བོད་ཡིག

e-texts based on the ACIP/ALL Input

/ //dza bo rje dang lots+tsha ba rin chen bzang pos bsgyur pa'o// //dpal rdo rje sems dpa' la phyag 'tshal lo/ /bsnyen pa'i cho ga dang/ sta gon gyi cho ga dang/ dkyil 'khor gyi cho ga dang/ dbang bskur pa'i cho ga dang bzhi'o/ /bsnyen pa la dang po skabs dang dbyer ni/ /slob ma dad pa dang shes rab dang ldan pas maN+Dal byas te/ phyag gsum byas la me tog lan gsum dbul/ /pus mo g.yas pa'i lha pas la btsugs te thal mo sbyar bas slob dpon gyis bdag la bde mchog 'khor lo mngon par 'byung ba'i dkyil 'khor gyi rgyal por dbang bskur ba stsal du gsol zhes lan gsum zhu/ 'o na bdag gis bsnyen pa bya yis/ /khyod kyis rdzas sogs shig ces gnang ba byin la/ /khro po bdud rtsi 'khyil ba'i sngags bzlas pa'i sngags su byin la srod tho rangs rgya rtsa zlos su gzhug go / de nas bdag nyid lU yi pa'i rnal 'byor ram/ dpa' bo gcig pa bsgom pa 'am/ mngal skyes kyi yang rung bas rdo rje dang do li yi bzlas pa bya/ thun bzhi'i rnal 'byor gyis spyir rtsa sngags 'bum phrag gcig gam/ yang na yab yum gyi snying po 'am nye snying gang yang rung ba 'bum/ 'khor gyi lha la khri khri sum b+ha ni 'bum phrag gcig bzlas pa ni grangs kyi bsnyen pa'o/ /yang na mtshan ma'i bsnyen pa rmi lam du lha ma dbang? bskur la rag ces gnang ba 'am brdas kyang rung ngo/ /dbang med na bzlas pa dum gcig byas la yid kyis lha mngon du dmigs te gnang bar bsams la byar rung ni bdag po'i bkas so/ /de'i tshe mchod pa lnga dang gtor ma re mchag par btang par bya'o/ /de nas bskul pa'i phyir slob mas maN+Dal sngon du 'gro bas snga ma ltar zhu ba yang bya'o/ /rdzas tshogs sam mtshogs zhes dri'o/ /kha cig ni tshogs la kha cig ni mtshogs zhes shu'o/ /de nas sdig pa bsal ba dang bsrung bar bya ba ni slob ma'i lte bar nyi ma la hUM sngon po bsams la yang de'i snying gar sdig pa kaM nag po las sha za'i gzugs ring pa rkang lag phra ba/ skra gyen du brdzes pa bsams la hUM gis 'od kyis gyen du bul te/ sna bug g.yas nas byung ba dang/ hUM de sgo mtshams kyi lha mo brgyad du gyur nas/ de rnams kyis gri gug gis bgos nas zos te/ yar hUM du song nas sna bug de nyid nas slar thim par bsam/ gsung ba ni lag pa g.yon par hA byas pas/ /rdo rje rgyu phra mi bsams la de slob ma'i spyi bor bzhag nas lus rdo rjer song bar bsams/ suM b+ha ni brgya rtsa brgyad bzlas pa rdo rje rgya tham yang de'i spyi bor gnas par bsam/ de nas de dag skad cig mas phyag gnyis pa'i he ru kar bsams la mchod pa dang gtor ma la sogs pa byas te/ mdun du slob ma'i gtso bo la sogs pas maN+Dal byed pa sngon du 'gro bas phyag byed bcug la thal mo bskyed par bya ste/ dkon mchog gsum la skyabs su mchi/ /sdig pa thams cad so sor bshags/ /'gro ba'i dge la rje yi rang/ /sangs rgyas byang chub yid kyis gzung/ byang chub mchog gi sems ni bdag gis bskyed/ /sems can thams cad bdag gi mgron du gnyer/ /byang chub spyod mchog yid 'ong spyad par yis/ /'gro la phan phyir/ sangs rgyas 'grub par shog /ces lan gsum brjod do/ /de nas snying ga dang/ lkog ma dang spyi bor dri'i thig le gsum byas la rdo rje reg pa sngon du 'gro pas hUM A:aoM zhes brjod cing rim pa bzhin du pad+ma dang 'khor lo dag la yi ge gsum po de nyid rim pa bzhin du mtshan pa/ /'og ma gnyis nya ma la/ /'khor lo la zla ba bsam par bya/ /de nas aoM pu dza ao a zhes bya ba la sogs pa brjod pas yul nyer bzhir lag pa g.yon pa'i srin lag gi reg bzhin du yul de dang de'i gnas rnams su mos par bya'o/ /de nas skyes pa la ni snying ga la sogs par aoM ha la sogs pa bsam zhing bud med la ni lte ba la sogs par aoM baM la sogs pas byin gyis brlag par bya'o/ /de nas de dag la mchod pa bya ste/ me tog ni mgo bo la'o/ /spos ni shangs la'o/ /mar me ni spyan la'o/ /dri ni thugs kar ro/ /zhal zas ni zhal du dmigs te'o/ /de yang aoM A:badzra puShpe hUM zhes bya ba la sogs pas so/ /de nas tshems shing dor bar bya ste/ mdun du ba lang gi ko ba dus gzhi ba'i lci bsang? pas byugs la pad+ma 'dab ma brgyad pa khyams gru? bzhi'i nang du chung pa bris pa la me tog gi tshom bu dgu bkod nas/ der slob ma shar ram byang du kha lta bas tshems shing ma yo ba mags pa lo 'dab kyi la kha brgyan pa can/ tsan dan gyis byugs pa la/ me tog gi phreng ba bcings la/ aoM badzra danda kaShpa? bi ma la'i shud+d+he swAhA zhes bya bas gtang ba/ cho ga bzhin bcas na/ thal mo'i bar nas dkyil 'khor gyi dbus su 'dod du gzhug go /'dir tshems shing gi mtshan ma brtag par bya ste/ shar du bltas na zha ba'i dngos grub ngo?/ /byang du bltas na rgyas pa'o/ /nub du bltas na dbang ngo/ /lhor bltas na mngon spyod do/ /gyen du bltas na rig pa 'dzin pa lha'i dngos grub po/ /thur du bltas na 'og gi dngos grub bo/ /dkyil 'khor gyi phyi rol tu song na dngos grub med do zhes brtag par bya'o/ /de nas dag dag pa'i don du bdud rtsi lnga dang sbyar ba'i dri'i chu la 'khor lo kun gyi rnal 'byor ma bzlas te/ de nas aoM h+rI:? bi shud+ha d+harmAphan ya hUM zhes brjod pas/ lag pa g.yon pa'i khyor bar lan gsum blud par bya'o /de nas yi ge nyer gnyis pa'i sngags lan gsum zlas pa'i su sha sngas dang stan gyi phyir phyin la/ rang rang gi mi gad dang lag chad kyi skud pa sum sgril? byas pa gsum pa/ gsum gyis mdud pa byas te snying po'i sngags lan bdun bzlas la dbung bar gi cing bar bya'o/ /de nas chos bshad pas spro ba skyed par bya ste/ 'jig rten du ni kun mkhyen rnams/ /au dum+ba ri'i me tog bzhin/ /bsgyal ma na ? res 'ga' zhag /'byung 'gyur yang ni mi 'byung ngo/ /gsang sngags spyod pa'i tshul 'byung ba/ /de bas kyang ni dkon pa ste/ gang gis mtshungs med sems can don/ /mya nga mi 'da' byed par nus/ /bskal ba bye ba du mar ni/ /sngon chad sdig pa gang byas pa/ /de kun dkyil 'khor 'di 'dra ba// mthong bas kyang de byang 'gyur na/ grags pa mdza' yas gsang sngags kyi/ /tshul la spyod pa smos ci dgos/ /skyob pa'i gsang sngags bzlas na ni/ /go 'phang bla na med par 'gyur/ /gang dag spyod pa mchog 'di la/ /blo gros shin tu dri med pa/ /de dag gis ni ngan 'gro'i rgyun/ /sdug bsngal kun 'byung rab tu bcad/ /gang gis khyed rnams sras bcas pa'i/ /rgyal ba rnams kyis bstan 'di la/ /bdag nyid chen po khyed rnams kyis/ /rnyed pa mnyam med de ring rnyed/ /theg pa chen po tshar 'byung ba'i/ /lam mchog 'di ni dpal dang ldan/ /gang gis khyed rnams 'byung 'gyur ba/ /de bzhin gshegs pa rnams su 'gyur/ /zhes bya ba dag gis dam pa'i chos bsgrags pa byas nas/ sum b+ha nis bsrung ba byas te/ tho rangs kyi mi lam ci mthong ba kho bo bzlos shig byas nas/ dkyil 'khor gyis gzhi'i mthar seng ge'i nyal thabs kyis nyal du gzhug po/ /slob dpon dkyil 'khor gyi khang par zhugs te/ bsrung ba'i don du sum b+ha ni bzlas par bya'o/ /zhes bya ba ni slob ma sta gon du gnas pa'i cho ga'o/ / //de nas bum pa sta gon du gnas pa brjod par bya ste/ re zhig bum pa bcu 'am drug gam gnyis sam gcig kyang rung ste/ rtsa ba dang nag po la sogs pa'i skyon med pa/ gser ram dngul lam kham pa la sogs pa'i rgyu las byas pa/ kha dog dkar por bsgyur ba rigs kyi mtshan mas mtshan pa/ 'o ma can gyi shing gis kha brgyan pa/ rigs kyi sku mdag mthun pa'i gos kyis mgul pa dkris pa/ bsti gnas kyi chu 'o ma can gyis gang ba/ tsan dan dang ga bur dang/ gur gum dang/ gla rtsi dang hu lu ka ste dri lnga dang bas pa/ bdud rtsi lnga dang rin po che lnga dang/ 'bru lnga dang sman lngas gang ba'i snod steng du bzhag ste/ 'og tu pad+ma'i gdan steng du gdugs phub la/ dkyil 'khor du rim pa bzhin sangs rgyas kun gyi mkha' 'gro ma re re bzlas te bzhag la lhag par gnas par bya'o/ /re zhig bum pa bcu'i lugs la ni/ rnam par rgyal ba la gcig /pad+ma'i snod bzhi dang bcas pa'i yum bzhi la re re/ thugs dang gsung dang sku dang/ dam tshig gi 'khor lo rnams la re re ste/ de ltar na dgu'o/ /las thams cad pa dang bcu'o/ /drug gi lugs la 'khor lo lnga la re re rnam par rgyal ba dang drug go /las thams cad pa dam tshig gi 'khor bsdu'o/ /gnyis pa ni thabs dang shes rab kyi dbye bas so/ /las thams cad pa ni gtso bo la bsdu'o/ /gcig gi lugs la ni dkyil 'khor gyi lha ma lus pa gcig tu bsdu zhing las thams cad pa yang der bsdus te/ de ni khyim pa dbang bskur ba la yin gyi/ dge tshul yan chad lam yin no/ /gcig gis ma yin par rgyud las bkag pa'i phyir ro/ /rtsa ba ni dbyibs kyi skyon no/ /nag po ni kha dog gi skyon te de dag med pa'o/ /ched kyang mchur sor nyer gcig /zheng du bcu drug/ gce'u med pa'o mgrin pa la sogs drug go /mchu la sor brgyad do/ /mgrin pa'i sgrubs la song gnyis so/ /mngon spyod pa sogs pa'i phrin las gzhan la ni tshang gzhan dang gzhan du brjod do/ /dkar por bsgyur ba ni rang bzhin gyis kha dog dkar po med pa la'o/ /rigs kyi mtshan na rnam par rgyal ba la ni chos 'byung gi dbus su sna tshogs pad+ma'i lha bar ka pA la'i nang du chud pa'i rdo rje dang rdo rje gri gug go / rigs kyi yum bzhi la ni gri gug dad ka pA la'o/ thugs kyi 'khor lo la rdo rje dang gri gug go /gsung gi 'khor lo la pad+ma dang gri gug go /sku'i 'khor lo la 'khor lo dang gri gug go /dam tshig gi 'khor lo la ka pA la dang gri gug go / las thams cad la ni sna tshogs rdo rje dang gri gug go /o ma can gyi shing ni tsU ta la sogs pa'o/ /rin po che sna lnga ni gser dang dngul dang mu men dang mu tig dang byi ru'o/ /nas dang gro dang til dang 'bras so ba dang ma sha ste 'bru lnga'o/ khri he sti dang kaN+Da ka ri dang a pa rA dzi ta dang/ daN Do ha pa la dang/ ha sa de ba ste sman lnga'o/ /pad+ma dang gdugs ni shog bu la byas pa'o/ /dkyil 'khor ni ser po 'ba' zhig las byas pa'o/ /de yang lha dang phyag mtshan med pa'i gdan dang gzhal yas khang pa'i rnam pa'i rnam pa 'ba' zhig gi bra'o/ /gal te nus pa med na sngar gyi tshams shing dor ba'i dkyil 'khor gyi rnam pa lta bu bya'o/ /de nas bum pa lhag par gnas par bya ste/ me tog la soD pa mchod pa'i yo byang sna tshogs pa dang/ gtor ma rnams sta gon byas nas/ slob dpon bdag nyid ting nge 'dzin rdzogs par bsgoms la dkyil 'khor nye bar bsdus te/ phyag gnyis pa'i ting 'dzin gyis gnas par bya'o/ /de nas skad cig mas rnam par rgyal ba'i bum pa rin dkyil 'khor gyi 'khor lo rdzogs par bsam mo// rigs kyi yum bzhi la ni yum re dang ka pA la re re'o/ /thugs dang gsung dang sku dang dam tshig gi 'khor lo'o/ /de nas 'bar ba'i sngags dang phyag rgyas rnam pa thams cad yongs su rdzogs pa'i dkyil 'khor gyi 'khor lo mdun du spyan drangs te bum pa'i lha rnams la bstim mo/ /de dag ma lus par zhu ba las ye shes kyi bdud rtsi'i chus gang bar bsam mo/ /de nas bum pa'i gnas lnga dag tu rdo rje'i phyag rgyas reg cing/ aoM badzra pad+ma a mreM ta su bi shud+d+ha d+harmA d+hA tu swa b+hA wa sarba d+harmA na su bi shud+d+ha d+hamrA d+hA tu sarba na ku ru ku ru swAhA/ / zhes lan gsum brjod par bya'o/ /de nas me tog gi phreng ba dang 'brel ba'i rdo rje bum pa'i steng du bzhag ste/ lag pa g.yon pa'i khu tshur gyis bzung ste/ lag pa g.yas pas bgrang phreng snying gar bzung nas 'khor lo'i gtso bo li ni brgya bzlas zhing/ 'khor gyi lha rnams la ni nyer gcig bzla'o/ /las thams cad dpal ni suM b+ha ni brgya rtsa brgyad bzlas nas phyi'i mchod pa lnga dang yid las byung ba'i lha mo bcu drug dang/ rin po che sna bdun gyis kyang mchod de spos snod dang/ rdo rje dril bu 'dzin pa'i lag pas/ dpal ldan rdo rje mkha' 'gro ma/ /mkha' 'gro ma yi 'khor lo sgyur/ /sku gsum ye shes lnga dang ldan/ /'gro ba'i mgon la phyag 'tshal lo/ /ji snyed rdo rje mkha' gro ma/ /rtog pa'i 'ching bag cing mdzad cing/ /'jig rten don du rab 'jug pa/ /de snyed pa la rtag phyag 'tshal/ /zhes bya bas bstod la/ yi ge brgya pa brjod de/ /gtor ma byin gyis brlab par bya'o/ /de nas dpa' bo'i dga' ston dang/ tshogs kyi 'khor lo byin gyis brlab par bya'o/ /zhes bya ba ni bum pa lhag par gnas pa'i cho ga'o// /de nas rdul tshon gyi dkyil 'khor ni dkyil 'khor bsgrub par bya zhing ras ris la ni dkyil 'khor mngon du dmigs te/ bdag 'jug byas nas slob ma la dbang bskur bar bya'o/ /de la phyogs bzhir slob dpon bzhi 'am bdag gcig bu yang rung ste/ bdud rtsi lnga dang bcas pa'i dri chus khrus byas nas/ /gos dang phyag rgya lnga la sogs pa'i rgyan gyi chas su zhugs la dkyil 'khor gyi lho phyogs nas kha byang du bltas te/ stan 'thon po la 'jug par bya'o/ /de nas yang snga ma ltar ting nge 'dzin rdzogs par bsgoms te/ phyag gnyis pa'i ting nge 'dzin la gnas nas go rims bzhin du dbang bdun dang/ dbang gsum pa dang/ bzhi pa'i mthar thug pa rnams dkyil 'khor gyi gtso bo las blang bar bya'o/ /de ni bdag 'jug pa'o/ /de nas slob ma gzhug pa ni/ yol ba'i phyi rol du maN+Dal byed du bcug la phyag gsum byas te/ me tog snyim par bzung nas gnas pa la slob dpon gyis nang nas kastwaM b+ho zhes brjod par bya'o/ /bde chen bdag ni bskal pa bzang zhes bya ba ni slob ma'i lan no/ /de ltar lan gsum bya'o/ /dgos pa ci'i phyir 'jug / phyag rgya chen po'i dngos grub kyi phyir ro/ /zhes slob ma'i lan no/ /de nas dung chos spyi bor bzhag ste/ khyor par chu lan gsum blud la/ sum b+ha ni bzlas pa'i ku sha'i chus bsang ba bya'o/ /de nas dbab pa'i cho ga bya ste mtsham chen bdud rtsi lnga dang bcas/ dur khrod ngas la byugS nas ni/ /bsdus pa'i phye ma cha gcig dang/ /byi la nag po'i bshad ba ni/ /de mnyam cha ni gcig tu bya/ /de rnams gu gul nag por sbyar/ /dur khrod sol ba blangs nas ni/ /mchod yon snod du bdug pa sbyar// sku yi dkyil 'khor rdzogs par ni/ /slob ma'i lus la rab bkod de/ /de las byung ba'i 'od zer gyis/ /dpa' bo mkha' 'gro ma yi tshogs/ /rgyun mi 'chad par 'jug par bsam/ /slob ma'i lag nas bzung nas ni/ /sangs rgyas kun gyi mkha' 'gro ma// rtse gcig sems kyis bzlas par bya/ /de la sku babs na ni 'phar ba la sogs pa lus kyi rdzu 'phrul 'byung ngo/ /gsung babs na ni dbang pos mi sod pa'i don rnams smra bar 'gyur ro/ /thugs babS ni na mngon par shes pa lnga la sogs pa'i yon tan 'byung ngo/ /ye shes babs na ni bsam gyis mi khyab pa'i ting nge 'dzin la gnas par 'gyur ro/ /de nas dbab pa bsdus la/ lag pa spyi bor bzhag ste/ snying po'i sngags de nyid lan bdun bzlas pas bsrung ba bya'o/ /de nas go bskon bar bya'o/ /de na suM b+ha ni bzlas pa'i chus dbangs? pa'i sna tshogs pa'i mdog gam kha dog ser po'i dar ras kyis gdong g.yogs bcings la stod g.yogs dang smad g.yags kyang sbyin no/ /de la gdong g.yogs bcing ba'i sngags ni/ aoM dwa da sha aM ga ni rod+ha ka ri Ni hUM phaT/ /de nas brtul zhugs dbog par bya ste/ 'gro ba 'phrod pa rnams kyi brtul zhugs spyin bya de dag ni/ srog gcod mi bden gzhan nor gzhan gyi chung ma de bzhin chad gi btung ba spongs/ /'khor bar rdo rje zhags pas rang gi dge ba 'joms byed sdig pa lnga po 'di dag yin/ /gang dag gang gi dus byung sum nu mi yi bla ma de yi mtshan gyis rab tu sbyin bya ste/ snogs tshogs gtso bo srid pa'i 'jigs pa 'joms mdzad bka' 'di khyod kyis kyang ni bskyang bar bya/ /cho lo kha na mtho'i zas dang brjod ngan 'byung po lha min dbang po'i chos/ /ba lang bud med skyes rnams de yi bla ma lnga po la yang gnod mi bya/ /snying grogs la 'khu rje dpon de bzhin sum cu mi yi bla ma yid ches dge 'dun la'ang/ /dbang po rnams kyi chags pa zhes byas yi bdag po'i brtul zhugs nyi shu rtsa lnga yis/ /de ltar brtul zhugs phog nas/ de nyid gsum lan bdun bzlas pa'i me tog gcig lag pa'i pad+ma'i dbus su gtad la sh+rI he ru ka ya padmi he bidyA rA dzA ya d+hi ma he swAhA zhes bya bas nang du gzhug par bya'o/ /de nas rdo rje slob dpon gyis lag pa nas bkri zhing/ las kyi rdo rje phyi bzhin 'brang bas dkyil 'khor lan gsum skor ba byas te/ dang por rigs des par bya ba'i phyir/ dkyil 'khor gyi shar sgo nas/ slob dpon gyi bden pa bdar ba sngon du song bas me tog 'dor du gzhug go /de las bden pa bdar ba'i tshig ni/ don dam smra ba'i seng ge rnal 'byor zhes bya ba/ /srid pa'i nyon mongs gcod pa'i don la shin tu mkhas gyur pa/ /srid pa'i nyes brgyad bskyod pa'i nyon mongs choms mdzod la/ /rnal 'byor don dam rgyal po'i de nyid grub pa mdzad du gsol/ /de bzhin gshegs pa kun gyi gnas/ /he ru ka dpal grong khyer mchog /snying po'i dkyil 'khor 'di ru ni/ /bdag gi slob ma gzhug par bgyi/ 'di yi dngos grub cir gyur dang/ /rigs gang la ni sgal ldan dang/ /bsod nams ci 'dra las byung ba/ /de 'dra dkyil 'khor 'di ru shog / aoM sarba ta thA ga ta ku la bi sho d+ha ni swAhA/ zhes brjod la hUM zhes brjod pas lag pa'i bar nas dkyil 'khor gyi dbus su me tog 'dor du gzhug go /de nas aoM de pain+d+ri? ya aud+ga TA ya swAhA/ zhes bya bas gdong g.yogs bkrol la dkyil 'khor dang lha'i de nyid dang me tog lhang? ba'i gnas dang/ rigs rnams bstan par bya'o/ /de nas de bzhin du bskor bas/ byang phyogs kyi sgor khyer te/ bum pa gzhan gyi dung tshos las rnam par rgyal ba'i dung chos su me tog 'dor du gzhug go / nyung zad nyung zad blugs la lag pa g.yon pa'i mthe bo dang srin lag gis skyes pa'i gnas lnga dag tu dung chos kyi chus sngags 'di dag gis bsangs la/ de nas ku sha'i chus khams lnga dag par bya ba'i phyir lan gsum du chu'i dbang bskur bar bya'o / de la sngags ni aoM A a'i rI a'u lI pany+tsa skrand+ha? bi sho d+ha ni swAhA/ de nas sngar bzhin gnas lnga dag tu aoM a ai ri au li pany+tsa ta thA ga ta bi shud d+ha swAhA zhes bya bas bsangs la/ ri mor bris pa'am 'dur du bskos pa'am gos kyi yang rung ste/ rgyal ba'i rigs lnga'i bdag nyid can gyi cing? pan bskon par bya'o/ /'dis ni phung lo lnga dag pa yin la de ltar byang phyogs sku yi sa bzhir chu cod pan gnyis kyis lus dag par byed pa'i dbang yin no/ /de nas de bzhin du bskor bas lho'i sgor khyer te/ shes rab pha rol phyin ma dag par bya ba'i phyir sngar bzhin skye ba'i gnas lnga dag tu dung chos kyi chus aoM a A ai ha hA ha:ho phreM da sha pA ra mi tA pa ri pU ra Ni swAhA/ zhes bya ba 'dis bsangs la bser dam dngul lam dang la sogs pa yang rung ste/ dar dpyangs bcing bar bya'o/ /de nas nyi zla dag par bya ba'i phyir sngar bzhin skye ba'i gnas lnga dag tu aoM sU rya tsan+d+ra bi sho d+ha ka swAhA zhes bya bas bsangs la rdo rje dril bu snying gar lan gsum bsnol ba mngon du 'gro bas spyi bor bzhag par bya'o/ /de ltar lho phyogs gsung gis gzhir ngag dag pa'i dbang rnam pa gnyis/ /de nas thugs rdo rje dag par bya ba'i phyir shar sgor khyer te yul dang dbang po dag par bya ba'i phyir/ sngar bzhin skye ba'i gnas lnga dag tu aoM a A e ai ar Ar ao aau/ /a la A la bi Sh+yen+d+ri? ya bi sho d+ha ni swAhA/ zhes bya bas bsangs la/ spyi bo dang mgrin pa dang rna ba dang dpung pa dang lag pa dang skra rags dang/ rkang pa dag tu me tog gi phreng ba bcu bcings la/ lag par rdo rje'i sor gdub gtad pa ni rdo rje brtul zhugs kyi dbang ngo/ /de nas nyon mongs pa can gyi yid dag par bya ba'i phyir snga bzhin skye ba'i gnas lnga dag tu aoM ha hA ya lA ra rA wa wA la lA tsa tur prahma pi h+Shipa? shut+te swAhA zhes bya bas bsangs la sngar gyi me tog lhung ba blangs la spyi bor bzhag ste/ me tog gar babs pa'i rigs dang mthun pa'i ming gis dbang bskur bar bya'o/ /de ltar brtul zhugs dang ming shar phyogs thugs kyis gzhir sbyin no/ de nas nub sgo ye shes sa gzhir khyer te ye shes dag par bya ba'i phyir sngar bzhin skye ba'i gnas lnga dag tu aoM k+Sha d+harma tsakra pra barta ka swAhA/ zhes bya bas bsangs la rdo rje bril bu lag tu gtad de/ rnam par dag pa'i lam ston pa'i phyir rjes su gnang ba'i dbang sbyin par bya'o/ /de nas phyi'i ngag dag pa sngon du song bas bum pa dang gsang ba dang shes rab ye shes kyi dbang khyim pa'i phyogs dang rab tu byung ba'i phyogs la ri pa bzhin du 'am tshig gis brda sprad par bya'o/ /dbang bdun gyi rjes la 'am skabs 'dir yang rung ste/ rigs drug gi dam tshig dang rtsa ba'i ltung ba la sogs pa'i dam tshig dbog par bya'o/ /de ltar na rang don gyi dbang rnam pa bcu ste 'jig rten pa'i dbang ngo/ /'jig rten las 'das pa tha snyad pa dang/ mtshan nyid pa'i dbye bas gnyis te/ tha snyad pa ni khyab bdag rnam pa gsum gyi dbang yin la/ mtshan nyid pa ni bsgom pa las byung ba'i ye shes nang gi byang chub kyi shing dru? hu? thob pa gang yin pa ste/ rgyas par ni bla ma'i man ngag las shes par bya'i/ /gang phyir dbang gi don la ni/ chen po rnams sbyar te stog 'dzin pa rnams la 'di skad ces brjod par bya'o/ /kha cig gsang sngags grub don du/ /dkyil 'khor 'dir ni 'jug par byed/ bsod nams 'dod pa de las gzhan/ /gzhan dag 'jig rten gzhan don gnyer/ /'jig rten pha rol don gnyer bar/ /dad? pa mang du byed pa yis/ /blo ldan dkyil 'khor 'jug bya yi/ /tshe 'di don du gnyer mi bya/ /tshe 'di don du gnyer ba la/ /'jig rten pha rol don mi 'byung/ /'jig rten pha rol don gnyer mis/ /tshe 'dir yang ni 'bras bu rgyas/ /zhes bya bas 'jig rten pa'i dngos grub kyi phyir min gyi/ 'jig rten las 'das pa'i dngos grub kyi phyir bsam pa brtan po la sbyar bar bya'o/ /'khor ba'i dgra las rnam rgyal ba/ /dpa' chen khyed bdag ston pa bas/ /slob dpon khyod ni dgongs su gsol/ /byang chub chen po'i tshul bstan pa/ mgon po chen po bdag 'tsha'o/ /dam tshig de nyid bdag la gsol/ /byang chub sems kyang bdag la gsol/ /sangs rgyas chos dang dge 'dun te/ /skyabs gsum dag kyang bdag la gsol/ /thar pa chen po'i grong mchog tu/ /mgon pos bdag ni 'jug tu gsol/ /zhes lan gsum bzlas/ /zhes bya ba ni slob ma gzhug pa'o/ /de nas slob dpon bdag nyid skad cig mas rang gnang gi rig ma dang/ gnas lngar byin gyis brlabs pa byas nas/ slob ma rnams zhal nas gzhug pa'i sbyor bas/ thig le'i rnam par zhu ba dang/ lhan cig skyes pa'i mthar yum gyi lhums su spros la/ grangs ji snyed pa nge snyed kyi hUM gi rnam par bsams la de dag yongs su gyur pa las/ phyag gnyis pa'i he ru kar bsams to de nas de dag rdo rje'i lam nas drangs te thugs kha nas phyung la/ mdun du rang la mngon par phyogs par sna tshogs par ma'i gang na re re la 'khod do par bsam mo// /de nas de dag la mchod pa lngas mchod la/ 'di skad ces brjod par bya'o/ /bu tshur theg pa chen po la/ /khyod ni tshul chen snod yin te/ /gsangs sngags spyod tshul cho ga ni/ /khyod la yang dag bstan par bya/ /sku gsung thugs kyi rdo rje can/ / dus gsum byung ba'i sangs rgyas rnams/ /de dag gis kyang gsang sngags kyi/ /cho ga bzang po 'di mkhyen nas/ /dpa' bos byang chub shing drung du/ /thams cad khyen pa mtshan med brnyes/ /gsang sngags sbyor ba gtam? med de// skyob pa dpal ldan he ru kas/ /bdud sde shin tu mi bzang pa'i/ /dpung tshan dag kyang des bcom ste/ /'jig rten 'jug pa yongs mkhyen nas/ /'khor lo bskor nas mya ngan 'das/ /de bas kun mkhyen thob bya'i phyir/ /bu yi blo gros 'di gyis shig / ces bya ba ni rjes su gnang ba sbyin pa'o/ /de nas sems kyang rmongs pa'i phyir/ /dam pa'i man ngag la brten nas/ /dbang gi de nyid gsal bar bya/ /dpal ldan dang po'i sangs rgyas dang/ /rdo rje mkha' 'gro gur dang ni/ /de bzhin sgyu 'phrul dra ba dang/ /bde mchog la brten lung gi rkyen/ /grong khyer suM b+ha ri'i rgyal bo'i sras/ /dpal 'jigs byed lha'i zhal snga nas bstan pa/ rgyal po seng ge gdan gyi rnam par dag pa'i lam gyi dbang bskur ba'i rab tu bya ba rdzogs so/ / //rgya gar gyi mkhan po de nyid kyi spyan sngar/ bod kyi lots+tsha ba shAkya'i dge slong grags 'byor shes rab kyis bsgyur ba'o/ /log par dang pa'i skye bo rnams/ /lam 'dir dbang pa ma yin no/ /de phyir dbang bskur dam pa 'di/ /bla ma rje yi bdag la gnang/ /phyi robs gdul bya skal ldan mis/ /bla ma dam pa rtag bsten pas/ /bla ma 'di rim gyis bgrod byas te/ /mi 'gyur ye shes mchog thob shog// dbang gi cho ga'i rim pa bzhugs/

CLOSE WINDOW