བོད་ཡིག

e-texts based on the ACIP/ALL Input

(/dbu bcad ma'i sgrub thabs bzhugs so//) // */ /rgya gar skad du/ tshinda muN+Da sA d+ha naM nA ma/ bod skad du/ dbu bcad ma'i sgrub thabs zhes bya ba/ dpal rdo rje mkha' 'gro ma la phyag 'tshal lo/ /bde sbyin bcom ldan 'das phag mo/ /g.yas brgyad zhabs kyis yang dag mnan/ /khams gsum rang bzhin gsum spyan gsum/ /de la rtag tu phyag 'tshal lo/ /ji ltar bla ma'i man ngag ltar/ /khams gsum pa yi rang bzhin phyir/ /nyi me gzhon nu'i 'od 'phro ba/ /de yi sgrub thabs bdag gis brjod/ /mtshan ma gcig pa 'am dur khrod dam/ /khang stong du ni dus rtag tu/ /rig ma srid gsum mthar mdzad ma/ /de ni rnal 'byor pas bsgrub bya/ /'bol bstan 'jam la gnas pa 'am/ /'jam pa'i bstan gzhan dag la yang/ /yang dag brten te gnas nas ni/ /dngos grub dam pa bsgrub par bya/ /de rjes yig gsum sngags kyis ni/ /mngon par bsngags pa'i dam tshig chus/ /mchod rdzas dag la'ang bsang gtor bya/ /sngags de nyid kyis khrus? byas te/ /de yi rjes la go bgo'o/ /yan lag nyid lag thams cad la/ /g.yon gyis lag pa nas brtsams nas/ /aoM gaM haM yoM/ h+riM moM h+reM h+riM/ hUM hUM/ phaT phaT/ ces pa'i sngags kyi yi ge rnams/ /lag pa g.yon pa'i rtse mo yis/ /dang po lte ba nas brtsams nas/ /brjod bya de nas dag gsum mo/ /aoM swa b+hA ba shud+d+ha:sarbba d+harmma: swa b+hA ba shud+d+ho? haM/ aoM badzra shud+d+haba'i rnam pa'i? rnal 'byor gyis/ /de rjes gsum po mnyam par bzhag/ gnas gsum la ni bsgom bya'o/ /'od zer rnam par spros pa las/ /srid gsum la gnas sems can rnams/ /gsal bar byas te de nas yang/ /nye bar bsdu ba'i sgom pa las/ /sna tshogs kun tu stong bar bya'o/ /dag pa yi ni shel lta bur/ /gnyis med ye shes rang bzhin no/ /de rjes stong sogs rang bzhin gyis /rgyal ba'i sngags kyis byin gyis brlabs/ /de nas nam mkha' bsgom bya ba/ /h+rI:dmar po las 'dam skyes so/ /yang ni de steng bsgom bya ba/ /zla ba nyi ma me der blta/ /de dkyil yang ni bsgom bya ba/ /bam yig sna tshogs mdog lta bu/ /de nas baM skyes blta bya ba/ /gri gug baM gyis brgyan pa'o/ /gri gug yongs gyur bsgom bya ba/ /spros las bdag nyid rnal 'byor ni/ /rdo rje yi ni rnal 'byor ma/ /gzugs gsum kha dog gsum ldan pa/ /ljang gu dmar ser ser mo ste/ /gri gug thod pa 'dzin pa'o/ /dbu skra grol zhing gcer bu la/ /dmar zhing zlum pa'i spyan gsum pa/ /lang tshe gzhon nu yang dag ldan// phyag rgya lnga yis rnam par brgyan/ /zhal gcig phyag gnyis mdzes ma ste/ /mi bzad drag tu bzhad cing dpa' / /bde ba'i zhabs g.yas brkyang mi bzad/ /mgo bo'i phred ba rab tu sbyangs/ /rdo rje gri gug gis bdag dbu/ /bcad nas sku steng spyangs pa'o// g.yas pa rdo rje gri gug dang/ /g.yon pas skra phyed kyis g.yogs pa/ /dbu yi steng du thod pa dang/ /dbu skra phyed bzung 'og bltas zhal/ /kha TwAM ga 'dzin ser mo dang/ /gur gum dmar po mnyam par ldan/ /dus mtshan ma ni mnyam par mnan/ / rnal 'byor pa yis rtag bsgom bya/ /lam gsum nas ni khrag 'dzag cing/ /zla ba nyi ma nam mkha' ltar/ /g.yon dang g.yas dang de bzhin dbus/ /rtsa gsum nas ni byung nas ni/ /rtag tu 'byung bar bsgom par bya/ /a ba d+hu tI gyen du 'gro /g.yon dang g.yas kyi rtsa? gnyis kyang/ /de ltar myur du bsgom par bya/ /sku gsung thugs kyi rang bzhin gyis/ /rtsa gsum gyi ni ngo bor gnas/ /shes rab ngo bo la la na/ /ra sa nA ni thabs su gnas/ /dbus gnas a ba d+hu tI ni/ /bde chen rnam pa'i rang bzhin no/ /de dag thun mtshams gsum du bsgom/ /sna tshogs gzugs ni rin chen bzhin/ /ji ltar sdang phyi rim bzhin du/ /de nas sngags btu bshad par bya/ /sngags pas gtsang ma'i sa phyogs su/ /gnas te de nas sngagS brjod nas/ /rigs byed sngon gsum dang por gzhag /'dod pa'i sum cu gnyis pa blang/ /nyi shu gsum pa de bzhin du/ /nyi shu bdun pa mgo steng su'o/ /yang ni nyi shu gsum pa bzung/ /dbyangs yig lnga pa 'og tu sbyar// tha rgyab yi ge yang dag blang/ /da rgyab 'og tu sbyar bar bya/ /de rjes bcu gsum pa sbyin bya/ /dbyangs yig gnyis pa yang dag sbyar/ /dang po'i yi ge blang byas la/ /dbyangs yig gsum pa sbyar bar bya/ /de nas nyi shu ba byin la/ /dbyangs yig bzhi pas brgyan par bya/ /de nas nyi shu drug pa gzung/ /bcu gcig pa dang ldan par bya/ /yang ni nyi shu gsum ba sbyar/ /brgyad pa yang ni blang byas la/ /'og tu nyi shu bdun ba sbyar/ /sum cur gcig gis ma ched ba/ /bco lnga pa ni brtsegs par bya'o/ /nyi shu bdun pa mgo bor bzhag / yang ni d+ha rgyab sbyin byas la/ /bzhi pa yis ni brgyan par bya/ /ra yig 'og ma gzung byas la/ /bcu gcig pa yis brgyan bar bya/ /yang ni nyi shu gsum pa gzung/ /tsa nas bgrangs pa'i gsum pa la/ /'og tu nyi shu bdun pa sbyar/ /pha rgyab yi ge blang byas la/ /dbyangs yig bcu gnyis pa yis brgyan/ /pa nas drangs pa'i bdun pa la/ /bcu gsum pa yis brgyan par bya/ /drug pa bcu phrag gnyis pa sbyin/ /rgyu ma'i sa bon gyis brgyan bya/ /de rjes rlung gi sa bon sbyin/ /bcu gcig pa dang ldan par bya/ /sum cu gsum pa lan gsum byin/ /dbyangs yig drug pa mnyam ldan pa/ /nA da thig ler yang dag ldan/ /phaT ni lan gsum sbyar bar bya/ /yang dag rdzogs pa'i dngos grub sngags/ /mkha' pas gsang ba'i gnas su ni/ /? su phreng la bsgom pa/ /spro dang bsdu ba'i rnal 'byor gyis/ /sngags mchog yang dag bzla bar bya/ /sngags rnams gsal ba'i rnal 'byor ni/ /las ji bzhin du sbyar bar bya/ /khyod ni na skyes pa bsgrum pa bzhin/ /'bad pa yis ni gsang bar bya/ /sbyin min gang su gang la lar/ /shin tu gsang ste de bzhin du/ /legs bar brtags te sbyin par bya/ /gus med g.yo dang ldan zhing gtum/ /slob dpon bla ma gzhan smod la/ /gtong dang mi ldan rtog ba che/ /brtags te sbyin par mi bya'o/ /bla ma la gus rtog pa med/ /rtag tu chos la dga' zhing gtsang/ /dad bas yang dag gang gyur cing/ /bzod ldan blo dang ldan pa la/ /bsgrub pa'i rnal 'byor chos gsungs pa/ /sngags btub ni sbyin par bya/ /rnal 'byor spyod pa'i rjes 'brangs te/ /de nas mchod pa'i cho ga bshad/ /phreng ba gsum gyis bskor ba yis/ /sum 'gyur gyis mtshan mtshan pa ste/ /e yi lte ba'i dkyil 'khor du/ /legs par rdzogs shing grub sngags dgod/ /rnal 'byor pa yis brtag bsams pa/ khyad par du ni mchod pa'i dus/ /dkar nag dus kyis tshes bcu dang/ /brgyad dam yang na bcu bzhi la/ /mchod pa lnga dang ldan pa yis/ /lag g.yon gyis ni mchod par bya/ /bza' dang ston mo de bzhin btung/ /phyi dang gsang ba de bzhin du/ tsan dan dmar pos legs par byug /gur gum ga bur a ka rus/ /bsgos pa yis ni dam tshig chus/ /legs par gser sogs snod dag tu/ /sind+hu ra bzang bye ma ni/ /ras kyi nang du btsags te dgram/ /gser las byas pa'i myu gu yis?// mkhas pa yis ni chos 'byung gis/ /dkyil du sngags kyi rgyal po ni/ /phreng ba gsum ni legs par bri/ /phyi ru mi bza' 'khor ba yi/ /kha dog sna tshogs cher 'bar ba'o/ /shin tu gsang bas dus gsum tu/ /skra bshig gcer bur byas nas ni/ /sngags pas nub phyogs kha bltas te/ /rtsol bas bsam gtan la brten nas/ /grol bas grub pa'i don gyi phyir/ /'bad pa yis ni mchod par bya/ /dri dang spos ni dri zhim sogs/ /de bzhin lha bshos rab dbyes mchod/ A li phal gu phal dra ne/ /kha che tsan dan dmar po dang/ /dri zhim pa yi tsan dan dang/ /de bzhin a shwa ka'i me tog /ku mu ta ka na bi ra/ /de bzhin me tog sna tshogs pa/ /kha dog dan du la 'bras bu/ /skud pa me tog rab dbye baS/ /mchod par bya'o gnas rim bzhin/ /dri zhim spos dang me tog kyang/ /de tshe ji lta'i rim bzhin mchod/ /btung de bstod pa'i dbye ba dang/ /phyag 'tshal nas ni bzod par gsol/ /der ni de bzhin rnal 'byor pas/ /de bzhin gzhon nu ma mnyes byas/ /rnal 'byor grub pa'i don gyi phyir/ /gtor ma'i sngags ni rab brjod bya/ /aoM a ral+li he:dza:hUM baM ho:badzra DA ki ni sa ma ya stwaM dri sh+ya ho zhes pa lan gsum mam/ bzhi 'am/ lnga'i bar du brjod par bya'o/ /rim dang rim pa min pa yis/ /thod pa ru ni sbyin par bya/ /rdo rje thal mo kha gyen du/ /phye la sngags 'di brjod par bya/ /aoM kha kha khA hi khA hi/ sarbba yak+Sha yak+Sha sa phu ta pre ta pi shA tsa aun+na da a pa smra ra DA ki n+ya da ya/ ai maM pa liM grih+Na ma ma sa ma ya rak+Sha rak+ShaM du ya the baM ya theShDaM b+huny+dza tha pi ba tha dzi gra tha ma ti kra ma thA ma ma sarba karta ya satshu khaM bi brid+d+hi ye sa ha yi kA b+ha baM hu hUM hUM phaT swAhA/ chos brgyad dang ni bcu bzhi la/ /thun mtshams gsum du rab tu dbul/ /blo dman gyur kyang sgrub pa'i thabs/ /sdom pa rgya mtsho la btud nas/ /don sgrub thabs ni 'di kho ni/ /bi rba pa yis 'di byas te/ /skra yig legs par ma rdzags kyang/ /mkha' 'gro ma rnams bzod par rigs/ /'di ni rnal 'byor ma'i man ngag gsang ba las shin tu ches gsang ba shin tu sba bar bya'o/ /dbu bcang ma'i sgrub thabs slob dpon chen po birba pas mdzad pa rdzogs so/ / //bal po'i paN+Ti ta b+ha ren+d+ra ru tse dang/ bod kyi lo tsa ba rma chos 'bar gyis bsgyur cing zhus te gtan la phab pa'o// //sarba mang+ga laM// rdo rje rnal 'byor ma'i sbyin sreg gi cho ga bzhugs so/

CLOSE WINDOW