བོད་ཡིག

e-texts based on the ACIP/ALL Input

de nas yi ge brgya pa gton la gshegs su gsol la gtor ma'i cho ga rdzogs so// //rnal 'byor ma 'khor gtsor gyur pa/ /rdo rje phag mor phyag 'tshal te/ /lag pa'i mchod pa'i cho ga ni/ lugs ni ji ltar yang dag bsdu/ /tshogs kyi dkyil 'khor la sogs pa'i dus dpal 'khor lo sdom pa'i rnal 'byor dang ldan pa'i sngags/ lag pa g.yon pa'i mthe bo dang/ mdzub mo dang/ gung mo dang/ srin lag dang/ mthe'u chung dang/ de rnams kyi sen mo rnams la rdo rje sems dpa' dang/ rnam par snang mdzad dang/ 'od dpag med dang/ mi bskyod pa dang/ rin chen 'byung ldan dang/ don yod grub pa'i rang bzhin rnams so/ /go rims ji lta bar dkar po dang/ ser po dang/ ljang gu'i kha dog rnams te/ aoM ha/ ni ma:hi/ swAhA hu/ bau ShaT he/ hUM hUM ho/ phaT haM gi yi ge rnams bkod de/ lag tu yang blo bur du grub pa'i pad ma dmar po 'dab ma lnga pa bsams te/ shar la sogs pa'i 'dab ma rnams la g.yon skor gyi rim pa ji lta bar/ ya mi ni dang/ rmongs byed ma skul byed ma dang/ skrag byed ma dang/ tsaN+Da li'i rang bzhin rnams/ sngon mo dkar mo dang/ ser mo dang/ ljang gu dang du ba'i mdog can rnams/ haM yoM/ hiM moM/ h+riM h+riM hUM hUM phaT phaT/ zhes bya ba'i sa bon gyi yi ge rnams blta'o/ /pad+ma'i lte ba la rdo rje phag mo'i rang bzhin kha dog dmar po aoM baM zhes bya ba'i sa bon te/ 'di rnams kyi gzugs brgyan nam 'khor lo gsum gyi rgyab la yang yongs su gsal bar bya'o/ /de nas lag pa la gnas pa sa dang/ chu dang/ me dang/ rlung/ nam mkha' i khams rnams ltung byed ma dang/ gsod byed ma dang/ 'gug byed ma dang/ gar gyi dbang phyug ma dang/ pad+ma 'bar ba rnams kyi rang bzhin du mos par bya'o/ /de nas lag pa la gnas pa'i sa bon de rnams la zhu ba'i rdzas kyi bskur ba byas la / lag pa'i mthil der dpa' bo dang /rnal 'byor ma byin gyis brlab pa 'khor lo gsum gyi rang bzhin du mos pa byas la de zhu ba la sogs pa'i rdzas yi ge gsum gyis sam rkang pa brgyad pa'i sngags kyis dbul bar bya'o/ /de nas yang dag par mchod pa lhag pa dang chad pa skad pa'i phyir yi ge brgya pa bzlas par byas la 'khor lo byin gyis brlab pa la sogs pa'i don du gsol ba btab la / rdzas de gzhan nam gzhan du bzhag la / lag pa g.yon pa'i rdzas rnams kyis g.yon pa'o srin lag gis blangs pas snying ga dang / lce dang spyi bo la hUM A:aoM zhes brjod pa sngon du 'gro bas bskul bar bya'o/ /de lha'i tshogs rnams bdag nyid la gzhug par bya'o/ /chog 'di rnams rnal 'byor ma / kun tu sbyod pa dang o'brel pa ste / lag pa'i mchod pa rdzogs so// // 'gro kun sangs rgyas thob par shog/

CLOSE WINDOW