བོད་ཡིག

e-texts based on the ACIP/ALL Input

/ //rgya gar skad du/ a b+hi She ka bid+hi kra ma nA ma/ bod skad du/ dbang gi cho ga'i rim pa zhes bya ba/ dpal rdo rje sems dpa' la phyag 'tshal lo/ /dbang gi bya ba bri par bya'o/ /dang po slob mas lan gnyis lan gsum du gsol ba gdab pa dang/ rdo rje slob dpon gyis slob ma la dbang gi yo byad thams cad 'byor ba yod dam zhes bri'o/ /bdag la thams cad yang dag par yod do zhes pa de la/ ji ltar de'i las kyi sgrib pa dang ldan pa de slob dpon gyis rab tu 'joms pa'i don ni/ de'i snying gar kaM gi yi ge zhu ba las/ las kyi sgrib pa'i rang bzhin gdug pa can ma lus pa rnam par bsam mo/ /de bzhin du de'i lte ba'i gnas su rdo rje rtse lnga pa zhu ba las yongs su rdzogs pa'i rdo rje gnod sbyin phyag gnyis pa kha dog nag po/ /mche ba gtsigs pa zhal gcig pa bsgoms te/ /g.yas dang g.yon na rdo rje dang zhags pa bsnams pa'i khro bo/ /de nas yang na mche ba dang g.yon sdigs mdzub can/ bdag nyid kyis rdo rje gsor ba las song nas de'i snying gar rang gis byas pa'i las kyis sgrib pa zhu ba rnam par bsams pa la rdo rje bsnun pa la rdo rje gnod sbyin gyis kyang bsnun te/ aoM bi dzra yak+Sha kro d+ha khA da khA da pA paM ya sya hUM phaT swAhA/ /sngags 'dis thal ba lta bur gyur par rnam par bsams pas sdig pa 'byad do/ /de la bsrang ba bya ste/ gnod mdzes kyi sngags sam bdud rtsis khyil ba'i sngags kyis lag pa g.yas pa la skud pa bcing ngo/ /de bzhin du spyi bo mgrin pa snying gar yi ge gsum bri ba 'am bsgom par bya'o/ /lus ngag yid gsum byin gyis brlab pa'o/ /yongs su 'dzin pa rnam par dag pa 'di'i sngon du thams cad song ba ste/ bum pa lhag par gnas pa dang/ lha lhag par gnas pa dang/ dkyil 'khor ba de'i sgrub pa mngon du byas pa'o/ /de nas ku sha gnyis bdud rtsi 'khyil ba'i sngags kyis mngon par bsngags pa byin la/ slob ma seng+ge'i nyal thags su stan dang sdas su bya'o/ /nub gnyis pa la rmi lam yongs su brtag par bya'o/ /bzang ngan mthong ba dang/ zhi ba'i bgegs bskrad pa dang/ sbyin sreg de nas bya'o/ /de'i sngon dkyil 'khor bri ba dang bsgrub pa dang/ mchod pa chen po dang gtor ma byin nas nam phyed lus pa na slob ma dkyil 'khor gyi sgo'i phyi rol tu bzhag la/ me tog gi phreng ba 'dzin pa slob dpon gyi gsung gis gdong g.yogs bcing ngo/ /khyod gang la dga' ba yin ces pa dang/ skal ba bzang po bdag bde ba chen po la dga' lags so zhes so/ /de nas slob ma'i lag pa nas bzung la dkyil 'khor gyi sar khrid la sngags 'di brjod do/ /aoM sh+ri he ru ka padmi he bi dyA rA dza ya d+hi ma he tan+tu wI ri pra tso ta ya swAhA/ 'di ni slob ma gzhug pa'o/ /slob ma de lho phyogs kyi sgo ru bzhag la phyag gsum btsal lo/ /gsang sngags 'das aoM na ma ste hUM/ na mA mi hUM/ na mo na ma hUM swAhA/ de nas shar phyogs sgor thal mo sbyar te lus thams cad kyis phyag bya'o/ /sngags 'dis dpa' bo dang rnal 'byor ma mchod pa'i bdag nyid can du bya'o/ /aoM sarba bI ra yo gi rya At+mA DA ki ni yetSh+Thi mAM ai de/ thal mo snying gar sbyar te byang gi sgor phyag bya ba gong ma bzhin no/ /sngags 'dis rnal 'byor ma rnams thams cad mchod pa'i dbang bskur ba'i bdag nyid can du bya'o/ /aoM sarba ta thA ga ta bi ra yo gI nI at+ma na taM lA ma a b+hi Sheny+tsa tu mAM/ de nas thal mo sbyar la aoM rnal 'byor ma thams cad mchod pa'i bdag nyid can du bya'o/ /aoM sarba ta thA ga ta bI ra yo gI ni at+ma khaN+Da ro ha sya pra barta ya to ma ma ai de des nub kyi sgor ro/ /de nas lho phyogs kyi sgor rthal mo yan lag thams cad la bskor zhing aoM dpa' bo dang rnal 'byor ma thams cad la mchod pa'i las bya ba'i dbang bskur ba'i bdag nyid can du bya'o/ /aoM sarba ta thA ga ta bI ra yo gI nI At+ma rU pi Ni karma kra ro to mAM yi te/ rab tu btud pa'i phyag bzhi bya'o/ /de nas slob dpon gyi snang ba brtag par bya ste/ mig la snang ba drang bar bya'o/ /de nas snang ba rjes su 'jug pa'i las gar grub pa bstan par bya'o/ /de nas sor bcu gnyis ba'i rtse mo la me tog can rma med pa ma gas pa drang po mya ngan med pa la sogs pa'i so shing slob mas bza' zhing shar du bltas te maN+Dal pags pa'i tshad las ma rtogs pa dor bar bya'o/ /byang du bltas na zhi ba'o/ /shar du bltas na rgyas pa'o/ /lhor bltas na mngon spyod de/ /nub tu bltas na dbang du bya ba'o/ /steng du bltas na rig pa 'dzin pa'i dngos grub po/ /maN+Dal gyi phyi rol lhung na dngos grub chung pa'o/ /so shing sbyin pa'o/ /dam tshig gi chu sbyin pa brjod par bya'o/ /he ru ka dpal bu khyod kyi/ /snying la de ring yang dag zhugs/ /gal te tshul 'di smras 'gyur na/ /de ma thag tu dral nas 'gro/ des na 'di ni dmyal ba'i chu/ /dam tshig 'das na sreg par byed// dam tshig bsrungs na dngos grub ni/ /rdo rje bdud rtsi chu 'dis 'grub ces pas sbyin no/ /der 'dir gang zhig kha cig rdo rje'i chus/ /thams cad byed pa rang nyid ma byed cig/ ma bskyangs gyur na dmyal bar lhung 'di'o/ /sngags ni aoM badzra a mri ta au da ka Tha hUM zhes pas khyor bar 'thung du gzhug go / ji ltar khyod dam tshig dang sdem pa la sogs pa 'di rtogs nas 'dzin par 'dod pa de ltar gzung ba de la dpal he ru ka'i ye shes bskyed par bya yis/ ye shes des khyed de bzhin gshegs pa thams cad kyi dngos grub kyang thob par byed do// dngos grub gzhan lta smos kyang ci dgos ces bstan nas mi phyed pa'i dkyil 'khor du me tog gi phreng ba dor bas gang zhig la me tog phog pas de dag gi rigs te ming gi dbang bskur ba'i don no/ /de nas mig g.yogs dgrol ba'i sngags 'dis so/ /sh+rI he ru ka raM ye tirya tsak+Sho ro dud+g+ha Tan tatpa ra aud+g+haT ya te sarba ak+Sho badzra tsak+Shu au ta ri/ de bzhin du sngags ni aoM badzra ne tra ya ha ra ha ra pa Ta laM h+ri/ 'di brjod par bya'o/ /dkyil 'khor 'di khyod mthong ba yis/ /rigs kyis skye ba'i rnal 'byor la/ /shin tu dad par khyod kyis byos/ /sngags dad phyag rgyas byin brlabs nas/ /de kho na nyid dbang bskur don/ /slob ma rje btsun byed rnams la/ /slob dpon khyed kyis bdag bzung ba/ /khyed kyi bstan pa dga' ba che/ /mgon po chen po bdag gi ni/ /'dod pa byang chub chen po ni/ /theg pa mi phyed ngo bo yis/ /dam tshig de nyid bdag la gsol/ /byang chub sems kyang bdag la gsel/ /sangs rgyas chos dang dge 'dun gyi/ /skyabs gsum dag kyang bdag la gsol/ /byang chub chen po'i grong mchog tu/ /mgon pos bdag ni gzhug tu gsol/ /des ni 'di dag gis gsol ba gdab pa'o/ /de nas slob dpon gyis de bzhin gshegs pa rigs lnga'i dam tshig sbyin no/ /sangs rgyas chos dang dge 'dun te/ /dkon mchog gsum la skyabs su song/ /'di ni sangs rgyas rigs dag pa'i/ /sdom pa'i ngo bo mi byed pa/ /rdo rje dril bu'i phyag rgya dag /blo chen khyod kyis bzung bar gyis/ /byang chub sems gang de rdo rje/ /shes rab dril bu rjes su dran/ /slob dpon ngag kyang gzung bar gyis /bla ma sangs rgyas kun dang mnyam/ /'di ni rdo rje rigs dag pa'i/ /dam tshig sdom pa yin par gsungs/ /nyin dang mtshan mo lan gsum du/ /zang zing mi 'jigs chos dang byams/ /sbyin pa rnam bzhi rtag tu sbyin/ /rin chen rigs mchog chen po'o/ /phyi dang gsang ba'i theg pa gsum/ /dam pa'i chos ni ma lus gzung/ /'di ni pad+ma'i rigs dag pa'i/ /dam tshig sdom pa yin par gsungs/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus gyis/ /las kyi rigs mchog chen po'o/ /srog chags bsad par mi bya zhing/ /ma byin par yang mi blang ngo/ /'dod log spyad par mi bya zhing/ /brdzun gyi tshig kyang mi bya'o/ /nyes pa kun gyi rtsa ba yi /myos par 'gyur ba spang bar bya/ /sems can 'dul ba ma gtogs pa/ /bya ba jan? pa thams cad spang/ /dam pa nye bar bsten par bya/ /rnal 'byor can la bsten par bya/ /lus kyi las ni rnam pa gsum/ /dag gi rnam pa bzhi dag dang/ /yid kyi byed pa gsum dag ni/ /ci nus par ni rjes su bsrung/ /sems can gnod pa mi phyogs dang/ /theg pa dman la 'dod mi bya/ /'khor ba dag kyang mi spang zhing/ /rtag tu mya ngan 'das mi chags/ /lha dang lha min gsang ba la/ /de la bsnyen bkur mi bya zhing/ /phyag rgya bzhon pa phyag mtshan sogs/ /de la 'gom par mi bya'o/ /'di ltar dam tshig bsdus pa rnams/ /khyed kyis rtag tu bsrung bar gyis/ /de nas slob ma des rang gi dag gis gzung ngo/ /dkon mchog gsum la skyabs su mchi/ /sdig pa thams cad so sor bshags/ /'gro ba'i dge la rjes yi rang/ /sangs rgyas byang chub yid kyis gzung/ byang chub sems ni bla na med/ /dam pa bdag gis bskyed par bgyis/ /ji ltar dus gsum mgon po rnams/ /byang chub tu ni nges mdzad pa/ /tshul khrims gsum gyi cho ga 'di/ /sdom pa'i tshul khrims bsrung ba dang/ /dge ba'i chos ni sdud pa dang/ /sems can don phyed tshul khrims gsum/ /bdag gis so sor brtan par gzung/ /sangs rgyas chos dang dge 'dun te/ /bla na med pa'i dkon mchog gsum/ /sangs rgyas rnal 'byor las skyes pa'i/ /sdom pa mchog tu gzung bar bgyi/ /rdo rje dril bu phyag rgya 'di/ /so sor yang dag nyid dug? du? slob dpon dag kyang bzung bar bgyi/ /rdo rje rigs mchog chen po la/ /nyin dang mtshan mo dus drug tu/ /sbyin pa rnam bzhi rtag tu sbyin/ /rin chen rigs mchog rnal 'byor gyi/ /dam tshig yid du 'ong ba'o/ /phyi nang gsang ba theg pa gsum/ /dam tshig so sor gzung bar bgyi/ /byang chub chen po las byung ba'i/ /pad+ma'i rigs chen dag pa'o/ /sdom pa thams cad ldan par ni/ /so sor yang dag nyid du bzung/ /mchod pa'i las kyang ci nus bgyi/ /las kyi rigs mchog chen po'o/ /byang chub sems ni bla med pa'i/ /dam pa bdag gis bskyed par bgyi/ /sems can kun gyi don gyi phyir/ /bdag gis sdom pa ma lus bzung/ /ma bsgral pa rnams bsgral bar bgyi/ /mgrol ba rnams bsgrol bar bgyi/ /dbugs ma phyin pa dbugs dbyung zhing/ /mya ngan 'das la 'god par bgyi/ /lus dang ngag dang yid kyi las/ /mi dge ba ni bcu po dang/ /bag med pa yi gnas gyur pa'i/ /chad ni yongs su spang par bya/ /theg pa dman la 'dod mi bya/ /lha dang lha min gsang ba la/ /de rnams bsnyen par mi bya'o/ /phyag mtshan 'gom pa la sogs rnams/ / dus 'di nas ni bzung nas ni/ /ji srid byang chub snying po'i bar/ /bdag gis rab tu spang bar bgyi/ /ces pa'o/ /de nyid gzung la rig pa'i dbang gis sdom pa'i slob ma'i dbang sbyin te/ de la sgom zhing slob dpon gyi chu'i dbang sbyin no/ /sngags ni aoM badzra a b+hiShiny+tsa mi ya te/ de thob pa'i slob ma la me long lta bu'i ye shes kyi ngo bo zhe sdang rnam par dag pa mngon spyod kyi las grub pa/ rnam par shes pa'i phung po rnam par dag pa'o/ /'dis ni mi bskyod pa'i rang bzhin ngo bo chu'i dbang ngo/ /de nas rin chen 'byung ldan gyi rang bzhin gyi ngo bo cod pan nam par bsams la slob ma'i dbang sngags 'dis so/ /aoM badzra bi ro tsa nI ye huM hUM phaT swAhA/ cod pan gyi dbang thob pas mnyam pa nyid kyi ye shes kyi ngo bo/ tshor ba'i phung po rnam par dag pa rgyas pa 'grub pas nga rgyal rnam par dag pa'o/ /de nas snang ba mdza' yas kyi rang bzhin gyi ngo bo rdo rje'i dbang bskur sbyin te/ sngags 'dis aoM Adya a b+hi She ka ta sta/ ba se bI re yo sh+rI he ru ka de b+hya:ai daM ta ta sarba bud+d+ha haM/ grih+Na badzra su sid+d+ha ye/ rdo rje'i dbang bskur thob pas so sor kun tu rtog pa'i ye shes kyi ngo bo 'du shes kyi phung po rnam par dag pa/ 'dod chags rnam par dag pa dbang du bya ba 'grub pa'o/ /de nas don yod grub pa'i rang bzhin gyi ngo bo dril bu'i dbang sbyin te/ e na sa na sra pa pradz+nyA naN+Da go sha no ka tri ta kra ya be he sa ta darya ba de ra gri ya dzi na ya a ratna/ rang bzhin gyi ngo bo dag pa'i bcom ldan 'das 'di dang dril bu'i dbang thob pas bya ba grub pa'i ye shes kyi ngo bo 'du byed kyi phung po rnam par dag pas las thams cad grub pa phrag dog gi nyon mongs pa spangs par bsam mo/ /de nas ming gis dbang bskur te sh+rI he ru ka de ba de tra a b+hi Shiny+tsa me sh+rI he ru ka tye te na ma to/ /kye che ge mo rdo rje zhes bya ba rnam par snang mdzad kyi rang bzhin gyi ngo bo ming gi dbang bskur thob pas/ chos kyi dbyings legs par rnam par dag pa'i ye shes kyi ngo bo nyon mongs pa gti mug rnam par dag pa zhi ba'i las 'grub pa gzugs kyi phung po rnam par dag pa'o/ /de nas dbang bskur ba sbyin te/ aoM sh+rI he he ru ru ka bde la sogs pa'o/ /de nas brtul zhugs 'di nyid sangs rgyas kyi/ /he ru ka yi lag na gnas/ /khyod kyis rtag tu 'dzin par gyis/ /brtul shugs mi phyed he ru ka / ces brjod la sngags ni/ aoM sarba ta thA ga ta sid+d+ha badzra sa ma ya tiSh+Tha e Sha twaM d+ha ra yA mi hUM ha ha ho ho/ de nyid 'dzin pa la dpa' bo chen po'i lhag pa'i bsam pas kha TwAM ga dang Da ma ru he ru ka'i yan lag gi yan lag go /rnal 'byo ma'i kha TwAM ga dang Da ma ru ste thams cad kyis rdo rje dang dril bu dang Da ma ru'i sgra dbyangs dang/ tshangs pa'i skud pa dang/ rnal 'byor ma'i bdag nyid kha TwAM ga dang rnal 'byor gyi lhung bzed do/ /'dis ni kha TwAM ga dang Da ma ru'i brtul shugs kyi dbang po de nyid kyi dus su sangs rgyas dang dpa' bo dang rnal 'byor ma dpag tu med pa la shes rab dang bde ba'i 'byung ba'i sgeg pa'i gar gyis mchod pa'o/ /sgeg pas phreng ba phyar ba 'dis/ /sangs rgyas kun rdzogs rnal 'byor mas/ /lhag par mos pa 'byung pa yi/ /phreng ba de dag gis brgyan yin/ /ces pas phreng ba'i chos kyi rnam pa thams cad kyi/ /lus can kun gyis yang dag pa'i/ /rnal 'byor ma rnams bde ba yi/ /rjes su byed pa'i glu blang ngo/ /dri dbul rgyal ba rnams nyid la/ /tshul khrims bsam gtan shes rab dang// sangs rgyas kun nas dri mchog go / spos phul yang dag sangs rgyas la/ /brtul shugs bzang pos dpa' ba yid/ /lus can bde gshegs dpag med kyi/ /ye shes dga' ba 'byung ba'o/ /chos kyi spyan ni bla med 'bar/ /pad+ma'i dbang phyug 'byung ba yi/ /ma rig mun pas byed pa kun/ /ye shes snang bas mar me'o/ /ji ltar mig sman skyes bu yis/ /'jig rten ling tog sel ba ltar/ /bu khyod kyi ni ma rig pa'i/ /ling tog rgyal ba rnams kyis bsal/ /aoM badzra ne tra ya ha ra ha ra pa Ta khraM h+ri draM spyan dbye ba'o/ /chos rnams gzugs brnyan lta bu yi/ /gsal zhing ngag la rnyog pa med/ /gzung du med cing brjod du med/ /rgyu dang las la 'byung ba ldan/ /rang bzhin dag cing bdag med pa/ /de ltar chos rnams shes par gyis/ /sems can don ni bdag med kyis/ /'on kyang nang du rnal 'byor ste// sems can kun la phan pa'i don/ /'jig rten thams cad yang dag 'phags/ /byang spyod gsang ba'i theg pa yi/ /chos kyi 'khor lo rab tu bskor/ /bskor zhing the tshom dogs med par/ /yid gnyis med pa'i sems kyis ni/ /chos kyi dung ni bla med pa/ /dri med kun tu gang bar gyis/ /des mnga' gzhu'i dbang bskur sbyin no/ /slob ma'i lag tu mnga' gzhu gtad la/ /phyogs bzhir 'gengs su gzhug go/ bdung bzhi las rnam par rgyal ba bskor ro/ /de bzhin sbyin pa'i pha rol tu phyin pa'i ngo bo de mda' yis thob pa'i gtam brjod do/ /de'i gsung gi zhi brgyas pa/ /dbang 'gug pa/ zhe sdang bcing pa la sogs pa bsad pa dang/ bskrad pa thams cad de bzhin du bsgrub pa'o/ /ral gri mig sman sa 'og rkang mgyogs ri lu rnal 'byor pa'i dngos grub/ de rnams 'dis rab tu bsgrub pa'o/ /sngar langs te rnal 'byor bdag gis bya ba thams cad bya ste/ lus bsrungs bza' ba dang/ sdom pa'i bdag nyid bsrung ba'o/ /lus srog nges par btang snyoms su bskyangs pa'i dam tshig dang sdom pa 'di dag gsungs pa'o/ /de nyid lung bstan pa ni chos gos te/ /'di ltar bdag gis lung bstan par bya'o/ /he ru ka tshul de bzhin gshegs/ /srid dang ngan 'gro rnams las bton/ /yang dag dngos grub he ru ka/ zhes bya'i de bzhin gshegs par 'gyur/ /b+hur b+hu ba swa:de nas dbugs dbyung ba ni/ /khams gsum kun gyi rgyal po che/ /rgyal por gyur nas brtan par gnas/ /de ring bdud las rgyal bar gnas/ /rab tu gnas pas mchog gi gnas/ /de ring sangs rgyas nyid thob par/ /'gyur ba nyid du the tshom med/ /'di ni dbugs dbyung pa'o/ / de nas phyir mi ldog pa'i 'khor lo'i dbang bskur ba'i don ni/ /slob mas bla ma la gsol ba gdab pa dang/ phyir mi ldog pa 'khor lo'i dbang/ /mgon po nyid gsung gis byin pa/ /'khor lo lha yi de kho na/ /slob dpon mchog gi las dang ni/ /sangs rgyas kun gyi dam tshig gi / gsang ba'i sdom ba bla na med/ /slob dpon bdag ni dus rtag tu/ /sems can kun gyi don byed pa'o/ /byang chub rdo rje sangs rgyas la/ /ji ltar sbyin pa mchod pa'i bdag /bdag kyang rab tu bsgral ba'i don/ /nam mkha' i rdo rje bdag la gsol/ /'dis ni gsol ba gdab pa dang/ yang phyir mi ldog pa'i dbang bskur ba'i dam tshig dang sdom pa sbyin no/ /slob dpon dag la smod pa dang/ /bde gshegs bka' las 'das pa dang/ /rdo rje spun la brnyas pa dang/ /byams pa chen po spong ba dang/ /byang chub sems ni spong ba dang// theg pa gsum la smod pa dang/ /skal min gsang ba ston pa dang/ bdag nyid rgyal ba phung po smod/ /dam pa'i chos la yid gnyis dang/ /gdug la byams dang chags bral dang/ /chos la mdza' gnyis tshul byed pa/ /dad pa'i sems ni bzlog pa dang/ /ji ltar dam tshig bsten pa nyams/ /rtsa ba'i lhud ba'o/ /dam tshig dang ni mi ldan pa'i/ /rig ma bsten par dga' ba dang/ /tshogs kyi 'khor lor rtsod pa dang/ /gsang ba'i chos ne ston pa dang/ /seMs can dad dang ldan pa la/ /dam chos gzhan du ston pa dang/ /sbyor ba nges par ma byas pa/ /skal min gsang bstan pa dang/ /gang zhig phyag rgya mi mkhas la/ /lus kyi phyag rgya ston pa rnams/ /kha na ma tho sbom por 'gyur/ /de nyid mi ldog pa'i 'khor lo'i dbang bskur ba'i sdom pa'o/ /slob ma la phyir mi ldog pa'i dbang bskur sbyin pa'i rim pa 'di'o/ /rtsa ba'i dkyil 'khor gyi phyi rol tu kha dog gcig pa'i dkyil 'khor la slob ma bzhag la/ /ye shes sems dpa' i snying ga'i sa bon las 'od zer spros pas lha dang dpa' o bkug la/ mchod pa dpag tu med pa la sogs pa bya ste/ de bzhin du ye shes kyi chus gang ba'i bum pa phyag na thogs pa'i de bzhin gshegs pa rdo rje 'dzin pas dbang bskur bar bsam mo/ /sangs rgyas rnams ni thams cad kyi/ /gsang gsum gnas las byung ba yi/ /khams gsum kun gyis phyag byas pa/ /rdo rje'i dbang bskur chen po sbyin/ /de nas mi bskyod pas cod pan byas pa'i dpa' o'i lha rnams kyis dbang bskur ba'o/ /aoM pra tiSh+Tha badzra swAhA/ sngagS 'di brjod par bya'o/ /dril bu'i sgra sngon du song bas me tog la sogs pa'i mchod pa sbyin par bya'o/ /de nas dkyil 'khor gyi de kho na nyid bcas pa'i gtam bya'o/ /de nas dkyil 'khor gyi de kho na nyid ni sa gzhi spyan ma'o/ /thig ni rnam par snang mdzad dran pa'o/ /kha dog ni rigs sna tshogs pa'i rtogs pa'o/ /mchod pa sna tshogs pa byed pa gzhan du'o/ /dza land+ha ra ni thugs kyi 'khor lo'o/ /au rgyan ni gsung gi 'khor lo'o/ /arbu? da ni sku'i 'khor lo'o/ /go dA ba ri ni gru bzhi pa/ /rA me shwa ri ni me'i mtshams so/ /de pi ko Ti ni bden bral gyi mtshams so/ /kA ma ru pi ni dbang ldan gyi mtshams bzhi rnam par dag pa'o/ /au ra sha ni shar phyogs kyi sgo'o/ /h+ri sha ku ne de bzhin lho/ /ko sa la ni nub sgo'o/ /ka li ga ni de bzhin byang gi'o/ /laM pA ka ni shar gyi rta babs so/ /kAny+tsi ni lho'i rta babs so/ /hi mA la ya ni nub kyi'o/ /pre ta pu ri byang gi'o/ /griha de ba ni lha snam mo/ /sau rASh+Ta ni rin po che'i brang brten no/ /su bar+N+Na dwi pa ni dra ba dang dra ba phyed pa'i sa de bzhin no/ /na ga ra ni rnga yab dril bu rgyal mtshan gdugs bad na rnams so/ /sind+hu ni rdo rje'i thog dang zlum po'o/ /ma ro dang ka liM ga ni rdo rje rin chen gyi thig gi dkyil 'khor shin tu chen po'o 'khor lo lnga ni de bzhin gshegs pa lnga'i rang bzhin no/ /ri mo nyi shu ni rang bzhin ni sa gzhi rnam par dag pa'o/ /nyi shu rtsa bzhi dpa' bo'i ngo bo'o/ /'di ni dkyil 'khor gyi de kho na nyid do/ /lha'i de kho na nyid ni byang chub kyi phyogs kyi chos sum cu rtsa bdun gyi chos kyi ngo bo nyid do/ /dkyil 'khor gyi lha 'di dag gis phyir mi ldog pa'i 'khor lo'i dbang bskur mdor bsdus pa de slob dpon gyis dbang bskur ba'i ngo bo 'di la/ /de nas slob mas bla ma la gsang ba'i dbang bskur blang bar bya'o/ /rdo rje sems khyod bde ba 'grub pa ste// sangs rgyas byang chub sems dpa' thams cad yang dag lus/ /ma chags dga' ba'i yid kyis bde chen po/ /stong nyid bsgoms pas kun nas yun rings gdungs/ /kye ma 'dod chags dri med byang chub kun bzang gis/ /spyod pa 'dod chags ngag pa rdo rje dam tshig las/ /phye mdzad dga' ba drug pos yang dag brtan/ /'dod pa'i bde ba byang sems rin chen 'bar/ /rdo rje'i chu phyung dri med rin chen char/ /rgyal ba kun gyis spyi bor dbang bskur mdzod/ /sna tshogs sems kyis sems can brlag gyur pa/ /rdo rje ye shes rab lhung pad gnas su/ /sbyor ba gzhan med ma thogs gsung du gsol/ /mnyam dang mi mnyam 'dod chags rnam dag pas/ /rdo rje sems khyod bde ba'i dbang phyug gnas/ /yang dag 'dod chags rang gi bde ba'i grogs/ /rdo rje pad+ma las byung bde bsgrub pa'i/ /spros pas gzugs ston rgyal ba'i dngos grub kun/ /sbyin pas kha ru sna tshogs 'bras bu gsol/ /'di ni gsang ba'i gsol ba gdab pa'o/ /de nas slob dpon gyis slob ma rnam par snang mdzad kyi gzugs su rdzogs pa la/ /ye shes sems dpa' dgug pa dang/ /gzhug pa dang/ bcing ba dang/ dbang du bya ba ste/ de la las kyi phyag rgya ma rigs lnga'i tshul du dmigs te/ de dang snyoms par 'jug pa byas pas/ de nas de bzhin gshegs pa thams cad kyis slob ma la dbang bskur bar bya'o/ /de bzhin gshegs pa thams cad dang lhan cig pa'i shes rab pa slob ma bdag gis a ho mahA su kha ho zhes pa dag gi lam tu btung bar bya'o/ /tshim pa de'i dus su kha dog dang dbyibs kyi bsam pa med par rnam par mi rtog pa'i sku'i tshul du bsam du med pa'i tshul bsam gtan gyi sdom pa des bsngams pa de la gsang ba'i dbang bskur ba'i cho ga'o/ /de nas don dam pa'i tshul gyis chos kyi? sku rtogs par byed pa'i chos kyi dbyings rdo rje rang 'byung ba'i byin gyis brlabs pa sbyin par bya'o/ /chos kyi dbyings rnam par dag pa'i slob ma la dam tshig dang sdom pa brjod par bya ste/ ci khyod ji ltar spro ba smros/ /bshad gci la sogs za ba dang/ /khrag dang khu ba de bzhin sha/ bud med rnams la rtag gus sam/ /b+ha ga'i pad+mar 'o byed dam/ /dbang bskur ba gnyis par gsang ba dang/ /shes rab ye shes kyi sdom pa sngon du song ba'i slob mas 'di skad brjod de/ /ci phyir lha mo bdag mi spro/ /bshad gci la sogs za ba dang/ /bud med rnams la gus par bgyid/ /b+ha ga'i pad+mar 'o bgyi'o/ /lha mo des gos med par phye la bdag gi pad+mas de nyid mthong/ /e ma ho bdag gi pad+ma 'di/ /bde ba kun dang yang dag ldan/ /ji ltar cho ga bzhin bsten na/ /de la bdag ni dang por gnas/ /chos kyi dbyings kyi bdag nyid kyis/ /dag pas sems can khams grol byed/ /rang 'byung rgyal po bde ba che/ /thams cad ngo bo nyid kyi gnas de nyid lhag pa'i bdag nyid kyis/ /rtsa yi 'khor lo rab tu mthong/ /b+ha ga'i dbus na ji ltar mkha' / /nam mkha' lnga yis rnam par brgyan/ /lte ba'i ge sar ldan pa yi/ /'dab ma brgyad pas brgyan pa yi/ /de nyid bdud rtsi'i rnam pa dkar po rtag tu 'bab/ /de'i sbyor ba bsgo bas badzra mok+Sha ho/ /de nyid sngags pas gong gi dbyings kyi dbang phyug ma'i rtsa b+ha ga'i dbus na rnam par bzhugs pa'o/ /thob par dka' bas na bla ma'i gsung las thob pa'o/ /sor mo brung? pas rtsa'i rnam pa las mchog tu dga' ba 'bab pa kha cig gi lce ba bzhag pa'o/ /pha rol phyin pa bcu'i gnas/ /stobs bcu'i dbang du byas pa'o/ /sa bcu'i steng du byas pa'o/ /rtags gsor ba yi ngo bo'o/ /de la bsgo bas bsgrub pa dang/ /nye bar sgrub pa'i rim pas rtogs par bya'o/ /rang 'byung gi slob dpon gyis nam mkha' rdo rje'i ting nge 'dzin gyi gnas yang dag pa'i rnal 'byor gyis rang rig pa'i bde ba chen po bskyed pa gang yin pa des mchog tu dga' bar byas pa ste/ dga' bral gyi dga' ba'i dbus na bsam gtan gyi mtshan ma mi phyed par bya'o/ /de la bsgrims te rdo rje skyil krung gis mtshan nyid kyi nang du song ba'i bsam gtan bya'o/ /gang gis bskyed pa'i bsam gtan shes rab so/ /ye shes de ni rnam pa brjod du med pa'o/ /chags med chags pa med pa min/ /rnal 'byor ye shes brtan pa thob/ /'di skad des ni kun byed brjod/ /skad cig thun gcig lo gcig gam/ /zla ba phyed dang zla ba gcig /lo gcig bskal pa stong du yang/ /ye shes rnal 'byor gyis bgyi'o/ /de la slob dpon gyis gsang ba'i dbang bskur/ /rang byung mthong ba 'di dag las/ /shes rab ye shes kyi tshogs slob ma la slob dpon gyi dag gis so/ /gang 'di khyod la rnal 'byor ma dang lhan cig bde ba chen po rjes su 'byung ba'o/ /de nas bzhi pa'i rang bzhin kyi ngo bo rtog pa dang bral bar bya'o/ /'di ni bde ba'i ngo bo'i man ngag go/ de nyid rig pa mthong ba'i slob ma'i spyi bor lag pa byin la/ rdo rje slob dpon des ni slob ma la/ /rig pa gzhan gyis sangs rgyas nyid mi thob/ /de nas rig pa'i chog 'di gnyis su med/ /snang ba'i chos rnams kun gyi ngo bo nyid/ /gnyis kyis mtshan ma'i ngo bo med pa'o/ /de nas 'di de sangs rgyas thams cad dang/ /rig pa'i brtul shugs kyis 'khor ba sangs te/ rjes su grol ba'o/ /shin tu rig pa 'di'i dngos grub rmongs pa rnams kyis mi rnyed do/ /de'i sngags kyi spyod pa spyad pa la sogs pa'i tshul khrims dang/ sdom pa kun tu bzang po'i spyod pa spyad pa'i sdom pa shin tu rnam par grol ba'o// thabs kyi spyod pa spyod pas lhag pa'i sems kyi sdom pa brjod par bya'o/ /de bzhin du ma/ /raM bi shaM mu/ kuM/ daM/ ha/ na bza' ? bar bya'o/ /ji lta ji ltar 'dul ba'i sems can gyi rang bzhin de/ de lta de ltar 'dod chags la sogs pa rnam par dag pa'i sems can gyi don bya'o/ /de nas sems can thams cad la phan pa'i don la/ gang kha cig dman pa de sngags dang phyag rgya'i ting nge 'dzin gyi sgo las/ las rnams bya'o/ /thams cad kyi rjes la gtor ma bcu sbyin no// bla ma la yon dbul ba/ yul glang po che/ rta rin po che/ gser la sogs pa dang/ gang gces pa rnams dbul lo/ /de nas gos la sogs pa dbul te/ slob mas smon lam gdab par bya'o/ /'di ni dbang bskur ba'i cho ga cung zad tsam mo/ /dpal ldan rnam par 'dren pa yi/ /bla mas gsung las bde rgyal pos/ /bris pa'i bsod nams gang thob pas/ /thams cad mkhyen pa thob par shog /dbang bskur gyi rim pa'i cho ga kha che'i paN+Di ta ratna sh+rI'i zhabs kyi padmo la gtugs pa/ paN+Di ta sh+rI pa ra he ta dang/ bod kyi lots+tsha ba dge slong shes rab rgyal mtshan gyis bsgyur ba rdzogs so// // */ /rgya gar skad du/ sh+rI tsakra sam+ba rai ko li ni bI ra sA d+ha naM/ bod skad du/ dpal 'khor lo sdom pa dpa' bo gcig pu'i sgrub thabs/

CLOSE WINDOW