu brtson par bya/ /zhes gsungs so/ /de bas na bdag med ma'i rnal 'byor 'di lta bu la dus rtag tu gnas par nus pa rnams kyis dus rtag par kye'i rdo rje mthong ba yin no/ /dang por goms par byed dus kyis/ /gnas ni gang du bsngags pa'i sems/ /gcig tu mnyam gzhag 'grub 'gyur pa'i/ /gnas ni bzang por nges par bstan zhes bya ba ni/ las kyi dang po pas/ dang por rgyal po dang rkun po dang dgra la sogs pas bar du gcod par 'gyur ba de'i phyir/ gnas dben pa btsal bar byas la der rtse gcig pa ni/ de bzhin gshegs pa'i nges pa'o/ /rang gi khyim du mtshan dus su/ /bdag nyid grub pa'i sems kyis ni/ /rnal 'byor ma bsgom shes rab can/ /yang na he ru ka dpal gzugs/ /zhes bya ba la mtshan mo ltar rnam par rtog pas zab pa skyed par byed pa'i rang gi sdug ma'ang rung sgom pa'i gnas khrid la gnas par bya ba 'am/ yang na he ru ka dpa' bo'i tshul du rang las byung ba'i bdag med ma dang gnas par bya zhes pa'i don to/ /de ltar na mdor bsdu ba'i tshul du gsungs pa 'di lta ste/ rkang pa 'khrud dang za ba dang/ /zhes pa nas/ shes rab brtul zhugs can nyid kyis/ /zhes bya ba'i bar gyis gsungs so/ /mdor na/ gang gang nye bar dmigs pa ni/ /de de kye yi rdo rjer bya/ /de las gzhan pa'i tshul gyis ni/ /yud tsam yang ni gnas mi bya/ /zhes bya'o/ /rnal 'byor ma ni rnam par bsgoms/ /zhes bya ba ni/ gong du bstan pa'i shes rab rnal 'byor ma'o/ /ci'i phyir stong pa'i bdag nyid la shes rab ces gdags zhe na/ ji skad du/ shes rab nges 'byin zhes bya ba/ /ting nge 'dzin zhes grags pa ste/ /des ni phyag rgya myur 'grub par/ /bsgoms na myur du 'grub par 'gyur/ /zhes gsungs so/ /de bas na tshul gzhan gyis ni skad cig kyang/ /gdug pa'i sems ni ma rig pas/ /dngos grub 'dod pas dngos grub phyir/ /mkhas pas 'bad de mi gnas so zhes gsungs pas go bar bya ste 'dis ni sangs rgyas kyi chos thams cad brtson 'grus la rag las par bstan to/ /de la skal pa dang ldan pa gang lags/ bskyed pa'i rnal 'byor rdzogs te/ yang dag pa'i shes rab kyi me yan lag drug gi dang po so sor sdud pas bsdus te/ goms par byed pa na mtshan ma 'di dag 'byung bar 'gyur la/ gal te yang dag pa'i lam mi 'dod de/ 'on kyang ltad mo'i phyir yang zla ba phyed dam/ yang na nyin mtshan gcig tu dmigs pa rtse gcig tu zhog la bltos zhes gsungs te/ 'di ltar/ bsam gtan nyon mongs 'jig byed pa/ /rdo rje snying po nga yis bshad/ /brtse bas dngos grub don du yang/ /zla ba phyed du yongs su rtogs/ /zhes pa la/ bag la nyal ba'i mda'i dug mdza' dag 'jig pa'i bdag med pa'i bsam gtan 'di ngas bstan te/ kye brtse ba'i bdag nyid can gyi rdo rje snying po ltad mo'i phyir yang zla ba phyed du rtogs zhes pa'i don to/ /de ste zla ba phyed du 'bad pa mi byed pa de lta na yang/ bsam pa thams cad yongs spangs te/ /lha yi gzugs su sems pa yis/ /rgyun mi 'chad par nyin mtshan gcig /bsgom pas yongs su brtag par gyis/ /zhes gsungs te/ bdag med pa'i rnal 'byor 'di la zla ba phyed du 'bad pa'i skal ba med pa rnams kyis nyin mtshan gcig tsam du yang dmigs pa gzhan la rtsol ba yongs su btang ste/ stong pa nyid gang la sems rtse gcig par gzhag na yid ches pa'i lam gyi rtags 'byung bar 'gyur te/ so sor sdud pas bsdus pa rnams la yin gyi gzhan du na de bzhin gshegs pa'i bka' la byis pa shes rab 'chal pa dag brnyas par 'gyur ro/ /de bas na so sor sdud pa'i ting nge 'dzin las gzhan pas bsam pa thams cad spangs pas nyin mtshan gcig bsgoms pas yid ches pa 'byung ched do/ /rang gzhan don ni rab sgrub phyir/ /'khor bar thabs gzhan yod ma yin/ zhes bya ba ni/ nges pa'i don du ting nge 'dzin 'di las gzhan gyi don mi 'grub ces pa'i don to/ /rig ma lan cig goms byas pas/ /'phral du yid ches byed pa nyid/ ces bya bas ni de lta bu'i ting nge 'dzin nyon mongs pa thams cad 'jigs par byed pa yang/ bla ma'i bka' drin gyis mi mo re zhig shes rab kyi ming du btags pa las mtshon par 'gyur gyi/ gzhan du rnyed pa'i skal pa med ces pa'i don to/ /de ltar mngon du rnyed de phyis yongs su dor nas lha'i gzugs su dmigs pa'i mi dag la 'di lta ste/ 'jigs smyo de bzhin sdug bsngal dang/ /mya ngan gdungs pas gtses pa dang/ /'dod chags zhe sdang gti mug ches/ /sgrub pa po la nyon mongs min/ zhes gsungs te 'jig rten pa'i chos kyis kun nas mnar bar mi 'gyur ba'o/ /gzhan yang de bzhin du/ phan dang gnod pa'i 'bras 'byung bar/ /de ltar nges par shes pa'i phyir rnal 'byor pa rnams du 'bod du/ /skad cig gcig kyang ci phyir gnas/ /zhes gsungs te/ rang bzhin gyi dag pa'i chos su rtogs pa la du 'bod dang mnar med par ji ltar 'gro par 'gyur te/ de ni gnas ma yin zhing go skabs med do zhes pa'i don to/ /de bzhin gzhan yang chos gang la gnas na/ mtshams med lnga ni byed pa dang/ /srog chags gsod la gang dga' dang/ /gzhan yang skye ba dman pa dang/ /rmongs dang ma rungs las byed dang// gzugs ngan yan lag ma tshang ba/ /bsams na de dga' 'grub par 'gyur/ /zhes gsungs te/ mi de dag rnams kyis kyang bdag med ma bsgoms na nges pa kho nar kye'i rdo rje'i dngos grub 'thob par 'gyur ba ni de bzhin gshegs pa'i nges pa'o/ /gzhan dag las kyang 'di lta ste/ gdol ma smyug ma mkhan la sogs/ /mtshams med lnga ni byed pa po/ /sngags kyi spyod pas rjes spyad nas/ /skye ba 'di nyid sangs rgyas 'gyur/ zhes gsungs pa yin no// de yang las kyi dang por gtogs pa rnams kyis dang por bla ma'i rjes su 'jug pa'i dus su/ /dge ba bcu la goms pa dang/ /bla ma la gus dbang po dul/ /nga rgyal khros las rnam par grol/ /de ni re zhig des 'grub 'gyur/ zhes bya bas bstan te 'di ltar dang por gso sbyong bstan par bya zhes pa la sogs pas 'jug pa'i dus go bar bya zhing/ bla ma'i rjes su 'jug pa dag rgyud las gsungs pa ltar sgrub pa dang/ rtsa ba'i ltung ba mi 'byung ba la nges pas 'gyur zhing snod dang ldan pa yin no zhes gsungs pas/ thog mar de dag re zhig bslab par bya'o/ /de'i rjes la 'jig rten pa'i byis pa rnams gzung ba zhes bya ba la bslab ste gnas la/ yang phyi nas rdo rje slob dpon gyi yongs su brtags pa 'am yang na lha yis lung bstan pa'i las kyis phyag rgya gzung bar bya ste/ byis pa gzung ba'i dus su/ rtag tu goms pa'i rnal 'byor gyis/ /mnyam par gzhag pas dngos grub 'thog /zla ba gcig tu gsungs la spyad ji srid phyag rgya ma rnyed par/ /zhes bya ba gsungs te phyag rgya'i gnang ba ma rnyed pa de srid du gong du bstan pa rnams mnyam phar bzhag pas gsang la bsgrub po zhes gsungs la/ de yang zla ba 'am lo la sogs pa'i bar du ste tham yang zla ba gcig gi bar du bslab par bya ba ni nges pa'o/ /gnang ba rnyed 'gyur sngags pa la/ /rnal 'byor ma yis bstan par bya/ /phyag rgya che ge mo khyer la/ /sems can don gyi rdo rje 'dzin/ zhes bya ba la sogs pa gal te rmi lam du bstan pa'am/ yang na slob dpon gyis legs par brtag pa gzung la 'jug par bya'o/ /des sems can gyi don du 'gyur ba ni de bzhin gshegs pa'i nges pa'o/ /rnyed pa de yang mig yangs na/ /gzugs dang lang tshos rnam par brgyan/ /sihA ga bur yang dag ldan/ byang chub sems kyis rnam par sbyang/ /zhes gsungs te phyag rgya'i mtshan nyid bstan pa yin te/ 'di ltar mig dkar dmar 'byes pa la cung zad yangs pa/ rkyed pa rdo rje ltar 'dug la lo bcu gnyis sam yang na bcu drug lon pa khrag 'byung ba'i dus la bab pa byang chub sems kyi bde ba la dga' ba/ de bzhin du phyag rgya de yang sbyang bar bya ste/ byang chub kyi sems bcug pas sbyang pa ni phyi nas yin la/ sngon du ni/ dge ba bcu las brtsams nas ni/ /de la chos ni rab tu bstan/ /lta yi gzugs su bsam pa dang/ /dam tshig sems kyang gcig pa nyid/ /ces bya ba gsungs te/ 'di lta ste/ mi mo gang zhig ma sbyangs par/ /kye yi rdo rje la sbyor ba/ /dam tshig nyams te brlag 'gyur bas/ /de dag sbyang phyir chos bstan bya'o/ /zhes gsungs so/ /de bas mi mo legs par bslab te/ bdag med mar bsams la/ dben pa'i gnas su khrid de/ 'dzag pa'i bde ba la bslab pa ni zla ba gcig gi mthar ro/ /de bas rtog pa thams cad spangs pa yi/ /gang zhig mi mo mchog rnyed na/ /zla ba gcig gis skal ldan pa/ /'gyur bar 'di ni the tshom med/ ces bya ba la/ 'di 'dra'i mi mo legs rnyed nas/ /bas mdza' dag tu gnas byas la/ /bza' btung rnam mang sta gon bya/ /glu dang sil snyan gar dang ni/ /lus la rgyan legs gdags pa dang/ /me tog dag dang dri dang ni/ /bzang po'i gnas pas legs bkod la/ /yang dag ye shes snang bar bya/ zhes bya'o/ /yang na bdag gi nus ba yis/ /lha dang lha min mi rnams dang/ /gnod sbyin mi 'am ci las kyang/ /phyag rgya bkug la brtag par bya/ zhes bya ba gsungs te/ phyag rgya'i grub pa bsgrub pa'i phyir/ /lha mo lha min bu mo 'am/ /mi yi bu mo rnam pa bzhi/ sngags kyis kun nas bkug nas ni/ /sa yi dkyil 'khor kun tu spyad/ /de yi skal ldan rnal 'byor pa/ /phyag rgya grub par gdon mi za/ /mi gtsang rul pa dri nga ba'i/ /mi mo'i lus ni yod ma yin/ zhes bya ba'i tha tshig go /de yang khyer la spyod par bya/ /bdag gi ngal ba mngon du bas/ /gang bshad 'jigs pa'i gzugs can gyi/ spyod pa longs spyod phyir ma gsungs/ /yid ni brtan nam g.yo 'am ci/ /rang gi sems la so sor brtag /ces bya ba la/ 'di ni byis pa brkam chags can/ /chang la bag med du spyod pa/ /bdud rtsi'i btung ba rnam par spong/ /'gyur ba'i bde la rab tu zhen/ /sngags dang phyag rgyas 'tsho ba sgrub/ /de dag phyir min spyod pa 'di/ /dbang dang kun tu spyod pa dag /rang sems brtan pa'i rgyu ru gsungs/ /gang dag tha snyad tsam gcig la/ /brten te mi dge'i las bcu spyod/ /de dag 'gro ba ci 'dra ba/ /'dres pa yis kyang ga la rtogs/ zhes pa'i don to/ /da ni ma 'ongs pa'i byis pa rnams la dbang po gnyis kyis 'gyur bas sangs rgyas par bstan pa la/ bud med rnams kyis dbang dang spyod pa spyad par bya ba ste/ ji ltar na phyag rgya nang gi phyag rgya'i dngos grub dang spyod ba bstan par bya ba'i phyir smos pa/ rdo rje snying bos gsol pa/ bdag med rnal 'byor ldan pa yis/ /phyag rgya nyid ces ci ltar brjod/ /phyag rgya phyag rgya gnyis dag gis/ /phyag rgya'i dngos grub ji ltar 'gyur/ /zhes bya ba ni mi mo gang zhig bdag med ma'i rnal 'byor dang ldan pa des phyag rgya'i bde ba ji lta ba'i tshul gyis bsgrub par bgyi/ 'on te mi mo kho na las 'byung ba lta na ni thabs kyi dngos grub ma mchis par yang 'gyur ro zhes zhus pa dang/ bcom ldan 'das kyis bka' stsal pa/ bud med gzugs ni spangs nas gzhan/ /bcom ldan 'das kyis gzugs su bya/ /zhes bya ba gsungs te/ las dang po pa'i mi mo rnams kyis mi mo'i rtog pa yongs su btang ste/ kye'i rdo rje dngos su mos par bya zhes ba dang/ de bzhin du yang/ nu ma spangs te bo lar 'gyur/ /kak+ko la dbus yang dag dgod 'gram gnyis dril bu dag tu 'gyur/ zhes bya ba gsungs te/ bud med gang bde ba'i dbang la 'jug pa des/ bdag skyes bu kye'i rdo rje lta bur bsgyur la dkar 'dzin dor 'khor lor bsgyur te yid kyis mos ba'o/ /de ltar na bde ba'i dus su skyes bu'i gzugs can gang de ni kak+ko la dang ldan pa dang/ de bzhin du gzhon nu ma bdag gi skye gnas kyi 'gram gnyis dril bu'i mos pa bsgyur ba dang/ de bzhin du ze 'bru bo la can du bsgyur zhes gsungs te pad+ma gang gi dbus na gnas pa'i dngos po de nyid gsang ba'i char bskyed la brtag par bya ba'i nges pa'o/ /de bas na/ lhag ma bdag nyid chen po nyid/ /dga' chen he ru ka yi gzugs/ /he ru ka sbyor skyes bu nyid/ ces bya ba la/ khams dang skye mched lhag ma sogs/ /phan tshun ro mnyam mtshungs pa'i phyir/ /bsgyur mi dgos par skyes bu nyid/ /he ru ka ste tha dang med/ /de ltar mos pas bsgyur ba las/ /phyag rgya'i dngos grub mchog dag tu/ /mi mo rnams la 'gyur ro zhes/ /bdag nyid chen po nyid kyis gsungs/ /'bad mi dgos par skyes bur 'gyur/ /gsal bar nus pa'i rnal 'byor pas/ /de nas phyag rgya'i dngos grub 'gyur/ /zhes bya ba yang gsungs te/ rnal 'byor ma gang de ltar sbyor/ /bud med lus ni yongs rjes nas/ /skyes bu gzugs bzang phun sum tshogs/ /tshe 'di kho nas thob kyang srid/ /gzhan yang dge slong rdo rje 'dzin pa dag gis 'jig rten pa'i kha na ma tho ba spang bar bya ba'i phyir gzhon nu ma 'ga' skyes bur bsgyur la spyod pa'i grogs bya ba ni de bzhin gshegs pa'i nges pa ste/ de ltar phyag rgya'i dngos grub mchog tu 'gyur ba'o// chags dang 'jig pa dag gis kyang/ /thabs dang shes rab la mi gnod/ /gang las thabs ni 'byung ba nyid/ /'jig pa shes rab srid mthar byed/ /des na rab 'jigs yod ma yin/ zhes bya ba la/ de lta bu'i rim pas/ shes rab thabs bdag gnyis min pa gsal bar 'jog pa'i rnal 'byor gang/ /me dang chu sogs 'jig pa'i tshe/ /de la gnod pa yong mi nus/ /'jig dang 'chags pa'i bag chags 'di/ /rang gis kun tu brtags pa ste/ /rang gzhan cha yi rtog pa yis/ /'jig rten gsum po bkrugs pa yin/ / 'di gsal 'khrug par 'gyur ma yin/ /byang chub sems kyi 'jig rten khams/ /'chags pa dang 'jig rab bsrungs na/ /cis kyang mi 'jig rnal 'byor che/ /'khor lo sgyur ltar kun tu rgyu/ /de nyid la ni chags pa med/ /la la 'jig pas 'jig par 'gyur/ / 'jig? pa'i dngos med zad pa med/ /ces bya ba ni byang chub sems kyi rgyun 'jig pa na 'jig pa thams cad 'byung zhes pa'i don to/ /bskyed pa'i rim pa'i rnal 'byor las/ /brtul zhugs can gyis spros pa bsgom/ /spros pa rmi lam ltar byas nas/ /spros pa nyid ni spros med bya/ zhes bya ba la gang du zla gcig nas bzung nas 'bum gyi bar du rgyud gang dang gang las ji skad gsungs pa'i tshul de dang de ltar bslab cing 'bad la yid ches par bya'o/ /de yang ji skad du/ gang gis kha dog gang gsungs pa/ /de nyid de yi dkyil 'khor te/ /lha yi gzugs ni de lta bur/ /sngon gyi sangs rgyas rnams kyis bstan/ zhes gsungs pa'i phyir thog ma nyid du spros pa'i rnal 'byor la 'bad par bya'o/ /de yang ji skad du/ sems can rnams ni blo dman zhing/ /bya ba tsam gyis rmongs pa rnams/ /dngos po'i don la chags dga' ba/ /ma 'ongs dus na 'byung bar 'gyur/ /'di lta'i tshul ni mi shes pas/ /yul dang dus dang bya ba las/ /dge dang mi dge'i mtshan ma yis/ /rmongs pa 'bras bu 'dod byed de/ /sems dpa' chen pos de dag phyir/ /cho ga 'di ni brjod pa yin/ zhes so/ /dper na char gyi rgyun 'bab na/ /chu yi chu bur rnams 'byung ba/ /de bzhin gsang sngags 'grub pa yi/ /sprul pa rnam pa sna tshogs pa/ /sems can med cing srog dang ni/ /byed pa po yang med pa ste/ / dngos po thams cad stong pa la/ /'khrul pa kho na snang bar zad/ /ces pas rdzogs pa'i rim pa rtogs par bya'o/ /ji ltar sgyu ma rmi lam dang/ /bar do'i srid pa gang yin ltar/ /rtag tu goms par sbyor ba las/ /dkyil 'khor nyid ni de bzhin 'dod/ / ces bya ba la/ rdzogs pa'i da ni rang gi lha'i dkyil 'khor 'di nyid/ sgyu ma dang rmi lam dang srid pa bar ma de'i skye bo ltar chags pa dang thogs pa dang bral bar bsgom pa nyid rdzogs pa zhes 'dod de/ 'dod pa so sor spong ba'i phyir/ /so sor spang ba zhes bshad do zhes pa la sogs pa rgya cher gsungs pa'i phyir ro/ /phyag rgya chen po'i dbang bskur bas/ /ji ltar shes pa'i bde chen po/ /de yi 'di ni byin rlabs yin/ /gzhan las dkyil 'khor 'byung ba med/ /ces pa ste ji ltar sgyu ma rmi lam la sogs par shes pa kho na phyag rgya chen po dang/ 'jig rten pa'i spyod pa las 'grol ba'i dbang dang/ yum sgyu 'phrul chen mo dang/ shes rab kyi pha rol tu phyin pa zhes bya ba yin no/ /de'i phyir 'di nyid shes par bya ba'i phyir/ bde ba gnag cing bde ba ser/ /bde ba dmar po bde ba dkar/ /bde ba ljang khu bde ba sngo/ /bde ba rgyu dang mi rgyu kun/ /bde ba shes rab bde ba thabs/ zhes bya ba la sogs pa smos te/ drang dang nges pa'i bye brag las/ /bskyed de spros la zhen spang phyir/ /dkyil 'khor kha dog yang yang bsgyur/ /las la sogs pa'ang 'grub 'gyur la/ /rdo rje 'chang chen drug kyang yin/ /gzhan du/ shes rab ye shes me bo che/ zhes bya ba la sogs pas du ba la sogs pa'i lam gyi mtshan mar gsungs te/ so sor sdud pa'i bde ba nyid de ltar snang ba'i phyir ro/ / de bzhin du sa bon gyi bde ba de nyid kyi dus su gang cung zad dmigs pa'i gzugs dang kha dog dang rgyu ba dang mi rgyu ba rnams bde ba las gzhan par ma mthong ba'i phyir ro/ /de bzhin kun tu ru skyes bde/ /bde ba dngos dang dngos med bde/ /bde ba rdo rje sems dpar brjod// ces gsungs te/ de bas 'dod chags kyi mes tshig pa rnams la kun tu ru'i bde ba nyid mchog tu bshad de/ dngos dang dngos min gyi rang bzhin gyis rdo rje sems dpa' i bde ba thob par byed pa'i phyir la mi 'gyur ba rnams la ji bzhin pa'i rdo rje sems dpa' i bde ba'o/ /da ni spros pa rmi lam lta bu dang/ zhes pas rdzogs pa'i rim pa shes par bya/ zhes pa'i gsung gi dgongs pa dgrol ba'i phyir/ rdo rje snying pos gsol pa/ rdzogs pa'i rim pa'i rnal 'byor 'di/ /de yi bde ba bde chen brjod/ /rdzogs pa bsgom pa med pa ste/ bskyed pa yis ni ci zhig 'tshal/ zhes bya ba la/ kye bcom ldan 'das dbang po gnyis kyi bde ba nyid kyis sangs rgyas pa lags na/ rdzogs pa'i sgom pa gzhan ma mchis te/ de las gzhan pa'i dkyil 'khor dang phyag rgya bcing bas ci zhig 'tshal zhes pa'i don to/ bcom ldan 'das kye'i rdo rje chen pos tshig de dag gsan nas/ e ma byang chub sems dpa' che/ /dad pa'i shugs kyis rab tu nyams/ /zhes gsungs te/ kun rdzob kyi lus kyi dngos po nyid med na/ bde ba chen po zhes bya ba bstan pa'i nus pa med pa'i phyir lus kyi dngos med gang las bde zhes pa la sogs pa smos te/ rmongs pa gang gis nga mi shes/ zhes bya ba la sogs pa'i tshig gi don rnams ni thabs dang shes rab nges par gtan la phab pa'i le'ur rgyas par bstan te/ /de ltar na lus nyid med par 'gyur na de la brten pa'i bde ba yang med do/ /de lta bas na/ rdo rje btsun mo'i b+ha ga ni/ /e yi rnam pa'i cha byad gzugs/ /sangs rgyas rin chen za ma tog /bde ba can la rtag par bzhugs/ /zhes pa ste/ btsun mo mi rigs bzhi sogs las/ /skyes pa'i bu mo mtshar mo ste/ /b+ha ga skye gnas e gzugs la/ /skyes bu'i ling ga baM gi dbyibs/ /kha sbyor gab tshe zhes su dran/ /de yi dbus gnas khu ba la/ /sangs rgyas zhes su 'dren pas gsungs/ zhes pa ste/ de ltar skyes pa dang bud med kyi lus yod na bde ba chen po yod do/ /'chad pa po nga chos kyang ba/ /rang gi tshogs nang nyam pa nga/ /'jig rten ston pa bsgrub bya nga/ /'jig rten 'jig rten 'das pa nga/ zhes bya bas ni byis pa'i skye bo gang dag sangs rgyas la btsun mo dang/ dbang po'i bde ba dang/ 'khor 'dus pa dang/ chos bstan pa dang/ snyon pa dang/ nyan pa la sogs pa dang/ 'dod chags kyis bstan pa nges par yod ces sems pa dag bkag pa yin te/ 'di ltar ma 'ongs pa'i skye bo rnams kyis rtogs par bya ba'i phyir sangs rgyas kyi rol pa bstan pa yin la/ /yang dag par na sangs rgyas ni rdo rje lta bu'i sku dang/ glang po ltar mi g.yo ba yin par shes par bya'o/ /de ltar na yang rang gi lus po las sangs rgyas 'byung bar bstan te/ mtshan dang dpe byad dang ldan pa'i rdo rje lta bu'i sku yang khu ba la brten te 'khrungs pa'i phyir/ lhan cig skyes dga' i rang bzhin nga/ /dga' bral dang po'i mchog mdza' can/ /mun rum la ni mar me ltar/ /de bzhin bus kyang yid ches gyis/ zhes gsungs te/ thabs dam pa 'di yang btsun mo mchog dang sbyor ba na bla ma'i bka' la brten te/ chags ba bral ba'i dang po mchog gi dga' ba'i tha mar mun pa dmag tu gyur pa la mar me gsal ba ltar mtshan par byas na/ 'di ltar btsun mo'i lhag bde can na/ /ston pa sum cu rtsa gnyis mtshan mnga' bdag dpe byad brgyad cur ldan/ /khu ba zhes bya'i rnam pas gnas/ zhes gsungs te/ nges pa'i don yang rtsa ba'i rgyud las 'di lta ste/ dpe byad brgyad cu sogs spras pa'i/ /mnga' bdag khu ba yin zhes pa/ bde ba 'jig med brtan pa yis/ / tshul khrims ral ba med pa ru/ /bsam gtan bzhi yi mdza' gzung ste/ /yid kyi me tog dang sa can 'di/ /rlung gis yongs su mi 'da' bar/ /bcings pas dpe byad ldan par 'gyur/ zhes nges pa'i don du gsungs so/ /de ltar lus med na khu ba med la/ khu ba med na bde ba dmigs par ga la 'gyur/ /de bas na sangs rgyas zhes bya ba yang med par 'gyur ro/ /de ltar na/ de med pas na bde med 'gyur/ /bde ba med na de med 'gyur/ /nus pa med phyir bltos dang bcas/ zhes gsungs te nges par de bzhin gshegs pas bstan pa'o/ /de bas na yang dag par sangs rgyas zhes bya ba dngos po dang dngos po ma yin pa'i tha snyad thams cad las grol ba/ bzhin dang mdog la sogs pa ma yin pa/ /bde ba'i rnam pa ma yin pa ste/ dga' ba bzhi dang 'khor lo bzhi dang/ skad cig ma bzhi dang/ 'bras bu bzhi dang/ dbang bzhi dang/ gnas skabs bzhi la sogs pa dang/ skyes pa dang/ mi mo'i bde ba dang/ rtsa dang rlung dang/ thig le dang/ zla ba'i dum bu dang/ sgra dang tshig la sogs pa rnams sangs rgyas ma yin te/ gang de ltar bstan pa rnams gdul bar dka' ba'i skye bo la bstan pa ste/ de'i phyir dbang po gnyis kyi bde ba yang bstan la/ /sangs rgyas lhan cig skyes pa'i rang bzhin zhes pa yang khu ba'i lhan cig skyes pa ma yin te/ rang bzhin du gnas pa'i lhan cig skyes pa la sangs rgyas zhes gsungs so/ /lha yi rnal 'byor las bde ba/ /de phyir sangs rgyas dngos po min/ /de nyid dngos med tshul yang min/ /zhal phyag rnam pa'i gzugs can nyid/ /mchog tu bde ba gzugs med pa/ /de bzhin 'gro kun lhan cig skyes/ zhes bya ba gsungs te/ bde bas kun la khyab pa'i phyir dang/ rang bzhin lhan cig skyes pas kun la khyab pa'i phyir de skad ces gsungs te/ rnam pa 'di dag rtogs par bya ba'i phyir thabs gzhan yod par ma gzigs pas/ /kun rdzob kyi gzugs 'di nyid mchog tu bsngags pa mdzad do/ /de bas na rtsol ba las byung ba'i bde ba lhan cig pa ma yin te/ glo bur ba yin pa'i phyir/ ston ka'i me tog la sogs pa dang 'dra'o/ /de'i phyir yang rang bzhin lhan cig skyes par brjod ces gsungs so/ /de las gzhan ba ni 'dra ba'i dpe ste byis pa rnams gzhug pa'i don to/ /rnam dag rnam ba'i sems kyis ni/ /rang bzhin mya ngan 'das pa nyid/ /ces bya ba ni/ bskyed pa'i rim pa nyid gzod ma nas rang bzhin gyis dag pa'i phyir ro/ /'o na bskyed pa'i ting nge 'dzin gyis rnam pa ci zhig bya zhe na/ lha yi rnam pa'i gzugs rag tu/ /bzhin lag kha dog gnas pa ni/ /bskyed pa tsam gyis rnam par gnas/ /'on kyang bag chags phal bas so/ /zhes bya ba smos te/ de ltar gzod ma nas ngo bo nyid kyis 'bral ba yin gyis kyang byis pa rnams kyis rtogs pa'i skal ba med pa'i phyir/ bag chags phal pas bzhin lag dang kha dog gi lha ru bstan pas byis pa rnams grol bar 'gyur gyis/ bzhan du ni ma yin no/ /de bzhin du 'jig rten na yang dpe mngon du snang ste/ 'di ltar dug gi dum bu gang nyid kyis/ /skye bo thams cad 'chi bar 'gyur/ zhes bya ba ni 'jig rten pa la mngon sum du grub bo/ /de bzhin du dug gi de bzhin nyid shes pa des/ /dug gis dug ni 'joms par byed/ ces bya ba yang 'jig rten pa la mngon du grub ste/ 'di ltar skyes bu dag gi sngags dang sman shes pa 'ga' zhig gis dug gi dum bu 'ga' la byin gyis brlabs te zos na gnod par mi 'gyur la/ slar bzhin nad kyi gzhi 'ga' la phan 'dogs pa'i gzhir 'gyur ro/ /de bzhin gzhan du yang nus pa mngon du snang ste/ 'di ltar/ dper na rlung nang ldang ba la/ mon sran sde'u yi bza' ba bzhin/ /bzlog pa'i sman ni brtags pa las/ rlung gis rlung la bsnun bar byed/ ces bya ba gsungs te/ 'di ltar skyes bu rlung nad kyis btab pa 'ga' la/ mon sran sde'u yi tshed ma bza' btung du byin na/ re zhig nad de rgyas par 'gyur la/ phyis de nyid 'joms par byed pa'i sman pas mar la sogs pa lan bdun du bsdus la 'bras bu gsum gyi phye ma dang sbyar ba'i bza' ba byin pas rlung nad de brtsad nas 'joms par byed do/ /dpe de bzhin du/ rnam rtog gis ni rnam rtog dang/ srid pa nyid kyis srid pa dag /ces bya ba gsungs te/ 'di ltar bskyed pa'i ting nge 'dzin rnam par rtog pa'i bdag nyid can/ /lag pa'i phyag rgya bcing pa dang/ 'dug stangs dang/ lta stangs dang/ phred ba'i khyad par la sogs pas thog ma nyid du 'jig rten pa'i tha snyad khyad par can du byas la phyis phyi ma'i yon tan gyis sngon ma rnams spang bar bya ba ni rgyud de dang de'i nges pa'o/ /de bzhin du bsdus pa'i rgyud 'di nyid las kyang ji skad du/ dga' bral dga' ba srid pa ste/ /de bas lhan cig skyes pa bsgom/ ces gsungs so/ /de ltar yang dper na rna bar chu zhugs pa/ chu gzhan gyis ni gdon par bya/ zhes bya ba gsungs te/ rna ba'i bu ga'i gting na chu'i thigs pa 'ga' yod na/ chu gzhan sngar bzhin blugs pas phyir 'byung ba ni 'jig rten pa la mngon du grub bo/ /dpe de bzhin du/ de bzhin dngos po'i rnam rtog kyang/ /rnam rtog nyid kyis sbyang bar bya/ zhes bya ba ste/ spros pa'i ting nge 'dzin dang brtags pa'i chos lus dang lus kyi cha shas lha'i rnam par brtags pa srid pa'i mtshan nyid can ma gtogs par grol bar 'gyur ba'i thabs med par 'gyur ro/ /de bzhin du yang 'jig rten na mngon sum du snang ba'i dpe ni 'di lta ste/ dper na me yis tshig pa la/ /slar bzhin me yis gdung bar bya/ zhes bya ba 'ga' zhig gi yan lag me yis tshig pa'i skad cig la byis pa mi mkhas pa kha cig ni/ mi mthun pa'i dngos po chu'i nang du reg par byed de/ slar zhing gnod par byed do/ /de bzhin du/ de ltar 'dod chags mes tshig pa/ /'dod chags me yis slar la gdung/ /skye bo mi bzad pa yi las/ /gang dang gang gis 'ching 'gyur ba/ /thabs dang bcas nas de nyid kyis/ /srid pa'i 'ching ba las grol 'gyur/ /zhes bya ba gsungs te/ 'di'i don yang rtsa ba'i rgyud las ji skad du/ 'dod chags la sogs nyon mongs rnams/ /mi rnams kun tu 'ching 'gyur zhes/ /'dren pa dpa' bos gsungs pa ni/ /thabs dang mi ldan mi la gsungs/ /gang zhig thabs ldan skyes bu la de nyid kyis ni grol 'gyur zhes/ /slar yang mnga' bdag chen pos gsungs/ /de yi thabs ni 'di dag go/ 'di lta ste gang 'jig rten gsum gyi skyes bu chags pa can rnams 'di ltar bdag gis bdog pa phun sum tshogs pa yang 'dod chags nyid kyis ma rungs par byed la/ 'khor bar gnas par byed pa yang 'di nyid de/ 'di ltar de kho na nyid med pa'i phyir/ glang po che smon pa gang zhig gi steng du lcags kyu 'dzin pa'i kha lo pa med par zhon pa dang mtshungs so/ /de lta bas na chags pas 'jig rten 'ching 'gyur ba/ /'dod chags nyid kyis rnam grol 'gyur/ zhes bya ba gsungs te/ 'dzag bas ni 'ching bar 'gyur la/ 'dzag pa med pas mi zad pa'i bdo bas ni grol bar 'gyur ro/ /de ltar na de bzhin gshegs pas gnas gang du smad par gsungs pa de ni 'dzag pa la dgongs pa yin la/ gang du bsngags pa mdzad pa ni/ mi 'gyur ba'i bde ba 'di lta bu nyid la dgongs pa yin no/ /de ltar na chags pa de nyid mi 'gyur ba 'di ni/ byis pa'i rnal 'byor gyi yul ma yin te/ zlog pa'i bsgom pa 'di nyid ni/ /sangs rgyas mu stegs kyis mi shes/ zhes bya ba gsungs te/ ci'i phyir zhe na/ gang gis skad cig la de bzhin gshegs pa'i rang bzhin du 'gyur ba'i phyir ro/ /'di skad du/ 'byung ba lnga'i rang bzhin phyir/ zhes bya ba gsungs te/ 'dod chags gang gi skad cig la 'byung ba lnga'i rang bzhin du 'gyur ba de'i phyir ro/ /gang yin zhe na/ kun tu ru la lnga ru 'gyur/ zhes pa ste snyoms par 'jug pa'i dus so/ /dga' ba chen po gcig nyid las/ dbye ba lnga ru 'gro bar 'gyur/ zhes bya ba smos te/ nam mkha' lta bu'i 'od gsal ba'i dga' ba chen po gcig po nyid kyis dus su 'jig rten kun rdzob tu gnas skabs tha dad pa lnga 'gyur ste/ 'di ltar po la kak+ko la sbyor bas/ zhes bya ba rdo rje dang thod pa sbyor ba'i dus su'o// //gang du reg pas sra ba'i bag chags nyid/ /sra ba gti mug chos kyi phyir/ /gti mug rnam par snang mdzad brjod ces bya ba gsungs te/ gang gis skad cig la ma khrad ba dang/ sra ba sa'i khams yin la/ de'i phyir skad cig de ni rnam par snang mdzod du brjod do/ /de bzhin du byang chub sems ni gsher ba yi/ /chu yi khams su rab brjod de/ /zhe sdang 'dren pa mi bskyod pa bya ba yin la mi bskyod pa gsher ba'i mtshan nyid de ni chu'i khams yin no/ /de bzhin du gnyis sprad pa'i dus su drod skyes pa dpag med 'od yin te/ 'dod chags drod las 'byung ba'i phyir/ 'dod chags kyi drod de me'i khams yin no/ /de bzhin du kak+ko lar ni gang zhig sems/ /de ni rlung gi rang bzhin can/ /phrag dog don yod grub pa yin/ /don yod rlung las 'byung ba nyid/ ces bya ba gsungs te/ dus der thig le g.yo zhing ltung ba rlung gi byed pa yin la/ don thams cad rlung gis bsgrub pa'i phyir de skad ces bya'o/ /bde ba'i 'dod chags khrag tu 'gyur/ /dga' ba nam mkha' i mtshan nyid do/ /nam mkha' ser sna rdo rjes 'gyur/ /ser sna nam mkha' las byung nyid/ ces bya ba la skad cig gang la khrag la brten te 'byung ba'i bde ba de ni/ rin chen 'byung ldan gyi mtshan nyid do/ /rin po che nam mkha' i yon tan to/ /de ltar na bde ba'i sems chen po gang na gcig yod pa de na lnga'i gzugs kyis nges par gnas te/ rigs lnga'i rang bzhin can 'byung bar 'gyur ba de nyid kyi phyir sangs rgyas pa dang/ mu stegs rnams kyis rig par mi 'gyur te/ slar bzhin skrag par 'gyur ro/ /de ltar na/ rigs ni lnga po de nyid las/ /stong phag du ma skyes pa nyid/ ces bya ba gsungs te/ rigs kyi gtso bo rnam pa lnga po de las rigs phal pa bgrang ba las 'das pa 'byung bar 'gyur ro/ /de'i phyir na 'dod ba'i 'dod chags kyang dpag tu med par rig par bya'o/ /rigs lnga po de dag kyang mgrin pa dang rkan dang spyi bo dang mchu dang so'i chos can du bstan par bya'o/ /'di lta ste/ a ai ri au li zhes bya ba rnams gnas lnga nas 'byung ba'i rigs lngar 'dod cing de dag rnams la yon tan dang 'phel ba dang ya Na'i rkyen gyis bsgyur bas ring thung du phye ste bsgyur na/ dpag tu med par 'gyur du rung ngo/ /mdo tsam zhig bstan pa 'di lta ste/ dngos po 'di dag thabs dang shes rab kyi char gnas la/ de yang A li dang kA li kho nar 'dus so/ /A li ni lnga yin te gnas lnga nas 'byung ba'i yi ge ltar bstan to/ /gong du brjod pa nyid do/ /lnga po de rnams la thig les mnan pas thabs kyi cha ston par byed pa ste/ drug dang de bzhin du lnga po de las rnam par bcad par bya bas mnan pas yang drug ste shes rab kyi char ston par byed pa yin no/ /de bzhin du gsal byed 'ba' zhig ni sum cu'o/ /de ltar na gsal byed sum cu po la thabs kyi yi ge drug gis nye bar bsgyur na brgya brgyad cur 'gyur te bgrod pa gcig gis so/ /yang de bzhin du sum cu po shes rab kyi yi ge drug gis nye bar bsgyur bas brgya brgyad cu ste sngon dang mtshungs te de ltar bgrod pa gnyis su 'grub bo/ /brgya brgyad cu gnyis thabs dang shes rab gnyis su med pa'i tshul du bsres pas sum brgya drug cu'o/ /de ni nang du 'byung ba gcig gi rlung yin la/ phyir ni lo gcig gi zhag yin no/ /sum brgya drug cu la 'byung ba lngar bsgyur bas stong brgyad brgya yin la/ yang de la 'pho pa bcu gnyis te zla ba bcu gnyis kyi khyim bcu gnyis kyis nye bar bsgyur na nyi khri chig stong drug brgya zhes bya bar gnas te/ de ltar na rigs thams cad rigs lnga las 'byung bar 'gyur ro/ /de ltar na lo bcu gnyis dang lo bcu drug dag ni zla ba dang zhag dang/ chu tshod dang chu srang dang/ dbugs rnams la 'byung ba rnam pa lngas bsgyur na/ bgrang ba las 'das pa'i rigs su shes par bya'o/ /de ltar na de'i phyir 'di dag rang bzhin gcig / bde chen mchog tu phan pa nyid/ /'dod chags la sogs sems lnga yis/ /dbye ba lnga ru 'gro bar 'gyur/ /gaM gA klung bcu'i bye snyed nyid/ /rigs gcig la ni de bzhin gshegs pa'i tshogs/ /rigs kyi tshogs la rigs ni du ma rnams/ /de rnams rig pa rigs ni rnam pa brgya/ /de rnams la yang 'bum phrag rigs chen rnams/ /bye ba'i rigs la grangs ni med par 'gyur/ /de la rigs la grangs med rigs rnams nyid/ /mchog tu dga' ba'i rigs las byung ba rnams zhes bya ba gsungs te/ bde ba chen po nam mkha' i rigs lus can thams cad la mchog tu phan pa bskyed pa/ ma bcos pa'i lhan cig skyes pa 'di ni/ dbang po gnyis snyoms par 'jug pa'i bde ba ma gtogs pa gzhan du shes pa'i thabs med pa'i phyir/ nyan thos dang rang rgyal ba dang mu stegs byed rnams la gsang bar nges so/ /kye'i rdo rje nges pa'i don gyi rgya cher bshad pa las/ dngos grub gtan la phab pa zhes bya ba'i le'u'i rgya cher bshad pa ste gnyis pa'o// //gang zhig dga' ba bzhi rgyu can/ /e baM yi ger phyag 'tshal te/ /rgyud kyi gleng gzhi gsang ba'i skad/ /rgyas bshad rdo rje snying pos bri/ /de nas rdo rje can gyi rnal 'byor ma rnams la rgyud thams cad kyi gleng gzhi zhes bya ba'i thabs bka' stsal pa/ zhes bya ba la sogs pa smos te/ de la rgyud ni rnam pa bzhi ste/ slob dpon dang gsang ba dang shes rab ye shes dang bzhi pa ste/ rnam pa bzhi'i rgyud do/ /gleng gzhi ni lo rgyus dang gnas dang spyod pa dang mi 'bral ba la bya'o/ /thabs de dag bcom ldan 'das kyis bka' stsal zhes sbyar ro/ /de bzhin du gzhan yang/ sdom pa dang ni dbang dang yang/ / de bzhin brda yis skad nyid dang/ /dga' dang skad cig dbye ba dang/ /gzhan yang bza' ba la sogs pa/ /de la sdom pa gsungs pa ni zhes bya ba smos te/ 'di ltar kye'i rdo rje ni mtshon pa yin la/ de bzhin du gtsug lag gi rgyud thams cad kyi sdom pa ni gang/ dbang ni gang dga' ba ni du/ skad cig gi dbye ba ni gang/ /rnal 'byor gyi bza' ba ni ji lta bu yin pa ma 'ongs pa'i skye bo rnams la phan pa'i phyir/ bcom ldan 'das kyis gsungs zhes sbyar ro/ /de la sangs rgyas kun gyi sdom pa ni/ /e baM rnam par rab tu gnas/ / e baM rnam pa'i bde chen po/ /dbang las yang dag shes par 'gyur/ /zhes bya ba la don 'di yang rtsa ba'i rgyud nyid las/ da ni mya ngan 'das rjes su/ /nyan thos byis pas rtogs bya'i phyir/ /lag na rdo rje la sogs la/ /chos kyi thog mar e baM skad/ /khod cig ces pa drang ba'i don/ /da ni mya ngan 'da' ba med/ /nga ni rdo rje lta bu'i sku/ /dus rnams kun tu nga 'dug ste/ /byis pa rnams la 'pho bar bstan/ /de lta bu ni drang ba'i don gyi gleng gzhi'o/ /nges pa'i don du ni e baM zhes pa pha dang ma/ /e baM nyi zlar rab tu bstan/ /e baM khrag dang khu ba dngos/ /e baM g.yas dang g.yon pa yin/ /e baM ling ga skye gnas brjod/ /e baM thabs dang shes rab ste/ /e baM bde sdug kun gyi gzhi/ /e ni lte ba spyi bo baM zhes bya ba gsungs te/ nges pa'i don to/ /de nas rnal 'byor ma rnams kyis/ /bcom ldan 'das rdo rje sems dpa' la 'di skad ces gsol to/ /zhes pa ni bsgra ji bzhin par bstan ba'o/ /bcom ldan ston pa 'gro pa'i bla/ /mkha' 'gro ma yi sdom pa nyid/ /e paM rnam pa ci zhig lags/ /rim pa ji ltar bshad du gsol// zhes bya ba ni mkha' 'gro ma rnams kyis bcom ldan 'das kye'i rdo rje/ /rdo rje sems dpa' i rang bzhin la/ /mngon du bos nas mkha' 'gro ma'i bde ba'i sdom pa dang/ yi ge e baM gi don ji ltar lags pa kho mo cag gis mi 'tshal gyi/ de bshad du gsol zhes pa'i don to/ /de'i lan du gsung bar bzhed nas/ bcom ldan 'das kyis bka' stsal pa/ e yi cha byad bzang po gang/ zhes bya ba la sogs pa gsungs te/ 'di ltar bdag med ma dang ri khrod lo ma can la sogs pa'i rnal 'byor ma khyed rnams nyon cig / 'di ltar/ e zhes bya ba sangs rgyas thams cad kyi gsang chen yin la/ de nyid rnal 'byor ma khyed rnams nyid kyi lus kyi dbus na/ gru gsum 'bar ba'i cha byad du gnas shing/ de nyid kyi dbus na srid pa gsum gyi bde ba thams cad 'dren par byed pa bum pa bzang po la dpag bsam gyi shing gi kha rgyan gyis brgyan pa/ dri ma med pa'i chu yis bkang ba lta bu gnas pa yin te/ rigs kyi bu mo dag 'di ni/ e yi cha byad bzang po gang/ /dbus su paM gi rnam pas brgyan/ /bde ba thams cad kyi ni gnas/ /sangs rgyas rin chen za ma tog /ces bya ba yin te/ 'di ltar 'di nyid ni 'jig rten gsum gyi bde ba thams cad kyi gzhi rten dang/ rnal 'byor ma rnams kyi bde ba'i sdom pa'i gnas dang/ dka' thub can rnams kyi tshul khrims bsrung bar bya ba'i gzhi yin la/ sangs rgyas rnams kyi bde ba rin po che'i gzhal yas khang zhes kyang btags so/ /de bas na las kyi dang por gtogs pa gnyis sprod pa'i bde bas 'tshang rgyal bar 'dod pa rnams kyis kyang/ gzhi 'di la brten te skad cig ma bzhis phye ste bla ma'i lung bzhin du 'jug par byas na tshe 'di nyid kyis rdo rje 'chang chen po'i go 'phangs 'thob ces gsungs so/ /de la dgongs nas bcom ldan 'das kyis kyang/ skad cig dbye bas phye ba la/ /dga' ba de las skye bar 'gyur/ /skad cig shes nas bde shes pa/ /e baM rnam par rab tu gnas zhes gsungs te/ gleng gzhi dang sdom pa bstan pa'o/ /da ni skad cig bzhi dang dga' ba bzhi la sogs pa bstan par bya ba'i phyir/ sna tshogs dang ni rnam smin dang/ /rnam nyed de bzhin mtshan nyid bral/ zhes bya ba ste/ de yang ji skad du rtsa ba'i rgyud las/ lugs dang lugs bzlog khyad par las/ /sna tshogs sum cu rtsa gnyis gnas/ /rnam par smin pa bcu drug na/ /brgyad kyi gnas nas rnam nyed nyid/ /bcu drug bzhi gnas mtshan nyid bral/ /sa dang chu dang me dang rlung/ /rim pa bzhin du shes par bya/ /lugs 'byung rim pa 'di lta ste/ g.yon na rgyu bar shes par bya/ /lugs bzlog de las bzlog yin te/ /sum cu gnyis gnas mtshan nyid bral/ /g.yas na rgyu bar shes par bya/ /rten 'brel lugs 'byung lugs las bzlog /dge slong dgra bcom zag pa zad/ /'dod chags bral bas dbang po thul/ /zhes gsungs so/ /de ltar yang/ skad cig bzhi ni rab shes na/ /de nyid rnal 'byor pas shes 'gyur zhes pa ste/ skad cig bzhi'i bye brag ma shes par de kho na nyid du mi 'gyur te/ ji ltar phyi yin de bzhin nang/ /zhes gsungs pa'i phyir ro/ /'khyud dang 'o byed la sogs pa/ /sna tshogs rnam pa sna tshogs bshad/ ces bya ba ni 'khyung pa'i skad cig ma ni sna tshogs pa'o/ /de bzhin du 'o byed pa dang/ 'dzum pa la sogs pa dang/ na kha marda na la sogs pa thams cad sna tshogs kyi mtshan nyid yin la/ rnam par smin pa ni tha ltag tu 'byung ste/ de'i gong du ni/ rnam par nyed pa bde ba'i ye shes zab nyid 'byung ste/ bde ba zos pas ni rnam par smin pa zhes bya zhing/ rnam par nyed pa'i skad cig gros zhes kyang brjod do/ /mtshan nyid dang bral ba ni gsum las tha dad de/ zab dang zos pa dang gros la sogs pa dang bral ba'o/ /'di ni bla na med par rang dgar 'jug pa spang ba'i phyir rgyud du dkrugs te bstan to/ /des na rnam par smin pa de las bzlog /bde ba'i ye shes za ba nyid/ /bdag gis bde ba zos pa'o/ /gros ni rnam par nyed par brjod/ /mtshan nyid bral ba gsum las gzhan/ /chags dang chags bral rnam par spangs/ /zhes go bzlog ste rdo rje'i tshig tu gsungs so/ /da ni dga' ba bzhi skad cig ma bzhi dang ldan pa bshad de/ sna tshogs dang po'i dga' ba nyid/ /dpral ba'i 'khor lor rab tu bstan/ /rnam smin la ni mchog dga' nyid/ /mgrin pa'i 'khor lor rab tu bstan/ /rnam nyed khyad par dga' ba nyid/ /snying ka'i 'khor lor rab tu brjod/ /mtshan bral lhan cig skyes dga' nyid/ /lte ba'i 'khor lor rab tu bstan/ /rgyun las bzlog pa sngon bzhin du/ /mtshan nyid bral bas bde chen nyid/ /slob dpon gsang ba shes rab dang/ /bzhi pa slar yang de bzhin no/ /zhes bya ba ste/ chu sogs bum pa'i mdza' ma can/ /byis pa gzhug phyir slob dpon dbang/ /gsang ba thob pas dga' ba ni/ /gsang ba'i dbang du yang dag brjod/ /shes rab la reg shes rab dbang/ / gsum las gzhan pa bzhi pa ste/ /de bzhin slar yang de bzhin zhes/ /gsungs pa'i phyir na bzhi pa ni/ /gsum pa ma yin gzhan du dpyad/ /ces pa ni nges pa'i don du rdo rje slob dpon gyi dbang du bshad do/ /de ltar na dbang rnam pa bzhi po drang ba dang nges pa'i don gyi 'jig rten dang/ 'jig rten las 'das pa zhes bya bar rnam par bzhag go /dbang ni bzhi yi grangs kyis ni/ /dga' ba la sogs rim shes bya/ zhes gsungs te/ lugs dang lugs las bzlog pa'i khyad par gyis sngon bzhin du khong du chud par bya'o/ /rgod pas dga' ba thob pa ni/ /rgod pa dag la slob dpon nyid/ /lta bas dga' ba thob pa ni/ /lta ba gsang ba de bzhin no/ /lag bcangs dga' ba thob pa ni/ /lag bcangs la ni shes rab nyid/ /gnyis gnyis sprad las bde thob pa/ /gnyis gnyis 'khyud pa de bzhin nyid/ /de ltar dbang ni rnam pa bzhi/ /phyi dang nang gi dbye ba yis/ /rdo rje slob dpon blo ldan pas/ /slob ma skye bo mchog la bstan/ /sems can rnams kyi dngos grub phyir/ /dbang ni rnam pa bzhi ru bshad/ /gtor dang blugs pa zhes bya 'dis/ /des na dbang zhes brjod par bya/ zhes bya ba ni dag pa dang 'khru bar byed pa'i dbang yin te/ nyon mongs pa'i gdung ba'i dri ma 'khru ba'i phyir ro/ /da ni nang gi slob dpon gyi dbang bstan par bya ba'i phyir/ shes rab bcu drug lon pa la/ /lag pa dag gis yang dag 'khyud/ / rdo rje dril bu mnyam sbyor bas/ /slob dpon dbang du rab tu brjod/ ces bya ba bstan te/ shes rab zla ba 'byung ba yi/ /cha shas bcu drug lo ldan la/ /rang gi rdo rje dag dang ni/ /de yi dril bu sbyor ba yis/ /bde ba nges par slob dpon dbang de bzhin du/ shin tu bzhin bzangs mig yangs ma/ /gzugs dang lang tshos rnam par brgyan/ /the bo srin lag dag gis ni/ /slob ma'i kha ru ltung bar bya/ zhes bya ba ni de ltar bsten pa las byung ba'i rdzas slob ma'i ngag gi lam sbyangs pa gsang ba yin no/ /de'i rjes la rdo rje slob dpon gyis shes rab de bza' btud la sogs pas tshim par mchod la slob ma la 'di skad ces bya bas gtad par bya ste/ sems dpa' chen po khyod kyis ni/ /phyag rgya bde dang ldan pa khyer/ /phrag dog khro ba rnam spangs pa'i/ /slob ma cher 'gyur shes nas ni/ /ston pas de la gnang ba sbyin/ zhes bya ba ste/ 'di ltar sa dang chu dang me dang rlung gi bde ba 'byung ba'i phyag rgya 'di rigs kyi bu khyod kyis khyer la mchod par gyis shig / ces bya bar bsgo ba'o/ /gzhan yang kun tu ru gyis rdo rje 'dzin zhes pas kun tu ru'i sbyor ba'i khyad par yang slob ma de la legs par bstan par bya'o/ /de bzhin du 'di skad du/ slob mas kyang/ bla ma phyag rgyar ldan mthang na/ /bstod dang mchod pa tshul bzhin bya/ /'di lta ste/ bcom ldan zhi ba chen po kye/ /rdo rje rnal 'byor ci bzhed pa/ /mi phyed phyag rgya sgrub pa po/ /rdo rje rnal 'byor las 'byung ba/ /ji ltar khyed kyi bdag nyid che/ /mnga' bdag bdag la'ang de ltar mdzod/ /'khor ba'i 'dam gyi tshogs dag tu/ /bying ba skyabs med bdag la skyobs/ zhes bya ba bla ma rdo rje 'dzin pa la slob ma blo dang ldan pas gsol ba gdab par byas la/ bza' btung gi mchod pa la dang/ ma da na la sogs pa dang/ de bzhin du 'dug pa dang/ zhal zas dang/ phreng ba dang/ dril bu dang/ rgyal mtshan dang/ byug pa la sogs pa mchod pa'i rdzas 'di rnams kyis/ rdo rje slob dpon yang dag par mchod par bya'o/ /de'i rjes la bla ma dgyes par gyur pas sna tshogs la sogs pa'i skad cig spangs pa'i rjes thogs su slob dpon gyis slob ma de la slar bzhin 'di skad ces/ ston pas smras pa sems dpa' che/ /bde ba chen po rnam par gzung/ /ji srid byang chub bar du ni/ /sems can don gyi rdo rje 'dzin zhes bya bas gang gi gnad kyi gnas srid pa'i bdag nyid can yongs su spangs pa'i srid pa nyid kyi gnas bstan par bya ba ni de kho na nyid do/ /de'i rjes la yang slob ma'i sems kyi kun tu rtog pa spang bar bya ba'i phyir 'di skad ces slob dpon gyis brjod par bya'o/ /'di nyid ye shes chen po nyid/ /thams cad lus la rnam par gnas/ /gnyis dang gnyis su med pa'i tshul/ /dngos dang dngos med bdag nyid gtso/ /brtan dang g.yo ba khyab nas gnas zhes bya ba ste/ 'di lta ste/ rigs kyi bu dus gsum gyi sangs rgyas thams cad kyis rjes su spyad cing kun tu gsang la rgyas btab pa 'di ni/ khyod kyis rang gi lus kho na la yod par shes par gyis la/ gzhan du som nyid dang dogs pa ma byed cig / de ci'i phyir zhe na/ 'di ltar rdo rje phreng ba zhes bya ba'i rgyud las kyang ji skad du/ rang lus 'gyur ba med pa 'di/ /mchog gcig gis ni shes bya ste/ /de ni dpe yis nyer mtshon nas/ /bla ma'i kha las rtogs par bya/ zhes gsungs pa'i phyir/ rigs kyi bu 'di lta ste lus can rnams khu ba'i gzugs kyis gnas so/ zhes bsgo bar bya'o/ /de bzhin du khu ba de nyid yang dag par 'dod pa dgag cing ring nas mtshon par bya ba'i tshul du bstan par bya ste/ slar bzhin 'di skad ces/ sgyu ma'i gzugs can nyid du 'dod/ /dkyil 'khor 'khor lo'i thabs kyis ni/ /rtag tu nges par grol bar 'gyur/ /zhes bya bas bsgo bar bya'o/ /'di ltar rigs kyi bu dag rang gi lus la khu ba gnas pa 'di yang sems can thams cad dang bde ba thun mong pa yin pa'i phyir/ dngos su 'dis grol ba ni yod pa ma yin no/ /gal te dngos su grol ba lta na ni/ mngon sum nyid du 'gal ba'i phyir thabs dam pa'i tshul du 'dod mar re zhig rdul tshon gyi gzhal yas khang dang/ lag pa'i phyag rgya bcing ba dang/ sdom pa gzung ba la sogs pa mngon du 'gro bar bya zing ba rtags pa'i rnal 'byor goms pa dang/ dus ji srid lon pa na/ lus kyi dkyil 'khor yongs su shes par byas nas snying po'i ro myangs te tshul ltar bsten na grol bar 'gyur ro/ / zhes bstan par bya'o/ /de yang tshig gong ma 'di dag nyid kyis gsal bar ston te/ de nas rdo rje snying pos/ /rang dang lhan cig tu gnas pa'i bar na/ ri khrod lo ma can la sogs pa'i rnal 'byor rnams la bzod par gsol nas/ bcom ldan 'das la 'di skad ces gsol to zhes pa nas/ rim pa ji ltar bshad du gsol zhes pa yan chad kyis ni rdo rje snying pos zhus pa bstan la/ de'i rjes su bcom ldan 'das kyis lan gsungs pa 'di lta ste/ dkyil 'khor snying po zhes brjod de/ /byang chub sems ni bde chen po zhes bya bas bstan te/ /snying po ni bcud len cing 'dzin la rtogs par byed pa'i phyir dang/ de bzhin du sa dang chu la sogs pa'i tshul gyis srog dang thig le 'khor ba'i phyir 'khor lo zhes brjod do/ /'di ltar dang po mthar byed ces bya ba/ 'dus pa'i dkyil 'khor nyid du brjod ces bya ba gsungs te/ gnas gang du srog gi rlung dang khu ba'i thig le dag 'dus pa'i gnas de ni snying po zhes su brjod de/ de ltar yang/ 'khor lo zhes bya nam mkha' i khams/ /yul la sogs pa rnam par sbyor zhes pa ste/ de nyid shes par 'gyur ba'i mthun pa'i dpe ston pa ste/ gnas kyi pad+ma nam mkha' i khams zhes bya ba la/ skyes bu rnams kyi ling ba dang/ /phan tshun sprad pa'i dus pas mtshon par 'gyur te/ de'i phyir po la kak+ko la sbyor bas/ /de yi bde ba shes par 'gyur zhes gsungs pa'i phyir ro/ /de bzhin du yang slar bcom ldan 'das la rdo rje snying pos kye'i rdo rjer gnas pa rnams la sdom pa dang dam tshig ji ltar gnas par bgyi ba bcom ldan 'das la zhus pa dang/ bcom ldan 'das kyis bka' stsal pa/ khyod kyis srog chags gsad par bya/ /gang phyir srog ni sems su brjod/ /sems ni rlung dang khu ba yin/ /sems gcig srog chags gsod pa nyid/ /gzhan du ma yin gnas do ru/ /brdzun gyi tshig kyang smra bar bya/ /'jig rten bsgral ba zhes bya ba/ /brdzun gyi tshig tu rab bsgrags te/ /de yang ma yin gzhan du spyad/ /bdag gi srog rlung thogs pas na/ /cig car 'gro kun srad kyis ni/ /gang dang gang la da de dang/ /mthun pa'i chos ston brdzun gyi tshig /khyod kyis ma byin par yang blang/ /btsun mo'i khu ba ma byin pa/ /rang la yod pa'i bud med mchog /ma byin blang gi gzhan du min/ /pha rol bud med bsten par bya/ /rdo rje sems sogs gzhan bud med/ /mchog tu bsten gyis gzhan du na/ /dri ma rab ldan ma mo min/ /zhes bya bas nges pa'i don gyi sdom pa bstan to/ /de nas yul dang yul can phung po dang/ khams dang skye mched dang gzugs sgra dri ro reg bya la sogs pa thams cad phan tshun du 'dus pa nyid dkyil 'khor gyi 'khor lor gsungs pa la/ rnal 'byor ma rnams kyis phung po dang khams dang skye mched la sogs pa yul dang yul can rnam pa nyid ma 'tshal nas bcom ldan 'das la zhus pa/ yul de rnams kyang ci lags zhes pa nas/ 'di rnams kyi rang bzhin ci lags shes pas bstan la/ de la bcom ldan 'das kyis bka' stsal pa/ 'di lta ste/ yul drug ni/ gzugs sgra de bzhin dri dang ni/ /ro dang de bzhin reg bya dang/ /chos kyi khams kyi rang bzhin nyid/ /'di rnams yul ni drug tu brjod/ ces bya ba smos te/ yul gzugs la au zhes pa ste mchu las 'byung ba dang/ sgra la a:zhes pa ste gre ba las 'byung ba dang/ dri la a la zhes pa ste so las 'byung ba dang/ ro la ar zhes pa ste spyi bo nas 'byung ba dang/ reg la e zhes pa ste rkan las 'byung ba dang/ chos kyi khams las A zhes pa ste gre ba las 'byung ba dang drug po rnams yul drug gi rang bzhin yin te/ a ai ri au li aM zhes pa drug ni mtshan nyid can dang/ de bzhin du a ai ri au li a:zhes pa rnams thabs dang shes rab kyi tshul can dag ni phyi dang lus dang gzhan thams cad la grub pa'i phyir dbang po drug dang khams drug dang phung po drug po la sogs pa gang du bstan pa rnams ni rang bzhin de lta bu yin te/ de ltar yang yul drug dang dbang po drug ni skye mched bcu gnyis su 'gyur zhing/ de bzhin du khams kyi phye bas ni khams bco brgyad du rnam par bzhag /de ltar bstan ba rnams ni rnal 'byor ma khyed rnams kyis go bar bya ba'i ched du kun rdzob kyi dngos por bstan zhes bya ba'i don to/ /de rnams kyi rang bzhin ji ltar yin zhe na/ rang bzhin gdod nas ma skyes pa/ /brdzun min bden min de bzhin du/ /thams cad chu zla lta bur ni/ /gdod nas rnal 'byor ma shes kyis/ /zhes bya ba la 'di ltar yul dang dbang po la sogs pa de rnams thog ma ni ji ltar su yis gang nas bskyed/ mdza' mar ni su yis ji ltar gang du rlag /ce na 'di ltar skyed par byed pa dang/ rlag par byed pa dag ni yod pa ma yin te/ gdod nas rang bzhin gyis dag pa'i phyir khyed kyis kyang de ltar shes par gyis shig ces pa'i tha tshig go/ 'di lta ste/ dper na gtsub shing gtsub gtan dang skyes bu'i lag pa'i rtsol ba las blo bur du me 'byung bar 'gyur te/ me don gtsub shing la yang mi gnas gtsub gtan la yang mi gnas/ skyes bu'i lag pa la yang mi gnas te rnam pa thams cad du yongs su btsal na gcig la mi gnas pa'i phyir me de bden pa yang ma yin/ brdzun pa yang ma yin pa de ltar chos thams cad rnal 'byor ma rnams kyis yid la gyis shig ces bya ba ste/ de ltar na de bzhin nyid gang yin pa de ni phung po dang khams dang skye mched dang/ yul rnams kyang ma yin la de las gzhan du btsal bar mi bya zhes pa'i don to/ /de nas rnal 'byor ma bdag med ma la sogs pa rdo rje mkha' 'gro ma thams cad bdud rtsi lnga thogs shing/ dam tshig gi rdzas thogs nas bcom ldan 'das rdo rje sems dpa' la mchod pa byed cing kun tu ru'i sbyor bas rjes su chags par byed/ bdud rtsi lnga'i ro yang 'thungs par byed do/ zhes pa ni chos thams cad kyi de bzhin nyid dngos po rnams la gnas pa yang ma yin mi gnas pa yang ma yin zhes bya ba la sogs pa'i rdo rje'i tshig bcom ldan 'das kyis gsungs pa'i don rtogs shing khong du chud nas/ bcom ldan 'das la yul rnams kyis mchod cing bdag cag rnams kyang yul rnams za bar byed ces bya ba'i don to/ /de nas bcom ldan 'das dgyes nas rang byin gyis brlab pa bstan pa/ kye kye rdo rje mkha' 'gro ma/ /sangs rgyas kun gyi phyag mdzad pa/ /de nyid bdag gis gsang mdzad pa/ /rdo rje mchod pa'i byin rlabs kyis/ /bshad kyis 'dod pas rab tu nyon zhes bya ba ni/ /de ltar bden pa gnyis kyis chos kyi tshul zab mo 'di rnal 'byor ma rnams la bstan pa khong du chud pas/ /bcom ldan 'das dgyes te slar bzhin spyod pa'i khyad par bstan par bzhed nas tshig de dag gsungs zhes bya ba'i don to/ /spyod pa'i khyad par yang 'di lta ste/ bza' btung ji ltar rnyed pa dang/ /'gro dang 'gro min mi spong zhing/ /brus dang gtsang sbra mi bya ste/ /grong gi chos ni rab tu spang/ /blo ldan sngags ni mi zla zhing/ /bsam gtan nyid ni dmigs mi bya zhes bya ba nas/ /byang chub sems kyi rab tu bza' zhes bya ba yan chad kyis bstan te/ /rtog pa las de bzhin nyid mi skye bas/ rtog pa thams cad rab tu spangs la gang ci dgar gnas par bya'o/ /de ci'i phyir zhe na/ gang zhig nye bar dmigs pa de thams cad rang bzhin gyis dag pa'i snying po yin pa'i phyir ro/ /de nyid kyi phyir gnyis su med pa'i ye shes kyi sems dang ldan pa la mi bza' ba dang/ mi btung ba dang/ mi dpyad pa dang/ mi lta ba dang/ mi myang ba gang yang yod pa ma yin pa'i phyir ro/ /de bzhin du rang 'byung me tog rnyed nas ni/ /pad+ma'i snod du bzhag pa dang/ zhes bya ba bud med kyi skye gnas las byung ba'i khrag thod pa'i nang du bzung la/ lud pa dang ni snabs dag gis/ /bsres nas brtul zhugs can gyis btung/ zhes bya ba ni 'jig rten pas smad pa'i lud pa dang snabs la sogs pa gong gi khrag dang bsres la byis pa'i skye bo dam tshig can rnams la yang bza' ru gzhug ste skra dkar dang gnyer ma la sogs pa yang sel bar byed do/ /nges ni rnal 'byor pa byis pa'i rang bzhin can rnams 'dren par 'gyur la/ gzhan yul dang yul can gcig tu gyur pa las khams rnams phyir mi 'byung zhing nyi ma'i cha 'og tu 'gro ba ni nges pa'i don to/ /smad g.yogs kha dog sna tshogs dang/ zhes bya ba la sogs pa'i tshig dag ni spyod pa'i le'u dag tu rgyas par bstan to/ /gzhan yang dbang po drug gi grangs gang gi rigs gang yin pa ma bstan cing rnam par dag pa med pas/ /thams cad yul gyi rnam dag pa/ /bcom ldan 'das kyis sngar gsungs na/ nges par dbang po drug gi grangs/ /rnam par dag par ma mdzad pa/ /zhes bya ba ni rdo rje snying pos zhus pa la slar bcom ldan 'das kyis lan gsungs pa ni mig la gti mug rdo rje ma zhes bya ba la sogs pa smos te/ don 'di yang rtsa ba'i rgyud las ji skad du/ mig la gti mug rdo rje ma/ /yi ge ar ni rab tu bstan/ /rna bar zhe sdang rdo rje ma/ /yi ge aM gis rab tu stan/ /sna la ser sna ma zhes bshad/ /yi ge e yis rab tu bstan/ /kha la 'dod chags rdo rje ma/ /yi ge au yis rab tu bstan/ /lus la phra dog rdo rje ma/ /yi ge le yis rab tu bstan/ /yid la bdag med rnal 'byor ma/ /yi ge a yis rab tu bstan/ /dbang po rnams ni dag pa'i phyir/ /'dis ni go cha sems dpa' che zhes bya ba gsungs pas rtogs par bya'o/ /rdo rje snying pos gsol pa/ dgongs pa'i skad ni ci zhes bgyi/ /rnal 'byor ma yi dam tshig che/ /nyan thos la sogs mi shes pa zhes bya ba la/ /kye bcom ldan 'das kye'i rdo rje la gnas pa'i rnal 'byor pa rnams kyis nyan thos dang rang rgyal dang/ /mu stegs la sogs pa'i byis pa'i skye bo rnams kyi nang du mchis pa'i tshe/ gsang ba'i brjod pa la sogs pa ji ltar bgyi zhes zhus pa'o/ /de bzhin du rgod dang lta ba dag dang ni/ /'khyud pa de bzhin gnyis gnyis dang/ /rgyud kyang de bzhin rnam pa bzhir/ /dgongs pa'i skad ni ma bsgrags pa/ /bcom ldan nges par gsungs du gsol zhes bya ba yang/ /de bzhin du gang du 'dod chags kyi gnas der rgod pa'i bde ba dang/ lta ba'i bde ba dang/ 'khyud pa'i bde ba dang/ gnyis kyis gnyis sprod pa la sogs pa'i bde ba'i brda dag kyang bshad du gsol zhes pa'i don to/ /lan bcom ldan 'das kyis gsungs pa 'di lta ste/ rdo rje snying po nyon cig ces gsungs nas/ brda 'di dag gsungs so/ /de yang rtsa ba'i rgyud nyid la 'jug par bya'o/ /ma da na chang ba la sha /phyi dang nang gi bye brag gis/ /tshig 'di kun la rab tu sbyar/ /khu ba'i bde ba myos byed char/ /sngon du bshad pa'i dbang po rnams/ phyi ru mi 'gro sha ru brjod/ /'du ba ma la ya dzar brjod/ /rigs dang rigs min las byung ba/ /'khor lo bzhi yi bdag nyid can/ /rang rang gnas su 'du ba'i phyir/ /ma la ya dza zhes su brjod/ /'gro ba khe Ta ro zhes pa/ /dus kyi me yi gnas gang nas/ /mun pa'i gnas su 'gro ba ste// 'od zer glog stong 'khrug pa 'dra/ /de la khe Ta ro zhes zer/ /rus pa'i rgyan ni ni raM shu/ /cha shas med cing brjod pa spangs/ /tshig gi yul las rnam par 'das/ /khu ba'i bde ba gang yin pa/ /de la ni raM shu zhes grags/ /'ong ba phreng kha Na ru brjod/ /zla ba'i lam ni g.yon phyogs nas/ /gang gis bskul te 'od ba ste/ /lha dang mi sogs smin par mdzad/ /phreng kha Na zhes de la grags/ /cang te'u kri pi ta ru brjod/ /srog gi rlung ni cang te'u'i sgra/ /mi shigs lam la rab tu gnas/ /rnal 'byor gang gis thos 'gyur ba/ /kri pi ta zhes rnam par bshad/ /skal med du du ra zhes brjod/ /rnal 'byor brtse ba rab dman pa/ /bcu drug cha gang 'phro bar byed/ /de ni snying rje dman pa ste/ /du du ra zhes brjod par bya/ /skol ldan kA liny+dza rar brjod/ /bdag gis thob pa'i bde ba gang/ /tshad dbang khyab 'jug 'dod lhas kyang/ /kun tu 'phrog par mi 'gyur la/ /dam par 'dzin te kA liny+dza/ /reg min DiN+Di ma zhes brjod/ /bdag med ma sogs rnal 'byor ma'i/ /rang bzhin cha shas bcu drug can/ /bdag tu mi 'dzin bsdigs par byed/ /DiN+Di ma zhes rab tu bsgrags thod pa pad+ma b+hA dza na/ /gang gis rgyun gyis lus skyong med/ /de med de ni yod mi 'gyur/ /'jig rten gsum gyi mnga' bdag gang/ /de ni pad+ma b+hA dza na/ /bza' ba tripti ka zhes bya/ /sngar bshad yul gyi dngos po rnams/ /lce yis ma yin kun tu za/ /bsam gtan zas kyi ro mchog ni/ /tripti ka zhes kun tu grags/ /tshod ma la ni tInd+hi ni/ /nyi ma zla ba gra gcan dang/ /lug dang ser skya kun spangs ma/ /lam 'dis grub pa rab tu gsal/ /tind+hi ni zhes kun tu grags/ /bshad pa tsa tussa mar brjod/ /nyi zla sgra gcan dus kyi me/ / gang du mnyam par tshogs pa na/ /bsam gtan bzhi ni mnyam pa'i phyir/ /bzhi mnyam zhes ni rab tu dran/ /gci ba kasta ri zhes brjod/ /lus la grung ba'i skyes bu ltar/ /gang la brten te ci rigs kyi/ /lte ba'i dri dang mtshungs pa ni/ /kastu ra zhes brjod par bya/ rang 'byung sahlir shes par bya/ /mi mo gang gis skye gnas khrag /rnal 'byor mkhas pa zlo ldan pas/ /tsandan dang ni sihA ltar/ /skyed byed sahI yin par shes/ /khu ba kardU ra zhes brjod/ /shes rab mo chen gang gis su/ /grong khyer rnams ni rab dkrugs nas/ /ga bur kha dog dri ston pa/ /de bzhin kardu rA zhes brjod/ /sha chen sA li dza zhes brjod/ /tshul khrims chen po 'chang ba'i mchog /rdo rje lta bu'i lus ldan zhing/ /'on te gzhan dag 'dod mos na/ /mkha' spyod ster ba sA li ze/ /dbang po gnyis sbyor kun tu ru/ /gtsang ma'i gnas na dbang phyug che/ /bsreg bya zhes pas spyan drangs pas/ /de gnyis mnyam par 'byor ba la/ /kun tu ru zhes de la brjod/ /rdo rje bo la zhes bshad de/ /de la brten pa'i ting 'dzin chus/ /ye shes sku ni rab skye zhing// stobs dang gzi brjid mtshungs med tshe/ /bo la zhes su rnam par bshad/ /pad+ma kak+ko la zhes zer/ /pad+ma la brten 'jig rten gsum/ /bde ba'i ngang tshul rab tu ldan/ /rdo rje'i sku lus thob mdzad phyir/ /kak+ko la zhes rab tu bsgrags zhes gsungs pas 'di'i don rtogs par bya'o/ /de ltar brjod pa'i rim pas bsdus pa'i rgyud na ji ltar gnas pa'i tha snyad kyis brda rnams ji lta ba bzhin du blo la gnas par bya ste/ don gyi skabs kyis phan tshun du brjod par bya ba yin la/ nges pa'i don gong du brjod pa dag ni blo yis shes par bya ba tsam du zad kyi ji lta bu bzhin brjod par bya ba ni ma yin no/ /kha dog dbye bas phye ba las/ /rigs ni rnam pa lnga ru bshad/ /'di ni gsang ba'i skad yin no zhes bya ba ni de ltar bstan pa'i dgongs pa'i skad don chen po dang ldan pa kun rdzob dang don dam du phye ba las yi ge lnga'i dgongs pa las med ces pa'i don to/ /de'i phyir na phyag rgya lnga ni bsdus pa nyid ces gsungs pa'i phyir ro/ /rigs de rnams kyang 'di lta ste/ g.yung mo rdo rje'i rigs su bshad/ /mi bskyod pa ste nam mkha' i khams/ /gar ma de bzhin pad+ma'i rigs/ /'od dpag med de me yis khams/ /rang 'tshad ma ni rin chen rigs/ /rin chen 'byung ldan chu yi khams/ /skye gnyis de bzhin gshegs par brjod// rnam snang mdzad chen sa yi khams/ /tshos ma las kyi rigs nyid de/ /don yod grub pa rlung khams/ /'di rnams phyag rgya'i dngos grub ste/ /'di rnams khu ba rdo rjer brjod/ /brtul zhugs can gyis mchod nas btung/ /zhes bya ba la drang ba dang nges pa'i bye brag gis rigs 'di rnams las byung ba'i bu mo rnams yongs su shes par bya ste/ /legs par sbyangs la bde ba'i kun tu spyod pas byang chub kyi sems phyung la btung ba la sogs pa byas pas lus rdo rje ltar sra bar 'gyur ro/ /nges pa'i don du phyi dang nang gi rigs gang yang rung ste sa bon mi 'bod pa'i ting nge 'dzin gyi 'dun pa drag pos ni lus rdo rje ltar 'gyur ba ni de bzhin gshegs pa'i nges pa'o/ /rdo rje snying po sems dpa' che/ /gsang ba'i skad ni ngo mtshar can/ /nga yis khyod la gang bshad pa/ /de rnams thams cad gus pas bzung zhes bya ba ni nan tan bsgrags pa'i tshul du gsungs nas/ /gzhan yang la dong ba'i gsung 'di dag bka' stsal te/ 'di lta ste/ kye'i rdo rje dbang bskur gang/ /gsang ba'i skad kyis mi sgra na/ /de yi dam tshig nyams par ni/ /'gyur ba di la the tshom med/ /de bzhin du dam tshig nyams pa'i rtags su ji ltar 'byung zhe na/ 'tshe ba dang ni rkun ma dang/ /gdon dang rims dang dug dag gis/ /gal te sangs rgyas gsang ba'i skad/ /mi gsung na yang 'grongs? par 'gyur zhes bya ba ni de bzhin du las dang po pa'i rnal 'byor pa rnams kyis skad 'dir bsgrags par nges so/ /rang gi dam tshig rigs rnyed na/ /gal te tshig 'di mi sma ba/ /gnas bzhi las 'khrungs rnal 'byor ma/ /de yi tshe na khro bar byed/ /ces bya ba ni drang ba dang nges pa'i don du rig par bya'o/ kye'i rdo rje nges pa'i don gyi rgya cher bshad pa las rgyud thams cad kyi gleng gzhi dang gsang ba'i skad kyi le'u'i rgya cher bshad pa ste/ gsum pa'o// //smra ba'i skyes mchog smra ba'i rgyal/ /smra ba'i seng ge tshugs pa med/ /mu stegs can rnams skrag mdzad pa/ /bcom ldan kyel bdag phyag 'tshal/ /phyag rgya bsdus pa'i rgya cher 'grel/ /sems can sdug bsngal mun 'thoms la/ /sgron mas gsal bar bya ba'i phyir/ /rgya cher 'grel pa bdag gis bri/ /de nas rdo rje snying po la sogs pa dang/ mkha' 'gro ma rnams the tshom du gyur/ zhes bya ba la sogs pa la gang spyod pa'i le'u las glu gar rnal 'byor pas byas dngos grub ster ba'i glu gar dang/ lha'i le'u las bshad pa'i zhe sdang la sogs pa'i rgya yis gang la gang gis ji ltar gdab pa dang/ bdag med pa'i 'khor lor gsungs pa'i sngags kyi yi ge la sogs pa gang lags pa dang/ rigs kyi le'u las gsungs pa'i rtsa sum cu rtsa gnyis su gsungs pa'i dgongs pa rnams la/ bcom ldan bdag ni 'khrul gyur pas/ /de rnams rnam dag bshad du gsol/ zhes zhus pa dang/ bcom ldan 'das kyis bka' stsal pa kol+la ai ri gri zhes bya ba la sogs pa'i glu gsungs te/ de la don 'dir rtogs par bya ste/ kol+la ai ra tI a po lA zhes pas ni/ gnas dang nye ba'i gnas su bstan to/ /mummu Ni re kak+ko la zhes pa ni/ zhing dang nye ba'i zhing du bstan to/ /g+ha Na kyi biT ho bAdzdza ai ka ru Ne kyi a ai na re lA zhes pas ni/ tshan do dag tu rab tu bstan to/ /ha hi pa la khadzdza ai gaDemma a N+Ta pidzdza ai a ai/ zhes nye ba'i tshan dor bstan to/ /ha liM kA lany+dza ra pa NiM a ai du du ru ta hiM badzdza a ai/ zhes pas ni 'du ba'i sa bstan to/ /tsa au sam kAts+tshu ra sihlA kap+pu pa lA ai a ai/ zhes pas ni/ nye ba'i 'du sa bstan to/ /mA la aiT? Na na shA liny+dza ta hi b+ha ru kA ai a ai zhes pas dur khrod bstan to/ /ni raM shu aM ga tsa DA pI ta hi dza sa rA ba pa Ni a ai/ zhes pas ni nye ba'i dur khrod bstan to/ /phreM kha Na khe Ta ka ran+te shud+hA shud+ha na ma Ni a ai/ zhes pas Ni pI la ba bstan to/ /ma la ya dzaM kundu ru pA Na ai DiN+Da ma su ta hi na badzdza a ai/ zhes pas ni nye ba'i pI la ba bstan to/ /de ltar brjod pa'i rim pas/ 'di dag sa ni bcu ru bstan/ /'di ltar shes bzhin glu len gang/ /de ni dngos grub rgyas 'gyur te/ /he ru ka ni ji bzhin no/ /zhes rtsa ba'i rgyud las gsungs pas don rtogs par bya'o/ /da ni gang bstan par bya ba'i phyir/ dran pa mi 'phrogs rnal 'byor pas/ /he ru ka yi gzugs kyis gar/ /chags bral mi gos sems kyi ni/ 'dod chags sems kyis bsgom pa nyid ces bya ba chags pa'i bde ba la sems gzhan du mi 'phrogs shing snying rje chen po g.yo ba ni gang yin te/ de yang ji skad du/ he ni rgyu sogs rnam spangs pa/ ru ni tshigs dang bral ba nyid/ /ka ni gang duAng mi gnas pa/ /he ru ka zhes rab tu grags zhes gsungs pa'i phyir ro/ /de ltar chags pa dang bral ba'i skyon gyis mi gos par bdag gzhan gyi don du snying rje chen po g.yo bar bya zhes bya ba'i don to/ rdo rje chos dang sangs rgyas dang/ zhes bya ba la rdo rje chos ni gsung gi rang bzhin/ /sangs rgyas ni sku'i rang bzhin te/ /de'i shugs kyis thugs kyang shes par bya'o/ /de ni sku gsung thugs gcig tu bya ba bstan to/ rnal 'byor ma mo rnams kyis ni/ /glu dang gang ni 'di dag gis/ /zegs? par glu blugs gar yang bya/ /'di nyid kyi ni dam tshig bsrung/ /de bzhin bdag kyang bsrung ba nyid/ /'dis ni 'jig rten dbang du byed/ ces bya ba la de ltar brjod pa'i glu dang gar de dag gis ni phyi dang nang gi dam tshig dang dngos grub rgyas pa thams cad kyang gsal bar bstan pa yin te/ 'di dag gi rang bzhin ji bzhin du khong du chud pas 'jig rten gsum yang dbang du byed la sngags kyis bar? pa yang 'di kho na yin par khong du chud par bya'o/ /gang du gus pas glu len dang/ gang du gus pas gar byed pa/ /tshogs kyi bdag pos sngar byas nas zhes bya ba 'am/ rgyal po'i bka' thob pa'i tshogs kyi 'khor lo chen po yang rung tshogs kyis 'khor lo tha mal pa yid rung/ /de dag las gzhan pa'i dpa' bo'i ston mo'i dus kyang rung ste dang por tshogs kyi gtso bos glu blangs la de'i rjes su gzhan dag gis ci bder blang zhes bya ba'i don to/ /tshigs dang dpa' bo'i ston mo de dag gis dus su glu dang gang gyis byin brlabs kyis mtshan ma dang por rnam pa gsum sgog pa'i dri lta bu dang bar du bya rgod kyi dri lta bu dang/ tha mar ga pur gyi dri lta bu 'byung bar 'gyur te/ rdo rje slob dpon gyis mtshon par bya'o/ /de bzhin du glu'i mtshan nyid kyis dag gi mdangs thog ma dang tha ma gnyis su dang ba'i rgyal po dang bung ba'i rgyal po lta bu'i sgras sna drang zhing mdza' brten to/ /bar du ni khyu mchog lta bu'i sgra ste/ nga'i sgra lta bus rgyas par bya ba'i don te skad cig de nyid la dkyil 'khor ba'i nye 'khor du yang rtags de dag 'byung bar 'gyur ro/ de lta bas na dad pa dang ni bur ba'i sgra/ /ba lang tshe yi sgra lta bu/ /glu yi mdza' nas mnyan par bya/ /glu yi byin brlabs mtshan nyid kyis/ /phyi rol tshal duAng mtshon par 'gyur zhes gsungs so// //da ni phyag rgya'i mtshan nyid brjod par bya ste ci'i phyir zhe na/ rtags dang rigs dang rgyud dang/ cho 'brang rnams yongs su dag par ma byas pas 'jig rten pa'i bag ma'i bya ba la sogs pa mi byed pa'i phyir te/ gal te yongs su ma sbyangs par 'jig rten pa'i bya ba la 'jug pa de lta na ni 'jig rten pa'i tha snyad kyang med de kla klo yongs su dar bar 'gyur ro/ /de lta bas na rgyud de dang de las kyang/ ji ltar phyi rol de bzhin nang zhes gsungs pa'i phyir ro/ /de bas phyag rgya rtags dang mtshan ma ste/ /'di yis rigs ni mtshon par bya/ /rigs 'chol bsgom pa'i sbyor ba las/ /sgrub pa po la dngos grub med/ /ces bya ba la sogs pa gsungs te/ /gang gi rigs gang yin pa de dang de'i rigs kyi phyag rgyas gdab pa ni de bzhin gshegs pa'i nges pa'o/ /'di'i don yang rtsa ba'i rgyud las ji skad du/ zhe sdang phyag rgyas bdag med na/ mgon po mi bskyod zhe sdang rigs/ /gti mug phyag rgyas rdo rje ma/ /mgon po snang mdzad gti mug rigs/ /ser sna'i phyag rgyas dkar mo nyid/ /ser sna mgon po rin chen 'byung/ /chags pas chu ma phyag rgyas gdab/ /chags pas mgon po dpag med rigs/ /phrag dog phyag rgyas mkha' 'gro ma/ /phrag dog don yod grub pa'i rigs/ /de bzhin mtshams sogs lha mo yang/ /sa dang chu dang me rlung phyir/ /rim pa bzhin du phyag rgyas gdag ces gsungs pas don khong du chud par bya'o/ /de bzhin du/ yang ni dkar mo zhe sdang gis zhes pa nas/ 'dod chags phyag rgyas mkha' spyod ma/ /'dod pas phyag rgya shes par bya zhes bya ba yan chad kyang gong bzhin rtogs par bya ste/ yul dang yul can gyis phye ba tsam du zad do/ /da ni bdag med ma la sogs pa lha mo bco lnga'i sa bon bstan par bya ba'i phyir/ /A li dang po bdag med ma zhes bya ba la sogs pa smos te/ bdag med ma'i sa bon ni a'o/ /A li gnyis pa rdo rje ma'i sa bon ni A'o/ /a li gsum pa dkar mo'i sa bon ni ai/ bzhi pa chu'i rnal 'byor ma'i sa bon ni a'i/ lnga pa rdo rje mkha' 'gro ma'i sa bon ni au/ de ni nang gi 'phar ma'o/ /phyi'i 'phar ma bshad par bya ste/ drug pa puk+ka sI'i sa bon ni a'u /bdun pa ri khrod lo ma'i sa bon ni ri/ brgyad pa dme sha can gyi sa bon ni rI/ dgu pa g.yung mo'i sa bon ni la/ yang ni lnga gnyis dkar mo nyid ces gsungs te/ bcu pa dkar mo'i sa bon ni lI'o/ /bcu gcig pa chom kun ma'i sa bon ni e/ bcu gnyis pa ro langs ma'i sa bon ni ai'o/ /bcu gsum pa g+hasma ri'i sa bon ni ao/ /bcu bzhi pa sa spyod ma'i sa bon ni aau/ bco lnga pa mkha' spyod ma'i sa bon ni a mo/ /rnal 'byor ma'i sa bon nyid/ ces bya ba ni de ltar brjod pa'i sa bon rnams bdag med ma la sogs pa'i lha mo bco lnga'i sa bon yin zhes bya ba'i don to/ /rigs kyi le'u las rtsa rnams gang/ /bcu drug gnyis kyis bdag nyid gsungs/ /rtsa ni gnyis gnyis rnal 'byor ma/ /re re rnam pa gsum du brjod/ /ces gsungs te/ 'di ltar rtsa sum cu rtsa gnyis kyis rigs kyi le'ur bstan pa gang yin pa de ni srog dang sems mnyam du rgyu ba'i phyir thabs shes rab kyi dbye bas rtsa gnyis gnyis shing rnal 'byor ma re re ste lha mo bco lnga'i bdag nyid yin la/ /rkyang ma rom rkun dar ma/ /bdag med rnal 'byor ma zhes brjod/ ces gsungs pa'i phyir sum cu rtsa gnyis pa ni phyi dang nang kun tu bya ba yongs su gtor ba yin pa'i phyir kun tu spangs par bya ste/ bdag med ma la dbul bar bya'o/ /de yang/ gang phyir bcu drug cha med pas/ /'bad pas kun gyi lhag pa ? zhes gsungs te/ tshes bcu drug pa med pa'i phyir de skad ces bya ba la/ gang yang bcu drug ces grags pa ni mar ngo'i tshes gcig yin pa'i phyir ro/ /de ci'i slad du zhe na/ don gyi bya ba mi byed phyir zhes bya bas gsal bar rab tu bstan pa yin no/ /de yang bsdus pa'i rgyud 'di nyid las/ cha shas bco lnga'i bdag nyid can/ /byang chub sems rnams zla bar 'gyur/ /rnal 'byor ma rnams de yi cha/ /bde ba chen po A lI'i gzugs zhes gsungs so/ de bzhin du stong pa chen po yi ge lnga zhes pa'i dus su yi ge lnga po'i dbyibs lta bur gnas la thig le dang rnam par bcad par bya ba dag gis kun tu mdzes par 'gyur ba'i phyir ro/ /rnal 'byor byis pa'i blo can dag 'di skad ces ci ste A li yang bcu drug tu gsungs la thig le dang dga' ba dang 'pho ba yang bcu drug tu gsungs pa ma yin nam/ de ci'i phyir zhe na/ bcu drug pa dang sum cu rtsa gnyis pa spang zhes sems pa de ni ma yin te/ 'di ltar de bzhin gshegs pas byis pa'i skye bo rnams la dgongs nas/ sku gsungs thugs ye shes kyi dbye las phye ste/ ngo bo nyid dang chos dang longs spyod rdzogs pa dang sprul pa'i sku ste sku bzhi rnams la dgongs nas dga' ba bcu drug tu gsungs so/ /de bzhin du A li bcu drug dang thig le bcu drug dag ni dngos su yod pa ma yin te/ cha gnyis gsal bar byed pa'i phyir sgra gcan nam ma ning lta bu yin no/ /de bas na sum cu rtsa gnyis dang/ bcu drug pa dang drug pa'i 'khrul pa spangs te/ gzhan du dogs pa mi bya'o/ /rdo rje snying pos gsol pa/ rnal 'byor ma kun las byung ba/ /lhan cig skyes dga' i rang bzhin can/ /'grib med btung mchog nam mkha' nyid/ /karpur nges par cis mi spang zhes bya ba gsol te/ de lta bas na rnal 'byor ma bco lnga'i bdag nyid can gyi khu ba byang chub sems btung ba'i mchog nam mkha' lta bu'i bde ba rgyun mi 'chad pa lus ngag yid gsum bsil bar byed pa'i slad du ga bur lta bu 'di cis kyang mi spang bar bsgrub par bgyi'o zhes bya ba'i don to/ /bcom ldan 'das kyi tshul dang mthun pa'i lan gyis ji skad smras pa de bzhin no zhes gsungs so/ /rdo rje snying pos gsol pa/ thabs gang gis byang chub tu sems bskyed par bgyi zhes bya ba ni 'di lta bu'i byang chub kyi lam la 'jug pa'i go rims ji ltar bslab par bgyi zhes bya ba'i don to/ /bcom ldan 'das kyis bka' stsal pa/ dkyil 'khor 'khor lo'i thabs dang ni/ /rang byin brlab pa'i rim pas kyang/ /kun rdzob don dam gzugs can gyi/ /byang chub sems ni rab tu bskyed/ ces bya ba slar gsungs pa/ sngon du thun mong gi sdom pa gzung ba dang/ rdul tshon gyi nang du drang pa dang/ bla mas rdo rje slob dpon gyi dbang zhes bya ba rnam pa bdun gyis byin gyis brlabs la gdod kun rdzob dkar po dang de las 'byung ba'i bde bas sems bskyed par bya zhes bya ba'i don te/ de yang 'di ltar/ kun rdzob kun da lta bu nyid/ /don dam bde ba'i gzugs can no/ /zhes bya ba la re zhig kun rdzob nyid du khu ba ni kun rdzob byang chub kyi sems yin la/ de la brten pa'i bde ba don dam pa zhes su tha snyad gdags so/ /phyi nas 'tshor ba med pa'i bde ba las byung ba'i de kho na nyid la don dam pa'i gzugs can te nges pa'i don to/ /bud med ko la bde ba can/ /e baM rnam pa'i rang bzhin du/ /bde ba srungs pa kho na las/ /bde ba can zhes rab tu bsgrags/ zhes bya ba la kun rdzob tu mi mo'i chu skyes dang skyes bu'i ling+ga dag phan tshun du gtsubs pa las/ bde ba 'byung ba'i phyir bde ba can zhes bsgrags par bya'o/ /bde ba de nyid de kho na nyid kyi lcags sgrog gis bsdams pa las rdo rje lta bu'i sku thob pa ni nges pa'i don to/ /bsdus pa'i rgyud 'di nyid las/ sangs rgyas byang chub sems dpa' dang/ /rdo rje 'dzin pa rnams kyi gnas/ /'di nyid 'khor ba zhes bya ste/ /'di nyid mya ngan 'das pa nyid/ 'khor ba spangs nas gzhan du ni/ /mya ngan 'das pa rtogs mi 'gyur zhes gsungs te/ gong du brjod pa'i kun da lta bu khye'u dang bu mo'i rten bskyed pas ni/ 'khor ba gzugs dang sgra la sogs/ /'khor ba tshor ba la sogs pa/ / 'khor ba dbang po rnams nyid de/ /'khor ba zhe sdang la sogs pa zhes bya ba yin la/ kun da lta bu khye'u dang bu mo'i rten rab tu bcad de/ bsrungs pa las 'di rnams chos ni mya ngan 'das zhes bya ba min zhing/ 'khor ba spangs nas gzhan du ni/ /mya ngan 'das pa rtogs mi 'gyur/ /zhes pa ni nges pa'i don nyid do/ /de bas na de'i phyir/ rmongs phyir 'khor ba'i gzugs can nyid/ /ces bya ba rmongs pa rnams la dus kyi pho nya mos 'dzin pa'i phyir dang/ dus kyi me 'bar bas kun da lta bu kha thur du bltas pas gsod par byed pa nyid do/ /rmongs med 'khor ba dag pas ni/ /'khor ba mya ngan 'das par 'gyur zhes bya ba la/ gang kun da lta bu de rgyu ba 'gags pa ni rmongs pa med pa ste/ lte ba dang snying ka dang/ mgrin pa dang/ dpral ba rnams su rten 'brel lugs las log ste/ gnas dang gnas su thim pa na/ /'khor ba mya ngan 'das pa zhes brjod do/ /de'i phyir na yang /byang chub sems ni mya ngan 'das/ /kun rdzob don dam tshul can no zhes gsungs so/ /gzugs dang lang tshos rnam par brgyan/ /sngo bsangs ngal la rigs bzangs ma/ /sI ha ga pur 'byung ba'i gnas/ /rang gis dbang bskur kye'i rdo rje zhes bya ba la sogs pa ni kun rdzob kyi tshul can ma bde ba rtogs par byed pa'i rgyan zhes tha snyad gdags te sngon du rgyas par bstan to/ /de bzhin du de'i chang ni lhan cig skyes pa ste/ bdag dang gzhan gyi don du btung bar bya ba nyid de mdor bstan pa'o/ /btung ba ni drang ba dang nges pa'i don gyis dbye bas rnam pa gnyis te/ drang ba'i don du na dngos su ro ldan gyis blang ba yin la/ nges pa'i don du ling ga'i ro ldan gyis blang ba ni nges pa'o/ /de'i phyir bo la kak+ko la ra bkod nas/ /kun du ru bya brtul zhugs can/ /de ru sbyor ba las byung ba/ /ga pur mkhas pas mi spang ste/ /de phyir lag tu mi blang zhing// nya phyis dung chos nyid du min/ /nges par blo dang stobs kyi phyir/ /'chi med lce yis blang bar bya zhes bstan to/ /ga pur nyid ni bdag med ma/ /bde ba bdag med tshul can nyid/ /de yi bde ba phyag rgya che zhes bya ba la thig le'i ga pur bco lnga po la brten nas phyag rgya chen po bdag med ma'i mdza' rtogs pa'i phyir bdag med ma zhes gdags so/ /lus can rnams kyi lte ba'i dkyil 'khor na dbyangs kyi yi ge dang po nyid a'i tshul du gnas la/ de las sbyor ba gang gi dus su dus kyi me 'bar bar byed cing khams gsum po thams cad sreg par byed de phyogs bcu na bzhugs pa'i sangs rgyas thams cad kyang bsregs nas rang gi gnas su 'ong bar byed pa 'di ni thams cad kyi rgyun can no/ /de'i phyir na yang lte ba'i dkyil 'khor dag tu gnas/ /dbyangs yig dang po'i rang bzhin te/ / blo zhes sangs rgyas rnams kyis brtags zhes bya ba gsungs la/ rtsa ba'i rgyud las kyang ji skad du/ lus can thams cad 'khrig pa na/ /'gro dang 'ong ba'i byed pa dang/ /bde dang sdug bsngal ma lus pa/ /'di nyid kyis ni byed par brjod/ /ces gsungs te thun mong pa'i chos so/ /de las blo zhes pa ni shes rab kyi ming gi khyad par yin la/ des so sor 'bigs shing gcod pa'i las byed pa'i phyir/ shes rab ces/ sangs rgyas rnams kyis gsungs so/ /rdzogs pa'i rim pa'i rnal 'byor las/ /de nyid bcom ldan shes rab ma/ /zhes bya ba la gang du 'jig rten lta bu las langs te/ yin nang du chud pa'i dus de na 'pho ba med pa'i gnas te/ de nas 'bar te mtshan mar rtog pa thams cad sreg par byed do/ /de ni ji skad du/ shes rab nges 'bigs zhes bya ba/ /ting nge 'dzin zhes grags pa ste/ /de ni phyag rgya 'grub 'gyur bas/ /bsgoms na myur du 'grub bo zhes/ /bcom ldan shes rab mchog gis gsungs zhes gsungs pa dang/ de ltar na thog ma dang/ tha ma dang dbus rnams su mtshan ma'i spros pa las grol ba ni bdag med ma yin te/ de ni ring min thung ba min/ /gru bzhi ma yin zlum po min/ /dri dang ro dang mya ngan 'das/ /lhan cig skyes dga' i byed pa can zhes smos te/ de ni zhes bya ba dang po'i dbyangs yig rang bzhin te/ zhes bya ba dang sbyar ta 'jig rten pa dang 'jig rten las 'das pa thams cad kyi byed pa po yin zhes pa'i tha tshig go / de bzhin du rang bzhin dang skyes bu la sogs pa du mar rtog pa'i byed pa po yang yin te/ 'di ltar mu stegs shes rab 'chal ba can rnams ji skad du/ sa chu me rlung nam mkha' dang/ /dus dang phyogs dang bdag dang yid/ /rdzas ni dgu yi bdag nyid de/ /dngos kun 'di yi rang bzhin yin zhes pa dang/ de bzhin du rdzas dang yon tan las dang ni/ /spyi dang khyad par cha shas rnams/ /tshig gi don ni drug yin te/ /de dag las ni 'di 'byung ngo/ /zhes tha snyad du mar 'dogs so/ /de las skyes pa'i rnal 'byor ma/ /de yi bde ba za ba nyid/ /de dang lhan cig phyag rgya che/ /bde ba ster ba'i dngos grub 'gyur zhes bya ba la/ dang po dbyings yig gis bskyed pa'i bde ba za ba'i phyir dang dbyangs yig de dang de las 'byung ba'i bde ba phyag rgya chen po rtogs shing de'i tshul gzhan la yang ster ba'i phyir de skad ces bya'o/ /ji ltar sbyin par bya zhe na/ gzugs sgra de bzhin dri dang ni/ /ro dang de bzhin reg bya nyid/ /chos kyi dbyings kyi rang bzhin yang/ / shes rab nyid kyis dpyad par bya zhes pas byin te/ phyi dang nang gi dbye bas phye la phyir ni ma'i bde bar bsdu ba'i tshul du sbyin no/ /nang du A li kA li 'byor ba'i bdag nyid kyis sbyin par bya'o/ /de yang 'di nyid las/ ji skad du/ A li kA li sbyor ba las/ /phyi rol gyis ni gnyis gnyis bkag /ces gsungs pa'i phyir ro/ /de nyid lhan cig skye ba'i gzugs/ /bde chen bzang po'i rnal 'byor ma zhes bya ba la sogs pa dang/ chos kyi dbyings kyi rang bzhin can/ /zhes bya ba la sogs p as ni 'jig rten dang 'jig rten las 'das pa'i tha snyad can gyi dkyil 'khor gyi 'khor lo dang me thab dang phyag rgya bcing ba la sogs pa thams cad kyang lha dang lha ma yin dang yi dags dang dmyal ba dang 'bu srin dang phye ma leb la sogs pa thams cad kyi gzhi gang de nyid yin zhes pa'i don to/ /da ni phyi dang nang gi sdom pa dag las phyi'i sdom pa rnams sngon du rgyas par bstan nas/ nang gi bde ba'i sdom pa khyad par can bstan par bya ba'i phyir/ rdo rje snying pos bcom ldan 'das la 'khor lo bsgom pa'i lam dang/ phyi nang gi lha thams cad ji ltar 'byung ba thams cad khong du chud de sdom pa'ang bdag la bshad du gsol zhes nang gi bde ba'i sdom pa phyi rol gyi khrims kyi bya ba yongs su btang ba zhus pa'i don to/ /bcom ldan 'das kyis bka' stsal pa/ rnal 'byor ma yi lus dbus na/ /sdom pa a yi rnam par gnas/ /ji ltar phyi rol de bzhin nang/ /sdom pa de nyid rab tu bstan zhes gsungs so/ /de la 'di'i don ni 'di yin te phyi rol gyi ras dang sha na la sogs pa snyigs ma can chos kyis legs par bsgyur te lus la bcang ba dang/ de bzhin du phas pham pa bzhi dang/ /dge 'dun la rag lus pa'i tshig can gyi lhag ma'i chos bcu gsum dang/ ma nges pa'i chos zhes bya ba la sogs pa ji snyed cig bstan pa de dag ni byis pa'i skye bo rnams drang ba'i phyir gsungs so/ /de las gzhan pa gsang sngags kyi lam nyid du spyad pa spyod pa nyid la yang drang ba dang nges pa'i don rgya cher bstan te/ de las gang phyir sprul pa gnas brtan nyid/ ces pa nas skye gnas 'dod chags bral 'gyur dang/ /mngal gyi khrum chos gos nyid/ /ces pa la sogs pa dang/ gtsang bu skra dang kha spu bregs/ /sngags 'don skyes pa dge slong nyid/ /ces pa la sogs pa rnams phyi rol nyan thos byed pa'i khrims kyi bya ba las/ gsang sngags kyi sgo'i spyad pa spyod pa las kyi dang por gtogs pa/ rnal 'byor pa byis pa'i blo can rnams la nges pa'i don du bstan to/ /de la yang rnal 'byor pa mkhas pa blo dang ldan pa rnams la/ gang phyir sprul pa gnas brtan pa/ zhes pa la sogs pa rnams drang ba'i don du bstan la/ rnal 'byor ma yi lus dbus na/ /sdom pa a yi rnam par gnas zhes bya ba la sogs pa ni nges pa'i don du bstan pa'o/ /de yang phyi rol tu ni phas pham pa la sogs pa'i chos mi byed pa sdom pa yin la/ nang du bde ba'i sdom pa gang la gnas te byang chub sems kyi srog mi gcod pa'i phyir srog mi gcod pa'i sdom pa dang/ de ltar bde ba phyir ma shor bas mi tshangs par spyod pa las log pa'i sdom pa la sogs pa bsrung ba nges pa'i don du bstan te/ mtshan yang dag par brjod pa las kyang/ dka' thub mthar phyin dka' thub che/ /gtsang gnas dam pa go'u tam zhes pa dang/ de bzhin du tshul khrims chen po 'chang ba mchog /bzod chen 'chang ba brtan pa po zhes pa la sogs pa nges pa'i don gyi sdom pa rgyas par bstan to/ /de ltar na bo la'i bde ba phyag rgya che/ /rdo rje skye mched thams cad nyid ces bya ba la/ nyi zla'i lam mi gshigs pa'i lam du gtogs pa'i dus na/ phyi'i las dang ye shes kyi phyag rgya la sogs pa dag rnam par spang ba'i phyir bde ba'i sdom pa po la rab tu rgyas par byed pa rtsa thams cad rdo rje ltar 'gyur ba'i 'di ni gsang ba'i snyoms par 'jug pa'i bdag nyid de/ de bas na gsang ba'i snyoms par 'jug pa 'dis/ phyi rol gyi ni gnyis gnyis bkag /gzhan yang byis pa phal cher sku gsum zhes bya ba gzhan du 'dod pa dgag pa'i phyir/ /sku gsum lus kyi nang du ni/ /'khor lo'i gzugs kyi yang dag bshad/ ces bya ba la sogs pa gsungs te/ 'di ltar bde ba chen po la sogs pa'i 'khor lo na/ chos dang longs spyod rdzogs pa dang/ sprul pa'i gzugs can rtsa gsum gyis kun tu khyab pa yongs su shes pa sku gsum du bstan to/ /ci'i phyir zhe na/ la la nA ni sku zhes bya/ /ro ldan ma ni gsung yin te/ /a ba d+hU tI dbus gnas na/ /gzung 'dzin bral ba chos kyi sku zhes gsungs pa'i phyir ro/ / de bzhin du bde ba chen po kun la khyab pa'i phyir ro/ /gzhan yang ma lus pa yi sems can gyi/ /skye ba gang nas rjod byed pa/ /gang phyir sprul pa gnas brtan pa/ /de phyir sprul pa'i sku nyid yin zhes bya ba la 'di ltar skye bo thams cad kyi lus chags pa na lte ba nas sngon du chags pa dang/ /srog gi rlung la sogs pa yang de nas sprul pa'i phyir/ gnas brtan pa dang/ lte ba sprul pa'i 'khor lo'o/ /ci'i phyir zhe na gang gis skyed dang sprul byed pa'i/ /sku ni sprul pa can zhes brjod/ /ces gsungs pa'i phyir ro/ /sems kyi rang bzhin chos yin te/ /chos kyi sku yang snying kar yin zhes bya ba ni/ bde sdug thams cad 'dzin pa dang/ mtshan las mtshan ma med par 'gyur/ /mtshan med 'dus ma byas pa yi/ /chos sku snying ka'i gnas na bzhugs zhes gsungs pa'i don khong du chud par bya'o/ /ro rnams drug gi gzugs can gyi/ /bza' ba nges par longs spyod brjod/ /ces bya ba la/ ro drug la sogs pa'i bza' ba dang/ btung ba phun sum tshogs pa'i lam dang/ ro la sogs pa 'dzin par byed pa'i rtsa mgrin par gnas pa'i phyir ro/ /de'i phyir na mgrin par longs spyod 'khor lo dang zhes gsungs so/ /spyi bor bde ba chen po gnas zhes pa ni bde ba'i gzhi la gnas pa'i phyir ro/ /da ni 'bras bu brjod pa'i phyir/ /e baM rnam pa rgyu mthun nyid/ /ji ltar byas pa de bzhin spyod/ /rgyu mthun zhes ni rab tu bsgrags zhes pa ni lte ba'i dkyil 'khor e baM gi gnas su dus kyi me 'bar ba g.yas kyi lam nas bde ba'i gnas su son pa dang/ gang gis rgyun bkug ste de nyid kyi gnas su spyod pa'i phyir ro/ /rnam smin chos kyi 'khor lo las/ /las chung 'bras bu che ba'i phyir/ /rnam par smin pa de las bzlog /ces pa ste mes smin par bya ba'i 'bras bu chu'i lam nas 'od pa'i phyir ro/ /longs spyod skyes bu byed pa nyid/ /bskyed pas skyes bu byed pa'o zhes pa ni de lta bu'i rgyu dang 'bras bu'i byed pa can yang/ skyes bu'i rtsol ba la rag las pa'i phyir ro/ /bde chen 'khor lo dri med nyid/ /rnal 'byor dag cing dri ma med/ /ces pa ni gang gis rgyun gyis dri ma med pa'i gnas zhes bya bar phyin pa'i phyir ro/ /de'i phyir na/ rgyu mthun sogs pas rab phye ba'i/ /'bras bu rnam pa bzhi zhes brjod/ /las kyi rlung gis bskul ba yi/ /las la bcom ldan shes rab spyod/ /ces bya ba la lte ba'i dkyil 'khor na rang bzhin gyi gnas pa'i las kyi rlung la shes rab ma zhes brjod de/ las kyi rlung des ni dus kyi me spor zhing 'jig rten gyi khams thams cad sreg par byed pa yin no/ /da ni sde pa chen po bzhi'i nges pa'i tshig bstan par bya ste/ gang phyir sprul pa gnas brtan nyid/ ces pa ni/ gang du gnas nas srog 'gro ba dang/ 'ong ba'i gzhi brtan par byed pa'i phyir ro/ /chos ni smra ba 'byung ba'i phyir/ /chos kyi 'khor lo thams cad yod/ ces bya ba ni snying ka'i srog rlung gi sgras brjod pa thams cad gsal bar byed pa'i phyir ro/ /gang phyir mgrin par kun bkur phyir/ /longs spyod 'khor lor kun gyis bkur zhes bya ba la rtsa thams cad rgyas par byed pa'i bza' ba dang/ btung ba'i ro thams cad mgrin pa nas rgyu la/ de'i phyir rtsa thams cad kyis bkur ba'i phyir de skad ces bya'o/ /gang phyir bde chen mgor gnas pa/ /bde ba'i 'khor lor dge 'dun che/ /zhes pa ni byang chub kyi sems kun da lta bu phal chen bde ba'i 'khor lo na gnas pa'i phyir ro/ /sde pa zhes bya lus su brjod/ /lto ba gnas su brjod par bya zhes bya ba la/ sde pa bco brgyad ni thun mong du lus spyi la brjod do/ /ma'i lto ba ni gtsug lag khang du brjod do/ /de bzhin du sngags kyi bzlas pa a dang haM/ /skye gnas 'khor lo'i rnam pa ma/ /bde chen gyi yang rnam pa haM/ /zhes bya ba la/ lte ba'i 'khor lo nas a zhes pa'i srog gi rlung gis sum cu rtsa gnyis kyi 'khor lo'i aM la gtugs pa'i phyir/ de skad ces bya'o/ /de'i phyir aM haM zhes pa gzod ma nas bde ba chen po'i sku'i rang bzhin pa yin no/ /zhes pa'i don to/ /'di dag rkyen gyis sems can rnams/ /sangs rgyas nyid du the tshom med/ /zla ba bcu yang sa rnams nyid/ /sems can sa bcu'i dbang phyug gi zhes bya ba la/ drang ba dang nges pa'i don gyi rtsa ba dang yan lag gi rlung bcu po bag la zhi ba ni nges pa'i don gyis bcu'o/ /de nas rnal 'byor ma bdag med ma la sogs pa'i lha mo thams cad ces pa nas sa la 'gyel ba dang 'dar bar gyur to/ /zhes pa yan lag gis ni 'di ltar sems can thams cad gzod ma nas sa bcu'i rang bzhin gyi byang chub sems dpa' rdo rje lta bu'i sku can no zhes bcom ldan 'das kyis gsungs pa la/ ci'i phyir sems can rnams nyon mongs pa nyam nga ba'i gnas su blo bur du ltung ba ni ma la ci zhig ltar te zhes brgyal ba'i don to/ /yang rdo rje can gyis lha mo de dag gzigs nas bslang ba'i phyir zhes pa nas de nyid nga yis spro yis nyon zhes yan chad ni/ lha mo de dag la bcom ldan 'das kyis spro ba bskyed pa'i dbyangs kyis bar bstan pa ste/ bcom ldan 'das kyis gsung rmi lam lta bur nye bar thos nas lha mo de rnams thams cad srog rnyed par gyur to zhes pa'i tha tshig go /bcom ldan 'das kyis bka' stsal pa/ sems can rnams ni sangs rgyas nyid/ /'on kyang blo bur dri mas bsgribs/ /de nyid bsal na sangs rgyas nyid/ /ces pa ni gzod ma nas sems can thams cad lhan cig skyes pa'i rang bzhin yin pa'i phyir sangs rgyas so/ /blo bur gyi dri ma ni 'dzag pa yin la de'i rgyu ba chad pa ni sangs rgyas zhes bya ba'i don to/ /lha mo rnams kyis gsol pa/ bcom ldan 'das de de bzhin te/ bden pa ma mchis shing brdzun pa ma mchis so zhes bya ba ni 'dzag pa dri ma yin la/ mi 'dzag pa sangs rgyas yin no zhes gsungs pa gang yin pa de dag ni/ de de bzhin te/ de de bzhin no zhes bya ba'i don to/ /de yang bcom ldan 'das nyid kyis dpe 'di ltar gsungs te/ gang zhig mi shes 'jig rten pa/ /btsan dug zos pas brgyal bar 'gyur/ /rmongs spangs de nyid yid kyis ni/ de yi de nyid yongs su gcod/ /ces bya ba gsungs te/ dper na skyes bu rmongs pa 'ba' zhig dug log par 'gyur ba'i thabs kyis dman pas dug za ba gang yin pa de ni tshe'i dus byed par 'gyur ro/ /'on te dug gi de kho na nyid yongs su shes pas za bzhin pa ni dug bdud rtsi ngang mtshungs par 'gyur ro/ /dpe de ltar na de bzhin zhi ba'i thabs shes shing/ /kye'i rdo rjer dbugs bton na/ ma rig sogs pas mi 'dzin cing/ /gti mug la sogs kyis mi 'ching/ zhes bya ba srog gi kun tu spyod pa'i rlung 'gro ba dang 'ong ba las rnam par grol zhing kun da lta bu'i thig le 'byung ba dang/ 'jug pa yongs su mnan pa na kye'i rdo rjer dbugs bton pa yin zhing/ ma rig pa la sogs pa'i nyon mongs pa mdza' dag gis rnam par 'ching bar mi 'gyur ro/ /zhes pa ni nges pa'i don to/ /rang dang rang gi rtog pa las/ /sangs rgyas ma yin sems can ni/ /gcig kyang yod pa ma yin no/ /dmyal ba yi dags byol song dang/ /lha dang lha min mi rnams dang/ /bshad ba'i srin bu la sogs pa zhes bya ba la/ srog chags thams cad kyi bde ba thun mong pa karka Ta dang chu srin zhes bya ba srog gi kun tu spyod pa la brten pa'i thig le'i bde ba rang rang gi ji lta ba bzhin du rtogs pa na sangs rgyas dang byang chub sems dpa' de nyid pa yin gyi/ gzhan ma yin zhes bya ba'i don to/ /lha dang lha ma yin gyi yang/ /bde ba gang phyir shes pa zhes bya ba ni/ /mi shes pa de'i phyir 'khor bar bcings zhes sbyar ro/ /rtag tu rang bzhin bde ba can/ /'jig rten khams ni gang du yang/ /gzhan du sangs rgyas rnyed mi 'gyur zhes pa ni/ rang rig pa'i bde ba bor nas gzhan du sangs rgyas mi rnyed ces sbyar ro/ /don bsdus pa'i tshul gyis gsungs pa ni/ sems ni rdzogs pa'i sangs rgyas nyid ces pa nas/ gsod pa don du gnyer ba rnams/ /kye yi rdo rje de shes na/ /'grub 'gyur 'di la the tshom med/ /ces pa la sogs pa ste/ rang gis rang gi sems rig pa stong pa dang snying rje dbyer med pa'i bdag nyid kyi kye'i rdo rje shes na 'grub par 'gyur ba ni nges pa'o/ /byis pa mi shes pas bsgribs pa/ /'di yi 'gro ba mi shes pa zhes pa ni/ stong pa nyid dang snying rje dbyer med pa'i bde ba las babs pas bde ba'i 'gro ba 'di mi shes te 'gro ba drug ces bya ba/ chu srin nam karka Ta'i 'gro ba drug gi mthar 'khor bar 'gyur te/ rmongs par 'gyur ro/ /rdo rje snying po snying rje che/ /kye yi rdo rje'i thabs rnyed nas/ /gang zhig yul rnams rnam sbyong ba/ /des ni bla med rnyed par 'gyur/ /zhes bya ba ni bla ma'i lung phog pa thob pa'i stobs las thabs rnyed de bla ma'i lung ltar yul rnams rim pa ji lta ba bzhin du sbyangs na bla na med pa rnyed par 'gyur te/ 'di ltar srog nyi khri chig stong drug brgya 'khor lo bzhi'i gnas su lnga stong bzhi brgya bzhi brgya bsad pa las/ lugs dang lugs su 'byung ba'i rim par dga' ba dang/ mchog dga' dang/ khyad par dang/ lhan cig skyes pa rnams rim pa bzhin brtsi bar bya'o/ /de bzhin du drug cu rtsa bzhi'i gnas nyid du rlung brgyad cu rtsa bzhi dang rkang pa re re bsad par bya'o/ /de las kyang rtsa bcu drug bcu drug gi rlung gsad pa na dga' ba bzhi bzhir slar bzhin sbyar ro/ /de bzhin du chos kyis gnas su drug brgya bdun bcu rtsa lnga drug brgya bdun cu rtsa lnga gsad par bya'o/ /de las rtsa gnyis gnyis kyis stong sum brgya lnga bcu stong sum brgya lnga bcu bsad pa na dga' ba bzhi bzhir sbyar ro/ /de bzhin du longs spyod kyi gnas su sum cu so bdun gyis lhag pa'i rkang pa dang bcas pa sum brgya sum brgya bsad par bya'o// de las cha bzhi bzhi gsad pa na gong ma ltar dga' ba bzhi bzhi dang sbyar bar bya'o/ /de nas sum cu rtsa gnyis kyi gnas su drug cu rtsa brgyad kyis lhag pa'i rkang pa dang bcas pa'i brgya phrag re re gsad par bya'o/ /de las cha bzhi bzhi gsad pa na gong bzhin du dga' pa bzhi bzhi dang sbyar ro/ /de ltar brjod pa de rnams ni bla ma'i lung ltar sbyangs pa'o/ /da ni gang gis phyag rgyas gang la gdab pa'i rig pa bshad par bya ste/ rdo rje snying pos gsol pa/ sa ni puk+ka sIr bshad pa/ /gang yang gti mug sra pa'i phyir/ /sku ni rnam snang nyid gsungs na/ /ji ltar mi bskyod phyag rgya lags/ /shes pa la sogs pa'i the tshom rnams bcom ldan 'das la zhus pa dang/ bcom ldan 'das kyis lan 'di skad gsungs so/ /lus spangs nas ni sems kyis ni/ /mdzes pa gzhan du mi 'gyur ro/ /de phyir sems kyi rnam snang mdzad/ /sku la thugs kyi phyag rgya gdab/ ces bya ba gsungs te/ thabs dang mi ldan pa'i shes rab dang/ shes rab dang mi ldan pa'i thabs dag gis kyang bya ba yongs su mi rdzogs pa ltar/ sku dang thugs tha dad pa'i sku yis bya ba yongs su mi rdzogs pa'i phyir sku la thugs kyi phyag rgyas gdab bo/ /de bzhin du chu khams ri khrod mar bshad pa/ /mi bskyod khu ba'i gzugs can nyid/ /gtso bo mi bskyod phyag rgyas ni/ /ri khrod ma la gdab pa'i rigs zhes bya bas ni/ chu yi khams la thabs chu'i khams mi bskyod pas rgyas gdab par rigs pa mi 'gags sam zhes zhus pa dang/ slar bcom ldan 'das kyis gsungs pa/ sems sbangs nas ni lus kyi ni/ /gnas pa gzhan du mthong mi 'gyur/ /de ste sems ni gti mug 'gyur zhes pa la/ gong bzhin du phan tshun du 'gal ba'i skyon gyis 'dir yang rtogs par bya ste de'i phyir thugs kyi rigs la sku'i rigs kyis rgyas btab na mdzes par 'gyur zhes pa'i don to/ /de bzhin du me ni gdol ba mor bshad pa/ /'dod chags phyag rgyas gdol pa mo/ /rigs de phyag rgya gzhan min na/ /ji ltar rin chen phyag rgya lags/ /zhes bya ba ni me'i khams gdol pa mo la/ /'dod chags kyi phyag rgya dpag med 'od kyis gdab par rigs pa ma lags sam ci'i slad du/ rin chen 'byung ldan gyi me'i rigs la phyag rgyas gdab ces zhus pa dang/ bcom ldan 'das kyis 'di skad ces gsungs so/ /gang phyir 'dod chags khrag bshad pa/ /khrag ni rin chen 'byung ldan nyid/ /drod ni khrag gi rang bzhin phyir/ /'dod chags ser sna'i phyag rgyas gdab/ /ces bya ba gsungs te/ 'di ltar drod me'i rang bzhin ni khrag gi yon tan yin la khrag ma gtogs par drod mi 'byung ste de bas na/ ser sna'i rin chen 'byung ldan gyis rgyas gdab par gsungs so/ gzhan yang/ gang phyir g.yung mo rlung nyid de/ /don yod rlung gi gzugs can nyid/ /don yod phyag rgya g.yung mo la/ /gtso mo phyag rgyas rigs par 'gyur zhes pa ni g.yung mo rlung du bshad pa la/ /don yod grub pa rlung nyid kyi phyag rgya rigs pa ma lags sam/ ci'i slad du 'dod chags kyi rigs dpag med kyi rgya btab ces zhus pa dang/ bcom ldan 'das kyis 'di skad ces gsungs so/ /'dod chags ma gtogs phrag dog ni/ /gzhan du 'byung ba ma yin te/ /de phyir 'dod chags phyag rgya yis/ /mkhas pas g.yung mo phyag rgyas gdab ces bya ba gsungs so/ /'di ltar phrag dog thams cad ni 'dod chags las 'byung la/ 'dod pa'i 'dod chags las gzhan du phrag dog ma mthong ba de'i phyir/ dpag med 'od 'dod chags kyi rigs kyis rlung gi rigs la rgyas gdab ces bya ba gsungs so/ /de ltar brjod pa'i rim pa rnams ni 'byung ba gzhi'i lha mo rnams la rgyas gdab pa'i rigs pa yin la/ phyogs kyi lha mo phung po'i rang bzhin rnams kyang don de ltar khong du chud par bya'o zhes gsungs te/ de'i phyir na gang phyir gzugs ni sra ba nyid/ ces pa nas/ ma log pa las phyag rgya'o/ /zhes pa la sogs brgya cher gsungs pas rim pa bzhin shes par bya'o/ /nga ni gtor ma'i de kho na nyid bstan par bya ste/ kye yi rdo rje rdo rje 'dzin/ /snyoms 'jug pa yi lha nyid la/ /sems can don phyir gtong mche de la bdag med mas zhus pa zhes pa la stong pa nyid dang snying rje tha mi dad pa'i bde ba la bzhugs pa'i bcom ldan 'das la/ phyi dang nang gi gtor ma de kho na nyid bdag med mas zhus pa zhes pa'i don to/ /e baM rnam par bzhugs nas ni/ /bgegs dang log par 'dren pa las/ /sems can rnams kyi srog bsrung phyir/ /rdo rje sems dpas gtor ma bstan zhes bya ba la/ de ltar bdag med mas zhus pa'i rjes la/ phyi nang gi 'byung po thams cad la phan gdags par dgongs nas/ gtor ma'i de kho na nyid 'di skad gsungs zhes sbyar bar bya'o/ /de la/ aoM ain+d+ra dza ma/ dza la/ dzakh+kha/ b+hU ta/ ba hi/ bA au/ rA k+Sha/ tsanda/ sudzdza/ ma ta/ bab pa tA la/ pA tA laM/ a Ta sa mpa swAhA/ zhes pa la sogs pa gsungs te/ 'di'i don yang rtsa ba'i rgyud las ji skad du/ bdag dang rnal 'byor gnas bsrung ba/ dkyil 'khor khang pa dang bcas pa/ /kye yi rdo rjer bdag bskyed la/ /gtor ma'i cho ga bya ba nyid/ /de bzhin gzhal yas khang la sogs/ /go rims ji bzhin bskyed pa la/ /dbus kyi gru gsum nam mkha' la/ /kye rdor rang bzhin 'byung po dgod/ /sku gsung thugs kyi rang bzhin phyir/ /aoM dang A:dang hUM las ni/ /mgron rnams kun yang bsam byas la/ /sku gsung thugs su dmigs par bya/ /de la rigs par go ku sogs/ /sbyang spel sbar dang bdud rtsi yis/ /yi ge bzhi dang ldan byas la/ /de dag tshogs la dbul bar bya/ /zhes gsungs pa'i don khong du chud par byas la/ bdag gzhan gyi srog bsrung bar bya'o/ /de bzhin du nges pa'i don yang/ 'byung po rang rang gi snying ka'i rtsa 'dab brgyad po brgya byin la sogs pa thun brgyad yin la steng gi sgra gcan dang 'og gi dus kyi me ni nyi ma dang zla ba yin no/ /tA la pA tA laM ni lte ba'i steng dang 'og go /de rnams tshim par byin gyis brlabs pa'i sngags a kA ro mu khaM zhes pa la sogs pa ste/ nges pa'i don du na a'i yi ge ni chos thams cad kyi sgo ste/ gzod ma nas ma skyes pa'i phyir ro zhes pas byin gyis brlab pa'o/ /'di ltar a zhes pa ni tshig gi brjod pa kun las 'das pa/ mi shigs pa'i sgrar gnas pa la bya'o/ /'di ltar mi shigs pa'i sgrar gnas pa 'di ni srog chen po ste/ gtor ma 'dis srog bsrung ba ni nges pa yig la/ tshul gzhan du bskal pa dpag tu med par gtor ma byin yang srog bsrungs par mi 'gyur ro zhes pa ni/ de bzhin gshegs pa'i bka' lung ngo/ /des pa'i don gzhan ni sngags kyi le'u yi rgya cher bshad par legs par gtan la phab pa'i phyir/ 'dir gsal bar ma bstan to/ /gal te gtor ma 'dis 'byung po thams cad mchad par byung na/ rnal 'byor pa rnams legs par 'gyur te/ zhes bya ba la sogs pa la 'di ltar drang ba dang nges pa'i don gyis dbye ste/ de la gang drang ba'i don de ni phyi rol du ji ltar bstan pa rnams yin la/ des pa ni 'di lta ste/ AdyA nutpan+na twAta zhes pa la mi shigs par gtogs pa'i srog gi rlung gang gis 'dzag pa med pa'i bde ba de ni bde ba dri ma med pa'o/ /de bzhin du dus mdza' i mes nyi ma'i rtsa'i cha rnams bsreg pa'i phyir/ lha mo rnams dang 'gro ba rab tu 'byor pa rnams dga' bar 'gyur ro zhes pa'i don to/ /gal te 'dir 'byung po'i tshogs kyi phyir rtag tu gtor ma steng na zhes bya ba la mi shigs pa'i srog gi rlung gis gtor ma byin na zhes pa'i tha tshig go /bde ba dbang du bsdus pas dbang ngo/ /'dzag pa'i nyon mongs pa 'jig pa'i phyir mngon spyod dang dgra'i sde 'jig pa dang/ bskrad pa dang/ bsad pa zhes pa'i don to/ /bde ba 'gugs shing des nyon mongs pa'i gdung ba zhi zhing bde ba'i ye shes rgyas par byed pa'i phyir zhi ba dang rgyas par 'gyur ba'o/ /da ni sku gsung thugs kyi phyag rgya las/ /rgyas btab pa'i rigs pa bstan par bya'o/ /rdo rje snying pos gsol pa/ phyag rgya gang gis mkha' spyod ma/ /gang gi phyag rgya sa spyod ma/ /gtso bo bdag gis sngar ma 'tshal/ /zhes bya ba la mkha' spyod ma dpas spyod ma dag la phyag rgya gang gis gdab par bgyi zhes pa'i don to/ /bcom ldan 'das kye'i rdo rjes slar gsungs pa/ gsang gsum 'khor lo'i dbus su ni/ /sku gsung thugs su dbye ba las/ /steng dang 'og dang dbus rnams kyi/ / 'khor lo'i dbus su rnam par gnas zhes bya ba la/ /gsang ba gsum gyi 'khor lo ni/ /sa 'og sa stengs sa bla rnams/ /rnam pa gsum du phye ba ste/ /bde mchog 'khor lor rab tu bsgrags/ /sa spyod sku yi phyag rgya can/ /steng zhal sku yi phyag rgya ma// gti mug sku yi rigs can te/ /rnam snang mdzad du rab tu bsgrags/ /mkha' spyod 'dod chags phyag rgya can/ /'og zhal gsung gi rdo rje ma/ /'dod chags gsung gi rigs can de/ /dpag med 'od du rab tu bsgrags/ /thugs kyi rdo rje bdag med ma/ /sems ni dpag med tshul can nyid/ /sems ni dbus kyi gnas su ste/ /de phyir bdag med dbus su 'khrungs/ /sems ni nam mkha' i rigs can nyid/ /mgon po mi bskyod sems su bsgrags/ /'di gsum dbus kyi rtsa yi gzugs/ /lo gsum zla ba phyed dang gnyis/ /'di yi chos su rab bstan te/ /'dus pa la sogs rgyud chen rnams/ /'di nyid las ni 'byung bar bshad/ /de bas sku gsung thugs kyi rigs/ /zhal gsum par ni rab tu brjod/ /rgyas par rab tu phye ba las/ /rigs ni rnam pa drug tu brjod/ /sa dang chu dang me dang ni/ /rlung dang nam mkha' i khams dag dang/ /ye shes khams dang drug tu brjod/ /rnam gsum nyi ma zla ba me/ /rnam lnga mun can sgra gcan 'dzin/ /gsum la gnyis kyis mnan pas lnga/ /khro bo'i rgyal po gdong drug 'jigs/ /'jam pa'i rdo rje zhal lnga pa/ zhes bya ba'i don to/ /gzhan yang rnal 'byor gyi rgyud du/ /phyi'i skye bo rnams 'jug par bya ba'i phyir bshad pa 'di lta ste/ mi bskyod rnam snang rin chen 'byung/ /dpag med phrag dog rdo rje sems/ /rigs ni rnam pa drug bshad pa/ nyon mongs rnam drug rnam par spyod/ /zhe sdang gti mug ser sna dang/ /'dod chags phrag dog bde ba dag / nyon mongs drug tu rab tu bsgrags/ /'dis ni rim par bsgoms pa nyid/ /rdo rje sems dpa' spangs nas ni/ /phyi nas rigs ni rnam pa lnga/ zhes bya bas ni 'khrigs pa'i 'dod chags spangs nas rigs rnam pa lngar 'gyur te/ mchog tu mi 'gyur ba'i ye shes spangs nas zhes pa'i don to/ /ci'i phyir zhe na/ ye shes kyi rigs kyis kun la khyab pa'i phyir ro/ /de bzhin du rdul dang mun pa dang snying stobs kyis dbye ba 'am/ nyi zla sgra gcan 'dzin gyis dbye bas/ 'dod chags zhe sdang gti mug gis/ /rdo rjes rnam pa gsum du 'gyur/ zhes bya ba'i don to/ /de bzhin du rnam par shes pa nam mkha' i khams 'di ni/ rigs thams cad pa 'am/ rigs gcig nyid kyi ngo bo nyid yin te/ nam mkha' gcig gi gzugs kyi tha mi dad pa'i gzugs kyi gnas pa'i phyir/ mi bskyod zhe sdang gzugs can gyi/ /thugs kyi bdag po'i rigs gcig nyid/ ces bya ba gsungs so/ /de bas na thugs kyi rigs 'di nyid las/ rigs lnga dang rigs drug la sogs pa nas/ /dpag tu med pa'i rigs rnams 'byung ba'i phyir/ zhe sdang rdo rje'i byin rlabs 'dis/ /rigs ni lnga dang drug tu brjod/ ces gsungs pa yin no/ /kye'i rdo rje'i nges pa'i don gyi rgya cher bshad pa las/ rgyud thams cad kyi phyag rgya bsdus pa'i rgya cher bshad pa ste/ le'u bzhi pa'o// //zhal brgyad phyag ni bcu drug pa/ /dpa' bo thod phreng can btud nas/ /kye rdor mngon par 'byung ba yi/ /rgyas bshad rdo rje snying pos bri/ /phyag ni bcu drug zhal brgyad pa/ /zhabs bzhi pa dang 'jigs pa po/ /dpa' bo thod pa'i phreng ba can/ /bdag med mas ni sku la 'khyud/ /ces bya ba gsungs te/ stong pa bcu drug mtshon pa'i phyag bcu drug dang/ rnam par thar pa brgyad dag pa'i zhal brgyad dang/ don mthun pa la sogs pa bsdu ba'i dngos po bzhi dag pa'i zhabs bzhi dang/ /rang gis khro ba dang/ shugs kyis khro ba dang/ khro bar bcas pa dang/ khro bar bcos pa la sogs pa khro bo'i mtshan ma dang ldan pa dang/ rjod byed lnga bcu dag pa'i mgo'i phreng ba'i do shal 'dzin pa stong pa nyid kyi bdag nyid yum chen mos 'khyud pa'i sku can/ yi ge lnga dag pa'i phyag rgya lnga 'dzin pa'i bcom ldan 'das he ru ka la bdag med mas zhus pa/ bco lngas yongs su bskor ba nyid/ /bdag gi 'khor lo khyod bshad na/ /khyod kyi dkyil 'khor ji ltar lags/ /gtso bo bdag gis sngar ma 'tshal zhes bya ba zhus te/ 'di ltar byang chub kyi sems kyi zla ba cha shas bco lnga'i bdag nyid can/ mngon par rdzogs pa rnam pa lnga dang/ rnam pa nyi shus byang chub pa'i mtshan nyid can/ bdag gi dkyil 'khor lha mo lnga gsum gyi bdag nyid legs par gsungs lags na/ gtso bo khyod nyid kyi dkyil 'khor ji ltar lags sngar ma gsungs pa gsungs par rigs so zhes pa'i don to/ /bdag med ma la 'o mdzad nas/ /rdo rje thod par stsal nas ni/ /lha mo'i nu ma mnye mdzad de/ /dkyil 'khor yang dag rab tu bstan/ zhes bya ba ni bdag med ma la nyid kyi dkyil 'khor bstan par mdzad pa'i ched du/ sngon du 'dod chags kyi chos rab tu bstan par mdzad nas/ bshad par zhal gyis bzhes pa'o/ /'khor lo ji ltar sngar brjod pa zhes pa nas/ rdo rje thig gi yang dag brgyan zhes bya ba la sogs pa gsungs te/ dkyil 'khor gyi khang bu'i mtshan nyid phyi nang du phye ba las/ bskyed pa'i rang bzhin ni khyod kyi khang bu brtsegs pa dang mtshungs so/ /zhes bya ba'i don to/ /'dod chags chen po'i rjes chags pas/ /lhan cig skyes dga' i rang bzhin las/ /khyod dang lhan cig bzhin bzang ma/ /de la dbus su nga yod de/ ces bya ba la/ kye lha mo khyod kyi dkyil 'khor ni/ khyod nyid dang por byas pa'i bco lnga'i bdag nyid yin la/ 'dir ni bco lnga yongs su spangs pa'i bdag nyid khyod dang nga gnyis yongs su 'khrig pa las lhan cig skyes pa'i rang bzhin can khyod kyi lha mo brgyad kyis yongs su bskor ba'o// zhes pa'i don to/ /zhal brgyad pa la zhes pa nas/ sna tshogs rdo rjes spyi bor mtshan zhes pa dang/ grong khyer nyams dgar khyod dang nga/ zhes pa yan chad kyis ni/ bcom ldan 'das gtso bo chen po nyid kyi sku rtsa ba'i rang bzhin bdag med ma la gsal bar yongs su bstan pa ste byis pa'i skye bo rnams gzhug pa'i phyir/ sku mtshan phun sum tshogs pa yon tan thams cad kyis rab tu spras pa brjid bag thams cad dang ldan pa bstan par mdzad pa'i don to/ /grong khyer nyams dgar khyod dang nga/ /dga' bas shin tu rol ba las/ zhes bya ba ni dkyil 'khor gyi khang bu chos kyi dbyings kyi bdag nyid can/ dpe med pa'i yul gyi yon tan gyis smras pa'i nang du/ lhan cig skyes pa'i dga' bas rol cing gnas so zhes bya ba'i don to/ /dkar mo dbang po'i phyogs byung nas/ /shar gyi sgo ru yang dag gnas zhes pa nas/ /rlung gi phyogs su g.yung mo nyid/ /ces bya ba la sogs pa yan chad kyis ni/ de ltar lhan cig skyes pa'i bde ba'i rol pa las/ /lha mo brgyad 'byung bar ston pa'i rdo rje tshig go /des ni 'jig rten pa'i srid pa'i skyed par byed pa'i chos pha dang ma yis bu tsha bskyed pa'i bya ba bstan to/ /de nyid lus can rnams kyi srog 'gro ba dang 'ong ba'i khyad par gyis/ g.yas kyi srog bzhi dang/ g.yon gyi srog bzhi dang/ thun tshad dang thun mtshams bzhi bzhi ste brgyad kyis bcu drug phyed kyi khu ba'i thig le 'khrid par byed de/ nyin mtshan gyi chos rab tu bstan la/ gang bdag med ma dang/ gtso bo nyid kyis ni mtshams kyi me'i ri mo can du 'jug pa'i rlung bstan to/ /de nas rdo rje chags chen las/ /rig mar bcas pa khu bar gyur/ zhes pa ni pha dang ma'i bye ba yongs su rdzogs nas/ 'khogs par yongs su bstan la/ gzhan du na srog gi rta la brten pa'i khams thams cad nang du thim ste rgyu ba med par bstan to/ /de bzhin du bskul ba'i sa la bzhengs pa dang/ lam gnyis kyis byang chub pa dgag pa ston to/ /zhes pa'i tha tshig go / sna tshogs glu yi mchod pa las/ /de nas lha mo rnams kyis bskul/ /rje btsun snying rje'i yid bzhengs shig /zhes pa nas/ thugs rje rgyun chad ma mdzad cig /ces pa la sogs pa'i rdo rje'i glu'i tshig rnams kyi ni/ 'di ltar 'jig rten na pha ma dag yongs su 'khogs te/ 'jig rten pha rol tu song ba la bu dang bu mo la sogs pa smre sngags 'don cing cho nges 'debs la/ 'di skad ces mgon po kho bo cag la mgon dang skyabs ma mchis kyis/ kye hud kye hud bskyab du gsol zhes zer zhing mtshun la 'thor bar byed do/ /de bzhin du nyan thos kyi skye bo rnams la grong khyer rtswa mchog gi phyogs su mya ngan las 'da' ba nye bar ston cing/ nyan thos chen po rnams smre sngags 'don cing tshe nges 'debs te/ klu'i rgyal po rnams kyang mya ngan byed ce'o/ /de nyid gzhan gyi srog gi rlung thams cad nang du zhugs te/ bde ba chen po'i khams la gnas pa las/ sems can thams cad kyi don du sa dang chu dang me dang rlung rnams kyi khams kyis sad par byas te/ 'gro ba'i don la 'jug pa ni nges pa'i don to/ /glang po rta bong glang rnga mo/ /mi dang sha ra b+ha byi la/ /g.yas pa'i thod pa brgyad po la/ /glang po la sogs rim shes bya/ zhes bya ba ni g.yas pa'i phyag gi mtshan ma brgyad ston pa'o/ /de bzhin du sa dang chu dang rlung dang ni/ /me dang zla ba nyi ma nyid/ /mthar byed dang ni nor 'dzin te/ /g.yon pa'i thod pa brgyad na'o// /zhes pa ni/ phyag g.yon gyi mtshan ma brgyad de/ 'di rnams kyi dag pa ni/ blo dang dbugs dang zhes pa nas/ /phyug po thams cad rab bsgrub pa'o/ zhes gsungs pas rtogs par bya'o/ /de bzhin du gtso bo chen po gar gyi ro dgu dang ldan par ston to/ /'di ltar rin chen sna bdun te/ /de la dmag dpon rin chen zhes/ /bde bar gshegs pas rab gsungs pa/ /tshul dgu rab ldan dmag dpon yin/ /sgeg pas 'gro ba shes rab bskyed/ /mdzad spyod nyam pa med pa'o/ /gdug rtsub rab ldan 'jigs pa po/ /log lta zhe gcod gshe ba'i tshul/ /rdo rje sems dpa' bteg pa la/ /dpa' la dpa' ba de bzhin gshegs/ /rdo rje 'dzin pa snying rje la/ /rgod la 'jig rten dbang phyug mchog /rdo rje nyi ma khro ba che/ /rdo rje drag po 'jigs pa la/ /shAkya thub pa mi sdug la/ /ngo mtshar la ni a ra li/ /rmad byung chos sgrogs bzhad par snang/ /gdul dka' khro la snying rjer ston/ /nyon mongs grub mdzad ngo mtshar tshul/ /khro drag mi g.yo zhi ba'i tshul/ zhes pa la sogs pa ni gar stobs dgu'i don to/ /de lta bu'i gar stabs dgu dang ldan pa'i dpa' bo bzhengs pa ni/ /aM dang hUM gi rdo rje che/ khu ba'i gzugs la bzhengs nas ni/ zhabs rnams la brdebs pa dang/ lha dang lha min bsdigs par mdzad/ ces bya ba ni sngon gyi gzugs las/ yi ge aM hUM gnyis las thod pa gri gug lta bur gyur cing/ de las gzugs bzhengs pa'i don te/ bdag med ma dang gtso bo'i sku yongs su rdzogs pa ste/ bcu drug dang bcu gnyis nyi ma dang zla ba rab tu gsal zhing dri ma med par gyur pa'i don to/ /des 'gro ba'i don byed pa ni nges pa'i don to/ /gaM tsaM baM g+haM paM shaM laM DaM/ zhes pa ni thig le'i gzugs can ming gi dang po'i yi ge brgyad do/ /'di yis sa bon dbyung ba dang/ zhes pa ni lha mo brgyad bskyed pa'i dus su sbyar bar bya'o/ /de bzhin du bdag po yi ni sa bon dag /aM hUM sngon po 'bar 'jigs pas zhes pa nas/ gtso bo 'di ltar bsgom pa nyid/ ces pa yan chad kyis ni/ gtso bo bskyed pa'i rang bzhin gsal bar bstan te/ gong du bstan pa nyid do/ /nga ni lha mo brgyad kyi phyag g.yas g.yon gyi phyag mtshan rnams bstan pa'i phyir/ dkar mo'i g.yas na gri gug ste zhes pa nas/ g.yon na sdigs mdzub de bzhin no zhes pa yan chad kyis bstan te/ 'di ltar rang rang gi gdan gyi steng du nyi zla kha sbyar ba'i nang na/ sngon gyi yi ge rnams gnas par bsam zhing/ de dag yongs su gyur pa las/ /g.yas pa'i phyag mtshan brgyad du bsam pa dang/ de yongs su gyur pa las kyang lha mo brgyad yongs su rdzogs par bya'o/ /ci'i phyir g.yas pa'i mtshan ma las yongs su rdzogs par bya zhe na/ rtsa ba'i rgyud las ji skad du/ /lus can lag pa g.yas pa yis/ /bya ba thams cad rdzogs par byed/ /stong nyid shes rab g.yas pa ni/ /de bzhin bya ba thams cad byed/ /sems can don la brtson pa las/ /skyil krung phyed pa'i gar gyis ni/ /gau rI la sogs lha mo rnams/ /kun tu legs par gnas par 'dod/ ces gsungs so/ /de bzhin du nyon mongs pa gcod par mdzad pa dang/ stong pa nyid kyi sgra sgrogs pa dang/ /mi g.yo ba'i bde ba dang/ zhe sdang la sogs pa de kho na nyid kyis rgyan du bcangs pa dang/ bya ba thams cad la the tshom med par bya ba dang/ dgra bcom pa brtan pa dang/ chos kyi 'khor lo bskor ba dang/ nyon mongs pa gzhom pa'i phyir/ g.yas na gri gug la sogs pa'i phyag mtshan brgyad rim pa bzhin du sbyar ro/ /de bzhin du g.yon pa'i brgyad ni/ 'di ltar reg na bde ba dang/ gti mug bsang par bya ba dang/ bde ba bskyang ba dang/ ye shes blang ba dang/ nyon mongs pa tshar bcad pa dang/ bde ba mtshon pa dang/ nyon mongs pa med pa dang/ dri ma med pa'i gnas mtshon pa ste/ rim pa bzhin du sbyar bar bya'o/ /dkar mo la sogs phyag gnyis brjod/ /spyan gsum dbu skra gyen du brdzes/ /phyag rgya lngas ni rnam par brgyan zhes pa la sogs pa ni lha mo thams cad stong pa nyid dang snying rje mi phyed pa dang/ sku gsung thugs kyi de kho na nyid dang/ bde ba'i ye shes kyi de kho na nyid dang/ nam mkha' la sogs pa'i phyag rgya lnga dang ldan par mtshungs par ston pa'o/ /gau rI kha dog nag mor 'gyur zhes pa nas/ g.yung mo sna tshogs ma zhes brjod/ ces pa yan chad kyis ni/ sa dang chu dang me dang rlung la sogs pa rnams kyis rang bzhin gyi yon tan gyi dbang gis/ phyogs mtshams kyi lha mo brgyad kyi sku mdog rim pa bzhin rtogs par bya'o zhes pa'i don to/ /de bzhin du/ gshin rje dang ni nor bdag dang/ /bden bral dang ni thag bzangs ris/ /tshangs pa dbang po nye dbang drag /gau rI la sogs pa yi gdan/ zhes bya ba rnams ni phyogs skyong brgyad po rang bzhin yon tan gyi dbang gi rim pa bzhin gdan du bsam la/ gzhan yang 'jig rten pa'i lha nga rgyal can rnam pa brgyad phyi gan rkyal du bsgyel te btul nas/ gtogs 'dod ma la sogs pa dbang bskur zhing ming spros te 'jig rten pa'i dkyil 'khor du bkod ces pa'i don to/ /de dag kyang 'di lta ste/ dka' thub bzlog ma ni/ khro mo rdo rje ma dang/ gser ldan ma ni rdo rje gser ma zhes bya ba dang/ shir sh+ya ni rdo rje gzhon nu ma zhes bya bar ming btags so/ /tshangs ma mi rdo rje zhi ba mor ming btags so/ /dbang mo ni rdo rje khu tshur mar ming btags so/ /de rnams ni rdo rje rgyal mor dbang bskur ro/ /de nas bar snang la sbyong ba'i btsun mo thams cad la byin pa ni 'di lta ste/ mi 'chi ba ni rdo rje mi 'chi bar ming btags so/ /ro hi na ni rdo rje mdangs mar ming btags so/ /dbyug 'dzin ma ni rdo rje dbyug mchog mar ming btags so/ /skye ba 'phrog ma ni rdo rje rked chings mar ming btags te/ de la sogs pa khro mo'i rdo rjer dbang bskur ro/ /de nas nam mkha' la spyod pa'i btsun mo thams cad la byin pa 'di lta ste/ gsod ma ni rdo rje 'ju mar ming btags so/ /za ba ni rdo rje zab mor ming btags so/ /'go ba ni rdo rje 'go ba mor ming btags so/ /dga' ba ni rdo rje dga' ba mor ming btags so/ /de la sogs pa rdo rje pho nya mor dbang bskur ro/ /de nas sa la spyod pa'i btsun mo thams cad la byin pa 'di lta ste/ zhi ba mo mo ni rdo rje pho nya mor ming btags so/ /rlung ni rdo rje mgyogs mar ming btags so/ /me ni rdo rje 'bar mar ming btags so/ /ku bai ra ma ni rdo rje 'byor mar ming btags so/ /de la sogs pa rdo rje pho la mor dbang bskur ro/ / de nas sa 'og na gnas pa'i btsun mo thams cad la byin pa 'di lta ste/ phag mo ni rdo rje khang ming btags so/ /tsa muN+Di rdo rje dus mar ming btags so/ /sna chang ma ni rdo rje ru la mar ming btags so/ /chu lha ma ni rdo rje chu srin mar ming btags so/ / rdo rje bran mor dbang bskur ro/ /de bzhin du 'di lta ste/ dbang phyug chen mo ni rdo rje khro mor ming btags so/ /mthu bo che ni sgyu ma'i rdo rjer ming btags so/ /sgra gzhon nu ni rdo rje dril bur ming btags so/ /tshangs pa ni thub pa'i rdo rjer ming btags so/ / dbang po ni rdo rje mtshon char ming btags so/ /rig pa'i rgyal po rnams dbang bskur ba'o/ /de nas bar snang la spyod pa rnams la byin pa 'di lta ste/ bdud rtsi 'khyil pa ni rdo rje 'khyil bar ming btags so/ /zla ba ni rdo rje 'od du ming btags so/ /dbyig pa chen po ni rdo rje dbyig par ming btags so/ /sor smug ni rdo rje ser smug tu ming btags te/ de la sogs pa rdo rje khro bor dbang bskur ro/ /de nas nam mkha' la spyod pa'i lha thams cad la byin pa ni 'di lta ste/ sbrang rtsi myos pa ni rdo rje glang po snar ming btags so/ /sbrang rtsi byed pa ni rdo rje phreng bar ming btags so/ /rgyal ba ni rdo rje dbang du ming btags so/ /rgyal bar byed pa ni rdo rje rnam par rgyal ba'i rdo rjer ming btags te/ de la sogs pa tshogs kyi gtso bor dbang bskur ro/ /de nas sa bla'i dbang bo thams cad la byin pa 'di lta ste/ mdzod skyong ni rdo rje tho bar ming btags so/ /me ni rdo rje mer ming btags so/ /rlung ni rdo rje rlung du ming btags so/ /ku bai ra ni rdo rje 'jigs par ming btags te/ de la sogs pa ni rdo rje pho nyar dbang bskur ro// de nas sa 'og gi dbang po'i lha thams cad la byin pa ni 'di lta ste/ phag ni rdo rje lcags kyur ming btags so/ /gshin rje ni rdo rje dus su ming btags so/ /gtsug pud sa ni rdo rje bgegs kyi gtso bor ming btags so/ /ba ru Na ni klu rdo rjer ming btags te/ de la sogs pa ni rdo rje bran zhes bya bar dbang bskur ro/ /de la sogs pa 'jig rten gyi nga rgyal can thams cad btul ba'i don to/ /bo la bzhib par mdzad nas ni/ /dam du 'khyud cing 'o mdzad nas/ /bcom ldan gus par mchod nas ni/ /bdag med ma yis sngags zhus so/ /zhes bya ba la bdag med mas bde ba'i ros bdag po yongs su mchod de/ kye'i rdo rje sngags zhus zhes pa'i don to/ /de bzhin du bud med rnams kyis dbang byed sngags/ /de bzhin gdug pa bsdigs pa dang/ /klu rnams bsngags par byed pa dang// lha dang lha min bsnun pa ni/ /de ni nga yis bshad bya yis/ /lha mo bde ba sbyin pa nyon/ zhes bya ba ni rtsa ba'i sngags kyi yon tan te/ 'di ltar sngags gang gi yon tan ni/ gang zhig bzlas pa tsam gyis mi mo rnams dbang du 'gyur ba dang/ gdug pa tshar bcad pa dang/ klu rnams dbang du bya ba dang lha dang lha ma yin rnams 'dul bar 'gyur ba de bshad par bya'o zhes pa'i don to/ /sangs rgyas byang chub sems dpa' la/ /bdag gis gzhan du ma bstan to/ /'di yis sngags kyi gang 'byung zhing/ /rdo rje sems dpa' gang mdzad pa/ /lha mo shin tu 'jigs pa ste/ ngo mi chogs pas khyod la bshad/ ces bya ba ni sngags gang gis yon tan bskal pa bgrang ba las 'das pas kyang/ yon tan brjod par mi nus pa nyan thos dang rang rgyal ba rnams dang/ smon pa byang chub tu sems bskyed pa rnams la yang gsang ba khyod kyi ngor bshad ces bya ba'i don to/ /'bar ba'i phreng bas 'khrugs pa yi/ /dkyil 'khor rab tu bzhengs nas su/ /rdo rje snying po dbang sbyin phyir/ /thig le mchog la dgug par bya/ zhes bya ba ni/ kye'i rdo rje'i dkyil 'khor 'jigs pa rnams kyang/ cher 'jigs par byed pa bzhengs te/ rdo rje bla ma las dkyil 'khor gyi de nyid shes par bya ste/ yi ge'i grangs kyis 'bum bzlas nas/ sbyin sreg bcu chas sbyin sreg bya ste/ sngon du bsnyen te bzlas pa khri yis las la sbyar na/ lha mo thig le mchog ma lta buAng 'gugs par byed na/ mi mo phran tshegs lta bu lta smos kyang ci dgos zhes pa'i don te sngags kyi yon tan no/ /gzhan du ni bde ba chen po'i 'khor lo nas/ thig le'i mchog srog gi rlung gang bsad pas 'gugs pa ni nges pa'i don to/ /de nyid rdo rje snying po'i dbang yang yin no/ /sgra ring ba dang bzang ba yis/ /kye yi rdo rje sbyar ldan pas/ /btsun mo thams cad 'gugs par bya/ /dogs pa med pa'i sems kyis ni/ /bzlas pa 'bum gyi rnal 'byor bdag /kye yi rdo rje rnal 'byor gyis/ /'di yi las rnams thams cad byed/ ces bya ba la nges pa'i don du stong pa nyid dang/ snying rje'i bdag nyid kyi rang bzhin 'byor pa las srog gi rung 'bum phrag gcig bkag na/ las thams cad phyed par 'gyur ba ni nges pa'o/ /de la rig byed rnams kyi dang po sbyin/ /zla phyed thig les rnam par brgyan/ /zhes bya ba la rig byed kyi dang po ni ao la/ zla phyed ni zla ba tshes pa lta bu ste/ ao'i klad pa la brgyan par bya'o/ /de'i steng du slar zhing thig les brgyan zhes pa'i don to/ /aoM aSh+TA na nA ya/ biM gord+ha ke sha barta min/ tsa tur biM shi ta ne trA ya/ sho Da sha b+hu dzA ya/ kriSh+NA dzI mU ta wa pu She/ ka pA la mA lA ne kaM d+hA ri Ne/ ad+hmA ta krU ra tsit+tA ya/ ard+hendu daMSh+Tri Ne/ aoM mA ra ya mA ra ya/ kA ra ya kA ra ya/ gardza ya gardza ya/ tardza ya tardza ya/ sho Sha ya sho Sha ya/ sapta sA ga rA na/ band+ha band+ha/ nA bA ? kAn/ grih+Na grih+Na/ sarba shatUn/ ha hA hi hI hu hU he hai ho hau haM hozhes pa nas/ nyid kyi dkyil 'khor bri bar mdzad/ ces pa yan chad kyis ni/ bdag med mas bcom ldan 'das la dkyil 'khor zhus pa dang/ bcom ldan 'das nyid kyis dkyil 'khor gsungs pa'o/ /zhes pa'i don to/ /'phar ma gcig dang sgo bzhi pa zhes pa nas/ re khA lnga dang yang dag ldan/ /zhes pa yan chod kyis ni/ /rdul tshon gyi dkyil 'khor gyi mtshan nyid bstan par shes par bya'o/ /de bzhin du de nas bum pa brgyad po bri zhes pa ni sgo dang mtshams su bri ba'o/ /rin chen lnga yi phye ma 'am/ /yang na 'bras sogs phye ma yis/ /min na dur khrod so phag gam/ /de bzhin dur khrod sol ba yis zhes pa la sogs pa ni/ gang rdul tshon gyi dkyil 'khor bri bar 'dod pa des/ rnyed na gser dang dngul la sogs pa'i phye mas dris pa 'am/ de ma 'byor na 'bras kyi phye ma mung ba la sogs pas kha dog bsgyur bas kyang bris la/ min na dur khrod kyi so phag gis rdul tshon dmar po dang/ de nyid kyi sol bas nag po dang/ mi rus kyis dkar po byas la bri ba ni nges pa'o/ /de dbus pad+ma 'dab ma ni/ / brgyad pa ze 'bru bcas pa bri/ /dbus su skyes bu'i thod pa nyid/ /mdog dkar cha ni gsum pa bri zhes bya ba la/ pad+ma 'dab ma brgyad la ze 'bru dang ge sar du bcas pa'i dbus su skyes bu'i thod pa dum bu gsum pa bri ba'i don yin la/ de bzhin du dbang ldan du ni sha ra b+ha zhes pa ni sa/ sA lu skyes pas yongs dkar bzhag /ces pa la sogs pa g.yas kyi mtshan ma brgyad po bri bar bya ste/ sngon du brjod pas khong du chud par bya'o/ /de dag kyang rang bzhin yon tan gyi dbang gis so so'i mtshan ma rnams lha mo'i kha dog dang mtshungs par bri bar bya'o/ /gzhan yang dkyil 'khor gyi cho ga rgyas pa rnams sang gra ha/ /zhes pa'i rgyud chen po las khong du chud par bya ste/ 'dir ni gnad kyi gnas tsam zhig bstan par byas/ zhes pa'i don te/ 'di ltar 'dir ming smos pas ci zhig bya/ /ji ltar de nyid bsdus pa yis/ /dkyil 'khor cho ga de bzhin bya/ /zhes bya bas bstan pa yin no/ /de bzhin du bde ba chen po'i rig ma'i lo'i tshad gsungs pa 'di lta ste/ bcu gnyis brgyad gnyis lon pa yis/ /rig ma bde chen brgyad po nyid/ /ngo shal rkang gdub kyis brgyan nas/ /dkyil 'khor du ni rab tu gzhug /ces bya ba ni/ bcu gnyis lo ni rnam dag pas/ /rdo rje nyi ma snang ba che/ /bcu drug lo ni rnam dag pas/ /zla ba bcu drug pa yi cha/ rdo rje zla ba dri med 'od/ /chags bral dang po chags pa che/ /bcu drug phyed phyed rigs pa 'dis/ /rig ma brgyad du rnam par bshad/ /bde ba'i thig les rab brgyan pas/ /do shal rkang gdub rnams su grags/ /ma dang sring mo nyid dang yang zhes bya ba nas de bzhin pha yi sring mo nyid/ /rig ma brgyad du rnam par grags/ zhes pa la thug pa rnams ni/ rnal 'byor ma rnam pa brgyad phyi dang nang du phye nas bstan pa ste/ phyi'i skye bo rnams kyi bdag tu 'dzin pa'i rtog pa spang ba'i phyir/ rgyud du ji ltar gsungs pa rnams dngos su nyams su blang zhes bstan la/ nges pa'i don du na snying ka'i thig le rig ma brgyad kyi rang bzhin kha gyen du bltas pa'i thig le brgyad ni nges pa'o/ /dam du 'khyud dang 'o byas bas/ /'dir rnams rnal 'byor pa yis mchod/ /de nas ga pur btung ba nyid/ /des ni dkyil 'khor bsang gtor bya/ /de nas rnal 'byor pa yis btung/ /dngos grub myur du thob par 'gyur/ zhes bya ba la rig ma rnams dkyil 'khor du bcug ste/ 'jig rten dang 'jig rten las 'das pa'i bye brag gis phye nas byang chub kyi sems btung bas rnal 'byor pa bdag cag tshim par bya ba dang/ /des dkyil 'khor bsang gtor byas pas/ thun mong gi dngos grub thob pa ni drang ba'i don yin la/ des pa'i don du na/ srog gi rlung brgyad pos g.yas kyi lam nas 'grod de/ ye shes kyi bdud rtsi bkug pas lus kyi dkyil 'khor bsang gtor byas pa ni/ des pa kho nar dngos grub thob par 'gyur ba ni de bzhin gshegs pa'i gdams ngag go /de la yang/ chang ni btung bar sbyin pa dang/ /sha dang sA lu skyes pa bza' zhes bya ba ni slob dpon gyi sngon du las su bya ba ni cho ga yin no/ /de bzhin du de yang gos dang bral byas nas zhes bya ba la sogs pa dang/ de la rtsed mo rtse bar bya/ zhes bya ba la thug pas ni/ 'dod chags kyi dbang du gyur pa'i byis pa rnams kyis rtogs par bya ba'i phyir// mu le'i bstan bcos las brjod pa ltar/ na ga dang dan+ta dang dkar 'dzin la sogs pa la rtse ba lta bu 'khrig thabs kyis ro dpag tu med pa'i sbyor ba nyams su myong bar bya/ zhes pa'i don to/ /de nas thun tshod gnyis pa la/ /gos kyis mig ni bkab nas su/ /der ni slob ma gzhug pa nyid/ ces bya ba thun tshod drug lus pa'i rjes su/ kye'i rdo rje'i dkyil 'khor mi bzad pa chos kyi 'byung gnas kyi rang bzhin bde ba thams cad bskyed pa mtshan par byed pa'i dkyil 'khor du bcug la/ rang gi lhag pa'i lha yang bstan par bya zhes pa'i don to/ /go rims ni 'di lta ste/ mtshan mo skye bo med khyim du/ /slob dpon la sogs rab phye bas/ /dbang ni ji ltar gsungs pa nyid/ /de la mngon par dbang bskur bya/ zhes bya ba la/ rdo rje slob dpon blo dang ldan pas/ dbang la 'chol ba'i skyon spangs la/ dbang bzhi go rims bzhin bskur bar bya ste/ 'di ltar slob dpon la sogs rab phye bas zhes smos pa'i shugs kyis bzhi ru nges te/ rgyud 'di nyid las kyang de ltar thams cad bzhi bzhi'o zhes gsungs pa'i phyir dang/ 'di nyid kyis bshad pa'i rgyud mkha' 'gro ma rdo re gur las kyang ji skad du/ dang po ru ni bum pa'i dbang/ /gnyis pa gsang ba zhes su brjod/ /gsum pa shes rab ye shes te/ /bzhi pa slar yang de bzhin no zhes gsungs pa'i phyir/ /slob dpon gyi dbang ni drang ba'i don du bum pa yin la/ nges pa'i don du ni bzhi pa la sogs pa yongs su rdzogs pa kho na slob dpon zhes brjod kyi/ bum pa tsam ni ma yin no/ / ci'i phyir zhe na/ slob dpon gyi nges tshig dang mi ldan pa'i phyir ro/ /de bas na/ gnyis dang gnyis kyis phye ba yi/ /bum sogs dang po bzhi mdza' can/ /'jig rten 'jig rten 'das dbye bas/ /dbang bskur rdzogs par shes par bya zhes bya ba'i tha tshig ste/ rtsa ba'i rgyud 'bum phrag lnga pa dang/ rgyud 'bum pa'i mngon par brjod pa zhes bya ba dang/ dang po'i sangs rgyas zhes bya ba rtsa ba'i rgyud chen po rnams las rgyas par khong du chud par bya'i/ 'dir ni mdor bsdus te bstan pa tsam mo/ /ji ltar mchod dang bstod bshad pa// slob ma bzang pos sngar shes bya/ /zhes bya bas slob ma blo dang ldan pas sngon du bla ma mchog la rgyud nas ji ltar gsungs pa'i bstod pa/ khong stong khyod kyi sku la med/ ces pa la sogs pas bstod pa bya zhes pa'i don to/ /de nyid de la bstan pa ni/ /dga' bral dang po mchog mdza' can/ /thams cad rgyud du sbas pa ste/ /mdza' yi mdza' yis phye ba nyid/ ces bya ba la gnas snga ma snga ma'i dbang gis byis pa rnams kyis re zhig rtogs par bya ba'i phyir/ /mar ngo'i thog ma yar ngo'i tha ma can gang zhig rgyud thams cad sbas pa/ de slob ma'i skye bo mchog la bstan par bya zhes pa'i don to/ /de ni ji skad du sgyu 'phrul dra ba las kyang/ chags bral dang po chags pa che zhes pa dang/ de bzhin du dang po'i mchog gi sangs rgyas zhes bya ba'i rgyud las kyang ji skad du/ phyogs gnyis po yi bag chags kyis/ /yongs su gang bas ma 'dres pa zhes gsungs pa'i phyir/ de kho na nyid de rgyud thams cad dang mi 'gal bar bstan par bya zhes pa'i tha tshig go /rdo rje mchod par rab sbyar nas/ /de la lha mo des zhus pa/ /lha de'i skad cig ji ltar lags/ /gtso bo chen po bshad du gsol zhes bya ba mo/ /bdag med mas bcom ldan 'das la lha bde ba'i skad cig gang gis gnas par bgyi zhing ji ltar rtogs par bgyi zhes zhus pa dang/ bcom ldan 'das ? slar gsungs pa/ der ni thog ma dbus mdza' med/ /srid min mya ngan 'das min pa/ /'di ni mchog tu bde chen nyid/ /bdag min gzhan yang min pa nyid/ ces bya ba gsungs te/ lha mo nga'i skad cig ni srid pa ste/ sum cu rtsa gnyis kyi gnas nas 'thos pa dang/ mya ngan 'das min te gang gi sgo nas ma 'das pa nyid/ thog ma tha ma dbus min zhes pa yang yin la/ bdag min gzhan yang min pa nyid/ ces pa yang yin la/ mtshan nyid dang bral ba'i skad cig kyang yin zhes pa'i don to/ /de ni ji skad du/ sangs rgyas thams cad mnyam par 'dus pa'i rgyud las kyang/ thog ma tha ma med zhi ba/ /gtso bo dngos dang dngos min mnga' / /stong pa snying rje dbyer med pa/ /byang chub sems zhes brjod pa yin zhes gsungs so/ /de lta bas na rdo rje'i tshig 'di'i don ni/ 'di ltar rtogs shing khong du chud par bya'o/ /longs spyod kyi ni rlabs gnyis las/ /rang lag g.yas dang g.yon pa yi/ /mthe bong dang ni srin lag gis/ /da ni rnal 'byor pa yis bcir/ /zhes bya ba la rdo rje slob dpon mkhas pa gang gis rang gi rgyal mtshan gyi ngos gnyis na gnas pa'i chu bo 'bab pa'i rgyun gyis slob ma la gsang bas gsang bar bya'o zhes bya ba dang/ de bzhin du ting nge 'dzin gang gi rtsal gyis brtsir bar gyur pa des na g.yas nas 'gro zhing/ /g.yon nas 'ong ba zhes bya ba'i don dang/ de bzhin du rnam par rtog pas kun nas bcings pa'i skye bo 'ga' la dngos su longs spyod rdzogs pa'i 'khor lo'i gnas kyi g.yas g.yon slob dpon gyi lag pa g.yas g.yon gyis brtsir bar gyur na/ de las ye shes skye 'gyur te/ /de la ci zhig skye zhe na/ / gzhon nu'i dga' ba ji lta ba 'am/ lkugs pa'i rmi lam lta bu'o zhes bya ba la/ de lta bu'i gnas skabs gsum gyi khyad par gyis/ /khyad par du byas pa na brjod pa'i yul las tha dad pa dper na dge slong gang gis bsam gtan bzhi pa'i rtse mo'i ting nge 'dzin thob pa'i bde ba las kyang khyad par du 'phags pa 'byung zhes pa'i tha tshig go / don 'di ni mchog gi dang po zhes bya ba'i rtsa ba'i rgyud las kyang ji skad du/ lang tsho'i yis ni bde thob pa/ /bden chen rang gi rig pa ste/ /de bzhin ting 'dzin bral ba yis/ /bde ba smra bar mi nus so zhes gsungs pas/ don ni rgyas par khong du chud par bya'o/ /mchog ni mdza' dang dga' bral dbus zhes bya ba ni gong du rgyas par bstan la/ stong dang stong min te he ru ka zhes bya ba ni/ rtogs par 'gyur zhes tha tshig rnam par sbyar bar byas la/ stong pa ni gang gi sgo nas brgal pa dang/ stong min ni srid pa ste sum cu rtsa gnyis kyi dkyil 'khor la mi gnas pa zhes bya ba'i don to/ /kye'i rdo rje'i nges pa'i don gyi rgya cher bshad pa las/ kye'i rdo rje mngon par 'byung ba'i le'u yi rgya cher bshad pa ste lnga pa'o/ / //sems can rnams ni gdul ba'i phyir/ /rmad 'byung ngo mtshar gzugs can la/ /phyag 'tshal nas ni bu don gyi/ /rim pa rdo rje snying pos bri/ /da ni byis pa'i skye bo rnams gzhag par bya ba'i phyir/ /ji bzhin pa'i dkyil 'khor las ras la sogs pa la bcos pa'i dkyil 'khor bstan par bya ba'i phyir/ /sngon du lha mo la ni dam 'khyud cing/ /mnyam sbyar bde ba myang mdzad nas/ /zhes bya ba la sogs pa smos te/ gar thabs kyi bstan bcos dpag tu med pa tshar phyung bar mdzad nas cho ga gsungs zhes bya bar sbyar bar bya'o/ /de la re zhig spyod pa'i le'u las gsungs pa'i phyag rgya lnga'i don spyod pa'i rnal 'byor la gnas pa rnams kyis/ phyi dang nang du phye la bcad bar bya'o zhes skabs de nyid du legs par bstan la/ bu lon bri ba'i skabs 'dir ni rang gi dam tshig rnam pa lnga las slob dpon mi smad cing/ kun nas kun tu bsten par bya'o zhes bstan par bya ba'i phyir/ dang por phyag rgya lnga ni rab phye bas/ /bla ma slob dpon 'dod lha la/ phyag 'tshal don du 'khor lo gzung zhes pa nas/ phyag rgya bsten phyir ska rags nyid/ ces bya ba la sogs pa gsungs te/ phyi dang nang du phye ba las phyi ni sgra ji bzhin pa rgyud nas gsungs pa kho na yin la/ nges pa'i don ni rtsa ba'i rgyur las ji skad du gsungs te/ bla ma slob dpon 'dod lha zhes pa sum cu rtsa gnyis kyi dkyil 'khor na yon tan lci ba'i 'byung gnas rab tu gnas pa rtogs par bya ba la btud pa'i don du 'khor los mtshan to/ /de nyid la skye bo ma rungs pa dag smod pa slar gzhug par bya ba'i phyir rna cha yis mtshan to/ /srog gi rlung mi shis par gnas pa la 'phrad pa'i phyir mgul rgyan gyis mtshan to/ /byang chub sems kyi srog mi bcad pa'i phyir lag gdub kyis mtshan to/ /bde ba'i gzhi drug cu rtsa bzhi'i dkyil 'khor las mi 'da' ba' i phyir ska rags kyis mtshan to/ /zhes so de bas na/ sangs rgyas lnga yi phyag rgyas ni/ /rtag tu lus la phyag rgyas gdab/ ces gsungs te/ don du na lus can thams cad kyi srog gi rlung gnas lnga ru bag la zha ba gang yin pa de rtag tu lus la phyag rgyas gdab ces su rtogs par bya'o/ /de nas rab tu mdzad nas zhes pa nas/ kye yi rdo rje'i bris sku nyid/ /bgyi lugs bde ba chen pos gsungs zhes pa la sogs pas ni/ bu don ji ltar bri ba'i lugs bdag med mas zhus zhes sbyar ro/ /lan gsungs pa ni 'dir ni 'bri mkhan dam tshig can/ sgrub pa po yang dam tshig can gyis ni/ /bris sku yang ni 'jigs pa bri ba nyid/ /ces pa la sogs pas bstan te/ /'di ltar sgrub pa po dang 'bri mkhan la sogs pa dang/ ri mo'i don la 'jug pa gang dang gang yin pa de dang de thams cad stong pa nyid snying rje mi phyed pa'i lam la phal cher gnas pa gsang sngags kyi tshul la mchog tu dad pa rnams kyis bya zhes sbyar ro/ /yan lag gi don bstan pa/ skyes pa'i thod gnas kha dog lngas/ /ro yi skra yi phyir nyid kyis/ /bris sku bla ma gri ba nyid/ ces pa ste/ tshon sna lnga skyes bu'i thad pa'i snod du sbyar la mi shi ba'i skras pir bya ste tshon lnga po rang bzhin yon tan gyi dbang las skyes bu de dang de'i thod par gzhag /ces pa'i don to/ /de bzhin du/ dam tshig byin rlabs rnal 'byor las/ zla ba zla ba'i mar ngo yi/ /bcu bzhi pa la khyim dben par/ /phyed nas ma rungs sems kyis ni zhes bya ba la sogs pa smos te/ dngos po nye bar dgos pa gang dang gang sgrub pa po'i dbang phyug gis bla ma'i man ngag ltar byin gyis brlabs la sbyar bar bya zhing/ /zla ba byung ngo cog gi nag po'i bcu bzhi la gnas dben par tshogs kyi longs spyad par bya zhing ri mo mkhan dang sgrub pa po bdag nyid kyi lus gcer bur byung zhing rus pas brgyan la 'bags pa dang mi gtsang ba'i dam tshig rnams ji bzhin du bri bar bya ste/ de bzhin du gzhan yang/ bzhin bzangs snying rjer ldan pa dang/ /gzugs dang lang tshos bskal bzang ma/ me tog bcas shing sgrub po dga' / /rang gi phyag rgya g.yon du bzhag /ces bya ba la sgrub pa po 'am ri mo mkhan gyis rang dang mtshungs pa'i btsun mo bdag med ma lta bu g.yon du bzhag la/ mi phyed pa'i lam la gnas bzhin pas bu don bri ba ni rdo rje 'dzin pa'i nges pa'o/ /kye'i rdo rje'i nges pa'i don gyi rgya cher bshad pa las/ bu don bri ba'i le'u yi rgya cher bshad pa ste drug pa'o// //rags dang phra mo dngos ston pa/ /kye yi rdo rje la phyag 'tshal/ /glegs bam chogs dang legs 'dul gyi/ /rgyas bshad rdo rje snying pos bri/ /da ni kye'i rdo rje glegs bam bri ba'i rim pa dang/ dbang bskur ba'i le'u ru bstan pa'i tshogs kyi ston mo dang/ byis pa rnams kyis rtogs bar bya ba'i theg pa'i rim pa'i tshul bstan par bya ba'i phyir/ de nas de la lha mos zhus zhes bya bal sogs pa smos te/ bu don gyis bstan bcos kyi rjes su tshim par mdzad nas/ glegs bam nga yis bshad bya yis/ /lha mo skal pa chen mo nyon zhes gsungs pa ste/ kye lha mo chen mo sbrang chen gyi snag tsha dang mi rus kyi smyu gus bro kha la 'dir mkhan dam tshig can gyis glegs bam sor bcu gnyis par bri zhes bya ba'i don te/ 'di ltar nyi ma dang zla ba rnam par sbyangs pa'i ros snag tshal bsred pa dang/ sten 'brel bcu gnyis dag pa'i glegs bam sor bcu gnyis su bsgrubs pas byis pa rnams dga' ba'i dngos grub rang bzhin yon tan gyi dbang gis ster ba ni nges pa'o/ /glegs bam dang ni bris sku nyid/ /gal te skal med kyis mthong na/ /skye ba 'dir yang sgrub med la/ /'jig rten gzhan duAng spyod yul min zhes bya la/ de ltar bla ma'i zhal gyi lung dang bdag gi byin gyis brlabs kyis kha na ma tho ba med par bsgrubs pa'i glegs bam dang ras ris skal ba med pa'i byis pa'i skye bo la lan cig tsam bstan na yang grub pa rnam pa gnyis nyams par 'gyur te/ de bas de'i phyir 'bad pas kun tu bsrung bar bya zhes pa'i don to/ /yang dag dang dang ldan pa la/ /res 'ga' tsam zhig bstan pa nyid ces bya ba ni/ dad cing mos pa dang ldan pa'i skyes bu la skad cig tsam bstan par bya ba ste/ mchod pa dang gus pa la sogs pa sngon du 'gro bas bstan pa la skyon gyi dri mas mi gos shes pa'i don to/ /glegs bam lam gyi spyod yul du/ /sgra dang mchan khung gnyis su sba zhes bya ba ni/ /lam dang yul gzhan du bgrod pa'i dus su glegs bam ni skra'i gseb du sba bar byas la/ ri mo gang yin pa de ni 'od ma'i bong bu 'dzes ba'i nang du bcug ste/ mchan khung g.yon bar bcad zhes pa'i don to/ /da ni tshogs kyi mchod pa'i khyad par bstan par bya ba'i phyir/ b+ha gar ling gar rab bkod nas/ yang dang yang du 'o mdzad nas/ zhes bya ba la sogs pa smos te/ gang gi mthu yis yams dang skra dkar dang gnyer ma la sogs pa 'joms par byed cing/ byis pa'i skye bo rnams dga' bar byed la sha dang khrag gis gzi mdangs skyed par byed pa de bshad par bya zhes bya ba'i don to/ /de bas na de'i phyir tshogs kyi 'khor lo bca' ba ni/ /nyon cig lha mo mig yangs ma/ /gang du zos pas 'dod don kun/ /sgrub pa can gyi dngos grub 'gyur zhes bya ba gsungs te/ rdo rje'i tshig 'di'i don yang nges pa dang drang ba'i don gnyis su go bar bya'o/ /de la re zhig phyi'i tshogs kyi bca' ba'i gnas su dur khrod ri yi bya skyibs dang/ /de bzhin mi med grong khyer dang/ /yang na dben pa 'am rgya mtsho'i mthar zhes bya bas bstan te/ gnas gang phyi rol tu mu stegs byed pa la sogs pa dang/ byis ba'i skye bo ma rungs pa gang dag yod ye mi gnas pa der brtsam zhes pa'i don to/ /re zhig phyi rol gyi gnas 'di rnams su chang dang go la sogs pa'i sha bza' ba dang/ bud med kyi skye gnas la 'khrig thabs sbyar bas 'dod pa'i dngos grub 'grub pa ni med de/ 'di ltar gang de rnams kyis 'dod pa'i dngos grub tu 'gyur ba de lta na ni/ chos kyi phung po brgyad khri bzhi stong yang don med par 'gyur la/ rnal 'byor pa'i 'bad pa phun sum tshogs pa 'jig par 'gyur ro/ /de bas na de'i phyir bza' ba dang btung ba la sogs pa'i tshogs kyi mchod pas 'dod pa'i dngos grub thob ces gsungs pa ni byis pa'i skye po rnams drang bar zad do/ /nges pa'i don du kun tu rtog pas kun nas mi gos pa'i gnas 'ga' zhig la brten te/ srog gi mes bsreg cing btsos pa'i bcud gang yin pa des myos par bya ba dang/ tshim par zos te gnas par tshe 'phel bar byed pas rdo rje 'chang gzi mdangs lta bu ster bar 'gyur te nges pa'i don to/ /bza' ba 'di ni rab tu bza' / /de la gdan du brtag pa ni/ /ro yi gzugs can dgu dang ni/ /yang na sngags gi pags pa dang/ /dur khrod ras ni de bzhin no zhes bya ba la/ gang zhig tshogs kyi 'khor lo 'di byed par 'dod pas/ dge slong dang dge slong ma dang khyim pa'i rnal 'byor pa rtan rabs la sogs pa rnams/ rang rang gi gral tha dad par bya zhing mi srung pa'i skye bo 'bad pas bsrung bar bya'o/ /de bzhin du rnal 'byor ma dgu gau rI la sogs pa'i rigs can ma spyan drangs la/ gcig ni gtso bo'i g.yon du bzhag la lhag ma brgyad po 'dab ma'i phyogs dang phyogs bral la rim pa bzhin du bzhugs su gsol lo/ /de rnams la mi lpags khru ra la rang rang gi gzugs bris la gdan du dbul bar bya'o/ /gtso bo la stag gam glang po che 'am/ ba glang gi pags pas gdan du dbul lo/ /yang na thams cad la mi lpags 'ba' zhig gam/ stag gi pags pa 'ba' zhig gam glang po'i pags pa 'ba' zhig gam/ ba glang gi pags pa 'ba' zhig gam/ dur khrod kyi ras 'ba' zhig kun la ji ltar rnyed pa de ltar dbul bar bya'o/ /de'i phyir/ dbus su kye rdo rje'i gzugs/ /ji ltar sngar bzhin gnas shes nas/ /phyogs dang bral ba rnams su yang/ /de nas rnal 'byor ma rnams dgod/ /ces rgyas par gsungs pa yin no/ /de bzhin du bza' ba thams cad kyang stag la sogs pa'i pags pa'i steng bza' ba ci lta ba rnams drang bar bya'o/ /de bzhin du der ni yang yang zos nas kyang/ /de ru ma mo mchod par bya zhes gsungs te/ phyi'i bza' ba dang btung ba rnams skyang ba dang rtogs pa dang/ sbad ba dang bdud rtsir byas te/ jos la/ lha mo rnams dang yang dang yang du me thu na'i sbyor bas bde ba rtogs par bya'o/ /rnal 'byor ma rnams kyang sa dang chu dang me dang rlung la sogs pa dag pas sring mo dang/ bu mo dang sgyug mo dang tsha mo dang/ chung ma la sogs pa sngon du legs par sbyangs la mchod pa bya ba ni nges ba'o/ /de bzhin du/ de rnams rtag tu legs mchod nas/ /tshogs kyis dkyil 'khor 'grub par 'gyur zhes gsungs pa legs par mchod pa ni/ phyi rol gyi skye bo rnams kyis ma mthong ma rig par ma srid la sogs pa rnams la/ phyir mi 'byung ba'i byang chub kyi sems kyis mchod na/ legs par mchod pa yin zhing/ tshogs kyi dkyil 'khor 'grub par 'gyur ba na nges pa'o/ de bzhin du btung ba'i snod rnams skye bu'i thod pa dum bu gcig par rgyun chad la sogs pa rnams bkang ste drang bar bya'o/ /bla ma la dbul skal chen ma/ /phyag 'tshal nas ni rang yang btung/ /pad+ma'i lag pas blang ba dang/ /de nyid kyis ni lag las dbul/ /yang nas yang du rab 'dud pa/ /der ni sgrub pa po yis bya/ /zhes bya ba la rnal 'byor ma rnams dang gtso bo dang bcas pa'i rnal 'byor pa rnams kyis legs par longs spyod par bya ba 'di lta ste/ kun gyis spyi bor thal mo sbyar ba sngon 'gro bas slob dpon la phyag 'tshal te/ pad+ma'i lag pas phul la gdod ci bder longs spyod par bya'o/ /de bzhin du 'khor la kun tu pad+ma'i lag pas drang bar bya zhing slar yang de nyid kyis blang ngo/ /nges pa'i don du ni bdud rtsi lta bu'i btung ba bde ba'i 'khor lo nas/ rgyal mtshan gyi rtse mor rgyun drang zhing/ slar de nyid kyi gnas su 'phang ba'i tshul gyis drang zhing/ blang bas tshim par bya ba ste/ de bzhin gshegs pa'i bka' lung ngo/ /kye'i rdo rje'i nges pa'i don gyi rgya cher bshad pa las/ glegs bam bri dang/ tshogs kyi bza' ba'i le'u yi rgya che bshad pa ste/ bdun pa'o// //de nas rnal 'byor mas zhus pa/ phyag rgya chen po ji lta bu/ /kun rdzob rnam pa'i gzugs kyis ni/ / bde ba la sogs bshad du gsol/ zhes bya ba la sogs pa rnal 'byor ma rnams kyis bcom ldan 'das bde ba chen po la sogs pa'i kye'i rdo rje la zhus pa ste/ 'di ltar/ kye'i bcom ldan 'das phyag rgya chen po'i rang gi ngo bo ni gang la'ang mi gnas pa/ brjod du ma mchis pa/ brtan pa ma mchis pa/ dmigs pa ma mchis pa/ gang la'ang mi gnas pa/ legs par ni som nyi ma mchis na/ bdag dang bdag gi dri mas ga sogs pa rnams kyis tshul ji ltar rtogs par bgyi zhes zhus pa'i don to/ / bcom ldan 'das kyis slar gsungs pa/ shin tu ring min thung ba min/ /gnag pa ma yin dkar ba min/ /pad ma'i 'dab ma'i rnam pa 'dra/ zhes pa la sogs pa gsungs te/ 'di ltar rigs bzhi las 'byung ba'i btsun mo/ skye ba'i lo bcu gnyis nas nyi shu la thug pa dag la brten te/ mtshon par 'gyur gyi gzhan du ma yin zhes bya ba'i don/ de bzhin du btsun mo de dag gi mtshan nyid ni 'di lta ste/ gzugs shin tu ring ba'ang ma yin pa dang/ ha cang thung ba'ang ma yin pa dang/ mig sman ltar cher gnag pa ma yin pa dang/ rdo thal ltar ha cang dkar ba ma yin pa ni mdog gi khyad par te/ de dag gi kha dog gi khyad par rnams spang bar bya'o/ /'o na ji lta zhe na/ cung zad sngo bsangs su gnas pa gzung zhes bya ba dang/ de bzhin du mig pad+ma'i 'dab ma ltar dkar dmar 'byes pa/ cung zad ring ba dang kha'i dbugs mcho tu dri zhim pa dang/ zla mtshan gyi khrag gla rtsi ltar dri zhim pa dang/ skye gnas kyi pad ma la dus dus su sar dza ra dza lta bu'i dri 'byung zhing res 'ga' pad+ma lta bu'i dri 'byung ba dang/ dus dus su autpa la'i dri dang/ a ka ru nag po'i dri dang mtshungs pa 'byung ba rnams ni mkhas pas dri bzang por mtshon par byas la gzung bar bya ba dang/ de bzhin du rang bzhin du gnas pa'i mtshan ma 'di lta ste/ spyod lam dal zhing rtsa ba h+ral med pa nyid dang/ smra ba nyan cing gsod por smra la dal gyis smra ba dang/ skra gnag cing 'jam la mtshams stug cing ring ba dang dpral ba'i dbus na rang bzhin du gnas pa'i ri mo gsum yod pa gang yin pa de lta bu ni bde bar gshegs pa rnams kyis rab tu bsngags pa yin te/ /yan lag gsang ma zhes kyang gsungs pas de la 'bad pa kun gyis bla ma'i bka' ltar bsgrubs na/ gdon mi za bar phyag rgya chen po'i grub pa 'thob par 'gyur ro zhes bya ba yin la/ gzhan yang de lta bu'i btsun mo la/ 'jig rten pa phal pas mi shes pa gang dag gis mi mo'i skye gnas phal pa can du rtog par byed de/ de ni de lta ma yin te/ lhan cig skyes pa'i gzugs can ma zhes gsungs so/ /de rnyed nas ni dngos grub 'gyur zhes bya ba ni/ yon tan phun sum tshogs pa de lta bu'i btsun mo rnyed na/ btsun mo de la brten te bla ma'i lung ltar bsgrubs na/ phyag rgya chen po'i dngos grub tu 'gyur pa ni de bzhin gshegs pa'i nges pa ste/ btsun mo de lta bu ni kun rdzob kyi phyag rgya chen mo zhes bshad do zhes pa'i don to/ /de nas rnal 'byor ma bdag med mas gsol pa/ bcom ldan 'das smon lam ji ltar gdab par bgyi zhes bya ba la/ bdag med mas 'di skad ces /kye bcom ldan 'das kye'i rdo rje'i gsang chen 'di la gnas pa rnams kyis smon lam gyi tshul ji ltar gdab par bgyi zhes zhus pa dang/ bcom ldan 'das kyis slar 'di skad ces gsungs so/ /smyom ni rigs su skye ba dang/ dam ldan kye rdo rje ston/ snying rjer ldan zhing bla mar gus skye zhing skye bar 'gyur bar shog / lag pas rdo rje dril sgrogs shing/ /zab mo'i chos ni ston pa dang/ /btsun mo'i khu ba mnyam zas can/ /za ba'i skye bar 'gyur bar shog ces gsungs te 'dzag pa'i bde ba'i chang gis myos pa ni smyon pa yin la/ de bas 'dzag pa med pa'i btud ba'i bde ba can ni smyo ba dang 'bral ba yin no/ /de bas na de'i phyir smyo ba med pa'i dam tshig gi bdud rtsi 'thung ba'i rigs can du skye bar gyur cig ces bya ba dang/ snying rje bcu drug gi dam tshig dang mi 'bral bar de nyid kyi tshul gyis sems can thams cad la kye'i zhes bya ba dang/ rdo rje zhes bya ba'i brda yis chos ston par gyur cig ces bya ba dang/ sems can thams cad la mi phyed pa'i snying rje dang/ de bzhin du sems can thams cad la dmigs pa dang/ chos la dmigs ba dag dmigs pa med pa zhes bya bar yang de'i chos can gang yin pa de dang ldan par gyur cig ces bya ba dang/ rdo rje 'chang chen po'i gnas thob par byed pa'i rgyu bla ma rje btsun gyi zhal gyi bum pa las 'byung ba'i phyir dus rtag par bla ma la gus pa byed par gyur cig ces bya ba dang/ stong pa nyid dang/ snying rje tha mi dad nyi zla'i lam gcig tu rnam par dag pa'i chos can rdo rje dang dril bu lag tu gzung ste/ 'khrol bar gyur cig ces bya ba dang/ de nyid kyi don ston par byed pa kye'i rdo rje'i glegs bam nyid dus rtag par klog pa dang ldan te/ A li dang kA li'i sgo yis srog gi rlung gis bzlas pa ni zab mo chos klog pa yin pas/ de lta bu'i chos klog par gyur cig ces pa dang/ yul sogs pa'i btsun mo gzugs rdo rje ma dang/ nam mkha' dbyings kyi dbang phyug ma zhes bya ba la sogs pa'i btsun mo rnams kyis bde ba'i khu ba'i dngos po rnams kun nas mnyam par byed pa/ skye ba nas skye ba'i mthar za bar gyur cig ces bya bas smon lam gdab par bya'o zhes pa'i don to/ /de nas lha mo de dgyes nas/ tshig ni 'di nyid yang zhus pa/ skal med sems can gdul dka' rnams/ /gang gis gdul bar gyur pa lags/ zhes bya ba slar zhing bdag med mas/ bcom ldan 'das la zhus pa/ bcom ldan 'das slar ma'i dus rtsod pa rab tu rgyas pa na/ gdul bar dka' ba'i skye bo rab tu ma rungs pa rnams thabs gang gis kye'i rdo rjer gzhug par bgyi lags zhes pa dang/ slar bcom ldan 'das kyis gsungs pa/ dang por gso sbyong byin par bya/ /de rjes bslab pa'i gnas bcu nyid/ /de la bye brag smra bar bstan/ /mdo sde pa yang de bzhin no/ /de nas rnal 'byor spyod pa nyid/ /de yi rjes su dbu ma bstan zhes bya ba gsungs te/ skye bo gdul bar dka' ba kye'i rdo rje la dgod pa na sngon du gso sbyong legs par bstan cing bslabs la/ dge ba bcu dang du len par bsgom zhing/ mi dge ba bcu yongs su bcad de/ gnas pa'i skye bo de la/ de'i rjes su grub pa'i mdza' so so'i chos bstan par bya ste/ 'di ltar nam mkha' dang sor brtags pa dang/ brtags pa ma yin pa'i 'gog pa ste gsum ni 'dus ma byas yin la/ de la gzhan pa ni snyed pa rnams skad cig ma'i rang bzhin can te/ ngo bo nyid kyis stong gi byed pa po 'ga' yang yod pa ma yin no/ /rnam pa med pa'i dbang po la brten pa'i blos rdul phra rab bsags pa 'di rnams mngon sum du rig par 'gyur ro/ /zhes kha che bye brag tu smra ba rnams 'dod do zhes bstan par bya'o/ /de bzhin du bye brag tu smra ba ltar rnam pa dang bcas pa'i shes pa skye bar 'dod pa ni snang ba rnams dbang po'i spyod yul ma yin te/ nam mkha' i me tog gam/ mo gsham gyi bu dang mtshungs la/ 'gog pa rnams ni nam mkha' lta bu yin no/ /dus gsum po yang rjes su rgyud pa med pa thogs par byed pa'i reg bya dang bral ba'i gzugs kyang yod pa ma yin no/ /zhes bya ba mdo sde par smra ba rnams 'dod do zhes bstan par bya'o/ de bzhin du rdul phra rab tshogs pa'i yan lag can gyi rdzas ni med de/ rdul phra rab med pa'i phyir so sor snang ba dmigs su med de/ dper na rmi lam nyams su myong ba dang mtshungs so/ /gzung ba dang 'dzin pa'i dri mas bral ba shel gong dag pa lta bu rnam par shes pa rang rig pa don dam par yod pa rnal 'byor spyod pa rnams smra'o/ /zhes bstan par bya'o/ /rnam par shes pa don dam bar yod do zhes mkhas pa rnams mi 'dod de/ gcig dang du ma'i rang bzhin gyi gtan tshigs dang bral ba'i phyir nam mkha' i me tog dang mtshungs te/ 'di ltar glog dang sgra 'di dag yod pa yang ma yin/ med pa yang ma yin yod med gnyis las 'das pa la sogs pa'i mu bzhi las rnam par grol ba'i de kho na nyid rnal 'byor chen po dbu ma par smra ba rnams bzhed pa yin no/ /zhes grub pa'i mdza' thams cad bstan nas/ de'i rjes su kye'i rdo rjer bcug par gyur na nges par 'grub bo zhes pa'i don to/ /slob mas gus par blangs nas ni/ /'grub 'gyur 'di la the tshom med/ /zhes gsungs te skal pa med pa'i sems can rnams rim pa de ltar 'jug par bya'i gzhan du ma yin zhes pa'i don to/ /de bzhin du sgyu 'phrul dra ba las kyang ji skad du/ theg pa gsum gyi nges 'byung la/ /theg pa gcig gi 'bras bur gnas/ zhes gsungs so /kye'i rdo rje'i nges pa'i don gyi rgya cher bshad pa las 'dul ba'i le'u yi rgya cher bshad pa ste brgyad pa'o/ / //longs spyod rdzogs sku sprul pa'i rgyal/ /mnga' bdag che la phyag 'tshal nas/ /sngags btu ba yi rgyas bshad ni/ /rdo rje snying pos bri bar bya/ /de nas kha sbyar 'byed pa yi/ /mtshan nyid yang dag rab tu bshad/ ces bya ba la sogs pa smos te/ A li dang kA li'i sngags kyi rang bzhin ji lta ba bzhin du shes na/ 'jig rten dang 'jig rten las 'das pa'i 'dod pa'i dngos grub thams cad lag mthil na yod par 'gyur ro/ /de la/ gang gi rnam par shes tsam gyis/ /sgrub po dngos grub thob 'gyur ba/ /bsgrub bya'i lte ba'i rtsa ba la/ /brtul zhugs can gyi lag pas gdon zhes bya ba gsungs te/ sangs rgyas kyi bstan pa la gnod par byed pa dang/ sangs rgyas dang bla ma la sogs pa'i gzugs 'jig pa min pa de/ bla ma thub pa la zhus te/ snying rje chen pos gsad par bya ba'i yin gyi gzhan du ma yin no/ /de bzhin du bsgrub byar bya ba'i drug cu rtsa bzhi'i dkyil 'khor gyi dbus na/ lhan cig skyes pa'i lha sgrub po'i ting nge 'dzin gyi las pas gshegs su gsol la/ sgrub po bdag nyid/ he ru ka mnyam rnal 'byor gyis/ /nang gi ma rungs sems kyis ni/ zhes bya ba he ru ka'i dkyil 'khor bdag med ma dang bcas pa/ las kyi bye brag las kha dog bye brag tu bya ste/ zhes pa'i rdo rje'i tshig gis dkyil 'khor ba thams cad kha dog nag po zhe sdang gi rigs su bskyed de bsad par byas na sangs rgyas nyid kyang gdon mi za bar 'jig par 'gyur ro/ /ji ltar phyugs kyi gzugs mthong nas/ /khrag ni skyug pa nyid dang yang/ /'dar zhing mgo skyes grol ba dang/ kha ni 'og tu rnam par bsgom zhes bya ba la skye bo phyugs kyi gzugs dang 'dra ba mthong nas/ kha nas khrag skyug cing lus po 'dar bzhin du skra grol te spyi'u tshugs su bdag gis mdun du 'dug par bsam zhing/ de bzhin du de'i 'og gi sgo nas khab me ltar 'bar ba gzugs can du ma 'jug pa dang/ de'i snying gar me'i dkyil 'khor yi ger bsams na nges pa kho nar skad cig de la 'jig par 'gyur zhes gsungs so/ /'di'i nges pa'i don ni rtsa ba'i rgyud las ji skad du/ byin za me lha rlung gis bskyod/ /byang sems haM kha thur du bltas/ /gang zhig bde bas myos pa na/ /'dar zhing kha ni thur du lta zhes gsungs pas don khong du chud par bya'o/ /rgyud 'di la ni sreg blugs med/ /phyag rgya bcing dang bya ba med/ / rgyud chen klags pas 'grub pa nyid/ bsam gtan tsam gyis 'grub par 'gyur/ zhes bya ba ni 'di ltar phyi'i sreg blugs dang/ lag pa'i phyag rgya bcing ba dang/ tshig gi rgyus bklag pa dang/ lha'i rnal 'byor tsam gyis 'grub pa ma yin gyi/ /'di ni khro ba med pa'i me la seng ge rnam par rtse ba'i phyag rgya bcings te/ rang gi rgyud srog gi rlung gi gdon zlos byed cing nam mkha' lta bu'i bsam gtan gyis 'grub par 'gyur zhes bstan to/ /rtog med dngos grub ster ba po/ /srid pa sbyor ba nyams dga' ba/ /gsang ba mchog gi bshad bya yis/ /nyon cig lha mo bzhin bzang ma/ zhes bya ba bcom ldan 'das rdo rje 'chang gis srid pa nyid shin tu dag par byed pa'i thabs sangs rgyas kun gyi gsang chen lha mo khyod la bshad par bya zhes pa'i don to/ /rin chen gzi brjid 'bar ba yis/ /phreng ba 'khrug ba lha mo ltos/ /ma phug pas ni sbyor bral 'gyur/ /phug pas dga' ba ster ba po/ zhes bya ba ni dpe gsungs pa ste/ /dper na rin po che'i phreng pa rab tu 'od 'bar pa nyams dga' ba phreng ba ma rgyus pas ni bya ba mi byed pa/ phreng bar brgyus na bya ba thams cad rdzogs par byed pa ltar/ de ltar 'khor ba 'dod pa yi/ /yon tan lnga ldan rin chen nyid/ /ma dag pa ni dug du 'gyur/ /dag pa bdud rtsi lta bur 'gyur zhes bya ba gsungs te/ 'khor ba'i rang bzhin rnams ni dag pa'ang ma yin/ ma dag pa'ang ma yin te/ sgrub pa po rnams kyis bsam pa'i khyad par gyis/ /dug dang bdud rtsi lta bur gnas te/ de lta bas na 'khor bdug lta bu nyid bla ma'i bka' lung gis bdud rtsi lta bur mos pa byas na/ 'khor ba'i rnam pa he ru ka /'gro ba sgrol ba'i gtso bo nyid/ /gang gi gzugs kyis gyur pa nyid/ ces bya ba gsungs te/ srid pa nyid mya ngan las 'das pa'i rgyu 'di zhes pa'i don to/ /gzhan yang 'di ltar mos par bya ste/ snying rje spyan ni dmar po la/ byams pa'i thugs las yan lag gnag / ces bya ba la sogs pa'i rtags rnams rnal 'byor pas mos par bya zhing gzhan dag la'ang bstan par bya zhes bya ba yin te/ 'di ltar rus pa bden pa bzhi po nyid ces bya ba la sogs pa la thug pas bstan pa yin te/ rang bzhin yon tan gyi dbang las pha dang ma'i phyogs kyis bsdus pa yin par drang ba dang nges pa'i don rig par bya'o/ /da ni sngags btu ba'i lugs ji lta ba rim par bdag med pas kye'i rdo rje la zhus pa/ sngags btu ba ni ji ltar 'gyur zhes bya ba la sogs pa zhus pa dang/ bcom ldan 'das kyis slar gsungs pa/ sngags ni khyod la ngas bshad kyis/ /lha mo shes rab chen mo nyon/ /zhes bya ba la 'di'i don rgyas pa ni/ rtsa ba'i rgyud 'bum phrag lnga pa nyid du rgyas par bstan pas// de la 'jug par bya'o/ /sngags rnams ji bzhin shes 'dod pas/ /slob dpon la ni phyag byas la/ /mchog tu dad pas gus btud de/ /sngags kyi de nyid gnang zhes zhu/ /de la bla ma skal chen pos/ /phyi rol skye bo med pa'i sar/ /lci ba gtsang mas legs byugs la/ /'dab brgyad dang ldan ge sar bcas/ /sgo bzhi rta babs bzhis brgyan pa/ ka ba brgyad dang yang dag ldan/ /kye'i rdo rje'i dkyil 'khor mchog /rdo rgyus kyis ni legs bris la/ /de rjes sde mtshan gnyis po dgod/ /dbus su kye rdor bdag med ldan/ /thod pa gri gug gzugs su bri/ /de yi 'dab ma dang po la/ /A li bcu drug mkhas pas bri/ /'dab ma gnyis pas ka sogs lnga/ /gsum par tsa sogs blo ldan pas/ /bzhi par Ta la sogs lnga bri/ /de bzhin lnga par ta sde lnga/ /'dab ma drug par chu yi tshogs/ /bdun par mthar gnas bri bya zhing/ /brgyad par dro pa'i bde ba bri/ /sgo bzhi po ru lcags kyu sogs/ /zhags pa la sogs bri bar bya/ /lha mo brgyad du legs bsam zhing/ /slob dpon rigs ma g.yon du bzhag /mchod pa'i bye brag sna tshogs kyis/ /legs par mchod la gsang sngags btu/ /de nas slob ma'i skye bo mchog /shin tu gus pas len du gzhug /gzhan du rang dags len pa gang/ /'bras bu med cing de brlag 'gyur/ /dang por rnam par snang mdzad sbyin zhes bya ba ni aoM mo/ auSh+ma rnams kyi bzhi pa zhes pa ni ha'o/ /puk+ka sis brgyan zhes pa ni au yis brgyan pa'o/ /stong pas mnan zhes pa ni de'i spyi bor thig les brgyan pa'o/ /mdog dkar mthang ni swAhA sbyar/ /'di ni bzlas pa 'bum gyis ni/ /'gro ba rtag tu rengs par byed/ ces bya ba ni sngon du bzlas pa yi ge grangs kyi 'bum/ /bla ma'i man ngag ltar bzlas la sbyin sreg bcu chas sngon du bsnyen pa byas na/ 'jig rten gsum po rengs par byed do/ /dang por yi ge'i bdag po bzhag /ces pa ni aoM mo/ /rdo rjes mkha' spyod ma zhes pa ni aM do/ /mthar ni swAhA sbyar byas nas/ /sangs rgyas rnams kyang dbang du byed/ /ces pa ni man ngag gong ltar bzlas pas/ sangs rgyas kyang dbang du byed na/ skye 'gro phra mo rnams lta ci smos zhes bya'o/ /rig byed rnams kyi dang po sbyin zhes bya ba ni aoM mo/ /dang po yi ni gnyis pa zhes pa ni ba'o/ /stong bcas zhes pa ni thig les brgyan pa'o/ /mthar swAhA sbyar/ /sangs rgyas kyang skrod shes rab can/ zhes pa ni skrod par byed pa'i sngags btu ba ste snga ma bzhin no/ /dang por rnam par snang mdzad sbyin zhes pa ni aoM mo/ /gnyis pa yi ni gsum pa la zhes pa ni dza'o/ /ra dang ldan zhing zhes pa ni dza la ra yis brgyan pa'o/ /chu mas brgyan zhes pa ni/ /ai yi brgyan pa'o/ /stong bcas zhes pa ni de'i steng du thig le brgyan pa'o/ /swAhAr yang dag ldan/ mi rnams kun la sdang bar byed/ /ces pa ni sdang bar byed pa'i sngags btu ba'o/ dang por yi ge'i dbang phyug bzhag ces pa ni aoM mo/ /lnga pa nyid kyi gsum pa zhes pa ni ba'o/ /stong bcas shes pa ni de la thig le brgyan pa'o/ /mkha' 'gro ma dang ldan zhes pa ni de'i mthar au btags pa'o/ /mthar ni swAhA mngon spyod che/ zhes pa ni mngon spyod kyi yi ge bcu pa'o/ /yang ni yi ge thu bo sbyin/ /zhes pa ni aoM mo/ /hUM ni khrag dang 'dra ba yi/ /zhes pa ni de'i rjes su hUM bzhag pa'o/ /mthar ni swAhA zhes pa ni de'i rjes su swAhA sbyar bar bya ste bzlas na thig le mchog /dga' ba grangs ma sogs rtag tu 'gugs zhes gsungs te/ 'gugs byed kyi yi ge btu ba ste/ de cho ga bzhin du bzlas na/ lha'i bu mo thig le mchog ma lta buAng 'gugs par byed na mi mo gzhan lta smos kyang ci dgos/ /gti mug rig ni dang por sbyin zhes pa ni aoM mo/ g+hu:ni yang dag rab tu sbyar/ zhes pa ni aoM gyi rjes su g+hu:bzhag pa'o/ /mthar ni swAhA yang dag gnas/ /lha dang mi rnams gsod par byed/ ces pa ni g+hu'i mthar swAhA dang ldan par byas pa ni gsod par byed pa'i yi ge btu ba ste/ cho ga bzhin bzlas na/ sangs rgyas lta bu yang bkrongs par nus na/ 'jig rten gsum gyi lha dang mi phran tshegs gsod par 'gyur ba lta smos kyang ci dgos/ /dang por rnam par snang mdzad bzhag /ces pa ni aoM mo/ /dang po nyid kyi dang po zhes pa ka'o/ /rdo rje mkha' 'gro ma dang sbyar/ zhes pa ni/ ka la 'og tu au btags pa'o/ /mthar gnas pa yi gnyis pa la zhes pa ni ra'o/ /rdo rje mkha' 'gro ma dang ldan/ zhes pa ni ra de la au gdags pa'o/ /yang ni dang po'i rtse mo la zhes pa ni ka'o/ /rdo rje mkha' 'gro ma dang ldan/ zhes pa ni de la au yig gdags pa'o/ /mthar gnas pa yi gsum pa la/ /zhes pa ni la'o/ /yang ni de nyid yang dag ldan/ /zhes pa ni la de nyid slar gdags pa'o/ / steng du chom rkun ma yis brgyan/ /zhes pa ni de la es steng du brgyan par bya'o/ /rdo rjes h+rI yis rnam par brgyan/ /zhes pa ni sngags de rnams kyi mthar h+rI:gzhag pa'o/ /mthar yang swAhA spyad pa nyid/ ces pa ni ku ru kul+le'i sngags btu ba'o/ /aoM ni dang po bzhi pa yis/ /gsum pa zhes pa ni nga'o/ /chom rkun ma yis brgyan zhes pa ni de de la e yis brgyan pa'o/ /mthar gnas pa'i bzhi pa la zhes pa ni wa'o/ /pi tsu badzra spyar bar bya/ /zhes pa ni wa'i rje'u pi tsu badzra gdags pa'o/ /auSh+ma rnams kyi bzhi pa la zhes pa ni ha'o/ /puk+ka sIs ni rnam par brgyan/ zhes pa ni ha de la a'u yis brgyan par bya ba'o/ /stong pas gnang cing sum 'gyur nyid/ ces pa ni ha de'i klad la thig les brgyan la de ltar brgyan pa'i hUM da nyid sum 'gyur du dgod pa'o/ /lnga pa yis ni gnyis pa dang/ zhes pa ni pha'o/ /gsum ba'i dang po ni Ta'o/ mthar swAhA zhes pa ni sngags kyi rkang pa de rnams kyi mthar swAhA sbyar bar bya zhes pa ste kye'i rdo rje'i snying po'i sngags btu ba'o/ /snang mdzad dang por dzwa la gnyis/ /zhes bya ba na dang por aoM bkod la de'i rjes su dzwa la gnyis sbyar bar bya ba'o/ /lnga pa'i bzhi pa la zhes pa ni b+ha'o/ / mthar gnas rnams kyi dang pos ldan zhes pa ni b+ha de la ya gdags pa'o/ /g+hasma ri yis rnam par brgyan zhes pa ni de nyid la aos brgyan par bya'o/ /auSh+ma rnams kyi bzhi pa'o zhes pa ni ha'o/ /rdo rje mkha' 'gro ma yis brgyan zhes pa ni/ auSh+ma'i zhabs su gdags ba'o/ /stong pas mnan cing zhes pa ni/ de'i steng du thig les mnan pa'o/ /sum 'gyur nyid ces bya ba ni/ yi ge de nyid gsum du dgod ba'o/ /lnga pa yi ni gnyis pa dang/ zhes pa ni pha'o/ /gsum pa'i dang po zhes pa ni Ta'o/ /mthar swAhA zhes pa ni de ltar brjod pa'i sngags kyi rkang pa de rnams kyi mthar swAhA sbyar bar bya ba ste/ phyag bzhi pa'i sngags btu ba'o/ /dang po rnam snang zhes pa ni aoM mo/ /dang po'i dang po zhes pa ni ka'o/ /nang gi dkar mos brgyan zhes pa ni ai yis brgyan pa'o/ /gsum pa yi ni dang po la/ / ces pa ni Ta yin la/ nang gi dkar pos rnam par brgyan/ zhes pa ni ai yis de la brgyan pa'o/ /gnyis 'gyur zhes pa ni/ de lta bu nyid lan gnyis su bzlas pa'o/ /lnga pa yi ni gsum pa dang zhes pa ni ba'o/ /gnyis pa yi ni gsum pa zhes pa ni dza'o/ /me yis brgyan zhes pa ni dza de la ra gdags pa'o/ /hUM ni rnam pa gsum sbyar nas/ zhes pa ni sngags kyi rkang pa de dag gi 'og tu hUM rnam pa gsum sbyar? bar bya'o/ /lnga pa nyid kyi gnyis dang/ zhes pa ni pha'o/ /gsum pa'i dang po zhes pa ni Ta'o/ /mthar swAhA zhes pa ni sngags kyi tshig de dag gi mthar swAhA sbyar bar bya ba ste/ phyag drug pa'i sngags btu ba'o/ /dang por rnam snang zhes pa ni aoM mo/ /bzhi pa'i dang po zhes ni ta'o/ /byin za yang dag ldan zhes pa ni ta de la ra yig gdags pa'o/ /ro langs ma yis rnam par brgyan/ /zhes pa ni ta de nyid kyi steng du e yis brgyan par bya'o/ /mthar gnas rnams kyi gsum pa la zhes pa ni la'o/ /g+hasma rI yis rnam par brgyan zhes pa ni/ de yi rtse mor ao yis brgyan pa'o/ /dang po yi ni dang po la zhes pa ni ka'o/ /mthar gnas pa'i dang po dang zhes pa ni ka la ya gdags pa'o/ /rdo rje ma yis rnam brgyan la/ /zhes pa ni de la a gdags pa'o/ /k+Sha ni tshem rkun ma yis brgyan zhes pa ni yi ge de la es brgyan pa'o/ /lnga pa nyid kyi dang po dang zhes pa ni pa'o/ /auSh+ma rnams kyi bzhi pa la zhes pa ni ha'o/ /rdo rje mkha' 'gro ma yis brgyan/ zhes pa ni ha la au gdags pa'o/ /stong pas mnan cing zhes pa ni/ de la steng du thig las brgyan pa'o/ /sum 'gyur de zhes pa ni yi ge de nyid gsum du dgod pa'o/ /phaT dang mthar ni swAhA nyid ces pa ni/ sngags rkang de dag gi mthar phaT dang swAhA sbyar bar bya ba ste/ phyag gnyis pa'i sngags btu ba'o/ /bdag med pa zhes pa a'o/ /dang po'i dang po zhes pa ni ka'o/ /gnyis pa nyid kyi dang po dang zhes pa ni ce'o/ /gsum pa nyid kyi dang po dang zhes pa ni Ta'o/ /bzhi pa yi ni dang po dang zhes pa ni ta'o/ /lnga pa yi ni dang po dang zhes pa ni pa'o/ /mthar gnas rnams kyi dang po dang zhes pa ni ya'o/ /auSh+ma rnams kyi dang po nyid ces pa ni sha'o/ /dang por rnam snang mthar swAhA/ zhes pa ni sngags kyi rkang pa de dag gi dang por aoM sbyin pa dang/ mthar swAhA sbyar te yi ge'i grangs kyi 'bum bzlas shing/ sbyin sreg de la bcur dgos pa'i chas sregs te/ sngon du bsnyen pa byas na stug lo bkod pa'i grong khyer sangs rgyas rnams kyi bzhugs gnas lta buAng 'khrug par byed na/ 'jig rten gsum gyi skye bo phal pa rnams kyi grong khyer 'khrug par 'gyur ba lta smos kyang ci dgos/ mthar gnas rnams kyi gnyis pa dang zhes pa ni ra'o/ /k+Sha yi rkang pa nyis 'gyur nyid ces pa ni yi ge de nyid gnyis su dgod pa'o/ /hUM gi rnam gsum dang ldan zhes pa ni de'i rjes su hUM gsum sbyar bar bya'o/ /dang por rnam snang phaT nyid kyis/ /rnam par nang bcug mthar swAhA/ zhes bya ba ni gong gi sngags kyi rkang pa de dag gi dang por aoM sbyin zhing mdza' mar swAhA sbyar la/ de'i 'og tu phaT kyis ldan pas ni sa sbyang ba'i sngags btu ba'o/ /dang por rnam snang zhes pa ni aoM mo/ /de rje su rdo rje ma'i zhes pa ni A:O/ /mdza' ru hUM zhes pa ni de'i rjes su hUM nyid sbyar ba'o/ /bza' btung byin gyis brlab pa'i zhes pa ni/ sku gsung thugs kyi yi ge gsum gyis bza' ba dang btung ba la byin gyis brlab par bya ba ste/ drang ba dang nges pa'i don gnyis su go bar bya'o/ /dang por rnam par snang mdzad nyid/ ces pa ni dang por aoM dgod pa'o/ /de rjes a kA ro mu khaM zhes pa ni de rnams de'i rjes su sbyar bar bya'o/ / auSh+ma rnams kyi gsum pa dang zhes pa ni sa'o/ /mthar gnas rnam kyi bzhi ba ni zhes pa ni wa'o/ /steng du me yis rnam par brgyan zhes pa ni/ de'i steng du ra yis mnan pa'o/ /d+harmA NaM rjes rdo rje ma/ byin la zhes pa ni de'i rjes su d+harmA NAM sbyar la/ de nas As byin zhing tya nut pan+na na twAt zhes pa ni yang yi ge de rnams byin la/ de'i rjes su yang aoM A:hUM phaT swAhA/ zhes pa ni 'byung po thams cad pa'i gtor ma'i sngags btu ba'o/ /de lta na cho ga de lta bu dang ldan pa'i sngags btus te bzlas pa byas na/ rgyud las gsungs pa bzhin dngos grub thob par 'gyur gzhan du ma yin zhes bya ba'i don to/ /kye'i rdo rje'i nges pa'i don gyi rgya cher bshad pa las/ sngags btu ba'i le'u yi rgya cher bshad pa ste dgu pa'o// //brgya byin mtshon cha dang mtshungs pa'i/ /rdo rje can la gus btud nas/ /sems can rnams kyi lam blang phyir/ /bgrang phreng dbye bas rgyas par bstan/ /de nas chos kun sdom gcig pa/ /rdo rje sems dpa' zhes byas gsungs/ /bdag med ma la zhal sbyar nas/ /bzlas pa'i yul ni rab tu phye/ /zhes bya ba la kun rdzob tu rang bzhin ni yon tan gyi dbang gi rdo dang lcags thabs pa 'am/ shing gi shing la 'drud pa 'am/ chu shel zla ba'i 'od la bstan pa 'am/ me shel nyi ma'i 'od la bstan pas/ me 'byung ba la sogs pa ltar 'jig rten lta bu'i grub pa rnams ni/ rten cing 'brel bar 'byung ba las 'byung ngo zhes gsungs pas 'dir yang rgyud de ltar shes par bya'o/ /shel gyis rengs pa'i bzlas pa nyid/ /dbang la tsan dan dmar po nyid/ /lung tang gis ni mngon spyod dang/ /ni ra lus ni sdang ba la/ /zhes bya ba gsungs te/ skyes bu gang zhig gis rengs pa'i las bsgrub par 'dod pa des shel gyis bgrang phreng gis bzla bar bya zhing/ lte ba'i dkyil 'khor du zad par sa bsgom pa rnams kyis 'grub par 'gyur ro/ /skyes bu gang zhig dbang du byed par 'dod pa'i rnal 'byor la brtson pa des/ tsan dan dmar po'i bgrang phreng gis bzla bar bya zhing mgrin pa'i dkyil 'khor du zad par me'i ting nge 'dzin dang ldan pa rnams kyis 'grub par 'gyur ro/ /de bzhin du mngon spyod kyi las la brtson par 'dod pas lung tang gi zla bar bya zhing/ zad par sa nyid kyi ting nge 'dzin dang ldan par bya'o/ /sdang ba'i sbyor ba la brtson pa'i rnal 'byor pas mi ru sa kyi phreng bas bzla bar bya zhing/ de bzhin du zad pa ra sa nyid kyi ting nge 'dzin dang ldan par bya'o/ /skrod pa'i sbyor ba la brtson par 'dod pas rta'i rus pas bzla bar bya zhing/ /snying ka'i gnas su zad par rlung gis ting nge 'dzin dang ldan par bya'o/ /dgug pa'i sbyor ba la brtson par 'dod pas bram ze'i rus pas bzla bar bya zhing/ dpral bar zad par chu'i ting nge 'dzin dang ldan par bya'o/ /char dbab pa'i sbyor ba la brtson par 'dod pas glang po'i rus pas bzla bar bya zhing/ dpral bar zad par chu'i ting nge 'dzin dang ldan par bya'o/ /gsod pa'i sbyor ba la brtson par 'dod pas/ ma he'i rus pas bzla bar bya zhing/ gtsug tor gyi gnas su zad par nam mkha' i ting nge 'dzin dang ldan par bya'o/ /de bzhin du rengs pa'i sbyor ba la lus mkhreng pa nyid kyi phyir 'o mas spyad par bya'o/ /dbang la rang gi mdun las spyad ces gsungs so/ / 'o ma la sogs pa gang ci yang rung ba dang ji ltar 'dod pa bzhin spyad par bya'o/ /gsad pa la ni sihla nyid/ ces gsungs te/ gsad pa'i sbyor ba la sihla 'am khrag spyad par bya'o/ /de bzhin du dgug pa la gzhi mnyam zhes bya ba dang/ de bzhin du sdang ba la sA li dza zhes bya ba dang/ bskrad pa la ri dags kyi lte ba zhes spyad par bya'o/ /yang na mdza' i sha zhes bya ba rta'i sha dang/ dang po'i sha zhes bya ba khyi sha dang/ na dang po dang zhes bya ba mi sha dang/ ga dang po dang zhes bya ba ldang gi sha dang/ ha dang po nyid kyang zhes bya ba glang po che'i sha la sogs pa ci rigs par spyad ces ba'i don to/ /kye'i rdo rje'i nges pa'i don gyi rgya cher bshad pa las/ bzlas pa'i yul gyi le'u yi rgya cher bshad pa ste bcu pa'o// //sems can thams cad phan bya'i phyir/ /sangs rgyas don la sbyor mdzad pa/ /kye'i rdo rje la phyag 'tshal nas/ /lhan cig skyes sbyor rgyas bshad bri/ /kye rdo rje la dam 'khyud cing/ /tshems kyi ma mchu btsir nas ni/ /lus can rnams kyi rigs kyi gzugs/ /de la bdag med mas zhus pas/ zhes bya ba la sogs pa la bdag med mas bcom ldan 'das kye'i rdo rje la/ /bde ba chen po'i phul du phyin pa'i mchod pas legs par mchod de/ kun rdzob tu rang bzhin yon tan gyi dbang gis/ lus can rnams kyi rigs kyi mtshan ma ji ltar mtshon par bgyi zhes zhus pa'i don te/ de la slar zhing bdag med ma la bka' stsal pa/ b+ha gar ling ga bzhag nas ni/ 'khor lo'i gtso bos 'di skad gsungs/ zhes bya ba la sogs pa gsungs te/ 'di ltar lus can rang gi rigs bshad kyis/ /shes rab pha rol phyin ma nyon/ /zhes bya ba gsungs te/ kun rdzob tu rang bzhin dang yon tan gyi dbang gis gang gi rigs kyi mtshan ma gang yin pa de/ lha mo khyod la bshad kyis/ kye lha mo gus bas legs par nyon cig ces pa'i don to/ /bud med dam ni skyes pa yi/ /gang gis srin lag rtsa ba la/ /rdo rje rtse dgu par gyur pa/ /mi bskyod pa yi rigs mchog nyid/ /ces bya ba la skyes bu 'am bud med gang gi srin lag gi rtsa ba'i tshigs na re khA gnas pa na rdo rje rtse dgu pa lta bu yod pa ni mi bskyod pa'i rigs su byin gyis rlab ste/ rang bzhin yon tan gyi dbang gis mi de la mdog kyang nag por gnas pa ste/ bsad pa 'grub po/ /rnam snang mdzad kyi 'khor lor 'gyur/ zhes bya ba ni de bzhin du gang la 'khor lo dkar po rtsibs brgyad pa lta bu'i ra khA gnas pa ni/ rnam par snang mdzad kyis byin gyis brlabs pa ste/ rang bzhin yon tan dbang gis mi de'i mdog kyang dkar por gnas te/ zhib 'grub po/ /dpag med 'od kyi 'dam skyes nyid/ ces bya ba ni de bzhin du gang la pad+ma dmar po 'dab ma brgyad pa lta bu'i re khA gnas pa ni/ 'od dpag tu med pas byin gyis brlabs pa ste/ rang bzhin yon tan dbang gis mi de'i mdog kyang dkar dmar du gnas te/ 'gugs pa 'grub po/ /rin chen 'byung gi rin chen nyid/ ces pa ni de bzhin du gang la rin po che zung brgyad pa ser po'i re khA lta bur gnas pa ni/ rin chen 'byung ldan gyis byin gyis brlab pa ste rang bzhin yon tan dbang gis mi de mdog ser por gnas te/ rengs pa la sogs pa'i las 'grub po/ /las kyi rigs kyi ral gri nyid/ ces bya ba ni de bzhin du gang la ral gri lta bu'i re khA sngo bsangs gnas pa ni/ don yod grub pas byin gyis brlabs pa ste/ rang bzhin yon tan dbang gis mi de'i mdog kyang sngo bsangs su gnas te bskrad pa la sogs pa'i las grub bo/ /rnal 'byor pa gang dkar dang ser/ /de ni sems pa'i rigs su 'gyur/ zhes bya ba ni de bzhin du gang la mdog dkar ser ni rdo rje sems dpas byin gyis brlabs pa ste/ las thams cad 'grub par 'gyur ro/ /skye bo rnal 'byor mthar byin pas/ /nga rgyal mi bcag mtho mi brtsam/ / kun rdzob gzugs su gnas nas ni/ de rnams bde gshegs rigs su 'gyur/ zhes bya ba ni tshul de ltar na skyes bu dang mi mo 'di dag thams cad kyang rgyal ba rigs lnga dang drug la sogs pas byin gyis brlabs pa yin pa'i phyir/ phan tshun du zho 'gras pa dang/ sdang bar mi bya ste/ thams cad dpa' bo rnams kyis rang bzhin gyi yon tan dang ldan par the tshom med pa'o/ /bsdus pa'i rgyud 'di nyid las kyang ji skad du/ sems can gnod pa tsam gyis ni/ /phyag rgya'i dngos grub thob mi 'gyur zhes bya ba gsungs so/ /gzhan yang rdo rje'i rigs ni gtsug tor ro/ /snang mdzad rigs ni dpral bar ro/ /rin chen rigs ni mgrin par ro/ /don yod rigs ni snying ka'o/ /rin chen rigs ni lte ba'o/ /sems dpa' i rigs ni gsang ba'o/ /de bzhin du snying kha'i pad+ma 'dab ma brgyad las/ shar ni don yod rigs so/ /lho ni rin chen rigs so/ /nub tu ni rnam snang rigs so/ /byang du ni dpag med rigs so/ /dbus su ni mi bskyod rigs so/ /de bzhin du a ni dbus su'o/ /ai ni shar du'o/ /ri ni lhor ro/ /li ni nub tu'o/ /au ni byang du'o/ /gzhan yang rlung ni shar du'o/ /me ni lho'o/ /sa ni nub bo/ /chu ni byang ngo/ /nam mkha' dbus su rig par bya'o/ /bud med rnams kyi mtshan nyid 'di/ /ji ltar skyes pa de bzhin no/ /zhes bya ba la ji ltar skyes pa rnams la bltos nas dpa' bo rnams kyi mtshan ma dang kha dog ji lta ba de lta bur bud med rnams kyi bstan par bya'o de bas de'i phyir skyes ba 'am bud med gang la las kyi phyag rgya dngos grub par 'dod pa rnam pa dang rtags dang mtshan ma grang bstan pa de dag rig par byas la gzung bar bya ba ni de bzhin gshegs pa'i gdams ngag go / kun rdzob tha snyad tshul las ni/ /de'i rigs suAng de 'gyur ro/ /zhes pa ni kun rdzob tu rang bzhin dang/ yon tan gyi dbang gis gang dang gang la de dang de'i rigs su gzung bas 'grub par 'gyur ro/ /b+ha ga ling ga 'o mdzad nas/ /de la rdo rje che mnyes nas/ /bdag med ma'i go mdzad pa/ lha mo rab tu mchod pa nyon/ /zhes bya ba ni gong du bstan pa'i phan tshun gyi rigs de 'dra ba gcig gis gcig rtogs par byas la phyag rgya chen po'i gnas mchog btsal bar bya bar stan par bya yis nyon cig ces bya ba'i don to/ /lha mo 'dod pa'i dngos grub thams cad b+ha ga dang ling ga mnyam par sbyar ba'i cho ga las byung bas b+ha ga dang ling ga'i cho ga'i thabs kyi sbyor ba la mkhas par bya'o/ /zhes rtsa ba'i rgyud las kyang gsungs so/ /gzhan yang de nyid las ji skad du/ sems can rnams kyi rang bzhin ni/ /ji lta ji ltar 'dul 'gyur ba/ /de lta de ltar sems can don/ /'dod chags la sogs rnam dag bya/ /zhes pa dang/ gzhan yang sems can rnams la phan phyir dang/ /sangs rgyas rnams kyi bstan pa'i phyir/ /sems can thams cad bsad kyang ni/ /sdig gis gos par mi 'gyur ro/ /zhes pa dang/ 'dod chags 'dra ba'i bde ba med/ /rgyal ba la ni de phul la/ /gzhan gyi chung ma sems can phyir/ /bstan pas bsod nams thob par 'gyur/ zhes bya ba la sogs pa rgya cher gsungs so/ /de bas na rigs dang ldan pa'i btsun mo la lhan cig skyes pa'i ye shes btsal bar bya ba'i phyir/ 'khrig thabs kyi sbyor ba rnams kyang bya ste/ tshal dang skye bo mi gnas dang/ bdag gi khyim gyi nang du yang/ /gcer bu phyag rgya che byas nas/ /rnal 'byor rig pas rtag tu mchod/ ces bya ba ste/ gnas 'di rnams su bsten la nam ye shes ma skyes pa de srid du bsten par bya ste spros pa dang bcas pa'i spyod pas so/ /gzhan du na ma dang ldan pa brgyad spangs la/ /zas dang gos sogs bltos med par/ /rang gi khyim 'am gzhan pa ru/ /ye shes 'di ni brtag par dmigs/ /zhes bya ba rtsa ba'i rgyud las gsungs pa don khong du chud par bya'o/ /gzhan chags pa'i bstan bcos kyi mtshan nyid/ 'o dang 'khyud pa byas nas ni zhes pa nas/ steng dang 'og tu blta ba nyid/ /ces pa la sogs pa tshigs su bcad pa phyed dang gsum gyi don rgyas pa 'dod pa'i bstan bcos mU le'i tshul du bya ba yin la/ mthar thug pa med pas 'dir ma smos so/ /dpa' bo dang dpa' mo'i dbang phyug ma rnams la bzod par gsol lo/ /dngos grub rgyas pa thob pa ste/ /sangs rgyas kun dang mnyam par 'gyur/ /de ru ga pur btung bar bya/ /zhes bya ba ni rdo rje'i rigs la sogs pa'i btsun mo gang yin pa de rnams la brten pas dri ma med pa'i ga bur btung bar bya'o/ /dri ma dang bcas pas ma yin te/ des dngos grub med do/ /zhes bya ba'i don to/ /de la ga pur rgyu yi phyir/ /sha ni bza' ba nyid du bya/ /khyad par du yang chang nyid do/ /ces bya ba ni dri ma med pa'i ga pur kun tu bskyed par bya ba'i phyir sha thams cad dang chang thams cad dang/ sbyang ba dang/ rtogs par bya ba dang/ spar ba dang/ bdud rtsir byas la spyad de/ des ga pur rgyas par 'gyur/ zhes pa'i don to/ /kye'i rdo rje'i nges pa'i don gyi rgya cher bshad pa las/ lhan cig skyes pa'i le'u yi rgya cher bshad pa ste/ bcu gcig pa'o// //yod min med min yod med min/ /mu bzhi las grol bdag phyag 'tshal/ /bzhi po'i rgyas par bshad pa ni/ /rdo rje snying pos 'bad de bri/ /de nas rdo rje can gyi dbang bzhi'i don nyid bka' stsal pa/ zhes bya ba la sogs pa gsungs te/ don 'di yang rtsa ba'i rgyud 'bum phrag lnga pa nyid na gsal bas de la 'ju bar bya'o/ /'jig rten 'jig rten 'das dbye bas/ /dbang ni rnam pa gnyis su brjod// 'dod pa'i 'bras bu rnam pa gnyis/ /bzhi 'di las ni 'byung bar bshad/ /sku gsung thugs su phye ba las/ /bum pa gsang ba zhes bya dang/ shes rab ye shes zhes bya ba/ /mngon par dbang bskur gsum du bstan/ /sku gsung thugs dang ye shes phyir/ mngon par dbang bskur rnam pa bzhi/ /bum pa gsang ba shes rab dang/ /ye shes dbang dang bzhi ru bshad/ ces gsungs so/ /de bas na bdun dang bcu dang bcu gcig sogs/ dang po sangs rgyas rgyud chen dang/ /'bum phrag lnga sogs rgyud chen rnams/ /gang yin der bstan 'dir bsdus tsam/ /de bas na dbang bzhi dang bcu gcig la sogs pa'i go rims dang dgos pa dang rnam par dag pa rnams rgyud chen po de dag na gsal la/ 'dir ni don mdor bsdus te bstan pa tsam yin pas de dag rtogs par bya'o de la bzhi pa zhes bya ba ni drang ba dang nges pas 'jig rten pa dang 'jig rten las 'das pa gnyis ka la yod la/ gsung 'di ni nges pa'i don 'jig rten las 'das pa'i dbang bcu gcig pa la bzhi pa zhes gsungs te/ rgyud 'di nyid las de ltar thams cad bzhi bzhi'o/ /zhes gsungs pa'i phyir ro/ /rdo rje rab gnas rdo rje nyid/ /che dang dril bu chen po zung/ /de ring rdo rje slob dpon 'gyur/ /slob ma bsdu ba nyid du gyis/ /zhes pa ni rtsa ba'i rgyud na gsal bas de la 'jug par bya'o/ /ji skad du/ stong nyid snying rjes khyod byin brlabs stong pa snying rje rgyud mi 'chad/ /rdo rje dril bu mtshan mar bzung/ /ji ltar de ltar gzhan la bstan/ /khyod ni yongs rdzogs slob dpon te/ /gnas brtan rgan po'ang khyod nyid yin/ /khyod ni gsil 'gyur rnyog pa med/ /dge slong dgra bcom zag pa zad/ /'dzag pa'i 'dod chags rab spangs pas/ /khyod kyi zug rngu ma lus bton/ /gzhan la phan pa'i gang zag mchog /khyod ni mngon sum sangs rgyas sras/ /zhes gsungs pa las don rtogs par bya'o/ /ji ltar 'das pa'i sangs rgyas kyis/ /byang chub sras rnams dbang bskur ltar bdag gis gsang chen dbang gis ni/ /khyod kyis sems rgyun dbang bskur to/ /zhes bya ba ni ji ltar 'das pa'i sangs rgyas thams cad kyis sras byang chub sems dpa' rnams la sangs rgyas rnams kyis gsang chen bzhi pas dbang bskur ba ltar/ bu khyod kyi sems kyi rgyud rdo rje lta bur dbang bskur to/ /zhes bya ba'i don to/ /lha mo dga' ster gnas ster ma/ /sna tshogs gzugs can yid 'ong ma/ /khyer cig khyer cig sems dpa' che/ /khyer la mchod pa dag tu byos/ /zhes bya ba la dga' ster gnas ster ni rang gi rig pa'i stong pa nyid do/ /sna tshogs ni stong pa nyid kyi rdo rje'i lam 'di la gnas nas gzugs sna tshogs dang/ sgra skad sna tshogs pa yid du 'ong bas chos ston pas so/ /khyer cig ces pa ni de yid la zung zhig pa'o/ /mchod pa gyis zhes pa ni de'i dbang gis bdag med rigs ldan ma ni chen dri chu la sogs pa 'byung ba med pas mchod pa'o/ /ye shes 'di ni che phra zhes pa ni byis pa'i skye bo dbang po gnyis kyi bde ba 'ba' shig la chags pa rnams kyis rtogs par dka' ste/ dper na rdo rje nam mkha' i dkyil dang mtshungs zhes bya ba nam mkha' dbyibs dang rdzas dang bral ba rtogs par dka' bzhin no/ /'dzag pa la sogs pa'i nyon mongs pa'i dri ma'i rdul bsal te/ zhi ba'i go 'phang stsol bas/ rdul phral mthar phyin zhi ba nyid do/ /rang gis rang gi sems so sor rtog pa'i mdza' las byung bas na/ khyod nyid kyang ni de yi tha zhes bya'o/ /rdo rje dang pad+ma byin gyis brlabs pa ni/ tha mal pa'i b+ha ga dang ling ga dag mi shig pa'i rang bzhin du byin gyis brlabs pa ste/ rgyang ma dang ro ma dag mi shigs pa kun spangs pa'i lam du byin gyis brlabs pa'o/ /aoM ni dbugs sdud pa'o/ /pad+ma su kha d+hAr ma hA rA ga su kha da ta/ zhes pa ni 'dzag pa'i rang bzhin gyis mi gos pa ster ba'i phyir ro/ /tsa tu rA nanda bAg bi shwa hUM hUM hUM k+Sha ra yaM ku ru Shwa me/ dri ma med pa'i dga' bzhi'i dbang gis 'gro ba thams cad la dag sna tshogs pa'i chos kyi 'khor lo ston nus pa'i phyir ro/ / aoM badzra mahA dwa Sha tsa tu rA nanda dA ya ka / zhes pa ni tha mal pa'i zhe sdang bcom nas zhe sdang rdo rje chen por dga' ba bzhi'i don ston pas so/ /kha ga mu khai ka rA so nA tha hUM hUM hUM kA ra yaM ku ru Shwa me/ zhes pa ni gang pa thams cad kyi dga' ? ba nam mkha' la 'gro ba'i gdon can 'dus shing ro gcig pas/ srid pa gsum gyi mgon dang/ skyabs su 'gyur ba'i phyir/ bdag la bya ba mdzod ces pa'i phyir ro/ /spyi bor aoM gyi rnam pa zhes pa ni sku'i rdo rje ste zla ba rgyu ba'i rtsa'o/ /snying khar hUM gi rnam pa zhes pa ni thugs kyi rdo rje ste sgra gcan 'dzin rgyu ba'i rtsa'o/ /ze 'bru la Argyas pas mi 'byung/ /dbang bskur sngags sogs nyams kyis 'jig dogs pas/ /gnas ngan la sogs rigs la'ang btung mi bya/ /kye'i rdor 'bum lnga'i bdag nyid dang/ /mchog gi dang po'i rgyud chen dang/ /rgyud 'bum mngon brjod la sogs pa'i/ /don bshad rdo rje snying pos bri/ /'di bshad phal cher rtsa ba yi/ /so sor bshad pas rgyud 'di yang/ /brtag pa gang dang gang bstan pa/ /de dang de yis gsal bar bstan/ /nyan thos skye bo rnams la nges 'di yongs ma bstan/ /de bzhin rang rgyal phyir min mu stegs can la'ang? min/ /ma rungs rgyal po ngan dang gsang chen smod la 'ang min/ /rgyal sras bla ma smod la 'di ma bstan/ /gsang ba mchog la rab mos shing/ /mnga' bdag bla ma la gus la/ /rang gi de nyid sbas shes na/ /gang yin de la bstan gyis bstan/ /sa bcu pa yi? dbang phyug mchog / dpal ldan rdo rje snying po nga/ /dpa' bo dpa' mos legs bskul nas/ /rnal 'byor lam blang phyir 'di bshad/ /rnyed dka' dpal ldan kye yi rdo rje rin po che/ /'bum phrag lnga pa rtsa brgyud las 'di legs par bsdus/ /de 'grel nges de? rgya cher bshad pa zhes bya ba/ /legs bris dge ba dri med gang phob de yis ni/ /kye rdor gsang ba legs rtogs dam tshig yongs ldan zhing/ /'di ston bla ma'i rjes 'brangs rdo rje spun la sogs/ /phan tshun legs par smra zhing khon du mi 'dzin dang/ /dam tshig rdo rjes gled slong? ngal gyis gnas par shog / ma rungs dam 'bral ngan pa'i las byed cing/ /rnal 'byor ched du mi gnyer skye bo gang/ /de dag mi 'brogs de yis mi mthong dang/ /rang sdug bla ma rdo rje mchod par shog /rtsod ldan dus su gsang chen ston byed dang/ /mu stegs skye bo ngan pa'i lta 'joms shing// gang de'i lta ba dbyings nas 'don byed pa'i/ /de dag 'dul ba'i ded dpon de byed shog /rnam par bshad pa 'di las gzhan pa'i/ /bshad pa de kho na ma mthong ba'i skye bo 'dod rgyal rnams kyis/ byas pa la yid brtan par mi bya yi/ 'di dang 'di lta bu'i 'grel pa rtsa ba'i rgyud mdza' dag gi nges pa dang/ drang ba legs par gtan la 'bebs pa la/ yid brtan de la gnas par bya'o/ /kye'i rdo rje'i nges pa'i don gyi rgya cher bshad pa las/ sa bcu'i dbang phyug chen po byang chub sems dpa' rdo rje snying pos mdzad pa rdzogs so// // rgya gar gyi mkhan po bla ma chen po mai tri zhabs la/ bod kyi lo tsA ba 'bro dge slong shes rab grags pas mang du gsol ba btab nas/ legs par bsnyen te bsgyur ba'o// //kye'i rdo rje'i bsdus pa'i rgyud kyi rgya cher bshad pa/ byang chub sems dpa' rdo rje snying pos mdzad pa/ rnyed par dka' ba 'di sngon de kho na nyid kyi le'u yan chad kyi 'grel pa las ma 'gyur ba las/ slad kyi bal po'i yul gyi grong khyer chen po rol pa zhes bya ba nas/ 'bro dge slong lo tsa bas/ paN+Di ta mai tri zhabs la rnyed de/ bod yul du dpe spyan drangs nas/ dge slong rnal 'byor spyod pa dbang phyug grags pas gsol ba btab ste bsgyur ba'o/ /rgya gar yul du dka' las cher mdzad/ dge shes lo tsA ba la/ yul dbus su byon nas/ bdag gis gsol ba btab nas/ dka' las bgyis te byang chub sems dpa' 'grel pa bsgyur/ zhal do che nas nyid la brdzangs pa lags te dgyes par dgongs/ / // */ (/kye'i rdo rje'i rgyud kyi 'grel pa pad+ma can zhes bya ba bzhugs so/) // */ /rgya gar skad du/ he badzra tan+t+ra pany+dzi kA pad+ma ni nA ma/ bod skad du / kye'i rdo rje'i rgyud kyi dka' 'brel pad+ma can zhes bya ba/

CLOSE WINDOW