བོད་ཡིག | e-texts based on the ACIP/ALL ![]() ![]() |
/khyod kyi rnam sprul mthong thos dran pas kyang/ /mgon po khyod kyis gdul byar gzung du gsol/ /dpal 'khor lo sdom pa'i stod pa slob dpon me tri bas mdzad pa rdzogs so// //dpal he ru ka la phyag 'tshal lo//
chos dbyings rnam dag dbyings las ma g.yos kyang/ /thabs kyi khro bo'i skur ston gdug pa 'dul/ /che ba'i che mchog lta yi lhar gyur pa/ /kun bzang he ru ka la phyag 'tshal lo/ /bdag med dbang phyug sku dang gnyis med cing/ /bde mchog 'od gsal dag pa'i dkyil
'khor nas/ /rgyal bsras bcas la sogs sprin 'phro ba/ /rdo rje phag mo'i sku la phyag 'tshal lo/ /dus gsum bde bar gshegs pa'i ye shes sku/ /'khor 'das stong par mdzad pa'i thugs rje yis/ /gdul bya kun mkhyen sa la 'god mdzad pa'i/ /rigs lnga bde bar
gshegs la phyag 'tshal lo/ /nam mkha' lta bu thams cad thogs med cing/ /'dod dgur bsgyur ba'i rdzu 'phrul lus dang ldan/ /thugs dam dbang gis bsgrub la brtser dgongs pa/ /gnas gsum mkha' 'gro'i tshags la phyag 'tshal lo/ /nyon mongs rnam dag ye shes sku
brnyes ba/ /srid pa'i 'khor lo ma lus gcod pa'i phyir/ /thabs mkhas thugs rjes 'gro ba'i dren mdzad pa/ /rgyal gnyis rdo rje'i zhabs la dad pas 'dud/ /lha mi'i longs spyod phun tshogs thams cad dang/ /kun tu bzang po'i mchod sprin chen po dang/ /gsang dang gsang rab gsang
chen bla med kyi/ /mchod pa'i sprin chen rgya mtsho dag gis mchod/ /bdag gis lus dang ngag dang yid kyis kyang/ /chags dang zhe sdang rnam par rmongs sems kyis/ /srid pa nyams ngar sdig pa ci bgyis pa/ /des na sdig pa thams cad rab tu bshags/ /rdzogs sangs rgyas mgon
byang chub sems dpa' mchog/ 'phags pa rnams kyis dge ba gang bgyis ba/ /de dag bla med byang chub 'bros thob par/ /ma lus pa la rtag tu rjes yi rang/ /rdzogs sangs rin chen rang gi sems gnas dang/ /rtog pa'i dra ba rab dral dam pa'i chos/ /sa dbang tshogs dang brtul
zhugs dge 'dun la/ /rab tu dang pas bdag ni skyabs su mchi/ /rgyal dang rgyal nyid legs skyes de dag la/ /kun nas kun tu bdag nyid bdag gis dbul/ /sems dpa' mchog gis bdag ni yongs bzhes shig/ dad pas bdag nyid khyed kyi 'bangs su mchi /blo bur nyon
mongs tshogs kyis gdungs pa yis/ /bskyod pa'i skye bo mdza' dag bsgral ba'i phyir/ /dam chos bdud brtsi'i sngags rnams bshad pa ru/ /sman mchog mgon po la ni bdag gsol lo/ /mchog tu mi dge ba ni rab bcom pas/ /bdud kyi skye rgan dang 'chi las grol/ /mya
ngan 'da' bzhed gyur pa spang bar ni/ /sman mchog mgon po la ni bdag gsol la/ /sangs rgyas 'jig rten gang byung ba/ skal ldan byang chub sems dpa' yis/ /byang chub tu ni sems bskyed ltar/ de ring nyid du sems bskyed do/ /tshul khrims kyi ni bslab pa dang/ /dge
pa'i chos ni sdud pa dang/ /sems can don byed tshul khrims gsum/ /de bzhin brtan por gzung bar gyi ya/ /ji ltar phyogs bcu'i rgyal ba yis/ /sngon gyi bde gshegs grangs med la/ /thugs bskyed dam tshig dpag med dag 'tshang rgya bar dum btang
ltar/ bdag ni deng nas byang chub par/ /lus srog ltos pa med par yang/ /bslab 'di mgon bzhin bsrung la gnas/ /ye shes thugs kyis dgongs su gsol/ /rnam rtog ye shes lngar gyur pa/ /rtag tu bsten cing spyod par bya/ /rgyal ba rigs lnga'i brtul zhugs dag/ srog
gi phyir yang mi gtong ngo/ /sku gsung thugs kyi rdo rje dag/ rtag tu mi phyed brtul zhugs bzung/ /rgyal bas dgongs te gsungs pa yi/ /dam tshig bzhi po bsrung bar bgyi/ /rtsa ba'i ltung ba bcu bzhi sogs/ /rig sngags 'char kun mi 'da' ltar/ /deng nas bla med byang
chub par / bdag gis tshul bzhin bsrung bar bgyi/ nyin dang mtshan mo lan gsum du/ /zla rer bcu phrag gnyis po dang/ /bco lnga la ni rab tu mchod/ /theg pa dman la 'dod mi bgyi/ /sems can la yang rgyab mi phyogs/ /'khor ba dag kyang mi spang zhing/ /mya ngan 'das
la dgar mi 'gro/ /dpa' bo rnal 'byor ma kun la/ /gus pas bsnyen bkur mchod par bgyi/ /bdag gis sems can thams cad la/ /brnyas pa nyid du mi bgyi'o/ /phyag rgya bzhon pa mtshan cha dang/ /mtshan ma 'gom par mi bgyi'o/ /bdag gi dus gsum dge ba ci spyad
pas/ /nam mkha' i mthas klas gyur pa'i sems can rnams/ /bla med theg pa chen po'i snod gyur nas/ /kun kyang rdo rje 'dzin pa'i bdag nyid shog/ skye zhing skye ba dag ni thams cad/ /blo ldan rigs bzang nga rgyal med pa dang/ /snying rje che ldan bla ma la dad cing/ /'khor lo bde
mchog dam tshig la gnas shog / rdo rje dril bu la sogs rtag tu 'chang/ /zab cing rgya che'i chos ni rtogs pa dang/ /kak+ko shu kra la sogs rtag za zhing/ /mthar thug theg chen sgrub pa'i skal ldan shog/ deng nas byang chub snying por mchis par du/ /bcom ldan bde gshegs
kun tu bzang po dang/ /gsang ba'i theg pa dbyer med rmad byung dang/ /mi 'bral tshul bzhin rtag tu bsgrub par shog /sgrub mchog 'di la bar chad mi 'byung zhing/ /tshe 'di la sogs skye ba bdun bar du/ /dpal ldan bde mchog 'khor lo chen po yi/ /zhabs rdul bre 'bru spyi
gtsug gnas par shog / gang tshe 'gro ba'i mgon la blta ba dang/ /phyir zhing cung zad 'dri bar 'dod na yang/ /bcom ldan bde gshegs thugs kyi bdag po ni/ /thams cad sgrib med sa ler mthong bar shog /phyogs bcu nam mkha' i khams dang mnyam pa yi/ /sems can
ma lus byang chub dgod pa'i phyir/ /thub pa'i dbang po'i spyod pa ji lta bar/ /bdag gi spyod pa'ang de dang 'dra bar shog/ sems can kun gyi sdug bsngal bdag la smin/ /bdag bde dge pas de kun bde thob shog/ tshe ring kun tu sgo gsum rin chen dang/ /bum bzang dpag bsam sa
sogs lta bur shog/ mgon po kun mkhyen thugs rje'i byin brlabs dang/ /sgrub pa mchog la rtse gcig sbyangs pa yis/ /bde mchog mkha' 'gro'i dngos grub mchog thob nas/ /sems can thams cad smin pa'i mthu ldan shog /dbang dang mngon shes so sor rig pa dang/ /gzungs
dang rnam par thar pa'i sgo rtogs nas/ /nam mkha' i mdza' klas gyur pa'i sems can rnams/ /gnas dang nye ba'i gnas sogs bgrod par shog/ ting 'dzin mang pos gdul bya'i rgyud mkhyen nas/ /thams cad 'dun na sngags kyi gzugs kyis ni/ /sna tshogs nam mkha' khyab
pa'i chos bstan pas/ /zhing dang nye ba'i zhing sogs bgrod par shog /bde gshegs spyan sngar gnas gsum mkha' 'gro yis/ /dam bcas bsrung zhing dngos grub mchog rtsol ba'i/ /thugs dam bzhin du rtag bsrung dngos grub ni/ /rnam gsum tshe 'di nyid la stsol par
shog/ 'chi tshe mgon dang dpa' bo mchogs kyis/ /me tog rgyal mtshan gdugs sogs thogs nas kyang/ /rol mo glu dang sgra snyan tshogs mchod nas/ /mkha' la spyod pa'i gnas su khrid par shog /sgang cig de la snang ba gsum thob nas/ /gsal dang rtags snang rang gi
rigs rtogs te/ /dur khrod la sogs rgyal nyid sa thob nas/ /tshan do la sogs sa la bgrod par shog/ shin tu rnam par dag pa kun gyi mchog /gdod nas rnam par grol ba de bzhin gshegs/ /kun tu bzang po kun gyi bdag po yi/ /sras kyi
dbang po nyid du bdag gyur cig / sa gsum mthar phyin gsum phrag gsum gnas gyur/ /shes brgyad gyur pas ye shes lngar gyur te/ /ye shes chos kyi dbyings dang dbyer med pa'i/ /chos sku byang chub snying po thob par shog /chos dbyings las byung nam mkha' i mtshan
nyid 'dra/ /thog ma dang ni tha ma med pa'i bdag /sems dpa' rdo rje thugs kyi bdag po ru/ /rdo rje sems dpa' nyid du bdag gyur cig /dngos grub ma lus pa ni kun gyi bdag/ dbang phyug chen po lha yi lhar gyur pa/ /stug po'i rgyan gyur ma lus kun gyis brgyal//
mi 'gyur dam pa nyid du bdag gyur cig/ /nyon mongs rnam dag ye shes sku brnyes pas/ /'dod chags kun gyi rjes su rab chags la /'dod chags me kun rang bzhin rnam dag nas/ /gsung gi dbang phyug nyid du bdag gyur cig/ nga rgyal rnam dag mnyam nyid lhun gyis
phrug/ yon tan yid bzhin brgya tshan mkhar 'dra bas/ /gdul bya rdzogs sangs nyid du re skor ba/ /bya ba bdag rdo rje nyi mar bdag gyur cig /phrag dog dag pas bya ba grub brnyes shing/ /phrin las rgya mtshos gdul bya dpag med rnams/ /grub mchog phyag rgya che la 'god
mdzad pa'i/ /bde gshegs gdon mi za bar bdag gyur cig/ dus gsum bde bar gshegs pa kun gyi bdag /dpal ldan bde mchog 'khor lo'i skur grub nas/ /nam mkha' dag dang mnyam pa'i mthu stobs kyis/ /'khor 'das ma lus 'dren pa'i dpal du shog
dpal 'khor lo bde mchog gi rgyun bshags rgyas pa slob dpon b+hu ri bas mdzad pa rdzogs so/ / //dza bo rje dang lots+tsha ba rin chen bzang pos bsgyur pa'o// //dpal rdo rje sems dpa' la phyag 'tshal lo/ /bsnyen pa'i
cho ga dang/
CLOSE WINDOW