བོད་ཡིག | e-texts based on the ACIP/ALL ![]() ![]() |
he badzra pA Ni DArtha TI kA/ bod skad du/ kye'i rdo rje bsdus pa'i don gyi rgya cher 'grel
pa/ dpal kye'i rdo rje la phyag 'tshal lo/ /'jig rten spyod pa rnam par spangs byas rgyal ba'i rang bzhin rtag tu byung zhing
khyab/ /gnyis gnyis med cing dri bral dbang po'i min bde kun mkhyen e baM mchog zhi ba/ /thugs ni thugs min thugs te
bems po ma yin kun tu dbang po thams cad pa/ /sangs rgyas rnams kyi ngo bo nyid sku bdud rtsi la ni rtogs ched phyag 'tshal
lo/ /yon tan brgyad po rab bcom las byung rnam par thar rnams gtso bo'i zhal brgyad rnams/ /stong pa nyid
rnams bcu drug phyag dang thugs rje rnams kyang thod pa 'di rnams te/ /'gyur med lnga bcu rjod byed de nyid bkod pa phrag par mgo yi
phreng ba can/ /cod pan la ni mi bskyod zla phyed rdo rje'i phreng ba thod pa'i bdag nyid mnga' / /byams pa la sogs rnams dang rnam thar
zhabs bzang rnams kyis bdud rnams mnan te bzhugs/ /nyon mongs shes bya bsdus dang sbyor ba brang 'gro phyag rgya stag gi pags
pa yis/ /gang la bdud sogs sgrib rnams cha tsam lta bur sems can don du brgyan de la/ /btud nas 'di yi rgyud kyi gsang ba 'chad byed 'grel pa bdag gis
bri bar bya/ /sems can kun la phan 'dod pa/ /sa bcu rnams kyi dbang phyug po/ /dpal ldan rdo rje snying po yis/ /rnal 'byor pa la ma thob ched/ /'bum
phrag lnga pa'i rgyud chen las/ /nyung ngu'i rgyud ni legs phyung ba'ang/ /brgya phrag bdun ni phyed bcas pa/ /rdo rje'i tshig mang ldan pa 'dir/ /kye yis rdo rjes
bskul bas na/ /gzhung ni stong phrag drug pa ste/ /rtsa ba'i rgyud kyi rjes 'brang gang/ /de 'di rgyud ni gsal don du'o/ /snyigs ma lnga yi dus 'di ru/ /slob
dpon gang rnams 'byung 'gyur ba/ /rnal 'byor spyod pa ston byed cing/ /yang dag lam la gnas min la/ /'grel pa med par nyung ngu'i rgyud/ /ston par
byed pa tshul ngan pa/ /gzhan gyi bud med nor 'dod pas/ /dmyal bar 'gro bar ches brtson pa/ /mngon shes lnga sogs med par ni/ /
kha cig 'grel pa byed par 'gyur/ /rtog ge'i bstan bcos nga rgyal gyis/ /rnal 'byor spyod la brnyas par byed/ /sangs rgyas rdo rje sems dpa' nyid/ /
'bad pas dbang gis gzung nas no/ /bdag ni rdo rje 'dzin pa zhes/ /mi 'ga' mi la smra bar 'gyur/ /tshul khrims sdom pa 'dzin pa yi/ /dge slong kun
la phyag mi byed/ /sa la rdo rje 'dzin rang nyid/ /gos dkar can bdag phyag 'os zer/ /bsten byed tshong pa dmangs rigs dang/ /gang rnams zhing pa'i las
la dga' / /rmongs pa dam chos 'tshong byed pa/ /spyad bya ma yin longs spyod pa/ /bdud kyi rigs gtogs de rnams ni/ /slob ma rnams kyi bla mar 'gyur/ /
rnal 'byor spyod pa'i zol gyis ni/ /rang gi nyes byas sbed byed cing/ /de rnams skyon rnams spang bya'i tshe/ /nges par smra bar byed 'gyur te/ /slob dpon yon tan gzung bya yi/ /skyon ni slob mas nam
yang min/ /skyon 'dzin 'dir ni dngos grub med/ /'di la nges par the tshom med/ /snying rje med cing khro la gdug /khengs shing chags la ma bsdams dang/ /rang bstod bla mar slob ma ni/ /blo dang ldan
pas mi bya'o/ /tshig 'di slob ma rnams la ni/ /rnam pa kun tu smra mi byed/ /brtse med zhing las byed pa gang/ /khro zhing gnad du bsnun par byed/ /gdug cing dge slong skye bor sdang/ /rengs pa shes pa ngan pas
khengs/ /'dod chen spyad bya min don gnyer/ /shin tu chang 'thung ma bsdams pa/ /rang la bstod pa 'dir brjod cing/ /yon tan can la skyon 'byin byed/ /dbang bskur mchog thob rdo rje yi/ /slob dpon la ni de bzhin
gshegs/ /phyogs bcu'i 'jig rten khams bzhugs pas/ /dus gsum byon nas phyag byed ces/ /dgongs te bshad pa mi shes shing/ /ming tsam gyis ni rmongs pa rnams/ /rgyal ba'i dbang po rnams smad nas//
du 'bod du ni 'gro bar 'gyur/ /rdo rje sems dpa' spyi bo nas/ /byang chub shing drung dbang bskur gang/ /dbang bskur mchog thob gyur pa de/ /rdo rje slob dpon de bzhin gshegs/ /phyogs bcu'i byang chub sems
dpa' yis/ /lus gang 'jig rten khams rnams te/ /de nas phung po lnga rnams kyis/ /dus gsum byon nas phyag 'tshal lo/ /de nas cod pan rin po che/ /sna tshogs dngos rnams
'jig rten khams/ /der gnas sangs rgyas phyag byas gang/ /rnal 'byor rdo rje slob dpon de'o/ /ji ltar brda yis bshang ba la/ /rnam snang gci ba khu ba dag /mi bskyod pa dang 'od dpag med/ /de ltar
slob dpon rdo rje 'chang/ /bshang gci khu ba phyag rgya rnams/ /ji ltar slob dpon ster byed bzhin/ /sku gsung thugs kyi dngos grub rnams/ /de ltar rdo rje 'dzin pas stsol/ /kun rdzob dang ni don dam
pas/ /slob ma rnal 'byor pa rnams las/ /dkyil 'khor byang chub shing drung du/ /dbang bskur sngar dang phyis de bzhin/ /dgongs pas bshad dang dgongs min dang/ /ji bzhin sgra dang ji bzhin min/ /de bzhin
nges don drang don te/ /rgyud ni mdza' drug mtshan nyid can/ /slob dpon yon tan gang rnams 'dir/ /tha snyad kyis ni bstan de rnams/ /rdo rje sems dpa' i yon tan te/ /mngon shes drug sogs mtshan nyid
rnams/ /brtan zhing dul la blo gros ldan/ /bzod ldan drang po g.yo sgyu med/ /sngags dang rgyud kyi sbyor ba shes/ /snying rje ldan zhing bstan bcos mkhas/ /de nyid bcu rnams yongs su shes/ /dkyil
'khor bri ba'i las la mkhas/ /dang po'i bdag nyid dbang po thul/ /gsang sngags 'chad byed slob dpon no/ /yon tan bshad pa 'di rnams ldan/ /dge slong rdo rje 'dzin par 'gyur/ /dge tshul khyim pa min de dag /bcu rnams dge slong 'dir mtshungs min/ /bslab
pa'i gzhi bcu ldan pa dang/ /bslab pa'i gzhi lnga ldan pa dang/ /slab pa'i gzhi yi mdza' ldan pa/ /de gsum mtshungs pa min par bshad/ /ji ltar rtsa ba'i rgyud du gsungs/ /dge slong rdo rje 'dzin pa'i gnas/ /gang de cung zad bla ma ni/ /mnyes byed slob ma la brjod bya
bdag med mas zhus rdo rje can/ /ji lta'i rim pa bzhin du ni/ /bslab pa'i gzhi ni sbyin ched du/ tshig ni 'di skad bka' stsal to/ /dang por bslab pa'i gzhi lnga rnams/ /gso sbyong sogs dang yang dag ldan/ /mi dge bcu po yongs spong ba/ /byin nas dge bsnyen nyid du
bya/ /de nas bslab pa'i gzhi rnams ni/ /bcu po byin nas dge tshul bya/ /de nas bslab gzhi bye ba ni/ /byin nas dge slong brtul zhugs bya/ /de nas so sor thar shes nas/ /de nas bye brag smra ba'i lugs/ /de nas mdo sde shes byas nas/ /rnam shes smra ba dang chos las
de nas shes rab pha rol phyin/ /dgongs pa dbu ma shes bya ste/ /de ltar rgyud gzhan mnyan nas ni/ /de nas kye'i rdo rje shes bya/ /theg pa gsum gyi nges 'byung las/ /theg pa gcig gi 'bras bur gnas/ /nyan thos rang sangs rgyas dang 'dir/ /theg pa chen po gsum pa ste/
sangs rgyas pa la bzhi pa dang/ /lnga pa thub pa'i dgongs pa min/ /rnam pa thams cad mchog ldan pa'i/ /stong nyid dang por rgyu yin te/ /smon lam las ni snying rje phyis/ /'gro ba'i don byed 'bras bu'o/ /rang don byas nas gzhan don ni/ /byed
pa gang de blo ldan yin/ /rang sdug bsngal can dbul po gang/ /de yis gzhan la ji ltar sbyin/ /bde ldan dbang phyug phun tshogs pa/ /sems can don la snying rjes brtson/ /rgyu dang 'bras bu don gnyer bas/ /ji srid rgyu mngon ma byas pa/ /de srid
dang por rgyu med pa'i/ /'bras bu gang la 'byung bar 'gyur/ /theg pa che las theg pa gzhan/ /gnyis po 'di ru brjod pa ni/ /sbyin dang tshul khrims sogs nyams rnams/ /ngal so'i ched du'o de nyid min/ /chos rnams kun gyi stong pa nyid/ /
nges 'byung byed par bdag gis bshad/ /nges 'byung byed pa'i rgyu de dang/ /de nas smon lam dbang las ni/ /snying rje'i bdag nyid 'bras bu che/ /dmigs pa med par 'byung bar 'gyur/ /sems can chos dang dmigs pa med/ /snying rje 'di ni gsum du bshad/ /
nyi tshe'i don byed cung zad pa/ /sems can chos la dmigs pa ste/ /grub pa byang chub sems dpa' rnams/ /sa bcu la gnas bdag nyid kyi'o/ /yan lag bcu gnyis 'gags gyur cing/ /sa kun la gnas bdag nyid can/ /bde gshegs rnams kyi dmigs med de/
'gro ba'i don rnams mdzad par bshad/ /rgyu ni gang 'dra gang 'dra ba/ /de 'dra de 'dra'i 'bras bu der/ /ko dra ba las 'ga' zhig duAng/ /sA lu nyid ni skye mi 'gyur/ /sa bon de bzhin ljon de bzhin/ /ljon shing de bzhin 'bras de bzhin/ /thog mar bar dang tha
mar yang/ /thub pa'i bka' ni dge ba yin/ /dang por rtog bcas rgyu las ni/ /'bras bu rnam rtog bcas 'byung gis/ /sangs rgyas pa kun la gtogs las/ /tha mar 'bras bu stong nyid ni/ /dang por zhing rnams sbyang don du/ /ko dra ba rnams 'debs byed cing/
phyi nas sbyangs pa'i zhing la ni/ /sA lu'i sa bon 'debs pa bzhin/ /las kyi sar skyes mi rnams ni/ /ma dag zhing yin zhes bshad do/ /ma dag 'gro drug skyes pa ste/ /dge dang mi dge'i 'bras bur brjod/ /mi yi skye ba dag zhing la/ /dmigs med snying rje'i sa bon ni/ /
btab pas gang zhig de yi phyir/ /stong nyid dpag bsam ljon shing 'byung/ /stong nyid dpag bsam ljon shing las/ /dmigs med thugs rje'i 'bras bu ni/ /sems can kun gyis bsam byas nas/ /'byung ngo 'di la the tshom med/ /zab cing rgya che'i chos rnams la//
skal pa bral ba'i bdag nyid la/ /phyag rgya dkyil 'khor sngags sogs gang/ /yid 'ong bdag gis bstan pa yin/ /phyag rgya dkyil 'khor sngags sogs kyis/ /sangs rgyas rdo rje sems dpa' nyid/ /ston par byed pa ma 'ongs pa'i/ /slob dpon rnams ni bdud kyi
rigs/ /de phyir dge slong theg chen la/ /ston byed rdo rje 'chang bshad de/ /theg pa gsum po yongs shes shing/ /chos kyi bsdu ba ston byed pa'o/ /rigs byed grub mdza' rnal 'byor rnams/ /dbang phyug sogs kyis byas pa dang/ /sangs rgyas pa yi sngags rgyud
la/ /stong pa nyid la khyad par yod/ /gang zhig mi shes rmongs bdag nyid/ /slob ma ma lus ltung bar byed/ /byed po med par las yod min/ /las dang bral na 'bras bu med/ /sgyu 'phrul chen mo drag chen mo/ /'byung dang sdud par byed pa po/ /rang nyid 'phrog po rang byed po/ /
rang nyid rgyal po rang gtso bo/ /de ltar dbang phyug sgyu ma ni/ /dbang phyug gis kyang bshad pa ste/ /mu stegs zhi ba'i grub mthar ro/ /klu yi chos su khyab 'jug gis/ /gdul dka' 'dul bar byed pa de'ang/ /de yang legs par rnam skyong byed/ /gang tshe gang tshes
gzhi 'dir/ /chos 'di nyam chung nyid gyur cing/ /chos ma yin pa 'jug byed pa/ /de tshe nga ni bdag bskyed de/ /legs pa rnams ni bsrung don dang/ /nyes par byed rnams 'jig byed du'o/ /chos ni gnas pa'i don byed du/ /dus dang dus su bdag 'byung ngo/ /phyin ci
log tu chos ston pa/ /thams cad de ltar yongs mkhyen nas/ /bdag la kye yi rdo rje des/ /'grel pa bya ched nges par bskul/ /ngo bo nyid kyi sku mchog 'jig rten gsum gyis mchod pa dri ma med pa dang/ /chos zhes bya ba bde dang sdug bsngal dngos spangs
longs spyod rdzogs sku ston pa po/ /sprul pa mkha' la rdzu 'phrul sna tshogs bcas pa sgyu ma mig 'phrul mtshungs pa la/ /btud nas bsdus pa'i rgyud 'di gsang tshig nges don bdag gis nyung ngu bshad par bya/ /sangs rgyas rnams kyis kye yi rdo rjer nyung ngu'i rgyud
'di ru dang ches cher gsal ba gang/ /sngon du 'bum phrag lnga po rnams kyis dang po'i rgyud tshogs su dang tshigs bcad brgya phrag gcig /stong gis bsgyur ba rnams kyis mngon par brjod pa 'bum pa dang yang rgyud gyi rgyal po'i tshogs/ /
gzhan duAng mi rnams la ni rgyal bas bstan pa mdzad 'di 'grel pa rnams kyis don rtogs so/ /gang zhig 'grel pa med par nyung rgyud nges par btus la gsang tshig ston byed pa/ /de ni long ba chu la sbrul zhugs yun rings lon pa'i rjes la lta ba bzhin//
rgyal bas mdza' dag rgyud du nges don kho na ma yin drang ba'i don yang bstan/ /gal te drang don 'grel bas gsal bar byas na nges pa rtogs ched don med do/ /rgyal bas mdza' dag rgyud ni dgongs pas bshad dang dgongs min bshad de gzhan pa ni/ /ji
bzhin sgra dang ji bzhin sgra min nges pa'i don dang drang ba'i don yang bstan/ /phung po phyi sa la sogs dri ma bcas gang don lha nyid min/ /lha yi zhal dang phyag rnams rdzogs sangs rgyas min rtog pas ched du kun brtags yin/ /bcom ldan 'das kyis mdza'
drug gis bskor 'dus pa la sogs rgyud rnams gang gsungs pa/ /bstan bcos mkhas pa'i nga rgyal gcog byed de ni rtog ges rtogs bya ga la yin/ /me long la ni pra phab mtshungs pa dus rnams gsum po yang dag rig pa 'di/ /dngos dang dngos med rtog pa'i
dra ba bral ba'i ye shes gang yin gnyis med nyid/ /bcom ldan 'das kyi bde ba chen por khu ba 'bab pa sum cu rtsa gnyis rtsa/ /gsungs te mgrin par son cing de bzhin snying kha lte ba gsang bar gang yin pa'ang/ /ci zhig 'bab pa rkang lag tshigs dang
lag pa'i sor mo'i tshigs su son pa ste/ /de rnams rgyal bas kye yi rdo rjer rdo rje snying bos bdag la gsungs pa'ang med/ /gtsug lag dge slong skye bo la gsungs gang de'ang ma ga d+ha skad gzhan pa min/ /sde snod gsum du bcom ldan 'das kyis gsungs
gang de ni gnas brtan sde pa'i lugs su ste/ /nges par nad gzhan de la'ang sman gzhan 'di ste nad 'di gzhom pa'i byed du'o/ /thub pa'i don la sogs la brten pa rnam bzhi 'di yin tshig 'bru sogs la min/ /gang zhig lha dang lha min klu dang gnod sbyin snyad rnams
dang ni gzhan gyis kyang/ /chos rnams cig car ston mdzad 'jig rten dpe spangs ngo mtshar byed pa bcom ldan gyis/ /gsung dbyangs de 'di'ang legs sbyar mtshan nyid can gyis e baM mA ya zhes sogs kyis/ /gtsug lag bshad ces smra 'di skye bo mkhas
pa rnams kyi mtshar bya cis ma yin/ /rnam pa thams cad mchog ldan mig 'phrul dang mtshungs sgyu ma lta bu mkha' 'gro ba'i/ /bcom ldan 'das kyi sku gang byis pa mkhas pa rnams kyis rtogs byed nges bshad de/ /sum cu rtsa gnyis mtshan rnams dang ni
dpe byad bzang po brgyad cu rnams kyis spras/ /phung po khams dang dbang po rnams dang yul rnams bcas pa dkyil 'khor la bzhugs pa'o/ /blun po rnams ni rten cing 'brel pa skye zhing 'byung ba rig par rtag tu 'dod/ /'jig dang skye ba tshes grangs rgyu
ba la sogs rtsis rnams rgyud gzhan du bstan to/ /skye bo byis 'ga' 'o ma med par zho 'dod pa med par ni 'o ma dang/ /ba byung yang ste rab tu spyod bral 'dir ni shes med pa la skyon ci zhig/ kye yi rdo rje yis ni bde mchog 'khor lo dang ni gdan
bzhi shes par bya/ /kye'i rdor dang ni bde mchog 'khor lo nyung ngu 'di ni gdan bzhis shes par bya/ /mchog gi dang po'i sangs rgyas tshig dang bde mchog chen pos nges don shes par bya/ /de la sogs pa'i rgyud rnams ni/ /rgyud gzhan rnams kyis rtag tu ni/ /
brtan dang rgyas bshad kyis shes bya/ /'brel pas lam 'dod rnams kyis so zhes pa kye'i rdo rje'i 'grel pa stong phrag drug par 'dod pa'i lha la bstod cing rgyud la 'jug pa ste yongs su bcad pa dang po'o// //
da ni rgyud bstan pa brjod par bya ste/ 'dir dang por re zhig brjod par bya ba dang/ rjod par byed pa dang/ 'brel pa dang/ dgos pa dang/ dgos pa'i dgos pa rnams mngon par yang dag par gzigs nas gdul bya'i skye bo nges pa dang bral
ba rnams la rang gi sems kyi bsam pas skye ba 'di nyid la sangs rgyas nyid stsol bar mdzad pa ni/ e baM gi yi ge la bzhugs pa/ mkha' 'gro ma'i dra bas bskor ba/ kye'i rdo rje'i ting nge 'dzin la snyoms par zhugs pa/ rdo rje snying pos gsol ba btab pa/
bdag med mas kyang zhus pa yi/ kye'i rdo rje 'bum phrag lnga pa las/ nyung ngu'i rgyud gzhung phyed dang bcas pa'i bdun brgya pa 'di bcom ldan 'das rdo rje sems dpas bstan to/ /'dir brjod par bya ba ni bcom ldan 'das kye'i bdag med ma dang bcas pa'o//
'di rtogs par byed pa'i le'u'i tshogs kyi rgyud kyi rgyal po ni rjod par byed pa'o/ /brjod par bya ba dang rjod par byed pa de dag gi phan tshun brjod bya rjod byed kyi mtshan nyid ni 'brel pa'o/ /dkyil 'khor du 'jug pa la sogs pa'i dbang bskur ba byin pa ni dgos
pa'o/ /dbang bskur nas de kho na nyid gsal bar byas pa ni dgos pa'i dgos pa'o zhes pa 'di rnams mngon par yang dag par gzigs nas te/ gdul bya'i skye bo nges pa dang bral ba rnams la zhes pa nyan thos kyi sdom pa dang bral ba rnams la'o/ /
rang gi sems kyi bsam pas zhes pa 'dod pa lnga la nye bar longs spyod pa'i sems kyis so/ /skye ba 'di la sangs rgyas nyid rab tu ster ba zhes pa ni yang dang yang du mi'i skye ba la ste/ lha dang lha min la sogs pa la ni min no/ /e baM gi yi ge la bzhugs
pa zhes pa bde ba thams cad kyi gzhi la bzhugs pas so/ /mkha' 'gro ma'i dra bas yongs su bskor ba zhes pa phung po dang khams dang skye mched kyi mtshan nyid can gyis so/ /kye'i rdo rje'i ting nge 'dzin la snyoms par zhugs pa rdo rje snying pos gsol ba btab pa
shes rab bdag med mas yongs su zhus pas/ kye'i rdo rje'i rtsa ba'i rgyud 'bum phrag lnga pa brtag pa chen po sum cu rtsa gnyis pa las nyung ngu'i rgyud rdzogs par byang chub pa dang/ sgyu 'phrul dra ba'i mtshan nyid can gyi brtag pa gnyis pa le'u nyi shu rtsa gnyis kyi bdag nyid
can phyed dang bcas pa'i bdun brgya pa'i gsung gi tshad kyi bsdus pa'i rgyud ni bcom ldan 'das rdo rje sems dpas yang dag par bstan te/ 'jig rten pa dang 'jig rten las 'das pa'i bden pa dag gis 'jig rten pa dang 'jig rten las 'das pa'i dngos grub kyi ched du
bskyed pa dang rdzogs pa'i rim pa dag gis dkyil 'khor gyi 'khor lo bsgom pa dang/ de kho na nyid bsgom pas so zhes pa'o/ /rgyud 'dir brjod par bya ba ni kye'i rdo rje yin la/ kye'i rdo rje'i rgyud ni brjod par byed pa'o/ /brjod par bya ba de yang rjod par byed pa'i ngo bo
nyid kyis gnas pa ste/ dang por rdo rje rigs kyi le'u'i ngo bo nyid kyis gnas pa dang/ de nas sngags kyi le'u'i ngo bo nyid kyi gnas pa dang/ de nas lha'i le'u'i ngo bo nyid kyis gnas pa dang/ de bzhin du lha dbang bskur ba'i le'u'i ngo bo nyid kyis gnas pa dang de kho na
nyid kyi le'u'i ngo bo nyid kyis gnas pa dang/ spyod pa'i le'u'i ngo bo nyid kyis gnas pa dang/ brda dang gnas gtan la dbab pa'i le'u'i ngo bo nyid kyis gnas pa dang/ rnal 'byor ma'i 'khor lo 'du ba'i le'u'i ngo bo nyid du gnas pa dang/ rnam par dag pa'i le'u'i
ngo bo nyid du gnas pa dang/ mngon par dbang bskur ba'i le'u'i ngo bo nyid du gnas pa dang/ mngon par rdzogs par byang chub pa'i brtag pa'i rgyal po'i le'u'i ngo bo nyid du gnas pa'o zhes pa yongs su bcad pa bcu gcig ni brtag pa dang po la'o/ /de nas sgyu ma'i dra
ba'i brtag pa la/ sgyu ma zhes pa ni mkha' 'gro ma ste/ /dra ba zhes pa ni tshogs pa'o/ /sdom pa ni/ 'dus pa ste he ru ka dang zhes pa nges pa'o/ /'di nyid du dang po re zhig rab gnas dang sbyin sreg dang thab khung dang las rab 'byam dang/ mchod pa'i le'u'i ngo bo nyid
kyis bzhugs pa dang/ de nas dngos grub gtan la dbab pa'i le'u'i ngo bo nyid kyis bzhugs pa dang/ de bzhin du rgyud thams cad kyi gleng gzhi dang/ dgongs pa'i skad kyi le'u'i ngo bo nyid kyis bzhugs pa dang/ rgyud thams cad kyi
phyag rgya bsdus pa'i don gyi le'u'i ngo bo nyid du bzhugs pa dang/ kye'i rdo rje mngon par 'byung ba'i le'u'i ngo bo nyid du bzhugs pa dang/ phyag rgya rnam par dag pa dang/ bris sku dang glegs bam la bri ba nges pa'i ngo bo nyid kyis bzhugs pa dang/ bza' ba'i
cho ga'i le'u'i ngo bo nyid kyis bzhugs pa dang/ pad+ma can gyi mtshan nyid dang/ slob ma 'dul ba'i le'u'i ngo bo nyid kyis bzhugs pa dang/ lha rnam par dag pa dang/ sngags btu ba'i le'u'i ngo bo nyid kyis bzhugs pa dang/ sngags bzlas ba'i le'u'i ngo bo nyid
kyis bzhugs pa dang/ lhan cig skyes pa'i don gyis sbyor ba dang rjes su gnang ba'i gleng gzhi'i ngo bo nyid kyis bzhugs pa dang/ de ltar le'u nyi shu rtsa gnyis kyi bdag nyid kyi rgyud kyi ngo bo nyid kyis bzhugs pa'o/ /bcom ldan 'das kye'i rdo rjes rdo rje snying po
la bos par gyur te/ der bcom ldan 'das kyis bka' stsal pa/ de bzhin gshegs pa thams cad kyi sku dang gsung dang thugs kyi snying po ni ye shes te bde ba chen po'o/ /de nyid rje btsun gsang ba las ches shin tu gsang ba ste rnam par rtog pa'i sgom pa la
dga' ba rnams la sba bar bya zhing shin tu sba bar bya ba'o/ /e ma'o rdo rje snying po snying rje chen po legs so legs so/ /rdo rje sems dpa' dang/ byang chub sems dpa' dang sems dpa' chen po dang dam tshig sems dpa' i snying po kye'i rdo rje zhes bya ba nyon
cig / ces bya ba bcom ldan 'das kyis gsungs te/ bzhugs pa'i gnas kyi mthar brjod pa'o/ /de'i phyir sngags bzhugs pa'i gnas bcom ldan 'das kyis gsungs pa brjod par bya ste/ phyi nas bcom ldan 'das kyis bskul ba'i gsung ngag dang
rdo rje snying pos gsol pa 'debs pa'o zhes pa'o/ /'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang gsung dang thugs rdo rje btsun mo'i b+ha ga rnams la bzhugs so zhes pa bzhugs pa'i tshig go /'o na 'di skad bdag
gis thos pa dus gcig na zhes pa'i tshig gang yin pa de ci/ ston pa po thams cad mkhyen pa'i yin nam 'on te sdud par byed pa gsol ba 'debs pa po'i yin/ gnyi ba ltar na drang ba'i don du skyon yod de/ 'dir gal te 'das pa'i dus su thos pa de nyid gsung bar byed na/ de'i
tshe ma 'ongs pa'i dus la ye shes med de gzhan las thos nas yongs su mkhyen pa'i phyir ro/ /ci ste sdud par byed pa po'i yin na de'i tshe 'di skad gyi yi ge la sogs pa don med de/ rdo rje sems dpas ma gsungs pa nyid kyi phyir ro/ /de'i phyir dag 'di dgongs pa'i skad gzhan gyi nges pa'i
don du rtogs par bya'o/ /'di'i nges pa'i don nyid ni/ /e yig cha byad bzang po gang/ /dbus su baM gis rnam brgyan pa/ /bde ba thams cad kyi ni gnas/ /sangs rgyas rin chen za ma tog ces pa bde ba chen po rdo rje sems dpa' o/ /de nyid ni ston pa po nga ste bde ba chen po'o
zhes pa'o/ /thos pa ni mkhyen pa'o/ /bdag gis ni bdag nyid kyis so/ /dus gcig na ni skad cig gcig gis mngon par rdzogs par byang chub pa na'o/ /bcom ldan 'das ni bde ba chen po'o/ /de bzhin gshegs pa thams cad ni dgongs pa'i skad kyis phung po lnga rnams so/ /de
rnams kyi sku dang gsung dang thugs rdo rje btsun mo zhes pa la sku dang gsung dang thugs kyi bya ba rdo rje btsun mo rnams ni yul gyi chos can nam mkha' la sogs pa'i khams rnams te/ srog 'gro ba dang 'ong ba'i bye brag gis yon tan gcig dang gnyis dang gsum dang bzhi dang
lnga'i bye brag gis gtsug tor dang dpral ba dang mgrin pa dang snying kha dang lte ba'i pad+ma rnams kyi b+ha ga rnams su dang/ /lte ba dang gsang ba dang rdo rje nor bur yon tan gsum gyi dbye bas gnas pa rnams te/ dga' ba la sogs pa'i dbye bas byang chub kyi sems de rnams su
bzhugs so zhes pa'o bzlog pas ni de las bzlog pa yon tan zad pas rdo rje nor bu dang gsang bar dang/ yul zad pas lte ba dang snying kha dang mgrin pa dang dpral ba dang gtsug tor te 'di rnams su bzhugs te/ rgyu mthun pa la sogs pa'i dbye bas so zhes
pa'o/ /de ltar khams dang phung po la sogs pa rnams sgrib pa med pa nyid kyis rdzogs par brjod par bya ste bde ba chen po'i las so/ /e yig ni spyan ma'o/ /baM yig ni mA ma kI'o/ /ma yig ni gos dkar mo'o/ /yA yig ni sgrol ma'o/ /sh+ya yig ni rdo rje dbyings kyi dbang
phyug ma'o/ /taM yig ni shes rab kyi pha rol tu phyin ma'o zhes pa'o/ /de nas phung po rnams te e yig ni rdo rje sems dpa' o/ /ka yig ni mi bskyod pa'o/ /smin yig ni don yod grub pa'o/ /sa yig ni rin chen dbang po'o/ /ma yig ni 'od dpag tu med pa'o/ /e yig
ni rnam par snang mdzad do/ /b+ha yig ni dri rdo rje ma'o/ /ga yig ni ro rdo rje ma'o/ /wAn yig ni gzugs rdo rje ma'o/ /sa yig ni reg bya rdo rje ma'o/ /rba yig ni sgra rdo rje ma'o/ /ta yig ni chos kyi dbyings kyi rdo rje ma'o/ /thA yig ni sgrib pa thams cad rnam par sel ba'o//
ga yig ni 'jig rten dbang phyug go / ta yig ni sa'i snying po'o/ /kA yig ni nam mkha' i snying po'o/ /ya yig ni phyag na rdo rje'o/ /wak yig ni kun tu bzang po ste/ de ltar skye mched bcu gnyis rnams so/ /ci yig ni rengs byed ma'o/ /t+ta yig ni nga rgyal ma'o/ /ba yig
ni rmugs byed ma'o/ dzra yig ni shin tu brtson 'grus ma'o/ yo yig ni shin tu sngon ma'o/ /Shit yig ni drag spyan ma'o/ /b+ha yig ni gnod mdzes so/ /ge yig ni gtsug tor ro/ /Sh+ya yig ni bgegs mthar byed do/ /bi yig ni shes rab mthar byed do/ /
dza yig ni pad+ma mthar byed do/ /hA yig ni gshin rje mthar byed do/ /ra yig ni shes rab thabs kyi bdag nyid rdo rje sems dpa' gtso bo sum cu rtsa bdun pa'o/ /de ltar sum cu rtsa bdun byang chub kyi phyogs kyi chos rnams rim pa ji lta bar yongs su dag pa rnams te
khams drug rnams dang/ phung po drug rnams dang/ yul drug rnams dang/ dbang po drug rnams dang/ las kyi dbang po'i bya ba drug rnams las kyi dbang po drug rnams dang/ bde ba chen po'o zhes pa ste bzhi pa zad pa las so/ /de'i phyir dran pa nye bar gzhag pa bzhi rnams
dang/ yang dag par spong ba bzhi rnams dang/ /rdzu 'phrul gyi rkang pa bzhi rnams dang/ dbang po lnga rnams dang/ stobs lnga rnams dang/ 'phags pa'i lam yan lag brgyad dang/ byang chub kyi yan lag bdun rnams so zhes pa'o/ /de ltar bde ba chen po las ngo bo nyid
las chos kyi sku ste/ bzhi pa zad pa las gnyid sdug po zad do/ /gnyid sdug po zad pas rmi lam zad do/ /rmi lam zad pa las sad pa zad pa'o/ /de rnams zad pa las rim pa ji lta bar lhan cig skyes pa dang/ chos dang longs spyod rdzogs pa dang/ sprul
pa'i sku rnams su rim pa ji lta bar 'gyur te/ ye shes dang/ sems dang/ dag dang/ lus sgrib pa med par 'gyur ro/ /de'i phyir/ thams cad nas ni phyag zhabs sogs/ /kun nas spyan dang dbu dang zhal/ /kun nas thos ldan 'jig rten du/ /thams cad g.yogs
nas bzhugs pa'o/ /de'i phyir cha med kun 'gro khyab pa po/ /phra zhing zag med sa bon no/ /rdul med rdul bral dri ma med/ /nyes pa spangs pa skyon med pa/ /shin tu sad ba sad pa'i bdag /kun shes kun rig dam pa po/ /rnam par shes pa'i chos nyid 'das
ye shes gnyis med tshul 'chang ba/ /de ltar sgrib pa thams cad las rnam par grol ba sku bzhi'i bdag nyid can bcom ldan 'das kyi'i rdo rje sa bcu gnyis kyi dbang phyug ni ston pa po'o/ /byang chub sems dpa' rdo rje snying po sa bcu'i dbang phyug ni gsol ba
'debs pa po'o zhes pa kye'i rdo rje'i 'grel pa stong phrag drug par ston pa po dang/ gsol ba 'debs pa po dang/ rjod par byed pa dang/ brjod par bya ba dang/ 'brel pa dang/ bzhugs pa'i gnas nges pa ste yongs su bcad pa gnyis pa'o// //da ni rdo rje snying pos gsol
ba 'debs pa dang/ bcom ldan 'das kyi lan gyi gsung gsal bar bya ste/ rdo rje snying pos gsol pa/ ci yis zhes pa la sogs pa'o/ /ci yis rdo rje sems dpar 'gyur/ /ci ltar byang chub sems dpar 'gyur/ /ci phyir sems dpa' chen po
lags/ /ji ltar dam tshig sems dpa' gtso/ /zhes pa rdo rje snying po'i gsol ba 'debs pa gsan nas/ bcom ldan 'das kyis bka' stsal pa/ mi phyed rdo rje zhes par brjod/ /sems dpa' srid pa gsum gcig nyid/ /shes rab rigs pa 'di yis
ni/ /rdo rje sems dpa' zhes par bshad/ /byang chub la gnas sems dpa' de/ /byang chub sems dpar brjod par bya/ /ye shes chen po'i ros gang ba/ /sems dpa' chen por brjod par bya/ /rtag tu dam tshig la gnas pas/ /dam tshig sems dpar mngon par
brjod/ /ces mdor bstan pa'i rgyas par bshad pa ni 'bum phrag lnga par rab tu gsal te/ de'i phyir de nyid la 'jug par bya'o/ /der bcom ldan 'das kyis bka' stsal pa/ mi phyed rdo rje zhes bshad gang/ /baM gi yi ger de rab bgrags/ /sku gsung thugs ni mi phyed pa//
yi ge waM gis mngon brjod bya/ /sems dpa' srid gsum gcig nyid ni/ /yi ge e yis brjod par bya/ /e yig shes rab dang lhan cig /waM yig rigs gsum bdag nyid can/ /lte ba'i dbus gnas dpa' bo ni/ /ze 'bru gsar ba'i spyod yul can/ /rang 'di'i ye shes dang ldan
te/ /rdo rje sems dpar rab brjod bya/ /phyag gnyis he ru ka ru bshad/ /de nyid 'jig rten gsum bskyod nyid/ /de nyid ngo bo nyid du brjod/ /sangs rgyas sku de bde ba che/ /de nyid ye shes rdo rjer 'gyur/ /de nyid lhan cig skyes dga' nyid/ /rgyu mthun par yang de nyid can//
rdo rje rtse gcig pa ru brjod/ /de yang bzhi pa'i gnas skabs zad/ /rnam dag mchog tu mi 'gyur ba'o/ /byang chub la gnas gang yang ni/ /snying kha'i pad+ma'i dbus gnas par/ /hUM yig kho nar sems dpar bshad/ /mi bskyod pa ni de kho na/ /thugs kyi rdo rjer de nyid
brjod/ /khyab 'jug nyid de phyag bzhi pa/ /de nyid dzwa la dzwa la b+hyo/ /de nyid chos kyi sku ru bshad/ /chos 'khor lo gnas rdo rje can/ /khyad dga' i dga' ba'i tshul 'chang ba/ /de nyid rnam smin du yang bshad/ /gnyid sdug zad par byed pa'o/ /ye shes chen po'i ros gang ba/ /sems
dpa' chen por de brjod bya/ /mgrin par longs spyod 'khor lo'i dbang/ /'od dpag med du mngon brjod bya/ /de nyid gsung gi rdo rjer bshad/ /pad+ma'i phyag can de bzhin gshegs/ /de nyid mchog tu dga' bar bshad/ /skyes bu byed par rab brjod bya/ /kun rdzob dang ni don dam gyis//
de yang rmi lam gnas skabs zad/ /de nyid longs spyod rdzogs skur 'gyur/ /sangs rgyas rnams kyi chos ston mdzad/ /de nyid bde byed rab tu brjod/ /zhal gsum rnam pa phyag drug ste/ /ki Ti ki Ti rdo rje de/ /he ru ka nyid gsum par 'gyur/ /rtag tu dam tshig la gnas pas/ /gang
zhig gnas pa de brjod bya/ /dam tshig ri bong 'dzin khu ba/ /bde ba chen po dpral bar gnas/ /bdud rtsir legs gnas sems dpa' o/ /aoM gyi yi ger yongs bshad bya/ /de nyid rnam par snang mdzad brjod/ /sku yi rdo rje de kho na'o/ /tshangs pa sku yi rdo rje 'dzin/ /de nyid yongs su brjod par bya//
dga' ba tshangs pa'i ngo bo ste/ /gzugs kyi sku ru de brjod bya/ /de nyid phyag na 'khor lor bshad/ /sku ni sprul pa'i mtshan nyid can/ /bzlog pas de yang dri ma med/ /de nyid sad pa zad pa nyid/ /de nyid pi tsu badzra 'gyur/ /zhal brgyad he ru ka ru brjod/ /dpa' bo chen po
zhabs bzhi pa/ /bcu drug phyag dang yang dag ldan/ /de ltar sku yi dbye ba yis/ /he ru ka ni bzhi par bshad/ /ngo bo nyid can las chos 'gyur/ /chos las longs spyod rdzogs pa nyid/ /de las sprul pa'i skur 'gyur te/ /de ltar sku ni bzhi yin no/ /tshangs pa sku yi rdo rje
'dzin/ /gsung gi rdo rje dbang phyug che/ /khyab 'jug thugs kyi rdo rje 'dzin/ /rdo rje sems dpa' bde ba che zhes so/ /rtsa ba'i rgyud du rgyas bshad pa/ /rigs ni gsum du brjod par bya/ /ngo bo nyid dang ldan pas ni/ /rigs bzhi zhes par bshad pa yin/ mdzad pa bzhi yi dbye ba yis//
rigs rnams kyi ni rnam gzhag de'o/ /sangs rgyas lam ni mngon 'dod pa'i/ /rnal 'byor ldan pas shes par bya/ /zhes pa'o/ /e waM gi yi ge ni rdo rje sems dpa' ste/ hUM yig ni thugs rdo rje'o/ /A:yig ni gsung rdo rje'o/ /aoM yig
ni rdo rje sku'o/ /e baM ni hUM dang A:dang aoM gyi yi ge re re'i ming 'di yis rtogs par bya ba'i don gzung bar bya ba'i yi ge dang ming gis ni ma yin no/ /'dir ming gi dngos por med de gal te yod na ni de'i tshe yid dang mig gis gzung bar bya bar 'gyur ba zhig na de ltar
yang ma yin no/ /de'i phyir rna bas ming tsam gzung bar bya la/ 'di yis rtogs par bya ba'i don ni yid dang mig gis gzung bar bya ba'o/ /bum pa dang snam bu la sogs pa'i don ni 'jim pa dang/ 'khor lo dang/ dbyug pa dang/ chu dang/ skud pa dang/ thags
bzangs dang/ gnas dang/ snal ma la sogs pas grub pa ni ming gis skyed par byas par 'gyur ba ma yin no/ /ming gi sgra tsam gyis te sa la sogs pa dri ma la sogs pa'i chos kyi rgyur gyur pa 'jim pa lta bu ni ma yin no zhes pa bcom ldan 'das kyi lan gyi
gsung nges pa'o/ /da ni yang rdo rje snying pos gsol ba 'debs pa dang/ bcom ldan 'das kyis lan bshad par bya ste/ rdo rje snying pos gsol pa/ ci yis kye yi rdo rje lags/ /mtshan bsdus pa ni 'di lta bu/ /he yig gis ni ci zhig bshad/ /rdo rje yis kyang ci
brjod bya/ /bcom ldan 'das kyis bka' stsal pa/ he yig gis ni snying rje che/ /rdo rje'ang shes rab brjod par bya/ /shes rab thabs kyi bdag nyid rgyud/ /de ni nga yis bshad kyis nyon/ /zhes mdor bstan pa 'di yi rgyas par bshad pa ni/ rtsa ba'i rgyud du ste de
nyid la 'jug par bya'o/ /de ltar bcom ldan 'das kyis bka' stsal pa/ sems can chos dang dmigs pa med/ /snying rje 'di ni rnam gsum bshad/ /chen po'i sgra las dmigs pa med/ /he yig gis ni mngon brjod bya/ /sku gsung thugs kyi sbyor ba yis/
sngar gyi waM yig de nyid do/ /rdo rje'i sgras kyang e yig ste/ /rnam pa kun don stong pa nyid/ /gang zhig 'di dag snyoms 'jug pa/ /rnal 'byor sgra yis brjod par bya/ /shes rab thabs kyi bdag nyid rgyud/ /rnal 'byor rgyud du brjod par bya/ /rnal 'byor thabs kyi sgra yis min/ /shes
rab kyis kyang 'gyur ba min/ /'di ni rnal 'byor rgyud ces bya/ /kye'i rdo rje gnyis rtogs med/ /'dus pa la sogs thams cad rnams/ /shes rab thabs kyi bdag nyid des/ /thams cad rnal 'byor rgyud yin te/ /shes rab thabs kyi ming rnams kyis/ /gang du thabs ni legs
gnas shing/ /rnal 'byor ma rnams kun spyod pa/ /kun rdzob rnal 'byor ma rgyud du/ /byis pa rnams la bdag gis bstan/ /gang du thabs ni 'pho byed cing/ /shes rab yang dag gnas 'gyur ba/ /thabs kyi rgyud nyid du ni bshad/ /ji ltar de ltar kun rdzob du'o/ /phyag rgya dkyil
'khor bsgom pa rnams/ /ji lta ji ltar rnam dpyad pa/ /de lta de ltar rnam par gzhig /skye 'jig mtshan nyid can rnams so/ /shes rab thabs dag snyoms 'jug pa/ /dbyer med mtshan nyid rdo rje gsum/ /shes dang shes bya dag gcig pa/ /stong nyid snying rje gnyis
med pa'o/ /stong nyid mtshan ma med pa dang/ /de bzhin smon pa med pa dang/ /mngon 'dus ma byas rnam par thar/ /rnam pa bzhi rnams yongs su grags/ /snying rje byams pa dga' ba dang/ /bzhi pa yang ni btang snyoms te/ /de rnams tshangs pa'i gnas bzhi ste/ /chos
kun rnam par mi rtog las/ /sgrib pa med pa'i chos kyis ni/ /gnyis med de yis btags pa'o/ /shes rab thabs bdag de bzhin no/ /rdo rje'i sku rnams gnyis su med/ /phung po drug dang khams de bzhin/ /yul dang dbang po rnams kyang ste/ /bya ba las kyi dbang po rnams
de ltar gnyis med nyid du gnas/ /sangs rgyas kun gyi sdom pa ni/ /e waM yi ger rab tu gnas/ /phyi nas rigs gsum dbye ba yis/ /rigs lnga rnam par dbye ba las/ /rigs drug rnams kyi dbye ba yi/ /de bzhin brgyad du rnam dbye bas/ /shes rab thabs kyi
bdag nyid rgyud/ /nga yis bstan par bya yis nyon/ /zhes pa bcom ldan 'das kyi lan gyi gsung nges par bstan pa ste/ de ltar rnal 'byor gyi rgyud du rab tu gzhag pa'i nges pa'o/ /da ni rnal 'byor ma rnams kyi skye ba dang gnas
pa'i rgyu brjod par bya ste/ rgyud 'dir rnal 'byor ma rnams ni phung po lnga rnams dang/ khams bzhi rnams dang/ skye mched drug rnams te zla ba'i cha bco lnga'i dbye bas bdag med ma la sogs pa rnams so/ /de rnams kyi skye ba dang gnas pa'i rgyu ni hUM yig
ste/ he ru ka ni gnyis pa'o/ /de'i phyir de rnams kyi don mnyam nyid ye shes rnam shes dang/ lha rnams ji ltar 'byung bar 'gyur ba'o/ /de bzhin du/ lta stangs dgug dang brda chen dang/ /nus pa rnam pa mang po rig /rengs par byed dang skrod pa nyid/ /sde
rangs byed dang mngon spyod la sogs pa gzhan yang bshad par bya yis/ kye'i rdo rjer snying po khyod nyon cig ces pa lha skye ba dang gnas pa dag gi rgyu'i nges pa'o/ /da ni de'i yang bskyed pa'i rgyu brjod par bya ste/ dang por re zhig e waM 'gyur zhes pa
e waM gi yi ge ni he ru ka'i dbang po'i rgyu'o/ /hUM yig ni gnyis pa'i bskyed pa'i rgyu'o zhes pa nges pa'o/ /de las dngos po skye ba ni/ /gzung dang 'dzin pa'i dbye ba las/ /yul dang dbang po'i sbyor ba yis/ /rnam shes rnams kyi so so'i/ /dngos po'i 'ching
bas 'ching bar 'gyur/ /dngos po'i 'ching ba de yis rnam par shes pa rnams dang mig la sogs pa rnams 'ching bar byed do/ /de yongs su shes pas grol bar byed/ /yul dang dbang po rnams 'gog pas de yongs su shes pas shes pa'o/ /de'i phyir dngos
po nyid kyis rnam grol byed/ /lha'i mig la sogs pa rnams kyis 'das pa dang ma 'ongs pa'i yul mthong bas rnam par shes pa drug rnams grol te/ de ni rnam par shes pas gzhan no zhes pa bcom ldan 'das kyis gsungs pas so/ /de bzhin
du de gzugs gzhan la sogs pa yang ste de'i phyir/ thams cad nas ni phyag zhabs sogs/ /kun nas spyad dang dbu dang zhal/ /kun nas thos ldan 'jig rten du/ /thams cad khyab par byas nas bzhugs/ /da ni sngar bshad pa'i shes rab dang thabs dag gis don dam
pa'i bsgom ba brjod par bya ste/ dngos po bsgom byas zhes pa la sogs pas so/ /'dir nam mkha' la dngos po bsgom bya ni rmi lam lta bu'i ste rdul phra rab kyi chos nyid las 'das pa'o/ /de yongs shes pa ni dngos po med pa bsgom par bya ste/ rnam par rtog pa dang bral
ba'i sems kyis snang brnyan mthong ba'o/ /rtog pa dang bral zhing ma 'khrul ba ni mngon sum zhes brjod par bya'o/ /de nyid rnam pa bzhi ste/ dbang po'i mngon sum dang yid kyi mngon sum dang/ rnal 'byor gyi mngon sum dang rang rig ba'i mngon sum zhes pa ste/ shes ba de
nyid ni nye bar ston par byed pas 'jug par byed pa dang thob par byed pa dang/ nyams su myong ba'i mtshan nyid can no zhes pa'o/ /snang brnyan de nyid dpe dgu rnams kyis bsgrubs te/ 'di lta ste mig yod dang sprul pa'i grong khyer dang/ /sgra brnyan dang rmi lam dang/ sgyu ma'i
'khrul 'khor dang/ smig rgyu dang/ me long gi gzugs brnyan dang/ chu zla dang nam mkha' zhes pa'o/ /shes rab e yig du 'gyur ro/ /de bzhin du he ru ka zhes pa dngos po med pa bsgom bya ste shes rab kyi ye shes so/ /he ru ka ni bde ba chen po ste shes rab ji lta
bar thabs kyang de bzhin no/ /de yongs su shes pa dngos po med par bsgom par bya ba ste thabs su 'gyur ro/ /de bzhin gyi sgra las rgyu ji lta bar de ltar 'bras bu'o/ /zhes pa'o/ /e waM gi yi ge shes rab dang thabs kyi bdag nyid can gyi lus gnas te lte bar gnas pa'o//
de ltar na lus gnas ye shes chen po ni/ /kun tu rtog pa thams cad spangs par 'grub ste/ dkyil 'khor gyi 'khor lo dang las dang ye shes kyi phyag rgya'i rtog pa dang bral ba shes rab kyi pha rol tu phyin pa'i ye shes rtog ba'i dra ba dang bral bas zhes pa nges
pa'o/ /de nyid rdo rje sems dpa' 'jig rten gsum kun tu bskyod pa'i he ru ka ngo bo nyid kyi sku'o/ /dngos po kun la khyab pa po zhes pa phung po drug dang khams drug rnams dang dbang po drug rnams dang/ yul drug
rnams dang/ las kyi dbang po drug rnams dang las kyi dbang po'i bya ba drug rnams te dngos po 'di rnams la khyab pa po ye shes kyi sku'o/ /lus la gnas kyang lus skyes min zhes pa skye ba dang 'jig pa'i dngos po med pa'i phyir
ro/ /'dir gang mkha' 'gro ma dra ba sdom pa brtag pa gnyis bar dngos grub gtan la 'bebs pa'i le'ur 'chad par 'gyur ba rdo rje snying po gsol ba btab pa dang/ /bcom ldan 'das kyi lan gyi gsung de ni kun rdzob du byis pa'i
skye bos rtogs pa'i don du bskyed pa'i tshul gyi dbang po gnyis kyi bde ba bstan pa'o zhes pa'o/ /'di lta ste rdo rje snying pos gsol ba btab pa/ rdzogs pa'i rim pa'i rnal 'byor gyis/ /dam pa'i bde ba bde chen ni/ /rdzogs
pa bsgom ba med pa ste/ /bskyed pa yi ni dgos pa ci/ zhes pa la 'dir rdzogs pa'i rim pa zhes bya ba ni rtog pa dang dbang po gnyis kyi bde ba dang bral ba ste/ de nyid sangs rgyas nyid ster bar byed pa yin na de'i phyir rtog pas
dkyil 'khor bskyed pa dang phyag rgya bskyed pas dgos pa ci yod ces pa'o/ /tshig 'di gsan nas bcom ldan 'das kye'i rdo rjes bka' stsal pa/ byang chub sems dpa' chen po 'di/ /e ma dang pa'i shugs kyis nyams /zhes
pa kun rdzob du ste/ lus kyi dngos med gang la bde/ /bde ba smra par mi nus so/ /khyab bya khyab byed ngo bo yis/ /bde bas 'gro ba khyab pa po/ /ji ltar me tog la gnas dri/ /me tog dngos med las mi rtogs/ /de bzhin
gzugs sogs dngos med pas/ /bde ba dmigs pa nyid mi 'gyur zhes ba kun rdzob kyis so/ /de nyid du slar yang don dam par 'gog pa 'di lta ste/ /dngos nga dngos po med pa nga/ zhes pa rnam pa thams cad pa'i shes rab bo/ /dngos
po rtogs phyir sangs rgyas nga zhes pa mngon par shes pa drug can thabs so/ /rmongs pa gang rnams nga mi shes/ /'di ltar gyur pa'i gang zhig le los bcom pas kyang ste de rnams ni dbang po gnyis kyi bde bas nye bar bcom pa rnams
so zhes pa la sogs pas snga ma dang phyi ma drang ba dang nges pa'i don nyid de le'u de nyid du rgya chen bshad pa'o/ /'dir ni rigs kyi le'ur gsungs pa bshad par bya ste/ 'dir khams gsum pa rgyu ba dang bcas pa dang/ /mi rgyu
ba 'das pa dang/ ma 'ongs pa dang/ /da ltar byung ba la khyab par byed pa nyid kyi phyir/ /gal te sangs rgyas kyi ye shes de lus la skyes pa yin na rten dang brten pa'i 'brel pas/ me tog gi dri ji lta ba bzhin du ste/ ji ltar me
tog med par ni dri med pa bzhin du/ de med pa na 'jig med/ de ltar yang ma yin no/ /de'i phyir phyi dang lus la khyab pa nyid kyi phyir/ phyi ma la gnas pa dang/ lus la gnas pa zhes brjod kyi/ gang gi phyir lus med pa na de med
pa ni ma yin pa de'i phyir lus skyes min zhes pa nges pa'o/ /de skad du bshad pa/ ji ltar bum pa zhig gyur kyang/ /nam mkha' la ni 'jig pa med/ /de ltar lus ni zhig gyur kyang/ /ye shes la ni 'jig pa med ces so/ /kye'i
rdo rje rgya cher 'grel pa stong phrag drug par shes rab dang thabs gnyis su med pa'i ye shes nges pa ste yongs su bcad pa gsum pa'o/ / //da ni rdo rje'i lus la rtsa rnams brjod par bya ste/ 'dir rdo rje'i snying
pos gsol pa/ kye'i bcom ldan 'das rdo rje'i lus la rtsa du lags/ bcom ldan 'das kyis bka' stsal pa/ rtsa rnams ni sum cu rtsa gnyis te/ byang chub kyi sems sum cu rtsa gnyis 'bab pa bde ba
chen po'i gnas su 'dzag pa rnams so zhes pa la/ 'dir bde ba chen po yang dag par myong bar byed pa'i phyir/ bde ba chen po zhes brjod par bya ste gsang ba'i 'khor lo rtsa sum cu rtsa gnyis kyi bdag nyid can ka yig la sogs
pa sde pa drug gi gsal byed sum cu dang gzhom du med pa gnyis kyi mtshan nyid can rnams so/ /de la nam mkha' dang rlung dang me dang chu dang sa dang ye shes kyi khams kyi chos kyi e waM gi yi ge'i chos kyis so zhes pa'o/ /'di lta ste/ kA
khA gA g+hA ngA/ zhes pa nam mkha' i khams rnams te/ a ku ha rnam par bcad pa rnams mgrin pa las gyur pa'o zhes pa ha yig gis shes par byed pa las so/ /de'i nang du lhung ba ni de smos pas bzung bar bya'o zhes pa'i yongs su bshad
pas grub pa'o/ /kI sde pa ni nam mkha' i khams so zhes pa'o/ /de bzhin du/ tsA tshA dzA dzhA nyA zhes pa ai tsu ya sha rnams rkan las 'byung ngo zhes pa rlung gi khams te a yig gis shes par byed pa las so/ /de bzhin du TA ThA DA DhA NA
zhes pa'i Tu ra Sha rnams spyi bo las 'byung ba rnams so zhes pa me'i khams te ra pha'i shes par byed pa las so/ /de bzhin du pA phA bA b+hA mA zhes pa au pu wa mchu can rnams mchu las skyes pa chu yi khams te wa yig gis shes par
byed pa las so/ /de bzhin du/ tA thA dA d+hA nA zhes pa li tu la sa rnams so las byung ba sa'i khams te la yig gis shes par byed pa las so/ /'di rnams nang na sA nypA ShA shA Th+kA zhes pa sa dang chu dang me dang rlung dang nam mkha' i rang bzhin
can rnam pa lnga'i bdag nyid drug pa ye shes kyi khams so zhes pa'o/ /e waM yi ge ni 'gyur med gnyis te e waM gi yi ge la sogs pa rnams ni gang gis ni byang chub kyi sems 'gugs pa de bas na byang chub kyi sems 'bab pa rnams su
gsungs so/ /bde ba chen po'i gnas su 'dzag pa zhes pa ni gci ba dang bshang ba dang khu ba 'dzag pa rnams so/ /de rnams kyi dbus na 'og dang steng du rtsa gsum ni gtso mo rnams yin cing/ 'og tu bshad pa 'dzag pa dang gci ba 'dzag
pa dang khu ba 'dzag par byed pa ste lta ba las 'og tu'o/ /lte ba las steng du rkyang ma dang ro ma dang kun dar ma zhes pa'o/ /'di lta ste/ rkyang ma shes rab rang bzhin gyis/ /ro ma thabs kyis yang dag gnas/ /a ba d+hu tI dbus phyogs su/ /
gzung dang 'dzin pa spangs pa nyid/ /ces pa la 'dir shes rab kyi sgra yis zla ba brjod de de'i rang bzhin sna bug g.yon par srog 'bab pa'o/ /des na zla ba'i rang bzhin gyis zhes pa srog 'bab pa rkyang ma gnas pa'o/ /thabs kyi sgra yis nyi ma
brjod par bya zhing de'i sna bug g.yas par srog 'bab pa rang bzhin te/ rang bzhin des ro ma gnas so/ /de skad du gsungs pa/ nyin mo bcom ldan rdo rje can/ /mtshan mo shes rab rab tu grags/ /ji ltar nyi ma zhi bar brjod/ /zla ba nus
ma de ltar bshad/ ces so/ /rnam par shes pa dang 'du byed dang tshor ba dang/ 'du shes dang gzugs kyi dkyil 'khor lnga spong ba'i rim pas rkyang mar gnas so/ /sa dang chu dang me dang rlung dang nam mkha' i dkyil 'khor lnga sdud pa'i rim pas
ro ma'i gnas so/ /dus sbyor bcu gnyis yongs su bskor bas mi mnyam pa mnyam pa'i dus sbyor rab tu rgyu bas dkyil 'khor sum cu sum cu longs spyod pa can rkyang ma dang ro ma'o/ /'dir chu srin gyi dus sbyor las la sogs pa'i dkyil 'khor
rnams rim pa ji lta bar 'di lta ste/ kA khA gA g+hA ngA/ zhes pa'o/ /de nas lugs las zlog pas bum par yi ge thung ngu rnams spro ba'i rim pas rtsa g.yon par ro/ /'di lta ste/ nga g+ha ga kha ka /zhes pa nam mkha' la
sogs pa rnams dang rnam par shes pa la sogs pa rnams so/ /de bzhin du g.yas su yang gzugs la sogs pa rnams dang ma la sogs pa rnams te lus dang bsam pa'i dbye bas gzung ba dang 'dzin pa'i 'brel pas so zhes pa'o/ /
de bzhin du nya shar ba na tsA tshA dzA dzhA nyA zhes pa g.yas par sdud pa'i rim pas so/ /de nas lug? 'char ba na nya dzha dza tsha tsa zhes pa g.yon par spro ba'i rim pas so/ /de bzhin du glang 'char ba na pA ThA DA DhA tA zhes pa'o/ /de bzhin du 'khrig pa 'char
ba na Na Dha Da Tha Ta zhes pa'o/ /de nas karka Ta 'char ba na pA phA bA b+hA mA/ zhes pa'o/ /de bzhin du ma b+ha ba pha pa zhes pa seng ge la'o/ /tA thA dA d+hA nA zhes pa bu mo la'o/ /na d+ha da tha ta zhes pa srad shar ba na'o/ /sA nypA? shA shA th+kA? zhes pa
sdig pa 'char ba na'o/ /de nas th+ka sha Sha wa sa zhes pa gzhu'i dus sbyor 'char ba na'o/ /de ltar nyin mtshan gyis dkyil 'khor drug cu rnams so/ /de bzhin du nang gi rtsa rnams la dkyil 'khor rgyu ba rnams te de rnams kyis shes par
byed pa de rnams las skyes pa rnams ni lag pa dang rkang pa'i tshogs rnams la brjod par bya'o/ /g.yas pa'i phag pa dang dpung pa'i tshigs la chu srin gyi dus sbyor te/ de'i dkyil 'khor so so'i bdag nyid sa la sogs pa'i dkyil 'khor ni mthe
bo? dang mdzub mo dang gung mo dang ming med dang mthe'u chung rnams kyi tshigs 'og ma rnams la rim pa ji lta bar ro zhes pa'o/ /de nas bum pa'i dus sbyor la g.yon pa'i phrag pa dang dpung pa'i tshigs la ste/ nam mkha' la sogs pa'i dkyil
'khor rnams ni rim pa ji lta bar mthe'u chung dang ming med dang gung mo dang mdzub mo dang mthe bo'i 'og gi tshigs kyi mtshams rnams la'o/ /de bzhin du g.yas pa'i dpung pa dang nye ba'i dpung pa'i tshigs rnams la nya'i dus sbyor te/ mthe bo la sogs
pa'i tshigs gnyis pa'i mtshams rnams su dkyil 'khor rnams so/ /de bzhin du g.yon pa'i dpung pa dang nye ba'i dpung pa'i mtshams la lug gi dus sbyor te mthe'u chung la sogs pa'i tshigs kyi phreng ba gnyis pa'i mtshams rnams su dkyil 'khor
rnams so/ /de nas g.yas pa'i lag pa dang lag ngar gyi mtshams la glang gi dus sbyor te/ mthe bong la sogs pa'i tshigs kyi phreng ba gsum pa'i mtshams la dkyil 'khor rnams so/ /de bzhin du g.yon pa'i lag pa dang lag ngar gyi mtshams
su 'khrig pa'i dus sbyor te mthe'u chung la sogs pa tshigs kyi phreng ba gsum pa'i mtshams su dkyil 'khor rnams so/ /de ltar byang du bgrod pa'i nges pa'o/ /de nas lhor bgrod pa la 'di lta ste/ g.yas pa'i rked pa dang brla'i tshigs la karka pa'i
dus sbyor te rkang pa g.yas pa'i mthe bong la sogs pa'i tshigs kyi phreng ba dang po'i mtshams su sa la sogs pa'i dkyil 'khor rnams rim pa ji lta bar ro/ /de nas g.yon pa'i rked pa dang brla'i mtshams su seng ge'i dus sbyor te rkang pa
g.yon pa'i mthe'u chung la sogs pa'i tshigs kyi phreng ba dang po'i mtshams rnams la nam mkha' la sogs pa'i dkyil 'khor rnams rim pa ji lta bar ro zhes pa'o/ /de bzhin du g.yon pa'i pus mo dang brla'i mtshams su srang gi dus sbyor te/ mthe'u chung la sogs pa'i tshigs kyi phreng ba
gnyis pa'i mtshams rnams la dkyil 'khor rnams so/ /de bzhin g.yas pa'i rkang ba dang pus mo'i mtshams su sdig pa'i dus sbyor te mthe bong la sogs pa'i tshigs kyi phreng ba gsum pa'i mtshams rnams la
dkyil 'khor rnams so/ /de bzhin du g.yon pa'i rkang pa dang pus mo'i mtshams su gzhu'i dus sbyor te mthe chung la sogs pa'i tshigs kyi phreng ba gsum pa'i mtshams rnams su dkyil 'khor rnams rim pa ji lta bar ro/ /de ltar na
dkyil 'khor drug cu rnams ni sprul pa'i 'khor lo la yin zhing bzhi ni stong pa'i gnas rnams te e waM gi yi ge'i rang bzhin rnams so zhes pa'o/ /de'i phyir sprul pa'i 'khor lo la pad+ma 'dab ma drug cu rtsa bzhi pa'o/ /'dab ma'i sgra
yis dkyil 'khor drug cu 'bab pa'i rtsa rnams brjod de/ bzhi ni stong pa 'bab pa rnams so zhes pa'o/ /de ltar dus sbyor so so'i rtsa la gnas lnga rnams te dbus su stong pa 'bab pa'i rtsa'o/ /shar du rlung 'bab pa'o/ /g.yas su
me 'bab pa'o/ /byang du chu rgyu ba'i rtsa'o/ /nub du sa rgyu ba'o/ /dbus su a ba d+hU tI ni ye shes kyi dkyil 'khor 'bab pa ste/ gsungs pa yang/ lte ba'i dbus su dpa' bo gnas/ /ze 'bru gsang ba'i spyod yul la'o zhes so/ /
de ltar dbyu gu drug cu rnams dkyil 'khor drug cu 'bab pa'i byed pa rnams so/ /bzhi ni stong pa 'bab par byed pa te/ ji ltar zla ba'i cha bcu drug pa skad cig tsam yin pa de ltar de ni dkyil 'khor yongs su rdzogs pa 'bab pa yang
yin par shes par bya'o zhes pa sprul pa'i 'khor lo la'o/ /mi mnyam pa'i dus sbyor zla ba'i rang bzhin gyi rkyang ma ste/ mnyam pa'i dus sbyor nyi ma'i rang bzhin gyi ro ma'o/ /a ba d+hU tI ni mnyam pa gzung ba dang 'dzin pa spangs
pa dbus phyogs su ste/ ye shes kyi dkyil 'khor la shes par bya'o zhes pa'o/ /de ltar sprul pa'i 'khor lo la dbyug gu'i 'pho ba rnams drug cu rtsa bzhi ste bzhi ni stong pa'o/ /de nas chos kyi 'khor lo la pad+ma 'dab ma brgyad pa ste der 'dab
ma brgyad rnams la thun tshod kyi dbye bas 'pho ba brgyad rnams te/ phyed dang bcas pa'i dus sbyor gyi bdag nyid can rkyang ma'i dang ro ma'i shes pa'o/ /de nas mgrin pa longs spyod rdzogs pa'i 'khor lo la gsal byed thung ngu'i dbye bas rtsa sum
cu rtsa gnyis rnams so/ /longs spyod rdzogs par ni pad+ma 'dab ma sum cu rtsa gnyis par bla ma'i man ngag las te/ rgyud du ni lugs las bzlog pas gsungs so/ /de la yud tsam kyi dbye bas 'pho ba sum cu rtsa gnyis rnams so//
dpral bar pad+ma 'dab ma bcu drug pa ste/ de la thun tshod phyed ba'i dbye bas 'pho ba bcu drug rnams so/ /gtsug tor du pad+ma 'dab ma bzhi pa ste/ de la thun mtshams kyi dbye bas 'pho ba bzhi rnams so/ /'dir phyi rol tu rgyu ba ni de la
dbugs phyir 'byung ba'i dus su sprul pa'i 'khor lo la dbyug gu'i tsa'i dkyil 'khor sna'i bu gar 'char bar 'gyur te/ sna'i bu ga gnyis su g.yon pa 'am g.yas par dang po'i tha mar gang gi tshe nam mkha' i dkyil 'khor 'bab pa
de'i tshe dbus su rgyu'o/ /gang gi tshe rlung gi dkyil 'khor 'bab pa de'i tshe sna'i bu gar steng du reg cing ngo/ /gang gi tshe me'i dkyil 'khor 'bab pa de'i tshe sna'i bu ga la g.yas su reg cing ngo/ /gang gi tshe chu'i dkyil 'khor 'bab
pa de'i tshe g.yon du reg cing ste/ g.yon du 'am g.yas suAng rung sna la mngon du phyogs par ro/ /gang gi tshe sa'i dkyil 'khor rgyu ba de'i tshe 'og tu reg cing ngo/ /de ltar sna'i bu ga dag la gnas lnga rnams su rnal 'byor pas shes
par bya ste/ g.yon duAng g.yas su mi mnyam pa dang mnyam pa'i dus sbyor 'char ba'i dbye bas so zhes pa'o/ /'dir kye'i rdo rje 'bum phrag lnga par gang 'di rgyas par bshad pa de ni mang ba nyid kyi phyir ma brjod
de thos pa chung ba rnams mang po bshad pa la skrag par 'gyur ro zhes bcom ldan 'das kyi nges pa'o/ /dus sbyor bcu gnyis kyi bdag nyid can gyi khyim 'khor lo la chu srin la sogs pa 'di ni gdan bzhir shes par bya ste 'chi
ltas kyi mtshan nyid kyang ste rgyud ni rgyud gzhan gyis rtogs par bya'o zhes gsungs pa'i phyir ro/ /ro hi ta dang mo hi tal sogs pa'i rtsa mi mnyam pa dang mnyam pa'i dus sbyor 'bab pa rnams so zhes pa dgongs pa'i skad gzhan gyis gsung
ste/ rtsa de rnams kyis bzang ba dang ngan pa der gsungs shing 'chi ltas dang 'chi ba yang ngo zhes pa'o/ /rgyu de'i phyir/ rkyang ma mi bskyod 'bab pa ste/ /ro ma khrag ni rab 'bab cing/ /shes rab zla ba 'bab bshad pa/ /a ba
d+hU tI de rab grags/ zhes pa ste 'dir mi skyod pa ni chu'i khams ste chu yi khams rgyu ba ni sna bug g.yon pa brkyang ma'o/ /khrag ni me'i khams te/ g.yas par me'i khams 'bab pa ni ro ma'o/ /de ltar na g.yon par chu las skyes pa pad+ma dang/ g.yas
bar me las skyes pa rin po che lhag pa'i lha'o/ /shes rab a ba d+hU tI ste zla ba ni thig le khu ba yin la/ de nyid ni lha'i bdag nyid can stong pa chen po 'bab par byed do zhes pas stong pa 'bab cing dbus su rdo rje'i rigs lhag pa'i lha
ste/ a ba d+hU tI ru rab tu grags so/ /de bzhin du zla ba dang nyi ma dang sgra gcan 'bab ma rkyang ma dang ro ma dang a ba d+hA tI'i rim pa ji lta ba ste srog kun nas rgyu ba la'o/ /thur sel la ni bshad pa dang gci ba dang khu ba 'bab ma rnams te
lte ba las 'og tu ste/ 'khor lo dang/ ral gri dang/ rdo rje rtse gcig pa rnams so/ steng gi sgo rnams dang 'og gi sgo rnams so zhes pa'o/ /da ni 'og gi sgo can chu 'bab pa sum cu rtsa gnyis rnams bshad par bya ste mi phyed ma la sogs
pa rnams so zhes pa'o/ /'dir dkar po'i phyogs la dbyangs bco lnga rnams te bcu drug pa thig le'o/ /rtsa de rnams kyang 'phyang ma la bskor nas gnas pa'o/ /'di lta ste/ a ai ri au li zhes pa rim pa ji lta bar tshes gcig dang gnyis
dang gsum pa dang bzhi pa dang lnga pa'o/ /de bzhin du yon tan rnams te/ ar e ar ao al/ zhes pa drug po la sogs pa ste/ rim pa ji lta bas so/ /de la yaN du bsgyur ba rnams ni ha ya ra wa la zhes pa ste/ rim pa ji lta
bas bcu gcig pa la sogs pa rnams so/ /thig le'i dbus su 'phyang ma ni bcu drug pa ste/ de ltar kan? gyi steng du dpral bar khu ba'i cha'i rang bzhin gyis bdud rtsi 'dzag ste/ phyi rol tu bsil ba dang nang du stU ka zhes pa'o/ /de bzhin du rtsa so
so ste/ 'di lta ste/ mi phyed ma dang phra gzugs ma/ /mchog ma g.yon ma thung ngu ma/ /zhes pa tshes gcig la sogs pa lnga rnams so/ /de nas ru sbal skyes sgom dbang bskur ma/ /skyon ldan ma dang bshang ba ma/ zhes pa drug pa la
sogs pa rnams so/ /mtshan mo ma me bsil sbyin ma/ /drod ma dang ni la la nA/ /zhes pa bcu gcig la sogs pa rnams te rim pa ji lta bas so/ /rkyang ma ni bco lnga'i bdag nyid de a ba d+hU tI ni bcu drug la'o/ /de nas nag po'i tshes
gcig la sogs pa rnams ro ma la ste dbyangs ring po'i rang bzhin gyis tshes bco lnga rnams sdud pa'i rim pas so/ /'di lta ste/ lA wA rA yA hA zhes pa tshes gcig dang gnyis dang gsum pa dang bzhi pa dang lnga pa ste/ rim pa ji lta
bas so/ /de nas yon tan 'phel bas dbye bas/ A la aau Ar ai A/ zhes pas rim pa ni lta bus drug pa la sogs pa rnams so/ /de nas dbyangs ring po'i dbye bas lI a'u rI a'i A/ zhes pa bcu
gcig pa la sogs pa rnams te rim pa ji lta bas so/ /lce'i rtse mor bcu drug pa rnam par bcad pa'o/ /'di rnams kyi dbus na zhes pa ro ma la sogs pa rnams so/ /'di lta ste/ ro ma dang 'jal ma dang mdog gnag ma dang spyi
ma dang rgyu sbyin ma zhes pa tshes gcig la sogs pa rnams so/ /sbyor dral ma dang sdu gu ma dang grub ma dang 'tshed ma dang yid bzangs ma zhes pa drug pa la sogs pa rnams so/ /sum bskor ma dang 'dod ma dang khyim ma dang gtum mo
dang kA tyA yi ni zhes pa bcu gcig la sogs rnams te/ de ltar bco lnga rnams so/ /lce'i dbus su bdud 'dral ma skud pa nag po'i rang gzugs can lce'i rtse mo ji srid par langs pa/ 'phyang ma dang 'dzag pa thung zhing ro myong ba'o
zhes pa'o/ /yang rdo rje'i snying pos gsol pa/ bcom ldan 'das rtsa 'di rnams ji lta bu lags/ bcom ldan 'das kyis bka' stsal pa/ srid gsum yongs gyur thams cad ni/ zhes pa phung po dang dbang po dang las kyi dbang
po yongs su gyur pa rnams zhes pa'o/ /gzung dang 'dzin pa rnam par spangs zhes pa dbu mar rab tu zhugs par 'gyur ba'o/ /yang na thabs ni thams cad kyis/ /dngos po'i mtshan nyid du ni brtags/ zhes pa khams dang yul
dang bya ba rnams kyi rnam par shes pa'i dngos po'i mtshan nyid du brtags pa rnams so/ /kye'i rdo rje'i 'grel pa drug stong par rdo rje'i lus la rtsa rnams gtan la dbab pa ste yongs su bcad pa bzhi pa'o// //
da ni sdom pa'i dbye ba bshad par bya ste/ 'dir lugs mthun dang lugs las bzlog pa dag gis gang gsungs pa de rim pa ji lta bar 'grel pas gsal bar bya'o/ /'dir sangs rgyas kun gyi sdom pa ni/ e waM yi ger rab tu gnas/ /
gsang ba'i pad+ma 'dab ma sum cu rtsa gnyis par dang/ gtsug tor gyi 'dab ma bzhi pa la'o/ /lhag ma kun rdzob pas sprul pa dang chos dang longs spyod rdzogs pa dang/ lhan cig skyes pa'i 'khor lo rnams su sdom pa ste 'du bar byed pa yin la
'dab ma drug cu rtsa bzhi pa dang 'dab ma brgyad pa dang 'dab ma sum cu rtsa gnyis pa dang 'dab ma bcu drug par te/ lte ba dang snying kha dang mgrin po dang/ dpral ba rnams su'o/ /dpral bar A li'o/ /mgrin par kA li'o/ /snying khar
shes rab po/ /lte bar thabs so/ /lhan cig skyes pa'i sku ni lte bar ro/ /chos kyi sku ni snying khar ro/ /longs spyod rdzogs pa'i sku ni mgrin par ro/ /sprul pa'i sku ni dpral bar ro/ /lte bar bzhi pa'o/ /snying khar shin tu gnyid pa'o//
mgrin par rmi lam mo/ /dpral bar sad pa'o/ /dpral bar sku rdo rje'o/ /mgrin par gsung rdo rje'o/ /snying khar thugs rdo rje'o/ /lte bar ye shes rdo rje'o/ /lte bar e yig go /snying khar waM yig go /mgrin par ma yig go /dpral bar A
yig go / lte bar spyan ma'o/ /snying khar mA ma kI'o/ /mgrin par gos dkar mo'o/ /dpral bar sgrol ma'o/ /dkyil 'khor bzhi rnams so zhes pa'o/ /skad cig ma bzhi rnams ni rnam pa sna tshogs pa ni dpral bar ro/ /rnam par smin pa
ni mgrin par/ /rnam par nyed pa ni snying khar ro/ /mtshan nyid dang bral ba ni lte bar ro/ /de bzhin du dga' ba ni dpral bar ro/ /mchog dga' ni mgrin par ro/ /khyad dga' i dga' ba ni snying khar ro/ /lhan cig skyes pa'i dga' ba ni lte
bar ro/ /de bzhin du sdug bsngal gyi bden pa ni dpral bar ro/ /kun 'byung gi bden pa ni mgrin par ro/ /'gog pa'i bden pa ni snying khar ro/ /lam gyi bden pa ni lte bar ro/ /de kho na nyid bzhi rnams te/ /
bdag gi de kho na nyid ni dpral bar ro/ /sngags kyi de kho na nyid ni mgrin par ro/ /lha'i de kho na nyid ni snying khar ro/ /ye shes kyi de kho na nyid ni lte ba la'o/ /dpral bar dar byed pa'o/ /mgrin par sgra brjod par ro/ /snying khar thams
cad sems pa'o/ /lte bar bde ba myong ba'o/ /sde pa bzhi rnams ni/ /gnas brtan pa lte bar ro/ /thams cad yod par smra ba snying kha na'o/ /mgrin par kun gyis bkur ba'o/ /dpral bar dge 'dun phal chen pa'o/ /zla ba ni dpral
bar ro/ /nyi ma ni mgrin pa'o/ /snying khar sgra gcan no/ /lte bar dus me'o/ /dpral bar 'pho ba bcu drug rnams so/ /mgrin par sum cu rtsa gnyis so/ /snying khar brgyad rnams so/ /lte bar 'pho ba drug cu rtsa bzhi rnams so/ /sngar
bshad pa'i thun mtshams bzhi rnams te/ snga ma'i mthun mtshams ni dpral bar ro/ /nyin gung gi thun mtshams ni mgrin par ro/ /nyin mo'i phyi ma'i thun mtshams ni snying khar ro/ /mtshan phyed kyi thun mtshams ni lte ba'o/ /
dgal bar ni longs spyod do/ /mgrin par ni dbang byed do/ /snying khar ni thim pa'o/ /lte bar ni bdag po nyid do/ /de ltar thams cad bzhi'o/ /byang chub kyi phyogs kyi chos sum cu rtsa drug rnams dang/ khams sum cu rtsa drug rnams
sngar bshad pa'i cha bzhir byas nas thams cad bzhi bzhir grangs ji lta bar rigs kyi dbye bas 'khor lo bzhi rnams la sbyar bar bya'o/ /ji ltar rtsa ba'i rgyud kyi rjes su 'brangs nas rgyud ni rgyud gzhan du gsungs pa'i rnam par rigs
drug gi dbye bas 'khor lo drug tu sdom pa'o/ /rigs lnga'i dbye bas 'khor lo lnga rnams su sdom pa'o/ /rigs bzhi'i dbye bas 'khor lo bzhi rnams su sdom pa'o/ /rigs gsum gyi dbye bas 'khor lo gsum rnams su sdom pa'o zhes pa nges pa'o
rigs gsum dang ni rigs bzhi'i rgyud/ /de bzhin rigs lnga rigs drug ste/ khyab bya khyab byed dbye ba yis/ /brten pa rten gyi bye brag las/ /'dir rten rigs gcig gi dbye bas rten pa zhal gcig pa'o/ /rten rigs gsum gyi dbye
bas zhal gsum pa'o/ /rten rigs bzhi'i dbye bas zhal bzhi pa'o/ /rten rigs lnga'i dbye bas zhal lnga pa'o/ /rten rigs drug gi dbye bas zhal drug pa'o/ /rten rigs brgyad kyi dbye bas zhal brgyad pa'o/ /'dir dus me'i dbye bas zhal
gcig par bshad pa'o/ /sgra gcan gyi dbye bas shes rab dang thabs kyi bdag nyid kyis zhal gnyis pa'o/ /sku dang gsung dang thugs zla ba dang/ nyi ma dang sgra gcan gyi dbye bas zhal gsum pa'o/ /zla ba dang nyi ma dang sgra gcan dang
dus me sku dang gsung dang thugs dang ye shes kyi dbye bas zhal bzhi pa'o/ /phung po lnga'i dbye bas zhal lnga pa'o/ /phung po drug gi dbye bas zhal drug pa'o/ /zla ba rnam pa gnyis dang nyi ma gnyis dang sgra gcan gnyis dang dus ma rnam
pa gnyis te 'di rnams brgyad kyi dbye bas zhal brgyad pa'o/ /'dir zla ba'i dbye ba ni dpral ba dang 'phyang ma'i 'khor lo'o/ /nyi ma'i dbye ba ni lce dang mgrin pa'i 'khor lo'o/ /sgra gcan gyi dbye ba ni snying kha dang gtsug tor gyi 'khor
lo'o/ /dus me'i dbye ba ni lte ba dang gsang pa'i 'khor lo zhes pa'o/ /de skad du gsungs pa/ sgra gcan steng du nyi ma gnas/ /nyi ma'i steng du zla ba'o/ /zla ba'i steng du sgra gtsan te/ /de yis sna tshogs rab tu 'jug /de yis 'jug
byed dus kyi me/ /lte ba gsang bar rnam gnyis gnas/ /de nyid rdo rje nyi mar brjod/ /gang du gtum mo gnas pa'o/ /bdud rtsi yang dag gnas gang du/ /haM yig gnas pa de ru'o/ /gtsug tor pad+mar char
'bab pa/ /rdo rje zla ba dri med 'od/ /ces pa sdom pa'i dbye ba'i nges pa'o/ /da ni gtum mo zhes pa la sogs pa gtum mo'i rnal 'byor brjod par bya'o/ /gtum mo lte bar 'bar ba yis/ /de bzhin gshegs pa lnga bsregs
shing/ /spyan la sogs pa rnam bsregs te/ /bsregs nas ri bong can haM 'dzag /ces pa mdor bstan pa'i tshig ste/ mdor bstan pa 'di yis rgyas par bshad pa'i tshig ni rtsa ba'i rgyud la 'jug par bya ste/ der bcom ldan
'das kyis bka' stsal pa/ gsang ba las kyang ches gsang ba/ /rdo rje snying po nges bshad nyon/ /dngos grub thams cad rnams kyi rgyud/ /rnal 'byor pa la grol ba ster/ /rdo rje sems dpas gang gsungs pa/ /ye shes sku ste
gnyis rtogs med/ /rtse gsum lte bar mgon po ni/ /lte ba gsang ba'i nang na gnas/ de yi 'og dang steng son pa/ /glog gi dbyug pa mtshungs 'od can/ /rnam shes dbang po'i khams rnams ni/ /lus la gnas pa sad byed pa'o/
sa yi dbang phyug ma de ni/ /lte bar rtse mo dbus mar gnas/ /gsang bar g.yas kyi rtse mo yang/ /ltung bzhin pa ni glog dang 'dra/ /rang 'dra'i shes rab yin par brjod/ /de 'dir gtum mo yin par bshad/ /de ni thur du
rtse gsum ste/ /de bzhin gyen duAng gsum rnams so/ /tshangs pa'i rtse mo dbus na gnas/ /khyab 'jug rtse mo g.yon pa na/ g.yas pa drag po'i rtse mo'o/ /bshang ba gci ba khu ba 'bab/ /sgra gcan rtse mo dbus na gnas/ /zla ba'i rtse
mo g.yon pa na/ g.yas par nyi ma'i rtse mo'o/ /chu dang me dang nam mkha' 'dab/ /rkyang ma g.yon du yang dag bshad/ /g.yas pa na ni ro mar brjod/ /dbu mar a ba d+ha tI gang/ /de ni g.yung mor rab brjod bya/ /lte ba nas ni snying dbus su/ /lam gsum byas nas
de nas 'gro/ snying kha nas ni mgrin dbus su/ /lam gsum byas nas slar yang son/ /dpral ba mgrin pa dag dbus su/ /lam gsum byas nas slar yang bgrod/ /de dpral ba gtsug tor dag dbus su/ /laM gsum byas nas slar yang bgod/ /gtsug tor
nas ni rna ba ru/ /lam gsum byas nas slar yang grod/ sna yi bu ga g.yon par ni/ /rkyang ma yang dag rnam par gnas/ /g.yas su rtsa ni ro ma'o/ /smin dbus a ba d+hA tI'o/ /lte ba la sogs 'khor lo lnga/ /de rnams lam gsum lnga rnams nyid/ /lte ba
nas ni lte dbus su/ /ya ba d+ha tIs 'gro zhing 'ong/ /'dab mi rnams nas 'dab ma la/ /rkyang ma ro ma dag bshad do/ /lte bar sgra gcan de nas nyi/ /zla ba zla bas mtshan pa yang/ /phug nas gtsug tor du son pa/ /de ni a wa d+hU tI'i rtsa/ /gang tshe skyes bu
'dod myos pa'i/ /rkyang ma dang ni ro ma dang/ /de dag sbyar ba'i sbyor ba yis/ /gtum mo nges par 'bar bar byed/ /de ni lte ba'i 'khor lor 'bar/ /dbyung mo'i lam nas nges par 'byung/ /sgra gcan zla bas mtshan phug nas/ /de ni ha yig la reg byed/ /de
yis reg pas haM yig de/ /de nas bdud rtsi dkar por 'ju/ /dkyil 'khor lnga rnams 'bab byed pa/ /phung po khams sogs bsregs pas na/ /yul dang dbang po 'gags pa na/ /dga' ba la sogs 'byung ba la/ /zla ba las ni thig le 'dzag /
haM yig spyi bor yang dag gnas/ /dpral ba zla bar mgrin nyi mar/ /de nas sgra gcan du song ba/ /lte bar gtum mo zhugs pa ni/ /gsang ba'i 'khor lor de nas bgrod/ /gsang pa'i 'khor lor 'di lhung ba/ /'di ni phyugs chen du bshad do/ /'og tu rtse gsum rtsa
rnams kyis/ /gag du sbabs su rab tu bstan/ /skye ba bdun pa phyugs nyid ni/ /mkha' la sbyor pa'i dngos grub ster/ /rgyal ba yis ni nad rnams 'phrog /phung po khams ni zhu ba yis/ /'khor lo sbyar ba nyid sbyin bde/ /dbang
po dang ni yul bsad pa/ /'di ni mkha' la spyod nyid ster/ /phra la sogs pa'i yon tan ldan/ /rjes su bzhug pas sad pa sogs/ /myur du sangs rgyas nyid ster byed/ /ji ltar phyi rol dngul chu bcings/ /de ltar ye shes bcu 'di yang/ /sdug bsngal
thams cad des 'joms pa'i/ /dngos grub rgya chen ster bar byed/ /de bzhin tshangs pa khyab 'jug phyugs/ /gsang ba'i 'khor lor nges lhung ba/ /ji srid sregs pa bdun gyi bar/ /tshe 'di yangs pa sbyin par byed/ /steng du sgra gcan phyugs su brjod/ /
zla ba nyi ma phyugs chen po/ /tshangs pa'i bu gar lhung gyur pas/ /spyod dang grol ba'i 'bras bu ster/ /khrag dang chu rgyas de bzhin du/ /rkang mar 'bab pas ltung bar bya/ /'di rnams kyang ni phyugs shes bya/ /phyi rol yul can gzhan phyugs min/ /skye
ba bdun pa phyugs rnams ni/ /kun nas mchog gi dbang phyug go /lus la skye bdun ji lta bar/ /de ltar de ni bshad bya nyon/ /bza' dang btung ba'i ro rnams kun/ /zos dang 'thungs pa rnams drug pa/ /smin pa las ni bcud 'gyur te/ /de de'i skye ba
dang po'o/ /de nas khrag nyid du 'gyur te/ /gnyis par gsal bar 'gyur ba yin/ /gsum pa sha nyid du 'gyur ro/ /bzhi pa pags pa nyid du 'gro/ lnga par rtse nyid 'gyur ba yin/ /drug par rgyus pa nyid 'gyur ro/ /bdun par rkang nyid du 'gyur te/
'di ni lan bdun par 'gyur ro/ /de nyid bsten pa'i sbyor ba yis/ /mdzod drug rigs su brjod par bya/ /rigs ni lus zhes bshad pa ste/ /rigs las byung ba khu bar brjod/ /de yi nus ma rdul du brjod/ /lus ni skyed par byed pa'i
rgyu/ /rnam shes khyab byed shes pa ni/ /de dag gi ni dbus su gnas/ /zla ba nyi ma la brten nas/ /srid gsum bdag nyid he ru ka/ steng 'og gnas pa'i dpa' bo ni/ /mkha' 'gro ma yi 'khor lo'i gtso/ /rtsa ni rnam pa bzhi rnams kyis/ /spyi bor
'khor lo brjod par bya/ /dpal bar bcu drug rnams kyi ste/ /mgrin par sum cu gnyis rnams kyis/ /snying khar 'khor lo brgyad rnams kyis/ /drug cu rtsa bzhi rnams nyid kyis/ /lte ba'i 'khor lor yang dag bshad/ /gsang bar sum cu gnyis rnams
kyis/ /rtsa rnams 'khor lo'i rtsibs bshad pa 'am/ /yang na pad+ma'i 'dab ma rnams/ /rnal 'byor ma rnams de brten pa/ /bya ba rnam pa du ma byed/ /yul dang dbang po'i rang bzhin gyis/ /rnam par shes pa rab bskul ba/ /gnas dang nye ba'i gnas sogs
kun/ /de ni rtsa yi pad 'dab rnams/ /lha mo bzhi yi gtsug tor du'o/ /sbya ma chen por brjod par bya/ /'di ni lte ba'i 'khor lo yi/ /dang po'i dkyil 'khor du ni 'char/ /dpral bar thig le rdo rje ni/ /rtsa rnams brgya dang ldan par 'gyur/ /mig gnyis de bzhin rna ba
dag / sna dang lce dang 'phyang ba'o/ /gau rI la sogs lha mo ni/ /gzugs sogs dang ni sa sogs rnams/ /zla ba'i cha dbyes bdag med ma/ /'di nyid du ni rab tu brjod/ /zhal gsum phyag drug mgrin par te/ /de ni sum cu gnyis kho nas/ /snying la'ang lha mo brgyad rnams dang/ /phyag
bzhi ba 'di yang dag bzhugs/ /sems kyi rdo rjer khyab 'jug che/ /mi bskyod pa yi rigs las byung/ /'jig rten gsum bskyod lte bar te/ /de ni drug cu bzhi nyid kyis/ /'di rnams mkha' 'gro lnga ru bshad/ /mkha' 'gro ma rnams khams lnga rnams/ /'di rnams
'khor lo lnga la gnas/ /drug pa gsang bar bdag po che/ /mkha' 'gro sum cu gnyis rnams dang/ /lhan cig khams gsum dbang phyug go/ 'khor lo drug la lha mo rnams/ /lnga bcu rtsa drug lhag pa'i brgya'o/ /dus kyi 'khor lo zhes par bshad/ /rigs
drug rnams kyis gcig bdus pa'o/ /dpral ba spyi bor rtsa rnams gang/ /nyi shu bad kan 'bab byed pa'o/ /mgrin pa snying kha'i bzhi bcu rnams/ /de bzhin mkhris pa 'bab byed pa'o/ /lte ba gsang bar bcu drug gang/ /brgyad cu rlung
ni 'bab byed pa'o/ /'dus pa'i rang bzhin la sogs pa/ /gsang ba'i 'khor lo'i rtsa bcu'o/ /steng 'og rtsa gsum gang yin rnams/ /'khor lo drug ni 'gog byed pa'o/ /nye ba'i rtsa rnams du ma ste/ /de las lus ni rkang nas gnas/ /de rnams stong phrag bdun
cu gnyis/ /lus la de snyed lha mo rnams/ /ba spu'i grangs kyi 'byung ba ste/ /bye ba phrag gsum phyed bcas rnams/ /sgra yi grangs kyis grub pa gnas/ /ji ltar phyi rol de bzhin lus/ /dbugs drug rnams kyi chu srang ste/ /chu srang drug cus chu tshod do/ /chu
tshod dag gis yud tsam cig / bzhi chas dman pa bzhi rnams kyis/ /thun tshod phyed pa de gcig 'gyur/ /lnga rnams kyis ni dus sbyor 'gyur/ /dus sbyor phyed gnyis thun tshod 'gyur/ /thun tshod gnyis ni thun
mtshams gcig / de bzhi rnams kyis lus can gyis/ /nyin zhag du ni rab tu brjod/ /de yang dus sbyor bcu gnyis kyis/ /dbugs rnams drug brgya lhag pa yi/ /stong phag nyi shu rtsa gcig gis/ /nya ma'i dbyu gu dang mnyam pas/ /zla phyad nyi shu rtsa bzhi
dang/ /de bzhin zla ba bcu gnyis kyis/ /dus tshigs drug gis ji bzhin bshad/ /sbyor ba'i dus ni mnyam pa bzhis/ /dus gsum gyis te bgrod gnyis kyis/ /de ltar lus la nyin zhag 'gyur/ /dbugs rnams dgu brgyas zla ba phyed/ /zla ba brgya phrag
bco brgyad kyis/ /sum cu drug gis dus tshigs bshad/ /lnga stong bzhis brgyas sbyor ba'i dus/ /bdun stong nyis brgyas gsum ca dus/ /bgrod pa brgyad brgyas lhag pa yi/ /stong phrag bcu so de bzhin du/ /gnyis kyis lo gcig brjod par bya/ /'pho ba
la ni dbu ma'i dbugs ma lnga bcu rtsa drug rkang par bcas/ /bdun cu rtsa lngas lhag pa yis/ /brgya phrag drug rnam bcu gnyis la'o/ /de rnams lo brgya'i dbugs rnams kyis/ /phyogs gsum dang ni lo gsum mo/ /a ba d+hU tI'i dus su 'gyur/ /srog
chags rnams la 'chi ster byed/ /rkyang ma la ni nyin mtshan du/ /gal te rlung gis 'bab byed na/ /de las lo gsum na 'chi ste/ /zla ba'i chi lhas las 'gyur ro/ /gang tshe nyi mar nyin zhag lnga/ lus can rnams kyi srog 'bab na/ /de las lo
gsum na 'chi 'gyur/ /g.yas su nyi ma'i 'chi ltas kyis/ /gang tshe g.yon gyi rtsal srog/ 'di ni nyin zhag gsum rgyun/ /lte bar khyim gyi 'dab ma 'dor/ /lo gsum nas ni bgrod pa zad/ /gnyis par nyin zhag drug de ltar/ /zla ba gsum la nges
par 'bab/ /de ltar zla ba gsum gsum gyis/ /nyin zhag gsum gyis rnams 'phel las/ /'dab ma bcu gcig rnams ni 'di/ /lo gsum rim pas 'dor bar byed/ /sum cu rtsa gsum ji srid pas/ /nyin zhag g.yon nas bar med 'bab/ /yon tan
gsum gyi dbye ba yis/ /de nas nyi mar yang dag 'jug /nyin zhag gnyis te de nas ni/ /dbus su lte bar yang dag 'jug /srog ni zhag gcig de nas ni/ /'chi ba las ni dbus rnams 'dor/ /gang tshe rlung ni nyin zhag bcur/ /g.yas pa'i rtsal 'bab
byed de/ /khyim gyis 'dab ma gnyis pa la'o/ /de nas lo gnyis kyis 'chi 'gyur/ /khyim gyi 'dab ma gsum pa la/ /tshes zhes bya bas lo gcig na'o/ /bzhi par nyin zhag nyi shu ru/ /'bab pas zla ba drug na'o/ /'dab ma lnga par nyi shu lnga/ /'bab na tshe ni zla
ba gsum/ /drug par nyin zhag nyi shu drug/ 'bab na tshe ni zla ba gnyis/ /bdun par nyin zhag nyi shu bdun/ /'bab na tshe ni zla ba gcig /nyin zhag sum cu rtsa gsum du/ /'di las bar med 'bab na 'di/ /'dab ma brgyad pa dgu pa dang/ /bcu pa bcu
gcig pa rim pas/ /tshes phyogs lnga dang yon tan gyis/ /zhag gcig 'dab ma de rnams 'dor/ /de nas g.yas kyi rtsa spangs nas/ /g.yon du rlung gi 'gro byed de/ /nyin zhag gnyis su'o de nas ni/ /dbu ma'i gnas su nyin gcig 'gro/
de ltar dbugs rnams zad byas nas/ /'chi ba las ni 'di 'pho ba'o/ /'og tu khu ba zad par 'gyur/ /ma yi rdul ni gyen du 'gro/ /rang las bag chags kyis bcings pa'o/ /rnam shes rlung dang ldan pa ni/ /shi las slar yang 'gyur bar 'gyur/ /de
med par ni phyi ma min/ /mkhan po las ni rig pa dang/ /mar me mar me 'gyur ji bzhin/ /rgya las rgya gzhan ji bzhin dang/ /gdod las me long la gdong dang/ /sgra las sgra brnyan 'byung ba dang/ /ji ltar me shel las me ni/ /nyi mar nyi ma med mi 'gyur
sbyar ba zos las lce 'dzag pa/ /skyar yin skyar ba med mi 'byung/ /sa bon las ni myu gu bzhin/ /de med pa ni de mi 'byung/ /'bras bu rgya yi rang bzhin las/ /bdag las ma yin gzhan las min/ /gnyis las ma yin rgyu med min/ /dngos po gang rnams
'ga' na yang/ /skye ba 'ga' yang yod ma yin/ /pha dang ma yi dkar dmar dang/ /srog dang thur sel gnyis de bzhin/ /sems kyi rdo re yang dag ldan/ /lus kyi skyed par byed pa'i rgyu/ /'od dpag med dang rin chen 'chang/ /srog dang thur sel rim ji bzhin
lus ngag yid dang chags pa rnams/ /sems kyi rdo rje can gyi sgo/ /khu ba las ni zla ba skye/ /khrag las nyi ma yang dag 'byung/ /srog las sgra gcan grub pa'o/ /dus kyi me ni thur sel las/ /khu ba las ni rtsa rnams skye/ /rus pa khu ba las byung
ba'o/ /rdul las khrag ni yang dag 'byung/ /khrag las sha ni kun tu skye/ /sha las kyang ni pags pa skye/ /rus pa las ni rkang skye 'gyur/ /khu ba rdo rje rdul dril bu/ /rtsa ni pad+ma nor bu che/ /khrag go de bzhin 'khor lo rus/ /sha ni de bzhin ral
grir bshad/ /autpal la dang pad+ma dkar/ /lus can rnams kyis pags pa dang/ /brgyad po 'di rnams rang sems kyis/ /rim pa ji bzhin zhal rnams so/ /shar gyi zhal rnams rkang par 'gyur/ /zla ba nyi ma mun pa med/ /khrag las 'jim pa'i rang bzhin
sa/ /sha yi khams su rab brjod bya/ /khu pa las ni sra bas/ /rdo ba rus pa'i rang bzhin de'o/ /zla ba las ni chu 'grub bo/ /me ni khrag las grub pa yin/ /sgra gcan las ni srog 'grub bo/ /thur sel dus me las bshad do/ /lus can kun gyi lce dang ni/ /'phyang
ma khu bcas bskor ba yin/ /g.yon dang g.yas pa'i mig nyid ni/ /rdul gyis bskyed par bas pa yin/ /srog gis nges par bskyed pa ni/ /de bzhin sna yi bu ga gnyis/ /stod pa kho nas las bskyed pa/ /rna ba'i bu ga gnyis de bzhin/ /zur sel 'di kyis
bskyed pa ni/ /'og gi rgyu gsum de bzhin no/ /sgra gcan gyis ni bskyed pa slar/ /nu ma'i bu ga gnyis de bzhin/ /thung du rgyu las sgo nga zung/ /de ltar lus kyi khams rnams 'gyur/ /khu ba nyid kyis khams rnams gsum/ /rdul gyis kyang 'dir rnam pa
gsum/ /mdzod drug sa zhes bshad pa yin/ /lus dang lus kyi dbang po gnyis/ /chu yis bskyed pa g.yon pa ste/ /g.yas pa me yis bskyed pa'o/ /srog nyid kyis ni bdud rtsir 'gyur/ /de las gyen du rtsa gsum bshad/ /rlung gis bskyed pa g.yon
pa ste/ /sa yi 'og gi dbus ma'o/ /g.yas pa'i rtsa ni thur sel gyis/ /bskye par 'di ni the tshom med/ /dpral bar zla ba'i dkyil 'khor ni/ /yang dag rdzogs la sku gnas so/ /mgrin pa'i phyogs su gsung rdo rje/ /nyi ma'i dkyil 'khor gang ba la'o/ /sgra gcan
dkyil 'khor dbus gnas par/ /lus can kun gyis rnam shes so/ /sgra gcan 'jug ma sa la ni/ /rin chen legs gnas the tshom med/ /don yong dus me'i dkyil 'khor la/ /sna tshogs rdo rje'i steng na gnas/ /'khor lo pad+ma rdo rje dang/ /rin chen ral
gri lnga pa ste/ /skyes bu'i rdo rje nor bu dang/ /sangs rgyas dbu la drug bar bshad/ /de ltar sangs rgyas thams cad kyi/ /rigs drug 'di rnams stobs chen yin/ /sa yis dri ni bskyed bya ste/ /ro ni me yis smin
las 'gyur/ /chu las myu gu la sogs 'gyur/ /reg bya 'di ni rlung las 'gyur/ /srog gi rlung las sgra 'byung ste/ /thur sel las ni chos kyi khams/ /yid kyi dbang po de nyid lO/ lus can kun gyis shes bar bya/ /gshin rje mthar
byed rus pas bskyed/ /khrag las shes rab mthar byed bshad/ /pad+ma mthar byed rtsa rnams las/ /sha las ba gegs mthar byed par bshad ka rkang las kyang ni mi g.yor brjod/ /Tak+ki rgyal po pags pa las/ /dbyug pa sngo 'gyur ba spu
las/ /sen mo las kyang stobs po che/ /skra las gtsug tor 'khor lo can/ /'og gi skra las gnod mdzes rgyal/ /lag pa rkang pa'i tshigs rnams gang/ /khyim rnam yin te sa sogs bzhi'o/ /yon tan gsum gyi
dbye ba rnams/ /de rnams bcu gnyis su ni bshad/ /sor ma rnam kyi tshigs rnams ni/ /dus tshigs nyin zhag drug cu rnams/ /lus can rnams kyi steng 'og tu/ /gang gnas so rnam rgyu skar 'dir/ /d+hU ba khu bas sbyi bor son/ /
ri bi 'og tu son ba'i rdul / ji ltar phyi rol de bzhin du/ /lus la mngal nas nges par skye/ /bden don rnam pa bcu gnyis pa/ /bcu gnyis phyag gis he ru ka/ yan lag bcu gnyis 'gog pas so/ /gnas skabs las ni zhal
bzhi'o/ /phyag ni bcu drug zla ba'i cha/ /de nyid rnam pa bcu drug rig /bu ba brgyad po 'gog pa yis/ /dbang phyug dam pa zhal brgyad pa'o/ /zla ba nyi ma mun pa me /gang gi zhabs kyis 'gog mdzad pa/ zla phyed rnams ni bkag
mdzad nas/ nyi rtsa bzhi'i phyag rnams kyis/ /zhal bzhi rnams kyi snga ma bzhin/ /dus kyi 'khor lo yang dag byung/ /ka sogs gsal byed bkag pa las/ /sum cu rtsa bzhi'i phyag gis gzhan/ /dbyangs rnams bcu drug 'gog pa yis/ /bcu drug zhabs
rnams bshad pa'o/ /sgo dgu rnams ni 'gog pa yis/ /rdo rje 'jigs byed zhal dgu pa/ /de lta bu sogs rgyud rnams ni/ /lus ngag sems rnams 'gog pa las/ /de dag sa las byis rnams la/ /rgyal ba'i dbang pos bstan pa
yin zhes so/ /rtsa ba'i rgyud las gzhan yang rgya cher gsungs te/ /byis pa rnams kyis rtogs pa'i don du cung zad bshad pa yin no/ /rigs kyi le'u 'di nyid kyi rtsa'i kun tu sbyod ba ni/ /'khor lo bde mchog gi nyung du tshigs su bcad pa phyer
dang bcu gsum gyi bsdus pa'i don gyi 'grel par shes par bya'o/ /ces pa de bzhin gshegs pa'i nges pa ste/ /rgyud ni rgyud gzhan gyis rtogs par bya'o/ /de ltar chags bcad sum cu rnams kyis rtsa ba'i rgyud kyi nges pa kye'i
rdo rje'i rigs kyi le'ur bcom ldan 'das kyis gsungs pa'o/ zhes pa kye'i rdo rje'i 'brel pa drug steng par gtum mo'i rnal 'byor bsdus pa dang/ bskyed pa'i rgyud gyur pa'i rigs kyi le'ur yongs su bcad pa lnga pa'o/ /rigs kyi le'u
rdzogs so/ / /sna tshogs sgra rnams kyi ni don tsam bstan/ /longs spyod rdzogs skur sbyi bos phyag 'tshal nas/ /theg pa 'di la gsang sngags 'di nyid ni/ /brda yi rigs sogs don 'dir bshad par bya/ /sangs
rgyas rnams kyi sngags kyi brda/ /rgyud du rnam gnyis gsal mdzad/ /de bzhin nyid kyi brda can cig /tha snyad rab brjod gnyis pa'o/ de bzhin nyid brda zhes bya ba/ /sems can kun gyi skad can tshig /chos kyi dung ste sgra chen ldan/ /chos kyi
gaN+Di sgra'o che/ /mi gnas mya ngan 'das pa po/ /kun tu 'gro ba'i dag tu brjod/ /gang la tha snyad rab brjod sngags/ /brda yis don ni gsal byed pa'o/ /don gyi rjes 'gro'i bzlas pa ni/ /rang bzhin med
pa mdzes pa yis/ /yan lag dbye ba med pa'i sngags/ /ma ning go 'phang la gnas bzlas/ /srog ni rgyun mi 'chad 'gyur spro/ /a ba d+hU tI'i gnas son bzlas/ /stong phrag nyi shu rtsa gcig dang/ /drug brgya nyin dang mtshan mo la'o/ /
nyin zhag lA yis 'bum phrag ste/ /stong phrag brgyad rnams lhag pa'o/ /nag po'i tshes gcig nas brtsam ste/ /gang ba gsum byung bar du'o/ /dkar po'i tshes gcig nas brtsams nas rdzogs pa gsum gyi bar du bzlas/ /skya
rangs 'char ba'i dus su ni/ /zla ba nya la de 'grub bo/ /rdo rje sems dpar phyag byas nas/ /chos kyi 'khor lo rab skor byed/ /bzlas pa stong phrag brgyad rnams dang/ /khri phrag bzhi dang de bzhin du/ /'bum phrag drug gis
zla ba gcig/ srog gi bzlas pa 'grub par byed/ /phreng bas ma yin brjod pa min/ /sbyin sreg sngags kyis mchod pa dang/ /tshim par byed dang cho ga gzhan/ /gzhan dang gzhan rnams rnams rnan par 'jig /bzlas pa 'di yis nus med gang
byis pa blo can sngags pa rnams/ /de rnam la ni bgrang phreng gis/ /tha snyad rab brjod gsal bya ste/ /phyi rol longs spyod 'dod rnams la/ /sngags bas bsod nams thob byed du'o/ /nyin mtshan du ni dbu mar srogs zhugs
las nad rnams 'phrog par byed/ /tshes kyi nyin zhag srog bcings na/ /'dis ni mkha' spyod nyid ster byed/ /zla gcig srog bshad snying khar gnas/ /rnal 'byor pa rnams 'chi med 'gyur/ /lte ba'i zla drug sregs na ni/
'di yis thams cad mkhyen nyid ster/ /dpral ba mgrin pa'i 'khor lo dang/ /snying kha lte bar go rim bzhin/ /mi rnams kyis ni brgyal dang bcings/ /bshad dang ji bzhin bsregs pas 'di'o/ /srog dang thur sel 'gog
pa yi/ /'dod chags bral ba nyid 'dod do/ /bshad dang sregs pa gnyis dag gis/ /sngags pa sangs rgyas nyid du 'gyur/ /srog dang thur sel zad pas 'dir/ /yan lag bcu gnyis zad par 'gyur/ /rgya dang 'bras bu 'gog pa
yis/ /sangs rgyas nyid du su mi 'gyur/ /ji srid srog chags rnams kyi srog /rgyu ba de srid yang srid pa'o/ /srog gi rgyu ba rnam zhig na/ /'chi ba med cing yang srid med/ /ces de ltar sngags kyi brda ma ning gi bzlas pa ste/ /de bzhin
nyid kyi brda yis shes par bya'o/ /'dir bcom ldan 'das kyis bka' stsal pa/ /de nas 'di las sngags kyi le'u bshad par bya'o/ /'di lta ste/ 'byung po thams cad pa'i gtor ma'i sngags zhes pa thams cad dang 'byung ba
pa rnams ni 'byung po thams cad pa ste/ /de'i dang de rnams kyis sngags grangs ji lta ba bzhin no/ /aoM A kA ro mu khaM sarba d+harmma NAM Adya nutpan+na tAt/ zhes pa la 'dir a yig gi sgra yis gzhom du med pa'i sgra ste/ a yig
yig 'bru kun gyi mchog / don chen 'gyur med dam pa yin/ /srog chen po ni skye ba med/ /tshig du brjod pa spangs pa ste zhes pa las sogs pas rgyu 'phrul dra bar rig pa'o/ /thams cad ni thams cad mkhyen pa ste/ kun mkhyen kun rig dam
pa ste/ /bdag rig gzhan rig thams cad pa'o/ /kun la phan ba'i gang zag mchog/ 'jig rten dang las 'das pa ste/ /shes dang shes bya'i bdag po mchog /ces pa la sogs pa thams cad mkhyen pa'i sngags sems can thams
cad kyi skad kyi gsung ngag ces pa nges pa'i don to/ /sa la sogs pa'i 'byung ba rnams las skyes pa ni 'byung ba la rnams te phung po lnga yi ngo bo nyid kyis chos can rnams so/ /de rnams kyi sngags kyi sngags
ni phung po lnga'i bdag nyid can gyi yi ge lnga rnams zhes pa ste/ /aoM yig gis de rnams kyi gzugs kyi phung po sku rdo rje'o/ /A'o/ /swA yig gis tshor ba'i phung po'o/ /hA yig gis 'du byed kyi phung po'o/ /de rnams la gtor ma dbul ba ste/ mthar hUM yig gsum dang phaT yig gnyis kyis phyir btang ba'o zhes pa'i/ /de ltar aoM yig gis sbyar ba'o/ /A:
yig gis rgyas par byed pa'o/ /hUM yig gis sbar bar byed pa'o/ /swA yig gis bdud rtsir byed pa'o/ /hA yig gis 'gugs par byed pa'o/ /hUM yig gsum gyis dbul pa'o/ /phaT yig gnyis kyis phyir gtang ba'o/ /lag
pa g.yon pas sbyar ba ste/ /lag pa g.yas pas rgyas par byed pa'o/ /thal mos bkab pas sbar ba'o/ /nam mkha' lding gi phyag rgyas bdud rtsir byed pa'o/ /khams gsum las rnam par rgyal ba'i phyag rgyas dgug pa'o/ /rdo rje'i phyag
rgyas dbul ba'o/ /lag pa'i phyag rgyas se gol sbyar nas gshegs su gsol ba'o zhes pa'o/ /phyag rgya bcing ba 'di rgyud gzhan du shes par bya'o/ /de bzhin du de bzhin gshegs pa rnams kyi sa bon ni grangs ji lta ba bzhin du 'di
lta ste/ buM yig gis rnam par snang mdzad de spyi bor ro/ /aM yig gis rin chen 'byung ldan te lte bar ro/ /dzrI yig gis 'od dpag med pa ste mgrin par ro/ /khaM yig gis don yod grub pa ste gsang bar ro/ /hUM yig gis mi bskyod pa
ste snying khar ro/ /de ltar pi tsu badzra'i sku la dgod par byas nas rdo rje mkha' 'gro gzhan rnams kyis yang ngo zhes pa nges pa'o/ de nas phyag bcu drug pa'i sngags ni/ /aoM de ba pi tsu badzra hUM hUM hUM phaT swAhA/ zhes pa ste 'dir nges pa'i don ni aoM
yig gis lha rnams kyis gang na yin pa ji lta ba de ltar sngags kyis yi ge dang pos lha 'grub pa'o/ /sa bon lhag ma rnams kyis yan lag dgod pa ste/ mig la sogs pa la rim pa ji lta bas so/ /hUM yig gsum gyis ye shes sems
dpa' 'gugs pa ste/ phaT yig gis gzhug cing swA yig gis dgyes par byed pa dang hA yig gis ro mnyam par byed pa'o zhes pa kye'i rdo rje'i snying po'o/ /de ltar sngags rnams thams cad aoM yig dang po can dang/ swAhA'i mdza' can dang ?
spel ba'i dbus su'o/ zhes pa thams cad du nges pa'o/ /de ltar snga ma bzhin du /aoM ki Ti ki Ti badzra hUM hUM hUM phaT swAhA/ zhes pa phyag drug pa'i 'o/ /de bzhin du phyag bzhi pa'i aoM dzwa la dzwa la b+hyo hUM hUM hUM phaT swAhA/ /de bzhin du phyag gnyis pa'i aoM traM
lo kyA k+She pa hUM hUM hUM phaT swAhA/ 'di sngags btu pa'i le'u la hUM yig dang phaT yig ni man ngag las shes par bya'o/ /thams cad kyi sku dang gsung dang thugs byin gyis brlabs pa'i sngags ni aoM yig gis sku byin gyis brlabs pa
ste rnam par snang mdzad zla ba'i dkyil 'khor la'o/ /A'di drang pa'i don du bdag med ma la sogs pa dbyangs rnams sngags btu ba'i don du brjod par bya ste/ a A:ai a'ia ai ri au li ka / a e ar ao al tsa/ ha ya ra wa la Ta so zhes pa'i sa bon rnams dkar po'i phyogs la zla ba'i cha rnams kyi'o// //byis pa klog pa'i tshul gyis drang ba'i don gyis ni bcom
ldan 'das kyis gsungs pa ma yin no zhes pa rtsa ba'i rgyud du nges pa'o/ /de bzhin du grong khyer bskyod pa'i sngags ni/ aoM a ka tsa Ta ta pa ya sha swAhA/ /zhes pa drang ba'i don gyis so/ /nges pa'i don gyis ni a ku ha rnam par bcad bya
rnams mgrin 'gyur ro/ /ai tsu ya sha rnams rkan 'gyur ro/ /ri Tu ra Sha rnams spyi bo las gyur pa'o/ /au pu wa dang mchu can rnams mchu gyur ro/ /li tu las rnams so gyur ro/ /aoM a A ha hA da nya Na ma na th+ka swAhA/ zhes pa grong khyer bkrug
pa'i sngags so/ /sngags btu ma'i le'u dra ma'i dag las shes par bya'o/ /rtsa ba'i rgyud du nges pa'i don gyis man ngag ni A li zla ba'i cha'i dbye bas yud tsam sum cu rnams so/ /nyin zhag so so la nyi ma'i gsal byed drug cu rnams dbyu gu'i dbye bas
bzlas par bya'o/ /a ka tsa Ta ta pa ya sha'i sgra yis A li dang kA li'i nges pa'i don gyis brjod de/ /A li dang kA li'i bzlas pa 'bum phrag bzlas pas 'dzin de gsum skyod par byed na grong khyer gcig tsam lta ci smos zhes pa'o/ /A
li dang kA li brjod par bya ste/ 'di lta ste/ a A ai a'i ri rI au a'u li lI/ e ai ar Ar ao aau al Al ha hA ya yA ra rA wa wA la lA zhes pa spro ba'i rim pas A li'i bzlas pas dbugs 'jug pa'o/ /dbugs 'byung bas
kA li ste/ ka kA kha khA ga gA g+ha g+hA nga ngA/ tsa tsA/ tsha tshA dza dzA dzha dzhA/ nya nyA/ Ta TA Tha ThA Da DA/ Dha DhA Na NA/ pa pA pha phA ba bA b+ha b+hA ma mA/ ta tA tha thA da dA d+ha d+hA na nA/ /sa sA wa wA Sha ShA sha shA th+ka th+kA zhes pa ste/ dang por aoM yig bskyed pa la'o//
dgug pa la mthar pau Sha Ta sbyin par bya ste/ de ltar grong khyer bskyod pa'i sngags so/ /lha gcig gi bsam gtan dang me tog dmar po la bzlas pas dang/ sbyin sreg gis so zhes pa 'chad par 'gyur ba la brjod par bya'o/ /de bzhin
du ku ru sul+le'i sngags brjod par bya ste/ /'dir aoM yig gi rten sku 'grub pa'o/ /h+rimgrin pa la ku'o/ /snying kar du'o/ /lte ba la ku'o/ /gsang bar l+le'o zhes pa yan lag dgod pa'o/ /dbugs rdubs pa bkang nas 'bum phrag gcig bzlas par bya zhing/ /dbugs 'byung ba'i dus su bgrang phreng bskyod par
mi bya'o/ /ces pa ku ru kul+le'i sngags so/ /da ni srungs ba'i sngags kyis nges pa'i don brjod par bya ste/ /aoM yig gis 'jam pa'i stan brjod do/ /dri bzang po'i sa gzhi can gyi gnas yid du 'ong ba zla ba lta bu yang ngo/ /ra
yig gis nyi ma bdun gyis nyi ma'i dkyil 'khor ro/ /k+Sha yig gis sna tshogs rdo rje'o/ /de'i 'og dang steng dang phyogs thams cad du rtsibs bcu pa'i 'khor lo byas nas de nas dbus su hUM yig las khro bo'i rgyal po'i
dbang po'o/ /shar gyi rtsibs la gshin rje mthar byed do/ /lha'i rtsibs la shes rab mthar byed do/ /nub kyi rtsibs la pad+ma mthar byed do/ /byang gi rtsibs la bgegs mthar byed do/ /mer mi g.yo ba'o/ /bden bral gyi phyogs
su 'dod pa'i rgyal po'o/ /rlung gi mtshams su dbyug pa sngon po'o/ /dbang ldan gyi mtshams su stobs po che'o/ /steng gi rtsibs la gtsug gtor ro/ /'og tu gnod mdzes rgyal po'o/ /de nas gnyis pa brjod pas re pha'i nyi ma'i
dkyil 'khor ro/ /k+Sha yig gis sna tshogs rdo rje ste de yis gcig tu 'dres par gyur pas rdo rje'i rab gsum mo/ /hUM yig gsum gyi rdo rje'i sa gzhi dang khang pa brtsegs pa dang rdo rje pad+ma'i gdan no zhes
pa'o phaT yig gis gdug pa can la phur bus 'debs pa'o/ /swA yig gis sangs rgyas dang byang chub sems dpa' rab tu spyan 'dren pa'o/ /hA yig gis ni mchod pa la sogs pa mdza' dag dang sdig pa bshags
pa la sogs pa gsungs par 'gyur ro zhes pa sngags 'di'i nges pa'i don to/ /da ni rtsa ba'i rgyud du gsungs pa'i las nyi shu rtsa bzhi sgrub par byed pa rnams su 'gyur zhing sngags kyi tshig rnams brjod par bya'o/ /'dir nyung ngu'i rgyud du lus
dang mthun pa dang lugs las zlog pa las thams cad gdug pa'i slob dpon yongs su mi shes pa rnams la sbas te/ bla ma dam pa'i brgyud pa'i rim pa la sogs pas shes par bya yis/ /glegs bam bklags pas ni ma
yin no/ /gzhan du na rgyud gzhan bltas nas gang rigs pas 'thad pa rgyud mang por yang dag par rtogs par byas pa'i bcom ldan 'das kyi ngag de bzung bar bya yi/ blun po'i dad pa nyid kyis ni ma yin no/ /de skad du bcom ldan
'das kyis gsungs pa/ nga'i gsung ni dang por dge ba/ bar du dge ba /tha mar dge ba kho na ste/ dang por dge ba bar dang tha mar mi dge ba ni ma yin zhing dang po dang/ bar du mi dge pa tha mar dge ba/ ji ltar byis pa'i skye bo
rnams kyis kun tu brtags pa/ dang por rnam par rtogs pa'i sgom pa dang/ bar du dbang po gnyis kyi bde ba bsgom pa dang/ tha mar rnam par mi rtog pa stong pa nyid bsgom pa bde ba chen po bsgom pa'o zhes pa ma
rungs pa'i tshig gi rgyu 'drar de las skye ba'i 'bras bu thams cad du mthong gi/ ko dra ba'i sa bon las/ /sA lu'i 'bru ni 'byung ba med/ /rnam rtog sa bon la byung ba'i/ /'bras bu rnam rtog bcas par 'gyur/ /rnam par
mi rtog las skyes pa'i/ /'bras bu rnam par mi rtog 'gyur/ /rgyu de'i phyir dang por dge ba/ bar du dge ba/ tha mar dge ba'o/ /ji ltar sa bon de bzhin ljon/ /ji ltar ljon shing de bzhin 'bras/ /'jig rten 'di kun tu mthong ste/ /de ni
rten cing 'byung ba nyid/ /gzhan gyis rigs kyi sngags gang yin/ /de ni las gzhan sgrub byed min/ /'jig rten du ni 'ga' zhig duAng/ /nyi mas tsha ba zhi byed min/ /kye'i rdo rje'i rtsa rgyud du/ /ji ltar bdag la gsal gsung bzhin/ /de
nyid nyung rgyud 'di ru ni/ /rgyas bshad bdag gi brjod par bya/ /sa yi sa bon gyis rengs byed/ /rmongs dang phur bus gdab de bzhin/ /rtag tu zhi byed chu'i sa bon/ /de bzhin rgyas dang dug med pa'o/ /me yi sa bon cher 'gugs byed/ /dbang
dang bskyod pa rtag tu'o/ /sngar byed bskrad pa rlung rnams kyi/ /de bzhin du ni dug 'phel ba'o/ /stong pa'i sa bon dug gcod byed/ /de bzhin bsod dang 'tshe ba'o/ /gos dang bslang dang dga' ba ni/ /ye shes sa bon gyis grub pa'o/ /lkugs
pa nyid dang 'on nyid dang/ /ma ning byed pa nyid kyang ni/ /thugs gsung sku yis sa bon gyis/ /rim pa ji bzhin sngags pas byed/ /sa chu me rlung stong pa dang/ /ye shes dkyil 'khor sbyor ba las/ /rengs pa la sogs las rnams ni/ /sgrub
po mchog gis sgrub par byed/ /ma ning byed dang lkugs nyid dang/ /long ba dang ni sna 'gags dang/ /'on pa nyid dang smyo ba nyid/ /snga ma'i sa bon rnams kyis bsgrub/ /ri bo ri khrod sman ljongs dang/ /rgya mtsho chen po'i 'gram rnams dang/ /gdod nas
grub pa'i dur khrod de/ /gnas 'di rnams su bya ba yin/ /sngags bzlas de bzhin bsam gtan dang/ /sbyin sreg dkyil 'khor bzhengs pa ni/ /so so'i las dang rjes mthun pas/ /gzhan du dngos grub sbyin mi 'gyur/ /skyes
pha bud med gnas gzhan du/ /sngags dang lha ni sgrub pa min/ /de la sngags kyis rab bskul nas/ /lha ni las rnams byed par 'gyur/ /de phyir mkhas pa rnams kyi ni/ /ming dang sku yi bzlas bsgom bya/ /rtsa ba'i sngags ni sku ru 'gyur
snying po zhes bya mthu ldan gsung/ /de bzhin nye ba'i snying po ni/ /thugs kyi sngags su brjod par gyur/ /ye shes sa bon zhes bshad par/ /ye shes sngags su de brjod bya/ /sa bon nye ba'i snying po dang/ /snying po dang ni rtsa ba'i sngags/ /ye shes
thugs dang gsung dang sku/ /rim bzhin bsgom bya bzlas bya ste/ /ji srid dngos grub gyur gyi bar/ /'bad pas bzlas bya mchod par bya/ /gzhan du cho ga nyams pas ni/ /sngags kyi dngos grub 'gyur ma yin/ /dad pas bzung ba 'di yis ni//
lus ni nyon mongs 'ba' zhig go/ ya ra la wa yi ge gang/ /rlung me sa dang chu la skyes/ /shar dang lho dang nub dang ni/ /byang rnams su ni nges sbyar bya/ /ring po me dang bden bral dang/ /rlung dang dbang ldan rim pa las/ /steng dang 'og tu
haM ha sbyin/ /dbus su aM a:ram mchod bya/ /sangs rgyas kun dang bla ma dang/ /dam pa'i chos ni klog pa yi/ /don du mdun du maN+Dal bya/ /gzhan pa rgyal ba mnga' bdag nyid/ /rlung gi dkyil 'khor chos kyis ni/ /zlum po
shar gyi lus 'phags po/ /me yi dkyil 'khor ngo bo yis/ /'dzam bu gling ste zur gsum pa/ /gru bzhi nub kyi ba lang spyod/ /sa yi dkyil 'khor mtshan nyid can/ /chu yi dkyil 'khor chos can gyis/ /zla phyed byang gi
sgra mi snyan/ /stong pa'i ngo bos zla ba yis/ /dkyil 'khor mtshan nyid tshangs sgo nga/ /'og tu ye shes ngo bo yis/ /dus me nyi ma'i dkyil 'khor ro/ /dbus su thig le rnam bcad ni/ /steng 'og lha yi ri bong 'gyur/ /'di ltar maN+Dal byas nas
ni/ de nas sngags sogs bzlas par bya/ /sa la maN+Dal gzhan sa ni/ /rdul tshon dkyil 'khor bzhin du bya/ /phung po khams drug gzugs la sogs/ /sum cu drug rtag tu ru mchod/ sa dang chu dang me dang rlung/ /khu ba rdul ni de bzhin te//
khams drug ces par bshad byas pa/ /lus can rnams kyis gzugs phung po/ /mgrin gyur rkan gyur spyi bor gyur/ /mchur gyur sor gyur sna ldan te/ /'du shes dang ni rnam drug bstan/ /dngos dang dngos med don gsal byed/ /mig dang
rna ba sna dang lce/ /lus dang de bzhin yid dbang po/ /rnam shes phung por bshad pa ste/ /mig la sogs pa rnam pa drug /de bzhin gzugs dang sgra dang ni/ /dri rnam dang ni ro dang ni/ /reg bya dang ni chos kyi dbyings/ /myong phyir tshor ba rnams su bshad
de bzhin dbang po drug sgo nas/ /rnam shes rnams ni rab 'jug cing/ /yul dang dbang po rab 'jug byed/ /'du byed rnam drug rab tu bshad/ /rtag du srog dang thur sel dag /steng dang 'og gi lam gsum po/ /rtsa drug rnams su 'bar byed pa/ /ye shes
phung po'ang rnam pa drug / sum cu bdun pa sems chen po/ /dam pa sum cu rtsa drug gi /khams kyis bskor ba rnal 'byor bas/ /a sogs ka sogs kyis mchod bya/ /a sogs ka sogs rang bzhin gyis/ /khams rnams bdun bcu rtsa gnyis te/
de drug ha sogs yi ge rnams/ /thung du ring por rab dbye las/ /bdun cu rtsa gzhis 'dir bshad do/ /dbyangs de sum cu rtsa drug nyid/ /a sogs ka sogs yang dag ldan/ /yi ge brgya ni brgyad lhag pa/ /bgrang phreng du ni rab brjod bya/ /rnal
'byor pa yis sngags 'das pa'o/ /gsal byed sum cu drug thung ba'i/ /bco brgyad dbyangs rnams dang ldan pa/ /brgyad lhag brgya yi phyed rnams kyis/ /bgrang phreng du ni der brjod bya/ /rgyu skar rkang pa'i dbye ba yis/ /gsum
par yongs su brjod par bya/ /rgyu skar phyed kyi cha yis ni/ /bzhi pa de nyid gang phyir yin/ /sum cu drug gi dbyangs dbye bas/ /lnga par yongs su brjod par bya/ /rgyu skar longs spyod dbye ba yis/ /drug par yongs su brjod par bya/ /bco brgyad
dbyangs kyi dbye ba yis/ bdun par yongs su brjod par bya/ /slar yang sum cu rtsa drug gi /gsal byed dbye bas brgyad pa'o/ /dka' thub can gyi bgrang phreng gis/ /'di ltar rnam pa brgyad du bshad/ /shel gyis bco brgyad rnams kyis
gcig / brtul zhugs can gyis zhi ba byed/ /mu tig sum cu drug dbyangs su/ /brjod pas mi rnams rgyas pa'o/ /nyi shu rtsa bdun rgyu skar gyi/ /mi sos gsod la bshad pa'o/ /de yi nyis 'gyur bong bu'i sos/ /sdang bar byed dang skrod la'o/ /gsal
byed sum cu drug dag pas/ /dbang du byas sogs bo d+he tsas/ /dbyangs dang gsal byed yongs bsres pa/ /bzhi lhag pa yi lnga bcu yis/ /pad+ma zhes pa'am yang na ni/ /tsan dan sa bon gyis dgug pa'o/ /rgyu skar phyed kyis rkang pa yis/ /rmong
par byed la lung thang bshad/ /dbyangs dang gsal byed rkang pas dag /rengs la ru rak+Sha ru bshad/ /de ltar dag pa'i las la ni/ /dag pa rnam pa brgyad du bshad/ /'dres pa rnam pa sna tshogs pa'i/ /sa bon nam 'dir nor bus byas/ /khams kyi kha dog
dbye ba yis/ /ji ltar rnyed pa de bzhin byos/ /de nas 'di las rnal 'byor pa'i/ /gang gi myur du 'grub byed 'gyur/ /rigs las skyes par gyur pa'i sngags/ /sngags kyi mtshan nyid bshad par bya/ /a ku ha Th+ka mgrin byung gang/ /dbyangs dang
gsal byed mtshan nyid rnams/ /nam mkha' i khams las yang dag byung/ /de rnams ha yig shes byed kyis/ /ai tsu ya sha rkan las byung/ /dbyangs dang gsal byed mtshan nyid rnams/ /rlung gi khams las yang dag byung/ /de rnams ya yig shes
byed kyis/ /ri Tu ra Sha spyi bo byung/ /dbyangs dang gsal byed mtshan nyid rnams/ /me yi khams las yang dag byung/ /nga yig shes byed kyis yin no/ /au pu wa nypa mchur 'gyur gang/ /dbyangs dang gsal byed mtshan nyid rnams/ /chu yi
khams las yang dag byung/ /de rnams wa yig shes byed kyis/ /li tu las so skyes gang/ /dbyangs dang gsal byed mtshan nyid rnams/ /sa yi khams las yang dag 'byung/ /de rnams la yig las shes byed/ /rjes su nga ro rnams
bcad kyang/ /dbyangs dang gsal byed spangs pa ste/ /ye shes khams las yang dag byung/ de ltar khams drug rigs can te/ /sa dang chu dang sreg za rlung/ /khu ba dang ni rdul gyi rigs/ /khams drug can du 'dir bshad de/ /skyes bu
gang zag chen po'o/ /gtso bo a sogs ka sogs bdag /phung po khams kyi sngags bdag nyid/ /sau sdud pa byed bde kyi/ /sgra grub pa yi don du bstan/ /sngags grub pa'ang de kho na/ /thams cad mkhyen pa'ang de bzhin sngags/ /byis pa klog
pa'i rim pas min/ /mgrin pa rkan dang mgrin pa mchu/ /'dres pa gsal byed dbyangs rnams gang/ /gnas gnyis pa gang gzhan pa rnams/ /de rnams rang bzhin gcig skyes min/ /mgrin pa la sogs gnas gcig tu/ /rang bzhin
dag pa las skyes dbyangs/ /sngags rnams rtag tu brjod byas pa/ /de ni ga nas gnyis brjod pa min/ /a yig dbyangs dang yang dag ldan/ /gang zhig rang gi gnas mi 'dor/ de ni rang bzhin gyis dag pa/ /gsal byed rnam bcad
thig le can/ /e yig sogs dbyangs dang ldan pa/ /gnas gnyis pa du gang 'jug pa/ /rang bzhin dag pa skyes de min/ /gsal byed nyis 'gyur du 'gyur ro/ /dbang chen dkyil 'khor ser po ste/ /lam yig yi ge las
byung ba'o/ /chu yi dkyil 'khor dkar po ste/ /waM yig yi ge las byung ba'o/ /me yi dkyil 'khor dmar po ste/ /re pha'i yi ge las byung ba'o/ /rlung gi dkyil 'khor nag po ste/ /yaM yig yi ge las byung ba'o/ /nam mkha' i dkyil
'khor ljang khu ste/ /ha yig yi ge las byung ba'o/ /rnam bcad thig le las byung ba/ /ye shes kha dog kun las skyes/ /de bzhin ta sde li yig go /yi ge las skyes ser bo ste/ /sa sde la sogs au yig gi /dbyangs las byung
ba dkar por bshad/ /Ta sde las byung ri yi gi /dbyangs las byung ba dmar po'o/ /tsa sde las skyes ai yi gi /dbyangs las byung ba nag por bshad/ /ka sde las skyes a yig gi /dbyangs las byung ba ljang khur bshad/ /de bzhin
sa yig las byung dang/ /al yig las byung ser po'o/ /dkar po nypa yig las byung dang/ /aoM yig yon tan las byung ba'o/ /dmar po Sha yig las byung dang/ /ar yig yon tan las byung ba'o/ /nag po sha yig las byung
dang/ /e yig yon tan las byung ba'o/ /ljang khu Th+ka yig las byung dang/ /a yig yon tan las byung ba'o/ /a ai ri au li zhes 'di/ /dag pa rang bzhin las skyes dbyangs/ /a e ar ao al zhes 'di/ /yon tan rang bzhin
gnyis las skyes/ /ha ya ra wa la zhes 'di/ /yaN du bsgyur ba de bzhin gnyis/ /phal pa gtso bos gnyis dbus su/ /gtso bo dkyil 'khor 'dren ba'o/ /slar yang sde pa sau la'ang/ /rang bzhin rnam pa lnga ru bshad/ /da nya Na ma na zhes
'di/ stong pa'i khams las byung rnams so/ /g+ha dzha Dha b+ha d+ha 'di rnams/ /rlung gi khams las yang dag byung/ /ga dza Da ba da 'di rnams/ /me'i khams las yang dag byung/ /kha tsha Tha pha tha zhes 'di/ /chu'i khams las byung ba rnams/ /ka tsa Ta pa ta 'di
rnams/ /sa yi khams las byung ba rnams/ /rigs drug yi ge'i dbye ba yis/ /rang bzhin gtso bos dbye ba las/ /yi ge so so'i dbye ba yis/ /rigs ni rnam pa lnga ru 'gyur/ /ji ltar sa dang mjug ma ser/ /de ltar 'jug dang lus
dbang po/ /chu dang zla ba ji ltar dkar/ /ji ltar 'du shes lce dbang po/ /me dang nyi ma ji ltar dmar/ /tshor ba mig ste de dag kyang/ /rlung dang sgra gcan ji ltar nag /de ltar 'du byed dang ni sna'o/ /ji ltar nam mkha' d+h+ru pa ljang/ /rnam shes rnam
pa de ltar ro/ /ye shes ri byi ji ltar sdo/ /de ltar ye shes yid bshad do/ /de bzhin dri dang kha dog dang/ /ro dang reg bya kho na dang/ /sgra dang chos kyi dbyings kyang ni/ /khams drug rig te rim pa las/ /de bzhin bshad lam rkang pa
dang/ /lag pa dag gi dbang de bzhin/ /b+ha ga mchog gi dbang po yang/ /sa la sogs pa'i rigs las byung/ /de bzhin brjod dang len pa dang/ /'gro dang bshad ba 'dzag nyid dang/ /khu ba 'pho ba'i bya ba ste/ /'di rnams sa sogs
rigs las 'byung/ /de ltar khams drug rab tu brjod/ /phung po drug dang dbang po drug /yul dang las kyi dbang po rnams/ /las kyi dbang po'i bye ba drug /phung po drug dang khams dbye bas/ /khams rnams sum cu rtsa drug rnams/ /sum cu bdun pa shes
rab ste/ /chos kun stong pa nyid gcig pa'o/ /khams rnams phyi dang lus la yang/ /ji ltar lus la de bzhin gzhan/ /dag pa'i sa yis res pa yin/ /dag pa'i chu yis zhi ba'o/ /dag pa'i me yis dbang du byed/ /dag pa'i rlung gis
rnam sdang byed/ /dag pa'i stong pas 'tsho byed pa'o/ /dag pa'i ye shes kyis gsod pa'o/ /dag pa'i las rnams drug ces pa'o/ /rnam par bsres pa gzhan rnams te/ /sa dang chu ni bsres pa yis/ /lus can kun
gyi rgyas pa'o/ /rlung dang me ni rnams bsres pas/ /lus can thams cad 'gugs pa'o/ /rlung dang chu ni rnam bsres pas/ /mi rnams kyi ni bskyod par 'gyur/ /sa dang stong pa bsres pa yis/ /lus can rnams kyis ltung bar 'gyur//
sa dang ye shes bsres pa yis/ /ltung ba slar yang slong bar byed/ /chu dang me ni bsres pa yis/ /skyes ba bud med 'ju bar byed/ /sa dang rlung du bsres pa yis/ /rmongs dang phur bus 'debs par 'gyur/ /stong pa dang ni chu bsres pas/ /sems can
rnams ni blta bar 'gyur/ /stong pa ye shes bsres pa yis/ /phyir yang 'tsho ba nyid yin no/ /me dang sa ni bsres pa yis/ /lus can thams cad gdung bar byed/ /me dang stong pa bsres pa yis/ /lus can rnams la
rims su 'gyur/ /me dang ye shes bsres pa yis/ /lus can rnams la 'khrug par 'gyur/ /rlung dang stong ba bsres pa yis/ /sna tshogs nges par skrod par byed/ /rlung dang ye shes bsres pa yis/ /skad cig gis ni
khams gsum 'ching/ /stong pa ye shes bsres pa yis/ /lus can thams cad bskyod pa'o/ /ye shes gcig pus las rnam kun/ /ye shes smra ba rnams kyis byed/ /bzlas pa ma yin bgrang phreng min/ /sbyin sreg
sngags dang mchod pas min/ /las rnams thams cad rnal 'byor pas/ /bsam gtan tsam gyis 'grub par byed/ /'di ltar sngags gang rigs gsum dang/ /bzhi dang lnga yi rigs rnams kyang/ /khams rnams kyis ni rang bzhin
las/ /cho gas mdza' yas las rnams byed/ /ces pa de ltar rigs drug sngags/ /dag pa dang ni phan tshun bsres/ /de rnams grangs med sems dpa' che/ /lha yi dngos grub sgrub pa la/ /khams lnga yi ni rang bzhin las/ /sngags rnams mtshan nyid
brjod par bya/ /dgra dang bshes dang gtang snyoms la/ /sems can don phyir brjod par bya/ /a ku ha Th+ka mgrin byung gang/ /dbyangs dang gsal byed mtshan nyid rnams/ /stong pa rlung sogs sngags rnams kyis/ /grogs po nyid kyis rtag du gnas/ /ai
tsu ya sha rkan byung rnams/ /dbyangs dang gsal byed mtshan nyid rnams/ /rlung gi khams las yang dag byung/ /chu la skyes pa rnams kyi dgra /ri Tu ra Sha spyi bo skyes/ /dbyangs dang gsal byed mtshan nyid rnams/ /me yi khams las yang dag byung/ /sa las
skyes pa rnams kyi sgra/ /au pu wa nypa? mchu skyes gang/ /dbyangs dang gsal byed mtshan nyid rnams/ /chu yi khams las yang dag byung/ /me las skyes pa rnams kyi dgra /li tu la sa so skyes gang/ /dbyangs dang gsal byed mtshan nyid rnams/ /sa yi khams las
yang dag byung/ /rlung las skyes pa rnams kyi dgra /rtag tu stong pa rlung gi grogs/ /tha mal pa chu nus med phyir/ /me yi grogs po rtag tu rlung/ /sa ni btang snyoms nus med phyir/ /chu yi grogs po sa yin te/ /tha mal pa ni me nyid do/ /sa yi grogs po
chu yin te/ /me nyid kyang ni btang snyoms pa'o/ /aoM gyi yi ge spangs nas ni/ /sngags kyi yi ge dang po rigs/ /de nyid sngags kyi thugs yin te/ /gzugs ni rdzogs pa'i rgyu yin no/ /gang tshe sngags kyi dang po yi/ /yi ge gsal byed gzhan brtsegs na/
de dag las der dang po bzung/ /dang por brjod pa'i rgyu yi phyir/ /dbyangs dang gsal byed dbye ba yis/ /de nyid rnams la gnyis su 'gyur/ /srog gi dgra dang grogs po dang/ /lus kyi yang ni brjod par bya/ /srog gi dgra dang grogs po 'am/ /tha mal pa ni dbyangs
rnams bshad/ /lus kyi dgra dang grogs po dang/ /btang snyoms pa rnams gsal byed bshad dbyangs kyi sgra yis sgrub pa po'i/ /srog 'phrog byed de the tshom med/ /lus kyi dgra bo gsal byed kyi/ /mtshan nyid can gyis nad sogs byed/ /sde
pa gcig la'ang ka la sogs/ /gsal byed chos ldan lnga rnams gang/ /de rnams sa la sogs pa'i rigs/ /sngags bsgrub pa la shes par bya/ /nga nya Na na ma 'di rnams/ /gzhan rnams grogs po nyid du gnas/ /g+ha dzha Dha b+ha d+ha 'di rnams/ /chu las skyes
pa rnams kyi dgra/ /ga dza Da ba da 'di rnams/ /sa las skyes pa rnams kyi dgra /kha tsha Tha pha tha zhes 'di/ /me las skyes pa rnams kyi dgra/ /ka tsa Ta pa ta zhes 'di/ /rlung las skyes pa rnams kyi dgra/ /de ltar phan tshun grogs po dang/ /tha mal snga ma bzhin shes
bya/ /sngags kyi dbang po yi ge gnas/ /rang gi sde pa 'am gzhan rnams la'ang/ /sgrub pa po yi yi ge gnyis/ /skyes las skyes dang ming skyes 'gyur/ /de yang rnam gnyis yongs shes bya/ /dbyangs dang gsal byed mtshan nyid do/ /skye ba'i dus
suAng dus sbyor gang/ /dbyu gu lnga yi bdag nyid gyur/ /skyes pa 'am me yi chu srin sogs/ /de yi gsal byed sbyang bar bya/ /chu srin la ni ka sogs lnga/ /dbyu gu'i dbye bas sbyang bar bya/ /bum pa la yang nga sogs lnga/ /stong ba sogs rim dbye ba las/ /nya
la'ang tsa la sogs rnam lnga/ /lug la'ang nya sogs rim pa bzhin/ /glang la'ang Ta sogs lnga rnams so/ /'khrig la Na sogs de bzhin no/ /ba sogs kar ka Ta sbyor la/ /ma sogs seng ge'i dus sbyor la'o/ /bu mo la ni ta sogs lnga/ /srad la de bzhin na
sogs rnams/ /sdig pa la ni sa sogs lnga/ /gzhu la Th+ka la sogs rnams bshad/ /sdud dang spro ba'i dbye ba yis/ /yi ge drug cu nyin mtshan la'o/ /g.yas dang g.yon pa'i rgyu ba la/ /dkyil 'khor lnga po 'bab pa rnams/ /dus drug gis ni rab
dbye bas/ /phyi rol de bzhin de lus la'o/ /dbyangs rnams zla ba'i cha dbus su/ /sum cu'i dbye bas rnam sbyang bya/ /yar ngo'i tshes gcig nas brtsams te/ /gnam stong mthar thug sum cu'i lha/ /a ai ri au li shes 'di/ /tshes gcig la sogs rim ji bzhin/
a e ar ao al zhes 'di/ /drug pa la sogs yongs su grags/ /ha ya ra wal zhes 'di/ /bcu gcig pa sogs rnams su bshad/ /la sogs lnga rnams rim zlog pas/ /nag po'i tshes gcig sogs rnams so/ /a yig la sogs lnga rnams
ni/ /nag po'i phyogs kyis drug pa sogs/ /li yig la sogs lnga rnams gang/ /dbyangs rnams bcu gcig nga la sogs/ /gang ba'i mthar ni thig ler brjod/ /gnam stong mthar ni rnam bcad do/ /de rnams yung tsam rab dbye bas/ /zla ba so so'i cha ru bshad/ /cha gang la ni 'char?
ba'i dbyangs/ /gang yin gtso bor 'gro ba yin/ /gsal byed chos can lnga rnams gang/ /de rnams sa la sogs pa'i rigs/ /yud tsam dang po la dbyangs de/ /de yi skyes pa'i dbyangs su 'gyur/ /de yi gnyis pa gnyis pa yi/ /de ltar thams cad rim bzhin du/ /yud tsam
sum cu'i dbye ba yis/ /skyes pa'i dbyangs su brjod par bya/ /sngags kyis thog ma'i sgra yis ni/ /nges par dbyangs dang gsal byed kyis/ /sgrub pa po rnams srog zad dang/ /nad chen byed par the tshom med/ /skye ba'i dbyangs ni mi shes dang/ /gsal byed rtog
pa med pa na/ /ming gi dang po'i dbyangs brdung bya/ /gsal byed gnyis kyi dang po'o/ /sngags kyi dang po'i gsal byed dam/ /dbyangs rnams bsgrub pa'i ched du yang/ /bsnyen pa bzlas par byed pa la/ /'dir ni las rnams drug tu gsungs/ /dang po brdeg /par bya ba ste/
de bzhin dbab dang bsreg pa dang/ /de nas sngags las lta ba dang/ /de nas rgyas dang mnyis pa'o/ /rnam bcad byas pa'i stong pa yi/ /sngags kyi mngon la mnan pa 'di/ /mtshon gyis rgyal pos bskun pa ste/ /rgyal ba'i gnas skabs thob par 'gyur/ sngags
kyi bzlas pa 'bum gyis ni/ /sngags kyi lha ni rgyal gyur pa/ /nga rgyas yongs su btang ba yin/ sgrub pa po yi dbang du 'gyur/ /de bzhin rlung gi mnan pa ste/ /rnal 'byor pa la 'bab par 'gyur/ /me yi mnan pas sreg
par byed/ /de nas chu yis lta bar byed/ /sa ni spyi bor gnas pa ni/ /bzlas pas lha ni rgyas pa'o/ /mgo bor thig le chas mnan pa/ /mnyes par gyur pa mchog ster 'gyur/ /de ltar drug 'bum bzlas pa yis/ /sngon du bsnyan par gsungs pa
ste/ /rtsa rgyud kun tu bde gshegs kyis/ /'dod pa'i dngos grub ched du'o/ /phaT yig de bzhin hUM bau ShaT/ /Na ma:swAhA wa ShaT rnams/ /las drug las ni grangs bzhin du/ /sngags mthar brtul zhugs can gyi bya/ /dang por rnam
snang mdzod spyin nas/ /slar yang bzlas pa brtsam par bya/ /de nas dbye ba bzlas bya ste/ /bcu yi cha yi sbyin sreg bya/ /rgyud gsungs cho gas thams cad bya/ /de nas lha ni 'grub 'gyur te/ /grub pa de yis sngags pa la/ /mchog
ster gang zhig don gnyer pa'o/ /rigs gzhan dang ni bya ba gzhan/ /dus dang de bzhin sngags kyi rigs/ /gnas dang phyogs dang rten gzhan gyi/ /las rnams kun la 'bras bu med/ /glegs bam las ni bklags pa'i sngags/ /man ngag
rnam par spangs rnams kyis/ /sgrub pa rab tu byed pa'i mi/ /de rnams sa la nyon mongs so/ /gal te glegs bam las rnyed na/ /yang dag blangs pa des ci bya/ /ji ltar bris pa bklags pa yis/ /drang po'i don gyis rab gsal byas/ /sngags kyi ngas pa'i
dngos spangs rnams/ /glegs bam las bklags sngags rnams kyis/ /lha la sogs rnams sgrub pa po/ /nam mkha' za bar 'dod bar byed/ /rang sems brtan pa'i brtson 'grus sam/ /sngags kyi bzlas pa sgrub pa po/ /gzhan don gnyer ba rnams kyi ni/ /'dod pas 'jig rten dngos grub
'gyur/ /sngags bzlas de bzhin sbyin sreg dang/ /gnas dang mchod pa'i cho ga rim gyis/ /bya ba nyams na mi 'grub ste/ /tshig 'di yang dag de bzhin no/ /ston pa byang chub sems dpa' dang/ /lha yis bstan pa'i ngo ru ni/ /de phyir thams cad 'bad pa yis/ /de nyid mkhas pas
bzung bar bya/ zhes pa la sogs pas rtsa ba'i rgyud du thabs gzhan gyis sngags bsgrub pa gsungs te/ rengs pa la sogs pa'i las sgrub pa'i don du'o/ /nyung ngu'i rgyud 'dir ni dgongs pa'i skad gzhan gyis don rtogs pa ste/ /de kho na brjod par bya'o
aoM hUM swAhA rengs par byed pa'o zhes pa hUM yig gis rdo rje'i sa gzhi bsgrub par bya zhing des rengs pa bsgrub par bya'o/ /aoM aM swAhA dbang du bya ba'o zhes pa aM yig gis me'i khams bsgrub par bya zhing des dbang du bya pa'o/ /aoM khi swAhA skrod? par byed pa'o
zhes pa khi yig gis rlung gi khams bsgrub par bya zhing nges bskod par bya'o/ /aoM dzriM swAhA sdang bar byed pa'o zhes pa dzri yi gi yi ges me dang rlung 'dres pa'i khams dag bsgrub par bya zhing de dag gis sdang ba byed par bya'o/ /aoM buM swAhA mngon spyod do zhes
pa buM yig gis me dang chu dag bsgrub par bya zhing de dag gi mngon sbyong bya'o/ /aoM hUM swAhA 'gug par byed pa'o zhes pa hUM yig gis rlung dang me dang nam mkha' i khams rnams bsgrub par bya zhing de rnams kyis dgug par bya'o/ /aoM g+hu swAhA/ gsod par byed pa'o
z hes pa g+hurgyas byed ba'i sngon sum min/ /rnal 'byor pa yi mngon sum gang/ /rang rig byed pa gang yin pa/ /rdzogs pa'i rim pa'i ye shes ni/ /sangs rgyas bya ba byed pa'i mchog /de nyid tha dad rnam pa lnga/ /thog ma bar dang tha mar ni/ /chos bsdud pa la skyol ba
yis/ /spyan snga rnams ni gsungs pa yin/ /sha yi mig dang de nas lha'i/ /de nas sangs rgyas spyan du 'gyur/ /shes rab spyan dang de nas slar/ /ye shes spyan ni lnga pa'o/ /las dang po yi rnal 'byor pa'i/ /dang po sha yi spyan du
'gyur/ /de nas de yi lha yi spyan/ /lha yi ji lta de lta ba'o/ /de la sangs rgyas spyan du 'gyur/ /nyan thos ji lta de lta ba'o/ /de nas shes rab mig ji ltar/ /byang chub sems dpa' i de lta ba'o/ /de nas ye shes rang bzhin spyan/ /bde gshegs rnams ji
lta ba'o/ /ye shes rnam pa bzhi yi spyan/ /gang la yod pa des na de'o/ /ye shes rnam shes dbye ba yis/ /dngos po gnyis su rab bstan te/ /skyob pa rnams la ye shes spyan/ /de nas ye shes can du brjod/ /sangs rgyas thog ma tha ma med/ /dang
po'i sangs rgyas gnyis rtogs med/ /ye shes mig cig dri ma med/ /ye shes lus can de bzhin gshegs/ /de ltar 'jig rten pa'i kun rdzob kyis rten cing 'brel par 'byung ba'i tshul gyis 'di thob nas 'di 'byung ste/ yung ba dang rdo thal
gyi sbyor ba las dmar ba nyid bzhin du las thams cad bsgrub pa la rig par bya'o/ /rnal 'byor pa rnams kyis sangs rgyas so zhes pa'i nga rgyal gyis ni ma yin no zhes pa las bsgrub pa'i nges pa'o/ /zhes pa kye'i rdo rje'i 'grel pa
gru stong par sngags kyi rigs kyi le'u las rab 'byam sgrub pa'i yongs su bcad pa ste drug pa'o/ / //kye'i rdo rje'i hUM la btud nas/ /sna tshogs sgrub pa bshad par bya/ /sems can rnams la rjes brtse bas/ /sa la
char? pa dbab ched du'o/ /a phu:I yi ge gnyis kyis mdza' yas kyi gzugs brnyan byas la zhes pa 'dir mdza' yas kyi gzugs brnyan/ dri zhim po'i tsan dan las byung ba byas te/ lte ba yan chad skyes bu'i cha byad can 'og sbrul gyi mjug ma'i
rnam pa can lag pa bzhi pa g.yon du bdud rtsi'i thod pa dang/ /pad+ma'i lag pa can/ g.yas par bdud rtsi'i 'bras bu dang rin po che'i lag pa can/ mgo'i steng du gdod kha bdun pa can 'khor lug gi rnam pa can bya ste/ de dang 'dra bar de'i g.yon du
klu'i rgyal mo aM yig gis so zhes pa'o/ /de bdud rtsi lnga yis bkru bar bya ste/ 'o ma dang/ zho dang/ sprang rtsi dang/ mar dang/ ka ra rnams bdud rtsi lnga ste/ des bkru bar bya'o/ /de nas autpal sngon pos mchod par bya'o/ /klu 'dul ba'i khu bas
lus la byug par bya ste/ glang po che'i char gis mgo bo byugs la/ /khyi phor gnyis kha sbyor du byas nas ba nag mo'i 'o mas dgang ste/ sor mo bzhis dpral ba dang/ sa dang ao ska'i mthar thug pa dang/ phyed dang bcas pa'i sor bcu gnyis pa'i tshad
can gzhag par bya'o/ /gzhon nu ma nag mos bkal ba rams kyis btsos pa'i skud pas phyogs brgyad rnams su dkri bar bya'o/ /de nas rdzing bu'i 'gram du rlung gi phyogs su dkyil 'khor bya ste/ rdzing bu'i dbus su klu'i rgyal po mdza' yas der bzhag
par bya'o/ /rdul tshon gyi dkyil 'khor du ni mdza' yas mnan pa'i kye'i rdo rje rdul tshon gyis bri bar bya'o/ /'dir dkyil 'khor du tshon gdab pa brjod par ste/ du khrod kyi sol bas rdul tshon nag po'o/ /mi'i rus pa'i bye mas dkar po dang/ ba blas ser
po dang/ dur khrod kyi so phag gis dmar po dang/ /rkun mo'i lo ma mi'i rus pa cung zad bsregs pas ljang khu ste/ rdul tshon lnga po 'di rnams kyis dkyil 'khor bzhengs nas dang por dur khrod kyi srad bus zhes pa ro'i rgyus pa rnams kyis byas pa'i srad bus
thig btab nas sor gsum lhag pa'i khru gsum pa smin ma'i dbus nas lte ba'i mthar thug pa'i tshad rnams kyis ta 'gro ba dang 'ong ba rnams kyi zhes pa'o/ /dkyil 'khor gyi phyed kyis pad+ma 'dab ma brgyad pa byas nas cha gsum gyi lte ba cha gcig
la nyi ma'i gdan no/ /de'i steng du mdza' yas dang/ mdza' yas kyi rgyal mo ste/ kye'i rdo rje'i g.yon pa dang g.yas pa'i zhabs dag gi mthil la rgyal ba dang rnam par rgyal ba bri'o/ /kye'i rdo rje zhal brgyad pa zhabs
bzhi pa phyag bcu drug gis brgyan pa bdag med mas phrag pa la 'khril ba 'chad par 'gyur ba spyan nyi shu rtsa bzhis phyug pa'o/ /de nas pad+ma'i 'dab ma rnams la klu'i dbang po brgyad rnams te gdengs ka
lnga dang lhag ma mdza' yas kyi gzugs brnyan dang 'dra bar bri bar bya'o/ /'dab ma g.yon pa la mdza' yas so/ /g.yas pa la nor rgyas kyi bu'o/ /nub du 'jog po'o shar du kar ko Ta'o/ /me mtshams su padmo'o/ /rlung phyogs su pad+ma chen
po'o/ /bden bral du dung skyong ngo/ /dbang ldan du rigs ldan no/ /sa bon 'di rnams kyi lte dbus su a phu'o/ /g.yas dang g.yon pa la sogs pa'i 'dab ma rnams la phukyis klu brgyad yongs su rdzogs par bya ste/ shar dang mer nag po'o/ /lho dang bden bral du dmar po'o/ /nub dang rlung phyogs su ser po'o/ /byang dang dbang ldan du dkar po ste/ /thugs dang gsung dang ye shes dang/ /sku'i zhal gyi dbye bas so/ /gan rkyal du
'gyel ba'i mjug ma mnan par thams cad bri bar bya'o/ /de bzhin du shar gyi sa gzhi nag po'o/ /lho dmar po'o/ /nub ser po'o/ /byang dkar po ste re khA lnga'i mthar thug pa'o/ /dkyil 'khor gyi brgyad cha'i sgo ste de bzhin du 'gram dang
sgo khyud rnams so/ /sgo'i phyed kyi stegs bu dang dra ba'i sa gzhi'o/ /stegs bu'i phyed kyis re khA lnga dang rin po che'i snam bu dang/ /pa shu li dang/ kra ma shIrSha rnams so/ /sgo'i sum 'gyur rta babs te/ /mtshams su sna tshogs rdo rje'o/ /phyi
rol tu rdo rje'i phreng ba 'bar ba dang bcas pa'o/ /de ltar dkyil 'khor bzhengs nas de nas sbyin sreg bya ste/ zlum po'i thab tu zhi ba'i don du'o/ /de nas dkyil 'khor rab gnas byas la/ 'chad par 'gyur ba'i gtor ma byin te/ aiN da/ dza ma/ dza la/ dzak+Sha zhes pa la sogs
pa'i sngags kyis so/ /phyi nas slob dpon gyis nang gi khro bo'i sems kyis sngags bzlas par bya'o/ /nang gi zhes pa cung zad spro ba dang bcas pa'i sems kyis so zhes pa'o/ /de nas dkyil 'khor du sgo bsrungs rnams gzhag la buM pa bcu dgod cing steng du 'o mas gang
ba'i khaM por rnams bzhag nas phyi rol du/ phyogs bcu rnams su ba dan sngon po rnams byin te dben pa'i gnas su sngags 'di zla bar bya'o/ /aoM g+ha Ta g+ha Ta/ g+hu Tu g+hu Tu/ ma sha ma sha/ g+ha Ta g+ha Ta/ g+ho Ta ya g+ho Ta ya/ a nan+ta k+Sho b+ha ka rA ya nA gA d+hi
p a ta ye he he ru ru kaM sapta pA tA la ga tAM nA gA nA karsha ya par sha ya gardza ya tardza ya phuh UM hUM phugal nye klu rnams char mi 'bebs na de'i tshe mgo bo ardza ka'i dog pa ltar lags so/ /ardza ka zhes pa dbyug pa dkar po can ma l+li ka nag po 'dra ba ste/ de'i dag pa ji ltar nyi ma'i 'od kyis 'gas pa de bzhin du zhes pa nges pa'o/ /char pa 'bebs su
'jug pa'i cho ga'o/ /sngags 'di'i sngon du bzlas pa 'bum phrag gcig ste/ bye ba bzlas pas sngags 'grub cing/ gang gi tshe sbyin sreg 'bum phrag bcu byas na de'i tshe sgrub pa pos gtor ma byin pa tsam gyis klu rnams char 'bebs te/ de la dkyil 'khor gyi cho ga
med do/ /dkyil 'khor gyi cho ga sngon du bsnyen pa 'bum phrag gcig dang/ sbyin sreg khri phrag gcig byas te de'i tshe klu rnams char 'bebs kyi rnam pa gzhan du ni ma yin no zhes pa rtsa ba'i rgyud du nges pa'o/ /da ni sprin bral ba
brjod par bya ste/ 'dir gang gi tshe char ches par gyur na de'i tshe mdza' yas de dur khrod kyi thal bas khaM phor bkang bar bzhag par bya ste/ sngags pas dur khrod kyis ras la nye bar 'dug nas sngags 'di bzlas par bya'o/ /aoM Arya sha ma shA
na pri yA ya hUM hUM hUM phaT phaT phaT ces pas dral bar bya'o/ /'di la yang snga ma bzhin du bsnyen pa dang sbyin sreg dang bzlas pa'o zhes pa sprin dral ba'i cho ga'o/ /da ni rdo rje gri gug gi sgrub thabs brjod par bya ste 'dir gdul dka' i sems can rnams gdul ba'i don du rdo rje gri gug gi sngags
bye ba bzlas pas sgrub par bya zhing sbyin sreg 'bum phrag bcu yis kyang ngo/ /de nas thod lo kor gyi sgrub pa bya ste/ thod lo kor bdud rtsi lnga dang lhan cig btags la ku tha ra tshin+na dang bcas pa'i ril bu mig 'bras kyi tshad tsam bya'o/ /de nas he ru ka'i khang bar
song ste/ he ru ka'i zhal du bcug nas sngags 'di ji srid du sku gzugs kyi zhal gyis ril bu de sgrub pa po la gtod pa'i bar du bzlas par bya'o/ /aoM badzra kard+ha ri he badzrA ya hUM hUM hUM phaT/ dngos grub gyi don du 'bum bzlas pa bya ste/ stan gcig pa'o/ /de
nas 'grub par 'gyur ro/ /de bsgrubs nas ril pa'i mgrin pa la de'i ri mo bya'o/ /ri mo rgyal po 'khor dang bcas pa'i mgrin pa la mthong na gal te ril pa'i mgrin pa de bcad pa de'i tshe dgra rnams mgo bo med par 'gyur ro/ /rdo rje gri
gu dag rdzogs so/ / //da ni rdo rje dgra sta'i sgrub thabs brjod par bya ste/ 'dir mu stegs pa'i lha rnams 'gas par 'dod pas rdo rje dgra sta'i thig le sgrub par bya'o/ /'dir yang sngags bsgrub pa snga ma bzhin du bya ste/ de nas rgyu skar
rgyal gyis nya ba la/ tshangs pa'i shing gi sa bon blangs te/ tshangs pa'i shing ni pa lA shar brjod par bya'o/ /de'i sa bon kun tha ra tshin+na dang/ bsres la cha mnyam pa mi bskyod pas btag par bya'o/ /btags nas dgra star bya zhing skam par bya'o/ /nyi ma bzas bzung
ba na rkang pas mnan te bsngags bzlas par bya'o/ /aoM badzra kuSh thA ra pA Ta ya pA Ta ya hUM hUM hUM phaT swAhA/ /'di bye ba bzlas nas snga ma bzhin du nyi ma bzung ba na nyin mtshan du bsgrubs nas de bdar bas dgra sta'i rnam pa'i thig le bya'o/ /byas pa nges lha gang la sgrub pa
bos phyag 'tshal ba des 'gas par byed pa'o zhes pa lha dgyes pa'i cho ga'o/ / //da ni tsha ba'i rims kyi sgrubs thabs brjod par bya ste/ snga ma bzhin du sngags bsgrubs la/ de nas tsha ba'i rims byed par 'dod pas/ dug dang ske tshe dang/ tsi
tra ka'i khu bas arka'i 'dab ma la dgra bo'i ming bri zhing de nas sa gzhi la sor brgyad du bskur bar bya'o/ /steng du phub ma'i me gzhag ste khri bzlas par bya'o/ /aoM he badzra dzwA ra dzwA ra sha tru na b+hUM hUM hUM hUM phaT swAhA/ /de nas bsgrub bya rims kyis 'debs par 'gyur ro/ /
'dab ma phyung nas ba'i ma'i bkrus na grol ba'o zhes pa tsha ba'i rims kyi cho ga'o/ / //da ni chang skyug pa'i cho ga brjod par bya ste/ snga ma bzhin du chang skyug pa'i sngags bsgrubs nas/ de nas chang skyug par 'dod pas bsgrub bya'i lte bar yaM
yig yongs su gyur pa'i rlung gi dkyil 'khor bsgom zhing/ de'i steng du maM yig yongs su gyur pa'i chang gi lto ba can skra grol ba char skyug pa bsgom par bya ste/ bsgrub bya chang skyug go /aoM he badzra marya mud gi rA ya maM hUM hUM hUM phaT swAhA/ /zhes pa'i
sngags brgyad lhag pa'i brgya bzlas par bya'o/ /chang skyug pa'i sgrub thabs so// //da ni dbang du bya ba brjod par bya ste/ snga ma lta bu'i ku ru kul+le sngags sngar bshad pa'i bye ba la sogs pa bzlas pa'i cho gas bsgrubs la/ de nas rab
chu myos ma dbang du bya bar 'dod pas mya ngan med pa'i brgyad pa la mya ngan med pa'i 'og tu song ste gos dmar po gyon nas myos byed kyi 'bras bu za zhing/ /kA ma tsi kA'i khu ba thig le byas la sngags bzlas par
bya'o/ /aoM ku ru kul+le h+rInas zla ba dang nyi ma 'dzin par 'dod pas sA lu btags pa las byung ba'i zla ba 'am nyi ma byas nas brlangs pas btsos te/ kham phor sor bzhi par rdo rje'i chu la gzhug cing sngags bzlas so/ /aoM badzrarka mA tsa la ma tsa la tiSh+Tha tiSh+Tha he badzra ya hUM
hUM hUM phaT swAhA/ nyi ma rnam par 'dzin pa la'o/ /zla ba rnam par 'dzin pa la ni/ /aoM badzra tsan+d+ra zhes pa la sogs pa ste/ khri bzlas na zla ba 'am nyi ma gnas so/ /gci ba las gton na grol ba'o/ /de ltar zla ba dang nyi ma rnam par 'dzin pa'i
cho ga'o/ / //da ni rdo rje skar rtsis la spra dbab pa la 'jug pa brjod par bya ste/ snga ma bzhin du sngags 'bum phrag bcu bzlas pa dang pad+ma dmar po rnams kyi sbyin sreg 'bum gyis sngags bsgrubs nas so/ /de la sngags ni aoM na grA na grA ku mA
ri ke di bya lo tsa le swAhA/ /zhes pa'i sngags 'dis dus ma yin pa'i dus su gzhon nu ma'i mig dag la brgyad lhag pa'i brgya mngon par bsngags te/ me tog dang bdug spos la sogs pa nye bar spyod pa lnga yis mchod nas snyan gsan dbab
pa'o/ /bcu bzhi pa 'am brgyad pa la snga dro'i dus su bum pa bzhag nas de'i steng du/ 'o ma can gyi shing gi yal ga bkod cing 'bru mar zangs ma'i snod du bzhag ste/ rgya skyegs kyi khu ba snod gzhan du'o/ /sngags snga mas brgyad lhag pa'i
brgya mngon par bsngags te/ lag pa g.yon pa'i mthe bong rgan po rgya skyegs kyis bskus la til gyi til mar gyis bsku'o/ /de nas gzhon nu ma la bstan la sngags pas bsngags zlos shing gzhan la 'dri bar byas te nga'i rdzas sus khyer smros shig /dngos pa
gzhan yang ci 'dra mthong zhes so/ /der des mthe bong mthong ste/ che ge mos rdzas khyer ro/ /dgos pa che ge mor 'gyur ro zhes smra bar byed do/ /rdo rje skar rtsis kyi ched du pra dbab pa la 'jug pa'i cho ga'o/ /da ni phyugs zlog pa'i ched du phyugs kyi snying po'i sngags
brjod par bya'o/ /dang por aoM yig byin te dbus su sngags kyi tshig rnams dang tha mar he badzrA ya swAhA/ /zhes pa 'bum phrag bcus bsgrubs la/ de nas phyugs rnams la sbyar bar bya'o/ /beDUrya be DU ya zhes brjod na lag ldan 'bros par 'gyur
ro/ /marmA marmA zhes brjod na stag 'bros par 'gyur ro/ /til+li yA ti l+li yA zhes brjod na bse 'bras par 'gyur ro/ /ai li mi li phu:phutiSh+Tha tiSh+Tha he badzrA ya swAhA/ /zhes pa dud 'gro zlog pa'i cho ga'o/ /de ltar dom la sogs pa rnams la gang gi ming gang yin pa de dbus su bcug ste/ aoM yig dang po dang tha mar he badzrA ya swAhA/ /zhes pa de ltar sngags bzlas pa dang/ sbyin sreg gi cho
ga sgrub pa ni grub pa rnams su 'gyur gyi glegs bam klags pa tsam gyis ni ma yin no zhes pa rtsa ba'i rgyud du bcom ldan 'das kyi nges pa'o/ /da ni rengs pa la sogs pa'i las rnams kyi lha'i rnal 'byor brjod par bya ste/ rdo rje ma dang zhes pa
la sogs pas so/ /'dir rdo rje ma ni gzugs kyi phung po ste des rengs pa'o/ /gau rI ni tshor ba'i phung po ste des dbang du bya ba'o/ /chu yi rnal 'byor ma ni 'du shes kyi phung po ste des zhi bar byed pa'o/ /rdo rje mkha' 'gro ma ni 'du byed
kyi phung po ste des skrod pa'o/ /bdag med ma ni rnam par shes pa'i phung po ste/ des sdang bar byed pa'o/ /sa spyod ma ni reg bya rdo rje ma ste des 'gugs pa'o/ /mkha' spyod ma ni chos kyi dbyings kyi rdo rje? ma ste des gsod par
byed pa'o/ /de bzhin du puk+ka sI ser mos rengs pa'o/ /ri khrod ma zla ba nor bu'i 'od can gyis zhi ba'o/ /gtum mos dbang du bya ba'o/ /g.yung mos skrod pa'o/ /rdo rje dbyings kyi dbang phyug mas sdang bar byed pa'o/ /ye shes kyi khams
kyi gsor ba grub pa'o/ /de ltar phyi dang nang du thams cad rnal 'byor pas shes par bya'o/ /ser po dang dkar po dang dmar po dang nag po dang ljang khu dang sngon po'i kha dog rnams kyis rengs pa la sogs pa rnams te lha'i rnal 'byor
gyis sngags bzlas pa dang sbyin sreg dang gtor ma'i cho gas bsgrub par bya'o zhes pa rtsa ba'i rgyud du bcom ldan 'das kyi nges pa'o/ /zhes pa kye'i rdo rje'i 'grel pa drug stong pa las rab 'byams sgrub par byed pa'i mdor bsdus chen mo ste yongs
su bcad pa bdun pa'o/ /sngags kyi le'u ste gnyis pa rdzogs so// //drag po chags bcas mchog tu zhi ba'i gzugs/ /gang 'drar rgyal dbang gang gis bsgoms gyur pa/ /de 'drar de yis rang gi sems mthong
ste/ //gzugs de thams cad smen pa'i sems yin no/ /'jug pa'i sems kyang sems gcig de yin te/ /thugs min thugs ni rnam thar gsum dag pa/ /dus gsum son pa kun nas rig pa po/ /rdo rje sems dpa' de la
mgo sa btung nas/ /rtsa ba'i rgyud las rtogs pa yis/ /lha'i le'ur 'grel pa ni/ /sems can rnams kyis lam thob ched/ /rdo rje snying pos dri bar bya/ /bskyed pa'i rim pa gcig yin te/ /sems can chos la dmigs
pa'o/ /gnyis pa dmigs pa med pa ni/ /rdzogs pa'i rim pa sgrub byed pa'o/ /'dir nyung ngu'i rgyud du bcom ldan 'das kyis bka' stsal pa/ /de nas 'di las lha'i le'u bshad par bya'o/ /dang po byams pa bsgom par bya/ /zhes
pa la sogs pa'i tshig rnams kyis dang po'i tshig rnams rtsa ba'i rgyud la 'jug par bya ste/ bar gyi tshig rnams dang/ mdza' i tshig rnams kyang ngo zhes pa'o/ /der bcom ldan 'das kyis bka' stsal pa/ gang gis sngags dang phyag
rgya yis/ /rnam dbyes rnal 'byor bdag nyid 'grub/ /lha yi sgrub thabs cho ga ni/ /rdo rje snying pos bshad par bya/ /tho rengs dus su sngags pa yi/ /bshang gci dag ni dor ba dang/ /gtsang sbra la sogs byas rjes su/ /'jam pa'i
stan la nyer 'dug nas/ /rdzas bcu'i rang bzhin ril bu ni/ /byas nas rang gi kha ru gzhug /bdud rtsi lnga bcas pa byung gis/ /mdun du maN+Dal byas nas ni/ /dri dang me tog la sogs pa/ /gau rI sogs la rim bzhin dbul/
dbang dkar gshin rjer tshem rkun ma/ /chu bdag phyogs su ro langs ma/ /nor sbyin lha mo mkha' 'gro ma/ /'og tu sa spyod ma gnas so/ /steng du mkha' spyod ma ru bshad/ /de la rim bzhin mchod par bya/ /dbang ldan lha mo puk+ka
sti/ /mer ni de bzhin ri khrod ma/ /srin po'i mtshams su gtum mo ste/ /rlung du g.yung mo rim pa las/ /'khor lo'i dbus su kye'i rdo rje/ /bdag med ma dang lhan cig mchog/ /de ltar? sems can thams cad la/ byams dang snying rje sogs dran bya/ /de rnams
mchod nas de nas naM/ /de yi sa bon rang lus dgod/ /ming thog yi ge'i sa bon ni/ /a yig bcas shing thig ler bcas/ /go ri gzugs kyi khams la son/ /dgra yi khams la chom rkun ma/ /dri yi khams
la ro langs ma/ /ro yi khams la g+hasmA rI/ /reg bya'i khams la sa spyod ma/ /chos kyi khams la mkha' spyod ma/ /mig la lha mo puk+ka sI/ /rna ba dag la ri khrod 'dod/ /sna la lha mo gtum
mo'o/ /lce la g.yung mor 'dod pa yin/ /lus kyi dbang po kye'i rdo rje/ /bdag med ma ni yid la gnas/ /zhes pa rtsa ba'i rgyud du dang po yan lag dgod pa'o/ /gaM tsaM baM g+haM b+haM khaM paM shaM tsaM DaM haM naM/ zhes pa'i sa bon rnams
bshad pa'i khams rnams la dgod par bya'o/ /de nas gnas bsrung ba bsam par bya'o zhes pa 'di lta ste/ re phas nyi ma mdun du rnams bsgoms nas/ /nyi dar hUM byung sna tshogs rdo rje ste/ /rdo rje de nyid kyi nir ba dang/ /gur bcing pa yang
rnam par bsgom par bya zhes pa'o/ /'di nyid la rtsa ba'i rgyud du/ dang por re shig bsrung ba'i 'khor lo gdug pa can rlog par byed pa dang/ bgegs dang log par 'dren pha rnams phur bus 'debs pa sngags pas gro bo'i rgyal po'i
sku yis bya ste/ phyis nas 'dod pa'i lha bsgrub par bya'o/ /shes rab dang thabs kyis bdag nyid kye'i rdo rje'i rgyud 'di ni rnal 'byor gyi rgyud de phyi nas bdag med ma'i sgrubs thabs kyi ngo bor rnal 'byor ma'i kun tu spyod pas
rnal 'byor ma'i rgyud bshad par bya'o/ /de'i phyir rnal 'byor gyi rgyud kyi cho gas gshin rje gshed la sogs pa khro bo'i rgyal po'i dbang po rnams bsrung ba'i 'khor lo la bsgom par bya'o/ 'khor lo'i gtso bo ni rdo
rje hUM mdzad de/ de yang kye'i rdo rje phyag drug pa'o/ /des na dang por re pheM yis nyi ma'i dkyil 'khor mdun du bsams nas de'i dbus su hUM yig yongs su gyur pa'i sna tshogs rdo rje gdong bzhi pa'o/ /sna tshogs
rdo rje de nyid dang/ /nyi ma gcig tu 'dres par gyur pas phyogs/ thams cad dang steng dang 'og tu rdo rje ra ba dang/ rdo rje gur dang/ rdo rjes gzhi bdud rnams thams cad kyis mi phyed pa dang/ ra ba'i phyi rol dang 'og dang steng du mtshon cha sna tshogs 'jigs su rung
ba rnams sngags pas bsgoms par bya'o zhes pa'o/ /de las gzhan ni rtsa ba'i rgyud la 'jug par bya ste/ der bcom ldan 'das kyis bka' stsal pa/ khro bo'i rgyal po rnams kyi gdan/ /rim pa bzhin du rab bshad
bya/ /zhal dang sku mdog phyag dang mtshon/ /g.yon brkyang stabs kyis zhabs rnams kyang/ /rdo rje gur gyi dbus su ni/ /b+h+ruM yig yongs su gyur pa yis/ /'khor lo rtsibs brgyad de las byung/ /gur gyi 'og dang steng du ni/ /rtsibs?
ni gnyis po yang bya'o/ /re pha bcu gcig po rnams kyis/ /nyi ma'i dkyil 'khor rim ji bzhin/ /nyi ma'i rkang pa bcu gcig rnams/ /nyi ma de rnams kho na'o/ der ni nyi ma'i dkyil 'khor rnams/ /so so la ni hUM yig dgod//
hUM yig las byung nyi mar gnas/ khro bo'i rgyal po rnams bsgom bya/ /dbus kyi nyi ma'i gdan la ni/ /rdo rje hUM mdzad 'dren pa bsam/ /sngon po zhal gsum phyag drug pa/ /g.yon brkyang stabs kyis zhabs kyi bzhugs/ /rtsa
ba'i zhal ni sngon po ste/ /mche ba gtsigs shing drag 'jigs shing/ /g.yon dang g.yas pa dkar dang dmar/ /ji ltar rtse gsum gnas pa bzhin/ /rdo rje gri gu rtse gsum pa/ /g.yas pa'i phyag na rim pa bzhin/ /rdo rje dril bu thob
pa dang/ /kha TwAM ga yang g.yon pa na/ /sna tshogs rdo rje ral pa mtshan/ /mi bskyod pa dang zla phyed can/ /phrag par mgo bo'i phreng ba nas/ /dbu nyid la ni thod pa can/ /nus pa'i phyag rgya lnga rnams ldan/ /stag gi pags pas
rked la dkris/ /spyan dgu pa ste lcags 'gyur zhing/ /sbrul gyi rgyan gyi brgyan byas pa/ /rdo rje hUM mdzad 'di lta bu/ /'dren pa de phyir sgoms par bya/ /hUM yig nag po las byung ba/ /shar gyi nyi
mar bzhag par bya/ /gshin rje mthar byed nag cing drag /g.yon brkyang zhabs stabs kyis gnas pa/ /nag dang dkar dang dmar pa'i zhal/ /gsum pa chen po spyan gsum pa/ /phyag rgya lnga dang thod pa'i phreng/ /rked pa stag
gi pags pa can/ /klu dbang sna tshogs rdo rjes mchan/ /kun la cod pan la ni rigs/ /de rnams mdog mtshon tha dad pa/ /de bzhin du ni zhabs rnams bzhi/ /dbyug pa 'khor lo rdo rje ni/ /g.yas pa'i phyag na rim ?
thugs khar sdig mdzub zhags pa dang/ /dril bu dgra sta g.yon pa na/ /spyi bor sangs rgyas rnam snang mdzad/ /gzhan pa rdo rje cod pan yang/ /hUM yig dkar po las byung ba/ /dkar dang gnag dang dmar ba'i zhal/ /shes
rab mthar byed lhor nyi mar/ /dgod de rin chen cod pan can/ /rdo rje 'khor lo dbyug pa ni/ /phyag g.yas rnams su bsgom par bya/ /g.yon par snying khar sdig mdzub zhags/ /dril bu dang ni dgra sta'o/ /hUM yig
dmar po las rdzogs pa/ /dmar dang sngo dang dkar ba'i zhal/ /nub du nyi mar pad mthar byed/ /dgod de dpag med cod pan can/ /gtun shing rdo rje ral gri dag /phyag g.yas rnams su 'dzin par byed/ /thugs
khar sdig mdzub zhags pa dang/ /dril bu dgra sta'ang g.yon pa na/ /hUM yig sngon po las rdzogs pa/ /don yod grub pa'i cod pan can/ /zhal ni sngo dang dmar dang dkar/ /mtshe ba gtsigs shing rnam 'khor zhal
sna tshogs rdo rje 'khor lo dang/ /de bzhin gtun shing g.yas pa na/ /dril bu sdigs mdzub zhags pa dang/ /dgra lha yang ni ? pa na/ /bgegs mthar byed pa nyi mar dgod/ /byang du bdud rtsi 'khyil pa'o/ /hUM yig sngon
po las rdzogs pa/ /mi g.yo mer ni nyi mar dgod/ /zhal ni sngo dang dmar dang dkar/ /dpal ldan rnam snang cod pan can/ /ral gri rdo rje de bzhin du/ /'khor lo g.yas pa'i phyag na bsnams/ /thug khar sdig mdzub zhags pa dang/ /
dril bu dgra sta g.yon na'o/ /hUM yig sngon po las grub pa/ /sngo dang dmar dang dkar zhal can/ /Tak+ki rgyal po bden bral du/ /rin chen 'byung ldan cod pan can/ /khams gsum rnam rgyal phyag rgya ni/ /phyag gnyis kyis ni 'dzin pa ste/ /
g.yas na rdo rje ral gri dang/ /g.yon na sdigs mdzub lcags kyu'o/ /hUM yig sngon po las rdzogs pa/ /'od dpag med pa'i dbu rgyan can/ /rlung du nyi ma'i dkyil 'khor la/ /dbyug pa sngon po sngags pas dgod/ /rtsa ba g.yas
dang cig shos zhal/ /dra mdza' i? sngo dang dmar dang dkar/ /dbyug pa 'khor lo de bzhin du/ /ral gri rim bzhin phyag g.yas na/ /g.yon par sdigs mdzub zhags pa dang/ /pad+ma dgra sta nyid kyang ngo/ /hUM yig sngon po las grub
pa/ /don yod grub pa'i cod pan can/ /stobs po che ni mdog sngo ba/ /sngags pas dbang ldan nyi mar dgod/ /gnag dang dmar dang dkar ba'i zhal/ /gsus pa che zhing 'jigs su rung/ /dbyug pa ral gri de bzhin du/ /'khor lo
rin chen phyag g.yas na/ /thugs kar sdigs mdzub zhags pa dang/ /rtse gsum dgra sta g.yon pa na/ /hUM yig ljang khu las grub cing/ /mi bskyod pa yis thod du byas/ /zhal ni ljang dang dmar dang dkar/ /gtso
po spyan gsum gsum pa 'phyang/ /g.yon dang g.yas pa'i phyag ngag gis/ /gtsug tor spyi bor 'dzin par byed/ /rdo rje pad+ma g.yas dag gis/ /sdigs mdzub zhabs pa g.yon na'o/ /nam mkha'
nyi ma mnan byas pa/ /tshangs pa'i gnas su rnam par bsam/ /hUM yig nag po las rdzogs shing/ /mi bskyod pa yi thod byas pa/ /'og tu nyi mar gnod mdzes rgyal/ /gnag dang dmar dang dkar pa'i zhal/ /rdo rje 'khor lo
de bzhin du/ /rin chen rim bzhin phyag g.yas na/ /snying kar sdig mdzub zhags pa dang/ /pad+ma ral gri g.yon pa na/ /de ltar khro bo'i tshogs rnams ni/ /'jigs su rung ba bsdoms byas nas/ /de nas sngags
pas bsdus byas sde/ /de ni rang gi lus la gzhug /gshin rje mthar byed dpung g.yon la/ /g.yas la shes rab mthar byed dgod/ /lag pa g.yas par pad mthar byed/ /g.yas par bgegs mthar byed pa dgod/ /
g.yon pa'i brla la mi g.yo ba/ /g.yas par 'dod pa'i rgyan po'o/ /rkang pa g.yon par dbyug sngon can/ /rkang pa g.yas par stobs bo che/ /mgo po'i gnas su gtsug tor che/ /gnod mdzes rgyal po bshad lam
dgod/ /snying kar rdo rje hUM mdzad de/ /rang ming dang po'i yi ge dgod/ /yaM praM paM baM aM traM naM maM auM suM hUM/ /'di ltar bsrung ba'i cho ga ni/ /sngags pas rim pa bzhin byas nas/ /bdag nyid rdo rje hUM mdzad ni/ /
khro bor bcas pa de nas bsgoms/ /bgegs kun rnams dang sdig pa rnams/ /gnod mdzes bka' bsgos phur bus gdab/ /aoM g+ha g+ha g+hA ta ya g+hA ta ya/ /sarba duSh+Tan phaT phaT/ kI la ya kI la yaM/ /e su d+ha ni
sum bya hUM hUM/ aoM grih+Na grih+Na hUM hUM/ aoM grih+Na pa ya grih+Na pa ya hUM hUM/ aoM A na ya ho/ bzhag ldan bidya dza ya hUM hUM phaT/ khro bo'i gzugs 'di blo ldan bas/ /bgegs dang log 'dren rnams bkug nas/ thams cad cho
ga bzhin du ni/ /rnal 'byor 'di yis bur bus gdab/ /lte ba'i phyogs las 'og gi char/ /tshe gcig rnam par bsgom par bya/ /khro bo chen po bgegs mthar byed/ /steng du spyan gsum phyag drug pa/ /'og tu bgegs tshogs
rnams bltas nas/ /de yi sngags ni brjod bya zhing/ /bgegs kyi lus la rdo rje yi/ /phur bus g.yo pa med par bsnun/ /aoM g+ha g+ha g+hA ta ya g+hA ta ya/ sarba duSh+Tan phaT phaT/ kI la ya kI la ya/ sarba pA paM phaT phaT
hUM hUM badzra kI la ya/ badzra d+ha ra Adz+nyA pa ya ti/ sarba big+ha nI/ /kA ya wAka tsit+taM/ kI la ya kI la ya/ hUM hUM phaT phaT/ phyag na rdo rje tho ba can/ /gnod mdzes rgyal po rnam bsgom bya/ /gsang sngags rig pas sngags 'di yis/ /
rdo rje phur bu bsdigs par bya/ /aoM badzra mud gar A ko Ta ya/ A ko Ta ya/ tiSh+Tha tiSh+Tha/ phyogs bcur phur bus btab nas ni/ /de nas gdug pa rnams bskrad bya/ /kun nas rdo rje'i me lce ni/ /rnam par 'phra ba bsam bya ste/ /gdug pa can
rnams bros pa ni/ /da yis lus ni bsregs bzhin pa'o/ /nyung ngu'i rgyud nyid ni bsrung ba'i 'khor lo 'khrags 'khrugs te/ /de steng rnal 'byor pas gnas nas/ /zhes pa la
sogs pas dang bas phur bus gdab pa'i mthar thug pa rnam par bsgom par bya'o/ bsrung ba'i 'khor lo'i nges pa'o/ /tshigs bcad bzhi rnams kyis zhes pa'o/ /de nas dam pa'i don du srid pa gsum po rang bzhin med par bsgom par bya'o/ dngos po
med la sgom pa med/ /sgom pa sgom pa nyid ma yin/ /de ltar dngos po dngos 'gyur min/ /sgom pa dmigs su med pa'o/ /dang po stong nyid byan chub sems dpa' gnyis pa la ni sa bon bsdu/ /gsum pa la ni gzugs
brnyan rdzogs/ /bzhi pa yig 'bru dgod pa'o/ /de ltar bsrung ba'i 'khor lo rnal 'byor gyi rgyud kyi rjes su 'brang bar bya ste/ sngags pas de nas rang gi snying ka'i hUM yig gi 'od zer rnams kyis nam mkha' i mthil yongs su bkang nas mos pa ji lta ba bzhi
du bla ma dang sangs rgyas dang byang chub sems dpa' dang bcas pa'i rje btsun gtso bo ma mo brgyad kyi yongs su bskor ba rang gi shes rab kyi 'khyud pa nam mkhar bsam par bya'o/ /de nas rdo rje de rnams slar log ste/ rang gi snying kar zhugs shing hUM yig
las lha mo brgyad bcom ldan 'das mchod par bya ba'i ched du dbyung bar bya'o/ /'dir yang lugs las zlog pas tshigs bcad gcig gis te/ rang gi lus las 'od zer 'phro/ /nam mkha' i dkyil 'khor khyab byed pa/ /bsdud te snying
kar dgug par bya/ /rnal 'byor zhe sdang bdag nyid 'gyur/ /rdo rje skye ba snying rje che/ /rje btsun nam mkhar bltas nas ni/ /rgyan rnams thams cad 'dzin pa yi/ /lha mo brgyad po rnams kyis mchod/ /dkar mo ri dags mtshan ma
'dzin/ /chom rkun bdud las rgyal ba'i snod/ /ro langs ma ni chu lag ma/ /g+hasma rI ni sman 'dzin cing/ /buk+ka sI ni rdo rje'i lag /de bzhin ri khrod ma ro 'dzin/ /gdol pa mo ni cang te'u brdung/ /g.yung mo chags pas gar
mdzad do/ /zla ba khu ba nyi ma rdul/ /chu ni gci bar brjod par bya/ /sman ni rkang dang sha yin no/ /rdo rje rnam par snang mdzad bshad/ /ro ni ro drug yin par brjod/ /go ku sogs stobs cang te'u/ gar ni chang gi btung ba ste/ /'di rnams dam
tshig brgyad du bshad/ /rnal 'byor pa yis 'di rnams kyis/ /kye rdor gtso bo 'khor bcas mchod/ /de nas de mdun sngags pa yis/ /dkon mchog gsum la skyabs su 'gro/ sdig pa rnams ni bshags par bya/ /bsod nams la yid rang ba 'am/ /rang
gi lus nyid dbul ba dang/ /lam la brten pa nyid kyang ngo/ /byang chub sems ni rab bskyed de/ /de nas sangs rgyas gshegs su gsol/ /stong pa nyid la dmigs don byed/ /slar yang 'di ltar rnam dpyad bya/ /rang bzhin med
bas stong pa ste/ /rgyu med pa la mtshan ma med/ /rtag tu med las smon med cing/ /mngon par 'du byed spangs pa'o/ /skye dang 'gag pa med pa'i phyir/ /smon pa don ni med pa'o/ /sangs rgyas nyid med sems can med/ /chos dang chos can de nyid
med/ /ji ltar sgyu ma rmi lam dang/ /dri za'i grong khyer ji lta bar/ /de ltar sangs rgyas sems can rnams/ /de kho na nyid bsgoms pas lta/ /ji ltar sgra brnyan de bzhin du/ /sangs rgyas rnams kyis chos ston pa'o/ /de ltar rnam par dpyad
nas ni/ /'khor ba'i bar du srid pa ru/ /sems can rjes su gzung ba'i rgyud/ /byang chub sems dpa' gnas par mdzad/ /nyon mongs bdud dang snyoms 'jug dang/ /shes bya'i sgrib nyid kyang ni/ /khro bo chen pos nges bsregs kyang/ /cha shas
tsam ni bsrung bar mdzad/ /byang chub sems dpa' dpa' bo che/ /sems can kun la brtse rnams kyis/ /sangs rgyas byang chub sems dpa' nyid/ /thams cad yongs su rnam dpyad nas/ /stong pa nyid la dmigs bya zhing/ /gsang sngags 'di ni brjod par bya/ /aoM shU n+ya
tA dz+nyA na badzra swa b+hA wa At+ma ko haM/ zhes brjod la de nas smon lam dran par bya ste/ smon lam gyi sems de sngags pa rang gi sems kyis lha'i nga rgyal 'gro ba rnams/ /rol par bya ba'i don du bsgom par bya'o/ /'dir 'chad par 'gyur ba'i dkyil 'khor gyi 'khor lo dur khrod brgyad kyis
brgyan pa bsams shing/ de'i dbus su pad+ma 'dab ma brgyad pa dang/ nyi ma'i dkyil 'khor dang de nas chos kyi dbyings kyi bdag nyid can gyis ro nyi ma'i steng du bsgom par bya'o/ /sangs rgyas mtshan gyi rgyu las ni/ /zla bar
dbyangs rnams sum du gnyis/ /gsal byed brgyad cu nyi ma la'o/ /de dag dbus su hUM yig ste/ /de nyid sems dpa' che zhes brjod/ /lhan cig skyes dga' i rang bzhin te/ /me long mnyam nyid ye shes dang/ /so sor rtog pa'i rim pa las/ /de rnams gcig
nyid bya ba bsgrub/ /gzugs ni yongs su rdzogs rgyu las/ /'di ni chos kyi dbyings bshad de/ /ye shes lnga pa mchog yin no/ /rnam lnga mngon par byang chub pa/ /kye'i rdo rje phyag gnyis bsgom/ /sngo dang skya rengs mtshungs pa'i mdog /bandu dam po'i spyan
dang ldan/ /thod pa mgo bo'i phreng ba dang/ /mi bskyod pa yis thod du byas/ /'khor lo can dang rna cha can/ /mgul rgyan lag gdub ska rags nyid/ /sangs rgyas lnga ni rnam dag pas/ /phyag rgya lnga ru rab tu grags/ /'khor lo can la mi bskyod gnas/ /rna cha'i
bdag nyid 'od dpag med/ /mgul gyi phreng ba rin chen dbang/ /gdu bu rgyal ba rnam snang mdzad/ /ska rags la ni don yod gnas/ /de ltar sangs rgyas rnams rag bzhugs/ /lha mo gti mug rdo rje sogs/ /mig sogs skye mched rnams la'o/ /g.yon na rdo
rje thod pa dang/ /kha TwAM ga yang g.yon pa na/ /g.yas na rdo rje nag po ste/ /hUM yig 'don pa'i bdag nyid can/ /dur khrod du ni mgon po rol/ /rnal 'byor ma yis yong su bskor/ /dbugs rgyu zhes pa rig pa 'di/ /dur khrod ces par mngon par brjod/ /de ltar
phyag gnyis pa'i sgrub thabs kyi nges pa'o/ /de bzhin du phyag bzhi pa'i sgrub thabs dang/ /phyag drug pa'i sgrub thabs lha'i le'u'i mthar thug pa go sla zhing/ des na 'dir ma bris te/ khyad par med pa'i phyir ro zhes pa dpal kye'i rdo rje'i 'grel pa drug
stong par lha'i sgrub thabs bstan pa ste yongs su bcad pa la brgyad pa'o/ / //lha'i le'u rdzogs so/ /me long mnyam nyid ye shes dang/ /gsum pa so sor rtog pa te/ /bya ba sgrub pa byed pa gzhan/ /chos dbyings rnam par dag pa ste/ /gzugs
dang tshar ba 'dus shes dang/ /'du byed rnam par shes pa nyid/ /sa dang chu dang me dang ni/ /rlung dang lnga po stong pa ste/ /ye shes lnga po rnam dag pa/ /mngon par byang chub rnam pa lnga/ /shes bcu rnam dag bdag nyid can/ /shes bcu rnam dag 'chang ba po/ /rnam dag chos
dbyings zhes bshad pa/ /skyes bu gang zag chen po ste/ /de nyid lha yi gzugs can pa/ /'gro ba'i gtso bo phyag 'tshal nas/ /sems can kun la phan ched du/ /dbang bskur le'u'i 'grel pa ni/ /rtsa ba'i rgyud kyi rjes 'jug pa/ /rdo rje snying pos dri bar bya/ /'di
nyung ngu'i rgyud la dbang bskur gyi le'u'i don ni rtsa ba'i rgyud kyi don gyi sgo nas rig par bya ste/ /de'i phyir de nyid la 'jug par bya'o/ /'dir lha'i gzugs rdzogs pa na sngags 'di brjod par bya ste/ aoM su bi shud+d+ha d+harmA d+hA tu swa b+hA wa At ma konya haM/ zhes pa lha'i
gzugs rdzogs pa'o/ / //de'i phyir rtsa ba'i rgyud du bcom ldan 'das kyis bka' stsal pa/ bskyed pa'i rim pa ji lta bar/ /bshad bya rdo rje snying po nyon/ /sgong skyes dang ni mngal skyes te/ /srid pa bskyed pa'i rim pa gnyis/ /tshangs pa'i
sgo nga sgo nga skyes brjod/ /'jig rten khams ni yang dag byung/ /bud med mngal nas skyes pa yang/ /gnyis pa mngal las skyes pa'o/ /dang por stong nyid byang chub ni/ /'chi mthar 'pho ba la bde'o/ /ma yi mngal du khu ba rdul/ /gnyis pa sa bon bsdu ba'o/ /srog
rlung rnam par shes pa nyid/ /lnga po rnams kyis lus rdzogs pa/ /gzugs brnyan rdzogs par brjod par bya/ /rnam nga mngon par rdzogs byang chub/ /a ba d+hu tIr bde bas rgyal/ /phyi yi skye mched longs spyod che/ /bde pa chen po sang byed de/ /puk+ka sI dang ri khrod ma/ /gtum
mo de bzhin g.yung mo ste/ /sa dang chu dang me rlung gis/ /rmi lam gnas skabs rang bzhin las/ /byis pa de rnams kyis bslang ba/ /ma yi mngal nas phyir byung ste/ /sad pa'i gnas skabs thob pa ni/ mig la sogs par byin brlabs pa/
rnam shes drug pa rab sad las/ /yul lnga po rnams 'dzin par byed/ /rigs kyis byin pa rgyas gdab cing/ /byis pas rigs la'ang rgyas gdab pa/ /pha yis bu ni rgyas btab cing/ /bus kyang pha la de bzhin no/ /'bras bu rgyu la rgyas btab pa/ /rgyu yis 'bras bu rgyas btab cing/ /'bras
bu byed rgyu'i 'brel pa ni/ /rnam par dpyad las dmigs su med/ /'bras bu byed rgyu brtag pa 'di/ /de phyir bshad par bya yis nyon/ /sa bon sdong po'i rang bzhin gyis/ /rgyu la 'bras bu'i mtshan nyid du/ /byis pa thams cad kun tu brtags/ /byed rgyu 'bras bur 'gyur ba ste?
sa bon rgyal bltos nas ni/ /'bras bu'i shing ljon 'gyur de bzhin/ /shing sdong byed rgyu la bltos nas/ /sa bon 'bras bur de bzhin 'gyur/ /de ltar 'bras bur 'gyur/ /'bras bu la yang byed rgyur 'gyur/ /'bras dang byed rgyu gnyis dag 'gyur/ /de ltar de rnams
bzhi nyid do/ /sa bon med par sdong po min/ /sdong po med par sa bon min/ /byed rgyu med par 'bras bu gang/ /dam bca' bya ba don med 'gyur/ /sangs rgyas thams cad bskyed pa po/ /sangs rgyas sras su slar yang 'gyur/ /bde ba gang gis phung por 'gyur/
de yis slar yang bde bar 'gyur/ /rdo rje sems dpa' zhes byar 'gyur/ /phung po'i 'chi las bde ba'o/ /phung po de yis skyed 'byed 'gyur/ /'chi dang 'pho ba'i rgyu las so/ /bde ba med par phung po med/ /phung po med par bde ba'ang med/ /rgyu med pa yi 'bras bu de
'bras bu med pas rgyu yod min/ /rgyu dang 'bras bu gnyis gnyis 'gyur/ /de ltar de rnam bzhi nyid do/ /der ni bzhi yis rgyas 'debs pa/ /su yi rab tu brtag par nus/ /slar yang bzhi po bzhi rnams kyis/ /spro dang bsdu ba'i chos las so/ /rnam par gnas med thal
'gyur bas/ /'khor ba'i srid pa'i bar gnas pa'o/ /skye dang 'jig pa'i chos kyi ni/ /rgyu dang 'bras bu srid par gnas/ /'bras bu dang rgyu 'gog pa yis/ /de dag skyed med 'jig? pa med/ /rgyu dang 'bras bu 'gog pa yis/ /ji ltar sangs rgyas su mi 'gyur/ /skye dang 'jig
pa las grol ba'i/ /rnal 'byor pa rnams tham cad gzigs/ /bud shing dbyug las slar dbyug pa/ /dbyug las slar yang dbyug par 'gyur/ /de bzhin bsod nams las bsod nams/ /sdig pa las slar sdig par 'gyur/ /'bu zhig rbad las bud ba ltar/ /de bzhin
sdig las bod nams 'gyur/ /bsod nams zad la sdig par 'gyur/ /shi ba'i lus la srin bur bzhin/ /ji ltar dngul chu spyod byed pa/ /dngul chu'i gnas skabs lngar brjod pa/ /de bzhin mkhas pas gnas skabs lngar/ /byang chub sems sngar shes par bya
du tsi ti tsi ti'i sgra/ /sbal ba mchod pa nyid dang ni/ /'dar dang 'dar ba med pa nyid/ /dngul chu'i gnas skabs lnga ru bshad/ /'gyur dang 'gyur dang de nas 'jag /'dzag pa med dang dri med bzhan/ /bsam gtan pa yi byang chub sems/ /gnas skabs lnga ru 'gyur ba
yin/ ba lci'i rten gyi sbyor ba yis/ /ji ltar dngul chu 'dzin byed pa/ /thabs kyi rten gyi sbyor ba yis/ /byang chub sems ni de ltar bzung/ /dngul chu 'dar ba med ma byas/ /sems ni dri med ma byas pa/ /lus phyed thar pa'i cher ma yin/ /nor phyed bde ba'i phyed ma yin/ /ji ltar zangs ma dpung?
chus phug / slar yang zangs ma nyid 'gyur min/ /de ltar ye shes kyis phug lus/ /slar yang phyugs nyid 'gro ba min/ /sman mchog rnams kyi sbyor ba yis/ /ji ltar dngul chus lcags zos te/ /'dar ba med nyid gyur pa phug/ lcags rnams thams cad gser du byed/ /stong nyid gzugs
brnyan sbyor ba yis/ /khams rnams ji ltar ba der zos nas/ /dri med byang chub son pa ni/ /gzhan gyi sems rnams byin rlob byed/ /rgyal ba yis ni nad rnams 'phrog/ bzhu ba yis ni dbul ba 'joms/ /bsgyur ba yis ni dngos grub ster/ /rjes su bsgyur bas 'chi med
nyid/ /rgyu mthun pas ni rgas pa 'phrog /rnam par smin pas dpal ster byed/ /skyes bu byed 'dis dngos grub po/ /dri ma med pas 'chi med ster/ /'chi na ma rig pa 'jug cing/ /de las 'du byed rnams skye'o/ /de nyid dang po'i mgon por
bshad/ /zhal gsum rnam pa phyag drug pa/ /mi bskyod dang po 'jug pa gang/ /de las rnam par shes pa 'byung/ /de las ming dang gzugs su 'gyur/ /de nas khams drug bdag nyid can/ /skye mched drug go 'di rnams las/ /gzugs rdo rje sogs nges par 'byung/ /mig
sogs rnams dang gzugs sogs rnams/ /lhan cig sbyor ba reg pa'o/ /de las tshor ba skye ba ste/ /de ni rin chen 'byung ldan nyid/ /spyid pa longs spyod bdag nyid sred/ /de nyid las ni nye bar skye/ /de las nye bar len par brjod/ /lag pa rkang pa rkyong? pa'o/ /de las srid pa skye
'gyur te/ /byis pa'i dbugs ni phyir 'byung ba'o/ /de las skye 'di 'du shes dang/ /byis pa rnams kyis rtag brjod pa'o/ /lus la sogs pa byin brlabs par/ /de 'di yongs su brtags pa ni/ /slar yang 'du byed shes par bya/ /so rnams lhung nas srid pa'o/ /byis pa
skyes lam rnams ni/ /chu yis 'khru ba'i dbang bskur byed/ /de yi gtsug phung rab 'jog pa/ /cod pan du ni yongs su brtags/ /de yi rna ba 'bibs? pa sogs/ /dar dbyangs dbang bskur zhes par bshad/ /byis pa'i smra dang rgod pa ni/ /dril bu rdo rje'i dbang bskur ro/ /lnga pa
longs spyod brtul zhugs yin/ /ming ni ming gi dbang bskur ba'o/ /klog pa la sogs rjes gnang la/ /pha dag gis ni rtag tu ster/ /de ltar rnam pa bdun gyis ni/ /dbang bskur bdun du rab tu grags/ /de yi bag me lan byed pa/ /dbang bskur gong mar brjod par bya/ /de yi
shes rab gtong ba ni/ /de yi lag pa 'dzin pa brjod/ /shes rab thabs kyi snyoms 'jug pa/ /'chi ba las ni de bder 'gyur/ /lus bskyed pa ni bsnyen par 'gyur/ /srog 'byung ba ni sgrub pa'o/ /gnyis skyes sogs rnams slar skye ba/ /nye bar sgrub pa brjod par bya/ /shes
rab thabs ni snyoms 'jug pas/ /sgrub pa chen po tha ma'o/ /zhes pa skye ba skyed rim 'gyur/ /'chi ba sdud par brjod par bya/ /phung po mtshams sbyor 'pho ba med pa ma rig 'pho ba'i chos can no/ /'du byed la sogs thams cad kyang/ /spro ba pa ni sdud par 'gyur/ zhes pa
rtsa ba'i rgyud du'o/ /'di nyid du bcom ldan 'das kyis bka' stsal pa/ lha dbang bskur ba'i cho ga'i le'u bshad par bya'o/ /rang gi snying ka'i sa bon las/ /'od zer nges par phyung ste/ /nag po dang sngon po'i 'od zer lcags kyu'i rnam pa can/ de rnams kyis khams gsum na
bzhugs pa'i sangs rgyas rnams spyan drang zhing ma mo brgyad kyis yang dag par mchod de gsol ba gdab par bya'o/ /aoM a b+hi Shiny+tsan+tu mAM sarba ta thA ga ta zhes pas so/ /de nas sangs rgyas de rnams he ru ka'i rnam pa'i gzugs kyis de bzhin gshegs pa lnga'i
bdag nyid kyi bdud rtsi'i bum pa rnams kyi mngon par dbang bskur bar bya'o/ /dbang bskur bzhin ba na nam mkha' las me tog gi 'char 'bab par 'gyur ro/ /lha rnams kyis rnga bo che'i sgra rnams byed do/ /gur gum gyi char 'byung ngo/ /gzugs rdo rje ma la sogs pa rnams kyis
mchod par byed do/ /spyan ma la sogs pa rnams kyis rdo rje'i glu rnams kyi glu len no/ /dbang bskur ba'i cod pan du rigs kyi bdag por 'gyur ro/ /'dis ni he ru ka rdzogs par 'gyur ro/ /de nas sku la sogs pa'i byin gyis brlabs pa'i sngags brjod par bya ste/
aoM sarba ta thA ga ta kA ya wA ka tsit+ta badzra swa b+hA ba Ata ma konyhaM/ zhes pa'o/ /de ltar thun sum du byin gyi rlabs pa'i sgom pa bsgoms nas langs te/ dus thams cad du lha'i gzugs kyis gnas par bya'o/ /kye'i rdo rje'i 'grel pa stong phrag drug par/ lha dbang
bskur ba'i le'u bstan pa lha? ? bcad pa dgu pa'o/ /lha dbang bskur ba'i le'u rdzogs so// //thog ma tha ma med zhi ba/ /dngos dang dngos med zad khyab bdag /stong nyid snying rje dbyer med pa/ /byang chub sems zhes bshad
pa ste/ /thog ma bar dang mthar dge ba/ /de nyid rin chen bde chen la/ /dngos po kun gyis phyag 'tshal te/ /le'u lnga pa'i 'grel pa ni/ /sangs rgyas de nyid ston byed pa/ /sems can kun la phan ched du/ /phyag rgya chen po'i 'bras thob ched/ /
rdo rje snying pos bri bar bya/ /'dir bcom ldan 'das kyis bka' stsal pa/ de nas 'di las de kho na nyid kyis le'u bshad par bya'o/ /ngo bo zhes pa la sogs par gsal bar bya ste/ ngo bo dar ni rig par byed pa/ de bzhin gshegs pa'i ye shes te/ ngo bo des 'dzin pa
byed pa dang/ gzung ba dang 'dzin pa thams cad khams bco brgyad kyi rnam 'gyur dang bral ba yis/ rnal 'byor pa rnams kyis phyi rol gyi gzugs med mthong ba po med mig med mig gi rnam par shes pa med do/ /de bzhin du nyan pa po med sgra med/ /rna ba'i rnam par
shes pa med do/ /de bzhin du dri med snom pa po med sna'i rnam par shes pa med do/ /de bzhin du ro med myong ba po med lce'i rnam par shes pa med do/ /de bzhin du reg bya med reg pa po med/ lus kyi rnam par shes pa med do/ /de bzhin du chos kyi khams med 'dzin pa
po med yid kyis rnam par shes pa med do/ /de ltar mig la sogs pa rnams kyang yod pa ma yin te/ de ltar khams bco brgyad dang bral ba'i de kho na nyid rin po che rnal 'byor pas bsgom par bya ste/ ma rig pa la sogs pa 'gog pas so/ /rtsa ba'i rgyud du
bcom ldan 'das kyis gsungs pa/ 'gyur ba'i ma rig 'gog pa yis/ /'du byed nges par 'gog pa'o/ /'du byed nges par 'gog pa yis/ /rnam par shes pa 'gog pa'o/ /rnam par shes pa 'gog pa yis/ /
ming dang gzugs ni 'gog par byed/ /ming dang gzugs ni 'gog pa yis/ /skye mched drug rnams 'gog pa'o/ /skye mched drug rnams 'gog pa yis/ /reg pa yang ni 'gog par byed/ /reg pa 'gog pa yis kyang ni/ /tshor ba nges par 'gog par byed/ /
tshor ba nges par 'gog pa yis/ /sred pa yang ni 'gog par byed/ /sred pa nges par 'gog pa yis/ /nye bar len pa 'gog pa'o/ /nye bar len pa 'gog pa yis/ /srid pa yang ni 'gog pa'o/ /srid pa yang ni 'gog pa yis/ /skye ba'ang nges par 'gog pa'o/ /skye ba
'gog pa yis kyang ni/ /rga shi nges par 'gog ba'o/ /phung po khams rnams nges 'gog pas/ /de nyid nye bar zhi bar bshad/ /de ltar lus ni 'gog pa yis/ /srog rlung yang ni 'gog pa'o/ /slog rlung nges par 'gog pa yis/ /byang chub sems ni 'gog pa'o
byang chub sems ni 'gog pa yis/ /'dzag pa nges par 'gog pa'o/ /'dzag pa'i skad cig 'gog pa yis/ /rnal 'byor pa kun sangs rgyas nyid/ /de bzhin nyon mongs rnams 'gog pa/ /las rnams kyang ni 'gog pa'o/ /las rnams kyang? ni 'gog pa yis/ /sdug
bsngal rnams kyang 'gog pa'o/ /sdug bsngal rnams kyang 'gog pa yis/ /de ni nyon mongs skye mi 'gyur/ /nyon mongs skye ba skye med par/ /las ni skye ba min pa nyid/ /de rnams skye ba med par ni/ /sdug bsngal rnams kyang 'byung ma yin/ /sdug med bde ldan rnal 'byor
pa/ /rtag tu sems can don rnams byed/ /sdug pa dang ni mi sdug par/ /sems can rnams ni rnam rtog pa/ /de las nyon mongs pa rnams 'byung/ /de las kyang ni las skye'o/ /las las sdug bsngal skye ba ste/ /bde ba med na de las slar/ /dge ba bcu ni yongs spangs las/
bde ba gang las 'byung bar 'gyur/ /bde med sdug bsngal sems las ni/ /bsod nams tshogs ni ga las yin/ /lha dang sngags dang phyag rgya sogs/ /brtags pas byis pa rnal 'byor pa/ /bsod nams med par ye shes tshogs/ /gang las yang dag skye bar 'gyur//
de dag med na sangs rgyas nyid/ /rdo rje sems dpa' mchog med do/ /de med na yang rang don dang/ /gzhan don yang dag 'byung ba med/ /rnam dag chos dang longs spyod rdzogs/ /sprul pa de rnams spro bar byed/ /sad pa rmi lam gnyid stug po/ /bzhi pa'i gnas skabs bzhi po
yis/ /rgyu 'bras gang tshe 'gags de'i tshe/ /sangs rgyas nyid du the tshom med/ /rdul med rdul bral dri ma med/ /nyes pa spangs pa skyon med pa/ /shin tu sad pa rnam sad bdag /kun mkhyen kun rig dam pa po/ /rgyu dang 'bras bu 'gog pa
las/ /rgyal pa'i dbang po'i sku gzhan no/ /sku gsung thugs dang bde ba yang/ /gzhan te phung po'i tshogs pa'ang gzhan/ /sa sogs khams rnams gzhan pa ste/ /yul dang dbang po rnams kyang ngo/ /las kyi dbang po'i bya ba'ang gzhan/ /de bzhin las kyi dbang po yang thams
cad nas ni phyag zhabs sogs/ /kun nas spyan dang dbu dang zhal/ /kun nas thos ldan 'jig rten du/ /thams cad khyab par byas te bzhugs/ /zhes pa rtsa ba'i rgyud du de kho na nyid kyi nges pa'o/ /da ni 'di sgrub pa'i ched du kun rdzob tu phyag rgya nyung ngu'i rgyud du gsungs
'di lta ste/ skyed byed ma dang sring mo dang/ /bu mo sring mo'i bu mo ni/ /shes rab thabs kyi cho ga yis/ /rnal 'byor rig pas rtag tu mchod/ /rnal 'byor zhes pa bzung ba dang/ /'dzin pa'i sems dag gcig pa nyid dang/ /rkyang ma dang ro ma dag gcig pa nyid dang/ /gtum mo dang khu ba
dag gcig pa nyid do/ /de las nges par sgrub pa'i dbang phyug dang ldan pa ste/ tshangs par spyod pa mi 'gyur ba'i bde ba shes rab dang thabs snyoms par 'jug pas mchod par bya'o/ /phyi rol tu ni yul dang rigs kyi tha snyad kyis ma la sogs pa rnams so zhes pa'o/ /de bzhin du ?
chos ma g.yung mo dang/ /gtum mo de bzhin bram ze mo/ /rnal 'byor rig pas zhes sngar bshad pa'i cho ga yis dang/ /shes rab thabs kyi cho ga yis/ /de nyid rig pas rtag tu mchod/ /dus thams cad du mi 'pho ba'i bde bas cho ga bsnyen par bya ste/ ji ltar bye bar mi 'byung bar
bye ba ni nges pa'i don gyis khu ba 'pho ba'o/ /drang ba'i don gyis phyi rol du skye bos smod pa'o/ /de'i phyir ma la sogs pa rnams rnal 'byor pas 'bad pas bsten par bya ba bcom ldan 'das kyi nges pa ste/ gang gi tshe gsal bor bsten par byas na de'i tshe rgyal po'i rigs la
sogs pa rnams kyis byis pa'i rnal 'byor pa rnams la sdug bsngal steng bar byed do zhes pa'o/ /rigs lnga'i phyag rgya rnams shes pa thar pa'i rgyud ni brjod par bya/ zhes pa ste/ 'dir thar pa'i rgyur phyag rgya zhes bya ba/ de bzhin gshegs pa lnga'i rigs can yin la/ rdo rje yis te byang
chub sems 'dis rgyas gdab bya/ /zhes pa phyag rgya ste a ba d+hA tI'o/ /'dir rdo rje zhes pa la sogs pa ma la sogs pa'i phyag rgya rnams 'khrags 'khrugs su gsungs mod/ rim pa ji lta ba bzhin du gzung bar bya ste/ 'dir ma ni de bzhin gshegs pa'i rigs dang/ bram ze mo dang/ ? ?
ba'i pad+ma la'o/ /sring mo ni mA ma kI dang snying gar dang rdo rje'i rigs can ma dang/ g.yung mo'o/ /bu mo ni me'i khams dang/ pad+ma'i rigs can ma dang/ gar ma snye mgrin par ro/ /sring mo'i bu mo ni rlung gi khams dang/ las kyi rigs can ma dang tshos ma ste dpral bar ro/ /? ? rdo rje'i dbyings
kyi dbang phyug ma dang/ nam mkha' i khams dang gtum mo dang/ rin po che'i rigs can ma ste/ gtsug tor du'o/ /mthar skyes ma ni ye shes kyi khams dang rdo rje sems dpa' i rigs can ma ste gsang ba'i pad+mar ro/ /de ltar lte ba las steng du phyag rgya'i rigs lnga po 'di/ mdor bsdus pa ni brjod
par bya/ rigs ni rnam pa drug rnams brjod/ ces pa gtsug tor du nam mkha' i khams kyi rigs dang/ dpral bar rlung gi khams kyi rigs dang/ mgrin par me'i khams kyi rigs dang/ snying gar chu'i khams kyi rigs dang/ lte bar sa'i khams kyi rigs dang/ gsang bar ye shes kyi ?
kyi rigs so/ /de ltar nam mkha' gtso bo'i yon tan ni chos kyi khams so/ /rlung gi yon tan gtso bo ni reg bya'o/ /me'i yon tan gtso bo ni ro'o/ /chu'i yon tan gtso bo ni gzugs so/ /sa'i yon tan gtso bo na dri'o/ /ye shes kyi khams kyi yon tan gtso bo ni sgra'i
khams so/ /de bzhin du rna ba'i dbang po dang/ sna'i dbang po dang/ mig gi dbang po dang/ lce'i dbang po dang/ lus kyi dbang po dang/ yid kyi dbang po dang/ de bzhin du b+ha? ga'i dbang po dang/ ngag gi dbang po dang/ lag pa'i dbang po dang/ rkang pa'i dbang
po dang/ rkub kyi dbang po dang/ mchog gi dbang po'o/ /de ltar phyag rgya rnam par dag pa ste/ bshad pa 'dzag pa dang/ gci ba 'dzag pa dang/ 'gro ba dang len pa dang/ smra ba dang khu ba 'dzag pa ste/ de ltar rigs sum cu rtsa drug rnams kyi rigs
drug go / de ltar khams sum cu rtsa drug rnams su rig par bya'o/ /de bzhin du rnam par shes pa drug dang/ 'du byed drug dang/ tshor ba drug dang/ 'du shes drug dang/ gzugs drug dang/ ye shes drug ste/ de ltar phung po dang khams rnams bdun cu rtsa gnyis so/ /
de rnams kyang nyis 'gyur gyi mkha' 'gro ma'i dra ba sdom pa las lha rnams te/ dkyil 'khor sum cu rtsa drug rnams dang/ sum cu rtsa bdun pa he ru ka rdo rje phag mo dang bcas pa'o/ /de'i rigs gsum ste/ sku dang gsung dang thugs kyi 'khor lo bde mchog
ste/ nyis 'gyur ni 'khor lo drug gi bde mchog go /kye'i rdo rje'i rgyud 'dir ni bcom ldan 'das kyis gsungs pa/ 'khor lo sdom par tshig gnyis kyis gsal bar mdzad de/ de nas sngags pa nyis 'gyur mchod/ /mkha' 'gro ma'i dra ba sdom zhes gsungs pa
las so/ /'dab ma dang zhing la sogs pa nyis 'gyur te/ gnas bzhi rnams dang nye ba'i gnas bzhi rnams dang/ zhing bzhi rnams dang nye ba'i zhing bzhi rnams dang tshan do ha bzhi dang/ nye ba'i tshan do ha bzhi rnams dang/ 'du ba bzhi rnams dang/ nye ba'i
'du pa bzhi rnams dang/ /'thung gtsod bzhi rnams dang/ nye ba'i 'thung gtsor bzhi rnams dang/ dur khrod bzhi rnams dang/ nye ba'i dur khrod bzhi rnams te/ de ltar sa bcu gnyis rnams so/ /re re la yang dpa' bo'i dbang phyug ma bzhi dpa' bo dang bcas
pa rnams so/ /de ltar 'khor lo drug la rnal 'byor ma bzhi bcu rtsa brgyad rnams te/ nam mkha' i 'khor lo la rdo rje mkha' 'gro ma brgyad rnams dang/ rlung gi 'khor lo la ral gri'i mkha' 'gro ma brgyad dang/ me'i 'khor lo la rin po che'i mkha' 'gro ma brgyad dang
chu'i 'khor lo la pad+ma'i mkha' 'gro ma brgyad dang/ sa'i 'khor lo la 'khor lo'i mkha' 'gro ma brgyad/ ye shes kyi 'khor lo la gri gug gi mkha' 'gro ma brgyad do/ /rdo rje nor bu stong pa'i mkha' 'gro ma brgyad de rdo rje rtse gcig pa 'dzin pa rnams so/ /gzhan rnams ni dur khrod bcu drug na dga' ba
bcu drug las skyes pa mkha' 'gro ma bcu drug rnams te/ rna ba gnyis la gnyis dag dang/ sna yi bu ga na gnyis dang/ mig dag na gnyis dang/ lce dang 'phyang ma dag na gnyis dang/ spyi gtsug gi bu ga dag na gnyis dang/ bshad lam gyi sgo na gnyis dang/ gci ba'i sgo na gnyis par
khu ba 'pho ba'i sgo na gnyis te de ltar rnal 'byor ma bcu drug rnams so/ /de rnams kyi dbus na gtso bo lhan cig skyes pa'i dga' ba stong pa nyid 'khyud pa bcom ldan 'das kye'i rdo rje phyag nyi shu rtsa bzhi pa ste 'khor lo sdom pa nyis 'gyur las so/ /dus kyi khyad par gyis
bzhugs pa ste/ lo rnam par dag pa sku sngon po'o/ /bgrod pa rnam par dag pas dkar po dang dmar po'i zhabs so/ /dus gsum rnam par dag pas nag po dang/ dmar po dang dkar po'i mgrin pa ste/ mgo can la sogs pa'i zla ba bzhi rnams dus gcig go /chu srin la sogs pa
zla ba gsum gyi bdag nyid can gyi dus bzhi rnams te/ de rnam par dag pas nag po dang/ dmar mo dang/ dkar po dang/ ser po'i zhal bzhi'o/ /de bzhin du mgo can la sogs pa rnams zla ba gnyis kyi bdag nyid can gyi dus tshigs drug rnams te/ de rnam par dag pas phrag la
drug ste/ sngon po dang/ dmar po dang/ dkar po'i rang bzhin g.yas dang cig shos dag go /de bzhin du zla ba bzhi bzhi'i bdag nyid g.yas pa dang cig shos kyi nag po dang dmar po dang/ dkar po'i dpung pa bcu gnyis te zla ba bcu gnyis rnams la'o/ /de bzhin du phyogs
kyi dbye bas phyag nyi shu rtsa bzhi'o/ /so sor tshes grangs so so'i dbye bas g.yon pa dang g.yas pa'i phyag gi tshigs kyi rtsa rnams so/ /sor mo'i tshigs drug cu lhag pa'i brgya phrag gsum ni lo'i chos kyi dbye bas so zhes pa'o/ /de ltar rigs drug gi bdag nyid can gyi
he ru ka dus kyi 'khor lo ste/ de kho na dang po'i sangs rgyas zhes kyang brjod par bya'o/ /'di'i zhal brgya yis mgo bo'i phreng ba ni rigs byed kyi yan lag brgya yin la tshangs pa'i mgo bo bcad pa rnams kyi rdo rje thod pa can chen po bcom ldan
'das so zhes pa'o/ /nyis 'gyur gyi mkha' 'gro ma'i dra ba sdom pa ni rigs drug gi bdag nyid can no// //rgyud gzhan dang gzhan du ni rigs lnga'i bdag nyid can no/ /de'i phyir rigs ni rnam pa drug bshad pa/ /mdor bsdus pas ni rnam
pa lnga/ /sku gsung thugs kyi dbye ba yis/ /phyi nas rnam pa gsum nyid 'gyur/ zhes pa'o/ /de ltar bshad pa'i rim pas/ rigs dang 'byung ba lnga rnams dang/ /phung po lnga yi bdag nyid can/ /'di yis rags byed bgrang byed pas/ /rigs zhes mngon par brjod
par bya zhes pa rigs drug dang/ rigs lnga dang rigs gsum gyis des pa'o/ /da ni de bzhin gshegs pa'i mtshan nyid brjod par bya ste/ /'di lta ste/ dpal ldan de bzhin nyid du gshegs/ /de bzhin nyid duAng byon pa nyid/ /shes rab ldan pa 'di yis ni/ /de
bzhin gshegs pa mngon brjod bya/ zhes te/ 'dir shes rab stong pa nyid 'di dang ldan pa de stong pa nyid kyi gzugs dang lhan cig pa'o/ /de bzhin nyid du ste/ gsang ba'i pad+mar rdo rje nor bu'i mthar thug par mi gnas pa'i mya ngan las 'das pa'i sa la gtsug tor
nam mkha' i khams nas dpral ba dang mgrin pa dang/ snying ga dang lte ba dang gsang ba'i pad+ma rnams la rlung dang/ sa dang chu dang me dang ye shes kyi rang bzhin gyi rdo rje btsun mo'i b+ha ga rnams su bzhugs par gyur to zhes pa dpal ldan byang chub kyi sems rdo rje gshegs
pa'o/ /de bzhin du yang byon pa nyid/ /ces pa ji ltar 'og gi char gshegs pa de ltar rdo rje nor bu las gsang ba'i pad+ma ye shes kyi khams las byon pa ste/ lte bar dang snying kar dang mgrin par dang dpral bar dang/ gtsug tor du gyen du khu ba yis so/ /
de ltar na ji ltar gshegs pa de ltar byon pa grub ste/ yan lag bcu gnyis 'gog pas zhes pas sa bcu gnyis thob pa'o/ /ji ltar 'jig rten pa'i kun rdzob kyi dga' ba dang mchog dga' dang khyad dga' i dga' ba dang/ lhan cig skyes pa'i dbye bas
dpral ba nas 'og tu byon pa de ltar zlog pas rgyu mthun pa dang rnam par smin pa dang/ skyes du'i byed pa dang/ dri ma med pa rnams kyi gsang ba nas dpral bar gshegs pa'o/ /de skad du yang gsungs pa/ lte bar rgyu mthun rab tu brjod/ /chos kyi 'khor lor rnam smin
te/ /skyes bu byed pa longs spyod du/ /bde ba chen po dri ma med/ /ces pa nges pa ste/ 'chad par 'gyur ba la'o/ /de ltar na ji ltar tshes gcig la sogs pa cha bco lnga pa'i dbye bas kun rdzob tu gtsug tor mas gsang ba'i pad+mar cha rdzogs pa'i rang bzhin gyis 'og tu
khu bas ye shes kyi sems song ba ste/ de ltar rdo rje nor bu las byung ba rnal 'byor gyi stobs kyi gsang ba'i pad+ma las bzlog pas tshes gcig la sogs pa'i cha'i dbye bas cha gang ba'i rang bzhin gyi steng du khu bas dpral ba'i pad+mar gshegs pa ste/ gtsug tor du cha
bcu drug pa'i rang bzhin gyis so/ /de ltar 'khor ba? pa rnams kyis rdul gyi khams nag po'i tshes gcig la sogs pa'i dbye bas gsang ba nas gtsug tor du song ba gnam stong gi mthar cha bcu drug pa nyams pa'i dbye bas yin no/ /de kho nas sangs rgyas rnams
kyis bzlog pas gtsug tor nas nag po'i tshes gcig la sogs pa'i cha'i dbye bas gnam stong gi mthar zla ba'i cha bcu drug pa nyams pa'i bye brag gis gsang ba'i pad+mar son pa'o/ /de skad du yang/ kun rdzob pas dang po'i sangs rgyas su gsungs pa/ lus can
thams cad 'chi ba na/ /zla ba bdud rtsi 'og tu 'gro /steng du nyi ma rdul sgra gcan/ /rnam shes dngos po'i mtshan nyid do/ /de phyir zla ba bdud rtsi ni/ /steng du 'gro bya mi bskyod pa/ /'og tu nyi ma rdul sgra gcan/ /rnam shes 'gyur med bde ba la'o zhes so/ /don dam pas
'di nyid du 'chad par 'gyur ba/ byang chub sems ni zla bar 'gyur/ /bco lnga'i cha yis bdag nyid can/ /bde ba chen po A li'i gzugs/ /rnal 'byor ma rnams de yin/ /zhes pa dga' ba bcu drug gi nges pa'o/ /de bzhin du rigs kyi
le'ur bcom ldan 'das kyis gsungs pa/ ji ltar rigs par rnal 'byor ma'i/ /skye ba dang ni gnas pa'i rgyu/ /nus pa ye shes rnam shes dang/ /lha rnams ji ltar 'gyur ba'o/ /he ru ka ni bskyed pa'i rgyu/ /dang por re zhig e waM 'gyur/ /lhan cig skyes dga'
bde ba che/ /e waM yi ge 'gyur med che/ /zhes pa nges pa'o/ /rnam par mi rtog pa'i yid la ni/ /sgom pa po med bsgom bya med/ /sngags med lha ni yod ma yin/ /spros pa med pa'i rang bzhin las/ /sngags dang lha dag yang dag gnas/ /de nyid kyis na lhan cig skyes
pa'i dga' ba'i rang bzhin gyis rnam par rtog pa'i rnyog pa mdza' dag nub pa'i ngo bos so/ /da ni phung po drug po rnams kyi kun rdzob dang don dam pa'i dbye ba brjod par bya ste/ rnam snang zhes pa la sogs pas so/ /'dir rnam par snang mdzad ni sa'i 'khor
lo la 'dren pa'o/ /mi bskyod pa ni nam mkha' i 'khor lo la 'dren pa'o/ /'od dpag med ni chu'i 'khor lo la 'dren pa'o/ /rin chen 'byung ldan ni me'i 'khor lo la 'dren pa'o/ /don yod grub pa ni rlung gi 'khor lo la 'dren pa'o/ /sems dpa' can
ye shes kyi 'khor lo la 'dren pa'o/ /de rnams kyang grangs ji lta ba bzhin du/ tshangs pa khyab 'jug zhi ba dang/ /thams cad rnam sad de nyid brjod/ ces pa kun rdzob tu sems can rnams 'og tu khu ba can rnams te/ don dam pas sangs rgyas
rnams steng du khu ba can rnams so/ /tshangs pa myang 'das sangs rgyas te/ zhes pa bshad pa'i khams mi 'dzag pa nyid kyi phyir ro/ /'jug phyir khyab 'jug brjod par bya/ /gci ba'i khams rang gi lus la 'jug pa nyid kyi phyir te/ phyi rol tu 'byung ba med pa'i phyir
sangs rgyas khyab 'jug tu brjod par bya'o/ /rtog tu dge phyir zhi ba'o/ /zhes pa la dge ba'i tshul khrims ma nyams pa ste/ khu ba mi 'pho ba bde ba'i phyir sangs rgyas nyid ni zhi bar brjod par bya'o/ /thams cad kun bdag la gnas phyir zhes pa thams cad ni rin chen khrag gi khams
te/ de 'pho ba med pa la sdug bsngal med la/ de med pa'i phyir/ bde sdug sel ba mthar 'byung ba/ /chags bral lus ni zad? pa po zhes pa'o/ /kun bdag la gnas ni lha'i mig dang gzhan gyi sems shes pas thams cad la khyab par byed pa nyid kyi phyir/ sangs rgyas ni thams cad
ces par brjod par bya'o/ /rtogs pa med pas rnam sad do zhes pa mig la sogs pa'i dbang pos rtogs pa med pas don yod grub pa ni sha'i khams te/ de zad? pa nyid kyi phyir mi la sogs pa rnams 'du byed pa med la/ de med pa'i phyir rnams dang/ bdag rig
gzhan rig thams cad pa/ /kun la phan pa'i gang zag mchog /'jig rten dpe las 'das pa ste/ /shes dang shes bya'i bdag po mchog /ces pas/ sangs rgyas ni rtog pa med pas rnam sangs rgyas/ zhes pa nges pa'o/ /dam pa'i bde bas de nyid 'gyur/ zhes pa
la dam pa'i bde ba ni zag pa med pa stong pa nyid dang/ mtshan ma med pa dang/ smon pa med pa dang/ mngon par 'dus ma byas pa ste/ rnam par thar pa bzhi po gcig tu 'dres par gyur pa snying rje dang byams pa dang/ dga' ba dang btang snyoms dmigs pa med pa'i rang
bzhin gyis/ dmigs pa'i shes rab dang thabs kyi bdag nyid can gyi de kho na nyid ni sangs rgyas yin no zhes brjod pa'o/ /de ltar na/ bden don rnam pa bcu gnyis pa/ /de nyid rnam pa bcu drug rig /rnam pa nyi shus byang chub pa/ /rnam dag mchog tu mi 'gyur rig /ces pa sangs
rgyas bcom ldan 'das so/ /de ltar gsungs pa'i rim pas/ rigs gsum dang ni rigs lnga nyid/ /rang bzhin gcig pas rigs brgya'o zhes pa'o/ /de skad du mtshan yang dag par brjod par/ khro bo'i rgyal po gdong drug 'jigs/ /mig drug lag drug stobs dang ldan/ /keng
rus mche ba gtsigs pa po/ /ha la ha la gdong brgya la/ /zhes pa dang ni de bzhin du/ rdo rje 'bar ba mig mi bzang/ /mgo skyes rdo rje 'bar ba ste/ /rdo rje 'babs pa 'bebs pa che/ /mig brgya pa ste rdo rje'i mig /ces pa rigs brgya'i nges pa'o/ /de
ltar kun rdzob dang don dam pa'i dbye bas 'jig rten pa dang 'jig rten las 'das pa'i de kho na nyid ni sgrib pa dang bcas pa dang/ sgrib pa med pa dang/ mtshan ma dang bcas pa dang/ mtshan ma med pa dang/ rnam par rtog pa dang bcas pa dang rnam par rtog pa
med pa dang/ sgro btags pa dang/ sgro btags pa med pa dang/ nga rgyal dang bcas pa dang nga rgyal med pa ste/ sems can rnams dang sangs rgyas rnams kyis rten cing 'brel par 'byung ba'i yan lag bcu gnyis 'gog pas mi skye ba 'jug pa yang med
pa'o/ /zhes pa rgyud gzhan thams cad du sangs rgyas bcom ldan 'das kyi nges pa ste mkhas pa rnams kyi rig par bya'o/ /da ni yang kun rdzob kyi chos kyi lha la sogs pa brjod par bya ste/ lus la 'byung ngo zhes pa la sogs pas so/ /'dir gang gi phyir lus 'byung
ba lnga'i bdag nyid la kun rdzob kyi bde ba yang dag par 'byung ba de'i phyir lha zhes bdag gis brjod par bya'o/ /sangs rgyas 'di la b+ha ga mnga' / /des na bcom ldan 'das zhes brjod/ /b+ha ga rnam pa drug tu brjod/ /dbang phyug la sogs yon tan kun/ /
dbang phyug dang ni phun tshogs dang/ /ye shes grags pa dpal rnams dang/ /skal pa bzang po yon tan nyid/ /b+ha ga'i sgra yis brjod par bya/ /yang na nyon mongs la sogs bdud/ /'joms phyir bcom ldan zhes pa'o/ /don dam pas so zhes pa thabs kyi nges
pa'o/ /da ni shes rab brjod par bya/ /ma zhes pa la sogs pas so/ /'dir thabs ni pha de khu ba'i khams so/ /shes rab ma de rdul gyi khams so/ /bskyed pa ni las kyi byin gyis brlabs pa'i dri za'i sems can 'chi ba'i mthar gyur pa skye ba'i char gtogs pa'i kun
gzhi'i rnam par shes pa ste/ de kho na 'gro ba'i sgras brjod par bya'o/ /bcom ldan 'das kyis/ kye rgyal ba'i sras rnams khams gsum po 'di ni sems tsam mo zhes gsungs pa'i phyir ro/ /'gro ba ni de kho na'o/ /'gro ba skyed par byed do zhes pa shes rab ma ru brjod
par bya ste rdul gyi khams so/ /de bzhin du skal ba can ni thabs te khu ba'i khams so/ /gang phyir rnam dbye ston pa'i phyir/ shes rab de kho na sring mor brjod par bya/ khams kyi rnam 'gyur so sos ba spu dang pags pa dang sha dang khrag gi'o/ /de bzhin du thabs ni spun
zla ste/ gang gi phyir rtsa dang rus pa dang rkang gi rnam par dbye ba ston pa de'i phyir khu ba'i khams so/ /yon tan 'jo phyir shes rab de kho na ni bu mor yang dag brjod par bya ste/ yon tan rnams ni sgra dang reg bya dang/ gzugs dang ro dang dri dang chos kyi yul rnams te/
de rnams 'jo ba'i phyir na de 'dzin pa'i phyir ro zhes pa'o/ /de bzhin thabs bu ste mig la sogs pa rnams rab tu 'jug pa nyid kyi phyir thabs kyi khams so/ /de bzhin du shes rab ni sring mo'i bu ma ste yul la rnam par shes pa rnams rab tu 'jug pa nyid kyi phyir ro//
thabs ni spun zla'i bu ste mig sogs pa rnams la rab tu 'jug pa nyid kyi phyir ro zhes pa'o/ /de bzhin du 'pho ba'i bde ba la 'jug pa nyid kyi phyir shes rab ni chung mar brjod do/ /thabs kyang khyo po ru brjod de phan tshun bltos pa nyid kyi phyir gnyis ka yang 'pho
ba'i bde ba'i las so zhes pa'o/ /chags pa dang bral ba las shes rab ni reg min mthar skyes ma zhes brjod do/ /thabs kyang ngo zhes pa phyag rgya drug gi nges pa'o/ /khams kun rmongs par byed pa'i phyir/ /bram ze mo zhes brjod par bya/ /'tshed byed shes rab tshos
ma'o/ /khams g.yo byed phyir gar mkhan ma/ /sreg byed phyir na gtum mor bshad/ /reg min phyir na g.yung mor bshad/ /de bzhin du thabs kyang shes bar bya ste/ bya ba lnga'i rang bzhin las so/ /de ltar thams cad phyir rol du de'i phyir mu stegs pa rnams kyis rig byed
la sogs pa rnams kyis rab tu brtags pa ste/ rang bzhin gyis bud med thams cad dang skyes pa thams cad mi'i rigs gcig tu yang dag par byung ba ste/ de rnams la rigs gzhan yod pa ma yin no/ /zhes pa rgyud gzhan
thams cad du mkhon par dgongs pa'o/ /da ni khams kyi rang bzhin gyis sngags bzlas pa la sogs brjod pa zhes pa la sogs pas bshad par bya'o/ /'dir sems can thams cad kyi brjod pa ni A li kA li dbyangs dang gsal byed dag gi brjod
pa gang yin pa ste/ de'i phyir brjod pa bzlas pa yin par bshad/ de kho na nyid kyi rnal 'byor pa rnams kyi'o/ /de bzhin du rkang pa'i rjes ni dkyil 'khor 'gyur/ /rkang pa dag gis sa gzhi nyid pa'i phyir dkyil 'khor du brjod par bya'o/ /de bzhin
du lag pa bsgyur ba phyag rgyar 'gyur/ /sor mo nyid pa gang yin pa/ de bzhin du sems can rnams kyi gang sems pa de kho na bsam bya ste/ pha rol gyi sems shes pas rnal 'byor pa rnams kyis zhes pa'o/ /gang gi phyir bsam bral bsam
bya ba/ zhes pa bsam bral zhes pa/ sems pa med pa ste/ rnal 'byor pa rnams kyis bsam bya gang yin pa'o/ /pha'i yul la 'chi ba'i mthar gyur pa skye ba'i char gtogs pa'i sems can gyis 'pho ba'i gnas skabs su thob pa'i bde ba gang
yin pa'i bde ba de nyid ni lo bcu drug gi mtshams su skyes pas rang gi bza' bar bya ba'o/ /bud med kyis ni lo bcu gnyis kyi mtshams su longs spyod par bya'o/ /bde ba gang gis 'chi ba 'dir te/ 'khor ba pa rnams kyi 'khor bar skye ba dang gnas pa'i bde ba de
kho na brtan par gyur pa ni rnal 'byor pa rnam kyi bsam gtan du brjod par bya'o/ /kye'i rdo rje'i snying po bdag gis 'di thams cad ni mdor bsdus pa'i kye'i rdo rje'i rgyud 'bum phrag lnga pa las/ 'bum phrag so so'i nang nas le'u so so las bsdus pa'i don bstan
pa ste/ le'u lnga pa rnams su'o// //'di las phyi ma spyod pa'i le'u la sogs pa ni rgya cher rtogs par bya'o/ /rigs kyi le'u ru tshigs su bcad pa sum cu rnams kyis 'bum phrag dang po las bsdus pa'i don to/ /sngags kyi le'ur tshigs su bcad pa bzhi bcu rnams kyis
'bum phrag gnyis pa las so/ /sa'i le'ur nyi shu rtsa bzhi rnams kyis 'bum phrag gsum pa las so/ /tshigs su bcad pa drug rnams kyis dbang bskur ba'i le'ur/ 'bum phrag bzhi pa las so/ /tshigs su bcad pa nyi shu rnams kyis de kho na nyid kyi le'u 'bum phrag lnga pa las so/
de ltar tshigs su bcad pa nyi shu lhag pa'i brgya rnams kyis bsdus pa'i don le'u lnga rnams su rnal 'byor pa rnams kyis rgya cher 'grel pa 'di yis rtog par bya'o zhes pa'o/ / //kye'i rdo rje'i 'grel pa ster phrag drug par/ de kho na nyid nges pa mdor bstan pa'i mdor
bsdus chen po'o/ /de ltar de kho na nyid kyi le'u rdzogs so// //dpal kye'i rdo rje'i bsdus pa'i don gyis 'grel pa rdzogs so// //rje btsun byang chub sems dpa' sems dpa' chen po rdo rje snying pos mdzad pa'o/ /rgya gar gyi mkhan po pA? na shAM la dang/ lo tsha ba 'dro sa?
dkar shAkya 'od kyis bsgyur ba/ /slad kyis rgya gar gyi mkhan po su b+hU ti shTi shAn+ti dang// //lo tsA ba cog gru ting nge 'dzin bzang pos zhus so// //yang slad kyis rgya gar gyi mkhan po rgyal po'i sras/ dpal 'jig med lha'i zhal sngar lo tsA ba snyol cod dge
slong pra dz+nya kIr tis yul dbus 'gyur gyi dpes gtan la phab pa/ / //slar yang dpal ldan shong ston rdo rje rgyal mtshan gyis legs par bshad pa la sogs pa'i mthu las/ /brda sprod pa'i tshul rig pa'i dbang po tsA ba dpal ldan blo gros brtan pas//
byang chub sems dpa' i 'grel pa bskor gsum gyi chul la shin tu dad cing blo'i snang ba rgyas pa'i dge ba'i bshes gnyen na lung pa chos grags dpal bzang pos/ slob dpon chen po zhi ba 'tsho'i zhabs dpon slob kyis mdzad pa'i/ dbu ma'i gzhung lugs chen po de kho na nyid bsdus pa rtsa 'grel gyi glegs bam bris
te yon du gnang nas yang dang yang du bskul ba'i ngor legs par bcos te bsgyur cing zhus nas gtan las phab pa'i yi ge pa ni 'dzad ston kun dga' rgyal mtshan zhes bya'o/ /'dis sems can mang po dpag tu med pa la phan par
gyur cig /
CLOSE WINDOW